آخر 10 مشاركات
أسيرة الثلاثمائة يوم *مكتملة * (الكاتـب : ملك علي - )           »          شيوخ لا تعترف بالغزل -ج3 من سلسلة أسياد الغرام- لفاتنة الرومانسية: عبير قائد *مكتملة* (الكاتـب : noor1984 - )           »          إحساس جديد *متميزة و مكتملة* (الكاتـب : سحابه نقيه 1 - )           »          مشاعر على حد السيف (121) للكاتبة: Sara Craven *كاملة* (الكاتـب : salmanlina - )           »          جدران دافئة (2) .. سلسلة مشاعر صادقة (الكاتـب : كلبهار - )           »          أرملة أخيه-قلوب زائرة(ج1 سلسلة حكايات سريه) للكاتبة : عبير محمد قائد*كاملة&الروابط* (الكاتـب : قلوب أحلام - )           »          خادمة القصر (الكاتـب : اسماعيل موسى - )           »          رغبات حائرة (168) للكاتبة Heidi Rice .. كاملة مع الروابط (الكاتـب : nagwa_ahmed5 - )           »          هيا نجدد إيماننا 2024 (الكاتـب : رانو قنديل - )           »          سجل هنا حضورك اليومي (الكاتـب : فراس الاصيل - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 26-11-19, 07:04 AM   #1

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25 خيال الكحيلة / للكاتبة نشوى السلطان ، عراقية مكتملة






بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

نقدم لكم رواية

خيال الكحيلة
للكاتبة/ نشوى السلطان




قراءة ممتعة للجميع.....




ندى تدى likes this.


التعديل الأخير تم بواسطة لامارا ; 27-12-19 الساعة 06:24 PM
لامارا غير متواجد حالياً   رد مع اقتباس
قديم 07-12-19, 08:11 PM   #2

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

رابط لتحميل الرواية هنـــــــــــــــــــــــ ا




بسم الله الرحمن الرحيم

السلام عليكم ورحمة الله وبركاته كيف حالكم إن شاء الله دائما بخير ؟

مساء الخير عليكم ...

شلونكم يارب اتكونون بخير ..

رجعت وياكم بقصة جديده ان شاءالله تناال إعجابكم
القصه باللهجة الغربية الانبارية والمفردات اذا تحسوها صعبة
عليكم راح اكتب بين قوسسين معناهه لحتى تفهموها ..
وهيج راح تكون اللهجة مفهومه .. القصه عاطفية
وبيها جثير احداث حلوه وشيقة ..

(كحلاء ) ...(سلطان ) قريبآ....
حين تكونين باحضاني لا تخافي من هم لحبنا مغاظون
أُريدك حباً واحتواءً ومنزلاً
استوطني في قلبي الذي تاه من نظرات عيناك
#خيال_الكحيلة








التعديل الأخير تم بواسطة فيتامين سي ; 28-12-19 الساعة 02:55 AM
لامارا غير متواجد حالياً   رد مع اقتباس
قديم 07-12-19, 08:27 PM   #3

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



القصة حقيقية ..!!! ....
#الحلقه الاولى ..
#بقلمي #نشوى #السلطان ...
......................................
حين تكونين باحضاني لا تخافي من هم لحبنا مغاظون

أُريدك حباً واحتواءً ومنزلاً
استوطني في قلبي الذي تاه من نظرات عيناك
#خيال_الكحيلة
.................................................


كحلاء مواليد ... 93 ..من محافظة الانبار.. احنا بس اثنين اني واختي .. الأصغر مني ..
ولددت ببغداد. وعشت ببغداد كبرت وجنت اسمع عن الانبار

جان والدي يحجيلي .. عن عمامي عماتي اجدادي لكن اني مااعرف احد بيهم .. جنت اشوفهم بس بالصور لمن جانت امي اتطلع
اللبومات الصور تكلي هاي عمتج هذا عمج .. لحد ما اجة اليوم الي الي بي سقطت بغداد وساء الوضع وبدت الطائفية انجبرنا نرجع
للانبار .. تركت بغداد و عيوني مليانه دموع .. جنت متعلقه بصديقتي حنين وجان دلعها حنونه
جانت هي احلى شي بالدنيا .. نومتنه وكعدتنه كلها سوه جنت ماتخيل حياتي بدونها لكن فرقتنا الاقدار حيل .. انقهرت
على بيتنا الي عشت بي طفولتي على منطقتي بوقتها كعدت من نومي لكيت امي وخالتي لامات كل الغراض ويفرغون بكنتوري
كمت الحيلي ماعرف شبيه كمت اشيل وياهم ساعدتهم بالغراض واني بصدمة والدمعه بطارف عيني لملمنا الغراض سلمنه على
الجيران على خوالي وطلعنا .. اخذتنه السياره ومشيت وعيني على عمو فلاح ابو الدكان الي جنت يوميه ارجع من دوامي لازم امر
عليه واشتري من عنده الي وال اختي ..
مشينا بالسياره ولعباتي بيدي حاضنتها وابجي ..كل شويه اندار على امي ... اكللها
ماما ماما .. خل نرررجع الله يخليج .. بيتنا شلون تعوفي... حنونة و مرجوحتي بقت بالحديقه...
زين الحديقه شلون راح نسگيه الورد الاشجار كلها راح تذبل

راح تمووووت حبابه ماما رجعيني...
وجانت هي عيونها مليانه دموع .. ادحگ عليها تندار ودحك من

الجام عااشارع.. تحاول تخفي حزنها .. تكولي لا ماما مابقت النه عيشة بغداد .. طلعنا للانبار وصلنا الدنيا ليل احس جسمي مكسر
من الطريق والهوسة والبجي.. اتلكتنه جدتي الي هي الوحيده
جانت قريبة من عدنا .. جانو عمامي بعيدين حيل من عدنا

جانو مايحبون امي .. لان والدي ترك بنت عمه واتزوج غريبة
من ذاك اليوم عمامي واجدادي كلهم سحبوا نفسهم من عدنا ..

كبررت واني اسمع. بيهم بس ماشوفهم .. بعد مارجعنا للانبار
جنت بالبدايه حيل صعبة علية بس بعد فتره تعودت ورجعت اداوم

ومرت السنين وكبرت ودخلت الكلية .. وجنت حيل فرحانه بدراستي
رغم جانو عمامي محاربيني حرب حتى ادرك دراستي وجان دوم

يكلولي ماعنده حرمة تدخل كليه .. لكن اني اصراري وتشجبع امي
اليه دخلت الكليه وبيوم من الايام كعدت الصبح

طلعت من بيتنا واني امشي سريع .. دحگت السايق مو جاي جان بيتنه قريب على بيوت عمامي جانت المنطقه كلها اقرباء رغم هذا
اني جنت بعيده كل البعد عن اهل ابويه لان جانت عاداتهم تختلف جانو يحاسبوني على كلشي ... فطلعت.. مشيت حتى اطلع
عالشارع...كلت استغل الوقت .. اتأخرت على دوامي... واني اركض والجو جان حيل حلو ... نفتح قيطان الحذاء دنجت داشده
وجان اسمع صوت سيارات واني بعدني بالفرع .. رفعت راسي
شفت سيارات عسكريه طبت الشارعنا .. استغربت عليمن جايين

من الصبح .. كمت الحيلي طلعت عالشارع امشي واتلفت ورايه بقيت بالي يم السيارات العسكريه وين جايين وعليمن وصلت الشارع
العام .. انتظرت دقيقتين
وجان يوصل سائق الخط.. صعدت وطلعت للكليه ..تلكتني صديقتي

مريم ..كالت وينج تأخرتي ...كتله المنبه مادگ اليوم شمدريني
كالت امشي هسه الاستاذ ينتظرنا.....طبيت للقاعه..
لكيت استاذ.. محمد موجود...

سلمت .. صباح الخير... جان يندار...
_ صباح النور... اليوم كحلاء متأخره الي اعرفه كحلاء ماتتأخر عن دوامها...
_ ابتسمت ودنجت راسي كتلو..والله المنبه مادك ومدري شلون كعدت ...
ضحك وكال... عادي ماصار شي تفضلي ...
شكرته وكعدت اني ومريم... جان يشرح واني احس منعسه ماعرف خمول .. شبيه اليوم موطبيعيه.. يمكن لان تأخرت بالليل مانمت وماشبعانه نوم.. كملت المحاضره طلعت التلفون من جنطتي.. اريد اشوف امي متصله لو لا . جان اسمع صوت الاستاذ وهي يكول كحلاء!! .. رفعت راسي ...دحكت القاعه فارغه .. وكفت الحيلي ..
همست نعم استاذ...

كال... خير... كحلاء اكو شي ... اليوم ماكو الضحكة على وجهج مامتعود اشوفج هيج..!
دنكت وبتمست كتلو والله ماكو شي بس اني بالليل ماشبعانه نوم يمكن
لان نعسانه..

_ شال الكتاب والقلم.. وكال كسووولة .. من ترجعين نامي واشبعي نوم.. ابتسم وطلع...
..ضحكت من كال هيج .. شلت كتابي وطلعت.. وراه للحديقه لكيت مريم كاعده هي والبنات.. دحكت على ايدي
صارت الساعه 11 الصبح .. وبالعاده جانت امي تتصل لو اختي تطمن عليه استغربت مااكو اليوم اتصال منهم .. ماعرف ليش
جنت حاسه بخوووف .. رصيد ماجان عندي... حتى اتصل بيهم
ماصدكت يخلص الدوام حتى ارجع......

مر الوقت اجاني سايق الخط... ورجعت للبيت... نزلني قريب من الباب.. دحگت واني دانزل سيارة عمي والبيكم واگفه وليغاد سيارة
خالي .. بحزتها نشف دمي... طبكت باب السياره.. مشيت خطوة ..
وجان اسمع صوت ابن عمي.. ذياب...كال..شرفت الاخت.. يحجي بستهزاء ..

رفعت راسي.. بقيت ساكته مارديت.. لكيته بصف الباب واكف وبيده السبحة يفر بيها... هففف هذا شجابه اليوم متعود كل مايشوفني يغثني... مشت جان يكول
_ اكفي مو دتشوفيني داحجي وين رايده..
وكفت دحكت عليه .. كتله نعم شرايد..!
\ احجي عدل لا اكسر راسج يولي... شبيج جن مو عاجبج
\ تره كلت نعم شرايد ماكلت شي... ممكن افوت
_ اني مو كتلج غطي شعرج زين.. شكتلج اني مو كتلج هاللبس مايمشي عدنا انتي ليش عينج گويه...
-هسه انت شتريد مني ابويه وراضي انت ليش ادخل نفسك
_ ادخل نفسي ونص بنت عمي انتي .. يعني تهميني.. والماتسمع الكلمة ينكسر راسها...
_ رجاءا كافي .. بنت عمك اي بس مالك حق تدخل.. حجيته بعصبيه ... عبرت وجان يكضب ايدي.. بقوه كال يولي ..
اسمعي الكلمة تره احرم عليج تطلعين الباب.. وانعل ابو الكليه
اتفرفرين بنص الزلم .. يول انتي ماكو زلمة يردعج...

سحبت ايدي بقوة... خنزت بوجهه كتله ايااااااك تكضب ايدي نوبه الخ .. اطب اطلع ماااااعليك بيه
عفته وطبيت... حسيته مشه ورايه ماهتميت.. فتحت الباب لكيت

جدتي يمنه وخالي .. ومي كاعده بالزويه وتبجي .. وجدتي مرتجية
عل حايط والفوطه على وجهه.. اختي كاعده بصف خالي...

اريد اكف على حيييلي ماكدر... صحت شكوووو شبيكم ..
امي شبيها...

_ ذياب... ماكو شي بس عمي اخذوه..
انداريت عليه... كتله شنوووو منو اخذه...
صاح خالي تعاي اكعدي كحلاء... كومي سراب جيبيلها ماي...
كتلهم ... ابويه وييييييين... اتذكرت السيارات العسكريه الي اتلكتني
عطت يعني سجنووو ابويه ليييييش...
حجت امي بصوت مخنوك كالت ماله حظ ابوج .. تعاي اكعدي
والنا الله بلكي يطلع ادعوووله ..

ذبيت البيدي .. كعدت يم خاالي كتله خالو ابويه مريض شلون يطب للسجن تدري بي سكر وضغط شلوون نعوفه كومو شو ساكتيييين
كمت الحيلي صحت وين اروح وين مسجووون دلوني..

صاحت جدتي تعاي يمة وين تريدين الزلم هي تروح اركحي يايمه
فوگ قهرنه تزيديها علينه دكعدي...

_ جده ابويه تعباااااان تعرفين شنو تعباااان انتو ماتدرون عنه وابويه من يصعد السكر ينتهي.. هسه من القهر ويعرف احنه وحدنه
شراح يصيرر بيه يمة احجي ليش تبجين تره البجي مايسوي شي

_ ذياااب.. ماكو وحدكم اني موجود .. واحنا نروح للسجن ونحل سالفتو.. ماكو نسوان تطلع... اكعدي واسكتي... وين تريدين
_ كتله هسه صرت موجود انت مو عفتونا مو جنتو حتى متبرين من عدنا.. من شوكت هالحجي.. اني ماسكت راح امشي بنفسي وادور على ابويه بالسجوون واعرف سالفتوا...
_ خاطرادفنج وانتي عدلة .. دطلعي الباب وشوفي شيصير بيج
ول انتي شنو من بنت ماتسكتين ... ماتكعدين ... مطلعه شعرج جدام الزلم .. وهذا لبسج... اكول عمتي .. ماتشوفين بنتكم شتلبس ها
يعني عاجبتكم وضعيتها .. اني راح اكضبلها الباب دشوف بعد
منا وهيج شلون تلبسين هيج لبيس...

كحلاء... دحگتله بنظرة .. كتله احنا ويييين وانت وين .... بعد ابويه مانسجن وتريد تتحكم بينه.....كااااااااافي.. احنا بيا حال...
جان يگوم خالي ...ادهام.. كالو كافي مو وكت هالحجي اذا ابوهم ماموجود ف اني مسؤل عنهم لحد يدخل نفسه..
راد يحجي هو تخوصر وكف بوجهه خالي جان تكوم جدتي مدري شاورته وسكت.. طلع جكارتو وطلع وكف بالطرمة..
بقينه يومين ماكو خبر عن ابويه ... واني عفت دوامي وهملت كلشي ... ليل نهار حابسه نفسي بغرفتي.. القهر كتلني ..
ادحگ على امي تكسر الگلب لا عدنا اخ سند النه اختي اصغر مني
واني الجبيره شلون ياربي اذا ابويه صار بي شي يمكن اموت اريد

اكل ماكدر من اتذكر هو بالسجن اموت الف موته
كمت توضيت وصليت ودعيت ربي

يردلي ابويه سالم ويحفظ امي ويخليهم خيمه على راسنه...
شلت السجاده خليته على صفحة.. وجان اسمع امي تكول اي يالله

ربي يبشرك بالخير.. من كالت هيج اهجس روحي طارت...
طلعت اركض.. دحكت من الدرج واكف خالي ادهام وذياب..

بدون شعور حدرت اركض... واني لابسه حجاب الصلاة تلكتني سراب .. كالت لكو ابويه ولج لكوووو ابويه
بدون شعور من كالت لكووو حضنتها واثنينه بجينه.. دحكت الخالي
كتله خالو وينه ابويه شلونه شفته...

_ ذياب... هم زين من لبست حجاب .. وتسترتي.. عاد والله ينراد الها حظ وبخت...
_عفته يحجي مارديت.. كتله خالو حاجيني ابويه شلونه
_ ادهام .. سألت عنه كالو الحمدلله زين لا تخافين..
_ عجل خل نروح نزوره زين شكالولك شوكت يطلع...
_ ذياب وين تولين وين ولج انتي ليش ماتثكلين...
_ انداريت عليه وتخرصرت كتله والتالي... مكافي عاد ابويه واريد اشوفه ليش تحاول تمنعني....
_ ماعنده بنوات تروح للسحن اكعدي لا اكسر رجلج اهينه واخليج تحلمين تشوفين الباب...
_ انت الحجي وياك مايفيد خل اسكت.... داحجي وياه وجان يلوي ايدي جدام امي وخالي كال.. اركحي تره وربج احرمج تشوفين
الدرب... جان خالي يصيح بي وسحب ايدي من عنده..
امي حانت حيل تخاف... كامت تسكت بيه ... سكتت وكفت على

صفحة وهو شال التلفون وطلع يخابر... كعدنه كلنه كتلهم خل نفتهم شنو الي راح نسوي...
_ دهام... والله الشغلة مو هينه ابوج متهوم بشغلة جبيره ..
تاهمي ويا داعش... ولازم محامي شاطر

_ من كال هيج اني كمت اضرب على وجهي هين حسيت انتهت حياتي.. احس الدنيا خلصت كتله خالوووو شتحجي ابويه انسان مسالم شنو داعش شبيهم...
_ ادهام .. ادري مسالم بس ناس ماتخاف الله خلو اسمه .. خل نشوف شلون نحلها...
-طب يمشي ذياب كال راح اروح اني عندي شغل خابروني
اذا صار شي جديد خابروني.. شال السويج ومشة وكف يم عتبت

الباب وصد عليه.. كال طلعه من البيت ماكووو افتهمتي...
كال هيج وطلع...

ياربي شلون يطلعني من طوري هذا... باوعت على امي اشرتلي بيدها كالت عوفي...
ثاني يوم صبح طلع خالي يشوف محامي...
واني مكابله الباب كل مايندك اكول ابويه واطلع اركض
سراب تروح وتجي للدوام واني بقيت يم امي لا رحت ولا شفت

كليتي من يوم الي نحبس ابويه .. احس حتى دماغي وكف..
طبيت للمطبخ .. لكيت امي كاعده تسوي بالغده..

سحبت الكرسي وكعدت يمها... كتله يمه خل خالي يودي الدوه الابويه بلكي يقبلون يفوتو اذا بقى هيج شلون.. داحجي وياهه وجان
الباب يندك كتلها .. هاي جة خالي يمكن .. طلعت اركض
للطرمة.. فتحت الباب.. جنت لابسه دشداشه حمره ربع ردن ورافعه شعري عالي... لين كبالي صار ذياب وبيده علاكات ... فتحت الباب وهو بقى صافن بوجهي..

كتله عبالي خالي تفضل.. احجي وياه وهو بس صافن..
كتله شنو هاي البيدك.. شجايب..
كال يولي ليش ماترحميني....
_ كحلاء... نعم...
ذياب.. فوتي فوتي... عمتي وين..
مشيت جدامه كتله امي جوه... وصلت باب الربعه..
وجان اسمع صوت مريم.. صاحت كحلاء.. انداريت كتله مريووومة تعالي.. طلعت ركض عليه سلمت.. وذياب بس صافن.. علينا
كال مريووووومة... وكام يفر بيدة مدري شيدردم طب جدامنه
كالت ابن عمج هذا مو..
كتله اي تعاي .. عوفي ابن عمي سألتي اخوووج لو لا..
_ مريم .. ااااي سألته ويايه اخبار حلوه ان شاءالله ...
_ كحلاء... بررررربج .. تعاي تعاي.. سحبتها وكعدنه عالمرجوحة.. كتله اححي كولي ولج شمنتظره..
_ اسمعي.. اخويه يداوم بحماية سلطان العليان وحامد العليان ..
_ صفنت عليه.. ومنو ذولة .. ياعليان يمعوده..
_ ولج شبيج سلطان العليان واخو ..ذولة معروفين وشيوخ يداوم بالبرلمان....
_ اي ومعقول راح نكدر نوصلله ويساعدنه .. وهو منو اصلا بحالنه يمعوده....
_ لا ماعليج اخويه كال خلي يجي احد منهم واني احصل الهم موعد وياه ... شبيج لا تبقين ساكته ابوج هيج حاله وانتي الاستاذ كم مره. سأل عليج وماكتله والدها مسجون كتله ابوها مريض ..
_ ولج منو هو الساكت .. خل بس يجي خالي اروح اني وياه...
_ ذياب... وووووووين تريدين هااااا..؟
_صديت لين جدامي ذياب.. كتله مو شغلك ...
_ احاجيج ردي وين تريدين كتلج رجلج تنكسر ان عبرتي الباب
_ وكفت الحيلي .. كتلوووو والله اروح وادافع عن ابويه بنفسي
والله ماشفت زلم تجي وادور عليه حتى اكعد واسكت...

_ مريم ... شبيييج ولج على كيفج...
- ذياب.. ليش مو اني داركض ليل نهار هو منو الكاعد .. ولج اكضبي اللسانج لا تخليني اهينج...
كحلاء... اي بس انته اما عمامي محد جة ولا احد سأل شنو هالحقد الي عدهم .. صارلهم سنين حاقدين علينه والله شنو لان ابويه ماتزوج بنت عمه. كاااافي عاد
_ اسمعي عليه دفاتر عتگ لا ادورين كتلج اني موجود واني ادور
لو يكون مسجون اخر الدنيا ادور عليه بس انتي ماتطلعين

_ اني اريد اروح ويا اخوها وخالي ويايه ....
_ اي باله وين ...!
- البييت العليان....!!!!


وتستمر الحكايه.... ❤️
نشوى🧚‍♂️



لامارا غير متواجد حالياً   رد مع اقتباس
قديم 26-12-19, 12:57 AM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



البارت الثاني


#خيال #الكحيلة
#بقلمي_نشوى_السلطان
‏يـقول ماجد المهندس :
" على الذكرى ترا الميعاد باجر ".
وترد نشوى :
" على اللهفه اترياك وكلي لك ناطر 💛
........................
الحلقة الثانية ..🧚‍♂️
حابة اوضح شيء بسيط
اولآ لمن ذكرت بالبارت الأول السقوط ..
جنت اقصد سقوط النظام
وبعدين ذكرت ومرت السنين ..
وكبرت ودخلت جامعه وهين بدت تظهر خلايه داعش
يعني القصه احداثها مو قديمه لمن كبرت
وشيء اخر مامعقول كل او عضو مجلس او برلماني
صار حرامي ..
القصه حقيقيه بدون تجاوز ولي يسلمكم
كحلاء...بس انته اما عمامي محد جة ولا احد سأل شنو هالحقد الي عدهم .. صارلهم سنين حاقدين علينه والله شنو لان ابويه ماتزوج بنت عمه. كاااافي عاد
_ اسمعي عليه دفاتر عتگ لا ادورين كتلج اني موجود واني ادور
لو يكون مسجون اخر الدنيا ادور عليه بس انتي ماتطلعين
_ اني اريد اروح ويا اخوها وخالي ويايه ....
_ اي باله وين ...!
- البييت العليان....!!!!...
_اشششش ماريد اسمع خلاص سدي الحلگج تره طالعه عينج زايد
ان جان عمي مدللج وخالج على حل شعرج يمي ماكوووو افتهمتي .. يله طبي اللبسي هدوم مال اوادم ..
-دقيقة وين رايح اكف...
-مريم .. عوفي شبيج سدي الحجي...
_ ذياب.. احجي شكو. شتريدين..!
_ بصفتك شنو حتى تكلي يمي ماكوو هيج لبس.. وانت شعليك..؟
مريم.. يمعووووده سكتي شبيج كافي ..
_ لا دقيقه مريم خل افتهم...
ذياب.. اي وهسه شتريدين انتي..!
_ ماعليك بيه ولا تدخل بحياتي ابن عمي على عيني وراسي بس
مال تتحكم بيه ماقبل...
_ اتحكم ونص ماقبل حرمتي.. احد يشوووفها...
كحلاء.. انداريت على مريم ... ورجعت انداريت عليه واني بصدمة
كتله انت شتحجي...؟
حجيت وسمعتي كلش زين .. استودعانج..
_ كحلاء.. طلع يمشي.. وصل الباب.. واني بس صافنه جان يندار كال.. ها عود ماوصيج الهدوم ذني هسه تكطيهن وتلبسين غيررهن
طلع وطبك الباب وراه بقوووة..
_ مريم.. هذا شبي عود بعده على عقليه وسوالف قبل مالت بنت العم والنهووة دكافي عاد لو بس نبطل هالعادات ذبحوني بيها
_ كحلاء... ولج هذا يسولف بكيفة كل عقلج اخذ واحد هيج يخنكني..
لو يبقى بس هو...
مريم.. عوفج منه شكول الاخويه اتاخرت لازم ارجع تره علمودج جيت...
_ امشي تعاي خل احجي الامي والعصر عود اني اخابرج حتى اجيب خالي واجي اني بنفسي احاجي الهذا..وكفت انداريت علية صدك هو شسمة...
_ مريم .. سلطان العليان...
_ تدرين اسمه احس مار علية قبل..
_ اي همه معروفين.. دحگي راح اروح انتي احجي الخاله هاي اني دتتصل لازم ارجع...
/كحلاء.. دقيقه ويييين تعاي اتغدي يمنه... وج امي تنتظرج جوه


_ ماكدر والله لازم اروح عود نتخابر... يله سلميلي على خاله...
كحلاء... طلعت وراهه للباب وصلتها .. ورجعت...
لكيت امي ماده السجاده تريد تصلي...
سألتني... ها يولي شبيها مريم شو راحت..؟
_ كعدت عالكرسي... كتله خطيه شايله همي تريدني ارجع اداوم
وكايلهً الاخوها على سالفة ابويه .. ومحصلة موعد ويا واحد تكول هذا مستحيل يردكم .. اكيد يسوي شغل ويطلع ابويه
\ هااا صدك ومنو هذا... ماكلتلج..؟
\ والله كلتلي بس نسيت شسمهم ... بيت ..! والله طار من بالي
خل يجي خالي نروح الهم .. اني وياه
- اكعدي انتي لا تروحين خل هوا يروح شفتي ذياب شكد حجة
لا تطلعين...
_ ماما شبيج هذا ابويه ومستحيل اعوووفه لا ذياب ولا غيره اله حق يدخل.. هسه تذكروا ابويه وين جانو قبل..!
_ يولي لا تسويلنه سالفه خل خاالج يروح مالي حيل مشاكل...
_ كحلاء اي مشاكل ماكو ولا هو اله حق يدخل ... والله الا اروح لو الدنيا كلها تمنعني اريد اشوف ابوووبه ماتحمل بعد..!
_ والله هذا عنادج راح يوكعنه بمصيبه من هين ذياب يهدد ومن عين انتي راسج گوي واني شايله هم ابوج...
_ يطلع يمه والله يطلع بس ادعيله وان شاءالله يطلع مدام مضلوم...
_ ان شاءالله ربي يسمع منج من كعدت لحد الان صدري ضايق عليه احير يا هم اگلب . راح اصلي اخرتيني عن صلاتي گومي نصي التمن ...
_ كحلاء... اي ماما .. هسه اگوم ... تلفونج وين...
طبيت للمطبخ.. نصيت التمن... وطبيت لغرفه امي طلعت تلفونها...
دگيت على خالي لحد مافصل ماكو رد... كطيته عالجربايه وطلعت للهول.. لكيتها مكمله صلاة .. كتلها ماما خالي مايرد وين صار..
بهالحجي جان اسمع الباب البره نفتح .. طلعت لكيت خالي وسراب طبو يمشون ...
دهام ... الگووه ...
_ ام كحلاء... الله يگاويگ هلا خويه .. تعال بشرر..!
_ ادهام .. جيبيلي ماي كحلاء ...
كحلاء.. طبيت اركض للمطبخ .. جبت كلاص ماي ورجعت ..
برجعتي سمعته يكول.. رحت على المحامي .. علي جاسم ومالكيته مسافر.. بس راح اشوف غيره .. ولو هذا المحامي شاطر بس
حرامات ماحصلته... انطيته الماي .. وكعدت بسد خالي ..


كتلو خالو .. مريم صديقتي ويايه بالدوام .. اخوها يداوم بحمايه واحد مسؤل جبير .. اعتقد يداوم بالبرلمان.. كالت تعاي اخويه يحصل الكم موعد .. تروح انروح اني وياك...
دهام _ وووين تروحين وعليمن منو ذوله... صد على امي كال الها شسالفه وين تريد بنتج ..
كتله خالو ابوس ايدك اريد اروح ابويه تعبااان لا تحرمني شوفته
خلي نروح لذوله العائلة بلگي يساعدونه تره ماخسرانين شي
اريد اروح الگي حل ماتحمل بعد
_ دهام ولج منهو هي ناس ذوله يولي..!
_ مادري والله نسيتهم بس صديقتي هي راح تخلي اخوها يجي ياخذنه واي وقت تحب..!
_ زين وانتي كل عقلج تريدين تروحين اكعدي يابه اكعدي الباب محد يطلع الباب
\ خالي عليك الله خل اروح بداعة الغاليه مالتك... انت مو تگول كلشي ولا احد يحلفني بيها.. اليوم اني اريد احلفك خليني اروح وياك
ماتحمل ابقى بالييت اهجس خنگة... داحجي وياه وجان امي تأشرلي
لان حلفته بالغاليه .. صديت عليه شفته مدنج راسه عالكاع صافن
ماردلي شي .. وملامحة تغيرت... سكتت مارديت . جت اختي سراب صاحت جوعانه خل نتغده.. اشرتلها اشش بعدين...
كامت امي كالت خل اصب غده خاف تطلع تشوف محامي ..
جان يرفع راسه خالي .. كال الها لا حجية اني اليوم اروح على هذول الناس عسى وعل بلكي نحصل شي...
ام كحلاء... اي عفية عليك .. ريتك طيب شنسوي لازم انشوف جاره مثل مايكولون الغركان يجلب بگشه.. توكل العصر وبلجي خير
_ كحلاء... دقيقه واني .. اريد اروح وياه.. باوعت الخالي بنظره توسل..وعيوني مليانه دموع كتله يصيبك اجر اذا اخذتني والله
ادهام.. زين شتسوووين يايابه .. شتسوين هناك..!
_ مادري طلعني اريد اسمع بأذاني اريد اني اتوسل بالزلمة كون مايفشلني ويطلع ابويه ...
_ ادهام .. الله كريم تهيري والعصر نطلع خابري البنيه كليلها خل يدز النا العنوان ...
_ لاااا خالو هو راح يجي ياخذنه ... احنا ماراح نندل.. خل اگوم اخابرها... صحت ولج سرااااب جيبي تلفون امي... كمت اركض ادور على تلفون اني مثل الخبلة ..
طبيت المطبخ ... كتله يمه هاي هي خالي قبل راااح اروح ...
شلت التلفون وطلعت للطرمة كتله يمه راح اخابر مريومه وارجع
تلكتني سراب وبيدها لفة جبن تمشي وتاكل انضربت بيها كتلها دوخري خل اطلع همج بس على بطنج...
سراب... هيييي ولج طيرتيني ... شسمنج اي حتى ايدي كامت توجعني... هاي وين رايحة باوعت امي طبت تمشي وبيدها صينيه الخبز.. كتله يمه شو احاجيها ماترد.. وين طلعت عثرت بيه رادت اتوكعني صكع لا صكع... ...
-ام كحلاء.. عوفيها وتعاي صبي وياي الغده .. مابيها شي شبيها غير شايله هم ابوووج..
سراب... دحگت خالي يباوع عليه شلون دادكل ويضحك..
كال والله محد سمين غيرج بطلي اكل يولي بعد ماتكدرين تطلعين الباب.. يحجي وميت ضحك.. كتله هااا خالووو تقلد عليه
صرت مثلهم ..
_كحلاء ... خالووو عوفك من سراب مريم اتفقت وياهه وكالت راح
يجيكم بعد صلاة العصر...
سراب.. هاا خير وين اروح وياكم ..
كحلاء... اشش ماكو روحة شنو ونسه ااحنا رايحين علمود ابويه تره ف كعدي وسكتي..
- سراب... اي بس على منو رايحين مافهمت..
- بعدين تفهمين مو وكتج كومي جيبي الاكل ويا امي مو بس تاكلين
ههههههه داحجي وياهه وجان اشوف خالي صافن وكام يگلب بالتلفون وشغل اغنيه ...تگول ....
_ مثل فزة طفل روحي
تفز لو سمعت ب طرواك
مثل وردة وشحيحة ماي
مزنة مطر تتنخاك
رجة راسة على المخده وعيونه عالسگف صافن والجگاره بيده
حسيتة تأذه لمن حلفته بيها ..
شفت الشوگ والحزن بعيونه
الحسرة جانت واضحة عليه بحزتها كسر گلبي
تمنيت اعرفها مني حتى اكدر اساعده
تمنيت اعرف منو هالمحضوضه الي عاش على حبها كل هالعمر
تمنيت اعرف شيگول گلبها لمن تشوفه
وتدري بي هيمان بعشگها ...
هم يجي بيوم واحد يحبني حب صادق
مثل حب خالي الحبيبتة ..
جريت حسرررن ونفس وعفته مسلطن ويا الاغنيه وطبيت
للمطبخ ... ساعدت امي شفتها تعبانه
وفراگ ابويه كاسر ظهرها
كمت لملمت البيت وكملت شغلي ..
طبيت سبحت ولبست .. دحكت
صارت الساعه اربعة الا ربع شلت الشال بيدي
وحدرت واني ارتب بالشال دالف بي
سمعت صوت امي تحاجي جدتي بالتلفون وصلت اخر درجة ... اشرتلها خالي وين امي جانت مخبوصة .. ماتصدد عليه
عفتها وطلعت للطرمة .. لكيت سراب شايله االكتاب ومشغله الاغاني .. كتلها يولي انتي دتسمعين اغاني لو تقرين...
ولج انتي ماعندج گلب فطيره ...
- سراب.. شكوو شبيج هاي وين لازم راح ياخذج خالي ..
يولي اخذيني وياكم عفيه...
_ كحلاء اش ماكو محد يطلع ابقي يم امي
سراب.. دقيقه عجل ليش انتي تروحين اني هم اريد اروح ..
_ لا كتلج ابقي يم امي تره مارايحين ونسه ... داحجي وجان يدگ التلفون بيدها.. كتلها ها منو شووو انطيني... جريت التلفون منها
دحگت رقم مريم... سراب من يمها مدري شتحجي مارديت عليها
عفتها وجاوبت مريم...
مريم. الووو كحلاء تسمعيني
كحلاء.. اي اسمعج كولي هااا اخوج وين...
_ مريم خابرتج حتى تتحظرين تره اخنا جاييكم اطلعلي عالباب
لان هذا الرجال اليوم بالانبار بس باجر يروح البغداد يمكن ف تلاحگووو بسرعه ... جايين احنا
_ كحلاء... اااي اي مكمله والله بس روحي خل اشوف خالي وين
مريم .. ديله لان راح نوصلكم ...
كحلاء... ماشي باي باي... كطيت التلفون على سراب .. ركضت اريد اشوف خالي وين.. انداريت على سراب كتله ولج خالي هين
لو طالع... احاجيها وهاي بس تتمرجح عطت بيها ولج بالج وووين
سراب... اهوو شبيج تصيحين مادري بس يمكن جان يسبح دحگي .. يولي من تجين حيبولي موطه حبابه...
كحلاء... دولي انتي اني وين وانتي وين.. طبيت للهول لكيت امي شايله تلفون خالي بيدها وتحاول تسد الخط ماتعرف .. كتله يمه خالي وينه شنو طالع...؟ وشو التلفون يمج..
_ لا بس جدتج خابرتني عليه.. وخالج كمل ديلبس... شو تعاي شوفي انكطع الخط لو لا ..
كتلة وينه مو وصل الزلمة..
_ ادهام ... شبيج مخفوگة هيان كملت وين التلفون انطينياه خيتي
اني اسده
_ كحلاء.. اصيح مثل الخبلة مانتبهت النفسي ماحسيت الا وخالي وراية فشلت ماعرف بعد شحجي كتله لا موسالفه مخفوگة بس الزلمة عيب. وصل حجيت هيج ودنجت
_ ادهام.. والله روحتج مو راهمه يولي ... يعني على شنو رايحة انتي عيب... اكعدي هين
- كحلاء .. خالوووور حباب مريم ويايه واني مو وحدي بعدين
هو رجال جبير شكو بيها بعمر ابويه خليني اروح
_ وشمدريج بعمر ابوووج



_ سراب... مريم بالباب تريدكم ...
كحلاء..يااا وصلووو يله خالووو امشي خل نروح
- جاي بس لا تخبصينه يمعوده...
كحلاء.. طلعت اركض جدام خالي قبل مايقلب ويمنعني
سلمت وصعدت.. بصف مريم ليوره...
وجة خالي سلم وصعد لجدام ...
مريم ..، البييت قريب مو بعيد تره ...
كحلاء.. حاجيتها بصوت ناصي اكلج هو رجال جبير موو
مريم .. شمدريني ماشايفته بس الاعرفه عضو مجلس مدري برلماني ماعرف المهم هو بمنصب جبيرر..
كحلاء... ياااارب كون يطلع ابويه .. والله ادعيله العمر كله
_ ان شاءالله بس لا تخافين ربج يحلها...
كحلاء.. ونعم بالله...
مريم.. كحلاء كحلاء... دحگي ولج هذا مو ذياااب... وهذا منو الوياه
_ كحلاء.. رفعت واسي دحكت عالشارع كتلها وينه يولي
مريم .. لج ذاك صار ورانه ..
كحلاء.. دنجت راسي .. كتله عزه عالماتلو بس لا راح البيتنه خمو شافني... ،!
_ لا لا جان يخابر بالتلفون مانتبه...
_ اووف هذا راح يشلع گلبي رايح جاي ويتحكم بيه .. دحكت ورايه
كتله يولي هذا عمي الصغير وياه...
_ هاا يعني هذا الوياه عمج .. شوو عمج بعده شاب عبالي جبير
_ لا مو جدي متزوج حرمتين هذا ابن الصغيره .. وهذا اقرب
واحد الذياب لان نفس الاعمار... يوميه يگلي محد ياخذج غير ذياب
وابقى اتعارك وياهم ومايفيد السالفه تنعاد يوميه داحجي انتبهت
صارت جدامنه عارضه .. رفعها العسكري سلم عليه وعبرنه
_ كتلها شنو هاي منطقته محد يكدر يعبر ..؟
مريم.. اي لازم فقط الي عندو باج بس اهل المنطقه والغريب لازم يتفتش
_ ها عجل اخوج لان يعرفو ماوكفونا
مريم .. اي ذوله كلهم ربعه ...
كحلاء .. اكلج هاي شنو شو وكف اخوج ليش...
_ ادهام... كحلاء ابقي بالسياره لا تحدرين... وصلنا
_ مريم .. لا عمو ليش خل ننزل... خمو نبقى بالسياره
كحلاء... خالي هاي جم مره قلبت خليني انزل ماراح يصير شي الله يخليك
_ ادهام عيب الزلم واكفين لا تنزلن... مانطول نشوف الزلمة ونطلع..
_ مريم...اكفي .. هسه اكول الاخويه...
_ كحلاء .. خررب دحگي نزلوو وعافونه .. هاي شنو منو ذوله الواكفين...
مريم .. حرس بالباب شبيج غير الوضع يخوف طبعا يخلي حرس..
كحلاء... انتبهت سلم عليهم .. وجان يصد علينا كال حدرن ..
كتله ايي يا الله .. نزلت واني اعدل بشالي .. دحكت المنطقه حلوه
والبيوت تخبل.. صديت عالبيتهم بيت ابيض جبيرر عالي..
كتله مريم.. شلون راح افوت شو جسمي يرجف كله..
مريم ... دنزلي قابل وين طابين هو زلمه حالو حالنه
_ كحلاء ... هفففف بسم الله .. نزلت رجلي .. دانزل الرجل الثانية
حذائي انتبهت عليه انشلع... كتله يولي ماال العوه دحگي يولي حذائي نشلع.. صخاااام حضي اي والله
_ مريم ...هههههه امشي بي شلون ماجان الزلم يدحگون علينه يولي.. وكتج هسه ولج انزلي شلون عيييييب
كحلاء ... صعدت بالسياره.. اصبري خل اللبسه .. زين
مريم .. ههههههه دحدري حافيه .. خل اغنيلج حافية القدمين
_ كحلاء . هاااا ولج تضحكين عليه ول شلون حظ اويلي شجاه الحذاء عود جديد اشتريته رفعت راسي لين هاي ميته ضحك
كتله يولي مو وكت الضحك اني وين وانتي وين
_ مريم .. حدررري يمعوده اشاقه خرب دحگي ذوله شون يدحگون علينا عبالهم مخابيل شافوني بس اضحك ..
ههههه خرب صدك ضحكت يارب ضحكة خيررر
كحلاء.. سووويته يمعووده .. امشي وين جنطتني
مريم ... عزززه خالج جة راح يرجعنه...عوفي جنطتج هسه
كحلاء.. من كالت جة خالج حدرت بسرعه وكفت الحيلي..
جة خالي كال امشن ورايه ولحد ترفع راسها... هزيت راسي اي
كضبت ايد مريم ومشيت... وصلت يم الباب .. جان واحد يگول
الخالي الجماعه وياكم... كالو اي.. صديت على مريم كتلها بصوت
ناصي.. وين طابين لغررفه الاعدام شو مرعوبة اني...احاجيها هاي بس صافنه ودحگ عالبيت وماتحجي.. صديت وكفت بالممشى.. دحكت
عاليسار.. حديقه كلها ورود واشجار برتقال.. واني صافنه جان تعسني مريم بحيل.. كتلها ششبيييج يولي.. بوكلتن شبيج صديت
لين عالجهه الي جلب بوليسي .. مربوط بالشجرة ... وغادي منه زلمة واكف لابس دشداشه كحلي وحاط
على جتافو ستره .. واكف يمه علي ومدرري شيحاجي .. جوي يمشوون .. بالحديقه... خالي واكف بسدي.. حجيت بصوت ناصي كتله مريم يولي منو هذا .. معقول هو هذا المسؤل
مريم.. مدري والله اني موشايفتو لحد الان .. عوفج من المسؤل
دحگي الجلب وراهم هذا اذا انحل تدرين شيسوي بينه وانتي هم ياريت تكدرين تركضين حذائج مشلوع
_ يمعوده دسكتي عبالي صدك كاعده تتخايل ينحل الجلب ويحودنه
دسكتي شلون راح احاجي الزلمة دحگي جوي علينه كتلو خالو هو
هذا المسؤل... احاجي خالي مايرد بس صافن.. بهالاثناء طب للبيت
وصاح علينا تفضلو حياكم الله.. صاح علينا علي تعالو ورايه
مشيت اني ومريم.. خطوتين وركفت كتله مريم خالي واكف ماجة
صحت خالو خالو تعال.. هز راسو اي.. طبينا نمشي وهو ورانه
وصلنا باب الربعه.. جان يكول علي فوتو يمعودين..
عاد طب خالي واحنا نمشي وراه.. دحگت المكان يخبل
حيل حلو .. والاثاث فخم .. كعدنا اني ومريم وحده بسد الخ
وخالي كعد كبالنه هو وعلي.. كتله مريم اهجس جسمي مثلج
شبيه خايفه وارجف...
_ مريم عجل كتلتي نفسج بسع وجوه حتى تجين تالي تنخفگين
ومدري شجايج ..
_ كتله .. اسكتي جة جة ... دنجت راسي .. جان اسمعو يگول السلام عليكم .. ردينه كلنا وعليكم السلام .. كام خالي وسالمه سلام قوي حسيتو يعرفه ... جان
يگعد قريب من عندو... بس جان خالي شكلو مو طبيعي ملامحة تغيرت ... صاح كال يول وينهم تعالو صبو اگهوى للضيف
دگ التلفون وكام يخابر .. انحبص بالسلام مدري ويامن يحجي احنا كلنا سكتنه وره دقييقين طب زلمة وبيدو صينيه گهوى..
قدم النا وفتح ستائر الربعه وطلع... كتله مريم .. ولج هذا مو جبير بعدو صغيرر... احاجيها وهي صافنه عليه.. عسيتها كتله شبييج
حاجيني... جان تصد عليه كالت يولي مو يشبه ماجد المهندس
رفعت راسي عليه لين هو ديضحك بالتلفون ويخابر.. دنجت
كتله شعجل كصيتي .. اي والله بي من عندو.. كالت كحلاء
شبي خالج جنه مصدوم شو ساكت ومدنج راسو ..
كحلاء .. مادري يمكن صابتو رهبه مثلي هههه .. داضحك
وجان هو ينتبه عليه .. سكتت ودنجت راسي.. وره شوي ماتحملت
رفعت راسي دحگت عليه هي نظره هي صفنه ..
لابس بيدو ساعه ولاف على ايدو السبحة .. دحكت باب الربعه
مفتوح .. طب واحد محزن وبظهرو مسدس سلم وطلع ...
من طلع شفت بالبيت حرمة تبين جبيره بالعمر جت وكفت يم الباب دحگت علينا وراحت ...
...عاد هو كط التلفون
بسدو وكال .. ياهلا وجثير الهلا حياكم الله ...
عاد حجة علي كاله الجماعه عدهم مسجون وهو انسان مسالم وبريء.. اني بدون ماحس على نفسي حجيت بصوت عالي كتلو اي والله وحتى مريض .. بي سكر... مايكدر حسبي الله عليهم جان يكول .. سلامتو .. سهلة ان شالله وصد على علي كالو اي كمل ..
بقيت بفشلتي علي يحاجي واني صافنه عليه... گال سهلة
يطلع ان شاءالله .. كمت الحيلي .. ومشيت خطوه .. كتلو والله يعني تگدر اتطلعو...
سلطان العليان.. اي اگدر ان شاءالله ... استريحي ليش واكفه
مريم .. العفو منك بس هي خطيه حيل خايفه على ابوها قلقه عليه
سلطان .. حگها بس لا تخافين .. دام كتلج يطلع يعني اخذيها من هالشارب ايام قليله والوالد يگون عندج ...
كحلاء ... من گال هيج .. ماتحملت بجيت ونزلت دموعي كتلو
والله ادعيلك العمر گلو اذا بس خليتو يطلع من هالسجن
_ تامرين .. بس لا تبجين سهلة تهووون .. صاح وينهم تعالو جيبو ماي ... مسحت دموعي .. وصديت على خالي .. كاعد ويبين ضايج مانطق والاكلمه ... جان يبين اكو شي غاثه .. شربنه الماي وكمنه انريد نطلع ...
كال وين محد يطلع عشاكم اليوم هين ..،
ادهام ..مشكور .. بس والله وراي شغل .. يله خل انتوكل ..
طلع خالي يمشي واحنا وراه ... وهو وكف الحيلو ديحاجي علي مريم تمشي واني امشي وراهه .. جت رساله على تافوني فتحت
الجنطه طلعت التلفون .. رساله من رقم امي.. فتحتها مكتوب بيها
كحلاء ارجعي يمنه عمي وذياب ايكول بس ترجع الا اذبحههاااا
من شفت الرساله جمدت بمكاني .. مشيت بسرعه .. واني اقره بالرساله .. وصلت قريب من الباب .. وجان ينكطع حذائي انتبهت
الحذاء وكع من رجلي بقيت واكفه رجل بيها حذاء ورجل لا ...
جريت مرريم كتله ولج الحذااااااء...
صدت عليه كالت صخام الا هيييييين ينكطع... هي صدمة وهي ضحكة .. ادحگ عليه وگون كاتمه الضحكة...
جة علي يمشي كال يله خل نمشي .. دحكت خالي بره طلع وهومه ورايه واني ساده رجليه الاثنين لا اكدر امشي ولا اكدر احجي
عايزني اكعد وابجي.... نحطيت بمووقف
جان مريم تكله بصوت ناصي علي الحگ كحلاء حذائها نكطع ..
دحگ على الزلمة حس علينه .. كال خير اكو شي ..
كتله لا شكرا ماكو شي ..
مشيت وشلت الحذاء بيدي.. وصلت عتبة الباب وجان يضحك كال لحظة ... شبيها البنيه لازم حذائها نكطع
هو يضحك وهمه يضحكون اني اهجس نفسي صخنت
صاح ..كال .. ضرغام... يول وينك ... كال هسه يجي لحظة
جان ينفتح الباب طب نفسو المحزم بالمسدس .. كالو هلا سيدي
حياك گول...
سلطان .. خل تجي عمتي تجيب للبنيه حذاء تلبسوا البنت
ذاك بقى صافن كال حذاااء... حجاهه وهو بصدمة كله حذاء؟؟؟؟
_ سلطان ... ول شبيك اي حذاء البنت انكطع هين حذائها امشي
كتله لا شكرا اكدر ادبر حالي ... راح اطلع هيج .. صديت على مريم ميته ضحك وعلي وياهه واكف اثنينهم يضحكوون
سلطان.. اكفي .. وين رايده كتلج راح يجيبولج حذاء .. صبر بس صبر شبيج..!
كتلو سيدي مامهم الحذاء المهم ابويه شلون راح اتطمن ..
كال توصلج الاخبار.. كتلج يطلع .. ليش خايفه
كحلاء .. ان شاءالله زين مانعين الزياره واني اريد اودي العلاج
يكدر احد يرصله الى ..
سلطان.. يايوم تحبين تشوفي...
كحلاء .. يعني اكدر اشوووووفه ...! والله؟؟؟؟؟
اي سألتج يايوم تحبين ...؟
كحلاء بكيفك سيدي اي يوم تريد ياريت قريب..
سلطان.. خوش خلي الزلمة يخابرني اخذو رقمي الخاص من علي
وخل يخابرني دهام..
هزيت راسي اي .. وصفنت شلون يعرف اسم خالي دهام .. بهالاثناء
وجان تفوت نفسه المره الجبيره شايله بيدها شحاطه بيضه
قديمه بيها تراب... سلمت علينه خلتها يمي كالت والله مالكيت الا هاي الشحاطه اللبسيها يمه ... هي لج مو
كتله اي حذائي انشلع .. تقربت وبستها كتلها مشكوره خاله ... حطيت رجلي ولبستها
واني ميته خجل والكل ادحگ عليه .. لينها تطرگ جبيره
ورجلي غرگت بيها... ومشيت من خجلي جدامهم سريع كتلهم يله .. نمشي..! صديت عليهم ...
ضحك هو وكال .. ول يابه لا تكعين على كيفج ...



وتستمر الحكايه ....😬 انتظروا الحداث القادمة


لامارا غير متواجد حالياً   رد مع اقتباس
قديم 26-12-19, 12:58 AM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الحلقة .. الثالثة ...
#خيال #الكحيلة
#بقلمي_نشوى_السلطان



فاتت المرة الچبيرة بيدها شحاطة بيضة قديمة بيها تراب..سلمت علينه كالت والله ما لكيت الا هاي كتلها مشكورة خالة
حطيت رجلي ولبستها..واني ميته خجل والكل ادحگ عليه لينها تطرگ چبيرة ورجلي غركت بيها..
ومشيت من خجلي جدامهم سريع گتلهم يله نمشي ..! صديت عليهم
ضحك هو وگال ول يابه لا تگعين على كيفج..!
صديت عليه وكتله ها لا بس عندي دراسة اريد اصل البيت.... احجي وعيني على مريم شلون تضحك وكاتمة الضحكة
ضحك هو كال هااا بس على كيفج ...يايابه يحجيها ويضحك
صديت على خالي ومريم لين كلهم يضحكون ادري شبي حضي هيج ونكطعت شحاطتي .. وجماله وين يم هالزلمة.. طلعنا للطرمة
سلم هو على خالي وعلى علي اخو مريم هو يحجي واني ادحگ بعيونه .. جانت عيونه شكلهم ممميز ورموش طويله والشمس بوجهه .. واني سارحة نسيت موقفي الي اني بي جان مريم تعسني كالت شبيج راح نروح .. هزيت راسي اي .. امشي وعيوني عليه وهو يحاجيهم ولا انتبهلي.. طلعنا للسيارة وكال لهذا اللي جان محزم ولابس مسدس كله يابه روحو وياهم وصلوهم للبيت
دهام.. لا مايحتاج ماكو شي ان شاء الله البيت گريب
مشكور
عاد هو ..صد هو على خالي ومد ايده طبطب على جتافو كله لا يخوي ادهام مابيها كلافة احنا اهل ... لا تشكرني مابينا شكر اشر الهم وصعد هذا المحزم وياهه اتلاثه ..
صعدنه بالسيارة ورجعنه للبيت والطريق كلو سيارة ورانه تمشي علما وصلنه البيت ومريم الطريق كله بس تحجي بسلطان العليان لينها سرحانه عسيتها يولي شبيج لا يسمعوج .. تحجي جانت وصوتها عالي وكل شويه اعسها.. ؟ كالت ول ماشفتي مدري عيونه مدري نظراته .. خرب حياتي ولج حتى حمايتو حلويييين
كتلها فضحتينه الله يصكعج راح يسمعج خالي.. عوفج من ابو عيون ..
مريم .. هاا ابو عيون .. تره شفتج شلون عيونج ماشلتيها من عنده وجماله تنصحيني....اسكتي كحلاء تره انتي اكلتي بنظراتج
كحلاء... يووولي غير داحجي ويا علمود ابويه
شاون يعني اسد عيوني .. والله موراهمة حتى عيوني تزعل حجيتها بصوت ناصي.. جان تكول سمعتج علي صوتج .. مالوووومج يولي
هيييييبة خرب حياتي ... وين جنت عنه ...
كحلاء اتذكرررت شون تضحكين عليه جدامو هاا ول شلون فشلتوني جدام الرجال تمنيت الكاع تنشگ وتبلعني ورجعو خل اصل البيت... بسيطه.. صديت ورايه كتله يولي الحمايه بعدهم ورانه ..
مريم... صددددددك .!
كحلاء... بصوت ناصي.. عييييب لا تصدين .. رفعت راسي لين علي يدحك علينا.. صاح مريم... دنجن راسجن وكافي گرگة
اني فشلت كتله كله منج .. دنجت راسي وفكري راح يم خالي ابد ما نطق بحرف ووضعو كلو تخربط واحس نفسو كوة يصعد وينزل حتى مريم انتبهت.


وصلنا البيت نزلنا كلت لمريم انزلي كالت لا والله عندي شغل بالبيت اجيج باجر لازم ترجعين تداومين بالجامعة هواي محاضرات فاتتج
كتلها الله كريم سلمت عليهم وتشكرنا من علي .. عبرو بالسيارة
خالي فتح الباب.. جان يگول شكو صد عليه يدحك مستغرب.. اني عرفت يمنا ذياب من رساله سراب.. صياحة وصوت امي تحاجي
فتح الباب خالي طب جدامي واني وراه دحگت من شباج الهول .. لين ذياب وعمي وياه والبيت مشتعل ... وگفت وره خالي...
كال خالي هذا شجابو ؟ فتنا للبيت سلمت جان يكمز عليه ذياب لين يريد يجرني من شعري بس خالي ما خلاه وگف بوجهه
ذياب__ول انتي ماتخافين من احد ؟ ماكو احد يردعج ول شلون تطلعين وتروووحين لبيت العليان شنو ماكو زلم والنسوان تروح ؟
عجل گول خلصت الزلم ..
كحلاء__شبيك مثل الاعصار هايج علينا شنو كلولك رحت بموعد ليش تصيح كلتلك اروح ومو وحدي اني وخالي ادهام ومريم واخوها ماصارت بس تصيح وماخذنه بصياحك
ذياب__وانتي فد ق....ره تروحين وانتي شنو من البيت خاطر تروحين ول اركحي اكضبي الكاع لا تضلين تجططين هين وهين يولي والله اعيد تربيتج من جديد ارگحي..
صاح خالي ادهام__ذيااااب احترم نفسك والمكان اللي انت بي ماعدنه بنات مامتربيات وماراحت وحدها اني وياها رحنه للزلمة تفاهمنه وياه والزلمة ماقصر وعدنه بخير لا تظل تصيح هين
ذياب__مايصير عمي تروح المفروض انت تمنعهااااااا ماتاخذها وياك لبيت غريب وفوكاها بيتو مليان حمايات وحرس اكيد شلون تطلع تمشي جدامهممممممممم
ادهام__الزلمة مو غريب اعرفو اني حق المعرفة والنعم من اخلاقو ومن اهل بيتو ومحد بالربعة كعد ويانه غيرو واستقبلنه وضيفنا عيب استحي ذياب لا تبقى تصيح جدااااامي
اني انتبهت منين يعرفو خالي لسلطان ؟؟ ومنين يعرف اهل بيتو ؟ وقاطع افكاري صوت ذياب
ذياب__استغفر الله وانتي شلون هيج طالعة بهذا اللبس ؟ ليش ما تلفين الشال عدل مثل الاوادم شعرج كلو طالع .. والله مال ازينو زيان خاطر تلبسن الشال عدل
كحلاء__تره خنگتني يا اخيييي مالك حق شعليييييك كيفي ما عليك لاتتدخل..اجه تقدم عليه وجره عمي مدري شحجة وياه بصوت ناصي .. صد عليه عمي وكال سهلة تكضبج ايدي .. كلو امشي يله نروح
ذياب__ماشي كحلاء يصير خير
كحلاء___ياجيني ويجر بي .. ناس تعر(تعر) (تجر) بناس لما وهذا معرت بزياگو (معرت مجلب ) گو طلعة وامي تسكت بيه
وترجع تتوسل بي وادحك عليها كسرت ًگلبي وسراب خاتلة وره البال وخايفه من نظرات عمي ... اوووف ابويه وين عفته بيد من لا
يرحم ... خايفه من تهوو ذيااااب... رغم
بحزته وكفت بوجهه وحاجيته بس جنت اهجس عضامي اطگ من
الخوووف ركضت جبت ماي لخالي شرب الماي ولزم راسو كال راسي راح يطگ كتله ليش خالي شبيك مو على بعضك انتبهت عليك من دخلنا بيت سلطان وانت وضعك مو زين بيك شي ؟
ادهام__ارتبك وكال لا ماكو شي بس هسه انام هين ارتاح شويه ويروح الصداع
غير الموضوع خالي وماجاوبني بس حزتها شكيت او تأكدت خالي عندو معرفة قديمة ببيت سلطان العليان لأن من احنه هناك سلطان
كال عود خلي يخابرني ادهام منين عرف اسم خالي؟؟
وحتى سلامهم يبين سلام ناس تعرف ناس وچثير سلطان رحب بخالي..ياترى شنو الموضوع ؟؟
قاطعت افكاري امي واني صفنه تجيبني وصفنه توديني كالت ها سولفيلي شصار وكعدت بالمطبخ كتلها ماما قابلنه الرجال ووعدنه
بخير وحتى راح يخلينه نقابل بابا ووعدني ايام قليلة ويطلع وحجيتلو كلشي وكال سهلة
كالت ماما__زين يولي خالج شبي مو على بعضو جن مريض خطيه...
كحلاء__اي صدك ذكرتيني اكلج خالي يعرف بيت سلطان العليان ؟؟ شو الزلمة من شاف خالي سلم عليه سلام حار ويعرف اسمو هم استغربت!!
امي__بيت العليان ؟؟؟؟ العليان ماغيرهم عضو مجلس محافظة ؟؟
كحلاء__اي هو بس ما ادري عضو مجلس محافظة عبالي برلماني...شبيهم ؟
امي_دحكتلي بنظرن استغررراب وبصوت ناصي كالت عزه عالماتلج اذا صدگ
كحلاء__ياستاز شبيج يمه ؟
امي__شو وخري اسكتي اكوم اشوف خالج
كحلاء__يربي تعالي يمه شبيج غير افتهم شبيهم بيت سلطان فهميني ورحت امشي وراها
شافت خالي متمدد كعدت بسدوو ودحك يمنه ويسره كالتلو ادهام ادهام كاعد ؟ تحاجي بصوت ناصي..
ادهام__هلا اخيتي اي كاعد
امي__ اكول بيت العليان رحتولهم نفس العليان ما غيرهم ؟؟



ادهام__جر حسرة خالي وكال اي نفسهم
امي هين كعدت يم خالي كالتلو عمت عيني ياخيي سبحانك ربي شلون دنيا صغيرة
اني صحت كلت اي غيييير افتهم شكوو شبيكم وبعدهم ساكتين اشرتلي امي اسكتي
سكتت وصديت على تلفوني تذكرت هو الزلمة كال اخذو رقمي الخاص من علي عفتهم يحجون حسيت مايردون يحجون جدامب كمت طلعت اخذت تلفوني خابرت مريم
مريم__هاا يولي .. هسه عفتج ها صار شي
كحلا__صگع صبر خلي احچي..اخذي رقم سلطان العليان من علي ودزيليا برسالة
مريم__ هااااااا شتسوين بي ولج..؟
كحلاء__اريد اغازلو يعني شسوي بي غير افتهم شوكت مقابلة ابوية وانطي لخالي يفتهم منه
مريم__هااا اي صح والله بس يولي مو تكعدين تتصلين بي وتففضحينه انطي الرقم لخالج


كحلاء___ايهييييي هسه فضيها دزي الرقم شغازل منه ماتسكتين انتي الخ
مريم___اي اي هسه يلا روحي فارجيني...
سديت الخط وكعدت انتظر الرسالة شوية ووصلتني رسالة من مريم فتحتها لين رقمو سلطان العليان حفظتو بجهازي تمددت وصفنت
كلت خل اشوف ودخلت شفت شنو عندو برامج لين عندو واتساب وفايبر وحاط صورتو بالواتساب طبيت عالصورة وقربتها اشوفها
زين لابس رسمي سترة لون بيجي على اوف وايت وقميص لون سمائي ورباط بي مربعات صغار سمائي وبيچي فاتح واكف يم سيارة عالية وبيدو سبحه ولابس ساعة جانت حيل حلوه اللقطه
فكرت ادزلو رسالة ورجعت ترددت كلت لا عيب شيكول عني هسه يكول خفيفة لالا بطلت ذبيت الجهاز ورحت اسبح وكملت نشفت
شعري وهم فكرت ادزله رسالة كمت فتحت الواتساب اشوف شوكت اخر ظهور لين قبل 12 دقيقة اخر ظهور بقيت بحيره ادز لو لا شو ايدي كلها ترجف... سميت بسم الله و
دزيت رسالة كتبت (السلام عليكم..استاذ سلطان اني كحلاء اليوم اجيناكم للبيت ) ... وكلبي يدگ ... ومخبوصه احوالي...
بقيت انتظر... وكلي امل يرد... انتظرت ماكو
//عفت التلفون وكمت الحيلي مااعرف ليش نفسي انفتحت للدراسة كعدت على فراشي اقرا المحاضرات اللي فايتتني لليل كملت وتعبت اهجس راسي موتني
دحگت الساعة 8 وعشرة حيييييل شكثر بقيت اقرا وكمت عالمراية عدلت شعري وخليت عطر وشعلت الفحم بالمبخرة وحطيت البخور االله ريحة البخور تعدل مزاجي...
بخرت الغرفة ونزلت جوه والمبخرة بيدي شفت سراب المفجوعة بيدها لفة تاكل كلتلها يولي كافي شكثر تاكلين راح تصيرين دب
سراب__صگع شكثر عينج على اكلي ما عليج من خير ابويه اكل مو من بيتج
سمعت صوت خالتي وبنتها سارة جوي رحت فتحت باب المطبخ تلكيتهم
كحلاء___هلا خاله حياج
خالتي__هلا يعمري شلونكم هاج اكضبي يولو متت من المشي
لمياء __شكثر مشيتي يمة هي 8 دقايق من البيت لهين
كحلاء__يولي مو خالتي ماتكدر جان خليتي عمي مصطفى يوصلكم
لمياء__ابويه مو بالبيت اليوم
كحلاء___ها اا ديله طبو يله هسه كضيناهه عالباب
كعدت خالتي كالت ول جيبولي ماي ونزعت العباه رحت جبتلها ماي وصحت سراب تساعدني نسوي عشا بس دحكت امي عازلة نفسها و عيونها مورمة دحكت عليها باچية رحت حضنتها كلتلها والله يطلع وداعتج بس صبر شوي يا امي اليوم افتهم من استاذ سلطان شنو اللي راح يسوي احاجيها واني مخنوگةً..
امي__الله يطول بعمرو ان شاء الله معروفين بالوكفات هو واخوجان
خالتي كالت منهو هذا ؟؟
كالتلها امي بيت سلطان العليان اليوم راحولهم علمود يتوسطون يمهم يشوفلنه حل راحت كحلاء وادهام
خالتي__يولي هي بيت عليان ؟؟ بيت العليان نفسهم ؟؟
امي__اي اي نفسهم
خالتي ضربت خدها عزه عالماتلچن شلون وصلتو الهم وين رحتو شذكركم بيهم ..
كحلاء__اتقصدت ادحك عليهم حتى افهم السالفه كطيت البيدي كتلهم .. شسالفة شبيكم كلمن يسمع بيهم يلطم ماتحچولي شبيكم شنو تعرفوهم فهموني مثل الاطرش بالزفة مخليني..دحگت على امي تغمز بعينها لخالتي ...
كلتلها عليش عليش كولي ماتريدون تحچون لااتغامزون
عاد كالت امي _صگع بعدين مو هسه لا تلغين چثير وكومن سون عشا يلا
هزيت بيدي كلت ياربي يحسسوني بيت العليان ماخذين ورث جدي عفتهم وكمت اكمل شغلي...
جت سراب طلعت كبه من المجمدة وكلت لسارة بنت خالتي تكشر بتيته وسراب بيتنجان ووكفنا عالطباخ نسوي عشا وراحت خالتي وامي بالربعة يم خالي
كالت سراب__سمعتلكم ساااالفة ولجن...
لمياء..__احچي شكووو ولج ..
سراب.. انطوني لفه شي واحجيلكم بطني مو بس عصافير تصوفر وداعتج حتى حمام...
كحلاء.. ادحك عليها مرتجيه عالباب وتحجي من كالت حمام متت ضحك كتلها ولج احجي واخذي عشايه بس احجي..؟
سراب__ اذا بيها وجبه عشا خل اسولفلجن هههه
لمياء... غير تحجي عاد .. راح ارگعها بالصينيه ..
سراب عههعه لا راح احجي احم احم .. طبيت بالصدفه وسمعت خالي ادهام جان يعرفو لهذا سويدان ماادري سلطان قبل جم سنة
كحلاء__هاااااا منين عرفتي ؟؟ احچي يولي
لمياء _غير يحجن هو منو هذا سلطان شو البيت كله يسولف بي..
كحلاء.. هسه بعدين افهمج كملي سراب.. سحبت الكرسي وكعدت كبالها..
سراب__والله العظيم رحت اسد الماي مفتوح بالحديقة ومن جيت اطب الربعة سمعت امي تكول لخالي شلون استقبلوك ؟ وانت ماجنت تعرفهم قبل ماتروحون ؟
وخالي يكلها لا والله لو اعرف جان مارحت ولا وصلت عتبة بابهم بس الشهادة لله الزلمة ما قصر دگ صدرو وكال يطلع اخذوها مني
ومن هالشارب يطلع .. هاالفترة
كحلاء___يا صلواااات على محمد مووو اني حسيت عرفت والله اكو شي اي كملي
سراب__شكمل ول مالحكت اسمعهم كامت امي يمكن حست اني واكفة
ضربتها على راسها كلتلها ثوووول غير تديرين بالج
وبقيت افكر شلون يعرفهم خالي ؟ ومنين ؟؟ بقيت اجيب السالفة منا واوديها منا ومالكيت جواب
كملنا العشا تذكرت العصير رحت فتحت الثلاجة جبت ماي سويت عصير وخليتو بكلايصات بصينيه ووديتو للربعة كعدنه نتعشا وخالي ساكت بس مدنك وياكل واحنه مثل البومة وحده تدحگ بوجه الثانيه
عاد سراب كالت اكوووووول خالووو..
ادهام__هلا ابويه انتي
سراب_شبيك سرحان خالو اليسمعك يكول عاشگ
جان خالي يبتسم كال اييييييه ايييييه ويدحگ عليه ودنج راسو
جان اني لمياء وسراب نصيح بصوت واحد الللللللللله عالعاشگ
امي غصت بالاكل__ بس كلنه عاشك ودحگ على خالي بنظره قهر .. صاحت اكلو بدون حچي شكثر تلغن انتن
سراب__صبر يمة اريد اشوف احوال خالي الغالي
كحلاء__اني مااعرف ليش حسيت اكو ربط بين الموضوع وبيت العليان والله حسيت جان خالي يكوم من العشا كال جيبولي چاي
كمت سويت چاي وعفت الكل كاعدين عالسفرة استغليت الفرصه ورحت على خالي بره بالحديقة كاعد بالمرجوحة وكالعاده مشغل اغنيه ومسلطن والجكاره بيده .. مشيت على كيفي .. قدمتله الجاي وكتلو خالو ممكن اتسويلي مجال يمك
كال حدري يولي تعاي بعد خالج ...
حدرت كعدت يمو وهويسمع .. هم رجع گلبي يحن ماكفه جرحي البيه
ضاگ المر من حبه الفات ريت الله يهديه
هم راح ارجع اشكي وابجي ويذبلني سهر الليل
والله تعبت من العشگ والكلب ماضل بيه حيل 💔زرع بيه العشگ خوف يعني ابطل ما اشوف اوف من كلبي اوف .. يسمعها وعيونه تلمع ... دحكت عليه يقهر .. ياربي خالي جان يحب وحده
معقول من بيت العليياااان .. اريد اسئلة ومستحيه .. وره شويه
كتله خالو تعرف بيت سلطان سمعت .. ؟؟
دحگ عليه صفن ورجع ورث الجكاره الثانبه كال خالو سالفة طويلة بعد خالج
كتله ايييي احچيلي الله عليك احب اسمع
خالي__اسولفلج اسولفلج خلي اخابر الرجال كال خابروني وما خابرتو
ردت اكله اني راسلته بس خفت وكلت هسه من يخابرو خالي يكلو راسلتني كحلاء ... بحزتها حتى سالفه خاالي نسيتها خفت يكله
كتبتلي مسج ... امداني شجاني ودزيييت جان يصد عليه
كال شلون الرقم خابري صاحبتج تدزو كلتلو ها اي هسه اخابرها
ماكلتله اني اخذته رحت جوه 10 دقايق افتر مثل الخبله اروح وارجع .. جيت يمه كتله هذا الرقم سجلو بتلفونه واتصل واني
افتره وحوش بالثيل .. بس عيني على خالي .. شوكت يخابر انتظرت ...
شووويه دك دك وماكو رد كتله هااا كال يجوز مشغول الزلمة .. ديحجي خالي جان يدك التلفون بيده كال ها هيان اتصل هوه .. من گال هيج احس گلبي مااااع ... رد خالي الو
خالي كال الو
وعليكم السلام كل الهلا شيخ
سكت شوي خالي وجان يكوم على حيلو كال كول غيرها شيخ ؟ اي اي انتظرك لو اجيك اني شيخ مااريد اكلفك
واني حسيت اكو شي صاير يخص بابا اهجس رجليه ماعاد تشيلني سد التلفون خالي كلتله هااا خالو شبي بابا لطمت على وجهي
كال كولي يا الله بنيتي باجر نروح اني وشيخ سلطان لضابط التحقيق وللسجن
بس فهمني شبيييييي بابا..
كام خالي يفرك بوجهو وحدر كعد بالكاع اهجس نفسي نار تطلع مني حست علينا امي وجت شافت خالي هيج وضعو حدرت كعدت يمو ووجها انخطف لونة ... صاحت شبي شكو شنو خاف ابوج ارتفع السكررر احجووو.. مارديت عليها ...
عفتهم رحت اركض على تلفوني ادور..وايدي ترجف.. لكيت التلفون وطلعت الرقم .. دكيت على شيخ سلطان دك علما انكطع ماكو
ياربي هسه وكتك هسه جنت تحچي وين رحت
رجع اتصل عليه رديت بدون سلام كلت الو استاذ شبي بابا الله يخليك والله بابا مظلوم ماعندو سوالف داعش الله يخليك وكمت ابچي
سمعتو يكول لناس يمو من رخصتكم وشويه جان يكلي ول يابه شبيج ... ابوية ؟؟ ...
كلتلوابوس ايدك بابا شبي شنو صاير بالقضية احجي وابجي .. كمت افكر بحزتها خاف السكرررر صعد .. خاف بي شي... واي ابجي سكت حسيته جرر حسرة .. وكال...
سلطان___ما كالج خالج ؟؟
كحلاء__لا شكووو الله عليك احجي..
سلطان__ابوج........وتستمررر الحكايه ..
النشر .. بين يووم ويوم .. ان شاء الله ... لكم مني كل الحب



لامارا غير متواجد حالياً   رد مع اقتباس
قديم 26-12-19, 07:12 AM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الفصل الرابع
مسائكم مسك وياسمين ..❤️
#خيال #الكحيلة
#بقلمي_نشوى_السلطان
🧚‍♂️
دكيت على شيخ سلطان علما انكطع وماكو
ياربي هسه وكتك هسه چنت تحچي وين رحت..
رجع اتصل عليه رديت بدون سلام كلت الو استاذ شبي بابا الله يخليك والله بابا مظلوم ماعندو سوالف داعش الله يخليك بدون ماحس على نفسي.. ..گمت ابچي.. بهالاثناء
سمعتو يكول لناس يمو من رخصتكم...وشويه جان يگلي ول يابه شبيج ؟؟ كتلو ابوس ايدك بابا شبي شنو صاير بالقضية..احجي وابجي گمت افكر بحزتها خاف السكر صعد خاف بي شي... واني ابچي تلخبطت كل افكاري هو سكت حسيت جر حسرة كال
سلطان__ما كالج خالج ؟؟
كحلاء__لا شكو الله عليك احچي
سلطان__ابوچ متهم بقضايا تفجيرات وقضية اختلاس اموال والمحكمة مالتو اسبوع الجاي ومتخربط بالسجن
كحلاء__بدووون وعي صحت لاااااااا بااااباااا عزززه لااااا والله ماعندو هيج سوالف والله مايكدر يذبح طير مو انسان احجي وابجي
سلطان__كحلاء الووو تسمعيني
كحلاء__اي استاذ اسمعك احجي وابچي ...
سلطان__لا تبچين باجر اني رايح بنفسي دحگي الا مايطلع اكو غلط ان شاء الله سهله بس لا تبچين وعد رجال باجر تسمعين اخبار حلوة
كحلاء__والله خايفة والله ليش هيج صار
سلطان__جر حسرة وكال عوني بالله خير كومي غسلي وباجر من الصبح بس خل تصبح الدنيا اني يمو وخالج وياي تسبعي صيري سباعية لا تبجين
كحلاء__ لا راح اسكت والله
سلطان__عجل اعوفج ترتاحين
كحلاء__استاذ ممكن طلب؟؟
سلطان__امري
كحلاء__مايأمر عليك ظالم..اريد اروح وياكم اشوف بابا الله يخليك
ضحك بصوت عالي كال ماتريدين اخليج تباتين يمو ليلة ؟؟
كحلاء___علواااااه ياريييت
سلطان___ اكضبي روحج يابه
كحلاء_ليش والله اتمنى اشوفه
سلطان_ لا يابه اكعدي جم يوم ويجي عدكم
كحلاء__عجل شلون والله اهجس گلبي نار
سلطان__ول افهميييييي...اسمعي اليوم شنو من الايام ،؟
كحلاء__اليوم سبت
سلطان__احسبي للخميس لو الجمعة بالزايد ابوج بالبيت هااااا عايل ؟؟
كحلاء__انطيني كلمة رجال
سلطان__كلمة رجال من هين للخميس اذا ماطلع اني فلا اكعد بين الزلم... بس سالفه روحة السجن موراهمه ...
لو انتي شتشوفيها..!
كحلاء__حشاك شيخ محشوم.. خلص ماراح اروح داحجي وجان اسمع صوت احد يمو يدك الباب كال سلطان تفضل
صاح واحد كال شيخ الجماعة گامو رايحين
سلطان__اي جاي لحظات
كحلاء__اسفة عطلتك
سلطان... لا ماصار شي...
كحلاء شكرا اخذ راحتك
سديت الخط ومسحت دموعي تنفست حيل عدلت نفسي ونزلت جوه لكيت امي تبجي وتدك على رجليها وخالتي وسراب ولمياء مكابليها ويبجون دورت خالي لكيتو يخابر تقربت يمو سمعتو يحچي مع احد عرفتو محامي من خلال كلامو ... ياربي روحي مفرفحة مدري شبيه .. افتر هين وهين...
رجعت طبيت للربعة رحت كعدت يم امي تربعت وكعدت كلتلها والله ماما يطلع خالي باجر يروحوله حضريلو اكل ولبسو والعلاج كالت ان شاء الله يارب الله ما يقبل بالظلم


كامت خالتي كالت يلا احنا هم نروح ماظل وكت سلمت علينا وراحت هي ولمياء وراح خالي يدرجهن الطريق .. اني متربعه وكاعده اهجس الحايط البسدي واكع على راسي... صفنت اتذكرت وعد شيخ سلطان... كلت لا مدام وعدني يعني ابوي يطلع
عفت امي متمددة بالهول وسراب بالغرفه ..كمت صعدت الغرفتي
عيني عالتلفون.. كلامة من اسمعه يطمني،..
تمنيت اتصل واسمع سوالفه ورجعت حاجيت روحي
شبيه بس اريد اخابر... اثگلي كحلاء عيييب ..
زلمة معروف واله منصب بحال زعطوطه مثلي..
شداسوي اني .. طميت روحي ... وكعدت كبال المرايه ..
كمت امشط بشعري... هناااك وجان اتذكر الحذاء .. كمت اضحك مثل الخبله واني وحدي بالغرفه... صديت الشحاطه كبالي صارت..
ياربي شكبرها هاي.... اكيد مالت حرمة ضخمة.. مر الوقت
جيت فتحت كتابي ... اريد اركز بشي ماكدر دماغي وافكاري مخربطه ابويه شلون ياربي..
اني اتيه بدونه .. اويلي .. يعني ابقى على ايد
ذياب.. يمكن اموووت.. شلون اگدر اعيش بدونه
رفعت راسي .. ودعيت من گل گلبي ربي يفرج عنه
تمددت بفراشي بقيت افكر لحد ماغفيييت ...
كعدت الصبح على حس المنبه ... اووف وقت الجامعه
والله ولا اكدر اشيل روحي ولا الي خلگ ادرس..
ارفع راسي من المخده وارجع اتمدد
اخ دتفوتني دروس لازم اكوم
كمت الحيلي.. صفنت
تذكرت الدروس والمحاضرات وهوسة الجامعه
حسيت ضاگ صدري..
رجعت تمددت .. كلت ماداوم والي يصير خل يصير..
نمت وگعدت ساعه عشرة ونص .. الصبح
فتحت الشبابيك والستائر ونزلت...
طبيت للحمام وغسلت داانشف..
سمعت صوت جدتي تحاجي امي...
علگت الخاولي وطلعت...
لگيت امي تگلم بالبامية ..
وجدتي متربعه وكاعده قريب منها ..
اسمعها اتكول.. والله ذياب مايعوفها
ويگول ان شفتها طالعه الباب اكسر رجليها
وهي تحجي اني قاطعتها.. سلمت ..
كتلها جده .. سالفه ذياب ماريد اسمعها..
اذياب واني مانتوالم ابددد
جان امي تكول سدي السالفه مو وكت خطبات ابوج بالسجن
احنا بيا حال..!
صديت على جتي ضاجت من حجت امي
عفتهم وشلت ااقوري حميت الجاي.. وكعدت اتريك.
وهمة يسولفون .. كمت حطيت الصينية ع الكاونتر اخذت المكناسه
وطبيت للهول ..
بديت اكنس .. دحكت عالساعه .. 11
خالي ماموجود رايح للسجن يودذي غراض ابويه و .. سراب بالمدرسه.. كنست الهول وعزلته..
تبرمت وطلعت للطرمة شلت الصونده .. اريد اغسل البره..
توني فاتحة الماي... وجان يندگ الباب.. صحت منووو ..
_ ذياب ... يعني منو اني ذياب... كتله فوت ...
كطيت الصونده وطبيت اركض للبيت لان بدون حجاب..
جان يصيح .. عليش طبيتي هو بقى .. گووو..اا ... ماشفج مفرعه
مارديت عليه.. حسيت بي فات يمشي ورايه.. الحجاب معلگ يم الباب سحبته لبسته ... نداريت لين هو بوجهي .. ضخم طويل بطوله ساد الباب .. كضب ايدي بقوووه .. عيونه حاطهن بعيوني وهو خازني.. حجة بصوت ناصي.. يووولي .. احجي ليش رحتي لبيت العليان.. هااا..؟


_ عتيت ايد بقوه .. ماكدررت اسحب نفسي . كتلو .. يعني نبقى
نعيد ونسقل بالسالفه عوف ايدي
ذياب.. جاوووبي ولا تتهربين تره اعرف الي تخططين اله
_ شبيييك شخطط .. عوفني اكلك
_ ذياب... البالج مايجرة .. انسي بيون تصيرين الزلمة غيري..
_ يعني عجييييييب شلون تتقبل انسان بحياتك مايحبك
يعني داكولك ماااريدك موبيدي يعني شلون اجبر نفسسسي
_ هاااااااه .. ماتريديني لازم هي احبك وماحبك الظاهر صدك
حاطه عينج على زلم العلياااااان .. ولج تبقين بالبيت لما يغزيج الشيب واتزوج .. وماخليج اتزوجين خاف عباااااااالج
_ يااااعليان انت شبيك كافي تخبلااااات زلم العليان بحالي .. على صياحي وصياحة جت امي تركض وجدتي اتوجهه العوجيه ..
صاحت امي... عوفها تره ماصارت يوميه طلبه شبيك وياهه
ذياااااب ... ماعوفهاااا بنت عمي اريدهااااااا ومحد اله دخل...
كحلاء.. ادحك عليه عيونه تريد تطلع من مكانهه وجهه احمر محموق.. ويصيح ... من شفته هيج بقيت ساكته وهو كاضب ايدي ويصيح بوجه امي ... جت جدتي وضربت ايده بالعوجيه ..
صاحت عوف البنت يوووول .. شو عوفهاا...
ذياب.. جدتي خليج محظر خير .. اني گلبي متحمل عليها..
كحلاء... هو يسولف وصادد عليها سحبا نفسي بقوة ركضت وكفت وره امي... كتله انت مريض والله مريض...
صاح من مكانو علييييينن يولي....انهزمتي موو خل تكضبج ايدي
والله لمو جدتي هين وعمتي... جان عرفت شلون اتصرف وياج
_ يحجي هو واني عيني على ايدي .. شلون مرسومه اصابيعه ..
كتله شتريد تسوي سوي... بس تحلم اصير بيوم الك...
احلم مو... ولج واله غصب اخذج .. واكسرو لخشمج ...
وارد شوف منهو يجي ايتقدم غيري خاطر افلعوو فلع ...
_ عفت امي وصعدت عالدرج ركض هو يصيح وامي تصيح
وتكله عيب عليك يوميه هاد شبيها بنتي.. شنو شفتها طالعه من الطريق تره مايصير هيج حاجي عمتي... تره ماكو زواج غصب
وابوها موهين .. كافي يوميه هاد .. لا تخليني اللبس عباتي وتعنى على الولد....
_ صحت من مكاني وهو يدحك عليه كتله خلي يمه يسولف ..
شبيج مهتمة ... عوفي...
_ صااااح هااااا عوفي ... لازم اني موبعيييينج ... ولج
حدري تعاي هين كبالي...
_ من شفته كام يصيح وتقرب عليه.. ركضت الغرفتي..
اني اركض وسمعت جدتي تصيح تعاااااال حدر يول...
هاي بنتج ماتكدر تكضب اللسانها.. يعني الا تسويلنه بلوه..
طبيت طبكت الباب.. عليه اريد اقفله .. وجان يدفعه ... طب
كضبني من اديه الاثنين لوووواهم ليوره.. اني اعيط وجدتي وامي جوه بصيحن عليه... دحكت بعيونه واني اتألم ... واديه لوره اثنينهم .. كتله شبيييييييك ... ماكاااافي عاد شبييييك ...
بقى ساكت وصافن عليه .. اني اعت بديه واعاتج ( اجرجر)
بنفسي ماكدرت.. اتذكرت ابويه بحزتها كلت لو هو هين ما مد ايدو
عليه ...عيوني من حالهم گامو ..، دحگ علية بنظرة .. غريبة ..
شافني اتوجع.. دحگ بعيوني حسيته يريد يحجي شي... هد ايدي
بدون مايحجي عافني وحدر... بقيت بغرفتي مانزلت .. حدر هو وجدتي تصيح عليه تكله ها شسووويت الها .. خمو ضربتها يحاجو
لكن ماجابوهم .. سمعت باب البره انلطخ بحيييل.. مسحت دموعي
وحدرت واني افرك بديه.. صاحت امي ها شسوالج.. حدرت وكعدت غادي منهم .. كتله ماسووووه شي . شلت التلفون
جان تكول جدتي،. يحبها مايكدر يضربها .. يستخطيها
وفعت راسي عليها كتله جده ياحب هذا .. شتحجين انتي
هذا مو حب هذا دماااااار
_ اي يايمه ايكولج اللبسي لبس راهم ماتسمعين الكلمه
يكولج عوفي الجامعه ماتقبلين.. يعني شيسويلج حگوووا
_ كتله يعني حگو يهين بيه ويضربني ويصيح عليه .. والتالي يعني
اني ماريده هيييييييي گوووه ...
ليش يمه ليش ماتريدي شو طول وشكل واخلاق وابن عمج بعد شتريدين تره شوفي لمو ينغار عليج ماسوه هيج
جده تره هي نفسسسسسسيات مو بيدي يعني ماكدر والله شوكت تفهمووووني ... عفتهم وطلعت للطرمة .. كعدت بالحديقه
عالمشراگة تشمست شويه .. وصنه تجيبني وصفنه توديني
شلوو مااصفن بعيد ترجع تاخذني الصفنه واتذكر سلطان..
شبيه يربي .. ماريد يجي على بالي.. كمت كلت خل الهي نفسي شويه كمت فتحت الماي وبلشت اغسل بالطرمة .. شويه وجان ينفتح
الباب .. جان تفوت سراب ..صاحت ... هاااااا يولي امي شركبت غده .. كتله ولج ماتولين عن وجهي اني انتظر خالي وهي بالها يم بطنها دفوتي جوه وكطي حذائج بره ...
سراب.. ولج كحلاء جووووووعانه جوعاااااانه ... الله هاي ريحتيش بانيه مووووو خل الحگ اكل ..



كحلاء.. دحكت عليها كلت ياريت عندي گلب مثلها.. شلت الماسحة وكعدت انشف بالبره.. .. كملت رجيت الماسحة عالحايط .. جان يطب خالي .. كال سلام عليكم
رديت هلا خال بشرررر صحت يمه جة خالووو
_ ادهام .. واجهت الوالد ... تعاي خل جوه اسولفلج ...
طب يمشي واني طبيت وراه .. كعد وكعدنه يمه كلنه ..
كال .. الحمدلله ابو كحلاء زين ويسلم عليكم .. وديتلو الدوه والهدوم
بس ماخلوني افوت شي .. خليتهن يم العسكري كتلو حاول تفوتهم
_ كحلاء ... عليك الله خالو خمو مريض اححي الصدك
_لا اا كتلج الحمدلله زين بس شوي شعرو عالي .. كال جيبولي جكاير طلعت اشتريتله الجكاير .. والله لمو شيخ حامد العليان وسلطان .. ماايخلون بشر يعبر ليمه .. بس الزلمة ماقصر ..
كالت امي .. ريتهم طبيبن الله ينطيهم ... زين مافتهمت شي عن قضيته شوكت يطلع..
جدتي كاعدن تباوع سمعت لمن كال توسطولنه بيت العليان بقت ساكته ماحجت شي.. ..
ادهام.. والله لحد الان مافهمت شي الضباط مايتحاجوون..
بس خابرني شيخ سلطان كال مرني اعتقد اخذك لجماعه وروحتنا تبشر بخيرر...
كحلاء... بخزتها تفطنت لمن كال احسبي للخميس هو يمج ..
كلت هو كال من هالشارب.. يعني الزلمة ديمشي وماقصر..
كالت جدتي يالله بلجي الله خير...
لمن عرفت ابويه بخير وخالي طمني عليه حسيت ملكت الدنيا كلها
ماصدك يجي يوم وترجع لمتنه وابويه يكون يمي...
كمت للمطبخ صبيت الغده وتغدينا ... للعصر
كالت امي خدريلنه جاي .. خالي كال راح افوت اسبح الزلمة راح
يمر عليه جهزيلي الحمام خيتي.. كمت اني .. طلعت كعك خدرت جاي ومدري شبيه مخبوصه واني بالمطبخ عيني عالباب.. كل
مااسمع هورن سياره اكول جة شيخ سلطان...
بحزتها جنت لابسه كلابيه سوده بيها احمر بالردن وشعري رافعتو ذيل الحصان .. افتر بالبيت واعدل .. وارتب .. وعيوني عالباب..
طلع صاح خالي كال يولو المنشفى وين ..هو صاح وجان اسمع هورن بالباب وسياره طبكت.. صديت باوعت عالباب اريد اشوف
وجان تلفون خالي عالشحن يدگ .. ركضت قريت الأسم
سلطان العليان يتصل.. يابة اهجس عضمي ترجف رجف
ادري شجاني اثولت .. بسرعه رجعت التلفون عالشحن وصديت جدتي كالت منو هذا يولي... كتلها هاا... هذا .. هذا هذا ...
صاحت سراب سالمين كحلاء...؟
كتله شمدريني منووو.. عفتهم ودحكت من الباب.. كتلهم سياره بيضه عاليه طابكة... صاحت جدتي اكفي لا تطلعين خل خالج يشوف منو .. كتله لا طبعا ماطلع ...
طبيت للمطبخ ركض طفيت الجاي... وفتحت الشباك اريد اشوف منو ماكدر .. سحلت الكرسي وصعدت فوكاهه ... دحكت السياره طابكة وسلطان مرتجي عالسياره والتلفون بيده .. يبووو وينج مريم
الحگيلي... ربي معقول بيت العليان كلهم هيج شخصيه .. جت تركض سراب كالت وين صاعده حدري يولي لا تكعين ..
كتله ها اي بس صار عندي فضوول اشوف منو ..
كلت هاي مفضوحة بسرعه حدرت .. وكمت ارتب بالاستكانات
سمعت حس خالي طلع كال بسرعه الحذاء وين الزلمة عالبال واكف
طلعت امي كالت وينه خل ينزل .. عيب خل يشرب جاي
دهام.. الزلمة عندو شغل مو مال ينزل ول كحلاء وينوووو
الحذاء..
كتله اي خالو جايه ... طبيت للغرفه طلعت الحذاء وطلعت
ديلبس بالحذاء امي لفت حجابها زين كالت راح اطلع عليه اسلم عجل يركض بشغله ابو كحلاء مانسلم عليه .. صاحت جدتي حك اي والله
كامت وهي اتوجة عالعوجيه ... طلعت وراهه .. اني مشيت وراهم وكفت بالطرمة .. سمعت امي وجداي يسلمون عليه .. كلتله تفضل اشرب جاي..
اسمعه يكلله واصل والله بس وراي شغل ماكدر.. تشكرت منه جدتي
كال الها ماسويت شي حجيه وان شاءالله اكدر اساعدكم ويطلع
كالتله والله يابه ضلم اخذو رجل دجاجة مايحل ...
كال ادري حجيه والله صحيح ليش اني ماعرفكم .. سهلة لا تخافون يطلع ان شاءالله ... اني واكفه ورا الحايط واسمع وسراب اتكمز يمي
تكلي اريد اشوفه واني اسد بحلگها .. طلع خالي يمشي سريع
طلع علية كالو شعجب ماكو حمايه .. ضحك هو وكاله
خمو كل مرة ويايه اريد اخذ راحتي شويه .. جاوبه خالي حكگ والله ... جدتي صاحت امانه الله خابرونه يايابه ... وهنااااااك ولين اسمع حس ذياب ...گال يحاجي جدتي ... حركت سياره سلطان ..
واني واگفه بمكاني جمدت .. بدون شعور ضربت على وجهي ..
صاحت سرااااب خير شكوووو ولج
كتلها وخري جة ذياااب ..طبيت امشي اريد افوت جان يدفع باب الحوش وصاح هااااا انهزمتي ..، لازم جنتي واكفه وياه عفته يسولف مارديت طبيت وسديت الباب... وكفت اتسمع وره الباب
يمي سراب تلغي كتله خل اسمع شيحجي لا اذبح...
صاح ..والله مايصير البالج والله .... سهلة عبالج ماسويها واكطع مهر والله الا اكسر راسج ... انعل ابو .. علواااان لابو اهلو
شجابو هذا هيييين ... يصيح وجدتي تسكت بي
امي صاحت عليه كلتله الناس لا تسمع شبيك انت مثل الكبسوله
كل وكت وهاد علينا ماكافي عاد ... شو الزلمة من فزعتنه لومنكم
هيج فلحو ذراعكم وروحو افزعوله بس مكادركم على كحلاء
صاح كال عمتي اني احترمج لا تخليني اطلع من طوري
اسمعي عليه بنتج تكليله الجامعه ما تفوت بعد واذا طبت الجامعه
ادفنهاااااا والله ... راح اطلع كليله هالاسبوع ان ماطلع عمي
خل اتهير بنتج سبوع الجاي اكطع مهرها...كال هيج وطلع
شغل السياره ومشه سرريع والشحيط مالت السياره لويييين
طلعت لكيت امي تعاتب بجدتي .. كتله شديحجي هذا
كالت جدتي .. عوفي بس ماعليج انتي لا تراددي وهاي الجامعه
عوفيها يايمه لا تعاندي....
جده تحجين صدك هاي السنين الدرستها وتعبت يجي سيد ذياب
يكلي عوفي تعبج وبطلي والله لو يموتني مابطل والله
وها صدك جده كوليله سالفه مهر كطنه وخل يشيلها من اذانووو
كالت راح اكوم اروح على ابو بلجي يسكته ... صاحت على سراب
كالت يمه جيبي عباتي...
عفتهم بره وطبيت جوووه ... شلون خلاني افور هذا
مخبل موطبيعي... كعدت بالهول واني اعصابي نار ..
طبت تمشي سراب ... كالت هسه دوافقي بي وفضيييها
نكضيها طلايب من وراج .. شلت الريمونت كتله تسكتيييين
لو افلشه عليج...
جت امي صاحت كاااااافي هذا البييت بس مشاكل وتالي...
اكعدن ادعن الله يفك اسر ابوج وعوفن ذياب والسوالف...
سحبت نفس وتعوذت الشيطان كتله يمه هسه همه وين راحو
كالت منو خالج والزلمة قصدج...
اي شو كالو راحو علمود ابويه ماكلج وين راح
_ شمدريني يمه وين مايروحون خل يروحون بس كون اكو احبار زينه ...
كمت الحيلي كتلها اليشوف ذياب وين يشوف اخبار زينه
صعدت الغرفتي كعدت اراجع دروسي ... وكل شري ادحك من فوك
مدري ليش متحمسه لجيتهم ...
مر ساعه ومبين خالي ... دحكت شيشيه صبغ الاضافر ..
الله صار شكد مامصبغه.. فتحت الشيشه .. شميت عطر الصبغ
اوووف عشق ريحتووو.. سديته وشلته بيدي وحدرت.. واني عالدرج .. طب خالي يمشي.. حزتها عرفت انو جة خالي وحدي
وشيخ سلطان راح وكالحكت عليه..
كعد عالطخم دينزع بالحذاء صحت ماما تعااااي جك خالي ادهام
تربعت وكعدت كباله ...وجا امي تركض...
كتله بشر خالو شسويتو...
كالو لا الامور حيل زينه .. لا تخافون...
صاحت امي ياااااالله كون يطلع يارب
كتله يعني هالاسبوع يطلع...
ادهام.. مادري والله بس شيخ سلطان خوش ديشتغل شغل
يعني بعد لحد يخاف يطلع ان شاءالله
كتله يارب الله يسمع منك
كالت امي شنو وينه هو لازم راح البيته ..
ادهام.. لا وين خابرو من بغداد .. نزلني بالباب وخابر حمايتو
كال الهم جهزو السيارات راخ يطلع البغداد
كتله عزززه شو هسه شوكت راح يصل...
صاحت سراب ولج وانتي شعليج بي..
صديت عليها اشرتلها بيدي بسيطه...
كال عندو اجتماع مدري شنو بغداد .. ماعرف المهم خابرو بالطريق وانخبص كال لازم اطلع البغداد.. الزلمة ماقصر ويانه والله
كالت امي .. اي والله ينراد نعزمة الزلمة ركض النا جثير
كتله اي يمه خل يطلع ابوية ونعزمة...
مر اليوم ... وجة اليوم الثاني وهو ماكوخبر عنه ولا اني اكدر اسأل خالي ادهام عنه ... جنت عيني عالتلفون تمنيت يتصل تمنيت اعرف هو وصل الانبار لو لا .. رغم اني نفسي جنت مستغربه من اهتمامي بي... لكن جان طول الوقت مايفارك خيلتي..
صبح يوم الاربعاء ولازم اروح الدوامي ... كعدت اريد اكوم اغسل مافي لازم اداوم صار كم يوم تاركة الجامعه .. كمت الحيلي شلت التلفون اريذ اشوف الساعه .. انتبهت التلفون جايتني رساله
كلت ياالله خيررر.. سميت بسم الله وفتحت الرساله ..
جة كبالي اسم سلطان العليان... يمة گلبي...
قريت مكتوووب ... (كحيلة باجر ابقي بالبيت لا تطلعين )
ابقي بالبيت ... هين استغربت شنو هيج كاتب وليش .. گلبي احسه انتهى النوب كاتب اسمي كحيله ... .وينج مريم الحگيلي ... طبيت على الخيارات انتبهت وقت الرسالة 2 الا ربع
يعني جنت نايمه من الليل دزهااا.. وهسه الساعه 7 ونص الصبح
اكيد هو نااايم.... شرااااااااح يصبرني ...
تتوقعون ليش طلب منها تبقى بالبيت..🙄
وتستمر الحكايه ...
في الحلقة المقبله ....👇🏻
تجرأت اسألو
كحلاء__ممكن سؤال ؟
سلطان__تدللي
كحلاء__منين تعرف خالي ادهام ؟
سلطان... ادهام اعرفه معرفه قديمة .. ؟
كحلاء مممم فضول عندي اتمنيت اعرف وين تعرفتو ؟
سلطان عادي كتلج معرفه قديمة...
كحلاء اوكي اخذ راحتك استاذ...



لامارا غير متواجد حالياً   رد مع اقتباس
قديم 26-12-19, 07:31 AM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



الفصل الخامس

مساء الورد والـووانـة ..❤️
#خيال #الكحيلة
#بقلمي_نشوى_السلطان🧚‍♂️
جة كبالي اسم سلطان العليان... يمة گلبي...
قريت مكتوووب ... (كحيلة باجر ابقي بالبيت لا تطلعين )
ابقي بالبيت ... هين استغربت شنو هيج كاتب وليش .. گلبي احسه انتهى النوب كاتب اسمي كحيله ... .وينج مريم الحگيلي ... طبيت
على الخيارات انتبهت وقت الرسالة 2 الا ربع
يعني جنت نايمه من الليل دزهااا.. وهسه الساعه 7 ونص الصبح
اكيد هو نااايم.... شرااااااااح يصبرني ...
بقيت احوووص فتحت الباب وحدرت سمعت باب غرفة امي نفتح ..
دحكت عليها واني عالدرج .. هلا يمة ... صباح الخير
_ هلا صباح النور شو مو لابسه مابقى وكت سايق الخط راح
يجيج...!
\ صفنت شراح اطلع عذر..كتله لا اليوم مالي خلگ ماراح اروح
جان تححي من مكانها سراب... طلعت من المطبخ وشايله بيدها كلتص الجاي ،. كالت شو بس اني اداااااوم ... ها شكو انتي ماداوين
يمة بنتج بيها شي موطبيعها .. كله تجر صفنات ...
\ كتله اششش ماعليج بيه المهم انتي سوي لفات واكلي...
صديت امي ادحك صفح كالت يولي شسالفتج،.. يوميه مطلعه سالفه
امشي روحي لدوامج
ماروح يمة ماكدر اليوم ... . راح اصعد انام ... حجيت هيج
وصعدت سريع الغرفتي... جيت عالتلفون باوعت النوب الساعه
وكفت ماتمشي... خليته بسدي وتمددت.. صفنت،،، واني العب بشعري.. تذكرت حجايه سراب لمن كالت صايرة بس اتصفنين
كلت شبيه اني معقول حجيها صحيح زين اني شبيه..
بقيت افكر وتخربطت افكاري ... تذكرت سلطان وكلامه وياية
ونبرته صوتة لمن يحاجيني للحزه بذاني... واني صافنه ماحسيت على نفسي نمت.... كعدت الحيلي شلت القراصه داشد بشعري... اتذكرت سلطان والرساله ووحكيلةةةة ... يبووو شنومني اني
جطيت من جربايتي .. واني اللبس بالقراصه .. ركضت لباب غرفتي فتحتة اريد احدر... جان اسمع امي تحجي هي وكالي
اريد احدر جان اكف ويا ماسمعته يگول الها ...
ادهام... كلشي قسمه خيتي... راحت هيه اي ..
بس ثقي بالله هين متربعه جوه بگلبي..
جان تكوله امي ... ميخالف يابعد اخيتك اني ادري تحبها بس انت كلتها كلشي قسمه خمو تريد تعيش عمرك وحيد... عمرك بالاربعين
ومامتزوج ادري ماتريد حرمة بگبرتك اداريك....
_ ادهام... خيتي مابقى شي بالعمر بعد يسوى ...
_ جان تكوله ... لاااا تكول هيج هاي اعذار شبيك يعني ليش ماتزووج هسه...؟
ادهام ... منهي التاخذ واحد اربعيني وشعرو ابيض ... خليني خيتي ماريد


لا تكول هيييج والله جثيراااات ... بس كول انت واني اجيبك الي تعجبك والله
.- سمعتو يتنهد وجر حسرررره وكال.ماتعجبني حرمة غيرها... )
يعني شنو ياخويه .. مو راحت منك
_ هاي هي راحت عجل نسد السالفه من اولها...
يبووو يعني كل مااحاجيك تقفلها بوجهي يايابه مدي اشوف عرسك والله...
_ ادهام .. ان شاءالله تشوفين عرس كحلاء وتفرحين بيها اگوم اني عندي شغل... / سمعتو كام الحيله اني حدرت اول درجة وكمت انزل على كيفي... اويلي الفضول زااااد عندي
ليش محد يحجيلي قابل سررر خرب حضي ...
حدرت ولين كبالي... كالت وينج شو رجعتي نمتي...
كتله يمه خالي وين راح..؟
_ مادري بس شفتو يحاجي ابن العليان من الصبح..
ابتسمت كتله هاا يعني كاعد هسه...
_ شنوو ولج منهو الكاعد... ؟
..
اقصد خالي شبيچ مامااااا...
__هااا اي گعد وطلع تريدين ريوگ الثلاجة مليانه راح افوت للحمام واغسل الهدوم...
كحلاء__خوش اني اتريك وانظف
كمت طلعت بيض وجبن طبعاً امووووت عالبيض مستحيل يمر اليوم بدون ما اكل وسويت جاي وحطيت عسل وجوز وكعدت اكل اهجس نفسي مفتوحه للأكل چثير
تذكرت خالي طلع ويه سلطان يعني كاعد هسه خلي اجاوبو على المسج عيب مارديت عليه بس هااا شنو اگول امممم
اخذت التلفون دزيتلو مسج صباح الخير اسفه البارحه نايمة ومن كعدت شفت المسج يعني ليش ماردتني اطلع خفت صاير شي ؟
دزيتها وبقيت انتظرو يرد وماكو انتظرت نص ساعه وساعه وماكو تالي كمت تبرمت وطلعت المكناسة وكعدت اكنس المطبخ والربعة صارت الساعه بال11 ونص كالت امي
__كحلاء تعالي طلعي الدجاج نسوي دجاج بالفرن للغدا خالج راد
كحلاء__اي جيت
رحت اطلع الدجاج اهجس صوت عدلت ملابسي دحگت من باب المطبخ لين خالي فات وهو مبتسم ...
كتله هلا خالو رايد دجاج اليوم من ايدي تاكل اطيب دجاج احاجي مايرد .. شو شفته
مبتسم صاح سوو درب يالربع
... اني بحزتهة رافعه هدومي وداشتغل
وشعري لافته طوبه ومبهذله ... من كال سور درب
بسرعه نزلت هدومي كتله ليش... ؟؟
شكو منو جةة..،
جت امي وراي تتمشي كالت يولي سيارة عالية هين طابكة
دحكت عليه وعلى امي.. ركضت جريت الشال ركضت وامي جدامي دتمشي حطيت الشال على راسي طلعت بالطرمة خالي واكف وفتح الباب وطب يمشي ولين كباالي ابويه
وخالي واكف بسده... صاحت امي ...ابو كحلااااااااء نورت بيتتتك صدت عليه صاحت يولي طلع ابوووووووجً


هي صاحت هيج لو اني اهجس رجليه ماتن وكفت بمكاني لا بيه امشي ولا بيه ارجع .. شلون الصدمة..... هناااك وجان اركض ابويه كبالي فات جن هلال عيييييد جطيت على ابويه
حضنته واشم بي مامصدگة بقيت ابچي اهجس باب الجنة انفتح والله بچيت هي بجية فرح وهي بجية قهر انجمعن عليه اظحك وابجي وابوي يحظن بيه يبوس بية وايديه على راسي ..
كال لا تبجين يبعد ابوج اني بخيررر رجعت الكم .. عليش هالبجي
امي مابطلت هلاهل و.على هلاهل امي التمو الجيران برمشة عين ..صديت ادرو على خالي الباب البره مفتوح
كتله يمه غير يگووووول راح يطلع .. صديت على ابويه كتله شلونك بابا اجيبلك ماي احجي ومحد يسمع بالهوسه دحكت عافني وراح حضن امي وباس راسها وهي تبجي وبجت الناس كلها شكد حلو شعور الفرح ... صدك ماتضيگ الا تفرج
طلعت عالباب اريد اشوف خالي وين راح ول سرااااب وينها هنااااك .. وجان انتبه .. لين سلطان گبالي مرتجي عالسياره ويفر بسويجه .. ابتسم من بعيددد وهو يدحگلي...
اني هو بتسم لو خربط احوالي... بعد ماعرف شسوي ادحك عليه لابس قمييص ابيض وبنطرون. اسود ..
صاح من مكانة .... ها كحيلة .. وفيت بوعدي....
يحاجيني واني ساكته واعدل بشالي ،. وارتب بنفسي وخجلانةةةة ميته خجل....
كال يابه بالهم مو يمي الربع...مدري منهو الشاغله
اريد ارد عليه ...
جان يجي من ورايه خالي كال جوه بله عالبيت طبي...
صديت ولا نفر ورايه الكل داخل بالبيت...
طلع خالي عليه واني بالطرمة اسمعه يكوله حييك تفضل
شو واكف ماتربد تفوت اليوم...
اني سمعتو هيج كال طبيت اركض عالبيت..
فتت من باب المطبخ .. ودحكت من الجام ..
اريد اشوف راح يفوت لو لا..جوي الجهال يركضوون صاحو كحلاء كحلاء....
خاله تريدج تكول خل تجي ...
كتلهم ... اششششششش جايه جايه اي ... ركضت على امي
طبيت كلهن ملتمين بالهول وكفت بباب الهول .. كتله ها ماما
احاجيها وعيني عالباب ...
صاحت ولج دزي بيد الجهال كجليت... شي ولج ااركضي
وجان تفوت خالتي كالت مايحتاج جيت وجبت الجكليت وياية
طبت تهلهل وتهوس بعباتهه وياهه لمياء... وسيف .. ابن خالتي
عفتهم بالهوسه وطبيت للمطبخ شراح اسوي يربي ..
اصب ماي لا خل اودي شربت .. اركض مثل المخبله
افتح الثلاجة وارجع اسدها... عيني عالباب..
دحكت فاتو خوالي خالي دهام وعزام ..جة عليه خالي سلم كال سوو درب بالربعه شيخ سلطان لازم نضيفو...
صفنت هااا يعني راح يفووووت
اي شبيج اركضي خل النسوان يطبكن باب الهووول وحس ماريد
هزيت راسي اي ...طبيت اركض كتلهم لحد تفوت للربعه ..
جان يكوم الحيله ابويه كال اي خل يفوتون الزلم اني ارتخص كام طلع طب للربعه وطبك الباب وراه ..
اني رحت للمطبخ عرفت راح يطب سلطان ...
دحكت وراي لمياء.. كالت شكو منو سلطان هو نفسو الطلع ابوج
كتله ااااي سكتي راح يفوت تعالي دحكي ويايه
لمياء.. يولي اشوفج مخبوصه بي شسالفتج،،،؟
_ اهووو متتعرفين تسكنين ...فات خالي وبسو شيخ سلطان وخالي عزام ... ادحگ من جام المطبخ عليهم .. واتبسم مدري شبيه
_ لمياء.. اكول كحلاء انتم مو كلتو هو عضو مجلس مدري شنو
_ اي عجل شنو يابه مو تدرين بي لمو هو ماطلع ابويه ...
هااا زين والله اكلج شو ماعندو حمايه والدنيا تخوف شلون هيج يمشي بطولو مايخاف .
_ لا هم عندو حمايه .. وخري هسه خل انضيفو عيب...
فتحت الكاونتر وجان تجي امي كالت صبو شربت ..
جت اخذت مني الصينيه وكامت تجهز هي بمكاني.. اني
اريد اشتغل ماعرف .. مثووووولة حييييل ..
دحكت على روحي بالجامه .. يبووو شطالعه اني مبهذله هيج شافني
امداه حضي هو لو حذائي مكطوع جدامه لو مبهذله...
كتله يمه وين خالتي....
جانت تفوت سراب صاحت يولن هاي شكووور شو الجهال تصيح ابوج طلع... دحكت عليه كتله اييييييي ولج بابا هين هسه
صاحت هلااااااااااا ابويه طلع وكامت اطگ اصبعتين
جانت تعيط امي اششش الزلم هين يولن حسسسسسج
سراب.. بصلاة محمد يمه خل اشوفه وينه
كحلاء... دحكت الها صفح كتله عجل منو الجان ياكل ومامهتم
سراب.. هااا لازم تريدين اموت من الجوع ... تعاي يمة اسمعي بنتج ... اكلج تره انتي هم جنتي تاكلين لو جان حلكج مزروف مايكع الاكل ابطنح
كحلاء.... هههههههه يبوو ياسالفه ردي المجانج
عوفج من الاكل روحي كطي الكتب وبدلي وتعاي ساعديناااا صديت دالملم بالمطبخ جان تكف سراب كالت اليوم سلطان العليان هين يعني اكيد غده راهم راح يصيررر
_ من كالت هيج ماتحملت ضحكت اني ولمياء كتلها شوفي لمياء
هي همه بس على بطنها... جانت ادحكلي سراب كالت يولي
الكرش اهم شي املي بعدين كلشي يهوووون كالت هيج وطبت تركض للغرفه ..
واكفين اني ولمياء دانشتغل.. ونضحك على سوالف سراب
جان تصيح لمياء ... يولي دحكي منهو الجة ... رفعت راسي
لين ذياب لاف راسو باليشمغ وياه عمامي وجدتي...
كتله يبووو هذا شجابه ...
لمياء... شبي ولج ابن عمج واذا جة ...
والله لحالج انتي ماتريدي شبي ... شو بس طوله وهيبته تكفي
_ كحلاء ... تريدي اخذي مني الج
لمياء... ها مو هو جيس جبس حتى اخذه ... عوفج مني كليلي ليش ماتريدي....
كحلاء... تره هي نفسياااااات وسدي الحجي هسه تسمعج جدتي وتجي تبقى تسولف وتقنع... مالي دوختهم ...
دانحجي وجان يفوت خالي كال كحلاء سوو اگهوى بسرعه ...
شفته يأشر بيدو الامي ... كتله لمياء هسع اجيج .. ركضت وراهم للممر .. شفت امي وسيف وخالي مدري شيحجون ...
كتلهم شكوووشبيكم ..
ادهام ... سيف خل تكمل الكهوى جيبها وتعال وراي ...
طب خالي يمشي للربعه كتله شكو يمه ...
_ سيف بس حسج نصي يمعوده تره الربعه مليانه
كتله سيف شبي خالي... خمو دياب سوه شي
سيف.. يمعوده ابن عمج .. عود فات سالم عمي والكل وماعبر ليم سلطان العليان والزلمة ماحجة شي بس عيييب مو راهمه
صديت على امي كتله ها يمه شوفي مايجوز يعني فوك مالزلمة عايف مشاغله والدنيا كلها وراح طلع ابويه يجي هو هيج يسوي ..
سيف... يمعوده الزلمك مستعجل خابر مدري عليمن كالو تعالو ليجاي حتى نطلع البغداد.. استعجلي بالكهوى ..،
كتله ماشي رايحة اني... مشيت وجان تجي ورايه للمطبخ اني وخالتي ... وراهم جدتي.. اني اشتغل وضايگ خلگي .. فشلني جدام الزلمة .. طلعت الفناجيين وكمت اصب... جان تصيح لمياء
كحلاء كحلاء.... دحگي...
_ كلاء... شكووو شبيج ...
_ تعاي شوفي سيارات طبكت بالباب....
_ طفيت الكهوى وركضت دحكت من شباج المطبخ .. باب الحوش مفتوح .. لين سيارات اثنين وبيها حمايه سلطان ...
لمياء... يووووولي منهو هذا .... ابو الاسود...
كحلاء... ماعرف هذا اتذكر طب للربعه من رحتلهم ...
دانحجي وجان ادحك ابويه وعمي وخاالي طلعو يمشون وياهم شيخ سلطان ... كتله هاي شنو راح يروووووح ... صديت على امي كاعده تسولف هي وجدتي كتله يمه الزلمة راح يروح
كامت كالت شلون يصير حتى الكهوى ماشربها...
ركضت اني صبيت الكهوى ...كتلها لمياء من يمج دگي الباب خل يجي سيف... داحجي جان يكول سيف هياني شكوو تره راحوا الزلم طلعو... شلت الصينيه كتله اطلع بره قدم الكهوى اله وللحمايه
سيف .. يمعوده طلعوو وين بره شلون يصيررر
صاحت امي يمعود دودي حتى لو بره مو راهمه يطب بيتنا ويطلع ومايشرب الگهوى ...
سيف جيبي خل نشوف ... راخ اطلع سدي الباب ورايه وحس ماريد
لا تبقن ترگبن الزلم كبالجن ...
لمياء.. دروح محد يشوف بعيدين...
كحلاء... وكفت بسد الباب فتحت شويه ... دحكت عليهم خالي يكله ماتطلع الا تتغدى وابوية يحاجي يكللهم ماكدر والله وراي شغل ..
شرب الگهوة خله الفنجان بالصينيه .. شفته سالم ابويه ووالواكفين
فتح باب السياره وصعد .. طلعو.بالسيارات كلهم .
فات ابويه من بعيد ادحك عليه يهزب ويصيح ...
صحت اششش يمعودات خل نسمع .. فتحت باب المطبخ
اسمع خالي يكله
__طول بالك ابو كحلاء الرجال عقلو اكبر من عقل ذياب واني اذا تحبون باجر اعزمة ونعتذر منه
ابو كحلاء ... لا اشو اني اريد اشوف وينه هذا ذياب ليش ماجة سلم
عالزلمة ..
جت جدتي هي والعوجيه وكفت كالت شكو شبيكم ...
صاح ابوي خل تفوت للربعه انتفاهم
صاحت امي ابو كحلاء.. طول بالك اني اشوف باجر لو بعد باجر تاخذ صوغة ونروح الهم وانتشكر منهم ...
ادهام .. اي هذا الحجي الصحيح باجر اخذلهم خرفان اثنين ونروح
كتلهم مو باجر هو ابغداد ..
صاحت سراب ولج وانت شمدريج ابغداد...
الكل دحگو عليه فشلت بعد ماعرف شحجي كتله شبيج غير سيف كال... اخذت صينيه الكهوى وطبيت للمطبخ ... الكل فات للربعه
خليت الصينيه وطبيت ركض وراهم ... اشرت المياء كتلها تعالي
لحكتني وكفنه بسد الباب ..
اسمع ابويه يعاتب بعمي ...
_ يعني ماكو بيكم واحد جة وسأل عني لمو ادهام وزلم العليان جان اني لحد الان بالسجوون ... وفوك هذا كله يجي الزلمة بنص اديارنه
يجي سيد ذياب يسلم عالكل ومايسلم عليه
صاح عمي ... احنا ماجيته محد كال النا بعدين سمعنه ست كحلاء مو مقصره تفتر بحوش ولد العليان ... ها يابه ..!
جاوبه ابويه اي تروح وتفتر لان مالكت زلم تفزع وتكف بمكانها
كحلاء .. بقيت واكفه وراه الباب واسمع الصياح والهوسه ...
هم زين راحو الجيران وسلطان جان انفضحنا .. كتلها ها لمياء دتسمعين مووو
ذياب... عمي اني كلت السلام عليكم يعني سلمت مامجبور اروح اسالمو بأيدو ... وهذا الحجي مو وكته سدو لان سالفه ماتستوجب كل هالحجي .. اني اريد اكطع مهر على كحلاء دام انت رجعت وطلعت
مابقت بعد كل مشكله ...
لمياء ... ياااااا ولج راح يكطعون مهرج ...
كحلاء ..ديحلمممم هذا .. سكتي خل اسمع يمعوده
_ بنتي تدرس وماتريد تتزووج سالفه زيجة مازيجة سدها
_ ذياب... عمي اني اريد اكطع مهر ماكلت اريد اتزوج
اريد اكضب ايدها
ادهام ... ذياب عمك توه طالع من السجن اتشوف هسه هالحجي هذا راهم .. خل يرتاح ياخذ نفس



_ ذياب اي وكته اني بني عمي ماريدها تطلع بدون علمي اريد اني احرص عليها ...
ادهام ... شمسويه بنت عمك شو كبل بالبيت ماتطلع اترك هالحجي وسده مو وكته وداعتك
صاح عمي ... عجل ماكو مشكله يومين ونجي ونكطع مهر...
ادهام .. خويه الحجي مو هسه دشوفون الحجي تعبان خل يرتاح شبيكم ...
اسمع ابويه يكله سد حجيك هذا ترة سالفتك مال طبيت وماسالمت عالناس طلعتني من طوري .. خل اكوم ازين وافوت اغسل والله كويم بعدين ...
كحلاء ... سمعت ابويه كام حسيتو صار بسد الباب.. طبيت اركض اني والمياء وكفنا بسد الدرج ... طلع ابويه يمشي وراه امي تمشي
وذياب حسو عالي بالربعه وجدتي تسكت بي ...
بقو كاعدين كلهم همه وخالي بالربعه يفصلون ويخططون على
كيفهم .. صارت الدنيا ظهر اني اللتهيت بالمطبخ سويت الغده وكملته ... كعدنا تغدينا اخنا وبيت خالتي وجدتي .. وابويه
بنصنه كاعد .. لام العيله كلها ..دحكت عليه واني فرحانه
ودعيت بداخلي وكلت ربي لا تحرمني شوفته ... رغم فرحتي
بطلعت ابويه من السجن بس جانت مو كامله جنت خايفه من ذياب وعمايله خايفه من طيشه وعصبيته .. كل ماتذكر لمن كضب ايدي
ودحك بعيوني وكال تحلمين تصيرين الزلمة غيري .. مدري شيصير بحالي... من اتذكر سوالفه ... مر الوكت والدنيا صارت ليل والناس بذاك اليوم
رايحة وجايه علينا الكل تبارك بطلعه ابويه ...صارت الساعه 9 ونص واني بالي
يم سلطان شكد ماجان مدي اشكره بس فشلانه من عمايل ذياب
عفت امي وابويه وخالي صعدت الغرفتي... صفنت كلا لازم اخابره
وتشكر من عنده وبنفس الوقت اعتذر .. اي لازم .. فتحت الباب باوعت من فوك الوضع امان وكلهن كاعدين يسولفون .. طبيت
للغرفه وطلبكت الباب عليه وقفلته بالمفتاح ... بس بحزتها
گلبي دكاته تتعالى .. تربعت على جربايتي جريت التلفون ..
وطلعت رقمه ... ضغطت اتصال .. وسميت بسم الله ...
دك التلفون .. دكتين وتلاثه وماكو اريد اكطعه وجان يرد
بصوت ناصي ... الووو ...
همست گاعد ...
كال كاعد وحتى لو نايم مافوت هذا الاتصال ..
ضحكت كتله نسيت اسلم ..
سلطان .. انتي تمونين ومابينه سلام وهاي لعيونج وعليكم السلام
كحلاء... ضحكت وحجيت بصوت يرجف كتله سالمه عيونك
سلطان .. بس على كيفج ...
كحلاء نعم .. مافهمت ..
سلطان شواخذي نفس .. شبيج جن واحد مرتبك خايف ..
كحلاء اسمعه يحجي ويضحك .. جن ماع گلبي .. كتلو لا بس
سلطان .. بس شنو.. يالكحيلة
كحلاء .. كحيلة لو كحلاء
سلطان .. لا كحيلة ..
كحلاء__ااا شو كحيلة
سلطان .. مادري هو من حالو يطلع هيج .. واذا مو عاجبج عادي
نرجع لكحلاء .. ( يالكحيلة )
ابتسمت كتلو لا بس مادري محد مسميني كبل كحيله ..
سلطان .. اي وماريد احد يسميج كحيله خلي هالاسم الي
كحلاء... ضحكت وكتله شيخ اني كلش اشكرك ... داحجي وقاطعني..
سلطان ... دقيقه اولا ماريد شكرلا ماسويت شي ثانيا سالفه شيخ شيليها...
كحلاء.. يعني..؟
سلطان .. اسمي سلطان ....
كحلاء .. ممممم
سلطان ... حلوه ممممم ههههه اي كحيلة اخبارج ...
كحلاء.. مممم اخباري والله خجلانه منك
سلطان وهم ممممم هههه ليش يابه ليش خجلانه
كحلاء .. ضحكت على سوالفه واني ارجف وعيني عالباب كتلو ذياب اليوم سمعت مامسلم عليك ...
سلطان ... منو هذا ذياب...
كحلاء .. الي اليوم تلكاكم بالربعه
سلطان .. تره اعرف شفته بس داسألج منو هو هذا
كحلاء .. هذا ابن عمي ...
سلطان .. اي وشبي هيج فات نافخ روحة ..
كحلاء ... ماعرف بس اني اعتذر سمعت ما مسلم عليك
سلطان ... يريدج مو ..؟
كحلاء... صفنت شوي كتله أي بس شمدريك ...
سلطان ... لا واضح ...
كحلاء .. اي صحيح
سلطان... طيب وانت ...
_ شنو اني...
_ سلطان .. ( تريدي)
كحلاء ... لاء طبعا...
سلطان .. اهاه عجل يابه هو ليش هيج نافخ ريشاتو علينة
كحلاء ... ههههه ماعرف بس هو هيج عصبي دوم
_ عصبي النفسو مو عليه .. بس هم مالومه ..
_ كتلو هاااا ليش يعني ماتلومه ..!
_ سلطان ... حگو هيج محروك گلبه وخايف عليج من عيون الناس
انتي كحيلة واسم على مسمى وهنيالو الخيال الياخذ هالكحيله
_ كحلاء هو يحجي وحزته ايدي على گلبي اهجسوا يريد يطلع من مكانو... صرت اريد الكلمة تطلع ماكدر .. بقيت ساكته وانفاسي تتعاله... همس هو ... كحيله
_ رديت بصوت يرجف نعم سلطان
_ سلطان ... حلو اسمي بمنطوگج ...
_ ارتبكت بحزتها اريد احجي جاوبته اني الاحلى
كتله لاااا العفو اني اقصد ... والله مادري شريد اكول ...
ضحك وكال ... ليش هالخجل .. تره احنا اهل مو اليوم لا من قديم
لا مو خجلانه بس خايفه ...
سلطان ... تخافين واني وياج .. منهو هذا المخوفج يابة
_ لا اقصد اخاف من اهلي يجون ويسمعوني احاجيك وبعدين يفهمونا غلط...
ضحك وكال عادي اذا فهمونا غلط نخليهم يفهمونا صح ...
كتله ها يعني شلون ...
سلطان .. عاد هاي لوكتها خليها مو هسه ...
كحلاء... مممممم صدك على طاري الاهل داحجي وقاطعني
سلطان ... يبعد الاهل تدرين شكد حلوه الامممم ...
كحلاء ... نعم شنو.. ..!
_ ماكو شي ... شبيهم الاهل يابه ..
كحلاء ....نزلت التلفون من ايدي ... سحبت نفس ... امشي بالغرفه واححي وياه ... وعيني على نفسي بالمرايه ...
مادري شبيه خووووف وخجل مسيطرات عليه اوا مره نتكلم بهالطريقة ... كتلو خالي ادهام ... منين تعرفه
__ادهام اعرفه معرفه قديمة
كحلاء__امممم فضول عندي تمنيت اعرف وين تعرفتو !!
سلطان__عادي گتلج معرفة قديمة
كحلاء__اوكي اخذ راحتك سلطان اخرتك اليوم
سلطان_ لا عادي ماكو مشكله حياج بكل وكت .. تره كتلج من شوي كتلج انتي تمونين ها يابه .. وهسه تكدرين تروحين
كحلاء_ كتله اشكرك .. اخذ راحتك... داريد اسده اتذكرت
كتله الووو سلطاااان الووو تسمعني
سلطان ... اي اسمعج بعدني ماسديته ... ههههه على كيفج ابوي
كحلاء ... ضحكت كتلو اهلي راح يجوكم ...
سلطان .. هلا بيهم وانت تجين ... !
كحلاء.. بالمهلي لا ليش اجي
سلطان عجل عليش جايين يايابه..؟ ...
كحلاء.. هاااا...!
سلطان ... هههههه حياهم الله .. بكل وكت البيت بيتهم
اكول كحيله ...
كحلاء... كول عيوني...
سلطان... ريتهم سالمات هالعيون .. كتلج وعد .. وعد الحر دين
وفيت بوعدي واليوى شفتج الفرحة علييج واضحة ... تسوه جثيرر عندي...
شكرا شيخ والله يعني ماعرف شلون اشكرك
_ سلطاااان يابة سلطان لاتكولين شيخ عجل يابه احنا شكلنه مو كلنه سلطان
_ خلص سلطان .. ههههه يله تصبح على خير...
سلطان وانت من اهلو ... ... ديربالج على نفسج ..
كحلاء ... ان شاءالله .. مع السلامة ... سديت الخط...
وجطيت عالجربايه .. كطيت التلفون نن ايدي
يمةةةة گلبي... هفففف حتى حر احتريت
.. كمت امسح بوجهي احسه ناااار...
ربي .. منين طلع سلطان ... شو حتى الدنيا احسها حلوه صارت بعيني ... .. رجعت شلت التلفون ... خل اخابر مريم احجيلها ...
شلت التلفون وفتحت الباب .. ودحكت من فوك الاناره طافيه يعني الكل تايمين رجعت طبيت و سديت الباب .. مريم ماترد لازم نامت
يله باجر احجيلها .. تمددت بفراشي ... واني افكر بكل كلمه كالها
اخذتي الافكار .. واني اتكلب بفراشي..
جريت التلفون دحكت على الواتساب اخر اتصال منذ دقيقه ...
رجعت التلفون خليته عالشحن ... وتمددت بفراشي .. اريد
انام ماكدر ... بقيت اتكلب لما صارر الساعه 1 ونص نمت
بدون ماحس كعدت الصبح .. على صوت التلفون...
تنهضت وكمت الحيلي .. دحكت هذا مريم .. مالحكر ارد عليها
كطيت التلفون وكمت بدلت عالسريع .. وحدرت لكيت البيت هدوء بعدهم نايمين .. فتحت الباب وطلعت للدوام ...
كضيت وقت الاستراحة سوالف اني ومريومه ...
لحد ماااجاني سايق الخط .. .. رجعت للبيت لكيت بالطرمة طليان اثنين مربوطات ويمعمعن .. طبيت للبيت .. عماتي يمنه
وكرايبنه والبيت هوسه ... عفتهم وصعدت الغرفتي...
تمددت بملابسي كلت ارتاح شوية وانزل .. مادرري بنفسي نمت ..
وكعدت وره تقريبا ساعه .. حدرت .. مالكيت احد بس
لمياء كلهم رايحين.. سلمت وطبيت داغسل عالمغسله ..
جان تطلع امي من غرفتها مبدله وكاشخة .. وابويه كاعد بالهول داينتظرها واسمع خالي يكول تره تاخرنا .. سديت الماي بسرعه
وجيت وكفت يم لمياء كتلها هاي وين رايحين
_ لمياء.. عيني رايحين البيت هذا الحلو .. بيت عليان مدري شسمه
صديت على امي كتله ها راح تروحولهم ..
_ اي رايحين نتشكر منهم اني وخالج وابوج .. ..
_ادهام ... يمعودين تره هسه احد يجي ومانكدر نطلع يله خل انتوكل
_ كحلاء... طلعو امي وخالي .. وابويه ... وبقت يمي لمياء
جان مدي طير واطيرو وياهم واروح ....
حبيبتي سـارة ... ❤️
قل لقلبك انني أحببته
فلعل صوت الحب يبلغ مسمعك
رفقا بحالي إن قلبي موجع
وشفاؤه في أن يراك ويسمعك
مهما ابتعدت عن الفؤاد فإنني
مستوطن رغم المسافة أضلعك
إن كنت قررت الرحيل تذكر
أني تركت الناس كي أبقى على ذكراك ..
ادهام .. اسوق وعيني عالدرب ..شوكت اصل ..
ادري بيها تزوجت وراحت ادري بيها مو الي ..
بس الشوك جان ياخذني الها .. هيج ويسويها الحظ واليوم اشوفها
عاب گلبك يدهام .. الما يوم نساهه .. عاب عمري الخلص
وعايش على ذكراهه ... اسوق واحس اليووم يوم جديد الي
جن رايح متعني الها .. رغم اعرف هي مو بالييت ..
بس گلبي هو الي يريدها

...اسوق واحاجي روحي والشوك ماخذتي الها .. اووف الدرب هذا رجعني لصبااااي ... واني صافن قاطعتني اخيتي .. وكالت..
ام كحلاء.. ايباه ادهام تذكرر شلون مرت السنييين
تذكر لمن رحنا وخطبنا منهم .. ساره ..
ادهام ... اي خيتي اتذكر ... ليش هو منو النسة ذاك اليوم ..
يله تهيري اخيتي .. راح نصل...
_ اكول همه بعدهم بيت العيله الجبير لوغيرة
ادهام.. لا هذا البيت ليجاي منهم بيت سلطان .. ذاك بيت حامد
هااا اي مو اكول الشارع يختلف رغم مرت السنين بس للحز اتذكره
عبالك هسه ...
- ادهام يله انزلوو...
وكفنا بسد الباب نادو بالجهاز وطبينا .. كتلو هاي هيج عرقله واحد يله يفوت ...
ادهام .. اي عجل شعبالج ...
طبينا نمشي ادهام راح ينزل الخرفان واني طبيت جدامه ..



تلكانه شيخ سلطان وياهه مره جبيره ... سلمنا عليهم ..
سلطان .. حياكم الله ... ام جلال اخذي ام كحلاء جوه روحو احنا هين راح نكعد بالثيله ... لو شتكول حجي ...
ابو كحلاء .. اي والله الهوى طيب خل نكعد هين ...
ادهام .. رجعت للسياره اريد افتح الجنطه ... وجان تطبك سياره بصفي ... مانداريت مديت ايدي بجيبي ... دادور على السويج ..
وجان التفت بسرعه .. رجعت صديت .. بس مدري شلون لجعت
عيون ساره صارت كبالي... انداريت ... النوب ... ولينها كبالي
اهجس العمر رجع بيه من جديد...وكفت كبالي وعينها بعيني
هي ادحك عليه ... وياهه بنيه بعدها حديثه ... شابه
اثنينه بقينا واحد يحاجي الثاني بالعيون ...
حدر ازلمه .. سلم عليه اخذهم وفات.... هي تمشي وتلفت وراهه
وين تباوبعين يبعد عيوني .. وين تريدين تروحين شو حيلي واخذتي
مو كلبي عندج عفتي .. وين تروحين مو هدمتي حيل ادهام بهاي شوفتج ...
مو واحترك گلبي ... مابقت حتى بجدامي حيييل ... اريد حزته اصيح اكوله وين ماخذها .. انحرمت منها كل ذيج السسنين ...
وهسه انت تحرمني شوفتها ... ..
صفنت منهو هذا الوياهه بعده شاب .. وهاي البنيه تشبهه لمن جانت بشبابها .. بنتها ... اي بنتها ... عاب گلبي ...



يتبع ... 3543 كلمة تعببببت
الاحداث الجايه حمااااااااااس 😍



لامارا غير متواجد حالياً   رد مع اقتباس
قديم 26-12-19, 07:47 AM   #8

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الفصل السادس


مساء الياسمين ..❤️
#خيال #الكحيلة
#بقلمي_نشوى_السلطان🧚‍♂️
‏خذانه الواهس
‏من بعيد نزف شموعنه بـ شوگك
‏مشينه وأيد تشبگ ايد
‏نناغي الروح بـ طيوفك
‏العمر من غير حب شيفيد
‏لمني بـ عصرة جفوف


🌸
ادهام مو واحترك گلبي ... مابقت حتى بجدامي حيييل ... اريد حزته اصيح اكوله وين ماخذها .. انحرمت منها كل ذيج السسنين ...
وهسه انت تحرمني شوفتها ... ..
صفنت منهو هذا الوياهه بعده شاب .. وهاي البنيه تشبهه لمن جانت بشبابها .. بنتها ... اي بنتها ... عاب گلبي ..اوووف بعدها
ذيج الحلوه البعدها ماحلت حرمة غيرها بعيني .
واني صافن عليها وهي تمشي ... انفتح الباب وفاتت
ول ياب وين رايده ... والله ماشبعت شوف يحرمة ...
خذتني عيونها وسرحت وقاطع افكاري ... وصاح
خويه وينهن الخرفان دفتح الجنطه خاف ماتنن ماتكلي بالك وين
عاشگ خمو عاشگ ..
يحاجيني ويضحك ... ازلمة من حماية سلطان كتلو بگلبي
توگ دريت عاشگ العشك .. اخذ من حيلي حيل...
فتحت الجنطه ولين الطليان .. يمعمعن .. كتلو خطيه هالحواوين
اخذهن يابه .. شلت خطيتهن بهالجنطة ...
انطيته السويج كتلو اني جوه .. كاعد نزلوهن لا يموتن ول يابه
كطيت السويج عليه وطبيت للبيت.. ادحگ سلطان وابو كحلاء
والزلم واني عيني عالدار ...عالكاع .. اهين خطت خطواتها
سحبت الكرسي وكعدت يمهم .. بس گلبي جوه .. يحاجوني
ويالي مو يمهم ... هي لمحة ولمحتها بس شسوت بيه
صدك لو گال الحلي ( غفى رسمك بعيني من الصبى لليوم)
طلعت جگارتي ورثتها ... ولين يحاجيني سلطان...
سلطان...جن بالو مو ويانه اليوم ... يدهام ... احاجيك
ادهام.. هلا .. اي وياك خويه بس جنت اورث جكارتي
_ سلطان .. اشرب الگهوى مو بردت ياخوي...
ادهام ... اشربها هسه ... اي شكو ماكووو هاي گبل هين كعدتك بالثيله.. !
_ اي والله ليش اكو احلى من هالجو النقي ويعزلني عن هوسه البيت .. واحد يعزل حالو افضل
ادهام .. لازم العجايه ( الجهال) مضوجيك جوه ... !
سلطان .. لا ماكو جهال غير بنت رضيعتي وصغيرة ...
الباقين كبار بس اني احب اعزل نفسي يكفي عليه دوخة العمل والتلفون...والله ماعندي مجال لكلشي بسبب الشغل
ادهام ... اي حگ والله.... الله يساعدك
ابو كحلاء ... يكولون هذا المشتبه بأسمي وبسببه دخلت السجن
مسافر للخارج ... ادري عجل الحظ جابهم عليه
سلطان ههههه اي بالله كالولي تشابه اسماء والمتهم مو هين
من زمان خارج العراق مدري وين مولي .. وبسببه انت وكعت بيها


_ اي الحمدلله مدري شنون طلعت منها ولا اني كلت هاي بقيتي بالسجن ... لمو الله وانت ... اني ماعرف شلون اشكرك والله ...
سلطان ... ماسويت شي حجي .. لا تشكرني والله حيل فرحت الفرحتكم ..
ادهام ... ماقصرت يخوي وان شاء الله هاي وكفتك انردها بيوم
سلطان ...والله ماسويت شي انتم اهل وعزيزين علينا... اخوي شو هيج الححي
_ الله يسلمك ،. اكول يدهام مانمشي خاف احد يجينه عالبيت
ادهام ... ها يعني انتوكل لو شوية النوب!!! ...
سلطان... لااا وين بعد وكت كلت اليوم عشاكم عدنا
_ لا ريتك طيب بس والله انت تعرف الناس رايحة وجايه ...
لازم نمشي خابر يدهام خل ام كحلاء تطلع ...
سلطان...بس ها تره تجونه النوب وتعشون عندي...
ابو كحلاء ... والله المفروض انت تجينا احنا نطلبك جيه
جيب الاهل وتعال فد يوم ...
سلطان .. ان شاءالله حجي اجي على عيني وراسي ماكو فرق
ادهام ... الحجيه ماكو ماترد ...
_ الحجي... اي جوز التلفون ماتسمعه ...
_ سلطان... هسه اني اخابر ... وتطلع ...
ادهام ... عجل حامد مو وياك عايش..؟
سلطان ... لا اخوي بالفرع الوراي بيتو ...الووو الو
هلا خيتي ساره .. تسمعيني...كولي للحجية الجماعه كامو وراح يطلعون .. خل تطلع...
ادهام... دحكت عليه من كال ساره والله اهجس گلبي وجعني ... ... يابعد گلبة لدهام .. ...
هين انتي واني گريب عليج بمكان واحد ..دطلعي يابعد عيني
وهدبها دطلعي خل اكحل عيوني بيج ... احاجي روحي وعيني عالباب بلجي تطلع واشوفها ... بلجي المحها ..
الحجي .. يله خل نگوم وهي تجي عالسياره ورانه
ادهام ... صبرك حجي خل تطلع.. الحجيه
سلطان هيان جوي ...على كيفكم ...
ادهام... واني كاعد كمت الحيلي من كال جوي ..اريد التفت وراي ماكدر.. عيب من سلطان... كتله مدري السويج بقى يم الولد بره
صاح ازلمة ... لا عمي هيان جبتو وجيت...
ادهام .. التفتت واري ازلمة واكف
سلطان ... هلا بضرغام .. هذا ضرغام ابن عمي .. ذزاعي اليمين
وعندي بالبيت عايش هو والوالده بعد ماتوفو عمي
وابن عمي...
ادهام .. هلا بية .. والنعم من ضرغام ...
ضرغام .. بالمهلي ماعليك زود..
الحجي ... منهو من عمامك التوفى ...
سلطان .. توفى عمي خلف وابنة عكاب على طريق بغداد بحادث من زمان مو هسه ...
الحجي ... ايباه الى رحمة الله جان خوش زلمة سبع ...
سلطان ويرحم والديك حجي .. شنسوي بعد هذا يومو
.. ام كحلاء .. شوفي بس دكو علينا وهمه يسولفون صحت من مكاني ... يله مانمشي عجل واكفين تسولفون وخبصتوني بالتلفون ...
الحجية ام ضرغام ... كواكم الله شلونكم يمه
_ الحجي ... هلا بالحجيه الله يگاويج شلونج ان شاءالله بخير
_ شيكول يمه والله ماسمعه ..
_ ساره عمه يسلم عليج ويكلج شلون صحتج
_ ها ريتك طيب الحمدلله بينه روح ...
الحجي ... طال عمرج حجيه سالمه ان شاءالله
ادهام... هلا بالحجيه كل الهلا...
ساره ..اوووويلي يحسك ... اويلي يطولك ... دحكت عليه من بعيد
كبران وشعرو ابيض.. اوف يدهام والله مامرني يوم ونسيتك
الحجية ... هذا الحجي ابو كحلاء واخوي ادهام
سارة صفنت عليها تريد تعرفني بي .. هو منو الكدر ينساه
كتله اي يم كحلاء ... ليش وين رايحين عنهم تعرفيني بأهلنا
الحجية ام ضرغام شتكولين يمه والله اذاني ملطشات ..
ساره.. عمه اتكول جم جاهل عندج من المرحوم كتله بس
ليلى ماعندي غيرها ...
ام كحلاء خطيه الحجيه سمعها ثگيل ... ... ولو احنا عالباب كليلي البنيه جانت وياج منهي
ساره .. ها قصدج منال .. هاي حماتي الصغيره بنت عمي خلف...


ام كحلاء... اي بس تشبهج .. بنوات عم بعد / كليلي وينها بنتج شو ماشفتها...
ساره يم جهال عمي حامد هسه ادز عليها...
ام كحلاء... ايباه الدنيا صغيره تزوجتي وخلفتي... وصرتي ام
ساره.. اي شنسوي كبرنه وكبرونا .. ...
لا بعدج بعد شبابج ونفسج ذيج سارة الجانت الديره كلها تححي بجمالها ..
_ ههههه اوو ذاك وكت وهسه وكت مابقى شي مثل ماجان ..
هاي وين راحت عمتي لا تكع ... محد دربها
ام كحلاء.. لا راحت يم الزلم هذا ابنها التلكاهه مو
اي هذا حمايه اكبر من منال هذا هو وسلطان الروح بالروح ... مايتفاركون
ام كحلاء . خطيه الله يحفظهم والله ماننسى وكفت شيخ سلطان
ساره ... حجالنا البارحة عالعشى عنكم ذيج المره جايين اني ماجنت هين بسس عمتي سولفتلي عليكم كالت جوي جماعه على اخوج عاد سلطان كال اهل ادهام واني احجي جريتها حصره ردحكت على طوله من بعيد كتلها ... كليلي شلونه مرتاح بحياته
_ الحجي... ادري السوالف ماتجي النسوان الا عالباب يله ام كحلاء عود غير وكت سولفن...
ام كحلاء.. اووو صاح الحجي بعد .. لا تسأليني عن ادهام
دحگي على شعرو وراح تعرفين حاله ...
اشوفج بخير يمه وانتظر منكم جيه علينا...
ساره... ردت بس اعرف منها تزوج لا .. استحيت اسألها ...
كتله ان شاءالله .. لازم انتشاوف نوبة الخ..كل الهلا بيكم...
ادهام. مشيت جدامهم وهمه ورايه ... تمنيت التفت وشوفها
تمنيت ادحك ولو لحظة بعيونها .. اريد اعاتبها واكول الها
نسيتي الجان روحة بيج نسيتي الماكدر ينساج ...
البقى عمر يتحسر على شوفتج ... فتحت الباب وطلعت وهم ورايه
كتلها يله خيتي اصعدي...
ام كحلاء... بصوت ناصي ادهام ادهام .. التفت عليه
ادهام ... عرفتها تريدني اشوفها .. كتله تأخرنا خيتي اصعدي
سلمت عالزلم وصعدنا بالسياره .. شغلت وحركت
اسوق والووووب اريد اسأل عليها ومستحي ... طكيت المسجل
وشغلت الاغنيه الي ماامل منها ...
اغنيه غزلان جانت تذكرني بيها ...
ا اوصيك بيه لو متت
بين الضلوع ادفني
ماريدغيرك بالغسل بدموع تغسلني?
بيدك تحل ليه الجفن وتحبني وتنيمني
مسموح الك ذاك لوكت عاشر وليف بدالي
صدكني مو دايم الك باجر واشد رحالي💔 ...
جرررريت حسره ياكبرها ورثت جكارتي .. دحكت ابو كحلاء نايم
بالدرب نصيت المسجل .. رفعت راسي ودحكت بالمرايه كتلها اخيتي ..
_ ها يخويه ... عاب گلبي عليك اليوم شبعت قهر گلبك
_ خرب گلبي عوفج منه ... كليلي شفتيها شلونها..؟
_ اي شلون ماشفتها عجل ويامن جنت كاعده غير وياهه
_ كملي خيتي كملي... شلونها شعدها جهال خمو تعبانه
ابو كحلاء... مني هاي العدها جهال... يابه
ماكو شي حجي كمل نومتك...
_ هاا والله مدري شتغامزون جن اخذكم الوكت البنت العليان
ادهام_ ضحكت من كال هيج كتله اي بالله وانت الصادگ
ليش هو منو الدمر گلبي غير عشگ ساره العليان
الحجي.. لا تره مو راهمه الحرمة مزوجة وبحبال ازلمة
شتسولفون بيها سدو سالفتها عيب منهم والله
ادهام ... لا عمي مو كايل شي بس ردت اسأل شلونها
الحجي... ليش تسأل وتقهر نفسك بعد راحت
_ ادهام .. هو غير لو بيدي كله ... منه .. هذا گلبي
خرب اهلو .. لو يرهم اطشر گلبي كبالها..،
ام كحلاء... كملتوووو حجيكم موو...
ادهام .. ليش هو شكو حتى اكمل ... ماكو شي...
الحجي نزلني هين خل امر عالگهوة ... يرحم اهلك
ادهام ... ماشي حجي... اني هم اريد احدر وياك طبكت السياره .. وحدرت
ام كحلاء... وين رايح ادهام ... تعال
لحظة خيتي اخذ باكيت جكاير...وراجع...
هم جكاير دكافي مو دمرنك .....
ادهام ... اخذت الجكاير وصعدت ... كتله خيتي خل ادخن
اكثر من الدمار ذاك ماكو .. من تجي ابالي بعد تحرك حتى الهدوم العليه .. خليني خيتي



_ زين وان كتلك اكو سالفه تفرحك...
_ سالفتيج سولفي .
تدري ساره.. طلعت ...
قاطعتها وكتلها .. شبيها الروح شفتها اليوم يبووو
حركت اهل جدي ..
_ يابه دخل اسولفلك جوز الدنيا تجمعك بيها...
شتجمعني بيها شو العمر مشى وهي حرمة بحبال زلمة
ول دهام اليوم عرفت منها انها ارملة ...،
ادهام ... منهي الارمله ياالله......!!!
_ خويه ساره زلمتها متوفي من سنيييين وعدها بنيه وحده منه
_ ادهام بروح ابوي لا اتشاقين تره والله مابيه...
_ يابة والله مااشاقيك الحرمة ارمله وعدها بنيه اسمها ليلى
_ يبووووووووووه يختي شجيبلج هسه شنطيج كليلي
لا عليج بداعة الحجي السالفه صدك والله يعني شوكت ترملت
شو مادري...
والله وعيونك ارمله وكتلك عدها بنيه ... اليوم هي سألتي عليك
كالت شلونه...
_ هي يعني ساره السألتج ...
_ اي سارة بس مالحكت احجيلهااا بالباب جنه واكفين
_ يعني شلون هسه افر السترين رارجع الها...
عليمن تسأل عليه ... يبعد الروح تنشد على احوالي
ماكتيلها عايش جسم بغير روح..ها منين جبتيلي هالخبر خيتي
والله رجعتيني شباب....
انزلي خيتي انزلي...
سراب... كحلاء جوي جوي...
لمياء... لا تصيحين ولج اذاني راحت...
كحلاء.. طلعت من الحمام لكيت سراب لابسه تريد تروح
كتله ها وين....وشبيها سراب تصيح
\ لمياء... راح اروح سيف جاني كلي اطلعيلي ..
كحلاء..عود مري... داحاجيها عالباب وطب خالي مبتسم ويحاجي امي ومخبوصين... كتلهم ها شكوو شو تضحكون ضحكونا
_ ادهام.. ماكو شي كحلاء ... سويلي جاي ... بعد خالج
اسووويلك والله بس ذبختوني بأللغازكم.. احجولي خل افتهم
ام كحلاء... استلمتنا من الباب يولي خل انزع اغير اهدومي
كحلاء.. داحجي وجان خالي يحط اذزها على جتافي كال تعاي تعاي اليوم خالج الدنيا زاهيتله...
_ كتله ياالله .. تمشينه وكعدنا عالمرجوحة.. خير خالو فرحني وياك
ادهام... منين ابدي بعد خالج ..
_ كحلاء... اسمعك منين ماتبدي... .. دحمكت عليه صافن ويدحك فوك جر حسرررره وكال... شفتها اليوم...
_ فتحتتتت عيوني وكتله بأستغراب... منو هيه....
ادهام... روح خالج يعني منيه....
كحلاء.. الله دكملللل خالووو الفضول موتني...
يولي ماعرف حتى اسولف والله... اليوم شفتها وشوفتها خربطت احوالي...
هي مني خالو الجنت تحبها قبل..!
ضحك وكال... الجنت... ليش هي غايت عني لحظة
زين شنو اسمها ومنو هي فهمني عفييييه
_ اسمها ساره....
كحلاء... الله حلووو اسمها اي كمل مو راح تجي سراب
_ خل تجي خل الناس كلها تسمع .... احبهااااااااا
_ كحلاء.... بقيت مصدووووووومة وادحك عليه وفاتحة عيوني
عزه شبي خالي ... كتله اي ماكتلي منو هيه بنت منو وليش ماخذتها...
يولي .. ماخذتها مو بيدي اكو من حرمني منها ... تعرفين بيت العليان الرحنالهم
_ دحكتله صفح .. بطران خالي يسألني اتعرفي مايدري
طلعت حتى شجرتهم وجبت اسمه السابع عشر ... كتله اي شلون ماعرفه شبي
ساره العليان .. اخت حامد العليان وسلطان العليان ..
هي الماخذه گلب خالج ...
_ صددددددددك والله..؟
_ كومي سويلي جاي واكملج سالفتي .. الصارلها ...
12 سنه مانسيت حبها ولو يوم واحد .. وجنت اتأمل بيوم اشوفها
_ يعني شنوووو اليوم شفتها...
_ يولي شفتها... ولمو عيب من العالم ... اخذها منهلها
_ اووووي خالووو... هالكد تحبها....
ولج هي انفاسي والله... ولج اسمع غزلان اليوم وشعلت اهلي
كحلاء... ياااااا من هذا كبل تسمع ليله ويووووم اثاري علمودها
اي يابة اي دكومي عاد سويلي جاي وبالتعلوله بالليل اكملج
راح اكوم بس توعددددني تحجيلي كلشي ... بداعة الغاليه
_ ههههه بعد لا تكولين الغاليه .. كولي بسمها خل الناس تسمع
بعد ماعدها احد ياخذها مني...
كحلاء... يحاحيني واني ادحك الحب بعيونه الشوك واللهفة
جانت وحدهن قصه.. انقهرت عليه ونقهرت على نفسي
بنفس الوقت لان حسيت راح اتعذب اكثر من عذاب خالي
ومرت الايام .. وخالي صارت علاقته قويه بسلطان
صارت بينهم عزايم وطلعات... وبنفس الوقت
اتقرب الي سلطان.. وبديت احبه.. صرت ماكدر يمر اليوم
من غير مااشوف رساله منه او اسمع صوته..
جان خوفه وغيرته عليه يخلوني احبه اكثر..
لكن جان ذياب متعبني ومخوفني .. يوميه مشكله والديرة كلها
سمعت بسالفة ذياب والنهوى... حبيت سلطان وصرت اشوف الدنيا بعيونه حبيته بدون مانتبه النفسي.. شخصيته حببتني بي
فبيوم من الايام... جنت فوك داغسل عالمغسلة .. الساعه .. 12 ونص ضبط
جانت يمي لمياء... دگ التلفون .. وجان تصيح لمياء
يولي تلفونج يدك... .. من سمعت النغمه ... عرفت سلطان
جنت مخليه نغمه خاصه بي.. سديت الماي ركض.. وطبيت
كتله .. هذا اششششش ولا كلام... اخذت التلفون وطلعت بالسطح
جت ورايه لمياء.. وسراب.. اشرتلهم بيدي روحو ا
سراب... اكص ايدي اذا مو جاي تتمعشقوووون
لمياء.. ههههههههه ولج فضحتينه الله يصكعج
كحلاء.. لحظة باله.. خليت ايدي عالسماعه كتلهم والتااااالي
_ سراب...بروح جدي سلطان شديكلج ...
لمياء..ههههه امشي كل عقلج تحجي ولج كحلاء صارلكم شهر ونص كلشي مافتهمنا اخصموها عااااد
سراب... اغازلك غصبا عنك ترضا ماترضى ..
يولي كحلاء.. خل يشوفلي حبيب بسرعه حتى لو عامل عدهم
المهم من بيت العليان...
كحلاء.. يلغن يمي واني ايدي عالسماعه كمت افور شلت الحصو
كتله يولي تروحين لو افجج...
سراب... دياله باله تفجني علمود تقااااااازل .. سلطان
عيب يولي اثكلي تقازلين الزلمة ...
كحلاء.. قززززل بعينج... اخذت التلفون وانهزمت غادي منهم
كتله الوووو... سلطان
سلطان.. هلا بهالصوت الحلو..شبيهم وياج يولي ..
كحلاء.. هاي سراب ... ماتكعد راحة ..
سلطان .. ههههه سمعتهاا
كحلاء.. صدك شسمعت...
سلطان.. تكلج تقازلي... هههه
كحلاء... يحجي ويضحك واني اضرب على وجهي .. كتله
تره هاي اشاقه والله
سلطان.. خل تسولف عوفيها ... تدري.. بينا عشاك
كحلاء... عشاگ...!!!!
سلطان.. اي عشاگ عجل شنو يابه...
كحلاء... سكت وجريت نفس وكمت اتبلعم .. كتله اا يعني الوو
_ سلطان.. على كيفج ابوي شجرالج .. انفاسج اتعالى بس على هونج يايبه...
كحلاء... كمت افتر بالسطح وامشي سريع ماعرف شسوي كتله لا والله بس..
سلطان... بس شنو يبعد حيلي.. شبيج تنهتييين
_ كحلاء... وخرت التلفون وصرت اهفي النفسي.. وكوه اجر النفس اهجس نار تطلع من وجهي .. سكتت وهمس...
_ شبيج حبيبي
كحلاء... لا وياك...
سلطان... اهجس انتهيتي يولي.. شبيج يبعد الحيل تستحين مني
كحلاء.. يحجي ويضحك .. همس وكال كحلاء
كتله ها يعيونها ..؟
_ اموت على عيونها شبيج ابوي انتي ليش ساكته من شنو خايفه مني..! لو شنو احجيلي
كحلاء... افتر وامشي بالسطح ... اريد انطق الكلمة ماكدر
توصل للساني وترجع... كال والتالي شلون اليوم تبقين مرتبكة ... دحجي عاد
رديت عليه بأرتباك كتله اووو شبيك... تره احبك والله
سلطان... هاي ندري بيها ابويه عليش اتراجفين ومخبووصه
كحلاء... هااااا تدري بشنو !
سلطان ... شيلي هالخجل وكافي الحب واضح علينا اثنينه تدرين اليوم يمر عليه سنه اريد بس اكمل شغلي حتى امر واشوفج من بعيد تدرين مااتصل بيج لان مو سوالف رجال هاي اليجون من شباج اني اريد اتقرب واجي من الباب...
كحلاء.....يعني شنو مافهمت...
تعرفين قريب... المهم ذياب اليوم هم جاكم لو لا ..
كحلاء .. لا مامر اليوم بس البارحة جان يمنه ...
سلطان... اي وشافج...!
گتله لا ما شافني من جه اني صعدت فوگ بس بعده يهدد ويعارك علمود يگطع مهر وياخذني
سلطان:ليش هو بكيفه والله احرگ ديارهم عليهم ولا أخليه يوصلچ يخسى
انه سكتت وهو گلي كحيله باچر محضرلچ مفاجئه تماام؟
گتله شنو هي؟
ضحك وگال لو گتلچ شلون راح تصير مفاجئه يول ابويه اصبرلي منا لباچر لتستعجلين
گتله تمام وخلص الحديث وتسالمنه وگال راح اروح عنده شغل
غلقت التليفون وبقيت افكر شنو هاي المفاجئة
لثاني يوم رحت ع الجامعه ودخلت للمحاظرات والروتين اليومي
گاعده ويه مريم بالكافتيريا گلتلها مريم اني رايحه اجيبلي لفة
تردين شي ادحك على وجه مريم صافنه مخترعه باوعت داشوف شنو شافت وچان اشوف ذياب جاي علينه گلت اهوووو هذا شجابه
هين تقدم علينه وگال كحلاء ابوچ تخربط ونقلناه للمستشفى وامچ گلتلي اجي اخذچ لان كلهم راح لابوچ محد بقى بالبيت لطمت على
خدي وگتله شلون الصبح طلعت كلشي ما بي شصار گال مااعرف والله بس اني اجيت لبيتكم ولگيت خالچ شايل ابوچ ويركض بي
هو وامج وامچ گلتلي اجي اني وعمي حتى ناخذچ ونروح عليهم گتله تمام تمام اني جايه اخذت جنطتي وسلمت على مريم وهي
گلتلي طمنيني وطلعت ويه ذياب حاولت اتصل على اهلي تليفوني طلع ما بي رصيد گلت لذياب يتصل على خالي حنى احجي وياه گلي على شنو واحنه رايحين عليهم مااعرف ليش كلبي گرصني
شفته عبر لغير طريق وطب على ديرتنه گتلهم وين جايبيني ذياب عمي صاح ذياب صوتچ مااسمعه لا تشوفين شي ما يعجبچ اني تفضلين عليه واحد غريب اليوم انهيچ والله لو تصيرين الي ونگطع مهر اليوم لو اموتچ خلاص ظليت اصرخ وابچي حاولت افتح الباب بس هو مقفل بيبان السياره فتح عمي باب الگراج ودخلو السياره ببيت عمي ابو ذياب ونزل ذياب وسحلني من شعري ودخلني للبيت اهله تفاجأو هو گلهم لحد يحچي اليوم لو اني لو هي اليوم اگطع مهر على كحلاء صرخت اني وگتله لو تموت مااخذك گال اااايي تردين ابن العليان طلعتو مدستريها ومرهميها عاشگتو يول؟؟
گتله اي احبه ويحبني وراح يتزوجي مااحس الا وهو ساحبني من شعري ودخلني الغرفة ودخل وقفل الباب وگال اريد اشوف شلون راح يتزوجچ....

يتبع...اعتذر عني خطار والله .. وكتبت بأستعجال بدون ماعدل البارت... احبكم
عذروني بنات والله نت ضعيف



لامارا غير متواجد حالياً   رد مع اقتباس
قديم 26-12-19, 07:50 AM   #9

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


الفصل السابع
مساء النرجس ..❤️
#خيال #الكحيلة
#بقلمي_نشوى_السلطان🧚‍♂️



الباب بس هو مقفل بيبان السياره فتح عمي باب الگراج ودخلو السياره ببيت عمي ابو ذياب ونزل ذياب وسحلني من شعري ودخلني للبيت اهله تفاجأو هو گلهم لحد يحچي اليوم لو اني لو هي اليوم اگطع مهر على كحلاء صرخت اني وگتله لو تموت مااخذك گال اااايي
تردين ابن العليان طلعتو مدستريها ومرهميها عاشگتو يول؟؟
گتله اي احبه ويحبني وراح يتزوجي مااحس الا وهو ساحبني من شعري ودخلني الغرفة ودخل وقفل الباب وگال اريد اشوف شلون راح يتزوجچ....
كعدت بسد الكنتور ... دحكت الغرفه فارغة...
كتله عيب هالسوالف مو من شيمت الزلم فگ الباب خل اطلع
_ كتلج حسج ماسمعو ،.. خلاص سدي سووووالفج اتحبي مو
تاااالي وكت كامن بنواتنه يتمعشگن ...
_ عوفي ذياب خليني اروح الاهلي لا تخوفهم عليه .. واني احاجي وجان تصيح حرمة عمي ..
ول فگ الباب اذيااااااب ابوك بس يسمع يسويلك مشكله
يول مو احاجيك عوف البنيةةةة ... ماتريدك يايابه خمو گوووه
ذياب ... يمة عوفيني تره وووواصلة حدها عجل بنت عمي اتفرفر بالجامعه وشعرها طالع ... مليار مره كتتلللللللج
الجامعه عوفيهاااااا..
_ عدهاااا اهل يايابه دعوفها گبل مايرجع ابوك ... خل تروح الاهلها.. ادري خمو بس هي حرمةةةة بالدنياااا
_ كحلاء...يفتر بالغرفه وجاتف ادية الاثنين ليوره .. يدحگ عليه بنظره حقد يفرك بديه ويصفك بيهن اني كاعده وكلي خوف منة .... نزع اليشمغ وكطه عليه
من خوفي بسرعه رفعت اديه الاثنين خليتهم علو راسي ودنجت...
صاح ... كال راح اطلع عياط صياح ماااااريد تره ادفنج وانتي عدلةةةةة ... ديحاجيني واسمع
عمي يكله ذياب فك الباب واطلع احنا ماتفقنا هيييج...
صاح.. جاي عمي جاي.... كمت الحيلي.. كتله اريد اطلع وين رايح ... ركضت وراه ... صد عليه وكضب ايدي ..
_ يولي ليش عينج گوووووويه شكتلج هسه مو كتلج ماسمع حسج ... اركحي يولي ... اركحي... لا ابتلي بيج واعلمج شلون
تحبين ابن العليان....
_ الله يخليك عوفني ابويه تدري بي مريض لا تسوي هيج
ذياااااب عوفني خليني اطلع... داحجي وياه وجان يدفعني..
ويوكعني بالكاع..نضربت بصفحتي برجل الجربايه ... صحت ااااخ ... صد عليه وجان يعوفني فتح الباب شال المفتاح من جوه وطلع قفله عليه.. اسمع الصياح حرمة عمي
تكله شسويت الها
ولك شلون تجيبها بدون علم اهله تدري اليوم عمك شيسوي بيك
كمت الحيلي واني اتألم .. شالي بالگاع ... وشعري مفتوح .. ... وكفت بسد الباب.. اريد اسمع شيكولون.. صاحت حرمة عمي .. غضب الله عليك شسويت الها
ادري انت مو كلت راح ادز جدتي اليوم تخطبلي .. يمصخم
شجاك شوداكم للكليه... فهموني شصاررر
ذياب... مو الله يريد يحضيني... عبالج مارحت رحت اني وعمي عجيل .. وهذا هو شاهد جدامج اخذتو وكتلو اليوم نكطع مهر
ورحنا اتمشى وره جدتي .. .. تلكتني لين راجعه من يمهم...
كتلهااا ها جده بشري... اليوم المهر لو شكالولج..
ولين تكلي لا يمه ابن العليان البارحة حاجيها بيها وكايل الخالها
واليوم راح يجيب اهلو ويجي يمشي.. ارجع يابه البنيه ماتريدك


تريد ابن العليان.... دتسمعيييييين يمه تفضل الغريه عليه ...
هاي ام عين الگويه الف مره منعتها .. كتلها كفي رجلج
الكلية بطليييييها كافي طلعات... اركحي يولي ..
اللبسي هدوم مال اوادم ... شعرج لا تطلعي...
وهي ماتسمع... ماتسمممممع... والله الا اعيد تربيتها
من جديد... هين .. يكحلاء... ان ماخليتج ..
اتمنيت شوفة الشارع ماكوون اني ذيااااب...
كحلاء.... هناااااااك وانتبهت من كال رحت ولكيته خاطبها من خالها واليوم يجيب اهلو.. تذكرت من كال محظرلج مفاجأة... يعني طلع كايل الخالي واني مادري... اوووف گلبي تعال سلطان شوف شصار بحالي... احاجي روحي وابجي ..وصوت صياحهم بأذاني ...
عجيل... اني ماكتلك لا تحاجيها عوفها عليه ..
اليوم اكرضها گرضه اخليها اتگول التوب اطلع الباب
بس عووووفها عليه...
_ ذياب... لا ماسوي شي بس اليوم اكطع مهرها
تهيرو اليوم اتزوجها واكسر عينها
_ كحلاء.. من كال هيج گمت ارجف يمةةةة هذا مخبل شديسوووي كل عقله ... اتذكر التلفون .. اي التلفون ..دحگت ورايه الجنطه ماكوووو.. كمت افتر بالغرفه ادور .. اتذكرت .. جرني من شعري والجنطه بقت بالسياره... شلون يريبي... ذياب راح يفتح تلفوووني ... سلطان يبووووو سلطان راح يخابرني
يعني اني انتهيييييت.. اليوم ذياب يذبحني...
ياربي وين اهلي .. وين ابوووريه.. احد يجي يطلعني... ركضت عالباب اريد ادگ الباب... صوتهم بعيددد... شديحجون لازم اسمع... خليت اذني عالباب
كلمه اسمعها وكلمه لا .. ياربي مدافهم شديگول.. دحكت
البنكة يمي صوتها عالي... ركضت طفيتها حتى اسمع... رجعت اركض يم الباب... هذا حس عمي عجيل.. وذياب... وهو يگول...
_ والله الا اتزوجها واتزوج عليها الا اجيب عليها حرمه وتكسر عينها ...وشرط اهجرها بس اخليها على ذمتي... الا اخليها اتوسل بيه.. يول بنت عمي تعشگ والمن ابن العلياااااان .. عجل گولو عني .. گٰ و
تالي عمارنا بنواتنه يكسرن ارگابنه ....
عجيل... كله من امها اي الام هي الاساس هي الطلعت عينها ...
اشوكت ماروح مفرعات ... اللبسن سلاب براسجن
محد تسمع الكلام... ماتنلام يذياب ماتنلام ..
اذبحها ... گوم گبل محد يجي خل نجيب شيخ
خل يكطع مهرك..وان فگت حلكها وكالت ماريدة
هاي ال الله كتبها عليها .. والله الا كطعها تكطع
_ يمةةةةةةة هاي شدخطططون... ضربت الباب بأيدي صحت عمه فتحي الباب حراااام عليكم والله ماتزوجك والله عمةةةةةة شبيج ذزي علو اهلي خل يجوون
كمت اضرب بأديه الاثنين... اصيح فكووو الباب وينكم ... ذياااااب اضرب بأيدي ... وأعيط .. شبيكم


محد يسمععععع عمة وينج ... اصيح وصوتي راح اگوم واكعد يم الباب.. اهجس نفسي ضاگ جن بسجن
ومختنگة ... تعبت واني اصيح ومحد يرد ... تربعت ورجيت ظهري عالباب... رفعت راسي ... صفنت اهلي
شلون راح يعرفون اني وين ... اوويلي هسه الناس شتكول عني .. انهزمت ...الساعه شكد هسه مادري كاعده والوب ابوية شصاير بي هسه ...
اتذكرت .. مريم شافتني من طلعت وياه ... ايييي
ياالله بلكي مريم اتكول الاهلي ذياب اخذها ... وهناك
واني صافنه وجان اسمع صوت مشي...صار قريب من الباب مسحت دموعي.. وكمت الحيلي .. وركضت
وكفت غادي... لبدت بسد الحايط...
هذا عمي اي .. يريد يجبرررني... صوت المفتاح خلاه بالباب... كمت ارجف ... سحبت الستاره وختلت وخليتها عليه.. الباب انفتح... مديت راسي دحكت
ذياب فات وقفل الباب علينا... صد عليه .. كال اطلعي اطلعي.. عليش خايفة صرتي تخافين ... رفع بيده الجنطة ... وطلع التلفون ...اطلعي افتحي الرمز خل نشوف المكالمات منين اطلعي خل نشوف فضايحج
_ شتريد تسوي عوف تلفوني... انطينياه.. وخرت البرده .. وكفت گباله ... شمر الجنطة بوجهي ...
وكعد عالسرير.. وبيده التلفون ... رفع راسو عليه وهو عاقج حواجبه .... شگد الرمز ...!
ماعليك شگد جيبه عليه...
_ الرمز شگد يولي....
شتريد تسوي بي جيبه... داحجي وياه وكام عليه ..
كضبني من شعري... الرررررمز شكد لو ادفنج هسه
_ كاضبني من شعري .. واني اعيط.. عوفني عوووفني شتسوي بي مانطي الرمز
_ داحجي وياه ... جان يدگ التلفون ... اني جمدددددت بنكاني ويا ما سمعت النغمة دحك عليه كال بس رقم ... هذا ياگ... بيهم...
رفعت راسي عالتلفون .. اريد اشوف... انتبهت اخر رقم .. 63 عرفته رقم سلطان...الخط الثاني مارديت عليه... كال راح افتح خط گولي الو..
_ ماعليه لا تفتح خط ... كط التلفون من ايدك
داحجي وجان يفتح خط وبقى ساكت... وجان يحجي سلطان... الوو وينج
اني جامده بمكاني ماحجيت...
الووو ... كحلاء... الووو
ضغط كتم الصوت ... كال هذا ابن العليان مووو
خليت ايدي على راسي.. حسيته يريد يضربني..
حجيت بصوت يرجف.. مادري
ولج صووووووته هذا ... عاط هيج وضرب راسي بالكنتور... وسلطان بقى عالخط يصيح الو ليش ماتحجين... خليتي بالي
_ رفع الكتم .. وكال هااااا ..خيرر
سلطان.. العفو منو حضرتك ...
- ذياااااب وياك ...شرايد داك على حرمتي يبن العليان
ماتستحي تخابر على بنواتنااااااا
سلطان... دقيقه اكف انت شتحجي شنو حرمتك وشجاب الجهاز عندك ..
_ كحلاء... بس سمعت صوته صرت ابجي وگوه كاتمه صوتي بس دموع تنزل.... وايدية على راسي
ذياب... الي سمعته واضح ... امسح الرقم ولا ادك النوب لا اسويها گعده عشاير وياك افتهمت....
سلطان... اكف يووول لا تصيح كحلاء وين... وشصاير
_ كتلك لا تسأل على مرتي ... كحلاء يمي وكطعت مهرهااااا امسح الرقم لا اسويهاااااااااا مو زينه وياك والله
_.كحلاء... اريد انطق هو يأشري بيده ولا نفس...
صاحت مرت عمي .. ولك والتالي شسووووويت للبنيه عوفها خل تروح فك الباب لا اكسره عليك والله
_ من كالت هيج جان صوتها عالي والغزفة هدوء
سلطان سمعها .. وكال
البنيه عندك يووووول كحلاء وينهاااا شسويت الها يالخسيسسسس اعلمك اليوم
_ذياب... لا تغلط افتهمت ... يله لا ادك بعد تره عرسان اجفييييني شرك ...
كحلاء... عوفني ذياب .. خليني اروح الاهلي...
_ ذياب... انيييييييييي شكتلج ...
صاح بيه بصوت عالي... وجان يصيح سلطان
عووووفها وينها شسووويت الها يول والله اليوم
الا اسحلك بكل العررررب الووو يكحيلةةةةةة وين انتي
ذياب بحزتها سد الخط و بوجهه كط التلفون وكام عليه
رفعت راسي علية واني اديه على راسي وارجف كتله شكو شبيك بدون مقدمات ضربني راشدي فر راسي... عاط بصوت عالي
_ شكد الرمز اريد افتح المهجوووووووم احجي شكد ام اللسان الطووووويل العرمة .... يحبج مو خايف علييييج
عت ايدي وشعفني ( كفشني) من راسي ... واني اعيط .. امة هجمت الباب علينا ...
_ عووووووفيني يمه كتلج عوفيني لحد يتدخل
صد عليه وهو كاضبني من شعر راسي كال
يسميج كحيلة ... مووو !
يدحك بعيوني وجهه احمررر صاح بصوووووت عالي
الرمززز شكد خرب اهلج على هالعييييين
رديت بصوت يرجف واديه على وجهي ..
الرمز ..كله خمسات



بس خمسااااات لو شكد احجي
والله بس خمسات ... دفعني ... عالكاع وكعد على صفحة وهو ينهت وانفاسه عاليه ..
يكتب بالرمز ويدحك عليه ... عدلت نفسي ونزلت هدومي .. عاط لا تكومين من مكانج لا اكوم اكسر رجليج ام العلاقات...
اني احذف كل الرسائل اخاف من امي لا تقراهم بس اخر رسالة ماتذكر اذا ماسحتها او لا
بقيت واني بمكاني ارجف وعيني عليه ..
خايفه لا يقره شي ويضربني... واني ابجي رجع التلفون دگ
رفعت راسي عليه .. باوع عليه ورجع باوع عالرقم
مدري شداس بالجهاز وانقطعت النغمة ..
عرفت انطاه رفض ...سكتت ماحجيت شي
كام يگلب بالتلفون .. يدحك عليه ويرجع يگلب
ليش لا اي ليش لا كحيلة مووو كاتبلج كحيلة
كام الحيلة وجه يمشي عليه ..دنج عليه ..
كال دتقرين شمكتوب يولي... دنجي هيييين بأهلج بالتلفون دتقرين شاكتبلج...
كضب راسي ونزله عالتلفون ... قريت
مكتوب (.. كحيلتي .. مشتاگلج يبعد حيلي )قريت ورجعت دحكت بوجهه ..ورجع اتصل سلطان وانطاه
رفض وسووة التلفون وضع طيران.. وخلاه بجيبة ..
كام الحيلة. . اسمع حس جدتي تصيح وينه ذياب
شبيكم شنو هالصياح... مشة وصل للباب .. مددايده
بجيبه ديطلع المفتاح اندار كال راح اطلع تهيري العصر
اكطع المهر...
_ تحلم والله ماريدكككككك هي گوه عوفني اريد اروح الاهلي...
ضحك وكال عبالج اريدج لا اااا بس رايد اذلج هين اخليج معلگة بحبالي
_ زين ليششش شمسويتلك
_ مو متربيه كرهتج من طبيتي لبيت العليان
من شعرج مابقى گ وووو ماشافه ً ول الا اربيج على ايدي واشوف شلون بعد بنواتنا نتعير بيهن
الي اتريده اسوي والله بس عوفني
هااا الخوف يجزي يولي ...
انت مو تريد اضبط حجابي
_ هاا فريتيها بس عالحجاب وطلعاتج والكلية
وابن العلياااااان يابه شو ما عديتيهن
خل اطلع هسة ولا تكيفين شويه وراجع
روح هسه يجي ابويه عود اكف بوجهه ولا تخلي ياخذني
هههههه لمو عمي لو جدج يجي الباب ماتطلعي الا وانت مكطوعة مهر ... اختاري مهرج لو تبقين هاي نومتج
بهذي الغرفة... طالع اني شوي وراجع
كمت وراهه صد كال هااا وين النية!
ماعليك بيه روح...
فتح الباب وطلع... شال المفتاح وقفله عليه من بره
مشيت وكفت بسد الباب .. ادحك على نفسي تنورني
كلها تراب وشعري مفتوح وراسي يأذيني.. خليت راسي. عالباب وسمعت جدتي تصيح عليه وتكله
اذا مافتحت الباب هسه اروح اجيب عمامك عليك
فك الباب خل تطلع البنيه ..
صحت جددددده اني هين جده لا تروحين صحي لأبويه خل يجي ... كمت ادك بالباب بأثنين اديه..
صاح .... يووووووولي شكتلج اني. هاي تريد اكوم اسحلها بكل البيت..
\ سكتت ورجعت كعدت يم الباب... شوي وجان الشباج يندك كمت الحيلي صحت منو .. تقربت عالشباج
اني كحلاء اني زهراء فتحي الستاره يولي
كحلاء .. ركضت جريت الستاره لين زهراء واكفه واتلفت وراهه .. ... كتله زهرااااااء جيتي رحمة وينج
حبابه خابري امي خل تجي اركضي..
ا ش يمعودة نصي صوتج .. ...
... دحكي ماعندي الرقم راح اخلي جدتي تصيلهم لا تخافين مايسويلج شي بس يريد يخوفج
_ ولج اخوج مريض مو صاحي حبابه خابري امي بسرعه ...
_ هسه اشوف شلون احصل عمامي بس صدكي لا تخافين كلشي مايسويلج ذياب يخاف عليج تعرفين طبعه مايحب احد يجيبنه بحجايه .. والله مايسويلج شي ذياب گلبه طيب ...
اوووف ولج گلبه طيب وهيج امشي روحي خاف يشوفج ومثل ماكتلج اريد تحصلين اهلي
والله يخاف عليج شبيج .. المهم راح اروح بس انتي
لا تعاندي ساسيي يولي والله يعوفج بس لا تراديين
اخويه واعرفه ... وكافي تبجييين مسحي دموعج
ولج خايفه يسويها ويجيب الشيخ
مايسويها كتلج اني اعرفه ديخوفج .. لمي شعرج
وكافي تبجين انتي عد اهلج مو عد غربة وذياب
مايأذي بنت عمة .. ذياب اخو خيته يولي...
هزيت راسي اي وكتلها بس روحي وحاجيهم يمعوده
ماشي راح اروح خاف ينتبه عليه ...شو صار اصياح خل افتهم شكووو
- راحت تركض رجعت سديت الشباج ورجعت االستاره بمكانها... رجعت ادور على قراصتي ماكو بالكاع ...
لفيت شعري وشلت الشال خليته على راسي..
وكفت اتسمع يم الباب .. حسيت احد جة عالغرفه
رجعت اركض وكفت يم الحايط.. انفتح الباب وطب ذياب وجدتي وياه.. طبت تمشي والعوجيه بيدها
كالت تعاي يمي ..
كتله جددددة وينكم شوفي شسوه بيه ...
كمت ابجي وركضت عليها حضنتها ...
وهو مجتف اديه ويدحك عليه ... كال الها يله احجي وياهه مو كلتي عندي حجايه وياهه...
_ دروح اطلع خلينا نسووولف...
شتسولفين .. جدتي عوفيها هاي مو مال حجي
_ جده كليله ليش هيج ديسوي بيه شمسويتله
يخاف عليج يايمه غير بنت عمو
_ ادري جده شكايلة اني لو يعاملني بأسلوب حلو
والله احط حجايتها على عيني وراسي بس ليش يضربني ليش كلشي ومرزلني...
_ هااا اسلوب حلو ولج انتي كتل وصياح ومو سامعه الكلمة النوب تريدين اسلوووب
_ والله اسمع كلامك ليش ماكيف ابن عمي يحرص عليه
_ اششششش كافي ... ماريد سوالف تعبانه جدتي
عمي راح يجيب الشيخ تهيرو
_ عماه البين شنو بكيفه يجيب شيخ اهلها عمامك شنو شغلهم .. امشي اطلع لا اكسر عليج عالعوجية
امشي ييلة
_ جدتي كتلج اليوم يعني اليوم ...
_ يول مو راهمه سالفتك ... اطلع وعوفني اني احاجيها... وخابر عمك المصخم كله لا تجيب الشيخ
والله اليوم جدك يصخمك ويواريك
كتله جده التلفون مالتي عندو خل يجيبه ابويه بي سكر اليوم يموت ورايه ... هسه ديدورون عليه
_ يول فجعك البين عمك مريض مو احاجيك انطيني
هذا التلفون وخل اوديها...
ويييييين توديها جده تحجين صدك بعد صارت بيدي
_ دايحجي وجان تفوت زهراء تركض كالت
الحك اذيااااااب الحك ...
صد عليها كال شكوووو شبيج يمثبوره شكو تصرخين
_ زهراء.. ذياب جووووي جوووي ...
منهم يولي ... عمج عجيل الجة لو منهووو
كحلاء .. اني ادحك على زهراء ... اريدها بس تنطق منو اهجس روحي ماتت ورجليه انتهت... خفت لا صدك يكون الشيخ ويجيرووووني
.. ادحك حرمة عمي طبت تلطم وزهراء تنكز وتصيح انهزززززم يذياب انهزززم انهززززم
هناك وجان اسمع حس سلطان ....
وهو يصيح يووووول ذياب...تخسى يول
اطلع ولا تصير حرمة اطلع وواجهنيييييي .....
وتستمر الحكاية .. النشر ان شاءالله اذا الله قدرني راح انزل يومية بارت ... ادعولي يصير بيدي مجال والحك
تدرون البارت السابق اختصرت مشاعر سلطان وكحلاء
لان بيومها ماكدرت ماانشر خفت لا تزعلون واني عندي خطار .. ف كتبت بأستعجال .بذاك اليوم
ليهذا السبب
قررت اتمهل على كيفي واكمل القصه ومااختصر



لامارا غير متواجد حالياً   رد مع اقتباس
قديم 26-12-19, 08:06 AM   #10

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


#خيال #الكحيلة
#البارت الثامن
مساء الخير
شلونكم عساكم بخير
اشتاقيت الكم والله .. شكرآ لدعائكم شكرا
لكل شخص قدر وضعي وعذرني ..
وبعد شكر خاص لكل شخص مافهم وضعي
معذورين اكيد من شوقهم للأحداث
مالومكم الانتظار صعب بس الحمدلله
بعد ماتحسن مريضي راح اكمل وياكم خيال الكحيلة
منشنو للجميع لحتى يعرفون
واعتذر عن التأخير تحياتي نشوى السلطان
#بقلمي_نشوى_السلطان🧚‍♂️




شكر خاص للمتابعه الجميلة ام صگر من الانبار
على تصميم غلاف القصة
كحلاء .. اني ادحك على زهراء ... اريدها بس تنطق منو اهجس روحي ماتت ورجليه انتهت... خفت لا صدك يكون الشيخ ويجيرووووني
.. ادحك حرمة عمي طبت تلطم وزهراء تنكز وتصيح انهزززززم يذياب انهزززم انهززززم
هناك وجان اسمع حس سلطان ....
وهو يصيح يووووول ذياب...تخسى يول
اطلع ولا تصير حرمة اطلع وواجهنيييييي ..
ذياب... هذا جة موو ...
كحلاء... سلطان .. اي سلطان ... حس سلطان هذا
اهجس روحي ردت الي.. دحكت على ذياب..
عيونه نار وشرار ...هذا موصاحي يمه
خاف يسوي شي السلطان...
صاحت جدتي... يول ارجع يول اني اطلع احاجي
زهراء.... سيارة بيضه طبكت عاليه ونزلو منها زلم
يمة الحكي ذياب ....
كحلاء... ركضت وره ذياب ... وصلت المطبخ ..
دحكت هو ديفتح بالباب..صد عليه كال وين موليه
وين تريدين...ارجعي لا اكسر رجليج
_ لا تتهور اذياب ارجع .. امانه ارجع ... وشتريد اسوي بس لا تسوي مصيبه... جده حاجييييي
_ خرب روح اهلج حشى بس عمي.. فوتي
لا اكسر رجلج طبييييييي للغرفه ...
صاح بصوت عالي... سديت اذاني كتله والله افوت بس تعال...
صاح سلطان... يول انت هم حاسب نفسك زلمة
ومطلع مراجلك على حرمةةةة ... اطلع لشوف اطلع
شوفني طولك... وفك هالباب الساده عليييييك
ركضت عمتي صبيحة وكضبت من ذراعو صاحت ارجع ارجع يول لا اتجاتل وياه .. يول والله يحبسك
شجابك على ابن العليان ارجع ول مات عمرك شسويت بينا يذياب عوف البنيييية .. ماتريدك المايردك شلك بي يايابه
اني اعيط واصيح جده رجعي خاف يصير شي
اركض بالمطبخ واكمز فتح الباب وسحب ايده بقوة وصاح ... وخري يمه عجل سلطان يدوس الدار وتريدين ماطلع وخري خل اشوفه منهو ذياااااب سحب الباب وماينفتح عرفت المفتاح ماكووو صاح يووووووول المفتاح وينه
بلجي هجمممممممم على روسكم
صبيحة.. ماتطلع المفتاح يمي...ارجع مانطيك المفتاح اذا ما حلفت ماتسوي طلبه
جيبيييييي يمه.. لا والله اكسر الباب / كام يضرب بالباب المهجووووووم وين جيبي المفتاح ... يصرخ واني اديه على اذاني
صاحت زهراء...ولكم هذا زلمة وياه مسلح ..
عزززه يمه خاف يصوب ذياب رجعي خل يرجع
ولج يمة ابووووي عمامي وين...
من صاحت زهراء وكالت مسلحين... ادحك جدتي ترجع بي وعمتي تجر وعياط وصياح وسلطان بره يصيح وينهم
الزلم شو بس نسمع بصيتهم وينك يذياب تعال حدر كبالي
ان جان انت زلمة تعال هين ولا تطلع مراجلك على حرمة
اني شلون الحلم وبس صوت الدنيا ضلمت بعيني صرت اتخايل
راح يتصوب واحد والدم صار كبالي ...
زهراء ... راح اخابر ابوي عمامي ... يمه ياستارررر من هاليوم
كتله ولج اركضي دكي عليهم شمنتظرررة احجايها وكوه احر النفس ...


ذياب ...اني اعلمك شلون تحدر بديارنا... سهلة يبن العليان
جايني مسلح وتصيح اني ازلمة ... خل اشوفك منهو الزلمة
كطي المفتاح عليه لا وحك الله اهجموووو هجام هالباب
كام يضرب بالباب ويعر بي بكل قوته ... صاح المفتااااح وين انعل ابوكم لابو المفتاح ....ولجن المفتاااااااااح وين
شفته فقد اعصابه ركضت على ذياب ... وكفت كبالة كتله ماتطلع وكفت واني ابجي ودموعي تصب دحك عليه وهو عاقج حوابه
شتريدين كبالي واكفه تخافين عليه تخافين على الحبيب يولي
بلعت ريكي وكتله بصوت يرجف لا تسويلنا بلوووه بروح كلمن عزيز عليك .. ارجع عوفه لاتطلع...
كضب اديه بقووووة وكال .. العزاز غدرو بيه لا تحلفيني بيهم
لا وحك الله مابقت اعزاز... صد على عمتي جر المفتاح وفتح الباب اني بحزتها انتهيت كمت رجليه احس ماتن ..
فتح الباب دفعني وطلع ...

وعمتي ادك وتلطم واتصيح... راح يذبحه الابني عمتي الحكييييي ذياب راح يذبحه ابن العليان مسلحححححح
اني ماكدر كعدت بالكاع وسده اذاني بديه الاثنين ..
بس طلع جان اسمع زهراء تصيح .. اي جوي عمامي هذا ابوووي جة ولج يمه جوي... كمت الحيلي.. باوعت من الجام..
لين كبالي عمامي وخالي ادهام وسلطان ...
وناس ترجع بذياب وكاضبي وناس تحاجي سلطان ...
اني امسح بدموعي وصيح يارب يالله عديها على خير
جسمي كله يرجف
ذياب... خل يطلع مالو مكان هين .. خل يطلع من كبالي
شيريد جاي هاااا تريدها ماكو حرمة عدنا .. توكل يلةةةةة
البنيه محجوزه واليوم مهرها
سلطان... لا تصيح يوووول لا تصيح وصير رجال واكف كبالي
الجاي تحجي عنها بنت عمك.... وانت المفروض تكون الها
ظهر وسند ... مو تطلع مراجلك علييها تعال واجهني وكافي صياح ان جانت البنيه رايدتك هسه بيدي اكطعلك مهرها...
ذياب.... لااااا ويناقشتي بكل عين برعه .. عوفوووووني
وخر عمي عجيل ... وخر خل اشوفه شلون يريدني اواجهه
لا تكضبنييييي
ادهام... هيييييييي شسالفه جهال احنا جدامك ... حاجيني
جهال... شلون تجي تاخذ البنيه وتطلع ... وينها خل تطلع
عييييييب عليك تجي وتاخذ البنيه بدون علم اهلهاال
ذياب... خويه ادهام بنت عمي واني مسؤول عنها ... ارجوك خليك بعيد... البنيه ماتطلع...
زهراء... سدن الباب يمعودات هسه يطب ذياب يكتلنااا شبيكم
لا تباوعن من الباب
كحلاء... ادحك عليهم عمي عجيل وعمي وطبان واكفين بسد
ذياب ويشالطووون ويحجون ...
وعمي ابو ذياب وخالي ادهام واكفين بسد سلطان ولينها صايره
احزاب والسبب اني .. يربي خاف بصير شي افتر بالمطبخ
واصيح على جدتي جده الله يخليج اطلعي حاحيهم
ادحك مرت عمي تنوح وتصيح راح يتذابحووون وزهراء تلطم على وجهه كمت اكل بروحي اكل ياربي شسويت اني
صخام الناس شراح يكولون عليه....
شلون ياربي جده ليش واكفه يمنه اطلعي عليهم
_ شطلع يايمه كله منج ذياب شبي ماتريدي لو لان شفتي
ابن العليان بمنصب ومليااااان فلوس هاي الردتيها دحكي شصار
الدنيا انكلبت والسبب انتي ان صار شي الواحد من عمامج
والله اخليهم يخلصون عليج كافي عاد نصبح ونمسي كحلاء وكحلاء ماكاااافي عرامة وگوايه
كتله جدددده اني بيا حال شتحجين والله ماريد اتزوج
لا عليان ولا غيره شبيكم انتوووو حتى كرهتوني بالزواج
داحجي وياهه ومخنوكة و
چان اسمع عمي ابو ذياب يصيح على ذياب يكله اسسسسسكت
لا اجي اكسر العوجيه عليك
وذياب كاضبي عمامي يريد يهد على سلطان
انتبها عمي ابو ذياب دار وجهه لخالي ولسلطان وگلهم خلي نگعد بالربعه ونحچي ورجع
على ذياب وعمامي وگلولهم عيب عليكم شيكولون علينه العالم امشو فوتو للربعه نتفاهم راد يحچي ذياب چان يصيح بي عمي ذياااااب گتلك فوووووت كااااااافي
دحكت جة خالي ادهام خله ايده وره ظهر سلطان ومشو ودخلو للربعه... سلطان يمشي وعينو على ذياب خازرو
كتله ولج خل نطلع نشوف شكووو...
صاحت جدتي اكفن وين موليات الزلم هين اثكلن تره رجلجن خفت
صديت عليها كتله جددده فدوه اروحلج اهلي ابويه هسه باله يمي
ومنا طلابه عوفيني خل الكي لروحي حل.. فتحت الباب وطلعت
وجدتي طلعت ورايه تصيح ارجعي يمه ... دحكت اازلم كلهم راحو لييت جدي .. فتحوا الربعه يمشي عمي وكاضب بيدو ذياب
ويصحيح عليه امشي بين بيت عمي وجدي ماكو سياج وبيت واحد جبير .. طلعو للربعه فتحو الباب وفاتو وسلطان وياهم
طلعت انتبهت عزه عليك وين حجابي ...
رجعت اركض للبيت .. جان تتلكاني زهراء شايله بيدها الشال
كتله جيبي يممعودة هم زين جبتي .. جربته من ايدها وطلعت اركض وجت ورايه حرمة عمي وزهراء .. دحكنا جدتي واكفه
اباب الربعه تريد تفوت ... كتله اكفن خاف يشوفونا
_ زهراء تعالن من وره البيت ... كتله يله اركضي
طلنا وره الربعه ... كتله عزه عليج لا يطلعون ويشوفونا
احاجيها ورجليه ترجف لا نعال برجلي ولا حذاء
والتربان جوايه .. كوه امشي حتى حيل مابقالي .. صديت ورايه سياره سلطان العالية ...
زهراء... ولج وين صافنه دنجي واكعدي لا يشوفونا ...
_ اوووف ربي شلون بيه اني.... راح اموت والله خاف يصير شي ...
زهراء... كولي يالله واسكتي خل نفتهم ...
_ كحلاء... اسمعي هذا حس عمي يكوله ..



ابو ذياب انت غلطان شلون تروح لبنت عمك وتچذب عليها وتجيبها هنا ياابني الزواج مو جبر وحتى ما يصير وحرام اذا
بالاكراه والبنت ما تريدك شكو تخطفها شتگول عليناااا الناااس ما فكرت بسمعة بنت عمك ما استحيييت بس العتب مو عليك العتب
على اخوي عود الچبير وعليه الاعتماد الي رايح وياك وما گلك عيب بنت عمك هاي عرضك وسفه والله...
زهراء... هلوووو علگت والله كلشي ولا ابويه يصير عصبي
لو يخرب لو يعمر...
كحلاء... اكضبي السانج ولج بس خل اسمع ذياب ديحجي
ذياب:يابه عجل اخلي الغريب ياخذها اني اولى ببنت عمي وغصب عنها تقبل سدو السالفع يابه بنت عمي الي
عجيل :خويه ابو ذياب م....خل اسولفلك
ابو ذيابب اشششششش بس ولا كلمه انتم غلطانين والغلط الاكبر منك شلون تماشيه وتقبله على هاي عملته شأگول لاخوي ابو
هسه اذا عرف الزلمة بنته مخطوفه چان راح بيها شمدري ابني صاير ازلمة على بنت عمو ورايح جايبها ...تخسى على هالشوارب
كحلاء... اي والله ابويه سوده عليه جان انتهى ...
هذا منو الجة للربعه اسمع الباب انفتح ولج
زهراء... اش نصي حسسسسج هسه ذياب يدفنا هين والله
هاي جدتي فاتت عالزلم اكيد لو احد جة ..
ذياب... يابه شسالفتك تره هي خطيبتي وكلكم تدروووم
ابو ذياب اش ماكتلك لا تسووووورلف خلني اكمل يول لا تقاطعني
وانت يا خويه سلطان ترى مايصير الي سويته البنت بنته وانت تعتبر شخص غريب واحنه عمام شيكولون الناس والديره علينا
_ وطبان .. اي وانت الصادگ هاي دوسة رجل وعليها گعده
ماينسكت عليها ان جان عدنا مشكله بيناتنا نحلها ...
سلطان:حگك عليه عمي ويمكم اني تسرعت بس الي سواه ذياب يخلي الواحد يطلع عن طوره
يعني يروح للكليه ويوهمها ابوها مريض ويخطفها ولبنيه ما تريده هي جبر خو مو جبر....


ذياب ... لا اله الا الله شعليك بنت عمييييييي واني حر انت شدخلك بينا .. طلعت عمي من السجن خلف الله عليك
بس عوفنا كافي لا تدخل بحياتنااااا
سلطان... سولف عدل يول انت كاعد جدامك زلم مو خرگ
تره اعرف اكوم واردك لمو لخاطر هالوجوه الطيبة جان عرفت
شأسوي
ادهام ... ذيااااااب كافي عاد صدك جذب تره عيب والله
الضاهر انت ماينكعد وياك
ذياب... لا ينكعد بس مادشوف تصرف راهم افهم من كلامك
انت بمنصب ودتهدد بيه مثلا...
سلطان... انت ليش ماتعرف تسولف اهدد شنو منصب شنو
الجدامك ازلمة ومايهمني حتى المنصب اعرف شلون اتحجي
ابو ذياب... ذياب والتالي وياك انت ليش ماتعرف تكضب السانك
سلطان ... عمي خل احجيها الك من الاخير اني البنيه رايدها وجاي من الباب مثل مايكولون
ورايد الگرب منكم .. وان انطيتوني مره وان مانطيتوني
انتم اهلي وعالعين والراس ماكو شي بالغصب وتقدمت الها
وطلبتها من خالها وهسه داطلبها منكم ..
ياابني انتشرف بيك حياك الله انت واهلك وعمامك ..
بس مثل ماتشوف ذياب ينهي عليها ...
ادهام - دقيقه :ابو ذياب الشيخ سلطان خطب كحلاء مني واهلها ماعدهم مانع وانتظرنا كحلاء تجي من الكليه ونسألها موافقه لو لا
وحسب السمعته البنت ما تريد ذياب وهذا شي راجع الها مو انتقاص بذياب لا والله ذياب رجال والنعم منه بس الزواج مو غصب
ذياب... والله ماتصيرو مره واني طيببببب انتو شتحجووون
اكوم هسه اهجم البيت على عمامي وماخليها تطلع ...
_كحلاء ... عزززززه اسمعييييي ذياب كومي خل نفوت خاف يطلع خرب ولج اركضي
زهراء... على كيفج يولي لا تنجرحين ...
_ مشينا خطوتين وجان اسمع حس خالي ادهام ... كتله اكفي
مدري شديحجون...
زهراء... انتي ناويه على منيتنا اليوم يولي خل انتجفة الشر
ادهام...ياخوية هالحجي موراااهم ابد عمامك تهجم عليهم البيت
يابو ذياب اني اشوف يجي ابوها ...
سلطان.. اي نعم لازم ابو كحلاء يجي هين ويصير الحجي جدامه
زهراء... هو هذا نفسة الي يريدج موو..!
اي اي هو هذا سلطان تدرين ولا ادري متقدم وطالبني من اهلي
خل نروح نشوف امج شصار بحالها ..
دحگي جدتي بالباب واكفه شماشوف راح تفوت وتهد بعصاتها
سلطان... اني اترخص كوم يضرغام...
ابو ذياب... وين بعد وكت ...كوم وطبان جيبو اكهوى جاي
اكعد ابن عمي موراهمة طلعتك
سلطان... لا مشكور عمي اني ماقبل البنت اتأذه بسببي اني جايب
عمامي وجاي خاف تحسبوها دوسة رجل اني حاضر
_ ذياب لا دوسة رجل ولا مدري شنو كعده مابينا السالفه سدها
وتوكل ماعنده نسوان....
سلطان_ دحك يوووول لا تاخذنااااا بصياحك الجدامك مو گليل بس مااريد احجي واني بدياركم عيب عليه وعمي واكف بعيني ماريد احجي اكثر ... اني اتوكل ... يله يضرغام..
ادهام ...كافي يذياااااب جدامك زلم لو جهال شهالحجي هذا
خويه سلطان احسبها عليه ...
_ ذياب.... اكف وين رايد.... من هسة اكولك جدام الكل
كعده وياكم ماعدنااااا
سلطان.... صديت عليه ... واني امشي.. كتلووو والله لمو لخاطر هالوجوه الطيبة .. جان بس الله يله يشفعلك كافي تحجي وتهيلم
جدامي... تره اتحملتك جثيرررر ..
ضرغام... يول انت تسكت لو ادفنك هييييينة...
كافي تحملنالك جثيررر ول ياب تصيح بوجه ابن عمي كبالي
وتريدني اسكت.... وخر عني خل اشوفه الزلم شتجيب
سلطان... اكف ضرغااااااام ..، يمعود لا هيج اكف يووول
اكضبه يدهام اكضبة....
كحلاء... سمعت حسهم صار عالي وذياب يهزب وسلطان يصيح حسيت صارت اطلابه كمت ارجف حيل مابقالي كتله اركضي
يولي شلت التنوره بيده وركضت رجليه انتهت كوه اجر نفسي
اركض واتلفت ورايه وصياحهم يجيب التايه ... رجعنا اني
وزهراء نركض لكينه حرمة عمي ماتكدر تمشي كاعده عالدجة ... كالت ها يولن ... شصار وين اذياب
بعدهم متجاتلين شنو هالصياح عزه عالماتلجن
_ اي عمة مااااادري ذياب مايسكت شوفي شصارررر
تجاتلووو من جديددددد.. صخام عليه ولج اركضي جيبي حذائي
خل اصيح الابوية ... يمة ربي شجابني شدلاني ربي عديها
_ هاي الردتيها انتي راح يذبحون ابني .. احنا وين والعشك وين
جان استحيتي على نفسج العالم شراح نكووووول الهم
بنت عمو عشگت غريب... يافضيحة الفضيحة
عشكيش عمة صدك تحجين احنا وين وانتي وين
ولج زهراااااء تعاي وين صرتي كمت افتر بالطرمة
اروح واجي واصفگ بدية .. وعيني عالربعه ..
اسمع حس عمي عجيل وطبان.. يمةةةة شلون راح اموووت ... ادحك على حرمة عمي بالكاع كاعده وتضرب على رجليها وتصيح راح ابني راح يذبحو لو يسجنو ولد العليان... كمت احير وين انطي وجهي
بهالحجي صار الصوت عالي دحگت طلعو بره
يمة هذا خالي... كتله عمة طلعووو.. جدتي جت تمشي علينا... ركضت اني وكفت بسد الحايط...
دحكت عليهم بالوسط كلهم مجموعين وعمي كاضب ذياب ...وذياب يزكح ويصيح عليهم .. اريد اركز زين ماكدر الشجر كله كبالي...
جت تركض زهراء .. كطت الحذاء بالكاع.. كتله ولج
تعاركوووو يولي... ولج مبايلي وين... كمت اكمز
واني بمكاني ادحك ضرغام لازمي اثنينهم ..ركض سلطان على ضرغام جر السلاح من الجراب صاح كافي ضرغام كافي يووووولو ...
خالي ادهام وعمي بالوسط واكفين... سلطان جر ضرغام
صاح عليه امششششي جدامي...
اسمع عمي وطبان يكلة مايصير بنص ديارنا ويمد ايده على ذياب
اليوم انسويهااااا دم للرجاب...
ومناك ضرغام يصيح الي يندك بسلطان احسب الله ماخلقووو
ولا جابتو امووو يولو تحملت الكم جثيررر... ادحك عليه
كاضب ايده جن مجروح او توجعه مافهمت الي صار
سلطان يجر بيه اخذه وطلع هو وخالي لسياره...
زهراء... ايييييي هم زين راح يروحون صخام جان تذابحووو
يولي منهو هذا ضرغام شو يجاتل ويضرب...
_ صديت عليه كتله راح يروحون واني شلوووون راح يطيح حضي صديت ادور عالحذاء.. داللبسه.. اريد الحك بخالي دهام
جان اسمع سلطان يصيح على خالي يكله اخذ البنيه الاهلها ماطلع
اذا ماتجي البنية... وينها جيبها لا يسويلها شي...
زهراء... اسمعي ست كحلاء اسمعي يخاف عليح يوووولي
وجماله يكولها جدام ذياب ...
كتله اكفي .. اسمعي دنجت ودحكت من جوه الشجره ..
شفت خالي دهام بالباب يكله توكل اخويه وسدك امين اني ماطلع اذا ماخذها ويايه.. بس اخذ ضرغام مو ناقصين مشاكل ولي يسلمك
كتله اي راح ياخذني خالي لبست التك الثاني وطلعت .. كمت اعدل بشالي.. اريد اركض انهزم على خالي... ماحسيت الا وذياب كبالي
وكف.. ادحك عليه حاجبه ينزف والدكم مال الدشداشه مشلعه وصدرة طالع... انخرشت واني بمكاني.. رجعت ليوره .. واني
ساكته ...كضب ايده بقوووة وكال ها وين رايده تريدين تروحين
ارجعي لا اكسر راسج.. كتله وخررر ايدك.. سحبت نفسي ماكدرت
صرت ارجع ليوره.. وهو لازمني من ذراعي... بقوة .. سحبني
وكام يجر بيه ويصيح امشي جدامييييي امشي .. اني اجر وهو يجر
ايدي انتهت .. جدتي تصح عليه عوفها يول.. ولكل جو يركضون عليه هو ماهتم للكل سحبني وطببني للغرفة... دفعني وقفل الباب
وبيده يسوي بالدكم يدحك عليه وهو خازرني بعينة ركضت وكفت يم الحايط كتله شتريددد مكافي الفضايح الي سويتها الله يخليك
عوفني كافي عااااااد... احاجي وهو مايرد عليه جة يمشي قريب
فتح الجراره وطلع المكص .... كام يفدتح ويسد بي...
اني بحزتها انتهييييت ... عطت خاااااااااالي ادهااااام جده
عمي الحكوووووووولي... جة عليه وكضبني سحب الشال من
راسي وكطه غااادي.... االباب بحزتها انهجم كله تصيح
فك الباب يول وهو ولا يمه ....
وتستمر الحكاية
لا يسعني سوا انني اقدم احر التعازي والمواساة للمتابعة والصديقة .. زهراء
بوفاة والدها وعمها اسأل الله العظيم ان يرحمهم ويجعل مثواهم الجنة ويلهمكم الصبر والسلوان



لامارا غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 10:47 AM



Powered by vBulletin®
Copyright ©2000 - 2024, vBulletin Solutions, Inc.