نجمة والخلخال / للكاتبة سوزان المندلاوي ، عراقية (مكتملة)

[لامارا]

نجمة والخلخال
ج 19

تقربت.. ظلمه بس واضح الاثنين
غزوان ديبوس بسولاف..

اتقربت اكثر منهم صرت يم الجامة..
انداريت الولد بعدة يصيحني يبنيه.. وصار قريب عليه.

انداريت عليه شبيك متكولي صرعتني يابنيه ويايبنيه

ورجعت تقربت ع الجام.. دنجت ودكيتها بكل هدووء
اكثر من مرة..
الولد صار بصفي.
كال اوكفي هذا وكع منج..

كتله انت اوكف.. خلي نشوف تاليهم..

فتح الباب غزوان..
ونزل يعدل بهدومه وبسرعه سد الباب..

كال هاي شبيج نجمممممة..
ابتسمت اله..
الولد كال محتاج شب غزوان..

غزوان /لا مازن.. بس شجابكم..

قاطعتهم رجعني للبيت..

غزوان ارجعي للقاعه وهسة جااي..

نجمة /غزوان رجعني للبيت وارجع بوس براحتك..

غزوان/وجهه صار احمر وجرني من ايدي حيل يمشي بيه..
حاولت اجر ايدي منه..
بحيث ىجلي انلوت..
تقرب منه مازن..

كله شبيك غزوان ليش هيج.. عيب منا العالم
مهتم لكلامه..

جنت احاول اجر ايدي..
وصلت قريب القاعه..
هدني ارجعي هسة جايج..
وحسابج عسير بلبيت..
جريت ايدي منه.. شفت حذائي مفتوح..
سويت حذائي وعدلت شعري وهدومي ورجعت للقاعه اعرج..
وجنت اسمع مازن يحجي ويا غزوان من الي سمعته هاي مخبلة..

دخلت للقاعه.. والعالم تركص وهوسه..
شباب.

دخلت بين الناس..
جنت ادور ع عمتي شفت عمتي وام سولاف و مرىمر واكفين يم العرسان..
ويصفكون والناس تركص..

تقربت منهم
ووكتلها لام سولاف..
خاله خاله..
اندارت عليه شكو؟
جانت هوسه وعالم..
احجي متسمعني..
كتلها بنتج دتتباوس بسيارة
ام سولاف شنووو ماسمعج
عليت صوتي بنتج سولاف وغزوام يتباوسون..

بصفي خطيبه وليد صفنت..
دتتغير الاغنيه..
واني بعلو صوتي كتلها.. وأشرت بايدي حركه..
غزوان ديبوس بنتج..

عم الهدوء مع اخر جملتين الي..
والتفت عليه القريبين..
ام سولاف....
فتحت عينها عليه..
عفتها وتقربت ع وليد..... جان كاعد ع الميز..
ويمه صديقه مازن..

كتله وليد..
نعم.. نجمة..
انداريت على النسوان ام سولاف طلعت تمشي بسرعه..

كتله احميني اليوم غزوان يموتني..
كام..

ليش شكو شصاير..
انداريت ع صاحبه.. كتله اسال الولد شصار..

وليد كال امشي اريد اشوف منو يحاجيج

مشيت اني وياه..
ومازن اسمعه يكول اوكف..

مشيت وياه.. وصلنا لباب القاعه..
ام غزوان طلعت ورانا..

وتحجي عزة بعينج نجمة ع دكتج هاي..

ولج فضحتي العالم شلون بيج
وليد.. يمه شكو..

عمتي/ وليد ارجع ع خطيبتك عفتها وحدها..

اني ارجعها..

بعد اني جفصت بيها مابين خوف و فرح

لزمت ايد وليد.. كتله بس تعوفني يموتوني كلهم والله..

وليد لا ترجع..

جريت ايدي منه..

واندار ع امه يمه ارجعي انتي وياها.

عمتي/ وليد تعال مالك دخل.. وليد ارجع..
مازن يحجي وعمتي ومن بعيد شفت..
ام سولاف وسولاف وغزوان
بس يحجون يم الحديقه..
من طلعنا من الباب صرت بظهر وليد ولزمت سترته..
جان اكو شباب واكفه ادخن...

شافنه من بعيد.. غزوان..

وليد اندار عليه نجمه شبيج لا تخافين ابد
داكولج انتي ويايه..
اخذنا بتجاه الكراج..
من شافنا غزوان..
اجه بسرعه علينا اني بلحظه هاي خفت حيل..
وتقربت من وليد اكثر واكثر..

اندار ع مازن كله اصعد شغل السيارة واخذ نجمه وياك..

مازن كال امشي ويايه..
جنت اباوع ع وليد.
وليد / روحي نجمه لا تخافين..
مشيت وياه..
لحك تقرب النا غزوان..
كال نجمة تعاالي..

صار بوجهه وليد. اتقربت من السيارة وصعدت ليورة

كلت لمازن عفيه لا تعوفني ترة يموتني
مازن قبل لا يسد الباب..

كال لا تخافين صدك جذب وياج زلم مو خرعه خضرة
نجمة /انت متعرف هذا شنو غزوان يجوز صديقك او اقربائك بس خبيث ومكر.. هسة يفر السالفه عليه

مازن/والله ماعرف شكولج انصدمت من عرفتج مرته
عبالي اخته.

اني شفت الي صار لوما مشايف اكول مو صح..

كتله شفت
مازن/اي مو جنت وياج نسيتي
نجمة/ لا مانسيت بس الموقف صعب

عين ع مازن وعين ع وليد وغزوان وداشوف الحديث بينهم تصاعد.. وصار غزوان يحجي بايدة
.......
ومازن سد الباب وجتف ايدة ووكف..
شفت عمتي وياها عبير..
ووكفو يم وليد..
وليد يحجي ويا هم وشويه ويحجي ويا اخو
الا ان رجع غزوان للقاعه
واخد وياه ام عبير.. وعبير
وعمتي بقت تحجي وياه

دقايق.
ورجع وليد.. وحجة ويا مازن وصعدو الاثنين بسيارة

اول ماصعد وليد..
كال.. شمسويه نجمة..

اتنفست.. كتله ياريت يطلكني وارتااح..

شغل السيارة ومشى بينا..

محجة شي الطريق كله.
الى ان وصلنا البيت..

وليد اندار عليه.. كال وصلتج لا تخافين ميسويلج شي..
نجمة/ اصلا راح اروح لبيت ابوية..

تعبت من اخوك اريدحل..

اشر الي روحي..
وليد /راح ارجع اوصل عبير واهلها
واجي يمكم..
الافضل ترجعين لبيتج..

نجمة /ع كولتك ارجع لبيتي شراح يفرق يم ابويه لو يمه
الاثنين.. ذباحه..

وليد /انزلي هسة اجي ونسولف

نزلت وكوة امشي رجلي من الوجع لان انولت..

وصلت الباب بقى واكف. فتحت الباب الخارجية..
والداخليه..
وطبيت. وسديتها..

حسيت بنصر.

اولا حجيت الحقيقه..
من مرمر تكول عنه عائله بلا شرف لام سولاف..
ومن سحبت وليد من عبير..

صح او خطا.. ماعندي اي شي اخاف منه..
من يخذلك الكل..
تفقد كل شي وبعد ميهمك كل شي.. بالحياة

لان مابيها طعم بشي...
مابين القوى والصمود والخذلان والضعف..

ذبيت هدومي..
ورتبتها..
ودخلت للحمام. سبحت..

جان راسي مصدع.. اباوع ع الساعه..

عبرت العشرة وما اجة احد..
نزلت للمطبخ..

خليت قوري الجاي.
وبدايت اسوي جاي

كملت..صبيت الي الجاي

وكفت بيدي كلاص الجاي
اثار لزمت غزوان بايدي مكدرت..
اتحكم بدموعي..
الي نزلت خدي وكأن دكلي رح تبقين هيج طول عمرج
حياتج حتبقى وي غزوان الخاين...محد يحس بيج يانجمه....
كلمن يفكر بنفسه..دخل غزوان متعصب مكدرت اباوع بوجهه لأن مثل كل مره عصبي بلا سبب..
ويرجع عليه
رغم هل مره عصبيته تختلف..تقرب يريد يضربني....
دخل وراه وليد بصياح
كاله بصوت عالي

غزوان لك ماكافي ماتعبت
طلكها يااخي ماايصير هيج
أنت لاتحبها ولاتريدها
أ ليش مبقيه يمك اذا هلكد متعبه وتهين ..
.رفع عيونه غزوان ينتر بيه كله
أنت شعليك ومنو سمح الك تدخل لو بالك غيري شي كولها وركبلي كرون

فتحت عيوني على وسعهن هذا غزوان شنو جاي يخربط..

وليد/ياكرون وتقرب من غزوان وياشر بايدة اسمع ولك لا بالاسلام ولا عند اليهود هيج زواج طايج حظه تحب روح ازوج وطلكها وفضت

غزوان دفع وليد من صدرة مالك دخل افتهمت انت مو احسن مني اني انسان تعبان ع نفسي وواعي ومثقف مو مثلك عسكري.. همجي....

ما اطلك وكعد ع الكرسي رجل ع رجل
وما اعوفها هيج مزاجي...
وكل كلمه كالتها كذب مخبله هاي..

تقرب وليد بوجه اخو كاله مراح اجاوبك بس اقسم بلي خلق الكون كله بسبع ايام ان مديت ايدك عليها
وحق الحق لا اندمك..
وسالفه مخبله وكذب بطلها لااصير مثل الي احترك بيته من ورة كذبه
اكثر من شخص شافك وانت بسيارة
...
افتهمت حباب ويضرب ع جتفه شلون ما تفهمها افهمها..

اني رايح وماكو شي ينضم..

وانت اخويه.. قبل كل شي.. خليها ابالك

......
طلع وليد وبقيت اني ويا وحدنا..

بقى كاعد واني وراه..

كال..
نجمة/ لا تلعبين ويايه ويييييييايييييييييية لا تلعبين
جان اكو ماعون مال فواكه..
شاله وشمرة بالكاع اباوع الكزاز انثر بكل مكان والفواكه تدحرج..

واندار علية..
مراح اضربح لان اني انسان واعي
وانتي عاذرج..
والله البسج البدله الزركه اذا اندكيتي بيه بعد

وعدل شعرة بهدوء..

اخذ نفس..

ولزمني من وجهي بقوة حسيت فكي يريد ينكسر..

افتهمتي لو لا..
جاوبي..

شفت عمتي من بعيد.. دتدخل..
دفعت ايدة..
لا ما افتهمت ولا راح افهمك ولا كل شي ابالك يصير.

بسرعه ركضت علينا عمتي

دفعت ابنها وبقت تحجي.. وياه وهو يحجي

....
عفتهم صعدت اكذب اذا اكول ماخفت وكذب اذا اكول خفت تناقض مشاعر

ضيعوني الكل..
وماعرف تاليها شنو..
المهم حجيت وارتاحيت
ميهمني دفاعهم عني او لا الخذلان.
المهم بعد الي اريدة اسوي وميهزني حب انتهى وراح
ميهمني شي برود عواطف ومشاعر متعب.

نمت بالغرفه الصغيرة
جنت خاله مكتبه صغيرة.. و فراش بالكاع..

دائما اكعد بيها..

نمت بالكاع وسديت الباب..

حسيت ماعرف ساعه بيش اكو احد يمي

فتحت عيوني بظلمة وخيال ضوة يدخلي من البردة
فزيت بخوف
واحد كبالي.
صحت يمه
سمعت صوت غزوان..
لا تخافين لا تخافين

ثواني اتخيل نفسي اني جوة ايدة ويخنكني..

كمت بسرعه

شكو
مديت ايدي ع الحايط فتحت الضوة

شفته بالملابس الداخليه..

كتله شبيييك.

كال شبيج طيرتي ابو الحاله الي بيها اني

نجمة /ياحاله.. تخبلت انت.. شنو جن فوك راسي

كال جيت اكولج لا زعلين مني.. من اعصب ما سيطر ع نفسي.. وانتي هم اليوم
دكيتي سالفه متسولف.. لايكلج القوة نجوم

باوعت عليه صفح..

وتقربت منه. وحسيته راغبني مو اكثر

التصقت بي.. ومديت ايدي ع راسة.. وحجيت بصوت ناصي اخاف مصخن يول..

غزوان /اي والله.. صاير تنور.

بعدت عنه..
والله نعسانه وتعبانه ورجلي توجعني انزل ع ماما تسويلك كمادات..
لو خابر الشفيه.. دزلك بوسات تبرد حرارتك

لو تحب اخابرلك الاطفاء

باوع عليه
كال.. ثول اي والله ثول..

وعافني وراح سديت الباب وقفلتها وضحكت من كل قلبي

ورجعت نمت

شكد احب غرفتي هاي
وخاصه شباكها الي يطل ع الشارع..
بيتنا عالي..
جنت دائما افتح البردة واطلع.. واشوف.
اكو بيت مقابيلي دائما انتبهه عليهم..
من شكله الانسان يحس بهدوء عميق
الباب البيضة..
والسياج الناصي والشجر الي مغطي السياجهم
وخاصه الشايب والعجوز..
يوميه يطلعون السكملي.. ويكعدون بالحديقه
هو يعتني بالزرع وهي تسولف..
مرات يندار عليها ويضحك..
ومرات يبقى يسقي الزرع وميحجي وياها
وهناك وتطلع اله بصينيه جاي.. وياها كليجه
ليمي اشم ريحه الهيل...

حلوين..
وحلو الحب من الصغر للشيب..

وارحع ادخل بعالمي الخاص الي محورة الخيال..

محد يصدك اذا.. الي صار تعلمته من روايه

البطله تنتقم من الكل وتربح بالاخير..

لكن اني راح اكون مثلها بيوم..
واعلن انتصاري لو الخذلان يكون مصيري..

بعد الظهر.. رتبت كل شغلي.. بدون ما اححي ويا احد
بدلت ومشيت لحلا..

واخذت ويايه الغراض..

جنت اتمشالها وحدي.. الجهال كبرت وطلعتهم ويايه تعبني
وشهاب فدوة لطوله بدا يروح ويا ابويه..
للشغل وسعادة..
تجي يمي اغلب الوقت....
بس صدفت.. اليوم.. صديقاتها يمها وتلعب بالحديقه..

تمشيت وصلت الها..

دخلت..
هلاو حلا..
حلا /هلا حياتي.. جانت تحف لبنيه

كالت اكعدي هسة اكمل..

بقيت واكفه والم الها بالغراض الي مطشرة..

جانت تسولف ويا الزبونه.. عن الايجارات هنا.. وغيرها..

كملت الها المحل..
كتلها اروح اني جبتلج الفستان ارجع وبعدين اجيج

كالت اكعدي دقايق دروحي سويلنا جاي بين ما اكمل..

دخلت جوة طباخ صغيرة خاله..

حضرت الجاي..

اجتي يمي.. شبيج شكلج ميعجبي..

باوعت عليها..

حلا.. قصيرة.. وشعرها هم كاري اني كصيت مثل كصتها لان عجبتني.. بس شعرها اصفر..
واني اختاريت لون الخشبي احلى شفته
ملامحها حلوة.. وسمينه شويه..

كتلها خايفه..

جرت من ايدي الجاي..
تعالي اكعدي شبيج. ومين خايفه..

راحت سدت الباب ورجعتلي جرت كرسي كعدت كبالي..

احجيلي شصار..

حجيت الها وجانت تضحك..

ولج عفيه عليج افضحي.. هالمعفن بس تدرين.
نجمه.. غزوان حلو..
نجمة/اووع لا ذكريني بي..

حلا /. ضحكت ولج اقصد طوله وجسمه وشكله واناقته مرات يفوت منا اباوع عليه
اكول معقوله هذا الانسان مثل متكول نجمة..

كتلها اذا متصدكين براحتج..

حلا/لا ولج اصدك.. بس اكسبي.. اغري حاولي تبعدي عن المكموعه سولاف مدري شسمها
جيبي يمج.. وخلي ينسى الدنيا وياج..
صيري مرمر.. شبيج تجي هنا تسولفلي سوالف عقلي يوكف عليها

ولج لوتيه مخليه ابوج ميندل لليله من نهارة

هالمرة اني ضحكت واذكرت من كسبته شصار..

بقيت ساكته وتغير موضوعنا تريد تخصل للي

كتلها عوفيني مالي واهس نفسي مو خصل..
دخلت زبونه وتغير كلامنا..

مر للوقت واني محاسه بشي..

الى ان اجتي عليه سعادة..

كالت تعالي.. عمتج دزتني..
بوستها ورجعت وكتلها اتصل بيج
سالفه الاتصال مزعجة بسبب اكثر من جهاز بلبيت
اكثر من مرة اتصل واسمع لو عمتي لو غزوان يصنتون عليه.

لهذا تركتها..

رجعنا دنمشي.. كالت سعادة بس اشتري امشي ويايه
حاولت اجرها..

مقبلت الا تشتري تقربنا من المحل.

وكفت الها برة... شفتها تشتري..
وكفت يمي سيارة..
انداريت بدون ما انتبه ع الشخص ورجعت عيني ع سعادة كتلها فضيني.

حسيت احد واكف بصفي..
بصوت خشن السلام عليكم..
انداريت..
هذا منو وين شايفته..
رجال ضخم وطويل وشعرة خفيف..
وعيونه ملونه وعندة لحية..
ابتسم بوجهي.

انداريت من جديد ومشيت اريد ادخل للمحل..
كال
يابنيه..
هنا وكفت هالكلمه والنبرة اذكرتها هذا.. الولد..
نسيت اسمه يالله..

اندارؤت عليه نعم..
مد ايدية بجيبه.. كال بس هذا وكع منج البارحه اظن سلسله ذهب.. مديت ايدي من بعد اخذتها منه
اي صح هاي كلادتي.. عفته ومشيت
دخلت للمحل.. دخل ورانه

سعادة تاخد وترجع

جريتها من اديها فضيني عاد..

كالت اي اي هسة..

جريتها كوة وطلعت من المحل..

جان واكف..

من صرت قريبه يمه.
كال مكلتي شكرا..نجوى.

انداريت.. عليه باوعت.. نجوى منو شبي هذا
واخذت اختي وركض جنت امشي واجر بيها
علما وصلت البيت وسديت الباب
روحي طلعت..

دخلت بوجهي عمتي..
مبدله.

كالت الحكي..

شكو..

ولج مرمر دجيب وهي بعدها مو بشهرها..
جريت اختي..

كتلها ميخصني والله جابت وله ماتت..
عمتي /وتالي وياج وتالي هل عداوة متفض كافي تصرفاتج كلها غلط
البارحه عبير الطريقه كله تبجي اني اعرف شتريدين تسوين اعرفج مو فقيرة لا والله
وهاي سولافه تهمتيها وفضحتيها خليتي القاعه كلها تحجي بيها
وتالي وياج

كتلها اسمعي. مرة حبيرة ع عيني وراسي احترمج اي
بس تاذوني واسكت لا انتهت نجمة القديمه
يعجبج يعجبج ميعجبج اطلعي برة انتي وولدج

هذا بيتي وخير امي هذا..
مثل الشجرة السامه انتغرستو وجذوركم بكل مكان بس يجي يوم وتموت ولو اني لو انتو

العيب ابنج كاعد يبوس بيها اييع وسم كون..

عمتي/لا لا بعد ما اتحمل اني.. يجي غزوان واعرف شسوي...

ضحكت.. كتها ميسوي وربج... ابنج عبد الفلوس
وانتي هم

عافتني وراحت.. وتحجي ادبسز.. ممربايه صلفه..

سديت الباب وكعدت اني وسعادة

سعادة جانت فرحانه بولادة مرمر
يشهد الله

رغم مرمر حقيرة بس ولا يوم ضربت اخواني او اذتهم
او حرمتهم من شي اصلا مالها دخل بيهم بكل شي
المهم هي تفرفر وتلبس ذهب..

مر الوقت هادئ وبارد ورة ساعات ابويه اجاني اصفر ويرجف

دك الباب عليه..

طلعت اله خير يابه كال بقي شهاب يمج..

اححيلي شصار..

كال هم عمليه واني اخاف منها.. لان ماتت امج بسببها

بقلبي ايبااه ذكر امي واخيرا..

اخذت اخويه وهو رجع..

للمستشفى..
اقل نص ساعه..

دخل غزوان بالبدايه ارتبكت منه بس اول ما طب ذب السويج كال حضريلي اكل.. تعباان..

اختي يمي..

حميت الاكل.. مدة ونزل..
صبيت اله.

ع الميز

داروح
كال اوكفي عندي حجي وياج.

نجمه /ماله داعي كلامك..

غزوان!/ عمو سعادة روحي اشتري وانطاها فلوس ....
كالت اي عمو جنت اخنزر عليها وهي ولا يمها عافتني بسرعه
ولج تعالي..

جرني من ايدي اكعدي لا تخلفين..

بدا ياكل..

كال.. نجمة تصرفاتج وغيرتج و تغيرج ولبسج
حتى جسمج غيرتي
مال وحدة تحب...؟؟؟
سكت وشرب ماي شويه..

انتي تحبيني..

حايرة بردي اله..

اكولة كون اطبب بعينك الخاشوكه وتصير اعور
وراها اضربك بالجدر ويصير بيك شلل
واضحك عليك طول عمري..

بالحظات تخيلت هو بجامه بازة وموسخ هدومه والجهال تركض وراه ابو شخة .

ضحكت..

حسيت بي ابتسم..

باعي اعرف وليد جان يحبج وجان زعطوط.
ويسوي هيج عود شوفيني اني احسن منه.

واعرف بيج تحبيني..

يالله هذا شديخربط..

سكتت اكثر...

شجاوب هسة..

مد ايدة ع ايدي.. ولزمها
كضيت وياج لليله من العمر..

ويوميه اتمناج بحظني واضوك عسل شفافج

كل شي بيج يثيرني.. نجمة..

كمت مم الميز ورايه الباب..

اعترفي كولي احبج..

شبيج ساكته.

نجمة /اختي اتاخرت..

ذب الخاشوكه وكام..
تقرب مني..
كولي احبك..

مسامعها منج..
ولزم زري..

كتله.. والله من تصير رجال الي وحدي ذاك الوكت اكون الك مراه كامله..
ودرت وجهي واحجي ويا الباب يالله هذا وكته شبي

حضني.. من الخلف..

جنت اكول لنفسي اصبري اصبري..
لا تحجين شي..

شفت الباب انفتحت.

بعد عني دخلت سعادة..

طبت للحديقه..

كال شلون الج وحدج ورجع للميز ياكل

كتله سولاف.. ويوم مخبله

انداريت عليه غزوان.. يجوز احبك ويجوز امووت عليك وانت متدري..
يجوز اتعذب وابجي يوميه عليك.
واشوف غيري الحب الها واني ممحترمني

ويحوزاكرهك واتمناك تموت..

ضحك بصوت عالي
الاول كلامج صح.

شنو المطلوب مني اعوف سولاف..

دخلت سعادة.

كالت مرمر جابت ولد
مرمر جابت ولد..

وللحكايه بقيه

اعتذر عن التاخير
باجر بارت اضافي الكم
♥️

[لامارا]

نجمة والخلخال
ج 20

دخلت سعادة.

كالت مرمر جابت ولد
مرمر جابت ولد..

كام غزوان من الاكل شنو هاي شوكت عمة جابت..

وكعد يحسب بايدة..
بعد مو هسة..

منو كلج سعادة.

كالت / بابا برة البيت تعال شوفه..
ترك كل شي بايدة وبسرعه طلع..

...

حمدت الله المسرحية خلصت..
وضجت لان مرمر جابت.
شهاب ووسعادة فرحانين..

طبو وباديهم كومه فلوس..

عرفت ابويه ع سلامتها ديوزع..
انحصرت رووحي..

ليش ياربي الموزين هيج الدنيا وياه عدلة بكل شي..
شويه ودخل غزوان..

كتله تعال كمل اكلك..
كال لا يابه يااكل مستعجل.. مشى شويه ورجع...

كال متجين؟؟؟
كتله وين..

غزوان /نروح نشوف عمتي..

ونتحمد ع سلامتها..

نجمة/اظن اني ممرغوب بيه..

غزوان /معليج انتي وياية..
نجمة /لا رووح انت مالي دخل بيها ولا بابنها..

غزوان.. مشى ويحجي بالممر..

نجمة ربحان الي يمشي وياية..

لميت الاكل من الميز وطلعت شفت الجهال جايه من الاسواق وكل واحد بيهم بايدة علاكه شكبرها

..

طببتهم للبيت.. و غزوان نزل..
يلا نجمة امشي..

نجمة /لا ماروح..

جان يعدل بملابسه..
وكعد يلبس حذائة..
غزوان/اليوم اريدج الي وحدي بس تمام..

كمل لبس وعدل نفسه..
وغمز الي..ماوصيج.
بقيت فاكه حلكي.. هذا شبي ياربي..

تخبل عليه ابن المخبله.

بقيت اباوع عليه شغل السيارة..

وفتح باب الكراج..
وكفها باب بيتنا..
ونزل يسد الباب..

كال بصوت عالي اليوم لا تسوين عشا..
اجيب ويايه.. بس رتبي وضعج..

تمام.. وحركه الاوكي بايدة..

وسد الباب..
انداريت اني هييهيي وافر بايدي شحضر ابن المعزايه
خرب بيومج نجمة
شسوي اني..
طبيت للهول الجهال ناثرين البيت بالحلويات والجبس..

خرب.. يمغودبن توني نظفت البيت صدك جذب
ياربي..
بديت الم بيها..
شهاب بعدة صغير..
وكلامه مو مفهوم بس داسمع تكوله لا ولك هاي ماما نمنم لا تحجي عليها..

لميت الغراض.. واحجي عليهم.
تقربت منهم..
كتلها شبي شهوب..

كالت.. هاااا يكول..
شهاب لزم حلكها. يكول لا لا..

تقربت منهم.. عمري كله ممستخدمه القسوة وياهم..

كتلها شكو..
تقربت مني.. وكالت يكول عليج مخبلة
فتحت عيني وانداريت ع شهوبي..

صدك بجيت..

وجريته يمي جان خايف..

كتله هاي علييمن مخبله..

بقى ساكت..
كتله منو علمك تكول هاي الكلمه احجي..

سعادة لسان..
كالت هاي مرمر دومها من نجيج تكول رايحين للمخبلة
متصيحج نجمه المخبلة

حضني شهاب وكام يبجي..

لزمته حبيبي.. محد يحبكم بهذا الكون كله بكدي مستعدة اعوف كل شي علمودكم....
جريتهم اثنينهم
سعادة شهاب..
مراح تفهموني بس كل حملي ذابته عليكم وانتظركم تباروني بيوم..
كمت امسح بدموعي..
شهاب انت مو اخويه انت ابني اريد هالكلمات تبقى ابالك..

انت سندي.. وسعادة انتي بنتي اريد ارفع راسي بيج..
بس يهزون راسهم وعيونهم كلها دمع..
ضحكت الهم ضحكوا بوجهي..

كتلهم يلا..
نرتب البيت واسبحكم..
و اسويلكم معكرونه وعندي كاسيت مال توم وجيري..

كامو يكمزون..

طلعت منهم..
وطلعت برة.. بالطرمه.. اول مرة افتح زيجي..
للسما..
وادعي.. الله لا يوفقج مرمر وعساج لا تشوفين يوم راحه..

ربي اذا بيه حوبه طلعها..
واشوفها بحياتي..

حسبي الله عليكم..

.....
اخذني الواهس وبديت.. اسقي الزرع..
وطلعو الجهال يمي..

حلو من اشوف الي زرعته كبر واثمر
اجمل احساس.. اشوف حك تعبي ياترى يجي يوم واذوق ثمرة تعبي..
كملت ودخلت للبيت...
اني والجهال وحدنا والكل يم مرمر
نسيت او تناسيت كلام غزوان الي..

اندك جرسنا.. اباوع ساعه عبرت السته

طلعت صحت منو.. منو...

تقربت من الباب..

منو..

جاوبني شخص اني..

نجمة/اي نعم منو انت..

كال اني مازن.. انتي نجوى؟

مازن نجوى رجعت ذاكرتي وعرفت الي دك الباب منو

هذا صديق وليد..

فتحت الباب ع كيف..
ومديت بس عيوني..

اتفضل..

جان داير جسمه عني وهم يدخن من شافني شمرها وابتسم..

تفضل؟؟؟

كال اني مازن الي..... قاطعته اي والمطلوب..

مازن/وليد موجود..

؟؟؟
نجمة /لا مموجود واصلا مساكن يمنا..

مازن /من رخصتج دقيقه مو اكثر..

راح افوت مباشرتا بالكلام.. اني من الطبابة العسكريه.. صديق وليد المقرب..

نجمة/بدون زحمه اختصر الكلام شنو تريد..

مازن /نجوى.. اني اكدر اساعدج..

فتحت كل الباب اولا اسمي نجمة وثانيا والمهم يعني جاي واكف بابنه علمود اعرف انت طبيب عسكري..

وبيش تخدمني

مازن /اسف اسف اعصابج حبيت اقدم مساعدة الج بعد الموقف الي صار.. وصدكي اني انسان واعي.. ومثقف..
مجرد ما سمعت هل كلمتين

.. سديت الباب.. بوجهه ودخلت..

يالله هاي العائله ماعدهم غير هل جملتين واعي ومثقف.. وهم ميعرفون شنو الثقافه
وصلت لباب المطبخ.. خجلت من تصرفي لكن بقيت.. ومطلعت ابد
سديت الباب وقفلتها شيريد يساعدني اصلا..
وهو ميعرف شي..

.....
كملت اليوم بين الجهال وسهرنا ومحد اجه..

اتعمدت اصعد من وكت فوك واقفل الباب وانام واني والجهال..

كلام غزوان قلقني اكثر..

......
ثاني يوم من ساعه ٦ الصبح كاعدة من نزلت شفت غزوان موجود بغرفته نايم..

نزلت جوة.. عمتي مراجعه
طبيت للمطبخ شفت مواعين اكل..

ع الميز جايب كص سفري وماكل منه شويه وعايفه..

لميت واللتهيت ويا الجهال
كعد من الصبح بدون ميحجي شي هذا الانسان غريب
ولا عبالك نفسة البارحه..

بس بدل وانطة فلوس للجهال وطلع بدون ميتريك

والدي هم كذالك راجع للبيت سابح ومرتاح وطلع

الكل قلق علمود ست الحسن وابنها ولي العهد..

للظهر اجتي عمتي تخفگ وبسرعه طبت..

مجرد سلمت عليها وماسلتها بس هي بدات تحجي مرمر جابت وصحتهها زينه وشلون ولد جنه فلعه كمر
ابيض احمر..

وتسولفلي عن ابويه شلون فرحان بي ومتطلع مرمر منا ليومين بعد لان عمليه..

والطفل مكامل بس صحته زينه..

طبت سبحت و اخذت غراض وطلعت..
بقى الوضع نفسه اضوج اخذ الجهال واروح يم حلا.
اكضيها سوالف يمها وسوالف ويا الزبونات..
.

وارجع اسوي العشا وارتب البيت ونكعد اني والجهال
اكعد اقرا والجهال تلعب وتتعارك..

كل شويه اعيط..
اما اختي رضوة لا اتصلت ولا اجتي ولا شي..

ومن الكلام عرفت رايحه للمستشفى.

غزوان رجع بليل تعبان لان مرجع للبيت بعد دوامه
علمود والدي يم مرمر وهو عليه الشغل
غزوان مدير كل شغل والدي هو الي يتفق ويبيع ويشتري ويرتب كل شي
والدي بس يشرف ع العمل..

اجة تعبان..

كال حضريلي حمام.. كلش تعبان..

؟ احضر حمام.. ممسويتها قبل اله..

صعدت قبلة حضرت الخاولي وملابسه وفتحت المي وطلعت بسرعه ونزلت جوة..

دك التليفون

اكثر من جهاز عدنا بلبيت بالهول والمطبخ وفوك

اول ما دك شلته..
الظاهر بنفس الوقت اني وغزوان رفعنت السماعه..

سمعت..
الو صوت بنت

الو غزوان

سولاف /شلونك غزوان شخبارك
غزوان /الحمدلله

سولاف /بعدك زعلان مني

غزوان /بحسرة لا..

صوت الجهال يمي مبين.. بسرعه رحت سديت الباب ورجعت..
شلت السماعه

سمعت مستمرين بالكلام..

سولاف /اني بعد ما اتحمل هاي الحقيرة فضحتني كدام الكل.. وانت ولا يمك اريد حل لو اني لو هي

غزوان /سولاف تعبان حيل ومالي خلك مشاكلج..
سبق وكتلج هي مرتي رضينا او لا اسمها ع جنسيتي وماظن بيوم اسمها ايروح اتقبلي الوضع

وخلينا ماشين صح

سولاف/غزوان قرر لو اني لو نجمة القذرة..

هدوء من الطرفين

سولاف/سكتت الظاهر قرارك واضح ياغزوان..

غزوان/شكولج مثلا شي معقد متفهمي
بصوت عالي

سولاف/لاافهم افهم كتلي زواجي منها ايام وصار سنين..
فهمتي وين تريد توصل راح نتخرج والكل يعرف بينا عدنا علاقه بسببك اني خسرت هوايه اشياء واولها ثقه اهلي بيه وانت بالمقابل شنو متريد تخسر وحدة قذرة ومتخلفه.. وراسها ميسوة فلس..

جانت تحجي بعصبيه وغزوان ساكت

بجت.. احجي كولي هاي السنين الي راحت تلعب عليه

غزوان لو اني لو هي.. قرر واذا مجاوب انساني للابد..

واوعدك متشوفني بعد.. طول العمر..

غزوان/سولاف حبيبي وعيونج الحلوات تعبان.. مداكدر افكر بشي انطيني مهله اسبوع ارتب وضعي وميصير خاطرج الا طيب

سولاف /انت تفهم شنو فضحتني كدام امي تعرف شصار بيه..
لو متحس والمهم بس انت..
كلها تفهمين كلامي لو لا تعبااااان الشغل كله ع راسي..

جاوبته همك الفلوس بس واني طبني مرض..اناني مع الاسف ضيعت عمري وياك..

قاطعها.. هذا تعبي اني.. لا تحجين زايد فهمتي ونفس هذا التعب تندفع اقساطج منه والخط وملابسج وطلعاتج وطبابتج مو بس الكلام الج للعبه بديناها صح وننهيها صح..

سولاف /ولك تعيرني... هاي تليتها.. كتلي اطلك مطلكت كتلي راح اذبها بالمصح ومصار.. شفتها متغيرة ومرتاااحه..

ولا عبالك كلامك صح اسمع لا اسبوع ولا ايام اليوم تقرر..
باي
وسمعت صوت انقطاع الخط...

سديت.. وبسرعه حضرت الاكل..

رحت للدرج.. اسمع بالحمام..

بسرعه.. اتصلت بحلا..

حالا.. الووو

جاوبت هاا نجمه خير..

حجيت الها الي صار شسوي..

كالت الطوبه بملعبج شوفي خلي يترك سولاف وانتي بالمقابل اتركي.. بعد مدة.. حسسي هو لا شيئ..

بس عسة الي عليج.. سحبي يمج..

كتلها رووحي هسة

حلا/افتهمتي

ي اي رووحي...
وسديته.. منها.. بقيت افتر اروح ع الجهال ارتب..
وارجع للمطبخ..

الى ان نزل غزوان بس شكله معصب وتعبان..

كعد. صبيت اله اكل..

كال جاي اريد راسي راح يطك.. طبو الجهال يمهة..
يسولف ويضحك وياهم..

كملت وصبيت اله الجاي..

نجمه/شبيك تعبان..

غزوان / ماكو راحه بالدنيا عادي تعلمنا..

كمت مترددة.. شسوي.. ياربي.. طبه مرض هو وياها

شعليه بيهم..

هناك ووكفت رجعت يمه.. واكفه بظهره..
متردة خليت ايدي ع كتفه وبديت افرك اله..

عاف الاكل وكال عاشت ايدح..
تعالي اكعدي..

عندي سؤال وع فطاريتج جاوبيني..

كتله اسمعك..

سؤالي الاول نفرض انتي كدامج ماعونين..
ماعون بي اكل كلش تحبي وشكله حلو بس كلما تاكلين منه تتاذين ومرات.. تتندمين لان اكلتي

والماعون الثاني هم بي اكل بس متحبي بس هم طيب وخلو و خفيف ع معدتج ويفيد جسمج..

شتختارين. .

عرفت المقصد.. كتله الثاني اكيد..

بقى صافن عليه..

اني هم اكول الثاني..

بس سنين طويله واني اخرب تتوقعين ينفع

اول مرة بحياتي احس بتعب.. نجمه اني تعبان ومهموم حييل..

كمت.. كتله وع نياتكم ترزقون صفي نيتك تصفى حياتك..

وعفته.. اكثر شي كدرت أقدمه الة..

بيومها نام ومتصل ولاخابر

واني.. رحت للغرفة الصغيرة ونمت ويا الجهال

بعد يومين رجعت مرمر.. ورجعت بمزيقه بلبيت.. وهلاهل.. عبالك جابت اميىر

هاي هم امر من امي وسوالفها..

مرت الايام غزوام تعبااان ومهموم بس..
جان يحجي ويايه
ويتناقش

يشوفني بالحديقه يطلع يمي

الا هو يزرع او يسقي الزرع او يساعدني..

ويسولف الي عن شغله ودراسته وننتناقش ..

يصفن ويسكت يكولي هاي شوكت تعلمتي ..
غزوان بهاي الفترة مابين الرفض والقبول..

مرات يجي.. عصبي ويحجي ويغثني هنا اني كمت ما اهتم تعلمت..

ومرات.. لا يجي.. فرحان وجايب وياه الي كتب او اشياء احبها..

ومرات يجي يتحجج

ومراات يهزة الشوك ويجي يم فراشي

يطلب.. الحق الشرعي..
فديوم دخلت لغرفتنا..
جانت هوسه وممرتبه.... وهو مدد بالغرفه يقرا..

دخلت.. شلت الهدوم الوصخة لميتها بلسله ورحت رتبت الغراض..

كتله كووم اريد اشيل الفراش.. شحاله..

بعد الكتاب..
كال شنو ناويه تنامين بي وادفي الي..

اشرت يلا كوم فضني دافتح غسالة..
ادفي عشتووو.. دفي روحك وتلفلف انت..

اتحرك ديكوم تقربت من المخدة اجرها جرني..
كعدني بحضنه وحضن ايدي حيل..
غزوان بعد عني خلي اكوم وبلا هالسوالف..

لا تجبرني ع شي ماريدة..
ضحك بصوت عالي..

كال اووف يتمنعن وهن راغبات..
انداريت عليه صرت قريبة بوجهه..

كتله تدري ما احسك زوجي.. والله..
فهدني واستهدي بالله واتعوذ من الشيطان..

لا انت الي ولاا اني الك..

غزوان /اكولها الج اريدج.. افتهميها وبعد ايدة..

ضحكت.. تذكر من شرحتلي ع الاكل.. وكتلي شتختارين؟؟

هسة اني اكولك.. اختار اكل محد ما اكل منه وما اخذ فضاله غيري..

وكمت عنه يلا كوم ابدل الفراش..

؟؟؟؟
غزوان / نجمة لازم نخلي حد لعلاقتنا..
ولا تنسين اني زوجج واريد الحق الشرعي بينا..
.. نجمة/حق شرعي على زواج اساسه غلط..

غزوان / غلط؟؟

كمت من يمه اي غلط.. من سلمتك نفسي بيوم وثاني يوم تكول الي بينا غلط..
اذا غلط
من تتهم زوجتك بالجنون غلط
من تخليني محل سخريه للكل غلط
من تهيني وتجرحني وتحب غلط..

ماكولك بضعف جربت وياك لا جربت اعيش الحياه العادية

لكن شفت انت متصلح. لاي شي غير..
نبقى هيج..

غزوان /ايبااه صايرة تعرفين تححين

نجمة/اعرف اعرف كل شي لكن الي منعني دووم هي اخلاقي وقناعتي بس.

غزوان/ وهسة؟؟؟

هسة هاي اني ابقى اعيش ع هوايه
يعجبك او لا ميهمني

كام.. وبدا شكله يعصب.كال وحركاتج وتصرفاتج . ترة دوختيني شنو تفسيرها.

نجمة /تفسيرها ولا شي بصراحة..

غزوان /ولج اني مو للعبه يمج اذا اريد منج شي غصب ما عليج تنطي..

نجمة /وسولاف شبيها ياعيني

كااال كافي هذا الاسلوب المستفز زين
اذا عايفج فعلى مزاجي مو اكثر من اريد غصبا عليج تخضعين الي...
كتله عود ليش يعني مزاجك زواجنا جان للعبه..

غزوان / لاتحجين شي متعرفي انتي اني هم ممرتاح
بكل شي.. وانتي معشتي الي عشته..

نجمة.. / تقربت منه اكثر بالله عليك ليش الكل حملني تعبه وذنبه.. وحياه الي عشتوها اني شنو ذنبي بينكم..

وكفت كباله.. اي ليش لا تدلل استاذنا الغالي..

عمتي ملتهيه مابين.. يمنا ويم مرمر

بعد اسبوع طهرو اخويه الي سمتة يوسف وبيومها جابت ملالي للبيت وسوت اكل وحلويات خير من الله وحفله ودك وركص

اني مرحت ولا وصلت بس هذا الي وصلني..

من عمتي. وتوصف الي فرحتها وفرحه ابويه..

اشوف احنا كلنا ضعنا وانتهينا..
وسالفه هديه راحت
ورضوة اللتهت بزواج وابتعدت.. اكثر واكثر..
مرات نعذر ومرات الشوك والحنين يتعب..
اشتاق لمتنا كعدتنا

مثل كلادة وانكطعت وخرزها وكعت وكل وحدة بمكان..
الي يوجع من ادز عليها واعزمها.. وترفض بسبب الدراسه

جنت احاول الم الكل يمي وجنت احاول..
ابقي جمعتنا نفسها..

وراح ابقى احاول.
............

وتمر ايامي ومابيها شي يذكر..
مثل الشتا باردة بكل شي مشاعرها ساعتها.. هواها
كل شي.. بيهابارد.. ونسماته كلها حنين

وتمر عليه ايام لاهبة مثل الصيف متعبة.. وحارة..
وتحرك كل شي بيها..

بقيت ابحث عن ربيع عمري شوكت تزهر حياتي.

........

فديوم.. كعدت..

مر نهاري بين بيت..

جنت داطبخ.. الاكل.. لان عمتي طالعه للسوك مرمر دازتها اجيب شغلات الها..

اندكت الباب علينه..

طلعت..

دخلت عمتي وبايدها غراض ذبتها كالت والله تعبت اجيب وميعجبها لمرمر..

ودخلت جوة..

بعدني مسادة الباب.. دخل وليد..

اتفاحئت بي..

شلونج نجمة..

ها هلو وليد.. اندار شاف علاليك بالكاع..

كال هاي شنو..

كمت الم بيها مسواك..

وليد /شلونج..

مدت راسها عمتي هلا هلا يمه وليد..

عافني ودخل..
طبيت وبايدي العلاليك..
عمتي كاعدة بالكاع ومادة رجلها شكلها تعبان

وواكف.. وليد كال.. فسخت خطوبتي من عبير

عمتي ضربت ع صدرها
ماريد اي نقاش بهذا الموضوع تعبتوني..

افتهمتو لو لا تعبتوني.. ماكدر اكذب عليها اكثر..

عمتي كامت اله..

شنو بنات الناس للعبه يمكم اني تعبت منكم..
موتوني ولد اثنين دمرتو اعصابي..مو بكيفك

اني واكفه.. ومصدومه وبعدها العلاليك..
بايدي..

وليد كلها لا لعد بكيفكم انتو طيحتو حظي وانتو كلش زين تعرفون احب نجمة
تعرفون شنو احبها وهي مرت اخويه..
يعني ابو ابويه ينبش يوميه..

هي ثواني مو اكثر..

انهجمت الباب علينا..
طلع وليد..

دخلت ام سولاف تعد.. وتحجي ابنكم الجلب قشمر ابني والله اخزيكم..
والله اشهر كم.. اباوع شديصير
عمتي طلعت تركض.. طلعت وليد يحاول يهدي بيها
ويردون يجروها للببت بس هي مخلت حجايه محجتها..

وتهدد بغزوان..

عقلي مديستوعب حدث فوك حدث عبالك جنت اركض وتعبت..

بسرعه اتصلت عمتي بغزوان
واجتي مرمر.. بنص الممر ولج عيني ام سولافه اعصابج حبيبه وتهدي بيها..
جرت ام سولاف.. تحاجيها بس ام سولاف عافتنا وطلعت
بقو ال٣ واكفين واحد يباوع ع الثاني

وليد.. اندار ع مرمر وعمتي هاي جزاة تربيتكم الصكط
اتحملو الي صار..

ويحجي ع امه.. كله منج انتي.. كله..

عمتي كامت ادفع بي يلا طبو جوة..
مرمر اندارت عليه تباوع صفح من فوك ليجوة

كالت لا لا اروح اني.. تعالو يمي انتو..

بقوا بالطرمه يحجون..

انتبهت ع نفسي العلاليك بعدها بايدي..
نزلت العلاليك..

سمعت الصوت علا.. مديت راسي طب غزوان..

ويحجي ويا اهله.... ويحاول يهديهم..

هي ثواني..
بابنا مفتوحه.... اندكت من جديد.

وغزوان ووليد يححي..
بس هي للحظه غزوان انبطح بالكاع.. وفوكاه ٢ عسكرين
طلعت بسرعه..
عمتي تصيح.. وليد يحجي..
شفت سيارة.. نجدة وشرطه..

شنو منو ليش مداعرف
وليد يصيح اني ضابط..

سمعت واحد من الشرطه..
شكله ضعيف وطويل
صاح جر هذا هم.. يقصد وليد

انسحل غزوان ع صوت صياح عمتي ومرمر...

وللحكايه بقية
شهرزاد

[لامارا]

صباحكم امان ♥️

نجمة والخلخال

ج21

سمعت واحد من الشرطه..
شكله ضعيف وطويل
صاح جر هذا هم.. يقصد وليد

انسحل غزوان ع صوت صياح عمتي ومرمر...

وواحد يجر بوليد..
وامهم نامت على الي يجر بوليد
شنو منو ماعرف شديصير..

برة العالم طلعت تباوع..
جر جر اخذوهم وصعدو بسيارة وطلعو بيهم..

بقت عمتي ومرمر يبجون اثنينهم..
....

والناس اجوي عليهم يسالون ويواسوهم..

اني واكفه بعيد مصدومه
اولها وليد سالفه عبير

وثانيه ام سولاف
والثالثه الشرطه

شنهاااي..
كلها وحدة بعد وحدة..

دخلت عمتي بسرعه غسلت وجهها ع السنك..

وطبت لبست عبايه وطلعت بسرعه..

مرمر واكفه ويا جارتنا الي ماعرفها تحجي..

هناك وطبت هي وياها..

كالت الها عيني ام حمودي.. تفضلي تفضلي..
وطببتها للهول...
المراة.. السلام عليكم ودخلت..

هاي شديصير..

اجه شهاب بايدة نستله وكلي افتحيها الي..
دنجت اختها منه وفتحتها

شويه واجتي يمي..

كالت شدعواج بنت الملك غازي عيني.
قدمي شي للمراه مو دزت رجلها ويا عمتج..
دتشوف شصار من الولد
لو قلبج برد هسة بنت بدريه..

انطيت النستله اخويه

وانداريت عليها استغفر الله..

ياربي شوفتج حزن وبعادج عيد..

عندج بيت ضيفي بي خطارج..
باوعت عليه من فوك ليجوة مخبله شريد احاجيج..

واخذت عصير وطبت..

رجعت استغفرت ربي..

وبقت تسولف..

اخذت علبة الجكليت وطبيت
اكو اشياء تصير وليدة اللحظه مااتعمدها ابد

دخلت كعدت كبالهم..

وبقيت اباوع ع كلامهم
جارتنا ام حمودي مبينه بنت عز.

اما مرمر سالفتها من الي مشايف وشاف..

والله كثر مالابسه ذهب ماشوف اديها..
ولا صدرها..

الي عرفته رجلها حزبي جبير وعندة منصب وراح ويا عمتي يشوف شنو سالفه الولد
مرمر كاعدة وتعوج بحلكها وتحجي ونافخه نفسها ويا المراة
طريقه كلامها وحركاتها مصطنعه
وكاعدة رجل ع رجل..
و باديها العصير.. وتسولف..
والله حبيبتي ام حمودي ما اسولف الج
ولد اخويه من هم صغار..نومه بالعيون من الفقر والأدب

اصلا اتفاجئت ع الي صار عجييب.. يعني..

واندارت عليه حبيبتي نونه سويلنا كهوة.

واندارت ع المراه تضحك اني بدون القهوة اموت راسي يصدع..

المراة المسكينه بس تتبسم النا...

هيي نونه منو وقهوة هم هجم بيتج اي والله

ام حمودي /لا حبيبتي ماكو داعي.. اترخص منكم
عفت الاطفال وحدهم..

مرمر جلبت بيها اكعدي..

المراة حاولت وياها وكامت تريد تروح..
مشت. مشبنا وراها..

وصلتها للباب..

بالباب كالت الها ام حمودي لا يضل بالكم ان شاء الله خير..

مرمر /والله بس يطلعون الا اسويلج كيكه ام الكريمه تخبل

ام حمودي ابتسمت الها. لا حبيتي مشكورة هذا حق الجار ع الجار

من يمي حجيت.. كتلها لا مرمر سويلها طرشي..
والله طرشيها هي وعمتي ينحلف بي اتخيلي المنطقه كلها تشتري دبتين مو دبه.. لان جانو الولد يفترون بي بل.......
قاطعتني..

يا تدلل مر بس طرشي جدر دولمه هم

ابتسمت لام حمودي كتلها ترة مرمر خبرة..

المراه استغربت وعلفتنا ومشت..

سدت الباب مرمر... واندارت عليه

والله والله.. الا اطيح حظج.. ولج خزيتينه..
نسيتي اختج وكامت تلعلع

انتجيت ع الحايط..

كتلها اعصابج لا يطك بيج عرج.. اذا ماضيج مشرف لا تستعرين منه

مينكر اصله بس النغل..

ومشيت.. اجتي ورايه وجرتني من هدومي ولج

انداريت ودفعتها بكل قوة عندي..
وكعت بالكاع..

كتلها اقسم برب الكون اذا مديتي ايدج عليه متلومين الا روحج كل اوىاقج يمي محروكه حراميه

شوفي الدنيا دولاب شكد متصعد بيج تنزل

خطيتي وخطيه خواتي بركبتج منا ليوم الدين

وثقي بالله ميمر يوم اذا ما ادعي عليج بي..

والحوبه تطلع عساه ما يمر دهر

يلا عيني ارجعي لابنج..

كامت ونفضت هدومها

كالت هينه وسهله يا بنت بدريه لو بيج حظ خلفي وخلي يصير عندج ولد وصفكت اديها حيل وغمتني امداج..

راح يطك الشيب براسج وانتي هيج مذلوله..

لا حضيتي بوليد ولا حصلتي غزوان..
موتي عفتني ومحد كلبج.

وطكت بحلكها ما علينا.. هسة... اعلمج منو مرمر..

ودارت نفسها وطلعت..
من البيت

رجعت للمطبخ صوت تليفون يدك.

بسرعه مشيت شلته

المتصل الو
الو
السلام عليكم
وعليكم السلام..

المتصل /منو نجوى

نجمة /من ساعه السودة والله نجمه شتريد خير

مازن/اسف نجمة اتصلت علمود وليد وغزوان خابروني
هم بالمركز اكو شكوى ضد غزوان ضارب مراة
واني هسة رايح واحلها لا يضل بالج ابد..

ضحكت.. كتله احد كلك اني قلقه لو داشلع بشعري

مازن /هاي شبيج انتي ليش هلكد عصبيه..

نجمه /شوق انت من سالفتك واعي ومثقف تخوف فيا ابن الناس افضل شي لادك ولا تجي..

مازن /باعي..
كتله اني داسمع مو اباوع

مازن/العفو اسمعي ترة قصدي اساعدج انتي كلتي بس اريد اخلص م منه ويمي الحل خالي محامي جبير ومعروف يطلكج بيوم قابل شريد منج اني وصح اني انسان واعي مو جاهل..

نجمة /استغفر الله وسديته بوجه

والله هاي الكلمه احسها تستفزني اكثر من المسبه..

ثانيه ورجع اتصل
مجاوبت واتصل اكثر من مرة.

جاوبت يا نعم خير..

مازن /انتي ليش هيج اسلوبج اذا هذا اسلوبج ويا غزوان فالله يساعدة عليج افهمي كلامي وعيب مال سدين الباب بوجهي وهسة التليفون مو شعلتي ابو ابويه بكبرة.

اخذت نفس.. حازم عيني..

بعصبيه.. جاوبني حازم منو..
كتلة مو انت حازم واني نجوى..

ورجعت سديته.. بوجهه..

وجنت اضحك ومتاكدة راح يرجع يتصل اكثر..

وبالفعل اتصل مرتين بالثالثه..

جاوبت..

شلت السماعه وبقيت ساكته.

كال.. نجمه.. ع هاي اخلاقج اشكرج..

يلا باي..

بقيت مسديت الفون..

صاح الو الو. نجمة. الو..
يمعودة.. الووو..

هو هم سكت..
كال راح اسدة الووو..

كتله سدة..

اخذ حسرة.... اف اف اف كل ظني واحد من الاهل..
حتى راسي صدع.. صدك كذب.. بله انتي عاقله..

نجمة/اعقل منك
مازن/يمه من لسانح.. المهم رقمي يمج واكا نويتي ع الطلاك.. كولي

وعليج الله لا سدي اوكفي..

كتله وياك اسمعك.. بس انت كلتها خفت لا عبالي احد من اهلج اذا تعرف اني متزوجه..

جاوب مازن /صح اسف بس يشهد الله عليه الموقف ميروح من بالي اكرهه الكون من اشوف امراة مستضعفه.. والي شفته وصلي صورة قاسيه..
شوفي..

كتله اسمع ماشوف..

ضحك وكمل اسمعي يابه.. شغلي جمع الاثنين مهنه الطبيب الرحيمه.. ومهنه الضابط القاسيه تركيبه معقدة خلتني اعرف الانسان من عيونه وعيونج بذاك اليوم حجت قصص.. الخوف والضياع اولها لهذا اصريت اعرض مساعدتي الج رغم ردودج الجافه
لكن اني رجل واخذت قرار لو وافقتني انتشلج من الظلام الي بي انتي.

جان يححي واتخيل نفسي بغابه ظلمه وضايعه وخايفه.. مدري القصص طيرت مخي ياهو الي يححي ويايه اتخيل مدري هذا الواقع

كلامه يدل ع ان هو انسان مثقف

كتله.. هسة الوضع تعبان يمنا.. افكر وارد الك الجواب..

كال نجمة.... راح ارد الج تليفوني بالعمل والبيت..
واني حاضىر او تحبين اتصال مباشر مع خالي..

كتله تليفونك يمي.. موجود (تليفون الكاشف بوكتها يظهر الرقم) راح اسجله واحفظه المهم اشكرك واعتذر ع تصرفاتي..

مازن /لا لا ادللي.. المهم دزيت جماعتنا يطلعون الولد وهسة هم بالطريق..

نجمة /حرامات طلع غزوان..

مازن /هيج تكرهي.

نجمة /الكرهه قليل

مازن /الله يساعدج. قرري واني بالخدمه

اترخصت منه وسديته وحذفت ارقامه من التليفونات.

وانتظرتهم..

وصح اقل من نص ساعه اجوي..

غزوان عيونه براسه متخبل..

وام غزوان تحجي عليهم.. واجتي مرمر يمنا..

والي فهمته ام سولاف من طالعه من يمنا مقدمه بلاغ غزوان ضاربها ولو الواسطات ميطلع غزوان
بس واضح اكل كم كفخة ع كم دفرة من وجهه الاحمر
وعصبيته الي تحولت فجاءة الي.

غزوان /بصوت عالي.. كله منج انتي رحتي وفضحتيها يم امها.. كله منج انتي انتي قصد تريدين تاذيني

مرمر /اي والله لا عاب حلكك كله منها هاي الحيه المسمومة..

وليد /هاي الي عرفتها راح تذبها براسها كول اني فاشل لا تحمل غيرك فشلك..

لاول مرة..
غزوان.. كعد.. ووجهه الكلام لمرمر..

عمتي الغاليه.. كلامي موجهه لازوجتي نجمه محلوة بحقها كلمه حيه وشغله ثانيه ماسمح لاي احد يهينها بوجودي او لا..

مرمر /فرت اديها حلوو انت هم فرت دماغك مو اكولك حيه.

جاوبها غزوان لا جاهل اني ولا طفل اني انسان اعرف الخطأ من الصواب.. محد فر راسي ما اقبل اي شخص يمسها

وليد ساكت عمتي اني كلنا فاتحين حلكنا منو هذا

مرمر /خوش عيني وتقربت منه.. لا تنسى هذا مله تعبي زين.. لوما اني يابن اخويه انت متسوي شي..

اندار عليها وبعد ايدها..

كال غزوان /عمة.. هذا كله تعبي اطلع من الصبح مارجع لليل لو نسيتي

اذا نسيتي اذكرج شتو سويت وسويت.

مرمر /لا واضح مسحور انت.. واني كلت هسة ابن اخويه يجي ويطيح حظها.. طلعت لا مسويتك وصله يمها...

غزوان/رجاءا بلا ها سلوب المستفز. سحر ووصله اني غزوان مو اي واحد وتححين عليه.. ربيتني كبرتني فضلج ع عيني بش توصل تهينيني لا اعذريني كرامتي اهم من كل صله قرابه عندج غير كلام اسمعج
تمام..

واندار عليه.. نجمه حضريلي الحمام والهدوم تعبان اني.

مرمر /كامت تبجي مرتك ابو مرتي ضربتني ودفعتني من طلعتو وكالت عساهن لا ردو هاي جزاتي وتغبي حرام بيك سهر الليل
وحرام بيك وصلتك لهنا لوما اني انت تبيع مهضر يم الشيخ.

ادخلو وليد وعمتي يسكتون مرمر..
صوتها عالي.

الله شكد حلو كدامي واحد يشر وصخ الثاني..

عافوني وعافو سولاف..
وحارو بمرمر..

عفتهم وصعدت عناد بيها حضرت المي والملابس..

وصحت غزوان من الدرج
غزوان.. وسكتت بله شدلعه هذا غزو. غزوز.

غزيوان..

رجعت حبي غزوان عيني حضرت الك مي حار. تعال اسبح

تلعلع مرمر مستمر..

صعد غزوان اني من شفته ردت انزل.

كال حلوة مال حبي.. نجمه.. لا تفرحين زايد الي سويته تعبت من كالت وكلت.. اعقلو اثنينكم.

وعافني وصعد..

نزلت اني اشوف مرمر كاعدة وعمتي تححي وياها

عفتهم وطبيت للهول..

كاعد وليد..

من شفته ردت ارجع للمطبخ
كال حلوة هو يدافعلج وانتي حبي.

الله شلون ثنائي تخبلون..

نجمه /مثلك انت وعبير

وليد /راح اعوفها.. نجمة متخيلتج هيج.. تضعفين وتنسيني وتحبين اخويه..وتعرفين احبج لليوم

نجمة /بعد كل الي مريت بي اتاكدت الحب وحدة مو كافي للسعادة.. ارجع لعبير..

بنفس اليوم بليل.. بعد ما الكل ارتاح..

كاعدين بالهول ويمي الجهال..

دخل علينا ابويه بس بدون سلام كام اله وليد سلم عليه

كله هلا..

يدور وين غزوان..

كتله فوك يابة شكو..
كال صيحي.. صعدت عمتي قبلي تركض صاحته..

جنت اساله ميجاوب حتى الجهال دفعهم من يمه نزل غزوان جان بظهري..

كله اسمع ولك انت وياها.. شايل شغلي ع عيني وراسي
وانتي نجمه بنتي البجر هم ع راسي

بس اي واحد منكم يطاول ع ام يوسف لا هنا خط احمر افتهمت غزوان
وانتي نجمه ضربتيها عديتها الج اليوم ادفعيها وتحجين عليها ترة واصله يمي للبلعوم والله..
اكسر راسج افتهمتي

لا عبالج بنتي وتوكف بعيني لا لهنا وكافي شتريدون منها هالمسكينه من الصبح ليهسه عيونها مت جفن والولد ازوهر من وراكم

اسمع انت وياها اخر انذار
وقد اعذر من انذر..

وعافنا وطلع..

انداريت ع غزوان ضحكت..

غزوان مصدوم..

كتله ابويه ابو مريته.. وعلى الدنيا السلام..

انفتح نقاش عائلي واني شاهدة..

ع مكر مرمر شلون غوت ابويه وخلته يزوجها
وشلون خلته يسجل أملاك باسمها

جنت اسمع واتكطع من اعرف اكثر من ملك الها

واحنا شنو النا طلع بس هذا البيت الي بي اني نصه الي وبس

وهذا خير ابويه كله لمرمر
شلون ياربي..

منمت بيومها ابد الوب هذا حق امي وين اروح
ولخواني شنو الهم

اروح ع خال امي لو اروح ع عمتي..

المن اروح واكولهم نقذو ابويه..

كمت من فراشي..
طلعت من الغرفه..

تقربت ع غرفه غزوان سمعتها هدوء..

فتحت الباب ودخلت..

شفته نايم

ماريد انزل جوة لا وليد عباله علمودة.

رغم اكو حب بداخلي اله
بس كل شي اختلف هسة..

حس عليه.. رفع الغطه من راسه

كال نجمه شبيج..

اكو شي..

كتله لا بس ما اكدر انام.

مد ايدة.. ورفع الغطا كال تعالي نامي يمي..

تقربت ماعرف شسوي..
كعدت ع اطراف الجربايه.. جنت اللعب بشعري من التوتر اريد احجي اله بس ما عندي ثقه بي
طبكت رجلي.. خجلانه مىستحيه..

غزوان /فدوة للخجلان.. وحقج تخجلين..
اني غريب عليج..

تعالي نجمة..

مرات نضعف حييل ونحتاج شخص يطب جروحنا

نحتاج سند نتنجي عليه

ومرات الذاكرة.. تحرك الموقف وترجعنا لكل شي يوجع

اذكرت دكات غزوان ويايه كمت وطلعت وسديت الباب

ودخلت الغرفه وقفلتها..

وبجيت ماعندي غير حل خسرت ابويه

للابد وماعرف شلون ارجعه الي
ضاعو اخواني.

ماعرف شسوي خسرت حبي

حتى الطلاق اطلق وبعدين المن اروح لمرمر

اخ يايمه اخ..

مدري شلون غمض الي جفن....

كمت متاخرة بحيث ماكلين وذابين الغدة ع النار

وكفت اغسل وجهي.. بالممر اباوع وليد مجتف ايدة ويباوع عليه..
غلست.. وكملت ودخلت المطبخ..

دخل ورايه

نجمه احجي وياج..

كتله وليد امك هنا..

وليد /لا طلعت تجيب غراض هسة تجي وغزوان طلع بشغله

حجايه وحدو بس..

اطلب منج طلب واحد....

جنت اخلي الجاي ع النار

نجمة /وهو

وليد /تعووفين اخويه..اتركي اخويه ماريد بيناتكم علاقه افتهمي نجمة.. ماكدر ما اتحمل.. واللهىيجي ابالي اموته واخلص من التفكير والقلق والدمار الي بي اني اني متعذب الوحيد
اوعدج اترك عبير وانتي اتركي..

جاوبتة وبعدين وليد..

وليد /ماعرف ماعرف يوم عن يوم تتعقد الامور ولني تعبت والله ماعرف شسوي ابتعدت اتاذى اتقرب اتاذي تعبت من هل الحب وهل الحياه اريد اموت اسكن كبر اريد انام مرتاح ميمر يوم م اذا ما اتخيله يلعب بشعرج يبوسح يتقرب الج تعبت.
افتهميني نجمة..

شفت عمتي فتحت باب الكراج..

كتله انت سبق وكلتها.. اني وياك ماضي والماضي انتهى وراح..

دخلت عمتي.

ذبت عباتها وعلكتها وتباوع علينا بخوف..

وطبت لغرفتها وصاحت وليد وليد تعال

حضرت الي لكمه سريعه

وجانت عمتي ووليد بالغرفه
طلعو اثنينهم..
عمتي تضحك.. و وليد نضرته حزينة ..

عمتي كالت صافينه القلوب وهالايام نبدي نشتري جهاز العرس ونصبغ الغرفه يعرس وليد..

وليد /نجمه صبيلي جاي وياج.. راسي مصدع

صبيت اله جاي. وانطيته اله ع الخير ياربي

وليد كال خير الي يصيبج يارب اشكرج ياغاليه
ان شاء الله نشوف اطفالكم

عمتي / رفعت اديهاا امين ياربي..

وليد /اي ليش لا.. يستاهلون..

واندار ع امه عاد نجمه تدري غزوان مزوج سولاف بسر لو لا يمه

وللحكايه بقيه
شهرزاد

[لامارا]

نجمة والخلخال
....
ج 22

واندار ع امه عاد نجمه تدري غزوان مزوج سولاف بسر لو لا يمه

عمتي كالت هاي شبيك وليد شلك بهل حجي..

وليد/من حقها تعرف..
عمتي/يمه نجمة معليج بي . عوفي.. هذا ديخربط
بالحجي..

تجمة /مزوج اولا ميهمني
بصراحة.

وليد/ليش هذا مو زوجج حبي نسيتي..

عمتي /عيب شنو هل الححي وليد.. عوفهم...

كال.. كافي تلعبون علية.. كاافي..

اصلا.. هي تعرف كلش زين.. كافي هذا اللعب بالمشاعر
خررب بالفلوس..

شنو حبيبتي تنام بحظن اخويه.

اني بعد ما اتحمل هالوضع.

عمتي تقربت منه.. ولزمته.. وليد شبيك ابني شدسوي انت.. هذا اخوك وهاي قسمته

ادري بس هي مراة شبيها عبير فدوة لطولك..

نجمة /وليد كافي للعبة ودخلتوني بيها غصب عني..

لا تجي هسة تريد تطلع البطل.

الكل اتخلى عني من الاول

تقرب مني..
كال اني تخليت شوكت اتحداج اذا عفتج بيوم
ولج عفتج علمودج بس.

بس مداتحمل تفهمون لو لا للعب هذا..
اني مداكدر..

بعد ازوجت يعني ادخل طرف بعد بهاي اللعبه للقذرة

واندار ع امه ابنج يحب سولاف وزوجتو نجمه ع الفلوس
وهسة شحصلتي كولي الي

لو باقين ع الطرشي احسن
حصلت نجمة بجتفي. ونجمه قلبي راحت من ايدي
شلوون ارتاح اني.. فهموني

جان عصبي كلش... خلاني واكفه وماعرف شحجي..

سكتت والسكوت المه يوجع..

عمتي /كافي وليد روح ارجع لشقتك احسن

ارتاح اعصابك تعبااانه..

وليد/مالي نفس يمه لا عرس ولا غيرة مالي نفس حتى بهذا الهوى
محد بيكم يحس بناري

من اشوفها ويا والي يقهر ياذيها
خبلها دمرها باكها

عاطت بي امه

كلها لا انتهت ما اسكت بعد
عمتي كامت تلطم يمه شتريد تكول لاخوك احب مرتك يمة وليد شجاك
واندارت عليه نجمه ع بختج ابوس رجلج عووفي ابني
راح يذابحون كلبي يحس هاي تاليها..

يمه لا توجع قلبي عليك

وليد/وكلبي الي كسرتو شنو؟

اندار عليه
نجمة لو مزوجه غيرة انسى وادعيلج كدام عيني واعرف كل شي يصير..

نجمة.. عووفي لخاطر الله تتندمين بعدين مراح تحسين هسة
مقشمرج بالحب..
ولج نجمة نسيتيني.. وهنت عليج.. واني بدونج تعبان..
تفهمين تعبان لو لا.

نجمة للمرة الاخيرة اكولها عوفي اخويه..

نجمة/اعوفه وين اروح وليد.. لمرمر لو لابويه

ياربي مدتحسون انتو مسويني للعبة باديكم

ناس تزوج وناس تريد تهدم..

كتلك اني من ضمن اللعبه.. لا ما انسحب وليد واعوف كل شي اعذرني..

هل المرة اني اكولها اطلع من حياتي وللابد..

نسيت صدك الي..

عمتي تبجي..

وليد /تمام نجمة لعد ابقي ابقي لحد ما يموتوج

ابقي نجمة..

عفتهم وصعدت لبست هدوم ونزلت..

جانت عمتي مستمرة تحجي ويا وليد..

داطلع..

وليد كال..

اسمعيني للمرة الاخيرة وكام تقرب مني.

اسمعيني كل شي مراح تخسرين

ماريد فلوسج ولا اريد أملاك اريدج الج انتي
كولي اي
واني احلها ويا غزوان واليوم.. تنحل

ضحكت وابويه ومرمر واخواني واملاكنا الي راحت بطنهم.

نجمة/ اني ميته بلا احساس لا تحسب هذا الجسد عايش

متتت من مرمر دخلت بيتنا

روح ع عمتك.. مو عليه..

اجيييي وياك وين اروح وكل ظنك اخوك يطلك

فلوس هاي..
مو كل حبيبن انجمعو
ولا كل العشاك نامو مرتاحين
اصعد شوف مخدتي تسولف الك شصار بيه.

عفتهم ومشيت..

اخذتني رجلي يم حلا

اول ما فتحت باب الصالون

بجيت..
جتي ركض عليه شبيج ولج

بجيت اكثر..

نجمه خيرج يمغودة. جرتني.. كعدتني..

جنت منهارة بالبجي ياربي تعبت وتالي ويا حياتي الي ما مشت عدل بيوم.. يارب تعبت تسمعني
يالله..

كتلها تعبت.
جابت مي وغسلت الي وجعي وشربت منه

حلا تعبت كلش..

مما ابويه سجل املاك امي باسم مرمر
ومنا وليد وغزوان ومازن

كالت اوكفي. شنو هالهوسه..

خلي اسوي جاي اصحصح الج..

وعافتني وراحت

والمرايا كدامي اباوع ع ملامحي التعبانه.. باوع ع نفسي وابجي اكثر..

جنت اتمنى احضنه واكوله اني محتاجتك اكثر منك
جنت اريد اعوف العالم كله واروح وياه

بس.
ميفيد.. مجرد تعب واذيه الي واله..

وليد اليوم حسيته منهار.. اليوم حسيت بحبه وغيرته

يحجي.. وكل مشاعرة تجتاحني وتعصر قلبي عصر..

كلمه محتاجج.. هزتني.

كلمه اريدج.

شسوي اني. الوم نفسي لو حظي..

اجتي.. حلا كالت سولفي.. الي

بدايت احجي الها عن الصار

صفنت..
حلا/عزة بعينج ٣ يركضون وراج..
خرب بحظي واني واحد اجوبح والوبج وياه.. وتالي يكولي ابويه جبرني ع بنت عمي

ولج مو بس هاي.. ضحكت يكولي لخاطر العشرة والحب اريدج ترتبين عروستي
شوفي الوعد دادة..
وانتي ٣.. خرب بحظي واشتعلو عمامي

فدوة انطيني من هدومج

كتلها شنو

كالت انطيني من هدومج بالكي اخذ من بختج نجمة

نجمة/حلا مالي خلك سوالفج والله تعبانه شبيج

وانتي تشاقين

جرت الكرسي وكعدت تفتر بي..
وباديها كلاص الجاي

كالت..

مازن عينه عليج مبينه هاي بس ميفيدج

وليد يحبج وشبت بي نار الغيرة بس هم ميفيدج

غزوان اويلي يابه هذا العسل

داداة دايني الي فدوة لطوله

نجمة/هلي شبيج حلا..

ضحكت بصوت عالي..

حلا/شبيج حبيبه والله طول وشخصية ياعمي الف هنيالج

واذا مزوج اسحبه يمي بس انتي ثوله عيني

كون يمي غزوان

ولج مرات اشوفه من بعيد اكول هاي غبرة نجمة
عايفته..

بله نجمة اوصفلي جسمه شيلبس وشياكل
زين شيحب..
بربج من يبوسج شلون... يمه يموت

بقيت صافنه عليها

كتلها هذا هم حظي وياج.. تخبلتي اليوم عليه

وكمت..

كالت وين.

كتلها رايحه الظاهر الصخونه وصلت الج
اني بيا حال وانتي بيا حال ولوما تعرفين شسوة بيه

جرتني.. اكعدي

اعرف اعرف حيال بس حلو.. ميحبني وتكسبين بيه اجر
احسن من سولاف ع اقل صاحبتج مو غريبة عليج

وضحكت لا زعلين عليج الله اشاقه وياج..

ضجت من كلامها بس بقيت يمها

اريد اخسر وكت..

بقت تحجي بس ماكو حل..

عدا الوكت عفتها ورجعت وتعذرت مني.. ع كلامها جان بدافع الشقه مو اكثر..

رجعت شفت عمتي معصبه راسها وكاعدة

من شافتني كامت..

كالت شكلت الج مو كلت الج راح ينهجم بيتي

هل المرة اني وياج بس عوفي ولدي لا يذابحون

شتحجين حقج مالومج

كتلها راح اكول لابويه.. ع زواجه من سولافه.

عمتي /ممزوج...

نجمة /عمة مالة داعي الكذب..

بهل الاثناء طب علينا غزوان

السلام عليكم.. وذب سويجه ع الكاونتر

كال شطابخين.. افف تعبان

امه كالت ها يمه اي هسة اصب طب اغسل وريح جسمك

دقايق بس..

كال شبيكم.. باجين هم مرمر..

عمتي لا ما باجين بس راسي يوجعني..

نجمة/شسويت ع سولاف.. طلكتها لو صدقت زواجك

غزوان ضحك ورفع حاجبه وكال حلوو ههه.. كلام منو هذا

يازواج.. يابه..
ومشى قبل لا يطلع كتله مرمر كالت مزوج..

وكف واندار عليه.. عمتي كالت.. مزوج

عمتي ساكته..

كتله اي رووح اسالها..
المهم غزوان ميهمني مزوج او لا بس اليوم اكول لابويه ع زواجك وانت روح الها واني اعيش حياتي

غزوان بقى يضحك..
تهددين ماهتم خليها ابالج مو اني الي اتهدد..
روحي يلا شيسوين سوي ...

بس خليها ابالج ما اطلكج ولا اني مزوج سولاف حالي من حال الشباب علاقه وراحت وامها البارحه هالمسرحيه مالتها فشلت..

وصفك بايدة تفرغت الج بعد سولاف راحت..

ومد ايدة روحي لابوج كوليله غزوان مزوج

وعمتي.. عادي مو جديدة عليها هل دكات

واصلا اني مقرر اطلع من ابوج واشتغل حر وحدي
لان اني مو خادم يمه..

مو غزوان الي يترزل اني الصيدلاني غزوان الي اسمي وسمعتي..

يلا روحي وصيحني من يرزلج
العفو من يعدمني..

عمتي يمه شبيكم عزيزة بيتي ياربي دخيلك راح اطك حرمل راح اموت بس تتعاركون

وصعد غزوام يدندن اغاني..
صعدت وراه..

غزوان.. كافي لخاطر الله لا اني احبك ولا انت تحبني

اليوم اكول لابويه وخلي تنتهي هالعبه
فلوس وحصلت شتريد بعد كولي

دخل للغرفه وبدا يذب ملابسه..

كال اريدج بكل بساطه شريد مثلا لو نسيتي انتي مرتي
والله علواه تكولين لابوج حتى تطلع منج وانسحب منه

لان متعبني

نجمة /انت مزوج لا تنكر

غزوان /الدلليل

كتله مايحتاج اعرف علاقتكم كلش زين

غزوان /اعرف واحس هاي متفيد.. وثاني شغله ياحلوة من حقي ازوج عاديمثى وثلاث ورباع
واصلا انت هاجرتني بالفراش فعادي..
مناقصني شي حتى مازوج

كتله يعني مزوج؟

جر ملابس ومشى حضرولي لكمه..
وسمعت صوت ردة الحمام..

بقيت واكفه شسوي اني

نزلت بسرعه.. وتوجهت للبرة لزمتني عمتي بقت تححي ويايه بس ماريد جنت اسمع اريد احجي

عفتها وطلعت طبيت لبيتنا واكفه مقابيل الباب ادخل لو لا..
بقيت مثل الغريبه ماعرف شسوي
تالي دخلت..
دكيت باب المطبخ فتخوها الجهال ودخلت

شفتهم كاعدين يتغدون
ابويه شافني.. كال خير نجمة

مرمر خاله ابنها بصفها بس نايم
شافتني غطته ودارت وجهها..

ارتبكت..

اريد احسبها عدل..

شسوي..
اكوله والحل شنو ياخذني لغير مكان لو اكول لمازن

بقين دقايق صافنه.

ابويه كام شبيج بابا.
حسيت ع نفسي

بقيت اباوع عليه وحضنته.

يابه اني اسفه ماعندي غيرك بالكون سامحني والي تريدة يصير..
بعدت عنه ورحت ع مرمر بستها من راسها اني اسفه
اذا اذيتكم بيوم واعتذر متج مرمر..
ضحك ابويه وكلها لمرمر

هاا شكتلج مو كتلج بناتي ترباتي طيب قلبهم عليه

ضحكت..
وهي ساكته ولا حجت..

تقربت من اخويه الجديد..
جرته من الفراش ولزمته..

بعدت نفسي كتله يابه.. ان شاء الله رضيت عليه

رجع كعد ياكل وجام ياكل بايدة ورافع هدومه

كال راضي راضي بابا اكو بجيب السترة فلوس اخذيها الج

ابتسمت اله
ورحت مديت ايدي وطلعت فلوس..
كتله ربي يرزقك ويزيدك ويحفظك النا

اروح اني

ابويه/تعالي اكلي ويانه..

كتله لا لا اروح دينتظروني بس حبيت اعتذر منكم

وطلعت

اني شسويت صح لو لا
اراضي ابويه وارجع ثقته بيه..

وغزوان..
شسوي اله.. اني.. باوعت ع الفلوس

وانداريت ع بيتنا قبل لا اسد الباب وعدت نفسي الا ارجع كل فلس راح الي ولخواتي

وطلعت رجعت للبيت.

صعدت فوك خليتها فوك الفلوس العندي وذهب امي..
كل شي بوكته افض الحسبه الي ابالي
واصفيهم كلهم من حياتي

سمعت وسمعت اشكال من غزوان..

وجنت اغلس عمتي من يومها صفت ويايه..

زاد سؤاله عني مرات اشتت هذا حب لو شنو

مرات ابقى حايرو شسوي ويا اني
وخاصه من يريد يتقرب الي تعبت واني اردد كلمات الماضي تعبت من كل شي دا عيشه..

بهاي الفترة غزوان..
يوميه يجيب الي كل شي اريدة

ويوميه يكولي اطلبي الي تريدي

فديوم

رجع من وكت

جنت بالهول اكرز حب اني وعمتي

دخل كال بدلي نجمه
شنو؟
بدلي بسرعه تعالي..
وصعد يصيحني تعالي نجمه
عمتي دفع بيه روحي..

صعدت شفته فاتح كنتوري ويكلب بي..
كال ماعندج فستان مال حفلات

نجمة /لا ليش..
غزوان /بسرعة بدلي لرقى لبس عندج بين ما اسبح

نجمة /غزوان ما اجي وين

غزوان/ عليج الله لا تفشليني امشي عرس صاحبي

مابين وبين.
وبقى يتوسل الى ان عصب
بدلت
لبست.. كوستم جديد عندي
سترة وقميص وبنطرون قماش.
كعدت امشط شعري وحايرة شسوي .

طلع غزوان صوفر الي باعجاب.. حلو

ووكف بظهري يمشط شعري.. ورفعه.. ونزل خصل من الكذله

كال هيج حلو. تمام.. يبيت دورة وجهج وعيونج الحلوة تبرز..
ومشى ايدة ع رقبتي..

يلا بسرعه..

لميته بسرعه ورتبته وخليت كحله وماسكارا وحمرة حمرة ولبست كعب.. عالي..

ونزلت جان هو قبلي متحضر بسيارة

اول مرة اطلع وياه وحدنا..

الطريق كلة يغني ويدندن..
وفرحان
وصلنا..
مشينا.. جر ايدي ولزمني ودخلنا للقاعه جنت خايفه ومتوترة
بس بسرعه احوي اصدقاءة وجام يعرفهم زوجتي
زوجتي..

وكعدنا اني وياه
ويا كل نضرة يبتسم الي

ويغمز صدقه لله

اول مرة اخجل هيج واول مرة يتغزل بيه..

صارت دبجه الجوبي..
وكام يركص.. هي للحظان اباوع عليه
وانعجب بي
وارجع هناك ويتخربط كل شي عندي

مرات منحتاج الحب بكد ما نحتاج الاهتمام

رجع كعد..

جانو العرسان كلش حلوين
وكل شي يسو عيني عليهم لان ما عشت هاي التفاصيل بيوم..

جنت متلهفه لكل شي..

صارت رقصه السلو..
ودعو الكل يرقص.. جنت سارحه واباوع ع الي يركصون

غزوان /كومي نركص
كتله ماعرف..

كام وكف كبالي لا تفشليني كومي..
داكولك ماعرف..
جر ايدي وكومني..

امشي واحس الناس كلعا تباوع عليه من ارتباكي عثرت.. زين لزمني غزوان جان ع وجهي وكعت

وكفت بنص الستيج.. وقرب ايدة ع خصري حاوطني
وكلي لزمني من ركبتي..

اغنيه ها حبيبي لكاظم الساهر.
بدينا نتمايل ويا لحنها..
احس بي يداعب ويحرك خصري ويمشي اصابيعه بهدوء لظهري
كتله غزوان ايدك لا تحركها ترة والله هسه
ابتسم وقاطعني اششش
ويغني ويا والاغنيه مني تزعل والله ازعل دنيا كلها ولا مكروه يمسك حبيبي وقربني اكثر اله
خنزرت عليه بعد مو هيج شبيك
مد ايدة ع شفتي وحركها اشش ممكن سكتين ثواني..
ونضراته ااي كلها حب
هو احساس ثواني. حسيت يجوز صدك يحبني

باثناء ما نرقص نداريت..
شفت بالميز الي ورانا مباشرتا سولاف كاعدة..

رجعت باوعت عليه..
وخرت ايدي منه..

وعفته ورحت كعدت..

اجه ورايه شبيج ليش هيج
مجاوبته..

شكد صعبه الانسان يكون مغفل شكد اريد اقاوم
اني المن واصلا اني منو

الطريق كله بحجي ويايه. ويحاول يغير فكرتي ويبرر واني مطلبت منه اي تبرير لكن احتقرت نفسي..

اول ماوصلنا نزلت بسرعه وصعدت فوك ودخلت لغرفتي وسديت الباب عليه..

وهذا الثوب الي لابسته مو ثوبي...
ولا هاي حياتي الي اريدها..


بقيت هيج لحد ما.. تعبت.
يوميه امثل يوميه اللعب دور..
بديت اضيع نجمة.. الاوليه والي احبها اني..

بعد كم يوم بديت الاحظ انشغاال غزوان هم تليفونات وطلعات ثبتت الرؤيا عندي رجع لحبه..
.........

مرمر مدخلت النا ابد..

بس جنت اتعمد ويا جيه ابويه اروح يمه بلباب اخذ اكل لو حلويات اي شي مسوي عدنا
تقريبا يوميه اروح...

فديوم شفت ابويه راجع توة وديطب للكراج

طلعت اله بسرعه وكفته

كتلع يابة عندي سالفه وطلب منك
واذا نفذته الي معناها انت راضي عليه

كولي نجمه..
كتله اريد بيتنا القديم يتسجل باسمي

كال هو اصلا الكم مو الي هذا البيت انتي وخواتج

وطبطب ع جتفي لا تخافين يابه اذا اموت كل وحدة خال باسمها حساب وملك

لزمت ايدة لا عمر الطويل الك
بس اريد البيت الي وحجي عندي بي ذكريات

كال سهله ارتبها ويا رضوة وادللي وبدا يضحك
شفتي اخوج شلون حلو

هذا هم حق الله مذبح سجلت اله هو مرمر

بقيت صافنه عليه

كتله اي حق..

وانطيته الغراض اشتهيت الك ذني

كال ليش مجبتيهم للبيت

باوعت للبيت وانداريت عليه

كال لا يابه باجيتج مرمر قلبها صدم مرمر

اخذها مني وراح

بيوم ولليله بدا تحضير زواج وليد

وبدو يجون عمالة ويرتبون بالفوك واشترو الاثاث

ونصبو الغرفه.؛.
بسرعه بسرعه.. صار زواج
وليد..
باجر حنته واليوم يجون يرتبون الغراض

صعدت لغرفته..
دخلت. مجرد ما دخلت رجعت ذيج نجمة ام ١٣ سنه
مو اكثر
ختى من شفت روحي بالمرايا شفت نجمة بثوبها المورد والكصاياب
بقيت اتاملها..
. كل شي بيها مو غريب عليه

وكانما شايفته قبل الاخشاب البيضة والستائر البيجي

وفرشتها البيضة..

التحفيات..

الوحات كلشي هنا بي روح..

كعدت ع الفراشه وبقيت اباوع ع الغرفه..
شفت ع التعلاكع بدلته العسكريه
جريتها بايدي وشميت عطرها
اخذت نفس ترس ريتي

وحضنتها..

ماعرف شلون مددت وغمضت عيوني واني حضانه البدله

مابين اتخيل هو وعبير هنا ومابين اتخيل نفسي وياه

الله حب الطفوله يتوج بزواج
شفت نفسي بدله البيضه
وهو كاعد بصفي يبتسم الي ونفس رجفه ايدة من لبسني الخلخال

هسة بصفي وديرفع البوشي

وغمضت عيوني.. وحسيت بي تقرب مني..

فجاءة فزيت..

ع حس..
فتحت عيوني عبير وامها ووليد وعمتي بالغرفه

وللحكايه بقيه
شهرزاد

جنت كاتبه شويه منه ونمت
. وكعدت ع صلاة الفجر ورتبته الكم

ديصير النشر يومي او بين يوم ويوم حسب

مين جبتوها كل اسبوع بارت شنيهاي
🤔

المهم
يسعد صباحكم..

[لامارا]

مساء الفل

نجمة والخلخال
ج 23

وغمضت عيوني.. وحسيت بي تقرب مني..

فجاءة فزيت..

ع حس..
فتحت عيوني عبير وامها ووليد وعمتي بالغرفه

كمت بسرعه.. صخنت ماعرف شحجي وشكول

ام عبير صافنه عليه.
عبير تباوع ع وليد..
عمتي اجتي يمي بسرعه..

جرتني من ايدي..

كالت يامكرودة.. دصفطين غراضه وغفيتي هزيت اي راسي بسرعه اي اي
اخذت البدله علكتها..

و رتبت الفراش..
مرتين انضرب بالجربايه بارجلي روحي تشوغ بس اسكت ما احجي شحجي فشلتي متسولف لاحد

عمتي ضحكت وبدت جر بغراض عبير
وعبير تعاونها

ام عبير ضايجه ومبين من ملامحها

عيوني صارت ع وليد
وياريت مشافته..
ولا رفعت راسي عليه..
عيونه كلها دمع.. اذا اطخه يبجي

انداريت كتلها اساعدكم

عمتي / لا حبيبه ههه هااا روحي جووة ملحي السمجه وعينج ع اللحم

عبير/ ابتسمت الي بكل صفاء لا حبي نجومه اخدمج بيوم ولادتج.
واندارت ع وليد وابتسمت..

نزلت بسرعه الدرج ماعرف شلون سويته شبرين..
طبيت للمطبخ وقلبي يخفك حيل
جنت اسمع دكاته من ركبتي..
من كل جزء بجسمي يدك..

رحت ع السنك لزمت السجمه ايدي ترجف.
وكعت مني بالكاع..

ياربي صعب هالاختبار عليه اصعب من الموت

ليش دموعنا سهله ورخيصه وبسرعه تنزل

شلت السمجة من الكاع..

وبديت اغسل بيها..

حسيت عمتي بصفي..

كالت شبيج يمعودة مو حته لحمها تاخ..
وجرتها مني بقوة..
انداريت عليها متفاجئة..

جانت تشتغل وتحجي ويايه. ماعرف شلون عدلت الموقف نجمة لخاطر الله عوفي..

انتي. وعدتيني.

مجنت اعرف شردها او شكول.. لان خجلانه حتى من نفسي..

وبدات تحجي سوي تمن واشويها للسمجه وهذا اللحم
اركب باميا لو تشريب شتكولين

كتلها بكيفج..

شويه ركزي فدوةلطولج..
ركزي
تقربت مني ولزمت ايدي.. نجمة انتي حلوة ومناقصج شي.. واعرف غلطنا بحقج
بس والله غزوان حباب رغم هذا غرورة بس حباب صح ماخذ من عمته بس قلبه طيب اكسبي وكوني وياه
اعرف علاقتكم بس شكل واتقرب الج بهاي السنين مرة وحدة واعرف انتي متحبي بس لاحظي هو ديحاول وياج انتي هم حاولي وتمشي الحياه لا تتوقعين الكل مرتاح لا كل واحد واله لليلى ينشد عليها..
لا تاخذين فرحتنا لمكان بعيد نجمة....

اجه يمنه وليد
عمتي من شافته هلهلت بعلو صوتها
وبقت واكفه وليد جان فاتح الثلاجه امه كالت اله جوعان

مجاوبها..
عافها وراح كعد بالهول
لطالما اني جوة وبالمطبخ عمتي يمي

تصعد بسرعه وتنزل
بحيث كامت تعرج.. من الدرج
جانت محاوطتتي وتراقب كل حركه اسويها
واضح خايفه مني

هو اني خايفه من نفسي قبل كل شي..

اجه غزوان..
شافني بالمطبخ

كال اجوي اهل عبير

نجمة /اي موجودين

غزوان.. / ها خوش..اكولج
نجمة /كول..

غزوان /عندج ملابس للعرس..

نجمة/البس هالموجود
تقرب مني كال هالخير كله وهالعندي.. البس.

خلي ابالج اريدج اطلعين احلى وحدة بالعرس.

نجمة/اي ادلل لازم سولاف جايه.. وتحب تغورها

ضحك هاي ضحكته العاليه الي تستفزني دائما

غزوان/تعبان وجوعان ونعسان.. ومحتاج دفو
وبدا يفتح بالجدورة
ابوج سامطني سمط كل الحسابات ع راسي
جد تعبت بعد

من الشغل وبدا يتضجور ويحجي تعب لان والدي ذاب كل الشغل عليه

ابوج حاير بعمتي وابنها وعايف التعب عليه
بس اني شاطر وربج
وشم الاكل الله شهل الريحه الطيبه.
منو طايخ انتي لو امي.

كتله اني
غزوان / الله الله..
يلا حضريلي الحمام..

ومشى اسمع صوته هلا بوليد ويبوس بي العريس
المعدل.. ويضحك ويسولف
...

صااح يلا نجووم تعالي..

بله هذل شسويله تعلم ع سالفه الحمام هو شكو هل خاولي وهالملابس اخذهم وياك..
نصيت الجدورة..

ومشيت..

باب الهول مفتوحه وبوجهي يصير وليد

انداريت عليه..
همس شي بس مافهمته لان بعيد عليه..

عفته وصعدت.. شفت غزوان ماكو بالغرفه..
عرفت طب للحمام..
اخذت المنشفه وملابسه.. ودخلت للحمام خليتهم..

ونزلت جوة..
من نزلت شفت
غزوان بالحمام.. الجوة دخل.. كتله غراض فوك عبالي تسبح هناك
كال لا نزليها..

صعدت بسرعه نزلتها..
ودكيت الباب عليه..

غزوان فوتي بعيوني صابون..
فتحتها... بخار الحمام كله..
وجان واكف كبالي بالملابس الداخليه فقط..

جرني من ايدي وسد الباب وقفلها..

نجمة /شنو هالحركات هاي هدومك..
لزم الهدوم ولزم ايدي بقوة..

غزوان /اريدج
نجمة شتريد خلي اطلع عيب هالحركات..
ضحك
شبيج نجمة محد حاس بينا.. ملتهين
تعالي سبحيني..
اخوك برة عيب وامي تصيحني..

جاوب اخويه طلع اجه عليه مازن ابو راس المطار
وامي فوك.. واني وياج وحدنا..
خليت الهدوم بحظنه..
وانداريت افتح الباب لزم ايدي مطلعين ابد..
هو دخول الحمام زي خروجه..

انطبق عليج المثل..
نجمة / غزوان الاكل راح يحترك
غزوان/هو اني المحترك بنار..

وحضني. حيل. هاي الهمسات بالاذن وطبع القبلات ع ركبتي وكتفي..
جان تستفز انوثتي مو كثر..

حسيت بي.. مصر ع العلاقه.. صوت انفاسه المتسارعه..
ولمساته. خلتني عاجزة
استسلمت وصرت جماد.. كتله قبل تذكر من اجيتك وفتحت وياك صفحه جديدة..

وسلمتك نفسي بارادتي..
بعد راسه عني..
وكتلي غلطه..
تحب اكولك شنو جان احساسي

كال نجمة / انسي الي راح..

شنسى اتهامك بالجنون لو ضربك تفضيل عليه سولاف
لو ولو..
اذا تريد اخذ حقذ الي تركض ورايه من اجله ما منعك هنا ابو بغرفتك..
بس لا اظن انطيك نفسي مرة ثانيه بارادتي
اخذ جبر..

بعد عني.. اندارين..

جنت اباوع بعيونه..
عيونه يحاول ميواجهني بيها..
كال مستحيل اخذ شي انتي مراغبته وخاصه هاي
اني انسان واعي ومثقف ودارس..
ما انجرف ورة غريزتي اني اتحكم بيها
اني غزوان.. محد يتحكم بيه..

وانعل ابو الي يطخج بعد..
ابتسمت اله

مااكون الك امراة كامله اذا متكون الي زوج كامل...
طلعت
منه واخذت نفس عميق..
ومشيت للمطبخ صار بوجهي
وليد..

كال/حلو.. شنو سبحتي ويا حبيب القلب..

بقيت اباوع عليه شبيك وليد..

وليد /لا مابيه شي وانت قصد تسوين هالحركات التعبانه عيب استحي شويه..

نجمة شبيك يلا وخر. منا داشوف الاكل..
ومالك شغل بيه بعد يومين زواجك لو نسيت..

وليد/لا تخليني هسة اكسر الغرفه داكولج لا تسوين هيج بعد شفتج طلعتي من الحمام
نجمه /ترة عيب كاعد تتسنط علينا
كال العيب عليه مو عليج زين.. وشعندج طابه غرفتي هااا؟

يلا بعد واكف ساد الطريق عليه..
مشيت. ومشى ضربني بجتفي ضربه قويه..
بحيث لزمت جتفي..

ياربي مداتحمل شهل الحرب حركت اعصابي تعبت..

ياربي..

اي ابقى اون شسوي شنو الحل..

صار الغدا وصبينا غدة

نزلت عبير وامها عبير بشوشة وبس تضحكوتسولف
اما امها جانت منزعجه..
ومبين عليها

داصب بالاكل وكفت يمي

كالت اريد سجادة اصلي..

بسرعه جبت الها وانطيتها اله..

دتتوضى..
اندارت عليه..؟؟ هاي بس انتو عادي طبون غرفه غيركم وتاخذون غفه؟؟؟

نجمة /هااا خاله لا مو هيج بس حبيت العطر مو اكثر

كالت /الله الي يستر عليج..

ومشت.. من يمي..

اتمتى هاي اللحظه والموقف ينمحي واخلص.

صبينا الاكل ورتبنا بالهول..
وكعدنا كلنا..

وليد بصف عبير
واني و غزوان

وعمتي و ام عبير..

كلام وسوالف عن وضع البلد وغيرها..

كالت ام عبير..

صدك عيني وليد شسم العطر مالتك

وليد /ياهو منهم خاله

كالت الي راش منه للبدله العسكريه.. كلت اوصيك اتجيب لاخوك منه..
غزوان /ام عبير ليش شبيها عطوري
شو كلهامن الاردن اجيبها

عم الهدوء

الكل جان مستغرب كلامها الا اني عرفت مقصدها وين..
وليد حول الموضوع.. وبدا يسولف عن ترتيبات الزواج..

كوة كملت اكلي وكمت..
من الاكل لهيت نفسي بالشغل حتى. لا اححي وياهم

اجتي يمي عبير بعد ما عزلت المطبخ وكعدت اشرب جاي شويه

ضحكت بوجهي

اكعد يمج..

كتلها اكيد تعالي.

كعدت. باوعت ع المطبخ راح اكون صديقه الج وبالاضافه لهاي راح اساعدج بكل شي كلش احب التعزيل والترتيب..

ابتسمت الها..

عبير/اخذتي ملابس لعرسنا..

نجمة/لا بالكي باجر

عبير/يا متلحكين باجر حنه يمكم مال ولد ويمنا مال نسوان عود تعالي مو متجين

كتلها اكيد ان شاء الله..

عبير/ طبعا كلش متوترة وخايفه..
وفرحانه لان راح انجمع بوليد وبنفس الوكت مقهورة لان افارك اهلي شكد حلو انتي بصف اهلج..

نحمة/ مو دائما حلو الاهل قريبين..

عبير/ليش

نجمة /بدون ليش هي هيج اشوفها.. وربي يتمم ع الف خير الكن..

كامت.. اشكرج حبيبتي..

اروح اشوف ماما شوكت نروح يووو كومة تحضيرات عندي..

يردون مني اطلع واشتري واتهجز لشنو..
اريد اعرف..

محد يحس بناري

احس بنار بداخلي تحركني وترجع تطفى وترجع تشتعل
وهكذا مر اليوم بين خنكه ودمعه

اول مرة بحياتي ماكدر اركز ولا اكدر اشتغل ولا اكدر انام ولا اكدر اعيش..
اجه غووان بليل دك عليه الباب وجايب وياه
ملابس الي
بدون كلام
انطاها الي
وكال من باجر ترجعين تتنامين يمي
ومالي شغل بيج ابد
ورااح

انا احتضر فهل من طلقة الرحمة لتسكن عذابي..
يالله هل تسمعني
انا هنا وحدي
ارح قلبي قد ادماه العذاب..
استجب لي..
حنين الشوق يقتلني ببطئ

فانا اتمنى الموت..
.....
صوت هلهوله الصبح.. كعدتني من نومي
وهوسه عرس.. وصوت اغاني
وهاي صينيه الحنه والشمعه
والياس..
مر اليوم واني بغير عالم عايشة
ما عرفت الغيرة نارها قاتله..
وقاسية اقسى من النار نفسها..
والي يذبح..
اشوفه فرحاان كدامي..
واني لو ترجع بيه الايام جنت اتعس وحدة بيوم زواجها...
مرحت ولا حضرت الحنه.. واتعذرت بمرض.
وثاني يوم انجبرت ع روحه القاعه والعرس..

عمتي ومرمر بالصالون..
غزوان راح يجهز سيارة العرس
وليد بالحلاق..
اني وحدي بلبيت

بدلت.. هدوم جابها الي غزوان
فستان موديله الحوريه فيزون احمر..
ورتبت نفسي وركزت ع وجهي الشاحب وسواد الي جوة عيني.
لبست وكملت..

ووكفت كدام المرايه...اباوع على وجهي الي ذبل من الانتظار...وتالي ازوج

ليش أتزوج
واني لسة باقيه عذراء

عذراء لأن ماازوجته
عذراء بروحي
عذراء بقلبي
عذراء مشاعري...لأن بس اله ردت كلشي

وكأن قلب وليد يجاوبها
نجمه
واني مثلج حتى لو ازوج غيرج
ابقى عازب بنظر نفسي حبيتج الج..
وردتج ام بيتي انتي
وردت بس حضنج

سحبت مكص من المجر...كذب وليد ميفكر مثلي
ميحبني مثل مااحبه
هو رح يحب زوجته اني الغبيه الوحيده
بهل معادله
والخاسره الاكبر بهل عائله...
وهاي دموعي ولا وكفت. ببلت حتى هدومي
وجريت الخلخال الي انطاه الي..

حاولت اكصه..
اكسرة اجرة بايدي انهارت اعصابي..

لييش ياربي ليييش
اخذته وطلعت من غرفتي
ورحت لغرفه وليد..
فتحت الباب..
شفته كبالي ديعدل..
بقميصه لابسه.
منظري مكيجه ودموعي خربت كل شي..
تقربت منه..
وفتحت ايدة.. كتله هااك رنه خلخالج دك بقلبي
اخذة وخلي تترس الك الغرفه رنه..
اخذة..
لزمني.. نجمة هداي..
وحظني.. حييل..
وايدة ع شعري احبج بس انتي. وتعرفين كلش زين ماحبيت غيرج ولا احب..
نجمة/ وليد.. اريد اموت..

وليد/ يعني اني هم اموت حسيتي بناري..
حسيتي من اشوفج ويا شيصير..
جنووون جنننون عوفينه من هل الدنيا كلها وخلي نرووح.. اني وياج نختفي منهم...
بقيت ضامه راسي بصدرة.. ماريد ابعد اريد ابقى هنا..

مشتاقلج نجمة..
بعدت من حضنة
حسيت ايدة ترجف مثل ما رجفت بيوم لبسني الخلخال..
اخذة من ايدي..
ونزل رفع مقدمه الفستان ورجع لبسه الي
وليد/هذا الج وباسمج هذا اول تعب الي بشغل وحلفت انتي تاخذي.. ومتلبسه غيرج
الاحلام هواي

من القدر يتغلب على الأحلام
الاحلام والأمنيات تموت

مكانج بقلبي ماريد اعتب ولا الوم
ولا احجي عن ضعفج..

بس. ادعي الله يموتني واخلص
ظلمت نفسي وظلمتج وظلمت عبير

الموت راحة الي..

بعدت عنه ماعندي شي اكوله بعد ولا اكدر اسمع شي
حسيت بانفاسة قريبه عليه
حسيته قريب مني.. ودخل بروحي مو جسمي
كال احبج.. ونطقها مثل قبل
ا ح ب ج. ماكدر نجمة ارحمني..
وقرب ايدة مسح دموعي وابتسم الي
هم ا ح ب ج

وايدة تلمست خدي بحنان.. وهدوء..
ترسم على وجهي لوحه.. تشوهت ملامحها من الغبار
ولمس شفتي بهدوء..

وقرب شفته ع شفتي..
هذا الاحساس الارجل ترتجف وتصبح الرؤيا مو جدا واضحة ويجتاحني برد يرجف روحي ووبنفس الوقت احس نار بكل قطرة من جسمي وتتسارع داقات قلبي..
لتعلن القبلة الاولى بالحرام..

.... ..
بعدت عنه وحسيت نفسي مدااسيطر بعد
وهو كذلك بعد عني وكان مصدوم
يجوز اكثر مني
عفته وطلعت للغرفه بسرعه ...
ندم.. صعب اوصفه حسيت بنفسي بدايت انهار..

رتبت شعري وشفت الكحل سايل.. و حمرتي ماكو..

ارجع ابجي لو شسوي وين الحل ياللهي.

وين..
طب عليه غزوان..

توترت اكثر وجنت احس يعرف شصار..
معلق غير كال.. زين عرفت قياسج..

تقرب مني شبيها عيونج

نجمة /مابيها شي بس الكحل اذاني..

كال يلا..
الزفافه راح تجي..

كتله كملت ما عندي شي..

كملت وبقيت فوك سمعت دك المزيقه.

نزلت.. اشبهه بالطير المذبوح ويسجل اخر للحظات عمرة

اذا احد يسالني ع العرس
بصراحه اجاوب ماذكر
وصدك ما اذكر شي غير الهوسه.
ووجود رضوة
وحلا صديقتي
و مرمر وابنها
وابويه
والكل تضحك وتسولف وتركص واني الي ركن بعيد..
كاعدة بي وحدي
العرسان شكلهم فرحه عبير
كل شي يوجع انهزم وين..

غزوان وكلامه ونظراته للبنات
نظرات البنات اله..
وعطرة وجكارته وساعته الماركه
كلها تجذب..
غيري.. الا اني عيني على وليد

توجع تذبج شوفه الي نحبهم..
بحظن غيرنا.. يصفون

.....
رجعت من مسرحيه العرس اشبهه بواحد سكران تعبان مو واعي ع شي يريد بس ينهزم من واقعه
نمت بالهدوم الي لابسته...

حسيت الصبح.. طلع راسي مصدع ومتوجعه كلش
وغزوان بصفي..
نايم نصف عاري..
تلمست نفسي بعدني بملابسي اطمانيت

ماكو شي بينا..
كمت..
وطلعت.. ودخلت غرفتي
غرفتي القديمه تصير مقابيل غرفه غزوان و عبير..

دخلت بدلت ملابسي وطلعت غسلت ونزلت..

شفت عمتي كاعدة وذابه الغدة
ع النار
انداريت اشوفها بالعشرة ونص.

كالت العرسان ع جيه..

لبست.. جبة.. مال عمتي كتلها حلا تطلبني فلوس هسة اجي
وطلعت..
بدون ريوك. شفتها توها دطلع بالغراض

من شافتني من ملامحي التعبانه كالت خيرج
طبي..

جوة افتهم منج

الوحيدة جنت احجي الها كل شي

حتى الي صار بيني وبين وليد كلته الها..

حضرت الريوك..
وكعدنا اني وياها بالكاع..

كالت غلط واكبر غلط الي صار بينكم..
ولج حتة لو بوسه ميصر بس الحب ما عندة قوانين

الله يساعدح ياخيه
حاولي لو انتي اطلعين لو تهججين وليد احسن الج

زين وغزوان؟

شبي غزوان
حلا/تحبي.. انتي

نجمة / اكيد لا

حلا/ اها.. وبدينا ناكل ونسولف وعدلت شعري وسشورته وكووة دفعت بيه ارجع ماريد ارجع للبيت

رجعت ورة ساعتين

شفت غزوان كاعد.. سألني وين جنتي وليش مكلتي راح اطلع
شو انتي فدمرة شايلتني من قائمتج مرة ثانيه من اطلعين تجين عليه تشوفين اوافق لو لا افتهمتي لو اعيد..

كتله يم حلا وتعرف خلا بيتهم يم الاسواق
قريب ميحتاج اكول..

عمتي كالت دصلو ع النبي العرسان جاين عيب تتلكوهم هيج
يلا غزوان يمه خابر الكصاب اتاخر..
عمتي كالت راح اروح اجيل جكليت اطش عليهم
بسرعه لبست عباتها
اني لهيت نفسي اشوف شطابخه عمتي
انداريت غزوان بعدة يباوع

رجع باوع عليه افتهمتي لو لا..

نجمة/والله شكد لحيت متكولي شبيك قابل راح يخطفوني
والله انت بطران...
جر ايدي حيل وكال احجي عدل لا افرك حلكج مو قريتي كتابين صرتي ارسطو براسي..
ولا عبالج تقربت الج تذليني لاااااا..
ترة اذل عشرة مثلج وادوسهم..

ضحكت اهوووو بدات رحمه الله..

ديلا عيني.. يالمثقف..

الظاهر سولاف مرتاح وياها

قاطعني.. والله عاد الي يمرن بحياتي يسوج .

صح اطورتي ورتبتي نفسج بس مابيج ذرة انوثة..

اشتغلي ع هل موضوع بالكي.. يمشي سوكج..

وتخلين راسج براس النسوان..

كتله انت شتريد تغثني تضو جني لان احسن منك

اني نجمة بنت بدريه
وبنت ابويه ابو المال

وانت منو؟

كال اني غزوان انسان تعباان ع نفسي وذكي واللعب صح واخذ الي اريدة..

لا عمر الفلوس تنفع ولا النسب
نجمة/وعمر الشهادة متحدد انسان

غزوان /صيدلاني صيدلاني بهذا وضع البلد انجاز
بدون زحمه كم شهادة عندج برافيسورة نجمة

وضحك بالنهايه اريد اشوف منو ينذكر اني لو انتي

ام الحسب والنسب..

دخلت عمتي وانقطع الكلام بينا..

وبعدها بربع ساعه دخلو العرسان بهلاهل من عمتي وطشه جكليت..

وانذبحت الهم ذبايح..

واجتي مرمر وابويه ووالدي قدم الهم هديمه
مبلغ كلش جبير
ومرمر لبست عبير ذهب
وعمتي هم لبستها
هذا مال مصباح العرس

ووليد وغزوان وابويه كاعدين بالهول
واحنا بالمطبخ

والبيت صار هوسه

جان الكل يمنا وهوسه وعمتي حضرت اكل للكل اما عبير جانت خجلانه وتحاول تتقرب الي
وليد جنت اجنبه ماريد التقي بي اصلا
كلنا لتمينا بمكان بهول بدو يسولفون ويضحكون وابويه جان شايل بحضنه يوسف وضامه ع كلبه حيل.. ويلعبه..

اندار عليه اني وغزوان وكال شوكت اشوف احفادي ... اني سكتت وغزوان ابتسم وكال انشاء الله عمي عن قريب ...

ضحك ابويه كال شبيكم بنات جعفر رضوة تكول اتخرج وانتو سالفتكم طولت..

هسة وليد يخلف وانتو بعدكم..

صدك اىيد اشوف احفادي وادللهم قبل لا اموت..

مرمر اسم الله عليك ابو يوسف.

ان شاء الله بلي يكرهك..
يابعد عمري..

وضحكت اني اني راح اجيب اخ ليوسف

كلنا انصدمنا..
صدمتنا بحمل مرمر مرة ثانيه... اكبر من صدمتي بتسميه ابويه ابو يوسف
اجاوزت اربع بنات وولد وبقت ابنها..

باركو الها الكل..
وكمت ابارك الها..
بوستها.. ولزمت بطني.. يارب تثمر.. خطيه..

واندارت ع غزوان..
وديها دكتورة اخاف متخلف.
لو السحايا الها سبب..

غزوان / عمة احنا لا هاي ولا هاي بس نحب نعيش وملحكين ع تعب الاطفال.. بلعلم ماكو سبب واقىب دلليل انتي سنين يلا صار عندج

والدي / صح والله شلج بيها هاي مرمر.. هسة البيت من جديد يترس جهال..

كام ابويه نترخص احنا نتركم ترتاحون..
واحنا هن عدنا طلعه العصر
الجمعه للبيت.

وطلع ابويه ومرمر..

وليد كاعد هو وعبير.

غزوان كال راح انام شويه
عمتي ماعدها غير سؤال لعبير شلونج..
تكولها زينه..
وترجع تكولها بعد شلونج..
ووليد مدد ويباوع تليفزيون
وكل شويه امه تكوله صعدو ارتاحو..

يكولها متعبان اني ويندار ع عبير..

تريدين نصعد تكوله بكيفك
وترجع..

تسال شلونكم..

كمت. اني حسيت باحراج..

وصعدت فوك..
سمعت وليد ديسولف بالفون..
فتحت الباب..
كال هااا نجمة..

كتله كمل كلامك معليك بيه...

احسبني ماكو..

سد التليفون و وغطا راسه ونام..
اما اني سحبت روايه وكعدت اقرا..
ع الضوة الخفيف واحاول التهي وما افكر بشي.

سمعت صوت بالممر سوالفهم..
تركت الكتاب
و غطيت راسي.. وبقيت بالفراش
الا ان كعد غزوان من نومه وطلب ملابسه وغيرها
واتصل.

وبدل وطلع.

نزلت بعد ما نزلت اني.

شفت عمتي بالهول.

كالت.. غزوان وين راح.

جاوبتها ماعرف.. يمجماعته

سوت شطلعت هاي وليد عاف عروسته وطلع يم جماعته..
جنت غافيه عبالي الزم غزوان يحاجي وليد

تالي الاثنين طلعو.

كتلها وعبير وين..
كالت فوك ولا نزلت..

اصعدي يمها انتي.. نزليها خطيه.

كتلها لا نعوفها براحتها..

كالت لا دصعدي اني راح اروح للسوك اشوي اخذ لحم مال ذبيحة واسوي كباب..

صعدت مترددة.. شحجي وياهاى..

صلت للمرمر شفتها..
فتحت الباب..

ابتسمت بوجهي..

كالت تعالي.. يمي..

دخلت للغرفه جانت معطرة كلها..

عبير/ اكعدي اكعدي نجمة..
وقدمت الي جكليت..
جانت لابسه كلابيه فستقي بيها تطريز ابيض وفاتحه شعرها ومكيجه.. كلش حلوة ونازكه ملامحها..

كتلها انزلي يمنا..

كالت اي هسة انزل..
بس والله استحي ووليد عافني بشغله.. كال ماتاخر..

نجمه هم هيج طبعهم مو سهلين ونحسين..

شجاوبها /اي عبير نحسين..

حسيتها خجلت اكثر..

كالت مصار بينا شي نجمة شي عادي لو لا

احس وليد يتهزم مني..

يعني شكوك الخطوبه كلها طلعت صح طبعا ماةاسولف الج ع مشاكلنا بالخطوبه اووو شكد بحيث يوميه ابجي..

واتمنيت تخلص بالزواج..

بس البارحه..

عافني ونام وكعدنا الصبح امي جابت النا الريوك..
واجينا..

ماعرف يمكن انتي بعمري واحجي الج استحي اكول لامي لو لعمتي..
شتكولين انتي..

بقيت ساكته نفس الي مريت بي..

ووجهتلي سؤال.. يذبح.. اخاف يحب وحدة وزوجني حتى ينساها.. لو اني بيه قصور بشكلي..

ماعرفت شجاوب..

كتلها غرفتج كلش حلوة وذوقج كلش حلو..

تعالي شوفي غرفتي
كالت يلا.. هاي الانسانه كلها روح وتضحك رغم اعرف سبب وليد
هاي الاشياء تخليني اكرهه نفسي اكثر

فتحت غرفتي ودخلت كالت اللخ كلش حلوة..

ربي تتهنين بيها ونشوف اطفالكم..

ابتسمت الها..

كالت انتي اختي هنا واللخ احبج من كد ما وليد يمدح بيج لهذا اريد اشوف شنو بيج حتى اسوي مثلج
مابيهاىشي احنا خوات.. انصحيني اني هوايه احب وليد

جنت اتهرب منها ومن اسالتها
كتلها عمتي اجتي...

خلي ننزل.. نزلنه اني وياها وصح جانت عمتي موجودة

وبقينا جوة نسولف سوالف عامه.. وكملنا العشا وانتظرنا الولد يجون..

اجوي اخواني وجانت عبير تعاملهم بود..

عمتي كالت يا خلصنه جاي.. تعبت من الروحه والرجعه..

كتلها اكعدي اني اروح اخذت شهاب وطلعت..

مشيت وصلت للمحلات.. اشتريت وطلعت
مقابيل المحل فرع..
اظلم..
شفت سيارة غزوان دخلت بي..

استغربت شعندة هنا..

دخل بالفرع وكفت سيارته.. بقيت واكفه اريد اعىف شكو

مو واضح شكو ولا اكدر اتقرب..
اكثر...

مشيت.. بتجاه البيت وصلت لفرعنا شفت..

وواكفه سيارة غزوان بابنه..

رجعت بسرعه.. جان ديدخل سيارة بالكراج

كال وين جنتي..

نجمة / جبت جاي ورفعت ايدي..

هز راسه تمام..

وماكو غيرج يجيب.. اني مو كتلج مطلعين.

عمتي فتحت الباب..

ها نجمة.. جبتي

غزوان جاوبها
يمه بعد تحتاجين شي كولي الي. نجمة متطلع
وطبيت للبيت..

وطب ورايه غزوان. عمتي لزمت غزوان وحجت وياه ع وليد بغرفتها رحت يمهم
عبرت ال ١٠ وهو ماكو..
ضلت تحجي ميصير هيج شيكولون علينا اكو رجال يترك مرته ثاني يوم عرسهم
غزوان يكولها احنا مالنا دخل يمه هم بيناتهم من اولها ندخل ميصير
وعمتي تفور اكثر..
طلعت

اباوع ع عبير بعد شويه تبجي.. بس هي تبتسم
كلش قهرتني..

غزوان عندة دوام اضطريت اجهزاله الاكل من وكت واكلت وياه..

وبقت عبير تنتظر وليد.. وخطيه عافتنا وصعدت فوك
وعمتي بقت لازمه.. الباب تنتظر وليد يجي
كملت كل شي كتلها راح انام عمة

صارت ساعه ب ١٢..

دك التليفون..
شلت الي بالمطبخ..
وسمعت قبلي مجاوب غزوان

صوت رجال متصل

السلام عليكم..
بيت غزوان

غزوان اي نعم اتفضل..

اخي اني من النجدة الي بمستشفى الكندي
عدكم حادث سير ارجو تجون بسرعه..للطوارئ

وللحكاية بقية
شهرزاد

[لامارا]

نجمة والخلخال
ج 24

كل شي برد بيه من شفت التابوت واصوات لا اله الا الله تتعالى
دموعي رفضت تنزل بدهشة غريبة
ستقبلت والدي..
ذكرياتي رجعت هناك بذاك الحوش الجبير

نلعب اني وخواتي
هيلة يارمانه
هيلة يمه منهية الزعلانة
منو يراضيهه
هيلة يمه
ابوها يراضيهه صايغ تراجيها
ويدخل علينا ابويه ومحمل..
واركض احضنه وراسي ع بطنه.. ويضحك.. ورجات بطنه تحرك خذي هذا الدفو افتقدته من سنوات طويله..

فزيت ع نفسي بوسط الهوسة.
اي هذا الي صاغ تراجي
وصاغ احجولي..
صاغلي وطن كامل بلا شعب.. .

لزمتني هاي الرعشه الي وكعتني بالكاع..
وبداخلي صرخه تفزز الاموات..
واكول بالكي ابويه وامي يفزون وياهم..

الوجوة ملامحها تشوهت..
الاصوات بدات تختفي بصدى بعيد..

صراخ بكاء.. واني بعالم ثاني عالم فارغ وخالي من كل ردات الفعل..

حسيت نفسي ارتميت ع النعش..

وجنت اصرخ بكل صوت عندي.. ياابه
ياابه
الى ان انجريت بقوة..
وبعدوني عنه.. واخذو وابتعد وابتعد وراح..
اختفى مثل السراب
حسيت نفسي وحدي
هذا الاحساس.. المتعب.. لا وجود طعم للحياة
الحياة فارغه وباردة..

اخر مرة شفت والدي بيها طلب مني يكون اله حفيد...
ويضحك للحياه
وعندة مشاريع جديدة
ويريد بعد اطفال
واليوم وينه
مات
واني وحدي.. وترك لي اطفال ٢

........
بعد الاتصال..
نزل غزوان بسرعه..
ركضت عليه شكو.. جان مستعجل بسرعه وين سويجي حذائي..

شكو منو مسوي حادث غزوان

كال اسكتي يمكن وليد لا تسمع امي هسة تتخربط

كعد يلبس حذاءة
عمتي شكو شبيك يمه طالع بهل وكت..

هاا يمه.. لا ماكو شي بس صاحبي تخربط

نحمه محفضتي بسرعه..

صعدت بسرعه فوك..
دخلت للغرفه فتحت المجر ادور محفظته من ارتباكي شلتها ووكعت من ايدي.
من وكعت..
وكعت وياها سلسله ذهب..
شلت السلسه.. بيها مداليه شكل وردة
استغربت

سمعت صوت غزوام يلا نجمه..
بسرعه رجعتها
ومن طلعت فتحت غرفتها عبير شكو شصاير..

ماعرف شكول الها نزلت بسرعه..

بين مدانطي.. المحفظة طب وليد من الباب
اني وغزوان واحد يباوع ع الثاني..

وليد شبيكم شكو..

غزوان.. / اندار عليه.. رحتي لاهلج..

بخوف وحسيت الدنيا كله نحشرت بالعومي..
ماكدر انطق..

لاااا..

طلعو الولد بسرعه..
وطلعت وراهم غزوام رفع جسمه من السياج

كال سيارتهم ماكو..

صحت يعني ابويه واخواني.. ولك غزوان كمت اضرب ع رجلي حيل.

ابوية.. شهاب سعادة..

احترقت بنار لا تنطفئ
قلق خوف ضياع..

عمتي تكول ولكم شبيكم.

بعدني محجايه اخذ غزوان ووليد بسيارة وطلعو..

الحادثه..

بيوم الجمعه ليلا
والدي تعلم كل يوم جمعه ياخذ مرمر والاطفال
يطلعون بمطعم وبعدها يفترون وينزلوم ع نهر دجلة بابو نؤاس يتمشون والجهال تلعب..

شاءت الاقدار ان تخطف مني من هو سندي في الحياه
ظننت احيانا ان عدالة السماء
سوف تظهر كل الحقائق
مثلما رأيت دوما في شاشات التلفزيون
من دارما يتم الانتقام من الشر وفوز الخير

لكن ايقنت ان الحياة اقسى من كل ما شاهدت
وان القدر.. يخطف ويغير كل شيئ

برجوعهم. اتعرض والدي لحادث..

والحادث ادى الى مقتل والدي..
واخويه الصغير يوسف
اما اخواني سبحان الله. فقط خدوش..

ومرمر.. اسقطت طفلها.. وعدها كسر بالفخذ الايمن
ورضوض بالقفص الصدري والجمجمة..

حسب الكلام
بسبب عدم استخدام حزام الامان
اخويه يوسف.. طلع من جام السيارة
اما والدي.. بلحظتها توفى..

من شفت السيارة صايرة مثل القوطيه المفعوصه
ماعرف اخواني شلون طلعو منها..

بعد مرور مدة من الزمن والعلاج
رجعت مرمر.. من اخر عمليه الها برجلها
كلها بلاتين..

اما.. اني..

صدمه فقد والدي خلتني.. بلامشاعر الوجع صار جدا عادي..
ماحس بأي طعم لا زاد ولا فرح ولا حزن..

ماعاد شي. يغريني..
لا الحب ولا المال ولا حتى قصص الرويات..
حتى صوت العصافير وعطر زهوري..

كل شي فقد طعمة

دخلت حاله هدوء عميقه..
....
بعد مرور شهرين من وفاه والدي..

كدرت اعبر هاي المرحله.. والفضل يعود لصديقتي ا حلا.. وعبير...
متركوني ابد دائما وياية..

اخواني جهزت الهم الغرفه الفووك وكعدو بيها..

بعد هاي الشهرين..

فديوم كاعدين كلنا..

واجتني الصدمه الثانيه..

كتله لغزوان شوفلي رضوة شو ادك عليها رقمهم محد يرد اريد اعرف ليش ما اجتي لاربعين ابونا

غزوان ضحك كال اختج رضوة سافرت صدك متدرين

جاوبته بتعجب سافرت؟؟

غزوان.. اي..هي ورجلها..

نجمة /وين
غزوان /للاردن طلعت علاج لرجلها.. بس اختج
سالفتها مو خاليه كولي كال غزوان.. هسة ترتب امورها وتطلع لجوء

اصلا هي كالت الي بعد وفاه الحجي باسبوع وسحبت مبلغ عود تعالج رجلها عندة مشاكل بالكلى..

يالله هاي رضوة داهيه.. والله لعبتها صخ

نجمة/اني كل شي مدافتهم..

غزوان /هو انتي شتغرفين دخيلج فوكاها لابسه اسود وحواجبج طابه بعيونج جنج غرراب..
ودار وجهه ع تليفزيون

كالها وعبير كاعدة بينه

كتله الميت ابويه بس لو ميت انت والله البس احمر عليك واصبغ الشعر اصفر..
خاف الله.. هذا ابو الخير الي انت بي..

كام عليه..
وغضبان ولج اسكتي لا هسة اشوفج الي مشايفته بعمرج كله.. غرراب

غطيت وجهي توقعت راح يضرربني..

دفر الكوشه الي بالكاع وصعد فوك..

عبير بصفي مصدومه..
لزمت جتفي..

كلهم نفس الشي..
انداريت عليها تبجي قبل لا ابجي اني..

عبير/كلهم نفس الشي كرهت الزواج من ورة هالتعامل الجاف.. والله لوما عيب اروح لاهلي وبعد مارجع واطلك بس شيكولون عليه.. العالم

كتلها شبيج.. عبير اني تعلمت..

عبير/لا مو عادي ومو طبيعي علاقتج بغزوان و لا علاقتي بوليد الي هي
كلها بروود واحسه يتهزم مني وكانما انجبر عليه..

نجمة/انتو تم زواجكم..

هزت راسها اي.. تم بس تدرين شي نجمة
اني احبه ومم ينزل متلهفه اله..
وهو ينزل يكولي تعبان اريد ارتاح او انام..
يعني بربج رجال مشايف مرته اسبوعين شنو..

وبعدني عرووس قبل مدة اسأله تحبني.

تدرين شجاوبني اكيد احبج انتي مرتي.

برربج هذا جواب..

بقيت اباوع عليها وهذا احساس الذنب ياكلني اكل..
مو بيدي اذا احبه بعدني ولا بيدة اذا هو يحبني
الي اكدر عليه ابتعد عنه وابعدة من هذا البيت

رجعت عبير كالت.. نجمة /تتوقعين يحبني
جاوبتها /اكيد يحبج لوما يحبج مازوجج..

كالت ومسحت اخر دمعه من عينها
وابتسمت.. هو ميضرب ولا يصيح بس ساكت
يسكت هوايه حتى ميسولف ويايه..

وابتسمت اكثر اكيد يحبني بس ميعرف يعبر عن حبه
اكيد.. المهم اني احبه..

بس علاقتج ويا غزوان محلوة ابد
رغم كل شي حلو بيكم مادري احسها غريبه

ضربت ع اديها وكتلها غريبه واغرب من الخيال..

كنا كاعدين وحدنا..
دخلت علينا عمتي وشايله علاكه وراها تمشي مرمر وتتجى ع عكازة..
ودخلو بالهول كعدو
كامت عبير بسرعه راحت جابت مي

اول مرة انتبهه ع مرمر وملامحها التعبانه
ياربي شكد متغيرة وضعفانه..
فقدت زوج واطفالها هذا حلمها الكبير بالاطفال انهدم وانتهى..

شكد شكلها متغير..

كعدت عمتي وتافافت....
واشرت الي بغمزة..

معناها كومي بوسيها..

كمت من الهول ابوسها ع شنو وهي سبب كل الي بي اني..
طلعت شفت عبير. والجهال دتلعب بالطرمه

عبير كالت راح اروح لاهلي خابرت وليد كال روحي هو بعد يومين ينزل

ابتسمت الها..

روحي حبيبتي..

اسمع صوت غزوان يحجي ويا عمته
يكولها عمه انتي امنا الثانيه ابقي هنا ويانه بلبيت
حسيت لشتي كلها ترجف..

كتلها عبير.. شراح تسمعين غلسي..
لان راح اطلع من طوري..

كالت عبير شبيح نجمة

عفتها ومشيت..

دخلت.. كتله ابو ابقي بلبيت..

اخذ عمتك وامك واطلع برة يلا هذا بيتي وذيج الاوراق تثبت هذا البيت باسمي
عمتي كامت عليه.. نجمة اسكتي عيب البنيه غريبه تقصد عبير..

كتلها دكافي.. ع حساب منو اني اسكت ماعندي احد اخسرة
يلا عيني اخذ هالمجرمه الي قتلت امي بدم بارد
وقتلت احلامي وهججت هديه
وحتى رضوة انتي سبب خربها

يالله شكد اكرهج لا تظنين..
موتته ابنج وخسارة الجنين تشفع الج
اقسم بالله اتمناج عليله طول

وحسيت اجتني ضربه ع حلكي..
لزمت حلكي والدم يجري منها..

ودفعت غزوام بكل قوة عني

كلب نذل عبد للمال اذا اني غراب فانت كلب للمال
اطلع برة..

هجم عليه..
وكعت بالكاع..

جان صوته اعلى من ضرباته..
ووكفت بوجهه عمتي.. وعبير.. اجتي مستغربه هالعائله الي مابيها شي صح الا اسمائهم.

مرمر ساكته ولا نطقت حرف..

بس شفتها مرت من يمي ..

كمت..
وايدي ع حلكي. كتلها كل ظالم اله يوم وهذا يومج

........
غزوان امة ادفع بي.. طببته بغرفتها
عبير جرتني للمطبخ وكفت اغسل وجهي واححي عليه
مون شلل بايدك كلب نذل واعيط صاير عليه رجال حقير
بيك زود طلكني هسسة
اخذ الي لغفته من ابويه وطلكني هسة..
لو انت رجال طلك..

عبير يمي تحاول تلزمني اتسكتني
كتلها عوفيني انتي الثانيه بيج حظ اخذي رجلج واطلعي منا هذا المكان ملعون بطمع وفلوس..
وخبث...
جريت من ورة الباب شال..
وطلعت ماعندي غير حلا اطرق بابها..
ماكو غير شخص..

وين ارووح.. اعوف كل شي الهم وانهزم
ماعندي احد بعد..
فقدت كل شي
ام الاب الاخوات الحبيب
نفسي
لو غيري وحدة بموقفي شتسوي
شنوو
وعدها هم مثل غزوان..

دخلت لحلا جانت تشسور لوحدة
بدون ما احجي عرفت

حاولت بسرعه تكمل الزبونه واطلعها..

بعد مدة طلعت..

كعدت.. كالت عفيه نجمة هم غزوان..

كتلها ضربني..

حلا/ليش

نجمة /لان ماريد مرمر بيتي
حلا/حقج بس وين تروح وهي هسة وحدها
ومريضة
كمت كتلها مشكلتها هاي مو مشكلتي اني..

حلا/حقج حبيبتي حرام عليه يضربج هو يلكه احسن منج نظفته وسوته ادمي..

لا تهتمين ابد..

جانت اتلم الشعر ااي واكع بالكاع..

ولابسه بدي فتحه صدرة كبيرة.. دنجت..
شفت سلسله شايفتها قبل
لكن ذاكرتي تعبانه اريد اعرف المن..
اذكرت نفس السلسة الي وكعت من محفظه غزوان

كمت تقربت الها من بعد ما وكفت..
ردت اسحب منها السلسله
لكن تراجعت وكعدت..

كتلها شخبارج..
حلا/والله حبي سلامتج ماكو شي غير الي تعرفي
كتلها حب منا منا

حلا/ياحسرتي ياحب خيه بهل زلك..
منو يباوع عليه.. ياهو الي يجيني داكه الفكر
اني اريد واحد يخلصني من التعب نجمة..

كتلها بس ديري بالج توكعين وكعتي
واحد مثل غزوان بس يضرب وفوك هذا كله مو رجال..
حلا/شلون يعني..

يعني مثل متعرفين انتي هاي الامور
وهو اصلا قبل لا اخذة جان عندو علاقه بسولاف ورفضته لان هيج
لعد شعبالج.. متشوفي مجلوب ونافخ نفسه..
وفوك هذا بصادق ويشهر ويعوف..

بقت صافنه..
كمت كتلها اروح اني

حلا /ابقي بعد وكت..

لا اروح الجهال وحدهم
عفتها والطريق كله افكر معقوله حلا صادقت غزوان
امشي وبالي يودي ويجيب
اي ليش مو معقوله تتغزل بي بوجودي

زين اني ليش حجيت هيج
حجيت حتى اشوف يوصل كلام اله
وكفت بنص الشارع وضربت خدي
بس اخاف تروح تكله نجمة تحب وليد .

حسيت انضربت برجلي وهورن عالي..
فززني من خيالي..

فتحت عيوني هذا مازن..

نزل بسرعه بيج شي..

باوعت عليه لا
مازن /البقاء في حياتج..
طبعا ردت اتصل بيج ومرهمت حبيت اعزيج
فقط..
كتله شكرا رحم الله والديك..

مازن اريد اطلك.. واسحب كل املاك والدي
اتلفت يمنى ويسرى..
مازن/الكلام مو بمال شارع
اتق ب النا رجال جبير لابس دشداشه رصاصي

كال هاي شنو دعمتها..
مازن /لا عمي..
الرجال امبلى اني من بعيدشفتك

انداريت عليه لا عمو ماكو شي والرجال اعرفه
كال.. اممممم تعرفي.. وفر ايدة..

مشى..

مازن../نجمة روحي هسة..

عفته ومشيت دخلت للبيت..
عبير رايحه واتفاجئت وليد بلبيت
اذا مازن اجه جاب وليد يمنا..

سلمت عليه وصعدت..
شفت غزوان يتصل بالفون...
من شافني شال التليفون وطلع من. الغرفه
جان يكول اي اي .

طلع غميته عساك لا رجعت..

......
بقيت وحدي بالغرفه اريد ارتب افكاري. واعرف املاك والدي شكد..وهاي الحيه شنو باسمها..
منا حلا
ومنا عبير تكسر الخاطر
ومنا وليد
مرمر غزوان..
رجع غزوان دخل وسد الباب..
اريد اطلع كال اوكفي احاجيج وكعد ع الكرسي..
واشر لي اكعدي..
كتله ما اكعد..
كال بكيفج..

اولا يا نجمة الجميله.. مو من صالحج اطلكج ليش
لان والدج عاف كل شي وعندي بيهم وكاله
يعني ونفخ ع ايدة برمشه عين تكعدين بنص الشارع
وثانيا والمهم..
سالفه مو رجال بطليها لا والله.. ادك بيج دكه صيطها يوصل لدربونه الشيخ

والاهم من هذا كله لسانج كصري لا اطلعه واكعطعة بسنوني..

افتهمتي عيني
واني قررت اخذ الشهادة.. وما افتح صيدليه اكمل شغل بمحل ابوج..

كتله شوفني الوكاله..

كال تمام باجر يمج..

واذا تحبين اخذ املاكج كلها وياشر بايدة كلهااا واطلع من حياتج الى الابد

واذا تحبين لا خلينا عايشين سوة.. هيج..

وعندج اقتراح ثالث..
نعيش حالنا حال كل ٢ مزوجين وتمشي حياتنه..
ويجوز نجيب اطفال ويطلعون عليج بووم..

بكيفج بعد..

نجمة/بصراحه منك كل شي يطلع بس تدري مشفت ولا راح اشوف انذل منك

ضحك.. وكال رجعنا ع طوله اللسان
عاجبج اعض لسانج لا تخافين ما اكطمه..

مشيت انقرف من كل كلامه..

نجمه انداريت.. كل هاي السنين اعرف انتي تكرهيني لو للحظه وحدة تقبلتني جان عرفتي تكسبني
وصدكي محد خسران غيرج
اني ابقى شامخ
وما انهز ابد لو افقد اهلي كلهم..

عفته وطلعت..
كرهت كل شي بهذا البيت..
كل شي حتى حيطانه اكرهم..

دخلت بغرفه الجهال..
وجانو جوة.. بقيت كاعدة..
.....
مرت الايام.. واني اتاكدت حلا عدها علاقه بغزوان..
كل شي يدل كلامها عنه وكامت تتهرب من اسالتي.

احساسي غريب ماريد اخسرها
كل شي خسرت بقت بس هي عندي..
رضوة عافتني وماعرف اي شي عنها..
حتى اتصال متتصل
هديه ماعرف شفتها او لا.. يمكن صح جنت بحاله جنون..
ماعرف ماعرف...

بقوا هالاطفال بس الي..
واذا اسأل بيوم شنو انجازج راح اشر ع شهاب و سعادة بس اني امهم..
ربي جازيني خير بيهم..
جنت افكر اطلك واسحب الي عندي واعوف الباقي لكن من اذكر هذا تعب امي اتردد.. وابويه..
اخ يادنيا..
الوداع يوجع...
مرات.. ابجي بمرارة من اتعرض للاذيه من غزوان ومرات.. اجاوب واضربه..

مرات اذكر ابويه واسبه بقلبي واضرب قلبي حييل
اكول لا لا..
ظلمني.. بس جان خيمه جنت مرفوع راسي
هسة مكسورة
بموتته امي جنت طفله ومافتهم
هسة لا..
كمت اشوف كل شي تغير بموته..
ما انساه بيوم دام اتنفس الهوى جنت اتمنى اشبع منه اكثر كل يوم يمر واعرف امن حياتنا منا لسنوات
كل واحد بينا اله فلوس و ملك
بس معرف يحتوينا
دائما ارددها
كلما اكبر اعرف شنو وجود الام والاب بالحياة
اتندم أكثر واكثر.

الف رحمه ع روحك يايابة ويا امي

اما مرمر هذا الجبل العملاق انتهى وبقى منه شويه تراب تصارع البقاء بادويه....
هم مرات اسمع الها صوت وتحجي بس
صوتها مهزوز حتى غزوان
اتخلى عنها.. بس بقت عمتي وياها واغلب الوكت عمتي يمها.. حتى تنام هناك..
تغيرت حياتنا كلها..
ياسبحان الله..
عقابك يوجع....
الا غزوان مينهز ابد
لأنصرنك ولو بعد حين
......................
مرت الايام وسجلت اخواني بروضه..
سعادة تمهيدي.. و شهاب روضه
واللتهيت وياهم واشوف غزوان يكبر
مثل ما كبر ابويه

...
شكد جنت اريد ابتعد عن وليد لكن هو وعبير سبب تغير بحياتي

من ينزل..
نكعد يسولف النا عن مواقف تصير وياه بالجيش
ونصحك.. يتوسل بيه اطلع وياهم جنت ارفض
ماريد اثر ع علاقتهم بعد ما حسيتهت تحسنت
بس بقى دامجني ويا
يلعبنا دومنا
ورق..
اتهرب من نضراته الي جانت تاذيني واخاف لا عبير تشوفها
هذا بلاء..
وعدت نفسي بعد وفاه والدي اطلعه من قلبي وراسي
عبير متستاهل الخيانه
اما غزوان لو اخونه الف مرة مارتاح..

كلما يشوفني وياهم سعيدة ينغص عليه..
ويكرهني بكل شي

فديوم دخلت عليه عبير بغرفه الجهال.
تبجي وسدت الباب..

نجمة..

كمت شبيج عبير..

كالت راح اموت... بعد لهنا وخلص

كتلها شبيج احجي
جانت ترجف..
ومدت اديها وكع منها دفتر..

شلته من الكاع..
شبيج عبير
كالت اقري..

اني جنت خايفه اكثر منها..
اخذت نفس فتحت
اول صفحة مكتوب خلخال بوسط الورقه

وشخط
نفيت واستوطن الاقراب في بلدي.
رفعت اباوع عليها..
يعني شنو

كالت كلبي وشوفي..
كلبت الثانيه..

حبيبتي انا المشتاق المعذب في نار الظلمات
نار الغيرة والعذاب

ياول عشق في حياتي يأول دقة قلب
ياعشق الصبا ارحمي عشيقآ ذل

يأول ابواب جهنم لي
ياول قبلة هزت كياني طعم شفتيك خصرك الملتوي
اجتاح رجولتي
وجلعني اسير شفاهك

انا خجل بأن ابوح بعشقك.
انتي نجمتي وقمري
ياعذابي يانجمتي هل يوجد بيننا يوما لقاء
هل سوف يرن خلخالك
في قلبي ومسامعي
احبك حد الجنون
كلا بل حبك هو الجنون
.....

جرته مني شفتي يحب..
اني اعرف كلش زين شفتي شكوكي صح..
نجمة شسوي اخابر امي

كتلها هو وين

كالت بالاسواق

كامت تبجي انهارت بجي..
بعد ما اتحمل
صدفه فتح الكنتور واخذ فلوس ونساه مفتوح وشفت
ولج اني حبيبتي ميكولي
وهو يحب اذا يحب ليش ازوجني
سمعت صوت وليد يصيح عبير وينج

بقيت ساكته ماعرف شحجي ياربي

فتحت الباب وطلعت وبدايت اسمع صوتها يعلى..
فتحت الباب هم بالممر يكولها مو من حقج
تشوفين خصوصاتي
هاي اشياء تخصني من الماضي
طلعت

وكفت جانب عبير
وليد لو تفتر الدنيا كلها متلكه مثل عبير
احرك الدفتر واحرك الماضي وياه

عبير تبجي بس..

بقى واكف متحير..
واندار عبير.. شقريتي انتي..

كالت قريت شعر..

كلها كلمن يكتب شعر يعني عندة عشق حالي

كالت عبير احسك..

تقرب منها.. احسك.. عبير احساس. مو اكثر

جاوبت بقلبي الاحساس اقوى من الحقيقه.. عند المراة وليد...
كالت عبير يعني
وليد.. /كبري عقلج عبير وشيلي هلىشكوك من تفكيرج.. اني زوجج..

رمت نفسها بحضنه..
ويباوع عليه..

ياربي خلصني من هالموت..

عفتهم ونزلت جوة...
عمتي يم مرمر
غزوان طالع
وحدي بلبيت...

بقيت بالمطبخ ساعات افكر والتفكير بنج دماغي
نزلت عبير تضحك...
وليد جوعان.. وفتحت الثلاجه..اسويلج لكمه ويانه
كتلها لا..

درت وجهي ع الشبابيك.. واشوف الهوى يحرك بالشجر
احس نفسي مثل هذا الهوى

دك التليفون كمت عليه..
الوو
الوو مرحبا
اهلا
المتصل نجمه اني مازن تكدرين تحجين بس كولي اي لو لا

باوعت ع عبير
جاوبت لا..
كال تمام..
سديته...
عبير كالت منو..
كتلها هاي ع غزوان..

كالت طلع يحب وحدة مم جان صغير و
قاطعتها..
كتلها راح اطلع برة شويه اريد اشتم هوى

فتحت الباب
وجتفت ايدي وطلعت اشتم هوى بارد بالحديقه..
احس الهوى ثلج جسمي كله..

ماعرف شكد بقيت واني اتامل النجوم والقمر
واتامل كل تفاصيل
البيوت..
واكول كم قصه بكل بيت..

كم دمعه كم فرحه..

سمعت صوت هورن.. عرفت غزوان..
قبل لا يطب للبيت
رحت صعدت فوك..

دخل غزوان عليه واني دابدل ملابسي
كال.. نجمة يا نجمة

سكتت

كال تعالي احاجيج..

كملت رحت للفراش..

غزوان جوز مني رحمه لاهلك
وين التوكيل مشفته لحد هسة
تقرب مني

بعدته اووع ريحه انفاسك عبالك سبرتو شنو هاي

غزوان /هاي يسمو المزاج
واحد يفصل
وجرني حيل
دفعته
شبيك
تخبلت..
هل مره
صار قريب عليه
من كد مااضوج منه ودي اسب اغلط عليه
بس خلاص اني الضحيه هنا
والضحيه واجبها السكوت
كال

نجمه اريدج..
.شنو تريدني اخترعت
من حجيه وكفت ابتعدت منه عنده مااريده وماريد احتك بي ابد

سحب ايدي بقوه نصدمت بصدره..
نظراته
صارت غريبه..
نفسه قوه وجهه احمر

حضني حيل...
بقوه..
قرب شفته من شفتي
احاول ابعده مااكدر..

يبوس بعمق..

اختنكت من بوسته
ماابتعد اله من حس بيه
اريد هوى
شبيك غزوان. بعد عني.

رجع يبوس بركبتي...
ابعده
لكن حسيته اقوى مني ماكدر اصرخ.

دموعي تنزل رافضته
وايدي الضعيفه تحارب قوته

لوى ايدي ليورى
فتح هدومي .
واني بايد وحده ابعده

عنادي اله ورفضي...
خلاه يهجم عليه

مثل واحد جوعان..
مشرد محتاج اليه

...
مزق ملابسي
لحد اخر قطعه.. بصراخ مخنوك..

رغم رفضي مكدرت اقاومه اكثر
...

دفعني للجربايه صار فوكايه يمارس حقوقه غصب

كام من يمي...
كال حضريلي ملابس اريد اسبح..

لملمت الشرشف استر جسمي..استر وجعي
كأمره ازوجة دون موافقته...
واغتصبت دون ارادتها...
وتهشمت احاسيسها مثل زجاج متناثر
انداس برجلين دون شفقه ،ولا عطف...

كل شي يمر يوجع.
طب سبح وطلع..

كعد ع طرف الجربايه.. لا عبالج شارب وماواعي ع نفسي..
نجمة مو قصدي اذيج هيج بس اني هم بشر وانتي زوجتي شرعا .. جنت ابجي..

كتله بس اني اكرهك.

اندار عليه حبيني.. لان احبج..
اندار.. معقوله معرفتي هاي السنين كلها احبج

ورفضج الي يوجعني اكثر.
كلما ترفضني اذيج..

اني احبج
سولاف راحت عمتي عفتها لان احبج
ماكو وكاله نجمه..
ماكو شي اخذي املاكج كلها بس لا تعوفيني
اني احبج..

وخله راسه ع المخدة..

بقيت لامه نفسي.. تقربت مني.. شفته نايم
اتمنيت اغرس سجينه بقلبه واخلص منه

لبست ملابس..
ونزلت جوة..

عقلي متشتت اكثر..
اقتله لو انهزم لو شسوي هسة اني شسوي.

انداريت. شفت وليد ورايه

كال شبيج نجمة.. تبجين هم ضربج.

نجمة /الله اكبر مو حياه هاي غضب عليه مداتحمل راح اموت ما اتحمل
تقرب وليد
رفعت ايدة بعد واطلع من حياتنا دخيلك.

نصى صوته شصار.. فهمني
انطيني فرصة احجي عن الي صار انطيني فرصه احلم حتى لو حلم

نجمة /لا تتقرب اكثر هسة اهج.. والله واعوف كل شي

وليد /عوفي كل شي... ونبدي من الصفر

اخذت حسرة رووح وليد.. انت مخبل انتو عائله مو طبيعيه وحظي الاغبر دخلني بينكم
عوفني لخاطر الله..
من ساعه السودة الي شاف ابويه مرمر..
كرهتوني بنفسي

وليد /انطيني مجال احجي

نجمة /اصعد يم عبير

وليد / بس كوليلي شبيج.. اعرفج مو الي بس غير اقتنع وانساج غير اعيش حياتي
ياربي ماكو حرب تلهيني عنج
لا عبالج مرتاح.. اني شابع قهر ميستاهلج اخويه نجمه احسج الي وانذبح من غيري يشمج.

واكف يم الكاونتر واني قريبه ع الباب
حسبت الخطوات اكدر اتعداه
بسرعه عفته ومشيت بسرعه..

ورحت صعدت بغرفه الاطفال وسديت الباب
جنون هذا جنون.. جنون..
.....

ثاني يوم صحيت ع صياح

فتحت الباب..
نزلت بسرعه اريد اعرف شصار
وليد وعمتي وعبير كل واحد بمكان ومكلوب البيت
وصلت قريب سمعت

وليد يصيح سلاحي انباك..يعني اذا ما الكاه
ميطلعني الله منها انسجن

وللحكايه بقية
شهرزاد

[لامارا]

نجمة والخلخال

ج 25

فتحت الباب..
نزلت بسرعه اريد اعرف شصار
وليد وعمتي وعبير كل واحد بمكان ومكلوب البيت
وصلت قريب سمعت

وليد يصيح سلاحي انباك..يعني اذا ما الكاه
ميطلعني الله منها انسجن

عمتي/لا اسم الله شنو تنسجن وين يروح يعني هسة نلكاه هنا

اندارت عليه..
نجمة مشايفة مسدس وليد..

كتلها لا...

ونزلت ادور وياهم قبل لا اغسل حتى وجهي
وليد/ وييين يروح..
بيت ميضيع اذا ايد متشيل..

عمتي بس اصبر يايمه اخاف انت ناسي منو عندة يشيل

وليد بعصبيه شنو ناسي انتي صدك تحجين..

خالة يم راسي..
واندار ع عبير... فهميني وييين راح اريد اعرف
عبير /ماعرف شبيك وليد خبلتنا عبالك اني ماخذته..
ماعرف

تقرب منها ولزم اديها حيل من زنداها انتي دتفهمين شنو يعني ضابط اسلاحة ينسرق منه لو لا
كالت اله وليد ايدي دفعها بقوة.

بقت واكفه تباوع عليه..

وعافتنا ومشت..
عمتي كالت شبيك وليد زعلتها.. هسة تطلع ناسي انت بدوامك

صاااح يمممه..
عمتي سكتت وبسرعه كامت تلم وادور
بس مع الاسف بيومها كل شي ما شفنا ولا لكينا السلاح ولا نعرف وين راح...
للعصر اجة غزوان..
وبدو يدورون من جديد
لحد ما تعب وليد وكال تعبت هذا هو راح راح ميفيد اندور ولا يفيد شي

هذا هو راح انسجن اربع سنين..
واتعاقب..

غزوان لا مستحيل اخليك تنسجن شنوو وين راح..
اني اشتريلك واحد..
ضحك وليد شتشتري الي يضيع سلاحه خاين تعرف شنو خاين..
وتحقيق..
واذا ما وصلكم السرة

....
بين مديحجون نولت عبير وباديها جنطه..
رفع عينه وليد عليها
واشر شنو هاي

عبير /وديني لاهلي وليد
وليد كام عليها..
عبير تركني واني بهذا وضعي.. عبير بايدها كلينكس
مسحت عيونها..
هسة توديني لو لا..
وليد /اصعدي فوك اتفاهم وياج

عبير /داسالك توديني لو لا

وليد /بعصبيه ضرب ع الكاونتر اصعدي فوك احاجيج وبلا هل تصرفات الي مابيها اي معنى امشي
عبير فزت
غزوان تقىب منه وليد اهدا لا طلع قهر السلاح بيها
امشي ويايه
دفع ايد غزوان
عبير زادت بجي..

كال تمام تمام عبير اذا ترحين هسة بعد ما ارجعج
لا اني ضربتج ولا سبيتج هاي وحدة وياج
عبير..

حاولت احجي غزوان جرني مالج شغل بيناتهم..
كتلها عبير شبيج فهميني..

كالت.. اريد اروح لاهلي واندارت ع غزوان توديني..

عمتي يم مرمر مو يمنا.
وليد/عبير للمرة الاخيرة لا اطلعين بلا سبب

عبير / وليد محتاجه كم يوم ارتاح...

جر السويج
وطلع بالطرمه..

وطلعت وراه..

انداريت ع غزوان كتله روح الهم..
نجمة مالج دخل بيناتهم..
هسة يصالحون..

كال صدك نجمة حضريلي جنطتي مال ٤ ايام عندي سفرة
؟؟؟
باستغراب وين؟

غزوان / شنو وين..
نجمة / هو داسالك وين تروح..

غزوان /شغل وين يعني خلي اشوف شراح يصفى من موضوع وليد والله مو خوش شغله هاي
اذا انسجن امي تتخبل عليه وشيخلصني منها
نجمة /يعني انت هذا الي هامك شبخلصك متفكر اخوك مستقبله يروح وعمرة

غزوان /كام وفرك راسه وكال
نفسي ثم نفسي ثم نفسي
ثم الجميع

نجمة /يالله شكد اناني انت.. دنزعي الاسود غراب حتى الي ىيشوفج ميشوف خير بحياته

رجعت عمتي بليل..
وسالت عن وليد وعبير
وحجيت الهم عن الي صار..
بقت تحجي وتبجي ومتعرف شىاح يصير او شلون راح تصفى
غزوان كالعادة طلع..

بقينا اني وعمتي وكل شويه تبجي..
تكول مدري شجانه والمصايب هيج توكع علينا
مرتاحينه ابد..
من انخلقنا لليوم..

رجع وليد بليل..
وحجت امه وياه والي افتهمته راح يقدم نفسة ويعترف بسرقه السلاح
وع عبير كال نرتاح كم يوم وتجي
جان كلش مهموم ومقهور
ويحجي ويا امه..
ويتحسر..
عمتي اصرت يجيب عبير
وحاول وياها يعوفها كالت متنام اذا مو مرتك يمك وانتز بعدكم عرايس روح حاجي اهلها لا تخليها تزعل
وشوف شغله السلاح
وكول لصاحبك للامر مالتك بالكي الله تدبر

واندارت عليه روحي نجمه ويا جيبو عبير عبير تحبج
وليد /صح نجمة عبير تحبج

واتغير من بعدين الى يلا نروح نجيبها
جنت مترددة الاول شلون اروح وياه
بعدين عمتي قنعتي نجيبها وفقيرة وخطيه
......
بدلت بسرعه ورحت وياه..
صعدت بسيارة..
عمتي مقبلت تجي لام الجهال نايمين و مرمر وحدها

صعدت ومشت بينا السيارة بهدوء

مادري نجمة احس حيل مشتاق لا ميت شوك الج
يشهد الله هذا الي فوكانا انعل ابو القسمة

نجمة /وليد كافي ميفيد هذا الكلام ماريد اوكع بحرام وياك ابد انتهى الي بينا انتهى امشي نجيب عبير خطيه طلعت مقهورة

وليد /تدرين اصعب شي بالكون الي دنعيشة من انت تنام وتكعد والي بتيت عليه احلامك كدامك..
تحسين بيه نجمة..
انداريت ع الجام.. سبحانك ربي ماكو يوم عدل بحياتي.. كل شي احس واعيش..
وليد /بعدني اشوفج ذيج ام الكصايب
بويه نجمة حلوة بويه ماكو بجمالج بويه
يام الكصايب والقلب ذايب..
وعلى رنه خلخالج تفز جروحي..
هذا الوداع نجمة اخر مرة اشوفج بيها..

قرب ايدة من خدي حسيت يتلمسه
دفعت ايدة كتله انسى لا تفكر تلمسني ابد. ابدددد
ما اوكع بالحرام لو اعرف روحي بيك
عبير متستاهلك.. ولا تستاهلني..
امشي وليد
كال
... تعبان نجمة
وعبرة خانكتني
ربي مااكدر اختنكت هواك مااكدر اتنفس..

وكف بنص الشارع..
ونزل من السيارة..

ومشى بتجاه الجول الي ع الخط السريع..

بقيت اباوع عليه..

ابتعد وصاااااح بقوة ربي اااااااااااه ااااااااه..

انداريت السيارات تخطف بسرعه ع كيف فتحت الباب
ونزلت صحت وليد تعاال.
اندار واشر الي اصعدي. اااصعدي.

رجعت.. بالعكس.. وفتحت الباب وكعدت.

ثواني.. وصعد.. بالسيارة..
وفتح الجكمجة الي يمي وبدا يكلب بالشرايط بعصبيه يحرك بيهم..
جر شريط وسدها بسرعه..
كتله وليد.
اندار عليه بكل هدووء اشششش ماكو شي ينحجي بعد..
ودخل شريط..
وبدات موسيقى هادئة وحزينه..
حبيت وعيوني بجن

بدون ميباوع عليه..
شغل السيارةومشينا بسيارة ...
ووصلنا لبيت اهل عبير...
ونزلت..
قبل وليد دكيت الجرس..
نزل وليد وسد الباب..
انفتحت الباب وطلع ولد شاب من شاف وليد طلع سلم عليه. كلي اتفضلي..
جوة
دخلت بيتهم من طرمه باوعت ع شبابيك
الهول مبين داخلها. رجال جبير كاعد

وصلت لباب المطبخ.
شفت امها لعبير

باوعت عليه وفتحت الباب تفضلي عيني.

دخلت.
سلمت عليها
وسالت ع عبير..

كالت امها منو وياج..
كتلها وليد..

مدت راسها وينه..
كتلها برة يم ابنكم.
صاحت عبير عبير..

اجتي عبير باستغراب واقربت بوستتي خوما ححيتي شي
كتلها لا

امها لغبير كالت انتي مو كلتي تباتين شنو هاي
عبير /ها ماما والله مادري هسة اشوف وليد

طلعت وبقيت اني وياها
وقدمت الي جكليت شلونكم عمتج شلونها
كتلها الحمدلله

هاااا و انتي مصار عندج شي

نجمة/لا والله بعد

امها/الله يستر عليج ويرزقج

دخلت عبير ماما اروح ومن يلتحق اجيكم
بقت تحجي عليها
اني ترخصت منهم وسلمت على امها وطلعت شفت وليد واكف يسولف

صعدت بسيارة.

ورة اشويه اجتي عبير ورجعنا للبيت الطريق كله
جنا ساكتين..

رجعنا وغزوان بعدة مراجع
وعرفت وليد بعد كم يوم ويلتحق واحتمال صدك ينسجن
بس السلاح وين راح معقولة غزوان اخذة..
نمت ومحسيت ع نفسي لثاني يوم حسيت
غزوان ماكو
ومن سالت عنه طلع سافر
الي كلي شغل لامه كايل ونسه للحبانيه
ولوليد كايل صيد وتاهت عليه هو وين
مثل كل مرة من اضوج اروح لحلا.

رغم اعرف تخوني بس من خسرت كل شي بقيت متمسكه بيها
عبير تحسسني بالذنب
لهذا كلامي وياها محدود

اما حلا ماعاد اخاف منها ولا اهتم ان عرفت او لا
باسراري المهم اسولف الها

مرات اصفن اكو زوجه متغار ع زوجها وخاصه صديقتها الخاينه

طول فترة زواجنا محسيت بي زوج ابد
هذا ا لا نسان المتناقض الغريب
شخصيته متعبه..
استفزازي ودائما يهيني ويحسسني اني لا شيئ
حتى تقربه الي رغبه مو اكثر علاقاته المتكررة
اتقىب الة يصدني
ابعد يتقىب
كل شي يدل
هو مريض مو طبيعي ابد
ومتعب متعب..

وصلت للمحل..
شفت المحل معزل.
استغربت.. ورحت دكيت بابهم.. طلعت الي امها
سالتها عن حلا
كالت سافرت يم خالتها بالحلة
عرس بنت خالتها..
ومثل متشوفين مابيه اروح اني
دزيتها ويا خالاتها لهناك خير خالة نجمه اكو شي

محتاجة شي

ضحكت كتلها لا خاله ممحتاجه شي..

عفتها..
ورجعت للبيت
بوجهي توجهت لبيت ابويه

دخلت وجنت كلش متعصبة
مرمر مددة بالمطبخ ع الكنبة ومقابيلها التليفزيون تباوع
اباووع البيت اظلم وفارغ.. كل شي بي بارد
حتى الحياطين احسها سودة
رغم بياضها الناصع

..
....

اندارت عليه..

شعندج جايه هنا..

نجمة /اظن بيت ابويه هذا.

لزمت اليدة مال قنفه وكعدت..
كالت نجمة يا نجمة
هم شفتي جبل انهز او انهدم
كل الي صار هزة بسيطه بس موكعتني..

مو مرمر الي توكع..

نجمة/اريد اوراق ابويه الي تخصني.. متهميني خسرتي او لا المهم شفتي عقاب الله..

مرمر /ضحكتيني.. عقاب عقاب انتي شتعرفين عني واني منو؟
منو مرمر..
جاوبي منو...
اغبياء والقانون ميحمي المغفلين

ومنو غزوان ومنو جواهر ومنو وليد.
وتضحك بصوت عالي..

خلي ابالج.. صح كسرني موتته ابوج.. وابني يوسف
بس.. ما خسرت كل شي بعدني بعدني بحيلي
وبعد عندي ابن..
نجمة /يا ابن هذا تحجين بي ياهو اخذي الي حصلتس وروحي شعندج باقيه هنا شعندج فهميني عندج ابن ميهمني اطلعو كلكم من حياتنا خربتو كل شي حتى الضحكه خربت وياكم

كامت مرمر وتتوجة ع الغراض وجان بنص المطبخ ميز طعام..
جرت كرسي وكعدت..

يمكن اني الوحيدة الي ذاكرتي مابيها شي ينذكر
لا تبقين تكوليلي العذاب والي شفته والي عشته وانتي معايشة شي حمدي ربج ع حياتج
نجمة
احجيلج شي ومراح تسمعي بس مرة وحدة بحياتج
ليش احجي ماعرف
بس محاسه لا بندم ولا شي وياج هيج حبيتج تعرفين مو اكثر

كل الي اتذكرة اني ومجموعه اطفال
نلعب وين وشنو ومنو ماعرف
جنت اصغيرة كلش حتى اذكر التفاصيل

اذكر اللعب واجتي عليه مرة بعباية سودة
حتى ملامحها ماذكرها
بس كالت ابوج يريدج هناااك
واخذتني
من بين الاطفال.

ووعيت واني انام بالخرابه بالشارع..
ويوميه ويا وحدة جديدة مو مهم الفلوس المهم اكل
والمهم بليل الكه مكان انام بي..

والاهم من هذا كله الكه هدوم دفيني بالشتا..

تعرفين شنو تكونين طفله مشردة..؟
مجدية..
تعرفين لو لا..
لا ام ولا اب ولا اخ ولا اخت ولا سند
ولا شرف

تعرفين شنو يعني طفله او مراهقه
ويتم اغتصابج

ويتكرر الشي يوميا..

الى ان احمل واني ماعرف شكد عمري..
بس طفله..

شاءت الاقدار
فديوم اجوي جواهر ورجلها.. نبيل ابو الولد
بغداد وشافوني.
استعطفو عليه وانطوني فلوس

بس جواهر من بعيد. كالت شكلها مدري شلونه يمكن هاي حبله.

جرني رجلها نبيل وسالني عدة الاسئلة..
وانتهت الاجوبه..
واروح وياهم بمحافظتهم..وخلوني وياهم بلبيت
رغم الفقر الي بي هم
بس جنت اكل واشرب وبليل مستورة
واسبح..
ضحكت الله السبح حسرة عليه شايفه هايى الحمامات المجانيه
بعز البرد اتعنة لباب الشرجي
وادخل وحدة بيهم
واسبح ببريك مي وبارد..
ماعندي فلوس..
ادخل حمام ومنو يدخل وحدة مثيلي
منبوذة..
كرموني وخلوني ادميه.. قبل بوكتنا الجدة اجيب
وهواي تلكين عجوز وماعندة بيان ولادة

واني وحدة منهم..
وطلعولي بيان وهوايه
وانسبت لشيخ العشيرة بعد ما رتبوها الي..
وعشت وياهم بحب الله..

وجبت طفل.. ولد..
وجابت جواهر طفل
ماكولج منو بيهم بس
واحد منهم..
لو زوجج لو الي تحبي..

واتسجلو باسم نبيل..
ومات واحنا بركبتنا اطفال صغار واجينا يم الشيخ
واشتغلت الي متتخيلي بيوم

كل شي شريف اشتغلته..
احف اطبخ انظف ابيع بشارع
كل شي..

وكبرناهم..وكبرنا
وشفت ابوج وصار الي احلم بي.. من اول كتلج اريد اعيش
وصح ردت اعيش بس فوك الكل
مو جواكم.

كل شي اعرف.. وكل شي صار ع ايدي
رسمتها وحدة وحدة واوصلت متجين انتي تاخذين مني كل شي بنيته..
مستحيل تسحبين مني شي وعدت نفسي

راح امن نفسي واطفال اطفالي لعمر طويل
ولا واحد يضوك الي ضكته بيوم وعشته..

ولو ع حساب ارتكب جريمه ما اخسر شي
ميهمني مات ابني الي اذاني موتته ابوج
هنا احترك قلبي وانكسرت.. خسرت احن انسان عليه
وكامت اي اي ردته وحدي حتى بحنانه الي
لان انتي معايشة الي عشته
ولا راح تعيشي اجيتي وبحلكج خاشوكه ذهب
واجيت اني ماعرف امي من ابويه..
لحد يعزيني ع احد
بس ع جعفر اتعزة
فقدت زوج واب وابن وام خسرت كل اهلي
ابوج يعرف كل شي واتقبلني وحبني الي وحدي
وبدات تبجي..

خسرت صح بس منكسرت
وخسارتي تقويني وارجع..

وخالتج ع راحتج. بمزاجي واني تعباانه ومابيه اللعب ويا غبائج..
كل شي اعرف وام غزوان جواهر كل شي تكولي
كل شي.. ومسحت عيونها بربطتهت السودة..
كالت اعيدها كل شي..
........

اكثر كلام صدمني بحياتي الي سمعته..
اريد اجمع..
اريد اعرف منو الي ابنها ماكدر
كلامها هز كل فكري ماعرف شنو احجي ولا اجاوبها ولا اتصرف بقيت مصدومه بكلامها..
مصدومه بيها وبحياتها معقولة اكو هيج شي..

يعني مرمر مو مرمر
وجواهر.. هي صاحبه الفضل ليش تخاف منها
وليش تمشي وراها
دخت وحرت اكثر..

عفتها وطلعت واني شاردة مو بوعيي
اريد اجمع هاي الافكار..

زين منو جابت الاول مرمر لو جواهر
جنت امشي واحجي ويا نفسي
لا تشاقه هاي بس بالافلام..
وارجع واذكر صح ابويه ابد ميقبل نسال عنها
هاي شدتخربط

وصلت الببت
مسطورة صعدت فوك اريد استوعب كلامها.. ماكدر

شلون اطلع نفسي من هالعالم..
فكرت اطلع من البيت..
بس ماعندي بس مفتاح البيت القديم وكلهم يندلو..

......
كدرت ثاني يوم اتصل بمازن واحجي اله..

اغلب التفاصيل
صح مكالمتي بي متقطعه بس كدرت اوصل اله
الي لازم يعرفه..
هنا مازن..
كلي صعبه.. لازم نطلع قسام شرعي ودعوة
تسوين ضد الورثه كلهم برفض تسليمج ورثج
بس اصبري عليه..
اكمل شغله وليد واحاول اساعدح
وان شاء الله اساعدج..
الكل خذلني وجنت اتوقع حتى مازن راح يخذلني
هو هم وراح يحجيلهم عن الي كلته اله..
مرت الايام
ورجع غزوان من سفرته الي هي جانت مع اقرب انسانه الي..

سكتت.. واني ماعرف نفسي منو اتمنى تطلع هاي الهوسه من فكري اتمنى ارتاح

ويطلعون كلهم وترجع حياتي الطبيعيه
حتى وليد بديت اكرهه
واكرهه كل شي يخصهم
بس جنت صابرة حتى اعرف اذا اطلع من هذا الباب اطلع مصفرة لو عندي شب الي ولاخواني
لان طلعتي منهم ما منها رجعه..

فديوم
البيت كله بترقب.. وخوف اليوم يلتحق وليد لدوامه
و عمتي كضتها بجي
وعبير.
هم..
مرمر الكل خايف..

الا غزوان بوسط هاي الاجواء حب يلطف جو
هذا الجو المشحون خلاني بس اريد اطلع
لبست ردت اطلع لحلا المهم مكان اطلع منه

وكال..
ها غراب وين رايحه...
استغفرت.. كتله يم حلا..

غزوان.. /اكعدي ولا تروحين.. لاي مكان احنا بيا حال وانتي تفرفرين..

اخذت حسرة
عمتي ادخلت مو وكتج نجمة اطلعين ادعي الله يعيدها علينا
وانت غزوان مو وكتك تتعارك مدشوف الوضع..

...
غزوان / ما اتعارك ومتروح
وصدك بعد مترحين لحلا

نجمة /ليش

غزوان /بكيفي

نجمة/غزوان مالي خلكك ولا واهس سوالفك بكيفي اروح..
لو مليت منها.. وكطعت علاقتك بيها
وتريد اني هم اكطع لا عبالك ماعرف كل شي اعرف

غزوان /شدتحجين انتي

كتله احجي شي كلش تعرفه زين حتى هاي روحتك سفرة وياها..

غزوان /ديلا اسكتي وانجبي..
ومشى..

كتله شبيك لا ترجف ما غيرانه عليك بس هيج بمزاجي امشيها..
بس صدك اسال حلا.. ليش كلبتك

كل همها وياك فلوس اثنينكم رخيصين

اجه ويحجي يعني صايرة لا تطاقين
ودفعني يلا ولي واكسر رجلج اذا خطيتي منا..

حسيت طكت مرارتي..
منه ومن كل شي..
كتله روح اعرف ابوك منو وتعال عليه..

هجم عليه.
صار بوجهه وليد..
دفعه..
واحد يصيح ع الثاني عمتي بسرعه جرتني..
من ايدي مخبله انتي عاقلة ادبسز..
مرمر كاعدة تباوع..
عبير مصدومه اكثر وحدة..

غزوان دفع وليد كله لا تدخل انت ومرتك هم ادخل بينكم

وليد /غزوان بس كافي ع كل شي تضرب واني مو مثلك
واكسر ايدك اذا مديتها عليها هسة اني موجود وادافع خاف الله بيها..

اندار غزوان وانطه ظهره لاخو
وضحك
كال نرفع الستار وصفك بايدة كافي للعب
اي اني عندي علاقه بحلا
بكيفي وياشر ع راسه مزاجي
تعجبني
انطيهت فلوس تنطيني الي اريدة انتي شتنطين بله
بوم اسود ويفتر بلبيت..

وليد/عيب هالاسلوب هاي مرتك غبي

غزوان / ها دتمثل دور البطل
مرمر كامت ودفعت غزوان عن وليد كافي عمة متسوى الواحد يتعارك عليها

وليد / يابطل اني مو خاين مثلك

غزوان / ضحك خاين والله ضحكتني سمعي شديكول عمة سمعي يوم
كول انت تحبها. كول احبها وباقي بلبيت علمودها
عبالك ماعرف تحبها لا أعرف كلش زين
واندار ع عبير

تريدين تعرفين رجلج..
المن يحب وعايفج
يحب مرتي

الي هي نجمتة..

......
وللحكايه بقية
شهرزاد

بديت افتح القصه
لان راح اختم
♥️
يسعدلي ايامكم

[لامارا]

لا اعلم ماذا اقترفنا ليكون ربيع عمرنا هو خريف الوطن


#نجمة__والخلخال


#ج26


وقت الحقيقة..


لكن هل انا عاشقه مازلت اله
ام اتعبتني تلك السنين التي اخذت مني كل ما املك


ها انا اليوم.. اودع اخر شخص عزيز على قلبي
بكلمات احرقت كل شيئ
اه الوداع ما اصعبة
وما اوجعه يسلب كل شيئ
ويترك الروح فارغة..


تريدين تعرفين رجلج..
المن يحب وعايفج
يحب مرتي


الي هي نجمتة..


وليد / انت مخبل شدتحجي..


غزوان /لا مو مخبل هذا الواقع الي صار لا عبالك غشيم اني انسان واعي ع كل شي بس اغلس بمزاجي


وليد / كافي غزوان


غزوان /سنين تعيب بيه وانت اقذر مني
ولك هاي مرتي تعرف شنو مرتي


وليد هجم ع غزوان ولزمه من هدومه كله ميصير ولا يصير مثلك انذل انسان بالكون من تسلب حلم غيرك سنين.. شتحس يا خويه.. انعل ابو الدم الي يربطنا دم الخنزير اشرف منك..
غزوان دفعه عمتي بينهم تعيط
مرمر تحجي..


اندار اي احبها وكلكم قصد سويتوها
اي عبير لا تستغربين ابد يمكن احنا اغرب عائلة تشوفيها كل شي بيها غلط..


عبير اني ساكتين اندارت عليه كالت
انتي نجمة انتي انتي لا لا
واني اكول يحجي بيج شنو انتو


مستحيل مثلنا بشر..


عافتنا وصعدت فوك..
ركضت وراها عبير اوكفي هذا الحجي من جنا اطفال مو هسة...
تبجي اطفال او لا اني شنو ذنبي بينكم
فهميني شنو ذنبي
قذارتكم بينكم
اووي ياربي لا ماريد اتخيل انتي ووليد
واندارت ع فراشها هنا


كم لليلة كضيتوها سوة واني غشيمه


هزيت راسي لا لا عبير مو هيج.....


عبير /اني طالعه واشبعي بي.. لا اشبعي بيهم كلهم


لزمتها من اديها عبير


صااحت عليه بعدي عني لا تلزميني الا افضحكم
وفوك فضيحة سلاحه الا اخلي ينسجن وانتي هم وياه.. قذرة مقرفه زانيه..
كلامها جان اشبهه بالرصاص واستقر بنص جسدي


وعافتني ونزلت بسرعه..
بقيت واكفه فوك واسمع صوت عياطهم سديت اذني حيل
كافي ياربي كاافي..


خلصني منهم طلعني منا هذا كابوس كااافي..


نزلت بسرعه بلا ما افكر باحد
شفت عمتي لازمه وليد
من صدرة وادفعه كافي كافي عوف اخوك
وكامت تلطم مو اخوة اعداء انطيتني ربي


واندارت عليه ام البلاوي الله لا يوفقج


هجمتيها علينا..
حسيت احد جرني من شعري حيل
اندار اشوفها مرمر جانت اجر شهري
وجسمي يروح ويرجع وياها


دفعت اديها بسرعه..
وطلعت اركض من الباب..
وكفت بنص الشارع وين اروح


ركضت وصلت لراس الفرع..بديت اتنفس..
تعبت من الركض.. وين اروح اني


ارجع لبيت خالي
لو لعماتي وين ارووح


واخواني..


جتفت ايدي واني طالعه بهدومي..


للعنه بدريه علينا لليوم مستمرة
غباء من والدي جاب النا عصابة


ماعرف شسوي.. امشي وابجي


حسيت سيارة قريبه عليه..


وصاح اسمي نجمة اصعدي.


انداريت غزوان..


كمت امشي اسرع


اريد بس اطلع الفرع واوصل للشارع العام
شحط سيارته..


ونزل جرني من ايدي داكولج صعدي


باوعت عليه كتله خلص غزوان خلص عوفني


اخذ كل شي وعوفني ما اكدر الكم اني استسلم اليوم
لكل شي


غزوان /اصعدي ونتفاهم..


نجمة /وين تاخذني..


غزوان /شبيج نجمة امشي اصعدي احنااا بشارع ومنا العالم.. امشي


جرني من ايدي وصعدني بسيارة


ورجع بيه للبيت


كنت احس هاي اخر للحظات عمري


دخلنا للبيت..
وهو لازم ايدي بقوة..


عمتي ومرمر ووليد


كال عليه وع اعدائي.. ماخسر وحدي مثل ما خسرت نجمة اني انت اخسر عبير


ومرمر عمتي مالج مكان هنا بينا


امي انتي بكيفج تبقين ترحين بكيفج لا تبقين ذ


تهددين بيه ع الماكو
ربيت وكبرت وتعبت
وكام يصيح هي حتى البزونه تربي وترضع


كافي محد اله يمي شي


وكام ياشر بايدة يلا يلا خلصت كلمن لبيته
يلا..


عمتي تقربت منه وضربته راجدي


كالت لوما انت ابن بطني جان كلت عليك ابن حرام


بقى مصدوم غزوان


عمتي /ابن الحرام احن منك عليه
واندارت ع مرمر كله منج من طبيتي النا جبتي النا
الشر..


وهذا الشر صار بابني


هالمرة اكولج امشي اطلعي برررررررة


الله لا يوفقج بيوم شفتج واخذتج من الشارع


اطللللعي اطلللللعي..
شيطااان


محصلت منج شي بس الهم والخدمه والكراب
ووليد جان يلزم بامه
يمه لا يصير بيج شي امشي ويايه عوفيهم
عوفيهم امشي ماريد اخسرج


عمتي جانت تبجي بحركه


وتوحهه كلامها لغزوان
ولك ممقهورة ع شي انت ابني ابني تعرف شنو ابني بس شحجي شكول الله لا يوفق للحرام


اطلعي مررررمرررر


كعدت بالكاع وانتظر كل شي يختفي


هنا اتاكدت غزوان الابن الشرعي
حركه قلب جواهر وفرفحتها اكبىر دلليل


هنا اذكرت كلام ابويه يجي يوم وتترحميلي
زين مرمر ليش متحب وليد
يذكرها بماضي اسود


اما مرمر انطردت من البيت وطلعت...


غزوان بقى يحجي..
وليد كله كافي اسكت ارتاحيت هسة راح تموت امي


كافي غزوان خربت كل شي بحياتك وحياتنا


طمعك وصلنا للنهايه..


انتهى كل شي بعد..


رجعو التلازمو من جديد.
جتي عمتي جرت وليد وكالت امشي نطلع..


وجانت لابسه عباتها


من سمعت هيج انخرطت روحي بعد اكثر وكفت
بوجهم..


واني.. منو يبقى يمي واباوع ع غزوان


عمة لا تعوفيني..


عمتي تبجي شكد حجيت ما فاد وياج نجمة


كتلها مو اني السبب وليد عافنه وطب


غزوان.. /عوفيهم خلي يكتلهم الفكر ويرجعون يبوسون الايادي


امه اندارت عليه ولك لو مربيه جلب اهون


كلها اهوووو.. وعافها ومشى...


عمة لا تعوفيني وحدي يمه
هالمرة اني اترجاج ع عينج محد صفى عندي
محد.. وحدي


كعدت طلع وليد مبدل..


كلها شو كعدتي..


كالت اله / ونجمة..


وليد /امشي ويانه نجمة..


باوعت عليه.. كافي وليد..
ورجعت وجهت كلامي لعمتي


لا تعوفيني مثلهم.


وحدي بقيت..


وليد يمه نجمة راح لروح اقدم بلاغ
واجي لان تاخر الوقت.
اصبريلي. اجي الكاكم متحضرين.


طلع وليد وعمتي تكول ماعرف عليمن ابجي..


عفتها وبديت الم..
الكاع..


وهي بعدها كاعدة بالكاع


طلعت من المطبخ.. شفت غزوان جاي


كال راحو..


كتله لا محد راح ضحك باستفزاز اعرف ميرحون فلوس.. لازمتهم منو يلفيهم


اصلا لعبت نفسي من الكل..


نجمة/غزوان سؤال ليش..
غزوان /ليش كافيىعايشة دور العاشفه الشريفه الي تتمنع
وكافي هو عايش دور العاشق الحزين والبطل كل حجايه وكال اني واني هووو منو طزززز بي


تسمعين لو لا


تعبت منكم.. كلكم.. يلا روحيله خلي يعيشج بفكرة
تريدين اطلكج


كتله ياريت اخلص منك..


كال والله نجمة ومشى للمطبخ
فتح بوري المي..
وغسل ايدة


سجلي املاكج باسمي والله ومحمد وياج وناقص ع عرصه الي يبقيج ساعه..


كامت عمتي..
كالت اياج نجمة تنطي شي مايستحقة


كل شي عندة ميستحقه


اندار عليه وهو يمسح ايدة بله هاي شحاجيها هاي ام


رجعت كعدت بالكاع
وتردد ضيعت الكل اني من دخلت الشيطان بيتي
ضيعت كل شي
ربي سامحني وعينها ع الباب تبجي
يمه وليد ارجع


ارجع.


عافنا غزوان..
وبقيت اني وياها وحدنا عمتي فاصله
وتدعي برجوع وليد..
اكثر من ساعتين..


انفتحت الباب.. البرة
ودخل وليد
عمتي جانت كاعدة باب المطبخ


كامت بسرعه وركضت عليه
وتشبك بي وتبوس بايدة..


وتشمه حيل ظنيت ماشوفك بعد...


بقيت واكفه اباوع عليهم..
مااعرف شنو بيه...مخنوكه والدمعه مافارقتني


وكفت يم السنك ...


دخل وليد وعمتي يكولها يلا يمه لمي هدومي بسرعه
عمتي /يمه لخاطر نجمة نبقى
وليد /امشي ويانه لا تبقين هنا ..


سكتت ماعرف احجي
اندار ع امه وهو يشرب مي ما ابقيكم هنا
بعد
واخذ كلاص مي يشرب


يمه جيبي غراضي وهدومي
تحركت عمتي بسرعه..


وليد - نجمه ليش هيج تسوين دا اكلج خلينا نطلع شوفي شصاير بيج..وبينا
هذا البيت جحيم الج


نجمة-كافي وليد اعتقني والله تعبت من هل كلام ا شنو انت اول واحد يحب لو اول واحد ماياخذ اليحبها...
روح الخاطر ربك البيه مكفيني..
كافي روح شوف صرفه ويا عبير
منا غزوان ومنا عبير اتفضحنا ع الماكو وليد
اقسى شي عشته وياكم


اخذتو من عمري عمر


.رجعت للسنك اريد امسح دموعي...


مااحس اله باب الطرمه اندفر


فز وليد من مكانه


..وبسرعه
دخلو زلم مشوربين لابسين مدني..


واحد وكف يم باب المطبخ..
.وثنين تقدمو على وليد...الي حاول يستفسر منهم
وهو يعت بيده..


...منو انتم وليش جايين هيج..شبيكم منو انتو هدو ايدي اتي الملازم وليد من الحرس الجمهوري
بعد ايدك شبيك.


.كال واحد منهم...
...انت وليد مطلوب للدوله بحكم ضياع سلاحك...ويجوز انت مسلمه الجهه معارضه.. وخاين بلدك


...لا ضاع وقدمت بلاغ...


تقرب واحد جبير شورابه ثخان لابس قميص صحراواي
كال الوليد..... عدكم احد طالع لجوء للسويد
اسمها رضوة جعفر
وانت سلاحك ماكو
امشي ويعت بي..


وليد /يخاول يجر نفسه ويكولهم هسة جنت يم المقجم عدنا وفهنته..


...تعال ويانا وكافي تنعثل
...سكت وليد واني سكتت..
وصوت قلبة و قلبي بس هن الينسمعن
موقف خرس كل الاصوات
رغم صوت عمتي الي على
واجاها الرد بلا نفس


لا ليش انكر أمه وغزوان..
التمو بلمطبخ..
غزوان ساكت


بس هو عيونه اليه....
واني غمضت عيوني اريد اسيطر
على دكات قلبي ...
اريد اتحكم بيهن ..
..خلو الكلبجات ب ايده وهو منصي راسه وعيونه اليه
نظراته بيها عتاب..بيها قهر..


مشو ...واني مشيت خطوه وراهم
عثرت بس استندت بيدي على سنك
وهو الوحيد الي انتبهه على عثرتي كال..
...اسم الله نجمه..


هل كلمه اخر كلمه منه....
واخر نظره....فتحو الباب اخذوه وراحو
واني بقيت يم باب المطبخ


وعرفت من يروح وياهم بعد مايرجع
والسجن حيكون اهون الشرين


وعرفت السجن مو بس اله...
السجن الحبنا
الذكرياتنا
الاحلامنا سوى..
الحجينا سوه...
وحتى الرنت الخلخال السجن


لا اقدر ان اقول لك حبيبي
فااني سا أكسر قيد عاداتنا
لا اقدر ان ابكيك،واحتضنك


فقصة حبنا ولدت في درابين ضيقه
في ازقه بيوت بسيطه
وستبقى حبيسة سجنك المحتم
......
....
اخر كلمه سمعتها من بكاء عمتي المخنوك
هي من غزوان طبه مرض الوطني الشريف


يوم متعب.. مرهق انتهى


وليد انحكم بالمحكمه العسكريه
وقضية رضوة ولجوئها زاد الوضع سوء
واكثر من مرة ينطلب غزوان للشهادة. وانطلبت للشهادة وبعد التلقين من غزوان
نكرت كل معرفتي بيها..
ماكو شي يثبت نظافه سجل وليد من تهمه الخيانه
حاول المختار
وحاولو اصدقاءة
لكن لجوء رضوة ضيع كل المحاولات


واندك ع اسم رضوة ممنوع تدخل العراق مرة ثانيه
وبقينا تحت المجهر والشبهه


اما عبير بعد اسبوع من سجن وليد..


رفعت ضدة قضية طلاك... بشرط من اهلها تاخذ الغايب والحاضر.. وكل الغراض في سبيل عدم التشهير
وتم الطلاك


مرات اصفن اكول يمكن الوحيدة الي ربحت بينه
هي رضوة داست ع الكل و
راحت وخلصت من كل شي..


.....
مازن بعد حادث وليد اجه أكثر من مرة
ويتواصل ويا عمتي


كل مرة جان يطلب مني اتحرك. واقدم دعوة ضد
غزوان..


لكن بعد الي صار
غزوان تركنا البيت واتتقلنا للكرخ..
وتغير الرقم والمكان


وصرنا بعيدين عن مرمر
جانت تجي وتتصل بينا بين فترة وفترة
والوحيد الي يجاوبها هو غزوام
هاي الظروف الي صارت
قربتني من عمتي اكثر
واثنينة تقربنا من ربنا اكثر.


..........
قبل لا ننتقل
اما حلا بعد اسبوعين من غيابي عنها اجتي تسال عليه
ودخلتها للبيت
بس هنا عمتي جواهر..
حجت


كالت الها..
لو انتي شريفه متخلين عينج ع رجل صديقتج تلزمين ظهرها وتنصحيها مو تهجمين بيتها


حلا/نجمة شكو شصار


عمتي /سكتتني.. كالت الي صار عندج علاقه بغزوان والي هو زوجها
شفتيها فقيرة واكلتيها كلها شوفي حبيبه اطلعين منا بوجعج عدل للبيت تخابرين ابني المحروس وتنهين كل شي ويا
لو افضحج واحنا منطقه صغيرة..


حاولت تبرر بس عمتي منطتها مجال ابد للنقاش
........
بقت عمتي تنوح صبح ولليل ع وليد
ويدخل بقلبي الشك منو ابنها بيهم


هي ويا الاثتين حنينه والأكثر جان غزوان رغم غلطه ويا..


مرت ايام واشهر.
واني نفسي. رجعت للكتب والجهال مدارس
ونفس الحياة
وكل ثلاثاء احضر لعمتي كل شب لوليد
وتوصفه الي ضعفان وشعرة طويل
واللحية عاليه
وتبجي وجنت ابجي


ليش الفقير ماعندة حظ بهل دنيا ليش


بعد الي صار ابد مطرقت وياها عن وليد ولا هي
ولا حجينا بموضوع مرمر.....


كل اربعاء جانت عمتي تطلع من الغبشة وقبل بيوم تحضر الاكل والكليجه والهدوم وتروح تقابل وليد..
وترجع مثل الشبح..


اما غزوان.. وما ادراك ما غزوان
بقبت وياه مثل الروج يجيبني ويوديني
فوك أخلاقه
بدا يشرب ويلعب بالفلوس للعب


علاقاته زادت بشي مينوصف بلا خوف ولا ردع..


الى ان فديوم..


خلفله ع سجن وليد الي فتح النا باب
هي السبوتيه.
جانت كل سبت من الصبح تاخذني ونطلع اني وياها والجهال اغيبهم واخذهم ويانه ..


ننزل يم باب المراد..
ونطب ع السوك ناخذة فرة من الباله.. لحد اهل الذهب
ونشتري الي نحتاجه..


ونزور ونكمل ونطلع..
نشتري الشاميه والحلاوة الدهينيه للجهال..
ونتغدى بارقى مطعم هناك وللمغرب يلا ندخل البيت..


رجعنا احنا وهوستنا وغراضنا هذا بيتنا جان اكبر
وبناءة احدث دبل فاليوم ومرمر والبيت سيراميك


لعبها صح بفلوس ابويه وزاد هالخير خيرين.


محد من خلفه بدريه حصل شي.....

نزلت الغراض. وصعدت بيهم فوك

قبل لا افتح الباب اسمع اصوات


واحد ديحجي. كلت غزوان ديخابر


فتحت الباب.. ودخلت وعيني.. ع ايدي


من رفعت عيني


شفت غزوان وبحضنه وحدة مبين شعرها اسود طويل ولابسه اتك احمر بس حاضنه وايده تنزل بحمالات اتكها....
وتكوله كافي حبيبي شطلعت هاي
شافتي غزوان انتفض وبعدها عنه


شافتني.. ضربت ع صدرها واندارت ع غزوان


غزوان. كام ولاف نفسه بغطا
ستر نفسة وكشفها


شجابكم


احساسي واني اشوف هل منظر.. اخر بسمار نضرب بنعش روحي
كل جسمي فقد الاحساس
مااكمت اميز بين القهر
الحزن لان راسا ضحكت ودمعه طلعت مني
اضحك على نفسي لأن محسوبه مزوجه..وفوكها يخوني
وابجي على حظي وروحي الضاعت بين حانه ومانه...
ونداست بين القسمه والنصيب


مره عيني عليها
ومره عليه


كامت البنيه ودور ملابسها


صرخت عليه تقرب قذر
كام بسرعه والجرجف وراه لازمه
لزم حلكي اني افهمج نجمة مو مثل ما متخيله


يحاول يلزم ايدي و ييتوسل
والله نجمه انتي فاهمه غلط
صحت عليه خاين نذل شفهم ماتصيرلك جاره
امشي اطلع برة انت وهاي القذر يندار عليها وعليه
بس اسمعي صوتج امي والجهال برة


واني سديت حلكي بايدي


واشرت اله برررة انت وياها


اشكد ماجنت اكرهه وحاقده عليه...
هسه خيانته خلتني تلعب روحي منه..
احسه نكس..نكره
........
اخذها ونزلها من الباب الخلفي.


وطلع.. ورجع الي يعتذر.


كتله لهنا وبس طلكني ابوس ايدك لا انت تحبني ولا اني
خليني اخذ البقى من عمري واروح


تقرب مني
وحاول يلزم ايدي


وكال
اني ماحبيت ولا احب غيرج
ومستعد اكضي كل العمر وياج


انتي افهميني عاد سنين مرن واني اشوف بعيونج
حقد الي
غلطت طمعت كاافي نجمه كوني الي وحدي


حبيني واتقبليني كزوج
كافي هذا البعد بايدج تخليني اخونج
اخويه مو احسن مني اني احبج وانتي الي ومستعد الج هم اسجنج وامحيج اذا عفتيني
وحضني حبيني حبيني.. صدج يتعبني اكثر


دفعته بعد اتقززز منك افهمها


انت ابن الحرام واخوك الحلال


جان مواعي بشي


صعب تعيش ويا انسان حطمك لاخر شي
ويطلب الحب والسماح


نفس الكلام انعاد وهو وشارب
ويصبح الصبح ينسى الاول والتالي..


بعد هاي الخيانه الاخيرة
غزوان كام ميبقى بلبيت ومعارفة زادو
وكلهم كبار بالدوله
ولا حاول بيوم يسال عن اخو
وبقت عمتي تتوسل بي
بس هو هو زاد غرور وتكبر وجاه


...........


ا
فديوم كاعدين كلنا اندك الجرس
أكثر من مرة


كام غزوان فتح الباب جنا اني وعمتي خالين صينيه
بيها فواكه ونتابع مسرحية


سمعت صوت حجي عالي
كمت من شباك الهول


فتحتة شفت جهال ٢ ومراة


كمت
عمتي كالت شكو


كتلها مادري هسة اشوف
تمشيت وطلعت..
الهول الخشب.


الجهال بنص الطرمه وهاي مرمر وهذا شاب صغير
شعرة طويل شلون اليفريدو


و غزوان ديحجي


تقربت اكثر وصلت للباب
اندار عليه بعصبيه استلمي
هاي اختج هديه وجهالها تذكرو هسة عدهم بيت اهل


ونفس الصوت العالي جاوبت مرمر بحيث مالحكت اركز ع اختي
كد ما مرمر حاطه مكياج ونازعه الأسود


وتعلج وشحاطه العالية
وضحكت بوجهي شبيج.. عيني هاي اختج اجتي ع البيت القديم وجبتها
وصدك نسيت هذا انوسي زوجي


وللحكايه بقية
شهرزاد


اعتذر عن التاخير
بسبب حاله وفاه من بعيد
وان شاء الله باجر اعوضكم جزء


مو قليل فوك ألفين كلمه

[لامارا]

نجمة والخلخال
ج 27

وتعلج وشحاطه العالية
وضحكت بوجهي شبيج.. عيني هاي اختج اجتي ع البيت القديم وجبتها
وصدك نسيت هذا انوسي زوجي

اني غزوان واحد يباوع ع الثاني

انووسي؟؟ منو

نسيت هديه واطفالها الي طبو بنص البيت..

غزوان /عمة شنو ازوجتي
اني حضنتني هدية وتبوس بيه وعيني ع مرمر.

تخوصرت اله..

اي ازوجت شنو حرام

غزوان /عمة.. صدك تحجين بكد ابنج

اندارات ع الولد يلا عيني امشي نسو شسوو ببه قبل اشهر شمروني وحدي وهسة صار العيب العيب عليكم مو عليه حرام بيكم الربى..
امشي انوسي عيني امشي الله لا يعوزنا عليهم

انس/دخل ع الخط رجاءا استاذ هاي زوجتي شرعا وقانونا..ما اقبل اي احد يحجي عليها

هدية /شبيج نجمة. مشتاقه الكم ياربي صدك ابويه مات
وكامت تبجي ابويه اني مشبعت من ابويه واندارت كله من وراج مرمر الغضب

مرمر /اسم الله شببج انكرصتي.. ورجعتلي
لو انتي بيج شرف مجان كعدتي تتمعشكين بالداربين وشكلنا عيني.. شحجينا كلنا ابوج بس يجي يموتج وكامت اتصفك باديها..
تحجي مرمر ورجلها انس يكولها لا تغثين نفسج حبيبتي.. عوفيهم
عمتي طلعت ويا هالهوسه..
وصافنه..
جاوبتها
هدية / ولج

قاطعهم غزوان هاي عركات الدرابين انسوها
وروحوا مين مجيتو
اششس ولا صوت عالي..
كاعدين بمنطقه راقيه والناس كلها مسامعه صوتنا
عيني انت انس مدري.. شسمك اخذ عمتي واطلع

انس /رجاءا بلا طرد رجاءا

احترم نفسك رجاءا..
غزوان اندار ع امه كلها هذا الي يوازيك.. على الغلط

بله شو ابو رجاءا اطلع ودفعه يلا..
ولي.. طلعهم وركع الباب حيل..
اندار ع هديه وانتي يلا اخذي جهالج ورجعي مين ما جيتي

عمتي كالت اله اسكت عيب هالحجي البنيه خطار

بالاثناء دخلنا داخل البيت..
اني جنت مصدومه ب مرمر اكثر من صدمتي بهديه ورجوعها..

اخذت فترة يله كدرت احجي واسولف..

كعدنا كلنا بالمطبخ..

احساس غريب راودني..
ماحس هاي اختي ولا اني خاله الاطفال

كعدت هدية ومسحت ادموعها بهدومها..
واخذت حسرة ابويه ماات ومراضي عني.. مو
سنين واني ضايعه بدونكم..
وجنت احلم بيوم ارجع

بقيت اباوع عليها اريد اتاثر ابجي ماكو اي احساس
عمتي /الله يرضى عليج.. وين اختفيتي

هدية /شبيج نجمة شنو ضايجة مني

هزيت راسي الها لا..

غزوان كام كال اني راح اطلع..

اخذت نفس كتلها شرجعج
جانت مندارة وتحجي لعمتي عن جهالها

اندارت باستغراب شبيج نجمة اني اختج..

ليش هيج ياربي تعابيني حتى بلي بقوا

كمت.. وبديت احضر شي اقدمه الها..

ترست القوري مي..

وكفت بصفي ولزمتني من جتفي
شبيج نجمة اني اختج نسبتيني..

هاي المشاعر المتضاربه الي مالها قرار
ولا موقف..

جريت بقوة اديها

كتلها جيتي متاخرة حيييييل هووووايه متأخرة
جيتي ع التوالي ماكو اخ ولا اخت

كل شي راح بذاك بيتنا القديم

هدية اذا جايه علمود ورث فابويه تبرة منج

وماعندج اي حصة هنا

هديت ايدها وخليت القوري ع النار ومثل كل مرة ارجف..

كتلها واذا جايه ع اخت فماعندج..

عمتي كامت وتلطف الجو يلا حبيبه انتي هم غلطتي
ودمرتي نفسج وخواتج..
وجرتها وكعدتها

نجمة استهدي بالله
هسة نفتهم..
اطفالها بحظن امهم ولا تحركوا
جنت اباوع عليهم وارجع عيني ع الطباخ
شزرعت بينه بدرية
وين صفينة

هاي الصخرة ع صدري اريدها تنزاح واخلص

قدمت الهم كليجه وجاي
نزل غزوان مبدل وكاسخ وعطرة من قبل لا يطب شميته

وصل ويعدل بساعته

كال طالع اني اخاف اتاخر لا يضل بالكم

واندار ع هديه..
اعتذر منج جنت عصبي وهذا بيتج.. الثاني

واندار عليه محتاجه شي اجيبه ويايه

كتله لا تتاخر

اندار عليه..

اي ليش اكو شي..

كتله ماكو شي بس سالفه انتظر حتى ترجع مزعجه
وتعرف كلش زين ما انام اذا ما اقفل البوب كلها

ولا اهتم لكلامي

وتقدم ع جهال هديه فدوة شكد حلوين

شنو اسمهم

كالت اله هاي سارة وهذا سجاد..

وطلع فلوس انطاهم..

الاطفال ماخذو بس ذبها عليهم

وطلع من البيت..

كالت هذا نفسه غزوان..
عمتي جاوبتها اي نفسه
هدية /ولج عيني ولا عرفته متغير وكبران..
وباوعت ع. البيت والغراض

الله يحفظكم ووليد وين..
عمتي سألت عن رجلها
لعد رجلج وين هديه ووين رحتي هالسنين كلها

هديه /والله ياعيني... صار ٦ اشهر رجلي عايفنا وعايف هالجهال عليه لحد ما الي م الصبح عمتي طردتني والله.. لان بعد متتحمل لا اني ولا جهالي
بدون سبب عافنا
وطالع من البيت اني ازوجت ع سنه الله ورسولة
وكامت ادور بجنطتها وطلعت ورقه شوفي هذا عقد الزواج
وقربته مني
بس قريت اسم هديل بي وعدي..

ورجعت تبجي اني تمرمرت والدنيا شمرتني جنت طفله ما افتهم شي

واتقشمرت واقسم بالله سبب مرمر ما عرف شنو الي بينكم بس هي السبب

اذكرت كلمها من تكول الا اهج منكم بس اكبر

عفتها تكمل كلامها

ما عقبت ع شي..
رجعت تكمل واباوع ع اطفالها كملو الكليجه كلها
وحتى الجاي شربو

قلبي وجعني..

فتحت الثلاجه شفت باقي من الغدة

لحم وبتيته
طلعته

كتلها هديه جوعانين... اندارت عليه

كالت لا وعاطت بجهالها اكعدو يمه

شبيكم انهرشتو.. عيب..
واندارت ع عمتي والله مخزيني.. شكد ما اخلي كدامهم بس هم هيج

عمتي /شبيج يمه هم الجهال هيج ع كيفج وياهم..

حبيبه نجمه سوي لكمه

رجعت كررت سؤالي لهديه

هديه جوعانين..

غصت بجيها كالت والله والله من ساعه ٨ الصبح طردتني عمتي اني وهل جهال وين اروح وماعندي ع كد الكروة
رحت كعدت يم الشيخ.. وسالت وسالت عليكم مخليت باب مدكيته بس لا خالي باقي ولا انتو

كلها طلعت مناك..
مدري شلون وذكرت العنوان واجين وسالت
ودلوني الناس الخيرة
بس لا لكيتكم ولا لكيت ابويه

والله مجايه ع ورث..
اني خسرت كل شي.. من يوم الي طلعت

منكم والخوف جان رادعني من اجيت ماعرف ابويه عدل لو ميت نجمة اجيت كلت خلي يذبحني بس بعد ما اتحمل.. هل جهال وحدي وابوهم مدري وين شرد عنه لا خليت مركز ولا مستشفى
لحد ما جماعه كالو الي طلع قشق

ماعرف وين واني صفيت اخدم

واندارت عليه تذكرين من شفتج بالمستشفى

هاي وياي جانت عمتي نجمة..

اخذت حسرة اذتني اكثر من الجنون الي اتهموني بي بيوم..

وبديت احضر الهم الاكل..
ورجعت تكمل النه سالفتها
وهي
فديوم جانت متواعدة ويا عدي تشوفه
وشافتها مرمر
مر مر محاجيه شي انتظرت ترجع وتكولها

ابوج راح يذبحج ويموتج والا اكوله
كومي هديه اخذي ذهبج وفلوسج وبححة رايحه لخالي
معزومه
وعدي الي مشايفته ولا اعرفه
من كلامها يشتغل بنجرجي واكبر منها بهواية
وهي تندل بيتهم..

رايحه ع اهله وكايله الهم هي تحبه ويحبها
وغلطانه ويا
كوم ابو اطردة من البيت
وهي جانو ناوين يرحعوها

لبيتنا
بس عدي شاف ذهبها والفلوس ما خذها وعاقد عليها وكاعدين بغير محافظه ومشتري بذهبها محل
وجابت بنتها بعد ما مرت هالسنين رجعو لبيت ابوه
وجان ابو ميت
وكعدت بينهم وخلفت بعد

واستمرت حياتها بعيدة عنه...
ونكرت هي ماخذة فلوس الحلال

وشافت اخواني وححيت الها عن رضوة

انصدمت..
واتفاجئت واستغربت بزواجي من غزوان
كعدت سلسلت الها الأحداث كلها
وشلون الغلط الي غلطته.. خلانه ندفع ثمن جببير..

بعد ما اتعشو فرشت الهم بغرفه زايدة من البيت ونامت بدون متحس هي واطفالها
وسديت الباب وطلعت..

شفت عمتي..
كالت ميخالف نجمه هاي اختج ومن لحمج وين تروح فهميني..

كالتها شفتي مرمر متزوجه..

كعدت بالكاع..
كالت موجديدة ع مرمر تزوج صح حبت ابوج بس تحب نفسها فوك الكل

هنا اتشجعت اني..

كتلها عمة اني اعرف كل شي
ومن كلتي ع غزوان ابني يعني هو ابنج
ووليد ابن مرمر

استغربت مني
تقربت منها وكعدت كتلها اعرف كل شي مرمر حجت الي..
اخذت حسرة وعدلت الكوشة وره ظهرها وانتجت

عليها

كالت/يعني مرمر حجت الج..

كتلها اي حجت الي كل شي.. رجعت راسها..

وكالت الاثنين ربيتهم اني ماكو فرق بينهم ابد
بس صدكين وليد احن عليه من ابن بطني

كتلها عمه السالفه ادوخ شلون مرمر تكول اني جبت وجابت ورايه جواهر
رفعت راسها عليه

كالت وين اكو هيج كذابه.. جابها عمج الله يرحمه وهي وياها جاهل بالكماط وجان غزوان توة يحبي

صفنت عليها.. وشكلها كله تغير

كتلها شنو جابها..
ازوجها؟

عمتي/لا لا شيزوجها اسمعي عمج من بابه العرب الي يربون عادي جهال غيرهم فديوم رايح لبغداد
وشايفها هي وياها هل جاهل يلكع بجي وهي لا عدها حليب ترضعه ولا فلوس استخطاها وجابها

يمنا وخلاها شوفي مرمر بيها طبع بالاول فقيرة كلش احتمال اجر الج سنين
هي تخدم بينا حتى لعمتي الجبيرة تخدمها وشايلتها شيل

كبر وليد بينه اني وابو غزوان

وهي تخليها ع الجرح يطيب.. وهالكد ما فقيرة حبينها صدك..
فديوم مرمر اختفت كلبنا عليها الولايه ماكو

عافت هالولد وراحت
مرت كم سنه واسجلو مدارس هالجهال
انكسر خاطرنا عليه

روح ابو غزوان سجل وليد باسمك

زين يمه
دارت السنين وابو غزوام والحجيه انطوج عمرهم بلسل
ورة مدرة رجعت مرمر
علينا تبجي وندمانه كولي شنو وين

طلعت مزوجه واحد يمنه وماخذته من مرته

ذاك الرجال كم سنه ومطلكها رجعت بينه
وتعرفين هالوضع تعبان

واهلي مو هنا بالعرب وصعب ارجع الهم
واصلا احنا ع كدنا

خلتني ابيع البيت واجي لبغداد بحجة
نعبيش هناك ونشتغل

كولي قشمرتني و اجينه كرطنه فلوسنه واحنا بنزل

وتاليها ازوجت واحد حداد يمنا
حتى ابوج يعرفه..
متشوفين جان ميخليها تطلع وحدها حتى لو يمنه
من وراه لان هل حداد شهر واطلكت منه كوة

لان ما عجبها وضعه
وجنت اشتغل اسوي خبز طرشي الف كبه اغسل البيوت
وهي تساعدني
وشافت ابوج ورسمت اله رسمه معدله
وزوجته
ماكذب عليج كلنه جنه نتمنى نطلع من الفكر رطوبه البيت اكلت عظمنة

بس اقسم الج لا ادري بمرمر سبب هزيمه هديه ولا اعرف بالفلوس
ودنجت راسها وكلنا ندري من اول يوم اجاني وليد كلي يمه حبيت بنت الكصاب

بس كلنه جهال وينسون..

والله مافرقت بينهم ابد الاثنين حبيتهم

والاثنين ولدي.. اني تعبت بيهم واني خليت الحرام يخربهم

ومحد دمرنا غير مرمر
والله يعلم شنو اسمها..

كمت سويت جاي اريد عقلي يفتح اكثر.

كتلها وهي صدك ربت بشارع

اشرت ليفوك بس ربج الي يعلم

ساعه تكول حرامي باكني وساعه تكول وعيت واني بشارع مندري صدكها من كذبها
حتى وليد ساعه تكول اعتدو عليه وساعه تكول رجلي طردني

وهي فرت راس غزوان فر
وليش اختارته.. لان وليد مو مثله ميرضى بيوم
بالحرام شوفي سودة عليه انسجن
شوفي عمن هو انظفنه الله عابني بي

كتلها وليش تخافين منها
ضربت ع صدرها شلون ما اخاف تجي تكول
واحد منكم مو شرعي.. شلون ما اخاف منها وهي هجمت بيوت مو بيت

ترة لليوم محد بيهم يدري.. من حجيت من لوعه قلبي
ومحد ييهم افتهم.. شاقصد

ما اكولج اني خيرة اني مثلج غبرة اسكت واسكت
لحد ما انداسيت بيعتني الاول والتالي وطلعتني بليله سودة
وخلتني لا بيه ارجع ولا ابقى

هاي مرمر نجمه
اما اني ربج خوش ديعابيني بولدي واحد انسجن والثاني يطردني
راضيه بكل شي منه
حوبتج وحوبه خواتج و امج ووليد متروح
هيج تطلع تطلع
بس الله يشهد عليه الاثنين قطعه مني
ياه ما عولت اكبرهم
واشوفهم كدام عيني
وتجي مرمر تخرب الاول والتالي لا
ما اقبلها
اني اعرفج متحجين نجمة
........

خلوني ما اصدك احد ويمكن يطلع هالكلام كله هم كذب..

مرات اسال نفسي ليش باقيه وياهم اني شنو الي انتظرة منهم
شحصلت منهم حتى ابقى
مرمر اخذت حصتها و غزوان هم

واحنا اولاد بدريه شنو النا بس التعب
من اشوف اختي حتى ملابسها مشككه ومخيطه
وله جهالها جواريباتهم لون مابيها
اموت قهر
بقائي جان مو من اجل اخذ ورثنا لا
بقائي جان اخاف اعيش وحدي..

اخاف اعيش غير تجربه اخاف ع طمع الناس بيه وبفلوس

كل شي ورثته جان نقمه الي
هاي الناس تبجي ع الفلوس واني الفلوس مجابت الي بس الهم مشفت شي ولا عشت شي بس القهر..

ثاني يوم هديه يمنا شويه ارتاحيت الها
وانطيتها فلوس الها حتى تطلع تشتري غراض الها ولجهالها

وجانو صدك جوعانين اكل وحتى المي..

بقيت يمنا هديه..

فديوم بليل رجع غزوان شارب
صاحني واني جنت يم هديه نسولف

رحت يمه بدة ينزع بهدومه كال
لشوكت باقيه اختج هنا
ممكن اعرف

اني اعرف هذا بيته

كتله والله. باقيه لحد ما انموت
او انت تموت ضحك..

كال هذا بيتي ارجعي للبيت القديم واستقبلي خواتج

شمر هدومه عليه
صدك اريد استقر وارتاح
قررت ازوج انسانه من عائله راقيه مثلي دارسه وتعبانه ع نفسها
وفهمتهم اني مزوج ووضعج شنو

نجمه /اي والمطلوب.. شنو..

غزوان /اريد يصير عندي اطفال وازواج واستقر
وانتي مدري شلونج لا انتي تصيرين ع ميي ولا اني عاجبتني بصراحه بس اذا تحبين عادي اخلف منج ماكو مشكله بس هم ازوج خليىيصير عندج ابن بنت احسن من حياتج هاي
اني ضحكت
كتله ايبااه شكد شريف انت وهيج تفكر بيه
وعندك احساس يايابه..والله سم وزقنبوت للي اخذته عساه هباءا منثورا عساك انت والحايط تصفى
بس المهم طلكني وطبك مرض.. اعتقني وخلصني

غزوان /اهووو طلع لسانها الزفر

سمعي لا طيرين من راسي البيكين تلي شاربهن

غزوان /شوفي نجمه ورثج نفسه ورثي واذا طلكتج اخاف تزوجين واحد دايح ويدخل بينه
فاني مراح اطلكج ولو فكرتي تطلكين هم ما اطلك لو الف عذر عندج اجيبج غصب اسويج مخبله ناشز
بكيفج معارفي يوووو هواي
وكلهم بالدوله

فاني شكلت لو اخليكم بلبيت القديم انتي وامي
وخلي اختج وياج عادي اصرف عليكم وما اقصر
لو اخذلكم بيت بس لازم انتي تبيعبن حصتج بكيفج
بعد
وطفي الضوة اريد انام تعبان

وللحكايه بقية
شهرزاد
يسعدلي مسائكم

[لامارا]

مساء الياسمين

نجمة والخلخال

ج 28

اني شكلت لو اخليكم بلبيت القديم انتي وامي
وخلي اختج وياج عادي اصرف عليكم وما اقصر
لو اخذلكم بيت بس لازم انتي تبيعبن حصتج بكيفج
بعد
وطفي الضوة اريد انام تعبان
.......
تقربت من السرير وكعدت..

كتله جاوبني. للمرة الاولى والاخيرة ليش؟
بعد المخدة عن وجهه وباوع الي
شنو ليش نجمة /

جاوب بكل صراحه ليش كل هذا سويته..

اخذ نفس وكام تربع طكطك رقبته الظاهر ناويه اطيرين من راسي هل كم كأس طيب ست نجمة اسألي واجاوبج

وقدم ايدة بحركه يلا اسمعج

نجمة/ليش ازوجتني
غزوان/بكل بساطه طمع

.....
نجمة /وليش جنت تأذيني
غزوان / والله حتى لا تعلين دائما اكسرج
جنت متمالكه اعصابي كوة...
نحمة/ محبيتني بيوم...

غزوان /لا هاي يراد الها كعدة وتصحصح كام اتقرب
ع الهدومه الموجود ع الكرسي وطلع من جيب السترة باكيت جكاير واخذ جكارة ورثها وكعد مقابيلب ع كرسي..

غزوان /مو حب بس تعلمت عليج مو اكثر يعني نكدر نكول جزء من حياتي وسالفه ارغب الج هاي واضحة اني رجل وعندي غرائز وعادي اذا اتقرب الج مو شرط احبج

نجمه /واخوك وزوجته شنو ذنبهم

سكتت
وكال شوفي هسة اني اعترف مو خوش ادمي بس اخويه عايش دور البطل وهالدور مستفز بصراحه يعني لاهو الي وياية ولاهو الي عليه
وفوكاها ازوج وجاب وحدة تسوة راسه
نجمه ترة اعرف كلش زين يحبج واعرف انتي مستحيل توكعين بخطأ فكافي تمثيل هذا الصح..

نجمة /والسلاح

غزوان /كام كال لا لهتا وكافي كمتي تخربطين لا الي شغل بسلاح ولاغيرها مستحيل اسويها اذا مو لخاطرة فالخاطر امي...

هسة كملتي يلا اريد انام..

نجمة /ضيعت عمري وياك شحصلت منك زاد عمري بقهر وهم تدري غزوان كرهت فلوس ابويه تدري كرهت هذا الورث الملعون لي من يوم ماتت امي ممرتاحين احنا

غزوان /صدك ذكرتيني هدية الها حق بورث امج بس اذا رضوة متوكل احد متحصل شي تدرين لا قسام يطلع ولا غيرها بس اني كاتعويض مني راح انطيها الايجارات مال كم سنه....

باوعت عليه ضوة الغرفه خفيف..
ضحكت انت منو وجاي تتكرم علينا

كمت وفتحت الضوة وصارت الغرفه ضاويه

ممنطي شي من يمك هذا حقنا غزوان مهما دار الدولاب وصعدت تنزل لان الي بي انت مو حقك
انت اخذته بحيلة..

خله رجل ع رجل وبدات ملامحه تتغير ويعصب

كال اني غزوان انسان تعبان حيل ع نفسي صبدلاني وعندي محلات للملابس الرجاليه ماعدا شغل المذبح

وانتي منو بله هسة احاوبج اني

انتي نجمة الي شهادة ابتدائي ماعندج وعقلج هو هو
لا فلوس طورتج ولاشي

كتله اي والله صح وكلتها انت اني هي هي اذن اني متغيرت لا بفلوس ولا غيرها لان بنت عز ووعيت ع الدنيا والخير عدنا اما انت وعيت ع الدنبا والفكر ياكل بجسمك فحقك من شفت اخترعت

بقى صافن كال مراح اضربج ولا اعصب

بس صح الفكر اكل احلامي بس وعيت وصححت وصرت وانتي ولج بيج خير صيري ام
وزوجة صدك مو من ورق

كمت وتوجهت للباب وخليت ايدي ع المقبض
وانداريت عليه
اني مهرة اصلية وكل مهرة تحتاج خيال
وانت مو خيال..

عفته ونزلت واعلنت النهايه ويا...

نزلت جوة شفت البيت كله مطفي وغرفه الاخيرة جانن لعمتي... نايمه بيها فتحت الباب صوت شخيرها عالي..

دخلت وشغلت الضوة وتقترب ع السرير
عمة عمة.. جانت تشخر وتون
يمعودة عمة

رفعت راسها يمه شكو
وتفتح وتسد بعيونها
كتلها ماكو شي بس اكعدي..
كعدت نص كعدة وتعدل بشعرها شنو الولد بيهم شي شكو نجمة

كتلها غزوان يريد يزوج
صفنت عليه والنوم بعدة بعينها شنهاي

شيزوج وانتي

كتلها تعب مني ويريد وحدة مثقفه مثله
ربتت ع جتفي كالت تعالي نامي لا تفكرين ميسوي شي

ابتسمت الها لا عمة مديشاقه اي يزوج وكلش واعي بكلامه وبالاضافه ميردح انتي هم..

عدلت روحها وكامت من الفراش صدك تحجين يمعودة شنو ميريدني..

ليش هو بكيفه مستحيل هالحجي..

رحت للجهه الثاني كتلها بكيفج مصدكين اسألي؟

طلعت عمتي من الغرفه وتلم بشعرها
جتفت اديها وصعدت فوك..
رحت وراها ع كيف امشي..
وصلت للغرفه وفتحت الباب
عمتي
ولك غزووان ولك كوم جان توة نايم.. ولك مو احاجيك...

غزوان /بصوت نايم شكوو

عمتي /شنو تريد تزوج

كوة يفتح عيونه.
جاوب ايييي اريد ازوج شنو حرام...يلا اطلعو اريد انام شنو هاي عود نجمة جايبه امي وجاية عليه..
يلا اطلعو منا فضوني..

امه تقربت منه.. شنو تزوج وطلعنه منا

شمر المخدة اوووف شنو تريدين فهميني
اني اريد ازوج واستقر وحدي بيت..

اتوقع كلامي واضح..

كالت اله عمتي ولك اني امك

غزوان /اي افتهم شنو راح اشمرج بالشارع.. راح تكعدين بيت معززة مكرمه وكل شي يوصل يمج
بعد هم كولي مو خوش ادمي
يمه تعبان مالي خلك هل سوالف ما منها نفع
اريد انام وباجر الله كريم افهمكم

عمتي عصبت كلش وبدا صوتها يعلى لاااااا مو باجر هسة اريد اعرف.. ولك رباي وين راح وياااك وين..

شنو اطلعنا شحصلت اني واحد بسجن وانت تشمرني هاي جزاة رباتي بيك وسهر الليل

غزوان /اهووووووو هم رجعنا يا اني ربيت واني سهرت

وكام من الفراش.. مثل المخبل

يلا امشو شووو طلعو برة
وبدا يدفع بامه
اني بسرعه طلعت.. من الغرفه..
ودفع امه.. امه شالت نعالها وشمرته عليه
دفعها دفعه قويه وكعها بالكاع..
وقفل الباب..
وسكت..
عمتي بالكاع وعين عليه وعين بالكاع وتبجي
طلعت هدية من الغرفه شكو شبيكم..

عمتي بقت تحجي..
ولك غزوان.. ولك الله لايرضى عليك لا دنيا ولا اخرة

هديل شكو..
ردت اكومها.. من الكاع بس مقبلت..
وبقت كاعدة بااكاع يم باب غرفته وتبجي..

بس تبجي..
اخذت هديه وفهمتها بلي صار...

طلع الفجر واني اروح وارجع والكاها نفس مكانها ولا نامت.. وتبجي بنفس مكانها..

كتلها عمه كومي..
بنظرة حزن كامت تمشي.. بس جسمها كله يرجف نزلتها جوة..
بغرفتها..
كالت ظنيت راح يطلع ويبوس راسي...
يكولي يمه اني اسف

كتلها هي مبينه ميفيد الحجي ولا الكلام الافضل نطلع منا

اني من بعد هذا اليوم قررت اطلع..
اكو احاسيس صعب اوصفه

كل شي اتغير وكل شي اختلف
هديه مو نفسها ذيج اختي الي عشت وياها وعرفتها
كل كلمه ميخالف اسكتي خلي نعيش.. اي هذا هو شعليج بي لا تحجين عفيه لا يطردنا..
ونكعد بشارع..

كل تجربه مرينا بيها زادتنا ضعف مو قوة..

القوة وينها القوة مرات احس نفسي اني كلش قويه كدرت اقاوم كل هاي التجارب الي مريت بيها
ومرات لا اشوف نفسي ضعيفه والكل استغلني وللعب عليه للعبه كلش قذرة..

بعد ما طلع الصبح بيومها غزوان بقى كاعد بلبيت
بس ابد امه ما حجت وياه
وهو بالمقابل.. محجة شي ولا برر لكلامه..
ولا علق.. ولا طلب غدة ولا ريوك..
فقط
صاحني نجمة.. تعالي احجي وياج
رحت يمه
كال بيت القديم بيت امج ميفيد تكعدون بي..
اقترح ترجعون بيت ابوج.. وتقريبا بي غراض
غير بس الغرف.. والهول هاي سهله..

عود اني ارتبها..
براحتكم شيلو.. بغراضكم..
واني راح اوصي واحد من العمال يبقى وياكم..
اخلي يوديكم ويجيبكم..
واشر الي ع مجر الميز اخذي المفتاح وروحي انتي وهديه نظفوا...

ماكو بعد كلام ينحجي ولا ينعاد..
كل شي وضح بعد

عمتي بعد ما سمعت هذا كلامه اصرت نطلع من البيت بنفس اليوم
شكد حاولنا وياها ما قبلت كالت ما ابقى واذا تريدون انتو ابقوا اني ابقى وحدي..

وطلعنا من البيت بنفس اليوم..

العجيب مو عليه اني العجيب ردة فعل غزوان جانت كلش باردة ولا مهتم شي اصلا ولا حاول ويا امه..
بأن تبقى او يصلحها..

قبل لا نطلع من البيت عمتي وكفت بنص الطرمه وكالت
اني ام وربي انت شاهد ما قصرت بيوم وياهم

بس بعد هاليوم.. هذا مو ابني.. لا محالل ولا موهوب ولا مبري الذمم.. يا غزوان ابن جواهر

وسكتت واستغفرت الله وطلعنا..

وصلنا للبيت فتحت الباب وهديه والجهال ينزلون بالغرض الكراج كله وصخ وتراب.. واباوع ع الزرع كل مصفر..
والورق واكع فتحت باب المطبخ..
جان باقي الميز والكاونتر
وطبو ورايه الكل..
الهول فارغ..
والغرف هم..
بدينه انزل غراضنا..

وبدات رحله جديدة بحياتنه..
هالمرة وحدنا رغم كل شي يوصل يمنا من اكل وشرب..
بس وحدنا..

هديه ملتهيه باطفالها وعمتي ملتهيه بروحها
واني ويا اخواني..
مرمر جانت بصفنا كاعدة
وبيتها منور بالاضويه الخارجيه

فديوم من بعد اسبوع ع كعدتنا وبدينا انرتب بوضعنا وغراضنا
اندكت بابنة الظهر..

طلعت هديه..
مديت راسي اباوع شفت مرمر

بالكراج....

ودخلت رجع الشعر اسفر بيرمن والدهب من فوك ليجوة وستريج الحصر وتيشرت لونه بنفسجي وحمرة الطوخ الازبري والكحل مجرور

سوت شنو هاي شرجعكم

جاوبتها رجعنا شنو عندج مانع لو ممنوع
ضحكت لا يابه شعليه اني بس استغربت رجعتكم الي اعرفه كاعدين بيت ومستقرين

واندارت ع جواهر عمتي..
هااا طردج.. ابني وابني وولدي طردوج..

عمتي مجاوبتها بس دارت وجهها عنها
زعمتي بعد سجن وليد وسالفه غزوان تعبت بحيث جانت كوة تمشي وحتى هذا الهوة اجره كوة ولا الها خلك
تحجي وتسولف مثل قبل ولا الها نفس باكل..
انكسرت.. كلش...

نجمة / شتريدين مرمر

مرمر /اوي عيني شريد مثلا.. جيت اشوف منو بلبيت ذلت يجوز جني طلع النا اسمع اطكطك عاد انوسي حبيبي كال ميرو اكو احد بلبيت القديم..
واجيت اشوف
ما شاء الله خوش لمه ارامل ومطلقات وجرتها بضحكة
وكفت بوجهها هدية
كالت الها مرمر الي بينه كافينا وزايد
عندج حجايه بيها حظ احجيها ماعندج ارجعي مين ما اجيتي احنا سادين بابنا وكاعدين كافين خيرنا شرنا.. الي حصلناه منج مو قليل

شهكت وضلت تفر بحلكها
مرمر /عشتو شيصير ومذبوب براسي
اصلا اني ولا الي واهسكم.. انوسي فدوة لطوله سجلني بمعهد رشاقه.. علمود رجلي اسويلها تمارين
لان يخاف عليه ويحبني يموت عليه
وملتهيه بي وبليل نطلع اني وياه نفتر ونتوس ماريد اكابل هالخلق الي كلها للطم..

نجمة /وجعفر مرمر نسيتي مين جابج ووين صعدج

مرمر هذا ابو العز الي سكن قبر من وراج

جرت الكرسي وكعدت
كالت ومنو كلج اني قليله اصل ونسيته بله لليوم اثوب الة واقرا اله لفاتحه...

بس اكو مثل مصري شيكول يكول الحي ابقى من الميت
يعني اولى من الميت وسبق وكلتها واعيدها للمرة المليون اني معشت اريد اعيش

هديه يلا عيني عيشي بعيدة عنا منريد منج شي ولا النا دخل بيج..
يلا ولي منا وطلعي برة لا والله يا مرمر لا ابتلي بيج
واطلع قهر القضى والمضى بيج يلا اطلعي

اتخوصرت مرمر ورجعت ذيج نفسها
كالت اني اطلع لان ما احب التقي بناس مثلكم بس هم وغم.. بس والله الي ادوسلي ع طرف
لا اخلي انس يسويها عبرة

كامت عنتي مثل المخبلة.. ولج مرمر ولي منا لا انتف شعرج ام الوولد..

من شافتها هيج ركضت بسرعه..
وطلعت من البيت رجعت تضحك انهزمت شفتو ولكم هاي مالها دوة..
واتعض باديها اوووف لو من ايام ابوكم حاجيه
اووف لو بوجود الولد كايله هاي شنو اصلها بس بعد ما اسكت الها..

التهينا بتعزيل البيت وترتيبه والتنظيف
واشتاقيت للزرع العصر طلعت

كلبت كل الكاع وكلت اجيب سماد وارجع ازرعها من جديد.. هذا الهوى النقي والعالي والخضار
يخلي هدوء بالروح
يمكن اني الوحيدة الي اكرهه ذكر الماضي
واتامل المستقبل اجمل
بهذا البيت اتهموني بالجنون وبنفسه خسرت ابويه وبنفسه خسرت نفسي وتعرضت لكل شي يوجع
ياترى يا نجمة وين راح تستقر حياتج وشوكت راح ارتاح

.....

بنفس اليوم بليل.
اندك علينا الباب

احنا من يندك الباب كلها الجهال تركض..
فطلعو قبلنا اسمع بس كلمه

وينهم..
مديت راسي هذا رجل مرمر

انس ابيض وطويل وضعيف ومسوي شعرة طويل وساحبه ليورة
وملامحة عاديه بس لا لحيه ولا شوارب شايلها كلها

كتله خير شكو طاب النا

كال اسمعو عيني كولكم مالكم دخل بميرووو

زين عيني هاي شغله

رجاءا اني اكرهه المشاكل وهاي سوالف النسوان
وكال وكلت.. اني انسان احب الهدوء وماحب الضوجة.. وتعكير المزاج..
وهي مقهورة كلش منكم

مرتي مالكم شغل بيهاواذا اشتكت منكم
ترة اشتكي بلشرطه عليكم زين.. لا عبالكم اسكت
اني ىكتلكم بعد
ما اسمح لاي شخص يضوجها..
ودار وجهه وطلع..
طكيت ضحك مدري رزاله هاي مدري جاي يشاقه
ويانة
وعفيه مرمر بعدها اذا ضاجت تدفع علينا احد

..........

لا شفنه مرمر ولا شافتنا بعد
وجنت اعرف من الجهال مرمر تطلع وطب هي وياه
او وحدها..
بس مالها دخل بينا ابد

بهاي الفترة نفسها هديه بدات تطلع هوايه
وتطلب مني فلوس
يعني جانت ويانه بس ما اشوفها
اكثر شي كاعدة بالغرفه وسادة الباب تنزل تسوي كم شغله وتطلع تصعد واذا تريد شي تجي تطلب فلوس

عمتي بدات تتمرص يوم راسها ويوم جسمعا الا ان شكل عدها ضغط من القهر

وبقت هادئة ومالها اي صوت و كل اربعاء بحر برد تطلع من الفجر تشوف وليد
الجهال كبرو وطلباتهم زادت ومدارس ومرات يتمالخون ويا جهال هديه

جهال هدية كلش فقرة مثل اختي الي راحت ورجعت وهي غير انسانه مو مثلها حتى كلامها قليل
مرات نمتنع من السؤال في سبيل لا الجواب يجرحنا هيج جنت وياها ما اسالها ع الي الي راح

حتى لا اتوجع وبداخل نفسي مكدرت اسامحها واسامح كل شي بقيت بداخلي حقد كرهه ماعرف
بس احس هي سبب هذا الخراب كله..
....
غزوان منعرف كل شي عنه ابد لا سؤال ولا شي
مجرد ولد اسمه عبد كل يومين والثالث يجي محمل غراض تارس الصندوك..
مسواك.. حتى الغاز النفط كل شي..
ويرح يخلي يم عمتي كم فلس..
ومتقبل تاخذة منة
والي ينطيني اسبوعيه..
مبلغ يكفينا..
ماعدا مدري شلون صار شريف وخلاني اتواصل ويا محامي يفهمني اساس القضيه..
الا تحضر رضوة او توكل احد حتى يتم التقسيم
بس ايجارات ملك امي كل ٣ اشهر يوصلني وجنت ما اعتمد عليه بالصرف اروح اخلي بالبنك
والباقي ابقي مصرف بيت وغيرها..

هديه بهاي الفترة
اذا نحتاح شيشه معجون تصيخ اني اجيبها
وتطلع..
اي شي نحتاج تطلع هي..
كل خميس ع جمعه تكول راح اخذ الجهال افرهم وتجمعهم كلهم وتطلع...
اني مجويه من هديه حتى لو جهالها يصيرون بطولها بعد ماكدر امن بيها..

مرة مرتين اكثر فوتت الها تالي
انهديت بيها
نجمة /هجية هاي الطلعه والتفرفر ماريدها بعد تريدين تبقين خالج من حالنا كاعدين وساكتين ببيوتنا ماىيعجبج اطلعي

هدية /شبيج اني شسويت هسة وتحجين هيج

نجمة /سويتي او لا اني ما تحمل بعد اي خطأ منج الي ىصار والي راح مو قليل اذا يمج عادي فايني مو عادي اجيتي ع التوالي ىلا حسيب ولا رقيب

هدية /اطرديني نجمه..
لا ما اطردج هي لكمه والف الحمدلله عليها
بس حال المايل ماريدة حالي من حالج وهن يعجبني اطلع واطب بس شوفيني كاعدة وساكته...
اطلع ع كد الحاجه وبس..

هديه /شفتي عليه شي

كتلها اي شفت وسمعت..

بقت صافنه عليه كالت امشي لا كدام الجهال نحجي
اخذتني وطبتني بالمخزن..

اذا تقصدين ع هذا جاسم فا والله ماعندي شي نجمه وياه

اني كوة لزمت نفسي

كالت والله ماعندي شي شببج لا يروح بالج بعيد
بس هو من اطلع واطب يذبلي حجي
ومن نشتري منه ينطي مصاص وغراض للجهال
مو اكثر واذا ع المكالمات فإني هيج اسولف وياه اشكيله حالي واريد اخلص من عدي نجمة لا عبالج هم اشرد لا بعد كبرت اني وهالسولف التعبانه عفتها

اني بديت اجمع
هذا جاسم ابو الاسواق اعرفة
اصلا هو ابن منطقه وقديم هنا.. يعني عدها علاقه بي واتصالات يالله لشوكت ابقى غشيمه اني..

كتلها هديه وبعدين.. نصت صوتها كالت..

بس تمر كم سنه بعد اطلك من عدي وهو سالي وكال ازوجح نجمه
لعد بعدني صغيرة اني هم ومشفت شي من حياتي

واني ماريد اكضي هالعمر كله بس أكبر ذولي
وتالي مثل ام غزوان يشمروني

جتي عمتي كالت هاي شبيكم اهنا تححون

هديه راسا غيرت الموضوع وطلعت.

زين اني بوجود ابويه سوت النا مصيبه شكبرها هسة شتسوي وهي عقلها هو هو

ماعدها مانع تنهزم من جديد
طلعت ونويت اطردها من البيت
بس من طلعت شفتها لازمه ابنها وحاصرته يم الكاوتتر وتضرب بي
من شفتها هيج
جريته من اديها وكمت احجي عليها هالطفل شنو ذنبه يتحمل احطائج انتي وابوة

جنن احجي واذكر امي وابويه
واذكر امي شلون جانت تلزمنا وتضربنا
مرات اذكر من تنغث من ابونا وهو موجود ادخلنا للحمام
وتسبحنا بقساوة بحيث نطلع وجسمنة مطكع احمر من التكفخ وهذا شعرنا مينلزم من الفرك القوي.
حتى ميتمشط ومن تمشط راسنه ينزل للكاع.
.....
كتلها انتي ام فاشله وانسانه طايحه حظ ذولي مالهم ذنب بحياتج وهذا رجلج مو رجال لو صح بي خير يكعد ع جهاله..
جانت تريد اتجرة مني بس ادفعها بقوة وكانما اداقذفع ع نفسي من جتت صغيرة
عرفت الانسان
طفولته تحدد مستقبله كله شكد جنت اتهرب من ماضي ارجع واشوف نفسي بنفس المكان موجودة

واكثر شي اكرةة هو الام الي اطلع قهرها باطفال مالهم ذنب فقط انخلقو عند ام واب بلا مشاعر واحساس..

لخاطر اطفالها سكتت وبقيتها بس هي مو طفله واتحكم بيها وهي من قبل متسمع الي
ولا اكدر الها ولا لكذبها

بقيتها جوة عيني وجنت اتابعها ماعرف احير باخواني لو بيها وبجهالها
صارت عندي عشر عيون واركض وراها حتى بالطلعه والطبه وياها واذا دك التليفون
اروح قبلها
حاوطتها بكل الطرق
وشكد جنت احجي تكولي لا نجمه..
اني كبرت وتغيرت ماغلط بعد
تعبت من كلهم ماعرف احير بمنو
لو بمرمر الي جانت بالطلعه والطبه تتعمد تغثني وتضوجني
ماعدا اطلع للكراج اشوف وبل مشمورة علينا
جنت المها واذبها بالزبل

وتزيد بهاي تصرفتها
مرات واني بالطرمه اسمع صوتها تعيط وتصيح
هي ويا انس
ومرات اسمع صوت ضحكها الي يوصل ليمنا
عمتي ضعفت وتمرضت اكثر وهاي المسؤوليه تعبتني وكبرتني فوك عمري سنين...

فديوم
اندك جرسنا.. وطلعت والجهال ورايه..
فتحت الباب بوحهي صار مازن
كال شلونكم نجمه شخباركم

كتله الحمدلله وهاي الجهال مصدكت أنفتحت الباب وكلها طلعت برة تلعب..
عين عليهم وعين ع الحهال

كال قبل كم يوم عرفت انتو هنا وحدكم محتاجين شي كولي

كتله لا والله سلامتك..

كال نجمه الموضوع صار اسهل تكدرين
تطلبين الطلاك باجر ارفع الج قضيه وتنطين الاساب

وطلاكج كلش سهل لان غزوان قبل أسبوعين اتزوج

وجنت معزوم بزواجه...
حتى مكدرت اعرف شنو السبب. الي خلاه يزوج او انتو ماكو
المهم وليد وصاني بيكم

شتكولين..

كتله مازن باجر من للصبح تعالي..

وشيريد يصير يصير.

اني هم بعد ما اريدة ولا اريد استمر بهل للعبه

راح مازن
وقررت ابلش اول خطوة..

ثاني يوم بدلت من الصبح وطلعت وجان مازن منتظرني..
ياخذني صعدت وياه وتوجهنا للمحكمه...
والي دخلنه عليه جان القاضي خاله

كال انطيني اسبابج..
انداريت ع مازن كال اححي كل شي

بدايت اححي اله من زواجي وياه الغصب
وانتهت هو هاجرني بالفراش عاي السنين
كلها ماعدا الضرب والاهانه..

وحتى طردنا من البيت اني وامه..

واخذ الاوراق مازن
وكال نجمه راح ارجعج بتكسي والباقي عليه اريد ارتبها اليوم حتى ادز اله استدعاء

ونزل اخذلي تكسي ورجعت جنت احس بانجاز
اول مرة بحياتي اسوي شي ومخايفه منه ابد.
اول مرة بحياتي. احس بنفسي
اني حرة بتصرفي

رجعت وفرحانه

ومحجيت شي ولا كلت ومشيت الامور جدا طبيعية
ومن جنت اسال مازن يكولي كل شي تم صحيح بس اصبري
كم يوم وتوصل اله وع كلامج هذا واكو شهود واقربهم امه واخو وحتى صديقتج فا طلاكج كلش سهل
بعد ما اذكر بالضبط اسبوع اكثر
فديوم المغرب
اندفرت بابنا
ودخل علينا غزوان.

ودخل بنص المطبخ..

ولج نجمه.. رافعه قضيه طلاق ومنو يمشي بيها مازن ابو راس المطار
ولج نجمة..
من. عصبيته طلعت عليه امه واني بقيت كاعدة ولا كمت ولا تحركتت
وجانت هديه تروح وترجع

دخل عليه ولج.. والله ما اطلكج لو تأذنين..

بكل برود كتله بيني وبينك المحاكم
ماعندي اي كلمه وياك..
عندك كلام رووح للمحكمه. شسوي سوي

غزوان /قويانه نجمة وتححين معلك تمام يا نجمه
راح اشوفج منو الي يفوز بالنهايه

وعافنا وطلع الكل جان مصدوم من قراري
وسكتت الكل بكلمه لاحد يدخل بيه
خلوني اكمل الي بديته وهاي اول بدايه صح الية..

اول استدعاء لغزوان ومراح..
وقدم مازن الثاني استدعاء
ومثل الاول..
غزوان..
اجه علينا.. ونفس الكلام.. ان عاد..
.يكولون من الانسان يبدي يخسر شي جان يملكه يتوحش وهذا الي صار بغزوان
مو حب لكن جنت ملكه واتعلم يتحكم بيه طول هاي السنين......
ونفس التناقض رجع..غزوان!/اريدج ولا تفكرين بطلاك
واني صح ازوجت بس احن الكم
وحاول يتقرب.. الها لكن متجاوبه
وتقرب منها اكثر راح يحظنهت بعدته عنها
وكالت اله ابني مات من زمان وعندي واحد الله يفك سجنه...
وطلع من يمنا مكسور اكثر
بس هالمرة ابد ماعندي الي يجبرني ابقى يمة عرفت الي كاسرني مو اخواني لا الي كاسرني هو ابويه الي جان لازمني بي...

مرت هاي السنه سريعه وكلما يتقدم موضوع طلاكي يبعد اكثر بسبب غزوان..
فديوم سمعنا العيطة من يم مرمر
وجنت فوك فبسرعه طلعت بالسطح..
اباوع شفت.. انس.. واكف يم سيارته وهاي الكلمات الي سمعتها بصغري تكررت..
جانت لازمته من هدومه وتجر بي ولك خايس جبتك من مسطر العماله.. وسويتك ادمي تخوني
انس يحاولي يجر ايدها ويبعدها..
مرمر اعقلي..
بس بقت أجر بي سوته مثل الشجرة.. واحد يريد ينزل ثمرها جنت اباوع واضحك
واشوف هاي الحكمه الالهيه العجيبه نفس الكأس الي شربته لامي دتشرب هي منه ونفس المرارة مبينه من دموعها وحركاتها..
وعافها أنس وطلع نفس الشي شلون جان والدي يعامل امي..

اتجرعي مرمر الي شفناه منج..
واتكررت هاي الحاله مرة بعد مرة
الا ان فديوم دكت بابنا ودخلت والدمعه بعينها
وطلبت رقم غزوان شنو ليش منعرف اخذته وراحت

.........
بهاي الفترة مازن بدا يتقرب الي بكلام وسؤال واحاسيس

لكن الي صعب اكوله اني صفيت بلا مشاعر
وجنت اتخيل كل شخص يتقرب الي هو
طمعان بلي عندي حتى لو جان العكس بس صعب اعيش الي عشته من جديد...

وارجع كلامنه باطار القضيه وبس..

ويرجع مازن يحاول بكلامه او شي. لكن ما انطي مجال ابد..
حتى وليد بديت انسى مشاعري وياه شنو جانت
هاي الهوسه بحياتي نستني حياتب نفسها
الى ان مازن بيوم..

مازن /نجمه اعرف تجربتج وحياتج كلها غلط بس ثقي بالله قصدي وياج شريف ومستعد اكون وياج
واعرفج ع اهلي..
نجمة اني عرفتج من خلال وليد مرات نسولف ويجيب طاريج بالخير..
لهذا عرفتج طيبه وبنت اصول واريد اتزوجج..
بعد طلاقج واتمام العدة

نجمة/ مازن هذا الكلام مو وكته ابد
قاطعني فكري منا لحد ما تحسين نفسج مستعدة

بعد مرور مدة.. تم طلاقي من غزوان..

وبنفس اليوم الي اطلقت.. وجان هو اسعد يوم الي
رجعت فرحانه واريد اصرخ واكول تحررت واوفي كل نذر نذرته دخلت وشفت الجهال تتباجه..بالطرمه كتلهم شكو
جهال هديه يصيحون ماما

جهال هديه واخواني
سالت عمتي شكو
كالت.. هدية من الصبح ماكو يانجمه
وحتى هدومها ماكو وتاركة الج هاي الورقه

ذبيت ورقه طلاقي

واخذت الوقه جانت عيوني تاكل الاحرف
اريد اقرا

هدية اني ما اتحمل كل الي صار بحياتي
عفت كل شي.. وطلعت..
وذولي جهالي تريدين بقيهم يمج او كتبتلج عنوان اهلهم شمريهم عليهم..

وللحكايه بقيه
شهرزاد

بارت طويل واعوضكم بعد مبقى شي واختم