|
اقفى به الوقت لا جاني ولا جيته السلام عليكم ورحمة الله وبركاته بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين كيفكم ان شاء الله بخير؟ بدايةً انا عضوة جديدة في هالمنتدى وجديدة على عالم المنتديات ككل ..يعني ما اعرف فيها كثير فلو قدر الله وورد مني خطأ فهو عن جهل واتمنى تعذروني هذي رواية قصيرة كتبتها وحابة اشارككم فيها والله يكرمنا بالقبول يارب وذي مقتطفات من الرواية ويارب تنال على استحسانكم ... واتمنى اتمنى تدعموني عشان استمر مقتطفات : راح اقول لك من البداية ترا الوضع خطير وجدًا بس مع ذلك ابيك تشتغل معنا .. انت موافق؟ سكت شوي ثم اردف : انا فدا لترابه :هذا عميلنا الجديد ..وبخبث.. شرايك فيه؟ في ساحة واسعة تكسوها المسطحات الخضراء .. ينتشر فيها العديد من الرجال البغضاء الاشداء المسلحين ..يراسهم رجل اصلع الراس ابيض البشرة ينهى ويأمر دون ان يسمع منهم أي اعتراض ومن كره نفسه واعترض في ليلة سوداء كقلب ذلك الاصلع لا يصبح الا تحت التراب!! سحب جواله بسرع وهو يحاول محد يشوفه فتح قائمة الرسائل وكتب بسرعة وبيدين مرتجفة " انت ما تعرفني ولا انا اعرفك فاهم؟" مسحت دموعها وضمته واردفت بحب : انت حبيبي وسندي بتوتر : خايف نفقد السيطرة ... لان مثل ما تشوف الوضع حرج يا طويل العمر اردف بثقة وبصوت حازم : لا ان شاء الله املي بالله كبير و عيالي قدها ان شاء الله قربت منه وهي تتمايل فاجاته وهي رافعة المسدس في وجهه وتهمس بصوتها الانثوي القوي : ايه بس وش رايك نفجر راسك قبل لا نفجر الموسم؟ ركضت بفزع وهي تتعثر في خطواتها : اه يمه وليدي وينه ارتمت عليه وضمته بتملك : لا ما تاخذونه مني : اخاف مايرجع اخاف ما عاد اشوفه : الجثة وش نسوي فيها طال عمرك؟ يجلس بغرور وعند رجليه يجلس كلبه "نهّاب" الحبيب لقلبه وجدًا .. أطفئ سيجارته واردف بحقد : ابي نهّاب يشرب من دمه لم تكمل كلمتها وهي تحس بفوهة المسدس الاخر على راسها :عندي مهمة موب فاضيلك وخر عني : ههههههههههههههههههههههههه ههههههههههههههههههههههههه ههههههههههههههههههههههههه هههههههههههههه وش عنده باتمان مستعجل؟ : لا اله الا الله اول مرة تقول شيء قريب للصدق! ابتسم بسخرية وضربها كف بيساره حتى حست ان عظام وجهها تكسرت ضمها واردف بندم : اسف طالعت رجلها المكسورة بحسره واردفت : اشلون تضبط معهم حسبي الله عليهم :هههههههههههههههههههههههه� �هههههههههههههههههههههههه� �ههههه طيب هذاك تمثيل ياما ما : الا قولي حظي الشين بدل ما اطيح في حضنه طحت عالحجارة .. لا وفوق الغبنه ما كلف على نفسه وشالني من الارض! : احسن عشان تتربين وما عاد تعيدينها يالوسخة سكتت شوي ثم انفجرت تضحك : ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههههههههههههههههه اه بعمري ما قد شفت احد فغبائك والله تمسكت فيه وبرجا ودموعها متخذة مجراها :تكفى قول انه عايش ومامات رجيتك لا تكسرني لا تكسر ظهري يا ناصر .. تعبي وتريتي وينه ابيه لاتموتونه دخيلكم عضت شفتها واردفت : اه يمه قلبي يجنن حسبي الله عليه طالعتها باستغراب واردفت : هييييييييي ليش تبكييين يابقرة : ابكي من جماله وه ما شفتينه يجنن الله ياخذه لم تكمل كلمتها وهي تحس بفوهة المسدس الاخر على راسها ابتسم بسخرية وضربها كف بيساره حتى حست ان عظام وجهها تكسرت ضمها واردف بندم : اسف ضربه على راسه وهو يعدل مسكته : موب كذا يمسكونه طالعة بقهر واردف : على اساس طلعت من بطن امك تعرف كل شيء ما شاء الله ضمتها وهمست : اذا قدر الله وما رجعت سامحيني وتصدقي عني بكت وشدت عليها : لا تقولي كذا بترجعين وبتنفذين وعدك لي نزل نظارتها على خشمها وطالع عيونها بجرأة واردف :ربي خلق لك عيون قاتلة وضع القلم على الطاوله : هذي هي الخطة .. أي استفسار؟ عقد حواجبه واردف : بس فيه خطر كبير عليها !! : انتهى ما ابي اسمع أي مداخلة وقبل تتفضلون اعرفوا ان نحن تهمنا مصلحكم اكثر منكم ومستحيل نستبب في شيء يضركم : تدري وش اكثر شيء ندمان عليه؟ اني وظفتك معي طالعها بغرور وهمس : غبية : ابعد عني : ليش؟ : وجهك يستفزني ويذكرني بوجه ابوك : يعني اخوان بالاسم بس : اولاً حبيبتي انتِ ، وثانيًا حبيبتي انتِ ، وثالثًا حبيبتي انتِ ، وعاشرًا انتِ حبيبتي وكل شيء : يالله سترك يالله صرخت بقهر : وشلون يعني ما ننام ولا كيف؟ : خير ايش عندها البرنسيسه ؟ : وانت هذي شغلتك بس طاخ طيخ ومزعجنا على الفاضي؟ : استاهل انا يوم انني وافقت اشتغل مع حمير زيكم : حق ابوي ما راح يضيع : خلاص جابوا عميل جديد انتي اشتبين بوجع الراس؟ : هذي حياتي وانا حر : اخيرًا قالها ابتسم ركز في عيونها ثم اردف : برافو عليك قدرتي تثبتين انك غير عن بنات جنسك كلهم :واقفى به الوَقت لا جاني ولا جيته وهذي هي المقتطفات بين يديكم حاولت ابرز فيها بعض من ملامح الرواية وان شاء الله تكو عجبتكم لان اذا عجبتكم وتبون انزل الرواية كاملة تبشرون وراح انزلها ان شاء الله استودعكم الله فصول الروايه مقتطفات من الروايه ... اعلاه المقدمه |
نزليها ارجوكي انا احب هذا النوع من الروايات ياااه صارت نادرة |
:wow11:متى موعد الفصل الجديد |
المقتطفات تحمس ي ليت تنزلين الروايه اتحمست لها |
اه حبييييت مرة 😩😩 ايه نزليها مَاشاءالله احس نفسي تحمستت |
السلام عليكم ورحمة الله وبركاته شكرا على الدعوة حبيبتي ومبــااارك مولودتك الأولى أتمنـى لك التوفيـــق وأن تجدي الدعم وتحققي النجـــاح اللي تتمنيـه بالتوفيـــق .. |
اقتباس:
|
اقتباس:
|
اقتباس:
|
اقتباس:
|
| الساعة الآن 10:27 PM |
Powered by vBulletin®
Copyright ©2000 - 2024, vBulletin Solutions, Inc.