آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-01-20, 10:02 AM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  القسم التاسع - ريحان ناظرت البيت انواره مطفيه وسيارته مي موجوده تنهدت بضيق وجلست على عتبة السطح تناطر السما مستحيل تقدر ترقص مره ثانيه وتتباهى بنفسها انكسرت وانقرصت من اللي سوته لفت للباب اللي انفتح وناظرت سما وصدت سما؛ماجيت اراضيك لقيت شي وانا اسقي الزرع وبوصله لك ريحان لفت وناظرت الورقه بيدها ووقفت جات بتاخذها وسحبتها سما ناظرتها ريحان وسما همست بكبرياء:اسفه ريحان ابتسمت :لعد تعيدينها سما هزت راسها ومدت لها الورقه؛قريتها ريحان:شهاللقافه لقيتيها عند الريحان يعني لمن؟ سما؛لريحان خلاص اسفين مشت وتركتها وجلست ريحان وهي تفتح الورقه وتقراها:كل شي علي اختلف من جيت هنا بس كان اختلاف هالمكان حلو ما كنت اعرف ان في نبته ريحها وشكلها حلو الا من جيت هنا لقيت النبته وسقاية النبته لا تحسبيني خاين والا اضحك عليك ابد والله يشهد على كلامي احس لخطواتي تميل لك ،مابي اكثر عليك كلام بس اللي بغيت اقوله تباهي كنك القمره وارقصي ماشافت عيوني غيرك مذهله . قفلت الورقه وهي تسترجع الكلام وتنهدت بضيق وقفت وناظرت البيت وخبت الورقه بصدرها وهي تشوف راشد يعلق الانوار الذهبيه على البيت وفارس يثبتها بنهاية الحوش - راشد علق الانوار وضحك لثواني وهو بالسطح وكأنه يزف حبيبته لاحد ثاني ماينكر حب طيوفها وتعذر يشوفها بس نصيبه كذا طايح ولا وده يتحرك لو شوي نزل من السطح ومر على الغرف وناظر غرفتها وعرفها من شنطتها واغراضها دخل وناظر الشريط على سريرها وعلى مخدتها تنهد واخذه وحطه بجيبه وخرج من البيت - يوم جديد طلع راشد من المجلس وناظر السيارات داخله سيارة جراح ووراها سيارتين خرج عبدالعزيز:يالله حيهم يالله حيهم نزل جراح وكلم امه ومشوا للبيت وجراح مشى سلم على راس عبدالعزيز:اعذرني ياعمي ماجيت امس عبدالعزيز:معذور اقلط ضيوفك جراح لف وناظر الرجال نازلين والحريم داخلين مع الهنوف :ارحبوا البيت بيتكم سلموا وجلسوا بالمجلس وجراح ناظر راشد:وين العيال؟ راشد؛باقي ماصحوا جراح:بنزل اغراض اهلي وانت اقعد معاهم راشد هز راسه وجراح مشى للسياره مستعجل وراشد لف ناظرهم عبدالعزيز:حيا الله العريس وابو العريس ابتسم واحد من بينهم وناظره راشد وصد عنه - البنات بالشباك يناظرون السيارات ويدفون بعض لجين؛وخروا يمكن القى احد يلقطني من بينكم ضحكت سما وهي تناظر السياره:واي تجنن السياره بنات فجر ناظرت جراح طالع مستعجل وينزل الاغراض من السياره لفت لريحان:تتوقعين تجي خطيبته؟ ريحان:شدراني تسأليني لجين:شعلينا منهم اصلاً وخروا عن الشباك وريحان ظلت تناطره ينزل الاغراض ومستعجل يدخلها بالبيت - كوثر جالسه بين بنات خالتها وتناظر الاغراض:لا خليه ابتسمت وحده من بينهم:متحمسه لاجواء الملكه ياخي احسها بدويه نايس مره كوثر ناظرت السرير وعقدت حواجبها:وينه؟ لفوا لها:ايش؟ في شي ضايع؟ كوثر نفضت سريرها:لا كان في شريط هنا احد شافه؟ هزوا روسهم وتاففت كوثر وهي تنفض سريرها دخلت الهنوف:شفيكم ناقص شي؟ كوثر:لا بس كان في شريط هنا وينه؟ الهنوف:عبالي شي ثاني ساعدوها بنات خل نخلص قبل العشا كوثر جلست وتنهدت بضيق جلست جنبها وناظرتها كوثر:لا تطالعيني كذا تبين تشوفينه اطلعي له رنا:تكفين كوثر لا تصيرين انانيه بكلمه دبري لي مكان كوثر؛طيب تعرفين رقمه اظن؟ دقي وقابليه بأي مكان رنا تاففت وصدت عنها وكوثر اخذت ملابسها:بدخل اتروش رنا وقفت وهي تتجول بغرفتها وطلت من الشباك ناظرت جراح يتكلم ومعاه عيال يساعدونه بالاغراض ابتسمت واخذت جوالها وعقدت حواجبها؛كووثر مافي شبكه - جراح جالس بالمجلس ويناظر جواله ويقرا الرساله :بشوفك قفل جواله وحطه بجيبه وتنهد ووقف رنا جالسه بالحوش وتناظر حوالينها وتنتطره وماسكه جوالها ناظرت اللي تمشي لناحيتها وشايله على راسها قدر ناظرت رنا ريحان ونزلت القدر بين ايدينها؛عمتي الهنوف موجوده؟ رنا:اي فوق بس هاتيه انا اوديه لها ريحان ناظرت شكلها ولبسها:لا يحرق ايدينك رنا ناظرتها وهي بتطلع:اقولك عادي تنادين لي جراح من جوه؟ ريحان لفت ونزلت من الدرج وهي تناظرها؛من انتي؟ رنا؛بنت خالتهم ابي جراح ضروري ارسلت له بس شكله مافي شبكه هنا وما وصلته ريحان؛اي هنا ما نتعامل بالرسايل والشبكات اذا تبينه روحي ناديه لفت رنا:خلاص وصل لفت ريحان وناظرته طالع من المجلس ومتوجه لهم بلعت ريقها وطلعت الدرج ودخلت البيت ناظرها جراح ورجع ناظر رنا ووقف قدامها؛امري رنا ابتسمت؛بغيت اتكلم معاك من زمان ما جلسنا مع بعض جراح؛اي ادري بس مو هنا المكان كله رجال وما يناسب اجليها لبعدين رنا؛شدعوه جراح ترا خمس دقايق ماتضر لف جراح وناظرها نازله ووخر من طريقها مرت من جنبهم ريحان بسرعه ورجعت للبيت رنا ناظرته يناظرها:جراح! جراح لف لها:خليه بعد ملكة كوثر اجل نتقابل بالبيت احسن رنا هزت راسها:على راحتك ناطرت يده والدبله باصبعه ومشت طالعه للبيت مشى جراح راجع ودخل المجلس وجلس - المغرب لابسه لبس شعبي كوثر وذهب ابتسمت رنا وهي تناظرها؛ياويلي خاله بسوي ملكتي انا بعد ستايل بدوي الهنوف ابتسمت:ان شاء الله كوثر ناظرت شكلها؛حلو شكلي؟ الهنوف:اي تهبلين تنهدت والهنوف لفت للبنات:يالله بنات نطلع نشوف الاخبار هناك طلعوا من عندها وتركوها لحالها ناظرت وراها اللمبات اشتغلت وتنور الحوش وقفت ومشت للشباك وناظرته يشغل الكهرباء باخر الحوش وقفت بالشباك ورفع نظره راشد وناظرها من بعيد وصد ودخل المجلس ناظرهم مشخصين وبثيابهم وجراح جالس جنب عماد ويتكلم معاه - ريحان ناظرت فستانها ميلت راسها تلبس ذهبها عطرت نفسها وبروجهع الاحمر وكحلتها السودا اكتفت وخرجت من الغرفه وهي تناظر الحريم جالسين والبتول نادت طقاطقات شعبيات لابسين خليجي ومعاهم الطيران ويغنون لدخول كوثر وقفت ريحان بين خواتها اللي يصفقون ويرقصون بشعورهم والبخوو بيدينهم جالسه كوثر على الكرسي ولابسه اللبس الاخضر وتناظرهم مبتسمه يرقصون ويصفقون - الرجال جالسين بالحوش على الزوالي الحمر والشيخ وسطهم ماسك يد جراح وعماد وراشد واقف وماسك دلته يناظرهم مد له الدفتر ووقع عماد وهو مبتسم حط الدله راشد ومشى للبيت ودخل وهو يدخل المطبخ ماحصل احد موجود وسمع الاصوات من الداخل بين غطاريف واغاني ودق وتصفيق طل بعيونه وناظرهم يدورون حوالينها وهي تناظر الارض وهاديه ومبتسمه رجع خطوه على ورا اول مادخلت لجين انصدمت ومشت له:راشد! بلع ريقه وناظرها وصد بعيونه لجين ضربت خدها؛تتطلع على الحريم؟ ياويلي راشد؛بالغلط ما انتبهت على نفسي لجين:والله لو تدري امي تذبحك راشد ناظر المطبخ؛بغيت دلال جديده لجين هزت راسها ومشت طلعت له دلتين وعطته اخذها وطلع من المطبخ ومشى للرجال وناظرهم يسلمون عليه جراح وقف بالدفتر:راشد عطهم الدفتر داخل حط الدلال راشد واخذ الدفتر وهو يقرا الاسم عماد وكوثر تنهد ودخل مده لامه اللي دخلت تغطرف حطته على فخذ كوثر ومدت لها القلم غطرفوا البنات وكوثر اخذت القلم وهي تاخذ نفس غمضت عيونها بربكه ووقعت بعد ثواني وسلمت عليها امها طلعت الهنوف بالدفتر مدته لراشد واخذه وهو يناظره بضيق - العشاء جالسين حوالين الصحون الرجال وجراح يمد المويه لراشد والعيال يوزعون اخذ الصحن جراح بيدينه ومشى للبيت وهو يدفهم لداخل راشد:خذي الصحون لداخل يابت والبنات متجمعين على الباب ياخذون الصحون مد الصحن جراح ورفعه وحطت ايديها على ايديه واخذت الصحن رفع عيونه بربكه وناظرها عيونها مكحله ومدعجه بالكحل ويدينها محنيه وصوت ذهبها له صدى باذونه بلع ريقه وحط الصحن ومسح جبينه؛امش نتعشى مشى قبل راشد وجلس على الصحن مع فارس وساري وجلس راشد جنبهم وسمى وبدأ ياكل - المطبخ زحمه والصحون بالارض بعد ماتعشوا رموا السور والنظيف حطوه بالقدور الهنوف ناظرت كوثر:تعالي بالمجلس يلبسك شبكتك كوثر وقفت وناظرت امها؛اغير لبسي؟ الهنوف:مايمدي خلاص امشي دخلت كوثر الغرفه الثانيه ووقف من شافها الهنوف ابتسمت وعماد ناظر كوثر:كهلتي؟ ناظرته كوثر بصدمه وضحك عماد؛وين فستانك؟ الهنوف:هذا ستايل بدوي على قول البنات فكره جديده عماد ناظرها من فوق لتحت وهز راسه وجلس جلست كوثر جنبه ومدت له امه الشبكه لبسها السلسال والخاتم وناظر اصابعها محنيه ورجع ناظرها تناظره وسكت ولا تكلم لبست دبلتها باليسار وظلت جنبه وهو يسولف مع الهنوف - جالس جراح بالحوش ويناظر البيت قدامه ارتبك من حس بكفوفها وتحرك شي بداخله انتبه لراشد اللي يناديه ووقف له راشد؛التباسي احطها بسيارتك؟ جراح؛هاتهم انا احطهم الله يعافيك تعبانك ياراشد راشد؛لا عادي بحسبت اختي جراح ابتسم له واخذ الصحون من يدينه مشى لسيارته ورا الحوش بالظلام وبين الزرع فتح الشنطه يحط التباسي وسمع حس وراه :دعست عالريحان لف بخوف وناظرها ونزل نظره لرجوله همس بصدمه وربكه؛ماشفت الدنيا ظلام ريحان ناظرته وهي متغطيه:حلوه ماشاء الله زين ما اخترت جراح لف لقدامه وغمض عيونه ولف لها؛ماقريتي اللي كتبته؟ ريحان بلعت ريقها:وين كتبته؟ جراح؛حطيت لك ورقه هنا ماقريتيها؟ ريحان هزت راسها بالنفي:ماشفت ولا قريت شي جراح تنهد وتقدم لها وهو مايشوف منها شي :تعالي بمكاننا برا بعيد عن الكل بتكلم معاك ريحان بعدت عنه؛اسفه ماني رايحه معك لمكان جراح همس:بكلمك واعتذر لك زين سكت ثواني وكمل:وبشوفك ناظرته ريحان بصدمه؛تخسى عيب عليك دبلتك باصبعك وواقف معاي جراح؛انتي جيتيني ولو ماجيتيني كان انا جيتك ريحان ناظرته ثواني وصدت بعيونها بارتباك | ||||
|  |
|
03-01-20, 10:03 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| القسم العاشر - الساعه 12.00ص كوثر دخلت غرفتها وهي تفصخ اللي عليها بعصبيه جلست وناظرتها الهنوف:شعليك منه والله ان كان شكلك حلو كوثر:ادري ان شكلي حلو ولا ادور تعليقه الزباله اللي زيه ضربت خدها الهنوف وقفلت الباب ومشت لها :اسكتي وش هالكلام زباله وما زباله عيب الحين هو ولي امرك كوثر تكتفت والهنوف كملت؛كل ذا عشان قال لك ياكهله؟ كوثر؛لا نظراته لي وليدي وحنتي ما كان عاجبه شي فيني الهنوف:ماعليه بالزواج تلبسين احلى ويشوفك احلى من كذا كوثر؛امي اتركيني لحالي بغير الهنوف تنهدت:طيب مشت وتركتها وكوثر جلست تناظر شكلها بلبسها لفت وناظرت الشباك وقفلت الباب عليها ونطت من الشباك للحوش وتلفتت بخوف ومشت لشبك الغنم وجلست تنتظره وخايفه تناظر حولها انتظرت وانتظرت وكن من الهمه وجا للغنم يتفقدهم وقفت وناظرها وعقد حواجبه؛من انتي؟ كوثر بلعت ريقها وهمست؛كوثر انصدم ولف حوله ومشى ووقف قدامها؛شجابك هنا؟ كوثر:بغيت اشوفك راشد انصدم وصد عنها:انتي متزوجه الحين عيب هالحركات كوثر:ولو دريت ماحطيت اصبعي ووقعت لف وعقد حواجبه:سوا لك شي قال لك شي ضايقك؟ والله اطلع اكلمه الحين كوثر هزت راسها بالنفي:لا لا بس ماني مرتاحه ما اعجبه شكلي وتضايق من ريحة الحنه بيديني راشد ناظر ايدينها ورجع ناظرها؛مهبول؟ كوثر هزت كتفها:يمكن راشد ناظر يدها ومسكها وهو يشمها:ريحتها جملتها كفوفك ضحكت من كلجته وهمست؛هاه؟ ناظرها ومن سمع ضحكتها سحب ايدينه :قصدي الحنه ما تجملت الا بكفوفك كوثر ابتسمت له براحه:راشد راشد ناظرها وسكت ينتطر كلامها اكتفت تبتسم وتهمس:اخذت الشريط من غرفتي؟ راشد بلل شفايفه:اي احتجته كوثر:رجع لي اياه احب اسمع الاغنيه راشد هز راسه وعقد حواجبه وهو يناظر وراها - على الجبل سحبها من كفها لين وقفها قدامه وناظرها:بتسمعين مني يعني بتسمعين ريحان فلتت يدها ومسكتها بالم؛انا شفت مايحتاج اسمع جراح:انا ما ادري كم بقعد هنا بس اذا انتي مستعده تكونين بحياتي بترجعين معي للمدينه ريحان سكتت ثواني وبلعت ريقها:وخطيبتك؟ جراح تقدم لها وناظر عيونها:مابيننا شي رسمي ،ريحان ريحان نزلت نظرها لتحت بتفكير وساكته جراح؛والله ان شكلك وانتي ترقصين للحين ماغاب عن بالي ابد اخذتي القلب وصاحب القلب ريحان ناظرته بضيق وجراح رفع يده يكشف عن وجهها:لا تحرمين صاحب القلب المسروق من النظر ريحان فلتت يدينها عن الشرشف وبان وجهها وحسُن ملامحها ابتسم جراح وهو يناظر وجهها وعيونها ومصدوم من اللي يشوفه :تدرين؟ المفروض تتخبين بمتحف محد يلمسك ويغير بلامحك شي ابد ريحان ابتسمت له وجراح نزل نظره لملامحها:ترقصين لي مره ثانيه؟ ريحان بعدت عنه وناظرته:لا تبطي عظم جراح:قلت لك بعلمك بس بكيفك ريحان:انت بتعلمني يعني شلون ارقص؟ جراح؛اوريك مقاطع لو تبين ريحان سكتت ثواني وناظرته بتردد:بشوف الحين تأخرت انا - كوثر لفت على نظره وعقدت حواجبها:لجين؟ راشد يناظرهم واقفين بالجبل:لا مهي لجين كوثر ناظرته:راشد هذا شرشف لجين اعرفه بس ليش واقفه مع جراح؟ راشد ساكت ويناظرهم ناظرته كوثر وهمست:تتوقع جراح يبي لجين؟ ضحكت ثواني وهمست؛مجنون راشد:ارجعي كوثر انتي وانا بشوف وش صاير؟ كوثر؛برجع بس اوعدني تعطيني الشريط هز راسه راشد وابتسمت له ومشت راجعه وقفت عند شباكها وناظرته بضيق لفت لراشد اللي يناظرها واشرت له يجي وقف عندها وناظر الشباك فوقهم:انتي ترمين نفسك ولا تفكرين كيف ترجعين؟ كوثر؛عاد شسوي راشد تنهد وجلس على ركبه:اطلعي على كتوفي كوثر:لا لا قوم بنتظر جراح يفتح لي الباب راشد ناظرها:حطي رجولك على كتوفي واطلعي كوثر تنهدت ورفعت رجولها على كتوفه ومسكت الشباك وقف راشد وهو ماسك رجولها وطلعت الغرفه ناظرها وابتسمت ومشى مبتعد عنها قفلت الشباك وتنهدت عند راشد وقف عند البيت وهو يسمعه ينادي:ريحااان ركضت ريحان بخوف ووقفت.هلا يبَه عقد حواجبه:وين كنت البيت كله رجال؟ ريحان بلعت ريقها بخوف وراشد لف ناظرها:كانت معاي ناظرته ريحان وراشد ناظر ابوه:بغيتها تعاوني عبدالعزيز ناظرهم :ادخلي كملي شغلك مع خواتك هزت راسها ودخلت بسرعه لداخل لحقها راشد وناداها ولفت له بخوف راشد:شوداك الجبل؟ بلعت ريقها وهمست:ما كنت بال.. قاطعها بحده وهمس:وش وقفك مع جراح؟ ريحان؛تكفى راشد لا تعلم علي بيني وبينه سالفه راشد:اسمعي ريحان وخلي الهبال عنك الرجال بيتزوج ريحان نزلت نظرها وراشد كمل:عيب هالوقفه ريحان هزت راسها:طيب معد بعاودها راشد:ادخلي عند خواتك ريحان دخلت وتنهدت شالت شرشفها بضيق سما مسكتها وناظرتها ريحان:شفيك بعد؟ سما:بطلع لساري غطي علي ريحان تنهدت:طيب بس لا ترجعين الا وانتي عارفه متى بتشردون سما هزت راسها؛طيب ريحان تلفتت وعطتها الشرشف من يدينها ومشوا طالعين من البيت بشويش وهدوء - سما مشت بهدوء وخطواتها سريعه ومن لمحته وقفت ساري ناظرها ووقف قدامها:شلونك؟ ابتسمت له سما وهزت راسها؛زينه وانت؟ ساري:ملهووف ضحكت سما وناظرت حوالينها:هاه لا تطول تو ابوي مهاوش ريحان ساري:زين بقولك بعد بكره بروح المدينه وانتي بتجين معي جهزي اغراضك سما بلعت ريقها بخوف وهزت راسها ساري:عطيني اغراضك بكره كلها ولا تبقين شي بحطها بسيارة جراح من بدري سما؛متى اي وقت ساري خايفه! ساري:لا تخافين من بدري بنمشي الصبح قبل لا يصحى راشد حتى سما؛زين بودع خواتي لازم ساري:ماقلت لا تعلمينهم سما؛شسوي عرفوا بالغلط ساري تنهد وهز راسه:زين بس انتبهوا زين تسمعين؟ هزت راسها سما وساري ناظرها وابتسم:مابتوريني كشختك سما ابتسمت وهزت راسها بالنفي:لا روح يالله ساري؛شدعوه شوي من الخدين ابي اشوف سما بققت عيونها بحيا وصدت:بروح خلاص ساري ابتسم ومشت سما راجعه وهي تضحك بحيا - جراح دخل البيت وناظر رنا جالسه على جوالها وقفت من شافته؛وين كنت؟ انتظرك من اول جراح:مع العيال فصخ شماغه وناظرته رنا:طيب مابتجلس معاي؟نتكلم شوي جراح ناظرها وتنهد وجلس وجلست جنبه ناظرها ورنا تكلمت بهدوء:متى تبينا نملك؟؟ جراح؛المفروض انا اسأل هالسؤال رنا عقدت حواجبها؛من متى بيننا هالكلام على اساس مابيننا رجل وحرمه جراح هز راسه:بس عيب تسألين ولو يبقى الرجال اللي يسأل رنا سكتت ثواني:شفيك متغير؟ جراح:مافيني شي على حالي رنا:شكلك نسيت المدينه واهل المدينه جراح؛مانسيت احد بس انا جاي هنا ارتاح واصفي ذهني من الشغل وعزا ابوي مابي افكر في ملكه ولا زواح رنا؛بس اختك ملكت ولا انتظرت زيك جراح ناظرها وقدم لها:انا متردد تبين تسمعين اللي يسكتك؟ انا متردد بلعت ريقها رنا وهمست:متردد! جراح هز راسه:انا يمكن انفصل عنك ومتردد عشان كذا باخذ وقتي رنا انصدمت ورمشت بعدم استيعاب جراح ناظرها واخذ نفس:بفكر مره ومرتين صدقيني مابسوي شي الا وانا مفكر ومقرر وقف ورنا ناظرته:ليش؟ مو على اساس اني بنت خالتك مابيننا تفكير جراح جراح ناظرها وهز كتفه؛شايف لي شوفه رنا:هنا؟ جراح هز راسه ورنا هزت راسها بربكه وثقه وقفت قدامه وناظرته:وانا مابنتظرك تقرر من تختار بعد ماتلعب عالحبلين جراح:لا تسوين شي من راسك وتكلمني امي قلت لك للحين ماقررت واحنا للحين مخطوبين وماصار شي رنا؛تجي تقول انك شايف شوفه وتبيني اسكت؟ جراح تنهد؛رنا لا تصعبينها علي بكره بترجعين وانا كم يوم وارجع ولذاك الوقت نفكر رنا هزت راسها بحده ومشت من جنبه وتنهد جراح مشى لغرفته وشماغه بيده وقفل الغرفه انسدح على السرير وهو يناظر السقف وتتردد على ذهنه ملامحها ولا يدري حاله ووضعه كيف - يوم جديد وقف جراح ويناظر السيارات طالعه من البيت ابتسم وحط كفوفه بيدينه وناظرها تغيب عن عينه لف له راشد وهمس:بكلمك شوي ناظره جراح وعقد حواجبه ومشى مع لبعيد وقف وناظره جراح؛هلا راشد؛بكلمك بموضوعين الاول ساري جراح:لا تشيل هم انا بوديهم ومو صاير شي لهم ان شاء الله راشد:تكفى وصل سما لمكان زين ومريح وامن لا يصير اختي شي ياجراح جراح ابتسم وربت على كتفه:ولا يهمك اختك اختي ولا بيننا هالكلام راشد هز راسه:والثاني ريحان اختفت ابتسامة جراح وعقد حواجبها؛شفيها؟ راشد؛لا تفكر تلعب بمشاعر اختي ادري فيها خفيفه ومهبوله جراح؛لا تقول كذا والله انها تسوى عشر رجال راشد:ووراها رجال،انتبه تأذيها اذا تفكر تروح وتتركها وتتزوج لا تقرب منها ابد جراح تنهد؛انا ضايع راشد ولا ابي اوعدك بشي بس محتار راشد همس له:شوف مابي احرج على خواتي ابد بس اذا تبيها انا ماعندي مانع ولا ظنتي ابوي بيرفض جراح؛اجل ليش رفض ساري وفارس اذا بيوافق علي؟ راشد؛علمي علمك بس ابوي يقدرك ولو طلبته بيقول تم جراح سكت ثواني وراشد ناظره:مابي اضغط عليك بس انتبه راح راشد ودخل المجلس وجراح تنهد وضغط على راسه لف وناظرها طالعه والدلو بيدها بتسقي الزرع مشى لها بطريقها وهو يناظرها تعبي الدلو وقف وناظرها:تجيني اليوم؟ لفت وناظرته وعقدت حواجبها من الشمس وراه:وين؟ ناظرها متضايقه من الشمس ورفع كفه يغطي عن عيونها:وين ماتبين ابتسمت وناظرته وهزت راسها؛مو الحين جراح:العصر بنتظرك عند بيتنا بشوفك ريحان ريحان تنهدت بخوف وهزت راسها:طيب مشت عنه وتركته راجعه للبيت - كوثر صحت وهي تنتظره رجع الشريط بس ما رجعه ولا مر من البيت ابد سمعت صوت الشباك ومشت بسرعه وفتحته وناظرته تحته واقف ابتسمت وعقدت حواجبها؛كنت انتظرك راشد مد الشريط لها:لابغيته خلصي منه ضحكت وهزت راسها باسف:ليه تختفي حروفك لا شفتني؟ راشد بربكه عدل جملته؛لاخلصتي منه بغيته كوثر:لا تضيع سؤالي راشد ناظرها وهز راسه؛هذا طبعي ماني سريع الكلام كوثر ابتسمت؛اي يعني مو عشاني؟ راشد هز راسه بالنفي بكبرياء وكوثر ابتسمت مدت يدها له وناظرها ورجع ناظرها:شفيك؟ كوثر:اسحبني بنزل اتمشى بالحوش معك راشد ناظر يدها ورجع ناظرها:لا خلك تتمشين مع احد ماتعرفينه؟ كوثر ابتسمت وتكت بيدينها على الشباك:الحين انت صرت غريب؟ راشد ناظر دبلتها باصبعها ورجع ناظرها:هاتي يدك مدت يدها وابتسمت ومسكها راشد وحط يدها على صدره نطت ووقفت قدامه وابتسمت له وراشد بلع ريقه همست له من قريب:عورتك؟ راشد هز راسه بالنفي:اي ضحكت وبعدت عنه:اي والا لا ارسي على بر راشد؛قصدي لا كوثر هزت راسها وهي مبتسمه ومشت معاه بالحوش راشد يناظر الارض ويحس لاول مره بحر الشمس كوثر وهي تمشي ناظرته:وين تودي الغنم كل صباح؟ راشد ناظرها ورجع ناظر اللي قدامه؛بالجبل ما ابعد كثير كوثر ابتسمت؛خذني معك بكره بخاطري ارعى الغنم راشد هز راسه بالنفي:ماهي من اطباعك شتبين ترعين كوثر:شدعوه راشد انا عايشه الحين هنا يعني اخذ من عاداتكم راشد:عاداتنا المره تقعد بالبيت تجهز دلة رجالها لين يرجع من المرعى كوثر؛ماني مرتك انتظرك بدلتي بلع ريقه راشد وناظر اللي قدامه وسكت كوثر:بجي ارعى لا تطلع بكره الا وانا معاك تسمع؟ راشد؛مابنتظرك اذا جيتي ولحقتي علي بكيفك كوثر ابتسمت وصدت لقدام تناظر الجو اخذت نفس ولف لها راشد وتكلم بهدوء:من وين تعرفينه؟ كوثر ناظرته وعقدت حواجبها؛مين؟ راشد:ذا زوجك كوثر لفت لقدام:خطبوني اهله بخطبة جراح اخوي راشد هز راسه وكوثر لفت له؛صح طلعت لجين اللي مع جراح؟ راشد هز كتوفه وسكت ولا تكلم كوثر:الا لجين انا متأكده ياليت والله جراح ياخذها حلوه وحبوله راشد:جراح خاطب وحده والا؟ كوثر:اي بس ترا مو جو جراح ابد رنا ماتشبه اخوي ابداً راشد؛ولا انا اشبهك وشوفينا نتمشى سوا كوثر ابتسمت:الثوب من رقعته والا؟ ضحك ولف لها وابتسم وهز راسه:صح لفت تناظر البيت ورجعت ناظرته:برجع انا واسمع الشريط هز راسه راشد وكوثر ابتسمت وناظرت شنبه مسكت شنبه وناظرته:لا تخففه حلو كذا ناظرها وبلع ريقه وابتسمت وشالت يدها ومشت للبيت ظل يناظر مكانها ولفت له:مابتطلعني راشد ناظرها ومشى وراها وجلس عند الشباك وطلعت على كتوفه دخلت وناظرته من الشباك:لا تتركني بكره تكفى راشد:بكري بالقومه وتلقيني ابتسمت وهزت راسها وقفلت الشباك وهي مبتسمه مشى راشد وهو يناظر الارض وماسك شنبه ومبتسم ضحك بربكه ودخل المجلس بسرعه يلهي نفسه - جراح ناظر الساعه وانتظرها وهو يهز رجله تلفت من الشباك يدورها ولا جات جلس وتافف بضيق قال لها العصر وابطت عليه سمع خطواتها ورفع راسه يناظرها من الشباك تركض ابتسم ومشى وفتح الباب لها طلعت الدرج ووقفت قدامه لهثت وهي تناظره؛ابطيت؟ جراح هز راسه بالنفي وبعد عن الباب دخلت وهي تناظر البيت بابتسامه ولفت له:مستثقله اني ارقص مره ثانيه جراح قفل الباب ووقف وحد يدينه بكفوفه:مو على اساس ماترقصين لي دلع؟ ريحان هزت راسها:صح ابتسمت ريحان بربكه ودارت بالبيت؛بتطول والا توريني المقطع؟ جراح رفع يدينه:لا انا قلت ترقصين بعدين اوريك ريحان:لا ياحلو لا تضحك علي ورني وارقص بعدها جراح؛اخاف احد يجي ولا يتهنى النظر؟ ريحان رفعت يدينها تقلده وابتسم وفتح جواله وقفت جنبه وهي تناظره يكتب ويدور مقطع مد لها الجوال:قلديها اذا تعرفين اخذته وهي تناظر اللي ترقص وزمت شفايفها تراقبها تراقب اللي بالجوال وهو يراقب الواقع قدامه يناظر نظرها وحواجبها معقوده والخشم بارز من ورا لفت الشرشف مدت له الجوال:تمام اعرف اسوي زيها واحسن جراح؛واحسن؟ هزت راسها بثقه وابتسم جراح:بشغل لك الحين لف وهو يدور الاغنيه ولف ناظرها تنزل شرشفها بالارض واقفه ولابسه فستانها بوصل لساقها اصفر وشعرها مظفر على ظهرها بطول ظهرها وتناظره مبتسمه ابتسم لها وشغل السماعه وخفض الصوت وتكى بظهره يناظرها تبدأ وتمد يدينها وتتمايل ابتسم وهو يتأملها ويناظر انعوجاج ظهرها بالرقص صح ان لبسها فضفاض بس كان واضحه تفاصيل جسمها ابتسمت له وهي تتمايل وتسمع الاغنيه بقلبها مو باذنها وقفت على اخر نغمه وابتسمت له وهي تناظر ملامحه هز راسه اول ماخلصت الاغنيه واخذ جواله؛كويس ريحان كشرت؛نعم؟ جراح؛اكذب يعني؟ ما كان مره متقن او ان لبسك فضفاض مدري ريحان؛اي عشان لبسي وبعدين كيف تحكم علي اصلاً وانت ماعندك خبره جراح ضحك:اهز لك يعني عشان اثبت لك ريحان ضحكت وناظرت اللي يطلع مع الدرج من الشباك لف جراح وناظر امه والبتول طالعين وسحبها وسحب شرشفها بيده دخلها غرفته وصك عليها الباب اول مادخلوا ناظرته الهنوف باتسغراب:شفيك؟ ابتسم جراح:ولاشي اشتغلت الاغنيه ومشى وقفل السماعه الهنوف:الله يصلحك لا تشغل سماعات كوثر تعرفها ماتحب احد يمسك اغراضها هز راسه ولفت الهنوف:تعالي اوريك القدور مشت معاها البتول ومشى جراح ودخل الغرفه ناظرها عاضه شرشفها وخايفه ضحك وقفل الباب:توريها القدور ريحان:يمديني ازرق؟ جراح هز راسه بالنفي:ماظنتي خليك شوي ريحان تنهدت خوف وطلت واقفه وجراح جلس على الارض وهو يناظرها ترجف ريحان لفت له:خلني اطب من الشباك اجل جراح؛يابنت تتكسرين ريحان؛خلني اتكسور عساني الكسر جراح ضحك ووقف ومشى لها؛لا خلك ريحان اشرت للشباك؛والله يمديني كما الذيبه انط جراح تكى بيده وناظرها قدامه؛منتي ذيبه انتي غزال ريحان بلعت ريقها بربكه وصدت بنظرها؛ماتعجبني الغزلان جراح ابتسم:اجل وش يعجبك؟ ريحان بتفكير طيرت عيونها وناظرته وهي ترفع اصبعها على ازرار ثوبه:قول ريحانه يكفي ان الريحان حلو ابتسم جراح وهو يناظرها بهيام وفز من دق الباب :جراح؟ بلع ريقه وناظر الباب وغطى على فم ريحان جنبه وفتح الباب وهو متكي:نعم؟ ضحكت كوثر:ياحيوان من عندك بالغرفه؟ جراح اشر لها بحواجبه تروح:ولا احد روحي قبل تجي امي كوثر دفت ايده:وخر بشوف جراح؛كوثر خلاص بعدين روحي الحين كوثر ابتسمت ومشت عنه وقفل الباب جراح لف لريحان:تعالي من الشباك ريحان:توك تقول تتكسرين جراح:ماعليه شوية كسور ما تضر ريحان مشت وفتح الشباك لها وناظر تحته ولف لها:بمسك ايدينك لين تنزلين ريحان مسكت يدينه وهي تنزل من الشباك بخوف مسكها بقوه جراح وهو شاد على يدينها فلتت يدينه ووقعت على الارض رفعت راسها له وابتسم لها وناظرها تركض راجعه لبيتهم لف وخرج من غرفته وناظر كوثر جالسه بالصاله ناظرها وتنهد وصد بعيونه ضحكت وناظرها:شتبين! كوثر:بسم الله شفيك معصب عادي تصير صدت عنه وهي مبتسمه:يغرم المرء بشخص ليس له سكت جراح وجلس جنبها:امي طلعت؟ هزت راسها كوثر:اي سكت جراح ولفت له كوثر وابتسمت:حلوه! ناظرها جراح بحده ومن شاف ابتسامتها ضحك كوثر ضحكت وتكتفت وجراح هز راسه كوثر:تكفى جراح مالقيت الا احسن بنت بينهم؟ جراح عقد حواجبه وناظرها:منتي متهاوشه معها؟ كوثر عقدت حواجبها؛لجين؟ لف جراح لها باستغراب:ريحان؟ كوثر انصدمت ووقفت؛هذي ريحان؟ جراح غمض عيونه ورجع ناظرها:يالليل عبالي عقلتي كوثر:وعوووه جراح وش تبي فيها ذي الشينه جراح:عاد روحي شدخلك شينه مي شينه مايخصك خليك بنفسك كوثر طنشته وصدت عنه وهي مصدومه - ساري انتظرها عند الغنم وهو رافع رجل ويتلفت يدورها ركضت له وهي تناظر وراها ووقفت قدامه:جيت ساري:ابطيت من اول احتريك سما:ابوي بالصاله شسوي ساري:طيب اسمعي هاك ناظرت الشريط سما ورجعت ناظرته؛وش ذا؟ ساري ابتسم:مابي اخوفك ابيك تسمعين اغنية محمد عبده ذي سما ناظرته بصدمه:انا بكره بحكم على نفسي بالاعدام وانتي تعطيني اغنيه؟ ساري اختفت ابتسامته؛اعدام عشانك بتروحين معي؟ سما تنهدت:اعدام عشاني رميت اهلي وعاداتي وخواتي كلهم بالجدار ورحت معاك ساري صد عنها وسكت وسمت مسكت كفه؛هاكه مابي اسمع شي اصلاً مدري كيف بنام اليوم ساري اخذ الشريط ولارد عليها مشت سما وهي تناطره صاد يناظر الشريط وقفت وناظرها ساري واقفه وتناظره وثواني ركضت له واخذت الشريط من ايدينه ورجعت ضحك وابتسم وهي مشت راجعه والشريط مخبيته بيدينها - الوعد باكر و لو تأخرتي لا يجي باكر ما أبي باكر بدونك احبسي الفجر فـ عيونك و إن أشغل طيفي ظنونك واعديني بعد باكر أنا ظلي تحت شمسك و لو تغيبي ما هو ظلي و انتي اسمك في حياتي يهمسه بعضي لكلي و واعديني بعد باكر.. ابتسمت وهي متكيه وتسمع الاغنيه وتتنهد فزت من انفتح الباب وقفلته ووقفت ريحان ناظرتها :شفيك كنك شفتي جني؟ سما:خرعتيني وع افتحي الباب بشويش ريحان؛وش تسوين؟ سما؛عطاني ساري اغنيه ابتسمت ريحان وجلست جنبها وسما سكرت الراديو لفت لها ريحان وابتسمت:شفيك تطالعيني كذا؟ سما:تدرين اني ما اقوى على فراقك من بين هالديره الصغيره كلها ! ريحان صدت بعيونها؛لا تبدين بالفراق بدري سما:تجين معاي بكره توصليني؟ ريحان؛وين اوصلك؟ المدينه؟ سما ضحكت:لا السياره ريحان هزت راسها؛اي بجي اوصلك سما اخذت نفس وصدت لقدام؛تتوقعين بيحرمني ابوي منكم كم سنه؟ ريحان؛لا تفكرين كذا فكري انك بتروحين المدينه وتعيشين ببيت يطل على سيارات بالشارع وتصيرين تلبسين بجايم سما ضحكت:بجايم؟ ريحان؛اي والله بدل هالقمصان اللي كنتا عجايز فيها سما؛بس مخوفتني فكرة ان ساري بيكون معاي لحالي ريحان؛وليش تخافين ساري من واحنا بزران يحبك وماظنتي بيأذيك بشي سما تنهدت:ما ادري حاسه الايام الجايه بتتغير ريحان نزلت عيونها وسما كملت:حاسه بتصير احداث كثيره من يوم ما اروح لفت لريحان وهمست؛خايفه عليكم من ابوي ريحان؛ماعليك يابنت لا تشيلين هم وقفت ريحان وشغلت الراديو:اسمعي الاغنيه ولا تفكرين بشي خرجت ريحان وسما تناظرها قفلت الباب ريحان ووقفت عنده ومسكت قلبها بضيق وهي تحاول ما تبكي - الليل ملتمين ببطانياتهم على بعض ويسولفون لغرفتهم لجين تنهدت:والله اني خايفه عليك فجر:ماعليها خلاف بس سما ناظرتها سما وهي منسدحه فجر:وش بيقول جراح وهو موديكم؟ ريحان؛ماعليك هو بيكلم ابوي وقتها سما؛بنات تكفون لو صار سي لا تدعون علي لجين ابتسمت:ماعليك لا تفكرين تعرفين خواتك اهم شي انتي ديري بالك على نفسك لا اوصيك ريحان ناظرتها:لا اصبح الصبح نودعك الحين نامي تلفتوا كل وحده بفراشها وسما بالنص جالسه وتناظرهم معطينها ظهورهم بلعت غصتها ريحان وهي تمسح دموعها وتحاول ماتطلع صوت وهي تبكي | ||||
|
| |
|
03-01-20, 10:04 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| القسم الحادي عشر - الصباح على صوت الاذان باقي على شروق الشمس وطلوعها نص ساعه مشت مع خواتها وهي لابسه عبايتها ورجولها تصاقع ببعض وقفت عند الباب ولفت لخواتها وسلمت عليهم وريحان تناظرها وشايله شنطتها بيدينها لفت لريحان وطلعوا من البيت قفلوا الباب لجين وفجر وبكت لجين بخوف وفجر تنهدت نزلت من الدرج وهي تناظر ساري واقف مع فارس وجراح وراشد توترت ومشى راشد واخذ الشنطه من يدين ريحان ودخلها بالشنطه وساري واقف يناظرها لفت لريحان وضمتها وبكت وريحان ابتسمت بربكه:بنت لا تبكين سما ماردت وهي حاظنتها وريحان بعدت عنها بالقوه وراشد تقدم لسما وسلم على راسها:انتبهي على نفسك تكفين سما هزت راسها ومشت تركب السياره ورا لف ساري لفارس:لو صار شي لا تعلم احد عن مكاننا ابد فارس هز راسه:ولا يهمك توكلوا على الله تنهدت ريحان وهي تناظرها راكبه ورا وتقدم لها جراح:تبين شي اجيب لك شي معاي؟ ريحان هزت راسها بالنفي:بس انتبه على اختي تكفى جراح هز راسه:ولا يهمك ريحان:توكلوا على الله ركب جراح وساري جنبه ووقف راشد جنب ريحان وهو يناظرهم قفل البوابه فارس اول ماطلعوا ولف لراشد؛وش بنسوي ؟ راشد ناظر ريحان؛انتوا تصرفوا طبيعي لين مايفقدها واذا فقدها انكروا انكم ماتدرون وينها وناظر فارس وكمل:واذا رجع جراح بنشوف وش بيصير فارس تنهد وصد بتوتر وريحان دخلت البيت وهي تسمع صوت امها تتوضى بالحمام مسحت دموعها ودخلت المطبخ وهي تلصق العجينه على الصاج ناظرتها البتول:من انتي؟ لفت عليها:ريحان البتول:ماشاء الله شالطاري صاحيه قبلي وتلصقين القرص انتي؟ ريحان:سمعت الاذان وصحيت البتول:خواتك ماصحوا بلعت غصتها ريحان وهزت راسها بالنفي والبتول تنهدت:اجل روحي صحيهم وبصحي ابوك خرجت من المطبخ وريحان طاحت دمعتها على العجبن وهي تعجن مسحتها بتوتر وحست بخواتها يدخلون المطبخ وكل وحده ساكته ولا تتكلم - دخلت المجلس وناظرت راشد جالس ومتوتر حطت السفره عند عبدالعزيز وحطت الشاهي عبدالعزيز ناظر راشد؛روح بيت عمتك وكلم فارس يصحي ساري راشد:ابشر وقف راشد على دخلت فارس وناظره عبدالعزيز:وين اخوك؟ فارس:سرى ريحان وقفت وهي تناظرهم ودخلت فجر بالخبز ووقفت من ناظرتهم عبدالعزيز عقد حواجبه؛وين راح؟ فارس:من الصباح طلع مع جراح للمدينه عبدالعزيز:راح ما ودعنا؟ علامه؟ سكت فارس وهو يناظرهم ودخلت البتول تركض:الحق يا ابو راشد وقف عبدالعزيز وناظرها بخوف:علامك! البتول ضربت خدودها:اصغر بناتك مهي في سما ما ادري وينها عبدالعزيز ناظر ريحان اللي عاضه شيلتها وتناظر الارض ورجع ناظر العيال سكوت وتقدم لهم:وين البنت؟ راشد رفع راسه له وهمس:ماندري عبدالعزيز نقل نطره لريحان:هذي تدري اكيد تقدم بيضربها ومسكه راشد:تكلمي وينها تمسكت ريحان بفجر بخوف وهي تناظره راشد:يبَه اصبر لين يرجع جراح ونشوف وش صاير؟ عبدالعزيز:انا بنتي تشرد من بيتي مع ساري؟ والله اني لاذبحه والله لاذبحها واذبحه فارس ساكت وراشد ماسك ابوه؛اذكر الله لين يجي جراح ونفهم وش صاير لف راشد لريحان واشر لها تطلع طلعت وهي ماسكه ملابسها بخوف وفجر جنبها:وش بنسوي؟ ريحان؛مدري مدري ابوي معصب علي انا فجر:طيب اسمعي قولي له انك اقنعتيها تقعد بس مارضت ريحان:لا لا ماني قايله شي خليني ساكته ارحم لي فجر مشت ودخلت المطبخ ولجين جالسه على الارض وتهز رجولها وريحان واقفه وتسمح دموعها كل ثانيتين سمعت صوت بوري وطلت من الشباك وفزوا البنات ناظرت راشد يفتح البوابه ويدخل جراح بسيارته ركضت طالعه من البيت ووقفت وهي تناظره طلع عبدالعزيز وهو معصب وجنبه زهور والبتول على يمناه ويساره وقف السياره جراح وهو يناظرهم ونزل من السياره خرجت الهنوف من البيت وكوثر جنبها يناظرونه مشى جراح لين وقف عند عبدالعزيز وناظر عمه يناظره بحده همس عبدالعزيز:وين بنتي؟ جراح اخذ نفس وتكلم بهدوء:مع ساري صفقه كف وراشد بلع ريقه وشد شعره بربكه وجراح عض شفته ولف له وتكلم بهدوء:انا مالي شغل هم دبروا وانا وصلتهم عبدالعزيز:الحين توصلني مكان ماوديتهم الحين جراح؛وصلتهم لمطار المدينه ولا ادري لوين بيروحون عبدالعزيز:هذي تدري اكيد تعالي ناظر ريحان من بعيد ومشت له بتوتر وقفت عنده عبدالعزيز:وين اختك؟ ريحان:مدري عبدالعزيز صرخ بوجهها؛وينننها؟ ريحان بدموع همست:والله مدري تقدم لها وسحبها من طرحتها اللي على راسها وتقدم راشد وهو يبعدها عنه وجراح ماسك عمه عبدالعزيز ناظر جراح:ليه خليتها تروح؟ تشوف الغلط وتسكت؟ ليه ماقلت لي وانا وقفتهم عند حدهم جراح؛قالت لي انها تبي شغله من المدينه واخذتها ويوم وقفت عند المطار قال لي ساري ارجع عبدالعزيز:تخليهم بزران؟ جراح: عمي اللي غلط يتحمل غلطه وهم هربوا ولا حسبوا لك حساب ليش تحرق نفسك علدالعزيز:لاني لميت عيالي وعيال اختي حولي ولا رضيت وحده تتزوج عشان يبقون حولي ويجي هالبزر ياخذ بنتي مني بدون شوري والله لو شافتهم عيوني لاذبحهم جراح بلع ريقه وسكت والبتول تهمس له:خلاص يا ابو راشد لا تتعب عمرك مهي بنتنا ولا نبيها ابد ناظرتها ريحان بصدمه ومشت طالعه من المجلس وهي تبكي وراشد صد وهو يفكر هالفكره فكرته من البدايه وهو اللي حطها براس ساري المفروض اللوم والضرب يروح له هو مو لجراح وريحان جراح ناظر امه ومشى للبيت وهي مشت وراه دخل وهو يفصخ ثوبه من عليه:امي لا تبدين تكفين الهنوف:لا تقول امي انا ماني امك وش سويت؟ الله ياخد شيطانك وش سويت حسبي الله على الشيطان جراح؛ماسويت شي هذا عمي مو راصي يزوج بناته عشان التخلف اللي هو فيه خليه يتربى شوي يمكن يحس الهنوف:وانت شعليك منهم خلهم احنا كم يوم ونرجع المدينه بس ينباع هالبيت الله لا يبارك فيه من بيت جراح لف لها:اجلي الكلام لبعدين تعبان وبحط راسي وانام مشى وتركها جالسه ومستصيبه - العصر البيت هادي وعبدالعزيز بالمجلس جالس وحاده ملامحه يناطر الزاويه ويفكر وما حوله احد دخلت البتول بالصحن:غداك عبدالعزيز:مابي غدا شيليه عني البتول:يارجال صل على النبي البنت راحت ولا لها رجعه ابد لا تحر نفسك عليها عبدالعزيز:مابيها حتى بعزاي تجي البتول:ابشر بس انت كل لك لقمتين الضغط لا يزيد عليك عبدالعزيز:ماني مشتهي البتول تنهدت وجلست بالغدا جنبه وهي تداريه - جراح مسح وجهه وناظر من الشباك وشافها بالسطح جالسه وضامه نفسها وتناظر السماء والضيق واضح من ملامحها تنهد وفتح الشباك ولفت ناظرته يفتح الشباك جلست باعتدال وهي تناظره رفع يدينه واشر لها تجي وتاففت وهزت راسها بالنفي ورجع عاد الكره وناداها بيده تنهدت ووقفت ومشت نازله من السطح اخذت شرشفها وطلعت بدون محد ينتبه ومشت لشباكه وهي تناظره جراح همس:بمد يديني واطلعي ريحان:ماني ناقصه جراح قول وش تبي من هنا جراح:اعقب،في عيونك من الضيق كلام اطلعي خليني اتكلم معك ريحان تنهدت ومدت يدينها ومن لامس كفوفها شد على يدها ورفعها لين طلعت من الشباك للغرفه وناظرته بضيق ومشت جلست على فراشه وهو قفل شباكه وجلس قدامها ريحان تناطر اصابعها وساكته جراح اخذ نفس:وش فيك زعلانه وشايله ضيق السما والارض على كفوفك! ريحان ناظرته:غير ان اختي الصغيره معدني بشوفها ابوي كارهني وحاط اللوم علي انا لحالي جراح رفع حاجبينه؛وليه بس انتي اللي ضربك؟ حتى انا انصفقت بهالعمر وبذي اللحيه ريحان:ادري اذيناك من يوم جيت وانت بمشاكل جراح؛انتوا اهلي وهذا عمي وعيال عمي ومشاكلكم لازم تمسني ريحان:وين اخذتهم؟ جراح:بشقه بالمدينه ريحان:وكيف سما؟ جراح ابتسم:ماعليها خلاف ريحان تنهدت:امي ماكنها امي قل ابوي قاسي وماعنده قلب بس امي ما كنها والدتنا من بطنها تداري ابوي اكثر من بناتها جراح:ماعليه تندم بعد مده طويله وتدري ان عيالها هم اللي بيبقون لها ريحان:مدري لمين اروح ابوي وامي اخس من بعض انا ماني مسامحتهم لانهم جابوني جراح ابتسم:نصيبك وقسمتك بس ماتدرين وش خبى الزمن ريحان ناظرته مبتسم وظلت تناظره جراح:ماتبين ترقصين؟ ريحان؛مو وقته والله جراح:صدقيني كل اللي يرقصون ما كانوا كلهم فرحانين ريحان هزت راسها بالنفي:برجع بجلس لحالي شوي جراح:براحتك وقفت ريحان ومشت للشباك ولفت له ناظرته:مشكور جراح:ماسويت شي مدت يدينها له وناظرها ورجع ناظر عيونها ومسك يدها نطت لين طاحت بالارض ومشت راجعه للبيت وجراح تنهد وقفل شباكه ورجع مكانه ينسدح - مر يوم كامل وجا صباح يوم جديد كانت تفطر مع خواتها بالمطبخ دخل عبدالعزيز وناظرها من بينهم بحده وبلعت لقمتها بصعوبه وهي تناظر الارض وتحس بحرارة نطراته لها مشى وتركهم ورمت الاكل من يدها:انا شدخلني الحين فجر؛عشانك قريبه من سما ريحان:واذا لين متى بيقعد ينكد علي بنظراته كرهني في حياتي زياده لجين:ماعليك ايام وينسى تاففت ومسحت يدينها ببعض وهي تفكر - الساعه 11:00م راشد هو الوحيد اللي من صارت السالفه وهو ينام بمكان ويصحى بنفس المكان وحيد ومتضايق وشايل هم اخته اكثر من كل شي رفع راسه من شاف ظلها ومن ناظرها صد بعيونه كوثر ناظرت الجو ورجعت ناظرته:ماتخاف من العقاارب جالس هنا؟ راشد:ماني بحال الxxxxب كوثر جلست جنبه وناظرته:اجل بحال من؟ راشد:اختي كوثر تنهدت؛ماعليه الامور بتتعدل ان شاء الله راشد:المشكله لو صار شي لسما بكون انا السبب كوثر:ليش انت؟ راشد:انا قلت لساري ياخذها معاه ويهربون كوثر عقدت حواجبها؛ليش تقوله؟ راشد:اختي تحبه وهو يبيها ولو ان الشور بيدي والله كان فرحت فيهم كوثر ظلت تناظره يتكلم ومحروق قلبه كمل:انا جبان ولا عمري دافعت عن خواتي اشوف الخطاب يجون وينردون من ابوي ولاني قادر اسوي شي كوثر ماردت عليه وهي تناظره يتكلم راشد ناظرها:حتى خايف خايف اني بيوم احب ولا اقدر ادافع عن حبي كوثر اخذت نفس:تدري انك غلطان؟ وكل شي قلته مو صح! راشد لف لها وكوثر ابتسمت:ماشفت زيك شجاع وقفت اليوم بوجه الوك حامي اختك يضربها وكل يوم ترعى الغنم وتسقي الكلاب وماتنسى خواتك ابد مافكرت بدراستك ووظيفتك كنت تفكر دايم بخواتك وتقول انك جبان؟ انا ماشفت زيك شجاع راشد ظل يناظرها وهمس:الود ودي اكون من احسن من كذا بس ما اقدر اخرج عن طوع ابوي كوثر سكتت وراشد صد لقدام وهو ساكت وهادي نزل نظره من حس بشي على اصابعه وجا بينفض اللي عليه وانصدم من ناظر يديها على اصابعه رفع نظره لها كانت تناظر اللي قدامها وتدري انه منصدم منها ظل يناظرها لين لف لقدام ورفع اصابعه لاصابعها وشبكها بيدها وهو يناظر اللي قدامه وهادي ابتسمت كوثر وظلت تناظر الكلب حولهم يدور والجو ساكن - اخدت الصحن من يدين امها وناظرتها صاده عنها بزعل همست ريحان؛وين اوديه؟ البتول:وديه لبيت عمك عايض ريحان؛شسويت انا؟ البتول سكتت ولفت لها ناظرتها ريحان:شسويت انت تحطون اللوم علي؟ البتول:ادري انك كنتي تدرين وخبيتي عن ابوك المصيبه ذي ريحان حطت الصحن بالارض:اجل لو تدرين مو بس انا اللي ادري خواتي كلهم وراشد وفارس ندري ان سما بتهرب مع ساري لانها مي مسويه مصيبه على قولتك البتول شهقت وقفلت باب المطبخ وناظرتها:حسبي الله عليكم من عيال ريحان:طول عمرك منتي امنا عشان تجين الحين تحسبنين زين سوت سما عساكم تحسون انكم كابتين علينا البتول:لا تكلميني بهالاسلوب والا والله لاخلي ابوك يقص لسانك ريحان:هو بقى غير لساني تتحكمون فيه؟ البتول:خلي سالفة سما الملعونه تخلص وافضى لك مشت وتركتها وريحان عقدت حواجبها بصدمه تلعن بنتها طردتها من رحمة ربي وهي ماكانت رحيمه! اخذت الصحن من الارض وطلعت من البيت وقفت من شافت راشد جالس وجنبه كوثر ومعطينها ظهورهم عقدت حواجبها ونزلت نظرها ليدينهم وانصدمت مشت بسرعه بدون لا يحسون ووقفت عند الباب ودقته بتوتر فتحت الهنوف وناظرتها:هلا ريحان:هذا نقصتكم من العشاء الهنوف:هاتيه الله يعافيكم دخلت ريحان وناظرت جراح جالس بالصاله وجواله بيدينه رفع نظره لها ومن ناظرها ابتسم مشت وحطت الصحن بالمطبخ والهنوف وراها تقطع على لوح خرجت وناظرت جراح ينتظرها بالدرج لف لها وهمس لها؛مشتاق لك ناظرته وبلعت ريقها وهمست:اختك شتبي من راشد؟ عقد حواجبه وريحان كملت بهدوء:كوثر جالسه مع راشد وايدها بايده! جراح انصدم وتقدم لها؛وينهم؟ ريحان؛والا انت اختك من نفس الطينه خواتمكم باصابعكم وتتسلون؟ جراح؛شدخلني انا الحين ريحان:اختك من فتره قصيره بس ملكت والحين ليش جالسه مع راشد؟ جراح:لا تساليني حتى انا ما ادري شسالفه ريحان؛راشد مسكين حط ببالك جراح لو علقت اخوي فيها وراحت تزوجت والله لاحط اللوم عليك وعليها وعلى امكم بعد جراح تكلم بهدوء:لا تلومينها لاني ادري انها تعيش اللي اعيشه هالديره كانت تنتظرني انا واختي من زمن طويل ريحان ماردت عليه وجراح كمل :صدق القلوب واصفى البنات وانقى الذهب بالهالديره وجينا ندور من زمان على الامور الثلاث ريحان عقدت حواجبها:لوين بتاخذني؟ جراح ابتسم:تبين على كفوف القمر اوصلك والا على الغيمه؟ ريحان ماردت وهي تناطر عيونه وتسمع كلامه جراح:انا طاير معاك لبعيد بس علميني ياحلمي الاجمل انتي لوين تبين اخذك؟ على كفوف القمر والا على الغيمه! رفعت يدينها ريحان ومسكت يدينه اللي كان مادها ويسألها بتعجب :اجي معك على حدود السما بس اوعدني ماتخليني بنص الطريق اطيح مكسورة الجناح شد على يدينها وهو يناظر عيونها:ماني متأكد اني بوصل معاك لطريق بس متأكد اني مابقدر اتخلى عنك بعد هالمده القصيره اللي جمعتني فيك رفعت نظرها ريحان لكوثر اللي ماشيه باتجاههم وماسكه يدها ومبتسمه لف جراح وفلت يده من يدين ريحان وهو يناظر كوثر ناظرتهم يناظرونها ومشت وطلعت الدرج:شفيكم؟ جراح؛طلعت ادورك وين رحت؟ ريحان ناظرت جراح ورجعت ناظرت كوثر كوثر:اتمشى مرت من بينهم ودخلت داخل وجراح ناظرها ولف لريحان :انا ماعمري تدخلت بكوثر واذا صار شي انا مالي ذنب فيه لا تحطين اللوم علي ريحان ماردت ومشت نازله من الدرج وجراح تكى بيدينه على الدرج يناظرها رايحه وتاركته غمض عيونه ثواني وصد لداخل - يوم جديد سما وساري جالسه بالشقه وهي تناظرها باستغراب كبير خرج ساري من غرفته ووقف يناظرها جالسه ابتسم:يالله ياكم حلمت سنين بهاللحظه لفت له سما:صباح الخير ساري جلس جنبها:صباح النور نمتي زين؟ سما:يعني سرير غرفتي مو مريح وكبير علي ماني مرتاحه ساري ابد ساري:ماعليه كم يوم ووتتعودين لا جعتي في اكل بالمطبخ انا بروح الجامعه سما تنهدت:طيب ساري وقف ثواني ولف لها:تبين تدرسين؟ سما وقفت باستغراب:ادري وش؟ ساري:جامعه تبيني اقدم لك؟ سما انصدمت:اقدر ادرس صدق؟ ساري ابتسم:اي يصير ما اخاف عليك ابد لو رحت وتركتك سما ابتسمت:اي ابي ادرس ساري:ابشري بقدم لك وان شاء الله تنقبلين سما هزت راسها وساري طلع وتركها بالشقه ابتسمت وجلست وهي ماتتخيل ان ممكن تكمل جامعه دارت بالبيت وهي تتفقد الاغراض فتحت الشباك وناظرت الشارع والسيارات والزحمه واصوات المدينه ابتسمت وتكت بالشباك وهي ماتتخيل بيوم ان ممكن تشوف هالمنظر وتدرس وهي جنب ساري ببيت واحد - جراح صحى وناظر الزرع والريحان عند سيارته يابسين اخذ الدلو وهو يسقيه وابتسم وهو يشم ريحة الريحان اخذ له بين يدينه ريحان ورتبهم ومشى لين البيت ودق الباب فتحت له لجين وناظرته؛امر جراح؟ جراح؛نادي لي ريحان ابتسمت لجين:طيب دخلت وناداتها وطلت ريحان وناظرته وناظرت اللي بين ايدينه جراح:جاني الريحان يشتكي منك ريحان ابتسمت ولفت وراها ورجعت ناظرتها:مبكر اليوم جراح ابتسم:صباح الخير والريحان ريحان ابتسمت بحب اكثر:وصباح الساقي الولهان جراح ضحك ولف حوالينه وتقدم لها:تعالي لي اليوم اذا راحت امي ريحان تنهدت:اخاف جراح ابوي حاط دوبه دوبي اخاف ينتبه لي جراح هز راسه بالنفي:ماعليه محد بيفقدك بكلمك عن فجر اختك عقدت حواجبها ريحان؛شفيها فجر جراح:تعالي ونتكلم عنها كلمني فارس ريحان هزت راسها:طيب بجي جراح:الحين لو اقولك تعالي عشاني انا تجين؟ ضحكت ريحان بحيا:اي بجي واترك البيت وراي والحقك جراح ابتسم:انتظرك ريحان هزت راسها ومد لها الريحان جراح وابتسمت اخذته من يدينه وهي تناظره مشى وتركها داخل المجلس اخذت الريحان وقفلت الباب وتكت عليه وهي تشم الريحان ابتسمت وغمضت عيونها بحب ومشت للمطبخ - العصر هربت من بين قعدتهم وطلعت وهي ماسكه بيدينها نعالها حطتهم بالارض ولبستهم ومشت للبيت وقفت وقبل تدق الباب انفتح ابتسمت له ودخلت قفل الباب وناظرها:زين جيتي ريحان ناظرته:قول وش سالفة فارس وفجر؟ جلس جراح:اجلسي بالاول جلست قدامه وجراح همس:تكفين لا تفتحين شرشفك عن وجهك اخاف يضيع الكلام وانا اجمعه من اول ابتسمت ريحان:طيب بس قول يالله جراح اخذ نفس:امس قضيت الليل مع فارس كان ضايق صدره قال انه بيسافر بريطاينا ويطلق البنت من هناك ويدفع اللي عليه ودونه ريحان:طيب؟ جراح:يبي يهرب مع فجر بعد ريحان وقفت :لا عاد تستهبلون انتم؟ جراح:هذا الحل خليهم ياخي شعليك انتي ريحان:لانهم بيحطون اللوم علي بعد هالمره وبعدين مو حلى هو ساري وسما قريبين ولو صار شي هي عندنا بالمدينه اما فجر تسافر بريطانيا لا جراح:اجل والحل هاتي يالله حلولك! ريحان جلست وناظرته:يهدد ابوي جراح:يهدده؟ ريحان:اي لا يلزم ويسافر بس يهدد ابوي لو ماعطاه فجر بيهرب فيها جراح؛اي وابوك بيفتح يدينه ويزفهم؟ ريحان؛والله ليخاف بس خل فارس يحلف ويهدده صدق جراح يكت بتفكير ثواني وناظرها:واذا ما وافق؟ ريحان؛عاد وقتها نشوف وش بيصير جراح هز راسه وسكت وحط ظهره على ورا ريحان ابتسمت وهمست:ابي ارقص جراح ناظرها وضحك وهز راسه:ارقصي | ||||
|
| |
|
03-01-20, 10:04 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| القسم الثاني عشر جراح ابتسم:ارقصي ابتسمت ريحان ووقفت تنتطره يشغل لها اغنيه تمايلت كعادتها قدامه ولا كانت تفكر غير في فرحتها بالرقص ما كانت تفكر بالتغير اللي يصير له وجوات قلبه مع كل ميله تميلها من انعوجاج خصرها الذهبي لابتسامتها الساحره - فارس مشى مع حازم اخوه الصغير وهو يتكلم معاه:ادخل كلم امي تجي تتغدى حازم هز راسه وهو لابس ثوبه وجاي من المدرسه فارس:اسمع لف وناظره وتكلم فارس:لا ترجع تنام ابيك بسالفه حازم:ابشر دخل حازم البيت وفارس لف وناظرها تنشر الملابس ورا البيت وتعصر الملابس بيدينها وتنشرها بالحبل ابتسم ووقف عند الجدار وهو يطلع عليها ويناظرهت بتأمل رفعت خصلات شعرها عن وجهها بانزعاج وعقدت حواجبها من الشمس وثبتت الملابس بمساكات وشالت الكروانه بيدينها ومشت راجعه البيت لف على ورا فارس عشان ماتنتبه له واخذ نفس وتنهد غمض عيونه بحزن وضيق ومشى رايح للمجلس جلس وناظر ملامح عبد العزيز وجموده ولف عنه بضيق دخل جراح وناظر عمه ورجع ناظر فارس وجلس جنبه همس له:شفيه؟ فارس هز كتوفه وجراح ناظر عبدالعزيز:عمي لف له عبدالعزيز وجراح ابتسم:ماودك نخرج نتمشى بهالجو العليل؟ فارس ناظر جراح وعبدالعزيز تكلم:لا جراح؛عمي بتكلم معاك ولمره اسمع قبل تتكلم وقف جراح وجلس عند عبدالعزيز وعبدالعزيز يناظره بجمود جراح:بناتك بنشرون بذهب ومؤدبات ومتأكد ان مافي وحده بتغلط بينهم واللي سوته سما كان من رفضك وظلمك لو تفكر شوي شتبي البنت من ابوها؟ فارس نزل راسه وهو يسمع جراح وعبدالعزيز يناظر جراح وكمل جراح:تبي من ابوها يربيها ويسلمها لرجال شاريها يحطها بعيونه بعد ما كانت تحت جناح ابوها وادري لو كان الرسول بايامنا ذي مارضي على اللي تسويه لا بالاسلام ولا بالعادات تقدر ترفض لبنتك شخص كفو ويبيها لف لفارس واشر له:واحد وخمسين مره طلبها منك وصامل ما يضرك ويسوي اللي سواه ساري لانه يبيها منك من ابوها وقدام الناس كلها عبدالعزيز هز راسه بالنفي:ماتدري عن اللي براسي ولا تدري عن اللي احس فيه ما اقدر ابعد عيالي عني بايديني ابيهم حولي بهالبيت وبالديره جراح؛بس ياعمي مايصير بهالطريقه تشردهم منك اكثر محد بيصفى لك صدقني عبدالعزيز:لا تحاول فيني هالشي اخاف منه ولا ابيه لي اني اقوم وانام وحيد مخوفني جراح ابتسم:حتى لو بناتك تزوجوا بيبقون حدك وحوالينك عبدالعزيز:انت فتره وبترجع المدينه وانا ما اقدر اوقفك عن روحتك انت واهلك خلني اتمسك على الاقل بعيالي تنهد جراح وسكت وهو يناظره وفارس وقف وخرج من المجلس - وقف عبدالعزيز من ناظر سيارات داخله البيت عقد حواجبه جراح ولف لفارس:من ذول؟ فارس:معتمرين من الحفر يعرفهم عمي لا جو بيعتمرون يسكنون تحت بايجار يعني هز راسه جراح وناظرهم ابتسم عبدالعزيز بجمود وسلم عليهم ابو تركي:شلونك يا ابو راشد عبدالعزيز:حمدلله تسلم انتم وش احوالكم ابطيتم هالمره ابو تركي:اي والله انشغلنا وكنا نتتظر تركي ياخذ اجازه ونعتمر عبدالعزيز ناظر تركي مبتسم وواقف جنبه:ماشاء الله توظفت؟ تركي:حمدلله عبدالعزيز:حياكم اقلطوا لف لفارس:علم اهلك داخل يجهزون فارس هز راسه ومشى للبيت وتركي دخل المجلس وناظر ابوه وابو تركي ابتسم وناظر عبدالعزيز:صراحه يا ابو راشد جيناك لموضوع قبل ما نروح لمكه جراح جلس ودخل راشد بسرعه بالقهوه يصب لهم وحازم جلس جنب جراح وجراح ابتسم له ولف يناظرهم ابو راشد:امر والله ابو تركي ضرب فخذ تركي:هذا ولدنا توظف ومن زمن طويل كان وده يكمل نص دينه من وحده من بناتك بس لزمت انه اذا توظف نطلبها منك راشد وقف وناظر ابوه ورجع ناظر تركي اللي مبتسم عبد العزيز اختفت ابتسامته وهو يناظرهم وكأنه ناقص يكملها الحين ابو تركي:ويبي من بينهم الكبيره اكبرهم واذا ما خاب ظني لجين ابتسم راشد وبسرعه تلاشت ابتسامته اول ما حس ان ابوه بيرفض عبدالعزيز:احنا من زمان نعرفكم ونعم فيكم بس بنتي ماتبي الزواج ولا تفكر ناظره تركي وعقد حواجبه وابو تركي تكلم بهدوء:كل شي يتغير خلهم يتعرفون على بعض ويجلسون مع بعض يمكن يكون في نصيب بينهم عبدالعزيز:ماعندنا هالحركات يشوفها ويقعد معها ابو تركي تنهد؛والله بغيت القرب منك يا ابو راشد والنعم فيكم بس قسمه ونصيب عبدالعزيز هز راسه وقطع كلامه جراح؛والله انكم ناس طيبين ياعمي واحنا بنشاور البنت ونرد لك خبر ناظره عبدالعزيز وجراح ابتسم له وراشد توتر من نظرات ابوه ابتسم ابو تركي:على خير ان شاء الله - فجر تناظر من الشباك:لجين حقك رجع زي كل سنه لجين:حقك وحقك وش هالكلام وقلة الادب ريحان ناظرتها:يعنني ما كان بيننا نظرات ونغزات لجين:كنت بزر وهو ماهو منا دخل حازم وناظر البنات:عمي يبي شاهي مر عشان ابو تركي ريحان؛تعال انت تعال مشى حازم وجلسته ريحان قدامها:انت وينك ماتجيني وتسلم علي! هاه جحدتني من دخلت المدرسه؟ حازم ضحك:لا بس امي ماتخليني اطلع من البيت عشان اذاكر ريحان ابتسمت:اي كويس عشان تنجح وتصير زي اخوك ساري دكتور حازم:لا بصير زي تركي اللي عندنا بالمجلس لفت لجين عليه وريحان ناظرتها ورجعت ناظرته:وش يشتغل تركي؟ حازم؛طيار رفعت حواجبها فجر بصدمه ولجين رجعت تشتغل ريحان؛وليش جايين؟ حازم:ياخذون عمره ريحان:ماقالوا شي طيب من هنا ومن هنا ! حازم:الا بس عمي رفض قفلت المويه لجين وجلست وهي تناظره:رفض وش؟ حازم؛الرجال يقول يبي لجين تركي بس عمي رفض قام قال جراح انهم بيسألونك اول وعمي واصح عصب ضحكت فجر بصدمه:ياويلي صدق الرجال يبيك لجين انصدمت وناظرتها ريحان ورجعت ناظرت حازم؛تعال هاك لا ينكب عليك حازم هز راسه واخذ البراد ومشى طالع من المطبخ ريحان ناطرت لجين:شوفي من الحين بقولك لو راحوا وابوي ملزم ورافص والله لاتهاوش معه عاد هو خلقه كارهني لجين:لا لا خلاص مانبي مشاكل فجر؛حرام بنات الولد طيار ومتربي ماشاء الله احس حرام ابوي يرفضه ريحان ناظرتها:حتى فارس حرام يرده واحد وخمسين مره تنهدت فجر وناظرت لجين:لجين تكفين لا تعندين كلمي امي وابوي سوي اي شي لجين بلعت ريقها بربكه وتوتر وريحان ظلت تناظرها بضيق - طلع عبدالعزيز ومسك ذراع جراح:شدخلك انت تتكلم بيني وبينه؟ جراح همس وناظرهم:عمي لا تركب راسك الولد ينشرى ويبي اكبر بناتك وحرام لجين تستاهل كل خير عبدالعزيز:جراح شوف انا اعزك واقدرك واسمع منك بس لا تتدخل اكثر في شي لاني والله لاعلن عليك حرب منت قدها جراح:ماعلي من شي عمي انا فتره وارجع لشغلي وديرتي بس بوقف الباطل وانا هنا عبدالعزيز:بناتي مهن لزواج جراح؛اجل وش لعبادتك؟ يخدمونك طول عمرك! حرام والله حرام عبدالعزيز مارد ورجع جلس بينهم وتركي جالس يناظر المجلس ومعصب ماتوقع ينرد وبهالسرعه بعد ماتعشى خرج من المجلس وجلس بالارض يغسل يده من صنبور بالحوش وجنبه صابونه غسل يدينه ووقف عنده جراح وابتسم تركي:ماعليش ثواني جراح:لا خذ راحتك وقف تركي وهو ينشف ايده وجراح ابتسم له:ماودي ادخل فيك وانت لا تعرفني ولا اعرفك بس خير ما اخترت صدقني احسن بنات عمي تركي ابتسم له:مافي نصيب حمدلله جراح بلع ريقه وتقدم له:اسمع اذا تبيها حاول مرتين وثلاث بعمي لين يوافق ما بتلقى احسن منها والله تركي عقد حواجبه وجراح ضحك باحراج؛ادري ملقوف بس ابي الخير البنت محد سألها ولا بيسألونها بيرفضونك على طول روح انت كلمها واسألها وشوف تركي سكت ولف يمين ويسار بتفكير وجراح جلس وغسل يدينه - لجين واقفه عند الباب وسلة الفواكه بيدها متضايقه ولا تدرس شتسوي مشى لها جراح واخذ السله؛لجين ناظرته وعقدت حواجبها:هلا جراح؛برسل لك تركي يكلمك لجين شهقت بخوف:لا لا تكفى مانبي مشاكل جراح عقد حواجبه:انتي متأكده انك شقيقة ريحان! ضحكت لجين باحراج؛ابد مانتشابه تكفى جراح لا تسوي لي مشاكل جراح:يابنت الحلال فرصتك لجين بلعت ريقها بارتباك وجراح ابتسم وهز راسه دخل بالفواكه وناظر تركي:تركي تارك سيارتك شغاله انت؟ عقد حواجبه تركي:لا جراح لف وناظر السياره:اجل من شغلها؟ تركي وقف يناظرها وجراح همس له:البنت تستناك روح كلمها ناظره تركي بصدمه ورجع ناظر وراه ابوه يسولف مشى بهدوء للوصف اللي اشر له جراح ووقف عند الباب المفتوح وعقد حواجبه؛في احد؟ لجين من ورا الباب همست:اي تركي بارتباك اخذ نفس:والله ولد عمك فيه الخير بغيت اعرف رايك اذا كان نفس راي ابوك والا لا لاني ضايع لجين من ورا الباب اخذت نفس:محد سألني واخذ رايي تركي نزل راسه بالارض:طيب وش شورك؟ لجين ناظرت ريحان وفجر وراها ياشرون لها ورجعت تكلمت:ابوي ملزم وانت منت ملزوم تنتظره يلين ويوافق تركي:ابد بس انا طول عمري ابي وحده بنفس صفاتك انا تركت بنات الحفر لانك ببالي من اول ابتسمت فجر وناظرت ريحان بضيق على لجين ولجين ساكته وتسمع كلامه بضيق تركي:اهم شي اعرف رايك الحين اذا في نصيب بيصير صدقيني سكت ثواني:موافقه؟ لجين اخذت نفس بتوتر وفركت يدينها ببعض دقتها ريحان واشرت لها ولجين خافت منهم وهمست:اي والنعم فيك ابتسم وهمس:على بركة الله ان شاء الله مشى وتركهم وطلوا من الباب يناظرونه وضحكت فجر:تقول والنعم فيك ريحان صحكت:خليها تقول اي شي المهم يصمل ويرجع يطلبها لجين قفلت الباب:كله منكم فشلتوني مهابيل انتم وجراح ريحان:حبيبتي جراح او ما كلمه وخلاه يكلمك كان الحين انتي عانس لجين ناظرتهم:ماظنتي يوافق ابوي فجر:ابوي يستحي منهم صدقيني ان شاء الله يوافق ابتسمت ريحان:والله لارقص بعرسك لين تتكسر رجولي لجين ابتسمت وتنهدت بتفكير - جراح ناظر تركي جالس بالمجلس وساهي وثواني رفع راسه لجراح وابتسم له ورد له الابتسامه جراح لف لعبدالعزيز:عمي بدون مقطوع لكلامك لف ابوه عليه وعبدالعزيز ناظره:هلا تركي:انا ملزم وابي بنتك على سنة الله ورسوله ولابي عيب انرفض واذا رفضك لي بدون سؤالك للبنت ذا يدل على قلة تربيتي واصلي تهين ابوي اللي يعزك ويقدرك وانا ما ارضاها علي وعلى ابوي سكت ابو تركي وعبدالعزيز تنهد بحده وناظره:ابد ماهو عيب لا فيك ولا فابوك وانا اعرفكم من زمن طويل ومدخلكم بيتي من طيب اصلكم بس مافي نصيب تركي:ماعليه ياعمي انا ماني راضي الا اذا سمعت راي البنت واحنا مستعجلين ونبي الموافقه لف فارس لجراح وابتسم وجراح يناظرهم بفرحه عبدالعزيز تنهد:شوف ياتركي والله لو اني ما اعز ابوك وادري انه بيزعل مني ما وافقت بس انت مايعيبك شي ابتسم تركي وناظره ابوه بفرحه:هذا العشم فيك يا ابو راشد واقف راشد عند الباب ويناظرهم ومو مصدق ابد ان ابوه وافق ضحك جراح وتركي ناظره وابتسم ورجع ناظر عبدالعزيز - البتول واقفه عند الباب ولجين جنبها وابو تركي واقف جنب عبدالعزيز عبدالعزيز:شاوري البنت يا ام راشد يبون يسمعون رايها لجين واقفه جنب البتول ومتوتره ماتوقعت بهالسرعه ربي بيحقق حلمها وتتزوج ولا تكون عبء على احد البتول:وش رايك يالجين؟ لجين بلعت ريقها:شوري من شور ابوي جراح كشر وهو واقف جنب تركي وماسك كف راشد بتوتر عبدالعزيز:ابوك موافق وانتي وش شورك؟ لجين اخذت نفس بصعوبه وتكلمت بهدوء:موافقه ابتسم جراح وفارس لف لهم وابتسم غمض عيونه راشد بفرحه ووحده من خواته بتتزوج هز راسه عبدالعزيز ولف له ابو تركي:على بركة الله ان شاء الله تركي ابتسم وسلم على راس عبدالعزيز ومشوا راجعين المجلس راشد ناظر جراح؛جراح لف له جراح باستغراب راشد؛مشكور انت اللي حاولت مع ابوي جراح ابتسم :مابيننا راشد حنا عيال عم اهل راشد ابتسم له ووقف وهو يسمعهم يتشاورون على الملكه - كوثر ابتسمت لها وهي متوتره:وناسه مره فرحت يوم قالت لي فجر ريحان:بظبط زواجك واخليك قمر فجر:بس تروحين الحفر معاه؟ كوثر:اي عادي خليها تروح بالعكس حلوه حفر الباطن لجين:مدري خايفه كل شي صار بسرعه فجر:واضح انه نصيبك من يوم ماصار كل شي بسرعه لجين ابتسمت لهم:مدري ريحان:ماعليك اه لو كانت معانا سما تنهدت فجر ولفت لهم كوثر؛من اقنعه؟ لجين:اخوك عقدت حواجبها كوثر:اخوي من يوم ما جا هنا وهو متغير لو تعرفونه من ايام المدينه ابد مامعه اصحاب ولا يتدخل بشي ريحان ابتسمت لها:اكيد يتغير هنا كوثر ناظرتها وصدت من فهمت قصدها | ||||
|
| |
|
18-01-20, 05:37 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| القسم الثالث عشر - الساعه 3:14 ص واقف بالدرج ويناظر السماء ومبتسم لف من سمع صوت خطواتها وابتسم لها:هلا ابتسمت بفرحه ووقفت قدامه:انت تدري شصار والا انا احلم؟ ضحك وتكى بظهره على الدرج:ادري وقفت قدامه واخذت نفس براحه:يالله قد ايش فرحانه لو اوزع فرحتي للكون زاد جراح:شوي شوي كانك انتي العروس ريحان:لا جد جراح من بين خواتي لجين اكثر وحده بفرح لها طيبه وعاقله مهي زينا ابد جراح ابتسم لها:نصيبها زين عمي وافق ندري كيف اقنعه تركي ريحان:اي حمدلله بس ما كان لك تدخل بالموضوع؟ جراح ابتسم ورفع كتوفه:ما ادري ما اذكر ريحان ابتسمت له:ادري انك كلمته شكراً جراح هز راسه بهدوء:ماسويت شي،تجين؟ ريحان:لوين؟ جراح ابتسم:وقابليني .. فـ المكان اللي عسى قلبك يدله.. ابتسمت ريحان وهزت راسها:يالله مشت قبله ولحقها وهي طالعه من البيت وتناطر الطريق ومبتسمه ماشي وراها ومبتسم ويناظرها تمشي للجبل وتوقف اخذت نفس وغمضت عيونها:ممنونه لابوي هالمره جراح وقف جنبها وهو يناظر الجبل ريحان لفت له وابتسمت من تذكرت شي:من زمان ماطلبت مني كباية شاي؟ والا كانت مجامله؟ ضحك جراح وناظرها:لا والله ماني كييف شاهي ترا بس كان حلو من يدينك ريحان:لو تطلبني الحين اسوي لك سويت من وناستي جراح:دوم ان شاء الله هالفرحه ريحان ابتسمت وجلست وجلس جنبها جراح ناظرت اللي قدامها وهمست:لو كانت سما موجوده كان احلى جراح:ماعليه ابوك اليوم وافق للجين بكره يوافق لسما وساري ريحان هزت كتوفها:ماظنتي جراح:اتركينا من ظروف الزمن وقسوة ابوك تعالي اشرحي لي كيف ما اسرح الا على صورتك ولا اشتاق الا لحسك؟ ريحان ابتسمت له وناظرته جنبها وجراح مبتسم لها جراح:قادره تصنعين من روحي الف طير منزوع الجناح بس يطير ولا تسأليني كيف! ريحان اخذت نفس وناظرته:ودي ما افكر كثير بس خايفه من يوم يجي شرّاي للبيت وينباع جراح؛خلي خوفك على البيت انا موجود هنا والا المدينه ريحان لفت لقدام تناظر الجبل وتفكر ثواني وجراح يناظرها ومبتسم رفع كفه لكفها ومسكه ولفت له جراح ناظرها:احب ريحة كفي بعد كفك ريحان ابتسمت له وناظرت يدها بيده ورجعت تناظر الجبل - واقف عند شباكها ومبتسم ويحكي لها عن شعورها وهي تتأمل فرحته وكلامه اللي يطلع من قلبه قبل فمه ابتسمت له:راشد ناظرها وسكت:هلا كوثر:شوي شوي على قلبي وقلبك بلع ريقه وارمش بعيونه وهمس:الله يقلب يسلمه ضحكت ونزل راسه ورجع ناظره:الله يسلم قلبك كوثر ابتسمت وهي متكيه على الشباك:صدق راشد وش سويت؟ راشد حك جبينه وناظرها:مدري كوثر ابتسمت له:ممكن تطلعني الصباح معاك زي ماوعدتني؟ راشد:انتي سهرتيني الليل وبعد بتبكرين الصباح معاي؟ كوثر:انت قلت اخذك وانا ارعى الغنم بس ماجا وقت مناسب راشد:ابشري كوثر ابتسمت:متى تطلع؟ راشد:اصلي واخذ الغنم كوثر هزت راسها:انتظرني اليوم راشد هز راسه وكوثر دخلت وقفلت الشباك - الصباح على شروق الشمس جالسين لف لها جراح:مابترجعين؟ وقفت واخذت نفس:الا اكيد صحوا جراح ابتسم ووقف وناظر المكان:مع اني مامليت ريحان:راشد الحين وقته لازم ارجع جراح هز راسه ودخلت ريحان قبله ودخل بعدها ناظر راشد يفك الشبك وابتسم له ومشى بيدخل البيت ناظر كوثر طالعه مستعجله وبوتها بيدها:على وين؟ كوثر:بتمشى جراح ناظرها ثواني وهز راسه ومشى من جنبها ودخل خرجت كوثر وهي تلبس وتناظر الغنم ينتشرون:انتظرني ناظرها راشد وابتسم ومشت بسرعه تلحق طريقه مشت جنبه وراشد ماسك عصاته ودواس يمشي جنبه خرج من البيت وكوثر تمشي معاه وتناظر الطريق لف لها وناظرها وابتسمت له كوثر:شفيك؟ راشد هز راسه وصد لقدام:ولاشي كوثر ناظرت العصى بيدينه ومدت كفها ومسكت كفه واخذت العصى ناظرها راشد ومشت قبله للغنم وهي تدلهم الطريق:ماتخاف يضيع واحد؟ راشد:لا يعرفون بعض ويمشون مع بعض كوثر ابتسمت بخوف:كثيرين راشد راشد هز راسه وكوثر ناظرت الغنمه جنبها وضحكت وهي تمسح عليها وتضحك ناظرها راشد:لا تاكلك ضحكت كوثر وهي ترفع رجلها وتجلس على الغنمه وراشد مشى وراها يمسكها لا تطيح كوثر:الغنمه مصدومه من الثقل راشد:هذا ماهو غنمه هذا طّلي كوثر لفت وناظرته ماسكها وابتسمت وهي تناظره وراشد وقف من شاف نظراتها همس لها:وش عاجبك فيني؟ كوثر ابتسمت وهي تناظره رفعت سبابتها على حدود شنبه:من حدود شنبك الكثيف لين شخصيتك وغموضك اللي ماشفته في احد راشد ظل ساكت ويناظرها كملت كوثر :ما ملت هالقد لعماد ولا انشديت هالشده لغيرك وكأنك تجرني لعالمك راشد:ووش نصيبي ونصيب عماد! كوثر نزلت نظرها ثواني تفكر وهزت راسها:ما ادري راشد هز راسه وصد بعيونه:انزلي عن الطّلي نطت كوثر ونزلت وراشد اخذ العصى من يدها ومشى قبلها تنهدت وهي تمشي وراه وتناظر الطريق - لجين واقفه بالمطبخ وتناظر امها تكلمها وخواتها يناظرونها البتول:ابوك عطاهم موعد لارجعوا من العمره لجين:امي ماعندي جهاز البتول:وشو جهازك ذهبك وملابسك بس ريحان؛امي تبين تودينها بقمصانهت ذي! البتول:انتي مالك دخل لا تتدخلين فجر:لا امي صادقه خليها تروح مع راشد المدينه وتقضي لها وانا عادي متنازله مابي لبس جديد ريحان:انا ماني متنازله ابي لبس جديد لزواج اختي البتول:اصبري اصبري انتي واياها بكلم ابوك واشوف ابتسمت ريحان للجين والبتول طلعت من المطبخ ريحان:متى بيروحون العمره؟ لجين:اليوم بعد الظهر مشت لجين ووقفت بشباك المطبخ ولفت لهم:اخاف مايرجعون فجر:بسم الله الرحمن الرحيم وش هالنكد ريحان:لا بسلامتهم بيرجعون ماعليك تنهدت لجين وريحان لفت لفجر واشرت لها تاففت فجر وطلعت من المطلخ وثواني ولحقتها ريحان فجر همست:مابي اروح لا تحنين علي ريحان:حبيبتي خذا مستقبلك تبين تتزوجين زي لجين روحي الحين قابليه فجر:مابي ريحان خلاص تعبت كم مره اروح له وارجع مكسوره! ريحان تنهدت:مافي شي يجي ببلاش كل شي يتعب بالحياه روحي فجر روحي قابليه وكلميه يمكن ربي يحلها وييسرها فجر تنهدت وريحان تناظرها هزت راسها فجر ومشت وهي تلف الشرشف على راسها ابتسمت ريحان لها وخرجت فجر من البيت ماشيه اخذت نفس تقوي نفسها ووقفت تنتطره ويدينها تفركها ببعض وكأنها اول مره تشوفه واول مره تعرفه وتقابله ناظرته جاي لها وبلعت ريقها بربكه وقف قدامها وهمس:ياظالمه يا اقسى علي من الموت فجر صدت بعيونها ولاردت عليه فارس:ليش ماحنيت؟ وليش ماجيت؟ ليش ما سابقت اعذارك عشان تشوفيني! فجر ناظرته:لاني مليت كل مره اجي واضغط على نفسي واروح مكسوره ليش من الاساس اجيك اجل فارس:تبين نشرد زي اختك؟ والا تبيني احاول للميه؟ اختاري ولا تعذبيني اكثر طالت الايام وانا ماني قادر اتحمل اكثر فجر:نسيت وش صار نسيت يوم دخلت الديره وبيدينك شقراء! فارس انا زين مني للحين اخليك تشوفني فارس تقدم لها اكثر ومسك يدينها:ابعتذر عن كل شي الا الهوى ماللهوى عندي عذر فجر بلعت ريقها بضيق وهي تناظره وفارس همس :والله والله مابموت الا وانا احاول في ابوك وما بيوقفني شي الا الموت شوفيني حلفت فلت يدها من يده ومشى راجع وفجر بضيق ظلت تناظره لين غاب عن عينها عند فارس دخل بيتهم وتنهد بضيق وانسدح دخل حازم بكتابه وناظره:فارس تساعدني؟ لف فارس وابتسم وجلس:تعال وش عندك؟ جلس حازم قدامه ومد كتابه وفارس يناظر الكتاب وباله مشغول ناظره حازم:فارس ساري مابيرجع؟ فارس ناظره وهز راسه:الا ان شاء الله يرجع بس بيرجع دكتور ان شاء الله حازم ابتسم:ان شاء الله - وقف عبدالعزيز وجنبه جراح وهم يودعونهم رايحين بسياراتهم خرجوا من البوابه وهمس عبدالعزيز:عساهم ما يرجعون لف جراح له وهز راسه بأسف:الله يهديك بس ياعمي شوف كيف فرحانين بناتك بالخبر عبدالعزيز ناظره ولارد ورجع يجلس جراح ابتسم وناظر السما مغيمه والظهر تو لف لعمه؛اذا ماخاب ظني هذا جو مطر عبدالعزيز:شكله جراح:عمي خل نروح نتمشى كلنا نغير جو بدل قعدة البيت عبدالعزيز:مافيني شده انا خذ راشد وفارس واطلعوا جراح:لا عمي اخذ امي وعمتي البتول وعمتي زهور والبنات ونطلع سوا نتمشى عبدالعزيز:وليه نروح نتغرق بالمطر ونرجع؟ جراح جلس جنبه:عمي تكفى لا تردني نروح ونرجع العصر الجو حلو عبدالعزيز تنهد وهز راسه:روح كلم عمتك اول وشوف وش تقول جراح ابتسم ومشى للبيت ودق الباب انتظر ثواني وفتحت ريحان وابتسمت:هلا بحيي جراح ابتسم وتقدم لها:اسمعي باخذكم مشوار وامشيكم بالديره بس نادي امك اقنعها ريحان ابتسمت؛احلف؟ جراح؛والله روحي ناديها خل اقنعها ريحان هزت راسها ومشت بسرعه وثواني طلعت البتول:هلا جراح جراح:شلونك ياعمه؟ البتول:حمدلله جراح:كلمت عمي نطلع كلنا نتمشى بهالجو الزين قال اسألك وناخذ شورك البتول لفت لريحان اللي تاشر لها توافق:عمك موافق؟ جراح:اي ماعنده مانع البتول:اجل زين خل نرتب الاغراض ونطلع ابتسم جراح وهز راسه ومشى وريحان نطت بفرحه - شالت القهوه بيدينها والعبايه على راسها ومشت وهي تناظرهم يتقسمون بين سيارة راشد وجراح كشرت من وانيت راشد ولفت تناظر جراح واقف عند سيارته مشت لناحيتها وناداها عبدالعزيز:هلا يبَه عبدالعزيز:اركبي مع راشد بلعت ريقها وناظرت راشد وركبت بضيق ركبوا خواتها جنبها وتوزعوا وحركوا ابتسمت وهي تشوف الجو مغيم وسيارة جراح قدامهم طلعوا فوق جبل وتحته سد ووقفوا سياراتهم نزلت وهي ترفع عبايتها على راسها ومبتسمه فجر نزلت وراها:وش هالجو الحلو لجين:اي والله ماقصر جراح طلعنا من البيت فرشوا فرشتين وبانت على ملامحهم الابتسامه من الجو عبدالعزيز مبتسم وجالس جنب البتول وزهور ويسولف مشت ريحان بالقهوه بايدها ووقفت عند جراح ومدتها له ابتسم جراح واخذها من ايدها ومشت راجعه وجلست بين خواتها وكوثر وعبدالعزيز يسولف ومبسوط بالجو والعيال حوالينه لفت زهور ناظرت حازم ونادته:لا تبتعد حازم هز راسه وعبدالعزيز ناظره:خليه ماعليه خلاف زهور:وش ماعليه خلاف السد تحته لو يزلق والا شي عبدالعزيز اشر لها ومشى حازم ووقف عند الجبل وقفوا البنات وهم يتمشون وريحان تناظره جالس ويناظرها ابتسم جراح لها وصد بعيونه للعيال جنبه وراشد عقد حواجبه وناظر حازم وهمس:ابتعد حازم لف لفارس:روح الحق عليه فارس تنهد ووقف وهو يلبس نعاله وجراح وقف:اصبر بجي معاك وقف جراح عند الجبل وحط يدينه بجيبه وهو يناظرها فارس مشى ووقف عند حازم:لا تقرب من السد ياخدك السيل هز راسه حازم وهو يناظر المويه من تحتهم تجري زهور لفت وناظرت حازم ورجعت تناظر عبدالعزيز لف فارس وناظرها جالسه على الفرشه لحالها وتناظر الجو وسمع صوت راشد يصرخ ولف ناظر حازم يتزحلق من طرف الجبل وقف عبدالعزيز بخوف وزهور ركضت لهم ناظرت حازم بالمويه والسيل يجره وفارس بيلحقه سحبه راشد وجراح ناظره بخوف وفصخ جاكيته ونط بالسد صرخت الهنوف وركضت لهم وهي تناظر جراح يحاول يسحب حازم بس كان السيل اقوى ركض راشد لطرف الجبل ومد يده لجراح ومسكه وشده له وسحبه لفوق ومشت الهنوف وجلست عنده بخوف وزهور تناظر المويه وحازم مختفي عن نظرها جلست على الارض ولطمت خدها بصدمه عبدالعزيز عقد حواجبه والبنات واقفين بخوف ويناظرون الموقف اللي صار بسرعه ناظر السد جراح وجنبه راشد بصدمه وهم ساكتين وفارس جالس على الارض وماسك راسه ويناظر بصدمه مسكت زهور البتول وهي تبكي وعبدالعزيز بلع ريقه بخوف شد شعره فارس وهز راسه بالنفي وغمض عيونه رفع راسه جراح وناظر زهور تبكي وتون وفارس لحاله جالس حس انه غفل عنه وحس انه السبب باللي صار لو ماطلعوا من البيت تحت اصراره بس هذا كان قسمه ونصيب ريحان حاطه ايدها على فمها ومي مستوعبه اللي صار ولجين وفجر ماسكين بعض ويناظرونهم مصدومين - البيت الهنوف ماسكه جراح بخوف وجالسه جنبه وعبدالعزيز تنهد بضيق وهمس:راشد جيب الزوالي وافرشهم بكره يمتلي البيت راشد هز راسه وخرج من البيت البتول ماسكه زهور:صلي على النبي الولد ان شاء الله طير من طيور الجنه زهور تبكي وتهز راسها بعدم استيعاب وفارس جالس وعيونه حمرا وقف اول مادق جوال عبدالعزيز رد عبدالعزيز:السلام عليكم هلا..حمدلله ان شاء الله جايين قفل وناظره فارس:هاه! عبدالعزيز:لقيوه الدفاع المدني ويبونا نجي نشوفه زهور:عايش؟ عبدالعزيز:الله يهديك شوفي الساعه كم وين يعيش الله يرحمه بس فارس مشى بسرعه قبل عبدالعزيز وجراح لف للهنوف:بروح معاهم الهنوف:تكفى جراح لا تتعب قلبي خلك جراح:امي ماني مخليه ماني مخلي فارس لحاله الهنوف:لا تبطي تكفى وقف جراح ومشى معهم وركب السياره وحركوا - بعد اسبوع جراح طلع من البيت ودخل المجلس:سلام عليكم ناظره عبدالعزيز:هلا وعليكم السلام جراح:وين العيال؟ عبدالعزيز:ما ادري عنهم اخرج دور راشد وشوفه جراح هز راسه وطلع ومشى للبيت دق الباب وفتحت له البتول:تعال جراح تعال دخل وناظر زهور جالسه بالنص وتبكي والهنوف جنبها تنهد جراح:الله يهديك ياعمه باقي تبكين؟ زهور:ولدي هذا ولدي تبوني ما ابكي بعد جراح:ما نلومك بس مو زين لك لا اكل ولا شرب ولا نوم البتول:اجل ليتك تدري وش تقول؟ ناظرها جراح وكملت البتول:تبي تروح للمدينه ولعد تجي هنا جراح ناظرها ورجع ناظر البتول:وين المشكله؟ البتول:صاحي انت لو يدري عمك ما رضى ولا وافق تترك بيتها هنا جراح؛عاد ياعمه لين متى تلي تنقل تنقل بكيفها معها ولدها يرعاها الهنوف:وانا رايي من راي جراح ماهو عيب ولا حرام تسكن بالمدينه واريح لها من هنا زهور؛والله اني ماقدرت انام اتخيل طيوف حازم حواليني وكتبه وشنطته تنهد جراح وناظرها تبكي وناظر البتول:ماسوت الا الصح وانا معاها لو تكلم عمي وقف جراح وخرج من البيت وناظر فارس طالع من بيتهم مشى له وناظره:كيف حالك؟ فارس هز راسه ولارد جراح:فارس روح انت وامك انت تعبان وامك تعبانه وساري ماعنده خبر ولا حضر العزاء روح وبتلقى اخوك هنا فارس بلع ريقه:ودي بس مابي اخليها جراح تنهد وحك جبينه:طيب كلم عمي هالمره يمكن يتعاطف معاك فارس هز راسه بالنفي:خل الامور تهدأ مافيني شده اتكلم الحين جراح:اسمع فارس انا موجود هنا روح بامك واستقر وانا اقنع عمي هنا فارس:مستحيل اخليها امي اذا بتروح تروح ساري هناك انا ماني طالع من الديره الا وانا متزوجها جراح هز راسه بأسف:براحتك مابي اضغط عليك | ||||
|
| |
|
18-01-20, 05:38 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| القسم الرابع عشر - راشد كوثر من شباكها تناظره؛وليش تتضايق انت؟ راشد هز كتوفه:مدري بس لو ماسهيت كان ماطاح كوثر بضيق:لا تقول كذا هذا يومه ولو ماطاح بالسيل يمكن يموت بالبيت هذا يومه وراح للي احسن منه وان شاء الله شافع لامه وابوه راشد رفع راسه لها وناظرها؛احس كل ما اشوف فارس يضيق صدري حاله مايسر واتذكر ساري اللي ما يدري عن شي ويضيق صدري اكثر كوثر تنهدت وهمست:اطلع لي راشد ناظرها ورفع راسه لها؛وين؟ كوثر:تعال غرفتي بكلمك احسن من هنا راشد:لا خليني هنا شوي واروح اصلاً كوثر:تكفى راشد تعال راشد رفع راسه لها وناظرها وهز راسه ومشى للباب مشت كوثر بسرعه من غرفتها وركضت للباب وفتحته وقف راشد وناظرها وكوثر ابتسمت له وارتمت بحظنه وقف ثابت ولا تحرك فيه شي مصدوم ويناظر اللي قدامه ويحس بيدينها على ظهره شاده عليه غمض عيونه ورفع يدينه حوالينها تقدم بخطواته لين دخل البيت وكوثر ابتسمت وهي حاظنته؛مابغيت صدرك يضيق وانا موجوده تنهد راشد وهو يتنفس بهدوء ومغمض عيونه بعدت عنه كوثر وناظرته وابتسمت:مايضيق لا وربك مايضيق وانا موجوده ابتسم لها ومسك يدينها الثنتين وهو يناظرها بتمعن - جراح جالس بالحوش ويناطر الزرع حوله وهادي ويفكر حس فيها تجلس جنبه وابتسم لها:هلا ريحان ابتسمت بهدوء ورفعت يدها لكتفه وشدت عليه:ليش ابطيت عني؟ جراح تنهد؛انشغلت من فارس والعزاء ريحان؛جراح عمتي بتروح وملزمه تروح تتوقع ابوي يوافق؟ جراح ناظرها وتكلم بجديه؛اي يوافق وغصب عنها والله حرام جالسه هنا وتبكي على ساري مره ومره على حازم ريحان تنهدت؛مصدومه للحين ولاني مصدقه ابد كان حوالينا شلون غفلنا عنه جراح صد لقدام؛يومه ولا تحزنين عليه ان شاء الله انه شفيع لاهله ريحان جلست باعتدال جنبه وهمست:ليت ساري كان موجود جراح لف لها وناظرها:يبي يميل راسي على كتف احد ريحان ناظرته بضيق وبلعت ريقها:لا يميل الا على كتفي جراح ابتسم لها وميل راسه على كتفها وغمض عيونه ناظرته ريحان قريب منها ورفعت يدها لراسه بتردد شدته لصدرها وهمست له:مابعد هالضيق الا وتزين جراح مسك يدينها اللي محاوطته:ومابعد هالحب حب سكتت ريحان وهدت انفاسها ورفع راسه جراح من حس عليها ناظرها تناظره وبهدوء وهمس له من قريب: ظنك بعد هذا كله مابحبك! ظنك شعوري كذاب ناحيتك؟ والله ان قلبي لك شغوف وان ماملكه وتملكه احد غيرك ارحمي ضعيف القلب وحسّي سكتت وهي تناظره يهمس لها ولا هي قادره تبلع ريقها من كلامه جراح ابتسم ومسك كفها وباسه وهو مغمضه عيونه ورجع ناظرها :ولو تدرين اني حبيت الريحان من ريحة ايدينك وحبيت سمّي الريحان ارمشت ريحان وابتسمت بهدوء وابتسم لها جراح: لا ضقت اضيق ومتى ما تفرح افرح لك..ولاغبت اموت ومتى ماشفتك احيابك وان كان ودك ترسّيني على كحلك!..لميت عمري وخاويتك على اهدابك ريحان نزلت راسها ورجعت ناظرته:من متى تقول وتحفظ شعر؟ جراح هز كتوفه وهو يناظرها:تطلع من بين شفاتي ولا ادري ريحان اخذت نفس وظلت تناظره بهدوء:متى تزين ويتصلح كل شي؟ جراح:من يوم ما افصخ دبلتي واعلن فصخي لخطوبتي ريحان سكتت بهدوء وجراح ناظرها:شفيك سكتي؟ ريحان هزت راسها؛منت مضطر تخسرها عشاني؟ جراح:مو عشان احد بفصخ خطوبتي عشاني انا لان راحتي ماهي هناك ابد ريحان سكتت وظلت تناظره وجراح ابتسم:راحتي بين ادينك والله - عبدالعزيز وقف وعقد حواجبه:وين تبين؟ زهور:المدينه عبدالعزيز ناظر فارس جنبها ورجع ناظرها:وليه؟ زهور؛ماني قادره ارتاح عبدالعزيز فكر فيني شوي خل انانيتك وتسلطك وفكر فيني ما انام الليل والله من نوحي على ولدي ضاع قدام عيوني عبدالعزيز:تتعودين خسرنا احبابنا كلنا وشوفينا عايشين زهور:هذا ضنى اكثر من احبابك اللي تقول عنهم عبدالعزيز:وتخلين بيتك هنا وارضك؟ زهور:ماني جايه اطلب اذنك جايه اعلمك وولدي بيجي معاي مالي مكان هنا عبدالعزيز سكت ومشت زهور وطلعت من عنده وفارس ظل يناظره وهادي عبدالعزيز ناظره وهمس:لا تقول شي تبي تروح مع امك روح بنتي مكانها عند ابوها فارس اخذ نفس من صدره وكأنه يقاوم الموت داخله:خالي لمره وحده بس لمره وحده من بين الاثنين والخمسين مره وافق تعبت والله عبدالعزيز:الحق امك ماعندي بنات للزواج هز راسه فارس وتنهد وخرج من عنده بضيق ولا بيده حيله ابد - فجر واقفه ولامه نفسها بشرشفها وتناظر الشنط والاغراض بالحوش وفارس يشيلها من على ظهره ويحطها بالارض ارمشت عينها ونزلت دمعتها على خدها وهي تناظره طلعت زهور وهي تبكي وبعيونها ضيق ونوح مايعلم فيه الا ربها مشت ووقفت جنب فجر وناظرتها زهور:والله اني كنت ابيك له كثر ماهو يبيك بس ابوك وهذا حاله الله يرزقك باللي احسن منه حظنتها وفجر هاديه ملامحها ودخلت من جنبها للبيت ظلت تناظره لين حط اخر شنطه ولف لها يناظرها ميلت راسها على الباب من طاحت عيونها بعيونه مشى لها وخطواته ثقال ويجرها لها جر وقف وهي على حالها بنظراتها ووقفتها همس لها:حاولت والله بس كل الخطى كانت عكسك شسوي؟ فجر ماردت وهي تناظره وفارس همس:صدقيني لو اروح لابعد مكان ماني ناسيك بنت خالي وقريبة قلبي مني لي فجر همست؛روح فارس روح واذا كان مرواحك صعب عليك انا بعيش وانت بتعيش فيني وبدوني فارس تقدم لها وسحب يدها من لمتها بشرشفها وسحب خاتمها من يدها واخذ بيده وناظرها:بروح بس يحرم عليك احد غيري انا لك وانتي لي ان كان بغوها بالطيب والا بالقسوه فجر اخذت نفس ونزلت دموعها وهمست له:مابقوى انساك فارس ابتسم لها وتقدم لها وباس جبينها بقوه وطول بعد عنها وبلع ريقه ومشى بعيد عنها وفجر تناظره ودموعها تشكي حالها - مشت السياره وهم واقفين يناظرونهم طالعين من البيت عبدالعزيز واقف ونظرته حاده لمكان سيارتهم والبتول جنبه واقفه وتتنهد كل ثانيتين وفجر بالسطح تراقب السياره وتبكي وماسكه اصبعها مشت لها لجين وضمتها وجلست جنبها بضيق مهي قادره تطبطب عليها ولاندري شتقول لها وريحان واقفه بالسطح وتناظرهم بضيق وساكته - عبدالعزيز :الحين راحت اختي واكبر بناتي بتروح واصغرهم طاشت وراحت من يبقى لي؟ البتول:انا موجوده وشوف عيال عايض قاعدين وبناتك اربع ماهم ثنتين بس عبدالعزيز تنهد:عيال عايض بيروحون بس مدري متى؟ البتول سكتت من دخل راشد وناظرهم وتكلم وهو يناظر ابوه:ليش ماخليته ياخذها؟ عبدالعزيز ناظره وعقد حواجبه:من هو؟ راشد:فارس يبَه ليه ماخليته ياخذ فجر معه؟ عبدالعزيز:جاي انت تهاوشني والا وش تسوي؟ راشد؛جاي الومك يبَه هالمره ماني ساكت خواتي مهم عبيداتك خلها تتزوج وتشوف حياتها لمتى بتتمسك فيهم لين يشردون؟ عبدالعزيز احتدت ملامحه ووقف والبتول بخوف تااشر لراشد عبدالعزيز:وانت من متى طلع لك لسان؟ راشد؛يوم ماقدرت اسكت عن الحق تقدم له وهمس له:لو تدري اني سامع باذوني ذي فارس يكلم فجر ياخذها مثل ما اخذ ساري سما اختي عبدالعزيز جمدت ملامحه وراشد هز راسه :بيشردون من حولك وحده ورا وحده وانت اقعد تبلم البتول ضربت صدره توخره؛اذلف عن ابوك ياعاق تقول لابوك تبلم! عبدالعزيز ساكت ويناظره وراشد يرد له النظره خرج من المجلس وعبدالعزيز لف للالبتول:اذلفي نادي لي البنت البتول:هدي نفسك هدي نفسك انت صرخ بوجهها:ناددديها البتول رجفت بخوف ومشت بربكه للبيت تنادي فجر عبدالعزيز واقف وينتظرها تجي ومايتخيل تنعاد له الكره ووحده من بناته تهرب مره ثانيه وهو على قولت راشد يتبلم راشد سبق امه وطلع لهم السطح وناظر فجر ومشى جلس قدامها وناظرته باستغراب وهو مسك كتوفها :اذا قال لك شي ابوي لا تنكرين فجر اذا تبين نصيحتي خليه يضربك ويحبسك بس لا تنكرين تسمعين! عقدت حواجبها ولجين ناظرته:وش السالفه؟ دخلت البتول بسرعه وسحبت فجر من يدها؛بتشردين انتي؟ فجر ناظرتها بصدمه ورجعت ناظرت راشد واقف البتول:الله ياخذكم من بنات بتجلطون ابوكم انتم امشي يبيك يبي يذبحك عساه يفكني منك فجر ناظرت خواتها بخوف ومشت مع امها وريحان لفت لراشد:صاحي انت والله ليذبحها والله راشد؛ما بيذبحنا اعرف ابوي انا بيضربها ويحبسها بس والله مايذبحها لجين:ياويلي امش طيب فرع بينهم راشد نزل وخواته جنبه خايفين ويسمعون صوت صراخ عبدالعزيز طلت كوثر من الشباك بخوف وناظرتهم الهنوف:وش صاير بعد؟ كوثر:مدري شكلهم يتهاوشون الهنوف:ادخلي ادخلي لين يجي اخوك لا تخرجين تسمعين؟ هزت راسها كوثر وهي تناظر من الشباك ولاهي فاهمه شي - واقفه فجر وتناظره معصب من قريب ويهاوشها ماسكه يدينها بخوف ودموعها على خدودها عبدالعزيز:تبيني اشويك؟ واحرقك لين تموتين واقول ماتت محروقه؟ فجر ماردت وعبدالعزيز مسكها من شعرها:ردي علي بتشردين معه كنتي؟ فجر بكت ولا ردت وعبدالعزيز يجرها وهي تصرخ:رددي البتول:خلاص اعتقها من ايدينك خلها احبسها ولا اخليها تخرج بس اتركها عبدالعزيز دفها وطاحت على الارض تبكي :شيليها ما ابي اشوف وجهها البتول مشت ومسكت فجر ودخلتها البيت:وخري انتي واياها ريحان؛امي انتي اللي وخري والله ان حبستيها لا اصرخ بالديره كلها البتول:يمين بالله ياريحان ان ماعقلتي لاعلم ابوك عليك انتي بعد وخري مشت فجر مع البتول ودخلتها الغرفه وصكت عليها ولجين وريحان يناظرونها بضيق مشت البتول وخرجت من البيت وركضت ريحان للغرفه جلست عند الباب وهي تتكلم مع فجر؛فجر والله لاخرجك ولا اخليهم يحبسونك زي الكلاب فجر تبكي ولا ترد عليهم وريحان لفت للجين:وينه راشد؟ وينه ورطنا وراح؟ لجين:اسكتي تكفين لا يجينا ابوي بعد ريحان مشت بسرعه وخرجت من البيت ومشت لين حصلت راشد وقفت قدامه وصرخت بوجهه:تورطها وتروح تتمشى؟ راشد؛ماورطت احد اذا تبي تخلي ابوي يوافق كان من زمان المفروض تسوي كذا ريحان؛اي والحين هي محبوسه داخل وانت تبي تمشي نظريتك علينا؟ راشد:ريحان وخري عني حتى انا معصب مو بس انتي ريحان؛ليه تبي تروح لكوثر الدنيا؟ وقف راشد ولف لها وناظرها وعقد حواجبها ومشت له ريحان:اي عبالك ما ادري عن غبائك؟ راشد لف لها:غبائي! وش سويت عشان اكون غبي؟ ريحان:لابسه دبله بيدينها ومملكه وتتسلى معك وانت ولا داري عن شي راشد ضحك بصدمه:هو بس انا الغبي بهالبيت؟ ريحان سكتت وبلعت ريقها وراشد كمل :حتى انتي يعني انتي احسن مني زين اني عارف وساكت ومخليه يضحك عليك زين ماسويت معروف وبعدتك عنه ريحان؛مايخصك ابد راشد:وانتي مايخصك اذا انا غبي فتراني رجال واقدر انساها واتزوج ولا علي بس انتي اللي بتقعدين حالك من حال اختك تبكين بالسطوح وتنوحين ريحان ماردت وهي تناظره بعصبيه وراشد مشى وتركها - جراح نزل عند البيت وفارس جنبه يناظر حوالينه نزل ساري وناظرهم وانصدم:امي؟ مشى بسرعه وضمها وسلم على راسها ويدينها لف لفارس وناظرهم باستغراب:وش جابكم؟امي وش صاير؟ زهور حاطه يدينها على وجهه وتبكي وساكته ساري:وش فيكم؟ جراح وش صاير؟ فارس بلع ريقه:حازم اخوي عطاك عمره جمدت ملامح ساري ولف يناظر امه اللي تبكي ورجع ناظر فارس:متى؟ وليش ماعلمتوني؟ ليييش؟ جراح مارد وفارس ناظره بهدوء:اترك امي ترتاح وانا اتكلم معاك ساري بعد عن امه وهو مصدوم وفارس مسك امه ودخل الشقه خرجت سما وناظرتهم بصدمه وعقدت حواجبها:عمه؟ ناظرتها زهور وابتسمت بتعب ومشت لها حظنتها وسما تناظر فارس ومستغربه ولاهي فاهمه شي دخل ساري وجراح ماسكه من كتوفه وناظرتهم سما:شفيكم؟ ساري مارد وهو يناظر الارض وهادي لفت لعمتها؛عمه ابوي فيه شي خواتي امي؟ احد يتكلم فارس:مافيهم الا العافيه بس اخوي حازم عطاك عمره لفت سما ناظرتهم ومن استوعبت همست؛الله يرحمه ساري:كيف خسرناه؟ وش صار احذ يقول لي؟ فارس:رحنا السد كلنا وهو ابتعد وطاح بالسيل كان بيلحقه جراح بس زين ماخسرنا جراح وراه ساري جلس وهو ماسك راسه بين ايدينه ويتذكر اخوه الصغير ومو مصدق ابد تنهدت سما وجلست جنب عمتها وجراح واقف يناظرهم :مابي اطول اكثر موصي امي ما اتأخر خذوا راحتكم واذا احتجتم شي كلموني زهور:ماقصرت ياجراح الله ينور بصايرك يارب جراح هز راسه وخرج من البيت ركب سيارته وحرك ماشي ويناظر اللوحه قدامه تدله لليمين عقد حواجبه وهدأ سرعته وهو يناظر الطريقين ولف يسار واخذ نفس - الساعه 3:00 ص ريحان خرجت من الغرفه ومشت لغرفة فجر جلست عند الباب ودخلت الورقه من تحت الباب ولان الصوت يسري خافت تدق الباب على فجر واحد يسمعها كانت كاتبه بالورقه"اذا كنتي صاحيه كحي" انتظرت ثواني وسمعت فجر تكح اخذت نفس وطلعت المفك من جيبها وهي تحاول تفك القفل وتحاول ماتطلع صوت طاح القفل على الارض وغمضت عيونها ريحان بتوتر نزلت تاخذه وجمدت محلها وهي تشوف رجول احد واقف وراها بلعت ريقها وانفك الباب ووقفت فجر بخوف ومن ناظرت اللي وراها جمدت محلها وظلت تناظره بخوف وتناظر ريحان اللي ماقدرت تتحرك لفت ريحان ومن ناظرته وقفت وطاح المفك من يدها عبدالعزيز متكتف ويناظرهم بجمود همس لها:بتهربينها؟ ريحان ماردت وبلعت ريقها وعبدالعزيز تقدم لها:بتهربينها زي ماهربتي سما؟ فجر نزلت راسها ونزلت دموعها ورطهم راشد وخرج من الموضوع همست بين دموعها:انا طلبت منها عبدالعزيز وهو يناظر ريحان:وتعرفين تفكين اقفال؟ ما استفدنا منك ياخساره ريحان ماردت وهي تناظره وترجف ايدينها عبدالعزيز نزل لتحت واخذ المفك ورجع وقف قدامها :تدرين انك الوحيده اللي مابندم اني زوجتها! مشغلتني وجايبه لي البلا براسي مابحزن واندم على فراقك نزلت راسها ريحان وبدون ماتحس دموعها تساقطت بالارض عبدالعزيز رفع راسها وهمس:تبيني اذبحك واعلقك بالحوش عشان تكونين عبره لخواتك؟ مسكت يدينه فجر بخوف:لا تكفى اذبحني انا انا اللي بجيب لك العيب ماهو ريحان تكفى يبَه عبدالعزيز دفها:وخري عني مسك ريحان من يدها وناظرها:امشي معي مشت معاه وهي تحس ان رجولها ما تلامس الارض من قوة يدينه لحقته فجر وهي تتمسك فيه وتبكي وعبدالعزيز ماشي خرج من البيت ونزل من الدرج وهو جارها بيدينه فز راشد من صوت فجر وطلع من المجلس وناظرهم وانصدم تقدم لهم وناظر ريحان؛يبَه وش فيكم؟ عبدالعزيز:اوسط خواتك تلعب بذيلها وتحسب كيدها يشفع لها تبي تدوس على كلامي وتهرب اختها راشد ناظر ريحان ساكته ومغمضه عيونها فجر مسكت راشد:تكفى راشد والله يذبحها ولا يفكر راشد ناظره ياخذها لاخر الحوش ولحقه ومسكه من يدينه:يبَه صل على النبي انت فاهم غلط فجر ماتبي تهرب ولاشي قلتها انا كذا عبدالعزيز مارد وراشد متمسك فيه وهو يمشي معاه عقدت حواجبها كوثر من بعيد وهي تناظرهم طلعت بسرعه بخوف ومشت لهم تركض ولف لها راشد كوثر:عمي؟ عبدالعزيز لف وناظرها وارتبك:اطلعي بيتكم كوثر:شسالفه شفيكم؟ فجر:تكفين لا يذبحها عبدالعزيز ناظرها وفلت ريحان من يدينه وكوثر ناظرته: عمي تذبح بناتك؟ عبدالعزيز ناظر راشد ورجع ناظرها:ارجعي بيتكم لفت لراشد اللي يهز راسه بالنفي مسكت يد عمها:شدعوه عمي الواحد يغلط بس مو حل اللي تسويه بتعذبها يعني؟ فجر:قد سواها والله قد ربط اختي سما بالحوش يومين عبدالعزيز مارد عليها وهو يناظر فجر كوثر:تكفى عمي اتركها عشاني انت الحين معصب بس بعدين بتندم لو صار فيها شي الايام مو كلها لنا وبيجي يوم وكل واحد ياخذ حقه من الحياه شوف محد باقي لك الا هالبنات ماتقدر تبرهم قبل مايبرونك! راشد ظل يناظرها وكوثر تناظر عبدالعزيز وهاديه:والله ياعمي اني كنت اشوف فيك ابوي ولا ابي اخسرك زي ماخسرت ابوي راشد سحب ريحان وناظرها:ادخلي داخل ادخلي مشت ريحان مع فجر لداخل وكوثر ناظرته:عمي شفيك كذا بعيد عن عيالك؟ ليش مصر تخسرهم بدل مايكونون حولك! عبدالعزيز:عشان مايتركون بيوتهم هنا واراضيهم ويتركوني هنا لحالي ويروحون مدينه ثانيه كوثر:بس مو كل الحياه بيعيشون هنا لين متى؟ لا دراسه ولا زواج ولا شغل؟ عبدالعزيز مارد وهو صاد وراشد نزل راسه بهدوء كوثر رفعت يدها على كتفه:الله يطول بعمرك ياعمي ويخلي لك عيالك لا تخاف من الوحده لان اذا ما كنت وحيد بالدنيا بتكون وحيد بقبرك بتتحاسب لوحدك سكتت دقايق وهي تناظره ومشت رايحه للبيت وراشد ناظر ابوه ومشى داخل البيت وراها مشت كوثر وناظرت ريحان جالسه وفجر جنبها ضامتها جلست عندها وناظرت فجر:ليش سكتوا ياخذكم يربطكم بالحوش وتسكتون؟ ريحان ناظرتها ولاردت وهي ضامه نفسها فجر:مشكوره كوثر كلمتيه الهيتيه عنها والله مافينا حيل يصير فيها نفس اللي صار لسما من زمان تنهدت كوثر وجلست جنبهم وهي ساكته وراشد واقف ويناظرها:ليش فتحتي لها الباب؟ ريحان:كنت ابيها تشرد ادري بيخليها اسبوع بالغرفه محبوسه راشد تنهد وصد ورجع ناظرها:لا تطلعين له ولا يشوف وجهك مانبي مشاكل هزت راسها ريحان ولاردت وراشد ناظر كوثر:تعالي ارجعك بيتكم كوثر هزت راسها ومشت معاه طلعت من البيت وراشد جنبها يمشي وهادي شوي ولف لها:مشكوره لو ماجيتي كان مادرى عن نفسه كوثر :ماسويت شي بس مستغربه والله من قوته الله يهديه راشد هز راسه ووقف عند درجهم لفت له كوثر وابتسمت:لا تتفشل والا شي ترانا اهل ولا بيننا راشد تنهد ولارد عليها مشت وطلعت بيتهم وراشد مسك راسه بتعب وجلس على الدرج حط يدينه على راسه ويفكر لمتى بيجلس مع ابوه ويتحمله مو مجبور ابد يجلس بالديره ويترك جامعته ووظيفته اللي بعمره شاف نفسه وتزوج وتوظف وهو يرعى غنم باقي | ||||
|
| |
|
18-01-20, 05:39 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| القسم الخامس عشر - جراح لف من الطريق يسار ووقف عند بيت خالته دق الباب وفتحت له خالته وعقدت حواجبها:جراح؟ جراح ابتسم:كيفك يا خاله؟ ابتسمت:حمدلله حياك تعال اهلك معك؟ دخل جراح؛لا والله جيت لحالي ام رنا:اي علومك؟ جراح جلس وابتسم:حمدلله كل امورنا زينه بس اذا ماعليك امر بغيت رنا بتكلم معها ام رنا عقدت حواجبها:عسى ماشر في شي ؟ جراح:بغيت نتكلم انا واياها اول وبعدين تعرفين منها ام رنا استغربت ومشت عنه وتركته ينتظر جالس جراح ويناظر دبلته بايده ولف من شافها تدخل ام رنا:اتركم لحالكم اجل جلست قدامه رنا؛عرفت الحين وش تبي؟ جراح؛رنا انا جاي هنا نتفاهم واخلي الامور بيننا تمام ما كلمت امي بالموضوع ولا احد بس شفت من الافضل نتفاهم بالاول انا واياك رنا تكتفت:تبيها؟ انا جالسه هنا انتظر رايك يعني؟ جراح:لا تصعبينها علي اذا تبين تعيشين معي وانتي تدرين ان ببالي وحده ثانيه وراضيه ماعندي مانع كيفك رنا:ولا وحده بالدنيا تقدر ترضى جراح؛اجل خلينا بكل ود نفصخ دبلنا وكل واحد يروح بطريق قبل ما نملك ويصير بيننا طلاق رنا متكتفه وتهز رجلها وتحاول تمسك نفسها جراح تنهد؛ادري صعب الموضوع عليك بس انا ولد خالتك ومو صاير الا كل خير حطي العيب علي اذا احد سألك ماعندي مانع رنا ماردت وهي منزله راسها وتهز رجلها جراح اخذ ثواني يفكر وفصخ دبلته من اصبعه وحطها على الطاوله وناظرها وهمس:الله يوفقك يارب ويرزقك باللي احسن مني رنا ناظرته وعشان كرامتها ما تنهان اكثر نزلت دبلتها وحطتها جنب دبلته وهزت راسها له وقف جراح واخذ نفس وخرج من البيت بضيق ركب سيارته وحرك راجع للديره ويفكر في ردة فعل امه كيف بتكون - وصل البيت على الساعه 5 الصباح قبل الاذان بشوي دخل البيت وناظر كوثر بالصاله جالسه استغرب وعقد حواجبه:وش تسوين؟ كوثر ناظرته:تاخرت كنت استناك جراح:ليش صاير شي؟ وين امي؟ كوثر:امي نايمه بس عمي جراح عقد حواجبه:شفيه؟ كوثر:شكل ريحان سوت شي خلاه يعصب منها لدرجة كان بيربطها بالحوش جراح انصدم وتقدم لها؛ليش؟ كوثر:ما ادري جراح بس رحت وكلمته لين فكها ورجعت البيت كنت خايفه منه بس ماقدرت اسكت واروح جراح مسك راسه:لا حول ولا قوة الا بالله وينهم هم الحين؟ كوثر:رجعوا البيت وعمي مدري وين طلع من البيت جراح جلس واخذ نفس وكوثر ناظرته:تاخرت كنت استناك تجي انت تكلمه جراح همس لها:رحت لخالتي وكلمت رنا كوثر جلست جنبه:رنا؟ جراح مد يده لها وناظرها:فصخت الخطوبه ماردت كوثر وهي تناظر اصبعه خالي وجراح وقف ومشى للغرفه ظلت كوثر تناظر محله وتفكر معقوله جراح ضحى بخطوبته ورضى امه وتخلى عن رنا بس عشان ريحان! وانا امشي بدبلتي باصبعي مع راشد واخذه بحظني ولا ابالي؟ عند جراح من دخل غرفته مسك راسه مصدع ولف للشباك ناظر البيت ظلام كان يبي يعرف السالفه ويطمن عليها بس قال ينتظر للصباح ويشوف الحال - عند ريحان ناظرت فجر نايمه وترجف ومعقده حواجبها تنهدت على حالها واخذت نفس طويل غمضت عيونها وهي تحاول تلقى حل متى تتخلص من ابوها وحياته وتكمل دراستها وتحقق اللي نفسها فيه وابسط احلامها تلبس زي البنات وتعيش زي البنات الباقين ناظرت خواتها جنبها بضيق وفراش سما اللي مطبق بالزاويه لحاله تنهدت على حالهم وكان ودها بهاللحظه اختها تكون جنبها سما اقرب لها من اي احد تكون معاها وتضمها بهالوقت وتطبطب عليها فزت فجر وناظرت ريحان وهمست:مابتنامين؟ ريحان هزت راسها لها وانسدحت وناظرت فجر تمد يدها وتمسك يد ريحان وتغمض عيونها ابتسمت من بين ضيقها وشدت على يدها وغمضت عيونها تحاول تنام وتهرب من الواقع وتستعد لبكره يوم جديد ماتدري وش يحمل من عواصف - يوم جديد صحى جراح وناظر الساعه قريب الظهر وفز بسرعه وخرج من البيت ومشى لين المجلس ودخل وناظر عبدالعزيز جالس وقف من شافه ناظره وملامحه جامده مشى وجلس جنبه وصد عبدالعزيز عنه جراح:عمي؟ مارد عليه وجراح اخذ نفس:وش صاير امس؟ عبدالعزيز:خذ اختك وامك وارجعوا جراح ابتسم:افا ياعمي نرجع ونخليك؟ عبدالعزيز:بيجي شرّاي ويشتريها بس خذ اختك وامك وارجعوا لا تتدخلون بيني وبين عيالي جراح:عمي حنا عيال اخوك محنا غراب عشان ماندخل عبدالعزيز:اكبر بناتي بتتزوج واصغرهم شارده والوسطى تتمرد علي من جيتم وهذا حالي مع عيالي جراح؛هذاا كان من زمان المفروض يصير بس انت ماتدري عن شي ابد عبدالعزيز:اختي راحت وش انتظر بعد من يروح الحين ويتركني جراح تنهد:عمي صدقني بتتعب وانت تلملم الناس حوالينك غصب عنهم خلهم على راحتهم والله مهم مضطرين يعيشون بالديره علدالعزيز:عيالي ويعيشون مع ابوهم باي مكان هو فيه جراح هز راسه:على راحته بس احنا محنا رايحين الا بعد ما ينباع البيت مارد عبدالعزيز وجراح وقف وتنهد وخرج من المجلس مشى للبيت ودق الباب وانتظر ثواني وانفتح الباب لجين من ناظرته:جراح ماهي طالعه لك مانبي ابوي يشوفها جراح؛ناديها ماعليك من ابوك ناديها بكلمها لجين:اسفه ما اقدر اخاف ابوي يشوفها جراح:اذا ماطلعت انا بدخل لها صدق ما امزح لجين تاففت ودخلت وتركت الباب مفتوح انتظر وانتظر وانتظر ولا جات تافف ولف للباب وناظرها واقفه وواضح واقفه من زمان وقف وناظرها وهو ساكت وبلع ريقه:ليش ما تكلمتي؟ ريحان ماردت وهي تناظره وجراح تقدم لها :وش صار علميني؟ ريحان هزت راسها بالنفي:مافي شي جراح:يذبل الريحان وانا موجود؟ يزعل الريحان وانا موجود؟ ما يميل كتفك الا علي مو هذا كلامك! ريحان:جراح تعبانه ابي ارتاح لحالي جراح:غطي راسك وتعالي معي ريحان هزت راسها:لا لا مابي لا تضغط علي جراح :غطي راسك وتعالي المره الجايه بسحبك بدون ما تتغطين ريحان تاففت ودخلت داخل واخذت شرشفها وطلعت له مسكها من يدها بقوه ومشى من ورا البيت وطلع من البيت وريحان تمشي معاه وتنهدت من شافت الجبل:مو وقته جراح ابتسم ووقف عند الجبل ولف لها وابتسم:وقته وذا افضل وقت بعد ريحان عقدت حواجبها وناظرته باستغراب طلع من جيبه غصن الريحان ومسك يدها ولف على اصبعها الغصن وهو يناظره استغرابها ابتسم وهمس:تتزوجيني؟ جمدت محلها وجراح مبتسم يناظرها وينتظر جوابها - راشد دق شباكها وهو ينتظرها تفتحه ولا فتحته ناظر ظلها وتنهد :افتحي شباك وجهك للظلام..علمي هذا الظلام انك قمر انتظر ثانيتين وفتحت الشباك وناظرته بضيق راشد ابتسم:اجيك بكل هالضيق وماتفتحين شباكك؟ كوثر:مابي افتحه وابتسم لك اكثر راشد تقدم للشباك وحط يدينه عليه:وليه؟ كوثر هزت راسها:ما اقدر اكمل راشد يا انفصل واكمل معك او انقطع عنك واكمل معه راشد سكت ثواني:وانتي وش تبين؟ كوثر مسكت راسها وهزته:ما ادري راشد نزل راسه ورجع ناظرها:اختاري الاحسن والافضل لك انا ماني زعلان ولا بزعل بس ابيك انتي ترتاحين اذاكانت شوفتي تضرك وتصغط عليك فانا رايح رجع خطوه على ورا وكوثر تناظره بضيق لف وعطاها ظهره وغمض عيونه بضيق وسمع صوتها :لو كنت انت الافضل والاحسن واخترتك انت؟ لف وناظرها وكوثر رفعت كتفها:تبيني؟ راشد سكت وهو يناظرها من الشباك تسأله - ساري جالس وزهور جنبه هاديه وتتكلم معاه ساري ناظرها؛ادري يا امي حمدلله على كل حال زهور:بديت دراسه؟ ساري:اي زهور:وكيف حالك مع سما؟ ساري هز كتوفه؛انتظر عمي يطق ويزوجنا زهور:اختها لجين بتتزوج ساري ناظرها بصدمه:احلفي؟ زهور هزت راسها:وانا لو كلمته بيوافق لك بس انت انتبه لدراستك ساري هز راسه وصد بتفكير دخلت سما بالقهوه وجلست بالارض:سمي ياعمه زهور:لا لا ابي ادخل ارتاح مابي شي سما ماسكه الفنجان وتناظرها وتنهدت وهي تشوفها تقوم مدته لساري واخذه من يدها وسما ناظرته؛وش صاير؟ ساري:بتنصدمين بس اختك لجين بتتزوج جمدت ملامحها وهمست:قول والله؟ ساري ابتسم؛وانا زيك ماني مستوعب وش صار معهم في غيابنا سما ابتسمت:وفجر؟ وريحان؟ ساري هز كتوفه؛ماقالت لي امي اكثر بس تعرفين وش يعني هالكلام؟يعني اننا ممكن نتزوج ويوافق ابوك ابتسمت سما وتنهدت براحه:معقوله بهالسهوله؟ ساري هز كتفه:نقول ان شاء الله - جراح ناظرها وطول سكوتها:لهدرجه السؤال صعب؟ ريحان هزت راسها:اصعب من ما تتخيل جراح وهو ماسك يدها؛وليش؟ اذا عشان ابوك ساري وسما مهم احسن منا واذا علي انا فصخت خطبتي تراني لاني اخترتك وابيك ريحان هزت راسها بالنفي:على الظروف جراح امك وابوي مابتتسهل السالفه صدقني جراح عقد حواجبه:وليه؟ ابيك قبل ينباع البيت واخذك للمدينه تكملين دراستك وتعيشين مع امي ريحان تنهدت:ما ادري جراح جراح اخذ نفس:مابي ازيدها عليك بس انا ماني مستعد اتركك هنا وارجع المدينه بدونك ريحان؛حتى لو تضطر تاخذني بدون استئذان من ابوي؟ جراح ابتسم لها ورفع يدينه على وجهها:حتى ولو ريحان ابتسمت له وهزت راسها؛ابيك ابتسم جراح بامتنان وريحان مبتسمه ومتطمنه من كلامه - راشد تقدم لها وابتسم:لو تبيني انتي والف متر بيننا ابيك كوثر ابتسمت وهزت راسها:بشوف وش يخبي لنا الزمن ابتسم لها راشد وكوثر قفلت شباكها واخذت جوالها وهي متأكده من القرار اللي بتتخذه وارسلت "ابي اكلمك اذا عندك وقت" قفلت جوالها واخذت نفس طويل تهدي اعصابها تسهلت الامور كلها وتوقعوا كلهم ان الامور بدت تتسهل الهنوف ناظرت جراح واقف قدامها ووقفت بصدمه:نعم؟ جراح؛فصخت خطوبتي من رنا بنت خالتي الهنوف:وليش تتصرف من كيفك؟ليش ماجيت لي انا! كوثر:امي اتركيه على راحته الهنوف:انتي لا تتدخلين،وش السبب اللي خلاك تفصخ الخطوبه؟ جراح:ماني مرتاح الهنوف:جراح انت ولدي واعرفك من جيت هنا وانت متغير وش عندك؟ جراح تنهد؛ابي بنت عمي الهنوف جلست ومسكت راسها؛بنات الناس لعبه؟ جراح:لا مو لعبه بس انتي اخترتي لي رنا وانا اخترت غيرها وبالنهايه انا اللي بتزوج الهنوف:شوف جراح انا اختي ما ارضى عليها ولا على بناتها ولا دريت انك بتفشلني عندها وش قلت للبنت انت؟ جراح:ماكذبت قلت ابي وحده ثانيه الهنوف مسكت راسها وكوثر جلست جنبها:امي لا تعقدين الامور اكثر خليه على راحته الهنوف:كننا ناقصين عمك عشان تبي وحده من بناته؟ جراح جا بيتكلم وسكت من سمع اصوات البواري طل من الشباك وعقد حواجبه:اهل تركي الهنوف:قفل على الموضوع لين نتكلم مره ثانيه جراح مارد ومشت الهنوف لغرفتها وقفت كوثر جنبه جراح وهمست:جراح ناظرها وعقد حواجبه:شفيك؟ كوثر:ابي اتطلق جمدت ملامح جراح ولف يناظر مكان امه ورجع ناظرها:صاحيه؟ كوثر:اي ماقدرت وابي اكلم عماد واطلب الطلاق جراح تافف ومسك راسه:خلاص بعدين نتكلم ونشوف حل بالسالفه خرج من البيت وهو يناظر اهل تركي ومشى لهم سلم عليه وجلس جنبه:تقبل الله عمرتكم تركي ابتسم بهدوء ومارد استغرب جراح ولف لعبدالعزيز يناظره يتكلم ابو تركي:شلونك يا ابو راشد عبدالعزيز:حمدلله انت وش اخر علومك؟ ابو تركي ابتسم وناظر تركي اللي جامد محله:اخباري تسرك ان شاء الله عبدالعزيز عقد حواجبه:في شي جديد؟ ابو تركي:اي والله في دخل راشد بالقهوه وجلس وهو يصب لهم عبدالعزيز:اسلم وش عندك ابو تركي:حنا على كلامنا نبي تركي للبنت بس تشاورنا مع الاهل وقلنا لو يكون بدل عشان لا تصير مشاكل بيننا راشد رفع راسه وعقد حواجبه وعبدالعزيز جلس باعتدال:والله ماني فاهم شي ابو تركي:انا خايف على تركي وانك رفضت بالبدايه قلت عشان نكون بالعدل ياخذ ولدك بنتي ويكون بدل تركي لبنتك وبنتي لولدك لف عبدالعزيز على راشد وراشد يناظره باستغراب ضحك عبدالعزيز:تخطب ولدي؟ ابو تركي:حشى بس قلت انه بدل لا مهر بين الاثنين ولا شي جراح ناظرهم؛يالطيب البدل حرام من زمن بعيد ابتسم ابو تركي:وانت من اهل المدينه باين منت من اهل القرى؟ جراح:الدين مافيه قرى ومدن وانا ماني راضي على اللي يصير ابو تركي لف لعبدالعزيز؛ولدك يعيش عندك بزوجته وتركي يستاجر بيت هنا ويعيش مع بنتك ويكونون قريبين منك وحواليك عبدالعزيز سكت وراشد ناظره؛مابي اتزوج انا ولاني مره مايكون لي راي ابو تركي:افا يا ابو راشد بناخذ شور العيال احنا؟ جراح ناظر عبدالعزيز يفكر وهمس:عمي؟ عبدالعزيز:تقهوى يا ابو تركي ونشوف بالموضوع ذا وقف عبدالعزيز وسحب راشد معه وخرج جراح معاهم لف وناظره؛لا تتدخل جراح احسن لك راشد ناظره:ماني متزوج عبدالعزيز:اسكت انت بعد جات لين عندك النعمه وترفسها اذا تبي اختك تتزوج تزوج انت راشد:وليه مو بالبدايه جونا يبون لجين ليه الحين اختلف كل شي جراح؛عمي حرام اللي يصير وش بدل وما بدل؟ راشد:زواج ماني متزوج عبدالعزيز:والله اذا تبي لاختك الزين تزوج عشان ماتعنس والا مو هذا كلامك؟ دخل عبدالعزيز وجراح ناظر راشد وهمس:صاحي ابوك؟ راشد هز راسه بالنفي:مستحيل يستهبل على راسي؟ عساها ماتزوجت مانبيهم جراح سحبه:اسكت وط صوتك اصبر ندور حل للسالفه رفع راسه راشد وناظرها تخرج من بيتهم رايحه لبيته رفع راسه جراح وناظر كوثر تمشي وهاديه وجوالها بايدها لف وناظر راشد يناظرها وصد وتنهد بتفكير دخلت كوثر ومشت للمبطخ على رنة جوالها وناظرت الاسم عماد يتصل اخذت نفس ووقفت عند الباب وردت:هلا عماد تكى على كرسي مكتبه؛امري بغيتيني كوثر اخذت نفس:اي عماد:امري كوثر:عماد صراحه ادري ان الموضوع كبير بس انا فكرت ولا اقدر اكمل عماد عقد حواجبه وجلس:تكملين ايش؟ كوثر:ما اقدر اكمل ونتزوج عماد جمدت ملامحه؛وليش؟ وش تغير؟ وش اسبابك؟ كوثر تنهدت :ماني مرتاحه ولا ابي اظلمك معاي يمكن افضل وخيره عماد ضحك:تستهبلين داقه وتقولين ما ابغى ولا عندك اسباب؟ كوثر :لا تزيدها علي انا ابي اتطلق ولا تسألني اكثر اذا عندي لك معزه طلق عماد هز راسه؛هذا الموضوع لازم اهلي واهلك يتكلمون فيه انا ما اقدر من راسي اطلق واتصرف اذا عند اسباب قوليها لاهلك قفل وناظرت جوالها وتاففت بضيق - لجين واقفه وتناظر ملامح راشد؛وش فيك صاير شي؟ راشد بلع ريقه ولارد لجين همست؛بطلوا؟ راشد؛لا يبونك بس عندهم شرط لجين:وش شرطهم؟ راشد ناظر ريحان تدخل الغرفه وتناظرهم باستغراب لجين؛راشد تكلم وش فيهم؟ راشد؛يبونا بدل انا وانتي لجين عقدت حواجبها وريحان انصدمت لجين؛بدل؟ راشد؛يبوني اخذ بنتهم عشان تاخذين ولدهم بدون مهر ريحان؛هيه وين قاعدين بالجاهليه؟ لجين بلعت ريقها وانصدمت وظلت تناظره راشد؛لجين انا ابي لك الخير وبفرح لو تزوجتي بس مابي اتزوج ريحان؛لا تتزوج لا انت ولا هي مانبيهم وع لجين جلست على الارض وتنهد راشد بتوتر وارتباك ناظرته لجين؛مايبوني يعني؟ راشد جلس عندها وناظرها:يبونك بس هذا شرطهم وانا ما اقدر عليه انا ابي وحده ثانيه وقلبي متعلق فيها لجين ناظرت ريحان؛وانا؟ لو بطل راشد يبطلون؟ ريحان:لجين عاد انتي الف واحد يتمناك شتبين فيهم لجين؛وينهم هذا وبالحسره وافق ابوي راشد:لا تصعبينها علي لجين ما اقدر لجين هزت راسها ودموعها نزلت صد راشد بضيق وجلس وهو ماسك راسه وريحان ناظرت لجين؛لجين انتي ماتحبين تركي وعادي عندك لو بطلوا بس فكري براشد لجين؛ليش ماهو يفكر فيني هو يقدر يتزوج عليها اللي يبيها بس انا؟ راشد ناظرها وعقد حواجبه؛انا جايك وافكر فيك وانتي تقولين هالكلام؟ لجين؛اي راشد اي انت تزوج اللي تبيها بس لا تقطع بنصيبي تكفى راشد سكت وريحان تكلمت بهدوء:كلكم لا توافقون لجين شفيك عاد قالك مايبي مو غصب لجين:خلاص بكيفه بس خليه يحط براسه انه قطع بنصيبي مشت وتركتهم وريحان ناظرت راشد وجلست عنده:راشد راشد ناظرها؛ابيها مستحيل اتزوج غيرها والله امشي مجنون ريحان تنهدت؛كلم ابوي كلم جراح كلم اي احد طيب تصرف راشد هز راسه ووقف ومشى خارج من الغرفه نزل من الدرج ووقف من شافها واقفه مع فجر وناظرته وابتسمت مشى وتركها ولارد وطلع من البيت عقدت حواجبها كوثر ولفت لريحان اللي نزلت وتناظرها:شفيكم؟ فجر؛شفيها لجين تبكي؟ بطلوا؟ ريحان:يبونهم بدل كوثر عقدت حواجبها؛من هم؟ ريحان:راشد ولجين جمدت ملامح كوثر وفجر لفت عليها تناظرها سمعت صوت جوالها يدق بيدها وناظرت الاسم عماد ورجعت رفعت راسها لريحان وهي مصدومه | ||||
|
| |
|
18-01-20, 05:40 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| القسم السادس عشر - راشد خرج وهو يمشي بسرعه وركض جراح ومسكه؛راشد لف له راشد وهو معصب وناظره؛نعم؟ جراح؛روح تصرف ابوك عطاهم كلمه حاولت اتكلم بس ماسمع مني راشد:وخر عني جراح؛وين بتروح وين رايح؟ راشد؛بروح ارمي نفسي بالسد بلحق ولد عمتي حازم جراح تنهد؛امش راشد مو وقتك والله راشد؛والله لارمي نفسي جراح مسكه بقوه؛امش اجلس امشش سحبه بقوه وجلسه بالارض ومسك وجهه بقوه؛ماتبيها ادخل زي الرجال وتكلم وخل عنك الهبال ترمي نفسك راشد:مابيسمع مني جراح؛اجل اشرد انت بعد الحق الباقين واشرد راشد؛ولجين؟ جراح:ولجين شتبي بواحد كذا واهله كذا راشد؛ماني اناني مابي اخليها تعنس مابي اكون سبب في تعاستها جراح؛والحل؟ توافق؟ راشد؛لا اموت احسن خل يزوجونها وانا ميت ارحم لي جراح:راشد وافق عليها خلاص اذا تبي سعادة اختك وافق اذا تبي سعادتك ارفض اما شغلت الموت ذي بطلها راشد ناظره بضيق ومسك راسه وهو يفكر وجراح واقف وعاض شفته ويتنهد ويفكر بطريقه يحل الموضوع راشد وقف وناظر جراح؛عطني كلمه اجل الحين جراح عقد حواجبه؛انا؟ كلمة وش؟ راشد؛اتزوج بنتهم وبعد فتره تزوجني اختك جراح جمدت ملامحه:انت تعقد الامور اكثر؟ راشد؛ابي اختك ولو مادخلت حياتي كان وافقت الحين بس الحين ما اقدر اضحي فيها جراح تنهد؛وهي تبيك على علمي تبي تطلق راشد؛تعطيني اياه لو بغيتها؟ جراح تافف وهو يفكر:براحتها هي اذا تبي تتزوجك او لا راشد؛انت عندك مانع؟ جراح هز راسه بالنفي:لا راشد:اجل على وعدك لي بدخل واوافق على البنت جراح هز راسه بوهقه ومشى راشد للمجلس - يوم جديد منسدحه وتناظر اللي قدامها وهاديه ملامحها ناظرت جوالها اللي يهز على الارض وبجمود اخذته وناظرت الاسم عماد وردت :الو عماد وهو بسيارته:ايوا هلا دقيت عليك بعلمك اني جايك جلست كوثر وعقدت حواجبها:جايني وين؟ عماد:بطريقي لكم بتكلم معاك ونجلس ونفهم وش السالفه كوثر مسكت راسها بانزعاج:قريب؟ عماد:يبي لي نص ساعه واوصل كوثر:طيب قفلت منه وتنهدت وقامت طلعت من غرفتهاز ناظرتها الهنوف وهي تلبس حذيانها:تجين تفطرين معي عند البتول مع البنات؟ كوثر هزت راسها بالنفي:لا عماد جايني الهنوف عقدت حواجبها:ليه في شي؟ كوثر:بنجلس مع بعض ونتكلم الهنوف:زين اجل بجلس واسوي قهوه عشان لا جاك كوثر:لا امي ما يحتاج روحي انتي انا اسويها الهنوف:على راحتك طلعت من البيت الهنوف وكوثر مشت للمطبخ وطلعت الدله وهي تلقم القهوه واخذت المويه الحاره وحطت الدله على النار وجلست تنتظر فورانها رفعت راسها للشباك تناظر الحوش فاضي جلست تفكر وتحاول تلاقي حل ليش خطواتها له كل مالها تزيد بعد اكثر وليش يوم حصلت اللي ابتسم له قلبها ضاع منها وليه يوم دقت على عماد بلغته ماسمعت قبل ماتتصل طاشت القهوه ومسكتها بيدها وصرخت وفلتتها وانكبت على الارض بكت وجلست بالارض ماسكه يدها وكأن انفجارها كان ينتظر مع فوران القهوه بكت بصوت عالي ودخل جراح وناظرها بخوف مسك يدها وناظرها:تعورت؟ كوثر هزت راسها وجراح مسكها وطلعها من المطبخ جلسها وهي تبكي ومشى للمطبخ قفل الغاز وتنهد وهو يناظر القهوه بالارض رجع لها بمنشفه مبلوله ومسك يدها وناظرها:شوداك المطبخ؟ كوثر مسحت دموعها ولا ردت وجراح تنهد - راشد جالس بالمجلس لحاله ويناظر السماء قدامه وملامحه جامده ويدينه مشبوكه ببعض عقد حواجبه على صوت السياره ووقف طل براسه وناظر السياره تدخل لين البيت عرفها وعرف راعي السياره ومستحيل ينساه لف وناظر جراح يطلع له وهو ينزل من السياره رجع دخل المجلس وتخبى ولا يبي جراح يشوفه ابد عماد ابتسم وسلم على جراح:شلونك؟ جراح:حمدلله حياك ادخل عماد ابتسم ومشى معاه للبيت وجلس بالصاله جلس جنبه جراح وابتسم:كانت بتسوي قهوه كوثر بس تأذت يدها عماد ابتسم:لا عادي ماني جاي اشرب جيت اتطمن عليها رفع راسه جراح وناظر كوثر واقفه وتناظرهم ابتسم ووقف:اجل اتركم على راحتكم وانا بستأذن مشى جراح وخرج من البيت وهو يلبس جاكيته - جراح مشى بالحوش واستغرب هدوءه كان يلاقي فارس وساري وراشد بهالوقت بالحوش مشى للبيت واخذ نفس ودق الباب وفتحت له وناظرته وهو لف لها تكت براسها وناظرته بضيق:ماتسهلت لاحد تتسهل لنا؟ جراح تقدم لها وناظر ضيقها بعيونها:تتسهل لنا ولهم بس مافي امطار بدون بروق! ريحان ناظرته وهي مميله راسها على الباب:انا من زمن متعوده على البروق بس انت تقدر تتحمل؟ جراح ابتسم لها؛انت شايل مظلة حبنا وهي بتخليني احتمي من البروق ريحان نزلت راسها بهدوء وناظرته؛راشد وينه؟ جراح؛مدري طلعت ولا لقيته بالحوش ريحان؛وافق؟ جراح هز راسه وكمل بهدوء:بس يبي كوثر اختي ريحان عقدت حواجبها:كلمك؟ جراح:كلمني وكوثر كلمت عماد ما ادري وش بيصير بس الله يستر ريحان تنهدت واعتدلت بوقفتها:اذا صار شي جديد كلمني جراح هز راسه ومشت ريحان بتقفل الباب ومسك يدها جراح وابتسم:تسوين لي كباية شاي؟ ابتسمت له وهزت راسها:انتظرني هز راسه ودخلت ريحان المطبخ وهو لف يناظر السما - فارس طلع من الغرفه وناظر امه ومشى لها:جالسه لحالك؟ زهور هزت راسها:ساري خرج بسما وكل واحد راح جامعته فارس هز راسه وجلس وهو يفكر وزهور همست له:فيك شي؟ فارس تنهد:اي افكر ارجع بريطانيا زهور عقدت حواجبها:وليه؟ فارس:بروح اشوف احوال سابين واكمل طلاقها اللي مابدا زهور:جراح قال يمديك تحلها بالسفاره فارس:مابي اتعب جراح بروح لين تحل اموري وارجع زهور تنهدت:تخليني لحالي ماتعودت على المكان! فارس:ساري عندك امي منتي لوحدك زهور بضيق:من بعد حازم صرت اخاف بعدكم عني فارس وقف وباس راسها وجلس جنبها:اوعدك اني مارح اطول بس بروح الديره قبل اسافر زهور؛ليه؟ فارس سكت ثواني وناظرها:بودع عمي زهور هزت راسها وفارس ابتسم لها وجلس يفكر - ساري وقف السياره ولف لها؛يالله انزلي سما بلعت ريقها وهي تناظر بوابة الجامعه:ساري خايفه ماعرف شي ساري:تتعلمين انا متأخر على المحاضره سما يالله عجلي سما بخوف هزت راسها واخذت شنطتها ونزلت من السياره مشت ودخلت البوابه وهي تناظر اشكال البنات ولبسهم مدت بطاقتها الجامعيه اللي تحمل تخصص قانون ودخلت من بين البنات وهي تتلفت وتناظر الجامعه ومساحتها الكبيره والمباني الطوال والقاعات الوسيعه تمنت امنيه وحده ان خواتها يكونون معاها ويدرسون معاها ولا تكون لحالها - عماد ناظر كوثر وسكوتها اربكه:كوثر ادري ضغطت عليك بمكالمتنا بس انصدمت من تغير رايك كوثر ماردت وهي تناظر الارض وساكته عماد مسك يدينها وناظرته وتكلم:فهميني وش مغير رايك ليش من جيتي هنا تغير كل شي بيننا كوثر ماردت وهي ساهيه وتسمع كلامه عماد؛كان بيننا مواقف كثيره قبل ما اخطبك حتى وش تغير الحين ليش تبين تكنسلين كل شي بعد ما وصلنا لهنا؟ كوثر بلعت ريقها وهمست:خايفه ناظرها عماد وعقد حواجبها وكوثر كملت والدموع بعيونها :متردده وخايفه داخلي ضيق عماد ماني قادره اتنفس وضايعه عماد بخوف همس لها:احد مضايقك احد تعرض لك جاوبيني؟ هزت راسها بالنفي:بس احس اني ماني قادره اعيش اكثر عماد بلع ريقه من نزلت دموعها وحظن راسها وتنهد :اجل ارجعوا لا تقعدين اكثر بهالمكان اصلاً هالمكان يقتل الواحد ارجعي وروحي مع صديقاتك واطلعي احسن من القعده هنا ناظرته كوثر وعماد ناظرها بجديه:وانا اكون قريب منك هناك ازورك اكثر ارجعي كوثر شتبين تقعدين هنا؟ كوثر هزت كتوفها:امي وجراح؟ عماد:انا اكلمهم ماعليك انتي بس ارجعي لجامعتك وصديقاتك ولي كوثر ظلت تناظره وهو يناظرها بهدوء - عبدالعزيز خرج من الدور الارضي المكان اللي مستقرين فيه اهل تركي وهو مبتسم ويدور بمسباحه على اصابعها ومبسوط وقف عند المجلس على خروج راشد منه جمد محله راشد وهو يناظر ابتسامته وابتسم عبدالعزيز:هلا بالعريس راشد مارد عليه وعبدالعزيز ربت على كتفه:كلم جراح يعطي خبر لعمتك زهور مشى من جنبه ولا انتظر جوابه وجلس ناظره واقف وعقد حواجبه؛مطول؟ مارد راشد وخرج من المجلس ومشى للبيت ووقف وهو يناظر السياره جنب سيارة جراح رفع يده بيدق الباب وغمض عيونه وشد من قبضته فتح الباب وناظر راشد وراشد بادله النظر عقد حواجبه عماد وابتسم:امر؟ وقف جراح عند الدرج بيطلع وكوبه بيده ناظرهم واقفين قدام بعض ومشى لهم بهدوء مارد راشد وهو يناظره وعماد عقد حواجبه ولف لجراح؛ابكم؟ جراح بلع ريقه:امر راشد وش بغيت؟ راشد ناظر عماد ولف لجراح وهمس:ابوي يبيك عماد صد عنهم وهو يطلع من جيبه دخانه ويدخن جراح هز راسه:يالله جايكم اسبقني مشى راشد وعماد لف لجراح؛جراح بغيتك قبل تروح جراح وقف جنبه؛هلا عماد؛كوثر تعبانه ونفسيتها تعبانه بعد انا اقول لو ترجع امك واختك المدينه وانت تبقى هنا احسن جراح عقد حواجبه:هي قالت لك؟ عماد؛انا كلمتها وهي ماعندها مانع جراح اختك منهاره وشكلها اكتئبت وانا تهمني صحتها وسلامتها جراح تنهد وهز راسه؛بكلمها واشوف رايها عماد رمى سيقارته ودعس عليها؛زين اجل انا راجع جراح:بالسلامه ان شاء الله عماد هز راسه ومشى نازل وركب سيارته وحرك دخل جراح البيت ومشى لغرفة كوثر ودخل ناظرته كوثر ولاردت وهي تناظر الفراغ جلس جنبها جراح وهمس:تبين ترجعين المدينه؟ كوثر هزت كتوفها ولاردت جراح:كوثر علميني وش يريحك واسويه اذا مستصعبه انك تتطلقين من عمال انا اقوله كوثر ناظرته وهزت راسها؛ما ادري جراح تنهد ولف لقدام:كلمي امي وشوفي وش تقولك وانا مستعد ارجعكم واتم هنا لحالي كوثر ماردت وجراح وقف وخرج من غرفتها ناظرت الشباك مقفول ومسكت يدينها ببعض ولا تجرأت تفتحها ابد - جراح لف وناظر راشد ورجع ناظر عبدالعزيز عبدالعزيز:وش فيك تتبلم؟ كلم عمتك قول لها بيملكون الناس بنفس يوم الزواج قريب خلها تجي تقعد لين تحظر جراح:خلها عمي تجي يوم العرس وترجع اريح لها عبدالعزيز:انت كلمها ولا عليك من شي جراح هز راسه:طيب طيب سند ظهره وسكت وانتظر دقايق وخرج من المجلس ودق على جوال ساري وانتظره ورد عليه:هلا جراح ابتسم جراح:هلا بالدكتور كيفك؟ ساري:حمدلله زين خارج من الجامعه توي جراح:يالله كويس بالتوفيق ساري قفل باب سيارته:امر جراح؛مايامر عليك عدو راشد ولجين تحدد زواجهم ساري عقد حواجبه:راشد؟ جراح هز راسه بضيق:اي راشد ولجين بدل وزواجهم تحدد قريب ساري هز راسه؛زين مبروكين جراح:عقبالك بس بغيت اقول عمي يبي عمتي تجي لين زواجهم وترجع ساري:ماظنتي صراحه بس بكلمها ابشر جراح؛انت مابتجي مع اهلك؟ ساري اخذ نفس:ودي بس خايف والله جراح:براحتك بس لو تجي عشان سما وخواتها احسن تجاهل عمي عاد انت بس اهم شي يكونون مع بعض الخوات ساري:بشوف بكلمها واعطيك العلم جراح:يالله اجل مابطول عليك سلام ساري:سلام قفل منه وناظر قدامه ثواني وحرك سيارته لجامعة سما - بعد مرور يومين الليل الساعه 2:10 ص جفى عيونه النوم وقاست عليه الوساده اتعبه صدره قبل راسه وجوف قلبه يعاني جلس وهو يناظر السماء ظلما والجو ساكن صوت الكلاب وصراصير الليل يتغنى مع القمره ضم رجليه وبلع ريقه بتفكير وهو لحاله بالمجلس وقف وحس الضيق ياكل شتات عظامه واخذ نفس طويل لف وناظر البيت ولمباته المطفيه ظل يناظر البيت لين انفتحت لمبة غرفتها وفز من مكانها ووقف تردد يروح وتردد يظل جلس مابين اي ولا عند كوثر جراح؛عادي اجلس؟ هزت راسها كوثر وجلست وجلس جنبها جراح لف لها:صاحيه؟ كوثر هزت راسها:ماجاني النوم جراح اخذ نفس ولف لها:تبين ترجعين؟ كوثر:امي تبي ترجع وتاخذني معها وانا ما ادري عن شي جراح:خليك من امي امي توترت يوم عرفت انك تعبانه من عماد بس انتي تبين ترجعين المدينه ؟ كوثر اخذت نفس ولفت له:اي خلاص مافيني شده اكثر هنا جراح:تنتظرين الزواج والا ترجعين قبله؟ كوثر هزت راسها:قبله احسن جراح تنهد وهز راسه :على راحتك وانا اخوك وقف ومشى وكوثر صدت للشباك وهي تشوف الظل من وراه غمضت عيونها بضيق وقف جراح وناظرها وقفل النور وخرج ناظرت ظله ويدينه على الشباك ووقفت بالظلام تناظره مشت للشباك ورجلينها تسوقها له لين فتحت الشباك ورجع خطوه على وراه من شافها تفتح الشباك ونشف دمه من عروقه وبين شرايينه من شافها تناظره مبطي عنها من زمان لا شافها ولا عرف احوالها يدور مابين الشباك والشباك لو يسمع صوتها بس كوثر وقفت وهمست له:ليه راجع؟ راشد ارتبك وهو يطيل النظر فيها:ماشاقني الا جابني عقدت حواجبها كوثر وبلعت ريقها وراشد نزل راسه وهمس:ماجابني الا الشوق كوثر جلست على الشباك واخذت نفس طويل:ابطيت راشد ناظرها وتقدم لها وناظرها:وانتي ابطيتي وقتلتي الروح معك كوثر ظلت تناظره وهمست:راشد نزل راسه وغمض عيونه ولارد وكوثر كملت:برجع بمكان ماجيت رفع راسه وعقد حواجبه وكوثر تناظره وهاديه كوثر:انت كنت اشياء حلوه بحياتي ولا بنساك بس ماني قادره اكمل راشد:تبيني اكنسل واعنّس اختي؟ تبيني الحقك لوين ماتروحين؟ عطيني حبل يوصلني اك ولا تقطعينه تكفين كوثر بلعت غصتها وهزت كتفها:فتره وتمر وتنسّي صدقني راشد:عندك يمكن بس انا لا مارح انسى ولا بتناسى عبالك سهل تجين وتروحين؟ عبالك سهل تقربين وتبعدين على كيفك؟ كوثر:بتتزوج راشد افهم مابي العب على الحبلين راشد ابتسم بسخريه؛اخذتيني باحظانك ودبلتك باصبعك ماشفتني تكلمت ابد كوثر صدت بعيونها وهمست:خلاص راشد تكفى خلني امر واروح راشد هز راسه ورجع على ورا وهو يهز راسه:مو غريبه لو رحلتي وقفت كوثر وصكت شباكها وبكت بضيق وبخاطرها تصرخ بس ماقدرت ولا بتقدر فكرت ان البعد بيكون سهل وعلى مقولة البعيد عن العين بعيد عن القلب بس بتمؤمن بها! - ساري ناظر امه واخذ منها فنجانه:كلمني جراح اليوم ناظرته سما جنبه تتلهف تسمع اخبار عن اهلها زهور:وش يبي؟ ساري:يقول ان زواج لجين قرب ويبي عمي تجين قبلها بكم يوم زهور:لا لا اروح وقت العرس وارجع بنفس اليوم ساري تنهد:امي الزواج كبير والناس من حفر الباطن ويبي لها تجهيزات زهور:انت بتروح؟ ساري اخذ نفس وناظر سما:راشد بيتزوج مع لجين عقدت حواجبها سما:راشد؟ زهور:من بياخذ؟ ساري:بدل رفعت يدها سما على فمها بصدمه وزهور تنهدت :ويبي راشد؟ ساري:ماظنتي سما:مستحيل راضي وش خلاه يوافق؟ ساري ناظرها:اتركينا منهم خلينا بالمهم وش نسوي لو رحنا الزواج واقبلنا خالي! سكتت سما وصدت تتنهد وزهور همست:خلها تتيسر من ربك ساري ناظر زهور:امي كلميه لو رحنا يمكن يلين ويوافق قامت سما وتركتهم وناظرها ساري وتكلمت زهور :بحاول بس ماظنتي ساري هز راسه وقام لحق سما ومشى لها وناظرها معطيته ظهرها :وش فيك قمتي فجأه؟ سما لفت له واخذت نفس بهدوء:ساري ساري ناظر عيونها وهو عاقد حواجبه وهمست سما:لو ما وافق ابوي برجع لخواتي واهلي جمدت ملامح ساري وهمس:تستسلمين؟ سما:ساري ما اقدر اقعد معك اكثر واحنا محنا متزوجين ساري:وانا؟ وجامعتك؟ سما تنهدت وصدت بعيونها:بتخلى عنهم ساري اخذ ثواني ساكت وهمس:يذبحك سما:انا مذبوحه هنا او هناك ساري بلع ريقه وهز راسه:على راحتك تركها وخرج وقفل الباب ووقف وهو مصدوم ماتوقع تتخلى عنه وتستسلم بسرعه - جراح ابتسم لها ومسك يدها:تعالي مشت معاه وهي مبتسمه وفراشات الحب تطير بقلبها وقف عند السياره ولف يناظر حوله وفتح الباب وهي تترقب ومستغربه جراح طلع كيس وناظرها وهو مبتسم:هاك ريحان ناظرته ورجعت ناظرت الكيس:وش ذا؟ جراح:شريته لك من المدينه يوم راحت كوثر تشتري لملكتها عجبني واخترته لك ريحان ابتسمت:فستان؟ جراح هز راسه بالنفي:شي احلى بيطلع عليك عقدت حواجبها وفتحت الكيس وطلعت اللبس منه واختفت ابتسامتها بصدمه وهو يراقب شكلها ومبتسم وينتظر ردة فعلها رفعت اللبس اللي مزين بالفصوص اللي تصدر صوت مع الحركه عاري وشفاف ومايغطي من الجسم الا القليل لبس للرقص الشرقي ناظرته ورجعت تناظر الفستان؛لي؟ جراح:اي بس بخبيه عندي لين نتزوج وتلبسينه لي ارتبكت من كلامه وبلعت ريقها بربكه وناظرته:ماتعودت البس كذا جراح:عشان كذا جبته للن لبسك الفضفاض ظالمك برقصك وادري انك تخبين تحت ملابسك مفاتن مظلومه نزلت راسها باحراج وارتباك ودخلت اللبس بالكيس ومدته له اخذه ورجعه بالسياره ومسك يدينها:لا تتوترين وتحمّر خدودك انا ابيك ريحان وشاريك ريحان اخذت نفس واكتفت بابتسامه معطيه ظهرها لشباك المطبخ تطل منه البتول وسط ظلام المطبخ تطالع لهم - يوم جديد اسهر الليل ولا نام له جفن ابد يفكر بكلامها ولا يدري يتقدم والا يرجع لها باقي لزواجه يومين بالظبط ولا يدري وش يسوي اخذ نفس من اصبح الصبح ومشى للبيت وخطواته بطئيه يفكر ويتردد على مسامعه صوت قلبه اللي يناديها وقف عند شباكها ورفع يده له واخذ نفس وتكلم:كوثر نزل راسه وغمض عيونه وهو يسمع صوت لحن اغنية محمد عبدو :عطني من ايامك نهار وباقي العمر للى تبي ابتسم ورفع راسه:كوثر لو تبين مني اتخلى عن اختي واهلي عشانك تخليت بس انا جايك وابي منك اشاره ووعد اني رح اكون لك هالمره عقد حواجبه وهو يسمع اصوات من باب البيت مشى ووقف عند الجدار وناظر جراح شايل الشنطه بيدينه وينزلها بلع ريقه وتكى براسه يناظر ومستغرب وثواني وهي طالعه وامها وراها وتمشي بهدوء رايحه وقفت ولفت لها الهنوف:وين رايحه؟ كوثر:نسيت شغله بجيبها واجيكم الهنوف هزت راسه ونزلت من الدرج وكوثر لفت بتدخل البيت وناظرته تاكي على الجدار ويناظرها بعتاب بلعت ريقها ورجفت يدينها وهي تناظر عيونه تلمع اخذت نفس تقوي نفسها وصدت ونزلت من الدرج ومشت للسياره وراشد ضرب راسه بالجدار وهمس:فات الفوت ياراشد راحت سمع صوت السياره تتشغل ويمشي جراح للبوابه رايح حس ان رجوله ثقيله ومي شايلته يركض وراها والا يرجع وهو خالي اليدين وينسى ويتناسى جلس على الارض ومسك راسه وكأن ميت له ولد يناظر الارض ويسمع صوت الغنم جنبه وكأنها تناديه اهمل نفسه والغنم من يوم ما عرف بموضوع زواجه - فارس جالس بالسياره ويناظرهم من المرايه يركبون ركب ساري جنبه ووراه زهور وسما شغل السياره وحرك ماشي بالطريق وساهي يناظر الطريق ويفكر هالمره كيف بيكون وداعه معها هالمره بيقدر يخليها ويسافر ولا يدري كم يوم بيجلس! هالمره يقدر يترك عيونها تشكي وتدمع على فراقه! هالمره بيطلبها للمره الاثنين والخمسين ويحن ويرجع يطلبها! والا بيروح ويسافر بدونها تاركها فتره يمكن تكون اطول من فترة دراسته! لف لساري اللي ساهي جنبه واخذ نفس طويل اما ساري جنبه يسمع كلامها وينعاد عليه ويفكر ان هالمره خلاص يا تروح معه برضى ابوها وذا خيار ظئيل او انها ترجع لمكانها ولاهلها وخواتها وهو يركع بدونها تاركها يمكن تكون لاحد غيره اتعبه التفكير وميل راسه على الشباك وغمض عيونه | ||||
|
| |
|
18-01-20, 05:41 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| القسم السابع عشر - ريحان رفعت شعرها وهي تقفل شنطة لجين:بتروحين بخلاجينك؟ لجين:شسوي ابوي رفض اروح مع من؟ ريحان:ان شاء الله مع زوجك لجين ابتسمت وريحان ناظرتها وتنهدت:ماكلمك راشد؟ لجين:ولا شفته ريحان حطت يدها على خدها ولفت على صوت امها ناظرتها والبتول ناظرت لجين:اخرجي بتكلم مع اختك عقدت حواجبها ريحان وخرجت لجين باستغراب قفلت الباب البتول ووقفت ريحان بخوف:شصاير؟ البتول تكتفت ووقفت قدامها:اكتشتفت اني جايبه بنت عار علي عقدت حواجبها ريحان:وش سويت؟ البتول ناظرتها بحده:اشك انك حامل من جراح انصدمت ريحان وجمدت ملامحها ورمشت بعيونها بصدمه البتول:لا تطالعيني كذا اجل امس طالعه له بنص الليل لحد سيارته ومعطيك اللبس الخيلع ذاك؟ همست لها من قريب:يبيك تترقصين له؟ ريحان لسانها انشل ولا توقعت كل هالهجوم من امها البتول:اذا انتي الحين مامنك فايده قولي لي اذبحك قبل يعرف ابوك وينجلط ريحان همست بتئتئه:وش تقولين؟ البتول:اللي سمعتيه تكلمي قولي لي صار شي لك؟ والا اخلي راشد يوديك يكشف عليك اذا ماتكلمتي قبل يعرف ابوك ريحان:امي انا ماني رخيصه البتول:اسكتي ماعندي ثقه بولا وحده من بناتي شتبيني اثق فيك واختك شارده بعفوشها مع واحد مو محرم لها! ريحان:بس انا غير امي البتول رفعت حاجبها:غير بوش! انا شفت بعيوني وادري فيك تختفين الليل وتروحين له بس ماتوقعت لهالدرجه علاقتكم قويه تقدمت لها ومسكتها من اذنها:اسمعيني يابنتي ياتسعة اشهر ببطني اذا بينك وبينه شي لا تحسبيني بسكت بذبحك واقول ماتت وشالت عيبها معها وافك العيب عن اسم ابوك وعن ظهري ناظرتها ثواني وفلتت يدها وطلعت من الغرفه جلست على الارض بصدمه وهي تناظراللي قدامها من كبر الكلام اللي سمعته وثقله على سمعها ماشالتها رجولها - دخل بالسياره وبلع ريقه ساري ولف لسما اللي تناظر البيت وقف فارس وظل بالسياره يناظر المكان بين ذكريات فارس وصعوبة مواجهة ساري وحزن وخوف سما وطيوف حازم اللي تمر على زهور ماقدروا ينزلون الا بخروج عبدالعزيز من المجلس فتح بابه فارس وحط اول قدم على الارض اللي شالت ذكرياته بفجر وحلمه وضحكاته وسهراته معاها خرج راشد من جنب ابوه وناظرهم بضيق انتقلت نظرات عبدالعزيز لسما اللي تنزل من السياره وبعيونها دموع مجمعه تمنع النظر لابوها بدقه وقف ساري جنبها وبلع ريقه وهو يناظره جامد وهادي نقل نظره لزهور وابتسم لها:هلا باختي سلم عليها وناظرها:وشلونك؟ زهور:حمدلله بخير حول ساري وفارس هز راسه عبدالعزيز ولف لفارس:شلونك فارس؟ لف ساري لفارس وفارس هز راسه:بخير ياخالي تقدم به وباس راسه ودخل عبدالعزيز وهو يرحب فيهم تارك ساري وسما برا مصدومين وخايفين من ردة فعله ولا كانه شافهم ابد اول لمحهم لف لسما اللي تناظر وهمس:ادخلي داخل بلعت ريقها بربكه ومشت للبيت ودخلت وهي تسمع صوت المواعين بالمطبخ ابتسمت بحزن ووقفت بالمطبخ تناظرهم ناظروها بصدمه وجمدت ملامح ريحان وركضت لها حظنتها بقوه وبكت سما وهي تضحك بحزن وفرحت سحبتها فجر وضمت سما وهي تتكلم:وش صار؟ليش جيت؟ وش سوى ابوي ؟ لجين:وخروا شوي سما وش صاير؟ سما مسحت دموعها؛ما ادري بس مشتاقه لكم ابتسمت ريحان ورجعت حظنتها:تعالي حكيني عن كل شي جلستها بوسط المطبخ وهي ماسكه يدينها وتناظرهت بلهفه سما ابتسمت وناظرتهم حوالينها:قدمت بالجامعه ودرست هالاسبوع لجين انصدمت وفجر ضحكت وضمتها من الجنب:احلفي؟ ابتسمت سما ورجعت ناظرت ريحان:بس اذا ابوي هالمره ماوافق لي ولساري ببطل واظل هنا ريحان:صاحيه انتي؟ والله ليذبحك مايبيك وشكله قريب مايبيني انا بعد سما عقدت حواجبها:وش صار؟ ريحان:ولاشي اتركينا منك كيف الجامعه والمدينه؟ حيكنا لجين:شريتي لك بجايم؟ ضحكت سما:اي ساري اخذني بالسوق لو تشوفون يابنات الملابس شي شي ريحان ابتسمت تحت ضيقها وخوفها من امها - جراح دخل وفتح الباب واخذ نفس براحه الهنوف:وه يازين البيت والراحه بهالبيت لف جراح لكوثر اللي داخله بهدوء وملامحها هاديه وهمس للهنوف:كلمت عمي وتعذرت منه عنك وعن كوثر الهنوف:زين تسوي احسن ناظر كوثر ماشيه لغرفتها:كوثر لفت وناظرته وتكلم بهدوء:جايب غداء ماتبين؟ كوثر:بالعافيه بحط راسي وانام الهنوف:خلها تعبنا من هالطريق والديره الصغيره اللي مشاكلها ماتكفيها تنهد جراح وجلس جنب امه على الكنب ودخلت كوثر غرفتها ومن دخلت اختلف عليها كل شي لا سريرها نفسه ولا جدرانها ولا حتى شباكها الشباك مايطل على الوجه السموح وعلى ضحكته اللي تخجل الضي كان الشباك يطل على شارع مليان بالسيارات المزدحمه غمضت عيونها بضيق ولفت لجوالها اللي جاه رساله فيه واخذته وناظرت الاسم عماد "حمدلله على السلامه اقدر امرك؟ ردت عليه"تعبانه اجلها لبكره " عماد"براحتك" قفلت جوالها وانسدحت على ظهرها وهي تحاول تتخلص من التفكير اللي اتعبها ومن الخيال اللي ارهقها - وقف شعر جسمها من دخل المطبخ وعينه عليها بلعوا ريقهم البنات ووقفوا بخوف يناظرونه وقفت سما وهي تفرك يدينها ببعض ومشت بتبوس يده وسحبها بقوه وناظرته بخوف وهمست:شلونك يبَه؟ كان جوابه مختلف ومتوقع ضرب خدها بقوه لدرجة ان الطنين آلم اذنها وغمضت عيونها بالم والبنات يناظرونها بخوف وريحان تناظرها بحزن رفعت راسها له وبعيونها الدموع وهمس:سامحني عبدالعزيز قرب منها:اوص ولا كلمه ماربيتك زين ولا علمتك تكونين بنت محترمه ماتعصين ابوك وتسوين اللي سويتيه ليش جايه؟ تبين تخربين خواتك؟ سما:جايه افرح معكم واطلب العفو ركضت ريحان بسرعه وخرجت وسما بلعت ريقها عبدالعزيز:انتي منتي منا ولا نعرفك عشان تشاركينا فرحتنا سما نزلت راسها ونزلت دموعها ودخلت ريحان بشرشفها وساري وراها ومن دخل خرجوا البنات بسرعه ولف عبدالعزيز لساري:وش تبي؟ ساري:خالي اذا بتهاوش احد هاوشني انا اذا بتضرب اضربني انا لاني انا اللي تكلمت وبديت رايي على كلمتك هي مالها دخل عبدالعزيز:لا تدافع انت مابي لساني يجي على لسانك عشان امك والا كان والله علقتك بحبل المشنقه بالحوش ساري مشى له ومسك يده؛انت اللي احوجتني اخذها معي انت بعنادك وجبروتك اللي ماله اي هدف خليتني اخذها معي عبدالعزيز:تعصيني وتروح ببنتي ياول اختي؟ ساري باس يده وباس راسه وتكلم بهدوء:جيتك من الباب ياخالي ولا قبلت وانا لو ما ابيها ولا احبها واعزها واقدرها ما اخذتها عصيان فيك سما رفعت عيونها لساري ومسحت دموعها وريحان اخذت نفس بهدوء وهي تناظرهم عبدالعزيز؛مابي بناتي يروحون عن عيني ابد ساري:مهي بعيده عن عينك ياعمي سما بنتك وانا ولدك واحنا حوالينك البنت قدمت بالجامعه تكفى ياخالي لا تخسر دراستها عبدالعزيز ناظر سما بصدمه؛دراسه؟ ساري:بتكمل جامعه وانا قدمت لها ابيها ترفع راسك تكفى ياخالي عبدالعزيز اخذ نفس:اطلع واتركني مع بنتي ساري من حس بهدوءه هز راسه وخرج برا وعبدالعزيز ناظرها :لو مت بتبكين علي؟ ناظرته بصدمه:بسم الله عليك يبَه لك العمر الطويل ان شاء الله عبدالعزيز:ابيك تعرفين اني اذا وافقت لك بوافق لفارس وانا مابيكم تغيبون عن عيني مره وحده ريحان تقدمت له وتكلمت بهدوء:يبَه مابي اتدخل بس فجر وسما مهم بعيدين عنا وانا بعدني مارحت بلل شفايفه عبدالعزيز وهو يناظرهم ومشى وتركهم بدون جواب - راشد رفع راسه على دخول تركي وابو تركي للمجلس وقف وناظرهم ولا تكلم ابو تركي:وين ابوك؟ مارد راشد على دخول عبدالعزيز:هلا هلا بابو العريس ابتسم ابو تركي وتركي مشى لراشد:بغيتك مشى راشد معاه ووقف عند باب المجلس ولف له تركي:ادري ان مابيني وبينك شي ولا تعرفني ولا اعرفك بس سكت ثواني وهو يناظر راشد:بس حسيت بضيقتك وقت طلب ابوي وادري انك تحملت عشان اختك ومقدر لك اللي سويته راشد هز راسه وتركي تكلم:وماعلى اختي خوف وهي معك اتمنى تعذرني عن ابوي وطلبه ولو بيدي ما كان وافقت راشد:مافي مشكله ابد ومبروك ان شاء الله تركي ابتسم ودخل داخل وراشد ظل برا يناظر الفراغ - اليوم الثاني جالسه بالحوش ولامه نفسها وتناظر الشباك بخوف دخلت سيارة جراح ووقفت بسرعه وبربكه استغرب وجودها بهالوقت ونزل من سيارته ومشى لها ابتسم جراح؛مو من عوايدك تنتظريني؟ ريحان:جراح صار شي مره كبير جراح عقد حواجبه بخوف:وش صار؟ ريحان بلعت ريقها؛امي شافتني معاك امس جراح غمض عيونه وتافف وصد ريحان ناظرته بخوف:جراح اتهمنتني بشرفي جراح لف لها بسرعه؛وش؟ ريحان:جراح قالت لي شي مستحيل اصدقه ابد جراح تنهد:طيب هي صاحيه الحين؟ ريحان:شتبي؟ جراح:بكلمها مستحيل اخليها تفكر فيك تفكير شين ريحان بخوف:لا لا تكفى جراح اليوم زواج راشد ولجين مابي تكبر السالفه جراح؛ريحان هي اتهمتك بشرفك معاي انا وانا ما ارضى ابد ريحان بلعت ريقها:وش بتقول؟ جراح:بقول انك شريفه واني ابيك على سنة الله ورسوله واللي يصير يصير ريحان هزت راسها بالنفي:تبي تكشف علي جراح تخيل؟ جراح تنهد بصدمه وحك دقنه ولف لها:امك مريضه؟ ريحان تنهدت ونزلت راسها جراح:لا جد مريضه وش هالكلام؟ ريحان؛وش اسوي جراح؛لو مدري وش يصير يا ريحان انا معاك وخلي هالفكره براسك انا احبك ريحان ارتاتحت من كلمته وغمضت عيونها بتعب جراح مسك يدينها وتقدم لها:خلك واثقه فيني السالفه ذي بتنتهي بعد زواج لجين وراشد ريحان:متأكد؟ جراح؛واكثر من الوعد ابتسم لها:روحي وتجهزي عشان تكونين احلاهم ومن بينهم مذهله ريحان اخذت نفس براحه وابتسمت وهزت راسها ومشت ودخلت وجراح مسك راسه وهو يفكر ويلقى حل للمصيبه اللي جايه - راشد يناظر الزوالي الحمراء مفروشه بالحوش والعصر قرب يختفي مع نور الشمس لف للبشت جنبه ورجع ناظر الزوالي دخل فارس وناظر الحزن بوجهه ومسك كتفه:وكأنك رايح مذبحه وش فيك؟ راشد مارد عليه وهو يناظر وهادي فارس تنهد؛ياشيخ كلنا ما اخذنا اللي نبيه ماجات عليك راشد همس:لا وظيفه ولا دراسه ولا اسم ولا اللي ابيها فارس نزل راسه بضيق:تعدي وانا اخوك هي بتروح بطريقها وانت بطريقك ولا تدري وين الخير ووش مخبي لنا الزمن راشد مارد عليه وفارس تنهد:هاك بشتك هاك رفعه وراشد واقف بجمود وحط البشت على كتفه وهو يحس بثقله على كتوفه ولا قلبه وبرجوله فارس ابتسم له؛افرح وانسى وان شاء الله تعدي هالمرحله مشى وتركه وهمس راشد:ماهي مرحله كانت حب وحبيبه يافارس ماهي مرحله وبس - كوثر سمعت صوت الباب وصوته وقامت من سريرها فتحت باب غرفتها ووقفت تناظره واقف لفت لها الهنوف واستغربت انها ببجامتها وعادتها ماتخرج له بهالشكل وتتزين عقد حواجبه عماد وابتسم باستغراب:جيت بوقت غلط؟ مشت له بخطوات بطئيه والهنوف تناظرها باستغراب وقفت قدامه كوثر وعماد همس:فيك شي؟ رفعت يدينها له وضمته وبكت بصوت عالي وانصدم وناظر الهنوف خايفه:بسم الله عليك وش فيك؟ كوثر ماردت عليها وهي حاظنه عماد وتبكي اخذ نفس عماد بضيق ومشى للكنبه وجلسها جنبه وناظرها وناظر دموعها:شفيك؟ حكيني يابنت الناس وش صاير لك؟ احد مضايقك؟ ماتبين؟ قولي تكلمي ولا تخليني كذا الهنوف:يمه كوثر فيك شي وش فيك علميني انا امك كوثر ماردت وهي تسمح دموعها وتناظر يدينها عماد مسك يدها ورفعت راسها له:كوثر فيك شي؟ ناظرت وجهه بتأمل وتفاصيل وجهه من حدود دقنه لين اعلى حاجبينه بلعت غصتها وشرقت عيونها وعماد تنهد ورجع حظنها لصدره وناظر الهنوف:ياخاله مويه ماعليك امر مشت الهنوف وعماد حاظنها ويهمس:تعبانه تبيني اوديك شيخ او مستشفى؟ هزت راسها بالنفي وعماد تكلم بضياع:اجل وش فيك؟علميني كوثر ماردت وهي تناظر الفراغ مدت لها الهنوف المويه وشربت منها وهي ترجف يدينها ابتسم عماد؛البسي عبايتك اجل وخليني اخذك مكان لفت له وببحة صوتها:ماعندك شغل؟ عماد ابتسم لها بحب اكثر:ياشيخه اوقف الدنيا وراي عشانك بس قومي ابتسمت الهنوف وناظرتها:قومي يمه روحي غيري جو كوثر ناظرتهم وهزت راسه وقامت لغرفتها وقف عماد وناظر الهنوف:ياخاله صار لها شي بديرتكم؟ الهنوف:ابد والله ماكان فيها شي عماد تنهد:اجل وش فيها؟ صابتها عين والا تعبت من شي؟ الهنوف:علمي علمك لا جاني جراح بسأله عماد سكت اول ماخرجت بعبايتها ومشى قبلها وهو مبتسم فتح لها باب السياره وركبت وركب جنبها وحرك تكت براسها وهي تناظره بتأمل وهو يلف عليها وهو مبتسم يسولف معاها وهي بعالم ثاني عالم المقارنه ليش ماتشوفه حلو زي ماكانت تشوفه ليه ما يحرك فيها شعور راشد ببساطته وتعثر حروفه ليش! - راشد جالس وسطهم ويناظرهم بجمود لف له جراح وهمس له:بتقعد بازم كذا؟ راشد؛وش تبين ابتسم لمن؟ جراح تنهد وناظر الشيخ يصافح تركي وتركي مبتسم وقف راشد ومشى لمكان تركي جنب الماذون حس بضيقة الدنيا بصدره والنفس اختنق وهو يشوف ابو تركي جنبه بلع ريقه ومد يده يصافحه وهو يحس بطيور داخله تبي تطلع يبي يتحرر من هالمكان ويروح لها ويترك كل شي بس حكم الاقدار اقوى ردد وراه اللي يقوله ومد صورته ببطاقته واخذ الدفتر من يمينه وهو يقرا اسمها ووقع بسرعه وكأنه يتخلص من كل شي داخله — ياليت الايام في يديني وارجعها واعدل اشياء ماكانت على بالي - ريحان تزينت وطلعت لهم وهي تزف اختها وترش على فستانها العود ناظرت اخت تركي جنبها منحنيه بظهرها وباين الحيا عليها تنهدت بضيق ولفت تناظر امها تناظرها واختفت ابتسامتها لفت لها سما من حسن بشي وهمست:ريحان؟ ريحان تاظرتها:هلا سما؛وش فيها امي عليك؟ ريحان؛حتى تنتي انتبهتي! سما:وش صاير؟ ريحان:بعدين احكيك اتركينا نفرح للجين لفت لاختها اللي تلبس على راسها عبايتها مشت لها وابتسمت:الله يوفقك ياروحي انتي لجين ابتسمت:تعذروا لراشد لو ماكفاني الوقت ريحان هزت راسها وسلمت عليها ومشت لجين خرجت من البيت وركبت سيارة تركي وراشد واقف يناظرها تركب ولا حتى سلمت عليه نزل راسه للارض وانتظر صوت عبدالعزيز:تعال رفع راسه ومشى معاه لين بيت زهور ولف له عبدالعزيز:اسمع خلك ببيت عمتك اوسع لكم راشد هز راسه ولف يناظرها تخرج من باب البيت والبتول معاها وصد بعيونه حتى النظر يحرم عليه لغيرها البتول ابتسمت وهي تدخلها البيت وتطلع لراشد وتسلم عليه:يالله مبروكين مارد راشد ومشت مع عبدالعزيز تاركته واقف لف وناظر البيت وغمض عيونه بضيق نزل بشته ومشى لداخل وقفل الباب وهو يناظرها جالسه بالصاله وتناظر الارض وهاديه تعداها ودخل الغرفه وقفل الباب ولا وده ابد يناظر لها جلس على السرير وهو يناظر الشباك ونزل راسه - جراح انتظر وهو يراقب الطريق وراه وخرجت له وهي تمشي بشويش عن صوت بناجرها لا يزعج احد ابتسم لها من شافها تتسحب ووقفت قدامه وناظرته:زين مطلعني بالوقت؟ جراح مسك يدها؛تعالي ريحان مشت معاه وخرجوا من البيت متوجهين للجبل جلست وهي ترفع فستانها وتجلس زين ويجلس جنبها ناظرته وابتسمت:المفروض اخاف احد يشوفنا بس ليش مستأمنه معاك مدري؟ جراح ابتسم ولف لها بجسمه:وريني من اهدابك شوي يشبع النظر فيها نزلت شرشفها عن راسها وهي مبتسمه وجراح يتأملها اخذ نفس بحب كبير وهمس:للزين حد مير زينك تعداه نزلت راسها بحيا ورجعت ناظرته؛متى جراح؟ امي اتعبتني بنظرها جراح تنهد:ماعليك السالفه ذي بتنحل انا جنبك لا تخافين ريحان ابتسمت له براحه وهمست:من زمان مارقصت جراح مسك قلبه:وكنك تدرين بقلبي لوش مشتاق؟ ريحان تكت بيدينها وراها؛لوش مشتاق؟ جراح؛مشتاق لميلة الخصر وابتسامة الثغر - فارس جالس بالدكّه ويلعب بالتراب ويراقب القمر حس بخطواتها وابتسم وهمس بدون لا يناظرها:دريت انك بتجين لف وناظرها واقفه؛عشان كذا احتريتك هنا تنهدت من مكانها وعقد حواجبه فارس بابتسامه:لهدرجه فرقاي متعبك؟ فجر مشت له ووقفت جنبه:ليش كل مره ترجع يوم اقدر انساك واتلهى عنك؟ فارس:افا تنسيني؟ وانا حسبت ان مهما تزود الايام تذكريني فجر؛اترك الشعر وجاوبني فارس تنهد ووقف قدامها ونفض يده:هالمره اخر مره تشوفيني فجر عقدت حواجبها وفارس كمل:بروح لديرة اللي تكرهينها فجر:بريطانيا؟ فارس هز راسه وهمس:تعبت اطالب بشي المفروض هو لي من زمان فجر:ماهقيتك تستلم عن حب حبيبتك يافارس؟ فارس تقدم لها وتكلم بوجع:وانا ماهقيت مثلك فجر نزلت راسها ورجعت ناظرته:روح دربك سلامه ان شاء الله فارس:تحتريني؟ فجر؛خاتمي معك اظني بحتريك فارس ابتسم لها:اسمعيني يابنت الجبار عليك وعلي،ان كان لي عمر باخذك باخذك انتي منتي لاحد ثاني انتي لي لو عدت سنين طويله فجر بضيق تجمعت الدموع بعيونها؛اخاف قلبي يتعب من الشوق؟ فارس تنهد وكملت فجر ودموعها على خدها:تعبت اصبر واحتريك؟ فارس رفع يدينه لوجهها:اوعديني ماتبكين، كمل:فجر امسحي دمعك ترا دمعك انا؟ لو يطيح الدمع، محبوبك يطيح فجر غمضت عيونها واخذت نفس طويل وبعدت عنه كل مره تجيه بالوداع متى تجين للقى والزواج؟ - عبدالعزيز جالس بالغرفه ويناظر البتول:وش اسوي؟ البتول وهي تكبس رجلها:براحتك لو تبي ساري لسما وافق بس فارس بيجيك بعد يطلب فجر عبدالعزيز هز راسه؛ادري ولا ودي يروحون كلهم البتول:لو تبي نصيحتي ساري يستاهل سما اخذها وحافظ عليها لو غيره كان مدرس وش شوا عبدالعزيز عقد حواجبه؛محد يقدر يسوي شي لبناتي تنهدت البتول:ان شاء الله عبدالعزيز:تعالي انتي تعرفين شي؟ البتول:لا ابد حط راسك ونام عبدالعزيز سكت وهو يراقبها تنسدح وتتغطى اما البتول تناظر قدامها وتفكر في ريحان وجراح والمكان والموقف اللي شافتهم فيه ما ارتاحت ابد - ريحان ماسكه يده ولفت له:يالله بروح جراح؛لازم؟ ريحان ابتسمت:لازم جراح تنهد ورفع يدها وباسها:لا تقطعين ريحة الحنه عن يدينك تسمعين؟ ريحان هزت راسها وابتسمت جراح:يالله تصبحين على خير ياحبيبة الصبح ريحان ابتسمت له وفلتت يده ودخلت داخل قفلت الباب واختفت ابتسامتها بضيق من تذكرت امها متوعده لها اكيد بس ياليت تعدي على خير الامور - يوم جديد حط شنطته بسيارته ولف لجراح وابتسم وسلم عليه جراح:لا اوصيك انتبه لنفسك هناك فارس:لا تشيل هم جراح ابتسم ولف فارس لساري وضمه:انتبه لدراستك يادكتور ابتسم ساري من كلمته:وانت بعد انتبه لنفسك فارس هز راسه ولف ناظر البيت وراهم بضيق وكأنه قلبه يقول:لايانجوم اليل ماني بهاوي فرقاء مناة الروح لو طالت اسباب ينَاصحين القلب ماله مدواي غير الحبيب الي له القلب طلاب. تنهد وركب سيارته وخرج من البيت ولف ساري للبيت؛راشد ماصحى؟ جراح ناظر البيت وعقد حواجبه:اي والله ابطى ساري:بروح اشوفه جراح:لا لا اتركهم صاحي انت عرسان لف جراح على صوت فتحت الباب اللي قلبه دق منها ومن ناظرها شايله في يدها كوب وماسكه الشرشف على وجهها ابتسم ولف له ساري وضحك ومشى تاركه يناظرها مشى لها واخذ نفس بكل خطوه يناظر عيونها اخذ منها الشاهي وابتسم:صباحك خير ريحان ابتسمت:صباحك ريحان ان شاء الله جراح:كنت بزعل سقيتي الورد وخليتي حبيبك؟ ريحان:انسى وردي وريحاني ولا انساك مهبول انت؟ جراح لف وراه وناظرها:اجل تعالي معاي اكلمك ابوك ريحان بخوف:لا جراح وين اجي ناقصه انا! جراح؛ساري بيكلم ابوك وابوك شكله بيوافق لين متى انتظر؟ انفتح الباب ولفت ريحان وناظرت امها وبلعت ريقها اخذ نفس بثقه جراح وابتسم؛كيف حالك ياعمه؟ البتول ماردت ولفت لريحان:ادخلي دخلت ريحان وجراح يناظرها وتقدمت له البتول:عيال المدينه ماهم مثل عيال الديره؟ اخذ رشفه من الكوب جراح؛ليه وش فيهم عيال المدينه ياعمه؟ البتول:وراك ماتدري اني شفتك مع ريحان؟ جراح:داري وداري باللي قلتيه لها اللي محد يرضى به ابد البتول:لا تلعب بذيلك لو بنتي مسّها الضر منك والله لاحرق قلب امك عليك جراح اخذ نفس:بنتك اشرف من الشرف وانا ماني من عيال الحرام وابيها وبطلبها من ابوها بس انتظر الوقت المناسب البتول:اجل وش اللي جايبه لها؟ جراح ابتسم:شفتيه؟ البتول ناظرت ابتسامته وعقدت حواجبها جراح؛عجبها وابيها تلبسه لاحليت لها ان شاء الله وتزوجنا البتول ناظرت الكوب ورجعت ناظرته؛خلنا نخلص من ساري ونرجع لك جراح هز راسه؛ماوراي شي ابد البتول قفلت الباب وجراح ابتسم وشرب من الشاهي وهو يتلذذ فيه لفت البتول لريحان اللي عند الباب وصاده عنها :اسمعيني زين بكلم ابوك يشوف حل لصياعتك ريحان لفت لها بصدمه:انتي متأكده اني بنت بطنك؟ البتول:مع الاسف ولا انا مصدقه ريحان؛انتي تدرين بسما وتدرين بفجر وكنتي تعرفين من زمان انهم يطلعون بنص الليل ليش وقفتي علي انا؟ البتول:لانه ماهو زي ساري وفارس يبون من الباب ريحان:بس هو ولد عمي عايض والدم مايصير ماء ابد البتول تقدمت لها:اتركي امثالك التعبانن وتذكري انه خاطب وجاي من مدينه وشايف له شوفه يعني ماظنتي يبيك ريحان ابتسمت؛اجل خبرك عتيق فصخ خطوبته وتركها من زمان عشاني البتول:وانتي صدقتيه؟ اختفت ابتسامة ريحان وكملت البتول:يابنتي ماظنتي تطلعين غبيه وتصدقين ولد عمك المتربي باحسن مكان ريحان بلعت ريقها:ماتعرفينه كثري البتول:ما اعرفه صح بس لي خبره بالدنيا اكثر منك مشت وتركتها وريحان تناظر مكانها ماتوقعت ممكن تأثر عليها وتهز ثقتها بحبه - راشد صحى بسرعه وناظر حوالينه وانصدم من الوقت ومن انه غفى بدون لا يحس طلع من الغرفه وناظر الصاله فاضيه تنهد ومشى على صوت بالمطبخ دخل وناظرها واقفه عند الفرن ومعطيته ظهرها اخذ نفس وتنحنح ولفت له بربكه ورجعت تناظر الفرن مشى لها راشد وهو يدور عذر؛غفيت وماحسيت وين نمتي انتي؟ اماني:بالصاله راشد بلل شفايفه ومشى بيطلع لفت له؛ماتبي تفطر؟ راشد ناظرها:ماني متعود افطر افطري لوحدك بالعافيه تركها وخرج واماني ظلت تناظره لين خرج طلع من البيت وناظر ساري ومن ناظره:وينك انت كل ذا نوم؟ راشد؛ماحسيت بالوقت ساري ابتسم:كيفك ياعريس؟ راشد ناظره وساري رفع حاجبه:ماتبي احد يقولك الصدق؟ راشد؛لا اتركنا مني وين ابوي؟ ساري:بالمجلس امش معاي كنت استناك اكلمه راشد هز راسه ومشى ودخل المجلس وناظره جراح عبدالعزيز:ارحب يا ابو عبدالعزيز ناظره راشد باستغراب وجلس وجلس جنبه ساري ساري اخذ نفس:خالي عبدالعزيز تنهد وناظره؛نعم؟ ساري ابتسم؛شدعوه معطيني هالوجه وكنك غضبان؟ عبدالعزيز؛لانك ازعجتني انت واخوك ساري:اوعدك ماني زاعجك ابد بعد ما توافق عبدالعزيز:شتبي؟ ساري؛بغيتها مابغيت شي ثاني غيرها عبدالعزيز ناظرهم وجراح ابتسم:عمي البنت بدت بدراستها عبدالعزيز اخذ نفس بتفكير:عطني سبب اوافق؟ ساري ابتسم؛شاريها وجايك من الباب عبدالعزيز نزل راسه ورجع ناظره:واخوك؟ ساري:ماعلي من اخوي انا اللي طالب الحين عبدالعزيز ناظر جراح ورجع ناظر راشد:تم رفع راسه بصدمه راشد وجراح ابتسم بفرحه عبدالعزيز:والحين قوم عني ساري ابتسم ووقف بيروح ووقفه صوت عبدالعزيز :بس بشرط؟ لف جراح واختفت ابتسامته وعقد حواجبه عبدالعزيز :لايدري فارس ولا تعطيه خبر لف ساري لجراح ورجع ناظر خاله؛وش يعني؟ عبدالعزيز:مفهومه فارس لا يدري جراح؛كيف مايدري ما يحضر زواج اخوه يعني؟ عبدالعزيز:لا راشد ساكت ولا تكلم ويناظرهم بضياع ساري:وليه فارس بالذات؟ عبدالعزيز:لاني رديته خمسين مره ولا ابيه يجيني يعاتبني راشد همس:ثلاث وخمسين لف عبدالعزيز وناظره ورجع ناظر ساري اللي تكلم بضحكه :اخوي ومستحيل ما يحضر زواجي عبدالعزيز:اجل كنسلنا جراح:عمي منجدك انت؟ عبدالعزيز:شايفني مستانس وانكت؟ جراح لف لساري اللي يناظره بصدمه مشى ساري وجلس قدامه وتكلم بهدوء:وليه وافقت علي انا وخليت فارس؟ عبدالعزيز:انت صنت بنتي هناك وحافظت عليها واستحيت اردك ساري:وما استحيت ترد فارس ثلاث وخمسين مره؟ عبدالعزيز ابتسم:ساري يمديني اغير رايي ولا هميتني ابد ساري ظل يناظره ولا يقدر يتكلم ومشى وخرج برا ولحقه راشد وجراح ناظرهم ومشى وراهم وخرج راشد مسك يد ساري وهو يمشي ولف له؛شتبي؟ راشد؛بتخّون باخوك؟ ساري مارد وصد بعيونه ووقف جراح جنبهم راشد:اصحك ساري لا تنهبل اخوك ذا ساري:وش تبيني اسوي عطني حل ابوك خيرني بعينيني وحده سما والثانيه فارس جراح:اسمع ساري اذا تعز اخوك لا تتزوج لين يعرف او خله يرجع يمكن هو يضحي عشانك؟ ساري:مستحيل جراح فارس يبيها ولو جاته فرصه بيبدي نفسه علي جراح؛اجل بدّ نفسك عليه راشد:جراح؟ جراح ناظر راشد:راشد اطلع انت من الموضوع شوف حياتك شلون صايره وتجي تنصح بعد؟ راشد سكت بجمود وساري ناظره؛راشد ليش ما تتكلم انت بفهم! راشد مارد عليهم ومشى بيروح ومسكه جراح:لا تنزل راسك وتروح اذا ماعجبك الكلام وقف وخلك رجال ولك كلمه راشد ناظره بعصبيه وهمس:انا رجال من قبل اعرفك جراح:اجل خذ العلم عماد حدد زواجه جمدت ملامح راشد وساري ناظره وبلع ريقه وجراح رفع حاجب - سما جلست قدامها بالسطح:وش صاير؟ حكيني ريحان بخوف هزت راسها:ما ادري سما:كيف ماتدرين وش فيك؟ ريحان ناظرتها وبلعت ريقها:امي شاكه فيني؟ سما عقدت حواجبها:شاكه بوش؟ ريحان همست:شاكه انه صار بيني وبين جراح شي سما انصدمت وجلست باعتدال:ليش؟ ريحان:شافته يعطيني لبس لبس عاري وحق رقاصات سما رفعت يدها على فمها:وانتي كيف تسمحين له يعطيك شي كذا؟ يحّل لك؟ ريحان هزت راسها وسما ناظرتها بحده:رجعتي ترقصين له؟ ريحان ناظرتها وعقدت حواجبها:وش فيك عصبتي؟ سما:لانك رخيصه ريحان عصبت وتقدمت لها؛نعم؟ سما:اي رخيصه وصادقه امي يوم تهينك ريحان اصحي على نفسك ذي ماهي تربيتنا الولد لا يلعب عليك واضحه نيته ريحان بعصبيه رفعت صوتها:انا الرخيصه ومن اللي شالت قشها وذلفت للمدينه؟ انا؟ رفعت حاجبها سما؛على الاقل رحت بشرفي ورجعت فيه صفقتها كف ريحان بعصبيه ورجفه ومسكتها من رقبتها:لا تطعنين بشرفي عشان رقصت لاني والله الدم اللي تفاخرت فيه قدامه وما بيتحول ماء بخليه تراب سما ناظرتها بصدمه وريحان مشت من جنبها ونزلت من السطح بسرعه نادتها فجر وماردت وعقدت حواجبها باستغراب خرجت ريحان بسرعه وهي تلف شرشفها عليها ومشت للبيت ودقت الباب بقوه وهي تلهث بسرعه وترجف فتح الباب وعقد حواجبه وناظرها بصدمه:شفيك تدقين الباب كذا؟ دفته ودخلت وناظرته بحده:الكل لامني فيك ياجراح ياولد عمي الكل تكلم فيني وطعني بشرفي عشانك جراح رجع على ورا وهو مصدوم ولا فاهم شي ريحان تقدمت له بغصب ومدت اصبعها والدموع بمحاجر عيونها :لو فكرت تتركني بهالمصيبه لحالي والله ما ارحمك وادور لك بكل مكان جراح هز راسه:ريحان انتي وش قاعده تقولين؟ ريحان نزلت دموعهاوهي معصبه:لا تناديني باسمي جراح تنهد وتقدم لها:من لعب بمخك؟ من قال لك اني ماني حبيبك وماني قد الثقه ريحان؛الدنيا واقفه ضدي اهلي خواتي كل شي حولي يخليني احتار بامرك جراح قفل الباب ورجع ناظرها:انا الاسبوع الجاي تنتهي اجازتي ريحان عقدت حواجبها؛طيب؟ جراح؛لا تخليني اروح وبيننا مشاكل وشك ريحان انصدمت ورفعت حواجبها:اوه بتروح؟ جراح؛بروح وارجع ماني مخليك يابنت الناس ريحان حست بالضياع ودارت الدنيا فيها من حست استرجعت كلام امها وتقدمت له ومسكته من ثوبه بقوه وناظرها بصدمه:حلفت اني لاحرق قلبك لو تركتني جراح دف يدها:انتي انهبلتي لا جد وش صاير لك؟ ريحان هزت راسها ومشت بتروح وسحبها جراح ولفها له ناظرها من قريب واخذ نفس يهدي نفسه:وش تبين يرضيك؟ ريحان ناظرته ولاردت وجراح ردد كلامه:قولي وش تبين؟ ريحان؛تخطبني وتفكني من كلامهم جراح هز راسه ورفع اصبعه على خشمه:وعد رجال ريحان بلعت ريقها وهي تناظره ودفت يده ومشت وخرجت من البيت تركته وهو تافف وقفل الباب وراها وجلس وحط يدينه على راسه - راشد واقف بالبيت ويناظر الشباك وجامد بلعت ريقها بربكه وهمست:جيعان؟ لف عليها وناظرها من بعيد تفرك يدينها ورجع صد وهز راسه بالنفي اماني:ما اكلت شي من اول راشد؛ادري اماني غمضت عيونها وهمست:بنجلس كذا؟ لف لها ورفع يدينه لصدره وضمها:وش تبينا نسوي؟ اماني هزت كتفها؛بنقعد بالبيت؟ راشد رفع اصبعه؛هذاك بيت اهلي روحي لهم ووسعي صدرك اماني ابتسمت باستغراب؛انت فيك شي؟ راشد هز راسه؛اي عشان كذا اقولك روحي لاهلي اماني بلعت ريقها وهزت راسها ومشت وتركته اول ماراحت قفل عيونه وهو يتذكرها عض شفته وجلس وهو ماسك راسه يوم فكر يضحي ويروح لها سبقته وراحت هي انانيه والا معاها حق هي تبيه والا تكابر مافهمها ابد وكل اللي يخطر بباله شكلها عروسه مستحيل ينسى ابتسامتها وجياتها له باكل دواس تسقيه وتطعمه عذر انها تشوفه - كوثر ناظرت الباب ينفتح وشالت المخده عن بطنها الهنوف ابتسمت بارتباك ودخلت جلست جنبها وكوثر لفت لهت:شفيك خايفه؟ الهنوف:لاني مدري وش فيك؟ كوثر:مافيني شي الهنوف:فيك شي وانا متأكده كوثر:كلمتك ام عماد! الهنوف هزت راسها:توها قفلت كوثر:كلمني عماد امس وقال انه يبي يتحدد الزواج الهنوف:وانتي وافقت؟ كوثر؛اكيد والا ماكانت كلمتك امه الهنوف تنهدت:يمه كوثر تدرين اللي يشوفك وش يفكر؟ كوثر صدت ولاردت عليها الهنوف:اثنين الاول ان العروس مسحوره والا معيونه ضحكت كوثر بدون نفس ونزلت راسها الهنوف:والثاني ان قلبها مايبي العريس اختفت ابتسامتها ولفت ناظرتها والهنوف رفعت حاجبها :اذا ماتبينه قولي محد بيجبرك لا انا ولا اخوك بلعت ريقها كوثر وصدت:مو اني ما ابيه بس احسه ماهو مثل قبل الهنوف مسحت على شعرها:كيف مو قبل كوثر بضياع؛ما اشوفه زي ما اشوفه زمان ما اتلهف له زي زمان الهنوف عقدت حواجبها؛وش اختلف؟ تغير عليك؟ كوثر هزت راسها:لا زي ماهو الهنوف:اجل وش فيك؟ هزت كتوفها؛ما ادري الهنوف تنهدت بضيق:الحين بتطلعين معه زي زمان وتقضين وقت اطول معه يمكن يتصلح كل شي كوثر ابتسمت؛لا تشيلين هم روحي نامي لا تفكرين الهنوف وقفت وتاففت:انتي واخوك اشغلتوني والله كوثر ماردت عليها والهنوف لفت لها:تصبحين على خير كوثر:وانتي من اهله قفلت الباب وكوثر ناظرت محلها وغمضت عيونها بضيق رجع انفتح الباب وفتحت عيونها بسرعه الهنوف ضحكت:عماد تحت يبيك كوثر عقدت حواجبها ومشت وطلعت وناظرته واقف عند الباب وينتظرها وراسم على محّياه بسمه وشايل بكفوفه ورد ابتسمت الهنوف وهي تناظرهم وواقفه تترقب ردة فعلها عماد عقد حواجبه وهو مبتسم؛شفيه صاحب الورد؟ كوثر لفت وناظرت امها ورجعت ناظرته وهمست:مابي ورد تنهدت الهنوف ونزل راسه عماد ورجع ناظرها بضياع كوثر بلعت ريقها وهزت كتفها:مو ذا اللي ابيه وقصدت بكلامها الشخص مو الورد بي ما كان مفهوم لا لعماد ولا لامها - ساري انتظر عند الباب وخرجت له بخوف:وش فيك؟ ساري: وش فيني؟ سما؛منادي امي تناديني؟ ساري اخذ نفس وهمس:اطلعي بتكلم معك سما استغربت وخرجت وقفلت الباب:وش صاير؟ ساري:ابوك وافق انصدمت وهمست؛احلف؟ ساري:وشرط سما تنكدت من شكله؛وش شرطه؟ ساري؛ما يكون فارس معه علم ابد سما عقدت حواجبها؛ليش؟ ساري:مايبيه ياخذ فجر سما مسكت راسها؛وش هالطلب؟ ساري:اتعبني التفكير ولا قدرت اخذ قرار مابينك وبينه سما صدت عنه ورجعت ناظرته؛ولو قلت لفارس تتوقع يجي؟ ويطلب فجر؟ ساري:اكيد وما بيفكر باحد غيرها سما بلعت ريقها:وانا ابي لاختي الزين ساري ساري:واحنا؟ ودراستك؟ سما:ما اقدر اخون باختي فارس يبيها من زمان وهي تبيه ساري:مارح يوافق خالي لا لي ولا له سما؛اجل وش الحل؟ ساري:خلينا فينا سما ماعاد فيني قوه ارجع بدونك فرصه جات لين عندي ماني قادر ارفسها سما:وفجر ساري ساري:وفارس بعد، بس ما اقدر سما اخليك سما بضيق همست له:تبديني على اخوك؟ ساري:امي ماتبي تطول هنا وفارس سافر ولا ادري متى يرجع خلينا نتزوج سما خلينا نترك كل شي ورانا وفارس لو رجع بيلقى نصيبه زي مالقيتك سما نزلت راسها ورجعت ناظرته؛بكلم فجر ساري: وش تقولين لها سما راشد تزوج عشان اختك وفجر اكيد بترضى عشانك هذي الحياه لازم واحد يضحي والثاني يعيش سما؛حرام اكون انا عايشه وهي هنا ساري ساري:اجل كلميها بس انا عند كلامي ماني راجع بدونك برايك او براي فجر سما تنهدت ورفع يدينه ساري باستسلام | ||||
|
| |
|
18-01-20, 05:42 AM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| القسم الثامن عشر - جراح اتعبه التفكير ولام نفسه الف مره وهو جالس لحاله وقف وخرج من البيت وهو يبيس حذيانه مشى ودق الباب وخرجت له سما:هلا جراح:وين ريحان؟ سما صدت بعصبيه ورجعت ناظرته؛مي موجوده جراح ناظرها وابتسم باستغراب:وانت شفيك علي بعد؟ سما؛روح دور لها قفلت الباب وجراح ناظر الارض ومشى بسرعه خارج من البيت اتجه للجيل وهو يسمع نحيب غمض عيونه واتجه لها ناظرها تبكي بشرشفها ومغطيه بيدينها على وجهها وقف عندها وبلع ريقه وهمس:لا تبكين سكتت ثواني ورفعت راسها له بدموعها وناظرته جراح ميل راسه بضيق:لا تبكين عشاني ريحان:مو عشانك عشاني انا اللي جريت وراك ولا اهتميت لشي جراح مسك يدينها ورفعها توقف ولا رضيت توقف فكت يدينها وناظرته واقف:شتبي راجع؟ يا اخي انت اعمى؟ جراح جلس قدامها وريحان تناظره بعتاب:انت اعمى! ماتشوف حبي لك وش سوا فيني؟ ووين وداني؟ جراح مارد عليها ويناظر دموعها ومكسور قلبه عليها ريحان؛ما اهتميت لشرع الله ولا لعيب التقاليد مشيت وراك وتميايبت قدامك وانت ولا تحس! جراح؛من قال! يابنت الناس انا ماقلت اني ابيك؟ ماقلت اني شاريك وبايع دنيتي وراي! ماقلت اني فصخت خطبتي عشانك؟ اذا ما كفاك الكلام بوريك الافعال بس اصبري ريحان:لين متى! لين يرجموني بالحصى كني مسويه حرام؟ جراح مسك وجهها من كلمتها وهزها بقوه:ريحان انتي ماسويتي شي تسمعين! يكفيك دموع احرقتي اهدابك منهم ريحان ماردت عليه وصدت تمسح دموعها وتناظر المكان لف جراح وناظر لمبة غرفه من البيت اشتغلت لف لها وهمس:روحي ارجعي مابي احد يشوفك ريحان وقفت وتركته وهي تمشي بهدوء وتناظر الطريق وجراح جلس وتنهد ومسك راسه يفكر شوي بطريقه عشان امه اولاً وعشان عمه اللي مايدري عن راييه - كوثر لفت تناظر عماد يحتاسب ولفت تناظر المحل والاثاث اللي مرتب وموزع بالمحل بشكل حلو مشى لها عماد وهو يحط الفاتوره بجيبه:عجبك شي؟ كوثر هزت راسها بالنفي:لا خلنا نروح مشى وخرج وفتح لها الباب وركبت وركب جنبها وحرك لف لها وتكلم بهدوء:الاغراض اللي معانا بوديها شقتنا الحين كوثر:وصلني البيت قبل عماد؛ليش؟ مابنطوب بحط الاغراض ونروح نتعشى كوثر همست:ماني جوعانه عماد؛شي خفيف سكتت وصدت للطريق وعماد يناظرها ويناظر الطريق وهادي وقف عند الشقه ولف لها؛انزلي كوثر ناظرته؛خلاص ودها وتعال بنتظرك هنا عماد:لا ماني مخليك بالسياره لحالك بالليل كوثر:بقفل علي روح عماد؛واذا قلت ابيك تجين معاي؟ سكتت ثواني تناظره وفكت الباب ونزلت وهي تناظر الشقه مشى قبلهع وهي يطلع المفاتيح ويفتح الباب ويلف لها ابتسم ومشت قبله وهي تناظر الشقه ظلام فتح الانوار وقفل الباب وابتسم:شرايك؟ ناظرت الجدران والمكيفات وريحة البيت بويه وغراء فرش لفت له وهزت راسها:حلوه حط الاكياس اللي بيدينه ومشى ومسكها من كتوفها:تعالي اوريك مطبخك مشت معاه وفتح المطبخ وهي مبسوط ويدلها على الدولايب لف وناظرها:باقي الثلاجه قريب بنروح نشتريها مع الغساله كوثر ماردت عليه وعماد تنهد ومشى لها؛اذا مو عاجبك شي قولي لا تسكتين كوثر:لا كل شي تمام عماد:اجل فيك شي؟ هزت راسها بالنفي وابتسمت له وهو من ناظر ابتسامتها قرب لجبينها يبوسها ورجعت خطوه بارتباك على ورا عقد حواجبه باستغراب وناظرها؛شفيك اخترعتي؟ كوثر بلعت ريقها:مو لازم نقرب من بعض هالفتره عماد رفع كتفه؛مابقى على زواجنا شي وانا كنت ببوس جبينك وين الغلط؟ كوثر رفعت عينها له وباندفاع؛مابي قلت واصلاً جيتنا لهنا سوا غلط والحين رجعني مشت وتركته وعماد يناظرها باستغراب وتفكير ولحقها - راشد فتح الباب ودخل بجمود وهو ساهي وقفل الباب وناظرها واقفه وبيدها صينية ناظرته ودخلت المطبخ ولا تكلمت وهو اخذ نفس ومشى للصاله رمى شماغه من على كتفه ورخى راسه على ورا سمع صوت الفرن وريحة الاكل طالعه منه وغمض عيونه مسك بطنه لا شعورياً من الريحه الزكيه وقف ومشى للمطبخ وطل وكأنه طفل صغير يتفقد الوضع ناظرها تترقب استواء الصينيه بالفرن وتناظر انعكاسه بالفرن قفلت الفرن ووقفت وهي تطلعها وتقطعها وهو يتقدم لها بحذر ويراقب الاكل بالصينيه وابتسم:خبزه؟ ماردت عليه وحطتها بالصحن ومشت بالصحن لبرا وراشد يراقبها وساكت رجعت دخلت واخذت الكوبين وجات بتطلع وناظرته واقفه وهمست:مابتجي؟ هز راسه ومشى وراها وحطت الكوبين بالصاله على الارض وتربعت وبدت تاكل من الخبزن وتغمسها بالشاهي ناظر اصابعها تغمسها بالشاهي ورجع ناظرها:مو حار على اصابعك؟ اماني من دون لا تناظره هزت راسها بالنفي وراشد بدأ ياكل وهو يتلذذ بالطعم ورجع ناظرها:ما توقعتك تعرفين لها؟ اماني ناظرته؛مو بس هنا تسوونها حتى بالحفر نسويها راشد بفضول ناظرها:ما حنيتي للحفر؟ اماني بلعت اللقمه وناظرت الاكل:حنيت لكل شي زمان راشد سكت ثواني واكل لقمه ورجع ناظرها:منتي مبسوطه الحين؟ اماني ابتسمت وناظرته:متأكد ان السؤال خرج من فمك بكامل قواك العقليه؟ والا تحت تأثير الخبزه! راشد رمى لقمته وتنهد وصد عنها واماني رفعت حاجبها :معليش والله نغصنا عليك الاكل واسئلتك الغبيه نسيت اني خدامه هنا اطبخ واغسل ولا اسأل عن شي راشد ناظرها بحده؛من قال انك شغاله؟ اماني:مو لازم تقول واضح لك ولامك ولاهلك انت حتى ما ناديتني باسمي من يوم ما تزوجنا وذا ثاني اسبوع لنا راشد صد بعيونه ولارد عليها واماني وقفت :اذا انت جبان تتكلم بالحقيقه انا ماني زيك ادري ان زواجنا حبكه عشان زواج اخوي واختك وطلب من ابوي وابوك بس هذا نصيبنا ومضطرين نمشي بالطريق راشد ناظرها بصدمه من كلامها ووقفتها وثقتها ولا تكلم ابد اماني ظلت واقفه دقايق ومشت ودخلت داخل وقفلت الباب تاركه الاكل قدامه والشاهي يتبخر دخانه متروك بالارض - سما دخلت المطبخ وناظرت ريحان تعجبن وصدت عنها ومشت للمغسله تاخذ المواعين ترجعها بالدولاب ناظرتهم فجر وابتسمت:اووه زعلانين؟ ماردوا عليها وفجر ضحكت:تستقبلين اختك كذا ياريحان؟ ريحان ناظرتها بحده وصدت عنها فجر؛من زمان ما تزاعلتم اذكر اخر مره بالمتوسط عشان المشط ماردوا عليها وفجر تنهدت:الحين انا اللي انتركت مره ثانيه مو انتم سما رفعت راسها وناظرتها بضيق وريحان بلعت ريقها وسكتت فجر ابتسمت لهم:يالله معوضين خير يارب سما حطت المواعين من يدينها ومشت ووقفت عند فجر:فجر رفعت راسها فجر وناظرتهم ريحان باستغراب سما بلعت ريقها:تحبيني؟ فجر عقدت حواجبها ولفت لريحان ورجعت تناظرها سما:تعزيني لدرجة تبديني على نفسك؟ فجر هزت راسها:مافهمت وش هالسؤال! جلست سما قدامها ومدت يدينها لها وفجر مستغربه وتناظرها سما بضيق:ابوي شارط علينا شرط انا وساري فجر جمدت محلها وبلعت ريقها بخوف وريحان فلتت يدها من العجين وعقدت حواجبها تبي تسمع سما بلعت ريقها وهمست :الشرط يخصك انتي ولو وافقتي بنتزوج انا وساري فجر ضحكت باستغراب وخوف:انا شدخلني؟ سما:ابوي شرط مايدري فارس عن زواجنا بققت عيونها ريحان وفجر ظلت تناظرها جامده ريحان؛على كيفكم هو؟ سما:خليك بنفسك انتي لا تتدخلين بيني وبين اختي ريحان ضحكت:لا ياشيخه اختي؟ تبين تعرسين وتخلينها هنا؟ سما:ريحان مالك دخل ياخي لا تتدخلين لفت لفجر وبلعت ريقها من شكلها؛فجر ابوي مايبي تتزوجين الحين اكيد ماقال كذا الا يبيك تجلسين عنده وتدارينه وانا وراي جامعه فجر ماردت عليها وريحان وقفت وناظرتها بحده :روحي ادرسي وخليها هي خدامه هنا لين يرجع الكافره فارس وهي تعنّس هنا انانيه من يومك سما وقفت وناظرتها بحده:على الاقل ما اترقص قدام اي احد وارخص بنفسي ريحان صفقت بيدينها مليانه عجين:بتتعدين حدودك معي انتي شكلك فجر؛وانا؟ سكتوا وناظروها وفجر رددت الكلمه:وانا طيب؟ مافكر فيني ؟ سما بلعت ريقها وتكلمت بهدوء؛اكيد وانتي تدرين انك اعز وحده على ابوي فجر رفعت يدينها بضعف:ثلاث وخمسين مرره صدت ريحان بعصبيه ومسكت راسها بقوه فجر:ثلاث وخمسين مره طلبني وبغاني قبل الدراسه وبعد الدراسه قبل الزواج وبعد الزواج كم مره يبيه يطلب؟ لمتى يبينا ننتظر جبروته ينهز ويطيح! سما ماتكلمت وهي تناظرها بخوف عليها فجر:ماني موافقه سما تقدمت لها بسرعه؛لا تكفين فجر تكفين لا تسوين فيني كذا فجر وقفت ودفتها؛ماني موافقه والله لو تزوجتوا لادق عليه واخليه يجي سما؛فجر انا اختك فجر باندفاع؛وانا اختك بعد وانا بعد اختك سما تجمعت الدموع بعيونها:دراستي؟ فجر همست؛حبي! سما غمضت عيونها ونزلت دموعها بضيق وفجر ناظرتها وتكلمت بهدوء:انا ماني ضعيفه زي راشد واتنازل عن حبي عشان وحده من خواتي سما ماردت وهي تبكي بدون صوت وريحان تكلمت بعصبيه:يدري ابوي يدري انك مارح توافقين عشان كذا شرط هالشرط متى ينهدم هالرجال ويفكنا ماردت عليها فجر وخرجت من المطبخ وسما جالسه ولامه نفسها وتبكي ماتوقعت فجر توقف ضد حياتها ودراستتا ابداً ناظرتها ريحان بضيق ومشت بتجلس جنبها وكابرت وتركتها وخرجت من المطبخ تاركتها تبكي جنب العجين بدال ما تكون جنب الكتب والدفاتر تذاكر وتستعد لاختباراتها - يوم جديد ساري هز رجوله ينتظرهت تطلع وانفتح الباب وفز تقدم لها:سما! ناظرته بضيق ولا تكلمت وساري فهمها وابتسم:مستحيل! ما وافقت؟ سما بضيق نزلت راسها:خلاص ساري ساري:وش خلاص ساري؟ وش خلاص؟ يعني خلاص كيف هذي؟ سما؛يعني خلاص ابوي عرف يلعبها ويشرط هالشرط يدري بفجر ساري:خلاص حبنا؟ خلاص دراستك؟ خلاص حلمنا وبيتنا؟ سما بلعت غصتها وهمست:حلفت تكلم فارس وما اتوقع بترضى من امس اسمعها تبكي ولا نامت ساري بعصبيه؛انا ضحيت باخوي هي ماتضحي سما:لا ماتضحي ولو انا مكانها ماضحيت بك عشان احد ساري مسك راسه وناظرها؛وفارس؟ سما:شفيه فارس؟ ساري:لو اكلمه تتوقعين يوافق ولا يجي سما؛اذا هو طالبها ثلاث وخمسين مره مابيجي والفرصه عنده؟ ساري صد بضيق وحط يدينه على خصره بتفكير سما همست:ارجع طولت عن جامعتك وفاتك الكثير ساري لف لها وسما كملت بنفس الهمس:خذ امك وارجع ساري ساري ناظرها وهز راسه بالنفي وسما اخذت تنهيده طويله وهي تناظره وابتسمت:روح وارجع دكتور وانا بتعذر عشان تعالجني ساري مارد عليها وهو يناظر ابتسامتها البارده سما مشت وتركته وقفلت الباب وراها وساري جلس بالارض - جراح قفل ازرار ثوبه وهو يلملم اغراضه ومشى طالع من البيت قفل البيت ومشى بينزل من الدرج وناظرها جالسه نهاية الدرج وقف ثواني ونزل ووقف جنبها:ريحان! ناظرته ورفعت حاجبها؛اوه رايح ومعزل شكلك؟ جراح:لا ماني راسح ومعزل بس بجلس يومين وارجع ريحان وقفت وناظرته بحده؛عبالك بتمشي علي هالنكته؟ جراح مسك راسه:ياريحان خلاص يكفي وش صاير معك؟ ريحان؛صاير معي اني اشوف الخيانه بعيوني جراح؛مافي خيانه وانا راجع وهذا بيتنا ريحان:بيتكم اللي بالxxxx للبيع؟ جراح:قلتيها للبيع وبعد ما انباع يعني مارح اخليه ريحان؛تخليه وانا؟ جراح بعصبيه:ريحان لا تصيرين حنّانه خليني الحق على دوامي ولنا كلام اذا رجعنا مشى بيروح وريحان تكلمت بصوت يسمعه:بياخذوني المستشفى يتأكدون جراح لف وناظرها وريحان كملت؛وقتها ماني مسامحتك جراح ماقدر يرد عليها وركب سيارته وحرك تاركها وريحان عضت شفتها بعصبيه ومشت راجعه للبيت قابلت امها بوجهها:راح جراح؟ صدت بعصبيه والبتول ابتسمت:ماسلم علينا ريحان؛لا تبدينها معي البتول:احنا بدينا من زمان ريحان:شتبين؟ البتول:كلمي امك زين اول ريحان ماردت عليها وهي متكتفه والبتول همست:تروحين مع راشد المستشفى ريحان صرخت بوجهها:ماني رايحه والله مااروح ركضت وتركتها والبتول ناظرتها بحده وتكلمت بصوت عالي :تروحين ورجولك فوق رقبتك بعد قفلت الباب بقوه ريحان وهي معصبه وجلست بالارض تاكل نفسها بالتفكير - جراح بالطريق يسوق وماسك الدركسون وراسه باليد الثانيه يراقب الطريق ويفكر بدوامه وكيف بيرجع مسافه طويله للبيت بالديره عشانها وكيف يرضي امه ويقنعها بريحان اللي للحين مادرت اصلاً ولا فاتحته بالموضوع طول بالتفكير وماحس الا ببيته قدامه وقف ونزل من السياره مستعجل لدوامه دخل ولفت الهنوف وابتسمت؛هلا ياعمري جراح ابتسم؛هلا فيك شلونك؟ باس راسها والهنوف ابتسمت بحب:حمدلله جراح؛اجل وين كوثر؟ الهنوف تنهدت:فوق انت وين رايح؟ جراح؛دوامي مستعجل مابي اتأخر بعد اجازتي الهنوف:اي روح ياعمري وينتظرك الغداء ابيك بموضوع هز راسه ومشى لغرفته ودخل الغرفه وناظرها وكأنه رحع لحياته القديمه غرفته والمدينه وشغله والحداثه بحياته بعيد عن ريحة الريحان وكباية الشاي - فارس دخل المطعم وهو يدورها بعيونه وحاط يدينه بجيوبه ناظرها تشيل الطلب بيدينها وتسأل عن المنيو لفت ومن ناظرته اختفت ابتسامتها ومشت بسرعه مسك يدها وتكلم:سابين فلتت يدها بقوه:اغرب عن وجهي هنا مكان عملي فارس:اعلم انه مكان عملك جئت لكي نتصافى سابين:بعد طردتك لي؟واهانتك لي امام عائلتك؟ فارس:عذراً 10 دقايق فقط امهليني تاففت ومشت فصخت المريله ومشت معاه برا المطعم وقفت وهي تناظر قدام وصاده عنه فارس:جئت لنحل الموضوع بشكل ودي وننتطلق سابين:وانا كنت اظن انك تريدني الا الان فارس:وجود اختلاف الاديان والتقاليد لا يمكن لزواجنا ان يستمر بها سابين ناظرته بحده؛بدون مقابل؟ فارس؛سوف اكمل الاجراءات والمبلغ فقط لا اريد مشاكل اكثر سابين:تعادلنا ولكن ليس اليوم تعال الي غداً بعد دوامي ونتكلم هز راسه فارس ورجعت دخلت وفارس تنهد وهو يناظر الجو والمطر الخفيف اللي على المحل - فجر تغسل الصحن بيدها بقوه ولا تناظر حولها ابد مشت لها ريحان وناظرتها بضيق وهمست:محنا متوفقين ابد فجر ماردت وهي تغسل الصحن بقوه وريحان بضيق رفعت كتوفها:لا راشد ولا نحنا توفقنا بشي تدرين ليه؟ فجر ماردت عليها وريحان كملت:لان لا امي تدعي لنا ولا ابوي يساعد الدعاء يستجاب فجر رفعت يدها ومسحت دموعها بقوه ورجعت تغسل الصحن ناظرتها ريحان وهمست:فجر من اول تدعكين هالصحن لا ينكسر بيدك فلتت فجر بالمغسله ونزلت راسها وهي تبكي وريحان بلعت ريقها وضمتها بضيق وفجر تبكي وجلست على الارض وريحان ضامتها واخذت تنهيده طويله لفتها ريحان وناظرتها بحده؛خلي ساري وسما يتزوجون وبيوم الزواج كلمي فارس يجي ويوقف هالمهزله فجر همست لها:ما اقدر ماني قويه انا قدام ابوي ولا فارس قوي قدام احد ريحان؛حبكم قوي لدرجة انه طلبك بالستين مره معناته قوي حبكم ومتمسك فيك ولو عرف بيجي ويهد البيت علي فيه فجر بلعت ريقها ونزلت راسها ورفعته ريحان:فجر عُمرك لا تسنين احد ياخذ لك حقك وقفي قدام ابوي وامي وكل العايله وتزوجي زيك زي الناس الباقين فجر تنهدت وتكت بظهرها وهي تناظر الفراغ وريحان بضيق جلست جنبها:وانا مدري وش مصيري فجر ناظرتها وعقدت حواجبها وكأنها تقول كيف نسيت امر اختي :وين جراح؟ ريحان؛راح فجر بلعت ريقها وعقدت حواجبها اكثر وريحان ناظرتها؛راح سكتت فجر ولا تكلمت ومشت ريحان برا المطبخ تاركتها تفكر - جراح ناظر مكتبه ومسك راسه ماتعود على الشغل اخذ فتره طويله وهو بمكان هادي وريحه جميله صفى ذهنه بعد موت ابوه وشاف احلى ملاك بحياته رجع ظهره على ورا من تذكر ريحان وناظر جواله لو بإمكانه يكلمها ويكون معها جوال كان انحلت اموره حس ان الاوضاع بدت تزيد سوء هذا وهي مابدت ترك شغله على مكتبه وركب سيارته وحرك راجع للبيت واول ما وقف تنهد ولف يمينه وناظر المقعد الخلفي والكيس اللي موجود وتجاهل ربكته وذكرياته ونزل نزل ودخل البيت وناظر امه:جيت بدري جراح هز راسه:اي ماتعودت على الشغل تعبت وجيت الهنوف شالت الريموت على جنب:بحط الغداء وانادي اختك بس قبلها بتكلم معك جراح؛عساه خير الهنوف:اكيد خير مو بنفتك من الديره والبيت اللي هناك عقدت حواجبه جراح؛وش صاير؟ الهنوف:بنت خالتي تعرفها اللي متزوجه رجل الاعمال ذاك؟ جراح هز راسه باستغراب وكملت الهنوف:كلمتها على البيت وورت زوجها صور البيت ويبيه جراح بلع ريقه :كيف يعني؟ الهنوف:يبي يشتريه منا بأي سعر عاجبه ويبي يصيف فيه هو وعايلته جراح:امي مالقيت الا الحين تحرجين للبيت؟ الهنوف:ليش خلاص رجعت لدوامك انت شتبي تروح هناك؟ جراح سكت ونزل راسه ورجع ناظرها:امي انا قلت لك اني ابي وحده من بنات عمي الهنوف مسكت راسها وصدت:عبالي نسيت جراح:لا مانسيت وابيها وانتي راضيه الهنوف:ياولدي تارك رنا منا وفينا وبتروح لبنت لا تعرف شي بالمدينه لا جوال ولا لبس لا ذوق كل حياتهم بالديره جراح:هذا اختياري الهنوف تنهدت؛قفل الموضوع الحين بعد زواج اختك نشوف طلعت كوثر من غرفتها وناظرت جراح وهمست:جيت! ناظرها جراح وعقد حواجبه من شكلها:هذا شكل عروس؟ الهنوف لفت ناظرتها:تلومني كوثر:وش يعني العروس تكشخ 24 ساعه يعني جلست وهي تناظرهم بجمود وجراح هز راسه بالنفي :ابد بس تزين وجهها بابتسامه كوثر صدت عنه ولاردت والهنوف تنهدت:جاك اخوك روحي خلصي اغراضك قبل زواجك كوثر هزت راسها بالنفي:ما احتاج شي الهنوف:انت شفيك؟ بتحريني ؟ فستان زواجك والصالون غير الاغراض الثانيه وما تحتاجين شي كوثر:انتي ذكرتيهم خلاص انتي جيبيهم مالي خلق اسواق الهنوف ضربت فخوذها وناظرت جراح وجراح رفع يدينه:بروح اريح الهنوف:والغداء؟ جراح:بالعافيه ما اشتهي شي مشى وتركهم والهنوف ناظرت كوثر :محسودين انتم؟ كوثر ماردت عليها وصدت بنظرها - فجر دخلت الغرفه وناظرت سما منسدحه ومن ناظرتها صدت مشت وقفلت الباب وجلست جنبها وسما منسدحه فجر اخذت نفس طويل:ما الومك لو تجيني الفرصه لين عندي بسوي نفس اللي سويتيه سما:مايفيد كلامك ساري رايح فجر ناظرتها؛روحي ناديه ناظرتها سما بهدوء وفجر مسكت يدها؛روحي ناديه بكلمه سما جلست ورفعت شعرها:ليش؟ وش بتقولين له؟ فجر:بقوله لا يروح الاوانتي زوجته ابتسمت سما وناظرت فجر:احلفي؟ فجر هزت راسها وسما ركضت بسرعه من البيت طلعت وهي تناظر ساري يحط شناطه بالسياره وامه معه ركضت وهي تناديه ولف ناظرها وعقد حواجبه وقفت قدامه تلهث:وافقت جمدت ملامحه ولفت زهور لهم باستغراب وساري بلع ريقه :من هي؟ سما:فجر فجر ساري وافقت ابتسم وهو يناظرها ولف لامه بصدمه ومشى بسرعه للمجلس ناظر عبدالعزيز جالس ومبتسم يناظر الجو:عجّل بذبح الخرفان بنتك بتتزوج اليوم جمدت ملامح عبدالعزيز وناظر ابتسامته وعقد حواجبه - راشد خرج من الغرفه وهو يقفل ازرار ثوبه وناظرها بالصاله همس لها بهدوء:جهزي نفسك بكره زواج ساري ولد عمتي رفعت راسها اماني وناظرته؛هم اختاروا بعض والا نفس وضعنا! تنهد وتافف بنفس الوضع؛مابتبطلين ذا الموضوع وقفت اماني وتكتفت:لا ماني مقفلته لاني ماني راضيه ولا دقيقه اعيش هنا راشد بعصبيه تقدم لها؛وش تبين؟ وش اسوي لك؟ ابني لك قصر والا ازرع بكفوفي ورد عشان ترضين! اماني:محنا لبعض لا انت لي ولا انا لك ليه مانتطلق بالنهايه تزوجوا لجين وتركي راشد ضحك وحك جبينه ورجع ناظرها؛والله مبطي ماضحكت كذا اماني متكتفه وتناظره بحده وراشد سكت بعد الضحك وناظرها،تطلقنا احنا تطلقوا هم والا ماتعرفين مفهوم البدل! اماني بجنان؛وش يعني ؟ راشد:يعني تعايشي زي ما انا متعايش وماكل تراب اماني:ياخي مانبي بعض ليش مايفهمون راشد نزل راسه ثواني ورجع ناظرها:هم مايفهمون هم يامرون وبس اماني جلست ومسكت راسها بانزعاج وراشد رفع شماغه على كتفه:تحملي راعي الغنم وريحة التراب والغبار في ملابسه عشان اخوك اماني رفعت نظرها وهزت راسها؛زين انك تعرف نفسك راشد ابتسم:ماني عاجب احد ويوم عجبت احد كانت الاقدار اقوى مشى وخرج من عندها واماني عقدت حواجبها باستغراب وراشد قفل الباب ووقف وهو يناظر اللي قدامه رفع اصبعه على شنبه الكثير وغمض عيونه من سمع صوتها وشاف زولها وطيفها فتح عيونه ومشى مبعد من البيت - فارس انتظر عند المطعم ولف يناظرها بالمطعم ماحصلها استغرب ودخل ومشى يدورها بنظره مشى لنادله؛عفواً اين سابين؟ ناظرته النادله ورفعت كتفها؛لا اعلم لم تكن هنا اليوم عقد حواجبه ولف يناظر حوالينه تنهد وعرف انها تتهرب ومشى بيطلع من المطعم وسمع اسمه وراه:فارس! لف وناظر الشرطي رافع علامة الشرطه بيدينه ويناظره هز راسه وكمل الشرطي:من السعوديه؟ هز راسه؛نعم هذا انا الشرطي:تفضل معنا قسم الشرطه فارس:ما السبب؟ الشرطي:افضل لك ان تتصل بمحامي بالطريق فارس بلع ريقه ومشى معه وركب السياره وهو مايدري عن شي واول ماوصل القسم دخلوه غرفه وجلس ينتظر فيها دخل الشرطي وحط الملف قدامه وهو واقف ناظره فارس واقف:ماهذا؟ الشرطي:زوجتك رافعه قضيه عليك من تاريخ طويل وانت كنت هارب لدولتك فارس ضحك:انا ما كنت هارب من اي شي لم يخبرني احد عن القضيه والا اتيت الشرطي:اذا لديك كلام سوف يحاسب ضدك بالمحكمه انصل بمحامي فارس ناظره والشرطي خرج وتركه مسك راسه وتافف وما اتصل بمحامي اتصل بالسفاره لان مشاكل الطلاق بدوله ثانيه اجنبيه تحتاج شخص له خبره - ساري لف لامه وهو مبتسم من سؤالها؛وش غير قرار فجر؟ ساري:ما ادري بس عرفت مقصد عمي من الشرط يوم شرط زهور تنهدت:زين انه وافق مبروك ساري ابتسم:الله يبارك فيك زهور؛مابتعلم اخوك؟ ساري هز راسه بالنفي:لا تنهدت زهور :الله يهدي النفوس ساري:امين ناظرهم من الشباك العمال يوزعون الزوالي الحمر وابتسم وهو يناظر عبدالعزيز واقف وحاده ملامحه مشى وخرج من البيت ومشى له ووقف جنبه؛وش مضايقك ياخالي؟ ناظره عبدالعزيز وضحك:وصلت لمبتغاك؟ ساري ابتسم:ماكنت متوقع توافق فجر والا ماشرطت عبدالعزيز هز راسه؛صرت تعرف اللي يدور براسي ساري لف لقدام وهمس:وصار اللي مابغيته ابتسم وضرب كتف عبدالعزيز ومشى وتركه وعبدالعزيز شد من قبضة يده ودخل المجلس - سما تدور بفستانها وفرحانه وتناظر امها واقفه البتول:وليش بكره؟ سما؛عندي جامعه وزوجي عنده جامعه بعد رفعت حاجبها البتول وسما ابتسمت البتول:وما بتتحنين؟ سما:لا مابي شي ابي اروح من بيتكم وخلاص البتول هزت راسها بأسف ومشت مخليتها وسما ابتسمت وهي تناظر شكلها ولفت من دخلت ريحان تكتفت ريحان ورفعت حواجبها؛اوه عروس! سما ابتسمت؛مع الاسف زواجي مابتفرحين فيه ريحان:وليش وين بروح؟ سما:ولا مكان بس زعلانين من بعض ريحان؛واللي قلتيه شوي؟ سما ناظرتها بضيق وتنهدت وصدت لها:واللي سويتيه عادي؟ ريحان هزت راسها بالنفي:محد علمني لا امي جنبي ولا خواتي يفهمون سما؛لا انا قلت لك ولجين قالت لك بس انتي ركبتي راسك ريحان:وكيف اخليه يتمسك فيني اجل! سما؛مو بهالطريقه ابد نصيبك بياخذك وخلصنا شفتي تركي جاي من اخر الدنيا واخذ لجين اختي ريحان؛اخذها بدل اخذها وضيع حياة راشد لازم في سيئات للزواج وانتي بتتزوجين وفجر بتعنّس شفتي! سما تنهدت ونزلت راسها؛مو هذا مقصدي من الزواج ابد مشت لريحان وناظرتها بضيق:بروح ادرس واتخصص بالقانون واحكم البلد بالعدل واول شي اسويه اخذ حقوقنا من ابوي ريحان بضيق ناظرتها؛ليتني اقدر ادرس واروح معك سما ابتسمت:لا تزعلين مني ريحان تكفين انا بروح واترككم لا تدعون علي ريحان تنهدت وحطت يدها على شعرها:ربي يوفقك بدرساتك وبحياتك وان شاء الله تفرحين فيني قريب ابتسمت سما وحظنتها:ان شاء الله - يوم جديد جراح دخل دوامه وهو عاقد حواجبه:اليوم؟ ساري:اي ومابعطي خبر لفارس جراح؛سويت يعني اللي براسك! ساري تنهد:هذا افضل جراح؛اجل مبروكين ساري؛مابتجي؟ جراح:لا مايمديني ابد تعذّر من عمي ساري؛لو ساعه جراح تعال محد معي غير راشد جراح تنهد:بشوف مع انه ماظنتي ساري:على هواك اخليك انا جراح قفل جواله وبدأ شغله عند ريحان اخذت الدلو وهي تسقي الريحان وتناظر مكان سيارته تنهدت بضيق وهي تناظر البيت مقفله ابوابه وتركت الدلو على الارض ومشت راجعه البيت ناداها راشد وقبل تقفل لفت له باستغراب راشد مشى لها وهو شايل علف بيده اليسار:جاتكم اماني؟ ريحان عقدت حواجبها؛اي داخل راشد تنهد وهز راسه وريحان كملت:ليش ماكلمتك انها بتجي؟ هز راسه بالنفي ومشى للغنم وريحان تناظره بضيق - سما لبست وتجهزت وهي تفل شعرها على ظهرها لفت لفجر من دخلت الغرفه وابتسمت لها بامتنان سما ابتسمت فجر ومشت ووقفتت وراها:تجنين سما ابتسمت لها:مشكوره فجر فجر هزت راسها لها وهي مبتسمه ومشت لدولابها وغمضت عيونها ونزلت دموعها بسرعه عضت شفتها لا يطلع صوتها وسمعت صوت الباب يتقفل ناظرت مكان سما وعرفت انها طلعت وقفلت الباب وتكت براسها تبكي بدون صوت وخايفه احد يشوفها بمكان ثاني كان المفروض يكون جنبها بس من امس بالمركز اوراق ومعاملات وجوازات وصور وللحين مايدري كيف يخرج منها ويرجع السعوديه مشى له سفير السعودي وتكلم بجديه؛موضوعك كبير فارس:كيف يعني؟ السفير:يعني اتوقع انك بتطول هنا لان الحكومه البريطانيه صارمه بموضوع الزواج خصوصاً من دوب اخرا فارس:اي بس انا مستعجل بطلقها وارجع السعوديه السفير:بيطول الموضوع اذا لك احد فاهم من اهلك كلمه فارس تنهد والسفير مشى بضيق وخرج ونزل راسه فارس على الطاوله وغمض عيونه بضيق - ناظر الدفتر يمينه واخذه من يد الشيخ وهو مبتسم وناظر اسمه واسمها ياما انتظر وانتظر وجا اليوم اللي انتظره حصل عليها وصارت تحت اسمه ومعاه وجنبه بيكمل تعليمه وهي ترعاه وتدرس معاه اكثر من كذا ماطلب وقع ومد الدفتر لعبدالعزيز اللي باين على وجهه العبوس سمع اصوات الغطاريف ووقف ببشته يسلم على راشد عند البنات اماني واقفه وتناظر لجين مبسوطه وواضحه عليها السعاده صدت بعيونها ومشت ريحان وضمت سما بقوه وفجر مبتسمه من بعيد وتناظر فرحتهم فيها مشت ريحان من سمعت صوت السياره وركضت للشباك تكت بفتسانها ومن ناظرت سيارته ابتسمت بحب وشوق وقف جراح سيارته ونزل وهو مبتسم وناظر ساري تقدم له ساري وهو يضحك وضمه جراح؛معليش جيتكم مقرّع بدون شماغ بس ما مداني اكويه ساري:زين انك جيت بعد جراح عنه وناظره:مبروك والله يوفقك يارب ساري ابتسم:عقبالك لف جراح وناظر باب البيت وتنهد:ان شاء الله لف وناظر امه تتقدم له وتسلم عليه:مبروك ساري:الله يبارك فيك زهور:خذ مرتك ورحوا يومين وانا اجيكم بعدين ساري:لا والله ادري انك ماتبين القعده تجين معي زهور:لا لا بقعد مع البتول روح انت بزوجتك ساري:متاكده يا امي؟ زهور ابتسمت وهزت راسها وساري باس راسها انتظرهم يطلعون وناظرها لابسه عبايتها وماشيه له اخذ اغراضها راشد وهو يركبها ورا بالشنطه وينفض يدينه ركبت بالسياره ولف ساري وناظر عبدالعزيز واقف بعيد ابتسم له ورفع يده له ومشى لسيارته وركب وحرك طالع من البيت مشى جراح وسلم على راسه؛شلونك عمي؟ عبدالعزيز:بخير جراح:وش فيه ضايق صدرك؟ عبدالعزيز تنهد:تعرف انت ويعرفون الباقين جراح لف وناظرها من الشباك واقفه وتناظره اخذ نفس جراح وصد لها يناظرها لين اختفت انتظر عمه يدخل المجلس ومشى للباب وقبل يدقه انفتح الباب وطلت منه بفستانها الاحمر وبكحلها اللي يزين عيونها رفع يده على قلبه لا شعورياً وهمس:محلى طلتك قبالي ريحان رفعت كتفها؛جيت! جراح؛اخليك؟ صاحيه انتي! ريحان؛لا والله معدني اعرف جنوني من عقلي جراح ابتسم لها:ماتمنيتي هاليوم يومك؟ وانتي عروس الديره اليوم؟ ريحان؛كل يوم اتمنى هاليوم جراح تقدم لها ومسك يدها:جيت اشوفك مع اني تعبان من دوامي ريحان؛جيت توجب ساري ماجيت عشاني جراح رفع حاجبه وابتسم من عنادها؛وجيت عشانك والا كان مشيت قبل اشوفك ريحان ابتسمت بهدوء ورفعت حاجبها؛سلمت على عمك قبل تسلم علي جراح ضحك وهز راسه بالنفي:مابقيتي لا فيك ولا فيني عقل ريحان ابتسمت ولفت وراها ورجعت ناظرته:بترجع؟ جراح؛مضطر كوثر بتتزوج قريب ولازم اكون معهم ريحان اختفت ابتسامتها؛وبتطول؟ جراح؛لا راجع لك باهلي هالمره ان شاء الله ريحان ابتسمت:لا تبطي علي جراح هز راسه وحط اصبعه على عيونه ريحان فلتت يدها من كفه اللي على صدره وتنهدت ودخلت وقفلت الباب وجراح غمض عيونه ومشى رايح لسيارته ركب سيارته وناظر بيتهم وبلع ريقه بضيق وحرك راجع | ||||
|
| |
|
| أدوات الموضوع | |
| انواع عرض الموضوع | |
|
|
العرض العادي
