آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-11-19, 09:10 PM
| #1 | |||||||||||||||||
| مراقبة عامة ومشرفة منتدى الروايات المنقولة  
|  ما كنت اؤمن بالعيون وفعلها حتى دهتني في الهوى عيناك،بقلم/ riwaiax ،مكتملة
التعديل الأخير تم بواسطة لامارا ; 16-04-22 الساعة 09:32 PM | |||||||||||||||||
|  |
|
25-11-19, 09:14 PM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الرواية هنـــــــــــــــــــــــ ـــــــا بسم الله الرحمن الرحيم السلام عليكم ورحمة الله وبركاته حبيت اشاركم بروايتي الثالثه و اتمنى ان تنال اعجابكم وتبقى احداثها ذكرى لطيفه لديكم اتقبل الانتقاد باسلوب راقي ولا استغنى عن ارائكم لا اسامح من ينقل الروايه الى الانستقرام ولا اسامح من ينسبها اليه بدون ذكر اسمي .. البارت الاول فزت من سريرها وهي تسمع تلفونها يرن مسكته بلهفه وهي تشوف اسمه ردت بهدوء : الوو : أحلى ألو سمعتها أخبارك حبيبتي ابتسمت : بخير الحمدلله على السلامه متى وصلت من السفر اسامه : المغرب بس مشتاق لك حيل ضحكت بخجل : وانا اشتقت لك اسامه بابتسامة : خلاص الحين جاي لك يا قلبي نوره فتحت عيونها : أسامة من جدك الحين اسامه : شسوي بعد بالشوق فايز شلونه وجهت نظرها لطفلها الي نايم بسريره كالملاك : الحمدلله والحين هو نايم اسامه : اوك حبيبتي بكرا بجي لك نوره : اوكي سولفوا بحب وشوق و بعدها قفلوا قعدت على السرير مسكت المخده وحضنتها و الابتسامه على شفايفها تحبه و تموت فيه لفت لطفلها النايم الي عمره سنتين حطت المخده جنبها و راحت له مررت يدها على خده قربت وباسته ___ واقفة قدام المرايه وهي تتأمل نفسها بمكياجها الناعم ولبسها الانيق رشت عطرها و ابتسامة جميله على شفايفها نزلت لمستوى فايز و هي تبوس خده : يالله حبيبي نشوف بابا دخلت عليها أختها الجوري : شهالكشخه شهالزين كل هذا عشان اسامه نوره : شرايك فينا نهبل الجوري : بقوه ضحكت نوره الجوري : ايه ابوي يقول اسامه تحت نوره وهي مبتسمه مشت وطلعت باين لمعة الشوق بعيونها وجه نظره جهة الباب بعد ما استنشق ريحة عطرها نوره : السلام عليكم ابتسم وهو يوقف : وعليكم السلام ورحمة الله ابتسم حسام الاب : هاذي زوجتك جات وقف وطلع ابتسم وهو يوقف : يا هلا والله بأم فايز قرب منها شال فايز باسه بشوق : صاير رجال بابا ماشاء الله رفع نظره لملكة قلبه قرب وباس جبينها بعمق وهمس : اخبارك حبيبتي نوره بهدوء ووجنتيها احمرت : بخير بشوفتك اسامه ابتسم : يالله البسي عبايتك انتظرك بالسياره نوره : طيب طلعت نوره راحت لامها باست راسها: يمه انا بروح مع اسامه الأم ابتسمت : الله يوفقك يمه ضمت الجوري وسلمت على سعد اخوها وراحت تلبس عبايتها وتاخذ شنطتها وجوالها و طلعت لسياره تحركت لبيت اهل أسامه وقفت السياره قدام البيت ضمت كفيها بتوتر وخذت شنطتها فتحت الباب الي وراء لفايز دخلت وراء اسامه الي تنحنح علشان اذا مرت اخوه موجوده سلم على راس امه دخلت نوره سلمت على امه و أسيل اخته ___ وقف اسامه استأذن وراح لغرفته نوره وقفت بتلحقه ام اسامه : وين ولا القعده معنا مو حلوه نوره خذت نفس وقعدت : لا يا خالتي وفي احلى من القعده معكم شذى وينها ام اسامه : اي واضح مرا وشذى ارفعي الجوال واتصلي فيها وتعرفين اخبارها أسيل : صادقه امي من تطلعين من البيت لا حس ولا خبر كأنك تبين الفكه منا نوره طالعتها بهدوء ولفت لأم أسامه : اعذريني يا خاله ادري اني مقصره معكم بس والله انشغلت مع الاهل ام احمد ببرود : انتي دوم مقصره مو شي جديد نوره طالعتها بدهشه وعضت شفتها بغبنه هي تدري ام اسامه مو متقبلتها من البدايه ما تدري ليش هالكره لفت بنظرها لفايز وهو يلعب وقفت وراحت للغرفه ___ دخلت الغرفه وهي متضايقه شافت اسامه منسدح على السرير فسخت العبايه والشيله وعدلت شعرها قربت منه وهي تشوفه نايم ابتسمت وهي تقعد جنبه تأملته بهدوء فتح عيونه فجأه و جات عيونهم ببعض نوره شتت نظرها ابتسم: محلوه يا بنت نوره ابتسمت قرب منها وباس خدها لف وجها له: نوره طالعيني رفعت نظرها له طالع عيونها و بهدوء : وش مضايقك نوره اختفت ابتسامتها شتت نظرها في الغرفه : ولا شي أسامه : تخبين عني نوره مسكت يده : انت تدري انه ما خبي عليك شي ابتسم أسامه ومد يده لها وضمها و باس راسها لفت على صوت الباب الي انطق ابتسمت وقفت وهي تفتح الباب دخل فايز يركض لابوه الي عدل جلسته وشاله وهو يبوس خده : هلا بحبيب بابا انسدح وهو يلعب معاه وضحكاته ترتفع في انحاء الغرفه ابتسمت بحب وهي تدعي الله لا يحرمها منهم ____ شالت فايز لغرفته بعد ما نام طلعت من غرفة فايز بعد ما شافته نايم بعمق حطت جلالها عليها عشان اذا اخو زوجها احمد موجود ابتسمت وهي تشوف شذى زوجة احمد اخو اسامه الكبير سلمت عليها شذى : ياهلا بنوير وانا اقول وش فيه البيت منور نوره ابتسمت وهي تنزل معها : حبيبتي منور بوجودك وينك ما شفتك شذى : والله كنت ببيت اهلي توني وصلت الحين نوره : وحشتيني شذى : حبيبتي وانتي اكثر نوره : وين طلال و شيماء ضحكت شذى : خليتهم يلعبون نوره : يا زينهم دخلو الصاله وهما يضحكون ام احمد : ضحكونا معاكم شذى ابتسمت وباست راسها : اخبارك يا خاله ام احمد : الحمدلله تمام انتي اخبارك وشلون الاهل عساهم بخير نوره سلمت عليها بهدوء وقعدت وهي تسمع سوالف شذى مع ام احمد دخلت اسيل : السلام عليكم يمه شوفي من جانا ردوا السلام وقفت ام احمد وهي تهلي وترحب بأسماء بنت اخوها مشت اسماء بدلع وهي تسلم على عمتها لفت على شذى و نوره وسلمت عليهم فسخت شيلتها وحطتها على اكتافها نوره تكتفت وهي مو متقبله وجود اسماء بينهم بس تجامل عشان اسامه بس ما تبي تزعله ام احمد : قومي صبي قهوه يعني لازم نعلمك السنع نوره شافتها تطالعها عضت شفتها بقوه وقفت شذى بسرعه و مسكت الدله وهي تصب لهم قهوه وصلت لنوره مدت الفنجان : سمي نوره ابتسمت وخذت الفنجان ارتشفت شوي نزلته على الطاوله وقفت شذى : خليك قاعده معنا نوره : باروح اقعد اسامه الحين بيأذن المغرب مشت وام احمد طالعتها بقهر : ام احمد طالعتها بقهر : مدري وش عاجبه فيها اسامه لو يطيعني وطالعت اسماء وابتسمت : والله لازوجه زينة البنات واحلاهم اسيل : يمه لا انا كذا اغار انا احلا البنات مافي غيري ضحكت اسماء شذى : يا خاله هذا الحب وبعدين لا تخربين حياة ولدك هو مرتاح معاها ام احمد بعصبية طالعتها : انا اخرب حياة ولدي ان ابي له الزين و هالبنت ما تناسبه شذى بهدوء : ونوره الزين كله فيها ام احمد طالعتها بنظره وقفت شذى : عن اذنكم باروح اشوف العيال ___ دخلت الغرفه وهي ترجف قهر وضيق تسندت على الباب ونزلوا دموعها مشت بسرعه للحمام بكت اكثر وهي تحاول تكتم شهقاتها هي ليش تكرها تبي سبب واحد بس ، كلامها قهرها وخايفه اسامه يرضخ لطلبها في زواجه من أسماء الي لمحت اكثر من مره انها تبيها غسلت وجها بماء بارد اكثر من مره وهي تسمع اذان المغرب طلعت وهي تمسح وجها بمنشفه صغيره قربت من السرير وبهدوء : أسامه هزته : حبيبي قوم يالله بتتأخر على الصلاه فتح عيونه : يالله قمت لفت وجها بسرعه وهو راح يتوضأ ويلبس ويروح المسجد لبست جلالها وفرشت سجادتها وبدت تصلي كملت فسخت الجلال قعدت على الكنبه سندت راسها وغمضت عيونها وهي تفكر دخل وهو يشوفها ما حست فيه مشى وقعد جنبها : بشنو الحلو سرحان فتحت عيونها وابتسمت ابتسامه شاحبه : فيك ضحك اسامه : يا بختي دام نوير تفكر فيني لف يطالعها اختفت ابتسامته وهو يشوف عيونها الحمراء : كنتي تبكين نوره : من قال أسامه : عيونك نوره تنهدت : اسامه خلنا نطلع بيت بروحنا أسامه : ليش نوره : ابي اخذ راحتي في بيتي أسامه : ما اقدر اطلع نوره بانفعال : ليش مو ناقصك شي اسامه تجاهل كلامها وقف ومد يده لها : يالله ننزل نوره بقهر : ما ابي انزل اسامه طالعها بهدوء : وش صاير معك نوره وقفت و بانفعال : لا ابد مو صاير شي الي فهالبيت ملائكه ما يضايقون احد واذا احد تضايق منهم ما ينامون اليل الا لما يراضونه اسامه : جد زين والله نوره بحده : اسامه لا تنرفزني اسامه : لا ترفعين صوتك نوره زمت شفايفها بقهر وقعدت على الكنبه وما قدرت تمنع دموعها تنزل أسامه : الحين وش قايل لك انا عشان تبكين نوره ما ردت أسامه قعد جنبها خذ نفس : خلاص نوير وقفي بكاء ويالله قومي تجهزي بنطلع نتعشى برى نوره طالعته مسحت دموعها احسن حل لانها ما تبي تنزل تحت وتقعد معهم وخصوصا بوجود اسماء الي مو طايقتها لفت له بجمود : امك راح تزعل هي تحب الكل يكون موجود على العشاء اسامه : انا بتصرف وقفت : اوكي باشوف فايز طلعت وهي تدخل الغرفه ابتسمت وهي تشوفه ينزل من السرير قربت وهي تشيله وتبوسه نزلته وهي تطلع له ملابس و تلبسه سرحت شعره ولبسته جزمته : خلصنا مسكت يده : يالله فايز بطفوله : يالله دخل وهو يشوف ابوه يتعطر ركض له : بابا انا انا ضحك اسامه نزل وهو يعطره لف لنوره : يالله بننتظرك انا و هالبطل قعد على الكنبه و فايز مد يده وشال تلفون ابوه فتحه له ونوره لبست عبايتها و رفعت شعرها و هي تلبس الشيله خذت شنطتها و حطت الجوال فيه شالت نقابها بيدها : خلصت ابتسم اسامه شال فايز ومد يده لنوره مسكتها وطلعوا دخل الصاله شاف وحده ورجع بسرعه : اسف ما كنت ادري ان في احد الام : مافي احد غريب هاذي اسماء بنت خالك ادخل نوره حست بنار الغيره تشتعل فيها دخل اسامه وما رفع نظره لاسماء كان في الصاله امه وابوه واسيل واسماء قرب من امه و ابوه باس راسهم دخلت نوره وهي تسلم عليهم ابو احمد :يا هلا ببنتي اخبارك يبه عساك مرتاحه نوره ابتسمت :هلا فيك يا خالي والله الحمدلله انت كيف حالك طمني عنك ابو احمد :الحمدلله ام احمد : على وين ان شاء الله اسامه لف لامه : طالعين نتعشى برى ام احمد : ليش ليكون اكل البيت مو عاجب ست الحسن اسيل ابتسمت بسخريه اسامه كان بيتكلم ابو احمد قاطعه : طيب بس لا تنسى بكرا الاجتماع تعال من وقت الشركه اسماء وقفت : انا بروح ام احمد : لا والله ما تروحين تعشي معانا اسامه : ان شاء الله عن اذنكم وقفت نوره وهي تستأذن وماسكه فايز بيدها ابو احمد وقف وطلع من الصاله عائلة أسامه صالح ابو اسامه زوجته شيخه ام اسامه احمد الابن الاكبر عمره ٣٥ زوجته شذى عنده شيماء عمرها ٣ سنين و طلال ٥ سنين اسامه عمره ٢٧ متزوج نوره وعنده فايز عبدالعزيز ٢٣ يدرس خارج المملكه اسيل ٢١ ثالث سنه جامعه ____ ام سعد : الجوري الجوري : نعم يمه ام سعد : بتجي عندنا ام سعود بخري البيت وجددي هالقهوه الجوري : ان شاء الله يمه وراحت تجهز القهوه والشاي و سوت حلا و بخرت البيت وراحت تلبس خلصت و طلعت قعدت مع امها والا عيال اختها ثريا يدخلون نزلت لمستواهم وهي تبوسهم : ياهلا بالحلوين ثريا سلمت على راس امها : اخباركم الام : الحمدلله بخير ماجد ولد ثريا : ماما وين فايز الجوري : يا لبيه والله اشتقت لهالفايز ثريا ابتسمت : محد راح مع ابوه العب مع ملاك بس بدون ازعاج ضحكت الجوري: اصلا عيالك بروحهم ازعاج ثريا بتتكلم بس طق الجرس ام سعد : قومي يمه هاذي اكيد ام سعود دخلت ام سعود ومعاها عيال ولدها الاثنين الصغار بعد السلام والسؤال عن الحال : وين عبير ليش ما جت معك ضحكت ام سعود : وانا اشوفها يا طالعه لحفله او جايه من عرس او رايحه السوق ما تقعد في البيت الله يعين ولدي بس والله شفت العيال يلعبون بروحهم قلت اجيبهم معي ضحكت ثريا : آمين زين جبتيهم خل يستانسون مع ملاك وماجد وبدوا يتكلمون في سوالف كثيره عائلة نوره الاب حسام والام نوال ثريا البنت الكبيره ٢٧ سنه عندها ملاك سنتين ونص وماجد ٥ سنين نوره ٢٥ خريجة رياض اطفال زوجة اسامه الجوري ٢١ ثالث سنه جامعه تدرس طب سعد عمره ١٠ سنين ام سعود جارتهم ____ افتروا في المول وخذوا الي يبون راحوا مطعم و طلبوا الاكل نوره حطت منديل لفايز عشان لا يوصخ نفسه وبدوا يأكلون كانت مرتاحه طالعت اسامه : أسامه اسامه : هلا نوره : ما سألتك شلون كانت سفرتك اسامه ابتسم : حلوه والشقر احلى نوره طالعتها بنظره وغيره واضحه : أسامه ضحك اسامه : يا زين الي يغارون عاديه بس من الشركه للبيت خلصت شغلي وجيت نوره بضيق : لا عاد تطول بسفراتك اسامه : ان شاء الله أوامر ثانيه نوره ابتسمت : لا ___ قعدت اسامه عشان ما يتأخر على الشركه قام اخذ شور لبس و سرح شعره اخذ ساعته وهو يلبسها رش عطره مسك جواله و مفتاح سيارته مشى بيطلع بس تذكر شي لف لها : نوير اليوم عازم ربعي على الغداء طيب ابتسمت : اوكي اسامه ابتسم وطلع رايق طلعت راحت غرفة فايز ما حصلته ونزلت تحت و هي تعدل الغطاء على شعرها بعد ما شافت احمد : السلام عليكم ردوا عليها السلام وقعدت جنب اسامه وفايز على الطاوله تفطر و لفت لفايز وهي تعطيه كوب الحليب وقف احمد وطلع وقف ابوه وبعدهم وقف اسامه قامت مع فايز وهي تروح تغسل بدلت ملابس فايز و باست خده : يلا نروح لطلال راحت عند طلال واخته وهما يلعبون بالعابهم : طلال حبيبي لا تتهاوشون طيب طلال : طيب راحت المطبخ وهي تجهز للغداء الحين كل شي عليها تدري ان خالتها ما راح تخلي الخدامه تساعدها ابتسمت معليه مو اول مره سمعت اذان الظهر راحت تصلي وترجع تكمل طبخ خلصت من الطبخ توجهت تغسل الصحون كملت وهي تجفف يدينها وقفت بتعب وهي تشوف الاطباق الي جهزتها دخلت شذى : الله وش هالريحه الطيبه ابتسمت نوره شذى وهي تشوف الاطباق : ماشاء الله عندنا ضيوف نوره : ايه شذى : ليش ما قلتي لي اساعدك نوره : تسلمين حبيبتي ما ودي اتعبك وقفت وهي تقرب من الفرن وتطفي على القهوه وتحطها في الدله وتجهز الفناجين مع دلة الشاي شذى مشت وهي تفتح القدر وتذوق : يا زين طباخك يا نوير نوره قعدت على الكرسي بتعب : شفتي فايز شذى : ايه مع خالتي تغطت شذى وقفت نوره وهي تشوف اسامه جاي : وصلوا اسامه : ايه جهز الغداء نوره : ايه اسامه : الله يعطيك العافيه نوره خذت السفره وهي تعطيه يحطها في غرفة الطعام على الطاوله وشالت صحن السلطه والمعجنات وعطته وجاء احمد اخوه يساعده وشذى عطته صحن الرز وحطه على الطاوله ورجع اسامه اخذ الصحون وزعهم على الطاوله و احمد اخذ المشروبات الغازيه ووزعها اسامه اخذ الملاعق والشوك : خلاص نوره : ايه طلعت لصاله شافت فايز نايم على الكنبه تنهدت نام قبل لا يتغدى راحت له وانحت بتشيله سمعت صوت ام احمد : شلون تخلين ولدك ينام جوعان وش هالاهمال مع الولد خذت نفس عميق وبسخريه : ابد يا خاله بس قاعده على الجوال اطقطق فيه و بس تذكرت ان معي ولد جيت اشوفه حيل مهمله توسعت عيون ام احمد من ردها : وقحه شالت فايز وخذته لغرفته نزلته على السرير وغطته و نزلت تتغدى بعد الغداء راحت نوره وهي تاخذ شور ولبست فستان ناعم طويل لبست عقد ناعم وحلق واسواره و لبست ساعتها لفت للباب الي يفتح دخل اسامه ابتسم وقرب منها باس جبينها : تسلم يدك نوره : الله يسلمك قعد على السرير نوره : اسامه تاخذني لبيت اهلي اسامه : طيب حبيبتي بس باخذ غفوه اول نوره قعدت جنبه : الحين بياذن العصر صل وعقب خذ غفوه ما كملت كلامها والا صوت اذان العصر يرتفع أسامه وقف راح يتوضأ سكر ازرار ثوبه وعدل شماغه وخذ جواله وطلع للمسجد القريب صلت وسلمت وقفت وهي تتوجه للكبت طلعت لاسامه بجامه انفتح الباب دخل بدل ملابسه وانسدح على السرير : طفي الليت طفت الليت وهي تفتح الباب بتطلع شافت فايز طالع من غرفته ابتسمت وراحت شالته ونزلت بتروح تأكله راحت المطبخ وهي تطلع له اكل بعد ما كملت طلعت وتجمدت وهي تشوف اسماء هاذي كل يوم بتجيهم يالليل النشبه نزلت فايز وهي تمسكه بيده : يا حيا الله من جانا اسماء : الله يحييك نوره : وينك امك ما تجي معك اسماء : كان ودها تجي بس ما قدرت مشغوله اسيل : اشتقت لها والله و لمها اسماء : تعالي بيتنا وهم مشتاقين لك رفعت نوره جوالها وهي تشوف رسايل الجوري ابتسمت وهي تكتب لها اسيل : مو من الذوق تمسكين جوالك وانتي قاعده معنا نوره نزلته : طيب لفت لشذى وهي تشوفها مشغوله مع ملاك لفت لاسماء : اسماء ما انخطبتي نبي نفرح فيك يعني عمرك ٢٤ الي كبرك عندهم عيال اسماء : لا لاحقه على الغثا وعوار الراس وطفل اتم الاحقه ام احمد طالعت اسماء ما عجبها ردها نوره كانت بترد بس سمعت صوت اسامه شذى تغطت ام احمد : ادخل يمه نوره توسعت عيونها وتكلمت بسرعه : اسامه لحظه لفت وهي تشوف عباية اسماء مفتوحه ببنطلونها الضيق وبلوزتها الكت وشعرها الي ماغطته تكلمت بقهر : انتي ما تسمعين أسامه بيدخل تغطي شذى ابتسمت لرد نوره اسماء زفرت بطفش وهي تاخذ شيلتها تلفها على شعرها باهمال وحطت رجل على رجل ام احمد بابتسامه : عادي هاذي النظره الشرعيه نوره وقفت بقهر ومشت وطلعت لاسامه : هلا اسامه بغيت شي اسامه : لا بس كنت بدخل اسلم على الوالده واقعد معكم ليش فيه احد نوره وهي ترفع صوتها : اي عندنا ضيوف ثقيلين على القلب توسعت عيون ام احمد بصدمه وما كانت صدمة اسماء واسيل اقل منها اما شذى كتمت ضحكتها على صدمتهم اسامه طالعها بعتب من كلامها الاخير وبهمس : نوره وش هالكلام كذا نتعامل مع ضيوفنا نوره : المهم اروح اجهز بتوديني لاهلي اسامه : اوكي بس تخلصين اتصلي بروح اقعد بالمجلس مع الوالد نوره : ان شاء الله دخلت وهي تشوف الحقد بعيونهم والقهر : وش الي قلتيه يا نوره اسماء : لا انا انهنت يا عمه مالي قعده هنا نوره : الله وياك يا قلبي اسيل : نوره ما اسمح تكلمين اسماء كذا سامعه نوره ببرود : اوكي سلام يالله فايز فايز وقف وهو يمسك يد امه يروحون يتجهزون اسيل : ما عليك منها مريضه اقعدي خليها عنك اسماء بقهر : عشانك بس شذى وقفت وطلعت ____ عند اسامه وقف قدام بيت اهل نوره طالعته نوره : بنام عندهم اسامه : لا نوره بترجي : اسامه اسامه : الساعه ٩ جاي لك نوره : طيب ما بتنزل اسامه : لا نوره : يعني شلون تجي لعند الباب وما تدخل تسلم اسامه : طيب خلاص بنزل سكر السياره و نزل فتح الباب لفايز شاله و دخلوا طقت نوره الجرس فتح لهم سعد ابتسم بفرح : يا هلا والله فتح الباب اكثر وهو يدخلهم توجه اسامه مع سعد الي معاه فايز لمجلس الرجال سلم اسامه على حسام الي رحب فيه ضمت الجوري : وربي نورتي يالغاليه وين النتفه اشتقت له ضحكت وهي تقعد جنب امها : مع سعد الام : كيفك يمه عساك مرتاحه نوره : الحمدلله الجوري : اهل زوجك شلون هم وياك نوره طالعتها : عادي الا ثريا ما بتجي اليوم الجوري : لا جات امس وقعدنا مع ام سعود سوالفها تونس نوره : اخ يعني فاتتني الجمعه امس الجوري وهي توقف وتروح تجيب لنوره عصير نوره خذت العصير ولفت لامها تسولف معها مر الوقت وما حست فيه وهي قاعده معاهم و انضم لهم ابوها وسعد تحب لمة اهلها بس ناقصهم ثريا في هاللحظه ___ في غرفة احمد شذى : احمد يعني شلون ما تبيني اروح حفلة تخرج اختي احمد ببرود وهو يركب الكبك على ثوبه : ايه مافي روحه شذى : طيب ليش احمد لف لها : كذا قلت لا يعني لا تفهمين شذى : لا ما افهم احمد طالعها وهو ياخذ جواله بتجاهل لكلامها : مع السلامه شذى قعدت على الكنبه بقهر وش بتقول لاختها اذا ما راحت الحفله عضت طرف شفتها بقهر دخلت شيماء تبكي طالعتها : وش فيك شيماء : ماما طلال ضربني شذى وقفت وهو معصبه من احمد نزلت وهو تشوف طلال مسكته من يده : ليش تضرب اختك طلال كان بيتكلم بس خاف من شكل امه هي نادرا تعصب عليهم بتردد : ماما ما خلتني اطالع واشر على التلفزيون اسيل مسكت طلال : شذى وش فيك على الولد شذى خذت نفس : اسيل لا تتدخلين مسكت يد طلال و شيماء ومشت متجاهله كلام اسيل دخلت غرفة عيالها قعدت على السرير وهي تاخذ نفس لفت لهم شافتهم يطالعونها بخوف ابتسمت ومدت يدينها لهم و هما ارتموا بحضنها ___ رن جوال نوره شافت اسامه المتصل وقفت و هي تسلم على ابوها وامها والجوري وسعد لبست عبايتها وشيلتها خذت شنطتها ومسكت يد فايز وطلعت ركبت السياره خلت فايز وراء سلمت ورد عليها السلام وقفت السياره قدام بيت اهل اسامه نزلت دخلت البيت وهي تسلم عليهم وراحت غرفتها فسخت عبايتها وعلقتها توجهت للكبت و هي تأخذ روب نوم ناعم لونه سكري بدلت ولبسته وخلت شعرها مفرود على طوله لاخر ظهرها و رشت عطرها بكثافه لفت للباب الي انفتح دخل وسكر الباب وهو يتأملها انوثتها طاغيه قرب وما نطق بكلمه يطالعها بهدوء و ما يسمع غير دقات قلبه نوره ابتسمت : وش فيك ساكت اسامه ابتسم مد يده لخدها وهو يردد بيت نزار قباني الشهير : فاذا وقفت امام حسنك صامتا فالصمت في حرم الجمال جمال نوره ابتسمت وخدودها توردت باللون الاحمر قربها منه وهو يضمها له ويدفن راسه بشعرها نوره بعدت عنه وهو سحبها بس كانت سحبته لها قويه اندفعت فوقه و هو ما توازن وطاح على السرير وهي طاحت فوقه ضحك عليها : وش هالقوه الي عليك طيحتيني نوره وهي تضربه على كتفه و تبعد وتقعد جنبه : ترى انت الي سحبتني بقوه كنت بتخلع كتفي اسامه ضحك لفت له بابتسامه وهي تتأمل ضحكته قربها وباس جبينها بعمق بعد وهو يشوف لمعة عيونها بحبها له مد يده وهو يدفها لوراء بهدوء لف على طق للباب تأفف طالع نوره الي كاتمه ضحكتها عليه مشى للباب وهو يسمع الطق يزيد فتحه وشاف اسيل معها فايز الي يبكي : نعم اسيل : ولدك يبكي مو راضي يسكت اسامه فتح له الباب ودخل : شي ثاني انسه اسيل اسيل : وش فيك معصب اسامه : لا بالعكس هادي ومروق ضحكت اسيل : اي واضح خلاص سلام اسامه قفل الباب مشى لفايز الي كان قاعد بحضن امه : وش فيه فايز البطل يبكي نوره ضمت فايز : فديت الحلو يا ناس تنام عندي فايز هز راسه بطفوله : اي نوره ابتسمت انسدحت جنبه وغطته اسامه رفع حاجب نوره ضحكت : شفيك اسامه : ابد سلامتك يعني انا اطلع برى نوره : تصبح على خير اسامه ابتسم وقف وهو يفسخ ثوبه و يلبس بجامة لف لها وهو يشوف فايز نايم وهي تلعب بشعره مشى بهدوء وشال فايز اخذه لغرفته غطاه وطلع راح لها وانسدح على فخذها وحط يدها على شعره وهي تلعب فيه فتح عيونه وريحة عطرها تداعب انفه بقوه نوره : اسامه اسامه : عيونه نوره : تحبني اسامه : بجنون نوره تنهدت بعمق و تلميحات امه لها تضايقها اسامه : وش سر هالتنهيده نوره : اذا امك طلبت منك تتزوج واصرت بتوافق اسامه طالعها باستغراب وجلس : ليش هالسؤال نوره امتلت عيونها دموع : لانك تدري من بداية زواجنا وهي مو متقبلتني وتكرهني اسامه ضمها له وتنهد بعمق اي يدري ان امه مو متقبله نوره تبي تزوجه البنت الي تبيها هي ونوره كانت اختياره ____ يوم جديد لابسه فستان اسود طويل مفصل على جسمها الاكمام نازله عن الكتف و يزين عنقها عقد ناعم واذنيها حلقين و اسواره وخاتم و شعرها مرولته وحاطه مكياج خفيف دخل احمد من شافها وقف وهو رافع حاجب : وش قلت انا شذى : احمد لازم اروح تعرف وش يعني حفلة تخرج اختي رن جوالها وكانت المتصله اختها نزلته على الكوميدينه : خلاص اذا ما تقدر توديني بروح مع السواق طالعت احمد وهي تشوفه قاعد على الكنبه يطقطق بجواله تجمعت الدموع بعيونها من تجاهله لها لف لها احمد بعد ما شاف هدوئها وهو يشوفها مقهوره وضاغطه على يدها ودموعها بعيونها اخذ نفس عميق وهو يمشي ويقعد جنبها : طيب خلاص قومي باخذك لاهلك شذى رفعت نظرها لفوق : يعني لازم تكدر مزاجي وتضايقني وش بيصير فيك لو قلت روحي من البدايه احمد ببرود : راح ابدل ملابسي وبس اخلص راح نمشي ما ابي اي تاخير طيب شذى بضيق : طيب لبست عبايتها وشيلتها و طلعت لغرفة عيالها فتحت الباب وابتسمت وهي تشوفهم قاعدين وطفشانين : وش فيهم الحلوين طلال : ماما طفش متى بنروح شذى مشت لشيماء وهي تلبسها الجزمه طالعت لها عدلت شعرها : الحين بنروح طلعت ودخلت غرفتها شافت احمد يعدل شماغه خذت نقابها تلبسه و شالت شنطتها احمد : يالله مشينا __ نزلت نوره من غرفتها وصلت لصاله وهي تشوف اسيل قاعده بروحها : اشوفك قاعده بروحك وين خالتي اسيل رفعت نظرها لها ببرود : راحت زياره نوره : اهااا طالعتها وهي رافعه حاجب باستغراب : اشوفك كاشخه رايحه مكان اسيل من نظراتها : وش قصدك يعني انا دايما مبهذله ما اكشخ الا اذا ابي اطلع نوره صبت لها شاي : مو قصدي كذا بس استغربت اسيل بقهر وقفت : ادري تغارين لاني احلى منك نوره شرقت بالشاي و بعدها ضحكها ملأ المكان وقفت وهي تأشر على اسيل : انا اغار منك على شنو على رشاقتك ولا اخلاقك راجعي نفسك يا حلوه اسيل طالعت وهي ترجف من القهر كلام نوره قهرها تدري انها ميتنه شوي واخلاقها ماله داعي تتكلم فيها وقفت قدامها وهي ترفع يدها بتضربها كف تطلع كل قهرها فيه بس وقفت يدها مرتفعه قبل لا توصل لنوره من صوته : اسيييل انتهى البارت التعديل الأخير تم بواسطة فيتامين سي ; 16-04-22 الساعة 10:06 PM | ||||||||
|
| |
|
01-12-19, 11:50 AM
| #3 | ||||||||
| مراقبة عامة ومشرفة منتدى الروايات المنقولة
| البارت الثاني اسيل قبضت يدها بقوه و قهر و عصبيه اما نوره طالعتها بصدمه اسامه مشى لها ووقف قدامها : احترام زوجتي من احترامي و ما اسمح لأحد يمد يده عليها وبعدين من متى احنا نتعامل بالضرب يا أسيل اسيل : تستاهل هي استفزتني اسامه : حتى ولو ما ترفعين يدك عليها اسيل عضت شفتها تمنع نفسها من البكاء بس سمعت صوت امها من وراها : شفيكم شصاير اسيل ركضت وضمتها الام بخوف : وش فيك يمه اسامه : يمه بنتك قللت من احترام زوجتي شيخه بسخريه : الله والزوجه اكيد هي ساس البلاء ولا بنيتي اعرفها ما تغلط على احد بدون سبب نوره طالعتها بهدوء وماردت ام احمد بحده : عاجبك كذا تبين تفرقين بين الاخوان عسى الله يفكنا منك اسامه : يمه الام : انت اسكت تهاوش اختك وتبكيها عشان هالعقربه زوجتك ايه اكيد ساحرتك نوره شافت اسامه ساكت لفت وهي تمشي وتترك المكان ام احمد ربتت على كتف اسيل : روحي يمه غرفتك اسيل لفت وهي تركض لغرفتها اسامه : يمه الام قاطعته : انقلع من قدامي اسامه تنهد بقهر و ترك المكان وراح لغرفته دخل الغرفه سمع صوت الماء في الحمام اخذ نفس عميق وقعد على السرير طلعت وهي تمسح وجها بالمنشفه شافته وصدت اسامه : وش صار بالضبط نوره ببرود : ولا شي اسامه : نوره نوره قعدت على الكنبه وصدت عنه اسامه بحده : نوره تكلمي نوره طالعته بحده خذت نفس وقالت له وش صار اسامه وهو يمسح على شعره سكت وما رد نوره وقفت اسامه : وين نوره بدون لا تطالعه : باشوف فايز طلعت دخلت غرفة فايز قربت من سريره قعدت جنبه مسحت على شعره باست جبينه انسدحت جنبه ضمته و نزلت دموعها انقهرت من كلام خالتها والي قهرها اكثر سكوت اسامه تدري انه بار بوالدينهم وما يعصيهم هي ما تبيه يرفع صوته على امه ولا يغلط عليها بس عالاقل يدافع عنها حتى لو بكلمه مسحت دموعها وهي تغطي ولدها و غمضت عيونها تهدي نفسها شوي قبل لا تروح الغرفه بس نامت بدون ما تحس في غرفة اسامه نزل جواله وعقد حواجبه نوره تأخرت وقف وطلع من الغرفه مشى لغرفة فايز شافها نايمه بهدوء وهي ضامه فايز تأمل وجها خدودها الحمراء وخشمها باين انها باكيه قرب منها ما حب يزعجها ويقومها انحنى لها وباس جبينها بهدوء لف لفايز باس خده و مشى وقفل الباب ورجع لغرفته ____ فتحت عيونها على يد صغيره تهزها ابتسمت وهي تشوف فايز قدامها فايز : ماما ماما قعدت : هاه ماما تبي شي فايز هز راسه : ابي هم ضحكت وهي تضمه : جوعان حبيب ماما فايز : ايه نوره تلفتت وهي توها تنتبه انها بغرفة فايز خذت نفس وهي ترد : يخسى الجوع حبيبي بس دقيقه وقفت وهي تروح الحمام طلعت وهي تمسح وجها لبست جلالها ومدت يدها له : يالله فايز مسك يدها وطلعت من غرفته ونزلت دخلت غرفة الطعام وهي تسلم مشت لابو احمد وهي تسلم على راسه : اخبارك يا خالي ابو احمد ابتسم : الحمدلله وقف : يالله انا مسافر توصون على شي نوره : نبي سلامتك وتوصل بالسلامه يارب ابو احمد ابتسم شال فايز وباسه نزله : فمان الله ردوا : مع السلامه فايز قعد جنب اسامه على طاولة الاكل ونوره قعدت تاكل بهدوء بعد ما خلصت لفت لصاله و قعدت على الكنبه قدام اسامه الي قاعده جنبه امه بعد ما فضت الصاله نوره : اسامه متى راح نطلع لبيتنا المستقل ام احمد بصدمه : اسامه ناوي تطلع من البيت نوره ابتسمت على جنب وبتفاجئ : ما قلت لخالتي اسامه لف لها بدهشه شد قبضة يده وهو يشوف ابتسامتها ام احمد : لا والله مالك طلعه من هالبيت وادري هالعقربه هي الي فرت راسك لفت لنوره بحده : سمعيني عدل عيالي ما يطلعون من هالبيت عجبك زين ما عجبك روحي الله لا يردك والله لازوجه الي احسن منك لفت لاسامه : وانت اي شي تقول له لك تقول حاضر خبل ما عندك شخصيه اسامه طالع نوره بنظرات خلها ترجف اول مره تشوفها : يمه وش هالكلام الام : وانا صادقه اسمعني خلاص انا كلمت خالتك وقلت لها ابي اسماء لك اذا تبي رضاي لا تفشلني قدامهم نوره طالعته و هي منتظره جوابه اسامه : طيب يمه سوي الي تبين انصعقت حست الدنيا تدور فيها و بدت تضبب الرؤيه عندها غمضت عيونها وهي تحس بجسمها حار مع انه المكيف شغال وقف اسامه بخوف عليها وقعد على ركبه قدامها : نوره انتي بخير نوره طالعته وبصوت يرجف : بعد عني اسامه لف وهو ينادي الخدامه تجيب لها اكل مالح بعد ما عرف انه انخفض ضغطها جابت الخدامه الاكل اسامه مسك يدها وتوه بيتكلم نوره سحبت يدها بعصبيه : ما ابي منك شي وخر عني لا تلمسني تفهم اسامه اخذ نفس عميق : طيب قومي بوديك غرفتك ترتاحين نوره وقفت وهي تعدل جلالها : قلت لك وخر عني و الحين توديني بيت اهلي ما راح اقعد دقيقه وحده هنا ام احمد تطالعهم وما نطقت كلمه دخلوا احمد و شذى و شيماء وطلال احمد : وش فيكم من الصبح وش هالصراخ نوره مشت وهي مو قادره تتوازن من الدوخه كانت بتطيح بس مسكها اسامه احمد : عسى ماشر اسامه : تعبانه شوي احمد : ما تشوفين شر يا ام فايز نوره وهي ترجف : الشر ما يجيك سحبت يدها ومسكت بالكنبه جات شذى مسكتها نوره بهمس : ابي اروح غرفتي شذى : طيب اسامه طالعها لما اختفت من قدامه اشر للخدامه تودي لها الاكل الام بلا مبالاه : دلع مافيها شي اسامه قعد وهو ماسك راسه : عاجبك يمه الي صار انتي تعرفين اني احبها وما ابي غيرها ابي افهم ليش تكرهينها عشاني اخترتها ما تبي سعادتي يمه الام ببرود : من البدايه قلت لك زوجتك انا بختارها لك و قلت لك بخطب لك اسماء كامله والكامل الله جمال و اخلاق وادب بس انت رفضت و تدخل ابوك وخطب لك هالحيه وانا ما ابيها ما تقبلتها زوجه لولدي شوف احمد اخوك خطبت له شذى وعايش مرتاح معاها احمد وقف : انا تأخرت على الشغل اسامه مو رايح الشركه اليوم اسامه : بس اوصل نوره لاهلها و جاي احمد عقد حواجبه : طيب ___ عند نوره مو مصدقه الي قاله اسامه وان الي خايفه منه بيصير شذى قعدت جنبها : وش فيك نوره بتعب : انخفض ضغطي بس شذى باستغراب: ليش نوره بغصه : بتزوجه شذى طالعتها بصدمه لفت على صوت الخدامه خذت الاكل منها : طيب كلي عشان صحتك نوره : ما ابي عطيني عبايتي مستحيل اقعد هنا بعد الي صار وقفت شذى وهي تتنهد خذت العبايه ومدتها لها مسحت نوره دموعها الي نزلت مدت يدها وهي تاخذ الملعقه تاكل غصب علشان تخف الدوخه وتقدر تطلع من هالبيت وسندت راسها على السرير وشذى تطالعها بحزن فتحت عيونها : مشكوره وقفت وهي تلبس العبايه و تاخذ شيلتها خذت جوالها ونقابها دخل اسامه وشذى طلعت نوره مشت من قدامه بهدوء ما عطته فرصه يتكلم ضرب الجدار بقبضة يده بقوه قفل الغرفه ولحقها مسكت بدرابزين الدرج وهي تمشي بخطوات بطيئه طلعت لصاله تكلمت وهي تحاول يطلع صوتها طبيعي : فايز ماما تعال ركض فايز لامه و طلعوا وقف سيارته قدام بيت اهلها نوره مسكت شنطتها وببحة : اثبت لي انك تحبني بالحيل يا اسامه لفت له وهو ما طالعها ابد : اذا انا قصرت معاك بشي او منعتك من شي ما راح ارفض زواجك علي بس انا ما عمري قلت لك لا ولا قصرت معك باي شي واذا سويت الي تبيه امك و تزوجت اسماء رسل لي ورقة طلاقي لاني مستحيل ارضى تجيب علي وحده يالله فمان الله فتحت الباب لف لها بيقول لها انها اول انثى بحياته وان عشقها لدرجة مو طبيعيه بس اكيد ما راح تسمعه صوت الباب الخلفي يتقفل سند راسه على الدركسون بضيق رفع راسه وحرك سيارته باتجاه الشركه دقت الجرس فتح لها سعد : نوره يا هلا والله وغلا شال فايز وهو يبوس خده شالت نقابها ودخلت شافتها امها بدهشه من شكلها وابوها طالعها بخوف مشت لها امها : نوره حبيبتي وش فيك نوره ضمت امها وبكت بصوتها الجوري ما قدرت تمسك نفسها وهي تشوف اختها تبكي بهالطريقه ونزلت دموعها حسام حط يده على كتف نوره : تكلمي يا بنتي وش صاير معك يا روح ابوك سكت شوي : اسامه ضربك نوره بعدت عن امها هزت راسها بلا الام مدت يدها وهي تمسح دموع نوره بيدها : الجوري جيبي لاختك مويه سعد واقف مصدوم من بكاء اخته قعد على الكنبه وهو يعطي فايز كاكاو كان على الطاوله في الصاله وقعده جنبه الجوري عطتها كوب الماء امها : يمه شربي واهدي لا تسوين في نفسك كذا وتتعبين نوره نزلت الكوب بعد ما شربت : اسامه حسام : ايه وش فيه نوره خذت نفس عميق : بيتزوج علي الجوري بصدمه : نعم !! امها ضمتها ابوها تنهد : هو الخسران يا بنتي وين بيلقى وحده مثلك الام : الجوري خذيها الغرفه ترتاح دخلت الغرفه قعدت على السرير ضمت رجولها لصدرها ساكته وسرحانه الجوري وقفت خذت عبايتها وشيلتها بتروح الجامعه بقى ربع ساعه على محاضرتها جلست جنبها ما تدري شلون تخفف عنها : حبيبتي لا تضايقين نفسك صدقيني بيندم باست راسها انا بروح الجامعه لا تشغلين بالي عليك نوره : طيب ركزي بمحاضرتك الجوري : مع السلامه نوره خذت نفس : الله وياك دخل فايز ركض لها نوره : وين سعد سعد دخل نوره : ابي باندول وخذ فايز معاك بنام سعد : اوكي راح جاب لها باندول وكوب ماء وطلع فايز معاه خذت حبة الباندول انسدحت على السرير تغطت و دموعها نزلت من جديد وهي تتذكر " أسامه : احد عنده نوير ويفكر بغيرها نوره : اذبحك قبل لا تفكر اسامه ضحك : حلالك نوره ابتسمت اسامه : عسى دوم هالابتسامه نوره : بوجودك حبيبي اسامه ضمها من اكتافها : ويلوموني فيك نوره : اسامه اخاف يجي يوم تتغير علي وتجرحني اسامه : أذي نفسي و لا تنزل دموعك بسبي وربي ان حبك تربع وسط قلبي مستحيل اذيك يا روحي " نوره انهارت بس ما وفيت بوعدك يا اسامه هذاني ابكي بسببك صح ما عمرك اذيتني بس هالمره كانت عن الف مره ذبحتني هدت انفاسها وبدت تنتظم و نامت ____ رجعت اسيل من الجامعه دخلت : السلااام عليكم ردوا عليها السلام باست شيماء و طلال لفت بابتسامه : وين فايز الام شيخه : محد اسيل قعدت : طلعوا بس شفت سيارة اسامه برى شيخه لفت بابتسامه : لا تركت البيت اسيل بدهشه : ليش ضحكت شيخه : لان اخوك وافق يتزوج اسماء اسيل توسعت عيونها : لا يمه تمزحين شيخه : لا هذا الي صار اسيل ضحكت : لا لا ما صدق ان اسامه بيتزوج اسماء شذى طالعتهم بهدوء خذت نفس عميق ورفعت جوالها تطقطق فيه الي يصير مو عاجبها بس ما بيدها حيله ____ دخلت ثريا بيت اهلها و هي تسلم بس تفاجأت فيهم باين متضايقين ثريا : وش فيكم قربت من امها وابوها سلمت عليهم وهي تسلم عليهم لفت للجوري الي وقفت تسلم عليها ابتسمت وهي تشوف فايز : قعدت جنبه يازينه الحلوو اذا فايز هنا طيب وين نوره الام : فوق نايمه ثريا عقدت حواجبه : نايمه فيها شي سعد : ايه جتنا تبكي وحالتها حاله طالعه ابوه وسكت سعد وقف : انا بطلع حسام : اوكي لا تبعد ماجد : فايز تعال العب معنا فايز وقف بسرعه : يالله وراح مع ملاك يلعبون ثريا : يبه يمه وش فيها نوره تكلمت امها : اسامه خطب ثريا ضحكت بصدمه : اسامه خطب ما صدق هو يموت في نوره قولي غيرها يمه الجوري : مع الاسف هذا الي صار ثريا طالعتهم بعدم استيعاب الام : من لما وصلت وهي فوق ما كلت شي و نايمه ثريا بقهر وقفت : انا بروح اشوفها مشت ثريا وقفت قدام الغرفه فتحتها بهدوء وهي تشوف الغرفه مظلمه فجأه شهقت نوره وهي تقعد من نومها وتتنفس بسرعه ثريا شغلت الليت وراحت لها قعدت جنبها وضمتها : بسم الله عليك نوره : تعبانه يا ثريا تعبانه حيل ثريا بضيق : بسم الله عليك من التعب ياروح اختك نوره بهدوء : بكل سهوله قال موافق ما رفض ما حاول يقنع امه ويقول لها ما ابي غير نوره زوجه لي وافق على طول وكأنه ما صدق ان امه تبي تزوجه اسماء آه يا ثريا قلبي يوجعني حيل ثريا ضمتها اكثر وهي تسمع كلامها ما قاطعتها نوره : طيب ليه انا تحملت اهانات امه واخته ٣ سنين عشانه وهو عشان امه تكرهني وتحب بنت اخوها يقول لها طيب بس هو خسرني يا ثريا انا مستحيل ارجع له ثريا : سلامتك قلبك من الوجع عساه بلي يكرهونك الله لا يوفقه ولد امه والله ما يستاهلك نوره غمضت عيونها بقوه : لا تدعين عليه يا ثريا ثريا بقهر : الا حسبي الله عليه هو واهله يالله قومي توضي وصلي وانزلي تحت ترى جايبه لك اكله من الي يحبها قلبك ابتسمت نوره ابتسامه شاحبه : طيب ثريا وقفت : يالله انتظرك لا تتاخرين ____ عند اسامه دافن راسه بمخدتها انطق الباب ودخلت امه وهو ما تحرك قربت منه : اسامه اسامه رفع راسه وتعدل ناظرها و عيونه حمراء شيخه : وش فيك اسامه بضيق : نوره راحت مني يمه شيخه : خلها كم يوم و بترجع اسامه : ما اضن شيخه : خلنا من نوره بكرا تجهز بنروح لبيت خالك ونخطب لك اسماء اسامه بنرفزه : الله ياخذ هالأسماء انا مدري ليش مصره اخذها يمه عندك عبدالعزيز زوجيه شيخه بهدوء : صدقني اسماء تناسبك حيل يمه وراح تنسيك نوير و بعدين عبدالعزيز صغير وللحين يدرس اسامه ضحك بسخريه : تنسيني من هه مستحيل و لعلمك انا ما راح اتخلى عن نوره هي حبيبتي وام ولدي شيخه : طيب يلا قوم الحين بيأذن العشاء اسامه هز راسه : ان شاء الله ___ نوره نزلت تحت عندهم تسمع سوالفهم و ساكته وفي يدها كوب عصير فراوله الجوري تربعت : ما سمعتوا شصار في بيت ام سعود نوال الام : لا شصاير الجوري : سمعت ان شركة سعود فلست واعلنت افلاسها ثريا : قولي والله مسكين تعب حيل على هالشركه نوال : الله يعينهم الجوري : الي يضحك بالسالفه عبير الي كل سنه مسافره دوله وتجي تغثنا بكلامها ووصفها و طلعات و حفلات هههههه والحين وش بتسوي ثريا ضحكت : شكلك حسدتيها الجوري : انا حرام عليك نوره ابتسمت وهي تشاركهم السوالف : لا تتشمتين فيها ما يجوز الشماته ثريا : بعدين احسن خليها تقابل عيالها وتهتم فيهم ام سعود صايره لهم ام اكثر منها نوره : الله يعطيها العافيه الجوري : انا بقوم اجيب الحلا و القهوه وراحت المطبخ نوره : يمه شفتي فايز نوال : ايه مع ابوك في مجلس الرجال نوره قامت تبي تشوف فايز اهملته اليوم : في احد عنده نوال : ما اضن شكله بس سعد اخوك نوره : طيب بروح لهم ومشت الجوري نزلت الصينيه الي في الحلا ودلة القهوه : وين راحت نوير نوال : راحت تشوف فايز في المجلس شهقت الجوري لفوا عليها ثريا و امها الجوري : يمه عند ابوي رجال في المجلس توه قبل شوي طلب اجيب القهوه والشاي ثريا : غبيه وليش ما قلتي لنا الجوري : نسيت ___ عند نوره دخلت المجلس بابتسامه وهي تشوف فايز يلعب مع سعد : السلا.... انخرست فجأه وهي تشوف رجال قاعد مع ابوها شهقت و طلعت بسرعه اما هو طالعها اول ما دخلت ونزل نظره بسرعه سعد فز واقف وطلع بعصبيه رغم صغر سنه : وش فيك مدرعمه كذا للمجلس محد قال لك ان سعود موجود نوره باحراج عضت شفتها : والله ما كنت ادري سألت امي قالت محد سعد : طيب وش تبين نوره : اوف سعد تكلم عدل لا اصكك كف الحين سعد : اقول اخلصي وش تبين نوره : قلت سعود ابو عبدالله جارنا سعد : ايه هو نوره حكت راسها باحراج توهم كانوا يحشون بزوجته سعد بهمس : نوره نوره : ابي فايز جيبه لي سعد : طيب دخل المجلس وسعود وقف : انا استأذن يا عم ابو سعد : وين اقعد تو الناس سعود : الجايات اكثر يا عم ابو سعد : اشوفك على خير سعود : ان شاء الله سعد مسك يد فايز : مع السلامه نوره رجعت على وراء بسرعه بعد ما سمعت صوته الرجولي الفخم شافت سعد طلع وجاب فايز لها شالته وباست خده : فديت الحلو ودخلت البيت ____ شيخه : اسيل روحي شوفي اخوك تأخرنا اسيل : اوكي مشت لغرفته طقت الباب جاها رده : تفضل دخلت وهي تشوفه يعدل شماغه : يالله خلصت اسامه وهو يلف لها بجمود : مو الاحسن ننتظر ابوي ابي افهم ليش مستعجلين اسيل وهو تشوف تعابير وجه اخوها : هي كلها خطبه بس و ماراح تملك الا وابوي موجود اسامه رفع حاجب : وليكون تبون الملكه قريب اسيل : اكيد نبي نفرح فيك اسامه : لا جد مشكوره فرحتي فيني مره ويكفيني اسيل : اووف طيب يالله تاخرنا ولما نوصل ابتسم لا تم مكشر كذا اسامه : لا جد الي يسمعك يقول خاطبها لاني ميت فيها اسيل بضيق : اسامه وش ذنب البنت اذا ما تبيها لا تظلمها معك اسامه طالعها واخذ نفس : يالله امشي اسيل : اسامه هذا زواج مو لعبه اسامه : اسيل مو وقتك ما ابي افشل امي واحطها بموقف بايخ اسيل تنهدت وابتسمت : الله يوفقك نزلت ونزل معها اسامه طلع وهو يركب سيارته و ركبت معه امه واخته واحمد اخوه لحقهم بسيارته ____ في بيت اول مره نروحه رفع نظره لها وهو يشوفها تحط طلاء الاظافر على اظافر يدها طالعته وهي تقول : ابي فلوس بطلع المول سعود : وين الي عطيتك امس مسرع خلصتيهم عبير وهي تطالع اظافر يدها : خلصوا عندي عرس بكرا وشريت الي ناقصني سعود : عبير لازم ما تصرفين كثير لان انا ما عاد عندي الا الي يكفينا هالشهر واقعدي اهتمي بعيالك احسن لك عبير ببرود : يعني شلون ما راح تعطيني فلوس اروح المول مع البنات و للحين ما كملت الاغراض الي احتاجها سعود طالعها وهو ما يبي يرفض لها طلب آه بس لو تدري بحبه لها اخذ بوكه وهو يعطيها الي تبي عبير وقفت وهي تاخذ الفلوس وبغرور : يالله سلام حبيبي مشت تنهد وهو يطالعها ابتسم وهو يشوف عبدالله يركض له ووراه محمد الاصغر منه عبدالله عمره ٤ سنين : بابا تودينا الالعاب محمد اصغر منه بسنتين : ايه بابا يالله نلوح ابتسم سعود : طيب بس اروح ابدل و نطلع صرخوا بفرح وهو ضحك عليهم ___ في بيت ابو سعد نوال : يا هلا والله بام سعود ام سعود وهي تسلم عليها : اخبارك نوال : بخير والحمدلله دخلت وابتسمت وهي تشوف نوره سلمت عليها وعلى الجوري نوره طالعتها وهي تتذكر التهزئه الي خذتها من ابوها بعد ما دخلت عليهم ابتسمت : كيف حالك يا خاله ام سعود : الحمدلله انتي كيفك وجهك شاحب نوره : مافيني شي بس شوي تعبانه ام سعود : سلامتك يا بنتي نوال : وين عبدالله ومحمد ام سعود : طلعوا مع ابوهم نوال ابتسم : الله يحفظهم ام سعود : امين ___ عند اسامه ما صدق متى طلعوا من بيت خاله كان قاعد يبتسم مجامله ويالله قدر يتكلم بعد ما تكلم احمد وبين انهم جايين يبون اسماء له يحس وهو قاعد معهم انه في شي كاتم على صدره بقوه ومو قادر يتنفس اخذ نفس بقوه و هو بالسياره بعد ما رجعوا اهله بسيارة احمد وقف السياره على جنب وهو يرفع جواله محتاج يسمع صوتها اتصل عليها ما ردت اتصل مره ومرتين وثلاث وما جاه رد رمى جواله على الكرسي الي جنبه وسند راسه لوراء وغمض عيونه بهدوء فتح عيونه رفع راسه وهو يشغل السياره ويحرك بعد دقائق وقف سيارته لف وهو يشوف بيت ابو سعد طفى السياره وطلع مشى مد يده وهو يرن الجرس فتح له حسام طالعه و بهدوء : تفضل حياك الله اسامه قرب وهو يسلم على راسه : زاد فضلك والله يحييك كيف حالك يا عم حسام و هو يمشي للمجلس : الحمدلله من الله بخير اسامه عرف ان زعلان منه دخله المجلس رفع نظره بعد ما طال الصمت بينهم اسامه : ممكن يا عم اشوف نوره حسام : ليش انت ما وفيت بوعدك لي قلت وعد يا عم ما ابكيها وبكيتها اسامه بهدوء : ما غلطت ولا رحت بالحرام حسام مسك دلة القهوه وهو يصب له مد الفنجان اسامه اخذه بهدوء وقف حسام بس شاف سعد داخل ووره فايز الي من شاف ابوه ركض له سعد ونظراته احتدت : وش جايبك مو كفايه الي سويته فيها تبي تضايقها اكثر اسامه رفع نظره له حسام : سعد روح ناد اختك سعد : بس يبه قاطعه ابوه : سعد خلاص روح سعد طالع اسامه بكُره ومشى دخل البيت و هو ينادي نوره انحرج وهو يشوف ام سعود : اخبارك يا خاله ام سعود ابتسمت : بخير انت اخبارك سعد : الحمدلله لف لنوره : تعالي ابيك وقفت نوره ومشت له : وش تبي سعد : اسامه بالمجلس نوره جمدت ملامحها و بلعت ريقها سعد مشى : تعالي شوفي وش يبي نوره خذت نفس ولحقته دخلت نوره وهي تسلم رفع نظره لها وهو مشتاق لها حيل حسام وقف طلع ومعاه سعد اسامه نزل فايز بالارض ووقف نوره ببرود تطالعه قرب منها وهو يقول : اشتقت لك ليش ما تردين على مكالماتي نوره : ما سمعته ، وش صار على موضوع الخطبه اسامه : نوره انتي تدرين اني احبك وما احب غيرك نوره بانفعال : لا انا ادري الي يحب ما يجرح الي يحبه وانت جرحتني اسامه بضيق : غصب عني نوره ضحكت بسخريه : لا جد يا حرام مسكين طلعت مغصوب خبري في الحريم ينغصبون بس اسامه قبض على كف يده بقوه ونظراته احتدت نوره رجعت لوراء بخوف من نظراته الحاده اسامه بقهر : ابشرك اليوم رحت خطبت اسماء و بس انتظر الوالد يرجع من السفر عشان نملك والي ابي اسمعه منك مبروك حبيبي نوره وكأنه مويه بارده انسكبت فوقها تجمدت وهي تطالعه تتمنى يقول انا امزح يقول ما صار شي من الي قلته وبسخريه وهي من داخلها تحترق : مبروك حبيبي بلعت ريقها طيب خلاص يا اسامه طلقني من باعني برخيص بعته برخص التراب اسامه انصدم نوره الي يعرفها ما تعرف تقسى اما الحين حتى كلامها صار قاسي مسك يدها : ما بعتك انا للحين شاريك نوره سحبت يدها : واضح مرره يا اسامه انك ما بعتني المهم الي ابيه الحين تطلقني وبس اسامه مسكها من كتوفها بعصبيه : عشم ابليس بالجنه اطلقك يا نوره فاهمه نوره رفعت نظرها له وجات عينها بعينه والدموع الي قاومتها نزلت اسامه وهو يشوفها تبكي حاوطها بيديه و ضمها وتنهد بعمق نوره دفته عنها وبصوت يرجف : انا ما اقدر اشوفك مع اسماء ما اقدر اتخيلها بحضنك وما اتحمل تشاركني فيك طلعت لخارج المجلس تركض وهي تبكي لف يطالع فايز بعد ما تذكره ما حصله طلع برى وهو يشوفه مع حسام الي يطالعه بجمود بعد ما شاف نوره طالعه من عنده وهي تبكي اسامه انحنى لفايز الي جاء شاله و ضمه وهو يشم ريحة امه فيه باسه بخده نزله : عن اذنك حسام بجمود : الله وياك ____ دخلت الغرفه سكرت الباب مشت لسريرها ارتمت عليه وهي تبكي بألم والله تحبه بجنون وغيوره عليه بشكل مو طبيعي و الطلاق احسن حل لهم دخلت الجوري الغرفه انصدمت ركضت لها : نوره وش فيك نوره رفعت راسها له : طلبت الطلاق الجوري انصدمت خذت نفس : متأكده من قرارك نوره قعدت وهي تهدي نفسها وقفت وهي تمشي للحمام : ايه متاكده الجوري تنهدت بضيق وهي تطالعها ____ دخل البيت ابتسم تقدم باس راس امه : اخبارك يالغاليه ام سعود : الحمدلله سعود : وين عبدالله ومحمد ام سعود : اتوقع يشوفون التلفزيون سعود : عبادي حمود عبدالله ومحمد طلعوا من الغرفه يركضون حضنهم : وش كنتوا تسوون عبدالله : نشوف التلفزيون سعود : ليش ما نمتوا عبدالله : كنا ننتظرك الام : تعشيت يمه سعود : لا والله يمه جوعان حدي وقفت الام : بروح اجهز العشاء مع ساندي سعود : الله يعطيك العافيه لف لعبدالله : وين امك عبدالله هز اكتافه : ما ادري سعود وهو يقعد محمد بحضنه : ما جات للحين عبدالله : ايه سعود مسك جبهته : لا صايره ما تقعد في البيت طول وقتها طالعه شاف ساندي وهي تجهز العشاء تعشوا يش خلص وقف و هو ياخذ عياله لغرفتهم بعد ما غسلوا كل واحد انسدح على سريره وغطاهم وطلع نزل تحت وقعد مع امه وهو ينتظر عبير تشرف سعود وهو يشوف الوقت تأخر وقفت امه : تصبح على خير يمه لفوا لصوت الباب يفتح وقف سعود بعصبيه : وين كنتي لهالوقت يا مدام عبير وهي تطالع سعود وامه : كنت مع صديقاتي متجمعين عاد مع السوالف ما حسيت بالوقت سعود مشى ومسك يدها بقوه ولفها له : طلعاتك كثرت يا عبير ناسيه ان وراك بيت وعيال عبير سحبت يدها : لا مو ناسيه و انا وحده احب اطلع واستانس وانت تعرف هالشي ام سعود : عبير بس مو كذا خففي من طلعاتك عبير : ان شاء الله بحاول مشت ام سعود لغرفتها سعود : اسمعيني عدل ان طلعتي بكرا من الييت يا ويلك ، والله ياعبير اذا تأخرتي لهالوقت مره ثانيه ما راح يحصل لك طيب عبير : لا احبسني في البيت احسن سعود دفها عنه : الي عندي قلته وراح للغرفه طالعته بقهر ولحقته ____ اسامه في الشركه قاعد على الحاسوب ويراجع كل شي رن جواله لف يشوف من ابتسم وهو يشوف الرقم دولي رد : هلا والله بعزوز وينك يالقاطع ما تتصل ولا تسال عبدالعزيز : انا القاطع ولا انت المهم اخباركم امي كيفها واحمد واسيل وابوي وفايز هالنتفه وشيماء وطلال والله وحشتوني حيل اسامه : كلنا بخير انت طمني عنك عبدالعزيز : الحمدلله اسامه : ما راح تجي وحشتنا والله عبدالعزيز : ان شاء الله بعد بكرا اكون عندكم اسامه : جد حجزت عبدالعزيز ضحك : ايه بس ابيها مفاجأه و انت تعال استقبلني بالمطار اسامه ضحك : ابشر ولا يهمك بس علمني متى بتوصل عبدالعزيز : طيب مع السلامه اسامه : بحفظ الله نزل جواله وكمل شغله بعد ما خلص وقف وهو ياخذ جواله ومفتاح سيارته و نظارته الشمسيه وطلع وقف قدام بيتهم دخل البيت بابتسامه : السلام عليكم وقف وهو يشوف ابوه قرب منه وباس راسه : الحمدلله على السلامه يالغالي صالح : الله يسلمك اسامه : متى جيت يبه صالح : توني واصل قبل ساعه وين نوره وفايز مو شايفهم اسامه اختفت ابتسامته شيخه : راحت بيت اهلها صالح : اها طيب روح جييهم والله مشتاق اشوف فايز اسامه بهدوء : نوره تركت البيت يبه وطالبه الطلاق صالح بصدمه : ايش نوره طالبه الطلاق ليش وش مسوي في بنت الناس شيخه : ما سوى فيها شي راح يتزوج والشرع محلل له اربع صالح : بتتزوج عليها بشنو قصرت عليك نوره شايلتك فوق راسها بس انت ما تستاهلها اسامه : يبه هي ما قصرت بس انا ابي اتزوج اسماء صالح بدهشه: اسماء مو كنت رافضها ليش الحين وافقت عليها و تبي تخرب بيتك بنفسك اسامه طالع امه شيخه تكلمت : انا ابي له اسماء بنت اخوي ماشاء الله عليها كامله والكامل الله مو ناقصها شي وولدي بعد مو ناقصه شي صالح بانفعال : الا ناقصه عقل يفكر فيه والا احد يترك نوره البنت ما في مثلها ادب واخلاق بس دام هي تبي الطلاق طلقها تشوف نصيبها مع واحد يقدرها احسن منك و طلع من الصاله اسامه حس بقهر من كلام ابوه وخاصة اخر كلامه لف لامه : نوره لي ما راح اطلقها ولا بياخذها غيري شيخه بتأفف : جننتنا بهالنوره طلقها فكه منها اسامه مشى وهو معصب حيل وطلع من البيت وقفل الباب بأقوى ما عنده ركب سيارته وحرك للاستراحه عند اصدقائه ____ الجوري وهي تمشط شعرها لفت لنوره الي ماسكه جوالها : نوير وش رايك نروح السوق ونشتري كل الي خاطرنا فيه ونتغدى برى نوره طالعتها بهدوء : مالي خلق الجوري : يالله نوير والله ابي اشتري اغراض ناقصتني ونستانس نوره : طيب خلاص لا تحنين الجوري : ولدك هالنتفه لا تجيبنه خليه في البيت ما اعرف اختار على راحتي ضحكت نوره : طيب الجوري : ايه اضحكي يا زينك بس نوره : من بيودينا الجوري : باروح اقول لابوي نوره : طيب توجهت للكبت وطلعت لها ملابس بدلت سرحت شعرها ورفعته خذت عبايتها وشيلتها و نقابها و طلعت مرت على غرفة سعد ابتسمت وهي تشوف فايز نايم بهدوء راحت له غطته وباست جبينه وطلعت من الغرفه نزلت و خلت الي بيدها على الكنبه وقعدت جنب امها ضمتها : كيفك يا اغلى ام ابتسمت أمها : بخير ولله الحمد وين رايحه نوره : مدري الجوري تبي تطلع و تبيني اروح معاها الام : طيب حبيبتي روحي ولا تشيلين هم فايز نوره ابتسمت بحب : الله لا يحرمني منك الام :آمين ولا منكم يا روحي دخلت الجوري : يالله ابوي قال بسرعه اجهزوا وسعد بيجي ويانا نوره : طيب يالله روحي البسي الجوري :راحت تركض نوال : الله يهديها نوره حطت راسها على كتف امها : يمه تعبانه نوال بخوف : بسم الله عليك اذا تعبانه ماله داعي تروحين بتتعبين زياده نوره : يمه احس جسمي حار نوال حطت يدها على جبين نوره : لا اوكي حرارتك مو مرتفعه يا قلبي روحي غيري جو مع اختك واستانسي نوره باست راسها ووقفت : ادعي لي يمه نوال : الله يوفقك يمه ويسعدك ويبعد عنك كل ضيق و حزن لا اله الا الله سبحانك اني كنت من الظالمين | ||||||||
|
| |
|
01-12-19, 09:54 PM
| #4 | ||||||||
| مراقبة عامة ومشرفة منتدى الروايات المنقولة
| البارت الثالث ابتسمت نوره وهي تلبس عبايتها وشيلتها ونقابها الجوري نزلت بسرعه :يالله مع السلامه يمه نوال : بحفظ الله ___ قاعده حاطه رجل على رجل وفي بيدها كوب قهوه واليد الثانيه الجوال رفعت نظرها لمحمد الي جاي يبكي : حمود شفيك شصاير محمد : ماما ابود عبير ببرود : عبود عبدالله جاء : نعم عبير : وش فيه اخوك عبدالله : ماما يبي كاكاو عبير وهي ترفع كوب القهوه وترتشف : وليش ما تعطيه وياك عبدالله : عطيته وخلص عبير : خلاص ماما راح اقول لبابا يجيب لك وياه محمد : لا لا ابي كاكاو عبير تأففت ام سعود دخلت الصاله : وش فيك محمد تبكي محمد ركض لجدته ضمها قعدت على الكنبه ورفعته عبدالله قعد جنب جدته لفت له جدته : وش فيه اخوك عبدالله : يبي كاكاو ماما انا بروح العب بسيكل عبير : طيب بس لا تبعد عن البيت ام سعود : لا يمه لا تطلع الشارع العب في الحوش عبير عاد شلون تخلينه يطلع الشارع يلعب بروحه عبير : عادي عبدالله شطور صح ما يبتعد ولا يروح مع احد عبدالله ابتسم : ايه صح حمود وقف وهو يلحق اخوه ام سعود تنهدت وهي تدعي الله يحفظهم ____ في المول نزلهم الاب وراح وبقى معهم سعد الي طفش وتعب وهو يمشي معهم وقفت نوره وهي تشوف فستان عجبها مدت يدها بتاخذه بس في يد سبقتها وهي تاخذه لفت لها بقهر توسعت عيونها وهي تشوف اسيل جايه للبنت سمعت صوتها : اسيل شرايك فيه حلوو صح اسيل : اسوم يجنن وبيطلع عليك احلى نوره وهي تطالعها بنظرات حاده ودها تعطيها كف : وانتي بس متعوده تاخذين الاشياء الي يبونها غيرك لفت اسماء رافعه حاجب : عفوا اما اسيل طالعتها بهدوء الجوري جات وهي تشوف اختها عند بنتين واقفه راحت لها : نوره يالله نطلع نوره : دقيقه بس مشت لاسماء وهمست لها : مسكينه اذا تتوقعي ان اسامه ميت فيك لان عقله وقلبه معي انا وراح تشوفين بنفسك سلام يالله الجوري وطلعت مبتسمه واسماء قبضت كف يدها بقوه و بقهر رمت الفستان الي بيدها و مشت اسيل توسعت عيونها بصدمه خذت الفستان رجعته مكانه ومشت بخطوات سريعه وراء اسماء : اسماء لحظه مسكتها وهي تتنفس بسرعه : تعبتيني وراك وش فيك معصبه وش قالت لك نوره اسماء والدموع تجمعت بعيونها طالعت اسيل : اسيل اسامه خطبني بقناعه هو يبيني اسيل توسعت عيونها ما تدري وش تقول لها بلعت ريقها : اكيد لو ما يبيك ما خطبك ما عليك من كلام نوير هي غيرانه منك اسماء وهي تحاول تصدق كلام اسيل اسيل : تعالي نقعد في الكوفي و نطلب لنا اسماء ابتسمت بهدوء : طيب ___ عند نوره الجوري : اشوفك روقتي نوره ابتسمت : يعني مو عاجبك الجوري : لا اكيد عاجبني عسى دوم نوره : تعالي محل الساعات سعد بطفش : تعبت متى راح تخلصون نوره : خلاص هالمحل ونخلص سعد زفر : اوف واخيرا ____ واقف في المطار وهو ينتظر اخوه بشوق واخيرا طلع شافه اسامه ابتسم وهو يقرب منه وحضنه : هلا والله هلا بالغالي نورت المملكه بوجودك والحمدلله على سلامتك عبدالعزيز وهي ياخذ شنطته : منوره باهلها و الله يسلمك وحشتوني حيل اسامه : والله وانت اكثر يالله امش عبدالعزير : ما قلت لاحد اسامه بابتسامه : ايه محد ابتسم عبدالعزيز : حلوو يالله دخل الشنطه وراء وحرك اسامه السياره متجه لبيت دخل البيت وهو يسلم طالع الكل موجود في الصاله : عندي لكم مفاجأه اسيل : وش المفاجأه اسامه طالع لوراه وهو يقول ادخل دخل عبدالعزيز وقفت امه بفرح قرب منها وباس راسها و يدها وسلم على ابوه واحمد اسيل ضمته بقوه : اشتقت لك فجاه شاف طلال يركض له فتح يدينه وهو يحضنه شاف شيماء الي لاصقه بأمها ورافضه تجي له ضحك وقعد يسولف معاهم الام : كم بتقعد يمه عبدالعزيز : اسبوعين شيخه : زين بتحضر ملكة اخوك عبدالعزيز بصدمه : ملكه من صالح وهو يأشر على اسامه : هالخايب عبدالعزيز بعدم تصديق : تبي تتزوج و انا اخر من يعلم يا ابو فايز اسامه : لا طبعا كنت باقول لك عبدالعزيز : مبروك عاد ام فايز راضيه اسامه بضيق : لا عبدالعزيز سكت وهو يشوف اخوه متضايق ____ نوره والجوري رجعوا من المول وقفت لما شافت عبدالله يلعب بالسيكل بروحه تعرفه ولد سعود الي احيانا هو واخوه يجوا عندهم مع جدته الجوري وفي يدها الاكياس دخلت اما نوره نزلت اكياسها وراحت لعبدالله وقفت بصدمه وهي تشوف السياره الي طلعت فجاه قدام عبدالله توسعت عيونها بصدمه وبخوف : عبدالله انتبه بس صدمت فيه السياره وطاح على الارض وهو يبكي بألم نوره ركضت له وسعد واقف بصدمه انحنت وهي تبعد سيكله وترفعه وهي يتألم : عبدالله شافت الدم الي يسيل على وجهه و يون بألم نزل السايق : ما شفته والله خلنا ناخذه المستشفى وصل وهو يشوف الناس متجمعه قريب من بيته طفى سيارته ومشى وقف وانصدم وهو يشوف عبدالله طايح على الارض نوره : يالله بسرعه ناخذه المستشفى بس شيله بحرص اخاف يكون فيه كسر سعود قعد على ركبه نوره رفعت نظرها له سعود بصوت يرجف : عبود بابا عبود رد علي السايق : يالله بسرعه لا يتضرر الولد من التأخير سعود شاله بهدوء و حرص ودخل سيارة السايق الي صدمه سعد راح لنوره مسك يدها وسحبها لان الي واقفين كلهم رجال وبهمس وهويرص على اسنانه : يالله امشي سعود رفع نظره لسعد وللحرمه الي ماسك يدها مرت السياره من جنب نوره : سعد الولد ضربته قويه خايفه يصير فيه شي سعد دفها لداخل : ادخلي وبس طلع اخذ اكياسها ودخلهم نوره : تكفى سعد اذا جاء ابوه اسأله وطمني عنه سعد : طيب شهقت نوال وهي تشوف يدين نوره : من وش هالدم الي فيك نوره راحت تغسل يدينها ابتسمت لفايز الي جاها يركض ضمته بقوه : يمه عبدالله ولد جارنا صار معاه حادث نوال بصدمه : عسى ما تعور نوره تنهدت وهي تفسخ شيلتها : ما ادري يمه ____ في المستشفى سعود يمشي في الممر على اعصابه والرجال واقف مستند على الجدار ينتظرون احد يطلع يطمنهم طلع الدكتور مشى له سعود : طمني دكتور عبدالله كيفه الدكتور : عنده جرح بجبينه وخيطنا له ٣ غرز وكسر بيده اليسار الحمدلله على سلامته سعود تنهد بضيق : الله يسلمك الرجال : الحمدلله على سلامته سعود خذ نفس وقعد على الكرسي : الله يسلمك ____ في بيت حسام دخل البيت بعد صلاة المغرب وهو راجع من المسجد و كان هدوء لف وهو يشوف الجوري قاعده على الكنبه وفي يدها الجوال وسعد يطالع التلفزيون مع فايز على قناة الاطفال سلم وردوا عليه السلام مشى وقعد جنب الجوري : وين نوره وامك الجوري نزلت جوالها : نوره في الغرفه انا طلعت وهي تصلي وامي بعد في غرفتها طلعت نوال من الغرفه وهي تستغفر وبعدها انضمت لهم نوره لفت نوره على امها : يمه اتصلي على ام سعود سأليها عن الولد نوال : اخاف ما تدري بلي صار سعد لف لابوه : يبه انت عندك رقم سعود صح حسام : ايه ليش شصاير نوره : عبدالله صدمته سياره حسام بصدمه : متى و وش دراك نوره : واحنا راجعين من المول شفناه حسام رفع جواله وهو يتصل بسعود ____ عبير طالعت محمد الي قاعد قدامها لفت لام سعود الي كانت ماسكه مصحف و لابسه نظارتها الطبيه تقرأ : خالتي مو كأنه عبدالله تاخر ام سعود : صدق الله العظيم قفلت المصحف ولفت لها : ايه والله تأخر الله يستر قومي يمه شوفيه خليه يدخل عبير وقفت دخلت غرفتها خذت جلال طويل عشان تطلع تشوفه فتحت الباب الخارجي و طالعت ما حصلت احد انقبض قلبها بخوف سكرت الباب ورجعت لداخل : خالتي محد ام سعود بصدمه : شلون محد يعني وين راح قعدت عبير خذت نفس : ما توقع بعد كثير الحين بيدخل ام سعود وقفت بخوف : بدق على سعود يشوفه عبير وقفت بسرعه : لا خالتي لا تدقين انتظري شوي قعدوا دقايق و لفوا على الباب الي انفتح ودخل سعود وهو شايل بيدينه عبدالله : السلام عليكم توسعت عيونهم بصدمه لف لمحمد الي نام على الكنبه وشكلهم ما حسوا عليه بوسط خوفهم وقلقهم طالع عبير بنظره حاده وغاضبه عبير : وش فيه عبدالله ام سعود قعدت على الكنبه وهي تحس ركبها مو شايلتها مشى من قدامهم وهو يصعد الدرج و مشى لغرفة العيال الي كانت مفتوحه دخل نزل عبدالله على سريره بهدوء باس جبينه وطول وهو يتخيل لو فقده ما يقدر يعيش بدونهم فسخ جزمته وغطاه وشغل له المكيف وطلع نزل و شال محمد قدامهم لغرفته عبير : خالتي وش صاير لعبدالله هو طلع و مافيه شي ام سعود وقفت و مسكت يدها : يا بنتي اهدي مافيه الا العافيه ان شاء الله نزل سعود توها بتتكلم عبير قاطعها سعود بعصبيه : ما ابي اسمع صوتك الام : سعود يمه قول لنا وش فيه عبدالله حرقت اعصابنا سعود اخذ نفس بقوه : صار له حادث شهقت عبير بصدمه : كيف سعود بحده : بسسبب اهمالك ماعمرك اهتميتي بعيالك قلت لك الف مره يا عبير انتبهي لبيتك ولعيالك بس لا اهم شي عندك سفراتك وطلعاتك وصديقاتك وعيالك بلي ما يحفظهم هذا عبدالله اليوم صدمته السياره وهو يلعب بالسيكل برى ما قلت لك لا تخلينه يلعب بالشارع ليش خليتيه لو منتبهه عليه ما كان صار الي صار الام بضيق : سعود هي اكيد ما تبي الاذى لعيالها مهما كان هي امهم وتخاف عليهم اكثر من روحها بس الي صار قضاء وقدر ولا تقول لو ترى تفتح لشيطان باب تعوذ من الشيطان يمه و الحمدلله على سلامته سعود وهو يطالع لعبير الي نزلت دموعها بهدوء : هه قلتي لي تخاف عليهم يمه هاذي اخر همها عيالها ويالله شيلي اغراضك وروحي بيت اهلك ما ابي اشوفك الام وقلبها محروق على ولدها : سعوود تبيها تطلع نص الليل بروحها ما يصير كذا وبعدين هي بعد خايفه عليه اهدى وخلها تشوف ولدها وتطمن عليه سعود طالع امه : طيب عشانك بس يالله انقلعي من قدامي عبير طالعته ومشت بسرعه لغرفة عيالها شغلت الليت مشت لعبدالله قعدت جنبه وهو تشوف جبينه ويده والجروح الي فيه مسكت يده السليمه وباستها بعمق ودموعها تنزل عليها في الصاله عطته كوب مويه : الحمدلله على سلامته والله بغى يوقف قلبي عليه بعده صغير و ما يتحمل سعود اخذ الكوب وهو يشربه على ثلاث دفعات : الحمدلله ____ مر الاسبوع هادي وكئيب على البعض ومليء بالفرح للبعض قاعده تسولف مع ثريا بحماس وهي تشوف فايز مستانس و يلعب مع ملاك وماجد قطع سوالفها صوت الرساله الي جات لجوالها خذته وهي تفتح الواتساب استغربت الرساله من اسيل تجمدت وهي تقرأ الرساله عيونها امتلت دموع طاح الجوال من يدها يعني اسامه سواها اليوم ملكته على الحيه ثريا هزتها وهي تشوفها جمدت فجأه : نوره نوره طالعتها و دموعها متجمعه بعينها كانت بحالة صدمه ثريا ضمتها وهي خايفه عليها وش الي خلاها تقلب فجأه توها كانت مستانسه وتسولف : حبيبتي نوره وش فيك ما لقت رد منها بعدتها شوي عنها وهي تأخذ جوال نوره من الارض و تفتح الواتس بتشوف من مرسل لها فتحت محادثه اسيل اليوم ملكة اسامه ودي انك تحضرين وتنورينا بوجودك اكيد تعرفين بيت خالي ومنها تباركين لأسامه بزواجه * فيس يضحك * ثريا ضغطت على الجوال بقوه و ضمت نوره : حبيبتي خليه يولي قلعته نوره نزلت دموعها وهي تبكي نوال انصدمت قعدت جنب نوره حطت يدها على اكتافها : نوره يمه شفيك نوره ارتمت بحضن امها وطلعت آه من اعماق قلبها : آه يمه نوال ضمتها و بكاء بنتها يوجع قلبها حطت يدها على راسها وهي تقرأ عليها مما تحفظ من القرآن : ومن يهد الله فما له من مضلٍ أليس الله بعزيز ذي إنتقام ولئن سألتهم من خلق السموات والأرض ليقولن الله قل أفرأيتم ما تدعون من دون الله إن ارادني الله بضر هل هن كاشفات ضره أو أرادني برحمه هل هن ممسكات برحمته قل حسبي الله عليه يتوكل المتوكلون حست فيها هدت قامت ثريا ونوره حطت راسها على فخذ امها الي تمسح على شعرها بهدوء لين حست بانتظام انفاسها خذت نفس عميق وهي تلف للجوري الي تمسح دموعها ولثريا الي واضح على ملامحها الضيق نوال : وش صار لها ثريا بحقد : اسيل رسلت لها رساله انه ملكة اسامه اليوم تموت فيه يمه وهو ما يستاهل ____ عند اسامه بعد ما ردد مع الشيخ وقع على العقد ووقعوا الشهود لف اسامه و هو يشوف جاسم ولد خاله ياخذ العقد عشان توقع عند اسماء وقعت وطلع اخوها وارتفعت اصوات الزغاريد من اختها واسيل ابتسمت بخجل ضمتها مها اختها : مبروك منك العيال منه المال اسماء : الله يبارك فيك اسيل ضمتها : الف مبرووووك يا مرت اخوي اسماء بخجل : الله يبارك فيك وعقبالك شيخه بفرح : مبرووووك الله يوفقكم يارب اسماء : الله يبارك فيك يا عمه شذى ببرود : مبروك اسماء وهي تشوف برود شذى طنشت وهي ترد عليها قعدت اسماء متوتره ومرتبكه وهي تشوف البنات يرقصون ابتعدت اسيل عن صوت الدي جي عشان تتصل بأسامه عجزت وهي تدق ما في رد عضت شفتها بقهر رن جوالها ردت بسرعه : اسامه وينك تعبت وانا اتصل لك ما ترد عبدالعزيز : انا عبدالعزيز اسيل : عزوز اسامه وين عبدالعزيز : طلع من فتره اسيل بصدمه : احلف يعني ماراح يدخل يلبس اسماء الشبكه عبدالعزيز : لا طبعا هو محد ايه اسامه قال ان الشبكه مع امي قولي لها تتصرف اسيل ضربت رجلها بقهر : طيب قفلت وهي تمشي وتقول لامها وقفت شيخه واعتذرت ان اسامه ما بيدخل ولبستها الشبكه طالعتها اسيل وهي تتذكر ايام ملكة نوره واسامه كانت مختلفه واسامه دخل وابتسامته ماليه وجه وتصور معهم و يالله طلع خلصت الملكه والكل راح لبيته دخلت اسماء غرفتها قعدت قدام التسريحه بضيق وهي تمد يدها وتاخذ مناديل تشيل المكياج ليش ما دخل ما يبي يشوفها مو متحمس مثلها ليش الملكه مرت بارده دموعها تجمعت بعيونها خذت نفس عميق و هي ما تبي تبكي ___ في بيت سعود سعود واقف قدام المرايه وهو يعدل تنسيفة شماغه ويرجع طرف الشماغ على كتفه بيروح بعد ما توظف بدوامه الجديد مسك السبحه بيده لف متجاهل عبير حست بضيق وهي تشوف تجاهله لها طول هالاسبوع مو متعوده على تجاهله ابد مشت له وهي تحضنه من وراء : سعود لمتى بتم متجاهلني ما اتحمل تجاهلك لي سعود رفع يده وهو يبعد يدينها عنه ببرود لف لها طالعته وعيونها مليانه دموع و نزلت بهدوء اخذ نفس ومد يده يمسح دموعها : خلاص لا تبكين عبير ابتسمت من بين دموعها :يعني مو زعلان مني سعود: اي مو زعلان واذا تبين تطلعين اليوم اوكي بس لا تتاخرين عن الساعه عشر عبير : طيب سعود قربها منها وهو يبوس جبينها : مع السلامه عبير بفرح طول هالاسبوع ما طلعت كله بسبب تجاهل وزعل سعود عليها ____ في بيت حسام نوال وهي تحط عبايتها على راسها : انا بروح لام سعود بتجين معاي نوره : لا يمه تعبانه سلمي عليها نوال ناظرت بنتها بوجها الذبلان تنهدت وطلعت نوره وقفت وخذت كتاب وقعدت وهي تقرأ فيه طالعت في فايز الي يركض فتحت يدينها له وضمته سعد : فاااايز نوره ضحكت : وش فيك تلحقه سعد : شوفي ملابسي ولدك الغبي وصخني كاكاو نوره : هههههه احسن سعد قعد بنرفزه : اووف كنت بروح ويا سامي نلعب كره نوره : طيب عادي بدل وروح سعد : خلاص ما ابي اروح نوره ابتسمت : براحتك الجوري دخلت عليهم : شتسون نوره : قاعدين حسام : نوره نوره وقفت وهي تنزل فايز الارض: نعم يبه حسام : اسامه يبيك نوره خذت نفس عميق : طيب يبه الحين بروح له حسام شال فايز وقعد نوره طلعت دخلت مجلس الرجال : السلام عليكم اسامه رفع نظره لها: وعليكم السلام اخبارك نوره : بخير اسامه : يالله جهزي نفسك بترجعين معاي نوره رفعت حاجب : عفوا اسامه وقف وهو يقرب منها : أمري بلي تبينه والله لانفذه لك نوره : الي ابيه اي شي اسامه : اي شي نوره بهدوء : ابي طلاقي منك اسامه طالعها توقع رضت ترجع معه صد بوجهه : غيره نوره : ما عندي تنفذ لي طلبي الاخير منك يا اسامه اسامه التقت عيونه بعيونها : نوره انا احبك ما اقدر اعيش بدونك نوره ببرود : راح تقدر دام قدرت تجرحني وتكسرني بزواجك صدت عنه : واذا جد تحبني طلقني اسامه سحبها له وضمها بقوه دفن راسه بكتفها بعدها عنه و في باله يتردد بيت قيس بن الملوح ضممتك حتى قلت ناري قد انطفت فلم تطف نيراني وزيد وقودها نوره طالعته بهدوء أسامه طالع بعيونها وصد بضيق : لك الي تبينه اخذ نفس بهدوء وهو يحس الكلمه كخنجر يطعنه بقلبه بعنف : انتي طالق لف وطلع وهو يحس المكان ضاق عليه جمدت مكانها بصدمه وكلمته تتردد عليها غمضت عيونها بقوه وهي تحس بدمعتها نزلت على خدها بهدوء تسندت بيدها على الجدار مشت وهي تجر خطواتها الثقيله وطلعت من المجلس دخلت الصاله فز حسام وهو يشوف حالتها مسك يدها : وش فيك نوره بغصه : تطلقت الجوري : فكه حسام طالعها بنظره سكتتها قعد نوره على الكنبه وهي تحس ضغطها انخفض حسام قعد جنبها وهي سندت راسها على صدر ابوها وتتنفس بصعوبه لف للجوري : جيبي اي شي مالح لها الجوري وهي تركض للمطبخ و رجعت بسرعه : تفضل يبه حسام وهو ياخذ الصحن : سمي يبه نوره مدت يدها وهي تأكل حسام ضمها له : مو انتي الي طلبتي الطلاق خلاص صار الي تبينه نوره غمضت عيونها ايه هي الي طلبت الطلاق لانها ما تقدر تعيش مع شريكه ولا ترضاها على نفسها تجي عليها وحده تحسسها انها ناقصه بس كيف تنسى اول رجل دخل قلبها وحبته بجنون كيف تنسى انها قضت ٣ سنين من عمرها كانت من اجمل السنين معه رغم تدخل اهله عند اسامه اول ما طلع من المجلس فتح سيارته وركبها مد يده بيشغل السياره بس طالع يده الي ترجف نزلها و سند راسه على الدريكسون وهو يستوعب ان طلق نوره حب حياته حس بدموعه تنزل بهدوء لعلها تخفف من ألم قلبه بعد دقيقتين رفع رأسه وهو يمسح دموعه ويشغل سيارته وحرك مبتعد على هالمكان وقف قدام بيت اهله طفى سيارته ونزل فتح الباب ودخل مشى مر من قدامهم وما سلم وهو يصعد الدرج بخطوات سريعه صالح باستغراب : وش فيه احمد : اصلا وضعه مو عاجبني عبدالعزيز : شكله صاير معاه شي شيخه وقفت : باقوم اشوفه مشت له فتحت باب غرفته وهي تشوفه قاعد على السرير وسرحان وما حس فيها قفلت الباب وقربت منه : أسامه أسامه : نعم شيخه : وش مضايقك اسامه طالع بعيون امه : طلقتها شيخه بهدوء : نوره اسامه بضيق : ايه يمه ارتحتي مو هذا الي تبينه شيخه : احسن الله لا يردها ولا تضايق نفسك فتره وتنساها اسامه زم شفايفه : ابي اقعد لحالي شيخه : طيب لفت وطلعت ___ سعود وهو قاعد مع عياله عبدالله بجهة ومحمد بالجهة الثانيه لف لعبدالله : كيفك اليوم يا بطل عبدالله : تمام سعود : ما تعورك يدك عبدالله : شوي سعود باس راسه وهو يضمه له بهدوء : فتره وتعدي يا بابا طالعه عبدالله بعدم فهم محمد قاعد وابوه حاط يده على اكتافه : حمود بس اقعد لفوا للباب وهما يشوفون عبير داخله عبير : السلام عليكم سعود : وعليكم السلام ورحمة الله عبير قعدت وهي تنزل اكياسها سعود : استانستي عبير : اكيد سعود : يالله بابا وقت النوم وقف عبدالله بمساعدة ابوه وهو يبوس خده ومحمد سوا نفس اخوه و مشوا لغرفهم عبير توسعت عيونها : طيب وانا سعود ضحك :انتي بعيده عنهم حسسيهم باهتمامك و تقربي منهم عبير تكتفت : طيب تعشيت سعود : ايه الحمدلله عبير ابتسمت وقفت خذت اكياسها وراحت فوق لجناحهم سعود وقف قفل التلفزيون و هو ياخذ جواله ويمشي لفوق ___ نوال قاعده متضايقه على حال نوره الي ما طلعت من غرفتها ابتسمت وهي تشوف ماجد وملاك يركضون لداخل البيت دخلت ثريا : شوي شوي لا تطيحون قربت منها وهي تسلم على راسها : اخبارك يالغاليه نوال : بخير الحمدلله وانتم ثريا :بخير يمه وليد مرني عليكم وراح المطار نوال : بحفظ الله ثريا : وين نوره وفايز نوال : بالغرفه حابسه نفسها مو راضيه تطلع ثريا تنهدت بضيق لفت لفايز الي ينزل على الدرج فرحان بوجودهم نوال : روحي لها يمه شوفيها يمكن تنزل ثريا وقفت : طيب مشت وراحت لها طقت الباب اكثر من مره ما حصلت رد فتحت الباب وهي تدخل شافتها تصلي قعدت على السرير سلمت نوره و لفت لها : وانا اقول البيت منور اثاري الثريا جات ضحكت ثريا وقفت نوره وهي تشيل السجاده و تفسخ جلال الصلاه سلمت على ثريا وقعدت جنبها ثريا : نوير وضعك مو عاجبني نحفانه ووجهك ذبلان نوره خذت نفس :عادي ثريا : كل هذا عشانه شوفيه تزوج ولا درى عنك وبيعرس قريب وانتي خلك على حالك نوره بلعت ريقها وهي تناظر للفراغ : بتقعدين هنا اليوم ثريا : لا بقعد اسبوعين وليد مسافر الله يوصله بالسلامه نوره ضحكت : آمين ثريا : يا زين هالضحكه يالله قومي نقعد مع امي والله انها شايله همك وشاغله بالها نوره ابتسمت : فديتها والله ثريا وقفت ومدت يدها : يالله امشي نوره مسكت يدها ومشت معاها ابتسمت نوال وهي تشوفهم نازلين ثريا قرييه من نوره وترتاح لها ____ احمد قاعد وقدامه اللاب توب شذى مدت كوب القهوه احمد اخذها وهو يرتشف منها بهدوء ومركز بشغله شذى : غريبه اليوم مو طالع بالعاده ما تقعد في البيت احمد رفع نظره لها : والله قلت اقضي وقتي معكم افضل شذى ببرود : زين تذكرت انه عندك حرمه وعيال تقضي وقتك معهم احمد : وش تبين توصلين له شذى بهدوء : ابد ودي تقعد معنا مثل قبل ما صرنا نشوفك احمد ابتسم : بس كذا ولا يهمك شذى ابتسمت احمد قفل اللاب توب : وش رايك نسافر شذى بفرح : جد احمد :ايه جد وين خاطرك نروح شذى : ابي اروح مكه احمد ابتسم :تم وبعدها نطلع لجده ونقعد فيها كم يوم ونسافر دبي شذى بترد لفوا على الباب الي انفتح فجأه طلال مشى لامه :ماما شيماء احمد :وش فيها طلال :ما رضت تلعب معي نايمه و تكح بقوه وقفت شذى بسرعه وراحت تشوف شيماء دخلت عليها وهي تشوفها تكح بقوه مشت لها قعدت على السرير وشالتها بحضنها وضمتها انصدمت من درجة حرارتها المرتفعه لفت لاحمد الي جاء مع طلال :احمد مسخنه حرارتها مرتفعه حيل احمد بخوف قرب منها وهو يحط يده على جبتها : لبسي عبايتك يالله باخذها المستشفى مشى وهو يبدل ملابس ويلبس ثوب ابيض سكر ازارير ثوبه : طلال بابا روح اقعد تحت عند عمتك اسيل و جدتك لما نرجع طيب طلال : طيب شال شيماء و شذى لبست عبايتها ولحقته شيخه وقفت وهي تشوف احمد شايل بنته : وش فيها احمد بسرعه : مسخنه وتعبانه لف لاسيل : انتبهي لطلال اسيل : طيب طلع هو وشذى طلال قعد جنب عمته وهو ياخذ جوال اسيل ويلعب فيه بعد دقايق دخل اسامه سلم وقعد على الكنبه قدامهم شيخه : متى ناوي تحدد العرس اسامه بلامبالاه : بعد سنه اسيل بصدمه : تمزح اسامه : لا جد شيخه بدهشه : بتعلق البنت سنه اسامه : خطبتي لي بنت اخوك و وافقت خلاص انا بحدد الوقت شيخه : بس كثير خلها بعد خمسه شهور العرس اسامه : خلاص بعد سبعه شهور شيخه تنهدت : طيب عبدالعزيز : اسامه روح جيب فايز وربي اشتقت له من لما جيت ما شفته يالله كلها ٣ ايام واسافر اسيل : ايه والله حتى انا اشتقت له اسامه : اوكي بكرا بجيبه شيخه لفت تنادي الشغاله الخدامه :يس مدام شيخه : روحي لمي ملابس واكسوارات واغراض نوره كلها في الشناط اسامه لف لامه منصدم : ليش الخدامه : اوكي ومشت اسيل ببرود : شنو ليش طلقتها وش تبي باغراضها خذهم لها اسامه وقف بعصبيه : مو يمكن ارجعها شيخه بعصبيه : نعممم ترجعها اسامه : ايه ليش لا هي ام ولدي شيخه وقفت : والله يا اسامه لاغضب عليك ليوم الدين عبدالعزيز طاح جواله الي كان منشغل فيه بعد كلام امه مصدوم : يمه وش هالكلام واذا رجعها وش فيها ترا هي ام فايز حفيدك وللحين ما طلعت من ذمته اذا هو يبيها يرجعها شيخه بعصبيه : انت انكتم ولا كلمه انا ادرى بمصلحته عبدالعزيز بانفعال وهو يحاول ما يرفع صوته : اي مصلحه يمه مو شايفته مو طبيعي من لما طلقها لا يضحك ولا ياكل و لا حتى فرحان بزواجه الثاني يا يمه الي تسوينه غلط انتي كذا تجبرينه يخرب حياته بيده اصلا شكلها خربت وخلصت من لما تزوج بنت اخوك طالع اسامه ترا تقدر تصلح الي صار روح لها و رجعها لان لا فات الفوت ما ينفع الصوت يا اسامه ومحد بيخسر غيرك شيخه طالعت عبدالعزيز وبحده : توك صغير وجاي تعلمني الصح من الغلط قوم انقلع من قدامي لا تشوف شي ما يسرك ضحك عبدالعزيز بسخريه ليش الي يشوفه الحين يسره وقف وهو مقهور من سكوت اسامه هو يدري انه يحب ام فايز حيل وهالشي باين من عيونه بس ما يكون ضعيف كذا يدافع عن حبه حتى لو امه ما كانت راضيه على هالزواج في النهايه هاذي حياته امه راح تزعل عليه بس راح ترضى لما تشوفه سعيد ضرب كف يده بالجدار بقوه وقهر ومشى لغرفته لف على صوت طلال الي شكله خايف من النقاش الحاد الي صار : عمي ابتسم عبدالعزيز ونزل لمستواه : عيون عمك طلال : ابي اجي معك عبدالعزيز : تبي نطلع طلال : ايه عبدالعزيز ابتسم : يالله بنروح البقاله طلال بفرح : يالله لف وطلع من البيت وهو يسولف مع طلال ___ دخل سعود مع امه و عبدالله ومحمد بعد ما رجعوا واستانسوا العيال بالملاهي مروا السوق وشروا كل الي يبونه ام سعود قعدت على الكنبه بتعب : تعبت سعود ابتسم : سلامتك يمه من التعب طلعت عبير من المطبخ في يدها كوب عصير فرواله : وين رحتوا عبدالله : رحنا الالعاب وبعدين السوق عبير قعدت مقابل سعود : وليش ما قلتوا لي اجي معكم سعود ابتسم : ما حبينا نزعجك و انتي نايمه خيرها بغيرها ان شاءالله عبدالله يوري امه وش اشترى حمود طلع الالعاب الي اشتراهم اما سعود كان يتأملها وعيناه تفضحان حبه لها جميله هي ببشرتها السمراء المغريه بملامحها الناعمه وهو يتغاضى عن عيوبها واهمالها وما يشوف غير مميزاتها هذا ما يحدث في الحب صحى من سرحانه لصوت امه الي بدت تسولف معاه ____ صلى العصر في المسجد القريب من بيت حسام طلع مع سعد وحسام الي باين عليه الجمود حتى في ردوده معه : والله يا عمي ابي فايز معي اليوم وفي الليل برجعه حسام : طيب بشوف امه دخل البيت : تفضل حياك دخل اسامه مع سعد المجلس حسام : نوره اسامه يبي فايز بياخذه معه وفي الليل بيرجعه نوره وقفت : طيب حسام مد يده لفايز بابتسامه : يالله يا بطل دخل فايز من شافه ابتسم وركض له ضمه اسامه بقوه اشتاق له حسام مد يده اخذ دلة القهوه صب له مد له الفنجان خذه اسامه بعد دقايق وقف : يالله استأذن شال فايز وطلع رفع نظره لشباك غرفة نوره الي يعرفه عدل شافها واققه تناظره واول ما طالعها قفلت الستاره بسرعه ____ في المستشفى طلع احمد وهو شايل شيماء بعد ما اتطمنوا عليها و حطوا لها كمادات بارده وكتب له الدكتور على ادويه ياخذها من الصيدليه وقف قدام الصيدليه نزل رن جوال شذى طلعته من شافت الاسم ابتسمت : هلا نوير هلا بالقاطعه نوره : اعذريني والله انتي عارفه الظروف شذى : معذوره اخبارك واخبار فايز حبيبي وحشني مراا دخل احمد على اخر كلامها طالعها وحرك السياره نوره بابتسامه : الحمدلله وفايز جاكم ما شفتيه وانتي كيفك شذى ضحكت : يا زينه هالفايز لا ما شفته توني راجعه من المستشفى نوره : مستشفى ليش عسى ماشر شذى : حبيبتي الشر ما يجيك بس شيماء تعبانه نوره : حياتي الله يشفيها شذى :آمين نوره : طيب اخليك مع السلامه شذى : مع السلامه ولا تقطعيني من اتصالك نوره ابتسمت : ان شاء الله قفلت ولفت له : هاذي نوره احمد وقف قدام بيتهم مد لها الادويه ونزل وهو يشيل شيماء من وراء دخل البيت وهو يسلم ابتسم وهو يشوف طلال قاعد ياكل شيبس و فايز بحضن ابوه مشت شذى بعد ما سلمت على ابو احمد وامه واستأذنت وراحت غرفتها راح لغرفة اطفاله ونزلها على سريرها وغطاها وطلع لهم شال فايز وباسه بخده : هلا والله بالحلو فايز ضحك نزله وهو يلف لسؤال امه : شلون شيماء ان شاء الله احسن احمد : الحمدلله لف لابوه يبه انا راح اسافر بعد يومين صالح : وين وليش و الشركه احمد : يبه خل اسامه يستلم الشغل لما ارجع ما راح طول اسامه : طيب خلاص انا راح اهتم بالشغل بالشركه روح ولا تشيل هم احمد ابتسم : كفو والله صالح : طيب وين بتروح احمد : بروح مكه مع ام طلال والعيال وبعدها بنروح جده ونسافر دبي شيخه : ماشاء الله وكم بتم احمد : ما ادري شهر او اقل صالح : طيب بحفظ الله ____ دخل سعود وهو يشوفها واقفه قدام المرايه تحط لمسات المكياج الاخيره و شعرها مسويته ويفي و لابسه فستان عاري الظهر وضيق سعود وقف وراها : على وين ان شاء الله عبير وهي تلبس حلقها الثاني : يووه سعود نسيت قلت لك عندي ملكة واحده من البنات سعود وهو يمرر اصبعه على ظهرها : غيري فستانك عبير لفت له : ليش مو حلو سعود بهدوء : ظهرك باين كله وغير كذا ضيق حيل شوفي غيره عبير بوزت : عادي رايحه لبنات سعود تكتف : خلاص مافي روحه عبير طالعته بصدمه : تمزح سعود وهو يمد يده ويرجع خصلاتها الي طايحه على وجها لوراء وبهدوء : لا من جد مافي روحه عبير : سعود بلييز اذا على الفستان الحين بغيره سعود قعد على السرير وحط رجل على رجل : قلت لا عبير بقهر طلعت لها فستان بيت بدلت وقعدت وهي تهز رجلها بانفعال ابتسم وانسدح على السرير ببرود عبير طالعته تذكرت شي وقفت ومشت له و قعدت جنبه وهي تشوفه مغمض عيونه : حبيبي سعود الي ريحة عطرها داهمته بقوه ابتسم بهدوء وفتح عيونه : وش عندك مو قبل شوي كنتي زعلانه عبير : ابي اسافر لندن الاسبوع الجاي سعود قعد بهدوء : ضروري هالسفره يعني عبير : ايه بليز حبيبي لا تردني سعود تنهد : ما اقدر انتي تعرفين ظروفنا مو نفس قبل اقدر اوديك اي وقت عبير زمت شفايفها بقهر وهي تطالعه : يعني ما راح نسافر سعود رجع شعرها لوراء و مسك وجها بيدينه وهي يطالع بعيونها الزعلانه : اوعدك نروح مره ثانيه بس تتعدل اوضاعنا عبير لفت وجها عنه بزعل : بس انا ابي اروح هالشهر سعود : قلت لك ما اقدر عبير وقفت و بانفعال وقهر : اوووه بعد العز الي كنا فيه نعيش هالعيشه تعبت والله ما اقدر اصرف على راحتي ولا اشتري فستان عاجبني حيل ولا اشتري هدايا حلوه و الحين مافي سفر سعود بهدوء : تعودي وان شاء الله فتره تمر اللهم صل وسلم على محمد سبحان الله العظيم | ||||||||
|
| |
|
02-01-20, 12:32 AM
| #5 | ||||||||
| مراقبة عامة ومشرفة منتدى الروايات المنقولة
| البارت الرابع عبير : لا طبعا هالفقر ما يناسبني ولا ابي اتعود عليه سعود : احمدي ربك احسن من غيرك و بعدين احنا مو فقراء الحمدلله بس قدري وضعي عبير رفعت يدها بانفعال : الا فقر يعني لمتى بتحمل الحفله ما خليتني اروحها والسفر رفضت طيب وبعدين راح نتم كثير على هالحال اطلبك فلوس و تقولي لا تصرفين كثير وكل الي تعطيني اياهم ما يكفوني و فوق هذا تبي اقابل العيال ٢٤ ساعه واذا احد تأذي قلبت الدنيا فوقي و بعد صاير بخيل اووف سعود يناظرها بصدمه جحدت كل شي سواه لها بلحظه بس لانه رفض تروح الحفله مستحيل يرضى تروح بفستان مثل الي كانت لابسته و هو ما رفض السفره قال بيعوضها ابتسم بغبنه : مو المفروض توقفين معي بهالفتره عبير بانفعال : مو مجبوره و اذا ما تقدر تنفذ لي طلباتي احسن لي اروح بيت اهلي سعود ولأول مره يشوفها انسانه ماديه وهمها الاول والاخير المال و يمكن عمرها ما حبته لكونه سعود بس حبته عشانه سعود رجل الاعمال المعروف و خسارة شركته كانت خيره له انه قدر يشوف هالشي فيها ___ نوره وهي تاكل بهدوء : يمه تاخروا صح ثريا : الحين بجيبه لا تحاتين نوال : لا يمه ما تاخروا تو الناس نوره : بس يمه موعد نومه الحين دق جرس الباب نوره : سعد قوم افتح يمكن جاء فايز الجوري تاكل ولا همها احد دخل سعد وهو ماسك فايز في يده : نوير اغراضك عند الباب نوره بدهشه : ايش من جابها سعد :اسامه نوره طالعته وبعدها نزلت نظرها ونفسها انسدت عن الاكل الجوري : انا بقوم ادخلهم ثريا بهمس : ليش الزعل خلاص طلقك اكيد اغراضك ما بتم هناك نوره تنهدت : الحمدلله على كل حال حسام وقف وهو يحمد ربه ثريا طالعت الجوري الي تسحب الشنطه مع سعد الجوري : ثقيله وش فيها نوال : وانتي وش دخلك دخل حسام وهو شايل ااشنطه الثانيه ____ عند اسامه بعد ما وصل فايز و اغراض نوره ورجع لقى اسيل بوجهه : اقول سوسو اسامه رفع حاجب : سوسو !! اسيل ضحكت : هاذي اسوم تدلعك سوسو كشر بقرف : اقول اخلصي وش تبين تقولين اسيل : وش رايك اعطيك رقم اسماء تتعرفون على بعض اسامه : الحين هذا موضوعك اسيل : ايه هي زوجتك عادي اسامه مشى ببرود : ما ابي اكلمها ولا ابي اتعرف عليها زين كذا اسيل زفرت بهدوء : طيب ومشت رايحه لغرفتها اسامه دخل الغرفه وريحة عطرها منشره بالغرفه تنهد بآه من اعماق صدره بدل ملابسه قعد وتفكيره بس فيها وقف واخذ اللابتوب وقعد على السرير وفتحه يشتغل عليه ويبعد عنه التفكير ___ سعود يفطر هو وامه وعبدالله ومحمد نزل الكوب ووقف بيروح شغله : مع السلامه سمع صوتها وراه : سعود لحظه ابي اكلمك مالف لها متجاهل وجودها سعود : عبود اذا خلصتوا اكل روحوا لعبو بغرفتكم عبدالله وقف : اوكي يالله حمود ابتسمت ام سعود لهم عبير بقهر من تجاهله لها وبحده : سعود انا اكلمك سعود بنبره حاده طالعها : صوتك لا يعلى فاهمه عبير : اووف كل هذا عشان قلت كلام وانا معصبه سعود : مو البلا انك معصبه يعني كنتي صادقه بكلامك عبير بنزفره : ايه صادقه و مو ندمانه على اي كلمه قلتها والحين راح اروح بيت اهلي مالي قعده معاك ام سعود وهي ضايعه بينهم ماتدري وش صار سعود رفع حاجب : تفضلي روحي ولا تبيني اوصلك ترى عادي اتأخر عن شغلي عشان اوصلك عبير عضت شفتها توقعت غير هالكلام : طيب يا سعود وعيالك خلهم عندك سعود ببرود: اكيد بخليهم عندي اجل اخليهم عند ام مهمله مثلك لا طبعا وياليت تسعجلي ما ودي اتاخر كثير عبير بانفعال : لا روح لا تتاخر على شغلك وبعدين تنطرد وترد اللوم علي سعود ابتسم على جنب وهو مقهور منها : طيب يا حلوه اتمنى ارد وما الاقيك في البيت عبير : طلقني بعد احسن مره واحده افتك سعود : اذا هذا الي تبينه ليش لا وانا ارد لك طلب الام فزت : تعوذوا من الشيطان وش صاير بينكم عشان توصل لطلاق سعود اخذ نفس قرب من امه باس راسها: عن اذنك يمه تأخرت وقتي ثمين وما ابي اضيعه في نقاش عقيم عبير بقهر : هين يا سعود سعود ابتسم ببرود وطلع اما عبير ضربت رجلها بالارض بقهر اسلوب سعود البارد هذا لاول مره تشوفه دخلت جناحها وهي تاخذ شنطتها وترميها على الارض فتحتها وهي تاخذ ملابس وترميهم فيها بكل قهر ____ في بيت حسام نوره قاعده ترتب اغراضها في الكبت بمساعدة اختها ثريا مسكت البوم صورها فتحته وهي تشوف صور عرسها مع اسامه و ابتسامته الي واضحه بالصور مدت يدها وهي تاخذ صورها معاه بعد العرس و صورهم مع فايز طاحت دمعتها عليهم حست بيد ثريا على كتفها مسحت دموعها وهي تقفل الالبوم فچاه توسعت عيونها وهي تطالع المخلوق الابيض الصغير ثريا لفت بتشوف وش تشوف نوره شهقت : ملاك من كت الطحين فوقك ملاك وجها وشعرها مليان طحين : ف فاز ثريا : فايز لفت لنوره : عاجبك الي سواه ولدك نوره طالعتها وهي كاتمه ضحكتها وردت بصوت حاولت تخفي الضحكه فيه : لا طبعا مو عاجبني وقفت بتروح لفايز طلعت ولحقتها ثريا و ملاك معها شهقت الجوري : يمه من وين طلع هالمخلوق الابيض ضحكت نوره : ههههههه مو كأنها شبح الجوري ضحكت : ايه والله صادقه ثريا : وجع انتي وياها تضحكون على بنتي مشت مع ملاك بتغسلها شافت ماجد : وينك عن اختك ماجد و في يده جوال سعد : كنت العب ثريا مشت وهي معصبه ___ نوره : بروح اشوف هالفايز اكيد حاس المطبخ الجوري : يبي له تكفخ ولد اسامه ما يطلع منه شي زين نوره : لا عاد ما رضى على ولدي الجوري : اتمنى ما يطلع على ابوه نوره بهدوء : انا بعد الجوري ضحكت وهي تشوف فايز يركض شارد من امها نوال : نوره ولدك هذا صاير اذي شوفي لك حل فيه وتعالي نظفي هالحوسه الي سواها ضحكه نوره : حرام عليك يمه هالجميل تقولين عنه كذا انشغلت بالغرفه و خليته عند سعد و ماجد الجوري وهي تطالع نوره فقدوا ضحكتها شالت فايز وهي تطلع فيه لغرفتهم ونوره راحت تنظف وهي مبتسمه ____ عند سعود قاعد وهي يحس بصداع وكلام عبير يتردد براسه ومو مخليه يركز بشغله نزل القلم الي كان بيده و مسك راسه بالم لف على صوت زميله : سعود فيك شي سعود رفع راسه له ابتسم : لا بس عندي صداع رد عليه بندر : عندي بنادول تبي سعود : ايه الله يعطيك العافيه بندر : الله يعافيك مد له البنادول اخذه سعود وطلع له حبه وهو يفتح علبة المويه وبلعها سند راسه على الكرسي شوي و كمل شغله ____ شذى وهي تلحق شيماء : شيوم شيماء وهي تركض وتضحك صدمت في عبدالعزيز وطاحت عبدالعزيز نزل لمستواها : شيماء تعورتي شيماء طالعته ساكته ابتسم وشالها و باس خدها انتبه لمرت اخوه الي واقفه شذى : زين مسكتها تعبت وانا الحقها مو راضيه تاخذ دواها عبدالعزيز : لا شوشو شاطره الحين بتاخذ دواها صح شيماء ابتسمت وهزت راسها : يالله روحي لماما شيماء راحت لامها عطتها الدواء ورجعت تركض وهي ترتمي لحضن عمها عبدالعزيز ضحك لها وضمها شذى ابتسمت ومشت راحت لغرفتها وهي تجهز الشناط حق السفر ____ عند اسامه قاعد على الكنبه و حاط يده وراء راسه و سرحان تفكيره بين نوره ورضا امه و فايز ولده بعد تفكير طويل وصل لشي وقرر يسويه سمع اذان العصر وقف وراح يتوضأ خلص بدل ملابسه لبس ثوبه و لف شماغه على راسه لبس ساعته سكر ازرار ثوبه و رش عطره وطلع سلم على امه الي سألته : وين رايح اسامه : باروح اصلي وبعدها عندي مشوار طلع لبس نعاله و توجه للمسجد وهو يسمع اقامة الصلاه بعد ما خلصت الصلاه طلع من المسجد وحرك سيارته باتجاه بيت ابو سعد وصل وقف السياره وطلع مشى للبيت وهو يضغط الجرس فتحت له نوال : يا هلا بو فايز تقدم اسامه و هو يسلم عليها : اخبارك يا خاله نوال ببرود : بخير خير وش عندك اسامه : بنتكلم عند الباب نوال : لا تفضل حياك اسامه دخل للمجلس وهي قفلت الباب ومشت له اسامه قعد وهي قعدت : تفضل ابو فايز اسامه اخذ نفس : اذا ما عليك امر ابي نوره نوال بضيق : ليش انت طلقتها وتخليت عنها وقهرتها و انا ما ابي اشوف بنتي حزينه ودمعتها على خدها اسامه طالعها بضيق : ممكن اشوفها طالعته نوره بهدوء ودها ترفض بس هالشي راجع لبنتها : طيب وقفت وهو اخذ نفس عميق بعد دقايق دخل فايز شاله اسامه ودار فيه : يا هلا بالغالي دخلت اسامه ببرود : السلام عليكم اسامه طالعها بشوق : وعليكم السلام كيفك نوره تكتفت : بخير اسامه : دوم نزل فايز وهو يعطيه جواله يلتهي فيه نوره تنتظره يتكلم اسامه بلع ريقه وهو يحس كل الكلام الي كان بيقوله لها تبخر مسك يدها وهو يجلسها جنبه : نوره محتاجك وربي حياتي بدونك ولاشي وقلبي احسه ميت ما ينبض الا بشوفتك معي نوره صدت ودموعها تجمعت بعيونها و تتنفس بسرعه اسامه لف وجها وطالع بعيونها باسها بين عيونها : وخالقك اشتقت لك نوره نزلت دموعها مد يده ويمسح دموعها بيديه بقهر انها صارت تبكي كثير بسببه نوره ودقات قلبها تنبض بسرعه بقربه : وش المطلوب مني الحين اسامه : راح ارجعك نوره بألم صدت عنه : مو انت جايب اغراضي كلها وما تبي شي يذكرك فيني اسامه : لا من قال اني محتاج شي يذكرني فيك ليش انا اقدر ما افكر فيك ثانيه نوره تنهدت : تبيني ارجع عندي شروط اسامه ابتسم : آمري نوره : ابي بيت لحالي ما راح ارجع اعيش نفس المعاناه مع اهلك وهالمره زياده عليهم هالعله زوجتك نوره لما ما حصلت رد لفت عليه : وتعدل بينا مو امك تقول لك لا تروح لنوره تقول حاضر اسامه عض شفته لما حس بطعم الدم فيها : برجعك الحين بس فتره و اطلعك بيت بروحك وبعدين انتي عارفه نوره قاطعته بانفعال : ايه عارفه ان امك تبيكم حولها بس تعبت وترى ما طلبت شي صعب من حقي يكون لي بيت مستقل اسامه : غير هالشرط نوره طالعته بقهر : اذا ما تقدر على شرطي توكل الله معك مو كفايه اني رضيت و معي شريكه الا اذا بتطلقها زين بعد اسامه بصدمه : اطلقها هي وش ذنبها نوره بحده : وانا وش ذنبي اتحمل كل هذا بعدين الي يجرح مره يجرح مرتين و ثلاث و ما اضمن بكرا امك تقول طلق نوره و تقول حاضر وبصراحه انا ما صرت اوثق فيك يا اسامه ولا بحبك لي اسامه طالعها بصدمه : ما توثقين فيني نوره وهي تطالع قدامها : ايه اسامه وهو من داخله يحترق من كلامها : يعني افهم من كلامك انك تبين فرقاي نوره هزت راسها بالايجاب اسامه لف لها وهو ماسكها من كتوفها : طالعيني و قوليها نوره غمضت عيونها وفتحتها بلعت ريقها وهي تحس بالكلمه تذبحها قبله : مـ..ا ابيك اسامه طالعها بصدمه غمض عيونه وهو يستوعب كلمتها دفها من قدامه وهو ياخذ جواله من فايز وطلع وقفل الباب بقوه نوره غمضت عيونها وهي تحس انها جرحته بكلامها طالعت فايز الي بدا يبكي بعد ما اخذ ابوه الجوال الي كان يطالع فيه نوره شالته وضمته لها وهي تستنشتق ريحة عطر ابوه الي لصقت فيه همست بصوت مخنوق : ما كان ودي اقول له كذا ما ابي اجرحه بس قهرني بكلامه ____ عند اسامه بعد ما طلع راح الاستراحه دخل وهو يحس بنار بداخله من كلامها قعد وهو ماله خلق احد صديقه وفي يده سيجاره : وش فيك يا ابو الشباب حتى سلام ما سلمت اسامه بنرفزه : علي وخر عني مالي خلق لشي علي وهو ينفث الدخان : روق وش صاير لك اسامه طالعه : عندك زقاره علي انصدم ولف لاصدقائه الي كانوا منصدمين : من جدك انت ما تدخن ابد اسامه بضيق : ابي اجربها علي باستغراب : طيب مد له باكيت السيجاره والولاعه خذ اسامه وحده و هو يشعلها ليرتفع دخانها عاليا و ينفث الدخان لينفس عن قهره ولكنه نسي اضرار التدخين الكثيره و بأن الله يراه وهو يأذي نفسه بالتدخين كح كثيرا وهو يطفئها ويتنفس بهدوء وقف وهو يطلع جواله ويتصل بخاله ____ في بيت سعود قاعد وهو ماسك راسه و الضيق باين على ملامحه حطت امه يدها على كتفه : وش فيك يا نظر عيني سعود اخذ نفس : ولا شي يمه لا تشغلين بالك الام : سعود اذا تحبها لهالدرجه ليش تبي تطلقها سعود بضيق : ما ابي يمه اطلقها بس ما اقدر انسى الي سوته ودام هي تبيه ليش لا الام : يمه لا تتسرع عندك عيال محتاجين امهم سعود بسخريه : ليش هم حاسين بوجودها عشان يفقدونها ما سمعتيها بنفسك قالت خلي عيالك معك الام ربتت على كتفه : هونها يمه و تهون ربك بيحلها سعود تنهد وهو يمسك يد ويبوسها : الله لا يحرمني منك جاء عبدالله ومحمد وقعدوا جنب ابوهم الي ابتسم وهو يسمع سوالف عبدالله الطفوليه ___ أحببته بكل ما املك احببته بقدر مافي هذه الحياه من بشر ولكنه رماني بسهم ليخترق قلبي و يتبين بأن السهم مغروس بسم ليطرحه قتيلا بلا رحمه كيف اصبح بهذه القسوه الم يكن أحن شخصا عرفته ألم يقل لي بأنه لن يسمح لي بالاذى الم يكن يحبني الى حد الجنون اذا لماذا اصبح شخصا مجهولا وكأنني لم اعرفه يوما ، اتعلم ليتني لم اعرفك يوما فرجلا مثلك ضعيف لا يستطيع ان يحارب الدنيا من اجل من يحب لا يستحق ان يْحب ( بقلمي ) قفلت الدفتر بضيق نزلت القلم حطت يدينها تحت ذقنها وهي تفكر مرت سنتين يا اسامه خلاص صرت لغيري وانا ما عدت لك كل شي انتهى من كان يتوقع بتكون النهاية فراق تنهدت بعمق وهي تلتف لجوالها الي صحاها من التفكير ابتسمت وهي تشوف ثريا تتصل ردت : هلا والله اخبارك حبيبتي انا بخير طيب لا تتاخرين بانتظارك مع السلامه وقفت وهي تنزل تحت وتقعد مع الجوري الي قاعده تطقطق بجوالها وفايز الي صار عمره ٤ سنين قاعد جنبها بملل رن جرس الباب وقفت : هاذي اكيد ثريا ومشت للباب فتحته بابتسامه وتجمدت وهي تشوف سعود وعياله رجعت لوراء الباب بسرعه و بارتباك سعود بتوتر : اسف على الازعاج بس الوالده تعبانه وباخذها للمستشفى و ما اقدر اخلي العيال بروحهم نوره خذت نفس بعمق : طيب انا بهتم فيهم خذ خالتي المستشفى ولا تشيل هم سعود ابتسم : مشكوره ومشى لسيارته الي فيها امه تعبانه وحرك نوره بابتسامه : يا هلا والله بالحلوين دخلتهم : فايز يالله روح طلع العابك والعب مع عبدالله ومحمد فايز ابتسم : اوكي وطلعوا للحوش يلعبون كره ____ اسامه تم زواجه من اسماء وعايش في بيت اهله ، عبدالعزيز خلص دراسته ورجع المملكه اما احمد مع انه بارد ويتعامل ببرود بس هالجليد بدأ يذوب في حياته الزوجيه و زوجته حامل بالشهر السادس اسيل تخرجت و قاعده في البيت دخل الغرفه وهو تعبان من الشركه شافها قدامه بكامل اناقتها سلم و فسخ شماغه وعقاله وارتمى على السرير ببرود بدون ما يبدل ملابسه ولا ينطق بكلمه لها قبضت كف يدها بقوه وهي تقعد جنبه : حبيبي اسامه : جوعاان روحي اغرف لي غداء اسماء طالعته بقهر : اوووف اسامه رفع حاجب : وش فيك تنافخين اسماء : مليت من برودك اسامه : والله هذا انا ما اتغير عشان احد اسماء لفت وهي تاخذ جلالها اسامه : بتطلعين كذا وهو يأشر على فستانها القصير اسماء وفي يدها الجلال : وهذا وشو اسامه : روحي غيري ملابسك طلعه كذا لا ما تستحين انتي اسماء بعصبيه خذت عبايتها لبستها وهي تتحلطم بقهر : طيب بدل لما اجهز الغداء طلعت نزلت للمطبخ وهي تجهز الغداء له قعدت على الطاوله شافته جاء وقعد وسم بالله وبدأ ياكل وما عبرها دخلت ام احمد ابتسمت : اسماء يمه ليش ما تأكلين ما قلتي بتنتظرين اسامه عشان تاكلين معه اسامه رفع نظره لها اسماء وقفت بابتسامه : عمتي ما اشتهي الحمدلله شيخه : طيب براحتك وراحت تقعد في الصاله اسامه وقف بعد ما خلص واسماء نادت الخدامه تشيل الاكل وقعدت على الطاوله وهي عاضه شفتها بقهر تدري ان اسامه مو متقبلها حتى يوم زواجهم تركها لحالها في الفندق وطلع دمر كل احلامها الورديه الي بنتها معه و ما شافته الا اليوم الثاني لما قال جهزي اغراضك بنسافر علاقته فيها بارده جدا و هالشي يقهرها بشكل مو طبيعي وقفت وهي تركض للغرفه ارتمت على السرير و دموعها نزلت بقوه وألم ___ نوال : وش فيها ام سعود عسى مو تعبانه كثير نوره : ما ادري والله يمه نوال خذت جوالها وهي تدق عليها اكثر من مره بس مافي رد وقفت انا بروح لها المستشفى الجوري : يمه من بيوديك ابوي محد صبري لما يجي ابو عبدالله و اسأليه نوال تنهدت : طيب لفت وهي تشوف فايز مندمج باللعب معهم نوره : مو كأنه ثريا تأخرت الجوري : الحين بتشوفين ماجد وملاك مدرعمين علينا ضحكت نوره : الله يحفظهم لفت للباب الي انفتح وهي تشوفهم داخلين ثريا و ملاك وماجد ضحكت الجوري : قلت لك سلمت ثريا عليهم وهي تقعد معهم سوالف بعد ساعه رن الجرس وقف سعد وراح يفتح الباب ابتسم : يا هلا والله بوعبدالله تفضل حياك سعود ابتسم : هلا فيك والله مستعجل ناد لي عبدالله و محمد سعد : طيب دخل سعد :عبوود حمود ابوكم يبيكم نوال وقفت : سعد اساله عن امه خل يطمنا عليها سعد : ان شاء الله طلعوا العيال سعد : شلون امك عساها بخير وش صار لها سعود ابتسم : الحمدلله بخير شكلها ما خذت دواها و السكر انخفض واغمى عليها والحين هي بخير يالله سلم على الوالد سعد :الحمدلله يوصل قفل الباب ورجع وهو يقول لامه الي قاله سعود عن حال امه ____ يوم جديد بعد ما صلت الفجر وقرت اذكار الصباح غطت فايز وهي تبوس جبينه وتنزل تساعد امها بالفطور تعرفها تقوم تصلي الفجر وما ترقد الا نادرا: صباح الخير يمه نوال : صباح النور والسرور نوره ساعدت امها مشت متجهه لغرفة سعد تشوفه اذا قعد طقت الباب اكثر من مره ابتسمت شكله نايم فتحت الباب : سعد يالله قوم تأخرت على المدرسه سعد قام بانزعاج : طيب خلاص قمت ابتسمت وطلعت على طاولة الفطور سعد راح لمدرسته لف حسام لنوره : يالله يبه قومي تجهزي باخذك الروضه نوره وقفت : ان شاء الله راحت تجهز لروضه نوره بعد اصرار خواتها عليها تشتغل وتبعد عن جو الكئابه توظفت في الروضه مستانسه بشغلها لانها تحب الاطفال حيل خلصت وخذت شنطتها ونزلت وفي يدها نقابها : يمه قولي للجوري تنتبه على فايز نوال ابتسمت : طيب وصلها ابوها دخلت مشت لغرفة المعلمات وبعدين توجهت لفصلها ابتسمت للاطفال الي يصارخون وفرحانين بوجودها ____ عند سعود طلق عبير ام عياله بعد ما رفضت ترجع له واصرت على الطلاق والي صدمه اكثر زواجها الي صار بعد العده بشهرين كره شي اسمه زواج قاعد مع امه بعد ما اخذ اليوم اجازه عشان يقعد معاهم : يا يمه ليش تقومين وانتي للحين تعبانه ساندي ما تقصر تقوم بشعل البيت ام سعود : والعيال من يهتم فيهم سعود ابتسم : انا بهتم انتي لا تعبي نفسك يالغاليه وقف وهو يسمع جرس الباب : باشوف من مشى للباب فتحه شاف ام سعد : يا هلا خالتي حياك الله نوال : كيف حال امك عساها طيبه سعود : خاله تكفين اقنعيها تقعد وترتاح مو راضيه الا تقوم تشتغل او تشوف العيال وهي تعبانه ابتسمت نوال: طيب ولا يهمك بحاول اقنعها سعود: طيب انا بطلع مع العيال خذي راحتك نوال : بحفظ الله يمه سعود وهي يشوف عبدالله الي قاعد يلعب بالايباد و حمود يطالع وياه : عبود حمود تعالو عبدالله نزل الايباد ومشى لابوه و محمد وقف ولحقه دخلت وهي تسلم عليها : امينه الحمدلله على سلامتك خوفتيني عليك ابتسمت امينه : الله يسلمك لا تخافين انا بخير ومافيني شي انتي كيف حالك وشخبار سعد و فايز والبنات نوال : الحمدلله بخير بس انتي لا تهملين صحتك اخذي دواك بوقته ولا تعبين نفسك ابتسمت امينه : طيب نوال : سعود يقول انك مو راضيه تقعدين وترتاحين ضحكت منيره : شكا لك نوال: ايه مسكين خايف عليك امينه : الله لا يحرمني منه بس ما احب اتم قاعده وبعدين لازم اتطمن على العيال اخاف فيهم شي او يبون شي نوال: ليش ما تزوجين سعود امينه تنهدت بعمق: رافض حتى افتح معه هالسيره ___ في بيت بو احمد دخل اسامه الصاله الي كان فيها امه و اسماء وشذى و اسيل سلم على امه بعد ما سأل عن حالها وقف و هو يطالع اسماء : بكرا بعزم ربعي على الغداء شرفيني قدامهم اسماء وقفت : نعم تبيني اقعد اكرف بالمطبخ عشان ربعك اسامه رفع حاجب : اقول بلا كثره كلام عندك الخدامه تساعدك و اسيل بعد اسماء : حتى ولو انا ما احب اطبخ كثير اسامه بسخريه : الا قولي ما اعرف واختصري اسماء طالعته ببرود : ايه ما اعرف ارتحت اسيل وقفت : معليه اسماء انا بساعدك ولا يهمك اسماء طالعتها ولفت له : وليش ما تجيب من المطعم احسن اسامه : والله نوره كانت تكرف لحالها بالمطبخ وتسوي كل شي و تبيض الوجه بطباخها وانتي وش ناقصك عشان ما تطبخين وتتعلمين اسماء بحقد : انا تقارني بنوره التافهه و ما كملت كلامها لان يد اسامه كانت اسرع على خدها ليخرسها بصدمه كلهم انصدموا لان اسامه ما عمره مد يده على حرمه وهالمره يمدها على زوجته وقدامهم اسامه : والله ان سمعتك تغلطين عليها لا تشوفين شي ما يعجبك فاهمه وراح اعزم الشباب و بتطبخين لحالك وخليني اشوف شي ناقص على السفره و بتشوفين وش بسوي ومشى وهو يسمع الاذان شيخه بعصبيه وقفت : أسامه بس ما رد وطلع من البيت اسماء طالعتهم و مشت بخطوات سريعه لغرفتها شذى ابتسمت بهدوء لان قاهرتها هالأسماء وقفت وهي تحس بألم بظهرها مشت وهي تشوف ماجد يلعب مع اخته ابتسمت وراحت لغرفتها توضت وصلت العصر وقعدت على السرير وهي تحس بتعب من حملها دخل احمد وهو يسلم وقف وهو يشوف تعابير وجها قرب منها : تعبانه شذى ابتسمت : تعب عادي ويروح احمد ابتسم وقام طلع له ملابس وراح يأخذ له شور طلع و شعره يقطر ماء شذى طالعته تبي تكلمه بموضوع بس متردده طالعها وفهم انها عندها شي تبي تقوله مشى لها بس وقفت وهي تاخذ منشفته الصغيره : حبيبي نشف شعرك لا تمرض احمد ابتسم : تخافين علي شذى : اكيد احمد مسك كف يدها وهو يقربها من فمه ويبوسها مد لها المنشفه فهمت قصده خذتها وهي تنشف شعره بهدوء : احمد احمد : نعم شذى خذت نفس : شرايك نطلع لبيت لحالنا يعني هنا ما اخذ راحتي بوجود اخوانك وبعدين احس لو نطلع افضل احمد طالعها وهي تفرك يدينها بتوتر احمد حط يده على يدينها وهو بعد يفضل يطلع : بفكر شذى توسعت ابتسامتها انه ما رفض وهي تعرفه اذا قال لا مستحيل يغير رايه احمد : ابي انام قعديني لصلاة المغرب شذى : ان شاء الله وقفت بتطلع مسك يدها : وين شذى : باشوف طلال وشيماء احمد : ترى تعب عليك كل شوي نازله وطالعه شذى : طيب شسوي احمد ابتسم : خليك قاعده هنا الحين بيجون قعدت على السرير دقايق الا تشوف طلال داخل شذى وهي تشوف احمد نايم ومو حاس باحد وقفت وهي تمشي لطلال : وين اختك طلال : بالغرفه شذى: طيب يالله نروح لها اسماء من صدمتها قاعده بالغرفه وهي مقهوره و متضايقه وغيرانه من نوره الي تأكدت اليوم ان اسامه لازال يفكر فيها ويحبها ___ نوره وهي تشوف امها داخله ابتسمت نوال عقدت حواجبها : نوير وين رايحه نوره : يمه ابي اغراض لروضه من المكتبه نوال : اها مع من بتروحين نوره : بتاكسي بروح انا وسعد باست راس امها : ثريا جات وفايز يلعب مع ملاك وماجد ما راح اطول يمه مع السلامه نوال : الله وياكم ____ عند اسامه طلع من الاستراحه ركب سيارته وحرك باتجاه بيت حسام عشان ياخذ فايز بعد دقايق وقف السياره وهو يشوف سعد ينزل ويدخل الاغراض ونوره حاسبت السايق ومشى نزل من السياره قرب منها قبل لا تدخل : نوره جمدت بمكانها وهي تسمع صوته الي تعرفه عدل لها سنتين ما شافته من اخر مره و لما يجي ياخذ فايز يطلع له اخوها او ابوها لفت وانصعقت وهي تشوفه يشعل السيجاره بالولاعه يدخن من متى خذت نفس : نعم تبي فايز اسامه وهو يطالع بعيونها : ايه نوره : طيب مشت بس وقف قدامها بسرعه : لحظه نوره : خير وش تبي بعد اسامه رمى السيجاره بالارض وهو يدوسها : اخبارك زفرت بطفش ولفت بتدخل مسك مرفقها طالعته بدهشه وسحبت يدها بس ما فكها وبعصبيه وهي ترص على اسنانها : اسامه فك يدي اسامه : واذا ما فكيتك وش بتسوين مشى لهم بقهر دفه على وراء : انت ما تستحي تتعرض لبنات الناس ما تخاف ربك نوره تلفتت حواليها وهي تحمد الله ان الشارع فاضي اسامه : نعم وش دخلك سعود بحده : الا لي دخل والي ما ترضاه على خواتك لا ترضاه على بنات الناس ويالله توكل لا تشوف شي ما يسرك اسامه ببرود : مو متحرك بشوف وش الي مايسرني و ثانيا بصفتك شنو تتدخل سعود وهو يطالعه بنظرات تكلم ببرود : بصفتي خطيبها اسامه توسعت عيونه نزلت عليه الكلمه مثل الصاعقه لف يطالع نوره الي تطالع سعود بصدمه يبيها تتكلم تنفي هالشي بس هي ساكته والاصح مو مستوعبه الي سمعته وبعصبيه وجه بوكس قوي لسعود رجع من قوته خطوه للخلف نوره شهقت سعود رفع يده وهو يمسح الدم من شفته ويناظر اسامه بحقد اسامه بجنون قرب وهو ناوي يذبحه ولا يرتبط اسمه باسمها وقفت نوره قدامه : اسامه تكفى الله يخليك روح اسامه بصراخ : بعد خايفه عليه نوره عضت شفتها : طلبتك روح ما نبي فضايح قدام الجيران تكفى روح السياره وبخلي سعد يطلع لك فايز بس رووح اسامه طالعه بنظرات غيره وكره شد على قبضة يده بقوه ومشى نوره زفرت بقوه لفت لسعود : اسفه على الي صار سعود بهدوء : حصل خير ومشى باتجاه بيته وهو يفكر لما شاف الرجال واقف قدام بيت ابو سعد و البنت شكلها متضايقه منه وتحاول تفك يدها منه مشى بسرعه وبعصبيه بيوقفه عند حده هو ما يرضى على وحده من اهله شلون يرضى على بنات ابو سعد صديق ابوه والي يعزه حيل بس اللي فهمه انه ابو فايز طلع منديل وهو يمسح الدم قبل لا تشوفه امه و تخاف عليه دخلت وهي تفسخ نقابها وعبايتها شافت سعد الي مندمج على جواله ونساها خذت فايز وراحت الغرفه تجهزه و تخليه يروح مع ابوه فسخت عبايتها بدلت ملابسه وسرحت شعره و لبسته جزمته وباست خده : خلك شطور و لا تخرب اوكي فايز : اوكي نزلت لسعد وبهدوء : خذه لابوه هو برى ينتظر سعد وقف : طيب قعدت على الكنبه وكلمة سعود ترن بأذنها شلون يتجرأ ويقول ان خطيبها قبضت كف يدها بقهر ___ اسامه وقف السياره في الموقف الي قدام بيتهم نزل وفتح الباب الي وراء بعصبيه سحب فايز من يده بطريقة اوجعته وارتفع بكاء فايز مشى فيه وهو يفتح الباب لفوا على صوت بكاء فايز عبدالعزيز وقف : اسامه وش فيه فايز اسامه : مدري عنه مشى عبدالعزيز وهو يشيله : وش فيه فايز البطل فايز مسح دموعه بيدينه قعده على الكنبه وهو يسولف معاه صالح : فايز حبيبي تعال ركض فايز لجده الي حضنه وهو يبوسه شيخه : اسامه وين رايح تعال اقعد بتتعشى معنا اسامه : مالي نفس ومشى لغرفته دخل وقفل الباب بقوه فزت اسماء الي قاعده على السرير حابسه نفسها من بعد الي صار الظهر طالعته وما تكلمت احسن لها لان لو تكلمت وهو بهالعصبيه ممكن يفجر فيها نزلت نظرها للجوال تلتهي فيه اسامه فتح ازرار ثوبه وهو يحس باختناق مشى لتسريحه تسند عليها بيدينه وهو يتنفس بقهر وغيره مسك عطره ورماه بقوه على الارض اسماء غطت وجها من شظايا العطر الي تناثرت بكل مكان لفت تطالعه بصدمه من عصبيته اسامه مسك تحفه ورماها على الجدار اسماء بصدمه : شفيك جنيت اسامه طالعها بنظرات رجعت لوراء بخوف من نظراته مشى لها سحبها من يدها له مسك فكها بقبضة يده القويه : لو سمعت لك حس ذبحتك دفها على ظهر السرير وهو يطالع بعيونها : فاهمه اسماء كتمت صرخة ألم بظهرها من دفته لها وهزت راسها بأيه بعد وهو يأخذ منشفته و مشى للحمام بيأخذ شور بارد اسماء طالعته تبي تعرف سبب عصبيته مدت يدها وهي تمسح دموعها الي نزلت طالعت جهة الباب الي انفتح عقدت حواجبها باستغراب وهي تشوف فايز لفت وجها بسرعه وهي تمسح دموعها طالعته وهي تستوعب سبب عصبية اسامه اكيد شاف نوره لما جاب فايز و يمكن تكلم معاها عضت شفتها بغيره وهي تحس بنار تشب فيها طالعت فايز بكره رسمت ابتسامه مصطنعه على شفايفها : فايز حبيبي تبي شي فايز وهو يطالع بالغرفه الي تغير فيها كل شي يدور بعيونه على ابوه رد : بابا وين اسماء نزلت نظرها لرجول فايز الحافي ابتسمت بهدوء وهي تأشر على الحمام فايز مشى بيروح له وفجأه صرخ بطفوله وهو يحس بالألم برجله ودموعه نزلت بغزاره اسماء وقفت وهي تلبس الشبشب مشت له وهي تخفي ابتسامتها سمعت الباب يفتح شالته وحطته على الكنبه وهي تشوف الدم الي برجله من قطعة الزجاج اسامه طلع بسرعه و شعره يقطر ماء وهو يسمع بكاء فايز العالي مشى بسرعه له: وش فيه انصدم وهو يشوف رجله دف اسماء: بعدي عنه لو تخافين عليه كان ما خليتيه يدخل والغرفه مليانه قزاز رفع رجل فايز وهو يحاول يطلع القطعه من غير ما يوجعه وبعد محاولات مع فايز الي يصرخ ويتألم شالها وقف وهو يجيب علبة الاسعافات الاوليه من الكبت عقم الجرح بسرعه و حط له قطن و لاصق جروح قعد على الكنبه وهو يضمه ويبوس جبينه ويحمد ربه ان الجرح ما كان عميق استغفر الله واتوب اليه | ||||||||
|
| |
|
02-01-20, 12:34 AM
| #6 | ||||||||
| مراقبة عامة ومشرفة منتدى الروايات المنقولة
| البارت الرابع عبير : لا طبعا هالفقر ما يناسبني ولا ابي اتعود عليه سعود : احمدي ربك احسن من غيرك و بعدين احنا مو فقراء الحمدلله بس قدري وضعي عبير رفعت يدها بانفعال : الا فقر يعني لمتى بتحمل الحفله ما خليتني اروحها والسفر رفضت طيب وبعدين راح نتم كثير على هالحال اطلبك فلوس و تقولي لا تصرفين كثير وكل الي تعطيني اياهم ما يكفوني و فوق هذا تبي اقابل العيال ٢٤ ساعه واذا احد تأذي قلبت الدنيا فوقي و بعد صاير بخيل اووف سعود يناظرها بصدمه جحدت كل شي سواه لها بلحظه بس لانه رفض تروح الحفله مستحيل يرضى تروح بفستان مثل الي كانت لابسته و هو ما رفض السفره قال بيعوضها ابتسم بغبنه : مو المفروض توقفين معي بهالفتره عبير بانفعال : مو مجبوره و اذا ما تقدر تنفذ لي طلباتي احسن لي اروح بيت اهلي سعود ولأول مره يشوفها انسانه ماديه وهمها الاول والاخير المال و يمكن عمرها ما حبته لكونه سعود بس حبته عشانه سعود رجل الاعمال المعروف و خسارة شركته كانت خيره له انه قدر يشوف هالشي فيها ___ نوره وهي تاكل بهدوء : يمه تاخروا صح ثريا : الحين بجيبه لا تحاتين نوال : لا يمه ما تاخروا تو الناس نوره : بس يمه موعد نومه الحين دق جرس الباب نوره : سعد قوم افتح يمكن جاء فايز الجوري تاكل ولا همها احد دخل سعد وهو ماسك فايز في يده : نوير اغراضك عند الباب نوره بدهشه : ايش من جابها سعد :اسامه نوره طالعته وبعدها نزلت نظرها ونفسها انسدت عن الاكل الجوري : انا بقوم ادخلهم ثريا بهمس : ليش الزعل خلاص طلقك اكيد اغراضك ما بتم هناك نوره تنهدت : الحمدلله على كل حال حسام وقف وهو يحمد ربه ثريا طالعت الجوري الي تسحب الشنطه مع سعد الجوري : ثقيله وش فيها نوال : وانتي وش دخلك دخل حسام وهو شايل ااشنطه الثانيه ____ عند اسامه بعد ما وصل فايز و اغراض نوره ورجع لقى اسيل بوجهه : اقول سوسو اسامه رفع حاجب : سوسو !! اسيل ضحكت : هاذي اسوم تدلعك سوسو كشر بقرف : اقول اخلصي وش تبين تقولين اسيل : وش رايك اعطيك رقم اسماء تتعرفون على بعض اسامه : الحين هذا موضوعك اسيل : ايه هي زوجتك عادي اسامه مشى ببرود : ما ابي اكلمها ولا ابي اتعرف عليها زين كذا اسيل زفرت بهدوء : طيب ومشت رايحه لغرفتها اسامه دخل الغرفه وريحة عطرها منشره بالغرفه تنهد بآه من اعماق صدره بدل ملابسه قعد وتفكيره بس فيها وقف واخذ اللابتوب وقعد على السرير وفتحه يشتغل عليه ويبعد عنه التفكير ___ سعود يفطر هو وامه وعبدالله ومحمد نزل الكوب ووقف بيروح شغله : مع السلامه سمع صوتها وراه : سعود لحظه ابي اكلمك مالف لها متجاهل وجودها سعود : عبود اذا خلصتوا اكل روحوا لعبو بغرفتكم عبدالله وقف : اوكي يالله حمود ابتسمت ام سعود لهم عبير بقهر من تجاهله لها وبحده : سعود انا اكلمك سعود بنبره حاده طالعها : صوتك لا يعلى فاهمه عبير : اووف كل هذا عشان قلت كلام وانا معصبه سعود : مو البلا انك معصبه يعني كنتي صادقه بكلامك عبير بنزفره : ايه صادقه و مو ندمانه على اي كلمه قلتها والحين راح اروح بيت اهلي مالي قعده معاك ام سعود وهي ضايعه بينهم ماتدري وش صار سعود رفع حاجب : تفضلي روحي ولا تبيني اوصلك ترى عادي اتأخر عن شغلي عشان اوصلك عبير عضت شفتها توقعت غير هالكلام : طيب يا سعود وعيالك خلهم عندك سعود ببرود: اكيد بخليهم عندي اجل اخليهم عند ام مهمله مثلك لا طبعا وياليت تسعجلي ما ودي اتاخر كثير عبير بانفعال : لا روح لا تتاخر على شغلك وبعدين تنطرد وترد اللوم علي سعود ابتسم على جنب وهو مقهور منها : طيب يا حلوه اتمنى ارد وما الاقيك في البيت عبير : طلقني بعد احسن مره واحده افتك سعود : اذا هذا الي تبينه ليش لا وانا ارد لك طلب الام فزت : تعوذوا من الشيطان وش صاير بينكم عشان توصل لطلاق سعود اخذ نفس قرب من امه باس راسها: عن اذنك يمه تأخرت وقتي ثمين وما ابي اضيعه في نقاش عقيم عبير بقهر : هين يا سعود سعود ابتسم ببرود وطلع اما عبير ضربت رجلها بالارض بقهر اسلوب سعود البارد هذا لاول مره تشوفه دخلت جناحها وهي تاخذ شنطتها وترميها على الارض فتحتها وهي تاخذ ملابس وترميهم فيها بكل قهر ____ في بيت حسام نوره قاعده ترتب اغراضها في الكبت بمساعدة اختها ثريا مسكت البوم صورها فتحته وهي تشوف صور عرسها مع اسامه و ابتسامته الي واضحه بالصور مدت يدها وهي تاخذ صورها معاه بعد العرس و صورهم مع فايز طاحت دمعتها عليهم حست بيد ثريا على كتفها مسحت دموعها وهي تقفل الالبوم فچاه توسعت عيونها وهي تطالع المخلوق الابيض الصغير ثريا لفت بتشوف وش تشوف نوره شهقت : ملاك من كت الطحين فوقك ملاك وجها وشعرها مليان طحين : ف فاز ثريا : فايز لفت لنوره : عاجبك الي سواه ولدك نوره طالعتها وهي كاتمه ضحكتها وردت بصوت حاولت تخفي الضحكه فيه : لا طبعا مو عاجبني وقفت بتروح لفايز طلعت ولحقتها ثريا و ملاك معها شهقت الجوري : يمه من وين طلع هالمخلوق الابيض ضحكت نوره : ههههههه مو كأنها شبح الجوري ضحكت : ايه والله صادقه ثريا : وجع انتي وياها تضحكون على بنتي مشت مع ملاك بتغسلها شافت ماجد : وينك عن اختك ماجد و في يده جوال سعد : كنت العب ثريا مشت وهي معصبه ___ نوره : بروح اشوف هالفايز اكيد حاس المطبخ الجوري : يبي له تكفخ ولد اسامه ما يطلع منه شي زين نوره : لا عاد ما رضى على ولدي الجوري : اتمنى ما يطلع على ابوه نوره بهدوء : انا بعد الجوري ضحكت وهي تشوف فايز يركض شارد من امها نوال : نوره ولدك هذا صاير اذي شوفي لك حل فيه وتعالي نظفي هالحوسه الي سواها ضحكه نوره : حرام عليك يمه هالجميل تقولين عنه كذا انشغلت بالغرفه و خليته عند سعد و ماجد الجوري وهي تطالع نوره فقدوا ضحكتها شالت فايز وهي تطلع فيه لغرفتهم ونوره راحت تنظف وهي مبتسمه ____ عند سعود قاعد وهي يحس بصداع وكلام عبير يتردد براسه ومو مخليه يركز بشغله نزل القلم الي كان بيده و مسك راسه بالم لف على صوت زميله : سعود فيك شي سعود رفع راسه له ابتسم : لا بس عندي صداع رد عليه بندر : عندي بنادول تبي سعود : ايه الله يعطيك العافيه بندر : الله يعافيك مد له البنادول اخذه سعود وطلع له حبه وهو يفتح علبة المويه وبلعها سند راسه على الكرسي شوي و كمل شغله ____ شذى وهي تلحق شيماء : شيوم شيماء وهي تركض وتضحك صدمت في عبدالعزيز وطاحت عبدالعزيز نزل لمستواها : شيماء تعورتي شيماء طالعته ساكته ابتسم وشالها و باس خدها انتبه لمرت اخوه الي واقفه شذى : زين مسكتها تعبت وانا الحقها مو راضيه تاخذ دواها عبدالعزيز : لا شوشو شاطره الحين بتاخذ دواها صح شيماء ابتسمت وهزت راسها : يالله روحي لماما شيماء راحت لامها عطتها الدواء ورجعت تركض وهي ترتمي لحضن عمها عبدالعزيز ضحك لها وضمها شذى ابتسمت ومشت راحت لغرفتها وهي تجهز الشناط حق السفر ____ عند اسامه قاعد على الكنبه و حاط يده وراء راسه و سرحان تفكيره بين نوره ورضا امه و فايز ولده بعد تفكير طويل وصل لشي وقرر يسويه سمع اذان العصر وقف وراح يتوضأ خلص بدل ملابسه لبس ثوبه و لف شماغه على راسه لبس ساعته سكر ازرار ثوبه و رش عطره وطلع سلم على امه الي سألته : وين رايح اسامه : باروح اصلي وبعدها عندي مشوار طلع لبس نعاله و توجه للمسجد وهو يسمع اقامة الصلاه بعد ما خلصت الصلاه طلع من المسجد وحرك سيارته باتجاه بيت ابو سعد وصل وقف السياره وطلع مشى للبيت وهو يضغط الجرس فتحت له نوال : يا هلا بو فايز تقدم اسامه و هو يسلم عليها : اخبارك يا خاله نوال ببرود : بخير خير وش عندك اسامه : بنتكلم عند الباب نوال : لا تفضل حياك اسامه دخل للمجلس وهي قفلت الباب ومشت له اسامه قعد وهي قعدت : تفضل ابو فايز اسامه اخذ نفس : اذا ما عليك امر ابي نوره نوال بضيق : ليش انت طلقتها وتخليت عنها وقهرتها و انا ما ابي اشوف بنتي حزينه ودمعتها على خدها اسامه طالعها بضيق : ممكن اشوفها طالعته نوره بهدوء ودها ترفض بس هالشي راجع لبنتها : طيب وقفت وهو اخذ نفس عميق بعد دقايق دخل فايز شاله اسامه ودار فيه : يا هلا بالغالي دخلت اسامه ببرود : السلام عليكم اسامه طالعها بشوق : وعليكم السلام كيفك نوره تكتفت : بخير اسامه : دوم نزل فايز وهو يعطيه جواله يلتهي فيه نوره تنتظره يتكلم اسامه بلع ريقه وهو يحس كل الكلام الي كان بيقوله لها تبخر مسك يدها وهو يجلسها جنبه : نوره محتاجك وربي حياتي بدونك ولاشي وقلبي احسه ميت ما ينبض الا بشوفتك معي نوره صدت ودموعها تجمعت بعيونها و تتنفس بسرعه اسامه لف وجها وطالع بعيونها باسها بين عيونها : وخالقك اشتقت لك نوره نزلت دموعها مد يده ويمسح دموعها بيديه بقهر انها صارت تبكي كثير بسببه نوره ودقات قلبها تنبض بسرعه بقربه : وش المطلوب مني الحين اسامه : راح ارجعك نوره بألم صدت عنه : مو انت جايب اغراضي كلها وما تبي شي يذكرك فيني اسامه : لا من قال اني محتاج شي يذكرني فيك ليش انا اقدر ما افكر فيك ثانيه نوره تنهدت : تبيني ارجع عندي شروط اسامه ابتسم : آمري نوره : ابي بيت لحالي ما راح ارجع اعيش نفس المعاناه مع اهلك وهالمره زياده عليهم هالعله زوجتك نوره لما ما حصلت رد لفت عليه : وتعدل بينا مو امك تقول لك لا تروح لنوره تقول حاضر اسامه عض شفته لما حس بطعم الدم فيها : برجعك الحين بس فتره و اطلعك بيت بروحك وبعدين انتي عارفه نوره قاطعته بانفعال : ايه عارفه ان امك تبيكم حولها بس تعبت وترى ما طلبت شي صعب من حقي يكون لي بيت مستقل اسامه : غير هالشرط نوره طالعته بقهر : اذا ما تقدر على شرطي توكل الله معك مو كفايه اني رضيت و معي شريكه الا اذا بتطلقها زين بعد اسامه بصدمه : اطلقها هي وش ذنبها نوره بحده : وانا وش ذنبي اتحمل كل هذا بعدين الي يجرح مره يجرح مرتين و ثلاث و ما اضمن بكرا امك تقول طلق نوره و تقول حاضر وبصراحه انا ما صرت اوثق فيك يا اسامه ولا بحبك لي اسامه طالعها بصدمه : ما توثقين فيني نوره وهي تطالع قدامها : ايه اسامه وهو من داخله يحترق من كلامها : يعني افهم من كلامك انك تبين فرقاي نوره هزت راسها بالايجاب اسامه لف لها وهو ماسكها من كتوفها : طالعيني و قوليها نوره غمضت عيونها وفتحتها بلعت ريقها وهي تحس بالكلمه تذبحها قبله : مـ..ا ابيك اسامه طالعها بصدمه غمض عيونه وهو يستوعب كلمتها دفها من قدامه وهو ياخذ جواله من فايز وطلع وقفل الباب بقوه نوره غمضت عيونها وهي تحس انها جرحته بكلامها طالعت فايز الي بدا يبكي بعد ما اخذ ابوه الجوال الي كان يطالع فيه نوره شالته وضمته لها وهي تستنشتق ريحة عطر ابوه الي لصقت فيه همست بصوت مخنوق : ما كان ودي اقول له كذا ما ابي اجرحه بس قهرني بكلامه ____ عند اسامه بعد ما طلع راح الاستراحه دخل وهو يحس بنار بداخله من كلامها قعد وهو ماله خلق احد صديقه وفي يده سيجاره : وش فيك يا ابو الشباب حتى سلام ما سلمت اسامه بنرفزه : علي وخر عني مالي خلق لشي علي وهو ينفث الدخان : روق وش صاير لك اسامه طالعه : عندك زقاره علي انصدم ولف لاصدقائه الي كانوا منصدمين : من جدك انت ما تدخن ابد اسامه بضيق : ابي اجربها علي باستغراب : طيب مد له باكيت السيجاره والولاعه خذ اسامه وحده و هو يشعلها ليرتفع دخانها عاليا و ينفث الدخان لينفس عن قهره ولكنه نسي اضرار التدخين الكثيره و بأن الله يراه وهو يأذي نفسه بالتدخين كح كثيرا وهو يطفئها ويتنفس بهدوء وقف وهو يطلع جواله ويتصل بخاله ____ في بيت سعود قاعد وهو ماسك راسه و الضيق باين على ملامحه حطت امه يدها على كتفه : وش فيك يا نظر عيني سعود اخذ نفس : ولا شي يمه لا تشغلين بالك الام : سعود اذا تحبها لهالدرجه ليش تبي تطلقها سعود بضيق : ما ابي يمه اطلقها بس ما اقدر انسى الي سوته ودام هي تبيه ليش لا الام : يمه لا تتسرع عندك عيال محتاجين امهم سعود بسخريه : ليش هم حاسين بوجودها عشان يفقدونها ما سمعتيها بنفسك قالت خلي عيالك معك الام ربتت على كتفه : هونها يمه و تهون ربك بيحلها سعود تنهد وهو يمسك يد ويبوسها : الله لا يحرمني منك جاء عبدالله ومحمد وقعدوا جنب ابوهم الي ابتسم وهو يسمع سوالف عبدالله الطفوليه ___ أحببته بكل ما املك احببته بقدر مافي هذه الحياه من بشر ولكنه رماني بسهم ليخترق قلبي و يتبين بأن السهم مغروس بسم ليطرحه قتيلا بلا رحمه كيف اصبح بهذه القسوه الم يكن أحن شخصا عرفته ألم يقل لي بأنه لن يسمح لي بالاذى الم يكن يحبني الى حد الجنون اذا لماذا اصبح شخصا مجهولا وكأنني لم اعرفه يوما ، اتعلم ليتني لم اعرفك يوما فرجلا مثلك ضعيف لا يستطيع ان يحارب الدنيا من اجل من يحب لا يستحق ان يْحب ( بقلمي ) قفلت الدفتر بضيق نزلت القلم حطت يدينها تحت ذقنها وهي تفكر مرت سنتين يا اسامه خلاص صرت لغيري وانا ما عدت لك كل شي انتهى من كان يتوقع بتكون النهاية فراق تنهدت بعمق وهي تلتف لجوالها الي صحاها من التفكير ابتسمت وهي تشوف ثريا تتصل ردت : هلا والله اخبارك حبيبتي انا بخير طيب لا تتاخرين بانتظارك مع السلامه وقفت وهي تنزل تحت وتقعد مع الجوري الي قاعده تطقطق بجوالها وفايز الي صار عمره ٤ سنين قاعد جنبها بملل رن جرس الباب وقفت : هاذي اكيد ثريا ومشت للباب فتحته بابتسامه وتجمدت وهي تشوف سعود وعياله رجعت لوراء الباب بسرعه و بارتباك سعود بتوتر : اسف على الازعاج بس الوالده تعبانه وباخذها للمستشفى و ما اقدر اخلي العيال بروحهم نوره خذت نفس بعمق : طيب انا بهتم فيهم خذ خالتي المستشفى ولا تشيل هم سعود ابتسم : مشكوره ومشى لسيارته الي فيها امه تعبانه وحرك نوره بابتسامه : يا هلا والله بالحلوين دخلتهم : فايز يالله روح طلع العابك والعب مع عبدالله ومحمد فايز ابتسم : اوكي وطلعوا للحوش يلعبون كره ____ اسامه تم زواجه من اسماء وعايش في بيت اهله ، عبدالعزيز خلص دراسته ورجع المملكه اما احمد مع انه بارد ويتعامل ببرود بس هالجليد بدأ يذوب في حياته الزوجيه و زوجته حامل بالشهر السادس اسيل تخرجت و قاعده في البيت دخل الغرفه وهو تعبان من الشركه شافها قدامه بكامل اناقتها سلم و فسخ شماغه وعقاله وارتمى على السرير ببرود بدون ما يبدل ملابسه ولا ينطق بكلمه لها قبضت كف يدها بقوه وهي تقعد جنبه : حبيبي اسامه : جوعاان روحي اغرف لي غداء اسماء طالعته بقهر : اوووف اسامه رفع حاجب : وش فيك تنافخين اسماء : مليت من برودك اسامه : والله هذا انا ما اتغير عشان احد اسماء لفت وهي تاخذ جلالها اسامه : بتطلعين كذا وهو يأشر على فستانها القصير اسماء وفي يدها الجلال : وهذا وشو اسامه : روحي غيري ملابسك طلعه كذا لا ما تستحين انتي اسماء بعصبيه خذت عبايتها لبستها وهي تتحلطم بقهر : طيب بدل لما اجهز الغداء طلعت نزلت للمطبخ وهي تجهز الغداء له قعدت على الطاوله شافته جاء وقعد وسم بالله وبدأ ياكل وما عبرها دخلت ام احمد ابتسمت : اسماء يمه ليش ما تأكلين ما قلتي بتنتظرين اسامه عشان تاكلين معه اسامه رفع نظره لها اسماء وقفت بابتسامه : عمتي ما اشتهي الحمدلله شيخه : طيب براحتك وراحت تقعد في الصاله اسامه وقف بعد ما خلص واسماء نادت الخدامه تشيل الاكل وقعدت على الطاوله وهي عاضه شفتها بقهر تدري ان اسامه مو متقبلها حتى يوم زواجهم تركها لحالها في الفندق وطلع دمر كل احلامها الورديه الي بنتها معه و ما شافته الا اليوم الثاني لما قال جهزي اغراضك بنسافر علاقته فيها بارده جدا و هالشي يقهرها بشكل مو طبيعي وقفت وهي تركض للغرفه ارتمت على السرير و دموعها نزلت بقوه وألم ___ نوال : وش فيها ام سعود عسى مو تعبانه كثير نوره : ما ادري والله يمه نوال خذت جوالها وهي تدق عليها اكثر من مره بس مافي رد وقفت انا بروح لها المستشفى الجوري : يمه من بيوديك ابوي محد صبري لما يجي ابو عبدالله و اسأليه نوال تنهدت : طيب لفت وهي تشوف فايز مندمج باللعب معهم نوره : مو كأنه ثريا تأخرت الجوري : الحين بتشوفين ماجد وملاك مدرعمين علينا ضحكت نوره : الله يحفظهم لفت للباب الي انفتح وهي تشوفهم داخلين ثريا و ملاك وماجد ضحكت الجوري : قلت لك سلمت ثريا عليهم وهي تقعد معهم سوالف بعد ساعه رن الجرس وقف سعد وراح يفتح الباب ابتسم : يا هلا والله بوعبدالله تفضل حياك سعود ابتسم : هلا فيك والله مستعجل ناد لي عبدالله و محمد سعد : طيب دخل سعد :عبوود حمود ابوكم يبيكم نوال وقفت : سعد اساله عن امه خل يطمنا عليها سعد : ان شاء الله طلعوا العيال سعد : شلون امك عساها بخير وش صار لها سعود ابتسم : الحمدلله بخير شكلها ما خذت دواها و السكر انخفض واغمى عليها والحين هي بخير يالله سلم على الوالد سعد :الحمدلله يوصل قفل الباب ورجع وهو يقول لامه الي قاله سعود عن حال امه ____ يوم جديد بعد ما صلت الفجر وقرت اذكار الصباح غطت فايز وهي تبوس جبينه وتنزل تساعد امها بالفطور تعرفها تقوم تصلي الفجر وما ترقد الا نادرا: صباح الخير يمه نوال : صباح النور والسرور نوره ساعدت امها مشت متجهه لغرفة سعد تشوفه اذا قعد طقت الباب اكثر من مره ابتسمت شكله نايم فتحت الباب : سعد يالله قوم تأخرت على المدرسه سعد قام بانزعاج : طيب خلاص قمت ابتسمت وطلعت على طاولة الفطور سعد راح لمدرسته لف حسام لنوره : يالله يبه قومي تجهزي باخذك الروضه نوره وقفت : ان شاء الله راحت تجهز لروضه نوره بعد اصرار خواتها عليها تشتغل وتبعد عن جو الكئابه توظفت في الروضه مستانسه بشغلها لانها تحب الاطفال حيل خلصت وخذت شنطتها ونزلت وفي يدها نقابها : يمه قولي للجوري تنتبه على فايز نوال ابتسمت : طيب وصلها ابوها دخلت مشت لغرفة المعلمات وبعدين توجهت لفصلها ابتسمت للاطفال الي يصارخون وفرحانين بوجودها ____ عند سعود طلق عبير ام عياله بعد ما رفضت ترجع له واصرت على الطلاق والي صدمه اكثر زواجها الي صار بعد العده بشهرين كره شي اسمه زواج قاعد مع امه بعد ما اخذ اليوم اجازه عشان يقعد معاهم : يا يمه ليش تقومين وانتي للحين تعبانه ساندي ما تقصر تقوم بشعل البيت ام سعود : والعيال من يهتم فيهم سعود ابتسم : انا بهتم انتي لا تعبي نفسك يالغاليه وقف وهو يسمع جرس الباب : باشوف من مشى للباب فتحه شاف ام سعد : يا هلا خالتي حياك الله نوال : كيف حال امك عساها طيبه سعود : خاله تكفين اقنعيها تقعد وترتاح مو راضيه الا تقوم تشتغل او تشوف العيال وهي تعبانه ابتسمت نوال: طيب ولا يهمك بحاول اقنعها سعود: طيب انا بطلع مع العيال خذي راحتك نوال : بحفظ الله يمه سعود وهي يشوف عبدالله الي قاعد يلعب بالايباد و حمود يطالع وياه : عبود حمود تعالو عبدالله نزل الايباد ومشى لابوه و محمد وقف ولحقه دخلت وهي تسلم عليها : امينه الحمدلله على سلامتك خوفتيني عليك ابتسمت امينه : الله يسلمك لا تخافين انا بخير ومافيني شي انتي كيف حالك وشخبار سعد و فايز والبنات نوال : الحمدلله بخير بس انتي لا تهملين صحتك اخذي دواك بوقته ولا تعبين نفسك ابتسمت امينه : طيب نوال : سعود يقول انك مو راضيه تقعدين وترتاحين ضحكت منيره : شكا لك نوال: ايه مسكين خايف عليك امينه : الله لا يحرمني منه بس ما احب اتم قاعده وبعدين لازم اتطمن على العيال اخاف فيهم شي او يبون شي نوال: ليش ما تزوجين سعود امينه تنهدت بعمق: رافض حتى افتح معه هالسيره ___ في بيت بو احمد دخل اسامه الصاله الي كان فيها امه و اسماء وشذى و اسيل سلم على امه بعد ما سأل عن حالها وقف و هو يطالع اسماء : بكرا بعزم ربعي على الغداء شرفيني قدامهم اسماء وقفت : نعم تبيني اقعد اكرف بالمطبخ عشان ربعك اسامه رفع حاجب : اقول بلا كثره كلام عندك الخدامه تساعدك و اسيل بعد اسماء : حتى ولو انا ما احب اطبخ كثير اسامه بسخريه : الا قولي ما اعرف واختصري اسماء طالعته ببرود : ايه ما اعرف ارتحت اسيل وقفت : معليه اسماء انا بساعدك ولا يهمك اسماء طالعتها ولفت له : وليش ما تجيب من المطعم احسن اسامه : والله نوره كانت تكرف لحالها بالمطبخ وتسوي كل شي و تبيض الوجه بطباخها وانتي وش ناقصك عشان ما تطبخين وتتعلمين اسماء بحقد : انا تقارني بنوره التافهه و ما كملت كلامها لان يد اسامه كانت اسرع على خدها ليخرسها بصدمه كلهم انصدموا لان اسامه ما عمره مد يده على حرمه وهالمره يمدها على زوجته وقدامهم اسامه : والله ان سمعتك تغلطين عليها لا تشوفين شي ما يعجبك فاهمه وراح اعزم الشباب و بتطبخين لحالك وخليني اشوف شي ناقص على السفره و بتشوفين وش بسوي ومشى وهو يسمع الاذان شيخه بعصبيه وقفت : أسامه بس ما رد وطلع من البيت اسماء طالعتهم و مشت بخطوات سريعه لغرفتها شذى ابتسمت بهدوء لان قاهرتها هالأسماء وقفت وهي تحس بألم بظهرها مشت وهي تشوف ماجد يلعب مع اخته ابتسمت وراحت لغرفتها توضت وصلت العصر وقعدت على السرير وهي تحس بتعب من حملها دخل احمد وهو يسلم وقف وهو يشوف تعابير وجها قرب منها : تعبانه شذى ابتسمت : تعب عادي ويروح احمد ابتسم وقام طلع له ملابس وراح يأخذ له شور طلع و شعره يقطر ماء شذى طالعته تبي تكلمه بموضوع بس متردده طالعها وفهم انها عندها شي تبي تقوله مشى لها بس وقفت وهي تاخذ منشفته الصغيره : حبيبي نشف شعرك لا تمرض احمد ابتسم : تخافين علي شذى : اكيد احمد مسك كف يدها وهو يقربها من فمه ويبوسها مد لها المنشفه فهمت قصده خذتها وهي تنشف شعره بهدوء : احمد احمد : نعم شذى خذت نفس : شرايك نطلع لبيت لحالنا يعني هنا ما اخذ راحتي بوجود اخوانك وبعدين احس لو نطلع افضل احمد طالعها وهي تفرك يدينها بتوتر احمد حط يده على يدينها وهو بعد يفضل يطلع : بفكر شذى توسعت ابتسامتها انه ما رفض وهي تعرفه اذا قال لا مستحيل يغير رايه احمد : ابي انام قعديني لصلاة المغرب شذى : ان شاء الله وقفت بتطلع مسك يدها : وين شذى : باشوف طلال وشيماء احمد : ترى تعب عليك كل شوي نازله وطالعه شذى : طيب شسوي احمد ابتسم : خليك قاعده هنا الحين بيجون قعدت على السرير دقايق الا تشوف طلال داخل شذى وهي تشوف احمد نايم ومو حاس باحد وقفت وهي تمشي لطلال : وين اختك طلال : بالغرفه شذى: طيب يالله نروح لها اسماء من صدمتها قاعده بالغرفه وهي مقهوره و متضايقه وغيرانه من نوره الي تأكدت اليوم ان اسامه لازال يفكر فيها ويحبها ___ نوره وهي تشوف امها داخله ابتسمت نوال عقدت حواجبها : نوير وين رايحه نوره : يمه ابي اغراض لروضه من المكتبه نوال : اها مع من بتروحين نوره : بتاكسي بروح انا وسعد باست راس امها : ثريا جات وفايز يلعب مع ملاك وماجد ما راح اطول يمه مع السلامه نوال : الله وياكم ____ عند اسامه طلع من الاستراحه ركب سيارته وحرك باتجاه بيت حسام عشان ياخذ فايز بعد دقايق وقف السياره وهو يشوف سعد ينزل ويدخل الاغراض ونوره حاسبت السايق ومشى نزل من السياره قرب منها قبل لا تدخل : نوره جمدت بمكانها وهي تسمع صوته الي تعرفه عدل لها سنتين ما شافته من اخر مره و لما يجي ياخذ فايز يطلع له اخوها او ابوها لفت وانصعقت وهي تشوفه يشعل السيجاره بالولاعه يدخن من متى خذت نفس : نعم تبي فايز اسامه وهو يطالع بعيونها : ايه نوره : طيب مشت بس وقف قدامها بسرعه : لحظه نوره : خير وش تبي بعد اسامه رمى السيجاره بالارض وهو يدوسها : اخبارك زفرت بطفش ولفت بتدخل مسك مرفقها طالعته بدهشه وسحبت يدها بس ما فكها وبعصبيه وهي ترص على اسنانها : اسامه فك يدي اسامه : واذا ما فكيتك وش بتسوين مشى لهم بقهر دفه على وراء : انت ما تستحي تتعرض لبنات الناس ما تخاف ربك نوره تلفتت حواليها وهي تحمد الله ان الشارع فاضي اسامه : نعم وش دخلك سعود بحده : الا لي دخل والي ما ترضاه على خواتك لا ترضاه على بنات الناس ويالله توكل لا تشوف شي ما يسرك اسامه ببرود : مو متحرك بشوف وش الي مايسرني و ثانيا بصفتك شنو تتدخل سعود وهو يطالعه بنظرات تكلم ببرود : بصفتي خطيبها اسامه توسعت عيونه نزلت عليه الكلمه مثل الصاعقه لف يطالع نوره الي تطالع سعود بصدمه يبيها تتكلم تنفي هالشي بس هي ساكته والاصح مو مستوعبه الي سمعته وبعصبيه وجه بوكس قوي لسعود رجع من قوته خطوه للخلف نوره شهقت سعود رفع يده وهو يمسح الدم من شفته ويناظر اسامه بحقد اسامه بجنون قرب وهو ناوي يذبحه ولا يرتبط اسمه باسمها وقفت نوره قدامه : اسامه تكفى الله يخليك روح اسامه بصراخ : بعد خايفه عليه نوره عضت شفتها : طلبتك روح ما نبي فضايح قدام الجيران تكفى روح السياره وبخلي سعد يطلع لك فايز بس رووح اسامه طالعه بنظرات غيره وكره شد على قبضة يده بقوه ومشى نوره زفرت بقوه لفت لسعود : اسفه على الي صار سعود بهدوء : حصل خير ومشى باتجاه بيته وهو يفكر لما شاف الرجال واقف قدام بيت ابو سعد و البنت شكلها متضايقه منه وتحاول تفك يدها منه مشى بسرعه وبعصبيه بيوقفه عند حده هو ما يرضى على وحده من اهله شلون يرضى على بنات ابو سعد صديق ابوه والي يعزه حيل بس اللي فهمه انه ابو فايز طلع منديل وهو يمسح الدم قبل لا تشوفه امه و تخاف عليه دخلت وهي تفسخ نقابها وعبايتها شافت سعد الي مندمج على جواله ونساها خذت فايز وراحت الغرفه تجهزه و تخليه يروح مع ابوه فسخت عبايتها بدلت ملابسه وسرحت شعره و لبسته جزمته وباست خده : خلك شطور و لا تخرب اوكي فايز : اوكي نزلت لسعد وبهدوء : خذه لابوه هو برى ينتظر سعد وقف : طيب قعدت على الكنبه وكلمة سعود ترن بأذنها شلون يتجرأ ويقول ان خطيبها قبضت كف يدها بقهر ___ اسامه وقف السياره في الموقف الي قدام بيتهم نزل وفتح الباب الي وراء بعصبيه سحب فايز من يده بطريقة اوجعته وارتفع بكاء فايز مشى فيه وهو يفتح الباب لفوا على صوت بكاء فايز عبدالعزيز وقف : اسامه وش فيه فايز اسامه : مدري عنه مشى عبدالعزيز وهو يشيله : وش فيه فايز البطل فايز مسح دموعه بيدينه قعده على الكنبه وهو يسولف معاه صالح : فايز حبيبي تعال ركض فايز لجده الي حضنه وهو يبوسه شيخه : اسامه وين رايح تعال اقعد بتتعشى معنا اسامه : مالي نفس ومشى لغرفته دخل وقفل الباب بقوه فزت اسماء الي قاعده على السرير حابسه نفسها من بعد الي صار الظهر طالعته وما تكلمت احسن لها لان لو تكلمت وهو بهالعصبيه ممكن يفجر فيها نزلت نظرها للجوال تلتهي فيه اسامه فتح ازرار ثوبه وهو يحس باختناق مشى لتسريحه تسند عليها بيدينه وهو يتنفس بقهر وغيره مسك عطره ورماه بقوه على الارض اسماء غطت وجها من شظايا العطر الي تناثرت بكل مكان لفت تطالعه بصدمه من عصبيته اسامه مسك تحفه ورماها على الجدار اسماء بصدمه : شفيك جنيت اسامه طالعها بنظرات رجعت لوراء بخوف من نظراته مشى لها سحبها من يدها له مسك فكها بقبضة يده القويه : لو سمعت لك حس ذبحتك دفها على ظهر السرير وهو يطالع بعيونها : فاهمه اسماء كتمت صرخة ألم بظهرها من دفته لها وهزت راسها بأيه بعد وهو يأخذ منشفته و مشى للحمام بيأخذ شور بارد اسماء طالعته تبي تعرف سبب عصبيته مدت يدها وهي تمسح دموعها الي نزلت طالعت جهة الباب الي انفتح عقدت حواجبها باستغراب وهي تشوف فايز لفت وجها بسرعه وهي تمسح دموعها طالعته وهي تستوعب سبب عصبية اسامه اكيد شاف نوره لما جاب فايز و يمكن تكلم معاها عضت شفتها بغيره وهي تحس بنار تشب فيها طالعت فايز بكره رسمت ابتسامه مصطنعه على شفايفها : فايز حبيبي تبي شي فايز وهو يطالع بالغرفه الي تغير فيها كل شي يدور بعيونه على ابوه رد : بابا وين اسماء نزلت نظرها لرجول فايز الحافي ابتسمت بهدوء وهي تأشر على الحمام فايز مشى بيروح له وفجأه صرخ بطفوله وهو يحس بالألم برجله ودموعه نزلت بغزاره اسماء وقفت وهي تلبس الشبشب مشت له وهي تخفي ابتسامتها سمعت الباب يفتح شالته وحطته على الكنبه وهي تشوف الدم الي برجله من قطعة الزجاج اسامه طلع بسرعه و شعره يقطر ماء وهو يسمع بكاء فايز العالي مشى بسرعه له: وش فيه انصدم وهو يشوف رجله دف اسماء: بعدي عنه لو تخافين عليه كان ما خليتيه يدخل والغرفه مليانه قزاز رفع رجل فايز وهو يحاول يطلع القطعه من غير ما يوجعه وبعد محاولات مع فايز الي يصرخ ويتألم شالها وقف وهو يجيب علبة الاسعافات الاوليه من الكبت عقم الجرح بسرعه و حط له قطن و لاصق جروح قعد على الكنبه وهو يضمه ويبوس جبينه ويحمد ربه ان الجرح ما كان عميق استغفر الله واتوب اليه | ||||||||
|
| |
|
02-01-20, 12:35 AM
| #7 | ||||||||
| مراقبة عامة ومشرفة منتدى الروايات المنقولة
| البارت الخامس اسماء طالعته بقهر وقف اسامه وهو شايل فايز : نظفي الغرفه من القزاز اسماء ودها تصرخ من القهر مشت وهي تاخذ جلالها وطلعت و قفلت الباب بقوه نزلت وهي تقول للخدامه تروح تنظف القزاز شيخه : وش صاير اسماء بابتسامه مصطنعه : مو صاير شي بس فايز كسر العطر بالغلط شيخه بخوف : ليكون تعور اسماء تنهدت : ايه بس صدقيني كنت سرحانه وما انتبهت الا على بكاه و الحمدلله الجرح مو عميق لفت بتمشي شيخه : تعالي قعدي معانا اسماء قعدت جنب اسيل : طيب اسامه غطى فايز الي تعب من البكاء و نام باس جبينه وطلع من غرفة فايز ___ عند نوره قاعده على السرير وضامه مخدة فايز ومو مرتاحه ابد مو قادره تنام صح اسامه ياخذ فايز عنده ٣ ايام واحيانا يطول اسبوع بس والله تشتاق له حيل وما ودها يبعد عن نظرها تنهدت وهي تحس بضيقه مسكت جوالها ورفعته بتتصل بشذى وتسألها عن فايز بس شافت الساعه الوقت متأخر تخاف تزعجها راح تتصل الصبح و تطمن عليه نزلت الجوال وانسدحت وهي تحاول تنام ____ في بيت سعود مد يده وهو يمسك جواله الي يرن بازعاج فتح عين وهو يقفل المنبه الي ضبطه لصلاة الفجر قعد وهو يتعوذ من الشيطان وراح يتوضأ لصلاة الفجر لبس ثوب وسكر ازاره العلويه و ازرار يدينه و مشط شعره و اخذ جواله وطلع للمسجد بعد ساعه قاعد على الكنبه ساند راسه على وراء جاء طيفها قدامه بشعرها الاسود الطويل و بشرتها البيضاء فتح عيونه و هو يفكر اذا شاف عيونها بس ولا مره شافهم لان كل مره ينزل نظره للارض بسرعه وآه من صوتها حكايه ثانيه يجذب السمع غصب صحى من سرحانه على صوت عبدالله هو يتعوذ من الشيطان ومن تفكيره امينه : وضعك مو عاجبني صاير تسرح كثير سعود : لا يمه مافي شي لا تشغلين بالك امينه بعدم اقتناع : طيب سعود وقف : يالله امش بوديك المدرسه صار لك يومين غايب خلاص عبدالله اخذ الشنطه : يالله ____ قفلت شذى الجوال بابتسامه بعد ما كلمت نوره وخلت فايز يكلمها وتطمن عليه شافت فايز الي قاعد مع شيماء وماد رجله ما قدر يلعب معاها لانها توجعه فتم قاعد اما شيماء تقوم تروح تجيب العابها وترجع له وقفت اسيل وهي تشوف الساعه عشر واسماء مالها حس مشت لغرفة اسامه وقفت وهي تطق الباب بسرعه فتحت اسماء وهي تتثاوب بكسل اسيل : نايمه يا حظي اقول صحصي ناسية عزيمة اسامه اليوم لو ماجهز كل شي على الوقت بيقلب البيت فوق راسنا اسماء تأففت وهي مالها خلق لعصبية اسامه : طيب ادخلي بس ابدل ملابسي وننزل نتريق ونجهز لعزيمة اخوك اسيل : طيب بسرعه لبست قميص روز وهي ترفع شعرها كله وتاخذ الجلال : يالله بعد ما فطرت راحت مع اسيل المطبخ وبدوا يجهزون للغداء طبعا بمساعده الشغاله قعدت اسيل بتعب : ماشاء الله عليها هالنوره ما ادري شلون كانت تسوي كل شي بروحها اسماء قعدت مقابلها وهي تمسك كوب ماء وتشرب : بليز لا تجبين طاريها اسيل : اوكي بعد دقايق جاء اسامه وهو ياخذ الصحون ___ عند سعود يشرب شاي بهدوء وهو يطالع عبدالله الي يحل واجباته بابتسامه و لمحمد الي قاعد ياكل حلاوى و مستانس وامه الي قاعده قدامه سرح بتفكيره من غير شعور طالعته امه : سعود مارد رفعت صوتها : سعود انتبه سعود لامها : هلا امينه : وش فيك تسرح كثير وش الي شاغل بالك سعود نزل كوب الشاي على الطاوله : يمه في موضوع ابي اكلمك فيه امينه ابتسمت : شنو سعود اخذ نفس وهو خايف يكون تهور : ابي اتزوج طالعته امه بدهشه وما تكلمت ضحك سعود : يمه وش فيك اقول لك ابي اتزوج امينه : تتكلم جد سعود : ايه امينه بابتسامه : احلى خبر يمه وش غير نظرتك في الزواج سعود : يعني العيال يبي لهم ام وانتي تعبانه امينه عقدت حواجبها وبهدوء : يعني افهم من كلامك تبيها مربيه وبس سعود اخذ نفس وما رد امينه بجديه : سعود خلك على وضعك ولا تظلم البنت معاك سعود بلع ريقه : لا ان شاء الله ما اظلمها ام سعود تنهدت : طيب من الي تبي تتزوجها سعود وهو يخلخل يده بشعره طالع امه : أم فايز بنت عمي حسام امينه طالعته وهي ترمش بعدم استيعاب فجأه توسعت ابتسامتها : احلف تبي نوره سعود طالع عياله ولف لأمه : ايه امينه ارتفع صوتها بالزغاريد سعود مسك يدها : يممه ضحكت امينه : يازين ما اخترت والله سكتت شوي الا صح وش عرفك فيها سعود حك جبينه : لا ما عرفها بس سمعت عنها منك امينه عقدت حواجبها تتذكر اذا تكلمت عن نوره بس ما تذكرت طالعته بتسأله متى تكلم عبدالله : ماما شفيك شصاير ابتسمت امينه : مو صاير شي حبيبي فرحانه لابوك محمد : ماما ابي اروح عند فايز عبدالله : ايه وانا بعد ابي اروح عند خالتي نوره وفايز ابتسمت امينه : فايز محد يمه بس اذا تبون نروح رحنا يمكن ثريا جات وتلعبون مع ماجد محمد : يالله نروح امينه : طيب ____ بعد صلاة المغرب دخل البيت ما حصل احد دخل لغرفة فايز ما حصله مشى لغرفة اسيل بيسألها وقف و ابتسم وهو يسمع ضحكهم طق الباب فتحت له اسيل بابتسامه : يا هلا شاف فايز ياكل كيك ابتسم : يا هلا فيك من متى تاكلون بالغرفه ليش ما تنزلون ضحكت اسيل : من اليوم انا وهالحلو كيفنا اسامه قعد على السرير وهما قاعدين على الارض العاب فايز متناثره حولهم وكيك وعصير وشيبسات : مافي احد وينهم اسيل مدت علبة عصير : احمد اخذ زوجته والعيال وراحوا لبيت اهلها وامي راحت زياره وابوي وعبدالعزيز ما ادري والله وين طلعوا واسماء دخلت الغرفه وما بقى الا فايز بروحه خذته ودخلنا الغرفه نلعب وناكل ونستانس : صح فايز فايز بابتسامه : صح اسامه ابتسم : حلوو اقعد معكم اسيل : لا ما نبي ضحك اسامه : افاا فايز تبيني اقعد معاكم فايز وهو يطالع عمته ضحك : لا اسامه وقف وهو يفتح العصير : طيب خلاص رايح اسيل ضحكت : امزح تعال اسامه : لا خلاص رايح اسيل : براحتك مشى لغرفته فتح الباب شاف اسماء تمشط شعرها قدام التسريحه قفل الباب وابتسم : لا اثبتي اليوم انك تعرفين تطبخين اسماء : زين بعد تأكدت اسامه ببرود : طابخه لحالك ما صدق اسماء بلعت ريقها نزلت المشط وقفت : اسامه خلاص عاد صار الي تبيه وانتهينا اسامه ابتسم : طيب ليش معصبه اسماء : كذا من غير سبب والا بس انت الي من حقك تعصب وغيرك لا اسامه طالعها رمى علبة العصير بالزباله ومشى للكبت طلع بنطلون جينز وفانيله خضراء بعد ما بدل وقف قدام التسريحه و هو يسرح شعره ويرش عطره لبس ساعته واخذ جواله ومفتاح سيارته ولف لها : لا تنتظريني على العشاء بتعشى مع الشباب يالله سلام اسماء قبضت يدها بقوه : لحظه ابي اروح بيت اهلي وصلني معاك ما ابي اروح مع السواق اسامه ابتسم : افا عليك الف طلب من هالطلب اسماء طالعته بقهر وهو مشى : انتظرك بالسياره اسماء مدت يدها لشعرها وهذا ما ينعرف له يوم رايق ويوم معصب اسامه راح لغرفة اسيل بعد ما سمع رد اسيل : ادخل فتح الباب وركض له فايز : بابا باروح معك اسامه : حبيبي ما اقدر اخذك معاي اليوم بكرا طيب فايز تضايق اسامه : ولا تزعل بجيب لك معاي لعبة السياره الي تبيها فايز ابتسم : سياره اسامه : ايه فايز : اوكي لف لاسيل : اسول انتبهي لنفسك ولفايز و خليه يتعشى الساعه ٨ وينام ٩ طيب اسيل ابتسمت : ان شاء الله اسامه : مع السلامه وقفل الباب طلعت اسماء من الغرفه وهي تشوفه ينزل الدرج لحقته وصلت لسياره وركبت ____ نوره وهي تفك ربطة شعرها سرحته وخلته على طوله مفرود نزلت نظرها للمكياج ابتسمت وهي تأخذ الأيلاينر وترسم عيونها بطريقه متقنه خذت المسكره وهي تكثف رموشها حطت كحل داخل العين و مدت يدها لروج لحمي و هي تحطه على شفايفها ابتسمت وهي تنزل شافت ام سعود عضت شفتها ما كانت تدري انها موجوده لانها نايمه من عصر وتوها صحت صلت المغرب والعشاء ابتسمت : لا خالتي ام سعود عندنا ومحد يقول لي سلمت عليها وقعدت : اخبارك خالتي ام سعود بابتسامه : بخير انتي اخبارك نوره : الحمدلله الجوري : شهالزين شعندك اليوم نوره ضحكت: ولا شي قلت اغير بس لفت لثريا الي تسولف معها وهي منتبهه لنظرات ام سعود الي وترتها خذت نفس بعمق بعد ما شافت امها تفتح موضوع معها وما صارت تناظرها ثريا :شفيك نوره ابتسمت :لا ولا شي ثريا : شلون الشغل نوره ابتسمت :حلوو ثريا: انتبهي لملاك الا هي شلونها في الروضه ضحكت نوره : تلعب وتسولف ماشاء الله عليها وقفت امينه : يالله عن اذنكم انا رايحه نوره : وين يا خاله تو الناس امينه وهي تحط عبايتها على راسها : حبيبتي بس لازم نروح عبود حمود يالله بنروح عبدالله : ماما نبي نقعد بعد شوي محمد : ايه ماما نبي نقعد ابتسمت : يالله قولوا لملاك وماجد مع السلامه وامشوا ضحكت الجوري : الله يحفظهم ابتسمت : فمان الله الكل : مع السلامه ____ عند سعود رجع البيت من وقت ما شاف احد قعد في الصاله رفع جواله وهو يتصل على عمه و بعد السلام والسؤال عن احواله فاتحه بأن يبي يخطب عشان ما يزعل عليه لان ما قاله ورد العم بفرح وقال له بكرا بيمسك خط من الدمام لرياض عشانه .. دخلو العيال وهو يتكلم قفل بابتسامه من عمه وهو يطالع امه امينه : راجع بدري اليوم ضحك سعود : اشتقت لكم قعدت امه : دوم ان شاءالله سعود ضحك سكت شوي : كلمت عمي عبدالرحمن وقلت له بروح اخطب وقال ان شاء الله بكرا بيجي عشان نروح نخطب امينه ابتسمت : الله يوفقك يمه ويقدم الي فيه الخير سعود : آمين ____ يوم جديد فايز يلعب بالسياره الجديده الي جابها له ابوه شيخه : وين اسماء طالعها اسامه : ببيت اهلها شيخه : وليش ما تجيبها اسامه : مشتاقه لهم وتبي تقعد شيخه : اسامه ما يمشي معي هالكلام اسامه : طيب خلاص الحين بودي فايز وبمرها طالع فايز : فايز بابا يالله نروح لماما فايز وقف و مشى بخطوات بطيئه : ايه بابا يالله نروح ابتسم اسامه وهو يشيله : يالله عن اذنكم فايز : ابي السياره اسامه نزله اخذ اللعبه وشاله مشى لسياره ركب فايز وراء وحرك السياره وقف قدام بيت ابو حسام نزل وشاله دق الجرس انتظر وفتح له سعد سعد : فايز وربي اشتقت لك اسامه نزله : سلم على الوالد سعد : يوصل ان شاء الله لف ومشى لسيارته وحرك باتجاه بيت خاله مسك جواله وهو يتصل فيها : جهزي نفسك انا جاي في الطريق وقفل بعد نص ساعه وقف نزل دخل مشى لمجلس الرجال وهو يسلم على خاله وعياله ___ عند سعود وصل عمه من ساعه عبدالرحمن : وربي ان فرحت لك وحسام والنعم فيه و نسبه ينشرى ابتسم سعود : عسى دوم فرحان يا عم عبدالرحمن : كلمت ابو سعد ان جايين له اليوم سعود : بس توك واصل وتعبان من الطريق عبدالرحمن : تستاهل الي يتعب عشانك ياولد الغالي سعود ابتسم وهو يبوس راسه : ايه كلمته الله يطول عمرك بطاعته عبدالرحمن ابتسم : خلاص بعد المغرب نروح له سعود : ان شاء الله بعد صلاة المغرب بيت حسام مجلس الرجال بعد سوالف حسام و عبدالرحمن نزل عبدالرحمن فنجان قهوته : احنا جايينك اليوم يا بو سعد نبي القرب منك و نخطب لولدنا سعود حسام ابتسم : هاذي الساعه المباركه وسعود اعرفه من هو صغير رجال يعتمد عليه والنعم فيه بس من تبون الكبيره او الصغيره سعود بلع ريقه بتوتر : الكبيره حسام طالعه بدهشه توقع الجوري ما جاء في باله ابد ان يبي نوره ابتسم وهو حاس بفرحه لان يعرف سعود ويعرف اخلاقه : انا موافق وين نلقى احسن منك بس لازم اخذ راي البنت عبدالرحمن : ايه اكيد خل تأخذ راحتها والله يقدم الي فيه الخير أمنوا وراه وقف عبدالرحمن : يالله احنا نستأذن وقف حسام : لا والله عشاكم اليوم عندي عبدالرحمن : ليش تحلف الله يهديك يا ابو سعد حسام : خلاص حلفت واليوم عشاكم عندي عبدالرحمن ابتسم : طيب ارتفع صوت اذأن العشاء ليرددوا معه ويتوجهوا للمسجد ___ في اليوم التالي نوره طالعت ابوها وامها وهي ترمش اكثر من مره بعدم استيعاب : يمه تكفين اصدميني وقولي ان الي يقوله ابوي جد وسعود خطبني نوال بهدوء : ايه خطبك حسام : وش فيه سعود وش ناقصه نوره سكتت بصدمه وما عندها اي رد حسام قعد جنبها : والله يا بنتي سعود والنعم فيه واحس هو الرجال المناسب لك وراح يحتوي ولدك ويعامله مثل ما يعامل عياله و بعدين هو رجال ما يفوت فرض بالمسجد واعرفه من هو صغير و غلاته مثل غلات سعد صلي استخاره وفكري ولا تستعجلين بالرد نوره بلعت ريقها وقفت وهي تقول : ان شاء الله الجوري ابتسمت رفعت جوالها وهي تطقطق فيه ___ في بيت ابو احمد اسيل وهي تنزل جوالها بعد ما قرت محادثه الجوري لفت على اسماء بابتسامه : عندي لك خبر بيفرحك اسماء : وشو اسيل : نوره انخطبت وقريب بتتزوج اسماء طالعتها بدهشه : احلفي والله احلى خبر سمعته عساها تتزوج وافتك منها هالحقيره الي اخوك ما غير يفكر فيها اووف شذى وهي تأكل عنب : يا زينها والله فرحت لها ولفت لاسماء باستفزاز شكلك تبين كف ثاني يعدل كلامك عن نوير نزلت صحن العنب على الطاوله ومشت بس وقفتها يد اسماء لفتها لها بقوه لدرجة تعثرت شذى وطاحت على الارض اسيل وقفت بدهشه : اسماء انهبلتي ما تشوفينها حامل تدفينها كذا احمد وقف بصدمه وهو يشوف شذى طايحه على الارض و كلام اسيل يرن في اذنه رجع لوراء عشان مرت اخوه موجوده اسماء بكره : احسن عساها تتعسر ولادتك اسيل ساعدت شذى الي تتألم توقف شذى بابتسامه : مقهوره ان انا حامل اسماء بقهر وحقد : مالت بس اذا تتوقعين ان زوجك ميت فيك فأنتي غلطانه لانه كان يحب وحده قبلك بس مسكين تزوجت وتركته و لما عمتي خطبتك له وافق عليك مجبور احمد دخل بعصبيه : بس ما اسمح لك تتكلمين عن حياتي الخاصه اسماء تغطت بسرعه كمل احمد : وزوجتي ما تنهان واليد الي تنمد عليها اكسرها اخ بس لو ما كنتي مره كان عرفتي اسماء سكتت احمد مسك يد شذى وبيمشي شذى سحبت يدها بقوه منه : ع الاقل انا ما تدخلت بين اثنين وخربت حياتهم وهما بينهم طفل واذا عن الاجبار شوفي ابو فايز اكبر دليل و الي بيته من زجاج لا يرمي الناس بحجاره احمد توسعت عيونه من كلامها و مشت هي واحمد واسيل قعدت وهي ماسكه راسها ____ دخلت شذى الغرفه و قعدت على كنبه لفردين عضت شفتها تكتم شهقاتها من كلام اسماء و من ألم بطنها احمد خلخل يده بشعره بقهر محد يدري بهالسالفه غير امه واسيل شلون عرفت هاذي تضايق وهو يشوف شذى تبكي قعد جنبها على الكنبه : وحده مثلها تبكيك شذى بألم : ايه لان كلامها صدق بس ليش ما صارحتني علشان اكون عارفه احمد حط يده على اكتافها : خلاص ماضي وانتهى وانتي حاضري ومستقبلي شذى طالعته : بس ما تحبني احمد بهدوء : تشككين بغلاتك بقلبي والله يا شذى ان غلاتك مالها حدود شذى دفته : وخر عني ما ابي اشوفك احمد ضحك وهو يقربها له : يا زينك وانتي زعلانه شذى طالعته وصدت احمد ابتسم : انتي زوجتي وام عيالي و حبييتي واغلى الناس عندي شذى ابتسمت من يين دموعها احمد ضمها له وباس جبينها : بس تدرين توني ادري ان لسانك طويل وما تسكتين هههههههه شذى ضربته على صدره : سخيف بعدين تستاهل هي الي بدت احمد : قومي غسلي وجهك وارتاحي انا بروح اشوف طلال وشيماء وقف وهو يبدل ثوبه الي تبلل بدموع شذى ويلبس ثاني طلع لغرفة عياله وهو يشوف طلال قاعد و شيماء تلعب : طلال حليت واجباتك طلال : ايه بابا خلصت مع ماما احمد ابتسم : طيب انتبه على اختك حبيبي طلال : طيب طلع وهو يدور اسيل مشى لصاله شافها قاعده وسرحانه مشى لها مسك يدها وهي شهقت بخوف وقفها : اسماء وش عرفها بهالسالفه اسيل وهي تخاف من عصبية احمد : أ أ أحمد و احمد قاطعها وهو يرص على اسنانه : تكلمي شلون عرفت اذا محد يعرف غير انتي وامي من قال لها اسامه الي توه دخل سحب اسيل وراه : احمد وش فيك عليها احمد بعصبيه : اسماء من قال لها شلون عرفت تكلمي بسرعه لا الحين اذبحك اسيل تمسكت بأسامه من وراء : انا قلت لها بس من زمان ما توقعت ان للحين متذكره وبتقول لشذى احمد : من قال لك تتكلمين عن حياتي الخاصه قدام احد اسامه بدون استيعاب : لحظه اسماء شدخلها هي شسوت احمد بعصبيه سحبها من يدها : والله لو اسمع انك قايله لاحد شي يخص حياتي لاكون ذابحك فاهمه اسيل ويدها تعورها هزت راسها : طيب اسامه مسك اسيل : احمد خلاص تركها احمد تركها ومشى اسامه بحنيه وهو يمسح دموعها : لا تزعلين من احمد هو ما يقصد وبعدين وش الي خلاه يعصب هو بارد وما يعصب الا بالسنه مره اسيل طالعته وهي مقهوره من اسماء هالي سوت لها مشكله من احمد : اسماء هي السبب اسامه عقدت حواجبه : كيف اسماء وهي تهمز يدها : تهاوشت مع شذى و قالت كلام كبير لشذى يخص احمد وهو الي خلاه يعصب اسامه غمض عيونه لف ومشى بخطوات سريعه لغرفته فتح الباب بقوه انفجعت اسماء الي كانت قاعده على سريرها مقهوره قفل الباب و نظراته موجهه عليها : وش مسويه مع شذى اسماء زفرت بطفش : هي الي بدت و تستاهل اسامه مشى له ببرود : لا بريئه ماشاء الله عليك ابد مو صوب المشاكل اسماء بضيق : اصلا كل الي في البيت يحبون المشاكل وجع بس ما اقدر اتحملهم اسامه مسكها من شعرها : غصب عليك تحترمينهم مو برضاك فاهمه و اذا سمعت انك غلطتي عليهم بكلمه او سويتي مشكله لا تلومين الا نفسك هالمره بسكت بمزاجي ورماها على السرير اسماء همست : وجع ان شاء الله اسامه : قلتي شي اسماء شافته واقف يطالعها ابتسمت بخبث وهي تبي تقهره : لا حبيبي بس في شي ابي اقوله لك اسامه وهو يفصخ عقاله وشماغه بطفش ويرميهم : خير اللهم اجعله خير اسماء وابتسامتها اتسعت :كل خير حبيبي بس ام فايز نوير تزوجت تركزت نظراته عليها بصدمه وكأنه ماء بارد انسكب فوقه لدرجه تجمد كل شي فيه يحس باختناق و كأنه الاكسجين هرب منه ومو قادر ياخذ نفس مد يده بصعوبه وهو يفك ازرار ثوبه العلويه اسماء وقفت بسرعه وخوف من وجهه الشاحب : اسامه شصار لك اسامه دفها عنه وطلع من الغرفه نزل وطلع للحديقه اخذ نفس بقوه وزفره قعد على الكرسي وسند راسه لوراء غمض عيونه بألم خسرها خلاص نوره حبيبته راحت منه هو الي تخلى عنها بسهوله ليته وافق على شرطها وتبقى معه وقدامه فتح عيونه ويزفر بقوه ويحس بنار بقلبه شلون يتخيلها مع غيره ما يقدر رفع نظره شاف عبدالعزيز واقف قدامه عبدالعزيز بخوف قعد قدامه : اسامه فيك شي تعبان يا خوي اسامه تنهد : حيل تعبان يا عبدالعزيز عبدالعزيز مسك يده : وش يوجعك اسامه ضرب جهة اليسار من صدره : هذا يوجعني عبدالعزيز بحزن على اخوه : سلامتك يا اخوي لا تعذب نفسك خلاص انساها وعيش حياتك اسامه : ما اقدر يا عبدالعزيز صعب عبدالعزيز ضغط على يده وكأنه يبي يشاركه وجعه وياخذه عنه ____ في الروضه تطالع الاطفال بابتسامه وهي تشوفهم يلونون بحماس وقفت ومشت طالعت تلوين الطفل ابتسمت :الله تجنن الولد ابتسم وهو يلون لفت نوره لصوت بنت : ابله شوفي رسمتي نوره وهي تنزل لمستواها وتبوس خدها : جميله مثلك حبيبتي دارت عليهم بابتسامتها الي مافارقتها وقعدت على المكتب وسرحت بتفكيرها بخطبتها وش الي يخلي سعود يخطبها معقوله خالتي امينه هي مدحتني قدامه تنهدت وهي تبعد تفكيرها عنه ___ الساعه ٣ العصر لفت على فايز الي دخل عليها و قفت بعد ما صلت الاستخاره وهي تفسخ جلالها وتشيل السجاده فايز : ماما خالتو ثريا قالت انزلي نوره ابتسمت : طيب خذت نفس عميق تفكر وقفت و طلعت من الغرفه لتحت ثريا : سمو الاميره واخيرا نزلتي نوره وهي تقعد وتحط رجل على رجل : قلت حرام اخليك تنتظرين كثير ثريا وهي ترميها بالحبَ الشمسي ( فصفص ) الي تأكله : جب بس لا تصدقين نفسك ضحكت الجوري : نوير وش قررتي نوره تنهدت : للحين ما قررت ثريا ابتسمت : صليتي استخاره نوره هزت راسها بأيه ثريا تنهدت : لا تستعجلين بقرارك وفكري براحتك حبيبتي نوره ابتسمت : طيب امي وين الجوري : طلعت نوره وهي تاخذ دلة القهوه وتصب له فنجان وتاخذ من الحلا ذاقته : يجنن الحلا من مسويه ثريا بثقه : اكيد انا من تتوقعين مثلا هالخبلا تسويه الجوري : عفوا لا تغلطين على الدكتوره الجوري ضحكت ثريا : خلصي دراسه اول الجوري زفرت : عادي كلها سنتين واخلص دراسه نوره : الله يوفقك وتصيرين احسن دكتوره الجوري وهي ترفع يدينها : آمين ___ دخل سعود البيت مع امه وعياله الي فرحانين راجعين من المول اشتروا الي ناقصهم راحوا عبدالله ومحمد للغرفه امينه قعدت على الكنبه : أه تعبت سعود : سلامتك يمه من الآه امينه طالعته : اقول سعود ليش ما تأخذ العيال يشوفون امهم سعود قبض كف يده بقوه وهو يحاول يتمالك اعصابه وما يرفع صوته على جنته : يمه هي الي تخلت عنهم و حتى اتصال تسأل عنهم ما اتصلت ليش اخذهم لها اذا هي مو مهمته و ناسيه ان عندها عيال امينه : بس مهما يكون هي سعود قاطعها : يمه تكفين سكري هالسالفه مستحيل اخذهم لها امينه بضيق : طيب سعود طلع جواله يق على عمه اليوم ما شافه ___ اسماء وهي تحط ليدينها لوشن وهي فرحانه ان اسامه صدق كلامها ولا حتى تأكد اذا صدق او لا رشت عطرها عليها ابتسمت بحب وهي تشوف اسامه داخل لابس ثوب اسود و غتره وفي يده سبحه راقيه لونها اسود حتى وهو متضايق ومهموم يكشخ سلم ومشى لتسريحه حط السبحه و فسخ ساعته والكبك ونزل غترته وعقاله ، فجأه حس بيدين على خصره اخذ نفس عميق وهو ماله خلق لها اسماء حضنته من وراء وريحه عطره ودهن العود اخترقت انفها بشده وبهمس : اشتقت لك اسامه بهدوء : تشتاق لك الجنه بعدي عني الحين اسماء عضت شفتها بقهر من بروده تجمعت الدموع بعيونها بعدت عنه اسامه لف : سمـ.. قطع كلامه وهو يشوف دموعها : وش فيك تبكين اسماء صدت بقهر : منك اسامه تردد كثير وهو يمد يدينه و يمسح دموعها يدري انها تحبه حيل بس هو قلبه مع وحده ثانيه مع نوره الي اكيد خطيبها صار زوجها وش يسوي هو اخذ قرار مع نفسه يعيش حياته مع اسماء ___ يوم جديد في الروضه تعلم الاطفال بابتسامه ورواق وهي حاسه براحه افتقدتها في الشهور الي فاتت ضحكتها مع الاطفال طالعه من قلب ابتسمت وهي تسمع جوابهم يالله شكثر تحب الاطفال انتهى الدوام لبست نقابها وهي تطلع لابوها الي اتصل لها تطلع ركبت وهي تلقي السلام ___ سلمت من صلاة العصر و قرت اذكار المساء لفت لفايز الي نايم على سريرها ابتسمت وقفت وهي تفسخ جلالها وسجادتها وباست خده وطلعت نزلت لتحت باست راس ابوها وامها : كيف الحال حسام وفي يده سبحه يسبح لله : الحمدلله نوال : الحمدلله تمام سعد الي قاعد يلعب بجواله انتبه لصوت ابوه : سعد ما قلت عندك اختبار اشوفك ما ذاكرت سعد : يبه شوي بس وادرس الجوري : يبه اقول خذ منه هالجوال وبيروح يدرس سعد وقف بسرعه وهو يطالع الجوري بنظرات حاده : لا خلاص الحين بروح حسام : سعد انتبه لدروسك لا اكسر الجوال عليك سعد : طيب يبه وراح وهو يسب بالجوري حسام طالع نوره : وش ردك يبه نوره وهي تفرك يدينها بتوتر خذت نفس و كتمته : موافقه حسام ارتسمت ابتسامه واسعه على شفتيه : والله يا بنتي اضمن لك سعود ما بيظلمك ولا تشوفين منه الضيم رجال يخاف الله وقف وهو يطلع الجوري بابتسامه : يا زينك والله يا نوير اهم شي بتصرين جارتنا ما رحتي بعيد بنط لك كل يوم ضحكت نوره : ترى للحين ما صار شي الجوري : بيصير ان شاء الله ___ دخل سعود بعد صلاة العشاء سرحان مر من قدام امه و ما انتبه لها ومشى امينه : سعود يمه وين عمك سعود وقف ولف لها : اسف ما انتبهت لك يالغاليه عمي راح مع بو سعد ابتسم حلف عليه وراح معه امينه : اها الله يعطيه العافيه سعود : يمه ترى البنت وافقت امينه بدهشه : احلف سعود : والله توه عمي حسام قال لي امينه بفرح : هاذي الاخبار الحلوه سعود : وان شاء الله النظره الشرعيه بكرا امينه : الله يوفقك ويسعدك ويعوضك ربي يا حبيبي سعود ابتسم : آمين التفت لعياله الي نزلوا محمد يركض وعبدالله يركض وراه يناديه ارتمى بحضن ابوه سعود ضحك : وش فيكم عبدالله وهو ياخذ نفس بتعب : يبه اخذ الواني سعود بعد محمد وهو يشوف الالوان الي بيده : حمود مره ثانيه لا تركض وفي يدك اقلام طيب محمد : طيب عبدالله : يالله الحين عط اخوك الوانه محمد : يبه ابيهم سعود ابتسم : عطه الوانه وراح اشتري لك غيرهم محمد بفرح : بتجيب لي الوان سعود : ايه محمد باس ابوه وهو ياخذ الالوان لعبدالله ويعطيه __ نتعرف على عائلة سعود الاب متوفي من سنين الام امينه طيبه وحنونه و ربي ما رزقها غير ولد واحد اغلى من روحها سعود عمره ٣٢ وحيد ما عنده اخوان ولا خوات مطلق وعنده ولدين عبدالله ٦ ومحمد ٤ ___ قاعد بعد ما دخله حسام هالغرفه وراح يجيب نوره متوتر وكأنه يخطب لاول مره اخذ نفس وزفره رفع راسه بعد ما سمع صوتها وهي تسلم داخله بلبس محتشم لشوفه وجها خالي تماما من المكياج مثل ماهم متعودين في عايلتهم لما تنخطب وحده منهم رد السلام بهدوء وهو يشوف ابوها الي دخل وراها نوره وفيها رجفه نزلت العصير بسرعه على الطاوله قبل لا تطيح الصينيه ما رفعت نظرها له قعدت جنب ابوها وهي تفرك يدينها رفعت نظرها على سؤاله : كيفك نوره : الحمدلله التقت عيونه بعيونها اخيرا ضاع الكلام وما عنده شي يقوله وهو يتأمل عيونها البندقيه الي تفتن نزلت عيونها وخدودها صار لونها وردي ابتسم وهي وقفت بسرعه وطلعت حسام بمزح : يالله قوم كلت البنت بعيونك وشردت ليش للحين قاعد ضحك سعود وهو يوقف وراح المجلس عند عمه قعد معه اتفقوا على المهر وكل شي تكلم سعود: يا عمي بكرا ان شاء الله نروح نسوي التحاليل والملكه ان شاء الله نهاية الاسبوع عبدالرحمن : وش فيك مستعجل سعود :خير البر عاجله حسام : خلاص ان شاء الله بكرا الفحص والله يوفقكم ____ نوره وهي ترجف ياربي ما نزل عينه حسبي الله على ابليسه دخل فايز ابتسمت : فايز تعال فايز : ماما شفيك ما قعدتي تحت نوره : الحين بنزل بس اسمعني انت تحب عبود ومحمد تحب تلعب معهم صح فايز بطفوله : ايه مرااا احب العب معهم نوره : ان شاء الله اذا الله كتب بنروح نقعد معهم فايز بفرح : نقعد ونام عندهم والعب معهم كل يوم نوره ضحكت : ايه كل يوم فايز : يالله ماما نروح الحين ضحكت نوره : لا مو الحين فايز : متى نوره : يعني بعدين فايز : وين سعد نوره : يمكن بغرفته نروح له فايز : ايه وقفت وهي تمشي معه لغرفة سعد ____ امينه : هاه شرايك فيها سعود : حلوه امينه ضحكت : حلوه وبس سعود ابتسم : ايه لف للعيال : عبدالله محمد تعالو ابيكم اقول لكم شي عبدالله ومحمد : ايش سعود : تحبون فايز ردوا : ايه بابا كثير امينه بخبث : وامه عبدالله : ماما امينه ام فايز طيبه وانا مرا احبها ابتسم سعود : فايز راح يجي يقعد معنا هنا في بيتنا هو وامه عبدالله : جد محمد : يعني يلعب وينام معنا ما يروح بيتهم سعود : ايه صرخوا العيال بفرح ____ عند احمد طالع لشذى بابتسامه : البسي عبايتك باخذك مشوار شذى : وين احمد : مفاجأه وخلي العيال يجوا بعد شذى مسكت يده : احمد بليز قولي وين احمد حط يده على خدها : قلت مفاجأه يالله حبيبتي لبسي بسرعه شذى : طيب ثواني طلع احمد لغرفة عياله ابتسم : يالله بنطلع شيماء وطلال : وين احمد ابتسم : امشوا وبتعرفون شيماء وهي تلبس نعالها و طلال بعد : يالله بابا نروح مسك كل منهم بيد وطلعوا لسياره شوي ولحقتهم شذى وحرك وقف قدام بيت جديد شذى عقدت حواجبها : ليش جايبنا هنا احمد : انزلي وبتعرفين نزلوا وهو طلع مفتاح البيت وفتحه وشذى تطالعه باستغراب دخلت وتوسعت عيونها بدهشه وهي تسمع احمد يقول : وش رايك في بيتنا يأم طلال خلصته قبل اسبوعين و ترى للحين ما أثثته ابي كل شي على ذوقك تجمعت الدموع بعيونها : يجنن احمد مسك يدها وطلال وشيماء يطالعون البيت ومشى يوريها البيت كله شذى ضمته : حبيبي روعه الله لا يحرمنا منك احمد ابتسم : خلاص هالاسبوع راح نختار الاثاث وبس يخلص ننقل له شذى بعدت وهي مبتسمه طلال : بابا هذا بيتنا الجديد احمد : ايه لف لشيماء : يعني بنقعد هنا على طول احمد ابتسم : ايه شرايكم شيماء وطلال : حلو احمد مسك شيماء بيد و شذى بيده الثانيه وطلال مشى قبلهم وطلعوا من البيت ____ في المستشفى قاعده على كراسي الانتظار تهز رجلها بتوتر تكره الابر ليت الجوري اليوم ما عندها جامعه كان جابتها معها رفعت نظرها وهي تشوف سعود طلع والممرضه تناديها شدت على شنطتها خذت نفس وزفرته قعدت قدام الممرضه لفت وجها اول ما شافت الابره وهي تسمي بالله الممرضه : خلاص نوره وهي تنزل كم عبايتها تنفست براحه وطلعت ابتسمت وهي تشوف ابوها يتنظرها : يالله يالغالي خلصت مشوا وطلعوا من المستشفى ___ اسماء قعدت جنبه بطفش : حبيبي اسامه ما رفع نظره عن اللابتوب : نعم اسماء حطت راسها على كتفه : طفشت ابي اطلع وانت بس حابسني بين اربع جدران اسامه : طيب بس اخلص شغلي ونطلع اسماء بابتسامه تمت قاعده جنبه وهي تشوفه يشتغل قفل اللابتوب وحط يده على اكتافها : قومي تجهزي بنطلع نتغدى برى اسماء وقفت : ثواني بس اسامه حط يده على عيونه شكله بدا يتقبلها بحياته اخذ نفس بعمق ووقف يبدل ملابسه طلعت اسماء بعباتها الي تلفت بالوانها شكثر تقهره هالعبايه اسامه ببرود : غيريها اسماء باستغراب : وش فيها اسامه : غيريها ولا مافي طلعه اسماء :اووف طيب طلعت طالعها ببرود ومشى نزلوا تحت سلم على امه :اخبارك يالغاليه شيخه :الحمدلله اسماء سلمت على عمتها اسيل :على وين خذوني معكم اسامه :تبين تجين حياك الله اسماء لوت فمها بقهر هاذي اول مره تطلع مع اسامه لحالهم وهو رايق ومتقبل الوضع ردت ببرود :وين بتجين وحده وزوجها وش دخلك بينهم لا اله الا الله | ||||||||
|
| |
|
04-02-20, 01:33 AM
| #8 | ||||||||
| مراقبة عامة ومشرفة منتدى الروايات المنقولة
| البارت السادس اسيل طالعتها بدهشه اسامه بحده: اسماء ، ما عليك منها تبين تجين والله ما خليها بخاطرك اسيل بقهر :لا روحوا استانسوا اذا ابي اطلع عندي السواق اسامه وقف : اوكي براحتك يالله عن اذنكم وطلعوا اسيل :شفتي بنت اخوك شلون تكلمني يمه شيخه بضيق : وهي صادقه وش دخلك بينهم شذى دخلت عليهم : السلام عليكم ردوا : وعليكم السلام شذى : اخباركم شيخه : طيبين شذى طالعت اسيل الي تهز رجلها بقهر : وش فيك اسيل : قهرتني هالاسماء اووف شذى قعدت و سندت ظهرها : ليش مو هي صديقتك شفيك قلبتي عليها اسيل نزلت نظرها وبضيق : تغيرت ووجع شذى ابتسمت بهدوء شيخه طالعت اسماء ولفت لشذى : شفتي جنس الجنين شذى : ايه خالتي بنت اسيل بفرح : وناااسه بتجينا بنت ثانيه كلمت كلامها على دخول شيماء الي جات من الروضه تركض شذى : يا هلا والله شيماء : ماما جوعانه ضحكت شذى : انتظري اخوك شوي ويوصل شيماء تأففت وهي تقعد على الكنبه : ماما طلال يتأخر اسيل ضحكت شذى : تعالي اغير ملابسك اول اسيل وقفت : انتي خليك قاعده انا بروح معاها شذى ابتسمت : تسلمين حبيبتي اسيل مسكت يد شيماء وراحوا فوق شذى لفت على خالتها وهي تسولف معها ____ عبدالله وهو يقفل غرفة ابوه بهدوء ويطلع من الجناح : بابا نايم محمد بضيق : يعني ما بنروح الالعاب عبدالله هز راسه : لا امش نقعد مع جدتي هي قاعده بروحها محمد : يالله مشوا وهم يشوفون جدتهم قاعده قدام التلفزيون ابتسموا عبدالله وهو تعود يشوف ابوه يحب راس جدته تقدم ويحب راسها و محمد يقلده عبدالله : كيفك يمه ابتسمت بحب وهي تشوفهم قاعدين جنبها كل واحد بجهه : بخير يا حبايبي انتوا محمد وهو ياخذ تمره ويأكلها امينه : فيكم شي عبدالله : لا يمه بس طفشنا و جينا نقعد معك امينه بابتسامه : الله لا يحرمني من هالطله الحلوه محمد : يمه امينه : يا روحها انت محمد : قولي لنا قصه عبدالله بحماس : ايه يمه نبي نسمع قصه ابتسمت امينه وهي تمسك ريموت التلفزيون وتقفله : من عيوني سمعوا وبدت تقول القصه وهما مستانسين يسمعونها بحماس تعودوا على سماع قصصها لهم ____ في بيت حسام غرفة البنات نوره وهي تلبس فايز الفانيله : يازين ولدي الحلو طالعته وقعدت قدامه : بكرا راح تجي معي الروضه سجلتك فيها وياك حمود هناك وبتتعرف على اصدقاء جدد فايز : حمود هناك نوره : ايه راح تستانس و خلك مؤدب طيب فايز ابتسم : طيب الجوري : تبين هالقرد يقعد مؤدب اكيد كل يوم بيتهاوش مع احد و بيجيك متكفخ نوره ضمت فايز وهي تقعده بحضنها : محد قرد غيرك وبعدين ماشاء الله عليك يالعاقله مو كأنك كل فتره طالعه من هاوشه الجوري ضحكت : هذا قبل الحين يا زيني بس هاديه وما اكلم احد نوره ضحكت : حاولت اصدق بس ما قدرت الجوري خذت المخده وهي ترميها : لا تصدقين احسن ___ طلعت التحاليل تمام و نوره صارت تاخذ فايز الروضه معاها واندمج بسرعه مع الاطفال اليوم الملكه الجوري وهو تطالع نوره اختها بمكياجها الناعم الي ابرز جمال ملامحها وشعرها رافعته بتسريحه ناعمه و نقش الحناء الرائع الي يزين يدينها فستانها عنابي اكمامه نازله عن الكتف مفصل على جسمها طويل طالعه تجنن تنهدت وهي تشوف الدموع بعيونها نوره دموعها تجمعت بعيونها وهي تذكر ملكتها لأسامه رفعت نظرها لفوق تمنع دموعها تنزل بلعت ريقها خذت نفس وزفرته بمحاولة تبعد هالذكرى عنها لفت للجوري : اقول نوير ما نبي دموعك تنزل ويخترب مكياجك و ينحاش الرجال ما صدقت متى بتعرسين وافتك منك انتي وولدك الي ما تخلوني انام براحه ضحكت نوره غصب عنها : وجع الحين احنا منورين لك الغرفه وما نبي نخليك بحالك وانتي تبين فراقنا وبعدين يالكذابه ما نخليك تنامين وانتي شخيرك بيسمعونه للحاره الثانيه الجوري بصدمه : اناااا اخ بس لو مو اليوم ملكتك نوره وهي تحط رجل على رجل وتوترها راح : وش بتسوين الجوري : بكفخك عشان تعرفين من الجوري تذكرت شي وقعدت جنبها : تدرين انك قاهرتني نوره : ليش الجوري : ليش رافضه العرس كنت راح اعزم اهل اسامه على العرس عشان يعرف ان ما راح توقفين حياتك عليه وارقص في عرسك وافلها نوره ابتسمت ولفت لها : ما يحتاج ما ابي عرس كذا مرتاحه وارقصي اليوم وفليها الجوري بقهر : بس يا غبيه هو بياخذك اليوم و باقي اغراض كثيره ما شريناه نوره بهدوء : حبيبتي الي شريته يكفي واذا نقص شي اخذه بعد الزواج الجوري : اووف راسك يابس وين ثريا تجي تقعد عندك بروح نوره ابتسمت بهدوء دقايق ودخل ابوها ابتسم وهو يذكر الله عليها مد لها القلم و العقد : وقعي حبيبتي نوره خذت القلم تمت تطالع العقد تستوعب انها بتصير زوجة لسعود بلعت ريقها وهي تمد يدها وتوقع ارتفعت زغاريد الجوري حسام باس راسها : مبروك يالغاليه نوره : الله يبارك فيك ثريا ضمتها : الف مبروك حبيبتي طالعتها وهي تمد يدها وتمسح دموعها قبل تنزل على خدها : خلاص نوير لا تبكين يالله خلينا ننزل تحت نوره هزت راسها بالايجاب ونزلت معها وشافتها امها وهي فرحانه ضمتها وباركت لها وبعدها ام سعود فرحانه حيل بزواج ولدها : الف مبروك يا مرت ولدي والله يجعل حياتكم سعاده نوره بخجل : الله يبارك فيك آمين سعد اتصل لثريا وهو يقولها ان تاخذ نوره للمجلس عشان يدخل سعود مثل ما قال له ابوه قعدت وهي متربكه وخايفه ودقات قلبها تدق بسرعه و بصوت عالي تحس ان ثريا الي قاعده جنبها سمعتها وقفت ثريا بتطلع : وين رايحه خليك معي ثريا : لازم اروح الحين سعود بيدخل وطلعت بسرعه بس باقي امها وامه ' ' دخل سعود بكامل كشخته لابس البشت الاسود مشى بخطوات واثقه و برجولته الطاغيه قرب وهو يحب راس امه الي باركت له وسلم على نوال مشى لها و نظراته عليها ناعمه وكلها انوثه واقفه وهي تفرك يدينها بارتباك و تشم ريحة دهن العود الي انتشرت بالمجلس كله ما قدرت ترفع نظرها له قرب وهو يهمس : مبروك نوره وبصوت يالله طلع : الله يبارك فيك سعود حط يده تحت ذقنها عشان يجبرها ترفع نظرها له وهو يشوف عيونها الي زادها الكحل فتنه باس جبينها بهدوء امينه وهي تزغرد بفرح مشت وهي تاخذ لهم الخواتم سعود زفر بهدوء وهو يأخذ الخاتم ويلبسها امينه مدت لنوره الخاتم خذته بيد ترجف لبسته بسرعه من غير ما تلمس يده مدت امينه الشبكه لسعود : لبسها سعود وهو يلف وراها و يأخذ العقد ويلبسها وهي تتنفس بسرعه خذ الحلق نوره بصوت مخنوق : انا بلبسه مدت يدها وهو عطاها لبست الحلق وخذت الاسواره ولبستها طلعوا الأمهات وهي ما قدرت رجولها تشيلها قعدت وهي تنفسها سريع سعود مستغرب قعد جنبها وهو يلف وجها له انصدم من وجها الاحمر وعيونها الغرقانه دموع سعود : وش فيك نوره : ما فيني شي سعود مسك يدها : تعبانه نوره سحبت يدها منه : لا تلمسني سعود رفع حاجب : تستهبلين انتي زوجتي حلالي نوره نزلت دموعها سعود تنهد : ليش تبكين خلاص ما راح المسك نوره مدت يدها الي ترجف وهي تمسح دموعها و بدون شعور : خايفه سعود عقد حواجبه : مني ما راح اسوي لك شي والله نوره سكتت سعود ابتسم وهو يتأملها غصب عنه نوره توردت خدودها خجل من نظراته : لا تطالعني ممكن سعود ضحك : بعد ما يصير اطالعك نوره لا اراديا طالعته وهو يضحك سعود وقف : انا طالع لرجال نوره : طيب طلعت من المجلس كانت خايفه من الزواج من تجربته مره ثانيه بس ارتاحت لما شافت سعود انسان متفهم وهادي لبست العبايه بمساعده الجوري الي ما تحملت وضمتها بقوه وهي تبكي نوره بغصه : جوجو ببكي وياك خلاص الجوري ببحة بكاء : راح افقدك نوره : ما راح اروح بعيد متى ما اشتقتي لي تعالي الجوري مسحت دموعها : طيب نوره : انتبهي لفايز الجوري : بعيوني طلعت وهي تشوف امها الي ضمتها وهي تدعي لها بالتوفيق وضمت ثريا الي كانت تبتسم لها بهدوء سعد مسك يدها : يالله امشي وقفت وهي تشوف ابوها الي كان مع سعود قرب منها : الله يوفقك دخلت البيت وقلبها يدق بقوه بيت جديد حياة جديده ابتسمت لخالتها امينه الي ترحب فيها سعود وهو ماسك البشت بيده : تعالي بوريك جناحنا دخلت وهي ترجف من الارتباك والتوتر سعود : هذا جناحنا خذي راحتك توجه للغرفه ونوره فسخت عبايتها وشيلتها و سندت راسها وغمضت عيونها و هي تاخذ النفس وتزفره تهدي رجفتها فتحت عيونها وجمدت وهي تشوف سعود واقف ويتأملها بلعت ريقها وقفت مشت و هو بعد من قدامها ودخلت الغرفه طلعت لها بيجامه تغير الفستان و مناديل مزيله للمكياج لفت شافت سعود يصلي طالعت سعود : وين بنام سعود اشر على السرير : هنا بعد وين عضت شفتها وهي مرتبكه حيل مشت للحمام يكرم القارئ ومعاها ملابسها راح تاخذ شور و تتوضأ تأخرت وهي تأخذ الشور طلعت وهي تنشف شعرها وتدعي من كل قلبها انه يكون نايم تنهدت براحه وهي تشوفه نايم سرحت شعرها وصلت انسدحت على السرير و تغطت ___ فتحت عيونها لفت وهي تشوف سعود نايم وقفت وهي تطلع لها فستان ناعم وبسيط لنص الساق ولبست كعبها الاسود سرحت شعرها وخلته على طوله لاخر ظهرها وقفت قدام التسريحه وهي تحط كحل وماسكرا و روج لحمي ماتحب تكثر مكياج طلعت لغرفة عيال سعود ابتسمت وهي تشوفهم نايمين بما ان اليوم جمعه اجازه قفلت و نزلت للمطبخ شافت ساندي : صباح الخير ساندي طالعتها بدهشه نوره : وش فيك تطالعيني كذا ساندي : هاه صباه النور نوره ابتسمت : بسألك سعود وش يشرب الصبح ساندي : قهوه نوره : اوكي مشت وهي تسوي القهوه وسوت شاي وجهزت الفطور وساندي تطالعها باستغراب : مدام انتي يطبخ نوره لفت لها باستغراب : ايه ساندي : مدام أبير مافي يدخل مطبخ نوره : ماعلينا منها تعالي شيلي معي الفطور ساندي ابتسمت وهي تأخذ الفطور معها نوره جهزته على الطاوله في غرفة الطعام وطلعت لصاله ابتسمت وهي تشوف ام سعود تتمتم بالاستغفار قربت منها وهي تسلم على راسها : صباح الخير خالتي امينه : صباح النور باحلى عروس نوره انحرجت وما ردت امينه : سعود ما صحى نوره : لا للحين يالله خالتي الفطور جاهز امينه طالعتها : ليش داخله المطبخ توك عروس نوره ابتسمت : عادي خالتي امينه شافت سعود الي نازل قرب وهو يحب راسها : صباح الخير سعود: صباح الورد امينه مشت لغرفة الطعام قعدت على الكرسي : تسلم يدك نوره ابتسمت : خالتي تشربين شاي او قهوه امينه : شاي مدت لها كوب الشاي و حطت قدام سعود كوب القهوه سعود باستغراب : شدراك ان اشرب قهوه الصبح نوره قعدت وبتوتر : خمنت انك تشرب قهوه سعود ابتسم وهو يرتشف من كوب القهوه وبدوا يفطرون نوره وهي ماسكه كوب قهوتها سرحت بفايز تشتاق له حتى لو غاب عنها ساعه ليته يجيها الحين آآه طلعت منها وهي تحس بحرارة القهوه الي حرقت لسانها سعود : وش فيك نوره : شربت القهوه وما انتبهت انها حاره سعود وهو يطالعها بهدوء : وش شاغل بالك نوره طالعته وهي ترمش اكثر من مره سعود بهدوء : ما اكلتي وسرحانه لدرجه شربتي القهوه حاره نوره بارتباك امينه وعرفت وش شاغل بالها : تبين فايز نوره طالعتها وبهدوء : ايه سعود : افطري الحين وبعد صلاة الجمعه بجيبه لك ولا يهمك نوره بابتسامة: مشكور ____ في الصاله مجتمعين شيخه وصالح وعيالهم شيماء قعدت جنب ابوها : بابا متى بنروح بيتنا الجديد احمد ابتسم : قريب ان شاء الله لفوا عليه كل الي قاعدين في الصاله صالح : بتطلع من البيت احمد : ايه يبه بنيت بيت وبنقل قريب ان شاء الله اسامه يطالعه بنظرات بارده شيخه : من جدك تتكلم احمد : ايه يمه شيخه : ما في طلعه من هالبيت يا احمد انا ابيكم حولي وقدام عيني احمد ابتسم : يمه كبرنا خلاص و بعدين الجناح ما يكفينا انا والعيال نبي اوسع يمه عبدالعزيز : فعلا معه حق يمه شيخه : لا البيت كبير وتقدر توسع غرفة عيالك احمد تنهد : يمه العيال كبروا وطلال يبي له غرفة بروحه و بعدين عبدالعزيز بيتزوج و بيجون له عيال ان شاء الله وبيضيق فينا البيت وحريم اخواني ما راح ياخذون راحتهم و لا احنا صالح ابتسم : الله يوفقك متى نويت تنقل احمد : للحين غرف العيال ما جهزت بس تجهز راح ننقل شيخه لفت وجها بضيق احمد : يمه ما سمعت رايك شيخه تنهدت : خلاص سو الي يريحك اسامه طالع امه بصدمه وقف وهو مقهور و يحس شوي وبينفجر : عن اذنكم شيخه طالعت اسامه الي مشى وقفت بضيق و طلعت من الصاله عبدالعزيز : الله يجعله بيت مبارك احمد : آمين طلع صالح وعبدالعزيز وبقى اسيل واحمد اسيل : وربي راح اشتاق لشيوم و طلال احمد : ترى قريب وكل يوم بتشوفينهم جايينكم اسيل : اغلى من يجينا والله احمد وقف وقعد جنبها : مو زعلانه مني اسيل :ليش احمد :عشان عصبت وضربتك اسيل :ترى يدي تمت تعورني يومين بس ماعليه انت اخوي الكبير وتمون احمد حط يده على اكتافها : وش رايك نطلع انا وياك اليوم اسيل ابتسمت :نروح السوق ناقصتني اشياء كثير وناخذ شذى و شيوم وطلال ما احب اروح بروحي احمد ابتسم :طيب يالله قومي تجهزي ____ في بيت سعود نوره قاعده وجنبها فايز تلعب بشعره مقابلها سعود وقاعدين عياله جنبه وامه راحت غرفتها ترتاح : فايز بابا تعال فايز وقف ومشى له سعود قعده في حضنه :عبود حمود فايز ولدي الثالث واخوكم طيب لا تضايقونه عبدالله : طيب محمد : اوكي سعود ابتسم : حلوو محمد : بابا ابي حلاوى سعود : طيب فايز : وانا بعد سعود : من عيوني وعبدالله وش يبي عبدالله : ما ابي شي سعود : يالله روحوا غرفكم ولعبوا بهدوء عبدالله : طيب وقف محمد وهو يمسك يد فايز و يمشون وراء عبدالله سعود اخذ نفس وقف وقعد جنب نوره نوره ارتبكت من قربه طالع يدينها وهي تفركها بتوتر واضح نوره برجفه : لو سـمحت بو عبدالله ممكن سعود قاطعها : طيب بس سمعيني اول نوره : شنو سعود : اسف ما اقدر أسفرك هالفتره مضغوط بالشغل اتمنى ما تزعلين واوعدك بسفرك ان شاء الله وقت ثاني نوره لفت له : عادي مو لازم سعود طالعها باستغراب : متاكده ما تبين تسافرين نوره : ايه خلاص دام ماتقدر عادي سعود ابتسم بهدوء و هو يشوفها ترجف : وش فيك ترجفين كذا بردانه نوره بارتباك : أ أ أيه سعود وهو يأخذ ريموت التكييف ويقفله نوره ابتسمت بهدوء سعود بهدوء وهو يتأملها : كلميني عنك نوره وهي ترجع شعرها لوراء :أ أنا مثل شنو سعود : مثلا شنو تحبين اذا تشتغلين او لا نوره : اشتغل في الروضه احب الطبخ و احب قراءة الروايات الشعر ... سعود ابتسم انها بدت تسولف معه براحه و يسولف معها و يسمع لكل حرف تقوله بصوتها الناعم ____ اسماء تمشي بالغرفه بتوتر وخوف تأخر الوقت واسامه للحين ماجاء اتصلت عليه للمره العاشره و سمعت نفس الرد ان جواله مغلق قعدت على السرير وهي تهز رجلها بتوتر على الاقل يفتح جواله تتطمن عليه رفعت جوالها وهي تتصل نفس الرد مغلق رمت جوالها جنبها ورفعت نظرها لساعه الي على الحائط وهي تشوفها ٣٠: ٢ سندت ظهرها وهي تنتظره يفتح باب الغرفه بعد ربع ساعه انفتح الباب فزت واقفه وهي تشوفه داخل ركضت له وهي تضمه : ليش تأخرت خفت عليك حيل وانشغل بالي وليش مقفل جوالك اسامه وهو يبعدها بهدوء : خلص شحنه اسماء بضيق من ريحة الدخان : ليش مدخن كثير اسامه : كذا مزاج ومشى لتسريحه وهو يحط ساعته وجواله و مفاتيحه ويتوجه للحمام يكرم القارئ واسماء زفرت بهدوء و مسكت جوالها وهي تطقطق فيه طلع اسامه وهو لاف المنشفه على خصره ومنشفه صغيره ينشف شعره طالع اسماء : نوره جهزي لي ملابس اسماء طالعته بصدمه وهي ما ترمش وهمست : نوره اسامه بطفش وهو ينزل المنشفه من شعره ورماها عليها : ما تسمعين اسماء وقفت وهي تحس بنار بقلبها ورجفة بجسمها لانه ناداها باسم انثى ثانيه : بس انا مو نوره اسامه طالعها وتوه يستوعب انه غلط باسمها مشى للكبت بيطلع له ملابس : ادري انك مو نوره ولا راح تصيرين ولا راح تقدرين تأخذين مكانها انتي اصلا مالك مكانه عندي تركها و اخذ ملابسه لغرفة التبديل اسماء بلعت ريقها من كلامها الي قهرها وجرحها ما صارت تشوف شي من دموعها تسندت على التسريحه وهي تشوف ملامحها بالمرايه هي واثقه من جمالها بس اسامه شككها بهالشي يوم يقرب منها وعشر يبعد مسكت عطرها وهي ترميه بقوه على المرايه اسامه طلع على صوت التكسير بدهشه اسماء و شهقاتها ارتفعت صرخت بآآآه وقبل لا تكمل صرختها حط يده على فمها يمنع صراخها الي الكل في هالبيت بيسمعه و الدنيا ليل والناس نايمين اسماء وهي تحاول تفك يده ما قدرت عضته بقوه اسامه فكها وهو يتألم : وجع مو بنت اسماء وهي تضربه على صدره: انت حقير اسامه مسك يدينها : وش فيك اهدي فضحتينا مشى وهو يبعدها عن التسريحه قعد وقعدها على السرير : خلاص اهدي وش فيك اسماء وهي تبكي : بعد عني لا تلمسني اسامه اخذ نفس عميق كان مقهور من امه وطلع قهره في اسماء قربها منه وهو يضمها ويمسح على شعرها : خلاص لا تبكين ما كان قصدي بس كنت متضايق اسماء : انت للحين تحبها طيب انا وش ذنبي تظلمني معاك اذا للحين قلبك معها اسامه تنهد بعمق وما رد اسماء ودموعها تنزل بهدوء بعدها عنه وهو يمسح دموعها : خلاص لا تبكين ما يليق عليك الدموع اسماء طالعته بنظرات مافهمها اسامه تنهد بعمق وهو للحين مقهور من رد امه لاحمد اخوه ____ الصبح نزل الدرج وهو يمشي بخطوات سريعه ما مر على امه يسلم عليها مثل العاده شيخه لمحته مر نادته : أسامه أسامه رجع لوراء وهو يدخل ويسلم عليها : اسف يمه ما شفتك مستعجل شيخه : غريبه حتى لو كنت مستعجل تدخل وتصبح علي وتروح اسامه : يمه ماشفتك شيخه : فيك شي اسامه بضيق : ايه يمه فيني اشياء كثير ليتك تحسين فيني وتعرفينها شيخه : وش مضايقك اسامه : سلامتك يالغاليه الكلام في الماضي نقصان عقل دخلت اسماء وهي تسلم على عمتها : صباح الخير كيفك ياعمه شيخه ابتسمت : بخير وانتي كيف حالك اسماء : الحمدلله شيخه لفت لأسامه :في موضوع ابي اكلمك فيه اسامه : يمه ما تقدرين تأجلين الموضوع مستعجل شيخه : ما راح اخذ من وقتك كثير المهم ام فايز تزوجت قبل ٣ ايام روح جيب فايز ولدك ولا راضي يتربى مع رجال غريب وانت موجود وبعدين احنا اهله والاولى يتربى بينا اسامه و ركز على كلمة قبل ٣ ايام صار لها اكثر من اسبوع الا اذا كانت اسماء كذبت طالعها بنظره و لو كانت النظرات تقتل كان الحين هي ميته اسماء بلعت ريقها بخوف شيخه : اسامه اكلمك اسامه اخذ نفس وزفره: يعني يمه تبيني احرم ام من ولدها شيخه : لا خلاص خل زوجها يربيه ويصير يناديه ابوه و يتعلق فيه فايز وينساك اسامه قبص كف يده بقوه لا مستحيل يسمح له فايز ولده وراح يتربى معاه وقدام عينه هو اخذ ام فايز اما فايز لا شيخه : وين سرحت اسامه : ايه والله معك حق يمه خلاص اليوم باروح اجيب فايز شيخه ابتسمت : طيب روح مشوارك الله يوفقك اسامه : مع السلامه اسماء كشرت بضيق وش تبي بهالبرز يجيبونه لها اووف ____ في بيت سعود في غرفة فايز الي جهزها سعود له بأثاث كامل وصبغ الغرفه ازرق فاتح و جاب له العاب بالضبط نفس الي مع عياله نوره وهي تذاكر مع عبدالله لاختباره وتدرس محمد وفايز خلصت : يالله حبايبي شيلو اغراضكم في الشنطه بسرعه خلصوا ونزلت معاهم شافت امينه سلمت على راسها وهي تصب فنجان قهوه لام سعود : سمي خالتي ام سعود ابتسمت : سم الله عدوك صبت لها فنجان وقعدت عبدالله : انا بعد ابي قهوه نوره ابتسمت وهي تصب له : ماما حار انتبه عبدالله : طيب فايز : ماما ابي العب برى كره مع حمود نوره : في الشارع لا محمد : ماما بس شوي ابتسمت نوره وهي تسمعه يناديها ماما : قلت لا خلاص روحوا العبوا في الحوش فايز بضيق : طيب يالله حمود عبدالله وقف : بروح العب معهم نوره : طيب لا تطلعون الشارع عبدالله : اوكي ابتسمت امينه : الله يعطيك العافيه نوره : الله يعافيك رن جرس البيت راح عبدالله فتح الباب شاف واحد عند الباب نزل نظارته الشمسيه : ابوك موجود عبدالله هز راسه : لا اسامه : طيب روح ناد نوره قولها بو فايز يبي فايز عبدالله : طيب ادخل بناديها دخل محمد شات الكره و صارت عليه لف اسامه بعصبيه بعد ما توسخ ثوبه : وجع اعمى انت ما تشوف محمد خاف ودخل داخل فايز : بابا بالغلط اسامه ابتسم مشى له ونزل لمستواه : اخبارك يا بطل فايز : الحمدلله اسامه : تجي معاي نروح بيتنا فايز : ابي اقعد هنا بابا سعود جاب لي العاب كثييره والعب مع عبود وحمود وماما اسامه بقهر : انا بابا بس ويالله البس جزمتك وباشتري لك الي تبي طيب فايز بابتسامه : طيب طلعت نوره متغطيه ومعها عبدالله : نعم بو فايز بتأخذه اسامه ابتسم لفايز الي لبس جزمته وجاء يركض شاله وهو يبوس خده بعمق حط النظاره الشمسيه على شعره : ايه باخذه بس هالمره بيقعد معي على طول نوره توسعت عيونها بصدمه : وش قصدك اسامه : قصدي ان ما راح اسمح لولدي يتربى عند رجال غريب وانا موجود نوره دموعها نزلت : تكفى اسامه لا فايز كل حياتي اسامه لف بيطلع بس وقفت نوره قدامه : اسامه اذا مو عشاني عشان الحب الي كان بينا طلبتك رجعه اسامه رفع نظره لعيونها الي غرقانه بدموعها صد وهو يعدل فايز : ما اقدر انا ابوه وما ابيه يتربى عند غريب مد يده وهو يبعد نوره ويفتح الباب نوره مسكت الباب وهي تبكي بانهيار : اكرهك اسامه جمد وهو يسمع كلمتها نوره وهي تبكي : الله ياخذ حقي منكم كلكم اسامه مشى وهو يفتح الباب الي وراء ويدخل فايز نوره طلعت : ما راح اسكت يا اسامه وبينا المحاكم اسامه ركب السياره و هو يقفلها نوره تحاول تفتح الباب الي وراء بس مقفل ضربت الدريشه بيدها : فايز يمه فايز صرخت ورجعت لوراء وهي تشوف اسامه يحرك السياره : فاااايز بكت بألم من متى اسامه صار بهالقسوه تحركت بترجع البيت مسكت راسها وهي تحس الدنيا تدور فيها و ماصارت تشوف شي طاحت بس في يدين مسكتها قبل لا توصل الارض سعود الي وقف سيارته نزل باستغراب وهو يشوف الحرمه الي واقفه قدام بيته بس لما لفت للبيت عرفها مشى لها بس انصدم وهو يشوفها تمسك راسها و مشى بسرعه مسكها وشالها ودخلها البيت شاف عبدالله الي واقف عند الباب : عبدالله قفل الباب دخل الصاله وهو ينزلها على الكنبه : يمه شفيها امينه وهي تمسح دموعها : هي بخير سعود : ما ادري نادى ساندي تجيب له ماء رش على وجها بس ما صحت سعود شالها : باخذها المستشفى بس وش صار لها انا طلعت ومافيها شي عبدالله : بابا جاء واحد واخذ فايز سعود بصدمه : ايش عبدالله : ايه وهي صارت تبكي سعود مشى لسيارته : عبدالله تعال معي سدح سعود نوره على السيت الي وراء وركب عبدالله جنبه وحرك بسرعه للمستشفى ___ دخل اسامه وهو شايل فايز صالح : يا هلا والله باغلى من جانا نزله اسامه وراح يركض لجده الي ضمه وقعده بحضنه وهو يتوقع جاي فتره ويرجع لأمه شيخه ابتسمت وهو فك ازرار ثوبه يحس باختناق فضيع وكلام نوره يرن بأذنه ودعوتها عليهم مشى وهو يروح لغرفته دخل وهو يشوف اسماء مشى لها مسك يدها ولفها : ترى اكره ما عندي الكذب و اكره الي يكذب اسماء بلعت ريقها : أ أنا وش يعرفني سمعت وتوقعت صدق ابتسمت وهو تبوس خده: بس هذا الي مزعلك ولا يهمك ماراح اكذب عليك ابد اسامه فكها : طيب صبي له مويه اسماء صبت له بالكوب : تفضل اسامه خذه : زاد فضلك شربه دفعه واحده نزل الكوب: جبت فايز ابيك تصيرين مثل امه وتهتمين فيه اذا تأذى راح الومك انتي فاهمه اسماء بضيق وهو تضغط على كف يدها بقوه: ان شاء الله ____ في المستشفى وهو يشوف المغذي بيدها بسبب انخفاض ضغطها وانهيارها وجها شاحب و للحين ما صحت لف لعبدالله الي جالس على الكرسي جنبه :بابا هي بتقوم صح مافيها شي سعود وهو يقرب منه ويبوس راسه تنهد :لا ما فيها الا العافيه بس بابا من الي جاء واخذ فايز شفته عبدالله : ايه احنا كنا قاعدين نلعب بالحوش انطق الباب ورحت فتحته : قال لي ابوك موجود قلت لا قال لي ناد نوره قولها بو فايز يبي فايز سعود : طيب عبدالله وهو يقول الي سمعه : قال باخذ فايز و بيقعد معي على طول احتدت نظرات سعود وقبض كف يده بقوه شلون يحرمون ام من ولدها زفر بعمق وهو يشوف عبدالله يناظره بخوف ليت امك يا عبدالله أم مثلها و تحس ان عندها عيال عبدالله : بابا صحت سعود طالعها وهي تفتح عيونها بهدوء طالعت المكان حتى تستوعب هي وين نوره وبدت تذكر الي صار معها نزلت دموعها سعود وقف وهو يمسح دموعها نوره صارت تبكي بصوت : ابي ولدي جيبوا لي فايز سعود طلبتك ابي فايز سعود تنهد بضيق نوره بكت : ابي ولدي ابيه شلون بعيش بدونه سعود : طيب انتي اهدي نوره تبكي حرمانها طفلها وبكرها قطعه من روحها شلون ياخذونه منها بكل برود دخل الدكتور والممرضه وسعود يحاول يهديها بس ما قدر الدكتور : عطيها مهدئ الممرضه مسكت يدها نوره بصراخ : وخري عني باروح اخذ ولدي بعدوا عني عطتها الابره في يدها وبدأت تهدأ شوي شوي لما نامت سعود طالعها الدكتور : اليوم راح تنام هنا نتطمن عليها وبكرا بكتب لها خروج سعود وهو يمسك يد عبدالله الخايف : مشكور يالله عبدالله مشينا طلع سعود مع عبدالله بيرجعه البيت وقف قدام بيته نزلوا من السياره مشى وهو يفتح البيت دخل عبدالله اما هو لف على صوت حسام مشى له بضيق وهو يحب راسه : اخبارك عمي حسام : الحمدلله انت كيفك يا ولدي سعود تنهد : الحمدلله حسام حط يده على كتفه : فيكم شي سعود : تفضل حياك حسام مشى وهو يدخل سعود دخل وقفل الباب حسام وهو يدخل مجلس الرجال : وين فايز ما شوفه سعود قعد جنبه : الصراحه ياعمي فايز جاء ابوه واخذه وقال بيخليه عنده ونوره انهارت وهي الحين بالمستشفى حسام وقف بصدمه : وش تقول انت سعود اخذ نفس : والله هذا الي صار حسام بقهر على بنته : حسبي الله عليه كانه يبي يحرق قلبي بنتي على ولدها مو كفايه الي سواه فيها ، هي في اي مستشفى سعود : مستشفى الـ.... حسام مشى : انا بكلم امها وبنروح لها بعد ما مشى حسام دخل الصاله وهو يرمي نفسه على الكنبه حط يده على راسه يفكر وش بيسوي فايز لازم يرجع لامه بس شلون يرجعه من ابوه اذا الحضانه من حقه غمض عيونه بضيق وهو يفكر يروح له ويكلمه دخلت امه الصاله : سعود يمه طمني نوره شلونها عساها بخير سعود فتح عيونه : ماهي بخير يمه تبي ولدها امينه : حسبي الله عليه وش هالقلب الي معه يحرم ام من ولدها ويا ليته كبير فايز صغير ويبي له اهتمام تنهدت بعمق الله يعينها ____ اسامه قاعد على السرير ساند ظهره لوراء وهو يفكر بكل شي صار اليوم لف على ريحة عطرها القويه الي استنشقها بقربها منه لابسه قميص نوم قصير عليه روب طويل لونه سكري حرير فتح يده لها عشان تقرب منه ابتسمت وهي ترجع شعرها لوراء قربت وهي تقعد جنبه وتسند راسها على صدره اسامه رجع لتفكيره وهو يلعب بشعرها فجأه انفتح الباب اسماء طالعت الباب بصدمه دخل فايز ابتسم اسامه بحنان بعدها وهو يفتح يدينه له فايز ركض له شاله وضمه بقوه : بابا تبي شي فايز : بابا ابي انام عندك اسامه : بس من عيوني يا روح بابا لف و هو ينسدح وينومه جنبه على يده اسماء تطالعه بنظرات حاده ودها لو تذبحه وقته الحين جاي فايز : بابا ابي ماما اسامه غطا فايز : ماما الحين نايمه يالله نام فايز هز راسه وغمض عيونه و اسامه يتأمله يالله شكثر يشبه امه بملامحه غمض عيونه وهو يشم ريحته بعمق و باس راسه فتح عيونه على صوت تأفف اسماء عقد حواجبه وهمس : شفيك اسماء اشرت لفايز : خذه غرفته اسامه : ليش خليه ينام الليله هنا اسماء وقفت : اوف اسامه اوف اسامه : نامي اسماء عضت شفتها بقهر منه وبروده انسدحت وعطتهم ظهرها ونامت ____ دخل البيت وهو ماسك نوره ومعها امها ركضوا لها عبدالله ومحمد عبدالله : الحمدلله على السلامه محمد : ماما انتي بخير نوره نزلت لمستواهم وضمتهم بقوه و دموعها نزلت بهدوء مدت يدها وهي تمسح دموعها بسرعه بعدتهم عنها : الله يسلمك حبيبي انا بخير الحمدلله سلمت على ام سعود ومشت مع امها للغرفه سعود: ساندي جيبي لها اكل فوق ساندي : طيب دخلت الغرفه وقعدت على السرير وامها قعدت جنبها ضمتها امها لها : يمه لا تسوين في نفسك كذا فايز بيرجع لك يمه مهما كان انتي امه صبري يا قلبي نوره : ابي فايز يمه ابيه بكت نوره وامها ضمتها بقوه وهي قلبها محروقه عليها دخلت ساندي وفي يدها صينية الاكل خذته منها امينه وهي تحطه على الطاوله الدائريه الصغيره نوره : خالتي ما ابي امينه : يا بنتي كلي عشان صحتك نوره : مو مشتهيه ___ احمد في الصاله فوق ينادي : شذى شوشو حبيبتي وينك شذى جات له : هاه وش فيك تنادي البيت كله سمعك احمد حط يده على خصرها وقربها منه لما التصق خشمها بخشمه : عندي لك خبر حلو شذى وجها احمر : أ أ احمد الحين بيطلع احد ويشوفنا احمد ابتسم : ما تبين تسمعين الخبر الحلو شذى باحراج : احمد ابعد احمد وهو مستمتع بخجلها: طيب اسمعي خلصت قطع كلامه اسيل طلعت وهي حاطه السماعات بأذانها والجوال بيدها شهقت وهي تغمض : احمدوه وش تسوي شذى دفنت وجها بصدر احمد وهي بتموت من الاحراج احمد ضحك وهو يحط يدينه على شذى : ولا شي بس اكلمها بموضوع اسيل فتحت عيونها وهي تطالعه : وهالموضوع ما يصير الا قدام غرفتي احمد : ايه احمد : المهم حبيبتي خلصت كل شي في البيت شذى بعدت عنه : جد احمد : ايه يا روحي جد شذى بفرح : متى بننقل احمد : اذا تبين من اليوم اسيل : على شنو مستعجلين ولا تبون الفكه احمد : ايه نبي الفكه منك شذى : حبيبي اليوم ما يمدي ابد بعد اسبوع نكون جاهزين احمد : طيب اسيل مشت : بايخ انت وزوجتك نزلت وهي تشوف اسماء قاعده بروحها وسرحانه مشت لها بهدوء وهي تبتسم بخبث صرخت فجاه عندها اسماء طاح جوالها بفجعه وهي تتنفس بسرعه اما اسيل انفجرت ضحك عليها وعلى شكلها اسماء بعصبيه وانفعال : وش هالتصرف الغبي اسيل باستغراب : عادي مزح وش فيك صايره نفسيه اسماء بحده : لا عاد تمزحين معي ابد قعدت وهي تأخذ جوالها ناس غبيه متخلفه اسيل كانت بترد عليها بس ابتسمت لفايز الي جاء لها مسكت يده وهي تقعد وتقعده بحضنها : فديت الحلو فايز : عمتي ابي اروح عند ماما اسماء بغيض وكره : امك ما تبيك رمتك علينا وراحت تعيش حياتها ما تبيك فاهم اسيل طالعتها بصدمه اما فايز من سمع كلمة ما تبيك صار يبكي بصوت عالي اسيل بعصبيه وقفت : اسمااااء حقدك على امه ومشاكلك مع ابوه لاتدخلينه فيها هو ماله ذنب فاهمه شالت فايز الي يصيح : فايز ياقلبي خلاص فايز بكاء : ماما تبيني صح اسيل تنهدت : ايه حبيبي عبدالعزيز : اسيل وش فيه اسيل : عبدالعزيز سكته عبدالعزيز شاله بحب : وش فيه البطل يبكي فايز مسح دموعه : عمو نروح الالعاب ضحك عبدالعزيز : طيب باوديك من عندي اغلى من فايز طلال : وانا عبدالعزيز نزل فايز : وانت بعد غالي يالله قول لشيماء واخذكم الالعاب طيب طلال بفرح راح يركض بيقول لشيماء اسيل مسكت يد فايز : ببدل ملابسه عبدالعزيز : طيب بنتظرهم بالحديقه مشت اسيل وهي تدخل غرفة فايز سبحته طلعته وهي تنشف شعره و تلبسه ملابسه مشطت شعره ورشت له عطره ولبسته جزمته باست خده بقوه : يازينه الحلو ودي اكله فايز بطفش : عمتي يالله نروح لعمو عز ضحكت اسيل : يالله ____ وقف سعود قدام بيت ابو احمد بعد ما سأل عن العنوان وعرفه شاف اسامه وقف سيارته مشى له : بو فايز اسامه لف وانصدم وهو يشوف سعود : خير سبحانك اللهم وبحمدك | ||||||||
|
| |
|
03-04-20, 06:42 PM
| #9 | |||||||
| كاتبة بمنتدى الروايات المنقولة 
| البارت السابع اسامه لف وانصدم وهو يشوف سعود : خير سعود بهدوء : ابي اتكلم معك اسامه تكتف : قول اسمعك سعود : ليش تحرم فايز من امه اسامه ببرود: وش دخلك انت بولدي سعود :امه تعبانه منهاره خاف ربك في هالمسكينه اسامه :مشكلتها اذا كانت فعلا تحبه كان ما تزوجت وفايز بيتم معي و ما راح تشوفه سعود بقهر وانفعال ضربه بوكس قوي مسكه من ياقته وهو يرميه على الارض ويركله بقوه ببطنه: هذا عشان دموعها يا حقير عبدالعزيز الي طلع مع العيال لسيارته انصدم وهو يشوف اخوه الي طايح ركض بسرعه وهو يدف سعود عنه ويقوم اسامه عبدالعزيز بعصبيه : هيه انت جاي لقدام بيتنا عشان تتهاوش انقلع لا وربي لا اتصل لشرطه فايز ركض لسعود : بابا سعود سعود نزل لمستواه : ايه يا روح بابا سعود فايز : ماما وينها انتفض من صرخة اسامه : فااايز تعال فايز مشى له بخوف سعود طالع اسامه بحقد عبدالعزيز باستغراب ان فايز يعرفه : من انت وش تبي سعود : كنت جاي اتفاهم مع اخوك توقعته رجال و بيرجع فايز لامه بس هو الرجوله بعيده عنه ومشى اسامه عض شفته بقوه كان بيلحقه بس مسكه عبدالعزيز وهو يستوعب كلام سعود : انت جايب فايز يعيش معك بعيد عن امه اسامه وهو يمسح خشمه الي ينزف : ايه و لا تتدخل ولدي وكيفي عبدالعزيز وهو يفكه وبقهر : تستاهل الي صار لك دام هذا تفكيرك مسك يد فايز و شيماء : يالله طلال مشينا ____ سعود رجع البيت شاف امه وعبدالله ومحمد يلعبون بالايباد سلم ومشى وهو يبوس راس امه : احد عندها امينه : لا يمه نايمه سعود : بروح لها امينه : طيب مشى بخطوات سريعه على الدرج فتح باب الجناح ومشى للغرفه فتحها قعد جنبها على السرير وهو يبوس جبينها بعمق ويمسح على شعرها وهو يشوف الهالات السوداء الي وضحت تحت عيونها فتحت عيونها وهي تحس بأحد جنبها فزت : فايز جيت يمه طالعت لسعود الي قاعد جنبها وهو تستوعب مسكت يده : سعود تكفى طلبتك خلنا نرفع قضيه سعود وهو يحط يده على خدها و يطالع بعيونها الي تطالعه بألم : ما راح نكسبها الحضانه له نوره تجمعت دموعها بعيونها : بس فايز صغير من بيهتم فيه طيب من بيمر عليه في الليل ويغطيه و اذا عطش من بيجيب له ماي اذا سخن من بيسهر معاه ودموعها نزلت بألم سعود ضمها بقهر عليها : ابوه ما يهتم فيه ما يحن عليه نوره هزت راسها بنعم سعود : خلاص ان شاء الله بيكون مع ابوه بخير نوره : طيب ابي اشوفه سعود بعدها عنه وهو يمسح دموعها ويبوس جبينها : راح تشوفينه نوره : جد سعود رجع يضمها وراسها على صدره : ايه يا روحي نوره بتعب : احس روحي بتطلع سعود وهو يمسح على شعرها : بسم الله عليك ____ اسامه وهو يعدل تنسيفة شماغه لف لاسماء بابتسامه : وش رايك نسافر ونغير جو اسماء بفرح : وفي احلى من السفر اسامه : الشغل في باريس ناقص ولازم احد منا يسافر واقترحت على الوالد نروح اسماء : جد بنسافر وناسه اسامه : خلاص اجل بنروح احنا الثلاثه اسماء طالعته بدهشه : الثلاثه !! اسامه وهي يمشي للكبت ويطلع جواز فايز بيشوف اذا انتهى او لا بس طلع للحين ما انتهى رجعه مكانه وهو يقفل الكبت بالمفتاح : ايه فايز راح يجي معنا اسماء بقهر : بروح عند اهلي اسامه : الحين اسماء : ايه اسامه : طيب لا تتأخرين بالرجعه اسماء : بنام عندهم اسامه : براحتك اخذ جواله وبوكه ومفتايحه وطلع من البيت ____ فتحت عيونها بهدوء وهي تحس راسها ثقيل وعندها صداع رفعت راسها وهي تشوف سعود نايم بعدت بسرعه عن صدره وهي تتأمله نايم ابتسمت وقفت وهي تغطيه وراحت تأخذ شور طلعت بعد ما استشورت شعرها سرحته ورفعته لفوق طلعت لها بنطلون و بلوزه بألوان هاديه رشت عطرها شافت وجها بالمرايا مالها خلق تحط شي عليه مسكت راسها بألم مشت للادراج وهو تدور باندول واخيرا لقته و حطته بجيب بنطلونها فتح عيونه بانزعاج ابتسم وهو يشوفها نوره طالعته : اسفه ازعجتك سعود : يازين ازعاجك نوره ابتسمت : تبي مني شي سعود هز راسه : لا طلعت ومشت لغرفة العيال فتحتها ابتسمت وهي تشوف الغرفه مو مرتبه دخلت وهي ترتب الاسره والملابس الي مو نظيفه خذتها و الالعاب رجعتها مكانها طلعت وقفت وهي تطالع لغرفه فايز فتره ما قربت منها لفت وهي تكمل طريقها لغرفة الغسيل وهي تحط الملابس طلعت للمطبخ ما حصلت ساندي استغربت جهزت الفطور خلصت وحطتهم على الطاوله قعدت وهي تشرب قهوتها دخلت ام سعود : وش هالصباح الزين نوره بشبه ابتسامه : يسعد صباحك خالتي امينه : وصباحك حبيبتي نوره وهي تأكل بهدوء عشان تاخذ البندول سعود : صباح النور والسرور امينه : صباح السعاده طالع نوره : لا اليوم الوجه ينور امينه ابتسمت : دوم ان شاء الله نوره بتعب رفعت الكوب تشرب القهوه بس فجأه طاح على الارض رفعت نظرها لهم : آسفه وقفت وهي تنحني بتشيل القزاز بس حست بصداعها زاد امينه : يمه خليه ساندي بتشيله نوره : لا يا خالتي انا بشيله مدت يدها بتلم القزاز من الارض وجرح اصبعها :آآآه سعود فز وهو يقومها : قلنا لك خليه ليش انتي عنيده مسك يدها وهو ياخذ المناديل ويضغط على اصبعها نوره : سعود ولا عليك امر عطني مويه سعود وهو يصب لها مويه مد الكوب : تفضلي نوره : زاد فضلك طلعت البندول وهي تاخذ حبه وتشرب الماء جات ساندي وهي تنظف المكان من شظايا الكوب المتناثره سعود قعد على الكرسي جنبها : تبين تطلعين تتمشين او تروحين السوق تغيرين نفسيتك نوره وهي تسند راسها على الكرسي : لا سعود تنهد وهو يطالع امه نوره تنهدت بعمق وهي تطالعه بضعف : احس فايز فيه شي سعود مسك يدها : ان شاء الله مافيه الا العافيه يأم فايز وتلقينه الحين بروضه يلعب مع العيال امينه وقفت وتركت المكان بضيق عليها نوره وقلبها يفز وهو يناديها ام فايز لقطعه من روحها : انا بقطع اجازتي وبروح الروضه على الاقل اشوفه سعود وهو يسند راسها على صدره : طيب اهم شي تكونين مرتاحه نوره بهمس : شكـ.. سعود حط يده على فمها : ما احب الرسميه بكلامك و ماله داعي تشكريني نوره مسكت يده وهي تقبلها بدون ما تنطق ولا كلمه سعود ابتسم وهو يحس بدقات قلبه تسرع ____ دخل احمد بعد ما مر العيال وجابهم وياه اسيل وهي تتلفت : وين فايز شيخه : جد فايز وين ما جبته وياك احمد : فايز ما داوم اليوم اسيل بدهشه : شلون ما داوم انا من صحيت ما شفته يمكن يكون اسامه اخذه لأمه شيخه بخوف : قومي شوفيه اسيل وقفت بسرعه وهي تمشي لغرفه فايز فتحتها وتوسعت عيونها بصدمه وهي تشوف فايز نام بسريره لهالوقت مو من عوايده لامت نفسها انها ما مرت عليه توقعت ان راح الروضه قربت منه : فايز حبيبي ما حصلت رد شافت خدوده حمراء مدت يدها لجبينه انصدمت من حرارته المرتفعه هزته تبيه يرد عليها بس ما حصلت رد شالته بسرعه وخوف و نزلت فيه شافت ابوها في الدرج صالح : وش فيه اسيل دموعها نزلت : يبه حرارته مرتفعه حيل خايفه يصير فيه شي من الحراره صالح مد يده لجبينه : بسرعه لبسي عبايتك والحقيني باخذه المستشفى شاله صالح بخوف على حفيده شيخه وقفت : شفيه صالح بعصبيه : مسخن وينكم عنه محد انتبه له مشى وهو معصب لسياره و سدحه وراء شاف اسيل الي جات تركض وحرك للمستشفى ____ اسامه دخل وهو يلف السبحه على يده مشى لغرفته بدل ملابسه طلع لغرفة فايز ما حصل احد نزل وهو يتلفت دخل الصاله وهو يسلم على امه شاف طلال ناداه : طلال طلال : نعم عمي اسامه : حبيبي شفت فايز طلال : ايه طلع مع جدي لف لامه باستغراب : وين راحوا شيخه : اسماء وين اسامه : عند اهلها يمه ما قلتي وين راحو شيخه : المستشفى اسامه وقف بصدمه بيروح اقرب مستشفى بس شاف ابوه داخل وهو شايل فايز اسامه بسرعه راح له و شاله : فايز فايز فتح عيونه طالع ابوه بتعب ضمه اسامه بقوه وهو خايف عليه : يبه شفيه صالح : حرارته مرتفعه نار زين لحقنا عليه قبل لا ترتفع اكثر وتأثر عليه اذا ما تقدر تهتم بولدك خذه لأمه اسامه قعد على الكنبه وهو يلمس خده وجبهته حرارته انخفضت اسيل مدت له خافض حراره : خذ وخله ينام اليوم عندي اسامه : لا بينام عندي اسيل : طيب بس ترى ما أكل شي بقول لشغاله تسوي له شوربه او شي خفيف ياكله اسامه ابتسم : تسلمين يالغاليه ____ نوره قاعده في غرفة العيال تدرسهم و ترد على سوالفهم رد بسيط بس ما قدرت تبتسم او تضحك شي كاتم على صدرها رفعت جوالها زفرت بضيق وهي تذكر انها حذفت رقم شذى قبل اسبوع ندمت ليتها ما حذفته لفت على محمد : حمود شفت فايز اليوم محمد : لا نوره تنهدت : طيب شيلوا كتبتهم ويالله ننزل نتعشى و تنامون عبدالله ومحمد : طيب ____ اسامه وهو منسدح على سريره ويمسح على شعر فايز بحنان وهو يتأمله نايم بهدوء حرارته خفت حتى انه قعد معاه قبل لا ينام يالله ما يقدر يتخيل ان فايز يصير فيه شي هو اغلى من روحه باس راسه بعمق وهو يغطيه و ينسدح جنبه ____ سعود وهو يأشر بيده قدام عيونها انتبهت : هلا سعود : اكلمك لي ساعه واخر شي طلعتي سرحانه نوره : آسفه سعود وهو يمد يده لها : تعالي نوره بفهاوه : هاه وين سعود ضحك مسك يدها وهو يقربها له نوره باحراج : سعود بعد حط يده على خصرها وقربها منها مد يده وهو يرجع شعرها لوراء بصوت هامس : تدرين انك فاتنه بكل حالاتك نوره ارتجفت غمضت عيونها لما حست بدموعها تحرقها سعود دفها على السرير : يالله نامي عشان تروحين الدوام نشيطه لفوا للباب الي انفتح نوره قعدت : هلا حمود حبيبي تبي شي محمد وهو يفرك عيونه بنعاس : ابي انام عندكم سعود : لا روح غرفتك يالله محمد طالعه بزعل نوره : سعود حرام عليك مافيها شي اذا نام الليله عندنا سعود : لا نوره بابتسامه : ماعليك من بابا تعال محمد طالع ابوه بتردد ولف بيطلع نوره ضربت سعود بالمخده : قول له يجي سعود ضحك وهو يبعد المخده : خلاص بابا تعال محمد فرح وهو يقفل الباب ويركض لهم نوره نومته جنبها وعطت سعود ظهرها وهي تغطيه مسحت على شعره وهي مشتاقه لفايز بقوه طلعت تنهيده منها سعود حط يده على خصرها وهمس قريب من اذنها : تدرين انهم ما حسوا بحنان الام الا نادرا نوره بدهشه : جد سعود وهو يسدحها على ظهرها : ايه حتى امهم ماشافوها من تطلقت نوره بضيق : حرام سعود خذهم لها سعود رفع نفسه على يد طالع عيونها : لا دام هي ما سالت عنهم كذا افضل باس خدها : شكرا لانك صرتي لهم ام واحتويتهم نوره ابتسمت : ما سويت الا الي انا مرتاحه له طالعت محمد الي نايم : الله يحفظهم لك ____ نوره وفي يدها عبايتها وشيلتها نزلت وهي تسلم على ام سعود الي قاعده على طاولة الاكل تنتظرهم قعدت جنبها من جهة اليسار شافت محمد وعبدالله الي سلموا على جدتهم نوره طالعتهم واشرت لخدها : طيب وانا محمد مشى لها وباس نوره ضمته : فديته يا ناس طالعت لعبدالله وهي تفتح يدينها له عبدالله مشى وباسها بخدها ضمته: يا زين الحلو امينه ابتسمت : بتداومين اليوم نوره : ايه يا خاله لا تنسيني من دعواتك امينه : الله يوفقك و يسعدك و يحقق لك كل امنياتك يا بنتي نوره ابتسمت وهي تبوس راسها : الله لا يحرمنا منك سعود الي دخل على دعوات امه : يمه الحين كل هالدعاوي لنوره وانا طيب نسيتيني نوره : يمه يالغيره بس ضحك سعود وهو يسلم على راس امه امينه : كلكم عيالي وغلاكم واحد سعود : يمه انا ولدك وحيدك تقارنين غلاتي بنوير نوره : بس يالغيور افطر يالله تأخرنا امينه ضحكت عبدالله الي قاعد جنب نوره نزل كوب الحليب بس كان يطالع محمد الي مقابله حط الكوب على طرف الطاوله وما انتبه له مد يده بياخذ توست و ضرب الكوب بكوعه وطاح الحليب على ملابس نوره شهقت وهي توقف عبدالله طالعها و هو يتذكر مره صار معه نفس الموقف مع امه وهاوشته لانها كانت مستعجله وبخوف : آسف ماما والله ما شفته آسف نوره ابتسمت : حبيبي خلاص ادري ان مو قاصد عبدالله : يعني مو زعلانه نوره وهي تمسح على شعره : لا طالعت سعود : ما راح اتاخر طيب سعود :اوكي خذي راحتك مشت بخطوات سريعه للجناح امينه : سعود جيب لنا سواق انت عندك اشغالك مو فاضي على طول سعود وهو يتذكر بعد ما طلق عبير سفر السواق : ان شاء الله تأمرين يالغاليه ____ وقف قدام الروضه مد يده لجبهته : اليوم احسن نزل ومسك يده و شيماء باليد الثانيه وصل لقدام الباب : يالله مع السلامه شيماء دخلت رن جوال اسامه رفعه وهو يشوف الاسم ورد : الو السلام عليكم انصدم وهو يشوف فايز ما دخل ويركض لسياره : فايز وين رايح نزلت نوره من سيارة سعود ونزل محمد طالعت سعود : لما تخلصين اتصلي نوره : طيب قفلت باب السياره ولفت وهي تمسك يد محمد : يالله حبيبي تجمدت وهي تشوف فايز يركض لها : ماما ضمها وهي نزلت لمستواه وضمته بقوه وكأن لها دهر ماشافته باسته بخدوده وراسه : يا روح امك انت اشتقت لك وربي سعود نزل من السياره مد يده : فايز اخبارك يا بطل فايز وهو يمد يده له يسلم : الحمدلله سعود : دوم يارب يالله نوره ادخلوا الروضه صوت حاااد : فااايز فايز طالع ابوه : يالله بابا ادخل بسرعه فايز فك يده من امه وهو يدخل نوره الي مالفت له تركت يد محمد الي لحق فايز ودخلت وراهم سعود من شافهم دخلوا حرك السياره وراح ____ اسماء قاعده مع اختها وامها تسولف رن جوالها ردت بدلع : هلا حبيبي اسامه : انا جايك في الطريق اجهزي اسماء : ليش تو الناس اسامه : اذا اتصلت طلعي وقفل اسماء نزلت جوالها : اووف اسامه جاي الام وقفت : طيب ليش تتأففين اسماء : كنت ابي اقعد وياكم بعد طالعت امها وهي تروح لفت لاختها مها :ما قلتي لي كم بتقعدين في باريس اسماء بضيق : ما ادري يمكن نطول ما سألت اسامه كم بالضبط مها : طيب ليش متضايقه بتسافرين باريس وناااااسه اسماء : وين الوناسه بالموضوع وهالبزر بيجي معانا مها باستغراب : من ؟ اسماء : من غيره فايز مها : تتكلمين جد اسماء : ايه مو وقت مزح مها : خلاص صيري له أم واهتمي فيه اسماء بقهر : ما باقي الا اهتم بولد نوره مها بتفكير : طيب ليش ما تشوفينه ان ولد اسامه حبيبك اسماء : في النهايه هو ولدها مها : قومي تجهزي دام الولد عندك فأنتي مسؤوله عنه اسماء وقفت : اصلا حظي طايح ضحكت مها : من زمان توك تدرين ____ في بيت سعود مستانسه ورايقه لانها شافت فايز وقعدت معاه والكل ملاحظ عليها رجعت بدري من الدوام لفت وهي تنادي : ساندي لا تسوين الغداء انا بسويه اليوم امينه بدهشه : توك راجعه من الدوام تعبانه نوره : عادي يا خالتي انا احب اطبخ و بذوقكم طبخي و بغرور : صدقيني بس تذوقينه راح تقولين كل يوم نبي من يدك يا نوير سعود رفع حاجب : خفي علينا يا منال العالم وترى الغرور ما يليق عليك نوره طالعته بنظره وصدت امينه ضحكت : يحق لها بنتي تغتر وطباخها يجنن بس اقعدي والله ما تطبخين وهذاني حلفت سعود مسك يدها بيقعدها سحبها وما توازنت وطاحت بحضنه مسكها بيدينه من خصرها عشان ما تطيح وهي تعلقت يدينها على رقبته بخوف ابتسم وهو يطالعها مغمضه عيونها فتحت عيونها و التقت عيونها بعيونه لفت نظرها ثواني واستوعبت وضعها فزت واقفه وهي تقعد جنبه وجها احمر و تحس بجسمها حار من الاحراج و قلبها يدق بقوه ما رفعت نظرها من الارض سعود طالع امه ومسك يد نوره الدافيه : لا انتي ولا هي بطلب من المطعم طيب نوره بهمس : طيب نادى ساندي وهو يقول لها ويرفع جواله يطلب لهم ___ في غرفة اسامه اسامه : جهزي الشناط بكرا رحلتنا الساعه 7 الليل اسماء توسعت عيونها : مو من جدك وليش توك تقول لي اسامه ببرود : كذا مزاج اسماء : طيب نزل الشناط اسامه : أوكي وقف وهو ينزل الشناط من فوق الكبت : رتبيهم مو تقطينهم عشوائي طيب اسماء بقهر : طيب طلع وهو يشوف فايز يركض جاي جهته وطلال يركض وراه فايز اختبى وراه اسامه : وش مسوي بعد طلال : عمي كسر ايبادي اسامه وهو يسحب فايز نزل لمستواه : ليش كسرت الايباد حق طلال فايز : بابا قلت له بلعب فيه وما خلاني اسامه : بس بابا غلط تاخذه وتكسره وما ابي اشوفك تكسر اغراض احد فايز ساكت وهو يبي يبكي اسامه : طيب فايز ببكاء : ابي ايباد بابا ابيه ليش انا ما عندي اسامه : قول لطلال آسف يالله و لا تكسر اغراض احد طيب فايز وهو يمسح دموعه : آسف طيب بابا ما بكسر بس ابي ايباد ابتسم وهو يمسح على شعره : شطور بابا لف لطلال الي مقهور : راح اشتري لك غيره و الحين بعد يالله نروح طلال بفرح : يالله بعد ما اشترى لهم ما حصل احد بالصاله طلع وهو يدق الباب على اسيل اسيل : خير وش تبي اسامه مسك يدها : تعالي دخلها غرفة فايز : رتبي لفايز شنطته بنسافر بكرا اسيل بدهشه : مسافرين اسامه : ايه ليش ما تدرين اسيل بهدوء : لا واسماء اسامه : وهي بعد تمت تطالعه فتره خايفه على فايز ما صارت ترتاح لأسماء انتبهت وهي تسمع فرقعة اصابعه قدام وجها : وش فيك سرحانه اسماء تنهدت : ولا شي بس بشتاق لفايز طيب خلاص بجهزها له اسامه ابتسم : تسلمين لي ____ نوره وهي تشوف ام سعود لابسه لفت عليها : انا رايحه لأمك بتجين نوره : ايه دقايق بس البس عباتي راحت لغرفتها وهي تلبس عبايتها وشيلتها وقفت قدام التسريحه وهي تلبس نقابها مشت للباب بتطلع مسك يدها سعود : على وين نوره ابتسمت : بروح بيت اهلي سعود : اوكي نوره طلعت بس رجعت له : ترى خالتي والعيال بيجوا معي سعود :طيب وقف قدام المرايه وهو يسرح شعره خذ عطره وهو يرش عليه طالعته نوره باعجاب من فانيلته الي موضحه عضلات جسمه و لابس بنطلون جينز سماوي دايما تشوفه يلبس ثوب ابتسمت لا اراديا سعود طالعها وبابتسامه : خلصتي تأملتي نوره عضت شفتها باحراج سعود بنفس ابتسامته وهو يشوف خدودها حمرا : ترى تأخرتي على امي نوره ضربت جبهتها بيدها: نسيت ومشت بسرعه ضحك سعود وهو ياخذ جواله وبوكه ومفاتيحه و يطلع وراها ____ ضمتها الجوري : اشتقت لك يا حيوانه نوره : حيوانه واشتقت لك ما تركب ضحكت الجوري : من كثر شوقي لك نوره مشت وهي تحب راس امها ويدها : كيفك يمه نوال : بخير بشوفتك يا نظر عيني لفت على ضربه على كتفها ابتسمت وهي تضم ثريا : وحشتيني ثريا من زمان ما شفتك ثريا : وانا اكثر حبيبتي قعدت جنبها ثريا : اشوف الوجه ينور نوره : اليوم قطعت اجازتي وداومت ثريا : ليش نوره تنهدت : وش اسوي على الاقل اشوف فايز كل يوم بالروضه ثريا : اهاا حلو طيب سعود شلونه وياك نوره ابتسمت بخجل ثريا ابتسمت : يالله عاد تكلمي نوره بهمس : يجنن وربي اخلاق وذوق ومتفهم وطيب ثريا : الحمدلله الي ربي عوضك برجال يجنن على قولتك ضحكت نوره : الحمدلله وين عيالك ثريا : مع وليد نوره :اووف هذا وانا مشتاقه لهم حيل ثريا : شوي وتشوفينهم جايين ___ اسامه وقف قدام الروضه نزل مع شيماء الي دخلت الروضه بفرح مشى للاداره سحب ملف فايز وطلع رايح يكمل شغله في الشركه قبل لا يسافر نوره قعدت بعد ما خلصت وهي تطالعهم بابتسامه يلعبون ويلونون و يكتبون تنهدت بعمق وهي تطالع ملاك ومحمد الي معاها بنفس الصف وقفت بتطلع بتروح لصف فايز بتشوفه شكله اليوم تأخر دخلت وهي تسلم على استاذتهم : السلام عليكم رنا اخبارك رنا : وعليكم السلام الحمدلله وانتي نوره : الحمدلله لفت تدور فايز ما شافته : فايز ما داوم اليوم رنا : لا نوره بنفسها : وش فيه ما داوم ليكون مريض طلعت وهي تفكر ومتضايقه زفرت بضيق وهي تطرد هالافكار من راسها شافت شيماء الي طالعه من صفها نادتها : شيوم شيماء جات :هلا ابله نوره :شفتي فايز اليوم شيماء :ايه نوره :يعني هو بخير مافيه شي ليش ما جاء اليوم شيماء :ايه مافيه شي كان قاعد مع عمتي اسيل بس عمو اسامه قال له اقعد في البيت اليوم نوره زفرت براحه :اهم شي انه بخير شيماء راحت تركض نوره طالعتها وهي مبتسمه ورجعت لصفها __ اسيل في المول قاعده مع صديقاتها وقفت وهي تطلع من الكوفي تمشي بدلع دخلت محل وهي تفتر تشوف وتأخذ الي تبيه رن جوالها رفعته بتشوف من المتصل صدمت في شاب طاح جوالها طالعته و بوقاحه : وجع ان شاء الله رد عليها الشاب : يوجعك و ترى انتي الغلطانه اسيل خذت جوالها و طالعته بنظرة احتقار ومشت مسكها من يدها وهو يدفها لوراء : مو انا الي وحده مثلك رخيصه تطالعني بهالنظرات ترى فاهم حركاتك صدمتي فيني تبين تلفتين نظري وتسوي نفسك بريئه سحب نظارتها الشمسيه : تبطين يا بنت لف و رمى نظارتها لوراه على الارض ببرود اسيل تجمعت دموعها بعيونها مشت له بعصبيه وقفت قدامه : حقير ووقح ترا حيل واثق من نفسك والا انت شين و كريه ابتسم ابتسامه على جنب و طالع بعيونها : متاكده اسيل وهي تحس بقلبها يدق بسرعه كبيره هو مزيون وبقوه عضت شفتها وهي تسمعه يقول لها :هه غيري هالحركات صارت قديمه مو ياسر الي تمشي عليه حاولت تقاوم دموعها قدام اهانته و استحقاره لها وهاذي اول مره تنهان بهالطريقه بس ما قدرت ونزلت دموعها بغزاره لفت وهي تاخذ شنطتها من الارض وتطلع بسرعه من المحل اما ياسر انصدم من دموعها الي نزلت تم يطالعها وهي تمشي لحقها وهو يشوفها تطلع من المول ___ اسامه وهو شايل الشناط : اسماء يالله استعجلي اسماء : طيب نزل الشناط حطهم بالسياره ورجع لفايز شاله شنطته ومسك يده : يالله بابا وقف وهو يشوف ابوه يطالعه باستغراب : فايز بيجي معك اسامه : ايه صالح : امه تدري وموافقه يسافر معك اسامه لف على صوت كعب اسماء طالع ابوه وباس راسه : يبه تأخرنا مع السلامه ادعي لنا ومشى بسرعه وهو يدخل شنطة فايز ويركبه وراء و ركبوا وحرك للمطار بسرعه صالح طالعهم وهو يستودعهم الله ودخل ____ اسيل وقفت في مواقف السيارات تسندت على سياره وهي تمسح دموعها قهرها بقوه هو ما يعرفها عشان يتكلم عنها بهالطريقه ويهينها قبضت على كف يدها بقهر انها بكت قدامه وما ردت عليه لفت بترجع لصديقاتها وتأخذ اغراضها الي اشترتها وتركتها عندهم بس انصدمت بلي واقف قدامها : من مزعل الغزال اسيل طالعته ولفت للجهة الثانيه بتمشي وقف قدامها الثاني طالعتهم بخوف وقلبها يدق بقوه تحسه بيطلع من الخوف ما تقدر تهرب والسيارات من الجهتين وباين المكان فاضي : نـ نـعم وش تبون خلوني امر الشاب الثاني : لاا احد يخلي هالغزال ويمشي اسيل برجفه : وخروا عني الشاب الاول مسك يدها صرخت برعب : ابعد فك يدي سحبها وهي تصارخ وتبكي فجأه حست بأحد طلع قدامهم ياسر بحدة ملامحه وجموده : فك البنت ضحك الاول : ما سمعت وش قلت ياسر عصب عطاه بوكس رجعه لورا الشاب حس الدم طلع من خشمه مسحه بيده ياسر مسك يد اسيل وهو يخليها وراه : ابن امه يقرب منها الشاب الثاني هجم عليه ببوكس مسك يده ولواها وراه شاف صديقه يقرب رماه عليه بقوه مسك يد اسيل وسحبها وراه يحس انه السبب بلي كان بيصير لها لان بسببه طلعت من المول دخلها وبعصبيه : انتي غبيه ليش رايحه هناك اسيل بقهر : انت وش دخلك ليش لاحقني ياسر بحده : انا الغلطان كان مفروض اخليك ما تستاهلين احد يساعدك اسيل بلعت ريقها وبسرعه: لوسمحت ياسر لف لها ببرود اسيل بهدوء : انا آسفه وشكرا ومشت بسرعه لصديقاتها رفع جواله وهو يتصل لاخته بيشوف وينها و يرجعون البيت ____ يوم جديد نوره بعد ما صلت الفجر وقرت قرآن طلعت وهي تدخل غرفة العيال تقعدهم لدوامتهم : حمود عبادي يالله قوموا عبدالله صحى : ماما ما ابي اروح نوره قعدت جنبه : ليش حبيبي تعبان عبدالله : لا نوره : طيب خلاص قوم صحصح عليك اختبار يالله عبدالله قعد : طيب مشت لمحمد : حمود يالله حبيبي قوم حركت كتفه : يالله ماما لا تصير كسول محمد قعد وهو يتثاوب : خلاص ماما قمت نوره وهو تبوس جبينه : شطور ماما طلعت له ملابسه وملابس عبدالله : لا تتأخرون محمد : اوكي بعد ساعتين في الروضه نوره الي انشغل بالها اكثر ان فايز بعد اليوم ما داوم مشت لصف شيماء وهي تستأذن من رنا انها تبيها شوي نوره : شيوم حبيبتي ليش فايز غايب اليوم شيماء : عمو اسامه واسماء وفايز ما شفتهم مو موجودين في البيت نوره عقدت حواجبها : وين راحوا شيماء بتفكير : اي صح بابا قال سافروا نوره طالعتها بصدمه وهي تحس الدنيا اسودت بعيونها سافروا وين راح يطولون او لا وليش اخذ فايز معاه اسماء شلون تعامله طيبه او لا نزلت دموعها وهي تتسند بيدها على الجدار شيماء ركضت لصفها تنادي الاستاذه رنا طلعت بسرعه وهي تشوف نوره مغمضه عيونها ومتسنده على الجدار و دموعها تنزل بهدوء على خدها مسكت يدها : نوره انتي بخير نوره وهي تمسح دموعها : ايه بس شكله ضغطي انخفض اذا ما عليك امر تاخذيني لغرفة المعلمات رنا : ايه اكيد سكتت بتفكير : ايه نوره ليش سحبتوا ملف فايز نوره وقفت وهي تطالعها الحين تأكدت انه اسامه متقصد خذت نفس وهي تقعد على الكرسي رنا عطتها علبة المويه : تفضلي نوره : ممكن تدمجين صفي معك ما راح اقدر اكمل اليوم رنا : طيب وراحت نوره طلعت جوالها وهي تتصل بسعود عشان يجي لها بعد نص ساعه وصل سعود لبست عبايتها وطلعت له ركبت السياره وهي تسند راسها على الكرسي سعود مسك يدها : نوره وش فيك نوره بهدوء : ابي اروح البيت ____ بعد سفر مرهق هبطت الطياره في مطار شارل ديغول في باريس نزل اسامه وهو ماسك فايز بيده مشى مع اسماء لدورة المياه بدلوا ملابسهم وطلعوا خلصوا الاجراءات وطلعوا لتاكسي متوجهين للفيلا الي لأهله واخيرا وصلوا للفيلا طلع شناطهم من التاكسي حاسبه ومشى دخلوا للفيلا و قعد اسامه بتعب على الكنبه في الصاله وهو يقعد فايز جنبه : حبيبي تعبان فايز هز راسه بأيه بنعاس : بابا بنام قام وهو يشيله ومعاه شنطته : طيب يالله بنروح غرفتك لف لاسماء الي طفشانه : تعالي بوريك غرفتنا اسماء : طيب دخل غرفة صغيره باين انها لطفل نزله على السرير وباس جبينه : نوم العوافي بابا حط شنطته وطلع لغرفته دخل وهو يوريها اسماء : شرايك اسماء ببرود : حلوه اسامه : باخذ شور وبنام تعبان حيل اسماء سكتت وهي تطالع المكان ____ في بيت سعود ضامه رجولها لصدرها وتبكي بقهر على طفلها الي انحرمت منه بكل قسوه حست بسعود الي قعد جنبها وهو متضايق بقوه عليها ما يدري وش يقول لها قرب منها وهو يحط يده على كتفها وصار ملاصق لها وانفاسه على خدها فزت وهي تبعد عنه : سعود لا تقرب مني ابد سعود عقد حواجبه : ليش نوره بانفعال وعصبيه وقهر : ما ابيك تقرب مني و لا تلمسني ما ابي يجوني عيال وانحرم منهم مثل فايز تفهم او لا اصلا انت نفس اسامه حرمت عيالك من امهم حسبي الله عليكم انتوا مو رجال لا والله مو رجال دامكم تتلذون بعذاب المره وبكت سعود يطالعها بصدمه عصب من كلامها بقوه مسكها من فكها وهو يطالع بعيونها : لا تقارنيني بأحد يا نوره انا ما اتقارن بأحد وخصوصا ابو فايز وماهو انا الي اتلذذ بتعذيب مره مهما كان السبب قربها لما انفاسهم اختلطت مع بعض وهمس بفحيح : تبيني اوريك الرجوله الي تتكلمين عنها طيب ما طلبتي شي نوره وهي تحس بألم بفكها من قبضة يده مد يده الثانيه غمضت عيونها بخوف مسح دموعها وقبلها بين عيونها ليوزع قبلاته على وجها نوره توسعت عيونها بصدمه دفها وطاحت على وراء قرب وهو يبعد شعرها الي لصق على وجها بسبب دموعها الي ما وقفت مسكت يده وهزت راسها بالنفي وبصوت يرجف ومنهار : سعود تكفى طالع بعيونها الحمراء الي تترجاه بألم و دموعها الي تنزل بغزاره غمض عيونه يحاول يهدي عصبيته من كلامها الي قهره سحب يده منها وقف وطلع وقفل باب الغرفه بقوه نوره ضمت مخدتها وهي تبكي اما سعود طلع صالة الجناح وانسدح على الكنبه وحاط ذراعه على عيونه وهو يفكر فيها ____ احمد ضم شذى من وراها وهو يحط راسه على كتفها : ما خلصتي شذى ابتسمت : لا خلصت شذى قفلت الشنطه وقفت بترفعها احمد مسك الشنطه : خليها انتي يالله تشيلين نفسك شذى قعدت بتعب احمد : تعبانه شذى هزت راسها : ايه شوي شوف العيال وياك احمد شال الشناط نزلهم ورجع لغرفة عياله : هاه جاهزين طلال : ايه بابا جاهزين احمد : يالله اخذ اغراضهم وشناطهم و نزلوا لسياره : طلال شيوم باروح اشوف امكم وجاي لا تتحركون طلال وشيماء : اوكي دخل احمد شاف اسيل نازله : خلاص رايحين اسامه سافر والحين انتوا اوف اقعد بروحي احمد حط يده على خدها بحنيه : تعالي ويانا اسيل طالعته بابتسامه : جد احمد ابتسم : ايه الصراحه تونا ناقلين وتعرفين البيت حوسه وتعب على ام طلال اسيل ضربته على كتفه : هذا الي يهمك ما تتعب ست الحسن احمد ضحك : بتجين او لا اسيل : طيب باقول لامي رفعت جوالها بتتصل بس شافت ابوها داخل مشت له : يبه باروح ويا احمد طيب صالح : طيب اسيل باست راسه : الله يطوك بعمرك يا الغالي ويحفظك لنا احمد : آمين صالح ضحك : الله وياكم يبه مشى لغرفته بياخذ جواله الي نساه ويطلع احمد ابتسم وهو يشوف شذى تنزل طالع اسيل : استعجلي ننتظرك اسيل راحت لغرفتها تركض ____ أسامه قاعد على طاولة الاكل يأكل بهدوء فايز : بابا ابي عصير اسامه ابتسم ومد يده ياخذ العصير ويصب له عطا فايز الي خذه منه اسماء : ما راح نطلع اليوم اسامه ببرود : بروح الشركه مو فاضي وترى احنا جايين عشان شغل مو سياحه اسماء بنرفزه : يعني شلون راح نتم محبوسين بين اربع جدران اسامه : لا راح اخذكم اي مكان تبونه بس ارجع من الشركه اسماء ابتسمت : حياتي الله لا يحرمني منك اسامه حط يده على راس فايز : حبيبي تبي شي فايز : ابي كاكاو و ابي العاب و قاطعه بضحكه : خلاص راح اجيب الي تبي اسماء لوت فمها بطفش اسامه نادى بصوت عالي : جولي جولي بالفرنسي : نعم سيدي اسامه بلغة فرنسيه متقنه : جولي اريد منك الاهتمام بفايز دعي كل شيئا جانبا و قومي بكل ما يحتاجه حسنا جولي f : حسنا وراحت اسماء تطالعهم بفهاوه مو فاهمه شي : شنو قلت لها اسامه : قلت لها تهتم بفايز اسماء : اها طيب هاذي شلون اتفاهم معاها تعرف عربي او انجليزي اسامه : تعرف انجليزي يالله مع السلامه وطلع اسماء طالعت فايز وبقهر صرخت : خلاص قوم فايز طاح كوب العصير من يده بخوف من صرختها جولي جات وهي تشوف الزجاج تناثر حول فايز مشت له وهي تبعده عن الزجاج قعدته على الكنبه وراحت تنظف العصير والزجاج جولي بعد ما خلصت مشت لفايز f : هل انت بخير فايز طالعها وهو مو فاهم كلامها مسكت يده و هو مشى معاها لغرفته بدلت ملابسه ونزلوا فايز فك يده منها وراح لاسماء الي تطالع التلفزيون بملل : خالتو اسماء اسماء ببرود : تخلخلت عظامك ان شاء الله فايز : خالتو اسماء بنرفزه مسكته من يده : اسماء بس اسماء فايز بخوف والم : ط طيب اسماء اسماء : ياليل اخلص وش تبي فايز بطفوله : وين ماما ابي اشوفها اسماء : اووف يا شين من طريت امك ما تبيك افهم لو هي تبيك كانت جات وخذتك عندها بس هي رمتك علينا وراحت فايز زم شفتيه بضيق : لا ماما تبيني هي تحبني اسماء ابتسمت بخبث : طيب ماما ليش ما جات تشوفك ما اتصلت وقالت ابي فايز هي حتى في الروضه ما خذتك معاها للبيت خلتك عند بابا وقالت ما ابي فايز ما تحبك فايز وكلام اسماء بدأ يدخل لعقله الطفولي ويصدقه صار يبكي بصوت عالي هالكلام قاسي على طفل متعلق بأمه كثير بكى وفي عقله يتردد كلام اسماء واكثر كلمه " ما تبيك ما تحبك هي حتى في الروضه ما خذتك معاها " اسماء بعصبيه : بس اسكت وجع صدعت راسي جات جولي على صوت بكاه اسماء e : قومي باسكات هذا الطفل المزعج جولي شالته و طلعت من عندها راحت غرفته طلعت له الالعاب بس مو راضي يسكت جولي : ماذا بك يا فتى لما كل هذا البكاء ضمته وهو يبكي بعد عدة دقائق هدأ بس للحين يشهق بين فتره وفتره ____ سعود دخل البيت ومعاه عبدالله ومحمد رجعهم من دوامهم سلم على امه مشى لجناحه سلم عليها ببرود طلع له ملابس راح الحمام يبدل و طلع نوره وهي تشوف تجاهله لها ما عبرها حتى بنظره : سعود سعود اخذ السبحه وطلع وما رد عليها دخل الصاله : الله يمه وش هالريحه الطيبه الي تفتح النفس امينه ابتسمت : هذي من يدين بنيتي الله يعطيها العافيه نوره ابتسمت : الله يعافيك يا خالتي جات ساندي : الغداء جاهز محمد وعبدالله راحوا امينه باستغراب : سعود ما تبي غدا سعود : مو جوعان يالغاليه عليكم بالعافيه نوره طالعته و هو متجاهلها من لما صحى الصبح حست بضيق زمت شفايفها بمحاوله منها ما تتأثر بتجاهله لها وطلعت وراء خالتها قعدت على طاولة الاكل غرفت لها وتمت تطالع الاكل فتره انتبهت على صوت امينه : نوره يمه الاكل برد وانتي ما كلتي شي نوره وقفت : مو مشتهيه ام سعود عقدت حواجبها بشك ان صاير بينهم شي ____ اسامه رجع من الدوام سلم على اسماء الي قاعده تحط طلاء اظافر ليدها ببرود اسماء : وعليكم السلام اسامه تلفت : وين فايز ماشوفه اسماء بلامبالاه : يمكن نايم بغرفته اسامه عقد حواجبه نايم هالوقت ما يتوقع : جولي جولي جات f : نعم اسامه f : اين فايز لا اراه جولي تنهدت f : انه في غرفته لا اعلم ماذا حدث له فقد كان يبكي ولم يهدأ الا بعد فتره اسامه فز واقف خاف يكون تعبان او فيه شي مشى بخطوات سريعه وهو يفتح غرفة فايز ارتاح وهو يشوفه يلعب بايباده مشى وقعد جنبه : كيف حالك يا بطل فايز : بخير اسامه وهو ياخذ الايباد منه : تبي نطلع اشتري لك الي تبيه و نروح الالعاب فايز طالع ابوه : بابا ابي اكلم ماما اسامه طالعه تنهد : طيب طلع جواله وهو للحين محتفظ برقمها وقف عند اسمها بجواله " الغلا كله " تم يطالعه فتره ودق عليه يرن بس محد رد رجع اتصل مره ثانيه و ثالثه طالع فايز وحاول يبتسم : بابا شكلها مشغوله ما ترد فايز تجمعت الدموع بعيونه و طبعا فكر انها ما تبي تكلمه لا اله الا الله . | |||||||
|
| |
|
03-04-20, 07:13 PM
| #10 | |||||||
| كاتبة بمنتدى الروايات المنقولة
| البارت الثامن اسامه بضيق ضمه وهو يبوس راسه : حبيبي راح تتصل بس تخلص شغلها يالله يا بطل نروح فايز : واسماء اسامه عقد حواجبه : بابا قول خاله اسماء فايز : هي قالت لي اناديها اسماء اسامه : طيب وهي بتجي ويانا يالله فايز وهو يلبس جزمته ابتسم : يالله بابا ____ نوره صلت المغرب وشالت السجاده وفسخت جلالها وحطتهم على السرير مسكت جوالها استغربت وهي تشوف الرقم الدولي طنشت وطلعت من الجناح مشت لغرفة العيال فتحت الغرفه عبدالله : ماما عندي واجب ما عرفته نوره قعدت جنبه وهي تشوف الكتاب ابتسمت وبدت تعلمه شلون يحله عبدالله قفل الكتاب باسها بخدها : ماما احبك نوره ابتسمت وهي تمسح على شعره : وانا احبك كانت تعامل عيال سعود مثل فايز ولدها وتتمنى من كل قلبها ان اسماء تعامل ولدها مثلهم فتح سعود الباب طالعها وهو يشوف شعرها الطويل الي يغطي ظهرها الفاحم بسواده نوره لفت للباب سعود رفع نظره لعبدالله : عبود تعال ابيك عبدالله : طيب ومشى له وطلعوا نوره قبضت كف يدها بقوه ونزلت دموعها يقهرها بتجاهله لها ما تعودت عليه كذا رفعت يدها وهي تمسح دموعها وقفت بقهر وقفلت الباب بقوه مشت وهي تشوفهم قاعدين في الصاله امينه وهي تشوف عيونها الحمراء : نوره يمه كنتي تبكين وش مضايقك سعود وهو يوري عبدالله وش اشترى له لف على كلام امه لها طالعها بهدوء ولف لعبدالله : هاه شرايك عجبتك عبدالله : كثيير سعود ابتسم نوره : سلامتك خالتي بس اشتقت لفايز امينه وقفت وهي تربت على كتفها : الله يصبر قلبك نوره بهدوء :آمين مشت امينه طالعه من الصاله اخذ عبدالله الملابس الي جابها له ابوه وركض لغرفته و قام محمد ولحقه سعود وقف بيطلع ويترك لها الصاله مشى من جنبها مدت يدها وهي تمسك يده : ابي اتكلم معك سعود طالعها بهدوء نوره نزلت دموعها : سعود قول اي شي لا تتجاهلني كذا سعود ببرود : طيب وش تبين نوره : آسفه ادري ان ضايقتك بكلامي بس انا كنت مقهوره ومعصبه حتى ما اذكر وش قلت لك بالضبط سعود : بس هذا ما يعطيك الحق انك تهينيني وتقللين من احترامي يا نوره نوره مدت يدها تمسح دموعها : سعود والله ما قصدت اسفه وحقك علي سعود طالعها فتره ولف مشى بيطلع بس جمد فجأه وهو يحس فيها تحضنه من وراء وتبكي تنهد بعمق ما يقدر يقسى عليها اكثر الظروف الي تمر فيها مو سهله يجي هو بعد يكمل عليها بزعله منها مسك يدينها الي على خصره ولف لها وهي دفنت وجها بصدره تبكي سعود ضمها بهدوء بعدها عنه و مسح دموعها بيدينه : كل هالبكاء بسببي نوره : ايه بسببك سعود ابتسم رفع وجها له وطالع بعيونها : آسف وجعتك امس نوره بهدوء : ايه سعود باسها بين عيونها : تستاهلين نوره ضربته على صدره : سخيف مشت بتروح مسكها من يدها وهو يضحك نزل يده لخصرها ليرفعها له رجع شعرها بيده الثانيه لوراء اقترب منها اكثر دقات قلبها بدت تسرع يطالع عيونها الباكيه خشمها الوردي خدودها الحمراء ليطبع قبله هادئه بعد يده عنها و لف ومشى نوره تطالعه بدهشه مشت للحمام يكرم القارى غسلت وجها وطلعت شافت محمد الي جاء لها يركض محمد : ماما ابي كيكه نوره ابتسمت : طيب الحين اسوي لك احلى كيك يا حلو مسكت يده ودخلت المطبخ قعدته على الكرسي : انت اقعد وطالعني طيب لا تتحرك محمد بابتسامه : طيب ____ اسامه كان ماسك فايز بيده و يسولف مع اسماء وقف عند محل : انتظروني هنا رايح شوي وراجع اسماء انتبهي لفايز اسماء بلا مبالاه : طيب تموا وافقين منتظرينه تمللت اسماء وراحت الكوفي تاخذ لها شي دافي بهالجو البارد فايز الي كان يطالع الناس الماشين لف لاسماء ما حصلها تلفت وهو ينادي : باااابا خااااله بس ما حد رد تجمعت الدموع بعيونه بخوف مشى وهو يدورهم شاف واحد لابس بالطوا نفس ابوه ابتسم بفرح ركض بسرعه مسكه : بابا لف عليه فايز رجع لوراء وهو يشوف رجال غير ابوه ابتعد الرجال و فايز صار يبكي بمكانه وكل من مر يطالعه ويمشي وقف شخص وهو يشوف فايز يبكي نزل لمستواه وتكلم بالفرنسيه : لم تبكي يا صغير طالعه فايز ومافهم شي الرجل مد يده ومسح دموعه شاف ملامحه العربيه وتكلم عربي : وين ابوك فايز هز اكتافه : ما اعرف تنهد و مد يده لها : طيب تعال ندوره فايز مسك يده ومشى معاه اسامه رجع ما حصل احد وقف شاف اسماء جايه وهي تشرب قهوه فرنسيه اسامه طالعها : وين فايز اسماء توسعت عيونها نست ان فايز معاها لفت وراها بلعت ريقها : كان وراي مـ ما ادري وين راح اسامه بصدمه مسك ذراعها بقوه وبفحيح : فايز وين اسماء بتوتر : مـا ادري اسامه دفها لوراء بقوه شهقت لما طاحت القهوه على يدها واحرقتها مسكت الكوب بيدها الثانيه وهي حاسه بألم فضيع اسامه مشى و اسماء لحقته سأل اكثر من واحد عن فايز عطاهم مواصفاته بس كان الرد ما شافوه دور بعيونه على فايز حط يده على راسه يالله وين راح هو اغلى من روحه يالله اخذ نفس يهدي توتره وكمل يدور عليه _____ في بيت سعود كانوا قاعدين يتقهون ويسولفون عبدالله : بابا نبي نطلع من زمان ما طلعنا محمد : ايه بابا يالله سعود ابتسم لهم : طيب يا بابا بنطلع رفع نظره لنوره الي سرحانه ومو حولهم ابد لف لامه : بتطلعين يالغاليه امينه : لا والله تعبانه يمه ومافيني حيل سعود : يمه اخذتي دواك امينه : ايه سعود : طيب يمه اهم شي صحتك لف لمحمد وعبدالله : يالله روحوا الغرفه بسرعه عشان تتجهزون بنطلع محمد وعبدالله مشوا نوره تنهدت وقفت ولحقتهم بتطلع لهم ملابس عشان يبدلون و يتجهزون لطلعه سعود تم يطالعها لما اختفت عن انظاره امينه : صاير بينكم شي سعود طالع امه : لا يمه مو صاير شي امينه تنهدت : والله حالها مو عاجبني سعود : هي ام وانحرمت من بكرها واول فرحتها وهو بعمر صغير امينه : ايه والله صعب الي تمر فيه حسبي الله عليهم سعود وقف : عن اذنك يالغاليه امينه : اذنك معك يمه مشى سعود لغرفة عياله شافهم جاهزين مشى لجناحه دخل الغرفه ما حصل احد طلع وهو يتلفت يدورها شاف غرفة فايز مفتوحه مشى لها ودخل شاف نوره قاعده على سريره ضامه فانيله فايز وهي تشمها بقوه سعود قرب وقعد جنبها حط يده على كتفها نوره طالعته و سندت راسها على كتفه وبغصه : اشتقت له سعود تنهد وهو يضمها نوره : ابي اشوفه او اسمع صوته اقل شي سعود بضيق : تعرفين رقم ابوه نوره : اي بس هو مسافر ما اعرف وين ولا اي بلد سعود : خلاص استودعيه الله نوره دعت من كل قلبها : اللهم إني استودعتك إياه فأحفظه يارب العالمين سعود اخذ منها فانيلة فايز : يالله قومي تجهزي لطلعه ولا ترى بنروح ونخليك ترى ما احب الانتظار نوره : طيب دقايق بس طلعت وهو حط الفانيله في الكبت وطلع ___ وقف الشخص وهو يطالع فايز : ما شفت ابوك فايز : لا طالعه : انت وش اسمك فايز : فايز الشخص طالعه بابتسامه : حلوو فايز فك يده وراح يركض مشى وراه : فايز وقف فايز نادى : باااابا التفت اسامه لصوت فايز راح له وضمه بقوه :الحمدلله يا روح بابا انت وين رحت فايز : بابا كنت ادوركم اسامه باس خده : وش جابك هنا فايز اشر على الرجال الي كان معه اسامه طالعه الرجال : شلون تخلي ولدك بروحه اسامه : ما انتبهت انه ضاع مشكور الرجال : لا تشكرني اي احد مكاني كان بيسوي الي سويته وانتبه له زين ابتسم لفايز ومشى اسامه شال فايز ومشى من قدام اسماء متجاهلها اسماء طالعته بقهر ومشت ____ اسيل وهي تلبس عبايتها بتطلع شذى : وين رايحه اسيل : امي متصله تبيني اروح لها شذى : طيب حبيبتي مشكوره وما قصرتي اسيل : حاضرين لطيبين احمدوه قوم وصلني احمد وقف : يالله وصلت البيت اول ما سلمت استلمتها امها : الحين تروحين مع احمد وتخليني لحالي قلنا اسامه سافر و احمد طلع طيب انتي قعدي معاي عبدالعزيز ضحك : افآ يمه انا وين رحت اسيل باست راس امها : يمه كلها يومين خلاص لا تزعلين يالغاليه شيخه ابتسمت : طيب خلاص مو زعلانه و انت ما تقعد في البيت كثير الا اسامه ما اتصل عبدالعزيز : لا شيخه تنهدت : الله وياهم طالعت عبدالعزيز : عز يمه ما تبي تكمل نص دينك واخطب لك عبدالعزيز ابتسم : لا تو الناس ما ابي اتزوج الحين شيخه : اذا نويت الزواج عندي لك بنت ماشاء الله عليها ابيها لك عبدالعزيز بلامبالاه : يصير خير ____ في باريس اسماء مقهوره بسبب فايز اختربت الطلعه وما استانست وفوق كل هذا يدها احترقت من القهوه الحاره طالعت فايز الي قاعد جنب ابوه واسامه يلعب بشعره فايز : بابا جوعان اسامه : يخسى الجوع وانا ابوك نادى جولي وقال لها تجهز الأكل فايز طالع ابوه : بابا ابي اكلم ماما اسامه زفر رفع جواله وهو يتصل اسماء خذت الجوال من يده : عندك رقمها ليكون للحين تكلمها خاف ربك هي على ذمة رجال ثاني طالعت الاسم وانصدمت اسامه اخذ الجوال من يدها : مالك دخل و اذا عدتي هالحركه راح اكسر يدك فاهمه شاف ان محد رد عليه لف على فايز وبعفويه : ما ردت بابا الظاهر ما تبي تكلمك والا كان ردت وشافت من المتصل اسامه قالها بعفويه ما كان يدري ان اسماء ملت راسه بهالافكار و ان كلمة ما تبي تكلمك ممكن تأثر بفايز اما اسماء ابتسمت وهي تشوف تعابير وجه فايز الي انقلبت و دموعه الي نزلت اسماء : كم راح نتم هنا اسامه ببرود وهو يطالع جواله : سنه و يمكن سنتين لما اخلص شغلي اسماء بدون شعور وهي تأشر على فايز : نعم وانا راح اتحمل هالغثا سنتين اسامه نزل جواله وهو يطالعها بنظرات حاده وقف : ما سمعت وش قلتي اسماء بلعت ريقها بخوف من نبرة صوته ونظراته : مـ مـا قلت شي اسامه مسك ذراعها وقفها بعنف لواء يدها لوراء ظهرها وبفحيح : ليكون انتي متقصده تخلينه يضيع عشان تتخلصين من الغثا على قولتك اسماء توسعت عيونها بدهشه ما فكرت تضيعه ابد وبألم من يدها : لا اسامه والله ما انتبهت له ومو قاصده اضيعه وربي فايز طالع ابوه بخوف : بابا اسامه انتبه ان فايز موجود دفها ولف له واندهش من دموعه توقع ان خاف منه نزل لمستواه وضمه : وش فيك بابا لا تخاف فايز بكا بصوته اسامه وقف وهو شايله طالع اسماء بتهديد ولف على صوت جولي f : الاكل جاهز اسامه : اوكي اسماء وهي تهمز يدها : وجع ان شاء الله مشت و تأكل قعد فايز ومسح دموعه وعطاه كوب ماء : انت ما قلت انك جوعان يالله كل فايز شرب الماء وصار يأكل هو وابوه اما اسماء انسدت نفسها عن الاكل _____ في بيت سعود نوره جفاها النوم هالليله تعدلت بجلستها على السرير وراحت تتوضأ وتصلي القيام بعد ما صلت رفعت سجادتها وجلالها بمكانهم و ربطت روبها عليها وطلعت دخلت لغرفة العيال مشت وهي تغطي عبدالله ولفت لمحمد مسكت اللحاف بتغطيه بس انصدمت لما لمست يده من حرارته مدت يدها لخده وجبهته حرارته مرتفعه حيل طلعت من الغرفه وراحت تجيب له كمادات قعدت جنبه وهي تاخذ الفوطه وتحطها في المويه وعصرتها و حطتها على جبينه شهق محمد من برودتها نوره : بسم الله عليك حبييي تمت طول الليل وهي تحط له الكمادات لما اذن الفجر سندت ظهرها على الكرسي لفت على صوت الباب الي انفتح شافت سعود لابس وكاشخ سعود باستغراب : نوره وش تسوين هنا نوره وقفت بتعب : محمد حرارته مرتفعه سعود قرب وهو يشوفه: لا الحمدلله تمام شاف الفوطه والصحن والمويه ابتسم : الله يعطيك العافيه نوره :الله يعافيك الحين بتقوم الصلاه يالله روح المسجد سعود راح وهي راحت للجناج تصلي الفجر خلصت و انسدحت على السرير ونامت بتعب رجع من المسجد مر على امه وهو يصبح عليها و مر على عبدالله ومحمد وتأكد من حرارته دخل جناحه و مشى للغرفه ابتسم وهو يشوفها نايمه غطاها وبدل ملابسه وقعد جنبها رجع شعرها لوراء مرر يد على خدها قرب وباسه برقه ما يبي يزعجها و استنشق ريحة عطرها بعمق شافها غرقانه بالنوم ابتسم وهمس لها : الله لا يحرمني منك يا بلسم جروحي صحت بكسل شافت الساعه وانصدمت يالله راح دوامها اليوم وهي نايمه ليش سعود ما قعدها وقفت وهي تاخذ المنشفه بتأخذ شور بعد ما خلصت استشورت شعرها و رفعته حطت كحل اسود و بلاشر و روج وردي فاتح رشت عطرها و طلعت من الجناح نزلت سمعت اصواتهم مشت لهم : صباح الخير ردوا : صباح الخير _ صباح النور شافت محمد ابتسمت وقعدت جنبه : كيف الحلو محمد : تمام طالعت سعود : دام انت قاعد من وقت ليش ما قعدتني لدوام سعود : شفتك تعبانه وقلت ماله داعي تروحين امينه : تعبانه من شنو نوره بابتسامه : لا يمه سعود يبالغ لا تعبانه ولا شي سعود طالعها وهو رافع حاجب امينه : الحمدلله الا يمه متى بتخلص اجازتك سعود : هالاسبوع ____ في بيت بو احمد اسيل : يمه سمر عازمتني اليوم شيخه : سمر من اسيل : بنت نايف الـ.. شيخه : ايه عرفتها طيب بس لا تتأخرين اسيل بابتسامه : طيب وقفت وراحت تجهز ____ في باريس وقفت جولي قدام المطبخ وصرخت بفجعه وهي تشوف فايز واقف والزجاج المتناثر والدم الي مغطي ارضية المطبخ جات اسماء على صرختها و توسعت عيونها بصدمه طالعت فايز : وجع وش صار لك فايز طالعهم بخوف ما يدري شسالفه اسماء : عساه يخلص دمك بس وطلعت متنرفزه حست بغثيان ركضت للحمام يكرم القارى جولي قربت منه طالعته ولفته تشوف من وين مجروح بس مافيه شي بخير زفرت براحه مدت اصبعها وهي تشوف وش هالي بالارض و عرفت من ريحته ان فيمتو مسكت يده طلعته من المطبخ جولي f : ابقى هنا رجعت للمطبخ طالعت الارضيه الي لونها احمر وبدت تنظف الزجاج والفيمتو اسماء طلعت بتعب شافته قاعد يلعب بايباده الي كان بالصاله توسعت عيونها : وجع انت ما فيك شي فايز : لا اسماء بقهر وقف قلبها مسكت يده ودفته : انقلع لا تشوفك عيني فايز طالعها اسماء بعصبيه : روح من قدامي فايز انتفض من صراخها نزل ايباده على الكنبه : وين اروح اسماء عضت شفتها : اطلع برى ما ابي اشوفك فايز لف ومشى للباب فتحه بصعوبه ابتسم وهو يشوف حديقة بيتهم الصغيره وراح يركض ويلعب ____ عبدالعزيز وقف سيارته ولف لاسيل : بس تخلصي اتصلي لي اسيل : طيب نزلت وهو حرك السياره فتحت لها سمر سلمت عليها ودخلتها : يا هلا والله بالغاليه اسيل ابتسمت : هلا فيك حبيبتي البنات وصلوا سمر : ايه بس كنا ننتظرك ودخلتها مجلس الحريم فصخت شيلتها وعبايتها و سلمت على صديقاتها و خوات سمر و تموا سوالف وحش ووناسه اسيل استأذنت بتروح الحمام بعد ما دلتها عليه سمر طلعت بعد ما عدلت مكياج كانت ماشيه وهي تعدل شعرها وقفت بصدمه من طلع فجأه قدامها احد اما هو نزل نظره بسرعه عقد حواجبه هالوجه شافه من قبل رفع نظره لها وابتسم بخبث : هذا انتي اسيل : لو سمحت ممكن تخليني امر ضحك ياسر : وش هالادب الي نازل عليك اسيل وهي منحرجه انها قدامه بدون غطا بفستانها الضيق الي لنص ساقها وشعرها اسيل : لو سمحت لا تطالعني وخلني امر ياسر بهمس : ليكون جايه لبيتنا عشاني عاد هذا وانتي ما شفتيني الا مره و عجبتك اسيل ضحكت بسخريه : وش قلت جايه لبيتكم عشانك يا شين الثقه بس ومرت من قدامه رايحه للبنات ياسر ابتسم وهالبنت دخلت مزاجه مشى طالع من البيت ____ في باريس جولي بلغة انجليزيه مُكسره : أين ذهب فائز اسماء وهي تطقطق بجوالها وصوت التلفزيون عالي و نفسها تقلب ومالها خلق لشي : ذهب لغرفته جولي طالعتها : حسنا وراحت تجهز الغداء فايز تعب وهو يراكض وراء العصافير لف ورجع للبيت حاول يفتح الباب بس ما انفتح ما ينفتح الا بمفتاح او من الداخل ضرب الباب بخوف و هو يحس بالبرد بسبب لبسه الخفيف فانيله بكم قصير و شورت : خالتـ.. قطع كلامه اسماااء بكى وهو يطق الباب وينادي بس لا مجيب مشى قعد جنب شجره ضم نفسه وهو يبكي : ماما تعالي لي ليش ما تبيني صرخ باااابا جولي جهزت الغداء على الطاوله اسماء وقفت وهي تحس بالغثيان زاد عليها اسامه دخل شاف اسماء تركض للحمام مشى لغرفته بدل ملابسه راح لغرفة فايز ما حصله نزل وهو ينادي : جولي جولي : نعم سيدي اسامه : لم ارى فايز اين هو جولي : في غرفته اسامه طالعها : لا احد في الغرفه جولي طالعته بدهشه : ولكن السيده اخبرتني انه بالغرفه اسامه : الم اخبرك بأن تهتمي بفايز جولي نزلت راسها : اجل ولكن قالت له كل شي صار من لما كسر الفيمتو لما طلعت وسألت اسماء اسامه : هيا ابحثي عنه في المنزل وانا سأذهب للحديقه جولي : حسنا وراحت بسرعه تدور اسماء طلعت وهي تمسح وجها بالمنشفه مرهقه وتحس بدوخه وألم ببطنها مشت وقعدت على الكنبه وغمضت عيونها اسامه طلع للحديقه وهو ينادي : فااايز فايز سمع صوت ابوه وهو يحس اطرافه تجمدت من البرد كح بقوه و مو قادر يرد على ابوه و غمض عيونه بتعب وما حس بشي اسامه لف وهو يسمع صوته احد يكح مشى انصعق وهو يشوف فايز طايح عند الشجره ركض له و توسعت عيونه بصدمه وهو يشوف وجهه شاحب و جسمه بارد حيل شاله بسرعه وركض لداخل جولي شهقت وهي تشوف فايز اسماء طالعته بصدمه اسامه دخله غرفته شغل التدفئه بدل ملابسه بملابس ثقيله للبرد وتدفيه وغطاه قعد جنبه مسك يده وصار يفركها بين بيدينه وبصوت يرجف : فايز اصحى رد علي فايز ما حصل رد منه انسدح جنبه وضمه له وهو يبوس راسه : يا روح ابوك اصحى ما حصل رد ونزلت دموعه بقهر دخلت جولي بأسى : سيدي اسامه اشر لها تطلع كل الي يبيه الحين ان فايز يكون بخير طلعت جولي وهي متضايقه طالعت اسماء الي كانت واقفه مكانها خايفه تروح له ويعصب عليها وهي تدري انها السبب بلي صار وخايفه من ردة فعله قعدت وهي تفرك يدينها بتوتر ____ في بيت سعود نوره قعدت على السرير : سعود سعود رفع نظره لها : هلا نوره : ابي اروح بكرا بيت اهلي سعود : طيب نوره ابتسمت : وابي اقعد عندهم كم يوم سعود رفع حاجب : لا وبعد كم يوم نوره : سعود طلبتك سعود : اطلبي اي شي غير هذا وبعدين يهون عليك تخلين حمود وعبود بعد ما تعودوا عليك نوره صدت بزعل سعود ضحك : يا زينه الزعلان حط يده على اكتافها : خلاص موافق بس يوم واحد نوره تنهدت بضيق : تمام سعود باستغراب : وش مضايقك خلاص قلت لك موافق نوره وهي تحس بنفسها يضيق في شي كاتم على صدرها و قلبها مو مرتاح خذت نفس بقوه وهي تحس برجفه بجسمها : سعود ضمني سعود ضمها بهدوء : وش فيك يا روحي نوره بغصه وألم : قلبي مو مرتاح احس فايز محتاجني يمكن تعبان او مريض و محد جنبه سعود بضيق وهو يمسح على شعرها : تعوذي من الشيطان هاذي وساوس بس نوره بصوت يرجف : لا اول امس حلمت فيه كان يقول كلام مو مفهوم وراح حتى في الحلم ما قدرت اضمه بكت هو مو مرتاح قلبي يقولي سعود سكت ما تكلم وتركها تبكي على راحتها بعد دقايق صارت دموعها تنزل بصمت و هي تتمنى من كل قلبها ان الي تحس فيه يكون مجرد احساس وان فايز مافيه شي همست : سعود سعود : عيونه نوره : اقرأ علي سعود حط يده على راسها وبدأ يقرأ عليها ____ في بيت حسام طلع سعد بعصبيه من غرفته : جوجو يا حيوانه وين شاحني الجوري ترمش بدلع : افا كل هالجمال والدلع كأني غزال وتقولي كذا سعد طالعها كاشخه : الغزال حيوان يعني ماغلطت جوري ضحكت : حقير بعدين ما ادري وين شاحنك سعد : هين انا اوريك جوري حطت رجل على رجل : حبيبي ورني وش بتسوي فزت واقفه وهي تشوفه طالع من المطبخ في يده كوب ماء بارد : وش بتسوي سعد ابتسم : راح اسكبه على شعرك هالمستشورته واخرب عليك جوري وقفت وراء الكنبه : حبيبي تعوذ من الشيطان و نزل الكوب سعد : وين شاحني الجوري بابتسامه عبيطه : عندي سعد : ادري جيبيه الجوري : بس خرب ما يشتغل خلاص اهدى وباجيب لك غيره سعد بصدمه : ايش خربتيه وربي لاسكب المويه فوقك الجوري صرخت وهي تركض في الصاله وسعد وراها سمعت صوت الباب انفتح ركضت نوره دخلت بيت ابوها بابتسامه فصخت نقابها وشيلتها توها بتسلم الا الجوري تخبت وراها شهقت من برودة الماء الي جاء على وجها سعد حك راسه وهو يشوف وجه نوره وشعرها مبلل : يا هلا والله بالغاليه اسفرت وانورت الجوري انفجرت بضحكها عليهم سعد كاتم ضحكته على شكلها : وش رايك بهالاستقبال المميز الجوري بضحكه : استقبال ولا اروع نوره بعصبيه وهي تمسح الماء عن وجها : يا حمار ما تشوف قدامك سعد : نوير لا تزعلين كنت برميه على الي وراك بس انتي طلعتي فجاه نوره طالعتهم بقهر : وين امي سعد : اتوقع بغرفتها نوره مشت لغرفة امها وهي تسمع ضحكهم ____ ياسر قاعد مع اخواته الاربع : اقول بنات في احد جانا امس سوسن : ايه صديقات سمور ياسر ابتسم : طيب في وحده مغروره و لسانها طويل من هي نجلاء بدهشه : وش عرفك فيها ياسر وهو يسند ظهره ببرود : ما اعرفها بس شفتها سمر هي وحده من صديقاتك سمر : ايه ما اعرف من تقصد منال لوت فمها : لا يكون تقصد اسيلوه ياسر : ما ادري بس هي ووصف لهم شكلها بالضبط وشنو كانت لابسه سوسن بصدمه : ايه والله هاذي اسيل نجلاء : وجع قزيت البنت منال : وع ما لقيت الا هاذي تطالعها سمر : هه مو هينه هالاسيل دام قدرت عليك ياسر : وش فيها حلوه وقويه بس لسانها يبي له قص منال : الا مالت الزين بصوب وهي بصوب ما حبيتها ابد ياسر طالعها بابتسامه سخريه قطع كلامهم دخول اخوهم الاكبر تركي : السلام عليكم لفوا له بدهشه ياسر قام وحضنه : هلا والله بالغالي ليش ما قلت لي استقبلك بالمطار تركي : حبيت اسويها مفاجأه شرايكم بس سوسن وقفت وهي تسلم عليه : واحلى مفاجأه نجلاء ابتسمت : هلا والله نورت المملكه بوجودك الحمدلله على السلامه منال بصوت عالي : وخروا بس وربي لك وحشه يالدب والحمدلله على سلامتك تركي ضحك وحط يدينه على اكتاف سوسن و سمر : وربي اشتقت لكم و الله يسلمكم وين امي ام تركي طلعت على صراخهم : وش فيكم ما تخلون احد يرتاح وقفت وهي تطالع تركي تركي مشى لها وباس راسها ويدها : كيفك يالغاليه الام : بخير يا قلبي بشوفتك مشى معها وقعدوا على الكنبه نجلاء : رحت بيتك تركي : لا جيت اسلم عليكم اول الام : طيب يمه طمني عنك وعن اخبارك تم يسولف لهم وبعدها وقف وراح لبيته لزوجته وعياله مشتاق لهم _____ في باريس فايز فتح عيونه وهو ينادي : ماما طالع في انحاء الغرفه يدور بعيونه امه بس ما لقاها بكى بصوت عالي وعقله الطفولي ما يفكر الا انها لا تريده اسامه فز من نومه ضمه : بسم الله عليك يا بابا الحمدلله انك بخير بعده و يبوس راسه وخدوده مسح دموعه : وش فيك تعبان ' ' فايز ساكت بس شهقاته الي تطلع من شدة بكاه اسامه اخذ نفس : طيب بابا قولي وش مطلعك برى البيت فايز طالع ابوه ببرائه : أسماء اسامه احتدت نظراته : ليش فايز هز اكتافه : ما اعرف انا كنت العب بالايباد وهي صرخت علي وقالت اطلع برى ما ابي اشوفك اسامه طالعه غطاه : طيب بابا انت لا تتحرك شوي واجيك طيب فايز هز راسه : طيب طلع وهو مو ناوي على اسماء كان ممكن يخسر فايز بسببها فتح باب الغرفه وقفله بقوه فزت اسماء بخوف طالعت ملامحه الي باين فيها العصبيه ونظرة عيونه الحاده بلعت ريقها وقفت وهي تمشي له : حبيبي شلونه فايـ.. قاطعها كف من قوته طاحت على الارض اسماء مسكت يدها الي ضربت الرخام بألم وطالعته : ليش اسامه بدهشه من وقاحتها : على اساس بريئة ما تعرفين ان الي صار لفايز بسبب حقدك اسماء ببرود : هذا قضاء وقدر انا مالي دخل اسامه رفسها على بطنها بقهر : الا فايز يا اسماء ما اسمح لاحد يأذيه اسماء صرخت بألم تحس روحها بتطلع من رفسته طالعته بدموعها : وده لأمه اذا ما تبيه يتأذى اسامه نزل مسكها من فكها وهو يطالع بعيونها بعصبيه : وش دخلك كيفي انا بخليه معي بس وربي يا أسماء لو يصير فيه شي بسببك لاكون رامي عليك الطلاق فاهمه اسماء طالعته بصدمه والكلمه ترن في عقلها طلاق عضت شفتها وهي تحس بألم فضيع ببطنها هزت راسها : فاهمه اسامه فكها ومشى وهو يقفل الباب وراه غمضت بقوه وألم حاولت توقف بس ما قدرت سندت ظهرها لسرير وانصعقت من الدم الي بالأرض استجمعت كل قوتها وقفت وراحت الحمام يكرم القارئ دخلت جولي بعد ما طرقت الباب كثيرا ولم تسمع رد : سيدتي سمعت صوت اسماء : آه جولي بموت جولي مشت لجهة الحمام : سيدتي هل انتي بخير اسماء : اذهبي الى اسامه واخبريه بأن يأتي حالا جولي بخوف : حسنا راحت لاسامه و قالت تأفف و قال لها تقعد مع فايز وتأكله مشى بطفش دخل وهو يطق الباب : وش تبين بسرعه خلصيني فتحت اسماء الباب وارتخى جسمها بتعب وكانت بتطيح مسكها : وش هالحركات بعد طالع ارضيه الحمام وانصدم : تنزفين من شنو وش فيك اسماء بتعب : خذني المستشفى بسرعه شالها ومشى وهو يلبسها البالطو وعطاها الحجاب لفته بتعب و طلع بسرعه لسياره متوجه فيها للمستشفى ____ في بيت حسام الكل مجتمعين ويسولفون ماعدا نوره مو وياهم سرحانه الجوري : سعد بعض الناس الي ماخذ عقله يتهنى به سعد : آمين بس من تتوقعين جوري : يمكن بو عبدالله ضحك سعد : الا اكيد مو يمكن نوره طالعتهم بنظره : انتوا احد مسلطكم علي اليوم حسام ضحك : بس خلاص الا نوره هاذي الغاليه الجوري طالعت سعد : لنا الله وانا اختك سعد : اي والله خذت الغلا كله نوره ابتسمت طالعت في ابوها : الله لا يحرمني منكم يا اغلى ناسي طالعت بالجوري وسعد : موتوا قهر الجوري وسعد طالعوها بغيض ولفوا ضحكت نوره عليهم : اقول جوري تعالي نجهز العشاء جوري وقفت : طيب ____ في بيت سعود محمد : وين ماما نوره سعود وهي يشتغل على اللاب توب : عند اهلها عبدالله : متى راح تجي بابا سعود طالعه و ابتسم : بكرا محمد وعبدالله : ليش ما تجي الحين ضحك سعود : اقول روحوا ناموا احسن عبدالله : بابا ابي اقعد معاك بكرا اجازه سعود سكر اللاب توب وحطه على الكوميدينه وقف وهو يأخذ المصحف : طيب تعالو نقرا محمد وعبدالله كل واحد صار بجهه على السرير سعود فتح المصحف وبدأ يقرا لهم الآيات القصيره وهما يرددون وراه ____ في باريس الدكتور : اعتذر ولكن المدام فقدت الجنين ولم نستطيع انقاذه اسامه يطالع الدكتور بصدمه هو قال الجنين هي متى حملت اصلا قعد على الكرسي ومسك راسه بيديه يعني هو تسبب بموت طفله يالله شكثر تمنيت يجي لفايز اخوان سند وعزوه والحين راح بسببي كان باين الضيق والألم على ملامحه عمره ما تمنى ان يكون السبب بس اسماء بافعالها ما يقدر يتحكم بنفسه تنهد بعمق : الحمدلله على كل حال وقف وهو يدخل وهو يشوف المغذي بيدها و نظراتها مركزه على السقف قرب منها قعد جنبها على الكرسي مسك يدها : الحمدلله على سلامتك اسماء على نفس وضعها ما نطقت و لا حرف اسامه بهدوء : أسماء واخيرا طالعته امتلت عيونها دموع : وش تبي خلاص الجنين وطاح اسامه صد بنظره عنها اسماء نزلت دموعها بألم : كنت متشفقه على الحمل و ان اصير أم بس انت ذبحته قبل لا يجي اسامه بضيق : قدر الله وماشاء فعل و ربي بيعوضك خلي املك بالله قوي اسماء بهدوء : والنعم بالله ورجعت لهدوءها _____ دخلت نوره بابتسامه وهي تسلم وقفت وهي تشوف عبدالله ومحمد يركضون لها نزلت لمستواهم وهي تضمهم : اخبار الحلوين عبدالله : بخير مشت معاهم وهي تسلم على خالتها : كيفك يا خاله امينه : الحمدلله انتي كيف حالك و اخبار الاهل فسخت عبايتها وشيلتها : الحمدلله نزل سعود وفي يده سبحته ومستعجل بيطلع وقف : منوره ام فايز ما بغيتي تجين ضحكت نوره : نورك سابق بعد كله يوم محسسني ان شهر مشى لهم وقف بابتسامه : بالنسبه لنا شهر نوره ابتسمت وماردت سعود : يمه بكرا بنروح المزرعه وترى كلمت عمي حسام طيب امينه : طيب راح اقول لأم سامر تجي ويانا من زمان عنهم طالعها سعود وبان الجمود على ملامحه : براحتك انا رايح عندي شغل مستعجل مو مطول شوي وراجع نوره طالعته باستغراب من ملامحه الي قلبت فجأه نوره : خالتي من ام سامر امينه : بنت خالتي نوره : اهااا ____ سمر : ياسر جوالي فيه مشكله ما عرفت اصلحه ياسر : عطيني باشوفه سمر مدت له الجوال وسمعت صوت منال تناديها : سمـر سمر تأففت وقفت وهي تمشي لها : خير وش تبين منال : وين الاسواره مالتي الي توني شريتها سمر : وانا شدراني وينها منال : سمور ادري انك اخذتيها جيبيها سمر وهي تحاول تتذكر : ايه لحظه تذكرتها منال : جيبيها ابيها سمر راحت لتسريحتها وهي تدورها : خذي محد ياخذك منك شي انتي ياسر الي حل مشكلة جوال سمر ودخل على الاسماء وهو يدور اسم اسيل ابتسم اول ما شاف اسمها ونقل الرقم لجواله نزل جوال سمر على الطاوله جات سمر : صلحته ياسر : ايه روحي جيبي لي فواكه سمر وهي تطقطق بجوالها : طيب __ شذى وهي مو قادره تنام من الالم وقفت وطلعت من الغرفه لغرفة عيالها شافتهم نايمين غطتهم ورجعت للغرفه قعدت على السرير سندت ظهرها زاد ألمها مو قادره تتحمل طلعت آه من أعماقها وهي تحس ان موعد ولادتها مدت يدها لاحمد تقعده وبألم : أحمد قوم آه يمه احمد قوم تعبت وهي تقعد فيه نومه ثقيل بكت وهي تحس بانقباضات قويه ما عاد تقدر تتحمل صبت بالكوب مويه مسكتها و رشت على احمد فز بصدمه من نومه طالع الكوب بيدها يستوعب الحركه : تستهبلين في احد يصحي كذا شذى بألم : تستاهل ساعه اقعدك احمد مسك يدها : حبيبتي ليكون بتولدين شذى : ايه بسرعه خذني المستشفى ما اقدر اتحمل صرخت بألم احمد فز وهي ياخذ عبايتها وشيلتها ساعدها توقف وتلبسها : يالله مشينا شذى : وشيماء وطلال باخذهم عند اسيل مشى معاها لسياره وراح لهم قعدهم واخذهم لسياره قفل الباب وركب سيارته وحرك رفع جواله وهو يتصل لاسيل بعد عدة رنات ردت عليه : اسيل صحصحي معي باخذ شذى للمستشفى انتبهي لطلال وشيماء ، يالله وصلت لك فتحت الباب وخذت منه شيماء النايمه اما طلال كان صاحي ومشى بسرعه لاقرب مستشفى ___ في باريس فتح باب البيت ودخلت بضيق جولي : كيف حالك سيدتي اسماء بهدوء : بخير اسامه : اين فايز جولي : في غرفته اسماء مشت لغرفته قعدت على السرير انسدحت ضمت مخدتها و بكت على جنينها اما اسامه دخل الغرفه ابتسم لفايز الي ماخذ شور و لابس ملابس دافيه وفي يده الايباد قرب قعد جنبه وباس راسه : حبيب بابا كيف حاله فايز : الحمدلله اسامه ضمه وهي يدعي بان الله يحفظه له طلع وراح غرفته بيبدل ملابسه ويرتاح دخل الغرفه رن جواله ابتسم وهو يشوف المتصل احمد : هلا والله بالغالي احمد بصوت باين عليه الفرح : ابشرك جاتنا بنت اسامه بفرح : احلف احمد ضحك : والله اسامه : مبروك يالغالي وتتربى بعزكم احمد : الله يبارك فيك اخبارك واخبار فايز اسامه : الحمدلله بخير و انت كيف حالك وامي وابوي وعز واسيل احمد : كلهم بخير الحمدلله اسامه : الحمدلله يالله مع السلامه احمد : بحفظ الله طالعته اسماء بنظرات يعني ان شذى ولدت مافي غيرها حامل تجمعت دموعها ونزلت بصمت طالعها وقف تنهد وهو يقعد جنبها مد يده مسح دموعها اسماء صدت : ممكن تطلع ابي اقعد لحالي اسامه : طيب مشى طلع له ملابس بدل وطلع من الغرفه ____ في المستشفى كان الكل فرحانين بالمولود الجديد شيماء تطالعه وهو في سرير الاطفال : ماما مرا صغيره طلال : صار عندي اخت صغيره اسيل : ياربي تجنن ماشاء الله الله يحفظها خلاص سموها اسيل طلال : بابا خلنا نسميها ملاك احمد مسح على شعره بابتسامه : حلوو وش رايك يأم طلال شذى : دام طلال اختار لها الاسم حلو اسيل : طيب جاملوني على الاقل ضحكوا عليها دخلوا صالح و شيخه وهم يتحمدون لها على السلامه شيخه : اسيل عبد العزيز برى خذي له ملاك يشوفها بس احمليها بشويش طيب اسيل مشت لسرير ملاك سمت بالله وشالتها لعبدالعزيز يشوفها ____ في المزرعه نوره واهلها وثريا ووليد وعيالهم و ام سعود و سعود والعيال كانوا الخوات قاعدين ويا بعض الجوري : احد بيجي نوره : ايه خالتي تقول ام سامر ثريا : هالاسم مو غريب علي الجوري : الحين تجي ونتعرف وام سعود وشيخه يسولفون دخلت عليهم ام سامر ووراها وحده ومعها بنت صغيره : السلام عليكم وقفوا يسلمون عليهم نوال انصدمت وهي تشوف ام سامر بس سلمت بهدوء البنت الي معاها فسخت نقابها وشيلتها سلمت عليهم وقفت قدام نوره الي جمدت وهي تشوف بنت ام سامر كانت عبير ما غيرها طليقة سعود الي تعرفها عدل بس ما تعرف اهلها يا ليتها سألت خالتها عنها اكثر ولا تنصدم كذا سلمت عليها ببرود امينه : اعرفكم ام سعد تعرفونها بناتها ثريا والجوري ابتسمت بهدوء وهي تأشر على نوره : وهاذي نوره مرت سعود استغفر الله العظيم واتوب اليه | |||||||
|
| |
|
| أدوات الموضوع | |
| انواع عرض الموضوع | |
|
|
23Likes
.png)
العرض العادي
