آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
30-08-20, 04:30 AM
| #22 | ||||||||
| مراقبة عامة ومشرفة منتدى الروايات المنقولة  
|  البارت الثامن عشر حس بدقات قلبها السريعه من كثر البكاء بس كشر وهو يتذكر كلامها يذكره بالحرف الواحد " اسيل باستفزاز : ليكون صدقت ان احبك واو ما كنت ادري اني ممثله بارعه " الشخص اذا انجرح من شخص غالي عليه حيل يبقى هالجرح فيه ويتذكر كلماته الي يحسها نار تحرقه عكس الشخص الجارح الي يقول الكلام وفي نفس الوقت ينساه بس هو يحس بنبرة الصدق بكلامها همس لها بهدوء وهو يحس نفسه ضايع : صعب اصدقك هدت وخفت مقاومتها جسمها ارتخى بتعب وراسها يدور ياسر انفجع قعد معها على الكنبه راح يجن اذا صار لها شي سندت راسها على وراء ياسر سب نفسه ان هو السبب بلي صار لها : اسيل وش فيك يا عمري اسيل بتعب : ابي مويه وقف وهو ياخذ علبة الماء الي على الطاوله ويعطيها شربت وسندت راسها على كتفه ياسر بهدوء : اخذك المستشفى اسيل : لا بس دوخه لان ما كلت شي اليوم ياسر بصدمه : وليش اسيل زمت شفايفها وماردت ياسر لف ومسك وجها بيدينه : غبيه انتي صحتك عندي اهم من كل شي و يا ويلك ان سويتي شي من وراي وقبل لا تسوين شي عطيني خبر طيب اسيل : طيب ياسر قرب منها وباس جبينها همس لها: انتبهي لنفسك اخذ مفتاحه طلع وتركها غارقه بأفكارها __ في بيت ابو احمد اسامه فتح غرفة فايز بضيق مجبور : يلا بابا باخذك لامك فايز طالع ابوه بدهشه : ليش اسامه : بتقعد عندها اليوم وبكرا فايز : ما ابي اسامه : فايز حبيبي يلا كلها يومين فايز طالعه مشى لايباده اخذه معاه تذكر اخر مره شاف امه بالمستشفى وكلام محمد ما يبي يروح ركب السياره و اثنينهم ساكتين وقف اسامه قدام بيت حسام وهو يتذكر كل شي صار معه ويا نوره في هالبيت غمض عيونه وهو يزفر انفاسه بعمق لف لفايز بهدوء : يلا بابا فايز هز راسه بالنفي وعيونه امتلت دموع : ما ابي بابا ما ابي اروح اسامه مسك يده وباسها : ليش يا روح بابا فايز بضيق : ماما ما تبيني اسامه بهدوء : لو ما تبيك ما كان طالبت فيك فايز طالعه بعدم فهم اسامه : يلا انزل فايز فتح الباب وهو ماسك ايباده بقوه اسامه مد يده له ومشوا لبيت سعود اخذ نفس وضغط الجرس ثواني وفتحت ميري اول ما شافت اسامه عرفته : نئم شنو يبي اسامه لوا فمه بطفش : نادي نوره ميري : ليش اسامه بنرفزه : بتنادينها او اروح ميري : طيب مين انت اسامه زفر بطفش : قولي فايز جاء ميري تركت الباب مفتوح ومشت بسرعه لداخل : مدام هذا واحد يقول فايز وقبل لا تكمل كلامها وقفت نوره وهي تلبس جلالها وتمشي بسرعه للخارج شافت فايز بس من شوقها الكبير له ما انتبهت ان ابوه معاه مشت بسرعه طالعت فايز ابتسمت : تعال حبيبي فايز طالعها مشى بخطوات بطيئه نزلت لمستواه وضمته بقوه باست خدوده وراسه : حبيبي طمني عنك انت بخير فايز هز راسه ايه رجعت نوره تضمه: ياروحي انت انتبهت لثوب رجال رفعت نظرها لفوق وانصدمت انه اسامه واقف وجات عينه بعينها وقفت بسرعه ومسكت فايز ودخلت البيت اما اسامه كان واقف ريحة عطرها اخترقت انفه و هيجت كل مشاعره وذكرياته الي حاول ينساها صوتها رجعه لاحلى ايام عمره نظرة عيونها كانت بارده وكأنها تخبره بانه لا يعني لها شيئا وانه اصبح ماضي فقط مشى لسيارته سند راسه على الدريكسون لينطق بهدوء: ما تغيرتي يا نوره بس جمالك زاد غمض عيونه وبضعف: آه بس ليتني وقفت بوجه الكل عشانك والله اني للحين احبك طالع بيت سعود تنهد تنهيده خرجت من اعماق قلبه حرك السياره وطلع من الحي _ سعود نزل وهو يلف السبحه على يده اتسعت ابتسامته وهو يشوف فايز قاعد معاهم قرب منه: هلا وغلا بالغالي ولد الغاليه فايز طالعه سعود قعد جنبه وباس راسه :كيف الحال فايز بهدوء: بخير سعود وقف: دوم يارب انا الحين طالع بس اجي راح اقعد معك نوره: وين سعود ابتسم: عندي شغل مع بندر سلام نوره طالعت وجدان وجواد هاديين ضمته فايز بقوه: قولي حبيبي كل شي صار معاك فايز طالعها ولف لمحمد الي يطالعهم وعبدالله الي ابتسامته على وجهه نوره بحنان ومسحت على شعره:يلا حبيبي قول لي فايز طالعها وصار يقول لها كل شي وهي تقاطعه وتسأله وهو يجاوب بايه او مادري محمد: ماما ابي كاكاو نوره طالعته وبهدوء: خلص محمد بقهر: ابي حق فايز عبدالله: حمود حقك خلص مايصير تأخذ حق فايز محمد بعناد: انا ابي كاكاو نوره بابتسامه: خلاص طيب راح اعطيك طالعت فايز الي يطالعها بزعل ابتسمت وهي تلعب بشعره همست :لا تزعل شريت لك اشياء كثيره راح تعجبك فايز ابتسم: جد نوره: ايه ياروح ماما وقفت وهي تشيل وجدان: حبيبي عطني رضاعة وجدان وقف محمد بيعطيها بس سبقه فايز لان كان الاقرب واخذ الي غطاها وردي لان واضح انها لبنت محمد طالع عبدالله بقهر عبدالله وقف :حمود تعال محمد وقف ولحقه _ عبدالعزيز دخل الصاله: اخبار الغاليه شيخه طالعته بجديه: ما قلت لك ما ابي اشوفك عبدالعزيز بابتسامه: وتقدرين يمه يمر يوم وما تشوفين عزوز ابتسمت شيخه: ايه لما تشيل العقربه من راسك عبدالعزيز قعد جنبها ومسك يدها وباسها: يمه طيب ليش شيخه بحده:قلت لك البنت دكتوره تروح دوامها بليل وشغلها اختلاط ويجوها مرضى رجال يعني انت ما راح تشك فيها عبدالعزيز بضيق: يمه خلاص محد صار يفكر كذا انا راضي ان زوجتي تكون دكتوره وواثق فيها ثقه عمياء شيخه بنرفزه: بعدين البنت لسانها طويل ضحك عبدالعزيز: كيف عرفتي شيخه: اعرفها اخت العله نوير عبدالعزيز بابتسامه: بس يمه تجنن وانا اموت فيها شيخه وهي تحس ضغطها ارتفع من تمسك عبدالعزيز فيها : انا او هي يا عز عبدالعزيز وقف رغم انه مقهور بس كان يتكلم بهدوء ما رفع صوتها عليها ابد : تدرين ان محد يوصل غلاتك يالغاليه بس اذا ما كانت جوري زوجتي فأنا ما راح اتزوج ابد شيخه مسكت راسها بألم عبدالعزيز يتنفس بسرعه لف لامه بيستأذنها ويطلع بس انصدم وهو يشوفها ما تتحرك قرب منها مسك يدها : يمه يمه وش فيك يمه صرخ على احدى الشغالات تجيب له عباية امه اسيل نزلت من لما شافت ياسر امس دخلت غرفتها وما طلعت انصدمت وهي تشوف عبدالعزيز يصارخ وامه ما ترد مشت بسرعه : عز شفيها امي عبدالعزيز بتوتر : اغمى عليها فجأه شال العبايه من الشغاله وهو يحطها عليها ويشيلها ويركض فيها اسيل مشت وراه بسرعه : عز طمني عليها عبدالعزيز : طيب شافت شيماء جايه لها ابتسمت بتوتر وهي تدعي ان امها تكون بخير : هلا بشيوم شيماء : شفيها جدتي اسيل هزت اكتافها : ما ادري والله ننتظر عمك يطمنا عليها دخلت شيماء وقعدوا في الصاله سوالف مع ان اسيل متوتره وخايفه على امها بس ما تبي تخوف شيماء وياها _ في بيت سعود في غرفة عبدالله ومحمد تحديدا عبدالله : انت شفيك على فايز محمد قاعد على سريره يطالعه : ما احبه دايما ماما تحبه اكثر عبدالله وهو يطالعه : طيب هي امه لازم تحبه اكثر محمد بغيره : لا هي ماما لنا عبدالله بقهر قعد جنبه : ترى ماما بتزعل منك اذا زعل فايز وبابا راح يزعل بعد مثل ذيك المره لما عصب عليك محمد طالع عبدالله ودموعه نزلت : ليش هو يجي عندنا ما ابيه عبدالله تنرفز : حمود خلاص عند نوره بعد ما ناموا التوأم مشت مع فايز لغرفته تلعب وتسولف وياه مو مصدقه وجوده معها فايز تذكر شي طالعها : ماما عمتو شذى تبي رقمك نوره اختفت ابتسامتها هي تعتبر شذى اختها الثالثه بس ما تبي اي شي يوصلها لعايلتهم يكفيها فايز وبس فايز : ماما عطيني رقمك نوره : طيب وقفت وهي تفتح درج التسريحه وتطلع دفتر وقلم وتعطيه رقمها : طيب عطها رقمي وخله عندك عشان اكلمك طيب فايز ابتسم : طيب نوره قعدت على السرير : تعال فايز راح انسدح جنبها باسته وهي تلعب بشعره بحب وغطته فايز : ماما قولي قصه ضحكت نوره : من عيوني _ عبدالعزيز تنهد براحه لما صحت امه بالسياره وقف قدام المستشفى طلب كرسي متحرك لها ونزلها شيخه بتعب : عز يمه ابي دكتوره لا توديني لدكتور عبدالعزيز : يمه اهم شي اطمن عليك شيخه : لا شوف لي دكتوره عبدالعزيز تنهد وهو يسأل عن دكتوره رد عليه رجل الريسبشن : ايه الدكتوره جوري موجوده وقبل لا يكمل كلامه حرك كرسي امه ومشى فز قلبه من سمع الاسم قعد على الكرسي قدام مكتبها دقايق وطلع المريض الي كان عندها ونادت على شيخه ابتسم ودخل مع امه جوري طالعت عبدالعزيز حست بتوتر ورجفه بقلبها وجسمها وجوده يبعثرها عبدالعزيز : سلام عليكم جوري :وعليكم السلام عرفت ان المريضه امه خذت نفس مع انها ما تطيقها بس هي الحين مريضه عندها وبمهنيه: عسى ماشر خالتي وش فيك شيخه قالت لها وش صار جوري خذت جهاز فحص الضغط حطته على كتفها وقفلته وضعطت طالعتها وتكلمت بهدوء :ضعطك عالي يا خاله شيخه بقهر :كله من وراء هالولد جوري ابتسمت غصب وهي تكتب بالحاسوب قدامها لف عبدالعزيز لجوري : طيب دكتوره يعني هي بخير مافي شي نخاف منه جوري لفت له : بنسوي لها الفحوصات اللازمه عشان نطمن اكثر وقفت جوري وهي تمسك الكرسي وقف عبدالعزيز : لا انا باخذها جوري ابتسمت : طيب بعد نص ساعه جوري تشوف الفحوصات : الحمدلله كل شي تمام بس الضغط ارتفع عليك لا تتعبين نفسك وراح اكتب ادويه اتمنى تنتظمين عليها عشان صحتك شيخه بتعب وهي منتبهه لنظراتهم طاح نظرها على البطاقه الطبيه انصدمت وهي تقرا الاسم لفت وجها : طيب عبدالعزيز : الله يعطيك العافيه جوري : الله يعافيك مسك كرسي امه بيطلع بس وقف وهو يسمعها تناديه لف لها : آمري جوري بصوت منخفض : ما يامر عليك ظالم بس بغيت اقول لك مبروك نجاح المشروع عبدالعزيز اتسعت ابتسامته وهو يطالع بعيونها : الله يبارك فيك شيخه تطالعهم وبهدوء : عز يلا عبدالعزيز انتبه لامه فتح الباب وطلع وابتسامته ما فارقته يالله كل يوم يحس بحبها يزيد طلع جواله واتصل لاسيل يطمنها _ سمر ماسكه جوالها وتفكر تتصل باسيل او لا واخيرا خذت نفس واتصلت اسيل الي قفلت من عز نزلته على الطاوله شيماء وهي تأكل حب شمسي وترمي القشر على الارض اسيل ضربتها على راسها : وليش جايبين الصحن عشان ترمينه على الارض شيماء وهي تحك راسها : نسيت شسوي مندمجه مع الفيلم اسيل رن جوالها شالته بابتسامه طالعت الاسم تستوعب ان سمر متصله ردت : هلا والله اغلى من يتصل سمر بهدوء : هلا فيك كيف حالك اسيل : بخير دام سمعت صوتك انتي اخبارك سمر : تمام الحمدلله عم الصمت دقيقه سمر خذت نفس وزفرته تكلمت : ترا للحين شايله عليك ومتضايقه منك اسيل بهدوء :آسفه سمر سكتت :وش صاير معاك رسلتي لي امس رساله انك محتاجتني اسيل عيونها مليانه دموع سمر صديقة عُمر ومجرد ما قرت رسالتها اتصلت عليها وماتركتها حتى وهي زعلانه منها :بس اشتقت لك ولسوالفنا سمر ابتسمت وبهدوء :وانا بعد اسيل لفت وجها عن شيماء عشان ما تلاحظ دموعها :اقدر اشوفك اليوم سمر : ما ادري والله بشوف وارد عليك اسيل مسحت دموعها :طيب حبيبتي سمر :مع السلامه اسيل :بحفظ الله قفلت وهي تشوف شيماء خلصت الحَب: وجع شيوم كان خليتي لي شيماء طالعتها بابتسامه : من كلمتي اسيل طارت عيونها : وش دخلك شيماء بنفس ابتسامتها : بس اسأل اسيل تطالعها : سمر بعد من غيرها شيماء ضحكت : طيب وين فايز اسيل طالعتها بدهشه : صح وين فايز ما شفته شيماء : يوه عمتي انا اسألك اسيل : ما ادري يمكن طلع مع اسامه لما يجي بنسأله بعدين انتي وش جابك عندنا شيماء طالعتها : ماما راحت عند جدو وانا ما ابي اروح هناك قلت لهم اجي عندك ما تبيني الحين اتصل لبابا يجيني ضحكت اسيل : لا والله جيتي بوقتك طفشانه وما عندي احد شيماء ابتسمت بس وقفت هي تشوف عبدالعزيز يسند جدتها داخلين قربت وهي تسلم عليها اسيل لحقتها : عسى ماشر عبدالعزيز : ماشر بس الضغط ارتفع عندها ولا كل شي تمام اسيل زفرت براحه : الحمدلله وصلها لغرفتها سدحها على السرير وباس راسها: تأمريني بشي شيخه هزت راسها بلا لف وطلع لشيماء واسيل بيقعد معهم _ سعود رجع البيت مشى لغرفة عياله ابتسم لهم : كيف الحلوين عبدالله بابتسامه : بخير سعود قعد على السرير جنب محمد : تعيشيتوا عبدالله : لا سعود ابتسم :طيب يلا ننزل نتعشى ويا بعض مسك يد محمد :يلا يا بطل عبدالله ابتسم ووقف سعود طالع محمد الساكت باستغراب شاله : وش فيك محمد : ماما وين سعود ابتسم : يمكن نايمه او مع اخوانك للحين ما شفتها نزله على الكنبه و مسح على شعر عبدالله نادى ميري تجهز لهم العشاء : راح ابدل واجيكم راح فوق دخل جناحه ومشى للغرفه بيشوف التوأم شاف وجدان تطالع وساكته ابتسم راح طلع له بيجامه ورجع باس جواد وشال وجدان : يازينها الحلوه مشى لغرفة فايز فتحها بهدوء شاف نوره نايمه مع فايز ما حب يزعجها ويصحيها بس بكت وجدان و صحت نوره بخوف سعود : يالمزعجه زين كذا صحيتي ماما نوره طالعت فايز غطته وقامت ومشت لسعود وطلعت معاه : متى جيت والله راحت علي نومه بدون ما حس سعود بابتسامه : توني وصلت يا قلبي تبين عشاء نوره وهي تتثاوب : شوي وجايه نزل سعود ومعاه وجدان الي تصيح حاول فيها تسكت بس مو راضيه نوره جات لهم وفي يدها رضاعة وجدان شالتها وعطتها بعد ما شبعت وسكت قعدت معاهم على طاولة الاكل يتعشون _ اسامه دخل غرفته ارتمى على سريره بهم وهو مو قادر يطلعها من راسه اسماء قعدت جنبه : حبيبي تعبان اسامه : لا قعد وهو يطالعها : ترا ما نسيت السفر الاسبوع الجاي ان شاء الله بنسافر بس اخلص كم شغله بالشركه اسماء ابتسمت بفرح : يا عمري ربي لا يحرمني منك ابتسم اسامه وقف راح بياخذ شور اسماء طلعت له ملابس ومسكت جوالها تنشغل فيه _ €€€€ في بيت بو تركي سمر : يمه بطلع مع اسيل منال وهي تكش عليها بيدها : ياشين من طريتي الام طالعتها بنظره سمر : يمه اتقابل وياها في مطعم او مول اذا ما تبيني اروح بيتهم سوسن : انتي صاير لعقلك شي نسيتي اسيلوه شسوت سمر ببرود : راح تبقى صديقتي نجلاء : الله ياخذ الصديقات الي كذا سمر بعصبيه : نجلاء لا تدعين عليها دخل ياسر وهو يسلم على امه الام تنهدت : طيب بس مو تتأخرين بالرجعه سمر وقفت وباست راس امها : ان شاء الله ما راح اتأخر ياسر : وين رايحه الام : بتطلع مع زوجتك ياسر رفع نظره لسمر تكلم بهدوء : انا بوصلكم سمر وقفت : طيب بروح اجهز ومشت وهي تتصل لاسيل منال بقهر تكلم سوسن نست وجود ياسر : غببه شقالت تبقى صديقتي مالت عليها وعلى صديقتها المغروره الكريهه سوسن ماردت وهي تشوف ملامح ياسر عضت شفتها وبنفسها : والله محد غبيه غيرك منال : لا ولها وجه تتصل بعد الي سوته قطع كلامها صوت ياسر الحاد : منال كلمة زايده اقص لسانك ام تركي طالعتها بضيق ولفت لياسر: تركي اتصل عليك ياسر بهدوء : ايه يمه الحمدلله وصل اطمنك ام تركي بعتاب : وليش ما اتصل علي ياسر مسك يد امه : بيتصل فيك ثواني الا رن جوال الام : سوسن عطيني اياه سوسن فزت وهي تاخذ جوال امها : يمه الرقم دولي ياسر ابتسم : اكيد تركي ردت الام بسرعه وبلهفه : هلا يمه ، وينك من الصبح انتظر اتصالك ، اها طيب اهم شي انك بخير يا روحي وتمت تسولف وياه نزلت سمر : يلا وقف ياسر وطلعت معاه __ في بيت ابو احمد كلهم قاعدين في الصاله ماعدا شيخه احمد جاء يطمن على امه بعد ما قالت له شيماء انها تعبت عبدالعزيز : شلون صارت الوالده صالح : بخير مافيها شي والحين بتنزل ردوا : الحمدلله اسامه وهو يطالع اسيل : انتي وين رايحه اسيل : بطلع مع صديقتي احمد وقف وهو يشوف امه قرب منها وهو يحب راسها ويدها : ما تشوفين شر يالغاليه شيخه : الشر ما يجيك طالعت الموجودين ووقف نظرها على عبدالعزيز اسامه : يمه ارتاحي تعب عليك تتمين واقفه عبدالعزيز تضايق دام امه تعبت بسببه راح يأجل موضوع الخطبه صحة امة عنده اهم شيخه قعدت تمت طول الليل تفكر خذت نفس عميق طالعت عبدالعزيز و لفت لصالح : انا موافقه عبدالعزيز يتزوج بنت حسام الـ.. طالعوها بصدمه عبدالعزيز يحاول يستوعب كلام امه ابتسم ووقف وهو يحب راسها ويدها : جد يمه شيخه لفت وجها عنه : ايه روح اخطبها في النهايه ما راح تسوي الا الي براسك عبدالعزيز يحس بفرحه كبيره حب يدها اكثر من مره : ربي لا يحرمنا منك يا جنتي اسامه صدمته كبيره شلون عبدالعزيز ياخذ اخت طليقته اخت ام فايز وشلون امه وافقت مو قادر يستوعب اسماء بنفس صدمته بيتزوج جوري وتسكن وياهم في البيت ويمكن طاري نوره يكون كل يوم يالله هي غصب متحمله ولدها هالمره تجي اختها وقفت وتركت المكان وقف اسامه وهو يطالع امه بنظره ما فهمتها هي عتاب او قهر او ضيق لفت بنظرها عنه وهو مشى لغرفته صالح بابتسامه وهو يشوف فرحة عبدالعزيز : خلاص ان شاء الله اكلم حسام ونروح له بعد بكرا عبدالعزيز وقف ولف لابوه بابتسامه وقعد جنبه اسيل تطالع امها بدهشه شلون اقتنعت ووافقت على جوري شيماء : عمتي جوالك له ساعه يرن اسيل لفت لها : وش قلتي شيماء اشرت على جوالها اسيل شهقت وهي تشوف مكالمات سمر وقفت وهي تستأذن منهم وتطلع __ نوره قاعده على السرير قدامها التوأم وفايز حنبها يطالعهم وهو مستانس دخل محمد : ماما بقعد معك نوره اشرت له على السرير : تعال هنا محمد مشى وقعد جنبها نوره : وين عبدالله محمد : قاعد في الغرفه نوره وهي ترفع جواد وتفسخ ملابسه وتلبسه ملابس ناعمه ودافيه فايز بابتسامه : ماما عطيني اياه نوره ابتسمت وهي تحطه بحضنه وماسكته صاح جواد محمد وهو يطالع فايز : ليش يبكي شسويت له فايز يناظر امه : ماما ما سويت له شي هو صاح بروحه نوره ابتسمت وهي تمسح على شعره : عارفه يا روح ماما شالت وجدان وهي تبدل ملابسها بعد ما خلصت باستها بخدها و عيونها : فديت بنتي الحلوه دخل سعود تكتف وهو يتسند على الباب : اشوف الغرفه صارت حضانه ضحكت نوره : واحلى حضانه مشى سعود وقعد على الكنبه : كيفك يا فايز فايز : تمام سعود : جيت امس بسولف وياك لقيتك نايم فايز طالعه وما رد سعود بابتسامه ياشر على الكنبه : تعال هنا فايز وقف وراح له قعد جنبه وهو يجاوب على اسئلته محمد كان يطالع فايز بنظرات حاده نوره طالعته تنهدت وهي تنزل وجدان حطت يدها على كتف محمد : حبيبي شفيك محمد انتبه و ضمها : ماما انا احبك كثير نوره ابتسمت وباست راسه : وانا احبك اكثر ياقلبي سعود لف نظره لهم : فايز محمد يلا روحوا لعبدالله وقفوا وطلعوا سعود وقف وشال جواد وحطه بسريره وغطاه ونفس الشي وجدان قعد جنب نوره نوره سحبت ربطة شعرها وطاح على اكتافها وظهرها ابتسمت : شفيك سعود وهو يناظر عيونها الفاتنه : ما اسمح لك تقولين حبيبي الا لي نوره ضحكت : سعود انا اشوف غيرة محمد من فايز ولا غيرتك سعود حط يدها على خصرها وقربها له وحط دقنه على كتفها : وفي احد عنده هالقمر وما يغار نوره ابتسمت سعود وهو يستنشق رائحة شعرها بعد شوي وحط يده تحت دقنها ولف وجها له وهو يشوف الفرح بعيونها ابتسم : عسى الفرح ما يفارق عيونك نوره ابتسمت ومسكت يده : دامكم معي راح اكون دوم فرحانه __ في المول اسيل تسولف لسمر اختفت ابتسامتها وهي تشوف ياسر جاي لهم بعد ما وقف السياره سمر استغربت ولفت وراها ابتسمت : هو اصر يوصلنا ياسر وصل لطاوله سحب الكرسي وقعد طالعهم : ليش ما طلبتوا سمر بخبث : اسيل حلفت ما تشرب شي الا وانت موجود ومن يدينك اسيل شهقت بدهشه ياسر كتم ضحكته وهو يسمع شهقتها اما سمر ضحكت عليها ياسر لف لسمر وضحكتها العاليه : سمر ووجع سمر وهي تحط يدها على فمها عشان توقف ضحكها ياسر :طيب شتبون اطلب لكم سمر : اي شي على ذوقك ياسر وقف : طيب اسيل زفرت انفاسها و عطتها نظره : كذا يا حماره تحرجيني قدامه بس هين انا اوريك سمر وهي تطالع وجها الاحمر : كملي سالفتك الي كنت تقولينها قبل يجي ياسر اسيل تذكرت وبدت تقولها لها رجع ياسر وهي يحط الطلبات سمر وقفت اسيل رفعت نظرها لها : وين؟ سمر ابتسمت : ابي اشتري كم غرض وراجعه ومشت قبل تتكلم اسيل ياسر بابتسامه وهي يطالع ملامح وجها : كيف حالك اسيل : بخير ياسر بهدوء وغيره : ليش ما تتغطين اسيل ضغطت على كف يدها تهدي رجفتها : كذا ما تعودت ياسر ببرود : من بكرا ما تطلعين من البيت الا وانتي متغطيه اسيل بهدوء : طيب ياسر استغرب انها وافقت بسهوله عم الصمت لدقايق وهو ماشال نظره من عليها يتأملها وهي تشرب و تسوي كل حركه : شرايك نسوي العرس بعد شهرين اسيل غصت وصارت تكح بقوه ياسر بخوف : بسم الله عليك اسيل طالعته وهي تاخذ انفاسها : بغيت تذبحني ياسر ببرود : شهرين يناسبك اسيل بقهر : لا ياسر : طيب ٤ شهور اسيل بتعترض ياسر قاطعها : خلاص ٤ شهور وبس اسيل وقفت وهي تاخذ شنطتها ياسر وقف : لحظه مشى لها وصار جنبها : يلا دخلو المصعد وفجأه تعطل وتوقف فيهم اسيل بخوف : شفيه توقف ياسر : مدري اسيل مشت بخوف مسكت يده : ياسر تصرف انا خايفه ياسر حس برجفتها من يدها حط يده على اكتافها : لا تخافين انا معك ضغط على زر الطوارئ جاه الرد وطلب المساعده منهم اسيل دفنت وجها بصدره ياسر ضمها : حبيبتي شوي بس ويشتغل ياسر تعب وقعد : اووف وينهم اسيل قعدت وهي ضامه رجولها طالعت ياسر بدموعها وهي ما تشوفه بوضوح بسبب الظلام وبهمس :ياسر يأسر :عيونه اسيل مسكت يده وغمضت عيونها :انا اسفه ادري انك مجروح مني بس انت بعد خذت حقك مني ياسر رفع يدها وباسها :خلاص انسي الي صار اسيل سندت راسها لوراء وكأن خوفها راح : تذكر اول مره شفتك فيها ياسر ابتسم: وانا اقدر انسى شي يخصك اسيل زادت دقات قلبها بشكل كبير فجأه اشتغل ليت المصعد وتحرك ياسر وقف ومد يده لها يوقفها طالعها وهو يدري اول ما ينفتح المصعد بيلقى ناس كثير مجتمعه قدامه مد يده وهو ياخذ جزء من شيلتها ويغطي وجها انفتح المصعد تكلم رجل الامن الي قدامه : انتوا بخير ياسر : ايه الحمدلله شكرا لكم انحنى وهو يأخذ شنطة اسيل ويمسك يدها : لو سمحتوا بنطلع بعدوا رجال الامن و الشباب ومر من جنبهم طلع جواله وهو يتصل لسمر بيشوف وينها __ اسامه ماسك راسه بينفجر من كثر ماهو مقهور مو قادر يتحمل وقف قدام التسريحه وهو يتنفس بقوه مسك زجاجة عطره ورماه على الجدار بقوه اسماء صرخت بخوف وهي تبعد عنه مسك العطر الثاني ورماه بنفس القوه اسماء طالعته تضايقت عليه : حبيبي تكفى اهدا اسامه مسك الفازه ورماها لدرجة طارت شظيه وخدشت خده اسماء انفجعت مشت له و مسكت يده وبترجي : لا تسوي بنفسك كذا اسامه صرخ بعصبيه : ليش تسوي كذا معي دايما انفذ كل طلباتها ولا عمري عصيتها بس هي توقف بوجهي واذا احمد او عزيز طلبوها ما تقدر ترفض توافق طيب انا مو ولدها حالي من حالهم اسماء تجمعت دموعها ولا اول مره تشوفه بهالحاله اسامه ووجهه احمر ويرجف : خسرت المره الوحيده الي حبيتها عشانها رفضت شرطها عشانها تزوجت بعد عشانها بس هي ولا همها ما عمرها قالت لي كلمة طيبه اسماء ضمته بقوه مع ان كلامه ضايقها بس هي خايفه عليه : حبيبي الله يخليك اهدا خلاص هذا نصيبك اسامه ضمها ودفن وجهه بكتفها وهو يتنفس بسرعه سمع صوت ابوه بعد اسماء عنه : بروح اخذ شور وانتي فتحي الباب صالح يدق الباب : اسامه اسامه اسماء راحت تفتح شافت صالح وشيخه اما عبدالعزيز بعيد شوي صالح بخوف : فيكم شي ليش اسامه يصرخ واصوات التكسير اسماء ارتبكت : هاه لا بس اسامه كان تعبان شوي شيخه بخوف : بسم على ولدي وش فيه اسماء بقهر : سألي نفسك صالح طالع اسماء بعدم رضا لجوابها : طيب هو وينه اسماء : يأخذ شور صالح تنهد : اهم شي ان بخير اسماء : الحمدلله راحوا وهي مشت للمطبخ خذت المكنسه و راحت لفوق وبدت تنظف الغرفه من القزاز بعد ما خلصت مشت وطلعت لها روب نوم ناعم وفردت شعرها الي تحت اكتافها رشت عطرها وقعدت على السرير طلع اسامه بروب الاستحمام وهو ينشف شعره ابتسمت اسماء مشى للكبت بيطلع له ملابس ويطلع اسماء وقفت ومسكت يده هزت راسها بلا : ما راح اسمح لك تطلع وانت بهالحاله اسامه طالعها وبهدوء : ما اقدر اقعد احس اني مخنوق اسماء :اذا بتطلع رجلي على رجلك اسامه بتعب : طيب اسماء بدلت بسرعه بنطلون اسود وبلوزه بأكمام طويله خذت عبايتها وشيلتها ولبستهم وففت قدام التسريحه وهي تلبس نقابها و خذت جوالها اسامه خلص مسك جواله وبوكه ومفاتيحه وطلع اسماء تنهدت طلعت وقفلت الغرفه بالمفتاح ولحقته وصل لسيارته شغلها طالع اسماء : وش راح تستفيدين بس بدور بالشوارع اسماء ابتسمت بهدوء : اهم شي عندي ما اخليك لحالك مدت يدها لخده : زين كذا تجرح نفسك اسامه مارد شغل المسجل وحطه على سورة الملك بصوت ماهر المعيقلي وحرك السياره __ نوره خلصت من صلاة العشاء وقفت وهي تفسخ جلالها لفت على عبدالله الي دخل عليها :ماما نوره :عيونها عبدالله بخوف :حمود زلق بالمويه وطاح نوره طلعت قبله تركض نزلت بخطوات سريعه شافت فايز واقف يطالعه ومحمد يصيح بألم نوره وهي تقعد قدامه :بسم الله عليك حبيبي وين يعورك محمد :ماما يدي تعورني نوره باست راسه وبعصبيه :من سكب المويه عبدالله حك راسه بتوتر :ماما كنا نلعب بالمسدسات نوره طالعته بنظره رن جرس البيت عبدالله بسرعه وفتح الباب جوري ومعاها سعد :مساء النور والسرور ابوك موجود سعد :وين حبيب خاله عبدالله بضيق :مساء الخير لا محد وفايز داخل حياكم جوري دخلت وهي تنادي :نوير وقفت وهي تشوف نوره قاعده على الارض ومعها محمد فايز ابتسم بهدوء ومشى لسعد وهو يضمه جوري نزلت الاكياس الي بيدها ومشت لها: نوره شصاير نوره طالعتها بابتسامه :هلا جوري محمد طاح و خايفه تكون يده انكسرت مو عارفه شسوي نوره نزلت على ركبها ومسكت يده و هي تفحصها وتركز على مكان الالم مع صراخ محمد ابتسمت :لا الحمدلله مو كسر نوره زفرت براحه وشالته على الكنبه جوري لفت لفايز الي مستانس يسولف مع سعد :فايز طيب وانا ما تبي تسلم علي فايز لف لها وهي نزلت وضمته وباست خده بقوه :يازينه احلى ولد بالعالم نوره اشرت لعبدالله الي باين الضيق على وجهه يقعد جنبها ضمته ومسحت على شعره: خلاص حبيبي حمود بخير عبدالله طالعها :مو زعلانه منا نوره ابتسمت :لا نادت ميري تنظف المويه وتاخذ الاكياس الي جابتها جوري :وش جايبه لنا جوري ابتسمت وهي قاعده جنب فايز :كل الي يحبه قلبك نوره بابتسامه :تسلمين لي يا عمري جوري وهي تفسخ شيلتها :بو عبدالله متى راح بيجي نوره :بيتأخر اليوم جوري :احسن سعد :وين بزرانك وربي مشتاق لهم نوره وقفت :الحين بجيبهم ميري طلعت من المطبخ وهي تقدم لهم العصير دقايق ونزلت نوره وهي شايله التوأم سعد اخذ جواد وجوري وجدان قضوا سهرتكم بين سوالف واكل وحش __ في الصباح جوري في مكتبها تشتغل على الحاسوب تعبانه ما نامت الا ساعتين مسكت كوب الكوفي وهي تشرب الي بقى ورمته لزباله وقفت وفي يدها اوراق المريض تقراها طلعت وهي تمشي صدمت بشخص وطاحوا اوراقها ردت بدون ما تناظره : آسفه عبدالعزيز ابتسم ونزل ياخذ اوراقها : كيفك اليوم جوري خذتهم منه :بخير عبدالعزيز وهو يمشي معها :وانا بعد بخير جوري : وش تبي عبدالعزيز : وانتي كل ما اشوفك بتقولين لي هالكلمه جوري تنهدت بتعب : عبدالعزيز مشغوله مو فاضيه ابد اليوم عبدالعزيز ابتسم : طيب بس سؤال جوري : تفضل عبدالعزيز :اذا جيت اخطبك بتوافقين جوري ارتجف قلبها وقفت فجأه وهي ترمش اكثر من مره تستوعب كلامه طالعته وجات عينها بعينه نزلت نظرها بسرعه وبارتباك : أ أ خذت نفس عميق تهدي نفسها وردت بهدوء : وليش ارفض ومشت بسرعه من قدامه عبدالعزيز يستوعب كلامها ابتسم بحب وهو يتذكر ارتباكها وتوترها وعد لأحارب الكل لعيونك وتصيرين لي وحلالي انا بس __ فتح عيونه بعد ما انزعج من اشعة الشمس الي احرقته بحرارتها مد يديه وحرك رقبته بتعب من نومة السياره تثاوب وتعدل مد يده وهو ياخذ نظارته الشمسيه لف للي نايمه جنبه هز كتفها :اسماء اسماء تحركت وهي تطالعه : شصار وين احنا شغل السياره وبهدوء :جوعانه اسماء وهي تتثاوب بتعب عدلت قعدتها : بموت من الجوع حرك السياره وقف عند سوبر ماركت شرا علبتين ماء وقف عند كوفي اشترى له ٢ كوفي و كم قطعه كروسان وحرك لبيت سعود اسماء باستغراب : وين رايح اسامه : باروح اخذ فايز اسماء طالعته : اسامه خلنا نرجع البيت نريح وبعدين روح جيبه اسامه طالعها ولف مغير طريقه لبيتهم وقف ورمى مفتاح السياره لسواق ودخل ما مر الصاله بس وقف لما سمع صوت امه دخل الصاله ماشاف غيرها مشى لها سلم على راسها : تأمريني على شي شيخه وهي تطالع اسماء ببرود : وين نمت امس اسامه وراسه مصدع وجسمه منهد من نومة السياره : في السياره شيخه بدهشه : بالسياره اسامه ببرود : ايه شيخه وهي تطالع تعابير وجهه : وش فيك من امس متغير اسامه اخذ نفس : سلامتك سالفه قديمه شابه نار بقلبي شيخه طالعته ومسكت يده وشدت عليها : يمه لا تشيل بخاطرك والله انك اغلى من عيوني اسامه تنهد ومارد شيخه طالعته بضيق : قوم يمه ارتاح وبعدين بتكلم معك اسامه وقف : عن اذنك وقبل لا يروح وقفته : اسامه ليش ما جبت فايز اسامه لف وطالعها وبهدوء : بالليل بجيبه شيخه لوت فمها بعدم رضى : طيب __ اسيل منسدحه على سريرها نظرها للاعلى ابتسمت بهيام وهي تتذكر الي صار لها في المصعد رفعت نظرها للكوميدينه شافت علبه مربعه راقيه زادت ابتسامتها وهي تتذكر لما عطاها اياها قبل لا تنزل من السياره قعدت وهي تاخذها فتحتها وشافت اسواره ناعمه طلعتها ولبستها وعيونها تلمع بحب له مسكت جوالها ووقفت وطلعت شافت اسماء جايه بعبايتها و شيلتها على اكتافها ابتسمت وهي تغني بفرح اسماء رفعت حاجب : وش هالفرحه فرحينا معك اسيل طالعتها وبهمس :شي خاص يا حلوه كملت طريقها لتحت شافت اسامه الي مشى من جنبها بهدوء رايح لاسماء قعدت سلمت على امها :كيف حالك يا احلى ام شيخه باستغراب :بخير وش عندك اسيل ضحكت :ولا شي بس رايقه شيخه ابتسمت وهي من فتره ما شافت اسيل ابتسمت ولا ضحكت: عسى دوم رايقه ومستانسه اسامه رفع نظره لها بعد ما طلعت وهي تنشف شعرها ماشافت منه غير التعب بس مع هذا هي دايما واقفه معه ابتسم بهدوء وقف و قرب منها باس جبينها وبهمس : شكرا وكمل طريقه بياخذ شور اسماء جمدت وهي تحس دقات قلبها وصلت مليون فزت وهي تسمع صوت الباب تقفل لفت وراها وابتسمت بعمق _ نوره تطالعه بهدوء خذت العطر و هي تعطره سعود بابتسامه : قومي جهزي مو طالع بدونك نوره تنهدت : مالي خلق اروح سعود : يلا العيال ينتظرون نوره زفرت بعمق : طيب مشت للكبت وهي تطلع لها ملابس سعود : انتظرك تحت نزل شاف العيال كل واحد قاعد ومعاه ايباده وميري قاعده عند التوأم تسكتهم مشى لعبدالله خذ الايباد عبدالله بزعل : بابا ليش محمد وفايز وحطهم على الطاوله : يلا بنمشي محمد بحماس : بنشتري اغراض المدرسه سعود : ايه شال وجدان وجواد وحطتهم بعربيتهم لف بيشوف نوره ابتسم بهدوء يدري ان مالها خلق لشي ومتضايقه لان فايز بيروح لبيت ابوه اليوم تنهد ولف لها وابتسم مشت له وطلعوا _ سعد بيطلع لصديقه بيروح يلعبون كره وقف لما نادته جوري لف لها : هاه شتبين جوري مدت لها فلوس :جيب لي كافي و شيبيات من البقاله لا تجيب نوع واحد ابي انواع سعد ناظرها وتكتف :لا والله وش تعطيني جوري طالعته : اقول انقلع جيب الي طلبته وتعال سعد ببرود : باروح العب كره بس اخلص بجيب لك وطلع بسرعه لصديقه __ وقف سيارته وطلع وهو يطق الجرس ثواني وفتحت له ميري طالعته :فايز يروح مع بابا سعود مافي احد اسامه بنزفزه : وين راحوا ميري : ما يعرف تأفف لف على صوت سعد : خير شتبي اسامه : ابي ولدي دق عليه وقوله يجيبه سعد وهو يطلع تلفونه : من تقصد اسامه : نسيبك من غيره سعد يتحلطم: انا مدري شلون نوره كانت متحملتك اسامه بهدوء : وش قلت سعد وجواله يرن شاف سيارة سعود : هذا هو جاء لف لصديقه الي يناديه : طيب جايك وراح فايز الي كان مستانس ركض لابوه اسامه ابتسم وشاله : اخبارك حبيبي فايز بفرح : بخير اسامه رفع نظره لنوره وهو يطالعها سعود نزل العربه وحط وجدان فيها ولف لنوره الي معها جواد : روحي داخل نوره بهمس وهي تعدل ولدها : بس اضمه طيب احبه قبل لا يروح سعود ونظرات اسامه لها اشعلت براكين داخله وبفحيح : نوره روحي داخل بسرعه نوره طالعته ومشت بسرعه تعثرت بعبايتها وشهقت بقوه وضمت جواد بس اسامه الي كان اقرب لها مسكها تنفست بسرعه وخوف سحبت يدها منه بقوه ومشت تحت انظار سعود الي كانت بحده السيف لو ان النظرات تقتل كانت قتلته اخذ نفس سكر سيارته ومشى طالع اسامه ببرود : شكرا بس الافضل تشيلها من بالك للابد اسامه ابتسم باستفزاز ومشى مع فايز لسياره لا اله الا الله | ||||||||
|  |
|
01-09-20, 05:22 AM
| #23 | ||||||||
| مراقبة عامة ومشرفة منتدى الروايات المنقولة
| البارت التاسع عشر سعود رفس الباب دخل البيت قفل الباب بقوه مشى بخطوات سريعه دخل الجناح طالعها ولف بنظره مشى لتسريحه رمى بوكه ومفتاحه وجواله وساعته و الكبك عليها فسخ ثوبه و رماه ببرود واخذ منشفته وراح ياخذ شور بارد يمكن يهدى نوره ترمش اكثر من مره وهي تشوفه بهالعصبيه اخذت ثوبه المرمي على الارض انحنت وشالته وهي ترميه لسلة الغسيل مشت للكبت وطلعت له ملابس داخليه وبجامه طلعت من الجناح و نزلت المطبخ بتغلي مويه لتوأم بعد ما خلصت سكبته لدله وطلعت فوق خلته على الكوميدينه وطالعت سعود الي نايم على جنب وشعره مبلل والمكيف بارد قعدت جنبه ومدت يدها لشعره : حبيبي قوم نشف شعرك راح تمرض سعود وهو مغمض عيونه :انا ابي امرض انتي وش دخلك نوره انصدمت من اسلوبه : سعود تكفى قوم نشف شعرك سعود بعد اللحاف وهو يتأفف :خلاص قلت لك ما ابي نوره طالعته بزعل من اسلوبه معها : انا خايفه عليك تمرض سعود بجمود :ما يهمني خوفك والحين ابي انام بدون ازعاج ممكن نوره تجمعت دموعها بعيونها بلعت ريقها وبغصه :طيب سعود انسدح وغطى راسه نوره زمت شفايفها بقوه بس ما قدرت ما تمنع دموعها تنزل بروحها متضايقه ان فايز راح مع ابوه والحين سعود زاد ضيقها باسلوبه معها طلعت من الغرفه قعدت على الكنبه في صالة الجناح وسندت راسها ودموعها تنزل بصمت بعد دقايق هدت ومسحت دموعها وطلعت لغرفة العيال وبهدوء :ليش ما نمتوا للحين عبدالله :ماما ليش عيونك حمراء نوره ابتسمت بهدوء :فيني نوم مع من نام محمد بفرح :ماما معي مشت وهي تنام جنبه على السرير وبدت تقرا سور من القران و هما يكررون وراها لين ناموا تنهدت بعمق فتح سعود الباب :تعالي شوفيهم ازعجوني نوره هزت راسها بطيب غطت محمد ومشت لعبدالله تغطيه قفلت الباب ولحقت سعود شافت وجدان وجواد يبكون مسكت رضاعتهم وسوت لهم حليب شالت جواد و عطته الرضاعه وبدلت ملابسه وباسته بين عيونه بحب وشالت وجدان وبعد ما خلصت معها فسخت الروب و انسدحت على السرير وسرحت بتفكيرها _ عبدالعزيز في الشركه رفع نظره لريان بنظرات حاده وبعصبيه : ريان وش هالتلاعب الي صاير ريان بهدوء : توني اكتشتفت هالشي امس لازم نتصرف لان باين هالشي من فتره عبدالعزيز لف على التلفون ضغط على الرقم بعصبيه : ناد لي مدير الشؤون الماليه بسرعه وقفل دقايق وطق الباب ودخل وسلم عبدالعزيز سند ظهره : وعليكم السلام تفضل ريان يطالع عبدالعزيز بهدوء سالم بعد ما قعد : آمر طال عمرك طلبتني عبدالعزيز : ايه ابي كل الحسابات لهالشهر سالم بلع ريقه بتوتر وخوف : أ أ ان شاء الله طال عمرك عبدالعزيز مد الملف له : وابي منك تفسير للي اشوفه هنا سالم اخذ الملف توسعت عيونه بدهشه وارتجفت يده هالملف شلون وصل ليد عبدالعزيز غمض عيونه اكيد في خاين يبي يكشفه عبدالعزيز ضرب الطاوله بيده بقوه : وش هالتلاعب الواضح يا سالم في احد معاك مين سالم ما رد ريان بهدوء :اذا تبي تحافظ على وظيفتك قول لنا من الي معاك سالم ببرود :محد معي صدقتوا او كيفكم عبدالعزيز رفع جواله :تحسب الشغله سهله اشوفك بقسم الشرطه سالم جمدت ملامحه وقف بسرعه :لا خلاص راح اقول كل شي عبدالعزيز بجمود :كل شي __ نوره وهي تسرح شعرها وكل تفكيرها بسعود ما تدري وش فيه حتى ان راح دوامه من غير ما ينطق بكلمه بعد ما كملت رفعت شعرها مشت وهي تقفل المكيف و تطلع لعيالها ملابس وجهزت اغراضهم خذت المنشفه وراحت الحمام يكرم القارى وهي تتأكد ان الماء دافى رجعت لوجدان وهي تفسخ ملابسها شالتها وهي تروشها حطت المنشفه عليها و بعد ما خلصت : يا زينها بنتي الحلوه بعدين اخوك هالكسول ما وده يقوم باست خدها ولفت للباب الي انفتح شافت محمد : ماما تعالي نفطر نوره ابتسمت : طيب حبيبي بس احمم اخوك واجي محمد : طيب وطلع وقفل الباب وراه نوره شالت جواد : خلاص يا كسول صحصح ابتسمت وهي تضمه وتبوس جبينه بعد ما غسلته ولبسته شالتهم ونزلت للعيال: فطرتوا حبايبي عبدالله :ايه نوره ابتسمت وهي تعدل اللحاف الصغير على الكنبه وتحط جواد وجدان لفت لهم وهي تسمع سوالفهم الطفوليه بابتسامه _ ريان وهو يمشي مع عبدالعزيز الي طالع من الشركه معصب :عبدالعزيز خلاص بنحلها انت روق عبدالعزيز طالعه ببرود ريان بابتسامه :في احد راح يخطب اليوم وهو مكشر عبدالعزيز ابتسم لا شعوريا وكأن طاريها يشيل كل همومه ريان ضحك :الحين صار لي ساعه احاول اغير مزاجك وبس جبت طاريها انقلبت عبدالعزيز فتح سيارته ووقف وهو يطالعه : كيفي يا اخي ابتسم واروق لطاريها عندك مانع ريان ابتسم :لا ما عندي مانع بس اثقل شوي ترى البنات يحبون الثقل عبدالعزيز وهو يمط خد ريان :خلينا الثقل لك يا حلو مشى وهو يضحك على صراخ ريان الي ما يحب هالحركات _ نوره وهي تاخذ عبايتها : بروح لاهلي سعود رفع نظره لها تنهد بعمق :نوره اجلسي ابي اتفاهم معك نوره بهدوء وهي تلبس عبايتها :ابي اروح لاهلي بعدين نتكلم سعود وقف :طيب جاي معك بسلم على ابوك نوره طلعت رايحه بتشوف عبدالله ومحمد _ في بيت حسام حسام :جوري جهزي الشاي والقهوه بيجونا ضيوف جوري :ان شاء الله شافت نوره جايه هي والعيال :هلا والله نوره سلمت عليها :هلا فيك يا قلبي وين امي جوري :بغرفتها الحين بتطلع وراحت جوري تجهز القهوه والشاي وعطتهم سعد يوديهم المجلس وقعدت تسولف مع نوره _ في المجلس سعود يسولف مع حسام طق الجرس وقف حسام وهو يفتح الباب سلم على صالح واحمد وعبدالعزيز ورحب فيهم سعود وقف باستغراب وهو يسلم عليهم بعد ما قهواهم سعد والسؤال عن الحال صالح بجديه: احنا جاينك اليوم يا بو سعد نطلب يد بنتك جوري لولدي عبدالعزيز على سنة الله ورسوله اندهش سعود وابتسم بهدوء حسام انصدم مارد عليهم وهو يفكر عبدالعزيز توتر من جو الهدوء الي عم المكان بس جمدت اطرافه وتنفسه انقطع وسودت الدنيا بعيونه وهو يسمع كلمة حسام بهدوء : بس بو عادل كلمني اول امس يبي جوري لعادل ولا يجوز خطبة المسلم على اخيه احمد طالع عبدالعزيز ولف لابوه عبدالعزيز حاول ما يبين صدمته : طيب يا عمي خذ رايها حسام : معليش بس انا اعطيت الرجال كلمه عبدالعزيز وقف بعصبيه وده يفجر فيهم ويصارخ جوري اذا ما كانت لي ما بتكون لغيري بس طلع من غير ما ينطق بكلمه صالح تنهد بضيق ولف لاحمد : الحق اخوك احمد وقف وهو يعطي ابوه مفتاح سيارته : طيب اما حسام يطالعه باستغراب وقف صالح : طيب الله يوفقها فمان الله حسام : فمان الكريم بعد ما طلعوا لف سعود لحسام : عمي صدق جوري طلبها بو عادل لولده حسام وهو يمسك السبحه وبهدوء : وش قصدك يعني اكذب عليهم سعود : لا محشوم بس عبدالعزيز ما ينرد والله من معرفتي فيه رجال والنعم فيه حسام طالعه بهدوء: وش الي يضمن لي ان عبدالعزيز ما يكسر قلبها ويصونها سعود زفر بهدوء: بس عبدالعزيز مو من هالنوع من الرجال انا واثق فيه بيصونها ويحافظ عليها حسام ببرود :بس خلاص بو عادل صديق عمري وعارفه زين ولده افضل لها وقف عن اذنك سعود طالع سعد :ناد لي محمد وعبدالله بطلع وياهم سعد وقف :طيب دخل حسام البيت شافهم متجمعين بالصاله :جوري ابيك تعالي جوري وقفت :ان شاء الله ومشت وراء ابوها دخل سعد نوال باستغراب :وش صاير سعد قعد :الي فهمته ان عبدالعزيز طالع نوره :عم ولدك خطب جوري بس ابوي قال ان بو عادل طلبها لولده نوره بدهشه :عبدالعزيز سعد :ايه طالع عبدالله ومحمد :سعود يبيكم وقفوا وركضوا طالعين لابوهم نوال بعدم رضا :نعم تبي بنتي تعيش مع شيخه هالعقربه الي ما خلت اختك بحالها نوره وهي تفكر بكلام جوري لما قالت لها انها تحب واحد اسمه عبدالعزيز تنهدت: يمه وش دخل شيخه هي بتأخذ ولدها واذا على انها بتعيش معاها عادي خل تحط بشروطها بيت لحالها نوال طالعتها :خلاص لا تفكرين بهالموضوع سمعتي اخوك شقال ولد بو عادل يبيها لولده _ حسام دخل لمجلس الداخلي قعدت جوري قدامه بتوتر :خير يبه حسام بهدوء :كل خير ان شاء الله تعرفين بو عادل جوري :ايه شفيه حسام :طلب يدك لولده عادل جوري توسعت عيونها بصدمه و ما قدرت ترد اخر شي تتوقعه انها تكون لغير عبدالعزيز غمضت عيونها بقوه وهي تسمع رد ابوها: فكري براحتك يبه ولا تستعجلين جوري طالعت بعيون ابوها وعقلها وقلبها يقول ما ابيه ردت بهمس :يبه انا ما ابي اتزوج حسام عقد حواجبه :ليش جوري ودموعها نزلت :ما ابي اخليكم حسام بضيق وقف وقعد جنبها ومسح على شعرها بحنان :يابوك ابي اطمن عليك قبل الله ياخذ امانته جوري بسرعه بخوف مسكت يده وباستها : يبه الله يطول بعمرك و لا يحرمنا منك حسام مد يده الثانيه وهو يمسح دموعها باس راسها :استخيري وفكري ولا تشيلين همنا جوري وقفت وبصوت يرجف :ا ان شاء الله وطلعت بسرعه كتمت شهقه كانت راح تطلع منها شافت الكل يطالعها في الصاله مستغربين ركضت بسرعه لدرج وراحت غرفتها وبس وصلت قفلت الباب و انهارت على ركبها وهي تبكي لاخر لحظه تمنت ان عبدالعزيز هو الي خطبها تمنت ان هو الي جاء اليوم بس امنياتها راحت بمجرد ما سمعت كلام ابوها الي ذبحها نوره فتحت الغرفه انصعقت من منظر اختها قفلت الباب بسرعه وقربت منها وهي تضمها :جوري بسم الله عليك وش فيك جوري تمسكت باختها وبالم :كنت واثقه فيه ليش ما جاء ليش حطم كل احلامي معاه والحين ابوي يبيني اخذ عادل حتى لو ما قالها اشوفها بعيونه بس انا ما ابيه نوره ما ابيه نوره ضمتها بقوه ما تدري تقول لها ان عبدالعزيز جاء مثل ما سمعت من سعد او تسكت وتخليها تفكر بهالطريقه وترضى بعادل: تكفين يا عمري اهدي لا تحكمين عليه قبل لا تعرفين شصار معاه جوري وقفت وبعصبيه :ما ابي اعرف شي خلاص عيال صالح الـ.. هذا طبعهم يكسرون قلب الوحده بسهوله بس الي قاهرني هو قال مستحيل اتركك لغيري مسحت دموعها وهي ترجف و عيونها تناظر بفراغ و بقهر :بس تدرين خلاص انا موافقه على عادل نوره وقفت بصدمه مسكتها من كتوفها وهزتها :جوري هذا زواج عشرة عمر بتضعين نفسك بعنادك جوري بعدت يدين نوره عنها :كيفي انا ابيه عناد نوره بعصبيه وهي تشوفها رايحه للحمام يكرم القارئ :جوووري جوري وهي تغسل وجها اكثر من مره طلعت :وش تبين نوره وهي تطالعها بضيق وقهر :تكفين لا تتسرعين و شيلي العناد من راسك ورفضيه جوري انسدحت على السرير وتغطت :خلاص قلت لك موافقه نوره بتجن من تفكير اختها طلعت وهي تقفل الباب وراها بقوه _ قبل نص ساعه بسيارة عبدالعزيز يسوق بسرعه وضاغط بقوه على الدريكسون لدرجة كف يده ابيضت وعروقها بانت وتنفسه سريع احمد بهدوء :عز هدي السرعه عبدالعزيز بحده :سمعته شقال بس وربي ما اتركها له احمد :ايه سمعته خلاص انساها عبدالعزير لف له وبصوت حاد :لعبه هي عشان انساها بعدين ما صار شي رسمي احمد بضيق وهو يطالع عبدالعزيز ويتذكر الي صار له قبل سنين لما البنت الي حبها قالت له بكل برود انها انخطبت من شخص تحبه وان ما يعني لها شي على كثر ما حبها كرها :وش راح تسوي اذا البنت موافقه عبدالعزيز بنظرات مرعبه :اقتله ولا تكون له مالت السياره عن طريقها احمد توسعت عيونه : عز انتبه عبدالعزيز انتبه وهو يلف ويتحكم بالسياره واخيرا وقفها على جنب سند راسه على الدريكسون وهو يتنفس بسرعه وخوف احمد يطالع قدامه بصدمه لف له بعصبيه وصرخ : يا غبي كنت راح تضيعنا عشان بنت الله ياخذ البنات الي مثلها عبدالعزيز يستوعب الي صار له وانهم للحين عايشين رفع راسه وسنده لوراء طالع احمد بتعب : احمد احبها والله احبها احمد هدا و مسك يده وضغط عليها : الزواج قسمه ونصيب واذا الله كاتبها من نصيبك بتكون لك بس اهدا وابعد هالافكار المجنونه عنك .. ويلا انزل خلني اسوق عبدالعزيز نزل وتبادلو وقف احمد قدام بيتهم نزل عبدالعزيز بخطوات ثقيله ولحقه احمد دخل البيت مشى له صالح بخوف وهو يمسك اكتافه : عبدالعزيز يبه انت بخير ليش تأخرتوا عبدالعزيز طالع ابوه باس راسه : انا بخير يبه مافيني شي مشى لداخل شيخه وقفت : احد يفهمني شصاير عبدالعزيز ابتسم ابتسامه شاحبه : ارتاحي يمه الخطبه ما صارت ومشى وتركهم مصدومين وبس اختفى عن انظارهم ضحكت اسماء بشماته ومشت طالعتها اسيل بنظرات ناريه مشت بتروح لها تمسكها من شعرها وتكوفنها مسكتها امها هزت راسها بلا اسيل بقهر : يمه خليني بروح لها واكسر راسها شيخه بضيق : اجلسي مو ناقصين مشاكل اسيل قعدت وهي تهز رجلها بعصبيه و متضايقه على اخوها رن جوالها طالعت الاسم ابتسمت بهدوء وقفت وتركت المكان شيخه طالعت احمد وصالح الي قعدوا مقابلها : احد يفهمني وش فيه عز احمد اخذ نفس وقال لامه الي صار شيخه بدون نفس : احسن الله لا يردها احمد طالع امه وقف : عن اذنكم ومشى رايح لبيته اما صالح ما كان معاهم تفكيره بولده وبس _ اسيل وهي تطالع الاسواره الي بيدها : ذوقك مرا حلوو ياسر بابتسامه وهو يسوق السياره رايح لبيتهم : اكيد حلو لاني اخترتك وترا اشتقت لك فوق ما تتصورين اسيل وهي تلعب بشعرها : توك شايفني ياسر : يالظالمه صار لي ٣ ايام ما شفتك اسيل ابتسمت : احسن اشتاق عشان لي اكثر ياسر بهيام : لا تخليني الحين اجيك اسيل ضحكت : لالا الوقت ابد ما يناسب خلها بكرا واشوفك ياسر ابتسم وهو يسمع ضحكتها : طيب حبيبتي اسيل بحب : انتبه لنفسك واول ما توصل البيت طمني ياسر : من عيوني مع السلامه اسيل : بحفظ الله _ قاعده في الصاله تفكيرها في جوري رن جوالها للمره الرابعه والمتصل سعود ما ردت زعلانه منه ومقهوره يعصب عليها و يهاوشها و يجافيها بدون سبب هي ما تذكر انها زعلته نوال : ردي على جوالك نوره تنهدت وهي ترفعه وترد بهدوء : هلا سعود : ليش ما تردين نوره ببرود : هذاني رديت سعود بهدوء يحاول يكتم عصبيته : انا الحين راجع مع العيال تبيني امرك نوره تنهدت : جوري تعبانه وابي اقعد معها اليوم سعود ضغط على الدريكسون بقوه : طيب حبيبتي مع السلامه نوره : مع السلامه __ عبدالعزيز قاعد على سريره ماسك راسه عيونه حمراء من الصداع الي بيذبحه ومو قادر يفكر اكثر رفع راسه لما سمع طق الباب وبصوت مبحوح : تفضل دخلت اسيل طالعته وهي تشوف عيونه حمراء و باين الضيق على وجهه حتى ثوبه ما غيره قفلت الباب ومشت له قعدت جنبه :عبدالعزيز لا تسوي بنفسك كذا عبدالعزيز طالعها بهدوء بدون ما يرد اسيل تجمعت دموعها بعيونها : انا للحين ما فهمت وش صار هي رفضت عبدالعزيز اخذ نفس عميق : لا ابوها يقول خاطبها واحد قبلي و رفضني اسيل حطت يدها على كتفه : هونها وتهون يا اخوي عبدالعزيز بتعب : عندك بنادول اسيل : ايه وقفت وهي تروح غرفتها وتفتح درج التسريحه وتاخذ البنادول شافت جوالها قدامها طالعته فتره مدت يدها وهي تاخذه وتدور على رقم جوري متأكده كان معها وقفت وهي تشوف اسمها و تفكر هل ممكن تكون غيرته اتصلت فيها رن الجوال بس محد رد عليها شدت على جوالها ومشت لغرفة اخوها عطته البنادول و سكبت له ماء بكوب وعطته عبدالعزيز اخذ حبتين وشرب الماء اسيل بتردد : أ أ عبدالعزيز عبدالعزيز قاطعها بهدوء ومد لها البنادول : بنام الحين عندك شي تبين تقولينه خليه لبكرا اسيل خذته و تنهدت : طيب طلعت وهي تزفر بضيق رايحه لغرفة فايز دخلت ابتسمت وهي تشوفه نايم مشت باست خده وغطته وطلعت __ ياسر نازل وهو يدندن ومبسوط قعد على طاولة الفطور ياكل بروقان ام تركي ابتسمت نجلاء رفعت حاجب : وين رايح من الصبح ياسر طالعها ببرود : الدوام يعني وين بروح نجلاء ضحكت : اول مره اشوف واحد يستانس عشان رايح الدوام ياسر وقف : مع السلاامه ام تركي : ياسر مر عيال اخوك جيبيهم وربي اشتقت لهم ياسر ابتسم : ان شاء الله نجلاء لعدم رضا : اقص يدي اذا ما كان رايح للحيه سوسن : الا متأكده اموت واعرف وش مسويه له عشان يتغير كذا سمر ببرود : بس انتي وياها متضايقين عشانه مستانس بدل ما تقولون ان شاء الله دوم ام تركي : ايه والله ما تستحون اخوكم و ما تفرحون لفرحه منال وقفت : شوفي يمه اسيلوه من زمان مو طايقتها وللحين مو قادره اتقبل انها صارت مرت اخوي فاعتذر لان ما راح افرح له امها رمتها بالملعقه بس هي بعدت عنها وصارت بالارض : انقلعي من قدامي طالعت سوسن ونجلاء : وانتوا بعد ما ابي اشوفكم سمر : يمه لا تتضايقين منهم صغار ام تركي بقهر : وين صغار ما تشوفين طولهم نجلاء ١٧ وسوسن ١٩ و منالوه ثالث سنه جامعه الي مثلهم صاروا امهات خلاص وهم للحين ما عقلوا ضحكت سمر : يمه ادعي لهم بالهدايه وقفت الام وهي تدعي لهم __ في بيت حسام لفت نوره على هواش ماجد وملاك عيال ثريا سعد بضحكه وفي حضنه جواد : لازم يعطونا خبر قبل لا يدخلون بهواشهم ضحكت نوره وهي تبعد الرضاعه عن وجدان شافت مازن الي دخل يركض لها نزلت وجدان على الكنبه وباست خده : يا هلا والله بحبيب خالته شالته وقعدته جنبها ابتسمت وهي تشوف وجدان تتثاوب ولفت على صراخ ثريا : بس فضحتونا هواشكم وصل لاخر الحي وقفوا ودخلوا يركضون شاردين من امهم ضحكت نوره وهي تسلم : هلا والله باختي الغاليه ثريا سلمت على سعد وامها نوره خذت وجدان وجواد وراحت لغرفتها شافت جوري قاعده على السرير وسانده راسها لوراء ومغمضه عيونها حطت العيال على سريرها وغطتهم وقعدت جنبها : جوري جوري فتحت عيونها : هلا نوره : متى دوامك جوري زفرت : الساعه ٦ ومو رايحه نوره بهدوء : ليش جوري بلعت ريقها : اكيد عبدالعزيز راح يجي وانا ما ابي اشوفه وقفت : انا بروح اقول لابوي موافقه على عادل نوره وقفت بسرعه مسكتها من يدها ودفتها لقدامها جوري كانت بتطيح بس توازنت باخر لحظه : نوره وجع وش تبين نوره خذت نفس عميق مستحيل تسكت وتشوف اختها تضيع نفسها توافق على عادل وقلبها وعقلها وروحها مع عزيز : عبدالعزيز شاريك ويبيك حوري ابتسمت بسخريه : وش دراك ليكون شفتيه وقال لك نوره بعصبيه : لا بس هو جاء امس وتقدم لك من ابوي بس ابوي يبيك لعادل لان اخطبك قبله وشكله مو راضي بزواجك من عزيز لا هو ولا امي فهمتي يا غبيه جوري جمدت ملامحها : عبدالعزيز جاء وخطبني نوره : هذا الي قاله سعد جوري ضحكت : احاول اصدق و ما قدرت انتي بس تبين تغيرين رايي نوره طالعت التوأم نايمين : انا الغبيه الي قاعده اتكلم معك اروح لثريا وعيالها احسن وانتي لا تصدقين خلك على غبائك وتهورك وصدقيني بتندمين وطلعت استغفر الله واتوب اليه | ||||||||
|
| |
|
19-10-20, 05:34 PM
| #24 | ||||||||
| مراقبة عامة ومشرفة منتدى الروايات المنقولة
| البارت العشرون نوره طالعت التوأم نايمين : انا الغبيه الي قاعده اتكلم معك اروح لثريا وعيالها احسن وانتي لا تصدقين خلك على غبائك وتهورك وصدقيني بتندمين وطلعت جوري طالعتها وكلامها يتردد في بالها طالعت الساعه ٣:٣٠ العصر خذت نفس و طلعت من الغرفه بتقعد معاهم وبعدين بتجهز وتروح لدوامها وتتمنى عبدالعزيز يجي تبي اجوبه لأسألتها __ عند ياسر بعد ما خلص دوام مر محل ورد خلص و دخل السياره ابتسم وهو يحط الورد بجانب الكيس ومشى وقف قدام بيت بو احمد نزل من السياره ابتسم وهو يشوف احمد جاي مع اهله دخلت شذى مع العيال و احمد سلم على ياسر ودخله معاه المجلس سلم على ابوه دخل ياسر وفي يده باقه ورد وكيس راقي سلم على ابو احمد وقعد يسولف معاه من سالفه لسالفه وقف صالح بابتسامه :بشوف لك اسيل وطلع احمد ضحك :اطلع ولا اقعد معاكم ياسر رفع حاجب :الباب يوسع جمل تفضل احمد ارتفع صوت ضحكه وطلع شاف اسيل مستحيه :نادرا اشوفك مستحيه لازم اصور هاللحظه اسيل طالعته بدهشه :احمد مشى وهو يضحك عليها زفرت بهدوء تهدي نفسها ومشت له دخلت وهي تسلم ياسر بابتسامه يرد السلام اسيل قعدت قدامه ياسر رفع حاجب :تعالي هنا وياشر جنبه اسيل ابتسمت :مرتاحه مكاني ياسر وقف وقعد جنبها :طيب اهم شي راحتك نزل نظره ليدها واختفت ابتسامته : وين الخاتم اسيل عضت شفتها : نسيت البسه والله بس اليوم نسيته ياسر وهو يتأملها : خلاص مصدقك اسيل كشرت : امس تميت انتظرك طول الليل تتصل تطمني عليك وما اتصلت ياسر ضحك : وهذا الي مزعلك اسيل بزعل :ايه يعني انا اخر اهتماماتك حتى رنه تطمني عليك ما تبي ياسر حط يده على اكتافها قرب منها ليهمس : لو أنَّ حبَّكِ كانْ في القلبِ عاديَّا لمَلَلْتُهُ مِن كَثرةِ التَّكرارْ لكنَّ أجملَ ما رأيتُ بِحبِّنا هذا الجنونُ ، وكثرة الاخطار حينًا يُغرِّدُ في وَداعةِ طِفلةٍ حينًا نراهُ كمارِدٍ جبَّارْ لا يَستريحُ ولا يُريحُ فدائمًا شمسٌ تلوحُ وخَلفَها أمطارْ حينًا يجيءُ مُدمِّرًا فَيضانُهُ ويجيءُ مُنحسِرًا بِلا أعذارْ اسيل سكتت وارتبكت وهي منحرجه ضحك ياسر :ما يليق عليك الحياء اسيل طالعته بصدمه ياسر وهو يضحك :امزح بس ابي استفزك اسيل ابتسمت بهدوء بدا ياسر يسولف معها وهي تسمعه بهدوء واحيانا تشاركه الكلام __ في المستشفى يمشي بالممر بيشوف الدكتوره الي ابوه له اكثر من اسبوع يمدح فيها لابس برمودا وقميص اول ثلاث ازرار مفتوحين و حاط السماعات باذنه مندمج مع اغنيه يسمعها وفي يده جواله وقف قدام المكتب الي قالو له ان لدكتوره جوري حط الجوال بجيبه وفتح الباب جوري الي كانت مشغوله طالعت بسرعه على امل يكون عبدالعزيز بس خاب ظنها وهي تشوف شاب غير تكلمت بجديه : نعم عادل ميل فمه وهي يطالعها بهدوء تقدم من المكتب وقعد على الكرسي وحط رجل على رجل :جاي اقعد معك واتعرف عليك جوري رفعت حاجب :عفوا بصفتك من ؟ عادل بابتسامه :عادل خطيبك او نقدر نقول زوجك مستقبلا جوري طالعته من تحت لفوق صدت نظرها عنه ما تشوف فيه اي مواصفات لفارس احلامها او نقول مواصفات مثل عبدالعزيز الي تعشق شخصيته ورجولته طالعته بجديه: استاذ عادل انا بمكان شغل مو لسوالف فلو سمحت ممكن تتفضل وتخليني اكمل شغلي عادل بلامبالاه: وش استاذ عادل قولي عادل بس جوري خذت نفس تهدي نفسها وقفت بتطلع بس انفتح الباب تأففت كل من يجي يفتح الباب سيده بدون ما يستأذن بس ريحة العطر الرجوليه وقفت كل خليه بجسمها رفعت نظرها والتقت بعيون عبدالعزيز الي يطالعها ما نزلت عينها الا لما انتبهت لصوت عادل : اووه هذا انت عزوز عبدالعزيز عقد حواجبه يتذكره عادل وقف : لا تقول نسيتني ونسيت ايام الدراسه والغربه انا عادل عبدالعزيز ببرود واسم عادل صار يكرهه: ايه تذكرتك انت المشكلجي والفاشل عادل تنحنح : عز لا تفشلنا قدام المدام عبدالعزيز رفع حاجب : اي مدام عادل اشر على جوري : جوج خطيبتي وبتصير زوجتي ان شاء الله عبدالعزيز طالعه بغيره مو طبيعيه : ممكن تطلع عادل : اوكي سلام عبدالعزيز طالع جوري الي وافقه تطالعهم بفهاوه : ليش ما قلتي لي ان هالغبي خطبك جوري بتوتر : مـ ماكنت ادري عبدالعزيز طالع بعيونها : وانتي موافقه عليه جوري سكتت ما ردت عبدالعزيز جن جنونه : اكلمك انا لا تسكتين ردي ايه او لا جوري طالعته بقوه : ايه موافقه تبيني انتظر واحد وثقت فيه و كسر ثقتي ليش ما جيت وطلبتني ولا بس حاب تتسلى عبدالعزيز احتدت نظراته جوري رجعت خطوه لوراء بخوف من نظراته عبدالعزيز وقف قدامها رص على اسنانه وبحده : انا جيت وطلبتك بس الرفض جاء من ابوك ولا تحلمين ابد اني اخليك لهالعادل فاهمه طالعها لثواني وصد وطلع __ سعود ببرود : يلا لبسي عبايتك وامشي نوره طالعته وبضيق : ما ابي سعود مد يده لخدها : ليش وش مضايقك نوره طالعته بعتب : انت سعود باس جبينها : غصب عني نوره لفت وعطته ظهرها : وانا وش دخلني تعصب علي وش سويت سعود طالع شعرها الي يغطي ظهرها مسك كتفها ولفها له : بالله مو عارفه وش سويتي دامك شفتيه واقف خلاص روحي البيت بسرعه نظراته لك جننتني ولما مسك يدك نار شبت بصدري كان ممكن اذبحه ساعتها نوره توسعت عيونها وهي تستوعب كلامه : والله ما انتبهت لنظراته ابد بعدين كنت بطيح انا وجواد سعود بغيره : لو طحتي احسن نوره طالعته بصدمه : سعووود سعود ضحك : روحي لبسي عبايتك وتعالي نوره بدلع وهي ترجع شعرها لوراء : واذا قلت لا سعود طالعها وبجديه :عندك خمس دقايق بس وطلع بهدوء نوره طالعته بقهر وراحت تجهز __ عند جوري بعد ما خلصت شغلها مع المرضى قعدت بهدوء سمعت صوت يقول لها : قهوه ابتسمت وهي محتاجه للقهوه بهاللحظه رفعت نظرها وهي تأخذها من وداد وداد وهي تطالعها ماسكه كوب القهوه وسرحانه : فيك شي جوري تنهدت : فيني اشياء مو شي وداد : اذا حابه تقولين انا اسمعك جوري طالعتها بهدوء : تسلمين لي بس موضوع خاص وداد مسكت يدها : هونيها وربك يحلها جورن تنهدت بهدوء وقفت وبابتسامه : شكرا على القهوه ومشت لمكتبها __ في بيت بو احمد نزل فايز يركض :عمتو شذى شذى لفت له :عيونها وقف وهو يتنفس بتعب :جبت لك رقم ماما شيخه ميلت فمها بعدم رضا شذى بفرح : احلف حياتي والله مد لها فايز الورقه سجلته بجوالها وعطته: يسلمو حبيبي فايز دخل الورقه بجيب بنطلونه :وين طلال وشيماء شذى ابتسمت :يمكن بالحديقه فايز طلع يركض رايح لهم اسيل بعد ما راح ياسر قعدت معهم تطالع شذى بهدوء وقفت وهي تاخذ جوالها وطلعت من عندهم مشت رايحه لغرفتها وقفت قدام الشباك تطالع عيال اخوانها في الحديقه يلعبون جاها الرد : الو السلام عليكم اسيل بهدوء : وعليكم السلام جوري عقدت حواجبها : من ؟ اسيل خذت نفس عميق : اسيل الـ.. توسعت عيون جوري بصدمه وبحده :خير وش تبين متصله اسيل :ممكن اشوفك ابي اتكلم معك جوري بعصبيه :لا و لا ابي اي كلام يكون معك اسيل بهدوء : حتى لو كان يخص عبدالعزيز جوري سكتت ودقات قلبها سريعه خوف ان يكون صار له شي بلعت ريقها ثبتت جوالها بيدها الي ترجف :عـ عبدالعزيز فيه شي بس توني شفته طلع بخير اسيل بسرعه :لا بسم الله على اخوي مافيه الا العافيه بس لازم اشوفك جوري زفرت براحه :طيب اسيل ابتسمت : شوفي الوقت المناسب لك وقولي لي جوري : اوكي مع السلامه وقفلت __ اسامه :اسماء اسماء لفت له : هلا اسامه : رتبي الشناط بكرا الصبح مسافرين اسماء بفرح : جد اسامه ابتسم : ايه يالله حبيبتي ما نبي نتأخر بكرا وتفوتنا الطياره اسماء بضيق : كان قلت لي من وقت مو الحين اسامه : عادي نادي وحده من الشغالات تساعدك مشى لتسريحه لبس ساعته و اخذ الجوال بدون ما يطالعه و مسك مفتاح سيارته اسماء باستغراب :وين رايح اسامه بابتسامه :الاستراحه اسماء نزلت نظرها بضيق : اووف صاير تقعد بالاستراحه اكثر من قعدتك معي اسامه طالعها ببرود :طيب والمطلوب اسماء تنرفزت :خلاص الله وياك اسامه مشى للباب :فايز بيجي معانا جهزي شنطته يكون افضل اسماء طالعته بقهر هالفايز لازم يكون موجود معها ما تبيه وياهم تبي تكون مع اسامه لحالهم لفت بتاخذ جوالها من التسريحه بس تفاجات ان جوال اسامه الي موجود تأففت خذت جلالها بتنزل توديه له وقفت في الدرج وهي تشوف فايز يركض ومعاه جوالها توسعت عيونها وهي تشوف جوالها طار وطاح على الارض اسماء شهقت بصدمه مشت وهي تاخذه بس الشاشه انكسرت رفعت نظرها لفايز الي طايح ويتألم وما كلفت نفسها تشوف هو بخير او وش يوجعه لا كل همها جوالها وبعصبيه : غبي انت حمار ما تطالع قدامك زين كذا كسرته فايز وهو ماسك رجله بألم ويبكي : هو طاح من يدي اسماء نادت الشغاله تاخذ الجوال لاسامه قربت من فايز وضربته كف طلعت قهرها فيه : بس ولا كلمه اكيد امك الحيه هي الي قالت لك لا تخلي اسماء تستانس صح فايز جمد من الكف طالعها وببكاء : لا مسكته من اكتافه : اسمع قول لابوك ما ابي اسافر مدرستك بتبدا بعد اسبوع اقعد هنا او روح عند امك وبهمس ولا راح اذبحك وافتك منك فايز هز راسه بخوف : ط طيب لفت على صوت شيخه الحاد : اسماء وقف فايز وهي يمشي بخطوات بطيئه من الم رجله حضنها وهو يبكي اسماء ببرود : خير ما ناقصني الا انتي يالعجوز شيخه توسعت عيونها بدهشه : احترمي نفسك وعدلي الفاظك ومن سمح تمدين يدك على فايز اسماء بوقاحه : والله عاد انا محترمه نفسي من قبل لا اشوفك وما بقى الا انتي تعلميني الاحترام شيخه بحده ونظرات غاضبه : ايه اعلمك واكسر راسك بعد اسماء : يوووه بالله عالجي الامراض الي فيك وبعدين تعالي اكسري راسي شيخه تطالعها بقهر وغضب لفت على اسيل وشذى الي جايين من فوق شذى : شفيكم شصاير اسماء بسخريه : عمتي الله يهديها شكلها كبرت وخرفت اسيل بصوت عالي : احترمي نفسك لا ادفنك هنا سامعه شذى طالعت عيالها : طلال يمه خذ اخوانك وروح لغرفتكم فوق طلال شال ملاك وراح شذى مشت لفايز بتقول له يلحقهم بعدته عن جدته شهقت وهي تشوف خده اسيل طالعتها وانصدمت طالعت اسماء مشت وقفت قدامها : انتي كفو تمدين يدك على فايز اسماء بتحدي : ايه امد يدي عليه وعليك بعد اسيل ما تحملت مسكتها من شعرها وضربتها وتهاوشوا شذى شهقت بصدمه وراحت لهم وهي تبعدهم عن بعض شيخه طالعت فايز الي يناظر بخوف روح لعيال عمك فايز مشى بألم لفوق شيخه بعصبيه : اسيييل اسيل دفتها وبعدت عنها ويدها فيها جروح ورقبتها وشعرها حالته حاله اسماء طالعتها : وربي لا اخليك تندمين انتي وهي وهالعجوز معاكم دفت شذى من قدامها ومشت اسيل بصوت عالي : اعلى ما بخيلك اركبيه ومو خايفين منك ولا فيك خير مدي يدك على فايز مره ثانيه وبتشوفين وش راح اسوي شذى طالعتها باستغراب : طيب انا وش دخلني ضحكت اسيل غصب عنها : مجنونه معليك منها ما تقدر تسوي شي طالعت يدها اليمين وهي تهف على رقبتها : وجع الله ياخذها هي وهالاظافر الي عليها __ عند نوره بعد ما ناموا التوأم وقفت قدام المرايه وهي تفك شعرها و ترش عطرها لفت للباب الي انفتح ابتسمت بعمق : حبيبي ناموا سعود ابتسم : ايه مشى وقعد على الكنبه لفت لتسريحه وهي تعدل شعرها مشت بتروح لسرير بس سعود مسك يدها وسحبها طاحت بحضنه نوره طالعته بزعل : ما احب هالحركه سعود وهو يرجع شعرها للجهه الثانيه وبهمس : بس انا احبها واحبك اكثر نوره ابتسمت : وانا للحين زعلانه منك سعود باس خدها وضمها له : آمري وش الي يرضيك لو تطلبين عيوني اكيد ان العمى خيره نوره بعدت عنه ومسكت وجه بين يديها : لا وشلون يكتمل صباحي كل يوم اذا ما صبحت على عيونك سعود توسعت ابتسامته قرب منها وحط جبينه على جبينها وخشمه على خشمها ويتنفس عطرها بعمق غمض عيونه وهمس بهدوء :ليتني كنت اول رجال بحياتك وما قبلي احد نوره طالعته بهدوء ابتسمت :والله اني نسيته وما يعني لي شي رفعت راسه فتح عيونه وهو يطالعها :انت صرت كل حياتي و ما يهمني احد غيرك سعود باس جبينها وطول ورد باس خشمها وباس خدها اليمين وهي مستسلمه له بكل جوارحها مد يده لخدها اليسار بكى جواد نوره فتحت عيونها وطالعته وهي تبلع ريقها سعود انسدح وهو ياشر بيده :شوفيه لا الحين ارميه من البلكونه نوره ضحكت :افا يهون عليك هالحلو سعود حط يده تحت راسه وهو يطالع السقف :ايه هو واخته المزعجين نوره ابتسمت وشالت جواد وهي تطالعه بحب : وش فيه حبيبي سعود طالعها :ماله داعي تقولين حبيبي شوفي وش فيه وخلاص نوره ضحكت :غيرتك مالها حل سعود بابتسامه :شفتي كيف عشان ما تزعلين مره ثانيه من غيرتي عليك نوره وقفت وهي تغير له وعطته الرضاعه ونام لفت لسعود وانسدحت بتعب على يده الي مدها لها __ عند اسماء بعد ما خلصت ترتيب شناطهم قعدت على السرير وهي مقهوره شوي وتنفجر وقفت وهي تطالع وجها شافت الجرح الي بخدها بسبب اظافر اسيل نزلت دموعها :وجع شوهت وجهي نزلت نظرها لرقبتها ورفعت يدها وهي تطالع اظافرها الي تكسرت :هين يا اسيل وربي لاندمك انتي وهالشذى الي معك مشت لسرير قعدت ضمت رجولها لصدرها وهي تبكي بقهر فتح اسامه الباب طالعها :ليش ما نمتي اسماء رفعت راسها انصدم مشى لها وقعد جنبها طالع وجها :من الي سوا فيك كذا اسماء ارتمت في حضنه وهي تبكي اسامه مسح على شعرها :قولي شصار اسماء ببكاء :اسيل و مرت اخوك وامك ضربوني اسامه بصدمه :ليش ؟؟!! اسماء بعدت عنه :اختك مستفزه بس ما سكت لها وقاموا كلهم علي وبكت اسامه غمض عيونه بقوه رفع راسها ومسح دموعها : خلاص حبيبتي لا تبكين اسماء طالعته ببراءه :انت ترضاها علي انضرب اسامه هز راسه : لا وربي ما ارضى اسماء وهي تمسح دموعها : طيب طلعني بيت لحالي اسامه سرح مع اخر جمله قالتها رجع بذاكرته لوراء وهو يذكر نوره لما قالت له " اسامه خلنا نطلع بيت " بروحنا يتذكر اليوم بكل تفاصيله وكأن صار بالامس لما حاولت معه و رفض تنهد بعمق ليته وافق وما خسرها وراحت لغيره غمض عيونه بقوه انتبه على اسماء الي هزته : اسامه اسامه رد بهدوء : نعم اسماء بطفش : شنو ردك اسامه وقف وبلامبالاه : يصير خير شاف جوالها رفعه وهو يطالعه اسماء بقهر : ابي جوال جديد اسامه ببرود وهو يرميه على الكوميدينه : شلون انكسر اسماء : فايز وهو جايبه طاح وكسره اسامه لف لها : فداه اهم شي هو ماتعور اسماء ببرود : ما ادري رفع حاجب ولف نظره لشناط : خلصتي اسماء : ايه اسامه : طيب وفايز اسماء بهدوء : فايز ما يبي يجي وبعدين امك قالت خله عندها لان المدرسه قربت اسامه تنهد وبتفكير : صح يقعد عند امي احسن وقف وهو يسمع اذان الفجر طالعها : الساعه ٦ طيارتنا طيب اسماء هزت راسها بطيب وهو راح الحمام يكرم القارى يتوضا لصلاة الفجر طلع و مشى لغرفة فايز فتح الباب شغل الليت قرب منه ابتسم وقعد جنبه سحب اللحاف بيغطيه بس انصدم بالكدمه مرر اصبعه عليها وهو يتذكر كلأم اسماء ان طاح فايز تألم ولف للجهة الثانيه اسامه مسح على شعره جمد وهو يشوف احمرار خفيف على خده انحنى وباسه حس بندم وتأنيب الضمير لان اهمل ولده هالاسبوع باس جبينه : اسف ياروح ابوك واستودعتك الله طلع وهو يتنهد بعمق نزل رايح للمسجد بس تفكيره بفايز __ عبدالعزيز طلع من المسجد مع ابوه واخوه وهو يفكر طول الليل ما نام يفكر فيها بس اشغل نفسه على اللابتوب وكمل شغله وقف وهو يطلع جواله ويتصل برقم معين طالع ابوه واسامه بعدوا عنه و بهدوء : الو اسمعني تقدر تجيب لي رقم عادل الـ.. ضروري اليوم ابتسم اوكي انتظرك .. الله يعطيك العافيه نزل جواله ومشى رايح للبيت شاف اسامه قدامه : سمعت انك مسافر اسامه : ايه عاد لا اوصيك انتبه لفايز بغيابي عبدالعزيز باستغراب : ما بتأخذه اسامه بهدوء : لا هونت يقعد هنا افضل وقف رايح لامه طق الباب طلعت له امه اسامه باس راسها : صباح الخير يالغاليه شيخه ببرود : صباح الخير بتسافر الحين اسامه : ايه دعواتك يالغاليه وانتبهوا لفايز شيخه بلا اهتمام : احسن يرتاح من هالحيه واحنا بعد نرتاح عساها تروح وما ترد اسامه بشبه ابتسامه : يمه مو هذا اختيارك نسيتي اصرارك عشان اخذها الحين صارت حيه شيخه لفت وجها بقهر : ما كانت كذا اسامه خذ نفس : الحين وش مضايقك شيخه بقهر : محد مضايقني غير العقربه اسماء اسامه ببرود :يمه خلاص ضرب وانصربت مع انك تدرين ان ما ارضى زوجتي تنضرب بس بسكت هالمره بس مره ثانيه ما راح اعديها ابد شيخه بعصبيه وانفعال :فرت مخك انت لو تدري على شنو تهاوشوا ما كان هذا ردك اسامه بهدوء :ادري هي و اسيل ما يطيقون بعض وبينهم مشاكل بس عاد خلاص مو برزان هم طالع ساعته : يمه راح اتاخر على الطياره عن اذنك مشى قبل لا ترد شيخه طالعته بقهر لفت لداخل الغرفه وقفلت الباب بقوه __ عند نوره تسرح شعرها وسرحانه فجأه رن جوالها وقفت وخذته طالعت الرقم الغريب و ردت بهدوء :الو شذى بعتب :واخيرا ما بغينا نسمع صوتك نوره ابتسمت :هلا شذى اخبارك شذى :ويهمك تسمعين اخباري وانتي قاطعتني نوره تنهدت بعمق شذى اكثر من اخت لها :شذى انتي تعرفين بظروفي و انا ما ابي اي شي يوصلني لهالعايله وما يريطني فيها غير فايز شذى :بس انا وش ذنبي تقطعيني واحنا كنا خوات نوره ابتسمت :اعذريني حبيبتي انتي اكثر من اختي والله يشهد قولي وش اخبارك واحمد للحين على بروده معك ابتسمت شذى :لا ابشرك تغير حيل وبعد عندي بنت تجنن اسمها ملاك نوره : ماشاء الله ، ربي يحفظها لك شذى :طيب انتي اخبارك وش صار معك نوره بدت تسولف معها وتقول لها وش صار معاها __ عند اسيل دخل عليها فايز ابتسمت وفتحت يدينها له وهو مشى وارتمى بحضنها اسيل ضمته بحب :وش فيك حبيبي فايز :عمتو ابي اروح لماما اسيل طالعته بشفقه شافت رجله وبهدوء: تعورك فايز :مو كثير اسيل بقهر وحرقه :حسبي الله عليك يا اسماء عساك تلقينها بعيالك عضت شفتها وهي تستغفر من تذكرت انهم بيكونون عيال اخوها فايز متضايق حتى ايباده ناسيه عند امه طلع رقم امه :عمتو اتصلي لماما ابيها تاخذني عندها خذت الرقم منه ودقت عليه من جاء الرد حطته سبيكر فايز :ماما نوره بفرح :قلب وروح ماما فايز ابتسم وبحماس :ماما تعالي خذيني عندك نوره بهدوء :بابا يدري فايز :لا بابا واسماء سافروا وانا ابي اجي عندك نوره ابتسمت :طيب حبيبي الحين جايه لك | ||||||||
|
| |
|
19-10-20, 05:45 PM
| #25 | ||||||||
| مراقبة عامة ومشرفة منتدى الروايات المنقولة
| مساء الخير ال غرام اخباركم اعتذر عن انقطاعي المفاجئ عن الروايه لظروف مررت بها والان سنكمل الروايه معا واتمنى لكم قراءة ممتعه البارت الواحد والعشرين مدت يدها للجرس تقطع سيل ذكرياتها سمعت صوت الشغاله ترد على الجرس : نئم نوره : نادي لي فايز ثواني وفتحت الباب الشغاله : ماما نوره نوره ابتسمت ومشت للباب الداخلي وقفت قدامه : سونا اخبارك سونا ابتسمت : بخير ماما اوكي انا الحين يروح يقول لفايز يجي نوره : بسرعه دخلت وهي تنادي فايز شافت شيخه قدامها : خير وش تبين فيه سونا بابتسامه : ماما نوره يبيه شيخه اشرت بيدها : انقلعي روحي كملي شغلك انا راح اشوف هالعله سونا طالعت شيخه ثواني بعدها نزلت نظرها وراحت شيخه طلعت لها وببرود : نعم وش تبين جايه نوره شدت على كف يدها بقوه : جيت ابي ولدي شيخه وهي تطالعها : محد فايز راح لعمه نوره بهدوء : بس هو كلمني وينتظرني ناديه يا خاله شيخه طالعتها : تخلخلت عظامك روحي بس مالك ولد عندنا وقفلت الباب بوجها نوره جمدت تطالع قدامها بصدمه عضت شفتها بقوه وقهر رفعت يدها وهي تطق الباب و تصارخ : خالتي افتحي الباب ابي فايز صارت تطق بقوه لما وجعتها يدها بس محد رد عليها تجمعت الدموع بعيونها وهي تدعي على شيخه من كل قلبها تسندت على الباب وهي حالفه ما تتحرك الا وفايز معها ___ داخل البيت سونا بحزن وهي تسمع صراخ نوره اختفى : ماما حرام خلي فايز يروح شيخه بعصبيه : حرمت عليك عيشتك ما باقي الا انتي تعلميني الحرام والحلال انقلعي من قدامي والا وربي ان يكون اليوم اخر يوم لك هنا سونا طالعتها بقهر ولفت عند الشغاله الثانيه وهي تتحلطم بلغتها نزل فايز بحماس : يمه جات ماما شيخه طالعته ببرود : من قال لك امك راح تجي فايز اختفى حماسه : ماما قالت لي راح تجي و انا سمعت صوتها قبل شوي شيخه طالعته : وانت صدقتها فايز تجمعت دموعه بعيونه وهو يتذكر كم مره خاب ظنه بأمه صرخ : لا ماما راح تجي ركض لشنطته وهو يسحبها متوجه للباب __ عند سعود بعد ما خبرته ميري ان نوره راحت تجيب فايز راح لها وهو بينفجر من عصبيته يكره انها تروح لهم ولا يبيها تروح واذا على فايز تقول له وهو راح يجيبه نزل من السياره وبخطوات غاضبه وقف وارتخت ملامحه وهو يشوفها قاعده ومنهاره مشى لها ورفعها : نوره وش فيك فايز فيه شي نوره طالعته ومسكت يده : تكفى سعود خلهم يعطوني فايز سعود بغيره وهو يناظر سواقهم يطالعها والناس الي تمر من قدام بيتهم ضمها : روحي السياره انتظريني وعد لاجيبه لك ورفس الباب بقهر انفتح الباب و طلع فايز وسمعوا صراخ وهواش شيخه فايز فرح ان امه جات له مثل ما وعدته نوره طالعته وضمته بقوه سعود ابتسم واخذ الشنطه : يالله نمشي __ اسيل طالعت بلي وقفت قدامها سحبت الكرسي وقعدت وبجمود: قولي وش عندك اسيل :وش اطلب لك جوري :شكرا ما ابي شي قولي الي عندك وخلصيني اسيل تنهدت بعمق :اسمعيني زين عبدالعزيز من وقت الخطبه وهو منقلب حاله حتى ما صرنا نشوفه كثير واذا شفناه او قعد معنا اما باله مشغول او مهموم وترا امي كانت رافضه هالزواج بس مع هذا هو ما استسلم وحاول اكثر من مره لما اقتنعت وكل هذا عشانك جوري نزلت نظرها وهي ساكته اسيل زفرت بهدوء : وانا ما يهون علي اشوف اخوي بهالحاله واسكت وانتي بكل برود رفضتيه تنهدت جوري تنهيده من اعماقها وهي تطالع اسيل :من قال لك اني رفضته بس انا انخطبت لشخص ثاني واهلي موافقين عليه اسيل :اهلك موافقين طيب وانتي ؟؟ جوري نزلت نظرها وهزت راسها بالرفض: لا اسيل ابتسمت :يعني افهم من كلامك انك تحبين عبدالعزيز جوري تنهدت للمره الثانيه :تبين الصراحه ايه انا احبه بس شسوي اذا ابوي رافضه اسيل :قولي آمين يارب تكونين من نصيب اخوي عزوز جوري ابتسمت وهي تشوف اسيل غير عن اسيل المغروره اسلوبها متغير ١٨٠ درجه: آمين ___ نوره وهي ضامه فايز بجهه وبحضنها وجدان اما جواد نايم محمد بغيره :ماما نوره بابتسامه :عيونها محمد اشر لفايز :خليه يقوم بقعد جنبك نوره عدلت وجدان واشرت للجهه الثانيه: تعال هنا محمد ابتسم وقعد عبدالله نزل ايباده وطالعهم :طيب ماما وانا نوره ضحكت :حبييي شايف اخوانك سعود دخل وقعد جنب عبدالله :وش فيه عبود الغالي عبدالله ابتسم :بابا شوفهم كلهم قاعدين عند ماما ضحك سعود وضمه :ما عليك منهم انت الغالي فايز وقف وراح لسعود :عمو سعود :افا ليش صرت تناديني عمو قول بابا فايز ابتسم :بابا سعود مد يده له :هلا حبيبي فايز :انا ما ابي ارجع لبيت جدو ابي اقعد معاكم سعود حط يده على شعره :العين اوسع لك من البيت حبيبي اقعد عندنا العمر كله نوره طالعت سعود وعيونها تلمع بحب له وامتنان على معاملته لفايز محمد :لا روح بيتكم ليش تقعد عندنا سعود طالعه بنظره حاده فايز الي فيه يكفيه مو ناقصه كلام يضايقه محمد خاف من نظرات ابوه ومسك يد نوره بخوف سعود بهدوء :محمد فايز اخوك وهذا بيته مثلك انت واخوانك ما ابي اسمع هالكلام مره ثانيه فايز طالع سعود الي حط يده على اكتافه: يلا روحوا لعبوا ركضوا كلهم رايحين يلعبون فوق سعود وقف وقعد جنبها نوره بامتنان كبير :شكـ.. سعود حط اصبعه على فمها يمنعها تكمل: ما ابي اسمع هالكلمه قولي غيرها نوره ضحكت :مثل ايش سعود حط يده على اكتافها وقربها منه وهمس :مثل احبك نوره ابتسمت : كلمة احبك ماتوّصف شعوري محبتك صعب اختصرها بكلمه ! سعود ابتسم بحب وهيام لف وجها وباسها بين عيونها : يا كبر حظي فيك نوره وهي تنزل وجدان جنب اخوها وسندت راسها على صدره سعود وهو يمسح على شعرها :وش رايك نطلع بروحنا نوره ابتسمت :طيب والعيال وين احطهم سعود :عند اختك نوره ضحكت وهي تذكر شكل جوري لما ثريا تخلي عيالها عندها :اوكي بشوفها سعود ابتسم :واخيرا بفتك من ازعاج عيالك نوره بعدت و ضربته على كتفه: تراهم عيالك بعد و يا زين ازعاجهم عسل على قلبي سعود ضمها له وحط راسه على كتفها: والله انتي الي احلى من العسل سعود تركها و لف على عبدالله الي جاي يركض ويصارخ :بابا فايز ومحمد يتهاوشون وقف سعود وراح لهم ونوره لحقته بسرعه شاف فايز يضرب محمد ويشد شعره انصدم راح بسرعه وهو يبعد محمد عنه محمد كان يبكي بصوت عالي سعود نزل له وضمه ماهاوش فايز ولا كلمه ولا ضربه لو ان محمد كان راح يزعل منه ويهاوشه بس بما ان فايز ما قدر يقول له شي لان ما يدري وش الي مر فيه فايز ويدري ان نفسيته سيئه وممكن يحقد عليه نوره وقفت طالعت فايز الي ركض لها وضمها وبكى نوره طلعت هي وفايز وراحت غرفته قعدت جنبه :حبيبي ليش سويت كذا ليش ضربت محمد فايز ببكاء :هو يقولي روح لامك وان انتي امه لحاله انتي ماما لي انا مو هم وقال لي انه ما يحبني وان ما تبوني في بيتكم وانا ضربته ما احبه ماما نوره ضمته :بس الي سويته غلط لازم تعتذر له فايز بخوف وصوت مبحوح :ماما عمو سعود راح يضربني صح نوره بعدته :لا يا قلبي فايز وعيونه مليانه دموع :ماما قولي لهم انك ماما لي نوره باست جبينه ومسحت دموعه: يا قلبي انت اهدا وراح اقول لهم فايز هدا بس شهقاته ما اختفت نوره تفكر في كلامه وفجأه توسعت عيونها طالعت فايز الي منسدح وراسه بحضنها : فايز فايز طالعها نوره بهدوء :في بيت جدك في احد يضربك فايز امتلت عيونه دموع من جديد نوره حست قلبها انقبض بقوه :من؟ فايز : اسماء نوره حست بصدرها شب نار من عصبيتها وقهرها اسماء كفو تمد يدها على ولدها ___ رن جوال عبدالعزيز بمسج فتحه وشاف رقم اتسعت ابتسامته ودق عليه واخيرا جاه الرد :الو عبدالعزيز :هلا كيفك عادل :اهلين من ؟؟ عبدالعزيز :عبدالعزيز الـ.. عادل ابتسم :هلا والله بعزيز اخبارك عبدالعزيز مايبي يسمع صوته بس مجبور: ابي اشوفك فاضي بكرا عادل :لا بكرا ما اقدر عبدالعزيز :ليش عادل بلا مبالاه :بروح اشوف المدام نظره شرعيه اخاف تطلع شينه وابتلش فيها عبدالعزيز حس بان الاكسجين انعدم من الغرفه و نار الغيره شبت فيه يروح يشوفها ويقعد معها حاول يخفي عصبيته وغيرته: طيب بعد بكرا اشوفك راح ارسل لك وين نتقابل وقفل من غير ما يسمع رده وضغط على جواله بقوه وفكرة ان رايح يشوفها بتذبحه رفع يده فتح ازرار ثوبه العلويه يتنفس اخذ مفاتيحه ولف للباب وطلع ما سمع امه تناديه ولا انتبه لابوه الي قدامه سرحان يفكر ركب سيارته وحرك بسرعه ___ دخلت ميري وشايله التوأم الي يبكون فزت نوره وهي تأخذهم منها قعدت على سرير فايز فايز طالعهم ومسك يد وجدان وابتسم نوره واخيرا سكتوا لها فايز ببراءه : ماما ليش احنا ما عندنا بيبي نوره ابتسمت : حبيبي ان شاء الله اذا الله اراد بيجيكم بيبي وبعدين ما تبي اخوانك فايز ابتسم : الا ماما ابيهم قرب وباس خد وجدان نوره بابتسامه : باروح اسوي لهم حليب تجي معي فايز وقف : ايه طلع شاف سعود قاعد بالصاله بهدوء ومقابلينه محمد وعبدالله رفع نظره لهم نوره طالعت فايز : يلا روح قول له آسف سعود طالع محمد وعبدالله ساكتين تنهد ولف نظره لفايز : فايز حبيبي تعال فايز طالع امه الي اشرت له يروح فايز مشى بخطوات بطيئه وقف قدام سعود : عـ عمو آسف سعود ابتسم مسك يده وقعده جنبه : انا مو زعلان منك بس ما ابي اشوفكم تتضاربون طالع لعياله : طيب الكل : طيب __ اسيل بضيق : خلاص يمه راح عند امه مافيها شي شيخه : مو بكيفهم ياخذونه من غير ما يدري اسامه وهو موصينا ننتبه عليه واذا صار له شي اسيل تنهدت بطفش : نوره هي اكثر شخص راح يهتم فيه ومحد راح يخاف عليه كثرها ويمه تكفين ماله داعي اسامه يدري شيخه طالعتها : طيب اسامه اتصل لك وصلوا اسيل : لا ما اتصل يمكن كلم عز ___ جوري ماسكه راسها بقوه تحس بصداع قوي بيذبحها شلون تقول لابوها انها رافضه و ما تبيه ولا تبي تشوفه حست انفاسها سريعه وش تسوي عشان ما تطلع له دخل عليها سعد : وش فيك كذا حتى ما بدلتي ملابسك ترى عادل جاء هو واهله جوري بعصبيه : الله ياخذ هالعادل سعد تقدم لها : الصراحه انا بعد ما حبيته شكله يقهر وغثيث جوري بقهر : بس اسكت ادري انه غثيث خلاص سعد : شدراك جوري : اطلع برااا سعد تأفف : خلاص طالع جوري طلعت فستان طويل ساده باكمام طويله وقفت قدام التسريحه طالعت شكلها ووجها التعبان طنشته ما حطت عليه شي ما يهمها تعجبه او لا خذت شيلتها وطلعت سلمت على امه واخته بهدوء وهما يطالعونها بدهشه حتى امها ام عادل بابتسامه : هلا والله بعروستنا جوري ماردت وهم يتوقعون انها مستحيه طالعت في هيام اخت عادل وهي تسمع اسئلتها وترد ببرود حست صداعها زاد وش فيها ما تسكت سالفه وراء سالفه وهي مالها خلق ابد وقفت لما نادها سعد ومشت له : تعالي مشت وراه ودخلت وقفت وهي تشوف عادل بابتسامه المستفزه قاعد وحاط رجل على رجل لابس بنطلون جينز وفانيله لونها سماوي تماسكت بهدوء ودخلت وهي تسلم ابوها الي مو عاجبه وضع عادل ولا ملابسه بنظره لو ان جاء بثوب وشماغ افضل بكثير لف لجوري الي قعدت جنبه عادل :اخبارك جوري ببرود :بخير وقف ابوها مسكت يده ما تبي تقعد معه بروحها حسام :شوي وجاي مشى مع سعد عادل ابتسم بسخريه :وانا بخير جوري طالعته وبتوتر : تبي الصراحه انا مو موافقه ولا ابي هالخطبه عادل اختفت ابتسامته وهو يطالعها بوقاحه :دام كذا خليني اقول لك ان انا بعد ما ابي هالخطبه و تقدمت لك عشان ابوي بس جوري انقهرت : طيب قول له ما ابيها وفكنا عادل ابتسم وباستفزاز :لا طلعتي حلوه ودخلتي مزاجي وبكمل الخطبه يا دكتوره جوري وقفت بعصبيه :انت ما عندك كرامه تاخذ بنت ما تبيك عادل وقف طالعها و طلع وهي قبضت كف يدها بقوه دخل ابوها وهو يشوف وجها احمر : وش فيك جوري وهي تحاول تكتم عصبيتها :يبه انا ما ابيه مو موافقه عليه حسام بهدوء :ليش جوري : واحد مستفز و فاشل وماعنده شغل وغثيث حسام ناظرها :هو يشتغل بشركة ابوه اما صفاته انتي غيريه جوري بانفعال :ما ابيه مستحيل اتزوجه وطلعت بعصبيه متجاهله الكل لغرفتها ___ اسيل وهي تكلم ياسر ومبتسمه فزت لما تقفل الباب بقوه طالعت عبدالعزيز الي داخل ووجهه اسود نست ياسر وركضت له :وش فيك عبدالعزيز بعصبيه دفها من قدامه اسيل صدم ظهرها بالجدار :آه طالعت جوالها وتذكرت ياسر مسكت ظهرها بألم: حبيبي بعدين اكلمك ياسر بخوف :شفيك اسيل :مافيني شي خلاص اكلمك بعدين ياسر :راح انتظرك مو تنسين اسيل :طيب مشت لعبدالعزيز فتحت باب غرفته انصدمت وهي تشوف اغراضه كلها طايحه على الارض مسك كرسي وكسره بالجدار اسيل رجعت خطوه بخوف شافته وقف مشت بحذر مسكت يده :عبدالعزيز قولي شفيك عبدالعزيز بغيره:راح يشوفها وقعد معها لا وبكل برود يقول البنت حلوه اسيل مسكت وجهه وخلته يطالع عيونها :هي تحبك انت مو موافقه عليه عبدالعزيز مسك يدها بقوه ومو حاس بنفسه: لا هي بنفسها قالت موافقه عليه انتي شدراك انها تحبني اسيل ويدها تحسها انكسرت وبصراخ :عزيز يدي عبدالعزيز انتبه وفكها مسح على شعره اسيل ودموعها نزلت من الم ظهرها ويدها :وجع انا وش دخلني عبدالعزيز طالعها تنهد :اسف ما كان قصدي اوجعك اسيل رفعت جوالها وفتحت تسجيل توسعت عيون عبدالعزيز وهو يسمع صوتها حس وكأن ماء بارد انسكب فوقه وخمدت النار الي يحس فيها بعد ما سمع ايه احبه بس شسوي اذا ابوي رافضه طالع اسيل بدهشه: متى شفتيها ؟! اسيل وهي تمسك يدها :امس عبدالعزيز ابتسم باس جبينها نزل نظره ليدها : تعورك اسيل :كثير عبدالعزيز :البسي باخذك المستشفى اسيل بخبث :قول انك رايح تشوفها بس تتعذر بيدي عبدالعزيز ضحك :يعجبني الفاهم يلا خلصي بسرعه __ سعود يطالعها وهي تحط لوشن ليديها رن جواله شاف رقم غريب طنش نوره وقفت وقعدت جنبه :من ؟ سعود حط يده على خصرها وقربها له :مو مهم انتي الاهم عندي رن مره ثانيه تأفف سعود رد ونوره حاطه راسها على كتفه براحه سعود :الو سكت وهو يسمع بكاها وكلامها :سعود تكفى ابي اشوف عيالي والله ما اقرب لك انت وزوجتك بس بشوفهم سعود اخذ نفس :طيب راح اجيبهم لك بكرا عبير بفرح :جيبهم لبيت اهلي سعود :طيب وقفل نزل نظره لنوره الي تطالعه ابتسم نزل جواله ومد يده لخدها :وش فيها الحلوه نوره غمضت عيونها :ام عبدالله سعود رفع راسها له فتحت عيونها الي صارت حمراء: تغارين نوره ابتسمت :من حقي اغار على زوجي وحبيبي ___ جوري خذت حبة باندول و حمدت ربها ان دوامها اليوم بالليل عشان تخلص من هواش امها الي كانت معصبه عليها بس استأذنت وطلعت بحجة انها تأخرت على دوامها وهي جايه قبل بوقت طلعت من مكتبها رايحة لقسم الطوارئ وقفت من شافت عبدالعزيز طالع مع اسيل والضماد على يدها وقفت قدام اسيل : عسى ما شر وش فيها يدك اسيل ابتسمت : بس ناس يعصبون ويطلعون حرتهم فينا جوري ابتسمت وهي تتذكر عصبية عبدالعزيز : في هاذي صادقه الله يعين اسيل : يلا عن اذنك عبدالعزيز ببرود : مبروك جوري بقهر : الله يبارك فيك وعقباك عبدالعزيز ابتسم : آمين مع الي في بالي جوري طالعت بعيونه بترجي تبيه يسوي اي شي عشان ما تأخذ عادل لان شكل ابوها يبيها له بس هي ما تبيه تجمعت دموعها نزلت نظرها بسرعه ما تبيه يلاحظ : عن اذنك بس ما فات عبدالعزيز لمعة عيونها وضعفها وقف قدامها : لحظه جوري وهو تطالع بالممر :نعم عبدالعزيز : شفيك جوري نزلت دموعها وهي من النوع الي تكتم اكثر من ما تتكلم حتى عبدالعزيز محد يعرف بحبها له غير نوره واعترافها لاسيل بس محد يعرف بكل الي صار معها: و ولاشي عبدالعزيز بهدوء :جوري قولي في احد مضايقك اقدر اساعدك جوري ضعفت مدت يدها لنقابها تعدله و طالعته: عبدالعزيز ما ابيه طلبتك سو اي شي يوقف الخطبه عبدالعزيز انقبض قلبه وحس باختناق وهو يشوف ضعفها ورجائها جوري تضايقت من سكوته ليتها تمت ساكته مشت من جنبه بس وقفت لما سمعت صوته عبدالعزيز بجديه وثقه وهو معطيها ظهره :جوري وعد وهالشنب مو على رجال اذا ما خليت ابوك بنفسه يرفضه جوري لفت وهي تشوفه يمشي ويبتعد عنها ابتسمت ومسحت دموعها تحس براحه نفسيه بعد ما سمعت كلامه عبدالعزيز رفع جواله بعد ما طلع من المستشفى : الو اخبارك .. تمام الحمدلله .. راح ارسل لك عنوان ابيك تجي له بكرا الساعه ٤ العصر لا تتأخر .. طيب .. مع السلامه ومشى لسياره اسيل بابتسامه : بدري كان قعدت بعد عبدالعزيز يسايرها : كنت بقعد بس خبرك مستشفى مو كوفي ضحكت اسيل : زين تذكرت انت من تشوفها تنسى نفسك عبدالعزيز لف لها : اسيل وبعدين معك اسيل كتمت ضحكتها : طيب خلاص سكت رن جواله رد وابتسم وهو يسمع صوت اخوه اسامه ___ نوره طالعته بغيره : لا تنزل خلهم ينزلون بروحهم سعود ابتسم : طيب غيره نوره : بس انتظرك لا تتأخر سعود : ان شاء الله يلا حمود عبود فايز : وين بتروحون ابي اجي وياكم نوره بابتسامه مدت يدها له : حبيبي بيروحون لامهم وانت بتقعد معي ونروح بعدين لخالك سعد وخالتو طيب فايز طالعهم : طيب محمد وعبدالله راحوا مع ابوهم وقف سعود قدام البيت شاف سامر طالع نزل وهو يسلم عليه سامر : هلا والله بابو عبدالله حياك سعود ابتسم : اعذرني والله مستعجل مره ثانيه ان شاء الله محمد مسك يده ابوه : بابا ما ابي اروح سامر ابتسم ونزل لمستواه : ليش حبيبي ما تبي تشوف جدتك وماما محمد حرك راسه بالنفي : لا ماما في البيت مو هنا سعود طالع عبدالله : يلا حبيبي انتبهوا على نفسكم وبكرا جايكم محمد زم شفايفه : بابا ما ابي عبدالله مسك يده : يلا حمود سامر طالع سعود : اذا انت مستعجل توكل الله وياك ولا تشيل هم سعود تنهد وراح لسيارته ___ عبدالعزيز قاعد في الحديقه ابتسم لما شاف احمد و طلال وشيماء طلال راح وسلم عليه ولحقته شيماء عبدالعزيز وهو يشرب القهوه بهدوء : هلا والله باغلى من جاء وقف وهو يسلم على احمد : كيف الحال احمد قعد قدامه : الحمدلله تمام وانت عبدالعزيز : بخير دخلو شيماء وطلال واحمد قعد معاه بينما عبدالعزيز سرحان ومو مركز معاه ابد احمد وهو يحرك يده : عبدالعزيز عبدالعزيز انتبه : هلا احمد : وش سرحان فيه اكلم نفسي انا عبدالعزيز بابتسامه باهته : آسف مو قادر اركز معك ابد وقف وهو يسمع اذان العصر : عن اذنك احمد طالعه بدهشه وقف ودخل بيسلم على امه وابوه __ في بيت حسام الكل موجود نوال ثريا ونوره وجوري وسعد صراخ العيال ولعبهم وسوالف نوره مع ثريا حسام وهو يشرب الشاي طاح نظره على جوري الهاديه و سرحانه بعالم ثاني ما تعود على هدوئها دايما تسولف و يضايقها سعد بكلامه وتتهاوش وياه تنهد وهو يفكر بكلامها اذا هي رافضه عادل ما يقدر يجبرها عليه ابد واذا كان اجبر نوره على سعود فهو يعرفه عز المعرفه وما ندم عليه اما عادل ما يعرف غير ابوه المعروف باخلاقه وطيبته بس عادل لا و اذا رفضه ما راح يوافق على عبدالعزيز شلون يرمي اصغر بناته واقربهم لقلبه لهالعايله خايف تعاني مثل اختها ويندم انه سلمها للي ما يستاهلها صحى من سرحانه على صوت ثريا وهي تسولف معاه __ عبدالعزيز وقف في المكان الي اتفق يلتقي مع عادل فيه طلع وتسند على السياره ينتظره طالع سيارة عادل الي وقفت قدامه نزل عادل وهو يسلم عليه : اخبارك عبدالعزيز وهي يغلي نار من داخله: الحمدلله وانت عادل باستغراب : الحمدلله مالقيت الا هالمكان عبدالعزيز ببرود : مو موضوعنا المكان عادل طالعه : طيب وش تبي ؟ عبدالعزيز وهو يعرف ان عادل يموت بالفلوس : كم تبي وتنكسل الخطبه عادل عقد حواجبه : ليش !! عبدالعزيز : بس كذا خلصني عادل بابتسامه : طيب بس لازم المبلغ يكون كبير البنت حلوه وتستاهل عبدالعزيز وهو يكتم عصبيته من كلمة حلوه طلع دفتر شيكاته كتب فيه ووقع وعطاه عادل طالعه الشيك بصدمه وابتسم بخبث : كل هذا عشان بنت طلع بوكه وحطه داخله : بعتبرها هدية زواجي من صديق قديم بس البنت ما راح اتركها دخلت مزاجي وغير كذا دكتوره راح استفيد منها ولف بيروح عبدالعزيز غمض عيونه بقهر وغيره : عادل ترا اعرف الاستراحه الي تشرب فيها وتسكر عادل لف له بسرعه وصدمه عبدالعزيز تكتف وهو يطالعه بابتسامه سخريه عادل مشى ومسك ياقته بقوه : وربي لو احد عرف راح يكون حسابي معك كبير يا عز عبدالعزيز مسك يدينه ونزلهم : الي عندي قلته عادل بقهر : محد راح يصدقك ما عندك اثبات و الخطبه بتم وبكرا راح اتفق على على كل شي واحدد الملكه ورني وش راح تسوي مشى لسيارته وحرك بعصبيه عبدالعزيز طالعه ولف للي جاء له : سويت الي قلت لك عليه رد بهدوء : ايه طال عمرك عبدالعزيز ابتسم : حلو ارسله لي وامسحه من عندك الشاب : ان شاء الله | ||||||||
|
| |
|
19-10-20, 05:47 PM
| #26 | ||||||||
| مراقبة عامة ومشرفة منتدى الروايات المنقولة
| نوره قعدت قدام جوري : جوجو حبيبتي جوري طالعتها : وش تبين نوره ضحكت : اعرف محد يفهمني غير اختي حبيبتي عادي اخلي العيال عندك جوري وهي تبي تبعد عن التفكير الي ذبحها : طيب جيبيهم قبل لا تطلعين ولا تشيلين هم نوره باست خدها : ربي لا يحرمني منك جوري بهدوء : آمين وين فايز نوره : عند سعد سكتت شوي الا ما قلتي لي وش صار على عبدالعزيز جوري تنهدت : ما ادري نوره : شلون ما تدرين جوري طالعتها : قلت لابوي عن رفضي لعادل وما ادري وش بيصير نوره ابتسمت : حلوو الله يكتب لك الي فيه الخير وقفت من رن جوالها وطلعت وهي تاخذ التوام للغرفه وخلتهم عند جوري ولبست عبايتها وشيلتها ونزلت وهي توصي سعد على فايز سلمت على امها وطلعت فتحت باب السياره وركبت بابتسامه : السلام عليكم سعود باستغراب : وعليكم السلام وين العيال نوره مسكت يده الي مركي فيها بالنص : خليتهم عند اختي سعود ابتسم رفع يدها و باسها : تعشيتي نوره بابتسامه : لا ابي اتعشى وياك سعود : الحين بوديك افخم مطعم نوره ابتسمت وهي تطالعه __ ياسر وهي يتكلم بالجوال وقف قدام بيت صالح : حبيبتي ابي اشوفك طلعي لي انتظرك اسيل بابتسامه : طيب دقايق بس قفلت وهي توقف قدام المرايه لابسه بيجامه علاقي وبرمودا خذت الربطه وهي ترفع شعرها و كثفت الكحل بعيونها وحطت ماسكرا و وروج وردي فاتح وخذت عبايتها وشيلتها وطلعت بسرعه وقفت من شافت شيماء بوجها عضت شفتها وهي تسمع سؤالها : وين رايحه ؟ اسيل : انتي ليش للحين ما نمتي شيماء : مافيني نوم وين بتروحين بجي معك اسيل بقهر : لو رحتي ويا ابوك وقعد طلال احسن على الاقل هو مو ملقوف مثلك ويلا انقلعي روحي نامي شيماء طالعتها : طيب راح اقول لبابا و جدي وعمو عز عمتو طالعه في الليل ماكملت وشردت لما شافت اسيل فسخت كعبها ومسكته بترميها فيه اسيل لبست الكعب وطلعت وهي متنرفزه من شيماء شافت سياره ياسر مشت لها وركبت وقفلت الباب بقوه ياسر لف لها : من مزعل الحلوه اسيل بقهر : الله بلاني ببنت اخو ترفع الضغط صحك ياسر وهو يطالع قدامه : وش قالت لك اسيل وهي تنزل الشيله عن وجها : تخيل تهدد راح اقول لبابا وعمو عز وجدي انك طالعه في الليل ياسر مستمر يضحك : كم عمرها ؟ اسيل : ٧ سنين ياسر لف لها بابتسامته : الله يحفظها سكت وهو يتأملها بحب وشوق كبير مد يده وهو يفسخ شيلتها ويفك شعرها طالع بعيونها : انتي وش سويتي فيني حتى وانتي قدامي اشتاق لك اسيل ارتجفت وضغطت على عبايتها بيدها تهدي رجفتها وتوترها ياسر مسك يدها وبنبرة حنونه: بردانه اسيل بارتباك : ا ايه ياسر طفى مكيف السياره وطالع لبسها حط يده على اكتافها : وش هالبس لو طلعتي قدام اخوانك كذا بذبحك و تدفي زين لا تبردين اسيل وهي تعدل عبايتها بسرعه ابتسمت على غيرته : طيب والحين اروح ياسر : ايه اسيل سحبت يدها الي كان ماسكها ياسر ورفعت الثانيه الي حاولت ما تبين الضماد لياسر بس نست وهي تاخذ الربطه من ياسر تعدل شعرها وتلبس الشيله ياسر بدهشه مسك يدها وضغط عليها اسيل كتمت المها بس بان بوجها : وش فيها يدك ؟! اسيل بألم : آه ياسر تعورني ياسر بعصبيه : تكلمي وش فيها اسيل بتوتر : طيب بس لا تعصب عـ عبدالعزيز كان معصب حيل ورحت اشوفه وعصب علي ياسر طالعها بحده : مد يده عليك اسيل مسكت يده : هو ما كان يقصد يوجعني بعدين لا تلومه الوضع الي يمر فيه صعب ياسر بحده : انتي الحين زوجتي وما راح ارضى اسيل قاطعته وهي تقرب وباست خده بجرأه : خلاص حبيبي عشاني لا تعصب وانسى ياسر جمد طالعها وابتسم: طيب عشانك بس اسيل وهي تعدل شيلتها : تصبح على خير ياسر قربها منه باس جبينها : وانتي بألف خير نزلت اسيل وهو يطالعها لما دخلت وحرك رايح للبيت ___ صحى على صوت المنبه مد يده لجواله وهي يقفله طالع نوره الي نايمه مد يده لخصلات شعرها وهو يبعدها عن وجها ابتسم وهو يشوفها نايمه بعمق ومو حاسه عليه بعدها بهدوء وقف وراح ياخذ شور ويتوضا لصلاة الفجر بعد ما خلصت الصلاه ورجع من المسجد شافها للحين نايمه قرب منها وقعد على السرير وبهدوء : نوير حبيبتي قومي يالله صلي الفجر ما حصل رد ابتسم وباس خدها بهدوء وطول بعد وهو يشوفها تحرك اجفانها فتحت عيونها بكسل وطالعته : صباح الخير سعود بهمس : صباح النور من متى صايره كسلانه يلا قومي صلي الفجر بسرعه نوره وقفت وهي تتثاوب راحت تتوضأ وصلت الفجر ورددت اذكارها وقفت وخذت المصحف وهي تقرا من الصفحه الي وقفت عندها امس بعد ما كملت قفلته وحطته بدرج الكوميدينه فسخت جلال الصلاه و طالعت سعود : بتروح الدوام سعود : ايه بعد شوي وقفت نوره : طيب بروح اسوي الفطور ونزلت دخلت المطبخ وهي تسوي لهم فطور بعد ما جهزته راحت له فوق وقفت وهي تطالعه يعدل تنسيفة شماغه ولبس ساعته ورش عطره ابتسمت : الفطور جاهز سعود اخذ جواله وبوكه ومفاتيحه ولف لها: طيب مشى بس نوره دخلت الغرفه مسك يدها : وين رايحه يالله نفطر نوره : مالي خلق و ابي انام شهقت لما شالها سعود فجأه وهمس : ما تدرين ان ما اعرف افطر الا وانتي قدامي نوره ابتسمت : طيب نزلي سعود طنشها لما وصل قدام طاولة الاكل نزلها وبدوا يفطرون ___ الساعه ٥ العصر في بيت حسام جوري بطفش : عيالك مزعجين حيل نوره ضحكت : ادري الله يحفظهم لي جوري وقفت قدام الشباك شافت عادل وابوه جايين تاففت ومشت لسريرها وقعدت وهي تطالع نوره المنشغله بعيالها في المجلس وقبل لا يقول حسام عن رفض جوري سمع صوت الجرس حسام طالع سعد : قوم يبه شوف من ؟ وقف سعد وراح فتح الباب ابتسم : هلا عبدالعزيز حياك تفضل عبدالعزيز ابتسم : الله يحييك وزاد فضلك مشى للمجلس دخل وهو يسلم حسام طالعه باستغراب : هلا بولدي عبدالعزيز تفضل عبدالعزيز مشى له سلم عليه وقعد جنبه اخذ نفس عميق وطالع عادل ابو عادل :ما عرفتنا من هذا يا حسام حسام :هذا عبدالعزيز صالح الـ.. ابو عادل التمعت عيونه باعجاب وتذكره : والنعم والله ماشاء الله عليك انا حضرت العرض لمشروعك الاخير الي كان ناجح بشكل كبير ياليت عندي ولد مثلك عادل طالع ابوه بقهر عبدالعزيز ابتسم :شرف لي ان نال اعجابك لان تعبنا عليه كثير والحمدلله كانت النتائج حلوه ونتمنى ان نتقدم ونتوسع بمجالنا اكثر واكثر ابو عادل ابتسم :الله يوفقك طالع حسام :وش قلت يا بو سعد متى تبون الملكه عبدالعزيز طالعهم بدهشه مصطنعه :اما الملكه ليكون هذا عادل الي خطب بنتك يا عم بو سعد عادل يطالعه بغيض وقهر حسام باستغراب : ايه هو شفيه !! عبدالعزيز وعينه بعين عادل بقوه : لا بس سمعت ان سكير يعني يشرب حسام بصدمه: اعوذ بالله سكير ابوعادل لف على عادل بصدمه وعصبيه عادل بعصبيه : كذااااب يا عم لا تصدقه عبدالعزيز ببرود: والله صديقي ضابط واكثر من مره مسك الي في استراحة الـ... وبعد ياعمي تراه حقير ممكن بأي لحظه يبيعيها عشان الفلوس يعني لا ترخص بنتك له لان راح تندم طلع جواله وهو يفتحه على الفيديو الي صوره الشاب وانتهى لما اخذ الشيك وطالعه ابو عادل بعصبيه من اهانة ولده: مو مبين ان اخذه يمكن رماه بوجهك و تبي بس تشوه سمعته عبدالعزيز وهو يسند ظهره وبثقه وهو عارف ان عادل ما صرف الشيك :شوف محفظته وراح تشوفه داخل بو عادل لف لعادل :طلع محفظتك خلني اثبت ان كذاب عادل وهو يطالع عبدالعزيز بكره وحقد وهو يتمنى الارض تنشق وتبلعه ولا ينحط بهالموقف انتبه على صراخ ابوه :بسرعه طلعها عادل طلع بوكه وعطاه ابوه فتح وهو يشوف الي داخله توسعت عيونه بصدمه وهو يشوف الشيك حسام اخذه منه وطالع بصدمه وهو يشوف المبلغ وتوقيع عبدالعزيز عبدالعزيز مد يده واخذه وشقه لقطع وهو يطالع عادل باستفزاز بو عادل ارتفع ضغطه سود وجهه قدامهم حسام اخذ نفس حلو الحين يقدر يرفض بدون ما يزعل عليه بو عادل صديقه :بو عادل مالكم نصيب عندنا بنتي غاليه وما اسلمها لشخص يرخصها وقف عادل ونظراته حقد وكره لحق ابوه وطلع عبدالعزيز اتسعت ابتسامته وفى بوعده لجوري و ما راح تكون لغيره لف نظره لحسام الي واضح الضيق على ملامحه لو ما رفضت جوري كان ممكن يزوجها له ويضيع بنته عبدالعزيز : تكفى يا عم طلبتك انا ابي جوري زوجه لي على سنه الله ورسوله والله ان احطها بعيوني حسام طالعه بهدوء: انت ليش مُصر عليها شفتها من قبل عبدالعزيز :ايه شفتها بالمستشفى ولفتني اخلاقه وحشمتها حسام اخذ نفس وبتفكير :انا موافق بس اذا جات تشكي منك صدقني ما تشوف ظلها ابد عبدالعزيز حس قلبه طير بالسماء من فرحته :لا ان شاء الله ما راح تجيك ضايقه ابد وبعدين ما ودك تسأل عني حسام ابتسم وحط يده على كتفه :يا ولدي يكفيني كلام سعود عنك رجال وتخاف الله واخلاقك عاليه وما ترضى بالغلط بس انا باخذ رايها وارد عليك عبدالعزيز وقف وباس راسه بفرح طلع كرت من جيبه ومده له :فيه رقمي اذا ردت عليك اتصل علي حسام ابتسم :ان شاء الله عبدالعزيز : يلا عن اذنك طلع من المجلس ويحس الدنيا مو واسعته من الفرح شاف فايز قدامه شاله بفرح وهو يطيره بالهواء مع ضحكات فايز العاليه باس خده بحب : اشتقت لك يا بطل فايز بابتسامه :وانا كثيير عبدالعزيز نزله :يلا روح قول لماما بطلع مع عمو عز شوي وراجع بسرعه فايز بفرح :طيب وركض داخل البيت عبدالعزيز طلع رفع نظره لا اراديا لفوق وشافها واقفه قدام الشباك وبسرعه قفلت الستاره وقلبها يدق بقوه وش جاب عبدالعزيز دخل فايز :ماما بروح مع عمو عز نوره باستغراب :وين فايز :مدري ماما شوي وراجع نوره :طيب ركض فايز ولبس جزمته وطلع لعمه نوره لفت لجوري :وش جاب عبدالعزيز ؟ جوري قعدت على سريرها وضمت مخدتها وبهيام :ما ادري نوره ضحكت :اجهز واروح لبيتي احسن لي وانتي خلك باحلام اليقظه جوري تنهدت بعمق وهي تحط المخده وراها :ليتها تصير واقع دخل عليهم سعد :جوووج عندي لك خبر بمليون ريال جوري طالعته ببرود :تحددت الملكه توقعت ابوي يبلغهم رفضي وبعدين هالخبر ما يسوى ريال انقلع بس سعد بابتسامه :قصدك عادل الغثيث نوره لفت له باستغراب: عبدالعزيز وش جايبه سعد رفع حاجب :شدراك ان جاء نوره :ياغبي فايز راح معاه سعد ابتسم بغباء :ايه صح جوري تنهدت :انتظر اسمع الخبر الي عندك سعد قعد على السرير بحماس :تخيلي شصار نوره وهو تطالع حماس سعد ابتسمت :قول وش صار سعد بابتسامه واسعه :الخطبه ما تمت وابوي رفض عادل طالعوا بعض بصدمه وبنفس الوقت :احلف ضحك عليهم :والله ضحكت جوري بسعاده افتقدتها الايام الي راحت نوره بابتسامه :بس كيف وليش ؟ شعد طالعهم وبدا يقول لهم كل الي صار من لما دخل عبدالعزيز لما طلب يد جوري جوري تطالعه بصدمه ما رمشت نوره هزتها :وش فيك مصدومه كذا افرحي جوري طالعتها وتجمعت الدموع بعيونها حطت يدينها على وجها وبكت لاخر لحظه فقدت الامل انها تكون لعز نوره ضمتها :ليش البكاء المفروض تفرحين جوري تبكي من الفرحه مو مصدقه ان عبدالعزيز وفى بوعده و طلع قد كلامه وما تركها سعد باستغراب :وش فيها نوره طالعته :ما فيها شي خلاص اطلع الحين وقف وطلع نوره بعدتها مسحت دموعها :خلاص وقفي بكاء ياقلبي جوري بصوت مبحوح من البكاء :انا ابكي من الفرحه قلت خلاص راح اتزوج عادل حتى لو ما ابيه ابتسمت من بين دموعها: بس هو ما كسر ثقتي فيه و كان قد وعده وتلوموني ليه احبه ضحكت نوره :لا محد يلومك على حبه جوري انسدحت ونظرها لسقف و هي تحس نفسها طايره بالسماء من فرحتها وقفت نوره لبست عبايتها وشيلتها وسلمت على جوري شالت شنطتها والتوأم وسلمت على ابوها وامها وطلعت مع سعد لبيتها ___ اسامه شايل هم فايز من لما سافر ما سمع صوته واسيل دايما تصرف يخاف فيه شي حتى امه لما يسألها عن فايز تسكت وبعد شوي تغير الموضوع ندم انه تركه ليته جابه معه وريح باله طالع اسماء الي قعدت جنبه وابتسامتها على وجها : حبيبي بشنو سرحان اسامه تنهد : افكر بفايز اسماء كشرت وحاولت ترد بهدوء : ليه ؟ اسامه : من لما سافرت ما سمعت صوته ابد اخاف مريض او فيه شي وما يبون يقولون لي اسماء مسكت يده : اكيد مافيه الا العافيه اسامه طالعها بابتسامه دخل يده بشعرها القصير لرقبتها : ليش قصيتيه اسماء بدلع وهي تحرك شعرها : ليش مو حلو اسامه ابتسم : لا حلوو عليك اسماء ابتسمت مسكت ذراعه وسندت راسها على كتفه : اهم شي عجبك ما بنطلع اليوم اسامه وقف : الا بنطلع قومي جهزي بتصل للوالده و اشوف يمكن القى فايز واكلمه اسماء بنرفزه : طيب ومشت __ عند شذى تطالع ملاك الي تلعب بالعابها بس تفكيرها رايح بعيد احمد قعد جنبها : الحلو سرحان فيني ضحكت شذى : لا احمد : اجل بشنو شذى زفرت بهدوء : ابي اروح ازور ام فايز عادي احمد : ايه عادي روحي شذى بابتسامه : جد ؟ احمد : ايه يا روحي جد شذى بفرح : ياعمري ما تتخيل شكثر مشتاقه اشوفها واسمع سوالفها ___ في بيت بو احمد استغل عبدالعزيز وجود امه وابوه واسيل وبهدوء : بما انكم مجتمعين حاب اخبركم اني رحت امس لبيت بو سعد وطلبت جوري مره ثانيه اسيل ابتسمت صالح باهتمام : طيب وش صار عبدالعزيز بابتسامه واسعه : عمي بو سعد وافق بس بيأخذ رايها ويرد علي اسيل بفرح : مبروك ويارب تسمع الاخبار الي تفرحك عبدالعزيز بابتسامه : يارب شيخه بلا مبالاه : الله يوفقك عبدالعزيز : آمين شيخه : لو تروح تجيب فايز من عندهم افضل اسامه كل ما اتصل سألني وينه و هالمره اذا اتصل راح اقول له راح مع امه واريح راسي صالح طالعه : وليش ما تقولين له من اول ان عند امه اسيل بتوتر وقفت وقعدت جنب ابوها : يبه اذا راح تسافر راح اجي وياك مليت صالح ابتسم : ان شاء الله ولا يهمك باخذك معي اسيل رفعت يده وباستها : عسى عمرك طويل يالغالي والله لا يحرمنا منك __ بعد مرور شهر عبدالعزيز في المكتب وتمت ملكته على جوري اخيرا صارت زوجته وحلاله رفع كوبه وهو يشرب بهدوء وقدامه اللابتوب مسك جواله وهو يدق عليها محد رد ابتسم اكيد مشغوله فتح الباب ريان : عزوز عبدالعزيز : هاه وش عندك ريان وقف قدامه : خلص الدوام ليش للحين قاعد عبدالعزيز وقف : ما حسيت بالوقت شال نظارته وجواله ومفاتيحه : يلا ريان مسكه : وين رايح عازمك على الغداء عندي عبدالعزيز ابتسم : لا الحين الوالده اكيد تنتظرني على الغداء ريان : لا والله تتغدى اليوم عندي عبدالعزيز رفع جواله يتصل لامه : طيب بس بعطيهم خبر ريان ابتسم : طيب ___ اسامه وقف قدام بيت سعود بعد ما قالت له شيخه ان عند امه طالع اسماء : بجيب فايز وجاي اسماء طالعته و ببرود : طيب اسامه مشى للبيت وطق الجرس بشوق كبير لفايز وكأن له دهر ما شافه فتحت ميري طالعته : يبي فايز اسامه ببرود : ايه فايز ما غيره ناديه بسرعه دخلت ميري وهي تطالعهم كلهم قاعدين في الصاله طالعت سعود : بابا يبي فايز نوره ضمت فايز : لا ما راح اخليه يروح وياهم سعود تنهد : حبيبتي لازم يروح مع ابوه يلا روحي جهزي اغراضه التمعت عيون نوره طالعت عيالها باسرتهم الصغيره وراحت تجهز اغراضه الشخصيه والمدرسيه بما ان صار يدرس طلع سعود لاسامه الي ازعجهم وهو يرن الجرس : خير ازعجتنا اسامه تكتف : انتظر فايز تأخر وينه سعود بحده : الحين جاي اصبر شوي اسامه لف وراح لسيارته طالعه سعود وانتبه لوحده معاه بالسياره دخل وهو يشوف فايز ماسك ايباده وزعلان سعود قعد جنبه : وش فيه الحلو زعلان فايز الي كان مستانس و مرتاح مع امه وسعود والعيال طالعه : عمو ما ابي اروح قول لبابا يروح بقعد عندكم سعود بضيق رفع نظره لنوره الي نازله الدرج وهي شايله شنطة فايز الي جهزتها فايز وقف وطالع امه : ماما ما ابي اروح عندهم قولي لعمو بقعد معاكم نوره نزلت لمستواه وضمته : حبييي روح وراح تجي الاسبوع الجاي بنتظرك سعود : بابا يلا ابوك وخالتك ينتظرونك تاخرت عليهم نوره طالعته وقلبها شب نار ونظراتها احتدت : اسماء معه فايز ببكاء :ماما ما ابي اروح اسماء تصارخ علي كل مره و ضربتني لان كسرت جوالها ما ابي اروح نوره صرخت : ميري جيبي عبايتي بسرعه سعود طالعها بصدمه : ليش ؟ نوره بعصبيه : وربي لاكسر يدها وامسح فيها الارض الحقيره الي تمد يدها على فايز ميري جات وعطتها العبايه والشيله لبستها ومشت بسرعه بس سعود مسكها ولفها له : انهبلتي نوره بحرقة قلبها : ايه دام الموضوع في اذى لولدي راح انهبل واوقفها عند حدها سعود بغيره : مستحيل اخليك تطلعين قدامه نوره سحبت يدها : ما يهمني المهم اخذ حق ولدي منها | ||||||||
|
| |
|
19-10-20, 05:50 PM
| #27 | ||||||||
| مراقبة عامة ومشرفة منتدى الروايات المنقولة
| البارت الثاني والعشرين سعود مسكها بقوه وبعصبيه: تبين تفضحينا هواش بشارع نوره بعصبيه : سعود فك يدي جات لي عند بيتي ما راح اخليها سعود وغيرته عليها من اسامه كبيره وخاصه وهو شايف نظراته لها مو عاديه وفوق كذا المجنونه بتتهاوش بالشارع فايز بدموعه : عمو ليش تصارخ على ماما عبدالله : يبه شفيكم سعود ارتخت يده وهو يطالعهم ومحمد الواقف يناظرهم بخوف تنهد : ما في شي طالع نوره بصدمه لما سحبت يدها وراحت بسرعه للباب وبصوت حاد : نوره اذا طلعتي لهم انتي طالق جمدت نوره وكأن صعقها ماس كهربائي بقوه عضت شفتها ودها تبرد حرتها باسماء و تكسر راسها لفت وهي تتحلف باسماء راح تاخذ حق فايز منها و الايام بينا يا اسماء و بضيق نزلت لمستوى فايز وبصوت مخنوق من صدمتها بكلمة سعود : حبييي قول لبابا اذا ضربتك اسماء طيب لا تخاف فايز هز راسه باست جبينه بعمق وبهمس : استودعتك الله طالعت ميري : شيلي شنطته لابوه لفت لسعود الي كان واقف بجمود طالعت بعيونه بعتب مشت لعيالها وشالت وجدان الي تبكي طالعت ميري بهدوء : راح ميري : يس نوره بضيق : طيب جيبي جواد والحقيني فوق ميري هزت راسها : اوكي ___ جوري طلعت من غرفة العمليات وهي تفسخ قفازتها والكمامه مشت لدورة المياه رمت القفازات بالزباله وغسلت يدينها وفسخت شيلتها ونقابها تعدلهم وطلعت رايحه لمكتبها دخلت قعدت على الكرسي ترتاح خذت جوالها شافت المكالمات ودقت على عبدالعزيز ابتسمت بهدوء وهي تسمعه يرن وصلها صوته : هلا والله جوري : اهلين اسفه كنت مشغوله عبدالعزيز : اعرف كيف حالك جوري : الحمدلله وانت عبدالعزيز : صرت بخير بعد ما سمعت صوتك وقفت جوري بابتسامه وفتحت الباب بتطلع بس توسعت عيونها بصدمه وهي تشوف الورقه الصغيره الي على الباب ما كانت موجوده قبل شوي عبدالعزيز باستغراب : حبيبتي وينك شصار جوري وعيونها تطالع الاحرف المكتوبه بخط اليد " بينا حساب ما انتهى دكتوره جوري وكلمتين وصليهم له راح احرق قلبه " ارتجفت وهي تطالع الممر الي فيه مرضى و عامل نظافه يقوم بعمله مافي شي يخوف عبدالعزيز بعصبيه : جوووري جوري بخوف : عـ عبدالعزيز عبدالعزيز : وش فيك ؟ جوري مشت وهي خايفه : جتني رسالة تهديد عبدالعزيز بصدمه : وش فيها جوري قرت له عبدالعزيز ضرب الجدار بقبضة يده بعصبيه : متى يخلص دوامك جوري : بعد ساعه عبدالعزيز : راح اجي واوصلك لا تطلعين قبل لا اتصل فيك جوري : طيب ___ اسامه قاعد في غرفته وفايز بحضنه يسولف وياه ضمه بحب : اشتقت لك حيل استغرب من هدوءه من ركب السياره للحين : وش فيك فايز بضيق : بروح لماما اسامه بابتسامه : ما تبي تقعد معي فايز :لا ابي اقعد معك بس ما ابي اقعد مع اسماء اسامه انصدم وبهدوء :ليش اسماء طالعته بحده فايز طالع ابوه وبخوف منها :بـ بابا هي ضربتني انا ما احبها وضم ابوه اسماء انصعقت ما توقعت ان فايز يقول له اما اسامه طالعها بنظره جمد الدم بعروقها فايز :بابا تجي تنام معي اسامه يكتم عصبيته قدام فايز : طيب حبيبي روح وبلحقك فايز وقف بسرعه وراح اسماء قبل لا تستوعب شي ما حست الا اسامه شاد شعرها القصير يوقفها :وش الي سمعته الحين اسماء مسكت يده وبألم :يكذب ما ضربته وبعدين توه جاي من عند امه اكيد هي الي فرت راسه وقالت له يقول كذا اسامه مسك فكها بيده بقوه وطالع بعيونها :فايز ما يكذب اصدقه هو ولا اصدقك اسماء طالعته بصدمه وبقهر :خلاص فكني ولا تبين اخسر حملي للمره الثالثه بسببك اسامه شد على فكها بعصبيه وبفحيح: شكلك ناسيه وش قلت لك يا اسماء كنت ابيك تصير له ام بس ما فاد فيك شي روحي انتي طالق واذا على الطفل ترى اقدر اخذه بس تولدين وتحلمين تشوفين ظله دفها وطاحت على الكنبه وطلع اسماء وهي تحس فكها بينكسر بيده غمضت عيونها تحس بيذبحها وهو حذرها اكثر من مره بس انصعقت وهي تسمع كلمة طالق رجفت كل خليه فيها و تهديده يتردد عليها بيحرمها من طفلها وهي من الحين تحس بشوق كبير له بياخذه منها ما عندها شك ابد ان اسامه يسويها نزلت دموعها بقوه تألمت من دفه لها على الكنبه وقفت وهي تحس بطعم الدم بفمها من ضغطه على فكها وراحت الحمام طلعت وهي تحس بتعب فضيع خذت عبايتها مسحت دموعها وطلعت __ ركبت السياره مع احمد رايحه لبيت اهله هي والعيال ابتسمت وهي تتذكر لما شافت نوره وتوأمها استانست حيل معاها انتبهت على صوت احمد : يلا انزلي طالعت عيالها الي يركضون لبيت جدهم ابتسمت ونزلت دخلت وهي تسلم على بو احمد و امه وسلمت على اسيل قعدت جنبها وبهمس : اسماء رجعت اسيل بلا مبالاه : ايه اول امس وللحين ما شفتها ولا جات تسلم وجع ما كملت كلامها الا اسماء داخله وعليها عبايتها اسيل بهمس لشذى : ليتني ساكته كتمت ضحكتها شذى اسماء سلمت بكل برووود شيخه رفعت حاجب : على وين اسماء تكلمت بهدوء لان فكها يوجعها بس ما بينت : رايحه لبيت اهلي شذى : كيف السفره عسى استانستي اسماء : حيل فوق ما تتصورين شيخه باستغراب : فيك شي انتي اسماء وهي تحط يدها على بطنها : ايه يا عمه تعرفين الحمل يلعب بالنفسيه اسيل بدهشه : حامل من متى ؟ اسماء ببرود : تعبت لما رجعنا ورحنا المستشفى والحمدلله طلعت حامل شيخه بهدوء : كم صار لك اسماء وهي تأشر باصبعين : شهرين اسيل عضت شفتها : ليته طاح لما ركبتي الطياره شيخه طالعتها بحده : اسيل هذا ولد اخوك اسيل ببرود : يمكن بنت شيخه : يبقون عيال اخوك اسماء طالعتها بقهر : لا ابشرك الحمدلله طلع كل شي تمام والجنين بخير اسيل كانت بترد بس شذى مسكت يدها : خلاص سكتي عنها اسماء بقهر : ترى للحين ما نسيت الي صار قبل لا اسافر وحسابنا للحين ما انتهى اسيل وهي تطالعها بحقد : ولا احنا نسينا شيخه مسكت راسها : بس انتي وياها اسماء بقهر : انا الغبيه الي واقفه وياكم ومشت بسرعه طلعت لسيارة السواق رايحه لبيت اهلها ___ عبدالعزيز وقف قدام بيتهم : انتبهي على نفسك جوري ابتسمت : طيب مع السلامه عبدالعزيز : بحفظ الله دخلت البيت وهي تحمد الله على وجود عبدالعزيز في حياتها اختفت ابتسامتها وهي تشوف ابوها واقف يطالعها : من جابك جوري بتوتر : عبدالعزيز حسام بجديه : ما ابي هالشي يتكرر دام للحين ما صار عرسك انا اوصلك واجيبك فاهمه جوري قربت منه باست راسه : ايه فاهمه يالغالي خلاص ما بروح معه لحالي اهم شي رضاك حسام ابتسم : الله يرضا عليك ودخل وجوري لحقته ___ نوره قاعده على السرير ضامه رجولها لصدرها وتطالع بفراغ مقهوره ومتضايقه انفتح الباب ما رفعت نظرها ابد للباب ولا تحركت سعود مشى لها وقعد جنبها حط يده على كتفها : نوره بعدت يده عنها : خلني بحالي سعود : طيب اسمعيني نوره وعيونها امتلت دموع : ما ابي اسمع اي شي دام من بدايتها تبي تطلقني سعود لف وجها له وطالع بعيونها الغرقانه دموع : لا وخالقك ما ابي اطلقك بس انتي نرفزتيني قلت لك لا خلاص ليش العناد نوره نزلت دموعها : وخر عني سعود مد يده مسح دموعها وبحنيه : مجنونه تبين تتهاوشين معاها بالشارع قدام امة محمد نوره ما ردت سعود بضيق : نوير عاد ما احب اشوفك كذا نوره : انا مو متضايقه لان ما طلعت لها راح احصلها مره ثانيه بس مصدومه ومتضايقه منك انت ليش عندك الطلاق سهل سعود باس جبينها وبهمس : أحبك وأكبر عيوبي آغار عليك من الهوا حولك ولو بيدي أنا أضمك ولا ودي يشوفونك نوره ناظرت عيونه وصدت بزعل : ما ابي زعلانه منك سعود بضحكه : احسن لا ترضي نوره طالعته بغيض ضحك عليها وهو يشوف نظراتها طالع التوأم وبابتسامه : لا نايمين ومرتاحين لانك زعلانه ضحكت نوره غصب عنها : خل عيالي بحالهم سعود طالعها بحب : ربي لا يحرمني من هالضحكه وصاحبتها ___ مشى اسامه لغرفه فايز شافه سهران ومعاه ايباده اسامه قعد جنبه ومسح على شعره خذ منه الايباد : خلاص الحين وقت النوم عليك مدرسه فايز طالع ابوه : كنت انتظرك اسامه ابتسم : جيت يلا ننام فايز بابتسامه : ايه انسدح و ابوه قاعد جنبه فايز : بابا لا تروح اسامه : طيب يلا حبيبي نام فايز غمض عيونه وراح بنومه اسامه غطاه وسرح بتفكيره ___ صباح يوم جديد مد يده بكسل يقفل المنبه الي وقته لصلاة الفجر قعد بخمول طالع فايز الي نايم جنبه ابتسم وراح غرفته اخذ شور و توضأ سرح شعره لبس ثوبه ورش العطر و طلع لبس جزمته وراح للمسجد وهو يسمع اقامة الصلاه صلى وخلص ورجع لغرفة فايز ابتسم وهو يشوفه للحين نايم قعد جنبه: فايز فايز بضيق انقلب للجهة الثانيه حط يده على شعره :يلا حبيبي قوم اجهز للمدرسه فايز فتح عيونه اسامه باس راسه :صباح الخير يلا صحصح قعد فايز وهو يمدد ايدينه وجسمه ويتثاوب بكسل وقف واسامه يطالعه بابتسامه سرح بعيد وما انتبه الا لما فايز هز يده : بابا بابا اسامه :شفيك فايز :وين ملابسي اسامه وقف مشى للكبت وطلع له البدله وجوارب وسبورت لبس ومشط شعره شاف شنطته وش ناقصه بعد ما كمل شالها : يلا فايز مشى مع ابوه :بابا ليش ما اروح مع حمود وعبود اسامه بجمود :لا انا اوديك واجيبك شاف ابوه وامه وعبدالعزيز على الطاوله ابتسم : صباح الخير ردوا كلهم :صباح النور عبدالعزيز ابتسم :يا زينه الي كبر ورايح المدرسه اسامه ضحك وسحب كرسي لفايز قعده وقعد وبدوا يفطرون بعد ما خلص وقف :يالله فايز فايز وقف اسامه :مع السلامه صالح :بحفظ الله ___ في بيت اهل اسماء .. ام جاسم :بسم الله وش صاير توكم جايين من السفر ومستانسين والله اشك ان حد عطاكم عين اسماء ببكاء :اسامه طلقني ابو جاسم بصدمه : طلقك اسماء بصوت مخنوق :ايه امها ضمتها بقهر عليها :الله لا يوفقه ابو جاسم وقف ومسكها من ذراعها وسحبها له بعنف : سود الله وجهك وش مسويه عشان يطلقك مها طالعت اسماء اختها بضيق اسماء بألم : يبه ما سويت شي امه السبب ابو جاسم بحده : انكتمي واحترمي عمتك وشوفي لك حل خلي اسامه يرجعك ما عندنا بنات يطلقون دفها ومشى قعدت على الكنبه وهي ماسكه بطنها بألم وتبكي امها ضمتها بقهر وضيق وبصوت عالي: حسبي الله عليك انت ولد اختك واختك وياكم تبي ترخص بنتك لهالاسامه الي ما يستاهلها ابو جاسم بعصبيه وحده بصوته : صوتك لا يعلى اسماء بغصه وبقهر :ما راح ارجع له ضربي واهاني وطلقني بكل برود وتبيني ارجع له ابوها طالعها بعصبيه ولف طالع من عندهم ___ الساعه ١٢ ظهرا جوري وفي يدها عبايتها وشنطتها : يمــه نوال طلعت من المطبخ : شتبين جوري ابتسمت :يمه ناقصني اغراض باروح اشتريها نوال طالعتها : بتروحين لحالك انتظري سعد يرجع من مدرسته او ابوك جوري لبست عبابتها :عادي يمه ما راح اطول نوال :طيب لا تتأخرين وانتبهي لنفسك جوري ابتسمت: ان شاء الله خذت شنطتها لبست نعالها وطلعت شافت الشارع فاضي فركت يدينها من برودة الجو مشت بتروح لشارع العام تبي توقف تاكسي يوصلها حست بسيارة وراها انقبض قلبها بخوف و ارتجفت تجاهلتها بس خافت من وقفت قدامها شافت شاب يطالعها وواحد بالسياره قبضت بيدها على شنطتها بخوف ودقات قلبها سريعه لفت وركضت بسرعه تبتعد عنهم ودموعها تجمعت بعيونها ودقات قلبه وصلت مليون من خوفها فتحت شنطتها وطلعت جوالها بربكه وبيدين ترجف اتصلت على اخر رقم بالمكالمات لفت وراها شافته قريب منها دقت مره واثنين وثلاث وهي تطالع بجوالها غمضت عيونها بقهر تكفى رد علي صرخت لما حست بيده مسكها وهو يتنفس بسرعه وتعب : وجع وش هالسرعه الي عليك هلكتيني طاحت شنطتها وتناثرت اغراضها طالعها بغيض ضغط على يدها وسحبها وهو ياخذ اغراضها لشنطه استغلت الوضع وقفلت جوالها وخبته بجيب بنطلونها بسرعه طالعها بقهر لان الرئيس قال لهم لا يخلون اي دليل وراهم الجوري : وخر عني وش تبي مني حط يده على فمها يمنع صراخها وشالها رغم مقاومتها له وصل و دخلها السياره وقفل مسكها الي كان قاعد وراء وهي تصارخ وتضرب بيدينها عصب طلع قطعه قماش فيها مخدر ثبتها وبالقوه قدر يحطه على فمها وخشمها ثواني وهدت وغابت عن الوعي ____ عبدالعزيز طلع من غرفة الاجتماعات بعد ما خلص وهو يتناقش مع ريان وصل لمكتبه قعد وشاف جواله الي تركه هنا عشان لاحد يزعجه بالاجتماع ابتسم ومد يده له وهو يدري ان جوري اليوم ما عندها دوام بس استغرب ٤ مكالمات منها دق على رقمها وهو ينتظر يسمع صوتها بشوق انصدم من طلع جوالها مغلق اتصل اكثر من مره ونفس الرد يجيه وقف وقلبه انقبض بخوف اخذ نظارته الشمسيه ومفتاحه وطلع بسرعه وقف من طلع السكرتير بوجه :استاذ هالـ... عبدالعزيز قاطعه بعجله : بعدين طالعوا فيه الموظفين وهو يمشي بخطوات سريعه وطلع لسيارته وبدون شعور وقف قدام بيت اهلها يبي يطمن انها بخير ومافيها شي بس كيف طالع البيت فتره حس الاوضاع هاديه حرك وطلع من المكان وهو يتمنى تكون بخير ___ نوال بتوتر قعدت وهي خايفه على الجوري تتصل لها جوالها مغلق رفعت نظرها لحسام وسعد الي داخلين ردت السلام وقفت وهي مو مرتاحه راحت المطبخ و خذت السفره و جهزت الصحون والملاعق وغرفت لهم وقعدت بعد ما نزلوا وتغدوا حسام باستغراب : ليش ما تتغدين وش فيك نوال بقلق : خايفه على جوري قالت ما راح تتأخر وللحين ما جات حسام طالعها : ليش وين راحت نوال : راحت المول تأخذ الي ناقصها حسام وهو تعبان يبي يريح من الدوام بس خاف من كلام نوال على الجوري وقف : بروح اشوفها سعد طالعهم باستغراب : يمكن راحت عند نوره او ثريا نوال : دق على نوره يمكن مرت عندها حسام : طيب ___ عند نوره قاعده تطالع محمد وعبدالله الي يسولفون ويتهاوشون وجنبها عيالها رن جوالها ردت بابتسامه : هلا بالغالي حسام : اخبارك نوره الحمدلله بخير حسام : جوري جات عندك اليوم لان طلعت وللحين ما ردت اتصل لها جوالها مغلق اختفت ابتسامتها بلعت ريقها بخوف وهي تسمع كلامه : لا ما شفتها حسام تنهد : اذا جات عندك طمنينا نوره : طيب قفلت ولفت على سعود الي قدامه اللابتوب يشتغل عليه تنهدت بعمق : سعود سعود رفع نظره لها ابتسم : عيونه؟ نوره بارتباك : دق على عبدالعزيز اسأله اذا جوري معاه سعود باستغراب : طيب رفع جواله واتصل لعبدالعزيز ___ عبدالعزيز في غرفته للمره الخمسين يتصل ويطلع مغلق مو قادر يتحمل واتصال سعود خلاه يجن شلون يعني ما يدرون وينها تذكر التهديد الي جاها رجف قلبه وبسرعه اتصل على صديقه : الو هلا راكان كيفك الحمدلله .. بعطيك رقم تقدر تشوف وين صاحبه موجود .. عطاه رقم الجوري .. اوكي بسرعه الله يخليك انتظرك .. لف للكبت وطلع بنطلون جينز اسود و فانيله بيضاء وجاكيت اسود بدل بيجامته واخذ الجاكيت بيده وطلع مر الصاله اسيل : عز وين رايح عبدالعزيز لف ورجع لهم سلم على راس امه وطالع اسيل : وش دخلك وين رايح شيخه طالعته : انت وضعك مو عاجبني جيت من الدوام بدري وما تغديت والحين طالع شصاير اسيل تطالعه بهدوء وهي تفكر بكلام امها عبدالعزيز تنهد : مشكله عندي بالدوام وان شاء الله تنحل وقف وهو ياخذ جاكيته لبسه وطلع ___ دخل الغرفه وهو يطالعها للحين ما صحت فتح علبة المويه وسكبها كلها عليها شهقت من برودة الماء مسكت راسها بألم مسحت المويه الي على وجها وقعدت بسرعه بعد ما تذكرت الي صار طالعت بلي واقف قدامها بصدمه نزلت نظرها وزفرت براحه من شافت عبايتها عليها ورجعت نظرها له لما قعد قدامها : ما يحتاج اعرفك بنفسي تعرفيني صح لا تقولين نسيتي عادل جوري صرخت بقهر : وش تبي مني الله ياخذك عادل بحقد مسك شعرها وقربها منه : انا عادل يجي واحد مثل عزيز الكلب يفضحني ويهيني قدام الكل رماها بقوه على السرير : ابوي بسببه طاح علينا وله شهر واربع ايام بغيبوبه وكله بسببك انتي وياه بس وربي ما خليه يتهنى وربي لاحرق قلبه فيك انتي لان اعرفه مجنون فيك جوري ببكاء : انتي واحد حقير وتافه تستقوي على بنت لو فيك خير كان واجهته بس ما تقدر لان قدرك حرمه مو رجال ضربها كف لف وجها من قوته : هين لسانك راح اقصه لك وقف وهو يفسخ ازرار قميصه جوري عيونها توسعت بصدمه وخوف مستحيل تسمح له رفسته ببطنه بقوه صرخ بألم وهي وقفت وركضت لباب الشقه فتحته بس كان مقفل دخلت غرفه ثانيه قفلت بالمفتاح وهي تبكي بانهيار تحس نهايتها قربت على يد هالحقير سمعته يصارخ ويطق الباب بقوه عليها رجعت على وراء تذكرت جوالها طلعته وهي تبكي فتحته ويدينها ترجف طاح من يدها مرتين ومسكته دقت على عبدالعزيز ببكاء وانهيار وهي تشوف الباب بينكسر ___ عبدالعزيز يسوق بسرعه جنونيه حط السماعه باذنه لما رن جواله رد بسرعه وخوف: جوري سكت وهو يسمع انهيارها وشهقاتها الي ادمت قلبه ضغط على الدريكسون بقوه وحس الدم وقف بعروقه والاكسجين انعدم من المكان وهو يسمع كلامها الي ما كان مفهوم عدل من بكاها فجأه سمع صرختها اسرع بسواقته وهو يشوف العنوان الي وصله من راكان كل همه يوصل لها بسرعه يشوفها يتطمن عليها والاهم ما تتأذى صرختها للحين بأذنه وقلبه بيوقف من خوفه عليها واخيرا وصل وقف بقوه لدرجة طلع صوت من كفر السياره قدام عماره شكلها قديمه ركض بسرعه بعد ماطفى سيارته ولا قفل الباب وقف قدام شقه وهو يسمع صرختها الحاده الي يحسها جرحت حنجرتها من قوتها رفس الباب بقوه كبيره و صرخ:عااااااادل جوري ما تقدر تقاوم اكثر بس سمعت صوت عبدالعزيز تحس رجعت قوتها صرخت :عزيييز ضربها عادل كف :انخرسي فجأه انكسر الباب واندفع عبدالعزيز بجسمه لداخل بعد ما كسره بكتفه الي يحسه انخلع وقف وهو يحس الشيب غز راسه من منظر جوري مشى مثل البركان الهائج مسك عادل بقوه رماه على الارض ورفسه بقوه على فمه مسكه وضرب راسه على الجدار مره ومرتين و اخذ الكرسي وكسره فوقه رفسه ببطنه بقوه وهو يسب فيه يضرب بجنون رماه على طاولة قزاز وتناثرت شظاياها جوري صرخت بخوف وغطت وجها مسك قطعه القزاز وهو يرجف قهر وعصبيه وحطها على رقبته وجرحه جوري بسرعه مسكت يده وهي تطالع عيونه بخوف وترجي وترجف بشكل مو طبيعي: تكفى لا عزيز لا تضيع نفسك سلمه لشرطه وبس عبدالعزيز رمى قطعة القزاز بعد عنه وضمها بقوه غمض عيونه يبي يهدي انفاسه المضطربه اما جوري توسعت عيونها وهي تشوف عادل قعد وهو يتنفس بتعب بعد كل هالضرب وقف ونظراته الحاقده موجهه على عبدالعزيز انصدمت وما قدرت تنطق بحرف وهي تشوفه يطلع سكين عبدالعزيز بعد عنها مسك وجها يبي يعاتبها ليش تطلع لحالها بس بهالوضع ما قدر وبهدوء:انتي بخير جوري بسرعه دفت عبدالعزيز و شهقت بقوه لما جات الطعنه بكتفها اليسار فوق صدرها عادل ما استوعب الي صار الا وهو يشوف دمها عبدالعزيز قلبه وقف وعيونه توسعت وهو يشوف حبيبته وزوجته وكل حياته الدم مغطيها مشى لها بصعوبه وهو يمسكها قبل لا توصل للارض وبصوت يرجف: جـ جوري امتلت عيونه دموع وهاذي اول مره يبكي من سنين و بحرقة :حبيبتي لا تخافين ما راح يصير لك شي ما راح اسمح لك تروحين وتخليني لف لمكان عادل بس ما حصل احد وصرخ:عااادل وربي ما اخليك يا الـ### جوري طالعته تبي تتكلم بس غابت عن وعيها عبدالعزيز ضمها بقوه ودموعه تنزل وبسرعه فسخ جاكيته وهو يلبسها اياه قفل السحاب وشالها لفت نظره السكين مرمي على الارض طلع منديل من جيبه انحنى بصعوبه لانه شايل جوري وشاله وطلع بسرعه يسابق دقات قلبه دخلها وراء وحط السكين بالكرسي الي جنبه وحرك بسرعه للمستشفى ___ نوره واقفه بتوتر وارتباك : ياربي تأخرت حيل سعود وقف وقعدها : نوره اهدي ان شاء الله مافيها الا العافيه نوره طالعته بخوف : للحين ما وصلنا خبر عنها خايفه عليها سعود حط يده على اكتافها وضمها : طيب اتصلي على سعد شوفي جات نوره زفرت : طيب مسكت جوالها واتصلت على سعد : الو نوره : جوري جات سعد وهو يطالع ابوه القلقان و امه الي واضح الخوف على وجها هز راسه بهدوء : لا نوره عضت شفتها : طيب مع السلامه طالعت سعود وهزت راسها بلا سعود ضمها وباس راسها : طيب انتي اهدي جربي اتصلي عليها نوره اتصلت طالعته : يرن تنهدت بضيق لما محد رد ___ في مستشفى غير عن الي تشتغل فيها جوري فاعد على الكرسي قدام غرفة العمليات وجهه شاحب عيونه حمراء يدينه و تيشرته مغطيهم الدم نظراته للفراغ وشكل جوري مو راضي يروح من باله متضايق ومخنوق كل الي صار لها بسببه ماراح يسامح نفسه ابد رفع نظره للباب الي انفتح ووقف بسرعه وبخوف : طمنيني كيفها الممرضه : نزفت كثير محتاجين دم فصيله +o عبدالعزيز مسك راسه تمنى لو كانت نفس فصيلته ويتبرع بكل دمه لها : طيب راح اشوف الممرضه : استعجل لو سمحت طلع جواله وهو يتصل بسعود اخذ نفس بعمق : هلا سعود .. كيفك .. انا بالمستشفى الـ.. جوري صار لها حادث .. ايه كلم واهلها وتعالوا بسرعه محتاج دم +o بسرعه ___ نوره : وش قال لك سعود بقلق : فصيلة دمك نفس اختك نوره بخوف وهمس : ايه سعود وهو يمشي طالع من الجناح : بسرعه لبسي عبايتك بنروح المستشفى نوره خذت عبايتها لبستها بسرعه ونزلت وراه وبصوت عالي : ميري انتبهي للعيال ميري باستغراب : اوكي طلعت لسيارة سعود حرك وهو يتكلم مع حسام ___ اسيل بدلع تتكلم بجوالها : حبيبي انا بسافر مع بابا ومنها اجهز واشتري لعرسي ياسر بدهشه : لا حبيبتي مافي روحه انا وانتي هنا ويلا اشوفك هالمره تسافرين اسيل بضيق : تكفى ياسر الله يخليك ياسر تنهد بعمق : كم بتمين هناك اسيل ابتسمت بحماس : ما اعرف بس ما راح اطول وعد ياسر : اشوفك فرحانه مو فارقه وياك طيب بحفظ الله اسيل بصوت مخنوق : ياسر تكفى لا تزعل ياسر تنهد وهو يسمع نبرة صوتها : حبيبتي مو زعلان لا تضايقين روحي بس عطيني خبر قبل لا تسافرين اسيل : ان شاء الله ____ في المستشفى كلهم قاعدين نوره سانده راسها وماسكها ذراعها بعد ما تبرعت لجوري طلع الدكتور مشى له عبدالعزيز بسرعه ولحقه حسام : دكتور تكفى طمني عليها الدكتور نزل الكمامه :الحمدلله تعدت مرحله الخطر وهي بخير عبدالعزيز زفر براحه :الحمدلله اقدر اشوفها الدكتور :ايه بس ننقلها للجناح حسام بابتسامه :الله يعطيك العافيه نوال ببكا :الحمدلله الف الحمدلله ثريا مسكت يد امها وهي كاتمه بكاها حسام طالع عبدالعزيز :يا ولدي روح ارتاح باين عليك التعب عبدالعزيز بهدوء :ما راح اتحرك قبل ما اشوفها عن اذنك بروح دورة المياه دخل دورة المياه وهو يغسل يدينه لما نظفت غسل وجهه اكثر من مره تسند على المغسله بيديه وهو يفكر بعد دقايق مشى لهم ونقلوها للجناح الممرضه :شخص شخص يدخل لوسمحتوا حسام شاف عبدالعزيز :ادخل انت اول عبدالعزيز طالعه اشر له حسام ودخل بسرعه جمد وهو يشوف الاجهزه عض شفته بقوه مشى لها قعد جنبها مسك يدها الي مافيها المغذي باسها بعمق رفع نظره لوجها الي مافيه حياه وبصوت مخنوق :ليتك خليتيه يطعني ولا يصير لك شي انا استاهل بس انتي لا تكفين لا تطولين واصحي وقف باس جبينها استودعتك الله حبيبتي طلع و دخلت امها وقف لما شاف الضابط مشى له بسرعه يبعده عنهم ما يبي احد يدري بلي صار: لو سمحت تعال معي الضابط بجديه: انا جاي هنا احقق بلي صار مع جوري حسام الـ.. عبدالعزيز بقهر: هي للحين ما صحت وانا شاهد على الي صار ممكن تجي الضابط باهتمام: طيب ___ دخل البيت منهد حيله تعبان حمد ربه ان محد في الصاله بس وقف وهو يشوف اسامه واقف بالدرج يناظره مصدوم من ملابسه وشكله نزل بسرعه وبخوف : عبدالعزيز من وين هالدم وش صار لك عبدالعزيز بصوت مبحوح : مو صاير شي مشى من جنبه وراح لغرفته بس اسامه لحقه ودخل وراه وقف وهو يشوفه يفسخ التيشرت ويرميه طلع له بيجامه و دخل الحمام اخذ شور سريع وطلع شاف اسامه قاعد على الكنبه وينتظره نشف شعره بالمنشفه: وش عندك قاعد هنا اسامه يطالعه: بعرف وش صاير معك عبدالعزيز مسك ريموت التكييف وشغله قعد على السرير واسامه وقف وقعد قدامه مسك كتفه طالع بعيونه: وش مضايقك عبدالعزيز بضيق وهمس: انخطفت وانطعنت وكنت بخسرها وكله بسببي اسامه انصدم: من ؟ عبدالعزيز بنظرات احتدت : جوري الحقير بلغت عنه واتمنى يمسكونه قبل لا القاه لان صدقني ما راح يكفيني اشوفه ميت قدامي اسامه يطالع اخوه الصغير بصدمه : هالشي قضاء وقدر ياخوي ادعي لها الله يحفظها لك عبدالعزيز بضعف : خفت اخسرها اسامه لف وجه عبدالعزيز له : طيب هي كيفها عبدالعزيز : الحمدلله بخير اسامه ابتسم : طيب الحمدلله هذا المهم وقف بيتركه يرتاح : بروح اشوف فايز مشى وطلع عبدالعزيز انسدح على السرير وهو يطالع السقف ونام بدون ما يحس __ اسماء قاعده على السرير متضايقه وتعبانه من الحمل حطت يدها على فمها وركضت للحمام تحس روحها بتطلع ابوها مصر ترجع لاسامه وهي دام مو مهتم لها ولا حتى اتصل عليها ما راح ترجع له طلعت وهي تجفف وجها بالمنشفه طالعت مها الي دخلت عليها :وش فيك مها قفلت الباب ومسكت ريموت التكييف ورفعته طالعتها :ليش اسامه طلقك اسماء ابتسمت بسخريه :لان ضربت فايز مها شهقت :وجع ليش وش مسوي لك هالضعيف تكفخينه اسماء ببرود قعدت على سريرها :كنت مقهوره وطلعت حرتي فيه مها ترمش بصدمه :تستهبلين اسماء طلعت جوالها وهي تطقطق فيه ببرود : هذا الي صار مها وهي تطالع جوال اسماء :وين جوالك القديم اسماء بطفش :كسره العله مها :عشان كذا ضربتيه اسماء:ايه خلصتي تحقيق ترى متهاوشه مع الكل باقي انتي مها طالعتها بيأس :ما راح تتغيرين وتستاهلين الي صار لك اسماء نزلت جوالها وطالعتها بصدمه مها :ايه تستاهلين كم مره صرتي مكفخه هالولد حرام عليك اسماء :مها مو ناقصتك تعبانه ومصدعه خليني بحالي مها مشت لسرير الي مقابل سرير اسماء: هاذي غرفتي بعد لا تنسين انسدحت على السرير وهي تفكر ___ في بيت سعود نوره تطالع سعود كاشخ ويعدل تنسيفة شماغه وبضيق :ضروري تروح سعود لف و ابتسم لها :حبيبتي وعدت عمي عبدالرحمن اروح له واحضر عرس ولده نوره :وتخلينا لحالنا سعود وهو يحط دهن العود على معصمه وخلف اذنه لف لها بحب :للحين مصره على رايك ما تبين تجين معي نوره بصوت مخنوق :سعود ما اقدر العيال عليهم مدارس وفايز بيجيني سعود باس جبينها :اسبوع بس واكون عندكم نوره ناظرت عيونه :بحفظ الله حبيبي انتبه لنفسك واتصل علي اول ما توصل سعود يأشر على عيونه :من عيوني تامريني على شي نوره : ابي سلامتك سعود ضمها وبابتسامه :انتبهي على نفسك والعيال وروحي عند اهلك لا تمين لحالك طيب نوره :ان شاء الله مشى لتوأم وباسهم وطلع لغرفة عيالها بيسلم عليهم ويروح ___ في المستشفى نوال وحسام و سعد عند جوري الي للحين ما صحت من التخدير نوال بخوف :ليش للحين ما صحت حسام زفر بهدوء :انتظري وان شاء الله بتصحى انتبه سعد وهي تحرك يدها :صحت صحت طالعتها نوال بلهفه ومسكت يدها :يا روحي انتي ودي اشوف عيونك يا نظر عيني اصحي جوري وهي تسمع كلام امها تحس بتعب و الم فتحت عيونها ببطء غمضت عيونها وفتحتها نوال ودموعها نزلت :الحمدلله على السلامه يا عمري حسام تقدم وباس راسها :الحمدلله على السلامه يا بنتي سعد وقف وقرب منها وبفرح :واخيرا ما بغيتي وربي متنا خوف عليك جوري ابتسمت لهم حسام قعد في الجهه المقابله لنوال :كيف صار معك الحادث الجوري طالعتهم بدهشه وتردد عليها كلمة حادث بلعت ريقها وهي تحس حنجرتها جافه طالعت امها :مـ مويه وقفت نوال وهي تاخذ العلبه وتفتحتها رفعت السرير لها وشربتها شوي سعد بحماس قعد عند رجولها :عزيز قال لنا صار لك حادث بس ما قال لنا كيف يلا قولي انتي نوال طالعته :مو وقته توها صاحيه واستلمتوها اسئله الجوري ونظرها على سعد تجمعت الدموع بعيونها وكل شي ينعاد بذاكرتها شهقت وهي تبكي نوال وقفت بخوف وهي تمسح على شعرها :جوري يمه وش فيك جوري فتحي عيونك وناظريني جوري ونزلت دموعها بقهر على حال بنتها شوي ودخلت الممرضه وراها الضابط شافت وضع جوري طلعت ورجعت وفي يدها ابره مسكت يدها وعطتها مهدئ وثواني بدت تسترخي وتهدأ حسام تنهد بضيق وسعد يطالعها ودموعه ماليه عينه حسام وقف:خير يا حضرة الضابط الضابط :كنت جاي اخذ اقوالها بس الظاهر ما اقدر اليوم بكرا ان شاء الله جاي حسام عقد حواجبه :ليش الضابط طالعه فتره وهو يتذكر كلام عبدالعزيز :هذا شغلي لازم اعرف كل شي عن اذنك طالعه حسام وهو يحس في شي مو فاهمه ___ عبدالعزيز نزل وهو يحرك المفتاح بيده دخل الصاله شاف امه واسيل الي منشغله بجوالها وفايز سلم على امه :اخبارك يالغاليه شيخه ابتسمت :الحمدلله وين رايح عبدالعزيز :المستشفى شيخه بخوف: ليش تعبان عبدالعزيز بابتسامه :تطمني مافيني الا العافيه بس بشوف جوري فايز وقف :عمو بجي وياك عبدالعزيز ابتسم :طيب تعال فايز استانس ومشى ومسك يده وراحوا المستشفى ____ في المستشفى نوره و سعد عند جوري سعد بطفش :مليت وش نسوي هذا هي نايمه نوره وهي تلبس شيلتها ونقابها :انا برجع البيت تجي معي سعد ابتسم :ايه يلا نوره طالعت جوري مشت للباب فتحته بتطلع بس رجعت خطوه للخلف لما شافت عبدالعزيز قدامها عبدالعزيز رجع لوراء عشان تمر وتطلع بس هي عينها كانت على فايز فايز بابتسامه مشى لها :ماما عبدالعزيز بهدوء :كيفك ام فايز نوره :الحمدلله بخير ممكن اخذ فايز معي عبدالعزيز طالع فايز الي ماسك يدها :طيب بس اخلص بمر واخذه نوره مشت وسعد سلم عليه ولحقها دخل وفي يده باقة ورد مشتاق لها حيل قرب من السرير وهو يتأمل ملامحها الي يعشقها نزل الباقه على الطاوله الي جبنها و قعد على الكرسي مد يده وهو يبعد شعرها عن وجها مسك يدها :حبيبتي مشتاق لك وربي يالله اصحي وطمنيني عليك تنهد بضيق و سرح بتفكيره جوري عقدت حواجبها و فتحت عيونها بتعب كبير طالعت السقف ولفت نظرها له ضغطت بهدوء على يده الي ماسكها عبدالعزيز انتبه نزل نظره لها والتقت عيونه بعيونها ثواني واستوعب انها تطالعه وده يحضنها بقوه ابتسم :ياروحي الحمدلله على سلامتك جوري ابتسمت وبصوت مبحوح :الله يسلمك عبدالعزيز بحب :عساني ما انحرم من هالصوت وراعيته جوري :آمين طالعها عبدالعزيز يبي يتأكد انها بخير وقدامه :خفت عليك جوري غمضت عيونها و بلعت ريقها عبدالعزيز ضغط على يدها :وش يوجعك جوري فتحت عيونها وامتلت دموع :خـ خايفه عبدالعزيز وهو يناظر عيونها يبي يقتل هالعادل رفع يدها وباسها :لا تخافين ما راح يقرب لك ابد جوري غمضت عيونها بقوه وهي تحس بألم طلعت منها :آه عبدالعزيز فز وبخوف :يوجعك جوري طالعته هزت راسها بأيه عبدالعزيز بهمس :ليته فيني ولا فيك جوري تحس بعيونه كلام كثير ضغط عبدالعزيز الجرس جات الممرضه عطتها مهدئ للالم وطلعت دقيقتين وانطق الباب عبدالعزيز وقف غطى شعرها بالشيله وراح للباب شاف الضابط ابتعد عن طريقة: تفضل الضابط قعد وبجديه: مدام جوري كيفك اليوم جوري بهدوء :الحمدلله الضابط:طيب ممكن تقولين لي تفاصيل الحادثه جوري طالعت عبدالعزيز خذت نفس :كنت رايحه المول فجأه شفت سياره تلحقني كملت طريقي بس وقفت السياره قدامي خفت وركضت بس مسكني واحد وخطفوني سكتت وامتلت عيونها كملت: بس لما صحيت لقيت نفسي بشقه وشفت خذت نفس بقوه وصوتها رجف : عادل كان يقول انه يبي يتنقم طالعت عبدالعزيز : حاولت اهرب منه بس ماقدرت طلعت جوالي واتصلت لعبدالعزيز غمضت عيونها وفتحتها : وصل عبدالعزيز تهاوش معاه حاول يطعنه بس انا صرت قدامه الضابط :يعني عادل الـ.. خطفك وطعنك جوري بتعب :ايه عبدالعزيز وهو يشوفها تعبت ما تقدر تكمل :ايه عادل الـ.. انا سلمت السكين للقسم تقدرون تشوفون بصماته عليه ودم جوري الضابط وقف :طيب الحمدلله على سلامتك وطلع عبدالعزيز وهو يحس طاقتها استنزفت مع الضابط :ارتاحي جوري مسكت يده :خلك معي لا تروح عبدالعزيز مد يده الثانيه لخدها:انا معك ما راح اروح لف على الباب دخلت الممرضه ومعها عربه الاكل حطتها قدامهم وطلعت عبدالعزيز رفع السرير وقف وهي ياخذ الصينيه ويحطها عندها جوري طالعته :ابي مويه بس مالي نفس عبدالعزيز وهو ياخذ علبه المويه ويشربها مسك ملعقة الشوربه :مو على كيفك راح تاكلين جوري تنهدت وهزت راسها بطيب ____ نوره وجنبها فايز تنهدت بضيق وهي تشوف جوالها سعود للحين ما اتصل رفعته واتصلت لقته مغلق خافت عليه جات ثريا وهي شايله عصير : تبين عصير نوره ابتسمت : ايه ثريا عطتها وراحت تأخذ كوب غيره قعدت قدامها : وش فيك متضايقه نوره تنهدت : اتصلت على سعود وطلع مغلق ثريا : طيب عادي يمكن خلص الشاحن نوره تنهدت : يمكن ثريا وهي تشرب العصير : بعدي هالافكار السوداء عنك وبس يفتحه راح يتصل نوره :ان شاء الله رحتي لجوري ثريا بضيق :ايه اليوم الصبح لفت لفايز الي راح يلعب مع العيال :اسامه جابه نوره تنهدت :لا لقيته مع عبدالعزيز بالمستشفى ثريا ابتسمت :اها حلوو نوره نزلت الكوب على الطاوله ومسكت جوالها وهي قلقانه على سعود وما انتبهت لامها الي قعدت ولا لسوالف ثريا | ||||||||
|
| |
|
07-11-20, 02:09 AM
| #28 | ||||||||
| مراقبة عامة ومشرفة منتدى الروايات المنقولة
| البارت الثالث والعشرين رن جوالها طالعته واتسعت ابتسامتها بفرح ثريا ابتسمت :سعود نوره وقفت :ايه مشت بسرعه رايحه للغرفه وهي ترد عليه :الو هلا حبيبي سعود بابتسامه :هلا فيك كيفك نوره وتحس روحها ردت لها قعدت على سريرها :مو بخير سعود بخوف :وش فيك نوره بزعل :ليش جوالك مغلق سعود :خلص شاحنه نوره تنهدت سعود ابتسم بهدوء :اسف خوفتك نوره :حيل خفت احلف ان ما فيك شي سعود بابتسامه :وخالقك مافيني شي انتي كيف حالك وكيف العيال نوره تنهدت براحه :كلنا بخير بس مشتاقين لك سعود :وانا اكثر حبيبتي وتموا يسولفون بهدوء لما دخل سعد بطفش :نوير عيالك يبكون تعالي شوفيهم نوره :طيب طلع سعد قفلت من سعود ونزلت لهم ____ بيت ابو احمد شيخه وفي يدها فنجان قهوه طالعت اسامه :اشوف زوجتك طولت عند اهلها روح جيبها اسامه ببرود :احسن ومالها رجعه لهالبيت شيخه رفعت حاجب :ليش ست الحسن تبي تطلع لحالها اسيل طالعته :احسن فكه منها بس فايز يقعد معنا هنا اذا وهو بينا مستلمته شلون اذا صار بروحه معها اسامه طالع اسيل ولف لامه: لا طلقتها ومالها رجعها شيخه ضربت صدرها بصدمه: طلقتها و هي حامل اسامه ببرود: ايه شيخه : ليش اسامه رفع حاجب: بس طلقتها وخلاص شيخه بقهر :انت تبي تسوي لي مشاكل مع اخوي الحين تقوم وترجعها اسامه : ما راح ارجعها شيخه وقفت بعصبيه ومشت اسامه ببرود طالع اسيل :صبي لي قهوه ___ شدها من شعرها بعنف: الحين تتصلين فيه و تقولين له يجي لك اسماء بألم من شده لشعرها: مستحيل اتصل ييه لا ترخصني له مها مسكت يد ابوها بترجي :يبه تكفى فكها هي حامل ابو جاسم :عساها للموت الي ياخذها اسماء ببكاء دام هو ما جاء بنفسه ما راح ترجع :يبه ليش وش سويت لك ابو جاسم بعصبيه: انا للحين مو فاهم سبب طلاقك اسماء بقهر: ولد اختك الطلاق عنده لعبه متى ما يبي طلق دفها على الجدار ضرب ظهرها وحست بألم ذبحها مسكت يد ابوها:تكفى يبه خلاص ما ابي ارجع له ابو جاسم سحب عبايتها: انتي شكلك ما تفهمين بالطيب مسك يدها وجرها وراه وهي تبكي : يبه ما ابي ما راح ارجع له وقفت ام جاسم بصدمه: وش فيكم اسماء وهي تحاول تفك يدها من ابوها: يمه تكفين ما راح ارجع له ام جاسم بدهشه: دا انت اكيد مو صاحي ابو جاسم بحده : ولا كلمه دخل جاسم باستغراب: شفيكم اسماء : تكفى يا اخوي لا تخليه يرجعني لاسامه مشى لها جاسم بصدمه : يبه من جدك تبيها ترجع له ابو جاسم بحده : ايه ما عندنا بنات يطلقون جاسم طالع ابوه مو قادر يستوعب يدري ان ابوه يكره المطلقات بس هاذي بنته جاسم مسك يد اسماء المنهاره : يبه اتركها الاب سحبها : بعد عنها ولا تتدخل ولا وربي تندم دخلها السياره وهو يتصل لاسامه يتكلم معه وحرك لبيت صالح ____ عند عبدالعزيز يتأملها بهدوء وهي نايمه رن جواله كان ريان اخذ نفس بعمق وهو ما يبي يخليها ثانيه وحده وقف باس خدها بهدوء وطلع وهو يستودعها الله اتصل على ريان : هلا ريان .. وين اشوفك .. طيب جايك مع السلامه ____ قفل اسامه من خاله وهو مو فاهم شي شاف الصاله فضت بس من اسيل طالعها ببرود و وقف اسيل تضايقت لان علاقتها مع اسامه مو نفس قبل وقفت بقهر ولحقته فتحت الباب بتروح له الحديقه بس عيونها توسعت بصدمه لما شافت خالها دخل وهو ينادي اسامه اسامه مشى له باستغراب :هلا خالي ابو جاسم بعصبيه :هذا العشم فيك يا اسامه تطلق بنت خالك اسامه ببرود :وما عرفت ليش طلقتها ابو جاسم : لا قول ابي اعرف ليش اسامه طالعه : والله انا اتحملتها بما فيه الكفايه مسويه مشاكل مع اهلي وسكت بغى يروح فيها فايز واخسره ومشيتها بس مو كل مره راح اسكت دامها ما تبي ولدي وتضربه على اشياء تافهه فانا ما ابيها طالعه بو جاسم برفعة حاجب : مو سبب عشان تطلقها مشى لسياره واسامه يطالعه باستغراب وعاقد حواجبه ابو جاسم سحب اسماء من يدها وهي تعبانه مشى لاسامه ورماها عليه : بتجين بيتي زياره حياك الله اما تجين مطلقه لا اسامه مسكها وعيونه متوسعه بصدمه مو قادر يستوعب ان خاله يفكر بهالطريقه حتى ما انتبه انه راح اسماء وهي حاسه بالم فضيع شدت على يد اسامه الي ماسكها طالعها وهو يشوف الالم واضح بملامحها تنهد بعمق : اخذك المستشفى اسماء بعدت عنه وهي ماسكه بطنها بألم ونفسيتها دمار : ايه بسرعه خايفه اخسر الجنين تكفى بسرعه اسامه بهدوء : طيب يلا دخلت اسيل البيت وتسندت على الباب تتنفس بسرعه وهي مصدومه من الي صار قدامها ____ نوره تلاحق فايز الي اخذ رضاعة جواد ويبي يعطيه هو وقفت بتعب: فايز يلا جيبها فايز :لا انا بعطيه سعد ببرود :هذا ولدك من يومه مأذينا نوره :قوم امسكه فايز يركض وهو يطالع وراه صدم في حسام وطاح حسام الي كان جاي من برى مد يده ووقفه :من لاحقك فايز :ماما ضحك حسام : ليش فايز يرفع الرضاعه : تبي تعطيها جواد حسام خذها منه ومشى معاه نوره : زين مسكته حسام عطاه :خذيها وخليه عندي سعد بطفش :لو عطيته كف احسن نوره تذكرت لما قال لها ان اسماء ضربته كف انقهرت طالعت فايز :تعال ابيك حسام طالع عيال سعود قاعدين بملل يطالعون مع سعد التلفزيون ابتسم وطالع التلفزيون وتفكيره راح لجوري ___ اسامه في المستشفى يسمع كلام الدكتور بهدوء وان لازم اليوم تبقى عندهم بالمستشفى طلع وهو يسمع اذان العشاء طلع جواله واتصل لعبدالعزيز :الو اسامه :هلا كيفك عبدالعزيز :الحمدلله اسامه :رجع فايز بعد الصلاه يتعشى وينام وراه دوام عبدالعزيز بدهشه نسى ان فايز راح مع امه اخذ نفس بهدوء: طيب اسامه: مع السلامه وقفل ___ نوره بعد ما نام جواد شالت وجدان وطالعت فايز :اسماء للحين تضربك فايز عقد حواجبه : هي مو في البيت نوره طالعته : احسن طيب ما قلت لي حليت واجباتك فايز ابتسم : ايه نوره ابتسمت : شاطر وش صار معك اليوم بالمدرسه فايز طالعها بحماس وهو يقول لها كل شي صار معه فتح الباب محمد لفوا له نوره : هلا حبيبي تعال محمد مشى لهم وقعد جنب فايز على سرير جوري : فايز يبيك عمك نوره ووجدان بحضنها مدت يدها لفايز الي وقف و باست خده : يلا يا شاطر اشوفك ان شاء الله الخميس فايز باس خدها : طيب مع السلامه ومشى نوره : بحفظ الله نزلت نظرها لوجدان ابتسمت : ما تبين تنامين محمد طالع نوره : متى راح يجي بابا نوره بهدوء : كلها كم يوم ان شاء الله وبيجي محمد تضايق :طيب نوره نزلت وجدان وقفت ومدت يدها لمحمد :تعال تتعشى وتنامون انت وعبود ____ جوري شهقت بقوه وهي تتنفس بسرعه وترجف تلفتت حوالينها تستوعب هي وين انتبهت على صوت امها :بسم الله عليك يمه جوري طالعت امها ونزلت دموعها وبصوت يرجف : يمه انا خايفه تكفين لا تخليني نوال بقهر عليها وقفت وهي تشوفها ترجف و تمسح على شعرها وتقرا عليها:إِلَّا تَنصُرُوهُ فَقَدْ نَصَرَهُ اللَّهُ إِذْ أَخْرَجَهُ الَّذِينَ كَفَرُوا ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لَا تَحْزَنْ إِنَّ اللَّهَ مَعَنَا فَأَنزَلَ اللَّهُ سَكِينَتَهُ عَلَيْهِ وَأَيَّدَهُ بِجُنُودٍ لَّمْ تَرَوْهَا وَجَعَلَ كَلِمَةَ الَّذِينَ كَفَرُوا السُّفْلَىٰ وَكَلِمَةُ اللَّهِ هِيَ الْعُلْيَا وَاللَّهُ عَزِيزٌ حَكِيم بعد ربع ساعه شافتها هاديه و تنفسها انتظم مسكت يدها وباستها: جوري يا قلبي وش صار معك جوري ناظرت امها بهدوء ورفعت نظرها لسقف بعد دقيقه لفت لامها :يمه متى راح اطلع تعبت نوال ابتسمت :بهالسرعه تبين تطلعين ما صار لك ٣ ايام جوري بضيق :يمه طفشت ضاق خلقي وانا قاعده هنا ابي اطلع برجع بيتنا نوال تنهدت :يا يمه انتظري يومين زياده طيب جوري طالعت الباب الي انفتح دخل الدكتور ووراه الممرضه نوال تغطت بسرعه الدكتور : كيفك اليوم جوري: بخير واتمنى تكتب لي خروج بطلع الدكتور بدهشه: وليش جوري: انا ادرى بصحتي الممرضه خذت جهاز وهي تحطه على يدها بتشوف ضغطها وتتأكد منه وتشوف صحتها الدكتور :لازم تبقين يومين عندنا عشان نتطمن اكثر جوري مسكت جرحها بألم :ما ابي خلاص طلعوني نوال وهي تطلع جوالها :شكله محد يقدر يقنعك غير عزيز جوري عضت شفتها :يمه لا تتصلين طالعت الدكتور بغيض :بكرا تكتب لي خروج الدكتور تنهد : طيب وطلع طالعت الممرضه بألم: عطيني مسكن الممرضه :طيب وراحت تجيب لها مسكن للألم _____ يوم جديد اسامه مر المستشفى اخذ اسماء ومر على الشيخ ورجعها دخل معاها البيت مشى لصاله سلم على ابوه وامه وقعد اسيل سانده راسها على كتف ابوها وهو حاط يده ورا راسها دخلت اسماء سلمت عليهم وطلعت لغرفتها صالح بهدوء :وش فيها اسامه ببرود :تعبانه شوي شيخه :رجعتها ؟ اسامه بلامبالاه :ايه اسيل تطالع اسامه بسرحان تعدلت بجلستها ولفت على ابوها :يبه انا كلمت ياسر عن السفر وهو موافق متى بنروح صالح :حجزت بعد بكرا اسيل بفرح باست راسه :تسلم لي يالغالي اسامه طالع اسيل ببرود ومشى لغرفته : انا بنام وما ابي غداء طلع جواله وهو يتصل لاحمد يجيب فايز وياه دخل الغرفه شافها قاعده على السرير نظرها للفراغ ما اهتم فسخ ثوبه ورماه بسلة الغسيل مشى للكبت اخذ بيجامه واخذ منشفته و راح ياخذ شور بعد ما خلص طلع وهو ينشف شعره رمى المنشفه على الكنبه وببرود : قومي بنام اسماء قامت وقعدت على الكنبه وهي مقهوره ومتضايقه وكاره الطريقه الي رجعت له فيها ____ جوري طالعت عبدالعزيز الي مرها بعد الدوام :ابي اطلع اليوم عبدالعزيز بهدوء :طيب خلاص بتطلعين اليوم جوري ابتسمت عبدالعزيز :بس ترا خذت لك اجازه شهرين من دوامك جوري بصدمه :شهرين عبدالعزيز ابتسم :ايه شهر ترتاحين وشهر لعرسنا جوري طالعته وهي ما ترمش من دهشتها عبدالعزيز ضحك :شفيك والله فكرت اقرب عرسنا وراح اكلم ابوك اليوم جوري بنبرة استعطاف : عبدالعزيز عبدالعزيز هز راسه بالنفي :لا تحاولين جوري صدت بزعل عبدالعزيز لف وجها له وفي باله سؤال واحد يبي يتاكد من جوابه : جوري ناظريني جوري طالعته اخذ نفس عميق بقوه وكتمه: قرب لك جوري عضت شفتها وعيونها لمعت هزت راسها وبصوت مخنوق: لا لا ما قرب عبدالعزيز تنهد بقوه مسك يدها وضعط عليها طالعته ودموعها نزلت على خدها مد يده لخدها وبهمس : لا تبكين ابتسم وغمز لها : افرحي العرس قريب جوري : عزيييز عبدالعزيز : روحه وقلبه جوري : لا تقربه مافي وقت اجهز عبدالعزيز رفع حاجب وبهدوء : مو عذر انا اعد الايام والليالي ابي اشوفك معاي وقدامي وانتي ترفضين جوري طالعته وباين ان تضايق مسكت يده : حبيبي خلاص سو الي يريحك عبدالعزيز ابتسم لف للباب الي انفتح شاف حسام داخل ومعه سعد وقف وقرب منه حب راسه : كيفك يا عم حسام طالعه : الحمدلله وانت عبدالعزيز : بخير سلم على سعد ولف لحسام : عمي ابيك بموضوع حسام بهدوء : وانا ابي اتكلم معك عبدالعزيز ابتسم : خلاص ان شاء الله اشو.. قاطعه رنين جواله طلعه وشاف الاسم جمدت ملامحه وبسرعه : عن اذنكم وان شاء الله بينا اتصال طلع مستعجل من عندهم : الوو .. هلا وبهدوء غريب مسكتوه .. طيب الحين جاي للقسم مع السلامه ركب سيارته وبسرعه حرك لقسم الشرطه _____ نوره تدرس محمد وعبدالله نزلت الكتاب وثالث مره تسمع لعبدالله : عبود اذا مو قادر تحفظ اكتب وراح تحفظ اسرع عبدالله بضيق : طيب ماما اخذ الدفتر وهو يكتب طالعت محمد الي متضايق من قادر يحل : وش فيك محمد بطفش نزل القلم : ماما صعب نوره تنهدت خذت القلم وهي تفهمه شلون يحل بعد ما خلصوا نوره : يلا كل واحد يشيل كتبه واقلامه بشنطه ويردها مكانها يلا بسرعه ابتسمت بهدوء و نزلت تحت عند امها وعيالها ____ عبدالعزيز دخل القسم وداخله نار سلم على الضابط وقعد عبدالعزيز : وينه الضابط اشر لشرطي يجيبه دخلو عادل الضابط : هذا هو المتهم عبدالعزيز وقف وما حس بنفسه غير هجم عليه ويضربه بقوه ومن قلب الشرطه بالقوه بعدوه عنه الضابط بعصبيه : عبدالعزيز انت في قسم شرطه امسك اعصابك عبدالعزيز وعيونه الحاده تطالع عادل الي سحبوه لبرى المكتب يتنفس بقوه و بسرعه من القهر سحب يدينه منهم وهو يعدل التيشرت طالع الضابط الي معصب منه لف وطلع ___ الساعه ٨:٣٠ م قاعد يتعشى مع عمته اسيل بروحهم بعد ما خلصوا اسيل قاعده تكلم ياسر الي يحاول يقنعها يشوفها اليوم وهي رافضه واخيرا قالت له خلاص بكرا اشوفك اما فايز تذكر شي وراح لغرفته بسرعه وطلع ورقة بحماس بيوريها ابوه ويوقع عليها ومستانس ان الاستاذ مدحه مشى لغرفة ابوه بفرح وحماس فتح الباب وقف لما شاف اسماء قاعده تسرح شعرها ابتسم : وين بابا اسماء لفت له : محد طلع فايز : طيب متى بيرجع اسماء ببرود : مدري فايز حس باحباط كبير تمنى لو كان اليوم عند امه اكيد بتفرح له وتمدحه دخل الغرفه قفل الباب بقهر مشى وحط الورقه على الكوميدينه وانسدح على سريره وتغطى وهو متضايق طول اليوم ما شاف ابوه ولا جاء له المدرسه والحين ما حصله غمض عيونه الي امتلت دموع ولف على جهة اليمين بينام __ دخل اسامه طفشان صعد الدرج بخطوات بطيئه جدا وقف لما شاف ليت غرفة فايز شغال مشى وفتح الباب كانت الغرفه مو مرتبه عقد حواجبه بعصبيه بكرا راح يشوف ليش الشغاله ما رتبتها مشى له وهو يشوفه متغطي ونايم فتح الغطاء عن وجهه شافه احمر بس نايم بعمق نزل راسه وباس جبينه عدل اللحاف عليه بهدوء وقف بس لفت نظره الورقه مد يده شافها ابتسم بعمق وهو يشوف درجته طلع قلم من جيبه العلوي لثوبه وقعها وطلع من الغرفه رايح لغرفته فتحها و مشى لسرير انسدح بتعب وماحس بنفسه الا وهو نايم اسماء فزت شافته تنهدت بعمق وهي تحس بألم و تعب وصداع صبت لها كوب مويه وشربت بهدوء سندت ظهرها على المخده وهي تنتفس بعمق بعد فتره راح الألم سمعت اذان الفجر وقفت وراحت تتوضأ ___ نوره بابتسامه: عبود يا حلو يلا قوم روح مع جدك وسعد المسجد صحى عبدالله وهو يتثاوب بكسل نوره مدت يدها لخده و مطته: بتقوم ولا اصب عليك ماء بارد عبدالله بسرعه: لا ماما خلاص قمت والحين بتوضأ نوره وهي تلعب بشعره : يا زين ولدي الشطور بسرعه الحين بتقوم الصلاه راح عبدالله يتوضأ ونزل بسرعه شافهم ينتظرونه مثل كل يوم ابتسم لبس جزمته وراح المسجد معاهم نوره بعد ماصلت الفجر وقالت اذكار الصباح تنهدت وهي تشوف عيالها الي صاحوا كلهم: خلاص ماما وش فيكم غيرت لهم و خذت الرضاعات وهي تسوي لهم حليب بدت في وجدان الي تثاوبت ونامت و انتهت بجواد تنهدت بعمق وبالها مشغول بسعود تعترف ان ما تقدر على غيابه نزلت جواد بسريره غطتهم واخذت جوالها ولفت بتطلع وراحت تصحي محمد بعد ما صحى طلعت وهي تتصل لسعود ابتسمت لما وصلها الرد: صباح الخير نوره: صباح النور كيفك سعود: بخير و انتو كيف احوالكم نوره بهدوء: الحمدلله خلاص تعال العيال مشتاقين لك حيل سعود :بس العيال الي مشتاقين لي نوره ابتسمت : اكيد لا وانا بعد مشتاقه ضحك سعود : خلاص حبيبتي باذن الله بكرا جاي نوره تحس بدقات قلبها سريعه وبشوق : توصل بالسلامه يارب وقفلت وضمت الجوال لصدرها وهي تحس توه بدأ صباحها في قانون الحب: الصباح الذي لم تسمع فيه 'صباح الخير' من من تحب يبقى ليلا حتى اشعار اخر !! _____ حسام اتصل لعبدالعزيز وعزمه اليوم على الغداء عنده عبدالعزيز سلم عليه: كيف حالك حسام :الحمدلله بخير وانت كيفك عبدالعزيز :بخير ولله الحمد صمت عم المكان عبدالعزيز بابتسامه يبي يبعد عن توتر الجو :والله ياعم انا ابي اقدم العرس شهر حسام بهدوء :طيب بس جوري موافقه عبدالعزيز :ايه يا عمي موافقه حسام بهدوء :خير البر عاجله والله يوفقكم بس عندي سؤال ابيك تجاوبني عليه بصراحه عبدالعزيز بابتسامه: اكيد تفضل حسام بجدية : وش صار لجوري حالتها مو طبيعيه مو معقوله من حادث عبدالعزيز توتر : الا حادث انا كنت اكلمها بالجوال لما صار معها حسام ومو مصدق كلامه : بس انا سألت الدكتور وعطاني تقرير كامل عن حالتها عبدالعزيز طالعه بصدمه كيف الدكتور قال له وهو مأكد عليه ما يجيب طاري الي صار لاهلها قبض على يده بقوه اخذ نفس بعمق وبثقه : وش قال لك غير ان صار لها حادث حسام طالع عبدالعزيز بهدوء توقع يقول اي شي عن جوري او يكذب الدكتور بس ثقته وكلامه تبين العكس زفر بهدوء وطالعه: ليش قلبي مو مرتاح من ناحيتها عبدالعزيز مسك يده :يا عمي اهم شي انها بخير والحمدلله حسام :الحمدلله وقف وراح يجيب الغداء زفر عبدالعزيز براحه بأخر لحظه كان راح يقول كل شي ويصدمه وهو مو عارف كيف بتكون ردة فعله اذا عرف بلي صار لاصغر بناته وخايف عليه ينهار ففضل يسكت وخلاص يكفي هو جن وندمان ان ما ذبح عادل هذاك اليوم ____ ياسر لبس ساعته برواق نزل وهو كاشخ وريحة عطره سبقته شاف سوسن ونجلاء قاعدين الي تذاكر والي قاعده على جوالها :وين امي نجلاء رفعت نظرها له :راحت زياره ياسر :اها خلاص سلام طلع لسيارته وحرك باتجاه بيت صالح وصل وقف سيارته و نزل وهو يدق الجرس فتح له اسامه: هلا ياسر حياك ياسر: هلا فيك والله يحيك دخل ومشى للمجلس شاف صالح سلم على راسه وبعد السؤال عن الاحوال وسوالف صالح ياسر : ممكن اشوف اسيل صالح ابتسم :ايه اكيد وقف وطلع __ داخل البيت اسامه واقف ينتظر اسماء يياخذها المستشفى عندها موعد وبياخذ فايز لامه شاف اسماء نازله طالع فايز : يلا بابا باخذك لامك فايز بفرح : طيب بس باخذ ايبادي وركض بسرعه لغرفته اخذ ايباده ورجع لهم اسامه ابتسم مسك يده ومشوا لسياره ومعاهم اسماء عند اسيل دخلت لياسر بهدوء : السلام عليكم ياسر : وعليكم السلام اسيل مشت وقعدت بعيد عنه شوي : اخبارك ياسر ابتسم : احبك هي ترى اول واخر اخباري اسيل ابتسمت وهي تطالع يدينها الي شابكتهم ببعض ياسر قرب منها وحط يده على يدينها : وانتي اخبارك يا حلوه اسيل : الحمدلله ياسر طالعها بهيام : طيب ناظريني وش فيك تطالعين تحت اسيل رفعت نظرها له حط يده على اكتافها وبهمس : راح اشتاق لك فوق ما تتصورين اسيل بخجل : وانا بعد ضحك ياسر وهو يشوفها خجلانه : وانتي بعد شنو ؟ اسيل بهمس: بشتاق لك ياسر ابتسم وسولف معها شوي وقف لما رن جواله اسيل وقفت : وين رايح ياسر ضمها وباس راسها : عندي شغل لازم اروح ، تروحين وترجعين بالسلامه يا قلبي اسيل طالعته بضيق : لا تروح ياسر ضحك : كنتي رافضه اجي واشوفك والحين ما تبيني اروح اسيل طالعته بعيون غرقانه دموع ياسر مسك وجها بحنيه : خلاص انبسطي ليش الزعل اسيل بلعت ريقها وحاولت تبتسم : طيب مع السلامه ياسر باس خدها : ايه خلك كذا مبتسمه استودعتك الله حبيبتي وطلع ____ وقف اسامه قدام بيت سعود ونزل مع فايز دق الجرس وما جاه رد فايز : بابا هم عند جدو اسامه طالعه ولف ومشى لبيت حسام دق الجرس فتح عبدالله اسامه من شافه عرف ان نوره عند ابوها طالع فايز : يلا ادخل مع السلامه دخل فايز وركض لامه غرفتها نوره بابتسامه : يا هلا والله من جابك فايز : بابا و اسماء نوره من سمعت اسمها وقفت ابوها وسعد محد وامها بغرفتها وجوري نايمه ماراح تضيع هالفرصه ابد بتوقف اسماء عند حدها خذت عبايتها وطلعت بسرعه ابتسمت ان سيارة اسامه للحين موجوده اسامه كان واقف قدام سيارته يتكلم بجواله شاف نوره عرفها مع ان ما يبين منها الا كفيها نوره مشت بهدوء لجهة اسماء طقت الدريشه بيدها اسماء باستغراب نزلت الدريشه : خير وش تبين نوره : انزلي ابيك اسماء فتحت الباب ونوره رجعت لوراء اسامه خلص مكالمته وطالعها باستغراب اسماء بقرف : نعم وش تبين اخلصي مو فاضين لك نوره بعصبيه ما قدرت تمسك نفسها ضربتها كف لف وجها طالعوها بصدمه نوره رفعت يدها بتهديد: هالمره بس بكتفي بهالكف جربي مره ثانيه تمدين يدك على فايز وربي لكسرها لك وما يهمني احد الا فايز سامعه ما اسمح لك دفتها ومشت راجعه للبيت بعد ما بردت حرتها بالكف دخلت البيت وقفلت الباب بقوه نوال عقدت حواجبها : وين كنتي نوره بعدت الشيله عن وجها وشعرها وفسخت عبايتها : رحت لبيتي نوال : طيب تعالي تقهوي معاي نوره ابتسمت برواق : من عيوني قعدت وهي تمسك الدله والفناجين وتصب لامها ولها لفت للعيال ابتسمت وهي تطالعهم يلعبون ____ جوري قعدت خذت نفس مدت يدها لادويتها وصبت لها مويه خذتهم رن جوالها عدلت المخده وراء ظهرها وابتسمت من شافت اسمه : هلا عبدالعزيز رفع حاجب: بس هلا جوري ضحكت :هلا حبيبي اخبارك عبدالعزيز ابتسم بعمق :بخير دام سمعت هالصوت جوري بابتسامه :دوم يارب عبدالعزيز :بوجودك جوري رجعت خصلات شعرها لوراء وابتسامتها ما فارقتها تحبه لا تحس انها تعدت مرحلة الحب بكثير عبدالعزيز :جوجو جوري :هلا عبدالعزيز: كلمت عمي على موعد العرس وخلاص وافق جوري انحرجت وسكتت عبدالعزيز ابتسم: اموت على الي يخجلون جوري تغير الموضوع: طيب سولف لي شصار وياك اليوم عبدالعزيز ابتسم وبدا يسولف لها عن يومه _____ يوم جديد في غرفة اسيل تجهز بسرعه بعد ما نزلت الشغاله شنطتها لسياره فتحت الباب سونا: بابا يقول بسرئه اسيل خذت شنطتها اليد وجوالها: يلا خلصت مشت وطلعت بسرعه تذكرت فايز ولفت لسونا وهي توصيها على فايز تهتم فيه ومتى يتعشى ومتى ينام وتوصيات كثيره لفت بسرعه لدرج وهي تسمع صوت هرن سيارة سلمت على امها واخوانها وطلعت رايحه لسيارة ابوها _____ نوره دخلت بيتها وهي تحرك عربة توأمها والعيال وميري والاغراض وراها شالت جواد وميري لحقتها بوجدان لجناحها غسلتهم ولبستهم و عطتهم رضاعاتهم ونامو مشت لعبدالله ومحمد طلعت لهم ملابس اما فايز يلعب بايباده ابتسمت و نزلت المطبخ شعلت على الفحم وبخرت البيت وجهزت الشاي والقهوه والفناجين والاكواب والتمر وهي فرحانه سعود بيرجع اليوم هو بس قعد اسبوع و تحسه دهر مشت لغرفتها طلعت لها فستان كحلي لنص الساق ولبست حلق وسلسال وحطت مكياج ناعم وكعب عالي فتحت شعرها وخلته مفرود وحطت غرتها على جنب رشت عطرها بكثافه طلعت وصوت كعبها يصدح بالمكان وقفت لما سمعت صوته و دقات قلبها سريعه ابتسمت بس تلاشت ابتسامتها بصدمه وهي تشوف الي تدخل وراه سعود طالع نوره بابتسامه قرب منها بس هي رجعت خطوه على وراء وبصوت يرجف : مـ من هاذي الي معاك لف للي معه وهو يشوفها تفسخ نقابها وشيلتها وطالع نوره : نوره كذا تستقبلين ضيوفك نوره من شافتها نزلت شيلتها قدامه حست بدوخه والدنيا سودت بوجها مسكت راسها سعود قرب بسرعه لها ومسكها وبخوف: فيك شي نوره وضغطها انخفض وتحس بألم بصدرها بمجرد ما تتخيل انها ممكن تنخذل وتنجرح للمره الثانيه دفته عنها ولفت وهي تمشي بخطوات بطيئه مسكت بالدرابزين وهي تصعد الدرج سعود لحقها : نوره لحظه اسمعيني طيب نوره بصراخ : ما ابي اسمع ولا شي سعود واقف بدهشه قبض على كف يده ونزل طالعها بابتسامه : افنان معليش هي تعبانه شوي حياك البيت بيتك اللهم صل وسلم على نبينا محمد | ||||||||
|
| |
|
07-11-20, 02:14 AM
| #29 | ||||||||
| مراقبة عامة ومشرفة منتدى الروايات المنقولة
| البارت الرابع والعشرين في بيت بو احمد اسماء طول الليل ما نامت من قهرها قاعده على السرير تتذكر الكف هي من صدمتها ما تحركت صرخت فجأه اسامه انفجع و طاح جواله من يده : ليش تصارخين الله ياخذك اسماء وقفت و بعصبيه : يعني عاجبك ان نوره تضربني كف اسامه رفع حاجب وببرود : ايه تستاهلين اكثر من الكف طالعته اسماء بغيض وقهر : انت للحين تحبها اسامه اخذ جواله : مو هذا موضوعنا وقف وهي يطالعها بحده : انتبهي زين لان فايز اغلى من كل شي عندي اذا مديتي يدك عليه انا راح اذبحك قبل لا نوره توصل لك وتكسر يدك مد يده لخدها : فهمتي يا حلوه اسماء طالعته وصدت بنظرها : ايه فهمت اسامه ابتسم على جنب : حلو اتمنى ما اشوف العكس وطلع اسماء غمصت عيونها بقوه تاخذ نفس تهدي نفسها قعدت على السرير و ما حست غير بدموعها على خدها الكل ضدها ____ سعود وقف قدام باب غرفته: نوره افتحي ابي اتكلم معك ما حصل رد ضرب الباب بيده وبابتسامه خبث : طيب دام ما تبين تفتحين بطلع من البيت واروح مع افنان وما راح تشوفيني بعد اليوم نوره قاعده على السرير ضامه مخدتها وتبكي وقفت قدام المرايه مسحت دموعها راح تدافع عن حبها و ما راح تسمح لافنان تاخذه منها مسحت دموعها وعدلت مكياجها وشعرها ومشت للباب وفتحته طالعته بعصبيه : مستحيل اسمح لها تاخذك مني سعود سحبها له وحضنها بقوه : طيب انتي اهدي مو زين لك الانفعال نوره حاولت تقوي نفسها دفته عنها وبغيره بانت بنبرة صوتها : قلت لي رايح لعمك وانت طول هالفتره كنت معها سعود مسك وجها بيدينه وبهدوء : انتي دايما كذا متسرعه طيب اسمعيني اول هذا وانا امدح فيك طول الطريق قدامها واخرتها كذا تستقبلينها نوره بضيق :طيب من هاذي سعود بابتسامه على جنب :حبيبتي نوره بقهر :سعووود سعود ضحك :بنت عمي واختي نوره طالعته بغباء :لا والله شلون بنت عمك واختك سعود بابتسامه :ياغبيه اختي بالرضاعه نوره بفهاوه :هاه سعود مسك يدها :مو وقت فهاوتك تعالي مشاها معاه لتحت عند افنان وقفها قدامه وحط يدينه على اكتافها :فنون اعرفك نوره زوجتي وحبيبتي وام عيالي افنان وقفت بفرح وتتأمل نوره :واخيرا شفتك من زمان ودي اشوفك انا افنان بنت عم سعود واخته نوره استوعبت وانحرجت ابتسمت بهدوء: هلا والله بأفنان منوره ياقلبي بس ليش هاذي اول مره اشوفك افنان بابتسامه :الصراحه ما قدرت احضر عرسك لان انشغلت وغير كذا ما احب اجي هنا كثير نوره ابتسمت سعود :افنان اذا تعبانه روحي غرفتك ارتاحي افنان بحماس :لا ابي اقعد مع العيال الا صح وين التوأم ودي اشوفهم واحضنهم نوره : بالغرفه بس نايمين افنان : لاا يالله اشوفهم مره ثانيه لفت لفايز وهي تطالعه : سعود انت عندك ولدين من عبير بس هالثالث من نوره ابتسمت :هذا ولدي فايز افنان :ماشاء الله يجنن يشبهك كثير مدت يدها لهم :يالله يا حلوين تعالو وروني العابكم محمد وفايز كل واحد مسكها بيد وعبدالله مشى قدامهم بس راحوا نوره ضربت سعود على صدره بقهر سعود بدهشه :وش فيك نوره بقهر وهي تأشر على نفسها: ليش تخليني انزل لها بهالشكل سعود يتأملها من فوق لتحت بنفس فستانها ومكياجها وشعرها الطويل ركز بعيونها الحمراء من البكاء وهمس : مافيك شي بالعكس تجنني نوره ابتسمت اختفت ابتسامتها وطالعته: و ليش ما قلت لي ان اختك جايه معك عشان ما انصدم فيها وارتب لها غرفه مشت من جنبه بقهر بس سحبها وحضنها من وراء ودفن وجهه بشعرها اخذ نفس بقوه مد يده ورجع شعرها للجهة الثانيه وباس خدها : افا تخليني وانا جاي مشتاق لك حيل سعود كمل: وين الي ازعجتني اشتقنا لك تعال يلا اشوف الحين مو معبرتني نوره حطت يدينها على يدينه وبقهر: الحين عشان اشتقت صرت مزعجه وبعدين اصلا شوقي راح من شفتك داخل مع افنان وتوقعتك تزوجت علي سعود لفها له وبحب :وانتي تتوقعين ان ممكن افكر مجرد تفكير بغيرك نوره طالعته وتكتفت : ايه الصراحه مالكم امان وللحين مو مستوعبه ان عندك اخت طيب ليش ما قلت لي عنها سعود عض شفته بغيض وهو يطالعها :انا لو متزوج ثانيه احسن نوره طالعته بغيره سعود ضحك مد يده لها : تعالي نوره طنشت يده بقهر ومشت لجناحها وهو ابتسم ولحقها ___ اسماء قاعده وحاطه رجل على رجل ببرود وهي تشوف عمتها تسولف مع شذى باريحيه خذت نفس :اقول يا عمه وش فيك مو معبرتني بكلمه شيخه طالعتها ببرود :شوفي نفسك وش مسويه شذى ببرود:شين وقوي عين اسماء بقهر :لا تتدخلين بيني وبين عمتي احسن لك شذى طالعتها باحتقار وصدت عنها اسماء طنشتها وطالعت شيخه :زعلانه علي اسفه وحقك علي شيخه ناظرتها بهدوء وقفت وتركتها من غير ما تنطق كلمه شذى ضمت ملاك الي جات لها :فديت حبيبة امها ملاك :ماما وين فاز ضحكت شذى على نطقها للكلمات :راح لامه ملاك وقفت و ركضت تلعب مع اخوانها طالعتهم شذى وهي تدعي الله يحفظهم لها بينما اسماء تطالعها بكره مو طبيعي ____ جوري فتحت عيونها بخوف وقلبها يدق بقوه و جبينها متعرق وتنفسها سريع بعد ما شافت نفس الحلم الي يتتكرر عليها كل ليله من بعد ما خطفها عادل تعوذت من الشيطان و نفثت على يسارها ثلاث مرات ومدت يدها للابجوره عدلت جلستها وهي تحاول تهدأ مسحت جبينها بطرف كمها ومدت يدها لجيك الماء وهي تصب لها كوب شربت شوي ونزلته انتظمت انفاسها بعد دقيقتين مدت يدها لجوالها وهي تشوفها الثانيه في الليل بعدت اللحاف عنها ووقفت وهي ناويه تصلي القيام بعد ما توضت خذت جلالها وصلت قعدت فتره على السجاده تستغفر رفعت سجادتها وفسخت الجلال قعدت على السرير وهي تفكر بحياتها كيف بتكون بعد ما تتزوج خذت نفس عميق تحاول تبعد افكارها السوداء مسكت جوالها وارسلت لعبدالعزيز صاحي بس ما جاها رد ابتسمت ونزلت الجوال وانسدحت بهدوء و نظرها للاعلى ____ في بيت سعود نوره شالت وجدان وطلعت ومشت لصاله شافت افنان فزت وهي تشوف ملابس وجدان الورديه شالتها منها : وجداني نوره ابتسمت وراحت لجواد قعدت قدامها وسرحت بتفكيرها افنان بابتسامه :الي ما خذ عقلك يتهنى به ابتسمت نوره :محد بس افكر بعرس جوري قريب افنان :اختك نوره :ايه افنان :طيب ليش مو فرحانه لها نوره خذت نفس وبهدوء: بالعكس فرحانه لها وادري ان عبدالعزيز بيحطها بعيونه لان حبه واضح لها بس خايفه عليها من اهله افنان باستغراب : وش فيهم اهله نوره نزلت نظرها لجواد تنهدت بعمق : انتي مو فاهمه شي خلاص انسي سالفه قديمه رفعت نظرها لميري :من ميري : يبي فايز نوره متضايقه من هالحال طالعتها : ابوه ميري :يس نوره نادت فايز :حبيبي يلا ابوك ينتظرك مدت يدها اليمين له ضمته وباست خده: انتبه على نفسك ولدراستك طيب فايز :طيب وراح لابوه افنان باستغراب :بياخذه شوي ويرجعه نوره هزت راسها بلا وبهدوء :لا بياخذه لان قاعد عنده وبيجيبه نهاية الاسبوع افنان سكتت وهي تشوفها تعابير وجها تغيرت وقفت نوره وهي تنزل جواد :راح اسوي لهم حليب رن جوالها رفعته وابتسمت لما شافت اسم ثريا اشتاقت لها ____ عبدالعزيز قاعد في حديقة بيتهم مسك جواله و اتصل عليها جوري :الو عبدالعزيز: احلى الو كيفك اليوم جوري ابتسمت: الحمدلله عبدالعزيز بخبث: ما ودك تروحين السوق تجهزين للعرس جوري : عبدالعزيز عبدالعزيز بابتسامه :والله ما احس ان اسمي حلو الا لما اسمعه منك جوري ابتسمت : وينك عبدالعزيز : في البيت ليش تبين شي جوري : لا سلامتك عبدالعزيز زفر : جوجو قولي جوري :والله ما ابي شي عبدالعزيز :طيب بتطلعين اليوم جوري بابتسامه :ايه بطلع مع خواتي عبدالعزيز :انتبهي على نفسك ولا تطولين عشان لا تتعبين طيب وعطيني خبر وين رايحه يمكن اشوفك صدفه ضحكت جوري و ضحكتها اخترقت قلبه وزادت دقاته جوري وهي تسمع صوت ثريا تهاوش عيالها و جايه جهة الغرفه :حبيبي اختي تبيني مع السلامه عبدالعزيز ما وده انها تقفل ما شبع من صوتها همس بهدوء :ليتني مكانها جوري ابتسمت بخجل عبدالعزيز :ما ودي تخليني سكت وهو يسمع صوت ثريا: وش تنتظرين حضرتك ليش للحين ما جهزتي يلا بنروح بسرعه جوري عضت شفتها وبهمس: بعدين اكلمك مع السلامه وقفلت في نبرته سحرٍ .. عجزت اخالفه يامر على روحي ، وينْهيني نهي كل ما انتهينا ؟ قمت ادوّر سالفه ماودي ان مكالمتنا .. تنتهي ! ___ نوره وهي تلبس عبايتها دخل سعود رفع حاجب : على وين نوره عضت شفتها نست تقول له بسبب ثريا الي استعجلتها تروح وياهم نوره طالعته بابتسامه : حبيبي اسفه نسيت اقول لك ثريا اتصلت فيني وتبيني اطلع وياهم سعود : وياهم من هم نوره : بعد هي وجوري اذا ما تبيني اروح عادي مو لازم سعود ابتسم قرب منها : لا حبيبتي روحي بحفظ الله نوره ابتسمت وخذت شنطتها و جوالها الي يرن : مع السلامه سعود فسخ شماغه ورماه وراح ياخذ شور نوره شافت افنان قاعده مع عيالها رفضت تطلع عشان افنان ما تبي تخليها لحالها بس افنان اصرت انها تروح معاهم وهي بتقعد مع العيال قربت منهم شافت وجدان وجواد ابتسمت ولفت لمحمد وعبدالله شافت وجدان وجواد ابتسمت ولفت لمحمد وعبدالله :تبون شي حبايبي عبدالله :لا محمد :ايه ماما ابي اجي وياك نوره تنهدت وقعدت جنبه :حبيبي ما اقدر مره ثانيه نطلع كلنا سوا طيب محمد صد بزعل نوره طالعته مسحت على شعره :حمود خلاص عاد شافت سعود الي جاي جهتهم :ليش للحين ما رحتي افنان :قاعده مع ولدك الدلوع الا يبي يطلع سعود :خلاص انا راح اطلعكم بعدين محمد وعبدالله استانسوا مد يده لنوره وقفها وقعد مكانها :يلا توكلي الله وياك نوره طالعت افنان :شفتي اخوك يبي الفكه مني ضحكت افنان :والله انا اشوف العكس نوره ابتسمت وطلعت وشافت ثريا وجوري ينتظرونها بالسياره وراحت معاهم ____ سمر قاعده بطفش :يمه مليت ابي اطلع ام تركي :وين سمر :اي مكان المهم اطلع منال :طيب كان رحتي مع نجلاء وسوسن والا وحشتك العله سمر بقهر :اي وحشتني حيل ليتها موجوده بس دخل تتركي مع ميلاف وعياله سلموا عليهم وقعدوا ام تركي بعتب :زين تذكرت ان لك ام وخوات تسأل عنهم تركي :يمه وش هالكلام والله انكم على بالي دوم الام :واضح من كثر جياتك لنا تركي مسك يد امه وباسها :اثاري الغاليه زعلانه علينا ولا يهمك كل يوم راح اجيك زين كذا راضيه الام ابتسم :اغلى من يجي ايه راضيه يا نظر عيني دخل ياسر تنحنح بصوت مسموع لما شاف عيال اخوه :يا ولد ميلاف تغطت بسرعه دخل ياسر سلم على راس امه وعلى تركي: ياهلا وينك ما تنشاف تركي :لا اليوم شكلكم متفقين علي ياسر ضحك :وانا صادق طالع سمر وهو يشوفها طفشانه :وش فيها سموره سمر :سموره طفشانه وضايق خلقها ياسر :افا يضيق خلقك وانا موجود توسعت عيون سمر و منال بصدمه :تتكلم جد ياسر :ايه قوموا جهزوا واخذكم المكان الي تبونه منال وسمر طالعوا بعض وفزوا بسرعه رايحين يجهزون قبل لا يغير رايه ____ في المول جوري تدخل المحلات بحماس وتشوف الي يعجبها و تاخذه بعد عدة محلات حست بتعب وألم بجرحها وقفت وهي تشوف خواتها يمشون قدامها نزلت الاكياس الي بيدها تسندت على الجدار وهي تتنفس بسرعه ونظرها لقدام فجأه احد مسك يدها توسعت عيونها بخوف حست قلبها وقف ما قدرت تتنفس وعيونها امتلت دموع وجسمها ارتجف تبي تصارخ بس صوتها مو راضي يطلع من خوفها ان تلف ويكون عادل او احد من رجاله انصدم من رجفتها وقف قدامها وشافها مغمضه عيونها مسك وجها بيدينه :جوري افتحي عيونك ناظريني انا عزيز جوري فتحت عيونها طالعته وتنفست بقوه ودموعها نزلت عبدالعزيز لف نظره شاف الناس تطالعهم انحنى وشال اغراضها بيد ومسكها باليد الثانيه طلع من المول وقف قدام سيارته رفع نقابها وبحنيه :وش فيها حبيبتي جوري بصوت مخنوق :عزوز خوفتني عبدالعزيز مد يده مسح دموعها وباس جبينها وبهمس : يا روح عزوز ما قصدت اخوفك جوري وهي لازالت ترجف عبدالعزيز مسك يدينها وشد عليهم : اهدي طيب ليش كل هالخوف جوري خذت نفس بقوه شدت على يده : دامك جنبي ماراح اخاف عبدالعزيز ابتسم : انا مو قايل لك لا تتعبين نفسك جوري ابتسمت ونست خوفها : حبيبي خلاص لا توصي كثير نسيت اني دكتوره وادرى بصحتي عبدالعزيز ابتسم : طيب يا دكتوره الحين تروحين تقولين لخواتك خلاص بنرجع البيت جوري : طيب اوامر ثانيه استاذ عبدالعزيز عبدالعزيز اخذ الاكياس : لا يلا امشي قدامي جوري : طيب عطني بشيل معك رن جوالها خذت شنطتها وهي تطلعه : هلا نوير هاه ايه شفت ساعه عجبتني مرا ورحت اخذها الحين جايه وقفلت عبدالعزيز رفع حاجب : لا والله ساعه ووين هالساعه جوري ضحكت وسكتت بألم عبدالعزيز تنهد : يا ويلك اذا ما رجعتي البيت جوري طالعته عدلت نقابها وباستسلام :طيب وقفت في تشوف خواتها خذت الاكياس منه : مع السلامه مشت ولفت له بعدها راحت لهم بابتسامه واسعه ____ في المطعم ياسر يسولف مع اسيل و منال متنرفزه سمر : يويسر ياسر رفع حاجب :خير سمر :عطني بكلم هالقاطعه ياسر ابتسم :حبيبتي سمر تبيك مد لها جواله سمر :لا هلا ولا مرحبا لا تسألين ولا تتصلين ولا كأن عندك صديقه اسمها سمر بس مطيحه سوالف مع الاخ وانا ناسيتني ترى انا صديقتك من قبل لا تعرفينه على الاقل عطيني رقمك بتطمن عـ.. سحب الجوال منها ياسر : ول بالعه راديو انتي سمر طالعته بقهر : اوف ماحب هالحركه طيب خليني اكمل العتاب وعقب انتقل لقائمه السب تستاهل الحيوانه اجل ناسيتني وانا منشغل بالي عليها منال وقفت بنرفزه : عن اذنكم بروح دورة المياه ياسر :لا عاد ما اسمح لك تغلطين عليها سمر ببرود وهي تمد يدها لكوب العصير: خف علينا يا روميو وعطني ما كملت كلامي ياسر وهو يسمع ضحكة اسيل ابتسم: عاجبك كلامها اسيل وهي تضحك :صادقه والله مقصره معها بس كله من اخوها ياسر رفع حاجب :ايه اخوها اولى باتصالك واهتمامك اسيل ابتسمت :اكيد بس عطني اياها وربي اشتقت لها ياسر ابتسم :طيب عطاه سمر مره ثانيه خذته وبدت تسألها عن حالها وكيف سفرتها وسوالف معها اشر لها ياسر تقفل لما سمع صوت النادل جاب الاكل قفلت من اسيل ونزلته منال ببرود همست: ليتني قعدت مع ميلاف افضل سمر سمعتها بس ما ردت ___ نوره دخلت بيتها خذت منها الاكياس ميري وخذتها لجناحها ابتسمت لافنان : عسى ما تاخرت عليك افنان ابتسمت : لا بالعكس حبيبتي رجعتي بدري ليش نوره قعدت : جوري تعبت ورجعنا افنان : ما تشوف شر ان شاء الله نوره : حبيبتي الشر ما يجيك طالعت وجدان وجواد صاحيين :ازعجوك صح اعرفهم مزعجين افنان بابتسامه :فديت ازعاجهم وقفت نوره وباست خدودهم :سعود والعيال ما رجعوا افنان :ايه توهم ما صار لهم كثير من طلعوا نوره :طيب ببدل ملابسي واجيك افنان :خذي راحتك مشت نوره وافنان تطالعها ابتسمت وهي تشوف ان الله عوض سعود بمرأه طيبه وحبوبه وحنونه وما تلومه ابد على حبه لها ____ اسماء بطفش شافت عمتها لابسه عبايتها بتطلع ابتسمت على جنب :على وين ياعمه شيخه رفعت حاجب :ليش تسألين اسماء : قلت اذا مكان فله ووناسه جيت معك واذا سوالف عجيز ونقد على الناس قعدت في بيتي ابرك شبخه بقهر :عجيز يالي ما تستحين على وجهك اسماء ببرود :وانا صادقه ليكون شايفه نفسك بنت العشرين كبرتي ياعمه خلاص راحت عليك بس انتبهي لا يتزوج عمي شيخه طالعتها بنظره حاده : وانتي هذا حالك ما راح يتغير امس معتذره واليوم رجعتي لوقاحتك و على طاري الزواج انتبهي على اسامه لان اشوف طالعاته كثرت هاليومين ومشت اسماء جمدت بصدمه عضت شفتها حاسه ان عمتها ما قالت هالكلام عبث فايز قفل شنطته و طلع مستانس من غرفته نزل للمطبخ وهو يطلب عصير عطته سونا العصير وطلع شغل التلفزيون و قعد وهو يشرب العصير لف لاسماء : وين بابا اسماء : ما ادري فايز : طيب عمتو اسيل اسماء ببرود : سافرت فايز بضيق : وعمو عز اسماء غمضت عيونها تكتم عصبيتها :و انا شعرفني وينه روح شوفه بغرفته اذا محد خلاص اقعد ساكت نزلت نظرها لجوالها تطقطق فيه فايز طالعها حط العصير على الطاوله وركض لغرفة عمه فتح الباب وطالع الغرفه فاضيه رجع لوراء بيطلع بس سمع صوت باب الحمام يفتح رفع نظره له ابتسم وهو يشوف عمه عبدالعزيز وهو ينشف شعره ابتسم : هلا والله بفايز فايز بابتسامه : عمو بتطلع عبدالعزيز وهو ينزل المنشفه : لا حبيبي مالي خلق اطلع تبي تقعد معي فايز بحماس مشى له : ايه عبدالعزيز قعد على السرير و اشر له يجي جنبه ابتسم لما بدا فايز بسوالفه الطفوليه ____ مرت الايام اسيل وابوها رجعوا من السفر وقرب عرس عبدالعزيز و جوري نوره قاعده سانده راسها على الكنبه وهي تفكر وشايله هم جوري ما تدري تفرح انها بتاخذ عبدالعزيز او تضايق لانها تعرف شيخه واسيل مو مرتاحه ان اختها تسكن معهم لا و هالمره معاهم اسماء غمضت عيونها وهي تستودعها الله فتحت عيونها لما داهمتها ريحة عطره المميزه سعود قعد قدامها : وش شاغل بالك نوره تنهدت : ولا شي سعود : بعد هالتنهيده تأكدت نوره : افكر بجوري عرسها قرب سعود ابتسم : طيب هالشي يفرح ما يضايق نوره طالعته فتره وما تكلمت سعود قعد جنبها ومسك وجها ولفه له طالع بعيونها :حبيبتي لا تشغلين بالك كثير وتفكرين بحياتها مع اهل زوجها لان انا واثق ان عبدالعزيز مستحيل يرضى لها الاهانه والاذى خلاص شيلي هالافكار من راسك نوره طالعته كيف عرف هي وش تفكر فيه وبهدوء: بس سعود حط يده على فمها :لا بس ولا شي ادعي لها بالتوفيق نوره زفرت بضيق :الله يوفقها سعود ابتسم :قومي البسي الفستان بشوفه عليك نوره :لا ليوم العرس وشوفه سعود برفض :الحين تلبسينه يلا نوره :طيب نوره وقفت طلعته ولبسته سعود وقف وهو يطالعها باعجاب بفستانها العنابي مسك يدها ودورها نوره بابتسامه :شرايك سعود بابتسامه :يجنن بس ما راح تلبسينه نوره باحباط :ليش سعود :ضيق حيل و غير كذا لف ظهرها له نص ظهرك عاري نوره طالعته بضيق :سعود تكفى حبيته حيل وابي البسه سعود بجديه :قلت لا خلاص بكرا اوديك تأخذين غيره نوره تأففت :راح البسه على عرس جوري عاجبني سعود طالعها بنظره حاده :نوره ليش العناد قلت لك ما راح تلبسينه خلاص بتاخذين غيره نوره بقهر :بس حلو وعاجبني سعود حط يده على خصرها وهو يطالع عيونها :هو حلو بس البسيه لي انا طيب حبيبتي نوره :طيب سعود لف لوراء وهو يسمع صياح عياله اما نوره راحت تبدل ____ اسماء مسكت ثوب اسامه وهي تطالعه بعدها دورت في جيوبه ما لقت شي و حتى ريحة العطر عطره مافي شي يثبت لها انه كان مع وحده مشت لجواله مسكته عضت شفتها بقهر لما شافت عليه رمز مع هاللحظه دخل اسامه بياخذ جواله شافه مع اسماء طالعها بنظره جمدتها: جوالي وش تبين فيه اسماء ارتبكت وبخوف: أ أ ايه جوالي ضيعته وكنت ابي اتصل عليه بس ما قدرت اسامه بشك مد يده واخذ جواله: طيب عطيني بتصل عليه اسماء عضت شفتها لما سمعته يرن فوق التسريحه اسامه طالعها ببرود طلع اسماء بقهر من وقت قالت لها عمتها وهي مو مرتاحه والشك دخل قلبها كل يوم تفتش بملابسه بس لو ينسى جواله مفتوح وتقدر تشوف وش فيه مشت لجوالها و طلعت من الغرفه وشافته يسولف مع فايز ___ ياسر :انا مو قاهرني الا ان عزيز الي توه خاطب بيتزوج قبلي ضحكت اسيل :خلاص بس لا تحسدهم ويتأجل عرسه ياسر :احسن وبعدين انتي ليش كذا بارده اسيل بابتسامه :لا حرام عزوز مستانس حيل الله يتمم فرحته وترى انا مو بارده ياسر بابتسامه :الله يوفقه واحنا متى عرسنا ان شاء الله اسيل :بعد سنه ياسر بصدمه :تمزحين اسيل ضحكت ضحكه عاليه ياسر ابتسم :بعد عرس عزوز بشهر غير كذا لا اسيل: طيب ياسر بهدوء: ابي اشوفك اسيل سكتت ياسر :بكرا بكلم ابوك واجيك اسيل :اوكي قفلت منه طلعت من الغرفه ابتسمت لعيال اخوانها مشت وهي تسلم على شذى الي كانت تتكلم بجوالها : خلاص نوير اشوفك ان شاء الله مع السلامه جمدت ملامح اسيل وهي تسمع اسم نوره : هاذي ام فايز شذى : ايه سكتت اسيل وهي تفكر بنوره كيف كانت معاملتهم لها وهي متحمله وساكته لما طفح الكيل طالعت اسماء الي جايه لهم لفت وجها عنها لشذى : امي وين شذى: راحت غرفتها مدري وش كانت تبي والحين بتجي طالعت اسماء : ترى السلام لله اسماء ببرود : السلام عليكم شذى : وعليكم السلام كيف الحمل معك اسماء وهي تسند ظهرها : الحمدلله اسيل : شذوي جهزتي لعرس عزوز شذى : ايه بس باقي لي كم غرض اسيل : وربي مستانسه له حيل شذى : الله يوفقهم اسيل : آمين ويبعد عنهم بنات وعيال الحرام شذى : آمين شافت شيخه جات وقعدوا يسولفون ____ نوره تلف من محل لمحل ما لقت فستان حلو وعجبها سعود بملل : كل هالمحلات الي دخلتيها ما عجبك فستان نوره : لا سعود تنهد : طيب امشي بقى محل نشوف يمكن تلقين نوره مشت : طيب دخلت المحل وهي تشوف الفساتين سعود تكتف ينتظرها تخلص نوره ابتسمت لما اخيرا لقت فستان عجبها حيل لونه احمر ضيق للخصر ووسيع من تحت سعود مشى لها : اعجبك نوره ابتسمت : حيل سعود زفر : واخيرا نوره ابتسمت حاسب على الفستان اخذه وطلعوا سعود : تبين شي بعد نوره : ايه سعود تأفف و لحقها للمحل الي دخلته _____ جوري مستانسه عرسها قرب مو مصدقه انها مرت الايام بسرعه خذت نفس تهدي نبضات قلبها السريعه ما تدري خوف او ضيق او توتر او خجل بس الاحساس الي طاغي عليها الخوف بتدخل حياه جديده مع ناس ما تدري هم متقبلينها او لا حتى نظام حياتها بيتغير حست برجفه سرت بجسمها قبضت على كف يدها تهدي رجفتها وقفت لما سمعت اقامة الصلاه وراحت تتوضأ بتصلي العصر _____ دخلت اسيل وهي مستانسه بعد ما راح ياسر يالله شكثر تحبه شافت اسماء قدامها لابسه عبايتها بتطلع : فرحينا معك وش المصيبه الجديده الي سويتها اسيل مشت لها وقفت قدامها وهي تطالعها بنظرات احتقار وبغرور : مو اسيل الي تسوي المصايب واذا سويت فهو وجودك في هالبيت اكبر مصيبه اسيل مشت ولفت عليها : الا انتي وين رايحه ايه صح بيت اهلك صار لك شهر ما رحتيه اتوقع خالي رضى وطاح الي براسه اسماء بقهر : لحظه وقفي وقفت اسيل لفت لها وتكتفت ببرود : خير اسماء ودها تذبحها وش عرفها بلي صار بينها وبين ابوها : وش قصدك بكلامك الاخير اسيل ابتسمت : افهمي على كيفك سلام مشت وهي مبسوطه انها قهرت اسماء ___ اسامه دخل البيت الي كان هادي ما عدا من صوت التلفزيون الي جاي من الصاله دخل و شاف فايز نايم على الكنبه تنهد و مد يده لريموت التلفزيون قفله و ومشى له انحنى له وشاله و كان جسمه بارد من برودة الجو دخل غرفته ونزله على السرير باس جبينه و غطاه نزل بسرعه دخل المطبخ طالع الخدم وقف نظره على سونا: فايز تعشى سونا :يس مع ماما اسيل اسامه رفع حاجب: طيب اسيل وين سونا: راحت مع ماما كبير اسامه: طيب و طلع لغرفته دخل طلع له ملابس بدل وانسدح بتعب على سريره يفكر مسك جواله شاف اسماء متصله عليه رد ببرود :هلا.. في البيت.. خلي جاسم يجيبك او كلمي السواق.. مافيني حيل تعبان وابي انام.. خلاص مع السلامه قفل و تغطى ونام ____ يوم جديد بعد صلاة العصر الساعه ٤ العصر عبدالعزيز طلع من الحلاق وهو مبتسم ابتسامه طالعه من اعماق قلبه تلاشت ابتسامته وهو يشوف ولد صغير بشكل مهمل بعمر فايز طلع من الصيدليه وقعد على الرصيف وهو يبكي تضايق على حال هالولد الصغير وش يسوي بهالمكان لحاله مشى له و قعد جنبه وبهدوء: ليش تبكي الولد طالعه ودموعه مغرقه وجه: جدتي مريضه وتبي الدواء عبدالعزيز :تعرف شنو هو الدواء الولد رفع علبة الدواء الي بيده: ايه هذا هو بس ما رضى يعطيني اياه يبغى فلوس وانا ما عندي عبدالعزيز تنهد بألم على حال هالطفل: طيب وين ابوك الولد هز اكتافه :ما اعرف ؟ عبدالعزيز :وامك زم شفايفه بألم :جدتي قالت انها ماتت عبدالعزيز تضايق وقف وهو ينفض بنطلونه مد يده له :تعال باخذ لك الدواء الولد مسح دموعه وبفرح : جد عبدالعزيز ابتسم :ايه بس وش اسمك امجد :امجد عبدالعزيز ابتسم ودخل معه طالع الصيدلاني بالولد بحده عبدالعزيز :السلام عليكم رد عليه :وعليكم السلام عبدالعزيز اشر لامجد يقرب امجد قرب بخوف عبدالعزيز :عندك هالدواء الي يبيه الصيدلاني :ايه عبدالعزيز :عطه اياه وانا بعطيك ثمنه الصيدلاني طلع علبة الدواء وحطها بكيس ومده لامجد الي ابتسامته توسعت بفرح شاف جدته لما رمت علبة الدواء الفارغه من يومين ويدري انها تحتاجه لان يشوفها تاخذه كل يوم عبدالعزيز دفع وطلع معاه ركب سيارته: وين بيتكم امجد وهي يدله الطريق عبدالعزيز عقد حواجبه من الحي الي دخله والفقر الي واضح عليه وبقع المياه الي منتشره على الارض و البيوت قديمه _ فتح امجد الباب الخشبي الثقيل ودخل يركض شاف جدته على السرير مثل ما تركها ركض لها وهو يهزها :جده شوفي جبت لك الدواء ماردت امتلت عيونه دموع وهزها : جده خلاص قومي يالله بس من الصبح انتي نايمه قومي جده يالله دخل عبدالعزيز بخطوات بطيئه وهو يتامل البيت واثاثه القديم مشى لصوت امجد الي يسمعه يقوم جدته وما يسمع الا صوته دخل الغرفه وهو يشوف الحرمه الكبيره بالسن نايمه ما يبين منها غير وجها قرب وهو يشوف امجد يبكي ويقومها وبهدوء : امجد ابعد شوي مسك معصم يدها انصعق ان نبضها ضعيف تضايق وهو يسمع بكاء امجد وبتوتر شالها بسرعه واخذها لسيارته وامجد لحقه وحرك لاقرب مستشفى _____ نوره وهي تمشي بجواد مو راضي يسكت تعبت وهي تسكته مو عارفه وش فيه افنان وبحضنها وجدان : وش فيه نوره بخوف : يمكن عنده مغص افنان : طيب وديه المستشفى او اتصلي لسعود نوره لفت على محمد الي ركض وعبدالله وراه : ماما شوفي عبود نوره بضيق : عبدالله شفيك عبدالله : ماما هو رماني باللعبه نوره طالعت محمد : حموود ليش؟ محمد : يستاهل ليش يهاوشني نوره : محمد اخوك الكبير اخر مره ترميه بشي سامعني محمد بضيق : طيب افنان : وانتوا بس هواش تعالو اجلسوا جنبي خلو امكم بروحها تعبانه مع جواد دخل سعود وهو يسمع بكاء جواد : وش فيه افنان : سعود وده المستشفى الولد مو راضي يسكت نوره بقلق : ايه سعود شكله ممغوص سعود شاله منها : طيب روحي البسي عبايتك بسرعه باخذه المستشفى نوره بسرعه راحت لبست عبايتها ونزلت عبدالله : بابا جواد مريض سعود : لا ان شاء الله مافيه الا العافيه وخلكم عاقلين بدون هواش طيب عبدالله : طيب وطلع مع نوره ____ في الطوارئ عبدالعزيز واقف وجنبه امجد يبكي مشى لدكتور : دكتور وش فيها الدكتور طالعه : هي تعاني من القلب عبدالعزيز سكت ما عرف وش يقول هو ما يعرفها ولا يعرف عنها شي تذكر الدواء حاول يتذكر اسمه لما شافه مع امجد وبسرعه :ايه هي تاخذ دواء اسمه ..... الدكتور بضيق : يعني التحاليل صحيحه هي عندها ضعف بعضلة القلب و بعد فقر دم بسبب سوء التغذيه وغير كذا باين انها مو منتظمه بأخذ الادويه عبدالعزيز تضايق لف نظره لامجد ورجع طالعه : طيب راح تصحى الدكتور : نقول ان شاء الله عبدالعزيز : الله يقومها بالسلامه ويحفظها عشان حفيدها الدكتور : آمين ومشى عبدالعزيز : امجد تعال معي امجد ببكاء : بس جدتي نخليها لحالها عبدالعزيز : هي للحين نايمه بكرا ان شاء الله بتصحى وبنجي لها مسك امجد يده طلع من المستشفى رن جواله ابتسم لما شاف اسم جوري بس ما يقدر يرد عليها الحين يفكر بامجد وقف قدام سيارته وقبل لا يدخلها مسك امجد من اكتافه نزل لمستواه مسح دموعه : خلاص حبيبي لا تبكي امجد طالعه بهدوء عبدالعزيز : هاذي جدتك ام امك امجد هز راسه بأيه عبدالعزيز تنهد : تعرف اسمك الكامل يمكن اعرف ابوك امجد طالعه : ايه جده قالت لي اسمي امجد ياسر جابر الـ.. عبدالعزيز نزل عليه الاسم مثل الصاعقه طالعه بصدمه مو مستوعب الاسم : وش اسم ابوك امجد : ياسر جابر الـ. سبحان الله وبحمده الله اكبر لا اله الا الله استغفر الله | ||||||||
|
| |
|
18-11-20, 11:21 PM
| #30 | ||||||||
| مراقبة عامة ومشرفة منتدى الروايات المنقولة
| البارت الخامس والعشرين عبدالعزيز طالعه فتره وهو يتأمل ملامحه وقف وهو يمسك راسه فعلا فيه شبه كبير من تركي عمه وياسر يحس نفسه ضايع اذا ياسر فعلا ابوه ليش تاركه بهذاك المكان وبهالحاله وهو عايش حياته براحه طالع امجد فتح له الباب الي وراء: اركب حبيبي ولف هو ودخل مكان السايق وحرك رن جواله للمره الثانيه وما اهتم وقف عند محل ونزل مع امجد اشترى له ملابس وجزمه بدل الي عليه ___ جوري نزلت جوالها بتأفف انه ما يرد عليها ومشت طالعه من الغرفه نزلت وهي تسمع سوالف ابوها وامها و سعد قعدت جنب ابوها سعد :الاميره اخيرا قررت تنزل تقعد معنا جوري وهي تحرك شعرها بغرور: زين عرفت اني اميره سعد :اقول لا تصدقين نفسك بس جوري طالعته ببرود و لفت لامها تسمع سوالفها امتلت عيونها دموع بس هاليومين بتقعد معهم لان بعد بكرا عرسها يا الله يعني ما راح تسمع كلام سعد وهواشه معها كل يوم و لا راح تصحى على صوت امها الي تصحيها لدوام ولا توقف تبرر لابوها سبب تأخيرها في المستشفى حسام انتبه لجوري الهاديه ونظرها للاسفل مد يده وهو يمسح على شعرها وبحنيه: وش فيها حبيبة ابوها جوري طالعت ابوها وبلعت ريقها وبصوت مخنوق :يبه ما ابي اخليكم حسام ضمها وباس راسها :والله انك اغلى عيالي ولا ودي تفارقينا بس هاذي سنة الحياه يا بوك والله يوفقك مع عبدالعزيز امها زفرت بقوه وهي تحاول ما تبكي سعد لف وجهه وقف وراح غرفته هو قريب منها حيل و ما يتخيل البيت بدونها ابد ____ نوره رجعت من المستشفى بعد ما طلع مع جواد مغص و عطوه دواء وهدا ونام دخلت البيت وهي تشوف محمد وعبدالله يلعبون بالايباد و وجدان نايمه وافنان ماسكه كتاب وتقرأ رفعت نظرها لهم :هاه طمنوني عنه نوره تنهدت وهي تطالع جواد :طلع عنده مغص والحمدلله عطاه الدكتور دواء وخف افنان :الحمدلله ____ عبدالعزيز يناظر امجد الي اخذ شور ولبس الملابس الي اشتراهم له وقف وهو ينشف شعره ومشطه ما راح يقدر ينتظر لصبح لازم يتكلم مع ياسر طلع جواله وهو يشوف مكالمات جوري دخل على الواتس وكتب لها " حبيبتي مشغول بكلمك بعدين " وطلع للاسماء وهو يدور اسم ياسر حصله واتصل عليه رد ياسر :هلا عبدالعزيز عبدالعزيز زفر بقوه :اهلين كيف حالك ياسر :الحمدلله بخير عبدالعزيز :اقدر اشوفك بعد صلاة العشاء ياسر باستغراب :ايه اكيد وين عبدالعزيز :في كوفي الـ.. ياسر :طيب اشوفك عبدالعزيز :مع السلامه قفل وطالع امجد: البس جزمتك بنطلع امجد :وين بنروح عبدالعزيز بهدوء :نتمشى طلع عبدالعزيز من غرفته مع امجد بس انفتح باب غرفة اسيل وطلعت مع فايز طالعت عبدالعزيز بدهشه :من هالولد؟! طالعها عبدالعزيز فتره ما اعرف وش يرد عليها وباستعجال :بعدين راح تعرفي اسيل ابتسمت بخبث :عزوز ليكون كنت متزوج و عندك ولد واحنا ما ندري عبدالعزيز ابتسم :يمكن ليش لا اسيل مشت وقعدت قدامه وطالعته بابتسامه :وش اسمك امجد رفع عيونه لها :امجد اسيل بابتسامه :اهلا امجد تلاشت ابتسامتها وهي تطالع عيونه الي نسخه من عيون ياسر حتى بلونها البني عبدالعزيز :يلا امجد فايز طالع امجد بقهر :عمو ليش انا ما تاخذني معك عبدالعزيز لف له :بكرا باخذك معي طيب فايز طالع امجد وبهدوء: طيب اسيل طالعتهم ابتسمت ولفت لفايز بس ما حصلته فايز فتح غرفة ابوه وكانت اسماء قاعده على الكنبه واسامه على السرير قفل الباب ومشى لابوه :بابا قوم نطلع اسامه باستغراب :وين فايز: بابا ابي اطلع ليش عمو ياخذ ذاك الولد معاه وانا لا ابي اطلع اسامه ما اهتم من الولد :طيب خلاص الحين بحهز واطلع وياك فايز اتسعت ابتسامته :يلا بسرعه اسامه وقف وهو ياخذ ثوبه ويلبسه ويسكر الازرار ومشط شعره وتعطر :يلا مشينا اسماء رفعت نظرها لهم ببرود ____ عبدالعزيز اشترى لامجد ساندويتش وعصير وقعد ينتظر ياسر تنهد بضيق وهو يطالع امجد رفع نظره لياسر وقف وسلم عليه ببرود ياسر بابتسامه: كيفك عبدالعزيز :بخير وانت ياسر :الحمدلله طالع امجد الي كمل اكله ويشرب العصير :هالحلو من اول مره اشوفه عبدالعزيز زفر بهدوء :ياسر انت كنت متزوج اندهش ياسر من سؤاله :ليش تسأل؟؟ عبدالعزيز وهو يطالعه بنظرات :بس ابي اعرف ياسر بحده :حياتي الخاصه مالك دخل فيها عبدالعزيز يحاول يكتم عصبيته :لاخر مره بسألك يا ياسر انت كنت متزوج ياسر بنرفزه :ايه كنت ارتحت الحين عبدالعزيز :وليش محد يدري ياسر بلامبالاه :كان زواج مسيار وبعدين انفضلنا وكل واحد راح بدربه عبدالعزيز :ما جابت لك عيال ياسر :وش تبي توصل له من هالاسئله عبدالعزيز لف لامجد بهدوء :حبيبي ذكرني وش اسمك الكامل امجد : عمو كم مره اقول لك اسمي ابتسم عبدالعزيز :بس هالمره امجد : امجد ياسر جابر الـ.. توسعت عيون ياسر بصدمه وهو يسمع اسمه الثلاثي وبعصبيه طالع امجد :وش قاعد تقول انت امجد فز وطالعه بخوف واضح من عيونه عبدالعزيز مسك يد امجد : لا تصارخ عليه ودامك كنت متزوج هذا يعني انه ولدك ياسر وقف بانفعال وبصوت عالي خلا الكل يطالعه :انا ما عندي عيال هالولد يكذب لف وطلع عبدالعزيز وقف :امجد تعال طلع بسرعه وراء ياسر مسك يده ولفه له :ياسر الولد ماله بعد الله غيرك يكفي ان عايش طفوله صعبه ياسر سحب يده :وانا وش دخلني فيه عبدالعزيز طالع امجد الي متخبي وراه وخايف من ياسر : طيب اثبت لي انه مو ولدك ياسر سكت يطالعه بعصبيه كيف يكون عنده ولد وهو ما يدري عنه زواجه كان فتره طيش وطلقها من سبع سنين عبدالعزيز تنهد نزل وشال امجد : ترى امجد في شبه كبير من عمه واذا بتلاحظ بتشوف ان عيونه نسخه منك ويمكن هالشي الوحيد الي ما خذه منك ياسر طالعه زفر :وين لقيته عبدالعزيز : ما راح يسرك المكان الي ساكن ولا الفقر الي عاشه ياسر : هو لحاله عبدالعزيز بضيق : امه متوفيه ياسر طالع امجد وسرح فيه تنهد بعمق عبدالعزيز : بس جدته في المستشفى يمكن تعرفها ياسر : في اي مستشفى عبدالعزيز : مستشفى الـ.. ياسر : طيب بكرا بروح لها عبدالعزيز : طيب وامجد ياسر زفر بضيق : باخذه معي عبدالعزيز : انتبه عليه ياسر هز راسه بالايجاب ومد يدينه لامجد بس امجد رفض وتمسك بعبدالعزيز : ليش ما ابي اروح معه ابي اروح لجده هو راح ياخذني لبيته وبعدين يضربني ما ابي عبدالعزيز نزله طالعه و بهدوء : حبيبي ما راح يضربك روح معه وبكرا امرك ونروح لجدتك طيب ياسر عقد حواجبه باستغراب من كلمة يضربني ما يدري ان امجد انضرب اكثر من مره و لا يدري بالذل والفقر الي عاشه مع جدته امجد طالع ياسر : ما ابي اروح معه هو مثل خالي الي رحنا عنده انا وجده كان يضربني ياسر غمض عيونه بضيق نزل لمستواه وهو يتأمل ملامحه البريئه : حبيبي تعال معي الليله ماراح اضربك امجد : احلف ياسر اندهش وبابتسامه : والله ما اضربك امجد ابتسم : طيب يلا ياسر مسك يده : طيب عبدالعزيز اشوفك بكرا ____ نوره قاعده تمشط شعرها رن جوالها شالته وردت : هلا سعود : اهلين كيفك نوره : الحمدلله سعود : طيب حبيبتي انا عازم بندر وعبدالعزيز اليوم على الغداء نوره توسعت عيونها بدهشه : تمزح سعود : لا والله جد نوره عضت شفتها بقهر وهي تشوف الساعه ١١ الظهر : حياهم الله سعود : طيب اكتبي لي وش اجيب معي واتس نوره تنهدت : ان شاء الله قفلت وهي متنرفزه رفعت شعرها كله وربطته لفت لعيالها بابتسامه شافتهم نايمين خلت باب الجناح مفتوح ونزلت شافت العيال مندمجين مع التلفزيون ابتسمت وراحت المطبخ شافت ميري : افنان وين ميري : في غرفتها نوره هزت راسها وبدت تجهز للغداء افنان طلعت من غرفتها وهي تسمع بكاء وجدان وجواد دخلت الجناح طالعتهم : وش فيهم الحلوين شالت وجدان انتبهت لنوره وهي تدخل : يبكون افنان : ايه انتي وين رحتي نوره : في المطبخ شالت وجدان ومشت وافنان لحقتها : ليش عندنا عزيمه نوره : ايه نزلت وجدان في سريرها في الصاله : افنان يا قلبي تنتبهين لهم ادري بتعبك معي افنان : نوير وربي بزعل منك وش هالكلام بعدين انا باقوم اساعدك نوره بابتسامه : لا ارتاحي ميري ما تقصر افنان : لا والله ما اقعد بقوم معاكم نوره ابتسمت وطالعت عبدالله : اذا صاح احد منهم ناديني عبدالله : طيب راحت نوره تصلي وترجع تكمل ____ في بيت ابو احمد الكل مجتمع حتى احمد وعياله عبدالعزيز وهو نازل كاشخ بثوب اسود وشماغ و ريحة العود ملت المكان وقف فايز لما شافه : عمو تاخذني معك عبدالعزيز : حبيبي ما اقدر فايز طالعه بضيق : عمو انت قلت لي امس بكرا باخذك معي ليش الحين ما تقدر عبدالعزيز رفع حاجب وطالع اسامه : مو كأن ولدك صاير لسانه طويل اسامه ابتسم : خلاص فايز خل عمك يروح لا تأخره فايز طالع عمه بزعل وراح لابوه عبدالعزيز تنهد : خلاص تعال معي اسامه باخذه طيب اسامه : اوكي بحفظ الله فايز بفرح راح لعمه وطلعوا ____ عند ياسر بعد ما سأل عبدالعزيز عن غرفة جدة امجد وقف قدام الغرفه وهو ماسك امجد بيده متردد ما وده يدخل اخذ نفس عميق مده يده لمقبض الباب وفتحه فك يده امجد وركض لجدته وهي يطالعها : جده فتحت عيونها ببطى بعد ما سمعت صوت احب شخص لقلبها مدت يدها له ومسكها امجد بفرح : جده طولتي مرا وانتي نايمه خفت ما تقومي جدته تكلمت بصوت مبحوح وبتعب : ياروح جدتك لاتخاف امجد : بنروح البيت جدته هزت راسها بالايجاب ورفعت نظرها لشخص الي قرب وتوها تنتبه لوجوده انصدمت وبهمس : يـ ياسر ياسر بلع ريقه وهو يطالعها يعرفها زين هاذي ام طليقته ريم ام ريم وهي تطالعه ابتسمت ياسر قعد على الكرسي الي جنبها : كيفك يا خاله ام ريم بتعب : الحمدلله ياسر طالع امجد ولف لها : تكفين يا خاله قولي امجد جد يطلع ولدي طيب كيف وليش انا ما ادري عنه ام ريم تنهد بعمق وتكلمت بضيق : ايه ياولدي ياسر ولدك بلعت ريقها الي تحسه جاف : عطني ماء ياسر وقف بسرعه وهو ياخذ علبه الماء ويقربها منها شربت شوي رجع جلس و اشر لامجد يقعد على الكرسي الثاني و انتظرها تكمل ام ريم : لما طلقت ريم كانت حامل بشهر الثاني بس ما كانت تدري ولما حللت وعرفت حاولت فيها تخبرك بس رفضت خوف ان تاخذه منها مرت الشهور وجابت امجد انخفض صوتها وبألم بعدها بشهر ريم توفت نامت بخير بس كانت نومتها طويله ما قامت امتلت عيونها دموع قعدنا ٤ سنين لحالنا لما تعبت وما عاد فيني حيل اخذت امجد ورحت عند ولدي رامي بس زوجته ما تبينا ولا حنا قدرنا نتحمل الاهانات معه وغير كذا كان قاسي على امجد ياسر طالع امجد يذكر ان رامي انسان ما عنده رحمه رمى عليه اخته بكل سهوله وكأن يبي يتخلص منها كانت طيبه معه بس بالنهايه انفصلوا برغبتها لانها حست ان ياسر ما راح يحبها ابد فطلبت الطلاق ام ريم كملت بضيق :رجعت لبيتنا بس مرضت و عشنا بفقر وكنا ننام احيانا بدون اكل الايام الي مرت علينا صعبه حيل يا ياسر فوق ما تتصور دورت عليك عشان اقول لك عن ولدك بس ما لقيت لك اثر طالعت امجد ورجعت بنظرها لياسر : اي هذا ولدك واوراقه وكل شي يخصه في بيتنا الي تعرفه واذا مو مصدقني روح سوي تحليل وراثي dna وراح تتأكد طالعته بتعب وهي تتنفس بسرعه وقلبها يوجعها : يـ ياسر امجد امانه عندك عوضه عن كل الحرمان الي عاشه بلعت ريقها وبصوت منخفض : احس ان ما عاد لي مكان بهالدنيا شهقت وصوت الجهاز ارتفع ياسر وقف : خالتي وش صار لك خاله تكفين ردي علي دخلو الدكاتره بسرعه شافها تحرك شفتيها وترفع اصبعها السبابه وكأنها تنطق الشهادتين نظرها ارتفع للاعلى وقف الجهاز مع توقف دقات قلبها الدكتور يصارخ بسرعه وهو يطلب جهاز الصدمات الكهربائيه بينعش قلبها ياسر بسرعه شال امجد الي يبكي وطلع ضمه بتوتر وهو مصدوم طلع الدكتور بوجه جامد و ضايق بعد ما فشلت محاولاته في انعاش قلبها ياسر طالعه بصدمه وبهمس : مـ ماتت الدكتور هز راسه وبحزن : عظم الله اجرك امجد طالع ياسر : عمو جده بترجع معنا البيت يلا ندخل نرجعها ياسر ضمه بقوه و بحزن مارد عليه مشى بيسوي التحليل DNA وهو قلبه ينزف من اسئلة امجد الي ما وقفت عن جدته ____ عند نوره فايز منسدح على الكنبه وحاط راسه على فخذها يلعب بايباد عبدالله وهي تمسح على شعره بهدوء طالعت محمد الي يطالعهم ابتسمت واشرت له يجي جنبها دخل عبدالله : ماما عمو يقول يبي فايز فايز قعد ونزل الايباد نوره باست خده : استودعتك الله حبيبي افنان ابتسمت وهي تشوف محمد نام لفت على صوت خطوات سعود الي قعد جنب نوره : كيف الحال ردوا : بخير سعود نزل نظره لمحمد الي نايم بحضن نوره وقف وشاله لغرفته نزل وشافها وسرحانه قرب منها بابتسامه : اكيد الحلو سرحان فيني نوره ابتسمت : ياواثق سعود قعد باس خدها : الله يعطيك العافيه نوره ابتسمت : الله يعافيك سندت راسها على كتفه وهي تفكر باشياء كثيره سعود ضمها من اكتافه : وانتي معي ما ابيك تفكرين بأي شي نوره ابتسمت بحب ____ عبدالعزيز متوجه للمستشفى اتصل لياسر وانصدم بلي سمعه ررد :انا لله وانا اليه راجعون فايز :عمو ابي اروح الملاهي عبدالعزيز :طيب حبيبي و غير طريقه للملاهي _____ ياسر دخل الحي الي فيه بيت ام ريم ضعط على الدريكسون بقهر نزل مع امجد فتح الباب ودخل امجد بسرعه وهو يشوف البيت قديم جدا مشى للغرفه الي دخلها امجد فيها سرير واحد وكبت :هاذي غرفة جدتك امجد :ايه ياسر مشى للكبت وهو يدور على الاوراق الي قالت له عنها لقى ملف فتحه وهو يشوف كل شي يخصهم ماهمه شي سوا الي يخص امجد رجع الملف رفع نظره لامجد :انت تروح المدرسه امجد :لا جده قالت لي ما اقدر اخليك تروح احنا ما عندنا فلوس نشتري شنطه واغراض للمدرسه ياسر تنهد وقف مد يده له وطلعوا لسياره امجد :عمو ياسر :قول بابا امجد :بس انا ما اعرف بابا ياسر ابتسم مع ان التحاليل ما طلعت للحين بس بدا يحس انه فعلا امجد ولده: حبيبي انا بابا طيب ابتسم بفرح :طيب بابا وقف ياسر قدام المول واشترى له ملابس وجزمات والعاب واشياء كثيره وقف قدام بيتهم واتصل لسمر تجهز وتطلع له بعد دقايق طلعت ابتسمت وهي تركب: سلام عليكم رد ياسر السلام ومشى لشقته الي قعد فيها مع امجد امس سمر :من هالولد ياسر وقف :راح افهمك كل شي بعدين نزل وشال الاغراض وفتح الشقه ودخلوا: خليك معه انا مشغول بس اخلص اجيكم طيب سمر :طيب ___ يوم العرس نوره بعد ما رجعت من الصالون واقفه قدام التسريحه تتأمل نفسها خذت العقد بتلبسه ما عرفت تسكره كانت بتنزله بس يدين امتدت وقفلته لها سعود وهو يطالعها باعجاب اخذ نفس عميق من ريحة عطرها وبمزح :خلاص لا تروحين العرس نوره بصدمه :ليش ضحك سعود و بهمس وهو مفهي بجمالها: راح تغطين على الكل نوره ابتسمت بخجل سعود مد يده وهو يحصنها باس جبينها :بس اجهز ونروح نوره :طيب لبست باقي اكسسواراتها و مشت لعبايتها وهي تلبسها و شيلتها و خذت اغراضها الشخصيه و حطتهم في شنطتها قعدت على السرير وهي تناظر عيالها لفت لسعود لما وصلتها ريحة دهن العود الي امتزجت مع عطره شافته يلبس كبك ثوبه كمل ولبس ساعته طالعها : يلا نوره خذت وشنطتها و شالت وجدان: طيب شيل جواد سعود انحنى وشال جواد طلعوا شافوا افنان قاعده تطقطق على جوالها تنتظرهم وقفت وهي تعدل شيلتها: مشينا سعود :ايه يلا دخلوا السياره وحط جواد مع افنان وراح يجيب عربتهم حطها بصندوق السياره وحرك ___ وصلت نوره فسخت عبايتها وعدلت شكلها بالمرايا وافنان معها دخلت وهي تدف عربة عيالها اول ما شافت شذى راحت لها وضمتها :وحشتيني شذى :وانتي اكثر وش هالحلاوه يا بنت نوره بابتسامه :عيونك الحلوه يا قلبي تلاشت ابتسامتها من شافت شيخه واسيل قدامها طالعتهم وبهدوء :مبروك شيخه بلا مبالاه :الله يبارك فيك اسيل بهدوء :يبارك فيك نوره مشت لطاوله امها وخلت عربة عيالها عندها اسيل واقفه تطالعها بهدوء تبي تروح تكلمها بس تحس ما عندها الجرأه تروح بعد الي سوته اما اسماء قاعده تطالع بكل غرور و نظراتها تسلطت على نوره بحقد بس لفت نظرها بسرعه لاختها الي تسولف معها ___ جوري قاعده بفستانها الابيض ترجف بتوتر واضح من المسكه الي تهتز بيدينها معاها ثريا بكامل اناقتها بفستان اسود جميل تحاول تبعد عنها التوتر بس مو قادره دخلت عليها نوره وهي تضمها بقوه: مبروووك يا جوجو جوري:الله يبارك فيك نوره سلمت على ثريا ثريا:جيتي بوقتك انا رايحه قعدت نوره تسولف معها لين حست انها قدرت تبعدها عن التوتر شوي ___ في قسم الرجال عبدالعزيز كاشخ بالبشت وقاعد على يمنيه والده واخوانه و بالجهه الاخرى حسام الابتسامه مرسومه على شفتيه والفرحه واضحه عليه مو قادر يصدق ان اخيرا بعد كل الظروف الي مروا فيها اليوم عرسه اتسعت ابتسامته وهو يشوف سعد يرقص مع طلال رفع نظره لريان الي وقف وهو يشارك صديق عمره فرحه ___ جاء وقت الزفه جوري مسكت يد نوره نوره ابتسمت وضغطت على يدها طلعت جوري بطلتها الجميله وبخطواتها الواثقه وكأنها احدى الاميرات شيخه تناظرها ببرود تام واسماء ناظرتها وصدت ما تبي تطالعها اسيل رن جوالها ابتسمت من شافت اسم ياسر بعدت عنهم وقفت بعيد عن الازعاج عشان تسمعه سمر تنهدت بقوه ونظرها على اسيل بس تفكيرها كله بكلام اخوها الي قاله لها امس للحين مو قادرة تصدق ولا تستوعب ياسر كانت متزوج ومعه ولد هالشي صدمه كبيره وش راح تكون ردة فعل امها اذا درت طيب اسيل راح تتقبل الموضوع او لا غمضت عيونها بقوه وانتبهت على صوت ميلاف تكلمها اسيل ردت :هلا حبيبي ياسر بحب :هلا فيك اقدر اشوفك اسيل :طيب بطلع انتظرك ياسر :ثواني بس طلعت اسيل ضمت اكتافها من البرد ابتسمت من شافت امجد برا ما استغربت وجوده بالمكان بما ان عبدالعزيز يعرفه فهو اكيد جاي مع ابوه بس ليش طالع لحاله رجعت لوراء خوف من ان يكون معه احد بس ما شافت احد وبصوت هادي :امجد امجد لف لصوت وركض لها :هلا اسيل باستغراب :حبيبي وش تسوي بروحك هنا الجو بارد راح تمرض امجد :عادي انا دايما العب برا اسيل عقدت حواجبها :امك ما تقول لك شي امجد التمعت عيونه ما يعرف وش يعني ام :ماعندي ماما اسيل بصدمه :متوفيه مدت يدها لشعره :ي عمري طيب من قاعد معك امجد وعيونه غرقت بدموعها :كنت عند جده هي قالت لي بترجع البيت بس ما رجعت اسيل ضمته بضيق عليه :طيب خلاص لا تبكي وقفت وهي تحس بالبرد ضمت نفسها طالعت امجد فتحت فمها بتقوله يدخل برد عليه بس حست بأحد حضنها من وراء غمض عيونه وهو يستنشق ريحة عطرها لفها له وهو يطالعها بحب :وش هالجمال كله ناويه تذبحيني اسيل عضت شفتها بخجل لفوا لصوته:بابا من هاذي ياسر ما انتبه لوجوده انصدم اسيل ارتخى كل جسمها بصدمه طالعت امجد بهمس:وش قلت ياسر بهدوء:امجد وش مطلعك روح داخل وراح اجيك امجد ركض:طيب اسيل عيونه امتلت دموع و رجفة سرت بجسمها يعني الشبه كان لان ولده وبغصه: ياسر عندك ولد كيف وليش ما قلت لي ياسر مسك وجها بيدينه :حبيبتي اهدي واسمعيني بفهمك كل شي اسيل دفت يدينه بقوه :بعد عني ليش ما فهمتني من قبل جاي الحين بعد ما عرفت صدفه تقول لي اسمعيني ما ابي اسمع شي لفت وبسرعه دخلت لداخل ركضت جهة دورات المياه وانهارت ببكاء موجع ياسر عنده ولد هو متزوج ولا لا ليش محد جاب لها طاري خافت يكون غلطه سندت يدينها على المغسله وهي تبكي على كل عيوبه تموت فيه بس اذا طلع الي تفكر فيه صح ما راح تسامحه ابد دخلت نوره وهي تكلم سعود بجوالها انصدمت من وضع اسيل لاول مره بحياتها تشوف اسيل بهالانهيار و صوت شهقاتها مسموعه قفلت من سعود وهي تطالعها غمضت عيونها بقوه مع انها تكرها هي وعايلتها بس وضعها مو طبيعي قربت منها وبهدوء :اسيل اسيل رفعت نظرها لها وانصدمت لفت وجها بسرعه وهي تاخذ المناديل :نعم نوره :وش فيك تبكين كذا اسيل زادت دموعها الي ما وقفت مسحتها وطالعت نوره بصوت مبحوح مخنوق تكلمت :انا آسفه انصعقت نوره و بهدوء :على شنو اسيل :على كل شي مسحت دموعها طلعت جوالها واتصلت لشذى تجيب لها شنطتها عشان تعدل مكياجها نوره ابتسمت بسخريه :آسفه وش راح تسوي لي ولا شي بس حابه اقول لك ان ممكن الي سويتيه خيره لي لان عرفت قدري عند اخوك و ماني ندمانه ابد اني طلبت منه الطلاق لانه الله عوضني برجال يسوى عندي الدنيا كلها والاهم شخصيته قويه وما يسكت عن الظلم مدري وش الي مخليك تبكين بهالطريقه بس مو من طبعي اشمت بأحد الله يسامحك و يفك ضيقك وطلعت بعد ما زاد ضيق اسيل اضعاف دخلت شذى وضمتها اسيل وهي تبكي _____ في قسم الرجال الكل مستانسين ويرقصون اما اسامه قاعد يسولف مع احد المعازيم انتبه لفايز ركض وقعد عند سعود طنش وكمل سوالفه بعد ربع ساعه عند عبدالعزيز دخل مع ابوه وعمه حسام وسعد يمشي بثقه وبرجولته الطاغيه دقات قلبه قويه وهو يشوف من ملكت قلبه وروحه وعقله امامه قرب منها باس جبينها وبهمس : مبروك يا قلبي جوري ارتجفت وانحرجت من وجود ابوها وابوه ما قدرت ترد من احراجها قرب ابوها وهو يباركها ويحب راسها دعا لها بالتوفيق وطلع سعد بارك لها ولحق ابوه ابو احمد بابتسامه وهو يطالعها ما رفعت نظرها : مبروك يا بنتي والله يسعدك جوري : الله يبارك فيك يا خالي ابو احمد طالع عبدالعزيز بابتسامه وطلع عبدالعزيز بهمس : مو مصدق ان اخيرا صار العرس احس اني بحلم جوري رفعت نظرها له والمعازيم راحو للبوفيه عبدالعزيز مد يده لخصرها قربها منه طالع بعيونها وبهمس : احبك لفوا للمصوره الي تصورهم وتقول لهم يسوون الحركات بس عبدالعزيز رفض نصها وقف قدام الكيكه وجوري قدامه حط يده على يدها وقطعها لف وشاف اسيل جايه جهتهم مسكت يدين جوري وبصوت مبحوح : مبروك يا قلبي جوري ابتسمت : الله يبارك فيك اسيل ما قدرت تحط عينها بعين اخوها خافت تبكي عبدالعزيز مسك يدها وبخوف : وش فيك اسيل بلعت ريقها : مبسوطه لك بس عبدالعزيز عقد حواجبه قربها منه ورفعها وجها له : ما يليق لك الحزن عليك ابتسمي اسيل ابتسمت غصب عنها ومشت ابتسم لما شاف ام جوري جايه جهتهم حز بخاطره ان امه ما جات ما باركت ولا تصورت معاهم ____ ياسر طلع وهو ضايقه فيه الدنيا للمره العاشره يتصل لاسيل ولاترد طالع امجد الي لحقه مد يده له و مشى معاه مر الشقه اخذ كم غرض لامجد وراح لبيت اهله كان هادي وفاضي للحين ما رجعوا شال امجد الي يتثاوب بتعب ودخل فيه الغرفه بدل له ملابسه ونومه على سريره بدل ثوبه ببحامه وانسدح جنبه يفكر بأسيل وبأمجد مسك جواله اتصل عليها ولا ردت ليتها تعطيه فرصه يوضح لها كل شي تأمل امجد وهو نايم بهدوء تغطى ونام جنبه ____ في الفندق جوري قاعده على السرير قلبها يدق بقوه ونظرها ليدينها سمعت صوت باب الجناح انفتح دخل عبدالعزيز وهو يرمي بشته على الكنبه وفسخ شماغه وعقاله ورماهم فوقه ومشى لباب الغرفه فتحه شافها قاعده بفستانها تقدم منها وقلبه يحسه بيطلع من مكانه من قوة دقاته مد يده ووقفها رفع وجها له صدت بنظرها وهمس : مو مصدق حبيبتي عندي جوري ارتجفت رفعت نظرها له والتقت عيونهم ببعض تأملها بحب جوري بخجل : عبدالعزيز لا تناظرني كذا عبدالعزيز ابتسم : اجل كيف تبيني اناظرك انطق باب الجناح راح فتحه ابتسم وهو يدخل عربة الاكل و قفل دخل وشافها قاعده سرحانه عبدالعزيز قعد جنبها : تفكرين فيني ما يحتاج انا معك جوري ضحكت : حتى وانت معي بفكر فيك عبدالعزيز بهيام قرب وباس خدها وبهمس : لا ابيك معي بكل حواسك ان فكرتي بشي وانا عندك يا ويلك جوري طالعته وهي تلعب بشعرها عبدالعزيز عض شفايفه : قومي نصلي ونتعشى جوري : طيب اطلع بغير فستاني عبدالعزيز رفع حاجب : نعم جوري بترجي : عزيز عبدالعزيز وقف وبخبث : ما تبيني اساعدك جوري : لا عبدالعزيز ضحك وطلع بدلت جوري وفسخت اكسسوارتها فكت تسريحتها توضت ولبست جلالها تنتظره دخل عبدالعزيز وهو يمسح وجه وفرش سجادته وبدوا يصلون سلم عبدالعزيز ولف لها جوري وقفت بارتباك وتوتر من نظراته : جـ جوعانه عبدالعزيز وقف ودقات قلبه وصلت المليون وهو يشوفها لابسه قميص نوم حرير لونه وردي فاتح ما قدر يقاوم انوثتها الطاغيه سحبها وحط يده على خصرها وبيده الثانيه بعد خصلات شعرها عن وجها وبهمس : لاحقين على العشاء ياقلبي الاهم عندي الحين انتي ____ نوره طلعت من جناحها بتشوف العيال من رجعهم سعود من عند امهم ما شافتهم بس جمدت وهي تسمع صراخ سعود باسمها نزلت بسرعه وبخوف : شصاير سعود تقدم منها ومسك يدها بقوه : وش مسويه بمحمد نوره بألم من مسكته تحس يدها بتنكسر : ما سويت شي سعود بعصبيه : انتي ما ترضين احد يمد يده على ولدك بس عيال غيرك عادي تضربينهم نوره طلعت عيونها بصدمه : أنا ضربته سعود طالع بعيونها وصدمتها فكها ولف لمحمد : بابا تعال افنان وعبدالله مصدومين اما نوره تضايقت لان هي تشوفهم عيالها وما ترضى عليهم سعود مسك ذراعه الي فيها كدمه واضحه قدامها محمد ببكاء :بابا ليش تهاوش ماما هي ما ضربتني سعود طالعه بدهشه :مو انت قلت ان الي بيدك من ماما محمد :لا ماما طالع عبدالله نسى وش اسمها عبدالله طالع محمد وبهدوء :ماما عبير دفت حمود وضربت يده بالطاوله ____ امجد صحى ياسر بس كان بسابع نومه وقف وهو يحس بالجوع وطلع من الغرفه شاف الدرج نزل بس فز بخوف لما شاف وحده قدامه صرخت فجأه سوسن صرخت بصدمه وهي تشوف امجد في بيتهم لابس بيجامه و شعره مبعثر من هالولد وش يسوي ببيتهم امجد :لا تصارخين خوفتيني سوسن توسعت عيونها امجد :جوعان ابي اكل سوسن تكتفت :و أحد قالك ان فاتحين مطعم هنا امجد طالعها وسكت ام تركي :سوسن وش فيك تصارخين سوسن :يمه في بزر في البيت مدري من وين جاي وشكله كان نايم هنا ام تركي :يمكن ولد تركي وقفت مذهوله وهي تطالع امجد :من انت امجد :انا امجد ام تركي طالعت سوسن مستغربه تأملت ملامح الولد طلعت سمر من المطبخ في يدها كوب قهوه بس طاح اول ما شافت امجد لفوا لها و امجد اول ما شافها ركض لها واخيرا يعرف احد في هالبيت حضنها: عمه جوعان ابي اكل سمر ارتبكت وبان عليها ام امجد وكلمة عمه ترن بأذنها الولد فيه شبه من عيالها معقوله يكون تركي متزوج على ميلاف وهذا ولده وبجديه :سمر تعرفينه سمر بتوتر وهي تمسح على شعر امجد ماردت ام تركي طالعت امجد :حبيبي من جابك هنا امجد طالعها :بابا ام تركي وبدت تحس بشكوكها تصيب :من ابوك امجد : بابا ياسر حست الارض تدور فيها مسكت راسها بصدمه ياسر الي تحن عليه يتزوج وتشوف عياله يكون عنده ولد بهالعمر وهي ما تدري سمر بسرعه : يمه حرام طفل ماله ذنب وماله احد بهالدنيا غيرنا جدته توفت وامه توفت ما عنده الا خاله وما يبيه يمه هذا ولد ياسر حفيدك يرضيك يبقى بالشارع طالعتها الام امه توفت متى غمضت عيونها بقوه وزفرت بهدوء ما ودها تقول شي وتندم عليه : اذا صحى اخوك خليه يجيني الغرفه سمر : طيب سوسن :وناسه طلع عند يويسر ولد غير القرود عيال تركي مدت يدها : كيفك يا بطل انا عمتك سوسن امجد مد يده وصافحها لفت سوسن : باروح اخبر البنات وراحت تركض سمر شالته دخلته المطبخ سوت له فطور وطلعت تنظف شظايا الكوب _____ اسيل في غرفتها منسدحه تناظر السقف تذكرت براءة امجد ولمعة عيونه تنهدت بقوه الي تبي تعرفه هو كان متزوج من قبل واذا ايه ليش ما قال لها توسعت عيونها بدهشه لما تذكرت انها شافت امجد مع عبدالعزيز قعدت على السرير وهي تفكر : عزوز اكيد يدري بكل شي عضت شفتها بقهر وقفت وطلعت من الغرفه ____ عند نوره بعد ما عطت عيالها رضاعاتهم و ناموا قعدت على الكنبه الي بالغرفه متضايقه وعيونها تناظر الفراغ بهدوء اكثر شي قهرها ان سعود ما يشوفها ام لعياله وهي ما تفرق بينهم وبين فايز طالعت يدها الي توجعها بالقوه قدرت تمسك عيالها رن جوالها مسكته وشافت ثريا تتصل وكأن هالثريا تحس فيها ردت بهدوء :هلا ثريا عقدت حواجبها :وش فيه صوتك نوره : متضايقه شوي المهم كيفك و كيف حال ملاك و ماجد ومازن وحشوني من زمان عنهم ثريا : الحمدلله بخير وانتي كيفك نوره : الحمدلله ثريا : نوير تعالي عند امي اشتقت لك ولسوالفك ولبزرانك نوره طالعت باب الغرفه الي انفتح صدت بنظرها :ان شاء الله مع السلامه قفلت مسكت يدها وهي تناظر قدامها ببرود تام سعود مشى لها وقعد جنبها :نوره نوره ما ردت عليه ولا رفعت نظرها له سعود باس خدها :اسف وحقك علي نوره وقفت ببرود :ابي اروح بيت اهلي سعود :خليها وقت ثاني نوره بنفس برودها :لا بروح الحين مشت وهي تنادي ميري تجيها سعود تكتف وهو يناظرها :طيب بجيك الساعه ١٠ نوره خذت عبايتها ولبستها وبلامبالاه: براحتك سعود انقهر من برودها وقف مسك يدها ولفها :من متى تكلميني بهالبرود نوره كتمت آه لا تطلع منها بس بان الالم على وجها طالعت بعيونه :من اليوم استغفرالله الذي لا اله لا هو الحي القيوم وأتوب إليه | ||||||||
|
| |
|
| أدوات الموضوع | |
| انواع عرض الموضوع | |
|
|
23Likes
.png)
العرض العادي
