آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
22-06-19, 04:39 PM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  العروس والسحر / للكاتبة زينب عبد المطلب ، عراقية مكتملة
| |||||||||||||
|  |
|
28-06-19, 11:08 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  رابط لتحميل الرواية هنـــــــــــــا بسم الله الرحمن الرحيم ''ما جئتم بيه من السحر ان الله سيبطله ان الله لايصلح عمل المفسدين'' صدق الله العظيم ... السلام عليكم ورحمة الله وبركاته ايه قرانيه تثبت بوجود السحر وابطاله انتظروني قريبااااا.. مع قصه جديده وطبعاا حقيقيه من لسان صاحبه القصه اصواتكم مع تعليق حتى لما ابلش بتنزيل البارتات توصلكم الاشعارات🦋  التعديل الأخير تم بواسطة فيتامين سي ; 29-06-19 الساعة 05:59 AM | ||||
|
| |
|
28-06-19, 11:12 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #العروس_والسحر__ #زينب_عبد_المطلب🦋 البارت الاول .. بسم الله الرحمن الرحيم ''ما جئتم بيه من السحر ان الله سيبطله ان الله لايصلح عمل المفسدين'' صدق الله العظيم ... ايه قرانيه تثبت بوجود السحر وابطاله قصه جديده تبدا بمعاناه بنت صغيره تحملت الامرين من زواجها بعمر صغير بدافع الحب ومن السحرر الذي لم تكن تتوقعه اترك لكم احداث القصه مع بطلتي نجمه حتى تسردها لكم .... اسمي نجمه عمري حاليا 24سنه متزوجه طولي يصير اغلس لو لازم اذكره لا غير تشنقني زينب متقبل ازيد من طولي لان تصيحلي قزمه ... طولي 150 اما بقيه مواصفاتي حتعرفوها اثناء سرد القصه حنبدا اول شي نتعرف ع عائلتي والي نبديها بابويه جدي من لما ازوج اخذ بيبتي الي كان عمرها 11سنه يعني كانت حييل صغيره لان ابوها ميقبل بنيه من تجيها قسمه مينطيها فمن طلبوها لجدي وافقو بس بهالاثناء جدي كان يعرف وحده عربيه اهلها يبيعون تمر وكانو معروفين بالسحر بقت ويه جدي حتى بعد زواجه اما علاقته ويه بيبيتي بعد الزواج كانت علاقه تاديه واجب بينهم كمتزوجين لان هو بقى ويه العربيه مرت الايام وحبلت وجابت اول ولد الها بس هالشي مقرب جدي الها وبقى ع علاقته ويه العربيه ورجعت هم حبلت وهذيجي تخبلت حاولت انو تخرب الزواج مفاد وضلت تسحر وتسحر لحد ما السحر وصل لاحد اطفال بيبي واثر عليهم الي هو ابويه وصار بيه صرع وبالرغم ما والدي مو هالواحد الهم لان وراه جابت بعد 3ولد وبنت بس بقى والدي مدلل كلش من جدي وبيبيتي ومبقى دوله ماخذوه حتى يتعالج ومفاد فضلت بيبيتي كل اهتمامها بيه وبقيه اولادها وجدي علاقتها وياه متغيرت ع كد حقوقه وياها وبعادها عنه كان اله اسباب الي من ضمنهم فرق العمر البينهم وتفكيرها مو مثل تفكيره مرت السنين وكبرو الاطفال وصارو رجال يعتمد عليهم عمي الكبير صار مهندس وبابا قانون والبقيه الي صار صيدلي وعلوم سياسيه وعميد وعمتي مدرسه طبعا بيبيتي كلش تعبت عليهم والي يشوفها ميفكر هي امهم عبالك اختهم لان رغم اهتمامها بيهم لكن هي كانت جدا مهتمه بنفسها حتى شغل البيت كانت تاركته لوحده شغاله تشتغله وهي بس همها اولادها بهالفتره هذه صارت حرب ايران وقرر جدي يترك البيت ويسكنون بغداد وفعلا انتقلو وعاشو حياتهم واعمامي توضفو وكلمن لكه بنت الحلال وازوجها الا بابا يا هي الي يروحون يخطبوها من تعرف بمرضه ترفضه هي او اهلها بس بيبيتي مكانت تكوله حتى لينقهر فطلعله عذر من عدها لو تكوله محلوه لو معجبتني ومتلوكلك وهو كان مقتنع باسبابها بس هي نست العمر يركض ركض وصار عمره 30سنه وهو ممزوج لحد ما يوم من الايام صديقتها لبيبي وحده مره تعرفها كلتلها اعرف جماعه عدهم بنيه بعدها ممزوجه بس همه ناس ضروفهم تعبانه وانتي اكثر الي رحتيلهن ضروفهن احسن من هذه واحتمال متريديها كلتلها بيبيتي عادي موشكله لفقر مو عيب وقررت تروح وتشوف البنيه ثاني يوم راحت على اهل امي بدلت وكشخت واخذت صديقتها وراحت بسيارتها بس بدون متاخذ ابويه ولا حتى جدي الي ترك المسؤليه كلها عليها بعد ما تقاعد لما دخلت بيبيتي لاهل امي من شافوها وشافو كشختها وكلها ضلو صافنين عليها وشالوها بالصلوات وكلولها گبعي واخذي بس بيبيتي مكدرت تضم سالفه مرض ابويه وكالت لامها ابني مخلص قانون بس حاليا يشتغل معاون مدير والحمد لله مدبر كل اموره بس تره ابني مريض بيه صرع وهو هذا السبب الي لحد الان ممزوج وبعد ما كالت ع مرضه وافقت ام امي وكالت اي شكو بيها واذا مريض المهم رجال ويعيش بنتنه والسبب الرئيسي لموافقه ام امي ع زواجها هو كان كثره المشاكل بين امي ونسوان اخوانها وصارت كعدت الزلم وب10 ايام تم العرس طبعا والدي انسان جدا فقير وسوالف منا منا ماعنده وكلشي ميعرف يعني صح ازوج بس ميعرف شلون يعامل زوجته وكل شوي يروح يدك الباب ع بيت اخته الي كاعده مقابيله ويسال زوجها لان استحه يسال اخوته زوج عمتي صادق شرب ابويه دك عليه لباب اكولك صادق تعال علمني مدى اعرف __قصدك ذيج الشغله دتعاال و حشربك وحصير تمام اول مشرب ابويه وهو اصلا جان ماخذ علاج مال صرع غفه بيت عمتي رجلها عمتي طفح شرب وميحس بروحه كام راح وراح ورجله وحده دتطبك بالثانيه طلع وراح لبيت بيبيتي دفر الباب وهو يصيح وينهاا العروسه اني اليوم ادخل عليها صباح هو الي كال روح انت عليها اهنا الكل سمعه طلعوله وطردوه وشافوه سكران ومو صاحي بس محد متوقع بابا بيتهم نايم ومحاس ع روحه امي سمعت الصياح وانتضرت بابا يدخل شافته اتاخرت نامت للفجر وابويه حاس ع روحه ساعه ب5 وراجع للبيت شافته بيبيتي وهي دتصلي كامت ورزلته وهو صعد ونام بغرفته حست عليه امي ونام بصفهاا حجالها ليش راح وشلون هو ميعرف وسولفلها وهي فهمته وتالي دخل وصار الزواج بعد كم يوم وقبل السبعه بيومين امي كانت فرحانه ودتبلش تحضر لحفله السبعه مالتها وهالايام الي كضتها ويه بابا معرفت بمرضه ولا امها خبرتها فبغرفتها وهي دتشوف التحضيرات اندارت لكت بابا بالكاع ومشمور ضلت تعيط متعرف شبيه ع صياحها اجوي ابوه وامه ضلت هي تصيح شبيه صباح فهموني بيبتي جاوبتها شبيج شنو قابل متدرين شبيه شمعرفني شبيه احجو فهموني شبيه صباح بيبيتي هنا سكتت وعرفت امها مكالت الها ع مرض ابويه اخذوه ونوموه حتى يرتاح وامي صافنه متعرف شكو دخلت مرت عمي وهذه لسانها اطول منها وفالت واي حجابه متعرف تضمها دخلت شافت ابويه نايم والكل يمه صااحت يااااا هم انصرع امي بهتت بمكانها وكالت شنو نصرع ومنو نصرع ليش هو شبيه مرت عمي كالتلها يااا متدرين بي صرع معقوله امي تخبلت كلبتها للدنيا عليهم صراخ وعياااط وتعاركت ويه بيبيتي وسوت مشكله شكبرها يريدون يهدوها ابد متهدا وفشرت عليهم اخذت تكسي وراحت لاهلها وهي بس تبجي دفرت الباب ودخلت تصررخ لج يمه لحكيني هذا طلع بيه صررع وامه اتكول كلتلج وانتي قبلني __ياااا وين كلتلي اصلا ولا ادري وكلولي نكرت الها علم بالموضوع وامي مقبلت بعد ترجع وضلت زعلانه وبابا مقبل يطلك فكر انو خطيه اذا طلكها محد بعد يرحمها فبقاها بذمته رغم هي متريده ومفكر شوكت ميعجبها ترجع هو منتضرها بعاد امي وزعلها طول وسنه تركض وره سنه وصار سنتين هي بيت اهلها وصلولها خبر لو ترجع لو تجيها ورقتها فقررت ترجع لان شافت نفسها مردودها يمه ومتحملت كلام نسوان اخوانها رجعت وبابا استقبلها وبيبيتي وكان كلش فرحان برجعتها واخذها وصعدو لغرفتهم وكانت هذه المره الثانيه والاخيره الي انقرب بيها لامي بذاك الوقت لان وره هاليوم بلشت مشاكل امي وغيرتها من كلشي يعني اذا شافت مرت عمي مشتريه شي تريد مثله اذا جابو شي هي هم تريد وصلت مرحله توصل كلام بين شخص وشخص وتسوي مشاكل ومن يواجهوها تنكر وتكول مكلت هالوضع كلش تعبه بابا وبيبيتي بس شيسون ميكدرون يطلكوها لان محد حتقبل تاخذه ع مرضه هذا مرت الاشهر وامي كامت تحس شي بطنها يتحرك سالت بابا ع هالشي يكوللها هذه غازات لو قالون لحد ما متحملت هالشي واخذها للدكتوره وطلعت حامل بالشهر الخامس ولا هي المنتبهه ولا بابا الي يعرف ولا كان متوقع لان بسبب مشاكلها بعد عنها ومتوقعها تحبل واخر مره تقرب الها من رجعت زعلانه وطلع هي من ذاك اليوم حبلت ومتدري ومن عرفو بحملها الكل فرح لان كانو الي يكول ميخلف والي يكول نسبته قليله او اذا حبلت يطع مشوه بس الحمد لله كان كلشي سليم طول فتره لحمل امي مخلت مشكله مسوتها والكل مجنبها علمود الحمل بابا كان فرحان كلش وناوي اذا يجيله ولد يسميه عباس واذا بنت نجمه ويدعي الطفل يطلع سليم ومعافى مرت فتره لحمل واهلي متحملين امي على اعصابهم كامت ازيد بمشاكلها ومحد يردها على هي حامل دخلت بشهرها وطبعا معروف الجهاز مال الطفل الاول ع اهل الام بس اهلها مجهزوها لان حالتهم متسمح بلشت عدها الالام الولاده واخذوهت حتى تولد بمشفى اهلي اجيت اني ولفرحه مواسعتهم مخلو ذبايح ومولود لنبي وعشا لوجه الله وطلي للامام لبسوني ملاوي وحجول لفرحه مسايعتهم لان اني بنيه وعمامي خلفتهم كلها ولد بس عم واحد عنده بنات 2بس مو بمعزتي من حبهم لابويه يحبوني وكذلك شكلي كان كلش ينحب بيضه وسمينه وهالبنيه لصباح و وفه بوعده وسماني نجمه بلشت اكبر والايام والسنين تمر وصار عمري 5سنوات وطبعا امي رادت بعد تحبل بس ابويه صار بعد عنده ضعف ميكدر يتقرب الامي وهي شوف نسوان عمامي يخلفون ويجيبون بهالجهال وهي بس اني عدها كامت متتحمل وتتعارك ع اتفه شي ابويه اهنا متحملها بعد كام وطلكها واخذتني وطلعت هو حاول ياخذني منها هي متقبل واصلا الحضانه الها ومنا امها لامي كنت تقره براسها حتى طلكها علمود لحاضر والغايب وتكولها اخذي لبنيه علمود لنفقه فمن صار طلاق اخذتني امي بيت جدي كان باقي بيه خالي عنده اولاد 2 وبنت كمت انتبه من تصير مشاكل بس اباوع عقلي ميفرزن شنو ديصير بس من يجي ابويه يتعاركون ويا و يروح ميلحك يشوفني ويطردو احس اكو شي مو طبيعي بس مافهم كمت افتهم اشوف بيبيتي اتصخرني هوايه وخالي هم يدزوني الاسواق او اجيب صمون و من تحجي امي متقبل كانو يسكتوها يكلولها لتخافين ع بنت ابو الصرع ميصيرلها شي بس كان ابن خالي اسمه رعد يغافلهم ويجي ورايه يكول اخاف عليح يكبرني ب4سنوات مره رحت للاسواق خالي دزني ع جكاير كتله عمو باكيت جكاير بن لخالي طبي جوه وانطيج حسيت شي مو طبيعي مطبيت اتقربلي وراد يسحب ردت اوخر ميخليني بهالاثناء اجه ابن خالي رعد عافني راسن جلبت بي ابجي رعد كان صح صغير بس عقله جبير لان يطلع بشارع اخذني وسحبني ورجعنه للبيت وكام من اروح ابد ميخليني وحدي كمت افهم شويه شويه والايام علمتني وشوفتني تفرقه بيبيتي بيني وبين جهال ابنها كان بابا يشتريلي ملابس ويدزهم ويه امه افرح من اخذهم بس من تطلع بيبي ام ابويه تجي ام امي تاخذهم مني وتنطيهم لبنت خالي واني تنطيني ملابسها القديمه حتى الاكل يدز كراتين مسواك ومن كلشي حتى نساتل وكلشي مينطوني وامي بس تباوع ومتحجي ابدااا لا حول ولا قوه معبالها هيجي حيصير بحالها حتى النفقه مالتي امها تاخذها ومتنطيها مصرف امي مشتكت كامت ادور ع شغل ولكت روضه وبلشت اداوم بيها واني دخلت المدرسه وهناك كان يجيني بابا ويشوفني بسكوت للمدرسه اول ماشوفه اضل احضنه ويحضني ويبوس بيه ويشتريلي اباوع عليه اريد اكوله اخذني بس اخاف لان كان من رعد يدري بابا يجيني واذا اخذني حيكول ابوها اخذها ويرجعوني فكنت اسكت وهو يكولي لتحجين واني هم ما احجي هو كان ويايه بالمدرسه هو بالخامس واني بالاول حتى بالمدرسه ايكولي ديري بالج تلعبين ويه احد متعرفيه كان يخاف عليه ويخوفني من الكل فانزرعت وبداخلي خوف منا بيبي تصيح ديري بالج امي ديري بالج ابن خالي هم صح حنين بس عصبي ويهدد ارجع للبيت امي ماكو تستلمني عياط وشغل ومن اكوللها جوعانه تنطيني الاكل ليبقى بالمواعين لفضاله اكلهم حتى نفسي تكش منه بس اخاف احجي بالرغم لمسواك كله من ابويه عشت ع هالحاله رعب وضرب وخوف وديري بالج وكمت اكبر بسرعه صرت صف رابع ابتدائي اني من النوع العضمي خشن وجسمي مليان ومتروس فديوم كنت مصخنه ومريضه امي متهتملي ابد وامها اتكوللها كذابه ما بيها شي تتمعير واني منتهيه وهي تكولي كومي واشتغلي اكوم واسحل بروحي لحد ما رعد شافني وراح للصيدليه وجابلي الدوه حتى اشربه خفت لتشوفني بيبي واني اشربه وتكول منين الج فرحت للحمام وشربته وكلت اغير ملابسي لان عركت بيهم والصدمه كانت بالنسبه الي لكيت ملابسي الداخليه بيها دم استغربت شنو هذا كمت ارجف وماعرف شنو لموضوع نزعته حطيته وره براميل لنفط جبت غيره ولبسته صدفه وره يوم ديترسون نفط شافته مرت خالي كامت صيح وتعيط عرفو لباس الي ولزموني موتوني بسط ورعد يعيط يريد يفهم شكو امي صيح بربوك احجي بيبيتي صيح مثل بيبيتها هاي مرت خالي متدخل ذبت الحجايه و وكفت تتفرج واني ابجي اكولهم ماعرف والله شنو رعد كان بهالوقت يفهم وبفتره مراهقه ويعرف هالامور ومن خلال كلامهم والي شافه بيد امي فهم شكو اتقرب مني وسالني كال شوكت شفتي كتله لبارحه ماعرف شلون طلع هو فهم والبعيرات الواكفات مفهمن كال من صير هاي لحاله كوليلي راح وصعد فوك لان الطابق الفوك الهم وره شويه نزل وانطاني حمايه وكلي روحي للحمام ولبسي منهم اني فهمت كمت البس وهنه صافنات علينه ما ادري خجلو لو انقهرو .. بس بعدين عرفت كان لا خجل ولا انقهرو لان وره هالموضوع شدو ويايه اسمع بيهم يريدون يبطلوتي بس يخافون من ابويه لان ميقبل ابطل اهنا اني كمت الاحظ نضرات رعد الي. كانت محلوه صارت حتى مسكاته الي من نشاقه بشقه تختلف عن قبل يصير عندي اشمئزاز او يحجي اشياء مافهمها وهي كانت ع جسمي تلميحات يكولها حتى منع اخو انو يلعب ويايه ويغار منه فديوم امي ماكو رادت فراش لامها رحت اجيبلها من فوك هو صعد ورايه دفعني عالارض ويبوس ماعرف شلون اتجرا ع هالتصرف وليش ديسويه ويصيح احبج احبج واني ابجي كتله وخر حباب خوفتني راسن وخر من شافني ابجي و نزلت ارجف وبطني توجعني من الخوف كلما اذكر رحت وركضت لفراشي حتى ما اشوفه بعد وهو هم بعد ماجاني لثاني يوم كاعده اشتغل بالمطبع اغسل مواعين فحسيت شي من وره طخ بيه انداريت لكيته هو ورايه داعيط سد حلكي بايده وهناك وتدخل امه وتشوفه __ولكم شدتسون ولج نجمه ادب سز شنو هالتصرفات __والله خاله معليه هو حط ايده ع حلكي حتى ما اصيح عليه وع صياح مرت خالي اجتي بيبيتي وحتى متفهم شكو طبكت وياها وتلوم بامي ع انو تربيتج مو زينه لزمتني امي موتتني ضرب وحتى متدري شكو ادخل رعد حاول يخلصني من امي ميكدر امه من شافته هيجي يدافعلي كامت تصرخ __من هسه اكوللكم اذاهذه ضلت اهنا بهالبيت اني اطلع واخذ جهالي ليروح يصير بعد شي مندري بيه فلهنا وكااافي بعد مترهم لو هي لو احنا امي ضلت بس تجي وتدعي عليه حتى مسمعتني اباوع ع بيبتي كامت و رفعت لسماعه مال تلفون اتصلت على بيبيتي ام ابويه وكلتلها هاي بتكم اخذوها بعد منتحملها بتكم عدكم بتنه عدنه كافي كبرناها وربيناها ومعيشيها بيتنه وهي بتكم تعالو اخذوها لا اشمرها بالشارع طبعا بيبيتي بس سمعت هذا الكلام مصدكت وفرحت انو حياخذوني لان همه كانو رايديني بس امي الي مقابله اجت بيبيتي وعمي بسياره طبت بيبيتي شافت وجهي وحلكي متعور ومورم مال ضربه تخبلت كلتلهم __اله اشتكي عليكم شنو هايه شمسوين بالطفله من انكسرت ايدكم ولكم هذه صغيره متنضرب ليش هيجي انتو شنووو فهموني __عيني ع كيفج يالحنينه هذه ادب سز وممتربايه تتحارش بابنه وسوالفها مكسره __ولج عجوز لبين طفله شمفهمها شوفي شكدوتها ابدال متلزمرن هالبغل الواكف وان بتنه موخوش تربيه فبنتج سكط تربيتها انتو ربيتوها مو انتي الي كلتي كبرناها وربيناها هذه تربيتكم الفاشله فلتلومون الطفله لومو نفسكم ولزمو ابنكم كومي حبيبتي نجمه كومي وانتي شووفي بعد تحلمييين تشوفين اضفرها اخذت علاكه بيها هدومي واجينه للبيت فتحت لعلاكه تخبلت هدوم سحالات كامت تسالني وين لهدوم الي جنه نجيبهم __بيبي تنطيها لبت خالو __ والمسواك والاغراض من نجيبهم _ ماخذ شي منهم ميقبلون __ زين ليش بؤبؤ عينج اصفر مفهمتها طببتني سبحتني و بدلتلي و وكلتني وراها اول مره احس بالامان واحس احد مهتم بيه اني احبها لام ابويه بس اول مره اكعد هيجي وياها وهي تغسلي وتبدلي وتوكلني وره مكملت اكل كعدت تسالني __حبيبتي نجمه انتي حلوه وحبابه وخلوقه ليش هيجي سويتي شلون هيج صار اني اهنا كنت مثل لمختنكه من وسالتني ما احس الا دموعي تنزل وضليت ابجي ودموعي تنزل وما اسيطر عليهم هنا راسن حضنتتي بيبي وشميت بيها ريحه طيبه كنت محتاجه حضنها وريحتها ضليت بحضنها ابجي واكولها والله هو اني ماعرف ومافهم وهمه ميحبوني ويصيحون عليه اخاف احجيلهم الي هو ديسويه لان محد يصدكني حتى ماما واعرف حيضربوني ضلت طبطب على ضهري وتبوس بيه كالت يمه يرحون فدوه لدموعج تبوس بيه وتمسد بشعري صار لعصر اخذتني تحليل من وره الصفار الي بوجهي وطلع بيه فقر دم حاد اجه ابويه فرح طار بيه ضليت كوله انام يمه مرت شهرين بديت اتعرف عليهم وحبيتهم الاهلي و لعمامي بس نفس لوكت اسال علي امي ومرات ابجي عليها برغم قساوتها احن الها اهوايه وهيه تخابرني دكولي احجي ويه بيبيتج وابوج ارجع مبين اهناك ممرتاحه وخصوصا بعد ما اني رجعت لبابا فبديت الح عليهم . الى ان اقتنعو و رجعوها امها رادت ذهب جديد وبيت وحد كالتلهم بيبيتي ماكو بيت ولاذهب احنه عود ناخذلها مو انتو تشرطون بعد علينه وهي تجي و تحترم نفسها ومترجع علي سوالفها التعبانه لان اذا حنرجعها فمو لخاطرها لخاطر نجمه لان تريد امها قبلو وهي كيفت رجعت اشترولها غرفه جانت لفرحه مواسعتني جانو بيت عمي عدهم 3اولاد مقابيلنه اولادهم 24ساعه يمنه وهمه بمرحله مراهقه يشاقرن ويايه ويلعبون بس عمرهم متعدو لحدود لان كمت اعرف الي من وره رعد واقارن بين تصرفاتهم وتصرفاته وهمه كانو مؤدبين ويايه بدت امي اهنا اتاول قصص وتروح لبيبيتي وتحجي __ اتهمتو ابن اخويه وبتكم نجمه تتحاضن ويه فلان تخبلت بيبيتي ورزلتها __ولج انتي شنوو من ام ولج هذه بنتج شنو بنتكم لج عمري مشفت ولا حشوف وحده مثلج مشوفين الله منطاج بس هالبنيه لان يعرفج مو خوش ام ومن انطانه نجمه فلخاطر ابوها حتى ميتحصر ع الطفل شووفي نهى (اسم امي ) اذا فتحتي بعد هيجي موضوع قسمااا بالله ارجعج يم اهلج وبعد تحلمين تجين اني حلفت قبل مشوفين نجمه بس لخاطرها رجعتج حطي عقلج براسج ولسانج جوه حلكج ولصمي مرت الايام كبرت بديت اداوم بده جسمي يكبر وجانت مراهقتي قويه اسمع لبنات هاي لتحب وهاي لصادق وهاي لتطلع بالرغم كنت بصف خامس ابتدائي بس اشوف وافهم هالفتره كانت خلصان السقوط ومبلشه سالفه الطائفيه فبيوم كنت راجعه البيت لكيت براس الفرع اثنين واكفين واحد ملثم والثاني لا سالني الولد الي مملثم __يبنيه متعرفين وين بيت ابو عمر انداريت عليه وجاوبته لا ماكو عفتهم واكمل طريقي حسيت واحد منهم ورايه ردت اندار محسيت الا شي بخشمي بارد انحط وراسي ثكل وبعد محسيت بشي يتبع .. بلشنه بدايه قصه جديده وهالبارت حاولت اشرحلكم بيه حياه نجمه من بدايه زواج ابوها وامها لحد ما اتسلط الضوء لنجمه ومثل مكلتلكم القصه حقيقيه من لسان صاحبتها وهي طبعا صديقتي وحبت اكتبلها قصتها انطوني رايكم باول بارت وتوقعاتكم | ||||
|
| |
|
28-06-19, 11:14 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #العروس_والسحر_ البارت الثاني #زينب_عبد_المطلب🦋 لما حاولت اندار محسيت الا شي بخشمي بارد انحط وراسي ثكل وعيوني غوشت وبعد محسيت بشي مثل النمت ولمن كعدت حسيت نفسي اني بيت اهلي وصراخ وعياط والدنيا احسها انكلبت امي تعيط وبيبيتي تبجي يمي وعمي يصرخ مثل المخبل هو كلش يحبني وكان يحسبني مثل بنته ياخذني ويطلعني ويشتريلي حتى اكو ناس عبالهم هو ابويه وبحكم مركزه هو كعميد طلعو عبالهم يخطفوني ويهددوه بيه بس الي صار بعد ما خدروني جيرانه كان طالع وشافهم بوقتها كانو هوايه منتسبين للصحوه فهو خطيه من شافني مطلع سلاحه ضرب واحد برجله والثاني ع الصوت طفر واني واكعه بالشارع وهذا يمي مصوب راكض عليه ومفتهمين منه انو اكو عصابه مشغلتهم يخطفون اولاد الضباط والمسؤولين ويبتزوهم والحمد لله من مكدرو ياخذوني فالكل من سمعو وشافو هيجي الوضع محد بعد قبل يبقى بالعراق فخلال3 ايام سوينه للكل جوازات وقررنه نطلع لسوريا امي حلفت دين يمين متطلع وتترك اهلها محد جبرها تجي وابويه انطاها مصرف واحنا طلعنه رحنه لسوريا استقرينه بمنطقه اسمها جرمانه وبلشنه شوي نتعود ع الوضع مر شهر ولهناك وامي اتصلت __صباح فدوه ارجع بعد ما اتحمل _شكو نهى شصاير __اتعاركت ويه اهلي وطردوني وبعد ما اتحمل وما اعرف وين اروح __روحي لاحد من اقاربج راح احول فلوس الج سوي جوازج وتعالي ننتضرج احنه —تمام منتضرتك وصار جواز امي واجتي يمنه ورجعت ريمه لعادتها القديمه رجعت تغلط وتجاوز وادور مشاكل وتنفتن وتنقل كلام منا ومنا ابويه وبيبيتي كووه متحملين هالوضع بس شيكدرون يسون يوميا عركه بينهم وهي نفس حالها وضلينه ع هالحال سنه ونص واني صرت صف سادس بابا واعمامي مراقبين وضع بغداد وسمعو الامور بلشت تتحسن فقررو يرجعون ورجعنه لبلدنه واني اباوع عليهم شلون يبجون وفرحانين بلدهم بس اني اي حس وطني ما عندي طفله ما افهم بس الي يشوفني يكول عمرها17سنه هلكد ما اني خشمه وجسمي مليان رجعت وشفت صديقاتي موجودات هنه هنه الي راسبه والي ناجحه بالدفرات رجعت للشله التعبانه الي بيها بنات اكبر مني ب4سنوات لان مطلعن السادس ونايمات بيه رجعنه لبيتنه ولمدرستي رجعت اداوم لان كانت مبلشه المدارس صار شهر عليها طبعا بيت جدي محد كان مهتم بيه لان الاهتمام مو بس الاكل والشرب الاهتمام يكون بامور اكبر من هالشي الاهتمام من الام كصديقه وهي عمرها محاولت تكسبني الها او تحسسني بحنانها مكان احد يسالني منو صديقاتج ...قريتي او لا ....ليش هيجي تلبسين ... جسمج غطيه... هذا عيب وهذا حرام هالامور مكنت اسمعها ونفس الوقت اباوع لصديقاتي وامشي وياهن وع ميهن وشيسون اسوي مثلهم حتى لو كان الشي غلط حتى لو كنت اعرف هالشي هم مكنت اهتم لان اعرف محد ورايه يحاسبني كمت اسمع منهم هذه المصادقه وهذه التحب وهذه تكول يحبني وهذه تشتاق اني هنا كمت اريد مثلهم واحس واجرب هالشي مفكرت هنه كبار ويفهمن لا فكرت حالي من حالهن طفله ما افهم شنو السالفه ولا عندي الي ينصح لحد ما يوم واني راجعه للبيت شفت واحد واكف يباوع عليه غمزلي ابتسمت وفرحت واحد يغمزلي مشيت مشه ورايه وصار اسرع مني ومشى كدامي وشمر ورقه بالكاع عرفت رقمه لان سمعت هالشغله من البنات رجعت البيت فتحت الورقه والله صدك طلع رقم مصدكت كمت واتصلت طلع هو وطبعا بنفس منطقتنه مو غريب كعد وسولفلي هو مخلص معهد معلمين وره الثالث متوسط ويحجيلي شلون اذا تعين وهالامور مال دراسه اني بس اسمع ما اعرف شنو احجي اريد بس اروح للبنات واكوللهم صادقت واحد وفعلا ثاني يوم من الصبح كتلهم وهنه يكولن اي شكو بيها من حقج كمت انوبه ياهي لتكول اريد اطلع اني انط من يمي واكول اني هم اريد اطلع مثلكم وكلشي اريد اقلد طبعا هالولدصح مكنت افتهم منه او ما اعرف احجي وياه بس انتبهت لشغله من يحجي ويايه كانو مو ويايه يعني كلامه مكان عني كانو يحجي ويه وحده مو اني اكوله انت ع منو قصدك يكولي عليج انتي ريم __بس اني مو ريم اني اسمي نجمه __لا انتي ريم وسكتي استغربت شنو ريم ومنو كلت باجر اشوفه وافهم منه من شفته ثاني يوم كتله تعال فهمني ريم منو __انتي ريم حبيبتي وحضني حييل ويصيح احبج ريم انتي حبيبتي اني احبج اهنا اني دخت شنو يحبني شنو ريم دفعته هو ركض وعافني ضليت دايخه هذا شبيه شنو محافظ اسمي لو عباله اني وحده ثانيه فقررت لازم افهم السالفه رحت ورجعت من مدرستي وشفته واكف ينتضرني ورحت عليه حتى افهم منه __اليوم انت لازم تفهمني ريم منو لو اني لو هي __شوفي ...ريم بنيه كنت احبها وماتت بالانفجار كانت ويايه ع الخط ودنحجي بالمبايل سمعت صوت انفجار وهي اختفت متحملت عرفت صارللها شي رحت لمكان كليتها واتضح اكو سياره مفجوره وهي كانت يمها وجسمها مطشر كل قطعه بصفحه ومن ذاك اليوم اني مدمر ع روحتها __زين واني شعليه بيها وليش تصيحلي باسمها واذا انت هيجي تحبها ليش انطيتني رقمك __هاج شوفي هالصوره وحتفهمين قصدي و ليش اصيحلج ريم شفت الصوره اتفاجئت عبالك اني __هايه شنو عبالك اني __عفيه عليج ريم انتي نسخه منها واني من شفتج تشبهيها مصدكت شلون احصلج فيا بنت الناس تقبلين تبقين ويايه كريم مو كنجمه اهلا وسهلا واذا ميعجبك الله وياج لان اني لا احبج ولا معجب بيج اني اهنا انقهرت واذكرت كلام البنات من يكولن فلان يحبني واني هذا طلع مريض بوحده وعباله هي فنزلتله __دروح بابا روح قابل انت منو حتى متحبني وطززز بيك وبريم واذا عفتني اخرر همي __لج عليمن تغلطين تره اسحلج ما اسمحلج تحجين ع ريم فهمتي لو لا __دروح بابا شووو دروح يسحلني اي مو بكيفك طبعا صح مبينت اله اني انقهرت بس من عفته ورجعت للبيت متت بجي وقهر اني منا فرحانه صرت مثل البنات وهذا منا طلع مو علمودي صادقني علمود ريم فبلشت ما اكل وبس ابجي وحتى ضعفت ضليت ع هالحال تقريبا 3شهور لحد ما كلت خلص وطزز مو حبا بيه انما انقهرت البنات يكولن الي عوفيه خلي يولي وصادقي غيره بس اني كنت بعد رافضه هالفكره وما اقبل اي احد منهم بعد يفتح هالموضوع وقررت ارجع اهتم بدراستي لان اجتي نص السنه بس لان هوايه هملت دروسي طلعت بدرسين استلمتني امي دك رزاله وضرب لان اول مره هيجي اطلع مكمله فرزلوني واني قررت اشد حيلي ع النصف الثاني من السنه فد يوم كاعده اقرا صاحتني بيبي اروح وياها لبيت عمتي سمعت بيها دياحه رحت اركض ابدل لبست تنوره قصيره جينز فوك الركبه وبدي ربع ردن اسود بيه كصات واني بيضه ومليانه وشعري حيل طويل طلعت عبالك مره وبيبيتي من النوع الي متحجي ع لبسي ابد صح خشنه بس يشوفني بعدني طفله طلعت وياها نمشي بالشارع فشفت اثنين واكفين واحد منطيني ضهره والثاني منزل عيونه عني اني مدرت بال لان هالموضوع بعد طلعته من راسي حاليا وهو اصلا حيل كبير مبين عليه يعني ابدااا مو بعمري وصلنه ابيت عمتي وبيبي كانت رايده تتفق وياها ع روحتها للعمره عمتي ولا مهتمه لامها عيونها بس عليه لان كانت رايدتني لابنها بالرغم اني وابنها مثل الاخوان بس هي رايدتني اله اني ممهتمه الها ادري لو تأذن ع هالموضوع ميصير ما دام ابنها مرايدني عاد بيبي لحت عليها علمود سالفه العمره __يمه اكو يمكم مكتب مفتح مال عمره انسجلج بيه وروحي احسن __صددك اذا هيجي لعد ياريت سجلو اسمي نجمه__لا بيبي هسه نرجع واني وياج نسجل ع شنو ننتضر __اي هم صدك دكومي ورحنه ودخلت بيبي للمكتب وطبعا هو نفس المكان الي كانو الولد الاثنين الواكفين الي واحدهم عيونه بس عليه دخلنه واني احاول اجنب نضراته لان فعلا ابداا مو بعمري يعني اصيحله عمو هلكد ما طويل وكبير بالعمر بالنسبه الي كملت بيبي كلشي من تسجيل شو هذا دخل جوه وسلم عليها __تأمرين امر حجيه واني باجر اردلج الخبر واخذ الجناسي بس انطيني رقمج __اي يمه هذا رقمي وباجر انتضرك طلعنه وهو عيونه منزلها وجع ردت اغلط بس بيبي شتكول عليه تروح تكفخني كدامهم رجعنه للبيت وكان يوم طبيعي مثل كل الايام بيتنه دائماا وحدي كاعده ومحد يمي اكضيها العب بالمبايل لعبه الدوده لثاني يوم اندكت الباب __منووو __اني اني __منو انت __اني حسين فتحت الباب طلع هو كدامي الولد نفسه __لك يا هلا بالجمال هلا بهالطول هلا بهالجسم لج انتي شنو الله راسمج رسم __شبيك بابا اقصد عمووو شبيك شتريد __اني عمووو من فدوه لحلكج حتى لو تكوليلي عمو هم اتقبلها منج __اوووي كبر شهالطلطه احجي شتريد طبعا حجيت عليه بصوت ناصي لان اخاف يسمعني ليروح براشدي منه يفر راسي فر __صيحيلي بيبيتج يحلوه __اي كول من الاول __بيبي تعالي هذا عمووو يريدج اباوع عليه يضحك عليه طلعتله بيبي __هلا بيبي هلا __هلا بيك يمه كول __هاا مو اني الولد الي بالمكتب اشتغل وياه الي البارحه اجيتي علينه علمود العمره هااا اذكرتيني __اااي ااي اذكرتك __اي مو اجيت اكولج اسمج سجلناه بس رقمج ضاع منه متنطيني رقمج مره ثانيه او رقم احد قريب يمج اهنا هو يحجي ويباوع عليه عاد بيبي اهنا راسن __ااي ااي اخذ رقم نجمه هذه النهار كله نايمه ع هالمبايل __اي انطيني رقمها لعد نجمه// انطيني رقمك واني اسويلك مس كول __اي سوي ليش لا __وجع شكد لزكه (احجي بداخلي لتجي كفخه من بيبي) اخذ رقمي يمه بس اني رقمه مسيفته لان فعلا ممهتمه الها راح ودخلت للبيت وامي وبيبي مناكر ع الشغل __صار الف مره كتلج ماا اطبخ ولتنتضرين مني يوم اطبخ مكافي شغل البيت عليه __لج انتي شنو من مره اكو وحده متطبخ لبيتها وزوجها __وليش اتعب نفسي انتي موجوده __اااخ من ساعه السوده الي اخذتج ورجعتج اهنا __هو انتي لو اني الي اكول ساعه السوده صرت خدامه لابنج وبنته __ولج ماكو مره خدامه لزوجها ولبيتها وبعدين هذه بنتج والله دووم اكول الله يعرف من منطاج غيرها لان يعرفج انتي شنو __اي منطاني من وره ابنج المريض ولج نجمه وينج تعالي __نجمه تعوفيها وكلاص متشيل فهمتي لو لا شبعتيها خدمه بيت اهلج وقلبك مرف عليها هذا بيت ابوها واحنه الي نخدمها مو هي كومي يله كملي شغلج واني حكمل الغده __اي مو هيجي من الاول مقسمين الشغل لو الا تحجيني __الله شوكت يخلصني من لسانج __متخلصين ابدااا طبعا هالمنوال يومي بين امي وبيبي اسمعه ولا ادخل لان اعرف بالاخير كلمن وتسوي شغلها فكاعده اللعب دوده لعبتي المفضله بالمبايل (علساس اكو غيرها) اجتني رساله من رقم مكتوب بيها ممكن احجي وياج عرفت هو لان من ردلي رقمه حفظت منه كم رقم ومنا ما عندي احد يعرف رقمي ويتصل قريت رسالته وطبعا مجاوبته هالمره رجع دك واني دالعب وكل شوي تنقطع لعبه اخر شي زهكت جاوبته __ بابا شبيك دالعب دوده وكل شوي تتصل متكولي شتريد مو زهكتني كبر كال شنو وضحك ضحكه باستهزاء وسد المبايل وراح صفت لك شكد خبيث ثبرني يتصل وخسرني وتالي يضحك ويروح وجع شكد سخيف رجعت اللعب وهم دك المبايل عبالي هو باوعت لكيت سيف الي هو حبيب ريم الميته مجاوبته وظل يتصل ويلح مرديت عليه رايح ومتصل ع صديقتي طالب منها ارد عليه يريد يعتذر مني طبعا اني صح صغيره بس عندي شخصيه قويه وكونت لنفسي كاريزما خاصه الي ومن ضمن الاطباع الي بيه هي من اطلع انسان من حياتي مهما كانت معزته عندي فمستحيل ارجعه يمكن حتكولون صغيره و وينج وين هالامور بس اني لا صح عمري صغير لكن كنت افهم وتعلمت هوايه امور من صديقاتي دور اهلي بالنسبه الي تقريبا معدوم المهم كنت قافله ع سيف وما اريده مادام هيجي كال واعتبرني ريم فما اريده هو طبعا الرفض كان مو من ضمن قاموس حياته ومنا اني اشبه ريم فرجع مصر عليه اكثر من قبل صارت عليه حسره اطلع لاي مكان وهو ورايه يمشي ويتوسل واني كلمه ما ارد اجت لمدارس كملت عطله نصف السنه جان اول يوم دوام صباحي واني اتخبل من الصباحي لان حييل احب النوم ومنا العطله علمتني ع السهر واكعد للضهاري فكوه بابا كعدني كعدت من النوم اسحل بنفسي رحت ودخلت للحمام اكعد عالغربي اخذلي غفه واكمل نومتي ما احس الا بابا يدك لباب عليه يعرف بسوالفي تنبل مال نوم __يله باباتي نجمه اصحي يله حتتاخرين __هااا اي بابا كملت غسلت ونزلت __يسعدلي هالصباح بنوتي الحلوه يله كعدي واكلي ريوكج وكالعاده اجباري تكملين البيضه وكلاص حليب بالعسل __اي بابا اعرف راح اكل بيضتي واشرب الحليب __اي وراها تاكلين __اعرف والله اعرف الزبيب وشويه جوز __عفيه ببنيتي حتى اصيرين ذكيه والله يا بابا الغباء وراثه ميفيد ويايه لا زبيب ولا جوز لا بنيتي يفيد ولو مرات تسوين شغلات بيها غباء واستحلف ع الجوز والزبيب بس فدوه الج المهم تصيرين ذكيه باوعت عليه والله بابا خطيه ميدري بالمطي المدد براسي بس يله اكل بلكي صدك اصير ذكيه المهم رحت للمدرسه هي قريبه عليه مو بعيده وبطلعتي وشفت .... يتبع ... شنو رايكم بنجمه وتصرفاتها #زينب_عبد_المطلب انتضروني ببارت ثالث اذا شفت تفاعل واصوات ع القصه واهم شي رايكم بنجمه لحد الان لان حتشوفون منها شغلات مشووقه | ||||
|
| |
|
28-06-19, 11:16 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #العروس_والسحر__ البارت الثالث #زينب_عبد_المطلب🦋 طلعت لفرع وشفت سيف واكف منتضرني فتت من يمه بده يمشي ورايه __نجمه باوعي عليه واكفي والله اسف واعتذر اني كنت متاثر بريم المفروض ما اكولج هيجي بس باوعي عليه والله اسف انداريت عليه و محجيت شي ولا كلمه صحيح حسيت وياه براحه وتعويد بس عندي لموضوع من توصل للكرامه انتهت بعد وصلت للمدرسه طبعا ومنتضرتني الشله التعبانه مالتي واستلمتني المعاونه رزاله علمود الزي وعلى صدريتي القصيره مدرستي كانت حييل كبيره من الاول ابتدائي للسادس علمي وادبي يعني الي تدخلها متطلع منها للكليه دخلت للصف واليوم كضيناه ترحيب ونصائح للنصف الثاني بعد ما انتهى الدوام كالت صديقتي تعالو نطلع عالشارع طلعنه اني و3بنات دنمشي جان تفوت من يمي سياره كال وخري عمو شنوو بنص لشارع و تسرحين وخرت ع الرصيف فهو ع البطئ مشى ليكدام باوع بالمرايه شفته مثل الي انصدم من شافني باوعت عليه شبيه هذا اذكررت هو هذا نفسه ليخابر ابو لمكتب بده يبطأ بمشيته اهوووو اجه هذا لزكه انتبهت صديقتي روان عليه ولج نجمه دشوفي الجمال خررب اااخ شلون شاب يخبل __ولج يا شاب عموو هذا شفتي بيه حلو __ولج نعل دباعي سيارته بس هي كافيه اذا معاجبج حوليه عليه __من عيوني ولا يهمج بس ارجع ادزلج لرقم مالته __ااي ولج هذا ميتفوت دمشي امشي كافي زحف مشينه وهو يمشي ع البطئ ورانه وقتها صدك ضجت ما احب هيجي تصرفات من واحد بكده بقينه نمشي وهو ورانه لحد محسيت وكف وصوت باب السياره نفتح ونسد اندارينه لكيته واكف ورايه شو هذا لزمني من ضفيرتي وطبعا اني شعري طويل واصل لوركي لزم الضفيره ولفها ع ايده بس مو حيل نداريت وجهي بوجهه __ ياحيوان على هلدكه اصبرلي اني اعلمك منو سمحلك تمسك شعري طبعا اني احجي وهو مخنزر ويبتسم __تضحك مو والله اله اخليهم يشكون حلكك اصبرلي صديقتي روان اجر بيه واني اغلط سحبتني وكملنه الطريق و مشيت بس صدك ضجت الطريق كله امشي واغلط عليه وروان تهدي بيه والثانيه صديقتي كنه نسميها شعيله لان كانت تحرك دم الواحد حتى لو الشخص الكدامها بارد تشيشه هي كان اسمها صابرين بس تعلمنه ع شعيله __ولج نجمه امداج لج اني منج هسه اروح الم كرايبي وعمامي عليه واخليهم يدكوه دگ من هذه الزينه وتنسيه حليب امه شنو يجرا يمسك شعرج فعلا ميستحي كالتلها روان __ اكلي نعل هسه هي حتنطيني رقم واني احل لموضوع وياه وما اخليه بعد يتعرض الها مو نجمه اني اسمعهم يحجون من جوه اغلي من وره تصرفه وصلنه كل وحده لبيته دخلت وكالعاده الموشح لبين امي وبيبي ع الغده والشغل عفتهم وصعد للغرفه ابدل كملت وغسلت وبدلت وبالي بس يم تصرفه طلعت تلفون لكيت دازلي رساله فتحتها كاتب بيها — اله اعضه للسانج يااا شكد صلف هذا وفوكيها داز رساله فوك شينه كواه عينه اني هم مسكتت وجاوبته __اي لانك كلب تعض مو صح.؟ شو بس دزيت الرساله منا وهو ضل يتصل ويتصل ولا مل اني كمت و غلقته حتى ما استلم منه حتى رساله مر ليوم خررب ضجت لا شغله ولا عمله وبابا بعده مراجع وبيبي بيت عمي وامي تعلمت لا اكعد يمها ولا اشكيلها وهي مكابلها مسلسلاتها وكاعده قررت افتح المبايل شو اول مفتحته لكيت كوومه منه مسجات وغلط عليه كمت ارد عليه مسكتت ما اتحمل اسكت وكتبتله __اذا اشوفك بطريقي اله اركعك ميت نعال (طبعاا طريقه كلامي وياه مموزونه لان اني طفله وما اعرف احجي او اصرف بهيجي مواقف ) __ خوش لعد حطلع بوجهج واشوف وحده تركعني بنعال حتى اندمج عمرج كله __ دطيير عموو دطير —عموو موو اني اعلمج اله اكول لاهلج تتراسلين ويايه وتغلطين عليه طبعا من كال هيج طن هوه اكلت بس اكيد ما اخليه يحس بخوفي __اي ليش لا روح واتصل عليهم وكوللهم الي يعجبك حتى ينعنعون ضلوعك هو انته جبان روح عموو روح لتراسل احد انت مو كده __تمام نجمه انتي مو تكولين اركعك بالنعال حعلمج منو يركعني وشلون اندمج ع هيجي الفاظ تكوليها ويايه __اوووي شو درووح شكد لزكت سدين التلفون صدك هذا يتعب الاعصاب قررت اغير الخط واشتري غيره حتى بعد ميراسلني لا هو ولا غيره لان صار رقمي بداله هالايام من وره صديقاتي حتى زوجها لمعلمه الفنيه يعرفه خررب حضي نزلت اتغده كلش جعت شفت بابا جاي __يا هلا بحبيبي _هلا بنجمتي شلونج اليوم بالدوام __زينه الحمد لله يعني فادج الزبيب والجوز بابا انت مو تشوف ولد عمتي ياكلون منه وهمه شطار من وره الزبيب لا بابا همه عدهم الذكاء وراثه واني غبائي وراثه انداريت ع امي وهو ضحك __لا حبيبتي هالشغلات تفيدج وابد متقطعيهم براحتك يله تعال ناكل واني اكل هم اتصل كتبت ع رقمه لزكه لان فعلا ما اعرف اسمه كمت ارفضه كام ودزلي مسج فتحته __ترفضيني مووو كومي اني بالباب واعلمج اني قريت هالجمله غصيت __اسم الله بابا ع كيفج حبيبتي __اكوم اجيبلي مي اختنكت باللكمه طلعت من المطبخ طبيت بغرفه امي وابويه لان غرفتهم تصير عالشارع شباكها ونشوف منه منو بالباب فشفته واكف لابس بنطرون اسود وستره وقميص يمه اني من شفته صدك واكف كدامي نخرطن لبراغي مالتي ندكت لباب طلعت من الغرفه اركض حتى افتحها سمعت بيبي بالحمام تصيح البااااب شوفو منو __اي بيبي اني رايحه طلعت للباب __ولك شعندك اجيت خرررب رووح منا و كمت اضرب على وجهي __وخري لج اراويج عليمن تجاوزين رعنه __ اسفه والله العفو بعد ماسويها ولا اغلط عليك بعد بس رووح جسمي كله يرجف وهذا ميقبل يروح ويخزر بيه شافوني اتاخرت فطلعت بيبيتي ولج وين صرتي نجمه منو بالباب منو اجه __يااا هذا حسين هله ابني (طلع اسمه حسين هالحقنه والله حرامات بيه هالاسم) __ هله بيج حجيه يسلم ويباوع عليه صفح اني اهنا احس بطني تنعصر من لخوف _حجيه بس اجيت عليج اكولج.... وسكت .....؟ يباوع عليه باوعتله صدك دمعت عيوني __حجيه ابو شركه يريدج دتبصمين علمود لفيزه __هاا اي انشالله __اي منتضريج حجيه واني اترخص __مشكور وليدي تعبتك ويايه تفضل يمنه اشربلك شاي _لا حجيه مشكوره اعتبريه واصل مع السلامه اني من سمعت بيبي تكوله تفضل يمه بودي اوكع من طولي بس هو رفض وراح واني منا احس نمل ويمشي بجسمي رجعت وصعدت لغرفتي رجع يتراسل ويايه بس كمت احجي بادب هذا يخوف ليروح يجي ع بيبي ويخرط كلشي وهو هم كام يحجي ويايه ع كد السؤال اخاف ما اجاوب يجي فشنو يسال ارد وهذا ترك الاسئله كلها وسالني هالسؤال __ياصف انتي نجمه خررب الا يسال هالسوال ومستحيل اكوله صف سادس ابتدائي واصلا اني جسمي مال متوسطه كتله 3متوسط ومنا وراسبه سنه لمفروض رابع هالسنه طبعا هو صدك واني كنت احب اكبر روحي حتى اصير باعمار صديقاتي لان كولهن راسبات والي يساعدني على كذبتي مدرستي لان كتلكم هي كبيره ومن الاول للسادس علمي فكنت من احجي كنت حيل مسيطره حتى سيف هم ميدري اني بالابتدائيه وظل يحجي شغلات عاديه واني اريده يروح هو حس عليه ضجت فسلم وراح مرت 10ايام وهو بعد متصل من ذاك اليوم و هو ماكو افقدته بيوم كنت راجعه من المدرسه فشفته كان دوامي ضهري وراجعه لعصر شفته كبالي واكف عفته ومشيت وهو ورايه لحد ما وصلت للبيت راح دخلت مكان اكو احد وبيبي نايمه صعدت ابدل شفت مبايلي يضوي طلع هو دازلي مسج فتحته مكتوب __ مشتاقيتلي...؟؟ ابتسمت ودزيتله اي مو انت فد نمونه بعثلي ضحكه ورجع يدز مسجات واني صراحتا مو كلش مهتمتله لان هو مو من النوع الي اني اتلطفه او انجذبله تعلمت من البنات من اختار واحد اختاره واني مقتنعه بيه هو الراكض ورايه فالهسبب حسين مكنت كلش مهتمتله بس كنت نفس الوقت ما اجاوز عليه لان اخاف منه ليجي ع اهلي ومرات من يتصل يلكاه انتضار يمه وقتها بس يبعث مسج كاتب بيه بسيطه انتضار موووو اني من الخوف كبل اغلقه لجهاز لا ارد عليه ولا ارد ع احد غيره بالنسبه لسيف بعده يحاول يرجعلي ويعجبني احجي وياه بس من اذكر كلامه اكرهه وارجع اصده من جديد ومن يختفي عني احوص اريد اشوفه ومن بجي ابيع ثكل عليه حالي كنت اني ما افهمه مو بس همه حتى حسين من ميتصل اتصل عليه واذا طلع مغلق اكول بعد احسن بس المشكله مكنت ادري اذا الرقم مغلق من يفتحه تجيله رساله لان يرجع يتصل ويسالني انكر اتصالي واكوله متصلت واندم ضليت ع هالحال مالتي ما اعرف شريد لان لا عندي الام التسمع وتنصح ونفس الوقت اخاف واستحي من بيبي فكنت ما احجي ومن اروح لصديقاتي اسالهم يكولن اي صادقي اثنين سوه فعقلي اشوش لحد ما اجه اليوم ااي بيه تسافر بيبي كان الوقت وره العصر لازم يطلعون للمطار فكلنه ودعناها اني وامي وبابا واعمامي وعمتي وكل الجهال بوستنه كلنه فمن دتركب الباص ركضت وراها لان اول مره حفاركها وبس ابجي الكل نقهر عليه واباوع الباص منتضرها تصعد اخر شي حضنتها فمن دتصعد بالباص كتلها __اذا عشر ايام مجيتي والله اهج ومحد يدري مكاني وين تعرفين اني بلياج ما اعيش كامت تضحك عليه وصعدت كلهم اتقدمو يودعون بيبي رجعت خطوات وره فسمعت واحد كال __ اووف لو اصير بيبيتج وشبعج بوس وتحضن مباشرتا عرفته من صوته نداريت شفته حسين بهدوم عسكريه واكف ومبتسم بوقتها اني الدنيا كلها مو بعيني مهتميت لكلامه هلكد مادايخه من البجي ع فراگ بيبيتي دنرجع جانت لسياره مال عمي واكفه وره سياره ثانيه بعد الباص مال المسافرين فمبدال ما اروح لسياره عمي رحت للسياره القبلها دا افتحها جان ادك انذار عمي كال لج بابا شسويتي جان صاحبها واكف كتله لعفو نسيت عبالي سياره عمو شو هذا ميرد بس يباوع عاد عمي اعتذر منه حسيت بجيبي هز جهاز يعني اجتني رساله مهتميت لان مو بحاله رجعت للبيت ونفسيتي كلش تعبانه وضايجه ومخنوكه وبس ابجي يومين ضليت ع هالحال حتى دوام مداومت واهس ماكو اول مره بيبي تسافر واعوفها لان كلش متعلقه بيها اكثر من امي وامي هاليومين اني وياها مناكر وبس نتعارك ع كلشي تتعارك ع الشغل والاكل والملابس حتى ع التلفزيون مللتني كلش وبابا يسمع بس شيكدر يسوي فاصعد لغرفتي وانام احسن شي الي شفت بقائي بالبيت ميفيد من وره المعارك ويه امي فرجعت للمدرسه ولو نفسيتي متحسنت بس كلت ارجع احسن من كعده البيت بروحتي للمدرسه شفت حسين واكف ومتخصر ويباوع عليه مبين ظل باله عليه فتت من يمه خزرني وكال __ليش ماكو شبيج خبلتيني اني كنت ضايحه من روحي ومن امي ومن سفر بيبي ووروحي طافره كتله __ طبك مرض و شسويلك واذا ضل بالك عفته وامشي وهو ورايه يمشي باوعت ليكدام شفت سيف ايواااا اتونس العدو امامنا والبحر وراءنا وين انطي وجهي هسه لا بيه ارجع وهذا ورايه ولا بيه اكمل وهذا كداامي مشيت وكملت طريقي واني مدنكه هناك ويجيني سيف ويجر ايدي كدام حسين .... يتبع شنو توقعاتكم شنو حسوي نجمه وشنو موقف حسين من شاف سيف وهو يجر نجمه..؟ #زينب_عبد_المطلب 💫💫💫💫💫💫💫💫💫💫💫💫💫💫💫💫💫 بارت جديد مثل موعدتكم واهم شي اصواتكم للقصه قبل ميتقرون اي بارت وتعليقاتكم 😘 | ||||
|
| |
|
28-06-19, 11:17 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #العروسه_والسحر__ #زينب_عبد_المطلب🦋 البارت الرابع فتت كدام سيف وجرني من ايدي ويصيح عليه __ليش مجاوبين عليه من اتصل عليج هااا اخاف اريد انداريت شفت حسين ورايه وخمط سيف و وكعله دفرات وبوكسات اني كمت اتراجف ركضت ورحت للمدرسه بس ايدي على كلبي واول مدخلت للساحه مال مدرسه واستلموني صديقاتي يسالون ليش غبت بس بالي كله يم حسين وسيف وكلش خايفه شكول الهم شحجي شبرر ما اعرف بله سيف اكدرله بس حسين صعب واخاف منه كلش رجعت للبيت عرفت تلفوني هسه محروك حرك من اتصالات ومسجات وفعلا لكيت كوومه متصلين ومسجات كوومه ومو كلها قريتها لان كلها رزايل ومسبات عليه تركع رجع رن تلفوتي شفت الاسم لزكه لان حسين مغيرت اسمه بقى لزكه اسمه رفعت خط بس كلت الووو __ولج كلبه حقيره ناقصه متستحين ولج اليوم اكسر راسج اليوم ادخل لبيتكم اسحلج اني تقشمرين عليه ولج تلعبين عليه وعندج علاقه ويه واحد ثاني جااااااوبي لسكتين لسانج اطول منج وينه شو خنستي ولج نجمه جاااوبي __شبييك ماعندي شي ويا خلي يولي كذاب __لج اااااش سدي حلكج لو ماعندج شي وياه ميجرأ هيج و يجرج __صدكني هو يركض ورايه واني لابسته __ لج باعي لكدامج ضابط مو زمال وتمشيهم عليه __هو كال ضابط واني سويت طنننننننننن اصخام الصخمج نجمه شحسوين هسه اذكرت من بيبي كالت هالشركه مال حجاج مو اله عبالي يشتغل هناك طلع صدك مو اله ردت بس اسكته عود صرت فهيمه جيت اكحلها عميتها فكتله يعني اله اكولك احبك الك وردت انساك فحجيت وياه وبعدين حسيت نفسي اخونك فعفته ومن يتصل ما ارد عليه لان حبي الك قوي صدكني احبك واذا ما اشوفك اتخبل طبعا هالكلام حافضته من البنات صديقاتي __ لج اوووف منج ولج انتي شمسويه بحالي مخبلتني انتي مخليتي براسي عقل اول مره اتعلق بهيجي بنيه ولج حتى سكنت منطقتكم ولج لعد اذا تحبيني ليش هيجي شالعه قلبي وتخليني اركض وراج واحس نفسي ثقيل عليج __صراحتا اني اخاف منك انت طريقه كلامك كلها تهديد واني خفت منك __حبيبتي والله اعتذر بحكم دوامي اني هيجي اتعامل ويه الناس بس انتي غير انتي حبيبتي و ماريدج مني تخافين اني قلبي بيتج الج انتي ملاكي وبنت قلبي عمري كله الج اني طبعا اسمعه واتنعوص عود خجلانه متحملت هالكلام احسه خرريط سديته للخط كتله بابا اجه لان صرت اعصاب لعبت نفسي سديته منا شو هذا دزلي مسج منا فتحته __اني كدام بيتكم وابوج واكف كبالي اصخااام الصخمج نجمه شحيخلصج منه رجع يتصل رفضته كمت الطم ما اعرف شسوي رجع واتصل مره ثانيه رفعت الخط وهو بس يعيط سويت نفسي كيوت كتله مو ماتحمل هذا لكلام اخجل اصخن فسديته بحجه بابا __نعلعلا بليسج منو يكدرلج انتي باعي نجمه هذا تلفون مالتج اريده يبقه يومين يمي __ شنوووو دروح __ هاا اوك لعد براحتج نجمه يصير خيرر طبعا خفت لان اعرف شيسوي صدك بس هذا الي كدرلي __بس حسين اهلي شلون اذا يسالوني عليه شكوللهم __ باعي لعد نجمه من هالحضه ديري بالج تكذبين عليه ديري بالج حرف كذب ماريد متريدين تحجين كولي ما اريد احجي لا اني صغير ولا انتي فمن متريدين تحجين ماجبرج احتمال دتدرسين احتمال عندج حمام ومحابه تردين او يجوز ملتهيه. بدرس او صديقه يمج او اهلج يعني اكو اسباب تمنعج من الرد فماكو داعي تكذبين كولي واني اعذرج لان احتمال مرات انتي تتصلين واني ما اكدر ارد فكلش عيب تكذبين على شي ميسوه وهسه يله روحي بعدين اتصل عليج لان اعرف بيج تريدين تروحين سديته منه بس اعصابي كلش متوتره منه ما اعرف ما احب احجي بهالامور صح البنات اسمعهم واشوف سوالفهم بس من سمعت هالشي باذني ضجت يعني مشاعري بعدها طفوليه احب اللعب العاب الي بعمري مو افكر بهالامور بسساخ لوما البنات يقلدون عليه اذا ما اسوي مثلهم وله ولا افكر لا بحسين ولا بغيره مرن يومين واني وحسين مستمرين بالاتصالات اقصد هو الي يتصل احجي ويا حبيات في سبيل يحل عني لان كنت متوقعه اذا اسايره اخلص خصوصا سالفه سيف هو يعرفها وليروح يكول لاهلي وطبعا سيف من اليوم الي هدده حسين بعد مشفته لان حييل جبان واني ضليت احجي واطمس بالكذب يوم بعد يوم رجعت بيبي من العمره وكلش فرحانه بجيتها استقبلناها بمزيقه واني دك وركص ويه ابن عمي وناسيه نفسي واباوع ع حسين يشيل روحه ويركعها واني ولا يمي هو طبعه من النوع الي يحب يتحكم واني تعودت محد يقيدني وحتى من اعرف شي يزعله استمر بيه ولعب بيه طوبه ع هالركص الركصته طلعه من خشمي وليش ومنو وعيب و شكلتي لروحج وشطولج وشكبرج خررب شكوله بعدني بالابتدائيه هم اخاف ليروح يكتلني والله بس حييل بزعني بكل شي يتحكم ويدخل ويقرر وميرضه حتى على لبسي مراضي مرات اطلع يخليني ارجع اغير ملابسي بنضره وحده منه يخلي جسمي كله يطكطك بس برغم تدخله بكلشي كان بيه شي حلو وهويحجي ويايه صوته حنين يخاف عليه وهالشي مشفته من اقرب الناس الي شكد ما كنت اضوج من حسين او اسايره بس هالشي صدقا حبيته بيه حبيت هالحنيه البيه وخوفه عليه وبعد ما رجعت بيبي وشبعت من رزاله علمود الركص الركصته كلت اكيد اليوم من الصبح الكاه واكف ينتضرني حتى اخاف البارحه مكمل اليوم يكمل الرزاله طلعت واتلفت منا ومنا مااكو حتى سيارته مشفتها استغربت شعجب ماكو بس سمعت احد يصيحني انداريت وشفت رعد ورايه رعد ابن خالي __هاا رعد شعندك اهنا شجابك علينه اجيت عليج نجمه مو لبيتكم وشتريد مني __ابويه حجه ويه ابوج وكال اله اني رايدج __شنووو انتي شدتحجي __نجمه اني احبج ومستحيل حياتي اكملها وانتي مو ويايه متدرين من يوم الي رحتي شلون كرهت البيت حتى تعاركت ويه امي وبيبي لان من وراهم طلعتي نجمه اني احبج واموت عليج متعرفين حبي الج شكبره —ولك ويامن تتعارك ههه هو اني اشكرهم لان من وراهم تركت الجحيم الي كنت عايشه بيه انت متعرف شلون هسه مرتاحه ومدلله بيت ابويه مرتاحه منكم ومن امك وبيبيتك وحتى منك ىمن نضراتك المريضه ولك اني امي لو ما هي امي كان كرهتها هي عمرها محنت عليه وبس تركض وره امها القاسيه وتسمع كلامها اسمع رعد لو تبقى انت اخررر انسان بحياتي ما اقبل بيك ولا افكر ارتبط وياك واعيش بيت كرهت طفولتي بيه __اخذلج بيت وحدج __لو تاخذلي الجنه ما اعيشها وياك ومن رخصتك بعد رجاءاا لتجي اهنا واياك تفتح هالموضوع ويه اهلك من رخصتك يله ورايه دوام __وين نجمه تعالي نجمه ولج مو اصيحج نجمممممه __دطيرر يريدني هو بقيت بس انت عليه همزين هذا ماكو اليوم والله كان خبزني صفنت ع نفسي اكو شغلات صدك تغيرت بيه يعني لو ع قبل كان حتى رعد صادقته بس لاحضت نفسي اسمع كلام حسين وما اغلط وكمت ما افرفر براسي من امشي ومدنجه راسي ع طول كنت اتوقع اني وياه حتى اقشمر عليه وتالي كمت اني الي اسمع كلامه وطبعا كان يجيبلي هدايا وملابس وحتى مرات يحط بايدي مصرف اني كنت ما احتاج امورنه كلش زينه بس هو يكول انتي تخصيني وملزومه مني واني الي اصرف عليج كنت اخذهن واجمع لان اهلي ممقصرين عليه وما اكدر اكول لتنطوني حيكولون منيلج فكمت اضم واجمع ومرات اصرفهن ع صديقاتي بالمدرسه وكنت ابدا ما اكوله ع اي شي حتى لو كنت محتاجته عندي نوع من الخجل وياه وخصوصااا هوو ما اطلب منه اي شي... اجت فتره لعطله ال40يوم مال طلاب،سادس والثالث وهوه طبعا عباله اني ثالث و وقتها بالعطله انحصرت بالبيت وبعد صعبه اشوفه فهو يتصل ويكول ما اتحمل الا اشوفج يجي من دوامه ياخذ ساعه اشوفه من الباب ويروح وظل يوميا يتصل يشوفني ويروح ليش مو يوم اجه احد من اقارب بابا وهو شيخ عشيره و وياه ابنه اول كليه صيدله شافوني ونعجبو بيه الابن كاعد كبالي وبس يباوع عليه بنضرات اعجاب واني اباوع عليه وابتسم اكول وين حسين ويجي ويشوف هالشوفه حتى يفصخني هسه واني كاعده والله واستجاب دعائي وبطلعتهم فات حسين من يم بيتنه وشافهم يمه من شفته كمت اطكطك من الخوف ركضت لمبايلي لان عرفت حيتصل والله ثواني واتصل وكالعاده بس اكول الوو وهو يستلمني رزاله __اعرف شنو حتكوول __اي زين اذا تعرفين شكول بله كوليلي ست نجمه هذوله منو انوبه __اقارب بابا اجوي يسلمون ويشوفونه بعد ما كانت عدهم معامله اهنا __وانتي كاعده بنصهم موووو __وشكو بيها غير خطار __ولج اذا اجي هسه واسحلح من شعرج منو يكولي ليش لج انتي شنو فهميني بنيه حديثه كاعده بنصهم شنو بس العتب مو عليج ع ابوج باعي ولج اي احد بعد يجي بغرفتج تكعدين وربي تره اصعد واكسر راسج فهمتي نجمه لو اعيد __فهمت والله بس ليش متقبل ما اعرف __اني الي اسبابي فسمعي الكلام ولتعاندين ولا عبالج اذا نزلتي ما اعرف لان اعرف سوالفج وعنادج بأي لحظه اتصل عليج واذا سمعت صوت احد يمج وطلعتي جوه او اذا اتاخرتي عليه ومرديتي من اول رنه كولي وقتها نهايتي اجتي ع ايد حسين ويله روحي ولي حركتيلي دمي سد التلفون بوجهي شلون بلوه هذه يالله شسويت بروحي اني وبعدين ناس اجتي وراحت شكو مغثوث من يمه مشتغل عليه استخبارت يله هسه شلون ممنوع انزل جوه من يجي احد وارد عليه اول ميتصل بقى بس بتحكم بنومتي وكعدتي اووووف __نجمه وينج __نعم بابا __تعالي نزلي شعندج صاعده فوك باجر وعطله __اي بابا اجيت __شعندج بنيتي مو تعرفين اشتاقلج وباجر ماكو دوام وماكو دراسه عندج شعندج صاعده هوايه تصعدين وعازله نفسج فوك روحي لبيت عمج او عمتج __بابا اذا رحت لبيت عمتي حتستلمني علمود ابنها وانت تعرفها وبيت عمي من اروحله مرته تشغلني ومو بس مرت عمي الكبير كلها تشغلني __حبيبتي همه صح من يشغلوج معتبريج بنتهم وبعدين ما عدهم بنات وانتي هالبينيه الي وكلها تحبج __اي اعرف بس اني اروح يمهم العب لو اشتغل __اي هم حقج بس ميخالف حبيبتي لضلين حابسه روحج بهالغرفه __انشالله بابا حروح اصيح بيبي وماما يكعدون ويانه طلعت من الصاله لحتى اصيحهم وبرجعتي سمعت بابا يحجي بالتلفون بس صوته شويه بيه حده من العصبيه انتضرته يكمل ودخلت وبدخلتي اجتي بيبي وامي ورايه شبيك بابا ماكو شي حبيبتي...لا بابا بيك شي حبيبي بيبي/شبيك يمه ليش معصب __والله يا حجيه طبعا اعصب اذا العالم تجي لبيتج وتستقبليها ومن يطلعون يكولون والله نريد بنتك يعني هالبنيه عندي وما عندي غيرها وبعدها طفله سادس ابتدائي ممكمله ويريدن يزوجوها شبيج منو اجه ومن راد نجمه __حجي خلف اتصل ايكول اريد نجمه لابني اكوله بعدها صغيره ايكولي نمهرها هسه ومن تكبر ناخذها وخليها هسه يمك عبالك هي كرسي ويجي بعدين ياخذه __ياا واني هم اتصلو عليه اقارب ابوك كانو موجودين من اجيت من العمره وشايفين نجمه وكالو نريدها والله الفصعونه كامو يريدها __انتي دتحجين شنو يريدوها بنتي متزوج وما انطيها لحد ما تتخرج من الكليه هالبنيه عندي خليني فرحان بيها حتى مشبعان منها __لا ابني ولا اني ارضى ازوجها هسه بس ماشاء الله البنيه كبرت وكامو يجوها عرسان __لا عرسان ولا كبرت بعدها طفله بس هي خشنه ع امها والي يشفوها عباله مراه ام نجمه/وحتى لو بعدها طفله ليش مزوجها هي مصيرها الزواج __انتي سكتي ولتدخلين بنتي وما ازوجها اعرف بيج تريديها لابن اخوج الفگر بس بنتي متزوج هسه وهالموضوع سدوه طبعا اني كاعده وفاتحه حلكي عليهم همزين بابا وبيبي نفس تفكيري ولو ع امي هسه كان اني مزوجه ومخلفه همزين بابا رفض والله كان حسين سحلني سحل هسه من اكوله يفرح لان بابا مقبل عفتهم ورحت لغرفتي راسلت حسين وكتله ع الي الصار اىل مسويت للمسج ارسال ماكو ثواني واتصل عليه يغلط __ولج شكتلج اني انتي شنو من بشر هااا هسه ارتاحيتي من كتلج لطلعين ولا طلع مو مصيبه وحده مصيبتين __لا مو مكتلك ابن خالي هم رايدني بس لتخاف بابا كلهم رفضهم __ولج كره عينج وفرحانه مووو ابن خالج هم روحي نجمه اني اعرف شنو حتصرف __شحتصرف فهمني شحسوي __اني بعد ماتحمل يوميا واحد رايدج حدز اهلي يخطبوج الي وينتهي الموضوع واخلص اني من سمعته هيجي يحجي تخبلت لان مكان هذا الموضوع ابالي نهائيا علاقتي ويه حسين معتبرتها لعب بالنسبه الي احجي وياه اقضي وقت بس مال زواج مستحيل ....عززه واني كل كلامي وياه كذب بس اسمي ممكذبه بيه ..اصخام الصخمج نجمه ع الكذبه لازم اخليه ينسى هالموضوع هسه اني شخلاني احجي ع الخطابه اوووف من لساني لو يلصم... اووف من غبائي مو اكولك يا بابا لا زبيب ولا جوز يفيدوني ميصدكتي.. رجعت اتصلت عليه لان سده بوجهي من العصبيه __ الووو اكولك حسين لتجي ولا تجيب اهلك وتعب نفسك تره من هسه اكولك ابويه ميقبل.. __معليج انتي اني اقنعه شنو صغير كدامج اني وبعدين ما اكعد انفرج وانتي تروحين من ايدي __لا مينطي وهو دائما يكول الا تخلص كليه ياله حتى الي رادوني هو هيجي كان رده الهم __كتلج انتي معليج لتلحين ابدال متفرحين حخطبج انتي هذا ردج الي..؟ اشتعلوو مين ماطبله يطلعلي ... __لا حبيبي انت غيرر بس لان اعرف رد بابا لذلك ما اريد اتعبك واخجل اهلك __الله كريم هسه سدي الموضوع من كال الله كريم وسدي الموضوع كلت هذا هو ذبله كم كلمه ونسى مكنت اتوقع انو كلامه حيسويه حقيقه .... ثاني يوم كاعده اقرا اتصل حسين __هلا بالحب شدتسوين _كاعده اقرا __مراح اطول واخذ من وقتج بس حبيت اكولج اليوم مسويلج مفاجاه __صدك شنووو __ثوله هي مفاجاه شلون اكول ..روحي اقري هسه بس حبيت اكولج __ماشي ولو بلشت احوص بس اصبر شسوي متعلمه ع مفاجاه حسين اتوقعت هديه جديده مبايل او فستان بس مكنت متوقعه مفاجئته هيجي حتكون العصر اندكت الباب __اني افتح بيبي __لاا كعدي اقري اني حفتح __يا اهلا وسهلا تفضلوو اباوع دخلو للصاله نسوان وبيبي وراهم تغمزلي حتى اسلم ولكم لا وحده ولا اثنين حسبتهم 6 نسوان شنو جايين لفاتحه وهيجي مجتمعات سلمت وطفرت شفت امي _ماما لحكي 6نسوان اجوي ما اعرف شكو يمكن متيهات واجوي علينه __بيبيتج يمهم...اي وياهم ردت ادخل الهم سمعت مبايلي يدك ركضت عليه لكيته حسين..يمعود مو وقتك _ اكولك حسين يمنه خطار يروحون واخابرك __قصدج ع ال6نسوان _اي انت ظل مراقب بابنه الداخل والطالع لازم تشوفه __انجبي ولج ما اعندي شغل وعمل بس هذني النسوان من طرفي __شلون يعني طرفك __اهلي __شنووووووووووو صدك تحجي وليش اجوي __شنو ليش اجوي غير اخطبج مو كتلج مفاجاه هي هذه __ولك صخااام يا خطوبه مو كتلك بابا ميقبل روح حسين رووووح اروح اسمع شحتكول بيبي ولو ادري هي بعد الاصت __كل الهلا بيكم تفضلو عيني __والله يا حجيه احنه جاين نريد بنتكم لابنه ونتمنى توافقون ومن هسه اكولج ابني عسكري واموره خير من الله واذا تحبون تسالون عليه احنه حاضرين __ام منو حضرتج ..ام كاظم والي رايد بنتكم ابني الوسطاني حسين __ع راسي ام كاظم شوفي عيني جيتكم ع عيني وراسي بس صراحتا البنيه بعدها صغيره ولحد البارحه هم طلبوها من ابوها وهم رفض ميقبل يريدها تكمل كليه وتتخرج وذاك الوقت تروح لقسمتها وهي بعدها سادس وامتحاناتها بعد اسبوع يعني ابداا مو مال زواج اخت حسين //اي خاله بعد شكو ابوها يريدها ع الكليه تزوج وهي مبقى شي ع امتحاناتها مال بكلوريا وراها اعداديه اتم الخطوبه فد سنه سنتين وراها ميبقى شي ع الكليه بس المهم تكون مخطوبه لاخويه وانتي اتكولين لبارحه هم اجوي عليها فليش تروح منه واحنه البنيه رايدها لحسين ام نجمه انصدمت//عيني يا ثالث يا كليه تره نجمه سادس ابتدائي وينها وين الزواج والكليه والتخرج اهل حسين انصدمو __لا عيني لا البنيه الي نريدها مو بالابتدائيه __عيني ام كاظم هالبيت مابيه بس نجمه وهي ابتدائيه __ متاكده حجيه ...اي عيووني متاكده —تمام عيني لعد احنه نترخص ونعتذر ع الازعاج __لا عيني مرخوصين ونعتذر منكم.. لاحجيه ماكو داعي للاعتذار راحو اهله حسين واني دموعي موكف ابجي من الخوف شنو حسوي بس ارجف لان هذا هو بعد انكشفت وحيعرف بكذبتي اذا اهله طلعو مصدومين هو شنو حيسوي صخاام بوجهج نجمه من طلعو صعدت لغرفتي حتى ما تسمع كلام اعرف همه مراح يحجون ويايه ويعتبروهم حالهم حال الخطابه القبلهم بس هالمره لان اني اعرفه فخفت دخلت الغرفه ماكو هي 10دقايق ويدك المبايل يتبع.. الج الله ينجمه شحيسوي بيج حسين طبعا اكثر قصه كتبتها واني مستمتعه بكتابتها لان فعلا مغامرات هالانسانه ساعه تضحكني وساعه تبكيني رايكم بتصرف حسين وتصرفها ...؟ #زينب_عبد_المطلب | ||||
|
| |
|
28-06-19, 11:18 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #العروس_والسحر__ #زينب_عبد_المطلب🦋 البارت الخامس دخلت الغرفه ماكو هي 10دقايق ويدك المبايل بدون ما اشوف اعرف منو هذا حسين ليش اكو غيرهُ والله لو يموتوني هسه ما ارد والله ليكذبني بيومهم 100اتصال قليل غير المسجات بس الي فتحتهم متقل عن 30مسج وكلها دك رزايل وفشار وغلط ومسبات بكل انواعها واكثر مسج قريته خوفني من كاتب صارلي وياج كم شهر وانتي تلعبين عليه قشمرر اني كدامج موووو زعطووووط عبالج اني ولج جاوبيني اني زعطوطه تلعب عليه ولج خليتيني علج بحلك اهلي يكولولي ماكو بعد اصغر منها شكبرك شكدك تاخذ وحده صف سادس ابتدائي اذا ما حركتج يا نجمه واخليج عبره اني مو حسين ... -يمه حيحركني وين انطي وجهي شجاني وخلاني اكذب نزلت اركض ع بيبي __بيبي انتي ليش كتيلهم بالسادس ابتدائي ليش مكتي بالثالث __ولج هو انتي شيهمج وشيخصج بهالموضوع ليكون عاجبج ولج __هاااا لا يا عاجبني بس قصدي عيب طلعيني صغيره __دمشي روحي اقري معليج بهالسوالف صعدت وما اعرف شخرطت هو بعد انكشفت شكدر اسوي راح يحركني هذا المخبل هذه نهايتج ينجمه تموتين محروكه كعدت بفراشي واني مرعوبه للصبح منايمه ..لثاني يوم اني بس افكر بهالموضوع وجسمي كله يرجف وحتى بطني توجعني شسوي ما اعرف ومنا اليوم لازم اروح للمدرسه الضهر دوامي لان دنسوي مراجعه لنهايه السنه قبل الامتحانات وقررت ما اروح وكلها كامت تصرخ عليه __لج امشي كومي لا اكسرج تكسبر هسه امشي عندج مراجعه هذه بكلوريا شتريدين انوبه ترسبين ويوميا كاعد اوكل بيج بهالجوز والزبيب. وتاليتها متريد تروح تراجع __اي كومي خوش موديل متعلملتي ست نجمه كل يوم تغيب بحجه تعبانه وبعد الرزايل والكفخات الي حصلتها من اهلي طلعت وضليت واكفه بالباب واتلفت منا ومنا لا اروح الكاه وكف منتضرني اجتي صديقتي روان __يله نجمه امشي حنتاخر __ولج ولي اكل هوه وما اطلع روحي انتي __يااا هايه شبيج ولج الدراسه ضربت ع مخج امشي بسرعه _طلعت امشي واتلفت منا ومنا. وكلما تمر سياره من ورايه او اسمعها اتبسمر بمكاني واغمض عيوني لحد متروح ياله ارتاح كملت شارعنه واني ايدي ع قلبي فرحت كلت ماكو انتبهت زين واشوفه واكف بالركن مال تقاطع شافني جان ارجع هو حرك ورايه اني اهنا جسمي كام ينخض لابيه ارجع للبيت ولا بيه اواجهه متت خوف اخر شي وكفت بمكاني و ضليت ابجي مثل لزعاطيط حسيت سياره وكفت يمي ..انفتحت باب السياره ونزل هو هي نزله وهي كفخه ع راسي حتى اصعد بالسياره اهنا اني مباشرتا من خوفي صعدت السياره مالته من جهه السايق وعبرت عالكرسي ثاني اول مكعدت صعدت هو وحرك السياره اني شفته حرك ومشى كمت ابجي بخوف واباوع عليه ملامح وجهه متتفسر يخوووووف كلش كلت اليوم يحركني مثل ما هو كال البارحه واذكرت اهلي امي وابويه وبيبي انوبه اهنا فرفحت من البجي وهو ولا معبرني بقى يمشي ويمشي لحد ما طلع من يم جسر وهو بس ساكت كتله __عفيه حسين فدوه حباب رجعني خايفه والله هو اهنا وكف واندار عليه يمه عيونه تخووف تريد تطلع من مكانها حتى اعصاب وجهه مبينات لزمني من شعري هز هز براسي و يعيط __ولج انتي بكد لقندره ضحكين عليه حقيره بكد لنعال هيج ملعبه انتي والله لا اسويج ميت وصله وراها احركج _لا فدوه حباب مروتك والله العفو اعرف اني غلطت من كذبت عليك بس غير مردتك تعوفني خفت لتعوفني من تعرف عمري شكد ندار يباوع عليه جان يمد ايده علي صدري دفعته حييل شبييك تره ما اسمحلك تلزمني _ولج فهميني جسمج مو مال وحده صف سادس لتخبليني بابا لج يجوز اهلج تحججوو وميريدوني وطلعو كذبه وصغروج احجي الصدك __ لا والله هو هذا عمري الحقيقي واني صح غلطت من كذبت عليك بس علمودك كلت متعوفني من تعرف بيه مو صغيره وهسه فدوه حباب رجعني الله يخليك ليروحون يتصلون ع اهلي لان ماجيت لحد الان فدوه __اااخ ينجمه شدعي عليج ولج ادعي من الله كون تضربج سياره كلبه حقيره بكد النعال لعبت عليه وع اهلي واهلها الله يطيح حضج بكد النعال فرتنه فررر اني شكبرني والي موكف الي ويايه بالدوام ع تك رجل انتي اهنا الي وكفتيني وظل يغلط واني بس ابجي لحد ما ذبني براس شارع مال مدرسه ركضت للمدرسه دخلت كان بادي الدرس اله نص ساعه ترزلت من المعلمه بس دخلتني علمود متفوتني المراجعه كملت الدرس ورجعت ركض مر ليوم عليه برعب مصدكت من رجعني عبالك حلم لا يا حلم كابوووس شوفته كانت رجعت للبيت وقررت التزم بالقرايه ومبايلي غلقته لان بعد خلص لا حسين ولا غيره وهو بعد هالمرقف تركني وهسه كل همي بس مستقبلي ثم مستقبلي والزبيب والجوز لعبت نفسي منهم بس شسوي ع راسي يوكف اذا ما اكلهن ومنا اخذ اجازه علمود بقريني بس شنوو كضاها تكفخ بيه لان حضرتي مملخصه لا بدفتر ولا حافظه لا تعريف ولا تعليل ولا اي شي يقريني منا يكفخني منا فبقيت بيد بابا هالاسبوع هذا وكان اول يوم عندي امتحان اسلاميه راجعت كل الايات والاحاديث والمعاني ورحت امتحن صح هالفتره غلقت المبايل ومتصلت ع حسين لكن ما انكر اشتاقيتله اول مره احس اني مشتاقتله كان مركزي الامتحاني مو نفس مدرستي وحاطيني بمدرسه بعيده ولازم خط ياخذني ويوديني وكالعاده عاندت الا اروح مشي ويه صديقاتي حتى لو رجليه يورمن من المشي قفلت ما اريد خط رحت للامتحان من الصبح وكنت حيل فرحانه لان قاريه زين وفعلا من دخلت للامتحان جاوبت كلش زين وكملت اول وحده فرحانه اكول كله من الجوز والزبيب طلعت بره المدرسه شفت سياره حسين واكفه ضليت اتمعن زين هذه سيارته لو لا وشمعرفه اني اهنا امتحن اتقدمت عليه و وكفت كدامه اي والله حسين هذا واكف ويياوع بالوجوه يدور عليه لان صارت هوسه بطلعه البنات كمت اتكحكح بصوت مسموع لمحني وابتسم بس رغم الابتسامه وجهه مخنزر كمت امشي ودخلت فرع متقصده حتى يجي ورايه وفعلا لحكني بطئت المشي وهو وكف يمي نزل من السياره و وكف كدامي مسك ايدي اني كمت ارجف __انت شجابك وشلون عرفت اني اهنا __اي مو يرادلها علم الذره حتى اعرف انتي وين ..تعالي صعدي __وين اصعد __ع راسي.. غير بالسياره تعالي صعدي صعد هو قبلي وكعد وره واني صعدت كعدت يمه __ولج ليش هيج ناسيتني ادك عليج ماكو كله مغلق مكلتي هذا صار بي ولج علقتيني بيج وعفتيني ليش طبعا وجهي ينطي الوان خوف ع خجل __هااا ليش انت مو عفتني ورزلتني فاني توقعت متريدني بعد __هو انتي بكيفج تحللين وتقررين بس والله دكايكج ناقصه حييل واني لمفروض مني اعوفج بس اخخ من هذا لزم قلبه رفع وجهي جنت مدنكه باوع عليه __لج شنو هايه فدوه خشم لو خشم بطه صدك ضجت من حجايته هذه خجلني ويقلد ع خشمي __عيني معاجبك جايني و تعيب عليه روح يله مو صوجج صوجي اني __ اي هذا لسان هيح اعرفج ممتعود عليح مؤدبه وخجوله وخدودج حمر كام يضحك عليه اني كنت مسويه كصيبه صفح باس كصيبتي اني اهنا ما اعرف شحسيت رجع باس كتفي بهالاثناء فات حجي كال استغر الله من جيل هلوكت . فزيت فزه مصايره وحسين فز ويايه __نعله علي شيبته كطع نسل عندي من لفزه ضحكت عليه لان فعلا شكله صار يضحك __اي ضحكي ام خشم البطه \_اهووووو هم قلد عليه __لا عيني ممقلد صدك مكلتيلي شلونج اليوم بالامتحان __ زينه الحمد لله مفعول الجوز والزبيب بين بيه -هههههههه نعلعلا يومج وهذني شعليهم بالامتحان __اسكتت غير بابا اتفرغلي من شغله ومكابلني ويقري بيه ويحشي بهالجوز والزبيب حتى انجح __لج لتطلعين زماله انتي وتنجحين بالدفرات __لا عيني يا دفرات كلش شاطره بس بابا يريد معدل قوي __اي مو علساس حدخلين كليه هو اول متوسط وراج __شنو حضرتك تقلد _لا يابه شقلد شدي حيلج ونجحي حتى اجي اخطبج وره الامتحانات __حسن رجاءاا هالموضوع يوترني كولش واصلا اهلي ميقبلون وميطوني واني بعدني صغيره __اول شي انتي الي يشوفج ميكول صغيره جسمج اقل شي انطيه عمر17سنه عقلج وتفكيرج مو مال طفله صح مرات تصرفات عندج مال مزعطه بس تفهمين __اي اني من صديقاتي كلش تعلمت لان همه يحجون كدامي __اي وبعد الزواج كلها تعوفيها..هذا هسه مو موضوعي المهم كتلج انتي بس عمرج الصغير بس كلشي بيج كامل وبعدين اني احبج ورايدج ع سنه الله ورسوله اذا حتكولين صغيره ودراستي صدكيني نجمه مراح احرمج من دراستج ولا من اي شي تريديه اني حابج ورايدج بيتي وتكونين حلالي تره لا عمري الي يسمحلي العب عليج ولا اني الي نيتي وياج مو شريفه فهميني يا بنت الناس احببببج والله __اعرف والله بس كتلك بابا مراح يوافق __انتي معليج المهم درسي ونجحي والباقي عليه __الله كريم حسين.. طبعا لحد الان معرفتكم عن نفسي اني اسمي حسين متخرج بالجديد من كليه الضباط ومنتسب ب ........ عمري حاليا22 سنه عايش ويه اهلي لكن مقرر اطلع وحدي لان ما احب اتقيد بالبيت بعد ما اخواني ازوجو ونسوانهم بالبيت فكمت ما اخذ راحتي عندي3اخوان وخوات 2 الكل مزوج الا اني بعدني السبب انو كنت ناوي اخذ بنت خالي بس ازوجت وراحت لقسمتها فضليت بدون زواج واني من النوع النحس باختياري ما احب الاخذها تكون بعمري لا اريدها صغيره وع ايدي اربيها وما احبها تكون طويله وضعيفه احبها قصيره ومليانه هوايه يقلدون ع ذوقي باختيار البنات من اصادقهم بس اني هيجي احب البنت انما اني شكلي فعكس البنت الي اريدها طويل وضعيف وشعري اشقر وابيض شكلي كان هوايه يجذب البنات لكن اني مكنت انجذب بس للبنت الي اني اريدها واجه اليوم الي شفت بيه البنيه الي راسمها بخيالي كنت واكف يم نسابتنه عنده شركه مال حج شفت بنيه يا بويه كااامله والكمال لله كلت لو هي لو ما اريد بعد شفتها طالعه ويه امها اباوع عليها بس هي مثل المتنكه من شافتني كانو اني معاجبها استغربت اول مره بنيه ما اعجبها انتضرت واكف كلت بلكي ترجع ورجعت بس هالمره دخلت للمكتب مصدكت من دخلت وطلعت ويه بيبيتها مو امها حاولت احصل رقمها مكدرت بس مو عليه رحت للبيت واخذته واتصلت عليها بس طلعت لسااان ومتنجرع تكولون قط متوحش عجبني اسلوبها لان الي يطلع منها هالتصرف معناتها متنطي مجال لاحد ضليت وياها بالمسجات والاتصال وهي تعاند كمت اهددها واخوفها بلشت تسمع كلام اكتشفت تعرف احد انصدمت منها معقوله هالبراءه تطلع تعرف احد غيري قررت من ذاك اليوم اراقبها وما اخليها تتنفس لان هالبنيه قفلت براسي بعد سكنت منطقتهم بسيارتي اراقب الداخل والطالع سمعت منها خطابه رايديها واكثر من واحد واعرف مو دروب منها حتى اجيها لان هالبنيه كلما اجيب طاري الزواج متقبل لحد ما دزيت اهلي الها وانصدمت طلعت بالابتدائيه معقوله هالطول والجسم والشكل مال وحده طفله مصدكت واجهتها منكرت بحجه لا اخسرها اشتعلووو نااار واشتعلت بيه من وراها معقوله اني احب زعطوطه زين شلوون محسيت حتى مدرستها ثانويه من الاول للسادس اعدادي يعني ما اعرف ي بيا صف بالضبط بس هي هيأتها مال متوسطه انصدمت مثل المضروب ع راسي من وراها طفله تلعب بيه هاللعب رحتلها وردت بيومها اموتها ضرب بس مكدرت دموعها وقفتني ومنا فكرت انو هي طفله ومتعرف تصرف رجعتها وسديت الموضوع بس انصدمت من مشاعري وراها هالانسانه طلعت مو بس متعلق بيها طلعت حابها مبايلها مغلق واروح يم بيتهم ماكو حسيت نفسي خسرت نجمه واذا صغيره اني اربيها مثل ما كنت اريد صح صغيره كلش ومو مثل العمر الي كنت رايده بس ع الاقل حبي الها يكفيني حتكون هي بنتي ومريتي وحبيبتي صح اكبرها ب10 سنوات بس مراح احسسها بهالفرق ابدا حخليها ملكه حياتي ضليت اراقب بيتهم وهي ماكو اذكرت عدها بعد يومين امتحان رحت للمدرسه قريت اعلان امتحانهم وجدوله بمدرسه ثانيه حيروحون فقررت اروح اهناك انتضرها ورحت وشفتها صدك حسيت رجعتلي الروح قررت هالبنيه متروح لغيري وبعد متكمل امتحاناتها اروح اخطبها خوفها ورفضها من وره اهلها بس ان شاء الله اقنعهم مرن ايام الامتحانات واني بالي مشوش منا ع الدراسه ومنا من حسين من كال اخطبج خايفه يجي وبابا يرفضه ومنا اني اصلا بعدني مو مال زواج اجتي العطله اول يوم كلشي ماكو ونفسيتي ارتاحت خلصت من ضغط الامتحانات وكلت حسين نسه الفكره لان من اول يوم امتحنت كال ع الزواج وبعد مذكره بس طلع ماجل الموضوع ع ثاني يوم هم دز اهله ع اهلي وهالمره بابا كاعد وحييل عصب ورفض رفض قطعي بس هالكلام مفاد ويه حسين رجع يدز ناس وكلما بابا يرفض يدز غيرهم واكثر وكلما يرفض يتصل عليه وصاير اعصاب __كتلك بابا ميقبل ليش تلح __والله لو اعرف اوصل شغلتنه لمجلس النواب هم الا اخذج ضليت بين نارين منا بابا واهلي ومنا حسين ضلو ع هالحال3شهور حسين يدز وبابا يرفض المنطقه كلها عرفت حسين رايدني وبابا يرفض وصل مرحله يطردهم وكبرت السالفه الا ان صارت عركه بين حسين وبين ولد عمي ودخلو بيها ناس هوايه حتى يفضوها لهالعركه وكالوله بعد متجي بهذا شارع واذا شفنه خيالك نحسب الله مخلقك كل الي صار مفاد وياه لحد ما يوم اجاني للدوام بعد ما خلصت العطله والحمد لله نجحت ورحت اول متوسط اجاني حسين وهو صاير اعصاب نار صرت كلما اشوف حسين او اسمع صوته لو يصرخ عليه لو يتعارك ع اتفه الاسباب ويلومني عباله اكدر اقنعهم هو ميدري انو همه من يحجون يكولولي صعدي للغرفه حتى ما اسمع شي كدامي يكونون كلش طبيعين بس اسمع بيبي من تكول شلون لزك لزكه بس هالكلام ممقتنع بيه حسين __اسمعني تره اني مو بيدي كتلك من البدايه ميوافقون انتي مصدكتني افهمني اهلي ميقبلون ومينطوني ومن سابع لمستحيلات يقبلون تريد نبقه هيج ويايه لحد ما اكمل كليتي عادي ابقى واذا متريد روح وعوفني بزعتني تره والله ومللتني بعيشتي العطله طلعتها من خشمي بس تتعارك وتصرخ __ماكو ميوافقون وشنو ابقى للكليه انتي صدك تحجين لو تخبلتي انتي لو صدك تريديني توكفين بوجهه اهلج وتكوليلهم اريده __اي كتلهم ومقبلووووو كااافي لتلح فدوه __كذاااابه مكلتي __كيفك لصدك __تمام لعد ليوم تفتحين خط واسمعج تحجين ويه اهلج وتكوليلهم اني رايدته لحسين __ اوك ان. شاء الله بس خليني هسه اروح مو اتاخرت والله __تمام لعد انتضري اتصالي رحت للمدرسه واني صفنه توديني وصفنه تجيبني حجيت لصديقاتي كالولي خلي يولي شنو هذا كوليله ماريدك شنو لزكه لزك اسمعهم يحجون وكل وحده تنطي اقتراح متحملت راسي حينفجر رجعت للبيت واني دايخه اول مدخلت شفته اتصل غلقت لخط لان فعلا تعب اعصابي منه ومن الحاحه الزايد عليه مرن كم يوم وماكو هو عرفت هو بالدوام عنده خفاره صار من يروح لدوام ارتاح لان صاير كلش يتعبني بخصوص هالموضوع ارتاحيت منه وكلت هذا هو بعد ميجي ومل مني ومن رفض اهلي كعدت اليوم براحتي لان دوامي ضهري ومنا التبريد مشتغل الجو كان حاار ونايمه خوش نومه كمت اكلت وصعدت ابدل لبست صدريه ويه ركبه وقميص ربع ردن وشعري ستوتات مسويته وجنطه صفح كشخت وطلعت عبالك حفله مو مدرسه طلعت بالشارع وشفت .... يتبع . انتضروني اليوم مع بارت مفاجئ صح هذا قليل بس والله ع فراغي اكتب 💫 #زينب_عبد_المطلب | ||||
|
| |
|
28-06-19, 11:22 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #العروس_والسحر__ البارت السادس #زينب_عبد_المطلب🦋 بدلت ولبست صدريه ويه ركبه وقميص ربع ردن وشعري ستوتات مسويته وجنطه صفح كشخت وطلعت عبالك حفله مو مدرسه طلعت بالشارع وبطريقي للمدرسه مطمنه ما اشوفه كلت بعد ميبين هالايام طلعت واشوفه واكف كدامي صخام لا بيه ارجع ولا بيه اكمل كمت امشي بطئ حسيت احد ورايه طلع صاحب الاسواق مال منطقتنه يمشي و يذبلي حجي ويباوع على جسمي ويبسبس صخاام وهذا كدامي اباوع عليه واتراجف وهو ياشر براسه عود بسيطه يمه صخنت من الخوف احس الحراره تطلع من وجهي اباوع ع حسين ياشرلي افوت من هالفرع يمه حتى يخبزني اعرفه فتح عيونه ع كبرها رجليه اشنجت يمه لو اعرف بمكاني اموت ولا اروحله شديت حيلي وبكل قوتي اخذتها ركضه للمدرسه دخلت ركض للصف حتى ساحه المدرسه موكفت بيها يم البنات ضليت لنهايه الدوام بالصف اخاف اطلع ولا اريد اليوم اسمع دكه الجرس وارجع للبيت خلص دوام ودك الجرس عبالك اجه موعد اعدامي يمه شلون شسوي اذا لكيته كنت ارجف كلت مابيها مجال حنعلس ليوم طلعت امشي سريع حتى اوصل بسرعه ومن اشوفه ميكدر يوكفني صديقاتي يحجون عليه ولج شبيج راكض كلب وراج ولكم يا كلب كولن عزرايل ورايه اليوم عفتهم وانطلقت للبيت مصدكت من وصلت والحمد لله مشفته بس الخوفه بيه بقت دخلت وبيبي بوجهي صارت __شبيج بنتي وجهج اصفر شكوو __هاا لا بيبي ماكو شي بس دخت اليوم __يااا اسم الله يمه بنيتي لتكونين جوعانه __هاا لا مجوعانه بس نعسانه اريد انام __ياا وين تنامين تغدي ونامي حبيبتي __من اكعد اكل فدوه خليني اروح انام..صعدت للغرفه وكل جسمي بعدها بيه الرجفه دخلت وركض ع المبايل اعرف هو باعثلي مسجات واعرف شكاتب وحافظه كلامه لحسين بس مرات الانسان فضوله يكون اكبر من خوفه وفعلا اخذت المبايل وقريت المسجات كلهااااا غلط ومسبات عليه لان هيجي لابسه طلع يمه تم تسليم الرساله يعني اني قريتهم هو عرف مباشرتا اتصل بعد خلص وصلت حدها وياه كااافي بس غلط عليه رفعت الخط وساكته .. __لج والله بس اوكفي بالباب اذا مرشيت عليج بانزين وحركتج حتى بعد هذا جسمج الي مطلعته للعالم والرايح والجاي يشوفه يحترك ويصير مفحم يا كلبه ولج انتي شنوووووو من بشررررر ولج حقيره ماكو احد يردج اني موووجود اردج واكسر راسج جاووووبي شو ساكته لو بس تعرفين تصلخين بس متعرفين تسترين نفسج رددددددي عليه __كاااااااااااااافي تعيط عليه وترزل بيه كااااااافي خليتني من خيالي اخاااف مللتني كافي جوز عني ماريدك والله ما اريدك لزكت خوما لزكت بيه تحاسب وترزل تعبتني مللتني مو عيشه هذه وحط ابالك شغله حسين حتى لو اهلي يقبلون اني ماقبل بيك فهمت لو لا...اكرهك والله اكرهك لعبت نفسي منك __صايرره ترفعين صوتج عليه ست نجمه وحطي ابالج انتي شغله مهمه مووووو بكيفج حتى لو تكرهيني احبج وما اعوفج وماطولج علقتيني بيج وخليتيني احبج فلو تطلع روحج مصيرين لغيري وهذا لبسج الي شفتج بيه اليوم اذا اشوفح بي اكتلح بشارع وروح ابويه اذا اشوفج بي بعد حسبي وقتها الله مخلقج حذرتج بعد وقد اعذر من انذر والكلام بعد ما اعيده ولاخررر مره احذرج من هاللبس الي مستحيتي وطلعتي لابسته والرايح والجاي يباوع عليج اني هنا ردت ابرر موقفي كدامه شكوله لان عبالي ميجي لبست هيجي حتى يطلعلي من المبايل ويفصخني طلعتله بحجه سخيفه كلش __اي لبست هيجي لان مجبوره __وليشش مجبوره تصلخين بله __مو ماعندي صداري بس وحد وهاي ثانيه __واهلج ميشوفون لبسج __اي يشوفون بس يكولون بعدها صغيره لذلك لبسي عادي كدامهم زين لعد روحي هسه عندي شغل اكمله وارجعلج سديته من يمه واني ممصدكه كدرت اقنعه بلشت اضوج من نفسي كلما ابطل كذب ارجع اكذب مره ثانيه مليييت من هالشي اريد اعرف اني احب حسين لو اخاف منه لو متعلقه بيه ما اعرف شنو الي بداخلي حب طفوله مراهقه لو حب حقيقي ما اعرف هالشعور الي احس بيه وشنو انطيه اسم او وصف كل الي اعرفه اني طفله ومن وره صديقاتي واهلي تعلمت الي مو بعمري تعبت وهو تعبني وياه تحكمه وعناده وصراخه وخوفه وتملكه كل هالامور تعبتني احس نفسي كبرت حسين ديعلمني شغلات مو بعمري . ديعلمني من امشي انزل راسي وما اتلفت ...اهتم بلبسي... وما اطلع جسمي ...احجي بصوت ناصي وما اصرخ .....اضحك بادب وايدي ع حلكي .....الي يحجي ويايه بالشارع ما ارد عليه ولا اسلم ع اي احد ....وبعد كثيررر شغلات علمها الي واني كنت اسوي عكسها هالامور علقتني بيه بس وقت عصبيته اكره حييل واتمنى يختفي من حياتي ... بقيت ساعات ع هالحال وحسبه تاخذني والثاني تجيبني..صارت الساعه 11ونص بالليل الوقت حيل اتاخر و ورايه دوام .. سبحت ومشطت شعري حضرت ملابسي لباجر وسمعت مبايلي يرن باوعت هذا حسين شعنده بالوقت متصل __الوو __بعدج منمتي __لا هسه حنام كملت كل اموري وحضرت ملابسي لباجر __اني براس شارعكم وجاي اتمشى ع بيتكم جايبلج شغلات تكدرين تنزليلي __يااا وين اجي اخااف __بس طلعيلي بالباب انطيج علاكه اخذيها وروحي قنعني بس الخوف مسيطر ع كل جسمي نزلت بيبي بيت عمتي بايته وبابا وماما نايمين من زمان فتحت باب الصاله شفته واكف وره باب البيت الرئيسيه تقدمت بس ارجف وهو يباوع عليه من فوك ليجوه نسيت حتى ابدل كنت لابسه شورت ساده لونه برتقالي وكيمونه مشجره بورد برتقايلي وشعري مفتوح مضفرته وره مطلعت من الحمام بس مشطته وهذا صفن عليه _يله وين العلاكه يمعود __هااا ولج اشطالعه اشتعلو العشيره بعد شيصبرني انتي دمرتيني شسويتي بحالي __شنو شبيك بسرعه يله لحد يكعد __هااااا اي اي اذكرت هااج بسرعه دخلي تره الي يشوفج هيجي يكفر __يااا شبيك __نجمه روحي ماكو شي اخذت العلاكه وصعدت للغرفه فتحتها طلع ماخذلي صداري 2 مقصرهم على طولي كولش حلوات وقمصان 2 وعطور وفلوس وعلبه فتحتها لكيت بيها زنجيل وقران فرحت اكثر شي بالصداري لان حسيته فعلا يحبني حبيت اتصل عليه واشكره بس اتصل عليه ميرد كتبت مسج وشكرته لان كلش عجبوني انتضرته يرد مااكو رجعت اتصلت ماكو بقيت مستمره اتصل لان خفت ليطلع صاير شي وياه بهالليل اخذتني النومه فزيت باوعت ع الساعه ب2والمبايل بيدي اذكرت حسين رجعت اتصلت من ثاني رنه رفع الخط ___هاا حبيبي ...وينك شو ماكو واتصل مترد ظل بالي __هاا لاماكو شي رجعت حييل تعبان و نمت بهالاثناء وهو يحجي سمعت صوت وحده تكول ديله وصلني هو من عرف اني سمعت لان صوتها كان عالي مباشرتا سد الخط اني حيل استغربت منو هذه وشنو وصلني رجعت اتصلت مجاوب كلش ضجت فبعثتله مسج كتله اوك لترد اول موصلته الرساله اتصل عليه __منو هذه حسين هااا هذه اختي اكولك شنو اختك وبهالليل توصلها __مو هي جايه يمنه خطار وجهالها دوام باجر وزوجها ماجاها __زين انت مو تعبان شلون حتاخذها __حتى لو يا عيني هذه اختي لازم اوصلها اذا زوجها عاار وميجي شنو اصير مثله قنعني بكلامه سديت الموضوع كلت يجوز صدك ماكو داعي يروح بالي بعيد وره يومين اجه للمدرسه حتى يشوفني وكفت كدامه جذبني شي بركبته وهو من شاف عيوني عليها كام يغطي بايده لو يرفع ياخه القميص ويغطي استغربت لان هذه العلامه المزوجين يسوها هذا الي عرفته من صديقاتي طيب حسين ممزوج منين اجتله هذه عرفت اكو شي مسويه وربطت بسالفه البنيه متحملت اسكت سالته __حسين هايه شنوو __هاااا لا تعورت هنا البارحه __كذاب يا عوره الي هنا تصير وتسوي هالعلامه صح صغيره بس اعرف هذه علامه يسوها المتزوجين وانت من اول بارحه وضعك معاجبني مو صوجك صوجي اني الواكفه ويه واحد نكس مثلك __لج تعالي وين رايحه نجمه تعالي افهمج حقيرر نكس ويكذب ويكول متعور مع الاسف صدكته بس هالمره ولا اصدك بيه ولا احجي وياه بعد هذا هو حسين بعد يحلم احجي وياه رجعت للبيت وحرك مبايلي باتصاله هذه هي فرصتج نجمه بعد خلص ردت اخلص واجتني الفرصه __شتريد ثبرتني كتلك انسى بعد وحده اسمها نجمه واني اكرهك واصلا اجتني من الله حتى اخلص منك __هااا يعني هيجي صارت خووش نجمه ادللي اتلكيها من واحد ناقص سديت المبايل واني مصدوم من نجمه صح طفله بس المفروض ما اغلط واخليها تشوف ماشي نجمه انتضري وشوفي مرو يومين وحسين بس يتصل امي انتبهت مبايلي ميسكت حتى رادت تاخذه مني لان عباها ممهتمه بدراستي ولاهيه بالاتصالات منعو عني انزل جوه والسبب حسين لان هاليومين 4مرات دز رياجيل ونسوان وكالعاده بابا يطردهم راحو لاعمامي ونفس الرد يسمعون منهم وهو الرفض والسبب بعدني صغيره من وراه كمت اكره هالموضوع الكل يحجي بيه عبالك اني الي ادزه واني مصدكت خلصت منه ومن اتصالاته ..وقتها كانت اكو خدمه بي باي سويتها اله وخلصت منه بعد ميكدر يتصل عليه وبعد ما انرفض من اهلي واني هم اختفه من حياتي حتى اذا اشتاقله اذكر اخر مره من كذب عليه ارجع اضوج منه واحتقره ... رجعت لدراستي ودروسي وحياتي الطبيعيه بدون مراقبه من احد بالطريق ومحد يرزلني ولا يغلط عليه امي عركاتها ويه بيبي وبابا مستمره مرتين هالفتره هذه زعلت تروح يم اهلها تخلص مصرفها وترد ترجع لان اهلها وره متخلص فلوس يستثقلوها بس هي مو مهم عدها المهم تروح وتزعل وتصرف وتجي واني بيبي مهتمه بيه وبابا لذلك وجودها بالبيت مثل عدمه بس اهم شي عندي مينفصلون ما اتحمل هالشي واسمع من احد يكول نجمه خطيه او يتيمه او اهلها منفصلين هالكلمه جدا استثقلها مرو اسبوعين ماكو اي جديد بعد من حسين لا منه ولا من اهله فررحت كلش كلت نسه وراح بعد الى ان يوم واني بطريقي للمدرسه حسيت سياره وكفت يمي باوعت عليه لكيته حسين بس مكان صاعد بسيارته كانت سياره جديده واول مره يجي بيها نزل من السياره نضراته وشكله ابدااا مكان هو حسين الي اعرفه لان مبين عليه كان مليان شرر __اني تنهزمين مني مووووووووو اليوم حسوي الي مسواه بشر عاقل... يتبع ... #زينب_عبد_المطلب🦋 باجر باذن الله حيكون بارت ناار لان الاحداث ابداا غير متوقعه توقعاتكم احب اقراها ❤️ | ||||
|
| |
|
28-06-19, 11:30 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #العروس_والسحر__ البارت السابع #زينب_عبد_المطلب🦋 من شفت حسين وهوجايني بسياره مو اله وشكله مخيف وبلش يغلط عليه لان عفته ويصرخ اني تنهزمين مني موووو اليوم حسوي بيج الي مسواه بشر عاقل يمه اني سمعته هيجي يكول وكمت اسرع بالمشي وهو بالسياره لحد ما وكفها كدامي ونزل عليه وسحلني من ايدي وبدون اي كلمه من عندنه وصعدني بالسياره واني اصررررررخ واضرب بيه بايدي وبرجلي صراخي لوما جام السياره مسدود كان الكل سمعه وكل هذا وحسين ميجاوبني __فدوه حسين رجعني الله يخليك مو ابويه اذا عرف اني مرحت المدرسه راح يتخبل والله ابويه مريض تدري بيه فدوه __من عفتيني ومسويتلي خدمه بي باي عبالج ما اعرف سوالفج مفكرتي بيه وكلتي خطيه ولج اني من وراج كرررررااااامه مضلت عندددي ولج انتي بهذلتييييني من انعل اليوووم الشفتج بيه ولج الصمي لتحجييييين صوتج ينرفزززني عفته خفت منه الا شويه وياكلني اول مره اشوفه هيجي ضليت ساكته لحد ما انتبهت طلعنه من لمنطقه مالتنه عززه بعيني متحملت بعد اسكت __انت وين موديني رجعني حباااب __انسي ارجعج والله اذا ما افضها اليوم انسي ترجعين __شتفض انتي شكاعد تحجي لك بابا عوفننننني اعتقني اني الي اكول ساعه السوده ولك شنو من لزكه انت __اليوم اعلمج شلون اطولين لسانج ظل يمششي واني احجي وابجي وهو ساااكت ويسوق وكف بشارع عريض وبيوته كبار والمنطقه ما اعرفها ولا رايحتلها بيوم استغربت ليش وكف باوعت عليه ودموعي بعيوني منشفن __يله نزلي __شنوووين انزل معليه ماااا ما انزل لو اموت رجعني لبيتنه نزلت وفتحت الباب حتى اني انزلها عاندت وسحلتها من اديها تدفعني متقبل واني اجرها ظل حسين يجر واني ادفعه اخاف انزل لحد ما دفعه منه قويه ودخلني للبيت دخلت البيت واني فحطانه بجي باوعت بيه هوايه نسوان واطفال ورياجيل2 فرحت من شفتهم عبالي جابني لبيت وحدي وخطفني بدخلتي الكل باوع عليه باستغراب اني اباوع وعيوني الهم اتكول ساعدوني اريد احد ياخذني منه بس لا حياه لمن تنادي دخلني للاستقبال وقفل الباب طلع بره واسمعه يحجي وياهم بس صوت الرياجيل عالي وهمه يصرخون عليه كمت اصرخ وياهم اريد احد يخلصني ويرجعني شو انفتحت باب الاستقبال دخل حسين وعيونه تجدح نار حط ايده ع حلكي __نجمه الصمي وصوووووتج ما اسمعه يحجي ويصك باسنانه يمه الا شويه اشخ ع روحي من خوفي منه رد طلع وهم قفل الباب كمت وراه الطم ع راسي وكفت يم الباب اريد اسمع شنو يحجون وشنو يخطط.. وشنو ناوي وكفت وسمعت رجال يصرخ وحسين يكوله عمي _لك انت شسويت شعملت صدك تحجي ولك انت بعملتك هذه فضحتنه __عمي ماكو غير هالحل ولازم اسوي ضليت صافنه شنو الحل وشنو الي ناوي حسين يسوي سمعته يصرخ ويكول لاززززم اليوم............ صخاام هدا شناوي حاولت افتح الباب ماكو لزكت اذني بالباب وحتى نفسي قطعته حتى اسمع __عمي كتلك اذا مو اليوم بعد ما اكدر احصلها لهالفرصه والبنيه تروح مني __ولك حتى لو ميجوز تكطع الها مهرر بعدها قاااصر حرام عليك __اي اعررف قاصر بس والله اليوم نجمه مترجع اذا متصير الي لو اعرف اقتلها واقتل نفسي لو هي لو ما اريد __ولك شبيك تخبلت علينه رجال شكبرك والك مركز بدوامك هيجي علمود طفله تسوي __لتكول طفله هذه حبيبتي ومريتي واذا كانت طفله فطفله قلبي والله يعمي احبها والله ما اكدر بلياها اترجاك ساعدني __والله يوليدي ما اعرف شكولك هو انت من جبتها اهنا هذا اكبر غلط هااك اسمع حتكسرها للباب واسمع عياطها كوومن طلعنها خطيه خايفه .. ضليت اصرخ واضرب بالباب من سمعت يريد يعقد عليه عزززه هذه شديسوي وبابا شلون يمه غير يموت بقيت اصرخ حسيت الباب دتنفتح سمعت صوت احد وره الباب فتحوها وطلعت مراه كدامي من خوفي شمرت روحي عليها اريدها تساعدني ماكو واني ثواني بحضنها حسيت ايد تسحبني حيل باوعت هذا حسين يجرر بيه يريد يطلع صاح عليه الرجال الثاني طلع ابن عمه ولك وين رايح وماخذها __حكطع عليها مهر مال سيد مادام انتو مناوين تساعدوني العم__انت طلعت الطفل مو هي ولك عيب عليك شووووو دجيبهاااااا __عمي معليك اني صوجي اجيتك ونجمه الي وظل عمه يجر من صفحه ويرجع حسين يسحبني من صفحه واني بنصهم ابجي وفرفحت من البجي لهنا وزوجه عمه المراه الكبيره سحبتني حيل من بينهم وتصرخ عليهم __حسيييين كااافي عاد ونجب مدتشوف لبنيه كامت ترجف حضنتني واني احس نفسي مثل السعفه ارجف وخاايفه عمري مخفت مثل هالمره كامت اطبطب ع ضهري واني ابجي حييل حسيت ايد انحطت ع راسي رفعت عيني شفت حسين رجع سحبني من ايدي ودخلني للاستقبال بس هالمره مقفل الباب دخل ويايه كعدني ع القنفه وهو كعد يم رجلي باوع عليه رفع راسي وسحبني وحضني اسمع نفسه الي يتنفسه كلش سريع صاح اسمي __نجمه والله احبج والله اسعدج لتخافين مني أوجع الدنيا كلها وانتي لا رفعت راسي عليه كام يمسك خدودي حييل وباسهم مكدرت اسكت حسيته هدأ شوي __حسين فدوه اترجاك رجعني الله يخليك اريد اروح للبيت ابويه ميتحمل والله رجال تعبان __نجمه والله وشرفي ارجعج اليوم وعد مني انتي اليوم بيتج تنامين حجه هالكلام وطلع وهم رجع قفل الباب معرفت شسوي سكتت لان حسيت حلفانه مو كذب فطمنت بعد ما اخذت نجمه فكرت مستحيل ارجعها واليوم لازم اعقد عليه واتفاهمت ويه عمي بكلشي طلعت وكلت لازم اتصل ع اهلها __الوو السلام عليكم ....وعليكم السلام تفضل __عمي اني حسين ...يا حسين __حسين الي طلبت بنتك نجمه ......ولك انت متمل مو كتلك الف مره الك ولاهلك ما عندي بنيه للزواج __عمي اني متصلت بخصوص جيتي الكم ...شرايد لعد __عمي نجمه يمي اني اخذتها بالقوه من المدررسه ..شنووووووو بنتي ولك ك.... __خليني اكمل كدامكم لل3الضهر اذا ملميتو زلمكم واجتمعتو علمود اقطعلها مهر وبحضوركم تره اخذها وحدي عد سيد واسوي الي براسي وبعد محد يدري بيها وين حاخذها __انت كذااااب ولك بنتي بالمدرسه لا لا نجممممممه __اهداا لتروح تتخربط واني مو كذاب هسه حسمهك صوتها كاعده وانتضر حسين كال ارجعج دخل وانطاني مبايل وجهه اصفرر _شنوو منووو __كولي الو وحتعوفين شنو و منو __الووو...نجمه بنيتي __بابا حبيبي بابا فدوه تعال اخذني والله هو اخذني من المدرسه ميقبل يرجعني فدوه بابا ساعدني __اليوم ارجعج مو بكيف هالكلب النذل الا اطيح حضه __هااا عمي سمعت صوتها صدكتني كتلك ما اكذب اني المهم مثل مكتلك اليوم حدكم لل3الكل يجتمع يله مع السلامه __لك انت مجرررررم والله اذا بابا صار بيه شي عمري كله ما اسامحك __ميصير شي طولي بالج __لك انت منين الك هالبرود عندكً الناس ومشاعرهم ولا شي افهم اني ما اريدك ولا احبك اتركني اروووح __هههه اي مو بكيفج كعدي ولصمي طلع وقفل الباب كمت افكر بابا اكيد تخربط اعرفه ميتحمل وينكم. يمه ام نجمه تعالووووووو شكوو شبيك شصايرر ...ولكم احنه كاعدين ومندري شصاير بنتنه يمه بنتي شبيها...هذا الكلب حسين خاطفها ويريد اني وعمومتها مجتمعين وحدنه لل3 صدك تحجي كوووم اتصل ع اخوتك يجون قبل الوقت __انتي كل عقلج تحجين اني انطي بنتي لهذا لو امووووت اليوم يرجعها وغصباا عليه __وليدي انت شتحجي كوم اتصل ع اخوتك قبل ميسوي الي اباله __لتلحووون ما اتصل مو اني الي اسمع كلام زعطوط وامشي عليه وانطيه بنيتي ونور عيوني __انت لازم مستغني عن بنتك اني اكوم اتصل __لج اذا اتصلتي اطلكج __طلككككك ما اهتم المهم ترجع بنتي ومتصير فضيحه __الووو عيني ابو صلاح تعال بسرعه مشكله بيتنه صارت من وره هذا حسين الكلب خطف بنتي ويريد يجمعكم اتصل ع كل اخوتك وتعالو منتضريكم __________________ بعد ما امي اتصلت واعمامي اجوي وعرفو كل السالفه رجعو اتصلو ع حسين واتاكدو اني بخير بابا كان قافل بس اعمامي قنعوه حتى متصير فضيحه واني سمعتي تروح وكلها حتكول انهزمت وياه محد حيصدك خطف بعد ما اقنع بابا بكلام اخوانه وطبعا اتخربط بس سيطرو ع حالته اتصلو ع حسين يجي ع الساعه2 منتضريه بالبيت الاجتماع كان بيتنه اخذني حسين من بيت عمه وكل الموجودين هم اجوي ويانه وحتى اهله اجوي امه واخوانه والشيخ واهلي واعمامي و ولدهم كلهم اجتمعو صارو تقريبا 60 شخص بيتنه من اهلنه واهل حسين صار بيتنه يغط بالناس كعدو بالاستقبال الزلم واحنه بالصاله اني كاعده وارجف لان من رجعت خفت لا محد يصدكني وهو خطفني مو اني رحت واهله عيونهم عليه وخصوصااا امه منزلت عيونها عني بلشو الزلم يحجون ويعاتبون حسين وامه من يمها تصيح اي عيني هالطفله خبلت ابني الصوت ينسمع وهمه مناك يحجون الام ترد من يمها بس وجها عليه بلشو بعقد السيد بس بابا صاح __انتضرووو قبل كلشي شوفو كدامكم كلكم اني مراضي ع هالزواج وحسين اخذها غصب عني بس يجوز هذه قسمه بنتي الي الله كاتبها واني ما اعترض ع حكمه لكن عندي شرط من حقي اشرط لبنتي __اي عمي عيوني الك امرني وصدكني الي سويته غصب عني لوما احب نجمه ما اسوي __هذا بعد كلام فات اوانه شرطي هو نجمه تكمل دراستها وتدخل كليه وتتخرج لان هذا حلمي وبعد كلشي ما اريد منك __من عيوني عمي بدون متشرط اني اخليها تكمل سال الشيخ شكد مقدم ومؤخر جاوبه بابا قران بقران المهم يصون بنتي وما اريد غير شي __خير انشالله حسين ابن ...هل تقبل بنجمه بنت نهى زوجه لك بمقدم قدره قران لحظه شيخنه لتكمل .....خير ابني _عمي بنتك غاليه عليه وبت ناس وعمري ما الكه احسن منكم نسب مقدمها 50ومؤخرها 50ومهرها بيت باسمها وهذا عقد البيت هياته اني كنت اسمع من الصاله مديت راسي عززه هذا شديكول شفت حسين طلع من جيبه ورقه ويكول هذا تنازل مني لنجمه للبيت ب200متر اباوع ع الوجوه كلها مصدومه والحلوك مفتوحه واني حالي من حالهم اسمع امه من يمها كمزت واخوته يمه كامو ومرضو ع الي سواه لان هذا البيت هو اشتراه من تعبنه وحصته من ميراث ابوه ونفس الوقت يجمع براتبه شهر شهر ومقصر ع نفسه علمود هالبيت وتالي الي فمحد قبل كام حسين من مكانه وعاط عليهم __محد يدخل بيتي وحر بيه المن ما انطيه وما اعزه ع نجمه جبته من تعبي انتو ما الكم خص الكل الصم حتى امه تقدم حسين ع ابويه عمي هاي ورقه تنازل من لمحكمه موقعها بخطي بتنازل لبنتك بس انت الي لازم تبصم لان هيه قاصر باوعت ع ابويه شويه معنوياته وشكله تحسن طبعا مو علمود البيت لان حالتنه الحمد لله زينه بس ابويه اهنا عرف قيمتي شنو عند حسين هو اني الي انصدمت من عرفت بهالشي ومعزتي شكبرها يمه الي بيته تنازلي بيه شكد لعد يحبني... مر الوقت وكملو العقد وكطعو المهر وكلشي تم صاحوني بالمرر طلعت شفت حسين واكف يباوع عليه شبيك ..شبيه ولج شوفي هالورقه تثبت انتي صرتي مرتي وانتي تكولين شبيك __اي اكول شبيك لان اني مردت هالشي ولا ردتك ولا الي نفس بيك __باعي نجمه انتي هسه صرتي مرتي وركعي راسج باقرب حايط وغير هالشي ما عندي اكوله الج يله امشي مو صوجج صوجي اني الفرحان بزواجنه مشيت حتى ارجع للصاله وياه دخل ابن عمي وصار كدامنه اول مشافني راد يكمز عليه يضربني لان هو الوحيد الي يكول هي انهزمت وياه لزمه حسين __دير بالك اذا شعرايه من راسها تتاذه احرك لمنطقه عليكم كلكم باجر حصدق لعقد وعكبه لمهر ونجمه ما اريد كلمه وحده تغثها فهمت لو لا طلع حسين واني كعدت اضرب اخماس باسداس ولكم طفله عززه شنو زواج وشلون صار هالشي اهلي كعدو يسالون شلون كدر يخطفني وخوما اتاذيت واني الوم بيهم لان قبلوو وهمه رجعو يلوموني لان مكدرت انهزم منه وتالي كلها تصيح بعد قسمه وصارت ولكم شنو قسمه وصارت صدك تحجون زين واني شلووون كلشي ما افهم صعدت لغرفتي اباوع ع فراشي وكنتوري ومرايتي واصفن يعني معقوله حطلع منا وبعد ما اعيش بهالبيت ولا اشوف صديقاتي صدك ينجمه ازوجتي لو تورطتي والله ما اعرف دخختتتت وتعبت ومن تعب اليوم والبجي نمت حسيت وراها احد يلعب بشعري باوعت هذا بابا ااخ يا بابا غلطت و وكعت بالحفره ما اكدر احجي وياك ودموعي تفضحني سويت روحي رجعت نمت حتى ما اواجهه لبابا مرو يومين وحسين صدق العقد وجاب وياه 5ملايين انطاهم لبابا حتى اشتري بيهم ذهب وشنو احتاجه اخدتني امي وبيبي ومرت عمي الكبير وعمتي واخت حسين وحسين حتى نشتري الذهب واخذولي كل الي احتاجه لان اني ما اعرف شختار ولا اعرف شنو الي لازم اشتريه امي وبيبي يشترون ودموعهم بعيونهم واني اكل بروحي من جوه ردت كلشي يخلص و وراها يطلع حلم بس مع الاسف كله حقيقيه من حسيت روحي بالصالون وكاعدين يحفولي ويمكيجوني لحفله المهر شفت روحي بالمرايه معرفت نفسي اني مو نجمه هذه مريه كدامي تخببل فعلا انعجبت بروحي اول مره احف واتمكيج واسوي شعري هيجي حلو رجعنه للبيت وبلشت الحفله اهله من يدخلون مباشرتا عيونهم تصير عليه ويصلون على النبي بلشت الحفله نسيت اني هذه حفلتي وحفله مهري وراها حزوج لاااا كل الي فكرت بيه اغاني وركص والكل ملتم اباوع ع النسوان فرحانات ويركصن وكلها تكول واخيرااا حسين حيزوج حسيت بفرحه لان اني الي اختارها والي استقتل علمودها شي جذب نضري من دون كل النسوان اكو وحده كاعده وبنت صغيره بحضنها واثنين يمها لازمات رجلها مبين خايفات ولازمات امهم مثل ما اني كنت امسك امي هالمره هذه الي خلاني انجذب الها هو نضراتها الغرببه الي كلما اندار وارجع اباوع عليها الكاها خازرتني ورافعه حاجب وعيونها فاتحتهم عليه وتندار تحاول توصل للمره الي كاعده يم بنتها تشاورها وترجع تباوع عليه كلت يجوز غيرانه بس ع شنو احسها احلى مني ويكفي هي اطول مني ومبين مزوجه لان البنات يشبهوها اكيد هي امهم حاولت ابعد نضراتي عنها ودرت وجهي ع الي يركصون اجوي صديقاتي وكوموني اركص وياهم واني ردتها من الله اكووم اريد اهززز كمت ومقصرت اركص ويه البنات باوعت ع المره الي كانت تباوع عليه ماكو ياا وين اختفت انداريت ع الجهه الثانيه لكيتها بصفي واكفه تركص باوعت عليه وداست بكعبها ع رجليه هي ضخمه وطويله وجسمها مليان وبكل حيلها تضغط ع رجليه اني اهنا راسن كمت ابجي.. وصرخت عليها...شبيج متنتبهين عافتي وراحت كعدت .يا هذه شبيهاا لزمت نفسي وسكتت لان مو مال اتعارك ويه وحده ولا تحترم كعدت بمكانها وتباوع عليه اباوع ع اهله نفس الشي يباوعون والي يضحكًن والي يركصن والي ياكلن انتبهت ع شي امي وبيبي وعمتي ونسوان اعمامي يباوعون عليهم مستغربين من اهل حسين لان اهله ناس مو من ذبتنه حتى باللبس مو مثلنه صح هالشي محبيته بس كلشي ميهمني صح ما اريد هالزواج بس بعد صرت مرته وكل الي صار وحيصير ميهمني لان بيتي وحدي اني وحسين حاولت ما اهتم لكلشي حتى لنضرات هالمريه ورجعت اركص واضحك ويه صديقاتي لحد ما خلصت الحفله ولبسوني الذهب وكلشي وراحوو اهلي حجو ع الي صار وصار كلام وانتقاد اني سكتت مهما الي اكوله مراح يتغير شي استسلمت للامر الواقع ..... مرت الايام وحسين اتفق ويه والدي انو الزواج يكون باول يوم بعطله نص السنه وهو والا باول يوم العطله ما اعرف ليش واكيد ع وعده اكمل دراستي وما اتركها .. اني بالبدايه رفضت بس بعدين اقتنعت لان حسين تعامله ويايه خلاني ابدي اتعلق بيه حسسني اني بنته طفلته مو مرته علاقته ويايه اختلفت حذريا من ايام علاقتي وياه وشنو اطلب منه طلبي منفذ عنده بدون نقاش .. حسسني كامراه لااا لاا حسيت نفسي ملكه وياه الي ما احبه ميذكره بعد والي احبه يمليني بيه فرحت وحبيته صرت ما اكدر بلياه ولهالسبب وافقت زواجنه يكون بالعطله لان كل اعتقادي الزواج هيجي ..وبسسسس مرو الشهرين وبلشت امتحانات نصف السنه واني ادرس علمود الامتحانات وهمه يحضرون لان اول يوم العطله زواجي حسين كان يرتب بالبيت وبمساعده امي وبيبي اني كنت ما اعرف اذا يكولولي شنو رايج بأي شي اكول كيفكم من صاله وغرفه نوم وبردات وكلشي بالبيت مكنت اعرف اختاره لذلك اعتمدت ع ذوقهم وحسن ينفذ طلباتهم اخر يوم امتحاناتي كانت الحنه كملت امتحان ورجعت للبيت حتىى ياخذوني الصالون و بيومها طلبت منهم يخصلولي بلاتين حابه اغير من شعري شوي لان بس طول بدون اي شي يجذب الكل يحسدوني ع هالشعر لان طويييل وثخين بيومها طلعت فعلا لعااابه احلى من المهر بهوايه بلشت حفلتنه وركصنه وضحكنه وبعدين تبلش دموعنه تنزل ع بعادي عنهم .... واني صح اركص واضحك بس من اذكر حبعد عن ابويه انقهر كلش بس ارجع افرح من اذكر حسين وحصير وياه لان فعلا حبيته وتعلمت عليه و وجوده بحياتي كعدت شويه ارتاح من الركص سمعت الجهال يصيحون اجه العريس يحني العروس يمه وقتها قلبي احسه حيطلع من مكانه حشوف حسين صار يومين مشايفته مشغول بالتحضيرات واني بالدراسه دخلو كلهم و وراهم دخل حسين حسين .. __اليوم الحنه دخلت لبيت نجمه حيييل مشتاق اشوفها صار يومين مشايفها طاامس بالشغل دخلت واستحي ارفع راسي وصلت يم نجمه وكعدت يمها رفعت راسي باوعت عليها __لج شنوو هالجمال خرب عشيرتج شطالعه اليوم __اشش اسكت تره ميته خجل __ يروحي وحبيبتي ومريتي تخجلين ولج حتى الخجل يلوكلج __يله عيني حنيها ورانه حفله بالبيت الشباب اصدقاءك واخوانك ينتضروك __صدك هذه امي حتى الخلفه تقطعها من تحجي __ههههههه دحنيني وراكم طريق وحفله واحنه هم __ميخالف غير اشبع منج __عيييب العالم منا ولك يباوعون علينه __اليوم العالم الباجر اريد اشوف الحجه مالتج شنو شيخلصج مني باجر __عفيه لتحجي هيجي والله اخاف ليش شحسوي باجر __كللللل خيررر بعد ما سمعت كلام حسين حييل خفت اني صح حجيت ويه ولد قبله بس كلشي ما اعرف صدك حسيت ما اريد اروح يمه لان خوفني __شبيج صفنتي حبيبتي لتخافين مني باباتي اني قبل ما اكون زوجج اني ابوج واخوج وسندج يله كومي احنيج ورايه حفله.... بعد ما كملنه الحنه وركصنه شويه سوه ديطلعون و وكفت وياه بالباب حتى اودعهم بقى حسين واكف يمي حتى اهله كلهم يطلعون بوكفته باسني من خدي دفعته لان استحيت من اهله فطلع يضحك انداريت حتى ارجع للصاله وكفت يمي وحده اطول مني باوعت ع وجها اذكرتها هذه منو الي داست ع رجليه بالمهر محبيت حتى اسلم عليها مشيت من يمها مسكتني من ايدي وشاورتني __ اخذتي مني لشلع عيونج واخذه منج مره ثانيه.... نصدمت هذه شتحجي باوعت عليها واني مصدومه بس سكتت مردت اسوي مشاكل ومن حسين افتهم دخلت واني الحفله كلها ضايجه واذكر كلام المريه الي بس اريدهم يروحون حتى اتصل ع حسين بيبي حست بيه ضايجه كتلها لان حفاركم وهذه اخر ليله يمكم بعد ساعات قليله خلصت الحفله صعدت حتى لا بدلت ولا غسلت مباشرتا اتصلت ع حسين __هلوو حسين__هلا بمريتي __اكولك حسين منو هذه المره الي كانت لابسه اصفر __لابسه اصفرر؟؟...... ااي كانت وياكم جايه وشايله طفله __هااااا صفاء بنت خالي شبيها __ اليوم شاورتني وكالت اخذتي مني لشلع عيونج واخذه مره ثانيه __هي هيجي كالت...اي. وبالمهر داست ع رجليه __تركيها تولي هذه وحده مخبله وعقلها موتمام عوفيها __صدك تحجي....اي والله شبيج مخبله __ياا صدك مخبله خطيه والله حلوه حرامات ع هالجمال تطلع مخبله __يله حبيبتي روحي نامي وارتاحي باجر ورانه هوايه شغل __اي والله اني اريد اسبح وابدل وباجر من الصبح صالون __يله يقلبي روحي ارتاحي __بس عندي سؤال ..كولي حبي __ليش ضليت مصر الا هاليوم زواجنه باول يوم العطلهً لان متعرف شصار بيه اليوم رجعت من الامتحان اركض منا ومنا علمود الحفله وباجر العرس يا دوب الحك حتى اثاث البيت مكدر اختاره وياكم من ضغط الامتحانات وانت لزكت الا هاليوم _هههه ولا تنسين الزبيب خوش مشتغل وياج هههه بس ما اكول هسه باجر اكولج..... يا خبيث ههههه يله حروح هسه ..تصبح ع الف خير وكملت كلشي ونمت مرتاحه بااجر حيكون اول يوم لبدايه حياتي الجديده يتبع ... #زينب_عبد_المطلب🦋 بارت وضح الكم نيه حسين بنجمه والكل اعتقد بدايه حلوه لنجمه وهي هم كالت بدايه حياتي الجديده لكن يا ترى هل حتكون بدايه حياه حلوه او لا ... انتظروني غدا بنفس الموعد مع حلقه جديده من قصه العروس والسحر بقلمي#زينب_عبد_المطلب | ||||
|
| |
|
28-06-19, 11:32 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| العرىس_والسحر #زينب_عبد_المطلب__🦋 البارت الثامن يوم الزفه __اليوم عرسي يمكن هوايه بنات بهاليوم يضلن نايمات من التعب وامهم تجي تكعدهم حتى يروحن الصالون.. اني لا يمكن كل الي نمته ساعتين من وره الخوف افكر شلون حفارك بابا وبيبي وماما شلون حعيش بيت وحدي بس ويه حسين شحاكل شحطبخ شلون حغسل الملابس شلون حقرا وحدي من يجتمعون بيت اعمامي اني مو وياهم كل هالامور اجتي ابالي وطيرت النوم من عيوني __صباح الخير حبيبتي زين كاعده يله كوومي ورانه الف شغله والصالون بعد نص ساعه موعدج __اي بيبي كايمه وين ماما وبابا __امج اجوي اهلها وكاعده وياهم وابوج يم عمتج زوجها راد ابوج __منو حيروح ويايه __حبيبتي كلنه اذا اتريدين اني وامج وعمتج ومرت خالج وصديقاتج منو الي تريديه يجي وياج __لعد حكوم اسبح حتى اروح اهناك تبلش اسرع __يلا اني نازله ومنتضريج كمت احضر ملابس الصالون قبل ما اسبح اتصل حسين __صباحوو __هذا اخر صباح وانتي مو يمي من اليوم انتي بيتي وتنورين صباحي __اذا تظل هيجي تحجي ويايه راح اكعد وما بيه اكوم لان كلامك يدووخ __لك فديت الدايخه ..حبيت اصبح عليج واكولج كل عام وانت الحب الاول والاخير __بس اليوم مو عيد ميلادي __اليوم عيد ميلاد العشاق عيد الحب __اهااااا واكول لعد..... __ااااايييييييي قبل متكملين اني قفلت ع هاليوم حتى تكون عيديتي هي انتي وكل سنه حذكر بهاليوم هذا من صرتي مريتي واجتني احلى هديه __مو كتلك اذا حظل اسمع هالكلام بعد ما اكوم __لا يمعوده مو مال كعده وبعدين نتاخرر كومي يله واني هم رايح _ههههه ديله لعد اني رايحه حبي نزلت اكلت كم لكمه بسرعه ورحت للصالون والعائله كلها اجتي ويايه والكل فرحان وطلعو كلهم يعرفون اليوم عيد الحب واني ولا ادري اباوع الشوارع والمحلات كلها حاطه اشياء حمره من دببه و ورد كلش حبيت هالاشياء وحييل فرحت انو اليوم حيكون عرسنه لان هاليوم فعلا كاان مميز ... دخلت للصالون اختاريت تسريحه ومكياج كلش نازكات وبالوان كلش خفيفه لان بالرغم جسمي مثل ميكولون مال وحده كبيره بس وجهي طفولي لذلك لا اني ولا امي رادت مكياج طوخ كملت كلشي وطلعت احلى بالف مره من المهر والحنه فعلا البدله الها رهبه وهيبه خااصه العروسه تحس نفسها ملكه مو بس عروسه ... حبيت شكلي ومكياجي وبدلتي وكلشي بيه كان حلوو اهلي انبهرو بيه واني فرحت من شفتهم فرحانين لان البارحه هوايه كامو يبجون رجعنه للبيت والكل كان موجود فرحت حييل بيهم وكوموني نركص شوويه طبعا عرسي مردت حفله لان حسين هواايه صرف من ذهب وفلوس وتاثيث بيت فبابا كال كولي لحسين منريد عرس بقاعه بس زفه احسن ومن كتله لحسين حسيت هم وانزاح منه لان هو مراد يقصر شي عليه ويثبت لاهلي هو كدها ونفس الوقت هوايه صرف وما اكدر بعد اضغط عليه كاعده يم بابا وماسكه ايده ارجف دخل عمي لصغير وشافني واني بدلتي وبعمري هذا حس صارت صدك صرخ ع الكل اليوم ما اخلي حسين ياخذها هذه بنتنه المدلله __اني سمعت هيجي فحطت بجي حتى مكياجي راد يخرب وبابا يحضن بيه ويبجي سمعت صوت زفه اجتي وصوتها يقرب عرفت اجوي كومني بابا وعمي يصيح والله بعدها صغيره دخل حسين واهله واعمامه واصدقاءه الي بالدوام والجو احترك منا طلقات ومنا كولات ودك وركص اني ارجف وهمه يركصون وكف حسين كبالي وبابا كله هذه عيوني حتاخذها وياك امانه تحافظ عليها ولتزعلها باس راسي وانطاني لحسين __عمي نجمه حتكون عيوني الثانيه ومثل ما هي بنتك حتكون بنتي وزوجتي كلشي الي بالدنيا __بارك الله بيك وليدي اني اسمع كلامهم ودموعي ما اسيطر عليهم طلعت من بيتنه واخذني حسين وتركت بابا وطفولتي وبيتي وذكرياتي كلها طلعت لحياه ودنيا جديده حياه ما اعرف شلون حتكون هل هي مريحه وسعيده ام متعبه وحزينه ... طلعت لطريق مجهول مع انسان مو من اختياري انما الصدفه حطته كدامي .. انسان استقتل علمودي وهالشي الي حببني بيه .... طلعت ودموعي تحجي الي بداخلي من خوف المجهول حاول حسين يهديني ويضحكني بالبدايه مكدرت اسكت بس هو عنده طرق خاصه تسكتني .. مكياجي نزل ورحنه للمصور بنت خالي ساعدتني وصلحت منه ورجع وجهي منور بعد ما السواد ترسه صرت اشبه الباندا وحسين يضحك عليه اخذنه صور واتوجعنه للبيت مالتي دخلنه كلنه جوه والكل فرحانين بحسين ازوج وجاب عروسته للبيت كعدو شويه وبلشو يروحون، .. من اجتي بيبي تودعني هي وامي وكل اقاربي تخبلت __لا عفيه فدوه اخذوني وياكم ما اريد ابقى اهنا __لا حبيبتي هذا بيتج وبيت زوجج بعد وبيت اهلج مفتوح الج بس خطار لان اهنا بعد حياتج حتبديها وتكمليها __بسسسس خاايفه اني وما اريد ابقى اهنا لا لا ما اريده فاتت ام حسين ...اي متردي وتعوج حلكها __شفتي حبيبتي بعد لتكولين ما ابقى اهنا هذا بيتج ولتخلين احد يحجي عليج ولو بكلمه وحده حتى لو مو قصدج فهمتي حبيبتي __اي فهمت ..يله كومي ويه زوجج واحنه رايحين وشنو تريدين بس اتصلي ونجي ركض الج __تمام بيبي __وانت حسين هذه بعد مريتك صارت ما اوصيك عليها _احطها بعيوني راحت بيبي وبقيت كاعده بالغرفه اخاف اكوم لازمتني البارده ما اعرف شبيه __ها باباتي حتبقين كاعده كومي نزعي __ما اعرف شو احس روحي بردت __عادي حبيبتي كومي اتحركي وغسلي وبدلي تروح منج يله حتى ناكل لان خربان جوع __هاااا يله كمت رحت غسلت ونزعت البدله محتاجيت يساعدني وحتى لو محتاجه ما اصيحه استحي نزلت جوه لكيته محضر الاكل ع الميز جايب مشاوي ومقبلات وببسي واني اضعف كدام هالسوالف كعدت وياه وطلعت قهر يومين مماكله زين __شبعتي باباتي..اي شبعت الحمد لله يله كومي غسلي بين ما اودي المواعين ..لا لا اني اوديهم فوك ما حضرتهم تلمهم __يله لعد حروح اتوضا ولحكيني فوك وهاا توضي وتعالي __صفنت وضوء شنو وليش شكوو يا صلاه بهالوقت المهم لميت الاكل وتوضيت وصعدت فوك لكيته محضر سجادتين وكاعد ع وحده منهم __يله باباتي تعالي نصلي ...توضيتي مو؟ __ااي توضيت...تمام يله تعالي __صليت وره حسين ركعتين وراها كعد ع السرير وكعدني يمه __حبيبتي نجمه انني اليوم صرتي مرتي وهذا بيتنه وحياتنه حتكون بهالبيت هذا لاخر يوم بعمرنه ان شاء الله ...الي يصير اهنا ميطلع بره لا لاهلي ولا لاهلج ... شنو تحتاجين تطلبين بعد مني مو من اهلج.. ايام الطفوله راحت من دخلتي بهالبيت بدلتج البيضه ... مزعطه ولعب وضحك بصوت عالي ولبس مشلح بعد ماكو ...دراسه تدرسين واني بيدي اوديج واجيبج...تمام باباتي _تمام __مادام اتفقنه هسه نتوكل ع الله __شنووو مو صلينه بعد هم نصلي __لا وره الصلاه الدخله...يا دخله .....دخلتنه حبيبتي __اي مو دخلت للبيت بعد طلابه __ايوااااا اكولج نجمه... كول حبيبي __اهلج كلولج اليوم شنو حنسوي __شلون يعني...يعني كلولج المره وزوجها شيسون بليله عرسهم __شلون يعني...يعني كلولج المره وزوجها شيسون بليله عرسهم _اي امي كالت تنامون سوه نفس السرير ... اي وغيره شعلمتج __مكالت بعد شي لا بيبي كالت سكتي لطلعين عينها حسين يعلمها __شدعي عليج بيبي شعلمها هسه تفضحني __شتعلمني ..باعي حبيبتي الكلام بهالموضوع مراح تفهميه تعالي اعلمج عملي و......✋🏻 بالبدايه من كعد حسين يفهمني شنو الي حيصير بعد ما دخلت هالبيت كنت فاهمه كلامه بس من وصل سالفه امي وبيبي مفهمت شي لحد ما نومني ونام بصفي كانت لمساته غريبه بالنسبه الي اول مره احس بهالشعور قشعريره مسكت كل جسمي بلش يمشي ايده بجسمي واني كنت متجاوبه وياه ما اعرف شنو الي كنت احسه احساس اول مره احس بيه لحد ما ابتعد عني وهو عصبي وجسمه يصب مي معرفت شبيه كام وهو معصب ويصرخ اريد اعرف شبيه ما ادري ليش معصب وشنو الصار ما ادري __شبيك حسين __كلشي مابيه يمكن تعبت هالفتره واثر هالشي بيه .. شكوو فهمتي __اوكفي هسه اجي .. وين رايح ...للحمام ثواني واجي راح للحمام وره اقل الدقيقتين رجع يضحك __ هااا شوو رجعت تضحك ضحكني وياك __دتعالي بحضني وهسه اضحكج ويايه وهم رجع يحضني واني رجعت ضعفت جوه ايده وهم وره دقيقه طفر من السرير يصرخ __كله من وراج انتي دتقلقيني ...شكووو شبيك شسويت اني فهمني والله مسويت شي شوفني كاعده __ولج نجمه ما اعرف شنو ديصير اول مره تصير عندي هالحاله انتي ساعديني __مو المشكله ما اعرف شبيك وبشنو اساعدك اوكفي هسه اجي..... هم للحمام .....اااي ورجع من الحمام وره ثواني يضحك ااا شبيه هذا تخبل والله ورجع نفس الحاله كررها ورجع يصرخ ويعيط وضلينه ع هالحال لحد ال7الصبح اني بالبدايه كنت كلشي مفاهمه بس هو من شاف نفسه تعب واكو شي مو تمام كعد وحجايلي كلشي الي لازم يصير وشنو الي ديصير هسه خفت من سولفلي الي لازم هو يسويه بس من شفت حالته وضعفه خفت عليه لان صار بركان ... الي فهمته منه من يبتعد عني كلشي تمام ولهالسبب يصيح من وراج تعبت حيل واني اخر يومين منايمه ومنا هذا يكمز كدامي بعد متحملت للصبح كاعدين كتله كاافي اريد انام واخيرا عتقني ونمت شو ماكو ثواني واسمعه يكول كووومي بسرعه اجتي بيبيتج ومرت عمج __وين اجوي شعدهم من ال7 جايين __ولح يا 7 ساعه ب10ونص كومي تنبل...وشوكت مشى هالوقت والله هستوني نمت __ميخالف حبي عوضيها اليوم يله كومي __يله كايمه اغسل وابدل وانزللهم ...لحظه نجمه....نعم __اذا بيبي سالت شصاو البارحه انطيها هذه __ شهالوصله هذه __شفهمتج البارحه اني... اي بس البارحه مصار شي __اي اعرف ولذلك حطيت حمره منج بالوصله...تمام نزلت جوه وتلكتني بيبي ومرت عمي الكبير يهلهلن ويضحكن وجايبين وياهم ريوك مال عرسان حييل فرحت بجيتهم وشوفتهم __هاا ولج لازم البارحه منايمه ولج ولحد هسه مكاعده __هااا اي والله بيبي منمت زين. تعالي ويايه للمطبخ طلعت الوصله وانطيتها لبيبي —شنو هذه __هذه حسين كال انطيها لبيبي وينه هو صيحيليا لا افضحه هسه __هاا بيبي كولي...اكولك شنو كدامج جاهله لو زعطوطه لو ما افهم شنو هالشييات طلعن من لا شي تره حتى الجاهل يعرف هذه حمره __هاااا اي صح مو الصراحه __بيبي اني السبب لان خفت ....اي لعد ليش هالافلام والحمره نعرف نجمه صغيره ومتقبل وحتخاف بس مو تكذبون __اسفه بيبي مكنت اعرف عادي اذا مو اليوم __حبيبتي تره عادي انتي مرته وهو زوجج والعمر كدامكم وشوكت متشوفين نفسج مرتاحه يتم الموضوع يله هسه امشو تريكو وكدام مرت عمج لتشك بشي طلعنه واكلنه مقبلو يبقون اكثر البيت نظيف والغده حنطلبه من بره يعني ماكو شي اسويه رحت انام لان مشبعت نوم شافني حسين ركضت ع الفراش حتى انام اجه عليه يبتسم __ولج مشبعتي نوم...والله نعسانه بعدني ولو ساعه واكعد __بس بشرط...شنوووو هجم عليه واني اضحك وحاولت ما اخليه يشوف او يحس بخوفي ويلومني بس هم مفاد كام من يمي دفر الباب وطلع اني متمدده حسبه تاخذني وتجيبني ليش مكلت لبيبي هالشغله مبين مو صغيره واني افكر غفيت ومحسيت ع نفسي الا وساعه7العصرر شنو هايه يويلي شحينومني بالليل ..لا يا نوم اصلا ورايه سهره.وربي لو يسمعني يسحلني سحل نزلت لكيته محضر الاكل شاعل شموع ومسوي اجواء رومانسيه __ياااا عيني شنو هالجماال والترتيب الحلو والريحه الي ادوخ __حبيبتي انتي تدللين يعمري واني احب اعتذر منج لان صرخت وصاير اعصاب من البارحه لليوم __عادي حبي مو مشكله اني كل همي سعادتنه واعرف الي ديصير مو بيدك __فديت العاقله يله تعالي ناكل اكلنه وكعدنه نتفرج تلفزيون واني بحضنه كاعده ونتفرج سوه حسيت نفسي بلشت انعس __حبي اني نعست __ولج مشبعتي نوم اليوم ....والله بعدني نعسانه __كومي نصعد انام يله صعدنه وعرفت حيصير شي وحيضوج وينام زعلان مثل البارحه من زعل وفعلا صاار الي توقعته ورجع يصرخ ويعيط ويلومني زين اني شعليه مو صوجي الي هو بيه ما اعرف شنو هو وليش ديصير بيه زعل ونزل وحتى نوم مكدرت انام ضليت كاعده وصافنه ع حضي نزلت جوه واني روحي بخشمي صار يومين مرتي ما اكدر انطيها حقوقها تعبت كلش اول مره بحياتي تصير هالحاله اول شي فكرت السبب من نجمه وهي متساعدني لكن لا الشغله مو يمها خطيه دتحاول بس اني السبب ....ما اتحمل نفسي والي ديصير احس حالي عااجز و ورطت البنيه شسوي هسه شنو حتكول عني ...لازم اشوفلي حل لازززم بقيت انتضر حسين ماكو مصعد غفيت وعيوني ع الباب حسيت وره الفجر نايم يمي و حاضني حييل فرحت عبالي زعلان مني رجعت نمت واني فرحانه بحضنه ثاني يوم من الصبح كعدت ع صوت المبايل __حسييين فدوه رد شوف منو اني بعدني نعسانه ياااا وينك حسين..رفعت راسي ماهو شنو السالفه وين راح كفخت بخشمي ريحه اكل عرفت نزل ديسوي ريوك مبايلي شفت منو متصل طلعت بيبي __هلا بيبي صباح الخير __يسعدلي هالصباح حبيبتي هااا بشري شلونج اليوم ....الحمد لله زينه __يعني كلشي تمام لو بعدج معانده ويه الرجال __هاااااا بيبي اني مووو الصراحه لا لا هم خفت __شبيج تخربطين بالحجي شنوو مووو شنو الصراحه شنو خفت شصاير احجي لتخوفيني _بيبي اني ما احب اضم عليج انتي بالذات بس حلفي متكولين __وداعه نجمه ما اكول تعرفين ما احلف بيج كذب لو اموت __الصراحه مو اني الي مقبلت بس حسين كلما يجي يمي يكوم يصرخ ويعيط ويروح للحمام يرجع يضحك يرجع يجي يمي يصررخ __ياااااا صخااام بوجهه واكول ليش استعجل بالزواج واخذ وحده صغيره ثاري طلع مو رجال __اششششش لصرخين ليسمعوج فدوه والله هو كال اول مره تصير هالحاله عندي _شنوو اشش ولج شنو تبقين هيجي __كتلج لتكولين لاحد وهالموضوع يخصنه وهو كال مؤقتا ويرجع زين __حبيبتي تعرفين شكد احبج ومستحيل افكر اخرب بيتج والي هو توه انبنه بس ابقى اخاف عليج واقلق __حبيبتي بيبي اعرف والله بس كتلج هو كال مؤقتا والله كريم هذا بعد صار زوجي يجوز مريض او تعبان لتنسين اخر فتره تعب من تحضيرات العرس ويركض وحده لهالليت لازم اتحمل بيبي __براحتج حبيبتي مستحيل اني افكر اخرب حياتج وطلبي منج تبقين اطمنيني عنكم __ان شاء الله اكيد وهذه هي بدايه حياتي الجديده الي كنت متخيلتها غير شكل اعترف حبيت الزواج وره متعرفت ع حسين بوقت الخطوبه بس قبلها ابداااا ولو ما موضوع الخطف بحياتي ما افكر ازوج اظل ادرس واحققق حلم بابا بس الانسان يريد شي وربنه كاتبله غيرشي بقينه اني وحسين ع هالحال 3ايام وصل مرحله يكسر شنو كدامه ويصرخ عليه ويرزلني ويطلع من الصبح يرجع بالليل مره رجع شارب وهم حاول ومفاد ومرتين يرجع صاحي ويحاول بكل برومانسيه وماكو وتبلش وراها سهرتنه من تكسير وتحطيم وع طلعه الشمس يطلع من البيت ابقى لوحدي اخاف ما اعرف شنو اسوي الخوف يسيطر ع كل جسمي حتى الجوع ما احس بيه معدتي احسها صخره من خوفي لا بيه اتصل ع اهلي شكول الهم زوجي عصب لان ميكدر ولا بيه ابقى وحدي افكر اتصل عليه اعرف مراح يرد لان هووووايه جربت ومفاد بيوم بالليل واني قلقه وخايفه عليه دخل حسين بوقت متاخر كلش اول مره يتاخر لهالوقت كاعده بالصاله وحاطه رجل ع رجل ومنتضره جيته بدخلته باوع عليه ابتسم واحسه من شكله مرتاااح حيل شكله يختلف عن باقي الايام الي كان يجي بيها وهو معصب حتى من خياله فكرت بشغله وعرفت شبيه مرتاح وفرحان وطلع تخميني صح ....... لان سواها مره قبل والي يسوي مره يعيدها الف __بعد وكت لو باقي بعد اكثر __سكتي نجمه اليوم مرتاح وما اريد اعكر مزاجي __قصدك اني الي اعكرلك مزاجك موووو .....نعتذر عمي مو انتي اني اعكر مزاجج بشرفج نجمه تركيني اليوم مرتاح ومطمن ومسيطر __وشنو الي مطمنك ومريحك وخلاك تسيطر او اكولك شي لحظه لتكمل اني اعرف شنو شفت روحك مقصر هنا بالبيت واخر شي كلت الصوج منها فرحت ع ارخص وحده بالشارع وثبتت رجولتك واجيت موو صح لو اني غلطانه لاااااا مستحيل اكون غلطانه الي يخون مره يخون الف مره واني هسه ارجع لاهلي عفته وصعدت ركض للغرفه حتى اجمع ملابسي __لج تعالي مخبله وينج اني مكلت خنتج اني كنت يم الدكتورر يمعوده ....انت نزلت من عيوني بس رجاءاا لتنزل بعد اكثر وتكذب يا دكتور الي بتالي الليل صح صغيره وزعطوطه كدامك بس مو غبيه اعرف شسويت وما اتقبل هالشي منك هسه توديني لاهلي وبدون نقاش...بعدني عروسه مصارلي اسبوع وتخون لعد اذا مر ع زواجنه شهر يمكن تزوج عليه __نجمه ممكن تكعدين وتسمعيني....ابداااااا انسه واذا اكولج لخاطر ابوج كعدي مراح احلفج بخاطري.....احجي اسمعك ولخاطر بابا اسمعك __نجمه اني رجال قبل الزواج حياتي مستقره من هالموضوع وكلشي تمام وما بيوم شكيت من شي الحمد لله بس من بيوم زواجنه اتفاجئت بحالي معقوله اني هيجي يصير بيه معقوله الصوج منج وشفتج شلون تجاوبين ويايه ونفس الحاله كلت يجوز ضغط وتعب وع عينج صار كم يوم ع هالحال توقعت اني بعد خلص وكبرت برغم عمري الصغير حتى فكرت ارجعج لاهلج لان ابسط حق الج حرمتج منه وهذا كان اخر حل الي بسسس اليوم طلعت من الشغل وضليت افتر بالسياره ورجلي اخذتني ل............. فكلت يجوز الصوج مو مني وفعلا كدرت والامر جدا طبيعي مو مثل ما وياج وداعتج ومعزتج عندي كبيره الي سويته لا دافع الحب والمتعه ابدااا بس ردت اتاكد __واتاكدت مووو اتاكدت بوحده ....... وسخه مووووو وتريدني ابقى __نجمه انتي سمعتي كلامي وشرحتلج الوضع وليش سويت هيجي صدكيني من سويته بس ردت اتاكد ويه الكل لو بس وياج ...اعرف هالشي يقهرج بس اني قهرني اكثر تدرين ليش ...؟لان بس وياج ما اكدر وما اعرف ليش اني صح غلطت واسف واعتذر بس والله الي سويته مو ابالي خيانه الج ولا اقلل من قيمتج ولج نجمه استحي احجي لاحد اخجل اروح حتى الدكتور معندي غير هالحل سامحيني وعيونج ميتكرر بس لطلعين ضليت كاعده واسمع كلامه وشكد ما كنت معصبه ومقهوره منه رجعت وانقهرت عليه صح الي سواه خيانه بالنسبه الي بس بالنسبه اله كان لا ..كل الي راده انو بتاكد من نفسه فسكتت وكعدت بس بقيت زعلانه منه __حسين حبقى بس مو علمودك لااا علمود ما اروح لاهلي ويعرفون الي بيك والي سويته وصدكني اذا بابا عرف بلحضتها يطلكنه وغير الفضيحه الك مو الي فحكعد واسكت __مقصرتي تسلمين اخذي راحتج اني نازل جوه اعرف جرحته بكلامي ونزل جوه بس جرحي اني كان اكبر منه بهوايه يعني زوجي الي عااااجز كدامي بس ويايه و ويه غيري لاااا صدقااا قهرني هالشي وضليت ابجي لحد ما غفيت حسين نزلت جوه وكلام نجمه قهرني لان فعلا اذا راحت وكالت لابوها مباشرتا يطلكها هم بعدها بنيه وهم هو اصلا كارهه هالزواج من اساسه خجلت من الي سويته بس نفس الوقت حيرني ليش ويه نجمه هيجي بصير بيه زعلت مني اسمعها تبجي ودموعها سكاكين تقطعني من جوه بس شسوي كان لازم اناكد فضليت كاعد وافكر ع وضعي لاحضت صوتها اختفى خفت عليها و صعدت لكيتها نايمه ومبين باجيه كومه اخخخخخخ اذكرت باجر السبعه وكلها حتسال واكيد بيبيتها حتسالها والله حيره شسوي ما اعرف بس لازم احضر الها مفاجئه تفرحها نجمه بعد ما بقيت وحدي واني ابجي من الي صار لان حييل كسرني ولو تعلمت هالايام انام وحدي ودمعتي ع خدي لحد ميجي حسين فغفيت مبقيت انتضره يصعد لان يدري بيه ينتضرني انام ويصعد يحضني مثل كل مره بس هالمره من صحيت فزيت ع شي صدمني وهالشي بعدها قلب حياتي يتبع .... #زينب_عبد_المطلب | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
