آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
08-01-20, 01:13 AM
| #31 | |||||||||
| مراقبة عامة ومشرفة منتدى الروايات المنقولة  
|  اقتباس:
تسلمين ياعمري وماتقصرين انت والله وعلى فكره أرسلت لك رسالة زوار شوفيها ياعسل ويالله استعدي للبارت الواحد والعشرون من تناهيد امرأه دقائق وأنزله لكم | |||||||||
|  |
|
08-01-20, 01:15 AM
| #32 | ||||||||
| مراقبة عامة ومشرفة منتدى الروايات المنقولة
| مسائكم مسك 🌿 #تناهيد_امرأة #بقلمـي_نشوى_السلطان ❤️ الحلقة الواحدة والعشرون يايمه .. كامت دورت بطانيه ماكو.. نزعت عباتها خلتها فوكايه ... وانه سادة عيوني سمعت صوت مو غريب عليه يسلم عالحجية زهره كالت هذا حسن هينه جاي ... اجة يمشي انه بنص المرض اجة كبالي ضاااري ... المكياج بوجهي .. عزه بعيني راح يكول متواعده وياه اي والله هسه يشك شجاااااابه هذا اريد اكوم ماكدر كتلها زهره زهره وينه حسن .... احاجيها ماترد بس اسمعه اجة يمشي عليه صوت حسن وهو يكول... خير شعدكم منو المريض والله حرمة ضاري فد نوب .. ماتكدر مالها حيل ابين هذا الدكتور ماكووو انه مدده عالسدية كتلها زهرررره سدي الستاره بسرعة سحبتها سدتها كتلها شبيها عمتي خلي تعوفه .. خلي يروح اسمهعا اتكله ابين هين خمو اكو شي يجاوبها والله الوالدة مالها خلگ .. ها عدها العافية ... منو جابكم اهينه ... والله محمد جابنه بس راح يخلي السياره بالكراج .. كتلها زهره سدي الستاره بسرعة سحبتها سدتها كتلها شبيها عمتي خلي تعوفه .. خلي يروح اسمهعا اتكله ابين هين خمو اكو شي يجاوبها والله الوالدة مالها خلگ .. ها عدها العافية ... منو جابكم اهينه ... والله محمد جابنه بس راح يخلي السياره بالكراج .. ها خوش عجل اني اهين بسدكم خاف تحتاجون شي .. تسلم يمه ماتقصر زهره كالت راح يمعوده ... اجة الدكتور .. سحبت عمتي الستاره .. ودخل كال خير شبيها المريضة والله دكتور مادري ابين نامت وكعدت صبحت مريضه بالليل مابيها شي الا اني اكول استربدت من راحت غسلت بيت الحجية .. تمام حجيه بس خلي افحصها دكتور هيه عروس اكول خاف حبلة انه اباوع لعمتي اخذت الدكتور حاصل فاصل مدري اضحك مدري ابجي على حالي تقرب الدكتور فحصني كال ماخذه برد مثل ماكالت الحجية هذا علاج خلي تاخذه .. وهذا مغذي لازم تخلي لان راح تفقد سوائل هااا يعني اجيبه اهين العلاج دكتور.. اي حجية جيبي حتى اشكل اللها المغذي الحجية سحبت مني العبايه كالت هسه ارجع طلعت والدكتور راح للسديه الثانيه .. انه راجيه راسي على الحايط ونفسي تلعب واطرافي مثلجة .. ارجف من البرد شوي ورجعت عمتي كالت ماندل منين يجيبون الدوه رحت سلمت على ام حسن .. و حسن اخذ الوصفة مني راح هو يجيبها كعدت نفسي كتلها عمه ليششش شو حسن شلون ضاري مايقبل عفية روحي جيبها ماريد حتى العلاج يبوو شمدري ضاري اسكتي حالج تعبان اخذي علاجج عمه ضاري خاف يجي للمستشفى ويلكاه هنا خلي نطلع كمت نزلت رجليه من السديه ... عبودي كل شويه يذب نفسه عليه يريدني اشيله كتلها زهره جيبي خل نطلع .. عمتي كالت خل عاد يحطلج المغذي شبيج ماريد عمه انه اتحسن امشي .. كعدت روحي عالسديه داعدل بالشال جان اسمع صوت حسن وهو يكلي .. سلامت ام عبدالله عندج العافية ... شلونج انه ماعرف بعد شنو اسوي دنكت راسي ومارديت ... جاب العلاكة مال الدوه وخلاهه عالسدية كال عندج مغذي لازم تخلي يلا تطلعين الحجية كلتله اي اني هم كتلها يلا هسه تخلي ... اذا تحبون السياره موجوده اوصلكم انه بسرعه حجيت كتله لا محمد يودينه .. داحجي اجة محمد سلم وكف يمه ... كتلها عمه خلي يجي الدكتور حتى نطلع اشرت الزهره كتلها سدي الستاره ... سدتها زهره .. كتلها عمتي اليوم تسويلي مصيبة موتدري بضاري مايقبل... شوي وطب الدكتور ... شكلولي الكالونه كتله دكتور انه عندي طفل راح اطلع وبالبيت يخلو الي _ تمام براحتج بس من يوصل لحد هذا الخط شيلي اي ميخالف ... اجتي زهره سدتلي العبايه .. كمت كوه امشي طلعنا كادتني زهره واحس بحسن عينه عليه ابد ما شالها گصني گص رحنه نمشي وهو ويانه وصلنه لحد سيارة محمد وانه احس اختنگت اريده بس يروح كلش اضوج من وجوده يمي صعدنه بالسياره وانه احس جسمي بايد بسبب الصخونه صعدت الحجيه گدام وانه وزهرة وره خليت راسي على چتف زهره وغمضت عيوني احس الحراره تطلع من عيوني على ما وصلنه ونزلت من السياره اول ما دخلت المطبخ عمتي صاحت عليه گالت يمه بنين ضاري ماريده يسمع بحسن اخاف يروح ايتجاتل وياه ونبتلي هذا عصبي مايتفاهم كلتلها عمه شلون مااكله انه اصلا بعد توبت لازم احجيله لان بس اضم عليه ما يقبل زهره گالت لا يبووو اذا سمع ضاري والله يگلب الدنيا علينه رأسنة عزة عالماتلج ولج لا تكليله يروح يتجاتل شبيج انتي فاتت سرور للمطبخ واحنه سكتنه عمتي گالت يمه زهره اخذي بنين لغرفتها خلي ترتاح شويه وجيبيلي عبود اشمه گالت سرور الحمد لله على سلامتچ بنين شنو شفتو حسن اخوي بالمستشفى انه بهت لوني كتلها الله يسلمج مارديتها ورحت دخلت لغرفتي كلت لزهرة خلي عبدالله يمج طبيت لغرفتي بدلت هدومي ... تمددت بالفراش شوي وحسيت الباب انفتح عبالي زهره باوعت ضاري .. طب وسد الباب وراه رجعت غمضت عيوني واحسه يتحرك بالغرفه ويطگگ ا شويه وحسيته گعد على السرير ولزم راسي راساً فتحت عيني هو وخر ايده گال سلامات گالو مريضه گتله عادي عود يهمك اذا مريضه او لا باوعلي كال اي من حقج ياب حسيته يستهزء بكلامي كال هذا عندج مغذي .. اي سجلولي مغذي ... ليش شبيج شجرالج بالبيل جنتي كلشي مابيج ماعرف ان نمت وكعدت هيج اي ياب .. هاي حوبت ضاري بيج شنووو.! شوكت اخلي المغذي .. لا مامحتاجة المغذي هسه احسن براحتج .. كام بدل دشداشته وطلع متغير مو هو ضاري احسه شخص ثاني كعدت نفسي سحبت الدوه طلعت حبايه مسكن .. ماحسيت الا الباب انفتح بقوه ونلطخ بالحايط ضاري دخل معصب رأساً فتحت عيوني گال اليوم شايفين العاشگ حسن الولهان وجايبلچ العلاج كتله دقيقه شبيك لاااا والله ما مقصر خوش مهتم بيچ شنو بلا شلون عرف انتي بالمستشفى اريد احجي كمت امتنت بالكلام گتله والله ماادري انه چنت نايمه وماادري بالدنيا ومريضة نايمه مو .. زين ليش ماكتبلي شفتي ... ليش داكواك انت مو كلت ماتهميني انه ما مضطره اشرح لشخص ما مهتملي ولا على باله يولي احجي عددل لا انعل ابو الخلللللللف حسن بسرعة خفت كتله دقيقه والله مادري بي صدفة صار اسأل الحجية ومن حسيت عليه ما رفعت عيني ولا حچيت وياه لاااااا المفروض تكومين تاخذي بالاحضان ضاري انه كتلك قبل وارجع اكولها هسه انه مايهمني حسن وكافي تشك بيه تره انه موهيييييج اذا ماواثق بيه ليش اخذتني بس فهميني ليششششش كلشي يخص حسن تخفي وماتحجي الي ليشششش جم مره نبهتح احجيلي كلشي يصير اني اهين جدامج رجل كرسي لو شنووو موانه والله هاي عمتيييي ماقبلت احجي لا تصير مشكله لااااا انتي گولي خفتي عليه خاف اكسره هذا اذا ما مات بيدي انه والله شرحتلك وبعد انت بكيفك تصدك بس مادام انت هيج ما واثق بيه شكو مبقيني على ذمتك طلكني وخليني ارجع لاهلي ضيم مرة ابوي ولا هذا الشك وهاي الاتهامات الي تجيني منك تقدم عليه عصبي ولزمني من زندي وبعصبيه يحجي وياي احس نار تطلع من عيونه كال اذبحچ واذبح كل واحد يتگلط عليج وما اطلگچ دفعني وطلع هو ديطلع وعمتي على صياحة فاتت هي وزهره كالت شكو يولي شبي هذا زهره كالت يمه اني وسرور دانححي بالمطبخ دتسألني على حسن من شافنه واني كتلها هناك جة وسلم على بنين ويباوع بعيونه حسيته بعده يحبها من عيونه عرفته ماحسيت الا وضاري كاضب ايدي كال وين ويمتى هالحجي عاد اني سولفتله للن راد يكتلني ... الحجية ... مات هالوجهه وبلا وجه الاكيشر ماكدرتن الا حجيتن اني اعلمج كتله عمه اركضي خاف راحله نزلت من السرير وانه ارجف ... طلعنا وراه طالع ماكو .. لكيته بالسياره صاعد ... كتله وج عمه يمكن رااااحله عنتي طلعت تركض صاحت ارجع يمه لا اتسوي مشكله يول شبيك محمد وسرور طلعو ورانه محمد كال شكو شبي ضاري شنو هالصياح امشي اركض وره اخوك راح يتجاتل ويا حسن ها ليش شجااااه شكو النوب ولك امشي مو وكت سوالف ... طلع محمد يركض .. للسياره ورجع كال السويج بالغرفة انه كعدت بالكاع باب المطبخ كتلها عمه شلون خاف يصير شي سرور .. اكلج شنو السالفه اخويه جرم روادج تره ماصارت هاي يوميه طلبة من وراج عمي اخذي ابنج وروحي راح تبلينه ... صاحت عليها الحجية كالت الها اجفينه شرج ولا تسولفين هيج سوالف تره واصله الاهينه .. كتلها انه هذا بيت رجلي وعيب عليج هيج تكولين مثل ما انت كاعده هنا اني هم هذا بيتي رجلج ... اي عيني اكلج تره وسام مات بعده عريس وهسه ضاري من وراج يوميه گلبه محروك كافي عاد روحي الاهلج والله بليتينة بلوه كنالج اخذي حسن بس مافاد ادورين عزاااابي ... الحجية كالت الها اشششششش سالفتج هاي سديها كون يسمعج ضاري موعيب شلج بهذا الحجي ... انه كتلها كلمن يموت بيومه والي اخذ وسام هم ياخذ عزيز گلبج حرام عليج هيج تحجين بشماته انه شنو ذنبي اي عيني مالج ذنب ... خليني ساكته .. عافتي وطبت جوه ... اباوع للحجيه خطيه شلون خايفه ... مردت گلبي مرد عبدالله يباوع بوجهي وكل شويه يلزمني من وجهي كتله الله ينطيج زهره شيلي مابيه بعد احجي زهره بيدها التلفون تخابر وبيد الثانيه شالت عبدالله عمتي صاحت من بعيد ولج جبن عباتي خل اطلع اشوف اباوع الها شلون تصفك بديها وخايفة اجت سرور كالت امي متخربطة راح تموووووت من وراكم شبي ضاري تخبل شدعواه المن شاف الاميره ديانه تره ماصارت هاي والي يكول صدك مرته قابل احنا ماندري شنو سالفة عرسكم كلها كلاوت عليش محروك دمة ومسوي روحة رجلج ... الحجية مامنتبهه عليها يم الباب ماسمعتها يمكن انه كتلها شوفي سرور مابيه حيل اناقشج بس عيب عليج تحجين هيج رجلي مورجلي مايعنيج لو كرهتيتي لان اخذني ومااخذ اختج والله عاد اختي يريدها من زمان بس بزواجج خربتي الوضعية بي خلي بالج ضاري يحبها وتحبه لحد الان وراح يتزوجها اذا تحبه شكو عافته جان بقت مخلصة هههههه اشوفج انتي هم مخلصة الوسام بحيث عفتي كل الزلم اخذتي اخو مادري شلون نفسيات اكو دتحجي عافتني وطبت بس انه من كالت هيج حركت گلبي مدي اكعد ادك والطم املخ نفسي ماتحملت نفجرت بالبجي.. دموعي تجري وادعي يارب بس عديها هالمره والله ماريد شي ... بس خلي تعدي يااااالله زهره. اجت كالت هاي سياره وكفت بالباب .. كتلهت يا الله منو... طلعت تركض ... عالباب انه اباوع من بعيد واكفه بالباب هي والحجية .. صحت عليها كتلها منو الي اجة صاحت اصبري جايه .. اجت وعافت الحجيه بره .... كتلها كولي منو بالباب هذا ابن عمي ابر برزان ... يدور على ضاري كناله السالفه وراح يروحلهم انه كمت اضرب على رجليه كتلها هاي هي النوب راح يلتمون ولد عمامه ... شسويت انه شوداني عالمستشفى احس حلكي يبيس كتلها زهره الحجية شافتني انتهيت صاحت ولج جيبلها ماي انه بعد لا ايد ولا رجل تتحرك احس انتهيت ... ركضت زهره خلت على وجهي الماي وشربوني كتلها عمه انه شسويت بيكم ... والله تعبنكم اوووو اسكتي شلج بهل حجي كومي تمددي بغرفتج لا عمه انه ماتفون اذا ماشوف الولد يرجعون خدتني نومتني على رجليها وعبدالله يمي كاعد تمسح على راسي وتقرالي ... حسيت روحي على رجل اني نايمة سحب ايدها وبوستها كتلها الله ينطيج عمر وعافية دنكت عليه باستني كالت يعافيج الله ويسعدج ويخلصج من هالقهر شوي وصاحت زهره جووووووي جوي انه كعدت نفسي وكمت الف بشالي... طب اول واحد محمد .. كامت الحجيه كالتله وين اخوك كال الها جاج هيانه شكد حجينا يابة عووووفه مايفيد بي الا يسويلني بلوه يلا يرتاح طب ضاري اباوعله الدكم مال الردن مكطوعه وايديه عبالك مجروحة الحجية ركضت عليه كالته هاااا صحت عليك مافاد هو مبتسم كال الها شبيج حجيه ... ماكو شي شنون ماكو شي وانت هذا حالك شو باوع عليه خما بيك شي ... وحسن شسويتله فان حظك راح تموتني سحب راسها باسها كال الها ماسويتله شي دست على شاربه ورجعت يحاجيها ويباوع عليه ... اجة يمشي عليه الحجية كلتله شوف خل اكلك وروح ابوك وروح اخوك الغالي اني ماخليتها تكول كتلها لا تصير سالفه ادري بيك ماراح تكعد راحة هو مارد الها نزل وثنة رجليه رفع راسي كال كومي انت مو مريضة ليش اهينه انه وخرت ايديه وانداريت وختنكت بجيت ... جتي زهره جابتله الماي ... اخذه وكال هاج اشربي... سحب راسي وشربني بيده الماي انه ابجي واشرب بالماي... نزل الكلاص بالكاع ومسح دموعي... مد ايديه ورفعني... كومي كتله ماكدر خليني هنا هسه اهووو لا تخبلنا كومي بغرفتج ارتاحي الحجية عوفها عالهوى من سوالفك شالع كلبها يومه طلبه ... دتحجي الحجيه ... مااهتم مد ايده ورفعني شالني وصاح افتحي الباب زين ... الباب مال المطبخ مردود دفعة برجليه واخذني للغرفة خلاني عالسرير ... انه بس صافنه على تصرفاتة يصيح عليه ويرزلني ومن يرجع يرجع غير انسان... سحب اللحاف غطاني ... كال وين عبدالله ... كتله يم زهره نومته ... وعليش تبجين شكو شبيج ... شبيه انه البيه ماينحجي... ليش وليدي... مد ايده على گصتي لزمني كال مصخنه ضاري انت ليش ماترحمني وترحم امك ها النوب ارحمج يولي شمسويلج ... حسن عوفه راح تموتني والله يموت حسن والخلف حسن والا انتي ... عليش مقهوره انه مقهوره على نفسي اريد ارتاح والله انت الي الجايبتها النفسج .. هسه اني مرتاح فرررحان من كرضته لهذا الرثع ترتاح من تكتل وتسوي مشاكل الف مره حذرته منج ... صايرلي نجر ويجيب الدوه ليششش المهم راح اطلع ولد عمي جايين عليه .. راح ادز زهره يمج بس دقيقه ركبتك مجروحة ... عادي ماعليج منها .. سهلة مشة للباب ... كتله ضاري... اندار وكال .. هلا ياب كولي.. عليك الله كافي مشاكل حيلي خلصان ... صار تدللين ... فتح الباب وطلع ... للمغرب وانه بالغرفة الحجية تروح وتحي عليه هي وزهره جابولي الاكل للغرفة .. ضارلي خلالي المغذي لحد ما كمل رجع شاله سبح وطلع ... بقيت نايمه بالغرفة وابني عدهم ..وحدي كاعده وضوجة طلعت من غرفتي ... لكيتهم كلهم ببالهول صوتهم مجموعين انه بس اريد هوا احس روحي مختنكة .. التلفون بيدي ... طلعت للحديقة .. الكراسي موجوده سحبت كرسي وكعدت ... صفنت تذكرت حجي سرور خيل قهرني ولو ماتنلام انه من جيت هنا ماشافو يوم حلو .. بدون تردد بسرعة طلعت رقم خالي دزيتله رسساله سلمت وكتبت خالو انه اريد ارجع وياك للبصره اخذني وياك من تنزل .. رسلتها وطبيت لليوتيوب شغلت اغنية حبيب علي هم عليك الوكت ذبني ... ني ادري الي غلط مرة يصير له من الغلط عبرة ما يجي بنفس المكان الي ما لگة بي كل حنان لكن الي الصار هذا وحظك الگاعد ضربني الوقت ذبني ادري ادري مو يمك مكاني بس شسوي لگلبي اني الجابني هو عليك لو بيدي ما اجيك لان انت بكل صراحة مو شكل واحد يحبني الوقت ذبني حجي سرور ماراح من بالي ... انه صدك شجابني هنا اني دمرتهم ودمرت نفسي خليني اروح الاهلي كافي عذاب... شوي وصار لايت عالباب .. حسيت احد نزل .. طب ضاري يمشي ... ويدندن ماعرف شيغني... انه نصيت التلفون .. هو حس علية اندار باوعلي ... اجة يمشي عليه .... انه مدنكة راسي وعيني عالكاع كال ها خير شو اهين كتله ماعرف ضايجة وكلت اكعد عالهوى ها وليش تبجين خير ابجي على نفسي ليش يايابه ... شو باوعي بعيوني خل افتهم انه دمرتك ودمرت نفسي ليش وليدي.. انداريت عليه ... كتله انه تعبتك والله واسفة راح اروح الاهلي هااا تروحين الاهلج ومنو الكال وشوكت اي والله اروح احس نفسي صدك تعبانة نفسيا هم اريد ارتاح فتره اشتاقيت الاهلي انت تروحين لان اشتاكيتي الاهلج واحنا شنو ذنبنه نبقى اهين نشتاكلج سحب الكرسي وكعد كبالي ويامن تريدين تروحين شو مادري خلي تكليلي شو بكيفج تحددين انه انطيت خبر الخالي لان هو هاليومين ينزل شوفي اكلج سالفة تعبتك واهلي وخالي واسفة ذني كلهن تشيلهين وتكطيهن غادي كتله ضاري انه تعبيببت والله باوع بعيوني وكال والله مو بكثري يولي اني ... يححجي وجان ينفتح الباب كله .. سكت هو وكام وكف انتبهت خمس حنود لابسين زي عسكري صاح واحد منهم وينه ضاري .. انت ضاري مو كله اي اني ضاري... انه كمت الحيلي بدون ماحس بسرعه لزمت ايده بقوووة كاله توكل ويانة عليك امر القاء قبض هو مد ايده الثانية وخلاهه على ايدي .. ولزمني حيييل توقعااااتكم تخيلوا كتبت ٣٠٠٠ كلمه وبرمشة عين بالغلط حذفتهم شبعت قهر والله وكلت ماخليكم تنتظرون وهاي ساعتين صارلي اني اكتب وكلش اعتذر منكم والي يشرفون القصة مممله ومو حلوه يكدر يتركها لان اني ماجبرت احد يتابع ... وشكرا من القلب لكل محب وكل متابع وشكرا الكلامكم الحلو مثلكم تحياتي نشوى | ||||||||
|
| |
|
10-01-20, 04:10 AM
| #33 | ||||||||
| مراقبة عامة ومشرفة منتدى الروايات المنقولة
| الثاني والعشرون صاح واحد منهم وينه ضاري .. انت ضاري مو كله اي اني ضاري... انه كمت الحيلي بدون ماحس بسرعه لزمت ايده بقوووة كاله توكل ويانة عليك امر القاء قبض هو مد ايده الثانية وخلاهه على ايدي .. ولزمني حيييل باوعتله وانه خايفه حجيت بصوت يرجف كتله شكوو شبيهم ..! باوعلي وكال صدي راسج غادي وفوتي جوه .. وللبصرة لا تروحين ... صاحو عليه هو .. اندار عليهم وترك ايدي .. مشه خطوتين واندارلي كال فوتي ... انه دنكت راسي وطبيت اركض للبيت .. صحت خويه محمد ... عمه وينكم .... ورديا رجعت للمطبخ رديت باب المطبخ وباوعت ... ضاري يحاجيهم يكللهم ... شنو البيت ماله حرمة ..! منو الدزكم حسن ... واحد تقرب منهم كله اي يلا امشي جدامي .. لزم ضاري من. ذراعة ضاري باوعله ونزل ايده ... كله وين امشي شوفني الامر الي جايبه حتى تاخذني اني اعرفكم انتو ربع حسن دزكم هالنذل ... الجباااان ... وينه طلع محمد كال خير شكو كتله الحك خويه اجوي يعتقلون ضاري وراه اجوي عمتي وسرور ... عمتي كالت شكو يمه ... يعتقلون ضاري ليش سرور واكفه تباوع ماحجت ... اجت الحجية بسرعه فتحت الباب وطلعت هي ومحمد ...اباوع الضاري شلون واكف كبالهم ويصيح ومحمد يسكت بي ... الحجية بنص الطارمة واكفه ... ماعرف ليش تصايح ضاري وهو وياهم طلعوا للشارع ... والحجية مشت وراهم انه فتحت الباب وطلعت لحكتني سرور صحت عمه اخذوووو الضاري موو اندارت عليه ومتحجت طلعت وراهم سرور كالت هاي هيه ماوكفت بعينه كرابة ولا عمام كلمه ولثانيه وهاد على اخويه شيدري يعني باوعتلها كتلها حسن الي جابهم مو اي هوا الجابهم ذوله ربعه يعرفهم ... بس اذا ضاري ماوكفت بعينه الگرابه ولا النسابه جان وكفت بعين اخوج .. مو جان يجي هنا ياكل ويشرب وياهم عالاقل الخاطر الحجيه موحلوه يشتكي ويدخل الجنود داخل البيت والله شتردين يعني من يروح ويهد عليه من وراج تريدي يسكت لا طبعا عفتها تسولف وطلعت وره عمتي للباب.. باوعت السيارت ماكو ليغاد .. كتلها ها عمه وضاري ماكو ااندارت عليه كالت اخذووو الضاري ...اعتقلوا تمشي وتلف بالفوطه صاحت يول محمد تعال شلون اخذو اخوك هاااا شلون اجة يمشي كال فوتن جوه ... هسه نشوف شلون نحلها الحجية كالتله بس فهمني عليش اخذو علمود حسن تربعت باب الحوش وكعدت وكفت يمها كتلها عمه شلون هسه ... اباوع الها تضرب على رجليها وتصيح اييي راحو ولدي .. ذاك اخذته الكبور مني وهذا راح للسجن ... يربي مالي غيرهم ...اني ادري بضاري مايكعد الا يبلانه دنكت عليها بوستها لزمت ايدها كتلها كومي عمه كومي خل نفوت جوه ونشوف شلون .. اجة محمد كادها وانه وياهه طببنها للبيت ... محمد صاح على سرور ... كعدنا الحجية وكال الها لا تخافين على ضاري يرجع شلون يرجع وهمه اخذوا ماشفتهم بعينك اي بس يرجع شصاير يعني هي مشاجره اجت سرور تمشي وبيدها التلفون كال الها محمد اخوج وره السالفه اليوم ضاري اذا ماطلع بكل البيت ماتبقين ... شلون يشتكي عليه وهيج يسوي ها خابري خل يتنازل لا اكلب الدنيا عليكم سرور ... ليش يمه ... شو من تروحون تهدون عليه ماتكولون نهد مانهد .. احنا زلم بيناتنا بس ليش يشتكي هاا اذا هو زلمه خلي يجي يواجه ضاري ... اني راح اطلع للمركز .. خلي يجي هناك يتنازل بسرعة والله مايقبل يتنازل شسويله هاي هيه .. كله من وره بنين حارت شسوت بينا من يوم الطبت البيت ... انه رفعت راسي باوعت الها كتلها انت تروحين تروحين وترجعين عليه .. انه شلي دخل .. شوفي انه ماراح اردج مو لخاطرج الخاطر هالناس الطيبة محمد ديطلع من سمعها رجع وكف كاللها كااااافي حنگرة عينج بنين .. سالفه والثانيه مخليتها سدي سوالفج كاااافي انت وخوج ماتجوزون من سوالفكم حيل بي اخوج ... مااحترم البيت الي فات بي ماغزر بي الملح ... يدگ هالدگة الناقصة ويانه ليش شنو السواه غير رادها جرم خمو جرم انه وكفت كتلها اخوج اشكال سوه من وراه انه انفضحت خسرت لمار .. الي جانت الي اخت بسببه انه وضاري لحد الان الشك بينه حاجز جبيررر لا تكولين شنو السواه اخوج سوه اشكال وانه كلت ماحجي ماردت اسوي مشاكل بس كافي بعد تحملنا هوايه وهسه يجي يشتكي على ضاري اكلج .. اخويه شو عاف كل النسوووان واجة عليج معقول هيج بدون اشاره منج لازم شاف منج ريج طيب تحجي ومرتجيه عالباب ... انه من كالت هيج تخبلت كتلهاااا حرام عليج التهم والشك انه موهيج .. روحي شوفي الاخوج اسألي شنو الشافه عليه وعود احجي ... حسبي الله ونعم الوكيل .. بعدني داحجي ... وجان يرجع عليها محمد جرها من شعرها كال الها ولج السانج اكصه ... اذا بس جبتي طاري هالمسكينه افتهمتيييي نفس واحد مااريد دفعها بحيييل ... الحجيه كامت عليه كالت عوفها احنا وين وانتوو ويييين هي تلاسن ماتسكت .. انه وكفت على صفحة لا بيه اتقرب منه ولا بيه اروح واعوفهم بقيت واكفه على صفحه واديه على وجهي بقت تحجي تكله بصوت عالي ... ابقوا دافعوا الهاي ام المشاكل الخبلت الزلم وراهه .. اخويه عايف مرته من وراهه هجرها واخوك العزابي عاف اختي الحبها من سنين علمودها شتسموها هاي هااااي شتسموها...! باعي داكلج تره مصيره ياخذ مروه وعينج تشووف زهره طبت هي وعبدالله ... مصدرمة اجت تركض وكفت بصفي محمد ماكدر يسكت رجع عليها ضرب وكتل على راسها وعلى وجهه .. يضرب ويصيح كاااااافي لعبتي بيه طوووبه كاااافي شنو من مره انتي ... لسانج مايسكت عرررررمة اخذها يجر بيها وعمتي تركض وراه تكله عوفها عبدالله من شاف عياطهم وصياحها ... خاف صرخ واجة عليه لزمني من رجلي ... انه شلته ... زهره كالت راح يتخبل الوليد... اجت اخذته مني وطلعت بي بره ... انه من يمي خايفه وارجف ... راحو كلهم بغرفة محمد الحجيه وياههم ... طلع محمد يصيح ويدردم ... مره ماتسكتين شنو انتي والله الا اربيج عرمة .... طلع للطرمة .. انه ركضت عليه كتله خويه عليك الله لا تحاجيها عوفها هي هم حقها هذا اخوها ... باوعلي وكال ... يولي الي تجيب طاري بنواتنا بسالفة الشينه مالها كعده بالبيت ... انتي ليش ادافعيلها .. انت ماتعرفين هذي شنو .. مرمرت گلبي ... ميخالف ياخويه لخاطر شهاب تحملها شتسويلها الله كريم ... سهلة ... طلع التلفون ... خابر .. انه واكفه على اعصابي گلبي يدك خايفه من كلشي وبالي يم ضاري شراح يسكته من يطلع ... اسمع محمد يكلها ابو برزان اني ماروح عليهم ولا اترجاهم روح جيب حسن خلي يتنازل لو ادوس على راسه وادز اخته عليهم هسه .... ماعرف شجاوبه ابو برزان... محمد كاله اني طالع للضاري اهناك انتواجه سد التلفون وطلع طبيت لكيت الحجية اباب الهول كاعده . وجهه احمر ولازمة راسها ... ركضت عليها كتلها ها يا امي شبيج باوعتلي كالت راسي فد نوب خلي زهره تجيبلي الحبايه كتلها انه اجيبها ... طبيت للغرفة طلعت العلاكة ... وجبت كلاص ماي كتلها عمه اشربي ... طلعت حبايه الضغط .. مرتجيه عالحايط مديت ايدي رفعتها شربتها الحبايه ... كتلها عمه والله يطلع لا تخافين وتخوفينا عليج يمه هذا من يطلع مايسكت اعرفه راح يتذابح وياه اوووف بس عمه انت ترجي خابري عمامه خل يحاجوا والله مايفيد بي هذا اني كتله تاليك تموتني ... جان اخابر عمه الجبير ..يجي ياحجي بلكي يسكته هاالمصخم اييي عمه خابري خابريهم كلهم والله گلوبنه خلصت من المشاكل كومت عمتي كعدتها عالكرسي سرور بغرفتها تخابر بأهلها مانفتهم شتحجي بس صياح بقينا لليل البيت عبالك انثبر ثبر الكل مقهور ومغثوث .. وبالهم يم ضاري لا احد تعشى ولا احد كعد بكاع كلنا ملتمين بالطرمة .. كل مايدك التلفون عبالنا ضاري . الحجيه شاده راسها وتون وانه مكابلتها ... شوي واجت زهره بيدها تلفون الحجيه كالت ... بشاررررررره انه كمت وكضت عليها كتلها اي يااااالله الحجيه صاحت ها يمه ولج كولي زهره ... خابرني محمد يكول ابو برزان وعمي جايبين حسن ومتنازل ضاري مطلعيييييييي من كالت مطلعي انه شلون ميت رودت روحها كتلها عليييييج الله صدك اي والله شبيج .... راح يجيوووون هسه الحجيه صاحت صلو على محمد ربي الحمدلله يمه الحجيه خطيه شلون الفرحة على وجهه ... كتلهم انه رايحة اصلي صلاة شكر لوجه الله ... طبيت توضيت ... وانه فرحانه الحمدلله يارب القهر موتني ياربي الف الحمدلله والشكر طبيت لغرفتي مديت السجاده صليت ... وطلعت بسرعه ... لكيت عمتي بالمطبخ هي وزهره كتلها عمه انه راح اسوي عشى خطيه راح يجون جوعانين لا تسوين خل يجون كلشي اكو المجمده مليانه كبه وغيرها اكعدي خل نشوفهم هسه .. ً هااا زين يلا لعد خلي يوصلون ... طبن شوفن الهول خاف مرثوع خاف احد يجي وياهم .. اي والله عمه زين ذكرتينا .... طبيت للهول باوعت مابي شي بس مميه عبدالله وهدومه عالكرسي شلتهم وطلعت ... باوعت للساعه ١٠ الا ربع ... حييييل شوكت يجون عاد... طبيت عزلت غرفتي ... لملمت المطبخ اريد بس التهي ... سرور ماكو ماطلعت من الغرفة اخذت عبدالله من زهره سويتله المميه نومته وطلعت الحجية خطيه رايحة وجايه عالباب .... انه وزهره بالمطبخ وكفنا نباوووع ... گلبي يدك ماعرف ليش ولا عبالك اليوم مسجون عبالك صار سنه ... صار لايت عالباب ... زهره كامت تكمز كالت جووووووي جوووي انه رجعت وكفت بصف الباب ومديت راسي ... نفتح باب الحوش وطبت السياره ... الايت قوي انه خفت احد وياهم رجعت ... زهره طلعت ... اسمع صوتهم نزلوا ماعرف شيحجوون تقربت عالباب ... شفته مندار ويبوس بالحجيه وياهم ابن عمهم ابو برزان ... صاح زهره افتحي باب الهول احت تركض كتلها شبيج وين رايحة مفتوح ... يبووو نسيت والله ... رجعت زهره عليهم وانه اباوع طبوا كلهم يمشون للهول هو مانتبهلي فات يمشي ويسولف ويا ابن عمه اسمعه يكله والله الا ازين شاربه هذا الجبان خل اكضبه انه ماعرف شبيه الابتسامه على وجهي .. وبنفس الوقت خايفه من كلامه ... اجت زهره من باب الممر كالت امي كالت سون عشى كتلها يلا ماعندي شي ... بسرعة طلعت خبز وكبه .. كتلهت كشري بتيته بين ما انه اكمل الباقي خليت الدهن عالنار ... وبديت اسوي بالعشى كمت اگلي بالگبه ... وخليت طاوه ثانية كمت اكلي بالبتيتة ركض ركض اشتغل ... بسرعة جهزت الهم الصينية اجة محمد اخذ الصينية ... وراح ... خليت القوري عالنار صحت على زهره كتلها عينج عليه بين مااروح اشوف عبدالله ... نصيته ورحت ... طبيت للمغسله غسلت وجهي ... افتر بالبيت ماصدكة فرحانه على فرح الحجيه ماعرف فرحانه بوجوده .. شعور بداخلي غريب صعب تفسيره طبيت للغرفة عبدالله نايم . وكفت كبال المرايه صفنت على كلام سرور... انه لو ما ضاري يمكن هاي تاكلني صدك هو واكف بوجهه .. لو مو هو هاي تبليني ملابسي كلها ريحة دهن وتگلا فتحت الكنتور طلعت طشداشه بدلت دشداشتي ... اخذت عطر رشيت ...ماعرف شبيه شو گلبي يدك من تذكره حتى معدتي تعصرني شبيه انه ساعه اتمنى اشوفه وساعة بودي اهرب منه بعيددددد وانه صافنه واحاجي نفسي بالمرايه ... جان عبدالله يگعد انداريت ... كتله هلا هلا ... ركضت عليه شلته شبكته لصدري قوووي بوسته وانه فرحانه ... دابوس بي وجان ينفتح الباب .. اندرايت ... ضاري واكف كبالي دينشف بأيديه ... فات ورد الباب وراه ... باوعلي وكال جيبي عليه ... شمر الخاولي عالجربايه ... عبدالله من شافه يكمز عليه يريده انه تقربت وهو تقرب ... ماعرف شبيه مسسسسستحيه منه ... باوع بعيوني كتله الحمدلله عالسلامة الله يسلمج ... مد راسه ديبوس عبدالله ... باسه وانه اباوع عليه شكد قريب مني ... وهو مدنگ رفع راسه ورجع تقرب من وجهي باسني من اسفل خذي قريب على رگبتي .. انه دنكت راسي ورجعت .. وگلبي يدگ .. هو بتسم ومد ايده واخذ عبدالله ... انه احس نفسي احتريت هلا ريتك بعد ابوك .. رفعه عالي وعبدالله يضحك وانه اباوع الهم ... شلون يبوس بي وفرحان ... ماعرف ليش تخايلته فعلا ابو واحنا عائلة وحده ... باوعلي كال .. كلت سواهه هالنذل راح ابقى بالسجن واطلع الكاهه بالبصره جان ذبحت حسن والخلفة ابتسمت كتله هسه انت هذا الهامك اي والله هامني ... يحجي ويجر حسرات شلون صرتي لا الحمدلله صرت زينه هااااا عجل گولي فراگي عيد لا والله بس انه التهيت بالمشاكل ونسيت حت انه مريضه والحمدلله عالمغذي صرت احسن يامشاكل..! صفنت كلت اذا سمع بسالفة سرور راح تكبر السالفه كتله لا اقصد علمود انت بالسجن هااا ... شربتي دواج ... لا اتعشى واشرب العلاج .. مشه خله عبدالله بالحجله ... انه واكفه .. ارتجيت عالميز .. هو اجة يمشي قريب عليه .. حسيت راح يجي يتقرب مني ماعرف شصاري بسرعة مشيت كتله اروح اصبلكم جاي وانه مشيت لزم ايدي وجرني .. وكفت باوعتله كتله الجاي عالنار هي چاي هذا ... تعالي ... مد ايديه على وجهي وباوعلي ... انه دنكت .. كتله اريد اطلع ممكن تعوفني ممكن شنو شبيج بطلي هالرسميات هااا يارسميات يعني اني موغريب ...رفع وجهي ... قرب راسة ودنگ دگ كصتة بگصتي ... اني اسف ... بلعت ريكي واطرافي ترجف اباوعه شلون عيونه بعيوني قريبة كتله على شنو اليوم اتسرعت وصيحت عليج بسبب هالحرمة حسن الحجي السمعته طلعني من طوري كتله اي ... وخرت رجع سحبني ... ومد ايده على خصري اكفي ... شنو اي احجي شنو احجي ... لزم كف ايدي ... ترجفين شبيج ... ابتسملي .. تخافين مني لو تستحين ضاري ها يبعد ضاري .. باوعتله ياربي اريد اخرب بين ايديه من الخجل كتله اريد اروح سحبت نفسي ... ومشيت شلت الشال مالتي ... انداريت ... لكيته بوجهي ... كلت هذا اليوم ناوي عليه صخام .. رفعت الشال داخلي على راسي مد ايديه وكام يلبسني بي ... ابتسمت وكتله شدسوي انه اللبسه وخرت منه ومشيت جان يگله عبدالله اموووون عليك تدري لو لا شوكت تحس بيه ياب .... انه غلست فتحت الباب وطلعت بسرعة لكيت زهره صابه الجاي ... وكاعدين كلهم بالهول .. بقيت بالمطبخ ... اجة ضاري .. شايل عبدالله كال وين الجاي الخبصتينا بي كتله صبت زهره هناك تلكاه ... ها عجل خوش ... اخذ عبدالله وياه وراح ... بقوا بالهول ... اسمع عمتي تكله والله اذا هديت النوب عليه الا اهج من البيت وهو يضحك يكلله من وعيت للدنيا اسمع بيج تريدين تهجين ادري بيج ماتسويها والله اهج بعدك ماتدري بيه هااااا حجي قوي اليوم ايييي كافي عاد طلايب يوميه طلبه الله كريم حجيه ادري دايم كريم بس كافي عاد حجيه هذا حرمة حسن لو رجال جان جة اهينه اي اني اليوم صعط ضغطي من وراك ابو برزان كاله كافي الخاطر الحجيه سد سوالفك اي ياب افتهمنة والله ... خل نشووف ... لليل وهمه بالهول يتعللون ... انه طبيت للغرفة جمعت هدومي وهدوم عبدالله بالجنطه الجبيره باوعت للساعه هسه يجي خالي الصبح .. اخذت عبدالله .. تمددت عالجربايه ... نومته يمي ... رضعته ونمت انه وياه .... هناك .. وجان اسمع صوت بالغرفة ... فزيت .. باوعت عبدالله نايم وصدري طالع .. بسرعه سديت السحابه ... ضاري بالغرفة يم الزاويه ديبدل ... انه بسرعة غمضت سويت نفسي نايمه حسيته طب للحمام ... انه خانكة روحي بالفراش حتى عبدالله ماخليته بمكانه خفت يطلع ويشوفني شوي وطلع من الحمام ... حسيته اجة قريب من السرير ... كال عبدالله ادري بيك كاعد لا تحاول انه مارديت بقيت صامدددده .. ماتحركت بس خاييييفه منه ماعرف ليش .... يحجي ويايه ويدندن ماعرف شيغني بصوت ناصي انه مغلسة ... صاح نام عبدالله ... ابقى هيج .. بهذا برودك وطبعك حسيته سحب الجودلية ورجع فرش بالكاع ... انه ماعرف انقهر عليه ماعرف افرح لان نام .. بعيد عني .... بقيت افكر واتذكر شلون تقرب مني وطبع بوسه على ركبتي من اتذكر احس گلبي ينتهي ... ماعرف شلون غفيت ... نمت كعدت الفجر ... توضيت وصليت .. رجعت هو نايم بالفانيله والسروال ... ... باوعتلة ركبته مجروحة ... نايم مخلي ايدي على راسه انه دمرته ويايه .. شنو ذنبه يتزوج انسانه مامسلمه نفسها اله لازم يشوف حياته خطيه ... بقيت بفراشي ... مدده وافكر بحياتي ... شنو مصيري شنو الي راح يصير ماعرف احس نفسي بدوامه ... لحد ماصارت ساعه .. ٧ ونص وانه اتكلب بالفراش كمت طلعت لكيت الحجيه كاعده ... سلمت عليها كتلها راح اسوي ريوك شلونه ضاري خما حاجاح بالليل لا لا بالعكس اعتذر مني هااا ابو الطلايب يدري بروحة مايكعد راحة ضحكت كتلها عمه خالي راح يجي راح اروح للبصره باوعتلي كالت لا اتشاقين لا والله عمه اريد اروح ليش خاف علمود حجي سرور خلي تولي وين تروحين وتعوفينة لا والله بس انه هم اريد ارتاح اشوف اهلي نفسيتي تعبت وضاري كتيله اي كتله البارحة ها يعني كلج روحي شعجب لا ماكلي روحي بس هسه اني راح اكله مشتاكة الاهلي مامعقول يحرمني منهم بكيفج يمه اني ماكدر امنعج من اهلج بس والله تعودنا عليج وعلى هالوليد الله كريم عمه ارجع عود بس انه اريد ارتاح حگج والله .. عود لا طولين ان شاء الله ... سويت الريوك كعدنا اتريكنه... طبيت للغرفة لكيت ضاري نايم ومنوم عبدالله يمه ... فتح عيونه كال كعد ايدور عليج وين جنتي جنت يم الحجية اتريك ... ماشي اشربي دواج عود ... كتله انطينياه اريد ابدلة ... وخر البطانيه كال تعاي اخذي لا تخافين ماراح اكلج مديت ايدي اخذته بدون مااحجي ... دك التلفون مالتي ... بسرعة ركضت شلت التلفون جاوبت كتله هلا خالو ... صباح النور هو باوعلي شلون داخابر اخذت التلفون وطلعت انه وعبدالله كتله خالو انه مكمله تعال ... كعدت عبدالله يم الحجية خليت التلفون يمه وطبيت ... للغرفة هو مندار ومغطي راسة .. على كيفي مشيت شلت الجنطة طلعتها بره ... بصف الباب رجعت طلعت العباية مالتي وقاط عبدالله ... طبكت الباب ورايه .. خليت القاط يم الحجية كتلها عمه بدليله عفية خالي جاي راح اتأخر بين ماطب ابدل .. ماشي يمه عفتها ورحت لغرفة الحجية لبست وكملت ... طلعت ركض كتلها خالي خابر لو لا لا يمه محد خابر ... باوعت للحجية عيونها مدمعه انقهرت كتلها عمه والله ارجع انوب لا تنقهرين الا يمه الله وياج توكلي كتلها اووو انه ماطلعت لا حذاء لا شحاطة والجناسي وجنطتي وطبيت للغرفة .. اخذت الجنطة والجناسي ... سديت الكنتور ... جان اسمعه يكول ....!؟ يتبع ... توقعاتكم راح يمنعها لو راح تروح للبصره😔 واذا راحت ضاري معقرل راح يسكت وماراح يزعل ووووويقهرها بمره😦 | ||||||||
|
| |
|
10-01-20, 01:20 PM
| #35 | |||||
| اقتباس:
شكرا عزيزتي فيتو والله انتي وردة اشكرك وأثق بذوقك ❤🌹❤🌹❤🌹❤🌹❤🌹❤🌹 | |||||
|
| |
|
10-01-20, 01:58 PM
| #36 | |||||||||
| مراقبة عامة ومشرفة منتدى الروايات المنقولة
| اقتباس:
أمممممم أتوقع يخليها تروح كم يوم ويروح لها يرجعها وممكن يقول لها أنا أوديك ويروح معها كم يوم ويرجعها ويمكن يوديها لأهلها وبعدها ياخذها ويروح أي مكان المهم بعيد عنى بيتهم ومشاكله وبعدها يرجعها لبيتهم هو صحيح عصبي وممكن يزعل من انها ماغيرت رأيها وبتروح مع خالها وماهي بعيده عليه يسمعها كم كلمه يقهرها لكن ممكن أمه تقول له على كلام سرور لها ويعذرها ويلحقها فكرة روحتها لأهلها حلوه للإثنين وبالذات بنين لأنها راح تعرف قيمة ضاري خاصه مع معاملة زوجة أبوها لها اللي ما أظن راح تتغير وأكيد بتشتاق لعمتها وضاري وتعرف إنها غلطانه في حق نفسها وحق ضاري بما إنها وافقت على الزواج من ضاري المفروض مايكون زواجهم حبر على ورق هو رجل ومستحيل يستمر وضعهم وواضح حب وإعجاب ضاري بها من أول ماشافها لكن احترم انها زوجة أخوه وموافقته على كلامها هو حب يكسب وقت ويخليها تتعود عليه وماحب يستعجلها ويجبرها عليه والله يستر مايتهور ويستعجل لما يعرف إنها بتروح مع خالها بعد ما ظن إنها غيرت رأيها | |||||||||
|
| |
|
12-01-20, 01:27 AM
| #37 | ||||||||
| مراقبة عامة ومشرفة منتدى الروايات المنقولة
| االثالث والعشرون كتلها اووو انه ماطلعت لا حذاء لا شحاطة والجناسي وجنطتي وطبيت للغرفة .. اخذت الجنطة والجناسي ... سديت الكنتور ... جان اسمعه يكول ....!؟ يعني واحد ماينام شبيج شكووو .. انه وكفت خفت ..كتله اسفه .. بس داطلع الجناسي رفع البطانية واندار عليه كال ياجناسي.. انه اريد اروح الاهلي ويا خالي ها ويا خالج ليش شتسوين ... والله ضايجة اريد ارتاح كم يوم ... اي ماتملامين من حقج ... يعني عادي تقبل اروح مو ..! اي شكو غيو اهلج .. ولو سالفتج عوجة ماكتيلي راح اروح بس ميخالف حقج هذول اهلج هاااا معبالي راح تقبل باوعتله عادي يحاجيني ... استغررربت عدل البطانيه وباوعلي كال صدك خالج شكد ويرجع هو كل ١٥ يوم ينزل ها اذا تبقين. اكثر واني ادز عليج عادي لا تنحرجين ابقي هناك فتره ارتاحي غيري جو هااا يعني حتى لو شهر . اي وشنو المشكله اتونسي ... والجناسي فوك يمج بالكنتوور كتله اي عادي اصلا انه مقرره شهرين والله عفية زين تسوين هاا اي حتى تاخذ راحتك اي والله هم عبالي اعرس شي الغرفة هاي حتى محد دشنههه خل اكوم انطيج مصرف .. عبود عنده حليب يكفي لو لا انه يحجي نار بداخلي حيييييييل قهرني من شفته هيج ولا مهتم يحاجيني وانه صافنه مو مستوعبة ... كام وكف يم الميز طلع فلوس من الكومدي ... حسب حسب ماعرف شكد وخلاهن عالميز كال هاي الفلوس ... خلاهن وطب للحمام . انه احتركت بنار .. اي ماشي ضاري اذا مابقيت ٣ شهور مااكون اني بنين ... اخذت الفلوس والجناسي خليتهن بالجنطه كملت وطلعت لكيت الحجية مبدلتله دطعم بعبدالله ... خليت الجنطة عالميز وكعدت .. كتلها عمه احد خابر عليه تلفوني دك لا والله يمه هم اذا اهين تلفونج مادري بي ماسمعتة بقيت كاعده وعيني عالباب .. واحس روحي مختنگة رغم انه الي ردت اروح بس لمن صارت الشغلة صدك تندمت .. مدي اروح وما مدي .. اباوع للحجية واللبيت ... شلون راح اتحمل افاركهم .. الحجية تعودت عليها عبالك امي ... وانه صافنه طلع ضاري بالجامه والفانيلة ... سلم وكف .. عبدالله يضحكلة .. اجة شاله ... بوسة .. انه كاعده بعباتي يم الباب واكف بصفي ويبوس بي يول وين راح تروح وتعوف ابوك ها ... راح اشتاگلك .. الحجية كالتله والله اهجس نار صاررت بگلبي .. بس هم خطيه خل تاخذ ابنها تشوف اهلها ضاري باوعلها كال الها اني كتلها شكد تريدين تبقين ابقي عالاقل ترتاح نفسيتها يحجي ويباوعلي صفح كتلها اي عمه يمكن اتأخر هالمره هااا شنون يولي والله ماكدر على فراگكم حجيه انترنيت موجود حاجيهم وشوفيهم باوع للساعه كال تأخرت .. لازم اطلع الحجيه كلتله اكعد اسويلك ريوگ اي حجية .. سويلي لا اكو مره لا شي الله يساعد گلبي ليش عجل وبنونه شبيها . لا تكول هيج انه ساكته مارديت كاللها لا اني ماخذ حرمة هي تخطبلي تدرين بنين شكد عاقلة مووو يحجي ويباوعلي كتله اي طبعا انه اخطبلك انه كتلك من قبل اي ياب وعد الحر دين اني اشوف من ترجعين من البصره تمشيلي الحجية كلتله هاااا بس لا تريد مروه تحجي بصوت ناصي تخاف لا تسمعها سرور هو باوعلها كال الها لا ياب ،. ماتلفي البيت شنو بس هي بالدنيا عجل منو تسخطت حجيه يامكثر النسوان ابو برزان حاجاني يريدون زهره الهيثم ها عمامك يريدوها اي اي شكو عاد والله هيثم خوش ازلمة .. الحجية خلت الريوك مقابيله كعد تريك وخله عبدالله يصفة شوي وكتلها عمه خالي تأخر من كعدت الصبح هو بالطريق هااا اي والله خابري شوفي وينه .. كام ضاري راح يغسل ... طلعت التلفون خابرت على خالي دك لحد مافصل ماكو رد ضاري شفته طب للغرفة ياربي والله بالي يم خالي .. كتلها عمه مايرد ... ها جوز ماسمعه .. راح اكوم امر على الحجية اشوف عدها مسواك لو لا خاف يجي خالج لا تروحين الا تجيبين عليه عبدالله ابوسه ماشي ... سلميلي عليها هوايه ان شاءالله يمه وعينج على عبدالله لا يكع يتعور لا انه يمه كاعده ... طلعت الحجية راح بقيت انه وحدي بالمطبخ وعبدالله كاعد يمي شلت الصينية خليتها عالسنگ .. ورجعت كعدت بمكاني اجت زهره كعدت من النوم ... باوعتلي كالت ها بنين خير خما مريضه لا تعالي ... راح اروح للبصره فتحت عيونها زهره كالت لا صدك والله اي والله شبيج ... هسه راح يصل خالي.. داحجي وياهه جان يدگ التلفون.. احس گلبي عصرني كتلها ها هيان دك يمكن وصل .. ركضت للتلفون جاوبت الو هلا خالو ... اجيت وين وصلت ... انه جاهزه ... شو تأخرت هلا بويه وين اجي شنو وين تجي مو اتفقنا نطلع سويه للبصره انه جاهزه من زمان بويه غير الله يسلمة ضاري خابرني وكال لا تمر اني يومين واجيبها ... شنوووو وين يجيبني! اكلج ضاري خابرني كال توكل انه اجيبها انه من كال هيج .. اتذكرت ردة فعلة وهو يكولي ابقي فتره طويله ... كتله خالو يعني انت هسه طلعت للبصره اي بويه من زمان انه بالطريق طالع هاااا ... اي الله وياك توصل بالسلامة ... زهره باوعتلي كالت ها شكو كتلها هسه ارجعلج ديربالج على عبدالله .... ذبيت الجنطه وبيدي التلفون وطبيت للغرفة لكيته مندار دايلبس بالدشداشة فتت وسديت الباب ورايه ... كتلة خوش لعبة لعبت عليه ليش ابوية شكوو ها شكوو هاي ليش خليت خالي يروح للبصره احاجي مايندار بس حسيتة كوه كاتم الضحكة رحت امشي عليه وكفت وراه وانه متخصورة كتله اني داحجي وياك ليش هيج سويت وهو ديسد بالدكم ... اندار وابتسم كال تره شلت حمل عنج جبييير يااا ياحمل ادري بيج والله ماتريدين تروحين هاي شبيك غير انه الي خابرته وكتله تعال اخذني ليش تنطيني فلوس وتكلي ابقي فتره وانه مصدكة بيك وتالي تطلع هيج مسووي ليش ها باوعلي بعيوني وكال .. ماكدر وعيونج على شنو ماتكدر مد ايديه وسحبني عليه وكال على فراگ هالعيون يبعد الرووح ضاري انت شبيك بيه انتي يعني شبيه يولي حسي عاااااد كافي بلعت ريكي مديت ايدي اريد واخر نفسي جرني اكثر وبقوه وهمس هالصباح الحلو يوميه واكعد وانت جدامي .. تدرين شكثر يسوه عندي شبكني بقووووة عصرني بين ايديه ... كتله ضاري وين تريدين تروحين ريتج بعد ضاري فهميني ووووين كل عقلج تروحين دنكت راسي كتله ضاري انه اريد اطلع عبدالله هناك بقى عوفي ماعليه شي .. شتريد مني ... أريد اكسر ضلوعج .. بحضني بلجي تحسين بيه هاااا ابتسم وقرب راسه .. باسني من شفتي وهمس حتى الهااااا التطلع من هالحليگ تخبل .. حسيت نفسي حمريت خحلت وانه بين ايدي وانفاسه تتعالى ودكاته گلبه ولهفته تربكني كتله اشبيك شبيه اريد اشفي غليلي بيج ... ولج كافي يولي حتى هالحايط حس بيه وانت ماحسيتي كتله راح تتزوج ومروه تحس بيك مني .. انت شثبرتيني بيها غير انت تحبها وتحبك ... ماتعنيني ولا تهمني .. افهمي هالشي لو اريد من زمان مشيت عليها ... بس مااريدها لعد مو هسه كلت راح اخطب اي اخطب ليش مااخطب الي عندة مثل برودج يعاقب روحة ب٣ نسوان هااا تعترف همه عقاب اي عقاب بس حلووو مدلل عد كلهن هااا لعد بالعافية عليك العقاب والدلال عاقبيني انت .. وانعل ابو اليتزوج غيرج دحسي يالاسلام شبيج يولي ماكافي على شنو لا كل هاي وتكلي على شنو .. ابتسمت ودنكت ضحك وكال تفهيمها وهي طايره بس تريدين تلعبين على گلب ضاري ها ياب شكلتي ... شكلت على شنو! نعرررس يولي شنووووو حط ايده على حلكي وكال ...شجرالج شبيج فضحتينا سحبت نفسي كتله لا لا شبيج ها ردينا للخبال وخرت نفسي ... كتله اريد اطلع مشيت وانه گلبي يدك ... وصلت للباب وصاح بنين .. كتله ها باوعلي عليه ... انداريت اليوم يعني اليوم بعد مابيها مجال كتله لاااا مستحييل ليش مستحيل مااكدر كتلك ... ماتكدرين ... شبيج ضاري انه ماكدر اتركني اتعود عليك ... اتعودين عليه... يولي .. صار النا شكد بهالغرفة هم لو اعداء جان الله فرج عليهم واحد حب الثاني بس هاي هيه ... مثل ماتريدين اتزوج عليج وانعل ابو گلبي البلاني بيج انه واكفه ... اجة يمشي ماعرف شنو شال من الميز اجة من يمي قريب فتح الباب وطلع طلعت وراه .. مالحكت .. طلع مستعجل وراح صعد بالسياره انداريت تلكتني سرور طبت للمطبخ زهره كالت بنين شنو ماراح تروحين سرور تباوعلي شلون لابسه العباية تريد تفهم انه وين رايحة كتله لا ضاري ماقبل اروح للبصره صدك ليش كتلها والله يكولي ماكدر افارك عيونج ... اندارت عليه سرور كالت عشتو .. مايفارك عيونج ويخطب بأختي عالعموم الحب يبقى للحبيب الأولي فتحت المجمده طلع خبز زهره كالت الها شيخطب شبيج سرور غير بنين مرته ضحكت كالت الها مرته هههههههههههه جرتها بضحكة يامرتة عيني .. راح يتزوج عليها انت شمدريج بالدنيا شكو شفتها شلون ادس بحجبها كتلها صحيح والله كالي راح اتزوج وانه كتله اخطبلك بس مع الاسف مايريد اختج ضحكت وكالت متوهمه حبيبتي مروه حبه القديم كتلها صحيح اتذكرت .. مروه شبيها هم مثلي ادور عزابي هي غير مطلكة ..؟ واذا مطلكة عيني شبيها كتلها والله مابيها شي على راسي حالها من حالي بس غير انتي كلتي عليه ادور عزابي .. كلت شمعنى اختج حلال عاليها .. عالاقل انه ام ابنهم اكلج مالي حلگج من الصبح .. بس اريد اذكرج بشي تره اعتبريهم متزوجين كتلها والله حبيبتي توني كتله تريد مروه كال ماتهمني انت ليش منغاره من اختي والله يا الله هم نزيل وهم ادبج عالسطح والله مانزيل غير اختج انه مرته كدام الناس كلها وكافي ادسين بحجيج ... انه ما مسويتلج شي مرته بس عالورق ليش تحجينااااااا كتلها عييييب عليج تحجين بهيج امور انت كل مره وتعيديها ورحتي نقلتيها الاختج وسويتولي مشكله بس انه اليوم اكول الضاري عليج هو يتصرف وياكم عفتهد اريد افوت جان تكلي دقيقه سوالف نسوان ابينه مالها داعي ادخلين ضاري كتلها صحيح والله بس ليش اختج راحت وصلتها الضاري تره عيب عليها حتى تحجي بهيج امور كدام رجال تره هالشي موحلو ومتأكده ضاري انتقدها هييييي اكلج مروه خطيبته كافي تمسلتين بحجيج هذا صايرتلي عود ثگيلة خلي هذا ثكلج يفيدج شوفي محمد وعمتي حيل اقدرهم انه من ما اتعارك وياج واردج مو معناهه خايفه لا والله بس لخاطرهم لان همه مايستاهلون اغثهم من وراج فراح اسكت الخاطرهم شلت ابني وطبيت للغرفة بدلت هدومي وهدوم عبدالله ... ورتبت الغرفة ... طلعت للمطبخ .. لكيت عمتي جايه تلكتني بوستني كالت والله بشرتني زهره وماصدكر الا شفتج ابتسمت كتلها فدوه العمرج عمه غيرضاري ماقبل اطلع يلا نوبه الخ عود روحي ... خابر ضاري يكول جهزو الغده راح يجي وياه ابو برزان عالغده كتلها اي عمه هلا بيهم .. شنسوي غده كال راح اجيب سمج ويايه واحنا خل نسوي بانية ماشيه عمه مدام ماعندي شي خل اكوم اسوي الغده خاف ماالج حيل اليوم شنون صبحتي لا الحمدلله عمه كلش زينه الله يجعلج يمه ... طبت الحجيه جوه وانه بلشت بالشغل ... سرور بغرفتها بس انه وزهره بالمطبخ ... كتلها زهيره اشتغلي اشتغلي ذوله عيالج باوعتلي كالت باعيال شبيج واكفين انه وياهه عالسنك نغسل بالصحون كتلها اليوم ضاري كال للحجية ابو برزان يريد زهره ال... بربح بس لا الخالد لاااااا ضحكت كتله لا اسمه هيثم زهره ... هلا يااااااااب تحجين صدك اي والله شبيج يعني هيييييثم اليوم ايتغده اهينه ماعرف والله بس كتلج خطبوج اله اكلج ... شلبس هههههههه ولج اصبري شبيج منو يكول يجي هوا اباوعلها سدت الماي ... كالت اني اروح ابدل كلشي يصير جوز يجي ... نشفت ايدها وطبت تركض انه بقيت اضحك عليها ... كملت الباقي ... داسمح بالكاونترات والمطبخ حار .. وحدي بقيت والاكل كله مجهزتة عالنار شوي وجان يطب ضاري شايل شبكة مال سمج وياهه علاگة شافني بالمطبخ ماحجه صاح زهره وينج ... سرورر وينجن كتله جوه فاتو انطيني انه اسويهن ... تقربت اريد اخذهن كال لا وخري ماعليج انتي كتله ليش ماعليج وخري غاد ... شاال العلاكة خلاهه عالسنك صاح زهررررررره صاح بصوت عالي اجتي زهره تركض خايفه كالت ها شكو ص جنت تصيح عليه ماسمعتك والله تعاي اغسلي السمجة وملحيها كمليها وخليها اهين بهاي الشبكة اي هسه اجت زهره كامت تغسل بيها .. انه واكفه واباوع وهو ابد ماندار ... طب يمشي فات للمغسلة ديغسل شوي وطلع .. للطارمة راح للسياره فتح البوب ... ورجع نزل انه مرتجية عالباب واباوع عليه وهو ولا رفع راسه اجة سحب المنقلة رفع اردانه تبرم .... اباوع عليه ... بي شبه من وسام بس ضاري احلاهم شعل النار وصاح وينها السمجة شصارلج انه طببت لزهره كتلها استعجلي اخوج ماعنده صبر كالت هيان كملت ... مدنكين بالكاع انه وزهره دنسد بالشبكة وجام تطلع سرور هي وشهاب .. ومحمد تمشي واطگ بحذائها عبرت من يمنه وهي تبين لعبانه نفسها محمد باوع كال راح اوديها الاهلها وارجع بقولي غده كتله خير وبركة تعال خويه موجود الغده هي صاحت يلا عاد ريحة السمج كتلتني طلعت وطلع وراهه زهره كالت ديلا بالله هاي شبيها عود لعبانه نفسها كتلها عوفيها .. شلت السمجة وطلعت ... ضاري شال الصونده مال ماي وديرش بالحديقه كتله السمجة كملت ... باوعلي كال خليها بمكانها وفوتي يحاجيني وهو ضايج انه خليتها وتقصدت بقيت واكفه بالطارمة ذب الصونده واجة يمشي للسياره ... شغل اغنية ... عبرت الشط على مودك خليتك على راسي عله المسجل وباوع عليه .. رجع نزل وخله الباب مفتوح .... طلعت الحجية للطارمة كالت ها جة ابو برزان كتلها لا بس ضاري اجة ضاري يتمشه خله السمج عالنار باوع للحجيه سحب الكرسي وكعد بصفها كالت الحجيه سويتن زلاطه كتلها كلشي جاهز عمه كاللها يمه جنتج نادره بكلشي الا بشغله وحده باوعتلي ورجعت اندارت عليه كلتله شلون يعني كال الها ماكو شي حجيه اسمعي الاغنيه احسن كام راح للمسجل وعلاه ... بقى كاعد بالسياره الحجية كالت تعاي اكعدي هين انه مشيت كعدت بمكانه .... نصه الصوت مد راسه من السياره ... كال الها اي والله حجيه كل هذا وكلت امرك احلا من العسل مرك وين تريد اروح وياك بس لا تجرح احساسي يحجي ويباوعلي ... وجع عله الصوت كله وكام يطك اصبعتين ... انه مادري انقهر عليه مادري ابتسم على سوالفه الشمس بوجهه وكل شويه يباوعلي اول مااشوفه يندار كاعدين وجان ينصي المسجل ... جاوب عالتلفون ونزل ... اسمعه ايكله حياك فوت اخوي ... انه باوعت للباب البره انفتح وطب ابو برزان لابس دشداشه وغتره بيضه لافها على راسه اجة يمشي هو وضاري يسولفون ... انه من العرس ابد ما واكفه كدامه .. استحيت وكمت وكفت .. اجة يمشي وبيده السبحة .. شكله حيل هيبه سلم عالحجية .. وبارعلي كال شلونج خيتي كتله هلا بيك الحمدلله ضاري يباوعلي انه كتله تفضل شلت الكرسي خليته كدامه ضاري عيونه عليه بكل مكان ثولني بعد ماعرف وين اودي نفسي عفتهم وطبيت للبيت ... تلكتني زهره اجت تركض وتباوع من الجام كالت هيثم وياه شايله عبدالله بيدها كتلها هلا هلا الي يكول عاشكته من سنين على كيفج لا يسمعج ضاري زهره ... يبووو بنين انت شمعرفج شكو عوفيني كتله هسه بس اصبري تره اجة وحده محد اجة وياه اهووو هاج ابنج بدلت هدومه هلا بوليدي الحلو هلا ... عبدالله يباوع للسياره ويكمز زهره كالت جيبي دودي ... اخذته وطلعت ... سلمت عليهم .. ضاري اسمعه يكلله شوف شلون كيف من شاف السياره جيبي تعاي... اخذو من عدها ... انه اباوع الهم من الجامه ومبتسمه ماعرف ليش شويه وكملو شوي ضاري صاح شيلو السمجة تعالن اخذنها جهزنه انه وزهره السفرة وكملنا جان دنضف بالمطبخ وهمه يمهم الغده اجة ضاري كال صبن بعد لان دزينه على هيثم اباوع الزهره خدودها وردت ... كمت كتله هسه انه اصب صبي ومن تصليت للباب صيحي حتى اجي اخذه كتله ماشي ... صبيت الغده كتلها زهره انت ودي لاااااا عيني استحي هااا تستحين لا ضاري خاف مايقبل بكيفج لعد انه اودي لا لا.دقيقه اودي اني ... ههههه دهاج عيني عاشقه مر الوقت وللعصر وهمه بالهول مجموعين ... سويت الهم جاي وورحت يم الباب اريد ادگة باوعت الباب مفتوح شويه ضاري ماعرف شافني او لا بس اسمع ابو برزان يكله اي والله ينراد نعيد ذيج السهره شفتهن شلون غزلان يفترن ... ضاري يكله اي انت بس كول هسه اطلع وين اكو احلى من النسوان غير بس رحمة الله انه ماعرف شصار بيه من سمعتهم كيت الباب .. بقووووه ضاري صاح جاي ياب جاي اجة يمشي فتح الباب وباوع عليه كتلة هاك الجاي ماكو اطيب منه بس رحمة الله ضحك بصوت عالي ... كال اي عاي شمدريج غير حلوات شسوي ... كتله شيملي عينكم ... دفعت الصينيه عليه وطبيت للمطبخ ماعرف ليش ضجت من سمعتهم ... كمت اشيل مواعين واخلي بالسنك ... مثل المخبله احس اعصابي نار ... اشتغل وانه مخبوصة ... ماعرف شلون شويه واجة ضاري كال شكر ياب جايكم مر مثلكم كتله اي كلشي تريدو حلو مثل النسوووان مد ايده دياخد الجاي وجان يندك باب المطبخ صاح ضاري منو تفضل لمار ردت اني لمار ... انه فززززيت لمااااااار شجابها ياستار بس لا بلوه جديده اي راحت سرور يمهم صخام بوجهي يتبع تحياتي نشوى السلطان توقعاتكم ولا تنسون التصويت | ||||||||
|
| |
|
12-01-20, 08:44 PM
| #40 | |||||||||
| مراقبة عامة ومشرفة منتدى الروايات المنقولة
| اقتباس:
يعافيك يارب يوم فيه بارت ويوم لا البارح نزل بارت الليله مافي وبكره فيه بارت إن شاء الله | |||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
