آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
15-09-21, 06:06 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  نجمة والخلخال ج ٩ غزوان ازوج نجمه والمحل الي بالعكد باسمك وليد اتزوج رضوة وهذا البيت الك هل جملتين.. نطقها والدي وبعدها صار هدووء بقيت اباوع على عيون وليد.. الصدمة واضحة.. علينا احنا الاربعه بقيت اباوع على ابويه.. وارجع اباوع على وليد اريد احجي اكوله لا بابا مو هيج.. غلطان اني اريد وليد لكن.. سكتت ربي اني هنا تشوفني.. تسمعني.. اللهي.. هذا ظلم.. سمعت هدية تبجي.. وبجيها قطع سكوتنا.. وليد تقرب من ابويه وكال عمي انت فاهم خطأ انتو اهلنا وعرضكم عرضنا مابيها مجاملات.. وماكو داعي تحكم على بناتك بزواجهم منا اريدك لا تستعجل احنا ولدك.. وبناتك ع راسنا.. ابويه كال وليد معناها انت رافض رضوة نظرات العين تحجي غير كلام. تحجي ضياع صدمه الم اتجسدت بنظرات قاطعه غزوان.. عمي انت ابونا واحنا حالنا من حالك لا اهل ولا سند والي تكوله يمشي علينا.. مرمر دخلت.. بالكلام ابو نجمة.. كلامك اعتبره صار.. ولا تفكر المهم صحتك ابو نجمه المهم متعوفونا وحدنا مترهم.. اخاف كل شي يصير ودنيا لليل وليد ارجع لبيتكم....يم امك غزوان ابقى اهنا.. كال ماشي يامرني ابو نجمه المهم صحته اني صح اسمع واشوف بس بالي مصدوم.. طلع وليد بلباب صاح عمة تعالي.. اني بقيت بنفس مكاني انداريت شفت قنفات خليت عليها شهاب.. وكعدت بصفه بعد تعبت رضوة مستمرة بالبجي وجنت اسمع بس صوتها.. موقف بعد موقف احسة يكسرني اكثر وعمري ميتحمل هالالم الي بروحي تعبت.. حتى دموعي خلصت.. يعني اني ازوج غزوان واختي ويا وليد لا مو معقول جريت ايدي.. الي باسها.. وقربتها من شفتي وبجيت جنت اشم عطرة بايدي.. جنت احس بي موجود يمي.. اباوع ع ابويه كاعد.. وتعبان.. كلما اريد انطق اخاف لا اخسرة واخاف اسكت وحبي ينتهي بزواجي من اخو مجرد ما الفكرة تخطر ابالي اتوتر اكثر بعد مدة طبت مرمر وبدات تفتح باضويه البيت.. و تكول هذا الهول هاي الغرف البيت جان بي اثاث بس مو كامل بس يختلف عن بيتنا كل الاختلاف مارتاحيت بي فرشت للجهال وخليتهم ابويه جان بعدة كاعد بالمطبخ هو وغزوان.. ومرمر يمي.. ترتب بالهدوم وتحجي على هديه هجمت بيتنا راح تموت ابوها اتقربت منها لزمتها من اديها اندارات عليه عيوني كلها دموع كتلها ماريد ازوج غزوان مرمر ابوس ايدج لا تخليني ازوحه واجتي رضوة كالت اني هم مستحيل ازوج وليد مرمىر دنجت ورجعت الهدوم بخانه الكنتور وكامت سدت الباب كعدت.. كالت.. نجمه شكد عمرج كتلها راح ادخل ١٦ زين.. واختكم ودكت مصيبه.. بنات اني احبكم واحب ابوكم.. مو ظالمه بس هاي لمصلحتكم.. انتو صغار هسة.. قراراتكم مو صحيحة.. ولو سوالفكم مو مال عمركم.. بس تبقون طايشين مااكلكم ولد اخويه زينين بس الي اكولة زلم عليها الاعتماد. صوت بجينه اني ورضوة زاد تقربت كالت يمعودات هذولي شباب لو مثل حظي شسون اخذت عجيز يمشي ع عكازة.. ماله داعي هل بجي.. وابوكم من البارحه كال واني بصراحه ماكدر عليكم لا تزعلون مني سبق وكلت الكم اريد اعيش مراح اذيكم بشي بنات حبايب ابوكم اهم منا كلنا عمري ٣٠ سنه محسيت يوم من عمري بشي الا ويا جعفر.. مدة قصيرة عوضتني عمر كامل. ماريد اخسرة ولا اكدر اخسرة بيوم.. ولزمت ادينا اثنينا اني وياكم مراح اعوفكم واكعدكم يمي وننسى ونطلع من هل محنة والجهال تكبر واكبر جهالكم ومسحت دموعنا.. اريدكم قويات وتفهموني.. وعافتنا وطلعت.. انداريت ع رضوة حضنتها وبجينا اثنينا بنفس الالم وبنفس الصوت.. هدية مو بس ضيعت شرفنا هدية ضيعتنا كلنا.. اذا جنت اني انطق فارضوة ابد افقر وحدة بينا بعدت عنا كالت اني مازوج وليد مستحيل اتزوج واحد بعيونه شوك الج واصلا اني ما افكر بلرياجيل كل همي ادرس نجمة حليها فدوة انتي مو اختنا الجبيرة حليها ما ما ما معلية احنا بيا حال وابويه قرر هل القرار اباع عليها مثل الطفل وبالفعل هي طفله طفل يتذمر وكل شي بيها يتحرك اديها رجليها كل شي...... كاافي رصوة محد بينا مرتاح اصبري وليد مراح يسكت ...... وليد كلام ابو نجمة صدمني انضربت على راسي قلبي يخفك مثل طبل الحرب اريد اتنفس ماكدر احس راسي نار كل مشاعري اتخربطت عين على نجمة وعين على غزوان.. اريد احجي بس رجال مريض شكول اله اني احب بنتك وهذا بيتك خلي الك اني مو طماع ولا اريد فلوس اختنكت اكثر من لزمت عمتي وكتلها اني حر محد ياخذ قرار عني وجوابها الي انت الخسران.. والي يخوف اخويه.. طلعت من بيتهم.. واخذتني رجلي.. مشي.. وجنت اضحك وابجي بداخلي.. مجرد للقطه تمر.. نجمة داخل غرفه غزوان.. ومرته واسمع رنه خلخالها يرن اله.. رفعت راسي للسما ربي مو هيج مو هيج. اكو كدامي حصو بناء.. كمت اضرب بي مو هيج.. هذا حرام وغلط.. هذا موت بطيئ اختنكت.. من هدومي الي لابسه. نزعت التيشرت وكمت اتنفس سريع.. كعدت بالكاع.. وخليت تيشرتي ع راسي رب ليش الفقير مو من حقه يعيش ماعرف شصرف وشسوي اكوله اني احب نجمة وهو منا بنته شاردة كمت لا لا ماسكت اني مو واحد من خرفانه حتى يذبحني شوكت ميريد واكيد نجمه هم راح ترفض. هذا ظلم ما اقبل بي.. لو على موتي جنت الظاهر احجي بصوت عالي مر من يمي رجال كال وياي تحجي كمت نفضت هدومي.. كتله هو منو وياك انت كلي انت تكول على موتي.. تقربت منه كتله اي وانت شعليك موتي لو موتك كال ولك شبيك متعرف تحجي.. جاوبت هاي عليمن ولك.. ودفعته انت المن تقصد ولك عليه اليوم انعل اجدادك.. لك لك تقربت من وجهه وضربته كله الرجال رجع ولك خشمي خشمي طاح دم هو المقصود او لا بس وكت العركه ماحس بشي.. حسيت واحد يجرني والرجال جوايه.. يدفر بطني.. عوفوني لحد يلزمني.. والرجال خشمه مدمه ولك الة امرعدك الة امسرك هالعالم التمت مدري مين اباوع تيشرتي رايح جوةالرجلين شلته ومشيت.. وامسح بوجهي. طلعت من يمهم.. هاي اني شسويت.. شعليه هو انداريت صارو بعيدين عرفت ابن منطقه وراح يجيب ربعه ويجيني اول تكسي ع الشارع وكفته وصعدت بي وابتعدت عن الي سويته صعدت الطريق كله الرجال زرف اذاني زرف يا تنكه الدهن غاليه ويا الشكر غالي والعيشة صعبه ويا سيارتي الجاملغ مالتها شاخطي الجهال سطرني اريد اركز باحداث اليوم ماكدر وصلت ع الشارع.. طلعت المحفظة وذبيت فلوس ع الكشن ونزلت صاااح تعال الباقي داعبر الشارع كتله جيب بيها علج ولهي حلكك بي طبيت بدربنا وكلما امشي كلام ابو نجمه يرن ابالي انت ازوج رضوة يارضوة يادنيا ولك ترافه نجمه مشايف. صدك نجمة ياربي لا تسويها بيه اول حلم تحقق وانقبلت الكليه ثاني حلم لا تبوكه مني. دربنا اظلم.. وصلت البيت.. فتحت الباب شفت امي بنص الحوش.. ويمها كواني وتسوي طرشي شافتني نفضت هدومها وكامت شبيك يمه هدومك مرعبله و جهك احمر تقربت مني. يمه عوفيني عوفييييني.. شبيك اخوك.. وين. اخويه يم عمتي. شعندة.. يمة لا تلحين عوفيني.. هاي شبيك يمه.. شبيه؟؟ والله سؤال.. بس اكولح ليش. خلفتينا بهل دنيا التعبانه ليشش.. هاي شنو يمه.. ليش خلفتك غير رزقك انتو ومضل شي وتحقق حلمك.. ضحكت هه ياحلم يمه. هي الحياة متنصف احد تريدها تنصفني كالت هاي شنو واني عبالي تجي فرحان لان راح ازوجك وحدة من بنات ابو نجمة انت واخوك بقيت صافن عليها شكد حلو طابخيها سوة ومرتبيها واني شنو.. كتلها هاي انتو بس اني زواج ما ازوج تمام كالت هاي شنو رجعت كعدت تثرم الغراض.. اخوك كييف اصلا صار هواي مفاتحني ع نجمه بس اني اكول بعد مو هسة اخذو شهادات الاول نار بصدري ونغزة ومرارة كتلها خلي تزوج اي انسان ولا غزوان مترهم يمه كالت شبيك وليد ترو شريفات مالك دخل باختهم تنسي المهم ربوهن ع اديكم يمه شريد اني بس اريد الله يسعدكم عمر كامل مكسور ظهري حتى اشوفكم احسن الناس لا تضيع تعبي بهاي غصبيتك وليد.. اختنكت.. ومر الليل اظلم اظلم من روحي الضايعة بايد ترجف.. اخذت الورقه والقلم بدون مقدمان.. الحب هو النار ان تعشق يجب ان تكون قوي نجمتي المضيئة وسعادتي انت ناري وجنتي.. نجمة ارفضي اريدج قوية ارفضي ابوس روحج ارفضي لا تضيعين حلم صار سنين ابني نجمة لزمتني العبرة.. وكرامتي ترفض دمعه من عيني بس خانتني الكرامه وحسيت دموعي تسطر الرساله نجمة اقسم الج بالله وكل رسلة وانبياءة احبج ارفضي زواجج من اخويه هذا موت الي والج لا تضيعينا.. ارفضي.. ارفضي ارفضي.. ختمتها وذبيت راسي ع المخدة ومانمت المهموم ميضوك النوم.. .. نجمة ماذكر نمت بيومها لا اني ولا واحد من البيت ابويه يبجي. الليل كله.. انتهى وادمر شكد ما يحاول يقوى يرجع يضعف حسيت بصوت الاذان فززني من غفوتي.. كمت فراشي جان الشباك مفتوح داشوف الشجر يتحرك والهوى عالي وبنفس الوقت اسمع صوت ونه خافته طلعت.. بعدني ماندل البت شفت ابويه فارش السجادة ولازم عيونه وجتفه يتحرك ويبجي تقربت منه يابه كافي ابوس ايدك كافي راح تموت رافع راسه عليه.. مسح دموعه وتربع.. كال استغفر الله ياريت يجيني الموت ما اتحمل يابه مداتحمل مو شي هين اجتي انتي بعز البرد.. ومن جانت امج تطلك بيج.. وسمعت كالو جابت شفت نجمة تلمع فوك بيتنا وسميتح نجمه.. وجنت فرحان.. بيج بكد الكون وجتي هدية.. ومن كالو بنيه ثانيه كلت نعمه من الله وياهم كل الرزق هاي هدية من الله وراها اجتي رضوة وامج من جابتها تبجي كتلها لا هاي رضا من الله علينا رزقنا ب ٣ بنات يدخلونا الجنه وجتي سعادة امج مقبلت رادتها بس عاد بويه.. اني ربيت اختج بايدي ليش هيج كسرتني فهميني ماكدر انام وينها صح بهاي ايدي اذبح الخلال وماعيني ترمش بس هاي قطعه من روحي تدرين نجمة اتمتى اموت ق بل لاالكاها يمكن عيب احجيها بس ماكدر اذبح بنتي بايدي وهذا راسي ماكدر ارفعه الة بموتته هدية اني تعبان يابه تعبان اذا تعرفيها وين كولي ارحعها وزوجها قبل لا ننفضح خلي اسد حلوك العالم... هزيت راسي ماعرف وين.. استغفر الله اكثر من مرة وكال نجمة انتي واختج راح تزوجون بس ما اطلعكم منا اخليكم يمي بس شويه صحتي ترجع اخذ بيت جبير واكعدكم بي. انسو بيتنا القديم ورجع ع نفس الموضوع اني وين انهزم وين اروح وهل عار ورايه فهميني اريد خير يدليني اتبرى منها وبعدين وهاي نار كلبي لو يسالون شكولهم بقى يردد نفس الكلام ورجع كال غزوان خوش ولد ماريد اخسرة والمحل يتسجل باسمج واسمه احسن ووليد هم زين بس مو مثل غزوان كتله بس بابا اني ماريد ازوج اندار عليه نجمة اذا متت منو الكم غزوان خوش غزوان انتي بنتي الجبيرة واعرف مصلحتج صار عصبي عينكم طلعت وعلة صوته صوجي ماربيت ولا ضربت كومي منا وينج عن اختج وييين شفتي وسكتي دخلت مرمر شبيكم شبيك جعفر اندارت عليه روحي نامي. راح تموتو كاافي عاد كافي .. . ابويه صار عندة ضغط ودومه يتخربط هذا البيت رغم حديقته والكراج بس يخنك.. كل شي بي يوجع.. غزوان بقى يمنا هالايام.. علمود ابويه.. وسالفه هديه طشت.. جان غزوان يكول لمرمر على الححي الي صار علينا ابويه بسرععة باع المحلين بمنطقتنه وانتهى هناك كل شي.. وليد يمر علينا بس مكدرت احجي وياه ابد وبعيونه الف كلمه وكلمه.. وليد يدور ع عدي.. وكلما يدلو ع احد يطلع مو هوة ولحج هسة منعرف هو منو اني ورضوة حايرين بالجهال وللقهر والكرايب الي تجي.. وابويه علن برائته من هديه بس طلبو يغسل عارها بايدة.. ناس تجي وناس تروح من ماتت امي ماشفناةطعم الراحه قهر بهم كضينه ايامنا. شكد حجيت ويا مرمر مافاد كلامي جانت نتسمعني او تكولي ميخالف اصبري كامت تمر الايام سريعه بهوسه منعرف لليل من نهارنا.. انام بدمعه واكعد بهبطه ع ابويه. ماعرف شنو الي يصير يم وليد معقولة قبل بكلام ابويه لو لا اريد اشوفه بس من سابع المستحيلات اطلع مرمر اذا كعدت وحدي تجي تسالني شعندج وحدج وشتفكرين الكل صارو مثل الطوك الي يخنك يوم بعد يوم يخنك اكثر.. يوميه غزوان اشوفه يجي الصبح ويجي بليل يكمل شغل ابويه وليد بعيد علينا يجي من اكو شي ويروح فديوم كاعدين.. مرمر كاعدة ويمنا عماتي.. ابويه اجه وكعد بالمطبخ.. كال.. اليوم نقرا فاتحه نجمة بليل اتفقت ويا غزوان ورضوة بعدها صغيرة المهم غزوان اريدة يمي. عمتي كالت ليش ابو نجمه شبيهم ولدنا.. احنا انريدهم كال ام سعد مابيهم شي بس هذا الولج ابني وايدي اليمنى زين يابه واني شنو اني ترة مو حاجه وتنطيها ولا اني كيلو للحم ماريد ازووج.. عمتي عزة بعينج نجمة شهل صلافه وتردين ابوج.. ماريد غزوان ماريد ازوج ابويه نجمة اسكتي وطلعي منا داكولكم ماااازوج اذا جبرني اموت نفسي طبت مرمر كام عليهةابويه وجرني من شعري شنو تكولين وضربتي راشدي صارت بوسطنا مرمر يكولها وخري مالج شغل انتي ابو نجمه مو هيج وادفع بيه روحي روحي وعمتي راح يموتون اخويه بنات بدريه هاي هم مو خاليه جعفرررر بناتك الله يستر منهم ازوجنا ومكلنا لا... فوكاها تموت روحها جانت كلامها وصوتها عالي وصل يمي طبيت للغرفه كتلها رضوة ما ازوجه ما ازوج احرك روحي هنا ولج راح يزوجوني وانتي لا اكيد وليد رفض واني شسوي رضوة ساعديني شساعدج اريد اشوفه ولج المن تشوفين اشوف وليد اني ضعيفه ماكدر اتصرف وحدي ولج عبالك اني جبت العار ساعديني الله يخليج هزميني عبريتي اريد اروحله ولج اسكتي لا احد يسمعج اسكتي.. ما اسكت. ما اسكت.. ولج اموت يعني افتهمي كالت مابيدي شي عليج نجمه يعني ترضين بوليد.. سكتت كالت اذا نبقى هنا نموت اطب اسبح الف مرة ادك عليه الباب مرمر حتى بالكمه نتنغص ولج رضوة.. نجمة اقبلي واسكتي.. لا لا تشاقين طبت مرمر.. عزة بعينج نجمه كتلها اسكتي مالج دخل انتي.. ووابن اخوج.. هجمتو بيتنا ابويه حار بيج وامي ماتت من قهرج اطلعي من حياتنه فتحتي عين اختي ع سوالفج اطلعيييييي حسيت ابويه فوك راسي يضربني بكل قوته ويدفعون بي.. وجروني وطلعوني من يمه. والكل تصيح راح يموت بسببج كعدت بركن.. مثل الصنم واباوع عليهم يرحون ويجون علمود ابويه وصوت ابويه رج البيت رج يحجي عليه.. ساعات واخذوني مثل للعابه غسلو وجهي.. ولبسوني واني مثل لاعبه الصبر شبعت جروح وقهر يحركوني.. وجروني وكعدت.. كبال ابويه وازواج عماتي وهذا غزوان... ويا شيخ.. كاعد بصفه.. كل شي صار بسرعه.. غطيت وجهي.. بربطتي ولازمه ايد بايد واشوف بس الدمع.. وعيت ع كلمه ابويه يكول زوجتك ابنتي.. على المهر المسمى بيننا وللحكايه بقية صباحكم رضا القصه حقيقية صعدو المنشور بالتعليقات حتى يظهر للكل ♥️ شهرزاد | ||||
|  |
|
15-09-21, 09:12 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| صباح الورد #نجمة_والخلخال ج10 غطيت وجهي.. بربطتي ولازمه ايد بايد واشوف بس الدمع.. وعيت ع كلمه ابويه يكول زوجتك ابنتي.. على المهر المسمى بيننا ....... كلمات تفصل مابين الحياة والموت.. مو شرط الموت.. خروج الروح من الجسد مرات الموت يكون اقسى ويحمل وياه عذاب يطول. ومينتهي.. ضعف خوف.. سكوت ندم... يعبر عن موقفي.. خطأ يتبع خطأ سكوتي عن هدية حملني ثمن صعب استوعبة ثمن كبير.... ..... بدون هلهولة ولا طشه جكليت.. تم عقد قرائني بكلمة نعم... مبروك ابني.. كمت رجعت للمطبخ والكل كاعد..النسوان تطبخ عشا واجوي يبوسني على الخير ومبارك عليكم ولو ردنا مركتنة ع زياكنة.. واسمع زين يسوي... يزوجهن... اباوع ع الوجوة نفسها من جانت امي موجودة يجون ياكلون ويستفادون ويطلعون هنا اختلف شي واحد نظراتهم كلها شماته الي.. اسمع تعال عمة انت مو غريب هاي مرتك.. غزوان واكف يم الباب لا عمة ارجع اني.للبيت و باجر امر الكم.. . مرمر اوووكف... واخذته وطلعت.. ....... وليد وين معقوله اخو معرف يلزمه ويكوله اني احبها معقولة كلامه راح.. زين والوعد الي وعدة الي.. حسيت نفسي اختنكت.. طبيت بالغرفه.. وبقيت اكلب بهدومي وطلعت مخدة امي داخلها رسائل وليد.. اخذت وحدة وحدة اقراها.. وعد ما اعوفج بيوم.. احبج.. نجمتي المضيئة.. حلمي الوحيد.. رغم بعد النجوم لكن الحلم ليس ببعيد .... اخذت ورقه ثانيه.. تدرين نجمة.. اول حلم نجمة بالجتف والثاني نجمة بالقلب والاثنين احبكم.. انتي والوطن اثنينكم بالدم جنت اقلب بالاوراق وكلها ووعود وحب تعب هالسنين وهالحب راح.. اي احبه رغم صغر هالعمر احبة.. احبة.. وماكدر ازوج اخو صعبة ياربي صعبة.. سمعت الباب تندك.. لميت الاوراق بسرعه وضميتها.. وفتحت الباب.. رضوة.. نجمة تعالي تعشي.. كتلها روحي اريد انام.. تعالي اتعشي ابويه يكول تعالي.. كتلها اريد انام صدك تعبانه.. طلعت طفيت الضوة.. ودخلت بالفراش.. من البجي.. راسي صدع وخشمي انسد.. وعيوني تحركني.. غفيت ونمت.. والنومه نومه.. حسيت الفجر.. شهاب بصفي يبجي.. كمت كوة فتحت عيوني وخليته ع رجلي واهز بي.. احاول ارجع نومته.. ماعرف ساعه بيش بس دنيا ظلمه.. رجعت نومته.. حسيت الباب انفتحت عليه.. رفعت راسي.. ضوة مبين.. ابويه.. كال.. نجمة تعالي.. جنت زعلانه ومقهورة منه وعليه زعلانة ظلمني. مقهورة اخاف علية.. ذبيت شهاب.. رغم هو جبير بس بعدة يكعد بليل واله اهزة يلا ينام كمت من مكاني وغطيته.. وطلعت ابويه كاعد.. كال تعالي اكعدي.. هنا واشر بصفة كعدت... كال.. اول مرة اضربج.. بس اني الي بيه ميعرف بي بس الله.. نجمه بابا... اني ماريد اذيتج.. انتو قطعه مني انتو لحمي.. اني ماعندي سند لا اخ ولا ابن اعتمد عليه.. غزوان من اخذت مرمر كال اريد اناسبك والولد ساندني وبقى ويايه بالشغل وامين وشريف.. باجر عكبه اذا اموت تكولين الف رحمه ع روحك ابويه زين ما اختاريت واذا عايش.. تشكرين مني جنت ابجي. اندار عليه يباووع.. انتبهت عليه ملامحه تعبانه ولحيته عاليه وكلها شيب. شوكت طك هالشيب كال لا تبجين يابه ماعندي غير حل. افهمج وحدة وحدة.. كل ولد عماتج وكرايبي كلهم طمع مو خوش اوادم نجمة اني معشت مرتاح واعرف زين شجاي اسوي عشت طفولة امر من المر ام تخبز واب من الصبح يطلع وع ظهرة شيش المجاري.. واخوات. هوايه.. وجوع وفقر وذل.. اييي ذل.. ممجربين احساس تنام جوعانين ولا مجربين احساس حذاء مركع ويوجع من البسامير ولا احساس اخلي الكتب بعلاكه واروح للمدرسة جان جدج ابو بديرة راعي ويبيع حلال وفترة وفتح كصابة.. رجال خير.. ماعندة بس بدرية.. جنت اروح اشتري منه.. نص ربع كيلو.. وجان الوكت مو مثل هسة حصار والاقتصاد تعبان لا جنا مرتاحين عود واحسن بس الفقر فقر ميعرف.. من اجيب اللحم ناكله ع الريحه فترة وعرض عليه اشتغل يمه وبطلني من مدرستي واشتغلت بكل حيلي وقوتي عاف عليه الاول والتالي وبتعبي صار المحل محلين والمحلين مذبح والمذبح مذبحين كسرت ظهري لان مردت بيوم تعيشون الي اعيشة ولا تحسون الي حسيت بي اتحملت امكم لخاطر كم ربي يشهد عليه واني بشدة تحملت كل شي.. وكبرت شغلها. والي الها يروح باديها ومالي شغل بي مثل هسة اجاراتكم من امكم بلبنك باسمكم مامديت ايدي ع شي مو مالتي بيوم وكونت نفسي بنفسي رغم كلامها بس جنت اتحمل اكول اذا اطلع منو الكم وازوجت مرمر بتعبي اني نجمة.... تعبت عليكم لحد ما شاب الراس الفقر الي عشت بي.. عبالي.. من اخليكم مابعازة شي.. هو الحل.. بس الظاهرة بدرية ماربت ولا اني.. قاطعته لا يابه امي.. كال لا ما ربت الخوف شي والتربيه شي لو ربت بدريه جان ما غلطت اختج بس جان خووف مو اكثر وابنيه متنلزم بخوف انتي متحسبن بكلامي بنتج من لحمج تبوكج وتنهزم.. هسة عرفتي ليش اختاريت غزوان مو وليد لان كد حمل وابن حمولة لزمت قلبي.. كال قبل يومين من اجه وليد.. حاجاني وكلي عمي اني ماريد رضوة. زوجني لنجمة.. ومهرها اجيبلك هدية.. لعندك. وماريد منك لا بيت ولا شي.. انت عندك جوهرة بس مو للبيع.. لا ترخصها ابد بس اخطبها منك وأكمل كليتي واتعين واخذها ووعد مني مراح اذيها بيوم.. كمل كلامه.. كال بس وليد ميناسبج ابد.. كتلة ليشش يابه ليش.. كال اولا متهور.. وعصبي وثانيا ميحترم والاهم من هذا.. كله متعارك ويا اهله ومتضارب ويا اخو وطالع من البيت يعني نجمة طمعان هذا وبس حجي اخذيها مني اعرف هالنماذج زين عود اني الخير والشريف وهو اباله اخذ الجبيرة واحصل كل شي.. عكس اخو شكوله يكولي حاضر وغزوان صيدلاني وهذا يريد يصير ضابط تعرفين شنو ضابط يعني حياته مو اله وأخلاقه غير اني اريد واحد ع راسكم مو حاير بعسكرية انتهى الكلام والقرار انحسم والأحلام تبخرت.. ماعرف منو باع منو اني خذلته لو ابويه لو هو النصيب يختار دائما بعيد عن هوانا.. مرت ايام واني ماعرف شنو راح يصير ولا القادم شنو هاي الفترة ابويه ومرمر فوك راسنا وبهذا بيتنا عدنا تليفون ارضي.. وجانت دائما مرمر تستخدمه وتتصل باهلها او عماتي بدا موضوع هديه يتناسى.. بس ابوية مرجع مثل الاول.. رجع يشتغل بغير محل.. وبدات ترجع الحياه طبيعه مرت الايام ورضوة رجعت تدرس وهذا جان حلمها الاول والاخير.. والجهال تكبر يوم بعد يوم الوجوة بدت تتغير مرمر غير الطبخ متسوي شي وبنقلتنا هنا ودكة هدية بدات هي تسمعتا حجي ونسكت.. بدات تقوة اكثر واكثر بلبيت وكامت تطلع واطب وحدها وتشتري غراض وترتب البيت وذهب وملابس بكثرة.. واحنا حصتنا التعب بس بيتنا هذا.. هو اكبر من ذاك بيتنا بس عبالك اصغر هذاك بيتنا يشرح القلب الحوش شكبرة.. هذا كله غرف.. ويخنك ومابي حوش بي منور صغير.. وداخل المنور حمام والغرف.. وفوك بي غرفه نوم.. وجوة غرفتين وصاله ومطبخ.. صح اثاثه جان قليل بس عبالك مسكون.. عرفت هذا البيت جان ابويه ومرمر كاعدين بي.. ومجهزين بس مطبخ والاستقبال و الغرفه.. ...... جهزت كل شي بي.. ومن اغلى المناطق تشتري ورجع الدلال ويا ابويه لو ارجع بذكرياتي صح مرمر فتحت عينا ع اشياء نجهلها رغم نشوف بالافلام ونسمع قصص بس مو مثل. كدام عينة.. كلشي ا نشوف حبه ودلالها لابويه.. ودلعها طول هاي الفترة اني اتهزم من غزوان اذا يطب للبيت اصعد فوك ماحجيت وياه غير كم مرة وبس سلام اما وليد.. اختفى ومحد جاب طاري.. اذكر مرة مرمر.. صاحتني تشوفني ملابس جايبتها اليه.. وتكلب بيهن.. جاتت سيتات نوم من كل نوع جايبة لون.. كالت نجمه سؤال وجواب صريح اريد.. كتلها كولي.. طكت علجها ودفعت الغراض شعندج ويا وليد.. ؟؟؟؟؟؟ جاوبتها بسرعه ماعندي شي ليش.. كالت هااا مادري وضربت ع جتفي الله يستر منجن بنات بدريه القلب بمكان والعين بمكان.. عيني.. كتلها شتقصدين مرمر.. كالت اول شي لا ترجفين عيني وثانيا هيج جاي اسال لو حرام حتى نسال.. وترة راحت مرمر قبل.. لا عبالكم بعد اسكت لا.. لان فاض بية منكم ومن هالهوسه مال جهال.. كتلها ابويه يدري بهذا حجيج علينا.. تقربت مني وكالت وابوج يدري انتي بطولج شبر عاشكه اخو رجلج.. وخاله دمايتهم مالها والي.. كاطع الكل حتى امه وكاعد بشقه.. شمسويات متكولولي.. لا خلقه بيها حظ ولا... ايييي يدري ابوج لو تحبين اكوله.. حتى اجلطي فدورة والله هوايه عليج غزوان مرمر كافي.. شنو هل اسلوب اسفه عيني.. بس اقصد صيدلاني وحلو وبنات الجامعه كاتلات روحهن عليه شفتي اخذ سيارة اولدز كتله اي طبعا بجال ابويه قابل مين من الطرشي باوعت عليه من فوك ليجوة شحجي وياج وانتي اختج شاردة ضحكت كالت بوسي ايدج وحوة وكفه مثل حالجن محد يكلبهن.. المهم حبيبه.. نكعي تمن وركبي اريد اسبح وعافتني ومشت واطك بصوت شحاطتها كالت ترة غزوان ديكمل جهازج.. حضري روحج ..... اصعب شي بالحياه لمن تاخذ اعزاز عليك اخذت امي وبعدها هدية وبعدها وليد ماريد اخسر بعد احس نار ماتطفى بروحي راسنا نزل للكاع اذا هي قريبه وهيج تحجي لعد الغريب اشلون لو وليد.. اريد انسى.. ماكدر.. من هسة طالعه عليه هيج اشاعه يارب يعوفني ولا يجي يمي اريد اعرف ليش ماكدر اردها.. بكلام اقوى.. منها ليش ابقى احرك بر حي يعني من اجينا لحد هسة هي موتتنا بكلامها ووليد اخ وليد من يجي اسمك احس قلبي يوجعني احس بالم وخذلان.. بعد مدة مو طويله.. بدايه شتا جديد.. ويا برودته.. وهبة الذكريات والدي قرر زواجي من غزوان يكون بعد اسبوع.. وقرر رضوة يزوجها لولد عامل اسمه تحسين من منطقتنا القديمه وتم خطبتها.. مو برضتها شرطت تكمل دراستها ووالدي وافق.. والولد هم وافق جان فقير شفته من اجوي هو واهله ضعيف وطويل اسمر.. مبين حالهم مو هالكد زين اما مىمر انست ايام الفقر واجتي مرمر جديدة تحجي كله بعيار ٢١ واغلى شي بسوك ختى لبسها وتسريحه شعرها وطريقه كلامها تغيرت جذريا.. صديقاتها من هل منطقة غير كل شي تغير حتى النفوس.. وبقت بس بسعاد.. اظن بسعاد راح تدفع اكبر ثمن بينه اما هدية فص ملح وذاب... ابويه بهاي الفترة الي راحت.. استعدل وضعه و بنر مشتمل صغير طلعه من الحديقه جنت اباوع ع العماله من الشباك شلون.. يبنون بي ويرتبو. يجون من الفجر.. وجانو عليه اخدمهم.. كل طابوكة تنبي ينهدم جزء مني.. كمل البناء وتحدد موعود الزواج الخميس.. شكد صعبة الايامها.. كل شي يختلف احساس مشاعر غريبة.. الي يريحني شويه اني يم اهلي وقرار ابويه علمود الاطفال حتى لا.. يتبهذلون متعلمين عليه.. اذكر يوم الاربعاء عدا بدون حنه الي.. بس غزوان واهله سوو حنه وراحت يمهم مرمر ومارجعت لليل.. دخلت وباديها صينيه حلويات وشمعه كالت هاي مال عرس لا طفيها وباجر وراج عرس نامي.. وارتاحي اني كملت كل شي جهزت الج الغرفه من الابرة للكنتور وباعي دادة اريدج مرتبه معدلة.. ويا ابن اخوية هذا العزيز.. قبل بيومين دخلت جهزتني للعرس.. وحضرت جنطتي.. وحجت ويايه عن الزواج وتفاصيله.. جنت اسمع واني شاردة واتخيل وليد العريس وذيج الضحكه الحلوة تصير بوجهي غمضت عيوني وقربت ايدي الي لزمها ع خدي وسمعت صوته من كال ا ح ب ج فزيت ع مرمر يمعودة شنو نمتي ما وصيج باجر هم نامي ثولة.. كسبي الرجال اهم شي الفراش والدلع واللكمه الزينه ونظافتج بنفسج.. افتهمتي لو اعيد هزيت راسي اي اي ثاني يوم اخذتني للصالون وبقو الجهال يم رضوة ولبسوني بدلة بيضة حلم.. كل بنبه بس حلم ناقص هوايه اشياء مثل لوحه تنرسم بدون ملامح واضحة جان عرسي.. بدلة وتسريحه بف.. ومكياج. وصبغ اظافر.. وذهب وكعب عالي.. بس بدون فرح.. حتى الهلهوله جانت توجع.. ودخله المزيقه وهوسه الزلم ونشكر من كال اخذوها نشكر من اعمها وابوها جانت بدون روح ردت تتبدل.. مغصوبة.. اي غصب.. اكبر جريمه تمارس بحق المراة زواج الجبر والي يوجع اكثر من هذا كله.. زواجي يكون.. من اخ حبيبي.. مجرد الفكرة تتعب.. اخذوني.. بالاولدز.. البيضة مال غزوان واحد من اصدقائة يسوق.. وجانت اغنيه مشغليها. مبروك عليك بنت الحلال مبروك عليك حلوة واميرة . وامه تركص.. بالصدر والسباىات والهورنات.. واصدقاءة الي تركص. ومرمر واخواني الصغار فرحانين.. جنت كل شويه ارفع راسي وارجع.. ادنج.. حتى غزوان منتبهت عليه شلابس.. فروني بغداد.... ورجعوننا للفندق.. وصعدونا بهوسات العرس فوك من بعيد اشوف رضوة عيونها ممرودة بالبجي.. اما اني جانت عيوني ادوى وليد اكول بالكي اشوفه واكول هذا زوجي مو هذا اكو غلط.. بالموضوع وخلي العالم كلها تسمع بس صعدنا ويا همس كلام مرمر باذني ماوصيج زين عود.. بشرونا يلا نطلع.. عوفو العرسان وانسدت الباب علينا.. من انسدت وضح الصوت وكل شي صار كدام عيني.. اباوع سرير نفرين كنتور ومنا.. الحمام.. وضوةالغرفه خافت.. حيل وهذا بوجهي غزوان.. كال.. جوعانه.. هزيت راسي لا كال زين راح اسبح اني دقايق واجي يمج انتبهت عليه لابس قاط اسود وقميص ابيض وشعرة طويل من ورة وومسوي سكسوكه.. دخل غزوان.. كمت ياربي شسوي اني هسة بقيت افتر بالغرفه.. اروح وارجع انفتح باب الحمام.. طلع.. كال شو بعدج بلبدله كتله شتريد مثلا ضحك كال لا ماريد شي باعي.. طبي نزعيها واني راح اصلي و اصعد اكل.. زين.. رحت ع الجنطه اكلب بيها مرمر خاله الي شكو ملابس مشلحه لو تموت مالبسها ولا راح البسها دورت شفت خاله تنورة بنرسيسه وياها بدي اخذتها واخذت خاولي وطبيت.. للحمام.. سديت الباب وعلكت الهدوم.. وكفت كبال المريا ابتسمت من شفت نفسي شكد حلو مسوين شعري وهاي الكحل شلون حلو مجرور بعينوني.. انداريت ردت انزع البدله وصلت السحاب للنص اجر بي مينجر لا من فوك ولا من جوة انوب انحصرت بيها و اريد افرها ما اكدر وهذا السيم ساد عليه الشوف كمت ادردم بالحمام اندكت عليه الباب نجمة اكو شي شبيج.. كتله لا لا ماكو شي رجعت اجر بيها متنزع.. فوك النص ساعة ماكو رجع دك الباب يمعودة شنو غركتي. سكتت وجريت البدي لبسته فوك البدله بعد شويه ابجي كتله متنزع.. ضحك كال هاي مو شغلج هاي اني افتحها الج انداري. دفعت ايدة.. لا طخني.. نجمه شنو افتحها بالدعاء انداري اي بس لا طخ جسمي.. تمام تمام ويضحك.. رجع صعد السحاب ونزله بسهوله غطيت نفسي وسديت الباب.. وبقيت بالحمام فوك الساعه فتحت التسريحه.. وغسلت المكياج ودخلت جوة الدوش. بجيت.. وبجيت وبجيت.. واني احن لوليد هذا الاحساس البعيد.. الاحساس الدافي حنيت اله.. بكل شي بيه بخار المي.. سوة ضباب وايدي كتبت اسمه ع الكاشي.. ويتلاشى ويروح.. غيونه نظرته صعب انساها.. ريحته.. مشتاقه الة ولكل شي بي لحروفه كلامه عصبيته هسة كبر واتغير وين هو هسة وشنو اخساسه مثلي شلون اخون نفسي ويا غزوان جنيت من التفكير تعبت. ليش يابه ليش.. محد بينا اله ذنب لا اني ولا هو ولا اخو ولا رضوة لحد ماسمعت دكه الباب من جديد نجمه ترة الاكل برد واني صليت قضاء مافي الذمه مال شهر اطلعي عاد كتله دقيقه.. لفيت نفسي بالخاولي. ولبست الهدوم بسرعه وطلعت.. والخاولي ع راسي بطلعتي طلع الدخان مال حمام كال متكوليلي شنو عطبتي جوة تعالي اكلي هذا دجاج شوي وهاي مشاوي.. كعدت ولميت نفسي.. باوع عليه.. كتله شكو كال هاي وين راح ترحين.. وين شنو وين.. شو لا بسه.. هدوم طلعه نجمه انطيج.. جادر ذبي ع نفسج بعد مجاوبته وبديت اكل... مد ايدة كال بسم الله.. اكلت.. جنت ميته جوع مدري ليش منستحيه منه ابد احسة مو رجلي ماعرف احساسي شنو.. كمل كال الحمدلله ربي زيدها وباركها هم وجه حسن وهم لكمه طيبة. وكام.. لميت الاكل اجه. ولازم خاولي بايدة كال.. لا عوفي اني المه طبي بدلي ملابسج وغسلي كتله شنو كل شوية ابدل واغسل نجمه تعرفين اليوم شيصير وشنو زواج عفته وجنت متنرفزة منه حيل غسلت وطلعت كلبت بالغراض شفت مشط وخرت الخاولي وبديت امشط شعري اجه كعد بصفي جيبي المشط ليش جيبي انطيته اله وخلاه ع شعري بعدت عنه كام اتقرب مني حاوط خصري.. وقرب وجهه من ركبتي وحسيت بانفاسة الحارة.. بعدت عنه.. نجمة شبيج مابيه شي.. وهاي مو حاله تركض ورايه عوفني امشط وانام صفن.. تمام تمام اني مو همجي ولا مستعجل ولا.. مامتفهم.. اني دارس.. واعرف الي حاسه بي خايفه مني بس الي اريدة منج تستخرين وتسلميني روحج حتى نصير روح وحدة شلت المشط لا روح ولا بطيخ انسى لا والله ادك ع ابويه هسة واهلي هو يتصرف وياك زين كال اعصابج يضحك راح تضربيني دك تليفون الغرفه كال شفتي عنادج دكو يردون البشارة ولو اضوج من هل سوالف.. جاوب نعم اي نعم تفضل.. وليد؟؟؟؟ وللحكايه بقية شهرزاد التعديل الأخير تم بواسطة لامارا ; 21-09-21 الساعة 11:11 AM | ||||
|
| |
|
21-09-21, 08:24 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| نجمة والخلخال ج11 جاوب نعم اي نعم تفضل.. وليد؟؟؟؟ اي اي لا تخلي يصعد هسة اني انزل اله.. شكرا وسدة التليفون واندار عليه دقايق واجي.. تمام بدلي ملابسج.. هي ثواني واندكت الباب.. علينا.. بعدني حتى مجامعه افكاري.. اندار عليه.. ابقي مكانج لا طلعين.. رجعت كعدت ع السرير.. اسمع صوت خشن.. الباب مقابيلي... شفتة اي هو.. طولان اكثر وشكله متغير ابتسمت.. رغم غزوان واكف وساد عني بس قلبي يشوفه قبل عيوني اسمع يكوله هاي ياخوية الف مبرووك ترة مو غريب اني. غزوان جاوبه الله يبارك بيك. وليد روح باجر اني اجيك.. كله لا ماله داعي تجي. هذا هو... جيت.. وباركت الك. كمت.. وتقربت يم غزوان.. صرت بظهرة.. وليد باوع عليه.. جان لابس بنطرون قماش اسود.. وقميص وفوكاه سترة.. مد ايدة بجيبه.. كله هاي هديه العروس وضرب ع جتف غزوان مبرووك مرة ثاني.. وتقرب من اخو حضنه صار بوجهي عدل.. مسحت دمعه مني نظرته كلها حقد الي.. كال يلا اروح اني.. غزوان كله.. هاك هديتك.. اندار عليه.. عيب ابن ابوية مو الك هاي. لنجمة وتقرب منه.. باللحظه وكع غزوان بالكاع.. كله هاي هديتك.. اني بقيت واكفه.. غزوان بالكاع ووليد يمشى لحد ما اختفى من الممر اباوع ع غزوان لازم خشمة.. ودفر الباب برجله.. وسدها.. واندار عليه امشي طبي.. شطلعج.. اباوع خشمة ينزل منه دم.. يجري.. شفتي.. هذا جلب مو اخ.. من هو صغير ميرد الي الخير كومته.. دفعني عوفيني.. كام.. راح ع التليفون.. اتصل.. ماريد احد يصعد فوك ابد. وسدة حيل. ورجع.. اتصل.. الو عمة.. اجه هذا الحقير.. وضربني والله فلا اسكت اله بعد وشوفي شراح اسوي ماعرف شنو تكول اله يكولها اي افتهمج بس مو هيج تمام.. واندار عليه اي اي زين.. وسدة وطب.. للحمام.. رحت بسرعه من جهه الشباك.. اباوع. رغم علو البنايه.. بس هذا وليد واكف جوة. اي هو.. اشرت اله مثل الاطفال ولوحت بايدي بس مشافني ولا راح يشوفني . ركضت بسرعه ع الظرف الي بالكاع شلته.. شي ثكيل ويخرش ضميته بجنطتي.... كل تفكيري يم وليد.. طلع غزوان.. توترت ..وحتى مشيته اخاف منها أتمنى شي يصير هل لحظه وميقترب مني افكار هواية اجتي . راح ع الباب قفلها صوت ألباب من سدة وقفلها...كانما قفل على نفسي .. حجة وهو يمشي خطوات بطيئه..كال نجمه.. انسي الي صار زين المهم انتي يمي اليوم هذا يعتمد يخرب فرحتنا... هو شيريد منج اريد افتهم.. انتي تعرفي قبل هسة.. كتله لا.. انسي الي صار.. زين.. ما اخلي هيج يوم حلو يضيع بتفاهته هذا مو اخ عدو والله هسة اروح اشتكي عليه وتدرين اذا اشتكيت شيصير ينفصل اذكرت كلام وليد حلمي.. اكون ضابط هزيت راسي اي.. تقرب الي اكثر تدرين جنت خايف ترفضيني..خايف مايصير زواجنا...بس هسه لا مرتاح كل كلمه يكولها..أحاول مااباع عليه..وابعد بعيوني باي مكان كال ... -يله نجمه باوعيلي..كولي أني فرحانه بزواجنا كوليلي احبك ضايجة مو -لا فرحانه بس شوية جنت دايخه من الهوسه...بس كولي شنو أكول ضاج -ماكو ناس بس اني وانتي ليش تتهربين تعالي اكعدي هنا.. عليه كعد يم السرير..سحب ايدي -غزوان بس.. -امري يانجمه بس احجي.... -أنت حباب بس مستغربتك و -اخ من ال بس...عوفي الخجل ولو خجلج يغريني اريدج تعاي.. احب الصعب.. وين اجي.. عفية عوفني دك ع ابوية.. كام وعصب شنو دك ع ابوية انتي مرتي اي افتهم مرتك.. بس مو هيج انطيني مجال استوعب كمت من يمه اريد ابرر أمنعه يقترب... مد ايده على كتفي...درت وجهي اله -الله يخليك أذا عنديخاطر يمك أليوم عوفني باوع متعصب..خفت منه من نظرته وتالي وياج انتي مو جاهله.. نجمة اذا مو اليوم باجر بركبتج وين اطيرين كمت ابجي.. ..شهل مزعطه خرب بروحك وليد.. .. بقيت اباوع بالكاع ذب ع الفراش.. وغطه وجهه.. كمت وكفت.. يم البردة وفتحتها.. شفتة نفس وكفته.. اباوع ع غزوان وارجع اباوع ع وليد بعيد ماعرف يا طابق اني بس داشوفه من بعيد عين هنا وعين هنااا.. ........... وليد... مرت ايام اوكف بالركن ساعات.. حتى اخطف منها نظرة لو امشي وراها.. بعز البرد ارجع اذب كتبي واطلع بركنهم ومن تفوت ترد الروح بيه لو الشمس الي تصكع براسي وهم ماهتم.. حبيتها ماعرف ليش حبيتها وبنفس الوكت اخويه عينه عليها معادلة كلش صعبة.. من رجعت من بيت ابو نجمه وعرفته رافضني كلت افاتح اخوية هي طفله شتريد تسوي.. اكوله اني احبها.. ولو دائما منصافين بس اجرب رجعت.. ودخلت عليه شفته يدرس كتله عندي موضوع وياك.. سد كتابه كال اي اسمعك خير يارب متعارك لو تريد فلوس. كتله لا هاي ولا هاي.. حاولت الزم نفسي.. وما اتعارك وياه. جريت الطبله وكعدت.. طكطكت ركبيتي.. وحركتها.. كتله انت اخويه الجبير ومثلي الاعلى.. كال وليد فضني بلا هل مقدمات مفارغ الك. بسرعه جاوبته غزوان اني احب نجمه.. كام عليه.. ايا نذل عينك على خطيبتي.. رفعت راسي عليه مو خطيبتك.. اسمعني.. كام يدفع بيه ما اسمع.. دفعته شنو متسمع داكولك احبها.. صااح ولج يمه شمربيه جلب بلبيت هذا عينه ع نجمه شكد نذل.. وخاين.. وطمعان مو بفلوس ابوها متحملت كلامه... ضربته.. وتعاركنا.. وطلعت من البيت واني.. خسران من كل شي حاولت ابتعد اكثر واكثر.. حاولت اموت احساسي بيها.. لازم هي ترفض لازم تتمسك بيه وبالوعد الي بينا.. مستحيل تعوفني. وتزوج اخويه اكيد راح ترفض اي ترفض من تعرف الي عليه كلة سويته.. شسوي بعد اني وين اروح احس نفسي داحترك الالم مو بس زواجها ا لا لم اصير عم لاطفالها.. ربييييي توجع حيييل احس حيلي نهد من اشوف الكل ضدي اخويه امي.. ابوها.. منو ويايه.. صفيت وحدي.. يا باب ادك والمن اسال.. بقت يمج نجمة.... قاومي ارفضي.. التحقت بكليه العسكريه.. نظامها قاسي وصارم ومجنت انزل يوميه وحتى اذا انزل اجلها وابقى قسوة العسكريه وكعدة الصبح برمي.. وتدريبات تعبت جسمي وعقلي بدا.. يلتهي.. بس من يصير الليل واسمع الشباب تحجي بالحب.. احضن مخدتي وادير راسي عنهم واتخيلها يمي.. واحضن المخدة واعصرها حيل بالكي تدخل بروحي ومتطلع ابد بالكي تصير بيها روح وتصرخ كافي واتخيل عيوني بعيونها وتبتسم الي وتكولي احبك. حنيت الها. واتاذيت.. اتمنى ترجع ذيج الايام ع وكفه الباب والركن والرسائل ولا هذا البعد جنت اكتب رسائل يوميه ويامكثر الكلام والعتب والقدر الي ضيع كل شي بقرارة ليش هيج ليش.. كلما ما اسمع شي من امي عن زواج غزوام ارتاح واكول رفضت وانتهى الموضوع وانسى سمعت تم عقد القران وسمعت اشترى اخويه سيارة وسمعت وسمعت.. جنت اتواصل ويا امي بين فترة وفترة واعرف الاخبار صدفه نزلت الخميس وجنت مخنوك واشتاقيت انام بحضن امي.. وصلت لبيتنا... دكيت الباب.. اكثر من مرة طلع الي جيرانة.. سلم عليه شلونك وليد.. كتله هلة عمي برحمه الله. راد يسولف. كتله وينهم اهلي.. كال شالو.. اتعجبت.. شنيهااي وين شالو كال والله مادري بس اخوك جان البارحه موجود وعزمنا شعزم خير يارب كال شنو هدا ياوكت اخ ميدري بعرس اخو.. عفته.. ومشيت.. حتى ماريد اعرف بعد.. رجلي اخذتني لصديف غزوان وعرفت وين زفته وين شالو اهلي شالو بيت ابو نجمة بالمشتمل.. وعرفت وين ووين الزفه.. اخذتني رجلي.. مثل ضايع ويدور اهله.. جنت مذبوح مجروح المن اعاتب حبيبه خانت الوعد لو اخ.. خاني.. لو عمتي.. فضلت اخويه عليه لو امي.. المن ارووح.. رجعت بسرعه لشقه للي ماجريها اني والولد طبيت بدون ما اسلم.. ودخلت لغرفتي بقيت اكلب بغراضي جنت الم منا ومنا ومرات اشتغل عامل ومرات ادفع عربانه ومرات ومرات حتى الم كم فلس واشتري لنجمتي خلخال لكيته وخليته بظرف وطلعت اصدقائي وليد تعال اتعشى مجاوبت وطلعت نزلت اجرت تكسي وعيني الطريق كله ع الشارع وهذا عقلي كون كل الصور بحضنه.. نايمه وتضحك وضم وججها بشعرها من يتغزل بيها هنا ديبوسها.. انداريت ع السايق موصلنا.. كال ثواني.. وصلت.. وجنت امشي سريع سالت الاستعلامات وصعدت ماعرف شنو الي اريد اسوي عفته وصعدت بعد ما عرفت ياغرفه هم دكيت الباب وطلعلي اخوي.. زعيوني ادور نجمه وينها ذبلانة لو فرحانه اخذها لو بعدة.. ميت ميت مشتاق الج نجمه محتاجج تعرفين ماحب ولا احب غيرج وينج جنت احجي وياه وابارك وبالي مشتت.. صارت كبالي.. ابتسمت بشوك وحب. اريد ادفعه واحضنها واكولها حبج بدمي. هذا اليوم الي ولج محضرلج كومه غزل لا اتغزل بيج من الجدم للراس.. ولج هذا حلمي وينه الوعد.. للوحه اني وياج.. قربي اكثر.. اريد اشوفج.. اريد اشبع شوف شفتها بجت... ماعرف شصار بيه. قدمت الهدية. وتقربت حضنتة عين ع نجمه واردد بداخلي غزوان داريها لا تاذيها.. بعدت عنه رفض هديتي ودموعها ضربته.. ونزلت.. نزلت مكسور.. وبقيت واكف جوة الفندق.. ضايع احسب الدقايق.. واكول راح تنزل هسة تجي تكولي اخذني لغير عالم هسة تنزل.. اي تحبني تنزل.. منزلت نجمه واخر نجمه بسما. راحت وطلع الصبح.. عرفت نجمة راحت بعد.. انداريت امشي خطوة واندار اكول هسة تصيحني . بس محد صاحني ولا احد اهتم واخذتني رجلي للشقه ذبيت نفسي ع الفراش مثل الميت صار الوجع داخل روحي.. عادي.. غمضت عيني واني اتخيل هالليله الي جنت احلم بيها بين غزوان ونجمة.. ......... نجمة.. فزيت واني نايمه بالكاع لا غطا ولا مخدة رفعت راسي.. غزوان نايم.. اباوع ساعه ٦ الصبح.. كمت بسرعه شفت من الشباك دورت ماكو راح وليد.. اي راح.. وعافني وحدي.. سديت البردة ورجعت فتحتها ماكو الصبح طالع.. رحت للجنطه فتحتها.. واخذت الظرف وطبيت للحمام وسديت الباب فتحته شفت خلخال (حجل) سلسله وبيها حجر الوان اندك الباب.. بسرعه لبسته برجلي.. وذبيت الظرف ورة المغسلة.. وفتحتها.. غزوان صباح الخير ومشيت صباح النور.. ودخل هو.. ياربي شوكت نرجع للبيت شهل خنكه اف وهذا راح يضل بوجهي ع الاقل.. هناك اروح لاهلي طلع كال شمكعدج.. من هسة كتله فزيت... كال تعالي نكمل نومه.. بحضني متفزين غزوان شوكت نرجع للبيت ضجت هنا تقرب مني.. ومد ايدة تعالي . غزوان اختنكت هنا اريد ارجع للبيت.. كال ترة مللتيني شنو هل تصرفات مال اطفال اريد ارجع واريد ابويه بابا ازوجتي مماخذج اباع ع طولج ترة اني طالب كليه وشايف اشكال يلا لا تشلعين قلبي وفضيني.. وكفت.. كتله هنا خنكة روحي طلعت اريد ارجع وهسة اطلعني وترجعني للبيت داكولك اختنكت كال راح اعوفج براحتج اني من ذولي الهمجين ورحع عادها اني دارس وشايف وعايف مراح اجبرج انتظري نتريك ونروح وانتظرت واني احس نفسي محبوسه بقفص غزوان خابر ع البيت وكلهم راجعين والظاهر مرمر محضرة نفسها هي تجينا.. بس كلها لا احنا جاين لميت كل غراضي. وكل شويه واباوع ع الخلخال فرحانه بي اكثر من فرحتي. بغزوان.. اجه الريوك واتريكنا.. ونزلنا ورجعنا بسيارته. بالطريق كلي نجمه بعد ملابسح هاي لا تلبسيها اني احيبلج ارقى ملابس عوفي ذوق عمتي زين.. واذا سألو شصار بينا وخاصه امي كولي الها كل شي تمام اما مرمر عوفيها عليه.. زين.. هزيت راسي اي.. نجمة ماضغط عليج.. اذا متريديني وصلنا للبيت.. وتلكونا بذبايح جوة رجلينا وهلاهل ترست المنطقه اول ما طبيت رحت ركض ع اخواني شهاب وبسعاد وكانما صار سنين مفاركتهم بقيت ابوس بيهم واحضن.. ورضوة تكولي موتوني الليل كله يبجون عليج.. وسلمت ع ابويه.. وقدم الي هديه اربع ملاوي.. وبقيت يمهم واني ناسيه غزوان زوجي وهو بالمشتمل هناك ومرمر صاحتني بالغرفه كمت وراها سدت الباب كالت بشري كتلها كل شي تمام.. ضحكت وبوستني عفيه عليج سباعيه يلا روحي لبيتج رجلج اشتاق الج هسة.. كتلها لا عوفيني كالت امشي روحي يلا طب ابويه كالت مرمر.. ها حبيبي هسة نجمه دتكولي راح اروح كال.. اي بابه روحي واني ادزلكم الغدة انداريت ع مرمر واجهال كالت يمي عيني روحي اتي عروس ياجهال حايرة بيهم بنص عيوني خالتهم عفتهم وسلمت وطلعت مجان اكو باب بينا لازم اطلع من برة وادخل للبيت دخلت عمتي موجودة وضلت تهلهل وتبوس وغزوان بالغرفه فوك بقيت كاعدة يمها كل شويه تبتسم الي وتكولي اي شلونج بعد اكولها زينه شلون تلعرس حلو اهز راسي اي واباع تلفزيون وترجع تسال.. نفس الاسئلة.. صاحني غزوان تعالي صعدت فوك.. طبيت كال سدي الباب سديتها.. كال سالوج كتلها اي وكتلهم كل شي. تمام كال خوش يله طلعي داريد انام.. ضحكت... وسديت الباب ونزلت جوة وبقيت يم عمتي وجابو الغدة اتغديت بدون غزوان وطبيت نمت بغرفه عمتي.. الجوة.. نمت لليل جنت تعبانه ومشبعانه نوم مرت ٣ ايام غزوان كاعد بلبيت بيها. واحنا اغلب الوكت وحدنا.. هو يصعد فوك اني انزل عو جوو اني اصعد وهيج وامة مسالتني بعد ع شي واصلا هي من نوع متكعد بلبيت تطلع.. كل شويه لابسه عباتها وطالعه اما غزوان محجة بعد شي لو يدرس لو يشغل سي دي ويكعد يباوع لو يروح يم ابويه ورو المغرب واروح وياة ونرجع بليل بعد ما اكمل شغلي ويا الجهال وانومهم واغلب وقتنا نتعشى بيت اهلي انام وهو هم ينام صح نفس المكان بس محاول بعد يتقرب الي بعد ٣ الايام رجع يداوم كليه الصبح ويرجع ينام ساعه ويرد يطلع للشغل وياه ابوية يرجع بليل يبقى يتصل بالتليفون لحد ما ينام وهكذا مرت ١٠ ايام ع زواجي واني وياه عايشين عادي ارتاحيت من بعدة عني وارتاحيت ملتهي بشغله ودوامه ومكالماتة بس بالي هناك يم اخواني من اشوفهم مبهذلين رضوة حايرة بدراسة ومرمر حايرة تطلع وابويه بشغله والجهال اغلب وكتهم يمي وبالي هناك يم وليد اتمنى يجي يشوف امه اخو ولو اعرف من عمتي تروح تشوفه مرات تحضر اكل لو كليجه تكول هاي لوليد وارتاحيت لان عمتي تكعد تسولف الي عن وليد وسوالفه من جان صغير وجنت اضحك وافرح حسيت داعيش وياه كمت اعرف شيحب ويكره كمت اعرف كل شي عنه واني بعيدة منه وهو هوايه يشبهه امه خاصه عيونه وحواجبه وعندي عيد من تكولي تعالي ساعديني اسوي لوليد شي واكعد واشتغل واسوي بدون تعب.. و جنت التهي باخواني و انظف بيتي وارجع ع بيت اهلي انظفه من الكراج للغرف وارجع اطبخ النا.. واجيب الجهال التهي بيهم. وغزوان ميهتم المهم من يصعد محد يصعد اله فديوم بعد اسبوعين اكثر من زواجنا رجع غزوان من الشغل سبح وتعشا وصعد جنت ما اصعد اذا ميصيحني نجمه تعالي. بس اضطريت اصعد لان ملابسي وكع عليها جاي صعدت.. الباب مسدودة قربت نفسي اسمعة يحجي بالتليفون.. دافتح الباب صوته وضح .. تعرفين زواجي للعبة لا تعامليني هيج.. اني احبج ومستحيل اخونج ويا وحدة متسوة شعرة من شعر راسج اسمها متعرف تكتبه عدل.. وللحكايه بقية شهرزاد صباح العسل ♥️ التعديل الأخير تم بواسطة لامارا ; 21-09-21 الساعة 11:13 AM | ||||
|
| |
|
21-09-21, 08:30 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| نجمة والخلخال ج 12 تعرفين زواجي للعبة لا تعامليني هيج.. اني احبج ومستحيل اخونج ويا وحدة متسوة شعرة من شعر راسج اسمها متعرف تكتبه عدل.. كمل كلامة.. اني احبج.. فتحت الباب عليه.. ضل يباوع عليه .. رحت ع الكنتور فتحته.. اسمع يكول تمام تمام باجر اشوفك وسد الفون كام من مكانه واجه قريب عليه.. انتبهت ملامحة كلها تغيرت وكال شبيج نجمة.. جاوبته مابيها شي اجيت اخذ ملابسي.. واطلع ضحك هااا مو داكول شجابج.. تعرفين هيج وكت لو ادرس لو اقرا.. اتفاجئت بيج.. اخذت الملابس . ونزلت. وكعدت بالهول بدون ماغير ملابسي.. ام غزوان.. شبيج نجمة.. كتلها مابيه شي بس دايخة.. كالت صلوات صلوات بالمبارك حامل.. باوعت عليها باستغراب لا لا بس دايخه لزمت ايدي يلا هسة انتي متعرفين بهل سوالف.. كولي يالله.. سكتت.. واحس بنفسي رخيصة حييل.. يالله شكد فقير ابويه هو هذا الي كال عليه حزام لظهري.. هو هذا.. حصل بيت وسيارة ومحل.. بزواجه مني.. شكد رخيصه عند ابويه اني لازم اكول لابويه وابويه هو يتفاهم وياه جانت ام غزوان تحجي بس ممركزة الها ولا سوالفها . اسمع ام غزوان تكول ها يمه محتاج شي.. انداريت غزوان.. كال نجمة تعالي اريدج.. كتله بعدين داباع فلم ويا عمة.. غزوان كال نجمة..تعاللي.. وكرر كلامة.. امه كالت كومي شوفي شيريد منج وبلا عناد.. اكو شي بداخلي انتفض رغم ما حبه بس حيل استرخصت نفسي. وماعرف شصرف وياه.. كمت وصعدت وراه.. دخلت.. سد الباب.. كال اسمعيني.. اول شي مهما يكون بيناتتا لازم انتي كدام الكا تبينين العكس.. هاي شغله والشغله الثانيه.. من احجي وياج تسمعين كلامي.. اني مو طرطور ولا اني. ماعندي كرامه اني انسان دارس وتعبان على نفسي. بقيت اباوا عليه ولا جاوبت.. وكم مرة كتلج هل ملابس البيئة لا تلبسيها ثوب ودانتيل بابا طلعتي من الجيفه ذيج انتي هنا بمنطقه مرتبة.. ونجمة اسمج حيل قديم يعني ابوج شكال من سماكم هل الاسامي التعبانه بعد ليش مسامج سعدية مو احلى وشعرج جنج عايشة بالقرن الحجري اطوري شوية ..... اني ممقهورة ع نفسي بس.. كوة لزمت لساني حتى يوصل الكلام لابويه وبس.. وهو يتصرف.. كتله غزوان شتريد انت . تقرب مني.. وجر ايدي وقربني ع جسمه.. حاولت ادفع نفسي حاوطني بايدة ع خصري.. شاورني بهمس.. نجمة عايفج بمزاجي مو اكثر تمام.. دفعته عني شكد اريد قوية ماكدر اله. شتريد بعد عني... حاوطني اكثر ودفعني ع للفراش والتصق بيه والايد الثانيه ع خلكي اريد انتفس ماكدر منا جسمه ثكيل ومنا المخدة فوكايع ثوانس.. وبعد المخدة وكال اشششش.. كمت اخذ النفس كوة واحس نفس تعبت.. شتريد بعد عني ما تفهم كلامي.. كام عني غطيت نفسي هدومي صعدت.. كال ماريد شي بس بالحظه اكدر اخذ منج كلشي زين.... لا عبالج ماكدر الج سبق وكتلج عايفج بمزاجي مو اكثر شوكت ما مزاجي يهواج ذاك الوكت اخذ الي اريدة منج.. كمت من الفراش بسرعه ووصلت للباب كتله لو تموت.. زين.. وسديتها ونزلت بسرعه جوة.. ارجف.. اريد اغسل وجهي ايدي ترجف.. يعني فوك دكتة التعبانه ويا اخو و فوك نكرانه جميل والدي هيج يتصرف طلع مثل ما اتوقعت.. طماع.. زين ليش ازوجني ليش.... وشبيه ويعيب علية شبي شعري.. ملابسي.. طلعت ومحجيت ويا اي احد.. ونمت بالهول... وكعدت الصبح بيتي نظيف مرتب.. اكو احساس صعب اوصفه.. ما احس اني مزوجه ولا هذا البيت الي ولا غزوان رجلي ماعرف احساسي مخربط.. من يوم الي طلعت من بيتنا القديم واني اتخربطت كل احاسيسي. قوة امي وضعف ابوية جعل مني انسانة هشة.. وسريعة الانكسار احس نفسي تعبت من كل الضغوطات بحياتي من كل شي.... ثاتي يوم.. عمتي طلعت من الصبح.. مرجعت الة ويا الغروب رحت لاهلي.. كلما اريد احجي وياه ابويه تدخل علينا مرمر وكلامهم بس عن غزوان وكانما صانع الذرة وابويه كل شويه يكولي بيتج اهم منا ديري بالج ع رجلج ماكو منه اني بدونه اضيع واشوف شلون مسلم الاول والتالي الى مرمر من فلوس وصرف عقل. حسيت لازم اعيش واغلس نفرض لو اححي شرام يصير يصدك بيه؟ لا ماظن وخاصه من لزمتني رضوة وكعدت تحجي ويايه طلعنا بالحديقة كعدنا بالمرجوحه والجهال تلعب.. وبدت تسالني عن وضعي.. شلونج ويا غزوان.. كتلها تمام.. كالت نجمة احنا بنات بدرية وتعرفين كلش زين منو وشنو بدريه.. كتلها شتقصدين.. رضوة /باعي حبيبه اني مو فقيرة مثل ماتشوفون انتو خلي اكون صريحه وياج وعيت امي لازمه كلشي اخذت منها القوة.. وبنفس الوقت شفت لسانها عم عليها.. اخذت من هديه الصلافه.. واخذت منج السكوت.. واخذت من مرمر الي اريدة اسوي.. نفرض لو ابويه راد ازوج وليد ازوجه خنزرت عليها.. كالت لا تخنزين اسمعي.. اني مو مثلج كافي تكونين ضعيفه ابسط شي. فلوس ابويه.. احنا زناكين مو فقرة مناقصنا شي غير نفكر وبصراحه حاليا اني مرتاحه خطيبي شرطت عليه اكمل دراستي مابيها شي.. وهو فقير عادي مقبول مز شرط الحب مثلج موتي نفسج.. ما احب اله وليد. حبيبه عيشي.. وكامت من يمي تلعب بالجهال.. كتلها رضوة صايرة مرمر. كالت شبيها مرمر انتي نايمه.. هي تسرح وتمرح وانتي تجين تنظفين وتعبين ومن يجي ابويه تونون تعبانه من البيت. عرفت شلون تكسب ابويه وكامت تهز جتف.. انوثه ودلع ع كولته مبقت عندة دمااغ دروحي اسالي هديه وين.. ميعرف دايخ لمرمر وطلباتها الي متخلص. اصحي شويه.. وخليج ع غزوان وعيشي كافي كلما اطب الج تبجين بوجه الله لا انتي اول ولا اخر وحدة صار وياج هيج.. واذا ع وليد.. قربي من رجلج وشبعي شوف منه. ضربت ع خدي عزة بعينج رضوة انتي شصاير بيج والله مصاير بس شفت الكل خسر ولازم اني الي مااخسر لا راح ابقى طول عمري اخدم اخواني ولا مرمر خانم خطيبي يشوفني من بعيد يدوخ.. كعدت وياه وفهمته كتله اريدك انت تتعب وتكون نفسك الي ابويه ينطي الك احس بنفسي دانباع تحبني اشتريني بحبك ودلالك.. وارجع اسكت واصير مثلج.. افتهمتي نجمة عيشي.. حياتج وصدك ليش ذابه خلخال امي ولابسه هذا.. كتلها هااا عجبني حلو.. مين الج.. كمت من يمها وشلت شهاب يلا كافي للعب واخذت سعادة وطبيت للحمام حضرت الهم الحمام اسبحهم.. كملت سعادة وطلعتها ورجعت ع شهوبي.. بس شنو دايخه برضوة يعني صدك الكل يختلف بس اني وشلون اقرب وليد من غزوان.. زين شسوي اني وذولي اخواني منو الهم لا لا مافكر مثلها.. خطيه.. للعصر غزوان اجه صاحني كلي تعالي جايب الج ملابس.. وكام يفتح بالعلاليك ويطلع الي.. جايب ستريجات وتيشرتات وياها.. وتنورة وفوكاها بدي.. ملابس خفيفات ويكلي هاي للبيت وهاي للطلعه.. حتى قراصات جايب.. ملابس داخليه.. وفرحان بيها. وكانما مسوي انجاز عظيم.. هنا حسيت بامي الله يرحمها من تستصغر ابوية وصح ماكو لذة وفرحه بيهم.. من ابويه.. احسها مو من تعبة.. ماحس تعبان بيها ولا احس بشي اصلا اخذتها من ايدة وصفطتها بالكنتور ورجعت ع دشاديش الكودي الموردة احسها اريح الي.. هاي عود ورة مزوجت كمت اكص الاحمر والوردي الازبري.. شويه مدلعات لو حصر عليه جنت عيب البسه.. البسها.. بقى غزوان يعيب عليه وع طريقه كلامي وملابسي كل شي بيه ميعجبة وبقيت ساكته.. واني اعرف كلش زين هو ميحبني ولا اني راح احبه.. ولا ابويه بيوم يقنع بكلامي.. مرت الايام سريعه بتعبها . غزوان غريب عني.. بعيد وقريب.. مرات يتودد الي ومرات ابد هاملني واصلا اني مرتاحه ع هل وضع بس تعبت خاصه من اروح بيت اهلي يوميه انظف واعزل البيت واغسل الكراج وارجع ع بيتي نفس الشي ومرمر ملتهية بنفسها وطلعاتها مرمر ام الثوب الستن والشحاطه ام الجرس كامت تلبس كله ع المودة.. ستريج حصر ابو السير من جوة وتيشرتات الوان وهالشعر شايلته ليفوك مثل العش والكذله قصيرة و صبغ الحنة صار ميش.. وابويه حاير بيها وبشغله.. رضوة حسيتها اقوة مني الي رادته سوته واصلا لاعبة للعب بخطيبها يوميه شامرة الحلقه بوجهه ويجي يصالح بيها.. وابوية ميدري هيج مسويه بي وان رادو يطلعون ياخذون الجهال وياهم عود يعني عيب وحدهم وترجع من يمه محمله غراض حتى تنطي منهم.. الي.. حتى رضوة تغيرت وتغير كل شي بيها.. شعرها لبسها اظافرها والصبغ كلامها بس اني بقيت عبالك العجوز الي بيهم.. بعدني اسوي شعري كبه والبس طاك. مرات غزوان يكعد كبالي ويعيب يكولي فشله حتى اطلعج جنج العجوز الي تطلع بتويتي غيري نفسج.. وامه ترزل بي عوفها البنيه مستورة صح انقهر وادخل للحمام ابجي بس جنت راضيه ع نفسي هيج.. ماكدر تعلمت بعد.. هاي ذبتي.. ومسؤوليتي جبيرة اطفال ٢ وبيتين براسي مالحك عليهم يادوب اذب راسي وانام واصلا اخر فترة كمت انوم الجهال يمي بالهول وغزوان فوك رضيت بكل شي لخاطر اخواني اكبرهم مرمر بغير عالم وغزوان بغير عالم بين هاي الي يحبها وبين الفلةس يوم عن يوم يحلى ويكبر.. وساعات. وعطور حتى ذهب كام يلبس سلسله بصدرة وبيها ايه الكرسي لعطور ارقى شي... ملابسه يكويها برة هل بناطير كلاسك. اباوع عليه وين جان ووين صار.. هل عالم حصار وكالتها الجوع اباوع ع تليفزيون روحي تخلص من الجفاف والاطفال المرضى وهو ولا يمه يحلى ويتغير.. وياهو الي يشوفه يشبهه بل مغني لؤي عدنان.. قليل انام بالغرفه رغم الغرفه كلش حلوة يوم ورة يوم غزوان غيرها.. البردات قماشها محفر منه وبي لونها بيجي وهي صاج من اغلى الانواع ابويه سواها.. لونها خشبي سادة بدون حفر.. والكنتور وبي ملحق. وميز االمرايا لغزوان مو الي خال عطورة وساعاته وصورة هو واصدقائة لو جماعية.. شباب وبنات.. ويم راسه تليفون الارضي.. وع جهه مسوي مكتبه عليها.. كتبه وغراضه مال كليه مرة ديبدل للدوام.. جانت ملابسه زي موحد بنطرون رصاصي وقميص ابيض.. ويا خذ ويا فكس.. كتله هو منو حاير بالدراسه وانت تدرس شو هو المدرس راتبه ٣ الاف دينار وطبقة البيض نفس السعر.. منو بقى يدرس العالم دور شغل.. وكف ع المرايا يمشط شعرة. ويباوع عليه.. اولا هل الشهادة الي اثقف بيها والصيدلة علم وطب شي احبه اني. وثاني شغله عندي شغلي ممحتاج اعوف دراستي ولاتنسين العسكريه والبدل هم تشيل عني واني مرتاح هيج افضل حيري بنفسج وعوفيني اني اوصل للي اريدة تمام بنيتي لا تدخلين بهل الاشياء.. ابقي ع الدربونه وريحه المجاري الي تكتل لو العكارب والفيران تتطافر. كام يصفك بايدة كافي اطلعي حتى الغنم مال ابوج اطور.. وعافني وسد الباب وطلع.. كرهته حسرة احجي حجايه الا يكفخني بيها ويسكتني شبيه اني الا اصبغ شعري اصفر لو البس الحصر... مرات بداخلي اريد اتمرد. والبس واسوي مثل مرمر وهناك والبرد.. كمت اجنب كلامي وياه.. بيومها جانت عمتي جوة ودتسولف الي عن وليد وحدة ومقهورة علية وكالت لازم اسوي حل واخلص هالخلاف بينه وبين اخو تعبت اني اروح اشوفه هناك اريد ابني يمي كدام عيني غزوام حتى الي مكام يسمعني كتلها عمه.. كالت اعرف حتى انتي ميسمعج.. اني اريد ولدي ع قلبي مو كل واحد بديرة اذا يبقى هيج اعوفه واطلع شحجي ويا يعيط بيه منو وصله غير اني كسرت ظهري عليهم اترددت بسؤالي عن وليد بس اخر شي سالتها شلونه هو وليد كالت زيم الحمدلله بس متبهذل هاي كل اسبوع اخذ اكل الة واروح اغسل هدومه ياعمة كاعد بشقه وبيها ٣ ولد وغاديها. زباله تبهذل ابني لو ازوجه لو ناخذ غير بيت ونكعد بي عليمن هيج متبهذلين اني احجي ويا غزوان واحلها.. كتلها شزوجي غير يتخرج.. كالت خير اللع هوايه ناخذ بيت وكل واحد بيكم غرفه كافي وزايد.. كتلها هو يريد يزوج.. كالت اي ليش لعد شناقصه فدوة غير مشايفته انتي شلون حسن صاير.. شواربه وطوله ياااا غير ينغرمن بي البنات. والله الة ازوجه ست الحسن.. تعالي ساعديني نلف جدرين دولمه واحد للغدة والثاني باجر اخذة لوليد. كتلها عمة لا تزوجي اندارت عليه وجانت تغسل بسلك.. ليش.. هااا مو علمود شي بس خطية خلي يتخرج.. ضحكت كالت.. هو راد مراة مني ادور الخ. صدك ماعدكم وحدة هيج حلوة مرتبه.. ولو هو كلي ع وحدة جنت احضر بغراض الدولمه وفكري شارد يزوج؟؟؟؟ واني.. ي اني شلون ميمر يوم اذا ما افكر بي واتخيله نرات هيج اسرح بفكري واني اشتغل واضحك بحيث الي بصفي يسالني شبيج اختلق عذر واكمل.. ومرات اذكر هدية وابجي واحن الها رغم دكتها وكسرتنا النا.. مرات ومرات هيج كضيتها وعدت.. بنفس اليوم.. رجع غزوان من وكت بس شنو اعصاب نار قبل لا تححي امه وياه صعد فوك يتصل وصوته عالي وعمتي جواهر كل شويه تكولي اصعدي شوفي شبي واكولها لا ميقبل..يضل يححي عليه صعدي انتي كالت والله الدرج يكسرني.. نزل امة حجت وياه شبيك يمه حسك عالي كال الها مشاكل بالدوام مو شي يخوف هسة احلها. احجيلي شبيك غزوان. ماكو شي نجمة صبيلي غدة.. اي دقايق.. كمت للمطبخ سمعته يصيح. . محد الة دخل بيه زين اسكتي.. اجه من يمي يمشي.. وامه وراه عوفوني. عمتي تكوله.. تعالي يمه تغدى جاوبها ما ازقنب وركع الباب وطلع.. ماخذ سيارته سمعت صوت باب اهلي انفتح عرفت راح لاعمته مرمر ضلت تفرك باديها عمتي.. اووف مرمر اووف شكو عمة.. كالت ماكو شي اكولج ابوج بلبيت.. كتلها لا... زين.. عمتي لبست فوطتها وراحت.. شنهاااي ذولي شبيهم.. طفيت الدولمه.. وطلعت ربطتي اريد ارووح يمهم افتهم شصاير بين مداطلع من الباب وكفت سيارة يم بابنا برازيلي نزلت بنيه منها طول بعرض لابسه تنورة عدله رصاصي وقميص ابيض وحذاء كعب بسمار وشعرها مفتوح بيرمن. وصلت يمي كالت بيت غزوان.. هزيت راسي اي.. بقت واكفه وينه لعد اشرت الها ع بيت اهلي هنا كالت اكدر اطب كتلها اي تفضلي... فتحت الباب ورجعنا طبينا.. اباوع عليها ساعه باديها تخبل و لابسه سوار بثانبه.. عدلت شعرها شو هاي باوعتلي من فوك ليجوة.. انتي منو عفو انتي منو كالت اني سولاف. وانتي.. شنو تشتغلين هنا.. صيحيلي غزوان.. كتلها حبيبتي اني نجمة مرت غزوام.. هاي فتحت عيونها عليه.. كالت تشاقين انتي نجمة وكامت تضحك بصوت عالي لا اكيد تشاقين.. جاوبتها ترة نرفزتيني شتريدين بالضبط.. كامت وجرت جنطتها من الميز مع الاسف اي والله اني تتفضل عليه هيج وحدة مع الاسف كتلها ترة مدافتهمج شترييدين لمن تقصدين بالاثناء هاي دخل غزوان بس اباوع عليه وجهه صار اصفر كال سارة شعندج هنا.. دخلت امه وراه من شافت سولاف رجعت بسرعه هاي البنيه دتحجي جرها غزوان وصار صوته اعلى من صوتها هي صوتها ناصي وناعم بحيث من تحجي توصوص شو كامت تبجي.. دخلت مىمر حببتي سولاف شلونج بوستها وصارت هوسه عليه مرمر اندارت عليه ولج نجمه الطباخ مشتغل وجهال ديلعبون ركض روحي بقيت واكفه شو هاي تبجي وداير مدايرها كلهم يواسوها... اندارت عليه روحي.. لا يحتركون طلعت.. بسرعه خفت لا يوكع عليهم الجدر طبيت للبيت ماكو الجدورة طافيه ركضت ع الغرفه رضوة نايمه ع الجربايه وااجهال هنا نايمه هاي شبيها رديت رجعت.. للبيت شفت بس مرمر موجودة كتلها شكو.. منو هاي سولاف.. وينها.. كالت هاا اكعدي هسة افهمج حبيبتي وكامت ع الطباخ الله دولمه عليج الله دزيلي ماعون مرمر منو هاي هاي شبيج اكلتيني.. باعي هاي بنت عم غزوان خطيه تكسر الخاطر.. ايييي شنو اي وجعي.. ماكو شي.. جتي متعاركه ويا ابوها وراحو يصالحوهم.. شو اليوم مجيتي عاونتيني كتلها التهيت.. كامت تعوج بحلكها اااي ليش لا.. واني ماكلتها وحدي باعي عيني.. دزيلي ماعون لان ابوح موتني مياكل هالسوالف يلا اروح.. اني.. كتلها اوكفي مرمر انتو مو كلتو بيت عمه متخاربين وهاي جايه هناشتريد شكلها معجبني ولا طريقه كلامها وكفت يم الميز.. نجمة شتردين انتي... شنو شريد منو هاي.. فهمتج ماكو داعي تسالين بعد ويجي رجلج ويسولف الج انتي هم شويه همي وخلفينا جاهل استعجلي شويه صدك العصر تعالي يم الجهال اريد انزل لسوك عجبني شلون محبس يموت ابو الحيه هو وسوارة ادي ابوج يقبل اشتريهن لان قبل كم يوم شلت التخم اريد ادوشمه اخوانج ترسو زفر مرمر.. اخواني نظاف.. كالت اي عيني شكلنة يلا رايحه اني راحت وبقبت افكر منو هاي ساعه واجوي.. اول ماطبو اثنينهم يحجون زين صالحناهم وخطيه امه تكوله اي خطيه.. واندارت عليه يلا صبي البشارة جايه غزوام كال شفتيها لبنت عمي خطيه ابوها متعارك وياها هي هوايه تودني عاد راضيناهم بقيت ساكته.. كال صدك نجمة باجر نعزم وليد هنا.. اليوم اسوك اندار ع امه شمحتاجه كولي كالت جيب دجاج واني عندي جدر دولمه وهذا هو كلها زين وهاي البنيه امة كلبت الدولمه واني بس اباوع كالت الة هسة خلي يجي وتصالحون الله يرضى عليك. ونشوف بيت اكبر وبعدها اروح واشوفها ونخطب لوليد خلت الاكل ع الميز وبدو ياكلون كلها مين هالبنيه.. كالت والله اخت صديقه طالبه تجارة كلها جيد يعني مثقفين زين واخيرا وليد عقله اشتغل اندار عليه يلا تعااي ثولوني وكفخوني بكلامهم. كعدت.. ويسولفون اي ناخذ بيت اكبر افكر اخذ بغداد الجديدة لو بشارع فلسطين شتكولين امه كالت مو مهم المهم جبير. حتى اخوك بغرفه وانت ومرتك بغرفه.. واني هم اريد غرفه.. قاطعتهم.. ابويه يدري ناوين اطلعون.. سكتو اثنينهم.. غزوان كال اصلا ابوج راح يبيع البيت وكلنا نكعد بمنطقه وحدة.. كلما نبعد احسن وله نسيتي سالفه هديه. اتنرفزت حيل منا وليد يردون يزوجو ومنا هاي سولاف ومنا مرمر غثتني كتله لا ما نسيت.. ومنسيت هم سالفه دبات الطرشي استاذ غزوان صباحكم فل ♥️ التعديل الأخير تم بواسطة لامارا ; 21-09-21 الساعة 11:18 AM | ||||
|
| |
|
21-09-21, 08:33 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #نجمة__والخلخال ج 13 (اذا اكرمت الكريم ملكته ❤واذا اكرمت الئيم تمردا) ......... كلما نبعد احسن وله نسيتي سالفه هديه. اتنرفزت حيل منا وليد يردون يزوجو ومنا هاي سولاف ومنا مرمر غثتني كتله لا ما نسيت.. ومنسيت هم سالفه دبات الطرشي استاذ غزوان...... غزوان ووالدته اباوع عليهم يباعون عليه.. ملامح غزوان تحولت للعصبيه جان يخزرني.. اني كمت من الاكل.. وردت امشي.. وكفتني ام غزوان.. كالت عفا عليج نجمة تعيرينا بشغلي عمر الشغل مو عيب عفتها ومشيت صعدت الدرج احس طكت مرارتي منهم موتوني الكل كمت ارجف ماعرف ليش من اعصب ارجف وقلبي يدك سريع صعدت.... اسمع صوت ام غزوان تكول لا يمه عوفها بعدها جاهله.. متقصد.. ثواني.. وانفتحت الباب علية دخل غزوان.. مشيت اريد اطلع.. لزم ايدي كال هل مرة عديتها مرة ثانيه متلومين الة نفسج افتهمتي.. جريت ايدي منه.. لا والله مالوم احد. بس انت زودتها كل شغله تعيب عليه نسيت نفسك انت منو.. وهذا واقعك مثل ما اني اختي انهزمت واقع.. لوة ايدي حيل.. اخ عوفني غزوان.. غزوان /اسمعي ولج طرشي ما طرشي كله مو عيب العيب الي سوته اختج لوما اني انتي منو يباوع بوجهج اصلا العار وراكم طول العمر شمجريني انتي هم مو بنيه.. نجمة /الله لا يوفقك.. هاي اني هيج لا والله.. جرني حيل ودفعني ع الميزكبال المرايا شوفي وجهج زين شوفي نفسج بقيت ابجي عوفني غزوان عوفني..عووفني كاافي اذا هيج عوفني.. طلكني.. هدني برود.. كال اني انسان مثقف مراح اضرب دارس وتعبان ع نفسي.. زين.. بس هسة تنزلين تعتذرين من امي زين وله تشوفين مني غير شي فهمتي لو لا.. صيري ادميه مراة عدها لسان اكصة الها والبسه الها ترجيه.. زين.. مسحت دموعي.. هزيت راسي اي.. بس ردت اعبرة.. فتحت الباب واني ابجي وبسرعه نزلت شفت عمتي بالهول كاعدة باوعت ع الساعه وكت رجعه ابويه انداريت غزوان دينزل الدرج... تخطيتها بسرعه.. فتحت الباب.. من خوفي.. مرتين افتحها واردها.. وطلعت بسرعه.. ودخلت لبيت ابويه.. جانت باب المطبخ مفتوحه.. طبيت بسرعه.. ودخلت لغرفه رضوة دخلت وسديتها.. انداريت بعدهم نايمين ع طبكتي فزت رضوة رضوة /شبيج نجمة.. زدت بجي.. هي دقايق حسيت نفسي بايد عصابه وباللحظه يقتلوني هذا جان احساسي.. نجمة / مرمر وين.. رضوة / ماعرف حبيبتي جنت نايمه فهميني شبيج احجي شسولج ذولي وكامت يمي.. ضربج شبيج احجي ليش ترجفين.. نجمة/ابويه شوكت يجي اندارت رضوة ع الساعه كالت هسة ع جية.. ثواني واسمع صوت برة.. يحجون قربت اذني ع الباب اسمع صوت مرمر تكول هااي شنو وححي مو واضح تقربت رضوة كالت/ خلي افتح الباب اشوف شكو.. لزمتها لا.. عوفيهم.. فدوة.. رضوة /شبيج يمعودة ليش تخافين.. وكفت بوجهه الباب كتلها مطلعين زين.. الة يجب لبويه اريد يشوفلي حل.. دفعتني.. بعدي.. وفتحت الباب.... طلعت.. اسمع رضوة تكول ماكو بزونه من مطبخ عيني ام غزوان.. طلعت.. مشيت بالممر.. ووكفت يم الباب.. كاعدة ام غزوان ومرمر واكفه كبالها ورضوة واكفة تحجي.. اندارت عليه ام غزوان / اذيتج بشي اني بربج مو حاسبتج بنتي.. مرمر/والله ابوج يكسر راسج نجمة ع هاي دكتج وضربت ع رجليها طلعت عينكم فدمرة انتو.. هدية خربتكم.. ازي معليه بعد تعبوني وموتوني.. ومشت للطباخ.. اسوي كهوة لشتي كامت ترجف انزوول عليج نجمة بقيت ساكته ماعرف شصاير.. هذولي شديحجون.. رضوة وكفت بصف كالت/ نجمة شلون تكولين لعمتج..ام الطرشي.. نعالي يشرفكم. وانتو خدم جوة رجلي.. فتحت عيوني كتلها كذب اساليهم شكالو الي.. والله محجيت هيج.. اندارت عليه ام غزوان كالت امشي يمه رجعي اني مسامحتج امشي ابوج مريض مو مال تقهري اني عن نفسي احسب مسامعه شي.. وغزوان قلبه جمارة.. بيضة.. ويحبج امشي كبل لا ابوج يجي.. بالاثناء هاي دخل ابويه ركضت يمه وحضنته مثل قبل من اركض عليه واني طفله.. ذب السويج شكو صار بابا منو وياج اشرت كتله يابه ذولي عصابه مو بشر.. شبيج نجمة ام غزوان كامت تبجي..وكالت الله يسامج يمه.. عيني ابو نجمة احنا مو خوش اوادم وخدم يمكم.. الف رحمه ع والديكم.. ابويه.. كال رضوة يابه يرحم اهلج مي.. ركضت مرمر.. وجابت الة مي اني مجلبة بي مثل الطفل. كعد كعدت بصفه وبس ابجي.. احس هالدنيا بوسعها صغرت وخنكتني حيل.. كال فهموني.. مرمر بحس عالي.. عييييني.. نجمة تستعر من اهل رجلها.. ابتسم كلها مرمر نصي صوتج واحجي.. عدل.. اندار عليه شكو بابا.. نجمة : بابا كاعدين نتغدى و غزوان كال راح نشيل ابوية / صح يابه راح نشيل بيت اكبر وانفهه من هذا وقريب ع شغلنا.. مرمر /احجي كولي شكلتي والله عشت وكبرت مايوم كلت لاحد انتو وتعالي.. ام غزوان / ابو نجمة وراح صوتها بالبجي.. انت تعرف اصلنا شنو ع كد حالنا مو صح.. كلها هسة واحد يحجي.. ام غزوان /. عيوني الك.. نفس كلام نجمة بنيتي وهي اعترضت ما اطلع وماشيل اني وتعبت اخدم الكل.. المفروض انتو خدم يمي اشتريناكم بفلوسنا بقيت اكوله كذب والله كذب.. ابويه/ اسكتي خلي افتهم مرمر /سبحان الله الي ميطلع ع اهله نغل.. مثل سندس والمرحومه رضوة قاطعت الكل امي مجيبين طاريها ع لسانج.. مرمر بعز هاي الهوسه كالت اني اعرف راح تنذب براسي.. شو وخري ودفعت ام غزوان.. وطبت.. جوة ثواني.. وطلعت لابسه عبايه.. عيني احنا مو خوش وشنحجي تطلعنا سيوف اني طالعه منا لان اعرف تاليتها انضرب وينذب الصوج بيه انت حير بناتك امشي ام غزوان وجرتها من اديها حيل.. ابويه كام.. شمو شبيكم.. تخبلتو رضوة طببي اختج جوة.. تعالي مرمر... مرمر /عيني ابو نجمه.. تعرف شكد احبك واخاف عليك بس بناتك الله يسلمهن لو بيدهم بشربون من دمي هاي انت عايش وهيج اذا يصير بيك شي يذبوني بشارع فاني اطلع بكراماي من هسة ابويه / داكولج تعالي.. طبي مرمر.. اباوع مرمر غادية طماطه من البجي هي وام غزوان.. صخام بعينج نجمة شنو هل البشر ذولي.. هالكد ما حسهم عالي صوتي يمهم صفر.. جرو ابويه واخذو يمهم بالمشتمل انداريت ع رضوة ولج ظلم.. الي ديصير بيه ولج احرك روحي واخلص.. وحجيت الها الي صار.. رضوة /امداج ابقي بس وني ولج شبيج انتي احجي عيطي كولي هيج وهيج حجو عليه لا تنطيهم مجال ابد ذولي مو بشر هديه من اول يوم طبو عرفتهم شنو من بشر شبيج انتي راح تموتيني والله.... ابوج راح يمهم انغسل دماغه غسل واني تعبت والله تعبت.. منا انتي ومنا هاي الحية كاضيتليها تفرفر وفلوس وصالونات تنفخين عليها اطير اباوع عليج انتي جنج عجوز.. وراكبيج ومااكليج.. هسة يطب ابويه اتبلي عليهم كولي موتني كتل وسحلني.. هو وامه بكلي نخلص منهم.. نجمة / ماعرف اكذب. رجعت غمتني.. ميفيد.. كعدو الجهال.. اجوي ركض بحضني ويسموني نمنم هيي نمنم.. كتلها وذولي منو الهم رضوة/بصراحه ع الي عشته يعيشون احسنه هديه اخذتها من الاخير وراحت.. طب ابويه.. وراه غزوان.. كال رضوة اخذي الجهال يمج.. هسة امشي نجمة.. مشيت وراه وطبينا بالاستقبال.. كعد ابويه.. كلي اكعدي.. غزوان واكف.. كله اكعد ابني.. غزوان/ لا عمي عاط بي داكولك اكعد. كعد.. داحجي يابه كلي اسكتي.... شوفي نجمه هاي سالفه امج احنا وانتم الف مرة كتلج بطليها انتي وخواتج.. مورثتي شي بي خيى ا لا هاي زين.. وكومي بوسي رجلج واعتذري منه.. غزوان.. لا عمي هذا هو هي مرتي مو غريبه... ابوية... لا حتى متعيدها شنو انتو خدم كلنا بشر وهي تعرف كلش زين.. اتخبل من هل موضوع نجمة... يابه خلي احجي ابويه.. نجمة كافي يلا اعتذري وروحي ويا رجلج وهناك تعتذرين من عمتج مراة جبيرة عيب كلامج هيج تربيتي الكم.. انطبق عليه مثل بس افر باذاني.. يابه انت دتظلمني بس اسمعني. ابويه / نجمة محد يظلم احد البشر هو يظلم نفسة تقرب مني غزوان وانحنى عليه وباس راسي اني مسامحج.. ضحك ابويه.. شفتي بله وين تلكين هيج رجال معدل.. يلا بنتي روحي ويا مشى كدامي غزوان ومشيت وراه.. انداريت ع ابويه.. شكد مسافه قريبه بينا بس البعد الحقيقي تعدة بحور.. اني وحدي.. ولدت وحدك .. وستموت وحدك .. وستحارب أيضآ وحدك .. فلآ تجعل حيآتك تعتمد على أحد غيرك ..💔 شكد اذاني ابويه.. بكلامه.. طلعت امشي.. والجهال تركض ورايه نمنم نمنم ابويه كال تعالو يابه جريتهم اثنينهم.. وياية ودخلت للمشتمل.. شفت مرمر كاعدة بالمطبخ.. كالت يالله اجتي العروس ي لا عيني وين ماعوني مال دولمه.. غزوان عافني وصعد فوك.. عمتي / يلا جيبي الجهال غديهم انتي بنتي وبوستتي.. مرمر /ابوج مريض كافي دلع كبري عقلج ولزمي لسانج يلا عيني رليخه عينج ع اخوتج جنت جامدة مشاعري.. احساس انك وحيد يوجع والي ياذي ماعرف لصرف وياهم احس نفسي بدوامه مالها اول واخر كعدت غديت الجهال جانت عمتي تحجي بس بالي مو يمها ابد.. ولا اني وين جنت افكر جنت شاردة ومقهورة ع نفسي اخواني الكل.. بيومها بقيت الجهال يمي.. ونمت تني وياهم بالهول.. صح مرمر الليل عليه كئيب وياذي واشوف الكل اتغير الا اني بعدني بطيبتي هاي وكل كسرة منهم تضعفني حيل وخاصة من ابويه الي جنت اعتبرة مثلي الاعلى ويامه جنت اتعارك ويا امي من وراه بقيت اتكلب ولا اجاني النوم ولا مرني.. لحد ما طلع الصبح.. كمت من حالي حضرت الغدة.. بس انتهت ع شي كل شويه اباوع ع نفسي بالمرايا واغسل وجهي اكول شبيه.. اني.. كلام غزوان ويايه حرك كل انوثه عدني.. حسيت نفسي صفر.. كامت عمتي وبعدها غزوان.. الي ميحجي ويايه اصلا.. وكالب خلقته عليه.. وعمتي هم نفس الشي ثكيل وجهه ويايه.. حسيت نفسي استسلمت اخر سند الي راح كمت اشتغل واسوي بدون طلب.. منهم.. كملت ريوكهم وصعدت فوك فتحت الشبابيك وكلما افوت من يم المرايا اباوع ع نفسي.. لحد ما كرهتها للمرايا وكرهت نفسي اكثر سديت الباب وتزلت شفت عمتي.. دتطبخ والجهال بعدهم يمي.. كالت عيني نجمة ولو زحمه عليج نظفي الخضورات ونكعي تمن داروح للسوك اجيب خبز.. وطرشي. بدون اما اجاوب بلشت بشغلي.. بدلت واخذت جزدانها وطلعت.. مفتوحه الباب.. شفت ابويه دخل.. عليه الجهال ركضو عليه.. اجه شلونج بابا.. محسيت بكلمه بابا.. ابد جان قبل من يكولها احس قلبي يعصرني.. لان بيها حنان كتله زينه ولهيت نفسي.. كال نجمة بنتي الله يرضى عليج لا زعلين مني اني اريد مصلحتج ومصلحة الكل وعمتج مرمر تحبكم.. واهل غزوان وهو خوش ناس من اقسى لمصلحتج زين يابه رفعي راسي الي اختج نزلته.. وسمعي كلام رجلج.. وعمتج.. هزيت راسي حاضر.. كال محتاجه شي.. نجمة /لا.. يلا بنتي رايح اني.. وعينج ع اخوتج ابويه/ صدك اذكرت شغله راح نشيل بهل شهر بيت بصف بيت.. كلمن اله ٢٠٠ متر هااا وخلي ابالج من فلوس غزوان لا عبالج اني هم.. فاحترمي رجلج اهم نقطه هلي لا تخلي ينفرج واني وياج اذا عال بيج اطيح حظه.. هزيت راسي اي.. وخله فلوس بايد الجهال وطلع.. رجعت عمتي وراه سالت شكو وشراد وحاولت تعرف حجيت شي لو لا بس ماجوبتها غير اجه ع الجهال.. الجهال طلعت تشتري ورجعت طلعت عمتي بحجة جيب من مرمر شي واني اعرف حجة لان ابويه اجاني.. نسيت تماما اليوم وليد يجي لوما اتذكرني هي فلا اتذكر.. جنت مكسورة وخايفه اروح يم اهلي لو لا ابقى رجعت ومرمر وياها تضحك وتسولف وتسالني شبي ابوج تهزمت منها بكلامي.. محجيت اثنينهم خافو.. ولزموني اثنيهم مرمر... اعتني بنفسج لبسي تكشخي ام غزوان... حفي كصي رتبي روحج حسيت نفسي وصخة ومنبوذة هيج تخيلت نفسي من كلامهم عبالك.. وصخة كامت مرمر جلبت بيه وتحجي ولج الرجال يراد اله بس حيله وعقل وانتي ويا غزوان مثل الدثو تعالي اسوي وجهج رفضت مرة مرتين تالي اذكرت كلام رضوة وجيه وليد سكتت وحفت حواجبي.. وتحجي.. شوفي ادلعي زايد وبنفس الوكت رفضي هيج.. وتحجي حجي مفشك.. وتضحك بعلو صوتها.. رجعن كصتلي كذلتي قصيرة.. تخبلت.. كمت احجي عليها كلما اكوم اتجرني.. و ام غزوان تكولها عفيه عليج مرمر علميها ولج تنام يم الجهال بالهول وغزوان فوك بله شايفة هيج وباجر عكبه من يزوج عليها تبجي.. المهم عندي نجمة ما اريد اخسرها واني حجيت هيج البارحه لان اعرف هي قلبها طيب. ومتزعل مني.. ... كملت الي مرمر كل شي وكالت يومين وارزح صالون اخذج ويايه ارتبج يلا اروح اني غود دزولي غدة بس لجعفر ورضوة اتغدى يمكم يمه شكد مشتاقه لوليد.. وعافتنا وراحت.. اني هم كمت.. وافكر.. زين شلبس.. و شسوي واخاف عيوني تفضحني.. كملت كل شي بس بيتي.. مدري بيت غزوان تاهت عليه.. وطبيت سبحت.. وصعدت فوك لبست.. عندي دشداشه من الطول للطول تطريز لونها عنابي.. و شمرت ربطة خفيفه شيفون ع راسي نفس اللون.. بين امكيج لو لا.. وكفت كبال المريا كذلتي حلوة جانت.. طلعت شسوار يبست شعري وبقيت انزل بيها الا ان صارت سرحه مي.. وخليت فوك عينب كحل.. وحمرة.. ورحت ع كنتور بسرعه.. طلعت عطر.. ورشيت ونزلت  فرحه ماكو بعدها فرحه عبالك ديزفوني لحبيبي. وصلت نص الدرج وصعدت.. من جديد رتبت نفسي جانت الكلابيه بيها فتحه بحيث الخلخال مال وليد مبين.. عدلت كذلتي ونزلت.. اول ما طبيت شهكت عمتي صلوات شهل حسن والكذله القاتله جنج كمر هسة صدك اسمج نجمه شو افتري اشوف الله شهل عطر الطيب.. ولج ملعونه ما تبخيلي منه.. كتلها.. اي بس اصعد.. كالت يلا مضل شي خلي انحضر الاكل كلبي احسة يدك بكل مكان بجسمي وكل شويه اتلفت واباوع ع الباب.. وكلما اسمع هورن برة.. روحي تنتفض.. بين ما دارتب وطبت مرمر.. تسولف شنو هاي ولج شو اشوف الله الله اليوم ياكلج غزوان والله ياغزوان يادنيا اليوم معشوكي اشوفه احس روحي بنص ابشارع اتاني جيته ورجعت تسولف غدتهم ونامو والجهال تلعب لو يتعاركون وسعادة كل شويه اجرني تاخذ من الحمرة وتخلي ع حلكها شفت.. اثنين طبو.. كمت ماحس ع قلبي حسيته طلع من مكانه هو اي هو.. ياربي شكد متغير وشكلة الطفولي رايح بقيت اباوع عليه الا ان حسيت دخل وبوس امه وعمته.. اني ارجف مثل السعفه ولا انتبهت ع غزوان.. وكف كبالي ضل يباوع عليه.. عبالك معرفني.. هو اصلا اني ماعرفت نفسب اليوم وليد /السلام عليكم.. ودار وجهه.. كلام وحجي.. ودخل بعدهها للهول مصدكت راحو اريد اخذ نفس واشرب مي.. احس نكطع نفسب ودمي يبس.. بعروكي.. فززتني عمتي صبي.. الزم الماعون يختض بايدي.. حتى مكلف نفسه وكلي شلونج حتى السلام عليكم باردة وثكيله بديت اصب وخلي ع الكاونتر.. عمتي عاطت بيه نجمه انداريت عليها ها عمه كالت كافي ادري ٧ مواعين مركه المن كتلها اي هسة ارجعها دخل غزوان وكف بصفي.. انداريت عليه ورجعت ارتب بالاكل.. كال حلوو.. جنج عروس السبعه.. ذبي هاللابسته شنو هاي.. شمسويه بروحج... انداريت عليه شنو.. كال انتي منو مسوي بيج هيج.. جاوبته مرمر.. كال محلو. طالعه جنج عروس.. اكو وحدة تلبس هالون شعدنه عرس.. شنو عبالهم هيج راح تغريني يلا فضيني وصبي الاكل.. من فشلتي وجهي صار نار.... معرفت شردة ولا اكوله.. اخذو الاكل.. وبقيت بالهول.. صاحوني تعذرت منهم وكعدت اني واخواني.. اوكل بيهم.. وكوة لازمه نفسي لا ابجي.. لا اروح يمهم واكول احبك وليد.. كمل الغدة و والتمت المواعين وسوي جاي وجيبي فواكه واني بالمطبخ ولا طبيت للهول.. جنت بحجة الجهال اخطف نضرة اباوع عليه ياربي شكد حلو صاير ونتغير وهذا صوته صاير خشن.. وضحكته شكد حلوة نسيت كل شي حتى فشلتي.. طبت مرمر امشي يمنا كتلها لا عوفينني هنا.. كالت لا تعالي.. مرمر /شكلج غزوان ع ترتيبج.. سكتت.. مرمر /ضحكت اييي ملتهي باخو يالله شكد فرحت التمو يلا مضل شي وانزوجة ونكعدة يمتا ونشبع شوف منه.. كلمه نزوجه يعني الموت الي. جرتني واخذتني يمهم.. جان غزوان كاعد فوك ع التخم ووليد وامه بالكاع وليد نايم وخال راسه ع رجل امه ويسولف نتبهت عليه وع لبسه وشكله جان لابس بنطرون حبري وقميص نفس الون من شافني عدل نفسه وكعد يسولف ويا اهله ويحجي الهم عن العسكريه وشلون يدبروهم وغيرها من السوالف اني بس ساكته وجهال يمي وكلما ارفع اشوفه ودنج ابد محجو وياية مرمر كالت اروح هسة كعد جعفر عود تعال يمنا وليد كلها اي.. ان شاء الله راحت مرمر وليد يشاقه ويا الجهال.. ويلعب وياهم.. وليد كال هاي بسعاد تشبهج نجمة.. امه كالت اي اني هم اكول غزوان كال شووو اشوف.. وباوع عليه.. كال ي تشبهه من دشداشتها البازة و كذلتها القاتله وطكها بضحكة وليد راسا غير الموضوع. وفتح موضوع عن السيارات.. اني جريت اخواني.. وصعدت فوك شبعت بجي ابجي والجهال تبوس بيه ويحضنوني نمت ونامو الجهال.. حسيت دنيا لليل.. كمت. ماعندي وجه اطلع. بعد اكو حمام بصف الغرفه.. طلعت غسلت وجهي.. وطبيت بدلت هدومي ولميت شعري ولبست الطاك ونزلت جان هدوء.. شفت عمتي مددة بالهول ومحد اكو من دخلت حست كالت راحو يم ابوج ورجعت صعدت فوك.. صعد غزوان عليه.. كال كومي حضري فراش جوة ودي اخوانج لان راح يبات يمنا هاليومين.. مترهم تنامين بالهول نامي هنا.. . و اكو شغله نجمة.. انداريت عليه.. كال.. ما انساها الج لا والله.. اخذت اخواني ونزلت.. طلعت الفرش رتبتهم بغرفه عمتي ورحت يك اهلي وبقيت اسولف ويا رضوة وتحجيلي عن خطيبها بدات تحبه.. وهو هم هوايه يحبها تسولفلي شلون يتغزل بيها.. وكلام هوايه جنت اسرح بي.. واني ضايعخ بين الكل لحد ما صار الليل ونامو الجهال رحعت من رجعت شفتها كلها مظلمه البيت.. قفلت البوب.. وشفت غرفه عمتي مسدودة صعدت فوك.. فتحت الباب غزوان مدد وديخابر بعد السماعه كال ربع ساعه وصعدب شغله ويا صاحبي ما اطول رجعت نزلت الدرج بنص الممر وع اليمين غرفه عمتي وع اليسار حمام ومغسله برة.. من نزلت شفت وليد واكف ع المغسله يغسل.. من شافني ارتبك كتله محتاج شي وليد.. سد المي ونشف ايدة بسرعه وليد /هاا لا لا.. اشكرج رحم الله والديج ومشى بسرعه بتجاه الغرفه صارنه وجه بوجه.. دنج .. ومشى لزمت ايدة.. وكف كتله وليد اني داموت.. ونسيت الدنيا واهلها وبالحظه حضنته.. وللحكايه بقية شهرزاد صباح الورد على قلوبكم ♥️ شبيهه وليد اقرب شي اله التعديل الأخير تم بواسطة لامارا ; 22-09-21 الساعة 10:23 AM | ||||
|
| |
|
22-09-21, 10:24 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| نجمة والخلخال ج 14 صرنة وجه بوجه.. دنج .. ومشى لزمت ايدة.. وكف كتله وليد اني داموت.. ونسيت الدنيا واهلها وبالحظه حضنته..... غطيت نفسي بصدرة.. واسمع دكات قلبة اشبه. بطبول الحرب.. بكل قوتي حضنته.. للحظات ثواني. غبت عن كل العالم.. ماحس بشي بس شي يجري بدمي دافي.. عطرة.. دكات قلبة مثل معزوفه دافية حنينة.. دفعني.. والتلفت انتي مخبله شهل التصرف.. عيوني جانت بعيونه.. عيوني تحجي.. ضياع والم.. حرب اني الخاسرة الاولى والاخيرة بيها.. انصدمت منه اني احبك.. نجمة اصعدي لزوجج.. انتي مرت اخويه.. وعافني ومشى.. ماعرف شنو جنت افكر وكفت كدامه.. لا لا اني مو مرته مو مثل ما انت تتوقع.. اشر بايدة كافي نجمة.. ماريد افتح جروح انسدت ولا اريد عتاب الي راح مات وعمر الي يموت ميعيش.. اوكف اني احبك..من يوم الي عفتني واني داموت لا تعوفني احتاجك كل شي بدونك يوجع وليد وليد / كافي نجمة.. افتهمي انتي انسانه متزوجه.. كافي لا احد يشوفنا.. نجمة /دكيت رجلي بالكاع كتله انت اخر امل عندي وليد.. مراح اصعد ولا اسكت.. خلة ايدة ع حلكي صووتج اشششش.. نضراته كلها خووف حيرة معرفت افسرها.. مو هذا الي حبيته مو نفسه جانت عيونه الي موطن اسكن بيها.. هسة خووف.. وليد/ الي تريدي شنو نجمة/ اريدك ابتسم الي بظهر الدرج اكو مخزن.. كتله تعال هنا.. نحجي وحدنا وليد /نجمة..؟ الي بينا انتهى اعيدهااا انتهى...افتهمي نجمة!/. بس احجي وياك مو اكثر.. وليد /بعديش نجمة بعديش.. مشيت.. ودخلت بالمخزن.. اباوع ع الباب.. ماكو وليد.. طلعت شفته ماكو حتى بالممر.. وغرفه عمتي ظلمه بقيت.. انتظر دقايق وبداخلي بركان يغلي ماكو.. وليد.. صعدت فوك.. وفتحت الباب جان غزوان متختخ ومدد يتصل ومشغل اغاني كاسبت بصوت ناصي.. فزز من فتحت الباب.. كال اني مو كتلج.. جاووبت وقطعت كلامه.. وبداخلي نار ياربي نار ماتطفى ولا تبرد اريد املخ روحي ومراح ارتاح.. شنو جلب ومنزلني جوة كولي شنووو غزوان /نجمة رجاءا بلا هالسلوب الهمجي ورجع خله السماعه وكال بعدين اتصل وسدة.. تنفسي سريع دكات قلبي قوية شبيج انتي شبيج تخبلتي اكيد صعدتلي تعيطين ورجع شال السماعه يريد يتصل .دروحي عدلي شعرج وغسلي ريحتج مال زفر . بس عوزج واحد يركض وراج يصيح هيي هيي مخبلة.. يلا امشي اطلعي.. نجمة /مااا اطلع وانت امشي. اطلع برة.. هالمرة صدك مو كذب. وخبث منكم . هذا بيت ابويه.... اطلع برررة انت واهلك اطلعو من حياتنا اطلعو خربتو حياتنا... سد السماعه.... ونزل من الفراش.. شنو ولج.. كتله مثل مت سمعت حضرتك.. وليد /لا مسمعت عيدي.. لا تحترمين ولا تخافين.. شوفي لحد هسة اني مؤدب وياج واحترمج لان اني انسان دارس ومثقف صبدلاني ياجاهله صيدلاني انتي منو اصلا . ومنو يكلبج غيري.. امشي طلعي وجرني من طرف هدومي يلا ولي.. حسيت بخذلان وقوة.. عجيبه ما اخاف منه ولا استحي ارد.. نجمة /هدني.. افتهمت يا مثقف ثقافتك انبت ع تعب ابويه انت فاااشل انسان رجوله ماعندك كل صفات الطايح حظها بيك جنت اصرخ ما احجي.. جر شعري ايا ادبسز الا اربيج اليوم هاي اني مو رجاا الا اشوفج الامهات شخلفن.. جر شعري حيل ووكعني بالكاع كمت اعيط لو رجال اضربني بس تخاف لا ابويه يشمركم بشارع.. جبااااان دفرني ع خاصرتي وضربني اكثر من مرة جنت اريد اكوم. ماكدر اطول مني واضخم بس جنت اضرب بي. اسمع صوت.. شنننو هاااي يمعودين واندفع من يمي غزوان.. لازمه وليد ع الكنتور وعمتي كومتني شنو هاي شبيكم وليد.. /غزوان شبيك.. عوفها.. وندار عليه انزلي نجمة يمه اخذيها غزوان/ اني اعلمج.. ادبسز.. الا اربيج.. من جديد.. جرتني عمتي.. كوة ونزلتني.. والدرج كله اصييح جباان نذل.. كعدتني بالهول وفتحت الضوة شبيكم اسم الرحمن جاوبتها غوفيني انتي الثانيه ملكم عليه عصابة والله انتو مو بشر وكمت وخري عني ا لا اخلي ابويه يطردة اليوم لو اني لو هو عمتي/شبيج نجمه اسم الله شهل الحجي شجاج عين ماصلت ع النبي يمة ياا هو انتي تلكين مثل غزوان.. عيب المراة هيج تحجي ويا رجلها.. تزل وليد.. شفته.. كتلها مو عيب.. العيب من انتو تذبون حجي براسي العيب من ابنج اكوم انام اكعد يعيب عليه.. العيب انتي مراة مبيرة وتكذبين لا تكوليلي عيب اذا اني هيج ليش ازوجني لو الفلوس حلوة عمتي /عيب شهل الحجي. بله وليد دشوف حظنا.. شتححي علينا احنا هيج جاوبتها لا تكولين عيب كمت اعدل بشعري ووكع منه هوايه وليد واكف بركن الباب ومجتف ايدة.. كتله شوفي العيب.. رجال يمد ايدة ع مراة مو رجال وخلي اححيها وخلي يسمع رلح يصير سنه مزوجه.. وعلاقتنا اخووان.. واضرب بايدي.. اخوان واباوع ع وليد ماكو شي بينا ابد.. بعدني بنت بيت كمت ابجي مليت وبزعت.. عوفيني اطلع.. عوفيني.. انعل ابو الفلوس دمرتو حياتي.. نزل غزوان بسرعه شفته... تقدم عليه.. وكف بوجهه وليد مو هيج جان يرعد ويحجي ويغلط عليه.. اخوان لان اتقزز منج ومن شكلج.. اخوان لان ماعندي رغبة بيج.. افتهمي صيري مراة واحجي وليد/كافي مو حلو هالكلاك هاي مرتك غبي هاي عرضك تهينها يعني تهين نفسك.. غزوان اسكت.. ورجع جرة واخذة بعيد كمت فتحت الباب.. اسمع يكول خلي تولي من انعل ابوها لابو فلوسها هل ممربايه.. طلعت.. عمتي تصيحني.. تعالي وطلعت ورايه جنت امشي حافيه.. فتحت الباب.. وجرني عمتي. بس طلعت وكفت بنص الشارع اباوع ع بيت ابويه.. واباوع عالشارع.. والتيل ضواه يطفى ويشتغل.. حسيت كل كلمه من غزوان طلقه وتستقر بجسمي ووليد اخر شي ختمها الي ارووح وبعد مارجع ماريد لا فلوس ولا ذهب اربد امي ابوية.. اريد اختي.. جرتني ام غزوان تعالي يمه استهدي بالله معليج بي نجمة.. تسمعيني شببج.. افترت الدنيا بيه.. ونمت بالكاع ع الشتايكر مغمى عليه بس احس حيل مابيه اوكف بعد.. ع رجلي.. جانت عيوني ع السما مفتوحه تمنيت الموت وغمضت عيني.. حسيت شالوني اني احس بكل شي واسمع بس تعبانه.. فتحت عيوني شفت غزوان شايلني.. رجعت غمضت.. وتمنيت بعد ما افتح عيوني.. نمت غميت ماعرف بس غمضت عيوني.. شفت نفسي. كاعدة ع الدرج . بحوشنا القديم.. وامي تخبز.. كبالي بنص الحوش.. وتبتسم الي.. صاحتني تعالي نجمة.. مشيت اركض الها.. طلعت خبزة جبيرة بيضة كالت هاي حصتج.. يمه.. كتلها الله ماما شكد بيضة.. رفعت راسي.. بابتسامة.. اشوف.. التنور مهدوم.. وماكو امي.. انداريت صحت يمه يمه وينج يووم.. فزيت من نومي واصيح يمه. فتحت عيوني اكو ضوة.. تلمست وجهي عركانه مي.. انداريت شفت عمتي بصفي نايمه.. كمت طلعت. من الغرفه وددخلت للحمام غسلت.. ورحت للمطبخ.. شربت مي.. وكعدت.. ماكو شي اخسرة بعد.. غزوان.. احس بداخلي اله حقد فضييع. وكراهية متنتهي ووعدت نفسي الا اندمه مرمر عمتي الكل الا اندمهم من اليوم ماتت نجمة القديمه انتهت.. وليد.. خذلني احساس صعب اوصفه بس ضيعني فوك ضياعي.. حسيت كل شي وكع من عيني كل كلمه من امي لابويه ترجع بشريط ذكرياتي هدبه مرمر سندس رضوة كلهم كلامهم براسي ينزل.. كمت.. خدرت الي جاي جان راسي يوجعني من جهه الي ضربني عليها اباوع ع الساعه ب ٦ وربع.. حسيت صوت طكطه بالممر.. بقيت بمكاني.. سويت الي ريوك.. وكعدت.. حسيت احد دخل عليه.. انداريت.. وليد شافني.. راح ورجع وليد /صباح الخير شلونج اليوم.. ابتسمت اله ونسيت الي صار البارحه.. لا الحمدلله زينه .. اسويلك ريوك.. اندار وكانما مسوي جريمه يتلفت كل شويه.. هاا لا.. بس تكعد امي اتريك وياها.. كتله براحتك.. راح.. اخذت نفس.. صعب صعب نكون اثنينا بيت واحد ياربي لا تجمعنا جنت اتمنى ننجمع هسة لا.. صعبة... اعرف وسامعه المراه ميصير تباوع ع غير رجلها ويامه سمعت بمنطقتنا بلاوي.. سودة هاي الي تنهزم وهاي الي تخون.. بس طول مدة زواجي محسيت غزوان زوج الي ابد ماعرف شنو.. هو بالنسبه الي بس مو رجلي ولو اخونه فمراح احس بتأنيب الضمير وياه كلامه يهدمني.... يوم بعد يوم كملت ريوكي.. رجعت سمعت صورت ورايه احم احم انداريت وليد وليد/شوكت يكعدون صار الصبح.. نجمة /امك ب ٨ تكعد اما غزوان لا لل ١٢ اكثر اذا ماكو دوام.. وليد /نجمة ليش.. جان بعيد علية واكف بالباب.. جاوبته شنو ليش.. وليد /ليش قبلتي ليش مارفضتي ححيتي ليش نجمة دمرتي نفسج ودمرتيني.. جاوبت انجبرت وانت تعرف كلش زين للعبة اهلك.. انت هم عفتني.. تقرب ما عفتج ولج شلون اعوفج واني احلم بيج شل ن اعوفج واني انتظرج بيوم عرسج وكفت مثل وكفه الركن لحد ما طاحت رجلي وطك الصبح رجعت ليش ما عفتي من اول يوم ليش ما كلتي لابوج احب وليد اخويه نذل اعرف بي نجمة.. نجمة /وليد.. انت هم خذلتني.. انت معايش حياتي شوفني شلون صايرة.. دمروني ابتسم. وكال والله احلى من قبل.. عوفي هذا خبل يحجي من كيفه يريد يكسرج. صيري قويه وواجهي واجهي الكل بثقه ولا تخافين.. نجمة / وجودك يمي يعني الي القوة. لا تروح ابقى وليد /ابقى يعني اموت باليوم الف موته من اشوف اخويه يهينج او ياذيج او يلزمج نجمه الموضوع مو بهل بساطه انتي مهما يكون زوجه اخويه تعرفين شنو يعني ونفرض لو غريب هم ما اكدر اتقبلج لا مبادئي ولا قيمي تسمح اخون... نجمة / اخذني وياك لاي مكان اني احبك.. وليد!/اوووووف شكد جنت مشتاق اسمعها بس هم ارجع واكولج بعديش جان يحجي وياشر بايدة كال بقانون هاي الحياة الضعيف ميعيش والبقاء للاقوى نجمة. ضعفج وسكوتج ضيعنا.. اني جيت زاير واروح ولا راح اقبل اسكن بيت اني وياج بي هذا عذاب الي والج.. شوفي حياتج وعيشي. اخذج وين نجمة ودربي بعيدع دربج بعدني ذاك وليد الي ع كد حالة وانتو بيوتكم قصور نجمة.. . اني مو غزوان.. لا.. اني وليد.. واتتي نجمة عاليه فووك واني بالارض. وسبحان الله كلما اقترب تبعدين.. عيشي حياتج.. ولا تستهينين بنفسج ابد.. واني هم راح ازوج واعيش نجمة /وليد تحبني بعدك لو لا.. جاوبني سكت وبقى يباوع .. وعافني ومشى.ومجاوبني بعدني ممستوعبة كلاممه دخلت عمتي مصباح الخير.. شلونج اليوم.. مجاوبت.. عليها.. يمه نجمة شلونج.. اليوم البارحة ضل بالي عليج.. انداريت عليها.. تمام.. بدات ليش هيج يمه جاوبين رجلج عييب يولن عيببب 😁 عييب كتلها عمة فدوة عوفوني بحالي ماريد اسمع اي شي عيب لو مو عيب انتهت بعد.... ماريد اسمع اي شي واذا ع الريوك هو حاضر هو والجاي والخبز هم اريد اصعد بغرفتي شوكت ينزل غزوان.. كالت هاي شنووو يا شجاي احجي مو داكولج ميصير هيجي كسبي زلمتج. نجمة/المهم هسة اريد اصعد فوك.. عمتي.. هسة يكعد لا ضغطين عليه خطيه الليل كله مهموم من وراج نجمة / والله يا خاله واضح الهم حيل عدليها وكولي الليل كله يتصل ترة اكو فرق بين الفقيرة والمؤدبة والغبية واني مو غبية اكثر من مرة افوت اشوفه يتصل وكلام حب وغزل وبايدي اروح واكول لابوبه عنه وافضحة حتى هاي الي جتي مو بنت عمة كافي مسرحيات عليه نجمة القديمه انتهت اتقبلو هالشي.. بقت عمتي صافنه عليه. وتكول هاااا لا مو هيج تعالي اني افهمج.. نجمة /ماريد اسمع شي اني رايحه يم اهلي. عفتها وطلعت طبيت جوة جان يوم جمعة والكل كاعد.. لكيت مىنر والجهال كاعدين مرمر جانت لابسه ستريج حصر وتيشرت وردي.. ونافشه شعرها الاصفر.. واكفه تسوي ريوك اندارت عليه ياهلا بهل طير خير شجابج من الصبح ابتسمت الها بيت ابويه شنو ممنوع اجي.. لا عيني منو كال ممنوع هلا بيج بس ميصير لان اليوم جمعه وغزوان كاعد ولا تنسين حماج خطار غير تبقين يمهم ترة مطايرين احنا.. كعدت.. كتلها حبيبة كل شي حاضر بلبيت وعمتي هي تكملة اما غزوان شنو جاهل واكعد يمه لو اخلي اللكمة بحلكه.. ذبيت من اديها قوري الجاي واتقربت من وجانت كلها تخشخش من الذهب الي لابسته.. عززة بعينج. شنو نمتي وكعدتي طلعلج لسان شنو شبيج.. جايه تهدين وترعدين عليه.. اسم لله ونفخت بهدومها شنو تلبسج جن.. ..... كتلها وين ابويه.. مرمر / ديسبح.. جاوبيني شبيج عيني.. كتلهابصراحه مرمر مالي خلك احد.. بس اريد احاجي ابوية ع سالفه مهمة.. ومشيت كالت عشتووو مهمة شيجي منوراجن انداريت وضحكت.. كتلها والله كلش مهم.. اريد اسال ابويه عادي وحدة مزوجه راح يصير سنة وهي بعدها بنية ؟؟؟؟؟؟ وعبرت المطبخ.. اجتي بسرعه عليه ولزمتني من ايدي انتي شجاي تحجين وعيب هل الحجي كتلها هدي ايدي مو عيب روحي اسالي المثقف الي تعبان ع نفسة.. وراها تعاي دمرتوني الله يدمركم ضيعتوني ماعرف نفسي اني منو اجي يمج تحجين يارجال هيج يسوي اروح يم رضوة تحجي بالحب والغزل اجي يم ابن اخوج العار يرزل بيه ويعيب عليه الله لا يوفقكم ويكسركم مثل ماكسرتوني بيوم اسود.. ضيعتو كل شي مني.. اوكفي عزة العزاج.. شجاي تسوين..شتريدين تحجين كتلها كل شي احجي من الالف للياء لان تعبت بصراحه احس نفسي عمري ٧٠ كالت شوفي العيارة هالرجف كله ع الفراش عيني بلا هالكلام الزايد اليوم اخلي يدفي فراشج ويخرسج.. استفزتني اكثر.. كتلها اوووع بقى طول عمىي هيج ولا اخلي هذا المكطم يلزمني... لزمتني من ايدي وكرصتها حييل ولج احجي عدل لا اخلي ابوج يفرك حلكج فرك امهات السطوح والدرابين تحجين ع الصيدلاني اموتج واحسل الله ما خلقج هدي ايدي وجريتها حيل درابين حشكة ننهزم شلون متحسبيها حسبيها بس الحمدلله ولا واحد بينا هجمت بيت مزوج ولا طمعنا بفلوس غيرنا.. اجة ابويه من بعيد هلا بابا شلونج وباسني واندار ع مرمر يلا اريد اتريك واروح للبيت اعدله واندار عليه نجمة بابا دزيلي غزوان.. يجي وياي ليوم اريد اسوي الكهربائيات واشد المراوح.. ومشى للمطبخ كتله يابه نايم الليل كله سهران يخابر وطبيت للغرفه رضوة.. نايمه.. كتلها وكومي ولج. كومي بسرعه.. . فزت شكو شبيج.. كتلها راح اوكع من الخوف.. عدلت نفسها شكو... كتلها كمت اجاوب.. وارد ولج نجمة شكو.. كتلها وليد مبحبني بعد.. عزة بعينج موتيني يمه ريكي يبس انعل ابو وليد يابو الحب عبالي بيج شي.. شكو خلي اغسل وجهي واجيج.. وصلت للباب ورجعت.. ابوج بلبيت شعندج جايتنه من الصبح.. كتلها رضوة البارحه حجيت الي بكلبي كله وضربني غزوان ووليد راح يزوج.. رضوة/شنووو. ضربج كسر بايدة كون خلي نكول لابويه.. كتلها لا.. عوفي اني اريدة يبقى هيج ماريدة اريد يمل مني ويطلكني.. هسة اجيج.. وراحت.. اسمع ابويه يصيحني.. بابا نجمة تعالي.. كمت رحت يمه ها يابة.. كال خير متريكة.. كتله اي يابه الف الحمدلله.. اباوع بس الجهال وابويه كاعدين كتله مرمر وين كال مرت ع بيتكم تودي كاهي وكيمر.. جاوبته اهااا اي زيم اني اروح يم رضوة شويه واجي يمك.. رحت يم رضوة.. حجيت الها كل الصار كالت عفيه لا سكتين وابدي شيلي ايدج من الشغل هنا واذا ع الجهال ترة ممقصرة وياهم اني.. شريدج هسة تكولين لابويه ضربج حتى يادبه وبنفس الوكت امشي نطلع نروح للسوك اشتري ملابس صبغي شعرج رتبي نفسج.. ولا سكتين ابد والي براسج سوي كتلها بس اني ما احب اصير هيج اكرهه نفسي من اجاوب واتعارك احب نجمة الهادئة.. رضوة/لعد ابقي الرايح والجاي يكفخ بيج.. هسة اطلعي وكولي لابوج ضربني البارحه.. شوفي شيكولج.. واذا مصدك بيج شهدي وليد.. بس لا جيبين طاري انتو ممزوجين صدك عمة بعينة مسامعه امي تكول متعلى بس المزبله وصدك هالعائلة زبل.. هاي خليها مصدر تهديد امشي نطلع برة اتريك يمه هبطتيني ومتت جوع امشي.. طلعنا ابويه ديبدل ومرمر بعدها مجايه.. كالت شوفي دتنحاك المؤامرات شويه واجه ابويه مبدل.. رضوة دتاكل كالت يابه اريد فلوس نطلع للسوك اني ونجمة.. كال اي يابه من عيوني.. مد ايدة ب جيبه وكالي يابه ليش مو ادزلج مصرف بايد غزوان شنو مينطيج داحجي دغتني رضوة... وجاوبت عني لا يابه مينطيها خطية.. كاال هاي شنو هسة احاجي ووينه هو تاخرنا.. دغتني من جديد.. نايم يابه.. جان واكف يمشط شعرة ع المرايا الموجودة بالمطبخ.. اندار عليه شنو نايم وهو يعرف عدنا شغل.. شمر المشط ع الكاونتر كال هسة اروح اله.. طلع.. اسمع صوت بالطرمه يحجون كمت مديت راسي شفت غزوان و ابويه.. وغزوان يبرر اله مرمر كالت ابو نجمة ع كيف ويا الولد كلها اسكتي انتي.. مرمر مشت وعافتهم .. ابويه ديحجي عليه شنو نايم اني مو متفق وياك ب ١٠ يمي ميصير هيج ويرزل بي. صعدو بسيارة وراحو . مرمر طبت وركعت باب السيم وكعد ع القنفه الي بصف الباب.. عدلت شعرها.. كالت اسمعي نجمة.. كامت رضوة.. كالت اسمعينا انتي عيني.... انريد انروح للسوك اني ونجمة واكيد محد يقبل نطلع وحدنا.. وانتي متكدرين تطلعين وراج بيت وتعزيل وطبخ راح ناخذ ويانه ام غزووو... فتحت عيونها علينه ام غزوو. منو.. ضحكت غززو مزوو السبع غزوان.. مرمر /ولج.. رضوة.. هلة هلة صايرات عليه ريا وسكينه.. . قاطعتها. مرمر لا تعبين نفسج وكافي.. لا ضلين تهددين.. صح ابويه يمشي وراج بس اذا نحجي ونطلع القضى والمضى محد يخسر بينا غيرج.. وعفناها ودخلنا جوة جنت فرحانه احس بالانتصار بداخلي.. بدلت رضوة بسرعه.. وبدلت لسعادة.. و كالت روحي انتي هم بدلي وكولي لام غزوان تجي ويانه.. كتلها هسة تكول ابني يمي وماكدر وغدة.. رضوة/مو مهم نخلي مرمر تسوي الغدة.. كتلها هسة تنتحر شتعرفيها.. شغلتين وتكعد.. كالت دروحي هسة. رحت طبيت.. جوة شفت وليد مبدل وديحجي ويا امه بالمطبخ.. وتكوله متروح عليك الله باجر رووح مو اليوم لخاطري مشبعت منك هسة ترجع للدوام وبعد ما اشوفك لخاطري ابقى.. ابقى يوم مشتاقه الك.. شافني كال لا يمه اروح وانزل مرة ثانية واجيكم قاطعتهم.. كتلها عمة اريد تطلعين ويانه اليوم.. كالت وين.. نجمة/ نروح لسوك اجيب غراض محتاجتها.. عمتي/ يمه نجمة والبيت والطبخ.. كتلها عود مرمر تسوي.. منا منا طلعنا.. وليد راح يم مرمر لان قنعته. يبقى واحنا رحنا للسوك.. جان السوك قريب علينا جانت بجزداني كومه فلوس.. بدات رضوة تشتري وتقيس عليه وتاخذ.. مخلت شي مجابته من السوك حتى ملابس طلعه.. وهاي عمتي تمشي وتصيح كسرتوني تكسر ويا محل نكعد بي.. تكعد ورضوة تختار بالبدايه جنت اعترض ع كل شي تاخذة.. بعدين سكتت.. طلعت من ابو الملابس طبت لابو المكياج اخذتلي باودر والسفنجة وردت اخذت حمر وماسكارات اثنين سودة وزركه.. وهالتحاديد مال شفه.. واخذت عطر يموت لونه ازرك بلو ليدي بحيث ابو المحل تخبل ع المشترة.. كال شنو عروس..مسواك عروس هذا.. بقينا بسوك فوك للاربع ساعات.. بعد حتى ما نكدر نشيل بالغراض. كرينه تكسي ورجعنا بطريق.. كالت رضوة بعد باجر اخذج اسوي شعرج بيرمن وذبي عليه اصفر.. يخبل يصير.. عمتي سمعت هيج كالت التوبه بعد اطلع وياجن هم تسحلوني روحو وحدكم.. وصلنا للبيت رضوة اخذت غراضها وطبت لبيتهم واني هم طبيت.. شفت غزوان ووليد بالهول.. الظاهر مرمر مغديتهم لان مواعين ع السنك.. دخلت للهوا السلام عليكم غزوان اندار عليه.. كال شو هاي بعدها هنا.. مو كلتي اروح واروح.. شلت غراضي.. وصعدت الدرج كتله والله بيت ابويه ميعجبك اطلع.. وصعدت فوك.. خليت الهدوم ع الجربايه بديت انزع والبس بيهم.. هم حلوات بي مو لبسي هذا خاصة البجايم.. تجي لزك ع الجسم.. هاي شلون واحد يمشي بيهن.. عزة بعينج.. رضوة شمختارة الي اكلب بيهن تكلب اريد شب يعجبني ماكو. حتى الدشاديش.. مدري شلونها.. بقيت بهدوم خفيفه.. رحت عالمكياج.. كبالي المرايا كل شويه اخلي حمرة واشوف.. ورشيت روحي بالعطر.. ريحته كلش طيبه وغالي حيل وارجع اخلي حمرة.. ياهي الحلوة.. نسيت اقفل الباب. انفتحت الباب واني بطرك الاتك. بسرعع غطيت روحيوكتله اطلع منا... سد الباب وراه.. واجه يمي يكلب بالهدوم هاي شنو. عندج عرس.. كتله اطلغ غزوان اريد ابدل.. جريت بسرعه هدوم من المنثورات ولبستها وصلتها لربع جسمي حسيته قريب عليه.. وتقرب من وجهي وشم ركبتي كال الله شنو هالعطر الطيب .. بثواني التصق بيه. وصار فوك جسمي.. غزوان بعد عني.. واجر بهدومي يالله. متنزل.. مد ايدة ع شعري.. كال ياحلوة انتي مرتي وبكيفي عجبتيني اليوم وقرب شفته ع اذاني وباسني بهدوء وهمس مو هذا الي مفور اعصابج دفعته من صدرة وخر.. لا هذا ولا غيرة لزم ايدي حيل.. مو بكيفج غزوام كوم خنكتني.. اصلا اني تلعب نفسي منك كووم.. وجريت نفسي منه.. ونزلت هدومي بسرعه اقسم بالله اذا مرة ثانيه كررتها لا اصرخ وافضحك ابو سولاف.. ضحك.. يعني تعرفين.. اي اعرف واسمع انت حير بيها والله يخلصني منك.. يلا اطلع اريد ابدل. جاوب لا خليني هنا استمتع. نجمة يالله شكد مستفز ومقزز كال اعصابج يالبرنسيسة اني طالع... بس ارجع واكولج بمزاجي زين.. ولا تضلين ابويه وابويه.. ترة تعبي هذا.. وانيى مو ابوج واسكت واشر بايدة الحركه املخج زين جري عدل.. وسد الباب وطلع.. بيومها سبحت.. وطبيت البس بالهدوم الا ان استقريت ع دشداشة ماروني.. جان مودليها.. ع مسلسل مكسيكي تصير كلها كلوش.. ماروني مشجر.. والايد يسموها برنسيسة وفتحت شعري وعدلت وجهي.. بس مخليت هوايه لان ما اعرف امكيج.. وصلت للباب اىيد اطلع ورجعت استحيت من لبسي.. رجعت كعدت.. بالغرفة.. ورديت كمت.. طلعت اوصل نص الدرج واصعد.. اسمع عمتي تكولي شبيج دادة شدسوين رياضه.. فشلت كتلها لا لا بس انسى غراض ونزلت جوة وبسرعع طبيت للمطبخ ماعرف مستحية خايفه ماعرف.. بدون غدة بسرعه صبيت شي ع شي وكعدت اكل.. واذكر كلام رضوة انسي وجودهم وعيشي زين انيىليش غيرت نفسي.. اثبت لغزوان اني مو مبهذله لو لويليد.. زين ليش بعدني احس نفسي ضايععة شنو الي اريدة.. اني حلوة مناقصني شي شكلي جسمي شعري.. مابيه شي.. الخلل بيهم مو بيه اني.. احس نفسي داخلة بحرب حرب اول احساس بيعا الضياع مر اليوم واني ماريد التقي بغزوان واتجتبه واتجنب نضراته الي.. واحتقارة اما وليد بقى وبقاءا جان مووت.. اشوفه كدام عيني وماكدر احجي وياه ولا اشكيله بقيت بعيدة عنهم.. سمعتهم يحجون.. عن وليد ويردون يرحون يشوفون البنيه.. يا بنية.. الي يريد يخطبها وليد.. غيرة ونار متنتهي هذا الموت و اشد سكرات الموت الي. اعيش كبال معشوكي.. واني لا بسما ولا اني بالكاع.. رحت كعدت بالهول واخذت ويايه فواكه وكعدت.. مستمرين بالكلام البنية اخت صديقه.. وتدرس.. وحلوة.. وقررو باجر يرحون يشوفوها.. حتى ابويه ياخذو.... عفتهن وكمت طبيت للمطبخ.. جانت ايدي ترجف اريد الزم شي ماكدر اريد اسيطر ع اعصابي ماكدر.. ماعرف شسوي اغري؟ انطي فلوس شسوووي اني.. بقيت.. لحد ما عمتي دخلت للمطبخ كالت كملتي المطبخ يلا طفي كل شي راح انام ورانه كعدة من الصبح.. ورجلج صعد ترة.. كتلها ووليد. كالت كاعد لا تستحين منه.. مثل اخوج.. يلا قفلي.. وصعدي فوك.. وماوصيج ع زلمتج قلبه جمارة بيضة.. كتلها تمام. شفتها راحت للغرفه وصعدت ع اطراف اصابيعي فوك قربت اذني.. من الغرفه اسمعه يحجي بهمس عرفت ديتصل.. فتحت الباب عدل نفسة.. وكمل كلامه اي اي بالضبط كتله غزوان يمكن اروح يم رضوة اشر بايدة روحي.. ونزلت ع اطراف اصابيعي.. رجعت يم غرفه عمتي.. سمعتها هدوء شفت وليد بالهول جنون عشق غيرة ماعرف شنو الي صار بيه تناقضت كل ايام حياتي مداعرف شصرف طبيت.. للهول..ورديت الباب مدد ع التخم و يتفرج تليفزيون.. تقربت منه.. ووكفت شافني كعد.. نجمة..شدسوين هنا.. بالله عليج ارجعي حركات مرمر.. جرءة هدية خلتني اتقرب اكثر اله.. والتصق بجسمة.. اكثر.. وليد زواج متزوج واذا نويت عليها خلي ابالك افضح نفسي وافضحك. سمعت صوت صرير الباب..ورايه وللحكايه بقية ♥️ | ||||
|
| |
|
22-09-21, 10:26 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| نجمة والخلخال ج 15 وليد زواج متزوج واذا نويت عليها خلي ابالك افضح نفسي وافضحك. سمعت صوت صرير الباب..ورايه انداريت بسرعه.. ووليد كام.... واندار عليه منو.. كتله ماعرف.. بعدت عنه وصعدت فوك.. اسمع صوت اغاني لهيثم يوسف.. خليت اذني ع الباب.. ديحجي بصوت ناصي.. رجعت نزلت بسرعه.. غرفه عمتي ظلمه.. ومسدودة.. طبيت للهول. اباوع وليد ماكو.. رحت للمطبخ ماكو.. رجعت للممر ويم الحمام هم ماكو معقوله دخل ينام.. وين راح.. ماكدر ادخل ع عمتي لا تكعد... رحت للمطبخ.. شفت الباب مفتوحه اباوع من الشباك اشوف وليد واكف بالطرمه.. فتحت الباب وطلعت وراه..شفته يدخن احس بيه اندار.. عليه ورجع يباوع ع الباب صرت قريبة منه.. وليد/منو دخل علينا نجمة/محد يمكن الهوى او ماعرف.. ضحك.. ونفخ الهوى بالظلام ... الضوء خافت حيل. ضوء القمر كان يعكس شكلنا.. كتله خايف.. وليد/سبق وكتلج ما اخاف.. اندار عليه وذب الجكارة بالكاع وداسها.. انتي شنو الي تردي بالضبط.. اصحي نجمة انتي مزوجه.. وياشر بايدة والي مزوجته اخويه كافي خبال ما اخاب ولا راح اخاف بيوم.. بس لهنا وكافي لا جرني للخطأ.. تفتهمين كلامي.. نجمة /.. محد يفهمي الي جوة كلهم دمرو حياتي وشفت علاقتي بغزوان شنو.. مشى اتقرب مني.. كال ما اسمع اي مبرر.. افتهمي انتي محرمة عليه.. افتهميييي الله يخيلج.. اني ودعت حبي الج من يوم الي لبستي ابيض لغيري لاتجين اتصححين الماضي بعار مستحيل اتقبلج.. انسي وانتهى لهنا وكافي ماريدج افهمي. ونفرص لو احبج فخلاص كل شي انتهى والي دنسوي هسة.. هو للعب مو اكثر لا اني اتقبلج بالحرام ولا يجي يوم وننجمع.. نجمة/بس انت تعرف قاطعني اعرف اعرف كلش زين حتى لو اخويخ كلب مترهم ابتعدي عني رجاءا ترة العيبه تلحكج الج مو اني اني اعيش.. وماكو شي يمسني افتهمي خلص.. .......... وعافني ومشى.. محد يحس بيه وبالضياع الي اعيشة.. محد يعرف شقصد ويجوز نفسي اني ماعرف.. لو اكررها مليون مرة محد يعرف كلمه ما احس نفسي مزوجه تعبير غريب بس هذا احساسي وهذا الي اعيشة اعيش بضياع عميق اني مو انسانه احب الحزن لا بس هذا واقعي وشي انفرض عليه.. تصنع القوة ذبل عندي برفض وليد الصارم الي.. رجعت نفس ذيج نجمة.. عايشة مابين اربع جدران وكل جدار يحجي.. قصة عني.. حاولت بكل شي وياه عبالي حركات مرمر تنفع لا فلوس ولا شي ينفع وياه ثاني يوم الكل راح لخطوبة وليد وراحو شافو البنيه واتفقوا اتم خطوبتهم بعد مدة.. ورجعو بس وليد مو وياهم والكل ي يحجي بيها بيضة وطويله وشعرها طويل اسود.. اسمها عبير.. التمو يمنا ويسولفون.. بيها وام غزوان فرحانه بيها كلش.. تريد وليد يستقر والمهم تمت المباركه من مرمر والباقي كله سهل.. يمها هي تحضر من الالف للياء مراسيم الزواج.. مرت الايام فارغه كاسرتني مالي واهس بشي... كمل بيتنا.. الجديد.. وبدينا ننتقل اله.. انتقلنا انتقال جذري من القاع الى القمة.. والدي اخذ بيت بمنطقه راقية.. وهادئة مابيها درابين كصيفه وبوسط الشارع الساكيه.. ولا بوبها بيها بردة.. ولا الدرب كله امشي واشم ريحه اكلهم تختلف كل الاختلاف شارع عريض وع الجهتين بيوت عاليه.. وبيبانها جبيرة.. وهادئة يمكن اهنا محد يخلف كم مرة اروح ماشوف جهال تلعب.. ولا اشوف نسوان واكفه بالباب وتسولف.. شفت.. نسوان.. سافرات ولبسهم راقي واطفال نظيفين ذكروني بهذا الطفل من دكيت الباب ع رحمن وطلعلي مصلخ.. رغم غنى والدي بس بقينا بمناطقنا حتى من انهزمنا طلعنا ابعد منها بشويه.. انهزمنا..؟ مرات انودع نفسنا ضحكاتنا ارواحنا بمكان وتنتهي حياتنا الروحية بالماضي ونبقى العمر كلة انردد الذكريات هم يجي وترجع بنفس حنينها لو انتهى كل شي.. هدية اختفت مثل ملح وذاب بحر عدت ايام وسنين وهي ماكو مابين هدر دمها واعلان البراءة والدي اختار التبري منها والى الابد وهي هم اختفت مرات افكر وينها وشلون عايشة وويامن ساكنه وشدسوي بس.. ماكو رد غير اسئلتي المتكررة.. بيت خال امي مم يوم دكه هدية ابد مسالو علينا واعتبرو الرابط بينا راح الي هو امي عفيه امي من ماتت لليوم يمكن مرتين اخذها النا ابويه وكلما اكوله يتحجج بشغل وتعبان.. سكنا بيتنا اجمل شي بي حديقته الكبيرة الي بيها برتقال وتمر ونبكة جبيرة مغطية نص السياج.. و الكاردينا والجوري يبعث الراحه داخل النفس بيت والدي بكد بيتنا ونفس الفصال وبيت بصف بيت بالضبط نفسة طرمه وحديقه وبابين باب حديد للمطبخ وباب خشب للاستقبال وبالداخل غرفه نوم واحدة و٣ فوك.. وحسب قرار غزوان غرفه الجوة. لامه والفوك وحدة النا ووحدة لوليد من يزوج.. واثث البيت بارقى الاثاث واحسنه اما مرمر بيتها عبالك لوحه.. وليد كام من ينجاب طاري كلبي يلجمني وبنفس الوقت انقهر ع ايامي كضيتها اتامل رجوعه.. بيها.. غزوان بقى نفسه ومتغير ابد بقيت بنضرة نكره وبقى بسوالفه الي متخلص ويا سولاف.. هي مباشرتا بعد خطوبه وليد شلنا.. وجنا كلنا ملتهين بالشيل والحط وغيرها.. بعد ما استقرينا بهذا البيت... وفديوم اني وعمتي وحدنا .... رتبت الغرفه الفوك ونزلت يمها جانت بالطبخ.. تسوي بالباميا.. وكفت ارتب بالمطبخ.. كالت نجمه انداريت عليها نعم عمة.. راح اسولفلج سالفه صارت بينا بذاك بيتنا.. كتلها اي اعرف سوالفها متخلص.. اتجاهلتها وكملت شغلي.. كالت تعرفين بيوتنا ومناطقنا بيت بصف بيت مينضم بيها شي وكل شي ينعرف.. فديوم اكو وحدة جارتنا.. حلووة.. ازوحت وهي صغيرة.. بس ماحبت رجلها.. ابد اني بقيت امسح بالطباخ.. وبالي مو يمها اصلا اريد اشوف رضوة مشتاقه الها وكملت عمتي.. تعرفين البيوت مفتوحه.. للكل جان عم زوجها عم يعني اخو ابو هم شاب وصغير بس من ذولي الشقاوة طول وعرض وشوارب عكس رجلها فقير وع كد حاله وحمال يطلع من الصبح لليل حتى يدبر لكمتهم المهم ما اطولها عليج ليش ماهاي حارتنا تعشك العم وبنفس الوكت هو يعشكها بحيث يطب ويطلع عليها واكثر من مرة الجيران تشوفهم سوة هنوب العم مايرضى يزوج وباقي عليها بهل علاقه الحرام يعشكها وهيلة والي يجيب طاريها.. بالموزين لا يذبحه من الطول لطول وزلمتها ولا يدري شيصير وكامت تبزر الى ان خلفت ٣ ولد.. ومحد يعرف من الاب لو العم المهم حبيبة فديوم رجلها المكرود دخل للبيت.. وشاف عمه اخو ابو فوك مرته والاثنين كما خلقني كوم العم واضرب ابن اخوك بسجينه بنص قلبه وكومي جيرانه اخذي جهالج وانهزمي والعم دخل السجن.. انداريت عليها.. اي.. كامت يمي.. وكفت وعينه بعيوني كلها دمع كالت نجمة.. ابوس ايدج لا توكعين الاخوان بالحرام اترجاج غلطنا وياكم صح عبالنا جهال وتنسي وتروح هسة لا وليد يرضى يزوج ولا انتي ترضين بغزوان بقيت مصدومه بكلامها وماعرف شحجي.. كالت شفتكم.. وانتي حاضنته. ورجعت بفراشي.. لزمت ايدي.. يمه الحرام مر رغم خلاته.. واذا غزوان عرف راح يخرب حياة اخو ابن موخوش اتحملي يجي يوم ويتغير ماريد اخسر ولدي نجمه واني اعرف واكدر احجي لابوج جريت ايدي منها كتلعا احجي ياريت مخايفة والله ياريت حتى اخلص منه.. جرت ايدي وباستها سحبتها منها بسرعه عمة شبيج مو هيج دموعها كامت تجري.. نجمة وليد يحبج وانتي تحبي وغزوان ومرمر نعرف بس عبالنه جهال وتنسي فدوة لطولج اروح ماريد اخسر ولدي.. نجمة/وخسراتي اني منو يعوضها.. بقت تباوع عليه.. كالت مابيدي شي.. اني وليد يختلف اني ربيته ومرمر ربت غزوان.. وليد ميستاهل يتاذى.. حلمه يكون ضابط وغزوان اذا عرف يبلغ عنه.. بشي موزين نجمة اذا تحبي عوفي يمه والحرام دربه مو حلو.. صدكب اني اكبر منج وراح اساندج واوكف بظهرج.. الى ان الله يفرجها... نجمة/يافرج عمة.. كالت لا لا كولي يالله.. غزوان يتغير وتعيشيون حياتكم وتخلفون كلها مسألة وكت مو اكثر.. طبت علينا مرمر وانتهى كلامنا.. كالت شبيج ام غزوام عبونج حمر.. ام غزوان /ماكو شي بس اذكرت المرحوم مرمر /اذكري شي بي خير رحتي ع الفكر.. واندارت عليه حبيبه اريدج تعزلين وياي البيت.. لان تعبانه وظهري متكسر.. نجمة/والله مرمر مالي دخل اني بشغلج هذاك بيتج وهذا بيتي.. ؟ مثل ما انتي عندج مسؤولية اني هم عندي مرمر/هو منو يوصخ البيت غير اخوانج لو عليه اني وابوج شعدنا قابل.. كتلها همة اطفال يعني شسويلهم مرمر/والله اني معلية اني مو خدامه جايبيني وكلي وغسلي وانتي شلتي ايدح وذيج اختج شحجي وياها وتكولي ادرس هاي شنو غداكم باميا.. واندارت ع عمتي عيني دزيلي جدريه صغيرة ونتغدى بيها ولزمت ظهرها اوف اوف ظهري ديموتني.. ماكدر اسوي كل شي.. وكعدت.. ع كرسي.. باوعت عليه نجمة روحي شطفي البيت.. وغسلي الطرمه.. وسبحي اخوانج كاتلهم الوصخ.. عمتي/جيبيهم يمنا احسن.. وبليل وديهم ينامون نجمة /لا والله يبقون بيت ابويه ومرمر عيني كتلج اني مالي دخل بكل شي اظن من اخذتي ابويه كلج ع الجهال ماله داعي هذا كلامج.. وابويه يدري بهذا حجيج.. كامت وصاحت هييييي كل حجايه ويدري ويدري شفتني اعشك لو ام درابين لو قاطعتها... لا عيني لا ام درابين ولا ام طرشي تفترين ع المحلات وياهو الثكيل اتلكطي.. دخلت ابينا امةغزوان.. وتسكت بية وبيها ومرمر تهددني الا تخلي ابويه يكسر راسي.. وطلعت من البيت.. بقيت احجي عليها وعمتي ساكته.. ولا حجت شي.. من كمل الغدة.. عمتي طلعت الها واخذت الها حتى الخبز وراحت ودته ورجعت تكولي مقهورة منج.. للعصر طكت روحي.. رحت يمهم شفتهم نايمين وبس رضوة كاعدة وحجيت الها الي صار.. كالت ميفيد الحجي وياج... تعبتيني.. ترة هي باقيه واحنا نروح هي مثبته نفسها وانتي حايرة ياوليد ويا وليد.. راح اسالج سؤال وليد شكلج.. كتلها ميريدني.. كالت وغزوان.. نجمة /هذا اكرهه اموت منه.. رجعت سالت ووليد كتلها شجلبتي انتي.. رضوة /شوفي عيني وليد انتهى وراح لا ضلين وليد وليد ورفضج لان يعرف بيج مو ويا غزوان والله اساليني اني اعرف بكل شي.. شوفي كضيت عمري كله اراقب غيري وكل شي بي اخذة درس وعرفت شلون اتصرف بس مثلج غبائج مشفت موتيني اعدل بيها تروح تلبس الطاك وهل قراصه الحمرة احجي وياها تروح تعير بغزوان.. كتلها شيوي يعني.. كالت جربي حبي غزوان هذا زوجج ليش حب ذيج وفضلها عليج شوفي ابويه عاف امي من ورة وحدة لسان انتي مراح تحصلين شي وربج حتة هذولي الجهال تكبر وتكفخ بيج.. كافي نجمة لو هدة وحدة لو ماكو مثلا اسالي غزوان شيحب وشنو هوايته مثلا اسالي يامطرب يسمع هيج تقربي اله.. ويجوز يطلع خوش ادمي.. مثلا سويله اكل.. وصعدي ماعون فواكه اسالي شبيك ترة مو الة ذيج الشغلة.. فهمتي لو لا واكيد لا اوي خلي اكوم تعبين الي ميتعب وسالفه تغرين رجال انسيها الحياه مو هيج اروح اخابر تحسين اريد اطلع شلون هنا يمنا حديقه والناس تكعد بيها راحت ورجعت تريدين وليد يرجف غيضي بغزوان وروحي ذبي هاي ملابسج جنج.. عبوشة المخبله.. كتلها ولج.. عبوشة وحدة جانت يمنا مخبله سعرها منفوس و هدومها وصخة وريحتها تكتل .. وياجاهل تشوفه تضربة.. بحيث اذا نعرف ببها بلدرب ولا نطلع... وطلعت جابت التليفون وكعدت تخابرة وتفقت تطلع وياه العصر.. وجنت اسمع كلامهم وضحكم.. بداخلي احس حساس غريب لا هو غيرة ولا حسد بس جنت اتمنى اعيش مثلها.. وخرت السماعه كالت تجين ويانه اليوم هزيت راسي اي اي اجي مدري شحجت وياه بعد وسدته كالت روحي بدلي.. وتعالي خلي اكول لابويه.. رحت بسرعه.. طبيت شفت غزوان يتغدى.. كتله راح اروح ويا رضوة نطلع.. بدون وين ومنو كال روحي.. صعدت بسرعه لبست تنورة عدله سودة وقميص اسودومشجر بحني.. صح عريض بس حلو ولميت شعري.... ولبست قراصه جوزي ترهم ويا القميص وطاك ابو الوردة بي شذر الوان.. وحذاء الروغان ابو الطكه وجنطتي الروغان ورتبت نفسي بحمرة وماسكارا بس شنو طلعت كمر.. ونزلت بسرعه ماكو ١٠ دقايق جهزت.. رحت يم اهلي شفت رضوة بعدها تلبخ بروحها وممبدله ضليت اكولها يله وخلي نروح.. الى ان كملت بس لبست بنطرون كابوي وتيشرت ابيض ولمت كل شعرها فوك عالي ذيل حصان وخلت حمرة وردي.. وكحل.. ةلبست حذاء خفيف.. مو مثلي كعب.. اندارت عليه طببي القميص جوة ولبسي هذا الحزام وطلعت كتافيات كالت لبسيهن ارتب وفتحي شعرج احلى.. مقبلت اني المهم اجه علينا وطلعنا ورحنا كعدنا بحديقه حلوة وجبيرة وبيها عالم هوايه كاعدة وشباب خطيه تحسين يروح ويرجع يجيب النا شي.. وجانو اثنينهم واحد لازم ايد الثاني وكاعدين.. يسولفون.. واني وحدي اباوع عالعالم. مدري شلون.. سمعت رضوةتكول لخطيبها انت صدك متستحي وبنص العالم.. ضربته بجيس الكرزات.. وكالت كومي.. شصار شكو اجر بيه امشي.. ولج شبيج اندار هو من فشلته كاعد نفس مكانه كالت امشي فوكاها معاجبه.. ولج فهميني شكو اخذتني الطريق كلة تحجي عليه وفوك الضيم رجليه ماتن الحذاء عالي.. كمت اعرج يمه علما وصلنا لبيتنا متت دخلنا كالت كل شي لا تحجين طبينا مرمر /بالمطبخ ها ولجن رجعتن رضوة /اي رجعنا وطبيت وراها للغرفه كامت تنزع.. كتلها فهميني شصار كالت شفتي هاي ام الاسود الي كاعدة كبالنا.. كتلها اي؟ عيني عجبته الاستاذ يكولي الله يستر عليها حلوة والله لو يصغو ذهب ماريدة.. مبقت عليه بس وصخ رجليه.. كتلها مابي شي كلامه شدعوة هالكد عصبيه.. اندارت عليه.. مناقصني شي مال وجمال ودراسة مجرد كلمه يمج ويمي لا موقف.. نجمة احنا بنات بدريه مناقصنه شي لا تخلين واحد يستهزء بيج.. اذا عاجبته خلي يروح عليها محد جبرة عليه زين عيني وربج يجي مثل الجلب ويعتذر ويبوس الرجل اصبري ميمر اليوم اذا مو هو هنا نجمة /يمعودة ضربتي بنص العالم. رضوة /طبة مرض حتى يعرف شحجي بعد نجمة/مستحيل يجي هسة تشوفين.. رتبت ملابسها وخلتها بالكنتور كالت مضل شي اتخرج وادخل طبيه والله نجمة مابقيكم هنا اخذكم وكلنا نكعد بيت.. واحد ولا حجايه من مرمر ولا غيرها.. هسة اجاري كل شي لاجل اوصل للي اريدة بين مدنحجي مرمر صاحت رضوة هنا تحسين يريدج طلعت وطلعت وراها واعرج. كاعد بالهول اول مطبت اتخوصىت اله شتريد جاي تحسين/هو هذا تصرف منج بله كدام العالم رضوة /والله ماكولك غير مو اني الي ينحجي ويايه هيج تحسين /يجي ابوج واتفاهم وياه ع خبالج هذا وبدا يلين ترة مقصدت والله رضوة/ اي واضح تحسين /تغارين عليه طلعت منهم وافر بايدي يالله تكرمت رجلي وهم حايرين تغارين عليه بس والله قويه شلون عرفت يجي شبيه يحظي اني.. اخذت الجهال ورحت بيهم للبيت.. سبحتهم وعشيتهم يمي.. وبدايت احضر العشا للبيت... اندك الجرس مفتوحه الباب بس ميبين منو كتلها عمة فدوة شوفي منو الجهال كاعدين هسة يكومون.. . اسمع عمتي تصيح هلا هلا تعال يمه ادخل.. وصوت تبوس.. دخل وليد وياه.. جياسه.. السلام عليكم مجرد رفعت عيني عليه ودنجت.. كال يمه جايب وياية دجاج شوي لا تسون عشا.. اخذته مم ايدة وتبوس بي.. واخذته اللهول هالمرة احساسي اختلف احس بفشلة ويا.. واذكر كلامه شلون رفضني ونفرني... كملت العشا بس الي وحضرت عشاهم الهم وعفتهم وصعدت بيومها بات يمنا وليدوراح من الصبح كلام امه او كلامه ماعرف مخلانب حتى اباوع بوجهه لكن ثاني يوم انصدمت نازل حتى يكمل خطبته ويجي يكعد يمنا زين شنو الي اتغير هو جان رافض.. عمتي من يوم الي حجته ويايه بعد ابد محجت شي غزوان احس هو بدا يتجاهلني وميريد يشوفني.. بقى وليد بهاي نزلته يروح ويرجع علينا بس اني ابد ما انزل ولا اشوفه.. فديوم الصبح.. اندكت الباب علينا العامل مال ابويه جايب طشت لحم.. وخلاه بالطرمه.. كال الف مبرووك.. بقينا اني وعمتي وحدة تباوع ع الثانيه ومعرفنا شكو.. اخذته عمتي وطببته بالمطبخ.. رحت ع بيتنا طبيت.. شفت مرمر ممددة بالمطبخ.. شفتي ورجعت راسها كتلها شكو شبيج الجهال وين.. كالت يلعبون.. وضحكت ولزمت بطنها اني حامل.. انصدمت كتلها انتي مو ميصير عندج كامت وكعدت امر الله هذا الحمدلله.. راح يترس حظني.. وكامت تمشي.. ارووح امدد للغرفه ابوج كال متتحركين لحد متجيبين عمتي اجتي ورايه سالت شكو كتلها مرمر حامل.. هي هم انصدمت شنيييهاااي... حامل... مرمر /شبيكم عيني اي حامل وباست ايديها شنو عجبه فتحتوا حلوكم عليه.. بيج حظ حبلي نجمة ام غزوان /اي ان شاء الله تحبل وتجيب تووم.. حامل مرمر يعني مرمر صارت الكل بالكل يعني مراح نتنفس بعد عزة بعيني عزة.. ابويه يحبنا بس يحب مرمر والقهر اجه ابويه مثل الطفل فرحان ويكولي بابا عينج عليها بابا ديروبالكم وكانما اول مرة يصير عندة طفل يا ضيمج يانجمة اخاف كمت اكعد ب ١٠ الصبح وبراحتي كمت مالحك اكوم من ٧ يادوب اللحك ع بيتين من كل شي بس التركيب ع عمتي متت وهاي احنا بعدنا باولها بحيث بس اريد اذب راسي... وانام.. فديوم كاعدة اني وغزوان بالغرفه شفته لازم كتاب ويدرس. سالته غزوان نعم انت شنو هوايتك.. ضل صافن عليه.. بله انتي شنو هوايتج كتله ازرع.. مو اوصيك جيب شتلات وازرعها.. كال حلو.. الخضار والله نجمة هوايتي السباحه.. نجمة هاااا حلو زين شتحب تاكل.. غزوان /احب النواشف وامي موتتني بالمركه والتمن نجمة/شنو يعني.. مثل شنو غزوان/كبه كباب بتيته مخلمه هالسوالف هااااا اسويلك كال خلي ادرس عندي امتحان.. كمت يمه اسويلك جاي.. بقى يباع عليه غزوان بكيفج... نزلت بسرعه بس جنت احس جابرة نفسي ع الي اسوي خليت الجاي يمه كال شكرا نجمة تعبتج خجلت كتله لا عادي ورحت نمت ثاني يوم شفت الممر متروس شتلات وسماد عرفت غزوان جايبها الي واللتهيت للعصر ازرع بيها والجهال تساعدني مرات جنت من اشوف الجهال وفرحتهم وخاصه سعتد. تعلم بشهاب تكوله لك مو نمنم هاي ماما وتقصدني جنت افرح وانسى كل شي بنفس اليوم العصر اجه وليد وكال لامه كملت كل شي وحددو يوم الخميس هم مهر وهم نيشان.. الجاي.. عمتي /شنلحك غير تحجي نشتري ملابس وغيرها كال يلا يمه هي يومين رتبو نفسكم بيها واندار عليه تعالي نجمة مو متجين.. اريدج توكفين وكفه لحماج من اخت لاخوها وللحكايه بقية شهرزاد | ||||
|
| |
|
22-09-21, 10:30 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| صباح الورد نجمة والخلخال ج16 بنات بدرية.. منو بدرية بدرية طفله مدلله عند ابوها وامها بس هالوحدة الهم بيبتي من بعد امي طبت للكبور وهي نفسة لان ابوها مات... يكولون من بعدها انجبست.. السالفه مو سالفه كبور لا لان حتى بيبية امي خلفتها قليلة بس ولد وبنيه جدي إلله يرحمه متزوج ولا دور وراها ابد. جان راعي غنم ومن الراعي صار كصاب مشهور تكول امي.. جدي يكول ع وجهه بدريه شفت كل الخير لهذا . بقى ع بيبيتي. .. وكبرو بدرية ربت بدرية وهي كل شي تريدة يجرى الها بدون نقاش.. ربت مدللةوبنت عز وخير.. زواج امي هنا ماعرف. صح ابويه حفة وراها او جدي اقترح عليه زواجهم بدرية.. كبرت واشوفها تشتري ذهب هواية.. وتجيب اشكال غراض للبيت. وملابس.. النا وقماشات مقصرت رغم قسوتها ويانه عود من اجه شهاب فكت امي جانت تريد تسوينه هوايه. لان عاشت وحدها. وجانت متحب خلفة البنات تكول همهم ميخلص وسبحان الله صرنا ٤ بنات وبعدين اجاها الولد،، شهاب،، وبقت تريد بعد.. عزة لكبرتها مثل متكول.. الى ان حبلت وبالولادة ماتت ولا ربت شهاب ولا حضت بكاظم ولا احتوتنا.. كل ماذكر حجايتهاانتو بنات بدرية.. سبحان الله لا بقى النا اسم ولا الها ذكر بينا غير بس بالمشاكل نتعير بنات بدرية.. عرفت اكو اشياء نلح بيها هي سبب تعاستنا وايقنت.. بوفاة امي انتهت سعادتي.. جنت سابقا اسمع من النسوان الخلفة تكسر الظهر وصح تكسر الحنين بس.. اشوف الكل عايش واني بس اركض ورة اخواني الكل ممهتم وحتى ابويه حباله مرمر سحبته منه اكثر واكثر انتهى عندة وفر النا فلوس ورياجيل سترنا بيهم.. ولهنا مسوؤليته تخلص.. انك تنظلم وتشوف الي ظلموك كدام عينك وغصب لازم تستمر حياتك ويا الكل.. اني مو هديه وانهزم ولا رضوة واتجاهل الكل اني نجمة ........ اندار عليه تعالي نجمة مو متجين.. اريدج توكفين وكفه لحماج من اخت لاخوها... هلهولة وطشت جكليت.... صوت اغاني عالي. واسمع. كلووووش.. باذاني فززتني.. لواقعي.. شفت العروس.. كاعدة ولابسه بدله كلها تول وكراكش حمرة.. وهذا بصفها وليد لابس قاط زيتوني.. وهنا مىمر لابسه هاشمي اسود وذهبي.. وفاتحه شعرها.. وتهز ركبه انداريت عمتي. بصفي تصفك وتهلهل بعدت من الهوس الي تخنك وانتجيت ع الحايط وكفت بصفي رضوة.. ولج شوفيها شكد حلوة.. رفعت راسي اي حلوة. رضوة.. تعالي نكعد تعبت اني.. كعدنا ع جهه اليسار وهالعالم تركص وتغني وتدبج ع صوت المسجل.. لزمت ايدي نجمة.. انداريت عليها نعم.. كالت انتي قويه... هزيت راسي اي.. وابتسمت الي طالعه تخبلين.. هسة ساعه ونعوفهم ونرجع.. بيومها رضوة جابتلي فستان وردي طوخ وسوت شعري بالاوتي صار مي.. حتى هي كعدت خلتلي المكياج لحضات جنت احس اني عروسه.. اله وللحظات افز واصحى واشوف عبيركدامي العروس حلوة وصح بيضة وطويله وشعرها اسود مسوي تسريحه جنت اتمنى اختفي محد يحس احساسي ابد وليد مو مجرد شخص. حبيته وانتهى لا وليدجان يعني الي كل شي حلو بحياتي صدك احبه ومن اشوفة احس روحي توكع.. وهذا قلبي ما اسيطىر ع داكته رغم صرت اشوفه هوايه بس بقت هاي اللهفة بروحي ولا بردت هسة هو كبالي كاعد. بصف خطيبته ولا زم اديها.. شفت مرمر فاتت من الكل وجرتني تعالي ركصي.. كتلها لا ماعرف كالت ركصي شبيج راج تموتين وجهج مال عزة جريت ايدي منها بقوة كتلج ماعرف.. سوتلي اووي وجرت رضوة.. وكفتها تصفك وياها شفت خلو كدامهم الكيك والشربت والذهب.. هاي التفاصيل معشتها جنت متلهفه اشوف وجنت اتخيل تفسي وجنت وجنت.. حسيت اختنكت.. دفعت نفسي بين العالم وسالت ع الحمام مراه عجوز دلتني.. ودخلت بالحمام ماسويت شي غير.. واكفه انتظر الهلاهل تخلص وكل شويه اريد اطلع وارجع بمكاني واكثر من مرة يدكون عليع الباب بس بقيت.. الى انهدات والظاهر بدات العالم تاكل.. طلعت وشفت حتى وليدماكو كعدت بمكاني. رضوة قدمت الي ماعون الكيك كتلها ماريد امشي نرجع انتي مو كلتي ارجعج رضوة طلعتنا هسة تبين اكو شي.. كتلها اختنكت كلش راح ابجي.. رضوة اوكفي يمعودة.. هسة اجيج دقايق ما اتاخر بقيت كاعدة انتظرها واحاول اشتت فكري باي شي المهم ما اباع عليها شوية ودخلت وبنص الهول كالت كومي يمعودة ولازمه باديها شهاب بس شنو مطربس بالشربت ع هدومه ويبجي.. كالت كومي يلا كمت اجتي يمنا مرمر هاي شنو اندارت عليها رضوة شنو يعني راح نرجع مدتشوفين شمسوي بروحه هو احنا ممكتوب علينه نفرح مرمر /دبقو هسة اشوفله هدوم رضوة /ششوفين لا نرجع حتى. هدومي توصخت.. وجرتني اني والجهال وطلعنا من البيت... وصلنا للباب جان تحسين واكف بسرعه اخذنا وصعدنا بسيارة.. والي يمر ابالي بس صورة وليد هو عبير واتخيل ضحكته وابتسامته.. الها بقيت اطلع من الجامه.. وعرفت اني انتهيت بالنسبه الة... اول مرة بدون دموع اواجهه موقف صعب رغم احس كل شي بيه يبجي الا عيوني رفضت البكاء... رجعنا للبيت.. وبقى يمنه تحسين.. وجنت كاعدة وياهم بس كل فكري مو يمهم اصلا.. مر اليوم ورجعو والكل يحجي بحسن عبير.. واهلها... كلام بكلام يوجع كمت ادور بخت بنات بدرية وين. وين ادور بخت للي ما عندة بخت.. اني ممرتاحة اني تعبانة مرهقة جدا لدرجة تألمني دقات قلبي انفاسي.. تألمت شوقاً وتأملت كثيرا... باغدآ سوف يكون أجمل وسوف تتفتح جميع زهور حياتي. لكن كنت أروي زهور ليس لها جذور.. وفي اول صيف احترقت..وتيبست اوراقها.. . حالة جنون وجع.. شوك بداخل روحي.. وليد كاعد كبالي.. وبايدة حلقة.. ومبتسم ويسولف.. واني اموت.. زين اذا جابها لهنا شلون يكون الحال شلون اشوفه هو وياها.. مكدرت.. عفتهم.. وصعدت.. جنت اروح وارجع ماعرف شنو اسوي اروح اوصل يم الشباك وارجع يم.. الباب دك التليفون.. رحت جاوبت صوت بنيه الوو جاوبت نعم.. تفضلي كالت بدون زحمة غزوان موجود.. نجمة/منو حضرتج المتصل/اني سولاف انتي منو.. كتلها اني نجمة مرت غزوان انتي شتريدين منه.. سولاف /هااا نجمة.. حبيبتي صيحيلي غزوان كوليله سولافه تريدك.. سديته بوحهها.. شفت الباب انفتحت.. غزوان / منو اتصل. انداريت ع التلفون كتله سولاف.. غزوان /شكلتي الها.. كتلها جوزي منه هذا انسان مزوج.. غزوان/منو سمحلج تححين بالنيابه عني.. كعدت ع الجرباية.. واباوع ع غزوان شكله تغير ومتعصب.. راح ع الفون يريد يتصل.. كتله تحبها؟؟؟؟ سد السماعة.. نجمة هذا موضوع معقد مراح تفهمي. جاوبني ع سؤالي بس تحبها.. غزوان /اي احبها كال اهوو تريدين تتعاركين واني مالي خلك وراجعين من مناسبه.. جان صوتي كلش هادئ.. نجمة /لا والله بس سؤال ابد مهما كان ردك.. اتقبلة غزوان /نجمة كتلج موضوع معقد.. صعب تفهمي كمت اخد راحتك... وعفته ونزلت.. جنت وين ماروح عمتي وراية تمشي تخاف لا اروح التقي بوليد.. اني عفتهم.. براحتهم ورحت لبيت ابويه. وبقيت يم رضوة نسولف رجعت تنصح بيه بس هالمرة كتلها ماريد ل شي مع بعد.. . حتى من قهري نمت يمهم.. ومحسيت الا ثاني يوم.. يكعدوني.. وابويه مستغرب نومتي يمهم.. كتله ماكو شي بس اخذتني السوالف ونمت هنا مرمر جانت كوة تكوم من الفراش عبالك حامل ٩اشهر والي يقهر ابويه كمت سويت الهم ريوك.. وكاعدة اني وابويه والجهال نتريك ومرمر بعدها نايمه بعدها.. اوكل بالجهال وابويه كلي الله يرضا عليج سوي ريوك لباجيتج خطية متكدر تتخرك بابا وشغله ثاتيه البارحه اشتهت كراعين راح ادز وسويلها ماو صيج عليها.. ابويه/الف الحمدلله. وديكوم.. كتله واني مستمرة اوكل بالجهال الله لا يرضى علية رجع شنو.. كتله الله لا يرضى عليه كون ومالي دخل ابو نجمه ابو شهاب.. تعبت اني من كل شي حسو بيه ختى لو عبد حتى العبيد تنعتق بيوم ابوية شبيج نجمة شنو هل حجي كتله مابيه بس تعبت مالي دخل واذا ع عل جهال جيبهم يمي ومالي دددددددخل مابيه حييييل تعب كفر اتعب لو جريمة.. ابوية / شبيج نجمة هم بحسبة امج عمتج.. من الباب اسمع مرمر ياساتر شكو من الصباحيات.. هاي شكو طبت.. شكو جعفر.. كلها نجمة تعبانه... مرمر خير ياىبي من الصبح منو دايس ع طرفج نجمة.. /بابا اني راج اخذ الجهال يمي بلبيت حتى نومتهم يمي وانت ابقى يم مرمر دلل بيها بعد وبعد امي جانت تحبل منا تكوم منا لو نسيت ولو انت نسيتنا حتى وجريت الجهال.. اسمع تكوله ابد متحترم شنو هل صلافة.. ياربي بالجذب متكول ابويه ومرته.. ابويه كال.. ولج نجمة.. وكفت.. انداريت.. ولج لا عبالج طولتي شبر وازوجتي ولسانج طول عليه.. غصبا ما عليج تحترمين مرت ابوج.. مابين اريد اجاوب والسكوت.. كتله احترمها ع عيني وراسي بس مو معناها كلها براسي اني هم بشر كلكم عايشين الا اني زوجتني لواحد مرمر قاطعتنه وتبوس بابويه.. يلا لخاطري انسى تقربت منهم ودفعتها. كتلها زوجتني لواحد بس همه فلوسي وصار بفلوس امي. ذولي عائلة نصابه.. ووكفت بوجهه.. حسيت خدي صار نار.. ابويه ضربني راشدي وضل يحجي مثل امج نفس الطبع الله لا يوفقكم موتوني.. دمرتوني عمر راح ويا امج شحصلت منها غير الأمراض وانتو كملتو الباقي.. عليه.. الجهال تبجي. كتله موتناك مرضناك انطيني حصتي من امي ايجاراتها ورثنه هذا من حقنه مو من حق هالحية شحجي الك وانت ماحاس بينه بله تعرف جهالك ساكلت شربت لو بس مرررررمررر جنت احجي بصوت عالي هجم عليه يريد يضربني مرمر ضلت تصيح يبووو يبووو . طلعت للطرمه والجهال تركض ورايه حسيت احد جرني.. وخلاني ورة ظهرة اباوع غزوان طالع بالفانيلا والشورت الداخلي يكول شبيكم شكو شكو ابويه.. تقرب منه.. وضل يحجي ويسب بيه.. غزوان كله عمي ميصير هيج تسوي وياها هي مو طفله.... وهي مرتي ابويه كله من انعل ابوك لابو مرتك امشي اطلع برة.. .... جرني غزوان وطبينا للبيت.. شكو شبيكم اني بس ابجي عمتب كامت من نومها وراها وليد. كال شبيكم غزوان /ماعرف طلعت دافتح الماطور مال مي واسمع صوت بيت عمي عالي طبيت شفت ابو نجمة يريد يضربها.. واجاوز علية بالكلام جان رديت بس اني انسان واعي ومثقف ودارس وتعبان ع نفسي مستحيل انجر لهيج نقاشات عقيمة.. عمتي اخذتني وراحت غسلتلي وجهي.. وحاولت تعرف شكو بس محجيت شي.. مرت الايام وابويه ميحجي ويايه ومن بعدها ابد مرمر ما طلبت مني انظف البيت بس اغلب الوقت الجهال يمي.. يرحون بس ع كد النومه وبس.. ووضعي زاد سوء مابين تمرد ومابين تعب بديت اضعف وشكلي اتغير حسيت ضيعت كل شي مني شريد اتغير وشغير من نفسي عرفت مرضي هو وليد مو غير شي.. بدات الايام تتغير ووليد عقد محكمه وعزمو اهل عبير يمنا بيومها رضوة اجت يمنا لان جنت ماكدر لروح يمهم ابويه زعلن مني واني اكتفيت من الكل حتى ماريد اححي وياه اجتي يمنا هي ومرمر ومرمر هم متحجي ويايه صعدنا فوك.. كالت نجمة كافي انسي وليد جنت اصطنع القوة واكولها لا اصلا اني ما افكر بي.. ورتبتني واختارت الي ملابس لبستها وبدات تمكيج الي تمكيج وتحجي عليه وتكولي بشرتج كلش تعبانه ولج حت ىفجوج مبينه شجاج نجمة احس ماعندي روح صح اتحرك بس بلا روح واتمنى انهزم بيت ومابقى يمهم... يردون مني حل وين الحل غزوان ميريدني ولا دراسه درست ولا وليد ولا ابويه رضيت بهذا نصيبي وع الماضي الحنين الف ونه اون لبست تيشرت وردي كلابية ..لونها بنفسجي ولازم البس الخلخال مال وليد.. هذا اخر شي منه.. ودخلت عبير وامها وبس.. جنه محضرين اكل مال عشيرة برياني ودولمه وسمج.. بس مااجوي باقي اهلها عبير جانت لابسه كوستم كريمي وفاتحه شعرها وانتبهتع حمرتها الحمرة.. ووليد لابس بنطرون قماش اسود وقميص مقفل زيتوني.. طبو وسلمو علينا ودخلو بالهول جانت عمتي مخبوصه وفرحانه بيهم سبحان الله يابدرية دشوفين خيرج وين ديتقسم.. كمت اساعدها وفرشنا بالهول انترست السفرة اكل.. ونزل الكل ياكل الا اني كل شويه عيني اباوع عليهم وارحع اخلي لكمه بحلكي.. بحيث الكل شبع وكام.. واني حسيت ع نفسي الماعون الي يمي بعدة هو هوة.. كمت الم بالاكل وياهم واودي وعبير ويانه تشيل وتخلي وتحجي وياه عمتي خاله وين اخلي هذا.. نزعت سترتها لابسه قميص ابيض جوةالسترة.. بين جسمها اكثر.. جسمها جان كلش متتاسق رغم هي مو صعيفه متروسه بس حلوة تقربت منها جريت من اديها كتلها لا مشكورة حبيبتي. انتي عروستنا. عمتي.. كالتاي حبيبة روحي يم رجلي و سولفو.. كالت لا.. وضحكت.. امها يمها مرمر مديت راسي مرمر تحجي وياها وتاشر باديها وبت ت اديها توكع من من الثكل متنشاف من الذهب الي لابسته كلت بكلبي شتكولها هذا ورث ابويه لو دبات الطرشي سوت هالعز والله وكت كالت عبير انتي نجمة. ابتسمت الها اي نجمة.. عبير/يالله شكد حلوة؛ وشكد يحجيلي بيج وليد عمتي جانت تصفي بل اكل.. كالت اكعدي يمه عبير روحي يم رجلج.. رجعت كالت لا هنااحسن كالت تعالي اشوفج وغسلت اديها ع السنك واخذتها من يمي.. ودخلت للهول اجتي رضوة يمي.. كفت اديها. كالت يلا اعاونج بسرعه.. غسلنا المواعين. وكملنا رضوة راحت للبيت واني كملت الجاي واجتي عمتي اخذته اهدومي اتنكعت بالمي. بدون ما اشوفهم عفتهم ورحت صعدت فوك.. كملت المحجر.. داروح لغرفتي.. اشوف الغرفة الي بصفي مفتوح ضوها.. شنيهااي منو داخل بيها.. اهوو راح تتوصخ.. تقربت.. من الباب.. وفتحتها كلها.. وبقيت واكفه شفت بوجهي. ضبط. وليد وعبير.. ايدة بنص شعرها والثانيه ع خصرها وديبوسها جان بوجهي هو. شوفني. بعد عنها . من الموقف عفتهم وومشيت ركض بركضتي داطب لغرفتي. انركعت بالحايط ووكعت. انداريت شفته واكف وليد يباوع عليه رجعت كمت وطبيت للغرفه وسديت الباب ماعرف شنو احساسي بالضبط بس احس كل شعور بيه مات اكثر واكثر.. مطلعت من غرفتي بيومها الى طلعو وجنت من اسمع يصيحوني اطب بنص الفراش واغطي راسي عود نايمه صعد مرتين غزوان عليه.. طفة الضوة.. ونزل.. كل يوم يمر وهم سوة جان يذبحني واصعد ع غزوان اشوف.. ملتهي يحب بس اني الوحيدة الي لا حضت برجيلها ولا خذت سيد علي وصحيح بدا التعب عليه وكل شكلي اتغير وعيوني جواه اسود حتى اكلي ما اشتهي الاكل ولا اشتغل بس اطلع شويه للحديقة. اشتم هوى نظيف وارجع للبيت امدد.. اتكررت جيه عبير يمنا. همسهم وكلامهم.. ضحكتهم.. جنت اجنبهم.. واحاول مالتقي بيهم. الكل تغير وصعد للقمة بس اني نزلت للقاع.. صدفه واكفه بالمطبخ واجه وليددياخذ مي من الثلاجة كتله وياج للوحه مو؟؟ رجع دولكه المي.. وليد / الماضي انتهى نجمة.. جنتي كل شي بالنسبه الي بس هذا قرارج واتمنى مرتاحه نجمة نفس سؤالي تحبها.. وليد / نجمة دتلعبين بالجمر ومتحركين بس نفسج دخلت عبير.. اندار عليها ها حبي عبورة عبير /وين صرت ضجت وحدي وانت ماكو وخلت ايدها ع جتفه اووف شوكت تلتحق.. وجرت ايدة يلا تعال.. وليد /روحي هسة اجي اني سويت نفسي امسح الكاونتر راحت كال نجمة.. كتله كافي سمعت الجواب عبورة وعفته ومشيت جنت ضايعه.. وماعرف وين اروح ولا شسوي ولا اتصرف. مليت من كل شي.. فديوم بليل غزوان ديتصل مثل كل مرة.. فتحت الباب.. عليه كام ختى ميغير كلامه لا يستمر.. اخذت ملابس خفيفه الي.. الي ممجرتها ولا لبستها بيوم.. ودخلت للحمام.. لبسته وخجلانه من نفسي شلون راح اطلع بي بس ماكو شي ابالي غير اعادل هذا الوجع الي بداخلي حياتي تتمحور ع غزوان ووليد ماكو غير منفذ اطلع منه.. وكفت كبال المرايا اتقبلي غزوان وعيشي حاولي وياه يجوز يصير عندي اطفال.. وانسى واعيش وتبت هدومي وجان شعري مبلل لفيت خاولي عليه ولبست روب وطلعت فتحت الباب.. غزوان جان مدد وديحجي.. بعد السماعه كال شويه وتعالي بس اني اجاهلت كلامه وذبيت الروب جنت لابسه جواه دشداشه خفيفه.. لونها ابيض عسا تبيض ايام حياتي وكفت ع المرايا.. وبديت اخلي عطر وامشط شعري.. جنت اباوع ع غزوان سد الفون.. وبقى يباوع عليه.. كوة اتنفس خجلانه خايفه ماعرف ماعرف تقويت وذبيت المشط وتقربت من الفراش.. ضل يباوع عليه ويبتسم.. خيرج نجمه.. كعدت.. ع الفراش.. غزوان.. كال احجي عاد شبيج.. ماكدر احجي. شي.. كمت.. كتله لا هيج بطلت.. بسرعه كمز من الجربايه.. وتقرب مني.. وحاوطني.. وحسيت بطرف اصابيعه يتلمس جسمي.. وصوته بهمس احجي شنو تريدين.. كتله هيج والله.. كال هذا الجمال وهل لبس مو هيج.. وقرب شفته يم ركبتي.. وطبع بوسة اول مرة بحياتي رجل يلمسني.. حسيت احساس غريب.. شي دافي وبنفس الوقت حسيت برد واخذت نفس.. اصعب احساس جنت اتخيل هو وليد.. وغمضت عيوني. وتم زواجي الفعلي من وليد.. ......... ثاني يوم.. كعدت من نومي وهو ماكو. احساس ندم.. او انتصار ماعرف.. افسرة بس اني زوجته.. حبيت اعيش هالاحساس.. اكون زوجه.. كعدت اكو ابتسامه ع وجهي يمكن حسيت انتصرت ع حب غزوان. سبحت ونزلت وجنت اسال عن غزوان.. كالت عمتي طلع من وكت شعجب واليوم جمعه بسرعة سويت اكل يحبه وصعدت فوك رتبت الفوك وغيرت الفرش ونزلت كلت لعمتي زواجنا تم.. عمتي هلهلت وجانت كلش فرحانه والاسعد من هذا وليد جان موجود.. ودخل يسأل.. امه كالت معليك انت سوالف نسوان.. بس رحت دخل لامه.. وماعرف شنو الي صار بعدي للظهر اجه غزوان وكفت بلباب وانتظرة دخل اخذت من ايدة المسواك وبديت افتح بالجدورة كتله سويتلك كال نجمة تعالي اريد احجي وياج.. وصعد بسرعه عمتي دفعتني روحي شوفي شيريد وليد كاعد ع الميز ومجتف ايدة كالت عرسان جدد روحي يمه.. رحت صعدت.. ودخلت.. جان يريد يسبح.. كتله تريد احضر الك الحمام سد الباب كال اسمعي نجمة الي صار بينا البارحه اكبر غلط.. ماعرف شلون ضعفت.. واستسلمت اصلا اني راح افاتح والدج واطلكج ماكدر اكون زوج الج واني ماحبج.. نجمة /يعني.. غزوان.. اني اسف ع كل شي نجمة.. وراح افاتح ابوج.. حياتنا غلط تستمر.. اسف وسد الباب وطلع.. كمت اضحك. لا يشاقه يشاقه اكيد لا مستحيل.. لا.. اني شسوي هسة.. لا.. بقيت اكرر كلمه لا.. وماعرف شنو اسوي.. ماعرف الصبر بحدود وصبري انتهى كلبي مات وانتهى كل شي... بعد الي صار تمرضت. بنفس اليوم. ايام ونايمه بالفراش.. صخونه.. عاليه.. وزرفوني ابر.. جنت راسي ماكدر اشيلة من الفراش.. جتي رضوة يمي اداريني ابويه اجاني ويبجي يم راسي مرمر غزوان الكل يبجي عليه عرفت الطيب كل شي يخسر من دكتور الى دكتور.. انتهيت صفيت الربع يادكتور ادخل اله يحولني مستشفى حتى يسطر ع حرارتي.. بقيت بالمستشفى بردهه النساء ٣ ايام كالو بيه سحايا وطلبو يحولوني لغير غرفه وحجر عليه انتهيت. اصحى شويه وارجع اصخن.. قبل لا يحولني.. سحبو مني دم مع العلم تحليل السحايا نظيف بس باشرو بعلاج السحايا لان كل شي مابيه. جنت اصحى.. بنفس اليوم .. ورة المغرب جنت لازمه القران بايدي وادعي لان تعبت من المرض.. اهلي راحو يجيبون اليه هدوم ورضوة نزلت تشوف التحاليل دخلت بنيه شابه وياها مرة سمينه نومتها ع السديه الي بصفي فتحت عيوني وجنت اسمعها تحجي.. هذا الصوت مألوف مو غريب فتحت عيوني.. انتبهت مرة سمينه نايمه والثانيه لابسه جبه سودة وشعرها قصير اصفر متروسه.. كالت الها ابقي هنا اجيبلج بطانيه.. ياربي صوتها مو غريب.. حاولت اكعد نفسي.. كتلها هنا اكو بطاطين بالدولاب.. واشرت الها اندارت عليه انتفضت هاي هدية.. وللحكايه بقية شهرزاد | ||||
|
| |
|
22-09-21, 02:27 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| نجمة والخلخال ج17 حاولت اكعد نفسي.. كتلها هنا اكو بطاطين بالدولاب.. واشرت الها اندارت عليه انتفضت هاي هدية.. كلتها بصوت المرض اخذ منه العافيه اريد اكوم ماكدر هدية هدية.. واشر عليها.. المراة تباوع عليه وهدية هم اجتي يمي وذبت كل ثكلها عليه وتبوس بيه هاي اختي نجمة هاي نجمة وتندار ع المراه الي وياها هاي اختي.. وتبجي.. بقيت. حاضنتها وابجي.. ولج وين عفتينه وين رحتي وارجع اباوع بوجهها وارجع احضنها.. اريد اكوم ماكدر.. بقت تبوس بايدي نجمة.. انتي نجمة شبيج شيوجعج.. الموجودين كلهم يباعون علينه.. خذت نفس ومسحت وجهها وكعدت بصفي كالت شبيج شجابج هنا.. ورجعت شبكتني وتبجي.. ثواني وكامت.. كالت يمه منو وياج راح يذبحوني.. ياربي اريد اجرها ما اكدر كتله لا لا ماكو احد هنا بس اني ورضوة هدية /بخوف والدموع تصب ع خدها لا اروح.. واندارت ع المراة كومي... نجمة /ولج هديه لا ترحين...ماكو احد كالت ماكدر نجمة اروح بس كوليلي اهلي شلونهم كتلها وين رحتي وعفينا ولج شلون هنة عليج دنجت راسها خفت.. وصارت.. جريت اديها مين خفتي ولج هدية المراة الي وياها.. وكفت بصفها.... وتعدل بعباتها.. نجمة /احلفج بروح امي لا ترحين هدية يارب اريد حيل وقوة اكوم الزمها يارب هاي اختي ولج هدية.. تعالي.. ليش نزلتي راسنا وبكتي ابوج ولج هذا ايوج هدية / ضربت ع صدرها يافلوس نجمة /فلوس الحلال هدية / نجمة ماعرف شدتحجين مرمر بعدها موجودة نجمة /اي موجودة.. زادت بالبجي.. وتححي بصوت مكطع اساليها ليش انهزمت اساليها.. تقربت مني رجعت حضنتني.. بكل قوتها لزمتها من اديها.. احجي مرمر شعليها باوعت عليه كالت هي السبب شافتني ويا عدي.. وكالت الا اكول لابوج ويذبحج وانهزمت بسرعه.. نجمة. وتبوس بايدي ابويه محلل دمي وعندي جهال اندارات ع المراه هاي عمتي والله ازوجت بحلال الله بس تعبانه بدونكم.. شيوجعج حبيبة كون بيه عساني بالموت المراة تصيحها هديل امشي لا يجون اهلج.. هدت ايدي.. اني اروح.. اوكفي احنا كاعدين بفلان منطقة وابوج بعدة كصاب ارجعيلنا هدية بقيت اصيحها هديه هديه مراة عجوز بصفي كالت انخرسن عادنريد ننخمد.. هم مرض وهم تخرطن..يا اختي ويا امي اهمدن.. بين منداريت على المراه هدية راحت. كوة سحبت نفسي.. واجر المغذي ويايه.. كمت وكفت.. مشيت للمرمر. ادور ولج هديه لا ترحين ارجعي ولج هديه وينج انتجي ع الحايط وامشي حسيت ايد لزمتني.. غزوان شبيج نجمة واشر اله هديه والله هديه اندار كال ارجعي نجمة.. ولك داكولك هديه هنا العالم اللتمت عليه امشي. وين رضوة.. بقيت اصيح هديه هديه.. اجتي رضوة وكوة جروني ورجعوني للغرفه احجي وياهم هديه جانت اهنا اني شفتها رضوة تبجي عبالها تخبلت لان الكل كال السحايا تخبل لو تصكط كتلها عوفيني.. مداكذب اسالي العالم الي يمي بس مهتمت لكلامي.. وبقت تبجي.. انداريت عنها وعكفت نفسي وكمت ابجي والله هديه وشفتها بعيوني متخبلت والله. نقلوني بغير غرفه.. وحدي وتفصل بينه.. ستارة من نايلون.. ماكو شي غير ريحه المعقم و الجرجف الازرك.. وصوت الانين والابر الي بايدي خلتني احس بقيمة الحياه الي الله انطاها الي رغم كل شي اعوج بس كل شي ولا المرض المرض ياكل روح صاحبة بس.. المرض انطاني اقوة حكمة بحياتي واصعب درس مريت بي.. خلاني يوميه اوعد نفسي بس اكوم اعيش لنفسي فقط ماكو اقوة من انك تكون عاجز وتستجدي الرحمه من الكل مرات اتوسل يخلصوني من الالم ومرات اتوسل بيهم اموت واخلص ومرات ابتسم واكول هذا اخر علاج الي ..كل شويه يجوني.. ياخذون دم او ينطوني علاج.. بقيت اربع ايام.. اني عايشة ع الابر والمغذي... اسوء ايام مرت بحياتي فديوم جان موعد جيه الدكتور.. للفحص.. دخل دكتور صغير بالعمر.. كلب بالاوراق مالتي.. وححة ويا الدكتورة الي بصفه.. بالانكليزي.. وكال للسستر اقطعي العلاج من اليوم.. احساسي راح اموت.. زين ياربي ذولي الجهال منو الهم امي ماتت واني هم.. كتله دكتور يعني ماكو امل.. كال.. تحاليج كلها نظيفه ليش شبعو جسمج بعلاج مينفع متاكد الي عدها فايروس.. وبنفس اليوم عاد الي مجموعه تحاليل وكلها طلعت نطيفه وكتب الي خروج من المستشفى.. جان حلم اطلع من هالاربع جداران الي ريحتها كلها مرض وروحها الشكوى.. والتوسل جنت ابجي من اشوف غيري يتالم.. وجنت انطيهم من الاكل الي عندي.. او انطيهم من فراشي.. من يصير الليل تبدي القصص الي كلها الم هاي العجوز الي ذبوها ولدها ولا مرافق وياها وهاي الشابه.. الي تمرضت فجاءة ووكعت وهاي اطفالها يبجون عليها واخر وحدة غطوها بصرخه من بنتها هزت اركان المستشفى متعرفت ع احد الكل تشكي وتسولف عن حياتها الا اني بقيت اسمع بلاوي الناس.. طلعت وودعت نجمة القديمه.. اول مطلعت برة المستشفى اخذت نفس عمييق حسيت الهوى ترس ريتي.. شكد مشتاقه لكل شي.. صعدت ويا ابويه.. ووصلنا لبيتنا.. استقبلوني بذبايح.. جنت تعبانه اريد اسبح وانام ع فراشي.. اول مادخلت ركضو عليه بعدتهم عني خفت لا شايله مرض واعديهم.. دخلت بدون ما ابوس احد.. دخلت اخذت هدوم وسبحت وكل فكري بهدية وشلون مرمر ضيعتها منه ماكول فقيرة هديه لا بس جاهله ومرمر الجبيرة لو احجي محد راح يصدكني.. لبست ملابس جديدة وجنت اشم بيها حيل اىيد ريحه المعقم تروح من خشمي.. نزلت.. وجان الكل كاعد.. وعمتي كامت تهلهل وطش جكليت عليه.. عيني ادور شهاب و سعادة لكيتهم كاعدين يم ابويه زعلانين مني.. رحت كعدت بالكاع.. وفتحت ايدي اجوي اثنينهم بحظني.. بقيت اشم وابوس بيهم واكولهم علمودكم بس انتو رجعت للحياة بس انتو.. بس انتو.. كعدت.. وكعدو يمي.. جنت اباوع ع واحد واحد بيهم.. احسهم غربة عني.. غزوان ابويه رضوة الكل.. صبو غدة.. ترس الهول.. كعدت اكل كل لكمه اخليها بحلكي احمد ربي ع عافيه الاكل اول مرة احس الاكل بي طعم طيب طيب لان العافيه موجودة.. صدك اكلت لحد الشبع.. كملت وتعذرت منهم وصعدت اريد انام.. طبيت لغرفتي رغم اكرهها بس سديت الباب وضحكت.. وبسرعه شمرت نفسي ع الجربايه واحضن بالفراش فرحانه.. بصحتي وحياتي لفيت روحي.. وحضنت الغطة وبدايت اقرا ايات تعلمت اقراها بالمستشفى.. بدات تاخذ عيوني نوم حسيت.. اكو احد يم راسي.. فتحت عيوني غزوان.. كال نمتي.. نجمة /اي نمت.. غزوان /اني اسف نجمة.. اسف نجمة /ع شنو اسف غزوان /ع كل شي سويته بيج.. كمت عدلت نفسي.. كتله بصراحه.. تعبانه ومالي خلك هالحجي غزوان /حقج بس راح اعوضج ولزم ايدي.. جريتها منه.. شتعوض؟ غزوان / اعوضج عن الايام الي مرت.. واشرت عليه اني وانت.. هههه.. لا لا غلطان يلا عيني اطلع منا اريد انام النوم اهم منك ها نسيت راح اطلك لان منرهم اذكرك انت دارس ومثقف واني الوصخة.. ريحتي زفر.. غزوان /نجمة مو اعتذرت رجعت راسي ع المخدة.. حسيته كام.. وبقى واكف.. كتله طفي الضوة.. وسد الباب وراك.. نمت نووم مال طفل توة جاي للدنيا.. نمت وحتى ما حلمت بشي.. كعدت الدنيا فجر.. وحدي نايمه بالغرفه نزلت ادور اكل بثلاجه.. شفت اكو كباب طاوة وطماطه.. طلعتها.. وجريت من جووة الكرويته صندوك ببسي.. واخذت بطل فتحته وكعدت اكل احس جسمي يريد اكل.. مرضي مجان مرض جان اهمال مني لناس متسوى جان احساس زايد مني لناس عديمه الاحساس والمشاعر.. سوف اعيش لنفسي فقط لا احد يستحق العيش من اجلة.. كملت الاكل... وغسلت ايدي.. طلعت شفت.. غزوان نايم بالهول ع القنفه.. رحت شغلت التليفزيون وجان عالي كل صوته.. بس وشه لان انتهى البث.. وشششششش غزوان كمز من مكانه هاي شنو هاي شنو كتله ماكو شي بس عبالي اباوع مسلسل كال ساعة بيش هسة كتله ٤ الفجر كال نجمة يامسلسل هسة مجاوبته وعفت التليفزيون مشتغل وصعدت فوك صعدت شغلت الضوة وبديت اطلع بالمكياج وارسم ع وجهي.. دخل غزوان. حسيته خايف مني كال شدسوين.. كتله دامكيج.. نجمة ساعه ٤.. مطفي الضوة دنام.. باجر عندي دوام انداريت علية.. اني منعسانه.. غزوان /بس اني قاطعتة دوامك الك مو دوامي شي يخصك روح حير بنفسك.. غزوان/هاي شنو نجمة.. ترو ساكت لان.. كتله اي كمل ليش ساكت غزوان،، جر مخدة وغطه لان مريضة ضحكت.. المرض مرض الروح مو الجسد عالج نفسك انت وعمتك ام راسين غزوان يباوع عليه بعصبيه جنت اشوفه من المرايا رجعت اخلي حمرة . غزوان /ولج احترمي نفسج ولج لا تخليني اهينج نجمة / يلا رجال سويها وهيني حتى اشهرك... جتف ايدة قويانه نجمة.. لا تستفزيني اخاف تريدين ادفيج وتحبين هالسلوب اشمئزيت.. كمت.. وبايدي الفرجة الخشب مال شعر كتله امشي اطلع يلا اطلع برة.. اووع ذكرتيني باسوء لليله بعمري.. اطلع قبل لا اتقيئ.. وكمت ادفع بي ويكول شبيج شبيج.. طلعتة وسديت الباب.. ومكيجت وتعطرت ورجعت نمت.. وكعدت ثاني يوم غسلت وبدلت ورتبت نفسي ونزلت عمتي صافنه عليه.. مستغربتني.. حتى ما احجي وياها ولا اساعدها بس لاخواني يجون يمي اخذهم وابدل واطلع اشتري الهم وارجع اباوع تليفزيون واكل من يجي ابوية او مرمر او وليد اصعد للغرفه ما انزل منها الة يرحون ماريد اشوفهم اكثر من مرة اتعاركت ويا عمتي اما غزوان يوميه اتعارك وياه ومرة من المرات بحضور ابويه كاعدين العصريه يجي يشوفني يوميه ديسال شلونه غزوان وياج كتله يابه ترة غزوان يحب وحدة.. عمتي كامت تنطي الوان غزوان صار ازررك مو اصفر وضحكت. وكمت لزمته يحبني الي كام يضحك غزوان اي اي اي ويحجي معلس احبها احبها وعمتي كامت ركض جابت شربت لابويه.. هيج اغثه مو اكثر.. رضوة.. ابتعدت عنها جنت ماريد اي احد قريب عليه بس اخواني كمت اسمع اغاني كمت اهتم بروحي.. طولت اظافري.. اشتريت هدوم جديدة. رتبت نفسي اطلع اسولف ويا العالم.. ارد الي يضوجني واعيط واحجي اشتري كل شي بنفسي وما اهتم لاحد والبس الي يعجبني.. يوميه اوكف بالباب واغسل الطرمه غزوام يوم بعد يوم بدا يشيك بية وبدا يحجي عليه لو يطببني جوة لو يحجي او ياخذ مني الصوندة ويكمل هو غسل مرات يكعد يمي يريد يسولف ومانطي مجال واردة مرة جابلي مجموعه ملابس.. وخلاها بالغرفه يم مكتبته سله زبل شلتها وذبيتها.. بزبالته جان يحاول يتودد الي ويقترب مرات يحجي ويرزل ومرات يتود فديوم كاعدة بالغرفة ودخل عليه.. كال نجمة شبيج نجمة /مابيه ليش شكو غزوام /متغيرة هوايه مداعرفج نجمة/لا بس صحيت غزوان/نجمة اريد اكولج شي اني عفت سوالف نجمة /اي. والمطلوب شنو غزوان /داكولج عفتها علمودج نجمة / احلف ضحكتني والله مالةعلمودج يلا عيني اطلع الجهال راح يجون اريد اطلع وياهم اشتري الهم غزوان /بعصبيه نجمة مو بكيفج اطلعين وطبين كتله بكيفي وانت مو زوجي زين ماعرف انت منو ماكو قائمه اخليك بيها يلا اطلع اريد ابدل كال خلي اشوف متو يطلع واني ماعدلج باب الشارع عفته واجوي الجهال يمي وبقيت اسولف وياهم وهو بقى بالباب ينتظر جان الكل مستغرب مني حتى اهلي فديوم نزلت وشفت مرمر يمنا بالمطبخ دتشرب جاي.. ظهرها عليه.. وعمتي بوحهي جانت تسولف كالت اتخبلت شبيج حبيبه هذا المرض يخبل وهي تخبلت حتى كلت لابوها ينتبهه عليها لان تخبلت بنت بدرية.. جانت عمتي تغمز الها تقربت منها وضربت ع جتفها.. منو هاي الي تخبلت فزت وصاحت يمه اسم الله شطلعج علينا كتلها اني مو مخبله بس بيه جني صاحت اسم الرحمن ضحكت مرمر هزمتي هديه وهسه اجيتي عليه تريدين تخبليني يابنت الفكر.. وجريتها من شعرها.. ونزلتها للكاع ملخته بايدي.. بحيث عمتي اجر بيخ ومرمر بس تعيط جىتني منها واني نص شعرها بايدي لو بيدي اعضها واشلع لحمه منها ومارتاح دفعتني عنها.. مرمر ولج الا اخلي ابوج يموتج كمت اصيح وخلي يسمع ابويه واني مخبله شتكولين عليه كولي.. ا ميهم ماعلى المخبل حرج ولج حقيرة انتي هزمتي هدية شفتها بعيوني.. وكالت مرمر هددتني يامرمر عسا ايامج تسود.. بقت تلزم بيه عمتي واسكت بيه صوتي جان عالي. دخل ابويه علينا هي ركضت عليه كالت بنتك موتتني كتل تريد توكع الولد الي بطني.. ابويه كلها مرمر شنو سالفه هديه بقت تتلعثم بالحجي.. وتبجي.. بنتك مخبله بيها جني ابويه اسكتي اسكتي حجيت اله شفتها بتلمستشفى جنت احجي وهي تكذب بيه.. ابويه جاب القران كال احلفي انتي وياها اريد اعرف منو الي هزم بنتي وللحكايه بقية شهرزاد بارت صغيروني صباحكم ورد | ||||
|
| |
|
22-09-21, 02:30 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| نجمة والخلخال ج 18 ابويه جاب القران كال احلفي انتي وياها اريد اعرف منو هزم بنتي.. مرمر ضربت ع صدرها وكالت هاي تاليها جعفر تخوني واندارت ع جواهر ام غزوان شفتي شكتلج يجي يوم ويشمرني برة هسة خوني وهاي مو اول مرة ابوية/مرمر احلفي اذا صدك مخايفه من شي بنتي وين راحت مرمر كامت تصيح ع جواهر وين القرآن وينه.. اكو قران صغير فوك الكاونتر جريت الككرسي بسرعه و صعدت نزلته.. ونزلت وقدمته الها.. مرمر /جعفر هالمرة صدك اذا حلفت راح تخسرني للابد وبعد هل حلفان ماكون الك زوجه.. ابويه عيونه دم ووجها احمر يريد ايطك عمتي لازمه مرمر وتهدي بيها تحاول تبعد عنها القران ضربت القران ٣ مرات وكالت ماعرف بنتك وين.. نجمة /كتلها كولي لا هددتها ولا خوفتها كولي بقت تباوع عليه وملامحها كلها تغيرت.. ورجعت كملت مالي دخل بيها لا هزمتها ولا اعرف بيها وين ولا هددتها اصلا.. جريت من اديها القران.. وقسمت اني شفت هديه بلمستشفى.. ابويه كعد.. ومرمر هم جرت كرسي وكعدت.. عم الهدوء دقايق.. مرمر... ماكو شي يدل ع صحة كلامج كتله بابا اسأل عنها بالمستشفى اكيد مسجلين اسمها.. طلع ابويه.. من البيت رحت وراه شفته شغل سيارته.. وراح.. رجعت.. شفت مرمر تبجي.. كالت عساها حركه قلبي تموتكم اعرفكم تكرهوني حوبتي وحوبه هل طفل الي بطني عساها تلحكم.. نجمة/كافي مرمر كاافي كذب الي ردتي وصلتي اله شتتينا وطيحتي حظنا ولا واحد بينا مرتاح وبس انتي الي مرتاحه بالله اسالج سؤال هدية طفله.. ليش منصحتيها ليش عفتيها تروح.. مرمر/مالي دخل اني.. وكامت.. كتلها مترحين.. الا تحجين الي الي صار كوله ما اعوفج.. اندارت عليه نجمة الي ردتو صار كاافي لهنا وبس وياجن يا بنات بدرية.. تحملت منكم اشكال الله لا يوفقكم.. عمتي تحجي ويايه وتحجي وياها.. عافتنا وطلعت.. بقت عمتي يمي يمه نجمة اخاف متوهمه مرمر تحبكم ومثل امكم كتلها لا تكولين امنا محد يعوض مكان امي وثاني شغله انتي وياها بكل شي فروحي وىاها لا لكمتج هم تنكطع.. واضح من البدايه هي تكرهه هدية وقصد سوت هيج حتى تخلص منها وصح اني فقيرة ورضوة تريد تعيش واختي ضاعت عمتي/صل ع نبيج شلهج بهل حجي هسة تصالح هي وابوج تحبه بس انتي محلو.ةمنج اتضربها بكد امج عطت بيها هم كالت امج عمتي/نجمة اني احبج بس انتي من تمرضتي. مدري شصار بيج اصحي ع نفسج وشوفي شجاي تسوين راح تهجمين بيت ابوج كتلها والله هو انهجم صار سنين مو اليوم ولا البارحه . عافتني وطلعت.. بقيت وحدي.. انتظر اشوف ابويه شيسوي ورة مدة من القلق والتوتر اجة غزوان جنت كاعدة بالهول.. وطاشه ميكانو للجهال تلعب بي طب.. باوع ع الجهال كال اريدج بموضوع نجمة كتله احجي شتريد.. غزوان!/مترهم هنا امشي نجمة... احجي هنا غزوان.... داكولج امشي لا تعانديني امشي ويايه كلت للجهال هسة اجي لا تتعاركون.. كمت وراه.. طبيت لغرفه امه.. كال انتي شمسوية اليوم.. بعدت عيوني عنه.. كال ماكو وحدة اسمها هدية دخلت للمستفى ماعدا عجوز وعدها تسمم وطلعت اختج عجوز وبدا يعلي صوته كاافي الظاهر المرض اخذ جزء من دماغج واني سبق وكلت الهم تصرفاتج مو طبيعيه كافي عمتي طلعت من البيت بسببج وماعرف عنها شي.. ابوج ضغطه معلك وشديتله مغذي وانتي كاعدة ولا يمج اكبري بعد وعقلي. كافي هالتصرفات انتي مو طفله.. كاافي هسة ترحين تصححين كل الي خربتي هسسسسسة افتهمتي.. بقيت صافنه عليه.. اريد استرجع ذاكرتي الاسم الي صاحتها بي كتله هديل اي هديل كالت الها هديل اذا هدية مغيرة اسمها رووح اسال عن هديل تقرب مني.. كال لا لهنا وكافي بعد انتي مجنونه رسمي.. وطلع.. طلعت اركض من بيتنه لبيت ابويه دخلت شفته بالهول مدد كتله هديل يابه اسمها هديل مغيرين اسمها لان تخاف وحتى فلوسك ما باكتها... عدل نفسه.. وباوع عليه بشفقة نضرة شفتها من ماتت امنا كال.. نجمة بنتي.. اكعدي.. بقيت اردد جانت عجوز بصفي وحجت علينا.. وكالت هديل والله حتى المراة الي وياها كالت الها امشي يخافون لا تكتلها عدها اطفال.. نجمة كاافي.. ماكو لا هديه ولا هديل ولا غيرها اليوم دورنا السجلات كلها مشفت اسم اختج اصلا لزمت ايدة هديل والله وياما ناس غيرت اسمها اسمعني فدوة.. خله ايدة ع راسي..وبقى يمسد الي ميخالف بنيتي ميخالف.. بعدت جسمي وانداريت عليه شبيك.. انتي صحتج ع كدج ميخالف بنيتي العصر اوديد للطبيب.. كمت.. كتله اخاف كالولك تخبلت وصدكت بيهم وتريد توديني لمصحة انهاريت عزززة بعينج نجمة عززة كمت اضرب ع. جهي خبلوج.. عززة لعينج نجمة لزمني وحضني حيل.. وجان يحجي ويايه ويبجي.. لا لا مو مخبله لو اعرف اذب فلوسي كلها عليج ومااخليج هيج.. من الحجي واللطم وحركان الدم تعبت.. كعدت واستسلمت اجه غزوان ويسولف لابويه شلون السحايا تتلف جزء من الدماغ.. وشلون الوعي يبدي يقل ويبدي الانسان يتهيئ اشياء مموجودة.. وهذا هذيان ارتفاع درجه الحرارة.. جنت مددة واحس ظهري بي قالب ثلج درت نفسي عنهم.. وصافنه بدهائهم الي مصار ولا راح يصير مثله راح يخبلوني.. الي صار عندي صحوة مو جنون كمت اشك بنفسي.. اني شفتها لو لا.. يمكن جنت احلم.. لا ماظن حلم ولا هذيان.. اني شفتها.. طلعو من يمي.. واجتي رضوة جابت الي اكل.. نجمة نجمة انداريت عليها.. خاله صينيه يمي.. كومي اكلي لكمه.. كتلها شفتي شسوو بيه.. رضوة /كافي نجمة ارحمينا وارحمي حالج كتلها رضوة حتى انتي.. كالت هو شنو الي حتى اني انتي مدتحسين بنفسج شجاي تسوين. كتلج تغيري مو اتخبلي كمت شداسوي.. كالت ضربتي مرمر.. غرفتج كلها شخابيط ع الحياطين.. طلعين وضحكين ويا نفسج. نجمة اصحي ع نفسج.. تعبت اني قررت ازوج بهل شهر وكامت يعلى صوتها تعبتيني تعبتوني كلكم ستر الله هدية هالمرة انتي.. احجي وياج ديرين وجهج. شغلين تلفزيون بظلمه وماكو اشارة وتباعين كمت اخاف منج.. وحتى ابويه كلنا نخاف.. عافتني وكامت.. ماظن احد عايش هالاحساس هو منو اني؟ اني عايشة لو ميته صح كلامهم لو خطا يا شخابيط ويا سوالف معقوله اني تخبلت لا لا اني عاقلة متخبلت.. عفت الاكل وكمت اريد اطلع.. كف بوجهي غزوان كال وين رايحه.. كتله وخر اريد اشوف وين كاتبه اني اني مو مخبله غزوان/اي حبيبي مابيج شي انداريت بابا اني مو مخبله.. ابويه مقهور.. ويباع عليه كل شي محجة ورضوة هم نفس الشي جرني غزوان وكعدني.. ولزم ايدي وباسها اوعدج ابقى وياج للوحه.. رفعت راسي.. احساس غريب جريت ايدي منه. وضربته ابويه كام جرني.. كام غزوان كله عوفها عوفها نوبه هاي عوفها عززة بعينكم خبلوني حالة هستيرية صابتني كمت احجي.. واغلط واكسر الى ان تعبت.. وذبيت نفسي بالكاع واردد خبلوني خبلوني للمغرب اخذوني طبيب نفسي غزوان وابويه.. طبيت هموم الدنيا كلها بيه عيادة صغيرة مرة ورجال وطفله كبالي حركات الطفله جانت لا اىاديه تحرك اديها.. انداريت ولدشاب هو وامه.. انداريت رجال عجوز يرعش وهاي مرة خاله اديها ع خدها وصافنه.. ابويه كال كومي.. كمت. دخلنا.. مكتوب ع الميز دكتور محمد.. كعدت. بدا بسولف غزوان.. مرة انكليزي ومرة لا سالني شسمج. كتله نجمة جنت احاول اكون باقوى تركيزي.. ماريد اي غلط مني رغم خوفي بس ردت شهادة منه اني صاحيه.. شكد عمىج ٢٠ الطبيب.. عندج اطفال لا.. اجه وخله ضوة ع وعيوني. جايب مثل المطرقه وضرب بيها رجلي قدم ايدي وبعدها طفى الضوة وقرب الضوة ع عيني وبدا يسالني شنو تسمعين احد يحجي وياج كتله لا كال صوت بداخلج لا اشخاص شفتيهم هم لا كرر اكثر من سؤال.. وكال تمام نجمة. ابويه كله شبيها طمني.. غزوان قاطع والدي الدكتور مهتم لكلام غزوان.. واندار ع ابويه.. كله.. اخي البنت مابيها شي ابد.. كل مافي الامر ضغط نفسي واحيانا الضغوط تولد النا تهيأت.. او تخلق اجواء مموجودة انصحكم بالراحه وراح انطيها علاج بسيط واما كلام ا لا خ مو صحيح لان بنتك ماعدها اي علامه بتلف الدماغ او غيرها اخذها منا ولا جيبها طبيب مرة ثانيه فقط محتاجة راحه.. اني هو حجة هيج وهاي دموعي مالحك عليها كتله ها يابه كتلك خبلوني. من طلعنا ابويه يمشي وينطي للفقرة فلوس.. صعدنا بسيارة.. غزوان / كال عمي خلي نشوف غير طبيب ابويه/هيج تشوف شوفلنا واحد يفتهم غزوان/عمو اني دارس واعرف هذا المرض يأثر ع جزء قاطعتهم.. كتله الدكتور كال مابيه شي وهذا فايروس وراح لا سحايا ولا غيرها.. ما اروح غير طبيب لا تخبلوني كوة ابويه اندار عليه كال حقج بابا مثل ما تريدين وكله لغزوان عوف سالفه . الطبيب انطاها علاج خلي تاخذة ونشوف.. كل تفكيري بالجنون هو للقطات من الافلام شلون يخلون صاعقه كهرباء والمريض ينتفض.. ما افكر بغيرها.. رجعت للبيت.. واول ما ابويه نزل.. غزوان كال لا تلعبين ويايه ياحلوة لا والله تاليتج بالشماعيه.. ترجع عمتي وتعتذرين منها وتبوسين اديها.. نجمة اسمعي الكلام... نجمة/حسبي الله ونعم الوكيل بيك حسبي لله.. بيني وبينك رب كبير اكبر من هذا الكون كله اليوم منغر بفلوس باجر عكبه يروح منك كل شي واريد اشوف شتكول لربك.. وعفته ونزلت.. انك وحيد وتواجهه مجموعه صعب. وخاصه من تشوف اقرب الناس ضدك الي صار مختصر بفترة الي طلعت من المستشفى الكل ظن بيه اني مخبله ومرمر وغزوان والكل فهمو ابويه اني عقلي انضرب وصلت حتى رضوة صدكت بيهم لان ابتعدت عنهم. حتى غرفتي مشخبطين الحياطين كاسرين الغراض وهدومي مشككه.. . ما عدا الاعيبيهم المستمرة وكل شي وضح عندي لكن وحدي صعب اقاوم.. مرمر هدفها تشتيت عائلتنا.. حتى يكون كل شي الها مع العلم ابويه ابد ممقصر وياها بشي.. وبجوز احسن منا بس تريد الها كل شي وحدها.. غزوان هدفه الفلوس وبس وصح بهاي الفترة بدل سيارته اخذ مارسدس ام عيون.. ويدور ع صيدليه.. بس يتخرج يفتح ماعدا البدل الي اندفع اله وله عمتي الي جانت شيلتها مزرفه هسة لبسها وذهبها انقهر بس مابيدي حيله لكل شي ............ مرت الايام واني مابين القوة والضعف.. لا اني يطلكني غزوان واعيش ولا اني اكدر اكمل هاللعبه الي متنتهي بيوم ولا راح تخلص ولا اعرف نهايتها شنو كل الي اعرفه الكل وحوش. الكل اناني وعايش لنفسه فقط.. ... مرمر بقت زعلانه من ابويه وراحت بيت بنت خالتها. كعدت.. واكثر من مرة يروح يصالحها ومترضى.. غزوان رجع ع مكالمته.. وهدايا وذهب وفلوس وخير فوك الخير وكذالك والدي اشترة عمارة وكام يستثمر فلوسه و عمتي حايرة بلبيت وبوليد وزواجه الي هو بعد تخرجه يتم.. رضوة ملتهيه قدمت زواجها تريد تخلص منه.. اني بين الجهال وبين نفسي.. بقيت ما اهتم لاحد ولا أسمع احد.. وبقيت بنضرهم عقلي انضرب.. مرات اظن كلامهم صح ومرات لا اكول مابية شي انتهت نجمة المبهذله هسة نجمة المخبله.. توجع اي توجع من اسمع ابويه يكول عقلها مو شي او غزوان يكولي ها مخبله.. او عمتي تجنبني.. من يصير بينا كلام ماعرف اختلطت كل الاوراق عندي.. وضيعت نفسي وضعت. ما عدت نجمة الصغيرة كل شي اختلف عندي كل شي.. حتى مفهوم الحب اختلف... كمت اشوف الكل الكل مذنب محد بريئ حتى وليد..الي جنت اظن هو منقذي الكل خذلني.. حتى اني خذلت نفسي بايدي.. اني مخبله بنظررهم خلي اعيش ع هواية.. جتي ايام اكوم بنص الليل اشغل تليفزيون والاضويه وارجع اطب بالغرفه الصغيرة انام او افتح بواىي المي وانام مو جنون لكن ماعندي غير سلاح.. مرة غزوان ديتصل.. طبيت للغرفه.. فتحت الكنتور. وبايدي بطل مي. وذبيتها كلها ع هدومه.. بقى يصيح هاي شنو هاي شنو شدسوين.. كتله مخبله والمخبل معذور.. وشغلت الضوة وطلعت نزلت ركض شفت عمتي يم الدرج تصيح شكوو تقربت منها كتلها بوووووو صاحت اسم الله. يمه.. نزل غزوان مخبله والله مخبله واصبريلي اني اعلمج كتله روح حير بسولاف معليك بيه اني مخبله.. ضل يسويلي بسيطه وصعد.. حياتي تمحورت ع رويات عبير واحلام ومجلات . واطلع اشتري حلويات واكمل شغلي بسرعه وارجع اقرا هم بدات تتحسن قرائتي وهم جنت استمتع بيها الروايات صدفه صعدت للمخزن وشفت كارتونه بيها كتب بقيت اكلب بيها.. شفت منها تاريخ وفلسفه ودين ومن ضمنها روايات جانت تاخذني من هذا عالمي لغير عالم اعيشة بكل تفاصيلها.. اعيش.. المهم اطلع من الواقع الي عايشته.. حلو الخيال.. والمتعب.. بأن تصنع عالم وهمي كامل عالم بي انت وكل شي حلو تريدة عالم.. اعيشه من ادخل لغرفتي وحدي جنون او ضياع ماعرف بس صعنت عالم الي وحدي.. لعل اعيش بسلام.. ..... عفت الرويات قريت تاريخ لكن الفلسفه صعبه مكدرت الها .... بهاي الفترة.. كصيت شعري وصبغته لون خشبي وجانت حواجبي ثخينه رفعتها. واشتريت ذهب بعد مرور كل هاي المدة نزعت خلخال وليد وضميته بذهب امي.. لو تدري مرمر بهذا الذهب جان اخذته مني من زمان بس محد يعرف بي بس ابويه.. وسبق وكتله هاي حصتنا اني والبنات.. .. عالم الروايات فتح الي عالم جديد واشياء ماعرفها.. حتى طريقه اهتمامي بنفسي اختلفت تنسيق الملابس اختلف جنت من اطلع ادور ع ملابس البطله الي بالروايه او نفس قصه شعرها او نفس لونه.. حتى هاي التفاصيل الحميمية اقتبستها.. جنت البس ملابس خفيفه.. واقرا ومن اشوف غزوان اعتمد ابرز مفاتني مو رغبة بي لكن القراءة علمتني منو هو الرجل.. مرة داقرا دخل عليه غزوان كال ياهلا بالمثقفه اني هم.. مهتميت اله بدل.. وكمل وكعد يمي شتقرين.. بله.. ذبيت الكتاب نجمة/شوف هذا البطل اسمه جورج والبطله اسمها لولي وتقربت منه.. لولي جانت نايمه واني نمت ع بطني.. واجه جورج حضنها.. وطبع قبلات من رجلها لحد شفافها.. هي كامت وكعدت بحضنه وتقربت منه اكثر وكعدت بحضنة.. غزوان ملامحه تغيرت كال كملي..شسوو بعد.. عجبتج الروايه انطبق اليى صار بيناتهم.. بسته من ركبته بوسه خفيفه وهمست باذنه الباقي حاوطني بايدة ولزمني من شعىري كملي.. نجمة عيب.. يامثقف وعليت صوتي باذنه عييييييييب نفض جسمه دفعني الله ياخذج مخبله.. والله.. كمت اضحك.. اووع بس بقى اطبق وياك.. جنت افرح وارتاح وانقهر احساس صعب مثل الدولاب صاعدة نازله.. الرويات والكتب.. علمتني الدلع.. والرد الصحيح.. اقتباسات. رغم هو رجع انشغل بسولاف.. الي علاقتهم عرفت من اول سنه كلية.. لكن بين فترة وفترة يحاول يتودد الي.. او يجيب الي كتب او شتلات.. ماعرف يكفر ذنب او عندة غايه اما وليد.. جنت اجنب اشوفه بأي مكان موجود اني اطلع مشفته من اخر لقاء بينا اتكررت زيارته النا هو وخطيبته هو واهلها.. الكل يطلعون سوى ويرجعون صوت ضحكهم يرن بلبيت كله تساولات تدور براسي معقولة الكل راضي واني قريبه ع ابويه يعني معقولة والدي ميكول بنتي ليش ماعدها اطفال لحد هسة او ليش انعزاليه.. او غيرها وغيرها من الاسئلة الي جانت تنام وتكعد ويايه.. بشر قادر يوصلك للجنون ويقنع الكل انك مجنون هذا قادر كل شي يسوي.. مرات اتخيل غزوان ومرمر يقتلوني او قتلون عائلتي كلها.. تحكمهم بعائلتنا فاق الحدود.. والدي مخله شي مسواه في سبيل ترجع.اله مرمر . فديوم.. جنت ازرع.. كملت وصعدت فوك سبحت وكملت اكلب بايدي محبسي ماكو اذكرت من زرعت . نسيت محبسي.. نزلت بسرعه.. واني لافه راسي بخاولي بقيت ادور بين الشتلات ياربي وينه هذا من امي الشذر الاحمر الياقوتي.. اووف يالله.. سمعت الباب انفتحت.. انداريت هذا وليد.. لابس بنطرون كابوي ازرك و قمصله جلد.. رجعت ادور تقرب مني.. عاش من شافج نجمة مجاوبته.. وبقبت ادور نجمه شضايع الج.. مجاوبته.. نجمه مز جاي احجي وياج جاوبيني.. رفعت راسي عليه.. امك يم مرمر وغزوان يم ابويه بالمحل وحدي بالبيت مترهم ارجع مين ما جيت.. ضحك وباوع ع السما.. ها هيج صارت.. كمت ونفضت ايدي وهدومي من الطين.. اي نعم هيج وماكو غيرها لا تنسى اني مرت اخوك الشفية المخبله.. ورجعت ادور.. بس كوليلي شمضيعه.. خلخالي.. انداريت عليه.. والله انت بطىران ياخلخالك تريدة انطي الك تودي لعبورة.. وليد/نجمة بلا هل الاسلوب ويايه.. مديت ايدي جوة الجوري اذكرت زرعت هنا شتله جديدة لكيته.. جريته ولبسته.. كتله يلا عيني انت حرام وجودك هنا اطلع وسد الباب وراك.. وليد /نجمة اني ماستاهل هيج تعامليني تعرفين بيه شكد احبج وكل الي شفتي علمودج.. من تجي امي تكولي شفتك ويا نجمه شتريدين اسوي كسرت عينهم وبعدت عنج شبهه.. بخطوبتي من عبير والحل شنو لا اني احبها التالي كلنا ضحايا.. بقيت اباوع عليه.. كتله اي تمام افتهمت كلامك.. راح تطلع انت المضحي واني بنت الكلب يلا عيني.. اطلع منا ولو عندك كرامه لا تحجي ويايه بعد ولا تندك بيه.. هل مرة اني اشهرك واكول يتحرش بية. وليد /شكد متغيرة مو انتي نجمتي.. عفته وطبيت للبيت وسديت الباب نجمتي هو انتو بقيتو نجمه صرت ظلمه.. .. بيوم حنه اختي.. الكل معزوم الا اني صدفه بنفس اليوم العصر عرفت بعد ما عمتي بدلت كتلها وين رايحه.. عمتي/هاي شنو حنه اختج اليوم.. متدىين وبالمبارك رجعت مرمر.. اليوم يلا رجعت.. كتلها محد كلي.. عمتي /ها يجوز نست.. نجمة /اني اختها مو غريبه حتى تنسى.. يلا راح ابدل واجي عمتي ارتبكت.. داصعد صاحتني عمتي/ نجمة لا تزعلين بس مرمر كالت ارجع بشرط نجمة متدخل بيتي.. ضحكت كتلها بيتها والله وكت ايام وانظف جيفتها وهسة صار بيتها العتب مو عليها ولا ع ابوية الطرن العتب ع اختي الي رضت. بحنتها اختها ماكو المهم مو مشكله.. بركيليها.. وعفتها وصعدت انقهرت لان جنت محضرة الها هديه اشتريتها الها وحضرت الها ذهب من مال امي.. بس اتعلمت بعد كام ميوجعني شي.. ....... ثاني يوم انجبرت اروح للعرس بس هالمرة بصفتي زوجه غزوان مو اختي حتى لبسي جان عادي حيل.. شسورت شعري يم الصالون.. جانت اكو صالونه يمنا اسمها حلا براس الفرع.. صارت صديقه الي الفرق بيني وبينها قليل هي امها متزوجه وعايشه مع زوج ام هم انظلمت بحياتها هوايه.. وجانت يجبروها تشتغل.. .... شسورت شعري وخلت فوك عيوني ضلال ورتبتها الي.. حلا... ولج جسمج مثل جسمي.. عندي فستان مال سهرة قطعتين اسود والجوة اسود كلش حلو بس الرردت شيفون من هاي ام قطعتين الجوة وفوكاها شيفون عدله.. البسيها والله ولا لبستها.. مرة وحدة وسمنت.. جان صالونها بصف البيت.. فراحت بسرعه جابتهم واجتي.. بالبدايه ترددت وراها.. لبستها وجانت كلش راهم عليه.. اخذتها منها ورجعت للبيت.. لكيت عمتي لابسه هاشمي احمر ماكو خرزة بالكون مابي.. وشال ذهبي.. وذهب.. صعدت فوك بسرعه شفت غزوان ديبدل قاط اسود وقميص ماروني.. وتوة سابح.. اخذت العلاكه وطلعت بالغرفه الثانيه.. ذبيت ملابسي ولستها وعدلت شعري.. وطلعت عندي كعب اسود لبسته.. وطلعت.. طبيت للغرفه جنت ادور ع جنطي و العطر.. غزوان باوع عليه شنو هالاناقه مداعرفج وشنو هالجمال هاي شوكت سمنتي هالكد.. شو ممنتبهه.. سكتت اول شي.. تعطرت.. انداريت عليه.. والله خير ابويه سمني.. نزلت.. عمتي رايحه يمهم.. وبقيت اني الى ان اخذوها الزفافه بقاعه كلش جبيرة دخلت.. من الجهتين كراسي ومعازيك وبوجهي الكوشه كلها ورد.. وصوت الاغاني.. عالي.. وعالم هوايه انداريت اباوع شفت عماتي وكمت رحت سلمت عليهم ورجعت.. برجعتي شفت وليد واهل خطيبته كاعدين.. تقربت منهم سلمت ع عبير.. وامها وجان اكو ولد وياهم مزين اكرع وعندة لحيه.. معرفت هذا منو بس كاعد بجهه وليد.. كتله السلام عليكم ورجعت لمكاني.. وكعدت.. بمكاني... وغزوان كل شويه يكوم يسلم ع العالم.. هناك واشوف سولاف طبت ومراة وياها.. جانت لابسه فستان قصيرجوة الركبه.. اسود وذهبي.. واجتي كعدت بميز بصف ميزنا. دخلو العرسان اباوع ع اختي.. وكلبي يدك ع شكلها وتسريحتها.. دمعت عيوني ودرت راسي عنها منا سولاف بصفي ومنا وليد كبالي.. بقيت كاعدة.. مكت من مكاني الناس تركص والجهال تفتر من ميز لميز.. غزوان كل شويه.. ورايح يم سولاف.. يسولف ويحجي.. اما اني كلما ارفع عيني يصير بوجهي وليد. واباوع اشوف الي بصفه يباوع عليه. ادنج واشوف ضحكات اختي وفرحها اكتفي جنت مبعدة نفسي حتى لا اشوفها وانغث.. هناك وبينت مرمر. لابسه كوستم. وبطنها كبرانه والشعر اصفر والذهب الذهب تلالي بي.. وكعدت ورانا.. يم سولاف وامها كل شويه واطكها بضحكه مخبله شبيكم وربج مستخطيها لو والله حفاي اني سويتهم اوادم لبس ميعرفون يلبسن وتعلي صوتها اختها انهزمت وجابت العار وهاي مخبله والعروس.. ثولة صكط. عائلة بناتهم بلا شرف.. بس طلعي ابوهم خير. بقيت اسمع وما اجاوب بس افور اريد اجفص ابطنها بس ماريد اخرب فرحه اختي كمت.. تقربت من الكوشة.. باركت لتحسين وباركت لرضوة وكتلها تبقين اختي وطلعت من جنطتي بتوت ٢ لبستها وطلعت من ذهب امي سلسله كلش طويله يسمها ام الكصب موديلها لبستها وملوي واحد وبوستها ورجعت برجعتي شفت غزوان ماكو جنت اريد اكوله رجعني.. انداريت عمتي تركص.. ويا مرمر عفتهم ومشيت بالممر.. طلعت دورت ع غزوان ماكو جان هذا الشاب الاكرع واكف بالباب يدخن.. من وصلت يمه ذب الجكارة كال ع منو ادورين.. كتله غزوان وين كال /هسة طلع.. هو ووحدة انتي اخت غزوان.. عفته وطلعت امشي وصلت للبارك مال سيارات ادور ع سيارته السودة شفتها اخر سيارة.. مركونه.. الولد ورايه كال يابنيه هذا وكع منج.. مهتميت اله.. اوكفي.. يابنيه.. وصلت الهم ظلمه. حيل.. سيارته جوة شجرة مضلله عليها تقربت.. ظلمه بس واضح الاثنين غزوان ديبوس بسولاف.. وللحكايه بقية شهرزاد 😭 تعبت | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
