آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
14-12-19, 03:39 PM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  #ﻋﻠﻰ_ﺟﺮﻑ_ﺍﻟﺬﻛﺮﻳﺎﺕ ﺑﻘﻠﻢ ﺯﻫﺮﺍﺀ ﺃﻣﺠﺪ #ﺍﻟﺤﻠﻘﻪ ٢٩ ﺻﻮﺗﻮﻭﻭ ﺿﻤﺘﻨﻲ ﻟﺼﺪﺭﻫﺎ ﻭﮔﺎﻟﺖ ﻭﺍﻟﻠﻪ ﻫﻮ ﺍﻟﺨﺴﺮﺍﻥ ﻣﻴﺴﺘﺎﻫﻞ ﻭﺣﺪﺓ ﺫﻫﺐ ﻣﺜﻠﺞ ﻭﺍﻟﻠﻪ ﻋﻤﺮﻩ ﺧﺴﺎﺭﺓ ﻣﻦ ﺑﺪﻟﺞ ﺑﻠﺠﻴﻦ ﺑﺠﻴﺖ ﻭﮔﺘﻠﻬﺎ ﻳﻤﺔ ﺷﻠﻮﻥ ﺭﺍﺡ ﺍﻛﻤﻞ ﻫﻴﺞ ﻣﺎﻣﺎ ﺗﻌﺒﺖ ﺍﺗﻌﻠﻖ ﺑﺸﺨﺺ ﻭﻟﻨﺺ ﺍﻟﻄﺮﻳﻖ ﻭﻳﺘﺮﻛﻨﻲ ﺗﻌﺒﺖ ﻛﻞ ﻓﺘﺮﺓ ﻓﺎﻗﺪﺓ ﻋﺰﻳﺰ ﻉ ﮔﻠﺒﻲ ﺷﻨﻮ ﻳﻌﻨﻲ ﺍﻟﺪﻧﻴﺎ ﻣﻨﺎﻭﻳﺔ ﺗﻨﺼﻔﻨﻲ ﻻ ﻣﺎﻣﺎﺗﻲ ﻣﻴﺼﻴﺮ ﺗﮕﻮﻟﻴﻦ ﻫﻴﺞ ﺍﻧﺘﻲ ﻫﺴﺔ ﺍﻟﻤﻔﺮﻭﺽ ﺗﺤﻤﺪﻳﻦ ﺍﻟﻠﻪ ﻉ ﻛﻞ ﺷﻲ ﻭﺍﻛﻴﺪ ﻫﺬﻩ ﺍﻟﻘﺴﻤﺔ ﻣﺎﺑﻴﻬﺎ ﺧﻴﺮ ﻭﺭﺑﺞ ﺑﻌﺪﻫﺎ ﻋﻨﺞ ﻭﺍﻥ ﺷﺎﺀ ﺍﻟﻠﻪ ﺗﺠﻴﺞ ﺍﻷﺣﺴﻦ ﺍﺑﺪ ﺑﻌﺪ ﻣﺎﺍﻓﻜﺮ ﺑﺎﻟﺰﻭﺍﺝ ﻭﺑﻄﺎﺭﻱ ﻭﺍﻧﺘﻮ ﻫﻢ ﺑﻌﺪ ﻻﺗﺬﻛﺮﻭﻥ ﺷﻲ ﺍﺳﻤﻪ ﺯﻭﺍﺝ ﮔﺪﺍﻣﻲ ﺯﻭﺯﻭ ﻣﺎﻣﺎ ﻟﻴﺶ ﻣﺘﻘﺒﻠﻴﻦ ﺑﻘﺼﻲ ﻳﻤﺔ ﺷﻨﺎﻗﺼﻪ ﺍﺷﻮ ﻳﻤﻮﺕ ﻉ ﺍﻟﺘﺮﺍﺏ ﺍﻟﻲ ﺗﻤﺸﻴﻦ ﻋﻠﻴﻪ ﺗﻌﺪﻟﺖ ﻭﮔﺘﻠﻬﺎ ﻳﻤﺔﺓﺓ ﻣﺎﺭﻳﺪ ﺑﻌﺪ ﻣﺎﺍﺭﻳﺪ ﺍﻱ ﺍﺣﺪ ﺑﻌﺪﻳﻦ ﻛﻠﺸﻲ ﺩﻳﺼﻴﺮ ﺑﻴﻪ ﺑﺴﺒﺐ ﻗﺼﻲ ﻫﻮ ﺍﻟﺴﺒﺐ ﻫﻮﻭﻭ ﺍﺷﺸﺶ ﺩﺳﻜﺘﻲ ﺳﻜﺘﻲ ﺗﺨﺒﻠﺘﻲ ﺍﻧﺘﻲ ﺍﻟﻮﻟﺪ ﺷﺪﺧﻠﻪ ﺑﻬﺬﺍ ﺍﻟﺤﺠﻲ ﺩﮒ ﺟﻬﺎﺯﻫﺎ ﻗﺼﻲ ﺭﺩﺕ ﻋﻠﻴﻪ ﻭﺍﺳﻤﻌﻪ ﻣﻦ ﻳﺤﺠﻲ ﮔﺎﻟﻠﻬﺎ ﻫﺎ ﻋﻤﺘﻲ ﺷﻠﻮﻧﻬﺎ ﺑﻌﺪﻫﺎ ﻣﻘﻬﻮﺭﺓ ﻭﺿﺎﻳﺠﺔ ﮔﺎﻟﺘﻠﻪ ﻻ ﻣﺎﻣﺎ ﻫﺴﺔ ﺍﺣﺴﻦ ﺗﻨﻬﺪ ﻭﮔﺎﻟﻠﻬﺎ ﻋﻠﻴﺞ ﺑﺪﺍﻋﺖ ﺍﻟﻐﻮﺍﻟﻲ ﻋﻤﺘﻲ ﺧﻠﻲ ﺑﺎﻟﺞ ﻋﻠﻴﻬﺎ ﺍﺩﺭﻱ ﺑﻴﻬﺎ ﻣﻦ ﺗﻨﻘﻬﺮ ﺑﺴﺮﻋﻪ ﺗﺘﻤﺮﺽ ﻻﺗﺨﻠﻴﻬﺎ ﺗﺒﺠﻲ ﻫﻮﺍﺍﻱ ﮔﺎﻟﺘﻠﻪ ﻻﻳﻀﻞ ﺑﺎﻟﻚ ﻳﻮﻡ ﺍﻧﻲ ﻳﻤﻬﺎ ﺳﺤﺒﺖ ﺍﻟﺠﻬﺎﺯ ﻣﻦ ﺍﻳﺪﻫﺎ ﻭﮔﺘﻠﻪ ﻋﻮﺩ ﺍﻧﺖ ﺿﺎﻳﺞ ﻭﻣﻘﻬﻮﺭ ﻉ ﺣﺎﻟﺘﻲ ﻉ ﻣﻨﻮ ﺗﻀﺤﻚ ﻗﺼﻲ ﺍﺩﺭﻱ ﺑﻴﻚ ﺍﻧﺖ ﺍﻭﻝ ﺍﻟﺸﺎﻣﺘﻴﻦ ﺑﻴﻪ ﻣﺎﻛﻮ ﺩﺍﻋﻲ ﺗﻤﺜﻞ ﺩﻭﺭ ﺍﻟﻤﻘﻬﻮﺭ ﻭﺯﻋﻼﻥ ﻉ ﺣﺎﻟﺘﻲ ﻻﺗﻤﺴﻠﺘﻴﻦ ﺧﻠﻴﻨﻲ ﺳﺎﻛﺖ ﻣﻨﺞ ﺍﺩﺭﻱ ﺑﻴﺞ ﺿﺎﻳﺠﺔ ﻭﻣﻘﻬﻮﺭﺓ ﻟﻬﺬﺍ ﺭﺍﺡ ﺍﻋﺪﻳﻬﺎ ﺍﻟﺞ ﻳﻮﻟﻲ ﺍﻧﻲ ﻣﻮ ﻋﺎﺭ ﺣﺘﻰ ﺍﮔﻌﺪ ﺍﺗﻮﻧﺲ ﺑﻘﻬﺮﺝ ﻭﺩﻣﻮﻋﺞ ﺍﻧﻲ ﺩﻣﻌﻪ ﻣﻨﺞ ﺗﺤﺮﮒ ﻋﺸﻴﺮﺗﻲ ﻛﻠﻬﺎ ﻫﺎﻱ ﻣﻨﻮ ﻳﺤﺠﻲ ﻣﻌﺮﻓﺘﻚ ﺍﻧﺖ ﻧﻔﺴﻚ ﻗﺼﻲ ﺍﻟﻲ ﺣﺠﻴﺖ ﻭﻳﺎﻱ ﺑﻴﻮﻡ ﺧﻄﺒﺘﻲ ﺑﻌﺼﺒﻴﺔ ﺍﻧﺘﻲ ﺷﺒﻴﺞ ﺷﻨﻮ ﺩﻣﺎﻏﺞ ﻣﺒﺮﻣﺞ ﻉ ﻛﻼﻣﻲ ﺑﺬﺍﻙ ﺍﻟﻴﻮﻡ ﺍﻷﺳﻮﺩ ﺳﺪﻱ ﺍﻟﺴﺎﻟﻔﺔ ﻻﺗﺨﻠﻴﻨﻲ ﻫﺴﺔ ﺍﻧﺰﻝ ﺑﻴﺞ ﻓﺪ ﻧﺰﻟﺔ ﻣﺎﺍﺧﻠﻲ ﻻﻋﻢ ﻭﻻ ﺧﺎﻝ ﻳﺴﻠﻢ ﻣﻨﻲ ﺷﻤﺮﺕ ﺍﻟﺠﻬﺎﺯ ﻉ ﻋﻤﺘﻲ ﻭﮔﻌﺪﺕ ﺍﺑﺠﻲ ﺑﺎﻭﻋﺘﻠﻲ ﻋﻤﺘﻲ ﻭﮔﺎﻟﺘﻠﻪ ﻋﻮﻓﻚ ﻣﻨﻬﺎ ﺗﻮﻟﻲ ﻣﺨﺒﻠﺔ ﻫﺬﻩ ﻻﺗﺤﺠﻴﻦ ﻋﻠﻴﻪ ﮔﺪﺍﻣﻪ ﻳﻤﺔﺓﺓﺓﺓ ﺿﺤﻜﺖ ﻭﮔﺎﻟﺖ ﺳﻜﺘﺖ ﺳﻜﺘﺖ ﺑﺲ ﻟﺘﻌﻴﻄﻴﻦ ﻫﺴﺔ ﺑﻠﻌﻮﻣﺞ ﻳﻠﺘﻬﺐ ﺍﺻﻌﺐ ﻓﺘﺮﺓ ﻣﺮﺕ ﻋﻠﻴﻪ ﻣﻦ ﻳﺠﻲ ﺍﻟﻠﻴﻞ ﺭﻭﺣﻲ ﺗﻄﻠﻊ ﮔﺪ ﺍﻟﺨﻨﮕﺔ ﻭﺍﺣﺲ ﺑﺲ ﻭﺍﺣﺪ ﻳﮕﻮﻟﻲ ﻛﻠﻤﻪ ﺍﺑﺠﻲ ﺭﻏﻢ ﻫﻴﺞ ﻻﻋﻤﺘﻲ ﺗﺮﻛﺘﻨﻲ ﻭﻻ ﺳﻴﻒ ﺳﻴﻒ ﻛﻞ ﻳﻮﻡ ﺟﺎﻳﺒﻠﻲ ﺷﻐﻠﻪ ﺍﺣﺒﻬﺎ..بيج قصص عراقيه حقيقيه من واقعنا.روعه الطائي ﻳﻮﻡ ﺩﺑﺪﻭﺏ ﺍﺣﻤﺮ ﺟﺒﻴﺮ ﻭﻳﻮﻡ ﺍﻳﺲ ﻛﺮﻳﻢ ﻣﻦ ﺍﺣﺴﻦ ﻣﺤﻞ ﻣﺮﻃﺒﺎﺕ ﻳﻤﻨﻪ ﻭﻳﻮﻡ ﺍﺧﺬﻧﻲ ﻟﻠﺴﻨﺪﺑﺎﺩ ﻭﻛﻠﺶ ﻣﻬﺘﻢ ﺑﻴﻪ ﻣﺜﻞ ﺍﻟﻄﻔﻞ ﺍﻟﻤﻔﻄﻮﻡ ﻭﻳﺮﺩﻭﻥ ﻳﻨﺴﻮﻩ ﻋﻤﺘﻲ ﺧﺎﺑﺮﺕ ﻗﺼﻲ ﺍﺟﻪ ﻭﮔﺎﻟﺖ ﺍﻟﻪ ﻫﺴﺔ ﺗﮕﻮﻣﻮﻥ ﻧﺮﻭﺡ ﻟﻠﺰﻭﺭﺍﺀ ﻭﻫﻢ ﺳﺤﻠﻮﻧﻲ ﻭﺭﺣﻨﺎ ﻟﻠﺰﻭﺭﺍﺀ ﮔﻀﻴﻨﺎ ﺍﻟﻌﺼﺮﻳﺔ ﻭﺍﻟﻤﻐﺮﺑﻴﺔ ﻫﻨﺎﻙ ﻭﺭﺟﻌﻨﺎ ﺳﺎﻋﻪ 8:00 ﺍﻟﻄﻠﻌﻪ ﻛﻠﻬﺎ ﺍﻧﻲ ﻣﺸﺎﺭﻛﺖ ﺑﺸﻲ ﻧﻮﺭ ﻣﺨﻠﺖ ﻟﻌﺒﺔ ﺑﺎﻟﺰﻭﺭﺍﺀ ﻣﺼﻌﺪﺗﻬﺎ ﻭﺳﻴﻒ ﻭﻳﺎﻫﺎ ﻳﺨﺎﻑ ﻋﻠﻴﻬﺎ ﺍﻣﺎ ﺍﻧﻲ ﺿﻠﻴﺖ ﮔﺎﻋﺪﺓ ﻉ ﺍﻟﻤﺼﻄﺒﺔ ﻭﺟﻬﺎﺯﻱ ﺑﺄﻳﺪﻱ ﺍﮔﻠﺐ ﺻﻮﺭ ﺍﻭ ﺍﺩﺧﻞ ﻟﻠﻮﺍﺗﺒﺎﺩ ﻭﺍﻃﻠﻊ ﺑﻌﺪﻫﺎ ﻋﻤﺘﻲ ﮔﺎﻟﺖ ﺗﻌﺎﻟﻲ ﻧﺎﺧﺬ ﺻﻮﺭﺓ ﺍﻧﻲ ﻭﻳﺎﺝ ﻣﺎﻣﺎ ﻣﺎﺍﺭﻳﺪ ﺳﺤﺒﺘﻨﻲ ﻟﺤﻀﻨﻬﺎ ﻭﺍﻧﻄﺖ ﺟﻬﺎﺯﻫﺎ ﻟﻘﺼﻲ ﺻﻮﺭﻧﺎ ﺑﻌﺪﻫﺎ ﺭﻭﺣﻲ ﻭﻳﺔ ﻗﺼﻲ ﺟﻴﺒﻴﻠﻨﺎ ﻣﻮﻃﺔ ﻭﺗﻌﺎﻟﻲ ﺑﺎﻭﻋﺘﻠﻬﺎ ﻣﺎﺍﺩﺭﻱ ﻟﻴﺶ ﺣﺴﻴﺖ ﺑﺪﺕ ﺭﺣﻤﺔ ﺍﻟﻠﻪ ﻭﻳﺔ ﻋﻤﺘﻲ ﻭﻗﺼﻲ ﻭﻣﺒﻴﻦ ﻣﺮﺍﺡ ﻳﻌﻮﻓﻮﻧﻲ ﺑﺤﺎﻟﻲ ﻫﻠﻤﺮﺓ ﺍﻟﺔ ﻭﻗﺼﻲ ﻣﺤﻘﻖ ﺍﻟﻲ ﺑﺒﺎﻟﻪ ﮔﻤﺖ ﻭﻳﺔ ﻗﺼﻲ ﻳﻤﺸﻲ ﻭﺍﻳﺪﺓ ﺑﺠﻴﺒﺔ ﺷﻠﻮﻧﺞ ﻫﺴﺔ ﺯﻳﻨﻪ ﺷﺒﻴﺔ ﻣﺎﺑﻴﺔ ﺷﻲ ﺍﻧﺘﻮ ﻣﻜﺒﺮﻳﻦ ﺍﻟﻤﻮﺿﻮﻉ ﺑﺎﻭﻋﻠﻲ ﻭﺍﺑﺘﺴﻢ ﻭﮔﺎﻝ ﻛﻠﺸﺶ ﻣﺒﻴﻦ ﺍﺣﻨﻪ ﺍﻟﻲ ﻣﻜﺒﺮﻳﻦ ﺍﻟﻤﻮﺿﻮﻉ ﺷﻘﺼﺪﮒ ﻟﻴﺶ ﻋﺎﺯﻟﺔ ﻧﻔﺴﺞ ﻣﻦ ﺍﻟﻜﻞ ﻳﻌﻨﻲ ﻫﺬﺍ ﺣﻞ ﺑﺮﺃﻳﻴﺞ ﺣﺘﻰ ﺗﻨﺴﻲ ﺍﻧﺘﻲ ﺣﺘﻰ . ﻭﻻ ﻟﻌﺒﻪ ﺻﻌﺪﺗﻲ ﻣﻦ ﺍﺟﻴﻨﻪ ﻟﻬﺴﺔ ﺑﺲ ﮔﺎﻋﺪﺓ ﻭﻋﻮﺩ ﻫﻲ ﺍﻟﻄﻠﻌﻪ ﻉ ﺣﺴﺎﺑﺞ ﺗﺮﺓ ﺍﻧﻲ ﻣﻮ ﻻﻥ ﺣﺰﻳﻨﻪ ﻣﺼﻌﺪﺕ ﺍﻟﻌﺎﺏ ﻟﻮ ﻋﺒﺎﻟﻚ ﻣﻘﻬﻮﺭﺓ ﻭﺿﺎﺭﺑﺔ ﺭﻛﻦ ﺍﻧﻲ ﺍﺻﻼ ﺍﺧﺎﻑ ﺍﺻﻌﺪ ﺍﻟﻌﺎﺏ ﻭﮔﻒ ﻭﺑﺎﻭﻋﻠﻲ ﺷﻨﻮﻭﻭ ﻭﻛﻒ ﻳﻢ ﺍﻟﻮﻟﺪ ﻭﻃﻠﺐ ﻣﻮﻃﺔ ﺍﺧﺬﻧﺎ ﻭﺭﺟﻌﻨﺎ ﻧﻤﺸﻲ ﻭﻟﺞ ﺻﺪﮒ ﺗﺤﺠﻴﻦ ﻟﻮ ﺗﺸﺎﻗﻴﻦ ﻉ ﺷﻨﻮ ﺗﺨﺎﻓﻴﻦ ﺗﺼﻌﺪﻳﻦ ﺍﻟﻌﺎﺏ ﻻ ﻭﺍﻟﻠﻪ ﺍﺣﺠﻲ ﺻﺪﮒ ﻣﺎﺍﺗﺸﺎﻗﺔ ﺑﺼﻮﺕ ﺷﺒﻪ ﻋﺎﻟﻲ ﺧﺮﺏ ﺑﺮﻭﺣﺞ ﻭﻣﺘﺤﺠﻴﻦ ؟ ﻭﺷﺨﺼﻚ ﺣﺘﻰ ﺑﻬﺬﻩ ﻫﻢ ﻧﺎﻭﻱ ﺗﺪﺧﻞ ﻭﻟﺞ ﺑﻨﺖ ﺍﻟﻜﻠﺐ ﺟﺎﻳﺒﺞ ﻟﻠﺰﻭﺭﺍﺀ ﻉ ﺣﺴﺎﺑﻲ ﻭﺑﺎﻟﺘﺎﻟﻲ ﺍﻧﺘﻲ ﺗﺨﺎﻓﻴﻦ ﺗﺼﻌﺪﻳﻦ ﺍﻟﻌﺎﺏ ﻫﻮ ﮔﺎﻝ ﻫﻴﺞ ﻭﺍﻧﻲ ﺻﺪﮒ ﺿﺤﻜﺖ ﻭﺻﻠﻨﺎ ﻭﺍﻧﻄﻴﺖ ﻣﻮﻃﺔ ﻋﻤﺘﻲ ﮔﺎﻟﺖ ﻭﺍﺧﻴﺮ ﺭﺑﻲ ﺩﻭﻡ ﺍﻟﻀﺤﻜﺔ ﻣﺘﻔﺎﺭﮒ ﻭﺟﻬﺞ ﮔﺘﻠﻬﺎ ﺗﺴﻠﻤﻴﻦ ﺑﻌﺪﻳﻦ ﮔﺘﻠﻪ ﻭﺍﻧﺖ ﻣﺨﺒﻞ ﺍﻛﻮ ﻭﺍﺣﺪ ﻳﺪﻓﻊ ﻛﻞ ﻫﺬﺍ ﺑﺪﻭﻥ ﻣﻴﺴﺄﻝ ﺑﻌﺪﻳﻦ ﻟﻴﺶ ﺧﺎﺑﺺ ﻧﻔﺴﻚ ﺯﻭﺭﺍﺀ ﻭﻛﺬﺍ ﻋﻠﻤﻮﺩﻱ ﻣﻌﻘﻮﻟﺔ؟ ﻣﺎﺍﺻﺪﮒ ! ﻭﻟﻴﺶ ﺣﺘﻰ ﻣﺘﺼﺪﮔﻴﻦ ﻣﺎﺍﺩﺭﻱ ﺑﺲ ﻣﺪﺧﻠﺖ ﻣﺨﻲ ﺍﺑﺪﺍﺍﺍ ﺍﻛﻠﻨﺎ ﺍﻟﻤﻮﻃﺔ ﻭﺑﻌﺪ ﺷﻮﻳﺔ ﺍﺟﺔ ﺳﻴﻒ ﻭﻧﻮﺭ ﺑﻴﺪﻫﻢ ﺣﺐ ﮔﻌﺪ ﺳﻴﻒ ﺑﺼﻔﻲ ﺧﺮﺏ ﺑﺮﻭﺣﺞ ﻧﻮﺭ ﻟﻌﺒﺘﻲ ﺭﻭﺣﻲ ﻣﺜﻞ ﺍﻟﻘﺮﺩ ﺗﻨﻄﻨﻂ ﻣﻦ ﻟﻌﺒﻪ ﻟﻠﻌﺒﺔ ﺧﻠﻴﻬﺎ ﺗﺘﻮﻧﺲ ﻫﻲ ﻛﻢ ﻣﺮﺓ ﺑﺎﻟﻌﻤﺮ ﻃﺎﻟﻌﻪ ﺑﺎﻭﻋﻠﻲ ﻭﮔﺎﻝ ﺑﺲ ﺍﺣﻨﻪ ﺟﺎﻳﻴﻦ ﻉ ﺣﺴﺎﺑﺞ ﻣﻮ ﻉ ﺣﺴﺎﺏ ﻫﺬﻩ ﺍﻟﻘﺮﺩﺓ ﺍﺑﺘﺴﻤﺖ ﻭﮔﺘﻠﻪ ﻣﺎﻛﻮ ﻓﺮﻕ ﺑﻴﻨﺎ ﺍﻧﻲ ﺍﺧﺎﻑ ﺍﺻﻌﺪ ﺍﻟﻌﺎﺏ ﺧﻠﻴﻬﺎ ﻫﻲ ﺗﻠﻌﺐ ﻃﺎﺡ ﺣﻀﺞ ﺍﻛﻮ ﻭﺣﺪﺓ ﺑﺨﺒﺎﻟﺞ ﺍﻧﺘﻲ ﻻ ﻣﺎﻛﻮ ﺑﻌﺪﻫﺎ ﻧﻮﺭ ﺩﮔﺖ ﺭﺟﻞ ﺍﻟﻪ ﺗﺼﻌﺪ ﺑﻌﺪ ﻟﻌﺒﻪ ﻗﺒﻞ ﻻﻧﺮﻭﺡ ﺍﺧﺬﻫﺎ ﺳﻴﻒ ﻭﺭﺍﺣﻮ ﻭﻗﺼﻲ ﻛﺎﻝ ﺧﻠﻲ ﺍﺟﻴﺒﻠﻜﻢ ﻟﻔﺎﺕ ﺗﺘﻌﺸﻮﻥ ﻗﺒﻞ ﻻ ﻧﻄﻠﻊ ﻣﺎﻟﻪ ﺩﺍﻋﻲ ﻛﺎﻓﻲ ﺍﻧﻘﻄﻴﺖ ﺍﻟﻴﻮﻡ ﻫﻮﺍﻱ ﻫﻮ ﻭﺍﻛﻒ ﻭﺍﻧﻲ ﺭﺍﻓﻌﻪ ﺭﺍﺳﻲ ﻭﺍﺣﺠﻲ ﻭﻳﺎﻩ ﻛﻞ ﻓﻠﻮﺳﻲ ﻓﺪﻭﺓ ﻟﻌﻴﻮﻧﺞ ﺍﻟﺤﻠﻮﺓ ﺣﺒﻴﺒﻲ....بيج قصص عراقيه حقيقيه من واقعنا.روعه الطائي ﺧﺰﺭﺗﻪ ﻭﻧﺰﻟﺖ ﺭﺍﺳﻲ ﻭﻫﻮ ﺿﺤﻚ ﻭﻣﺸﺔ ﻣﺴﺎﻓﻪ ﻋﻨﻪ ﮔﺎﻟﺖ ﻋﻤﺘﻲ ﻭﻟﺞ ﻳﻤﺔ ﻭﺍﻟﻠﻪ ﻟﻮ ﺍﻟﻠﻪ ﻳﻬﺪﻳﺞ ﻭﻳﻦ ﺗﻠﮕﻴﻦ ﻣﺜﻠﻪ ﺫﻫﺐ ﺻﺎﻓﻲ ﻳﻤﻪ ﻣﺘﺴﻜﺘﻴﻦ ﻓﺪﻭﺓ ﻟﻌﻴﻨﺞ ﻛﺮﻫﺖ ﺍﻟﺰﻟﻢ ﻭﺳﺎﻋﺘﻬﻢ ﺗﺮﺓ ﺑﻌﺪ ﻻﺗﻔﺘﺤﻮﻥ ﻭﻳﺎﻱ ﻫﻴﺞ ﻣﻮﺿﻮﻉ ﻣﻨﺎ ﻟﻤﺎ ﺍﺧﻠﺺ ﺩﺭﺍﺳﻪ ﺧﻠﻴﻨﻲ ﻋﺎﻗﻠﺔ ﻻﺗﺨﺒﻠﻮﻧﻲ ﺳﻜﺘﻨﺎ ﻭﺍﻟﺠﻮ ﻣﻜﻬﺮﺏ ﺍﺟﻪ ﻗﺼﻲ ﺟﺎﺏ ﺍﻟﻌﺸﺎ ﺗﻌﺸﻴﻨﺎ ﻭﺭﺟﻌﻨﺎ ﺩﺧﻠﺖ ﻟﻠﺒﻴﺖ ﻣﺘﻔﺼﺨﺔ ﺻﻌﺪﺕ ﺑﻮﺟﻬﻲ ﺳﺒﺤﺖ ﻭﻧﻤﺖ ﮔﻌﺪﺕ ﻳﻮﻡ ﺛﺎﻧﻲ ﻣﺎﻛﻮ ﻋﻤﺘﻲ ﻳﻤﻲ ﻧﺰﻟﺖ ﺟﻮﺓ ﻫﻢ ﻣﺎﻛﻮ ﺳﻴﻒ ﺑﺎﻟﺸﻐﻞ ﻭﺍﻣﻲ ﺭﺍﺟﻌﻪ ﻧﺎﻳﻤﺔ ﺻﻌﺪﺕ ﺍﺧﺬﺕ ﺟﻬﺎﺯﻱ ﺍﺗﺼﻠﺖ ﻋﻠﻴﻬﺎ ﺑﺄﻭﻝ ﺭﻧﻪ ﺭﺩﺕ ﻫﺎ ﺣﺒﻴﺒﺘﻲ ﺻﺒﺎﺡ ﺍﻟﺨﻴﺮ ﺻﺒﺎﺡ ﺍﻟﺨﻴﺮ ﻣﺎﻣﺎ ﻭﻳﻨﺞ؟ ﻣﺎﻣﺎ ﺑﺎﻟﻄﺮﻳﻖ ﺭﺍﺟﻌﻪ ﻟﺒﻴﺘﻨﺎ ﻟﻴﺸﺸﺶ؟ ﺍﺷﻮ ﻣﮕﻠﺘﻲ ﺍﻟﺒﺎﺭﺣﺔ ﺍﺭﺟﻊ ﻣﺎﻣﺎﺗﻲ ﺣﺒﻴﺒﺘﻲ ﻏﻴﺮ ﺭﺟﻠﻲ ﺑﺎﻟﺒﻴﺖ ﻣﻴﺮﻳﺪﻟﺔ ﺍﻛﻠﻪ ﺳﺒﺤﻪ ﻏﺴﻞ ﻫﺪﻭﻡ ﻳﺎﺍﻣﻲ ﺍﺷﻮﻓﻪ ﺷﻤﺤﺘﺎﺝ ﻭﻳﻮﻣﻴﻦ ﻭﺍﺧﻠﻲ ﻗﺼﻲ ﻳﺠﻴﺒﻨﻲ ﻭﺍﻟﻠﻪ ﻋﻔﻴﺔ ﻻﺗﻄﻮﻟﻴﻦ ﻭﺍﻟﻠﻪ ﺿﻮﺟﺔ ﻫﻨﺎ ﻗﺼﻲ ﺣﺠﺔ ﻻﺗﺰﻋﻠﻴﻦ ﻳﻮﻣﻴﻦ ﻭﺗﻠﮕﻴﻬﺎ ﻳﻤﺞ ﻭﻋﺪ ﺳﻜﺘﺖ ﻣﺤﺠﻴﺖ ﮔﺎﻟﺖ ﻋﻤﺘﻲ ﻳﻠﻠﻪ ﻣﺎﻣﺎﺗﻲ ﻻﺗﺨﻠﻴﻦ ﺑﺎﻟﻲ ﻋﻠﻴﺞ ﺍﻛﻠﻲ ﺯﻳﻦ ﻭﺍﺭﺟﻌﻲ ﺯﻫﻮﺭﺗﻲ ﺍﻟﻘﺪﻳﻤﺔ ﺑﻨﻴﺘﻲ ﺍﻟﻲ ﻣﻴﻬﻤﺎ ﺍﺣﺪ ﻭﺍﻧﻲ ﺍﻥ ﺷﺎﺀ ﺍﻟﻠﻪ ﻣﺎﺍﻃﻮﻝ ﻋﻠﻴﺞ ﺍﻥ ﺷﺎﺀ ﺍﻟﻠﻪ ﺳﺪﻳﺘﻪ ﻭﺑﺎﻭﻋﺖ ﻟﻠﺠﻬﺎﺯ ﻣﻦ ﻳﻮﻡ ﻣﺎ ﺍﻧﻔﺼﻠﻨﺎ ﺍﻧﻲ ﻭﻣﺼﻄﻔﻰ ﺣﻮﺭ ﻻ ﺍﺗﺼﺎﻝ ﻭﻻ ﻣﺴﺞ ﻭﻻﺣﺘﻰ ﻓﻜﺮﺕ ﻫﻲ ﺍﻭ ﻭﺣﺪﺓ ﻣﻦ ﺍﻟﺒﻨﺎﺕ ﻳﻄﻤﺄﻧﻮﻥ ﻋﻨﻲ ﺷﻤﺮﺕ ﺍﻟﺠﻬﺎﺯ ﻉ ﺍﻟﺠﺮﺑﺎﻳﺔ ﻭﺗﻤﺪﺩﺕ ﺑﻤﻜﺎﻧﻲ ﻣﺮ ﻋﻠﻴﻪ ﺍﺳﺒﻮﻉ ﺑﻠﮕﻮﺓ ﺍﻣﺸﻲ ﻭﺍﻛﻞ ﻭﺍﺷﺮﺏ ﻣﺎﻟﻲ ﺧﻠﮓ ﺣﺘﻰ ﺍﻟﻨﻔﺲ ﺑﺲ ﻟﺨﺎﻃﺮ ﺳﻴﻒ ﺍﺑﺎﻭﻋﻠﺔ ﻳﻄﺐ ﻭﻳﻄﻠﻊ ﻋﻴﻮﻧﻪ ﻋﻠﻴﻪ ﻳﺒﺎﻭﻋﻠﻲ ﺑﻘﻬﺮ ﻭﻳﻨﺎﻓﺦ ﻭﻳﺴﺘﻐﻔﺮ ﺣﺎﻭﻟﺖ ﻗﺪﺭ ﺍﻷﻣﻜﺎﻥ ﺍﻣﺜﻞ ﻋﻠﻴﻬﻢ ﺍﻧﻲ ﻗﻮﻳﺔ ﻭﻋﺎﺩﻱ ﻧﺴﻴﺖ ﺍﻟﻲ ﺻﺎﺭ ﻛﻠﻪ ﻭﺣﺴﺒﺘﻬﺎ ﻓﺘﺮﺓ ﻭﻋﺪﺕ ﺑﺲ ﻣﻦ ﻳﺠﻲ ﺍﻟﻠﻴﻞ ﻭﻛﻠﻤﻦ ﻳﺮﻭﺡ ﻟﻐﺮﻓﺘﻪ ﻳﻨﺎﻡ ﺍﻧﻲ ﻫﻨﺎ ﺗﺒﺪﻱ ﻣﻮﺍﺟﻌﻲ ﻛﻠﻬﺎ ﺗﺴﺘﻌﻴﺪ ﻧﺸﺎﻃﻬﺎ ﺍﺑﺪﻱ ﺍﺑﺠﻲ ﺑﺪﻭﻥ ﺳﺎﺑﻖ ﺍﻧﺬﺍﺭ ﻭﺍﻧﻲ ﺍﺗﺬﻛﺮ ﺑﻔﻼﻥ ﺳﺎﻋﻪ ﺍﺗﺼﻞ ﻋﻠﻴﻪ ﻭﻧﮕﻌﺪ ﻧﺴﻮﻟﻒ ﻭﺑﻔﻼﻥ ﻳﻮﻡ ﻭﺑﻬﻴﺞ ﺗﺎﺭﻳﺦ ﺟﻨﺖ ﻳﻤﻬﻢ ﻭﺻﺎﺭ ﻭﻳﺎﻧﻪ ﻫﻴﺞ ﻣﻮﻗﻒ ﺑﻬﻴﺞ ﻣﻨﺎﺳﺒﺔ ﺟﺎﻥ ﻣﻮﺟﻮﺩ ﻭﻳﺎﻱ ﺍﻟﻤﺼﻴﺒﺔ ﺟﻬﺎﺯﻱ ﻣﻠﻴﺎﻥ ﺑﺼﻮﺭﺓ ﺑﻜﻞ ﻣﻨﺎﺳﺒﺔ ﺍﻭ ﻛﻞ ﺭﻭﺣﺔ ﺍﺭﻭﺣﻠﻬﻢ ﻧﮕﻌﺪ ﻧﺎﺧﺬ ﺻﻮﺭ ﻛﻞ ﻣﻮﻗﻒ ﻧﻤﺮ ﺑﻲ ﻧﻮﺛﻘﺔ ﺑﺼﻮﺭﺓ ﺍﻓﺘﺢ ﺍﻟﺼﻮﺭ ﻭﺍﺿﻞ ﺍﺑﺠﻲ ﺍﺣﺲ ﻧﻔﺴﻲ ﺿﺎﻳﻌﻪ ﺑﺪﻭﻧﻪ ﺳﺆﺍﻝ ﻭﺍﺣﺪ ﺑﻘﻴﺖ ﺍﺩﻭﺭﻟﻪ ﻉ ﺟﻮﺍﺏ ﻫﻮ ﻟﻴﺶ ﻗﺼﻲ ﺻﺎﺭ ﺳﻨﻴﻦ ﻳﺮﮔﺾ ﻭﺭﺍﻱ ﻣﻌﺒﺮﺗﻪ ﻭﻻ ﺣﺒﻴﺘﻪ ﻭﻻ ﺗﺤﺮﻛﺖ ﻣﺸﺎﻋﺮﻱ ﺗﺠﺎﻫﺔ ﻭﻟﻴﺶ ﻣﺼﻄﻔﻰ ﺑﻜﻞ ﺣﺮﻛﺔ ﻣﻨﻪ ﺍﺗﻌﻠﻖ ﺑﻲ ﻭﺍﺣﺒﻪ ﺍﺿﻌﺎﻑ ﺑﻜﻞ ﻳﻮﻡ ﺍﺣﺲ ﺣﺒﻲ ﻭﺗﻌﻠﻘﻲ ﺑﻲ ﻳﺰﻳﺪ ﺍﻛﺜﺮ ﻋﻦ ﺍﻟﻘﺒﻠﻪ ﺑﺄﺧﺮ ﺍﻳﺎﻡ ﺗﻌﺒﺖ ﻣﮕﺎﺑﻠﺔ ﺍﻟﺼﻮﺭ ﻭﺍﺑﺠﻲ ﻟﺰﻣﺖ ﺍﻟﺼﻮﺭ ﻛﻠﻬﺎ ﻧﺴﺨﺘﻬﻦ ﺑﺮﺍﻡ ﻭﻃﻠﻌﺘﻪ ﻣﻦ ﺍﻟﺠﻬﺎﺯ ﺣﻄﻴﺘﻪ ﻭﻳﺔ ﺻﻨﺪﻭﮒ ﺍﻟﺬﻛﺮﻳﺎﺕ ﺍﻟﻲ ﺟﺎﻣﻌﻪ ﺑﻲ ﻛﻞ ﻫﺪﺍﻳﺔ ﺣﺴﺎﻡ ﻭﻗﻔﻠﺖ ﺍﻟﺼﻨﺪﻭﮒ ﻭﺭﺟﻌﺖ ﺍﻟﻤﻔﺘﺎﺡ ﻟﻤﻜﺎﻧﻪ ﻛﺎﻥ ﻣﻜﺎﻧﻪ ﺍﻗﺮﺏ ﻣﻦ ﺭﻭﺣﻲ ﺍﻟﻲ ﮔﻨﺖ ﻣﺨﻠﻴﺘﻪ ﺑﺴﻨﺴﻠﻪ ﻭﻻﺑﺴﺘﻬﺎ ﺍﻟﻴﻮﻡ ﺍﻟﻲ ﺍﻧﺰﻉ ﺑﻲ ﺍﻟﺴﻨﺴﻠﻪ ﻭﺍﻧﺴﺎﻫﺎ ﻣﻦ ﻣﺎﺍﺣﺲ ﺑﺒﺮﻭﺩﺓ ﺍﻟﻤﻔﺘﺎﺡ ﺗﻼﻣﺲ ﻣﻜﺎﻥ ﮔﻠﺒﻲ ﺭﻭﺣﻲ ﺗﻨﻌﺼﺮ ﻭﺍﺭﻛﺾ ﺍﺷﻮﻑ ﻭﻳﻦ ﻧﺰﻋﺘﻬﺎ ﻭﺍﺭﺟﻊ ﺍﻟﺒﺴﻬﺎ ﻗﻔﻠﺖ ﻉ ﺫﻛﺮﻳﺎﺗﻲ ﻭﻳﺔ ﻣﺼﻄﻔﻰ ﺑﻠﻴﻞ ﻭﻗﺮﺭﺕ ﻣﻦ ﻫﺬﻩ ﺍﻟﻠﻴﻠﺔ ﺍﺭﺟﻊ ﻣﺜﻞ ﻗﺒﻞ ﻭﻣﺎﺍﺳﻤﺢ ﻷﻱ ﺫﻛﺮﻯ ﻣﻦ ﺫﻛﺮﻳﺎﺗﻪ ﺍﻭ ﺍﺳﻤﺢ ﻟﻄﺎﺭﻱ ﻳﺨﻠﻴﻨﻲ ﺍﺿﻌﻒ ﻣﺴﺤﺖ ﺩﻣﻮﻋﻲ ﻭﮔﻤﺖ ﺩﺧﻠﺖ ﺑﻔﺮﺍﺷﻲ ﻭﻧﻤﺖ ﮔﻌﺪﺕ ﺍﻟﺼﺒﺢ ﻣﺘﻜﺴﺮﺓ ﮔﻤﺖ ﺳﺒﺤﺖ ﻭﺑﺪﻟﺖ ﻣﻼﺑﺴﻲ ﺍﺑﺎﻭﻉ ﻉ ﺷﻜﻠﻲ ﺑﺎﻟﻤﺮﺍﻳﺔ ﻭﺟﻬﻲ ﺻﺎﻳﺮ ﺍﺻﻔﺮ ﻭﺿﻌﻔﺎﻧﻪ ﺣﻴﻞ ﻣﺪﻳﺖ ﺍﻳﺪﻱ ﻉ ﻗﻠﻢ ﺍﻟﻜﺤﻞ ﺑﺘﺮﺩﺩ ﺑﻌﺪﻫﺎ ﺳﺤﺒﺘﻪ ﻭﻛﺤﻠﺖ ﻋﻴﻮﻧﻲ ﻭﺧﻠﻴﺖ ﻣﺮﻃﺐ ﻟﻮﺟﻬﻲ ﻭﺣﻤﺮﺓ ﺧﻔﻴﻔﺔ ﺷﻤﺮﺕ ﺍﻟﺸﺎﻝ ﻉ ﺭﺍﺳﻲ ﺷﻤﺮ ﻭﺗﻮﺟﻬﺖ ﻟﻠﺪﺭﺝ ﺩﺍﺍﻧﺰﻝ ﺳﻤﻌﺖ ﺻﻮﺕ ﻋﻤﺘﻲ ﻧﺰﻟﺖ ﺑﻘﻮﺓ ﻉ ﺍﻟﺪﺭﺝ ﻭﺍﻧﻲ ﺍﮔﻮﻟﻠﻬﺎ ﺑﺼﻮﺕ ﻋﺎﻟﻲ ﻭﺍﺧﻴﺮﺍﺍﺍﺍ ﻣﺎﻣﺎﺗﻲ ﺍﻧﺘﻲ ﻫﻨﺎﺍﺍ ﺭﻛﻀﺖ . ﻟﻠﺼﺎﻟﺔ ﻭﻫﻲ ﺗﻀﺤﻚ ﻋﻠﻴﻪ ﻭﻟﺞ ﻻﺗﻮﮔﻌﻴﻦ ﺣﻀﻨﺘﻬﺎ ﻛﻞ ﻗﻮﺗﻲ ﻭﺍﺑﻮﺱ ﺑﻴﻬﺎ ﮔﺘﻠﻬﺎ ﻣﺸﺘﺎﻗﺘﻠﺞ ﻛﻮﻭﻭﻣﺔ ﻭﺍﻧﻲ ﺍﻛﺜﺮ ﻳﻌﻤﺮﻱ ﻣﻨﻮ ﺟﺎﺑﺞ ﺍﺷﻮ ﻭﺣﺪﺝ ﻗﺼﻲ ﺟﺎﺑﻨﻲ ﻣﻦ ﺍﻟﺼﺒﺢ ﺍﺣﻨﻪ ﻫﻨﺎ ﻭﻫﺴﺔ ﻃﻠﻊ ﻳﺮﻳﺪ ﻳﺸﻮﻑ ﺻﺪﻳﻘﺔ ﻭﺍﮔﻔﻠﻪ ﻉ ﺍﻟﺸﺎﺭﻉ ﺿﻠﻴﺖ ﮔﺎﻋﺪﺓ ﻭﻳﺎﻫﺎ ﺍﺳﻮﻟﻒ ﻭﺍﻣﻲ ﻫﻢ ﮔﺎﻋﺪﺓ ﻭﻳﻤﻬﺎ ﻣﺮﺗﻀﻰ ﺍﻟﻲ ﺑﻬﺬﻩ ﺍﻟﻔﺘﺮﺓ ﻫﻢ ﻻﺣﺔ ﺷﻮﻳﺔ ﻣﻦ ﺧﺒﺎﻟﻲ ﻭﺍﻫﻤﺎﻟﻲ ﺷﺎﻓﻨﻲ ﺑﺤﻀﻦ ﻋﻤﺘﻲ ﺍﺟﺔ ﻳﻤﺸﻲ ﻭﻳﻀﺤﻚ ﻭﻳﺴﻮﻳﻠﻲ ﻋﻤﻪ ﻋﻤﻪ ﻭﻳﺄﺷﺮ ﻉ ﻋﻤﺘﻲ ﺿﺤﻜﺖ ﻭﺷﻠﺘﻪ ﺑﻮﺳﺘﻪ ﻭﮔﺘﻠﻪ ﻟﻚ ﻛﻠﺐ ﺷﺘﺎﻗﺘﻴﺖ ﻟﺴﻮﺍﻟﻔﻚ ﻭﺿﺤﻜﺎﺗﻚ ﻭﺍﻟﻌﺐ ﺑﻲ ﻭﻫﻮ ﻳﻜﺮﻛﺮ ﺿﺤﻚ ﺗﺎﻟﻲ ﺍﻣﻲ ﮔﺎﻟﺖ ﻭﻟﺞ ﻛﺎﻓﻲ ﺗﺨﻀﻴﻦ ﺑﻲ ﺗﻮﻩ ﻣﺘﺮﻳﻚ ﻻﻳﺰﻭﻉ ﺍﻟﺮﻳﻮﮔﺎﺕ ﻧﺰﻟﺘﻪ ﻭﺻﺎﺭ ﮔﺒﺎﻟﻲ ﺧﻴﺎﻝ ﺑﻠﺤﺎﻳﻂ ﺍﻟﺘﻔﺘﺖ ﺍﺑﺎﻭﻉ ﻭﺭﺍﻱ ﺷﻔﺖ ﻗﺼﻲ ﻭﺍﻛﻒ ﻳﺒﺎﻭﻋﻠﻨﻪ ﻭﻣﺒﺘﺴﻢ ﺷﺎﻓﻨﻲ ﻋﺪﻝ ﻭﮔﻔﺘﻪ ﻭﺳﻮﺓ ﺍﺣﻤﻤﻤﻢ ﺍﻟﺴﻼﻡ ﻋﻠﻴﻜﻢ ﺭﺩﻳﻨﺎ ﺍﻟﺴﻼﻡ ﻭﮔﻌﺪ ﺷﻠﻮﻧﺞ ﺯﻭﺯﻩ ﺗﻤﺎﻡ ﺍﻟﺤﻤﺪﻟﻠﻪ ﻧﺰﻟﺖ ﻧﻮﺭ ﻭﺑﻌﻴﻮﻧﻬﺎ ﺍﻟﻨﻌﺲ ﮔﺎﻟﺖ ﻭﻟﺠﺞ ﻃﺮﮔﺎﻋﺔ ﺯﻫﺮﺍﺀ ﮔﺘﻠﻬﻢ ﻳﺎﺳﺘﺎﺭ ﺷﻜﻮ ﺷﺒﻴﻬﺎ ﻫﻬﻬﻬﻬﻬﻪ ﮔﺘﻠﻬﺎﺍ ﻫﺎﺍﺍ ﻭﺟﻌﺎﺍ ﺟﻬﺎﺯﺝ ﻣﻦ ﻋﺴﺎﻩ ﺑﻠﺤﺮﮒ ﻭﻻ ﺳﻜﺖ ﺗﻌﺎﻟﻲ ﺍﺧﺬﻱ ﺭﺣﺖ ﺍﺧﺬﺗﻪ ﻣﻨﻬﺎ ﻭﺍﺿﺤﻚ ﻉ ﺷﻜﻠﻬﺎ ﺷﻠﻮﻥ ﻣﻜﻔﺸﺔ ﻭﺑﻠﮕﻮﺓ ﻭﺍﻛﻔﻪ ﺟﻨﻬﺎ ﻭﺍﺣﺪ ﺳﻜﺮﺍﻥ ﺻﻌﺪﺕ ﻭﺍﻧﻲ ﺑﺎﻭﻋﺖ ﻟﺠﻬﺎﺯﻱ ﺣﻮﺭ ﺑﻌﺪ ﻭﻛﺖ ﺯﻳﻦ ﻣﻦ ﻫﺴﺔ ﻣﺘﺬﻛﺮﺗﻨﻲ ﺭﻓﻌﺖ ﺭﺍﺳﻲ ﻉ ﺻﻮﺕ ﻋﻤﺘﻲ ﻫﺎﺍ ﺧﻴﺮ ﺍﺷﻮ ﻋﻔﺴﻨﺎ ﺍﻟﻮﺟﻪ ﻣﻨﻮ ﻳﺘﺼﻞ..بيج قصص عراقيه حقيقيه من واقعنا.روعه الطائي ﻣﺎﻛﻮ ﺷﻲ ﺣﻮﺭ ﻭﻣﺮﺍﺡ ﺍﺟﺎﻭﺏ ﺍﻣﺸﻲ ﺍﻛﻠﻴﻠﺞ ﻟﮕﻤﺔ ﺣﺘﻰ ﺍﻧﻲ ﻭﻳﺎﺝ ﻧﻮﮔﻒ ﻧﺴﻮﻱ ﺍﻟﻐﺪﺓ ﻫﺎ ﺷﺘﮕﻮﻟﻴﻦ ﻳﻠﻠﻪ ﺍﻭﻛﻲ ﺭﺣﺖ ﺍﻛﻠﺖ ﺷﻲ ﺧﻔﻴﻒ ﺍﻧﻲ ﻭﻭﺍﻛﻔﺔ ﺻﻤﻮﻧﻪ ﻭﺑﻴﻬﺎ ﺷﺮﻳﺤﺔ ﺟﺒﻦ ﻭﻳﺎﻫﺎ ﻋﺼﻴﺮ ﺧﻠﺼﺖ ﻭﮔﺘﻠﻬﺎ ﻳﻠﻠﻪ ﻣﺎﻣﺎﺗﻲ ﻛﻤﻠﺖ ﺍﻛﻠﻲ ﻭﮔﻔﻨﻪ ﻧﻄﺒﺦ ﺍﻧﻲ ﻭﻳﺎﻫﺎ ﻭﻫﺬﺍ ﺍﻭﻝ ﻳﻮﻡ ﻣﻦ ﺑﻌﺪ ﺍﻟﻲ ﺻﺎﺭ ﺍﺣﺲ ﺭﺟﻌﺖ ﻃﺒﻴﻌﻴﺔ ﻭﺍﺿﺤﻚ ﻭﺍﺳﻮﻟﻒ ﻣﺜﻞ ﺍﻟﻌﺎﻟﻢ ﻧﻮﻋﺎ ﻣﺎ ﺣﺴﻴﺖ ﺑﺒﻌﺾ ﺍﻟﺮﺍﺣﺔ ﻟﻜﻦ ﻣﺴﺘﺤﻴﻞ ﺗﺪﻭﻣﻠﻲ ﺍﻟﻀﺤﻜﺔ ﺩﺍﺋﻤﺎ ﻻﺯﻡ ﺍﻛﻮ ﺷﻲ ﻳﺨﺮﺏ ﻋﻠﻴﺔ ﺭﺍﺣﺘﻲ ﺍﺟﺔ ﻣﺮﺗﻀﻰ ﻭﺑﺄﻳﺪﺓ ﺟﻬﺎﺯﻱ ﻭﻳﺤﺠﻲ ﻣﻤﻔﻬﻮﻡ ﻣﺎﻣﺎ ﺍﻟﻮﻭﻭ ﺍﻩ ﺑﺎﻭﻋﺖ ﺟﻬﺎﺯﻱ ﻳﺪﮒ ﺣﻮﺭﻱ ﺗﺘﺼﻞ ﺍﺧﺬﺕ ﻣﺎﻱ ﻭﻣﺸﻴﺖ ﻟﻠﺼﺎﻟﺔ ﺍﻧﻲ ﻭﻋﻤﺘﻲ ﮔﻌﺪﺕ ﻋﻤﺘﻲ ﺑﺼﻒ ﻗﺼﻲ ﻛﺎﻥ ﺩﻳﺴﻮﻟﻒ ﻫﻮ ﻭﺍﻣﻲ ﻭﺍﻧﻲ ﻭﺍﻛﻔﺔ ﺑﻴﺪﻱ ﮔﻼﺹ ﺍﻟﻤﺎﻱ ﺩﺍﺍﺷﺮﺏ ﻓﺘﺤﺖ ﺍﻟﺨﻂ ﻭﻭﺻﻠﻨﻲ ﺻﻮﺕ ﺣﻮﺭ ﮔﺘﻠﻬﺎ ﻫﻼ ﺣﻮﺭ ﺷﻠﻮﻧﺞ ﻣﻮﺯﻳﻨﻪ ﻣﺸﺘﺎﻗﺘﻠﺞ ﻣﻮﻭﻭﺕ ﺍﻱ ﻭﺍﺿﺢ ﺍﺷﻮﻓﺞ ﺍﺗﺼﻠﺘﻲ ﻭﺳﺄﻟﺘﻲ ﻭﻣﺘﺮﻛﺘﻴﻨﻲ ﺑﺄﻭﻗﺎﺗﻲ ﺍﻟﺼﻌﺒﻪ ﺍﻟﻲ ﻣﺮﺕ ﺍﺳﻔﺔ ﻭﺍﻟﻠﻪ ﺑﺲ ﻣﮕﺪﺭﺕ ﺍﺗﺼﻞ ﺑﻴﺎ ﻋﻴﻦ ﺍﺗﺼﻞ ﻭﺍﺳﺄﻝ ﻭﺳﺒﺐ ﻭﺟﻌﺞ ﺍﺧﻮﻱ ﻣﻦ ﺍﻷﻭﻝ ﺍﺣﻨﻪ ﻣﺘﻔﻘﻴﻦ ﺍﺧﻮﻱ ﻭﺍﺧﻮﺝ ﻣﻴﺨﺮﺑﻮﻥ ﻋﻼﻗﺘﻨﺎ ﻋﻼﻗﺘﻨﺎ ﺑﻌﻴﺪﺓ ﻛﻞ ﺍﻟﺒﻌﺪ ﻋﻦ ﺍﻧﻪ ﺍﻧﻲ ﻣﺮﺕ ﺍﺧﻮﺝ ﻭﺍﻧﺘﻲ ﺣﺒﻴﺒﺔ ﺍﺧﻮﻱ ﺻﺢ ﻟﻮ ﻻ ﺍﻱ ﺻﺢ ﺑﺲ ﺣﺴﻴﺘﻬﺎ ﺻﻌﺒﻪ ﺯﻭﺯﻩ ﺍﻧﻲ ﻣﺘﺄﺫﻳﺔ ﻋﻠﻴﺞ ﺣﻴﻞ ﻣﺎﻛﻮ ﺩﺍﻋﻲ ﺣﺒﻲ ﺍﻧﻲ ﺑﺄﺣﺴﻦ ﺣﺎﻝ ﺍﻟﺤﻤﺪﻟﻠﻪ ﻋﺎﻳﺸﺔ ﻭﺃﻗﻮﺓ ﻣﻦ ﻗﺒﻞ ﻣﻬﺰﻧﻲ ﻓﺮﺍﮒ ﺍﺧﻮﺝ ﺯﻭﺯﻭ ﺍﺭﻳﺪ ﺍﮔﻮﻟﺞ ﺷﻲ ﻣﺎﺍﺭﻳﺪ ﺍﺿﻢ ﻋﻠﻴﺞ ﮔﻮﻟﻲ ﺍﺳﻤﻌﺞ ﺯﻭﺯﻩ ﺍﻟﻴﻮﻡ ﺍﻟﻤﻬﺮ ﻣﺎﻝ ﻣﺼﻄﻔﻰ ﻫﻨﺎ ﺍﺣﺲ ﻭﺍﺣﺪ ﻭﺿﺮﺑﻨﻲ ﻉ ﺭﺍﺳﻲ ﺭﺟﻔﺖ ﺍﻳﺪﻱ ﻭﻭﮔﻊ ﺍﻟﮕﻼﺹ ﻣﻦ ﺍﻳﺪﻱ ﻭﻛﻤﺰﻭ ﺍﻣﻲ ﻭﻋﻤﺘﻲ ﻭﻗﺼﻲ ﮔﺘﻠﻬﺎ ﺑﻬﻤﺲ ﺷﻨﻮﻭﻭ ﺑﺠﺖ ﻭﮔﺎﻟﺖ ﺍﺩﺭﻱ ﺑﻴﺞ ﺑﻌﺪﺝ ﺗﺤﺒﻲ ﻭﺍﻟﻠﻪ ﻣﻴﺴﺘﺎﻫﻠﺞ ﻭﻻ ﻳﺴﺘﺎﻫﻞ ﺣﺒﺞ ﺑﺲ ﺍﻧﻲ ﻣﺮﺩﺕ ﺍﺿﻢ ﻋﻨﺞ ﻫﻴﺞ ﺷﻲ ﻣﻬﻢ ﺍﺣﺲ ﺩﮔﺎﺕ ﮔﻠﺒﻲ ﺻﺎﺭﺕ ﻣﺴﻤﻮﻋﻪ ﺻﺎﺭ ﻳﺪﮒ ﻛﻞ ﻣﺎﺑﻲ ﻣﻦ ﻗﻮﺓ ﺍﺧﺘﻨﮕﺖ ﻭﺻﺮﺕ ﺍﺷﻬﮓ ﺍﺭﻳﺪ ﺑﺲ ﺍﺧﺬ ﻧﻔﺲ ﺍﺧﺬﺕ ﻋﻤﺘﻲ ﻣﻨﻲ ﺍﻟﺠﻬﺎﺯ ﻭﺳﺪﺗﻪ ﻭﺍﻣﻲ ﺳﺤﺒﺘﻨﻲ ﻟﻠﺘﺨﻢ ﮔﻌﺪﺗﻨﻲ ﻭﺟﺎﺑﻠﺘﻲ ﻣﺎﻱ ﺭﺍﺩﺕ ﺗﺸﺮﺑﻨﻲ ﺩﻓﻌﺖ ﺍﻳﺪﻫﺎ ﻭﮔﺘﻠﻬﺎ ﻣﺎﺍﺭﻳﺪ ﻗﺼﻲ ﻭﺍﮔﻒ ﮔﺒﺎﻟﻲ ﻭﻣﺘﺨﺼﺮ ﻳﺮﻳﺪ ﻳﻔﻬﻢ ﺷﻨﻮ ﺻﺎﺭ ﺍﻭﺿﺎﻋﻲ ﻛﻠﻬﺎ ﺗﺨﺮﺑﻄﺖ ﻭﺍﻟﻘﻮﺓ ﺍﻟﻲ ﺟﻨﺖ ﺍﺩﻋﻲ ﺑﻴﻬﺎ ﻛﻠﻬﺎ ﺗﺒﺨﺮﺕ ﻭﻃﺎﺭﺕ ﻛﻠﺸﻲ ﺑﻴﺔ ﻳﺮﺟﻒ ﺣﺘﻰ ﺻﻮﺗﻲ ﺍﻣﻲ ﻟﺞ ﻣﺎﻣﺎ ﺑﺲ ﻓﻬﻤﻴﻨﻲ ﺷﺒﻴﺞ ﺷﮕﺎﻟﺘﻠﺞ ﺣﻮﺭ ﻫﺎﺍﺍ ﺧﺎﻟﺘﺞ ﺑﻴﻬﺎ ﺷﻲ ﻟﻮ ﺍﻟﺒﻨﺎﺕ ﻫﺰﻳﺖ ﺭﺍﺳﻲ ﻻﺍ ﻟﻌﺪ ﺷﻨﻮ ﺍﻟﻲ ﺻﺎﺭ ﺑﺎﻭﻋﺖ ﺑﻌﻴﻮﻧﻬﺎ ﻭﺍﻟﺪﻣﻮﻉ ﺑﻌﻴﻨﻲ ﻋﻤﺘﻲ ﮔﺎﻟﺖ ﻣﺎﻣﺎﺗﻲ ﺣﺒﻴﺒﺘﻲ ﮔﻮﻟﻲ ﺷﻨﻮ ﺷﺴﻤﻌﺘﻲ ﺳﺤﺒﺖ ﻧﻔﺲ ﻭﮔﻮﺓ ﻃﻠﻌﺖ ﺍﻟﻜﻠﻤﺔ ﻣﻨﻲ ﮔﺘﻠﻬﺎ ﻳﻤﺔ ﺍﻟﻴﻮﻡ ﻣﻬﺮ ﻣﺼﻄﻔﻰ ﺷﻬﮕﺖ ﺍﻣﻲ ﻭﺿﺮﺑﺖ ﻉ ﺻﺪﺭﻫﺎ ﺻﺨﺎﻡ ﺍﻟﺼﺨﻤﻚ ﺷﺒﺴﺮﻋﻪ ﺑﻬﺬﻩ ﺍﻟﻠﺤﻈﺔ ﺩﺧﻞ ﺳﻴﻒ ﻣﺜﻞ ﺍﻷﻋﺼﺎﺭ ﻓﺘﺢ ﺍﻟﺒﺎﺏ ﻭﺩﺧﻞ ﺗﻮﺟﻪ ﻋﻠﻴﻪ ﺳﺤﺒﻨﻲ ﻣﻦ ﺯﻧﺪﻱ ﻣﻦ ﺑﻴﻨﻬﻢ ﺍﺫﺍ ﺷﻔﺖ ﺑﻌﻴﻨﺞ ﺩﻣﻌﻪ ﻋﻠﻴﻪ ﺑﻌﺪ ﺍﺣﺮﮔﺞ ﺍﻓﺘﻬﻤﺘﻲ ﻟﻮ ﻻﺍﺍﺍﺍﺍﺍ ﺑﺎﻭﻋﺖ ﺑﻌﻴﻮﻧﻪ ﻭﺩﻣﻮﻋﻲ ﻧﺰﻟﺖ ﻭﻟﺞ ﺳﻮﺍﻫﺎ ﺍﻟﻜﻠﺐ ﺳﻮﺍﺍﺍﻫﺎﺍﺍﺍ ﻭﺩﻓﺮ ﺍﻟﻄﺒﻠﺔ ﻛﺴﺮﻫﺎ ﻭﻳﺤﺠﻲ ﺑﻌﺼﺒﻴﺔ ﺣﺘﻰ ﻣﻨﺘﻀﺮ ﺗﻤﺮ ﻓﺘﺮﺓ ﻉ ﺍﻧﻔﺼﺎﻟﻜﻢ ﺷﮕﺪ ﻧﺬﻝ ﻣﺘﻮﻗﻌﺘﻪ ﻫﻴﺞ ﺍﺑﺪﺩﺩﺩ ﺳﻴﻒ ﻳﺤﺠﻲ ﺑﻌﺼﺒﻴﺔ ﻭﺣﺮﮔﺔ ﻭﻳﻌﻴﻂ ﻋﺒﺮ ﻋﻦ ﺣﺮﮔﺔ ﮔﻠﺒﺔ ﻭﻏﻀﺒﻪ ﺑﺎﻟﻌﻴﺎﻁ ﻭﺍﻟﺘﻜﺴﺮ ﺑﺲ ﺍﻧﻲ ﺷﻠﻮﻥ ﺍﺣﺲ ﺍﻟﺨﺒﺮ ﺻﺎﺭ ﻳﺤﺰ ﺑﺮﻭﺣﻲ ﺍﺭﻳﺪ ﺷﻲ ﻳﻄﻔﻲ ﻧﺎﺭ ﮔﻠﺒﻲ ﺑﺲ ﻣﺪﺍﺍﻋﺮﻑ ﺷﻠﻮﻥ ﻭﺷﺄﺳﻮﻱ ﮔﻌﺪﺕ ﻉ ﺍﻟﻘﻨﻔﺔ ﻭﻛﻠﻬﻢ ﻓﻮﮒ ﺭﺍﺳﻲ ﻭﻛﻠﻬﻢ ﻧﻔﺲ ﺍﻟﻜﻼﻡ ﺍﻧﺴﻲ ﻭﻣﻴﺴﺘﺎﻫﻠﺞ ﻭﺍﻧﺘﻲ ﻏﺒﻴﺔ ﺍﺫﺍ ﺿﻠﻴﺘﻲ ﺗﺒﺠﻴﻦ ﻋﻠﻴﻪ ﻭﺗﻀﻴﻌﻴﻦ ﻭﻛﺘﺞ ﺩﻣﻮﻉ ﻭﻗﻬﺮ ﻭﻫﻮ ﻫﻨﺎﻙ ﻣﺘﻮﻧﺲ ﻭﻋﺎﻳﺶ ﺣﻴﺎﺗﻪ ﻃﺒﻴﻌﻲ ﺿﻠﻮ ﻳﻜﺮﺭﻭﻥ ﻛﻠﻤﺔ ﺍﻧﺴﻲ ﺍﻧﺴﻲ ﺯﺍﻳﺪﺓ ﻣﻨﺞ ﺗﻔﻜﺮﻳﻦ ﺑﻲ ﺍﺻﻼ ﺑﻌﺪ ﺍﻟﻴﻮﻡ ﻋﻄﺖ ﺑﻴﻬﻢ ﻋﻮﻓﻮﻧﻲ ﻋﻮﻓﻮﻧﻲ ﺑﺲ ﻓﮕﻮ ﻋﻨﻴﻴﻴﻴﻴﻲ ﺳﺤﺒﺖ ﺍﻟﺸﺎﻝ ﻣﻦ ﻳﻢ ﺭﮔﺒﺘﻲ ﻭﺍﻓﺮﮒ ﺑﺼﺪﺭﻱ ﺣﻴﻞ ﺳﻴﻒ ﮔﻌﺪ ﺯﻭﺯﻩ ﺷﺒﻴﺞ ﻭﺍﻧﻲ ﻣﺴﺘﻤﺮﺓ ﺍﻓﺮﮒ ﺑﺮﮔﺒﺘﻲ ﻭﺻﺪﺭﻱ ﺍﺣﺲ ﺍﻟﻨﻔﺲ ﻧﻘﻄﻊ ﻋﻨﻲ ﻭﺑﺲ ﺍﻟﻨﺎﺭ ﺑﺼﺪﺭﻱ ﺍﺻﻮﺍﺗﻬﻢ ﺻﺎﺭﺕ ﺑﻌﻴﺪﺓ ﻭﻗﺮﻳﺒﺔ ﺑﻨﻔﺲ ﺍﻟﻮﻗﺖ ﻣﺎﺍﺩﺭﻱ ﻣﺎﺩﺭﻱ ﺷﻨﻮ ﺍﺣﺲ ﺑﺬﺍﻙ ﺍﻟﻮﻗﺖ ﺑﺲ ﺍﻟﻲ ﺍﻋﺮﻓﻪ ﺣﺴﻴﺖ ﺑﺎﻟﻀﻴﺎﻉ ﻭﺍﻟﻨﺪﻡ ﺗﻨﺪﻣﺖ ﺣﻴﻞ ﺑﺲ ﻣﺎﺍﻋﺮﻑ ﻉ ﺷﻨﻮ ﻉ ﻣﻮﺍﻓﻘﺘﻲ ﺍﻟﻪ ﻣﻦ ﺗﻘﺪﻣﻠﻲ ﻟﻮ ﻉ ﻣﻮﺍﻓﻘﺘﻲ ﺑﺎﻟﻄﻼﻙ ﻭﺍﻧﻲ ﺍﻟﻲ ﻗﺪﻣﺘﻪ ﺍﻟﻬﺎ ﻉ ﻃﺒﻖ ﻣﻦ ﺫﻫﺐ ﺭﻓﻊ ﺭﺍﺳﻲ ﺳﻴﻒ ﺑﺄﻳﺪﺓ ﺷﻨﻮ ﺷﺒﻴﺞ ﺷﻮ ﺣﺎﺟﻴﻨﻲ ﻛﺎﻓﻲ ﺷﻮﻓﻲ ﺭﮔﺒﺘﺞ ﺻﺎﺭﺕ ﺣﻤﺮﺓ ﻣﻦ ﺍﻟﻔﺮﮒ ﺻﺎﺭﺕ ﻋﻴﻨﻲ ﻉ ﻗﺼﻲ ﻧﻀﺎﺭﺗﻪ ﺍﻟﻲ ﺟﺎﻧﺖ ﻗﻬﺮ ﺣﺴﺮﺓ ﻋﺘﺐ ﻣﺎﺍﻋﺮﻑ ﺷﻨﻮ ﺑﺎﻟﻀﺒﻂ ﻟﺰﻡ ﺍﻳﺪﻱ ﺳﻴﻒ ﺗﺴﻤﻌﻴﻨﻲ ﻣﻦ ﺍﺣﺎﺟﻴﺞ ﻫﺎﺍ ﺯﻭﺯﻩ ﻋﻔﻴﺔ ﺑﺪﻳﺖ ﺍﺧﺎﻑ ﺷﺒﻴﺞ ﮔﺘﻠﻪ ﺑﻬﻤﺲ ﺍﺭﻳﺪ ﺍﺭﻳﺪ ﺍﺷﺮﺩ ﻣﻦ ﻛﻠﺸﻲ ﻣﺎﺍﺭﻳﺪ ﺍﺑﻘﺔ ﻫﻨﺎ ﺍﺭﻳﺪ ﺍﻧﺴﻰ ﻛﻞ ﺍﻟﻲ ﺻﺎﺭ ﺗﻌﺒﺖ ﺍﻧﻲ ﺑﻌﺪ ﻃﺎﻗﺘﻲ ﻣﺘﺘﺤﻤﻞ ﺍﻛﺜﺮ ﻣﻦ ﻫﻴﺞ ﺑﺄﺻﻌﺐ ﺍﻭﻗﺎﺗﻲ ﻭﺻﺎﺭ ﺑﻴﻦ ﻋﻴﻨﻲ ﺧﺎﻟﻲ ﺍﻳﺎﺩ ﺳﻴﻒ ﻣﺤﺘﺎﺟﺔ ﺧﺎﻟﻲ ﺍﺭﻳﺪ ﺍﻳﺎﺩ ﻣﺤﺘﺎﺟﺔ ﺍﺭﺟﻊ ﻃﻔﻠﺔﺓﺓ ﺻﺮﺧﺖ ﻃﻔﻠﺔﺓﺓ ﻣﺤﺘﺎﺟﺔ ﺍﻳﺎﺩﺩ ﺑﺲ ﺍﻳﺎﺩ ﺍﺭﻳﺪ ﺍﻳﺎﺍﺍﺍﺩ ﺑﺠﻴﺖ ﺑﻜﻞ ﻗﻮﺗﻲ ﻭﻫﻠﻤﺮﺓ ﺍﺭﻳﺪ ﺍﺑﺠﻲ ﻭﺍﻓﺮﻍ ﻛﻞ ﻗﻬﺮﻱ ﻭﺑﻌﺪﻫﺎ ﺍﮔﻮﻡ ﻭﺍﺭﺟﻊ ﺍﻗﻮﺓ ﻣﻦ ﻗﺒﻞ ﺿﻤﻨﻲ ﻟﺼﺪﺭﺓ ﺳﻴﻒ ﻭﺍﻧﻲ ﻟﺰﻣﺖ ﺍﻳﺪﻳﺔ ﺍﻟﻲ ﺿﺎﻡ ﺑﻴﻬﻦ ﺭﺍﺳﻲ ﻭﺍﺑﺠﻲ ﻭﺍﻣﻲ ﺗﺒﺠﻲ ﻭﻳﺎﻱ ﻭﺗﮕﻮﻝ ﺍﻭﻭﻭﻑ ﻳﺤﻈﺞ ﻳﺎﻳﻤﺔ ﺍﻟﻌﻴﻦ ﻣﻠﻮﺣﮕﺘﺞ ﻭﻳﻦ ﻣﺘﺮﺣﻴﻦ ﺑﻌﺪ ﻧﻮﺑﺔ ﺑﺠﻲ ﻃﻮﻳﻠﺔ ﺻﻔﻨﺖ ﻫﺴﺔ ﺍﺣﺲ ﮔﻠﺒﻲ ﻓﺎﺍﺍﺍﺍﺍﺭﻍ ﻭﺑﻲ ﻭﺟﻊ ﻗﻮﻱ ﺍﻟﻮﺟﻊ ﺍﻟﺒﻲ ﻳﺬﺑﺤﺤﺤﺢ ﺷﮕﺪ ﻣﺎﺍ ﺍﻭﺻﻔﻪ ﻣﻴﻨﻮﺻﻒ ﺑﻌﺪﺕ ﺭﺍﺳﻲ ﻣﻦ ﺻﺪﺭ ﺳﻴﻒ ﻭﻣﺴﺤﺖ ﺩﻣﻮﻋﻲ ﺍﻧﺘﺒﻬﺖ ﺍﻟﻜﻞ ﮔﺎﻋﺪ ﻭﻳﺮﺍﻗﺒﻨﻲ ﺣﺘﻰ ﻧﻮﺭ ﺷﻮﻛﺖ ﻧﺰﻟﺖ ﻣﺎﺍﻋﺮﻑ ﮔﻤﺖ ﻣﻦ ﻣﻜﺎﻧﻲ ﻭﺍﻟﻜﻞ ﮔﻤﺰ ﻗﺼﻲ ﮔﺎﻝ ﻭﻳﻦ ﺭﺍﻳﺤﺔ ﺍﻧﺪﺭﺕ ﻋﻠﻴﻬﻢ ﺑﺄﺑﺘﺴﺎﻣﺔ ﻭﮔﺘﻠﻬﻢ ﻻﺗﺨﺎﻓﻮﻥ ﻣﺎﺑﻴﺔ ﺷﻲ ﺭﺣﺖ ﻟﻠﺤﻤﺎﻡ ﻏﺴﻠﺖ ﻭﺑﻌﺪﻫﺎ ﺍﺧﺬﺕ ﺟﻬﺎﺯﻱ ﻭﺻﻌﺪﺕ ﻟﮕﻴﺖ ﺣﻮﺭ ﻣﺘﺼﻠﻪ 3 ﻣﺮﺍﺕ ﻓﺘﺤﺖ ﺍﻟﻤﺎﺳﻨﺠﺮ ﺷﻔﺘﻬﺎ ﻣﺘﺼﻠﻪ ﮔﻌﺪﺕ ﺍﺭﺍﺳﻠﻬﺎ ﻭﺗﺤﺠﻴﻠﻲ ﻋﻦ ﺍﻭﺿﺎﻉ ﺍﻟﺒﻴﺖ ﺍﻟﻤﺸﺤﻮﻧﻪ ﻭﻋﻦ ﺍﻟﻬﻮﺳﺔ ﺍﻟﻲ ﻫﻤﺔ ﺑﻴﻬﺎ ﻷﻥ ﻣﻬﺮ ﺍﺧﻮﻫﺎ ﻣﺼﺎﺭﻟﺔ ﺳﺎﻋﺎﺕ ﻣﻦ ﻣﻨﺘﻬﻲ ﺳﺪﻳﺘﻪ ﻣﻨﻬﺎ ﻭﺑﺎﻭﻋﺖ ﻟﻠﺴﺎﻋﻪ ﻛﺎﻧﺖ ﺑـ 6:00 ﻧﺰﻟﺖ ﻣﺮﺓ ﺛﺎﻧﻴﺔ ﺟﻮﺓ ﺷﻔﺘﻬﻢ ﺑﻌﺪﻫﻢ ﻉ ﮔﻌﺪﺗﻬﻢ ﻭﺻﺎﻓﻨﻴﻦ ﮔﺘﻠﻬﻢ ﺷﺄﺳﻮﻱ ﻋﺸﺎﺍﺍ ﻛﻠﻬﺎ ﺑﺎﻭﻋﺘﻠﻲ ﺑﺄﺳﺘﻐﺮﺍﺏ ﻭﺳﻴﻒ ﻫﺎﺍﺍ ﺷﺒﻴﻚ ﺷﺄﺳﻮﻱ ﻋﺸﺎﺍ ﺗﺮﺓ ﺟﻮﻋﺎﻧﻪ ﻻﻥ ﻣﻤﺘﻐﺪﻳﺔ ﻻﺗﺴﻮﻳﻦ ﺍﻧﻲ ﺭﺍﺡ ﺍﺟﻴﺐ ﻣﻦ ﺑﺮﺓ ﺷﺘﺮﺩﻳﻦ ﺷﻨﻮ ﻋﺎﺟﺒﺞ ﺗﺎﻛﻠﻴﻦ ﺍﻣﻤﻤﻢ ﺟﻴﺒﻠﻲ ﺯﻧﺠﺮ ﺣﺒﺎﺏ ﻣﻦ ﻋﻴﻮﻧﻲ ﺭﺣﺖ ﮔﻌﺪﺕ ﺑﻴﻦ ﺍﻣﻲ ﻭﻋﻤﺘﻲ ﻭﻣﻴﻠﺖ ﻧﻔﺴﻲ ﻉ ﻋﻤﺘﻲ ﮔﺘﻠﻬﺎ ﻣﺎﻣﺎﺗﻲ ﺍﺑﻘﻲ ﺍﻟﻴﻮﻡ ﻳﻤﻲ ﻻ ﻣﺎﻣﺎ ﻗﺼﻲ ﻳﺮﻳﺪ ﻳﺮﺟﻊ ﻋﻨﺪﻩ ﺷﻐﻞ ﺑﺎﻭﻋﺖ ﻟﻘﺼﻲ ﻭﮔﺘﻠﻪ ﻗﺼﻲ ﺣﺒﺎﺏ ﺍﺑﺘﺴﻢ ﻭﮔﺎﻝ ﻫﺬﺍ ﻫﻮ ﻉ ﺍﻣﺮﺝ ﺗﺮﺩﻳﻦ ﻧﺒﺎﺕ ﻧﺒﺎﺕ ﺍﺑﺘﺴﻤﺘﻠﻪ ﻭﮔﺘﻠﻪ ﺷﻜﺮﺍﺍﺍ ﻧﻮﺭ ﻛﺎﻟﺖ ﺍﮔﻮﻭﻭﻭﻝ ﮔﻮﻭﻭﻭﻭﻟﻲ ﺑﺲ ﺭﺟﺎﺀﺍ ﺑﺪﻭﻥ ﻣﺘﻤﻄﻴﻦ ﺑﺎﻟﺤﺠﻲ ﻷﻥ ﺗﻨﺮﻓﺰﻳﻨﻲ ﺿﺤﻜﻦ ﺍﻣﻲ ﻭﻋﻤﺘﻲ ﻭﻫﻲ ﺷﻤﺮﺕ ﻋﻠﻴﻪ ﺍﻟﻜﻮﺷﺔ ﻭﮔﺎﻟﺖ ﺍﻣﺪﺍﺍﺝ ﺍﻱ ﻭﺍﻟﻠﻪ ﮔﻮﻟﻲ ﺷﺘﺮﺩﻳﻦ ﻻ ﻫﻴﺞ ﺑﺲ ﻣﻮ ﺟﻦ ﺻﺎﻳﺮﺓ ﻟﻄﻴﻔﺔ ﻭﻳﺔ ﻗﺼﻲ ﻫﺎﻱ ﺍﻷﻳﺎﻡ ﻣﺎﻛﻮ ﻣﻨﺎﮔﺮ ﺑﻴﻨﻜﻢ ﻻ ﻫﻮ ﺻﺎﻳﺮ ﺣﺒﺎﺏ ﻭﻣﻴﻀﻮﺟﻨﻲ ﺑﻜﻼﻣﻪ ﻟﻬﺬﺍ ﺍﻧﻲ ﻭﻳﺎﻩ ﺣﺒﺎﺑﺔ ﻭﻣﻤﺘﻨﺎﮔﺮﻳﻦ ﺍﺑﺘﺴﻢ ﻗﺼﻲ ﻭﮔﺎﻝ ﺍﺫﺍ ﻫﻴﺞ ﻟﻌﺪ ﻣﻦ ﻫﺴﺔ ﺍﻧﻲ ﺑﻌﺪ ﻣﺎﺍﺿﻮﺟﺞ ﺑﻜﻼﻣﻲ ﺍﺑﺪ ﻭﻻ ﺍﺯﻋﻠﺞ ﻭﺍﻧﻲ ﻫﻢ ﻣﺎﺍﻃﻮﻝ ﻟﺴﺎﻧﻲ ﻭﻳﺎﻙ ﻭﺍﺭﺍﺩﺩﻙ ﺍﺫﺍ ﺍﻧﺖ ﻣﺘﻀﻮﺟﻨﻲ ﺳﻤﻌﻨﻪ ﺻﻮﺕ ﺳﻴﻒ ﺻﺎﺡ ﻭﺍﺧﻴﺮﺍﺍﺍ ﺍﺗﻔﻘﻮ ﺗﻮﻡ ﻭﺟﻴﺮﻱ ﻋﻠﻰ ﻣﺎﻧﺺ ﻋﻠﻴﻪ ﺿﺤﻜﻨﺎ ﻭﮔﺘﻠﻬﻢ ﻫﺎﻱ ﺷﻨﻮ ﻫﻴﺞ ﺍﻟﻤﻨﺎﮔﺮ ﺑﻴﻨﻲ ﻭﺑﻴﻦ ﻗﺼﻲ ﺷﺎﻏﻠﻜﻢ ﻭﻣﺎﺧﺬ ﻣﺄﺧﺬ ﻣﻦ ﺗﻔﻜﺮﻳﻜﻢ ﻗﺼﻲ ﮔﺎﻝ ﻏﻴﺮ ﻫﻢ ﻣﻴﺤﺠﻮﻥ ﺍﻫﻮﻭﻭ ﺗﺮﺓ ﺍﻛﺮﻩ ﻫﺎﻱ ﺍﻟﺠﻤﻠﺔ ﻭﻳﻦ ﻣﺎﺍﺭﻭﺡ ﺗﻄﻠﻊ ﺑﻮﺟﻬﻲ ﺍﻣﻲ ﺍﻱ ﻳﻤﺔ ﻏﻴﺮ ﺳﻮﺍﻟﻒ ﺟﻴﻞ ﻫﻠﻮﻛﺖ ﺟﻴﻞ ﺍﻟﻠﻮﺍﮔﺔ ﻫﻬﻬﻬﻬﻪ ﮔﺎﻣﺖ ﻧﻮﺭ ﻓﺘﺤﺖ ﺍﻟﻄﺒﻼﺕ ﮔﺪﺍﻣﻨﻪ ﻭﻭﺯﻋﺖ ﺍﻟﻘﻮﺍﻃﻲ ﻋﻠﻴﻬﻦ ﻭﺳﻴﻒ ﻭﺯﻉ ﻟﻜﻞ ﻭﺍﺣﺪ ﻟﻔﺘﻪ ﻭﮔﻌﺪﻧﺎ ﻧﺘﻌﺸﺎ ﺭﻏﻢ ﺍﻟﻀﺤﻚ ﻭﺍﻟﺠﻮ ﺍﻟﻲ ﺧﻠﻘﺘﻪ ﺑﺘﺼﺮﻓﺎﺗﻲ ﻭﻳﺎﻫﻢ ﻟﻜﻨﻲ ﻣﻦ ﺍﻟﺪﺍﺧﻞ ﻧﺎﺭ ﻣﺸﺘﻌﻠﺔ ﻣﺘﻘﺒﻞ ﺗﻨﻄﻔﻲ ﻭﺍﻧﺘﻬﺎ ﻳﻮﻣﻲ ﺑﺮﺳﺎﺋﻞ ﻣﻦ ﺻﻔﺤﺔ ﻟﺠﻴﻦ ﺑﺎﻟﻤﺎﺳﻨﺠﺮ ﻛﺎﺗﺒﺔ ﻫﻠﻮﻭﻭ ﻣﻨﺎﻭﻳﺔ ﺗﺒﺎﺭﻛﻴﻠﻲ ﻉ ﺍﻟﺨﻄﺒﺔ ﻭﺩﺍﺯﺓ ﺻﻮﺭﻫﺎ ﻫﻲ ﻭﻣﺼﻄﻔﻰ ﮔﺘﻠﻬﺎ ﻫﻼﻭﺍﺕ ﻻ ﺣﺒﻲ ﺍﻛﻴﺪ ﺷﻠﻮﻥ ﻳﺼﻴﺮ ﻣﺎﺍﺑﺎﺭﻛﻠﺞ ﻻ ﺣﺒﻲ ﺷﻠﻮﻥ ﻣﺎﺍﺑﺎﺭﻛﻠﺞ ﺍﻟﻒ ﺍﻟﻒ ﺍﻟﻒ ﺍﻟﻒ ﻣﺒﺮﻭﻙ ﻭﻻﻳﮕﻠﺞ ﻭﻻﻳﮕﺘﻠﻪ ﻟﻴﺶ ﺍﺣﺲ ﺑﻴﺞ ﺗﺤﺠﻴﻦ ﺑﻘﻬﺮ ﻭﺣﺮﮔﺔ ﮔﻠﺐ ﻻﺣﺒﻲ ﻏﻠﻄﺎﻧﻪ ﺍﺻﻼ ﺑﻜﻞ ﺑﺮﻭﺩ ﺩﺍﺍﺣﺠﻲ ﻣﻌﻘﻮﻟﺔ ﻳﻌﻨﻲ ﺗﻘﻨﻌﻴﻨﻲ ﻫﺴﺔ ﺍﻧﺘﻲ ﻣﻤﻘﻬﻮﺭﺓ ﺍﺑﺪ ﻻ ﻣﻨﻮ ﮔﻠﺞ ﻣﻤﻘﻬﻮﺭﺓ ﺍﺻﻼ ﻣﻴﺘﻪ ﻗﻬﺮ ﻉ ﺍﻷﻳﺎﻡ ﺍﻟﻲ ﺿﻴﻌﻬﺎ ﺣﺴﺎﻡ ﺑﺤﺒﺞ ﻷﻥ ﻫﻴﺞ ﺍﻧﺴﺎﻧﻪ ﻗﺬﺭﺓ ﻣﺘﺴﺘﺎﻫﻞ ﺣﺐ ﺣﺴﺎﻡ ﺍﺑﺪﺍﺍ ﺍﺣﺘﺮﻣﻲ ﻧﻔﺴﺞ ﺭﺟﺎﺀﺍ ﺣﺒﻲ ﺍﻧﻲ ﻣﺤﺘﺮﻣﺔ ﻧﻔﺴﻲ ﻣﺘﺠﺎﻭﺯﺕ ﺑﺸﻲ ﻓﻌﻼ ﺍﻧﺘﻲ ﺍﻧﺴﺎﻧﻪ ﺑﻼ ﺍﺧﻼﻕ ﺣﺒﻲ ﻫﺎﻱ ﺑﻌﺪ ﺍﻧﻲ ﺍﺗﻌﺎﻣﻞ ﻭﻳﺔ ﺍﻟﻨﺎﺱ ﺑﺄﺷﻜﺎﻟﻬﺎ ﻭﺍﻓﻌﺎﻟﻬﺎ ﻭﺍﺧﻼﻗﻬﺎ ﻣﺎﺍﻣﺸﻲ ﺑﺎﻟﻤﻘﻮﻟﺔ ﺍﻟﻲ ﺗﮕﻮﻝ ﻋﺎﻣﻞ ﺍﻟﻨﺎﺱ ﺑﺄﺧﻼﻗﻚ ﻷﻥ ﺻﺎﺭﺕ ﻣﺘﻨﻔﻊ ﺣﺎﻟﻴﺎ ﺍﻟﻤﻘﻮﻟﺔ ﺍﻟﻲ ﻋﻨﺪﻱ ﺗﮕﻮﻝ ﻋﺎﻣﻞ ﺍﻟﻨﺎﺱ ﺑﺄﺧﻼﻗﻬﻢ ﺻﺎﺭﺕ ﺗﻐﻠﻂ ﻭﺗﺘﺠﺎﻭﺯ ﺑﺎﻟﻜﻼﻡ ﻭﺍﻧﻲ ﺍﺿﺤﻚ ﺑﺴﻬﻮﻟﺔ ﮔﺪﺭﺕ ﺍﺳﺘﻔﺰﻫﺎ ﻳﻠﻠﻪ ﺣﺒﻲ ﻻﺯﻡ ﺍﺭﻭﺡ ﺿﻴﻌﺖ ﻫﻮﺍﻱ ﻣﻦ ﻭﻗﺘﻲ ﻭﻳﺎﺝ ﺑﺎﺍﺍﻱ ﺍﻧﻄﻴﺘﻬﺎ ﺣﻀﺮ ﻭﻃﻠﻌﺖ ﻣﻨﻬﺎ * * * * * ﻳﺘﺘﺘﺘﺘﺘﺒﻊ ﺗﺤﻴﺎﺗﻲ ﺯﻫﺮﺍﺀ ﺃﻣﺠﺪ | ||||
|  |
|
14-12-19, 03:45 PM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #ﻋﻠﻰ_ﺟﺮﻑ_ﺍﻟﺬﻛﺮﻳﺎﺕ ﺑﻘﻠﻢ ﺯﻫﺮﺍﺀ ﺃﻣﺠﺪ #ﺍﻟﺤﻠﻘﻪ ٣٠ﻭﺍﻻﺧﻴﺮررﻩ ﻳﻠﻠﻪ ﺣﺒﻲ ﻻﺯﻡ ﺍﺭﻭﺡ ﺿﻴﻌﺖ ﻫﻮﺍﻱ ﻣﻦ ﻭﻗﺘﻲ ﻭﻳﺎﺝ ﺑﺎﺍﺍﻱ ﺍﻧﻄﻴﺘﻬﺎ ﺣﻀﺮ ﻭﻃﻠﻌﺖ ﻣﻨﻬﺎ ﺩﺧﻠﺖ ﻟﻠﻮﺍﺗﺲ ﺍﺗﺼﻠﺖ ﻉ ﺻﺪﻳﻘﺔ ﺗﻌﺮﻓﺖ ﻋﻠﻴﻬﺎ ﺑﺎﻟﻮﺍﺗﺒﺎﺩ ﺻﺮﻧﻪ ﻣﺜﻞ ﺍﻟﺨﻮﺍﺕ ﻫﻲ ﻣﻦ ﺍﻟﻨﺠﻒ ﻭﺍﻧﻲ ﻣﻦ ﺑﻐﺪﺍﺩ ﻭﻛﻞ ﻣﺎ ﺗﺠﻲ ﻟﺒﻐﺪﺍﺩ ﻧﺘﺸﺎﻭﻑ ﻭﺍﻧﻲ ﻫﻢ 3 ﻣﺮﺍﺕ ﺭﺣﺘﻠﻬﺎ ﻟﻠﻨﺠﻒ ﺍﺗﺼﻠﺖ ﻋﻠﻴﻬﺎ ﻭﮔﻌﺪﺕ ﺍﺣﺠﻲ ﻭﻳﺎﻫﺎ ﻭﺍﺑﺠﻲ ﺻﺎﺭﺕ ﻫﻲ ﻣﻨﻔﺬﻱ ﺍﻟﻮﺣﻴﺪ ﻣﻦ ﺍﺣﺲ ﻧﻔﺴﻲ ﺍﺧﺘﻨﮕﺖ ﺍﺗﺼﻞ ﻋﻠﻴﻬﺎ ﺗﮕﻌﺪ ﺗﺸﺠﻌﻨﻲ ﻭﺗﻮﺍﺳﻴﻨﻲ ﻭﻣﺮﺍﺕ ﺗﻀﻞ ﺗﺤﺸﺶ ﻋﻠﻴﻪ ﻭﻣﺘﻨﻬﻲ ﺍﻟﻤﻜﺎﻟﻤﺔ ﺍﻟﻪ ﺗﻀﺤﻜﻨﻲ ﻭﺗﻄﻤﺄﻥ ﻋﻠﻴﻪ ﺻﺮﺕ ﺗﻤﺎﻡ ﻳﻠﻠﻪ ﺗﺴﺪﻩ ﻣﺸﺖ ﺍﻷﻳﺎﻡ ﺑﺴﺮﻋﻪ ﻭﺧﺎﺑﺮ ﻣﺼﻄﻔﻰ ﻉ ﺍﻣﻲ ﻭﻋﺰﻣﻬﺎ ﻉ ﻋﺮﺳﺔ ﻭﺗﻮﺳﻞ ﺑﻴﻬﺎ ﻭﺣﻠﻔﻬﺎ ﺑﻐﻼﺓ ﺧﺎﻟﺘﻲ ﺗﺤﻀﺮ ﻭﺳﻴﻒ ﻭﻧﻔﺲ ﺍﻟﺸﻲ ﻣﻦ ﻋﺰﻡ ﺍﻣﻲ ﻭﺳﻴﻒ ﺿﻠﻮ ﻣﺜﻼ ﺑﻼﻉ ﺍﻟﻤﻮﺱ ﻻﻳﮕﺪﺭ ﻳﺒﻠﻌﻪ ﻭﻻ ﻳﮕﺪﺭ ﻳﻄﻠﻌﻪ ﮔﺎﻋﺪﻳﻦ ﻳﻮﻡ ﺍﻷﺣﺪ ﺑﺎﻟﻠﻴﻞ ﻭﮔﺎﻝ ﺳﻴﻒ ﺷﻠﻮﻥ ﺍﻧﻲ ﻫﺴﺔ ﺻﺎﻳﺮ ﺑﻴﻦ ﻧﺎﺭﻳﻦ ﺍﺭﻳﺪ ﺍﺣﻀﺮ ﻭﺍﺳﻜﺖ ﺷﻜﻮ ﻭﺍﺣﺪ ﻳﮕﻮﻝ ﺯﻋﻼﻥ ﻉ ﺍﺧﺘﻪ ﻭﻣﺤﻀﺮ ﻭﻣﺎﺍﺭﻳﺪ ﺍﺣﻀﺮ ﺻﻌﺒﺔ ﻭﻳﻦ ﺍﺗﺮﻙ ﺯﻭﺯﺓ ﻫﻨﺎ ﺑﺎﻭﻋﺘﻠﻪ ﻭﮔﺘﻠﻪ ﻟﻴﺶ ﺍﻧﺖ ﻣﻨﻮ ﮔﺎﻟﻚ ﺍﻧﻲ ﻣﺎﺍﺭﻭﺡ ﺷﻨﻮﻭ ﺷﻨﻮ ﺗﺮﻭﺣﻴﻦ ﻭﻳﻦ ﺗﺮﻭﺣﻴﻦ ﻟﻠﻌﺮﺱ ﻭﻳﻦ ﻳﻌﻨﻲ ﺍﻧﺘﻲ ﻣﺨﺒﻠﺔ ﻭﻳﻦ ﺗﺮﺩﻳﻦ ﺗﻮﻟﻴﻦ ﻋﻔﻴﺔ ﺳﻴﻒ ﻣﺎﺍﺭﻳﺪﻙ ﺗﻌﺘﺮﺽ ﺍﺭﻳﺪ ﺍﺭﻭﺡ ﻫﻴﺞ ﻋﻨﺎﺩ ﺑﻴﻬﺎ ﻭﺑﻲ ﺣﺒﺎﺏ ﺍﻟﻠﻪ ﻳﺨﻠﻴﻚ ﺍﺭﻳﺪ ﺍﺭﻭﺡ ﺑﺎﻭﻋﻠﻲ ﺻﻔﻦ ﻭﺳﻜﺖ ﻣﺤﺠﺔ ﻏﻴﺮ ﺍﻟﻤﻮﺿﻮﻉ ﻭﺑﻌﺪﻫﺎ ﻗﺒﻞ ﻟﻨﮕﻮﻡ ﻧﻨﺎﻡ ﮔﺎﻝ ﻟﻌﺪ ﺗﺤﻀﺮﻥ ﺍﻧﺘﻲ ﻭﻧﻮﺭ ﺑﺎﺟﺮ ﺍﻟﺼﺒﺢ ﺍﺧﺬﺟﻦ ﻟﻠﺴﻮﮒ ﺍﺷﺘﺮﻥ ﻣﻼﺑﺲ ﺍﺫﺍ ﺗﺮﺣﻴﻦ ﻫﺰﻳﺖ ﺭﺍﺳﻲ ﺑﺄﻱ ﻭﺷﻠﺖ ﻣﺮﺗﻀﻰ ﺟﺎﻥ ﻧﺎﻳﻢ ﺑﺤﻀﻦ ﺳﻴﻒ ﻭﺻﻌﺪﻧﺎ ﺣﻄﻴﺘﻪ ﺑﻤﻜﺎﻧﻪ ﻭﺟﻴﺖ ﮔﻌﺪﺕ ﻭﻧﻮﺭ ﮔﺎﻋﺪﺓ ﻭﺗﺒﺎﻭﻉ ﻋﻠﻴﻪ ﺷﻠﻮﻥ ﺍﺗﺤﺮﻙ ﺑﺎﻟﻐﺮﻓﺔ ﺑﻌﺪﻳﻦ ﮔﺎﻟﺖ ﻫﺎﻱ ﺷﻠﻮﻥ ﺭﺍﺡ ﺗﺘﺤﻤﻠﻴﻦ ﺛﻼﺙ ﺍﻳﺎﻡ ﻭﻧﺺ ﮔﺎﻋﺪﺓ ﻫﻨﺎﻙ ﺟﻨﺖ ﻭﺍﻛﻔﺔ ﻉ ﺍﻟﻤﺮﺍﻳﺔ ﺍﺧﻠﻲ ﻣﺮﻃﺐ ﻟﻮﺟﻬﻲ ﻏﻤﻀﺖ ﻋﻴﻮﻧﻲ ﻭﺍﻟﻌﺒﺮﺓ ﻛﺎﺳﺮﺓ ﺿﻠﻮﻉ ﺻﺪﺭﻱ ﺑﺲ ﺍﺭﻳﺪ ﺍﺑﺠﻲ ﺗﻤﺎﻟﻜﺖ ﻧﻔﺴﻲ ﻭﮔﺘﻠﻬﺎ ﺍﺗﺤﻤﻞ ﺷﻨﻮ ﻳﻌﻨﻲ ﺍﻟﺨﻠﻖ ﻣﺼﻄﻔﻰ ﻣﺨﻠﻖ ﻏﻴﺮﺓ ﺯﻭﺯﺓ ﮔﻀﻴﺘﻲ ﻋﻤﺮﺝ ﻛﻠﻪ ﺗﺸﻴﻠﻦ ﻫﻢ ﻭﻣﺴﺆﺅﻟﻴﺎﺕ ﺍﻛﺒﺮ ﻣﻦ ﻃﺎﻗﺘﺞ ﺍﻭﻭﻭﻑ ﻛﻞ ﺍﻟﺴﺒﺐ ﻣﻦ ﺍﻣﻲ ﻭﺳﻴﻒ ﻭﻋﻤﻲ ﻫﻢ ﺍﻟﻲ ﺭﺣﺒﻮ ﺑﻔﻜﺮﺓ ﺍﻟﺰﻭﺍﺝ ﻭﻗﻨﻌﻮﺝ ﮔﺘﻠﻬﺎ ﻭﺍﻧﻲ ﺍﻣﺸﻲ ﻟﻠﺴﺮﻳﺮ ﺍﻭﻭﻭﻑ ﺍﻟﺤﻤﺪﻟﻠﻪ ﻉ ﻛﻞ ﺣﺎﻝ ﺍﻟﻠﻪ ﻧﻘﺬﻧﻲ ﻣﻦ ﻭﺭﻃﺔ ﺟﺒﻴﺮﺓ ﻷﻥ ﺍﻟﻈﺎﻫﺮ ﻣﺼﻄﻔﻰ ﻟﻮ ﺷﻴﺴﻮﻱ ﻣﺎﻟﻪ ﺣﺠﺎﻳﺔ ﻭﻳﺔ ﻋﻤﺎﻣﻪ ﻭﺧﺎﻟﺘﻲ ﻭﺭﺍﺡ ﻳﻀﻞ ﻣﺎﺷﻲ ﺑﺸﻮﺭﻫﻢ ﺳﻜﺘﻨﺎ ﻭﻛﻞ ﻭﺣﺪﺓ ﻟﺰﻣﺖ ﺟﻬﺎﺯﻫﺎ ﻭﮔﻌﺪﻧﺎ ﻧﺘﺼﻔﺢ ﻧﻮﺭ ﻧﺎﻣﺖ ﻭﺍﻧﻲ ﺿﻠﻴﺖ ﺳﻬﺮﺍﻧﻪ ﺍﻓﻜﺮ ﺷﻠﻮﻥ ﺭﺍﺡ ﺍﺑﻘﺔ ﺻﺎﻣﺪﺓ ﻭﻗﻮﻳﺔ ﮔﺪﺍﻣﻬﻢ ﻟﻤﺎ ﻳﺨﻠﺺ ﺍﻟﻌﺮﺱ ﻭﺷﻤﻨﺘﻀﺮﻧﻲ ﻫﻨﺎﻙ ﻳﺎﺗﺮﻯ ﺑﺲ ﺍﻟﻠﻪ ﺍﻟﻴﻌﻠﻢ ﺻﺎﺭ ﺍﻟﺼﺒﺢ ﻭﮔﻌﺪﺕ ﻣﺘﻜﺴﺮﺓ ﻷﻥ ﻧﻮﻣﺘﻲ ﺟﺎﻧﺖ ﻗﻠﻘﺔ ﻛﻠﺸﺶ ﮔﻤﺖ ﻏﺴﻠﺖ ﻭﺍﺟﻴﺖ ﻳﻢ ﻧﻮﺭ ﺍﮔﻌﺪ ﺑﻴﻬﺎ ﻧﺪﮔﺖ ﺍﻟﺒﺎﺏ ﻭﺻﺎﺡ ﺳﻴﻒ ﻳﻠﻠﻪ ﺯﻭﺯﺓ ﺣﺘﻰ ﺍﺭﺟﻊ ﻟﺸﻐﻠﻲ ﺍﻱ ﺍﻱ ﻳﻠﻠﻪ ﻫﺴﺔ ﮔﻌﺪﺕ ﻧﻮﺭ ﺑﺪﻟﻨﺎ ﻭﻧﺰﻟﻨﺎ ﻟﮕﻴﻨﺎﻩ ﻳﻨﺘﻀﺮﻧﺎ ﺑﺎﻟﺴﻴﺎﺭﺓ ﺻﻌﺪﺕ ﻧﻮﺭ ﻳﻤﻪ ﻭﺍﻧﻲ ﻭﺭﺓ ﻓﺮﻧﺎ ﺍﻟﺴﻮﮒ ﻛﻠﻪ ﺣﺘﻰ ﻣﺤﻼﺕ ﺍﺻﺪﻗﺎﺋﺔ ﺍﻣﺸﻲ ﻧﺸﻮﻑ ﺑﻴﻬﺎ ﺍﺷﻴﺎﺀ ﺣﻠﻮﺓ ﺍﺧﺬﻟﻨﺎ ﻛﻞ ﻭﺣﺪﺓ ﻟﺒﺴﺘﻴﻦ ﻟﺒﺴﺔ ﻟﻠﺤﻨﻪ ﻭﻟﺒﺴﺔ ﻟﻠﻌﺮﺱ ﻭﺍﺧﺬﻧﺎ ﺍﻷﺣﺬﻳﺔ ﻭﺍﻟﺠﻨﻂ ﻭﺍﻷﻛﺴﺴﻮﺍﺭﺍﺕ ﻫﻢ ﻃﺒﻌﺎ ﻫﻮ ﺳﻴﻒ ﻣﻴﻨﻄﻠﻊ ﻭﻳﺎﻩ ﺍﺑﺪ ﻷﻥ ﻳﻤﺸﻲ ﻭﻳﻨﻔﺦ ﻧﺎﺭ ﻉ ﺍﻟﻌﺎﻟﻢ ﻣﻦ ﻏﻴﺮﺗﻪ ﻋﻠﻴﻨﺎ ﻟﻴﮕﻮﻝ ﺑﺲ ﺍﺣﻨﻪ ﺑﺎﻟﺸﺎﺭﻉ ﻧﻤﺸﻲ ﺑﺲ ﺑﻬﺬﻩ ﺍﻟﻄﻠﻌﻪ ﻛﺎﻥ ﻣﺨﺘﻠﻒ ﻳﻤﺸﻲ ﻭﻻﺯﻡ ﺍﻳﺪﻱ ﻭﻧﻮﺭ ﻣﻦ ﺟﻬﺘﻪ ﺍﻟﺜﺎﻧﻴﺔ ﻭﻛﻞ ﺷﻮﻳﺔ ﻳﮕﻮﻝ ﺍﻣﺎﻧﻪ ﺷﻴﻌﺠﺒﺞ ﮔﻮﻟﻲ ﺣﺘﻰ ﺍﺫﺍ ﺷﻲ ﺧﺎﺭﺝ ﺍﻃﺎﺭ ﺍﻟﻤﻼﺑﺲ ﻭﺍﻟﺤﻔﻠﺔ ﻭﮔﻔﻨﺎ ﻳﻢ ﻣﺤﻞ ﻣﺎﻝ ﻓﺴﺎﺗﻴﻦ ﻳﻠﻠﻪ ﺩﺧﻠﻮ ﺷﻮﻓﻮ ﺷﻨﻮ ﺍﻟﻴﻌﺠﺒﻜﻢ ﻭﺍﻧﻲ ﻫﻨﺎ ﻭﺍﮔﻒ ﺩﺧﻠﻨﺎ ﺍﻧﻲ ﻭﻧﻮﺭ ﻋﺠﺒﻬﺎ ﻭﺍﺣﺪ ﻭﻃﻠﻌﺖ ﺍﺻﻴﺢ ﺳﻴﻒ ﺗﺎﺧﺬ ﺭﺃﻳﻪ ﻃﻠﻌﺖ ﻣﻠﮕﻴﺘﻪ ﺑﺎﻭﻋﺖ ﻣﻨﺎ ﻣﻨﺎ ﻣﺎﻛﻮ ﻣﺸﻴﺖ ﻟﻴﮕﺪﺍﻡ ﻛﺎﻥ ﺍﻛﻮ ﻣﺤﻞ ﻣﺎﻝ ﻫﺪﺍﻳﺔ ﻟﻤﺤﺖ ﻇﻬﺮﺓ ﺩﺍﺧﻞ ﺍﻟﻤﺤﻞ ﺭﺩﺕ ﺍﺩﺧﻞ ﺑﺲ ﺑﻌﺪﻳﻦ ﮔﻠﺖ ﻻ ﺍﺭﺟﻊ ﻭﺍﻧﺘﻀﺮﺓ ﻳﺨﻠﺺ ﻭﻳﺠﻲ ﺭﺟﻌﺖ ﻳﻢ ﻧﻮﺭ ﻭﻫﻮ ﺛﻮﺍﻧﻲ ﻭﺍﺟﻪ ﺷﻔﺖ ﺑﺄﻳﺪﺓ 3 ﻋﻼﻟﻴﮓ ﺍﻧﻄﺎﻧﻲ ﻭﺣﺪﺓ ﻫﺎﻱ ﺷﻨﻮ ﻓﺘﺤﺘﻬﺎ ﻛﺎﻥ ﺩﺏ ﻟﻮﻥ ﻭﺭﺩﻱ ﻭﺣﺎﺿﻦ ﮔﻠﺐ ﺍﺳﻮﺩ ﻣﺮﺳﻮﻡ ﻋﻠﻴﻪ ﺣﺮﻓﻲ ﻋﺠﺒﻨﻲ ﻭﺍﺩﺭﻱ ﺑﻴﺞ ﻃﻔﻠﺔ ﺗﻤﻮﺗﻴﻦ ﻉ ﻫﻴﺞ ﺳﻮﺍﻟﻒ ﻭﻳﺎﻩ ﻋﻠﺒﻪ ﺑﻴﻬﺎ ﺳﻮﺍﺭ ﻧﺎﻋﻢ ﻛﻠﺸﺶ ﺣﻠﻮ ﻟﻨﻮﺭ ﻭﺍﻟﻌﻼﮔﺘﻴﻦ ﺍﻟﺜﺎﻧﻴﺔ ﻭﺣﺪﺓ ﻫﺪﻳﺔ ﻣﺼﻄﻔﻰ ﻭﺍﻟﺜﺎﻧﻴﺔ ﻣﺎﺍﻋﺮﻑ ﺃﻟﻤﻦ ﺧﻠﺼﻨﺎ ﻭﻃﻠﻌﻨﻪ ﮔﻌﺪﻧﺎ ﺑﻤﻜﺎﻥ ﺧﺎﺹ ﺑﺎﻟﻤﺮﻃﺒﺎﺕ ﻋﺼﺎﻳﺮ ﻭﺍﻳﺲ ﻛﺮﻳﻢ ﻭﻛﻴﻚ ﺑﺎﺭﺩ ﺍﺧﺬﻟﻨﺎ ﻣﻮﻃﺔ ﺍﻛﻠﻨﺎ ﻭﺭﺟﻌﻨﺎ ﻟﻠﺒﻴﺖ ﺩﺧﻠﺖ ﺍﻟﻌﻼﻟﻴﮓ ﻟﮕﻴﺖ ﺍﻣﻲ ﺗﻮﻫﺎ ﮔﺎﻋﺪﺓ ﻫﻲ ﻭﺭﺿﺎﻭﻱ ﻳﺘﺮﻳﮕﻮﻥ ﺳﻠﻤﺖ ﻋﻠﻴﻬﻢ ﻭﺩﺧﻠﺖ ﺍﻟﻐﺮﺍﺽ ﻟﻐﺮﻓﺔ ﺍﻣﻲ ﺑﺪﻟﺖ ﻭﻃﻠﻌﺖ ﻏﺴﻠﺖ ﻭﺑﺪﻳﺖ ﺍﺳﻮﻱ ﺑﻠﻐﺪﺓ ﺳﻴﻒ ﺭﺍﺡ ﻟﺸﻐﻠﺔ ﻭﻧﻮﺭ ﺭﺟﻌﺖ ﻧﺎﻣﺖ ﺿﻠﻴﻨﺎ ﺑﺲ ﺍﻧﻲ ﻭﺍﻣﻲ ﮔﺎﻋﺪﺓ ﻉ ﺍﻟﺘﻠﻔﺰﻳﻮﻥ ﻭﺍﻧﻲ ﻣﺘﻤﺪﺩﺓ ﻉ ﺍﻟﻘﻨﻔﺔ ﻭﺑﺤﻀﻨﻲ ﻣﺮﺗﻀﻰ ﺩﺍﺗﺼﻔﺢ ﺑﺎﻟﻔﻴﺲ...بيج قصص عراقيه حقيقيه من واقعنا.روعه الطائي ﺍﺟﺎﻧﻲ ﺍﺷﻌﺎﺭ ﻣﻦ ﺻﻔﺤﺔ ﻣﺼﻄﻔﻰ ﺍﺧﺬﻧﻲ ﺍﻟﻔﻀﻮﻝ ﻭﺭﺣﺖ ﺍﺑﺎﻭﻉ ﻟﻤﻨﺸﻮﺭﺍﺗﻪ ﻣﻦ ﺗﺎﺭﻳﺦ ﺍﻧﻔﺼﺎﻟﻨﺎ ﻣﻨﺸﻮﺭﺍﺗﻪ ﻛﻠﻬﺎ ﺣﺰﻳﻦ ﻧﺪﻡ ﻭﺣﺴﺎﻓﺔ ﻭﻣﺮﺍﺕ ﻋﺘﺎﺏ ﻉ ﺍﻟﺰﻣﻦ ﻭﻣﻨﺸﻮﺭ ﻣﻌﺎﺗﺒﻨﻲ ﺑﺸﻌﺮ ﻭﻛﺎﺗﺐ ﻣﻘﺼﻮﺩﺓ ﻭﺍﺧﺮ ﻣﻨﺸﻮﺭﺗﺎﻩ ﺑﻴﻮﻡ ﺍﻟﻤﻬﺮ ﻧﺎﺷﺮ ﺗﻢ ﻋﻘﺪ ﺍﻟﻘﺮﺍﻥ ﻭﺣﺎﻁ ﺻﻮﺭﺓ ﻭﻣﺸﺎﺭﻛﻬﺎ ﻭﻳﺔ ﺻﻔﺤﺔ ﻟﺠﻴﻦ ﻭﺟﻤﺎﻋﺘﻪ ﻛﻠﻬﻢ ﻣﺒﺎﺭﻛﻴﻠﺔ ﻭﺷﻘﺔ ﻭﺿﺤﻚ ﻭﺳﻮﺍﻟﻔﻬﻢ ﺑﺎﻟﺘﻌﻠﻴﻘﺎﺕ ﺑﻌﺪﻧﻲ ﺍﺗﺼﻔﺢ ﺑﺎﻟﻤﻨﺸﻮﺭﺍﺕ ﻭﻭﺻﻠﻨﻲ ﻣﺴﺞ ﻣﻦ ﻣﻨﺘﻬﻰ ﮔﻌﺪﺕ ﺍﺗﺮﺍﺳﻞ ﻭﻳﺎﻫﺎ ﻋﻔﻴﺔ ﺯﻭﺯﺓ ﺗﻌﺎﻟﻮ ﻣﻦ ﻭﻛﺖ ﻣﺤﺘﺎﺟﺖ ﻫﻨﺎ ﺣﻴﻞ ﻣﺨﺒﻮﺻﺔ ﺑﺎﻟﺘﺠﻬﻴﺰﺍﺕ ﻭﺍﺭﻳﺪﺝ ﻭﻳﺎﻱ ﻏﻤﻀﺖ ﻋﻴﻮﻧﻲ ﺍﻟﻈﺎﻫﺮ ﻣﻨﺘﻬﻰ ﻓﺮﺣﺘﻬﺎ ﺑﺄﺧﻮﻫﺎ ﻭﻋﺮﺱ ﺍﺧﻮﻫﺎ ﻧﺴﺘﻬﺎ ﺍﻧﻲ ﻣﻨﻮ ﻭﺷﻨﻮ ﻛﻨﺖ ﻗﺒﻞ ﺍﺳﺒﻮﻋﻴﻦ ﮔﺎﻋﺪﻩ ﺗﻄﻠﺐ ﻣﻨﻲ ﺑﻜﻞ ﺣﻤﺎﺱ ﻭﺭﺍﺣﺔ ﻭﺍﻟﻔﺮﺣﺔ ﺗﺎﺭﺳﺔ ﺻﻮﺗﻬﺎ ﻭﺗﮕﻮﻝ ﻣﺤﺘﺎﺟﺘﺞ ﺗﻀﺒﻄﻴﻦ ﻭﻳﺎﻱ ﺍﻣﻮﺭ ﺍﻟﻌﺮﺱ ﻭﻧﺎﺳﻴﺔ ﺍﻧﻲ ﺟﻨﺖ ﺑﻴﻮﻡ ﻣﻦ ﺍﻷﻳﺎﻡ ﺧﻄﻴﺒﺘﻪ ﻭﺣﺒﻴﺒﺘﻪ ﺑﻌﺪ ﻣﻄﻠﺒﺖ ﻣﻨﻲ ﻫﻮﺍﺍﻱ ﺍﻣﻮﺭ ﺧﺎﺻﺔ ﺑﺤﻔﻠﺘﻬﻢ ﺍﺗﺬﻛﺮﺕ ﻫﻲ ﻭﻳﺎﻣﻦ ﺩﺗﺤﺠﻲ ﻭﮔﻌﺪﺕ ﺗﺘﻌﺬﺭ ﻭﺗﺘﺄﺳﻒ ﺧﻠﺼﺖ ﻭﻳﺎﻫﺎ ﻭﻭﺻﻴﺖ ﺍﻣﻲ ﺣﺘﻰ ﺗﻄﻠﻊ ﺍﻟﻌﺼﺮ ﺗﺠﻴﺐ ﺍﻟﻨﻮﺍﻗﺺ ﺍﻟﻲ ﻣﺤﺘﺎﺟﺘﻬﺎ ﺑﺸﻐﻞ ﺍﻟﺤﻨﻪ ﻷﻥ ﻣﻤﺴﻮﻳﻦ ﺻﻴﻨﻴﺔ ﻟﻠﻌﺮﻳﺲ ﻭﺧﺎﺑﺮﺕ ﺗﺘﻮﺳﻠﻨﻲ ﺍﺳﻮﻳﻠﻬﺎ ﺻﻴﻨﻴﻪ ﺑﺎﺟﺮ ﻣﻦ ﺍﺭﻭﺣﻠﻬﻢ ﺻﺎﺭ ﺍﻟﻌﺼﺮ ﻭﺍﻧﺨﺒﺼﺖ ﺑﺘﺤﻀﻴﺮ ﺟﻨﻄﻨﺎ ﻭﺍﺣﺘﻴﺎﺟﺎﺗﻨﺎ ﻷﻥ ﻧﻄﻠﻊ ﻣﻦ ﺍﻟـ 5:00 ﺍﻟﺼﺒﺢ ﺑﻌﺪ ﻣﺨﻠﺼﺖ ﻣﻦ ﻫﻮﺳﺔ ﺍﻟﺘﺤﻀﻴﺮ ﻭﺍﻟﻌﺸﺎ ﻭﺗﻨﻀﻴﻒ ﺍﻟﺒﻴﺖ ﺳﺒﺤﺖ ﻭﺻﻌﺪﺕ ﻟﻐﺮﻓﺘﻲ ﺣﺎﻭﻟﺖ ﺍﻧﺎﻡ ﻣﮕﺪﺭﺕ ﺿﻠﻴﺖ ﺑﻔﺮﺍﺷﻲ ﻣﺘﻤﺪﺩﺓ ﻭﺻﺎﻓﻨﻪ ﻭﻣﺤﺴﻴﺖ ﻏﻴﺮ ﺩﮒ ﺍﻟﻤﻨﺒﻪ ﺍﻟﺴﺎﻋﺔ 4:00 ﮔﻤﺰﺕ ﺍﻭﻭﻑ ﻫﺬﺍ ﺍﻟﻮﻗﺖ ﻛﻠﺔ ﺑﺲ ﺻﺎﻓﻨﻪ ﻭﻋﻴﻮﻧﻲ ﺗﺤﺮﮔﻨﻲ ﻻﮔﺪﺭﺕ ﺍﺑﺠﻲ ﻭﺍﺭﺗﺎﺡ ﻭﻻﮔﺪﺭﺕ ﺍﻧﺎﻡ ﻭﺍﺭﻳﺢ ﺩﻣﺎﻏﻲ ﻭﻋﻴﻮﻧﻲ ﮔﻤﺖ ﺫﺑﻴﺖ ﻣﺎﻱ ﻉ ﻭﺟﻬﻲ ﻭﮔﻌﺪﺕ ﻧﻮﺭ ﻭﺑﻠﺸﻨﺎ ﻧﺒﺪﻝ ﺧﻠﺼﻨﺎ ﻭﻧﺰﻟﻨﺎ ﺭﺿﺎﻭﻱ ﻣﺒﺪﻟﺘﻠﻪ ﻷﻥ ﻧﺎﻳﻢ ﺧﻠﻴﺘﻪ ﺑﻤﻼﺑﺴﺔ ﻫﻨﺎﻙ ﺍﺑﺪﻟﻪ ﺻﻌﺪ ﺳﻴﻒ ﺍﻟﺠﻨﻂ ﺑﺎﻟﺴﻴﺎﺭﺓ ﻭﺻﻌﺪﻧﻪ ﺍﻟﻄﺮﻳﻖ ﻛﻠﻪ ﺍﻧﻲ ﻣﻐﻤﻀﺔ ﻭﺭﺍﺳﻲ ﻉ ﺍﻟﺠﺎﻡ ﺑﺲ ﺭﺩﺕ ﺍﻏﻔﺔ ﺷﻮﻳﺔ ﻋﻠﻤﺎ ﻧﻮﺻﻞ ﻣﻐﻔﻴﺖ ﻭﺻﻠﻨﺎ ﻫﻨﺎﻙ ﺳﺎﻋﻪ 8:00 ﻧﺰﻟﺖ ﺗﻠﮕﻨﻲ ﺍﻟﺒﻨﺎﺕ ﺑﻠﻬﻔﺔ ﻭﺑﺪﻳﺖ ﺍﺗﻨﻘﻞ ﺑﺎﻟﺴﻼﻡ ﻣﻦ ﺣﻀﻦ ﻟﺤﻀﻦ ﻛﺎﻧﻮ ﻣﺠﻤﻮﻋﻴﻦ ﻋﻤﺎﺗﻪ ﻭﻧﺴﻮﺍﻥ ﻋﻤﺎﻣﻪ ﻭﺑﻨﺎﺕ ﻋﻤﺎﻣﻪ ﻭﺑﻨﺎﺕ ﻋﻤﺎﺗﻪ ﻭﺻﻠﺖ ﻟﺨﺎﻟﺘﻲ ﮔﺎﻣﺖ ﺗﺒﺠﻲ ﺑﺴﺖ ﺭﺍﺳﻬﺎ ﻭﺩﺧﻠﺖ ﻛﻠﺸﻲ ﻣﺤﺠﻴﺖ ﻭﻳﺎﻫﺎ ﺩﺧﻠﺖ ﻟﻠﺒﻴﺖ ﺍﺣﺲ ﺭﻭﺣﻲ ﺍﻧﻘﺒﻀﺖ ﻭﺍﻟﺪﻣﻮﻉ ﺗﺠﻤﻌﺖ ﺑﻌﻴﻨﻲ ﺍﺻﻮﺍﺕ ﺿﺤﻜﻨﺎ ﻭﺳﻮﺍﻟﻔﻨﺎ ﻛﻠﻬﺎ ﺻﺎﺭﺕ ﺑﺮﺍﺳﻲ ﺣﺴﻴﺖ ﻉ ﺍﻳﺪ ﻉ ﺟﺘﻔﻲ ﺑﺎﻭﻋﺖ ﺣﻮﺭ ﺍﺑﺘﺴﻤﺖ ﺍﻟﻬﺎ ﻭﮔﺘﻠﻬﺎ ﺗﻌﺎﻟﻲ ﺍﺫﺏ ﻣﺮﺗﻀﻰ ﺑﺎﻟﻐﺮﻓﺔ ﻗﺒﻞ ﻟﻴﮕﻌﺪ ﺭﺣﺖ ﺫﺑﻴﺘﻪ ﻭﺍﻧﻲ ﺍﻣﺸﻲ ﻭﺍﺩﺍﺭﻱ ﺑﺪﻣﻮﻋﻲ ﻭﺍﺗﻮﺳﻠﻬﺎ ﻣﺘﻨﺰﻝ ﻣﺎﺍﺭﻳﺪ ﺍﺷﻮﻑ ﺍﻟﺸﻔﻘﺔ ﺑﻌﻴﻮﻥ ﺍﺣﺪ ﻭﻻ ﺍﺭﻳﺪ ﺍﺳﻤﻊ ﻛﻠﻤﻪ ﺧﻄﻴﺔ ﻣﻦ ﺍﺣﺪ ﺩﺧﻠﺖ ﻣﻨﺘﻬﻰ ﻭﮔﺎﻟﺖ ﻋﻔﻴﺔ ﺯﻭﺯﺓ ﺟﺒﺘﻲ ﺍﻟﺸﻐﻼﺕ ﺍﻟﻮﺻﻴﺘﺞ ﻋﻠﻴﻬﺎ ﺣﺘﻰ ﺗﺴﻮﻳﻦ ﺍﻟﺼﻴﻨﻴﻪ ﺍﻱ ﺣﺒﻲ ﺟﺒﺘﻬﺎ ﻭﺟﺒﺖ ﺍﻟﺮﺍﻡ ﺑﻘﺖ ﻋﻠﻴﺞ ﺍﻟﻤﻀﺨﻢ ﺍﻧﺘﻲ ﺗﺪﺯﻳﻦ ﻋﻠﻴﻪ ﻭﻛﺎﻣﺮﺗﻲ ﻫﻢ ﺟﺒﺘﻬﺎ ﻭﺟﺒﺖ ﺍﻟﺤﻨﻪ ﻭﺍﻟﺸﻤﻮﻉ ﻭﺍﻟﻮﺭﺩ ﻭﺍﻟﺒﺨﻮﺭ ﻭﺍﻟﺠﮕﻠﻴﺖ ﺍﻋﺪﺩ ﻭﻭﻳﺔ ﻛﻞ ﺷﻐﻠﻪ ﮔﻠﺒﻲ ﻳﻨﺘﻔﻆ ﻧﻔﻆ ﻭﺍﻟﻮﺟﻊ ﺍﻟﻲ ﺑﻲ ﻳﺬﺑﺢ ﺑﺲ ﺍﮔﻮﻝ ﺗﻬﻮﻥ ﺭﺑﻲ ﻳﻌﻮﺿﻨﻲ ﺑﺎﻷﺣﺴﻦ ﺣﺠﻴﺖ ﺩﺍﺍﻛﻤﻞ ﺗﻌﺪﺍﺩ ﺑﺎﻟﺸﻐﻼﺕ ﻭﻣﻨﺘﻬﻰ ﺗﺸﻮﻑ ﺍﺧﺎﻑ ﺍﻛﻮ ﻧﻘﺺ ﻋﺎﻃﺖ ﺣﻮﺭ ﻛﺎﺍﺍﻓﻲ ﺍﻧﺪﺭﻧﺎ ﻋﻠﻴﻬﺎ ﺑﺎﻭﻋﺘﻠﻬﺎ ﻧﺰﻟﺖ ﺩﻣﻮﻋﻬﺎ ﻭﮔﺎﻟﺖ ﻋﻠﻴﺞ ﺍﻟﻠﻪ ﺯﻭﺯﺓ ﻛﺎﺍﻓﻲ ﻛﺮﻫﺘﻴﻨﻲ ﺑﻨﻔﺴﻲ ﻭﺑﻤﺼﻄﻔﻰ ﻭﺑﺄﻫﻠﻲ ﻭﻋﻤﺎﻣﻲ ﻛﻠﻬﻢ ﺍﻟﻠﻪ ﻻﻳﻮﻓﻘﻬﻢ ﻫﻢ ﺍﻟﺴﺒﺐ ﺑﻜﻠﺸﻲ ﺍﺑﺘﺴﻤﺖ ﻭﮔﺘﻠﻬﺎ ﺣﻮﺭ ﻣﺎﻟﻪ ﺩﺍﻋﻲ ﻫﺬﺍ ﺍﻟﺤﺠﻲ ﻣﻮ ﻭﻛﺘﻪ ﺍﻧﺘﻮ ﺍﻗﺼﺪ ﺍﺣﻨﻪ ﻫﺴﺔ ﻋﺪﻧﺎ ﻓﺮﺣﺔ ﺧﻠﻴﻨﺎ ﻓﺮﺣﺎﻧﻴﻦ ﻭﺧﻠﻴﻨﺎ ﻧﻨﺴﻰ ﺍﻟﺰﻋﻞ ﻭﻧﺘﺮﻛﺔ ﻉ ﺻﻔﺤﺔ ﺑﻬﺬﻩ ﺍﻟﻴﻮﻣﻴﻦ ﻻﺗﺠﺬﺑﻴﻦ ﺍﻧﺘﻲ ﻓﺮﺣﺎﻧﻪ ﺑﻌﺮﺳﺔ ﻭﻟﻴﺶ ﻣﺎﺍﻓﺮﺡ ﺣﺘﻰ ﻫﺪﻳﺔ ﺷﺘﺮﻳﺘﻠﻪ ﺷﻌﺪﻧﻪ ﻏﻴﺮﻩ ﻫﻮ ﻫﻞ ﻭﺍﺣﺪ ﺑﻌﺪ ﺣﺴﺎﻡ ﻫﻮ ﻓﺮﺣﺘﻨﺎ ﺍﻟﺠﺒﻴﺮﺓ ﻣﺼﻄﻔﻰ ﻣﻦ ﻳﻮﻡ ﺍﻟﻲ ﺗﺮﻛﻨﻲ ﺍﻋﺘﺒﺮﺗﻪ ﺍﺑﻦ ﺧﺎﻟﺘﻲ ﻭﺣﺴﺒﺔ ﺍﺧﻮﻱ ﻭﺍﻧﺘﻬﻰ ﺍﻟﻤﻮﺿﻮﻉ ﻳﻠﻠﻪ ﺍﻣﺸﻲ ﻏﺴﻠﻲ ﻭﺟﻬﺞ ﻭﺗﻌﺎﻟﻲ ﻧﺤﻀﺮ ﺍﻟﺼﻴﻨﻴﺔ ﺍﻧﻲ ﻭﻳﺎﺝ ﺭﺍﺣﺖ ﻏﺴﻠﺖ ﻭﺍﻧﻲ ﮔﻌﺪﺕ ﺑﺎﻟﻐﺮﻓﺔ ﻭﻓﺮﺷﺖ ﺑﺴﻮﺍﻟﻒ ﺍﻟﺼﻴﻨﻴﺔ ﺑﺎﻭﻋﺖ ﻋﻠﻴﻬﻢ ﻭﺟﺮﻳﺖ ﺣﺴﺮﺓ ﺷﻜﺒﺮﻫﺎ ﺍﺟﺖ ﺣﻮﺭ ﺍﺑﺘﺴﻤﺘﻠﻬﺎ ﻭﮔﺘﻠﻬﺎ ﻳﻠﻠﻪ ﮔﻌﺪﺕ ﺍﺷﺘﻐﻞ ﺑﺎﻟﺼﻴﻨﻴﻪ ﻭﺭﺩ ﻭﺷﺮﺍﻳﻂ ﻭﺷﻤﻮﻉ ﻭﻛﺎﺳﺎﺕ ﺧﻠﺼﺘﻬﺎ ﻭﺣﻄﻴﺘﻬﺎ ﺑﻤﻜﺎﻥ ﺑﻌﻴﺪ ﻋﻦ ﺍﻳﺪ ﺍﻟﺠﻬﺎﻝ ﻭﻃﻠﻌﺖ ﮔﻌﺪﺕ ﻳﻢ ﺍﻟﻨﺴﻮﺍﻥ ﺍﺿﺤﻚ ﻭﺍﺷﺎﻗﺔ ﻭﻳﺎﻫﻦ ﻭﻫﻦ ﻣﺘﻔﺎﺟﺄﺕ ﺑﻮﺟﻮﺩﻱ ﻭﺑﺄﺳﻠﻮﺑﻲ ﻭﺑﻜﻞ ﺗﺼﺮﻑ ﻳﺒﺪﺭ ﻣﻨﻲ ﺟﻨﺖ ﺣﺎﻃﺔ ﺍﻳﺪﻱ ﻉ ﮔﻠﺒﻲ ﻻ ﻳﺪﺧﻞ ﻣﺼﻄﻔﻰ ﻓﺠﺄﺓ ﻭﻳﺼﻴﺮ ﺑﻮﺟﻬﻲ ﻛﻠﺸﺶ ﺟﻨﺖ ﺧﺎﻳﻔﺔ ﻭﻣﺮﺍﻳﺪﺓ ﺷﻮﻓﺘﻪ ﻭﺍﺗﻮﺳﻞ ﻟﺮﺑﻲ ﻣﺎﺍﺷﻮﻓﺔ ﻭﺍﻟﺤﻤﺪﻟﻠﻪ ﻣﺸﻔﺘﻪ ﻷﻥ ﮔﻀﺔ ﺍﻟﻴﻮﻡ ﻛﻠﻪ ﺑﺮﺓ ﻳﻢ ﺟﻤﺎﻋﺘﻪ ﻭﺣﺎﻳﺮ ﺑﺎﻟﻤﺴﻮﺍﮒ ﻣﺎﻝ ﺍﻟﻌﺰﻳﻤﺔ ﻟﻠﺴﺎﻋﻪ 8:00 ﻭﺍﻧﻲ ﺍﺣﺲ ﻋﻴﻮﻧﻲ ﺫﺑﺤﺘﻨﻲ ﻣﻦ ﮔﺪﻣﺎ ﺗﺤﺮﮔﻨﻲ ﺗﻌﺒﺖ ﻷﻥ ﻣﻨﺎﻳﻤﺔ ﺧﻠﺼﺖ ﺍﻟﻤﻄﺒﺦ ﻭﻳﺔ ﺍﻟﺒﻨﺎﺕ ﻭﮔﺘﻠﻬﻢ ﻟﻬﻨﺎ ﻭﺍﻋﻔﻮﻧﻲ ﺑﻌﺪ ﻣﺎﺍﮔﺪﺭ ﺍﻟﺒﺎﺭﺣﺔ ﻣﻨﺎﻳﻤﺔ ﻉ ﮔﻌﺪﺗﻲ ﺳﺎﻋﻪ 9:00 ﺍﻟﺼﺒﺢ ﻭﻫﺴﺔ ﺍﻧﺘﻬﻴﺖ ﺍﺭﻭﺡ ﺍﻧﺎﻡ ﺭﺣﺖ ﻟﻠﻐﺮﻓﺔ ﺗﻮﺟﻬﺖ ﻟﻠﻔﺮﺍﺵ ﺳﺤﺒﺖ ﺩﻭﺷﮓ ﻓﺮﺷﺘﻪ ﻭﺩﺍﺍﺳﺤﺐ ﺑﻄﺎﻧﻴﺔ ﺩﺧﻞ ﻣﺼﻄﻔﻰ ﻟﻠﻐﺮﻓﺔ ﻭﺻﺎﺡ ﻣﻨﺘﻬﻰ ﺗﻌﺎﻟﻲ ﺍﺣﺠﻲ ﻭﻳﺎﺝ ﺟﻨﺖ ﺍﻧﻲ ﻣﻨﻄﻴﺔ ﻇﻬﺮﻱ ﻟﻠﺒﺎﺏ ﮔﻠﺒﻲ ﺭﺟﻒ ﻭﺍﻧﺜﻮﻟﺖ ﺍﺟﺖ ﻣﻨﺘﻬﻰ ﻭﮔﻌﺪ ﻳﺤﺠﻲ ﻭﻳﺎﻫﺎ ﺷﻴﺮﻳﺪ ﺑﺎﺟﺮ ﻟﺤﻔﻠﺔ ﺍﻟﺤﻨﻪ ﻭﮔﻌﺪ ﻳﻌﻠﻤﻬﺎ ﺷﺘﺴﻮﻱ ﻭﺍﻧﻲ ﺍﺳﺘﻤﻊ ﺍﺗﺠﺮﺃﺕ ﻭﺍﻟﺘﻔﺘﺖ ﻋﻠﻴﻬﻢ ﻟﮕﻴﺘﻪ ﻣﻨﻄﻴﻨﻲ ﻇﻬﺮﺓ ﻭﻳﺤﺠﻲ ﺍﻧﺘﺒﻬﺖ ﻋﻠﻴﻪ ﻣﻨﺘﻬﻰ ﻭﺭﺍﺩﺕ ﺗﺤﺠﻲ ﻭﻳﺎﻱ ﺍﺷﺘﺮﻟﻬﺎ ﺗﺴﻜﺖ ﺧﻠﺺ ﻛﻼﻣﻪ ﻭﺍﻟﺘﻔﺖ ﺍﻧﻲ ﺑﺴﺮﻋﻪ ﺍﻧﻄﻴﺘﻪ ﻇﻬﺮﻱ ﮔﺎﻟﻠﻬﺎ ﻫﺎﻱ ﻣﻨﻮ ﻫﺎ ﻫﺬﻩ ﺻﺎﺡ ﻋﻠﻴﻪ ﻋﺪﻧﺎﻥ ﺍﺑﻦ ﻋﻤﻪ ﻃﻠﻊ ﺑﺴﺮﻋﻪ ﺑﺪﻭﻥ ﻣﻴﺴﻤﻊ ﻣﻦ ﻣﻨﺘﻬﻰ ﻣﻨﻮ ﺍﻟﻮﺍﻛﻒ ﺳﺤﺒﺖ ﺍﻟﺒﻄﺎﻧﻴﻪ ﻓﺘﺤﺘﻬﺎ ﻉ ﻓﺮﺍﺷﻲ ﻭﺗﻤﺪﺩﺕ ﻣﺮﺗﻀﻰ ﻭﺻﻴﺖ ﻋﻠﻴﻪ ﺍﻣﻲ ﻭﻧﻮﺭ ﺧﻠﻴﺖ ﺭﺍﺳﻲ ﻉ ﺍﻟﻤﺨﺪﺓ ﻭﻳﻤﻜﻦ ﻧﺺ ﺳﺎﻋﻪ ﻭﻧﻤﺖ ﻣﮕﻌﺪﺕ ﻏﻴﺮ ﺛﺎﻧﻲ ﻳﻮﻡ ﻉ ﻫﻮﺳﺘﻪ ﺧﺎﻟﺘﻲ ﻭﺧﺒﺼﺘﻬﺎ ﺑﺎﻟﺮﻳﻮﮒ ﮔﻤﺖ ﻏﺴﻠﺖ ﻭﻃﻠﻌﺖ ﻭﻳﺔ ﺧﺎﻟﺘﻲ ﺳﺎﻋﺪﺗﻬﺎ ﺭﻳﮕﺖ ﺍﻟﻮﺟﺒﺔ ﺍﻷﻭﻟﻰ ﻣﻦ ﺍﻟﻮﻓﺪ ﻭﺑﻌﺪﻫﺎ ﮔﻌﺪﺕ ﺍﻟﺒﻨﺎﺕ ﻛﻤﻠﻦ ﺍﻟﻮﺟﺒﺘﻴﻦ ﺍﻟﺒﺎﻗﻴﺔ ﺧﻠﺼﺖ ﻫﻮﺳﺔ ﺍﻟﺮﻳﻮﮒ ﻭﻏﺴﻠﻨﺎ ﺍﻟﺒﻴﺖ ﻭﺑﺪﻳﻨﺎ ﻧﺠﻬﺰﺓ ﻟﻠﺤﻨﻪ ﻛﻤﻠﻨﺎ ﻛﻮﻟﺸﻲ ﻭﺩﺧﻞ ﻋﻤﻬﻢ ﺍﺑﻮ ﺭﻗﻴﺔ ﻟﻠﺼﺎﻟﻪ ﮔﺎﻝ ﺍﻏﺎﻧﻲ ﻣﺎﻛﻮ ﻟﺨﺎﻃﺮ ﺣﺴﺎﻡ ﻭﺍﺧﻮﻱ ﻣﻨﺘﻬﻰ ﮔﺎﻟﺖ ... ﺍﻱ ﻃﺒﻌﺎ ﺑﻼ ﺍﻏﺎﻧﻲ ﻭﻫﻮﺳﺎﺕ ﺷﻠﻮﻧﻚ ﻋﻤﻮ ﺍﻟﺘﻔﺖ ﺷﺎﻓﻨﻲ ﻭﺟﻬﺔ ﮔﺎﻡ ﻳﻨﻄﻲ ﺍﻟﻮﺍﻥ ﻫﻼ ﺍﻧﺘﻲ ﻫﻨﺎ ﺍﻱ ﻋﻤﻮ ﺍﺟﻴﺖ ﺍﺣﻀﺮ ﻋﺮﺱ ﺍﺑﻦ ﺧﺎﻟﺘﻲ ﻫﺎﺍ ﻩ ﻫﻼ ﻫﻼ ﺑﻴﺞ ﺑﻨﻴﺘﻲ ﻧﻮﺭﺗﻴﻨﺎ ﺗﺴﻠﻢ ﻋﻤﻮ ﻣﻨﻮﺭ ﺍﻟﺒﻴﺖ ﺑﺄﻫﻠﺔ ﻟﻴﺶ ﻣﺎﻛﻮ ﺍﻏﺎﻧﻲ ﻭﺣﻔﻠﺔ ﺍﻣﻲ ﻫﻢ ﺍﺟﺘﻲ ﻭﻛﻔﺖ ﻳﻤﻲ ﻣﻴﺼﻴﺮ ﻳﺎﺑﺔ ﻋﻴﺐ ﺍﻟﻨﺎﺱ ﺷﺘﮕﻮﻝ ﻣﺼﺎﺭ ﻫﻮﺍﻱ ﻉ ﻣﻮﺗﺖ ﺣﺴﺎﻡ ﻭﺍﺧﻮﻱ ﻻﺗﺨﺎﻑ ﻋﻤﻲ ﻫﻮ ﺭﺏ ﺍﻟﻲ ﺍﻟﻌﺮﻳﺲ ﻭﻣﺮﺕ ﺍﻟﻤﺮﺣﻮﻡ ﻣﻤﻬﺘﻤﻴﻦ ﻟﺤﺴﺎﻡ ﻭﻋﻤﻮ ﺍﻟﻨﺎﺱ ﺗﻬﺘﻢ ﻳﻌﻨﻲ ﺍﻧﺘﻮ ﻣﻦ ﺭﻛﻀﺘﻮ ﺑﺰﻭﺍﺝ ﺍﺧﻮ ﺣﺴﺎﻡ ﻉ ﻣﺮﺗﻪ ﻣﺘﺪﻭﺭﻭﻥ ﺍﻏﺎﻧﻲ ﻭﺭﮔﺺ ﺧﻠﻴﻬﻢ ﻳﻔﺮﺣﻮﻥ ﻫﻲ ﻛﻢ ﻣﺮﺓ ﺗﻨﻌﺎﺩ ﻫﺬﻩ ﺍﻟﻠﺤﻈﺎﺕ ﻻ ﻳﺎﺑﺔ ﻣﺎﻛﻮ ﺍﻏﺎﻧﻲ ﻋﻴﺐ ﻋﻠﻴﻨﺎ ﻳﻠﻠﻪ ﺍﻧﻲ ﺍﺗﺮﺧﺺ ﻋﺎﻓﻨﻲ ﻭﻃﻠﻊ ﻳﻤﺸﻲ ﺑﺴﺮﻋﻪ ﻟﻴﮕﻮﻝ ﺍﻛﻮ ﺍﺣﺪ ﻳﺮﻛﺾ ﻭﺭﺍﻩ ﻳﻤﺸﻲ ﻭﻛﻞ ﺷﻮﻳﺔ ﻳﻠﺘﻔﺖ ﻳﺒﺎﻭﻋﻠﻲ ﺻﺎﺭﺕ ﺑـ 2:00 ﺑﻠﺸﻨﺎ ﻧﺒﺪﻝ ﻟﺒﺴﺖ ﻓﺴﺘﺎﻥ ﻟﻮﻥ ﻧﻔﻄﻲ ﻣﺨﺼﺮ ﻉ ﺍﻟﺠﺴﻢ ﻣﻦ ﻓﻮﮒ ﻟﻴﺠﻮﺓ ﻭﻟﺒﺴﺖ ﻭﻳﺎﻩ ﺷﺎﻝ ﺑﻴﺠﻲ ﻭﺣﺬﺍﺀ ﺑﻴﺠﻲ ﺍﺿﺎﻓﺮﻱ ﻫﻢ ﻛﻨﺖ ﻣﻄﻮﻟﺘﻬﻢ ﺻﺒﻐﺘﻬﻢ ﺑﻠﻮﻥ ﺍﻟﻔﺴﺘﺎﻥ ﻛﻞ ﺍﻟﺒﻨﺎﺕ ﺣﻄﻦ ﻣﻜﻴﺎﺝ ﻛﺎﻣﻞ ﻣﻦ ﺿﻤﻨﻬﻦ ﻧﻮﺭ ﺍﻟﻪ ﺍﻧﻲ ﺗﻮﺳﻠﺖ ﺑﻴﻪ ﺣﻮﺭ ﺍﺧﻠﻲ ﻣﻘﺒﻠﺖ ﺍﻛﺘﻔﻴﺖ ﺑﺤﻤﺮﺓ ﻣﻦ ﺩﺭﺟﺎﺕ ﺍﻟﻮﺭﺩﻱ ﻓﺎﺗﺢ ﻭﻛﺤﻠﺔ ﺑﺴﻴﻄﺔ..بيج قصص عراقيه حقيقيه من واقعنا.روعه الطائي ﺣﺒﻴﺖ ﺍﻃﻠﻊ ﻣﻤﻴﺰﺓ ﻋﻦ ﺍﻟﺒﺎﻗﻲ ﻷﻥ ﻫﻦ ﺧﺒﺼﻦ ﻧﻔﺴﻬﻦ ﺑﺎﻟﻤﻜﻴﺎﺝ ﻭﺍﻟﻌﺪﺳﺎﺕ ﻭﺍﻟﺸﻌﺮ ﺧﻠﺼﺖ ﺍﻭﻝ ﻭﺣﺪﺓ ﺩﮒ ﺟﻬﺎﺯﻱ ﺳﻴﻒ ﻃﻠﻌﻴﻠﻲ ﺍﺭﻳﺪﺝ ﻃﻠﻌﺖ ﻋﻠﻴﻪ ﺑﺮﺓ ﻣﺎﻛﻮ ﺭﺟﻌﺖ ﻟﻠﻤﻄﺒﺦ ﺳﺄﻟﺖ ﺍﻟﺒﻨﺎﺕ ﻣﻨﻮ ﺑﺎﻟﺪﻳﻮﺍﻧﻴﺔ ﻛﺎﻟﻮ ﻣﺎﻛﻮ ﺍﺣﺪ ﺑﺲ ﺳﻴﻒ ﺭﻭﺣﻴﻠﺔ ﺭﺣﺖ ﻭﺻﻠﺖ ﻟﻠﺒﺎﺏ ﺻﺤﺖ ﻋﻠﻴﻪ ﺗﻌﺎﻟﻲ ﺯﻭﺯﺓ ﺩﺧﻠﺖ ﻭﺍﻧﺼﺪﻣﺖ ﺑﻘﺼﻲ ﻣﻮﺟﻮﺩ ﻫﺬﺍ ﺷﻮﻛﺖ ﺍﺟﻪ ﻣﻮ ﮔﺎﻝ ﺍﺟﻲ ﺑﺲ ﺑﺎﻟﺰﻓﺔ ﺑﺲ ﻛﻠﺶ ﺍﺭﺗﺎﺣﻴﺖ ﻟﻮﺟﻮﺩﺓ ﺍﻭﻝ ﻣﺮﺓ ﺑﺤﻴﺎﺗﻲ ﻣﻦ ﺍﺷﻮﻓﺔ ﺍﺣﺲ ﺑﺎﻷﻣﺎﻥ ﺍﺑﺘﺴﻤﺖ ﻻ ﺃﺭﺍﺩﻳﺎ ﻭﮔﺘﻠﻪ ﻫﻼ ﻗﺼﻲ ﺷﻠﻮﻧﻚ ﺍﺑﺘﺴﻢ ﺑﺨﻴﺮ ﺍﺫﺍ ﺍﻧﺘﻲ ﺑﺨﻴﺮ ﺳﻴﻒ -: ﻫﻢ ﺗﺮﺣﻴﻦ ﻭﻳﺎﻫﻢ ﻟﺒﻴﺖ ﺍﻟﻌﺮﻭﺱ ﻟﻮ ﻻ ﺍﻱ ﺍﺭﻳﺪ ﺍﺭﻭﺡ ﻗﺼﻲ ﻳﺒﺎﻭﻋﻠﻲ ﻭﺳﺎﻛﺖ ﻃﻠﺐ ﺳﻴﻒ ﻣﻨﻲ ﺍﻣﺴﺢ ﺣﺬﺍﺀﺓ ﻣﺴﺤﺘﻪ ﻭﺭﺣﺖ ﻳﻢ ﺍﻟﺒﻨﺎﺕ ﻛﻤﻠﻨﺎ ﺻﺎﺭ ﻭﻛﺖ ﻃﻠﻌﺘﻨﺎ ﻃﻠﻌﻨﺎ ﻭﺑﺪﻥ ﺍﻟﺒﻨﺎﺕ ﻳﺼﻌﺪﻥ ﺑﺎﻟﺴﻴﺎﺭﺓ ﻗﺒﻄﺖ ﺍﻟﺴﻴﺎﺭﺓ ﻭﺍﺑﺎﻭﻉ ﺍﻧﻲ ﻭﻳﻦ ﺭﺍﺡ ﺍﺻﻌﺪ ﺻﺎﺭﺕ ﺟﻌﻴﺼﺔ ﺻﺎﺡ ﻋﻠﻴﻪ ﻗﺼﻲ ﺗﻌﺎﻟﻲ ﺻﻌﺪﻱ ﺑﺴﻴﺎﺭﺗﻲ ﺍﻭﺻﻠﺞ ﺍﻧﻲ ﺳﺤﺒﺖ ﺣﻮﺭ ﻭﺑﻨﺖ ﺧﺎﻟﻬﺎ ﮔﺘﻠﻬﻦ ﺍﻣﺸﻦ ﻭﻳﺎﻱ ﺑﺴﻴﺎﺭﺓ ﺍﺑﻦ ﻋﻤﻲ ﻧﺼﻌﺪ ﺻﻌﺪ ﻗﺼﻲ ﻭﺷﻐﻞ ﺳﻴﺎﺭﺗﻪ ﻭﺻﻌﺪﺕ ﺍﻧﻲ ﻳﻤﻪ ﻭﺍﻟﺒﻨﺎﺕ ﻭﺭﺓ ﻭﻫﺎ ﻃﺒﻌﺎ ﺻﻴﻨﻴﺔ ﺍﻟﺤﻨﻪ ﻭﮔﻌﺖ ﺑﺮﺍﺳﻲ ﺧﺎﻟﺘﻲ ﻃﻠﺒﺖ ﻣﻨﻲ ﺍﻧﻲ ﺍﺷﻴﻠﻬﺎ ﻭﻣﻦ ﻧﻮﺻﻞ ﻫﻨﺎﻙ ﺍﻧﻄﻴﻬﺎ ﻟﻤﺮﻭﺓ ﻫﻲ ﺗﺤﻨﻴﻬﻢ ﺛﻨﻴﻨﻬﻢ ﻷﻥ ﻫﻲ ﺍﻟﺠﺒﻴﺮﺓ ﺑﻌﺪ ﺧﺎﻟﺘﻲ ﻭﺧﺎﻟﺘﻲ ﻣﻘﺒﻠﺖ ﺗﺤﻀﺮ ﻭﺻﻠﻨﺎ ﻗﺼﻲ ﻭﮔﺎﻝ ﺍﻧﺘﻀﺮ ﻟﻮ ﺍﺭﺟﻊ ﺑﺮﺍﺣﺘﻚ ﺑﺲ ﺍﺣﻨﻪ ﻣﻨﺘﺄﺧﺮ ﻳﻠﻠﻪ ﻟﻌﺪ ﺍﻧﺘﻀﺮﻛﻢ ﻧﺰﻟﻨﺎ ﻭﻧﺰﻟﻮ ﺑﺎﻗﻲ ﺍﻟﺒﻨﺎﺕ ﻣﻦ ﺍﻟﺴﻴﺎﺭﺓ ﺍﻟﺜﺎﻧﻴﺔ ﻭﺻﻠﺖ ﺳﻴﺎﺭﺓ ﻣﺼﻄﻔﻰ ﻭﻧﺰﻝ ﺑﺎﻭﻋﺘﻠﻪ ﺟﺎﻥ ﻻﺑﺲ ﻗﻤﻴﺺ ﻧﻔﻄﻲ ﻣﻘﻠﻢ ﺑﺄﺳﻮﺩ ﻭﺟﻴﻨﺰ ﺍﺳﻮﺩ ﺻﺎﺭﺕ ﻋﻴﻨﻲ ﺑﻌﻴﻨﻪ ﺍﺭﺗﺒﻜﻨﺎ ﺛﻨﻴﻨﺎ ﻭﻫﻮ ﺑﺴﺮﻋﻪ ﻧﺰﻝ ﻋﻴﻨﻪ ﻳﺎﺭﺏ ﺩﺧﻴﻠﻚ ﺻﺒﺮﻧﻲ ﺩﺧﻠﻨﺎ ﻭﺍﻟﺪﻧﻴﺎ ﻣﮕﻠﻮﺑﺔ ﺑﺎﻷﻏﺎﻧﻲ ﻭﺍﻟﺮﮔﺺ ﮔﻌﺪ ﻣﺼﻄﻔﻰ ﻳﻤﻬﺎ ﻉ ﻗﻨﻔﺔ ﺍﻟﺘﺨﻢ ﻭﮔﺪﺍﻣﻬﻢ ﻣﻴﺰ ﻣﺰﻳﻦ ﻋﻠﮕﺘﻠﻲ ﺣﻮﺭ ﺍﻟﺸﻤﻌﺔ ﺑﺼﻴﻨﻴﺔ ﺍﻟﺤﻨﻪ ﻭ ﺗﻘﺪﻣﺖ ﺑﺨﻄﻮﺍﺗﻲ ﻟﻤﺮﻭﺓ ﺣﺘﻰ ﺗﺎﺧﺬﻫﺎ ﻣﻨﻲ ﻭﺻﺪﻣﺘﻨﻲ ﻣﺮﻭﺓ ﻣﻦ ﺭﻓﻀﺖ ﺭﻓﺾ ﻗﺎﻃﻊ ﺗﺤﻨﻴﻬﻢ ﺍﻟﺒﻨﺎﺕ ﮔﺎﻣﻦ ﻳﺤﺠﻦ ﻋﻠﻴﻬﺎ ﻭﻫﻲ ﻣﺘﻨﺎﺯﻟﺖ ﻣﻦ ﻗﺮﺍﺭﻫﺎ ﺑﻌﺪﻫﺎ ﺣﺠﺖ ﺑﺼﻮﺕ ﻋﺎﻟﻲ ﺟﺬﺏ ﺍﻧﺘﺒﺎﻩ ﺍﻟﻜﻞ ﺣﺘﻰ ﻣﺼﻄﻔﻰ ﻭﻟﺠﻴﻦ ﺍﻟﻲ ﺟﺎﻧﻮ ﻣﻠﺘﻬﻴﻦ ﻳﺘﻬﺎﻣﺴﻮﻥ ﻟﺠﻴﻦ ﺍﺻﻼ ﻣﺸﺎﻓﺘﻨﻲ ﺑﻴﻦ ﺍﻟﺤﻀﻮﺭ ﺑﻌﺪﻫﺎ ﻣﻤﻨﺘﺒﻬﺔ ﻟﻮﺟﻮﺩﻱ ﺑﺲ ﻣﻦ ﮔﺎﻟﺖ ﻣﺮﻭﺓ ﻳﺎﺟﻤﺎﻋﺔ ﺍﻟﺨﻴﺮ ﺯﻭﺯﺓ ﻫﻲ ﺍﻟﻲ ﺭﺍﺡ ﺗﺤﻨﻲ ﺍﻟﻌﺮﺳﺎﻥ ﺑﺪﻝ ﻋﻨﻲ ﺍﻧﺼﺪﻣﺖ ﺍﻧﻲ ﻭﻟﺠﻴﻦ ﻭﻣﺼﻄﻔﻰ ﺍﻧﺪﺭﺕ ﻋﻠﻴﻬﺎ ﻭﮔﺘﻠﻬﺎ ﺑﺼﻮﺕ ﺗﺨﺒﻠﺘﻲ ﺷﻨﻮ ﺍﻧﻲ ﺍﺣﻨﻴﻬﻢ ﻋﻮﺩ ﺷﻤﻌﻨﻰ ﻣﻮ ﻫﺎﻱ ﺧﻮﺍﺗﺞ ﺛﻨﻴﻨﻬﻦ ﻫﻨﺎ ﺍﻛﺒﺮ ﻣﻨﻲ ﻭﻫﺎﻱ ﺍﻣﻬﺎ ﻭﺧﺎﻻﺗﻬﺎ ﻭﻋﻤﺎﺗﻬﺎ ﺑﻌﺪ ﺷﻨﻮ ﺍﻧﻲ ﺷﮕﺪﻭﺗﻨﻲ ﻣﻜﺒﺮﺓ ﺭﺍﺳﻲ ﻭﻣﺨﻠﺘﻨﻲ ﺍﻧﻲ ﺍﺣﻨﻴﻬﻢ ﺣﺒﻴﺒﺘﻲ ﺍﻟﻜﺒﺮ ﻛﺒﺮ ﺍﻟﻌﻘﻞ ﻣﻮ ﺍﻟﻌﻤﺮ ﻭﻣﺎﻛﻮ ﻓﺮﻕ ﺍﻥ ﺷﺎﺀ ﺍﻟﻠﻪ ﻛﻠﻨﺎ ﻭﺍﺣﺪ ﻣﺎﻛﻮ ﻣﻌﻠﻴﺔ ﺍﻧﻲ ﺩﻓﻌﺘﻨﻲ ﻭﮔﺎﻟﺖ ﺍﻣﺸﻲ ﻣﻀﻞ ﻭﻛﺖ ﺍﺿﻄﺮﻳﺖ ﺍﻧﻲ ﺍﺭﻭﺡ ﻭﺍﺣﻨﻴﻬﻢ ﻣﺸﻴﺖ ﻭﺍﺑﺘﺴﺎﻣﻪ ﻉ ﻭﺟﻬﻲ ﺣﻄﻴﺖ ﺍﻟﺼﻴﻨﻴﻪ ﻉ ﺍﻟﻤﻴﺰ ﻭﺑﺎﺭﻛﺘﻠﻬﻢ ﺛﻨﻴﻨﻬﻢ ﻭﺍﻟﻲ ﻳﺸﻮﻓﻨﻲ ﻳﮕﻮﻝ ﺷﮕﺪ ﻓﺮﺣﺎﻧﺘﻠﻬﻢ ﻉ ﺍﻟﺸﻘﺔ ﻭﺍﻟﻀﺤﻚ ﺍﻟﻲ ﺿﺤﻜﺘﺔ ﻭﻳﺎﻫﻢ ﻭﻭﻳﺔ ﺍﻟﺒﻘﻴﺔ ﺍﻟﻤﻮﺟﻮﺩﻳﻦ ﺧﻠﻴﺖ ﺣﻨﻪ ﻉ ﺍﻳﺪ ﻟﺠﻴﻦ ﻭﻫﻲ ﺗﺒﺎﻭﻋﻠﻲ ﻭﺗﺘﻔﺤﺺ ﻣﻼﻣﺢ ﻭﺟﻬﻲ ﻫﻤﺴﺖ ﺑﺼﻮﺕ ﻳﺴﻤﻌﻮﻧﻲ ﺛﻨﻴﻨﻬﻢ ﺃﻃﻤﺄﻧﻲ ﻭﺍﻟﻠﻪ ﻓﺮﺣﺎﻧﺘﻠﻜﻢ ﻣﻦ ﻛﻞ ﮔﻠﺒﻲ ﻭﻣﺎﺷﺎﺀ ﺍﻟﻠﻪ ﻋﻠﻴﻜﻢ ﻭﺍﺣﺪ ﻣﻜﻤﻞ ﺍﻟﺜﺎﻧﻲ ﻻﻳﮕﻴﻦ ﻟﺒﻌﺾ ﺧﻠﻴﺖ ﺣﻨﻪ ﻉ ﺍﺻﺒﻊ ﻣﺼﻄﻔﻰ ﻣﺴﺤﺖ ﺍﻳﺪﻱ ﺑﻠﻜﻠﻴﻨﺲ ﻭﻣﺸﻴﺖ ﺑﺎﻭﺳﺖ ﺍﻣﻬﺎ ﻭﺧﺎﻻﺗﻬﺎ ﻭﻧﺴﻮﺍﻥ ﺍﺧﻮﺗﻬﺎ ﻭﺑﺎﺭﻛﺘﻠﻬﻢ ﻭﺭﺟﻌﺖ ﺑﺼﻒ ﺍﻟﺒﻨﺎﺕ ﻭﮔﻔﺖ ﻭﺣﺠﻴﺖ ﺑﺼﻮﺕ ﻧﺎﺻﻲ ﺑﻨﺎﺕ ﻫﺎﻱ ﺍﻟﺪﮔﺔ ﻣﺎﺍﻧﺴﺎﻟﺠﻨﻴﺎﻫﺎ ﻟﻠﻤﻮﻭﺕ ﻫﺴﺔ ﺑﻴﻨﺖ ﻣﻌﺰﺗﻲ ﻋﻨﺪﺝ ﺷﮕﺪ ﻣﺮﻭﺓ ﺷﻜﺮﺍ ﺍﻟﺞ ﺑﺪﻭ ﻳﺎﺧﺬﻭﻥ ﺻﻮﺭ ﻭﺍﻧﻲ ﺟﻨﺖ ﻣﺤﻂ ﺍﻧﻀﺎﺭ ﺍﻷﻏﻠﺐ ﺍﻟﻲ ﻳﻌﺮﻓﻨﻲ ﻳﮕﻮﻝ ﻋﻔﻴﺔ ﮔﻠﺐ ﮔﻠﺒﻬﺎ ﺷﻠﻮﻥ ﺟﺎﻳﺔ ﺣﺎﺿﺮﺓ ﺍﻟﺤﻔﻠﺔ ﻭﻻ ﻣﻮ ﺑﺲ ﻫﻴﺞ ﺍﻧﻮﺏ ﻫﻲ ﺣﻨﺘﻬﻢ ﺑﺄﻳﺪﻫﺎ ﻭﺍﻟﻲ ﻣﻴﻌﺮﻓﻨﻲ ﻳﺴﺄﻝ ﺑﺄﻡ ﻟﺠﻴﻦ ﻭﺧﺎﻻﺗﻬﺎ ﻣﻨﻮ ﻫﺎﻱ ﺍﻟﺒﻨﻮﺗﺔ ﺷﺘﺼﻴﺮ ﻣﻦ ﻣﺼﻄﻔﻰ ﻣﺨﻄﻮﺑﺔ ﻣﺘﺰﻭﺟﺔ ﻟﻮ ﺑﻌﺪﻫﺎ ﺑﻨﻴﺔ ﺍﺫﺍ ﺗﺤﺎﺟﻮﻫﺎ ﺗﻘﺒﻞ ﻧﺘﻘﺪﻣﻠﻬﺎ ﺧﻠﻴﺘﻬﻢ ﻳﻠﺘﻬﻮﻥ ﺑﺎﻟﺼﻮﺭ ﻭﺍﻧﻲ ﺳﺤﺒﺖ ﻧﻔﺴﻲ ﻭﺻﻠﺖ ﻟﻠﺒﺎﺏ ﺍﺣﺲ ﺣﻤﻞ ﻉ ﮔﻠﺒﻲ ﺷﻜﺒﺮﺓ ﺑﺪﻳﺖ ﺍﺧﺘﻨﮓ ﻭﺩﻣﻮﻋﻲ ﺣﺼﺮﺗﻨﻲ ﺑﺲ ﺣﻠﻔﺖ ﻣﺎﺍﻧﺰﻟﻬﻦ ﻃﻠﻌﺖ ﻟﺒﺮﺓ ﺷﻔﺖ ﻗﺼﻲ ﻭﺍﻛﻒ ﻣﻨﺘﺠﻲ ﻉ ﺳﻴﺎﺭﺗﻪ ﻭﻳﮕﻠﺐ ﺑﺠﻬﺎﺯﺓ ﺍﻧﻲ ﻭﺍﻣﺸﻲ ﺍﻧﻠﻮﺕ ﺭﺟﻠﻲ ﻭﺭﺩﺕ ﺍﻭﮔﻊ ﻉ ﻭﺟﻬﻲ ﺑﺲ ﺍﺗﻔﺎﺟﺄﺕ ﺑﻘﺼﻲ ﻭﺍﮔﻒ ﮔﺒﺎﻟﻲ ﻭﺳﺎﻧﺪﻧﻲ ﺍﻳﺪﻳﻪ ﻻﺯﻣﻪ ﺍﻛﺘﺎﻓﻲ ﻭﺭﺍﺳﻲ ﺻﺎﺭ ﻣﻘﺎﺑﻴﻞ ﺻﺪﺭﻩ ﺍﻟﻠﻪ ﻉ ﻛﻴﻔﺞ ﺍﻧﺘﺒﻬﻲ ﻟﻠﻄﺮﻳﻖ ﺗﺄﺫﻳﺘﻲ ﻫﺰﻳﺖ ﺭﺍﺳﻲ ﻻ ﺑﺪﻭﻥ ﻣﺎﺍﺣﺠﻲ ﺑﺲ ﺭﺟﻠﻲ ﻃﮕﺖ ﻭﺍﺣﺲ ﺑﻴﻬﺎ ﺍﻟﻢ ﺧﻔﻴﻒ ﻭﺻﻠﺖ ﻟﻠﺴﻴﺎﺭﺓ ﻓﺘﺤﺖ ﺍﻟﺒﺎﺏ ﻭﺻﻌﺪﺕ ﻭﺻﻌﺪ ﻫﻮ ﻫﻢ ﮔﺎﻝ ﻟﻴﺶ ﻃﻠﻌﺘﻲ ﻷﻥ ﺍﻟﻜﻞ ﺭﺍﺡ ﻳﻄﻠﻊ ﻫﺴﺔ ﻭﻣﺮﺩﺕ ﺍﻃﻠﻊ ﻭﻳﺔ ﺍﻟﻬﻮﺳﺔ ﺍﺧﺘﻨﮓ ﺑﺎﻭﻋﻠﻲ ﻭﮔﺎﻝ ﺻﺪﮔﺘﺞ ﻛﺬﺑﻲ ﻉ ﺍﻟﻜﻞ ﻭﻗﻨﻌﻲ ﺍﻟﻜﻞ ﺑﻬﺬﺍ ﻛﻼﻣﺞ ﺑﺲ ﺍﻧﻲ ﻣﺘﻘﻨﻌﻴﻨﻲ ﺻﻔﻨﺖ ﺑﻌﻴﻮﻧﻪ ﻭﺷﺮﺩﺕ ﻣﻨﻲ ﺩﻣﻌﺔ ﺟﻨﺖ ﮔﻮﺓ ﺣﺎﺑﺴﺘﻬﺎ ﻭﮔﺘﻠﻪ ﺗﺘﺬﻛﺮ ﻣﻦ ﮔﻠﺖ ﺍﻟﻠﻪ ﻳﺒﻠﻴﺞ ﺑﻮﺟﻊ ﻣﺜﻞ ﻭﺟﻊ ﮔﻠﺒﻲ ﺑﺎﻭﻋﻠﻲ ﺑﺄﺳﺘﻐﺮﺍﺏ ﻭﺑﻌﺪﻫﺎ ﺍﻟﺘﻔﺖ ﻭﻣﺒﻴﻦ ﻋﻠﻴﻪ ﺗﺬﻛﺮ ﺷﻮﻛﺖ ﮔﺎﻝ ﻫﻴﺞ ﻳﻤﻜﻦ ﻭﺟﻌﻲ ﻣﻮ ﺑﮕﺪ ﻭﺟﻌﻚ ﺑﺲ ﻫﻢ ﺩﺍﺍﺗﺄﺫﺓ ﻣﺴﺢ ﻉ ﻭﺟﻬﺔ ﻭﮔﺎﻝ ﺍﻟﻠﻪ ﻳﺨﻠﻴﺞ ﺍﺳﻜﺘﻲ ﺍﻧﺘﻲ ﻟﻴﺶ ﻛﻠﻤﺎ ﺗﺸﻮﻓﻴﻨﻲ ﺗﺬﻛﺮﻳﻨﻲ ﺑﻜﻼﻣﻲ ﻭﻳﺎﺝ ﺑﺬﺍﻙ ﺍﻟﻴﻮﻡ ﺍﻷﺳﻮﺩ ﻷﻥ ﻛﻼﻣﻚ ﻣﻦ ﺫﺍﻙ ﺍﻟﻴﻮﻡ ﻭﻫﻮ ﻛﻞ ﻳﻮﻡ ﻳﺘﻜﺮﺭ ﺑﺪﻣﺎﻏﻲ ﻭﻳﺔ ﻛﻞ ﻣﻮﻗﻒ ﺍﻛﻮ ﺻﻮﺕ ﺑﺪﻣﺎﻏﻲ ﻳﺼﺮﺥ ﻋﺴﺎﺝ ﺑﺤﺮﮔﺔ ﮔﻠﺐ ﻣﺜﻞ ﮔﻠﺒﻲ ﻭﻳﺼﺮﺥ ﻛﻮﻥ ﻣﺘﺸﻮﻓﻴﻦ ﺍﻟﺴﻌﺎﺩﺓ ﻭﻳﺎﻩ ﻛﻮﻥ ﻣﺘﺘﻬﻨﻴﻦ ﺑﻲ ﻭﻻﻳﺘﻬﻨﺔ ﺑﻴﺞ ﻛﻠﻬﻦ ﻳﺠﻦ ﻉ ﺑﺎﻟﻲ ﻭﻣﺴﺘﺤﻴﻞ ﺍﻧﺴﺎﻫﻦ ﻟﻠﻤﻮﺕ ﺷﻮﻓﻲ ﻭﺍﻟﻠﻪ ﻭﺩﺍﻋﺔ ﺣﺒﺞ ﺍﻟﻲ ﺑﻬﻠﮕﻠﺐ ﻭﻳﺄﺷﺮ ﻉ ﮔﻠﺒﻪ ﻣﻘﺼﺪﺕ ﻛﻼﻣﻲ ﻭﻳﺎﺝ ﺑﺬﺍﻙ ﺍﻟﻴﻮﻡ ﺑﺲ ﻣﻦ ﺣﺮﮔﺔ ﮔﻠﺒﻲ ﺣﺠﻴﺘﻪ ﻭﺍﻟﻠﻪ ﻣﻦ ﺻﺤﻴﺖ ﻭﺗﺬﻛﺮﺕ ﻛﻼﻣﻲ ﻭﻳﺎﺝ ﺿﻠﻴﺖ ﺍﻟﻮﻡ ﺑﻨﻔﺴﻲ ﻭﺍﺗﻤﻨﻴﺖ ﺍﻟﻤﻮﺕ ﺍﻧﺘﻲ ﺗﺪﺭﻳﻦ ﺯﻳﻦ ﺍﻧﻲ ﺍﺷﻮﻑ ﺍﻟﻤﻮﺕ ﻭﻻﺍﺷﻮﻑ ﺩﻣﻌﻪ ﻣﻦ ﻋﻴﻨﺞ ﺑﻌﺪ ﺷﻠﻮﻥ ﺗﺼﺪﮔﻴﻦ ﺍﺩﻋﻲ ﻋﻠﻴﺞ ﺑﺸﻲ ﻣﻮﺯﻳﻦ .... ﺍﻧﺪﺭﺕ ﻟﻠﺠﺎﻡ ﻭﮔﺘﻠﻪ ﺍﻧﺪﻋﻴﺖ ﻭﺧﻠﺺ ﻭﺍﻟﻈﺎﻫﺮ ﺑﻮﻛﺖ ﺩﻋﺎﺋﻚ ﺍﺑﻮﺍﺏ ﺍﻟﺴﻤﺎ ﻣﻔﺘﻮﺣﺔ ﻭﻛﻞ ﺩﻋﻮﺓ ﮔﻠﺘﻬﺎ ﺻﻌﺪﺕ ﻭﺗﺤﻘﻘﺖ .... ﻋﺼﺮ ﺍﻳﺪﻩ ﻭﺿﺮﺏ ﺍﻟﻤﻘﻮﺩ ﻣﺎﻝ ﺍﻟﺴﻴﺎﺭﺓ ﻭﮔﺎﻝ ﻟﻮ ﺍﺑﻘﻰ ﺍﺑﺮﺭ ﻣﻨﺎ ﻟﺒﻌﺪ ﺳﻨﻴﻦ ﻋﻘﻠﺞ ﺍﻟﻤﺤﺠﺮ ﻣﺮﺍﺡ ﻳﻔﻬﻤﻨﻲ ﺑﺲ ﺗﺪﺭﻳﻦ ﺷﻠﻮﻥ ﺍﻭﻋﺪﺝ ﻭﻋﺪ ﺑﺎﺟﺮ ﺗﺤﺴﻴﻦ ﺍﻛﺜﺮ ﻭﺗﻌﻴﺸﻴﻦ ﺍﻟﻲ ﻋﺸﺘﻪ ﺍﻧﻲ ﺍﻧﺘﺒﻬﻲ ﻟﻨﻔﺴﺞ ﺑﺎﺟﺮ ﻭﺷﻮﻓﻲ ﺗﮕﺪﺭﻳﻦ ﺗﻠﺰﻣﻴﻦ ﻧﻔﺴﺞ ﻭﺗﺴﻜﺘﻴﻦ ﻟﻮ ﻻ ﺑﺎﻟﺬﺍﺕ ﺑﺎﻟﻠﺤﻈﺔ ﺍﻟﻲ ﺭﺍﺡ ﻳﺪﺧﻠﻮﻥ ﺑﻴﻬﺎ ﺍﻟﻐﺮﻓﺔ ﻭﺗﻨﺴﺪ ﻋﻠﻴﻬﻢ ﺑﺎﺏ ﻭﺣﺪﺓ ﺍﻱ ﻃﺒﻌﺎ ﺍﮔﺪﺭ ﻣﺼﻄﻔﻰ ﺍﻧﺘﻬﻰ ﺑﺎﻟﻨﺴﺒﺔ ﺍﻟﻲ ﺷﺨﺺ ﻋﺎﺑﺮ ﻷﻥ ﻫﻮ ﺍﻟﻲ ﺍﺧﺘﺎﺭ ﻳﻨﻔﺼﻞ ﻋﻨﻲ ﺻﺢ ﺣﺒﻴﺘﻪ ﺑﻌﺪﻧﻲ ﻣﻤﻜﻤﻠﺔ ﻛﻼﻣﻲ ﺳﺤﺒﻨﻲ ﻋﻠﻴﻪ ﻭﻋﻴﻮﻧﻪ ﺗﺠﺪﺡ ﻭﮔﺎﻝ ﻭﻫﻮ ﺭﺍﺹ ﻉ ﺍﺳﻨﺎﻧﻪ ﻣﻦ ﺍﻟﻐﻀﺐ...بيج قصص عراقيه حقيقيه من واقعنا.روعه الطائي ﺍﻧﺘﺒﻬﻲ ﻟﻠﺴﺎﻧﺞ ﻣﻦ ﺗﺤﺠﻴﻦ ﻭﻳﺎﻱ ﻻ ﺍﻧﻌﻞ ﺷﻴﺐ ﺍﻟﺨﻠﻔﺞ ﻧﺘﺮ ﺍﻳﺪﻱ ﻭﺍﻧﻲ ﺍﻧﺘﺒﻬﺖ ﻟﺰﻟﺔ ﻟﺴﺎﻧﻲ ﺛﻮﻟﺔ ﻣﺎﻛﻮ ﺑﻨﻴﺔ ﺗﮕﻮﻝ ﻷﺑﻦ ﻋﻤﻬﺎ ﺣﺒﻴﺖ ﻓﻼﻥ ﻭﻳﺘﻘﺒﻠﻬﺎ ﺍﻟﻔﻜﺮﺓ ﻣﻮ ﻋﺎﺩ ﺍﻧﻲ ﺍﺑﻦ ﻋﻤﻲ ﻭﻳﺤﺒﻨﻲ ﺣﻘﻪ ﻳﻌﺼﺐ ﺳﻜﺘﺖ ﻭﺍﻧﺪﺭﺕ ﻃﻠﻌﻦ ﺍﻟﺒﻨﺎﺕ ﻭﺑﺪﻭ ﻳﺼﻌﺪﻭﻥ ﻭﻗﺼﻲ ﺷﻐﻞ ﺳﻴﺎﺭﺗﻪ ﺻﻌﺪﻥ ﻭﺍﻧﻄﻠﻘﻨﺎ ﻟﻠﺒﻴﺖ ﺣﺠﺖ ﻋﺬﺭﺍﺀ ﺑﻨﺖ ﺧﺎﻟﻬﻢ ﺯﻭﺯﺓ ﺷﻮﻛﺖ ﻃﻠﻌﺘﻲ ﻣﻦ ﺍﻟﺤﻠﻔﺔ ﻭﻻ ﺍﻧﺘﺒﻬﻨﺔ ﻉ ﻏﻴﺎﺑﺞ ﺍﻟﻪ ﻫﺴﺔ ﻣﻦ ﺩﻧﻄﻠﻊ ﺣﺒﻴﺒﻲ ﻣﺼﺎﺭ ﻫﻮﺍﻱ ﻣﻦ ﻃﻠﻌﺖ ﻭﺍﻧﺘﻮ ﻟﺤﮕﺘﻮﻧﻲ ﺑﺎﻭﻋﻠﻲ ﻗﺼﻲ ﻭﺭﻓﻊ ﺣﺎﺟﺒﺔ ﺷﻜﻮ ﺳﻼﻣﺘﺞ ﻫﻴﺞ ﺍﺑﺎﻭﻉ ﻟﻠﺮﺑﻊ ﺳﺎﻋﻪ ﺧﻠﺼﺖ ﺑﺴﺮﻋﻪ ﺳﻜﺘﺖ ﻣﻨﻪ ﻣﺤﺠﻴﺖ ﻭﺻﻠﻨﺎ ﻟﻠﺒﻴﺖ ﻭﺩﻧﻨﺰﻝ ﮔﻠﺖ ﻟﺤﻮﺭ ﺗﻌﺎﻟﻲ ﺳﻨﺪﻳﻨﻲ ﻣﻦ ﻃﻠﻌﺖ ﺭﺟﻠﻲ ﺍﻟﺘﻮﺕ ﻭﺩﺗﺄﺫﻳﻨﻲ ﮔﺎﻝ ﻗﺼﻲ ﺗﺄﺫﻳﺞ ﺣﻴﻞ ﻻ ﺑﺲ ﺍﻟﻢ ﺧﻔﻴﻒ ﺩﺧﻞ ﻟﻠﺪﻳﻮﺍﻧﻴﺔ ﻭﺍﺣﻨﻪ ﻣﺸﻴﻨﺎ ﻧﺪﺧﻞ ﻟﻠﺒﻴﺖ ﺑﺪﻟﺖ ﻭﺭﺣﺖ ﻳﻢ ﺧﺎﻟﺘﻲ ﺩﻫﻨﺖ ﺭﺟﻠﻲ ﻭﻟﻔﺘﻬﺎ ﺍﻟﻲ ﺑﺒﺎﻧﺪﺝ ﻭﺍﻟﻌﺎﻟﻢ ﺍﻟﻐﺮﺑﺔ ﺑﺪﺕ ﺗﺮﻭﺡ ﺑﻘﻮ ﺑﺲ ﺍﻟﻌﻤﺎﺕ ﻭﻧﺴﻮﺍﻥ ﻋﻤﺎﻣﻪ ﻭﺑﻨﺎﺗﻬﻦ ﻣﺮﺍﺣﻦ ﻏﻴﺮ ﻟﻠـ 10:00 ﺑﻠﻴﻞ ﺍﻟﺒﻨﺎﺕ ﺑﺴﺮﻋﻪ ﻣﺴﺤﻦ ﻭﻓﺮﺷﻦ ﺍﻟﻔﺮﺍﺵ ﻭﻛﻞ ﻭﺍﺣﺪ ﻧﺎﻡ ﺑﻤﻜﺎﻧﻪ ﮔﻌﺪﺕ ﺍﻟﺼﺒﺢ ﺍﺷﺘﻐﻞ ﻭ ﮔﻠﺒﻲ ﻳﻮﺟﻌﻨﻲ ﻭﻧﺎﻏﺰﻧﻲ ﺍﺗﻨﻬﺪﺕ ﻭﺍﺣﺠﻲ ﻭﻳﺔ ﻧﻔﺴﻲ ﺑﺲ ﺍﻟﻴﻮﻡ ﺍﺗﺤﻤﻠﻲ ﻳﺎﺭﺏ ﻣﻨﻚ ﺍﻟﺼﺒﺮ ﻳﺎﺍﻟﻠﻪ ﻃﺒﻌﺎ ﺟﺎﻧﺖ ﻋﺰﻳﻤﺘﻬﻢ ﻛﻠﺸﺸﺸﺶ ﺟﺒﻴﺮﺓ ﺟﺎﺑﻮ ﻃﺒﺎﺧﻴﻦ ﻟﻠﻌﺸﺎ ﻭﻟﺪ ﻋﻤﺎﻣﻪ ﻭﻋﻤﺎﺗﻪ ﻛﻠﻬﻢ ﻳﻤﻨﻪ ﻣﻦ ﺍﻟﺼﺒﺢ ﺍﻟﺴﺎﻋﻪ 6:00 ﻧﺎﺱ ﺗﺬﺑﺢ ﻭﻧﺎﺱ ﺗﺤﻀﺮ ﺑﺎﻟﻜﺮﺍﺳﻲ ﻭﺍﻟﻤﻴﻮﺯﺓ ﻭﻧﺎﺱ ﺗﺰﻳﻦ ﺍﻟﺴﻴﺎﺭﺓ ﻭﻧﺎﺱ ﺗﺤﻀﺮ ﮔﺪﻭﺭﺓ ﺍﻟﻄﺒﺦ ﻭﻋﺪﻧﺎﻥ ﻭﺟﻬﺎﺩ ﻳﺄﻛﺪﻭﻥ ﻉ ﺍﻟﻤﺴﻮﺍﮒ ﺍﺧﺎﻑ ﻧﻘﺺ ﮔﺎﻋﺪ ﻳﺤﺴﺒﻮﻥ ﺩﮒ ﺟﻬﺎﺯﻱ ﻭﺟﺎﺑﺘﻪ ﺍﻟﻲ ﺣﻮﺭ ﮔﺎﻟﺖ ﻫﺬﺍ ﺭﻗﻢ ﻳﺘﺼﻞ ﻋﻠﻴﺞ ﻃﻠﻌﺖ ﻟﻠﻐﺮﻓﺔ ﺟﺎﻭﺑﺘﻪ ﻃﻠﻊ ﻗﺼﻲ ﺗﮕﺪﺭﻳﻦ ﺗﺠﻴﻨﻲ ﺷﻮﻳﺔ ﻟﺒﺮﺓ ﻳﻠﻠﻪ ﺟﺎﻳﺘﻚ ﺭﺣﺖ ﻋﻠﻴﻪ ﻓﺪﻭﺓ ﺍﺭﻳﺪ ﺍﺳﺒﺢ ﺗﺮﺓ ﻋﻔﻨﺖ ﺿﺤﻜﺖ ﻭﮔﺘﻠﻪ ﺍﻱ ﻣﻮ ﻫﺬﺍ ﺣﻤﺎﻡ ﻣﺘﺴﺒﺢ ﺍﺳﺘﺤﻲ ﻉ ﺷﻨﻮ ﻳﺎﺍﺑﺔ ﮔﻮﻡ ﻳﻠﻠﻪ ﺍﺳﺒﺢ ﻟﻌﺪ ﻗﻤﻴﺼﻲ ﺑﺎﻟﺠﻨﻄﺔ ﻳﻤﺞ ﺍﺫﺍ ﺗﮕﺪﺭﻳﻦ ﺷﻮﻳﺔ ﻋﺪﻟﻴﻠﻴﺎﻩ ﺑﺎﻷﻭﺗﻲ ﺣﺎﺿﺮ ﻫﺴﺔ ﺍﺳﻮﻱ ﺍﻟﻚ ﺭﺣﺖ ﺍﺧﺬﺕ ﻗﻤﻴﺼﻪ ﻭﺩﺧﻠﺖ ﻛﻮﻳﺘﻪ ﻭﺍﺧﺬﺕ ﻣﺸﻂ ﻭﺯﻳﺖ ﺷﻌﺮ ﻣﻦ ﻋﻤﻮﺭﻱ ﻷﻥ ﺍﺩﺭﻱ ﺑﻘﺼﻲ ﻣﻴﻤﺸﻂ ﺍﺫﺍ ﻣﻮ ﺯﻳﺖ ﻛﻠﺸﺶ ﻳﺤﺐ ﻳﻌﺘﻨﻲ ﺑﺸﻌﺮﺓ ﺍﺧﺬﺗﻬﻦ ﻭﺭﺣﺖ ﻟﮕﻴﺘﻪ ﺩﺍﺧﻞ ﻟﻠﺤﻤﺎﻡ ﺣﻄﻴﺖ ﺍﻟﻤﺸﻂ ﻭﺍﻟﺰﻳﺖ ﻳﻢ ﺍﻟﻤﺮﺍﻳﺔ ﺍﻟﻲ ﺑﺎﻟﺪﻳﻮﺍﻧﻴﺔ ﻭﺍﻟﻘﻤﻴﺺ ﻋﻠﻜﺘﻪ ﻉ ﺍﻟﺒﺎﺏ ﻭﺭﺣﺖ ﺣﺎﺟﻴﺘﻪ ﻣﻦ ﻭﺭﺓ ﺍﻟﺒﺎﺏ ﻗﺼﻲ ﺧﻠﻴﺘﻬﻦ ﺍﻟﻚ ﺑﺎﻟﺪﻳﻮﺍﻧﻴﺔ ﺑﻌﺪ ﺗﺤﺘﺎﺝ ﺷﻲ ﺟﺎﺍﻱ ﺍﺭﻳﺪ ﻋﻠﻴﺞ ﺍﻟﻠﻪ ﺭﺍﺳﻲ ﻳﻮﺟﻌﻨﻲ ﻣﺸﺮﺑﺖ ﺑﻠﺮﻳﻮﮒ ﺍﻭﻙِ ﻃﻠﻊ ﻣﻦ ﺍﻟﺤﻤﺎﻡ ﺍﺧﺬﺗﻠﻪ ﺍﻟﺠﺎﻱ ﻭﺭﺟﻌﺖ ﻉ ﺍﻟﺒﻨﺎﺕ ﻣﺮ ﺍﻟﻮﻛﺖ ﺭﻛﺾ ﺭﻛﺾ ﻭﺻﺎﺭﺕ ﺑـ 2:30 ﺩﺧﻞ ﻣﺼﻄﻔﻰ ﻭﻭﻳﺎﻩ ﺟﻤﺎﻋﺘﻪ ﺗﻼﺛﻪ ﻭﺳﻴﻒ ﺭﺍﺣﻮ ﻟﻠﻐﺮﻓﺔ ﻳﺒﺪﻟﻮﻟﺔ ﻭﺍﺣﻨﻪ ﻫﻢ ﮔﻤﻨﺎ ﻧﺒﺪﻝ ﻟﺒﺴﺖ ﻓﺴﺘﺎﻥ ﻣﺎﺭﻭﻧﻲ ﻭﺑﻲ ﺍﺳﻮﺩ ﻭﻧﻮﺭ ﻟﺒﺴﺖ ﻗﻤﻴﺺ ﺟﻮﺯﻱ ﻭﺑﻨﻄﺮﻭﻥ ﺍﺳﻮﺩ ﻃﻠﻊ ﻣﺼﻄﻔﻰ ﻣﻦ ﺍﻟﻐﺮﻓﺔ ﻫﻮ ﻭﺟﻤﺎﻋﺘﻪ ﻭﺍﻣﻲ ﻭﺧﺎﻟﺘﻲ ﺍﺳﺘﻠﻤﻮﻫﻢ ﻫﻼﻫﻞ ﻭﺟﻜﻠﻴﺖ ﺭﺍﺣﻦ ﺍﻟﺒﻨﺎﺕ ﻛﻠﻬﻦ ﻟﻠﺴﻴﺎﺭﺍﺕ ﻭﺍﻧﻲ ﻭﺍﻛﻔﺔ ﻉ ﺻﻔﺤﺔ ﻗﺮﺭﺕ ﻣﺎﺍﺭﻭﺡ ﻟﻠﺰﻓﺔ ﺻﻌﺪ ﺍﻟﻜﻞ ﻭﺳﻴﻒ ﺻﺎﺡ ﺯﻭﺯﻩ ﻟﻴﺶ ﻭﺍﻛﻔﺔ ﺗﻌﺎﻟﻲ ﺻﻌﺪﻱ ﻫﻨﺎ ﺳﻮﻳﺘﻠﺞ ﻣﻜﺎﻥ ﻣﺎﺍﺭﻭﺡ ﺳﻴﻒ ﺍﺑﻘﻰ ﻫﻨﺎ ﻳﻢ ﺍﻣﻲ ﻭﺧﺎﻟﺘﻲ ﺳﻤﻌﺖ ﻭﺍﺣﺪ ﺣﺠﺔ ﻣﻦ ﻭﺭﺍﻱ ﻫﺎﺍ ﺷﮕﺘﻠﺞ ﺍﻧﻲ ﻣﻮ ﮔﺘﻠﺞ ﺍﻟﻴﻮﻡ ﺗﺒﻴﻦ ﻭﻫﺎﻱ ﺍﻟﺒﺪﺍﻳﺔ ﺑﻌﺪﺝ ﻣﺸﻔﺘﻲ ﺷﻲ ﺍﻧﺪﺭﺕ ﻭﮔﺘﻠﻪ ﻗﺼﻲ ﺗﺮﺓ ﺍﻧﻲ ﻣﺮﺣﺖ ﻷﻥ ﻫﻮﺳﺔ ﻣﻮ ﺍﻛﺜﺮ ﺍﻧﺘﻲ ﺷﮕﺪ ﺗﺠﺬﺑﻴﻦ ﻣﻼﺣﻈﺔ ﻧﻔﺴﺞ ﻋﻔﺘﻪ ﻭﻣﺸﻴﺖ ﻟﻠﺴﻴﺎﺭﺓ ﺻﻌﺪﺕ ﻭﺳﺪﻳﺖ ﺍﻟﺒﺎﺏ ﻭﺑﺎﻭﻋﺘﻠﺔ ﺭﻓﻊ ﺣﺎﺟﺒﺔ ﻭﺍﺑﺘﺴﺎﻣﺔ ﺧﺒﻴﺜﺔ ﻉ ﻭﺟﻬﺔ ﻃﻠﻌﻨﺎ ﻟﻠﺰﻓﺔ ﻭﺻﻠﻨﺎ ﻟﻬﻨﺎﻙ ﺍﺧﺬﻫﺎ ﻣﺼﻄﻔﻰ ﻭﻃﻠﻊ ﻭﺍﺗﻔﺎﺟﺄﺕ ﺑﻌﻤﻮ ﺍﺑﻮ ﺭﻗﻴﺔ ﺭﺑﻂ ﺍﻟﻤﻀﺨﻢ ﻉ ﺳﻴﺎﺭﺗﻪ ﻭﺷﻐﻞ ﺍﻷﻏﺎﻧﻲ ﻭﻃﻠﻌﻨﺎ ﻟﻠﺒﻴﺖ ﻭﺻﻠﻨﺎ ﻭﻧﺰﻟﻮﻫﻢ ﮔﻌﺪﻭﻫﻢ ﺑﺎﻟﺼﺎﻟﺔ ﻭﺍﻟﻤﻀﺨﻢ ﺑﺼﻔﻬﻢ ﻭﺍﻷﻏﺎﻧﻲ ﻣﺸﺘﻐﻠﺔ ﻫﺬﺍ ﺷﺒﻲ ﻋﻨﺪﻩ ﺍﻧﻔﺼﺎﻡ ﺑﺎﻟﺸﺨﺼﻴﺔ ﻣﻮ ﺍﻟﺼﺒﺢ ﻳﺤﺬﺭ ﻣﻤﻨﻮﻉ ﺍﻏﺎﻧﻲ ﻭﺭﻛﺺ ﻭﻫﻼﻫﻞ ﻭﻫﻮﺳﺎﺕ ﺍﺷﻮ ﻫﺴﺔ ﺭﺍﺡ ﺟﺎﺏ ﺍﻟﻌﺮﻭﺱ ﻭﻣﻀﺨﻤﻬﺎ ﻭﻳﺎﻫﺎ ﺣﻮﺭ ﮔﺎﻟﺖ ﺍﻱ ﻋﻴﻨﻲ ﻣﻮ ﻫﻲ ﻫﻨﺎﻙ ﻣﺴﻮﻳﺘﻠﻬﺎ ﺳﺎﻟﻔﻪ ﻣﺘﺮﻳﺪ ﺍﻟﻌﺮﺱ ﺳﻜﺘﺎﻭﻱ ﻭﺩﮔﺖ ﺭﺟﻞ ﻣﺘﻄﻠﻊ ﺍﻟﺰﻓﺎﻓﺔ ﺍﻟﻪ ﺍﻏﺎﻧﻲ ﻭﻳﺎﻫﺎ ﻫﺰﻳﺖ ﺍﻳﺪﻱ ﻭﺑﻘﻴﺖ ﻭﺍﻛﻔﺔ ﻉ ﺻﻔﺤﺔ ﻭﻃﺒﻌﺎ ﺻﺎﺭﺕ ﻣﺨﺘﻠﻂ ﻭﻟﺪ ﻭﺑﻨﺎﺕ ﺟﻮﺓ ﺃﺫﻥ ﻟﻠﻤﻐﺮﺏ ﻃﻔﻮ ﺍﻟﻤﻀﺨﻢ ﻭ ﺑﺪﺕ ﺍﻟﻌﺎﻟﻢ ﺗﺴﻠﻢ ﻋﻠﻴﻬﻢ ﻭﺗﺒﺎﺭﻙ ﻭﺗﻄﻠﻊ ﺍﺗﻘﺪﻣﺖ ﺍﻧﻲ ﻋﻠﻴﻬﻢ ﻭﺑﺎﻭﺳﺖ ﻟﺠﻴﻦ ﻭﮔﺘﻠﻬﻢ ﺍﻟﻒ ﺍﻟﻒ ﺍﻟﻒ ﻣﺒﺮﻭﻙ ﺭﺑﻲ ﻳﺪﻳﻢ ﺍﻷﻓﺮﺍﺡ ﺑﻴﻨﻜﻢ ﻭﺍﻧﺪﺭﺕ ﺍﺭﻳﺪ ﺍﻣﺸﻲ ﺑﺲ ﻭﮔﻔﻨﻲ ﺻﻮﺗﻬﻢ ﺛﻨﻴﻨﻬﻢ ﺯﻭﺯﺓ ﺍﻧﺪﺭﺕ ﺷﻔﺖ ﻣﺼﻄﻔﻰ ﻳﺒﺎﻭﻉ ﻟﻠﺠﻴﻦ ﻭﻫﻲ ﮔﺎﻟﺘﻠﻪ ﺍﺣﺠﻲ ﺍﻧﺖ ﺑﺎﻭﻋﻠﻲ ﻭﮔﺎﻝ ﺍﺳﻒ ﻉ ﻛﻠﺸﻲ ﺑﺪﺭ ﻣﻨﻲ ﺍﻋﺬﺭﻳﻨﻲ ﻭﺍﺭﻳﺪ ﺍﻛﻮﻥ ﺍﻧﺎﻧﻲ ﻭﺍﻃﻠﺐ ﻣﻨﺞ ﺗﺪﻋﻴﻠﻨﺎ ﺑﺎﻟﺴﻌﺎﺩﺓ ﻭﺍﻟﺮﺍﺣﺔ ﻟﺠﻴﻦ ﮔﺎﻟﺖ ﺍﻧﺴﻲ ﻛﻞ ﺍﻟﻲ ﺻﺎﺭ ﻗﺒﻞ ﻭﻻﺗﺤﻘﺪﻳﻦ ﻋﻠﻴﻨﺎ ﻭﻻﺗﺪﻋﻴﻦ ﺍﺑﺪ ﻓﺪﻭﺓﺓ ﺑﺎﻭﻋﺘﻠﻬﻢ ﺑﺄﺑﺘﺴﺎﻣﺔ ﻭﺑﺎﻭﻋﺖ ﻟﻘﺼﻲ ﺍﻟﻲ ﻭﺍﮔﻒ ﻳﻢ ﺍﻟﺒﺎﺏ ﻳﺒﺎﻭﻋﻠﻲ ﻭﮔﺘﻠﻬﻢ ﻣﻨﻮ ﮔﺎﻝ ﺍﻧﻲ ﺣﺎﻗﺪﺓ ﻻﺗﺨﺎﻓﻮﻥ ﻭﺩﺍﻋﺔ ﻣﺮﺗﻀﻰ ﻭﻏﻼﺗﻪ ﻋﻨﺪﻱ ﻣﺤﺎﻗﺪﺓ ﻋﻠﻴﻜﻢ ﻭﻻﻧﻴﺘﻲ ﺍﺩﻋﻲ ﻋﻠﻴﻜﻢ ﻣﺼﻄﻔﻰ ﻻﺗﻔﻜﺮ ﺑﺎﻟﻤﺎﺿﻲ ﺍﻧﺴﺎﻩ ﻭﻋﻴﺶ ﻭﻳﺔ ﻗﺮﺍﺭﻙ ﺍﻟﻲ ﺍﺧﺘﺎﺭﻳﺘﻪ ﻭﺍﻧﻲ ﻣﻦ ﻛﻞ ﮔﻠﺒﻲ ﺍﮔﻮﻟﻚ ﺭﺑﻲ ﻳﺴﻌﺪﻙ ﻭﻳﻔﺮﺣﻚ ﻭﻳﻮﻡ ﺍﻟﻲ ﺍﺷﻮﻑ ﻭﻟﺪﻙ ﻉ ﺍﻳﺪﻙ .... ﺻﺪﮔﻨﻲ ﺍﺑﻦ ﺧﺎﻟﺘﻲ ﺍﻧﺖ ﻫﺴﺔ ﺑﺤﺴﺒﺔ ﺍﺧﻮﻱ ﻭﺍﻟﻲ ﺍﺗﻤﻨﺎﻩ ﻟﺴﻴﻒ ﺍﺗﻤﻨﺎﻩ ﺍﻟﻚ ﺍﺣﺠﻲ ﻭﺍﻧﻲ ﺍﺣﺲ ﺍﻛﻮ ﺳﺠﻴﻦ ﺩﺗﺤﻔﺮ ﺑﮕﻠﺒﻲ ﺷﻜﺮﺍ ﻭﺭﺑﻲ ﻳﻌﻮﺿﺞ ﺑﺎﻷﺣﺴﻦ ﻣﻨﻲ ﺍﺑﺘﺴﻤﺖ ﻭﺭﺩﺕ ﺍﻣﺸﻲ ﮔﺎﻝ ﻉ ﻃﺎﺭﻱ ﻣﺮﺗﻀﻰ ﻭﻳﻨﻪ ﺍﺭﻳﺪ ﺍﺧﺬ ﻭﻳﺎﻩ ﺻﻮﺭﺓ ﺃﺷﺮﺕ ﻷﻣﻲ ﺗﻨﻄﻲ ﺍﻟﻲ ﺍﻧﻄﺘﻨﻴﺎﻩ ﻭﻭﺩﻳﺘﻪ ﻟﻤﺼﻄﻔﻰ ﺩﻳﺎﺧﺬﺓ ﻣﻨﻲ ﻭﺍﻳﺪﺓ ﻻﻣﺴﺖ ﺍﻳﺪﻱ ﺣﺴﻴﺖ ﮔﻠﺒﻲ ﺍﻧﻘﺒﺾ ﺳﺤﺒﺖ ﺍﻳﺪﻱ ﻭﻣﺸﻴﺖ ﻋﻨﻪ ﻭﮔﻔﺖ ﺑﻨﻬﺎﻳﺔ ﺍﻟﻐﺮﻓﺔ ﻭﺍﻧﻲ ﺍﺷﺘﻌﻞ ﻧﺎﺍﺭ ﻭﺍﻟﻘﻬﺮ ﺍﻛﻞ ﮔﻠﺒﻲ ﺻﺎﺭﺕ ﺑـ 6:00 ﺯﻓﻮﻫﻢ ﻟﻠﻐﺮﻓﺔ ﺩﺧﻠﻮ ﻭﺍﻧﺴﺪ ﺍﻟﺒﺎﺏ ﻋﻠﻴﻬﻢ ﻟﻬﻨﺎ ﻭﺍﻧﻲ ﻃﺎﻗﺘﻲ ﺧﻠﺼﺖ ﺑﻌﺪ ﻣﺎﺍﮔﺪﺭ ﺍﺣﺒﺲ ﺍﻛﺜﺮ ﺍﻟﺘﻬﻮ ﺑﺎﻟﻤﻌﺎﺯﻳﻢ ﺍﻟﻲ ﺑﻘﺖ ﻳﻀﻴﻔﻮﻥ ﺑﻴﻬﻢ ﻭﺍﻧﻲ ﺍﻧﺴﺤﺒﺖ ﺍﻟﺪﻧﻴﺎ ﺟﺎﻧﺖ ﺿﻠﻤﺔ ﺑﺮﺓ ﻣﺸﻴﺖ ﻟﻮﺭﺓ ﺍﻟﺒﻴﺖ ﺍﻭﻝ ﻣﺮﺓ ﺑﺤﻴﺎﺗﻲ ﻣﻦ ﺍﺟﻴﺘﻬﻢ ﻗﺒﻞ ﺳﻨﻴﻦ ﻟﻬﺬﺍ ﻳﻮﻣﻲ ﺍﻃﻠﻊ ﻭﺭﺓ ﺍﻟﺒﻴﺖ ﺑﻬﻴﺞ ﻭﻛﺖ ﻭﺑﻬﻴﺞ ﺿﻠﻤﺔ ﺟﻨﺖ ﺍﺧﺎﻑ ﻭﻣﺎﺍﻃﻠﻊ ﺍﺑﺪ ﺑﺎﻟﺬﺍﺕ ﻭﺭﺓ ﺳﺎﻟﻔﻪ ﻣﻮﺕ ﺣﺴﺎﻡ ﺑﺲ ﺗﻐﻮﺭﺏ ﺍﻟﺪﻧﻴﺎ ﺍﻧﻲ ﺑﻌﺪ ﻣﺎﺍﻃﻠﻊ ﺭﺣﺖ ﮔﻌﺪﺕ ﻳﻢ ﺍﻟﻨﻬﺮ ﺟﺎﻧﺖ ﺍﻛﻮ ﺑﻠﻮﮔﺔ ﮔﻌﺪﺕ ﻋﻠﻴﻬﺎ ﻭﺟﺮﻳﺖ ﻧﻔﺲ ﻏﻤﻀﺖ ﻋﻴﻮﻧﻲ ﻭﺑﺪﻳﺖ ﺍﺧﺬ ﺷﻬﻴﻖ ﻭﺯﻓﻴﺮ ﻭﺍﻳﺪﻳﺔ ﺗﺮﺟﻒ ﻭﺷﻔﺎﻳﻔﻲ ﺑﺪﺕ ﺗﺮﺟﻒ ﺗﻌﻠﻦ ﻋﻦ ﺍﻧﺘﻬﺎﺀ ﺻﺒﺮﻱ ﻃﻔﺢ ﺑﻴﺔ ﺍﻟﻜﻴﻞ ﻭﺑﺪﺕ ﺩﻣﻮﻋﻲ ﺗﻮﮔﻊ ﻉ ﺧﺪﻱ ﻭﺣﺪﺓ ﺑﻌﺪ ﺍﻟﺜﺎﻧﻴﺔ ﺷﻮﻳﺔ ﻭﺣﺴﻴﺖ ﺣﺮﻛﺔ ﻭﺭﺍﻱ ﺍﻟﺘﻔﺘﺖ ﺷﻔﺖ ﺣﻮﺭ ﻭﺭﺍﻱ ﺍﺟﺖ ﺣﻀﻨﺘﻨﻲ ﻭﺑﺪﻳﺖ ﺍﺑﺠﻲ ﺑﺼﻮﺕ ﻋﺎﻟﻲ ﻭﺩﺍﻓﻨﻪ ﺭﺍﺳﻲ ﺑﺤﻀﻨﻬﺎ ﻭﻫﻲ ﺗﺒﺠﻲ ﻭﻳﺎﻱ ﺭﻓﻌﺖ ﺭﺍﺳﻲ ﻭﮔﺘﻠﻬﺎ ﺣﻮﺭ ﺭﻭﺣﻲ ﻭﻋﻮﻓﻴﻨﻲ ﻭﺣﺪﻱ ﻓﺪﻭﺓ ﺭﺍﺩﺕ ﺗﺤﺠﻲ ﮔﺘﻠﻬﺎ ﺍﺗﺮﺟﺎﺝ ﺍﺭﻳﺪ ﺑﺲ ﻓﺘﺮﺓ ﺍﺑﻘﺔ ﺑﻴﻬﺎ ﻭﺣﺪﻱ ﻭﺍﻓﺮﻍ ﺍﻟﻲ ﺑﮕﻠﺒﻲ ﻓﺪﻭﻭﺓ ﻭﻣﺎﺍﺭﻳﺪ ﺍﺣﺪ ﻳﻌﺮﻑ ﺑﻤﻜﺎﻧﺞ ﻣﺎﺍﻋﻮﻓﺞ ﻭﺣﺪﺝ ﻣﺎﺍﮔﺪﺭ ﺑﺲ ﺭﺍﺡ ﺍﺑﺘﻌﺪ ﻋﻨﺞ ﻣﺴﺎﻓﺔ ﻭﺻﺪﮒ ﮔﺎﻣﺖ ﻭﻛﻔﺖ ﺑﻌﺪ ﻣﺴﺎﻓﺔ ﻋﻨﻲ ﻭﺍﻧﻲ ﺣﻄﻴﺖ ﺍﻳﺪﻱ ﻉ ﻭﺟﻬﻲ ﻭﺍﺑﺠﻲ ﺷﻮﻳﺔ ﻭﺣﺴﻴﺘﻬﺎ ﻭﺭﺍﻱ ﻛﺎﻓﻲ ﻳﻠﻠﻪ ﮔﻮﻣﻲ ﮔﻤﺖ ﻭﺩﺍﺍﻣﺴﺢ ﺑﻌﻴﻮﻧﻲ ﺻﺎﺭﻭ ﮔﺒﺎﻟﻲ ﺟﻬﺎﺩ ﻭﺳﻴﻒ ﻭﻗﺼﻲ ﺟﻬﺎﺩ ﻣﻦ ﺷﺎﻑ ﻋﻴﻮﻧﻲ ﺗﺮﺧﺺ ﻭﺭﺟﻊ ﻟﻠﺒﻴﺖ ﻭﺣﻮﺭ ﻫﻢ ﻋﺎﻓﺘﻨﻲ ﺑﺪﻭﻥ ﻛﻼﻡ ﻭﺭﺍﺣﺖ ﺗﻘﺪﻡ ﺳﻴﻒ ﻭﻗﺼﻲ ﻭﺭﺍﻩ ﺷﺒﻴﺞ ﻫﺰﻳﺖ ﺭﺍﺳﻲ ﻭﮔﺘﻠﻪ ﻭﺻﻮﺗﻲ ﺑﻲ ﻋﺒﺮﺓ ﻣﺎﻝ ﺑﺠﻲ ﻣﺎ ﻣﺎﺑﻴﺔ ﺵ ﺷﻲ ﻭﻧﺰﻟﺖ ﺩﻣﻮﻋﻲ ﺗﻘﺪﻡ ﺍﻛﺜﺮ ﻭﺳﺤﺐ ﺭﺍﺳﻲ ﻟﺼﺪﺭﻩ ﻭﺍﻧﻲ ﻟﻔﻴﺖ ﺍﻳﺪﻳﺔ ﻉ ﺿﻬﺮﺓ ﻭﻣﻘﺪﻳﺘﻬﻦ ﻉ ﺿﻬﺮﺓ ﻛﻞ ﻗﻮﺗﻲ ﻭﺍﺑﺠﻲ ﺑﺼﻮﺕ ﻭﺍﺷﻬﮓ ﺍﻟﻤﻜﺎﻥ ﻛﻠﻪ ﻫﺪﻭﺀ ﺑﺲ ﺻﻮﺕ ﺍﻟﻤﺎﻱ ﻳﻤﺸﻲ ﺧﻠﺼﺖ ﺑﺠﻲ ﺍﺧﺬﺕ ﻧﻔﺲ ﻭﺭﻓﻌﺖ ﺭﺍﺳﻲ ﻣﻦ ﺻﺪﺭﻩ ﻣﺴﺤﺖ ﺩﻣﻮﻋﻲ ﻭﮔﺘﻠﻪ ﺭﺍﺡ ﺍﺭﻭﺡ ﺳﺤﺒﻨﻲ ﻭﮔﻌﺪﻧﻲ ﻭﮔﻌﺪ ﺑﺼﻔﻲ ﻭﺑﺼﻔﺔ ﻗﺼﻲ ﺳﺎﻛﺘﻴﻦ ﺛﻨﻴﻨﺎ ﺣﺠﺔ ﻗﺼﻲ ﻭﮔﺎﻝ ﻫﺎﺍ ﺷﻠﻮﻧﺞ ﻫﺴﺔ ﺣﺴﻴﺘﻲ ﺑﺎﻟﻲ ﺣﺴﻴﺘﻪ ﻟﻮ ﺑﻌﺪ ﺑﺎﻭﻋﺘﻠﻪ ﻭﮔﺘﻠﻪ ﺍﻱ ﺍﺭﺗﺎﺡ ﺣﺴﻴﺖ ﺑﻴﻚ ﻫﺴﺔ ﻭﮔﻤﺖ ﺑﻨﺘﺮﺓ ﻟﺰﻣﻨﻲ ﺳﻴﻒ ﻭﮔﺎﻝ ﺍﻭﻛﻔﻲ ﺍﻧﺪﺍﺭ ﻟﻘﺼﻲ ﻭﮔﺎﻟﺔ ﺷﻨﻮ ﺣﻀﺮﺗﻚ ﺩﺗﺸﻤﺖ ﺑﻴﻬﺎ ﻟﻮ ﺷﻨﻮ؟ ﺍﻧﺠﺐ ﻣﻤﺸﻤﺖ ﺍﻧﻲ ﺑﺲ ﻫﻲ ﺗﻌﺮﻑ ﺷﻘﺼﺪﺕ ﺑﺎﻭﻋﻠﻲ ﺳﻴﻒ ﻭﮔﺎﻝ ﺯﻭﺯﺓ ﺣﺒﻴﺒﺘﻲ ﻻﺗﻀﻠﻴﻦ ﺗﺴﻮﻳﻦ ﻫﻴﺞ ﻟﺞ ﻛﺮﻫﺖ ﺑﻴﺖ ﺧﺎﻟﺘﻲ ﻭﺍﻟﺴﺎﻋﺔ ﺍﻟﻲ ﺍﺟﻴﻨﻪ ﺑﻴﻬﺎ ﻫﻨﺎ ﻭﺗﻌﺮﻓﻨﺎ ﻋﻠﻴﻬﻢ ﻋﻔﺘﻬﻢ ﻭﺩﺧﻠﺖ ﻏﺴﻠﺖ ﻭﺟﻬﻲ ﻭﺩﺧﻠﺖ ﺍﺧﺬﺕ ﺟﻬﺎﺯﻱ ﻭﮔﻌﺪﺕ ﺑﺎﻟﺪﻳﻮﺍﻧﻴﺔ ﻭﺣﺪﻱ ﻣﺎﻛﻮ ﺍﺣﺪ ﻓﺘﺤﺖ ﺍﻟﻴﻮﺗﻴﻮﺏ ﻭﺿﻠﻴﺖ ﺍﺗﺼﻔﺢ ﺷﻮﻳﺔ ﻭﺩﺧﻠﻮ ﻗﺼﻲ ﻭﺳﻴﻒ ﻭﻫﻢ ﻛﻠﻤﻦ ﺑﻴﺪﺓ ﺟﻬﺎﺯﺓ ﺍﺗﺮﺍﺳﻞ ﻭﻳﺔ ﺍﻟﺒﻨﺎﺕ ﻭﻣﺮﺓ ﻉ ﺍﻟﻴﻮﺗﻴﻮﺏ ﻭﻣﺮﺓ ﺑﺎﻟﻔﻴﺲ ﻭﺳﻴﻒ ﻭﻗﺼﻲ ﻳﺤﺠﻮﻥ ﺑﻠﻠﻌﺒﺔ ﻣﺎﻝ ﻋﺮﺍﻕ ﺷﻮﻳﺔ ﻭﺷﺎﺭﻛﺘﻬﻢ ﺍﻟﻤﺸﺎﻫﺪﺓ ﻧﻮﻋﺎ ﻣﺎ ﺍﻟﺘﻬﻴﺖ ﻋﻦ ﺍﻟﻲ ﺩﻳﺼﻴﺮ ﺟﻮﺓ ﺑﻠﺒﻴﺖ ﺧﻠﺼﺖ ﺍﻟﻠﻌﺒﺔ ﻭﺍﻧﺘﻬﺖ ﺑﻔﻮﺯ ﺍﻟﻌﺮﺍﻕ ﻉ ﺍﻳﺮﺍﻥ ﻭﺍﻟﻜﻞ ﻓﺮﺣﺎﻧﻴﻦ ﻭﻣﺤﺘﻔﻠﻴﻦ ﺭﺍﺳﻠﺘﻨﻲ ﺍﻟﻜﺎﺗﺒﻪ ﺯﻭﺯﻩ ﺣﺠﻴﺖ ﻭﻳﺎﻫﺎ ﺷﻮﻳﺔ ﻭﺳﺪﻳﺘﻪ ﺩﺧﻠﺖ ﺍﻣﻲ ﮔﻮﻣﻲ ﻣﺎﻣﺎ ﺳﺎﻋﺪﻱ ﺑﻨﺎﺕ ﺧﺎﻟﺘﺞ ﺍﺷﻮ ﮔﺎﻋﺪﺓ ﻫﻨﺎ ﺳﻴﻒ ﮔﺎﻟﻠﻬﺎ ﻋﻮﻓﻴﻬﺎ ﻳﻤﺔ ﻫﻨﺎ ﻳﻤﻲ ﺍﻛﻮ ﺟﻮﺓ ﺟﻴﺶ ﻛﺎﻣﻞ ﻣﺎﻝ ﻧﺴﻮﺍﻥ ﻣﻮﺍﮔﻔﺔ ﻉ ﺯﻫﺮﺍﺀ ﺍﻧﻄﺘﻨﻲ ﻣﺮﺗﻀﻰ ﻭﻃﻠﻌﺖ ﻭﺿﻠﻴﺖ ﮔﺎﻋﺪﺓ ﻳﻢ ﺍﻟﻮﻟﺪ ﺍﻧﻲ ﻭﻣﺮﺗﻀﻰ ﺻﺎﺭﺕ ﺑـ 11:00 ﮔﻤﺖ ﻓﺮﺷﺖ ﻟﻠﻮﻟﺪ ﻭ ﺍﺧﺬﺕ ﻣﺮﺗﻀﻰ ﻭﺩﺧﻠﺖ ﻟﻠﺒﻴﺖ ﻓﺮﺷﺖ ﻭﻧﻤﺖ ﻭﺛﺎﻧﻲ ﻳﻮﻭﻭﻡ ﺭﺟﻌﻨﺎ ﻟﻠﺒﻴﺖ ..... ﻟﻬﻨﺎ ﻭﺗﺨﻠﺺ ﻗﺼﺘﻲ ﺍﺣﺐ ﺍﺷﻜﺮ ﺯﻫﻮﺭﺓ ﻉ ﺗﻌﺒﻬﺎ ﻭﻳﺎﻱ ﻓﻌﻼ ﺍﻟﻠﻪ ﻣﻴﻨﺴﻰ ﺍﺣﺪ ﻣﻦ ﺭﺣﻤﺘﻪ ﺭﻏﻢ ﺍﻷﻟﻢ ﺍﻟﻲ ﻋﺸﺘﻪ ﺑﻄﻔﻮﻟﺘﻲ ﺍﻧﻲ ﻭﺳﻴﻒ ﻭﻧﻮﺭ ﺑﺲ ﺍﻟﻠﻪ ﺍﺧﺬ ﺣﻘﻨﺎ ﻣﻦ ﻋﻤﻲ ﺍﻟﻠﻬﻢ ﻻ ﺷﻤﺎﺗﻪ ﺑﺲ ﻫﻮﺍﻱ ﺍﺫﺍﻧﻪ ﺍﻟﻠﻪ ﻳﺮﺣﻤﻪ ﻭﻫﻮﺍﻱ ﻗﺴﻰ ﻋﻠﻴﻨﺎ ﻃﻐﻰ ﻭﺗﻌﺎﻟﺔ ﻭﻧﺴﻰ ﺍﻛﻮ ﻓﻮﮔﺎﻩ ﺭﺏ ﻛﺮﻳﻢ ﻣﻴﻨﺴﻰ ﺩﻣﻌﺖ ﻳﺘﻴﻢ ﻭﻻ ﻳﻨﺴﻰ ﺩﻋﺎﺀ ﺍﻡ ﮔﻠﺒﻬﺎ ﻣﺤﺮﻭﮒ ﻉ ﺿﻨﺎﻫﺎ ﻋﻤﻲ ﻃﻐﻰ ﺑﺤﻴﺎﺗﻪ ﻭﺗﻔﺮﻋﻦ ﻫﻮﺍﺍﺍﻱ ﻭﻧﺴﻰ ﻭﺭﺍﻩ ﻗﺒﺮ ﻭﺣﺴﺎﺏ ﻭﻛﺘﺎﺏ ﻭﺑﺎﻟﺘﺎﻟﻲ ﻧﻬﺎﻳﺘﻪ ﺟﺎﻧﺖ ﺍﻟﻤﻮﺕ ﺑﻌﻴﺪ ﻋﻦ ﺍﻫﻠﻪ ﺗﺤﺖ ﺍﻳﺪ ﻋﺼﺎﺑﺔ ﻓﻘﺪ ﻣﻼﻣﺢ ﻭﺟﻬﺔ ﻣﻦ ﺍﻟﻀﺮﺏ ﻭﻓﻘﺪ ﻛﻠﻴﺎﺗﻪ ﻫﻢ ﺩﻭﻡ ﻣﻦ ﺍﺗﺬﻛﺮﻩ ﻳﺠﻲ ﻉ ﺑﺎﻟﻲ ﻣﻦ ﺟﺎﻥ ﻳﻀﺮﺏ ﺳﻴﻒ ﺍﺻﻌﺪ ﻟﻠﺴﻄﺢ ﺍﺑﺠﻲ ﻭﺍﺣﺠﻲ ﻭﻳﺔ ﺭﺏ ﺍﻟﻌﺎﻟﻤﻴﻦ ﺍﮔﻮﻟﻪ ﻳﺎﺭﺏ ﻫﻢ ﻧﺨﻠﺺ ﻣﻦ ﻫﺬﺍ ﺍﻟﻈﺎﻟﻢ ﻫﻢ ﻳﺠﻲ ﻭﻳﺘﻤﻨﻰ ﺍﻟﻤﻮﺕ ﻭﻣﻴﻼﮔﻴﻪ ﻫﻢ ﻳﺠﻲ ﻳﻮﻡ ﻳﺘﻌﺬﺏ ﻭﻳﻨﻀﺮﺏ ﻫﺬﺍ ﺍﻟﻀﺮﺏ ﻛﻠﻪ ﺍﻟﻲ ﺩﻳﻀﺮﺑﻪ ﻟﺴﻴﻒ ﻭﺍﻟﻠﻪ ﻣﺮﺍﺕ ﻣﻦ ﺍﺗﺬﻛﺮ ﺩﻣﻮﻋﻲ ﺗﻨﺰﻝ ﺍﺑﺠﻲ ﻉ ﺭﺣﻤﺔ ﺍﻟﻠﻪ ﺷﮕﺪ ﻭﺍﺳﻌﻪ ﺳﻴﻒ ﺣﺎﻟﻴﺎ ﺳﺎﺩﺱ ﻋﻠﻤﻲ ﻗﺮﺭ ﻳﺸﺪ ﺣﻴﻠﺔ ﻭﻳﻄﻠﻊ ﻣﻌﺪﻝ ﻋﺎﻟﻲ ﺣﺘﻰ ﻳﺪﺧﻞ ﻛﻠﻴﺔ ﻋﺴﻜﺮﻳﺔ ﻭﺑﻌﺪﻫﺎ ﻳﺘﻘﺪﻡ ﻟﺤﻮﺭﻱ ﻭﻫﺬﺍ ﺍﻟﺸﻲ ﻣﺨﻮﻓﻨﻲ ﺧﺎﻳﻔﺔ ﺑﻌﺪ ﺣﺒﻪ ﺍﻟﺠﺒﻴﺮ ﻟﺤﻮﺭ ﻭﺍﺣﻼﻣﻪ ﺍﻟﻮﺍﺳﻌﻪ ﺑﻴﻬﺎ ﻳﺮﻓﺾ ﻣﺼﻄﻔﻰ ﻳﺰﻭﺟﻪ ﺣﻮﺭ ﺳﻴﻮﻓﻲ ﺭﻏﻢ ﺍﻛﺜﺮ ﻭﺍﺣﺪ ﺗﺄﺫﺓ ﻣﻦ ﻋﻤﻲ ﺑﺲ ﻟﻠﻴﻮﻡ ﻛﻞ ﺧﻤﻴﺲ ﻳﺴﻮﻱ ﺷﻲ ﺑﺜﻮﺍﺑﻪ ﻭﻳﻮﺯﻋﻪ ﺍﻭ ﻳﻮﻛﻞ ﻓﻘﻴﺮ ﻭﻳﮕﻮﻟﺔ ﺍﺩﻋﻴﻠﻪ ﺑﺎﻟﺮﺣﻤﺔ ﻻﺗﺴﺘﻐﺮﺑﻮﻥ ﻫﻮ ﻫﺬﺍ ﺳﻴﻮﻓﻲ ﺣﺒﻴﺐ ﮔﻠﺒﻲ ﮔﻠﺒﻪ ﻧﻀﻴﻒ ﻭﻣﻴﺤﻘﺪ ﻉ ﺍﺣﺪ ﻟﻮ ﺷﻤﺎ ﺻﺎﺭ ﻧﻮﺭ ﺣﺎﻟﻴﺎ ﻣﺮﺣﻠﺔ ﺛﺎﻧﻴﺔ ﻃﺒﻴﺔ ﻭﻣﺘﻐﻴﺮﺕ ﻛﻤﺎ ﻫﻲ ﺑﻐﺮﻓﺘﻬﺎ ﺍﻣﺎ ﺑﻴﻦ ﺍﻟﻜﺘﺐ ﻭﺍﻟﻤﻼﺯﻡ ﺍﻭ ﺑﻴﻦ ﺍﻷﻓﻼﻡ ﺍﻷﺟﻨﺒﻴﺔ ﻭﺍﻟﻜﺎﺭﺗﻮﻥ ﻣﺎﻣﺎ ﺣﺒﻴﺒﺘﻲ ﻗﺒﻞ ﻓﺘﺮﺓ ﻗﺪﻣﻠﻬﺎ ﺳﻴﻮﻓﻲ ﻉ ﻋﻤﺮﺓ ﻭﺩﺗﺠﻬﺰ ﻧﻔﺴﻬﺎ ﺣﺘﻰ ﺗﻄﻠﻊ ﻟﻠﻌﻤﺮﺓ ﺩﻋﻮﻟﻬﺎ ﺗﺮﻭﺡ ﻭﺗﺮﺟﻊ ﺑﺎﻟﺴﻼﻣﻪ ﻫﻲ ﻭﺧﺎﻻﺗﻲ ﻫﺪﻯ ﻭﻣﻨﻰ ﻣﺮﺗﻀﻰ ﻋﻤﺮﻩ 3 ﺳﻨﻮﺍﺕ ﺣﺎﻟﻴﺎ ﻭﻣﺎﻟﻲ ﻋﻠﻴﻨﺎ ﺍﻟﺒﻴﺖ ﺑﺴﻮﺍﻟﻔﻪ ﺍﻟﻌﺴﻞ ﺭﺑﻲ ﻳﺤﻔﻈﻠﻴﺎﻩ ﻭﻟﻴﺪ ﻋﺎﻳﺶ ﺣﻴﺎﺗﻪ ﻭﻳﺔ ﻣﺮﺗﻪ ﻭﺑﻨﺎﺗﻪ ﻭﺍﺑﻨﻪ ﻣﻦ ﻳﻮﻡ ﺍﻟﻲ ﺳﻮﺓ ﺳﺎﻟﻔﺘﻪ ﺍﻟﺤﻘﻴﺮﺓ ﻭﻳﺎﻱ ﻣﺪﺧﻞ ﺑﻴﺘﻨﺎ ﻣﺮﺍﺕ ﺍﺗﺼﺎﺩﻑ ﻭﻳﺎﻩ ﺑﺒﻴﺖ ﺧﻮﺍﻟﻲ ﺣﻴﺪﺭ ﻭﺍﺣﻤﺪ ﺑﺲ ﻣﺎﺃﺳﻠﻢ ﻋﻠﻴﻪ ﻭﻻ ﺍﻋﺘﺒﺮ ﻧﻔﺴﻲ ﺷﻔﺘﻪ ﻷﻥ ﻣﻦ ﺫﺍﻙ ﺍﻟﻴﻮﻡ ﺍﻛﺘﺸﻔﺖ ﺣﺐ ﻭﻟﻴﺪ ﺍﻟﻲ ﻛﺎﻥ ﺣﺐ ﺷﻜﻠﻲ ﻭﺟﺴﺪﻱ ﻣﻮ ﺍﻛﺜﺮ ﻣﻦ ﻫﻴﺞ ﺻﻠﻮﺣﻲ ﻗﺒﻞ ﺍﺳﺒﻮﻉ ﻃﻠﻊ ﺑﺒﻴﺖ ﻭﺣﺪﺓ ﺑﺴﺒﺐ ﻣﺸﺎﻛﻞ ﻣﺮﺕ ﺯﻫﻴﺮ ﻭﻣﺮﺕ ﻭﻟﻴﺪ ﻭﻳﺔ ﻣﺮﺗﻪ ﺧﻄﻴﺔ ﺍﺑﻨﻪ ﻋﻤﺮﻩ ﺳﻨﻪ ﻭﻧﺺ ﺣﺎﻟﻴﺎ ﻭﻣﺮﺗﻪ ﺣﺎﻣﻞ ﺯﻫﻴﺮ ﺣﻴﺎﺗﻪ ﻫﺎﺩﺋﻪ ﻭﺻﺎﺭ ﻋﻨﺪﻩ ﺑﻨﻮﺗﻪ ﻋﻤﺮﻫﺎ ﺷﻬﺮﻳﻦ ﻭﺧﻄﻴﺔ ﻣﻦ ﻳﻮﻡ ﺍﻟﻲ ﻃﻠﻊ ﻭﻫﻮ ﺑﻴﻦ ﻓﺘﺮﺓ ﻭﻓﺘﺮﺓ ﻳﻤﺮ ﻳﺴﺄﻝ ﻋﻨﻲ ﻭﻋﻦ ﻧﻮﺭ ﻭﻛﻞ ﺷﻬﺮ ﻣﺨﺼﺺ ﺷﻬﺮﻳﺔ ﺑﺴﻴﻄﺔ ﻣﻦ ﺷﻐﻠﻪ ﻳﺠﻲ ﻳﻨﻄﻴﺎﻩ ﺍﻟﻨﺎ ﻣﺜﻞ ﻣﺎﻛﺎﻥ ﺧﺎﻟﻲ ﻋﻤﺎﺭ ﻳﺴﻮﻱ ﺍﻟﻠﻪ ﻳﺮﺣﻤﻪ..بيج قصص عراقيه حقيقيه من واقعنا.روعه الطائي ﻣﺤﻤﺪ ﻋﺎﻳﺶ ﺣﻴﺎﺗﻪ ﺑﻴﻦ ﺑﻨﺎﺗﻪ ﻭﻣﺮﺗﻪ ﻭﺭﻭﺣﻪ ﻣﻌﻠﮕﺔ ﺑﺸﻤﻮﺳﺔ ﻳﮕﻮﻝ ﺍﺣﺲ ﺑﻴﻬﺎ ﺭﻭﺡ ﺣﺒﻴﺒﺘﻲ ﺍﻟﻲ ﻣﺤﺼﻠﺘﻬﺎ ﻭﺧﻄﻴﺘﻲ ﺑﺮﮔﺒﺔ ﺍﺑﻮﻱ ﺍﻟﻲ ﺭﻓﺾ ﻳﺰﻭﺟﻬﺎ ﺍﻟﻲ ﻭﺍﻟﻠﻪ ﺷﻨﻮ ﻷﻥ ﺩﺍﺭﺳﺔ ﻭﺩﺍﺧﻠﺔ ﻛﻠﻴﺔ ( ﻛﺎﻥ ﺩﻭﻡ ﻳﮕﻮﻟﺔ ﻟﻤﺤﻤﺪ ﻣﺴﺘﺤﻴﻞ ﺍﺯﻭﺟﻬﺎ ﺍﻟﻚ ﻣﺎﺩﺍﻡ ﺩﺍﺧﻠﻪ ﻛﻠﻴﺔ ﺍﻟﻠﻪ ﺍﻟﻴﻌﻠﻢ ﺷﻼﻋﺒﻪ ﻟﻌﺐ ﺑﺎﻟﻜﻠﻴﺔ ﻣﺪﺭﻱ ﺷﻴﺤﺴﻮﻥ ﺑﻬﺬﺍ ﺗﻔﻜﻴﺮﻫﻢ ﻭﻣﻦ ﺍﻛﻮﻟﻪ ﻋﻤﻮ ﻟﻌﺪ ﺍﺣﻨﻪ ﻣﻮ ﻫﻢ ﻛﻠﻴﺎﺕ ﻳﻜﻮﻝ ﺍﻧﺘﻦ ﺗﺨﺘﻠﻔﻦ ﺷﻠﻮﻥ ﻳﻔﻜﺮ ﻣﺎﺍﻋﺮﻑ ﻳﻤﻜﻦ ﻫﺬﺍ ﻣﺮﺽ ﻻﺯﻡ ﺍﻟﻌﺎﺋﻠﺔ ﻭﺧﺎﻳﻔﺔ ﻻ ﻗﺼﻲ ﻳﻮﺭﺛﻪ ﻣﻦ ﺍﺑﻮﻩ ﺳﺎﻋﺘﻬﺎ ﻳﻤﻜﻦ ﺍﻧﺠﻠﻂ ﻭﺍﻣﻮﺕ ) ﻭﻗﺼﻲ ﻫﺬﺍ ﺑﺤﺚ ﺍﺧﺮ ﻟﻠﻴﻮﻡ ﻣﻤﺘﺰﻭﺝ ﻭﻣﺤﺪ ﻳﺘﺠﺮﺃ ﻳﻔﺘﺢ ﻭﻳﺎﻩ ﻣﻮﺿﻮﻉ ﺍﻟﺰﻭﺍﺝ ﺑﻮﺣﺪﺓ ﺛﺎﻧﻴﺔ ﻷﻥ ﻳﺘﺨﺒﻞ ﻋﻠﻴﻬﻢ ﻭﻳﺒﺪﻱ ﻳﻜﺴﺮ ﺷﻜﻮ ﺷﻲ ﮔﺪﺍﻣﻪ ﻭﻣﺘﻌﻠﻖ ﺑـ ﺯﻭﺯﺓ ﺣﻴﻞ ﻭﻧﺺ ﻭﻛﺘﻪ ﻭﻳﺎﻫﺎ ﻭﺑﻌﺪ ﻣﺤﺎﻭﻻﺗﻪ ﻭﻳﺎﻱ ﻣﻨﺘﻬﺖ ﺍﻣﺎ ﺃﻧﻲ ﻓﺤﺎﻟﻴﺎ ﺩﺍ ﺍﺩﺭﺱ ﺗﻘﻨﻴﺎﺕ ﻃﺒﻴﺔ ﻭﻋﻨﺪﻱ ﺍﻫﻢ ﺷﻲ ﺩﺭﺍﺳﺘﻲ ﺍﻟﻴﻮﻡ ﺗﻘﺪﻣﻠﻲ ﻗﺼﻲ ﻭﻗﺮﺭﺕ ﺍﻧﻄﻲ ﻓﺮﺻﺔ ﺭﻏﻢ ﺳﻴﻒ ﺭﻓﺾ ﺭﻓﺾ ﻗﺎﻃﻊ ﺍﻧﻪ ﻳﻔﺘﺢ ﺑﻌﺪ ﻭﻳﺎﻱ ﻣﻮﺿﻮﻉ ﺯﻭﺍﺝ ﻗﺒﻞ ﻻ ﺍﻛﻤﻞ ﻭﺍﺳﺘﻠﻢ ﺷﻬﺎﺩﺗﻲ ﺑﺲ ﺍﻧﻲ ﺗﺠﺮﺃﺕ ﻭﺣﺠﻴﺖ ﻭﻳﺔ ﻗﺼﻲ ﻭﮔﺘﻠﻪ ﺍﺧﺬﻫﺎ ﻭﻋﺪ ﻣﻨﻲ ﺍﺧﻠﺺ ﺩﺭﺍﺳﺘﻲ ﻭﺍﻟﻲ ﺗﺮﻳﺪﺓ ﻳﺼﻴﺮ ﺑﺸﺮﻁ ﺗﻜﻮﻥ ﻋﺎﺩﻝ ﻭﻳﺎﻱ ﺑﻘﻮﺍﻧﻴﻨﻚ ﻭﻣﻦ ﻫﺴﺔ ﺍﮔﻮﻟﻚ ﻣﺴﺘﺤﻴﻞ ﻳﺼﻴﺮ ﺷﻲ ﺭﺳﻤﻲ ﻗﺒﻞ ﻻ ﺍﺗﺨﺮﺝ ﺍﻭ ﻉ ﺍﻷﻗﻞ ﻗﺒﻞ ﺍﻟﻤﺮﺣﻠﺔ ﺍﻟﺮﺍﺑﻌﺔ ﻣﻦ ﺩﺭﺍﺳﺘﻲ ﺣﺘﻰ ﺍﺿﻤﻦ ﻏﻴﺮﺗﻚ ﻣﺘﻀﻴﻌﻠﻲ ﻣﺴﺘﻘﺒﻠﻲ ﻭﻛﺎﻥ ﺭﺍﺿﻲ ﺑﻜﻞ ﺍﻟﻲ ﺣﺠﻴﺘﻪ ﻭﺭﺩﺓ ﺍﻟﻲ ﻛﺎﻥ ﺍﻧﺘﻀﺮﺗﺞ 9 ﺳﻨﻮﺍﺕ ﻣﺎﺍﻧﺘﻀﺮﺝ ﺳﻨﺘﻴﻦ ﺛﺎﻧﻴﺔ ﺗﻬﻮﻥ ﻳﺨﻠﺼﻦ ﺑﺘﺠﻬﻴﺰ ﺍﻟﺒﻴﺖ ﻭﺍﻟﻤﻬﺮ ﻫﻬﻬﻬﻬﻬﻪ ﺑﻨﺎﺕ ﺍﺗﻤﻨﻰ ﺗﺪﻋﻮﻟﻲ ﺩﻋﻮﺓ ﺻﺎﺩﻗﺔ ﻣﻦ ﮔﻠﺒﻜﻢ ﺭﺑﻲ ﻳﻮﺟﻬﻨﻲ ﻟﻠﻄﺮﻳﻖ ﺍﻟﺼﺤﻴﺢ ﻭﺍﮔﺪﺭ ﺍﺳﻌﺪ ﻧﻔﺴﻲ ﻭﺍﺳﻌﺪ ﻗﺼﻲ ﻭﻣﺎﺍﻧﺪﻡ ﻉ ﻗﺮﺍﺭﻱ ﻣﻦ ﺍﻟﺰﻭﺍﺝ ﺑﻲ ﻟﻬﻨﺎ ﻭﺍﮔﻮﻟﻠﻜﻢ ﺍﻟﻮﺩﺍﺍﺍﺍﻉ ﺩﻣﺘﻢ ﺑﺨﻴﺮ ﻏﻮﺍﻟﻲ ﻭﺍﺗﻤﻨﻰ ﺗﻜﻮﻥ ﻗﺼﺘﻲ ﻋﺠﺒﺘﻜﻢ … ﺍﻧﺎ ﺍﻟﻜﺎﺗﺒﻪ ﺯﻫﺮﺍﺀ ﺃﻣﺠﺪ ﻟﻬﻨﺎ ﻭﺗﻨﺘﻬﻲ ﻗﺼﻪ ﺣﻴﺎﺓ ﺍﻟﺒﻄﻠﻪ ﺯﻭﺯﻩ ﺍﺗﻤﻨﺊ ﺃﻥ ﺗﻜﻮﻥ ﺍﻟﻘﺼﻪ ﻧﺎﻟﺖ ﺍﻋﺠﺎﺑﻜﻢ ﻭﻣﺎﻗﺼﺮﺕ ﺑﻴﻬﺎ ﻭﻳﺎﻛﻢ ﺍﻋﺬﺭﻭﻧﻲ ﻋﻠﺘﻘﺼﻴﺮ ﺷﻔﺘﻮ ﺣﻴﺎﻩ ﺯﻫﺮﺍﺀ ﻭﺗﻀﺤﻴﺎﺗﻬﺎ ﻭﻣﻌﺎﻧﺎﺗﻬﻢ ﻫﻮﺍﻱ ﺍﻧﺘﻘﺪﻭﺍ ﻭﺍﻧﺘﻘﺪ ﺍﻟﻘﺼﻪ ﻭﻫﻮﺍﻱ ﻛﺎﻟﻮ ﻣﻤﻠﻪ ﻭﺍﺑﻴﻬﺎ ﺃﺣﺪﺍﺙ ﻭﺑﺲ ﻃﺒﺦ ﻭﺗﻨﻀﻴﻒ ﺍﺣﺐ ﺍﻛﻮﻟﻠﻜﻢ ﻣﺎﻛﻮ ﻗﺼﻪ ﻋﺒﺎﺭﻩ ﻋﻦ ﺑﺲ ﺣﺪﺙ ﺭﺋﻴﺴﻲ ﻻﺑﺪ ﺭﻭﺗﻴﻨﻴﺎﺕ ﻳﻮﻣﻴﻪ ﻣﻊ ﺃﺣﺪﺍﺙ ﻣﻬﻤﻪ ﻟﺘﻮﺍﺻﻞ ﺃﺣﺪﺍﺙ ﺍﻟﻘﺼﻪ ﻓﻲ ﻣﺎ ﺑﻴﻨﻬﻢ ﺍﺗﻤﻨﻪ ﺃﻥ ﺍﺳﺘﻤﺘﻌﺘﻢ ﺳﺌﻠﻮ ﺍﻱ ﺳﺌﺎﻝ ﻭﺣﻨﺠﺎﻭﺑﻜﻢ ﺍﻧﻲ ﻭﺯﻭﺯﻩ ﺑﺎﻟﺒﺎﺭﺕ ﺍﻟﻘﺎﺩﻡ ﺍﻥ ﻛﺎﻥ ﻟﻜﻢ ﺍﺳﺌﻠﻪ ﻟﻬﻨﺎ ﻭﺗﻨﺘﻬﻲ ﺍﻟﻘﺼﻪ ﺍﻧﺘﻘﻞ ﻣﻌﻲ ﻣﻊ ﻗﺼﺘﻲ ﺍﻟﺠﺪﻳﺪﻩ ﺷﻬﻮﺍﺕ ﺭﺟﻞ ﺿﺎﻟﻢ ﺭﺍﺡ ﺗﻌﺠﺒﻜﻢ ﺍﻛﻴﺪ ﻭﺇﺣﺪﺍﺙ ﻫﺎ ﻣﺸﻮﻗﻪ ﻭﺍﺣﻠﺊ ..... ﻭﺗﻔﺎﻋﻠﻮ ﺑﻴﻬﺎ ﻭﺣﺒﺪﻱ ﺍﻧﺸﺮ ﻣﺎﺩﺍﻡ ﺧﻠﺼﺖ ﻫﺎﻱ .... ﺗﺤﻴﺎﺗﻲ ﻟﻜﻢ ﺍﻟﻜﺎﺗﺒﻪ ﺯﻫﺮﺍﺀ ﺃﻣﺠﺪ #على_جرف_الذكريات اسئله وأجوبة ﻣﺴﺎﺀ ﺍﻟﺨﻴﺮ ﻭﺍﻟﻌﺎﻓﻴﻪ ﻛﻠﺒﻮﺷﺎﺗﻲ ﺍﺟﺎﺑﻪ ﺑﻌﺾ ﺍﻻﺳﺌﻠﻪ ﺇﻟﻰ ﺳﺄﻟﺘﻮﻫﺎ ﻭﺍﻋﺬﺭﻭﻧﻲ ﺃﻥ ﻣﺠﺎﻭﺑﺖ ﻋﻠﻪ ﺑﻌﻀﻬﺎ ﻷﻥ ﻫﻮﺍﻱ ﻭﺍﻟﻲ ﻣﻤﺠﺎﻭﺑﻪ ﺳﺌﺎﻟﻪ ﺧﻞ ﻳﺴﺌﻞ ﻫﻨﺎ ﻭﻳﺨﻠﻲ ﻳﻮﺯﺭﻱ ﺟﺘﻪ ﺍﻧﺸﺮ ﺑﺎﺭﺕ ﺛﺎﻧﻲ ﻟﻼﺟﺎﺑﺎﺕ ﺳﺆﺍﻝ ﻟﻠﺰﻭﺯﺓ ﻟﻴﺶ ﺑﺲ ﻫﻲ ﺗﻄﺒﺦ ﻭﺗﻨﻈﻒ ﻭﺍﻟﺸﻐﻞ ﻋﻠﻴﻬﺎ ﻟﻌﺪ ﺃﺧﺘﻬﺎ ﻣﻮ ﺃﻛﺒﺮ ﻣﻨﻬﺎ ﺍﺷﻮ ﻣﺎﻛﻮ ﻣﺴﺆﺅﻟﻴﺔ ﺑﺮﺍﺳﻬﺎ؟ ! ﺣﺒﻴﺒﻲ ﻷﻥ ﻫﻲ ﻣﺮﻳﻀﺔ ﻭﻋﺪﻫﺎ ﺍﺭﺗﺨﺎﺀ ﺑﺎﻟﻔﻘﺮﺍﺕ ﻭﺩﺍﺋﻤﺎ ﺗﺸﻜﻲ ﻣﻦ ﺃﻟﻢ ﺑﻈﻬﺮﻫﺎ ﻟﻬﺬﺍ ﺍﻧﻲ ﻣﺎﺍﺧﻠﻴﻬﺎ ﺗﺸﺘﻐﻞ ﺍﺧﺎﻑ ﻋﻠﻴﻬﺎ ﻭﺍﻟﺸﺎﻫﺪ ﺍﻟﻠﻪ ﻫﻲ ﻣﺮﺍﺕ ﻣﻦ ﺗﻀﻮﺝ ﻣﻦ ﺍﻟﮕﻌﺪﺓ ﺗﺠﻲ ﺗﻮﮔﻒ ﻳﻤﻲ ﺑﺎﻟﻤﻄﺒﺦ ﺍﻧﻲ ﺍﻃﺒﺦ ﻭﻫﻲ ﺗﻐﺴﻞ ﺍﻟﻤﻮﺍﻋﻴﻦ ﺍﻟﺨﻔﻴﻔﺔ ﺍﻡ ﺍﻟﺒﺎﻗﻲ ﺍﻧﻲ ﺍﻛﻤﻠﻪ ﻣﺜﻞ ﺍﻟﮕﺪﻭﺭﺓ ﻭﻣﺴﺢ ﺍﻟﻤﻄﺒﺦ ﻭﺍﻟﻄﺒﺎﺥ ﻭﻫﺎﻱ ﺍﻟﺴﻮﺍﻟﻒ ﺑﺲ ﺗﺪﺭﻭﻥ ﻋﺒﺎﻟﻲ ﺳﻴﻒ ﺍﻛﺒﺮ ﻣﻦ ﺯﻭﺯﺓ ﺑﺲ ﺍﺭﻳﺪ ﺍﻋﺮﻑ ﺍﻋﻤﺎﺭﻫﻢ ﻋﺎﺩﻱ ﺑﺎﻟﺒﺎﺭﺕ ﺍﻟﺠﺎﻱ ﺗﮕﻮﻝ ؟؟؟ ﻧﻮﺭ 21 ﻭﺍﻧﻲ 20 ﻭﺳﻴﻮﻓﻲ 18 ﺯﻫﺮﺍﺀ ﻣﻮﺍﻟﻴﺪ 2000 ﻭﻗﺼﻲ ﻳﺤﺒﻬﺎ ﺻﺎﺭﻟﻪ 9 ﺳﻨﻮﺍﺕ ﺷﻨﻮ ﻣﻦ ﺍﻭﻝ ﺍﺑﺘﺪﺍﺋﻲ ﺣﺒﻬﺎ؟ ﺣﺒﻴﺒﺘﻲ ﻗﺼﻲ ﺍﻛﺒﺮ ﻣﻨﻲ ﺑـ 9 ﺳﻨﻮﺍﺕ ﻳﺤﺒﻨﻲ ﻣﻦ ﻋﻤﺮﻩ 20 ﻭﻫﺴﺔ ﻫﻮ ﻋﻤﺮﻩ 29 ﺳﻨﻪ ﻭﺍﻟﻲ ﺷﺠﻊ ﺣﺒﻪ ﺍﻟﻲ ﺍﺑﻮﻩ ﺟﺎﻥ ﻣﻦ ﺍﻟﺼﻐﺮ ﻳﮕﻮﻟﻪ ﻟﺘﻔﻜﺮ ﺗﺤﺐ ﻏﻴﺮ ﺯﻭﺯﺓ ﺗﺮﺓ ﻫﻲ ﺍﻟﻚ ﻭﺍﻧﺖ ﺍﻟﻬﺎ ﻏﻴﺮ ﻫﺬﺍ ﺍﻟﻜﻼﻡ ﻣﺎﻛﻮ ﻭﺍﻧﻲ ﻣﻮﺍﻟﻴﺪ ١٩٩٩ ﻣﻮ ٢٠٠٠ ﺳﺆﺍﻝ / ﺧﺎﻟﺘﺞ ﺯﻭﺟﻪ ﻋﻤﺞ ﺍﻟﻲ ﻧﻘﺘﻞ ﻭﻳﻦ ﺭﺍﺣﺖ؟ ﻋﺎﻳﺸﺔ ﺑﺎﻟﺨﺎﺭﺝ ﺍﺣﺴﻦ ﻋﻴﺸﺔ ﻭﺑﺄﺭﻗﻰ ﺍﻟﺸﻘﻖ ﻭﺳﺎﻛﻨﻪ ﺍﻟﻤﻮﻻﺕ ﻭﺍﻟﻜﻮﻓﻴﺎﺕ ﺍﻣﻮﺭﻫﺎ ﻫﻨﺎﻙ ﻣﻤﺘﺎﺯﺓ ﻭﺣﺘﻰ ﻣﻦ ﺍﺗﺼﻠﻨﺎ ﻋﻠﻴﻬﺎ ﺑﻮﻓﺎﺓ ﻋﻤﻮ ﻣﺒﻴﻦ ﻋﻠﻴﻬﺎ ﺍﻟﺤﺰﻥ ﻷﻥ ﺍﻟﻈﺎﻫﺮ ﻋﻴﺸﺔ ﺍﻟﺨﺎﺭﺝ ﻧﺴﺘﻬﺎ ﺳﻌﺪ ﻭﺍﻳﺎﻣﻪ ﺍﻧﻲ ﺍﻋﺮﻑ ﺍﺧﺒﺎﺭﻫﺎ ﻣﻦ ﺻﻼﺡ ﻷﻥ ﻫﻲ ﻭﻳﺎﻩ ﻉ ﺗﻮﺍﺻﻞ ﻣﺴﺘﻤﺮ ﺑﺲ ﺭﺩﺕ ﺃﻋﺮﻑ ﻟﺠﻴﻦ ﻓﻌﻼ ﺗﺤﺐ ﻣﺼﻄﻔﻰ ﻭﻫﻮ ﻣﻘﺘﻨﻊ ﺑﻴﻬﺎ ﺣﺎﻟﻴﺎ؟ ﺳﺆﺍﻝ / ﻫﻞ ﻣﺼﻄﻔﻰ ﻳﺤﺐ ﻟﺠﻴﻦ ﻷﻥ ﺍﺫﺍ ﺟﺎﻥ ﻣﺠﺒﻮﺭ ﻳﻌﻨﻲ ﻣﻴﻄﻴﻘﻬﺎ؟ ﺟﻮﺍﺑﻲ ﻟـ ﻛﻞ ﺍﻟﻲ ﻳﺴﺄﻟﻮﻧﻲ ﻋﻦ ﻣﺼﻄﻔﻰ ﻭﻟﺠﻴﻦ ﻟﺤﺪ ﺍﻷﻥ ﻻ ﺟﺪﻳﺪ ﻷﻥ ﺯﻭﺍﺟﻬﻢ ﻣﺼﺎﺭﻟﺔ 4 ﺃﻳﺎﻡ ﻭﺍﻛﻴﺪ ﺍﻟﺤﻘﺎﻳﻖ ﻣﺘﻨﻜﺸﻒ ﺑﻬﺬﻩ ﺍﻟﺴﺮﻋﺔ ﺍﻧﻲ ﺻﺮﺍﺣﺔ ﻣﺒﺘﻌﺪﺓ ﻛﻞ ﺍﻟﺒﻌﺪ ﻋﻨﻬﻢ ﻭﻋﻦ ﺍﺧﺒﺎﺭﻫﻢ ﻷﻥ ﻟﺤﺪ ﺍﻷﻥ ﮔﻠﺒﻲ ﻣﺄﺫﻳﻨﻲ ﺑﺴﺒﺐ ﻣﺼﻄﻔﻰ ﻭﺍﻟﻲ ﺳﻮﺍﻩ ﻣﻮ ﺷﻮﻳﺔ ﺑﺲ ﺍﺫﺍ ﻭﺻﻠﺘﻨﻲ ﻣﻌﻠﻮﻣﺎﺕ ﻣﻬﻤﺔ ﺃﻛﻴﺪ ﻣﺎﺍﺑﺨﻞ ﻋﻠﻴﻜﻢ ﺑﺘﻨﺰﻳﻠﻬﺎ ﻭﺭﺍﺡ ﺍﺷﺎﺭﻛﻬﺎ ﺍﻟﻜﻢ ﻣﺜﻞ ﻣﺸﺎﺭﻛﺘﻜﻢ ﻗﺼﺘﻲ .بيج قصص عراقيه حقيقيه من واقعنا.روعه الطائي ﺳﺆﺍﻝ / ﻗﺼﻲ ﺷﮕﺪ ﻋﻤﺮﺓ ﻭﺷﻨﻮ ﺩﺍﺭﺱ ﻭﺷﻨﻮ ﻳﺸﺘﻐﻞ؟ ﻗﺼﻲ ﺣﺎﻟﻴﺎ ﻋﻤﺮﻩ 29 ﺳﻨﻪ ﺧﺮﻳﺞ ﺳﺎﺩﺱ ﺍﺑﺘﺪﺍﺋﻲ ﻳﺸﺘﻐﻞ ﺑﺴﻠﻴﻤﺎﻧﻴﺔ ﺷﻴﻒ ﺑﻤﻄﻌﻢ ﻫﻨﺎﻙ ﺷﻐﻠﻪ ﻛﻞ ﺷﻬﺮ ﻳﻨﺰﻝ ﻋﻄﻠﻪ ﺍﺳﺒﻮﻉ ﻷﻫﻠﻪ ﻭﻗﺼﻲ ﻃﺒﻌﺎ ﻋﺼﺒﻲ ﺟﺪﺍ ﻭﻏﻴﻮﻭﻭﺭ ﺑﺸﻜﻞ ﻳﻐﺎﺭ ﻳﻌﻨﻲ ﺣﺐ ﺗﻤﻠﻚ ﻳﺤﺐ ﺍﻟﺸﻲ ﺍﻹﻟﻪ ﻣﻴﺒﻌﺪ ﻋﻦ ﻋﻴﻨﻪ ﻭﺇﺫﺍ ﻗﺒﻠﺖ ﻫﻞ ﻓﺘﺮﻩ ﺑﺎﻟﺨﻄﻮﻭﺑﻪ ﻭﻳﺎﻩ ﺍﺣﺘﻤﺎﻝ ﺑﺴﺒﺐ ﻏﻴﺮﺗﻪ ﻣﻴﻘﺒﻞ ﺍﻛﻤﻞ ﺩﺭﺍﺳﻪ ﻫﺬﺍ ﺍﻟﺴﺒﺐ ﺇﻟﻰ ﻳﺨﻠﻴﻨﻲ ﺍﻧﻔﺮ ﻣﻦ ﻗﺼﻲ ﻣﻴﻨﺤﻤﻞ ﺗﺼﺮﻓﺎﺍﺍﺗﻚ ﻓﻠﺬﻟﻚ ﻛﻠﺖ ﺍﻧﻄﻴﻪ ﻓﺮﺻﻪ ﺑﺲ ﺑﻌﺪ ﻣﺎﺍﻛﻤﻞ ﺩﺭﺍﺳﻪ ﻋﻠﻪ ﺁﺧﺮ ﺳﻨﻪ ﺩﺭﺍﺳﻴﻪ ﺳﺆﺍﻝ / ﺑﺲ ﺃﺭﻳﺪ ﺃﻋﺮﻑ ﺧﺎﻟﻬﺎ ﺍﺑﻮ ﻣﺮﺗﻀﻰ ﻣﺒﺎﺩﺭ ﻳﺎﺧﺬ ﺃﺑﻨﻪ ﻣﻨﻬﻢ ؟ ﻻ ﺧﺎﻟﻮ ﺍﺑﺪ ﻣﺒﺎﺩﺭ ﺑﺲ ﺍﺧﻮ ﻣﺮﺗﻀﻰ ﺍﻟﺠﺒﻴﺮ ﻫﻮﺍﻱ ﺣﺎﻭﻝ ﻭﻣﺮﺗﻴﻦ ﺗﻌﺎﺭﻛﺖ ﻭﻳﺎﻩ ﺭﺍﺩﺕ ﺗﻮﺻﻞ ﻟﻠﻤﺮﺍﻛﺰ ﺑﻴﻨﺎ ﻷﻥ ﻫﻢ ﻣﻦ ﺍﻷﻭﻝ ﺍﻧﻄﻮﻧﻴﺎﻩ ﺑﺄﻱ ﺣﻖ ﻳﺠﻮﻥ ﺑﻌﺪ ﺳﻨﺘﻴﻦ ﻳﻄﺎﻟﺒﻮﻥ ﺑﻲ ﺑﻌﺪ ﻣﺎ ﺍﺗﻌﻠﻘﺖ ﺑﻲ ﻭﺻﺎﺭﺕ ﺭﻭﺣﻲ ﺑﻲ ﻭﻫﺎﻱ ﺑﻌﺾ ﺍﻻﺳﺌﻠﻪ ﺍﻣﺎ ﺑﺨﺼﻮﺹ ﻣﺼﻄﻔﻰ ﻭﻟﺠﻴﻦ ﻓﺎﻛﻴﺪ ﺃﻥ ﻛﺎﻥ ﺍﻛﻮ ﺳﺒﺐ ﺣﻴﻀﻬﺮ ﺑﻤﺮﻭﺭ ﺍﻟﻮﻗﺖ ﻷﻥ ﺻﺎﻟﻬﻢ ﺍﻳﺎﻡ ﺯﻭﺍﺟﻬﻢ ﻭﺑﺨﺼﻮﺹ ﺍﻟﻘﺼﻪ ﻓﻘﻂ ﺍﻣﻬﺎ ﺗﺪﺭﻱ ﺣﻨﺸﺮﻫﺎ | ||||
|
| |
|
14-12-19, 03:46 PM
| #33 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تكملة القصه #على_جرف_الذكريات بقلم زهراء أمجد #بارت 31 بعد ما دخل مصطفى للغرفة والناس كلمن راح لبيته طبعا ماعدا عمه الي ضل گاعد بالديوانية الصغيرة ينتضر من مصطفى البشارة اني طلعت گعدت بالديوانية الجبيرة مال بيت خالتي الي هي خارج البيت كله عم مصطفى ضل ينتضرة للساعه 10:00 ومصطفى ماكو صار عصبي وبقة يحجي ويغلط ع مصطفى شلون مطلعله دز خالتي دگت عليهم الباب بس محد رد زادت النار اكثر وطلع من البيت وعيونه شرار صار ثاني يوم الصبح گعدت الساعه بـ 5:30 ع صوت المنبه گمت حتى اغسل وابدل لأن نطلع قبل الريوگ طلعت للصالة فزيت بشوفة عمه لمصطفى گاعد ع القنفة وعينه ع باب غرفة مصطفى اندرت اباوع وراي شفت باب الغرفة بعدها مسدودة كملت طريقي لي برة لاگتني حور گتلها شعدنه عمج مغبش غير ذبح نفسه يريد مصطفه ينطي البشارة فتحت عيوني بصدمة گتلها گبر كل عقله هذا يحجي بعده ع الدگة القديمة دولي انتي الثانية يادگة قديمة يريد يطمأن ع حقوق بنت اخت مرته عفتها ومشيت غسلت توضيت ودخلت من باب المطبخ صار بوجهي مصطفى باوعلي وتنهد اني ارتبكت حتى سلام مسلمت ولاباركتله نزلت راسي ودخلت بدلت ونور هم دتبدل وحور واكفة وتتوسل بأمي نبقة يمهم گتلها حور كل عقلج انتي تحجين؟ بابا وخري مخبلة اضل مگابلة هيج شكول وگفت ع المراية لفيت شالي وطلعت صارت گبالي لجين اباوعلها وجهها اصفر وگوة راسمه الأبتسامه ع وجهها باركتلها وطلعت برة ع سيف وقصي لگيتهم توهم گاعدين بعدهم حتى ممغسلين طلعنه من بيت خالتي ورة الريوگ لأن أخرنه سيف وصلنا لبغداد بـ 10:00 قصي گال اني منا وراح اطلع لسليمانية بوجهي نزلنا بالبيت وراح دخلت للبيت متكسرة بدلت ولملمت شغلات البيت وصعدت للغرفة قبل الغدة بس تمددت نمت ونور بس بدلت نامت لأن تفصخت من الطريق رغم سيارة قصي حديثة بس الطريق جدا متعب مر اليوم مابي اي جديد ويوم السبت كذالك روتين عادي لليل گاعدين وسيف ديسولف ويشاقة گال لأمي يلله يمة شوكت تزوجيني مو طگ گلبي متحنين علية وتخطبيلي امي گالتله يوم المنى يمةة انت الله ماهاديك مو جاي اكولك تگول مااريد هسة گتلها يمة خلي يولي وينه وين الزواج هسة توه 18 شعندج من هسة مزوجته گال انجبي حبي لو تحجين شي مفيد لو تسكتين اندار ع امي وگاللها يمة هسة صدگ احجي وياج مو شقة اخطبيلي گالتله اي يمة تدلل من باجر امشيلك اني شكم ولد عندي يبعد عافيتي گاللها خابري خالتي وشوفيها شتگول گالتله ياخاله؟! سيف يمة شنو ياخالة اني شحجيت وياج قبل عرس زيد گالتله لا يمة حويرة شيلها من بالك مااخطبها الك اني شهگت وگتلها عزةة ليش يمةة شكو سامعه شي ع البنية گالت لا يمة البنية ذهب صافي بس اني بعد لاانطي لگرايب ولااخذ من گرايب خلينا بعيدين وسعيدين گتلها لا يمةة لاتسوين هيج انتي تدرين بسيف من رجعنا من يمهم وهو گال اني مخيل ع حور واريدها سيف گال وانتي تدرين بيه زين صار فترة اني احلم بيها وبمستقبلنا لاتخليني اروح اجرم بأبن اختج العاررر هو الي خرب الدنيا كلها گتله سيف اعصابك ولاتربطون شي بشي زيد شي وانت وحور شي ثاني من الأول اني وياكم متفقين هيج لو لا؟ گال هو اني؟ متحجين ويه امي اني شعليه عافنة وگام صعد لغرفته واني احجي ويه امي واقنع بيها اندگت الباب صحت ع سيف نزل ومرتضى يركض جوة رجلة ويسوي انو انو عود منو بالباب؟ صوت قصي گاله اني اتفاجأت مرتضى يصيح انو انت؟ ضحك قصي گاله لك ساقط فتحو وفضوني فتحله سيف ويضحك تسالمو ودخل سلم علية يمشي وگال لسيف متت برد علما وصلت سليمانية باردة سيف گالة وجهك اصفر شبيك گال مابية شي دخلو وسيف هو ويمشي أشرلي عشاا گعد واجتي امي گالت سويلة شوربة خطية مبين بداية فلاونزة گتلها شجابة مو بسليمانية هو گالت ابو المطعم مالتهم مدري شعنده ومعزل المطعم عاد قصي من شايفة هيج جاي لأن ماله خلگ سويتله شوربة ومقليات تعشا وامي انطته براسيتول مقبل ياخذ مثلي يتخبل من البراسيتول فرشتله تمدد وتغطة وجهة اصفر مبين عليه تعبان من السياقة طفينا عليه الضوة وتركنا يرتاح كلمن صعد لغرفته اني قبل لا انام دخلت لغرفة سيف شفته متمدد وايده ع وجهة ومبين ديغلي من القهر گتله سيف لا تضوج وتنقهر والله اني احجي وية امي لاتشيل هم گال ضوجتني اني من البداية گلتلكم يصير ميصير اني حور رايدها ومندخل واحد بالثاني گتله ادري والله وامي هم حقها عليك الله احجي حضك وبختك هسة من صارت مشاكل بيني وبين مصطفى وانفصلنا بعدها العلاقة وية اهله مثل قبل بعدهم بنفس المكانه وبنفس المعزة بالگلب گال الصراحة لااا اني بسبب مصطفى وسوايته حتى من خالتي ماخذ موقف گتله شفت وامي حقها اذا تفكر هيج هي متريد تتخارب وية اختها بسببنا وخايفة من وجع الراس الي راح يجي من هيج صلة گال زوزة الي افهمة من كلامج هسة انتي دتقارنيني اني بمصطفى گتله طبعا لا بس دااشرحلك سبب رفض امي لهذا الزواج ودااگولك لاتخاف اني اقنعها بس انت لاتخبص الدنيا بعصبيتك گال بطلت اني بعد ماافتح هذا الموضوع منا لما ارتب اموري بعد سنه سنتين تلا ثة شوكت ماالله يسهلها گتله هذا هو حبيبي منا لوكتها الله كريم طلعت وسديت الباب رحت لغرفتي سهرانه ع تلفوني اقرة قصة لم شمل مليت وطلعت من القصة دخلت للفيس ضليت اتصفح بمنشورات صديقاتي بعدها دخلت ع صفحة حور اگلب بمنشورتها اكو منشور ناشرته ع الخوة ومسوية تاگ الي بي معلقة اني وانتبهت تحت تعليقي... اليوم الصبح معلق مصطفى وكاتب ربي يديم صبحتكم وتبقون هيج للدوم وهي كاتبلته تسلم حبيبي وسمايل بوسة گلبي عصرني واخذتني ايدي لصفتحة ضليت گاعدة اباوع لصورة ومنشوراته سنه كاملة خطوبتنه كانت بالنسبة الي مليانه بأحلى اللحظات يمكن مابيها هواي فترات التقينا ويمكن قليل كان يتغزل وقليل يغار ويعلق ع لبسي او شي ثاني بية بس اني تعلقت بي مااعرف طيبة زايدة مني لو فطرة لو شنو الي خلاني اتعلق بي يمكن محبتي لخواته وامه ولمتهم الحلوة هي الي خلتني احبه هلگد واتعلق بي يمكن لأن اني احب خوالي وجنت اتمنى دائما اعيش وياهم وماارغب لعمامي يمكن مااعرف يمكن ويمكن ويمكن انتبهت ع نفسي كل هذا التفكير واني فاتحة صورته واتمعن بشكله اتنهدت وطلعت من الفيس باوعت للساعة 3:00 غلقت الفون وذبيته گمت دااضفر شعري لأن ضوجني خلصته توني دااتمدد سمعت صوت قصي المستمر بـ الگحة ويمكن ديتقيء گمت فتحت الباب وفززني سيف هم فتح الباب گال شبي قصي گتله مااعرف نزل واني واكفة يم المحجر اباوع عليهم من فوگ شوية وصاح سيف عليه لبست شي فوگ تراكي ونزلتله گتله شبي گال حرارته مرتفعة هواي واكيد الفلاونزة بمعدته تعالي ساعديني خلي اخذه للمستشفى گتله سيف لاتروح وحدك الوضع يخوف گال گعدي امي تروح ويانه بس بالأول لبسي قصي سترته بين ما اني اصعد اغير تراكي صعد واني اخذت سترة قصي لبسته وهو مو گادر حتى يگعد تمدد واني بعدني مسحبت السحابة مال السترة گتله قصي لحظة بس ولج دخت بلگوة عدلت سترته وسحبتها احس نفسي انقطع نزل سيف وگال هاا شبي گتله داخ وتمدد گعدت امي لبست جواريبها وطلعو فتحت لسيف باب السيارة وصعدة ورة تمدد وامي گدام طلعو للمستشفى واني ضليت جوة لزمتني الرجفة مااعرف خوف لو برد قفلت الباب واني ايدي وجسمي كله يرجف صعدت جبت الفون مالتي اخاف يتصل سيف وگعدت ع القنفة بعدين حسيت اطراف ايدية ورجلية ثلجت سحبت البطانية الي كان متغطي بيها قصي التفيت بيها وگعدت حطيت راسي يم رجلية مگرفصة مدري شجاني كفختني ريحة عطر قصي احس الرجفة صارت بگلبي هيج تلقائيا صار تفكيري كله بي شنو الي مخليني ابتعد عنه معقولة كل هذا خوف من اشياء عادية ممكن يمتلكها اي رجال يعني العصبية وسالفه الغيرة الزايدة ليش عقلي وگلبي رافضين فكرة الارتباط بي رغم اكو هواي اشياء بي حلوة مااعرف شلون غفيت بس گمزت ع صوت الباب يندگ قوي وجهازي يمي مشتغل بي ضوة باوعت عليه سيف يتصل بس جهازي صامت طلعت للباب كان سيف واگف فتحت الباب گال خرب بروحج ولج ميته خوما ميته هذا الحجي اني امشي وبعدني ملتفة بالبطانية گتله مااعرف شلون غفيت راح للسيارة فتح الباب ونزل قصي مبين احسن من الاول گتله الحمدلله ع سلامتك گال بصوت تعبان الله يسلمج دخلة سيف للغرفة وگال سويلة شي حار يشربة گتله اوكِ داامشي گال ولج متجين تنطيني البطانية لطشتي بيها هسة من زود البرد الي ببغداد وهيج متلفلفة ضحكت وگتله شبيك نسيت نفسي هااك شمرتها عليه ورحت للمطبخ بلله هذا شسويلة حليب يتخبل منه ومو مال گهوة سويتله جاي هو تانكي مال جاي يموت عليه بكل الاوقات خلصته ورحت لگيت امي جاي تدخل غرفتها گال ولج متت من الطريق رجلية ورمت گتلها اي عاد انتي صايرة حجية ابسط طلعة وتفصختي هههههه دخلت للغرفة واني رحت للصالة سيف ماكو صاعد مااعرف بغرفة امي بس يمكن بغرفة امي نايم وقصي غافي حطيت الصينية وگعدته ع كيفي گتله قصي بلگوة فتح عينه وگال ها گتله گوم اشرب جاي حتى تهدء الگحة گام اخذ الكوب شرب شوية وذبة ورجع تمدد گال عليج الله جهازي غلقي مالي خلگ ومااريد احد يزعجني نعسان اخذت جهازة غلقته وغطيته ببطانية ثانية ابتسم وگال احبج گتله نام لو اغسلك بالجاي والله ضحكت ومشيت صعدت تمددت ورحت بسابع نومة گعدت تقريبا ب12 الظهر ع صوت امي ومرتضى وحدهم بالمطبخ وصوتهم عالي نزلت سلمت وگتلها انتي وابن اخوج صوتكم واصل لأخر الدنيا مو الرجال مريض ونايم جوة گالت الله جابج ع طاري الرجال المريض سويلة شوربة خطية حتى اگعده ياكل وياخذ علاج گتلها هاك استلم راح اصير الشيف مالته عاد گالت اذا مو عاجبج اني اسويلة لا خلفة الله عليج 😒 ضحكت وگتلها لا ماما اتشاقة هسة اسويلة راحت هي ومرتضى للصالة يگعدو گعد گام غسل واستلمته الگحة ماكو مفكة مثل الموسيقى ميوگف وديتله ماي شرب وگال اخ يااابة احس صدري تفككت عضامة من الگحة گتله الله يعينك امي گالتله ياامي اشتغل هنا شموديك هناك متحمل ضيم البرد والغربة گتلها يمة عليج الله اليسمعج يگول يشتغل بسيئول لو بتركيا هي سليمانية هياتها هو گاللها لا عمه اني صوجي ادري بيها باردة المغرب وطلعت وية جماعتي للحديقة بالتيشيرت النص ردن والبنطرون باوعتله وگتله حيل تستاهل لعد التمرضة امي گال سمم وووجع ادبسزز تتشمتين بي گتلها هو ديگول بكل فخر طالع بتيشيرت نص ردن بالبرد احد ضربة ع ايدة وگالة ابرز عضلاتك علينه بهلبرد هو ضحك وامي گالت وحق الله يا زهراء اذا معدلتي اسلوبج وية قصي حظج اطيحة گتلها هسة اني شحجيت شبيج عصبية گالت تدرين بية ماارضة من تتجاوزين ع قصي گتلها ماما ترة متجاوزت بشي والي گلته جان شقة مو اكثر قابل صدگ اني متشمته بي ومتمنيتله المرض ليش تضوجيني ولو مو جديدة عليج انتي يا يوم طبگتي وياي ع قصي عندج قصي خط احمر تطبگين وياه علينا اني وسيف ونور قصي گال هااا اشم ريحة حرگ بالجو مو جن گلبج معطب من الغيرة هزيت ايدي وامي عاطت ولج زهيرة گتلها واني اريد ابجي هسة شحجيت مو سادة حلگي گالت سادة حلگج بس شكلج وايدج قصي گاعد ويمدح بعمته عجبته السالفه عفتهم وطلعت للمطبخ كملت الشوربة دخلتها اله وامي گامت تصلي حطيت الصينية گدامة شوية ونزلت نور توها گاعدة من النوم گالت متريگين بعدكم گتلها اني ممتريكة ومالي نفس اكل الباقي متريگين اخذت لفة صغيرة وراحت گعدت يم قصي گالتله سلامتك مبين اليوم زايدة الفلاونزة الأخت مطفية متدري نص الليل راح للمستشفى گعدو يسولفون ويضحكون واني ضايجة ومتنرفزة ع شنو ماادري بالتالي شمرت الخاشوگة من ايدي جنت دااگلب بجدر التمن ومشيت بنرفزة للصالة دااحجي بس بطلت هم انتبهو لوجودي باوعولي ثنينهم وگالو شبيج گتلهم مابية نور گالت وليش تنرين بينه شوية اسلوب باوعتلها اخذت الصينية وطلعت محجيت وهم رجعو يسولفون هو يسولفلها ع سليمانية وجوها وامكانها الحلوة وهي مندمجة تستفسر وتسأل عن الأمكان والسياحة هناك اكو شي بداخلي ديخليني ضايجة شنو هو مااعرف اندرت هم صايرين مقابيلي دمعت عيوني من الضوجة استغفرت بتنهيدة لعد اني شبية ليش من نگعد اگضيها وياه ملاطش من شفته وشافني احنه واحد يتنرفز من اسلوب الثاني ونهاية كل حوار بينا هو العركة ولو هو يگوم يطلع لو اني اترزل من امي واسكت غسلت ايدي ورحت گعدت يمهم اگلب بجهازي اجة گعد يمي مرتضى يريد جهازي انطيته اله شغل بيبي شارك ويرگص عليها سحبت الريمونت وگعدت اگلب اخبار المظاهرات نور مستمرة تحجي هي وقصي وحتى گعد يشوفها صورة بالسفرات الي طالعها وية جماعته سألته نور هذا صفاء مو صح؟ ضحك وگاللها اي هذا فتحت عيوني ع وسعها هاي الصخلة حتى اصدقائة تعرفهم انتبهو عليه مندمجة وياهم واستمع لكلامهم نور گالت تعالي شوفي قصي الخبيث گاعد يحرگ بدمي ويشوفني الإمكان التخبل هناك والله ثاري گاعد بالجنه واحنه مندري ضحك هو وهي گالت شوفي يولي عليج الله تعالي باوعي هذه الصورة رحت گعدت يمها وهي لازمة جهازة وتگلب بالصور وهو يگوللها هاي بفلان مكان وهاي بفلان مكان طلع ملف خاص بصورة بسفرته لدوكان هو وجماعته بالمطعم الي يشتغل بي اله صورة وياهم بنية وجانت گاعدة بصفة بينهم مسافة صغيرة يمة احس گلبي انخمط ونور عاطت عاااااااااااااا قصي گاللها وجعااا شكووو گالتله منو هذه العصفورة الي بصفك بالصورة باوعلي واني انتضر الجواب منه گاللها نادلة ويانه بالمطعم تغسل المواعين گالتله خرب احترگ عادل ابو العدس اذا صدگ اشو ممبين عليها تغسل مواعين شوف ايديها ابيض من قاموس حياتي گتلها شبيج معتي ترة جمالها عاادي گالتله عليك الله قصي مزوجة لو لا گاللها منفصلة عن زوجها وعدها بنوته عسل مو بنية تصيحلي عموو وتموت عليه خرب بروحك قصي بذاك اليوم احس ضغطي صعد غيرة انانية ماادري شتحسبوها حسبوها ضجت حيل متحملت فكرة قصي يفكر بغيري بعدما تعودت عليه وع اهتمامه للحظة گلت معقولة متزوجها وهاي بنتهم وميريد يگول وعايش حياته هناك وياهم واله رجال راح يدخل الـ30 شعنده لحد الأن ينتضرني بحجة الحب 😕 بعدين غميت نفسي ع تفكيري ووين وصلت حسيت ع كفخة سيف گتله اااااي شبيك شوكت اجيت گال صار ساعة گاعد يمج واسلم واسأل ياابة شلونج وانتي مدري وين وصلتي تمدد و حط راسه بحضني وگال ااااخ يااابة متفصخ والله قصي گالة سيف ليش متجي تشتغل وياي بسليمانية اني لا ارادين عطت اكيييد لااااا قصي گال وجعاا وانتي شعليج گتله مااكو احنه منگدر نفارگة سيف ضحك وگالة هي جاوبتك ماكو داعي اني اكمل سكت قصي وكلنه سكتنا گام سيف گال راح اسبح حتى تصبين غدة جوعان گتله اوكِ گمت حظرت الأكل وصبيت من طلع سيف خلصت هوسة الغدة والمواعين ونور صبتلهم الجاي واخذته الهم ثاني يوم قصي صار احسن وراح لأهله ومر اسبوع كامل لاجديد بحياتي * * * * * يتتتتبع في البارت القادم ماعدي وكت ارتب الكلام عله باااجر ارتبه واعيد نشره وانشرلكم بارتين بعد لان بعد احذاث تحياتي زهراء أمجد | ||||
|
| |
|
14-12-19, 03:50 PM
| #34 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #على_جرف_الذكريات بقلم زهراء أمجد #بارت ٣٢ وية اليوم صار لمصطفى 9 ايام من متزوج گاعدين ع الغدة سيف گال قصي يسلم عليكم امي گالتله اتصل لو شنو اي تخابرنه الصبح من جنت بالشغل ضلينه نسولف ع الأوضاع التعبانه وامي سألته قصي شوكت يرجع لسليمانية ماادري بس صاحب المطعم مموجود حاليا والمطعم انسد هلفترة خلصنه الغدة غسلت المواعين وصبيت جاي ونور اخذته لأمي واني صعدت نعسانه تمددت ردت اغفة دگ جهازي حور رديت وگعدنه نسولف عادي وسط الكلام سمعت مصطفى يعيط ومدري شكسر وصار الصوت قريب يمكن اجة لغرفة البنات گاعد يسب ويغلط ويصيح لحد يتدخل افتهمتووووو لووو لاااااا وعصبي نار حور حجت بأرتباك زوزة عفية راح اروح هسة وبعدين اخابر سدته مني واني حتى النومة طارت من عيني كتلني الفضول شبي مصطفى هيج يعيط ويصيح راحت حور واني ضليت اتگلب منمت تراسلت وية صديقاتي وراها نزلت سيف راد سمسمية سويتله وبعدها التهيت بالعشا وخلص اليوم وحور ماكو وخلص اليوم الثاني وهي ماكو والثالث وهي نفس الشي رابع يوم بليل خابرتني سلام وكلام وسؤال ع اوضاعهم متحملت انتضر اكثر گتلها زوزة: حور شبيج ليش متوترة صاير شي بالبيت ؟! حور: هواي اشياء صايرة مو شي واحد 😞 زوزة : مثل شنوو ؟! حور: زوزة انتي تدرين اني مااگدر اضم عنج شي راح احجيلج بس امانه مااريد اهلج يعرفون بشي لأن مصطفى وصاني مااحجي زوزة: دحجي مو خرعتيني شكو ؟ حور: عمامي تعاركو وية مصطفى 😢 زوزة: گتلها ببرود وليش 😕 حور: بيوم السبعة من اجوي اهل لجين عليها گايلة لأمها موصلي ولا تقربلي وامها اجت ع امي متخبلة سحبتها للغرفة وتعاركت وية امي ابنج مو رجاال وابنج هيج وابنج هيج وبليل سمعت امي سألت مصطفى ام حسام: مصطفى صحيح الكلام الي گالته مرتك انت ممتقربلها وممتمم زواجك منها؟! مصطفى: گاللها اي صح كلام لجين ممتقربلها ومحد يدخل افتهمتو 😒 حور: بوكتها امي ضربت مصطفى كف خلتنا بصدمة اني وياه 😐 وگالتله ام حسام: من متريدها شكو عفت بنت خالتك علمودها هااا اشو انت گاعد تلعب ع الحبلين اني ساكته واگول مااريد اكسر بي واجبرة لأن هذا زواج عشرة عمر مو يوم ويومين بس الظاهر انت صرت تخربط هواي وحق الله اذا باجر الصبح متطلع وتگولي يمة صار الي تردي لأغضب عليك ولا اخليك تلفي للبيت بعد مصطفى:صار عصبي وگاللها يمة لاتدخلين خليني اسوي الي براسي والج الصافي 😡 ام حسام: ولك شتريد تسوي فهمني مخبل انت ؟! عايف بنت الناس هيج صورة مزهرية حاطها گدامي اذا متريدها ومتمم زواجك شكو تزوجت لعد ؟ مصطفى: بنت الناس اني مدزيت عليها وگلتلها تعالي تعلگي برگبتي هي واهلها شمرو نفسهم عليه وخليهم يتحملون الي راح اسوي بيهم أم حسام: لطمت ع وجهها وگالتله ولك تخبلت انت تخبلت فهمني شجرالك اشو انت من وافقت عليها واني ممرتاحة لسوالفك مصطفى: يمة ببالي شي اسوي عوفيني بحالي ابوس ايدج دخلة ماادخل عليها هسة غير هذا الحجي ماعندي ام حسام : باجر اذا مجبت بياضها يامصطفى لأجمع عمامك واگوللهم عليك 😡 مصطفى صار عصبي وگاللها يمةةةةة 😡 ام حسام: ولطمةةة. 😡😡 حور: مصطفى عاف امي وطلع ورگع الباب حتى ماانتبه لوجودي اني واكفة يم الباب من عصبيتة ،رجعت لغرفتي ودخلت بفراشي ومااعرف ليش فرحانه رغم مصطفى مقهور وضايج وامي هم ضايجة وضغطها مرتفع بس اني بداخلي فرحة متنوصف يمكن لأن لجين انكسر خشمها العالي ومصطفى رافض القرب منها انتضرت ساعة مصطفى مااكو مدخل ساعة ونص هم ماكو ساعتين شفته مدخل للبيت گمت لبست حجابي وطلعت ادور عليه لگيته گاعد بالحديقة ويدخن اني ادري بمصطفى رجع يدخن من مات ابوي وحسام بس محد يعرف غيري حتى زوزة رحت گعدت يمة واتفاجأت من شفت عيونه حمر وگاعد ديبجي انقهرت عليه حيل 😢 حور: صوفي ليش تبجي شبيك؟! مصطفى: ماكو شي شطلعج انتي 😒 حور: مصطفى انت من تزوجت لجين تغيرت صاير تعيط عليه هواي وهذاك اليوم ردت تضربني ليش هيج تسوي راح تخليني اكرهك واكره حتى مرتك 😭 مصطفى: اسف حور انتي تشوفين شلون اعصابي مدمرة هذه الفترة حور: مسحت دمعتي وگعدت يمة گتله احجيلي والله مااگول لأحد شبيك انت ولجين وأمي؟! مصطفى: ماكو شي ولاتدخلين بشغلات متخصج افتهمتي 😒 حور: بس اني سمعت كلامك انت وامي 😊 مصطفى: شنو شنو 😡 حور: ااخ ااخ اذاني والله مو بقصدي اتسمع بس اجيت اشوف امي شمحتاجة وسمعتكم تحجون 😊 مصطفى: قسم بلله حور الي سمعتي اذا وصل للي ببالي متلومين اله نفسج والله اكسرج 😡😡 حور: مااحجي والله منو هم الي ببالك؟! مصطفى : تسوين نفسج ثولة متعرفين منو موو؟! 😏 حور: مصطفى شنو الشي الي ببالك تسوي عليك الله والله خايفة عليك من مرتك الحية مصطفى: مالج دخل گلت 😒 يلله گومي نامي شمگعدج لهيج وكت 😒 حور: وهي تباوع ورة اخوها الي دخل للبيت والله اخوي تخبل من اخذ هذه الجنية لليوم انگلب حاله الله لايوفق الي مشة بهيج زواجة 😒حور: ثاني يوم گعدت الصبح من الـ 6:00 طلعت للحلال انطيته اكل ورجعت ل لبيت اريد اروح للحمام حمامنا صاير بسد (جانب) غرفة مصطفى جوة الدرج فتت اريد اغسل واسمع لجين ومصطفى يتعاركون لجين: انت ممنطيني حقوقي وتدور تاخذ حقوقك كاملة مني تدور اغسلك الملابس واكوي واسوي اكل وانضف حالي حال خواتك وانت حتى ممعتبرني مرتك مصطفى : انجبي وامشي اطلعي من الغرفة اريد انام مالي خلگ لغوتج الفارغة لجين: هااا من اطالب بحقوقي هاي لغوة فارغة بس من انت تريد مني اسويلك شي هاي حقوقك وغصب عني اسويها موو؟ مصطفى : لجين مختصر الكلام هسة شتردين بالضبط؟ تردين اتمم الزواج؟ لجين : اي مصطفى: ههههه بأحلامج والله 😏 لجين: بعياط وليشش مو من حقي لو لااا مصطفى : صوتج راح اگوم انعل والديج 😡😡 لجين: المن تزوجتني لعد للخدامة اذا انت متريدني ؟ هااا شكو اجيت ومشيت وگلت اريد مرة فمهنييييي مصطفى وبصوت ضحكته العالية يگوللها : متأكدة اني الي اجيت وطلبتج اني الي مشيت عليج وگلت اريد مرة؟ لجين خليني ساكت اني وانتي وكل الناس تعرف منو الي ذب نفسه ع منو لجين وهي تبجي: لك انت شنو ماعندك گلب متفهم من اگولك احبك اني احبك وسويت المستحيل علمودك ماعندك احساس انت؟! مصطفى : هيج الكلام حلووو اي ست لجين گوليلي شنو الشي المستحيل الي سويتي علمودي؟! حور بصدمة تقربت ع كيفي يم الباب واني كلي فضول اريد اعرف لوين يريد يوصل وياها مصطفى مصطفى : ها لجين شو سكتي؟ اسمعج شنو الشي المستحيل الي سويتي علمودي؟! اسهل عليج الطريق واختصرلج الكلام راح اسألج وانتي جاوبي اي او لا انتي الي كتلتي حسام؟ لجين: لااااااا لااا والله مو اني وغلاتك وداعة عيونك مو اني 😭 مصطفى : لعد منو؟! لجين: عجزت واني اگولك مااعرف من تزوجنه لي هسة واني اگولك والله مااعرف مصطفى : واني اگولها الج من الأخير لجين بيوم الي انطيج حقج راح تتندمين ع هذا اليوم وانتي بعد بكيفج تبطلين سالفه اتقربلي واني اريد حقي وتبطلين تحجين هنا وهنا ع ابو اني مو رجال ومماخذج وانتي تدرين زين مادام ببالي شي اذآ ممهتم لو شتحجين احجي فـ تبطلين خيرا ع خير متبطلين اسوي بيج سواية اطلع دلال اهلج من عيونج وروح حسام افتهمتي لو لا وهسة گومي ولي برة اريد انطمر لأن جنت سهران بليل حور من سمعت طگة المفتاح مال الباب ركضت للحمام وسديت الباب طلعت لجين من الغرفة واتحركت يدة الباب لجين: منو هنا؟! حور: اني ، فتحت الباب طلعت لجين رافعة حاجبها لجين: شسوين هنا ؟! حور: ليش شنو الحمام حمام الخلفج حتى تمنعيني ادخل ؟😒 لجين: احترمي نفسج لج لاتتجاوزين حور: متجاوزت بشي خليج بعيدة عني وديري بالج تتقربين مني والله العظيم اطيح حظج يلله ابتعدي اريد افوت لزمتني لجين من كتفي ورجعتني عليها لجين: لحظة لحظة حضرتج ع شنو شايفة نفسج وتتجاوزين عليه احترمي ترة اكبر منج افتهمتي ؟ حور: اي ادري بيج فايتج القطار وشمرتي نفسج ع اخوي المسكين ازغر منج ضيع شبابة وية هيج شكول 😏 لجين: 😯😯 ولجججج اشو انتي ذرة اخلاق ماعندج حور: انجبي اني مترباية احسن منج لاتحجين ع تربية ابوي افتهمتي 😡😡😡 طلع مصطفى من الغرفة: هااااااي شكووووو 😡😡 حور صارت وره كتف مصطفى وگالتله: تتجاوز عليه وتكولي انتي ممترباية 😭 مصطفى وتقدم ع لجين وگاللها : عيدي شگلتي ست لجين؟ لجين: مو قصدي احجي هيج بس هيج تجاوزت عليه 😡 مصطفى : صوتجججججج نصي من تحجين وياي الف مرة محذرج 😡 اولا ثانيا خواتي اذا تجاوزين عليهن حظج اطيحة افتهمتي لو لاااا 😡😡 يلله ولي سويلي زقنبوت حتى النوم طار من عيني بسببجن راحت لجين للمطبخ وحور ابتسامة عريضة ع وجهة اندار مصطفى وحور بسرعة خفت الأبتسامة مصطفى لازم اذن حور: اطيح حظج والله العظيم اذا اندگيتي بيها 😡 حور: واحرگ الخلفوها هم بس اصبرلي اذا مكرهتها بعيشت الله خلي توگفلي 😏 مصطفى: ههههههههههه بعدين سوة شكلة عصبي وگاللها حور حذرتج اني اذا تسوين مشاكل بالبيت ابتلي بيج والله 😒 دخل للغرفة وامي اجت تمشي من غرفتها گالت حويرة تعالي علية رحت عليها ها يمةة؟ ام حسام:وهي لازمة حور من شعرها بخفة حويرة لجين اذا سمعتيها كلام مرة ثانية حظج اطيحة افتهمتي ؟ حور: اي يوم تدللين وبگلبها (والله لسود عيشتها واكرهها بالساعة الي فكرت تدخل لهنا وتخرب زواجة مصطفى وزوزة ) زوزة: عزة العزاج حويرة 😂😂😂 يمةة والله طلعتي غضب واني عبالي فقيرة 😂 بطلت اخذج لأخوي تخوفين 😅😅 حور: انجبي حبي بعدين اني مميته ع اخوج حتى تاخذيني اله عاد شلونج انتي واخوج 😏 زوزة: انجبي لج تروحين فدوة لأخوي وين تلگين مثله 😒 حور: عاد هسة لو اخوج صدگ رايدني اشو هو ممهتم وانتي ذابحة نفسج عليه 😕 زوزة : بگلبي گتلها ميت عليج بس عود ثگيل الله يسلمه 😂 يلله ولج كافي نعست اريد انام صار 3ساعات نحجي حتى اذني گامت توجعني 😅😅 زوزة: گعدت ثاني يوم الظهر ساعة 1:00 نزلت للمطبخ لگيت امي متريگة وشاربة جاي شربت ماي ورحت عليها للغرفة لگيتها گاعدة ومرتضى هم نازل يمها گتلهم هااا شلونكم مرتضى گمز باسني وگال اليد عممم امي گالت سويلة اكل مقبل ياكل من گعد اخذته ورحنه للمطبخ گعدته ع الكاونتر أشر ع المعكرونة راد اسويلة سويتله وگعد ياكل واني مسوية لفة مال عشة البارحة بتيتا فنگر وكبة وطرشي وياهن عصير اموت ع الأكل البارد خلصت وصفيت المطبخ وصعدت اخذت جهازي ونزلت گعدت بالصالة ومرتضى يلعب يمي طبعا سيف اشترالة تاب ومگابل اليوتيوب وگاعد امي بغرفتها متمددة فتحت فوني لگيت حور دازة مسج اتصلت عليها زوزة: هلو حوري شلونج حبيبي؟ حور: تمام الحمدلله انتي شأخبارج ، زوزة: تمام حور: ولج صخلة، قردة، عوبة من أراسلج ليش متردين بسرعة 😒 زوزة: هههههه يولي اذا انتي من الفجر تگعدين دزين رسايل تردين اعوف نومتي واگعد الغي وياج والله انتي مخبلة 😅 حور: وجععع حقيرة، ولج مكملتلج البارحة زوزة: اي هسة كملي اسمعج 📞 حور: بعد عركتنا اني ولجين ورزالة مصطفى رحت للمطبخ سويت ريوگ النا ولجين سوت لمصطفى گاعدين نتريگ مصطفى خلص وگال الحمدلله اني طالع أمي گالتله ام حسام: مصطفى سويت الي طلبته منك؟ مصطفى: لا 😏 ام حسام: يصير خير ياابن بطني مصطفى: يمة ترة ميهمني اذا گلتي لعمامي لو لا محد يگدر يجبرني ع شي افتهمتي واذا اسوي الي تردو ادفعها الثمن غالي زين لو لا؟ فبطلو سوالفكم احسن اني وياها متفقين ع هذا الشي وهي تعرف شوكت اتمم زواجي منها لتفت للجين وگاللها مصطفى: مو صح لجين ؟ لجين بأرتباك: ااا اي اي صح عمة حور: بهذا الحجي وجان يندگ الباب گام عموري فتحة، عمامي ثنينهم وياهم جهاد وعدنان ولد عمي گام عليهم مصطفى راد يسلم عليهم ثنينهم صدو منه رجع ورة مصطفى وگاللهم تفضلوا عمام مصطفى گالو ام حسام نريدج بس انتي ومصطفى الباقين طلعن ، انسحبنا من الصالة كلنا گال مصطفى : لجين لغرفتج گبل اذا الگاج برة متلومين اله نفسج وحجة ويانه انتن هم يلله 😠 حور دخلنا للغرفة ولجين دخلت وقفلت الباب عليها اني متحملت ابقى طلعت وگفت ورة باب الصالة ولحگتني منتهى وگفنا نسمع ع كلامهم ابو رقية  عم مصطفى الصغير) انت شجاي تخربط هاااااا 😡ابو جهاد: اوگف ابو رقية كلشي بالهدوء ينحل ، مصطفى شبيها مرتك ليش لي هسة مماخذها؟ مصطفى: عمي اعتقد هذا الشي يخصني ميخصكم ابو جهاد: مصطفى 😡 دااحجي وياك مثل الأوادم احجي وياي عدل 😡 مرتك ليش مماخذها لي هسة؟ مصطفى: عمممي زواجة وتزوجت ع رئيكم عرس وطربگة مردت اسوي لخاطر موتت ابوي واخوي وكسرتو حجايتي وسويتولها وهم سكتت لأن اكو شي براسي اريد اسوي وانتو تعرفون زين محد يجبرني ع شي واذا تردوني هسة اخذها اخذها ماعندي مانع بس تندمون وراها صدگوني زين لو لاااا ابو رقية: ولككككـ اشووو انت كل احترام ماعندك شنو تصيح هيج ع عمامك وتحجي هيج ويانا 😡😡 مصطفى: عمامي الي يكسرون بيه ويدمرون حياتي ومستقبلي مااريدهم زييين 😡 ابو جهاد: مصطفى 😡😡😡 مصطفى وهو لازم ايد عمه الي راد يضربه: لا عمي لاا اني ابوية بحياته ولامرة مد ايدة عليه وضربني لا بصغري ولا بمراهقتي ولا بشبابي ومااسمحلك هسة انت تجي تمد ايدك عليه وع شي خاص بيني وبين مرتي ابو رقية: ام حسسسسام ابنج فلتان ورة موتت ابوه صاير بلا اخلاق 😡 مصطفى: ادخل عليها بشرط واحد اذا قبلتو اسوي الي اريدة 😎 ؟ ابو رقية وابو جهاد: وشتريد بلله 😡 مصطفى: اذا ادخل عليها اتزوج البنية الي اريدها والي اختارها اني هاا شتگولون؟ عمام مصطفى: شنوو 😐😐😐 مصطفى : ارييييد اتزوج شنو الغريب بالموضوع، اني رجال حاالي حال باقي الشباب اريد اخذ الي حبها گلبي والي اختارها اني وبنية بعمري تفهمني وافهمها مااريد مرة اكبر مني بـ 4 سنوات وشيطانه من اطلع اريد أمنها ع بيتي وامي وخواتي واني لجين ع غرفتي ماأمنها مو عاد بيتي وخواتي ابو رقية: انت تسوي وياي عناد لأن ردتها الك ومردت البنية تروح للغريب لأن ذهب صافي وحرامات تخسرها مصطفى وجهاد ثنينهم يضحكون وبصوت واحد هاي منو؟ لجين ذهب صاافي ومتنخسر 😏😏 مصطفى :خليك عمي هيج خليك ع بالك اني ماادري بسوالف لجين وخالتها وقرايتهن براسك بس هينه اذا انت يمشنك ع كيفهن اني لا لجين ولا الخلف لجين يتحكمن بيه ، نقطة نهاية سطر اذا اخذ لجين اتزوج عليها واذا متقبلون تمشولي متدخلون بيني وبين لجين حور: مصطفى فرفح عمامي منين ميجو يطلعلهم وصل عياطهم لي برة بلگوة عدنان وجهاد سكتو مصطفى عمامي طلعو واعصابهم نار وامي ضغطها صعد و گعدت تنعى و تبجي ع حسام وابوي فتح الباب مصطفى وصرنا بوجهة عاط بينا شعدجن هنااااا 😡😡😡 واني ومنتهى ركضنا للغرفة بس الـ ترابة ورانه 😅😅😅 ، عافنا وراح للغرفة وتعالت اصواتهم هو ولجين دخلت عليهم امي ومصطفى تخبل گاللها ليش تتدخلين وضل هو وامي امي تدافع للجين وهو يصرخ بعلو صوته ويكوللها لاتتدخلين تلفت اعصابة وصار يكسر بالعطورات والمكياج الي ع ميز المراية وامي متسكت منه انوب خلته مثل النار ومشتعلة لزم لجين سحبها من ورة امي وضربها عناد بأمي وامي گامت تغلط عليه لز م واخذ جهازة وطلع وعافها تغلط عليه ولجين گاعدة تبجي امي حاضنتها وتسكت بيها واني واكفة اباوع عليهن عوجت حلگي وهزيت ايدي والله امي متصيرلها جارة تضل فطيرة وگلبها طيب 😕 زوزة: هي هذه خالتي من يوم يومها فقيرة الي يضربها تگولة رحمة الله والديك تتخبل من المشاكل حور: اووووف اني محد قاهرني غير مصطفى خطية فرفحو امي وعمامي علمود هاي الساقطة زوزة: مرت اخوج موعيب هيج تحجين عليها 😏 حور: تاكلين نعل وتسكتين لا اجي اگطع النعال ع راسج گال مرت اخوي گال 😏 اني مااعندي مرت اخ بس انتي 😠 زوزة: حور انجبي الف مرة گتلج لو يموت بعد ماارجعله كافي تگولين مرت اخوي حتى حرام عليج 😡 حور: زوزة بداعة العشرة الي بينا انطي فرصة والله مجبور وهو ديگول براسي شي اسوي خلي يخلص من هذه الحية وترجعون لبعض والله هو ميلگة احسن منج وانتي متلگين مثله زوزة: لا حبيبي تسلمين اخوج من تنازل عني اول مرة بعد مستحيل افكر اعيد الغلط وارجعلة هو لو رايدني ابقة وياه يگعد ويحاجيني بهدوء ويگولي شناوي عليه مو اول حجاية اله يعيط بيه ويگولي مااسمحلج تتجاوزين ع لجين مصطفى جرحني واني مااريدة خلص انتهى حور: وهي تبجي لا عليج الله زوزة لاتسوين هيج ابوس ايدج والله من اشوف حياته شلون مخربطة هيج اشبع بجي وادعي ع لجين من كل گلبي والله صغير وتحمل مصايب اكبر من عمره زوزة: حور اذا كل مكالمة احنه نضل بهذا الموضوع بعد مااتصل بيج والله اخوج متأكدة نساني وميفكر بيه واكيد بعد ما يتخلص من لجين يتزوج ويعيش حياته بعيد عني حور: ميريد غيرج والله انتي اولى بي وهو اولى بيج زوزة: غلطانه لاتتأملين شي انتهى من زمان ، واذا ع الأولوية احب أگولج ابن عمي أولى بيه حور: شنو ؟! 😐😐😐 زوزة: مثل مسمعتي حور قصي تقدملي واهلي مرفضو حور: شنو يعني مرفضو وانتي موافقة؟! زوزة: اي مثل مسمعتي اهلي موافقين عليه واني هم مفكرة اخلص دراسة واوافق حور: اكيد اتخبلتي انتي 😡 زوزة: وليش بلله اصلا جان المفروض من زمان اوافق ومااضيع وكتي وية انسان مثل اخوج 😒 حور: زوزة بدون تجريح رجاءا 😡 زوزة: شفتي لوين وصلنه وصلنا لمرحلة وحدة تجرح الثانية بسبب اخوج وأنانيته بعد مرة ثانية من اگولج سدي الموضوع سدي ولاتخليني اجرحج بالكلام لأن اخوج حيل جرحني واذاني شوكت تفهمين هذا الشي هاااااا 😡 نسيتي وگفتي بحنته واني اجر النفس گوة؟ نسيتي دموعي الي حابستهن گوة واني احط الحنه ع ايديهم؟ نسيتي شهگاتي وصوتي الي يتگطع من البجي بيوم الي زفوهم للغرفة كل هذاا نسيتي وتگوليلي ارجعي واخوي مضلوم 😡😡😡 حور اترخص اني باي سديته بدون مااسمع الجواب من الطرف الثاني ، سحبت نفس واتذكرت يوم الحنه مالته والزفة حطيت ايدي ع وجهي سحبها مرتضى وگال أنو ماما بيج ؟ هو گال هيج واني انفجرت بالبجي حاطة ايدية ع وجهي وابجي وهو الشيطان من الكرسي مالته وصعد ع الميز وتقدم سحب ايدية من وجهي ويسويلي تيييييي ويضحك بعز قهري والبجي مالتي ضحكت عليه ع باله داالعب وياه رجع ايدية ع وجهي ورجع سحبها ويسويلي تييييي ماما تيييي اني اني عود هسة اني ابجي وانتي رضيني حط ايده ع وجهة واني سحبتها ضحك حضنته لصدري وابوس بي يمكن مرتضى احلى هدية الله انطاها الي حيل متعلق بية ومتعلقة بي من يشوفني ابجي يتخبل لو من اتمرض هو يتمرض وياي والله مرات انقهر من اشوفه واگول من يكبر هم يكرهني لأن حرمته من ابوه واخوانه ومرات اگول اني محرمته منهم هم الي ذبو بالبداية ومن كبر بحضني وتعلقت بي حلى بعينهم وگامو يدورون ياخذو ومن حجة قصي وياي وگال لاتتعلقين بي لأن يجي يوم ويكبر ويسحبو منج او هو ينسحب ويختار ابوه واخوانه كتلني التفكير هم يجي يوم وصدگ مرتضى يختار اخوانه وينساني 💔😢..... مر اليوم وهو عبارة عن كأبة وخنگة وملل ومرت فترة ايامي عادية ماكو جديد بيوم لعبة العراق والأمارات كانو متفقين الولد بينهم ينجمعون يمنه ع الواهس ويباوعوها سوة العصر اجوي قصي ومحمد ورامي وقبل اللعبة بنص ساعة اجوي صلاح وسامر وخالي حيدر وانصدمت بوليد جاي وياهم وصدمتي الأكبر من عادي سيف سلم عليه ودخله للبيت احس گمت افور من القهر وگفت بالمطبخ واني محضرة البوشار والجبس والحب ومشكل نساتل وعصاير اريد ادخل للصالة بس نفسي مسدودة حتى كرهت الطوبة صاح سيف اسوو سوي جااي بذيج اللحظة حتى سيف كرهته سويت جاي وحظرت الكوابة كلهم ماعدا رامي ميشرب الجاي كمل صبيت ومشيت اقدمة باوعت وليد صاير اول واحد گبالي تقدمت عليه باوعت عليه ع وجهة ابتسامه خبيثة وقصي يخزر بي ووجهة احمر من العصبية تقدمت وهو گعد يعدل بالمخدة بحضنه لأن جان منتجي ع عكس ايدة مااعرف بلحظة اجتي فكرة ع بالي وسويت نفسي انطخيت بالمخدة الي سحبها وعثرت وجان اذب الصينية هي وكوابتها كلهن فوگاه اني عطت بس عيطت وليد غطت ع صوتي عاط وگمز لسگف ونزل وكلهم گامولة واني وجهي اصفر وايدية ترجف گلت راح يكشفوني متقصدة والله كلها واكفة يمة يردون يشوفو شصار بي بس قصي گاعد وممهتم طلع للمغسلة ي غسل ونور گالتلهم خلي يذب ع صدرة ماي بارد وهو كل عقلة نزع القميص وذب مي بارد ع الحرگ رادو دهن مال حرگ اختفة سبحان الله مدري وين طار الولد رجعو گعدو هم وخالي وسيف صعد يشوفلة دهن بغرفته ونور بغرفة امي گاعدة ولا اهتمت للي صار وامي تدور بالمطبخ ع الدهن اني استغليت الفرصة وركضت للمغسلة هو اگف زوزة: وليد قسم بلله هلمرة عدت ع حرگ بسيط مثل هذا مرة ثانية تفكر توصل لبيتنا متطلع منا الا وانت مكسور وروح خالي متدري شأسوي مرة ثانية مي وزاهي دهن صابون بس الله الي يخلصك مني والله العظيم بس فكر توصل وشوف ، باوعلي بحقد وطلع من يم المغسلة وراح برة يم السيارة صلاح گال :لاتضلون تدورون اني راح اخذة للبيت ومناك عود اخذلة دهن من الصيدلية زوزة: اني واكفة بالمطبخ وجهي اصفر شوية واتخربط عبالك مسوية جريمة صلاح شافني ضحك صلاح: يستاهل تدرين ليش؟! زوزة: هو ادري بي يستاهل بس ليش تحجي عليه؟! صلاح: لأن حقير ونيته جان جاي يبسمر ويتشمت بيج لأن انفصلتي عن مصطفى زوزة: 😳😳شگد حقير ونذل لعد متأكد هذا اخوك؟ وابن خالي عمار؟ صلاح: لا والله اشك مرات امي وابوي لاگي بالزبل وجايبي علينا ههههههه يلله اروح ارجعه للبيت طلع صلاح وقصي اجه من الصالة واني واكفة اباوعلة من جوة ليجوة اجة وگف گدامي ارتبكت گتله هااا ق قصي م محتاج شي قصي: بضحكة اسمع بـ بنت عمي متسكت عن حقها ولسانها شطولة والي يندگ بيها امه داعية عليه ومااصدگ بعد سوايتج هذه لا والله صدگت ههههههه عفية بالذيبة صار وجهة مقابيل وجهي واني رجعت ورة گتله شبيك 😳 گال بية انتي اموت عليج يوم بعد يوم تكبرين بعيني اكثر ولج جنت راح اطگ بس اريد شي يبرد گلبي بي العار وانتي اجيتي بوكتج وهاا ترة ادري بيج متقصدة تحرگي 😂😂 زوزة :😳 بدت اللعبة يلله امشي اخذت الجبس والحب وفرشت مفرش ع الزولية وگعدنه كلنا اني ونور وياهم امي ع القنفة مال التخم گاعدة مابيها تنزل بالگاع سامر وخالي گالو اذا فزنا عشاكم ع حسابنه اني گتله زوزة: راح الزم السجادة والسبحة بلكت نفوز حتى مااوكف اسوي عشا 😂😂 ،سيف وقصي متحمسين كلش سطرونه من جابو الگول الأول اني بالمطبخ رحت اجيب ماي لقصي اختنگ اشو هذا عفته يگح ومن جابو الگول گمز للسكف هو وسيف ومحمد وسامر وكل صوتهم عاطو گوووووووول وصلت للصالة بيدي الدولكة الأخ يگمز ويعيط گول گتله زوزة: هاا خير توك صدرك مقبط و گمت تموت من الگحة اشو گاعد تگمز قصي: ولج گولنا ياا گحة ويادنيا شال مرتضى ويبوس بي ويشمر بي والله ضحكني رجعنا كلمن لمكانه ومن گولو مرة ثانية هم نفس العياط والصياح خلصت اللعبة خالي وسامر گالو تصبحون ع خير اني گتلهم وين وين عشاكم ع حسابنه ونافخين ريشاتكم وبالك ودي يلله ورقوا لو تگومون تجيبون عشا ترة والله اني معلية مااسوي 😂 راح سامر ومحمد جابو عشا وگعدنا نتعشا وسوالف وضحك وشقة للـ 11:00 بليل يلله راحو عزلت الصالة وكنستها وصعدت انام توني تمددت وصل مسج من حور شلونج شنو زعلانه صار فترة ممتخابرين غلست ذبيت الجهاز ونمت * * * * * يتتتتبع بعد اكو بارت فد شويه انشره قراءه ممتعه تحياتي لكم زهراء امجد | ||||
|
| |
|
16-12-19, 11:17 PM
| #35 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #على_جرف_الذكريات بقلم زهراء أمجد #البارت ٣٣ صووتووو للبارتات راح سامر ومحمد جابو عشا وگعدنا نتعشا وسوالف وضحك وشقة للـ 11:00 بليل يلله راحو عزلت الصالة وكنستها وصعدت انام توني تمددت وصل مسج من حور شلونج شنو زعلانه صار فترة ممتخابرين غلست ذبيت الجهاز ونمت ثاني يوم گعدت ماانطاني گلبي اغلس ع الرسالة حور اتصلت عليها وگعدنا نسولف حجيتلها اني كتبت قصتي ونشرتها وطلبت منها اي احداث جديدة تصير تخص لجين ومصطفى تكتبها ودزها الي بالبداية خافت وگالت اخاف بعدين گالت اوكِ كلشي يصير اكتبة وادزه الج بس هسة اني خابرتج اريد اخذ رأيج بشي ؟! زوزة: گولي حوري اسمعج ؟! حور: زوزة البارحة اجوني مشاية وامي ومصطفى موافقين واني مااريد اتزوج هسة عفية شلون؟! زوزة: شنوو؟ 😯 اول مگالت هيج سيف صار بين عيوني گلبي انعصر وخفت مصطفى يعند وينطي حور للمشاي الي جاي عليها ، گتلها منين وشنو شغلة شگد عمره حور: منا من يمنا جوارينا بيت ابومناف مو تعرفيهم زوزة: اي اعرفهم منو منهم عمر لو محمد ؟ حور: عمر زوزة: ماادري حور بس اني لو علية اگولج ارفضي حور: مصطفه يگول مناسب الج ملازم اول ويگول اخذلها بيت وحدها وعادي تكمل دراسه والي تريدة يجرالها حتى ممخلي مجال لمصطفى يرفض گايلة اشوف الأهل وارجعلك خبر زوزة: انتي شنو الي تردي سوي اذا موافقة گولي لأخوج موافقة واذا مموافقة هم گوليلة ترة مصطفى ميجبرج ع شي متردي حور: امي متقبل گالتله موافقين وهو راح يرجع خبر للولد باجر العصر زوزة: هو منو المزوج انتي لو امج روحي ع اخوج واحجي وياه انتي لو بالمشاكل وية مرته لسانج شطولة تگوليلة اله اهججها وهيج موضوع مهم بالعه لسانج 😒 حور: اليوم احجي وياه واشوفة شيگول !! زوزة: اوكِ عود رجعيلي خبر لأن راح يضل بالي سديته منها واني افكر سيف لو سمع يلعب بينا لعب والله من الفجر ياخذلهم مشاية ويطلع هههههه للظهر گاعدين نتغدة ودخل سيف مدخن امي گالتله شبيك نتر بيها بصوت عالي بنت اختج جايها مشاي وناطين المرة اني غصيت بالأكل ونور تضرب ع ظهري نور: وسم شبيج 😂😂 سيف: تدرين مووو 😡😡😡 زوزة : والله العظيم قبل شوية خابرتني وگالتلي باجر يرجعون خبر واصلا هي رافضة منو گالك منطين مرة ؟ سيف: جهاد هسة خابرني ضلينا نسولف وحجالي گال حورية جايها مشاي وانطيناها زوزة: گتله جذاب مصطفى ميسويها ويجبر خواته ع زواج سيف: هسة شنوووووووو اني حور لو تنطبگ السما ع الگااااااع اريدها يعني اريدهاااا يماااااااا خابري خالتي ومشيلي عليها امي : بهدوء گالتله الله كريم يمةة وسيف: عاط يمةةةةةةة شهلبرود هذااااا زوزة: سيف شبيك تخبلت قابل شگالت امي گالتلك الله كريم اني گايمة اخابر حور واشوف شنو السالفه گمت اتصلت ع حور وسألتها زوزة: ها حورية شسويتي حجيتي وية مصطفى ؟ حور: لاا زوزة: 16 وجعاا شتنتضرين؟ حور: شبيج بعدة مرجع من الشغل 😠 زوزة: وهو شنو مرجع خبر للجماعة لو لا حور: لا ولج شبيج مو گتلج باجر يرجعلهم خبر زوزة: هاا اي نسيت ،قبل لا اسدة گالت زوزة گتلها هاا؟ حور: مصطفى يسأل عليج ويريد يحجي وياج هاج هذا هو هياته زوزة: انصدمت انوب جمدت بمكاني اريد اسدة بوجهة بس ايدي متتحرگ سمعته يگوللها منو؟ حور : زوزة سألت عليك وتريد تحجي وياك زوزة: 😱😱 مصطفى: ألوو هلا زوزة شلونج شأخبارج؟ زوزة: 😐 مصطفى : ألوو تسمعيني؟ زوزة: احمم اي اسمعك مصطفى تفضل حور گالت سائل عليه ورايد تحجي وياي خير رايد شي؟ مصطفى: لا اني مسائل انتي رايدة تحجين وياي وجابتلي حور الجهاز زوزة: حور بطلي سوالفج التافهة وكافي تحاولين النكسر بعد ميتصلح ادري بيج تسمعيني زين سديته وحلفت بعد مااحجي وياها ع هاي الدگة اربع ايام اني حور تتصل ماارد عليها امي خابرت خالتي وطلبت حور منهم وگالتلها خالتي يوم المنى الي ناسبكم اشوف مصطفى وارجعلج خبر حور بعدني زعلانه وياها ع گد تكتبلي الي يصير وياهم ودزة برسالة وبس ماكو اي كلام بينا حتى سألت شلونج مااجاوب يوم الأربعاء الي راح گاعدة الظهر اگلب بجهازي اتراسل وية البنات شوية وشوية بالواتباد انفتحت الباب ودخلو قصي وسيف گعدو مبين من وجهم اكو شي گتلهم خير گالو ماكو شي سألتهم تردون غدة گالو لا عفتهم وكملت مراسلة وية البنات مااحس اله سيف سحب الجهاز مني انصدمت اول مرة يسويها زوزة: شبيك 😡 ؟ قصي: هاي شنو 😡😡 ؟ زوزة: سحبت جهاز سيف من ايدة وگعدت اقرة المحادثات الي بيها باوعتله وضحكت ، عادي ماانصدم بيكم اذا هسة گلتولي مصدگين بهاي المحادثة سيف: زوزة راح اسألج وديربالج تجذبين ابتلي بيج ومحمد 😡 هاي الرسائل ألج ولمصطفى ؟! زوزة: انت شتگول 😏 قصي: الغي عدل ولاتلعبين بأعصابنه ، زوزة گولي لا ادري بيج متسويها من يوم يومج اذا احد اخذ منج شغلة وبعدها رجعها الج متقبلين ترجعيها تشمأزين منها اعرفج زين ، هذه الرسائل رسائلكم؟ زوزة: لا طبعا مو رسائلنا ، قصي يحجي وياي وسيف نكت جهازي نكت مخلة تطبيق يعتب عليه قفلة و شمرة عليه سيف: قصي جهازها فارغ مابي شي قصي گتلك متسويها بس انت مخبل خبصتني نفس صفتحها ونفس منشوراتها وهذا فلان شي جانت ناشرته اني اسمعهم واغلي من القهر لزمت جهازي واتصلت ع حور گتلها زوزة: حور منو يمج ؟ حور: ماكو وحدي بالغرفة شكو ؟ زوزة: هسة تطلعين تروحين يم مصطفى بسرعه حور :شكوو ولج خوفتيني 😐 زوزة: هسة ولي يمة وبعدين تفتهمين شكو ، سمعتها تدگ الباب عليه ودخلت گالتلة لجين وين؟ گاللها بالمطبخ يم منتهى ليش؟ حور: مصطفى تعال اگعد زوزة مدري شبيها زوزة: اسمعه يكوللها شبيها شكو ؟ گتلها حور راح ادزلج صور مال محادثات خلي يقراها سيف بالأول مقبل يدز بعدين گاله قصي دزهن وخلي نشوف اللعبة من طرف منو ؟دزهن سيف للماسنجر مالتي وحولتهن لحور حور: هاي شنو المن هذا الكلام كله؟ زوزة: اباوع لسيف وقصي واحجي ماادري المن بس اكو فاعل ماادري فاعلة خير دزتهن لسيف وقصي وهذولي هم گبالي نريد نعرف منو لعب هذه اللعبة مصطفى صاح بصوت عالي لجين اجتي گالتله هاا؟ مصطفى: وين جهازج؟.. لجين: هاا ليش شتسوي بي؟ مصطفى: بلاااا لغوة جيبي جهازج وتعالي هنا حور گالت زوزة اسدة ومن نفهم السالفة شنو اتصل عليج مقبلت تسدة بس سدته بوجهي وقفلت الجهاز لأن خافت مصطفى يفقد اعصابة والكل يعرف زواج لجين ومصطفى مو تمام شمرت جهازي بعصبية وگعدت انتضر حور تتصل واني اعصاب مغثوثة من سيف هذا تفكيره بيه باوعتله گال سيف: لاتباوعين هيج 😡 ادري بيج رقيقة وماعندج گلب بكلمتين ينضحك عليج وتنسين الزعل وتوقعت مصطفى سواها وحاول يراضيج وانتي بكل سهولة وافقتي مو بعيدة عليج ترة يمة اني گال هيج لو گمت اگمز من القهر گتله اني موغبية اخلي واحد مثل مصطفى يستغل عاطفتي وطيبة گلبي ويضحك عليه ويرجعني افتهمتتت 😡 هذا كله قصي ساكت ومبين عليه السكوت ما قبل العاصفة يمكن ساعة فوگ الساعة حور خابرتني زوزة: ادبسزز حقيرة وين انگبرتي هاااا شلون تسدي بوجهي 😡 حور: ولج خفت من مصطفى من يفقد اعصابة يخربط بالكلام عيب من قصي وسيف، صخام الي صخم وجهة هاي مسوية مصايب الحقيرة زوزة: سوالفها موو؟ هي مسوية هذه المحادثة؟ حور: ولج اي هي مسويتها تتراسل بحسابين حساب مثل حسابج وحساب مصطفى قبل فترة تهكر ومصطفى حاول يرجعة مرجع گال خلي يولي هو قابل شبي وهسة مصطفى لگاه بجهازها تتراسل وية حساب وهمي مثل حسابج ومسكرنه المحادثة ودازتها لسيف من الماسنجر مال مصطفى زوزة: الله ياخذها الحقيرة عرفتها مراح تسكت لمصطفى ع كل هاي سوالفه تروح تنتقم من رجلها بعيد عني اني شدخلني النذلة شكو تحطني بالموضوع؟ حور: ولج لگة مراسلات بجهازها الها ولأبن خالها طلع هنا من ثاني يوم زواج مصطفى راجع وتخبل خبال مصطفى گاللها هسة تراسلي يجيج لفلان مكان باجر بالتسعة الصبح زوزة: عزة العزاج اذا صدگ اي وشنو راح يسوي حور: ولج والله ماادري بعدها توها شهر من فاتت بيتنا هجمته بنت النعال زوزة: الله اليستر بس مصطفى ناوي شر لأبن خالها مبين، يلله حور اني اروح هسة كلشي يصير خابريني لو كتبي ودزي حور: اوكِ بااي حبي زوزة: بااي راحت حور واني صافنه ع كمية المشاكل الي دتصير ببيت خالتي هذا كله منو جان متوقعه لجين تشتغل من وحد وعمام مصطفى كل يوم مسويلهم هوسة من وحد متخبلين ع مصطفى وسوالفه لليل اتصلت حور زوزة: وجعع شكو اليوم مصيبة ورة مصيبة صار شي جديد؟ حور: انتي مو تردين الأحداث أول بأول واني داانقلها الج أول بأول متردين هسة اسدة واروح زوزة: لا الغي بعد انتي اتصلتي وصرفتي نت 😅😅 حور: زوزة مصطفى كتل لجين كتله وسمعتها تگولة بسببك انت اني سويت هاي السوالف كلها من البداية مقبلت تنطيني فرصة اعيش وياك زوزة: اگولج هاي شهل نفسية الي عدها يعني واحد يگولي مااريدج واني گوة شامرة نفسي عليه گبر حتى گبر حور: ولج طلعت من قبل لا حسام يطلب ايدها هي مراسلة مصطفى وگايلتله اني احبك واريدك من أول ما شفتك بعرس عمك وخالتي انعجبت بيك بس مصطفى صادها وگايللها اذا راسلتي مرة ثانية اطيح حظج والله وحاظرها وكل يوم تراسلة من فيس جديد ويگول شگد جنت انصح حسام واگولة متناسبك بس هو جان معند وميبس راسه لو هي لو مااريد زوزة: صدگ لو گالو الحب اعمى حور: من كون عمة وثول يعمي لجين واهلها ويعمي عمي الي عرفنا بهيج شكول 😒🙌 زوزة: بس الغلط راكب اخوج من راسه لرجلي يعني هو بدل مگاعد يتوسل بحسام ويگولة متفيدك وعوفها وهللغوة الزايدة اشوفه المحادثات واگوله هذه الي تحبها وخابصنه بيها تراسلني وهي تدري زين انت تحبها هم حسام يبتعد عنها وهم هي تگطع نفسها من مصطفى حور: صعبة شلون يروح يگولة الي تحبها انت تحبني وتراسلني زوزة: دنجبي لعد احسن يخلي ع عمه عينه ويزوجها وهي عينها ع اخوه وهاي المصايب كلها نتيجة سكوته لمصطفى كان المفروض من البداية يسوي حل حور: اووف الي صار صار ومنگدر نغيرة ع كل حال اني اروح هسة واي جديد اراسلج بااي حبي زوزة : باي حياتي ،،، بيومها قصي راح لبيتهم ضايج وحتى ميحجي وياي ع شنو مااعرف وسيف يومين وجهة ثگيل وضايج مو مني من نفسه لأن فكر للحظة المراسلة هذه الي يوم الجمعه اجتنا عمتي ذبها قصي وراح للكرادة عنده شغل طبعا هو ليحد الأن ينتضر خبر من صاحب المطعم مالتهم يفتح حتى يرجع بهذا الوقت قصي مبقى گاعد بالبيت شاف شغل مؤقت وية مطعم بالكرادة واشتغل كل يوم يجي من الـصبح يرجع بـليل گاعدة وية عمتي عليا: شبيج وية قصي ليش زعلان وضايج ؟ زوزة: والله ماما مابية شي ممسويتله شي عليا: شلون بيج والله شلعتي گلبة للولد ارضي عاد يعني ميكسر خاطرج راح يصير عمره 30 سنه وهو ينتضرج الي بعمره هسة عدهم ولدين وتلاثة زوزة: يمة شبيج كلما تجين تفتحين نفس السالفه يريد يتزوج خلي يزوج قابل اني جابرته ينتظرني عليا: گبر اي والله 😒 انتي مو صوجج صوجة هو العار معرف يحب غيرج انتي ام خشم اليابس المغرورة كل همج نفسج وبس زوزة: اي اي هسة بينتي ع حقيقتج كل مااگولج وگلتي انتي عندي اغلة من قصي وهسة نزلتي عليه غلط لخاطر استاذ قصي عفتها وگمت عليا: خبااال اي والله كون خباال اذا تضلين هيج بعد مااحبج ولا اريدج والله يبقى بس قصي وليدي واخلي يحول كل غراضة يمي ويعيش وياي بنفس البيت زوزة: 😒😒 اگوم اسوي عشا سالفتج تغث ، قبل لا اسوي عشا راسلت صديقة من الواتباد هم ضلت تحجي وياي وحاولت تقنعني ارضة بالخطوبة حتى قصي يرتاح ويريح باله (طبعا اني اقنعها من بدت تحجيلي قصتها هههه) سيف خابرني گال لاتسوين عشا اني اجيب بس حضري المقبلات استغليتها فرصة ورحت گعدت يم عمتي امي راحت وية مرت خالي عمار للدكتور من العصر ونور يم بيت خاالي احمد صار يومين هم علمود دگتورها مال عمود فقري عمتي گاعدة بالصالة رحت گعدت بصفها وحظنتها زوزة: ماما حبيبي اريد احجي وياج حبابة وانتي وصلي كل كلامي لقصي عمتي: ياستار ياربي خير شتحجين وشأوصلة توج تگولين مااريدة وميتزوج اني لازمته 😒 زوزة: ماما افهميني حبابة والله العظيم خايفة مااريد اخطي خطوة اندم عليها بعدين سابقا تسرعت والنتيجة جانت فاشلة الله يخليج گوليلة يصبر ليش هيج يسوي عمتي: وهو شمسوي هسة 😒 زوزة: ادري بي قبل يومين مفاتح سيف وامي بالموضوع وحتى حاجي وية عمي بس عمي مقابل يحجي وياي لأن متحلف بية هلمرة اذا حاجاني ورفضت بعد لو تنطبگ السما ع الأرض ميجي ويخطبني لقصي عمتي: حقة والله انتي تدرين بنفسج شسويتي بيهم بهذلتيهم والله زوزة: يوم اني دااحجيلج مخاوفي منه وشروطي وادري بي نصها ميقبل بيها عمتي :گالت تعالي نتصل عليه حتى الحجي يصير گدامة ليش يگول اتصلت عمتي واني متوترة حيل قصي :الوووو هلا والله بنبض گلبي شلونج يوم حبيبتي مشتاقين وين هلغيبة عمتي: هلا بيك يوم حبيبي الحمدلله بخير، قصاوي لاتتغزل المخبلة مالتك گاعدة يمي وتدري بيها تتخبل اذا احد غازلني بوجودها تريدني بس الها قصي : وهو يضحك حتى عليج محاربتني خرب حظي المصخم هههههه اي يوم شعجب متذكرتني وداگة عمتي : والله داگة عليك اريد نتافهم بشغلة قصي: اي يوم گولي شنو شغلتج؟ عمتي: حبيبي يوم شناوي ع شغلتك وية زهراء قصي: تدرين بية رايدها اليوم قبل باجر بس هية الله يسلمها ميبسة الدماغ فدنوب ليش سمعانة شي؟ عمتي: قصي هاي هي يمي انت تسمعها وهي تسمعك راح تحجيلك كل شروطها وانت تحجيلها كل شروطك تفاهمو بينكم حتى نحلها ياعمري قصي: شروطي تعرفها زين وحفظتها من كثر ما عدتها الها تعيين ماكو حدها تخلص كلية وبس وهي تدري بيه مااحب الطلعات والتفرفر لأن اغار عليها يعني تشيل فكرة الطلعة والطبة كل يوم من بالها نعيش بسليمانية مااريد لا اهلها ولا اهلي بعيدين وسعيدين احسن وبالشهر مرة تجي لأهلها يومين تلاثة كلش كافي عمتي: اي بعد شنو شروطك الباقية قصي: ماعندي شي الباقيات بسيطات من تصير يمي نتناقش بيهن عمتي: يلله زوزة شنو الي تردي احجي زوزة: اكمل دراستي، ماكو مهر قبل السنه الثالثة من الكلية، ماريد يخنگني ويسجني تحت شي اسمه غيره يحاول يخلي غيرته بالمعقول، عصبيته تخوف ينسى شي اسمه مااخلي بناتي يدرسن ويفكر بوعي شوية قصي: هذا هو؟ تأمرين الي تردي يصير ، طلعت مو بس اني افكر بمستقبلي وياج حتى انتي راسمه للبعيد وصاير عدنه بنات واني ماادري زوزة: بگلبي (صخام الصخم وجهي عاف كل الخرط الي بالبداية وركزلي ع بناته 🤦♀️😤) عمتي: قصي يمعود بعدنه بالبدية عفت الخرط الي خرطته كله وركزت ع بناتك 🙄 طرگاعة عليك وع بناتك يول قصي: 😂😂😂 هسة هذا هو منست شي بعد؟ زوزة: لا قصي: يعني اتوكل واجيب المشاية واجي ؟ 😋 زوزة: لا قصي: 16 وجعا انعل ابوج يابو الي يريد الزواج هم عمتي : يااا صخام بوجهك وبوجه الخلفك سدة 😮 رجعت اتصلت رد بصوت عالي ومتنرفز الووووووو 😡 عمتي: وجعععع بگلبك انعل ابوك يابو الي يريد يتفاهم وياك كلب شلون تسب اخوي واني گاعدة متستحي انوب تسده بوجهي 😡 قصي: اي مو هي تكفر حتى ...... عمتي: يا يا يا تخبل ولك شجاااك مو جاي نلغي بهدوء لاتنگلب علينه طنطل 😡 گبور عود واحد من شروطها الع صبية لافلحنه 😒 قصي: مخابرتني تحط شروط وصخام وروح وتعال واگوللها اجي امشي تگولي لااا عليمن لعد مخابرتني وسامطة ابو ابوي عمتي : وسم افتهمني ماكو داعي جايب مشاية وهللغوة اقرة فاتحتها بالبداية ولبسها حلقة بيدها لما الله يهديها ويصير المهر قصي: تنهد وگال مااريد هيج زواجه هم مااريدها وسده عمتي: عمة بعينك وعين الي خابرتك تتفاهم وياك گومي من وجهي رفعتو ضغطي الله ياخذكم زوزة: اني شدخلني 😡😡 غير هذا ابن اخوج الي حاطة ايدج ع گلبي وگاعدة تنوحين عليه مسكين ومسكين يلله وينه اول حجايتين تلاثه شب بنار عمتي: انعل ابوكم يابو اليزوج اگوم اصلي احسن الي زوزة: راحت عمتي تصلي خلصت صلاة جبتلها ماعون فواكه وگعدت يمها دگ جهازها قصي عمتي : شكو 😒 قصي: يوم حبيبتي گلبي اسف صرت عصبي ومرتين سديته بوجهج اعتذر عمتي: خلي اعتذارك ع حالك الخبل اني اقنع بيهم وانت تجي تصخم ابو الوضعية وتولي قصي: اني لو هي شافتني اركض وراها گامتت تتعزز عليه بنت اخوج هو مو صوجها صوج الكلب ابن الكلب الي يحبها عمتي : انعل ...... انوب اذا تغلط ع اخواني گدامي ادبسزز ماخذ ميانه زايدة زوزة: شهگت وحطيت ايدي ع حلگي گتلها عزززززة يمةةة شبيج لو ضالين ع مسبته ولا هل فشار مالتج اشو انتي من تحمين هم تنسين نفسج 😲 قصي : 😂😂😂 يمةة لاتفشرين گدامها هيج فشار تخربين برائة مرتي عمتي: ...... خليني ساكته ولك زوزة: گمت للمطبخ وگتلها كل هذا الفشار وساكته لو تحجين شسوين 😡😡😡 واستاذ قصي صوت الضحك مالته ليمي بعدين كاللها لا يمة صدگ كافي عيب تفشرين هيج فشار عليه ومرتي گاعدة 😂 زوزة: شوكت صرت مرته هذا 🙄 خلصو سوالف هو وعمته وگاللها گولي لسيف وعمتي نجي الأحد اني واهلي وخلي يتناقشون ورجعيلي خبر رجعت امي وسيف صبينا عشا تعشينا وعمتي فتحت موضوع وية امي وسيف سيف گال القرار قرارها اني مااجبرها ع شي بس مياخذها اله تتخرج يالله امي گالت لعمتي مالي شغلة اني منج لبنت اخوج هذه گدامج وشوفي شنو رئيها خابرت عمتي قصي گالتله ع كلام اهلي وعمي يسمعها گاللها نجي الاثنين ان شاء الله ويصير خير مرت الأيام واجه يوم الاثنين گعدتني عمتي وامي من الصبح تنضيف البيت وتحضير الغدة وقبل تحضير الغدة عمتي سوتلي وجهي دخلت سبحت ولبست دراعة خليجية اخذتها مرة من رحنه لبيت خالتي ام حسام ورحت وية منتهى للسوگ عجبتني واشتريتها ساعة 2:00 وصلو عمي ومحمد ومرته والبنات وقصي بس مرت عمي مجاية منصدمت لأن بعمرها مرادت الخير لأبنها ولاتحبة لأن تشوف علاقته بعماتي قوية ويحبهن تتخبل منه ومن عماتي بعد الغدة اجوي خوالي ثنينهم احمد وحيدر ضلو ع نقاش هم وعمي شروط قصي نفسها شروطي هم نفس الشي بس عمي مقبل بشرط المهر گال بعيد حيل ماعندة هيج حجي احنه اگطعو مهر وشوكت متردون الزواج يصير سوو بس قصي گالة يابة عوف سالفته المهر خلي تعدي هلفترة قرو فاتحة وعمتي هلهت مرتين مرة الثالثة عمي گاللها كافي ياامرة فضحتينا ضحكني اني وقصي طلعت عمتي الحلقات لبسناهن قصي: باسني من راسي وگال مبروك عليه انتي زوزة: ضحكت وگتله اذا انت باركت لنفسك اني شأگولك ضحك گتله مبروك عليه انت قصي: ابتسم وگال ربي يحفظج الي هسة ميصير يفرغولنه المكان شوية زوزة: احممم قصي بلشنا 😊 ، بوسوني البنات وباركولي گمت بست ايد عمي وراسه بست امي سيف سحبني لحظنه باسني وگال ولج والله لوما انقهر ع هذا القرد الگبالي ماانطيج والله اخليج گاعدة گبالي قصي: انجب بلله انجب مميت عليها ادري بيك ابو بطن اذا تزوجت هي منو يسويلك الأكل الي تحبه سيف: لعد اني المن رايدها صورة گبالي غير تسويلي الأكلات الي احبها اهم شي بطني 😂😂 زوزة: دخلت امي ونور شايلات العصاير والكيك وزعو للموجودين وعمتي جلبت اله تشربي عصير ويوكلج كيك گتلها بصوت ناصي عمة والله اغرگة بالعصير وانتي المسؤولة مرتبكة واستحي كلهم گاعدين ضحك قصي وگاللها عوفيها عمة الأيام الجاية هواي منا وهيج مگابلها وگاعد يومية اجيهم واخليها توكلني وتشربي ولا يهمج زوزة: 🙄 انطيني عمه خلي اوكله يوم ولا كل يوم جايني وكليني ترة اذا غصيت مالي دخل 😅 اخذنه كل واحد گلاص عصير وقطعه كيك وحدة ثنينا سوة بيها بس موكلته عمي گاعد قصي گال اذا توكليني واوكلج هسة ابوي يگوملنا بالعگال ماعنده هيج سوالف مال كيوت 😂😂😂😂 للخمسة طلعوا من يمنه عزلنا البيت وگعدنه سيف طلع وية جماعته اني متمددة بحضن عمتي وهي تسولف وية امي گالت فدوة لگلبه قصي اليوم صدگ شفت ع وجهة الفرحة والراحة ابتسمت گمت اخذت جهازي وفكرت اتصل ع حور اتصلت مردت لليل يلله رجعت خابرتني تسولفلي ع اوضاع بيتهم مشاكل مصطفى ولجين متخلص لجين صايرة تخلق العذر من جوة الگاع حتى تتعارك وية مصطفى ابو رقية من سامع بمصطفى ملتقي وية ابن خال لجين ومتعاركين ابن خال لجين اثناء مضاربة مصطفى گايل لجين تدري بخطتي اني وابن عم حسام وتدري نريد نكتله بس سكتت محجت لان رادت الساحة تفرغلها تخبل مصطفى لزم لجين شبعها كتل وهي تحل ف معبالها راح يكتلو كتل ومصطفى مشتكي ع ابن خالها وراجع فاتح الدعوة من جديد متخبل خباال ع مصطفى وحاليا ديحاول بالواسطات يطلع ابن خالها للجين من السجن طبعا مصطفى حتى ع ابن عمة اشتكى ورجع الملف انفتح من جديد حاليا بيت خالتي صاير عبارة عن كوكب مشاكل قبل لا انهي المكالمة وية حور گتلها اليوم جانت الخطوبة مالتي اني وقصي شهگت وگالت جذابة گتلها والله ضلت هي ممصدگة عبالها اشاقة واني احلفلها ومن حجت وية امي ونور وشافت صدگ ضاجت ومبين عليها زعلت ثاني خابرت گالت گلت لمصطفى وبعز المشاكل تخبل شبع قهر وگضة الليل كله تدخين جگارة ورة جگارة ممتوقع بهذه السهولة راح تنسي وتختارين ابن عمج كل ضنه يحل مشاكلة وية عمامي ولجين ويگعد ويشرحلج كلشي وكان مستعد ياخذلج مشية من جديد .......... هذا كل الي صار من بعد عرس مصطفى لليوم الئ هنا كل الاحداث ربي يحفظ زوزوه وحفظلها قصي ويسعدهم الى هنا انتهت مسيره القصة وان صار شي ابلغكم تابعو قصه شهوات رجل ظالم كملت اول جزء وهسه تصبحون على خير وتابعو باقي قصصي تحياتي زهراء أمجد احبكم | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
