آخر 10 مشاركات
304-صفقة زواج-بربارا بيكر - عبير جديدة -مركز دولي (الكاتـب : Just Faith - )           »          303 - مشكلة فتاة - فران ريتشاردسون - م.د ( حصريا )** (الكاتـب : بلا عنوان - )           »          302 - الحنين للسعادة - بات جيل - م.د** (الكاتـب : angel08 - )           »          301- موعد مع القدر-شارلوت بيكر - عبير مركز دولي (الكاتـب : Just Faith - )           »          300 - ثمرة الحب - جودي هوبر - م.د** (الكاتـب : angel08 - )           »          16 - زواج في المزاد - ديانا هاميلتون - م.د - حصرياااا** (الكاتـب : شوشولاف82 - )           »          15. العذراء والوحش - روايات عبير ( اعادة تحميل وتصوير بعض الصفحات) (الكاتـب : سنو وايت - )           »          13-ليلة عابرة-مركز دولي قديمة (الكاتـب : Just Faith - )           »          8 - حسناء الجزيرة - م.د** (الكاتـب : سنو وايت - )           »          7 - المليونيرة المدللة - م.د *كاملة بتصوير جديد* (الكاتـب : monaaa - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 17-01-20, 12:49 AM   #21

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي




#خطوات_نحو_الجحيم

،،،،، بقلم الكاتبة زينب ماجد ،،،،،،

تكملة الحلقة الأخيرة

تركت رضا بأيده و دخلت للبيت، اول مفتت للمطبخ لكيت زمن كبالي دا تحظر غدا، بقيت متصنمه بمكاني

انداريت ورايا ، مخلد لازم الطفل و واكف

-شدا يصير ؟

- جنت دا اريد اكولج

-شتكولي

-افضل نرجع للبيت و نتفاهم على كلشي

-نتفاهم !! انت تركت مجال للتفاهم بتصرفاتك هذه

-جانت......

-جانت لحظة غضب هذا عذرك مو ، لا
اذا ناوي تنطيني هذا العذر فلا مستحيل اقبل
اعرف هذا مو اختيارك بس حجي امك و الزن و الرن مالتها بلحة اللي انت جنت ما طايقني ، و الرجال اللي تمشي امه ميمشيني ولا ارضى بيه رجال اليه ، خليك لأمك تفيدك

تقربت منه سحبت الطفل من ايده: اوكفي لجين

-اشششش كلمة ما اسمع ، لو تستحق العتب كان عاتبتك بس حتى العتب استخسره بيك ..

عدلت وكفتي و استقاميت و وكفت ابني على صدري و كلت له : انتظر ورقة طلاقي هذه الأيام و اتمنالك وقت سعيد مع امك و مرتك

انداريت امشي لزمني: نتفاهم بالبيت

خزرته: نزل ايدك كل بيت الك يمي ماكو

زمن: لا شنو كل بيت ما اله البيت بيتنا تريدين تطلكين الله وياج يطبج مرض بس غصبا عنج ترجعيلنا البيت هذا حقي و حق جهال

دفعا و صرخ بوجهه و كام يغلط عليه و حاول يسحبني حتى نطلع برا : ابتعد
عافنا و طلع
تقربت منها : ما حجيت وياج ولا تعديت عليج مثل ما تعديتي عليه سابقا و ضربتيني لأني مو ذليلة و غبيه مثلج اعوف اللي وثقت بيه و خاني و اهجم على اللي خاني وياها و الومها على خيانة اللي حبيته

-اي يلاااا اطلعي برا

شفت عمي و عمتي ما موجودين و مخلد طلع ما حب يبقى يتوسل بيه نتفاهم كدامهم، تقربت منها : منو اللي تطلع ؟ اني !!

اوكفي خل احجي وياج بعقل ، تتذكرين لما كعدتي تبجين و تتوسلين بيه ابتعد من مخلد و اطلع من حياته ؟

وقتها طلعت حتى ما اخرب بيتج و اخذ زوجج و اخليج تلملمين هالعائلة المايله و تعيشون ، جنت ما ارد على كل مراسلات مخلد لأنه ملكج و انت طلبتي مني ابتعد منه

ابتعدت ...
لأن لا اخلاقي و لا أنسانيتي تسمحلي اسرق رجال متزوج من عائلته حتى اخذه

شسويتي انت ؟
بعد ما طلقتي و شمرتي حتى اطفالج عليه و صار عنده بيت و عائلة و مو بحاجتج ، رضيتي لروحج ترجعين ذليلة يتختل بيج من زوجته

-اني الأصل حبيبتي ، اني زوجته الاولى و ام اطفاله

-هههههههههههه شوفي يحلوة اخذيلج نظرة لوجه مخلد و شوفي منو الاصل و الخايف منها انت لو اني
منو اللي هاينها و متختل بيها انت لو اني
منو اللي بلحضة غضب و غلطان على رجوعها انت لو اني
روحي شوفي بمنو ديتوسل انت لو اني وقتها اعرفي منو الأصل

بس اخذيها مني حتى الأصل هذا ما اريده لأن مو من مستوايه اصلا اكعد انافس وحده مثلج على رجال و اتسابق عليه، و اذا انت رجعتي على ذمته و تحاولين تكسبي فلا شخصيتي ولا كرامتي تقبل اقضي وقتي حتى بس لحتى ارضي رجال و ما اخليه يباوع لضرتي ..

اخذيه الج بالعافيه عليج، انما الطيور على اشكالها تقع ، بس تذكري كلمة مني و لا تنسيها، بعمره مخلد راح يحبج ولا يحب انسانه قبلت على نفسها ترجعله بذله و بدون ما احد يعرف، وراح تضلين كل ما تباوعين عيون مخلد تلكيني بيهم و عمرج مراح توصلين گلبه

عفتهم و طلعت ، رجعت للبيت
لكيت سيارة مخلد بالباب ، فتت للبيت شفته كاعد بالصالة ينتظرني

اتعديته و مشيت لغرفة النوم ، اجا ورايه
-لجين اهدي و خل نتفاهم

-و منو كالك خابصه نفسي حتى اهدأ
احجي و افتح بالكنتور

-اي زين كعدي

طلعت جنطة سفر و سحبت ملابسه بتعلكاتهم جرة وحده و خليتهم بالجنطة: احجي اللي عندك و خلصني اسمعك

-شدا تسوين انت ، ملابسي

-ملابسك تاخذهم لغرفتك ، شتسوي ابيتي ؟

-لجين رغم كل السمعته عنج و السويت و حقيقتج تعديت الموضوع و ما كدرت افرط بيج

- ههههههههههههه
انداريت تخصلتله و اني اضحك: وهسه المفروض اشكرك لأن تقبلتني ولازم ارضى بمرتك لأن قبلت حقيقتي اللي اني اصلا ما الي ذنب و ضحيتها
واووو ههههههه لا لا برافو

-بلا استهزاء و تمضحك خليني لحد الان هادئ و احجي وياج

تقربت منه : انت شمفكر ان بدونك اموت حتى اكعد اشكرك لأن تقبلتني ؟ اتذكر كلتلك لو حاولت تكسرني فراح تبعدني عنك و محد راح يبقى يعاني غيرك

-طلاك ماكو بيناتنا طفل فكري

-طفلي من البدايه اني اللي اتحملته انت صارلك يومين من باوعت بوجهه فلا تكعد تمثلي دور الأب الحريص، واذا متريد اطلك لتطلك مثل ما خلعت غيرك اخلعك

لزمني من رگبتي : من تقارنيني بواحد سقط اذبحج والله

دفعته من صدره: ما اسمحلك تمد ايدك افتهمتتتتت ، هاك اخذ جنطتك و روح لبيت امك خليها تفيدك

- امي ما تجيبيها على السانج سااااقطة ، اكسر راسج بس تحجين والله ، كافي عديتلج الموضوع و الا مستعد هسه احجي سالفتج لعمامي و نحطج و نغسل عارج

-ذاك الباب وروح احجي ولا تقصر ، يلا برا

ضربني راشدي و لزم شعري و يضرب بيه و يكولي : مو اني التطردني وحده كح... مثلج

اريد اخلص روحي منه دفعني للكاع و سحك راسي و هو يكولي: من تتكبرين و تتمهزئين اعرفي هذا مكانج جوا رجلي و ساعة اللي اريد اخلي طلقة بىاسج و اكولهم غسل عار و اخلي حتى اليسمع بيج ما يترحملج

كمت اصرخ بقوة و بعدته و كمت وكفت على حيلي و اصرخ بكل صوتي : اطلع مني حقييير اطلع

بقى يضرب و اني اصرخ و الطفل يبجي بقوة، عافني و طلع، من صفيت وحدي كعدت ابجي على حظي اللي وين ما احطه يدمرني ، الصبح فرحانه و اكول تراضينا و تعدينا الموضوع يطلعلي بسالفته و يدمر كلشي

اخذت الموبايل و خابرت ماما ابجي بقوة تريد بس تفتهم مني كلمة ، كعدت اشرحلها الوضع و حجيتلها شنو سوا

بقت تهدي بيه و تقنع و اصبري، بقيت احجي وياها لساعتين، رجع مخلد دخل

نهيت ويا ماما، هو شمر الجاكيت بالصالة و فات تمدد بالغرفة، كمت على حيلي : ناوي تطلع من بيتي لو شلون

كعد نزل رجليه من الجرباية-لجين ليش تجبريني على اذيتج انت تعرفيني شكد احبج

-حبك احتفظ بيه لنفسك مو بحاجة هذا الحب يلا اطلع

- ينت الناس اكعدي و خلي نتفاهم مثل الأوادم شرايده

-اكعد اتفاهم على شنو، اخذت رأيي لما رجعتها، اتصل بيك تكولي بالشغل و تالي اكتشفك انت عند اهلك و مرجع مرتك و اني اخر من يعلم

-رجعتها وكت اللي جنت كلش متضايق منج و حاير اطلكج لو اكتلج .. ما رجعتها لأن احبها

-حلووو يعني مرجعها قبل ولادتي، يعني بوقت لما كنت اني افر بالشارع و اتوسل احد يسعفني و اتصل بيك مترد، انت غارك بأحضان مرتك و مدفي

بلعت ريكي : هذا سبب كلش مهم يخلي احقد عليك و مستحيل اتقبلك

-كلتلج غلطت يعني لما انت تغلطين اغلاطج مسامحة و لما اغلط تنكلب الدنيا ضحيلي مثل ما ضحيتج

-فرق بيني و بينك لا تكعد تقارن اغلاطي ما ارتكبتها وياك، وياك اني تركت كلشي لخاطرك اتنازلت عن شغلي و خليت كل فلوسي بأيدك و كلتلك هاك و اني اصيرلك زوجه تخدم بيتك و اطفالك

لو غلطانه وياك بذرة والله اكول، بس اني عفت كلشي لخاطرك و ما ردت غير بيت و عائلة تلمنه و اعيش و انسى و اعوض عمري بيك ..

لا تقارن اغلاطي بأغلاطك اني ما اذيتك
بس انت تعمدت اذيتي و رجعت مرتك حتى تكسرني و تقهرني ، بس هيهات مو ان اني الاطخ راسي و اقبل بذلتك

كدامك خيارين يا اطلكها يا اطلكني و اختار

-تعرفين اني من زمان مختارج وكت اللي ما جنتي على ذمتي و هي مرتي ناسيها و افكر بيج و تكوليلي اختار

-المعنى ؟

-ما اكدر اكلج اطلكها صعب بس صدكيني غيرج ما تحلى بعيني

-ههههههههههههه منو كالك اني هامني احلى بعينك او لا ؟ اني خيرتك ولا تلف وادور بالكلام ، يا اطلكني يا اطلكها

-ما اكدر

-اذن تكدر تطلع من البيت

-ترا عيب عليج كلما حجيتي و كلتي اطلع ، مو اول رجال يرجع مرته كافي فكيها

-راضيه بالعيب و ما ناويه افك و اذا باقي ذرة احترم اليه، تطلع و اطلكني

-ما اطلك ولا اتحلمين بشي اسمه طلاك، ماكو

-على راحتك اني اعرف شلون اخليك برا بيتي و حياتي ..

اخذت طفلي ورحت لغرفة الجهال نمت
ثاني يوم وكلت محامية صديقتي و رفعت دعوة و تنازلت بكل حقوقي و طلبت الطلاق

من عرف ما اجا عمي منعه من التصرف، و اجا عمي عثمان و مرته و عمتي يحجون ويايه

-عمي كولي يا الله و سمي بس الرحمن بيناتكم طفل و ما يصير شنو ذنب هالولد يعيش مشتت بين امه و ابوه

-ليش ما گلتوله هالكلام قبل لا يرجعها لمرته

عمتي كالت :ما ادري اني من رجعها
و عمي كال : عمي هم عنده اطفال من ذيج مرته و هو متعارك وياج و واصله للسلاح و لا مفتهمين القضية ولا نعرف راسنا من رجلينه شنحجي بعد

-اذن عمو لا تحجي و خلوني ابتعد عنه مدام قرر و اختار حياته

-هو كل عمره مختارج و الرجال يحبج و يحترمج

-اي احترام هذا عمو ، مرجع زوجته بدون علمي و تكولي احترام ، مدام مدخلت من البدايه و منعت لا تكدر عليه و تجي تحجي يمي عمو اني عشرتي ويا مخلد انتهت

بقو يحاولون ويايه يريدون ما قبلت
اجا هو تعارك ويايه هدد بقى يكسر و يتوعد
مرديت، كال: لو اطلكتي كل حق الج بالمقهى يسقط

-المقهى بفلوسي و ما الك كل حق بيه

-معناها تتنازلين الي بهذا البيت

-هذا البيت مهري و ما جبرتك اني عليه، جان شرط مهري يكون طابو البيت و انت وافقت بس حتى نتزوج

-جايه تسويني زوج انت، تاخذين الجواي و الوراي و تروحين

-اني لا ادور وراك ولا جواك كل هذا حقي

-العندي كلته و ما الج يمي اي فلس الا في حال تتنازلين عن الطلاق اتنازل الج بالمقهى

رفضت و رحت لبيت عمي ردته يوكف ويايه شو صار ضدي و يكولي: حقه و لازم تتنازلين و اطخين راس كافي راكبه راسج الرجال شاريج و انت علعلتي و دمرتي و جايه تهجمين بيتج على زواج انت تعرفين هو ما معترف بيه بس حتى يرجع ام اطفاله و يلمهم

-اني ما جبرته يترك ام اطفاله، ما طلبت منه يطلكها، ابتعدت عنه و هو اللي اجالي لنص اربيل يبشرني بطلاك زوجته، وين كلامكم هذا وقت اللي طلك ليش بس من اني اسوي شغله كلكم تصيرون ضدي لو لأن هو رجال يحقله كل شي و اني مره لازم اخض و اسكت

ما اسكت ولا راح اسكت، الرجال الخاني و راد يكسرني ما اسكتله على حق ولا اتنازله بشي كل يكون بعلمكم

بقيت بصراع وياهم لأن الكل ع الاطلاق كان ضد الطلاق حتى عمتي و محد منهم طلب منه سطلك و يرجعني و اعرف لخاطر اطفاله بس اني ممجبورة اتقبل خيانته الي ، هو اللي طلك و اتزوجته و هو مطلك مو من حقه يخوني

لا رضيت اخضع ولا هم رضوا بالطلاك، المقهى حاولت بكل جهدي ارجعه كلهم ضدي وياه و يكولون من حقه، رحت لمحاميه صديقتي و اخذت رأيها كالتلي :بالقانون ما الج لأن بأسمه

لا الي اب ولا احد اشتكيله و يكعدهم و ياخذ حقي، بقت ماما تلومني على تنازلي و كتلج و حجيت و صوجج، اخرها رضيت بالواقع و تركت المقهى و اطلقت

عرضت البيت للبيع
و انتظرت ينباع حتى اصفي كلشي و اطلع

بيوم جنت بالبيت اني و رضا بس
رضا نايم و اني بالمطبخ انظف ، سمعت اكو ضربه فوك السطح، فزيت ، صفنت : شكو ؟

صعدت للدرج ماكو احد ، دورت منا منا مشفت شيء
نزلت شفت الباب مفتوح مال الصالة، جان الجو بارد تقريبا فرحت سديته

كملت تنظيف و كعدت ع الموبايل، سهيت ساعتين و اني اتصفح، استفقدت رضا ما بجى ولا كعد يريد حليب

رحت للكاروك مالته
و المفاجئة رضا ماكو !!
ضربت ايدي على خدي: يمه ابني وينه ؟

دورت السرير ، الغرفه ماكو
من عقلي دنكت جوا السرير و اروح للمطبخ ماكو الطفل اختفى

طلعت من البيت اركض لبيت عمي عمران كمت ادك الباب حيل: مخلد الحكلي مخلددددددد ، ابني رااااح مخلد

طلعلي هو بسرعه: شبيج فهميني شمو شصاير

-مخلد طفلي ماكو منومته بسريره ما لكيته شسوي الحكني راح اموت ابني وين راح

-طفل هلكده وين يروح

-ما ادري ما ادري اريد ابني عفية فدوة اريد ابني

بقى يصيح عليه، فات بدل و كال ارجعي للبيت اني طالع ادور عليه

-اروح وياك ابني ما اكد مخلد

-كلتلج ارجعي للبيت

صعد بالسيارة و طلع، اجا مازن وراي: طفل هلكده ما عرفتي تحافظين عليه

-شنو ممحافظة عليه منومته بسريره قابل يمشي هو و اركض وراه

طلعت عمتي كرجيه تصيح و تدعي و تكول : راح الولد الله لا ينطيج لجين ملتهيه بالموبايل و ضاع الطفل راح الوليد يمه

كمت ابجي و امشي بالفرع و ادعي ربي يرجعلي طفلي، كمت امشي بالشارع بلا درايه بس اصيح : اريد ابني ربي ليش تخليني اتهنى بأطفالي ، اريد ابنيييي

شفت اكو دورية اجت، مخلد وياهم وكف اباب بيتي رحت ركض اكولهم : ابني وين ملكيتو ابني دخيلكم اريد ابني

-اهدي لجين هذا الملازم محمد صديقي يريد يتحقق بحالة الخطف

-شنو يعني خطف مخلد ابني وين

-اختي انت بس كوليلي وفت الحادث شوكت

وكف يتحقق وياي مخلد دخله جوه و اني اجاوبه بقى يسألني اذا صاير وياج شي غريب او لاحضتي صوت

كلتله اي سمعت صوت فوك و صعدت و ملكيت احد

-تاكدتي من وجود ابنج بعد ما نزلتي ؟

-لا كان نايم و اني اشتغل لساعتين يلا استفقدته مبجه و رحت لكيته مموجود بسريره

ححقو بالحادث و استفقدوا كل البيت و بحثوا بيه

سألوني اذا حسيت بحركه بالبيت او برا

فكلت له: لا محسيت لأن باردة و الابواب مسدوده و هوا عالي برا مسمعت شي

للحظه تذكرت باب الصالة جان مفتوح كمت مفزوعه وكلت له : اتذكرت شغله لما سمعت صوت فوك و ملكيت شي نزلت لكيت باب الصاله مفتوح و سديته، بس ما جان هو مفتوح ولا خطر على بالي انو احد فاتحه لأن ساكنه وحدي و المنطقة امان

مخلد :-شنو يعني المنطقة امان غير اديرين بالج على الطفل

-و اني سعرفني حيصير هيج طفل عمره خمش اشهر نايم بسريره وين يخطر بعقلي احد يفوت لنص البيت وياخذه

بقى يحجي و يصيح عليه : و انت مهمله و سابقا انجرحت بطن ابني و هم تكولين مو ذنبي و الى متى تبقين بهالامبلاة ، كافي اصحي على نفسج ابني راح بسبب غبائج

وبقى يرزلني كدامهم

اجا المحقق بعد ما كمل تحقيق و كال لمخلد : سيدي المقدم الحالة على الأكثر هي حالة اختطاف، لربما عداوات وياك او ويا الأم، راح نتابع الموضوع و ابلغك بالاحداثيات أول بأول

جنيت من سمعت ابني مخطوف كمت اصرخ و ابجي اجو بيت عمي و عمتي و الجيران هماتين و انگلبت الدنيا بالبيت ذاك اليوم

يومين و الطفل ماكو ، صرت اني و الجنازة سوا لا اكل لا شرب بس بجي و اون على ابني
ناهيك عن الحجي و الغلط عليه لأن ما درت بالي عليه و يكلولي ضيعتي بنتج و ال شويه جان يضيع ابن مخلد و هسه هالطفل
و و اللي يلوم و اللي يعتب و اللي يتشمت و اللي يغلط
امتليت بقهري لا احد اشكيله ولا احد افتحله كلبي و يشوف جبال الحزن اللي بيه

الى ان اتصل بيه مخلد كال لكوه
فزيت من حيلي و اكمز و ابشر بيهم و اصرخ لكو ابني مخلد لكاه راح يجيبولي ابني
و احضن بيهم مثل المجنونه

طلعت من البيت و خابرت مخلد : وينه و شلون لكيتو احجيلي

-بلغنا المراكز كلها بحالة الخطف و اليوم لكو طفل مشمور كدام الجامع و خابروني اذا هو ابني رحت و لكيته هو و هسه اني جاي بالطريق

بقيت منتظرة على نار شوكت يجيبه و احظنه و ما افاركه و يضيع مني مره ثانية

اقل النص ساعه و وصل قبل لا يطفي السيارة فتحت الباب و اخذت ابني، وكتها ما حملتني رجليه كعدت على ركبي و حظنته حيل و كمت ابجي من كل گلبي

كومني هو و دخلني للبيت، ما فاركته بس ابجي و هو يشرحلهم شلون الشيخ مال الجامع لكاه بالباب و شامريه و يكول الله سترنا ولكيناه جان ضاع الطفل من ادينا

اجت عمتي كرجيه و كالت: ما الج طفل يمنا بعد ، ابنا يرجع النا و انت خليج حايره بالموبايل و الشارع التفترين بيه

-ابني انخطف من بيتي و الله عالم منو الخطفه تحلمون تاخذون شعره من ابني حتى انطيه

مخلد: لا لجين ابني بعد ما اكدر ائمنه عندج ، اني من باجر ارفع دعوة حضانه للطفل و اخذه عندي

-مستحيل اقبل ، ما اسمحلك تاخذ ابني من عندي، اني ما الي ذنب بعداواتك يخطفون ابني و اني ابتلي

-و منو كال عداوة وياي ليش ما عداوة وياج ويطلع مالك هو اللي يسوي بيج هيج

-لا مو مالك و لا عداوة وياي

-لا تنكرين مالك اكثر من مرة تعرضلج و حاول يأذيج و هسه اخذ ابنج و رجعه شوف شيريد منج

-دا اكولك مو مالك، اعرف اسلوب مالك ، من يأذي الشخص يجي يضحك و يستهزأ بيه حتى يحس بلذة الأنتصار بس دا اكولك مو مالك

-هذا الكلام يفيدج ابني اذا اليوم خليته عندج اعرفي باجر ماخذه

-ما تاخذ ابني فهمت ، ابني ما انطيكياه

عافني و طلع
و عمتي كرجيع تحجي و تتوعد و طلعت
و كلهم طلعوا بقيت بس اني و عمتي

اخذت طفلي غيرتله و رضعته و نومته وقفلت عليه الباب و اخذت المفتاح و كعدت ويا عمتي

-عمه شسوي اذا مخلد نفذ تهديده و اخذ الطفل من عندي

-والله يا عمه اني للسالفه كلها ما مرتاحه

-يعني شلون

-ما سمعتي نتيجة التحقيق انت جنتي جوا تبجين، المحقق كال المخلد شك محتمل ان يكول الخاطف قريب جدا منكم و على معرفه بيكم

-شلون يعني

-كاله لأن وقت الحادث كان جدا قصير بصعود الأم لاعلى البيت بحثت اذا كان اكو شي او لا خلال ١٠ دقايق او اقل

-اي ؟

-الخاطف اللي يدخل و ينفذ جريمته بهالوقت يكون حافظ كل زوايا البيت و يعرف بالتحديد وين مكان سرير الطفل و ماخذت منه العمليه غير وقت قصير جدا

في حين لو كان غريب محتمل ان يبحث بالبيت عن الطفل، المطبخ و غرفة الاطفال قبل غرفتكم
لو حسبنا مقدار وقت دخول الخاطف و استطلاعه ع البيت و دخوله للمطبخ و من ثم غرفة الاطفال و من ثم دخول غرفة النوم و اخذ الطفل و الخروج لكان الوقت اكثر من الوقت اللي استغرقته الام بتفقدها السطح

بهالحاله يتوضح ان الخاطف على معرفة تامه بالبيت

-يعني الخاطف مخلد و اهله اكيد حتى يحرموني من ابني و يجبرني ارجعله

-والله ما اعرف يعمه بس اذا هيج الله ياخذلج حقج

عمه بداعة ابوج خلي عينج ع الطفل ، نص ساعه و ارجع

كمت من مكاني اخذت جاكيت لبست و طلعت، رحت لبيت عمي عمران دكيت الباب، طلعتلي طيبة

اني ما احجي وياها من سالفة الضمت عليه خيانة مخلد قاطعتها فمن ورا وجهي كلتلها : صيحيلي مخلد ع السريع

- اي فوتي و هسه اصيحه

ما رديت سحبت اطراف الجاكيت و لفيت نفسي و اني دايره وجهي، فاتت هي و رجعت طلعت : مخلد مو هنا طالع

هزيت راسي و مشيت، طلعت الفون من جيبي اتصلت بمخلد : وين انت

-كولي

-اني اباب بيتكم

-شصاير ؟

-دا اريد احجي وياك

-اني ع الشارع هسه جاي

-وين بالضبط

-كلتلج جاي

-طالعتلك ع الشارع
قفلت الخط و توجهت للشارع العام امشي و اباوع ، دك هورن وراي ، التفتت مخلد، اشرلي اصعدي ، اشرتله (انت انزله)

خزرني و اشر بعصبيه اصعدي ، تقربت لباب سيارته فتحت و صعدت ، التفتتله : اذا كنت تضن غبيه و اصدك بألاعيبك تكون غلطان

-شكو ؟

-استمعت لنتيجة التحقيق بحادثة خطف ابني

-اي

-الخاطف من عدنا و يعرف البيت و على كولتك عنده عداوة وياي حسب ما ذكرت و محد من كرايبي عنده عداوه وياي و يندل بيتي شبر شبر غيرك

-يعني اني الخاطف ابني !!

-بالنسبة الك مو خط كد ما هو تسقيطي بعيون الناس حتى تسحب ابنك مني بالقانون و تجبرني ارجعلك

-لا غلطانه

-سابقا كلتلك اعرف مالك و اكدتلك مو هو و الأن أكدلك ان الخاطف انت

-لجين هذا اتهام خطير بحقي و مو من صالحج، اني ما خطفت ابني فلا تبررين اهمالج و غبائج بأتهامي و تشمرين اثامج عليه

-انت اللي لا تتلوت عليه خلص خطتك انكشفت

-ما كدامج غير ترجعيلي

تنهدت : وقت اللي كدرت اخلع مالك ، اجالي و كال ترجعيلي لو تتندمين و هددني ابنتي حتى يلزمني من الأيد التوجعني

الأن تيقنت انت و مالك ما تختلفون الفرق مالك ينبهني قبل لا يأذني اما انت فلا تتركني غافله احير بكاعي و الف موته اموت كبالك و ما تهتم و تنهي اوجاعي

بهالتصرف انت خسرتني ما قربتني، نجوم السما اقربك من رجوعي

عفته و نزلت، رجع السيارة كام يحجي، اصعدي مو اني ، اصعدي نتفاهم

عفته و مشيت بس جانت دموعي ينزلون لأن المرأة لو شكد ما جانت قوية بهذا البلد ما تعيش وحده يطلعلها الف ذيب يخاول يسقطها و يفترسها

ساعتها اقسمت قسم على نفسي بالعراق ما ابقى ولا راح ارضى انذل لكل رجال حتى ينطيني حقي
اطلع و استرد حقي منهم واحد واحد

رفع دعوة حضانه،
وكلت محامية شكد ما جانت شاطرة ما كدرتله لا هو ولا المحامي اللي وياه كانو ذياب مو مو ضابط و محامي

و اساسا اني ناويه على سفر حتى لو كسبت القضية، باستطاعته يعترض على سفر ابنه و يمنع

فقرت انطي ابني و اصبر و اطلع و اتقوى اكثر وكتها ارجع اخش بعينه و اخذه ..

بعت البيت، و اخذت ابني ورحت لمخلد
انطيته كل ملابس الطفل و بقيت حاظنه ابني و ابجي

- مستعده تتنازلين عن كلشي في سبيل كبرائج و انانيتج

-ما متنازله و دا انطيكياه امانه، و اتأكد راجعه و ماخذته منك

-ما مجبوره على كل هالأمور

-مو اني اطخ راسي لرجال و اقبل بأهانته و ارضى على روحي اتسابق ويا مره حتى احصله ، ابقى انت تحلم حتى تحصلني و اتذكر عيوني زين و باوع بعيون ابني ، بعمرك مراح تنساني وراح اعيش و اتحرر منك و راح تبقى بس انت اللي اتعاني

انطيته الطفل و طلعت ابجي
يومها كنت ادعي الله كل الليل ينطيني القوة و اكدر اتحمل فراك ابني
بجيت دم عليه، احس كلبي من القهر صخر
جمر بداخلي مدا يطفى
نار ما راضيه تهدئ
ماكو الم اقوى من الأم لما تفقد ضناها

صفيت كل حساباتي بالعراق، و طلعت لتركيا جان عندي هناك صديقة عايشه ، رحت كعدت هناك فترة و طلعت اني و صديق من اركيا لكندا ، قدمت لجوء هناك و اني عندي تقريري الطبي لما كنت اتعرض للضرب من مخلد و خلعته و بقى يهددني و حالة الخطف مال ابني و اجاني تهديد اذا ابقى بالعراق انقتل و اذا بلغت الشرطة هم انقتل

حبكنا القصه و قدمناها و فترة و كدرت اخذ الأقامة بكندا ، عشت بيها قرابة السنة و نص اشتغلت بيها بالاعلان و الازياء

بعدها قدمت طلب لم شمل للسويد مع امي بالاتحاد الاوربي، وكدرت اجتمع ويا امي ابيت واحد

كدرت استقر و اشتغل
و رفعت دعوة حضانه من جديد على ابني و طالبت بسحبه اليه ، جانت اكو ظروف و اعتراضات و القضية اطولت اهوايه

في يوم اجتني مراسله ع الماسنجر
(ماما اني بيلسان اريد احجي وياج)

طار گلبي من شفت الرسالة ، راسلت و دزيت بالمية مسج ماكو رد ، باوعت الصفحة اسمها ( اسيرة الأحزان )

بقيت ابجي ، معقوله بنتي وصلت لهالمواصيل و هي بهالعمر تفتح فيس و تكتب هيج اسامي!!

بقيت منتظره رد ع الرسايل كل الليل مكابله الفون خاف بيلا تراسل

ثاني يوم ب١٠ ، بعثت رساله ( اريد احجي وياج)

رديت عليه، اتصلي ماما خل احجي

-مجني فاتح و هذا مو موبايل
جانت كتابتها ضعيفة و هي تراسلني العرفته هذا مو موبايلها و فاتحه مجاني

-موبايل منو هذا ؟

-معلمه

-انطي الفون للمعلمة خل اراسلها

شويه و كتبتلي( اني معلمتها و هي طالبه محبوبه عندي و شكتلي ابوها و العرفته هي بنتج و انت عايشه بالخارج فكلتلها تواصلي ويا امج عسى تقبل تسحبج الها يمها باوربا و تخلصين من ابوج )

-ابوها شنو مسوي بيها

-ابوها سكير و يجيب جماعته بالليل و يخليها تخدمه و يكول يضربني و هي صغيرة تخاف تشرد لبيت جدها بس جدها يكول احنا ما نتحمل ابوج ارجعي

...اقرأ الرسايل و دموعي تجري : اني بنتي يصير بيها هيج ، عمت عيني لو رضيت الضيم لبنتي لو خليتها تعاني

طلبت من المعلمه انو تخليني احجي وياها اتصال كالت : ماكو نت بالمدرسة

-اشتركي خط و خابريني الله يرضى عليج

ساعه و خابرتني و انطتني بيلا، هي تبجي و اني ابجي

-ليش ماما متريديني

-ياخذ عمري لو مردتج ماماتي والله عجزت شلون اتقربلج و اشوفج و ابوج ما خله طريقة الا و اذاني بيها ، ما نسيتج يا ماما و امنية عمري انت

-ماما يكولون السويد حلوة اخذيني يمج

-تنوريني يماما حلم عمري تصيرين عندي ، لا تخافين اني راح ارفع دعوة على ابوج و اسحبج عندي و لا تهتمين بس اصبريلي هالفترة اوكي ماماتي

-اوكي

جنيت من عرفت بحال بنتي هشكل
طلع مطلك اللبنانية وراجع مأجر بيت بالعراق وبعده نفس شغله و بيلا هي التخدمه ماعدها بس بيت جدها تلتجئ الهم بس هم يخافون من مالك فيرفضوها حتى يتكفون شره

كدرت ارفع دعوة على مالك و وصيت بنتي تشكي ابوها و متخاف و كلتلها حيهددج بابا وراح يكولج اقتلج و اقتل امج و من هالكلام لا تخافين كولي اني اريد ماما و اني راح اخذج

بيوم الحكم رجعت للعراق، و حظرت المرافعة و قدمت للقاضي كل كلامي و الادله ان بنتي دا تعاني و اتصلت بيه حتى انقذها، اقر بالحكم لصالحي و كدرت اخذ اكسب حضانة بنتي

الي شفته ان مالك ما كان معارض الحضانه لأن هو اساسا متقيد بيها لما يشتغل و يطلع يضطر يوديها لبيت جدها و اساسا شغله خطر كان لما يحس هو مهدد يختفي و يخليها عد اهله فانطانياها حتى يخلص من حضانتها ..

كدرت اسحب بنتي، الا ابني صعب عليه حيل
مخلد ما بطل و هو يتوسلي حتى ارجع
كل بوست انشره مخلد اول تفاعل
بأي مكان اروح بمواقع التواصل الكاه كبالي
معافني ولا نساني ابد
السمعته من عمتي ان صاير بيه سكر
هم يكولون من العصبية بس هو يكولهم هذا قهر لجين و امه ما بطلت دعاوي عليه لأن اني سبب حالة ابنها هاي

ما تنازلت عن قضية ابني الا ما بيوم ..
كنت افتقد الدورة الشهرية مالتي صار قرابة الشهرين مانزله عندي ..

فرحت فحص عند الدكتورة
شفت وجهه ميطمن سألتها عن حالتي
طمنتني ان ماكو شي فقط تحتاج فحوصات حتى تتاكد من صحتي

اخذت الفحوصات و قدمتها
طلع عندي كانسر (مرض السرطان ) بالرحم
للحظة وقفت عندي الدنيا
سرطان يعني الموت يعني خلص نهاية عمري
كانت تشرحلي الدكتورة بس كلشي ما اسمع غير صوت بدماغي يصيح بنتي ابني شلون راح اموت

رجعت للبيت، خبرت ماما بالفحص لطمت على خدها و ضلت تبجي و اخذتني بحظنها الليل كله موكفو دموعها

بنتي متفهم بس تسألي (بيبي شبيها ماما)

مكلنالها شيء بقت ماما تقنعها بطريقتها

قرروا يستأصلون الرحم حتى بعدها يقررون نسبة المرض

انكر لو ما كنت كلش خايفة مو بس على اطفالي او شي ، اسم الموت يرهب و السرطان يعني موت

حددولي عملية بأقرب وقت، ماما و خالاتي و عمي قدوري و سفيان ابنه كلهم جانو ويايه و متاركيني بوحدي بقو ينطوني التشجيع و يحاولون يصنعولي امل

بس ماكو احس انتهت الحياة عندي
كنت اسهر الليل ابجي و اني اباوع لبنتي البعدني ما شبعت منها ، كنت ادعي الله يشافيني لاعيش وياها و اعوضها السنين النحرمنه من بعض

كان يوم العملية اصعب يوم
كنت احس دا امشي للموت برجليه
موقف شكد ما اشرح ما اوصف صعوبته و رهبته

و اللي صعب عليه الموقف بنتي لما كانت حاسة بخوفي حضنتني و تكول ( ماما اني اريدج لا تموتين لا تعوفيني) حضنتها و ضليت ابجي بكل قوتي

بقو الاهل يفرقون بينا و يهدون بينا اخذو بنتي سكتوها و اني احتضنوني حتى يقووني

وقتها وكفت بصالة العمليات و كلت لربي ( يمكن ما الي عمل يمك اشفع بيه بس ضني برحمتك اقوى من ذنوبي اتوسل رحمتك ان تنجيني و تعدي عني هذه الازمه)

صعدت لكرسي العملية حضروني و دخلت بالبنج ..

لما طلعت كان الألم فضيع كنت اصرخ كل الوقت من الوجع ، اهلي كلهم كانوا ويايه متركوني ولا لحضة

حتى مخلد كان يتصل طول الوقت باهلي حتى يعرف اخباري، بس استقر وضعي و بطلت اصرخ و هديت عمي قدوري انطاني الفون و هو فاتح كاميرا ويا مخلد شافني و تحمدلي ع السلامة ..

و شال رضاوي شكبرة و وكح حيل و السانه شطوله ، حيل فرحت لما شوفني ابني و ارتاحيت

كدرت اتعدى هالمرحلة
و مرحلة العلاج ..
خبرني الدكتور ان تعافيت يس نسبة رجوع المرض كبيرة فحص كل شهر حتى نراقب الوضع

كدرت ارجع لعائلتي و اهلي و اعيش ..
بس ابني ناقصني و مخلد ما تنازل عنه ابد
جان متعلق بيه حيل ، و شرطه لليوم ارجعله و ينطيني طفلي

ما قبلت و لليوم مصرة ارجع ابني ، عسى الله يكتبلي رجوعه مثل ما كتب لبنتي ترجعلي

رحلة حياتي كانت اشبه برحلة الى الجحيم بسبب غبائي العاطفي اللي يخليني وقت لما احب انسى كلشي و اتنازل بالغالي و النفيس للاحبه

عرفت ان محد يستحق الثقة غير ربي و امي و ابويه
و عرفت محد يستحق الحب غير نفسي و اطفالي
و عرفت ان اكبر ذنب ممكن ترتكبه البنت بعمرها ان تتجاهل كلام اهلها الها

ربما تكون عين العاشق اعمى لكن استحاله تنعمي عين الأم و الاب عن شيء يضر بأبنهم او بنتهم

ولو صار و غضبتهم فبعمرك لا تحلم بالتوفيق او الراحة
( وبالوالدين احسانا ) لو ما احسنت لا تتوقع ربك يحسن اليك .....النهاية

☆☆☆☆☆☆☆

انتهت الرواية على خير اتمنى ان تكونوا استمتعتوا و استفدتوا من العبر الكانت بداخلها ، التحرر لو ما كان بحذر فالمتحرر الى الهاوية ، رفض العادات السيئة بالمجتمع ربما يكون افضل لكن خروجك عن عادات و تقاليد المجتمع حتما سيطيح بك في الهاوية ..
الأم و الأب وجودهما في الحياة فرصة ذهبية لمساندتك و ارشادك ، بتخليك عنهم لأي شخص من الأشخص سؤدي بك الى لعنة الله و انعدام التوفيق فاحذروا ... وتقبلوا مني اجمل التحايا و القبلات

اختكم (زينب ماجد ) ❤





فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 24-01-20, 02:31 AM   #22

هبةالربيعي

? العضوٌ??? » 362843
?  التسِجيلٌ » Jan 2016
? مشَارَ?اتْي » 718
?  نُقآطِيْ » هبةالربيعي has a reputation beyond reputeهبةالربيعي has a reputation beyond reputeهبةالربيعي has a reputation beyond reputeهبةالربيعي has a reputation beyond reputeهبةالربيعي has a reputation beyond reputeهبةالربيعي has a reputation beyond reputeهبةالربيعي has a reputation beyond reputeهبةالربيعي has a reputation beyond reputeهبةالربيعي has a reputation beyond reputeهبةالربيعي has a reputation beyond reputeهبةالربيعي has a reputation beyond repute
افتراضي

الروايه جدا جدا رائعه يازينب عاشت ايدج طبعا بالبدايه كرهت لجين لان هي صيدلانيه ومحبوبه وتشتغل وبحريه ومدلله امها وابوها وغلطت غلطه جدا كبيرة ودفعت ثمن اغلاطها ومخلد انزعجت منه لما اتطلكو وتمنيت تعيش وياه حياه حلوة بس مع الاسف الاثنين كبرو مشاكلهم

هبةالربيعي غير متواجد حالياً   رد مع اقتباس
قديم 10-04-20, 07:27 AM   #23

ندى تدى

نجم روايتي

alkap ~
 
الصورة الرمزية ندى تدى

? العضوٌ??? » 142345
?  التسِجيلٌ » Oct 2010
? مشَارَ?اتْي » 8,582
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond repute
¬» مشروبك   pepsi
¬» قناتك mbc
?? ??? ~
My Mms ~
افتراضي

شكرا حبيبتي على الرواية الرائعه



ويعطيك العافيه


ندى تدى غير متواجد حالياً  
التوقيع
رد مع اقتباس
قديم 28-10-21, 07:23 AM   #24

شموخ فلسطينية

? العضوٌ??? » 490199
?  التسِجيلٌ » Jul 2021
? مشَارَ?اتْي » 40
?  نُقآطِيْ » شموخ فلسطينية is on a distinguished road
افتراضي

سلمت ايدكي على الرواية و بغض النظر شو ما كان رأينا بحياة البطلة سواء كانت حياتها صح أو خطأ هاي تجربتها هي و حياتها هي و ربك اللي بحاسب بالاخير مو احنا و ما فينا نحكم عليها لننحط بنفس مواقفها و نعيش نفس حياتها فكل انسان يحترم جروح الاخر و الآمه
بس بتمنى لو قدرتي تكتبي جزء ثالث حتى نشوف شو صار مع لجين بغض النظر على التناقضات اللي داخلنا اتجاهها ..... الله يشافيها و ينصفها باللي بتستاهله
بس بتمنى اذا متواصلة مع صاحبة القصة بعدك متل ما طلبت تكتبلينا بجزء جديد مستجدات حياتها و شكرا


شموخ فلسطينية غير متواجد حالياً   رد مع اقتباس
قديم 28-10-21, 01:01 PM   #25

شموخ فلسطينية

? العضوٌ??? » 490199
?  التسِجيلٌ » Jul 2021
? مشَارَ?اتْي » 40
?  نُقآطِيْ » شموخ فلسطينية is on a distinguished road
افتراضي

برجع بقول اذا القصة فعلا حقيقية بتمنى للجين الشفاء و تقوم بالسلامة بس كنت بتمنى انه قصتها هي و مخلد تنتهي غير هيك بس هاد سوء اختيارها لمالك من البداية خلى حياتها دائما جحيم و شفقت على مخلد لانه قصة حبه الها هيك تنتهي و ما قدر يحافظ عليها بسبب تدخلات المجتمع القاسي اللي اتجسد بأمه و مالك الله لا يسامحهن ابدا
بس اذا القصة حقيقية ما فيكي اتغيري النهاية عشان ترضينا لانه القصص الحقيقية غالبا نهاياتها حزينة بمرارة الحياة بس عنجد بينشفق على قصتهن للحين و مخلد اللي ما خلوهن يتهنوا مع بعض
و ياريت اذا عرفتي مستجدات حياتهن تكتبيلنا جزء ثالث لنعرف عنهن لأنه اتعاطفنا معاهن و شكرا


شموخ فلسطينية غير متواجد حالياً   رد مع اقتباس
قديم 18-01-22, 03:52 AM   #26

em esoos

نجم روايتي وفراشة الروايات المنقولة

 
الصورة الرمزية em esoos

? العضوٌ??? » 167417
?  التسِجيلٌ » Mar 2011
? مشَارَ?اتْي » 752
?  نُقآطِيْ » em esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond repute
افتراضي

عاشت ايدج بجد كلش حلوه وفيها كهر وظلم وعظه وغباء بس لا بد يوم المظلوم ينتصر لو مو بالدنيا بالاخره
بنت لجين راح تكبر وهي تحقد على ابوها وابنها نفس الشيء ولكن راح يلوموها شلون فرطت فيهوم من بعد كرل اللي عاشتو


em esoos غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 12:30 PM



Powered by vBulletin®
Copyright ©2000 - 2024, vBulletin Solutions, Inc.