آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
16-12-19, 01:19 AM
| #11 | ||||||||
| مراقبة عامة ومشرفة منتدى الروايات المنقولة  
|  الحلقة الحادية عشر مساء العافية #تناهيد_امرأة #بقلمـي_نشوى_السلطان ❤️ ........... كتلها احجي شبيج ... طلعت تلفونها وطبت للاستديو .. كالت اقري الرسائل.. انه اهز بعبدالله ومخبوصه بتصرفها من كالت شوفي الرسائل انه حيلي باد اريد انطق ماكدر باوعت الرسائل الي وصلت التلفوني كلها عدها مصورتها بجهازها ... ارتبكت وخفت باوعتلها وهي تبجي كالت ليششششش بنين اني بشنو مقصرة وياه حتى يخوني ويحب وحده غيري.. رفعت راسي عليها وانة حتى شفايفي ترجف كتلها انتي شلون لكيتي هاي الرسائل يعني بتلفونه اييي بتلفونه البارحة شارب والليل كله يغني مواويل يصيح يمه اني مجنون من فرگة الغالين .. بقى يشرب لحد ما تعب ونام .. من فتره اني شفته متغيرر.. شفته تعب ونام ركضت دووت بملابسة .. لكيت التلفون الثااني .. بسرعه فتحته وكلبته وريتني ماشفت الي شفته .. ولج راح اتخبل منو هاي وشلون هيج يحبها ولج يهذي بيها باوعتلها تحجي وتبجي انه جمره احس صارت بنص صدري ماتدري انه المقصودة بالرسائل بلعت ريگي احس شفايفي يبست كتلها لا تبجين اسكتي لا تقهريني وياج ... دانحجي طبت سرور .. شافت لمار .. وكفت كالت هلا لمار شو هينه لازم حسن جابج مسحت دموعها بسرعه لمار كالت الها اي وصلني وراح سرور .. شو تبجين شكو شبيكم متعاركين،،! لمار لا انه هيج ضايجة .. باوعت سرور سكتت وجان تطلع من المطبخ راحت لمار كالت هاي حيه اني اعرفها هسه اذا سمعتها راح تخابر حسن وتكله تره مرتك فتشت جهازك وتخلي يكون حذر مني بنين هي تحجي وانه اريد اكعد بمكاني ماكدر احس روحي تريد تطلع .. باوعت عليها وهي تبجي حركت روحي حرگ صفنت شراح اكللها وهي هيج مقهوره ومنهارة كتله ميخالف عوفيها وسدي الحجي جوز انت متوهمه جوز مثل ماكلج الجهاز مو مالته ! لمار.. شلون اعوفه شلوون اني للصبح مانمت والله من قريت الغزل احس سجينه ودخلت بگلبي بعد اريد انام مااكدر والله لشتي كلها ترجف شلون حاجيني ولج كاتب الها والله العظيم احبج ولج يغاااازلها ردت اطب اخذ رقمها شفته كعد رجعته بسرعةةة لازم اسهر النول واعرف منو هاي حبيبته مدت ايدها على رجلي كالت فكري وياية بنين شلون اكدر اعرفها منو هاي دتحجي هي ومنطية ظهرها للباب تحجي وتبجي وتسولف بالرسائل ماتدري بضاري واكف وراهه باوعتله انه وسكتت .. عبدالله صرخ.. شلته خليته على كتافي هي تحجي وتفصل بالسالفه وهو بس يسمع وعينه بعيني ... سمع كل كلامها انه كمت وكفت كتلها لمار سدي الحجي وكومي ويايه للبيت ... ضاري بس ساكت ماحجة كلشي كامت هي وكفت كالت لا اني اريد اسلم على خالتي واطلع لان طلعتله حجة كتله اريد اظرب الابره وجابني هسه يجي اعتبري بالباب كتلها اي ماشي .. اندارت وجان تشوف ضاري .. التففت عليه وهي فشلانه كالت هلا ضاري شلونك رد االها هلا بيج .. مرت من مقابيله وهي مدنكة راسها وهو عينه عليه وخازرني بعيونه .. طبت هي وانه بقيت بمكاني لا اكدر اعبر ولا اكدر اطلع احس رجلية انتهت شلت تلفوني من الميز اريد اطلع .. حجة ضاري بصوت ناصي.. كال مني هاي الي يغارلها حسن .. انه مدنكة مارديت .. احجي مو احجي وياج يوولي جاوبيني! كتله وانه اشدراني مادري.. ماتدرين مو..! رفعت راسي سكتت بس انه متوتره واتلبكت بالكلام هوا حس * اي اني من اكلج هذا نذل تكليلي لا اطلعي للبيت. بسرعة كتله انه قصدك اروح للبيت ..! اي انتي روحي وراح اجي وراج .. بس لمار هنا ولازم اشوفها قبل ماتطلع .. باوعتله عصر ايده بقوة وكال رووووحي وعوفي كلشي هزيت راسي اي... مشيت خطوه وكعت التلفون انداريت كتله راح اطلع .. دنكت شلت الجهاز وانه ايدي ترجف.. عفته بالمطبخ وطلعت للبيت .. امشي واحس نفسي بدواااامة .. حجي لمار وبجيها وصوتها المبحوح يرن بأذاني قهرها وهي تحجي وتشكي ماانساه انه انتهت حياتي اي لمار اذا عرفت ماراح تسامحني انه لازم الكة حل واليوم .. طلعت امشي وانه اتخنك والدمعة بطارف عيني.. طببت من المطبخ ماكو احد .. باوعت من باب الهول كلت جده انت هنا.. مديت راسي ماكو غير خليف كاعد وحده وصافن كلتله والله ريتني مثلك ولا هموم هالدنيا كلها فوك راسي باوعلي وانه احجي ابتسم كال امي راحت راحت بعيد .. يأشرلي بيده كتله اي خليف هي تجي.. عفته وطبيت للغرفة خليت ابني بالكاع وكعت يمه .. التلفون بيدي وانه صافنه ولمار ابالي ماراحت انه اروح عالبصرة احسن .. خلي اخابر هبه اشوف خالي وين حتى اطلع وياه بيدي الجهاز .. اريد اطلع رقم هبة حتى اتصل بيها اتذكرت رسائل حسن .. اي شبيه انه مامسحت الرسائل طبيت للرسائل بسرعه حتى احذفهن وانه بيدي الجهاز اندك الباب .. من الخوف ذبيت الجهاز من ايدي كلت هذا حسن اي حسن كمت وانه خايفه .. لفيت شالي طلعت لباب غرفتي .. صحت منو ... خليف بمكانه يصرخ امييي امييي كيف عباله الحجية اتذكرت اصراخة بيوم جية حسن طلعت امشي للمطبخ كلت منو بالباب.. باوعت من الجام خيال واحد طويل .. يمكن ضاري.. يمة هذا ضاري عزززه راح يحقق ويايه .. مشيت للباب لزمت اليده كلت منو عالباب * اني ضاري مو احسن افتحي ..ياب بلعت ريكي كتله اي هلا بيك .. فتحت الباب باوعلي كال جدتي هين لو لا ..! كتله لا انه من رجعت من يمكم لكيتها ماكو بالبيت باوعلي كال فوتي جدامي للمطبخ .. طبيت مشيت خطوتين وكفت يم الكاونتر طب هو. وراية ورد لباب بس ماسده كله فتح تلفونه ورجع خلاه بجيبه .. كال مبايلج وين ..! ها مبايلي جوه .. جيبي .. وتعالي ليش شتسوي بي ..! جيبي تره ماراح اسوي شي..! كتله ضاري انه اعرف انت جاي علمود سالفة لمار باوعلي وكال اي وبعد كملي كملي ماكو بعد ... انه راح اروح الاهلي وكافي هاي السوالف تعبتني تروحين الاهلج ليش! لان تعبببت دقيقة هسه اني اريد افتهم شربط ساالفة لمار بروحة اهلج لازم الرسائل الج .. باوعتله وكتله نسد الحجي هذا انه مالي شغل بيهم انه بيتي هناك بالبصره وحتى كعدتي هنا ماترهم هااا مارتهم .. شو قبل جانت ترهم شنو الي تغير! لو تريدين تنهزمين حتى محد يسأل اسمعي بنين تريدين تروحين زيارة الاهلج هذا حقج وما النا حق عليج بس الوليد ابنه مانكدر على فراگة وتعرفين الوالده شكد متعلقه بي روحتج لهناك مالها داعي انه اعرف الحجيه متعلقه بي وانه محد كاسر كلبي غيرها بس انه تعببببت والله ليش تعبتي خلي الكلشي حد وارتاحي حد الشنو ضاري انه كتلك ماكو شي لااااااا اكووووو كافي عاد احجي الحقيقة كولي ليش تخفين السوالف .. تحبيييي فهميني! يحاجيني ويعصر بأيديه خفت ريجعت ليوره كتله المن احب تقرب خطوه وكال ماتدرين منو يعني يدزلج رساله يكلج والله العظيم احبج ومن اسألج تنكريييين،،! انه ماعرف انت ليش هيج دتحجي كتلك ماكو شي يعني عجيييييب عليج ليش تخفين بسوالفة يعني مالها غير تفسير .. واحد تحبي وماتكدرين تحجيييين كتله لا تصييييح الله يخليك خلف يخاف والناس تسمع ياحب هذااا همج الناس تسمع بس ماهمج الحجي الي راح يصير عليج شوفي هاي لعبات حسن ولعبتج .. اذا ما كرضتة ماا اكون اني ضاري .. تكضبة ايدي واعلمة شلون يدز رسائل من ورانه وانتي .. ااااخ خليني ساكت يووولي انه شنووو شبيك ضاري والله العظيم تجرحني بكلامك كتلك راح اروح والحجي راح ينسد الباب ماتطلعي والله ... وليش شعليك بية بكييييفي بمزاجي مكانج هين وحسن مكانه الگبور قريبااااا امشي جيبي التلفون بيدي اريده ليش تلفوني ماانطي .. لا تنطي وهسسسسة تجيبي... جدامي يلا كتله اي بس عليك الله لتصيح.. انه مانقصني حجي امشي كتلج اني هين واكف... اريدة بسرعه داحجي وجان يفوت خليف وايده على راسه خايف يصيح اميييي اميييي وكف بزاوية بصف الباب قريب مني وهو يرجف .. انه من شفته وكفت على صفحة خفت منه كتله شوف من الصوت يخاف ضاري كله اكف اخليف لا تخاف تعال اجة يمشي عليه لزمه واخذه الصدرة باوعلي وهو عاقج حواجبه كال ليش واكفه كتلج جيبي التلفون يوووولي هزيت راسي اي .. طبيت اركض للغرفة باوعت عبدالله كاعد ديبجي.. شلته .. هو والجهاز.. باوعت للمطبخ مديت راسي ضاري كاعد يسكت بخليف بسرعة طبيت للرسائل سويت حذف للكل اريد اسيطر عالجهاز ماكدر .. ايديه ترجف وحيلي صدك باد انداريت اريد اطلع .. لكيته مرتجي عالباب واكف ورايه وعيونه تجدح نار فزيت ورجعت خطوة ليوره ... عبدالله يصرخ .. كتله هذا التلفون ... باوعلي .. كال ماريدة ليش انت مو كتلي اريدة ليشششششش مسحتي البي.. ها ليش يولي .. تحبييي كووولي تريدي احجي حتى واحد يفهم راااااسة من رجليه شبيك ضاري المن احب والله مو هيج باعي يولي حسن هذا النذل والله الا اخليج تبجين دم عليه .. عجل طلعتوا مراسلااااات من ورانه .. يابه كولي اريده اقللها نعرف شلون انتصرف! يولي ماستحيتي هيييين اعلمكم ... شلون تلعبون من ورانه صفنت عليه وهموم الدنيا احسها كلها صارت فوك راسي يعني احير بعد المن افهم المن احجي المن اقنع ضاري لو لمار الي شبعت قهر من شفت دموعها بجيييت وكتله والله حرام عليك انه مو هيج ولا خاينه حتى اخون صديقتي بس مدام انه هيج بنظرك باجر اروح الاهلي حتى تعرف انه مالي ذنب خير ان شاءالله خل اشوف الخير الراح يوديج الاهلج منو عجل اني محرك كلبي واسأل بيج ولج انه مورجال وهالشارب مو عليه اذا خليتكم تتهنوووون انعل ابو حسن لابو يومية .. لابو ابو شيب الخلفة عجل طلع نذل ويركض وره بنوااااتنا شفته يصيح وخازني بعيونه ضرب الباب قوووي بأيده مشة ووكف باوعلي وهو نااار شكله كال مع الاسف عليج شكد نزلتي من نظري .... طلع يمشي سريع مشيت وراه من كال هيج حرگ كلبي حرگ ركضت وراه كتله اوكف .. تره كلشي ولا الستررررر انه اطهر انسانه لا تكول مع الاسف .. اوكف ضاري خليني افهمك والله احجيلك كلشي احاجي وابجي. يمشي ولا اندار .. وصل الطارمة وانه بباب المطبخ بيني وبينه مسافة قريبة .. .. كتله الله هوا اليعلم بحالي ماراح ازيد اكثر حجيييته بصوت مخنوگ وانه الدموع تجري .. وكف واندار عليه .. تنهددد وسحب نفس وكال والله حرگتي گلبي حرگ ولج شبييييييج انه المحروك كلبي اسمع مني ولا تحكم عليه يولي شسمع .. تعبت واني اسألج يوميه وما احصل شي فوتي جوووه ولا تبجين .. زين بس افهمك .. ماريد افتهم الي افتهمته اني يكفي .. امشي سكتي الطفل وسدي سوالفج .. وان جان على حسن لا تخافين علية عالخفيف راح ينكرض فوتي من كال هيج انه مدي املخ نفسي كتله وهم عدتها دقييييقة ضاري .. اوكف انه باجر اروح ويا خالي احاجي ولا وكف طلع وهو ينافخ يمشي سريع ويلف باليشمغ .. طلع وطبك الباب البره بقوووة طبيت للبيت وانه ابجي باوعت خليف فاتح الثلاجة وياكل .. عفته وطبيت للغرفة كعدت اسكت بعبدالله رضعته وانه ابجي .. باوعت للتلفون .. كلت خل ادز رسالة الخالي واكله باجر تعال اخذني كافي بعد ابجي واهز بعبدالله .. سكته سكت بس دموعي ماسكتت .. طلعت رقم خالي كتبتله السلام عليكم خالو حسين من تنزل للبصرة انه اريد ارجع وياك مر علية اخذني وياك كملتها وسويت ارسال الدنيا صدك صارت عليه ضلمة.. لا بيه احجي ولا بيه اسكت كون الله يبلاك يحسن مثل ما بليتني بهل بلوة .. حجي ضاري يدك بكلبي وهو يكلي تحبي ومع الاسف عليج نزلتي من نظري اويلي كون خنجر بنص صدري ولا حاجي هالحجاية الليل مر عليك مثل السنة .. جبل احس هموم فوك صدري .. ثاني يوم العصر وانه لا رحت لعيالي ولا همه جوي ولا لمار اتصلت وانه ما اكدر اتصل بيه وافهم منها شي اخاف من كلشي صرت .. باوعت لهدومي كلهن بالجنط محد يدري انه راح اروح طلعت من غرفتي وانه شايلة وليدي.. الحجية كاعده تكشر برتقال الها والخليف كتله جده انه رايحة العمتي خما محتاجة شي كالت لا يمه رحم الله ولاديج .. روحي يمه كتله والديج جده انه ماتأخر عندي شغله ويا عمتي وارجع باوعتلي كالت شغلتيش .. خمو خليف ضوجج بشي تعاي الله عليج لا جده والله خلف مثل النسمه خطيه بس انه اريد اكللها انه اريد اروح الاهلي لاااا حسافة يمه صدك اتحجين،! اي والله جده انه ماكدر بعد ابقى .. ليش يبعد جدتج ليش خمو احد سمعج حجايه والله مليتي عليه البيت ليش تعوفينا مالي غيرج يايمه كتله جده انتو اهلي واكثر وماشفت منكم غير كل طيب بس انه ارمله والناس تحجي اروح اعيش عد اهلي احسن بس وعد ما راح انقطع منكم اجي ويا خالي بين فتره وفتره اكفي خل اجي وياج وينها عباتي ... كتلها تعاي هيانها العباية معلكة وره الباب.. كامت اترجه عالحيطان ركضت لزمت ايدها وكومتها كتلها انه البسج العباية .. جريت العباية وخليتها على راسها .. باوعتلي وعيونها مليانه قهر بنظره تقهر وكالت والله بنواتي مادراني هيج الله ينطيج على كد نيتج الطيبة يايمه كوم كل النساوين مثلج .. بيش اجازيج الله يسمج جده انه يكفي اسمع دعوتج الحلوه .. طلعنا انه وياهه انتمشى لييت عيالي .. باوعت سياره ضاري ماكو هم زين .. ماريد بعد اشوفه ولا اكدر اباوع بوجهه طبينا طبت قبلي الحجية وانه وراهه لكيت عمتي بالمطبخ مخلصة سطل وكاعده تسوي زيتون .. هي وزهرة رفعت راسها كالت هلا هلا تعالي جيبي خلي يمي اشوفه سلمت وكعدنا عالزولية .. انه والحجية وابني يمي خليته كالت عمتي كومي زهيره سويلنا جاي عصرية كتلها عمه انه ماريد جاي لان اريد اكوم اكمل باقي هدومي باوعتلي وكالت قصدج هدومج الشتوي لو الصيفي جاوبت الحجية لا يمه البنية تريد تروح الاهلها باوعت العمتي وهي مبتسمه بسرعة اتغيرت ملامحها وذبت من ايدها السجين كالت وين يعني شلون تريدين تروحين مسيرة كتله لا والله عمه انة اريد ارجع للبصره ليش يمه ليش تعوفينا. احجيلي اكو شي لا بس هناك احسن ليش يابنتي احد سوالج شي سمعتي شي فهميني لا عمه بس انه ارمله والناس بس تريد سالفه حتى تحجي محد يحجي منهو اليحجي اكص حلكة انت عد اهلج هينه الله يسلمج عمه بس والله انه خابرت خالي وراح يجييني وجيت اسلم عليكم واخذ الي عندي واطلع هااااا لا يايمه حركتي گلبي شلوووون هيج .. لا مايروح عبدالله انه مالي غيره يمه اعتبريني امج ولا تكسرين كلبي على هالوليد عمه والله العظيم انه محروگ كلبي لا تحرگي اكثر عمه انه مابيه بعد ابقى كوليلي توكلي الدنيا ماترحم .. زهره .. لا بنوووون وين تروحين احنا مانكدر بلياج والله ليش يولي لا عفيييية لا تروحين دانججي وطبت سرور وبيدها كايده شهاب .. سلمت وكعدت .. باوعت كالت خير شكو شبيها عمتي تبجي انه باوعت العمتي صدك تبجي .. عيوني دمعت كمت بستها من راسها .. كتلها عمه والله بودي اعيش يمج العمر كله انت امي .. واهلي بس عمه اهلي يردوني وانه لازم اروح سرور .. هااا تروحين ليش بنين شعجب وين رايده يمعوده باوعت الها اريد احجي ماكدر مخنوكة ومن شفت دموع الحجية احس كلبي انزرف.. خليت عبدالله يمهم كتلهم انه اكوم اروح الهم هدومي كمت وكفت طلعت .. للغرفة وانه امشي سمعت صوت ضاري سلم عليهم وفات .. انه ركضت الغرفتي ماردت اشوفة فتحت الكنتور داطلع هدومي .. طبت زهره وعافت الباب مفتوح كعدت عالجربايه وهي مقهورة تباوعلي شلون الم بهدومي زهره بنين الخاطر امي لا تروحين تعرفيها ماتكدر بدونكم تحجي وانه مااارد ابجي ودموعي احس نار وتنزل مارديت عليها .. اسمع الحجية وهي تحاجي ضاري تكله راح تروح الاهله وهو ماسمعته حجة شي .. انه بقيت الم بالملابس وبالغراض واباوع على كل ركن بالغرفة .. عيني على كل مكان الله يسامراء عشت بيج ايام حلوه وايام مره بس تبقين بقلبي .. مهما مرت السنين.. وانه احاجي روحي صاحت زهره تعالي بنين رضعي عبدالله يبجي.. سديت الجنطة وطلعت .. عدلت حجابي .. وطبيت للمطبخ .. تلكتني زهره واكفه شايلته اول ما شافني صار يلعب ويكمز يريدني .. اخذتة من ايدها وبسته .. باوعت ضاري كاعد يم الحجية ويقيس الها بالسكر بقيت واكفة .. عيني عليهم خفت من شفت الحجية خفت يصير عليها شي .. كال الها ما مضبوط هسه لان ماكله كلتله يعني شكد طلع شويه مرتفع مو جثير.. سد الجهاز وباوعلي صفح بعيونه بنظره حاقده انه دنكت وطبيت جوه .. كعدت دارضع بعبدالله .. شويه وجان اسمع صوت بالمطبخ وحده تبجي وتحجي بس اريد اركز منو ماعرفت الصوت كمت فتحت الباب مشيت.. زهره واكفه تباوعلي. بنظره حسيتها مصدومه اشرت الها بيدي منو ..! كالت تعالي بنين ،. وانه امشي عرفت هذا صوت لمار وهي تصرخ وتعيط وتكول بعمركم وزمانكم شااايفين هيج انسان خاين لو لا يعني ابجي وگلبي محرووووك اشهر واني اشكيلها اكللها بنيييين رجلي يعرف غيري رجلي يحب وحده ويهذي بيها ابجي والله ابجي كبالها وهي تسكت بيه ولكم والله مادصدك الي شفته ابدددد انه طبيت والكل ملتم بس شلون احس البيت ضلمة ضاري عينه بعيونه واكف وادية الاثنين وره ظهره ويباوع علو لمار وهي تحجي وتبجي بحركة عمتي كالت شتحجين يايمه شبيها بنين لمار .. شبيها اندارت عليه وكالت ولج نذذذذذذلة حقيررره واكفه وتباوعين بعيونج ولج ليش انه شسويتلج ولج انت هين يمنه اعتبرتج اختي ليش وليششششششش يعني مالكيتي غير رجلي .. ماكو بالدنيا زلمه غيره .. اجيت وحجيتلج كتلج رجلي يخوووني وتسكتين بيه ولج اني سامعه بيقتل القاتل ويمشي بجنازته بس بعمري ماشفت لكن هسه شفتج ياخاااااااينه حسبي الله عليج .. انه هي تحجي وانه دموووووووعي تجري .. ماكدر ارد ولااكدر ادافع عن نفسي والكل مصدوم ويباوعولي .. اجت زهره تركض اخذت عبدالله مني .. طلعت من ايدها لمار وكالت هاكم شوفو شوفو الغزل والمراسلات خلت التلفون بيد ضاري وهو صافن عليه شلون ابجي كتله لمار والله انت اختي وصديقتي وعمري ماخنتج وانه احجي كمزت عليه تريد تضربني وهي تعيط وتصرخ انه ماوخرت بس ايديه على راسي .. بسرعه اجة ضاري وكف كبالي وكال الها عوووووفيهااااا محد يحاجيها ... لمار... ضاري وخررر خل اسألها وخر الله يخليك اني بس اريد اسألها اشافت برجلي وركضت وراه شيفرق عن باقي الزلم .. يعني رادت تعيش هينه بس مالكت غير رجلي تحجي وتبجي وعيونها دم وشالها مفتوح والكل يسكت بيها .. سرور بس تباوع .. اخر شي كالت الها .. هسه شبيج واذا انتن صديقات اخذيها الحسن هم تكسيبين اجر هاليتيم وتربي وهم هي تحبج وتصيرن حبايب لمار اندارت عليها كالت الها ولج حقيررررة كله منج يوميه مخابرته وتسولفين انت وياه محد خلاهه بباله غيرج اني ادري بسرالفجن حيايه تخافن ضاري ياخذها انتي وذيج اخيتج .. بس والله الا اندمكم انتو كلكن وياكم هاي الحقيرة الي جانت اخت الي واليوم صارت عدوتي حسسسسسسبي الله ونعم الوكيل بيكم كلكم ضاري كعد عالكرسي واييديه الاثنين على راسه ساكت مايحجي بس كل شويه تجي عيونه بعيوني ويهز راسه .. حسيته يحاجيني بنظراته وهو يجر حسرات ويتنهد كل شويه ... كامت تبجي وتشهك مثل الطفل حسيتها انهارت انه من شفتها كمت ابجي على بجيها .. ركضت عليها لزمتها من ايدها اريد اشبكها وجان تدفعني.. بقوه .. انلطخ بالحايط ايدي اتأذت .. كمت وانه اتألم وابجي.. كتلها انه رايحة هسه ويا خالي بس والله اني ماخنتج وعمري مافكرت اخونج روحي اسألي حسن .. اول ماكلت حسن ضاري باوعلي يريد ياكلني كتلها زهره جيبي عبدالله انه رايحة للبيت اخذت منها ابني ... كامت عمتي كالت ماتطلعين تعالي.. انه ماوكفت طلعت امشي وابجي بحرگة شابكة ابني بقوووووة امشي ورايه الحجية تمشي ماكدرت اوكف .. احس الدنيا انتهت .. عيالي شافوني بنظره الرخيصة الي تركض وره انسان متزوج لو نظرات ضاري الي ذبحتني .. وانه امشي وصلت باب الحوش مالت بيت الحجية .. وجان تطبك سيارة حسن .. انه من شفته طبيت اركض .. شافني شلون ابجي.. طبك السياره ونزل صاح بنين لمار وين شكووو انه مارديت الها وامشي واردد حسبي الله دفعت الباب وفتت .. لمار صوتها بالطارمة وهي تغلط وتحجي عليه امشي وارجف .. اسمع الهوسة كلها صارت قريبة .. ضاري صوته وهو يكول لكككككك ساقط اليوم تكضبك ايدي.... انداريت عالباب وانه ميتة خووووف... لمار عياطها وحجيها بأذاني والحجيه وهي تصيح يمة اررررجع عوفة توقعاتكم ....😔 ... | ||||||||
|  |
|
18-12-19, 02:03 AM
| #12 | ||||||||
| مراقبة عامة ومشرفة منتدى الروايات المنقولة
| الحلقة الثانية عشر ( نفوس البشر عتمة وسوااااد ) .................................... يادنيا نلگة الامان والهم ما منه مفر العيب ماهو بالزمان العيب بنفوس البشر ،،،،،،،،،،،،،،،،،،،،،،،،، ،،،،،،،،،،، بقلمي نشوى السلطان ....................... انه مارديت الها وامشي واردد حسبي الله دفعت الباب وفتت .. لمار صوتها بالطارمة وهي تغلط وتحجي عليه امشي وارجف .. اسمع الهوسة كلها صارت قريبة .. ضاري صوته وهو يكول لكككككك ساقط اليوم تكضبك ايدي.... انداريت عالباب وانه ميتة خووووف... لمار عياطها وحجيها بأذاني والحجيه وهي تصيح يمة اررررجع عوفة انه هنا حسيت بنفسي انتهيت ركضت عالعباب .. باوعت الحسن فتح باب السياره نزل رجله ديريد ينزل .. بيده لازم الباب وجان يركض عليه ضاري .. سحبه من ياخة الخميص .. سحبه قوووي .. الحجية وراه تصيح عليه عوفة باوعت لمار وسرور ماطلعن .. اجت زهره تركض صاحت يمة ولج الحكي راح يكتله .. انه حلگي اتخيط اريد انطق ماكدر.. اجت زهره اخذت مني ابني وفاتت تركض ضاري يصيح عليه ويسحب بي يكله فوت تعال حسن يكله شبيك ضاري وخر عني صدك تحجي انداريت ضاري باوعلي جان يعيط جووووووه .. انة على صيحته وهو لازم بيدية حسن ويجر. بي حسيت شي وكع على راسي طبيت اركض لباب المطبخ الحجية لازمته من ايده تجر بي زهره بيدها عبدالله واكفه ورايه وتصيح صخام راح يموته ونبتلي ولج بنييييين شلوووون وخرها وكال يمةةةة عوفيني يرحم ابوج عوفيني طب وهو وياه ... للطرمة ... باوعله حسن كله شبيك ضاري وخر تره اسووويها وياكم موزينه خلي العشره بينا حلوه .. يحاجي وضاري لازمه من ياخة القميص واحد عينه بوجه الثاني ضاري .. ضربة ودفعة عالحايط .. لك نذل انت خلييييت عشرة خليييت خوووه لك انت عاااااار ونذل وان جان عمامنا ماربوك اني اربيك تلازمو اثنينهم واحد يضرب ويدفع بالثاني انه عطت وج عمه وخريهم راح يمووووووته اجت الحجيه هي والعوجيه مالتها .. وعمتي وياهه كالت لا يمه لا هيييييج .. يصيحين اثنينهن مافاد اناا الطم على رجليه وجهي واكمز اباوع الهم ناس كتلت ناس صاح ضاري ولك انت خنت الملح والزاد وتكلي لا تخرب العشرة ولك السويته بس !!!! ماسوووه انعل ابوك لابو عمامي وياك ... حسن ... ماخنت شي وخر اني ردتها على سنة الله ورسوله اني اريدها ... وراح اطلبها من اهلها ماخنت شي من كاله اطلبها من اهلها انوب ضاري فقد .. دفعة بكل قوته ووگعة على وجهه ووكع بالكاع نام فوكاه وكام يضرب بي على وجهه ويكله تحلم تاخذها لك عار الزلم ماتصيرلك واني طيب حسن .. مالك حق تمنعني...اني احبها اريدهاااااا مو انت لو الدنيا كلها تمنعني اخذها ... * ولك المن تاخذ ولك انت تريد تمووووت على ايدي وماتعرف اشلون باوعت خشم حسن صار ينزف وايد ضاري كلها دم منظرهم وهمه كدامي ايد ضاري مجروحة وخشم حسن ينزف لو القميص الي انشك على طوله لو منظر الحجيه وهيه بالكاع كاعده ومتخربطة وجهه اصفر وتصيح وصووووتها مايطلع صحت ضاررررري عوفه .. ركضت عليه كلت را يموته .. مديت ايدي اريد اوخره .. اجت اديه بأيديه ... اندار عليه وباوعلي وصاح فوووووتي جوه لا اكسررررج وياه لواها الايدي بقوووة وكال طبي ماعليج انتي كتله انه الي تريده يجرالك والله مااوافق ورايحة الاهلي بس عوفه عليك الحسين راح اتمووووته حسن شال القميص وخلاه على خشمه كام ضاري من عنده وكله شوف الفرع هذا اذا شفتك بي احسب بذاك اليوم هو موتك .. اكضي بيك التوبة يول ناقص امشي ولي من جدامي وكف ضاري بصفي وهو ينفظ بالتراب من اهدومة باوعلي وايده مجروحة صااح طبيييييي شبيج واكفه عليمن اتباوعيييييين ها عليمن ... حسن.. روحي بنين فوووتي ديكلج فوتي .. ضاري ... لك ... حلگك لا تفكة صايرلي نجر كوم اطلع من هينة ساااااااقط نذل ... صايرلي شريف ابو الرسائل ولك شحجي شكول عليك العتب موعليك العتب علينا الي لفيناك يلهتلي حسسسسسسسافة والله انه رجعت اركض للطرمة وانه اديه على راسي اركض وانه خايفه باوعت الخلف طلع يصرخ وخايف ويرجف ويصيح حسسسسسسسسن يووووولي حسسسسسسن خل يووووولي حسن ..... طبت لمار وسرور من شافن حسن ركضت. اثنينهن عليه كالت لمار هاي شكو شمسوين بيي سرور هاي ليش ضاري شلون اتمد ايدك على اخويه تحاجي ضاري مااهتم .. اجة على خلف كله لا تخاف ماكو شي ياوع للحجية يمي بالكاع انه رحت جبت الها ماي من شفتها هيج كابتلها وكعدت ابجي اني بالكاع والحجية يمي وعمتي رفعت راسي عليه مخوصر والجكاره بيده .. اجة عالحجية دنك عليها وكال الها شبيييج يمة شكو عليش هالطلم جلب نبحلة شويه وددسنه على ذيلة كومي كومي .. شو انطيني ايدج يحجي وحسن يباوعله كعدو البنات راحت سرور جابتله ماي شربته اني مادري عيني على منو تجي .. وانه يم الحجية صاحت زهره بنين هذا خالج خابر بالباب واكف يكول وصلتكم هنا انه اتذكرت خالي كال اجي ابات عدكم والصبح نطلع .. باوعت الحال حسن وضاري اعصاب انتهييييت كلت خالي اليوم يسمع بالسوالف الصارت عليه شراح يسكتهم .. كتلها اي جايه كمت الحيلي واني ابجي مسحت دموعي وكتلها عمه اسفة والله الي صار كله بسببي ماجنت اعرف هيج راح يصير لمار وسرور يباوعن عليه يريدن ياكلني لمار كامت الحيلها ماعرف شصاح عليها حسن وهو مرتجي عالحايط وكاعد شعره مخربط وملابسه مشككة والدم مالي وجهه ماردت عليه اجت تركض عليه كالت ها اجاج خالج راح ياخذج ام العلاقات الخاينه تريدين تنهزمين عبالج تخلصين كتلها عيب بنين انه ماخنتج وهيج كلام لا تعيدي مره ثانية حسن صاح .. لماررررر البنيه ماعليها لا تحجين عليها احجي على گلبي البنية شعليهاااا لمار . اثنينكم جذابين ها كمت اتغطيلها حتى تاحذهااا والله ثم والله الا اشهركم بكل سامره تحجي وتأشر بيدها انه عيني عالباب خفت لا خالي يجي صاحت لمار وانتي ست بنين عبالج ما اوصل الاهلج واكللهم الا اكللهم بنتكم خززززززتكم .. دتحجي هي باب البره اندك ... ضاري صاح عليها اسكتي ولا تبقين اتوطوطين نفس واحد مااسمع .. كومن يلا جوه لمار ضاري اني ضاري ولااااااا كلمه طبن جوه بسرعة باوع الحسن كله راح اطلع من اطب كبال وجهيي ماريدك انه كمت طبيت انه وزهره بالمطبخ وسرور ولمار اجت للطارمه يمشن .. ويباوعن علية الحجيه على كعدتها متخربطة وفاتحة الفوطة مالتها طلع ضاري ورد الباب وراه .. انه كتله ولج زهره منين هالمصيبة وكعت على راسنا هذا خالي والله زهره .. جوز الجيران سمعوا العياط واجوي اووف الله يستر .. افتر بالمطبخ اروح واجي كتله وين تلفوني انطينياه .. صاحت لمار اي عيني انطيهياه دتكمل الشوط الثاني باوعت الها شريد احجي مادري بس حركت كلبي بحجيها وين جنا وين صرنا اووووف ربي ... طبت سرور كالت اريد كطن كتله ماعدها الحجية كطن داتحجي وباوعت الباب البرة نفتح .. صوت ضاري وهو يكله حياك الله تفضل .. بلعت ريكي احس حلكي يابس انتبهت ضاري ورااه خالي بملابسة العسكرية .. رفعت ايدي لطمت على وجههي كتلها ولج هذا خالي حسسسسين وصل تقربت للباب شفته يسلم على عمتي والحجية وضاري واكف بصفة ويخزر بحسن .. كام حسن وكف كام يسد بالدكم .. وملابسه مدمرة وخشمه ورام .. زهره عززززززة وج خطيه هذا ضاري شمسووي بي شكد عيييب .. اليوو ماراح تخلص السالفه كتله لا والله ماتخلص امدايه انه من الاول شمبقيني هنا لو رايحة كل هذا ماصار .. اجة يمشي حسن والتلفون بالكاع شاله دايريد يطلع سلم على خالي وهو مار... ضاري انطاه ظهره اسمعه ماعرف شحجة كتله زهره شكله مداسمع زهره .. يكله فااارجنا .. وكف حسن وكله من رخصتك اكدر احجي وياك خالي بقى صافن باوع للحجية كله تفضل .. حسن لا نمشي بره بسيارتي احسن .. اباوع الضاري يعصر ايديه بقوه وخازره بعيونه الحجية مدام جة خالها اني اكول نكد جوه وانتفاهم هاي الطلايب ماراح تخلص ضاري .. يمه ماكو شي سدي السالفه خالي يحاجيهم ومستغرب ضاري مجروح بيده وحسن هم كال الهم بنين وينها .. عمتي كالتله موجوده جوه فوت يمه .. مدت ايدها تريد تكوم كومها ضاري حسن طب كدام ضاري يمشي ولازم خشمه صاح ضاري عليه هاااا وين مالك مكان بعد عدنا وكف خاالي وكال انه ماجاي افهم السالفه خير اكو شي الحجية لا يمة كلشي ماكو بس الولد بيناتهم اشرت الضاري بيدها سكت خالي بس حسيته ماقتنع بكلامها طبوا يمشون وضاري ينافخ واعصاب .. طبوا من باب الهول .. انه لا بيه افوت ولا بيه بعد ابقى واكفه لزمت الحايط وكعدت بالكاع .. زهره. اسمعي صوت عبدالله كعد كتلها اخذي خلي عندج انه البيت يفتر بيه بعد مابيه اشيله .. طبت الحجيه من باب المطبخ باوعتلي انه بالكاع كاعده والدمعه على خدي .. كالت كومي دافعي على نفسج عليش اهين كاعده ادري خرسيتي خمو خرسيتي يالفاهية .. كتله جده شحجي انت شفتيهم شلون هجمو عليه بعد محد يصدكني لاااا منهو هذا الي يجيب طاريج ماعليج اني احجي الحق وانتي عندي ماشفت منج اي شي خل يولن كومي يمه تره اذا ماتحجين راح يكولون صدك عليها الحجي اطلع واحجي الحقيقه جدام الكل حشاج لا تخلين عيالج ياخذون نظره عنج موحلوه بس خاف ضاري مايقبل اطب .. شفتي شسوه اليوم وهو اشعلي بيج خالج اهينه واحنا موجودين ان حاجاج انه اعرف شحاجي كومي يمه .. والله مالج حظ كاسرة و كلبي كومي كووموني وكمت وكفت يم الباب .. كتلها اصبري خل اسمع شديحجون والله اخاف افوت دفوتي اني وياج محد يحاجيج امشي لا تكفين طبت الحجية وانه طبيت وراهه بس احس حيلي بايد امشي ورجليه ترجف الموقف ابالي وهمه ناس تكتل بناس ضاري مدنك راسه وويياوع على الجرح اشرتلي عمتي من بعيد كالت تعالي يمي .. هزيت راسي اي وكفت بالباب كلت السلام عليكم .. باوعلي ضاري بسرعه رفع راسه وهو عاقج حاجبه طبيت امشي بوست خالي وسلمت علية ورحت امشي كعدت بصف الحجية خالي وضاري مقابيلي .. وحسن بزاوية الهول كاعد .. كعدنا شويه بعد الحجي محد فاتحة وجان ضاري يكلي كومي جيبي جاي الخالج .. يحاجيني ويطك برجليه بالكاع باوعتله اشرلي بعيونه فوتي جوه اشرلي وعصر كف ايده بقوة .. انه كمت اول ما اشرلي وكفت .. جان تجرني من هدومي الحجيه كالت ماتطلعين اكعدي خالج خل يسمع احسن خالي باوعلي وكال انه ما مفتهم الي صاير خير شبيكم الحجية ان شاءالله ماكو شي بس البنيه تريد تروح للبصره واحنا مامدنا حسن .. باوع للحجية وكال لا دقيقه خلي احجيله السالفه افضل وكال ابو علي اني قبل ما يحجون الك عن شي اني بنتكم رايدها على سنه الله ورسوله والشرع حلل اربعه والجماعة متعلقين بالوليد اني رايدها وان شاءالله ماتردوني .. ضاري باوعتله لازم نفسة گوه رفع ايديه على وجهه وكام يفرك بي وهو متوتر وكوه لازم نفسة انه بس ساكته بودي اكوم اكل حسن بسنوني عالمصيبه الي سواهه الي جاوبه خالي والله انه مابيدي شي الحجي يم ابوها ... حسن .. اني جبت رقم الوالد وانطيته خبر .. مااتصل بيك..! لا والله ماتخابرنه صار يومين ماحجالي شي ضاري ... سد سالفتك مو وكت سوالف كوم توكل حسن .. ضاري انت ليش تكف بقسمتي اني رايدها وابنكم راح يعيش عندي معزز مكرم وان شاءالله مثل ابني ضاري .. انعل ابوك لبو ابنك لبو الينطيك مره كووووم نذذذذل هسه صرت ادور نسوان كوم اندلف من جدامي لو اكوم اهينك من جديد كام ضاري وكف الحيله شال بيده النفاظة الحجيه كامت كالت يمه لا تخليهم يتجاتلون خالي كال شوهيج الحجي انه اجيت اخذ البنيه بس مادريت هيج صاير اكعد .. كام خالي وكف بينهم حسن .. شوف ضاري تره اني تحملت الك جثير مو الخاطرك الخاطر الحجية تجاوزت جثير وهنتني وكلت ميخالف بس لهين وبس عاد كافي انت شعليك شنو اليمنع ماتخليها ترهم يحجون ويصيحون وانه مثل الحجاره عبالك اخرسيت اريد انطق مااكدر انفتح باب الهول. والكل سكت انتبهنا كلنا طبت لمار لابسه عبايتها عالكتف .. وجهه ياخذ وينطي الوان بدون سلام كالت .. انت خالها البنين واني هين جايه احجيلك خالي رفع راسه عليها وهو ساكت حسن كام وكف كال الها شجاااابج امشي روحي جيت احجي الحقيقة الخالها والي اريده يوصل كلامي الابوها واريد اسئلة ان جان ابوها مايحاسبها على سوالفها انت ترضى انه وكفت الحيلي وكتلها مع الاسف عليج لمار الي جنت معتبرتج اختي وصديقتي تجين هيج تحجين عني لمار لااااا والله انت الي مع الاسف عليج .. الي ماقدرتي الصداقة الي بينا تجين الرجلي تريدي حتى يتزوجج وماتروحين للبصره حسن ولج لمار اطلعي لا اكسرج والله خاالي بس صافن مصدوم بلي ديصير كله الاخت منو،،؟ الحجية كالت هاي حرمة حسن الي هسه يريد يخطب بنين اي اني مرته دشوفه هذا الكدامك هو وبنت اختك مراسلات وعلاقات واني يااااغاغلين الكم الله ضاري.. سددددي سوالفج لمار وطبي للبيت وكافي عاد حسن .. لا والله ام عبدالله والنعم منها والله مايوم المره شفت منها شي ولا بيوم ردت على رسالتي اني احجي الصدك ردت منها افهم اذا تقدمت توافق بيه وتالي صار الي صار وهسه اني بعدني اريدها غصبا عنج وعن اهلج .. ضاري اخذ مرتك واندلف يلا كوم نسووووان ماكووو كام وكف حسن .. صاح على لمار وكال الها اطلعي كتله قبل ماتطلع لحظة .. انه اريد احلف الها بالقران وخليها تروح .. الحجيه موزين على الصغير يمه وليدج لا تحلفين ضاري كافي عوفي القران وسدي الحجي خلي ينكلع من كبالي لا اكوم اهجم البيت عليه خالي كاله اعصابك كلشي بالعصبيه ماراح تلكاله حل خل انحل هالسالفه وباجر نمشي اندارت عليه لمار وهية مخنوگة وعيونها حمره .. كالت والله لوشما تحلفين بعد خلص نزلتي من نظري ومستحيل بعد اقتنع بحجايه منج مشت خطوه كتلها دقيقه انه اريد احلف وهذا رجلج هم خل يحلف لمار .. ليش من الاول ماحجيتي على رجلي وكلتي جان يراسلني ها.. عوووفج مني اني مرته وماردتي تقهريني زين الحجيه واكضبيها بينج وبينها كليلها تره حسن هاي وهاي سوالفه .. يابة مو الحجيه هذا ضاري .. وانت تعرفي شكد يحترمج ويخاف عليج ليش ماحجيتيله .. ضاري يباوعلي صفح ويهز براسه .. كتلها انه ماردت احجي حتى لا اهجم بيتج والله العظيم انه احبج ومن ماحجيت خفت عليج منو الي يقتنع بكلامج بعد .. ومنو الي يصدكة .. بقيتي ورراه لحد ماحبتي للدرب .. الله اكبر عليج ياخاينه .. طلعت وطلع وراهه يصيح ويحجي عليها يكللها الف مره كتلج المره ماعليهااااا عافتني وطلعت وهي تبجي وتتحسب عليه .. انه من شفتها طكيت بجي كتله خالي والله انه ماسويت شي والله العلي العظيم كله كذب لمار افتهمت غلط رجلها ماكعد راحة وانه ماردت احجي حتى ما اهجم بيتها بس تالي الحجي كله صار براسي خالي باوعلي وكال اسكتي لا تبجين انه اعرف منو بنين وشنو ترييتها امسحي دموعج وباجر الصبح احنا ان شاءالله ماشين كتله خالي ات تعرفني بس غيرك ما مصدك وكلها مصدكة انه ركضت وره الزلمة الحجية وعمتي كالن حشاج والله احنا ليش مانعرفج لا تكولين هيج كالت عمتي اني لمار جانت عندي الله يشهد ماشفنه منها شي خاف تصدك الحجي عليها تره والله لو اشوف بعيني عليها هم احذب عيني ضاري واكف منطيني ظهره ويباوع عالشارع والجكاره بيده ماحجة شي .. بس يجر حسرات وينافخ .. انه عفتهم شفت نفسي انهاريت بالبجي طبيت للغرفة ..لكيت زهره حاطه عبدالله على رجليها وتهز بيه كعدت عالجودليه وبجيييييت بحركة .. ابجي والطخ براسي بالحايط بودي اكوم اطلع اهج انتحر اروح المكان مابي قهر مابي بشر الدنيا ماكو احد بيها غير انه وابني ... ياربي وين بعد الكة السعادة ليش هيج حظي ليش هيج الدنيا عكس ويايه ليش كلمن احبه اخسرررره ربي اخذ روحي وخلصنييي... زهره تباوعلي وتبجي على قهري .. لليل وانه بالغرفة عيوني جمر احسها لا اكلت ولا شربت .. راسي احسه يطلع نار من القهر .. اجت الحجيه طبت لكتني مدده بالفراش ودموعي تارسه المخده كالت كافي تقهرينا عليج موزين ترضعين ابنج وانت مقهوره كومي عمتج دزتلج اكلج تكول خل تاكل زهره .. اي اني كلت الامي دزيلنا .. منو الجاب الاكل ضاري جابه وراح كال خل تاكل وكافي خل تسد الحجي واني راح احلها زهره ... شيحل هو ضاري الي لاصها راح كتله .. خل اسكت لا يسمعني ويجي يكتنلي اني هم كتلها جده انه كلشي مااريد اكلو لا والله مااناكل اذا ما انت تاكلين شو اكعدي جده والله ماريد انه شبعانه قهر الاكل ماريده اجا الحجيه كعدت يمي وخلت الصينيه كبالي .. مدت ايدها ورفعت راسي .. كالت شو كومي والله الا تاكلين شلون اني اكل واعوف بنيتي ... كعدت ارتجيت عالحايط ااريد اشوف بعيوني مخوشه من البجي.. تربعت الحجيه وسوتلي لفه .. كالت اكلي بعد عيني اكلي سحبت راسي وباستني ... كامت اطعم بيه مثل الطفل .. سحبت ايدها وبستها كتلها انه شلون راح افاركم والله مادري لا ان شاءالله ماتروحين اني باجر احاجي ابوج وربج موجود بلجي يقتنع ... كتلها لا جده حتى لو كل الدنيا تبقيني انه ماابقى شلون ابقى بمكان تهموني بشرفي لا كليلي روحي اذا ابقى هنا اشبع قهر ويمكن بيوم اخلي على نفسي نفط واحرك نفسي .. اكلت ربع لفة صغيره .. ماردت اكسر خاطر الحجيه كعدو همه اتعشوا للصبح وانه بببيت الحجيه نمت ونامت يمي زهره خالي وعمتي راحوا لبيت عيالي من الليل كعدت الصبح الساعه .. 9 وربع .. البيت هدوووء كلها نايمه .. باوعت لهدومي بالكاع بالجنط وكلشي بمكانه .. كمت للمغسلة غسلت .. نشفت وجهي لكيت الحجيه هي وخليف بالطرمة كاعدين .. طلعت امشي عليها كتلها هلا جده هلا بعد جدتج تعاي خالي مادز عليه اي كال الصبح من تكعد خل تجي شوكت كلج ..! من الليل دزو عليج وكتلهم عوفوها نامت مالها خلك ها خاف ابويه سممممع لا يمه محد كله بس مدري شيريد منج يمكن علمود روحتج لا روحتي بعد مابيها نقاش انه مستحيل ابقى اليوم اروح راح اروح اللبس عبايتي واجهز نفسي حتى اطلع اكفي يمه تريكي اول فال ماريد جددده كليلي روحي .. عفتها وطبيت للغرفة مالتي لبست عالسريع شلت تلفوني خليته بالجنطة باوعت العبدالله يبو نسيت ابدله .. ذبيت الجنطة وتربعت بسرعة بدلتله اباوعله وانه اللبسه يضحكلي .. والله بس انت حلو بهالدنيا مابقالي احد .. لا صدك الحجيه وجده وزهره اي خطيه نسيتهم شلتها وطلعت .. زهره نايمه طبكت الباب على كيفي وطلعت.. للمطبخ باوعت النفسي بالمرايه عبالك عجوز هدومي سود حجابي اسود وعيوني ماليها السواد وجهي مليان قهر.. تنهدت وكلت الله موجود الحمدلله بس ابني يبقالي ماريد شي .. طلعت للطرمة خلف ماكو ولا الحجيه .. باوعت من شباك الهول خلف جوه .. كتله خليف خليف رفع راسه وابتسم كتله وينها يمه .. يمه راااااااحت بعيددد كتله اي .. مع السلامه خلف .. باوعتله وانه مقهوره اشرتله بيدي باي هو بس مبتسم كلشي مايعرف .. طلعت وطبكت باب البره ورايه وصلت لبيت عيالي .. بالطرمة بعدني وريحة الريوك والجاي المهيل وصوتهم وهمه كاعدين ديتريكون ... ذبيحت حذائي بالباب .. وطبيت للهول لكيت عمتي ومحمد وخالي كاعدين ديتريكون .. سلمت وعبدالله بيدي يكمز من شاف الاكل .. عمتي كالت تعالي تريكي وجيبي عليه .. كتلها ماريد عمه .. مشيت كعدت عبدالله يمها وكعدت عالكرسي .. باوعت ضاري ماكو .. كتله خالو اجرت سياره بيش ساعه تجينا انه جاهزه عندي هين جنطه وهناك هم .. باوعلي خالي ماردلي كالت الحجيه لا يمه محد يروح بعد كتلها لا انه ماكدر اعذريني عمه بعد الي صار ماكدر ابقى كالت لا خلي خالج يفهمج .. كتله خير خالو شكو خابرك ابويه كال لا بس اسمعي بويه .. الجماعة يردون ابنهم وتردين رأيي بنيتي انتي ما راح تگدرين تعيشين ببيت ابوچ يعني هي ما رحمتچ وانتي لوحدچ هسة راح ترحمچ وانتي وياچ طفل فالبارحة ضاري گال انه أتزوجها ويبقى ابن اخوي عدنه وهي محد يگدر يجيب سيرتها بحچاية مو حلوه... انه من كال هيج ماعرف شنو صار بيه معدتي احس عصرتني .. خفت ماعرف شبيه كتله شنوو انه مدنكة راسي عليها ... صار خيال ضاري بالكاع رفعت راسي عليه .. عيونه وعيوني صارت عين بعين .. رفع حاجبه وباوعلي .. وهو ساكت ... يتبع ... ياترى بنين بعد موقف ضاري راح توافق بي لو راح ترفض وتطلع للبصرة وتعوف كلشي وراهه وتبدي حياة جديده؟ ممكن بدون تجاوز على ابطال القصة وخاصة بنين .. كل انسان يغلط وسبحان الي مايغلط بحياته والحياة تجارب وكلشي نتعلم منها خلي قصة بنين تكون الكم عبرة .. وبنين ماجانت تتصور هيج راح يصير هي خافت على مشاعر صديقتها وخافت لا تخسرها ماحجت لكن بالتالي هذا الي صار تقبلو مني كل الحب نشوى السلطان.. | ||||||||
|
| |
|
19-12-19, 03:15 AM
| #13 | ||||||||
| مراقبة عامة ومشرفة منتدى الروايات المنقولة
| الحلقة الثالثة عشر صباح الغلا #تناهيد_امرأة #بقلمـي_نشوى_السلطان ❤️ ،،،،،،......،،،،،،.....،،،،،، انه من كال هيج ماعرف شنو صار بيه معدتي احس عصرتني .. خفت ماعرف شبيه كتله شنوو انه مدنكة راسي عليها ... صار خيال ضاري بالكاع رفعت راسي عليه .. عيونه وعيوني صارت عين بعين .. رفع حاجبه وباوعلي .. وهو ساكت ... دنكت راسي بسرعة .. ارتبكت .. خجلت يحجوون خالي وعمتي وانه سرحت .. ضاري يتزوجني ..!!! لا مستحيل .. ضاري ليش سوه هيج .. يريد ينتقم مني لو علمود عبدلله .. لا يمكن يريد يستر عليه قاطعني صوته وهو يكول اني راح اطلع بشغلة شويه وارجع .. انه بس مدنكة مارفعت راسي خالي كاله لا تاأخر علمود انتفاهم .. كام محمد طلع من الهول انه يحجون وكلبي يدك .. خيط معلگ بهدومي .. سحبته وكمت الف بي على اصبعي وانه متوتره .. طلع ضاري وطلعت وراه الحجية ..للطارمة كمت على عبدالله شفته يمد ايده عالصينية .. وخرته على صفحة اريد ارجع اكعد بمكاني كال خالي بويه وديها للصينيه وتعالي .. اريد احجي وياج كتله اي دقيقة ... وديتتها للمطبخ .. باوعت من شباك المطبخ ضاري بالسياره كاعد وعمتي لازمة باب السياره وتحاجي يعني ليش هيج سوا وتقدملي والله عجيب امره هاي شيحجوون منو كللهم انه اريد اتزوج .. رجعت طبيت للهول توني كاعده سمعت صوت السياره اشتغلت .. كتله خالي قبل ماتجي الحجية انه استحي منها وماريد اردلها طلب .. انه ماقبل على الزواج وهالشي نلغي ليش يابويه ليش ماتقبلين الولد وابنهم ومتعلقين بي احسن ما تصيرين بين نارين وافقي وانهي هالسوالف انت بدنيا ماترحم لا ارملة ولا مطلقة الكل يحجي عليها على اقل زله .. وكلها تريد تفترسها .. فيا بنتي وافقي انتي ماتلكين احسن من عمه على ابنج بس خالي انه المرحوم لحد الان حارك كلبي ومالي نفس لا بزواج ولا بكلشي واخر شي اجة حسن كملها عليه صرت اكرهه شي اسمه زواج .. انه اكول ارجع حتى لو اشتغل بصالون اخبز كلشي اسوي واعيش ابني ولا ابقى وتكبر السوالف داحجي قاطعتني الحجية .. هي سوالف جاي ايكلج راح ياخذج ايتزوجج بعد عليش الحجي منهو بعد الي يفك حلكة ويجيب اسمج ارد اشوف منهو يحجي انتي راح اتزوجين وضاري ماتلكين احسن منه كمت عليها كدتها من ايدها فوتتها كعدتها وكعدت يمها طبت عمتي وراهه كالت مايبطي ضاري راح مشوار ويرجع كتلهم انه اعرف والله ضاري خوش رجال وهوايه الي يتمنوا بس انه مستحيل اوافق علية لان انه ادري هو علمود الحجي الي طلع علية يريد يستر عليه وانه ماانساله هالشي بس ما اكون زوجة اله لان هو مامجبور ياخذ ارمله واحنه كلنا نعرف ضاري المن يحب باوعتلي الحجية كالت والله ماتلفي البيت اخوها عجل يدك هالدكة ويانه وهي كبله ماقصرت شلون بعد اخذها الابني والله مايرهم هالامو وخشمي يشتم الهوى كتلها عمه عوفج من مروه بس انه ماكدر ضاري حمايه مستحيل اكدر اقتنع بهالشي الله يخليكم لحد يكول وافقي انه ماكدر لان صعبة والله موبيدي انه ماكدر كال خالي هذا حسن متصل على ابوج وحاجيله كايله انه اريد البنيه وضاري مايقبل ينطيني .. كتله هذا شبي تخببببل كل عقله يعني انه اتزوجة عمتي كالت مات واليك ان جان صدك ادري تخبل هذا خل يولي بعد لا يردون عليه كال خالي المشكله حاجي الابوها كايله مشاكل من وراهه واتصل ابوها ومرته يحجون يكلي لازم تجيبها الحجية.. مات وجهك يحسن على هالدكة عجل شلون ماكتله ضاري يخطبها منك،؟! لا حجيه كتله البارحة خابروني وضاري حاجاهه بالليل وطلبها منه هاااا يمتى هالحجي لازم من عفتكم ورحت نمت .. كالت جده ماعلينا من هالحجي ابوها شكال ينطيها لولا كاال خالي وليش ماينطي انتم اهل ابنها احسن ما ابنها يصير بيد هذا وذاك عمه احسن .. وضاري والله والنعم منه خوش رجال .. وبنين تستاهل اي والله اثنينهم يستاهلون .. عجل نكول بقت بس بنين باوعتلي الحجيه كالت تريدين ماتقبلين وتروحين وتعوفينا شلون تهون عليج العشره ..! كتلها جده والله انتم اهلي وكلشي بالدنيا بس صعب انه جنت متزوجة اخوووه ماكدر اتقبل هالشي ياريت تفهمون اللي اقصده كالت هذا حجي اكطعي مهر وشويه شويه اتعودين شكثر كبل بحرب ايران تزوجن حماهن بعد ربج كاتبلج هالشي بس جده خطيه هوا شنو ذنبه ياخذ ارمله وهو بعده شاب شالت العوجية عليه وكالت يولي شو ماتعرفين اتحجين ليش شبيها الاومله ها شبيها .. انتي ليش دتفوين النعمة بيدج اكو وحده ترفض هيج قسمة اكطعي مهر وفتره اتعودين عليه ويتعود عليه وهسه تشوفين التالي ياتالي جده .. التالي اركض وراكم حافي واعبيتي عالجتافي.. ابتسمت وانه مقهوره كتلها يعني شنو يعني بالتالي الا تعشكي هاي سوالف كولي اي ولا تشلعين كلولبنا دام خالج اهينه خاطر نكطع الكم مهر كال خالي .. انتي هسه فكري انه علمودج بقيت اذا رحتي بعد مايخلوج تجين .. ديحجي وكال صدك حجية ابوها مايقبل ولا انه اقبل بعد السوالف الصارت تبقى عدكم .. ها يعني شنون غير راح نكطع مهرهم انه يحجي خالي كتلها جده شو سويتوها صدك يامهر هذا اششش اششش هل نسمع خالج لا اتحجين كال الها انه اعرف تكطعون مهر بس لازم بسرعه ياخذها مانريد نعيد الحجي والسوالف كالت عمتي لا مو هسه اول فال نكطع مهر لان سنه المرحوم ماطلعت .. كال الها انه اشوف نكطع مهر ومن تطلع السنه تعالو اخذوها لان ابوها كال جيبها وياك حتى لو كطعت مهرها حجيه بقيتها هنا زحمة الحجيه بعد شهر ويومين تطلع العده مو ..! كتلهم انتو تخططون وانه شنو ما الي دور،، مدت ايدها الحجيه وطبطبت على رجلي وكالت فكري زين يمه والله باجر عكبه الا تدعيلنا .. تره ضاري خوش ضاري وشوفة عينج شلون ميتات عليه .. بس انت الله يسلمج مادري شكول عمتي كالت اني ماراح الح عليج ابد بس اكلج شي واحد راح تحرميني من عبدالله يعني راح تحرميني من الدنيا وانتي بكيفج بعد ان جان الي خاطر لا ترديني وتحرميني من ابن الغالي... وانه گلب والده يايمه لا تلوعين گلبي وتاخذين الصغير بعيد بعد وين الكاه يايمه والبصره بعيده ... كتلها عمه والله اني ماريد اروح بس حجيتلج السبب انه تعبت والله تعبت من حجي الناس والنوب صديقتي صارت تحجي عليه وتتهمني اذا بقيت هنا شراح يخلص هالحياة محد راح يسكت وراح تكبر السوالف لا محد يحجي مدام ضاري بظهرج فكري عدل دانحجي وسمعت صوت السياره كتلهم كافي سدو الحجي اجة ضاري.. لا منو يكول هوا لا موعلينا هاي السياره ... كمزت من مكاني كتلها سيارتها انه اعرف صوتها سحبت الستاره شفته دينزل من السياره وبيدة علاليك كتلهم اي هوا شكتلهم .. من شفته ماعرف شبيه شو استحيت وخجلت انخبصت .. دنكت شلت عبدالله كتلهم من رخصتكم اروح ارضعة... طلعت اركض من الهول ... طبيت للغرفة مالت عمتي... طبيت ورديت الباب ورايه خليت يمي عبدالله كعدته .. وكعدت يمه اتذكرت .. الحجي الحجو ويايه بعده يدور ابالي ياربي انه ماكدر هالشي صعب مستحيل لا شلون اكون بيوم زوجة اله وانه بيوم من الايام جنت مرة اخو .. وهو شنو ذنبه يتزوجني حتى يستر عليه وهو شاب والله حرام عليه خطيه ... بقيت وحدي بالغرفة اريداطلع ماكدر بس خالي شلون عفته هناك المفروض اكوون يمه شفت عبدالله نام .. خليته بفراش عمتي .. وعدلت شالي زين .. وطلعت .. لكيت سرور كاعده هي وزهره بالمطبخ وعمتي يمهم . دتقطع باللحم .. وسرور واكفه عالطباخ اطگ بالبيض .. كتلها عمه وخري انه اسوي الغده .. باوعتلي كالت لا يمه خالج اهينج والغده تأخر روحي يمه واني اسوي لا لا انت ماتكدرين انه عبدالله نومته وكلشي ماعندي انطينياه لا يا امي عوفيني اني اليوم اريد اسوي الغده روحي يم خالج كال صيحيلها ونسيت اكلج .. كتله لعد اروح ما اتاخر وارجع اكمل الغده وياج .. انداريت لكيت سرور بوجهي .. مبتسمه كالت ها بنين حسن اخذ الرقم مني واتصل ابأهلج كلولج لو لا كتلها سرور هالحجي سدددي وماريد اسمع شي عن حسن الله يخليج ماريد بعد اي شي عنهم * على كيفج احنا تره ماجايين من الشباك وبعدين اخويه حسن شبي تره يامكثر الي يتمنن اشاره منه بس غير هوا يحبج الج لااااا لا تكولين يحبج لا يحبني ولا ندري شنو انه ماقبل بعد احد يفتح ويايه هالحجي * وشدعواج عيني بنين يعني لان متزوج ماقبلتي بي تره لا تتأملين يجيج احسن من حسن الي يجوج لو رجال جبير مشلع لو على 3 نسوان مال يجيج اعزب وعلى مرامج هاي كطنه وشيليها من اذانج ... كتلها منو كلج انه انتظر احد يجيني انه ماريد اتزووج ولا اريد حسن ولا غيره .. من رخصتج .. عفتها وطلعت من المطبخ .. بالموزع انه وسمعت صوت عبدالله يصرخ .. باوعت الباب مفتوح .. انه قبل شويه طلعت الباب سديته منو فتحة .. طبيت اركض عليه .. لكيت ضاري واكف منطيني طهرم شايله ومخلي على صدره .. ويسكت بي .. من شفته رجعت خطوه ليوره .. وكفت بمكاني اريد اطلع جان يكول وين اكفي.. وكفت ماحجيت سكتت كال لا تطلعين بس ردي الباب من يمج كتله ارد البااااب ليش،،! ايييي ردي شبيج ماراح اكلج تره..! كتله لا العفو .. مديت ايدي ودفعت الباب انسد بس بقى شوي مفتوح اكعدي شبيج واكفه .. لا انه مستعجله اريد اطلع يم خالي خالج يمه محمد .. كتله ماشي .. بقيت واكفه وانه مدنكة واباوع الايديه وهي ترجف كال مادري شكلتي على سالفتنا! وانه مدنكة كتله ياسالفه! ضحك وكال يعني مو حجالج الخال..، ها اي صحيح اي وشنو شبيج ترجفين ومخبوصة .. ماراح اكلج والله لا بس ضاري انت رجال اعزب بعدك ما متزوج اي وبعدين..، شكو تربط نفسك بوحده مثلي ارمله انه اروح لاهلي يتكفلون بيه لا تاكل همي..! وانت تزوج الي تريدها خله عبدالله بمكانه .. ديغطي وكال اي منهي هي الي اريدها هيه غير شسمها .. اريد احجي ماعرف ارتبكت كتله والله نسيت بس اقصد اخت مروه قصدج اخت سرور .. لا حيل ناسيه انتي المهم ترى اذا انتي ارمله مروه مطلقه يعني تقريباً نفس الشي شنو اليمنع رفعت راسي كتله اي والله توهمت ونسيت الاسم كام الحيله وكف ليغاد طلع الجكاره ديريد يدخن بعدين رجعها لجيبه كال كملي ست بنين اسمعج..! ششششكككمل.. شبي حلگج اليوم اشو مشكل..واتراجفين خيرج رفعت عيني عليه كتله ضاري انه رايحة الاهلي ابتسم وكال صار اشهر تواعدين بيه راح اروح مارحتي لا والله انه اريد اروح ... ضحك وكال عوفج من هذا الحجي كله لا مروه ولا سرور ارمله ولا مو ارمله هذا مو مهم انه المهم عند ابن اخوي ما يتربى بعيد عنه ولا نگدر نحرمچ منه كتلة انه اعرف انت انقهرت عليه وتريد تستر عليه باوعلي بنظره اتغيرت ملامح وجهه كال هاي السالفه ماريد اسمعها سديها هسه هزيت راسي اي.. كملي الي عندج انه ماعندي شي خلص الي انت تشوفة مناسب انه ماراح اخالفك الراي يعني موافقة ..! دنكت وكتله اي بس زواجنه خلي علمود اهلي واهلك وحجي الناس واذا ردت تزوج مروه ماعندي مانع انه مستحيل اقبل على شي يخرب قسمتكم اي وليش دتحجيلي ومنو كلج راح يصير شي ببينا اني اساسآ اتقدمت الج علمود عبدالله اني ماقبل يعيش عد غيرنا فلا تخلين هالشي في بالج يا ست بنين حسيته ضاج من كلامي .. ابتعدت شويه وكفت بصف الكنتور .. اجة هو يمشي يياوع للساعه بأيده .. ومر من يمي وانه مدنكة .. كال تهيري اليوم المهر لان خالج وراه طريق ويريد يروح الاهله كتله اي ماشي طلع قبلي وسد الباب وراه وانه بقيت بالغرفة .. حسيته ضاج مني ومن كلامي ماعرف ليش هيج عصب .. بقيت وحدي كعدت يم ابني .. صفنت انه شلون وافقت والله حرام هيج اجازيا وسام واتزوج وراه بهالسهولة .. شلون وافقت على ضاري شلون راح اضلمة ويايه گعدت ابچي وببالي بس لحظاتنا انه ووسام لحد وفاته وشلون تدمرت حياتي بدونه وصرت حچايه بحلوگ الناس وره شويه نام عبدالله خليته بالغرفه وطلعت لگيتهم مكملين كلشي و يصبون بالغده طلعت ماعرف شبيه احس راسي طايش وجهي حاررر مكسره .. مديت ايدي مديت ايدي حتى انقل المواعين وياهم سرورماعرف شدردم وتباوعلي اول نا اباوعلها تسكت كملنا الغده وضاري ماشفته جوه ويا خالي ومحمد كاعدين انه مستحية من نفسي .. امشي واح الكل يباوعلي لحد العصر گاعده بالغرفه وافكر بالي يصير وياي چان تدخل عليه زهره گالت امي تگول خلي تجي تريدچ بسرعه گمت وياها لگيت عمتي والحجية گاعدات سوه گلتلها ها عمه صحتيني گلتلي اي بنيتي تعالي گعدي يمي گعدت يمها چان گالت يمه ياريت لو تگومين تنزعين الاسود مو زين عليكم ووسام راح الله يرحمه گلتلها لا عمه مااگدر شلون انزع الاسود وهي حتى السنويه بعدها ما صايره لا عمه الله يخليج ماكدر يمه الاحزب بالگلب وحرام عليج كتله انه اعرف بس الناس شتكول عني بقينا كاعدين وانه لابسه حجابي وگاعده يم الحجيات وَعَبَدالله بحظني واجه محمد گال ام عبد الله تحظري جة الشيخ وگاعد بالربعه هو وضاري وعمي وخالچ لبسي عباتچ حتى تكطعون المهر انه رأساً جسمي گام يرجف اريد اوگف مااگدر عمتي سحبت عبد الله من حظني وگلتلي انت لابسه عباتج ماحاجة تغيريها سمي باسم الله يمه وگومي والحچيه مدت ايدها گلتلي يلا يمه گومي وكوميني اجي وياچ گمت وانه لازمه بايد الحجيه وكأنه هي ساندتني مو انه ساندتها دگيت الباب ودخلت مدنگه گعدت على صفحه الشيخ وخالي گالو لا بنيتي تعالي هنا انه وضاري واحد گبال الثاني وبنصنه الشيخ ومقابيلي عم ضاري ومحمد ضاري لابس دشداشة ويشمغ لافة على راسة وفوك الدشداشة ستره .. انه لابسه عبايتي وحجابي ومدنكة بس حيييييييل مرتبكة واديه ترجف بدا الشيخ يردد عقد الزواج والأمور الي تنذكر وانه دموعي صارت تصب ابد مارفعت راسي .. كملت المهر بسرعه وطلعت انه والحجيه وبطلعتي تلكتني بالممر الحجية واهل حسن امه ومروه رسرور واكفات ويا عمتي وماعرف شبيهم بس اسمه طاري حسن وتستمر الحكاية .. توقعاتكم للبارت القادم | ||||||||
|
| |
|
23-12-19, 01:37 AM
| #14 | ||||||||
| مراقبة عامة ومشرفة منتدى الروايات المنقولة
| الحلقة الرابعة عشر تناهيد امراه بقلمي نشوى السلطان گمت وانه لازمه بايد الحجيه وكأنه هي ساندتني مو انه ساندتها دگيت الباب ودخلت مدنگه گعدت على صفحه الشيخ وخالي گالو لا بنيتي تعالي هنا انه وضاري واحد گبال الثاني وبنصنه الشيخ ومقابيلي عم ضاري ومحمد ضاري لابس دشداشة ويشمغ لافة على راسة وفوك الدشداشة ستره .. انه لابسه عبايتي وحجابي ومدنكة بس حيييييييل مرتبكة واديه ترجف بدا الشيخ يردد عقد الزواج والأمور الي تنذكر وانه دموعي صارت تصب ابد مارفعت راسي .. كملت المهر بسرعه وطلعت انه والحجيه مقابيلي چان اشوف ام سرور ومروه وسرور واگفه يمهم وعمتي گاعده تحچي وياهم وام سرور گاعده تعاتب عمتي شلون ضاري ضرب حسن مشينه انه والحجيه وسلمت عليهم مروه وسرور مااعرف شلون يباوعلي بس أحسهن كلش ما طايقاتني سلمت وگعدت بصف زهره واخذت منها عبد الله خليته بحضني وسألتها شكو شصاير گالت سكتي جايات يعاتبن ما قابلات على ضرب ضاري لحسن كامت عمتي كالت تعالن اخذتهن .. مشت طبو لغرفة الحجية انه اخذت عبدالله من زهره وكتلها شكو النوب اكو شي زهره .. يمكن حسن دازهم علمودج صخاااام هذا يريد يموتني بسوالفه .. بس لا صدك ولج انه وزهره بالممر واكفات دنحجي .. مدت راسها سرور كالت تعالي بنين يريدوج.. كتله اي جايه .. امشي زهره خل نشوف انوب شكو بعدني ماماشيه سمعت صوت ضاري وراية انداريت ... باوعلي ورجع باوع الزهره كال الها جيبو جاي عصير شي للزلمة ادري شبيجن ليش محد جاب شي هااا زهره... لا الجاي عالنار هسه اجيبه مو التهينا بجية ام حسن انة واكفه ماحجيت شي باوعلي وهو مستغرب كال خير شكو جايين،! زهره .. ماعرف يمكن علمود بنين ... ها هذا مانكسرت عينه يعني..! وخري .. عني.. طب يمشي مر من بينا انه وزهرة كال وينهم بيا غرفة زهره بغرفة امي كاعدين.. راح يمشي وكف يم الباب دكة وصاح حجية ..! اندار باوعلي .. انه دنكت راسي صاحت الحجية فوووت يمه تعال.. ماكو احد غريب طب ضاري وانه بالممر .. جرتني زهره كالت فوتي مو رادوج هم راح تبقين ساكته .. دفعتني عالباب صار كبالي ضاري منطيني ظهره .. سلم واندار عليه .. كال تعاي فوتي .. تقدمت انة كلت السلام عليكم ... ردو السلام وسرور تباوع عليه بنظرة غريبة كالت الحجية يمه عمتك ام حسن تعتب وتكول ليش يتجاتل ويا حسن المفروض مايضربة عمتك زعلانة باوع الها ضاري وهو مجتف اديه ليوره كال الها حجية .. حسن اتصرف تصرف مع الاسف مو تصرف ارجال .الدگة الدگها بينا ما اتسولف .. حجت ام حسن وكالت بس هوا يريدها ودزني هسه اخطبها اله يعني هي مصيرها اتزوج حرام تكف بقسمتها خليها تمشي يايمه وهاليتيم يعيش بنصنا جاوبها بنين حرمتي يخطبها شنوو!!! ابنچ خلي يسكت ويگعد لا والله تره لا تكف بعيني گرابة ولا ولد عم واذا بيوم سمعته جايب سيرة بنين ما يلوم الا روحه ولا يوصل لبيتنه بعد ابد رجليه اكسرهن اذا بس شفته اهينه انه افرك بأديه وجسمي يرجف وجهي نار حجت م مروه گلتله حرمتك شنوو من شوكت؟؟ باوعلها وبلا مبالاة گلها من اليوم باوعلي ورجع اندار سرور دارت وجهه لعمتي وگلتلها عمه اشو اني ماادري ليش ما گلتولي عمتي گلتلها والله يمه بسرعه بسرعه ضاري خصم الموضوع ضاري گلها يمه بدون تبريرات اني بنين هسة حرمتي وما مسموح لاي احد يجيب سيرتها بالشينه مروه فتحت عيونها وباوعتلي وهي مستغربة سرور .. دقيقة شلون يعني مرتك هذا الشيخ الهينه جه علمود يكطع الكم مهر... ! انه بس ساكته ومدنكة مارديت ولا حجيت الحجية اي ضاري كطع مهره عليها وكال ابنه يتربة عدنا وهسه نكطع مهرهم وهي مرته .. سرور عجل شلون اسألكم البارحة محد كال راح يخطبها ضاري كتولي خالها جة ياخذها .. عود ليش ماتسمعوني ضاري .. سرور ترا مو وكت عتب ..، سدي سالفتج خلاص.. انه حسيت الكل اتوتر خفت ماعرف شلون حجيت كتلها عمه صحتيني... اي بعد عمتج ماردت شي باوعت انه الضاري كال الها اني يم الزلم رايح عدكم غير هالحجي،،؟ ام حسن .. لا خلف الله عليك .. حجتها وتبين هي زعلانه ضاري مااهتم كال من رخصتكم عافهم وطلع انه كتله عمه انه رايحة يم زهره .. طلع ضاري وانه طلعت وراه هوا فات يم الزلم وانه طبيت يم زهره لكيتها مكعده عبدالله يمها وتشتغل كالت ها شبيج شكو شيريدون منج كتلها ها مادري بس ضاري حجالهم وكال الهم كطعنا مهر احجي وياهه وشافيفي ترجف كامت اطك اصبعتين زهره وكالت هلا ياب هلا ابو الضواري والله محد يكذرلهم غيرك انه خايفه ومرتبكة ماعرف ليش كالت اي وانت هسه شبيج ..! كتلها انه خايفة حسن يسمع ويسوي شي مايسوي ليش هو بكيفة اصلا انتم هسه متزوجين بعد ما يكدر يتدخّل واحنا دنحجي طلعو يمشون وعمتي تمشي وياهه وراهه البنات يمشن ويحجن بصوت ناصي ... باوعتلي مروه بنظره وهي ضايجة ..وعيونها حمرر انه هنا انقهرت عليها كلت شنو ذنبها بسببي راح منها ضاري طلعوا كلهم من باب المطبخ لان الزلم بالهول انه بالمطبخ بقيت اباوع عليهم من بعيد راحو وطبت عمتي كالت هسه گلبي برد شو كومي تعالي احبج ( ابوسج) انه ابتسمت الها وكمت .. سحبتني الها وباستني من كصتي وكالت اوليدنا وبنتنا راح يبقون يمي .. كتلها ان شاءالله عمه بس كون ماترجع المشاكل لا لا ماترجع .. كولي ياالله كلشي انتهى دنحجي وعمتي الفرحة على وجهه وهي تسولف ويايه طبت سرور وهي اتدردم ماعرف شتحجي فاتت الغرفتها وطبكت الباب بقوة... انه فزيت وعمتي هم كالت بسم الله منهو هيج لطش الباب زهره ... خطيه سرور يمكن صار عدها مغص المسكينه شكد لعبت وخططت تالي صار العكس صدك لو كالو من حفر حفره لاخية وقع فيها الحجية ضحكت وضربتها بالشقى على كتافهه وكالت الها انفجعتي لا تسمعج اسكتي استري علينا بقينا بالمطبخ صاحت نسولف طلعت الحجية كالت يمه اني راح اروح يم خليف عود مشوار وارجع كتلها دقيقه خل اوصلج .. طلعت الحجية وطلعت وياههه للباب .. راحت وسديتها برجعتي سمعت صوتهم قريب صار عرفت راح يطلعون رجعت اركض .. قبل مايطلعون طبيت للمطبخ وسديت الباب لكيت عمتي تصفك لعبدالله وهو يركص كتلها عمه طلعو . اي يمه الله وياهم خالج وينه كتلها خالي جوه كاعد خطيه اتاخر لا خلي يبات اليوم يمنه.. كتلها شفتي عمه ولا واحد من اهلي خابر .. يعني ابويه بالجذب ما اتصل كال يمه شبيج شكو شصاير سامعهين بعمركم وحده تعقد وخطوبه ومشاكل ابوها مايكلف نفسه ويخابر يسأل اجت الحجية تمشي كالت يمه جوز مشغول جوز نسة ميخالف اني شكتلج مو كتلج اني امج واهلج ليش تعبتين عليهم عوفيهم شاغلتهم الدنيا .. انتي هسه بنتنا وماعليج من اهلج امشي تعالي ...جرتني من ايدي كتلها خل اجيب عبدالله زهره عوفي راح انطي شوربة .. هاا لعد يمج الخاولي مالته وكوب الماي عود شربي طبينا انه والحجية يم خالي .. لكيناه كاعد هو وضاري ومحمد يسولفون .. باوعلي خالي وكال تعالي فوتي .. طبيت وكعدت عالكرسي يم الباب .. والحجية مقابيلي هي وضاري كال خالي هسه الامور نحلت الحمدلله بالمبارك وشايفين كل الخير الحجية وضاري تشكرو من عنده .. باوع للساعه وكال انه لازم امشي .. مابقى وكت وراي طريق باوعلي وگال يلا بويه نروح كتله اي انه جاهزه باوعت كلهم فزو بوجهه ظلو يباوعون گالت عمتي ليش وين تروح بعد گلها تروح على ما تصير السنه مالت المرحوم وترجع احسن عمتي گلتله لا بعد ماكو هيچ شي بنيتنه واخذناها بعد والطريق خطر واخاف عليهم گلتلها عمه انه اريد اروح اشوف اهلي خليني اروح وارجع بعد شهر چان ضاري يرفع راسه باوعلي كال وين رايده كتله اريد اروح الاهلي ... ماكو روحة محد يطلع حجة هيج ودار وجهه على خالي گله ابو حسين .. بنين بعد صارت حرمتي وتبقى هين ما تطلع حتى لو بعد السنة نكمل الزواج روحتها هسه موراهمه انه سكتت ماحجيت شي وباوعت لخالي گال هاي هي بنيتي بعد مادام رجلچ ما قبل مااگدر اخذچ انه مااعرف ليش من گلي رجلچ حسيت بإحساس غريب ورأساً صورة وسام اجت على بالي ودمعت عيوني گتله هاي هي خالي بكيفكم گام خالي وگال هم ياله انه اتوكل حتى الحگ أوصل على وكت سلمت عليه وحضني عبالك چنت منتظرة احد يحظني حتى ابچي اخذتي الصدرة وانه ابجي ودموعي ماركفت كلهم انخبصو ها وها شكو شصار گلتلهم لا مابيه شي بس مااعرف تذكرت امي وتذكرت وسام من حظني خالي دامسح بدموعي باوعت رأساً ضاري ضايج .. طلع باكيت الجكاير ورث الجكاره وكال الخالي اني برة .. عافنا وطلع سلم علينا خالي وطلع وطلعنا كلنا وراه .. باوعت ضاري بالسياره صاعد مشغلها ويدخن .. خالي ومحمد والحجية طلعو يمشون عليه وانه بمكاني بقيت بالطارمة .. باوعلي وهو خازرني بعيونه انه كمت الملم بنفسي ونزلت ردني .. نخبصت من شفت نظراتة رجعت ليوره .. كلت الخالي مع السلامة سلملي عالكل امشي وتعثر وهو عينه عليه .. وصلت باب المطبخ تلكتني زهره شايلته العبدالله وهو يباوع للسياره ويكمز .. طلع ضاري وخالي بصفة .. صاعدين والحجية ومحمد طبو يمشون ويضحكوو على عبودي وهو يكمز .. نزل الجامه ضاري وكال فووتي جوه لا يبرد .. كتله اي .. راحو همه واحنا طبينا .. انه والحجية بالمطبخ دنسولف محمد كال وين سرور زهره كلتله مادري شو ضايجة وطبت جوه محمد اهوووو هم رجعنا لسوالفها .. كام يفر بأيديه وراح الها زهره اليوم شيسكتها اليوم تعلك كالت عمتي وعساهه بالگلاب يعني لو نخطب اختها لو تكلب وجههه علينا .. واحنا كاعدين وره شويه صار صياح بغرفتهم .. كالت زهره شكتلهم مو كتلهم راح يتعاركوون كتلها عمه شكووو خاف علمودي شلون كالت ماعليج عوفيها اكعدي اهينه جاج وانتي كاعده سويلي هالزيتون .. جابت سطل الزيتون خلته كبالي انه بالي يم سرور وصايحها كل شويه يعلة .. كتلها عمه باجر اسوي انه راح اروح لللحجية وباجر اجيكم كمت الحيلي شلت عبدالله بيدي .. داسد بالعباية .. وعمتي تحاجيني تكلي ولج هاي كبل هيج ادري ماعرفتي طبعها عوفيها اكعدي كتلها لا عمه انة اخاف وتعبت من المشاكل خليني اروح .. انداريت اريد اطلع .. لكيت ضاري بالباب واكف والستره بيده شايلها صار مقابيلي بالضبط بيني وبينه مسافة صغيره باوعلي وهو مستغرب كال وين ومنو شنو خايفة..! كتله لا بس اريد اروح. اسوي عشى للحجية.. كال الحجية اني اجيبها اهينه اتعشى بس حاجيني شكو ليش تكولين اخاف ..! هو ديحجي وصار صوتهم عالي وسرور تكله اي ادري بيكم ماتسمعوني عبالك اني غريبة عدكم شدعواكم قابل منين العروس حتى ماتكولون ضاري كال هاي شبيها هاي .. الحجية كامت عليه كالتله عوفها يمه ماعليك منها ضاري ادري هذا ابنج شبي ماتكليلي شوكت تصيرلة كلمه ويسكت مرته .. يحاجيها وهو مزعوج .. كامت تسكت بي عمتي كالتله لخاطري عوفهم ماعليك بي تسمع حجايه منك تزعل وخل تسمع .. عبالج هاي الخانسة فقيره كل دگايك حسن من جوه راسها .. بس سهلة يجي يومهم واعلمهم .. يحجي ويباوعلي صفح لا يمه الخاطر اخوك سد الحجي... سادي حجييية سادي .. طبي عليها وكليلها لا تبقى اتوطوط سوالف زايده مااريد .. انه ساكته وشايله عببدالله راحت عمتي تمشي عليهم سمعتها ادك بالباب.. مشه هو شرب ماي وباوعلي .. كال ها اشوفج واكفة ست بنين..! كتله لا هسه راح افوت .. دنكت راسي اريد اعبر كال جيبي غراضج باجر وبعد لا تروحين غادي ليش..! رفع حاجبه باوعلي وخله الكلاص كال يعني ليش غير مكانج هين ! سكتت مارديتله عبر من جدامي وكف بالممر صاح سرور حسج كافي عاد صياح ادري ماكافي عاد انه عفتهم وطبيت للغرفة .. ذبيت العبايه وطلعت انه وزهره سوينا العشى وسرور ماطلعت ابد لليل واحنا ماشفناهه .. انه اريد اروح للحجية واخاف يصيح بيه . ضاري.. بقينا نتعلل انه والحجية وزهرة بالهول ونلعب ويا عبودي .. وسرور ومحمد بغرفتهم مر الوقت صاررت ساعه 12 وخمسة كالت عمتي راح اكوم انام من يجي ضاري اقفلن الباب رراه .. باست عبودي وهو نايم وراحت .. بقينا اني وزهره نتفرج التلفزيون شويه وصار صوت الباب البره .. كامت زهره باوعت من الشباك كالت جة ضاري انه عدلت نفسي وكعدت عدل وانه شكد قبل جنت احترمة هسه صرت اخجل من عنده اكثر من قبل من اشوفه ماعرف ليش استحي.. شويه وفات يمشي .. باوع بس انه وزهره عبدالله يمي نايم والصوبة قريبة علينا اجة يمشي .. قريب وكف يم الصوبة ومد ايديه على الصوبه .. يباوعلي وبيده التلفون كال يولي كويتي الهدوم ..! كالت زهره اي علكتهن بمكانهن .. ماشي .. باوعلي كال الصغير نومي بمكانه خاف بارده اهينه كتله اي هسه راح نكوم انام ..، زهره .. بس خل يخلص الفلم ونروح انام .. ماحجة هو نزع القمصلة وخلاهه الطخم .. سحب اليشمغ نزعه .. خلاهه يمها .. مشه وانه وكفت كتلها راح انوم عبدالله بمكانه وصل لنص الهول وجان يصير صوت برة .. وكف كال شنو هاي.. انه انداريت على زهره كتلهم صوت سياره عبالك اجة يمشي اخذ اليشمغ وفتح باب الهول كال لحد تطلع زهره كلتله دقيقه لا تطلع خل نشوف منو من الشباك ديريد يطلع وجان اسمع صوت حسن بالطارمة وهو يكله ها ضارررري لعبتناااااا سويت هالدكة الناقصة حتى تحرمني منهاااا يصيح وصوته عاالي انه كتلها ولج زهره هذا حسن ضاري فتح الباب وطلع عليه باوعنا انه وزهره من الباب شفنه حسن واكف والسياره مالته بيكم بدي مشتغله عايفها بالباب ونازل وباب السياره مفتوح .. زهره كالت ولج هذا سكررررران يمكن صخاااام اليوم ضاري يبتلي بي انتظرررو مغامرات البارت القادم سهرة ممتعة اتمناهه لكم تحياتي نشوى | ||||||||
|
| |
|
25-12-19, 11:48 PM
| #15 | ||||||||
| مراقبة عامة ومشرفة منتدى الروايات المنقولة
| الحلقة الخامسة عشر رغم البهجه المرسومه على قناعك الحجرى لكنى اري بتلك العيون حزن عمره عصور ورغم تنكرك المتقن لكنى عرفتك انتى امى ابنه حواء الاولى وقلبك اول ضحايا الحروب البشريه ورغم ذلك الجبروت الذى تتصنعينه لكنى ارى جروح لم يتوقف نزيفها ورغم كل هذا ولكنى ارى إمرأه تسطع يخطف بريقها كل الابصار لديها من الحب مايجعل البراكين تكف عن الثوران مساء الورد 🌿 #تناهيد_امرأة #بقلمـي_نشوى_السلطان ❤️ .،.،.،.،.، باوعنا انه وزهره من الباب شفنه حسن واكف والسياره مالته بيكم بدي مشتغله عايفها بالباب ونازل وباب السياره مفتوح .. زهره كالت ولج هذا سكررررران يمكن صخاااام اليوم ضاري يبتلي بي لا خل نصيحلة ولج شلووون كعدي محمد لا اكدر اطلع بعد ولا بيه ابقى .. كمت اكمز وانه بمكاني .. ولج شلون بيه زهيره كعددديهم.. زهره .. اصبررري خل نشوف شكو جوز ماكو شي طلعت زهره للطارمة وانه وكفت بصف الباب بس ماده راسي اخاف اطلع .. اسمع ضاري يكله .. ها يول اشوف الموت جابك اهينه هاااا يحاجي وهو يرفع بالردن مالت الدشداشة حسن رفع راسه عليه كله .. ليش هيج سوووويت لك ليشششش مو تدري بيه اريدهاااا لعبتهاااااا عليه لك ضاري تاخذها مني والله الا اموتك بأدية وماخليك تاخذها باوعت حسن واكف شعره مخربط ومبهذل مرتجي عالسياره ويصيح ويأشر بأيديه وهو يكول ... والله ما تتهنة بيها لا والله ابد لعبتني واخذتهاااااا ولك هذا گلبي شسوويله يحجي ويأشر على گلبة ضاري بدون مايرد عليه كمز عليه بدون مقدمات .. ضربة على وجهه سحبه من القميص بحيل وكله ولك تسوووووولف بالحرمةةةة اليوم انعل ابو شاربك ساااافل ... ا .. كتله زهره ولج الحكي عمتي ويييين راح يمووووته طلعت اركض للطارمة صحت ضاااااري عوفه ضاري مايسمعني صوت السياره عالي وحسن يصيح وهو يضرب بي .. كمت الطم على وجهي الناس راح تسمع راح يمووووته ولج زهره امشي خل نكعدهممممم بهالحجي طلعت سرور تركض كالت هاي شكوووو شبي حسن كتلها الحكي اخوج اجانه سكران وضاري راحله اي من ورامن من وراج شببييي اخويه ماخذتي رحتي ركضتي الضاري لازم اخوية يجكجك ادورررين عزابي يلا هسه كيفي تجاتلوا من وراج تالي تموتيهم كلهم انتي ... كتلها انه ماراح اردد عليج .. عفتها وطبيت للبيت اريد اكعد محمد ماكدر افوت للغرفة .. وكفت يم الباب صحت خوية محمد كاعد.. اريده يرد ماكو .. طلعت اركض كتلها ها زهره ولج شصار.. زهره ركضت للباب انه طلعت وراهه .. سرور واكفه وتصيح تكله عوووفه حرام عليك دتشوفه سكران ليش ماتعذرررة مو بووعية اباوع ضاري ماكو الدنيا ظلام .. كتله زهره وينه اسمع صوته بس ماشوفه تقربت .. ليم زهره لكيت ضاري مصعد حسن بالبدي وحسن شبه فاقد مدد بالبدي ويووون ويصيح لك احبهااااا والله احبهااا لطمت على وجهي كتلها ولج زززززهرة هاي شمسويله ولج ذبحة موتته كتل صخااااام الصخمنا ولج راح يمووووته ولج كتله وصعدة بالسياره كتله لج ركضي لمحمد صيحي .. انداريت وانه اظرب على وجهي اجت سرور تركض وتلبس بحجابها كالت هاي شكو شمسويله اباوع الضاري مجتف ادين حسن باليشمغ ويكله انعل ابوك لابو اليطلع وراك منعول الوالدين تجي تصيح بأسمها وتكول احبها ولك والله الا اذبحك ... حسن يكله والله الا اشتكي عليك الا احبسككككك وخر نذل ادك بية الناقصة اذا ماخليتك تخيييس بالسجن ضاري جان دينزل سمعة ورجع علية صحنا كلنا لاااااا عوفه راح تموتتةةةةةة اندار علينا وكال شطلعجن انه رجعت بسرعة ليوره سرور كالتله شنو اخوية دايح الكم مسوي ملطشة كلساع كاتلي موعيب يعني عالاقل لخاطر العشرة الي بينااا طلع محمد يركض بالبجامة الداخلية .. صاح يولو شكووو شبي حسن زهره تعال محمد الحك بسرعة ضاري ... انعل ابو العشرة لابو كل نذل وساقط هي عشرة هاي التحجين عنهااااااااااا طبن جوه لا اجي اكسرجن رجع على حسن .. شاله من هدومه سحبه عليه كله بنين تعرفها مووو حسن ... وخرررر شبيك عوفني والله اهجم عليكم البيت ضاري .. عليمن تهجمة ولك اذبحك بيدي والله .. حسن ... اني ردتها قبلك ليش دكيت هالدكة بيه ضاري كام يضرب بي ويكله والله اذا بس عدت هاي الحجية ولا سولفت بيها .. ولللللللك اكلك بسنووووووني والله لك عاااااار تسولف بالحرمة اليوم احرمك من الدنيااااا انه شفت ضاري اعصاب ويصرخ ويضرب بي كمت اريد اوكف الحيلي ماكدر رجليها بادت انتيهت رجعت اركض طبيت وره الشجره ... محمد كال هذا هم سكران طيح الله حظك خل يكرضة كرضة زينه طب يمشي كال هسه اجي خل اللبس سلابات احنا من وره حسن شما شوف ماراح نرتاح راح محمد يمشي ويحاجي روحة انه صحت زهره ولج احجي تعالي شصار زهره اصبري ضاري جط من فوك البدي وصعد بالسياره انه طلعت من كالت صعد بالسياره ركضت عليهم لكيت ضاري صاعد ليكدام شغل السياره وحسن مدد بالبدي مدري شيسولف سرور يمي تصيح تكله وين ماخذه عززززه راح يموته ... ضاري شخط السياره وطلع .. انداريت محمد طلع يركض ديلبس بالدشداشة كال هاي وينهم سرور لا وينهم بعد وكت تعال شوف اخوك شسوه بحسن محمد... بس بشريني كرضة كرضة زينه لولا،،! سرور ليش يمه يكتله دايح الكممممم كلمن كام يحجي عليه يعني ليششش كلكم تخلون اللوم علية محمد .. يستاااااهل المره صارت بحبال رجال شكو بعد صايري مجنون ليلى ويجي يبيع بطولاته بالشارع شنو احنا ( ؟؟؟؟؟) .. خل يكتله كتله زينه كتلهم انتو تحجون يمعودين اطلع خويه محمد شوف ضاري وين راح شراح يسويله بهالليل محمد .. لا لاتخافين راح ياكل المقسوم ويجي زين هسه هو وين وداااااه خاف يصير شي راح يكطة اباب البيت ويجي يستاهل ... خلي شارب زقنبوت بهالليل وجاي يمسلت فوك روسنا سرور .. اكلج تره انت من دخلتي بيتنا... داتحجي وجان محمد يكللها اشششششش سوالف زايده ماريد حلكج سدي ... سرور والله باجر فلا ابقى بهذا البيت ... المايحترم اهلي مايحترمني وانتم حتى خطوبه ماكتولي عليها لكن سهلة سهلةةةةة كالت هيج وراحت للبيت طبت تمشي وتصيح وتحجي زهره بالباب واكفه تباوع عالشارع كتلها زهره ولج هاااا تعالي اجة لو لا اندارت عليه وهي مبتسمة كالت الله يولي بنين تدرين شكد احب العركات ... اااااخ كلها اكشن باوعت الها هاي شبيها كتلها امشي كتلني البرد تعالي خل نخابر ضاري .. ولج مو وكت ضحكج انداريت محمد طب جوه وعافنا دنحجي وجان واحد يطلع من الجيران الشارع ظلام ماشوف بس اسمعة كال هاي شصاير اهينه شكوو هالصياح .. انه مارديت .. زهره طبت تركض وسدت الباب كتله عزززه هذا منو الجيران سمعو موو زهره اي هذا محمد ابن جيرانه كتلها هاي هية انوب الجيران سمعووا ولج حسن تخبل وراح يخبلني وياه داحجب تذكرت عبدلله نايم كتلها يمه وليدي نسيته خاف كعد طلعت امشي ماكدر حيييلي رايح دفعت الباب وطبيت للهول باوعت لكيته على نومته .. انداريت قمصلة ضاري بعدها بمكانها ... اجيت امشي اريد اشيلها وجان تفوت زهره كالت ها نخابر ضاري انه .. فزززيت وسحبت ايدي كتلها اي هو داشوف تلفون ضاري عنده لو هنا .. لا بجيبه اني شفته عنده لعد شلوون نخابره من حهازي .. زهره اي ذاك جهازج بصف عبدالله بالكاع .. تربعت وكعدت كتلها سدي الباب ثلجنا .. سحبت التلفون وايدي وشفايفي ترجف .. طلعت رقم ضاري ... كتلها اتصلت عليه .. زهره يمي اجت كعدت باوعت الها كتلها مايرد .. زهره ... جوز هسه كطه من فوك الملوية هههه صخام اذا صدك لا عفية شبيج تخوفيني ... ولكم انتو شبيكم شنو هالبرود الرجال راح يموت بيده زهره.. الله يرحمة محد كله هيج يسوي شيدري بضاري راح يسكتله يعني... هاي هي خل يرتاح هسه دانحجي واجت عمتي ...تمشي .. وكفت بالباب كالت ها يمه بعده ضاري ماجة .. تريد تحجي زهره انه كبل حجيت قبلها عرفت ماتدري كتلها لا خابرناه كال هسه اجي .. هااا عجل لا تنسن البوب .. وشيلي الوليد من اهينه الهوى يشلت عليه باردة .. اي عمه هسه راح اكوم انام ... اندارت تريد تطلع جان تنتبه كالت هاي مو قمصلة ضاري كتلها هاا زهره اي يمه هو لبس الثانية وعاف هاي... هااا عجل كومي علكيها هسه يجي يلكاهه مو علگة ويسويلنة طلبة كتله روحي عمه نامي انه راح اكوم اعلكها... كمت انه شلتها هي شافتني وطلعت راحت للغرفة .. زهره ... هههههه والله لو تدري جان هسه باب الحوش كاعده ولامه الجيران علينا كتلها اشششش خرب لا تسمعج خطيها عوفيها لا تخوفيها زهره .. ارجعي خابري دنشوف وينه اووف والله اخاف اخابر ويكوم يصيح اخوج عمره كله يصيح ويرزل ... زهره... لا لا عيني خطيبته صرتي بعد مايصيح راح يشتغل القققققزل تحجي وتغمز كتلها ياقزل والله بطرانه انتي راح اخابره ولي يصير خل يصير.. فتحت التلفون وجان اسمع صوت بالباب البره كتلها يمكن جة .. اثنينه ركضنه كمزنه عالباب زهره فتحت الباب قبلي باوعت .. كالت لج اجة انه رجعت اركض كعدت يم عبدالله .. والتلفون بيدي وانه ارجف .. كتلها ولج تعاي يمي كعدي زهره .. ولج جةةةةةة من وجهه اعصاب اني رح اروح راح انكتل ويا حسن.. طبت زهره تركض للبيت .. انه عدلت نفسي اريد اشيل عبدالله اسمع صووت خطواته وهو يمشي خياله صار بالكاع دفع الباب وفات يمشي.. انه دنكت راسي ابد ماباوعتله قفل الباب واجة يمشي .. انه گلبي يدك ويا كل خطوة ... بلعت ريكي حلكي يبس رفعت راسي عليه باوعتله وهو باوعلي .. تقرب للصوبة كعد عالكرسي مقابيلي.. وانه بالكاع .. كال وينهم .. رديت بصوت يرجف .. كتله الحجية نامت والباقين هم يمكن نامو باوعلي صفح كال الشفية يحبج ... انه مارديت سكتت .. واصل مرحلة يجي اهينه يصيح ويهذي بأسمج .. كتله انت وين وديتة .. ليش تسألين علية ... باوعتله عصر ايديه بقوة كتله لا والله بس انه خفت تصير سالفه * مادري يعني شنو هالحب والعشگ هذا كتله ياحب ياحب موو ... اني مادري ليش من جيت كبل وسألتج ليش حظرة جنابج نكرتي ... وكلتي لا ماكو هيج شي كتلج منعووول الوالدين شفتي عليه شي تحرش كتلي لااا وكطيتيني بذاك الصووووب اريد الها تفسير واحد بس مادلكة ... والله انه خفت احجي والله ادري بيك عصبي خفت تبتلي بي ومن ماحجيت علمود لمار .. احاجي وهو يفرك بوجهه بأيديه ويبين عليه التوتر كال زين من جيت وكضبت تلفونج بيدي ليش مسحتي الرسائل والله الرسائل من عنده هو بس انه مادازتلة حرف وانتو بعينكم شفتوها من جابت الجهاز لمار عجل لومن ماكووو شيب الخلفة رسائل ليش ماخليتيتي اشووووف فهميني ليششش والله والحسين انه خفت من المشاكل والله ماعندي شي وياه لااااا جان ناقص يصير شي عندج وياه خاطر اذبحج بأدية كتله انه ادري زواجي منك راح يكبر السالفه مايسدها لازم متندمة على زواجنا ... لاااا والله مافهمت قصدي بس اعرف حسن مايسكت هااا مايسكت اي حگ والله عاشك مسكين يحببج يابه يحبج .. يحبني او لا انه مايهمني انه اريد الله يستر عليه من هالدنيا انطيني تلفونج جيبي عليه تلفوني ها ليش استغفر الله جيبي وماعليج ... كتله اي هاك تريد تفتش ورايه فتش تره انه موهيج ضاري اخذ التلفون من ايدي .. كال سالفة تفتش عوفيها فتح التلفون وطلع الخط .. كال هذا الخط مايبقى بعد .. طلعة وكسره .. بالنص .. كتله انه ماريده عادي اخذه كسره بس انه شلون بعد اخابر اهلي خوالي .. باجر احيبلج خط لا تخافين كتله مدام احنا هنا وماكو احد اكدر احاجيك اي يابه ليش لا سولفي... انه ادري انت اهذتني علمود تستر عليه استر عليج شنو .. ليش انتي شمسويه شو كوه تسوين سالفة على روحج لا انه اقصد علمود السوالف الطلعت طلعت ماطلعت سالفه راحت احنا ولد اليوم يعني انت ليش اخذتني وانت تحب مروه منو كلج هالحجي...! انه سمعت من زمان انت تحبها ... اي لو نفرض احبها ...! عادي والله انه مااقبل اكون عثرة بنص طريقكم يكفي انت الي سويته علمودي باوعلي بإستغراب كال يعني عادي اتزوجها ... اي عادي وانه امشيلك عليها بس لا تنقهر .. داحجي قاطعني بصوووت خشن كال كووووومي اخذي الوليد نومي بمكانه .. ماعرف ليش بسرعة تغيررر مزاجة وحاجاني. بعصبيه كتلة اي انه هم اريد اكوم .. شلت عبدالله وكمت .. هو طلع جكارته .. ورثها .. انه مشيت وعفته ... بقى بالهول .. انه طبيت للغرفة خليت عبدالله بالفراش ذبيت شالي .. شربت ماي .. ورجعت لمكاني تمددت بالفراش عبدالله بجة .. كعدت يمه غطيته شو رجع نام .. رجعت تمددت وكلام ضاري ببالي .. صفنت اتذكرت المشكله اووف .. باوعت تلفوني بقى هناك ... كمت على كيفي .. فتحت الباب .. طلعت امشي البيت عباره عن ريحة جكاير مشيت للهول على روس اصابيعي .. وصلت يم الباب باوعت هو متمدد عالطخم ايده على راسه .. يمكن نايم .. التلفون عالطبلة يمه .. وتلفونة مستغلة اغنية عادل المختار بصوت ناصي .. علميني انسى الماضي يل اني بحكمج راضي علميني علميني علميني انسى عيونج علميني اشلون انساج وكفت سمعت الاغنية كلت اييي مايكدر بلياهه دنكت راسي . انقهرت .. باوعت هو بلية بطانية نايم رجعت كلت خلي اجيبله بطانيه وارجع ركض لغرفتي رحت الغرفته .. شغلت الاناره طلعت البطانية ورجعت طفيتها وطلعت امشي والاغنية بعدها مشتغله.. مشيت على كيفي وانه خايفة وصلت يمه صافنه عليه وهو نايم مدد بالدشداشة كلت خطيه اتعذب من ورايه بسبب حسن.. اريد اغطي وخجلانة رغم هو نايم .. ماعرف شلون تجرأت مديت البطانيه عليه غطيته وانه مستحية وارجف بدون ما اباوعله .. مديت ايدي اريد اخذ تلفوني وجان يلزمني من ايدي وسحبهااا علية يتبع .... وتستمر الحكاية | ||||||||
|
| |
|
26-12-19, 02:26 AM
| #16 | ||||||||
| مراقبة عامة ومشرفة منتدى الروايات المنقولة
| الحلقة السادسة عشر تناهيد امراة بقلمي نشوى السلطان رحت الغرفته .. شغلت الاناره طلعت البطانية ورجعت طفيتها وطلعت امشي والاغنية بعدها مشتغله.. مشيت على كيفي وانه خايفة وصلت يمه صافنه عليه وهو نايم مدد بالدشداشة كلت خطيه اتعذب من ورايه بسبب حسن.. اريد اغطي وخجلانة رغم هو نايم .. ماعرف شلون تجرأت مديت البطانيه عليه غطيته وانه مستحية وارجف بدون ما اباوعله .. مديت ايدي اريد اخذ تلفوني وجان يلزمني من ايدي وسحبهااا علية فزيييت وانداريت عليه وانه بدون حجابي.. اثنينه سكتنا .. باوعلي وهمس شكو جاية وتغطيني الي يشوفج يكول مهتملي وخايفة علية..! سحبت ايدي وهو وخر ايده كتله انه شفتك بدون بطانية والجو بارد كلت اغطيك احاجي واعدل بشعري وانه خجلانة لا تخافين عليه .. روحي نامي انت راح تنام هنا ..! ليش يهمج وين انام.. ....اني انام مالج شغل شال التلفون وكتم صوت الاغنية .. كتله اي براحتك .. شلت تلفوني كتله راح اخذه باوعلي وكال اخذي .. وسدي الباب وراج ماشي ... اخذت التلفون ومشيت وصلت العتبة الباب جان اعثر بالزولية .. بسرعة عدلت نفسي من الفشلة بودي افوت اركض صاح الله الله .. ها شجاج يمعودة..! انداريت عليه وانه وجهي احمر كتلة عثرت .. .. ابتسم وكال سهلة انه خجلت وطبيت اركض الغرفتي وقفلت الباب علية وگلبي يدك يدك ... لزمت كصتي نااااار .. جسمي يرجف انه شطلعني شوداني عليه هسه ليش داغطي اصلا .. امددددداج بنين امدااااج الا تجفصين امشي رافتر بالغرفة متوترة ... باوعت عبدالله كعد ... اريد ارضعه ماكدر سحبت الترمز والممية سويتله خليتها بحلكة ورجعت تمددت .. اخذت التلفون .. باوعت الساعه ورجعت خليته .. تمددت بفراشي.. وتذكرت.. عزه شكد عيب طلعت بدون شالي .. هسه حتى لو انه خطيبته بس عيب شيكول علية رايحة يمه بنص الليل .. والشعر طالع .. اوووف انه خبلة اي والله ادري بنفسي الا اجفص ابتسمت تذكرت العركة اجت على بالي زهره ام الاكشن .. ضحكت .. وانه افكر بالمشكله وبعمتي مادري بنفسي نمت.. كعدت الصبح عبدالله ماكو يمي.. فزززيت كمت صحت عبودي.. عبردي انداريت .. لكيته ساحب الجرارة وشامر الغراض ويطلع ويشمر كتله ولك شدتسووووي تعال تعال.. شلت القراصة دالم شعري وجان يندك الباب.. لميت شعري .. كلت اي جاية .. لبست حجابي .. وفتحت الباب.. لكيت عمتي .. كالت وينه .. طبت على عبدالله يبو هلا البيت والحوش امتلة هو يكمز عليها يريدها تشيله .. يرفع بأيده طبت شالته وكالت تعالي تريكي ويايه كتلها جاية وراج .. اخذته هي وطلعت .. انه عزلت الفراش والغرفة شلت الترمز والممية وطلعت .. خليتهن عالكاونتر.. ورجعت داغسل وجهي .. طبيت بالممر.. لكيت ضاري واكف ديغسل.. وكفت هو شافني بالمراية .. انه رجعت امشي كلت يكمل وارجع اغسل .. صاح تعالي كملت .. كتله لا اخذ راحتك .. كملت تعالي اكلج .. رجعت امشي هو عاف الماي مفتوح وكف بصفي دينشف بوجهه اريد مديت اديه داغسل وهو ورايه.. كال كملي وتعالي للمطبخ .. رفعت راسي كتله خما اكو شي.. بارعلي بالمراية وكال شبيج كبل جافلة .. ماكو شي لا تخافين.. ها .. ماشي اكمل واجي.. علگ الخاولي وراح .. انة غسلت وجهي وكملت .. طلعت لكيت ضاري كاعد عالجودلية .. ومخلي يمه عبدالله .. يلعب ويشاقي .. اول ماطبيت عبدالله شافني كام يكمز عليه كتله حبيبي اكمل شغل واخذك .. هو يكمز ويكمز .. انه عفته ورحت غسلت القوري خليته عالنار وهو كاعد وراية ... كال هذا الفصعون هم متعلق بيج انداريت عليه كتله اي مايقبل اخلي بالكاع اي كلها تحبج يابه .. ابتسمت وانه منطيته ظهري ماخليته يشوفني عرفته شيقصد اجت عمتي كالت .. يمه كملي شغلج واكتبي الي تريدي بورقة ضاري راح يطلع حتى يجيبهن وياه .. كتلها اي هسه .. جهزت الريوك خليته كباله هو وعمتي .. كالت عمتي اكعدي يمه اكلي.. كتلها اريد ابدله واجي.. مديت ايدي اريد اشيله.. هو مخلي على رجله كتله ممكن تنطينياه.. رفع راسه باوعلي كال اي يابه ممكن ليش لا انه خجلانه من الحجية.. شالة رفعه انه مديت ايدي داخذة .. صارت ايدي فوك ايده .. استحيت بسرعه سحبته .. ارتبكت اخذت عبدالله داريد افوت وجان اسمع الحجية تحاجي تكلة يمة وينها غرفتك شو لساع ماجبتها شوكت نزفكم انه احس روحي انتهيييت .. يعني انه وياه ننجمع بغرفة وحده لا مستحيييييل حماية وانه بسرير وااااحد... شلون ياربي مشيت سريع وطبيت للغرفة قبل مااسمع شنو رد بدلت العبدالله وانه افكر شلون يردون يزفونا زين انه اخجل حتى احجي وياه .. لازم اذكرة واكله انه وياك اتفقنا كلمن بحاله ومستحيل بيووم انه وياه ننجمع .. يارب شلون مصيبة هاي .. انه وحمايه عرسان وج يمه والله انه وكعت روحي بورطة .. هسة اذا اعوفة واشرد هم ماراح اكدر لان همه يردون عبدالله وعمتي خطية .. شلووون .. اعوووفة واروح الاهلي زين ومرت ابوية .. انه حياتي بس هوسة مامفتهمة شي منها .. واخر شي لصتها بهالزراج احاجي روحي وابدل لعبدالله لحد ماكملت .. صاحت عمتي يمه مو جايييج برد دتعالي كتلها اي عمة جايه والله .. طلعت انه وابني بيدي.. لكيته ماكو .. كتلها عمه .. خلي عبدالله يمج لان راح يخبصناعلى الصينية .. جيبي اني كملت.. اخذته مني .. وكعدت انه اتريك ... شوي وطلع ضاري لابس دشداشة لون نيلي وستره وياهه يمشي ويخابر .. ماعرف ويامن يحجي .. طلع من يمي يمشي .. اسمعه ايكله جايك هسه .. كتلها عمه ضاري وين راح يروح .. مو كتيلي اكتبيله بالورقة الاحتياجات لا كاال اني اجيب ويايه من الاسواق.. باكيتات احسن اي احسن والله لان المخزن فارغ .. بس مخظر ماكو والحجية وخليف ماعدهم.. **اووو حنگة فطنتيني الحكي كليله خل ايتسوك الهم ويانه انه اروح اكله يعني..؟ اي يمه تلاحكي كبل مايروح ذبيت الخبزة من ايدي وطلعت وراه .. لكيته صاعد بالسياره ساد التلفوون وديعدل بالمراية .. وكفت يم باب السياره .. كتله عود عمتي تكول مد راسة باوعلي والشمس بوجهه .. كال اي شبيها عمتج كتله ها عمه تكوول خل يجيب مسواك وياه ارتجة ورجة راسه عالكشن وكال اي مثل شنو.. كتله مخظر يعني .. ابتسم وباوعلي كال عديهن ..! شعد يعني احاجي وانه ارجف الجو بي برودة كال بردانة .. هزيت راسي اي.. ماشي اني اعرف شنو اجيب طبي جوه باردة عليج بلعت ريكي وانه ارجف .. كتله ضاري ها ياب كولي.. فتح الباكيت طلع جگارة عمتي تكول عرسنا ومدري شنو .. اي شنو اي...! هسه غير انت سألتيني وكتلج اي لااا دقيقه انه اقصد، يعني احنا اتفقنا اي وهسه المطلوب شنو اقصد شلون يردون يزفونا بغرفة وحده ..! عجل وين يزفونا غير عرسان .. عرررساااان! علكيفج يابه .. عليش انبهتي..! لا تخافين الي ابالج مايجره يعني شنو .. ضحك وكال هسه غير تريدين ماتكلط عليج..! هزيت راسي اي... خله ايده على السترين وشغل .. كال يجرالج ست بنين فوتي بارده .. كتله ماشي شكرا .. مشت السياره وانه مشيت اتذكرت.. كتله دقيقه باوعلي وهو خازرني .. كال يا الله خير..! عمتي تكول خل يجيب للحجية ويانه ماعدهم مسواك باوعلي وهو عاگد حواجبه مارد .. مشت السياره راح انه شفتة مو على بعضة عفته وطبيت مررت الايام وانه من اسمع او اشوف ضاري احس گلبي ينتهي فكرة انها بيوم يكوون زوجي ابد ماكدر اتخيلها من اتذكر المرحوم واتذكر انه هيج اجازي واتززوج اخوه احس روحي تطلع وسام جان طيب وقلبة صافي داراني وجان الي اهل وكلشي شلون انه اتزوج اخو والله الفكرة من تجي ابالي احس روحي تطلع رغم انه متفقة وياه .. بس الناس شتكووول عليه ياربي تذكرت لمار وانه اهز بعبدلله .. شكد جانت تحبه والله مشتاقة الها .. شسوه حسن دمر علاقتنا ياريت حصل شي .. خرب الاول والتالي.. نومت عبدالله وخليت يمه الممية وطلعت للمطبخ حتى اكمل ويا عمتي الاكل حتى نوزعة ثواب على روح المرحوم .. بيوم السنة مالته .. طبكت الباب على كيفي .. ومشيت سمعت صوت مروه وسرور يسولفن وضحكتهن عالية .. طبيت امشي .. كلت السلام عليكم مروه مرتاجة عالكاونتر اندارت عليه .. كالت وعليكم وندارت عمتي بالكاع كاعده منزله الجدر وتصب .. وزهره تسفط بالصحون .. كتلها عمه وخري انه اكمل.. كعدت بصفها .. كتلها انه اصب الدولمة والحلاوه عوفيهن عليها عمه .. لا يمه وياج شعندي ماعندي شي عجل اذا على روح المرحوم نا اتعب المن اتعب .. تصب والدمعه بطارف عينها ومروه وسرور ولا منتبهات مروه ماخذه گفر وتلفون جديد وكاعده تشوفها بيهن وياخذن صور ويضحكون بصوت عاااالي .. باوعت العمتي مقهوره شلون هيج ديسوون .. حجت بصوت ناصي كالت يمه محد يحس بينا غير بس المفارگ عزيز .. كتلها ماعليج عمه اتجاهلي عوفيهم .. دنصب وجان تفوت حجية نجمة وبناتها ... عمتي من شافتهم كيفت كامت وانه كمت وهياهه تلكيناهم وسلمنا عليهم .. طبوا كعدوا حجية نجمة كالت جبت البنات ويايه كلت يساعدوكم عمتي كالت الها والله كملنا بس هم زين جيتو مشتاكين عليكم زهره اليوم هين تباتون محد يروووح سرور ومروه اختفن وره شويه مدري وين راحن بقينا انه والحجية والبنات بنتها الجبيره متزوجة وعدها 3 ولد وبنيه والصغيره شابه اكبر من زهره .. اجوي ويايه ساعدوني بسرعة صبينا الاكل وجمعناهم بصواني كبار فواكهه مشكله وحلويات جاهزه ودولمة وحلاة .. رتبتاهم وشلنا الصواني بالطرمة .. انطيناهم الجهال .. اسراء بنت حجية نجمة كاموا يوزعون على المنطقة .. ركض ركض بسرعة كملنا .. رجعنا للبيت لكيت عمتي وحجية نجمة كاعدات يسولفن وعبدالله كاعد جايبي يمهم .. كتلها عمه انه اكمل شغلي خلي يمج .. شلنا الجداري جلفناهم وغسلنا المطبخ ،. والبنات خطيه ماقصرو حيل طيبات .. ساعدوني طبينا لغرفتي انه والبنات كعدو يمي وانه ارتب بهدوم عبدالله زهره كالت شفتي مروه اجتي كتلها اي شفتها وسلمت عليها زهره.. زين اخوها مو طردناه شلون الها عين وتجي شو مازعلو ضحكت كتلها عوفيها ماتريد تزعل شعلينا بيها الخاطر اخوج عوفيها زهره .. باوعت للبنات كالت الهم انتو شايفين هيج شي يعني اكو وحده تدري بخطيبها جان يحب وحده وهي بنفسها تريد تساعدهم حتى يرجعووون انة بقيت ساكته شريد اكول كالت اسراء .. اكلج تره انت فطيرة زايد كتلها لا بس انه ادري بي يحبها وحرام عليه اسراء .. لا يا الله صدك تحجيييين يمعوده محد خطية غيرج .. تره هي موخطية الخطية ضاري هي الي ماصبرت علمود بدلة وعرس وذهب باعت الاول والتالي وبعدين شافت روحها ماتكدر بلياه رجعت نادمة كتلها ماعرف بس انه اشوف يحبها والدليل لحد هسه بدون زواج اسراء.. ها عجل انت شنو. اخذج .. غير انت مرته كتلهم سدو السالفه هسه تجي وتسمعنه اسراء.. باعي بنين انت طيبة وفقيره بس شوفي الطيبة بهالوكت ماتنراد ابد .. صيري قويه اكفي بوجه كل وحده تعاديج .. وهذا طبعج بدلي انت اخذتي رجال تحلم بي اي وحده .. يعني ضاري والنعم منه زلمة عليه الاعتماد والنوب عم ابنج يعني راح يكون اب الابج .. حاربي علموده لا تخسري بنين .. تحجي هي وانه ادري بكلامها كله صح بس هية ماعرفت الي بداخلي شنو ماتعرف انه ما اكدر اتقبل فكرة انو يكون زوجي الي جان بيوم حماية .. كتلها والله مادري شكلج المهم خلي نكوم نكعد يم خاله نجمة ماشفتها كتله يلا كومي طبطبت على رجلي اسراء.. كالت بنين هالله هالله بضاري .. صيري ذكيه حرامات تخسري ولج ... صفنت مارديت عليها بقيت ساكته بس احس غصة بنص صدري .. دنكت راسي اسراء .. السنه وطلعت الاسود هذا انزعي تره والله مايفيد لو يفيد جان فاد الي لبسته عشر سنين وعشرين سنة يامكثرهن الي لبسنا شسوالهن ها حاجيني كتله اسراء انه اعرف الي حجيتي كله صح بس والله موبيدي كلبي يم وسام والحزن هذا قليل بحقة والله ابقي ابقي بهذا تفكيرج لما يروح من ايدج وانت بدنيا ماترحم عالاقل يصير ضاري الج سند يكف بوجهه كل واحد يحاول يمسج بحجاية بس انت ماتعرفين مصلحتج وين باوعت عليها وانه مقهورة شلون يردوني انزعه شلون اجازي وسام هيج كالت .. والله مايجيب غير الهم اصلا حرام الي تحزن كتله انه اعرف بس الناس شتكول عني وعبدالله والله يستاهل احزن عليه العمر كله حياتي شعليج بالناس انت هسه انخطبتي وخطيبج شاب بعده شنو الي شافه من حياته حتى تكون مرته ليل نهار مكابلته بالاسود وحواجبج هاي شيليها كافي قهر. وسام الله يرحمه بس انت شابه وهو شاب خطيه هم يريد مريه كباله مرتبه مبتسمه بوجهه من يفوت مو ليل نهار عايشه بالحزن تره والله حرام عليج دانحجي وجان تفوت خاله نجمة وعمتي كالت ها يمه شو اهينه كاعدات كمت انه وكفت كتله ها عمه انه اجيت ارتب الهدوم خما تردين شي لا يمه بس شفتجن ماكو .. كومي زهره اخوج راح يجي اكويله هدومه باجر وراه طلعه البغداد اسراء .. خاله انط داحجي وياهه اكللها ضاري شاب بعده وهذا الاسود فال موزين خلي تنزعه كالت عمتي .. يبو عجزنا واحنا نحجي بس والله يمه ماتقبل شنسويلها .. اسراء .. شوفي حتى خالتي ماقبلانه عليه بس انت عاجبج كالت خاله نجمة .. عوفوها هي جم يوم واتزوج من اتزوج تنزعه عمتي كالت توني اريد احجيها وحجيتي كبلي .. عود اريد تجي اسراء تصنعها ... انه اباوع شيحجون .. بعدين انتبهت كتلها تصنعني شلون كالت اسراء قصدها اسوي مكياجج ارتبج حفافة شي كتلة لااااا عيني يامكياج ابد والله لحد يكلي على مكياج مستحيل اخلي قطرة بوجهي * يولي انتي ماخذه رجال اعزب شاب شنو شاف من حياته حتى يزفو بيوم عرسة عررسته بالاسود وبدون حتى حفافة ادري والله حرام عليج خاله نجمة كالت صعبة عليها حقها لا تلوموها بس شويه شويه اتعود .. ضاري خوش ضاري واثنينكم واحد لايك للثاني والل عمتج الها ساعة تحجيلي عنج اتكول بنيه بنت اوادم دارتني حتى دواي تجيبه خلف الله عليج يمه والله يحازيج بالخير على هاي نيتج الطيبة كتله انه مااعتبرها عمتي لا والله انه امي راحت بس هيه الها طولة العمر هي امي واهلي.. اجت عمتي بوستني وكالت عجل اني ليش ماخليتها تروح غادي عالبصره غير ماكدر بعد بلياهه .. كتله ولا انه اكدر والله ... عجل يايمه الخاطري اذا الي خاطر عندج اني مابقالي غير ضاري ومحمد واخاف عليهم لا تخوفيني عليهم بهذا الاسود .. يمه الاسود يجر واني اخاف منه والله كتله مادري عمه واالله صعب عليه حتى اتعودت عليه خالة نجمة كالت يلا .. ليوم العرس مالهم من انزفهم لبسوها شي راهم وحفولها هي شوي شوي تتعود انه مارديت عليهم .. مر الوقت بقوا يمنه لليل .. سوالف وتعاليل وشقى بس ضاري ماجان موجود ومروه راحت البيتهم طلعو بيت خاله نجمة .. والكل راح دينام بقينا انة وزهره نتفرج تلفزيون يمنه طاسة الشامية نتفرج وناكل .. سمعنه صوت واحد يكح بره كتلها يمكن احك ضارب شويه . وجان ينفتح الباب طب ضاري سلم .. رديتا السلام .. زهره شاورتني بصوت ناصي كالت الهدووووم ماكويتهن كامت طلعت تركض وهو كعد عالطخم قريب مني وانه بالكاع باوعلي ماده رجليه مخليه المخده عليهم. وداهزوعبدالله عبودي اول ماشافه كام يلعب يريده يشيله كال مروه وين .. استغربت اول مره يسألني عنها .. كتله راحت .. باولي وهو يفر بالسويج كال منو جة اخذها .. كتله انه مادري جنت جوه ... جيبي عليه عبدالله .. شلته انه .. رفعته .. مد ايده وهم ايديه لامست ايدي استحيت سحبتها ... عبدالله يضحك ويلعب فرحان لان شاله جان يكله ااااابببب ابة ..بابا .. اول مره اسمعه ايكول بابا .. گلبي عصرررني عصر هو اخذه لصدره وكام يبوس بيه ويكله هلا يبعد ابوك انه اشويه وابجي تمنيت ابو الي يشييله .. باوعتلهم شلون نايم على صدرة وكأن هو ابو .. شاله وكام .. افتر بي شويه وانه كاعده بمكاني اباوع الهم شلون شايله ويسولف وياه رجع كعد بنفس مكانه قريب مني .. ذب الستره وكعده فوك صدرة وهو مرتجي يكله لك صاير تسووولف بيبوس بي ويعضة كل شوي من خدوده .. انه بس اباوع الهم ومبتسمه ماعرف ليش كال راح اروح باجر البغداد .. شنو محتاجة اجيبلج لا شكرا والله مامحتاجة شي .. وانه احجي اباوع العبدالله شلون يلعب بشوارب ضاري وهو يحاجيني ضحك كله ايا ملعووون شدتسوي وخر ايده .. باوع للساعه كال اتأخرت وراي كعده .. اطلع الصبح اجيب البضاعة للاسواق ... كتله ماشي انطينياه .. كمت وكفت وهو وكف .. كله يلا يالحبيب روح لماما .. خلي اروح انام باسة وانطانياه .. عبدالله يبجي ماقبل رجع يشمر نفسه عليه .. لك يول والله اريد انام يبعد الروح .. مد راسه قريب عليه باسة .. انه من يمي ماعرف شبيه .. مستحية عبدالله يعيط ويريده .. كال جيبي عليه جيبي .. اخذه من ايدي .. راح اخذه وهو يمشي وين تااخذه..! اندار عليه وهو ابتسم وكال انومه يمي ...اقلها احسن من غيره يحس بيه كتله شنو ها حسيت نفسي ارتبكت ..! لا لا ا ياب اكوولج راح انومه يمي اي ماشي لا دقيقة .. لا شلون لا مو يرضع بالليل ابتسم كال ارسيلج على بر. اي ولا شنو . راح اخذه يمي بالغرفة شويه وتعالي اخذي اخذه وراح للغرفة وانه شلت البطانيه والمخده مالته فات ضاري للغرفة هو وياه وسد الباب انه رحت الغرفتي ذبيت البطانية والمخده .. وطلعت طبيت للمطبخ لكيت زهره تكوي بالبنطرون .. كتله ها اساعدج .. بشري شسويتي لا لا راح اكمل هسه .. وين عبدالله نام لا بعده كاعد بعيونه ملح مو تدرين بي راح اروح انومه .. طلعت امشي لغرفة ضاري وكفت وره الباب اسمعه يحاجي ويضحك وياه تقربت ودكيت الباب .. كتله اكدر اخذ عبدالله صاح فوتي ياب فوتي .. عليش ادگين الباب فتحت الباب .. باوعت عالسرير اثنينهم ضاري مدد ومخلي على بطنة كاعد وعبدالله يكركر من الضحك .. انتبهت ضاري بالجامه الداخليه .. وفانية بيضة ربع ردن خجلت وجهي احس صخن وكفت كتله اريد اخذه باوعلي كال فوتي شبيج هاي مثل غرفة خطيبج يحجي ويباوعلي صفح لا اريد اروح انام .. كام كعد وخله عبودي على رجله .. باوعلي .. تنهد وكال عليش مستعجلة . تعاي اكعدي كتله ها .. لا ماكو شي سلامتج .. هاج نومي .. عبودي مجلب بي .. مديت ايدي كتله هذا يدور لعب صرت قريب منه وجهه بوجهي .. هو صافن بعيوني ماحجة شي اخذته وكتله تصبح على خير ... مشيت وعبدالله يبيجي يريد يبقى طلعت وسديت الباب ورايه ... اخذته للغرفة بقيت اسكت بي ورضعته رضع ونام للصبح كعدت .. انه وعفته نايم .. طلعت غسلت وجهي بس سمعت صوت هوسة بالمطبخ طبيت امشي وانه انشف بوجهي لكيت الكل مجموع بالمطبخ ... باوعت هاي اسراء وجهالها وخاله نجمة ... سلمت صباح الخير هاي شنو اليوم خوش صباح والله خاله نجمة كالت هلا هلا تعاي عرسة ضاري تعالي اكعدي اليوم جتي نجمة تصنعج .. بقيت صافنه ماعرف بعد شنو احجي زهره كالت جابو الغرفة هذيج بالطرمة ومن يصل ضاري يجون يشدوها ليش عمه ياغرفة ليش شكووو! يمة شنو شكو مو كتلج جمعة الخ انزفج اليوم خميس وباجر ان شاءالله ننجمعكم سوه كافي عاد مالها داعي الخطوبة وخاف اهلج يدزون عليج اسراء كامت وبيدها البكره كالت اليوم اكلبج بالمكلوووب تريكي ولحكيناااا انه مثل الحلم مصدومة شنو الي ديصير ماعرف .. كعدت بصف الحجية اريد اكل ماكدر اجت صورة وسام وانه عروس بالبدلة صارت كدام عيني مثل الشريط تذكرت العررس والجوووبي وضاري وهو يلعب الجوبي والناس والحفلة والهووووسة ... اريد اخلي اكل بحلكي ماكدر بعد كمت كتلهم لا عمه انه ماريد اكل كمت كملت شغلي سرور بذاك اليووم شلون العزه عليها اطب وتطلع تصيح وتطبك بالبوب بقوة الكل انتبه عليها وانه فوك الي انه بي سوالفها تزيد القهر عليه اخذوني البنات بغرفة الحجية حفولي ورتبوني ونضفت جسمي وجهي طلع ابيض وحواجبي كلش حلوات بس انه ماعرف شبيه مستحية من نفسي واحس وسام وهو بقبرة ماراضي عليه .. رغم انه اعرف زواجي بس عالورق بس مع هذا هموم الدنيا كلها احسها فوك راسي انه بالغرفة ماطلعت ابد بقيت حابسه نفسي مستحية من محمد ومن الحجية .. مر الوقت واجة ضاري ودخلو الغرفة وشدوها صار الليل وواسراء باتت عدنا بقينا كاعدين انه وياهه نسولف .. انفتح الباب طبت عمتي انه جفلت عبالي ضاري وياهه بسرعه كمزت كعدت عدلت نفسي اجت عمتي كالت .. كاعدات يمه كتله اي عمه هلا تعالي لا يمه اريد انام .. بس اني اجت فكره ابالي وشفتج اليوم النهار كله محبوسة بغرفتج كتله اي كولي كلت اكول الضاري نجيب الحجية وخليف يمنه ليله وهناك نزفكم .. شتكولين لا عمه ليش هنا وله هناك ماراح يفزق عندي شلون مايفرق عندج حتى تاخذون راحتكم لا عمه ياراحة غير عرسان يايمه والله عمه مادري الي تشوفي مناسب اسراء يووولي هذا عرسج خمو راح نوديج للاعدام شبيج يحضي افرحي الله كريم ... الحجية كالت يلا اني هم اشوف هو شيكول للصبح انقرر اني اروح انام ماشي عمه تصبحين على خير .. طلعت عمتي وطبت زهره كالت ضاري يريد عبدالله كال جيبيلي حنوش اريده كتله اي ودي اله هو هم صار ساعه يريد يطلع من الغرفة ضاج اسراء يولي كافي يعني بشرفج مافرحانه راحت زهره هي وعبودي كتله والله مادري شكلج انه البيه ماينحجي عوفيني اسراء ليش يولي شبيييج شلون شبيه ضاري حمايه وبيوم وليله يصير زوجي تدرين شكد صعبة وانه حيييييل استحي منه واحترمة شوفي والله حقج بس هذا الله قاسم الكم هيج شتسوين لا اعتراض على حكم ربي بس اوووووف خليتي بهمي اسراء .. اني راح انام نامي انتي احسن من التفكير كتلها اي لما يجيبون عبودي انام انت اخذي راحتج ماشي حياتي تصبحين على خير بنونه وانتي من اهله حبيبتي ... تمددت اسراء بفراشها وجهالها بصفها نايمين كلهم وانه مرتجيه عااكنتور الف موال براسي اليوم يمكن ماتغمض عيوني من التفكير والقهر ... وره شوييه واجت زهره جابت عبدالله نايم .. خلته بفراشة كالت راح اجيب فراشي انام يمكم .. انجمعنا كلنا بغرفة وحده ونمنه ... للصبح انه ماكدرت انام بس اتكلب والبيت احسه وحشة وصوت وسام كل شويه يرن بأذاني ويروح .. كعدت احس نفسي مريضة جسمي يون فتحت الباب وطلعت لكيت عمتي والحجية كاعدات يسولفن امشي واباوع ماريد اشوف ضاري .. ركضت للمغسلة غسلت وطلعت للمطبخ .. كتلها عمه منو كاعد ومنو نايم كالت محمد وضاري من الصبح طلعوا تعاي ماكو احد طلعت كعدت يم الحجية وهم فتحو وياية نفس الحجي انه احس ايطب من هنا يطلع منا ولا اخذ بكلامهم عبالهم راح اكدر الحجي سهل بس الووواقع غيررر وره شويه كعدو البنات اسراء وجهالها وزهره تريكنا سويه .. عمتي اباوع الها فرحانه تمشي بالبيت وتبخر بالحرمل .. صاحت عليه كالت تعالي شوفي غرفتج والفرشة كتله ماريد عمه .. البنات كالو ..كووومي كافي .. كتلهم بعدين اريد اكوم اعزل غرفتي عفتهم همه وعبردي وطبيت للغرفة قفلت عليه الباب خليت الكرسي وصعدت للديلاب .. سحبت اللبوم الصور ونزلت كمت اكلب .. طلعت صور عرسي .. د اباوع الوسام بالصور شلون لازم ايدي .. ياربي شلون هيج اجازيك حبيبي والله انه احبك .. ومااريد شي من الدنيا بس شلون هيج صار مادري .. سامحني انه سويت هالشي االخاطر ابنك .. حتى يبقى ويربى عدكم حبيبي اعرف هسة انت زعلان مني .. بس والله احببببك .. احاجي الصور وابجي احس دموعي نار تحرك وجهي ابجي واشهك مثل الطفل .. من بجيييت يمكن احس شوي ارتاحيت رجعت الصور لمكانهن.. وكعدت وحدي شويه وكمت .. طلعت .. البنات يعزلون جانوا .. انه بس اباوع عليهم وسرور كل شويه تاخذ التلفون وتطلع بره تخابر احس عزه عليه اليوم.. نظراتها الي موطبيعية مر الوقت وانه سبحت حتى محد يعرف ولا ينتبهون لليل وللبسوني البنات كلابية تشبه القفطان لون كريمي .. مطزة بلون بيجي وذهبي شلون لبستها شلون هيج سووويت مادري بس كلشي ماخليت بوجهي غير بس العطر بقيت على طبيعتي لليل وانه احس بحلم وكل شووية اطرافي تثلج اكوم ارجف بقيت بغرفتي كاعده انه والبنات وعبدالله والحجية وجده ام خليف .. الكل فرحان بس انه اي فرحة ماكو اسراء باوعتلي كالت اليوم ضاري طالع فد شي اجة مزين وكاشخ بالدشداشة البيضة والعطر تارس البيت انه تحجي هي وانه اباوع العمتي شلون تموم بعبدالله يردون ياخذو هالليله مني شلون راح اصبر مادري كالت الحجية اني اكوم اروح مدام ضاري طالع انتو زفوهم كالت عمتي لا هو كال محد يزفني ماقبل كال نامو واني اجي كالت عجل اكوم شغلته طويله .. اجت عليه بوستتي وكالت شايفه كل الخير طلعت وراحت وراهه عمتي توصلها .. اسراء وره اشويه اجه زوجها عالباب اخذها وراح بقيت بس انه وزهره والحجية .. كالت جهزت الترمز مالت وممياته كلهن يمي لا يضل بالج اليوم اني وزهره نسهر عليه تطمني يحجون وانه عيوني دم اريد بس ابجي من اشوف عبدالله بيدهم احس راح يروح مني وانه راح اروح بعيد عنه مرد كلبي مرد راحت عمتي واخذته وياهه .. هي وزهره وانه ماطلعت من غرفتي لحد ساعه 11 ونص .. سرور ماكو راحت الاهلها .. يمكن ماتتحمل تشوفني ماعرف شبيها .. بقيت انه بالغرفة افتر متوتره .. شويه وسمعت صوت الباب البره انفتح .. كمت وكفت كلت يمكن اجة .. كمت افتر بالغرفة مثل المخبلة نوبه اكعد نوبه اوكف احس حييييلي باد .. انخبصت خبص .. شويه وباب المطبخ انطبك ... انه كمت ارجف ... اسمع صوت خطواته وهو يمشي انفتح باب غرفته .. انه خليت اديه على اذاني كمت ارجف .. كاعده ومتورررتره .. انتظرت شويه ماكو هو كمت احس براحة .. كلت اي انقهر جوز عليه يعرفني استحي وماراح يجي... شلت التلفون اريد اشوف الساعه وجان يندك باب غرفتي انه من اندك الباب .. بلعت ريكي وكمت وكفت .. شلت شالي اريد اللبسه وجان ينفتح الباب وصار ضاري كبالي وهو لابس الدشداشة البيضه والساعه بيده والعطر مالته ريحته بكل الغرفه صارت ... وكف وهو مجتف اديك ليوره .. انه واكفه وهو واكف سلم عليه وكال الربع نامو مو كتله اي ... ابتسم وكال احسنلهم ... اشوف اهينه اليوم سكتت مارديت ... دنكت راسي اجة يمشي عليه ... وكف كبالي وكال شبيج مابيه شي ... ليش اتراجفين .. لزم ايدي كال اديج مثلجان شبيييج تعاي .. رفعت راسي باوعت الوجهه اول مره هيج قريب مني وعيوني بعيونه .. كتله وين ... نروح خله ايديه على حلكي وكال اشششش امشي ويايه ولا تسألين اسسسسسسسفة جدا على التأخير بس حتى اسويلكم بارت طويل قريب ال 4 الاف كلمة 3736 كلمة | ||||||||
|
| |
|
28-12-19, 04:20 AM
| #17 | ||||||||
| مراقبة عامة ومشرفة منتدى الروايات المنقولة
| الحلقة السابعة عشر مساء الورد 🌿 #تناهيد_امرأة #بقلمـي_نشوى_السلطان ❤️ اجة يمشي عليه ... وكف كبالي وكال شبيج مابيه شي ... ليش اتراجفين .. لزم ايدي كال اديج مثلجات شبيييج تعاي .. رفعت راسي باوعت الوجهه اول مره هيج قريب مني وعيوني بعيونه .. كتله وين ... نروح خله ايديه على حلكي وكال اشششش امشي ويايه ولا تسألين سحبني انه وكفت كتله دقيقة باوعلي صفح وكال تره افتهمت بدون ماتحجين بس امشي هناك هزيت راسي اي وانه ارجف خجلاااااااااااانة بودي اكعد ابجي على الموقف الي انه بي سحب ايدي وطلعنا للغرفة ... باوعت البيت الانارة طافية وهدوء .. باوعت لغرفة عمتي الباب مسدود .. عبودي مادري نايم كاعد ...؟ هو مشة كدامي .. اندار باوعلي وكف يم الباب كال تعالي .. فوتي .. مشيت بدون ماارد .. وصلت الباب سميت بسم الله والباب مردود بس دفعته بأيدي على كيفي ودخلت للغرفة طبيت امشي خطوتين ووكفت هو وراية هو دخل وسد الباب ... وقفلة .. بالمفتاح انه جفلت انداريت عليه .. باوعلي ابتسم وهز راسة حس بيه شلون خايفه يمشي ويتبسم مثل واحد ناصب عليه ويستلذ بخوفي .. انه مدنكة راسي عالكاع واحس المكان كبر عليه انه شجاني شلون هيج سويت بنفسي .. باوعت هو دخل يمشي .. الستاره مفتوحة شويه .. راح سدها واجة يمشي وهو يباوعلي كال شبيج اكعدي يمعوده ... اي انه اكعد ... هسه اجة قريب مني اخذ الشاحنة من الميز طلع تلفونه ... شكل الشاحنة وخلاه عااشحن.. راح وكعد عالسرير .. يا الله اليوم راح تبقين واكفه تعالي.. انه واكفه مثل الطفل الخايف واكف عاقل .. كتله ضاري انه وياك يمكن حجينه قبل... رفع رجليه وصعدها عالسرير ،. وبده يلعب بشاربه كال تره اكثر من مره عدتيها وكتلج ادري خلص ليش تعيدي تعالي اكعدي كبالي واحجي شبيج هناك واكفة شافني واكفه والكلابيه خفيفة وانه بردانه .. وارجف كتله اي ... مشيت وكفت يم الصوبة كتله الجو بارد اي الدنيا والناس بارده ... شال الريمونت وصعد درجة الحراره مالت السبلت انه باوعت للغرفة حلوه والمكان مرتبي البنات والفرشة تخبل القرأن فوك عالميز مخلي والاناره حييييل هادئة العطر بالمكان يخبل .. الكاع بس الزولية مفروشة كلت انه اليوم انام يمه يعني .. صخام مستحيل والله لو للصبح ابقى كاعده هم ما انام يمه مشيت وهو يباوع على السبلت .. تقربت كعدت على طارف السرير وهو مقابلي ... انداريت .. باوعتله شلوون صافن سارح وهو صافن عليه مبتسم .. اول ماباوعتله ضحك وكال شر البلية مايضحك كتله ليش.. لا هيج ياب ماكو شي نزل من السرير راح وكف يم الزاوية فتح دكم الدشداشة ... بدأ يبدل ملابسة انة دنكت راسي صخام راح يبدل انه بسرعة انداريت .. ... وهو يبدل سألني كال تعشيتي لا لا ماتعشيت .. ها ليش.. ما الي نفس ... ادري يا يابة ماتكليلي شبيج .. جن واحد ماخذي الغرفة الاعدام عمي على كيفج تره اني انطيج كلمة ومو رجاال اليخلف بكلمته .. راح تموتين اتراجفين ادري شبيج ..! بقيت ساكته مارديت .. كاعده وافرك بأدية بدل اجة يمشي لابس بجامة طويله وفانيلة تعلاگة مشة راح للتلفزيون .. كال تريدين تتفرجين شي.. حتى اشغلة حسيته يريد يلهيني شافني مرتبكة كتله لا لا مامتابعه شي هالوقت عاف دكمة التلفزيون وطفى دگمة الاناره ...بقى بس كلوب الصفر مشتغل كتله دقيقه ... ليش طفيتها يعني غير حتى انام..! انااااااااام ضحك وكال والتالي اليوم مو كتلج احجاية رجال منطيج شلون بلوه هاي... بس انه وين انام ... اجة يمشي وكعد بصفي .. سحب الجهاز من الشحن .. كتله انه احاجيك .. رفع راسه وكال شنو يايابه..! وين راح انام انه وانت وين راح تنام .. راح اطلع اجيب فراش الباب محد يطلعه .. الفراش بغرفة الوالده لا تسويلنا سالفه بهالليل لعد انام بالكاع عالزوليه وانت هنا .. مديت ايدي وهو مرتجي عالسرير اريد اسحب المخده ... لزم ايدي ... وكال تره ماراح اكلج كافي عاد.. رفعت راسي باوعتله كتله انه لا انه ولا مدري شنو تدثري ونامي ماعلية بيج كتلج ما تكلط عليج انت شبيج .. تره اني مو جاهل جدامج شعري اسود مفتوح على وجهي صار بيني وبينه وهو يبارعلي بنظره حادة .. كتله لا ماكدر عصر ايدي بقوة وكال اسمعي يولي .. ما تدني نفسي على حرمة جازه نفسها لو تكون حوريه فكاااااافي يووولي نامي وحجي زايد مااريد .. لا كل شويه وكلتي اتفاق انعل ابو الاتفاق .. تره مرتي انت والي اريده اسوي بمزاجي ... بس اني مااريد افتهمتي... سكتت مارديت عليه بس شفايفي ترجف من االخوف احس شفتي يبست سحبت ايدي وهو سحب ايده وكال استغفر الله المغثى من وراج لاحكتني يحجي ويدردم وينافخ .. انه .. كمت .. وكفت اريد اندار .. لمكاني خزرني كال ها وين النية ..! صاح بصوت خشن جفلت خفت اريد ارد ماكدر عبالك واحد خنگني .. كتله لا انه ماريد اطلع اريد انام بس انه مشتاقة العبودي .. حجيتها بصوت مخنوگ خنكتني العبره .. باوعلي عيوني مليانه دموع وانه واكفه كباله ارجف .. كام الحيلة .. اجة يمشي انة دنكت استحيت منه اجة عليه وتقرب .. انه رجعت هو تقرب كال اني اعرف انت متعلقه بي بس اتحملي هالليله جدام اهلي .. لا تسويلنا سالفه كتله خاف يكعد يبجي عليه لا الحجية يمه لا تخافين هزيت راسي اي .. مد ايديه ورفع راسي .. باوعلي شلون الدموع تنزل كال والله بس هاالليله .. وباجر هو يمج .يولي .. اسمعيني راح اطلع تريدين تبلدين. بدلي... ادري بيج هسه حتى بحمام الغرفة ماراح تبلدين كتله اي والله ياريت .. باوعلي صفح وخر راح يمشي .. وجر باكيت الجكاير والتلفون .. كال اخذي راحتج يابه طلع يمشي وسد الباب وراه ... بقيت انة وحدي ... الغرفه مشتغل بيها الصوبه والسبلت بس احس نفسي مثلجة كمت وانه اعضامي اطكطك من البرد قفلت الباب مشيت بسرعه .. فتحت الكنتور .. طلعت دشداشتي لون جوزي جابتها عمتي .. ... لبستها .. اللبس وعيني عالباب وارجف وخرت شعري خليته وره اذني .. ركضت عالباب فتحت المفتاح ورحت المكاني ... ركضت ركض للفراش ... تمددت وغطيت حتى راسي ارجف من البرد والخوف... بقيت شوي وماكو هوا ... وخررت البطانيه على كيفي ... باوعت ماكو ماجاي هفففففف سحبت نفس اختنكت جوه البطانيه ... اتذكرت عبدالله ... حبيبي يمه وليدي.. هسة نايم .. اتذكرت المرحوم من زفوني شكد جنت خايفة ومرتبكة بذاك اليووم بس اهون من هاليوم عالاقل جنت فرحانه هسه احس نفسي دمرت روحي بأذية ضلمت ضاري وضلمت نفسي زين هو خطيه شنو ذنبه يتزوج هيج بس حتى مااخذ عبداالله واروح ... انه شسويت شخربطت .. والله ضاري لو شما اسوي ما اجازي ماكو رجال بالدنيه يسوي الي سواه علمودنا انه وعبدالله احاجي روحي وصافنه على المكان شجابني هين والله اخس نفسي غريبة .. بقيت وحدي كل سويه اسمع صوت اكول اجة وماكو .. وره تقريبا نص ساعه وانه بمكاني بديت انعس حسيت الباب انفتح على كيييف .. انه بسرعة غطيت راسي بدون ما اباوع ... وانه جوه الفراش .. اسمع صوت رجع انسد وانقفل عيوني جوه الفراش مفتحتها وارمش ... وكلبي يدك اجة يمشي صوت خطواته وصل قريب مني ... اسمعه يكول اششش اششش شلون واحد يهز بطفل ويسكته.. صاح يولي بنين ... كاعده ... انه وخررت البطانية على كيفي .. باوعتله شايل عبدالله ولافة بالبطانية مالته .. وخرت البطانية مني وكعدت الحيلي ... كتله حبيبي سوووده علية كعدت نفسي ..، باوعت عبدالله نايم على صدره وملفلف وبس راسه مبين كال هاج نومي يمج ...عالاقل محرم بيني وبينج يحجي ويباوعلي صفح ... ابتسمت كتله شكراااا على شنو يابة ... هاج .. خلاه بيدي .. وراح يمشي انه اخذت عبودي بوسته .. سحبته لصدري اشمشم بريحته هو يشرب بالماي ومندار .. خلة الگلاص عالميز واجة يمشي .. كعد عالسرير ... شال التلفون .. انه خليت عبدالله بصفي ... نومته وخطيته .. صعد رجليه رجة راسه عالسرير .. حجة وهو يكلب بالجهاز بدون مايباوعلي ... كال نامي انه ماكدر انام ... بكيفج .. .. ذب التلفون من ايدة ... وتمدد .. كال گومي ... طفي الانارة ماكدر انام وهاي كبالي كتله اي هسه ... كمت طفيتها ورجعت اريد اشوف ماكدر تهمست تهمس وصعدت عالسرير ... وصعدت رجلي وتمددت ... وانه مثلجة رجليه .. مداستوعب الي انه بي .. جامده مااتحرك وبس افكر ومرتبكة .. حسيته مد ايدة وسحب عبدالله عليه نيمه على ايده انه شفته درت وجهي عنهم ورحت على طرف الچربايه لافه روحي لف بالبطانية خجلانه منه ياااربي شلون والله مداكدر استوعب انه وضاري على سرير وانفاسنا قريبة من بعض النوب النومه طارت من عيني للصبح وانه بس اتگلب رفعت البطانيه عن راسي وباوعتلهم انتبهتلهم شلون حلوه نومتهم ضاري منيم عبدالله على ايده ونايم بقيت سارحة وباوع الهم اتمنيت وسام هذا مو ضاري اباوع النفسي شلون نايمه يمه .. استحقرت نفسي انه مايستاهلني وسام هيج بسرعة نسيته واتزوجت اخو .. اووف احس حسرة بوسط صدري وانه افكر ماعرف شلون من التعب والتفكير نمت .. بس ماطولت بسرعه فزيت .. بسرعه انداريت على ضاري نايم على بطنه وراسة دايره عالصفحة الثانيه .. بقيت بالفراش اتكلب ... لهنااااك وسمعت دگت الباب جفلت .. كمت عدلت نفسي .. هاي عمتي اكيد عزه راح تشوفني نايمه بصفة لا فشلة والله كمت وخرت الفراش مني ومشيت على كيفي لفيت شعري بالقراصة مشيت اريد افتح الباب صاح وين .... فزززيت انداريت .. كتله الباب يندك ..! تعاي عوفي ماعليج ... بس خاف عمتي هاي... عوفي وتعالي اني افتحة ... اي .. براحتك .. مشيت رجعت كعدت عالسرير .. هو اندار وخلة ايده جوه راسة .. يباوعلي وانه كااعدة .. كال راح نطلع ممنوع بشر بالدنيا يعرف شنو حقيقة زواجنا كتلة لا طبعا ماحجي مانمتي..! لا نمت شوية ... عجل كومي اذا تريدين تطلعين روحي .. تمام اكوم اشوف عمتي شتريد ... كمت صاح الساعه شكد كتله الساعه 10 الا ربع... اوووو اتأخرت ... وخر الفراش ... وكام .. كال اني راح افوت اسبح جهزيلي ملابسي ... الحمام بداخل الغرفة .. فتح الباب .. ودخل للحمام .. انه شلون واحد بغير عالم صفنت ... شويه انفتح باب الحمام مد راسة كال عرسان ياب واحد لازم يغسل .. عود طلعلي دشداشة عبودي.. انه فشلت انداريت وضحكت ماكدرت اتحمل كتلة اي هسه اطلعهم راح هو سد الباب وانه كمت حهزت ملابسه ... شايلتهم بيدي وجان عمتي تكول بنين يمه كاعده ... كتله اي عمه .. رحت فتحت الباب.. كالت ها يمه نكول مبارررك ... انه سكتت كالت وينه ضاري طبت تمشي كتلها ديسبح بالحمام ... ضحكت وكالت يبو عسى الف مبارك عليكم .. سحبت راسي بوستني وهي فرحانه ... وينه عبوودي ادري عليش اخذتي بالليل كتله بعده نايم ضاري راح جابه شافني ماكدر انام ها ديلا خل يكمل حتى انتريك سوية من الصبح كاعده بس كلت اتناكم .. تكعدون داتحجي وكاعده عالسرير .. ... ضاري فتح الباب صاح المنشفى .. انه .. باوعت شلون راح اتقدم وانطي المنشفى وهو بهالوضع انوب عمتي كاعده .. كتله ها اي هسه .. رحت دورت عالمنشفى بالجرارت طلعتها كال يمعوده وينج الحجية كلتله هيانها جتك يالعريس .. رحت تقدمت يم الباب من بعيد مديت ايدي انطيتها اله ورجعت .. عمتي الابتسامه على وجهه ياكبرها .. خطيه عبالها كل الامور انحلت كتلها عمه خل نطلع نسوي الريوك ... لا لا اكفي خل اشوف العريس اباركله جنت اتمنى اسويلة عرس وحفله وازفة وادبجله دبج ماصدكت يوافق ويتزوج بس ربج بعد كلشي مقدر ومكتوب ونعم بالله عمه المهم سالمين اي والله ربي يحرسه يبعد طولي طوله انه مستحية شلون راح يطلع ... كمت كتلها عمه انه اروح قبلج ... وين يبووو اكفي خل يطلع زلمتج وين رايده ضاري صاح يمه عوفيها خل تسويلي جاي اريد اطلع انه مدنكة راسي بس عرفته حس بيه .. كالت عجل تلاحكي سويله جاي كتلها اي ماصدكت كمت بسرعه لبست حجالي طلعت من الغرفة طلعت للمطبخ وانه وجهي نااااار ماعرف وين انطي وجهي من الخجل ... تلكاني محمد طلع من الغرفه مالته .. هلا ام عبدالله مبارك عليكم بلعت ريكي ودنكت كتله اشكرك خويه الله يبارك بيك مشيت وحسيت سرور فتحت الباب وراه طلعت انه عفتهم غسلت القوري وخدرت جاي .. طلعت خبز اجت عمتي كالت بنين يمه تعالي اكعدي مدام سرور كعدت خل هي تسوي رييوك انداريت سرور واكفه .. كتله لا عمه ماكو فرق سرور كالت.. ليش عمه عود قصدج بنين عروس اي عجل ليش موعروس .. ها اي الف مبروك عيني بنين اجت تمشي كدام عمتي بوستني كالت .. شايفين الخير اشكرج الله يبارك بيج ... طلع ضاري يمشي من الغرفة .. وهو كاشخ بالدشداشة ومتعطر ... وبيده قطن الاذان دينشف اذانه .. باوع السرور وكال الها سرور كومي انتي سوي الريوك يمكن سمعها هي فشلت كالتله اي هسه .. كامت تمشي تباوووعلي تريد تحرگني مو تاكلني ماادري لان اخذت الي مفروض ياخذ اختها ماادري لان ما قبلت باخوها بس هم حقهم خطيه اختها ساعدتها وجهزنا الريوك ..، عمتي كالت اروح اجيب عبدالله خاف يكعد ويكع من الجربايه ضاري ومحمد تربعو كعدو عالجودلية ... ضاري ملتهي يخابر بالتلفون .. تقربت سرور وحجت بصوت ناصي .. ها عيني شلونها ليلتكم .. كتلها عادي عادي شنو احجيلي المغامرات كتلها انه ماحب احجي شي يخص حياتي الزوجية اعذريني سرور .. اكلج انت مستحية تحجيلي عرسج وليلته شلون جانت بس ماخجلانه من نمتي بحضن حماج تره صعبة مو بقيت ساكته ماعرف شنو اجاوبها ... ذبيت من ايدية الاستكان خليته عالكاونتر .. وطبيت ركض للغرفة تلكتني عمتي وهي شايلة عبدالله وتغنيله .. مانتبهتلي طبيت وطبكت الباب عليه كعدت ابجي من كل كلبي الناس شراح تكول عليه انه شلون هيج ماستحيت على نفسي وتزوجت ضاري اكو وحده تاخذ حماهه ماتنلام بيه سرور لا والله ابجي بالغرفه بقيت .. شويه وسمعت الحجية تصيح بنين شو ماكو. بنييين تعالي اكلي انه ماكدر ارد عليها صوتي مخنوك من البجي وماردت احسسهم سمعت ضاري يكللهم هي وين راحت سرور تكله جوز تسبح .. انه مرتجيه عالحايط وابجي .. بغرفتي القديمه .. شويه وسمعت ضاري فتح باب غرفتنا ورجع سد ه عرفته ديور عليه .. دامسح بدموعي اريد اكوم جان يفتح الباب عليه ... باوعلي انه بالگاع كاعده .. ابجي وعيوني تحركني بقى مستغرب كال شبيج .. مسحت ادموعي كتله لا ماكو شي فات وسد الباب وراه ... اجة يمشي كال حاجيني ليش تبجين اكو شي هزيت راسي لا ... تنهد وكال استغفر الله غير اعرف شكوو شجاج كتله انه اتذكررت المرحوم ... وكلت انه شلون هيج جازيته ...واتزوجت اخو اريد احجي ماكدر ابجي دموعي تجري واشهك مثل الطفل كتله انه وانت لازم كلمن يروح الحال سبيله اي تدللين يجرالج ياب... فتح الباب وطلع لطخة بقووووة ... انه بقيت بالغرفه ابجي على حضي على القهر الي شفته وانه بهالعمر اسمع الحجية تصيح عليه تعال تريك هاي وين راح شبي سرور تكللها طب يم بنين وطلع اعصاب .. الحجية عزه عالماتله شو يمشي ويلطخ بالبوب شكوو وانه بالغرفة سمعته شلون شغل السياره وطلع للشارع وحرك السياره حرگ ... طبت عمتي عليه كالت شكو يمه شبي وياج اكو شي كتلها لا انه هيج بجيت اتذكرت الموحوم اي وضاري شبي سكتت كتلها انه مادري شبي ... شو هذا المصخم طلع حتى بدون ستره بهالبرد ريوكه عافه نصيح انريد مايرد كتله ماعرف عمه ماعرف .. كمت الحيلي طلعت من يمها وطبيت للحمام ... بقيت انووح وابجي كلساع اقهره كلساع اضوجة هم هم شنو ذنبه اووووف شراح يكضي هالعمر ياربي انطيني الصبر انه اذا ابقى هنا راح اسوي مشاكل جبيره تنهدت وكلت الله يفرجه عليه ... غسلت وجهي باوعت النفسي بالمرايه عيوني حمر وخشمي احمر نشفت وجهي وطلعت لكيت عمتي بالهول هي وزهره وسرور ماكو ... كالت تعالي عبدالله يدور عليج .. ليش ماتريكتي كتلها ماكدر اكل عمه .. اخذت عبدالله اريد اطب للغرفة احس نفسي تعبااااانة عقليا وجسديا .. كالت يمه محمد خابر ضاري مايرد ماعرف عمه جوز يم صديقه لو مشغول انه راح اروح انام تعبانه ... طلعت وعفتهم .. تلكتني سرور وهي تعلج وشايله بيده سلة الهدوم كالت ها عيني بنين تره اني ماقصد شي سكتت مارديت عليها مابيه حيل احجي عفتها وطبيت لغرفتي قفلت عليه الباب بقيت مدده بالفراش ابجي حجاية سرور ادگ بكلبي .. كمت احس راسي يريد ينفحر من التعب والقهر نمت انه وعبدالله ... شلون واحد ميت ولا حسسسسسيت .. كعدت من نومي عبدالله يبجي جوعان ... كعدت نفسي انداريت الساعة 4 العصر حييييييل انه شكد نمت... كمت احس جسمي يأذيني شلت عبدالله وطلعت .. باوعت الغرفة ضاري الباب مسدود مشيت للهول ماكو احد .. طلعت للمطبخ لكيت زهره وسرور .. سلمت وخليت عبودي عد زهره كتلها زهره بس اصبله اكل ياكل .. اكلج عمتي وين امي طلعت لبيت خالتي نجمة شعجب ماكعدتني بقيت نايمه سرور .. كالت لحد يكعدها عرسان وجانوا سهرانيين تحجي وماعرف شلون تباوعلي .. كتلها زهره ضاري ما اجة سرور جاوبت من يمها لا عيني عجزنا ونخابر عليه مايرد وبالاخير التلفون صار يطلع مغلق وعمتي خيل خافت عليه دزت محمد راح يدوره انوب انه من كالت هيج احس حيلي بااااد كلت صخام بعيني بس لا صارله شي صبيت غده العبدالله كلت الزهره طعمي انتي .. طلعت للطرمة اتمشى احس نفسي مخنوكة مر الوقت ورجعت خالتي ومحمد رجع وضاري مابين صار الليل وتعشينا وتعللنا وهو ماكووو كالت عمتي ضاري تره خابر ويكول اتأخر مااجي سرور من مكانها ضحكت وكالت لا خوش عريس من اول يوم هاج هاي شبيج وياه بنين كتلها عمه انه اروح انام من رخصتكم سرور اكلج عاد وين راح تنامين بيا غرفة عمتي كلتلها بغرفة زلمتها يعني وين انه شلت عبدالله وطبيت للغرفة ... بدلت العبدالله ملابسه وسويتله ممية ونومته بمكانه شغلت التلفزيون .. وكعدت اتفرج اريد الضوجة الداخلي تروح ماكدرت احس روحي تريد تطلع مقهوره على ضاري الي ابتله بيه اكثر مما مقهوره على نفسي شويه واندك الباب .. انه كاعده بدشداشتي داتفرج عالسرير كلت منو دخل ضاري .. وسد الباب رراه بدون مايحجي .. طب باوعلي واندار .. شرب ماي واجة يمشي نزع الدشداشة وعلگها خله التلفون والسويج عالسرير قريب مني وياهن باكيت الجكايز وطب للحمام .. انه كمت غطيت عبدالله ورجعت عالسرير .. انتبهت التلفون صوت رساله اندريت باوعت عالشاشة .. وصلت رساله مكتوب بيها احبك احبك احبك ووووالله صفنت كلت منو هاي .. انتبهت الاسم مروه وخرت بسرعة وعفت الجهاز .. .. شوية ورجعت اتصلت ... انه شلت التلفون صاح منو ديتصل ... كمت من السرير نزلت وهو طلع .. ديتشف بأيده كال منو ... كتله مروه هاية .. خطيه جاوبها ...بسرعة راح ينقطع صفن عليه وهو ضايج ... واضح من عيونه شلون خازرني .......... يتبع الي طلبو اوصافهم بنين حنطية مايله للسمار عيونها كبار وجهها مدور ناعمه شعرها اسود سرح حواجبها ثخان طولها وسط ضاري حنطاوي خشمه طويل عنده شوارب ولحيه خفيفه طويل عيونه وسط لا صغار ولا كبار واكو فديو لمجموعة شباب من اهل الغربية اكو شخص يغني بالفديو حييييل يشبهه راح انزله بالمنشور الي لابس كبوس اسود وتيشريت اسود واكو اعتقد وشم بذارعة رجاءا بدون تجااااوز اترجاكم ماكو انسان معصوم من الغلط انتقدو اي بس بدوون سب على البطلة اخذو العبره منها احسن .. من الغلط حبايبي تحياتي لكممممم نشوى | ||||||||
|
| |
|
30-12-19, 07:22 AM
| #18 | ||||||||
| مراقبة عامة ومشرفة منتدى الروايات المنقولة
| الحلقة الثامنة عشر صاح منو ديتصل ... كمت من السرير نزلت وهو طلع .. ديتشف بأيده كال منو ... كتله مروه هاية .. خطيه جاوبها ...بسرعة راح ينقطع صفن عليه وهو ضايج ... واضح من عيونه شلون خازرني كال كطي التلفون غادي عوفي... انه خليته بمكانه ورجعت كعدت عالسرير ... اجة يمشي ... كعد عالسرير ... فتح التلفون وصار يكلب بالسجل يمكن راح للرسائل انه انداريت على عبدالله وعفته .. شوي وكام يمشي ... راح للزاوية سحب الستره بدون مايلبسها خلاهه على كتافه .. باوعلي كال شو مانمتي كاعده ليش! كتله انه هسه اريد انام اي نامي لان اني راح اطلع بره اتأخر تطلع بره وين بهالوقت .. هسه عمتي تكعد ادور عليك اني مو جاهل ..اخابر وارجع اجة اخذ باكيت الجكاير وطلع نامي وباجر نحل الامور قصدك علمود كتل انه وانت لازننفصل مشة شوي وكف اندار عليه كال لا ليش ننفصل تبقين حرمتي جدام الناس والشرع حلل اربعة ها قصدك تتزوج عليه اي مو على شي بس مروه خطية ... كتله براحتك انه ماعندي مانع بس يعني هسه انت راح تطلع تخابرها مايخصج هالشي اخابرها مااخابرها احنا زواجنا على الورق لو نسيتي. حجة هيج وطلع ... بقيت وحدي بالغرفة .. تمددت بفراشي ... وصفنه تجيبني وصفنه توديني .. اجة بالي حجي اسراء هو صحيح كلامها بس المشكله انه مادكدر استوعب الفكرة يعني شلوووون اكون بحضن ضاري مااادكدر ياربي والله صعبة .. اتمنى يحسوو بيه ويفهمون انه ليش نفسيتي ماتتقبل هالشي ... يمكن بمرور الايام انسى اتعود بس هسه ماكدر ياربي انه تعبت بحياتي هواية يارب ارشدني للطريق الصحيح تعبت والله ... بقيت اتكلب بفراشي .. وهو ماكو .. كل شويه اكول راح يجي وماكو اخر شي نعسسست عيوني احسها تنقفل من كيفها .. مديت ايدي سحبت عبودي الايدي شبكته ونمت ... كعدت الفجر على صوت الجوامع وهي تكبر .. باوعت الضاري ماكو بفراشة تهمست المكان فارغ .. عززه وينه كعدت نفسي باوعت زين لفراشة ماكو بس انه وعبدالله .. الدنيا ظلام مااشوف شي نزلت رجليه ونزلت امشي الكهرباء مقطوعة والغرفة ثللللج .،امشي وتهمس اريد اشيل التلفون حتى اشغل الايت .. مشيت شوية .. كلت يمكن عالميز .. مشيت. بأستعجال وجان اعثر ونسدح بالكاع على وجهي.. انتبهت فراش هذا وبطانية .. كعدت نفسي باوعت ضارذ فارش بالكاع ونايم .. انوب ايدي صارت على صدره .. جفففففففلت وبسرعة سحبت نفسي هو نايم ومغطي حت راسة ادية على حلكي وانه خايفة وخجلانه اريد اكوووم رفع البطانية وكال ها خير انه مااشوف زين حجيت بصوت يرجع وجهيي احسه نار من الخجل كتله انه اعتذر والله والحسين مادري انت هنا نايم اي وهسه شنو المشكله ماكو مشكله بس انه جنت ادور عليك ها ادورين عليه من شوكت وجاي يابه..! انة ظل بالي شفتك اتأخرت ... احاجي وانه ارجف وافرك بأيديه هسه عوفج من هذا الحجي كله شبيج هم بردانه دنكت راسي كتله الكهرباء ماكو والغرفة ثلج ... اي هي كبل ثلج .. رفع البطانية وكال تعاي بسدي انه مدنكة راسي كتله شنوووو اهووووو لا تسويها سالفه تعاي تدفي هين شويه لا والله شنووو ضضحك وكال هسه تجين لو لا .. لا طبعا .. انه راح اروح لفراشي .. خليت ايدي عالكاع اريد انهض وجان يسحب ايدي وهو رافع البطانية كال تعالي عاد لاااااا حجيتها بصوت عالي همس اششششش شبيج يولي كتله انه عثرت والله هسه اني شكايل .. لا موانت داحجي جان يجرني كال اكلج شو تعاي انت مو مال عيني واغاتي .. سحبني لحضنة انه مثل واحد متسجن شلوون هيج اخذني الصدره مادري شلون صرت بين اديه وسكتت .. بقيت جوه الفراش راسي على صدره اسمع صوت دكات گلبه وانفاسة تتعالى وانه بيين ايدية .. وارمش بعيوني مثل المخبلة .. كلبي يدك وجسمي يرجف سنوني اطكطك من البرد ماعرف من الخجل.. بودي اكعد ابجي على نفسي من الفشلة مد ايديه على وجهي تهمس وجهي كال خما تأذيتي هزيت راسي لا .. سحبت نفسي اريد اكوم رجع جرني كتله انه اريد اروح العبدالله خاف يكعد كافي اتكلبين عليه تره قريب من يكعد نجيبه .. حجاهه بعصبية بس انه اريد انام بمكاني شعندي هنا غير مرتي ...يولي لا تخافين الي ابالج مايجره هااااااا انه وين افكر وانت وين تفكر ضحك وكال هسه اني اعرف من شنو خايفه بس اني انطيتج حجاية وعدتج ووعد الحر دين نامي وتدفي زززين انه من فشلتي وجفصاتي الي جفصتها صرت استحي بعد ارده .. بقيت بين اديه ..خوف على توتر على خجل الي بيه ماينحجي ولا يتسولف .. كل شويه اتركة ويرجع يلزمني ويحاوطني بأيدة اركحي عاد.. مو لعبتي بينا لعب رفعت راسي اله وانه على صدره كتله انه اي احجي شبيج .. بلعت ريكي وكتله انه استحي منك .. ضحك وكال تتعودين شوي شوي بس انت شيلي هالحاجز لا انه وانت مانتوالم .. صعب والله هااا رجعناااا تره اني دتحملج واكول بدايه مصيرها تتعود بس هاي سسوالفج بطليها بس انت شنو ذنبك تاخذني وكلبك يم غيري يحاجيني وانفاسة دافية قريب من رگبتي .. انه اطرافي ثلج صارت اريد ابعده مااكدر ايدية محاوطتني كال هيهو هذا الكالج يولي شييج منين تجيبين هالحجي انه اعرف انت تحب مروه والدليل هي لحد الان تخابرك اي وين المشكلة مو كلتي امشيلك عليها والشرع محلل الي اي وانه بعدني اكول اذا تحب انه امشيلك عليها اي ياب اي .. اني اكول لو تسكتين بجثير احسن اني اعرف انت اخذتي ليش بس لا تعديهن رحمة الابوج لا كلساع وكلتي تستر عليه وعلمود ابني .. ارد افتهم تسوين على روحج سالفة ليش لعد شنووو ليش نتهرب من الواقع اكول اشوف طلع السانج وكمتي تسولفين ياولي صفنت عليه وانه مستحية كتله هسه شلون انتي بس نامي وعوفي هاي سوالفج وربج هو يحلها لا انه ماكدر انام هنا ... والتالي ..! باوعتلة وسحبت نفسي كتله انه مااكدر اتقبلك كزوج الي اتمنى تفهم هالشي .. حجيت هيج وكمت بقى مدد بالفراش مارد عليه سكت انه عفته ورجعت اركض للفراش تمددت بصف عبدالله وخليت ايدي على كلبي شلون دگاته عالية ارجف وملفلفة نفسي بالفراش .. كل شويه اتذكر شلون جنت بين ايديه ماعرف شيصير بيه احس حتى گلبي يعصرني .. للصبح كعدت لكيته ماكو بالفراش .. وعبدالله نايم بعده باوعت للباب بعده مقفول ... الساعه شكد .. اناريت ساعه 9 باوعت للحمام الگلوب مشتغل كمت انه بسرعه .. نزلت شلت الفراش بديت اصفط بي شلت البطانية ودصفط بالجودليه فتح باب الحمام وطلع باوعلي واندار انه بقيت ارتب بالغرفة فتح الكنتور طلع ملابسه كام يبدل .. انه انداريت .. فتحت الستاره .. وتذكرت الي صار بالليل ابتسمت عزه شلون وكعت فوكاه ... كتمت الضحكة كوه .. باوعت الجو يخبل شمس ... طالعه .. بدأ الجو يبدل لبس هو وكمل بدون مايحاجيني .. اجيت امشي قريب منه وكفت ... كتله انه خط ماعندي واريد اخابر اهلي * باوعلي كال ليش لحد هسه ماخابرتيهم لا انه اخابرهم مرات من تلفون الحجية عجل ليش ماذكرتيني اجيبلج .. مادري شفتك ملتهي ... هااا.. ماشي اسويلك ريوگ لو مستعجل.. لا شكرا الحجية موجوده لبس الساعة بيده شال السويج وطلع .. انه طببت للحمام غسلت وجهي وطلعت لكيت عبدالله كاعد .. نشفت وجهي روحتله .. هلا حبيب امك هلا شلته .. طلعت للمطبخ لكيته كاعد ديتريك هو اوالحجية .. وانه شايله عبدالله. من شاف ضاري كام يكمز عليه ااحجية كالت جيبي يدور على ضاري شوف شوف شلون يكمز عليك هو مدنك مارفع راسه يخوط بالاستكان اخذته عمتي مني .. انه كتلها راح اخلي الملابس بالغساله عمه بعد وكت مو طايرات يمه تعاي اكلي لا عمه اكمل بسرعه وارجع رحت خليتهن ورجعت ... باوعت شايل عبدالله ويبوس بي والحجية تكله يايبه مو هيج لحيتك تجكجك بي كال الها هاج حجيه اني اتاخرت المحلات مارحت شفتهن لا اليوم ولا البارحة عجل وين جنت البارحة جنت بهالدنيا حجيه ... يا الله... اخذ السويج وكام وكف طلعت زهره كالت يمه اسراء اتكول راح نطلع الابو دلف سفره تطلعون انه كتلها وين صاير ابو دلف ... الحجية يمه على طريق الدور قريب عالجلام اثار الناس ترروح هناك كبل اتونس اي انه اعرف اكو اثار بس اتمنى اشوفها عجل خل نروح .. شتكول يايابه تودينه... باوعلي وهو يفتح بالباب كال اتريدون تروحون روحو زهره منو يودينه اذا انت ماتودينه خلي الشفية اخوج يوديج شعنده ماعنده شي لا مو سرور تريد تروح هي ومروه وماتكفي خل نطلع 3 سيارات باوعلي وكال ها اذا هيج لمه حلوه ليش لا تهيرور * زهره ... صدددددك والله اي .. اطلع للمحلات وارجع جهزو الاكل والغراض بنين ... طلع ضاري وبيقنا انه والحجية وزهره كتلها عمه مثل شنو ناخذ ويانه يمه سوت جدر دولمه .. لو خل ناخذ المنقلة الصغيره وهناك نشوي صدددك عمه .. زين وبعد شنو اخذ قوري الجاي الله محتاجة هيج اجواء اي اخذي كلشي وخلي مده صغيره وياهه حصيره شي حتى تكعدون عليها.. كتلها يلا زهررره خل نبلش .. زهره ... ضاري كال روحوا من سمع بمروه كال خوش لمه انه اخوووك الليوم مروه الفرحة مش سيعاهه على كولت المصريين كالت عمتي اش شلج بهالحجي .. عجل الجدامج شنو هي مروه .. جنها فرس النبي .. خابصينا بيها شعلينا يمه غير ابنج يحبها وتحبه البارحة طلعت بالليل لكيته يحاجيها شنوووو صدك عود باوعتلي انه اصب بالجاي كالت شنو السالفه ليش تقبلين كتله شنو عمه شعليه اني عجل منهو العليه مضعوفة البخب .. شلون حجي يدبج بالفاد يولي ليش تخليها تاخذه منج عمه هيه هم خطيه جانت تحبه ويحبها شوف بلا .. هاي واحد شيحجي وياهن يشك ازياكة للذيل هم مايبدرد كلبه ابقي اهيجي لما ياخذنه منج ذاك الوكت عود كولي كومن كبل مايجي ويلكاجن كلشي مومسويات ويبطل زهره مايبطل اكللها مروه هناك اسكتي عاب هالحلك . لا كلساع وكلتي كشره والله ماتلفي البيت انه ضحكت على عمتي شلون تحاجي زهره كتلها زهره سدي الحجي وكومي خل نكمل .. شلت الصينية وكمت.. جان تطلع سرور هي ومحمد .. سلموا وكعد محمد عالجودليه شال عبودي بوسة.. اجت سرور وكفت يمي كالت تروحون ويانه كتله قصدج على الاثار اي راح نروح احنا اي ضاري كال نروح .. ها يعني راح ياخذج وياه ... عمتي مخليه اذنها يمنه كالت اي عجل ليش ماياخذها عروسته غير .. باوعت العمتي وسكتت ... للظهر .. جهزنا كلشي .. انه وزهره وسرور ... طبو للغرف الكل ديبلدون ... انه بقيت بالمطبخ لملمته وغسلت الصحون .. باوعت ساعه 12 ونص ... نشفت ايدي .. شلت الصوبة طفيتها وخليتها على صفحة ...انداريت .. باب المطبخ انفتح .. دخل ضاري .. وبيده حجلة .. خلاهه عالزولية وكال وينه عبدالله يم الحجية خليته كملتوا كلشي .. اي ماعنده شي... دانحجي طبت الحجية كالت هاي شجايب ... وينه عبدالله ... توني نومته نام .. عجل خليها من يكعد شيليها وديها جوه عمتي كالت يله عاد منا وهيج شدو حيلكم انريد اخ الاعبدالله انه باوعتله وهو باوعلي ... كال الها اي حجيه توم مو واحد بارعلي صفح ولزم شاربه .. وخازرني الحجية .. اثنين واحد كله نعمه بس كون اشوف جهالك كبل ماموت كتلها عمرج طويل عمه .. كالت اروح اصلي هسه اذن ... طلعت تمشي فاتت جوه هو واكف يباوعلي كال الحجية تريد اخ مارديت عليه ابتسمت بس ماخليته يشوفني انداريت اجة قريب يمشي يريد يفوت للجوه كال مسكينه الحجية عبالها صدك .. فحل اكشر ماتدري الزواج بس بالاسم دايحجي وجان تفوت سرور باوعت النه ومشت راحت للسنك ضاري فات جوه .. انه طبيت وراه ... امشي تلكتني زهره مبدلة كاشخة .. لابسه فستان نيلي ومرتبه الشال كالت ها حلووو كتلها تخبلين شنو هالكشخة اوووف اريد اللبس غيرهن بس ضاري راح يحشر روحة ويكول ممنوع اعرفه اي بس ذني لايكات الج والله يمعوده شطول الثوب اكلج شراح تلبسين ها مادري اللبس جبه لو عباية بشرفج عروس تلبسين هيج ادري شبيج خطية ضاري ماخذله عجوززز كتلها لعد شلبس لا عيني خليني هيج احسن دانحجي طبت الحجيه شايله السجاده كالت ها تهيرتن زهره .. يمه اكللها بدلي تكلي بالعباية اي يمه خليها اهيجي لما يروح ضاري منها باجر تعض اصابعها ندم يمه هالوكت هذا يخوف والبنوات بس يريدن رجال يجلبن بي تصنعي رتبي روحج عباالج اني من اكلج مامقهوره على وسام لا والله يدگ بكلبي ذكراه كل ما اشوفج بس انتي بعدج شابه والعمر جدامج وضاري هم ابني الي يفرحة يفرحني ... زهره امشي بدلي امشي دانحجي ضاري بالغرفة كتلها بس خلي انطي الدشداشة والله كريم عمه ... عفتهم وفتحت الباب ... طبيت لكيته مبدل الدشداشة لابس النيليه وياهه لابس اليشمغ كال تهيري مابقى وكت .. اي هسه ... راح ابدل وابدل العبودي عجل وين جنتي غير تلبسي من وكت .. خما نروح العصو اليوم غير واحد من وكت يطلع كتله لا هسه انه بسرعه اكمل ماعندي شي عافني وطلع وسد الباب وراه كمت طلعت هدوم العبدالله ...خليتهن عالجرباية فتحت الكنتور .. باوعت هدوم مليان الكنتور بي شلبس مادري باوعت للعبايه اي والله خل اللبسها مالي نفس حتى ابدل واكشخ بعد ... بدلت لبست العبايه لفيت شعري طوبة... وكعدت دابدل العبدالله .. نايم وكعدته ... بدلتله بسرعه ... طبت زهره كالت اريد دنبوس دنبوسي وكع كتلها هاي يمج كلهن ... كالت ضاري طلع الكسرية اليوم يطلعون للصيد جوز ها ليش شيصيردون هناك هي صحراء بس مرات طيور ضب ديلا كملي كملي كاعندي شي كملت بس اللبس حجابي باوعتلي كالت بشرفج هاي شكل عروس اووو زهره امشي امشي خل نطلع ... طلعت هي وانه لبست الشال .. بسرعة فتحت الكومدي طلعت الحذاء وطلعت وراهه ... طبيت للمطبخ لكيت الكل مجموعين سرور كلش حلوه طالعه مكياج واناقة لابسه تنورة وسترة ... كالت احنا راح نطلع نجيب مروه ونتلاگة بالطريق الحجية تباوع الها من كالت انجيب مروه .. ضاجت طلعت للطرمة لكيت ضاري ديخلي الغراض بالبيكم ... اجت زهره كالت يلا منو يشيل ويايه ... كتلها انه هسه جايتج ... كعدت عبدالله يم الحجية وطلعت ... ودينه الترمز مال الجاي .. والاستكانات .. وباقي الاغراض .. اجة ضاري كال شي تكعدون عليه عود لا تنسن زهره كالت كلشي خلييييت مابقى شي الحجية كالت عجل قفلن البوب هل نمشي ضاري ... واكف يخابر بزوج اسراء .. كال اصعدن هسه اجي ... صعدنا انه وزهرة ليوره والحجية ليكدام .. انه بالضبط الكشن الي وره ضاري... اباوعلة ديخابر وهو يوصف الطريق منين راح نطلع شويه واجة صعد بالسياره .. وهو لابس النضاره وكاشخ صعد وكال يا الله ... ها انتوكل..! الحجية كالت اي يمه حرك .. خل نمشي شغل السياره ومشينة ... طلعنا تلفونه كل شويع يخابرو ماعرف منو يكلهم والله مو بالاسواق حاليا طلعت يحجي بالتلفون وباوعلي بالمراية ... انه عيوني بعيونه بسرعة دنكت وانداريت عالشارع صافنا عالجو والربيع يخببببل سد التلفون وشغل اغنية ... زهره بيدها التلفون وتاخذ صور للشارع والحجية ليكدام كل شويه يباوعلي ومن اشوفه يندار نصة المسجل كال الها حجية اسمعي اسمعي الاغنية ها شبيها يمه مابيها بس خوش سوالف يسولف هذا المطرب باوعلي وعلاه ركزت بالكلمات وهو يكول لو سگاني المر اسگي الغرام لا تلموني مو بيدي هويت لو شفت عينه احس اني انتهيت ساكن بگلبي ومن حبه شكيت ولو گلت انسى اكذب مانسيت لا لوووموني تراني بحبها مـجنوووون .. كل شويه يباوعلي بنظرات حادة اول مااشوفه يرفع الجكاره يدخن ويسوي نفسة مو وياي ... وانه صافنه كال وصلوا الجماعة ورانه زهره اندارت باوعت كالت هاي سياره محمد وسيارة مزهر ورانه كتلها زوج اسراء مو ضاري يباوع بالجامه كال اسراء وياهه رجلها افتهمناهه حماهه ليش جاي .. الحجية كالت يلا يمه موغريذ شتريد منه مزهر باع سيارته وجوي بسيارة مهند ضاري باوعلي بالمراية كال راح ننزل شقى ضحك ماريد .. التكعد خل تحترم نفسها وبلا شقى ماشي زهره كالت ماشي انه ساكته باوعلي بالجامة كال ست بنين سمعتيني شكلت كتله انه اصلا ماعرفهم فليش اصلا اضحك وياهم اي خليك لا تعرفيهم احسن .. زهره بنين باعي هذا طريق الدور منا تل العليج ومنا سور شناس وكل الاثار هينه تخبل .. كتلها هو الربيع وحده يخبل باعي شكد حلوه الاجواء دانحجي وجان نصير قريب من المكان ... كالت هاي هيه ابو دلففففف وصلناااااا كالا الحجية اهينه في نزلنا لا لا مو اهين ليش يا يابة حجيه شعنده منزلين بنواتنا فرجة للعالم ... طلع التلفون خابرهم كال تعالو غادي ... فر السياره ااخذنا بعيد.... نزل هو وكال يلا انزلو ... فتحت الباب اريد انزل كال دقيقه .. اجة اخذ مني عبدالله كال يلا انزلي ... نزلت وكفت يم الحجية ... كتلهم انزل الغراض ... اجت سرور ومحمد واجتي اسراء وجهالها ضاري يباوع ماحجة شي ... اجتي مروه ... لابسه فستان جويتي .. مجسم عليها .. مخليه المكياج عبالك رايحة الحفلة والعطر مالتها بالهوى يخبل .. سلمت وكالت هاي شكد الحلو الجو اليوم ... ضاري يباوع الها وساكت .. اجو الزلم همه ومحمد مزهر ومهند .. سلمو الحجية اكلتهم بالسلام شلون امك شلون اخوتك ضاري يباوعلي كل شوي كال احنا جدام طالعين انتمشى كملوا الغراض راحو وبقينا احنا والبنات ... سرور اجت نزلت ويانه شويه وجان تكللها مروه تعاي اخذتها وطلعوا علو التله العاليه وحدهم يحجون زهره كالت بدأ التخطيط اسراء باوعتلي كالت عرتي بردان رجلج يولي ضحكت كتله ليش يعني اكلج انت تجلطين والله والله عليج الله مفتنعه بروحج هسه ليش شكووو لا لا مقتنعه. جايه بعباية وشال حتى عطر ماكو مثل المشتكية علو النفقة وج عيني رجلج شاب شبيج انتي كتلها عوفكم من الحجي هذا خلي نكمل.. انداريت ضاري راح يتمشى وبيده عبدالله اجوي جهال اسراء كالو عمو ضاري يريد بطانيه يكول صارت بارده يريد يلف عبودي كتله هذيج يم الحجية اخذها كمت كملت كلشي ومروه وزهره بعيد يسولفن ويتمشن اجة ضاري يمشي وحده انطاني عبدالله ... كال الكسرية وين ... مروه كالت دقيقه ضاري اندار عليها .. ابتسمت كلتله عليك الله علمني سرور اي والله خبصتني تريد تكلك صار ساعه ومستحية ضاري .. وين اعلمها جدام الناس لا يابه الحجية كاعده عالجودلية تباوع كالت السلاح للزلم يمه اثكلن شويه شلجن بي ضاري باوعلي اني ساكته جان يكلله تكلطي عليه خل اعلمج .. اسراء باوعتلي من بعيد وسوتلي بيدها 🙌🏻 ضحكت اشرت الها بيدي شبيج راحت مروه وهي تصيح يااااااي واخيرا راح ارمي باوعت الها شلون عادي ولا تستحي من ضاري وكفت بصفة وايديها وايده سويه اسمعه يكللها خلي ايدج على الزناد ... تي اهيجي .. يلا اكضبي اهاي لا ترمين اياج الا اني اكلج .. ً اسراء ماتحملت صاحت الها اكلج عيني تره سفره هي مو تريب عالسلاح تعالي عاد خل نتغده انصخم انداريت ضاري يضحك عليها ماعرف هي شتكله عاد شوي ورجعت كالت بعد ماتعلمت راح يعلمني النوب الحجية همه وينهم .. شو مارجعو كالت راحو هناك هو والولد اجت سرور كالت يلا خلي نصب الاكل ... مدينه السفرة ... وكعدنا .. شويه واجو الولد ضاري اجة وكف بصفي ... باوعلي كال نزلي شالج دنكت انتبهت الشال مرفوو وصدري شوي مبين بسرعه سحبته نزلته كعدو الزلم كدامنه والنسوان بسره واحد مقابيل اثاني احنا جبنه دولمه وهمه جانو جايبين مشويات عبدالله يبجي يريد يرضع وانه داكل باوعلي كال جيبي عليه شبي كتله لا جوعان يريد يرضع الحجية اانداري غادي ورضعي.. عليش ماجبتي المميه مالته كتله نسيت. والله كام ضاري كال كومي كتله وين اكوم تعالي ويايه ... كام يمشي وانه شلت عبدالله ... اخذني. للسياره كال يلا اهينه رضعي كتله شو هنا عجل جان تريدين ترضعي جدام الزلم مو لا عادي هسه هنا ارضعة ماشي يلا ... مديت ايدي دافتح العباية هو اندار راح مشه وكف عالتلة وطلع جكاره وكف ديدخن... مروه اجت تمشي وعافت الكل ... وكفت يم ضاري اباوع الهم من الجامة .. ماعرف شتحجي وياه .. وهو ساكت ومخلي ايديه ليوره شويه ورجعت راحت وكفت يم سرور ماعرف شتكللها وانه بالسياره اجاني ضاري مطير عيونه اجت زهره عليع كالت يلا تعالو راح نصب الجاي اندار الها وكال ولي من جدامي .. زهره باوعت شبي ... فشلت خطيه وبسرعه رجعت فتح باب السياره وباوعلي كال هاااااا وصلتيله الخبررررر ياحجيني ويعصر بأيديه كتله شنووو شسبيك كتيله ما اتقربلي مو وصلته الحسسسسن هين اني اعلمج شلون اطلعين اسرار غرفتج .... وتستمر الحكاية .. اعتذر منكم راح انقطع هالكن يوم لان عندي خطار جايين النا بمناسبة عيد رأس السنه واللمة راح تصير يمي صديقاتي واصدقاء زوجي اتمنى ماتزعلون وان شاءالله عام جميل مليان بالحب والسلام تحياتي نشوى | ||||||||
|
| |
|
04-01-20, 04:44 AM
| #20 | ||||||||
| مراقبة عامة ومشرفة منتدى الروايات المنقولة
| التاسعة عشر #تناهيد امراة بقلمي نشوى السلطان تخيل من بعد هالشوك .. صار الحب كراهية ............................... وصلتيله الخبررررر ياحجيني ويعصر بأيديه كتله شنووو شسبيك كتيله ما اتقربلي مو وصلته الحسسسسن هين اني اعلمج شلون اطلعين اسرار غرفتج .... ياحسن انت شتحجي ... احاجي وهو يباوعلي يريد ياكلني عيونة حمر صاح ... على الكاعدين .. الكل اندار كال الهم اني طالع جدامكم .. جيبو الحجية وزهره وياكم .. كامت وكفت اسراء كالت ضاري تعالو شو من وكت الحجية تباوع .. وسرور ومروه وحده بصف الثانيه ماعرف شحجن. ضاري طلع السويج وصعد ليكدام .. شغل السياره وباوعلي بالمرايه كال اعلمج اعلمج هز راسه ومشه سريع من يم الناس الي بالسفرات والكل يباوعون علينا .. تلكوونه شباب يلعبون طوبة راد يفلشهم والكل كمزو طشرهم بغير مكان انه بس ارجف وشابكة ابني بقوه .. واقرا ايات شخط السياره والتربان ورانه ... لحد ماطلعنا للشارع العام . وهو ولا كلمه يحجي بس ساكت التلفون مالته يدك يتصلون عليه مارفعه ولا انتبه اله يسوق وينافخ .. انه احس روحي انتهت حيلي باد .. اباوع عالسيارت وايدي على كلبي كل شوي اكول راح يگلبنه ... مابقت اية ماقريتها .. اريد احجي اناقشة احلفله ماكدر ماوصلنا البيت الا وانه منتهية ... طبينا بشارعنا ... الحجية تلكتنا بالفرع تمشي .. باوعتلي من الجام عيوني تدمع .. بسرعه. دنكت راسي .. وصلنا البيت فتح باب السياره ونزل .. كال دقايق وانت يمي بالبيت ... نزل كدامي فتح باب المطبخ مقفول ... صاح المفتاح مال المهجووووم وين نزلت وبيدي ابني كتله مادري عدكم غير طلع السويج .. كال تعاي ... انه سديت باب السيارة ومشيت ... طلع السويج وياه موجود مفتاح باب الاستقبال .. فتحه كال يلا فوووتي ... وياه ما صاح انه جفلت كتله اي ... طبيت بسرعه .. هو طب ورايه وطبك الباب .. انه ماحجيت شي ... كبل طلعت لغرفتي . عبودي كاعد .. يباوع بوجهي ويلاعبني وانه بالي يم ضاري ... خليت عبدالله عالزوليه وكفت دافتح العباية .. جان يفوت .. طب يمشي وسد الباب وره عبودي .. اندار عليه وصاح ابه ... باوعلة وهو يجر حسرات ... كال لا تخلي بالكاع شيلي بالحجلة .. انه جفلت كتله اي هسه .. باوعت دادور كال ورااااج الحجلة ذيج بالزوية انداريت ركضت جبتها .. شلته خليته بيها .. عبدالله كيف يباوع بالالعاب .. كام يلعب بيها .. كال اكعدي خل احاجيج ... كتله اي بس قبل ماتحجي انه ماحجيت الاحد .. والله العمتي ماحجيت .. اجة يمشي عليه .. كال شلون تريدين بعد اصدكج كتله انه مامكذبه .. عليك ... هااااا صحيح .. لازم نسيتي كبل سوالفج ... ديحاجيني ... دك التلفون .. طلعة من جيب الدشداشه ماحجة .. جاوب وطلع .. عبدالله شافه طلع .. مشه وراه خطوتين .. وكام يبجي .. بسرعه شلته .. باوعتله يفرك بعيونه .. منعس بالسياره مارضع زين ... خليته بالكاع ... ركضت للحمام بدلت هدومي وطلعت .. باوعت بس عبدالله بالكاع وضاري ماموجوود .. كلت الحمدالله .. كعدت رضعته .. كل شويه اباوع للباب اكول راح يجي .. لحد ما نام بيدي عبدالله ... كمت على كيفي نومته بمكانه وكفت بالغرفة افتر.. اطلع لو لا .. خاف اطلع والكاه بعده عصبي.. راح اطلع والي يصير خل يصير .. هي هاي حياتي كلها مشاكل تعودت ... فتحت باب غرفتي .. وكفت بالممرر باوعت عالمطبخ ماكو الباب بعده مسدود .. مشيت للهول .. وكفت يم الباب .. باوعتله كاعد عالطخم صافن ويدخن.. انه بسرعه سحبت نفسي اريد ارجع جان اسمعه يصيح تعاي ... انداريت ورجعت وكفت بمكاني يم الباب رفع راسه كال اهين تعاي .اكفي كبالي ... بلعت. يكي وتقدمت خطوتين .. ماحجيت بس ساكته كال.. يولي والتالي وياج ...؟ رفعت راسي كتله والله انه ماحجيت شي ولج والتاااااالي يوميه سالفه من وراج بس كليلي شلوووون بس والله انه ماحجيت داحلفلك ليش ماتصدك باوعلي وهو عاقج حواجبه كال شلون تريدين اصدكج فهميني شلون.. نسيتي قبل شكد جذبتي عليه من سالتج على حسن ... تذكرين لو اذكرج ... شلون بعد تريدين اصدك بكل كلمه تحجيها بس دقيقة انت منو الكلك انه حاجيه .. بس فهنني الله يخليك يعني تسوين روحج ماتدرين من رحتي حجيتي السرور يعني سرور كالت الك انه حجيييييت الها ..! اي اشوفج انبهتي يعني عود انت بريئة ؟؟ دقيقه والله ماحجيت انه اي شي حتى للعمتي ماحجيت الها داحجي وياه .. مد ايده طفى الجكاره وكام .. اجة وكفه كبالي .. يولي .. انت مو مال واحد يعزج ولا يحترمج لا انت مال واحد ايهينج .. ويكسر راسج بحرمة تخليج تجرين عددل زين انت ليش ماتصدكني بس خليني افهمك انه وانت بالمطبخ من حجييينه تذكر .. ششششششش ماريد اسمع تبريراتج والجذب تعودت عليه بعد مايمشن عندي ... زين دقيقة انه شنو السويته الك .. حت هيج تحاجيني ضاري انه والله ... انتي شنو .. انت حجاره تعرفين شنو حجارررره حجاهه بعصبيها وهو ناررر.. تقرب مني ومد ايديه على وجهي لزمني قوي ... انه رجعت ليورة ارجف وهو رجع تقدم باوعلي بعيوني .. بنظره حاده ... بلعت ريكي كتله ضاري... قاطعني .. وكال .. يولي انتي ماتحيسين .. تدرين ليش لان لو تحسين جان حسيتي بگلبي هذا ... مد ايده ودك على گلبه بقوه .. انه بس صافنة تدرين شكد صغرتي بعيني .. لان انت ماتستاهلين الحب البكلبي ... حبيتج اي ... هذا گلبي الي اختارج مواني انه شلون واحد متسجن .. احس لساني انربط .. صافنه عليه وهو يحجي . بحرگة وعيونه تجدح نار كال * تدرين .. اسحن گلبي سحن وانساج .. واحسب الله ماخلقج ... ادوس على گلبي ..يولي حبج بگلبي جان ..مو اليوم لااا من زمان .. اكله بسنوني الي تجي عينه عليج احرك روحي حرك اذا واحد جاب طاريج تدرين شسويتي بيه واني كاتم حبج بگلبي ... حاولت وحاولت وياج .. بس كتلج انت بلية احساس عمرج ماحسيتي بگلبي شكثر حبج بس هسه شكد جنت احبج ... اسمعيني يوووولي رفع بيده راسي باوعي بعيوني يولي .. شكد جنت احبج .. هسه اكررررهج والايام الجاية .. راح تعرفين منو ضاري تخسى حرمة بالدنيا .. كلها تكسر گلبه .. وخر ايده .. اندار شال السويج والستره .. باوعلي .. وكال لا تتصورين اخليج تاخذين راحتج وتصيرين حره حتى ترجعين لذاك النذل لا .. اذبحج بدية وماخليج تاخذي بيوووم ... تكليلي طلكني ورجعني الاهلي مانتوالم .. تريدي يولي ...تحبييييييييي! انه يحجي ودموعي تنزل كتله والله مااحبة شبيك والله اكرهه.. ضحك بصوت عالي .. تكرهي ... ههههههه وصلتيله الخبر كتيله ماتكلط اليه .. يحاجيني وعيونه حمررر .. رجع عليه دفعني عالحايط خلي ابالج الي اريده هسه اسوي .. شوووكت مايجي ابالي .. اخذ الي اريده بكيفي بس رغبتي بيج انتهتتتتتتت وجودج وعدم وجووودج واحد... سحب نفسة مني ومشه ؟؟ طلع من الهول .. يمشي ولطخ الباب وراه بصوووت قوي انه ماعرف شبيه اريد اوكف ماكدر .. باد حيلي .. نزلت نفسي وكعدت بالكاع .. رجيت نفسي عالحايط صفنت بكلامة .. شلون واحد بدوامه هيج انه احس روحي بدوامة جبيررره يحبني...! معقول كل الي يسوي لان يحبني .. صفنت صرت استرجع .. ذاكرتي اتذكرت اول مره لمن شفته بالحمام ... لمن خزرني بعينه .. اي هذيج الخزرة ماتروح من بالي لمن جان يحاول يخفيني من عيون الناس.. اي بالعرس ماقبل انزل من السياره .. كرهه لحسن وعيونه الي جانت ملاحكتني ... خوفة وحرصة ودفاعة عني بكل وقت .. حتى لمن جنت اغلط مستحييييييل ... انه شبيه .. احس نفسي خجلانه اباوع الاطرافي شلون ترجف كلبي يدك .. ضاري يحبني ..! زين ومروه ... مويحبها ... لوو شنو القصة ياربي اتذكرت لمن شغل اغنية لا تلوموني مو بيدي هويت لو شفت عينه احس انه انتهيت .. احس نفسي بصدمة انه يحبني .. زين شلوون . لا ياربي .. شبيه انه احس كلبي راح يوكف ..، جت كبال عيني صورته وهو يحاجيني شلون جان محروگ گلبه لا لا والله ماصدك اذا يحبني ليش يحاجي مروه نص الليل شنو الي بينهم ..، الحجي كله انجمع بدماغي اريد بعد افكر اجمع احس عقلي وكف ... كمت من مكاني ... طلعت بره .. ماكو سيارته .. رجعت للبيت وانه افكر ... طبيت باوعت عبودي بعده نايم طبيت طلعت الملابس اريد اغسلهم شلتهن بالسلة ورجعت ذبيتهن .. ماكدر . بعد ايدي ماتاخذ الشغلة كلامة صدمني... انه وين جان عقلي شبيه هيج.... ظليت اغم بروحي اگول ليش هيچ أذيته تالي گلت بس هو جاي يتهمني ظلم انه ما حاچيه اكيد هاي سرور سامعه وراحت گالت لمروه واكيد هاي مروه گلتله وانه الثوله عبالي فقيرة طلع كل البلا بيها شلون ياربي مااخلص من حسن وخواته انه هسة لو بس افتهم انه شمسويتلهم وهم هيچ يأذوني گمت رحت يم عبد الله وانه الف فكرة ببالي وگلت بس يجي ضاري افهمه انه معليه هاي لعبه من عدهن بس كوّن يقبل يسمع مني طلعت للطرمة تمشيت .. امشي وسارحة بكلامة وكل شوية تجي كبالي صورته وهو يحاجيني شلون جان محروك گلبة .. تربعت كعدت بالحديقه .. انه لبش هيج حياتي كلشي بالعكس بقيت كاعده وحده وافكر .. كل شويه عيني عالباب اكول راح يجي ومابين .. للمغرب غابت الشمس وهو ماكو عيالي رجعو كلهم من السفره .. تعشينا وغسلنا الصحون انه وزهره ورجعت لملمت هوسة السفرة.. كل شويه اكول راح يجي وماكو ... لحد مامليت .. جنت بغرفتي طلعت وطلعت وياية عبودي بالحجلة طبيت يم الحجية كعدت .. عبدالله يفتر بالهول بالحجلة والحجية مكيفه تباوعلة وتسمي بسم الله عليك وحواليك .. زهره كاعده تصبغ ... تربعت وكعدت يم الحجية لكيتها كاعده تسبح .. بالسبحة .. كتلها عمة سرور تبات يم اهلها لو ترجع والله يمه مادري راحت الله وياهه .. كليلي ضاري شبي اليوم ليش طلع من السفرة باوعت الها .. شريد اكول شريد احجي انه ماحجيت وشسوه بية .. كتله لا عمه بس خابرو جماعة الاسواق وكال مستعجل انه هم كتله رجعني وياك .. يبووو عليش رحتي جان كعدتي المكان حلو وربيع رجعنا وجثير نتس بعدهم اي صحيح حلو المكان يلا الجايات هواي ان شاءالله نروح اي الله كريم .. كليلي زلمتح وين ليش للحزه مابين شو محمد يكول راح لبيت عمه يم الولد يتعلل اي ماعرف ماكلي.. الله كريم خل اكوم اصلي فاتت الصلاة .. كامت الحجية طلعت .. وانه كمت وراهه كتلها زهره رايحة اغسل الهدوم حبابه عينج على عبودي باوعت للساعه صارت تسعة وهو ماكو .. طبيت للغرفة دافتح الباب ... حسيت احد ورايه انداريت شفتة اجة يمشي انه بسرعه فتحت الباب وطبيت ... ماعرف شبيه ارتبكت احس نفسي اوول مره اشوفه هو فات يمشي بدون مايحجي .. كعد عالسرير ... طلع من جيبه المبايل خلاه عالسرير كام يمشي فات للحمام .. انه بسرعة ركضت للكنتور طلعت بجامته والفانيله الداخلية كلت خاف يريد يبدل... قبل مايصرخ عليه انه اجهزها صفنت انه شبيه هيج متوتره ... افتر بالغرفة وكلبي يدك .. طلع من الحمام .. وهو ينشف بأيديه باوعلي صفح من اجت عينه بعيني اندار بسرعه فتح باب الغرفة وطلع.. وين راح .. يمكن يم الحجية باوعت كبالي تلفوني .. سحبته باوعت شريد اسوي بالتلفون ماعرف .. ياربي شبيه مخبوصة وديه ترجف طبيت للاغاني ...صارت كبالي اغنية اصالة نصري اغضب كما تشاءُ.. واجرحْ أحاسيسي كما تشاءُ حطّم أواني الزّهرِ والمرايا فكلُّ ما تفعلهُ سواءُ.. كلُّ ما تقولهُ سواءُ.. فأنتَ كالأطفالِ يا حبيبي نحبّهمْ.. مهما لنا أساؤوا.. اغضب! فأنتَ رائعٌ حقاً متى تثورُ اغضب! فلولا الموجُ ما تكوَّنت بحورُ.. كنْ عاصفاً.. كُنْ ممطراً.. فإنَّ قلبي دائماً غفورُ اغضب! فلنْ أجيبَ بالتحدّي فأنتَ طفلٌ عابثٌ.. يملؤهُ الغرورُ.. وكيفَ من صغارها.. تنتقمُ الطيورُ خليت التلفون عالميز ... شفته دخل اني بسرعة كمت اريد اطلع بهالاثناء كال .. دقيقة وين رايحة وكفت بمكاني بدون ماالتفت كتلة ليش تريد شي مني ! * الاغنية هاي ليش شغلتيها اول مادخلت وليش دوم اسمعج تشغليها بقيت ساكته مارديت شلت الملابس داريد اخذهم للغسالة حجة هو بصوت خشن .. من احجي وياج جاوبيني افتهمتي! تنهدت وكتله اسمعها ليش اسمعها ! ماعرف عجبتني وحابة تسمعها حابة اسمعها ..؟ شفته ارتجة عالباب وكال الاغنية قديمة هاي انه اعرف قديمة بس جانت امي دوم تسمعها هااا وانتي تقلديها يعني لا بس امي هم جانت مظلومة من ابوية داحجي رفع راسه عليه ونظرلي بنظرة حادة يولي شتقصدين..! ماقصد شي ... احاجي وهو يباوع بعيوني ... تقرب .. اجة يمشي ... مد ايديه الاثنين على خصري سحبني الصدرة .. قرب راسه مني وهمس تره انت دتوازيني على امور اني متجاهلها وانه مدنگة راسي وگلبي يدك وخايفه واباوع شلوون هو محاوطني بين ايديه ... حجيت بصوت يرجف كتله شتقصد منهو هذا الجارح احاسيسج ... يا احاسيس .. غير الاغنية مالتج تكول اجرح احاسييسي ياااا وانت هيج مركز بيها ضغط على خصري بقوة .. منهو الكال اسمعها يولي مو انتي.. بس انه خاينه مو اتكول انت .. لعد ليش تسمع الي انه اسمعه يولي كافي تستفزززززيني ... كلج ماتعنيني انت مانصدكني انه اعرفك .. بس لان مروه حجت حجيها يتصدك رفع راسي من حنجي بأصبعه همس اي عجل ليش اي انه اعرف انت تحبها وتصدك كلشي منها لان غاليه غاليه ولا مو غاليه الي يخصج شنو * لعد بعد لتكول انه احبج وانت كلبك ويا غيري انه اعرف الي دتسوي شنو اي باله شنو..! معليك يولي .. من احجي وياج حاجيني مثل الاوادم تره مالي حييييلج والدنيا عليه بوسع االدرهم لا تشلعين گلبي احجي .. ماحجي وياك لان انت كلشي احجي ماتصدكة روح اسمع لسرور ومروه ايبااااخ .. وانت شعليج بمروه غاليه موغالية تره مايعنيج شلون مايعنيني وانت زوجي ههههههههههه لا صدك عود .. زوجج الي جنتي تخطبيله؟ ايدك وخرها دتوجعني ... بعد ماشفتي شي ... الدنيا طويله ست بنين ولا تمثلين عليه دور الزوجة الغيوره لان اني عرفتج انت شنو ومنو الي بداخلج وخر مني وراح اخذ السويج والتلفون ... دايريد يطلع .. وكف اجة على تلفوني طفى الاغنية وطلع .. انه بقيت بالغرفة متووتره ماعرف شبيه واكفه وافرك بأيديه ... احس وجهي نار ... اجت طبت كالت امي تكول خلي تجي تاخذ عبدالله يبجي كتله اي جايه انداريت باوعت الوجهي بالمرايه وجهي احمر .. سحبت نفس عدلت نفسي .. وطلعت لكيت الحجية كاعده ومخليه يمها عبودي .. كالت يمه ضاري وين طلع يكول اتاخر يلا ارجع شلت عبدالله كتلها ماكال عمه ... اخذته وطبيت للغرفة ... مرت الايام .. ويوم عن يوم ضاري يتغير المكان الي انه بي كاعده بس يشوفني يطلع ابد مايحاجيني .. ينام بالكاع ... احتاريت وياه ويه طبعه كلش تعبني صرت اتمنى اشوفة ينتبهلي ... ولمن احاجي فبيوم انه وعمتي والحجية ام خليف كاعدين بالهول .. وضاري جان نايم .. بالغرفة .. صارت الساعه ١١ كالت الحجية كومي كعدي صارله جثير نايم كتلها اي هسه ...كمت فتحت الباب على كيفي عبادي نايم باوعت للفراش فارغ فتحت الباب كله. خلت لكيته كاشخ لابس قميص ابيض وبنطرون اسود كابوي ... ومتعطر وديليس بساعته ... طبيت وسديت الباب ورايه ... كتله عمتي دزتني عليك كالت شوفي كاعد مادري بيك كاعد... احاجي هو مايرد ساكت كتله وين راح تروح ... باوعلي كال ماعتقد هالشي يخصج ... لا بس انه اريد اعرف انت هيج كاشخ شكوو ..! يولي ... اني كتلج گبل وارجع اكولها الج ... اياج تفكرين تمثلين عليه دور الزوجة .. اطلع اطب ماعلييييج .. جدام الناس انت حرمتي اي بس هين بالغرفة لا تتعدين حدودج افتهمتي .. بقيت ساكته مارديت بس احس گلبي يعصرني من القهر شكد ماجان يقدرني ويحترمني هسه صار العكس .. شال السويج وطلع ... انه بقيت بالغرفة احس روحي مخنوكة ... كوه اجر النفس .. وانه بالغرفة دك جهازه ... كمت اريد اشوف منو ... شلت التلفون وهو فتح الباب دخل باوعلي انه باوعت للاسم .. كال جيبي عليه .. كتله هاي مروه ... اي انطينياهه ... مشيت اريد انطي التلفون انكطع كتله ماتخطبها عليش هيج تلفونات بينكم وبدون علم اهلها وانت شعليج ... اخطبها اخطب غيرها لا بس داكلك يعني لا لا مايحتاج تذكريني ... جثيراااااات عندي .. جيبي خل اشوف شتريد ... ها جثيرات الله يزيدهن ... تسلمين ياب ... اخذ التلفون وطلع ... انه ارد اعرف هاي مروه شبيها ماعدها اهل شنو تخابره ولا تستحي والله ... طلعت وراه ... لكيته طالع ماكو بالهول ... كتلها عمه وينه ضاري يمه يكول معزوم بسهره ... بسهره شنو صدك عود اي والله يكول اني والربع طالعين الاربيل... يااااا شو مااخذ كلشي وياه وماكال ولله عاد انت فاهية لا تحاسبين لا تكولين .. هسه جم يوم يعشكله وحده ملعبة تنسي شكو حرمة انه تحجي عمتي ... طلعت اركض وراه ... لكيته يخابر ويضحك ماعرف ويامن يحجي بقيت واكفه اباوع عليه من بعيد .. وهو ولا يباوع مندمج بالتلفون اي هاي مروه يمكن .. اريد اتقرب حتى اسمع ماكدر شلت الصونده والماسحة سويت نفسي داغسل بالكاع جان تطلع سرور كالت ها بعده ضاري كتلها راح يطلع عجل ماياخذج وياه لا انه مااريد اروح اصلا ها بكيفج ... راحت وسدت الباب انداريت ضاري طلع عالشارع نزل الجامة وباوعلي .. كال سدو الباب ورايه انه مشيت عليه وهو يباوعلي .. كتله سلملي على اربيل والي بيها ابتسم واندار ماردني اشوفه صعد الجامه وطلع بس شبيه انه ماعرف ... احس نفسي حيل توترت ... رجعت للبيت كتلها عمه انه هم اريد اروح للبصره ويا خالي هااا شكو ابين الكل هاج شبيج لا بس انه من زمان مارحت ... والله يمه الخطية بركبتج تروحين تبقين براحتج اهذول اهلج شوكت مايعجبج توكلي شوفيهم وتعاي لعد راح اكول الضاري اي شكو بيها ... طبيت للغرفة وانه مخبوصة كل شوي اريد اشيل التلفون اخابره وارجع اتعوذ الشيطان ... مر يوم كامل لا خابر ولا انه خابرته بس الحجية جانت تخابره جنت توني كاعده من النوم الصبح ... كالت يمه ضاري جاي بالطريق انداريت عليها كتلها صدك عمه .. يعني رجعوا اي رجعو يمه جهزيله الغده اني راح اطلع للنسوان للعزه ... ماشي عمه الله وياج .. كمت بسرعة طلعت الحلم .. خليته عالنار .. ونصيته طبيت للغرفة رتبتها وطلعت .. انه وعبدالله دفعته بالحجلة خليته بالطرمة ... سويت باميه وكملتها .. ونضفت المطبخ .. وسوور جانت بالصالون تحف .. بس انه وزهره بالبيت .. صارت ساعت وحده ماكو هوه .. كتلها زهره انه راح افوت اسبح ... اذا بجة عبودي انطي اكل ممية هو يسكت .. ماشي بس لا تتاخرين تره يخبلني ... اي ركض ركض واطع ماتاخر والله ... طبيت للحمام سبحت ولبست دشداشة صيفية فانيله لون زيتوني لفيت شعري طوبه .. وخليت الشال على راسي باوعت النفسي .. حواجبي طالعات وشواربي يخزن انه شلون صايره وجهي شاعب عيوني ذبلانه باوعت للساعه .. كلت يمكن اجة صوت سياره ... طلعت من الغرفة ... لكيت زهره متمدده بالهول وتلعب هي وعبودي كتلها شنو ماجة ضاري..! لا شجابه بعده مابين تعالي اخذي هذا الوكح شسوه بيه زين تكدرين تخابري اشوفي وين .. خابري انتي شو اني لا انه اريد انوم عبدالله ... ماشي ... كعدت وجرت التلفون ... اتصلت عليه ... جاوبها واسمعها تحاجي اشرت الها كتلها زهره كولي عمتي تريدك هزت راسها اي فهمت عليه ... شوي وكملت وسدت الخط كالت ماراح يجي معزوم بيت عمي ابراهيم عالغده ويا عمر راح يتغدون سوية هااا لعد انه المن سويت غده اكلج شوو احنا موبعينج بس رجلج تسويله غده.. ههههه لا بس انخبصت من الصبح اسوي عبالي راح يجي لا لا امي تاخرت بااابعزه ... اااخ يموتن عالسوالف هي تجي خطيه عوفيها ... .... ومرت اياااام .. وضاري على نفس الحال صرت اشبع قهر من اشوفه يعاملني معامله جافه ماعرف ليش بداخلي انقهر احس صدك انه اخذني بس حتى يسترني والخاطر عبدالله ... ماعرف ليش تغيررر من يوم السفره صار غير انسان وبيوم جانو مجموعين بالهول وهو اخذ التلفون وطلع للطرمة ديخابر ... انه بالمطبخ داشتغل وهو اباوعله من الجام يمشي ويخابر مخبوص .. .. ومروه جانت يمنه باوعت وره شويه شفتها بره واكفه ... وهو واكف ديحاجيها ومرتجي عالسياره يضحك وهي هم ... صاح وينكم جاي محد سوالنا ... اجة يمشي وهي تمشي وراه انه بصف الباب ... اريد اكله راح اسويلك جان مروه تفوت كالت وين الجاي خطيه ضاري محد صبله كتلها توني اريد اصبله جان تسحب القوزي مني كالت لا حبيبتي كعدي اني اسويله ليش دتعبين نفسج هو فات يمشي ... اندارت عليه كلتلة عود من تطلع بس توصلني الاهلي... انه حسيتها تحاول تقهرني ماتحملت جريت القوري منها كتله بس تره انه مرته ... انت شنو موقعج .. حتى تصبيله جيبي هي باوعتلي مستغربه .. هو وديمشي وكف واندار علينا كالت شبيج بنين الزواج شعليه حجتها بضحكة اجت سرور صاحت يولي مروه تعاي امي تريدج عالتلفون صاحت اي جايه ... طلعت وعافتنا بالمطبخ .... هو واكف انه انداريت خليت القوري عالطباخ كال بنين ... بدون مااندار كتله نعم .. حجيتها واحس وجهي ناااااار وكلبي يدك .. ششبيج. ياب.. ! مابيه شي .. اجة يمشي عليه .. سحب ايدي فرني عليه .. انداريت ... كتله شييك باوعلي وكال اسألي نفسج لا تسأليني شنووو..! شبيج منو الغاثج..وليدي... .! محد وخر ايدك مني هسه احد يجي وخل يجون احاجيج جاوبيني شبيج..! يتبع شكرا لكل الي اتجاوزو بالتتعليقات بس اني مامحصلة شي من تعبي غير كلمه شكر منكم بس للاسف حصلت جثير غلط بحقي الكلمة الطيبة صدقة .. | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
