يمامه خلف القضبان للكاتبة/ غدير وسام " عراقية " ( مكتملة )

[فيتامين سي]

#يمامه_خلف_القضبان #البارت الثاني والثلاثين

غدير وسام )))
الف مبروك ..ززز ..سكتت وتداركت الموقف .

وفاء ابتسم اني هم ابتسمتله لزم ايدي يطمني

وصلنه لبيتهم . لزمني ونزلني صار رمي اني لزمته حيل خفت صرت جوه جتفه . صاح عليهم كافي ياولد

لاحد يرمي .فوتني جوه خواته وبيبي كعدوني هو طلع

مراسيم اعتياديه مشت ماما يمي كاعده و يمامه
وبيبي ام بابا زفوني للغرفه غرفتي بالطابق الارضي
مسويها مصطفى وتارك غرفته الفوك
من زفو طلعن ماما وخلاتي .اني خايفه ومرتبكه

كاعده افرك بايدي

مصطفى ..تزوجت عادي . يعني .كشيء حتمي وتحصيل حاصل الزواج بسرعه خلصت المراسم مالته بشكل طبيعي . ونقلتها حتى تداوم

بيوم العرس مم زفوني وشفت شكلها حقيقه تحركت بيه رغبة رجال جمال وجسم . وترافه . وحلالي ويمي بنفس الغرفه .تركت كلشي وردت اتقرب رغبة فراش

من شفت تفاصيل جسمها من خلال منحنيات الفستان الي راسمه

مصطفى ..غسلي نصلي

وفاء ..ها ...اي

فتت نزعت البدله .غسلت ولبست السيت . . وجادر الصلاه صليت ورا ركعتين

تتعشين

لا

وفاء شفت تقرب عليه رجعت ليوره ضحك

تخافين

وفاء .. ها

مصطفى ..تخااااافين . لعد منو ختلت جواي من رمو لاتخافين اريدج تحسين اني امانج وتلجئيلي

وفاء ..اممم

رفع وجهي بدا يطبع بوسات بشغف وحب مثل مجنت متصوره . .. ورغم خوفي .وترددي بس حرصه بالتعامل وياي خلاني اامن بي واسلمه زمام الامور الي طلعت من ايدي وصارت تحت تصرفه اخذني وصرت اله زوجه وحبيبه من هاي الليله الي خلاها ليلة عمري فعلا

مصطفى ..مبروك

دنكت بخجل . . كام طلع . للحمام الي صاير شويه عن غرفتنا . وسمعت هلاهل بره وامي اجت تركض

الف مبروك ماما حبيبتي

لج هاي شمسوي بيج ههههه . انتبهتلهن يضحكن واني .باوعت شعري مكفوش ضحكت بخجل

صرتي مره ولج ماما وفاء ممصدكه .

بوستني وطلعو اخذتني امي للحمام علمتني شلون اغسل .. طلعت لكيته بلغرفه وماما طلعت

تقربلي نعيما

سكتت احس الكلمات وكفن

شفته جايب عشه جرني كعدني يمه . لاتكولين ماريد امج كالت من الريوك وهم ماكلت زين

كعدت كلما يدنك ارفع عيوني تشبع من تقاسيم وجهة مصطفى شعره ثخين رافعه ليفوك وابيضاني عيونه بيهن صغر شويه خصوصا من يركز ويعصرهن لو يضحك يضيعن . خشمه شويه بي كبر وشواربه ولحيته الي بس بزواجنه رباها لايكتله وتجنن عليه

انتبهلي صافنه عليه ابتسم . شبيج هيج اني حلو

دنكت

انتي ليش متحجين


مرات ماعرف شاكول اخجل

مرااات . يمعوده على طول

كمت صاح وين ماكلتي

شبعت

طلع الصينيه ورجع تمدد بصفي وخلا ايده على عيونه ونمنا الصبح كعدت على لمساته وبوساته الي رجعت تطالب بحق تنازل عنه باليل بطلب من بيبي كال هاي الكلمات وهو يكلي تركتج البارحه بس هسه لا
مادري بيش الساعه بدا وشوكت انتهى الي اعرفه نمت واني اتوسل بي يتركني وهو يجاوب ماكدر كعدت نايمه على صدره الي ميفصل بينه شي حس بيه جرني

وين

اريد اغسل

امممم . شفت شعره رطب . يعني كايم غاسل واني محاسه

طلعتتلي ملابس ورحت للحمام . غسلت ورجعت مكيجت خفيف ولبست فستان ابيض

مصطفى لبسي شال اخاف الولد بره

طلعت شال ابيض بي تطريز ذهبي رتبته و انتظرته حضرتله دشداشه بيضه بعده مجاي اجت مأرب صباح الخير ياعروس

ابتسمت صباح النور

وينه صفاوي بالحمام

هزيت راسي

زين تعالو تريكو . لو اجيبلكم هنا

مادري

طلع مصطفى . صبح عليها بوسته وراحت .
تقرب باسني من ركبتي وخدي .

لبس ومشط وتعطر طلعنه . الكل كاعد باركو ماما باقيه وبيبي . وراه الريوك راحن للبيت ردت ابجي من طلعو ولاعبالك اني الي متعلمه هنا يم بيبي


مصطفى . وفاء طفله . حبيت احساسي وياها ورغبه بيه تملكتني بحيث مكدرت ابتعد عنها وهي هم ترفه تسوي واهس . هادئه . عكس الي عرفتهن وعكس زينه الي جانت تحشش وصاخبه بكلشي

شفتها من راحت امها برطمت حسيت طفله وعافوها اهلها جريتها لحضني بوست خدودها

شبيج راح تبجين . شوكت متردين ترحين يمهن

هزت راسها اويلي على الكعبه مال كرط .

وفاء .مصطفى اختلف عبالك تبدل يضحك ويتشاقه وياي . اكثر تصنيفه لان ماجاوب كلساع كل لبيبي خاف خرسه . هههه

من الغرفه ميطلع بس على الاكل .
الضهر ورا الغدا تقربلي .حسيت بوجع بس كتمت ومحجيت . . طلع . للحمام رجع باوعلي شبيج

ماكو شي

رفع راسي . اكيد

امممم .

زين رجل .حياة بره من يروح اطلعي للحمام


غدير وسام ))****

جنت موجوعه لميت نفسي . هو كمل كلامه .. بابتسامه
اسويلج حمام بلغرفه مو احسن . صح ماكو احد بس هم البنات على طول يباتون هنا ورجولتهن هم وابن اختي مؤمل هم شاب جبير

كيفك

على اجازتي الجايه
امممم

كام باوع يله عيني كومي جرني حضني وبوس ركبتي وخشمي.. باوع بمكر . شلون مجاي اشبع منج

دنكت . ضحك ..روحي روحي اغسلي


طلعت كال تلفونج دك .ماما

خابرتها وبابا حاجاني أطمنو عليه وسديته

مصطفى تاكلين

طلعنه يمهم عنده اربع اخوات رايحات اثنين واثنين بقو . . مأرب تبقه للسبعه . لان ماعدها اطفال بيبي جرتني كعدتني يمها وتبوس بيه

تباوع عليه . ولك مصطفى كارطها على كيفك ويه وفاوي الترفه ماتتحمل

مصطفى .هههه هاي على كيفي وياها حجيه

طبعا كمت اساعدها شغل خفيف بالبيت ومصطفى هم كام يريد شي يطلبه مني بس بيبي متقبل
تكلهم ورا السبعه لاتصخرها من هسه

مصطفى حنين كلش وياي وتغير حيل خلاني كلش اتعلق بي

يوم السبعه اخذني هو للصالون خواته اجن مم الصبح

من كملت رجعني .خابرته كال لبسي عبايه وغطي نفسج زين جايج بالطريق

تمام . تغطيت ودك عليه طلعتله جنت لابسه فستان بينصل . وردي بي لمعه . ومرتب

لزم ايدي وصعدني للسياره

ها راح تجلطيني مو

ههههه ليش

اكيد تكطعين طالعه وراح انشحن لو را الحفله انتظر

هههه

اضحكي . اضحكي . كبل للغرفه اشوفج واخذ حصتي يله تطلعين مدام ضحكتي

شبيك ..مصطفى

شكووو

وصلنه وصدك جرني كدام الكل للغرفه
وهو يصيح اني اول واحد اشوفها نزعت العبايه تخبل جرني باسني

عفيه مصطفى راح تخرب مكياجي

باوعلي وصاح بعصبيه شبيج لج

عيب الناس بره
واذاا . كتلج اني من السياره

لا حباب عيب هاي ماما تتصل

تعاي اقنعيني انتظر لليل واخليج تطلعين

بوسته من خده حباب

شنو جهال تقنعيني بوسه على خدي

شسوي لعد . اندك الباب بيبي تصيح شبيكم مصطفى صاير شي

لا يمه هسه نطلع

رفع حاجبه باوعلي .. منتظر
تقربت منه خليت ايدي على صدره بسته من شفته

صاح ..لا هيج شعوطتيني المفروض تصبر يني

جرني كل عقله للجربايه وصار فوكي يبوس بجنون
تخبل
مصطفى .عفيه

وجع شبيج . استمر .. الى ان دفعته من الباب اندك حيل ارتاحيت من رعبلتني باوعت شعري مخربط . وركبتي حمره ومكياجي مخربط بجيت العالم بره
والله حرام عليك

وكفت كدام المرايه . عدلت شعري ومكياجي

مصطفى متمدد ويضحك .. انداريت .شكو دتضحك عليه توازيت شبيك تخبلت

والله عاد محد كلج طلعي حلوة

فتح الباب راح للحمام طبت مأرب خلصتي حبيبتي الناس بدت تجي واهلج بلطريق

اي كملت .. طلعنه كعدت اجو اهلي كلهم بيبي ونسوان عمامي وخالاتي

صارت حفله حلوه ومصطفى اجه اخذنا صور

يمامه .. تزوجت وفاء حنتها وعرسها شاهين مموجود بس يخابر ويوصي بلبسي والجهال

طمنته ودزيتله صورنا اني والجهال

ورا العرس .. كاعدين الصبح بلمطبخ . نتريك

واستبرق .. حجت
اكلج يمامه ترحين تنظفين بيتي اني حامل والدكتوره منعتني من الحركه

باوعت لامي وانداريت عليها .
شاهين ميقبل اطلع

اخلي قتيبه يكله .
اسلوبها جان كلش سخيف . متطلب بادب عبالك متفضله عليه لو احسن مني

محجيت واصلا اعرف شاهين ميقبل

بليل خابرني شاهين وسئل على الموضوع

شنو كايله لقتيبه يخابرني

كتله همة من كيفهم اني مكلت لاحد وشنو هي اروح انظف بيتها مكافي عليه البيت هذا وجهالي

شاهين ..شنو بزيناج وانفجرتي

يمامه . لو شايف اسلوبها من تحجي وياي جان انت بنفسك رديتها

ليش بله .

تحجي عبالك واجب عليه واني اقل منها عزت عليه نفسي والله شاهين

يرحلج فدوه منو الاحسن منج هاي

سكتت والعبره خنكتني

شاهين . يمامه ... يمامتي ..ابويه انتي ....شنوو ..تبجين

لا . حجيتها بعبره مختنكه .. راح اسده ميار تبجي

دروحي سكتيها ورجعي خابريني منتظرج ...يمامه ترا اني مقبلت تطلعين لاتصدكين اسمح لاحد يقلل من قيمتج

سديته وبجيت . بنتي بحضني ومحمد يلعب يمي

نومتهم ومن قهري نمت وياهم الصبح لكيت شاهين كومه متصل . دكيت عليه .جاوب بسرعه بصياح متكوليلي ليش متجاوبين على القندره

نمت مسمعته

ايباااااه .. هيج نومج ثكيل ست يمامه

ايي .

دولي طاح حظج وحظي وياج

سديته وكمت للبيت بدون ريوك .
الظهر امي كالت خلي نروح نشوف زينه . كيفت مشتاقتلها .. هواي هي حملها نحس ومتجي قليل .

امي كالت لشاهين .. علمود روحتنه . كلها اخلي سيف يوصلجن . باجر مو اليوم .

استبرق . على العشه تباوعلي


غدير وسام )***

تباوعبلي صفح

مو شاهين ميقبل تطلعين

شنووو

مو ريحاات لزينه باجر لو هاي مو طلعه

جاوبتها اي رايحه .وبكيف رجلي وين يعجبه يكلي روحي
اروح

لا والله بكيفج

اي كيفي وشتردين

انتي ليش هيج وياي لان حطلع بيت وحدي تغارين

ليش اغار حبيبتي ترا هذا بيتي لاتنسين

باوعتلي بحقد هزت ايدها وراحت

زينه صار عليه ٦ اشهر الحمد لله صار شهر تحسنت والوحام خف عليه صدك دوم احس عبالك متخومه اكلى ولعبانه نفسي بس شويه لعبان النفس خف وكمت اشتهي اكلات واتقبلها .. صار فتره الوضع متازم بيني وبين فريد . لان اسماء فجرت قنبله كالت حامل وعليها شهر

الكل صفن وبهت وانتبهت رده فعل فريد بخبر حملها جانت غريبه مو مثل من عرف بيه حامل تخبل

هي جانت تباوع عليه وتدور بعيونه باركتلها وهو هم
بليل تفاجاة بي يطلب مني ادير بالي عليها

زينه شلون يعني

يعني انتي حملج ان شاء الله ثبت وعديتي اشهر الخطوره

وهي جبيره وبداية حملها

امممم فهمتك صار تدلل

وفعلا . شالت ايدها نهائي بحيث حتى الاكل كامت خاله تخليني اوديه الها لغرفتها .. وعادي مجنت اكول شي بلعكس اكول اسويها لله بس اسلوبها مستفز وفريد ابد متخلي يوصل يمي من يطب تستلمه وتسوي نفسها متخربطه وتعبانه وتخاف بليل وهو هم كابلهاوكعد

اني رجليه كامت تورم وجسمي كله بحيث الحلقه والمحبس ملاتي كصو اصابيعي وميطلعن جنت يم المغاسل احاول اطلعهن من اصبعي .. حضني من ورا

شسوين

اذوني اريد انزعهن

شوووو بله

حاول بس اصابيعي كلش وارمه كوه طلعن

ليش هيج

مادري امي تكول زلال

دمشي جيكي وضعج

باجر ان شاء الله

باسني صايره بطه

رفعتلي حاجبي ومشيت

تعاي شبيج

مابيه شي سلامتك . اسماء تدري بيك واكف يمي لو تزعل

ضحك ..وجرني لا متدري جيت بلختله

دروح لعد

ههههه

لاتضحك

ليش بله .

اسئل نفسك . .صار شكد تدري بيه . سائل عليه

اي ادري واسئل واشوف واراقب

باوعتله ممصدكه .

والله شبيج بس هاي خطيه شفتي نفسج بدايه حملج

مسويت مثلها ولامنعتك عنها
.ادري

عموما الي ميريدني ماريده حتى من اكلك اخذتني لخاطر الحمل تكلي لا هسه من مرتك حبلت تندمت

هيج تفكرين بيه

هذا الصدك .
عفته فتت لغرفتي وقفلت الباب خابرتني امي من حست بيه تعبانه كالت باجر نجيج اني ويمامه كيفت وقررت اروح وياهن من يجن

وصدك من اجن ورادن يطلعن كتله رايحه ويا اهلي
فريد ليش

تعبانه اريد ارتاح

. كيفج روحي يومين واجيج

لا .اني من ارتاح اخلي شاهين يجيبني خاف تطلع واسماء تزعل عليك

.لج شبيج انتي تخبلتي شنو غيرتج هاي مالها داعي ولله لو تعرفين انتي شنو مكانتج عندي

اي مبين حجيت واني اجمع بملابسي

جرهن كعدي ماكو روحه يله

مااااا .....اروح

كتلج مترحين

ليش

لا اله الى الله . شبيج تخبلتي ن

اريد اروح

مترحين كتلج . يله

مسمعت منه وطلعت كدامه اطيت الجنطه لسيف ابن مؤيد ..

عيونه صارت نار خزرني كتلج رجعي

امي انتبهت

شصاير يوم

فريد سلامتج يمه بس كتلها ابقي اني اوديج غير وكت

خزرتني امي وكلت لسيف جيب جنطة عمتك

يمامه . كعدنه لاحضت زينه متغيره مو نفسها التضحك وتتشاقه بس كلت احتمال الحمل متعبها ومكدرنه نحجي براحتنه خالتها وضرتها وحماتها جانت يمهم
كالت اروح وياكم . ونحجي براحتنه

بس فريد ماقبل تروح والظاهر بينهم مشكله ترخصت من امي وخذتها للغرفه مالتها .

تعاي شبيج

اريد اروح وياكم اذا بقيت انفجرر خلي يعوفني

فهميني

ماكو .. اسماء حامل وهو من يومها متجاهلني يجي من الدوام لغرفتها ويبات يمها .

ميخالف يجوز وضعها تعبان .

لا اني اكلج ليش . لان كالتها اليه هي بيوم خطوبتي ماخذج للخلفه .هسه ست الحسن حبلت شيسوي بزينه . امشي نطلع كتلكم مابقه فاتت امي ..كتلها لاتظلين تخوزرين انتي اروح يعني اروح


انتي تظلين بخبلاتج تزوجتي وحبلتي وانتي مثل مانتي متفكرين ورعنه

اي رعنه . وعوبه وخبله وشتكولون كولو بس مابقه هنا

تعاي كعدي .. يمي . ضاربج .الولد ..

لا .
غالط عليج سابج ساب اهلج

لا .
شنو الغلط الي سوا وطالعه من بيته بدون رضاته .
اذا اشتكه لشاهين واجه سئلج شجاوبين اخوج

اهووووووو .

لاتنترين بوجهي رعنه .امج اني .وهيج تحجين وياي لعد هو شلون اسلوبج ويا .

بجيت ..روحي يمه روحي . هو انتم ردتو تخلصو ن مني

ولج ليش اخلص من


غدير وسام ))****

شجم زينه عندي بس عيب اني جيت اشوفج اخذج واطلع وانتي زعلانه

سكتت وامي طلعت واني قفلت غرفتي ونمت

دك الباب عليه فريد لاجاوبته ولا فتحت الباب
دزلي رساله على تلفوني
زينه فتحي الباب لاتصيرين طفله خلي نحجي

مجاوبته .. اتصل مجاوبته
شويه دك عليه شاهين .

جاوبته ..

شاهين شلونج زينه

الحمد لله من الله بخير .

امي خابرتني وبالها يمج شصاير

ها امي عبالي صاحبك خابر يشتكي مني

لا ...امي . احجي شصايرر

ماكوو لاتشغل بالك ردت اروح وياها ارتاح كم يوم مقبلو لاهي ولا فريد .

بس ..

ايي .

متاكده . اذا اكو شي احجي لاتنسبن اني اخوج

مناسيتك ومناسيه هم انت صديق فريد . واذا حجيت راح تفضل صديقك ووكفاته عليه

متوهمه .حبيبتي احجي شبيج

مبيه شي شاهين سوالف نسوان لاتدوخ نفسك بيها

اذا احتاجيتي شي لاتترددين تتصلين بيه

ان شاء الله . مع السلامه

سديته . . تمددت وافكر اني شنو نهايتي اني والي بطني مبين فريد تندم على زواجه مني تصرفاته كلما جالها تثبت هذا الشي .

رجع دك الباب .. اليوم متذكرني

فريد .. طلعي اكلي شي ورجعي للغرفه ماريد منج شي

صدك شويه والجوع كام يحرضني انهي اعتصامي اني من الصبح مماكله حتى بلغده ماكلت فرحت بامي ويمامه
طلعت لكيته كاعد بلهول مقابيل غرفتي
باوعلي اني مهتميت رحت للمطبخ بس شفتها واكفه اكل كدامه واني زعلانه .برستيجي يخرب شربت مي ورجعت للغرفه قبل ماسد الباب دفعه وفات .

عفته جرني حيل ..
اووي ايدي شبيك .

انتي شبيج مو نحجي وياج . شكوو كالبه فد كلبه يول احجي


شنو شبيه تغشم نفسك . فريد

غير افتهم شبيج . هاي كله لان انشغلت جم يوم عنج

مثل مداريتج بداية حملج هي هم تحتاج اداريها


داريها عيني براحتك بس لاتنسه من داريتني جنت تفكر بيها ودائما تردد لازم اعدل بينكم وخطيه مااحسسها وماهملها اشو اني انهملت مو المفروض هم تعدل

صح يابه حقج واني مقصر ومن اليوم مراح اعوفج

باوعتله . وضحكت . روح فريد . مو اني الاطلب الاهتمام منك

شتردين زينه شنو اليرضيج

اروح لاهلي

مترحين
.خلص لعد لاتجي تكلي شنو اليرضيج وروح يم مرتك ما محتاجه تضغط على نفسك وتجي هنا

لا حول ولا قوة الى بالله زينه بابا افتهمي ما ضاغط على نفسي بلعكس راحتي يمج

بس ... استغفر الله

اي احجي بس شنو ست اسماء تزعل

مو شغلة زعل بس شغلة انسانيه

واني

شبيج انتي

متشوف نفسك مقصر وياي واني هم حامل


بداية حملج هم نفس الشي سويت . وياج اسماء تحتاج رعايه . اكثر

ليش بله حامل باابن الملكه واني بابن البطه السوده

هههههه لاحبيبتي ماكو فرق بس وضعها يختلف

تمام روح الها

غير نتفاهم مااروح وانتي زعلانه

لا تخاف مزعلانه ..تدري ليش .لان عرفت اني شنوو .

روح فريد ..

بس خلي نكعد نحجي .. وافتهمي مني . حبيبتي

تعاي كعدي اهدي خلي احجي وياج

كعدت .على اعصابي .والجوع وترني اكثر وبطني كامت تعزف الحان غريبه .وكمت اتخيل ايدين فريد صمون كهربائي . .

نعم

شوفي عيوني انتي .. اسماء .من فتره تنتظر طفل واني هم جنت احلم بطفل
من عرفنا الصوج منها . الكل طلب اتزوج . بس اني رفضت الفكره
الى ان شفتج . اسرتيني من اول نظره بقيت افكر بيج وارجع الوم نفسي لان انتي عرض شاهين يعني عرضي

الى ان مكدرت بعد امنع نفسي فاتخذت حجة الاطفال ذريعه حتى ازوج وطبعا هي مكدرت تعترض وافقت
صدكي من تقدمتلج مفكرت بشغلة الاطفال . من حملتي فرحت لان تحقق اغلى حلم عندي ومن منو منج انتي .وهي بدت تراجع وتاخذ .منشطات وجانت اكو ايام تبويض جانت تطلب مني اتقربلها علمود العلاج والابر
وخطيه هواي تعبت وجنت اشوف العلاجات شتسوي بيها . لذلك من صار الحمل ودكتورتها مبلغتها الحمل ضعيف قررت اداريها ونحاول نحافظ عليه . وطلبت منج تدارينها وهملتج شويه .بس جنت مطمن انتي راح تتفهمين وتقدرين مادري بيج نص عقل وطفله لهاي الدرجه .

زينه ..اني

اي انتي زعلانه ومسويتها قصه وتردين ترحين لاهلج .وشاهين اليوم خابر عتب عليه لان خالتي شاكيتله وضعج

امممم .

وهسه

شكوو .
.شقررتي ورا ماسمعتيني وشرحتلج موقفي

تمام .بس لو كاعد ومحاجيني جان تفهمت
كتلج . راح من بالي .

جرني وباس راسي . وحضني . باوعتله فريد

نعم عيني

جوعانه .

باوع .. شمشتهية هسه اجيبلج

اي شي . مستعده حتى باجه اكلها

هههه صدك مشتهيه باجه

زينه . عيع مو لهدرجه

فريد هههه دكومي اطيني محفظتي خلي اطلع اجيبلج اكل .

لاتطلع هسه اهجم على المطبخ واكتسحه

ههه شلون كاسحه انتي دتعاي رحنه للمطبخ فات وياي

طلعت اسماء شافته فكت حلكها هاي شنووو يتبع ....

يسعد مسائكم ..اكو ارباك صار البارحه انتشر بارت قصير وكان عباره عن بارت تحشيش من احد متابعاتي وصديقتي
دائما بعد كل بارت اما تنزل مناقشه او بارت هي تكتبه وتحشش للمزاح فقط . البارت انسخ من الكروب وانشر
لذلك الاغلب يسئل ليش الاحداث ممترابطه .

الاحداث هي نفسها ومترابطه الي متابع هنا بلبيج او على الواتباد وبكروباتي راح يعرف لذلك حبيت انوه عن هذا الربك الي صار ..
.واتمنى لكم قرائه ممتعه .

[فيتامين سي]

#يمامه_خلف_القضبان#البارت الثالث والثلاثين

غدير وسام

زينه . عيع مو لهدرجه

فريد هههه دكومي اطيني محفظتي خلي اطلع اجيبلج اكل .

لاتطلع هسه اهجم على المطبخ واكتسحه

ههه شلون كاسحه انتي دتعاي رحنه للمطبخ فات وياي

طلعت اسماء شافته فكت حلكها هاي شنووو فريد شتسوي بلمطبخ

ها .

باوعت صدك اول مره يفوت هو وابو عدهم عيب الرجال يفوت للمطبخ .

همستله روح ..اني اسوي واجيب

حسبي حسابي وياج جعت .

تمام
طلعت شباقي من العشه
كبه . وكباب طاوه وزلاطه حميته هو والخبز رحت للهول لكيت اسماء يمه خال ايده على جتفها ويضحكون

خليت الاكل نزل صاحها كعدت يمه واني كابلتهم
باوعت تاكل مو مثلي باول حملي حتى المي مااشتهي

الله يحفظها اكتسحت الصينيه وكامت

شبعتي

ها. ااا .. اي الحمد لله

بالعافيه

الله يعافيك .

كمت سويتله جاي

اسماء كامت صبت وكعدت يمه تسولف على الحمل متعبها وتلعب نفسها ..

فريد .. اسماء تردين شي اليوم ابات يم زينه

ها ..

اذا ردتي شي اتصلي لو دكي الباب

ايي

كمت . ولحكني جرني عليه باس ركبتي وشمها

باوع بعيوني . شكد احبج تدرين

لا مادري هههه

تعاي اكلج . ....

يمامه ..رجعنه من زينه تعبت مامتعلمه اطلع والجهال هم راسا نامو بس بدلتلهم واني هم غسلت وبدلت ثوب خفيف انام بي . تمددت يم جهالي بغرفتهم من شاهين بلدوام انام يمهم بلكاع افرش وانام و شاهين زعلان مااتصل بعد . بس بلطريق امي خابرته حجتله على زينه وفريد . . غفيت . حسيت اكو حركه بلغرفه كعدت شفت شاهين مدنك على ميار يبوس بيها وراح لمحمد باسه وشمه . خله ايده على شعره . ويضحك عليهم .
اندار عليه عباله نايمه اني هم غمضت نفس الشي باسني وشم شعري وراح للغرفه . مالتنه .

رحت ورا لكيته بلحمام .. يغسل جريت جنطته عزلتها
طلع تفاجأ بيه اني رحت حضنته وبوسته الحمد لله على السلامه حبيبي .

الله يسلمج . كعدتج

حسيت بيك . .. جوعان . اخليك اكل

لا حبيبي ماكل . اريد انام تعبان . مشتاقلكم انتي والجهال لو ما خطيه جان كعدتهم .

ههههه ميكعدون اليوم تعبو

ها صدك جنتو طالعين واكول فاكين حلوكهم هههه

ايي . تعبنه حتى اني . ذبيت نفسي هسه داغفي واجيت انت .

المطلوب شنو هسه ست يمامه يعني لشنو دتلمحين بابا

هههههه مالمح اسولفلك

عبالي .يعني . اني كلت تعبان وانتي دكيتي اليتيمه .جهالك وطالعين وتعبانين .

تقربت منه . خليت راسي على صدره اعشق ريحته من يرجع وتمتزج ريحة جسمه ويا ريحة المي والصابون وجسمه يكون حار لان حضرته يغسل بلمي حار صيف شته .
جرني حيل .لصدره . ونسينه الدنيا كلها من تلاكينه بعد غياب المفروض نتعود عليه بس هيهات صاح باسمي

يمامه ..

اممممم

زعلتي مني لان صيحت عليج

اشفت من جيت

شفت لهفة وحب .بعمري ماعشتهن ولاحسيتهن ويا مريه

لعد ليش تسئل ؟؟

حبيت اطمن .

والكلام يطمنك اكثر من الفعل

مرات نحتاج الفعل والكلام سوا حتى نطمن اكثر

اوك . مازعل منك اني حبيبي سويت بيه الاكثر وحبي الك خلاني ارجع لحضنك تتصور ازعل من شي بسيط .

المهم .اني طيحت حظ قتيبه ومرته من حجو لاتتصورين سكتت .

شلون .

الج الصافي شلون معليج بيها المهم بعد متندك بيج

بسته من حنجه .

مو ستوه اخذنه فتره راحه ليش تتحارشون

ههههه . كمت غسلت ونمت .يمه وعلى صدره احاول اعوض ايام الي يغيب عني بيها

الصبح كعدت على صوت بجي ميار بس مالكيت شاهين رايحلها ويبوس بيها وبمحمد .

شالهم وطلع يم امي واني غسلت ولحكته

تريك وهمة بحضنه . . ميار تدفع بمحمد تكوم بي وهو فقير نزل اجه يمي . يبجي .

سكته تريك وراح يلعب ويا وئام . .شويه وكبت العيطه بينه وبينها ساعه تلعبه وساعه تطرده تكله انت ولد ههههه

اخذهم شاهين يشتريلهم . واني كملت شغلي .

نزلت استبرق . تريكت وكعدت بلهول . هي وقتيبه بس من شاهين موجود ينزلون يمنه ويسولفون ويانه

جماعة الفوك ملتزمات الفوك تنظيف واني عليه البيت جوه تقى كامت تطبخ الها ولبناتها فوك متنزل ابد شاهين منعها . وهي هم كيفت واني خلصت منها ومن نهاد العكره

بس استبرق تتمقلج عليه . عبالك بس هي حبلت .

طب شاهين سلم واطاني الجهال . . كعد يمهم . حجيهم كله على بيتهم . وشيسون وشلون يأثثو .فلوسه متكفي صرفهن على الشراء والتحويل .

شاهين . السلفه ذاك الاسم دفعته من يمي الك . وهذا استحق ترا واني كفلتك يم الجماعه

اي خويه ان شاء الله هل جم يوم يدبرن

الله كريم
جنت اشوف اخوانه هواي مستغلي سسبحان الله
..الله رازقه على ماكد هو كريم ويساعدهم مو بس همة جنت اشو

غدير وسام ))***


اشوفه من يساعدنه اني وابويه الله يرحمه ضفنت وخذني الحنين لذيج الايام الحلوة ولابويه ولكعداتنه . اوف شكد مشتاقتلك . .
عيوني دمعت باوعت لكيت شاهين صافن عليه اشر براسه شبيج

اشرتله ماكو شي ورحت للمطبخ لحكني

تعاي احد مسمعج حجي

لا . بس تذكرت ابو يمامه

الله يرحمه حبيبتي باقرب فرصه اوديج اله

وشاشوف شاهين اريده هو اشتاقيتله اريد احس بي احضنه اشم ريحته بجيت بحركه

شاهين كومي حبيبتي شجاج اليوم شو تعاي بحضني اني ابوج وامج واخوج وسندج شتردين اصيرلج

..يمامه ..اتمنى ارجع ليلة وحده لبيتنه واعيش ويا ابويه

ارجع اجوع وابرد بس يرجع هو وياي

مامرتاحه وياي يمامه .

مو هيج شاهين بس اني مشتاقتله والله حيل اشتاقيتله راح بدون ميكلي فجاة مالكيته يمي مجنت متصوره يجي يوم ومالكاه . شكد جان يحاول يحضرني لهيج يوم جنت اتهرب منه واسكته

خلص .حبيبي الجهال خافو كافي

حضنت جهالي . شاهين تمنيته يشوفهم ويلعبهم بس اخخخخخخ . اخ . دكيت على رجليه وبجيت بصوت عبالك ابويه اليوم مات شجاني وليش هيح هاج بيه الحنين مادري عبالك الحزن ميحب يفاركني ويخترعله اسباب حتى يدك بابي . نمت بيومها بحضنه وحتى جهالي مادريت عنهم . كعدت المغرب لكيته كاعد منتجي على وخلاني على صدره . بست صدره حس بيه ابتسم شلون صرتي

احسن .. خوش محضرتلك استقبال هههه

فدوه الج المهم انتي زينه .

وين الجهال ..

يم امي . وفاء اجت هي وخالتي وبقو يمها .

صدك .بعدها لو راحت

مادري كومي نشوفهم .

غسلت وطلعنه لكينهاهم . راح شاهين جاب عشه .ومصطفى هم اجه راد ياخذهن جلبنه بي بقو تعشو يمنه .

كعدنه بلمه حلوه . جهالي بحضني ورجلي يمي حمدت الله وشكرته ودعيت يحفظهم الي مادريت الدنيا ظامتلي ضمه . راح تشتتني وطشرني ..

وفاء . بيبي كالت لمصطفى نروح نشوف لبيت جدي .
وهو كال عندي شغل اذبكم وارجعلكم . بدلت اوفر اسود وعليه ستره . حره قصيره ومكياج خفيف . شال اسود واحمر وحذاء وجنطه حمر .
فات .باوعلي .كال شنو هاي .

وفاء .شنوو .

مصطفى .باعي وفاء اني اكره ماكره بلبس الاوفر والكيلود . تطلع روحي منهن فنزعي احسنلج

شبي .
شنو شبي لختطر ربج لو تنزعين وتمشين مصلخه اشرفلج اني من اشوفهن لابساته اكول حيا الله الكرن الطلعج .جايتني لابسه هيج .

وين رايحين هي من السياره لبيت جدو

لاتجادلين . بدلي وهيج لبس ماريد .

رحت نزعتهن ولبست . بنطروم اسود وبدي ونفس الستره . وبقيت بنفس الحجاب والجنطه.

طلعت .باوع سكت ماعترض

وصلنه بيبي كالت جيتي والله جابج يمامه متخربطه ودايخه بالجهال هما شافوني سكتو يحبوني متعلمين عليه لعبتهم وكلتهم .خطيه تعبانين من البجي نامو

ورا العشه رجعنه للبيت .

مصطفى يمه اني باجر اروح للدوام تسوكتلكم كلشي وصيت مؤمل يمرلج اذا احتاجيتو شي

الله وياك يوم

وفاء .غيمت الدنيا بعيني من كال رايح . ضجت والدمعه طفرت . مني . شفته يباوعلي بلمرايه . .تحسر ودار وجهة

بس فتنه للبيت . بدلت ورحت لبيبي اطيتها علاجها ومي وشفتها شتحتاج . ورجعت لكيته متمدد .
اشرلي بايده اجي يمه جيت كعدت .

لزم ايدي . ضجتي لان راح اداوم


باوعتله دمعت عيني

باعي شفتج بلسياره من حجيت وهسه نفس الشي ليش تقهريني .

احجي تظلين ساكته

ماريد اقهرك .

خلاني جوه جتفه وباسني من خدي . ضحك .
قبل جنت بامي هسه صرت بيج وبيها هههه خاف عايز قهر لازم تتعلمين ..

ان شاء الله .محتاج شي قبل لا انام .

نامي .. ماريد شي

غفه صفنت عليه . شلون راح افاركه تقربت خليت راسي بصدره وهو جرني باس راسي مانمتي

ماجايني نوم

بيش تفكرين. .

شلون افاركك كلت بكلبي بس مانطقها لساني باوعتله متمنيه يفهم من نظراتي الي مانطقته

الصبح بدل وطلع بدون ريوك كال تلعب نفسي رجعت تمددت . دوامي بعد جم يوم . تاخرت لان منقوله ودور ثاني بديت اجهز نفسي طلعنه اني وبيبي اشتريت ملابس وجنطه . وبوتين . وشال . ابيض .

مصطفى يخابر على طول احجي ويا بخجل هو يخلصها ضحك عليه ويكله ذابته على السايلنت


رحت يومين بتت يم اهلي من جتي اخته الجبيره زهور .من تجي ولدها كبار مارتاح وبيبي حست كالت روحي لاهلج خابرت بابا اجه اخذني
رحت خميس وجمعه والسبت بليل رجعني سيف

طبيت لغرفتي لكيته نايم استغربت

بيبي ها جيتي حبيبتي

ايي بيبي شوكت رجع مصطفى

الضهر اجه ونام . تعبان خطيه كال من اكعد اروح اجيبها

جابني سيوفي

طبيت للمطبخ سويت عشه طلع من الغرفه باوع بدون سلام فات للحمام

سويلي
.

غدير وسام ))***

طلع . صاح سويلي جاي

استغربت شبي سويت الجاي خذته اله اشر تعاي
منو كلج ترحين لاهلج

ها ..

وجعا

بيبي كالت روحي .

وانتي متزوجه بيبي مو اكو ثور تسئلينه اروح لا لو ميهمج

عبالي بيبي كالتلك

وانتي شبيج ليش تكلي امي .

فاتت بيبي على صياحه . شبيك يوم خير ان شاء الله

خزرني .. ماكو شي يمه اشرلي اطلع شويه اجه

مصطفى لحكيني للغرفه

وجهة ميتفسر خفت منه لحكته قفل الباب وكف

كدامي ... اي مدام كملي

وفاء.. كككككتلك . عبااااالي بيبي كايلتلك

وكتلج ليش مكتيلي انتي .... مو اني رجلج مو المفروض من تطلعين من البيت تبلغيني

اييي .


ايي .

مجنت ادري

راح اعديها بمزاجي لان اول مره بس اذا تكررت متلومين غير نفسج .

هزيت راسي . وطلعت شدعوه هيج نار قابل وين رحت
بيبي عرفت بي محاجيني لان رحت لاهلي

ميخالف حبيبتي هسه شويه ويبرد

ايي راح اسوي عشه

شويه سمعت صوتهم عله بيبي تصيح بحركه ركضت
لكيته واكف ويصيح شنو اني وضعي بكيفها تروح وتجي

لك داكلك اني كتلها روحي . محاجيه البنيه

مالي دخل تكلي وتطلع

ها يعني كبرت عليه مصطفى وحجايتك تمشي على حجايتي

يمه مرتي مرتيييييي

بكيفك بعد اني ماتدخل

عافته بيبي ودخلت لغرفتها .

اندار عليه من صحتج بلغرفه وحجيت وياج شنو معناها

ردت احجي بيناتنه . ومااسمع امي واعتقد الموضوع انخصم بينه وفهمتي شاريد ليش رحتي تشتكين لامي
..

وفاء .مشتكيت لبيبي والله

لعد شمدريهة . دماغ سزز . شلون حيوانه وكديشه الله بلاني بيها

ليش تغلط اني محجيت هي من طلعت كالت شراد منح لان رحتي لبيت اهلج وجتي عليك بدون ماحجي

ها وحدها جتي . هاده بدون متشتكين . لج راسج اكسره والله اذا امي صار بيها شي وهاي عقاب الج روحه ماكو لاهلج بعد عافني وطلع كمت ابجي وبيبي مطلعت من غرفتها ولاقبلت تتعشه

اني هم من شفته اتاخر فتت لغرفتي
خابرتني ماما سولفت وياها شويه

لمياء شبيج حبيبتي صوتج تعبان

ضايجه شويه

مو مصطفى رجع شكو ضايجه

مو طلع

ها ميخالف ماما خلي يغير جو خطيه بلدوام ميشوف شي

ايي ماما . مكايله شي

دوامج شلونه .
باجر ادوام . ظهري

مو مثل مدرستج هنا كله صباحي

اييي ماما دوامين ظهري وصبحي
.

زين ارتاحيلج كم يوم من كعدت الصبح ولو انتي سباعيه ونشيطه

اممم . ماما .هواي اشتاقلكم مرات ... ؟؟سكتت مكدرت اكلها تندمت

شبيج ماما عادي بداية الزواج تشتاقين لاهلج وتحسين نفسج تسرعتي بقرار الارتباط بس بعدين تتعلمين وتكومين تحسين نفسج غريبه بيت اهلج

ماما مداعرف شلون اتصرف ويا مصطفى يخوف

هههههه شايفه ابوج شلون يتعامل وياي

ايي

جان بدايه زواجي صعب كلش بس بعدين صرنا واحد يفهم الثاني من النظره تتعلمين على طبعه المهم لاتعاندين حبيبتي

شتعرفين عني ماما

ادري بيج ورده بس هم انبهج .

سمعت الباب انفتح سديته ويا ماما وسويت نفسي نايمه
اخذ ملابس وطلع بعد مرجع للغرفه الصبح كعدت هو لكيته نايم بالصاله وبيبي بلمطبخ سوينه ريوك جان ظهري للباب .

بيبي حاجتني خوما ضربج

لا بيبي ممحاجيني هو ولا على روحتي لاهلي اتتي فهمتي غلط مستغرب لان لا اني ولاانتي كلناله حقه ترا

ها ولج وفيه بعتي بيبي لخاطر مصطفى .

لا وعيونج بيبي . انتي عزيزه عليه وادري ضجتي لان عبالج تعارك وياي بس والله هو فهمني شرايد

شفتها تباوع وراي انداريت شفته واكف والخاولي على ركبته يضحك دنك على بيبي وباسها

مصطفى ..صباح الخير للزعلانين

صباح النور شفت مااطت بيك .

ههههه هسه اتريك لو بعدج زعلانه عليه

تريك يوم كومي وفاوي حمي الجاي زين ميشربه اله يفور

جبت الجاي

مصطفى اليوم تداومين

اممم .

ضهري

اييي
باوعت للساعه بعد وكت بس وفاء مغيمه ومبينه ضايجه حقها اني استلمتها صياح وغلط بس تخبلت من جيت ومالكيتها بلبيت لا ومامكلفه نفسها تتصل تكلي

انوب عبالي هي مشتكيه لامي كملتها واليوم سمعت حجيها ويه امي افتهمت وانقلب السحر على الساحر بعد ماجنت زعلان ومثكل وجهي كمت اتلوك الهة

وفاء لميت البيت على السريع وغسلت بدلت ملابسي كاعده الف بلحجاب وفات مصطفى كملتي

ايي

يله طالع انتظرج بلسياره .
شويه وطلعت باوعتلها لبسها حلو مبي شي بس هم ضجت .
موجنها صدريتج ضيكه

لا اصلا جبتها اكبر من قياسي لان خفت متقبل عليها

عجبني ردها بس هم ماقتنعت .


لو تلبسين عبايه احسن

وفاء .. ماعرفلها وممتعلمه عليها اني حتى بلزياره البس جادر صلاة



غدير وسام ))***

وصلنه للمدرسه بس موصلنه لحل لنقاشنه
نزلت متضايقه هم ماعرف احد هنا ومنا حجيه على لبسي اني ماتحمل هيج . وصلت لصفي وتعرفت على بنات وياي من حلينه لكيته واكفلي بره
وحده من البنات سئلتني هذا رجلج

وفاء ايي

فدوه لله شون خلقه
ضحكت عليها مبينه متقصد شي

هلو

هلا وغلا بلحلا كله شلونج
الحمد لله
جاوبته بثكل ادري بي يحاول ينسيني السوا

البيت مو كلش بعيد عن المدرسه بس شفته طول والطريق اختلف

وين رايحين
. اصالحج .غير . اخذج نتعشه بره

بملابسي هاي

ايي اجيب سفري

عبالي حتى الي يشوفني يكول منهزمه وطالعه موعد

باوعلي مستغرب . يمكن اول مره هيج اسولف براحه بس صدك ماخذني بصدريتي

نزل جابلي بيتزا وببسي خلاهن بحضني وكرصني من خدي

وفاء .منو كلك اني ام بطن واتصالح بيتزا

لا حشاج شلون اعنذر كولي واني حاضر

ترا انت تسرعت ومصدكتني المفروض يكون بينه ثقه مو هيج .

حقج ..

رجعنه للبيت رتبت الاكل وكعدنه خطيه منتظريني حتى غده ممتغدين

بيبي اني نسدت نفسي من شفته ماله واهس ياكل

مصطفى . ماشتهيت لان زعلانه عليه .هسه تراضينه انفتحت شهيتي



يمامه ... الحمد لله ايامنه مشت بخير ماكو معكر بس بسامير تقى ونهاد الي رجعن لنشاطهن وياهن استبرق مرات تكعد . والزاد نوسه من يلتحق تجي عبالك تدري بي اكيد عدها اتصال بيهن ماكلت لشاهين خفت من المشاكل وهاي جان اكبر غلطه ارتكبتها

ايام اشوف بعيونهن نظره مافسرتها الى بعدين .

شاهين يتصل بيه وهذا للوقت الي بي اطمن وارتاح بس مشكلة شاهين شكد مجان يحسسني بلامان بلحضه ينكلب عليه وينسه كلشي ويفقد كل الثقه بيه رغم هو يعرفني اني شنو بس الي سوته تقى انعكس على تصرفاته وعلينه كلنه

ثمن دفعته اني واطفالي وزينه .. حتى وفاء ومصطفى ويانه .

زينه تتصل كالت تصالحنه اني وفريد جنت تعبانه وماتفهمته .

الله يهديكم . وضرتج شكد عليها

خايبه اندري . ولاعبالك حامل تجرش اربعه وعشرين ساعه

ههههه ولج خطيه الحمل يختلف من وحده لوحده

دولي هي من رحتلهم تاكل اكل المعزايات

وهسه زايده وخاله تجيب وتعلف بيها انوب عود تخلي اكل اليه والها هي تاكل اكلي واكلها صايره جنها فيل

ههههههه وانتي .

اني .احسن .حتى فريد يكلي وجهج متفح مو مثل قبل صوفرتي

وضعه شلونه

زين بس خطيه دايخ بلبيت حتى من يرجع هلايام يلتهي بي .

وين وصل بنيانكم

واحد منهن تشطب والثاني تقريبا هنه صغار وبس الطابق الاول كمله هسه

اي زين .

الحمد لله .

زينه احجي ويا يمامه سمعت صوت فريد . شعجب صارله يومين من راح شرجعه طب عليه للغرفه عيونه تجدح نار .

يمامه اروح اني

لا كملي ويا شريكتج وكاتمة اسرارج

زينه .شبيك ياسرار

اسرارج ويه مصطفى

زينه .. طلع تلفونه شوفني الفديوهات الدزوهن لشاهين . وياهن رسائل صديقك ورطك بيها راد يخلص من عارها ويذبها براسك

فريد . مامد ايدي عليج مو علمود شي بس لان حامل بسرعه امشي كدامي اذبج على اهلج متشرفيني

بس افهمك فريد شوف هذا الكلام مو صح الولد جان خاطبني .

اشششششش .بسرعه ..يله خليني ساكت وبدون فضايح امشي لاهلج

جرجرني كوه لبست عباتي جان مبين ضاغط على نفسه ويريد يوديني حتى ميمد ايده عليه . .الطريق ساكت ويحش جكاير بس وصلنه نزلني وطلع فتت لامي ابجي .

يمامه شكوو

زينه .مادري منو دازله المقاطع ولج خابري شاهين لايروحله ويتعاركون



يمامه دكيت على شاهين جنت قبل شويه احجي ويا .

الووو ها حبيبي

شاهين فريد جاب . زينه مادري منو دازله المقاطع

شاهين .. يامقاطع .

الي بيها نحجي اني وياها

استغفر الله العظيم . سدي اني رايحله اكول شبي طلع يركض ومحاجانه .

خليت محمد بمكاني وطلعت عليه للبيت طلع مموجود خابرته مجاوب رحت للبيت كلبته عليهم خاف ذيج المره سكتت

نهاد وتقى . منو بيجن مصوره احجن .

تقى ممممووو اني وداعت بناتي

نهاد شنو شكوو مافتهمت

شاهين . تحجن هسه الصدك احسن ماتصرف اني

يمامه البيت انكلب صياح . شاهين كطعهن جعفر يصيح


على مرته .

استبرق ..لحضه . انت ليش دتضرب بيهن اني اعرف منو مصوره

التفتنه عليهة

شاهين احجي .

تعاي ماما سهام احجي لبابا الصدوك

سهام .بابا بس عليك الله لاتضربني

احجي بنت الكلب

بابا اني جنت اصور .. بطلب من خاله يمامه هي كلتلي يتبع....


مساء الورد القفله ابد متجلط ......

[فيتامين سي]

#يمامه_خلف_القضبان#البارت الرابع والثلاثين

غدير وسام .**))

جنت اصور بطلب من خاله يمامه هي كلتلي

شاهين شلون

يمامه جذابه والله جذابه ولج اني شوكت كتلج صوري

هي كالت صوري وجانت دائما تصيحني ومن مااقبل تضربني واني اخاف ومكتلكم انت وماما بس قبل فتره خاله استبرق شافتها تصيح وتهدد بيه سئلتني شتريد منج حجيتلها وكلتلي احجيلك . وهسه صاحتني كالت كوولي ولاتخافين

شاهين باوعت ممصدك

سهام ..احجي امج معلمتج

لا والله بابا هي جانت تخليني اصور حتى التلفون عدها بغرفتها


شاهين شمدريج انتي بلتلفون

هي جانت تجيبه ومن نكمل تاخذه تضمه ذاك اليوم شفتها ضمته بغرفتكم . بابا والله اخاف منها جانت تضربني حتى ماحجي
اني صافنه على كمية الدهاء والحقد ..

فات للغرفه كلبها كلها . بعدين دور بكنتور الجهال لكه جهاز وصدك بي المراسلات والمقاطع عرفت حابكاتها صح
جانت اكو مراسلات بيني عود وبين نوسه واحجيلها كلشي وكايلتلها اريد اطلعهم كلهم من البيت حتى على زينه حاجيه


والله شاهين مو اليه طلعهن وقفل الغرفه

كال تعاي كعدي لاراح اضرب ولااصيح بس احجي الصدك

والله وداعت جهال وروح ابويه مو اليه
صاح بنته وجاب قرأن
كال حلفي بابا انتي جنتي تصورين ويمامه تكلج للتنسين هذا الحلف اذا جذب الله يذبج بلنار

سهام والله والقران هي خلتني اصور
ولج سهام هذا كتاب الله هذا تحلفين بي كذب
لزمته كتله وحق كتاب الله وداعة جهالي مكايلتلها واريد الله يطلع حوبتي بيكم
شاهين عاط ..

ولج يمامه طلعتي العن من تقى شنو من دماغ انتي

ابليس . شيطان انتي

طلع من الغرفه ماصدكني والمحادثات مبينه

راح جاب نوسه تبجي كلتله هي صديقتي وجانت تطلب مني اساعدها . واني نصحتها بس هي جانت تريد البيت بس الها . وقبل جم يوم كالت الشو كلها نامت على كلبي راح ادز المقاطع لفريد وهو يشك بتقى ونهاد يطرد جعفر ومرته . وتقى يطلكها واخلص .تبقه امه جم يوم ادبرلها سالفه واخليها عد واحد من ولدها وحتى قتيبه اذا طول اكله يتحارش بيه

يمامه حسبي الله ونعم الوكيل عليجن حسبي الله

زينه ليش يمامه موانتي اختي

ولج زينه تصدكين بيهن

موانتي تعرفينهن شنو من ناس

لا الظاهر ماعرفج انتي شنو من بشر الله ياخذ حقي وحق الي بطني منج .
الكل صارو ضدي حبسني بلغرفه . وحتى جهالي ماشفتهم ولاادري بيهم .صدك مضربني بس كل نظره جانت تضربني الف ضربه

فات بليل تعبان كعد يمي

ليش يمامه

محجيت بس دموعي تصب

تدرين اريد اكطعج اموتج بس حلفت يم كبر ابوج بعد مامد ايدي عليج . ولااطردج بس مال تبقين بيتي صعبه

يمامه .وين لروح شاهين حتى ام اسماعيل ماكدر اروحلها اخاف من بناتها من بقيت يمها ذيج المره شفت شغلات شيبت راسي

ليش مو صديقتج

والله جذابات اتفقن عليه جانت تجيهن هنا كلما تروح لدوامك

اشو هسه طلع الحجي من كتلج شفتي شي هناك كلتي لا

وطلعت تجي لهنا بدون علمي واني كتلج متطب لبيتي

طلعت تجي وتكعدن سوه انتي وياها .لج حتى امي كالت ضاجت من طردتهن . وماصدكت

عافني وطلع
شاهين تخبلت .مادري اصدكمن كلشي ضدها وسهام طفله ماتعرف تجذب

رحت لفريد للدوام خابرني محمد كال اجه

شافني راد يطلع
صحته

تعال نحجي

ماريد احجي ياعضيدي

اسمع واحكم

طلعنه بره

الولد جان رايدها وبحكم المخطوبين بس اني من طلبتها انت طيتكياها

شاهين .انتي صاحبي واعز من روحي مجنت متوقعها منك

الي وصلك المقاطع شغلة كيد نسوان وناس تكرهني وتكره اختي ورادو يضربونه بعض وانت كيفك


فريد .عوفني شاهين اريد افكر براحتي

براحتك اختي ورقتها بيضه والولد جانت بحكم خطيبته ةالي شفته بس حجي بين بنات ماكو اي شي صاير بينهم ومستعد احلفلك وهي تحلف الك

عفته وطلعت شحجي عليج يمامه لو كايله اربد اكعد بيت وحدي جان طلعتج بيتج

رجعت للبيت

ماطيق اشوف احد احتاريت شسوي

فريد خابر كال بس تجيب اطلك

وزينه تخبلت وهجمت على يمامه للغرفه

يمامه كاعده انفتح الباب طبت زينه جرتني من شعري ولج الحيه الله لايوفقج راح يطلكني ارتاحيتي

شكد حلفتلها ماصدكتني

شاهين طب دفعها بره

شوفي كعدتج هنا ماترهم بعد

وين اروح

لبيتج . تبقين هناك مسواكج مصرفج يوصلج كل يوم

كومي لمي ملابسج

وجهالي

متاخذين احد بس انتي ترحين

شاهين حرام عليك جهالي اريدهم والله ماسويت شي

كافي يمامه سوي مثل مااكلج كومي يله



طلعني بملابسي البيت جان مو كلش بعيد صغير وفارغ


طبيت كال راح اجيبلج غرفتج وباقي غراضج

ايدي عبالك احد مربطها مكدرت امد ايدي على شي

هو جاب غرفتي وثلاجتي
ومشتري طباخ
رتبهن وراح بقيت وحدي مشتاقه لجهالي ميوره ومحمد لشوكت تبقون الورقه اليضغط عليه بيها شاهين كلما يصير شي وياخذكم مني

بجيت مديت سجاده وصليت وقريت قرأن تحسبت على كلمن ظلمني
زينه .. توقعت الدنيا كلها تغدرني ويمامه لا اعز من خواتي جانت قريبه مني كلش مجنت اتصور كل الي تسوي خطه براسها
اذا تكول تاثرت لان هي غدرتني اكثر ماتاثرت بفريد وتصرفه

شكد حاولت اتصل بي وافهمة بس ميجاوب ابد
تعبت وحملي هم تعبني والاذاني يدز بس تجيب اخذ الطفل منها
شاهين طمني كال فتره وافهمة كلشي

شتفهمة شاهين الفديوهات مبينه شي والحقيقه شي

مرتك لاعبتها صح

شاهين اكو شي بداخلي رافض اصدك يمامه الها ايد بلي صار

تقى نزلت وهي لزمت البيت امي تعبت وعدها محمد وميار ماامنهم عد غيرها وزينه حامل وهم نفسيتها تعبان

يمامه اتسوك الها واخليهن بس اباوع عليها بدون كلام واطلع

رحت مريت قبل لااداوم
تسوكتلها وقبل لااطلع صاحت بصوت كطع كلبي وصل

شاهين

نعم .
اريد جهالي مروتك تعبت فدوه اروحلك بس يوم اشوفهم واخذهم

عفتها تبجي وطلعت .اذا جبتهم يخلصونها بجي هما هسه وميسكتون ويدورون عليها

يمامه تعبت من الفراك هد حيلي وجهالي صوت بجيهم براسي اريدهم اريد اشم ريحتهم .يارب حكمك وعدالتك بلي ظلمني (((. اللهم انك قلت في كتابك المنزل على نبيك المرسل اني قريب اجيب دعوة الداعي اذا دعاني فها انا ادعوك كما اكرتني فاستجب لي كما وعدتني ..)))

جابلي تلفزيون . شغلته على قران وتمددت اكلي صاير عباره عن وجبه وحده بليوم ومرات هم ماكل
النوم حسره اغفه واشوف ميار تبجي .المن اروح واشتكيلمن ماعندي غيرك ياللهي


شاهين .رتبت جنطتي ملابس خليتهن ويا الجهال بغرفتهم

فاتت تقى محتاج شي

طلعي بره

بس اريد احجي وياك شاهين سامحني غلطت وسبحانه الميغلط لخاطر بناتنه وجهالك من يمامه اني اربيهم

دربي روحج بلاول يله تربين جهالي وطلعي بره

الله يخليك بس اسمعني
جريتها من ايدها وشمرتها بره الغرفه

ميار اليوم قافله وبس تبجي مصخنه واني اريد اداوم

يمه شلون اروح وهاي

امها وين وديتها ولك شاهين

ماتت انكبرت سكتيها لخاطر الله زينه شوفيها

شاهين البنيه مصخنه ومتقبل بيه

اجه قتيبه هي تحبه شالها سكتت عنده طلعها بره .اشترالها كال روح اليوم تبقه عندي

طلعت وكلساع اخابر كالو متحسنه ونايمه

زينه دخلت بلثامن كلش تعبت وحسيت نفسي محتاجه فريد .
اخذت تلفون لمياء من اجت وخابرت عليه

جاوب بصوت مبين نايم الوووو نعم

زينه .نايم ومرتاح هنييالك

فريد ..زينه .

اي زينه النسيتها ليش فريد هيج سهل عن
تعوفني ومتسئل عليه كل هاي الفتره

فريد شتردين زينه

تعبانه

شبيج الطفل بي شي

اني تعبت فريد ليش تعاقبني بذنب مارتكبته

تحاسبني على كلام بس كلام صدكني مايوم احد غيرك شافتي ولمسني ولاسلمته كلبي صدك ابن خالتي رادني وجنت منبهره بي ومايلتله لان امي وخالتي دائما يحجون بينه لبعض . ومره اتصل راد يشوفني ورفضت هذا كل الصار فريد مستعده احلفلك وداعتك وحملي مصار شي من الي بالك او مبين من التصوير جنه نتشاقه واني بحسن نيه جنت احجي وياها الحقيره مامنتلها وهي تخلي بنت اخويه تصور ودزتهن لشاهين والك

فريد . منو يمامه ماصدك

اي .غراب البين

فريد . كل الفتره الراحت تعبت بعد ماوصلني الفديوهات ماردت اتهور وامد ايدي عليها وديتها لاهلها واهلي كتلهم تعبانه من الحمل ويرادلها راحة . فكرت وشاهين حجه وياي . تقريبا بديت احن الها واصدك .بيها
لحد ماتصلت انتهيت جنت مشتاقلها كلش ونبرة صوتها وحزنها دمرني . بس ماكدرت صعبه كلما اتذكر شلون تحجي اتخبل

ارجعج بس لان حامل مني وماريد اكسر عين شاهين بيج

زينه لهدرجه فريد

واكثر عموما انزل اجازه اجي عليج

شوكت تنزل

فد اسبوع

فريد .. زينه . عرفتي جنس الجنين

ولد

مع السلامه
فرحت اخير ا ولد راح يجيني اسماء اي اعراض ماكو عليها بس تراجع كل شهر وتكول حملي زين بس حملها يختلف عن زينه . صحتها احسن اوف مادري هي زينه ترفه بكلشي

غدير وسام ))***

شاهين كاعد اجه فريد صار فتره مقاطعني ومحمد متخبل يكول شبيكم اكيد شغلة نسوان وخربتكم

كتلكم لاتتناسبون هههه

فريد شلونه النسيب

هلا فريد تعبان الدنيا كلها ضدي

فريد الله يفرجها عليك . اكلك شاهين اريد اجي اخذ زينه

تعال . هلا بيك شوكت ميعجبك تريد اني اجيبها الك

لا اني اجي اخذها

تمام .

ارتاحيت من جهة ومن جهة البيت الصاير جبهة اروح الكه كلها تتمالخ على الشغل

استبرق وتقى .ونهاد . كلهن

امي على طول بغرفتها وجهالي متعبينها قررت هاي الاجازه اخذهم يوم ليمامه


وفاء . .. بيبي كالت امشي لبيت جدج نشوف اختي مالها خلك .تقصد بيبي ام بابا

مصطفى جان طالع كلناله ورحنه لوحدنه بتكسي كال ارجعلكم . . لكيت عمه زينه يمهم خطيه زعلانه واصله للطلاك حسب ماسمعت بس مافتهمت ليش ومادخلت خابرت ماما كالت راح اجي اشوفج انتظرتها ويمامه هم ماكو لعبت الجهال وغسلتلهم اجت امي كعدنه شويه وطب مصطفى شاف عمه زينه صفن بوجهة ويباوع لبطنها هي راسا فاتت لغرفة بيبي

مصطفى . يله وفاء صيحي امي

تمام . كلت لبيبي وطلعنه للبيت

مصطفى شكو شصاير يمه

على ذيج الشغله القديمه . رجلها داري ومطردها

شلوووون شمعرفه

مادري هسه بعدين نحجي

وفاء مفتهمت بس حسيت اكو شي بلموضوع

ومصطفى خلصها صفنات وحسرات

وبلليل اتقربلي ويبوس بيه بس خلال علاقتنه كلي مشتاقلج زينه ولج احبج

وفاء جمدت بمكاني

غدير وسام ))****


وهو حس على نفسه شحجه نسحبت منه وسكتت

مصطفى من شفتها تخبلت رجعلي الماضي كله وحبها والوجع كله رجعلي

وفاء اكو شي بينك وبين عمتي

مصطفى شنووو

جاوبني انتبهتلك بيت جدو وحجيكم انت وبيبي وهسه تصرفك

ماكو شي متوهمه

لا ممتوهمه

اش كافي راسي يوجعني

انت جنت رايد عمتي قبلي

باوعتلها عيونها مليانه دمع

دنكت وتحسرت

وفاء طلع بدون ميحجي اني طلعت سويت عشه لبيبي سئلتني شبيج

ماكو شي بيبي بس عفيه اريدج تجاوبيني الصدك مصطفى جان رايد عمه زينه لو لا

ها.ااا . منو كلج هذا الحجي

بيبي احجي الصدك



هو هيج كلج

لا مكلي بس اريد اعرف منج الصدك

اني جنت رايدتها بس ماصارت
كعدت ابجي . يعني جان رايدها مو

لا اني مو هو

لابيبي يريدها مكدرت اكلها بلي صار سكتت وفتت نمت

ثاني يوم دوامي صبحي طلعت قبل لايكعدون رحت للمدرسه عندي امتحان اول درس كوه جاوبت من وجع راسي وخلصتها بجي تخربطت . المدرسه كالت كومي اوديج لبيتكم . و فعلا المرشده التربويه خلتني بسياره ورجعتني للبيت فتحت الباب وفتت وياريت مارجعت ولاسمعت الي سمعته

مصطفى . يمه شبيج سدي الموضوع

شمسويه للبنيه وتخبلت

مامسوي شي

لاتخبلني تبجي الليل كله وسئلتني عليك وعلى عمتها ماعرفت شحجي وياها ابني احنه مو سدينه هذا الموضوع ليش تفتحه

ماسديته اني انتي سديتي وانتي خطبتيها وفرضتيها عليه اني الي عليه ماخذها متعة فراش لااكثر ولااقل بس للي بكلبي يبقه مثل ماهوو

وفاء . حسيت اكو خنجر نبت بكلبي شهكت همة التفتو عليه
.مصطفى . تقدم عليه رجفت . ماكدرت اسند نفسي

حسيت بلضعف والرخص والهشاشه بعدها مادري شصار بس سواد غلف كلشي حواليه

مصطفى وكعت يم رجليه شلتها وخليتها بلهول رشيت مي عليها وضربتها على كيف راشديات وعت راسا بجت . ودارت وجهة مني اني ابتعدت امي تقربتلها

كعدتها

بيبي اريد ماما ودوني لاهلي

اشششش شنو اريد امي طفله انتي

ماريد اريد امي

شبيج يابيبي شرجعج

وفاء .مالي خلك .ورجعت مكدرت اكمل دوووام

مصطفى شلون رجعتي وحدج ليش ماخابرتيني

مجاوبته

ويااااج شلون جيتي

المرشده جابتني للباب

وليش مخابرتي .
باوعتله ..لا ويسئل بعد ليش جنه كلشي ممسوي

بيبي فدوه اريد ماما

عاط ..انجبي وكعدي من حجينه كلنه طفله مقبلتي استلمي هز ايده وطلع

بجيت بيبي حضنتني وسئلت شبيج من البارحه متخبله منو حاجي براسج

اني شفت بعيني وسمعت باذني بيبي محد حجه براس الكل استغفلني وهما جانو يدرون بي رايد عمه

ويحبها

كمت لغرفتي . تمددت ونمت كعدت لكيته يلعب بشعري

شلون صرتي

مجاوبته .

مصطفى وفاء . ماريدج تتاثرين بلصار

درت وجهي تمدد ورايه وحضني دموعي كامت تنزل بدون مااكدر اسيطر عليها رغم ماحبيت ابجي كدامه

الفات مالج حق تحاسبيني عليه زين لا مشاعري ولاعلاقاتي بس ورا زواجنه حقج ومحد يلومج


وليش اقبل اكون بديله ومتعة فراش بس
انصدم

كعد واطاني ضهره

اسف مجنت اقصد بس امي استفزتني

لان كلتلك موضوع زينه انسد انغثيت لعد لا تكول ماضي ونسيته

اي كلت ماضي بس مكلت نسيت . احتاج وقت وهذا الوقت امي ماطتنيا ضغطت عليه اريدج انتي تساعديني


وفاء . تمام . مصطفى من اليوم اني وياك مابينه شي واخذ وقتك الي تحتاجه حتى تنسه

مفهمت

يعني اني وانت من الاول مو لبعض والزواج غلط من بدايته اني لايمكن اقبل اكون زوجه للمتعه بس

لاتجلبين بلحجايه

غير اذا تقبل تطلع من دماااااغي عطت دتكرر مثل شريط يعيد نفسه

استغفر الله


وديني لاهلي مصطفى اني اذا شفت نفسي اكدر اتجاوز العرفته ارجع

كتلج روحه لاهلج ماكو

عافني وراح

امي اتصلت .جاوبتها جنتي تدرين بمصطفى رايد عمه زينه

لمياء .. شنووو منو كلج

ليش كلمن اسئله همة يعرف منو كلي وميجاوبني .عرفت من اكثر من مصدر شيهمكم المهم تدرين يعني مبينه من جوابج

هذا شي قديم ومصار

وقبلتي تنطين بنتج لواحد كلبه وياغيرها ينام وياها وهو يلهج باسم غيرها

صخام الصخمج


هسه تجين عليه

وين اجي وشكل لابوج ولج تردين تعزينه وتصخمينه تكليله يحب اختك اكعدي وسكتي وفاء لاتهجمين بيتج

شلون يعني مابقه اليوم ويا بمكان واحد واذا مجيتي اسوي شي بنفسي هو ميقبل يجيبني وانتي هم

سكتي لاتكبرين الشغله بيج خير نسي كلشي

ماريد .كتلج تعاي

انجبي واكعدي

زين لعد ماما تجيج الاخبار

سديته . ردت اهددها بلكي تجي صدك ماتحمل ابقه ويا
بيومها لااكلت ولاشربت وبقيت بملابس المدرسه هو كلساع فايت يباوع ويستغفر ويطلع

كومي بدلي وغسلي اطلعج نتعشه بره ونحجي



غدير وسام ))****

مجاوبته

وياااااج تحركي

ماريد اريد ادرس عندي امتحان

اني من نرجع ادرسج

كمت غسلت بس مجنت ناويه اطلع ويا بس ردت ابدل وانام .

طلعت من الحمام جان مبدل لابس بنطرون اسود وقميص زيتوني فاتح وستره زيتوني غامق . رغم زعلي مكدرت مابدي اعجابي بي ولاشلت عيوني عنه

يله استعجلي

مالي خلك اطلع لاتجبرني

صدك تحجين

اممم

تقرب عليه وخر المنشفه من شعري ابتعدت لزمني .

ورفع راسي اذا كتلج اني محتاجج تطلعيني من الاني بي تساعديني

باوعتله باستغراب

تعبت وفاء .ومحتاج احد يمد ايده ويطلعني وانتي وصلتيني لنص الطريق لاتعوفيني ..٠٠ كل مشاعري وياج بذيج الفتره صادقه ٠٠٠ حتى لو كانت رغبه بس هم تحتوي نسبه من الاحساس


باوعتله .. ابقه بس بشرط

شنوو

تثبتلي رايدني مو بس متعة

شلون

متتقربلي .هسه تحلفلي متتقربلي

احلف اله انت تطلبين .


عفته وطلعت كلبي ينزف بس تصرفت عادي كدام بيبي

هو هم يراقبني بدون كلام .
يعرف نفسه غلطان ويكابر لا ويريدني اكون جسر يعبر الماضي مالته بي . لا مو اني مصطفى اذا ماخليتك تتحسر وتتمنه ارضه عليك اله الوعك مثل مالوعتني

شاهين .. بلدوام واحسب بيها رغم السوته كلبي يمها لوحدها بس اني بعدتها حتى اعرف الحق على كيفي اثنينهن حلفن على القرأن سهام طفله معقوله معلماتها يارب منك الصبر والفرج خابرت على امي ميار مريضه كالت بس تبجي
صار نزولي ..وفريد مانزل ابد للبيت
رحت لفريد ها تجي وياي تاخذ زينه ..

.لا ..
يتبع .

[فيتامين سي]

#يمامه_خلف_القضبان

#البارت_الخامس_والثلاثين

#غدير_وسام ..

نزلت قبل فريد واتفقنا من ينزل يمر ياخذ زينه وفهمت هي عدها علم .الحمد لله الموضوع نلم بدون طلاك وفضايح .

طبيت للبيت جان مثل كل مره وهوسه وصياح

رحت كبل لغرفة امي .

لكيتها هي وزينه والجهال يمها

السلام عليكم

هلا يمه شاهين الحمد لله على السلامه

الله يسلمج حجيه شلونج زينه

الحمد لله انت شلونك

الحمد لله دنكت بوست جهالي ميار ومحمد .ضعفانين ميار صايره صفره والخدود رايحات

ماتحسنت
.
موتتني ماصحت اسهال وتذب من راسها

محد خذها للدكتور جان كلتي لقتيبه

هو منو شايفه قتيبه . اسكت رحمة لابوك

رحت سبحت .وطلعت اجتني تقى سلمت جاوبت من ورا خشمي

تاكل اصبلك

لا

طبيت يم امي جوي بحضني

ميور بابا شو خانسه



امي تحسرت . وتمددت يم امي نمت . ومحمد اجه .نام بحضني

العصر كعدت كلت لزينه بدليلهم اخذ ميار للطبيب

بدلتلها واخذتها هي ومحمد للدكتور كال عدها التهاب بلامعاء . طفل بهيج عمر لازم تنتبهوله وين امها

سكتت . خذتهم وجبت العلاج . دخت بيهم اثنينهم ميار بحضني ومحمد يكمز فريت السياره ورحت لبيتها . وكفت بلباب . فتحته وفتت . نزلت محمد دكيت باب المطبخ .

يمامه .. اندك الباب تدري بي شاهين لان محد يجي غيره جنت اصلي . فتحته واني بحرام الصلاه شفت جهالي محمد بلكاع وميار بأيده يمه احتاريت احضنمن واشمن .جريته حمودي الجلب بطرف ثوبي وميار الي شهكت من شافنمي وغصت بلبجي

يابعد امكم ياماما .
فتت وكعدت بيهم .

متغيرين اكثر شي ميار

باوعتله شبيها

التهاب امعاء

بوستها حبيبتي تاكلون ماما مسوي تمن ومركه بتيته
منو يحب البتيته حمود لو ميور

حمودي اني اني ..

خليتلهم وكعدت اوكل بيهم

جوعان اصبلك

كملي وخليلي اشتاقيت لطبخها وبلبيت الاكل ماله طعم امي هم بعد ماتكدر واني ماحب طبخهن

كامت خلتلي وطلعت زلاطه من الثلاجه محمد عود رجال جاب خاشوكته واجه يمي

بابا وياك وميوله ويا ماما بنات

ههه اي بابا هاي سوالف وئأم

اكلت وسوتلي جاي
ردت اطلع بجوو عليها

حباب خليهم يمي يباتون

مو هاي الاعرفها ليش ماجيبهم

ترا اني امهم شاهين

مو هاي مريضه تتخربط وين ترحين بيها يله بابا كومو باجر نجي كوه شلعتهم من يمها ورجعت للبيت شربت ميار علاج ورضعتها امي ممه نامت تمددت بصفهم صافن بوضعي شوكت ارتاح تعبت عمري جبته ركضه بركضه لا تهنيت بشباب
لا بزواج ارتاحيت ولا بخلفه جبتها شلاع كلب
ميار نامت وكعدت مصخنه وتبجي تريد امها مسكتت عدي ولاعد امي تالي خذتها ورحت فتحت الباب طبيت حست وكفت مخترعه وعيونها كلها دموع ركضت عليه ختلت بحضني بساعتها ردت انسه كلشي واحضنها وانعل ابو الدنيا والناس

بس تذكرت كلشي بعدتها بساع وناوشتها ميار
هذا علاجها مالها خلك تبجي عليج

يمامه . . تعاي ماما باوعتله راح تروح

لا يابه وين اروح خلي تسكت تنام واخذها

خليتها بحضني ونامت هو هم تمدد

يمامه .شاهين

امممم

فدوه الله يخليك اطيني جهالي راح اموت مامسويه شي وروحه لابويه مالي دخل

اشششش

بس اسمعني .. انت متعرف شحاوي بيتك جم تهمة ذبن عليه

لاتتهم حظك وبختك شاهين اني يتيمه وتحت جناحك لاتكسرني

شوفي لان انتي يتيمه ومسؤله مني اني جبتج هنا وكعدتج حتى اخلي ذمتي لو غيري يذبحج بدون مايرفله جفن

ليش بيا جرم .

تعرفين زين لاتغشمين نفسج

شاهين .راح احلفلك لاخر مره واكلك روح دور .ورا الصدك

عبالج مادورت كلشي ٠ سويت تمنيت الكه خيط واحد يبرئج والله اعوف الدنيا كلها

لا كلشي مسويت لو مدور جان عرفت بس ماكول غير اريد من الله يبين حوبتي بكلمن ظلمني

وراها راح تجي تطلب السماح ومتلكا


كمت خذت ميار وطلعت رجعت تلكتني امي

يمه وين رحت بهذا الليل

طلعتها شويه تعبت ونامت

يمامه . ايام تمر بثكل وقهر منتظره شوكت العداله السماويه تبين نهار صعب وليل طويل وكله خوف حتى الهوا من يمر اخاف

بيوم كاعده طب جابلي تلفون عادي مبي لا كامره ولابرامج كال خاف يصير شي دكي عليه حافظ بي رقمه

ماستعملته ابد

شاهين . من شفتها شلون خايفه بيوم خذت ميار خذتلها تلفون عادي بس خليت عليه مراقبه

كمت كل اجازه اخذ الجهال يمها يبقون يوم وارجعهم للبيت
زينه اجه عليها فريد ورجعت .

بيوم كاعد طبت عليه ام اسماعيل متربه ومبينه تعبانه وتبجي المريه هاي رغم بناتها اعرفهن مو راحه بس هي فقيره .
.
وكفتلها . تجيتلها اطيتها مي .

طلبتك ابو محمد لاتردني

كولي

غدير وسام )))))

كولي خاله

يمه انهجم بيتي بجت

احجي يمه

اسماعيل

شهكت واختنكت بعبرتها
قتل اخته ذبحها يمه . ذبحها ولزمو اريدك توكفله

منو قتل منو شتحجين
نوسه رجع من شعله ولكه يمهن واحد عطارد انهزمت وهاي ذبحها والوياها ضربه بطنه بلسجينه

ابوس ايدك يمه ابني

لحضه خاله بس افتهم وين هو هسه .
كالت ب..... اتصلت بمعارفي وخذتها ورحناله مخلي بسجن الاحداث . لان صغير

بس الضاربه واصل واهله متحلفين بي

المريه تقهر البيت الشرطه متحفظه عليه واصلا هو مو بيتها هيج ناس مكعدتها بي بتها هم دافنينها ناس وياها وهي تقهر

خذتها لبيت يمامه تبقه يمها

دكيت عليها

الووو

نعم

اكولج . هاي ام اسماعيل حجيبها يمج

شبيها متخاف تجي وراها نوسه وارجع اسوي خطط عليكم

نوسه ماتت .اسماعيل كاتلها

ها.اااااا

والله وذيج الثانيه مهزومه والولد بلسجن
هسه اجيبها لو لا

جيبها شاهين الله عليك

كعدت انتظرها طبت تبجي متت عليها قهر حضنتها

تبجي على اسماعيل اكثر شي وهم نوسه بتها رغم كلشي


طببتها للحمام سبحتها وغسلت هدومها

شاهين جابلها من امي هدوم وفوطه واجه

خليتلها اكل ماقبلت

شاهين اكلي يمه ترا شغلتج يرادلها حيل وصبر

بجت خطيه .

راح بقينه سوه كيفت بيها ردت عني الوحشه ايام وشاهين يركض بشغلة ابنها وهمة لاعمام ولاخوال الولد
خلوة بلاصلاحيه . بس انحكم ٣ سنوات لان قاصر والقضيه اعتبرت غسل عار بس الضاربه كليته متاذيه واهلة ومتحلفين باسماعيل .. شاهين كال امه تبقه يمج الى ان يطلع ابنها من الاصلاحيه


يمامه .. ام اسماعيل ماجانت تدري بسوالف بتها بيه من حجيتلها تخبلت

من اجه شاهين .كلتله مستعده احلف عنها بتي جذابه يمامه متسوي هيج واصلا هي من اجت بيتي ماطاقتهة وكل يوم تكلي طرديها يمته صارن صديقات وحبايب

شاهين الحجي فر راسي بس المريه متدري هم

كمت اتحجج حتى اروح واشوفها واكعد يمها البيت نظيف وهدؤ عكس بيتنه الي لو ما امي بي مااعتبه

زينه ... اجه عليه فريد رجعني بس ابد ميحجي وياي وبيوم الي يبات يمي يفرش بلكاع وينام قرر يكمل واحد

من الطوابق منا لمن يصير جوه ايده و يكمل الثاني وكلمن

زينه فريد اني ابقه هنا واخذ اسماء لبيتك الجديد لمن يكمل الطابق مالتي

وليش بله

احسن . ماتحمل بيت واحد اني واففت اجي هنا على انو الوضع مؤقت اشو الحجي اختلف

شختلف عليج عيني ماجوه ايدي اكمل بيتج الفوك اتحملي فتره

اي ماكلت شي بس ابقه هنا وهم يم خاله وعمو

ترحين وكل يوم تجي وحده منجن تبقه من الصبح لليل يمهم

سكتت هسه بعد وكت اصلا مامكمل هو بس من يصير وكتها ماروح لو مدري شيصير


الصبح كلت لخاله وكيفت كالت علواه تظلين يمي
وخليتهم هي وعمو قنعو ابقه يمهم .
خاله كلتله هي على وجه ولاده وتتبهذل تبقه يمي اداريها هي والطفل . وقبل بس طبعا هو قافل عليه بس مرات الكاه يباوع بلختله عليه واني بطني كبرت كلش ومالي خلك بس من ينزل ارتب نفسي مكياج وشعري واتكلب مثل البطه على كولة خاله

والاخ ياجبل متهزك ريح .خنب حظي

بدت اسماء واجن خواته ويا يساعدنها تتحول للبيت من اخذ خاله وهي حتى مكلي تعاي شوفي واني هم ماحجيت

التهيت اطبخ والكل يشيل ويودي وياهم واسماء ترتب وطايره من الفرح .

كملتي فززني صوته

شويه لاخ

يله يول العالم كتلها الجوع . شويه واجه ابن اخته

خالوو يكول كملتي
اي
لاتصبين هنا راح يجي ياخذ الجداري هناك نتغده


فات هو ورجل وحده من خواته خذهن وطلع حتى محاجاني

متت قهر لاكال تعاي اكلي ويانه
فتت عزلت البيت ونظفته من الدوس والروحه والرجعه مالتهم وغسلت تمددت بعرفتي من لتعب نمت

فريد اخذت الاكل امي
مصحت مرتك هاي متاكل وحدها

لا هناك تتغده جنت ضايج منها لان ماقبلت تجي هنا للبيت وياي

شتتغده و. هاي الاكل مامده ايدها عليه

صبو البنات وامي تغدينه . خلصنه اني والولد نصبت الغرفه والمطبخ . كلساع اباوع على بيت اهلي بالي يمها
والكل هنا حتى ابويه وامي

سمعت امي صاحت على بنت اختي ملاك

ولج ميمي روحي شوفي مرت خالج اكلت شربت واذا مكمله خلي تجي

صحت لا تجي بس شوفيها وتعالي بسرعه

زينه . سمعت ملاك تصيح خاله زينه خاله

تعاي حبيبتي

بيبي كالت اشوفج شلونج اكلتي لو لا

لا حبيبتي كليلها متشتهي

رادتج ترحين هناك بس خالو كام يصيح ومقبل

ها .. هو مقبل ليش خاف تتنكس العتبه

لليل يله جني خالتي والبنات مكملين ك

غدير وسام ))***

وهو جم يوم مابين

وراها بكم يوم سمعت صوته بلمطبخ . شويه طلعت مالكيته

خاله لعد فريد وين

سلم وراح للدوام

ها الله ويا .٠٠ انقهرت كلش من تصرفه شكو رجعني اذا هيج ممتحملني

دكيت عليه بسرعه . بس الشهكه والعبره خنكتني

فريد الووو
سمع بس شهكاتي الي منعتني احجي

الوو زينه بيج شي

كتله بشهكه لهدرجه مو طايقني تروح بدون حتى متسلم

تحسر... مو هيج

لعد

خليها بلكلب

مااستاهل منك كل هذا اذا الي حق اعاقبك على زواجك وحبك لاسماء الك حق تعاقبني على مشاعر متعدت حدود كلبي وكم كلمه نطقها لسان طفله صح اني طالبه جامعه بس مشاعري طفوليه لان عمري محبيت وجان هو اول شخص ومكانت بيها شي لام جنت جازمه هو خطيبي

خلص زينه لاتزيدينها عليه

.روح فريد الله وياك هذا الردت اكوله



وفاء .٠ ٠٠ بعد الي صار بقيت ومرحت لاهلي لان صعبه شااكل لبابا وعمامي ليش زعلانه . بس ابد مالي علاقه بي كلامه ذبحني واحتقرت نفسي كل نظره مني تحسسني اني بنت ليل .يفرغ شهوته بيها وخلص

ايامي جانت عباره عن دوام دراسه وشغل البيت من ينزل اتجنبه بكدر ماكدر بيبي حست احنه بعدنه متزاعلين وسئلتني اكتفيت بتطمينها وسكتت محبيت اتعمق باامور المفروض تكون خاصه بين الازواج هذا الي تعلمته من امي رغم صغر سني بس كنت فاهمة ابعاد الزواج وحقوقه واجباته صح


مصطفى . ارجع من دوامي كلشي تحضره اليه وغير السلام والاسئله اذا احتاج شي متوجهلي اشتاقيت لضحكتها لخجلها من ابوسها اول ماطب والخدود تشتعل .حمره

ونظري دائما جان متركز على شفايفها وطولها الحلو
جانت توصل لخصري دائما جنت اضحك عليها واخليها جوه ذراعي وهي تختل بصدري من اخجلها

كل الي احسه جنت اكول رغبه بس هواي اشتاقلها

صحاني سؤالها محتاج شي اريد اروح ادرس

تعاي..

نعم
شنو عندج دراسه تحاجين شرح

لا شكرا مسيطره على الماده

تمام روحي لعد ماريد شي


وفاء طلعت كتبي بس قفلت من الدراسه لان حجيت ويا لفيت راسي ونمت

طبعا هو ينام بلكاع . من يوم الصار

مصطفى ..اباوعلها نايمه ولا عليها لابسه ثوب اسود وبي ورد احمر وشعرها مفتوح ويا طولها ممدود
كمت جريت خصله شميتها متحملت وماردت اذل نفسي اكثر رجعت لمكاني
.كوه نمت
. وفاء . دوامي صباحي . كعدت الم بشعري لكيت مصطفى صافن بوجهي
صباح الخير

صباح النور .. خلصي اوديج للمدرسه

هسه الخط يجي

لا اني اوصلج عندي شغلة طالع بطريقي اوديج


لبست .. يباوع

موجنج سمنانه

لا
طلع للحمام خلاني اوهس باوعت لجسمي
طلعت اسوي ريوك

صباح الخير بيبي

صباح الخير يوم

اكول بيبي صدك اني سمنانه

ههههه محلوة ولج

يعني سمنانه .

لا تخبلين منو كلج

التفتت لكيته منتجي لباب المطبخ ويضحك عليه

عابت شككني بنفسي ٠٠٠ . عندي جاكيت عريض لبسته على الصدريه وطلعت لكيته مكمل يرتب بسيارته

كملتي

اي
نزلت يم مدرستي . وراح

من خلصت دوام دكيت عليه كال جاي .انتظرته شويه وصل

هلو .
مصطفى هلو
كلساع يندار . اخير شي حجه . والله ضيكه الصدريه مو جنتي لابسه جاكيت ليش نازعته

احتريت

ها. اا بس هاي ختولي بعد لاتلبسينها



ليش شيهمك انت اعتقد ماعنيلك شي حتى تكون حريص عليه

شنو هلغوه مو مرتي مو حريص عليج شنو لاتظلين تمسلتين بكيفج اخاف عايفج براحتج مو معناها بكيغج تتصرفين اكسر راسج والله


درت وجهي كام يغرد جنه خلصانين

بس وصلنه للبيت كام يركع بدا باب السياره وخلص بلمطبخ والهول

بيبي كالت ياستار شبي يركع اليوم


رفع جتفي بمعنى مادري

طلع لج تردن تداومين البسي مثل الاوادم

اشرتلي بيبي اسكت اني هم رحت لغرفتي بدلت وطلعت اصب غدا النه

دكت عليه ماما ورا الغدا كالت تعاي يمنه على العشه ابوج يكول

اكل لمصطفى ماما

خابره ابوج وكله تمام

زين لعد

العصر بدلنه وطلعنه لاهلي بيبي مقبلت تجي ومأرب جتي بقت يمها تبات يمنه كم يوم

ماما من وصلنه وكمت وياها للمطبخ
كالت شنو هم تاخرت الشهريه منزلت

اني كل شهرين او ٣ تنزل عليه وجانت مرات ماما توديني للدكتوره بلعلاج يله
كالت ورا الزواج تستعدل بس بقت نفس الشي

جاوبتها اي تتذكرين قبل الزواج اجت هي بعد منزلت ابد


بطنج منفوخه

اي عود سويلي دارسين

انجبي مو كيفج شوفي نفسج بعد تزوجتي خوما بعدج بنيه خاف شايله

شنو شايله ماما

طفل يالعوبه

ههههه شوف ماما غير بطرانه

وسم شبيج غير متزوجه طبيعي يصير طفل

وشلون اعرف مو تدرين بوضعي انتي

خلي احجي ويارجلج .. باتي اليوم

لا ماما عندي امتحان اجيج الخميس



غدير وسام ))****

اجيج الخميس

زين كوليله من هسه يجيبج
الله كريم ماما

بابا من كعدنه جرني بحضنه يبوس بيه
مشتاقلج ليش متجين

باوعت لمصطفى وحجيت بلدوام بابا والبيت مالحك والله بس مو دنحجي بلتلفون وحفيدتك اخذت مكاني

ختولي انتي حبيبة ابوج محد ياخذ مكانج

ضحكت واني اشوف نظرات مصطفى تتبعني صفنت معقوله اكون حامل ياريت لا ..ماريد هسه مو قبل مااصفي حياتي

رجعنه للبيت وامي توصي اجيها الخميس

لكيت بيبي نايمه ومأرب كاعده وحدها خطيه

تعشيتو

الحمد لله كعدنه شويه بعدين عفتهم وبدلت تمددت افكر بكلام ماما

مصطفى ..نمتي

رايد شي

جوعان مااكلت يم اهلح

مصطفى هيج مردتها تنام تحارشت بيها

كامت لحكتها كل شويه اطخها على اساس مادري

حصرتها بيني وبين السنك

دنكت . رفعت راسها . باعيلي

وفاء من تقرب مادري شصار بيه رجعت كلماته ترن باذاني . كاني كاعده اسمعها منه

حاولت ابعده بس جبل واكف مو بشر

رايد شي . وخر اريد انام عندي دوام

متنامين هسه اريدج بموضوع

فتحت عيوني على وسعهم

مصطفى انت وعدت اذا مو كد وعدك اروح لاهلي ولاتكلي شتكليلهم اذا تطلب الوضع احجي كلشي

وشنو خايف اني

لا متخاف انت وخر مني .دفعته ورحت للغرفه ماردت ابجي كدامه


لحكني شنو الي تردي انتي فهميني

باوعتله . سئلته انت شتريد ها احتاجيت وحده بفراشك

بعد متتحمل

لج ترا اذا اريد معايز عليج وين مجان اكوو

اي روح محد لازمك بس كبلها طلكني وروح سوي الي تريده

وانتي فد نعال اطلكج وانعل والديج لاتظلين تتعيقلين براسي اذا اريد شي اخذه غصب مو انتي الي تمنعيني

وهاي رجوله تاخذ حاجتك غصب وين المشاعر والاحساس اذا مكانت متبادله شنو فرقها عن رغبة الحيوان

فر وجهي براشدي حتى شفتي جرت دم وعيني راسا جدحت نار
انعل ساعة السوده الشفتكم بيها كلكم عقولكم صفح من تقفلون لو مدري منو يجي متتغيرون من عمج شاهين لقتيبه .وشيل ايدك

عافني وطلع

مأرب طبت كالت شبي مصطفى

ماكو شي ضايج من لبسي بلمدرسه

لاتعاند ين حبيبتي غيري

هو حغيره

هاي ضربج . يمه منه ولاينجرع عليمن هلعصبيه

كومي غسلي حبيبتي
.غسلت وهي ظلت تحجي على زواجها شلون بلبدايه مفهمت طبعه وبعدين بدت تستوعبه وتتقبل كلشي
جنتو تحبون بعض مو وتحملتو

ايي
ليش مصطفى ميحبج

هيج سؤال

رحت نمت والصبح كعدت لكيته نايم وجهة مكلوب حتى وهو نايم
بدلت وغسلت وجهي مبين بي الضربه ومن وصلت الكل تسئل شبيج وليش هيج وجهج

كوه خلصت دوامي طلعت لكيته بلباب منتظرني وشكد مشتهيه اشوفه واسمع صوته اني خرب بلحض

صعدت يمه بدون سلام يباواع بوجهي جره وداره عليه

خرب غيرتج ليش تستفزيني وتخليني هيج ااذيج

حرك السياره يتحسر ويستغفر

بس وصلنه فوت السياره جرني وباسني من عيني وخدي

حبيبي مو طبعي امد ايدي بس حجايتج ثكيله

مقصدتك بكلامي جنت اقصد العلاقه بحد ذاتها

نزلت ودمعتي يمكن لو باقي عصبي احسن من هاي الحنيه هيج ماتحمل اني

بييي شافتني على الغدا عاطت يايوم مصطفى شبي وجهج

بيبي انظربت بلشباج بلمدرسه

يا ليش بيبي غير تنتبهين لو طافيه عينج

هو مدنك رفع راسه

وانوب عاف الاكل وكام

هو ضاربج احجي

لا بيبي مو هو اني انضربت
كملنه الغدا خطيه مأرب كالت روحي نامي

رحت انام شويه حضني وصار ضهري على صدره وباس ركبتي
وفاء حبيبي لاتزعلين مني ولاتظلين تحاسبيني على حجايه نحجت بساعة عصبيه ومشاعر قديمه لاالي ولا الج ايد بيها

انداريت عليه وصار وجهي بوجهة

الي يبدي من جديد المفروض ينهي الماضي اني ممحاسبتك على الماضي بس مااقبل اكون للرغبه بس فهمت هذا الي ذابحني لاماضيك ولاحاضرك

رفع وجهي انتي هسه الحاضر خلينه نعيشه سوه ونترك الفات

انت تركته

ايي

لا ممبين

وشلون اثبتلج

مادري مصطفى مادري لاتطلب مني اعرف اشياء مماره بيها

خلص . خليني اني اثبتلج محبتي الج .صدكي نسيت كلشي يتعلق بزينه هي تزوجت الله يوفقها ويسعدها

عوفني هسه

تمام براحتج بس خليج يمي هنا لاترحين

بس الخميس اروح لاهلي ماما رادتني اروح وياها للدكتور

اني اوديج من ترجعين للبيت

حضني ممنعته ونمت
الخميس طلعت من دوامي لكيته منتظرني

بصفه جنطه ملابسي ...يتبع .....



اعتذر عن التاخير النت ضعيف وكلشي ميفتح

[فيتامين سي]

#يمامه_خلف_القضبان #السادس والثلاثين
غدير وسام

الخميس طلعت من دوامي لكيته منتظ
بصفه جنطه ملابس صغيره ضحك خليتلج ملابس على ذوقي

ضحكت اعرف بي شيفكر اخاف ابدل هناك وميشوفني

وصلنه امي اشتغلتني رزايل متاخره والحجز راح علينه

عضيت شفتي الها سكتت بسرعه بدلت طلعت لكيته واكف
باوع يريد يتاكد جان جايبلي جبه كابوي طويله من كدام سحاب وجوا بنطرون

مصطفى هاج نسيت انطيج فلوس

بابا وماما مقبلو بس هو اصر واخذتهن

طلعنه اني وماما وبابا للدكتوره وهمزين جانت مخلصه مراجعين واني تقريبا اخير وحده رادت تحليل خافت لا المختبر معزل بابا شافه كال بعدهم ركض وكوه قبلت تسويلي تحاليل كالت اكو بسيطات اليوم استلميهن والبقيه للسبت

رجعت للدكتوره بين متكمل التحاليل بابا بقه يمهم

هي تعرف وضعي جانت ماما تجيبني من جانت تتاخر الشهريه .

حسبتلي كالت كومي اذا اكو شي يبين هسه هواي صار

سوتلي سونر ضحكت كالت حامل تقريبا بلثالث

شنو مصار عندج لعبان نفس مشتهيتي شي
لا

زين كومي . مسحت الجل من بطني بس ماحس باي مشاعر يمكن خفت بس عبالك مشاعري ماتت
ماما كيفت اكثر مني وتضحك حتى منتظرت نطلع خابرت بابا وكلتله

طلعنه اشوف اهلي فرحانين .خذت طاقه ايجابيه منهم
مصطفى باجر يداووم وكال مدام مأرب يم امي ابقي

ماما .سئلت .حتكليله هسه

صفنت . مادري شاسوي اني اصلا كتله المراجعه لماما مو اليه

بليل اجوي بيت جدو يمنه كلهم بس يمامه ماكو شكد مشتاقتلها ومحتاجتها
سئلت عمو عليها سكت حسيت ماعنده جواب

واني هم ماحبيت اضغط عليه اسئل ماما عود من يرحون

شاهين صارت راحتي هناك ونفس احساس الطمئنينه الجنت احسه من افوت لبيت ابو غايب الله يرحمه احسه هنا .نفس الترتيب ولمستها بكل مكان . حتى الريحه والدفو
مرات اتخيل ابو غايب ممكن يطلع كدامي باي لحضه

هي متجنبتني من افوت تاخذ الجهال وتبتعد

اني هم بين نارين بين

حجي ام اسماعيل واحساسي اني كله يكول هي متسويها


جانت بلمطبخ . رحت .وكفت . يمها
يمامه .اني تعبان ومجاي اعرف الصدك وين

باوعتله انت متعب نفسك بنفسك

شلون اكو واحد يتعب نفسه

اي .المفروض اكو شي اسمه . عشره . وتربيه

وطبيعه بشرر .. شاهين اني اولا تربيه ابو غايب الي انت عرفته وعاشرته .وثانيا انت تعرف كل الزين اني كل دنيتي جانت ابويه وراها انت فتحت عيني وطلعت من قفصي على ايدك صح خليتني بقفص ثاني بس اني يمامة ابويه وصرت يمامتك الك .

شاهين اني خلصت نص عمري وحدي .اشوف الدنيا من عيون ابويه وام اسماعيل اتحسر على اللمه والاهل
شلون تفكر بيه ممكن اشتت اهلك لو اكدر اسوي هيج حيله علمود اضر منو انت وزينه ليش اني بيوم كل الدنيا عافتني منو الي احتواني وحسسني بلامان غيركم

دنكت حجيها اجه بلصميم . المفروض اني اعرف يمامه شنو وتقى شنو

طلعت من يمها.. كعدت يم امي

لكيتها تلوب . ها حجيه سلامات

يمه زينه تطلك ماتوديني الها

يله حجيه بس خلي اودي الجهال ليمامه

رجعتهم
يمامه ادعي لزينه

الله يكومها بلسلامه . طمني عود

طلعت .حجيها اعيد بي طول الطريق اني ادري بفريد بلدوام احنه صرنا نتفاوت اني من انزل هو يداوم والعكس

وصلت لكيناها هي وام فريد وخواته مخبوصات

خابرتي فريد انتي

زينه . امممم مادري شاهين الحكلي فدوه

خذتها للمستشفى اجت امي وام فريد
ويانه خذوها دك عليه فريد
ها شاهين ياول رحتلهم

اي يمهم شبيك دخلوها جوه

اي

مادري منتظر

لك هذا قفل عليه ميقبل انزل . ومحمد يم اهله راح اتخبل

اني هنا لاتخاف بس شوفلك طريقه وانزل بيها


راح اتعارك والله

شاهين شبيك تخبلت اهدا يله اني راح اتصل بلقائد واجي بمكانك


شويه دك عليه كال محمد جاي وهو طالع


تاخر فريد وزينه جابت بنيه .طلعو اليه ضعيفه وصغيره كلش . بوستها اطيته لام فريد الي جانت الدنيا ماسايعتها من الفرح . تبجي وتضحك وانوب ضمتهة جوا عبايتها
وصل فريد خطيه جانت نظراته متروسه خوف واسئله
شافنه نضحك اطمن شويه

ها شونها زينه

الحمد لله جتك بنيه

فريد .مو كالو ولد .

طلعت زينه منتهيه .ذابه نفسها خطيه تقهر

ها لج صرتي ام

زينه . من يوم الراح واني اتكله من للقهر هو كام يتصل ماجاوب

حسيت عندي وجع توسلت بخالتي اروح يم امي اجيب ماقبلت

وامي هم خوافه كتلها تعاي اخذيني مقبلت

اني لوحدي هنا واخاف رغم خالتي معافتني حتى جابت فراشها يمي بلغرفه . ويوميه العصر عمو يطلعني امشي لان الدكتوره كالت طبيعي ولادتج .

لزمتني اوجاع من يومين وخذتني خالتي للدكتوره كالت بعد متجيب هسه
الى ان بليل كلش متحملت خابرت على امي تجيني
وصدك جتي هي وشاهين وعيوني تدور عليه بين الناس
احتاجيته يمي هو وامي خفت وتوجعت لمن ولدت شفت الموت بعيني مادري ليش جتي يمامه

غدير وسام ))***

كبال عيني بريتها الذمه كلت خاف اموت
طلعت شفت شاهين ويمه فريد ضحك شاهين عليه

اني بجيت لمن خلو بنتي بحضني سماهة فريد انتظار
طبعا جنه محرضين نفسنه لولد حتى جهازي مال ولد بس جبت بنيه

تقرب باس راسي وحضني طلعوني للبيت . ردت اروح ويا اهلي بس وين خالتي حتى ماطتني البنيه وفريد ماقبل
وصلنه للبيت خواته جايات مرتبات غرفتي
اسماء ورا ماتحول للبيت كامت متبقه بلبيت كله يم اهلها حتى من يجي فريد تخابره مريضه مرات هو يروح يشوفها ويجي

واني مجاوزني

اول مفتت خذتني اخته للحمام غسلتلي وطلعت لكيت خالتي مسبحتها . وخاله اشكال الوان اعشاب كلساع مشربتني ومشربتهة امي راحت هي تعبانه وضعطها ارتفع كتلها روحي ويه شاهين ادري جهاله مناك محد الهم .

فريد كعد يمنه كلساع يباوع بوجهة فرحان

صغير ه موو

زينه ايي بعده امي تكول ورا الاربعين تنشنش

صدك

مادري ان شاء الله

تعبتي

اممم . ردتك يمي

حقرو وياي لو ما محمد وشاهين جان سويتلي عركه

تخبلت من امي دكت عليه ومقبلو انزل
خفت عليه

عليكم اثنينكم زينه متدرين شكد جنت متنمي اشوفه الطفل واشيله بين ايديه

باسني .من راسي وكام يوم تردون شي اجيب

لا امي منريد
بعد ولادتي فريد رجع يهتم بيه مثل الاول كال ضجت لان مقبلتي ترحين وياي لبيتنه

وتقريبا رجعنه مثل قبل واحسن


شاهين . عفت الجهال يمها .من رحت اخذهم .

اجت كالت اريد احجي وياك

نعم

يمامه . .اريد اخيط واعيش نفسي بعد ماريد تصرف عليه

شلون بله

يعني خاله ام اسماعيل واني اتفقنا نتشارك ونخيط . للناس
اي ..عيني كملي

ليش تستهزاء بيه شاهين انت لياحد تبقه مسؤول عني ومحكوم بيه اعرف انت متحملني وكوه عليك جاي تجي لهنا وتشوفني

غلطانه

لا شاهين انت مرتبط بيه بسبب وعدك لابويه واني اليوم اريد احلك من هذا الوعد تكدر تطلكني وتطيني مهله ابقه بيتك الى ان نلكه بيت اني وخاله وراها اطلع وجهالي مثل هسه كل فتره خليني اشوفهم

محضره ومفكره بكلشي يمامه

لازم افكر خوما حياتي تظل هيج

شبيها حياتج

عاجبك هذا الوضع مخليني هيج لااني لسما ولا لكاع

شناقصج

ناقصني جهالي ناقصني احس نفسي بشر مو حاجه شوكت ميعجبك تشمرها وشوكت ميعجبك ترجعها
ناقصني احس نفسي زوجه الي مكانتي واحترامي وعندي رجال يدافع عني ويوكف بوجه الكل ويكلهم يمامه متسويها


وانتي ماعدج رجال يدافعلج

لا

يمامه لو غيري ميبقيج عايشه اني طلعتج بيت وحدج

لا بحبس مو بيت

خلص حبس عمي ياريت كل حبس مثل هذا

واني ماريده . خلص طلكني

يمامه سدي الموضوع كتلج طلاك ماكو خياط تردين كهوايه ماعندي مانع بس شغل لا . هذا اخر كلام وانتي عندج خيارين يا اما هذا حجيج او جهالج

شنو يعني

يعني يبقون يمج ماخذهم بعد

والله تحجي صدك شاهين

وداعتج انتي وحتى اني هم جاي يمج اذا امي قبلت

وانتي افهمي من خلال الكلته هذا شنو معنى كلامي اني مصدكمن واكف ويامن بس اريد وكت وصبر


من طلع ام اسماعيل كالت وافقي واطي فرصه


علمود اخذ جهالي يبقون يمي شسوي خلي يسوي ميهمني لاهو ولاغيره


اخ يمه الله يساعدج

يمامه ان شاء الله مشتاقه لمياء هواي لو يقبل اشوفها تجي يمي

كليله هو لاين شويه اكيد مايرفض

من يجي اكله

هو هم ماطول لليل اجه يمنه اعرفه من ينزل ميفارك جهاله ومناك امه وبناته يظل مشتت بينهم

جبتله عشه . وكتله على لمياء

تردين ترحيلها

ايي

ماسئلتي على زينه شلونها شجابت

خفت اسئلك

جابت بنيه سمتها انتظار ههه ولو تشوفين فريد طاير خطيه متخبل حتى للدوام من يجي يريد يبجي واحنه ننصب عليه ههه

شفته منطلق يحجي مثل قبل من جان يسولفلي
كعدت يمه وميار بحضني

امي شلونها

تعبانه ضغطها دوم مرتفع ودايما نايمه مو مثل قبل مفاصلها هم ذاك اليوم وديتها لدكتور غيرلها علاج بس ماشافت عليه تغير

سوده عليه . كتلها تجي يمي

لا بعد ممفاتحها

دك تلفونه كام لحيله وجهة صار احمر دم

وين . بيا مستشفى جايك يله

جر سويجه لحكته شبيك شاهين

قتيبه مسوي حادث بلمستشفى رايحله

طمني

شاهين خابروني قتيبه مسوي حادث طلعت بعد ماخابرت مؤيد وجعفر
وصلت عرفنه جان صاعد بدراجه ويا ولد صديقه

الولد ميت بسرعه بس قتيبه وضعه حرج الاصابه براسه

ورجليه متكسره وايده عضمها متهشم
كعدت بلكاع والدكتور يشرحلي حالته ويحاول يهون علينه فكرت بامي اذا درت شيصير بيها


غدير وسام ))****


مرته الي على وجه ولاده

حذرتهم محد يكل لامي واصلا هو مرات يتاخر يله يمر عليها من يوم الشال من بيتي لان ملتهي يرتب بيته ومصارله هواي بيه

يومين مرن عليه ماشفت النوم اركض بيها كلساع يحتاجون دم وعلاج

لا رجعت للبيت ولا بدلت بس يمامه تتصل امي كتلهم يكلولها بلدوام

يمامه .شلونك

اووووف يمامه شلوني قتيبه لاصحه ولا تحسن واذا كعد يخلصها عمليات

صمام براسه يرالدله تبديل وايده احتمال بلاتين

ورجليه الي تكسرن


الله يشفي زين تعال بدل غسل ارتاح مو انت هم توكع هيج

ماكدر يمامه اخاف اعوفه

بقي جعفر بمكانك بس تعال غسل وروح مو هيج صار جم يوم مجاي للبيت لانايم لامرتاح والجهال مشتاقيلك يسئلون عليك

خلي يجي جعغر ومؤيد واجي

يمامه رحت حضرتله الحمام . خابرت على لمياء كتلها تجيج ام اسماعيل دزيلي ملابس اله وملابس داخليه

خطيه ام اسماعيل راحت جابتهن واجت سويتله اكل

للعصر فات تعبان مبين

الله يساعدك

هلا يابه . شلونج

انت شلونك بالي يمكم

الله كريم . اريد اغسل يمامه

تعال عيني محضرتلك الحمام

فات غسل وخليتله الاكل يمكن لكمتين وبين وحده وحده ساعه يصفن

خلي توكلك على الله ابو محمد

ونعم بالله بس خايف قتيبه يمكن مايطول

كو يالله شنو تعلم بلغيب انت

ولج الدكاتره يكولون

ربك يحي العظام وهي رميم التفاته من ساعه لساعه

اخخخخ وين الله ويسمع منج
شفت عيونه لمعت بدموع يكابر حتى ماتزل

تقربت خليت ايدي على رجله حضني وحسيت بس جتفه يهتز . معرفت شلون اواسي واخفف من حمله

شاهين احسه ابوهم مو اخوهم حتى الكبار شايل همهم وهم عوائلهم . حضنته بست راسه الله يخلي ويشافي الك يارب لاتخاف

خليته يتمدد بحضني ونام من التعب متحركت حتى ميكمز الجهال يم ام اسماعيل بلغرفه شويه طلع محمد شافه تخبل اشرتله اششش

اجه يشاورني
بابا . شبيه

نايم حبيبي خطيه لتسوي هوسه ويكعد

اني حباب ميوله حكيره

هههه اي ماما هم اختك حبابه

شفته مبتسم يسمعه جره وبوسه ويدغدغ بي منو الحكيره ههههه
ميوله بابا . تضربني وتاكل جبسي

وينها هي روح جيبها

شال راسه وجرني من شعري وباسني

ردت اكوم لزمني . وهو نايم ابقي شويه

اجت ميار تتدعبل مخلصتها تشطيب اكل حصتها وحصة محمد

شافها كام لحيله هلا هلا بزونتي

وهي عبالك جبيره فتحتله ايديها وشبكته وتشم بي خبلته

حسيته من شافهم نسه همه

مشتاق للبنات بس اروح امي تعرفني من وجهي

خابر يجيبونهن الك

لا اروح بعد هم يالله

كام . كتله جابتلك ام سماعيل ملابس من البيت وصيت لمياء

صدك عاشت ايديج بدل وطلع لزمت ملابسه غسلتهن

صارت ليل الجهال نامو واني وامي اسماعيل نسولف

بالها يم اسماعيل وعطارد تكول وين راحت

تدرين هي هاي ثووله جانت شتكلها نوسه تسوي طول عمرها بله شخصيه وذيج مسيطره عليها

اي انتبهت من جنت يمكم

شنو شفتي هناك بروح الحجي هم جان احد يطب عليهن من اطلع

خاله ليش تحلفيني

بداعة جهالج

اي خاله هواي وانهزمت لان خفت جان اكو واحد شافني
وكام يلمح عليه

لطمت يمه اسماعيل وماكتيلي

خفت عليج وهي الله يرحمها هددتني بحملي اختاريت ابتعد احسن

لو حاجيه على الاقل جان تلاحكت اسماعيل

شلون تتلاحكينه يعني المكتوب علينه لازم نشوفه

بقت تبجي معرفت شااكلها يمكن لو فعلا محذرتها جان كل هذا مصار بس هم ارجع واكول اكو اكثر من شخص حاجاها واكو من لمحلها يعني ماظاله عليه اصلا شاهين لزمها وطردها ماحست ولا افتهمت اله اني احجي

خابرت شاهين

نفس الشي لاجديد بس الطبيب يكول اكو تحسن احتمال يصحه باجر

يارب يتشافه

زينه . طب فريد ضايج

شبيك حبيبي

لا ماكو شي شلونها البنيه

زينه الحمد لله

باوعلها وطلع استغربت يوميه يكابلنه ويكعد

لحكته كوه امشي .بلمستشفى لان بجريه سولي توسيع وخيطني فالخيوط تاذيني بس حسيت بي ضايج لكيته يسولف ويه خاله


فريد ..شتكولين انتي

مادري مو هاي ستوها جايبه مو زين عليها

يوم الولد مو زين حالته خطره وشاهين يكول شغلته منتهيه

لطمت يايوم بعده صغير

زينه . منوو شبيكم منو الي منتهي

فريد مو يمج حبيبتي

لا انت كلت شاهين كال وخايفين عليه منو اخوتي شبيهم

منو سيف .لو عصام ابن جعفر احجي

تعاي اكعدي ..ماكو شي

احجي فريد رجليه ماتن

قتيبه مسوي حادث

كعدت بلكاع . ورجفت شنووو شنو لاتكولها

لا عفيه شنو تكول شغلته منتهيه شبي

مابي شي حبيبي

وديني فريد

وين اوديج امج متدري واخوتج بلمستشفى وانتي وضعج هذا

((غدير وسام ))***

اروح ماحجي يم امي بس وديني اشوفه

اجه ساعدني لبست وخالتي هم لبست وشالت انتظار وملابسها طلعنه بس ابجي

وفريد يحاول يطمني بس الي سمعته كافي يخلي كلبي نار

وصلنه امي خطيه شافتني كيفت عبالها جيت لان جايبه واريد ابقه يمها

فوتتني لغرفتها وفرشتلي

شويه طبت لمياء .عرفت تبقه يمها من يروح مؤيد يذبها هنا

شلونه
نفس الشي فاقد . مؤيد بس يبجي

مرته وين

عد اهلها متخربطه ومنيميها مستشفى الطفل هم نازل كلش

منين جتنه المصايب كلها خويه حبيبي يابعد عمري

خاله كالت لاتحس امج يمعوده فريد وصاني وراح

وين راح

للمستشفى على شاهين

مو كتله ياحذني ويا ليش راح وحده بجيت والوجع لزمني

لمياء حجت عليه وامي استغربت
خاله كلتلها متوجعه وجبناها يمج

خلت بنتي بحضنها هلا بيها وين راح فريد

عنده شغله هسه يجي

ردت اسئله على شاهين على غفله حتى ميخابرني
وجهاله يم امهم كلبي طاك عليهم كلش

وفاء..... بقيت يم اهلي لمن عرفت بحملي للسبت بالليل
وداني بابا

ومأرب راحت ويا رجلها

كعدنه اني وبيبي قررت اكلها
بيبي رحت للدكتوره بلخميس

اي

اني حامل

صلي على محمد يمه فدوه رحتلك ربي

ولج من شوكت تدرين .

مادري بيبي مو تدرين بيه الشهريه مخربطه بس مصطفى يكلي سمنانه وماما هم انتبهت عاد اخذتني

ولج بشرتي مصطاف

لا من يجي

بكيفج
بيبي من سمعت صار بيها كل العافيه فدوه تشتغل بلبيت وتطبخ وكلساع مسويتلي حليب وجايبه مكيفه تكلي حلوة نساوتج متلعب نفسج

كاعدين نتعشه طب مصطفى .. بس وجهة اصفر

السلام عليكم .

هلا امي شبيك

يمه هذا قتيبه مسوي حادث بلمستشفى

اني كمت لحيلي شبي عمو خوما متاذي

على كيفج بيبي تعاي كعدي .ولك احجي يبست حلكي شبي

مادري الولد خابروني بلمستشفى صاعد بدراجه ويا ولد ذاك ميت وهو حالته خطره

وخالتك شحالها

متدري لاحد يكلها

بجيت . خايفه على عمي وبيبيتي تموت اذا درت هي ضغطها هلايام مينزل ابد شاف بيبي لزمتني وكعدتني ومخبوصه بيه . انوب كامت راح ابدل ودينه

تقرب يمي وكعد شبيج مريضه شو امي خايفه عليج

لا .

اكيد

ايي
دكومي لعد بدلي اوديكم يم خالتي واروح للولد للمستشفى

بدلت . بيبي جبتي علاجج نبات هناك

مصطفى شنو السالفه مو كتلج مريضه تكولين لا

دنكت .. اضطريت اكله
مو مريضه حامل ..

مصطفى .ضحك . صدك . مبروك حبيبي
جرني باس راسي . وحضني حيل
لعد ليش العلاج

لا مقويات حمل

ها زين يله

رحنه .لكينه هناك ماما وعمه زينه جانت ستوها جايبه وخالتها عمه تقى ونهاد هم

مصطفى سلم وراح

بيبي حست اكو شي . بس ماحجت .خطيه بس تباوع

كومي تقى نهاد سون عشه

متعشين اكعدن

زينه تعاي وفاوي عمه

بوستني وبجت
كتلها .
كافي عمه لاتروح بيبي تحس

يمامه .. شاهين بعد ماخابرته وكتله تعال كوه اجه كال اجو فريد ومصطفى عفتهم بمكاني واجيت
غسل .ونام عفته نايم لليل هو تعبان ماكعد ذب نفسه فد ذبه سوده عليه

ميار محمد كلها بابا بلغرفه وكامت تفتر كلساع دافعه الباب واجرها .

شغلتلها كارتون ولايمها غافلتني وراحتله لكيتها تكعد بي


ولج ليش ماما .

شاهين عوفيها تعاي بابا بوسها وصاح اخخخخ

ها عيني شيوجعك

شنو الي ميوجعني من راسي لرجليه


تاكل شي
وانتو تعشيتو

لا منتظرينك . بس حمودي وميوره اكلو ويه خاله عدها علاج خطيه

يعني بس اني وياج

ايي والعامل المشترك الاصغرر

شنوووو

هاي البحضنك اسئلها كلها تعشيتي


شاهين ..تعشيتي بابا

لا .

هههههه جوعانه بابا

ايي .

ديله هسه ماما تخليلنه يخسه الجوع

خليتلنه عشه وهو يوكل بميار

اكل انت عيني اطينياها

تحسر ..عوفيها . والله اكل جذب

شلت الاكل فرجتله رجليه . صاح ايي منا عاشت ايدج

دك تلفونه جانت ميار تلعب بي جابته اله كام وكف

صاح يايابه . ولك خويه اخخخخخخ يابه الحوكولي انهجم بيتي ولك قتيبه

ميار طفرت تصرخ واني ركضت عليه ام اسماعيل اجت شالتها .

حضنته يصرخ مثل الجهال

ولك قتيبه .. قتيبه يضرب براسه بلحايط .

مات يمامه مات اخويه . مات .

بجيت ويا ادري شكد صعبه تخسر واحد من اهلك وقتيبه احبه

راح للمستشفى وصاني اروح يم امي

رحنه اني وام اسماعيل

زينه . كاعدين . وشفت لمياء دك تلفونها خذته وطلعت

كلبي نلجم .

شويه طبت استبرق تصرخ هي وامها

امي كامت وكفت شكوو يمه منو تصرخ

طبت ملخه نفسها وتصيح .. مات . قتيبه مات

امي وكعت يتبع .....

[فيتامين سي]

#يمامه_خلف_القضبان

#البارت_السابع_والثلاثين

غدير وسام ))**

امي وكعت وطبت يمامه لزمتها

شالنها ويانه .
يمامه . يمه . حبيبتي اصحي شاهين راح يموت لاتزيدين همة والله كل تفكيره بيج

يمه وليدي قتيبه وين خابري شاهين يجيبه لو يوديني اله مابي شي قتيبه سكتيهن ولج... لوبي شي كلبي يعلمني مو اني امه


وراها فقدت . اخذها رجل اخت شاهين رحت وياها

ضغطها ارتفع

خابرني شاهين .

وين انتو
كتله بلمستشفى
اريد اودي الجنازه بيمن احتار اني ياربي

روح بس يستقر وضعها نجيبها

لا جايكم .اني قريب

لو ادز مؤيد

شويه اجه مؤيد شافته امي ناحت وبجت هو يصبر بيها خذناها للبيت


شاهين رجعت للبيت قبل لااطبب الجنازه .رحت احاجي امي

حضنتني وبجت

وتنوح ممصدكه .

يمه ارتاح لو باقي جان تاذه

جتفت ايدها الي لطمت على وجهة يمه ترحين وياي للنجف لو متكدرين .

اروح يمه . . اروح كومي يمامه وياي

باوعت لشاهين
كال يله امشي ويانه ..بس جهالج شلون

يم خاله ام اسماعيل اعوفهم واوصي وفاء عليهم

دخلو الجنازه امه وزوجته وخواته ذبن نفسهن

اني ابجي على جهة
شفت مصطفى يدور تقرب مني
ام محمد فدوه اطيني البنيه وروحي جيبلي وفاء لاتموت رحمة لابوج ماكدر اطب بنص النسوان

رحت جريتها ذابه نفسها وتبجي .هو خذها مني راسا خلاها بحضنه . ويحاجيها

وفاء عمامي ربيت عدهم صح متعلقه بعمو شاهين بس قتيبه جان دائما يسئل عني ويحبني مبتعد صح بس وكت النحتاجه نلكا ويانه من جانه خبر بلمستشفى متوقعت موته ابد ممحسبه والقاضيه من دخلو نعشه اباوع لمرته ولبيبي ولشاهين اكثر واحد مكسور بس يمثل القوه لخاطرهم بابا حض امي ويبجي منظره كطع كلبي حبيبي بابا . شويه انجريت باوعت يمامه حضنتها وبجيت

يمامه كافي حبيبتي خطيه رجلج واكف هناك يوصي بيج
جرني منها حضني البقيه بحياج حبيبي ذبيت نفسي عنده ردت انهزم من كل الي يصير بلكي اشيل راسي يطلع حلم .

كافي مو زين عليج .تعاي وياي

لا مصطفى عفيه لا ابقه هنا

راح نطلعه عيني هسه .تعاي راح تصير هوسه ترحين توكعين يدفعونج

جرني كوه امي اجت اخذتني وبيبي ام مصطفى راحت وياهم علمود اختها . يمامه رجعت وفاء الجهال امانتج لاتعوفينهم

روحي بعيوني

مصطفى رايح وياهم اني . تردين شي

لا روح .

بقو عمو جعفر و بابا . وزوج زينه راح ويا عمو شاهين

زينه ماتت ستوها جايبه وكل شويه تتخربط
ومرته تقهر رادت تروح مخلوها لان حامل

بدت الناس تجي . ونصبو خيمة عزاء بره .
اني خذت الجهال بغرفة وكعدت ويا ام اسماعيل


يمامه .. كعدنه امي بيني وبين ام مصطفى شاهين كل شويه ملتفت عليها ويحاجيها .هي تعاتبه لان ماكللها عليه جان بلمستشفى



دفنا ورجعنه . للبيت . رحت على جهالي طبيت زينه يمهم شافتني اني بستها كتلها البقيه بحياتج حضنتني وبجت

شلت بتها بستها وكعدت يمها وميار تغار عليه وعلى عمتها كلما نشيلها تعيط

سئلتني على الدفن وسولفتلها راحت يم امي

ام اسماعيل اخذهم واروح للبيت احسن نخلسو من العياط والبجي

بكيفج خاله خاف يتعبونج

لا متعلمه عليهم شعندي .

خذتهم وراحت اني رحت وياهن للشغل جاي ومي الاكل بره شاهين كلساع جاي رايد شي لاكعد ولاارتاح

مصطفى يطب يباوع على وفاء ويوصي ويطلع

نهاد شو رجعت علينه هاي وين جنتي بيا مصيبه

باوعتلها . هي وتقى كتلهن مو وكتها عدجن شي اجلنه هسه

تجنبتهن المكان الي بي هنه اطلع منه مو خوف بس مو وكتها
تقى انتي ماعندج كرامه شكو جايه منين سمعتي
باوعتلها . بله تقى انتي اخر وحده تحجي عن الكرامه رحمة لاهلج ..
جاي اطلع جرتني .. شتقصدين

ههه . عيب اضحك ولج منا الناس


اشوف كل مجموعه كاعده ويا كرايبها بس اني من يخف الشغل ابقه لوحدي مرات اكعد يم امي

ومرات اصفي المطبخ

باوعت لوفاء .. روحها لايبه . وجهة اصفرر
وفاء شبيج حبيبتي

ها مادري اشو معدتي تكلب اليوم وراسي يوجعني

دروحي كعدي مجنت ادري بيها حامل خطيه

طب شاهين راد . انطي جدر جبير

شافها .مالهة خلك ها عمو شبيج

وفاء ..مابيه شي

باوعلي من جبتله الجدر ..هاي شوفيها خطيه وجهة اصفر

داكلها روحي ارتاحي متقبل

روحي .بابا حلي غيرج تجي .

مصطفى وين صرت شاهين

شاهين .. جايك . باوع مصطفى سئل

شكوووو

شاهين مرتك شوفها شبيها واني رايح
.
ها حبيبي خير

وفاء خجلت كدام يمامه وبنات كرايبنه اجو يساعدون

جرني للترك .شبيج

تعبت شويه .

اي ليش مارتاحين

عيب

شنو عيب لخاطر ربج ان

غدير وسام ))****

انتي حامل شبيج .

شفته فات للمطبخ صاح من رخصتج ام محمد


جريته مصطفى شبيك

اوكفي

نعم مصطفى خير

اكول ام محمد انتي محتاجه شغلها .

منو وفاء فدوه لكلبها شايله نص شغلي

باوعلي اها نص الشغل ومامهتمه ليش بله

يمامه . ادري اليوم هي تعبت كتلها روحي ارتاحي بس متقبل

دفوتي كدامي واذا شفتج هنا متلومين اله نفسج

ام محمد وين امي

بغرفة خالتك . خذت امي ترتاح شويه

جرها وفات .
صاح يوم هاي كعديها لاابتلي بيها

يمامه لحكته وضامه ضحكتي مبين شكد يحبها وكلبه فاير عليها لان تخربطت

امه صاحت ولج مو كتلج كعدي ستري عليه

وفاء ..رحت يم بيبي كعدت وهو اشرلي بعيونه ماطلع بعد

يمامه خاله سوي نومي بصره لام مؤيد ضغطها صعد

اي خاله صار .

جتي لمياء . ونهاد

نهاد شبيها بتج . اشو مصوفره وخلااتج لزمنها دك رزايل وحجي

لمياء ..حامل ومتكعد .

نهاد . يا من شوكت ذاك اليوم اتزوجت

لمياء .على كيفج عيني شهكتي شنو ذاك اليوم راح يصيرلها ٤ اشهر

يا شبساع ..والله الايام تركض

باوعتلي لمياء من طلعت نهاد . بس لايرجعج وياهم يمه منهن

يمامه ..لا مارجع خلص لو يطلكني واني ام اسماعيل ناجر ونشتغل .لو يبقه الحال على ماهو عليه بس مستحيل ارجع هنا

اي عفيه عليج .ولو هو خطيه

شسويله اعتقد اني هواي تنازلت كافي ام سيف شيريدن بعد يسون

صدك . حجيج

طبت سهام باوعتلي وانهزمت بسرعه .

هاي من هسه حيه مثل امها

شسويلها . الله ياخذ حقي من كل واحد ظلمني

فتت شفت استبرق متخربطه اطيتهن مي امها كلش تحبني باوعتلي وشكرتني

طبعا اني بس سلمت عليها وخذت من خاطرها لان هي وحده من الي هجمن بيتي وشهدت كذب

شاهين يمامتي .

نعم .

ابويه . حسبيلي شكد عندج نسوان دنصب عشه

صار ..هسه .

صبو العشه والتهيت بلترتيب و تاكدت الكل ممحتاج شي جانت ختمه . والبيت متروس اقربائهم واحبابهم والمعارف

من خلصو والكل راح تقريبا البيت فرغ بس احنه وكرايبهم الاقرباء كلش النسابه .يعني والبقيه

فاتو شاهين والولد .

شاهين .وين الجهال لعد

بيتنه اخذتهم ام اسماعيل وراحت كالت اجيبهم واجي كتلها اني راح اجي

ها تردين ترحين

بكيفك .

فد شويه اوديج لعد خلي اشوف امي .
.راح للغرفه لحكته

جان فريد كاعد يم زينه وبنته
ومصطفى فات ويا طبت شاهين راح كعد بين امه ووفاء

شاهين تعاي كعدي يمي

جعفر وتقى ونهاد اجو .

ولمياء ومؤيد

حجو على الفاتحه وبجو خطيه من تذكرو قتيبه اكثر شي امي تكسر الكلب تنعى وتبجي كام شاهين حضنها وسكتها .

مصطفى ترحين يمه .

لا يوم ابقه يم خالتك

لمياء جيب وفاء وتعالو يمنه

ترحين يم اهلج
اي احسن منروح للبيت ونرجع باجر هم

تمام .. شوفيهم ترا ميت تعب راح انام على نفسي

ظلو يسولفون هو تمدد حط راسه بحضني

بيبي كالتله تعبت يمه مصطفى

همس اي يوم نعسان كلش

لعبت بشعره ادري بي يفقد على هاي الحركه باوعت على عمه زينه جانت تباوع لزوجها وتسولف وياى

ومصطفى خله راسه قريب من بطني وخشمه دفنه بيها ونام


شاهين يمه راح اوصل يمامه للجهال وارجع

ليش يمه ترحين ابقي هنا


يمه الصبح اجي مناك الجهال اغسللهم وارتب البيت واجيج

كيفج حبيبتي بس تعالي من وكت

ان شاء الله .

طلعنه .وبيت مؤيد هم وياهم وفاء ومصطفى منتهي من النعاس كوه يمشي

وصلت للبيت الجهال لكيت خاله مسبحتهم ومنومتهم

شاهين طب يمهم للغرفه مالتنه بوسهم شمهم وتمدد بصف ميار حضنها ..

اني عفته ورحت للحمام غسلت ومن طلعت لكيته غافي يمها غطيتهم طلعت يم خاله سولفنه شويه رحت نمت يم
محمد .

وفاء وصلنه ماما كالت فرشي الج ولرجلج بسرعه الولد تعبان

اي ماما . رحت جبت الفراش لاكاني اخذه مني .

شبيج انتي لاتشيلين شي .

مصطفى بس فراش خفيف ترا .

ميخالف جيبي هذا بعد عندج شي

اممم بعد الغطه اجيبه

دمشي مين تجيبين اني اجي وياج
صعدنه فوك .هاي صعدتي ونزلتي للفراش من الدرج والله متخافين انتي

سكتت نزلنه باقي الفراش

وتمددنا صار شكد منايمه يمه من سمعته واخر مره قبل لايروح للدوام اجه نام يمي وعفته

تقرب راد يحضني ابتعدت منه

مصطفى وفاء لاتصيرين فد مره عاد تعبان

نام وشسويلك التعبان ينام مو يحضن

اني ماارتاح اله هيج

ايباه من شوكت

من اول يوم غير انتي علمتنيني بلدوام مثل المضيع شي ومن زعلتي عرفت مااستغني عنج وهسه صار طفل يربطنه قوة علاقتنه

شفهم مم كلامك .رغبة الفراش راحت

تدرين كلش زين مجنت اقصد ولحيتي هواي ترا

وفاء باوعتله صفح
ودرت وجهي


غدير وسام ))***

درت وجهي منه هو هم دار ونام

الصبح كعدت مالكيته ماما كالت راح وكال نجيبج ويانه

امم . سوتلي ماما الريوك لعبت نفسي
ماريد حبابه ماما

شلون بيج وفاء تعبتيني حسدتج شنو ذاك اليوم داسولف لخالاتج اكلهن نسواتها حلوه

ماااا

دكومي تاخرنه هناك اخلي رجلج وبيبي يحاجوج

عفيه ماما والله مصطفى صاير مكروه ويلح عوفيني من اشتهي اكل

ديله ولج شكد تلغين

عفيه ماما اشتريلي ملابس سود من تطلعين ترا يس ذني عندي

اي ماما تدللين زوجتج وماخلصت منج .


ها ماما عيرتيني . لعد مياده محجيبيلها

ولج اجيبلج بس فضيني شعندي غيرج حبيبتي صايره حساسه وتتزعل الله يعين مصطفى عليج

بابا ..صاح ماخلصتو
ها باباتي وفاء شلونج اليوم

زينه حبيبي شوف ماما تصيح عليه

ليش لمياء

متقبل تتريك والبارحه نايمه بدون عشه هذا الطفل عليمن يعيش منين يتغذا

لا بنتي شلون يصير .. اكلي

اي بابا هناك اكل

طلعنه جانو عمو جعفر ومصطفى بره اكو ناس جايه

لعد شاهين وين

بعده ماجاي

فتت يم بيبي . وماما عادت الحجي

دكومي رجلج هم مماكل سوي ريوك وصيحي



سويتلنه ودزيت عليه ابن عمو جعفر صاحله اجه كالب وجهة شكو
تعال تريك بيبي تكول مماكل

اي وماشتهي
جاي يطلع لزمته ماما
تريك وراكم شغل يله ابني

ام سيف ماريد

تعال شنو انت ويا مرتك تتنسه شنو هي ماكلت وانت هم

اي كيفها . الياكل على ضرسه ينفع نفسه

طلع واني مستغربه هذا شبي

امي غمتني وطلعت

اني هم عفت الاكل ورحت ويه البنات اشتغل

يمامه .. كعدت متاخره من التعب ولكيت شاهين هم نايم والجهال ذابين نفسهم .
طلعت ام اسماعيل كاعده مسويه ريوك .

رحت بسكوت كعدت شاهين

شاهين ..شاهين

ها عيني كعدت

يله مو راح الوكت عليك

فتح عينه وكام باس ميوره . كلبت نفسها يمكن انزعجت حضرتها من شواربه

.ههه باع شلون كلبت علينه حفاظتها ههههه


طب للمطبخ خليتله ريوك .باوع ترحين وياي

اي شلون لعد

ديله بسرعه متريكه انتي

لا بعد .

دكعدي بابا تريكي حتى نطلع والجهال

مادري مكاعدين ومن اكعدهم يتنحسون تدري بيهم

لعد خليهم من يكعدون خابريني خاله اجي عليهم

ام اسماعيل كالت عوفوهم يمي شعليهم هناك تشتغلين تلتهين بيهم

بس اذا ضوجوج خابريني

اي ميخالف

كمت بسرعه غسلت وبدلت .ولكيت شاهين منتظرني

ابتسم من طلعنه

يمامه ترجعين هناك يم امي

تقصد على طول

ايي

لا
لخاطر امي

لا .اذا تريد هي تجي يمي هناك مارجع بعد

واذا كتلج هي تريدج يمها

والحيايه الي بيتك شنو موقعهن تتوقع راح يجوزن مني
للبارحه يسمعني حجي . ويتحارشن واني اسكت احترام لحزنكم

صدكيني مساكت واطلع حقج بس شغلة قتيبه الله يرحمة لهتني .

شاهين . بداخلي بديت اتاكد هي مالها دخل بشغلة زينه
وجنت ناويلهم نيه حتى زوجة قتيبه بس لمن سوه حادث وبعدها توفه كلهة اجت شي فوك شي

وصلنه لبيتنه رحت كبل على امي سلمت عليها تعذرت لان مارجعت كتلها ترا
حجيه مادريت بنفسي ردت اشوف الجهال واطلع محسيت اله الصبح يمامه تكعد بيه

نوم العوافي يابعد عمري تعبان سوده عليه يمه

اسم الله عليج حجيه يله اني بره

يمامه . ليوم السابع الناس منكطعت عنه تعبنه كلش جهالي بس بليل ومرات شاهين يروح يجيبهم
استبرق ورا السبعه راحت لاهلها

وتقى ونهاد نفس وضعهن بس عود مترهيات عليه ولازمات لزمه ميدرن ميهمني لا ن الله وياي واثقه مهمى طال ظلمهن هو يكشف الحق
وفعلا بعد فتره بدت البشاير تهل وفضحهن الي محاطات عليه ممكن يكشفهن

ويمكن حسب مكالتلي لمياء هاي حوبتج بدت تطلع بيهم واحد واحد

بعد . ماخفت الناس بلعزا رحت لبيتي وامي ظلت تعتب وتبجي بس اني ماكدر بعد مو مال اقدم تنازلات

وصدك بس تمرضت وشافت محد بحالها وشاهين قرب التحاقه اجت يمي وشلتها بعيوني والجهال يمها ارتاحت كلش

واني وجهالي كيفنه بيها

شاهين كبل لايروح تسوك وجاب علاجها وصاني عليهة وراح خطيه تعبان انقهرت عليه كلش اخو كسره


امي هم بس شويه نعوفها نلاكها تبجي وتنوح


بيتنه صار الكل يجمع بي مؤيد يجي هو عائلته ومصطفى يجيب خاله وفاء

بس جعفر يجي وحده .

وفاء .. بس خلص سابع عمو قتيبه الله يرحمه رجعت لبيت عيالي بس مصطفى كلش مو بحالي ولايحجي اله للضروره


راح لدوامه وهو زع


غدير وسام ))***

زعلان عليه ..

كعدت من الدوام . ومن الملل كمت اخترع شغل بلبيت رغم وضعي تعبان بس اضوج من اكعد وبيبي تصيح

عليه لان اشتغل ومره بيبي اتصل واشتكتله مني

كلت عادي ميهتم مثل كل مره
بس تفاجأة بتلفوني دك وهو متصل

كلبي نبض بسرعه وصخنت
جاوبته

نعم .

شلونج

الحمد لله

ليش امي تشتكي منج وفاء انتي مو طفله انتبهي على نفسج

صار .

يله ماريد اسمع شي عليج بعد

ان شاء الله

محتاجين شي

لا

اسلوبه جاف وياي كلش .. واني هم ضجت عبالك يحاسب بطفله عمرها ٦ سنوات .


بس ثاني يوم عرفت حقهم يخافون لان كعدت الصبح لكيت قطرات دم نازله

خفت احجي وخفت اسكت . انتظرت بس كلساع افوت للحمام للعصر وهم لكيت .

خابرت ماما .
هلو ماما

هلو وفاء شلونج حبيبتي

موزينه دينزل عليه دم

شوكت

من الصبح

وليش ساكته

خفت ماما مو اشتغلت هواي وبيبي كلت لمصطفى عليه وهو خابرني كام يحجي

غير خايف عليج وعلى الطفل وانتي شلون تشتغلين هيج

بعد ماخلصت ماما رزاله اجت بيبي الي كوه اقتنعت متكل لمصطفى وحجتي جانت لايظل باله خطيه واني خايفه منه
ورا يومين نمت بيهن على ضهري مانزل عليه شي .
جنت متمدده بلهول نتفرج تلفزيون اني وبيبي فات مصطفى سلم وعيونه عليه .

سلامات

باوعتلها بتوسل حتى متكله

الله يسلمك . ماكو شي لاتخاف ابنك يدلل علينه

ضحك .. ماكو شي يعني

ان شاء الله ماكو

فات غسل وبيبي سئلته تاكل

لا يوم . شبعان اكلت بلطريق .

تقرب كعد يم رجليه فركهن شبيج

ماكو شي . بس تعبت وتمددت سويه

احنه شتفقنه وفاء .

والله من خابرتني ابد مسويت شي ثكيل الشغل العادي يعني قابل اخلي بيبي تنظف

اكيد ..

اسئلها .لبيبي

مااسئلها . ميحتاج .. اي شلونكم منو اجه

.محد جانه حتى البنات صار فتره ماكو

ها شعجب

مادري

باوعلي وأبتسم صايره حلوة لايكلج الحمل

دنكت بخجل . عيونك حلوة وتشوفني هيج

لو تشوفين بعيوني جان عرفتي شكد احبج
لزم ايدي وفاء تعبت محتاجج يمي مو كافي زعل وبعد

اخاف

من شنو ياعيني . شوفي هذا الكلب يدك بس الج صدكي

جرني لحضنه سمعت دكات كلبه السريعه واضطراب انفاسه من قربني اله


امتدت ايديه بدون احساس خلف ضهره حتى اقترب منه اكثر جانت هاي اشاره اله يزيد من حضنه اليه . القفنه جانت عريضه كال ادني انام يمج .سويتله مجال خله ايده جوايه وحضني صار نص جسمي فوكه .

طلعت بيبي ضحكت علينه وراحت لغرفتها

وفاء .. مصطفى

اممم ..
اخاف متضايق

انتي متضايقه

لا
لعد تعاي بحضني

يمامه .. من شاهين داوم وصحة امي بالنازل كلش . ضغطها دوم مرتفع وبس تبجي

على قتيبه .

من نزل اجازته اخذها دكتور ورجع متضايق وتعبان . من سئلته كال ماكو شي

ورا يومين . اتصلو اهل استبرق عدها ولاده راحو شاهين ومؤيد وبليل رجع كال جابت ولد . بيومها عبالك قتيبه اليوم ميت الكل بجو وتذكرو الولد سمو سنان


شاهين بيومها حسيته شايل هم الدنيا على ضهره
رغم علاقتنا متحسنت وبس الرسميات بينه بس حسيته محتاج اكون يمه
لحكته للهول
بيك شي

باوعلي .

لاتشغلين نفسج . ماكو شي جديد

حاسه بيك شي

لا يمامه ..
نعم

البنات يجتمعون يرحون لمرت المرحوم ترحين وياهم

وامي

اي تروح .

دنكت .

ها عيني ترحين .

كيفك شاهين

بكيفج انتي ..

رغم مجنت اريد اروح بس خلص مدام امي تروح اروح

وياها

عندج فلوس لو انطيج .

عندي .
جاي اطلع جر ايدي .. ...يمامه محتاجج .

واني يمك . سئلتك اكثر من مره شبيك انت محجيت

باوعلي بس محتاج وجودج يمي

اريد انام بحضنج

كعدت بلكاع خله راسه على رجلي .. شويه باوع بوجهي

اني شسويت زين بحياتي والله رزقني بيج


ابتسمتله .. متاكد مرات احسك تناقض نفسك .

ترا اني نفسي الي سجلت لاختك فديو ورسلته لزوجها .

شي بداخلي يكلي مو انتي . صح بلبدايه عصبت بس لاحضي سيطرت على نفسي يمامه اني مجنت هيج . الي صار غيرني وحبي الج كاعد يرجعني شويه شويه لطبيعتي بس احتاج وقت يمكن اذيتج ويمكن راح ااذيج اكثر بس اريدج تتحمليني وتساعديني

سكتت كمل . ..يمامه ادري الي اطلبه فوك طاقتج بس ساعديني حملي ثكل يمامه وانتي راحتي .

حتى امي وضعها تعبان ماكدر اشتكيلها مثل قبل

باوعتله مشفته شاهين ذاك الجبل الي ميهتز لاشفته طفل محتار وتعبان
كوم نام بغرفتنه

لا اريد اطلع خليني شويه هنا مرتاح

اجت ميار حضنها نامت بحضنه وتلغي ضحكت

كتله استلم عود تريد ترتاح

هاي راحتي اويلي شلون ريحه طيبه

محد لحكها . ونام يمه .

اليوم ميردونج

مو يشتاقولك من تروح .

من رحنه حتى نشوف استبرق . جانت متحسنه وشاده حيلها بدليل راسا سئلت على البيت منباع تريد فلوسه

امي فتحت عينها يتبع ....

[فيتامين سي]

#يمامه_خلف_القضبان

#البارت_الثامن_والثلاثين

ماقبل الأخيرررر

#غدير_وسام ..

كتله من رحنه حتى نشوف استبرق . جانت متحسنه وشاده حيلها بدليل راسا سئلت على البيت منباع تريد فلوسه

امي فتحت عينها
والصراحه كلنه تفاجئنه بحجيها .


شنو البيت ليش ينباع


مو اريد اشتري هنا يم اهلي وااجره


الله كريم اشوف شاهين

البيت جانت امي تطلب شاهين فلوس رجعهن الها واطتهن لقتيبه وهو سواله سلفه وياجماعته بس كام ميدفع شاهين كملهن

من رجعنه امي كلت لشاهين ضاج بس كال حقها

وراها امي كلش وكعت وشاهين التهة بيها
بيوم جانت كلش تعبانه ومن الفجر للعصر بلمستشفى

ومن طلعها وداها لبيته وبناتها كلهن اجن يمها

خابرتني لمياء .كالت ولج اجت استبرق هاده رايده تبيع البيت وطالع باسم شاهين مخلي قتيبه مو باسمه واسمها

صدك ليش شعجب خلاه باسم شاهين
مادري

ايي
كامت تصيح وتاخذون مال اليتيم كوه سكتها شاهين خاف على عمتي

يبوو مو كتله جيبها هنا

زينه سحلتها بره . لج شكد صلفه ومتستحي . عيرت زينه بمصطفى وفاء واكفه عود تحاجز بينهن دفعتها وكعتها

خوما تاذت

تدرين بوفاء عوبه من كلشي تبجي وتتاذه خبصتنه بلبجي لحد ماجه مصطفى سكتت متريده يحس



شاهين .. معرفت ليش قتيبه مسجل بيته باسمي هو محامي ويعرف شغله بس ليش هيج تصرف لازم اكو شي

اعتبرتها بمثابة وصيه بس مفهمت شجان يريد يوصلي

بيوم كاعد .. تعبان والتفكير تعبني

يمامه . شراح تسوي

مادري .هذا حق يتيم يمامه ماكدر اخذه .والبيت بي هم فلوس امي بله الدفعتهن اني محلله عليهن . بس شراد من خلا باسمي وماكلي

احسب شكد دفع بلبيت هو وشوفله فد بيت مشروع وخلي يعيشون منه .. اذا تريد تبيعه واذا لا فاجره وانطيها الاجار كل شهر مو احسن

باوعت هم صح خوش فكره

ايي احسن ليش ابيعه خلي ومن يكبر سنان هو اله

وفعلا دزلها خبر تريد اثاثها لو يبيعه والفلوس تفيدها

جاوبت تريد تبيع البيت هو والاثاث وتريد فلوسهن



شاهين . شتكولين يمه شاسوي تعبت ماريد احط حق يتيم بركبتي وبنفس الوكت حاس اكو شي قتيبه يريد يوصله اليه من سجل البيت باسمي بدون ميكلي واني ويا جنت كل الوكت

يمه يدري بمرته متلزم ايدها معليك بيها خلي وسوي مثل ماجنت ناوي اجره ودز اجاره الهم

بس هي واهله مااقتنعو . ودزو عمامها وناس على شاهين
الي كامو يحجون عن الي ياكل مال اليتيم ويظلمه .

من راحو شاهين كال اني شلي بهاي الدوخه ابيعه واطيها حصتها شلي بلقضيه جمل ناقه


وفعلا عرض البيت للبيع لان الناس كامت تحجي عليه وتاخذ غيبته واشكال كلام يوصلنه من القريب كبل الغريب


والكل طمع جعفرمن الناس اجه راده اقساط
لو يكعد بي وعود ينطي اجار

شاهين كال جعفر اعرفه اذا اطه شهر شهرين الثالث نهاد متخلي يدفع


شاهين بلدوام راسي صار شكبره من ورا المشاكل
مرت قتيبه قررت ماعوفها ومن يوم المات مصرفها هي وابنها مااشي كل احتياجاته اني اشتريهن ومن اريد ادوام ادزلها مصرف يكفيها وزايد حتى شغلة راتبه من نقابة المحامين سرعة بي

كاعدين اني وفريد . نسولف دك تلفون .رقم

جاوبت
شلونك ابو صكر

اهلا وسهلا منو وياي


اني نبيل صديق قتيبه الله يرحمه

اهااا.شلونك حضرة المحامي
الحمد لله .شلونك انت اني جيت بلعزا بس وراها انشغلت اريد اشوفك اذا امكن

اني حاليا بلدوام من انزل مجاز

ماعرف اذا اكدر انتظرك او الموضوع ينتظر

خوفتني نبيل شصاير

والله . قتيبه قبل فتره اجاني ورتبنه عقد البيت مالته الي سجله باسمك

ايي

ايي وراها حجينه وسئلته ليش هيج سوه ليش مو باسم زوجته او الوالده

نعم

كال .اريد اضمن حق ابني واريد اخليله وطن عبالك جان حلس ايامه معدوده

رجعت سئلته ليش

كال شاهين رباني ومتاكد راح يربي ابني اذا صارلي شي

اذاكتبته باسم امي اخوتي راح يطالبون بحقهم واذا باسم زوجتي ... فزوجتي جربتها وشفتها مو انسانه مدبره ولا تعرف تتصرف . بفتره قصيره صرفت نص فلوسي الضامهم على شغلات متسوه بالحالتين ابني يضيع حقه

شاهين . كمل
هذا الصار . وحبيت ابلغك لان سمعت عارض للبيع وناوي تنطي فلوسه لزوجة قتيبه

شاهين افهم من كلامك هو ماريد البيت ينباع

لا كل السوا حتى مينباع وكال اصلا نص الفلوس من امي وشاهين

صح

بكيفكم بعد اني اعتبرتها وصيه لان شفته بلحلم البارحه يدك باب بيتي ويلهث عبالك جان يركض من فتحت الباب شفتك انت الي بلباب مو هو

الف رحمه على والديك

والديك ابو صكر هاي وصية اخويه وصاحبي جان لازم اوصلها ولو هو مكان معينها كوصية ميت بس حجالي قبل وفاته بفتره انو هو كلبه مقبوض ومختنك

سدديته ولزمتني العبره بجيت كدام فريد ومحمد الي اعتبرهم نفسي ماخجل ابين ضعفي كدامهم

فريد ابو صكر كول يالله وترحمله

شاهين الله يرحمه بس حملني حمل ثكيل والناس الها الظاهر متصورين اني طمعان بلبيت ميدرون نص فلوسه مني واني متنازل عنهن

معليك بلناس مراح يرضون على احد انت نفذ رغبة اخوك والبيت لاتبيعه


مثل ما كلت مابيعه واذا الله اطاني عمر وكبر سنان البيت اله واذا متت اكتب ورقه واصدقها وانتم شهود


زينه ..انتظار الليل كله كاعده وبلنهار البيت والشغل عليه ومنا حزني على قتيبه كبرني عمرين

خالتي كلما تشوفني ابجي تكول موزين على البنيه

فريد . وياي ابد ماتركني بس من يروح اتيه بدونه

اسماء يم اهلها ابد ماجت لان حملها مهدد بلاسقاط راحتلها خاله مرتين تكول نايمه

بيوم رجع فريد .واخذ مني انتظار كال ارتاحي
فتت غسلت . انتبهت لنفسي كلش هاملتها منا الولاده وتعبها وحزني كفشتي وثوبي مجرور كن يم جتفي وحواجبي صايرات ثخان

محفيت بس رتبتهن بايدي وحفيت شواربي الي ينحلف بيهن صاير . طلعتلي ثوب اسود مرتب . وتعطرت ورحت لكيت خاله منومه البنيه . وفريد طالع
تاخر اتصلت
الوووو

وينك

جاي عيني مريت على اسماء

ها .شلونها

الحمد لله . تردين شي

اممم جيب وياك شغلات لزوم السهره

ها..اااا اليوم بيها سهره تحمست

لاتتاخر ترا اغير رائي وانام

لا على بختج ام انتظار جايج طلقه .

سديته واني اضحك . عليه خطيه راح ينجلط عده اثنين نسوان وكلشي ممحصل . ذيج حامل واني هم هاملته .

طب .يغمز . من شافني صوفر اووووف من لبس السواد سبي العباد .

شعبالك . ..
تقربت منه حضنته وبوست خدوده .

وهو يضحك

زينه شكو تضحك . غير تعبر عن اشتياقك

لج اذا عبرت عن اشتياقي اموتج .اطلع بيج الفرق كله .

وراسا تحبلين بتوم .

ايباااه . على كيفك . عيني

متصدكين مو واذا ثبتتلج واقل الشهر تطلعين حامل

لا حباب اجذب عليك فد سنه سنتين يله

امشي لج شنو سنه سنتين

ماكدر فريد خلي اجر نفس ارتاح شفتهمت من زواجي اني

الله كريم حبيبي هسه تعالي نسولف شويه تعاي


وفاء ... مصطفى صار انسان ثاني ميخليني اتحرك . الاكل اذا بيبي مكدرت تطبخ يجيبه من بره . والشغل كامت تجي ماما الصبح ترتب البيت وتروح والوجبات هو يغسلهن . لان مأرب كلش تنحسنت من درت بيه حامل ماما تكول لان ليهسه ماعدها اطفال مو بيدها تضوج

مصطفى مره راد يطلع وخابرها تجي يمنه مقبلت

وقللت جياتها يمنه خواته الباقيات عدهن اطفال وعيال يجن قليل وكامن من يجن خطيه ميخلن شي ميسونه كبب وبيتزا وصاج ويجمدن حتى بس نحمي وناكل . لان الدكتوره باخير مراجعه منعتني من الحركه نهائي

مصطفى يروح ويجي من الدوام يوصي بيه ماتحرك .

مره اجه كال راح انام ساعه وكعديني

جنت متمدده بلصاله اتفرج مسلسل مردت ازعجه بلغرفه

طبت مأرب سلمت وكعدت يم بيبي .. شويه واندارت

هاي انتي النهار كله مجطوله والمريه الجبيره تخدم بيج
.
باع.... وجهة من الاكل والنوم صاير بي طشت لحم

بيبي عاطت بيها وماسكتتلها

شبيج يمه . شدعواكم بس هي حامل خلي تكوم تشوف بيتها الى متى اني والبنات نجي نخدم بيها

يمته خادمتني انتي اني ماما دتجي تخدمني وزوجي من ينزل ممحتاجه لاحد

طلع مصطفى .. عاط مأااااارب شنو هاي اللغوه

ظبت تمتمت متدري شتحجي
صار ساعه واكف اسمع حجيج

اي مكلت شي مو عيب عليك مخلي امك تخدم مرتك

معليج انتي لاتدخلين . زين امي وجنتها متفاهمات من ندز عليج تخدمينه عود كولي

نكتت نفسها وطلعت .بس مامرتلي على خير بيومها بليل االطفل وكع من القهر

كعدت على وجع . قوي ومصطفى اخذني لاقرب مستشفى وهناك . عرفنه ماكو امل اجهضته بعد ماشفت الموت بعيني
مصطفى من طلعت حضني و ظل يبوس بيه من شافني ابجي .
فدوه الج حبيبتي لو صاير بيج شي انتي شسوي بي اني

رجعت لبيت اهلي ماما تداريني والدكتوره منعتني من الحمل لمده سنه واطتني مانع لان كالت مو زين الحمل عليه هسه
حمواتي كلهن اجن عليه وياهن مأرب الي ماجنها حجت ولاسوت شي اني هم تجاهلتها رغم جنت اكثر وحده بيهن احبها

شاهين .. مبعت البيت . عفته وتاجر والاجار ويا مصرف كل شهر ادزه لاستبرق وسنان . ومرات اروح اشوفه


غدير وسام ))***

مرات تطلعلي هي شايلته تكعد تسولف عليه شلون يلجي من اروح واله تطلعله صورتي بلموبايل يله يسكت

الطفل كلش تعلقت بي وهو تعلق بيه

يومين ابوها اتصل كال رايدك ضروري

شاهين سنان بي شي

تعال ونتفاهم
رحت الهم ..السلام عليكم
بعد السلام ..كال
تعرف بنتي صغيره وترملت
.شاهين نعم

والله مااعرف شاكلك هو المفروض منحجي هسه بلموضوع بس استبرق اكو ناس متقدميلها رادو بس كلمه بعد السنه يتقدمون رسمي واني رفضت بس الى متى

شاهين اذا رفضتهم شنو المطلوب مني

يعني كلت ليشش ابنكم يتربه عند الغريب

شاهين ابن اخويه ميربي غريب تريد تتزوج تنطينيا وتروح تشوف حياتها

كال .زين ليش منشوف حل يرضي الجميع ابنكم يتربه عدكم وهم بنتي تتخلص من الي يتقدمولها كل يوم
تاخذها انت

شاهين ازوج مرت اخويه الي سنته بعدها مادايره

مو هيج تقصد

ها يابه مو هسه بس المهم حتى الي يتقدم نسكته هو والناس

عمي احجي غيرها نسوان تكعد عمر على جهالها وبنتك بعدها حتى سنة ممكمله عموما اني عن نفسي مستحيل بس اشوف مؤيد لو جعفر
.شفتها نطت شنو لا لا .لا

عرفت قصدها وفهمت نيتها ولعبت نفسي .طلعت وذبيت الكره بملعبهم لو مؤيد لو جعفر وادري مراح توافق ولاهمة لو تنطيني الولد

وضعي ويا يمامه . متحسن واني تاركها بكيفها رغم كلش اشتاقيتلها . الاستقرار ضيعته من يوم الي صار الي صار
لاني عايش يمها ولابيتي

اكلي شربي وملابسي غسلهن ترتيبهن يمها مرات ابات يمها ومرات يم امي الي متقبل تجي هنا حتى اطمن عليها ولايمامه اكدر اضغط عليها حتى ترجع هناك وحقها

اذيتها هواي يمامه اجت بفتره جنت مجروح واعافرر
واذيتها

بيوم قررت استخدم وياها الحيله

كعدت يمها وسويت نفسي احجي ويا ابو استبرق بلتلفون

رايدني بموضوع .

ها

زين كلي شرايد حتى افهم

ها .شغلة تخص استبرق

اي ..اي

ها تمام

لا ..لا توافق اجي ونتفاهم طبعا مااقبل ابن اخويه يتربه عند الغربه

سديته شفتها تفتر مثل البزونه المحترك ذيلها .اوف يمامه بعدج تغارين على شاهينج

ما تحملت اجت شكو شصاير

شنو شبيج

شراد منك ابو استبرق

ها ..متقدملها واحد
لطمت يمه عزه بعينها . ولج تراب قتيبه بعد اخضر تفكر تتزوج

اي يكول . تعال نتفاهم تاخذوها لواحد منكم

شنوووووووو

شبيج

شنو شبيه المن يريد يلزكها الك مو انت مسويها كبل عادي

اي هيج حسيته يقصد

شاهين اذا وافقت والله مابقه عندك اذا كبل مسويتها هسه اسويها


اي . شكو بيها مو احسن ماظال مهجر لا الج ولالغيرج انتي مترديني خلي ازوج غيرج

صدك تحجي شاهين نفسك تقبل تاخذ مرت اخوك

شكو بيها

شلون يعني

يعني الرجال اقترح اقتراح

اموتك واموتها والله

مو مترديني وتردين تتطلكين

ها وانت كيفت

هسه غير افتهم شتريد

ماريد شي روح تزوج استبرق . هي مثلك مفلفله تلوكلك

ههههه هيج .اروح يعني . بكيفج

زين مافكرت بامك . شراح تكلها
.اكلها ابن اخويه واريد اربي احسن مايتربه عند الغريب

يعني انت محضر حتى جوابك . يعني مقتنع

يعني مو كلش اذا رجعتيلي الغي الفكره

شلون يريد يخبلني



تقربت عليها حضنتها كافي يمامه

شنو كافي
.كافي بعد ارجعيلي عرفت اني اذيتج واحلف برب العالمين وبحياة جهالي ايدي مامدها عليج بعد وشتردين حاضر بس ارجعيلي

واستبرق

يانعل هاي . ولج كل النسوان تروحلج فدوه . من ذاك اليوم حاجاني وكتله لا . واذا تريد تتزوج خليها بس اخذ سنان منها

وهي جانت موافقه على حجي اهلها

اي مواقه وكعدت سمعت كلشي

هسه عوفيها احنه شلون

بشرط

شنو

ذاك البيت مارجعله ابقه هنا

اطلع بكيفي وتلفون حديث بي كل البرامج بايدي لان اني يمامه موتقى ميز وفرق واريد تطلع حقي منهن

من عيونهن وعيونج انتي

بعد ايد ك لاترفهعا عليه صدك شاهين بيوم الي تضربني لو تتهمني بدون متسمعني راح يكون اخر يوم بينه

لو اهرف اكدي بلشوارع ولاهاي الذله
كتلج حلفت

جهالي لاتستخدمهم ورقة ضغط عليه بكل مشكله .

تم اي شي يصير يبقون بحضنج واني اطلع

اممم خلص ماكو شي
.
من ليلتها رجعت لشاهين يمامته الي لكه راحته يمها وبحضنها

خالتي من سمعت بحجي استبرق واهلها انتكست كلش وتعرضت لجلطه .. فقدت النطق بيها والحركه . وجابها شاهين يمي من ينزل يلتزمها هو تنضيف واكل وترتيب اني اداريها . من يلتحق اغسللها واوكلها علاجها

غدير وسام .))***

وبسنوية قتيبه توفت

خسرة ام احتوتني وفضلتني على بناتها ولدها
شاهين بعدها تدمر وجان مثل الطفل

يبجي ليل ونهار ملابسها مقبل ينطيهن ولااي شي يخصها غرفتها واثاثها

اصعب فتره مرت عليه حتى ميار ومحمد ماكدرو يطلعو من حزنه
بناته كامن يجن يمي يشوفنه ويرحن لان هو ميطلع ابد فريد ومحمد اخذوله اجازه ومن خلصت سدو مكانه

ااسمعه ينحب بليل مثل الطفل

اخوانه محد تاثر مثله . فتره ورجعو طبيعين بس هو
وحقه علاقتهم جانت مختلفه بكلشي

رغم هي كطعت الي جانت تسوي من يرجع من زمان بس بقه يحن الها بكل اجازه واني حاولت ماغير عليه شي



زينه . بعد ما اقلمت نفسي ويا وضعي الجديد

تفاجئنه باسقاط اسماء .انقهرت عليها هي وفريد الي كلش تاثر وضاج وايام يروح ويرجع عليها

ورا ماتحسنت رجعت لبيتها الي رحت نظفته ورتبته الها وطول فتره مرضها اني خدمتها

حياتي استقرت اسماء تقبلتني وتقبلتها الى ان يوم مر عليه دمرني وغير حياتي هي خسارتي لامي
جانت مريضه ورحت شفتها . وبيومها توفت فريد وخالني واسماء بقو وياي .طول فتره العزا بس فريد جان مقهور على شاهين الي تاثر كلش وتعب

شكد حاولنه ويا ابد شاهين علاقته بامي تختلف جان صديقها سره عدها وسرها عده خفت عليه لايموت وراها

وكمت كل فتره اروح وارجع عليه علاقتي بيمامه رجعت مثل قبل . وكمت اروح كبل لبيتها من اجي من عيالي

شلون صار

يمامه مثل ماهو من يرجع يفوت لغرفتها يفرش فراشها وينام بي


اوف وينك فريد على بختك

شبيدي عليه . فريد ومحد كامو يجون يطلعو ويحجون ويا تقريبا رجع كعد ويانه يسولف يلعب الجهال

وكام يبات يمي بلبيت مرات ادز على بناته بلكي . وئام بسوالفها تطلعه من حالته

وايام رجع زين وراح لدوامه

من يرجع يمر لبيته يشوف البنات ويرجع

اني بهاي الفتره اكتشفت نفسي حامل تذكرت امي شلون كل حمل داريني وتهتم بيه وتفرح عبالك اول طفل

جانت تكلي جهال شاهين غير يختلفون احسهم معجونين بدمي

ومن خلال حملي فكرت اطلعه من عزلته الي بيها

استقبلته من رجع وبلغته بحملي لاول مره من ضهور شفت طيف ابتسامه على شفته

ومثل كلمره كلي ديري بالج على نفسج بابا

من شفته رجع للغرفه طمن عليه وراد يروح لغرفة امي . مثلت بليل اني موجوعه ومتخربطه .من يومها طلع وظل وياي يداريني

شاهين . يمكن اصعب شي بلدنيا خسارة الام

ومو اي ام . لا صديقه ومرشده بكل شده جانت حاضره وبكل مشكله الكاها حل .وبكل . ضعف قوه . تسندني وتلمني تقوويني وتنصحني ترشدني

بيوم الي خسرتها خسرة كل معنى للحياة وين الكه بعد وجه مثل ااكمر يتلكاني بابتسامه . كلمة يابيتي منمن اسمعها
فقدت كلشي بخسارتها الي رجعني واجبات لازم اكملها وحقوق عليه

بناتي . ويمامه وسنان .الي لاخر نفس جانت توصي بي

يمامه جانت هي الشي الوحيد الي كدر ينتشلني من حزني . بخبر حملها . وجودها يمي طول الوكت والله راد يبين برائتها بهاي الفتره بيوم رحت لبيتي اطمن عليهن صار فتره اشوف سهام مو على بعضها

اشوفها توكف تباوع عليه وتروح

صحتها تعاي بابا شبيج


سهام . بابا اريد اكلك شي

كولي بابا

صدك الي يجذب يروح للنار من يموت

ايي بابا

زين اذا حجيت الصدك واعتذرت من الي اذيته رب العالمين يسامحني
يتبع ....
(( لم يبقى الكثير ونودع ابطال قصتنا))

[فيتامين سي]

#يمامه_خلف_القضبان#البارت التاسع والثلاثين والاخيرر

غدير وسام ..

نرحل ولكن تبقى ذكرانا كعطر الورد . تنتشر بين ثنايا الذكريات

ونحن نسير بين اروقه ايامنا الماضيه المحمله بكل افراحنا واحزاننا ...
💐🌸💮🏵
سهام . بابا اريد اكلك شي

كولي بابا

صدك الي يجذب يروح للنار من يموت

ايي بابا

زين اذا حجيت الصدك واعتذرت من الي اذيته رب العالمين يسامحني
معلمة الاسلاميه هيج كلتلنه

شاهين . ايي بابا صح طبعا اني قبل فتره شفتها متاثره بمعلمتها وعرفت الصدك يم بنتي بس اني تخاف مني ويمامه مستحيل تحجيلها زينه بعيده وملتهيه رحت لمدرستها وحاجيت المدرسه هيج تبدي تحجيلها عن مواضيع ومن سئلت موضحتلها كتلها شايفه شغلة وتخاف تحجي وعدتني هي بطريقتها راح تخليها تشهد بلحق ..

شاهين ..انتي عليمن مجذبه واذيتيمن

اذا كتلك متضربني والله اني معليه

ماضربج احجي

والله

احجي لج بنت الكلب مو كتلج ماضربج

خاله يمامه ماكلتلي اصور واني ممصوره عمه زينه وهي يحجنن ولاشايفتهن بس ماما وعمه استبرق ونهاد كللي هيج اكلك حتى ترجع تحب ماما وهي تطلع من بيتنه


اي كملي

والتلفون هنة خلنه وكللي اكلك شفتها تضمه بكنتورها

وكالن اذا كلج احلفي ..احلفي مو حرام
بس معلمتنه كالت حرام واني اخاف اموت مثل بيبي وعمو والله يحركني بلنار لان جذبت وحلفت والله بابا مادري حرام .. اني يوميه استغفر . واتوسل الله ميعاقبني ويسامحني بس كالتلي اله اخجي الصدك واطلب من ابشخص الاذيته يسامحني يله


صحت على تقى ونهاد وجعفر كتلها احجي ....بابا شمعلماتج

حجت كدامهم كلشي .. اول مره امد ايدي على نهاد ضربتها راشدي وكعت للكاع ورجعت لتقى ملختها

يمكن جان ماتت بايدي جرني جعفر عطت بي

جعفر اعتقد لهنا وبعد ماعليه عتب واطيتك انت وزوجتك اكثر من فرصه واجيت على هاي اليتيمه
بس والله لااطلع حقها من عيونكم

جعفر لو نهاد لو ظلتك بلبيت


وانتي . طلعي ورقتج توصلج لان خلص رصيدج عندي

شاهين مو اني استبرق ونهاد

اشششش طلعي بره يله يله

نهاد اني شعليه انتي واستبرق علمتن البنيه حتى تحجي على يمامه وانتي خليتيني اشتريلج تلفون . وكمتي تصورين بيهن

تقى ...ومنو كلي على زينه ومصطفى موانتي سامعتهن وكلتي فريها عليهن وخلي نخلص منهن اثنينهن صايرات كلب على كلب .
عطت كافي ..كحا... باوعت على جعفر كتله تخسه شواربك اذا ماطلكتها .. لاانت اخوي ولااعرفك .. طلعت

رحت لبيت اهل استبرق الي حيل جنت ضايج منهم ومحمل عليهم
واجهتها نكرت وادعت عليهن وببجت عفتها وطلعت لان مالي اي حق عليها بس كلت لو الحوبه طالعه بيها ولابقتيبه ..

رحت لبيتي وكلت ليمامه الي نهارت بلبجي خفت عليها لان هي حامل

يمامه . .. الحمد لله ربي ظهرت حقيقة الصار شفت شاهين . دومك وياي متسرع وتظلمني .

شاهين .ادري وحقج . كل مره اظلمج واجي عليج .وربج اخذ حقج مني ومنه كلنه حوبتج خسرتني امي واخويه

والباقي كلهم طلعت بيهم .

هسه شاهين حط عينك بعيني واحجي . استاهل الصار بيه من يوم فتت لبيتك .

صنتها امانة ابو غايب . حافظت عليها .احجي


ماكو كلام ينكال .بس اكلج اكبر عقاب اليه ادري كلش زين ابوج زعلان وماراضي عليه .ومن اول مره ضربتج بيها



خلص عيش ويا هذا الذنب تستاهله

شاهين يمامه اني رجعت وياج طبيعي قبل لاتثبت برائتج هذا ميعنيلج شي

المفروض اكون ممتنه الك هسه وابوس ايدك

لا بس احنه رجعت علاقتنه مثل قبل والصار لايقدم ولاياخر

الك .ميقدم ولاياخر .. احب اكلك معلومه ترا رجعتلك شفقه .عليك مو حب .

شنوو

اي شفقه . انقهرت عليك . وحبيت ارد جزء من دينك الي بر كبتنه اني وابويه الله يرحمه . يعني وكفت وياك كواجب

وعلاقتنه .. والطفل

هاي واجبات .اي زوجه تمارسها .بس اذا تقارن بين يمامه قبل وهسه اكيد راح تلكه فرق بين الحب والواجب الحب و الشفقه ...

شاهين . خلص وصلت فكرتج من اليوم معفيه من واجباتج وشفقتج ... ماريد تمثلين مجبوره تصرفي على طبيعتج وشماتسوين عاذرج لان اني الاذيت .واستحق على كولتج اعيش ويه هذا الذنب

طلع خابرت زينه .


غدير وسام ))***

طلع خابرت زينه

شفتي زينه كتلج مواني

حتى لو انتي اني سامحتج يمامه وهسه تاكدت موانتي تطلبيني اعتذار اجيج واعتذر منج

زينه صدكتي .

اي ولج والعباس صدكت


لج شكد انقهرت من شاهين بس جنت متعوده عليه يظلمني بس انتي زينه .تصدكين بيهن

زينه .. يمامه لاتلوميني مادري بذيج الفتره شبيه عليه ضغوطات وتعب الحمل وخوفني من فريد لايطلكني كلها خلتني مااوزن تصرفاتي وانتي تدرين بيه على حجي امي الله يرحمها رعنه واتسرع على شاهينووو طالعه جينات وراثيه

اي خبلاتكم طلعت براسي

هسه شلون نصالحج

لاتصالحوني بس اهم شي الله ضهر برائتي وخلص بغير
الله وجهالي مراح اامن ولاانطي ثقه ولا اسوي علاقات ويا اي شخص .. مع السلامه زينه .

قررت ابتعد عن الكل صح مكطعت علاقتي لكن كانت رسميه كلش ويا الكل

من بعد امي محد يستاهل اقدره بس لمياء الوحيده الي ماخذلتني ولا اطت بيه .

جعفر طرد نهاد وذب جهاله يمها .

اني خذت موقف من شاهين . وهو عايفني براحتي

اصالات استبرق كثرة اتصلاات سنان مريض سنان رايدك . سنان يبجي .

عرفت قصدها وهو هم فاهم ت بس مغلس

جعفر ..كام يجي يمنه يتغده لو يغسل ويروح وكثرة روحاته ويا شاهين لاهل استبرق وراها كام يروح لوحده

بس الاهتمام والاناقه وياخذ ملابس من شاهين ويطلع
حسيت اكو شي مو طبيعي حجيت لمياء ضحكت

صدك عود تخبل شبي

ههه ولج مادري بس هيج احس اكو شي

لمياء اكلج ليش مترجعين للبيت الجبير المن عايفته كاعده بهذا شكدوته

لا لمياء احتصر هنا مرتاحه

ولج مو خاف هم يسوله لعبه ويرجعن ورجلج يحب اهليته وكلبه طيب بس يتوسطوله جماعه يرجع جعفر وتقى

لا مو كيفه هلمره القاضيه ويا

درجعي وسكتي لعد

الله كريم شخبار وفاء

زينه الحمد لله .هذا حتى ميخليها تجي يمنه . لا بدوامه ولااجازته . حتى من يجيبها يكعد يمها ومن تكوم يزعل

ههه فدوه الله يسعدهم

اللهم امين .

راحت لمياء . واني التهيت بيتي وجهالي

شاهين كل اجازه يفتح سالفة البيت . وكال خلص طردتهن ليش مترجعين

شنو الي يرضيج .

كعدي هلمره صدك طلعي الي بكلبج كله . واني اسمعج والتردي يصير حتى اذا تردين اطلع منا واروح لذا البيت

يمامه . الي بكلبي هواي . وانت بلليوم بس اسوي واسوي
شنو السويته طردتهن جم مره اطردت اني

ضربتهن مو اكثر مني

خذت جهالهن . مثلي


اي خلي يضوكن ويعيشن العشتي

وهنه ذني عدهن احساس جهالن بحضنهن ممهتمات عود من يبتعدون ماحس احذتلي حقي

زين يمامه الي بايدي تقى اطلكها . بس غير هيج مااسوي شي وبناتي يمي تتحملينهن وتربينهن لخاطري

اي اتحملهن . واشيلهن على راسي . بس طلكها

خلص . الج التردي بس وراها ترجعين مثل كبل

ان شاء الله

بدت بشايرر انتقام الله لليتيم تبين . وشفت بشايرها مثل حبات السبحه من تتفرط . ومتلحك عليها

الله . جان لكل بشر يظلم يتيم . بلمرصاد .وقذف

المحصنات . من الكبائر هنه كل الطرق استخدمنها وياي العداله الالهيه اجت متاخره لكن اجت وتاكدت من قول الله ان الله يمهل ولايهمل

جعفر تزوج . استبرق بعد فتره ونهاد قفلت على الطلاك . ورا فتره تطلكت وجعفر كعد بيت قتيبه ورا فتره كامت تجينه للبيت تبجي وكالت لشاهين خلي يرجعني اخوتي واهلي ميتحملوني اني وجهالي

رجعها جعفر بلبدايه اجرلها .ومكال لااستبرق

بس كدرت تعرف .بعد فتره من مجهول ؟؟؟
وصار زعل وطلعت من البيت . كام جعفر يروح ومتقبل

ورجع شاهين يحاول وياي واني قافله عليه

شاهين يمامه .. شنو التردي اني اريد ابقه قريب من ريحة امي وابويه

وطلعتهن اثنينهن من البيت وخذتلج حقج

صفنت ومجاوبته
خلص مثل ماتردين وتقى اطلكها واخذ بناتي

وفعلا . وتقى دزلاهلها خبر وبدا بمعاملاتت الطلاك ورا فتره البنات رادنها وداهن زياره .. وسمعنه بيها تنظف وكعه ...من الدرج وانكسرت رجلها والحوض وظهرها تهشم . وبقت بلفراش .. لاتكدر تكوم ولاتكعد .. عمليات وعلاج ومفاد بيها . بناتها يمي اصلا

بس كل فتره يرحن .. كامن من يريد شاهين يوديهن ميقبلن

سئل سهام كلتله تغلط علينه وشكو شي يمها تضربنه وتكول صرتن تربية يمامه ..الكح.... وهواي حجي استحي

وئام بابا ماما ليحتها مطيبه عقجت خشمها وهزت راسها يععع

بعد العشه ..لزمت سهام .
تعاي ماما ..امج هسه محتاجتج من ترحين شوفيها شتريد سويلها .واغسليلها غسلي ملابسها

غدير وسام ))**

ماريد

تردين الله يحاسبج عليها هاي امج والجنة تحت اقدامها وهي هسه محتاجتجن .انتي وخواتج

يعني الله يذبني بلنار

اكيد وتتحاسبين بلدنيا قبل الاخره من جنتي تتمرضين هي تعوفج

اي معليها بينه

لا اكيد تداريج وتغسلج لاتنكرين .انتي من شهدتي ضدي ليش مو حتى يرجعون بابا وماما سوه

ايي

هذا هو لعد .تحبيها

اي احبها بس هي صايره بس تغلط وتضرب .
ميخالف تحمليها . زين .

زين خاله .
شاهين . جنت واكف وسمعها شلون تعلم بسهام بدون متدري بيه .. شكد الله يحبني ورزقني بهيج جوهره .

من فاتت لغرفتنه حضنتها

شبيك عيني .
احبج .

واني اموت عليك .

صفنت حجيتها بدون وعي ضحك واني هم ضحكت

تقرب مني باس راسي .. كال يمامه خلص فدوه اروحلج بس هاي ضحكتج خليها كدامي من اطب للبيت وروح ان ي ماريد شي بعد

تمام ...

بعد ايام داوم شاهين . وتاخر حيل واتصالته كلش قلت اني بسببها سقطت الطفل وكع بلشهر الرابع فريد كال طلع مهمه وانكطعت فتره اخباره ومن رجع قررت ارجع

للبيت الجبير . وام اسماعيل وياي الى ان يطلع ابنها ..عطارد ماعرفت عنها شي جعفر اخذ نهااد واجرلها قريب من بيته واستبرق رجعت ورا فتره سمعنه جامعهن بيت قتيبه الطابق الفوك لنهاد والجوه لاستبرق لان ميكدر على الاجار ومنها بدت المشاكل يوميه وحده جايه .
بيوم اجت استبرق تشتكي لشاهين .وطلعت ايدين ابنها وزروره زرك وتكله الكه خده احمر هنا وضحت الرؤيه والله فضح نهاد عرفنه هي الي جانت تضرب ميار وتاذيها

جعفر توسل بشاهين ترجع بلبيت فوك مقبل كله ام محمد متاخذ راحتها وماامن على جهالي وهي بيتي وهي تعرف كلش زين ليش ..واني ماقصرت وياكم كبل خلص
جنت خايفه لايقبل ويرجعها بس الحمد لله رفض
اتصلت زينه حامل للمره الثانيه وضرتها تحمل ويوكع خطيه

وفاء ..اجلت الحمل لحد متكمل دراسه . وهي ومصطفى طيور حب . .الكل حاسدهم ودايما جنه نكبسهم بوضع مشبوه مصطفى ميتحمل غيابها وهي تنكلب طماطه

شاهين تغير رجع مثل قبل .حنان ومداره اليه ولجهالي ولبناته . الي هواي علمتهن شغلات سهام حبت تخيط علمتها وصارن ايدي اليمين هي وخواتها قللن روحات لامهن وماكدر اجبرهن بس سهام كامت من تروح تسوي شأعلمها حتى تسبح امها وخواتها من شافنها هم ساعدنها رغم صغر سنهن بس بيهن غيره وشهامه من شاهين

الي ماعافنه اني وابويه من احتاجينا

تقى يدزلها مصرف وبعده يساعد جعفر وام اسماعيل هم دائما ياخذها تشوف ابنها .
كل هاي الشغلات احسها تدفع عنه هواي ابتلائات بشغله

مرات يكلي مهموم يمامه حملي ثكيل
لذلك .كمت اتحمل منه شسوي رغم ميأذيني مثل قبل بس
يكلي من اعصب تطلع بيج

غدير وسام ))**

وتطلع بيج لاتزعلين مني لان انتي روحي الي سكنت الها واحد ويه روحه كلشي يسوي ويتحمل .

اني . يمامه بنت ابو غايب الي لليوم جرحه بكلبي ماطاب
ولو يطلبون جهالي مقابل ارجع يوم واحد ويا انطيهم .


وماتندم لحضه

عشت ويا احلى ايام عمري رغم عازتنه وفقرنه بس حياة هاديه . مابيها مشاكل اكبر مشاكلنه جانت غدا او عشه باجر شلون يدبر .. عمره مامد ايده عليه ولاخشن خاطري بكلمه . .. طول عمري راح ابقه بحسرته . واحس بعدني ماشبعانه منه ..ولا وفيته تعبه دائما يجيني بلمنام يباوعلي مبتسم ويروح
شاهين من يوم الي ضربني وشافه محني الظهر بعد مشافه ويكول زعلان عليه لان اذيتج .

بعد ماحلف يم قبره ميمد ايده عليه مامدها ابد يصيح وعصب ويغلط بس بطل يسبني ودائما يذكره بثواب او زياره

مرات اكعد بلهول واتخيل اللمه الحلوة الجانت بلبيت اتذكر امي من تطلع الصبح من غرفتها وقتيبه ينزل من الدرج .

وضحك زينه وشقاها . ضحكت الكل ولمتنه الي حاولت ابقيها مثل كبل من يرجع شاهين اسويلهم لو غدا لو عشه واعزمهم نتجمع ونتذكر كلشي . . حلو عشنا صح الدنيا والموت فرقنا بس بقت ذكراهم داخل روحنه .. لليوم نهاد واستبرق ماتقبلهن . وماقبل يدخلن بيتي صح يجن يشتكن لشاهين بس اني مافوت ولاالقي بيهن . جعفر كان عقاب الهن .اثنينهن بعد مجان ذاب كلشي براس شاهين وهسه كام يصرف تخبل عليهن بخل وضرب واهانه من اسمع عن مشاكلهم من لمياء او شاهين اتذكر كلام امي من تكول شاهين احسن واحد بولدي جانت تعرفهم وتعرف اطباعهم . زينه علاقتي بيها سطحيه هي هم التهت بتها وزوجها وحملها وضرتها الي يوم صلح ويوم عرك مرات تخابر تشتكي اسمع واسكت مااعلق .

شفت هواي تعليقات لامتني واتهمتني بلضعف اني اشوف نفسي قويه مو ضعيفه اتحدى اي وحده تتحمل الي عشته وتستمر صح ضعفت مرات ومرات هواي جنت افكر اترك كلشي واطلع بس وين اروح الدنيا بره غابه حماني منها سنين ابو غايب بقفص لان جان يعرف يمامه من تطلع راح تتناهشه الغربان والصقور وحتى الشاهين ..

شاهين ركن لعشي شاف بيه السكن وشفت بي الحمايه الي مهمى تجاوز وضرب وسب مراح الكاها عد غيره

خصوصا بعد مارجع لطبيعته .الي جانو يحجولي عنها حكيم وغير متسرع وحنين . بس الي مر بي مو قليل .

لهنا خلصت قصتي .. وياكم بس مستمره بلحياة .

اتمنى قصتنه هلمره عجبتكم للاسف هلمره مراح اختم مثل كل قصه واكول انتظروني بقصه جديده لان هاي اخر قصه اكتبها راح اخذ فتره استراحه طويله لان الدكتور منعني من الكتابه بسبب تمزق الاربطه والتهاب مفصل الايد .

اتنمى تكون استمتعتم معي على طول الايام الماضيه واعتذر منكم اذا بدر من اي سؤ او تقصير .

[أميرة الوفاء]

جميلـة وراائعـة

ونهاية سعيدة

عاشت ايدك يا مبدعة

في غاية الروعة

فعلا كتبت فأبدعت

تسلمين فيتامين سي

على النقل المميز

..

[ندى تدى]

جميله ورائعه جدا جدا


تسلم ايدك حبيبتي ووفقك الله