آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-01-20, 03:44 AM
| #25 | ||||||||
| مراقبة عامة ومشرفة منتدى الروايات المنقولة  
|  الحلقة العشرون مساء الغلا #تناهيد_امرأة #بقلمـي_نشوى_السلطان ❤️ مابيه شي .. اجة يمشي عليه .. سحب ايدي فرني عليه .. انداريت ... كتله شييك باوعلي وكال اسألي نفسج لا تسأليني شنووو..! شبيج منو الغاثج..وليدي... .! محد وخر ايدك مني هسه احد يجي وخل يجون احاجيج جاوبيني شبيج..! مابيه شي كتلك عوفني ... احاجي وعيني عالباب لا احد يجي *شو اني اشوف اكو شي .. ليش متوتره ها ... مد ايده رفع وجهي .. يولي احاجيج ..! باوعت بعيونه .. كتله ماكو شي ... وخرت ايده مني كتله خلي مروه تكمل الجاي انه عندي شغل... سحبت نفسي ومشيت .... هو ساكت مارد عليه .. انه عفته وطبيت للغرفة ... اركض ... بسرعة سديت الباب عليه ... وانه ارجف ... متوتره مخبوصة ..، وكفت كبال المراية باوعت النفسي ... متربكة مخبوصة .. وخرت الشال من راسي شمرته بالكاع احس نفسي احتريت ... اشبيه ارجف شبيه هيج خبصت نفسي انه شعليه بي ..، وانه صافنه عالمراية .، اسمع صوت سرور وهي تكوله ضاري اهلي خابرو اهلي يردون مروه ... خطوات ضاري قريبة من الباب ... ايده عالباب باوعت الها ... جمدت كال الها ... اني ماكدر اوديها خلي محمد ياخذها بس محمد يتأخر وامي خابرت تريدها ... والله عاد مشكلتها مو مشكلتي زين شلون هسه .. اسمعيني .. مال اشيلها بالسياره واطلع جدام الناس لا ... هاي السالفه لا تعيدها .. مابيه شي انت قابل غريب ، اكلج شوفي غيري ولا تعيديها مااوديهاااا الجابها هو ياخذها انه بكلبي حجيت .. اي ماتكول من توكف. وياهه شقى وضحك فتح الباب وفات .. انه انداريت دنكت شلت شالي من الكاع سد الباب وراه ..، خليت شالي على راسي ها شو محد سوالي جاي ...، مو كالت مروه انه اسوي ..، بس مروه مو مرتي ..، مو هيج كلتي لو اني غلطان انداريت عليه شفته ديحاول يستفزني .. اتريد جاي هسه اسويلك ...، ابتسم واجة يمشي ... انه تقدمت اريد اطلع كتله رايحة اسوي جاي عبرت من يمة بالضبط ..وهو قريب مني مد ايده وسحبني وين رايده اروح .. شبيج ضايجة مابيه شي عوفني ... متأكده مابيج شي باوعتله كتله هسه انه اذا جان بيه شي او لا يهمك امري .. ابتسم ابتسامه خفيفة .. ليش مغثوثة ومحروك دمج داسألك جاوبني ايباااه والله طالع السانج اي يطلع خلي كافي طيبة ..، ها حجي قوي اليوم .. حييييييل موشويه تعاي ماعليك بيه انت مو تكرهني شتريد مني هاي مروه هنا روحلها خطيه تريدك توصلها اي اوصلها شكو بيها بنت عمنا حگها علينا بس انه سمعتك من كتلها ماوديها مثلا شنو تحاول تستفزني تره انه مايهمني شي بالدنيا واضح حييييل مايهمج .. شلون سمعتي يولي ضحك وسحبني اكثر والله مايهمني وخر ممكن بس لا تحلفين وهاي خدودج الي حمررت ارحمي بحالج وليدي شنو قصدك عبالك اغارر لا يابوي .. منين تنغارين ادري بيج احساس ماكو لعد عوفني .. دفعته وانه نار صايره منفعلة حيييل رجع سحبني وين رايده عوفني اريد اطلع يحتاجلج بوسة تهديج .. هااااااا بهداوه قرب شفته .. باسني من شفتي... بوسة والثانية واديه محاوطتني ... انه هنا .. يمكن خدرت .. لا جمدت احس حراره تطلع من وجهي گلبي يدك وهو ماخذ راحته .. انه بسرعة وخرت نفسي بدون مااحجي .. مشيت سريع عاالباب .. فتحته تلكتني زهره وينج امي ادور عليج .. اي جايه .. طلعت بدون ماااندار سديت الباب ورايه طبيت للمطبخ .. لكيت عمتي دتسوي بالتمن مال الكبة مدي ايدج يمه انتي خوش تلفين تكلطي جاي انه تحاجيني سارحة .. كتلها شنو عمه حسيت واحد طخني بجتفي .. انداريت باوعتله .. لفي وياهه الگبة شبيج انجذبتي .. شجراالج باوعتله وانه مصدومة ابتسم وهز راسه وهمس بصوت ناصي . راح تموتين شجاج .. تره هي بوسه خزرته بعيني استحيت من عمتي خفت تسمع وانه اطرافي احسها ثلج اريد احجي ماكدر حجيه اني طالع اذا جة عليه ... ابو برزان كليله يجيني لاسواق الحجية كالتله كثرانه رواحتك انت وابو برزان * اي شكو ابن عمنا ... تريدون شي اجيب وياي،، لا يمه كلشي عدنا جدتي ليش مادتجي خاف مريضة * انه يحجي ومنداره ... تربعت يم الحجية .. مديت ايدي عالتمن... بديت الف كال اني راح امر اشوف خاف تعبانه ومن ارجع اتسوك الهم اي الله ينطيك يمه .. مالهم احد كتلها انه اكمل واروح ارتب البيت اشوف شمحتاحة صار هواي مارحتلهم خطيه * ضاري ... باوعلي صفح وكال اني اتوكل حجية وعود لا تخافين ماتنعاد شنهي يمه ..! ماكو شي حجيه ... يلا انه راسي بالصينيه مدنكة ماحجي ... بس الي صار ماعرف شنو سوالي ... اريد احجي اجامل عمتي ماكدر مثل واحد مسطور .. مامستوعبة الي صار الحجية كالت . هاي بومة الخرايب راحت منو قصدج مني يعني .. مروه .. ها صدك منو وداهه حسن الاكشر جة خذها هم زين ماشافه ضاري هااا يبوو الحمدلله هي ليش دزت عليه لو منتظره محمد شمدريني مخفوگة ..ماتركح بكاع ضحكت على حجاية عمتي ... بقينا انلف بالدولمة انه وياهه ... اجت سرور كعدت ويانه ميساعدتنا بقى شوي ونكمل كتلها عمه انه اكوم اشوف عبدالله يم زهره خطيه اطعمه وانومه واروح للحجية ماشي يمه كمت غسلت ايدي وكمت للهول باوعت عبدالله وزهره اثنينهم نايمين نايمه ومنومته على ايدها .. ياعيني شكد حلوين طالعين ... عفتهم على نومتهم ... طلعت للمطبخ كتلها عمه لكيتهم نايمين عجل روحي وامي يمه باقية اذا كعد ماشي عمه ... طبيت لغرفتي لبست عباتي وطلعت وصلت للباب تلكتني اسراء جايه علينا وصلها مهند ...سلم عليه . كال اني امر بعدين عليهم نزلت اسراء هي وجهالها كتلها ولج هلاااا هم زين جيتي ضوجة اسراء.. ها عجل وين موليه يولي هههه هسه ارجع اشوف الحجية شمحتاجة عزه عليج خاف خليف يكتلج هذا مايقبل احد يروحدهم لالا بالعكس لطيف خطيه كلش حباب انه جنت انام عدهم هاا عجل بكيفج .. ام لطيف هههه خالتي هين اي هينه ... فوتي ... ماتاأخر انه اكمل وارجع طبت اسراء هي وجهالها وانه طبيت لبيت الحجية باوعت للطرمة اتذكرت الايام الي جرت عليه هين جان يجي حسن الي بلاني بلوه الله لمااار جانت تجيني يوميه ...، شگد مشتاقه الها .. الطارمة مليانه تراب. باوعت باب الهول مفتوح ... صحت جده .. انت هنا تقربت للباب .. صاحت هلا يبعد جدتج فوتي ... طبيت لكيتها مدده وخليف يباوع تلفزيون شافتني كعدت نفسها ... نزلت عليها سلمت بوستها .. شلونج جده شو مادتجين الحمدلله يمه شلونج انتي ... ماكو شي بالطريق ابتسمت كتلها لا جده كلشي ماكو هاا يلا بعد وكت ... بس عاد انريد نشوف ابن ضاري دنكت راسي كتلها الله كريم ... انه جيت ارتب البيت .. كمت وكفت فتحت العبايه نزعتها خليف يباوعلي ومبتسم ... كتله ها خلوف تذكرني شلونك خليف ... يضحك يستحي يندار الحجية .. جان هين ضاري جة كعد شويه وراح اي كال راح امر . اكعدي بنيتي خل انشوفج لا جده خل اكملج البيت مدام عبودي نايم عسى بعد طولي طولج ،. الف رحمة على ذيج البطن الشالتج تسلمين جده انه مامسويه شي والله راح ابلش بالمطبخ واطلع عالبره طبيت رفعت ارداني وبلشت بالمطبخ المواعين خطيه شكد ونصهن يابس عليهن الاكل جعتهن كلهن ... شلت الاكل وجمعته بعلاليك نكعدتهن بالسنك ... عفتهن ومسحت الكاونترات وبديت بالطباخ جلفته جلف رجعت كملت الصحون كلها ... غسلت المطبخ وطلعت الماي عالطرمة .. وبديت اغسل بيها ... التراب كومه طين الكاع .... ارش ماي وبعد ... بقيت اغسل بيها لحد ماصارت تلمع ... باوعت الطرمة حلوه طلعت ... رتبت الاحذيه القديمة خليتهن بصندوك ورجبتهن عالحايط وره البيت طبيت للمطبخ ريحة الزاهي تخبل ... صار المطبخ يفتح النفس ... خطيه الحجية طبيت الهول كنسته ... ومسحته خليف كعدنا عالطخم بين ماكملا المكان ... ماخليت البيت يلمع ... فتحت الغرفة الي جنت بيها انام اوووف يهالغرفة شكد كتمت بيج هموم .. شكد بجيت بيها كتلها جده انه اروح هسه لان ابني جوز كعد اجيج النوب عود اكملج الباقي لا يمه خلي يولي منهو الفايت جوه هنة هديمات خلي يولن لا تروحين جيبي وليدج وتعاي هين اليوم تعشي والله جده ياريت بس عفت يمنه اسراء ماكدر ابقى عيب منها ها عجل حگج غير وكت تجين اي والله اجي النوب اي بس من تروحين ارمي( ذبي) هذا ثوبج بارده عليج تستبردين وانت ترضعين الصغير ماشي جده ... اخذت العباية ... لبستها وطلعت ... رجعت للبيت ... لكيت الكل مجموعين بالهول ... كاعدين يضحكون ... اول ماشافني عبدالله كام يصفك .. فدوه العينك اجيت امشي عليه اخذته ... اسراء.. هاي وينج تأخرتي تربعت كعدت يمهم ... اي والله شسوي خطيه الحجية تدرين وحدها وكومه شغل باوعتلي عمتي .. هذا ثووبج مبلل وشايله ابنج كومي انزعي اي هسه شوي واكوم االا هسه كومي لا اتمرضين اي عمه والله انه اكوم ... انداريت لزهوه وهي تسولف واتشاوور ويه اسراء... ها خير شدتحجون ولكم اسراء... بعدين عوفج منا انتي شو بعدج لا حمره لا كحلة شكو ضاري ماخذج فصلية هههههه لا ولج بس تعودت ها تعودتي ... دگومي خلي شي الوجهج تره قتلتيني شخلي عوفي يمعوده خل نسولف موزين حفتلي زهيره ولا جانن شواربي ينحلف بيهن وداعتج زهره .. ولج اسراء ضاري مسكين والله مامفتهم منها شي كومي خل انمكيجها ... شتمكيجووووون اكعدي خية اريد اسبح صرت فلم اي اني هين باقية اسبحي وتعطري .. وخلي شي الوجهج خلي يشوفج ضاري ... تعباااااانة ومالي نفس بشي اسبح اي بس ماخلي شي ليششش ماااريد عفية راح اكوم اسبح حتى اليوم اتفرغ ماعندي شي نكعد نتعلل .. ماشي استعجلي خاف يدز عليه رجلي لا ماتروحين محد ياخذج ... ابقي اليوم حيل محتاجة اسولف... ماشي هسه دكومي ... كمت لزمت هدومي تنعصر من الماي .. نومت ابني بالغرفة .. فتحت الكنتور .. باوعت كومه كلابيات معلگة ... بس كلهم فواتح هم عيب والله اللبسهم ... سديت الكنتور ... مشيت ... ورديت رجعت فتحت الكنتور مديت ايدي طلعت كلابية زيتوني .. فاتح ... وبيها تطريز ناعم بلون الذهبي ... اي يمكن هاي اهون من الباقيات ... خليتها عالجرباية ... اخذت المنشفى وطبيت للحمام ... نزعت هدومي .. علكهتن .. فتحت الماي وصارت بالي البوووسة .. تهمست شفتي .. وانه خجلانه .. عزه بعيني هذا شسوه اليوم ... وانه شبيه بقيت ساكته ما وخرته اباوع الجسمي شعر جسمي كزبر .. مستحية من نفسي من تذكرت الي جان حمايه طبع بوسة على شفتي ... ماعرف شيصير بيه ... وجف جسمي .. صرت اشيل ماي واخلي على وجهي ... ماعرف شلون سبحت بسرعة .. كمت سحبت المنشفى ولفيت بيها نفسي ... شعري يقطر ماي ... طلعت التريد مشتغل الغرفة ثلج اشش ششةةةة. وانه ارجف طلعت اركض اريد اطفي السبلت باوعت الباب انه بس سادته مامقفووول ... مشيت حتى اقفل الباب ... انفتح بوجهي طب ضاري بيده علاكة ... انه اول ماشفته عطت ولزمت حلگي هوا بسرعه سد الباب .. بقى يباوعلي من فوك ليجوه انة مثل المخبلة كمت الملم بنفسي كتله عليك الله اطلع ... ركضت للجرباية شلت الدشداشه فتحتها على طولي .. هو بس صافن علىية مستغرب شبيج ..! بس ابدل وتعال وانت شدعواج هسه تطلع لو لا لا ماطلع ... تريدين تبلدين بدلي محد كاضبج ياب تره شايفين جثير لا اتخبلين علينا باوعت للحمام اخذت الكلابية وطبيت ركض .. قفلت الباب عليه وانه ارجف ... گلبي يدك باوعت الجسمي طكع حمار .. ناررر احسه ... بسرعة علكت المنشفى ولبست الكلابيية بقيت شويه بالحمام اريد اطلع ماكدر مستحية شلون راح اخلي عيني بعينه شوي بقيت وراهه ماتحملت الحمام بوخة .. طلعت ... وانه شعري مفتوح ... ويقطر ماي .. هو كاعد عالسرير .. ينزل بدرجة السبلت مشيت وكفت عالمراية سحبت المشط .. وعيني عليلة وهو كاعد عالسرير لابس دشداشة بيضة ورافع الاردان ... اندار باوعلي انه بسرعة انداريت كمت امشط بشعري ... هو ساكت ماحجة ... كام خله جهازه عالشحن قريب مني ارتجة عالميز ..، باوعلي ... انه ثولته سويت روحي مامنتبهه بارده عليج لفي شعرج لا الجو زين .. هسه اللبس شال هدومج منگهة .. انداريت دشداشتي من وره مليانه ماي كتله اي... راح يمشي طلع منشفى من الكنتور جديده واجة يمشي باوعتله بالمراية ورايه شو انداري عليه انداريت تقرب رفع شعري وخلاهه على كتفي انه ساكته وهو يعدل بيها خليها هيج احسن هزيت راسي اي شبيج ترجفين مابيه شي بس بردانه ... الغرفة بارده اي مو كتلج اكو واحد يسبح هسه ويعوف السبلت مشتغل مادري نسيته شو باوعيلي رفع حنجي بيده ليش تستحين مني..! سكتت مارديت انت حلالي مرتي عرضي ليش تستحين مني هاي سنة الحياة انت حاولي تبدين صفحة جديده ليش ابدي موانت كلت ماتهميني انت موتحب مروه ماكو داعي نبدي صفحة اهووو ماتكدرين ابد لا والله شيسكتج بس الله يلا يسكتج ليش انه شكلت ماكلتي شي وليدي وليدي! اي وليدي بنتي صغيرتي اني اشوفج طفلة على هالبراءة الي بيج هااا ابتسم ورفع بيده كذلتي من وجهي ... وهسه شلون شنو ... تقرب اكثر وحاوطني بيده وكعت المنشفى مني همس زايده حلا يولي منو انه..، لا انة ... ابتسمت كتله اريد اروح هنا اسراء موهسه تروحين ابقي شوي رفعت راسي عليه كتله ضاري احنا اتفقنا مو لا اله الا الله والتالي تخربين الاول والتالي ليش تضوج هاي حقيقه انه كتلك ماكدروالله انت حماية... داحجي سحب ايده .. وخر لا تكملين ... اسكتي ماريد اسمعج ... شوفي كل مااحاول اتقرب تصديني شيبدر مني بعدين لا تاهمين العتب طلع يمشي على باب الغرفة باوعلي واشر بيده ... هذا الاتفاق مالتج راح يدفعج الثمن جثير اني رجال هين مو حجاره .. تعرفين شنو رجال محتاااااااج مره افهمي يبنت الناس.....محتاج مره تجيني برضانها كاااااافي عاد ... تحملت جثير وكلت مصيرها تتغير بس بعد هاليوم لا والله .. سهلة فتح الباب وطلع ... انه ساكته ماعرف الي سويته صح او غلط بس انقهرت عليه ... مشطت شعري لفيته اريد اللبس حجابي ... جان يندگ الباب ... صحت منو مفتوح الباب طبت زهره بيدها عبدالله خلتها يمي بالكاع .. كالت ضاري يريد المبايل ... اخذتها من الشحن ... مشت كالت اسراء راح تجي تمكيجج كتلها دقيقه يامكياج طلعت ماسمعتني... باوعت لوليدي بالكاع كاعد ... هلا حبيب امك نزلت نفسي عليه بوووسته ... وجان تفوت اسراء ها العروسة كملتي... اي كملت ههههه مدام هين ابو الضواري خل امكيجج باوعت شريد اكللها ماتدري زعل مني وطلع كتلها لا ماريد لتخليلي .. والله اليوم اجتف ايدج واخليج عروسيش انتي الخاطر الله ... دشوفي ذيج شدسوي حتى ينتبه الها جرتني من ايدي كعدتني عالكرسي انه بس ساكته ماحجيت شي صافنه اتذكرت كلامه وهو يكول راح تدفعين الثمن كامت تخليلي بالمكياج وانه ساكته شوي وكملت كالت شوفي روحج عاد كمت باوعت النفسي ... لااااا عليج الحسين شنو هذا امسحي جريت الكلينس شتمسحين وخري جرته مني ولج عيييييييب ماكدر والله الا عفية مسحي عليج بداعة عبدالله ماتمسحي خطيه ضاري كافي اهمال منج والله ماطلع من غرفتي عادي لا تطلعين ابقي هين هو يجي يشوفج لا منو يسوي العشى زهره انه اسوي كلشي بس لا تمسحي رجعت باوعت النفسي المكياج يخبل بس مستحية صار جثير مامخليه اسراء عليج الله مو راحة نفسيه هسه الوحده اذا تخلي النفسها ترتاح تحس نفسهى انثى مو رجال وكاعد ... شبيج اي صحيح ... اني راح اروح لان مهند جايني للااااا هاي شنو وين رايحة والله رجلي كل شويه يخابر .. اجي النوب والله زين انت ليش ماتجين تعاي انت وضاري اي اجي ان شاءالله اي مو بس حجي عود مري عليج الله لا اجي والله طلعت زهره واسراء بقيت انه وعبدالله مر الوقت وضاري مااجة للغرفة .. اجت زهره جابت عشى بصينية صغيره تعشينا انه وياهه مر الوقت وانه بالغرفة كل ماينفتح الباب اكول ضاري ... مابين صارت الساعة ١ ونص وهو ماكو وانه بالغرفة بالمكياج ... ماعرف انه ليش دانتظره رغم كل مره اقهره بكلامي باوعت العبدالله نايم ... كعدت عالسرير .. سحبت تلفوني .. رجيت نفسي ... ودخلت للفيس مالتي داتصفح .. وجان يندگ الباب فزيت .. انفتح .. طبت سرور .. باوعتلي ... كالت عيني مكياجج وكشختج راحن عالبلاش ضاري راح يبات يم ابو برزان ... ههههه قهرتيني اجة محمد توه وهو بقى كلت انطيج خبر لا عادي على راحتة عجل كومي انزعي كلابيتج ونامي ههههه اي انه ابدل هسه .. لان انه مابدلت علموده بس عجبني ابدل اليوم.. موشرط علموده هاااا اي ماشي... من حقج عيني اندارت وطلعت سدت الباب وراهه باوعت النفسي ... صدك فشلت انه شلون لبست امداني ... حيل انقهرت ... فتحت الكنتور طلعت هدوم ونزعت الكلابيه ... باوعت النفسي عيوني حمر .. تعبانه نعسانه ومقهوره ... رجعت للفراش بدون مااغسل وجهي نمت بدون ماافكر ... بسرعه غفيت كعدت من النوم على صوت عبدالله وهو يبجي .. اريد ارفع نفسي من الفراش ماكدر ... احس روحي مكسره ... بردانه ملفله نفسي باللحاف وانه ارجف ... ولبييت يفتر بيه .. ماعرف .. شلون كمت .. اريد اشيله وجام عمتي تفوت كالت ها يمه اليوم اتاخرتي كلت اشوف شبيج كتلها عمه انه ماعرف شبيه ... داحجي ماكدرت رجعت كعدت عالسرير البيت احسه بالمكلوب ... حسيت نفسي لعبت اريد اتقيء ركضت للحمام ... كمت اذب من راسي ... عمتي شالت عبدالله .. اجت تمشي صاحت شبيج اسم الله ماعرف عمه ... غسلت وجهي ورجعت للسرير لفيت نفسي ... اجت تمشي مدت ايدها كالت مصخنة اووو اني موكتلج البارحة راح تبردين تحاجيني وانه ماكدر حتى ارد عليها ... اكول يمه يمكن حامل .. مووو تحاجيني وانه لعبانه نفسي حتى ماكدر اجاوبها وينه ضاري ليش مويمج ... راح لصيح لمحمد... يوديج راحت شوي وطبت هي وسرور.. كالت يلا محمد بره يكول خل تجي ماكدر عمه دايخة اسكتي تكومين هسه ... ماعرف شلون اجوي زهره والحجيه لبسونس العباية والشال المكياج بعده بوجهي ... اخذوني للسياره وانه مرتجيه على زهره .. صعدوني بالسياره ... بين مابدلت زهره اخذنها حتى تشيل عبودي... ابني عد الحجية وانه مدده بيوره على رجل زهره ونفسي تلعب وبردددددانه .. ارجف حتى شفايفي ترجف نزلوني للطوارئ... كوه وصلت امشي ولازمة الحيطان .. طب محمد صاح وين الدكتور عدنا مريض كعدوني عالسرير محمد كال اني اروح اخلي السياره بالكراج وارجع الحجية كعدت نومتنس على رجلها ... كالت مصخنة نار انتي... انه احس روحي اون من الصخونة كتلها عمه برداااانه يايمه .. كامت دورت بطانيه ماكو.. نزعت عباتها خلتها فوكايه ... وانه سده عيوني سمعت صوت مو غريب عليه يسلم عالحجية زهره كالت هذا حسن هينه جاي ... اجة يمشي انه بنص المرض اجة كبالي ضاااري ... المكياج بوجهي .. عزه بعيني راح يكول متواعده وياه اي والله هسه يشك شجاااااابه هذا اريد اكوم ماكدر كتلها زهره زهره وينه حسن احاجيها ماترد بس اسمعه اجة يمشي عليه يتبع توقعاتكم ... اريد اوضح شي .. لمن كال الها ليش دائما اسمعج تشغلين اغنية اصالة .. سألتوني ليش شوكت شغلتها اني كلت ومرت الايام ... بس ماذكرت شنو المر بالايام عجل اني من كلت ومرت الايام خو اكعد اكتب الي بيه بس اني اختصرت وسرعت الاحداث وحتى بهذا البارت ...تمام ...( احبكم) | ||||||||
|  |
|
07-01-20, 10:02 PM
| #27 | |||||||||
| مراقبة عامة ومشرفة منتدى الروايات المنقولة
| اقتباس:
العفو حبيبتي الكاتبه تنزل يوم ويوم يعني يوم فيه بارت ويوم لا الا إذا عندها ظرف تأخر وإذا على نظامها الليله تنزل بارت وبكره لا | |||||||||
|
| |
|
08-01-20, 12:50 AM
| #29 | |||||||||
| مراقبة عامة ومشرفة منتدى الروايات المنقولة
| اقتباس:
الله يسلمك حبيبتي والعفو ياعسل وصحيح مثل ماذكرتي لكنها مميزه والحلو في الروايات العراقيه التنزيل سريع للبارتات اما عن التميز فأنا ما أقدر أتابع كل اللي ننقله لكن الروايه اللي أكون متابعتها وأشوفها تستحق التميز أعطيها تميز ويمكن فيه روايات تستحق التميز لكن لأني ماقرأتها ما أقدر أحكم عليها تسنحق أو لا من وجهة نظري المتواضعه لكن ما أحب أعطي تميز لروايه وأنا ما أطلعت عليها وما أعرف هل هي تستحق أو لا أعرف فيه روايات انظلمت وهي تستحق التميز يمكن لكن وش نعمل ماعندنا وقت لمتابعة كل اللي ننقله يمكن لو الأعضاء المتابعين للروايات يساعدوننا بردودهم على الروايات المميزه وتقييمهم لها نقدر نعرف الروايات اللي تستحق التميز لكن مثل ما أنت شايفه تفاعل الأعضاء يقل وصايبهم بخل في الردود حتى لايك مايكلفون نفسهم على الأقل نعرف منه نقيم الروايه الكل يقرأ على الصامت ويطلع من جد تفاعل الأعضاء مايشجع لا الكاتبه ولا الناقله | |||||||||
|
| |
|
08-01-20, 01:06 AM
| #30 | ||||
| يسعدلي المميزين والله ياعمري انتي المميزة انالماحكيت مميزة طبعا من وجهة نظري وطول فترة قراءتي استطيع ان احكم على القصص واحاول ان اعلق قدر الامكان ومااخرج من قراءة بارت اقلها لايك لازم حتى مرات ارجع واتاكد حطيت لايك ولا لا ا لانه من حق الناقله والكاتبه علينا ننقل لها سعورنا اتجاه الرواية نامتابع المنتدى منذ انشاؤه وحاولت اقرأكل ماهو ملفت ومميز الصراحة جهودكم مشكورة وصار عندي قدرة على الانتقاء الصراحة والحق غالب الروايات العراقية المختارة هنا ملفته ومميزة منوجهة نظري ولا اجبر ولا الفت النظر لاعطاءها وسام التميز هذا القرار مني انا من حبي لها رغم قسوة ظروف اخوانا العراقيين يحاولو انه يتجاوز المحن باقل الخسائر اتمنى للعراق يعيش بامان وتفرج عليه يارب وعل كل الشعوب المظلومة الصراحة المنتدى وانتي عزيزتي فيتو جزء مهم وكبير من حياتي اليومية احبكم واتمنى التقيكم بالواقع لكن مايكل مايتمنى المرء يدركه امنيات التوفيق لك حبيبتي فيتامين سي | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
