آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
20-05-19, 08:38 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  أشتـاق لك وأحن لك وأنته عمري وأدريبك أنك مثلي تشتاق وتــحــن،اماراتية ،كاملة
التعديل الأخير تم بواسطة فيتامين سي ; 27-05-19 الساعة 01:14 AM | |||||||||||||||||
|  |
|
20-05-19, 08:41 AM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الروايه هنـــــــــــــــــــــا مرحب السلام عليكم شحالكم شخباركم يا اعضاء منتدانا الغالي بصراحه فيه ناس شجعوني اني انزل القصه فالمنتدى اقولهم مشكورين وهم عارفين عمارهم هالقصه اسمها أشتاق لك وأحن لك وأنته عمري وأدريبك أنك مثلي تشتاق وتحن لوول القصه من تاليفي وهي اول قصه اكتبها ^_^ واتمنى انها تنال على رضاكم واعجابكم القصه 12 جزء وبنبدى بالجزء الاول الجزء الاول اول شي خلنا نقول شخصيات القصه اولا: عايله حمد العامري حمد الاب طبعا وعمره 42 وحرمته اللي هيه فاطمه متوفيه من 4 سنوات سلامه حرمت حمد تزوجها قريب بعد اصرار بنته عليه وهيه مطلقه ولا عندها عيال شيخه بنت حمد عمرها 20 سنه ثانيه جامعه الامارات وطبعا هيه بطلتنا لهذي القصه سيف عمره 22 سنة يشتغل في شركه ابوه مب متزوج محمد عمره 24 متزوج وعنده توام وحرمته اسمها شمه عياله احمد وحمد ثانيا: عايله علي العامري علي يصير ولد عم حمد العامري وهوه متوفي من سنتين عايشه حرمه علي سالم وهو كبر محمد حمد ومتزوج بعد ( متزوجين بنفس الليله) وحرمته حصه وعندهم شوق وميثا سعيد كبر سيف عمره 22 سنه ويشغل ويا سيف بعد فشركه حمد وهو بطلنا في هالقصه شهد كبر شيخه وهن يدرسن بالجامعه نفس الكليه لكن التخصص غير شيخه تخصصها رياضيات وشهد كيمياء غالبا ياخذن المساقات اللي نفس الشي مع بعض ودايم يكون بريكهم نفس الشي وشهد وشيخه روحين بجسد يعني ابد ما يفترقن عن بعض وطبعا سعيد بعد دايم ويا سيف بس علاقتهم مو نفس علاقه شيخه وشهد يعني بس سوالف ومصخره وحواطه مع بعض ثالثا: محمد الشامسي محمد اخو سلامه حرمت حمد نوره حرمت محمد حميد ولد محمد وعمره 23 سنه يشتغل فالشرطه وهوه ولدهم الوحيد وما يابو حد غيره طبعا فيه عوايل غير هذيلا بس دورهم مب رئيسي عسب جيه ماذكرتهم ويوم بذكرهم بقولكم هم منو وطبعا كل الادوار اغلبها بتكون فالعين لاني من العين واعرف مناطقها عدل يالله نبدى القصه في يوم 21 مارس اللي هوه عيد الام كان فيه احتفال في الجامعه وفي الحفله بتحظر صاحبه السمو الشيخه فاطمه بنت مبارك حرم الشيخ زايد بن سلطان رحمه الله وطبعا شيخه وشهد قرروا انهم يحضروا الحفله وباصرار كبير فهن دوامن دوام عادي وقالن انهن بيلسن الين الحفله طبعا هن ومعاهن شله كبيره وتموا سوالف وضحك وجيه طبعا يمضن الوقت الين الحفل والحفل كان راح يبدى الساعه سبع بالليل ومر الوقت بسرعه وما حسن فيه الين الساعه سبع وراحن صوب مكان الحفل ويلسن طبعا جدام اول شي حضر محمد الكثيري وغنى الهم حلاة التلاقي وطبعا الكل ربشه وحشره ورد غناها مره ثانيه وباخر الاغنيه حضرت الشيخه فاطمه الله يحفظها طبعا حاضرات حريم شيوخ الامارات السبع كلهم وشي اكيد الشيخ نهيان بن مبارك رئيس التعليم العالي وطبعا الحفل كان ولا اروع خاصه الالعاب الناريه احلى ما فالحفل كانت روووووووووووعه والكل مستنانس بها. خلاف الساعه 9:10 اتصل ابو شيخه وقاللها هاه شو خلصتي قالت هيه يعني الحين يختمون قال انا عقب نص ساعه بكون عند الباب قالتله اوكيك وطبعا شهد اتصلت على سالم وهوه اللي ردها للبيت طبعا شهد وشيخه كانن تعبانات لدرجه فضيعه فسارت شيخه ركبت السيارة) طبعا شيخه اقرب شخص لابوها ودايم تسولف معاه ويوم تروح وياه بالسياره تركب جدام معاه وهيه كانت تشبه المرحومه امها وابوها يحبها كثير وحتى يغليها اكثر من خوانها كلهم ) ويلست طبعا فالسياره جدام وهيه تعبانه حيل والابو مسكين رحمها كان يسولف معاها بس هيه من التعب ما تقدر تسولف بس ترد عليه هيه ولا لا وبعين مغمضه بعد. وتوه بيوصل البيت كان سعيد توه طالع من بيتهم وتلاقى وياه طبعا هوه شافه وشاف شيخه ( كان اول مره يشوفها ) وانصدم من اللي شافه طبعا شيخه مش انها وايد حلوة يعني كانت حلاتها عاديه كاي بنت بس سعيد حس بشي غريب لما شافها شكلها بريء كانت راقده وحاطه ايدها على خدها من التعب طبعا وهوه من نزل من سيارته يسلم على ابوها وهوه ماخاز عينه عنها طبعا شيخه ماهي داريه بشي والابو ماهانت عليه بنته يويعيها المهم اول ما وصل البيت وعاها قالها يالله قومي وصلنا البيت هيه نزلت ونزلت تلفونها معاها بس على شان تحطه عالمنبه وقالت حق ابوها انه باجر عندها دوام الساعه 10 الصبح قالها ابوها خلاص بوديج. وسعيد من شافها انقلب حاله ما يعرف شو اللي صار له بس صورتها ماطاعت تخوز من باله ابد وطول الليل والحبيب مب راقد كل ماايي يرقد يتهيء له صورة شواخ ما عارف شو صار له وقلب حاله جذا حاول يرقد بس ابد ماياه رقاد. شيخه من نزلت من السياره على طول سارت ورقدت ومادرت بعمرها غير الساعه 9:30 ابوها داق عليها نشت عاد وهيه بعده التعب ماثر عليها شيخه: اووووووووف الساعه جم ياويل حالي ماشي بقى عن الساعه 10 وطبعا نشت بسرعه وتغسلت وبسرعه صاروخ عالسياره سلمت على ابوها وركبت السياره وتموا يسولفون الين ما وصلت الجامعه الابو: هاه الغاليه متى تخلصين عشان امر عليج شيخة: ابوي الله يهديك بس الحين من كم شهر نحن نداوم وبعدك كل يوم تنسى الابو: اسمحيلي والله اشغال الدنيا تنسيي الواحد وانا يبوج تراني كبرت وصرت شيبه شيخة: اسمع انت منو يقول انك شيبه انت شباب بعدك ابويه وانت اغلى ما عندنا فهالدنيا فديتك والله ولا شي انا اصلا كنت اتغشمر معاك ادري الشغل هاد حيلك ابويه انا اخلص 12 الابو: خلاص يالغاليه امرج 12 والحين يالله بسرعه تراج كنج تاخرتي على كلاسج شيخة: هيه والله اوف تاخرت يالله ابويه حياك اشوفك خلاف مع السلامه الابو: ههههه مادري اللي الحين وين عقله الله يحفظج بنيتي راحت شيخه على كلاسها تركض طبعا لانها تاخرت على الكلاس بس يعني خمس دقايق والاستاذ ما هزبها ولما خلصت الساعه 12 طبعا راحت عند البوابه ولاقت شهد هناك وسلمت عليها شهد: شحالج يالغلا شيخة: بخير وعافيه انتي شخبارج وكيف يومج شهد: والله تبين الصدق بعدني تعبانه من البارحه شيخة: عيل سكتي عني انا ناشه 9:30 وابوي اللي موعني بعد شهد: هههههههه الحمدالله والشكر لايبوي انا الحين من ارد سيده عالفراش شيخة: انزين عيل لما تنشين دقي علي ويرن تليفون شهد شهد: هلا ملايين ولا يسدن سعيد: هلا والله شهوده شهد: هاه اشوف الحبيب اليوم داق خير ان شاء الله سعيد: بسم الله شفيج يعني اختي حرام ادق عليج شهد: لا بس استغربت مو من عوايدك يعني المفروض الحين انت بالدوام سعيد: لا يبوي اترخصت سالم ترى قالي مر على اختك عندي شغل ما خلصته شهد: اها زين والله وانت الحين وين سعيد: قرب البوابه شهد: خلاص عيل انا اترياك اول ماتدش ناداني وبطلع سعيد: تمام عيل برايج مع السلامه شهد: الله وياك شيخة: منو تكلمين شهد: ريلي شيخة: هههههههه بايخه بس لا تعيدينها لا صدق منو اللي غريبه انه داق لج شهد: هذا سعود يقول سلوم عنده شغل وهوه اللي بيردني اليوم شيخة: اها جيه السالفه ووينه هوه الحين شهد: عند البوابه شيخة: تمام وانا الوالد يترياني خلا نطلع مع بعض وطلعن مع بعض وشهد راحت صوب اخوها وشيخة صوب ابوها شهد: السلام عليكم والرحمه سعيد: وعليكم السلام والرحمه هلا بشهوده هلا شهد: هلا بابو عسكور ملايين بسم الله شو فيك عيونك متورمات جنك مب راقد البارحه سعيد: تبين الصدق ابد ماياني رقاد شهد: افا يالغالي لا يكون تحب من ورانا سعيد: ههههههه والله انج عليج سوالف لا يبوي ماشي انسي السالفه الا بسالج منو هالبنت اللي طالعة معاج شهد: هاي بنت عمي شيخة ( طبعا بوعسكور من سمع اسمها فز قلبه بس ماحب يبين هالشي لاخته ( سعيد: جيه يحليلها انا البارحه شايفها راقده فالسياره من زود التعب شهد: هيه والله من التعب هلكانين بس عاد شو نسوي ترى اليوم دوام وغصبا عنا نداوم سعيد: جيه هيه وياج بعد شهد: سعيد الله يهداك هاي روحي الثاني كل شي مع بعض بس عاد الا التخصص انا غير وهيه غير الباقي كل شي معاها حتى البريكات سعيد: اها الله يوفقكم جميع شهد: امين للجميع سعيد شو سالفته وليش يتخبر عن شويخ وشو اللي بيستوي كل هذا بالجزء اللي عقبه ^_^ التعديل الأخير تم بواسطة فيتامين سي ; 18-12-19 الساعة 11:34 PM | ||||||||
|
| |
|
20-05-19, 08:42 AM
| #3 | ||||||||
| مراقبة عامة ومشرفة منتدى الروايات المنقولة
| مرحب شحالكم يالاعضا عساكم بخير هاكم الجزء الثاني الجزء الثاني بعده بوعسكور حالته حاله صار يتخيل صورة شواخ فكل مكان وصار له ايام ما يرقد والسبة هيه لا تستغربون بس هذا الصدج وهذا اللي سعيد حاول انه ينساه لكن كيف بينسى من اختارها قلبه له المشكله لو هيه بس فالعقل ماعليه لكن هيه فالقلب صارت فالقلب. صار دوووم يودر دوامه ويسير اييب اخته طبعا مو هذا قصده قصده يبى لو يلمح شواخ اللي مجننتنه ومره من المرات كان يوم الاربعاء والاربعاء شهد وشواخه يخلصون 12 يعني من وقت المهم شو استوى؟؟؟ شواخ: الو هلا ومرحبا سواف وشحالك عساك بخير سواف: بخير ونعمه تسلمين اقول شواخي انا ترى وسعود يينا في سياره وحده بيوصلنا هوه وخلاف بيرد شواخ: اوكيك خلاص تم الساع شهد: هاه شواخ شو قالج شواخ: قالي اوين يايين هوه واخوج فسياره وحده وبيوصلنا اخوج وبعدين بيرد شهد: يختي ما تلاحظين شي غريب شواخ: شنو الغريب شهد: اخوي سعود شواخ: شو فيه شهد: يعني هوه بالعافيه كان ايي يشلني كان يكره حد يقوله سير شل شهوده من الجامعه والحين ماشاء الله هوه مره اول باول اللي يي يشلني شواخ: أي والله غريبه سبحان اللي يغير ولا يتغير شهد: هاه يي يالله خلينا نسير شواخ: يالله وراحن البنات وركبن السيارة وسلمن شواخ يلست ورى اخوها وشهوده بعد ورى اخوها اللي هوه مكان السواق عاد سعود انبط من القهر كان يبى شواخ اللي تيلس وراه بس تصدقون احسن عشان لو انها يلست وراه ما بينتبه للشارع بيتم باله فيها ويبى يشوفها وهم يالسين يسولفون طبعا الشباب ويا بعض والبنات ويا بعض البنات كانن متغشيات رن تليفون سواف سواف: مرحبا والله باحلى شيبه بهالدنيا كلها الابو: شيبه فعينك يالهرم بعدني جيه انا شباب سواف: لول السموحه منك ياحلى شاب فالدنيا هههههه الابو: هههههههه يقطع سوالفك اقول سواف مريت صوب اختك شواخ سواف: هيه ابويه عندي هيه ونحن فالسيارة. سعيد حلف انه يوصلنا ويرد الابو: والله فيه الخير انزين عطني اختك اكلمها كل ما ادق ما ترد علي سواف: ما طلبت يالغالي وسواف لف عشان يعطي التليفون عشان اخته وبنفس اللحظه شهوده كانت يالسه تعدل غشوتها ولف سواف وطاحت عينه بعينها هوه طالع وجنه اول مره يشوف بنت وهيه استحت وقفطت وكملت غشوتها وقاللها شواخه ابوي يدق عليج من متى اونه ليش ما تردين عليه شواخ: اوووووووه نسيته صامت هاته فديته بكلمه (هني سعود يقول فخاطره يالله ياليتها تتفداني انا جذيه) الابو: هلا والله بالغلا كله شواخ: هلا والله بحبيب شواخه هلا (سعود مره مب رايم يستحمل) الابو: وينج بنيتيه من الصبح ادق عليج اهتميت عليج شواخ: افا عليك يالغالي السموحه بس والله نسيته صامت الابو: هيه عيل برايج بس حبيت اطمن عليج شواخ: تسلم يالغالي الله معاك الابو: يحفظج الرب وسكرت شواخ وردت التلفون حق اخوها وهيه تناديه سواف سواف سواف وقرصته فايديه سواف: هاه شو صاير شواخ: لاه انت ابد مب عندنا ماصاير شي هاك تليفونك سواف:هييه اوكي وشهوده تضحك عليهم وطبعا بوعسكور فوادي ثاني شيخه وايد تحب تسمع شلات وخاصه لحمد العامري وعيضه واخوها يعرف هالشي سواف: شواخ ما قلت لج شواخ: شو سواف: سعود يوم يشل شله خوزي عنه مره صوته يسكتت مره تذوبين فصوته سعود: لا عاد ولد العم مب لهذي الدرجه سواف: مب لهاي الدرجه هاه انزين نحن بنخلي شواخ وشهوده هن الحكم يالله سمعنا شي سعود: لاتفضحنا عاد سوافوه الدب شواخ: لا لا فضيحه ولا شي يالله خلنا نسمع نتاكد كلام اخويه صح ولا يقص علينا هههههه سعود: ما طلبتي يالغاليه يابوي انا اسهر والملا رقود... يابوي انا عفت المنامي يابوي انا لي قلب مصيود... مصطاب من حلو القوامي يابوي انا اشكي ناعم العود... ياللي عليه القلب ضامي لا تلومني يابوي بالزود... انا المتيم فالغرامي لو دون وصله دار وحسود... ماهمني كثر الكلامي بيني وبينه لزم وعهود... موثقاله باحترامي يابوي احبه حب مفنود... واللي شراتي ما يلامي فالروح حبه دوم موجود... ويابوي هايم به هيامي هو غايتي وهو كل مقصود... واحن له حن الضوامي عساه في راحات وسعود... وعساه في خير وسلامي يابوي انا اسهر والملا رقود... يابوي انا عفت المنامي وسلمتم شواخ ذابت فالصووووووووووووت شواخ: سلمت وصح السانك والله وصدق اخويه مره صوتك يسكتت سعود: تسلمين صح بدنج يالغاليه وهذا من طيب اصلج وتموا يسولفون الين ما وصلهم سعود البيت وخلاف هوه رد البيت طبعا تغدوا وناموا ونشوا العصر ومتواعدين انه العصر يسيرون صوب العزبه شواخ تدق على شهوده شواخ: هلا والله بروحي الثاني هلا شهوده: هلا والله بروحي الاولى هلا هههههههه شواخ: هههههههههه الغلا وينكم الحين بعدكم فالبيت ولا طلعتوا شهوده: يبوج الحبيب يالس يتسبح ويتكشخ جنه رايح عرس مب الا رايح العزبه شواخ: ههههههه انزين خليه يتكشخ من حقه يمكن وحده فالدرب منيه مناك تغرم به شهوده: ههههههه عاد ما لقت غير اخويه شواخ: شهوده وشو فيه اخوج مب عايبنج شو ماعليه ان ما قلتله شهوده: ههههههه لا يبوي اخوي ماعندي اغلى عنه وما فيه الا كل الخير امزح لوووووول شواخ :هيه اتحرى بعد هههههههه انزين يالله خليه يستعيل نبى نرد قبل المغرب ما فينا نتاخر هناك شهوده: ان شاء الله الحين اسير صوبه يالله برايج ادق لج يوم بنطلع شواخ: اوكيك حياج الله يالغاليه شهوده: مع السلامه يالغلا وسارت شهوده وقالت حق اخوها بسرعه لانهم يبون يردون قبل المغرب وطلعوا طبعا كل واحد بسيارته وشلوا معاهم اليهال شي اكيد وساروا العزبه صح انه سعيد يصير شرات ولد عم شواخ بس بعد هيه تستحي ولازم تتغشى عنه وشهوده نفس الشي ( حلات البنت فمستحاها ) فهن مقررات انهن يوم يسيرن العزبه ييلسن فمكان والريايل فمكان ثاني ويسلوا هناك سوالف وضحك ولعب وكله وراحت شواخ المطبخ تبى تييب ماي حق امها بس ما كانت تدري باللي يترياها هناك ههههههه لا تتروعون مب وحش اللي يترياها المهم شواخ سارت المطبخ وتوها يالسه تطلع قلاس الماي دخل سعود عليها وهوه يرمس ربيعه فالتليفون سعود: انزين يابوي صبر علي دقيقه بشرب ماي عطشتني من الضحك لووووول شواخ من سمعت جيه طاح الكوب من ايديها وماعرفت شو تسوي ارتبكت لما طاح الكوب انتبه سعود ومن دون ما ينتبه زخ اييد شواخ وقالها سلامات صار لج شي شواخ طبعا قفطت وهيه مب متغشيه وفوق هذا زخ ايديها عاد شواخ اصلا تستحي يوم حد يلمسها( أي حد( شواخ: سلامتك ماصار فيني شي (والحبيب ماسك ايديها ويطالعها وسرحان وربيعه يناديه عالتليفون وهوه لاهم ولا يحزنون) شواخ: بوعسكور قلت لك مافيني شي خلاص ماصار الا كل خير سعود (توه ينتبه): اوه السموحه منج سرح بالي شوي انزين برايه الكوب خليه الهندي بيي يشله لا تتعبين عمرج شواخ ماردت عليه خذت كوب ثاني وجيك ماي وطلعت خالد (ربيع سعيد اللي كان يرمسه فالتلفون): بوعسكووووووووووور شو صار عليك ماصارت دقيقه هذي سعود (بعده فاثر الصدمه): اخ ياويل حااااااااااااااااااالي خالد: بسم الله شو صار سعود روعتني عليك سمعت شي ينكسر سعود: هاه لا ماشي هذا كوب طاح ماصار الا الخير وكمل سوالفه عادي وخلاف رد صوب الريياييل اللي نسيت اني اقوله لكم انه شيخه اصلا كانت دايم تقول حق شهوده انها تحس باحساس غريب جدا لما تشوف اخوها وهيه ماعارفه تفسر هالاحساس يعني تييها ربكه وماتعرف شو تقول وجيه وكانت شهوده تضحك عليها تقولها لا يكون تحبين اخويه بس بعد شيخه تاخذها بمزح اخ ويلي متى بيي حد بيحبني وانا بعطيه قلبي هديه وما تغلي عليه -- سعود وشويخ كيف بيعدوا هالليله ؟ وشويخ شو بتسوي وبتخبر روحها الثانس شهوده ولا لا ؟ كل هذا فالجزء اللي عقبه ^^ والسموحه عالقصور | ||||||||
|
| |
|
20-05-19, 08:43 AM
| #4 | ||||||||
| مراقبة عامة ومشرفة منتدى الروايات المنقولة
| مرحب السلام عليكم شحالكم شخباركم علومكم بخليكم مع الجزء الثالث الجزء الثالث شواخي ردت عند قوم امها وهيه قلبها يدق بسررررعه وبقووووه شهوده لاحظت هالشي وكانت شواخ ايديها ترتجف وهيه تعطي الكوب لامها اول ما عطت شواخ امها الماي ردت صوب شهوده والبنات اول ما يلست شهوده: شواخ الغلا شفيج شواخ: هاه لا مافيني شي شو بيكون فيني يعني شهوده حست انها فيها شي بس ما تبى تقول وبعدين ردوا البيت كلهم وميتين من التعب ومن زود ما رمسوا وطبعا الكل رقد الا اثنين اكيد عرفتوهم منو هم شواخ وبوعسكور بوعسكور ماسك ايده وما مصدق عمره ما مصدق انه ايده لمست ايد شواخ ابد ماقادر يصدق هالشي وشواخ هيه الثانيه بعد تقول فخاطرها ياربي شو هالاحساس اللي ياني لما لمس سعود ايدي ليش هالاحساس معقوله اني احبه او بديت احبه معقوله وتموا يفكروا بهالاشياء الين ماتعبوا ورقدوا وطبعا بالباجر اللي هوه الخميس ساروا قوم سعود وسواف وسالم ومحمد صوب بوظبي وعيالهم طبعا بس شهوده وشواخ ماساروا لانه عندهم شغل ولازم يخلصونه طبعا شغل يخص الدراسه فشهوده يت بيت قوم شواخ وهيه راحت الصبح لما سعود اخوها لف صوب بيت شواخ عشان ياخذ سواف في سيارته وشهوده توها تطلع الا سواف طالع ومتكشخ اخر كشخه وطااااااااخ صدم البنت كان يالس يطالع وراه يكلم خدامتهم وهيه كانت ماشيه ومب منتبهه انه حد يمشي جدامها الين ما طاااااخ صدمها وطاحن كتبها وسواف ما عرف شو يسوي لم الكتب بسرعه وقالها السموحه منج يالشيخه ما انتبهت يالس اكلم هالثور ما تفتهم وشهوده تبسمت استحت تضحك وقالت له بالحل يالشيخ لم الكتب وبعدين راح يعطيها اياهن وطاحت عينه فعينها وتم يطالع عيونها وسعود فسيارته ينطر وينادي سواف وسواف ولا هم ولا يحزنون بعدين شهوده قالت اسمحلي يالشيخ شواخ فحجرتها قال هيه نعم يالسه تترياج وراحوا كلهم بوظبي طبعا بس شهوده وشواخ شهوده: اقول شواخ شواخ: امري يالغلا شهوده: مايامر عليج عدو بس اخوج اقصد سواف دومه يتكشخ جيه شواخ: هيه سواف شرط لما يطلع انه يتكشخ ولا ما تحلاله السيره اونه لازم يطلع احلا من اللي عنده كلهم شهوده: ههههههههه والله اخوج عليه سوالف الا صح شواخ ذكرتيني شواخ: ذكرتج بشو؟؟؟؟ شهوده: البارحه لما رديتي من المطبخ كنتي مب طبيعيه وايديج ترجف وشكلج حد قلب حالج شو السالفه شواخ: ماشي لاتهتمين شو بيكون يعني شهوده: افا يالغلا انا تخشين علي وانا خابزتج بايدي وتخبين علي شواخ: لا والله فديتج شو اخش عليج اوكيك سمعي بخبرج ( وشواخ حكت حق شهوده الموقف اللي صار الها مع سعود) شهوده: ههههههههه بس هذا شواخ: هيه ضحكي شعليج انتي انا اللي حالتي انقلبت فوق تحت اول مره اخوج يشوفني ويه لويه ولا بعد زخ ايدي بعد شهوده: لا يبوي عادي شو فيها خاف عليج شواخ: ماعلينا طبينا من هالسالفه يالله خلينا نكمل شغل شهوده: ههههه اوكيك يالله بعد اسبوع شهوده تشوف انه اخوها متغير وحالته حاله وقررت انها لازم تساله فراحت صوبه ودقت الباب سعود: منو عند الباب شهوده: انا الذيب خخخخخخخ سعود: ههههههه والذيب شيبى يدق بابي شهوده فجت الباب ودشت سعود: هاه انتي منو قالج دشي شهوده: قلت لعمري لوووووول سعود: هههههههه هلا تفضلي امري شهوده: امممممممممم اباك تقولي سر عمرك ماقلته لاحد سعود: لوووووول قويه هاي سر ما قلته لاحد وانتي شلي خلاج تقولين هالشي يعني انا اقصد انتي شدراج انه عندي اسرار شهوده: خخخخخ اختك جيه انا وانا وانت فبيت واحد وبعدين انت ماكنت جيه انت انقلبت حالتك فوق تحت ليش مادري سعود: ااااااااااخ ياشهوده الحب وبلاويه شهوده : الحب؟؟؟؟؟؟؟؟؟؟؟ سعود: هيه نعم احب ياوخيتي احب ومتعذب منها شهوده: يااااااويل حالي عليك ياخويه وانا اقول شو سالفتك شو اللي مغيرنك هذي الايام انزين سعود منو هاي وكيف لاقيتها وشو السبب وابا اعرف كل شي سعود: لوووووووول صبري علي شوي بس اول شي اباج توعديني بشي شهوده: اوعدك بشو؟ سعود: انج ما تخبرينها اني احبها شهوده: ليش انت تحب وحده اعرفها؟ سعود: هيه نعم بس اوعديني قبل شهوده: اوعدك بس يالله قول سعود: انا احب روحج الثانيه شهوده: شوااااااااااااااااااااااا اااااااااااااخ سعود: هيه نعم شواخ وسعود خبر شهوده كل السالفه شهوده: تصدق سعود انها هيه من زمان تقولي لما اشوف اخوج اييني احساس غريب وارتبك ما اعرف شو اسوي قلتنلها لا يكون تحبينه قالت اااااخ والله ياشهوده لو لقيت حد يحبني يعطيه قلبي وروحي هديه سعود: فدددددددديت قلبها وروحها ياربي شهوده: حرام وانت ليش خليتني اوعدك اني ما اخبرها حرام تم تعذبك وهيه ما تعرف سعود: لا احسن اباها هيه تحبني من نفسها مب تحبني لانها تعرف شكثر احبها شهوده: الله يعينك والله ياخويه سعود: امين يارب ويصبرني على هالبلوه شهوده: هههههههه الحين الحب صار بلوه هههههههه سعود اعترف حق شهوده والقهر انه شهوده وعدته قبل لا تعرف منوه الحب صار بلوة عند سعيد طبعا لانه من طرف واحد ومايعرف اذا شويخ بتحبه ولا لا يا ترى شو بيستوي عقب سعيد الين متى بيتم يتعذب وشويخ مب حاسه فيه شهودة شو فايدها تسوي وهيه وعدته انها ما تخبر شويخ كل ها فالبارت الياي والسموحه عالقصور | ||||||||
|
| |
|
20-05-19, 08:45 AM
| #5 | ||||||||
| مراقبة عامة ومشرفة منتدى الروايات المنقولة
| مرحب شباب صبايا شخباركم شرات ما وعدتكم اني اليوم انزل البارت الرابع واتمنى لكم متابعه ممتعه مابهذرب ادري محد يهتم للهذربه تهتمون بالقصه لوول وبالاحداث اخليكم ويا البارت الرابع الجزء الرابع سعود: ههههههه شهوده انتي تراج مايربتي لو يربتي ما بتقولين جيه الحب ايه نعم بلوه خاصه يوم انج تحبين حد مادرى عنج شهوده: الله يعينك على ما ابتلاك ياخويه وانا الحين بسير بخليك مع افكارك اللي تاخذك صوب الغالين ههههههه سعود: خلاص اوكيك بس لا تنسين انج وعدتيني ما تخبرينها شهوده: ايه مابنسى ان شاء الله وانا وعدتك ووعد الحر دين وسارت شهوده توها طالعه من الحجره الا طااااااااااااااخ في ويها سواف طاحت شيلتها وهيه على طول عدلتها ويوم رفعت ويها شافت انه سواف طبعا هاي مب اول مره تنصدم فيه هاي ثاني مره حمرت وربعت من المستحى حتى هوه سلم عليها بس هيه ماردت عليه دخل سواف على سعود اللي عايش فدنيا ثانيه سواف: السلام عليكم سعود: .................. سواف: شخبارك بو الشباب علومك شو مسوي وين اللي بيدق علينا سعود: .................. سواف: بوعسكوووووووووور وين سرحت انا ساعه منو يالس اكلم سعود: هاه سواف انت هنيه من متى سواف: لا يبوي انت ابد مب عندي قولي سرحان فشو؟ طبعا سعود مستحيل يقول حق سواف انه هوه يحب اخته سعود: هاه ولا شي بس تعرف اشغال ودنيا سواف: انزين بسالك هاي اللي طلعت عنك شهوده سعود: شهوده فعينك اصغر عيالك تقوللها شهوده هيه هاي شهد توها طالعه من عندي بس انت ليش تسال سواف: ههههههه انزين السموحه شهد ماشي بس وانا ياي صوبك هيه توها طالعه من عندك وطااااخ صدمتها وحليلها من المستحى حتى ماردت علي يوم سلمت عليها سعود: اها جيه السالفه اقول سوافوه الدب لا يكون حاط عينك على اختي لا تحلم ابها حتى فالاحلام لاني ما بزوجك اياها سواف: ليش ان شاء الله ما تزوجني اياها سعود: لا يكون انت صدق تباها سواف: وشو فيها يعني بنت عمي سعود: يالهرم يعني انت تباها؟ سواف: تبى الصدق يابوعسكور متعذب من اول مره شفتها سعود: شووووووووووه وانت متى شفتها سواف: يوم انا ويااك سرنا نييبها هيه وشواخ من الجامعه سعود: اها وانا اقول الريال صاير اربع وعشرين ساعه في بيتنا اها طلعت تحب اختي ومن وراي هاه سواف: عاد شسوي تعرف الحب وبلاويه سعود: ايه انا اللي اعرف انت لا تسالني عن الحب سواف: ليش لا يكون انت تحب سعود: هاه لا انا احب منو بحب ياحسره بس تعرف قصص الحب اللي نقراها ونسمع عنها ما مقصره سواف: هيه والله صدقك انزين يالله خلا نسير المقهى هناك الربع متولفين سعود: يالله خلا سواف: بس بوعسكور ترى اللي دار بينا ما ابي حد يدري عنه خاصه شهوده سعود: ان شاء الله وساروا الشباب المقهى وسهروا وردوا البيت ورقدوا في الجامعه شهوده: ها شواخ اخبار الدراسه شواخ: والله تمام تعرفين بس بحوث ودنيا شهوده: هيه والله صدقج وسرحت شهوده شوي وشواخ يالسه تكلمها وهيه ماترد عليها شواخ: شهووووده شفيج اكلمج ولا تردين فشو سرحانه خبريني شهوده: والله شو اقولج شواخ: خوفتيني قولي شو فيج شهوده: سعود شواخ: شو فيه سعود شهوده: يحب شواخ من سمعت هالكلمه انصدمت وحست انه سجاجين تقطع قلبها بس ما حبت تبين هالشي لاخته وهيه خانقتها العبره تقول شواخ: يحب منو شهوده: عاد والله هوه محلفني ما اقول لحد هوه منو يحب بس ياشواخ هوه متعذب منها صاير له ايام ما يرقد والسبه هالبنت معذبته حيل شواخ: ياحرام مسكين والله الله يعينه شهوده: والله راحمتنه وفي نفس الوقت ما اقدر اسويله شي شواخ: انا عندي فكره شهوده: شو يالله قولي شواخ: انتي قوليله شواخ تبى ترمسك وتبى رقم تلفونك اذا ممكن شهوده: من صدقج انتي شواخ: هيه شو فيها ود عمي ومتغربل وحالته حاله اخليه جيه خليني اكلمه اشوف هوه بشو يحس وهالبنت من وين يعرفهاا وجيه عشان نوصله لها شهوده: اذا جيه اوكيك اليوم اقوله طبعا شهوده ماصدقت اول ما ركبت السياره خبرته هوه عاد مستانس من الخاطر انه بيكلمها اخيرااااااا ويوم ردت البيت شهوده دقت على شواخ وعطتها رقم سعود وشواخ قالت لشهوده قوليله بدق له بعد صلاه العشاء لاني اكون فاضيه قالت شهوده اوكيك وخبرت سعود سعود كان فالمقهى من العصر الين فليل اول ما اذن العشاء ساروا يصلون وبعدين سعود ترخص عنهم قاللهم عندهم شغيله والحبيب سار المبزرة ويلس هناك فوق مكان حلو رومنسي لووووووووول ويتريا شواخ تتصل عليه رن تليفون سعود وفز من مكانه وقلبه طخ طخ طخ ( هذا اونه قلبه يوم يدق هههههه) انزين وشواخ اصلا بعد مستحيه بس شواخ لانها اجتماعيه كانت شوي ايزي شواخ: السلام عليكم ورحمه الله وبركاته سعود: وعليكم السلام والرحمه هلا شويخ شحالج شواخ: هلا بك بوعسكور انا بخير ونعمه انت شحالك والاهل شخبارهم سعود: والله مانشكي باس شواخ على طول دشت فالموضوع لووووول شكلها ماتبى تخذي وتعطي وايد وياه شواخ: هاه العاشق سمعت انك هيمان سعود: ههههههه عاشق وهيمان بعد شواخ ( وقلبها يتعصر من الغيره ) : هاه منو تعيسه قصدي سعيده الحظ سعود: تعيسه قبل ولا سعيده هاه شواخ: لا سعيده بس انا مبوني امزح وايد لا تزعل ولا تاخذ فخاطرك علي سعود: لا افا عليج انا ابد ما ازعل ماخذ الامور ايزي كلها وانا اعرف انج كنتي تمزحين شواخ: احلى شي انزين لا تغير السالفه ادريبك تتهرب يالله بشو تحس فيها ومتى شفتها يالله خبرني كل شي سعود خبرها متى شافها ( بس طبعا هيه ماتعرف انها هيه لانها كانت نايمه بالوقت اللي شافها فيها) وتم يخبرها انه متعذب منها كثييييير وانه من شافها وعينه ما اهتنت بالنوم طبعا شواخ تسمعه شو يقول وتقول فخاطرها ياربي الله يهينها ياربي خذت قلب جوهره ما تتعوض شواخ: ياسلام كل هذا حب عثريتك متغربل يا ولد العم مسكين حالك والله وهيه تعرف هالشي سعود: لا ماتعرف شواخ: كيف؟؟؟؟؟؟؟؟؟؟؟ كيف ما تعرف شو تتريا لا تخبرها دامها معذبتنك جيه يعني حرام اللي قاعد تسواه في نفسك لا وفوق هذا البنت بعد ماتدري انه فيه احد هنيه هيمان فيها ومايرقد الليل بسبتها سعود شو تتريا لا تقوللها سعود: والله شو اقولج بس انا ياشويخ ما ابا انها هيه تحبني لاني انا احبها اباها هيه من نفسها تحبني شواخ: والله توني ادري انك عبقري افرض انزين انه هيه تحبك بس ماقالت واكيد مابتقول انت كيف بتعرف ويمكن هيه بعد تحبك بس تخاف انه انت ما تحبها او انك تحب وحده ثانيه سعود: هيه والله صدقج ما فكرت فيها هذي انا شواخ: ادري ذكيه مب لازم تمدحني بس هاه عاد من الصبح اسالك وانت ماترد علي منو هاي اللي مغربلتنك ومعذبتنك وسالبتك حتى راحتك سعود: اوكيك بقولج منو هيه هيه وحده يالسه ترمسني الحين اللي هيه انتي شويخ انا احبج وميت فيج وصدقيني ما اشوف حد بهالكون غيرج وكل ما اصد تطلعيلي انتي صورتج ابد ما فارقت خيالي من يوم ما شفتج شو تتوقعون شواخ ردت عليه او شو كان موقفها بترد على سعود ولا لا واذا ردت شو بتقوله وبتقوله هيه بعد عن شعورها صوبه ولا لا وشو استوى هذا كله الجزء اللي بعده | ||||||||
|
| |
|
20-05-19, 08:46 AM
| #6 | ||||||||
| مراقبة عامة ومشرفة منتدى الروايات المنقولة
| مرحب شخباركم اعضائنا عساكم بخير الجزء الخامس ^^ الجزء الخامس شويخ مب مصدقة ياللي سمعته معقوله اللي يصير معقولة اللي قاله سعيد ؟؟ معقولة هو يحبها شرات ماهيه تحبه معقولة هي اللي معذبتنه واللي حارمتنه النوم معقووله؟؟؟ شويخ:.............. سعود: شويخ شفيج ساكته ردي ولو بكلمة وحده دخيلج خلاص ماقدر اتحمل صمتج اكثر من جيه واذا اللي قلته ضايق بج خلاص انسيه واعتبريني ماقلت شي بس دخيلج رمسي قولي شي شويخ: هاه لا ماقلت شي يضايج بي سعيد اسمح لي بس ماعرف شو اقول بسكر انا الحين تامرني بحايه سعود: هيه شويخ: امرني ود عمي سعود: قلبج شويخ (وهيه مستحية): يلا تصبح على خير سعود: وانتي من اهل الخير غلايه شويخ: مع السلامة سعود: ربي يحفظج هالليلة كانت من احلى ليالي شويخ . الشي اللي كانت تتمناه لقته انسان يحبها حب ماكانت تتوقعه ولا تحلم فيه ولا بعد ولد عمها شي ولا اروع بس سعود للحين مايعرف وش هو رد شويخ وهل هيه تحبه شرات مايحبها ولا لا وهل هيه فقلبها حد ثاني ولا لا طبعا شويخ ماردت عليه ولا شيات خلته 3 ايام لا اتصلت ولا شيات وفهالثلاث ايام سعيد حاله منقلب فوق حدر خبر شهوده انه خبرها وطبعا شهوده ياها هزاب من شويخ ليش خبت عليها وشهوده كل ماترد من الجامعة اول شي يسالها شفتي شويخ وشو قالت ؟ تقوله شهوده ماقالت شي ويمد البوز بعد الثلاث ايام سعود قال شو هالحاله ليش انا متعذب جذا يعني قبل لا اخبرها متعذب وحتى بعد ماخبرتها متعذب يوم اقول حق شهوده الهبله الحب بلوة تقول الحين الحب بلوة فقرر انه يتصل وفيها اللي فيها سعود اتصل حق شويخ ومع انها كانت تتريا اتصاله ع احر من الجمر ماردت... اتصل مره ومرتين وثلاث وعقب طرشلها مسج ( ترى تعذيب القلوب حراام وانتي معذبتني قبل لا تعرفين وبعد ماعرفتي الين متى بتمين تعذبيني ؟) ردت عليه شويخ بمسج وكتبت فيه ( حلات الحب تعذيبه تعذب ليش يعني انا مااستاهل هالتعذيب) سعود ( وربي تستاهلينه ولو تامرين بروحي يالغاليه وربي ماتغلا عليج ) شويخ ( انت من صدقك تحبني كل هالحب؟) سعود ( وربي احبج اكثر من ما تتخيلين) وتريا شويخ ترد عليه ماردت عقب طرشلها مسج ( بس مارديتي علي يا ترى شو فقلبج ؟ تحبيني والا لا والا فقلبج احد ثاني؟) شويخ ( سعود مافقلبي حد غيرك انت وهيه نعم احبك شرات ماتحبني ) سعود مب مصدق عمره يقرى المسج الف مره اتصل سعود سعود: هلا والله بغلاي كله شويخ: اهلين سعود: يعني لازم كان كل هالتعذيب شويخ: قلت لك حلات الحب فتعذيبه سعود: فديتج انتي وفديت الحب وتعذيبه شويخ:........ سعود: نزين سوري ماسالت شخبارج من قريت الكلمة بصراحه تخبلت شحالج علومج سو مسوية وشو الدراسه وياج شويخ: كل هالاسئلة مرة وحده بل خخخخ كل اموري تمام تسلم ومن صوبك سعود: انا مرره مب بخير شويخ: افا سلامتك ليش شو صاير سعود: ولج عين بعد تسالين شو صاير وانا مب قادر اداوم شرات الخلق ولا قادر اكمل شغلي شرات الخلق مااكل شرات الخلق ولا اشرب ولا ارقد بتخبرج انتي شو من السحر مسوية لي شويخ ( ميته ضحك ) : هههههههه يحليلني انا برئية ماسويت شي سعود: هيه ضحكي شعليج شويخ: لا تقول جيه يعني مب بروحك اللي متعذب حتى انا متعذبة سعود: صج شويخ: لا اسولف سعود: لا دخيلج قولي صج والله انتي تحبيني ومتعذبه شراتي شويخ: هيه سعود: شو هو اللي هيه شويخ:.................... سعود: يلا شويخ ابا اسمعها ولو يكون اخر يوم فعمري شويخ: بسم الله عليك سعود: هالكثر تحبيني شويخ: هيه سعود: نزين شو هو اللي هيه يلا قوليها فرحيني وخليني ارقد ولو ليلة شويخ: هيه بوعسكور أحبك سعود:....................... شويخ: سعود شفيك صخيت؟ سعود: اخ شو اقولج ليش صخيت عذبتني الكلمة وربي شعوري فوق النخل ماعرف شو اسوي ايوول ايي بيتكم الحين مب عارف شو اسوي شويخ: لا شو تيا بيتنا تخبلت سعود: هيه وانتي اللي مخبلة بي شويخ: نزين جنه باجر دوامات سعود: يمكن هيه شويخ: عيل يلا رقاد ماعندنا عيال يسهرون للحين وباجر دوامات سعود: هههههههه حاضر عمتي شويخ: عمتي فعينك سعود: هههههههههههههههههههههه حاضر حبيبتي شويخ: يلا تصبح على خير ومااوصيك دير بالك ععمرك سعود: وانتي من اهل الخير لا توصين حريص وانتي هالله هالله بعمرج شويخ: يلا فمان الله سعود: فوداعة الرحمن اخيرا سعود عرف شو هو رد شويخ وظهرت شويخ تحبه شرات ماهو يحبها وطبعا كل يوم يزيد حبهم لبعض وتموا كل يوم يرمسون بعض و مايمر يوم الا لازم يرمسون بعض خلصت الجامعه شهر سته وفبيت حمد: كانوا يايين شهوده ووياها سعود عالعصر شويخ تعرف انه شهوده يايه وسعود وياها فالصالله كان ابو شيخه وسواف وشيخه وسلامه سعيد دش ودق الباب وشويخ وراه متغشيه ابوشيخه: قرب قرب يامرحبا الساع والله بوعسكور شويخ من سمعت الاسم فز قلبها وجان تتغشى ابوشيخه: قربي بنتي شهوده عن منوه تتغشين محد الا سواف ود عمج ويوم دش سعود وشهوه الاب يشوف شويخ متغشيه ابوشيخه: يي ييها شويخ شهوده بلاكن هذيلا عيال عمكن تتغشن عنهم شو هالمستحى وانا ابوكن يلا نشن سيرن ييبن الفواله وردن بلا غشوة شويخ: ان شاء الله ابويه شويخ وشهوده مستحيات يعني ولا مره يلست شويخ جدام سعود بدون غشوة وشويخ نفس الشي هذا من طرف ومن الطرف الثاني سواف وسعود مستانسين حدهم ويلسوا يسولفون شوي وعقب يت شويخ وشهوده ( مب متغشات طبعا ) شويخ: السلام عليكم ونش سعود من الربكه وعليكم السلام ماشافها وايد بس لمحه صغيره استحى من ابوها وهي مستحيه ومنزله عيونها بالارض سعيد: وعليكم السلام هلا ببنت العم وشحالج شويخ: بخير ونعمة ومن صوبك سعيد: نحمد الله شويخ: ايلس استريح ويلس سعيد شويخ: يلا عن اذنكم نحن بنروح الحجره ابو شيخه: لا يابنيتي شو تروحهن الحجره وانتي من تيي شهوده سيده عالحجره جيه خلي البنت تهبش من الفواله وناخذ اخبارها وعلومها وعقب سيرن الحجره وانا ابوج شويخ: ان شاء الله ابويه كل هذا وشهوده وسواف صاخين وفعالم ثاني طبعا سواف ما استحى من ابوه وعيونه كله على شهوده وهيه تسولف ويا سلامة شهوده ما انتبهت حق نظرات سواف مع انها كانت تتمنى انه تلمحه بس مستحيه وما رفعت عينها كله تسولف ويا سلامه وتتريا شويخ تيي صوبهم يت شويخ صوبهم ( طبعا الحريم والرياييل فنفس الصاله بس يعني بعيد عنهم شوي ) شويخ: الاوامر العليا امرت اننا ما نروح الحجره الا بعد ما تاكلين من فوالتنا وياخذ اخبارج وعلومج شهوده: منو؟! ( شهوده انصدمت عبالها سواف ) شويخ: يعني اقولج الاوامر العليا يعني باباتي سلامة: هههههه ماعليج بخبر عليج شويخ: لا كله ولا تخبرين علي وبعدين اصلا ابوي يعرف اني اقول جيه وانا احبه وهو يحبني وما مبينا هالشي ^^ سلامة: اعرف فديتج بس اسولف وياج ابوشيخه: شويخ وشهوده تعالن ويانا بناخذ اخباركن وعلومكن شويخ: سمعتي يا انسه شهد يلا قومي فزي طولج شهوده: شويخ استحي سواف هناك شويخ: عيل انا ما استحي سعود هناك بس اقولج هاي اوامر عليا يعني يلا فزي طولج شهوده: خالوه سلامة تعالي ويانا نستحي نروح بروحنا سلامة: ههههههه فديتهن بنياتي حلات البنت فمستحاها ماعليه يبويه انتوا عيال عم ولازم تتعودن على هالشي عيل يوم انتوا صغار تراكم الا تلعبون ويا بعض شويخ: هيه صح شهوده: شو هيه صح انتي بعد اونه هيه صح نزين خالوه بس نحن كبرنا احين وتوج تقولين حلات البنت فمستحاها سلامة: ماعليه تراه بياخذ اخبارج وعلومج بس شهوده: ان شاء الله خالوه وراحن عند الرياييل شويخ: ابويه شو من الاخبار والعلوم تبى تاخذ من عند شهوه بوشيخه: وانتي شدخلج انا ابا شهوده تعالي فديتج قربي ويايه عنبوه باكلج انا يالسه بعيد بعد ياليت يالسه واقفه عنبوه باخذ علومج وانتي واقفه سواف وسعيد: هههههههههه شهوده استحت: ان شاء الله عمي ويلست عدال بوشيخه وشيخه عدالها سواف عيونه على شهوده وسعود عيونه على شويخ ماخذين راحتهم لانه بوشيخه يالس يرمس شهوده وما يطالعهم بوشيخه: وشخبارج يا بنيتي كيف الصيف وياج شهوده: الحمدلله ياعمي والله يعني ملل بس تراني يوم اتملل ايي عند شويخ شويخ: هيه فديتني انا اخوز الملل عنها هههههه بوشيخه: بنيتي ناقصكم شي محتاجين شي شهوده: لا عمي الحمدلله ما ناقصنا شي البركه فسالم وسعيد بوشيخه: الله يخليهم لج ان شاء الله شهوده: ويخليك لعيالك ياعمي شيخه: هاه ابوي خذت اخبارها وعلومها يلا نروح احينه بوشيخه: حشى شفيج مستعيله انتي شيخه: ابوي ابا اقولها سر ومب قادره اصبر سواف دش عرض سواف: شو هالسر اللي تقوليه حق شهوده وماتقولينه لي انا اخوج حبيبج واعز الناس لج شويخ: اخوي عالعين والراس واعز الناس لي صدقت بس حبيبي مااظن بوشيخه: هههههههه سواف: بل وبكل قواة عين بعد عيل منو حبيبج انسه شيخه ونشت شويخ وباست راس ابوها: حبيبي ابويه الله يخليه لي ان شاء الله سعود عيبه الموقف وشويخ كبرت فعينه وفخاطره كان يتمنى انه هالبوسه تكون له سواف: لا عاد هنيه غلبتيني شويخ: مبوني اغلبك سواف: نزين لا تغيرين السالفه شو السر اللي بتقولينه حق شهوده ومابتقوليلي اياه شويخ: سوالف حريم وانته شلك بوشيخه: سواف شفيك هذيلا بنات ونحن ما نتدخل فسوالفهم سواف: ادري يابويه كنت ابا اغلس عليها شوي بس بنتك ماينرام عليها الله يعينه اللي بياخذها شويخ: قول الله يهنيه اللي بياخذني بيتهني طول عمره ( وطالعت سعود) سعود: سواف شفيك على اختك خلها فحالها سواف: بل حشى الكل وقف وياها ضدي وانتي شهوده كمليها قولي ما ارضى ع شويخ شهوده: هيه ما ارضى عليها هاي روحي الثاني الكل: ههههههههههه شهوده: يلا عمي بترخص عنك احينه شكلها شويخ مب قادره تمسك عمرها لسانها ياكلها شي فخاطرك بوشيخه: سلامتج يا بنيتي هالله هالله فعمرج شهوده: ان شاء الله عمي يلا فوداعه الرحمن سواف: وانا ما سالتيني تامرني بشي يمكن ابا منج شي شهوده مستحيه: امر ولد عمي سواف: لا اسولف وياج سلامت راسج شهوده: الله يسلمك مع السلامه سواف+سعود+بوشيخه: فوداعه الرحمن وراحت شويخ وشهوده الحجره طبعا شويخ ماكنت تبى شهوده فسر بس لانها كانت مستحيه من نظرات سعود وتبى تنحاش منها شويخ: شهوده شفتيه اخوج عنبوه ويهي احمر وهو الا يطالع من اول ما يلست حذال ابويه شهوده:..................... شويخ: ماصدق على الله ابوي ما ينتبه له الا وكلني بعيونه شهوده:.......................... شويخ: شهووووووووووووده شهوده: هاه هلا شويخ: يي ييها هاه هلا اه منو ماخذ عقلج شهوده: هاه لا محد شويخ: محد اه ماعليه اللي فالجدر تطلعه الملاس ومصيرج تنكشفين شهوده: هههههه جيه مسويه جريمة انكشف شويخ: مادريبج هههههه بالباجر فبيت بوشيخه ( حمد ) حمد: ها عيالي هاي الجامعة وخلصت يلا وين تبونا نقضي الصيف شويخ: صلاله ابوي صلاله سواف: شو صلاله لا مانبى صلاله حمد: عيل وين تبى؟ سواف: ممممم ابا ماليزيا شويخ: ابوي السنة اللي طافت رحنا ماليزيا خلنا نسير صلالة نحن وقوم عمي بيكون رووعه وربي سواف: هاه قوم عمي بيروحون شويخ: يعني تستهبل ومن متى كنا نقضي الصيف بروحنا سواف: خلاص الشور شوركم والراي رايكم شويخ: سبحانك ياربي توه مايبا والحين الشور شوركم سواف: بس خلاص صخي محد يقولج شي انتي انا اقصد الشور شور ابوي حمد: والله مدام شويخ قالت صلالة يعني صلالة شويخ: يس يس يس عاش ابويه عاش حمد: يلا اتصلي حق شهوده وخبريها وانت ياسيفان خبر سعود وانا بخبر محمد وسالم شويخ: ان شاء الله ابوي سواف: ان شاء الله فيوم الجمعة تجمعوا بيت حمد وعلي العامري فبيت حمد بعد ماردوا من صلاة الجمعة الرياييل كانوا فالمجلس والحريم يجهزن حق الغدى فالمطبخ: شويخ: اقولج شهوده شهوده: هاه شويخ قولي شويخ: جهزتي كل شي حق روحة صلالة شهوده: افا عليج طبعا هاي صلالة حلمي وحلمج خخخخخ شمة (حرمت محمد اخو شيخة): عنبوه اللي يسمعكن يقول حلمهن يروحن القمر مب جنة صلالة الا هنيه قربنا الكل يضخك حصة (حرمت سالم اخو شهودة): خليهن هههه نزين صح اهم شي الكميرة لا تنسونها الفيديو والديجتال شويخ: انا بييب كميرة الفيديو وشهوده عليج الديجتال شهودة: خلاص ترتيب وفهاللحظه دخل محمد اخو شيخه بنيات حريم يلا نبى غدى جهز ولا بعده شمة: هيه جاهز يلا تعال عقب دقيقتين شل الصحن الخدامة ماتقدر تشله محمد: نزين وغرفوا الغدى وتغدوا الجماعه وطبعا روحة صلالة بتكون يوم الاثنين خلصوا غدى وقرروا يروحون العزبة راحوا العزبة وطبعا شويخ وشهوده يالسات ويا اليهال ( حمد واحمد عيال محمد ) و( شوق وميثة عيال سالم) وكله ضحك وسوالف الحريم ويا بعض والرياييل ويا بعض سعيد وسيف قاموا ويلسوا يتمشون سيف: ياخي بوعسكور زوجني اختك سعيد: نعم ؟! الحين سيف بذمتك انت صدق تبى اختي؟ يا ترى سيف شو بيقول حق سعيد سعيد كيف بتكون ردة فعله وشو بيرد على سيف شهوده متى بتعرف انه سيف يحبها ويباها ومنو راح يخبرها هالشي سيف بنفسه ولا سعيد كل هذا فالبارت الياي ^^ | ||||||||
|
| |
|
21-05-19, 07:58 PM
| #7 | ||||||||
| مراقبة عامة ومشرفة منتدى الروايات المنقولة
| مرحب السلام عليكم وشحالكم وشخباركم *_* عساكم بخير احم احم ردينا لكم بالجزء السادس واتمنى انه ينال على اعجابكم ورضاكم الجزء السادس سيف: ليش ان شاء الله هب قد المقام ولا مب عايبنك سعيد: محشوم ولا والله مب ها القصد سيف: عيل شو القصد سعيد: يعني انت تحبها ولا بس تباها لانها بنت عمك؟ سيف: شو بعد انته الثاني تراني قلت لك متعذب من يوم شفتها سعيد: شراتي يعني سيف: ؟؟؟ شراتي يعني شو قصدك؟؟ سعيد: هاه لالا ماشي نزين سيفوه الذكي انت تعتقد انه اختي شهودة تحبك ولا انت مايهمك اذا هيه تحبك ولا لا؟ سيف: لا طبعا اكيد يهمني وخاطري اعرف اليوم قبل باجر هيه تحبني ولا لا سعيد: نزين ؟؟ سيف: شو نزين بعد؟؟ يعني كيف بعرف مابقولك انت روح اسالها لانها تستحي منك ولا بقول حق شويخ لانه شويخ بتفضحنا مابتييبها باسلوب سعيد: اها سيف: مب منك من اللي يقولك الحين انا اقولك مشكلتي العويصه وانت تقولي اها نزين دبر لي حل منيه مناك سعيد: امممم لحظه خلني افكر سيف: عيل ماشي بتخترع الذرة الحين سعيد: سيفوه قلت لك اسكت بفكر سيف: هاه سكتنا فكر ياعبقري سعيد بعد فترة صمت: شو رايك يوم نسير صلالة انت تخبرها؟؟ سيف: كيف ومتى وشقايل بنكون بروحنا؟؟ سعيد: عاد هالترتيب خله علي انا سيف: يعني اعتمد عليك يابوعسكور سعيد: افا عليك يابوهناد اعتمد فالطرف الثاني شويخ تطالع سعود من بعيد: يالله فديته وربي انه عذااب شهودة: الله الله قاموا يتفدونه قدامنا شويخ: عيل تبيني اتفداه من وراج. تعرفين احلى شي فالموضوع انج تعرفين واني مب انا اللي مخبرتنج شهودة: ليش يعني؟ شويخ: مادري بس استحي ايي اقولج والله انا احب اخوج وايد قوووية شهودة تغير لونها : ايواا يعني سعيد سوى خير يوم قالي شويخ: سوى خير وزاح عني هم كبير ههههههه شهودة سرحانة ماردت على شويخ شويخ: شهوده فديتج شفيج ليش لونج اتغير وليش ماترمسين؟ لا يكون زعلتي من رمستيه؟ شهودة: هاه لا شو ازعل من رمستج اعرفج ماتسوينها وماتقدرين تخبين علي ما اهون صح شويخ: اكيد صح فديتج شهودة ابتسمت ابتسامه خفيفه ومب من خاطر طبعا انتوا مستغربين ليش شهودة تغير لونها وهيه ليش كانت سرحانه لانه شهودة تحب سيف وكانت تبى تصارح اخته بس بعد ماقالت لها شويخ انا مااقدر اقولج اني احب اخوج لانها قووية غيرت رايها قالت اذا شويخ اللي اونها جرئية ماتقدر تقول شقايل انا بقول ومرت الايام يوم الاحد فليل شويخ كانت ترمس سعود سعود: شويخ اذا قلت لج سر بتامنين عليه ولا ؟ شويخ: على حسب السر ههههههه سعود: شويخ انا ارمس من صدجي شويخ: انت تعرفني مااخبر حد شي الا شهودة طبعا سعود: ايواا وانا اللي ما اباها تعرف هيه شهودة شويخ: شو؟؟ ليش ؟؟ شو فيها شهودة؟؟ سعود: شوي شوي علي مافيها الا كل خير سمعي بخبرج السالفه ( وخبرها انه سيف يحب شهوده وانه هو يبى يسويلهم ترتيب عسب سيف يقول حق شهودة بس عسب يكون الموقف ولا اروع لازم قبل شويخ تجيس نبض شهودة وتعرف هل هيه تحبه ولا لا ) شويخ: يعني انا الحين شقايل بعرف؟ سعود: يعني هي روحج الثانيه وتخبرج كل شي يعني لو هيه تحب حد بتخبرج شويخ: هيه والله صدقت بس يمكن هيه تحب سواف وتستحي تخبرني سعود: هيه يمكن شويخ: خلاص ولا يهمك خل الترتيب عندي سعود: يعني اعتمد عليج شويخ: افا عليك اعتمد وانا شويخ حبيبتك سعود: انتي شويخ شو؟ شويخ: هاه لا ماشي سعود: ماشي هاه ماعليه انا ارويج شويخ ابا اسالج شي واباج تجاوبين عليه من خاطرج شويخ: امرني سعود: مايامر عليج عدو ولا ظالم الحين انتي شكثر تحبيني؟ شويخ: تبى تعرف شكثر؟؟ سعود: هيه ابا اعرف شويخ قالت له دقايق واييك الرد وسكرت بعد دقايق اتصلت شويخ وطبعا سعود يالس ع نار يبى يعرف الرد شويخ: تريد تعرف كم احبك بقولك كم احبك اذا تقدر تحسب عدد النجوم بالسما اذا تقدر تحسب عدد قطرات الماي فالبحر اذا تقدر تحسب عدد حبات الرمل اذا تقدر تحسب عدد الكواكب والقمر اذا تقدر تحسب عدد الاشجار والنخل اذا تقدر تحسب عدد الصحاري والدول اذا تقدر تحسب عدد الناس والبشر اذا تقدر تحسب عدد مخاليق هالكون اذا تقدر تحسب عدد العشاق فهالكون اذا تقدر احسبهم وضيفهم كلهم على بعضهم شفت مجموعهم مايساوي ربع حبي لك عرفت الحين كم احبك؟ همسه: ( احم احم هالخاطرة من كلماتي المتواضعه ) سعود:.............. شويخ: عرفت احين شكثر احبك سعود: فديتج والله مع اني وربي مااتوقعت هالاجابة توقعت تقولين وايد وبس بس طلعتي خطيره خخخخخ شويخ: مب خطيرة ولا شي بس حبك خلاني جذا سعود: الله لا يحرمني منج ياشويخ شويخ: ولا منك يا سعود وتموا سوالف وعقب رقدوا يوم الاثنين تجمعوا العايلتين فبيت حمد ( طبعا بتقولون ليش دايم التجمع فبيت حمد لانه حمد الاكبر ولانه علي متوفي فحمد يعتبر هو اكبر واحد فالعايله وهو شيبتهم) طبعا اليهال عيال محمد وعيال سالم يتجهزون والشباب وبوشيخه فالمجلس يتقهوون سلامه وعايشه يظهرن الاغراض اللي يبوهن ويحطنهن برع عسب يحطوهن فالسياره ويتاكدن اذا فيه شي ناقص ولا لا شويخ ويا شهودة يرتبن الاغراض فالسيارة شويخ: شهودة شهوة: عونج شويخ: عانج الرحمن اقول شو رايج فالسيرة انا اكون يالسة ورى سعود عسب اشوفه وانتي ورى سواف شهودة: نعم ؟؟ لا مابا شويخ: وبوي ليش ماتيبن شهودة: ياهبلة اذا انتي تبين تشوفينه الاحسن ماتيلسين وراه تيلسين ورى سيف بتشوفينه لانه هو بيتم يلف صوب سيف يوم يرمسه شويخ: هيه والله صدقج فاتتني هاي شهودة: وبعدين شو قالولج بايعة عمري اخليج راكبة ورى اخوي وهو عاد بيتم كل ساع يطالع المرايه عز الله وصلنا صلالة شويخ: ههههههههههههههه نزين خلاص مابركب وراه شويخ تبى تجيس نبض شهوده بس مب عارفه كيف تخاف انه حركتها تنكشف وفنفس الوقت هيه متشوقه تعرف يعني حلاته لو كانت شهوده تحب سواف وسواف يحبها وتمت شويخ ساكته وشهوده تسولف شهودة: شويخ بلاج ارمس وانتي طاف شويخ:................... وترش شهوده شويخ بماي بارد شويخ: الدبه شو سويتي خرستيني بالماي شهوده: تستاهلين محد دب غيرج شويخ: الحين انا كافه خيري شري عنج ليش استاهل شهوده: لا والله وانا من الصبح اسولف وانتي مسوية لي طاف شويخ: هاه لا ماشي كنت افكر شهوده: تفكرين بشو شويخ: افكر بخطه جهنميه شهوده: عاشت العبقريه يلا شو الخطه شويخ: اممممممم تراج انتي قطعتي حبل افكاري شهوده: نزين شو فكره هالخطه بساعدج بالتفكير شويخ: ( طبعا ما بتخبرها بس الفت جذبه من عندها ) ابا اسوي مقلب فاليهال شهوده: هههههههههههههه الحين شاده حيلج وتفكرين انا قلت شي اونه اسوي مقلب فاليهال صج ما عندج سالفه شويخ: لا والله نزين صبري الحين بتشوفين وراحت شويخ عند اليهال وهم متيمعين ومتلبسين وزاهبين شويخ: منو يبى يروح صلاله احمد وحمد وشوق وميثا كلهم رفعوا ايديهم: اناااااااااا شويخ: ليش تبون تروحون شوق: لانه... وقطع رمستها احمد احمد: شو لانه انتي خلي الرياييل يرمسون قبل شويخ: نزين يا احمد يا حبيبي خلها ترمس ما يصير تقاطعها وهيه ترمس احمد: نزين هيه ليش رمست لازم الرياييل يرمسون مب الحريم شويخ: هههههههه ماشاء الله الحين انت احمدوه استويت ريال احمد: هيه ليش مب عايبنج شويخ: لا عايبني ونص يلا نزين يا الريال ارمس احمد: ايوا جيه اوكي لانه اممممممم ماعرف نسيت شوق وميثا وحمد وشويخ: ههههههههههههههههههه احمد: خلاص زلعت انا كله من شوقوه هيه نستني شوق: شوفيه عموه انا ماسويت شي ليش يقول مني انا شويخ: ماسويتي شي فديتج احمدوه خلاص يوز عن شواقه احمد: ان شاء الله عمتي شويخ: ههههههه نزين ما خبرتوني ليش تبون تروحون صلاله شوق سكتت واحمد سكت حمد: النساء اولا شويخ: هههههههههه ماشاء الله اندوك انته يلا ميثانه رمسي ميثانه: لانه صلاله حلوة ونحن نحبها شويخ: وانا احبج فديتج يلا حمد دورك حمد: لانه صلاله حلوة ونحن نحبها ميثانه: ما ييوز ليش تعيد كلامي حمد: انا ما اعيد انا بس سويت كوبي بيست ههههههه وزعلت ميثانه ( للعلم عمر حمد وميثانه 9 سنين واحمد وشواقه 7 سنين ) وشويخ قالت حق احمد وحمد تعالوا شوي ويايه راحوا شوي بعيد شويخ: احسن جيه زعلتوا البنات عقب منو بيلعب وياكم احمد: نحن كنا نسولف عموه حمد: يعني هالبنات محد يمزح وياهن شويخ: حمد واحمد بعطيكم حلاوة حقكم وحقهن سيروا راضوهن وعطوهن حلاوة وقوللهن نحن اسفين حمد: هن زعلن بروحهن يرضن بروحهن شويخ: حمد انا شو قلت يلا حمد: ان شاء الله شويخ: ايوا جيه اباك وراح حمد واحمد وعطوا الحلاوة حق البنات ورضن وعقب كانوا يلعبون ويابت شويخ الكميرة صورتهم كمن صورة وعقب رشت عليهم ماي وصورتهم وهم مستانسين ويضحكون وعقب هيه حست انه حد رشها ماي يوم التفت وراها شويخ: انته سعيد: هيه انا شويخ: ....... ( اونها مستحيه ) حمد: عمي زين سويت فيها ترشنا ماي من الصبح سعيد: هيه اعجبك انا انا شفتها ترشكم ماي قلت لازم ارشها عسب مره ثانيه ما ترشكم حمد واحمد: هي هي عاش عمي شوق وميثانه: عموه شويخ رشيه رشيه هو بعد شويخ رشته بالماي وخطفت تربع وتضحك عليه ردت عند شهوده وطبعا سعيد اول ما رد الميلس قالوله شفيك متخرس ماي قاللهم اونه اليهال رشوني لوول شويخ: ههههههههه شهوده: شو ياج شويخ: رشيتهم ماي وصورتهم وهم يتصارخون ههههههه شهوده: هههههههه الحين ها المقلب اللي تبين تسوينه فيهم شويخ: هيه بس خساره طلع سعود على اخر لحظه ورشني ماي شهوده: هيه ؟ شويخ: شو هيه وانا رديت ارشه هههههه شهوده: اسميج ياهله فتره صمت شوي شهودة: شويخ ؟ شويخ: هلا امريني شهودة: وينه سيف ماشوفه ظهر للحين؟ شويخ: هاه مادري ماانتهبت ( شويخ حست انها شهودة تهتم بسواف وهيه منتبهه انه للحين ماظهر) بس ليش تسالين؟ شهودة: هاه لا ماشي بس غريبه ماشفته خفت مايروح شويخ: نزين شو يعني لو ماراح هو الخسران ( طبعا شويخ عرفت مشاعر شهوده يوم قالت اخاف ما يروح يعني هيه تباه يروح ) شهودة: حرام ليش تقولين جيه عن اخوج حرام الروحة مابتكون حلوة بدونه شويخ: ليش ان شاء الله انا وسعود مب ماليين عينج شهودة: لا ماليينها ونص بس بعد ماتملون مكان سيف شهوده كانت تتكلم لا شعوريا من غير ما تحسب حساب حق شويخ وشويخ طبعا فهمت مشاعر شهوده اتجاه اخوها اللي باقي انه سيف يصارح شهوده بهالشي يا ترى متى بيصارحها بهالشي وشو الموقف اللي بيستوي بينهم وكيف بيقولها ويعبرلها عن مدى حبه وشهوده شو بترد عليه كل هذا فالبارت السابع ترقبونا لوول والسموحه عالقصور | ||||||||
|
| |
|
21-05-19, 07:59 PM
| #8 | ||||||||
| مراقبة عامة ومشرفة منتدى الروايات المنقولة
| مرحب لوول متحمسين الربع لوول نزين هاكم البارت السابع ^^ واتمنى انه يعيبكم الجزء السابع شويخ هنيه تاكدت : اهااا نزين اقولج انتي تمي هنيه وانا بروح اشوفه شهودة: اوكي شويخ راحت حق سواف وكان توه طالع متسبح شويخ: سيفان سواف: هلا شويخ شويخ: خلاص انت جهزت كل اغراضك؟ سواف: هيه بس باقي الفرشاة والمعجون والمشط شويخ: نزين شل اغراضك وروح انا بييبهم لك ( سواف استغرب ) سواف: نزين انتي ليش مستعيله انا مب مستعيل شويخ: هاه لا بس لانه سعود نقع برع وهو يترياك سواف: اها وهو وين شويخ: هو عند سيارته يالس يشيك عالاغراض طبعا سعود ماكان برع ولا شيات اللي كان برع هو شهودة سعود كان يالس ويا ابو شويخ فالمجلس سار سواف وشال شنطته واول ما يا فر الشنطة جدام ويالس يقول: سمع بوعسكور صراحه شنطتي ماا اتنزل احطها فالدبة وبعدين ما اامن فيك شهودة يوم سمعته صخت وكانت يالسة تحط العطر فشنطتها وطاح من ايدها راح سواف وشل العطر عسب يعطيه سعود ( طبعا هو كان يتحراه سعود): هاه شهودة هذي انتي سمحيلي تحريتج سعود شهودة وهي تضحك: لا انا بوعسكور هههههههه سواف: هههههههه لا تتمصخرين فترة صمت سواف: شكلج طرر وانتي يالسه فالدبة ترتبين الاغراض ههههههه شهودة: ويا راسك ماعليه مب منك من اللي يرتب لكم اغراضكم سواف: شهودة سعود وين شهودة: سعود هناك داخل فالميلس سواف: عيل شويخ الدبة تقص علي شهودة: ليش شو قالت لك سواف: هاه لا ماشي الحين بخليها تييج وانا بسير عند سعود وخلصوا عسب نتحرك شهودة بضيج : ان شاء الله وقالت فخاطرها ( عنبوه ماقدر ييلس اكثر شوي مستعيل كله يبى يروح) يت شويخ ورتبن الاغراض وتحركوا الصبح وصلوا صلالة فليل وهم تعبانين طبعا كانوا حاجزين فلة بس فيها كذا جناح ورقدوا ونشوا الصبح الساعه 8 كانت حصة وسلامة وعايشة وشمة مزهبات الريوق وحطنه وكان حمد ومحمد وسالم يتريقون وحتى اليهال قاموا اللي كانوا راقدين الحبايب الاربعة شويخ وسعود وشهودة وسواف طبعا الكل حاول يوعيهم لكن ماشي فايدة وراحوا عنهم يوم نشوا مالقوا حد فالبيت وكانت الساعه 11 شويخ: يووه خذتنا الرقدة وراحوا عنه شهودة: تصدقين ماحسيت بالوقت من كثر التعب شويخ: هيه والله صدقتي ودخل سيف وسعيد : السلام عليكم شهودة وشويخ: وعليكم السلام والرحمة سيف وسعيد: صبحكم الله بالخير شهودة وشويخ: صبحكم الله بالنور والسرور سيف: شويخ ويا هالراس لج قومي حطي لي ريوق شويخ: نزين بنش لازم تهازب يعني سيف: كيفي اخوج واكبر منج شويخ: ان شاء الله يا اخوي الكبير وراحت هيه وشهوده تحط لسيف ريوق ( البنات كانن متريقات) تريق سيف وسعيد سعيد: شهودة يلا جهزن عماركن بعد الصلاة بنروح شهودة: ان شاء الله بس اتصلوا حق سلوم وشوفوه وين هم سبقونا شكلهم ترييوا لين مالاعت جبدهم سعود: خلاص ترتيب صلوا وركبوا السيارة فالدرب سعود: اقول بنيات شو تبن بارد سيف: شوف عاللي مايستحي قال بنيات انا اقرب وانا خوييك اعزمني انا قبل سعود: ماسمعت انه السيدات اولا سيف: يلا يا سيدات امرن شو تبن بارد شويخ: انا ابا ديو شهودة شو تبين شهودة: امممممم بيبسي سيف: انا بعد ابا بيبسي سعود: وانت منو سالك سيف: ويا راسك تراك قلت السيدات اولا والسيدات قالن شو يبن سعود: هههههههههه نزين لا تعصب اسولف وياك شويخ خلا نزلنا سيف: نعم شو شويخ خلا نزلنا؟ سعود: خير شفيك انته بنشتري لنا كمن شي سيف: نزين ونحن مانبى ؟؟ سعود: يووه وانته كله رزة بنشريلكم ويانا سيف: نزين بسرعه لا تتاخرون نزلت شويخ وسعود الجمعيه يشترون شوية شيبس وجوكلت وبارد سيف الذكي تم ساكت وشهودة بعد ومااغتنم هالفرصة وسعود مسوي هالحركه عسب يرمسها فالموضوع سعود: تتوقعين سواف قاللها شويخ: مادري بس على فكرة انا اليوم تاكدت انها تحب سواف سعود:كيف تاكدتي؟ شويخ: بس كشفتها من رمستها ماعليك سعود: يلا نزين نروح بسهم صح شويخ: هيه بسهم رد سعيد وشويخ السياره وكانت السوالف عاديه طبعا شويخ ماتقدر تسال شهوده بس حست انه سيف ماقال شي لانه شهوده شكلها متضايجه وراحوا ولاقوا ابو شويخ وتغدوا وعالعصر الكل رقد الا الحبايب الاربعه خخخخخ سعود عرف انه سيف تم ساكت ومارمس وعصب منه العصر بما انه الكل راقد قال حق سيف بنروح نتمشى وبنخليكم بروحكم سيف: ياخي كيف ابدي وياها سعود: ماعرف ياخي ابدى باي طريقه بس ابدى سيف: تتوقع هيه تحبني سعود: هيه اتوقع انها تحبك سيف: ليش شدراك سعود: شفيك انت قلت تتوقع قلت لك شو اتوقع سيف: هيه نزين عسى خير وراحوا يتمشون طبعا سعود وشويخ سووا عمارهم انهم يبون يروحون مكان ابعد شوي عن قوم سواف وراحوا سيف وشهودة ساكتين سيف: شهودة ابا اخبرج شي شهودة قلبها فز قالت اخيرا رمس: امرني بوهناد سيف: مااعرف كيف ابدى الكلام وشو اقول بس انا ..... شهودة: انت شو سيف: انا احب بنت وابا اخطبها وابا رايج شهودة: ( شويخ طبعا اتضايجت من هالشي يعني واشكر فنه فالويه انا احب بنت بدون مايحسب لمشاعرها اي حساب) تبى رايي انا ليش؟ سيف: بس لاني اثق فيج ومااثق فشويخ شهودة: حرام عليك ماارضى ع شويخ سيف: اووه نسيت انها روحج الثانيه شهودة: نزين منو البنت سيف: موزة شهودة انصدمت يوم قال موزة؟؟ شهودة: منو موزة؟ سيف: وحده بنت جيرانا شهودة: نزين؟ سيف: انا احبها وهالبنت عذبتني من اول ماشفتها وابا اخطبها انتي شرايج شهودة ( ماقدرت تخبي دموعها اكثر): اخطبها ومادامك تحبها الله يوفقك وياها ونشت وراحت عنه سيف: شهودة ارمسج وين رايحة شهودة يوم نشت صاحت صدق صياح من خاطر شويخ وسعود ماشافوا اللي صار لانهم كانوا بعاد شوي سيف ( فخاطره) ياربي انا شو سويت صيحتها فديتها الحين تاكدت انها تحبني سيف راح وراها وهيه تصيح وزخها من ايدها سيف: شهودة حرام عليج بسج صياح تراج ذبحتيني شهودة: سيف شو تبى مني ؟ دموعي واصيح حق عمري مب حقك سيف: جذابة تصيحين بسبتي يوم قلت لج احب وحده ثانية شهودة ورب الكون اني مااعرف اي وحده اسمها موزة واصلا جيرانا ماعندهم بنات كبار شهودة: .................. سيف: وربي احبج انتي شهودة وانا بس كنت ابا اتاكد اذا انتي تحبيني ولا لا شهودة: والحين تاكدت سيف وهو يمسح لها دموعها: هيه تاكدت بس عشان خاطري ابتسمي وبسج صياح ابتسمت شهودة وسيف استانس سيف: تصدقين شهودة شهودة: هلا سيف: ظهرتي صياحة هههههههه شهودة: هيه اتطنز ويا راسك وربي حرام عليك حرقت قلبي سيف: عيل انتي ماحرقتي قلبي يوم صحتي ويا راسج شهودة: شو اسوي ماتحملت تقولي احب فلانة حسيت بسجاجين فقلبي سيف: فديتج والله وربي مااحب حد غيرج انتي سمعتي محد غيرج انتي عاشوا الحبايب الاربعة احلى ايام عمرهم فصلالة لكن الاسبوعين خلصوا وردوا للعين يا سلام مافي احلى من هالرباعي احينه عايشين قصه حب ولا اروع ^^ شويخ تحب سعود وسعود يحبها شهوده تحب سواف وسواف يحبها وكلهم حب من الطرفين وما اعتقد فيه شي يخوفهم الحين ^^ بس يا ترى شو بيستوي بعد مايردون من صلاله شو الاحداث اللي بتستوي وبتغير مجرى حياتهم ؟ ترقبوا هالاحداث في البارت اليياي بعد 3 ايام ^^ | ||||||||
|
| |
|
21-05-19, 08:01 PM
| #9 | ||||||||
| مراقبة عامة ومشرفة منتدى الروايات المنقولة
| مرحب شحالكم شخباركم علومكم عساكم بخير اليوم الخميس اللي ما يطلع يخيس ( لووول شدخل ) وانا بظهر وحليلكم بروح بيت خالوه لوول عاد قلت لو مانزلت البارت بيقولون اليوم الخميس وينه البارت عسب جيه بنزله احينه ( من وقت يعني لوول ) المهم ما بهذرب وايد هاكم البارت الجزء الثامن مرت على شيخه وسعيد احلى اللحظات للحين وهم صاروا يحبون بعض لدرجه فوق الخيال يعني الحين شيخه ماتقدر تعيش بدون سعيد وسعيد ما يقدر يعيش بدونها اما على شهوده وسيف فهم توهم فبداية المشوار صح انهم يحبون بعض بس لانهم ماكانوا يرمسون كل يوم ويا بعض ويعني بعده حبهم فبداية مشواره بعد ما ردوا العين باسبوع... كان سعيد ويا سيف رايحين المول يشترون اغراض حقهم عطور ماعطور وهالسوالف طبعا كان وياهم احمد ومحمد ( هذيلا ربعهم من ايام المدرسه) يالسين سوالف وضحك وهم يمشون طاحت كيسه من ايد سعيد وراح يشلها وكانت فيه بنت تمشي ووياها اختها الصغيره والبنت ما انتبهت لسعيد وهيه تمشي وتسحب اختها وتطالع على ورى وفجاه طاااخ صار الاصطدام وسعيد مب عارف شو السالفه والبنت قفطت قالت له السموحه اخوي انا ماكنت منتبهه كنت اشوف اختي قاللها سعيد لا عادي مسموحه حصل خير وسعيد نش ورد ويا ربعه يمشون طبعا سيف ما انتبه حق البنت لانه هو يحب شهوده يعني ماله خص فالبنات بس احمد ومحمد انتبهولها احمد: بوعسكور سعيد: عونك احمد: اووف البنت عذااب وربي سعيد: اي بنت؟ احمد: اونه اي بنت اللي صدمت فيك بعد اي بنت سعيد: نزين شو اسويلها يعني محمد: اسمع قال شو يسويلها قال وربي لو انها صدمت فيني انا يا ما اخليها تروح الا ومرقمنها سعيد: ههههههههه هذاك انت مب انا وبعدين انا مب راعي هالسوالف محمد: اونه خوزا عنه مب راعي هالسوالف سيف: حووه شفيكم انتوا على ولد العم هو صدق مب راعي هالسوالف وراحوا ويسلوا فالكراسي اللي مجابله باكسن روبنز وراح سيف واحمد يشترون عشى حقهم سعيد كان يالس يسولف ويا محمد سوالف شباب شوي ومحمد بطل حلجه وعيونه محمد: وتقول انت مب راعي هالسوالف هاه سعيد: محمدان عن الاستهبال والحركات محمد: حركاتي انا ولا انت شوف البنت يايه صوبنا سعيد: نعم؟؟ يايه صوبنا شو تبى محمد: انت ادرى سعيد: جب جب يلا خلنا نشوف البنت شو يايه تبى البنت: السلام عليكم محمد+سعيد: وعليكم السلام والرحمه البنت: السموحه منك مب انت اللي انا صدمت فيك سعيد: هيه نعم امري البنت: السموحه منك بس وانا انصدمت فيك تلفوني طاح ومن ذيج الحين ادوره ومالقيته وماعندي تلفون ثاني اتصل اشوفه وين سعيد: هاا؟ نزين مادورتيه زين من الشنطة البنت: دورته من كل مكان مالقيته سعيد: غريبه البنت: نزين ممكن شوي تلفونك بتصل له بشوف يمكن طايح فكيسه من الاغراض سعيد: تفضلي شلت البنت التلفون واتصلت 050...... ورن التلفون سعيد: هذا اللي يرن تلفونج البنت: هيه نعم سعيد: عيل لحظه وتبع الصوت لقاه فالكيسة اللي كانت طايحه منه وعطاها التلفون سعيد: سمحيلي انا ما انتبهت انه تلفونج طاح فكيسي البنت: لا عادي مسموح الحق علي انا سعيد: ماعليه حصل خير البنت: يلا عاد انا اترخص والسموحه ازعجتكم سعيد: لا عادي مسموحه بالحل لا ازعاج ولا شيات وراحت البنت محمد: ياسلام ياسلام وتقول انا مب راعي هالسوالف سعيد: محمدان انت محد ييلس وياك انا بروح اشوف سواف ليش تاخر عنبوه ماصار عشى ونش سعيد وراح بدون مايشل تلفونه وشوي وصل مسج وطبعا محمدان من الفضول فتح المسج يقراه المسج: السموحه منك ماكان قصدي بس ممكن اعرف اسم اللي ملك قلبي بنظرة محمد فتح حلجه وشك انها البنت فتح السجل وطلع الرقم اللي مطرش مسج هو رقم البنت وطعبا محمد شاف انه حلوة وخاطره يتعرف عليها راح واتصل لها محمد: السلام عليكم البنت: وعليكم السلام والرحمه محمد: شحالج البنت: بخير وسهاله ومن صوبك محمد: يسرج الحال فترة صمت محمد: تبين تعرفين اسمي البنت: هيه اذا ماعندك مانع محمد: وياج سعيد العامري البنت: والنعم والله محمد: والنعم بحالج وانتي؟ البنت: انا موزة محمد: والنعم والله شوي وشاف انه سواف ياي هوه وسعيد واحمد محمد: السموحه منج بس لازم اسكر الحينه البنت: نزين عادي اتصل واطرش مسجات اذا مافيها ازعاج محمد: هيه عادي فديتج اي وقت ورد التلفون مكانه من دون مايمسح المسج والمكالمة الصادره ويلسوا سوالف وضحك الين ماردوا البيت بالباجر شويخ راحت بيت شهوده عسب تيلس وياها وكان سعيد فالبيت شويخ: شهوده سعيد هنيه؟ شهوده: هيه هنيه شويخ: نزين ابا اشوفه مشتاقه له من زمان ماشفته شهوده: هالله هالله يالحب شويخ: شهوده يلا عاد شهوده: نزين الحين بسير اخبره وبخليه ايي الحجره شويخ: اوكي اترياج راحت شهوده خبرت سعيد وقالت له انه شويخ فحجرت شهوده سعيد دق الباب شويخ: تفضل سعيد: السلام عليكم شويخ: وعليكم السلام سعيد: شخبارج غلايه شويخ: بخير وسهاله ومن صوبك سعيد: يسرج الحال وفهالوقت يا حق سعيد مسج بس هو ما انتبه له شويخ: سعيد ياك مسج سعيد: نزين وشو يعني شويخ: ماتبى تقراه سعيد: لا مابا شويخ: ليش؟؟ سعيد: لانه يوم انتي عندي ما ابا انشغل باي شي ثاني وحط التلفون فوق شبرية شهوده وسولفوا شويه عقب ظهر سعيد قاللها بيسير يسبح عسب مواعد شباب عقب بيسير وياهم راح سعيد ويت شهوده يلسن شويخ وشهوده يسولفن وشوي ويا مسج حق سعيد شويخ ذبحها الفضول منو ها اللي طرش مسجين ورى بعض؟ شويخ شلت تلفون سعيد تشوف المسجات ( طبعا هالشي عادي. شويخ تشوف تلفون سعيد وهو يشوف تلفونها وسعيد عمدا طلب من شيخه تسوي هالشي عسب ما تشك فيه لانه سعيد انسان حلو وهيه تغار عليه وايد) المسج الاول: مرحبا سعيد شخبارك عساك مرتاح يمكن اسمع صوتك المسج الثاني: بوعسكور توك البارحه قايلي اتصل واطرش مسج اي وقت وانا ما اتصلت بس طرشت مسج وانت اكبر طاف؟ شويخ من شافت المسجات انصدمت فتحت السجل وشافت انه متصل حق هالرقم مرتين وانه فيه مسج مكتوب ممكن اعرف اسم اللي ملك قلبي بنظرة ماعرفت شويخ شو تسوي راوت شهوده المسجات والسجل شهوده اكيد مب عارفه شو السالفه وماتقدر تسوي شي حاولت تهدي شوي لكن شويخ فدنيا ثانيه شويخ تصيح وتصيح وتصيح وشهوده تحاول تهدي فيها شهوده: فديتج انتي يمكن فهمتي الموضوع غلط شويخ: اي غلط انتي بعد يعني بروحج شفتي المسجات والاتصالات وهو يقول انتي الوحيده فقلبي ومستحيل احب غيرج معقوله سعيد يطلع منه كل ها شهوده: نزين انتي تريي خليه يطلع من الحمام نساله شو سالفه المسجات والاتصالات شويخ: مافيه شي بقى عسب اساله شهوده مستغربه منها: شويخ انتي تبي تنهين حبج بهالسهوله ولسبب تافه شويخ: سبب تافهه ؟! اللي سواه سعيد مب سبب تافهه شهوده: وحتى ولو حبج له وحبه لج اكبر من انه ينتهي فلحظه شويخ طلعت من الحجره واتصلت حق ابوها ويا يشلها طبعا شويخ ماسكتت من الصياح بس حاولت تهدي نفسها عسب ابوها ما يشك فشي وطول الدرب تمت ساكته شهوده تتصل فيها وهيه ماترد الاب: شويخ ليش ماتردين شويخ: مالي خلق الاب: عسى ماشر شو فيج شويخ شويخ: ماشر يبه بس هاي شهوده وتوني كنت وياها ليش ترد تتصل الاب: يمكن تبى شي يمكن انتي نسيتي شي شويخ: لا مانسيت شي وبرايها بكلمها عقب الاب استغرب من شويخ بس شاف انها مالها خلق ماحب انه ياخذ ويعطي وياها وصلت البيت وراحت حجرتها سكرت الباب عليها فهالوقت طلع سعيد من الحمام وخبرته شهوده شو اللي صار وسعيد مب قادر يستوعب شو اللي استوى وكيف انا مااتصلت لها بس فالسجل انا متصل لها مره ثانيه ؟؟ اتصل حق شويخ بس طبعا لا حياة لمن تنادي هيه ماترد وطرشلها مسجات وهيه ماردت اخر شي غلقت تلفونها كانوا الشباب اللي مواعدنهم سعيد يتصلوله ويتريونه برع سعيد: شهوده فديتج انتي حاولي تتصلين فيها وتهدينها وانا اول ماارد من عند الربع بروح بيتهم وبرمسها شهوده: ان شاء الله وراح سعيد وطبعا طلعته كانت حزن في حزن بعده مب مستوعب اللي صار وشويخ تلفونها بعده مغلق وهو يالس ياه مسج موزة: عسى ماشر ليش ماترد على المسجات لا يكون صاير لكم شي وسعيد قرى المسج وعصب اكثر قال شو سالفتها هاي بعد ومنو هاي ( قال بصوت عالي) الشباب: منو هيه هاي؟ سعيد: ولا شي محمد: لا يكون البنت البارحية سعيد: محمد شوف انا مب ناقصك تراني وحدي معصب محمد: خير شو صاير سعيد: مااعرف هالبنت من وين عرفت اسمي ومطرشه مسجات اونه انا قلت لها تتصل متى ماتبى؟ شو هالحاله محمد سكتت وحس بغلطته محمد: سعيد بقولك شي بس لا تعصب مني سعيد: خير ؟ قول محمد خبره السالفه وقاله انه هو اتصل لها وقاللها انه اسمه سعيد وانها عادي تتصل متى ماتبى سعيد: يا سلام عليك والله طلعت ربيعي من صدج الحين انا شو اسوي وكيف ابرر موقفي محمد طبعا هو ماعارف شو السالفه و لا موقف شو: السموحه منك بوعسكور والله ماتوقعت انه اللي سويته راح يسبب لك مشاكل سعيد نش من الطاولة: يالربع السموحه منكم انا اترخص الشباب: على وين تو الناس سعيد: عندي شغل السموحه الشباب: الله يحفظك ومحمد ينادي سعيد وسعيد مارد عليه سعيد على طول اتصل على شهوده شهوده: هلا سعيد سعيد: هلا شهوده هااه بشري شو سويتي شهوده: ماشي ييت لها البيت وهيه مسكره الحجره على عمرها وماطاعت تبطل الباب وعقب انا رديت البيت سعيد: ياربي شو هالحاله نزين سمعي لبسي عباتج ويوم ادق هرن طلعي بنسير لهم احينه انا وياج شهوده: خلاص اوكي سعيد اعصابه متوترة وخايف وايد على شيخه لانه محد يعرف شكثر هيه تحبه غيره هو وحتى لو هيه خبرت شهوده عن شعورها اتجاه سعيد اكيد هيه مابتحس فيه صدج شرات مايحس فيه سعيد لانه هو يشوف بعينه شكثر هيه تحبه وسعيد يالس يفكر شو يسوي عسب يراضيها وكيف يقنعها انه اللي رمس البنت ربيعه مب هوه سعيد يقول فخاطره: فديت روحج شويخ ادريبج انج تغارين علي وايد واعرف شكثر تحبيني بس ياليت اقدر اوصلج احينه وافهمج كل شي مااباج تضيعين حبنا على شي فهمتيه غلط وانا مالي ذنب فيه وانا اعرف انج ماتقدرين تعيشين بدوني ولا انا اقدر اعيش بدونج غناتي وهو يفكر فهالاشياء نسى انه فالدرب ويسوق سيارته وكان مسرع من دون مايحس وهو كل شوي يزيد سرعته لدرجة انه خطف عن اشارة ضوئية حمرى وكانت السيايير يايه من الصوب الثاني ضرب سعيد فوحده من السيايير ومن سرعته الزايده انجلبت السيارة كذا جلبة وطبعا الشباب اتصلوا حق الشرطه والاسعاف السيارة اللي دعمها سعيد ماتعورت وايد والريال اللي كان يسوقها ماياه شي بس سعيد يته اصابات وايد وفكذا مكان وشلوه الاسعاف وهو يهاذي شويخ شويخ شويخ حميد كان الشرطي اللي يخطط الحادث وعرف انه يقرب حق سواف جان يتصل حق سواف ويخبره سواف مابغى يخبر ابوه بس حب يتطمن على شهوده واذا كانت تعرف عن الحادث ولا لا سواف: هلا شهوده شخبارج شهوده: الحمدلله ومن صوبك سواف: يسرج الحال شهوده سعيد وين؟ شهوده: مادري متصل من نص ساعه قالي تزهبي ولبسي عباتج ويوم ادق لج هرن ظهري عسب نيي بيتكم سواف: نزين انتي الحين لابسه عباتج؟ شهوده: هيه سواف: خلاص انا دقايق واكون برع تعالي وركبي السياره شهوده: ليش؟ سواف: شهوده مب وقت مناقشات واسئله يلا ظهري برع شهوده تروعت بس ظهرت وركبت ويا سواف شهوده وسواف هاديين وساكتين شهوده: سواف هذا درب المستشفى؟؟ سواف:............ شهوده: سواف شو السالفه منو فالمستشفى لا يكون شويخ فيها شي؟ سواف: لا تطمني شويخ مافيها الا العافيه شهوده: نزين عمي فيه شي؟ سلامة؟ منو مستوله شي خبرني؟ سواف: شهوده انا ماخبرت حد الا انتي عسب تحريتج بتكونين هاديه مب جيه حشريه سمعي سعيد سوى حادث شهوده: شووو؟؟؟؟ سواف: انا قلت لج اهدي والحين نحن رايحين نشوفه شهوده: هو بخير؟؟؟؟؟؟؟؟ سواف: مااعرف الحين بنوصل وبنشوفه شهوده: اكيد اخوي فيه شي لو مافيه شي ليش انت ييت تشلني وليش ماخبرت حد وليش..... وبركن سيف السياره فالشارع وفتح الباب من وين يالسه شهوده سواف: شهوده شوفي اذا بترمسين اكثر وبتحتشرين وتيلسين تصيحين نزلي من السياره وخليني اروح اشوف سعيد شو فيه شهوده تصيييح سواف سكر الباب ورد يركب السياره وراح المستشفى وطول الدرب هم ساكتين نزلوا وراحوا قسم الحوادث وطمنهم الدكتور انه سعيد مافيه اصابات خطيره بس فيه شوية رضوض فايدينه وريوله وع ويهه شهوده: نزين دكتور ابا اشوف اخوي سيف: هيه دكتور لو سمحت عادي نشوفه الدكتور: هيه عادي بس لا تسوون ازعاج لانه هو يحتاج لراحه دخلت شهوده وسيف عنده شهوده: فديت روحك سعود حمدلله عالسلامة سعيد: الله يسلمج سيف: حمدلله عالسلامة بوعسكور خوفتنا عليك سعيد: الله يسلمك بوهناد سيف: الحين اقدر اخبر اهليه والجماعه سعيد: لا مافي داعي لا تخبرهم سيف: شو مافيه داعي انت بعد اتصل سيف حق ابوه وحق سالم اخو سعيد وخبرهم وابوه خبر سلامة ويوا المستشفى سعيد كان يتريا يشوف شويخ بس هيه مايت لانها مسكره على عمرها الباب ومحد خبرها سعيد يهمس حق شهوده: مايت شويخ شهوده: يمكن ماتعرف طلعوا كلهم من عنده وبقت شهوده وياه سعيد: اكيد شويخ بعدها زعلانه شهوده فديتج حاولي تكلمينها شهوده: ان شاء الله لا تشيل هم بس انت تعبان ولازم تاخذ دواك وترقد سعيد: كيف بييني رقاد وحبيبتي زعلانه علي شهوده: الصباح رباح ياخويه خلاص انت خذ دواك وارقد شهوده غمضتها حالت اخوها وانه حتى وهو مرقد فالمستشفى يحاتي شويخ وزعلها وااتصلت حق سيف سيف: هلا شهوده سعيد فيه شي شهوده: لا مافيه شي الحين خليته ياخذ دواه ويرقد سيف: الحمدلله شهوده: سيف انتوا ماخبرتوا شويخ سيف: مادري والله عنها شهوده: اكيد ماتعرف لو تعرف كانت اتصلت وكلمتني سيف: هيه اكيد انتوا ربع الروح بالروح شهوده: نزين سيف ابا منك خدمه سيف: امريني شهوده: خبر شويخ وانت ياي باجر الصبح ييبها وياك سيف: ان شاء الله من عيوني شهوده: تسلم عيونك يلا مع السلامه سيف: ربي يحفظج يا ترى شويخ لما بتعرف شو بيصير لها واذا سيف حافظ عالوعد ويابها وياه شو بيستوي شويخ شو بتقول حق سعيد وبتسامحه وبتسمعه ولا لا وسعيد شو بيقول حق شويخ واحداث غير هاي مثيره بتستوي فالبارت الياي ^_^ ارقبونا فالبارت الياي وبتعرفون كل هالاشياء رعووي | ||||||||
|
| |
|
21-05-19, 08:02 PM
| #10 | ||||||||
| مراقبة عامة ومشرفة منتدى الروايات المنقولة
| مرحب شحالكم شخباركم عساكم بخير يا مرحبابكم الساع احم احم هاكم البارت التاسع طويل طشوونه هع الجزء التاسع طبعا هالليله محد رقد مرتاح غير سيف خخخخ محد غيره مرتاح شهوده مارقدت تحاتي اخوها وسعيد مارقد لانه شويخ زعلانه عليه وشويخ مارقدت لانها بعدها متضايجه من السالفه وتفكر فيها طول الليل اذن الفجر عليهم وصلوا سعيد نش وصلى وشهوده بعد وسعيد رد يرقد شوي لانه تعبان من البارحه مارقد اما شويخ بعد ماصلت الفجر راحت ترقد عالساعه 9 الصبح: فالمستشفى كان هناك ام سعيد وابو شيخه وحرمته سلامه وشهوده ومحمد اخو شيخه وسالم اخو سعيد واللي باقي وكانوا يتريونه سيف وشيخه ام سعيد: فديتك يبويه خوفتنا عليك الله يهديك بس كم مره نصحتك عن السرعه وبعدين بشو تفكر وانته تسوق سعيد: امي حصل خير وان شاء الله فالج طيب مابسرع ولا بفكر بشي وانا اسوق ( وطالع شهوده) شهوده: امي ماعليه خلاص حصل خير انتي الحين احمدي ربج على سلامته وان شاء الله بتكون له عبره يوم بيحس بالويع وانه خوفنا عليه ومابيعيدها سعيد: على سالفه الويع خلاص انا تبت والكل ضحك فبيت قوم شيخه سيف نش وتسبح وقبل لا ينزل يتريق راح على شويخ يدق عليها الباب سواف: شويخ فتحي الباب شويخ:سيفان شو عندك ماتخلى الواحد يرقد البارحه طول الليل مارقدت سواف: وابويه عليج انتي يلا قمي بنروح المستشفى كلهم هناك الا انا وحضرتج شويخ من سمعت المستشفى نشت بسرعه وربعت وفتحت الباب شويخ: هاه المستشفى ليش خير شو صاير منو مريض سواف: لالا انتي مب عايشه فالدنيا هذا سعيد سوى حادث البارحه ورقدوه شويخ اول ماسمعت اسم سعيد وانه فالمستشفى اغمى عليها سواف: شويخ شويخ شو ياج يعني نحن ناقصين وشلها ووداها المستشفى لانه كان يحاول يوعيها بس ماقدر فالمستشفى: سواف: هاه يا دكتور خير ان شاء الله شو فيها اختي الدكتور: اختك فيها فقر دم؟ سواف: والله يادكتور مااعرف الدكتور: اختك فيها فقر دم وماكلت شي من البارحه عسب جيه اغمى عليها والحين نحن حطينالها مغذي ولازم نرقدها يوم فالمستشفى الين ما نتاكد انها بخير سواف: اها خلاص دكتور زين طمنتني عليها الحين اقدر اشوفها الدكتور: ايوا عادي بس هيه بعدها فاقده الوعي سواف: ماعليه اصلا بشوفها عالسريع لانه عندنا حد من الاهل مريض وبروح ازوره الدكتور: الله يشفيه سواف: امين تسلم دكتور وراح سواف عند سعيد سواف: السلام عليكم الكل: وعليكم السلام والرحمه ابو شيخه: مرحبا وليدي هاه ما جنك تاخرت سواف: هيه يبوي شو اسوي بنتك اخرتني ابو شيخه: ليش شيخه شو فيها؟؟ سعيد صد صوب شهد وعقب يلس يتريا سيف شو بيقول سواف: دلع بنات يوم قلت لها انه سعيد فالمستشفى اغمى عليها يبتها المستشفى وقالي الدكتور فيها فقر دم ومن امس ماكلت شي سعيد تغير شكله 180 وشهوده بعد شهوده:فديتها نزين هيه وين الحين اي قسم سيف: قسم الباطنيه نساء شهوده: انا بسير لها سيف: هيدي يابنت الحلال الحين هيه راقده خلينا نتطمن على سعيد وبعدين بوديكم كلكم مره وحده تطمنون عليها سعيد: ماعليه يا سيف خلهم يتطمنون عليها انا بخير وتراكم تطمنتوا عليه نشوا كلهم بيسيرون عند شيخه وطلعوا من الحجره الا شهوده يلست ويا سعيد قالت لها بلحقكم سعيد: فديتها اكيد هيه متضايحه من البارحه شهوده دخيلج روحي شوفيها وطمنيني عليها شهوده: ان شاء الله يخوي بس انت لا تضيج بعمرك ويلسوا بهدوء وعقب يا سيف وراحت شهوده ويا شويخ شهوده: واعليه عليج فديتج والله كان محد فالحجره بس شهوده وشويخ بعدها راقده عقب 5 دقايق نشت شويخ شافت شهوده ماسكه ايديها شويخ: شهوده سعيد شو فيه بخير دخيلج قوليلي انه بخير شهوده: فديتج انتي تعبانه لازم تفكرين فعمرج شويخ: مابا افكر بشي كله مني فديته اكيد انا السبب شهوده: استغفري ربج هذا قدر ومكتوب له من قبل لا ينولد شويخ:....... شهوده: لا تحاتين سعيد الحمدلله بخير ومافيه الا شويه رضوض وان شاء الله بيطلعونه باجر شويخ: الله يبشرج بالجنة فديت روحه الله يحفظه ويرعاه شهوده: امين يارب. شويخ ابا اقولج شي واباج تسمعيني وماتعصبين شويخ: ان شاء الله شهوده خبرت شويخ السالفه كلها شرات ما وصاها سعيد شويخ: ....... شهوده: شويخ رمسي قولي شي يعني اخوي ماله ذنب وقلت لج انه مافي حد فقلبه غيرج انتي شويخ: فديته يعني انا ظلمته وهو ماكان يرمسها شهوده: يعني سامحتيه شويخ: هيه سامحته وابا اشوفه واستسمح منه شهوده: لا خلي عنج تشوفينه انتي تعبانه ولازم تستريحين شويخ: دخيلج شويخ ابا اشوفه شهوده: نزين ادريبج حنانه ويوم تحطين براسج شي تسوينه اوكي بخليج تشوفينه بس مب الحين كلهم موجودين وبيشكون فالسالفه شويخ: هيه صدقج خلاص اول مايروحون تعالي وبروح اشوفه شهوده: ان شاء الله فحجره سعيد شهوده فتحت الباب ودشت شهوده: بوعسكور يايبه لك هديه عوده عوده ماتدش من الباب سعيد: حشى شو هالهديه اللي ماتدش من الباب شهوده: لا يعني مب قصدي ماتدش من الباب بس يعني الهديه غاليه على قلبك وااايد اغلى عن كل شي وكل حد حتى اغلى مني خخخ سعيد: اكيد شويخ صح ودشت شويخ: شويخ اول ماشافته يلست تصيح وتقربت منه: فديتك الحمدلله عالسلامه واسمحلي فديتك كله بسبتي سعيد: استغفري ربج ومسموحه فديتج بالحل ما استوى الا المكتوب شويخ: شخبارك الحين ان شاء الله احسن سعيد: اكيد احسن يوم اني اشوفج شويخ: فديتك والله ويلسوا سوالف شوي وعقب شويخ ردت حجرتها وبالباجر طلع سعيد وشويخ فنفس الوقت طبعا ابو شيخه سوى عزيمة حق الاهل عسب طلوع سعيد وشيخه بالسلامة والعزيمة كانت فبيت ابو شيخه وتولفوا كل الاهل بهذي الليله يلسوا ويا بعض حزت الغدى والعصر طلعوا وراحو عزبة قوم بو شيخه طبعا المعازيم كانوا بيت قوم سعيد وبيت قوم شيخه وبيت محمد الشامسي اخو سلامة حرمت حمد العامري ( ابو شيخه) كانوا الكل مستانسين وبالهاللمة كانوا الشباب والشواب مع بعض والبنات والعياييز ويا بعض ^_^ محمد الشامسي: حمدلله على سلامة الولاد يا بومحمد حمد ( ابو شيخه): الله يسلمك بوحميد محمد: نزين بهالمناسبة الحلوة وطلوع سعيد وشيخه بالسلامه حبيت افتح موضوع وياك وخل تكون الفرحه فرحتين حمد: تفضل بوحميد اسمعك محمد: بالصراحه يا حمد نحن ناويين نخطب بنتك شيخه حق ولديه حميد سعيد من سمع هالشي انصدم واتغيرت ملامح ويهه بس طبعا محد كان منتبه له كلمهم كانوا ينتظرون رد حمد عالموضوع حمد: والله ياطويل العمر البنت بنتكم والولد ولدنا ونحن مابنلاقي احسن من حميد ريل حق بنيتي بس بعد خلنا نشاور البنت محمد: هيه اكيد لازم تشاور البنت ونحن مب مستعييلين خذوا راحتكم بالرد سعيد بعد ماسمع هالكلام نش على طول حمد: وين بوعسكور وين تبى سعيد: لا عمي تذكرت اني مواعد واحد من الربع ع شغله ضروريه بروح له وعقب برد لكم ان شاء الله حمد: خلاص يا وليدي بس هالله هالله فالدرب تراك الا توك طالع من المستشفى وانتبه عالاشارات وعن السرعه سعيد: ان شاء الله عمي ونش سعيد وراح كل هذا طبعا صار وشويخ ماتدري لانه الحريم اصلا ما رمسن فالموضوع والكل تفاجأ بهالموضوع واولهم حمد لانه حرمته سلامة ماكد فاتحته بهالموضوع البنات يالسات يسولفن ويا العياييز وشوي ويرن تلفون شويخ طبعا المتصل كان سعيد وشهوده يوم شافت انه سعيد حاولت تسولف ويا العياييز عسب ماينتبهن ونشت شويخ وراحت صوب المطابخ اللي فالعزبة عسب ترمسه واونها رايحة تشرب ماي شويخ:مرحبا الساع والله سعود: اهلين شويخ شويخ: سعيد شفيك؟؟ سعود: مافيني شي انتي وين شويخ: سعيد شفيك ترانا كلنا فالعزبة انته اللي وين سعود: انا طلعت شويخ: طلعت؟؟؟ وين رايح ؟؟؟ سعود: ماعرف وين بس مابا ايلس فالعزبة شويخ: خير سعود شو صاير انته فيك شي ليش طلعت وليش ماتبى تيلس فالعزبة ووين رايح وانت توك طالع من المستشفى سعود: ماشي شويخ ماشي انتي ردي ويا اهلج وانا عقب شوي برد العزبة وبرمسج فليل شويخ: ماعليه بس فديتك هالله هالله فالدرب سعود: ان شاء الله مع السلامه وسكر عنها وشويخ يت فبالها مية الف شغله ويلست طول الوقت وهيه تفكر فسعيد وشو فيه وليش هو متضايج ردت شويخ صوب الحريم وكملن سوالفهن الاشويخ تمت ساكته من غير عادتها وشهوده لاحظت هالشي وسالت شويخ وشويخ قالت لها انه سعيد شي فيه بس مب طايع يخبرها وشهوده بروحها استغربت من هالشي بس حاولت انها تنسي شويخ هالسالفه عسب ما ينتبهون اهلها سعيد تم يلفلف فالشوارع وعقب رد العزبة وياهم تموا يالسين الين حزت العشا تعشوا وعقب كل واحد توكل وراح بيته فالسيارة كان بو شيخه اللي يسوق وعداله حرمته سلامة وعندهم شويخ وطبعا سواف بروحه بسيارته ومحمد هو وعياله وحرمته فسيارة بوشيخه: شيخه بنيتي انا بغيت اشاورج فموضوع شويخ: امرني ابويه بو شيخه: مايامر عليج ظالم يا بنيتي شويخ: ........ بوشيخه: اليوم يا بنتي ونحن فالعزبة محمد اخو سلامة فاتحني فموضوع يخصج شويخ: يخصني انا ؟؟ شو هالموضوع يابويه؟ بوشيخه: لا تستعيلين ع رزقج صبري بخبرج شويخ: هههههه نزين ماعليه السموحه يابويه بوشيخه: محمد اليوم طلب اييدج لولده حميد شويخ انصدددددددمت بوشيخه: وانا يابنيتي ما بلقى احسن من حميد ريل حقج واللي بأمنه عليج بعد عيني شويخ بعدها ساكته من الصدمه بوشيخه: بس يا بنيتي انا قلت حق الريال اني لازم اشاور البنت وانا الحينه اشاورج يا بنيتي وانتي لا تستعيليين بالرد خذي وقتج اسبوع اسبوعين وعقب قولي رايج وفكري فردج زين يا بنتي هاي عشرة عمر مب يوم ويومين الكل ساكت يا ترى شويخ شو بترد على ابوها؟ سعيد شو بيكون موقفه؟ شهوده بتدخل فالموضوع ولا لا ؟ وشويخ شو بتقول حق سعيد؟ وسعيد شو بيقول حق شويخ ؟ بيقولها وافقي ولا بيقولها لا اترييني انا اباج وبخطبج من ابوج؟ كل هذا فالبارت الياي ترقبوا البارت مع رعووي هع والسموحه عالقصور | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
