•
•
"راجح"
كان واقف مع مصعب قريب من الكوخ الي بحديقه قصر مطر.
وشاف سياره براء وهي توقف قدام مدخل البيت
وهو عارف براء مين موصل الحين.
ووقف بمكان قريب بحيث يقدر يشوفها وهو ما اشبع شوقه منها بعد اخر مرا شافها وهي تكتب بالحديقه تحت المطر.
وتنهد بحزن وهو يشوفها تنزل وتوقف مع براء لوقت قصير وبعدها اخذت شنطتها ودخلت للبيت بضيق واضح عليها.
شد راجح على يده بقهر وهو يشوفها ب هالحاله متضايقه ولا يقدر يعرف الي فيها!.
ورجع لمصعب الي استغرب حركته ووقوفه بالمكان
بس تجاهل هالشي دام راجح جلس وماتكلم فيه
وكملو شغلهم على الاوراق الي بين يدينهم.
وصار راجح رسمياً يقدر يتحرك ويطلع خلاص دام مهمته قربت تنتهي بمسكهم للبحار.
ووقف على رساله ادهم له يطلبه يجي للمقر الي فيه مطر.
وودع راجح مصعب وهو يلتفت للقصر الي دخلته ياقوت وتنهد بضيق وهو يهمس: قرريبب.
وركب سيارته وحرك بسرعه.
~••••••••••••••••� ��•~
"ياقوت"
وقفت بحرج مع زين الي دخلت تنادي امها ورجعت لها
واستقبلتها حوراء الي بلغتها زهور بجيتها احلى استقبال
وحاولت ماتحسسها بانهم متضايقين وهم فعلاً حابين جلستها عندهم.
وبعد وقت نزلت زهور والبنات وجلسو جلسه طويله كلها سوالف مع ياقوت وبعد وقت جاتهم سناء الي تقول لزهور جاتها ضيفه وتنتظرها فوق بدورهم.
وكانت راحيل الي ححيل اشتاقت لها زهور وجلسو فتره طويله بالصاله الي بدور زهور وخواتها.
وكانت راحيل تقولها كل الي صار معها بهالفتره
وزهور نفس الشي وحتى بكى بكو من وضعهم وبالاخير قالت لها راحيل بضيق.
راحيل: وعرفت توني انه خطبني من امي يازهور وماادري اوافق ولا ارفض!.
زهور: انتِ مجنونه ترفضين!.
راح من عمرك كثير ياراحيل وانتِ ما لحقتي تفرحين!
لا انا ولا معاذ ولا الوالده الله يطول بعمرها بنديم لك!
زوجك هو سندك بعد الله.
وادهم زززين والله يشهد انه مايقصر معنا بشي!.
ومعتني ببنت اخته اليتيمه!.
وقايم فامك كانها امه!.
مين تبين احسن من كذا!.
صلي واستخيري والله بيكتب لك الي فيه الخير!!.
تنهدت راحيل بحزن: ادري والله ان فيه كل الصفات الزززينه ومو ناقصه شي.
وبتردد: وحسيته ناحيتي غير ما ادرري.
وصليت استخاره وارتحت! وصليت قبل اجيك وبعد ارتحت.
بس انا بداخلي خاايفه متردده تععبت من الحزن ابي افرح خلاص.
واخاف فرحي مو معه ولا مع غيره!.
مسكت زهور يدها وهي تشد عليها: الا فرحك معه ان شاء الله!
ويابنتي خلاص كبرنا لين متى بتعيشين لحالك! ولا بترضين بتسلط معاذ!.
سكتت راحيل لوقت طويل وقالت بهمس وهي تفكر: يعني اوافق؟.
هزت زهور راسها ب ايه بابتسامه: وافقيي! ولو ما وافقتي انا بنفسي بتصل عليه وبقوله حدد يوم العرس العروس موافقه!.
ضحكت راحيل وهي تحضنها بامتنان لها ومسحت دموعها بصمت.
وابتعدت زهور عنها وهي تشوف دموعها وقالت بابتسامه حزن: تبكين ياراحيل!.
راحيل ببكى: ابكي لانك بحياتي وانا فعلاً ليل نهار احمد ربي علييك انتِ اختي الي ما جابتها اممي!.
وصديقتي الي تخاف علي اكثر من نفسي
وانا جيتك وانا متردده بالموافقه بس دامك تشوفينه مناسب لي انا خلاص راضيه.
رجعتها زهور لحضنها وهي تحس بنفس المشاعر لراحيل واككبرر
لانها تعودت تخاف على كل الي حولها وتحس نفسها مسؤوله عنهم!
لانها تحملت المسؤوليه من صغرها.
وقفت زهور وقالت بضحكه: اييه ترا بنت اخت خطيبك تحت.
لفت عليها راحيل بسرعه وهي تقول: ياقوت!!.
هزت زهور راسها بايه: وبتنام عندنا بعد.
وقفت راحيل الي كانت بتنزل معها الدرج: ليش صاير شي!.
رفعت زهور كتفها ب مادري: قال بتطمن عليها عندكم وبس.
وانا ماحبيت اسال كثير وممكن يفهم غلط او شي ورحبت فيها.
راحيل بخوف: لا ان شاء الله خير طيب حاولي تعرفين منها شصاير!.
ضحكت زهور الي سحبتها معها: لااا من الحين صرنا نخاف على زوج المستقبل! توك موافقه يابنت وماقلتي له لسى.
صدت راحيل بابتسامه: اذا رجعت البيت بقول لامي توصله.
حضنتها زهور بحب: اخيراً بفرح فيك صدق!.
كانت راحيل بترد بس وصلو الدور الاول وقدامهم حوراء والبنات.
وسلمت عليهم راحيل وجلست شوي واعتذرت منهم بعدها لان امها بالبيت لحالها ولازم ترجع عشان ادويتها.
~••••••••••••••••� ��•~
"قيس"
سمع اصوات برا غرفته وكانت هواش وحس انها بين زوجات اخوه وماحب يتدخل وهو يسمع صوت جبير دخل بينهم
ورجع لسريره براحه وهو ماحب ينحط بموقف بينهم وهو يعرف رُدين بنت عمه تحب المشاكل من يومها وما كان يححبها وكان يستغرب حب جبير لها
وكان قيس اكثر واحد فرحان ان جبير ما راح يتزوجها ولانها طلعت على حقيقتها!
وانصدم بعد هالسنين انه رجع لها وتزوجها وكلهم للحين مايدرون عن السبب والي كانت وراه زوجة اخوه الي لعبت عليه على انها ابوه الي مايرفض له طلب!
•
مسك قيس جواله وهو يقلب فيه وشاف رساله جبران وهو يشكره على اللوحه وانها عجبت حبيبته!
ابتسم قيس وهو يعرف انه يستهبل وماعنده هالحركات وقيس يحب جبران حيل لانه جداً مححترمم
وابتسم اكثر وهو يتذكر ورد الي كانت تكلمه على البرنامج.
وبكل فضول كتب حسابها الي حفظه وهو بيشيك لو فتحت حسابها.
وللحظه فتح عيونه بصدمه وحس انه دخل حساب غلط وهو يشوف لوحته الي رسمها!!؟
صوره عرض للحساب!!.
جلس بسرعه وهو يمسك الجوال بيدينه الاثنين ويدقق بقوه بالصوره وهو يرفع الاضاءة ويقرب الجوال وهو مو مصدق عيونه.
وهمس بصدمه: بالاخير طلع انتِ صاحبه اللوحه!
انا رسمتها وانا اشوف اسمك قدامي وكانت لك! وفعلاً صارت لك!.
ونزل الجوال وهو يعقد حواجبه بتفكير وبنفس الوقت بابتسامه وهو يحاول يتذكر اسماء اهل جبران الي قد ذكرهم عنده!.
وقال اخيراً بهمس وهو يضحك: وررد ايه والله ورد اسمها!
معقوله اخذت حسابي من جبران؟.
وضرب جبينه بقهر: وانا كلمتها بكل اسلوب خايس!.
ااهه منك قيسس الحين تاخذ عنك فكره غلط! والحين ايش يفهمها اني وقتها كنت فعلاً متضايق وبمشكله وكلمتني يومها وطلعت الحره فيها؟؟.
تافف بقهر وهو يسحب شعره وقال باصرار: لالا لازم اعدل الي سويته!.
~••••••••••••••••� ��•~
"مطر"
كان من وقت وهو ساكت ونظره على سلاحه الي بيده وهو ينظفه وتوه مخلص.
ركبه من جديد ورفعه وهو ينظر له ويدعي بداخله ان بعد هاليوومين زهور بتكون عنده وجنبه وبحضنه ويستقر اخيراً بعد سنين!.
فتح الدرج وحط السلاح فيه ودخل للحمام وهو ياخذ له شور طووويل وداففي وريح فيه كل اعصابه المشدوده هذي اليومين والي ما احد سلم منها.
وعصب على الكل!
وبالاخير فضل انه يبقى لحاله لين يهدى.
قفل المويا وهو ياخذ منشفته ونشف فيها وجهه وراسه وبعد وقت طلع وهو يروح لدولاب وطلع له لبس مريح
ووقف قدام المرايه ورفع شعره الي واضح فيه الشيب بيده الي حافظ على طوله وهو يعرف ان زهور تحبه ب هالطول!.
وبالاخير رفع عطره وتعطر منه ونزله وشاف الساعه وكان الوقت متااخر بس يعرف انه وقت زهور! الوقت الي تطلع فيه وتختلي بنفسها!.
وتروح لشلالات وتشكي همومها الي ما مل وهو كل يوم يسمعها.
وبالاخير رجع لدرج وطلع سلاحه وحطه بخصره وطلع على نظرات راجح وادهم الي من وقت وهم يشتغلون على خطتهم وجالسين يوزعون العسكر من الحين.
~••••••••••••••••� ��•~
"زهور"
طلعت من غرفه ورد وهي تبتسم من شقاوه هالبنت وروحها الحلوه الي دايم تخفف عنها كل شي.
ووقفت عند غرفه نور ودقت الباب بهدوء وماسمعت رد وفتحت الباب بشويش وشافتها نايمه ورجعت قفلته.
وراحت لغرفه جبران.
وكان لسى صاحي على جواله!
ودخلت عنده بابتسامه وعتب: تعرف اني ما احب الجلسه على الجوال قبل ماتنام!.
نزل جبران الجوال بسرعه وكانه تذكر وقال باسف: كنت اشوف شغله سريعه وماحسيت بنفسي!.
جلست زهور جنبه وهو تاخذه لحضنها وتمسح على وجهه بحب: المره الجايه لو بتشوف لك شي ولو سريع اجله لبعدين!.
لان حتى السريع يشغلك وياخذ وقتك!.
رفع عيونه لها بابتسامه: ابشري يام جبران.
سحبت انفه بحركه مايحبها.
ووقفت وهي تسحب اللحاف وتغطيه.
ابتسم لها جبران الي مهما يكبر يحس انه بنظر امه صصغير لسى.
وباست زهور راسه وهي تستودعه الله.
وكانت بتطلع بس وقفها صوت جبران: احبك ياحلى ام بالدنيا.
ابتسما له بحب وطلعت وهي ممتنه ان الله رزقها فيه وعوضها عن بعد مطر بوجوده!.
ودخلت للغرفه الاخيره وهي غرفه زمرد الي مانامت وهي جالسه على السرير وتتامل فستانها الطويل المعلق.
وقفت زهور بابتسامه جنبها وهي تحضن كتفها وقالت بهدوء: لا تفكرين كثير وكل شي بيمر على خير وبتكون احلى ليله!
حضنت زمرد خصر زهور لانها واقفه وهي جالسه وقالت بنبره حزن وهي تتخيلهم معها: اتمنى لو امي وابوي الله يرحمهم معي يازهور
عشان ابوي يسال عن الولد ويتطمن اني باخذ واحد زين!.
وامي تفرح لي وتختار لي كل شي لبسي وشعري وحتى مكياجي!.
وابتعدت بتفكير: زهور تتوقعين عمي يجي من بيته البعيد عشان يملك لي! ولا بيرفض!.
جلست زهور جنبها وهي تطمنها: ماعليك انا بنفسي كلمته وهو فرحان لك وابوي الله يرحمه كان يمدح له مطر واهله كثير.
وهو تعرف على اويس ايام الخطبه وعجبه كثير!.
وبعد يقول انه هنا بمدينتنا يعني مو متاخر عليكك
غمضت زمرد عيونها براحه: الحممدلله الحمدلله
باست زهور راسها بفرحه: واذا على امي وابوي الله يرحمهم هم معنا وحولنا داايم يازمرد
والله لو مو كاتب لك الخير بالزواجه هذي ما راح تتم!.
ويلا وراك بكرا ليله طويله!.
وجلست زهور معها لين تركت التفكير ونامت وفتحت لها قران عشان ترتاح
وطلعت اخيراً لغرفتها واخذت حمامها المعتاد وطلعت وهي ترش عطورها وكريماتها وتركت شعرها يجف من حاله
وفرشت سجادتها وصلت كم ركعه وجلست بعدها تدععي كثير لها ولخواتها وولدها وحتى لنور ان ربي يهون عليها ويحفظ لها ولدها وزوجها.
وبعد مادعت للكل مثل ماهي متعوده قالت بحززن كبير: ياارب انا شايله بقلبي سر كبير انت وحدك تعلم بامره!.
ياررب حاولو يفضحونه ويقولون لجبران عنه.
يارب ابعد عنه اصحاب السوء وكل مين يبي يضرره!
واغفر لي لو سكوتي عن عالسر كبير ومو زينن
بس كبير علي اتكللم وابوها مو موجود وكان راضي ان هالسر يندفن!
يارب انت اكبر من كل شي واعلم يارب خفف عني وارحمني منه
وحضنت وجها بيدها وهي تبكي بصمت وجع هالسنين الي مارحمتها!
وبعد وقت قصير وقفت وهي ترفع سجادتها
وبدلت البجامه ولبست فستانها الابيض الطوويل الي ماتلبسه عند احد! وهي كككل لبسها اسود
واخذت حجابها وطلعت وكان الكل ناايمم خلاص
ووطلعت برا البيت وهي تشوف الحرس بدو يبتعدون عن مكانها زي ما طلبت
ونزلت بسرعه بعد ما اخذت معها شال كككبير لان الجو والهواء بارردين وشعرها ماجف لسى
ومشت لشلالات وجلست بمكانها الي ما يصير مكشوف لاحد وبس صوتها المسموع
واخذت نفس عمميق اول ماجلست وهي تقول بهمس: ريحتهه
احس بوجوده يالله
مابي التفت واتاكد انه خيال
ابي ابقى على فكره انه موجود وحولي على الاقل هالفكره تخليني اتحمس ليومي الجاي واني اعيش بكرا وانتظرهه!.
وحضنت الشال وهي ترجع راسها على الكرسي
ورفعت نظرها للسماء والغيوم الي متجمعه فيها وكانها راح تمطر!
وقالت بحزن وههمس خافت حيل: "أمطري أيتها السماء
‏و أخرجي ما بكِ من مطر ..
‏أمطري ..
‏و لكن ليس على الأرض و الشجر
‏بل أمطري علي لازهو وازهر
لكِ اعود ل،،"
وقاطعها الصوت الي حسته مثل قبل وراها
لفت بلهفه وهي ماتشوف احد حولها وتجمعت الدموع بعيونها بقهر من هالامل الي تحسسه وهو ماحولها الا الفراغ!!!
وقالت بصوت عالي ونزلت اول دمعه وحيده من عيونها وهي خلاص تحس نفسها بقربه وماعادت تتحمل: اذذا،،
وسكتت وهي مو قادره تكمل من الغصه الي فيها
وبعد وقت قالت بصوت مكسور ومرتجف: مططر؟.
لو انت حولي!
وتسمعني؟
تكفى! تكفى ارجع انا بحاجتك!
ورفعت يدها لسماء بضعف وبكى: كون لي هالسحابه وامطر علي بشوفتك بخير!.
انا زهره وانت المطر! ايش انا بدونك! ولمين انت بدوني؟؟.
وسكتت وهي ترفع يدها لوجها وتبككي بحرقه وهي تحس بريحته تبتعد
وبدت قطرات المطر تنزل وتضرب بالشلال والنهر العميق الممتد قدامها بكل الحديقه
رفعت راسها بشهقه وغصه تحسها بقلبها
وابعدت شعرها الي تبلل من المطر ووقفت وهي ترمي الشال على الارض
وبدت تمشي شوي شوي وهي ترفع يدها وتمسح دموعها مع كل شهقه.
وقالت بصراخ ودموعها متجمعه بعيونها وهي قدام النهر الكبير عليها والي يصب فيه الشلال: زهور ما راح تموت لو امطرت عليها!
بس هي مالها فايده وهي لا لون الزهر لها ولا ريحه الزهر لها! وتحتاجك عشان تكون كل ذذا!
وحضنت نفسها بشهقه وهي تنزل رجولها بالنهر البباردد والي يوصل لركبها وكل ما مشت فيه تتعمق اكثر بس وقفت برجفه وهي تخاف من المويا الكثيره والبحر الي ماشافته مثلها مثل امه!!.
ودايم حدود قربها من الشلالات انها تحط يدها فيها وبس
وهذي اول مرا تنزل فيه!.
وقالت زهور بصوت حاولت يكون مسموع مع صوت الرعد الي بدا يضرب بالمكان الكبير وهي تضرب المويا بيدها بقهر.
وشعرها ولبسها تبللو كلهمم وصارو ثقال ويسحبونها لتحت: مطر هالسنين كفايه علي كّبرت لك اطفالك!!
عشت ببيتك وغرفتك مثل ماوعدتكك ما افارقها!.
صرت لك الي تبيه؟؟.
بالاخير انا ايش كان المقااابل الي استاهله!
تتركني!!
وضربت صدرها بقهر اكبر: تتركني بين هالاطفال وانا ططففله اكثر منهم!.
وقالت بصراخ اكبر وهي تقرب شوي شوي للعمق: مسكتني وقلت لي كل اسرارك الي مايتحملونها الكبار!
فكييف مراهقه بعمر12 سنه!
ورفعت يدها وهي تحضنها وزادت بكى: كبرتننيي قبل وقتيي باسرارك!
انا تزوجت شخص ما اعرررفه
عشت بدونه وكبرت بدونه!
بس اخذ شي معه وما راح يرججع! اخذت هذذا يامطر
وضربت على يسار صدرها بانكسار وهي تردد بهمس مكتوم: ما راحح اسامحكك ياممطر لو هالليله اقضيها بدوننك ما ر
وسكتت وهي تحط يدينها المبلله على وجها الي كله مطر وانفجرت تببكي وكان فعلاً شكلها لا يحتمل من الحزن الككبير الي سببته لقلب مطر الي ما كان مستعد ل هالمواجهه!
ولا انه يكشف نفسه وهو مايضمن عمره لو يموت بكرا بالمداهمه! وبكذا بتعيش حزنه مرتين!!!
مطر: شذنب قلب الزهر يتععب
قالها بهمس وهو شد على قبضه يده
وانتبه لواحد من الحرس قربو لهم لان صوت زهور واضح
ووقف الحارس بمكانه بصدمه وهو يشوف مطر! واشر له مطر يرجع بهدوء وراح الحارس وهو مذهول
اما مطر غمض عيونه بالم وهو يهمس: يارررب كون معي يارب كون معي
وكان بيتركها وراه ويروح عششانها
بس انتبه للهدوء الي صار فجأة فالمكان وماعاد لزهور حس
وفز وهو يهمس لنفسه: لالااا
وطلع من بين الاشجار وهو يناددي بخوف: ززهوور زهور
وهنا وصله صوتها وهي تتخبط فالمويا وتحاول توازن نفسها!
•
الي صار ان زهور ماكانت حاسه بنفسها وهي تفقد توازنها بعد مافقدت الامل ان مطر عايش!
وزلقتت وهي تطلع وسحبها النهر لنهايته العميقه!وماقدرت تتكلم!
وهنا خلاص سكنتت وحست بالهدوء بكل شي وللحظه استسلمت وهي تفكر انها بترتاح خلاص؟
بس الصوت الي حسته خيال صحاها من هالجنون الي فكرت فيه
وبثانيه وحده سحبها مطر لين طرف النهر!.
وجلس مطر وهو يلهث بقوه والتفت عليها بخوف وقال بهمس: انتِ بخخير!
اما زهور تكح بقوه وهي مررعوبه ماتدري من الغرق الي كانت بتغرقه! ولا من الي طلع لها وتسسمع صوته!
وغمضت عيونها بسرعه وما التفتت له
وهي تقول ببكى وصراخ: ممطر هذا انت انا ماا مت واتخيلك!!
حن مطر من شكلها وقرب وهو يحضنها بقوهه وهو يشبع كلل شوق السنين
وغمض عيونه بقوه وهو نزلت دموعه من صوت نحيبها القوه وهي لسى مقفله عيونها وتهمس بكلام مو مفهوم وهي مو مصدقه.
•
فتح باب الكوخ الصغير الي موجود بالحديقه والي فيه مكتبه.
ودخل بسرعه وهو شايل زهور الي فقدت وعيها بحضنه وماعرف الا هالمكان ياخذها له.
لانه للان ما انهى الامور الي تخص مهمته.
ومو مستعد يظهر للكل من جديد!.
ونزل زهور بهدوء وهو يمسح على وجها ويبعد شعرها الي حوله.
وقال بهمس مرتبك: زهوري! زهور! هذا انا والله انا مو خيال وانتِ بخير بس اصححي
اصحي وخليني اشوف عيونك!.
وسكت بلهفه وهو يسمعها تحاول تتكلم وفجأة حضنت نفسها من البررد الي حسته.
وهنا استوعب مطر وضعهم وانهم كلهم متبللين من المطر وهي اكثر بسبب النهر الي نزلت فيه
اخذ جواله يبي يتصل وماكان يشتغل.
ونزله بسرعه وهو يروح لتلفون الموجود على المكتب واتصل على اويس!.
قال مطر وهو يتنفس بسرعه ومرتبك: اويسس روح غرفه زين ولو فيها ملابس هاتها انا بالمكتتب الي بالحديققه
وقفل قبل يسمع له رد.
وراح لدفايه وهو يشغلها وماحب يفتح الاضاءة الخافته اصلاً وفضل انه يفتح الشموع الموزعه بالمكان
وراح بعدها لدولاب الي بالغرفه الثانيه الصغيره واخذ كل الاغطيه ورجع لزهور.
على دق الباب القوي.
وراح مطر بسرعه وهو يفتحه قبل تصحى زهور.
وكان اويس
واخذ منه مطر الملابس الي جابها.
وكان على وجه اويس واضحه نظرات عدم الفهم والصدمه من وجود مطر عندهم!.
وفوقها طلب منه يجيب له من ملابس زين للكوخ وهو ينتظره؟.
وماكان مصدق وتوه تاكد.
طلع مطر تحت المطر من جديد وهو يحضن اويس بشوق وهو ماشافه من شهر!.
شد عليه اويس بقوه وشوق: مممطر! الحمدلله على شوفتك ياخوي! انت بخير؟.
وابتعد مطر وقال: الحمدلله بخخير بخير.
شد على كتفه وهو يقول بصوت شبه هامس: انا بلغت مصعب اني موجود بس يعرف اني اروح هالوقت.
و انا هالمره باقي!
فبلغه مايقرب للمكتب!.
•
"اويس هو الوححيد من اهله الي يدري من البدايه ان مطر بخير! لان مطر كان يحتاج انه يكون على تواصل مع احد من اهل البيت عشان يتطمن على الكل ويساعدهم!.
وكان فيه شخص ثاني يعرف بس مو من اهله!
بس من السكان البيت!.
"وهي سناء"!.
لان مطر مايقدر يسال اويس عن زهور بشكل دايم!.
وهو يعرف اهل سناء وبنفسه انقذ اخوها من مشكله قبل سنين ومن وقتها هي طلبت تشتغل عنده عشان ترد له الدين الي صار عليهم.
ورفضض مطر بس بالنهايه وافق وهو يشوف اصرارها الكبير على هالشي ولانها تبي تساعد اهلها!.
وصارت سناء من القليلين الي يثق فيهم مطر وكانت توصله كل شي يخص زهور.
وهي الي تدَخله للبيت ولغرفة زهور ببعض الاوقات
وتدعي ليل نهار ان زهور لو درت ماتزعل منها بسبب هالسر الي بينهم.
لانها تعلقت فيها كثير!".
•
قاطع اويس افكار مطر وهو يقوله: مططر وليشش ما راح ترجع؟.
مين موجود عندك!.
واشر بعيونه: وانت ليش مبلل؟ تبي ملابس؟؟.
قال مطر بهدوء عكس الي داخله: زهور هنا يا اويس!.
فتح اويس عيونه بصدمه وهو يقول: شافتك وعرفت؟!.
هز مطر راسه ب ايه بهدوء.
حط اويس يده على راسه بقلق: والحين ايش بيصير!.
تعبك كل هالسنين بيضيع وانت ما مسكته!
انا مو متحمل اني اشوفه واسللم علييه يامططر!.
احسني احترق وانا ادري ان ولد خاالتتي تاجر مخدرات ورئيس عصابه! ومن قبله ابوه الي قتل اهل اددهم بدمم بارد!
انا اوقات كثير اجلس فيها ماني مستوعب!.
والي مخوفني اكثر هو امممي
كيف بقولها كيف بتعرف بعدين!.
تسمع من الاخبار؟ ولا تجيها اختها بفجعتها!.
حط مطر يده على كتف اويس وقال بصوت قوي: مو وقته هالتفكير يا اويس
وحقنا منهم راح ناخذه!.
وحق ادهم واهله بيرجع لهم وبيرتاح
وهم قريب راح ينمسكون وقريب يااويس!.
وخالتتي قوويه وباذن الله مو صاير شي انت بس ادعي الله يكون معنا اليوم.
هز اويس راسه بفهم وهو مشغول باله الحين اكثر
ولفو كلهم على صوت زهور ودخل مطر بسرعه بعد ما ودع اويس وقفل الباب زين.
ودخل وهو معه الملابس وشافها تهمس وتهذي وهي نايمه.
وجلس جنبها على الارض وهو بدا ينزلها ملابسها عشان يبدلها لها بالمجففه الي معه.
~••••••••••••••••� ��•~
"ورد"
صحت وهي خايفه من صوت الرعد ومن البرق الي يدخل لغرفتها الي فيها شرفه ككبيره وتطل على مدخل البيت.
اخذت لحافها وطلعت وهي تفرك عيونها من النوم بكسل.
ودقت باب غرفه زهور ودخلت وشافتها فاضيه ونادت بنوم: ززهور
زهور؟.
تاففت بضيق وهي بدا النوم يطير عنها ومالقت زهور وطلعت من جديد ودخلت غرفه زمرد ووقفت عند سريرها وهي تناديها: زمردد.
فتحت زمرد عيونها على صوت المطر الي زادت قوته وشافت ورد واقفه بلحافها وفهمت انها خافت.
ونامت زمرد بطرف السرير وهو تخلي لها مكان جنبها ونامت ورد جنبها وهي تغطي نفسها بقوه وغمضت عيونها تحاول تنام.
وهي مع كل صوت لرعد تحضن زمرد بخوف.
~••••••••••••••••� ��•~
"راحيل"
كانت سهرانه ومانامت ووقفت وهي تشد شالها الكبير على جسمها وتناظر المطر مع شباكها الصغير الي فتحته وخلت المطر يدخل لغرفتها بخفيف.
وغمضت عيونها وهي تسند راسها على طرفه واخذت نفس عميق وهي تعشق ريحه المطر.
ورفعت يدها برجفه وبدت تدعي بكل مافي نفسها وسرقها الوقت وماحست الا على صوت امها الي تناديها وقفلت الشباك بسرعه.
وراحت لها وشافتها تحاول تجلس.
وقربت منها بتساعدها وقالت باستغراب وهي تحط الخداديات وراها: ليش صاحيه هالوقت يمه؟ باقي وقت للفجر.
ام راحيل بتعب: سمعت صوت المطر وقلت اقوم اصلي وادعي لابوك بالرحمه.
ولاخوك الله يهديه.
تمتمت راحيل بالله يرحمه.
وابتسمت لامها بحزن وساعدتها تقوم توضي وتصلي وجلست جنبها الوقت كله وهي تسمعها تدعي
وقالت راحيل فجأة بشرود: يمه، انا موافقه.
لفت عليها امها الي كانت رافعه يدها وقالت بفرحه: صددق يمه! وافقتي على ادهم!.
هزت راحيل راسها ب ايه بهدوء وقربت لامها الي مدت لها يدها بفرح وهي تمسك وجها بحب وتبوس خدودها بسعااده.
وابتعدت راحيل وابتسمت وهي تشوف فرحة امها الي فرحت لها اكثر من يوم انخطبت لمشعل!.
وقامت راحيل وتركت امها الي قالت بتنسدح شوي لصلاه
وطلعت وهي تسمعها تدعي لها.
ودخلت راحيل غرفتها وهي تمسك قلبها الي يدق بقوه بربكه.
وقالت بهمس راجي: يياررب يكون هالاختيار الصصح.
~••••••••••••••••� ��•~
"ياقوت"
طلعت من الحمام وهي توها ماخذه شور وشافت زين جالسه على جوالها وقالت ياقوت باستغراب: زين؟ مو كنتِ نايمه!.
نزلت زين جوالها وهي تلف عليها: الا بس صحيت على اتصال جوالي وكان اويس يبي مني شغله.
جلست ياقوت على طرف الكرسي وهي تجفف شعرها وقالت: اييه سمعت اصوات باب ينفتح ويتقفل واستغربت انك صحيتي.
حضنت زين لحافها بقوه ببرد: اصلاً عجزت ارجع انام.
رفعت ياقوت شنطتها وهي تطلع كريماتها: ليش؟.
هزت زين راسها بلا وهي ماتبي تقول السبب وان اويس طلب منها ملابس ماتدري لمين!.
وقالت وهي تغمض عيونها: عشان المطر.
ابتسمت ياقوت: اايه الحين ودك بحضن براء
بس من سوء حظك مالك الا مقابل وجهي.
ضحكت زين: لا احس اني اليوم بنام بغرفتي اششتقت لها ححيل.
وقفت ياقوت الي معها بجامتها: يلا نوم العاافيه.
زين: الله يعافيك
ودخلت ياقوت لغرفه الملابس عشان تلبس وترجع تنام وهي مانامت الليل كله تكتب فصل جديد بروايتها.
اما زين اتصلت على براء تطمن عليه وقفلت بعدها وهي خلاص النوم جاها.
~••••••••••••••••� ��•~
"زهور"
فتحت عيونها لثواني ورجعت قفلتها بتعب وهي تسترجع ككل شي صار بثانيه!.
وكانت تفكر كل هذا حلم! لانها بسريرها! وماتحس بالمويا الي تتذكرها؟
ووين مطر!.
بس فجأة رجعت فتحت عيونها وهي تستوعب ان السقف الي فوقها مو نفسه سقف غرفتها.
ورفعت يدهل بثقل لصدرها واخذت نفس عميق وهي تحس حنجرتها مجروحه وتتالم منها.
ولفت عيونها بالمكان الي هي فيه بتعب!
وكانت غرفه نوم صغغيره والسرير الي هي فيه صغير
وحاولت تجلس وهي حاضنه نفسها من البرد الي داهمها اول ما طاح الشال الكبير الي مغطيها.
وطاحت عيونها على نفسها! وين ملابسها الي نزلت فيها!
الي عليها مو لها!!.
بس نفس المقاس تقريباً؟.
غمضت عيونها بقوه وهي تكح بالم وشدت على نفسها وحاولت توقف ومشت فوق الارضيه الخشب بهدوء بس الصوت لازّم خطواتها وكانت بتطلع من الباب الموجود بالغرفه للمكتب الي بدت توضح لها تفاصيله.
بس وقفت بمكانها وهي تسمع صوت باب الحمام ينفتح
وماقدرت تلف وتشوف الي وراها وهي حاسه بالخوف لو تخيب كل امالها.
ويكون مطر الي شافته وسمعت صوته خيال!.
وسمعت خطواته تقرب منها لان الخشب يفضح هالشي
وصار الشخص فعلاً وراها.
اخذت زهور نفس عميق وغمضت عيونها وقالت بصوت ضعيف ومرتجف: مطر؟.
ونزلت دمعتها حارهه على خدها اول ماحضنتها يدينه ولصقت فيها ريحتهه.
فتحت عيونها الغرقانه دموع ورفعت يدينها ليدينه وحضنتها بقوه وهي تنزل راسها عليها
وجلست على هالوضع فتره وهي بس دموع وصمت وحضنه!.
ورفعت راسها من على يدينه وهو يلفها له!.
وطاحت اخيراً عيونها الحمراء الي تورمت والي مليانه دموع!.
بعيونه الي واضح عليها الكبر بس لسى باقيه فيها قوتها
وبنفس الوقت كانت كلها ككلام لزهور وشوق ولهفه
وابتسم مطر بحنان وهو يحضن وجها بكفه وقال بصوته الي اشتاقت تسمعه وهي ماتوقعت بترجع تسمعه بيوم!: هذا هو مطر الي ناديتي كثير عشان يجيك سمعك وجاء!.
وقال بحزن: لااا زهور دموعك اليوم مابي اشوفها!
انا هنا
معك!.
انفجرت زهور تبكي وتشهق وهي تحضنه بقوه
وقالت ببكى: احتجتك كثيررر تدريي!!!.
همس مطر: اشش وانا الحين معك وجنبك وما راح اتركك.
همست زهور: ما راح تتركني؟ بس انت تر!.
وابتعدت عنه فجأة وهي تحس توها فعلاً تستوعب وقالت بصدمه وتفكير: لالا هذا الوقت كله كنت بكذبه
كنت بكذبه؟ لليشش.
حاول مطر يحتويها ويرجعها حضنه وهو عارف الي بيصير نهايه الكلام: زهور انتِ مو بوعيك الحينن
زهوررر.
دفته عنها ببكى وهي تضربه على صدره وكتفه وهي تحاول تتكلم بين كل شهقه والثانيه: اننا تعببت
تعبت كثير.
انت بكرا ترجع تتركني لييشش جيت
ليش رجعتت.
تعبت لين وصلت هالمكان يامطر
اني اوصل مرحله المميته من جوا!.
وشد مطر حضنه لها بس حاولت تتركه وهي تهمس بضعف: اترككني.
وسحبت نفسها بقوه وهي تجلس على الارض مثل الطفله الصغيره وتحضن رجولها الي سندت راسها عليها
وبكت بكل مافي قلبها.
اما مطر وقف مكانه عاجز وهو يخاف بقربه ياذيها! وصار مو عارف يتصرف.
بس ابداً ماتحمل شكلها وقال من ورا قلبه: لو تبين بعدي يازهور راح ارجع ابتعد!
بس ما ابي اشوفك ب هالشكل؟.
رفعت زهور راسها بسرعه وهي تصرخ بمكانها ووجها احمر وكله دموع: اايه جاتك الفرصه عشان تلقى سبب جديد وتترك فوق ظهري هالمسؤوليه الكبيره!.
انت ايشش!.
ووقفت برجفه وهي تقرب منه وتضربه من جديد بضربات كثير وعشوائيه وهي ماتدري وين تضربه وقالت بحده: اننت ايشش! لا خوف ولا مسؤوليه!.
تارك طفله لحالها مع 3 اطفال ماتدري هي ترعاهم ولا ترعى نففسها.
انا مو مثثثلك!!.
مسك مطر اخيراً يدها وهو يحاول يسيطر عليها
وقالت بصراخ وبكى: اترركنني اترككني مالك حق حتى تلمسني.
انا ما راح اسسامحك يامطرر
ولا تفكر برجعتك راح تاخذ عيالي!
انننا ربيتهم وتعبت عليهم
انت حتى كلمه بابا ما سمعتها منهمم.
انا ما اتذكر كلمه حلوه منكك
انا ما اتذكر لمسه زينه منك.
ماسهرت معي علييهم
وضربت صدرها بقوه وهي تاشر على نفسها: اننا انا امهم
انا ربيتهم.
تعبت وسهرت وجربت كلمه ييممه ايش تسوي بقلبي.
ووقفت وهي تاخذ نفس مابين شهقاتها على وجه مطر الي جمد بمكانه وهو ماتوقع هالمواجهه معها!.
وهو معها ويدري بغلطه مليون بالميه وعاذرها وعمره ما راح يلومها! بس شي واحد الي مو متفق معها فيه انه هو بعد ابوهمم!!.
وبعدت زهور شعرها بقوه عن وجها واشرت عليه بيدها بصراخ: المكان الي جيت منه روح له حياتنا مكمله بدونكك.
لا تطلع لهم وتخرب حياتهم هم تعايشو انك ميت
وقالت بسخريه حزينه: وبذات بنتك.
وطلعت من المكان وهي ما تدري وينها وتوها تستوعب ان هالمكان بحديقه البيت وركضت بسرعه وهي بس تبي توصل غرفتها وللان مو مصدقه عيونها وانها شافته!.
•
اما مطر جلس على اقرب كرسي وهو يحس بتعب وحيله انهد بعد هالكلام والمواجهه الصريحه الي صارت
وهو متاكد ان كل هذا رد فعل طبيعي وهي كابته كل هذا بقلبها سنين!.
ولانهه تظنه ميت ماتقدر تقول الا انها تحتاجه
بس حقيقة انه عايش؟ تصدم وتخليك تعاتبين هالشخص على كل شي مريتي فيه بسببه.
بس رغم كل هالكلام الي صار هو متاكد انها تحبه!.
~••••••••••••••••� ��•~
"زهور"
دقت باب البيت المقفل بققوه وهي تبكي وترجف
وجاها صوت سناء الي صحت مفجوعه وفتحت الباب وانصدمت من زهور وشكلها ولانها بدون حجاب.
دخلت زهور للبيت وراحت للجناح حقهم ودخلته وقفلت على نفسها على صوت سناء الي لحقتها: زهور زهورر شصارر!!.
ودقت الباب بقلق بس وقفت على صرخه زهور القويه: اترركوننيي.
سحبت سناء يدها بسرعه وخوف وهي فعلاً خافت عليها وتركتها وهي تفكر فيها.
اما زهور نزلت كل ملابسها ودخلت تحت المويا وهي تفرك بنفسها بقوه وبكى وتتكلم بكل شي وتصارخ وتعاتب.
ورمت الي بيدها على الارض بقوه وجلست وهي تبكي لوقت ططووويل.
واخيراً رفعت يدها الي ترجف للمويا وقفلتها ووقفت وهي تاخذ روب الحمام حقها ولبسته وطلع لغرفتها وشافت الملابس ورجعت تتذكر الي صار وان مطر الي لبسها اياها.
وغمضت عيونها ونزلت دمعتها الحاره على وجها وقالت بهمس ضعيف: مالك حق بعد كل هالسنننين يامطرر.
ودخلت سريرها وهي منهد حيلها بعد الي صار
وحضنت نفسها بقوه ورجعت لدوامه بكاها.
~

الفصل العشرون
•
•
•
"يوم عقد قران زمرد واويس الصباح"
"زمرد"
فزت وهي تشوف الساعه ولفت على ورد وهي تصحيها بقوه: ووردد وردد تااخرت قوممي.
وسحبت لحاف ورد ودخلت للحمام بسرعه.
اما ورد جلست بنعاس وهي تبعد شعرها بعشوائيه وقالت بكسل: اننتِ تاخرتي انا ليش تصحيني.
وسحبت لحافها ورجعت تنام.
طلعت زمرد وهي تبي تاخذ اغراضها وتررجع تتحمم: ورررد
اليوم ملكتي قوميي
وين زهورر.
ورجعت دخلت للحمام.
وجلست ورد وهي توها تستوعب وفزت وهي تنزل من السرير وقالت بصراخ: اناا بصصحيها.
وطلعت من غرفه زمرد وراحت غرفتها ودخلت للحمام وطلعت بعدها وهي تروح لغرفه زهور.
~••••••••••••••••� ��•~
"ياقوت"
صحت ومالقت زين جنبها وعرفت انها تركتها تنام لانها ما نامت زين.
وقامت ياقوت وهي تبي تصحصح لانها تعرف ان اليوم عندهم ملكه وتبي تساعدهم لو محتاجين شي.
وبعد وقت طويل خلصت فيه طلعت وهي تشوف الناس الداخله والطالعه والتجهيزات الي صايره.
ورجعت وهي تاخذ حجابها معها احتياط وطلعت تدور زين.
وسمعت صوتها مع حوراء بالمطبخ وكانو مجهزين الاكل
وقالت ياقوت بابتسامه: صباح الخير.
حوراء وزين: صبباح النور.
وكملت زين الي سحبتها تجلس: تووني قايمه بقولك يلا الفطور جاهز.
واعذرينا على الفطور المتاخرر.
ضحكت ياقوت: لالا ممعذورين والله يتمم لكم على خير
حوراء وزين: اممين.
وبعد ما خلصو فطور قامت ياقوت وزين يشوفون الحلويات الي وصلت والتقديمات!.
~••••••••••••••••� ��•~
"ورد"
وقفت قدام غرفه زهور وهي تدق الباب باستغراب
لانه مقفل ومافي صوت لزهور.
وقالت بصوت عالي: زهورر.
ورجعت تدق على الباب باصرار.
وجاتها سناء بسرعه وهي تهمس: وررد ورد.
لفت عليها ورد وهي رافعه يدها بترجع تدق عليها بس مسكتها سناء بسرعه وهي تقول على نفس الهمس: زهور مانامت بدري وطلبت مني اصحيها بعد ساعتين خلييها نايمه.
عقدت ورد حواجبها باستغراب وهذي مو عاده زهور: وليش! وهي طلعت من عندي على اساس بتنام
وهي عارفه اليوم ايش.
توترت سناء وهي تعرف هم قد ايش يعرفون زهور وحافظينها وراح يفهمون انها تعبانه ومتضايقه
وقالت بمحاوله اخيره: انا قلت لك بصحيها بس خليها الحين.
وهي طول الليل تفكر بزمرد عشان كذا.
وبعد لا تقولين لزمرد شي عشان ماتتوتر وتشيل هم
بعد؟.
هزت ورد راسها بفهم وهي مو مقتنعه بس رضت عشان زمرد الي قايمه بتوتر اصلاً.
اما سناء نظرت بباب الجناح بحزن وهي عرفت الي صار من اتصال مطر عليها والي سال عنها وقالها انها شافته
وهمست بحزن: الله يجبر على قلبك ويقويك ويصبرك.
وراحت للمطبخ وهي ناويه ترجع لها بعدين ولو مافتحت راح تفتحه هي بنفسها بالمفتاح الثاني الي معها.
~••••••••••••••••� ��•~
"جبير"
وقف قدام المرايه وهو يرجع شعره بترتيب واخذ سلاحه وحطه بخصره ولف على مادلين الي جالسه بضيق
وجلس جبير جنبها وهو يرفع يدها ويبوسها: الحلوه للحين متضايقه؟.
لفت مادلين عليه وهزت راسها بلا وصدت عنه
جبير: لااا اذا سويتي ذي الحركه يعني فيه زعل وضيق
تكلمت مادلين بطفش وهي فعلاً واصله معها من رُدين بعد هوشه امس: جبير قلت مافيني شي.
وبس لو فعلاً اهمك كان طلقتها!.
تنهد جبير بضيق وهو يمسح على وجهه وقال: مادلين يحتاج اعيد كلامي الف مره؟.
قلت لك الي بيني وبين رُدين انتهى من يوم رفضت خطبتي قبل اكثر من 15 سنه!.
كنت صغير حيل وقتها توني اول عمري
واكتشفت مع السنين انها كانت بس مشاعر مراهق يبي يحب ويدور هالشي!.
لانها فعلاً مع السنين الي مرت صارت شوفتي لها عاديه ما انظر لها بعيون الحبيب الي من سنين!.
وليش تزوجتها الحين هذا شي مقدر اتكلم فيه و.
قاطعته مادلين بحده: يعني تحبها للحين.
مسك جبير راسه وهو يهزه بتعب ورفعه بمحاوله اخيره: يابنت والله اقولك الحين مخليها وماطلقتها عشان عيالها
وين يروحون بكرا! امهم مهملتهم.
وابوهم بعد الي سوته رُدين عاف عياله! يدورهم بالسنه مره!.
والحين يوم تعب تذكرهم ومصر عليهم خايف يموت وياخذ ذنبهم!.
يعني رُدين وزوجها كلهم مضيعين عيالهم!
مالهم غييري!.
لفت عليه مادلين بحده اكبر: الاا لهم! يروحون لخوالهم ولا عمانهم!.
انا اي احبهم بس ما اححب امهم! ماابيها معي
وكملت بحزن والدموع تجمعت بعيونها: مانسيت ولدي الي قتلته.
مد جبير يده لها وحضن راسها وهو يمسح دموعها بضيق وقال بتعب: يابابا هالموضوع حلفت رُدين انها ماتقصد! ولو شكيت ان عندها لو نيه صغيره انا بنفسي باخذ حق ولدي!.
والطفل يتعوض ان شاء الله والعمر عندنا
والله بيرزقنا.
وابتعد عنها وهو يقول بنبره حنونه يبي يغير الموضوع: ماودك تروحين الملكه اليوم؟ خليني اوصلك الحين على طريقي.
هزت راسها بلا وهي تمسح عيونها: ما احس اني زينه
وممكن تمرني ساره او اروح لها.
وغير كذا ما تركت هذا.
واشرت على العكاز
وكملت بضيق: ماودي امشي فيه عندهم.
وقف جبير وباس راسها بحب: الي يريحك حبيبتي بس حاولي ان ساره تجيك ولا تطلعين!.
والحرس اليوم بيكونون حولكم.
وقفت مادلين معه: ليش؟.
جبير: احتياط بس.
ضيقت عيونها بشك وهي تنظر بوجهه الي لفه عنها: جبير! عنك مداهمه اليوم؟؟.
مارد جبير الي اخذ جاكيته وانشغل بالجوال.
بس ماتركته مادلين الي مسكت يده والدموع رجعت لها: الله يحفظظك ليي.
تكفى طمنني عنك! اول باول!!.
هز جبير راسه بموافقه وهو يقول بهمس: ادعيلي! اليوم يوم كبير لنا وان شاء الله نطلع منه منتصرين! وماخذين الحق.
رفعت يدها وهي تدعي ببكى: ييارب.
وطلعت وراه وهي تتمتم وتدعي له لين نزل وغاب عن عيونها.
ودخلت وهي تمسح دموعها وتدور جوالها تكلم ساره تبيها تجيها وما راح تروح لها.
~••••••••••••••••� ��•~
"عصام"
دخل غرفته وهو يدور شي بالادراج على دخول زوجته الي دموعها على خدها: ياعصام اقولك مرريض قوم نوديه!.
لف عليها عصام بوجهه البارد وهو ياخذ سلاحه ويعبيه: يظهر انه لازم كلامي اعيده مره واثنين وعشره!
طلعه ما راح تطلعون!.
ياتروحين الحين بيت اهلك ولا عاد ترجعين
يا انطقي هنا.
وهو اذا مرتفعه حرارته عطيه مسكن وخلاص!!.
وطلع من الغرفه وتركها وراه على السرير تبكي.
دخل غرفه ولده المريض وباس راسه وهو يهمس: بابا هذا يعورك؟.
هز ولده راسه ب ايه بتعب.
رجع عصام يهمس: لو انك مثل ابوك راح تتغلب عليه وتقوم طيب.
ياما ابوي تركني بالفراش وهذا انا قدامك قوي ورجال كبير!.
رفع ولده سليم عيونه له وهو يهز راسه بفهم وهو مهدود حيله من التعب بس كله خوف من ابوه ونظراته.
~••••••••••••••••� ��•~
"مطر"
دخل مصعب لسياره وشاف مطر متكتف ونظره للفراغ وما انتبه انه دخل لسياره حتى.
وقال بصوت عالي يبيه ينتبه: ممطر!.
لف مطر عليه ولف من جديد وهو يشغل السياره ويحرك بدون ولا صوت.
استغرب مصعب سرحانه الكبير وسكوته.
رغم ان مطر دايم ساكت وقليل كلام بس هالمره بزياده
ومشو مسافه كبيره وقابلو سياره راجح موقفه ونزلو عندها ومشو للبيت الصغير الي بنهايه الطريق ودخلو كلهم.
وكان ينتظرهم ادهم.
وجلسو فتره يناقشون خطتهم وكيف يبدون وبمين وكيف يجيبونه!.
قال راجح بتفكير: الخطه ينقصها شي.
احس في حلقه مفقوده ومنها راح نغلط!.
لف عليه مطر: قول طيب الي تحس فيه!.
ولو ان هالخطه راجعناها كثير
بس فيه نفس الاحساس.
احس انه كاشفنا!
معنا وحاس بتحركاتنا؟.
ضرب ادهم الطاوله بيده بقهر: كيف غابت عن بالي؟.
معقول انه بتجسس على بيت جبير.
لف عليه مطر: فكرنا فيها من قبل بس الي عرفناه انه حدوده الكوخ ما.
وسكت فجأة وقال بتفكير: الا لو ان هالجهاز الي يتجسس فيه مع رُدين!.
مصعب بتفكير: معقوله تدري بعدو زوجها وتسوي كذا!
مسك راجح راسه بتعب: تخونه تخخونه يامصعب.
وماتبيها تدخل له جهاز يتجسس فيه عصام!.
هز مطر راسه بلا وهو يوقف ويقول: لااا في شي ثانيي
في احد ثاني متورط معه.
رفع ادهم جواله وهو يقول: جبير يتصل!
واكيد وصل للموقع.
مانبيه يدري بشي لان معرفته بتشتت عليه العمليه كلها!
خلوه على نفس موقعه والي يسويه!.
وانا وراجح راح نروح مزرعته!.
وقف مصعب: وانا برجع للقصر.
ضرب مطر يده بالشباك بتوتر: وانا بروح بسياره لحالي!
في شغله بخلصها تخص الملكه.
لف ادهم وهو بيعترض!.
بس سكته مطر باشاره سريعه وقال: ابي تكون هديتي لاويس.
واخذ قلم وورقه وبدا يكتب "كملو الكلام معيي عادي ولا تعترضون".
ورفعها وكلهم قروها.
وفهمو عليه!.
قال راجح بمجاراه له: تبي اروح معك!.
ابتسم مطر وقال: ماعليك سريعه هي ومو مطول.
ورجع كتب على الورقه "راح اكون ببيت ****".
لفو عليه كلهم بصدمه بعد ماقرو واخذ ادهم ورقه وكتب "مطر! مستوعب المكان الي رايح له ايش ووين!!".
هز مطر راسه ب ايه وهو لسى على ابتسامته.
عقد مصعب حواجبه وهو يفكر بالي بيسويه مطر
اما راجح ابتسم له وهو فهم عليه.
وطلع كل واحد منهم رايح للمكان الي مطلوب منه.
ومطر ركب سيارته بعد ما اتصل بشخص يلتقيه.
~••••••••••••••••� ��•~
"عصام"
ركب سيارته وهو يكلم بالجوال بصوت عالي وضحك: ايييه؟ قلت لي الحراسه مشدده!.
وضحك بصوت عالي اكثر وهو يشغل سيارته ويتحرك: خللييهم يحطون جييش ادخل يعني ادخل بالنهايه هم مايعرفون اني اروح لها!.
وبعدين سكت وقال بتفكير وهو يشوف اتصال ثاني: ااي اقولك جاتني فكره بس خلني اخذ هالاتصال وارجع لك.
وقفل منه وهو ياخذ الاتصال الثاني: سيدي مطر متوجه بعد وقت للقصر والواضح انه بيبقى هناك فترة تبي نجهز له المفاجأة؟.
ابتسم عصام بخبث وهو يقول: ايه قول لصياد يجهز نفسه وعند اشارتي يسوي الي طلبت!.
وفي حال انا انمسكت نفذو الي قلت لكم بالحرف
ولو قدرتو على وحده ثانيه يكون افضل.
وقفل منه وهو يرجع لماجد "زوج اخته فيروز".
ويكمل الخطه معه وهو مايدري انه يخطط عليه!!.
~••••••••••••••••� ��•~
"مطر"
بعد مسافه كبيره مشاها بالسياره بدا يهدي سواقته بعد ما انتبه لسياره الي تراقبه! وهو كان ينتظرها لانه متاكد ان البحار يتسمع لهم!.
ويوم تاكد انها فعلاً تلحقه نفذ خطته الي مجهزها ودخل بحاره ضييقه ونزل بسرعه من السياره وركب سياره ثانيه تنتظره.
وركب شخص ثاني بسيارة مطر وطلع من الحاره وراح الجاسوس يمشي وراه على باله مطر.
اما مطر ركب السياره الثانيه وراح للمكان الي بباله!.
~••••••••••••••••� ��•~
"سناء"
طلعت المفتاح بعد ما شافت الاسئله تزيد على زهور
وحتى جبران ماتركها وهو يسال عنها.
وقررت انها تدخل وتشوفها تخاف صاير لها شي.
فتحت الباب بهدوء ودخلت وهي تشوف الصاله فاضيه
وقفلت الباب ودخلت لغرفه النوم وشافتها ظلام والتكييف مفتوح اعلى شي وجسم زهور يرجف بقوه تحت اللحاف.
قفلت سناء التكييف بسرعه وفتحت الانوار
وراحت لزهور وشافتها ترجف بشكل كبيير.
وحاولت تصحيها وهي تناديها بخوف: زهورر زهور!!.
بدت زهور تهمس وتهذي ورجعت لها الحاله.
تجمعت الدموع بعيون سناء وهي تقول: ياررب الطف فيينا.
وتركت سناء زهور وهي تتصل على الدكتور يجي يشوفها لانها مستحيل ترضى تطلع والحراسه كذا!.
وطلعت من غرفتها قبل ينتبه احد ويجي ينفجع والدكتور ما جاء!.
وبعد وقت شافت الكل ملتهي فتحت الباب لدكتور الي وصل ودخلته غرفه زهور هو وممرضته!.
وبعد مافحصها الدكتور عطاها الابر الي تحتاجها وكتب لها ادويه جديده وقويه اكثر من الي قبلها وهالمره اكد عليهم انها لازمم تشوف طبيب نفسي.
وطلع هو وترك الممرضه عندها لين تصحى.
وقابله جبران وهو طالع من غرفه امه وانصدم وقرب منه بفجعه: دككتور! امي فيها شي؟ امي صاير لها شيي
قربت منه سناء بسرعه وهي تهديه: بخير ياجبران وادخل شوفها.
واكد على كلامها الدكتور: بخير وترتاح هي الحين
واستأذن منهم وطلع.
اما جبران دخل للغرفه بسرعه وكان بيتكلم بس سكت وهو يشوف الممرضه الي تاشر له يهدي!.
وقرب من امه وهو يمسح دموعه الي نزلت لاشعورياً من شكلها التعباان.
وجلس جنبها وهو يمسح على شعرها ويبوس راسها وسند راسه على صدرها وهو يتمتم ويدعي بدموع
اما سناء دخلت غرفه زمرد وورد الي عندهم كوافيره
وقالت بابتسامه: ما شاء الله يازمرردد جمميله الله يحفظك.
وقفت زمرد بتوتر وهي تشوف شكلها الي لسى ما اكتمل وقالت بشك: حلو؟؟.
ابي زهور تشوفه قبل تكمل.
هزت سناء راسها بلا وهي تاكد: جمميله ياحبيبتي.
ولفت على ورد الي ترتب فستان زمرد وتبخره: يابنات بقولكم شي بس.
قاطعتها زمرد بتوتر: في شي صار صح!!.
عقدت ورد حواجبها بخوف وهي تقول: زهور؟؟.
سناء: زهور امس جلست بالمطر وتعبت.
وقفت زمرد بخوف: وينها!.
اما ورد طلعت قبل تكمل وهي كانت عارفه انه فيه شي!.
تنهد سناء بضيق وهي تجلس زمرد: سخونه بسس.
واخذت ابره والحين تقوم طيبه مافيها شي.
كملي ولا تتضايقين.
وقفت زمرد باصرار: بس بتطمنن بسس.
وطلعت بسرعه وهي خايفه عليها.
ودخلت للغرفه وشافت ورد حاضنه جبران وجالسين جنبها.
وجاتها زمرد من جهه ثانيه وهي تطمن عليها وتلمس جبينها: الله يشفيك ياعيون اختك!! ويقومك لي بالسلامهه.
والله قلبي يعورني ومو مرتاحح!
مسكت ورد يدها وهي تقول: زمرد امس مالقيت زهور بغرفتها شكلها الليل كله بالمطر!!.
هزت زمرد راسها ب ايه وهو تمسح على شعرها بضيق
وبعد وقت طلعتهم الممرضه عشان زهور ترتاح وعشان هم يتجهزون!.
لانها بعد الابره ممكن تصحصح وتكون معهم.
~••••••••••••••••� ��•~
"زين"
طلعت من الحمام وهي ترفع شعرها بمنشفه صغيره ولقت جوالها يتصل وياقوت جالسه قدام التسريحه تجهز
اغراضها.
واخذته بسرعه وكان براء الي يقول انه برا يبيها
طلعت له بعد مالبست فستان قطن وشافت البيت فاضي وهادي وعرفت ان التجهيزات خلصت.
وسمعت اصوات اويس وبراء بغرفه اويس وراحت لهم بابتسامه: الله يديم هالصوت حولي على طوول
قرب براء وهو يبوس خدها: اشتقت له
ضربته بسرعه وهي تبعد وهمست بخجل من اويس: وانا بعد.
ابتسم لهم وهو مبسوط من علاقتهم الحلوه ومبسوط انه يشوف اخته سسعيده!.
ومبسوط ان صاحب عمره استقر وتزوج! ويوم حب اخته مالف ودار وضحك عليه.
بالعكس جاه من البدايه وخطبها من صغرها عشان ماتكون لغيره من تعلقه فيها!.
وهنا تذكر نفسه وكيف حب زمرد وتعلق فيها كثير
سرقته من صغره!.
جذبته لها بشكل غريب.
وهي مميزه مو زي اي احد قابله من قبل.
وقاطع افكاره صوت براء الي جلس وزين تعطيه من الحلويات: ب ايش يفكر العريس.
ضحكت زين: اكيد بالعروس الحلوه.
لف عليهم اويس: قلتها عريس يعني افكر باشياء ما تنقال لك يالنسيب!.
نزل براء قهوته وهو يقول: افا! وانا يوم ملكتي ماتركتني تحقيقات وانا مثل الخبل اقولك كل شي بس هين.
وقف اويس وهو يشيك على اغراضه ومسك جواله: اي وقتها العروس اختي يعني امون.
الحين لا، عروستي حقتي وتخصني!.
زين: يممه منه!.
ولفت على زوجها الي يضحك: هذا ما تامنه والله.
براء: اذا تزوج مدري ايش بيسوي!.
ابتسم اويس: اذا تزوجت ما راح تشوفني.
وقام براء وهو يناقره وطلعت زين بابتسامتها زي مادخلت.
~••••••••••••••••� ��•~
"راحيل"
وقفت عند غرفه امها وهي تسمعها تقول: ايه يمه توها بلغتني وتقدر تجي وتخطبها من عمها زي ماتبي، الله يوفقكم.
دق قلب راحيل وهي فهمت امها مع مين تتكلم
ام راحيل: اقولها الحين ترسلك رقمه والله يمه ما اعرف للجوال هذا.
وسمعت صوت ضحكه امها وحست تبي تعرف شقال لها
ام راحيل: اذا صارت ببيتك قولها هذا كله منك يطلع احلى.
ماتحملت راحيل وراحت غرفتها وجلست على سريرها وهي تلعب بيدها بتوتر وهي مو قادره تحدد شعورها.
~••••••••••••••••� ��•~
"ادهم"
نزل جواله بابتسامه ولف على صوت راجح الي يشد على كتفه بفرح: ممببروكك ياعريسس اخخيراً.
التفت عليه ادهم بسعاده: الله يباركك فييك والعقبى عننندك ياراجح.
ابتسم راجح وهمس ونظره على الطريق: امين معها.
وتنهد وهو يحاول يركز على سواقته لمزرعه جبير.
اما ادهم رسل لراحيل رساله وقفل جواله بفرحه غريبه حسها.
راجح بصدق: الحمدلله الي شفتك ب هالفرحه يا ادهم!.
الله يوفقكم ويرزقكم الذريه الصالحه ياخوي.
التفت عليه ادهم: سننين ياراجح وانا انتظر هالموافقه منها.
الحممدلله.
راجح: ااييه يالانتظار مافي اصعب منه.
وفجأة ضحك: وحنا مكتوب لنا كذا مانتزوج زواجه طبيعيه.
كل واحد قصه شكل
صغر ادهم عيونه بتفكير وقال: ااي والله!
مطر عاد قصته قصه الله يعينه.
وجبير تعلق له بوحده مايعرفها! وبعد سنين يخطبها وفجأة يترك! وبعدين نلقاه متزوجها.
وانا علقت امر الزواج بموافقتها لو هي رفضت ماكنت بفكر بغيرها!.
وتنهد بحب: اخذت هذذا .
وضرب على صدره.
وكمل بضحكه: ولاا! يوم وافقت علي؟ رايح اسوي مداهمه.
يعني ماتدري تدعي تعيش بكرا.
ولا تدعي ما تحزن قلب الي تو وافقت عليك!.
مارد راجح لفتره وهو يفكر بشي
وفجأة وقف سيارته على الطريق
لف عليه ادهم: ليش وقفت؟ المزرعه قدام لسى
اخذ راجح نفس عميق ولف على ادهم: وانا ما راح ارضى تكون قصة زواجي عاديه! والحيين ابي موافقتك علي زوج لها!
فتح ادهم عيونه بصدمه وشوي شوي تحولت لضحكه وهو مو مصدق: رااجح! انت تقصد الي فهمت صح!
هز راجح راسه ب ايه: ابي ياقوت يادهم
قرب منه ادهم وهو يحضنه بضحكه وفرحه وابتعد وهو يقول: قلت لك احسن منك ما القى!
ولو ما وافقت هي اخطفها انا راضي
ضحك راجح وهو حس هم وانزاح عنه: اصلاً مو منتظر انت تقول بخطفها بخطفها
تنهد ادهم براحه: كنت خايف عليها كثير يا راجح!
اايش بتسوي من بعدي!
براء تزوج وانا بتزوج!
والواحد مايضمن عمره!
وهي رافضه الفكررره وماتبي الا تعيش للكتب وقصصها
رجع راجح يسوق وهو يقول بصدق: وانا ماكنت ناوي اتركها!
بس زي ماقلت الواحد ما يضمن عمره ولا اني برجع من هالمداهمه
عشان كذا خطبتها لو عشت هي لي ولو مت ما اكون خليتها بنفسي!
وضحك: وعشان تكون خطبتي غريبه اخطب وانا رايح لمداهمه
ادهم: وانا فاهم وحاس بالي تفكر فيه! بس ماكنت اشوف قدامي الا ياقوت وحياتها ومستقبلها من بعدي
همس راجح: بعيوني وعمرها ما راح تشكي بكلمه!
شد عليه ادهم وهو يقول: وهذا الي متوقعه منك.
ومعك ياقوت ما عليها خوف!
يلا سمي بالله قربنا.
راجح: الله الحافظظ.
~••••••••••••••••� ��•~
"جبران"
جلس جنب قيس بضيق وهو مايحس له نفس بشي وامه ب هالحاله ومريضه.
التفت عليه قيس باستغراب: جبران فيك شي!.
رفع جبران كتفه بما ادري: احس ودي اطلع الضيق الي احسه!.
ما ادري الوم مين بسبب حاله امي ومرضها!
ابوي الغايب الي كل همه كان حمايتنا!.
ولا الوم نفسي تركت امي توصل ل هذي الحاله وانا متكتف.
شد قيس على كتفه بقوه: جبران!! امك للان قويه بسبب انك معها وجنبها! من وين جبت هالكلام وانك مقصر!.
بس خلاص هذا مرض امك.
ايش بيدك تسوي غير انك تدعي وتوقف قدامها تقولها انا هنا! ولدك الغالي هنا!.
معك وجنبك عيشي لي ولنفسك!.
مو تجلس وتقول انا السبب وانا وانا!.
بالعكس اذا انت سبب شي؟ فانت سبب قوتها الحين.
يكفيها انك بخير وتمشي قدامها وتضحك وتاكل وكل شي
هز جبران راسه بفهم: ماكنت اقصد اوصل لهنا.
بس منظر امي وتعبها يخليني ازعل من نفسي كثييير.
قال قيس بتردد: خواتها حولها الحين اكيد وتلقاها باحسن حال!.
تكتف جبران بضيق: خالتي زمرد تفكر تكنسل كل شي
وعمي اويس ما راح يعترض بس بيزعل لانه يومه ويبيها.
قيس: الله يكون بعونهم موقف صعب والاثنين تعبو.
وقف جبران: بروح اشوف ورد تكلمني من ساعه ممكن امي صحت.
وراح جبران من قدام قيس وهو ما درى ايش سوا بقلبه وتفكيره وهو من اول يبي يجي طاريها عشان يتاكد من اسمها!.
والحين فعلاً تاكد انها هي الي كلمته وهي الي اخذت اللوحه.
~••••••••••••••••� ��•~
"زهور"
فتحت عيونها الكبيره بتعب ورمشت اكثر من مره وهي تحاول تشوف الي حولها ولفت راسها بشويش وهي تحسه ثققيل وحارر.
ورفعت يدها بسرعه وهي تبي تسحب اللحاف يغطيها كلها من البرد الي حسته.
قربت منها الممرضه بسرعه وهي تقول: مدام زهور؟ مدام زهور؟.
طلعت زهور راسها وهي عاقده حواجبها بتعب وماتدري مين ولا كيف طلعت لها.
وقالت الممرضه بابتسامه: الحمدلله على السلاامه
حاولت زهور تتكلم بس حلقها حسته ناشف والكلمه ماتطلع منها.
وفهمت عليها الممرضه وجابت المويا الي جنبها وعطتها منها شوي.
وقالت بصوت شوي عالي عشان تستوعب وتصحصح من النوم الي دخلت فيه: مدام تعبتي شوي بس، والحمدلله انتِ الحين احسن!
ويلا ماودك تقومين لنا عشان تفرحين لزمرد؟.
تعمدت الممرضه تقول كل هذا عشان تخلي زهور تطلع من العزله الي بتدخل نفسها فيها!.
وهي هذي حالتها كل ما مرضت تحزن وتكتم وماتقول شي.
وبس تفكر وتسرح.
وترتفع حرارتها!.
فلو اجلو كل شي بيخلونها تجلس بعالمها هذا وتكمل فيه.
بس لو تعايشو مع حالتها الي تصير لها كثير وتصرفو طبيعي بيخلونها تنسحب شوي شوي لهم وتطلع من هالعالم!.
وهذا كان تفكير الدكتور الي اكد على الممرضه تصر عليها تقوم وتنزل معهم حتى لو انها تعبانه.
لان الحين الاهم عقلها الي ممكن يفقدونه بسبب انهم يخلونها ومايكلمونها ويسكتون عن حالته لانه مافي شي يسوونه!.
اما زهور نظرت فالممرضه لفتره وبعدها حست بالافكار والذكريات والاصوات والمطر وغرقها وحضن مطر
صوتها وصراخها
ضربها له
بكاها على الارض
صوتته!
وبالاخير طلعتها من المكان ووصولها لهنا!
الحمام الطويل الي اخذته!
وبعدها الساعات الطويله الي قضتها تبكي وتتذكر كل لحظه احتاجت فيها مطر وما كان معها! وهو اقرب لها من انفاسها!!.
لفت زهور عيونها عن الممرضه ونزلت دمعتها حارره فوق حرارتها!
ورفعت يدها الي ترجف وهي تمسحها
ورجعت لفت للممرضه الي جات ومعها ابره ثانيه وادويتها.
الممرضه بابتسامه: خذيها عشان تخليك افضل وتصحصحين وكلها ساعه وتقدرين تقومي
هزت زهور راسها بفهم وجلست جنبها الممرضه وهي ترفعها وتعطيها ادويتها ورجعت انسدحت وضربتها الابره
وقفلت الانوار عشان ترتاح اكثر وطلعت جلست بالصاله.
~••••••••••••••••� ��•~
"حوراء"
حوراء بحزن: وكيفها زهور الحين!.
رفعت ورد كتفها بما ادري: للان نايمه وماصحت.
وقفت حوراء وهي تدور جوالها: شوفيلي جوالي وين لازم نلغي كل شي مو معقوله حنا نفرح وزهور كذا! فرحتنا ناقصه ومالها طعم!.
ورد: اصبري ياخالتي لسى الوقت توه وان شاء الله زهور بتصحى وبتكون زينه!.
جلست حوراء بقله حيله وهي ماتدري ايش تسوي الا انها تنتظر: اذا صحت زهور بللغيني لازم اشوفها!.
وقفت ورد بتطلع تشوف زمرد الي دخلت غرفتها تبكي من وقت: ابشري خالتي.
وطلعت لدورهم وشافت جبران داخل بعد ووقفت جنبه: توني اكلمك وينك!.
اشر جبران على الغرفه: قيس عندنا وانشغلت وتوني طالع.
بشري امي صحت؟.
قالت ورد: ها؟ اي اطلع اطلع.
لف جبران: صحتت؟.
ورد: لاا اقصد بنشوفها يلا.
تنهد جبران بضيق وطلعو الدرج هو وررد الي راحح تفكيرها ل الي بالغرفه تحت.

•
•


"جبير"
وصل للموقع الي المفروض يكون فيه وهو "بيت عصام"!.
ونزل وهو يدور حوله ويحسب اعداد الحرس والنقاط المهمه الي تساعدهم.
ورجع بعدها لسياره وهو ينتظر اشاره مطر عشان يداهم!.
مسك الجوال وهو يشوف اتصالين من "زينه" بنت رُدين
رجع اتصل عليها بس كان مقفل.
وحس بقلق وكان بيتصل على رُدين بس اتصل على مادلين لانه مايبي يسمع صوت رُدين.
وقال اول ماردت: مادلين صاير شي؟.
مادلين: هلا حبيبي، لا شفيك؟.
تنهد جبير بضيق: زينه متصله علي وقلت ممكن فيها شي وهي ببيت ابوها وبشوف لو وصلكم خبر؟.
مادلين باستغراب: زينه هنا مو ببيت ابوها!.
جبير: متى رجعت؟.
مادلين: ما ادري متى بالضبط بس انا كنت انتظر ساره ونزلت تحت اجهز ولقيتها داخله لغرفتها.
جبير: متاكده انها زينه؟.
مادلين: جبير! اي متاكده لانها سلمت من بعيد قبل تدخل.
ارتاح جبير شوي وقال: طيب شوفي لو فيها شي وخليك قريبه منها يامادلين
تعرفين الفتره الي تمر فيها
وامها مو داريه عنها.
ابتسمت مادلين: ابشر انت بس ركز وانتبه لنفسك، استودعتك الله.
قفل جبير وهو يتمتم ويدعي ونزل جواله وهو يتكتف ويراقب بيت عصام الككبير.
~••••••••••••••••� ��•~
"زمرد"
طلعت من غرفه زهور بابتسامه وهي تشوف ورد وجبران يقربون منها وقربت منهم بسرعه وهي تشوف على وجهم نظره الي بشري؟ لانها طالعه من عند زهور.
زمرد: زهور توها صحت وان شاء الله انها بخير.
ورد بفرحه: الحممدلله.
قال جبران بسرعه: خاله اقدر اشوفها؟.
زمرد: توها الممرضه عطتها ابره ثانيه.
جبران بحزن: يعني متى بكلمها؟.
ورد: ياجبران اهم شي انها صحت.
زمرد: وهي اخذت هالابره عشان تقدر ترتاح لفتره طويله بعدين.
هز جبران راسه بفهم وراح لغرفته بدون مايرد وهو واضح على وجهه الضيق.
لفت ورد على زمرد: زمرد في شي؟.
زمرد: والله انها بخيرر توني شفتها!.
ورد: والملكه؟.
زمرد: راح تتم اليوم ان شاء الله، لان هذا الي راح تطلبه زهور وبنفس الوقت هذا يساعدها انها تطلع من حالتها باننا نكمل ونعيش طبيعي ياورد!.
راح عمرها وزاد تعبها بسبب اننا نحزن ونتعب معها!.
وندخلها بحالتها زياده.
والمفروض نسوي العكس،
نكمل حياتنا ومانعطي ساعه وحده للحزن وهي كذا!.
عشان تلتفت لنا وتنتبه وتكمل معنا احنا مو مع الحزن!.
حضنتها ورد بضيق: الله يتمم فرحتنا فيك ويخلي لنا زهور.
مسحت زمرد على شعرها: اممين حبيبتي.
~••••••••••••••••� ��•~
"مادلين"
نزلت القهوة والحلا بالصاله الي بالدور الثاني حقها ونزلت بالمصعد لدور الاول بتشوف زينه عشان تطمن جبير، وصلت غرفتها ودقت الباب ودخلت بعد ما سمحت لها زينه.
قالت مادلين بابتسامه وهي تجلس جنبها على السرير: تطمنتو على ابوك؟.
هزت زينه راسها ب ايه بصمت.
مادلين: ووين محمد؟ ما جاء معك؟.
هزت راسها بلا وهي للان ساكته.
مادلين باستغراب من سكوتها: حبيبتي ابوك فيه شي؟ ليش كذا متضايقه؟ ولا،،..
قاطعتها زينه وهي تقول بهدوء حزين: المفروض ان امي الي تجي تشوفني مو انتِ.
عقدت مادلين حواجبها باستغراب: ضايقك اني جيت اتطمن عليك؟.
رجعت زينه تهز راسها بلا وحضنت مادلين وهي تبكي
انصدمت مادلين بالبدايه من حضنها لها بس شدت عليها وهي تبيها تطمن انها هنا معها لو محتاجه شي
ومسحت عليها بهدوء وهي تنتظرها تتكلم من نفسها.
واخيراً قالت زينه ببكى: اببوي، ابوي بخير ومافيه شي
حتى مو مريض.
مادلين: الحمدلله طيب، ليش البكى؟.
زينه: لان كل هالحركات كانت عشان نجي عنده ويقولي انه يبي يزوجني لولد صاحبه! ويغصبني علييه
وانفجرت تبكي.
مادلين بضيق: ياحبيبتي طيب اهدي عشان نعرف نتكلم وفهميني شقال لك!.
ولو ماتبينه ارفضيه وبس؟.
زينه: انا من امس افكر وابكي ورفضضت ياخاله
وعشان كذا ضربني.
وابتعدت وهي ترفع كم بجامتها عن يدها الي واضحه فيها اثار الضرب.
شهقت مادلين وهي تمسكها وتمسح عليها: هذا شفيه يسوي كذا!.
الزواج مو بالغصب والضرب!.
ماعلييكك حبيبتي عمك جبير موجود وراح يتصرف معهه وانتِ الحين بامان منه دامك هنا وخلي هالموضوع ولا تفكرين فيه!.
وانتِ لسى صغيره وقدامك عمر ياحبيبتي فكري بدراستك وشهادتك والعريس الواحد بداله عشره.
وكملت بابتسامه وهي تمسح دموعها وتبوس خدها الي فيه كدمه صغيره: وايش رايك تقومين تتحممين وتلبسيت وتطلعين عندي فوق؟.
بتجي ساره بنت عمي الحين ومعها بنتها بعمرك تنبسطين معها شوي وتطلعين من هالجو والتفكير.
هزت زينه راسها ب طيب وهي فعلاً تعبت من التفكير!.
ووقفت مادلين بس رجعت جلست وهي تقول بتفكير: ابوك يدري انك هنا.
لفت زينه راسها وماردت بس هزت راسها بتردد بلا.
اخذت مادلين نفس وهي بدت تقلق انه يجي يسوي مشكله وجبير مو موجود وقالت بصوت طبيعي عشان ماتخوف زينه: طيب ومحمد وينه عنك؟؟.
قالت زينه بصوت فيه البكيه: هو الي طلعني ووصلني هنا لان ابوي نايم الحين ورجع للبيت عشان يحاول يمنعه يجيني لين القى حل.
تذكرت مادلين ان جبير بمهمه يعني بياخذ وقت لين يجي!!.
بس قالت بهدوء: ان شاء الله خير يلا قومي تجهزي واطلعي لنا.
وطلعت من الغرفه وهي مو عارفه تتصرف وحاسه بقلق ان رُدين تدري وتطلع لطليقها لو جاء!.
وتكبر المشكله وجبير مو موجود عشان يوقفه!!.
~••••••••••••••••� ��•~
"ادهم"
وقف هو وراجح بمكان مناسب وبعيد عن المزرعه بحيث ان محد ينتبه لهم.
والحرس عندهم علم بكل شي فلو احد دخل للمزرعهه راح يعرفون بس ما راح يمنعونه بالعكس بيسمحون بدخوله عشان يمسكونه براحتهم.
عشان كذا كانو مخففين الحرس بالجهه الخلفيه عشان ماينتبه لهم البحار انهم زايدين ويحس بشي ويهرب!.
التفت راجح لادهم الي منشغل بجواله وقال بضحكه: من الحين نكلم الزوجه المستقبليه؟.
رفع ادهم راسه وهو يبتسم: لا تنسى اني خال خطيبتك الي لسى ما درت ولا وافقت ف خليك بنفسك لا اكنسل كل شي.
ضحك راجح وهو يمثل الرعب: لالا تكففى الا ياقوتي.
رفع ادهم حواجبه بتعجب: وتدلعها قدامي بعد!!.
كان راجح بيرد بس قاطعه اتصال جواله وكان مطر.
ورد عليه بسرعه: هلا مطر.
مطر: ايش صار معكم؟.
راجح: حالياً وصلنا للمزرعه والوضع للان هادي والحرس والشرطه كلهم بمكانهم ننتظر دخوله للمنطقه ونبدا بعدها، انت شصار معك؟ وصلت بيتها؟.
رفع مطر راسه للبيت الي قدامه وهو بالسياره: ايه!.
لو صار اي شي بالخطه ومامشت مثل مانبي راح تكون هذي الخطه الثانيه.
تنهد راجح بضيق وهم مو مرتبين لها وفيها مخاطره: مطر تذكر مين ينتظرك! مانبي نفقدك بعد كل هالسنين من الانتظار.
ولا هم يبون يفقدونك.
غمض مطر عيونه بضيق من "هم" الي يقصد فيها زوجته واهله!.
وقال بنبره هاديه عكس قلبه المحروق عليها: الي كاتبه ربي بيصير.
وقفل من راجح وهو يرجع يتامل البيت بتفكير بالخطه الي جهزها بدقايق بس! واصغر غلطه بتضيع كل شي فعلاً.
~••••••••••••••••� ��•~
"البحار"
طلع من بيت اهله بعد ما تناقش مع ابوه واتصل على ماجد "زوج فيروز اخته، ويده اليمين بالشغل" وطلب يقابله.
ركب ماجد لسياره عصام وقال: ايش التغيير الي تقول بيصير بالخطه!.
قال عصام بهدوء ونظره على جواله: بتروح بدالي للمزرعه
عقد ماجد حواجبه باستغراب: انا! وبتشوفني الي تروح لها وبتفضح كل شي!.
هز عصام راسه بلا بخبث اكبر: ما راح تشوفها انا نبهتها ماتقرب للكوخ وان عندي فيه شغل!.
ماجد: ووافقت!!.
هز عصام راسه بايه: لانها تدري اني مخلي كم شنطه مخدرات هناك وبجي اخذها فماله داعي تجي وانا مو مطول وعشان ماتلفت الانتباه لنفسها وانها تجي كثير لحالها
ماجد: ايه وانا اروح ايش اسوي؟
عصام: قلت لك تروح تاخذ شنط المخدرات الي هناك لاني محتاجها
ماجد بعدم تصديق: وانت فعلاً مخلي هناك شنط مخدرات!!!
عصام: وليش ما اخلي! مكان مناسب وبعيد ومزرعه عميد! ما احد بيفكر ان فيها مخدرات!.
يعني انسب مكان احط فيه مخدراتي!.
ماجد: والحين انا اروح اخذها!
عصام بطفش: ماجد ليش صاير بهذا الغباء؟ قلت ايهه!!
تروح وتاخذها وتطلع بس!.
ماجد وهو مو مرتاح قال: طيب ومتى اروح؟.
ابتسم عصام برضا على خطته الي راح تمشي: مو الحين خليها شوي على الليل احسن
هز ماجد راسه ب طيب ونزل وهو يكره هالطبع بعصام انه يحسسه انه تابع له ويكمل له شغله!
وهو عكس كذذا وهو زيه زي عصام ب هالعصابه ومكانته كبيره فيها.
~••••••••••••••••� ��•~
"بعد 4 ساعات"
"زهور"
فتحت عيونها وغمضتها اكثر من مره وهي تحاول تركز بالي قدامها.
وكانت تسمع صوت يناديها وتحاول تنتبه له!.
واخيراً بعد وقت حست انها صحت وتحس بالي حولها
والتفتت لصاحب الصوت وكان ولدها جبران وماسك يدها وهو يناديها بابتسامه فرح.
والتفت للجهه الثانيه وهي تشوف ورد وزمرد الي متجهزين وينتظرونها وفرحانين انها صحت وبدت تركز معهم.
ورجعت غمضت عيونها وهي تتذكر زمرد وملكتها وتوصياتها لزمرد انها ماتحزن وماتخلي شي يخرب فرحتها!.
وبالاخير؟ هي زهور خربتها لها ب هالتعب الي هي فيه.
او كذا فكرت زهور الي قالت بهمس لنفسها: اختي راح تفرح ما راح اسمح لنفسي اكون سبب حزنها.
قربت منها زمرد وهي تحاول تفهم الي تقوله: تبين شي يازهور؟.
فتحت زهور عيونها من جديد وقالت بصوت تعبان حيل: ابي اقوم ساعديني.
قربت منها زمرد وهي تجلسها زين وراحت ورد تطلع لها فستانها الاسود الي مجهزته من قبل .
واغراض الحمام الي بتحتاجها الحين.
ودخلت زهور للحمام مع زمرد وهي تساعدها توصل لكل شي لانها حاسه بخمول وتبي شي يصحصحها،
وطلعت زمرد بعد مادخلت زهور تحت المويا والي خلتها باردده عشان تصحصح.
وتنهدت زهور وهي تتذكر مطر وحضنه وكل شي صار قبل ساعات.
وهمست من جديد بالم: الله يسامحك يامطر
والله لا يسامح الي كان السبب ببعدك عني
وبعدك عن عيالك واهلك وحياتك الطبيعيه
الله يحاسبه الله يحاسبه.
وسكتت وهي توها تستوعب انها بالحمام وتحممت بسرعه وطلعت وهي لابسه روب الحمام.
وصلت صلاتها الي فاتتها.
وهي حست نفسها تنشطت شوي!.
والحراره الي تحسها قبل ساعات اخف الحينن بكثير
وتقدر تتحملها لين تنتهي ليلة زمرد!.
وتطمنت عليها الممرضه الي راحت يوم شافتها افضل!.
وجلست اخيراً قدام مرايتها وهي تنظر لوجها التعبان وعيونها المتورمه حيل ومدت يدها بتعب بتاخذ كريمها بس التفت للباب الي اندق ودخلت زمرد ومعاها وحده غريبه.
وابتسمت زمرد وهي تقرب من زهور: طلبت من مايا ماتروح وهي ماجهزتك زينا!.
فهمت زهور مين مايا وهي تشوف الشنط الي معها وعرفت انها الي سوت لزمرد وورد مكياجهم وشعرهم!.
وهزت زهور راسها بطيب وهي تسلم نفسها لمايا وهي مافيها حيل تسوي شي ولانها تبي الي يخفي تعبها الواضح.
وابتسمت زهور اكثر وهي تشوف ورد داخله للغرفه وسبقتها ريحه القهوه القويه الي تحبها زهور!.
وحطتها ورد قدامها: وهذي القهوه وجات.
ابتسمت زهور وهي تاخذها بتشربها.
بس سحبتها منها زمرد بضيق: خيير؟ تشوفيها ما اكلت وتعبانه تقومين تعطيها قهوه؟.
زهور: خليها مو مشتهيه اكل.
طلعت زمرد فيها وهي تقول: سناء جهزت لك اكل والحين تجيبه.
كانت زهور بتعترض وقاطعتها ورد: الي علي سويته وحاولت اهرب لك القهوه مادريت انها سبقتني.
ضحكت زهور وهي تمسك يدها بحب: ماعليك اعرف زمرد وما راح يصير الا الي تبيه.
وطلعت ورد براحه وهي تدعي ان الله يحفظ لهم زهور ويحفظهم لها.
اما زهور اخذها التفكير بمطر وبكل شي تمر فيه الحين وماحست بمايا الي بدت فيها من وقت.
~••••••••••••••••� ��•~
"اويس"
قفل الجوال من امه براحه بعد ماطمنته على زهور وانها صحت وبتحضر معهم الملكه يعني حتى زمرد بتكون مرتاحه وتققدر تفرح!.
رفع اويس عطره وهو توه لابس ومخلص وتعطر ونزله بسرعه وطلع لبراء وقيس الي بمجلس الرجال وهم ينتظرون الشيخ يوصل.
وجلس معهم على دخول ابو عصام للمجلس!.
وقف اويس بسرعه وهو يحس بدمه يغلي وهو يشوفه هنا معه!.
بس غصب نفسه انه يبتسم وهو يسلم عليه بكره وجلس معهم ابو عصام وهو يسولف.
وقال اويس فجأة: وين عصام ياعم؟.
ابو عصام بتوتر: انشغل ويقول لو لحق يجي بيجي تعرف الشغل حقه ثقيل وعنده مشاكل فيه.
اويس: ايه بسيطه، نشوفه قريبب.
ابو عصام: ايهه ان شاء الله.
ولف ابو عصام بوهو يسولف مع الشياب الي جنبه.
وشوي شوي بدو يوصلون الرجال والشيخ معهم.
وتوتر اويس وهو ينتظر عم زمرد!.
الي للان ماوصل وطلع برا المجلس وهو يحس بضيق وخوف ان هالليله ماتتم!.
وبعد وقت طلع قيس وهو يدور اويس وقرب منه بسرعه: اويس الشيخ جوا يقول عنده ناس ثانيه ومايقدر يتاخر اكثر من كذا!.
اويس بتوتر: عمها ماوصل!! وجربت اتصل عليه مشغول.
قيس بقلق: والحل؟؟.
مسك اويس راسه بضيق: مابيدي شي الا انتظر.
وماكمل كلمته الا وهو يشوف سياره قربت منهم ونزل منها شايب كبير معه اثنين من اولاده.
وعرفه اويس وهو يبتسم ويقرب بسرعه: هلا هلا عممي حياك حياكم.
ودخلهم للمجلس بسرعه.
وارتاح قيس وهو فهم انه عم زمرد جاء وحمد الله وهو يدخل ورا اويس وعم زمرد وعياله للمجلس.
~••••••••••••••••� ��•~
"حوراء"
استقبلت ضيوفها هي وزين وياقوت
ونزلت لهم ورد الي دخلت معها راحيل بعد ما تطمنت على زهور.
وجلسو كل البنات وهم يسولفون وقالت ياقوت فجأة: مبروك ياعروس!.
التفتو كلهم لياقوت باستغراب الا راحيل الي توترت ولفت عنهم.
قالت زين باستغراب: مين العروس؟.
ضحكت ياقوت: راحيل.
لفت ورد بصدمه وفرحه: صصدق! مببروك.
زين بفرح: ممبروكك راححيل ومين سعيد الحظظ الي اخيراً وافقتي عليه؟.
غمضت راحيل باحراج وهي تقول: الله يبارك فيكم.
ولفت لياقوت وسكتت وماردت على زين.
وكملت ياقوت عنها وهي تقول بابتسامه: خاليي طبعاً.
شهقو زين وورد بفرححه اكبر الحين! وهم من زمان يحسون ان بينهم شي بس ماتوقعو فعلاً ياخذون بعض!.
وجلسو ياخذون التفاصيل من راحيل الي ماتت بمكانها بذات يوم جاتهم حوراء مستغربه صوتهم!.
وقالو لها عن خطبه ادهم وراحيل وفررححت حوراء الي تحب راحييل كثير وكانت دايم تدعي لها تاخذ الي يعوضها عن كل السنين!.
~••••••••••••••••� ��•~
"زهور"
طلعت من غرفه الملابس والتفتت على صوت زمرد ومايا الي قالو باعجاب: ماا شاء الله!!.
ورجعت لفت زهور للمرايا بابتسامه رضا وهي تشوف شكلها ولبسها.
فستانها الاسود الطوويل وشعرها الاسود الي رفعته مايا بطريقه جمميله.
والميك اب الخفيف الي طلبته زهور بس بنفس الوقت اخفى كل تعبها!.
وكان فعلاً جميل لانها هي جمميله! بذات لون عيونها الغريب الي ورثته من ابوها!.
ورفعت يدها ببطء لرقبتها ووجها وهي تتذكر مطر!.
ونزلتها بسرعه وهي تغمض عيونها وتحاول تطلعه من تفكيرها وهي تحس بدقات قلبها تتسارع وهي تتخيله الحين قدامها ويشوفها ب هالشكل الي ماقد شافها فيه!.
ولفت على زمرد الي ودعت مايا ورجعت لزهور وشافتها للان مسرحه.
زمرد: ودي احتفظ فيك كذا لنا بس وماتنزلين لهم ب هالجمال! الله يحفظككك يازهور.
وقربت وهي تحضنها بقوه.
حضنتها زهور وهي تقول: انتِ الجميله الييوم فعلاً!.
والفستان والشعر وكل شي محليته!.
وكانت زمرد فعلاً عروسه اليوم!.
بفستانها البيج الطويل والواسع من تحت
ومن فوق قصته حلووه حيل!.
وشعرها الطويل الي طلبت يكون نازل ماترفعه لان لونه الذهبي جميل مع فستانها!.
واكتفت باكسسوار شعر كبير رفعت فيه شعرها من قدام، وميك اب حلوو حيل!.
وابتعدت زهور الي راحت لمسكة الورد الروز الصغير الي على السرير ورفعتها وهي تحطها بيد زمرد وقالت بصدق: انا الي اليوم ودي ماتنزلين لناس ب هالطله!.
الله يحفظك لاويس ولنا!.
وضحكت وهي تقول: ان شاء الله مايجن علينا ويطلب العرس بكرا بس!.
ضربتها زمرد بخجل وهي تلف عنها: زهور مو لهدرجه!.
لفتها زهور من جديد: الا كذا واكثر بعد!.
الله يحميك حبيبتي وباست راسها بحب،
والتفتو كلهم للباب الي اندق وكان جبران الي دخل ووقف مبهور!: ماا شاء الله!!.
لالا مين انتو؟ ايش كل هالجمالل!!.
خالتي زمرد؟ ودك تهبلين بعمي اويس! والله حرام.
غمضت زمرد بخجل اكبر وهي ماتدري ب ايش ترد.
وكمل جبران: عاد امي ما يحتاج الكل بالكل بالجمال! لو ابوي عايش كان ماخلاك تنزلين لناس كذا!.
ضررب جبران ب هالكلمه على الجرررح عند زهور.
الي ما صارت تسمع اي شي حولها وهي فعلاً تتخيل مطر موجود الحين؟.
وقالت بهمس لنفسها: ابوك عايشش ياجبران عايش.
وطلعها من افكارها صوت جبران الي حس بقلق وهو يناديها وماتسمعه: يمه؟؟.
لفت عليه زهور وهي تبتسم: هلا يمه.
جبران: اقولك ملكو تحت والحين بيجي عمي ومعه الدفتر عشان خالتي زمرد توقع.
لفت زهور على زمرد الي جلست بخوف وتوتر وطلعت بابتسامه لصاله على صوت عمها الي ينادي!.
وشافته موجود وسلمت عليه بفرح وطلعت لهم زمرد اخيراً وهي تسلم على عمها بخجل والي مد لها الدفتر عشان توقع.
ووقعت اخيراً وهي تحس كل شي حولها غاب ومافي الا دقات قلبها القويه وهي تشوف اسم وتوقيع اويس جنبها
وسلم عليها عمها وهو يبارك لهم وطلع وجبران معه بعد ما بارك لها وهو فررححان لهم كثير.
ونزلت زهور بعد ماتركت زمرد الغايبه عنهم تقريباً بغرفه نور الي ماقدرت تنزل معهم اليوم!.
~••••••••••••••••� ��•~
"ياقوت"
وقفت بفرحه وهي تشوف زهور نازله وسمت عليها من بعيد وهي تشوف ملاك نازل من الجمال!
وقربت منهم زهور بابتسامه وفرح واضحين! وبشرتهم انهم ملكو خلاص ودخلت لضيوف وهي تسلم وترحب فيهم!.
ووصلت لام فيروز وسلمت عليها وقالت باستغراب: خاله وين فيروز؟.
ام فيروز بقلق وهي الكل اليوم يسالها عن فيروز المحبوسه عند زوجها والي ماشافوها من زمان: عندها ظروف وماقدرت تجي، بالعرس تجي ان شاء الله.
هزت زهور راسها بفهم وهي ماحبت تطول اكثر وهي ماتحب سيرتها اصلاً
وكملت سلامها وجلست بعدها مع ورد والبنات الي للان ماتركو راحيل من التعليقات!.
وكانت زهور اكثر وحده طايره من الفرح لها لانها اكثر وحده تعرف بالي تعانيه راحيل والي صار لها من قبل!.
وطلعو بعدين البنات بس وحوراء لفوق عند زمرد عشان اويس بيدخل يلبسها الشبكه!.
وبعدها بتنزل لزفه عند الضيوف.
~••••••••••••••••� ��•~
"مادلين"
مر الوقت وماحست فيه من الجلسه مع ساره وبنتها وزينه.
ونزلو بعد وقت وهم يودعونهم لان مازن زوج ساره وصل!.
وكانت زينه داخله للبيت ومادلين لسى برا وهي تشوف سياره دخلت وماوقفتها الحرس!!.
ودخلت بسرعه للبيت وهي توقف ورا الباب بحجابها وتشوف الرجال الي نزل وقرب منهم بسرعه.
اما زينه كانت بتروح غرفتها بس استغربت وقفة مادلين ورا الباب وهي تنتظر احد!.
ووقف الرجال وهو يدق الباب بقوه وينادي بصوت عالي: زززيينه.
اول ماعرفت زينه صاحب الصوت حست بالرعب وهي توها تتذكر ابوها والي صار وانها هربت منه! وخافت وهي تسمعه يتجادل مع مادلين ويدف الباب يبي يدخل!.
وطلعت امها على صوت الصراخ وقربت بسرعه منها وهي تسمع صوت طليقها!!.
اما زينه يوم حست انها بورطه وخافت ابوها يدخل ومحد يقدر يوقفه! قامت دخلت للمطبخ بسرعه وطلعت من الباب الخارجي وهي تجريي بقوه بين الاشجار وهي مستغربه انه مافي حررس هنا!.
بس تجاهلت كل شي وهي تدخل للكوخ الصغير بسرعه وتروح لاخره وتجلس فيه بخوف وانتظار!.
ورفعت يدها وهي تحضنها وتدعي: ياررب كون معي!.
اما مادلين طاحت على الارض بالم من دفه للباب بقوه وهي ماتقدر تقوم الا بمساعده عشان رجلها!.
وشافت رُدين الي وقفت بوجهه وهي تتجادل معه ومو فاهمه وجوده هنا!.
وتوها تنتبه ان بنتها موجوده لانها طول اليوم بغرفتها ماطلعت!.
وجو المساعدات وهم يساعدون مادلين وقربو الحرس الي جابهم صوت الصراخ ومسكوه بقوه وهم يسحبونه لبرا المزرعه.
وطلعت مادلين لغرفتها بالم قوي برجولها.
اما رُدين دخلت غرفه بنتها بغضب وهي تصارخ وتدورها ومالقتها وصفقت الباب بقوه وهي تمشي وتدورها بالبيت كله وتتوعد فيها!.
ويوم مالقتها ابداً دخلت لغرفتها وهي تقول بنفسها بتهديد: بتجي بالنهايه وراح اعرف اتصرف معها واعلمها هالتصرفات كيف تصيررر.
وجلست على جوالها وهي شوي شوي نست موضوع بنتها كله!!.
اما مادلين حطوها الخدم بسريرها وهم مو عارفين اذا يتصلون بدكتور ولالا!.
بس بالاخير طلبت مادلين منهم يطلعون ويخلونها لحالها وبترتاح.
قالت سعديه بخوف: بس مدام انتِ تعبانه! نتصل بسيدي جبير؟.
مادلين بالم وهي تعرف ان جبير بمهمه: لاا انا بخير.
وطلعت سعديه وهي لسى خايفه من الي صار وتركتها وراها ترتاح.
~••••••••••••••••� ��•~
"ورد"
رفعت الكاميرا وهي تصور كل شي.
الشبكه والفستان والمسكه والكيكه وكلل شي.
واخيراً رفعت الكاميرا وهي تصور حوراء مع زمرد
وبعدها البنات كلهم معها
واخيراً عطت الكاميرا لزين عشان تصورها هي وخواتها!.
ووصل بعدها اويس ولبسو حجابهم كلهم عشان جبران بعد معه
ودخلو وهم يسمعون المباركات من كل جهه
بس ما كان اويس يسمع شي ولا يشوف شي وعينه على زمرد وقرب منها وهو يتمتم ويسمي.
وكان مبهور وهو ماتوقع بيشوفها ب هالشكل!
صح يعرف وجها ويشوفه بس شعرها وهالجسم وهالملامح الجميله يحس توه يعرفها!
وقف قدامها وهو يرفع يدها ويبوسها ويشد عليها وهو يهمس: مبروك علينا!!.
نزلت زمرد راسها اكثر وهي خلاص بتموت بمكانها!
وهي تخجل من اويس من زمان فكيف الحين وهو ب هالقرب وهي كذا بدون حجابها!
وقالت بهمس يادوب يسمعه: الله يبارك فيك
وقرب منها جبران وهو يضحك من خجلها وسلم عليها من جديد وبارك لهم.
وصورتهم ورد مع بعض وبعدها بدت تصور اويس وزمرد وهي تضحك من حركات اويس لزمرد الي واضح عليها الصدمه بكل صوره من تصرفاته
ولبسها الشبكه اخيراً على اصوات الصراخ منهم وهم يعلقون على شكل زمرد واحراج اويس لها
وبعد وقت طلعو كلهم بعد ما باركو لهم من جديد وتركوهم لحالهم شوي
ونزلو لضيوفهم تحت

الفصل الواحد والعشرون
•
•
•

~••••••••••••••••� ��•~
"ورد"
الكل نزل الا ورد الي جابت حلا وقهوه لجبران الي جلس بصاله وهو يسولف لها عن الي صار عندهم.
وان الرجال يتعشو الحين وبيروحون بعدها.
قالت ورد وهي تبي تاخذ اخباار قيس: وما راح يبقى احد؟.
جبران: امم! لا؟ ممكنن قيس يسهر معي.
بس براء ما اعرف لو بيسهر معنا اليوم ولا بيروح بيته مع عمتي زين.
ورد بتفكير: امم ووين بتسهرون! عششان لو زهور سالت عنك اقولها.
وقف جبران وهو يشوف جواله: بالمجلس الخارجي او بغرفه المكتب الخارجيه الي يجلس فيها الضابط مصعب.
ونزل قهوته وطلع وهو يترك ورد وراه محبطه انها ما راح تشوف قيس ونزلت للبنات بضيق وتفكير.
~••••••••••••••••� ��•~
"اويس"
باس راس زمرد وهو يمسك يدها ومو مصدق وقال بهمس وفرح: للحين مو مصدق انك صرتي زوجتي وحلالي!.
الحمدلله.
ما ردت زمرد الي تحس انها بتصيح من الحياء.
ابتسم اويس وهو يقول: الظاهر ما راح اسمع صوتك!!
طيب عبريني بكلمه!
والله احسني احلم للحين.
زمرده!.
رفعت زمرد عيونها له وطاحت بعيونه وعلى طول لفت وقلبها يدق بسرعه وقالت بهمس وخوف: ه هلا.
اويس بفرح: هلاا اي والله هلا! هلا ب هالصوتتت وصاحبته!.
غمضت زمرد عيونها وقالت بنفس الهمس: اويس!.
اويس: لبييه؟.
ما ردت زمرد الي تبي هالوقت يمر وتختلي بنفسها لانها تحس انها بتموت بمكانها.
~••••••••••••••••� ��•~
"مطر"
نزل من سيارته بعد ما صار الليل وتاكد ان المنطقه صارت امان انه يدخل ل هالبيت لحاله!.
ولانه مامعه ولا شرطي ولا احد!.
حط يده على صدره وهو يتحسس المسدس الموجود
وقال: بسم الله.
ودخل للحديقه الي كان بابها مفتوح.
وتقدم لباب البيت ودقه بهدوء وهو يدعي انها موجوده!.
وانها اذا شافته ما تنجن!.
وتظن انها تشوف لها شخص غيره لانها تعرف انه ميت!!.
وشوي وسمع صوتها الهامس يسال: مين؟.
طلع مطر صوته القوي وهو يقول: ممططر.
سمع شهقه قويه من ورا الباب وللحظه شك انها هربت لاخر البيت من الصدمه!.
بس شوي وسمع صوت الباب ينفتح وصوتها الباكي يقول: ممطر، كنت ادري انك عايشش يامطر!.
غمض مطر عيونه بضيق وهو يحس بالذنب لكل شخص حزن عليه!.
ودخل للبيت وهو يردد بداخله: جاي عشان مهمه جاي عشان مهمه.
~••••••••••••••••� ��•~
"راجح"
نزل من السياره هو وادهم وهم يشوفون ضوء السياره الي قربت من سور المزرعه من ورا.
ونزل منها شخص ماميزو مين هو من هالظلام القوي الي هم فيه!.
وشافوه وهو يرفع السلم الخشب من تحت الزرع ويحطه على السور وبدا يطلعه.
انتظرو راجح وادهم وقت عشان يدخل هالشخص الي يظنون انه البحار للكوخ ويقدرون يحاصرونه!.
وبعد دقايق تاكدو انه وصل للكوخ بدو يسرعون وهم يطلعون فوق السلم وينزلون داخل المزرعه!.
~••••••••••••••••� ��•~
"ماجد"
لف حوله وهو يشوف ان ما احد منتبه له واقرب حارس موجود بعيد ومو منتبه له.
ولف بحذر حول الكوخ الصغير وهو يدور بابه
وفتحه بششويش وهو يدخل بسرعه.
وفتح ضوء جواله وهو يرفعه جوا الكوخ ويدور الصندوق الكبير الي قاله عصام عنه.
وقرب منه بشويش بس صوت خطواته واضحه وارعبت الي ورا الصندوق!!.
وفجأة تجممد ماجد بمكانه بخوف وهو يسمع صوت حركة احد قدامه!.
وانصدم وهو يتذكر ان عصام قاله ما احد بيكون موجود ومنبه على رُدين ما احد يروح!.
وشك ماجد انه بفخ؟.
وكان بيطلع بس سبقته صرخة زينه وهي توقف بتهرب منه وهي بعد ما شافت انه شخص غريبب ماعرفته!.
وهي وقفت تظن ان الي جاء امها او مادلين او اي احد يدور عليها.
مو حرامي داخل بالخفيه!.
ومايدري ماجد ايش صار!.
وبثانيه قرب منها وهو يكتم صوتها عشان ما احد يحس عليه.
وهو ما كان يبي شي الا انها تسكت لين يفكرر بالمصيبه الي صار فيها ويطلع منها!.
وهي خافت وظنت انه بيأذيها! وبدت تضربه وهي تحاول تفلت منه بخوف وعضته بكل قوتها.
وصرخ ماجد وهو يمسك يده بالم وهي صرختت بكل صوتهااا برعب!.
وصرخت اكثر وهي تجلس بمكانها بفجعه وهي تسمع اصوات اشخاص كثيييره حاصرتها ب هالظلام.
وفجعها اكثر صوت السلاح الي من كل مكان.
وشوي شوي غاب كل شي عن عيونها وهي تطيح فاقده وعيها!.
~••••••••••••••••� ��•~
"زهور"
وقفت بتوتر وهي تحضن يدها لصدرها وتدعي بقلبها لزمرد وهي تشوفها داخله لضيوفهم بعد ماطلع من عندها اويس على اغنيه هاديه.
ووصلت اخيراً للمكان الي بتجلس فيه.
والي ككله ورد وكان جمميل وناقصه وجود زمرد المبهر فيه.
وبدو الناس يقربون منها وهم يسلمون عليها ويباركون لها، واخرهم كانو البنات كلهم وهم يججلسون حولها ويعلقون على كل شي.
الملكه والشبكه وشكلها هي واويس والحين زفتها.
قالت ورد بضحكه: يوه يوه شكل اويس وده يطردنا كلننا اول ما دخل.
زين: اخذت عقل اخويي بسم الله عليه.
ياقوت: عادد زمرد ما شاء الله عليها تهبل
وقفت راحيل وهم مبتسمه ومبسوطه بجلستها ووجودها معهم بس صار لازم ترجع عشان امها.
وباركت لزمرد من جديد وطلعت.
وطلعت معها زهور.
زهور: راحيل؟ الحين ايش بيصير عليك؟.
رفعت راحيل كتفها بما ادري: كلمني وطلب رقم عمي
ورسلته وبدون ما ارد بشي خاايفهه كنت، والحين مدري عمي يوافق ولا يوقفها بوجهي!.
ابتسمت زهور: الله يوفقكمم وان شاء الله تتسهل الامور بينكم ومايصير الا كل خير.
تمتمت راحيل: ان شاء الله.
وطلعت بعد ماحضنت زهور.
وركبت مع سواقها ورجعت للبيت.
وبعد وقت دخلت وهي تنادي امها الي تكون صاحيه هالوقت بذات اذا ما كانت راحيل بالبيت!.
بس ماسمعت لها صوت فدخلت لغرفتها ونزلت كل شي وراحت لغرفه امها الي كانت ظلام وفتحت النور وشهقت بقوه وخوف!.
~••••••••••••••••� ��•~
"ادهم"
صرخ وهو رافع سلاحه بوجه ماجد: نزززل سلاحك.
هز ماجد راسه بلا بقوه وهو مطلع سلاحه الثانيه وموجه واحد عليهم وواحد على زينه الي فاقده وعيها على الارض.
وبثانيه وحده انتشرو الشرطه بالمكان وصوت الدوريات والاسعاف وصل لمادلين الي ما جاها النوم!.
ولرُدين الي جالسه على جوالها.
وطلعو كلهم بخوف من الي يصير ببيتهم!.
رُدين الي كانت خايفه من انها تنفضح وهي تشوف الشرطه بالكوخ الي تدري ان عصام جاي له!.
ومادلين خايفه من ان جبير فيه شي لان وجود الشرطه هنا غريب.
وكانت تشوفهم من شباكها وبدت تدعي بخوف وبكى
وشوي سمعت دق على غرفتها وكانت وحده من العاملات تقولها ان الشرطي يطلب وجودهم كلهم تحت
واخذت حجابها بسرعه ونزلت لهم بخوف وهي تبي تطمن على جبير وتسال عنه!.
بس انصدمت من سؤال الشرطي وهو يقول: ناقص منكم احد؟.
لفت مادلين بينهم وقبل تتكلم شهقت رُدين وهي تقول: ببنتي! بنتي مالقيتها بغرفتهاا!.
لفت مادلين بخوف لشرطي الي قال: تطمنو بخير ان شاء الله بس ابيكم ماتتحركون من هنا لين ياخذون اقوالكم!.
جلست رُدين بصدمه وخوف ان بنتها بالكوخ!.
وقالت مادلين: اقوال ايش!.
جلس شرطي ثاني وهو يطلع دفتره وقال: عن بنتها.
واشر على رُدين!.
~••••••••••••••••� ��•~
"راجح"
سحب نفسه من بينهم وطلع وهو يدور حول الكوخ
ويسمع صوت ادهم وهو يطلب من ماجد ينزل سلاحه
وما كان قدام راجح الا هالشي!.
ثبت سلاحه بفتحه شباك الكوخ الي كان ورا ماجد المرتعب من الوضع وهو ماحسب حساب هالشي!!!.
وانه بيكون محاصر بين كل هالشرطه؟.
وماكان ناوي يطلق على زينه لانه مو ناقص ملفه اكثر من كذا بس كان يحاول يحمي نفسه ويفكر انه ب هالطريقه راح يقدر يطلع.
وكان ذهنه مشتت ومو منتبه ل الي يصير حوله.
واخيراً اعطى ادهم الاشااره لراجح.
الي بطلقه وحده قدر يصيب ماجد بمكان مو خطر،
وبنفس الوقت خلاه يطيح على الارض وهو مايقدر يقاوم او يركز ويطلق على زينه.
وبسسرعه حاصروه الشرطه اكثر ومسكوه وهم يبعدونه عن زينه الي رفعوها بسرعه ودخلوها سياره الاسعاف!.
ومسكو ماجد وهم ينقلونه بسياره ثانيه!.
ورسل راجح لمطر: "الخطه تقريباً فشلت بس ماجد معنا! بدت مهمتك يامطر".
~••••••••••••••••� ��•~
"مطر"
نزل نظره لجواله الي وصلته رساله وقراها وهو يضرب كفه بقهر.
ورفع الرساله ل الي جالسه قدامه بعيون مو مصدقه
وقرتها بصدمه بس الصدمه شوي شوي صارت ابتسامه
وقالت براحه: ليتهم قتلوه!!!.
ما رد مطر الي قفل الجوال ونزله قدامه وهو يتكتف وقال: والحين دورك! ارسلي له بالحرف الي قلت لك.
هزت راسها بموافقه واخذت جوالها وهي تكتب الي قالها وسوت ارسال وهي تغمض عيونها باحساس غريب!.
~••••••••••••••••� ��•~
"راحيل"
قالت بصوت هامس ومرتجف: انت ايش تسوي هنا وكيف دخلت؟!.
وقف معاذ على طول وهو يغطي امه النايمه وطلع من الغرفه بدون ما يرد عليها.
طلعت راحيل وراه وهي تحس بالخوف منه وبنفس الوقت بالكره والغضب لكل شي شافته بحياتها بسببه!.
وقالت بقهر وكره: ليش رجعت! 13 سنه عايشين مرتاحين انا وامي ببدونك
وجودك يقلب هالراحه والاستقرار هذا!.
ااببتعد عن حياتنا كاافيي الي سويته ليي
كافي القهر الي عيشتني فيه على وفاة ابوي الي كنت انت سببها.
ابوي مات مقهور ومكسور بسببك
بسبب ان ولده مههربب مخدراتت
انت المفروض تعدمم.
وللان اجهل سبب طلوعكك من السجن بس متاكده انك طلعت بطريقه وسخه مثل ماتعودت تعيشش.
قالت اخر كلمه بغضب وهي تتنفس بسرعه بعد ماقالت كل شي بخاطرها.
وكان معاذ قدامها جامد ويسمع كل حرف.
وبلحظظه حست خدها زي النار من كفه الي استقرت عليه.
وقال بصوته الكريه وهو رافع يده ويهدد: عيدي حرف من كل هذا الي قلتيه وماراح تعرفين وجهك بعدها.
وتركها مصدومه وراه ويدها على خدها وطلع من البيت بعد ماصفق الباب بقوه.
ونزلت راحيل على الارض وهي تشهق ببكى مقهور.
وحضنت رجولها الي نزلت راسها عليها وهي تحاول تكتم صوتها المكسور!.
~••••••••••••••••� ��•~
"زهور"
دخلت غرفتها بعد اليوم الطوويل جداً والي حست انه ما راح ينتهي
ودخلت للحمام وهي تفتح المويا وتجلس تحتها بملابسها!.
وببككتت
بكت تعبها الي تحس كل جسمها ينبض بسببه
بكت مشاعرها الي ماسكتها اليوم كله
عشان ماتحسس احد بوضعها
وعشان ماتحزن احد معها وبذات زمرد الي تشوفها مثل امها!.
وهي لازمم تكون لها امها وتوقف معها هم مالهم الا بعضض.
همست زهور ببكى ودموعها اختلطت مع المويا الي نزلت على وجها: ما راح اسسمح له يرجع لحياتي بلحظه ويخرب كل شيي انا سويته.
انا كبرت بدون ام
بدون اب
ربيت خواتي قبل نفسي ولحالي بدون احد.
جبت ولد وكبرته بدون ابوه
ما راح اعجزز الحين اني اقوم بباقي الامور يامطر.
وضربتت يدها بقوه بالجدار وهي تبكي وتعاتب نفسها.
وطلعت بعد وقت وهي ماتبي تعيد الي صار امس وترجع تتعب وتحزن الكل!.
وبدلت ملابسها بسرعه وهي تجفف شعرها وشافت ادويتها الي صار الحين وقتها واخذتها بسرعه وهي تبي شي يهدي النار والثقل الي تحس فيه!.
~••••••••••••••••� ��•~
"عصام"
كان بمقره وينتظر خبر عن ماجد.
كان متاكد انه راح ينمسك وان المزرعه عباره عن فخ كبيير وذكي!.
بس للاسف كل شي انكشف له باخر لحظه وقرر يضحي بماجد مقابل انه ينقذ نفسه.
وهو ماهمه المعلومات الي عند ماجد لانه يعرف انه مكشوف للكل!.
ومسألة وقت بس ويداهمون الشرطه كلل بيوتهم وياخذون الكل للتحقيق.
وهو يبي يستغل هالوقت بانه يهرب من البلد!.
وكان عصام نازل للخزنه الي بمكتبه يبي يفتحها ويطلع منها جواز السفر المزور الي مجهزه بس قاطعه صوت الرساله الي وصلت لجوال العائله!!.
رفع الجوال باستغراب من رقم فيروز والرساله الي رسلتها!.
فيروز: "عصامم لقيت طريقه عشان توافق عليك زهور! وطريقه ما احد بيفكر فيها وبعدها هي بتكون مستعده تسوي كل شي عشانكك، تعال بيتي ماجد مو موجود الحين واقدر افتح لك!".
جلس عصام على الكرسي وهو يقرا الرساله اكثر من مره!
وفكر كثير وهو يردد لنفسه: الرساله غريببه،
ليش بهذا الووقت يافيروز! وكانك عارفه ان كل شي بالنسبه لي انتهى؟.
وزهور بتسوي لي كل شي!! وينك عن هالطريقه من زمان؟؟".
غمض عيونه وهو يفكر ويضرب جواله بيده اكثر من مره وبالاخير فتح الدرج واخذ سلاحه ورفع جواز سفره من على الطاوله وحط جواله بجيب بنطلونه وطلع بسرعه.
متجه لبيت فيروز.
~••••••••••••••••� ��•~
"زين"
كانو كلهم جالسين بغرفه نور.
ورد وياقوت وزين وزمرد.
ويسولفون عن اليومم الحافل الي مرو فيه.
زهور وتعبها عليهم
وانهم كانو ممكن يكنسلون كل شي
واويس وزمرد.
وحتى الضيوف ماتركوهم تعليقات
ومر الوقت وهم سوالف وضحكك.
ووقفت زين على صوت جوالها الي اتصل وكان براء الي يقولها انه ينتظرها برا بيرجعون بيتهم.
وودعت زين البنات بسرعه ونزلت تاخذ اغراضها وتطلع لبراء.
لفت ياقوت بتردد وخجل منهم وقالت: يابنات ادري ثقلت عليكم بس ماودي انام تحت لحالي بغرفه زين و،.
وماكملت لان ورد وزمرد قاطعوها بضيق: ايش هالكلام! لا ثقل ولا غيره وجودك حابينه معنا كثير!.
زمرد: نامي معي بغرفتي!.
ورد: لااا بغرفتي اناا.
انتِ اليوم بينشب لك اويس اتصالاتتت توكمم مملكين.
كانت بتعترض زمررد بس قاطعتها ياقوت بضحكه: اايه ورد حل انسبب اني انام معها انتِ توكك مملكه واكيد زوجك يبي يكلمك واكيد تبين تاخذين راحتك معه.
انحرجت منهم زمرد واعطت ورد الي تضحك نظرات تهديد، على صوت ضحكة نور الي فرحت بجيتهم عندها وغيرو لها جوها بدل التفكير بزوجها الي للان ماطلع!.
وقاطع سوالفهم صوت الباب والي كانت زهور.
وجلست معهم بهدوء وهي تبي تشغل نفسها عن التفكير بمطر وحقيقة وجوده الي للان مو مصدقتها!.
واخذتها السوالف مع ياقوت الي تكلمها عن كتابها الجديد.
وقاطعتهم ورد الي وقفت وهي تسحب يد ياقوت: يلااا تعالي خذي اغراضك واطلعي عشان تشوفين غرفتي
عقدت زهور عيونها باستغراب: اي غرفه؟.
حضنت ورد يد ياقوت: ياقوت بتنام عندي.
وقفت زهور معهم بقلق من انها ما احسنت ضيافتها: ياقوت صاير شي؟ ماعجبتك النومه عند زين.
ياقوت باحراج: لاا مو كذاا بس زين رجعت بيتها وماحبيت ابقى تحت.
ولفت على ورد: وانسب مكان ورد بحكم ان زمرد وراها مكالماتتت.
وضحكو هي وورد على شكل زمرد الي طلعت بسرعه باحراج.
وابتسمت زهور وهي تطلع معهم تاركين نور ترتاح: طيب تعالي عندي! ليش النومه مع هالبزر؟.
قالت ورد بزعل: بزر؟ الله يساامحكك.
ضحكت ياقوت: واحلى بزر شفيك!.
ولفت على زهور: سبقتك ورد وما راح اردها، والمره الجايه ابشري لك زياره بغرفتك.
وقفو قدام غرفه ورد وقالت زهور بضحكه: انا سويت الي علي وقلت لك والله يعينك عليها تراها مزعجه وقت النومم.
قلبت ورد عيونها بطفوليه: يحصلكمم تنامون معي اصلاً.
ودخلت غرفتها وهي تصفق الباب.
لفو ياقوت وزهور لبعض وضحكو بقوه وهم يعلقون عليها.
رجعت ورد فتحت الباب: ترا اسسمعكم! تكلمو علي بععيد على الاقل.
ودخلت غرفتها من جديد بس تركت بابها هالمره مفتوحه عشان ياقوت لو رجعت.
ونزلت ياقوت تاخذ اغراضها وهي للان مبتسمه.
اما زهور راحت غرفتها وهي ودها تسوي اي شي يشغلها ومايخليها تنعزل وتفكر!.
~••••••••••••••••� ��•~
"راجح"
طلع من المصعد بسرعه وهو يتقدم لادهم الواقف ببداية الممر مع بقية العساكر وقال وهو يحاول ياخذ نفس: شصار! ما صحى؟.
ادهم: ساعات ويصحى.
والرصاصه خدشته بس وماتضرر شي منها، انت شصار معك!! قدرت تكلم جبير؟.
راجح وهو يبي يهدي جبير: ججبيير! كان لازم هذا الي يصيرر عشان نقدر نمسكه.
لف جبير بغضب: ليش كنت برفض انكم تداهمون بيتي! بالعكس انا اول واحد بكون موجود لو عندي علم انهه قريب منه ويدخخله!.
ادهم بهدوء: المشكله مو فيك ياجبير.
لف جبير: مافهمت؟.
كمل راجح: المعلومه الي وصلتنا تخص زوجتك رُدين!
هي على علاقه مععه و.
ماكمل راجح كلامه وحط يده على فمه بصدمه من الضربه الي اخذها من جبير الي صرخ: اصصص ولا تفككر تقوللهاا.
مسك ادهم جبير بسرعه وهو يقول: جبيير لا تسوي شي تندم علييه بعدين وهدي وخلينا نتككلم! وحنا مستحيل نتكلم بشرف اهل بيتك قبل نكون متاكديين.
وكمل راجح بالم: هذي معلومه وصلتنا منن زماان!
ومن اخخت عصام نففسه يا جبيرر.
دف جبير ادهم بقوه وهو يقول بغضب: واننا ليشش ما كان عنديي عللمم بكل خطوه سويتوها!
واختهه كذذاابه مثثله
ماجات وتكلمت الا وهي متفقه معه.
ادهم: ياجبيبر هدي وتعوذ من الشيطان.
جلس جبير وهو يحس انه يختنق ونفسه سريع ومسك راسه بين يدينه وهو يفكر بكل شي ويربط كل شي ببعض طلعات رُدين الكثيره وجياتها من كوخ المزرعه
والمكالمه الي سمعها تسويها من قبل والي قالت انها اختها! يعني كانت عصام
ووو وكل هذا مر عليه وهو كل ماله يحس بالضغط يزيد عليه
ورفع راسه وهو يقول بهدوء عكس الي بقلبه: وين زينه ايش صار فيها!
تكلم راجح الي للان فمه ينزف: للاسف كانت بمكان المداهمه ودخل ماجد واستخدمها رهينه بس الحمدلله قدرنا نطلعها وهي بخير
رجع جبير يمسك راسه بصدمه وهو يضرب نفسه بقهر: اننا السبب انا السسبب
حط ادهم يده على كتف جبير: لا ياخوي انت ماكنت سبب شي الا انكك طيبب وقدمت كثير لناس ما تستاهل وماعمرها راح تتعلم!
وعلى العموم رُدين عندنا بالقسم وراح نترك لك الوقت عشان تشوفها
صد جبير وهو يقول بغضب: ما ابي اشوفها ولا تسمحون لي، لو شفتها قتلتها.
وطلع من الغرفه وهو يصفق الباب بقوه ونزل للاستقبال يسال عن زينه
اما ادهم رد على جواله وكان واحد من العسكر الي مع مطر
ادهم: ايوا ياصالح ايش صار معكم! مطر ليش ما يرد.
صالح: سييدي محتاججين دعمم
حنا بنفس منطقه المداهمه ومحتاجيين دعمم
محاصرين بعصابه عصام بعد ما قبضنا علييه.
شد ادهم على الجوال بتوتر وهو يقول: وممطر ويين!
صالح وهو ينزل من السياره ويروح ورا واحد من البيوت: سيدي سيد مطر نقلوه بسياره اسعاف بعد ما انصاب
وسيييدي محتاجيين دعمم.
قفل ادهم الجوال بصدمه وهو ينظر براجح الي ينتظر كلمه عشان يطمنه: مطر تصاوب.
والرجال محتاجيين دعمم العصابه حاصرتهمم
بسسرعه تصرفف ابيي الدعم واصل قبلي ياراجح.
وطلع من الغرفه بسرعه وهو يطلع من المستشفى متجه للمساعده.
~

شـكــ وبارك الله فيك ـــرا لك ... لك مني أجمل تحية .