آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-11-19, 11:50 PM
| #11 | ||||||||
| مراقبة عامة ومشرفة منتدى الروايات المنقولة  
|  #البارت ٤٥ رحت فتحت المجمدة داطلع خبز ماحسيت الا ايد على خصري ونفس بشعري : مو كتلج جوعان مجاوبتة حضني من ورا: يولي ليش هيج تسوين بية عشق : انته أذذيت جهالي غضب: والله لمصلحتهم لو كبروا يتأذون كافي تزعلين مني نداريت علية: قرار الجهال مشترك بيناتنه بس انته رجعت نفس غضب زمان واخذت القرارات وحدك وخليتني كدام الامر الواقع مثل نهوتك و زواجنه وحملي وكلشي بحياتنة غضب: مو كتلج وما رضيتي عشق: ولكيت الحل انو تخليني كدام الامر الواقع غضب بضحكة: اخر مرة بعد اربطج واطهرهم كدامج ضربته على صدرة : لتضحك علية حضني لصدرة: والله غبي الميتزوج صغيرونة رفعت راسي باوعتله: والله غضب: اصعدي داكلج شي رفعت نفسي على اطراف اصابعي حتى اوصلة لزم خصري وهمس : ابوج الك...د اليوم اسمطة سمط ...... ماحسيت الا الساعة بالستة صوت شهد تبجي بالغرفة واني نايمة ع التخم محصورة وغضب حاضني بعدت ايدة من فوكاي وعبرت من فوكا ورحت للغرفة شهد كاعدة تبجي تريد تنزل من الجرباية وخايفة شلتها بسرعة وطلعتها لتكعد اخوانها وديتها للمطبخ كعدتها ع الكاونتر وحميت مي داسويلها سيريلاك ونسكافية الي حضرت السيريلاك داحضر النسكافية سمعت صياح غضب: امنيتي بيوم اكعد والكاج بعدج نايمة بصفي جاوبتة بصياح: جهالك شسويلك دخل للمطبخ لابس بس شورت انحنى وفتح ايدة يطك اصبعتين: ارووووحلهم فدوة بنياتي الاثنين كاعدات اليوم نداريتلة: فدوة لابوهم شهد كاعدة ع الكاونتر وترفع بنفسها وتشهك وتأشر باصابعا تعال لابوها بت الزفرة من تشوف ابوها تفقد (طالعة على امها😎✌) وغضب يزيدها من يركصلها ويتقدم يصفك وهيه ترفع نفسها تريدة اقترب وكف كدامها شمرت نفسها على صدرة وهوة يبوس ويحضن بيها اتقربت منهم وتخصرت عشق: هاي شنو واني هم اريد غضب: تغارين يولي تعاي كمزت علية شالني اني ب أيد وشهد ب أيد غضب: اي شديسون الحلوات عشق: نسكافية غضب: يا بت المسموط اريد وياكم عشق: نزلني لعد عض جتفي ونزلني فركت عضته ونزلت اباوعلة: ليش تعض غضب بابتسامة ومطلع سنونة : لان جلب يلة ع السريع ليعضج الجلب وكفت حضرت كوبين نسكافين وماعون سيريلاك صبيتهن وهوة شايل شهد على ركبتة وهيه العايقة تضحك وفرحانه عشق: خلصت نزلها واشرب غضب: جيبي عشق: نزلها لتوكع نزلها وشالها بحضنه : جيبي يلة انطيته الكوب مالته ولازمة كوبي عشق: نزلها دوكلها غضب: وكليها وهيه بحضني سند نفسة ع الكاونتر واني كدامة واكفة اوكل الاميرة وهية تمد ايدها ع الكوب تريد تأخذة من غضب لو تلعب بشواربة عشق: يلة ماما افتحي حلكج سحبت شعر صدرة صرخ: اااخ اااخ انعل ابوج لابو الخلفج باوعتله زعلانه شوية وتبجي باوعلها : اشتعلت عشيرة ابوج لتبجين بابا نزلت دموعها حط الكوب ع الكاونتر وحضنها لصدرة : لا بابا لا ليش تبجين عشق: سكتها اذا تكدر غضب: انعل عشيرتج يعني الا تطلع عليج ام دميعة عشق: لعد تريدها عليك تطلع غير البنية تصير انوثية ورقيقة غضب: اووويلي لو الزمج اشوفج الرقيقة حضنها ويبوسها بكوة رضت غضب: والله مخ... وكايمة نفس اطباعج الخ... عشق: لسانك الزفر جوز منه وبعدين شبيها اطباعي تخصرتلة: مو اطباعي مشيبتك غضب: ههههههه ادبسز هاج بتج اخذتها منه وهوة راح للحديقة فتح الماطور وكعد بالكاع ويرشرش طلعت شهد كعدتها يمه دخلت للبيت على صوت نمر يصيح : ماما ماامااا اسد طبيت للغرفة نمر نازل ويريد ينزل اسد ميكدرلة شلت اسد عشق: ها نموري نمر: يبجي جان عشق: تعال نسبح ويا بابا شاية اسد ولازمة ايد نمر طلعت كاعد وحاط شهد بحضنه ويسبحون سوة عشق: نسبح وياكم ندار باوعلنه: ياهلا بسباع ابوهم تعال نمري نمر راح ركض علية حضنه وباوعلي : جيبي اسدي هم تقربت وكرفصت كدامة باس اسد نزل شهد بالكاع كعدها نزع دشداشة نمر باوعلي: نزعي اسد هم عشق: مو زين على جرحهم غضب: لا لازم يتنكع حتى يوكع الشاش نزعته الدشداشة والحفاضة وكعدته بحضن غضب نمر: اريد لباث مثل بابا غضب: لا نمري ماكو لباس نمر: عيب غضب: مو عيب يول تعال رشة بالمي اني لزمت شهد دانزعها ثوبها لان مبلل غضب: لتنزعيها عشق: ليش غضب: لا عيب عشق: عيبيش بعدها صغيرة غضب: حتى لو عيب عشق: ابو العيب لتعقد البنية من هسه نزعتها الثوب بقت بالحفاضة باوعلي قبل لا احجي شي : اذا نزعتيها الحفاظة ايدج اكسرها عشق: مانزعها لتخاف غضب: زين رش مي علية عشق: لا لتبللني غضب: لا كلنا سوة نكعني سحبت الصوندة منه ونكعته هوة هم سبحنه كلنا سوة غضب: كومي المناشف ليبردون كمت داركض اجيبها غضب: الللللله على كيفج لتوكعين وتتكسرين لبسي نعال عشق: اي غضب: اضل انبه يعني دخلت للغرفة طلعت مناشفهم وطلعتلهم غضب مكعدهم ثلاثتهم كدامة ويطبش بالمي وشهد تضحك ونمر يركص اسد هادئ طالع عليه بس يصفك عشق: يلة ماماتي غضب اغسللهم واحد واحد غضب: يلة نمري تعال نمر وكف سبحة فتحت المنشفة اجه عليه لفيته بيها وغضب وكف اسد يسبحة عشق: اوكف هنا ماما فتحت المنشفة الثانية ل اسد ولفيته بيها واخذتة وياي جوة حطيته ع التخم ونمر واكف يمه غضب صاح: لتحفضييي تعاي طلعت : ليش غضب : تعاي افتحي منشفة شهد فتحت المشفة: نزعها الحفاضة تنكعت نزعها الحفاضة سبحها لفيتها بالمنشفة وشلتها غضب وكف سبح واني اباوعلة صعد المي للسطح اني مشيت كدامة مشى وراي ولزم دشداشتي من ورا عشق: ها غضب: ووجعا اذا زلكتي ووكعتي اكسرج فوك تكسيرج عشق: ههههه لتخاف علية غضب: الله شاهد عندي ٤ جهال مو ٣ دخلنه للصالة غضب وكف كدام اسد غضب: عوفي شهد وروحي جيبيلي دهن عشق: ليش غضب: دروحي هسه حطيت شهد ع التخم ورحت جبتلة دهن رجعت لكيته كاعد ينشف اسد اخذ الدهن مني غضب: حفاظتة وملابسة ع السريع رحت طلعت حفاضتين وملابس للجهال رجعت للصالة ديدهن جرح اسد عشق: هاي ليش غضب: حتى ميتأذى من يوكع الشاش تعاي حفضي عشق: اخاف احفضة وهوة هيج غضب: يولي شتخافين تعاي حفضي البارحة منو حفضة عشق: قدس غضب: تعاي حفضي ميحتاج شي عشق: والله اخاف معلية غضب: كرة عيني جيبيها انطيته الحفاظة سحب كلينس مسح ايدة لان دهن وكعد يحفظة واني اباوعلة عشق: مو هيج تطلع بولته غضب: تعاي انتي حفظي اقتربت عدلتها : هيج غضب ندار على نمر ينشفة باوعت الشاش مال نمر واكع بس شوية معلك عشق: الشاش راح يوكع غضب: احسن يريد يدهنة ونمر ميقبل: احاف ماريد غضب: ابن امك تعال بابا ميخوف انته مو رجال والرجال ميخاف بكوة قنعة هوة حط الدهن علية وكع الشاش الحمد لله غضب: عفية بالسبع صفكيلة ولج عشق:👏👏👏 عفية ب حبيب ماما نمر عبالك منتصر فرحان غضب لبسة بس تيشيرت ماقبل البسة شورت ولابجامة كعدت ابدل ل شهد وهو راح يبدل كملت تبديلها اجه هوة كعد يمهم اني رحت بدلت ملابسي وحضرت حليبهم رجعت غضب كاعد يلعب بموبايلة ونمر بالكاع يلعب بالسيارة مالتة شهد واسد واحد يضرب برجل الثاني حطيت المميات كل واحد بحلكة مميتة اخذت نمر وياي للمطبخ سويتله بيضة سلك وطماطية شياف وكلاص حليب ريوكة من وعى للدنيا لليوم ميتريك غير شي كعدته ع الكاونتر ياكل واني احضر ريوك الي ول غضب حضرته بصينية حطيت ماعون نمر ويانه ونزلته يمشي كدامي رحت للصالة حطيت الصينية وكعدنه نتريك شهد واسد يزحفون بالكاع ونمر ياكل ويباوع للتلفزيون كملنه ريوك وكضينه اليوم عادي بين لعب الجهال والاكل والنوم للمغرب دابدل حفاظة اسد شايلتة وواكفة ع المغسلة نزعته الحفاضة منتبهت داغسله تذكرت مطهر باوعت الشاش ماكو جمدت بمكاني فتحت الحفاضة الشاش واكع عشق: غضببببب غضضضب اجه غضب : ها شبيج عشق: وكع الشاش مال اسد غضب: اي بالخير جيبي سبع ابو اخذة من ايدي واني صافنه غضب: شبيج عشق: لزمتة غضب بضحكة: كبرر اي والله وخري وكف غسلة لفة بالخاولي وطلع غضب: جيبي حفاضته طلعت للغرفة اخذت حفاضة ورحت حفضته اسد فتح كبسولة مدري شنو ع الجرح خلص يومنه هيج مرت ٥ اشهر على هالحال حياتنة عادية غضب نوبات يصير عصبي ويمد ايدة ويرجع يعتذر ماشية حياتي والحمد لله شهد عمرها ١٠ اشهر خطت اول خطواتها بس اسد تأخر بالمشي للسنة وشهر يلة مشى سوينالهم عيد ميلاد وعزمنا العمام كلهم عيد ميلاد الجهال ثلاثتهم سوة لان ماسوينة ل نمر بالسنة الاولى علمود وفاة عمتي ورا ٤ اشهر غضب اشترى بيت قديم قريب على بيت اهله هدمه للكاع لان يريد نستقر كافي أيجارات انطلب عليها وفينا الطلب وبدأ يسوي سلف حتى يبني البيت اخذ البيت وبناءة ٤ سنوات لحد ماجهزنا كامل وانتقلنا بي عمر نمر صار ٦ سنوات واسد وشهد ٥ سنوات كعدنه بالبيت ورا شهرين سجلنا نمر بالمدرسة تعبني بالدراسة وشهد واسد الله ميجرعهم مجلوبين غضب منطيهم عين زايدة كلشي طبيعي الى ان بيوم من الايام كاعدين نباوع تلفزيون بالليل والجهال يلعبون كدامنة غضب: عشق عشق: يعيونها غضب: انتبهي وياي وعوفي التلفزيون عشق: اي حبيبي وياك غضب: اريد جاهل عشق: هاا ليش غضب: شهد واسد كبروا اريد جاهل العب عليه شهد خطية تريد اخت عشق: مو اتفقنا ماخلف غضب: اي جانو الجهال صغار هسه كبروا وبيت وحدنه واني اريد جاهل عشق: والله يتعبنه غضب: لا ميتعبنه انتي بس كولي يالله عشق: واذا ماطلعت بنية غضب: طلعت بنية اخت ل شهد ماطلعت تبقى شهد اميرة كلبي ويزيدون اخوانها سند الها والي والج عشق: مادري غضب: يلة ولج اريد عيونه مثل عيونج عشق: اسم الله كلشي ولا مثل عيوني غضب: مميز مثلج يلة يولي عشق: والله بعد وكت خلي يكبرون جم سنة غضب: لا عشق هسه عمري ٣٨ سنة راح اكبر ماريدة صغير ومالحك عليه وام لزمت حلكة : اشششش كل جهالك راح تكبرهم بيدك وتلحك على زواجهم وجهالهم ماشي غضب: يعني راح تعوفين المانع عشق: اي غضب: اموت عليج صدك والله عفت المانع شهرين عادي كلشي ماكو بالشهر الثالث شكيت بحملي بس ماحجيت خلي اتأكد انتضرت ماكو شي خابرت غضب عشق: غضب شوكت ترجع غضب: بعد ليش عشق: عبالي من تجي تجيب وياك من الصيدلية شريط اختبار حمل غضب: لحضه لحضه يعني انتي حامل عشق: مادري داتأكد فات موعدها وماكو شي غضب: جايج طيارة شسمة كلتي عشق: شريط اختبار حمل غضب: اوك سد الخط بوجهي اني كعدت اقري نمر واكتبه واسد يباوع تلفزيون وشهد لازمة موبايلي تباوع كارتون الجو شتاء والدنيا تقريبا راح تصير مغرب ورا نص ساعة سمعت صوت سيارة غضب دخل بسرعة فتح الباب : السلام عليكم رديت السلام مدنك ينزع حذائة اكرمكم الله ويحجي : ع السريع كومي عشق: اي بس دقيقة غضب: كومي داكلج لزم ايدي وكومني شهد اجتي جضنت رجله باس راسها: انتضري بابا دقيقية باوعلي: ع السريع هذا الشريط روحي شوفي شال شهد بحضنه واني دخلت للحمام سويت الاختبار واني واكفة انتضر طلع اول خط ثواني وطلع الخط الثاني ابتسمت معناها حامل غضب يدك الباب: بت الخ... شكو سادة الباب احجي شصار فتحت الباب باوعلي: بشري اقتربت وحضنته: بالخير ابو نمر زاد طفل بركبتك من اليوم حضني بقوة: يعني حامل مو عشق: اي حامل ضل يحضن ويبوس غضب: نمرر اسددد وينكم تعالو نمر: ها بابا غضب: تعال شوف كرفص كدامي وسحب ايد نمر حطها على بطني: ماما شايلة اخوك هنا نمر: يعني ماما تجيب جاهل غضب: اي اسد من ورا نمر : نونو صغير عشق: اي نونو صغير تريدة اجه ركض وحضني ما اطول عليكم الاحداث وتملون حامل اربع اشهر عرفت بنفسي حامل ب ولد ردنة نسمي فهد على نفس وزن اسماء اخوته بس ابن عمتي اسمة فهد لذلك غيرنا ل نسر خطبو يحيى وسرى وموسى وسهى قررو العرس الخميس والحنه الاربعاء بين التحضيرات والهوسة ببيت عمامي واهلي والخطاطير اجونه من يوم الثلاثاء من غير محافضات شفت نسوانهم ب فاتحة عمتي واكفين بالحنة ركص وسوالف الى ان جتني شهد بدلتها واكع عليها كيك ومتوصخة اخذتها ورحت واكفة ع المغسلة اغسل ل شهد اجتني بنية من وراي ....: ي بنية اريد مي منين اخذ نداريتلها : هسه انطيج عيوني دقيقة غسلت ل شهد عشق: تعاي وياي للمطبخ مشيت كدامها وهيه وراي كعدت شهد ع الكاونتر حاطين جداري كبار بالكاع وبنصهن كلاصات مي جاهزة طلعت كلاص وانطيته للبنية عشق: تفضلي البنية : شكرآ واكفة اعدل شعر شهد البنية : هاي بنتج عشق: اي البنية: الله يحفضها بس هاي عندج عشق: لا عندي بعد ولد ثنين والثالث بالطريق لزمت بطني وابتسمتلها البنية :بالسلامة ان شاء الله عشق :الله يسلمج معرفتج منو انتي البنية: اني لمار 🌹🌹 للكاتبة Lamar Alzankna ---------- | ||||||||
|  |
|
25-11-19, 11:50 PM
| #12 | ||||||||
| مراقبة عامة ومشرفة منتدى الروايات المنقولة
| #البارت ٤٦ البنية :بالسلامة ان شاء الله عشق :الله يسلمج معرفتج منو انتي البنية: اني لمار عشق: اتشرفت بيج واني عشق ام نمر لمار: عاشت الاسامي الى الشرف دخلنه للحفلة كاعدين انتبهت لمار كاعدة ممختلطة باحد بس كاعدة يم امها( مؤدبة مو بيدي 😂 غير ماعرف احد) كمت كعدت يمها عشق: متركصين لمار: استحي كدام الغربة عشق: ليش غربة متعرفيهم لمار: لا بس اهلي كالو عرس يحيى كرايب بابا مدري شيصير منه واجيت عشق: يحيى ابن عمي لمار: ها كرايبج عشق: اي والعروس حماتي لمار: يبدو انها مليوصة عشق: مليوصة مليوصة ههههه شكد عمرج لمار: ١٨ وانتي عشق: ٢٥ بعد شهر اصير ٢٦ لمار: صغيرة وعندج ٣ جهال والرابع راح يجي عشق: الحياة بعد تدرسين انتي لمار: اي هالسنة سادس ادبي عشق: ان شاء الله تنجحين وتخلصين لمار: تسلمين حبيبتي انتي شمخلصة عشق: ثالث متوسط لمار: شعجب مكملتي عشق: رجلي مقبل لمار: شكد حقير عشق: لا يولي احبة لمار: شتحبين بي حرمج من الدراسة عشق: كومي هوسة هنا امشي للمطبخ كمت اني ولمار للمطبخ لمار: ليش ماخلاج تكملين عشق: بالثالث متوسط بطلني ابن عمي ومن صار عمري ١٨ سنة نهى عليه لمار: جذذذذب والله نهى عليج عشق: اي ليش لمار: قريت قصص ع النهوة بس ابن العم نذل ليش هيجي ينهي عشق: هوة غضب نذل بالبداية بس يحبني لذلك هوة نذل لمار: شلون احجيلي اموت على هالسوالف اربعة وعشرين ساعة اقرة قصص عشق: ههههه من عمري ٨ سنوات غضب يحبني وجدي كايل عشق لغضب وغضب لعشق وتقرر مصيرنة من ذاك اليوم لمار: وجدج شعلي يجمعكم وانتو صغار يجوز تكبرون والولد يتندم وانتي نفس الحالة عشق: لا يولي شنكبر غضب جان عمرة ٢٤ سنة لمار: عزززززة شكد اكبر منج هذا ١٦ سنة عشق: لا ١٤ سنة لمار: شلون انتي ٨ وهوة ٢٤ عشق: جنت ٨ سنين من حبني بس ١٠ سنين قرر جدي زواجنه وهوة جان ٢٤ لمار: ها هسه افتهمت عشق: اي ومن ذاك اليوم طاح حضي بيد غضب لبسني الحجاب واني بالسادس ابتدائي طيح حضي لاطلعة ولاطبة يومية يجي لبيتنه احصلي كفخة كفختين واسويلة جاي ويروح لمار: يكفخج وانتي تحبي عشق: بالبداية جنت اموت منه جايتج بالقصة لمار: اي كملي عشق: بالثالث متوسط بطلني من المدرسة دكيت ولطمت مقبل ارجع اهلي ماحجو شي واستسلميت كعدت ٣ سنوات اخوتي طيحو حضي خدامة بالبيت لمار: ماكو هيج اخوان عشق: لو عندج مثل اخواني مجان كلتي هيج المهم عمري ١٨ سنة بعيد ميلادي سويت عيد ميلاد وفرحانه عزمت بنات عمي طلع جاي وياهم غضب شافني لابسة فستان صلوخ وانكتلت ذيج الكتله التعجبج لمار: بشرفج هلكد يضرب وتحبي اخنكة هوة ونايم وارتاح منه عشق: هههههههه من تحبين تعرفين مشاعري وتحسين بيه لمار: الله يبعدنه اني ماحب كملي عشق: هههه اي اكملج انكتلت ودز على ابوية واخوية هجم العيد ميلاد كرهني بيوم ميلادي بالاخير نهى علية وطلع ضليت كاعدة وابجي واهلي ماحجو شي الى ان مرت عمي كالتلي اني من عمر ١٠ سنوات جدي مقرر اني اتزوج غضب لمار: يعني كل هالفترة انتي متدرين بي يحبج عشق: اي انصدمت واجاني خبر اندعم مسوي حادث كلت هاي حوبتي ورا ساعات غضب دز علية لبيت اهله لمار: غضب الله على راسة عشق: يولي لتدعين عليه هسه رجلي وابو جهالي لمار: ها اسفة اي كملي عشق : اي رحت لبيت اهله مجرح ومشخط حصلتلي كفخة وقرر زواجنه باسبوع ماخلاني انطي رأيي لمار: كون يوكع بيدي الا احركة حرك عشق: ههههه اعصابج ولج لمار: كملي راح تخبليني عشق: تزوجنه خلال ١٠ ايام تقريبا استغليت حبه وكلبت السحر ع الساحر خبلته حبلت ب اول جاهل واني احس بحب غضب يوم عن يوم وبديت اني هم احبه رغم قسوتة وحقارتة شكو بيه بنية مو ولد وهوة جان يريد ولد بجيت وانقهرت ماجنت اريد بنية تعيش مثل حالي بس هوة وكف وياي وشجعني. حتى لو بنية ورا ايام عرفت بيه ولد فرحت فرحة والحمد لله غضب سجد بنص العيادة لمار: خطية عشق: اي والله مرت الاشهر واني احبه اكثر واكثر وبدأ يحجيلي شلون حبني من البداية واني احبه اكثر من يوصفني بنضرة حبيت نفسي وانتبهت على شغلات بيه اول مرة انتبه موجودات بيه بيوم من الايام واني بشهر السابع صار انفجار اني بالي كله بغضب نزلت ركض ادور علية ووكعت من الدرج وصارت عندي ولادة اخذوني عملية ولدت وطلعت اختصرلج جنت افشل ام بالكرة الارضية جاهلة وكلشي ما افتهم ابني عمرة اشهر وحبلت مرة ثانية بدون ما ادري ها نسيت اكلج غضب يشرب لمار: شيشرب ؟؟عرك؟؟ عشق: اي جان يشرب بس هسه الحمد لله لا لمار:عووذة سكير عشق: هههههه هسه داحس بشعور غضب من جنت كدامة لمار: شلون يعني عشق: جنت مثلج هههههه المهم سويت زعلة وطلعت لبيت عمي اتخبل من مالكاني ورجعت ويا غضب بي سر يرضيني بسرعة واني ماكدر على زعلة نمر قاطعني: ماما ماما عشق: ها نمر نمر: بابا يكول ليش عايفة شهد وحدها تلعب ويا الولد عشق: غير تلعب ويا الجهال شسويلها روح انته معليك بابا بطران راح نمر وكفت فتحت البردة اباوع ل شهد من الشباك شفت غضب ديشيل شهد عشق: تعاي لمار هذا غضب لمار شافتة: هذا مشيب ولج عشق: اي احبة لمار: ههههههه اي وين ماخذ بنتج عشق: للبيت ميقبل تلعب ويا الولد معقدها من هسه المهم طلعت حامل بتؤام شهد واسد لمار: كل اسماء جهالج تخوف هاي شكو نمر واسد عشق: هههههه لان غضب عصبي يسمو ابو نمر ومشى بهاللقب الى ان جا نمر واسد جان لازم على نفس الوزن يطلعون لمار: شلون تفكير خنفشاري كملي عشق: اي بحملي بالتؤام ماتت عمتي ام غضب حيل تأذى غضب جان متعلق بيها ضل ايام وليالي واشهر يبجي عليها لمار: غضب يبجي؟؟ عشق: اي والله ليغرج شكلة الى ان جبت التؤام البنية غضب كال اسميها على اسم امي وسميناها صدك طلعت تشبه عمتي عيونها زرك وهيه بيضة وشكرة غضب تعلق بيها عمي قرر يتزوج غضب جان رافض بعدين وافق بشرط يطلع من البيت عزلنا وطلعنا وحدنه ورا كم سنة غضب بنى بيت وانتقلنا بي الى اليوم حبلت ب نسر لمار: نسرررر كلها اسماء مخيفة شعدكم عشق: هههههه اي على نفس الوزن شنو رأيج بقصتي لمار: خوووورافية مال واحد يكتبها بس هذا غضب مو حب عشق : هههههه يولي هسه اموت عليه كل دنيتي هوة لمار: الله يسعدكم عشق عندج موبايل عشق: اي ليش لمار: عبالي اخذ رقمج والله حبيتج عشق: اي حبيبتي اكيد بس خلي اكول ل غضب لان موصيني ع الرقم لمار: اوك شلت جهازي وخابرتة نايم غضب: ها عشقي عشق: غضب حبيبي تعرفت على بنية خلى انطيها رقمي غضب: لا ماكو عشق: عفية غضب شكو بيها غضب: بنية غريبة شتنطيها رقمج عشق: مو غريبة كرايبنة غضب: منو عشق: يعرفون يحيى اوكف اسألها بت منو يولي ابوج شسمة لمار: ابوية ....... عشق: بت ....... غضب: عرفت ابوها عشق ماريد رقمج تنطي لياهو الجان عشق: شبيك والله بس الها غضب: عدها اخوان اذا انطته الهم عشق: شلون تفكير متنطي غضب: تحلفيها يمين متنطي وانطيها عشق: اوك شكرا حبيبي غضب: يلة ولي دنام ويا بنتي احسن من امها متعوفني عشق: ههههه نوم العوافي انطيتها الرقم رمشتلي حفظت رقمها بجهازي ضلو يمنه للعصر كالو يروحون ودعتها وراحو مابقو للعرس رجعت للبيت غضب ممقتنع لان انطيتها رقمي بكوة فك العقدة خلص العرس وزفيناهم ٣ ايام وخابرت لمار ملتهية بالدراسة ضلينا نتواصل فترة طويلة الى ان جبت نسر غضب فرحان والجهال ممصدكين عبالهم لعابة ورا يومين خابرتني لمار وباركتلي على ولادتي اختفت فترة علمود الامتحانات بهالفترة نمر نجح من الاول ابتدائي طلع الثاني غضب مدلل الجهال وطاير ب نسر بعدة تجي الحالات ويمد ايدة ميكدر الا يضرب بس راجديات زين ميأذي ورا فترة صار عمر نسر ٤ اشهر رجعت لمار وتواصلت وياها امتحنت دور الاول مؤجلة درسين ضلينا نتواصل عادي بدت امتحانات الدور الثاني امتحنت ونجحت ضلينا نتواصل دائما تحجيلي ع القصص الي تقراهم وتكتبهم واني اندمجت وياها اخذت اسم البرنامج الواتباد وبديت اقرة قصص اخذ من وقتي هواي والتهيت بي الحمد لله وازنت بين الواتباد وغضب والجهال قوت علاقتي ب لمار عبالك لكيت اختي الي مضيعتها بيها الى ان فاتحتني بموضوع تكتبت قصتي اني عجبني الموضوع بس العقدة غضب شيقنعة كلت ل لمار اكله واردلج خبر اتخذت الخطوات حتى اقنعة رجع من الدوام حضرتلة. الحمام طب غسل ودخل ينام اني رحت نمت بحضنه والعب بشواربة عشق: حبيبي انته باس راسي: وانتي حبيبتي عشق: اذا اطلب طلب من هذا الحلو يقبل غضب: ابليس والله عرفتج عندج مصلحة طلعيها هل درة خلي نشوف عشق: شنو رأيك نكتب قصتنا وننشرها للعالم غضب: اهوووو رجعنا للقصص تخبلت دار ضهرة علية كمزت من فوكا عشق: حبيبي شبيك اسمعني غضب: شتريدين يولي تعبان مالي خلك سوالفج عشق: يعني متريد توثق قصة حبنا وباجر عكبة جهالنا يقرون القصة غضب: لا ماريد عشق: معقد عفته وكمت غضب: مو علساس ننام عشق: نام وحدك غضب: رجعنا نتزعل تجاهلتة طلعت وسديت الباب وكفت احضر غدة واني افكر شلون اقنعة كعدت اباوع تلفزيون شوية لل ١١ ونص كعد مباوعتله كعد يمي وحط راسة على جتفي: شمسوية غدة اليوم عشق: فاصوليا غضب: جوعان دكومي غديني عشق: ياريت لو مقدرني ذبيت الريمونت وكمت للمطبخ داصب اجه وراي غضب: شنو ممقدرج مفتهمت عشق: يعني هسه انته مقدرني غضب: اي ليش متشوفين شتريدين بعد عشق: ننشر القصة غضب: اهووو كافي سدي الموضوع عاد سديت الموضوع هوة طلع للصالة صبيت الغدا ووديتة كدامة صحت ع الجهال غسلوا وكعدو يتغدون ويانه واني لازمة نسر بحضني كملنه هوة يشاقي الجهال بس اني ماشاقيته علساس زعلانة وهوة اني صدك زعلانه ورا الغدا لميت المواعين غسلتهن هوة طب للغرفة كملت المواعين اخذت نسر ودخلت انام نمر واسد وشهد مينامون الضهر. دخلت للغرفة غضب مطلع فديو باليوتيوب تمددت وارضع نسر الى ان نام داغفي اني هم حضني غضب ونام وراي للعصر غفيت وهوة غفى كعدت واني احسة يبوس بية غضب: ليش احس عشقي زعلانه عشق : تعرف كلش زين شبية غضب: افرضي وافقت ماريد احد يعرفج عشق: ابدل الاسماء غضب: منو يكتب القصة عشق: لمار غضب: هم لمار ماعندج غيرها انتي عشق: والله قصصها تجنن غضب: يولي هاي صغيرة متفتهم (مشكور عمو 😁) عشق: لا مو صغيرة والله مبدعة اني قارية قصصها(شكرآ ي حياتي😍) غضب: اني هالسالفة كلها معاجبتني بس راح اقبل علمودج حتى تبدلين هالبوز الي عندج عشق: صدك والله بستة بخدة بعدني: على شروط عشق: وهيه غضب: اول شي واهم شي مثل ماباقي القصص الي تقريهن متعلقين بهاي القصة هم متعلقين عشق: اوك غضب: وين اخلي هاي ال اوك احلفي بحياتي متعلقين عشق: وحياتك ماعلق غضب: اسم منطقتنه متنذكر نهائي عشق: تدلل وبعد غضب : اسماءنا متنذكر بدليهن(😁ابد منذكرن 😁✌) عشق: خوش بس اكوللهم على نمر حتى يعرفونه ام نمر وابو نمر غضب: ماشي اني مثل ماكتلج معاجبني الموضوع بس علمودج ورا ماطلع غضب العصر خابرت لمار وكلتلها كيفت وكالت خلي نحضرها بديت بين يوم ويوم اخابرها بالليل يوم الي غضب مموجود اخابرها واحجيلها القصة بالتفاصيل ويوم الي غضب بالبيت ماكدر احاجيها لان لازم اهتمامي كله ل غضب دوخنه اسم للقصة الى ان اقترحت عليه لمار: غضب العشق عشق: حلووو منين جبتي لمار: راح اسمي ادهم غضب عشق: يولي مو حلو لمار: لا حلو ومميز عشق: اي واني شتسميني لمار: عشق عشق: عشق مو الاسم الي تريدي لبنتج لمار: اي وانتي عزيزة علية وانطيتج هالاسم عشق: حبيبتي فدوووة لمار: فدوة لعمرج هيج اسمج واسم غضب يكون اسم القصة وبنفس الوكت يعبر عنها لان هذا العشق الي بيناتكم غضب عشق: والله عجبني الاسم فخم لمار: هههههه من ذوقج حبييبتي راح انزل الاعلان مال قصة اليوم صدك والله نزلت. الاعلان ورا فترة اقل العشرة ايام دزتلي اول بارت تأكدت منه نفس الاحداث ونشرتة متوقعت هيج يتفاعلون عليه الاغلبية ماعجبهم غضب وغلطو علية واكو حبو القصة قريت تعليقاتهم كلهم مرت الايام واني اقرة التعليقات واشوف التفاعل عليها يزيد بقيت على تواصل اني ولمار غضب ماعندة اهتمام بالقصة ولاسأل وين وصلت وشصار بيومها جان ديكلب بموبايلة واني اقرة التعليقات يخبلن اضحك والابتسامة شاكة وجهي غضب مد راسة غضب:على شنو مبتسمة عشق: 🌹🌹 للكاتبة Lamar Alzankna | ||||||||
|
| |
|
25-11-19, 11:53 PM
| #13 | ||||||||
| مراقبة عامة ومشرفة منتدى الروايات المنقولة
| #غضب_العشق_نهوة بقلم لمار ٤٧______٤٨ #الإخيررررررااااات #البارت ٤٧ ديكلب بموبايلة واني اقرة التعليقات يخبلن اضحك والابتسامة شاكة وجهي غضب مد راسة غضب:على شنو مبتسمة عشق:داتابع تعليقات القصة غضب: تعاي دشوف تعاي فتح ايدة طبيت بحضنه واكلب بالتعليقات وهو يتابع وياي غضب: ولج هاي ليش هيج يكرهوني وحاقدين باوعت بوجهة: لان تضربني غضب: وهاي انتي بس توصليلهم ضربي متوصليلهم حبي عشق: بعدنه بالبداية وانته بالبداية جنت ماشاء الله خووورافي غضب: بت ق... شتوقع منج ضلينا نتابع بالتعليقات الى ان نام غضب وهوة حاضني اني ضليت اقرة القصة واكلب التعليقات فتح عيونة اخذ الموبايل من ايدي وحطة ع الكومدي حضني غضب: كافي دنام عشق: تصبح على خير غضب: وانتي الخير حضنته ونمت للصبح كعدت بالستة علمود الدوام كعدت غسلت وجهي نسر كاعد طلعتة وياي حطيتة بالكرسي ماله وكعدته يمي بالمطبخ حطيت الممية بحلكة ووكفت احضر الريوك كملتة دخلت كعدت غضب كعدت ورا وبسته من جتفه عشق: غضب حبيبي غضب: مممممم عشق: يلة حبيبي كوم وراك دوام والجهال هم يبدي دوامهم اليوم غضب: كايم هسه كمت وكفت مد ايدة الي : اسحبيني وياج عشق: هههه يلة لزمت ايدة ووكفته حط ايدة على جتفي وذاب ثكلة علية ويمشي وراي طلعت وكفت كدام المغسلة ونداريت عليه : يلة ماماتي غسل داكعد اخوتك غضب: اخوتي هههه عفته ودخلت لغرفة الجهال اكعد بيهم بالبوسات وهمه يتمطون ميقبلون يكعدون فات غضب للغرفة غضب: بببببببييييييب بييييييب وينهم جهالي شهد: ماريد اداوم تقدم عليها وشالها باسها : ماكو تداومين يلة وانتي كعدي ذولة وياج اسد فتح ايدة: اني هم شيلني غضب بابتسامة : مو يدلل ابو الاسود تقدم وشالة بايدة الثانية: يلة نمري كوم انته هم نمر كعد ع الجرباية: اني هم شيلني وكف غضب وانطاه ضهري نمر صعد على ضهرة غضب: ثكلانين ولكم يلة ولج انتي كدامنه ع السريع طلعت كدامهم وهمه وراي وصلت للمطبخ نزلهم غضب بالكاع وشال نسر وكعد ع الكرسي اني اخذت الجهال واحد واحد اغسله وجهة رجعتهم كعدنه نتريك اني اصب الجاي وهمه يتريكون كمت سويت سيريلاك ل نسر واخذتة من حضن ابو كعدت اوكله وغضب والجهال يتريكون غضب: انتي متاكلين عشق: خلي اخلصكم ومن تطلعون اتريك على راحتي غضب: ملابسي حاضرات عشق: اي هسه اطلعهن غضب: جيبي نسر وكومي انطيته نسر وكمت : يلة ماما الي كمل يكوم يغسل ايدة وسنونه وللغرفة دابدللكم رحت للغرفة طلعت بدلتة العسكرية ومسحت البسطال اكرمكم الله طلعت النطاق عدلتهن ع الجرباية دخل غضب شايل نسر ومغسل ايدة ووجهة اخذتة منه ونزلته بالحجلة وكف غضب يبدل طلعت اشوف الجهال شفتهم ديغسلون واحد ورا الخ ويفرشون اسنانهم ويضحكون بيناتهم ابتسمت الحمد لله جهالي بيهم حنية واحد ع الخ عشق: يلة حبايب ماما كملتو اسد: اي ماما رحت اخذتهم للغرفة ابدللهم نمر لبس ملابسة واني دامشط ل شهد اجاني اسد يريد اسد السحاب مال بنطرون عشق: هسه ماما دقيقة نمر اتقدم وسد السحاب مال اخو نمر: سديتة عشق: بطل انته كملت تمشيط لشهد حضرتهم ورحت للغرفة غضب واكف وشايل نسر يبوس بي عشق: الجهال خلصو حاضرين غضب: واني حاضر اخذت نسر منه وطلعت كدامة وهو شال سلاحة بخصرة وطلع وراي عشق: يلة ماما وينكم طلعو شايلين جنطهم وحاضرين غضب: سباع ولد ابوهم يلة كدامي طلعنا يم الباب وكفو يلبسون احذيتهم انطيت نسر لغضب وكعدت شديت قيطان احذيتهم لان رياضية شديتهن عشق: يلة بوسوني غضب: يلة للسيارة بسرعة نمر فتح الباب وصعد وصعدو ورا ثلاثتهم ليورا غضب واكف شايل نسر عشق: انطينيا انطانيا وباسني من خدي: ديري بالج على نفسج وعلى نسري وجهازج خلي يمج عشق: ليضل بالك اطمئن غضب: اول مرة تبقين وحدج ممطمئن جهازج خلي بيدج كل شوية اخابرج عشق: اوك وانته لتعوف الجهال ضل شوية وياهم ترة اسد يخاف من المدرسة غضب: ماشي يلة مع السلامة عشق: الله وياكم باس نسر وراح صعد السيارة نسر يبجي فتحت الباب ووكفت انتضرهم يطلعون طلع السيارة على كيفة وصل يمي نزل الجامة ومد ايدة على خد نسر غضب: يلة باي عشق: الله وياكم طلع السيارة اشرتلهم باي 👋 اشرولي باي👋 سديت الباب راحو قريت وراهم اية الكرسي ودخلت للبيت اني ونسر البيت هادئ الجهال مالينه عليه دخلت للغرفة طلعت الحجلة للمطبخ وكعدته بيها اخذت موبايلي وكعدت ع الميز فتحت القصة وكعدت اقراها بليل لمار ناشرة بارتين اقراها واسترجع ذكرياتي ويا غضب مبتسمة اتريك واقرة التعليقات انتبهت اكو غزل بالتعليقات يتغزلون ب غضب عادي مو قصدهم راسلت لمار وكعدنه نتراسل شوية بال ٩ تقريبا واني دراسلها دك جهازي غضب جاوبتة عشق: هلو حبيبي غضب: ها عشقي دخلت الجهال للمدرسة ووكفت بالاصطفاف فصلو شهد واسد كل واحد بصف رجعتهم سوة عشق: اي عفية خليهم سوة ونمر شسوة غضب: دخل للصف ويا الطلاب وكفت يم شباك اسد وشهد اتعودو شوية وطلعت انطيت رقمي للمدير خاف يحتاجون شي يخابروني عشق: اي عفية زين سويت غضب: اي هسه طالع للشدوام اني انتي شدسوين عشق: كاعدة اكلب بالقصص واتريك غضب: نسري شديسوي عشق: كاعد كدامي بالحجلة يلعب غضب: افتحي سبيكر دحاجي عشق: فتحت احجي غضب بصوت عالي : نسسسسسري وينك كام يكمز بالحجلة ويشهك ويصيح : اااااا عشق: هههههه تسمعة غضب: شلون ما اسمعةةة وللك نسرررري نسرررري حبيب بااابااا غضب يصيح مناك وهذا منا تخبل الك..د الجهال كلهم يحبو عشق: هههه خبلته غضب بصياح: ااااااااااااااااااااحبببب بببج عشق: هههههه اموت عليك صوت اغاني عالية يمة : تكسر ضلعي بالحضنه يالتمشي بالوريد حلمي الوحيد .... وحدك نايم ببالي واذا ردت العمر تأمر امر ... انته روحي وعشكها ... الاغنية تصدح وغضب يغني وياها عشق: احبك غضب: كلبي محبس بين ايديك .... احبك للابد غيرك وعد ابد ميكولها لساني عشق: تسلم ي بعد روحي غضب: احبج تدرين مو عشق: ادري بس نصي صوت الاغنية حرام محرم غضب: نصيتها الحسين عليه السلام يعرفني احبج عشق: عليه السلام اكلك منو يجيب. الجهال من الدوام غضب: خابرت قصي كال اني اجيب حيدر من الدوام واجيبهم وياي عود عشق: ماشي غضب: يلة حبيبي اني راح اسدة وصلت للدوام عشق: الله وياك غضب: مع السلامة حب سديت الخط كملت مراسلة ويا لمار وكمت انضف لزمت البيت غرفة غرفة وغسلت الملابس نشرتهن ع الحبل وكفت غسلت الحديقة ونسر يمي يفتر بالحجلة كملت شلتة ديبجي يريد ينام دخلت للغرفة رضعته ونومته بكاروكة وكمت احضر الغدا حضرتة ع النار على نار هادئة ودخلت للحمام غسلت وبدلت وطلعت باوعت الساعة بال ١٢ الا ربع والبيت نضيف نسر نايم حضرت ملابس الجهال وكعدت انتضرهم واكلب بالتعليقات التجنن شوية واندكت الباب حطيت الموبايل ع الميز وكمت لفيت شال على راسي وطلعت قصي بالسيارة ينتضرني اطلع والجهال واكفين بالباب قصي: السلام عليكم عشق: وعليكم السلام تفضل ابو زينب قصي: لا والله اني اروح قدس تنتضرني بالبيت عشق: على راحتك تسلم لان وصلت الجهال قصي: ولو تدللون يلة اني اترخص عشق: الله وياك راح واني دخلت الجهال تبوس بيهم مشتاقتلهم واسألهم على يومهم وهمه يحجولي بالتفصيل دخلتهم للحمام واحد ورا الخ غسلو وبدلو صبيت الغدا دنتغدة دك موبايلي غضب جاوبتة غضب: الو عشق: هلو حبيبي غضب: هلا عشقي وصلو الجهال عشق: اي صار نص ساعة وهسه دنتغدة غضب: الحمد لله شلونهم عشق: فرحانين بالمدرسة كمزت شهد تريد تحاجي : انطيني بابا عشق: هاي شهد تريدك غضب : انطينياها اخذت الموبايل ووكفت تخابره وتحاجي وتحجيله عن يومها بالاخير كالتله اني هم احبك وانطتني الموبايل غضب: انطيني اسد انطيت الجهاز لاسد : بابا يريدك اسد نفس الحالة هم يحجيلة عن يومة بالاخير كاله اني هم احبك وانطه الجهاز ل نمر اسد: بابا يريدك نمر اخذ الجهاز نفس الحالة حجاله عن يومة وشلون مداري اخوته ومعايفهم بالاخير كاله اني هم احبك وانطاني الجهاز عشق: كملو غداكم غضب: وينج عشقي عشق: لحضه كمت والجهاز بيدي رحت للصالة عشق: تعرف شنو يعني احبك واموت عليك غضب: تعرفين شنو يعني اذا ماسكتي اطلعلج من الموبايل واجيج عشق: ههههه اوك غضب: اموت على ربج عشق: واني اموت بيك انته شنو من بشر غضب: ليش شمسوي عشق: هاي الحنية البيك شلون تكفينا كلنا غضب: مثل ما الحنية البيج مكفيتني اني وجهالي سكتت غضب: وينج متجاوبين عشق: ماعرف اجاوب غضب: ههههه يلة امشي كملي غداج عشق: مع السلامة غضب : الله وياج رحت يم الجهال نتغدة كملو كامو للصالة يقرون غسلت المواعين ورحت يمهم كعدت اقريهم ثلاثتهم كعد نسر يبجي كمت جبته يمنه بالحجلة يفتر ويخربط كتبهم ويتعايطون شهد نوعيتها حريصة ع الشي وشاطرة مبينه كلش مهتمة بالدراسة اسد طالع عليه تقري يقرة تعوفي يعرف القراية حتى شخصيته وشكله بي شبه مني اما نمر طالع لابو بكلشي عيونة شعرة شخصيته سيطرتة كلشي بي لل ٤ العصر كملت قرايتهم كاملة واني مطفية من النعس كامو للحديقة يلعبون واني متمددة بالصالة ونسر يلعب يمي شوية واجت شهد كعدت يم راسي حطت راسي على رجلها وفتحت شعري تلعب بي وتمشطة وتحجيلي على صديقاتها الي صادقتهم واني احجي وياها لل ٥ ونص كمنه نسوي حلويات ترايفل اني وياها للستة كملنه وهيه تساعدني عشق: يلة اسد نمر جوة صارت دنيا غروب ميصح دخلو ع التلفزيون دخلوا للبيت عشق: يلة غسلو وامشو ع التلفزيون كافي برا طبو غسلو وكعدو بالصالة واني حطيت الحلويات بالثلاجة واحضر العشا لل سبعة ونص تعشينه وكعدنه نباوع تلفزيون نزلت الفواكة والببسي نتعلل لل١٠ لازم ينامون اني كاعدة بالكاع وضهري ع التخم ويمي المواعين ونمر يباوع للتلفزيون اسد حاط راسة على رجلي ويكرز حب وشهد كاعدة تلعب نسر مطلعين قناة cn بالعربية ونتابع دك جهازي غضب جاوبتة عشق: هلو حبيبي غضب: هلا عشقي شلونكم عشق: كاعدين الحمد لله غضب: شديسوون اسودي عشق: اسدك متمدد على رجلي يباوع تلفزيون ونمرك كاعد كدامي ويباوع ويا اخو شهدك دتلعب نسرك غضب: هههه وعشقي شدتسوي عشق بهمس حتى الجهال ميسمعون: عشقك مشتاقتلك غضب: جايها الصبح واشوفها الاشتياق عشق: هلا بيك ضلينا نسولف لل١٠ سديت الخط منه وكومت الجهال انومهم يوم الي غضب بالدوام انومهم وياي بالغرفة فرشت اربع دواشك بالكاع والفراش كله ونامو شهد ونسر على يميني و اسد ونمر على يساري واني بنصهم اسد حاضني واني لازمة ايد نمر نسر لازك بيه ونايم وشهد لازمة ايدي الثانية احاول اقربهم كلهم مني ماريدهم يبعدون مني نمنه للصبح بالستة دك المنبه كمت غسلت وجهي وحضرت اليوك كعدت الجهال غسلو وكعدو يتريكون نسر بعدة نايم كملت تحضيرهم دك غضب كال راح يجيهم قصي طلعيهم للباب طلعتهم بوستهم صعدو ويا عمهم سلمت على قصي وراحو قريت وراهم اية الكرسي ودخلت للبيت غسلت المواعين ونضفت المطبخ نومت نسر بكاروكه لميت الفراش ونضفت الغرفة طبيت سبحت لبست ثوب نوم وفوكاه روب مكياج على شعر حضرت الريوك الساعة بالتسعة يجي غضب داحضر الريوك سمعت هورن سيارتة حطيت العباية مال راس على راسي لان لبسي ممستور وطلعت للحديقة فتحت الباب دخل للبيت فتح الباب ونزل نزل ويا علاليك المسواك اني سديت الباب واجيت ساعدته بالمسواك غضب: السلام عليكم عشق: وعليكم السلام الله يساعدك غضب: ويساعدج دخلنه المسواك للبيت نزعت العباية غضب باوعلي: اااااااف اففف هاي شطالعة واني اكول ليش لابسة عباية عشق: ههههه محضرتلك الريوك يلة تقرب علية :ولج انتي بكلبي تحسين بيه لزم وجهي بين ايديناته وباسني ابتعد وباوعلي: اي هسه ارتاحيت عشق: هههه صبيت الريوك وكعدنه نتريك كمل الريوك عشق: حمامك جاهز غضب: اوك كام للحمام ديغسل كعد نسر حطيتة بالحجلة يفتر بالبيت واني اعزل بالمسواك كملت دالم العلاليك سمعت باب الحمام انفتحت ونسر راح يركض ع الباب باوعت غضب شالة ويبوس بي شايلة واجه للمطبخ عشق: نعيمآ غضب: الله ينعم عليج عشق: جيبة وروح نام وارتاح غضب: تعاي وياي شايل نسر بايد والايد الثانية سحبني ويا دخل للغرفة عشق: نسر مينام هستوة كعد غضب: عوفي يلعب نزلة بالكاع وشمر الملاعيب داير مدايرة وتمدد ع الجرباية تمددت بصفة سحبني لحضنه وغفة واني هم غفيت لل١١ كعدت بعدت نفسي منه بدلت لبست دشداشة كصيرة شلت نسر وطلعت للمطبخ حضرت الغدا لل ١٢ الا ربع كعدت غضب حتى يجيب الجهال لان دوامة عكس قصي يعني اليوم قصي ميكدر راح يجيبهم واني احضر الغدا وملابسهم ورا شوية اجوي نمر نزل فتحله الباب ودخلو بوستهم يبدلون ويحجون عن يومهم شلون جان غسلو وكعدو صبيت الغدا وكعدنه نتغدة وغضب يسألهم ع الدوام خلصنه غدة لميت المواعين اغسلهم وغضب والجهال بالصالة كاعدين كملت المواعين ورحتلهم غضب كاعد يقري اسد وشهد ههههه ونمر يقرة وحده ونسر مثل الفارة يفتر بينهم كلها بجفه وشكل غضب من يقري بجفة الحمد لله صار ضابط ماطلع معلم لو مدرس كعدت يمهم اراجع ل نمر واباوعله شلون يقريهم نسر اجه كعد بحضني لل٣ العصر غضب: خلصنا اني اكوم انام طفيت منو ينام وياي اسد ونمر وشهد هزو راسهم بمعنى لا غضب: ولد قن...ة شتوقع منكم شال نسر من حضني وطلع للغرفة عشق: اروح انام اني هم متنامون نمر: اني ما انام شهد: ولا اني اسد: اني هم ما انام عشق: ماشي بس طلعة برة ماكو ولتلعبون بالطباخ والكهرباء نمر:ماشي كمت للغرفة غضب حاضن نسر يريد ينومة تمددت ورا ندار علية وحط نسر بحضني غضب: نومي تعبني ومينام رصعته الى ان نام ونمنا كعدت المغرب طلعت لكيت الجهال يباوعون تلفزيون ومطلعين فواكة وحبشكلات ماكلين وهاجمين الدنيا نضفت البيت وكعدت احضر العشا كعد غضب شايل نسر مكعدة بالبجي اخذتة منه رضعته وكعدته بالحجلة وصبيت العشا كعدنه تعشينه وتعللنا غضب متمدد ع التخم ونسر نايم على بطنة واني بالكاع وضهري ع التخم الي متمدد علية غضب والجهال كوشات جوة راسهم وكاعدين نباوع فلم وحبشكلات يمنه لل ١٠ غضب: يلة شوكت تنامون وراكم دوام عشق: يله الكل غسلو وجوهكم وفرشو السنون وعدل للفراش كامو واحد ورا الخ احلى شي بيهم النضام فرشو سنونهم واجوي وكفو كدامي عشق: اشوفهن نضيفات فتحو حلكهم يشوفوني عشق: عفية نضيفات يلة للفراش غضب نفخ خدودة : بوساتي وين بوسو واحد واحد بوسوني وراحو لفراشهم هوة شال نسر غضب: احنه هم نعسنة كام وطلع للغرفة لميت الهوسة وحبشكلات التعلولة ورحت ورا للغرفة نومت نسر وتمددت هوة يكلب بالفيس واني بالتعليقات مال قصة شوية وذب موبايلة وتقرب يمي حط راسة يم راسي غضب: شتباوعين عشق: تعليقات قصتنه غضب: تعاي اباوع وياج نمت على ايدة واكلب بالتعليقات واقراهن اله من بين التعليقات شفت تعليق بنية تتغزل بغضب ماهتميت لوما غضب انتبه غضب: اوكفي اوكفي هاي تحجي علية خل اشوف عشق: شتشوف تعليق عادي غضب: لا خل اشوف طلعته يباوع بي غضب: والله ويحبوني عبالي عنست بس زين يحبوني عشق: ميحبوك يحبون غضب زمان هسه جبير متفيدهن غضب: ليش جبير بعدني صغير عشق: لا انته بكد ابوهن انته لومزوج من وكت جان هسه بنتك بكدهن غضب: بس ماعندي بنية بكدهن عشق بصبية كامت من حضنه: غضبببب لتختبر صبري غضب: هههههه اتشاقة وياج والله اضفرج عندي بالدنيا كلها عشق: اني اعلمها غضب: عشق ممنوع تعلقين عشق: لعد اخليها تتغزل هيج واني اباوع هذا لو رجلها جان قبلت اغازلة غضب: هههه لتعلقين دزي ل لمار هيه توصله الهن راسلت لمار وكلتلها توصل كلامي الهن وكلتلها تكوللهم على عمرة وعندة جهال وشايب والله يخليها لمار نزلت كل كلامي واني انتضر شتجاوب هاي الي غازلت غضب وغضب كاعد ويضحك نزل تعليق البنية تكول اتشاقة ابتسمت بحقارة لغضب ورفعتله حاجبي : شفت تتشاقة غضب: اكلج انطيني اسم هذا البرنامج انزلة بجهازي عشق 🌹🌹 للكاتبة Lamar Alzankna #البارت٤٨والاخير❤ ابتسمت بحقارة لغضب ورفعتله حاجبي : شفت تتشاقة غضب: اكلج انطيني اسم هذا البرنامج انزلة بجهازي عشق شمرت الجهاز عليه وتريد تكوم: هاك موبايلي وراسل براحتك غضب: هههههه يولي اتشاقة تعاي اشوف ي الزعلانة سحبني لحضنة باس راسي: يولي جذب والله لا اريد البرنامج ولا اريد القصة عشق بعدته منها: والله اذا نزلتة متدري شسوي بيك غضب: والله مانزلة بس انتي اقريلي التعليقات الغزلية😉 عشق: غزلية 😑 شايب .. .... ...... ............ ................... الى هنا وتنتهي القصة رأيي عشق بالقصة السلام عليكم اني فرح بطلة القصة حبيت اوثق قصتي ويا ادهم بهذا البرنامج من خلال الكاتبة لمار والها جزيل الشكرا عالابداع الي صار بالقصة واحداثها هواي تعبت اني وياها اثناء تحضير القصة الى ان وصلت لهاي الحالة الي بين ايديكم............ بالبداية جنت اكره ادهم كره مو معقول لان جنت مثلي مثل أي بنية تحب تطلع وتطب وتتونس وتلبس وتكشخ بس كل هذا انحرمت منه بسببة وهذا الي زيد كرهي عليه ويوم الي نهى عليه زاد كرهي اضعاف ما ادركت حبه الا بعد ما عشت ويا وعرفت عنه كلشي شوكت ينام وشوكت يكعد اكله وشربة ولبسة وكلشي يحبه صح جان ابن عمي واعرفه حق المعرفة بس ماجانت معرفتي بي مثل ما عرفته بعد معاشرتي ويا ايام واشهر وسنين والي زاد قوة علاقتنة همه اطفالي .حب ادهم ماكو حب يعادلة بالنسبة الي جان الي اب وام واخ واخت وحبيب وصديق وزوج وكلشي احتاجة مافديوم حسيت حبه نقص بمقدار ذرة ناحيتي واني اعرف كلش زين لو شخص ثاني جان بدال ادهم مجان راح يتحملني بلساني وغيرتي وزعلي وكلشي بيه . اكدر اكول اني تربيت على ايد ادهم مثل ما اطفالي تربوا على ايدة يمكن فرق العمر الي بينة جعل من ادهم اب الي والله عوضني بحنانه عن حنان ابوية الي فقدته من اول ايام عمري ادهم بالنسبة الي اب من اغلط يضرب ويأدب مثل ما كل الاباء يأدبون ابنائهم صح اني مو مثالية وبحياتي ماراح اكون مثالية المثالية للخالق وحده❤ بالنهاية احب اشكر رب العالمين على اجمل هداياه الي والي همه ادهم زوجي واطفالي نمر واسد وشهد ونسر واحب اشكر لمار المبدعة على كل هالابداع الي صار بالقصة واحب اشكركم وحدة وحدة وواحد واحد على دعائكم النه وكل تعليقاتكم قريتها من البداية لحد اليوم ومستمرة اقرأهن ان شاء الله 🌹احبكم🌹 رأيي غضب بالقصة السلام عليكم اني ادهم بطل القصة بالبداية من كالتلي فرح اريد قصتنا تنكتب رفضت وخصوصآ بعد ماسمعت لمار تكتبها لأن برأيي لمار مراهقة وصغيرة مستحيل تفهمني وتفهم عشقي ل فرح توقعتها مشاعرها تجرفها وتوضح القصة بشكل خطأ لكن بعد ملحة فرح وافقت تنشر القصة واعتبرتها قصة طفولية على ايد كاتبة مراهقة واصلا ماكو احد راح يعرف اسمائنا وعنوانه ولا يعرفنه اصلا لذلك ببداية نشر القصة اي اهتمام ماجان عندي بيها الي جذبني تعليقاتكم خلتني اقرة القصة من البداية بكل صراحة ماتوقعت تكون بهذا الشكل نهائيآ وصف القصة واروائها واحداثها كأنها عايشة ويانة وكل الاحداث جانت حاضرة بيها ادري هواي حجيت بس جان لازم اعتذر كلش من الكاتبة لان ظنيت بيها سوء بالبداية وحكمت عليها قبل ماعرفها واعرف كتاباتها واحب اكوللها نصيحة من اب لبنته او من عم لبنت اخو استمري وان شاء الله نشوفج بأعلى المراتب عاشت ايدج من بداية عمري وعيت واني عيني على فرح اعتبرتها شي ملك خاص الي وحدي اعرف قسيت عليها وخليتها تكرهني ووصلتلها حبي بطريقة خاطئة يمكن لو جايها من البداية وكايللها احبج وتقدمت خطبتها مجان راح يصير كل هذا بينا بس الحمد لله كدرت بعد طول هالمعانات اوصللها حبي وجانت بالنسبة الي اكثر من حبيبه وزوجة وهواي وكفت وياي بشدتي جانت حزام واسند نفسي عليها ماجنت الرجل الخارق مثل متكولون جنت اسكر واضرب وأذي وكل هالشي جان بسبب الي عشته بطفولتي ماحبيت اذكر هالموضوع بس جان لازم ابينلكم السبب بخلق شخصيتي الي انبنت ع القساوة واطلب منكم طلب .. القسوة امام الطفل مو حلوة ولاتعتبر رجلة وكذلك الحالة بالنسبة اذا جانت القسوة على طفل اني واحد من هالاطفال الهواية الي فتحو عيونهم على قسوة اب يضرب ام كدام اطفالها ويضرب اطفالة ما احب اتعمق بالموضوع بس ذكرت هالموضوع حتى نجوز من موضوع القسوة والعنف . عائلتي هالشي توارثو لذلك بعدت جهالي عن عائلتي ماردتهم يكونون مثلي ومثل عائلتي ماجنت قاطع رحم وبعدتهم نهائي ولا مثل ميكولون(خري مري) كلشي بالمعقول احلى. انتبهت هواي تعليقات تكول ماكو هيج رجال يحب بهالطريقة ولا اكو هيج حب . من يكول ماكو؟ انتو لو جنتو بدالي ووعيتو وانتو تشوفون طفلة بطفولية فرح وبرأئتها ماجان كلتو هيج . انتو تخيلو فرح مثل البذرة انزرعت ونبتت يوم يوم وسنة سنة كبرت كدامي وتحت اشرافي واعتنائي تتوقعون بيوم اتخلي عن حبها . والقصة بينتلي هواي امور جنت مفتهمها خطأ عني وعن عشق والاطفال ان شاء الله احاول احسنها . ماحب احجي اكثر لتجيني فرح وتكول ماصدكت تحجي ويا المتابعات. تحياتي لجميع المتابعين والمتابعات وتحية للكاتبة المبدعة لمار وان شاء الله بالتوفيق واعلى المراتب واستمري بالابداع 🌹مع السلامة و في امان الله🌹 الكاتبة🖊 ماعرف احجي وارد على كلام فرح وادهم غير ان اكوللهم كلش اشكركم على كلامكم وان شاء الله التوفيق ل فرح وادهم واطفالهم ويارب يحفضهم ويديمهم ويديم الحب بيناتهم ❤ هاي القصة من احلى واصعب القصص الي كتبتهن هواي ضروف مرت بيه اثناء كتابتها والحمد لله كدرت اكملها بالشكل المناسب تجسدت القصة بشكل قوي حاولت اعيش بين اشخاصها وداخلهم حتى اكدر اوصلها بالشكل المناسب والحمد لله وفقني وكدرت اوصلها . للصراحة بالبداية متوقعت هيج تصعد وتوصل لهل مستوى الي وصلت اله قلة التفاعل الي جان بالبداية هبط واهسي بكتابتها بس كم متابعة حفزوني وشجعوني اكمل ويوم عن يوم زاد عدد المتابعين الى ان وصلنا اليوم اجمل عائلة بالواتباد. شلون اشكركم على كلشي ماعرف ماكو كلمات تصف شكري ومحبتي الكم غير ان انتو صرتوا عائلتي واعتز بيكم وكل كلمة وكل تعليق وكل تصويت بالنسبة الي وسام اعتز بي ويشجعني اكثر واكثر اكتبلكم اتمنى اكون كدرت اوصل القصة بالشكل المناسب وماخذلتكم اشكر كل الي سألو عليه وعلى مرضي واختفائي لايام سواء على منصة الرسائل او ع الخاص او بالتعليقات ❤ مرضي حيل صعب ومزعج لان مناعتي ضعيفة . فكرت انطي الحساب لوحدة من صديقاتي او لاختي حتى تكمللكم البارتات بس ماشفت ان انتو راح تكدرون تتفاهمون وياها بعد ماتعودتو على طريقة السرد لذلك تأخرت وحيل اعتذر منكم هالشي علمني ما اوعد اي شخص لان ارادة الله اقوى من اي وعد ❤ قصة غضب العشق علمتني هواي امور وزادت من خبرتي بالحياة وعلمتني ما احكم على اي شخص من مضهرة الي يبدو عليه لان داخل كل انسان بحر كامل الصورةالي فوك اقرب صورة لكيتها لعائلة غضب وعشق حاليآ👨👩👧👦 اليوم عمر غضب ٤٠ سنة عمر عشق ٢٦ سنة عمر نمر ٨ سنوات عمر اسد ٧ سنوات عمر شهد ٧ سنوات عمر نسر ٩ اشهر في الختام اشكر جميع من ساندني واتمنى من الي عجبته القصة يصوت لهذا البارت ويدعي لوالدي ووالدتي بطول العمر والصحة والعافية ❤ ❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤ ❤❤❤❤ ااااااااااااححححححببببببب ككككككممممم❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤ ❤❤❤❤❤❤❤❤ الكاتبة. 🌼 Lamar Alzankna🌼 | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
