آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
24-09-21, 11:44 AM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  مساء الورد ج 29 واخذت الوقه جانت عيوني تاكل الاحرف اريد اقرا هدية اني ما اتحمل كل الي صار بحياتي عفت كل شي.. وطلعت.. وذولي جهالي تريدين بقيهم يمج او كتبتلج عنوان اهلهم شمريهم عليهم.. اريد اسيطر ع نفسي واقرا الكلام عدل ماكدر عطت بعمتي انتي وين جنتي لعد..شلون تخليها تطلع عمتي بخوف.. طبيت سبحت والله وكتلها هديه خدري جاي بين ما اسبح عفت كل شي وصعدت فوك ع غرفتي فتحت كنتوري من دون الايام كلها اني مقافله الكنتور من هوستي وخبصتي طلعت.. بسرعه فتحته اني خاله الذهب مال امي بمخدتها القديمه اقلب اتلمست المخدة مابيهةخرخشتها حسيت الذهب موجود اكو علبه اذب بيها ذهبب من اسبح او ابدل بي فتحتها لكيتهتا فاىغه نزلت بسرعه ع الكاونتر مال مطبخ اخلي فلوسي بي اكو قوري فرفوري اذب بي جريته.. شفته فارغ عمتي من شافت هيج ركضت ع غرفتها الظاهر عدها كم فلس اني كعدت بالكاع وجهال هدية يتباجون يم الباب الخارجيه بالطرمه طبت عليه عمتي وضربت ع وجهها ولج انبهت نجمه بقيت اباوع عليها.. حسيت نفسي راح انهار او انهاريت تماما كمت اصيح اختي هالمرة باكتني بالعلن سوتها مرة ثانيه بيه.. عمتي/اعصابج نجمة فدوة المهم صحتج كمت ع حيلي.. كتلها امشي طلعي برة البيت اخذي الجهال وطلعي برة اني بعد ما اتحمل ما اتحمل ابد اخذي جهال هديه وطلعي برررررة ممجبورة اتحملكم بعد شنو يربطني بيج وبالجهال اخذيهم وطلعي.. لا تكوليلي فدوة راح عمري وياكم اطلعو عمتي بسرعه جرت جهاال هديه كالت يمه نجمة ذولي جهال اختج اني وين احير بيهم.. وشنو ذنبهم جنت منهارة الي وجعني اكثر هو دكه اختي مو الجهال احس طاقه هم ماعندي اتحمل الكل ع حساب نفسي صعب اعيش واني اربع جهال صح اخواني كبرو ودخلو مدارس بس بعدهم يردون احد فوك راسهم اما جهال هديه صغار اني شلون اتصرف وياهم يعني اكضي عمري كله اربي واكبر اني وين.. من هذا كله اني وين. بسرعه طلعت وتوجهت للاسواق الي ببها هذا الولد جاسم دخلت شفته كاعد.ورة الميز . ويباوع تليفزيون.. جان اكو كدامي حلويات وعلوجه شلت منها وشمرته عليه كتله اختي وين فز ونفض نفسة ب استغراب يا اختج.. انتي منو؟؟؟ كتله هسة تسأل اني منو داكولك اختي هديه وين بنفس النضرةهديه منو غمضت عيوني بعصبيه وفتحتها هديه او هديل متعرفنها.. بقى يباوع عليخ وكام كال اختي اختج ماعرفها اصلا كتله شنو متعرفها وهي تعرفك وتسولف وياك بعد كلام طويل جاسم /والله ماعرفها وماعندي اي علاقه بيها كل مافي الامر عرفت جهالها ايتام وجنت انطيها حلويات واكثر من مرة اشوفها تصعد ويا واحد ابو سيار بي ام نيلي.. ومرة من المرات نصحتها بأن تخلي عينها ع جهالها بس.. غير شي ماعرف وعندي شهود ع هذا كلامي اذا متصدكين واسالي عنه احنا شنو.. من بعد ما سمعت هالكلام رجعت مكسورة نفسها هاي اختي الي دمرت حياتنا بالاول و هسة رجعت دمرت الباقي منها... ماعرف هي باكت ابويه لو مرمر اريد اعرف شي كل انسان يستحق الحياه الي يعيشها اني سويت وهذا استحقاقي اريد اعرف شنو ذنبي من هذا كله رجعت دخلت للبيت شفت عمتي مبدله ودتاخذ الجهال طبيت كعدت كتلها وين رايحه واني وياج وذولي نفس الحال ابقي.. عمة الغلط مو من هديه الغلط مني دخلتهت لهذا البيت والغلط الاكبر من هذا كله عشت ورضيت ومرت هاي سنيني كلها بضعف هسة اطلكت شسوي عمتي/ماعرف شكولج بس غير الله يساعدج ع ما بلاج كلنا غلط والدنيا ضدج نجمه ماعرف شكول الج والله ابني حقير والاحقر منه احنت رضينا بهذا كله وسكتنا.. بس اني صح مريضه بس بعدني بحيلي اكدر اطلع وهل جهال خليهم يمي وارجع اسوي طرشي واعيش اني راضيه ع حكم ربي الي اما انتي شوفي حياتج صدكي ابد ما الومج بيوم عسا ما ضربيني اخذناج وردة مفتحه ومحصلتي منه غير الظلم انتي حرة نفسج نجمة.. كتلها اكعدي عمة وين ترحين اكعدي هي بقت بس عليج ومنا لباجر الله كريم خلي اشوف اهلهم... الجهال يبجون يردون امهم وعمتي حايرة ببهم احس بضغط مو طبيعي ع حياتي.. وشي يدك براسي من الصبح لليل.. بنفس اليوم اجانه غزوان بليل جان شارب طبك سيارته بابنا وضرب الباب.. وبقاها مفتوحه بحيث ع الطبه مال باب طلعنا.. نزل يترنح من السيارة.. اول مرة اشوفه هيج.. اني وامه واكفين بلباب.. نزل وعاف ىباب سيارته مفتوحه وباوع علينا هاي شنو شجابكم هنا واندار ع سيارته ضحك هاي ياطرن هيج طابك سيارتي ..... وكام ياشر بايدة والله اليوم اكسرة وضرب ع راسه هاي منو داعمها للسيارة عمتي طلعت جرته... باوع عليها يمه شلونج يمه وحضنها.. ويباوع عليه ويرجع يحضنها جانت دنيا لليل و من بعيد شفت واحد ديمشي كتلها عمه عالم برة.. بسرعه جرته دخلته للبيت.. اني بقيت واكفه باب السيارة مفتوح.. والاضويه انتظرت الولد يصير قريب علينه باوع عليه ودنج مشى كتله ياولد.. مشى عليت صوتي ياااولد عفيه اندار اني.. كتله اي عفيه تعرف تطبك السيارة عدل.. كال اي ادللي.. عاد دخل السيارة بالكراج ووانطاني السويج.. تشكرت منه وراح قفلت الباب وطبيت جوة.. شفت عمتي بالهول وغزوان.. نايم.. اندارت عليه.. كالت شسوي اله فهميني شسوي.. حجاله حجايتين ونام مثل الميت.. عفتها وصعدت فوك جنت متاكدة مو بسهوله راح اخلص من غزوان ...... ثاني يوم..نزلت دزيت الجهال للمدرسه وشفت جهال هديه نايمين وغزوان بعدة نايم بس واكع بالكاع اكلت لكمه بسرعه و اخذت الورقه واتوجهت.. للعنوان الي كاتبته هديه بالورقه... من الشارع اخذت تكسي.. وصعدت وياه.. جان رجل جبير بالعمر وشعرة كلة شيب الطريق كله يسولفلي عن الوضع التعبان واحتمال يدخل حرب جديدة... وهل الحرب تخوف مراح يبقون احد يضربونا كيمياوي كلنا.. اني جنت بس اهز براسي علما وصلنا اني راسي صار طبل... وكف كال هاي المنطقه الي ردتيها بس ماكدر ادخل جوة لان الشوارع ضيقه من كثر الكلام ما ركزت ع شي.. بالطريق فتحت عيوني شهل مكان التعبان والكاع محفرة والبيوت اكثرها بيبانها تنك يعني مبينه منطقه فقيرة كتله عفيه متاكد هذا المكان نفسه كال بنتي والله ع نفس الي كلتي.. باوعت منا منا كتله عفيه تكدر تنتظرني ماتاخر وشكد متريد من عيوني السايق/ادللي بنتي واذا تحبين انزل وياج نجمة /والله ياريت وكف سيارته.. ونزلنه اكو برأس للفرع محل مال دوشمه مال سيارت وكفت جان اكو رجال ديشتغل بسيارة وبنطرونه نازل.. وديشتغل ولايمه خجلت يالله شلون عاد السايق صااح السلام عليكم الرجال اندار علينا ورفع هدومه.. وعليكم السلام ورحمة الله وبركاته كول كتله بيت ابو عدي هنا.. بقى صافن عليه ياعدي.. ارتبكت بالبدايه كتلع عدي ابو سجاد هنا جانو ساكنين.. صفن كال هاااا عرفتهم ذولي الي يبيعون بالفايز دباعي ادخلي هاي الدربونه كلها ومن تخلص روحي ع اليمنى اسالي عن سليمة الدلاله كلها تعرفها انداريت ع السايق وخايفه اتقدم اكثر تقرب مني الرجال... كال بنتي شنو جايه تاخذين فلوس.. كتله لا والله عمو بس عندي شغله مهمه.. كال امشي انروح.. مشى ومشيت وراه جان يعرج برجله ندار عليه ضحك كال دشوفيني شلون اعرج مو كال هاي وسام حرب.. جنت جندي بالحرب الايرانيه وهاي الي طلعت منها رحل مبتورة.. بصراحه.. عقلي من كد ما قرا قصص اتخيل الموقف كلة شلون جان يقاتل و انبترت رجلة وشكل الدم وغيرها.. اخذت نفس.. وابتسمت اله كتله.. الحمدلله ع كل حال فات من يمنا جاهل السايق وكفه كله وين بيت سليمه الدلالة اشر النا طلعنا متعدين البيت. رجغنا يم باب بيضة مزنجرة. ومبينه مشلوعه وخاليها بس هيكل من النرمادات كلها واكعه دكينا الباب.. ورجع سالني بنتي شكلج ابد مو مال هيج مناطق.. شكلج..؟ هاي الكلمه خلتني الزم وجهي واتحسس ملامحي الي نسيتها؟ اني حلوة لو لا؟ يمكن شكلي عادي كلش ويمكن لا حلوة بس اذكر جنت حلوة بهذا العمر ١٣ ١٤ بحيث من اطلع كلها تتغزل بجمالي هسة شصفيت اني عجوز.. وعيت ع نفسي والرجال يحجي.. شفت بوجهي مرة سمينه ولابسه دشداشه كودري مشجرة... ولافه ربطتها نعم عيني اتفضلو ارتبكت اكثر كتلها مرحبا خالة انتي.. وسكتت يالله انتي شنو.. المراة /شنو عيني شيردون هالايام غراض مداجيب اكو فلوس بس اخذ عليهم نص القيمه واريد بطاقه السكن والتمونيه الاصلي قاطعتها لا خاله تعرفين هدية صفنت عليه.. وهيج بدات تغمض بتك عين يا هديه تقصدين هديل مرت ابني كتلها اي هي... كالت شبيها خير يارب.. جاوبتها تعرفين وينها.. اندارت غالب غالب بصوت عالي ولزمت السايق من هدومه ولك غااايب وتعيط الرجال يدفع بيها وهي تكول منو انتو والله ما اهدكم اذا مترجعولي فلوس الي باكتها هديل.. بقيت اكولها خاله عوفي من بعيد طلع رجال وشايل توثية من خوفي ركضت والرجال ورايه ركض بس شنو سوينه الدرب شبرين وطلعنه بسرعه من خوفنا تيهنا السيارة بحيث السايق رجع عليها شغلها وعافني وراح جنت اركض وهاي المحلات والعالم تباوع عليه لحد ما عبرت مسافه وحيلي انهد كوة اجر النفس وكفت.. اكو واحد من المحلات مطلع حب مال مي زين كدرت اشرب شويه مي واغسل وجهي والعالم تباوع عليه وراها وعيت ع نفسي من الخوف والركض حتى الجنطه الي بايدي ماكو اجرت تكسي وكلت اوصل للبيت وانطي الفلوس بس شنو. صعدت واني ارجف من الخوف وشلون شكل المراه هاي عمه هديه وبيبيه الجهال زين ياربي اذا اكولها هديه ذبت الجهال شتسوي بيه ماعرف اضحك ماعرف ابجي رجعت وصلت للبيت وطلعت فلوس.. للتكسي وطبيت تعبانه بحيث مالي خلك شي ابد.. ياهو الي يحجي ويايه ماجاوبه بس لعمتي كتلها انسي سالفه الجهال.. بعدين من ارتاح اشولف الج داطلع من الممر.. شفت بوجهي غزوان جان ديمشي وينشف راسه بخاولي. من شافني كال ها نجمة رجعتي. لا تفكرين بالجهال ابد سهله اما هديه اني اعرف اجيبها الكم.. وغصبا ما عليها انطيني بس اسبوع عفته وامشب جان واكف ويباوع عليه انداريت عليه.. غزوان اطلع من البيت وبعد لا ترجع لهنا هالمرة استقبلتك علمود لا تسويلنا فضحية بالمنطقه مرة الثانيه اجيبلك الشرطه.. وبديت اصعد الدرج اسمعه يكول مو بكيفج.. اجي وغصبا ماعليج انتي مرتي لحد هسة وكفت فوك كتله لا والله اخاف مرتك وتزعل ترة اطلكت خلص بعد غزوان /هذا كلام يفيدج الج تدرين ليش لان طلكت غصبا عليه وهذا شرعا حرام كمت اضحك كتله شكد حلو تعرف الحلال من الحرام رووح غزوان. وعفته ورحت طبين للغرفه وقفلتها وبديت ابدل هدومي دانزع القميص وافتح الدكم اندكت الباب صحت منو جاوب اني غزوان افتحي بس اححي وياج والله كملت فتح الدكم.. كتله.. رووح غزوان ماكو كلام بينا.. ينكال.. غزوان /بس اسمعيني اني ممرتاح بدونج والله وكرهت حتى روحي.. ارجعو اليه للبيت.. ارجعي انتي وامي اني متندم والله وحتى هذا زواجي غلطه نجمه اني يمكن احبج.. من عفتج ماشفت راحه تقربت من الباب.. كتله روووح وعساك ما اتهنيت بيوم ولا شفت طعم الراحه انضربت الباب فزيت ورجعت ليورة غزوان /سهلة نجمه بنت الراعي خليها ابالج دام اني عايش ما تزوجين.. افتهمتي.. واني رايح.. الا اندمج ...... مرت هاي الايام حلوة رغم مرارتها جنت اطلع يوميه شغل عندي مازن وكف ويايه وخلالي محامي كلش زين مو بس قضيه الطلاق لا جانت قضيه شلون اشرف ع املاكنا الي هي ورث من اب وام وجد.. يعني نهاري كله مشغول.. وارجع اللتهي شويه بالجهال ومدارس هم وشويه اسولف وانام واكعد اكل وابدي اللتهي بالهوسه هيج مرت هاي الايام.. عرفت من عمتي غزوان كايل الها ع مرمر انس ماخذ فلوسها ومهزوم.. وتريدة يساعدها بس غزوان ماسوة شي غير ساعدها بمبلغ واتفاجئنه بعد مدة.. باعت البيت الي يمنا لان جان باسمها صرف.. باعته واختفت هدية اختفت.. واني ما ردت احد يدور عليها.. احسن اما عمتي الي جانت تحاربني هسة ساندتني وتقريبا كل شي عليها رغم مرضها.. بس جانت تريدني اضحك وانسى كل الايام الي مضت جهال هديه يكسرون الخاطر لا ام ولا اب ولا احد بس اني لهذا جنت كلش حنونه وياهم ورضيت بقسمة رب العالمين الي هذا قدري ومكتوب.. سبحان الله مثل غيمه سودة ومرت ذيج الايام من اطلكت وشالت مرمر من يمنا دخلنا بهدوء داخل نفسنا... اكو شي جان حلو بس جنت ابعدة عني ابسطها نظرات مازن الي واصعبها.. هي.. تنتهي بآخر اليوم مافكرتي هذا الاهتمام الي يبدي بشلونج شبيج شو ضايحه ويتهي باكل بايدة لو عصير هاي التفاصيل الصغيرة الي جنت ماعرفها ولا عشتها من اغير لبس يكولي كلش لايك الج او لون حمرة.. هاي خلقت داخلي انسانه جديدة انسانه تحب كل شي ابدي يومي.. بابتسامه.. رغم منغصات غزوان المستمرة بس جنت ما اهتم ما عندة شي يمي غير امه وهي الي رافضه ترجع اله جنت يوميه اطلع لحد ما اقترح عليه مازن افتح مشروع هم التهي بي وهم استثمر بي فلوسي شتو المشروع احتاريت بي اقترح عليه عدة اقتراحات صالون او معهد رشاقه او معهد خياطه. روضه اطفال كل شي سهل نجمة... بس اختاري حياتج استقرت المهم شي نسائي واني بي حتى انشغل واطلع من الجو الي بي اني وجود مازن المستمر بحياتي ونصائحه ترك شي حلو حلو الانسان يرفع بيك ويقويك رغمم العثرات وخلو يعلمك القوة وانت بداخلك محطم فرق كبير بين الاثنين بين الي عشته والي داعيشة هسة بين انسان جان ينتقدني ع الهوى الي اتنفسه وبين انسان رغم اخطائي يعلمني ويسندني.. اووو شكد ظالمه بحق نفسي جنت مالوم احد غير نفسي فقط وابويه الي راضه اكون لا شيئ والتمس حب محرم و كلام حلو من انسان نذل من بين ذني كلهن اختاريت روضه للاطفال اهليه افتح مشروع ومازن رتب الي كل شي من الادارة الى العلمات والموظفين الي بيها جان كل شي بيها فرحه من اختيار المكان الى الغراض.. وترتيبها ايام حلوة. مرت وانت ساندك انسان وياك بكل شي بس لو اسال نفسي اني احبه ماعرف شيكون الجواب بس من بجي طاري الحب يجي ابالي وليد.. ودائما جنت اسال عليه من تروح عمتي او من مازن يرجع لشغله او يشوفه وبكولي هو بخير ضغط غزوان وجياته المتكررة للبيت وصياحه الفارغ وجان عندة معارف بحيث ياثر ع شغلي والموافقات خلاني بين قرارين اقبل بمازن كزوج او ارجع اله والثانيه مستحيل أقبل بيها اتشاورت مع نفسي ايام ولليالي رغم اكو جزء مني يحب وليد بس لا بلدنا ولا بحياتنه شفنا وحدة تزوج حماها جانت صعبه.. حيل حسيت وليد مثل الروايات القديمه روميو وجوليت قيس و ليلى من تنذكر توجع.. ولازم اعديها وانسى وما اضعف لخاطر الي بركبتي اتصلت بمازن وجان بدوامه وكتله اني موافقه ع طلبك للزواج.. وكال بس انتظر اجيب اهلي فديوم جنت كاعدة بلبيت ودزيت ع حدقجي يرتبلي الحديقه ويزرعها زرع جديد جنت اطلع اباوع شغله وارجع الى ان اجه دك الباب مال مطبخ فتحتها نعم جان شايل بايدة علاكة كلها طين كال ست لكيت هاي العلاكه واني اكلب الثيل وقربها الي شكل حديدة مو واضحه جنت خايفه منها طلعها ووضحت كال هذا سلاح مدفون بالحديقه وللحكاية بقية شهرزاد | ||||
|  |
|
24-09-21, 11:49 AM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| نجمة والخلخال ج 30 الاخير لو..... كلمه تحمل معاني كبيرة هي من حرفين فقط لكن نسمعها بعد كل كارثه.. مرات تكون بصيغه عطف ومرات ندم ومرات عتاب لو... ينعاد بيه الزمن ما اكون نفس نجمة الي جانت حمالة تتعلك عليها كل الأخطاء منو اني اني نتيجة اخطاء متراكمة من الاهل ونتيجة اخطاء من المجتمع والاعراف ولو يعود الزمان كان احتضنت امي اكثر كان غيرتها.. كان وسرعت الزمن وياها واكولها فلوسج دمرتنا يمه اكولها اتقربي من والدي حبي حسسي بوجودة مو بوجود فلوسج لمينة يامه زرعي بروحنا الخوة بعدج اطشرنا جان نمت بحضنها اكثر ابوسها المسها اني اليوم ما تذكر ملامحها زين ذاكرتي تخوني.. واعصر دماغي في سبيل اذكرها ماكدر ارجع عاجزة من رحله الذكريات ولو يعود الزمن احجي ويا ابويه.. واكوله امي تحبك.. لو ما تحبك متموت متسجل كل الاملاك باسمك.. واحنا اهم من الدنيا كلها يابه لا تضيعنا.. ابويه بحث عن حب.. بحث عن شي ناقصة حتى لو كان هذا الحب فاجر وصيعنا كلنا وياة رضوة وهدية.. الاثنين اختارو الهروب رضوة هربت من وضعنا وتركت كل شي وراها واستقرت وازوجت.. وعاشت حياتها وبعد مرور هاي السنين. وسقط النظام. اجاني اتصال منها.. جنت بالروضه مشغوله الو.. مرحبا نجمه /اهلا وسهلا المتصل / انتي نجمة نجمة / اي نعم تفضلي.. المتصل / اني رضوة مرات يتوقف عدنا الزمان.. ويبقى صدى اللحظات.. بالمرة الاولى جنت مستعجله اريد اعرف هاي اختي لو ام احد الطلاب بصوت يرجف كلت تفضلي.. رضوة /نجمة اني اختج نسيتيني.. نجمة/اي نعم تفضلي.. رضوة /نجمه اني رضوة جعفر تذكريني.. اختج من ام واب.. سكتت ماعرف شنو اجاوبها ولا احجي. سديت التليفون.. ماريد أواجه صعب اواجه وارجع اعيد نفس الكلام صعب توصل احساس الم للي ماعاشه مهما يكون ألمك قوي غيرك يشوفه لا شيئ انك اخ الاكبر هنا مجرد ما نولدت الاول راح توكع عليك مسؤوليات كبيرة لازم تتحمل الكل ولازم اجاري الكل ولازم تكون مع الكل.. لكن لو تصفن ثانيه اكو احد وياك؟ لو كلها تريد بس منك ومن بعد الطوفان. مرات احمد ربي ع التجارب الي مريت بيها خلتني اكون اقوى ومرات لا العن يوم الي اجيت بي بسبب الي عشته محصل حاصل.. محد خسر مثلي.. من بعد هاي مكالمتي مع رضوة تكررت بعد مدة رضوة /نجمة اسمعيني لا سدين الخط اني اضطريت اطلع لان ردت اكون نفسي واعيش وكلنا نعرف ماكو مستقبل بالعراق سافرت وحاليا عندي ولد واحد سميته جعفر واتخرجت وصرت دكتورة نجمه سامحيني عفتج وحدج بس انجبرت تعبت من المشاكل المتكررة و ابويه ومرمر والكل.. احتاجيت ابعد بس تبقون اهلي.. واريد ارجع اشوفكم.. ردي كان سريع الاخوة يعني خوة يعني من اوكع اصيح اااخ يعني روح وحدة بعدة أجساد.. يعني مثل السبحه واتفرطنا.. ماعندي خوات بس سعاد.. هلا بيج شوكت متجين ياريت حتى انحل موضوع الورث.. استاذنج عندي شغل... وسديته.. بعد سنه او اقل اجتي رضوة لكن هاي السنين خلت عندي قسوة قلب ماشفتها يجوز محد يصدك اجتي اختي وراحت واني ما شفتها.. اخذت ورثها وباعته واني ماشفتها اكرر هاي الكلمه لان توجعني.. بس دست ع الباقي مني.. واستمريت.. عدها اتصال مع. سعاد وشهاب واسمعاخبارها منهم بس عندي الي راح اخد كل شي وياه رضوة حاليا ام وزوجه ودكتورة باحد الدول الاوربيه ..... هدية.. وما ادارك ما هديل.. بعد مدة.. بعد ما استقريت بشغلي.. وتمت خطبتي من مازن.. وعقد القران.. بسبب وضع البلد اتاخر زواجنا لان جان البلد داخل بحرب وكل القوات عدها انذار.. جنت قليل اشوف مازن.. رغم مستمر بدعمي.. ويتصل وموصي والدة عليه عمو كريم بحيث من اداوم لحد ما اطلع هو ويايه وبالاصل هو مدير الروضه لان معلم متقاعد وكدرت بشهادته افتح الروضه كل الوصف قليل بحق عائله مازن الي انتشلتتي من وسط بحر. وخلتني لاول مرة احس تفسي انسانه امه او ابو او خواته الاربعه الي ماشفت منهم بس الطيب وحسن الاخلاق هنا اثبتت الي رد الاحسان يكون احسان الي زرعته مع اولاد اختي واخواني تعوض بعد هاي السنين العجاف الي مرت.. اجتني سنين الخير لكن هي هاي الحياة مبنيه ع تعب ....... فديوم بليل ساعه ١ اندك بابنا تعلمت اني وعمتي نقفل الباب من ساعه ٦ العصر ومحد بينا يطلع ولا يطب.. وجرس قوي يندك. كمت جنت توني اريد انام نزلت شفت عمتي قبلي واكفه بالممر كالت.. اهووو هذا بس لا غزوان هم جاي يعربد علينا امشي نجمه عوفي لا تفتحين الباب. دنرجع اندكت اكثر وجانت تهتز طلعت وبايدي الفانوس لان قطع من ساعه ١٢ لل٢ وتجي. من باب المطبخ صحت منو اسمع صوت يصيح فتحي الباب اني هديه نجمه افتحي راح اوكع.. انداريت شفت عمتي قبلي فتحت الباب وتلكتها.. بس شنو داباوع الخيال اول ما انفتحت الباب وكعت هديه بحضن عمتي.. مشيت بسرعه وتقربت منها هدومها وصخة وشعرها منفوش.. كالت كتلوني.. وشمروني. بقيت مصدومه بشكلها عمتي لزمتها تتوجى بيها ودخلتها وقفلت البوب ودخلت وراها.... باوعت عليه بعصبيه شبيج تباعيلي هيج شبييييج كله بسببكم ضيعتوني دمرتوني دخلتها عمتي بالهول وكعدتها.. جانت تحجي وتبجي.. وين جهالي اريد اشوف جهالي كامت تتوجى وتمشي ع كيف كمت بسرعه وكفت.. بوجهه يا جهال اتسألين عليهم يا جهال هديه اطلعي من البيت اني ماريد اتحمل اي غلط منج اطلعي لا هسة فوك جروحج اكسرج وكفت بوجهي.. اريد اشوفهم واروح من الصبح.. نجمة/ امشي اطلعي هديه مالج مكان يمنا انتي اختاريتي مصيرج من الاول.. شمرت نفسها عليه وحضنتني وجانت تبجي بكل قوة عدها اني ادمرت نجمة اني ضعت والي ضيعنا ابويه ابويه دمرنا نجمة بعدتها عني.. كتلها وانتي شنو الي سويتي محد جبرج غير نفسج هاي جنت مثىج ترة وانجبرت ع زواج كسر رجلي وكسرني ويوميه جنت اشوف احلامي تنسرق مني نسيتي بسببج شدفعت ذنب او كلنا دفعنا.. هدية /يلا هسة راح تصيرين براسي باحثة يلا عيني انطيني جهالي اريد اشوفهم واريد كم فلس لان ع شوفه عينج ماعندي ولا ربع استغفرت الله واخذت نفس عميق.. هديه اطلعي لا يمي جهال ولا يمي فلوس دفعتني ومشت ع الدرج جريتها من اديها عمتي ادخلت جريتها وبكل قوتي ضربتها راشدي لزمت خدها وكعدت ع الدرح اريد جهالي اريد اشوفهم اخذتها عمتي ودخلتها للحمام عفتها وصعدت فوك قفلت الباب ع الجهال (..قبل..) من عافتهم هديه وانهزمت للمرة ثانيه جانت اصعب ايام بالنسبه الي ولعمتي اطفال ويردون امهم ماكو شي يسكتهم وين ماما وين امنا جتت احضنهم وابجي بكل قوتي ماعرف شنو الي اسوي احاول اطلعهم افتر بيهم اغير الهم جو اشتري الهم بس هو يجي لليل واسمعهم يسالون شوكت تجي ماما الى ان فديوم اثنينهم حضنوني وكال خالة لا تعوفينا مثل ماما وبابا انتي هوايه احسن من ماما ماما جانت تضربنا بس سارة بجت.. كالت خالة هي وين عافتتا كتلهم سافرت يم ابوكم تشتغل وتسوي الكم بيت جبير وحلو وبي اللعاب حضنتني وخلت راسها بصدري كالت اني ماريد اعوفج ولا اريد ارجع لبيت بيبي.. وجبتهم الروضه وماقصرت وياهم ابد جنت ابديهم ع اخواني ونفسي لان يكسرون الخاطر الكل تخلى عنهم صارو عبئ ع الكل.. ويوم بعد يوم تعلموا.. واستقرت نفسيتهم... ........... مو بسهوله اكدر ارجع هديه الهم وترجع تعوفهم جانت قاسيه وياها اريدها تحس ع اخطائها بس محست وحملتني ذنب اغلاطها... عمتي دخلت سبحتها.. وطلعت.. كعدتها بالهول... واجتي يمي بالمطبخ تكلب بالثلاجه كتلها شدسوين عمه كالت ولج نجمه اسكتي اسكتي اختج جسمها مزورك جانت تحجي وتبجي عليها.. مزورك يخوف.. كتلها طبها مرض نسيتي سوت شهرتنا بمنطقتين نسيتي شلون هجينا كولي هنا رحمه ابو الأسواق شريف وسكت بدات عمتي تسوي اكل.. انداريت شفت هديه ورايه.. كالت انتو السبب مو اني ابويه حاير بمرمر يبوس ويحضن وامي جانت بس ضرب بينه وانتي تركضين ورة وليد و رضوة حايرة بدارسه واني اريد كل شي جنت كل شي كلكم ضيعتوني وخطيه بركبتكم هالجهال رجعت تكوليلي ماكو ورث لان رضوة خانم هجت هي تهج حلال واني حرام شنو ذنبي اعيش بغكر ويايه جهال ٢ كتلها اوكفي؛ لا ذبين علينه صوج نفسج الامارة بسوء رجعتي واحتضنتج انتي واطفالج لاتلوميني اخب وليد حالي من حالج مراهقه بس مسويت سوايتج كسرتينا ونزلتي راسنا كالت اي احتصنتيني لو خنكتيني سمطتي جد جدي.. واسمعي غصبا عنج تنطيني فلوس وغصبا عنج تستقبليني هنا بيت ابويه.. كتلها ابونا تبرا منج وذيج الوراق تشهد انطيج فلوس حتى هم تنهزمين والله يابنت امي هل المرة استعر منج صدك عمتي ادخلت بينا حاولت اتهدي هالجدال هدية /اي هم انهزم.. طلعيني من. العائله اخاف ع شرف العيله عيني.. شسويت اني ترة ازوج بحلال الله نجمه /كافي اسكتي ماريد اعرف شسوين اسكتي لا والله املخج سكتت واني هم سكتت عفتها وصعدت فوك بيومها نمت يم الجهال خفت لا تاخذهم وتنهزم بس شنو مصيرهم اذا اخذتهن واني اشوف اختي دربها صار بعيد بيومها منمت بقيت ابجي والوم روحي لان الجبيرة اني ولازم اتحمل واصحح الاخطاء اهل قبل الي تغلط لو يصكطوها لو يزينوها صفر هذا عقابها اذا ما قتلوها زين احنا بس نسوان وجهال شسوي بقيت الوم بنفسي وكلت عسا ولعل تتغير نمت ومحسيت ع نفسي فزيت الصبح اشوف الجهال نايمين نزلت بسرعه.. دورت بغرفه عمتي فارغه رجعت دورت بالهول ماكو دخلت للمطبخ شفت عمتي دتغسل مواعين اندارات عليه كالت صباح الخير كتلها وينها كالت راحت... جاوبتها وين راحت وردت اطلع لزمتني وين رايحه عوفيها مرجعت علمود احد رجعت علمود تريد فلوس ... وكعدتني فهمتني هديه خذت درب مو حلو وضيعت نفسها متكدر ترجع منه بعد من بعدها مشاكل هنا رجعت كلمه لو تحتل القائمه لو من الاول كايله لابويه ميصير كل هذا لو من الاول فهمتها ميصير لو ولو شكد توجع..... مرمر... بعد ما شالت اختفت من حياتنا وانقطعت كل اخبارها وليد بعد ما شفنا السلاح.. مدفون عمتي بيومها اخذت السلاح وطلعت... للمركز لكن كل اجراء ياخذ فترة ليش ووين وشلون.. بعدة مدة طلع وليد لكن ماالتقيت بي اني ولا ردت اعرف شنو راح تكون ردة فعله.. ... اما السلاح الكل نكر حتى بعد خروج وليد سال عبير لكن محد يعرف لليوم منو باك سلاح وليد ودفنه دفع ثمنها سجن ....... عمتي جواهر بقت يمي كل هاي السنين رغم خروج وليد من السجن ورغم توسلات وليد بأن ترجع يمة بس متقبل تتركني وحدي غزوان كبر وكبر وكبر دمرني بشغلي دمر حياتي مشاكله زادت كلما ابعدة عني يدخل ويدخل.. بكل الطرق حاول يدمرني.. الى ان ازوجت من مازن وبعدت كل البعد عنه.. زواجي من مازن انبنى ع الثقه وجنت خايفه منه لكن يوم بعد يوم يثبتلي هو دخل يساعد ويثبتلي دخل حياتي حتى يغيرها وصح غيرها.. اتزوجت مازن... بدون عرس بدون بدله بيضة.. اتزوجت واني اهرب من ماضي متعب اهرب من مشاكل تعبتني.. اهرب من نفسي جنت دائما ابحث عن نفسي داخل مازن احضنه حيل اريد الكه نجمة القديمة... جنت مموجودة لكيت صعوبه وصعوبه الم بيها اربع اطفال واكون زوجه.. واشتغل بنفس الوقت.. استمريت بزواجي واستمرت الحياة رغم وجود الاطفال بحياتي بس جنت دائما ابحث عن الي يكملني كل شهر انتظر النتيجة بأن احبل ويصير عندي طفل اكمل هاي العائلة المفروض تكون سعيدة هسة البيت بي اربع اطفال بي عمتي الي احبها واحس الله عوضني بيها بيها زوج متفهم بدا ويايه وعلمني كل شي بحياتي علمني منو انا انا كلمه انك تكون انت فقط كيانك واحساسك وكل شي بيك يخصك وحدك من تعرف نفسك تكدر تواجهه الكل وتكدر تعيش لنفسك لكيت نفسي وياه واكذب لو كلت احبه احب قوته وجودة بحياتي اكثر كلمه اتهرب منها تحبيني نجمة واتذكر عبير من جانت تكول يكول عادي احبج عرفت بزواج شنو الحب مو نفس حب الاساطير الي نسمع عنها رغم نقاوة هذا الحب من زواج التقليدي لكن مرات تشدني للقطه رومانسيه ومرات يشدني موقف.. وكل هاي الفترة بعدت عن تفكيري وليد وكل العائله رغم امهم يمي لكن جنن اعيش غير حياه حياه عمليه حياة نكدر نكول عنها مثاليه اول ٢٠ من عمري ضاعت وهاي ما بعد العشرين جنت اركض بيها ويبقى سؤال من مازن ونفسي وكل الي اعرفهم هااا نجمة ما حبلتي هالشهر ....... فديوم بالدوام اخذت ريست وطلعت للحذقه بعدني احب الزرع واالخضار مشيت بحديقة الروضه... شفت واحد واكف... منو هذا ياربي معقوله هذا وليد... منطيني ظهره وايده ورى ظهره... أباوع الساعه..والقميص المرتب...نفسه هو مامتتغير نفس ترتيبه نفس ترتيبة ...شعره من ورى صاير بيه شيب.. احساس بداخلي كال اي هو هذا وليد أما اني كلشي بيه أتغير...حتى گلبي وروحي يشوفني ذيج نجمه أم عمر ١٣ والخلخال يلمع برجلها..والضحكه الخجوله... مايدري حياتي صارت مثل خلخال برجل رقاصه... ينهز منا ومنا حياتي تاخذني الحفره وتوكعني باكبر منها ماأكدر أكول نسيته ولا اكدر أكول احبه بس ليش گلبي يرجف .. وحراره تطلع من خدي...جريت نفس أتقربت واريد انسى اول حب وياه.. وانسى هو وليد ذاك الولد المؤدب بس من صرت كدامه...رفع نظراته أليه نفس النظره ولا غيرها.. نفس الصفنه الي يصفنها عليه... ... ليش ياوليد كلشي يتغير عليه..الا انت تبقى تحبني مثل ماأنت...كسرت سكوتنا -شلونك وليد... وليد/شلوني هو مابقى بيه لون يانجمه يحجي وايده ترجف ..كال -نجمه ليش للمره الثانيه اطعنيني وليش للمره ألثانيه تزوجين أقرب شخص أليه اشكد طعنات مرن عليه ...بس طعناتج توجع يانجمه.. دمعت عيونه مد ايده بجيبه...طلع علبه زغيره...فتحها...كال -خلخال وللمره ألثانيه جبت ألج...وللمره الثانيه مااكدر ألبسه الج... وللمره الثانيه أكول الخلخال مايلوك بس النجمه وللمره الثانيه مااكدر اصيح احبج.. ليش دومج ضدي وتخنكيني.. ليش تعوفيني اول مرة كلت جبر.. وهسة نجمة.. كولي ليش..؟ سنين بالسجن واكتب رسايل الج وانتي نجمة تزوجين صاحبي ويضرب ع صدرة ولج صاحبي.. ولج واكول ولج بصوت عالي.. مرة اخويه ومرة صاحبي.. منو الي خان منو جاوبي... يحجي وكل كلمه يكولها استرجع روحي الضاعت... روحي التيهتها من القهر والحزن والفراك،والخوف،واليتيم... كلشي يحجي وليد.. رجعني النجمه القديمه رجعني بذنب.. دموعي نزلت اتمنى أصرخ..ابجي ليش الحزن نشكي بس للنحبهم هذا حساسي بهل لحظه.. بس مااريد حضنه أريد حضن ابوية اركض عليه...بس ابوية مات اريد حضن امي...امي ميته أريد ابجي يم أخواتي... كل وحده مكان ليش هسه اريد اطلع الكبت الداخلي دموعي تنزل بلا بجي... اتقرب عليه واعرف بيه مايتحمل يشوفني أبجي... جفلت منه لان دموعي تارسه عيوني .تقرب مني ليش نجمة.. تذكرت اني مزوجه ابتعدت منه لزم ايدي.....ماباوعت اله مجرد مسحت دموعي مااريد أذي اكثر...لأن هو الرجال الوحيد الي شافني حلوه..والكل شافني بنيه عاديه قويت نفسي وكتله -وليد قسمه ونصيب زواجي والدنيا ضاكت بيه وهسه اني مزوجه. ومابينا قسمة وليد وليد كال وقسمتج ادور ع القريبين عليه اخاف اروح وارجع بعد نجمه.. .. قاطعته صدك وليد فرحت من طلعت من السجن...وهسه اترخص منك.. تركته وهو على وكفته...تعديت منه مشيت خطوات التفت عليه شفته رفع ايده الوجهه وعرفت مسح دموعه انهاريت طبيت للمكتب انهاريت بجي.. اول مرة ابجي هيج اريد اصرخ بكل صوتي ماكدر.. ياربي الحب ليش يوووجع ليششش ...... غابت شمس بغداد وعلنت الغروب... سقطت بغداد وعم الخراب بلبلد حرب.. دماء قتل سواد.. ظلام... سنين مرت اخذت منا ارواح اخذت منا الامان اخذت منا كل شي جميل... ...... بعد ما استقر الوضع عرفت وليد رجع للعسكريه ورجع برتبه لان جان مسجون عسكري.. بس وين وليد امه لو تشوفه لو لا.. ذاب روحه بعز الموت.. والصدمه ظهرت مرمر لكن ظهرت بقايا لمرمر انسانه غير ضعيفه لدرجه ماعرفتها ابد هي او مو هي.. عرفت بيها مريضة ووليد من سمع بيها راجعه للنزل جابها يمه... عينه عليها وخال الها.. وحدة تساعدها ولليوم عايشة مرمر ع كرسي متحرك رضوة راحت هديه اخر مرة شفتها بعد السقوط متغيرة وموهي اجتني بسيارة الها عاليه رادت تشوف الاطفال وشافتهم.. بس لقاء الغرباء جان.. وراحت بعد ماشفتها. ......... فديوم من بعد مرور سنين طويله بدات المشاكل بيني وبين مازن واساسها الاطفال وهو طلع من شغله الى ان اجه اليوم الي طلب مني الاثنين انحلل ونعرف وين الخلل ليش ماعدنا اطفال جان اصعب اختبار امر بي ومن عرفت اني عقيم يعني ماكو جنه تحت قدمي يعني عمري كله مراح اكون ام بيوم بعد هاي السنين الطويله ختمت الحياه والقدر اكون عقيم واطلك للمرة الثانيه لكن طلاك ودي مابي زعل بعد ما خيرني اتزوج عليج او نطلك اختاريت الطلاق هو يريد اطفال واني اريد اعيش علمود اطفال الي عندي... ..... تجربه مازن قوتني وكبرتني عمر بقوا اهله ويايه بقيت اتواصل وياهم رغم كبر سن ابو بس بقى وياه مازن.. بسبب الاحداث والتهديدات طلع لسوريا وعرفت اتزوج وزوجته جابت اله بنيه بعد ما اكدر ابجي بعد ماكدر اتحسر احس هاي السنين خلتني خاليه الاحساس اعيش واعيش الي يمي ........... شهاب صار شاب يخبل... ضحكته تاخذ روحي وانتظر جيته يوميه والزم قلبي لحد ما يرجع بسبب الاوضاع لو احد يسالني شنو بالنسبه الي هذولي الاطفال راح اكول هم عمري بسبب الاوضاع طلعت شهاب لتركيا حتى يكمل دراسته ..... سعاد الي تكرهه اسمها وفرضت علينا نسميها سونه.. حاليا بعد التخرج... اجتي يمي بعد ما كبرت المشروع وصارت مدرسه. والحلو تحب مدرب الرياضه ويانه.. وطلبها مني واني واكعه بمشاكلهم... ..... اطفال هديه موجودين ويدرسون وحولت كل وارد من ايجارات هديه الهم رغم كل شي متكامل بحياتنا بس اكو هاي المشاكل من ٤ اولاد صرت ام ونسيت نفسي وياهم محد يصدك تغيرت جذريا بكل شي حتى الجهال من تصرفاتهم اعرف شعدهم اذا مكسورة لو درجه نازله جنت ابجي من يعايدوني ويبوسون ايدي لو اسمع رحم الله والديج على هاي التربية صدك ابجي وما احس ع نفسي من يحاوطوني اربعتهم ويحضنوني والي يصيحني ماما والي يكولي خاله بس شهاب يصيحلي حبي.. رباتي ماضاعت ربي ادعي يوميه ربي يحفظهم الي هم عمري وسندي بالحياه... عرفت كل شي بالحياه دين كما تدين تدان وشنزرع نحصد رغم التعب. ........... جواهر بقت يمي.. ومن طيب خاطر عمرتها و خليتها تروح للرضا وإيران غزوان اختفى بعد السقوط سافر ومحد يعرف شصار منه كل الي اعرفه خسر كل شي يملك ع القمار فديوم يوم عطله وكاعدة بلبيت.. اندك جرسنا طلع سجاد جنت لابسه ملابس بيت تراك اسود رياضي ولمه شعري كله ليفوك بعدني ممادة راسي شفت وليد بوجهي بصوت خشن گوة.. الله يساعدكم ارتبكت مثل نجمه ام ١٣ سنه مو اكثر ها هلا وليد عمه عمه جان لابس ملابسه السود المرتبه على جسمه...البيريه الحمره..عليها المرسوم الجمهوري...بخصره سلاحه وبيده الموبايل...وساعه فضه تلمع مثل لمعة دخوله عليه...... اجتي عمتي.. رح عليها باسها من راسها شلونج يمه ودنج ع اديها بوسها كلها اريد اعرف الله خلق نجمه واني ابتليت شنو عايفتني ويباوع عليه كالت عمتي. وتعدل برتبته انت زلمه معدل وهي حرمه بروحها.. وانت وينك يمه شو كاضيها بحرب وطك والله لليل كله ادعيلك كال.. ضحك كلها هي شتصنع العسكريه وشتريد غير نلكط هل جرذام الي ترس العراق ونرجعة عروس مثل الاول... عمتي /متعرف اخبار عن اخوك وليد /لا والله يمه شكد سالت ماعرف عمتي /ومرمر كلها والله تعبانه حييل يمه فوك الشلل زهايمر فدمرة تكسر عمتي/ الله يشفيها بس من اديها كلها يمه محد بينا نبي كلنا نغلط واندار جوعان والله.. عمتي خسا الجوع شلون كليجه سويت الك خلي اجيبها من المجمدة اني نفس وكفتي ولا تحركت رجعت انثولت اندار عليه شلونج نجمه كتله برحمه الله وانت سويت نفسي دارتب كال نجمه مااجه الوكت تصيرين حلالي وفوك هل ٣ نجوم تزيد نجمه بكلبي انداريت عليه وكمت امسح الكاونتر تقرب مني يالله بعدج.. شحلاتج نزع البيرية وشعره كله شيب انداريت عليه كال ا ح ب ج بالله عليج خليتيها حسرة بروحي انجمع بيج ويرن خلخالج الي اخاف اروح وارجع الكاج مزوجه.. غيري.. انداريت عليه وليييد حاولت ابتعد جرني من ايدي كتله كبرنا يازواج ابتسم وكال ليش العشك هم ينحسب بالعمر كتله وليد لا مااكدر اقبل اني مره ناقصه تعرف شنو ناقص... طبك حواجبه معصب مني... كال بعصبيه لادكولين ناقصه انتي كامله والكامل الله. .وهذا مو ذنبج ماتصيرين ام نجمة -ولا ذنبك ماتصير اب... تقرب اليه وكال... اني راضي وليد -لا ذنبي لان ذنبي حبيتج ذنبي ردتج ام بيتي ذنب قلبي الماراد ولا یرید غيرج.... النهايه اخر شي وصلني منها هسة هم عاقدين وتنتظر ينزل من شغله ويزوجون ♥️ اتمنى تكون نالت اعجابكم احبكم شهرزاد | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
