آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-09-21, 05:01 PM
| #71 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الفصل الخامس الجزء 69 حشرجة انفاس كثير منا يظن ان خارج الحدود والقيود هي الحرية!! هي ذلك الهواء العذب الذي نستنشقه عابرين الجبال عرضا والبحار طولا هي تلك النسائم الصباحية على قريتي الجميلة!! لكن .. ولطالما كانت للحرية صورا اخرى في اماكن اخرى من هذا العالم انها تلك العبارة الغريبة التي وسمت بيها جدران المعابد المتحولة الى سجون انها الكلمات التي التصقت على الاعمدة وتقطر دما هي تلك الحشرجة في انفاس الشهيد عندما يسقط في ارض معركة ليست له متحررا الى جنات الخلد!! فالى كل الابرياء الذين تخطفهم الموت فجاءة وهم حالمين بيوم جديد الى كل اولئك الاطفال الذين قضوا وهم يمسكون اطراف عباءة امهاتهم الى تلك العيون الخائفة ان تخرج بلا عودة اسال الله لكم الرحمة والخلود في جنانه هل تعرفون!! لابد انكم كذلك ! نحن شعب يحب الاحلام ونترك كل تفاصيلنا لنتمسك بحلم رايناه قبل كم!! عشرون عاما!! لا ربما اكثر!! بغداد شباط عام 2004 عهود كعدت الصبح وفتحت التلفزيون صارواهس وادمان عند العراقيين سماع الاخبار من الصبح خلته على قناة العربية ودتسوي جاي فتحت الصوبة وجتي فخرية شكلها مجانت نايمة تربعت وخلت ايده جوه خدها وانتجت على تك رجلها جابت عهود الصينية وهي دتحمي الصمون على الصوبة سمعت امها تهمس ويه نفسها فكرج ليش عادمينه ( تقصد على جاسم اخوها ) ---والله يمه اووف ماادري بس خالو علاء ديسولف ويه عمو سنان كله تتذكر من رحت وسالت عليه مرة واحد ضابط جيجاني كلي علاء اخوك ماكعد راحة وسوا مشاكل بطريق الرجعة وهو جماعه وراها بعد ماشفته يمكن والله اعلم يكول خالو يمكن بالطريق كاتليهم ----فكرج صدك امي شافته قبل لاتموت!! ---والله يمه ماادري شكلج ---فكرج ليش هيجي زهير سوى بينا معقولة هلكره جان بقلبه علينا عهود يايمة ماصدك شو جان والله حنين عليكم من مات كاطع الله يرحمه شال وحمل ماخلى حتى من ورة نورية جان يجبلي ويذب على الصبة ---تدرين يمه قبل ماينكتل وكعدت وفتحت الصمونه وخلته بيها جبنايتين رفعت فخرية ظفيرتها البيضا وجانت عهود كاصه منها هواية كالتلها الله يرحمها بيبتج جانت ماتتريك الا جبن هه هسه اني صرت مثله شو ماحب البيض زفارته بخشمي !! ---تدرين يمه الله يرحمه عمي سمعته قبل لايموت باسبوع جان يبجي بحضن عمتي نورية يكوللها نورية امي مراضية عليه ---يااا وشلون ---شايف حلم فرات ديغرك بالمي مكطعة ايدينه وامه تباوع عليه حزينه ماتسوي شي يكول هيج ملامحها جامده يكول اني بعدني صغيرون جيتت على فرات اريدن اطلعه واجر بيه مايطلع اني طمست وراه واخذني النهر اصيح على امي طلعيني دارت ظهرها عليه ومشت ---يا يمه هذه صدك امه يمكن غضبانه عليه الله يرحمه هو وربه يتجازى الله يعلم بحال اسا هسه شلونه!! ( اسما عندما اتصل بيها سامي من الشام بلغها انه ابوهم انقتل واضطروا يعوفون كلشي ويجون لسورية اصابتها صدمة نفسية على اثرها دخلت المستشفى بعد خروجها منها فسخت خطوبتها من عمر وسافرت لدمشق يمم اهلها حتى اداري امها المتعبة) وسرحت مرة لخ فخرية --قلبي على بدرية كون لاطلع قهرها بقيم خطية صفنت عهود على الاخبار وكلها عن العراق اتذكرت عهود اول مارجعت للدوام شهر تسعه وحارة راحت للمدرسة شافت صور السادة الكبار مال قبل معلكيها ومغيرين اسم الامين الى محلة الرضا ومن طلع راحت للسوك جانوا يروحون للسوك من اي منطقة بسيارة جيب مفتوحة مركبيلها جادر وياخذ مية وخمسين على النفر ومرات ربع السوك عبارة عن جزء من الشارع كطعوه ورصفوا بيه الجنابر من اليمنى محلات القماش والملابس ونزولا محلات المخضر والسمج والدجاج جانت تحب هذا السوك من قبل هماتين البالة رخيصة وهماتين المسواك وهناك شافت صور الشهيد الصدرالاول هو واخته نور الهدى جانت سامعة بقصتهم لكن اول مرة تشوف صورهم ظلت صافنة وشافت اللافاتات معلكة تعالوا انضموا الى تشكيلات نصرى الامام المهدي وهسه ديحجون عن حفيده وتصريحاته وشلون بدى ياسس تيار خاص بيه فخرية شربت الجاي الثاني وكعدت ميلاد تجر بروحها جر كالتلها ---عهود الله همزين رجعتي وتسويلنه ريوك عقجت حلكها الاخيرة ومجاوبتها ---اهوو من الصبح اخبار اندارت عهود على امها كالتلها يوم اكلج شتكولين اشتري سيارة لسعد كيا ويشتغل بيها خط على الكليات احسن مما كاعد يشتغل سايق على سيارة تحسين ---هذا المخبل شفتي شلون اتعارك ويايه علمود نورة ---اي مااعرف شجاه ---جاوبت ميلاد انه هو مصادقها من زمان واكثر من مرة شايفتهم حاصرها بالمحل جان سعد ديلح على امه تخطبله نورة بت ام صلاح صارله فترة لكن هي ماتقبل ام صلاح مو من ذبتهم ومشاكلهم هواية وصوتهم طالع ثم البنية توها عمرها 14 سنة وهو 28 سنة يعني ضعف عمرها !! --- شو اني خايفة من بت ام صلاح هاي بس لاتسويلنا طلابة علقت عهود وراحت بدلت تروح لدوامها كعد عباس رافع راسه من جوة البطانية من تزوجت رحاب واجرت مااجى من كلبها تعوف ولدها وحدهم خصوصا اول فترة فحطتهم يم امها عباس ينان بالصالة وبشار يم فخرية وعمار يم البنات صاحت فخرية على عهود تسوي ريوك للولد قبل لاتطلع وكلتله لعباس زين كعد روح جيبلنه صمون حارر هذا مال الثلاجة ولاينعلس بذاك اليوم اتفاجات ميلاد بالدوام طبعا صارت ادوام تقريا تلاث الى اربعة ايام كلشي مايسوون مجرد يروحون ياكلون ويسولفون ويجون بوكتها بدات تطلعات وزارة التعليم العالي الى اخذ البناية وبالفعل بعد محاولات يائسة للاحتفاظ بيها اخذت وزارة التعليم بناية الهيئة بدموع عين موظفيها ويذكر انه المدير العام كان ابو عثمان كاللهم البس ربطة واتحجب اذا ماطلعتكم كلكم منا المهم بذاك اليوم جانت هي ومعالي وعايدة صديقاتها كاعدات على درج المعهد واذا بيه شمس الدين يمر عليها استغربت ميلاد هذا شجابة والي جايبه حاتم افندي يكللها الاخ جان يسال عليج!! والله شنو جاي يشوفها ويشوف احوالها هي افتهمت بسرعة ميلاد بعد الحرب وحتى يمتصون زخم البطالة عملت الحكومة الانتقالية على فتح ابواب التعيين وكام ياهو الي يجي وعنده عرف يسجل اسمه ويتعين اي هيجي بالضبط فهو هم كال خلي اروح عليها بلكت اشوفلي تعيين شي على اساس ميلاد جان حتكتل روحها عليه من تشوفه لكن خطية هي انحرجت وماعرفت شتحجي جتيه معالي ووكفت بوجهه كالتله بله انت شكو جاي وجايب حجاية للبنية!! وفوكاها حاتم يكول هاي ثاني مرة تجي تسال عليها عوفها بحالها هو زعل وراح لكن الموقف رفع معنوية ميلاد كلش هواية وحست انه الحظ بدى يبتسملها كثرة الخطوبات بالمركز وصرنا يومية نسع بنية انخطبت واللخ عقدت مهر ويمكن بعمر ميلاد وبيهن من الجديدات اتعينن ميلاد صار عمرها 29 سنة يعني مو صغيرة بعد صح وجهها وشكلها وحتى قالبها ينطيها اصغر بالعمر بهواية بس هم جانت تنقهر انه قسمتها اتاخرت !! فاتفقوا البنات هالمرة من يجي عمران يلحون عليه يكولوها اخطبها لانه هي تستحي تحجي وياك هومو كال من تخلص الحرب اشو خلصت الحرب وماكو وبالفعل بعدها بيومين اجى عمران وحجوا ويه البنات ظل يضحك ويبتسم ويكول اي ليش لا ورجعت ميلاد فتحت وياه موضوع الزواج مره لخ كاللوها لحي عليه لاتسكتين من حجت وياه ---كللها ميخالف بس ارتب وضعي تعرفين اني توني متعين وهوصارله فترة من اتعين بوحدة من دوائر وزراة التعليم العالي فرحت المسكينة واستبشرت خير ورجعت ذاك اليوم وعدها احساس بنشوة النصر من رجعت جانت رحاب موجودة بالبيت وجيتها كانت مفاجئة هذه مو رحاب جانت لابسة بنطلون ابيض وقميص اصفر فاقع وفوكاها جاكيته ابيض وليموني وربطة مشجرة ابيض وليموني الكل اتفاجا بهالطلة ظلت ميلاد تتاملها وتفر بيها لج هاي شنو رحاب شنو هالتغيير ضحكت بخجل وكالت والله وسام اخذني لشارع الاميرات وسوق الاعظمية واشترالي هذني وكلي بعد ماكو اسود وجوزي هههه جانت خجولة بس بنفس الوقت فرحانه كان وسام يتاملها حتى من احد يجيهم خطار يتامل اصابعها الرقيقة الناعمة صح هي سمرة لكن بشرتها من النوع الرقيق وهي مطول اظافرها تحس ايديها صير طويله جانت يتامل حرجها وخجلها من يجيهم احد وخصوصا من اصدقائه القدامى الي يستمر يصيحله ابو رحاب على طول جان يغرك وجهه بشعرها الاسود القاتم ويصيح هذا هو الليل الي حجوا عنه الشعراء جان صديق ورفيق وحبيب عاشق قديم اتجدد الحب بعمره مرة ثانية جانت تحجي عنه رحاب لكن بوتيرة ساعة حزينة وساعة سعيدة كالت هواية تعبت من يكلي ريحتج طيبة راسا اتذكر فاضل الله يرحمه اوووف تعذيب نفسي ----ليش شبيج ---مااعرف يمكن اتعودنا على الحزن مامتعلمين نفرح مو؟ تعرفين قبل من جنت ويه فاضل يمر على بالي وسام استغفر ربي واتعوذ من الشيطان اكول لا مايصير جنت مشتتة بين الاثنين هسه من يتغزل بيه وسام راسا يجي على بالي فاضل الله يرحمه اكول خطية هسه لو يعرف شكد ينقهر كلشي يسويلي وسام يذكرني بفاضل واشعر بالذنب اكول ممكن ديشوفوني وديتاذى!! سكتت ميلاد ونامت على جتف اختها كالتلها رحاب حبيبتي لاتفكرين بس الله عليج اريد القميص والجاكيتة وحتى الربطة --هههه والله ضحكتيني عابتلج ----صدك هسه رجلج لو بكدي جان لبست حتى الحذاء شوفي شلون الوان !! ---السوك يخبل اشكال الوان نازلة احذيه وجنط الاحمروالاصفر وهذا الوردي القوي لونه ---اي شوكت بعد ينطونا راتب اريد اروح اشتري ---روحي لسهام العبيدي خوش ستر جايب تجنن ---تغير حتى اسلوب رحاب بالكلام صارت تعتني بنفسها اكثر ربما وسام بظرافة شخصيته شجعها تطلع من قوقعة الهم الي جانت هي بيها صار تدور ماركات من كل شي حتى الفناجين والمواعين لكن وبنهاية شهر الثالث قرر يروح يشوف ولده وبناته بكركوك وهذه اول سفرة اله بعيد عنها رادها تجي وياه لكن هي ماقبلت رادتها فرصة ترجع تلم ولدها وتنام بحضنه لكن ولدها جان وجهم ثكيل عليها بتلك الاثناء دزت عباس على نور يروح يجيبها ويجي هو وكريم كالت كلش اشتاقيتلها ومكانها خالي جانت نور قبل اكثر من مرة طلبت من رحاب تحجي ويه نرجس او علاء انه بلكت يقنعون ابن قاسم صفاء يتزوجها بس رحاب رفضت انه تسوي هذا الشي كالتلها لو عجبتيه جان هو رادج القسمة كانت تلعب دورها بالقادم من جتي نور اتفاجاوا بشكلها كد مضعفانه ومتغيرة وحزينة كلش وبعدين عرفوا انه جانوا عمات فاضل يحجون عليها من تاكل هواية وهواية هم تشتغل بالبيت الي صار كله عليها وحتى من خطبها واحد ورادها ماقبلت نزيرة بحجة ماتريد مشاكل ويه خالها علاءسوى وليمة ضخمة لسنان ولابنه وحفيده حفيد سنان يعني من ابنه رامي كان اول مره يلتقي بعائلة رحاب طبعا الكل جوي جانوا يريدون يلتقون بسنان ويريدون يعرفون اخبارهم بالغربة وشسووا جانت نور كاعدة على كتر وماهتمت لاي موضوع انطرق لكن رحاب وميلاد شافوا رامي وانعجبوا بيه وكاموا يدفعون نور حى تطلعله وعلى السريع ورة الغده كحلوها وحمروها انتبه عليها سنان قبل ابنه كاله لعلاء احنى ندور على عروس لرامي ابن رامي جان عمره ست سنوات وامه مغربية طلكها رامي قبل سنتين واتنازلت عنه لقاء مبلغ مالي حاول رامي يرتبط بامراءة عراقية عايشة بفرنسا لكن هم مارهمت جان يخاف كلش على ابنه خصوصا وانه هو فقد امه من وكت فيعرف شعور الابن الفاقد حنان امه اسهبت رحاب بمدح نور والحجي عنها بكل تفاصيلها وشلون ربت جهالها وياها وجانت صغيرة ومع ذلك صارت ام الهم قبل ماهي حتى تصير وشلون من عمر صغير عدموا اهلها وربتها بيبية فاضل ومعاناتها ويه بيت خالها ظلت تحجي عن نور الى ان اشرلها علاء كافي لحت هواية\ لكن سنان ورامي لمعت بعينهم الفكرة هو جان يباوع عليها بس اتصورها مرتبطة هيجي كاللها بعدين نور جدا جميلة لكن مجانت ماتعرف تعتني بنفسها يمكن ضخامتها مضيع جمالها ورقها بعد ان تعين سنان مدير قسم باحدى الجامعات عين ابنه الي كان مخلص دكتوراه من رومانيا استاذ بجامعة بغداد وجانوا يشتغلون على ارجاع اموالهم الي اتصادرت والبيوت الي اخذت منهم بعدها بفترة بقت نور بيت فخرية مارجعت من رجع وسام وشافت رحاب انه ماتكدر بعيد عن جهالها ممرتاحة فقررت ترجع لبيتها وانطت غرفتها للولد وهي اخذت غرفتهم واثثها وسام الي ابد معارض على اي طلب من طلباتها لكن في حينها بدت المشاكل بين وسام وولدها!! بعدها بكم يوم طلب رامي من علاء انه مفكر يتقدم لنور لكن يريد يحجي وياها بالبداية طبعا نور راسا قبلت وبدون تردد خصوصا وانه خالها وابنه مروا على بيت رحاب مرتين تلاثه واتعاركوا ويه وسام وبالفعل بدى يتعرف عليها رامي كان شخص مختلف بطريقة تفكيرة وتصرفاته وحتى حجيه عن ولدنا صح باقي رمق بسيط بيه من عراقية اهله جان يكول لنور احن لكلشي عراقي اشم بيه ريحة امي واني لهذا السبب اجيت وناوي ابقى هنا بس المشكلة هي اني احس بنفسي ضايع مااعرف شعور الغربة جبته ويايه لهنا دااحس نفسي غريب وبعيد كلش عن جذوري احس نفسي تايه ومضيع هويتي نور جانت انسانة بسيطة ماتعرف تحجي او تتواصل ويه هيجي كلام وهيجي مواضيع جانت تظل صافنة وساكتة كللها ليش متجاوبين كالتله اخويه فاضل الله يرحمه مرة كلي امج وابوج جانوا علماء واني طلعت جاهلة متخلفة تعتقد العالم يخلف جاهل!! سكت رامي وانقهر عليها وحس بانكسارها حس بنفس شعورها من دفنوا امهم جانت مطر ووحدهم هوو واخته وابوه وصديق ابوه حس بالضياع وهو يتامل التابوت الخشبي المؤطر والثقيل انه حياخذ امه الى لاعودة اتذكر وجه امه الحزين وكال ممكن انه الانسان في يوم يعيش بدون ام!! كام وحضنها فزت خطية ودفعته كالتله لا عفية مااقبل اني هيجي المهم قرر رامي انه يخطبها لكن جان محرم وانتظروا لحد مايخلص وهذا اول محرم تنتظرة نور يخلص بسرعة وبالاربعينية مر عمران بعد غياب اسبوعين على مبلاد جانوا الناس متحضرين لعطلة طويلة لانه الشوارع حتنكطع اجى وجانت ميلاد لابسة اسود وربطة سمائية ومحاطة مكياج بس عدساتها الرصاصية طالع شكلها كلش حلو وبريئ كالتله عمران شوكت تجي تخطبني -كاللهاببساطة اريد اكلج شي ميلاد اني متردد انه اجي اخطبج احسج مو جنسية ويايه!!؟ ---كامت تضحك ميلاد بطريقة هستيرية جانت لقائتهم تصير عادي كدام الكل لانه ماكو مكان مغلق كلها مفتوحة ولا اكو دوام فجانوايلتقون بالساحة لو باي غرفة عادي ويه صديقاتها خصوصا وهو وعدها بالزواج ضحكت ميلاد وهي محرجة وخجلانه وارتفع الدم لوجهها عمران اتغير كلش من اتعين وصارت عنده وظيفة الفترة الاخيرة جان يتكلم بجراءة لكن ميلاد جانت تتجاهل هذه الجراءة وتتخيل انه معتبرها خطيبة فيحجي وياها هشكل لكن توصل بيه المرحلة يخاطبها هشكل بالخط العريض لا زحمة كلش كالتله انت صدك تحجي ---هو ظل ساكت ويباوع عليها ---كاللها اي متتجاوبين ويايه جنسيا عصبت هنا عليه وكالتله اكلك لازم الستلايت الاوربي الي جنت تنصبه لحس عقلك انت مخبل شنو هالحجي !! عود انت الملتزم وتعرف الله وتصلي وتصوم ظلت ترزله وهو يكللها شفتي انت ماتفهميني احنى ممتفاهمين سواها زعله وعافها وراح وراها باسبوع اجاها ديودعها هشكل ببساطة وكللها انت متناسبيني!! بعد خمس سنوات من عمرها ضيعته ميلاد على حب عمران بعد كل هذا الانتظار بعد كل هاي الدعوات والدموع والقلق والخوف بعد اللهفة والثقة والتصديق بعد كل هذا العمر الي ضاع احلى وازهي عمر كاللها انت مناسبيني اني افكر بطريقة ثانية فرق هواية بيناتنه انت خوش بنية وحلوة والف واحد احسن مني تلكين والف واحد صدكيني يتمناج اني مافيدج انصدمت ميلاد وهي ماتعرف شتجاوب والناس والعالم والموظفين الي كلهم عرفوا بعلاقتهم شنو!! --- يكللها عادي ينسون!! ---واني !! ---هم تنسين ---وربك!! هم ينسى!؟ ---سكت كاللها ليش اني شنو سويتلج تدعين عليه قابل اخذت منج شي !!! ----اي اخذت عمري وشبابي اخذت سمعتي عمران هي مو بهالبساطة!! عافها وراح زعلان لانه كامت تدعي عليه وعلى اهله جانت منهارة وظلت ممصدكة حتى محجت لاحد لكن الطريق كله جانت تبجي وكل الي بالخط شاف دموعها وسمع شهكاتها بدت الانفجارت بسنة 2004 ومنها بدى الانفلات الامني لكنه مكان واضح كانت انفجارات عشوائية منا ومناك بالبداية استهدفوا لاول مرة المواكب الاربعينية بعدها قوات الحرس الوطني تباعا كانت وتيرة الاحداث بدات تتصاعد وخصوصا في الانبار والفلوجة بعد ما قام بعض الاشخاص بقتل حراس وموظفين من شركة بلاك ووتر وسحلهم بالشوارع فقامت الشركة بالرد العنيف وقتلت اضعاف العد من المدينيين لتندلع الشرارة الاولى لمعارك لم تنتهي لتشمل بعد ذلك قتل واستهداف المترجمين والشرطة في كل انحاء العراق في حينها مكانت ميلاد ممصدكة انه عمران كان جدي جانت تتخيل انه ولابد حيرجعلها مستحيل يتخلى عنها منها بدات اصابتها بمرض الدزنتري كامت يومية متخربطة ورايحة للطبيب وللمستشفى محد جان حاس بيها انطوت على احزانها رحاب جانت ملتهية بحملها الجديد وجانتت حاول تصلح العلاقة المتوترة بين وسام وعباس وعمار الولد مجانوا يسمعون كلام ووسام كان يحاول يمارس سلطة الاب عليهم فخرية جانت لاهية ويه سعد ومشاكله ويه عهود من اشترتله الكيا وهمه يومية يتعاركون بدرية ملتهية ويه اهل العمارة الي مديقبلون يدفعون ايجارها وعمة الجهال عافتهم وراحت لعمان ومن جهة رامي شاف شغل لكريم وسمير بشركة تيتان الامريكية كمترجمين الي جانت رافضتها بدرية خوفا عليه كلمن جان حاير بحاله الا ميلاد حست العالم توقف حينها عن الدوران الى ان ايقظ الجميع صدمة محاولة تسليب سعد ورميه بالرصاص جانت عصرية وفخرية يم اختها ديحضرون جنطة صوغة ياخذوها لسمير من يروح يزور امه بايران وبس البنات بالبيت ميلاد صافنة على التلفزيون وعهود دتحضر للعشا الا ويسمعون انضرب باب الكراج حيل وصياح وعياط خطية جفلوا عبالهم الجيش جيت عليهم خصوصا من بدت عمليات التفتيش على الاسلحة والله ويباوعون هاي كريمة ام صلاح فرشت نفسها على الصبة كبال باب المطبخ صوت المولدة مالت البيت جان مايخلي جملها مفهومة ركضن عليها البنات شبيج خالة هاي تصيح يبوووو البنية حتروح من ايدي كله من ورة ابنكم اخوها الجبير ناوي يذبحها خلاص ---هاي منية خالة احجي شبيج منو يذبح منو هاي شبيها صاحت عليها ميلاد كافي عاد تولولين لميتي علينا الجيران شبيج ممصدكة عزة وتلطمين بيه!! ---ياااا شوفي القباحة شوفي شلون يحجن ويايه الله ينتقم منكم بيت ام سعد ---الله ينتقم منا ليش ---اي ليش انتن ماتعرفن طبعا مخدرات عيني شكو وراجن هم غم لو قهر!! -----اعوذ بالله هسه عرفت ليش طايح حظنا اتاري هاي كله من عينج ---اسمعي عيني كولي لامج لازم تشوفيلي حل وينها فخرية وطبت ركض من المطبخ للهول للصالة والغرفة امجن وين!! هنا وجتي فخرية خطية تلهث واحد من الجهال رايح عليها لبيت بدرية كايللها اكو عركة ابيتكم هي منا قلبها موتمام شبيج عيني شبيج ام صلاح خيرج فخرية ليش انت ماتدرين!! ---ماتدرون انتوا!! ---يمعوده غير تحجين شكو مو سعد سوى حادث والبربوك نورة هاي الطفلة الصغيرة المقشمرة عليها اي عيني يضحك عليها جانت وياه جتيني ترجف مثل المخبلة ----عزة لعزاج كريمة ياحادث سوى سعد!! هبطت من يمها فخرية وكعدت بالكاع بصف سنك المطبخ والبنات ركضن عليها جتي بدرية وراها تريد تفتهم شنو السالفة شويه وكفت سيارة سعد اندارت بدرية دتشوف هاي سيارة سعد بس شو السيارة مزرفه والولد ملفلف بالضماد جتفه وبطنه وبلوزته مشكوكة ---ركضت عليه ولك شنو هالحال من طب للمطبخ وفخرية شافته هشكل ماعت روحها احمرت واصفرت وكامت تصيح قلبي الولد راح مني ---يمه وين راح منج مو هياته كدامج وسعد يضحك يكللها شبيج يمه مابيه شي ابنج ذيب ويطلع منها ظلن يفرفر باذانتهن يطلع من شنو ومنو انوبه ساعتها راسا جماعته جوي كلهم وكفوا يم الباب واحد ورة اللاخ يصيحون حمد لله على السلامة اخذت الحباية امه ودودها للغرفة وانهزمت ام صلاح حتى لاحد يعرف اتاريه طالع هوو نورة ديفتر وياها بالسيارة ورايح مكان بعيد منفرد يعني وبالصدفة طالعين عليه مسلحين خارطيه بالسلاح يردون يبوكون السيارة هو دايس بنزين ومهزوم منهم بس جايتته طلقه بجتفه وشظايا شطح ايده وبطنه موصل نوره قريب على بيتهم وماخذه تكسي راجعه للبيت حاجيله لامها كلشي وتكول اخويه شايفني وسعد بوجه رايح للمستشفى الخبر انتشر مثل الطلقة بكل مكان جانت بداية حوادث التسليب خلصت بعد فلوس الحواسم انصرفن فلكولهم غير طريقة يعيشون عليها من ذاك الحادث بدات تداعيات صحة فخرية بعدها بدت المشاكل ويه كريمة ام صلاح من ثاني يوم اصلا لازم تلكون حل البنية اخوها حيذبحها منا مناك من خوفتها فخرية كالت اي اي احنى ناوين نجي نخطبها يله سكتت شويه وبدوا اصدقاء سعد كل يوم صبح وليل بالباب يجون يطمون عليه وهاي البنات كعدي خدمي وتسوكي وسوي وراح علاء ذبحله خروف والبنات لمن هم ذبحن اله خروف فجران دم الله نجاه كلها جانت متبهذله الا هو فرحان كانما جاب كاس العالم في حينها خافت عليه فخرية خافت لا صدك ابنها يموت وهي تموت من القهر وراه انه راد يتزوج وهي ماترضى انوبه خلص اتعكل بهاي نورة الناس كلها عرفت جانت وياه بالسيارة بعد منو ياخذها وهي زعطوطة ماتفهم قررت فخرية تخطبها الها حتى تخلص من الموضوع بشده وحده محد جان قابل عليها لكن شيسوون تصرفه هذا خلاهم كدام الامر الواقع حتى عباس وكتها كال لامه يمه شلون خالو يخذ نورة هي خفيفة ياهو الي يجي تضحكله وتضحك بوجه حتى جمال شوفي اختها صارلها سنين توكف بالمحل ما في يوم ضحكت بوجه واحد جاوبه بشار ليش هي جمال هم عدها حلك تضحك بيه!! بوكتها انتظروا يخلص اربعين صفروراها يخطبون بهالاثناء امل وعلاء ودعوا سمير يروح زيارة يشوف امه سمير بحياته جان مطالع من العراق وهذه اول مرة يغيب عن البيت بيت علاء من زمان عدهم حاسبة صح شويه قديمة لكن جانت جوة ايد سمير فعلم ابوه يحجي ويه على الياهو الماسنجر مجان اكو طريقة ثانية للاتصالات بالفعل طلع سمير ويه ابن قاسم صفاء من الفجرية وراحوا لمهران ازدحامات والارتال الامريكية كاطعة الشوارع بالوحدة الظهر يله وصلوا وكتها الحدود جانوا عليها المعارضة العراقية الي جانت هناك فاصلا سمير دخل بلا محد يشوف جوازه بس يكللهم اني ابن الشهيد قاسم كلهم يعرفوه سمير عنده ذبة ابوه ويمكن سماحة امه همين وجه بشوش عنده شكل خاص يشبه السوريين الشراكس بالوانه كان طويل ورشيق مو نحيف ولاسمين يتميز بفك بارز بعيون واسعة ورموش كثيفه بابتسامة خجولة وانف روماني وشعر نوعا ما مو قصير كان طبيعته شعره من النوع الكثيف بس مو كلش سرح فكان اضافة الى جاذبيته بسيط للغاية وهادئ نادرا ماينفعل ويتكلم بصوت ناصي وبسبب طوله معظم الاحيان ينحي للامام من يكعد ويتكلم له انامل طويل ذات نهاي مربعة من كثرة الطباعة او ربما هي طبيعته الخاصة كان يفرك بيها بحركة دائرية كلما جلس ويستمع لنقاش محبوب من كل العائلة له ميزة خاصة انه اخو لكل البنات تماما مثل والده عيبه الوحيد ربما ذلك الحزن الدفين في عينه يبعث على الشعور بالالم سريع البكاء دائما من يصير موقف كدامه لوحده من عماته عيونه تصير حمر وتغورك عينه بسرعة كان المفضل عند بدرية وشكد اتمنته لقيم لكن كان قلبه مع بنت ثانية الرحلة من مهران الى قم امتدت 17 ساعة حيث اتفقت نرجس تلتقي بابنها هناك حتى تعرفه على معظم اهلها الي ساكنين هذه المدينة عادة الايرانين ما ينطلقون بالسفر من المغرب ويقضون الطريق كله بالليل كانت اول مرة يسافر بهكذا طريق طويل ومتعب وشاق ممتعود ينام بالسيارة في حين شاف صفاء راسا حط راسه صفح وغط في نوم عميق اتامل الجبال في الظلام والمنحدرات الشديدة من اول مره عجبته مهران كانت مدينة جميلة عدهم المدينة الصغيرة تطلع بكبر بغداد واكبر يمكن المساحات الشاسعة الي يقطعوها تظهر الهم الطريق صاحب الاربع ساعات هياته شمرة عصا!!! الباص كان نصه عراقيين مسافرين وياه معظمهم جايبين اكل وياهم هذا الي يطلع لفة الكباب ويدك البصل وياه وهذا الي يطلع لفة الكص والعمبة والريحة تعط في حين الايرانيين كانوا يتناولون الكرزات بشكل مفرط وجزر وتفاح سمير اتعود على العسكرية جاب وياه جيس جبير كليجة لاحظ انه نفس العراقيين الطيبة من ياكل الا يعزم اما ذولاك فلايصدون ولايردون مايحجون اصلا ولايباوعون عليك واكثر ماثار ضحك سمير هو رجل ابو دشداشة وغترة وشوارب كثيف شايل وياه بريج طبعا معروف انه وين مايروحون لازم البريج وياهم!! المصيبة انه كلما يتريع يسمع تعليقات من الايرانين فساله سمير كله شديكولون ضحك صفاء كله يكولوله ووجع هههه ---زين ليش ---كله كلش عيب هنا التريوعه تكرم مثل الريح ---ههاااا ههههههه خطية اروح اكله ---لاتخاف يعرف هو مو غشيم بس متقصد يضوجهم وهمه متقصدين يسمعوه هالحجي التدخين عادة ممنوع في الباصات والقطارات لذلك كانت السيارة تتوقف كل كم ساعة قرب احدى المساجد ومرتين فقط وقف عند صاحب مطعم عزمة صفاء اول مرة على العشا وجابله جلو كباب ماعون تمن وعليه مكعبين زبده سايحة من حرارة التمن وجواها شيشين كباب وكله بالزعفران همه اصلا يتميزون باكلهم كلش طيب وريحته مميزة لكن اكيد مايعلى على الاكل العراقي من شافه سمير ضحك كله هذا نموذج وبعدين يجيبون الطبق لو شنو لصغره يعني لانه العراقيين متعلمين التمن بالماعون لازم تله صلوا ورجعوا صعدوا العراقيين اخر الناس والسايق بدى يتملل ويعصب وهذه تجر وذيج تصيح وهاي تكول الشايب مالتي ضاع والحجية نست جزدانها بالحمام!! صعدوا والسايق كان مشغلىفلم ايراني العراقينن ضاجوا مايفهمون كاموا يسولفون الا ان طفى الاضوية مالت الباص حتى الكل تنام!! بالطريق طلع بقية الكليجة مالته وزعها ومرت ذكرياته عن حبيبته وعن توديعها المؤلم وعن امه امل اكل اخر قطعة وصفن على الوادي شكد عميق يعني لو السيارة توكع مابيها طلعة انتجى واتذكر ايامه قبل شلون كان يحس نفسه مختلف مو بس مختلف متاخر بكلشي جان دائما ما يحاول يكون احسن واحد حتى من ترجع ماما نرجس تتباهى بيه ماما نرجس الي سافرت برة بس وين مايعرف جان ينتظرها يوميه الا انه قرر خلاص هي بعد ماتريده عافته لامل بالبداية جان يضوج من امل ويحاول يفهمها انه متاخذ مكان امه وخصوصا من جان يضوجها وتعصب عليه وتهدده جان ذكي يستعمل اقسى العبارات حتى يجرحها هاي لو امي ماتسوي وياهي هشكل هاي لو امي ماتصيح عليه لو انت امي الحقيقية ماتعامليني هشكل الا ان انهارت كدمه كام يشوفها تبجي ورة ماتسمع هالكلمات بالبداية هحس بلذه الانتصار لكن من يجن الليل جان يروح يتخبى جوة حضنها وتضمه الها وتبوسه وينام كان يشعر بالحزن انه قهرها حتى جاز منها لازال يشعر بتانيب الضمير نحوها ماما امل بعيونها المبطنة وبشرتها الصافية وشعرها الاسود بنفس لبسا تنورة نيلية قصيرة وبلوزة او قميص جوة التنورة وجواريب سود وشحاطات مقبطة من كدام من الصبح تبدل تاذهم للمدرسة الى ان يرجعون هي نفسها يمكن كم مرة تروح وتجي للسوك كم مرة تطلع تبدل القنينة وتشتري نفط وبعدين ترجع تجيبهم من المدرسة وتجي جيرانهم لازم يومية تكعد يمها قبل لايجي ابوه هي نفسها جانت تشتعل غضب من ميجاوب بس ابد ماتبين ترفع عيونها يمنه ويسرى ماما امل الي جانت تحميه من نوبات غضب علاء والي اول من علمة البايسكل واول من اشتراله جنطة المدرسة واول من سواله لفة الغدا يومية يكللها ماريد لفة وبالفرصة ياكلها كلها ماما امل الي كامت تهلهل من جاب المعدل الي مابقت صلاة مصلتها حتى ينجح بيه من السادس الي جانت تتلوى من الالم للصبح بليلة التحقاه للعسكرية الي جانت تكويله هدوم الكلية وتراقب تلفوناته بابتساامة محيرة امل الي جانت توصيه على روان هاي اختك لاتعوفها ياترى ماما شحصلتي منا!! بعدها ابتسم من اتذكر مريم بت روان صارت تزحف الحقيرة ام البراطم ويتذكر كلما تجي روان يمهم يكللها همزين روان ماتشبهج!! غمض عينه وغفى وصلوا ثاني يوم الصبح لقم بالكراج ومناك اخذ تكسي كعد صفاءليكدام وسمير وراه بعدها شويه وكف التكسي وصعدت مرة بعبايتها هذا ممتعلم خطية انحرج لم رجليه وكعد لزك بالباب وصلوا لبيت كرايب اهلهم ولد عمهم وجانت نرجس واكفه هي ولد شاب بعمر عشرين سنة طويل اشكراني وضعيف وخشمه مغطي ملامح وجهه النحيل وشعره طويل لفت عبايتها الايرانية حول نفسها وركضت عليه شبكته وحضنته والشاب يمشي وراها بخجل صاحته كالتله شبيك يمه هذ اخوك سمير فدوة لعينه شوفي شلون تعبان من السفر سمير هذا مصطفى اخوك يمه كلمة اخوك كان الها صدى غير اربع حروف تبتدي بالف وتنتهي بكاف كان اله وقع عميق على نفسه الاخ الي ربما تمناه طول حياته الي حاول اكثر من مرة يلفظها بمشجاره دفاعا عن كريم اخوك الله شكد حلوة وشكد غريبة بعد كل هالعمر يله تلتقي باخوك صح هو جان حاجي وياه وشايف صوره وحتى فديوالهم لكن القاء اله تاثير اخر بعد اخر شبكه سمير حيل وفجاءة اجهش مصطفى بالبكاء بطريقة غريبة!! كانت عريبته مو واضحة مكسرة شويه بحكم ولادته وحياته كلها عاشها هناك مافتهم سمير من عنده لكن دمعت عينه وبالزايد حضنه كامت تبجي وياهم نرجس وظلت تبوس بيهم قطع هاي الحالة صفاء من كام يصيح يمعودين احنى بالشارع عمه اني جوعاان حموت من الجوع وكمل جمله البقية بالفارسي مشو شويه وبدووا يدخلون افرع ورة افرع جانت الافرع عريضة كلش والبيوت مبنية على جوانبها الفرع مو شارع لاصبة عدلة ومعظم البيوت من المرمر الظاهر كان حي راقي ظل سمير يتلفت ويتامل الناس محد بحد حال احد كلها تمشي رايحة لسبيلها وقبل مايوصلون للبيت شاف رجال عجوز منحني الظهر منتجي يدخن غليونه وماد سجاده جبيرة كدام البيت منكعة بالمي فكالت نرجس هاي كل سنة يمر علينا يدك البيبان نفرشله الزوالي يغسلهن ونشرهن وياه على الحايط ويروح هيجي وكت نغسلهن جان الجو في قم نفسه تقريبا في بغداد حار مزعج لكن صافي بدون غبار ودفعت الباب مال البيت جان الظاهر ماله طابقين لكن همه اول مادخلو نزلوا بالطابق السفلي الي هو سرداب صالة كلش جبيرة مفروشة كلها سجاد وصورة للامام علي تتوسطها وعلى يمينها صورة لابن عم نرجس وعلى يساره صور مال الائمة مجان اكو بس مدات تصير مثل الديوان منادر يابسة وشويه بيها علو وثخينة القنفات بالطابق الاول وغرف النوم بالطابق الثالث السرداب عدهم غرفة المعيشة ركضت عليه بنية صغيرون ضعيفة وشكره كالتله بالفارسي هذا هوسمير ماما؟ --- اي ولج ركضي حضنيه سمير جان تعبان ياحضن ياخواته راد بس يمد رجليه هذا جان بيت ابن عم نرجس همه من عرفوا بسمير جاي كالولها خلي يمر علينا مدام احنى بدربه ومناك احنى ناخذه لطهران سمير صاحت نرجس وهي تصعد فوك هاي معصومة اختك جان عمرها يجي عشر سنين بس كلش ناعمة واجى يوسف راسا سلم عليه وبوسه كالتله هذا اخوك الثاني واجتي ام البيت ملفلفة نفسها بالازر وجايبة صينية الجاي رفع حاجبه سمير صدك يحجون هو اني ميت من الجوع اشرب جاي السالفة هنا الظاهر بالمكلوبي! ماحجى شرب شوية وعافه شربت مو جاي بس ماحجى انوبه هو استكان صغير وخالين ارع قندات وياه القند هو شكر مفور ومقطع قطع صغار وشويه بدوا يتوافدون عليه اهل البيت يسلمون عليه ويسالوه عن احوالهم هناك والعيشة بالعراق ومن هالحجي الا ان جتي الحجية تصير بت خالة سهيلة مرة جبيرة بالعمر تمشي يمنى ويسرة وماتقبل احد يسندها جانت لابسة دشداشة نيلية بورد ابيض ناعم وهم دشداشتها كصيرة ووياها جواريب لحمية بس كلش ثخينة وفوطة جبيرة كلش جبيرة سودة تمشي وتصيح بالكردي هذا ابن منو نرجس ---كالتلها هذا ابني ---من منو ابنج؟ ----هههه عمة شبيج هذا ابن علاء اقتربت منها لانه جانت الحجية تصيح وانوبه كوة تشوف لزمته من راسه وظلت تبوس بيه يمكن اربع الى عشر مرات نفس الحجاية عادت درددت لكيونم قربانت بوم يعني فدوة اروحلك وممن هالحجي اوكعدته بصفه وهم رجعت سالته انت بالكسرة ابن منيه بيهم (كون عربيتها مكسرة) ---عمة مو كتلج ابني هذا اني نرجس ---دول بو دفعته وتكللها معليج اتت لاتحجين ---انت ابن منيه ابوها منيه ---حجية اني ابن علاء علاء منيه علاء نرجس هذا رجلج انت!! ---اي عمة اي هذا رجلي الاول واحد وين جانوا كاعدين واندارت عليه ---انت تعرف كاعدين يم ام نجم لو يم ام حسين ----والله حجيه اني مااعرف هذوله مو جيرانه ام ابو مال انت منو ---ها ام جاسم يصيحولها حجية ---ام جاسم ام جاسم هاي منية ام جاسم نرجس وين كاعده بالدهانة لو ابو سيفين لو وين وقبل متجاوب نرجس رجعت كالتله اخاف انت ام ابو جاسم هاي ابنها ماتت بالشارع اي سودة عليه كتلوها بنص الشارع مو نرجس!! ---اي هي هاي عمه ---اعرفها نرجس هاي جانت بتهم تجي تحوك ليفة ويجيبها لام غايب --باعي ام غايب اه اه كامت تهز راسه جان خوش مرة والله ينطيني باالدين والله يمكن يطلبني خمس فلوس نرجس اني ماانسى اذكرهم كلهم سكت سمير وهو يحاول يربط الاحداث ويستوعب صفنت الحجية الله يرحمها ام جاسم ماتت من وره ابنها شبكت ايدها وحده باللخ كامت تهز راسها للكدام وتستحضر الذكريات انت ابوك يمكن هذا ولد صغير وضعيف جان عنده عربانه يبيع يبيع باكلا ولبلي اي اتذكر والله عبالك ذاك اليوم ابوج شلونه هسه عدل ميت ---الحمد لله حجيه عايش وظلت تسولف وسمير يحفظ المقاطع الي انكالت عن ابوه اجى الغدا واتغدوا وغط بنومة عميقة ماكعد الا ساعة عشرة ونص بالليل صبولهم عشى وصفاء يكله اخاف يسالوك شتاكل نسويلك سبزي ابد لاتقبل تكفر بيه!! ضحك سمير وماحجى و اخذته ونرجس وراحوا لمقام السيدة معصومة الي هي فاطمة بنت موسى الكاظم عليه السلام جانت الاجواء الاربعينية وازدحام والشوارع تبقى صاحية للصبح افتروا وهو جان كايد امه فرحان وظلوا لل3 بالليل يله رجعوا جانوا وحدهم وظل تقريبا تثلاث ايام زار بيها المدينة وافتر بنواحيها واخذته لمسجد جمكران يبعد عن قم تقريا خمس كيلو مترات وهو مسجد بناه الحسن بن مثله الجمكراني كمقام للامام المهدي ع وبالقرب منه يقع مقام الخضر ع لاحظ البنات يشمرون بيها الرسايل الصغيرة هناك بالمقام ضحكت نرجس وكلتله كلهن يدورن زواج وودته للاسواق والمحلات وعرفته على التجار والصواغ العراقيين قم كلش بيها هواية عراقيين واتفاجا من كم الاشخاص المعممين الي يفترون على الماطورات!! وعلى تسريحات الشعر الغريبة للولد كلهم شعرهم طويل الظاهر جانت مودته هناك ووقف امام ه بمحل مال ذهب لفت نظرة زوج تراجي ناعم وصياغته كلش احترافية كال لامه اريده ضحكت امه وعرفت سمير كانت عنده علاقات عابرة ايام المراهقة هم جان يفتر على مدارس البنات هو كريم بس من بعيد لبعيد يخاف من ابوه كلش لكن من دخل كليه انتبه على بنية بالخط وياهم كان هو صف ثاني وهي صف اول حس انه البنية تباوع عليه بس بخجل عادة الولد يكعدون ليكدام بالخط مال الكوستر والبنات ليورة فكام شيسوي يصعد اخر واحد حتى يبقى واكف بالباب اويباوع براحته عجبته هذه البنية عجبه بيها الهدوء مجان يطلع الها حس والانوثه حتى ضحكتها ناعمة والصوت الناصي بنية حنطية وشعرها اسود مو كلش ناعم ولاعكش ملامحمها كلها ناعمة حتى وجهها ناعم وبريء يمكن نزاكتها هي الي ضايفة على انوثتها الجاذبيه المطلقة حتى مشيتها هادئة جانت تختلط بالكل انسانة بسيطة كلش وغير متكلفة حتى مكياجها خفيف جان يحب يركز على كل تفاصيلها!! حفظ كل ملابسها جنطها واحذيتها حتى مسكة الجنطة ومن تحط القلم مرات بحلكها وتصفن بعدها بسنة بدى يتعرف عليها اكثر وهي هم جانت مبادلته الشعور صح هو يمكن فكرها علاقة حب شاب حالة من حالات الشباب المنتشرة جان عاجبه يحب وينحب لكن ريم صارت غير شكل كل يوم جان يتعلق بيها اكثر وتتعلق بيه بجنون هو كان اول حب بحياتها واول شاب تتعرف عليه بالسنة الاخيرة لسمير توطدت علاقتهم وصاروا ميتفاركون وهو فاتح امه بموضوعها وانه عنده نية يخطبها لكن فكر من يخلص عسكرية تكون هي هم مخلصة كلية الي صار هي رسبت ورة ماتخرج اتعذبت حيل بعيد عنه هو نفسه مجان متخيل هذه المخلوقة ممكن تتعلق بيه لهذه الدرجة جانت تستقبله بالدموع وتودعه بالدموع وبعد الحرب اتوفى والدها مباشرة وهسه ينتظر من يرجع يخطبها جان يروحلها لمنطقتهم يمر من يمهم بيتهم عسى ولعل تطلع ونتشوفه خصوصا همه بعد شارعين عنهم بس!! الا ان ماتحمل دز امه وحجت ويه اهلها بالموضوع وامها كان عدها خبر فقرروا تصير الخطوبة بشهر الخامس!! من اشترى التراجي فرحت نرجس اله وكالتله اني ادفعهم ضحك سمير كاللها لا اني ادفع واشترالها محبس ابو شذرة زركة الها وابو الليلو لامل جانت امل تحب الليلو اكثر من الذهب والفضة ومن طهران اخذلها كنيشان كلادة على شكل مسبحة الصايغ كله هاي موديل قديم رجع هسه من جديد واخذتله نرجس بتوتات 2 هدية منها اله وظل الطريق كله يحجيلها عنها عن ريم وحلاوة ريم وحسن ريم ونعوصة ريم اكيد طبعا مايتم الزواج الا بحضورها بطهران الي تبعد تقريبا ساعتين كانت الامور مختلفة عن قم تماما البنات لبسهم غير شكل معظمهم بناطيل جينز وعليها مانتو والربطة اسمها ربطة الكذلة طالعة والكصيبة والشعر الالون طوله للخصر كله طالع كام يمشي وسمير ويتلفت البنات يتشابهن كله لصفاء والاخير يضحك يكله الله وكيلك كلهن مسويات تجميل لخشمهن بس هم هنه حلوات البنات معظمهن يعتنن بنفسهن بطريقة مبالغ بيها لعبات تمشي هههه وصل لبيت نرجس وطلع زوجها ابو مصطفى استقبله رجل وقور وبشوش وانسان كلش هادء عرف انه والدته حالهم متمكنة قياسا بالاخرين كان الورد الطبيعي والصناعي تارس بيتتها والبردات الشفافة البيضا والوردية مزينه الصالة المفتوحة والسقف المقوس شاف طهران مدينة كلش حلوة ونظيف كلش اتمنى انه ترجع بغداد وتصير هشكل ليش همه مو هشكل!! بقى سمير بيها تقريبا تلاثة اسابيع ورجع ويه امه وهالمرة نرجس جابت يوسف ومعصومة وياها وبقى مصطفى يم ابوه من رجع كان موضوع خطوبة سعد هو الي شاغل العائلة فانتظر يخلص حتى يبتدي هو وكتها فخرية لمت من البنات ميلاد وعهود شكد عدهن فلوس وجم فلس من رحاب وخالته وخاله راحت اشترتله ذهب اول ايام فرحة الزهرة راحت ونيشنت نورة حتى اخذت نرجس وياها انوبه فوكاها راد الا حفلة مهر بالقاعة لعد شلون جماعته يريدون يفرحوله من راحوا ديخطبوها الخلق كلها مكلبة وخصوصا ميلاد كالت عابت هالحظ النايمم جوة التاير هاي تنخطب واني لا هاي الي ذاك اليوم جتي للدنيا واني بعدني!! نورة بت ام صلاح جانت احلى وحده من خواتها واسمهن تقريبا لكن جمالها مجان راقي جان جمال متوحش كل شي بيها جان بارز وواضح عيونها وحلكها ومفاصلها كلها حتى من راحوا لبيتهم هوسه وممرتب وريحة خمخمة بيه وزوجها مطفي وطابك على صفحة من طلعوا انتبهوا سيارة مظلله تحركت من باب بيتهم جان توه طالع منع التضليل ومو الكل مطبقه بقت بس السيارات مال مسؤولين وكتها جانوا مغتالين رئيس الحكومة الانتقاليه وصايرة هوسه من وراه من سالت فخرية سعد كاللها هي يمكن مالت صلاح هذا وين جان وشرجعه؟ محد يعرف عنه شي بعدها بشهرين سوو القاعة جان بطابق ثاني مال بناية والكل راحوا بيها وشحده الي مايروح جانوا فرحانين اخوهم الوحيد حيتزوج ولو مو هي الي رادوها بس ميخالف الا ميلاد جانت دمعوها تنزل من سالتها رحاب كالتها الدك القوي مال موسيقى يقهرني!! جان رحاب متالقة طالعة لبست كوستم وردي فاتح وابيض والقميص الكصة مالته صفح مثلث قائم الزاوية جهة للخضر والجهة الثانية نازل للكبات وربطة فضية لماعة وجان وسام كاعد بصفها وكم مرة كام ركص جوبي ويه الشباب من جانوا يدكوها جانت دبجة الجوبي على الكلوب مو على الكاع بينما جانت بدرية ميكفة عليها تكللها ها هيجي اللبس لو بلاهاهههه بوكتها هي خيطت صاية لقيم لحفلة تخرجها نفسه لبسته للمهر والمهر جان بس مهر شيخ مو محكمة ونرجس جابت لميلاد مانتو سمائي كصرته ولبست جواه بنطلون جينز جارلس وخلتله حزام طلع كلش حلو وغريب الحفلة جانت هوسة وبس شباب وحدهم جانوا يركصون اما عهود هم نفسها بتنورتها العريضة وقميصها العريض الي واصل للركب واتعاركت وياها ميلاد مية عركة تغيركوستماتها ماقبلت حتى اخذتها لسهام العبيدي لانه بخيله ماتشتري هدوم وهذا تعتبر ملابسه هم مرتبة ورخيصة وظلت تتدافع حتى تاخذلها قميص واخر شي مالبسته وراحت لمحل هو الاصح جان صيدلية مشهورة بالربيعي اسمه صيدلية تدمر ربما اندثرت هسه لكن في وقتها جانت تجيب بضاعة كلش حلوة اخذتلها جنطة وحذاء ميلاد جانت ذكية تشتري لعهودوتاخذ فلوسها لكن عهود يومين وماترغبلهن تكللها موطبعي فيبقن لها !! باثناءها سمير كان خاطب ريم زميلاه بالجامعة بس خطوبة ىعائلية وهم عجبه الفكرة يسويها قاعة لكن الاوضاع ساءت في بغداد بعدها حيث ان في يوم الاربعاء خمسة من شهر اغسطس صحت بغداد على وقع انفجارات وهاونات وطيارت هليكوبتر تقصف مدينة الصدر وفي مكان اخ بالنجف كان اول يوم لمعركة النجف بين جنود تابعين للتيار الصدري قوات التحالف والجيش العراقي راحوا بيها هواية ناس ابرياء والكثير من الشهداء الي كانت تمر جنازاتهم بطريق ميلاد وعهود من يوثلون لذاك الصوب المنظر محزن ويفطر القلب بنف سالوقت اندلعت المواجهات في الفلوجة ايضا!! وبعدها بدات فترة الحرب الي لم تنتهي من خوفها سافرت نرجس حتى ماحضرت حفلة المهر الي المفروض تصير هالايام نهاية شهر جانت حفلة حضروها بيت فخرية كلهم وعائلية بحته ركصت بيها بدرية هي وامل تكابلن وحدة لازمه ايد اللخ ويكمزن!! ريم جانت بنت استاذ يشتغل لفترة طويلة في ليبيا بعدها في مصر وسحب عائلته وعائلة اخوه ايضا هناك لكن من اتمرض رجع للعراق قبل الحرب خصوصا بعد ماانهى عقده هناك في حين بقى اخوه وعائلته لريم اخت اكبر منها متزوجة ابن عمها بقت مارجع وياهم واخ صغير بالمتوسطة جانت حالاتهم زينة وبت دلال وراقية فالحفلة جانت نازكة كلش بسيطة وهادئة لبست بيها ريم بدلة وحده لونها جويتي ومتدرجه للسمائي جدا رائعة في حين كان سمير اول مرة يخفف شعره وشواربه ! بهذه الفترة من السنة كانت ميلاد تعااني بمكان شغلها وخصوصا ان الوزارة ... وزارة التعليم العالي والبحث العلمي خلاص استولت على البناية وبدوا موظفيهم يسحبون الغرف التابعة للهيئة السابقة الهم وخيروا الموظفين المركز والمعهد اما ان يلتحقوا بالجامعة التكنلوجية او وزارة العلوم والتكنلوحيا او البقاء والانضمام للمعهد كل هذا حصل في عهد دكتور عباس راحت الهيئة للوزارة رغم احتجاجات الموظفين ومطالبتهم بحقوقوهم لكن محد سمعهم ا الي خلى ميلاد تسرع بعملية نقلها للوزارة انه اتقدملها شاب من وزارة التعليم هو جان حرس جديد متعين بيها ومن شاف ميلاد كلش انعجب بيها ومن راح ديسال عنها الشباب الي وياها اول واحد جان حاتم كاله هاي جانت مصادقة واحد سنين واذا اذا تريد تروح اشوفك منو صاحبها والولد راح كاللها بوجهها لميلاد مجاوبته لكن كلش انقهرت وراها بفترة اصلا هي رفضته بعد ما ساءت حالتها كلش وتعبت نفسيا وانهارت شافت الكرايب والموظفين كلهم ديتزوجون في حين شبح عمران كان لايزال ملاحقها هناك قدمت على اجازة الى ان يطلع نقلها بشهر العاشر راحت ميلاد اشترت بفلوسها البقية حاسبة يمكن كلفتها اربعمية الف واداينت ن عهود تكملة على الفلوس وشدتلها انترت حتى تقضي وقتها مثل مجانت تسوي بالمركو النهار كله بغرف الجات على المسنجر تدخل غرف عرب امريكان وغيرها جانوا يطلعولها اطثر شي مصريين ازايك وازايك وكلهم اسمهم ميدو بالبداية دخلت باسمها الجديد صارت هزء للشباب اول مايدخل يكللها ميلاد سعيد ازيك بطلت من هذا الاسم وسوتلها واحد جديد صار عدها ادمان الانترنت تقضي كل وقتها تسولف بيه حتى ويه صديقاتها اتعرفت على شاب مهندس اسمه عراق او هيجي مسمي نفسه يشتغل بمحل مال ملابس بالاعظمية لكن لاهي شايفته ولاهو شافها تكعد من الصبح تسولف وياه وتنتظر رسايله لكن الي فاجاءهم كان عهود جتي وكالت لاهلها اكو شخص يريد يتقدملها امها فتحت حلكها وهي الي تكوم وتكعد تندعي لميلاد تنفتح قسمها واذا بيها عهود تجيها عهود كانت طول فترة طلاق مها من سامي اختها سهير والي هي صديقة عهود عهود قاطعة علاقتها بيها مبتحاجون ولاحتى سلام لكن من اطلكت رجعت الامور بيناهم خصوصا بعد وفاة والدها واخذت اهلها وراحت وهناك شافت مها خطية جانت كلش ماتذية تحجي على ىسامي تكول ولايفكر من سافر عاف جهالها وراح كل شهر يدزلهم ورقة بيد واحد من السواق عرف والجهال يسالون عليه يريدوه لانه جان معلمهم كل اسبوع يروح يزورهم هسه ابد هاي صارله جم شهر ولا مارعليهم ولا حتى ي سال عنهم المهم مرتين تلاثة مارة عهود على مها للشركة وهي تشتغل بشركة التامين العراقية شايفها هناك موظف وياها رجال جبير متزوج وجهاله كبار بالكلية سال عن عهود كايليه مطلقة راغب يتقدملها هي اتفاجات حتى من حجت لاهلها كالتهم اني من كل عقلي مفكرة ارجع لنزار خصوصا هو لحد الان يسال عليه عن طريق ناس يعرفهم ومرات يدزلها فلوس فمتعرف شتسوي خالتها شجعتها تقبل على شنو كاعده تنتظرة وششتحصل من وراه على الاقل تلحك تخلفها جاهل تربيه ظلت عهود متردده فترة طويله وجانت رحاب تشجعها على هذا الشي خصوصا وهي جربت الزواج الثاني جانت تكللها دنيا ثانية مرات اكعد بنص الليل افز اصفن على وسام معقولة وسام هذا نفسه الي حبيته قبل كذا وعشرين سنة معقولة !! من اكون وياه انسى اني عمري بالاربعين انسى روحي ا لحس تعرفين والله نفسي هي هاي ها ي رحاب المراهقة الي جانت تضم الرسايل بشق الحايط الي نفسها تموع بالحر والشمس تصعد وتنزل اماين حتى تشوف وتسمع انفسه مااعرف عهود مرات ابجي لانه نااصدك اكول جنت فاقدة الامل وخاب ظني كلت راحت كل الدعوات والتوسلات والنذورات واخيرا تحقق حلمي وحتى النذر هم نسيته تعرفين شكد مر عليه وقت صح اني جنت مرتاحة ويه فاضل لكن هذا مااعرف شكلج حب الطفولة حب المهد مثل مايكولون هههه مع ذلك جانت من تحجي اكو غصة بقلبها جانت مقهورة من تصرفات خوات فاضل من يوم عرفوا بيها متزوجة كطعوا عليهم المصرف مصرف جهالها والمصنع اصلا انهب وانترك فارغ يصوصي منو يشغله ؟ منا وسام يادوبك يقسم راتبه بين متطلباته بيته هو ورحاب وبين مصرف يدز لجهاله فكر يفتح عيادة وجان بصدد يدور مشروع انه يفتح العيادة بالحارثية يشتغل مهنته بعد مانقل نفسه بصعوبة لبغداد لكن مسال العيادة مكلفه جدا واهلها مموجودين مقسمين يعني حتى يستحي بعد هذا العمر يطلب منهم ولو يساعدوه شكد يريدون ينطوه!! رحاب جانت مشجعته على هذه الفكرة وحمسته على الاقل يقضي وقت العصرية بيه بدل مايخي كوره ويه كور ولدها لاطلهعون ولاطبون واخاف عليم وشعندك واكف بالباب وعيب وهالسوالف بهالاثناء وصل طرد صوغة مرتبة وحلوة من حنان اخت غازي بعمان ذاكرتها لرحاب تسال عليها بعد قترة من انقطاع اخبارهم الطرد كلش فرح رحاب ورجعته بشي حلو مثله بيد نفس السايق ووصت حنان تسال عن عمتها ماي طلاه انقطعت اخبارها في كانون الاول عام 2004كانت رحاب في اواخر ايام الحملالوضع في بغداد بدى يتوتروخصوصا المناطق الغربية صارت مناطق ساخنة وبدت تاثر على العراق كلهكانت في حالة قلق مستمر وتعب اعصابوعرك ومشاكل ماتنتهيالولد مصرين يكسرون كلام وسام بالصغيرة والجبيرةووسام مصر يفرص سيطرته على البيتقبلها بيومين جابلها تلفون نوكيا واحد اله وواحد الهابعد مافشل انه يفتح مشروع العيادة راح اشتغل بعيادة اهلية العصريةلكن باله ظل يم زوجتها خصوصا انه العيادة كانت بحي اوريعني مسافة مو قليلةالشوارع بدت تختنق بالازدحامات خصوصا من تمر الارتال الامريكيةمن بدوا يستهدفوها صارت تمنع اي سيارة تقترب منهمكثرت الانفجارت وصار وسام يقلق على الولد انه مايوكفون بتجمعاتومنها بدت مشاكله وياهم انه همه مو صغار لازم يشتغلونوانه المصرف مديكفيحاولت رحاب عدة مرات تتصل بيبيتهم لكن ماكو فايدةماتعرف اصلا شكوكل الي صار انه قبل ولادتها باسبوعين دزتلهم خمس ورقاتيعني بين فترة وفترة مبلغفرحت رحاب على التلفون وراسا اتصلت بعمان على عمتها محد يردبليلتها جانت ساعة عشرة وربع بالليل اجى وسام وجانت رحاب واكفة بباب المطبخ وحدها تلوبصار عصبي من شاف الولد مو بالبيتكللها مو كتلج مايبقون برة البيت بعد المغربيةانفجارات وهمه لاشغل ولاعمل شعدهم برهمن جوي على ساعة دعش سوي جوي جانوا ديلعبون بلياردصار عصبي عليهم وكام يصيح ويعيط اني مو طرطور بهالبيت ومن هالحجيروحوا اشتغلوا كل واحد شواربه ويتمختر بطوله وياخذ مصرف من عنديصار عصبي عباس وكام يرادده وحتى رحاب كالت شلون يشتغلون وهمه بعدهم صغار وطلابكللها كل الطلاب يشتغلونهو حتى عباس بعده مصاير 18 سنة وين تريد اشغلة وصلت بيك المرحلة تعيرنا باللكمة والمصرفومنه حجاية ومنها حجاية ومن عمار وعباس اتلازمورحاب وكفت ويه ولدها ضد وسام وكامت تصيح عليه جرها حيل ودفعها من طريقه من صدته ضربها راشديانكلبت الدنيا الولد جيتوا عليه وبشار اركض لبيت بدرية اقرب من بيت فخرية عليهم ولانه همه موصيهم اي شي يصير لايحجون لفخرية علمود القلب مالتها كبت عركة كلش جبيرة ادخلت بيها ام منة من سمعت الصياح وزوجها الثاني وصارت لمة وجتي بدرية وكريمجانت رحاب متخبلة لانه كام يغلط على الولد ويفشر على ابوهموهمه مايقبلونمهما كان ابوهم ميتدموع عمار جانت تنزل اربع اربع يكله انت تفشر على ابويه وبيته وعلى فراشهالحجاية حزت رحاب حزماعرفت شتسوي ظلت تحاول تهدي الموضوع ماكو فايدة كاموا واد يناوش الثاني كلمات مو حلوة فتعصب وسام وراد يضرب عباس اتخبلت رحاب دفعته وكامت تصيح عليه كللها بعد ماريدج مجنت اعرف بيج توصل المرحله من تربيتج انه ترديني وتردين عليه وتتجاوزين عليه اني الي صرت مااعرف العيب ومااعرف اتصرف لا والله انت بت شوارع ماكو وحدة متربية تغلط على زوجها ومن جتي بدرية بالزايد عصب وكللها اخذوا بتكم ماريدهااخذ جنطته وعافهم وطلعحتى ماعرفت وين بات ليلته لكن هي متاكده انه هو راح لكركوك يم جهالهانهارت رحاب بيومها وماعرفت شتسويظلت للصبح تبجي بحضن خالتهاوحاولت ثاني يوم تتصل بيه ماكو مايرد على التلفون بدرية شجعتها تخابره مو زين يزعل وهي على وجه ولادةوافتهمت انه الولد هم غلطانين عليهوهو من خوفها عليهم هيجي ديسوي ظلت تحجي وياهم على حدة بعيد عن امهموذكرتهم بالايام الصعبة الي شافتها قبل ابوهم وويه ابوهم والمشاكل والحياة شلون اخذت منها احلى ايامها لاهمه والوكت عليهابشار جان حنين بس يبجي كللها والله اني مااسوي وياهلكن عباس كللها هي مجانت محتاجة رجال حتى تزوجواني من باجر اطلع اشتغل تكسيلكن شيشتغل بيها والسيارة صايرة عربانهكثر ماكسروها ومية مرة دعموها ووسام يصلحهاو3 ايام وسام ما يشيل التلفونالمشكلة انه خط ماكو وشبكة ماكوجانت اول بداية الخطوط شبكة زين عراقنا ام العلامة البنفسجي والصفرةفي بغداد والاثير بالجنوب واسيا سيل اولهم الي كانت بالشمالالى ان خابرها الظهريةدك التلفون وانكطعصعدت هي وبطنها بالكوة بالسطحبدرية من راحت عافت قيم يمها لانه اصلا قيم من اتخرجت كعدت بالبيت قدمت على تعيين ولحد ذاك اليوم مطالع تروح يمها الصبح ودز كريم بالليل يجي يرجعهاجانت تنتجي على قيم وتصعد الدرجوظل الاخير ادورلها على اشارة اشارة يمنى ويسرة مثل المخبلة هي وجبتها تركض وره اي خط ضعيف وتصيح رحاب تعالي هنا لكيتها من حصلته دك مرة ثانية جان يحجي وياها بصوت متنك وهي بس تعتذر وتبجيوانكطع الخط مافتهمت منه كلشي بس كللها انتو بخيراني الحمد للهوهاهيجانت وكتها ميلاد هم مشترية خط من الراتب الي استلمته من وزارة العلوم والتكنلوجياالوزارة حديثة المنشاماكو دوام سختهيظلون يفترون بالحدايق لو يطلعون للجادرية يشترون جبس ويرجعون للبيت هي وصديقاتهامن اشترت التلفون حنت لعمران واتذكرت الاوقات الي جانت تكضيها تخابره بالسكتة وشلون جانت متلهفة عليه جانت تنقهر وتحن اله حتى بعد طول الخمس شهور مانسته ولايومجانت كل يوم تفكر تروح تشوفهالى ان شجعتها معالي وراحوا سوى لدائرتهجان ماكو دوام يمهم بالشغل بس همه راحوا خصيصا حتى تشوفهراحت من بعيد وسالها الحرس كالت عدنه فايلات نريده نسلمها احنى من وزارة العلومنريد الاستاذ عمرانوبالفعل راحت وشافته كاعد على الميز وكباله الحاسبة ديشتغلكامت ترجف عليه حن قلبها واتذكرت كلشيماصدكت لحظة انه عمران صدك يتركها في يوم ماصدكت كل هذا الحب واللهفة والاشتياق هو مجرد وهم وسراب اقتربت منهوهو استقبلها بابتسامة وعيونه ذات النظره اللماعةفي حين اشتغل خشم معالي شارلوك هولمز حتى تعرف اخبارة كعدت تقصقص ويه الحرس والبنات الي هناك تسالهم بحجة هي جديدة وتريد تنقلوهنا جانت الصدمةكالتلها اكلج هذا الشاب شكد مرتب متزوج ههههعود يعني بنات بيناتهن وهي انعجبت بيهكالتله يوو يمعود هذا يدور مطلقات ومتزوجات يتونس وياهن!!انصدمت معالي بيهوهي الي جانت تشجع ميلاد انه تنطيه مجال شويه حتى يرجعلها شكو بيها ليش تخليه يروح من ايدج يجوز من يضوك طعمج يتغيرلكن ميلاد جانت تخافتخاف من كلشي خصوصا وهي شافت رحاب شلون انكتلت وهي وصغيرةوشكد حاولت المسكينة تنساه طول هالفرة مجانت تكدر جانت كل الاشياء تذكرها بيه داير مدايرها تذكرها بيه الغشل وانهزمت منه انوبه حتى البيت العلبة الي انترست حلويات من الي جان يجيبلها اياه من خمس سنين فاتت ومعظمها صار اكسابر هنا دانت تحجي ويه بالتلفون الارضي وهاي الاغنية جان يحبها ويسمعوها سوى هاي الكلمات جان جاتبها على الدفتر وهذه السيديات هداياه قبل لاتطلع انطته رقمها وطارت راحت على معالي خدودها محمرة وكلبها يدك وروحها طاير طايرة ماتحس بنفسها جانت تقفز من الفرحةانقهرت عليها معالي ومكلتلهاورجعت علاقتها وياه بس بالتلفونورجع يكللها احبج واريدجبس انت هنتيني واتجاوزتي عليه والمرة من تتجاوز مرة على حبيبها تتعلم ماتحترمه من يتزوجون ظلت تعتذر منه وتتوسل بيه يسامحها وانه هي من قهرها اتصرفت هشكل وبطبيعة انسان لعوب يمكن الكل عرفته هشكل الا هي والادهى جانت مصدكة من البنات يكولوله انتوا لايكين على بعضكم اصلا عبالك انخلقتي اله بذاك اليوم جانت قيم دتطبخ لرحاب وخصوصا انه وسام رجع قبل يومين من عرف بيها على ولادة وخلصت اجايزهسمعت صوت الاخيرة وهي تصيحالولد جانوا بالمدرسة ومحد ماكوخابرت على ميلاد بالتلفون ماتحصلها شبكة ماكو وسام اصلا يطلع مغلقظلت تفر بنفسها ماتعرف شتسوي وهي تشوف رحاب كاعدة على الدرج وتصيحاخذت الجنطة ولبست الجبة السودة وركض للمستشفى لكن شيوصلهمجانت ازمة البنزين لحد الان مشتعلةوالاوضاع مخربطة وهوسةوالشوارع مكطوعةساعة ونص يله وصلوا للهلال الاحمر!!وعلما فحصوها كالوا لازم تولد قيصيريةوقيم وحدها!!حتى السسترات يسالوها وين اهلج معقولة محد يعرف بيكم ماكو احد جبيروياكم لازم تشترين دم ولازم تدفعين تامينات راحت قيم تركض بالاجراءت بداخل مستشفى مزدحمة ناس فوك ناس وصخة حتى البزازين تفتر وياهم ويكشون بيهاوهي طول هاي الفترة تحاول تحصل اي احد ماكووالله ودك عليها وسام هيجي ديسال صاحت كالت رحاب دتجيب اني بالهلال الاحمرواركض وسام عليهماجى وهمه بعز الشتا وبااردةجان متنكع عرك من الركض والخوفة خصوصا من عرف محد ويه قيموولدت رحاب وسماه ابوه بسامكللها على وزن بشار هو كلش يحبه اندار عليها وكرص خشمها كللها بعد ماكو ابو رحاب ابو بسام!! قيم هي الي جانت محضرة جنطة رحاب من عرفت بيها ولد راحت هي شترتله التجهيزات وبدرية خيطتله الحضاين هسه صار كلشي موجود مو مثل قبل الحضاين الجاهزة والكماطات وغيرها واصلا صارت الناس ادوركله حاضر منو يخيط بعد جانت مرتبتله غراض كله سمائي وابيض حتى السستر كالتلها ادري كله كوستم !! كالتلها بعد قيم وشكد تهتم للتفاصيل ههه بداية ال 2005وهلم جرا كانت عملية اغتيلات واسعة صارتضد الطلاب والاساتذة والعلماء وكذلك بدا ينشا مايعرف بمثلث الموت جنوب بغداد والاهم من ذلك طريق اللطيفية الي صار شبح يخطف الارواح اينما حلت بهكامت بدرية تتعارك ويه كريم تكله بطل المترجمين كاموا يذبحوهم حالهم حال الخرفان حتى كامت تطلع عليهم نكت ودعايات من كثر مانقتلوا كل يوم صار ينسمع انه مترجم مقتول بذلك الوقت اتعرف ابنها على صديق اله يشتغل بالهلال الاحمر وكال خلي تقدم قيم واني اعينها فرحت قيم لكن جانت بدرية معارضة وحتى كريم مو كلش مقتنعجانوا يخافون عليهالكن الاحداث المتواترة لهذه العائلة صارت بعد عرس نورنور اتزوجت بصعوبة بالغة ومشاكل هواية ويه خالها وخطيبهاالى ان تزوجت شهر الرابع بعد مارجع من السفر لانه كان يضطر ياخذ ابنه علمود مدرسته يبقى يم عمته رزان الي ماقبلت ترجع للعراقاتبهذلت نور اكثر ذيج الفترة لانه مجانت تعرف وين تكعد علما يتزوجونيومية يكللها باجر وعكبةوهي هم جان تغار عليه من بنات الكليةاشكراني وحلو وجان عايش برةصار الطلب عليه هواية وهو مثل الي برد وياهااخر شي خابرته عمة نزيرة كالتله لو تاخذها لو طلكهاكونه جان كاطع عليها مهر والله واتزوجوا بالرابع سوالها حفلة صغيرة على كدهم واجرلها بيت كامت هي كله اثثته ورجع الحمل صاروا اثنين صار كلشي يعوفه عليها وهو بس يدفع لانه كلش تعب من شغلة المدارس جان يريد تخلص السنة وينقله بس ابوه ماقبل كله المدارس هنا تعبانة وابنك العربي مالته مو زنيه وين ترجعهحس مثل الي تورط ويه نورففكر يسويليها لم شمل حتى ياخذها هناك تستقر يم ابنه الى ان يشوف الوضع شلونلانه بدى يستلم هو وابوه تهديدات انه يعوفون البلد ويطلعون وانه مايستحقون المكان الي همه بيهلكن سنان جان رافض هاي الفكرةمع ملحة ابنه الي خاف عليه خصوصا بعد اغتيال استاذينكله بابا امشي خلي نرجعكله لا ماارجع تريدني اعوف البلد للمجرمينوبالفعل تم اغتياله وتصفيته اخر يوم الامتحانات بشهر السادس من نفس العام بعبوه لاصقة تحت سيارتهانفجرت السيارة وتقطعت اوصال سنانوصل للمستشفى جان عايش لكن ماهتموا بيه كالوا حيموت اتباطئوابعلاجه الى ان توفى بالليل الساعة دعش ونص بين ايدين ابنه وزوجته بعدها اتعارك رامي وكام يصيح ويعيط على الدكاترة بالمستشفى وهددهم وكلب الدنيا جتي الشرطة اخذتهاووراها بيومين يله طلعوه ولد عم ابوه جان عدهم عرف هناكوقتها نور ماتعرف شتوسي تحير بالفاتحة لو برجلها المحجوزاتدمرت حيل وفوكاها عافها وسافر ورة مادفن ابوه وذيج الروحةانت وفاة سنان بهذه الطريقة صدمة لعلاء الي قام واتكفل ويه ولد عمه بكل الفاتحةواجل زواج سمير اسبوعين علمودهم لحد مايشوف شنو الوضع واحتراما لسنان لكن شاف انه ابنه عاف مرته وحدها وراح طبعا نور مابقت على طول وحدها جانت رحاب على طول تسال عليها وحتى بيت فخرية واهلها لكن الفاجهة صارت بعدها في حين كانت اخر ايام لسمير قبل مياخذ اجازة الزواج ويسافرون لمصرحيث انه اهل ريم قرروا انه يسوون الحفلة الجبيرة هناكوانه حفلة بسيطة ببغداد خصوصا همه ماعدهم احد هناعلاء مامانع كال سوي زفة واقضي ليلتين بفندق وسافرومن جان طالع بمهتمه يسميها مشنعرف انه المنطقة قريبة على بيتهكله للضابط مالته تكدر تعفيني وتختار شخص ثانيلانه ولد المنطقة يعرفوني واني متخوف شو احس ممرتاحكله لاتخاف اطلع مثل كل مرة متلثمصارلك سنة ونص تطلع متلثم محد عرفكجانوا رايحين تفتيشوبالفعل من ديترجم الهم كان اكو واحد منهم مركز عليهيباوع يقترب شويه ويبتعد خال ايديه وره ظهرهالى ان صاح عليه الامريكي ابتعد مناهز راسه وابتسم وهو يخلي عيونه بعيون سميربعدها بيومين فقط كان يوم احد والزفة الثلاثاء ويسافرون الخميس لمصرجانوا ديطلعون من بيتهم سمير وريم وكفت سيارة وخرطتهم الاثنينالضربة صارت بريم اول شيلانه خطيبها فتحلها باب الكراج واتقدمت وهي تضحك مندارة عليهجتيها اربع طلقاتوحده منهن طبت وطلعت من جتفهاووحده بظهرهاووحدة برجلهاالرابعة جلغت زندها وشالت لحم منهاما سمير فكانت حصته تثلاث طلقات كلها بالجانب الايمن لانه ريم كانت مغطية عليهواصابتها كانت حرجة المصيبة انه الحادث صار بباب البيت زدام عيون امل وهي مبسمه فرحانه تشوف ابنها ويه خطيبته جانت دتسد باب الصالة وصارالرمي ركضت على ابنها تصيح مثل المخبلة وماسمعت غير شحط السياره ووجه الملثم الي ضربهم وهو يضرب على سكف السيارة كان لابس قميص مقلم وملفلف وجهه باليشماغ ركض علاء ومن خرعته كام يعرج وهي تصيح ابني مات بحكولي كتلوه كتلووووه جانت ريم سايحة بدمها بدون نفس وسمير يرفس برجليه مثل الطير المذبوح التموا الجيران بسرعة وعلاء وامل يجرون بيهم ويدخلوهم باسيارة وامل جانت متهستره ماتعرف شتسسوي ساعة تصيح وتعيط ساعة تتراكض الى ان جيرانهم دفعها ليغاد وصعد ويه علاء وانطلقوا للمستشفى بسرعة جنونية وهو يضرب هورن ويصيح على السيارات ياناس ياعالم عدنا جرحى عدنا جرحى عدنا جرحى والله والناس فسحتلهم مجال جان علاء يسمع صوت حشرجة انفاس سمير من ياخذ بريك هئ ههئ باوع على ابنه غركان بدمه وفاتح حلكع ومرته صارت بكد الطير فاتحه ايديها ونومها على رجله سيارة ثانية شالت امل وراحت وراهم المرة بصفها ماتعرف شلون تصبرها وباي طريقه جان تضرب على راسها وتصيح يبووو راح الولد مني ترجف كانه الطلقة بصدرها هي مو بابنها الى ان وصلوا المستشفى علاء جان شايل ريم لانه اصابتها كانت اخطر انكطع نفسها وازركتوالشاب كام يصيح عدنا جرحى التموا عليهم الناس قبل المسعفين وشالوا سمير يتراكضون بيه جان موقف لايحسد عليه من وصلت امل وشافت الدم مغطي علاء من راسه لرجليه وعيونه حمر يضرب على راسه بطريقة لا اراديه انهار تماما وكامت دموعه تنزل ويفتر داير مداير نفسه ممصدك الي صار وكدام عينه بهت لونه وانخطفت منه الروح كعدت امل بصف غرفه العمليات بالكاع ووجهه على الحايط تبجي ولافة رجليها حتى لاتصعد تنورتها تضرب بالحايط كانه ماكو بعد بشر ممكن يتحمل ماساتها جانت بس تصيح يارب من عمري على عمره اخذني قبله موتني ولا ترجعه اليه جثه والنس تمشي وتباوع عليها لا هي اول وحده هيجي جانت ولا اخرهم فاتت ام العباية من يمها باعت عليها شويه وراحت بعد ساعتين يله عرفوا اهل ريم بلغهم علاء ومنها عرفت بدرية لكن مكالت لاختها جابت عهود وجتي عهود جانت تلطم على حظها عود كالت اتزوج قبل وفاة الامام موسى الكاظم جتى بدرية تركض هي وكريم بدرية كطعت القلب بصيحاها جانت تصيح ولكم حتى هذا مسلم من شركم شمسيولكم جانت تركض فاتحة ايدها ووجها يقرا الموت بعينه عيونها ذابت بمحاجرها وكف يم امل وكامت تضرب على صدرها ولج امل وينه سمير امل كتلوه مو كتلج اني خايفة وممرتاحة مو كتلججج امل علاء لزمها وهداها جانت جاية بله ربطة وبشحاطات كريم ماواعية على نفسها ولاحاسة بروحها هذا سمير هي الي ربه اخو لابنها | ||||
|  |
|
03-09-21, 05:13 PM
| #72 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الخامس الجزء 70 من انتم؟ من انتم؟ ومتى استخلفكم الله ارضه! من انتم وكيف تحكمون باي دين هذا الذي تدينون من انتم ومن اين جئتم لنا اي رب هذا الذي تعبدون اي ارض مسخة لفظت جذوركم من اي ام نزقة كنتم رضعون نعم قولوا لي من انتم!! من خولكم ان تنصبوا محاكم الله على عباده هذا يعيش وذاك يفنى واطفالنا بين الاصلاب تقتلون لم تستبيحوا اوطاننا ودمائنا واعراضنا فحسب بل حتى انفسنا خيالاتنا احلامنا شعورنا بان الغد افضل مات على ايديكم قولوا لي هيا اجيبوا صرخاتي من انتم ؟ من اي حدب تنسلون ؟ من انتم حتى قتلتم ابي وانا لم اولد بعد من انتم حتى جعلتم اطفالنا بين يتيم وفقير ومشرد من انتم حتى بحكم الله رقابنا تقطعون اي رب هذا الذي اباح لكم ان تقتلوا طفولتي ان تصلبوا ابي ان تنحروا اخي!! ان يختفي زوجي في الظلام ان تحترق امي وهي تلثم ثوب عبائتها ممسكة بااكياس الطعام من انتم يامن زرعتم الموت في كل زاوية وشارع اي عقيدة هذه لكم لاتقواوا اننا نعبد نفس الله فانا ربي رؤوف رحيم وربكم ظالم قاتل لايرتوي من دمائنا ربكم هذا وحش مجنون يامركم بان تفنوا من يخالفكم او حتى لايعرف من انتم تقتلون لاشباع شهوتكم الشيطانية تفجرون وتحرقون اصبحتم انتم شبح الموت مترقب بين ثنايا الزمان والمكان صرنا نخرج ونحن اننا اليوم بطريق اللاعودة امتزجنا مع ذرات الغبار الي خنقتنا انها انفاسكم العفنة تجوب الشوارع تمتص الق الحياة تمتص منا تلك الرغبة في العيش كالجراد اينما حللتم بارض فيها تفسدون صرنا كدمى متحركة صارت الحياة امل... والعيش في ظلكم امنيه حتى عندما نموت نكون محظوظين ان عثروا لنا على جثه اة قبر كم من شاب اغتيلت احلامه بحز راسه البريئ لانه فقط لايعرف من انتم كم من طفلة تناثرت اشلائها واختلط لحمها ودمها ببقايا ثيابها فقط لانها لم تعلم انكم خلف تلكك الابواب بنا تتربصون كم من ظفيرة محترقة توسدت الشوارغ الملغمة كم من معول على مسطر الرصيف ينتظر صاحبه كي يناديه احدهم ليوم عمل للقمة في فم ابنائه ليدفع دينه واذا بمعوله يطير مع راسه في السماء لانكم قررتم انه ينتمي الى هذا المذهب او ذاك لا لا هذه خدعة المذهب لم تنطلي علينا فعندنا الراس يباع بالدولار!! من انتم!! انت الشيطان مجذب لحيته مرتديا عبائته بالاموال تشترون اتباعكم بالجنس والشهوة يقلدونكم نعم كلنا نعرف من انتم قيم!! انا قيم ... الفتاة الوحيدة لامي والاخت الوحيدة لاخي!! اعدم والدي وانا لم اولد بعد كنت لازلت اسبح في بحار جسد امي الدافئ لم اكن اعرف اني ساولد يتيمه لكني ايضا ولدت بصرخات مدوية وبدل ان يسعدوا بي كنت كاخر قطعة حية من والدي اخر ذكرى منه استقبلوني بالدموع وبعبارة خطية جتي يتيمة للدنيا ويامكثر الذين هم مثلي ولدت لاب نام مطمئنا تحت التراب دون حتى ان يعرف ان كنت صبيا ام بنت!! ولدت في عام 80 الحرب العراقية كانت بادية للتو والعراق كان في اجمل ايامه واتعس ايامه كانت الحياة تضاد الموت الحياة في ابتسامة الامهات وهن يحملن اطفالهن من خارج المستشفى والموت في نهاية الشارع الاخر ملفوف بعلم عراقي كانت مدينتي من اجمل المدن في المنطقة وكنا من افضل الناس عشت ايام طفولتي بين تضاد اخر فانا سعيدة اني كنت امسك اطراف ثوب امي ولكني اشعر بالحزن من تختفي نهار كامل واحيانا لايام اذكر بيتنا الاول بيتنا الي نملكه والي ابويه كتبه باسم امي من تزوجها كان خالي من الاثاث تقريبا نعتمد على مادزه بيبتي ام ابويه النا وعلى بيت اهل امي خالي علاء او خالتي فخرية عمرهم ماقصروا ويانه وحتى من جانت ماما تغيب ساعات هواية لازم احد بيهم يكون يمنا خالة فخرية خالة امل رحاب او حتى عهود من جنت صغيرة جنت كلش احب بيتنا حديقتنا الصغيرة المهملة يوم امي اداريها وايام تتركها غرفنا الصغيرة وصدى الصياح بيها لانه معظم الاثاث جان متكوم بغرفة وحدة بالصيف نلعب اني وكريم كريم اخويه الاكبر مني وصديق طفولتي وجان يلعب ويايه كل الالعاب هههه حتى العاب البنات جان بالختلة وبالظهاري يلعبها ويايهة حتى لاحد يعيب عليه جنت احب العب التوكي وسبع سيفونات واحب العب الدعبل وياه والطنب ههه كريم اكبر مني بسنيتن بس جنت احسه بكبر بابا لانه دائما جانت امي تلزم ايدة وتكوله كود اختك ابد لاتعوفه وين مانطلع جانت تكله عينك على اختك دير بالك عليها امي الي جانت وجه مبتسم ويانه وحزين وحدها جنت اراقبها من تختل بالغرفة وتعد تبجي وتشتكي لبابا جانت حالة صورته بالكنتور تخاف تعلكها تتعب هواية من تركض على العيشة والمستشفيات اني جنت مريضة طفلة معلولة مثل مايكولون قليل اطلع بره والعب ويه الجهال وحتى لو طلعت ابقى اتفرج عليهم اخاف العب اتعب وتظل امي تبجي عليه اي ماتعرفون شكد شلعت قلبها من جنت صغيرة نظراتي دائما متطلعة الى غيري جنت اسرح بخيالي اكثر من واقعي اتعلمت اعيش عالم طفولي اخر اصدقاء اخرين خياليين احجي وياهم والعب وياهم لكن هذه الحالة استمرت ويايه للكبر وبقت فترة طويله ارسم القصص واعيش بيها كبطله او راوية ويمكن لاني قضيت معظم وقتي اسمع امي وهي ترويلي قصصهم قصص حقيقية وخيالية قصة طفولتها وزواج اختها وقصة حبها وحب بنات عائلتها اتعلمت من امي طريقة الاصغاء وكيفية رواية الحكاية جنا نجتمع كلنا بغرفة وحدة خصوصا بالشتا بيتنا جان بارد معظم الوقت امي جانت تخلي مكينتها والتلفزيون وتفرشلنا بالكاع وانام بصف الصوبة ونسد الفتحات ببطانيات صغار من يخلص الكارتون جنت اشمر ظفايري وراية اعلى المخدة واتمدد توني غاسلة ومدفاية واشيل الكتاب اراجع بدشداشتي البازة الموردة ولازم لابسة جواريب وكريم بصفي كاعد يحل واجب الرياضيات وبصفه صينية الجاي والكعك الله لحد الان ريحة الدفو بخشمي! جانت ايامانه صافية وحلوة جان الجو صافي والدنيا هادئة حتى الشوارع جانت حلوة ونظيفة جنت احب اروح وياها للاورزدي واثعد وانزل من الدرج الكهربائي افتر وراها بقسم الملابس واختل بين الهدوم مجانت تخاف عليه احد ياخذني وينهزم ولاجانت تخاف عليه اضيع هناك كلهم الي يشتغلون مبتسمين وعينهم عليه جنت احب الضحكة بوجه امي من نخلص وهي مشتريتلنا كلشي وصوت العلاليك الناعمة الزبدة احضنها واظل اشمشم بريحة الهدوم هههه الله جنه العيد قبل يومين جنت دائما الطفلة الوديعة البسيطة الجبانة ربما بعيون الاخرين الى ان حدثت حادثتي ويه عباس بعد حرب ال91 من تهنا ورادت مرية غريبة تخطفنا جانوا يخطفون الجهال حتى يكدون بيهم بغير محافظات واتذكر وكتها الشرطة جانت هواية تلزم هيجي عصابات تغيرت نظرة الكل عليه وصار وجودي ممكن!! القصة الي انذكرت بكل محافل اجتماعات العائلة للصديق والغريب هذا الشي ركبلي جناحات جديدة اسمها الثقة بالنفس جناحات عمري ماكدرت اطير بيها!! وبعدين!! من كبرت وبديت افهم عرفت اني اختلف عن هواية بنات بعمري مو بس لانه مريضة بالسكري ولا لانه ابوي معدوم وعلية علامة اكس لا لانه اتعود وصرت مااهتم بالعكس جانت امي دائما تكلي ابوج بطل بس لانه متاخرا حسيت على نفسي انه جنت طفلة منعزلة صارت عندي عادة غريبة وهي مراقبة حركات الناس وقراءة معانيهم جنت اعرف المعلمة اليوم من تدخل علينا معصبة لو فرحانة متعاركة ويه زوجها لو ويه المديرة جنت احس من صديقتي تسلم عليه وتقترب مني تريد شويه من لفتي صارت كل التفاصيل تشدني وتجذبني وخصوصا الايدين مولعة بالانامل اعرف اي نوع وطبيعة اي حياة يعيشها هذا الشخص من ايديه فهذه المدرسة مثلا كانت تعيش حياة قاسية قبل زواجها اثار التعب مبين على ايدها اتزوجت شخص مرتاح ماديا فتحاول بكل طريقة اخفاء هذه الاثار لاهي كادرة تصيرمن الطبقة الراقية ولاهي كادرة تمحي ماتركته السنين هذا الشاب الجالس امامي بالعيادة ايده نظفية ومقلمه ناعمة وطويله ومفاصلة ظاهره هذه كل حياته الدراسة والرياضيات ويمكن مهندس او مبرمج حاسبات وهكذا صرت اتميزبهذا الشي جنت ولازلت اؤمن ان البنت الغبية هي التي تظهر للناس انها ذكية ليش لانه مجتمعنا هشكل يحبون المراءة الي ماتفتهم وتعتمد على الرجل يمشيها يمنى ويسرة لكني تربيت في كنف امراءة متحررة امراءة اثبتت للناس كغيرها مئات لا بل الاف ان المراءة تستطيع ان تعيش طول عمرها دون رجل وتربي اطفالها ايضا افضل مايكون دون ان يشيد احدهم بها لانه اتعودوا عليها جبارة لكن ان وجد رجل وهم قله بهذه الصفات فهو عملة نادرة فاليتم في زماننا هو يتم الام وليس الاب والعائلة اصبحت تضيع دون ام في مجتمع اكل الرجال احدهم الاخر مراهقتي كانت متعبة جدا متقلبة في يوم ما انا راهبه معتكفة وتاتي ايام لاانقطع عن سماع الاغاني الاجنبية وحتى الرقص!! انعزلت اكثر واكثر وصار شي واضح اني فاشلة اجتماعيا كل اختلاطاتي كانت محصورة بين بيت خالتي فخرية وخالي علاء ومرات قليلة جدا كنا نروح لبيت جدي لابويه نشوف بيبي قبل ماتموت الله يرحمها وعمتي الي ربما انا ورثت منها الكثير لانه في مرة تستقبلنا استقبال حار واخرى حتى سلام ماتسلم علينا نعم كنت كذلك يوم ما انسانة وديعه هادئة واخرى ثائرة افكر بالهرب من واقع مرير كل امنياتي كانت محصورة بالسفر اي مكان خارج العراق اي مكان جنت اريد فقط اكسر القيود المكبلة لكني عرفت فيما بعد ان هذه القيود هي من قومتني!! كانت احلامي تعبر المحيطات وتطوف الفضاءات بينما لازالت اقدامي لاتعرف طريق العودة من السوق للبيت بالفعل اكثر من مرة تهت اذا اخذ طريق نختصر واكبر فشل الي كان بالاعدادية بعد كل ال11 سنة بتفوق فشلت بصف السادس جتيني حالة الاكتفاء مجنت اكدر اقره من الزم الكتاب ادوخ وراسي يجعني وسكري يصعد جنت متاملة بكلية زينة لكن القدر صادف ان اقتنع باللحاق بصديقة طفولتي المقربة بت خالي علاء روان روان الي جانت تختلف عني بكلشي الا بالعمر كنا متقاربين نوعا ما هي بعمر كريم اكبر مني بس جنت احب رفقتها احب اعيش بعالمها الي ماجنت اكدر اخلقه حولي جنت احب اسمع قصصها الجريئة عن صديقاتها صديقاتها الغريبات الي عمري مافكرت اقترب من اي وحده منهن لكن هي مكانت تهتم حتى السحاقيات منهن اي نعم لميس وميساء جانت تحجيلي عنهم وكيف انه هي الوحيدة الي تقبل تحجي وياهم وبنات الشعبة كلها مقاطعيهم جنت احاول اكسب جزء من الجراءة الي عدها ولو جزء بسيط لكني مع ذلك جنت احب اسمع واعيش بخيالي جانت روان تحجيلي كلشي نحجي سوا بلا توقف جانت جادة كلش وجنت حالمة كلش مع ذلك مكانت تسخر مني ومن افكاري واقعية والي يميزها جديتها وبلادة مشاعرها عدها قدرة غريبة على التمسك بالدموع واللامبالاة في اي موقف كنت انخرط اني بالبكاء في حين كانت مثل تمثال الشمع صامتة بالكاد ترمش عينها كنت ارسم واتفاعل ويه الرسمواقرا الروايات والقصص وابكي واعيش الحالة في حين كل همها كان متابعى برامج التوب 10 للاغاني وشننو اخر فلم رعب طلع على التلفزيون كنت مرات يعني مرات كثيرة اتمنى لو انا كنت اعيش حياتها لكن هي ربما هي ماتعرف قيمة الي عدها خالي علاء كان نعم الاب حتى اليه لذلك اتذكر في احدى المرات كنت جالسة بصف صديقتي كنا بالخامس ابتدائي دنكتب تعريف معركة جالديران وانتبهت صديقتي تكلي اليوم مااكدر ارجع وياج كونا كنا نرجع سوى نتمشى ونظل نغني كل اغاني الكارتونات لو الاغاني النازلة ههه الله اغاني السفرات نسميها انا المسيجينة انا وهي وهاي وهي ياطير غني غني على جناحك طيرني كلنا يريد بابا يريد هيا هي هيلا هي هاي جانت المفضلة عندي لانه الكلمات بيها شبه مني ابحر بينا ابحر بينا ياعالم الاطفال! اي وهواية هواية نظل الطريق كله نغني ونشبخ برجلينا ياهي الي تصير شبختها اكبر اي اتذكر بذاك اليوم كالتلي اليوم هم بابا حيجي عليه يوصلني اوكف بالباب يم الفراشة اودعها وهي تصعد بسيارتهم البيضا بالصدر كانه عروس بليلة زفتها!! ظلت حسرة بكلبي لاتتخيلون اليتيم مايحس انه ماعنده ب لا كل تصرف ويمكن ابسط التفاصيل تحز بقلبه وتذبحه ذبح مو بس اليتيم حتى الي ابوه موزين ومايحس بيهم اتذكرميلاد من جانت تحجي لامي جانت تحس باليتم مثلي تماما!! يومها من زارنا خالي جانت الحرب خلصانة هالسنة كعدت بصفه ودحست روحي بينه وبين روان خالي من يكعد ثني وحدة من كباته ويكعد ياكل هو راسا عرف عندي شي سوالي لفة وانطانه اليه جنت راجعة من المدرسة فظل يمسد على راسي ويضمني اله ويلعب بشرايطي البيض كتله خالوا ورفعت عيني عليه باوعلي نظرة عمري بحياتي مراح انساها حسيت بيه ابويه صدك كلي عيون خالو جانت مغوركة عينه يمكن عرف اني محتاجة حنانة باسني وكلي كولشي شتريدين كتله بعيوني البريئة ونظرتي الحزينة انه يعجبني يجي عليه باسيارة يوصلني مثل صديقتي!! ضحك عليه كريم وكالي ها غوارة طنكرت وظلوا هو وسمير يضحكون عليه شرب مي وطبيعته جان يشرب من راس الصراحية وراسا امي تمدله الكلاص ههه كلي صار خالو باجر اجي عليج كتله خالو مو تنسى ضحك وبيدهالي بيها اكل من بعيد حضني مرة لخ ومااعرف مافتهمت شكال لامي بس حسيت بنشوة نصر ساعتها على كريم وسمير من ذاك اليوم خالي علاء عمره انساني ولحد الان هو ابويه الي الله عوضني بيه جان بالاسبوع يجي مرة عليه لحد ماطبيت للسادس اعدادي حتى هو الي جان يروح يشتريلي ملازم المواد بعدها خالي كبر وكثرت مسءولياته من دخلت كلية جنت اميل للاشخاص الي عدهم نفوذ هذا ابوه بالشرطة وذاك بالجيش وهذا بالمخابرات يبووو جنت اخرب على اي واحد يشتغل بالامن صح جنت اخاف منهم بس جنت اتمنى ههه اعرف شغلة مستحيلة يمكن لانه اريد اشعر بالامان جنت اريدلي ظهر يحميني الا ان تزحزح هذا الحلم وصار يقتصر على الحرس الي بالباب هههه من تخرجت وللمانة حاولت ميلاد تعيني ورة حرب 2003 لكن هي جانت تكول مايحبوني ويعينون بس العرف والواسطات حاولت الي ولكريم وحتى لسمير مصارت لمعت في بالي شغلى المنظمات بعد ماحجالها كريم لامي عن صديقه بعد صراعات عديدة ومشاكل وشد وجذب رحت على خالي وتوسلت بيه وعادي راسا كام واجا ويايه وطبعا كلمته ماتنزل للكاع يم صغيرنا وجبيرنا خالي حبيبي عمري ماتمنيتله يوم انه يتاذى عمري ماتمنيت دمعته وهو الي جان يمسح دمعتنا يوم الي جتي رحاب علينا مكطوع نفسها وكالتنا سمير اتصوب اني مابجيت على سمير بجيت على خالي رفعت راسي للسما وبشهكة يتيم كتله ربي بعمري ماتمنيت شغلىة حتى من خاب املي وماحصلت الكلية الي اريدها رضيت بقسمتك وسكتت بس هالمرة لا بدموعي الي جانت تفيض من عيونهي صرخت وانا ادعي بصوت اليتيم الي ماعرف طعم الابوه كتله ارحم خالي بس هاي رايده منك لانه اني اعرف سمير شنو بالنسبة اله رحت ويه امي اركض ولساني ماوكف لحظة عن الدعاء ماتحملت من شفت منظره متغطي بالدم تعبت حيل وجان الجو مو مال طفل اخذت ابن رحاب بعد ماتوسل بيها وسام ترجع بالجاهل اني اخذته ورجعت رحاب الي جنت طول عمري اعتبرها ايقونة الرومانسية والعالم الخيالي الاسطوري الانسانة الي طلعت بالخطا بهذا الزمن عيونها المنذهلة تمسح بيهن وهي تردد الكلام بسرعة بسرعة وتعيد وتكركر وترجع تمسح خشمها وعيونها وحلكها محد جان مستوعب كلي الي كالته عن بسام جنت اعرفه ومسويته وهناك استمرت العملية عدة ساعات لريم زوجة سمير لكن سمير طلع قبلها وكانت حالته بعدها مو مستقرة تحت المراقبة والعناية المركزة الممر الي كانت بيه صالة العمليات انملئ من افراد العائلتين رجعت للبيت وحدي تخذت تكسي ورجعت خالة بسام بحضني حتى مسالت منو يوصلني كانه هالمرة ردت اختبر استجابة دعائي العميق واني اعرف رب العالمين مايرد الدعاء من القلب الصادق وصلت للبيت وميلاد اشرتلي انه مااحجي اخذت بسام وبوجهي لغرفتها شربته مميته وبدلتله وعفته ينام ورحت بغرفة خالتي فخرية اتمددت حتى انام من سالتني خالتي كتلها طالعين علمود عرس سميرديحضرون ماحجت ولاسالتني خالتي فخرية ظلت كاعدة بالهول وحدها دتباوع تلفزيون وميلاد كاعدة على الانترنيت تسولف ويه عراق... جنت اعرفبيها لانه جانت تحجي كدامي واني كاعدة يعرفون بيه بير وصندوق مقفول الي عندي مايطلع امي تكول مثل ابوج مات وماكدروا يطلعون منه حجاية!! الاطباء قبل فترة حذرونا انه خالتي حالتها تعبانه وقلبها مايتحمل صدمة واصلا كانت تراجع ذيج الايام لانه الطبيب كان قلق بشان وضعها جانت ميلاد كانت متعاركة ويه عمران قبلها بيومين وهم جانت يمنا بالبيت من خابرته وحجت وياه صار معظم حجيهم بالتلفون ينتهي بعركة وكل مرة عمران يعيرها همزين مااخذتج جان هيجي سويتي بيه اخر شي ظل يتصل وهي ماتشيله وبس تبجي بطبيعتي مجنت اعرف اواسي احد وهي جانت تضوج احد يواسيها جانت عدها نزعة الانتقام بدل الانكسار حسيت انه كلبها مل من عنده رغم انه هي الي رجعتله لكن ماقطعت علاقتها بيه نهائيا اما عراق فجانت تحجي وياه على النت على المسنجر بس وجنت حتى اقرى حجيهم جانت تشغل اغاني اليسا تموت على اليسا وتسمع وتسولف شافته مؤدب وخلوق وكانوا يحجون بمواضيع اغلبها عامة بذيج الليلة ختلنا اني وياها خفنا نطلع وتشوفنا خالتي والدموع بعيونه ظلت تصيح عليها ميلاد اخوج وين عهود شو مارجعت من ورة الباب جانت تجاوبها انه كلهم بيت خالو علاء!! بس خالتي فخرية جانت حاسة ااكو شي لانه اختها مابينت ومحد ماكو فجاءة اختفوا الكل ظلت تدردم عليها تكوم توسيلها جاي ونروح نكعد يمها احسن مما عايفيها وحدها ظلت ميلاد مترددة كتلها كملي حجي بسرعة وتعالي وراية شو سمعت صوت بسام ديبجي رحت عليه والله شفته يناغي شلته وبوسته جنت احبه اموت عليه لانه اغلب الوكت اني جنت يمهم اداريه ركضت عليه وشلته وكمت الاعبه واخذته لخالتي وشويه ميلاد طلعت من الحمام غسلت واجتي خالتي من يمها جانت حزينة خاله ايدها جوة خدها وصافنة على اغنية وردة شكو اغاني قديمة ومسلسلات قديمة جانت اتابعها بس هي من زمان تحب وردة وامي جانت تحب نجاة الصغيرة اتذكر جانت تكلي قبل يتعاركن هاي صوتها احلى من ذيج جانت الاغنية اكدب عليك لو قلت بحبك لسه! اتنهدت ميلاد كالت اي والله على الجرح اندارت عليها امخا وكالتلها وهي تمد ايدها تريد بسومه ---ليش يمه على الجرح شعندج؟ ---لايمه ماعندي شي انت ليش حزينة شبيج شو صفنة تاخذج وصفنة توديج ---كالت اهه شلون مر الوكت من طلعت هاي الاغنية جنه ذاك اليوم يمكن مر عليها تلاثين سنة هيجي راح العمر ركض اتذكر من طلعت كمت ابجي جان ابوج اصلا محاس بيه دائما جنت اسال نفسي اني هم عشت شبابي!! هم عشت قصة حب مثل النساوين! ---يمه صدك انت بحياتج ماحبيتي هم جنت تحبين ابويه صفنت على بسام واسترجعت حييل ذيج الايام كالت يالخمسينات جان زين ويايه ويحبني هوايه بس مااعرف تغيرحيل عليه من اتاخرت بالحمل وبدن يقرن براسه ايه بعد راح الله يرحمه مرات اكول ياريته باقي حتى على سوءخلكه على الاقل نفس ويايه ساعة حلوة ساعة مرة دمعت عينها من من صاحت وردة شوف كنا في ايه وصبحنا في ايه شو بسومه كام يكركر من يمه ضحكت ميلاد كالت هذا جنه بشار للهوا يضحك صدقة لعمره ---لا يمه بشار جان احلى بس هذا هم حليو ماخذ من رحاب وابوه يمه ريحته شكد طيبه ظلت تبوس بيه وصفنت كال كون الله ينطيني عمر واشوفهم يتزوجون غصت ميلاد من سمعت يتزوجون واتكر سم ---كومي قيم سويلكم عشى لاتبقين هيجي موزين عليج اتجوعين كومي خالة وشوفي امج ليش اتاخرت والله بالي عليها شو ممرتاحة اني اتصل خالي علاء بعدها بفترة شي ساعة ونص طمنا الحمد على سمير بس ريم جانت بعدها حالتها حرجة وكاللها تخابر او على الاقل تحصل خالة نرجس حتى تكللها لاتجي للعراق لانه محضرة نفسها تجي للعرس كال مابيه اتحمل بعد كوليلهم ام ريم سوت حادث واجلوا العرس وظلينا ساعتين ونص خالتي فخرية كل شويه تغفى على القنفة وتكعد تكول رجعوا ونكللها اي وترجع تنام خطية جانت تغط بنومه عميقة صارت ب12 بالليل لا احنى حصلنا نرجس ولا احد رجع انطفت المولدة بعد ورة ال12 مايشغل ركضت ميلاد شغلت المولدة الصغيرة علمود خالتي وبسام كالت راتبي كله للبنزين الله لاينطيهم فوك الازمة يبيعوه بضعف السعر واخيرا حصلنا خالة نرجس على تلفونها الارضي لان همه هم مجان عدهم موبايل مو كلهم فزوجها كللنا هي بقم وانطانا الرقم وتعالي فد نص ساعة لخ اندك يله حصلناها جانت واصلة لقم وتلم كرايبها وتجي للعرس هي ماشكت ابد انقهرت على ام ريم وكالت لعد اتاخر شويه مراح اجي بنفس الوقت بس ضروري لازم انزل لبغداد اريد اشوفكم همه هناك حسب مايكول سمير جانوا الستلايت ممنوع بس بطهران هم مو كلهم لانه الناس هناك ماتخاف من الحكومة بس المحافظات يخلوه بالحمام لو بالحديقة ويضموه جان ممنوع وفجاءة صار صوت انفجار فزينا كلنا ومنها فزت خالتي وصارت تصيح علينا وينه سعد الحمد لله ساعتها جوي سعد ورحاب ووسام بس امي وكريم بقوا بالمستشفى خالتي من شافتهم كامت ترجف خصوصا رحاب جانت منهارة على خالي فد نوب حجوا نفس القصة جانوا بالمستشفى علمود ام ريم مسويه حادث وماخذيها للمستشفى وصدفت انه مارين على الانفجار مفجرين دويرة للحرس الوطني وبصفهم مارة سيارة شرطة كلهم ميتين ورحاب جانت هم تبجي عليهم شلون شباب مثل الورد ليش هيجي راحواالمن ماذين!! نمنا كليتنا وعيونا للسما ربي ينجي العروسين ظلت رحاب تحجيلنا على الحالات الي مرت عليهم وشلون اكو مرة حجتلهم بت اخوها هم عروسه وكاتليهم بالطريق حتى امها لفت تابوتها ببدلة عرسها اخذت كفنها شهر عسل تكول الناس بدل مياخذوهم للمستشفى اكو بيهم بايكين ذهبها لكن الي عمري مانسيته هو الي مر عليه بعد كم يوم جنت توني داادوم وصاير انفجار ببغداد الجديدة وجوي موظفين ويانه راحوا للمكان يحجون قصة شاهد عيان مو نقلا عن متحدث يكول الشرطي نزل من سيارته يركض عل مرية تركض وتنزف دم فيكول اتوقعت هاي من حلاة روحها تركض متحس نفسها متصوبة يكول واني كرشي ماتخليني وادوس على روحي واجيت عليها اكللها خلة انت دتنزفين لفيتها بالعباية وهي تدفع بيه لما اشوفلك الله لايشوف احد شايلة ايد مكطوعة من الذراع لابسة كومة بتوت ذهب اتاريها ماخذتها من الانفجار وتنهزم بيها يحلف يمين يكول كمت اتقيا!! جانت ايامي الاولى بالشغل كلش صعبة عالم جديد وحياة متوترة واني بالي يم خالي الا ان طمنونا انه اهلها رتبوه كلشي وحيطلعون لمصر يعالجوها لانه حالتها بعد ممستقرة الخبر ريحني واشال عبئ كبير عليه رجعت للبيت ركعت سجود شكرا لرب العالمين لانه استجاب دعائي لكن شلون خالة امل حتعوف سمير بهذه الحالة يسافر ويعوفها تروح وياه لو تبقى يم روان وهي حامل وحملها ووحامها جان متعبها كان حلم خالة امل مثل حلم كل ام تزف ابنها وتشوف احفادها بين ايديها الي صار كان غير شكل تماما بسرعة اهل زوجته سفروهم لمصر اخذوا ريم وراح سمير وياهم حاولت امل وخالي علاء ياخذون الفيزا ويروحون وياهم لكن مارهمت لاطلعت الفيزا ولاكدروا يسوون شي ثاني يوم من سفرهم وصلت نرجس جانت حاسة اكو شي البيت مو طبيعي والاستقبال بارد وماكو اي اثر من اثار التحضير للعرس واتفاجاءت بسفر ابنها المفاجئ الي حتى ماتصل بيها يودعها او يبلغها سمير كان في حالة صدمة وذهول حتى من سافر وودعناه سلمت عليه باوعت بعيونه حسيته جاي من عالم اخر مايعرف حتى يحجي مجرد خطوات وكلمات يرددها على الكل كان تايه وخايف ومتفاجئ ومذعور!! كانه تماما مثل ماهو الان شخص رجع من الموت انبعث من عالم اخرة فجاءة كان مكبس ايده وكتفه وحركته ثقيلة صرنا كلش متخوفين عليه شلون حيدبرها وحده هناك صح اهل زوجته كلش يحبوه وين يلكون مثل سمير!! لكن مع ذلك جنا قلقانين عليه الحمد لله الي وكتها كان اكو كادر طبي سافر وياهم لانه مكانوا الحالة الوحيدة بل اكثر من عشر حالات اتكفلوا الاهالي بدفع مصاريفهم من ذاك اليوم مارجع سمير للعراق ابد اتغيرت حياتنا امي تعاركت ويه كريم وجبرته يبطل من شغل الترجمه خصوصا بعد الحادثة الاخيرة واندارت عليه لكن اني كدرت افلت من الامر لانه دوامي مكان يومي وشغلي بالذات جان بمناطق مختلفة والراتب اول مرة استلمته كان 450 دولار!! طبعا انبهرت باللرقم والاحلى انه كان كل فترة يزيد ويزيد اول يوم داومته الدوام كان كلشي غريب عليه وكواقع بحت نعيشه كلنا في مرحلة ما من مراحل حياتنا عندما ندخل لمجتمع جديد لازم ولابد اصحاب هذا المجمتمع يبرزون عضلاتهم على المستجدين انهم اكثر خبرة ودراية وكانه القادم ليس فقط لايعرف محيطه وهذه هي الحقيقة انما يخيل الهم انه كان سايس خيل وفجاءة قبلوه يتيعين بهذا المكان الكل حاول جاهدا يستقبلني بابتسامة مرحبه بفرض انهم يتعاملون مع الاجانب فيجب ان يكون خلقهم طيب ولطيف لكن سرعان ماتزول هذه الابتسامة ويبدي التجاهل والعمل بالامر وبين قوسين تطفر هذه الكلمة نهاية اي جملة تقال الي ا(انت بعدك جديدة كلشي ماتعرفين) وكانهم من جوي كانوا كلشي يعرفون جنت اعوج حلكي وامشي الوحيدة الي قابلتني بابتسامة وبقت عليها هي هيفاء هيفاء كانت مديرة قسم ثاني ورحت يمها ادربني بنت امراءة مااعرف هي ثلاثينية العمر لكن شكلها يوحي باصغر بكثير قصيرة كلش حسيت نفسي يمها عمود ومدعبلة شعرها كاريه اسودو تلبس نظارات شفافة ولها ضحكة واسعة وحلوة كانها عسل رغم ملامحها الناعمة كانت تتميز بشفاه غليطة وابتسامة عريضة محبوبة كلش سريعة المشي وخصوصا هي من النوع الي كله جينز وتي شرت صغير عليه وبوتين ترانشوز يعني عكسي الي جان يشوفني يكول رايحة زيارة بقيت يم هيفاء جانت تعلمني على شغلة وتروح تختفي ساعات اظل اتصفن بيها اول شي تعلمته هو الورد والاكسل وبرنامج داتا ادخل بيه المعلومات طيعا كلش مهم واحد يعرف هاي الاشياء للشغل اثناء ذلك كان يمر شاب ينظرلي نظرة وحده ويروح ششاب كلش حلو هههه يعني هيجي شفته فمن كام يمر جنت اندار بس عيون ظهري تراقبه مجان عندي ثقة بنفسي انه ممكن ينعجب بيه شاب مرتب وحلو حتى من جنت بالكلية من جانوا يجون يصارحوني او حتى يخطبوني جنت ارفض اولها منو يقبل ياخذ وحده بيها سكر!! وثانيها الوضع العائلي المخربط بزمن الحكم السابق يمكن هسه صارت شويه اهون واتحولوا المعدومين الى ابطال بنظر الشارع العراقي الولد عرفت اسمه عادل طويل صاحب بشرة حنطية ملحوته الشمس بما فيه الكفاية حتى تحول الى لون الخبز المحمص جان مزين شعره كلش خفيف ومبين عليه عصبي نار متوتر يتحرك بسرعة صاحب عيون عسلية منطيته قوة وجاذبيه او يمكن اني انجذبت اله 3 مرات شفته بس بعدها عرفت مسوي مشاكل وناقليه لغير موقع عاادي اني اعرف حظي هههه عادل ساعدني باخر مرة انه عرفني على كل الستاف كانت ابتسامته متفارقه جنت احسها ابتسامة متصنعة ولاني اهتم بكل التفاصيل حفظت بيه كل صغيرة وكبيرة اله خشم عراقي جيني بامتياز وعرفت من لقبه انه من الغربية لكن كان يحجي بلغة اهل الجنوب بطلاقة ودائما مكان يمزح بيها جا شلون جا ليش تاخرتي موش مضبوطة بمواعيدج هههه من هذا الحجي يعني من انقل بعد ماشفته جانت ذيج الفترة تمر سريعة ومرهقه غريب كلشي بيها مالحكنا نضوك طعم الحرية تسارعت الاحداث بدت اولها بمشاكل بيت خالي امل وخالي دوم يتعاركون اتذكر من جتي خالتي نرجس ظلت تعاتبه ليش خلى سميريسافر قبل ماتجي وهو يعرف انه سافر قبل بيوم من وصولها جانت بالطريق ولحت بالسؤال وجانت امل زامة شفايفيها وكاعدة على نار تريد بس اطلع بركان الغضب الي كاعدة عليه واتفجره بوجه خالي يمكن لانه كانت متصورة انه ماسعى بشكل جدي بروحتها ويه سمير ويمكن هو شاف انه حتثقل على اهل ريم مراد يدوخون بيها مااعرف شنو السبب لكن مخلاها تروح لمصر وراهم نرجس ظلت تلح بالسؤال وادور علوم باي بيت تروحله تسال وتريد تفتهم ليش سمير عافها وسافر وشلون يروح ويه خطيبته هيجي بدون زفه ولاحس ولاخبر صح همه متزوجين محكمة وسيد بس مع ذلك مو زفه وكدام العالم الى ان خابرها ثالث يوم وسلم عليها جانوا وصلين للقاهرة ومستقرين بعد يم بيت عم ريم لكن خالة نرجس وبالزايد اشتعلت عدها شكوكها من حست صوته تعبان وماحصلت من عدنا شي ظلينا كلنا على حجاية وحده بس جنا متخوفين من خالة امل لا تحجي وتكول الي صار بذيج جيتها حصلت من خالة نرجس هواية هدوم واهم شي حصلنا على الساهون الي جنت محرومة منه بس اضوك قطعة منه علمود سكري جنت اشوف فد طيب وفد حلاوة غريبة بحلكي خصوصا من يكون بالفستق مع انه امي مجانت تحبه ولاحتى خالتي فخرية فكل الي تجيبه جان يصير حصة عهود وميلاد وسعد حتى كريم مجان يرغبله كريم الي بقى اغلب الوكت يروح ويه خالي يطكطك بالشغل وياه ومن يرجع للبيت اني جنت انهزم اروح لرحاب لو بيت خالتي مجنت اتحمل دوخة الراس بعركهم هو وامي ليل ونهار والجو منا خنكة وحارة وذبان وبك وماكو كهرباء وماكو بنزين جنا نشغل بس المولدة علمود الثلاجة كل هاي اضافة الى حضر التجول بعدها اسبوع ورة اسبوع كمنا نشوف تحسن بصحة سمير وصار يحجي ويانه على السكايبي وارتاحينا شويه وحاول خالي يهدئ من امل لكن مفاد بقت زعلانة يمنا شي شهر وخطية هو وكريم وحدهم بالبيت جانت امي تطبخ ويجي ياخذه الهم الى ان صارت الزيارة مال مشاية موسى بن جعفر عليه السلام يوم الوفاة يعني تاريخ لايمكن احد ينساه كنا تونا خلصنا من الحرب الماساويه في الغربية خصوصا الفلوجة وماعانته من حصار وويلات اذكر الارقام الرهيبة والمفزعة الي جانت مسجلة عندنا عن عدد الوفيات والشهداء من الاطفال والنساء الحوامل بذيج الفترة والي انتهت بعقد صلح مع ولد العشاير ومايسمى ............... حتى نجي لحرب داخلية غريبة لبغداد ومحيطها الى جعلت بغداد تنزف سنوات عديدة ابرياء بنهاية شهر الثامن وتحديدا 31 من الشهر خالتي امل اصرت تروح مشاية لموسى بن جعفر وهذه اول مرة بحياتها تروح واني هم اتشجعت اروح وياها وجلبت بينا ميلاد لكن المشكلة جانت بيت رحاب حرب من نوع اخر رحاب الي اكلها القهر من ورة مشاكل ولدها ويه عمو وسام ماقبل يروحون كللهم خطرة بس منو يسمعله عباس عند ولحكه عمار طبعا بشار جان ويه وسام كامو يضوجون منه اخوانه ويصحوله ذيل البزون وهاي الحجاية جانت تعصب رحاب كلش اتوكلنا ورحنا وماجنا نعرف انه حنشهد حادثه سجلت بالتاريخ انها حادثة جسر الائمة احنا طلعنا بنص الليل وعادي الشوارع جانت مليانة ناس روج روج تكولون عز الظهرية واكثرهم الي يطلعون بالليل جانوا منفردين مع انه شكد حثوا على التجمع حتى لانيغدر بيهم جنت امشي ويه خالتي امل وكريم وميلاد وولد رحاب كدامنا وصلنا الفجرية طبعا محد اخرهم غيري جانت حتى امل احسن مني بس هي الله يسامحها شكت قلبي ظلت تبجي بحسرة ونوح مجنت اعرف على شنو بس ساعتها سحيت الضنا شكد عزيز ويمكن هي مانست صورة ابنها من جانت روحه تهف كدامها غركان بدمه الطريق من رحنا بالليل جانت المواكب شبه فارغة لكن ويه الفجر بدت تفتح وبدت القرايات تصدح وتنطي فد اريج شاعريويه نسائم الفرج تحس نفسك متجه لللقاء حبيب متجر من ذنوبك امام الله حالة روحانية غالفتني حتى حسيت دموعي تنزل لا اراديا واني اصلي على النبي واستغفر حسيت المي الي يرشوه على الزوار بالشوارع مي الورد المعطر غشل كل ذنوبي لكني بديت اتعب و روائح الاكل الطيبة تدخل الخشم بلا استاذان تريكنا مرة كباب وشويه اني اكلت من مخلمة بيض وطماطة ماتحملت الريحة موتتني معطر شويه يخفف من شدة الحر واول ماطلعت الشمس جنا بعد واصلين للحضرة كلنا جنا نبجي خصوصا من جانوا يصيحون طريق الامام منا جنت احس مسوية مهمهة عظيمة جنت ابجي من ورة رجليه هماتين جنت اريد بس اوصل عبالك امشي على شوك ورمن حيل وطيبت خيمة صغيرة يم التفتيش بنية مثل الكمر ظلت تفرك بيهن وانطتني باندج وحبايتين فولتارين بس حرام مفادن كعدنا شويه ومن الازدحام طلعنا من طبينا باب النساء تيهنا ولد رحاب لكن كريم بقى شايل فوطة امي بعودة الماسحة جان جايبها حتى نشوفها مانتيه والله نفعت الفكرة ولكفناه ضحكت ميلاد كالت همزين الفوطة مو غير شي ميلاد صارت حمرة طماطة انطيتها شمسيتي لانه امي لحت عليه اخذها حتى لااخرب من الشمس وشلون شمس هي بعد شهر اب وشلون اب لهاب معت اني قبل البسمار بالباب رجعنا احنى بعد وصلنا لنهاية الشوارع الي جانت كلها مكطعة والشرطة والجيش مالين المكان والله وشالتنا بيكب مالت النجدة لحد شاحنات كبار ومثل الخرفان شمرنا روحنا وصعدنا بالبدي صح جان اكو باصات تنقل الناس بس شتلحك كتل وازدحامات موطبيعية انوب الشاحنات تنقلنا بس مشافة ليما نوصلللكراج ووحدة بينا مجلبة باللخ لانه كريم عافنا وصعد بالثانية واتفقنا نلتقي بالكراج والله ورجعنا للبيت مكمرمين جانت ميلاد تبجي من الالم برجليها واول ماوصلنا نزلنا كريم لبييت خالتي فخرية لانه امي هم يمها بعدنا طبينا شفت رحاب لازمه بسام وتركض ورانه تصيح قيم ميلاد ولدي وين جان مخروعة كانه صار شي احنى سمعنا هاونات بس كالو من يمنا بعيد فكريم كللها ماكو شي يجون ورانا لكن هي جانت شامعة الاخبار وشايفتها ظلت تصيح مثل المخبلة ولكم ولدي وين مفجرين نفسهم على الزوار كريييييم امل اخذت بسام منها وصعدنا اني كريم وياها ميلاد جانت فد نوب متكرمة مكدرت تتحرك ورجعنا رجوع لكن وين نوصل الشوارع كلها مكطوعة الله لايشوف احد الحالة جنت امشي على نار والله وكريم يركض ورحاب تركض وراه والنس صياح وعياط هسه من رجعنا كلشي ماكو جانت الزوار منقسمين ناس تمشي على كيف وتصيح صلوا على النبي لاتخافون ماكو شي وناس الي جانت بقلب الحدث تركض بلا وعي وظلينا نلزم واحد واحد وين صار الحادث كالو على جسر الائمة اتخبلت رحاب وكامت تركض لهناك وكريم يركض وراها اني مامدرت بعد وكفت على بعد مسافة كعدت ابجي والطم خصوصا من جتي وجبة المكتولين وسارات الاسعاف الي خبصت الدنيا والشرطة والندة الي شايله الجثث هاي شوكت هيجي صار وبسرعة ماادري!! ثواني وكانه صارت يوم القيامة منظر مؤلم وشكد ماحجي عنه مايعبر عن بشاعته جثث اطفال ونسوى كامت تجي بعربانات الصغار مال النقل والي ينقبون بيها الزوار الكبار بالعمر سيارت شايلة كومة ناس كلها ممدة وفاتحة ايديها وعيونها والنس تركض حافية والنسوان شايله بقايا جهالها ويصيحن ويعيطن صارت هوسة غريبة عجيبة عجت الدنيا وجنت اسمح عويل ونحيب وصياح الله اكبر وكل من شايل جنازه وياه خصوصا الاطفال ياربي كمت الطم على راسي واني اشهم ممطولين بعلى العرباين والظفاير الي اتشابكت وحدة ويه اللخ وكطع قلبي الرجال شايل ابنه صغير يصيح ابني مابيه نفس ياناس يعالم داسوا عليه حتى رحاب وولدها نسيتهم وروج تروح من النس وفوج من الشرطة والاسعاف يدخل ردت بس واحد يكلي شصار ماكو والله وجنت اشوف سيارة شرطة بس تختلف مو مالت نجدة كاعد بيها شاب طويل ابيضاني اعرفه وكف على صفحة ويه جماعته ينادي بالجهاز لابس مال شرطة نيلي باوعت زين هذا اخو عماد الموظف الي ويانه شفته اكثر من مرة يجي عليه وجنت انتبه عليه لانه يظل يباوعلي ركضت عليه وكوه وصلتله واني ممتاكدة هو لو لا بس من اقتربت صاح عليه زميله اختي ديري بالج روحي منا انقهرت عليه كانه يحذرني انهم معرضين في اي لحظة لانفجار او اغتيال فطلب مني اكثر من مرة ابتعد وكفت وماتحركت استحيت بعد خصوصا من اتاكدت انه هو اخو عماد اجى عليه وحسيتنه مخنوك بعبرته كلي ست قيم شعندج هنا شجابج هنا ارجعي مدتشوفين الوضع شلونه كتله انت مو اخو عماد ---ااي اي وقبل مايكمل كلامه الي نصه مافتهمته من صياح الجهاز الي يمه ومن الهوسة داير مدايرنا كتله ولد اختي ضايعين ومانعرفوينهم ونخاف لايكونون راحوا بالتفجير ---لا ست قيم ماكو تفجير هاي اشاعة هججوا بيها الناس انضرب هاون قبلها وانقتلوابيها عشرة وراها ولد حرام صاحوا على الجسر حزام ناسف ومفخخة والناس انخبصت وصارت مدافع هوسة تعالي شوفي شكد ناس راحت غركانه بالمي وشكد جهال انداسوا بالرجلين وراها انشغل بنداء عاجل وكلي الله يخليج ابقي بعيد لاتنداسين بالرجلين وراح وراها بشويه جنت واكفه اباوع على هاي العوئل كلها جاية عافية نسوان وريجايل كبار مفشوخين ومتكسرين خو الجاهل الواكع بالكاع هذا ممرود وصاعدة روحه المنظر مؤلم جنه فعلا يوم كربلا ظليت اباوع على الناس وهي تنقل بالناس ومرات اركض اساعد عجوز ا وجاهل احمله على جتف امه وهناك شفت عمار وعبوسي شايلين جهال اثنين يركضون وره سيارة اسعاف توها مرت وصحت وعيطت عبوسي عبوسي ماسمعني الا ان وكفت سيارة الاسعاف همه هم وكغوا جانوا حفاي وعبوسي متملخ من فوك ليجوة عبالك عبوة طاكة عليه امسح بوجهي من الدموع والزمه كتله حاجيني انت وين جنت وشبيك خوما متاذي هو يصيح عليه شو وحدج وينه كريم وميلاد كتله لاتخاف اني جاية ويه امكم ددور عليكم كام يسب ويغلط جرني عمار وكلي هسه همه وين كتله مااعرف بس كالو ابقي هنا انتظري لاتتحركين بلكت تشوفيهم والحمد لله شفتكم بقينا شي نص ساعة بدى الازدحام يخف والناس كلها رجعت فرغ الجسر من الصوبين اجى كريم ووراه رحاب كتلهم لكيت عباس وعمار هسه يجون شالو مرة عجوز رحاب جانت هلكد لاطمة مملخة وجهها كله دم بس تصيح الله اكبر عليهم الله اكبر عليهم شحصلوا شحصلوا من كتلوا هالعالم واخذت ولدها ومن تعبها كعدت بالكاع علما وصلنا للبيت خطية جانت ممصدكة نفسها جهالها بين ايديها مرة لخ وسام جان واكف بالباب مخطوف لونه خطية اخذهم بالحضن وعيونه تدمع همه جانوا سامعين بالاخبار اللي صار وهو راجع وراها وعارف من امي بعدها عرفنا ان اعداد الشهداء تجاوزت الالف شخص ومئات قضوا غرقا في النهر في يومها تخلد اسم شاب صغير بالعمر من اهل الاعظمية اسمه عثمان هذه الحادثة كانت طعنة فس جسد الدين المزيف الي حاولوا تسويقه النا مذهبيا لانه عشرات من شبان الاعظمية قفزوا ورة الناس الي سقطت وانقذوا حياتهم ومنهم عثمان الله يرحمه اللي طلع عدة نساء سقطت في النهر الا ان انهك وتعب فغرق هو ايضا وهو الشاب الفتي الكثير منهم فتح بيته للاغاثة والاسعاف وكبرت الجوامع والمساجد لانقاذ ارواح الناس البريئة! شاء الله ان يذكر الله الناس بانسانيتهم بيدا عن التعصب الاعمى متجسدا بجسد عثمان الطاهر! بقيت عدة ايام مصابة بالكابة وحتى برة البيت ماطلعت الا ان اخذتنا امي لبيت خالي لانه وسام ذبح خروف نذر على سلامة الولد يومها كلش كبر وسام بعيني ومن شفته شلون حضن الولد وشبكهم من كل قلبه حسيته صدك يحبهم رحنا لبيت خالتي وجانت احلى لمة لمة استفقدناها من زمان يمكن اكثر الفرحانين بيها جانت خالتي فخرية كعدت كعدتها القديمة بالحديقة وكلنا ملمومين داير مدايرها والولد يشيون ويشوون ووسام جان يعرف يسوي عجينة كباب تخبل يكول وهو يضحك يغمز على رحاب انه اتعلمها من مرته الاولى بيومها جانت عهود دتسولف على بيت عمة نورية جانت مريضة حيل وتعبانة على شوفة الجهال فداز على مرته سامي تكول بس كايللها تعالي دازيها اهلها هي وغراضها ثاني يوم والجهال الظاهر وحسب مكالت اخت مها انه مرته العربية عايفته ومشاكلهم هوونزار بالزايد كثرانه ورة مراجعه اسما لالمانيا لانه رافضين عمر من جايها لسوريا يخطبها وهي زعلانة عليهم عايفتهم وراجعه وراها عمتي بعد كلش منتهية كتها جانت عهود من تحجي حسيتها ايست من نزار لانه صح جان يتوسل بيها ترجعله بس هي نفسها اتغيرت فحجت ويه امي وخالتي انه مدام مقدم على سفر بعد ماتريده وحتقبل على ابو حميد الرجال الي ظل يلح عليها يريدها خالتي فخرية جانت مقابله كالتلها رجعي لنزار لكن عهود محد يكدر عليها وحتى خالي جان وياها كاللها عوفيه لنزار خلي يسافر ويروح خلعي نفسج منهم بتنا ليلتنا هناك ووظليت ويه ميلاد جانت ضايجة انه عهود بقت بغرفتها لانه رحاب ووسام ظلوا هم هناك اتفقنا نتريك كلنا سوى خصوصا من شافوا خالتي وردت بملتنا بذاك اليوم من خالي سال سعد كله ها ولك شو ماتزوجت خبصتنا واكلت راسنا شو هسه لا حس ولانفس جان جواب سعد غريب كله خالي السالفة غير شكل وكتها اخذناها ضحك وشقى مافتهمنا الاسبوع الي وراه اجى ابو حميد وخطب عهود وكطعوا مهر جانت زوجته جبيرة كلش بالعمر يمكن اكبر منه ورايحة منتهية وهي الي جانت جاية تزوجه وعزمنا كلنا على سفرة لاربيل ورة زواجه كونه عنده شركة سفروسياحة هي صح دينية يعني مالت زيارات وعمرة وحج بس كال نسوي نسفرة نروح للشمال وبعدين ياخذ عهود ويروح لايران بيومها لبست عهود كوستم سمائي فاتح كلش جانت تضحك بس بحزن مااعرف ليش جنت اتصورها حتفرح حتزوج مرة ثانية بس مجانت كلش فرحانه يمكن جانت تحن لنزار او يمكن العشرة صعبت عليها! بعدها بكم يوم رحنا اني وياها وامي الصبح مجان عندي دوام رنا تسوكنا شغلات للعرس واني هم اشتريت جم حاجة ضميتها لجهازي من رجعنا وصلنا امي لبيتنا لانه جانت خالتي فخرية بيتنا وكالت امشي نذب الغراض بالبيت ونرجع حتى لاتتخربط ويه غراضكم لانه اني وامي اشترينا هواية شغلات وحتى اجهزة كهربائية اخذنا من البالة جانت نازله جديدة والله وفتحنا باب المطبخ سمعنا صوت عجيب يمكن سعد بالبيت بس اشو هذا صوت بنيه فعهود صاحت سعد هاي انت انكتم الصوت وصارت حركة غريبة اقتربنا اكثر شو هاي ننورة فتحت الباب لبست جبتها وركضت انهزمت بس سلام على السريع صاحت عهود واتخبلت عزة لعزاك سعد هاي شنو؟ شعدها هاي هنا اني راسا طخت عندي انه جان بين يوم ويم العصرية يذب خالتي ي وميلاد منا ويطلع بحجة لايبقون وحدهم اتاريه جان يجيب نورة الغبية للبيت صارت عركة بين عهود وسعد هي ماتسكت كامت تحجي صلي وهي بس يكللها انجبي معليج سكتي لادوخيني وطب للحمام كالتلي امشي روحي صيحي امي وامج وتعالوا ركضت اني هم لبيت خالتي جانت الدنيا ظهرية وحارة ورجلية اتشابكت وحدة ويه اللخ اريد بس اوصل من كتلهم امي كامت تلطم كالت بس لا ماسوي مصيبة هذا الاثول وظلن يتعاركن وياه وهو لايصد ولايرد بدل وطلع وره مااتعارك ويه عهود وراد يبسطها بس عجيبة شلون ام صلاح امها يعني تخليها تطلع هيجي وكت حتى لو جان رجلها او خطيبها واني بعدني ممكلة الجملة جتي امها العصرية واتخبلت من عرفت عهود عقدت ومعزمناهم لانه الكعدة اصلا جانت بس بيناتنه حتى مبدلنا ولاكشخنا ذيج الكشخة مااعرف جان حال عهود مايشجع مع انه طلعت كلش حلوة من سرحو شعرها وخلولها مكياج بيجي ناعم جان بعد موديل العيون الكحيلة والحمرة البيجية الي جانت كلش لايكة عليها ظلت تلح على امي لازم يتوجون قبل محرم شو جمال بتها انخطبت وعقدت وراها وحتزوج بعد اسبوع وهذه بعدها امي كالت اي ليش لا ميخالف وحقها ورة عرس عهود نروح نشتريل غرفة نوم وانعرسله لكن من اجى سعد وحجيناله انه ام صلاح جانت هنا كالله يمه ماريده هاي البنية ماتعجبني مو راحة خالتي شهكت وصعد ضغطها امي كامت تتعارك وياه كالتله انت مخبل شنو هي لعبة ماتريد كاللها خلاص لاضوجوني كتلكم ماريدها وكبت عركة جديدة امي كالتله اكسر ركبتك اذا تكول هاي الحجاية وخالتي اتوعدت وهدت وظلت ادردم عليه شنو بنات العالم هيته هم الله ميرضاها صارلك اشهر طاب طالع وياها من شبعت منها ماتريده غصبا عليك تاخذها من خالتي كالت غصبا عليك شو هذا كام يضرب البيبان محد يكول غضبا عليه افتهمتوا لو لا هاي البنية مو شريفة انطتني نفسها حتى قبل مااكطع عليها مهر شلون اثق بيها تصير مرتي بعدين الحجاية جانت صدمة لكن اني فعلا جنت متوقعة هذا الشي وحتى وكتها حجيت لامي وكالت احنى شعلينا ومامعقولة ام صلاح تعرف وتسكت عهود كامت تلطم وكالت هذا ناويلنا على شر مايعرف شلون يريد يطيح حظنا الا بهذه السالفة وامتدت العركة لايام حتى ام صلاح جان تصرفها غريب ظلت يومية تخابر على خالتي وتلح قبل عرس عهود اجى خالي وكعد وياه وحاول يفتهم السالفة لكن سعد دك رجل وطلع قبل لايجي خالي ويومين بات بيت صديقه عجيب جان كاتل روحه عليها شو هسه يكول تلعب نفسي منها بله اذا مسويله مصيبة اهلها شلون حيسكتون! كنا مستعدين لزواج عهود كان يوم اربعاء طلعنا اني وميلاد ساعة 11 الصبح رحنا للاعظمية طبعا اصرت ميلاد تروح تشتري هدوم من الاعظمية وصلنا كريم بس اني وياها بسيارة سعد لانه سعد جان طالع بالكيا الي اشترتها عهود اله وظليت امشي ورة ميلاد الي جنت اشوفها كئيبة وحزينة اصابها الياس اكثر من قبل بهواية صارت متخبطة ماتعرف شتريد حزينة معظم الوكت وحدها بالغرفة ضايجة وتعبانة راحت ذيج الضحكة والبسمة الي جانت على وجهها الله لايسامح اي احد يكسر قلب بنية كسر الخواطر قاسي وجروحة تظل تنزف حتى لو بعد سنين جانت تمشي سريع بحذائها الفلات واني اركض وراها المح بطرف عيني المسواك يمنى ويسرة وهي كلما تسمن تكصر وتدعبل اتحجبت بس ظلت تلبس تنورة كصيرة نص رجلها طالعة جانت تحبني لانه مجنت اعيب ولا اقلد ولا اعلق لاعلى لبسها ولا تصرفاتها واحنى نتلكى التعليقات والحرشة ونتجاهلها مرة ونضحك عليها مرة ثانية واني كل ما اشوف شغلة حلوة احفظ المكان حتى من نرجع بنفس الطريق نمر عليها طبعا مسالتها احنى وين رايحين لانه جنت اعرف مدامها لحت على كريم للاعظمية معناها حتروح تشوف عراق سوق الاعظمية وكتها جان كلش حلو وتخبل وشغلاته الى ان وصلنا محل ملابس ولد شاب جان توه مفتح المحل اسمراني حيييل وضعيف عودة لابس ينطلون جينز وتي شرت ضيق وديدخن وجهه طولاني وخشمه ماخذ كل ملامحه سلمت عليه ميلاد بخجل ودخلت ظلت تكلب بالهدوم وهو واكف بره بالباب ديكمل جكارته ويعني عينه علينه بس نهائيا ماعرفنا ولاحسينا منه شي بس ميلاد جانت مترددة اقتربت منها وهمست بصوت ناصي ---لاتكولين هذا عراق دغتني وعوجت حلكها اتشكرت منه وطلعنه ماتدري تبجي لو تضحك بس اني ظليت مبتسمة خطية انصدمت فعلقت وهي تركض كبالي صح هو كلي اني مو حلو بس نعله على حظي الاكشر مو متوقعته هيجي ظلت ميلاد بعقدة عمران وكانه صار المقياس النوذجي للشاب الي تريد ترتبط بيه فكلما جان يتقدملها واحد تردد كلش وبعدين ترفض بكل هدوء حتى اني ماعرفت هي شتريد بالضبط خفت الركضة مالتها وظلينا نفتر شويه شويه جانت المحلات توها بدت تفتح وماكو ازدحام هذه المنطقة من المناطق الاولى الي تاثرت بالانفجارات والاعتقالات وغيرها لذلك جانت الحركة بيها والانتعاش متفاوت يوم هوسة وعشرة لا مشنا وعلى يسارنا دخلنا محل اشترت هي منه قميص كصير وضيق لونه وردي وصخ وكصته بيها عواج وتون اصفر ليموني واني اخذت شال سمائي علمود الكوستم مالتي جانت مودة الالوان الزاهية الاحمر والاصفر بس منو يلبسها والقلوب كلها موجوعة من رجنا للبيت حسيتها جانت مخنوكة ببجية فكتلها يله عاي شتوقعتي قابل يشبه عمران باوع علينا ابو التكسي من المراية فنصيت صوتي هي كالت هو منو يجيني لعد لا وفوكاها كل هاي ويكولي ممفكر بالزواج وهو يمكن عمره نهاية الثلاثينات شينتظرومنو هاي الي تاخذه يعني ادري اكو شباب ماتشوف روحها بالمراية!! يكول الرجال مايعيبه الا جيبه ويكعد يحلم ويتخيل ياخذ اليسا هههه بس هو حظي الي يخلي مثل عراق يتعيقل عليه لو يجيني ايهاب يركض وراية فاني اندهشت كتلها يا ايهاب هذا صديق سعد ---اي هو ضحكت وظليت اجرخ بضحكتي خخخخ كالت وثول شبيج كتلها ولج هذا حتى اليه هم خاطبني --- هههه داخل علينا مقاولة ---هو مو متزوج؟ ---اي وعنده اربع ولد فوكاها --شوفي هذا كال هاي العائلة خلفتهم كلها بنات خلي اخذ وحدة بلكت تخلفلي بنية هو هم حظي هههههههههه رجعنا لبيت خالتي وجتي عهود ورانا ذبت العلاليك وعادتها بوجهها تطب للحمام من طلعت جانت دتنشف وجهها بدشاشتها كالت ---ماتصدكون المن شفت امي طفت جكارتها وجانت تلكط الخضروات جنا جايبيه ويانا سالتها كالت المن ---والله خالة شفت شهيد تذكريه ابن صابرين!! بس شلون اتفاجات واتعجبت لما عيونه والله ولا اعرفه شصاير بيه شكد متغير طولان وضعفان ومهتلف لابس تراكسوت كافه للركب تك وتك ورجليناته مطلعها ونعالات يشحط بيها وفانيلة وصخة جربة وحاط عودة جبيرة على جتفه يباوعلي من فوك ليجوة بالاول كلت هذا منو هيجي يباوعلي لما ركزت على وصاخته يا هذا شهيد ابن صابرين ليش هيجي صاير بيه شكله من هذوله العراكة الهتليه صاحت خالتي وهي تجي علينا عهود عزمتي نور ؟ ---اي يمه وصيت رحاب تكللها شو هي فد نوب مختفية وكملت خالتي ليش لعد مو كتلج بدرية اتزوجت صابرين ورة الحرب ---اي اتذكرت كلتي واحد بالعلوة مو ---اي شفتها قبل فترة تكول ام سعد لعب بيه طوبه كعد هو ومرته بالبيت هي الي تحكم وتامر وحاصرني اني والبنية بغرفة هي عدها بنية شابة ماشا الله شلون جانت شاطرة ---وتالي ---ماكو تكول حتى الجنبر البسطية مالتها خطية هاي الي جانت تكعد عليها تبيع خضرة ماخذها واحد من ولده وتبجي تكول تكول ساعة السودة من اخذته عبالي يلمني اني والجهال اتاري حتى المصرف بالكطارة ينطينياه ومااكدر احجي ايده والحزام ----عزة لعزاها صخمت وجهها بهالزواجة دردمت عهود يمعودات لاتخوفوني ترة اكلب ها جاوبتها امي انه تلحك تتزوج واحد تعيش وياه ايامه الي هيجي ضيعتهم حرامات على ابن نورية على الاقل تلحك تخلفلها جاهل يداريها من تكبر ---اني اخلف مخلفت من الشاب اخلف من الشايب!! وبهالعمر!! ---ياعمر يمه شبيها رحاب مو اكبر منج وخلفت اول زواجها ---رحاب بسرعة يصير عدها حمل اني تعرفون بيه بعد ؤكضت ميلاد انطتني لفة الفلافل الي جبناها اني كلش احب الفلافل وجانت جايبة كص للبقية اللفه بالف عود من هاي الغالية ههه كالت لعهود انه هي دائما تشوف شهيد ويه جماعة صلاح ابن كريمه عود صايرين عصابة وجماعة وهالسوالف ---والله هذا صلاح يخوف محد يعرف وين يشتغل كله سيارات بيكب اخر موديل تحمل بنزيات ويعبون بهالبراميل جايب جماعة مودي جماعة والله يخوفون الله يبعدنا عنهم لايكون ابنج فخرية يتورط وياهم ---يا موجتيني البارحة تهددني انه لازم سعد يسوي الزفة ورة عرس جمال ---شفتي الحظ عود جمال بيهن الي اتزوجت وخطية هذني السبعة مدري ثمانية محد مكلبهن فعلقت اني انه كلهن زينات بس احلاهن نورة والجبيرة هم حلوة مرتبة بس شويه قرج ---عليمن مايطلعتن قرج يمه انت شايفة كريمة من تعد وتصف بالمحل!! وشراح تسوين فخرية ---شسوي ؟ ماادري والله كلت اروح اشتريله غرفة نوم حتى لو مستعملة بس اسد حلكها ليما الله يهديه هذا الولد ويتزوجها ويفضنا --والله يمه ابنج هذا ناويله نية كشرة اول تالي شلون ياخذ البنية هيجي ويكول ماريدها مو عيب مو حرام شصار بهالدنيا هو منو غيرك طلع عينها خالتي غمزت لعهود عود مايصير تحجي هشكل وادوس زايد كدامنا ثاني يوم صارت الزفة مسووا حنة ولاشي بس هو كطعلها مهر محكمة وسد والزفة هم جانت بس موسيقى وهلاهل وباجر نطلع كلنا نروح للشمال من الصبح جتينا رحاب هي وبشار والولد باقين ويه وسام جانوا فرحانين مشترين التكسي الجديدة بيبيتهم ماي طلاه دزتلهم فلوس شدة يمكن كالت رحاب اشترت بيها تكسي والبقية ضمتها الهم مصرف للولد يعني جانت السيارت موكلش غاليه خصوصا رقم اسود منافيست ووحيشتغل عليها عباس تكسي وعمار السكن مالته ههه لكن الي فاجائنا هو نور ولا عرفتها متغيرة حيل هذه مو نور كتلها انت منو شبكتها وحضنتها صارلنا تقريبا اشهر مشايفيها عبالك كبرت عشر سنين وضعفانه صايرة بالنص رحاب ضحكت عليها كتكلكم قهر الرجال شيسوي هاي نور مثال حي هي هم ضحكت كالت جات الحزينة تفرح مالقيتش مطرح صح الضعف جان كلش حلو عليها عبالك لعابة صايرة وبينت تقاسيمها ومعالمها صارت نازكة حيل بس وجهها جان كلش تعبان كانت تتكلم عن حاله بالم ولوعة عيونها محتارة ماتعرف حتى طعم الابتسامة رامي تعين مسؤول مهم في احدة قنصلياتنا خارج العراق وصار يتردد كل مرة انه يسحب نور وصلت بيها المرحلة انه تطلب الطلاق منه وحتى هذا الشي مدينفذه الها ولانه ماعدها احد من اهلها ماتعرف المن تتوسط بس ربنا مايكطع متصل بيه واحد من الموظفين باحدى الوزارات المهمة ومبلغ رامي انه ضروري يريد يلتقي بنور عنده امانه يريد يسلمها اله نور تكول رحت للوزارة واني خايفة هذا منين يعرفني وشجابة عليه وجه معروف والناس كلها تحسبه الف حساب تاليها هو يتصل بيه ويكلي تعالي رحتله وهناك السكرتيرمالته راسا دخله عليه سلم بترحيب ووصى واحد من الحميات ياخذني لبيت الحجي بس هشكل اني جنت كلش خايفة كتله شلون اروح لبيت شخص مااعرفه ضحك وكلي لاتخافي بنتي ابوج الله يرحمه قبل لاينعدم ترك اناة يم اخوية وهو موصيني ادور عليج والله بالصدفة قريت اسمج زوجة موظفنا بالقنصلية سالت استاذ رامي كلي هي بعينها هههه رحت لبيت الحجي وقلبي يدك وارجف من الخوف اتصلت برحاب ماترد طبعا مافي يوم ولامرة دكيت عليها وجاوبت لازم تشلع قلبي باوعت شو هذا رايح للكاظمية نزل الحماية وهو كلش مؤدب كلي اتفضلي اختي السيارة بعد ماتفوت هنا مشيت بدرابين البيوت العتيكة الا ان شفت رجال شايب وقور مجتف ايده ليوره واكف ويه اثنين شباب لابسين قوط من اجيت سلم عليه بشكل مااعرف هو حزن وهو فرح كول همزين رحت لابسة عباية والله وجان يكلي شايفة هذا بيت ابوج وهذا المفتاح اني ابتسمت واتعذرت كتله لاعمو هذا مو بيت اهلي بيت اهلي اخذوه ورامي زوجي ديمشي بالمعاملة حتى يرجعه كلي ادري باباتي هذا البيت هسه تشوفينه صغير كلش هذا البيت هم الكم افتحه سجاد فتحه سجاد ودخل العجوز ودخلت وراه عبارة عن غرفتين غرفة جبيرة وغرفة صغيرة مليان ترب للركب جنه بيت اليهود الي عافوهن كال هذه جان مسجل باسم واحد ثاني ابوج انطاني مفتاحه الكبة الجبيرة مابيها غير بس كروتية ماتبين ملامحها اصلا بس ضوة الشمس كوه ظهر خيالها خليت ايدي على وجهب لا اختنك وجانت اكو غرفة صغيرة مقفولة بس سوى هيي للقفل وكع وطش وياه كومة تراب من فتحنا الغرفة جانت مليانه كتب وصناديق حديد مزنجرة كوة تبين كلي شايفة هذه الكتب وهذه الصناديق هي كلها مالت ابوج وجدج الله يرحمهم وحتى الوالدة الله يرحمها اذكر كلي مؤلفاتها يمكن بوحدة من الصناديق كتله زين عمي شعجب الحكومة معارفة بهذا البيت جاوبني وهو يهز راسه ماكان لله لايضيع ابدا وانطاني المفتاح وطلع انداريت وباوعت لاول مرة اشوف صورة لابويه معلكة على حايط هو وصغير وجدي واكف وراه المن الفت والمن انعدمت ومن عرف بيكم!! وظليت اني جاهلة ومتهجولة من بيت لبيت!! حتى ماكو احد قبل يلفيني هييي مسحت دمعتها نور وكالت من يومها شويه اتغير رامي ويايه الظاهر الحجي هذا اله مقامه وجان يحب ابويه كلش صفنت وسالتها كتلها زين ليش ابوج شكد عمره من عدموا ---نهاية االاربعينات امي زوجته الثانية الاولى مجانت تخلف وماتت مريضة تزوج امي واني جيت للدنيا وراها بعد عدموه الله يرحمهم امي همجانت تدرس فقه والله مااتذكر هذا الحجي بيبي تالله يرحمها كالتلي واخر شي عمة نزيرة هم حجتلي كالتلي روحي على اهل ابوج رجعيلهم بس والله اني ماريدهم ---عجب امج هيجي وخالج هيجي طلع ابن سوق ----هههه جدي جان متزوج 3 نسوان وحدة منهن جانت ارملة وهذا خالي من الام ---مافتهمت ههه ---شغلة ادوخ ---هذا خالي اخو امي من الارملة امي الصغيرة بين اخوانها اتربت بحضن جدي ومو ويه امها يعني اخوها من الام مو من الاب يعني ام امي جانت متزوجة واحد اتوفى ومخلفة منه خالي بعدها اتزوجت جدي وخلفت امي خالي تربى ويه اهل امه وامي اتربت بيت جدي ---اي وصت وصلت خخخ جانت نور تنتظر بعد نهاية الشهر تسافر لزوجها بس هم جانت خايفة ومترددة انه يرجع يغير رايه ويلعب عليها يوم اي ويوم لا صارت الزفة على السريع واول مرة شفنا ولد عمو ابو حميد اجوي ركصوا بعرس ابوهم هههه جانوا كلش مؤدبين وحبابين والصغير بيهم ممتزوج كتلها لميلاد ليش ماتخذيه دفعتني ليكدام وظلت تصفك وربطتها تتمزلك وترجعها مااعرف يمكن وكتها معجبها حجيي اني هم بوجههي رحت كعدت على القنفة بصف خالتي جانت تبجي وتمسح دمعتها بالفوطة شبكتها وكتلها يله خالة خليها تروح وتفرح كالت يمه مو تعودت عليها جانت ونس اليه بالبيت يله الحمد لله تشوف خير ان شاء الله جتي تتنحنح يمها عهود وهي تمسح دموعها شو هذه فجاءة كامت تبجي وحضنت خالتي كالتلها يمه كوليل بطلي وهسه اني اعوف كلشي وابطل ظلت تبجي يله كولي اني ماريد اعوفج خالتي ظلت تشهك جتي عليها ميلاد كلتلها بلا هاي الدراما رحمة لابوج ضحكتي الناس عود اول مرة تتزوج الرجال دينتظرج بره يله امشي وبالفعل اتزوجت عهود وراحت لبيت رجلها الله شاهد عمو ابو حميد واللي جان اسم ابوه سكران جنه نصيحله عمو سكران كلش حباب ومن يوم ماخطب عهود وهو مغرك اهلها بخيره جان كلش يحب خالتي وينقهر عليها حتى بيوم عرسة وصى ولده صواني بقلاوة وزلابية وصناديق ببسي جتي للبيت عدى بقية المسواك من طلعنا شفت كريمة وبتها نورة واكفين يم الباب نورة جان شكلها مثل الي مضروبة ومكتوله والدمعة بطرف عينها جاية مبهذلة حتى حمرة مخالة وام صلاح واكفه ورافعه تك حاجب وخالة ايد على ايد وزامة شفايفها فتت من يمها وكلت سلام قولا من رب رحيم فهزت ايدها وخزرتلي افترينا بالسيارة المناطق القريبة مطولنا هواية جانت بدايتها من سمعنا يضربون الزفات مال اعراس الي تدك موسيقى صارت يمكن مرة او مرتين فجنا متخوفين وصلناهم للفندق ورجعنا جانت احلى لمة ليلتها كلنا التمينا مثل قبل بيت خالتي وظلينا نسولف للصبح اتوسطت امي وبصفها اختها واخوها وتحجيلنا عن اعراسهم قبل وشلون خالتي اتزوجت وهي جانت صغيرة تركض وراها وتبجي وعرس خالو علاء وضحكنا على رحاب عكس عهود من اتزوجت عمو وسام راحت ويه النسوان وعافت عمو بالهول يسولف يسلم على الجماعة فصاح عليها كلها شنو ممصكة عفتيني ورحتي!! هههه جانت رحاب ناويه تزوج عباس بي يصير عشرين وخالة عينها على بت هادي صديق فاضل الله يرحمه كام يضحك هو من سمع وخجل دنك راسا عرفنا هو عينه منها واتاري هو رايدها من زمان عمار من يمه صاح واني شوكت خوما ناويه تخليني اخر واحد صاح عمو وسام لاتخاف زواجك عليه بس كون تعقل وهو كله ممكل ال15 سنة ههه فكالت حتاخذها اختها لعمار جانت ناويه على بنات هادي اما امي فجانت ناويه تشتري سيارة لكريم من زمان جان بودها تشتريله سيارة خصوصا ورة مالكى شغلة ويه شركة عراقنا يداوم بيها ليلي بعدها بيومين رحنا للشمال اول مارحنا رحنا لاربيل ومناك رحنا لسليمانية جان الجو حلو بس هم حارة بس بالليل صعدنا على جبل ازمير جان الجو كلش حلو والاسواق حلوة تخبل وهمه هم كانوا يرحبون بينا كسياح رحنا افترينا باربيل بسوق القلعة صاير مثل النفق جبير واسع والمحلات منتشرة على الجوانب طبعا هو يعتبر مثل سوق الشورجة عدنا كلشي تتخيلون بيه ورخيص همين السوق مسقف وكل محل يعرض شكل من ملابس نسائية وجواريب وبصفها ابو الليف ووكرزات ومن السما الله شكد طيب صدك من السما اخذنا منه كومة على شكل علب خشبية صغيرة وبيها طححين مدري نشه هههه ومشينا والجهال يلحكونا نشتري منهم فانيلا بالكردي كلشي ماافتهم همه يضحكون علينا واحنى نضحك عليهم اما ريححة البهارات فجانت شي ثاني حملنا جياسة جياسة خصوصا امي تموت على البهارات واخذنا جوز هم ويانه كومة لانه هذا اني احبه اما خالة امل فحملت لروان شغلات وملابس مال نونو لانه هم بيها بنية ثانية خطية جانت تريد ولد وحملتلها طرشي اصفر لا الطرشي هناك طعم اخر اتونسنا كلش هاليومين مابقينا مكان مرحناله ولامطعم يعتب علينا لكن يافرحة ماتمت اول مرجعنا للبيت اتلكنا ام صلاح بعركة شكبرها بالباب لانه سعد مااجى وياناه اتاريه قبل بيوم كايللهم انه بعد مايريدها لنورة واتعركت ويانه ذيج العركة وخالي يكللها ميخالف ونحل الموضوع وومايصيرخاطركم الا طيب لكن سعد طبك السيارة وكام يصيح ويعيط مالفي موزينات وطبعا هو يفشر وامشوا طلعوا بره اني بتكم ماتشرفني ومن هالحجي ظلوا هو يعد عليها وهي تصف عليه هذا الحجي كله بالكراج جيتت عليه تريده تخرمشه وتضربه وظلت تدعي عليه وتتوعدله ظلت المناوشات منا ومناك الى نهاية شهر 11 صارت سكتة عند سعد مياخذها وهمه هم سكتوا فترة بعد ماههدونا فصل وعشتير خالي سحب نفسه من الموضوع لانه اتعارك ويه سعد وضربه راشدي من اتجاوز عليه وخالتي فد نوب تعبت والله وصارله الموضوع تقريب اسبوع هدوء ماكو شي هدوء ماقبل العاصفة بهذه الفترة الصبح من جان ماعندي شغل امي جانت ادزني يمهم حتى لاتبقى خالتي وحدها وهي صحتها تعبانة جانت ظهرية ساعة 12 وبس اني وياها بالبيت وصار صوت انفجار انرجت الشبابيك وجمدت بنكاني كلت هاهي جرونا ركضت على خالتي شفتها عيونها مفتوحة ومخروعة ظليت افرك بيها كتلها مو يمنا مو يمنا بس جذب هي جانت بالباب ركضوا الجوارين جانت عبوة صوتية طبعا هذا جان تحذير النا اتخربطت خالتي بين ايدي امي جتينا تركض واني ظليت ابجي واصيح لحكولي خالتي اتخربطت والله وشالوها ويانه الجوارين وركضنا بيها خطية من الفرة والخرعة صارت بيها ذبحة الصوت جان كلش قوي وهي كل ظنها سعد صايرله شي سعد من عرف خالتي اتخربطت والدكتور كالنا لازم نحددلها موعد نسويلها قسطرة جان الجو توه بردان ورجعت اني للبيت ادفيه قبل لايطلعوها بالمستشفى جتي رحاب تلطم شايلة بسام وجاية كالت امشي عوفي البيت هسه يجون يرمونا ركبت وياها ورحنا لبيتهم اتاريه سعد مااعرف منين ماخذ سلاح ورايح خارط الحايط مالتهم بالطلقات وصارت هوسة شكبره ادخلوه بيها الزلم والرياجيل وحتى احنى كلنا كمنا نبات بيت رحاب لمدة اسبوع ومنكول لخالتي لصحتها تروح وصارت عركة جبيرة بين سعد وخالي ووسام كوم وسام اضرب سعد راشدي واتلازم هو ووياه يكله انت الظاهر ماعندك جبير وماتعرف تتصرف تريد تودي العائلة بالتهلكة سوايتك ميسويها بس ابن شوارع اتخبل سعد كام يغلط عليه وولد رحاب وكفوا ويه وسام ضد سعد شو هذا المخبل طلع مسدس وكام يهددنا يضرب بالهوا لكن كلها بجفة وبيت ام صلاح الي مجازوا من عدنا بجفة كعدوا خالي وولدنا ووسام ويه اهل نورة واتفقوا انه خلاص يتزوجها وماتصير مشاكل وينسد الموضوع وانطوا حجاية لكن سعد رايح ثاني يوم متعارك ويه امها بالمحل ومصيح ومعيط عليها ومهددها الا يفضحهم العصرية من ذاك اليوم احنى هاي كله ماندي بعدين بدينا نعرف شمدرينا رجعنا للبيت انه كلشي ماكو وخالي كال انفضت السالفة بقيت يم خالتي وجانت مغربية خالي كال اروح اجيب عشا واجي كمنا نزجل الباب اندكت حيل طلعت افتح امي جانت رايحة للبيت تجيب هدومي وغراضي وميلاد بالحمام فتحت الباب جان سعد صاف السيارة ديطلع غراضة واني داطب سمعت صيارة شحطت وكفت ونزلوا منها شباب مديت راسي وشاوف بس سعد ديصيح مكتوم ركضت وصيحت يبووووو جانوا ديجتفون سعد ويحطوه بالصندوك رحتلهم وطلع واحد من جوارينه ديلحك بيها جان اشوف واحد ملثم ضرب طلقات بالهوا وعلى بابنا اني من خوفتي دنكت ونمت بالكاع وعيني على سعد وعلى الملثن جانوا 3 والسايق واني متاكدة الملثم جان شهيد ابن صابرين والله واسمع صوت مسدس انرمى عليهم خالي راسا من بعيد نازل وديضربهم خطية مايطدر يمشي بالشتا كباته تون عليه حيل ويكوم يعرج فجان يسحل برجله ويرمي عليهم رموا عليه وصوبوه من صار رمي البيوت داير مدايرينه الي ضام سلاح من التفتيش كاموا يرنون وسعد يصيح خالي الحكلي من صارت هوسه عافوه جان نص بالصندوق ونص بره شحطت السيارة ادعبل ووكع وخالي جتي طلقتين بخاصرته وظل ينزف كلها بجفه ورجعت اركض على ميلاد تصيح على خالتي امي ماتت جان الوغف ابيض تارس حلكها وامي جتي تركض جايبة توثيه وجاية حافية خطية عرفت صوت الهوسة يمنا وكريم جاي وراها من كايليه الولد جايب سجينة مال مطبخ والنس كلها التمت ماعرف شصار برة بس الي اعرفه انه لو ما خالي وجوارينه جانوا هسه اخذوه لسعد وماعرفنا عنه شي بعد لحكنا على خالتي وركضنا بيها المستشفيات اي مستشفى نروحله صاير انفجار واسعاف لحكوا بس ينطوها الاوليات واخذناها لمستشفى اهليه وكالو لازم هاليومين نسويلها العملية احنى هم رجعنا بيها وراجعنا طبيبها وححدلها موعد العملية بنهاية الاسبوع وخالي الحمد لله الطلقة جتي وحده بخاصرته ووحده اعلى جتفه جانوا متقصدين انه مايكتلوه والا جان كدامهم وهوهم كال من رميت مارميت عليهم ردت اخوفهم حسيت شكولهم وهيئتهم مو غريبة الله نجى خالي من هاي المحنة بقى بالفراش شهرين يله بتعافى مااعرف صحته تعبت يمكن لانه نزف هواية ورة مطلعت خالتي كمنا نتراوس على البياته وياها طبعا سعد اخذه خالي يمه وكله ماتوصل لبيتكم بقينا وقبل يومين من العملية بالليل اندكت الباب ركضت امي واني وراها جان كريم طالع يجيبلنا بنزين ونفط مخلصين اتاريها ام صلاح جتي وجانت مخرمشة وجهها والظاهر متعاركة ومكتوله ظلت تدعي علينا وكالت البنية حتروح كله من وراكم واتعاركت هي وامي وكامت تغلط امي جانت هادئة وانقهرت عليها بقت ساكتى ماتحجي بس تكللها ان شاء الله تنحل وماكو شي بس هي حجت حجاية كالتها بصوت ناصي الا ارجعلكم اياه وصل وصل وسوت ايدها مثل حركة الي ديثؤم لحم ميلاد جان واكفة بالباب كامت تصيح خالة خابري سعد كوليله لايرجع هذوله يكتلوه هذوله حيثرموه ثرم امي صارت عصبية عليها كالتلها لاتصيحين امج تسمع وصدك اتاريها خالتي جانت تسمع وبالذات سمعت هاي الحجاية من عدنا من جنا نسولف شلون ام صلاح كالت الا يرجعوه وصل وصل ثاني يوم الظهرية ميلاد جانت مراجعة اجيت اني قبلها وامي كالت حروح للسوك وارجع احضر غراض فخرية لباجر تسوي العملية بخير وسلامة اندكت الباب وسعد صاح اجى ديسلم على خالتي جايب الكيا وصفها بباب الكراج وظل يبوس بيدها وانه حيجيها باجر من الصبح ياخذها بقى شويه وهي بس تكله يمه من عمري على عمرك يمه دير بالك لاياذوك يمه اخذها البنية حرام عليك هيجي تسوي عندك خوات ومن الحجي سلم علينا وطلع بقت الكيا بالباب واخذ سيارته وراح سمعنا صوت يم الباب جانت خالتي كاعدة على الكرويته بصف الصوبة وتباوع تلفزيون قريب على غرفتها خليتها بعيد عن باب المطبخ كلت لايجيها هوا بار مناك كالت يمه شوفي هاي سعد اخاف رجعت ومانشوف الا انفجار طيار الكيا للسما وصار حريق وعصف انقلعت باب المطبخ طارت ليفوك وكعت بالكاع وصار حريق اشتعلت السيارة والبيت راسا لكف النار ماشفت غير وجه خالتي مخروع صاحت راح الولد صوت الانفجار خلاني ثواني انفصل عن العالم الخارجي وشه باذني صارت مااعرف من الخرعة والفزة لو من الصوت لو من منظر الباب الي طارت بس اني الي متاكدة منه اخر شي لمحته هو خالتي من ركضت عليها ظلت اتردد بشكل مريب راح الولد مني... يمه راح الولد خالتي الفترة الاخيرة كلش ذبلت وفقدت هواية من وزنها والصبح امي كوة كصت ظفايرها خلتها تبجي عليهن مجانت راضية بس خفنا عليها تتمرض ورة العملية شعرها طويل وهي ماتتحمل الا تسبح لحد الان اذكر وجهها الفزع ونظرة الخوف والصدمة عليها جنت لابسة ازار الصلاة توني اريد اصلي ماعرفت افكرظليت اترجف بمكاني ومن شفت النار بدت تدخل للمطبخ وهوسة الجيران برة سحبت خالتي كوة وحسيتها كلش ثقيلة مجنت اكدر اسحبها ظليت اصرخ لحكولي حنحترك الحريق جان بباب الكراج كتله نار تفور من السيارة الكيا والمطبخ كله كزاز والغراض مطشرة من قوة العصف امشي واسحل خالتي واخاف انجرح ماعرف عقلي شلون جان ساعتها يشتغل ولما وصلت بره المطبخ جوي ثنيين شباب ابو طيف وواحدثصاني اخذوا خالتي مني بس لزموها وشافت السيارة لهب ماعت روحها وصاحت صيحة يمه راح سعد مني اتخربطت وكوة طلعناها اتخبلت بالزايد من شفت خالتي بدت ترتجف وتفر براسها عرفت بيها شي ماهتميت للبيت ولا بالي عليه كل همي افلت اني وخالتي براته من طلعت شفت الناس جانت ملتمة ودتطفي بيت والنسوان التمن عليه مااعرف شحجوا بس افتهمت امج وين اخوانج وينهم اكو احد جوة هيجي شي واكثر من سؤال يطمنون بيه عليه صاح عليه ابو طيف لازم ناخذها للمستشفى خالتج موزينة رغم انه شتا بس ابوطيف جان يكت عرك صعدت وياه بالتكسي واني اتراجف ومجلبه بيها واحاول اطمنها خالة سعد مابيه شي الكيا جانت فارغة كلي صعدي خيتي بسرعة هاي خالتج فقدت مبين عليها ضربتها راشديات خفيفة خالة خالة لسانها ثكل ووغف حلكها واصفرت وازركت بدقايق طلع بينا للمستشفى جتي الشرطة والاسعاف بطريقنا عرفنا هاي جايين علينا كمت ابجي مااعرف شسوي عفت البيت هيجي وحده عيوني انرعبت من منظر النار والدخان ومن صدمة الصوت القوي الله لايوكع احد بهيجي حالة من كعدت بالسيارة بديت اضرب خفيف على صدر خالتي وانتبهت اني طالعة بتك نعال ورجلي الثاني دتنزف دم من الكزاز بس ماهتمت حسيت خالتي حبيبتي دتروح مني ساعتها والله حسيت قلبي حيوكف من الخوف جانت ايديه ترجف وشفتي مااكدر احجي حلكي جمد اريد اطلب من ابو طيف يتصل بواحد من الولد بس صوت الهئهئة يطلع مني اني من خبصتي كلشي مااخذت ويايه لاجنطة لاتلفون لافلوس بطرك روحي ابو طيف عصب حيل ومجان يسمعني التهى يصيح ويعيط من الاازدحامات والشوارع المكطعة كمنا نصعد رصيف وننزل حفر ونمشي رونغ سايد ويصيح انفجار انفجار عدنا جرحى يمعودين المرة حتموت انطونا طريق حتى الناس بلكت تنطيه مجال لكن حجايته من كال المرة حتموت المرة حتروح من عدنا جفلتني اكثر كانه بوق وانطرش اذني بيه ظليت افرك بايدين خالتي حيل واشلح الازر مني خفت خفت كلش وارتعبت من هاي الكلمة شلون خالتي حتروح من عدنا ييارب ساعدني اندار علينا ابوطيف وارتعب من شاف شكلها لاتصد ولاترد واخر حركتها لزمت كلبها حيل ووكعت ايدها كمت اهمس باذنها خالة خالة حبيبتي الله يخليج والله سعد مابيه شي كلنا بخير جان حادث هذا مابيه شي والله اندارابوطيف من شافني جزعت صاح عليها من اصفرت وابيضت شفتها كلها خالة ام سعد كفيلج العباس كومي ياخالة كومي الولد مابيه شي لا تروحين من عدنا كام يعيط واني اعيط خالتي انكطع نفسها كمت اخضها حيل كتله ماكو نفس ابو طيف ماكو نفس جانت تنازع بين ايديه وكفنا بازدحام اندار عليه كلي بصوت ناصي ودمعته نزلت خالتج تنازع لقينها الشهادة خيتي بجيت بحركه كتله عفية لاتكول هيجي الله يخليك لاتكولها شلون يعني تنازع وين صارت هاي المستشفى كلي ماكو طريق ماطبيته وطلعت منه صايرة انفجارات اليوم من الصبح ظل يسوق ويكول لقينها الشهادة خيتي خالة ام سعد اتشاهدي صار يرددها و هم بلا وعد ماسمعت حسها بس تمته شفتها محمد محمد علي محمد بصوت محشرج ونفس مكطوع اني صرخت بداخلي كتله يامحمد يانبي محمد رجعلي خالتي ياتوسل بيك يا الله لخاطر محمد رجعها اليه ورجفه قويه بشفايفها صارت ماسمعت شكالت بس محمد يارب بحق محمد مهد النا طريق نطلع بيه يارب انطوت الارض تحتنا ووصلنا المستشفى خالتي فخرية فقدت خلاص مجنت اعرف عايشة لو لا بس شلناها اني وابو طيف و الصدمة جانت مال المستشفى خلتنا نوكف الناس متروسة بالباب ومراكض يمنه ويسرى والله حتى جثث متفحممة شفت الكل يتراكض وكمت ابجي من شفت مريه لابسة عباية شايلة بنية صغير بملابس المدرسة شايله بقايا من راسبتها ودماغها صاير طشار لازمته حيل على راسها وتصيح بتي اتصوبت عفية احد يشوفلي بتي ماتدري خالة خالة ياخاله صحت عليها وركضنا وراها ردت اكللها خالة ترة دماغ بتج ديتناثر وراج غصيت بعبرتي وانياحاول اجاري ابو طيف واباوع على المشمورين بالكاع وكعت عيني على واحد مكطعه ايديه باوعلي وهو ينازع روحه شتحمل ياربي شنو هالمنظر كتلها للستر دتركض شوفيه هذا ديموت جرت خالتي مني وكالت احشائه كلها طالعه خليه هسه ثواني ويموت جانت تجاوبني كشخص متخدر كملاك موت ينطي اذونات مو مثل ماتعلمناالممرضة ملاك رحمة!! يمكن همه هم كلبوا اتحجر من هول الي شافوا ويشوفوه كل يوم بس خلت امي على سدية متكسرة وراحت ابو طيف كلي ابقي يمها ادور دكتور يشوفها جانت الغرفة شويه بعيدة عن الممر لزكت ببابها واني اعاين على خالتي اقتربت منها وخليت راسها بحضني ظليت العب بشعرها الاشيب الكصير بوستها حيل كتلها لاعوفينا ماعدنا غيرج والله سعد مابيه شي وانتظرت ومحد ماكو اتذكرت بالافلام شايفة من قلب شخص يوكف يظلون يضربون بيه اني هم بديت اضرب اول شي على كيف كلت خطية اخاف تفز بعدين كلما زدت الضربات جانت صرعاتي تزيدصرت متيقنة انه خالتي ماتت ماترد عليه كمت اصيح واضرب صدى صياحى وصراخي كان يضيع ويه صدى الالام والتاوهات لعشرات الناس المرمية بالغرفة ناس بالكاع وخاليها كانوله لو لافيهم شلون مجان وناس عافوهم يموتون جابوه سدية ثانية بصفي جانت لشاب متروس جسمه شظايا مزرف ومديعرفون منين ومنين يسدون النزيف ركضت على الدكتور وجان شاب صغير كتله ابوس ايدك دكتور بس شوف خالتي قلب... عدها قلب دكتور الله يخليك هو يلفلف بجراح الشاب اني لازكه بيده اتوسل بيه مجاوبني وماحجى جان مخبوص حتى ملاحظني من جتي سدية ثانية بيها مرة حامل تنزف عافنا وركض عليها كال للستر هسه تجيبوها اندار عليه وينها خالتج وراح عليها واني قلبي قبل عيوني تعاين عليه فحصها وباوع عليه كلي الحجية ... وزم شفايفه مانطق سعاد صاح على الممرضة الي وياه اخذوها واشر مافتهمت وين جرينا السدية اني وياها لنهاية المرر سووللها صدمة كهربائية انتظرنا شويه يله اجانا السرة قبلنا جان رجال شايب هم اعلنوا وفاته وظلوا يضربوها صعقات كهربائية تصعد للسما وتنزل وعدة مرات ماكو ماتحركت خالتي عيونها غمضت ومافتحت كالتي يمه الحجية ميتة صارلها فترة جرت السدية وعافتها بالممر اي هشكل بكل بساطة ظليت افر براسي اريد اركض وراها شنو انت تحجين هاي خالتي فخرية ماتموت ماتموت شكول لامي ياربي شكللها اختج ماتت بين ايديه ومسويت شي ملك الموت اخذها وماكتله شي؟! اتهسترت وجنت احس برجفه قوية تهزني حيل ريح مرعدتني وحسيت بدى سكري يصعد ومكدرت بعد اقاوم نشف حلكي وبدت شفايفي تلزك وحدة باللخ بقيت بالمر الوب مثل الطير المذبوح والله افتر داير مدايرها الزم ايدها واكللها كومي هسه يجيج سعد واجاني ابو طيف يركض بين الناس اتاريه جان يدور عليه واكع الازر مني ومحاسه انطانيه اياه وظل يردد لاحول ولا قوة الا بالله انا لله وانا اليه راجعون لج قيم صارت صدك وخالتج ماتت يولي لج قيم كومي لطمي وصيحي خالتج ماتت عزة لعزاني شلون اذا شافتني امي شكوللها شحجي شكول لخالي علاء وشحجي لرحاب لج قيم شلون فرطتي بيها هيجي شلون مو انت انت الي جان يعتمدون عليج كعدت على الحايط وكمت اضرب براسي وابو طيف عيونه دمعت وكام يمسح بيها كال والله هضيمة شوفي هاي الناس شنو ذنبها سيارة مفخخةبنص السوك!! زين ليش ليش تكتلوهم منو انتو!! وشتريدون منا ظل يباوع عليه واني ادك على راسي كالي خيتي شبيج شو مو طبيعية انت ؟ انت مريضة شي!! مجاوبته بس ظليت ابجي كالي حصلت سعد وكتله احنى هنا هو سامع بالانفجار وراجع عليكم خطية جان منهار امج وين اخوج وينهم ماحجيت ولاجاوبت مجنت اكدر احجي جنت ارجف واهتز من رجفة مثل الي مغطسيه بمسبح ثلج ظل يكلي اختي شبيج ابقي هنا اودي خالتج للمشرحة دفعها واخذها واني اريد اكوم وراه مااكدر لفيت الازر عليه كوه وكمت اسحل بروحي سحل وعيوني عليه كون مااتيهه وسمعت صوت امي من بعيد وسط كل هاي الهوسة الي يمكن اذا صرخت الحامل الي تولد محد يسمعها وسط صراخ الاهالي الفكدوا ولدهم سمعت صوت امي وبديت ابجي بالزايد شكلج يمه جانت تصيح قيم قيم وينج جاوبيني خلي اشوفج خالتج وينج قيم وسعد شاف ابو طيف لانه اجانا من جهة المشرحة وخالتي لمحتهم وركضت وراه كعدت بالكاع وانتجيت على الحايط من شفت امي تركض انهد حيلي اتسمرت ومجان بيه اتحرك لميت رجلي وغمضت عيني مجنت اريد اشوف جزعة امي على اختها ولا اسمع نواحها عليها ظليت افر براسي وجانت عيوني مغوشة مكمت اشوف زين وكل شويه وحدة تمشي وتعثر بيه واللخ وكعت عليه وشالت روحها واجى رجال كايد ابنه ويركض بيه اتعثر بيه وانجبح عيوني صار بيها سواد وخبت الصوت حسيت بنفسي بديت انطفي ابد مانداريت جهة امي جنت خايفة صوتها وحده جان كافي انه يشك قلبي شك لزمتني الباردة وحسيت سطل مي وانكب عليه وماسمع الا صوت مرة حسيته بعيد جانت تخضني من جتفي قيم قيم انت زينة ماما شبيج جانت ام منة ويه بتها لزمتها حيل وشبكتها جنت اريد اي احد اعرفه يحضني يكولي ماكو شي جذب جنت اريد احد يلزمني ويخضني يكلي اصحي يضمني اي جنت اريد احد يشبكي كمت اشهك بحضنها حسيتها دافية كامت تبجي بصوت عالي جانت تكول الله يرحمه هذا يومها بعد هزيت براسي كانه ماريد اصدك مااريد جرتني هي ومنة وكالت يمه انت موزينة فد نوب تروحين انت هم يصير بيج شي شيصير بامج امشي ويايه اخذتني واني عيني على امي من بعيد جانت تضرب راسها بالسدية ماسمعتها شتكول بس تبجي تبجي وتتلطم وسعد هم جان يضرب على راسه وابو طيف يسكته وصلت لبيت ام منة ومنة حضرتلي الفراش وساعتها زادت رجفتي والله جنت انخض خض راسا غطوني وكوموا علي البطاطين وشويه حسيتهم رفعوا البطانية ووحدة تسال اللخ تعرفين شلون يضربون الانسولين باوعت عليهم وجانت الصورة موواضحة والصوت بيه صدى كانه يحجون عبر المي ابتسمت اليه وجانت عيونها مبلله من البجي وكالت كريم جاب الانوسلين مااعرف اضربج تكدرين تضربين نفسج اني مارديت لانه جنت كوة افهم غمضت عيني جنت اريد اكللهم عوفوني عوفوني خلي اموت وارتاح حس جبل من الهم عليه كالت لبتها واشرتلها واجى رجال جبير بالعمر اتذكرته هذا زوجها الثاني جنت اغمض وافتح كوة كوة كالتلي عمو راح يضربج هو يعرف احنى مانعرف لاتستحين مثل ابوج وغطتني بس طلعت جزء من بطني وضربني الرجال ونمت كعدة على صوت كريم ديشلني هو وعباس ماحسيت بس جنت مترنحة واخذوني بالسيارة لبيتنا مجنت اريد اشوف امي جنت اتمنى مااشوفها هسه مااعرف جنت احس سياف وحاد سيفه على ركبتي رحت لغرفتي ونمت البيت جان سنطة وشفت نسوان حركتهم خفيفة مانتبهت منو هذولة بس لمحت رحاب مثل الصنم كاعدة وبحضنها بسام وتصيح يمه لاتخاذين عمار فدوة اروحلج ماترمش وروان كاعدة بصفها حاضنتها حيل طبيت ونمت ورجعتلي الرجفة مرة ثانية جنت اريد بس اي احد يغطيني جنت اريد اصرخ اصيح بس مااكدر ياناس ياعالم حموت من البرد ياناس روحي تريد تطلع ومجلبه بيه وظليت على هالحال الا ان حسيت بحركة بالغرفة جانت نور دتنوح وتنعي وادور بالهدوم مااعرف يمكن جانت جنطة بسام دطلعله هدوم كمت اون واعلي بالونه حتى تسمعني جتي عليه وكاستني ---يمه قيم هاي شنو صايرة كتله نار خلي اروح اجيبلج خافض حرارة شي وظلت ادردم عليه هسه وكتها بله احنى بمنو نحير بيج برحاب بالعزة حسيت وراها اكو احد يمي بس بعد انتهيت مجنت اعرف افرزن منو يمكن روان للصبح شويه صرت احسن بس الباردة تروح وتجيني عرفت وسمعت انه همه بالنجف والمغرب يجون هاي صدك صارت قيم هاي صدك خالتي ماتت معقولة زين شلون يعني شلون اجاها ملك الموت واني بصفها شلوووون ياربي ليش يروحون الاعزاز هيجي برمشه عين جتي خالة كرم ام فرح وسمعت صوتها سالت عليه وعرفت من سوالفهم انه فاتحة الرياجيل كريم وعمار واصدقاس سعد وعباس لانه الولد راحوا يدفنون خالتي وسام وسعد وعمو ابو حميد وخالي بفراشه مكادر يكوم اصلا انهد حيله وشويه شويه صارت هوسة وحسيت البيت تايه جهال ونسوان يبجون جانت نور شايله العزة ويجون على رحاب رحاب من الصدمة عقلها صار بيه شي مثل الي صار بيوم وفاة ام محمود ورجلها عمو فاضل الله يرحمه مكامت تستوعب واحنى دائما نخاف عليها لانه امي تكول هذه مثل بيبتي ام جاسم الله يرحمها عقلها يطير بسرعة ظليت صافنة على السكف وابجي اتمنيت افقد الذاكرة ومااسترجع لحظات غياب خالتي اتمنيت انه اموت بهذه اللحظة اضعف لحظة مريت بيها حتى نسيت ادعي او اطلب الرحمة من الله جنت احس مااستحقها بقيت مشمورة على الفراش ودمعوي تحفر حفر بخدي حتى صارت يحركني مثل التيزاب جنت احسها عليه وماحسيت الا على صوت نعي ودك ولطم دخل للبيت عرفت من صوتها هذه نرجس يايابه شسوت بيه لطمت لطم ونعت نعي ذكرت اختها جوري من ماتت ومحد راح بفاتحتها ظلت بالبداية تنعي اختها شلون ماتت وحدها بالغربة انوله على امها سهيلة جانت صاحبة خالتي فخرية جانت تكوللها يمه استلميها منه امانه ديري بالج عليها هاي عزيزة اهلها ويه كل حجاية جانت تحجيها جنت انمرد مرد ليش .. ليش هيجي يسوون ليش يعذبونا بالزايد ليش يلجمون القلب المحروك اكثر يمكن همه يرتاحون من يفرغون القهره بس اني شسوي جنت اتمنى اروح اني هم املخ روحي بنصهم جنت اريد اطلع من نفسي من جسمي واهج منها من الوضعية ومن حجيهم عرفت انه البنات ملخات روحهن الا يرحن للدفنة وعلى المغريبة صارت هوسة كلش قوية جنت توني اكلت شوربة جابتها روان اليه وجتي ام فرح ضربتني الابرة درت ظهري وكمت ابجي عرفت اجوي الصياح والعياط انترس البيت وامي جنت اسمع صوتها مبحوح ياريتني متت يمه ولا اشوفج هيجي ولا اسمعج جانت ماتكدر تصيح بس حسيت النسوان يكلولها كافي ام كريم عندج جهالج مجنت اعرف شترادد لكن شويه وسمعتها تصيح ولجن بنات فخية تكعدن ولجن لاتكعدن هم الجن قلب تكعدن كومن كومن ولجن الطمن كومن لطمن كومن لطمن حيل على امجن الليلة بالكبر نامت هاي العزيزة اني كتلتها اني بيدي ذبحتها انكصت ايدي وولا ساعتها كصيت ظفايريج يا بعد روحي يمه وين عفتينا ورحتي هاي تاليتها اني ذبحتج بيدي فخررريييية من سودة بوجهي عليج يمه شلون اجاج قلبج وعفتيني كومن ولجن كومن لطمن راحت العزيزة راحت دفنتها بيديه راحت امي اخ يمه مسحت دمعتج كتيلي بدر ليش كصيتي شعر قهرتج اني يمه قهرتج انشلت كون انشلت ساعتها جانت تتخيل امي انه كصة ظفايرها جابتلها فال موزين على خالتي وكصت عمرها ظلت لحد هاللحظة تشعر بذنبها بس محد اذاني ساعتها غير صوت ميلاد جانت مملخة وجهها بحيث الدم طالع منه امل تصيح عليها تكللها كافي دمرتي وجههج تجاوبها تكللها عافتني وراحت ابد مافكرت بيه المن عافتني كولولي المن عافتني يمه المن عفتيني من يومج ماجنت تفكرين بيه لييييش ليش ماكلتي هاي المن تبقى ماكلتي هاي بنية وحدها وين اعوفها ليش يووم ليش هيجي رحت شلون عندج قلب تعوفيني وتروحين وانت يمه ام القلب الحنين المن ارجع ابعد وبحضن منو انام واشم بريحتها تريحني منو يمسح دمعتي يمه عفتيني لييييش ماجنت اعرف شنو الي صار وة الانفجار مال السيارة ولا ابد سالت كانه جرح خفنا نطخه حتى لاينزف من جديد من ذاك اليوم ماحجينا بيناتنه ابد عن الموضوع يمكن خالي وحده اتكفل وعرف كل التفاصيل وتناقشها ويه الشرطة ميلاد شوكت جتي ورايه وشلون عرفت ماادري بس جانت اكثر من اتاذى كامت تكمز وتبجي جنت احس بدبجتها تهز الكاع هز ومحد كدر يلزمها ويسيطر عليها كلنا فقدنا واني من يومها فقدت صحتي جنت اغمض اتوسل ان تنتهي حياتي مجنت اريد افتح خيال خالتي بالساعات الاخيرة عذبني بطريقة وحشية ومؤلمة بالليل جتي امي واقتربت مني دفعت البطانية وحطت ايدها على كصتي خفت افتح عيني صاحت على نور تجيبلي ابرة الانسولين وقبلها مقياس مال السكر من جكتني كعدت هي جانت تعرف اني كاعدة باوعت عليها ومكدرت احجي حضنتها وبجيت وكمت اشهك بكل قوتي هي حضنتني وماحجت شي ولانطقت بكلمة بس دموعها حجت كل الكلام الي ممكن ان تكوله ماكدرت اعتذر منها او اتاسف او ابين انه قصرت مااعرف ساعتها جانت تلومني ام لا بس حضنتها جانت باردة حيل يمكن حركة كلبها بعدتها عني ضربت الابرة وانتجيت على الحايط جان وجهي مفزع لدرجة ياهو الي يطب للغرفة يكللها بدرية ليش ماتخذيها للدكتور حتموت البنية لكن اكيد مجان بقدر وجه عهود وميلاد ميلاد الي جان لحم خدها واكع وعيونها مزركة بينما عهود جانت ممصدكة تكول قبل يوم شفتها واتغدينا سوى شلون راحت ومودعتها صار عندي ضعف عام وشديد وكمت انخض انخض بثالث يوم الفاتحة وكمت اهلوس ووون بس الهوسة منو يسمعني بيهاجانت الملاية دتقرا وسادين الباب عليه وقافليها شكووحدة شايله جنطة ضمتها هنا وقفلن الغرفة وماسمعت غير بس صوت اسما ضربتني ابره ومن فتحت عيون امي عليه كالت شبيج يمه شبيج ليش هيجي تسوين بيه ناقصني قهر اني هاي الحجاية ريحتني ونظرة اسما الدافية بوجهها الصبوح خلتني اتشبت بايدها كتلها جسمي كله يوجعني شدتلي كانوله مي مغذي جانت جايبته وياها هي جانت جاية من الصبح سعد بيوم الدفنة جان مخابر سامي وكايله ونازلين كلهم حتى عمة نورية بس مها زوجة سامي باقيه هناك علمود مدارس الجهال وجان وجودهم مخفف علينا الحالة على الاقل رياجيل وياهم وراها بشويه اجاني خالي شاحب وكوة يمشي كعد على الجرباية بصفي وجانت امي واكفه تحجي ويه اسما الظاهر جان الوقت كلش متاخر بالليل لانه اغلب النسوان نايمات ومجطولات بالكاع على الزولية حتى بلافرش كلي خالو ومد ايدة نمت بحضنه كتله والله خالوا حاولت وماكدرت --- لا خالو لا انت شعليج باباتي من جان يكلي باباتي جنت ارتاح واحس نفسي بحضن ابويه من صدك ريحته وحنيته جانت شكد تريحني ---مالج اي ذنب خالو لاتسوين هيجي بروحج ---انت شعليج امي ليش هيجي تسوين بروحج قابل انت فجرتي السيارة الله ينتقم منهم علقت امي وره كلامه اشرلها خالي ان تسكت وابتسم اليه كالي كلمن يومه خالو وكلنا حنموت لاتسوين هيجي بروحج كومي اكلي يله سوولها شروبه وينها امل نوروينكم كالت اسما اني حسويلها اقتربت عمة نورية مني وبوستني خطية شكد متغيرة عبالك بالسبعين عمرها ايبباااه هالسنتين اكلت عمرنا اكل اسما غيرتلي الضماد الي برجلي ودارتني حيل حالتي النفسية اتحسنت وكمت اكدر اكعد وياهم بالهول جنت قليل اشوف عهود وميلاد خصوصا ميلاد مااعرف وين جانت تروح يمكن جانت ماتتحمل احد يجي ويعزيها وبقوا امل ونرجس وعمة نورية همه من يقوم بشغل البيت عرفنا انه وسام شال الفاتحة وذبح الذبايح هو وعمو ابو حميد وخالي كعد بالفاتحة ثالث يوم واستقبل المعزين جان الشيب غزا لحيته والقهر كسر ظهرة بعدها بيومين وسام طلع جواز لبسام وجان طالب فيزا ماشفتها رحاب وين جانت بس جان واكف بالباب يحجي ويه امي كاللها مرتي مااكدر اعوفها هشكل اخاف لايصير بيها شي يمكم تتاذه بالزايد لازم اخذها لعمان اعالجها كلش خايف عليها وبالفعل الله ينطيها لحنان زوجها سرع الفيزا لانه الارادنه كلش صعبوها علينا العراقيين بدخول الاردن وحتى الامارات كامت الفيز تصير محودوه واغلبها تنرفض مر اسبوع على وفاة خالتي والحياة جانت رتيبة ومفزعة جنا بعدنا ممصدكين كل لحظة والثانية نكول يمكن تندك الباب وتطلع خالتي على الاقل اني جنت ممستوعبة الفكرة تكول ربما كابوس وهسه اصحى منه بالشغل ويايه عرفوا واتصلوا بيه وجوي عزوني واخذت اجازة اسبوعين وجنت يوميه افكر ابطل وبعدين اغير رايي وليلة الخميس وزعنا صواني بقلاوة بالمنطقة ثواب على روحها الغالية وامي طبخت جدريتين كبار دولمة سودة عليه جانت تحب دولمة امي من تطبخها هي وعمة زهورة الله يرحمها ذكرناها بذيج الليلة جانت امي تلف بيها وتبجي كلنا كعدنا وياها لفينا كلامها جان ياذينا بالزايد حسيت امي ضاعت مني بذيج الفترة حسيتها انجرحت حيل وقلبها احترك بس جان وجود خالة امل وروان واسما وعمة نورية شويه هون علينا ظلت اسما تحجيلنا حياتها شلونها بالمانيا رادت تغير الموضوع حتى ننسى شويه جنا دائما فضوليين نعرف عن حياتها وهي هم حست هذا الشي وبدت تحجيلنا بالتفصيل وانه قبل اسبوعين هي بس من نزلت لسوريا حتى يعقد عليها عمر وهوهم موجود هنا وياها نزل ويه الولد سامي ونزار الي جانوا معارضين زواجها لفترة طويله ومع ذلك معافها عمر اتمسك بيها وظل يحاول الى ان طلع سفرهم كالتلهم حتروحون كندا وتعوفوني هنا وحدي اني ماروح وياكم اريده لعمر وحتزوجه ليش بدون رضاكم خليها كدامكم احسن تكول هيجي خليتهم كدام الامر الواقع شسوي لعد الى متى ابقى وحدي ومنو بعد احسن منه حيجيني وبعدها حجت شلون شافت عبد الكريم بسوق الحميدية ديمشي ويه جهاله هو ومرته جايين سياحة تكول كد مافرحت انه عمر ويايه كد ماقلبي انحصر من شفته حسيت هذاالشخص جان ملكي وغيري اخذه ---تعرفون الحب قسمة ونصيب والزواج اختيار يمكن الله سبحانه وتعالى يختار افضل الاشخاص النا لذلك نتعلق بيهم بس اختيارنا اما نعيش سعيدين وياهم او تعيسين بدونهم هذه الجملة ظلت في بالي سنين طويله جنت احسها شكد متالمة من تحجي عن عبد الكريم وشلون اتمنت يتجرا ويسلم عليها على الاقل همه عرف عائلي بس لاهو اقترب منها ولاهي راحت عليه اثنينا غوركت عيونا شال ابنه وختل وراه عيونه تباوعلها بحسرة والم وابتسامة قهر ارتمست على محياه شكد صعب اللقاء بعد الفراق حينها تدرك انه الحب الحقيقي لايمكن ان يموت ربما يخمد لكنه في اي لحظة يعود وينفجر اما فرح فهذه البنية قصتها قصة يعني اذا اكو احد ينظلم بهذا العالم والي يظلمه هم اكثر الناس الي يحبوه فهي هذه المخلوقة جانت امها تحجي والعبرة خانكتها دتحجي عن عذابات بنية تستنجد باهلها حتى ينقذوها وهي بكل الم تتكلم عنها تكول شسوي لازم تصبر صفنت عليها كتلها خالة شتصبر؟ انت تكولين عنه بخيل ومية وجه عنده ويوميه شخصية انوبه حتى حارمها من ابسط مقومات الحياة وذالها بحجة ماخذها لامريكا على اساس مسوي انجاز --دنكت كالت يمه الرياجيل كلهم هيجي منو بيهم زين ابوها هم نفس الشي يوم زين وعشرة لا اذا جان هاليوم هشكل باجر يجينا غير شكل قابل تتطلك تتزوج غير واحد كلهم نفس الشي عدها جهال اثنين وين تروح ماعدنا بنية مطلقة عيب الناس شتكول علينا ماعرفنا تختارلها ماعرفنا نربيها مو بت اصول ---خالة هاي الحجاية مالت بت اصول طلعها الفاشلين بالحياة الي يريدون يعلقون اخطائهم على اضعف خلق الله اما تتحمل او تطلع مو بت اصول لا تطلق عادي وتبقى بت اصول هي لو عيب لو حرام مجان رب العالمين حللها ووكومة سور وايات نزل على الموضوع ---باعت عليه وهي تمسح دموعها جنت اعرف كلامي مايعجبها وجنت اعرف كسرة البنية من وره اهلها شنو رجال في كل سفرة الها يهددها اذا مرجعتي اطلكج اذا اشتغلتي اطلكج صارلها سنين هناك حتى لغة ماعدها بنية مثل الورد حابسها بحجج تافهه واهية مالها اي صحة وفوكاها تكول يدلل عليها كلما تتعارك وياه يتخربط ويروح للمستشفى يصيح جلطتني بتكم مو خوش بنية حتموتني!! موتتهم والله هيجي كتلها وامي خزرتلي هي فرح جانت حاجزة تنزل لبغداد وحلفتها لامها انه يجون يزورونا وماحجت غير ان شاء الله والله هي هم تسال عليكم بعدها باسبوع بدينا نحضر غراضنا نروح نكعد ويه بيت خالي احنى وولد رحاب خالي ماقبل بعد نبقى بيتنا علما تهدى الاوضاع سعد طلع لسوريا ويه بيت عمة نورية جان منهار وصار عودتين كام يحجي ويه نفسه ليل نهار اني الي كتلت امي وحتى بيت ام صلاح من يومها بعد مارجعوا للمنطقة ولاشفناهم مع لك خال دزه جان خايف عليه ميلاد راحت كعدت يم عهود جان زوجها ماجرلها بيت بحي المهندسين بشارع فلسطين بس خطية ماارتاحت جانت تشكي لامي تكلها خالة ضعت اني وتهت منو الي بعد امي منو الي بهاي الدنيا منو يلفيني خوفي لا اصير مثل نور!! ظلت تتنقل بين بيت خالي وبين بيت عهود جانت تحس نفسها ثقيلة هناك ذكرها عمو ابو حميد يكول جنت دااشتغل بمعاملة خالة فخرية اقدملها على الحج هي جانت طالبة منه وعلى اساس ورة العملية من تصير زينه تروح عمرة نور جانت دتقفل وحتسافرلعمان اتفقت ويه رامي انه يسحبها مناك وطلت نروح نودعها قبل متسافر من وفاة خالتي كلنا اتشتتنا ابد مارجعت لمتنا مثل قبل كلمن راح بدربه وطريقة كل واحد بينا راح لصفحة صدك لو كالوا الي يفقد امه يفقد كل العالم .... وفاة خالتي كان صدمة الي بالذات بقيت فترةطويلة مااستوعب الحدث وعندي امل انه في يوم ما ستطرق الباب وتاتي لاهثة تكعد على اقرب كرسي واركض اجيبلها مي طول فترة الاربعين يوم كنت اعاني من حالة ضعف شديد ضعف جسدي وفي كل حواسي وحتى نظري من كثرة البجي يمكن ويمكن من قلة الاكل ! او السكر او اي تاثير اخر استعدينا نسوي الاربعينية رحنا اني وامل نظفنا البيت الي انترك طول الفترة السابقة ماتتخيلون شلون جانت صعبة عليه واني اخطي برجليه مكان الحادث وهنا اتخربطت خالتي وهنا شلتها وعلى هذه القنفة كعدتها جانت وهنا بالذات على هذه المدة جانت كلما نكعد نسهر على فلم تمد نفسها وتحط ايدها مخدة الها وتغفى سمعنا رحاب حترجع من عمان كانت متخبلة تجي تزور امها وسام يكول تعبته حيل هناك وحالتها النفسية ابد مجانت زينة اتخربطت امورهم كلها من جهة شغله واولاده ومن جهة رحاب جانت صحتها حيل تعبانة الصبح قبل الاربعين رحنا اني وامي وخالة امل الصبح فتحنا الباب وبخرناه وعلكنا قران وشويه اندكت وجانت عهود وميلاد ورحاب سيارتها وراهم اني ركضت على رحاب لانه صارلي فترة طويله مشايفتها وبقلبي شوك لبسام اخذته منها وهي مشت كوة واول ماوصلت للمطبخ جيتت و نامت على نفس المكان الي جانت توكف خالتي بيه تطبخ ظلت تطب حيل بايديها على الكاشي وتصيح وعهود لازمته تكللهن هنا جانت توكف امي هنا هاي الكاشية حملت امي اكثر منا تبوس بالكاع وتكللها ريحتج بعدها موجودة شلون يعني شلون تبقى الاشياء واصحابها يرحون! نفس الجملة كالتها من اتوفى زوجها فاضل الله يرحمه ظلت ترجف وهي مجلبة بهذاك المكان في حين ميلاد راحت نامت بمكان امها على الجرباية وغطت راسها بمخدتها وظلت تنوح وعهود لفت فوطتها عليها مكدرت اتحمل طلعت كعدت بالحديقة ياربي كلشي يذكرنا بيها هنا جانت تكعد كبال المرجوحة وصينية الكعك والكليجة والجاي تنتظر جيتنا جانت دائما تضملي مصقول من ظهر امي لانه متقبل اكل تحطه بجيب دشداتها صفح وهنا ياما وياما التمين وضحكنا وبجينا راحت خالتي وراحت لمتنا ويايها راحت واخذت كل الخيروياها جان صوت امي عالي بالصياح مكدرت اشتت افكاري مهمها حاولت حسيت بيها بكسرة ظهر جنها هي فكدت امها مو بس بنات اختها ياما وياما جانت من بوكة عمي ابو كاطع وامه تدزلنا فلوس واكل ومسواك ياما فرحتنا واحنى باشد عوزة الله يرحمج وينورعليج قبرج مثل ما جنتي تفرحينا طبيت جوة وجانت عهود حاضنة دشداشتها ورحاب وجهها يخوف هالة سودة جبيرة داير مداير وجهها وجلدها اتغير اتحول الى بني غامق حجت بصوت مخنوك والظاهر همه جانوا قبلها ديسولفون ميلاد مشتكية تريد ترجع تكعد بالبيت ماتريد لايم خالي ولا حتى ابيتنا او حتى بيت عهود اتوسلت بامي تبقى هنا فعرفت انه رحاب مقدمتلها فيزا لعمان تروح وياها تبقى هناك فترة بقينا شويه والتحقنا بالموكب الي حضره خالي نروح لللاربعينة لكبر خالتي عز الشتا ومطر دك والطين للركب نمشي ونجر كيلوات طين ويه رجلينا حتى وصل لخاصرتي خالي جان مسوي الكبر مرمر وقطعة معلية فوك مااعرف ليش انصدمت من قريت اسمها شلون خالتي تنم هنا ومااكدر احضنها شلون مااكدرالزم ايدها التعبانة والمليانه تجاعيد شلون مااشم ريحتها شلون؟ جنت شايلة ظفايرها وكصيت طفايري وياها وغلفتهن بجيس وكتله لخالي اريد احد يدفهن وياها ماحجى جان مخنوك بعبرته وحتى بالرجعة اجرناله كرسي معقدين كباته انصلت عليه ومصار يكدر يمشي بقن البنات نايمات على الكبر وميلاد توسلت بيها تاخذها وياها جانت تحجي كانه تسمعها تعاتبها واحنى نكللها كافي عصبت عليه وكامت تصيح ليش كافي ليش كافي محد يحس بحركة صدري وبالنار الي بيه هاي زين متي وعفتينا المن لا اب ولا اخ بيه خير ولا عم بحال خالي وحتى هذا هديتي حيله ماتكولين المن عفتهم! مافكرتي بيه بس كوليلي اني شسويتج هيجي عفتيني ورحتي ميلاد تحاسب خالتي كانه هي الي اختارت الموت جانت تلومها وتعاتبها كانه هي الي رادت هذا الشي!! بعدها رحنا زرنا ورجعنا وبالفعل ميلاد عندت تبقى بالبيت فبقت اني يما وبالليل لو كريم لو امي يجون يباتون ويانه ردعت اني للدوام وراها بيومين جنت كلش تعبانة وكلشي صار يتعب السما الرمادية الشوارع المخنوكة بالازدحام والرونغ سايد والشوارع المكطعه والخوف والكهرباء ماكو وكل ما تمطر تغرك الشوارع هذه الحياة الي كنا نحلم بيها!! رجعت للدوام واول شي جنت خالته في بالي اشتري تلفون القديم مالتي راح واصلا مااعرف وين صار وطول هاي الفترة جنت استعمل النوكيا مالت امي فرحت على عماد الموظف الي ويانه لانه هو جان شريك بمحل يبيع تلفونات عماد جان كاطع مهر على طالبه وياه من جانوا بالكلية اسمها ميس ومرات جانت تجي عليه للشغل ويطلعون سوى للكرادة يروحون يتسوكون لو لراغابة خاتون هو من النوع كلش اريحي وانسان بسيط كتاب مفتوح للكل وكلنا حاسبيه مثل اخونا يحجيلنا تفاصيل الصغيرة والحلوة بعلاقته بميوسه مثل مجان يسميها طلبت منه تلفون كتله اريد اقسطه على مرتين تلاثه لانه ماعندي من عرف تلفوني ضايع ثاني يوم جابلي خط وتلفون مستعمل كال مال اخوه مايريده لحد مايدبرلي سوني اريكسون هذا الي اني جنت خالته في بالي دفتري ردته المهم بقى عندي التلفون شي كم يوم ورجعته واستلمت تلفوني الجديد بس بقى الخط نفسه وحتى حسبلياه بنص السعر اتذكر ب25 الف صارت ساعة تلاثة الظهر دك عليه رقم غريب اول مرة ماشلته ثاني مرة دك حسيته يعرفني لانه لح بالاتصال كلت يجوز رقم احد كرايبنا وناسية احفظه خو احنى صارت بينا خوفة من الارقام الغريبة من كثر حوادث الخطف والتهديد شلته وكان صوت رجولي كلي الو انت منو كتله انت منو انت المتصل كال والله مااعرف شفت رقمج عندي وانت متصله عليه كتله غلطان وسديته بوجهه دك مرة ثانية ومجاوبته كام يوميه يتصل ساعة 3 الظهر لو يدز مسج مسج عادية مال شباب تعبانين اني اسميها يعني مسجات كليشة استمر هذا الحال اسبوع كمت من تصير ساعة 3 الظهر انتظر استلم منه المسج مرات صار يدزلي اخباره اليوميه اني اليوم اكلت هيجي بس للاسف وحدي واليوم صار انفجار والله نجاني ومن هالحجي محسيته انه جان يريد شي موزين ويمكن الفراغ الي عندي د خلاني اتشبث باي حالة غريبة تطلعني من الي بيه مع ذلك ولانه ابد مجان يحجي شي موحلو او يتجاوز او يكتب اي كلام قبيح كمت انتظر الرسايل مالته مرات اعند ويه نفسي واكول لا خلي يولي ومرات اظل اصفن شوكت تصير ب3خلي اشوف شحيكتبلي بعدها بشي اسبوعين او يمكن اكثر مراول يوم وماكتب كلت هذا اياس ثاني يوم هم ماكو شويه ضجت ثالث يوم انقهرت لانه مانطيته امل بس حسيته مل مني رابع يوم ظليت اكل بروحي ادزله لا وبديت اقشمر على نفسي اخاف صدك هذا صار بيه شي وبديت توزني روحي عليه ظليت من ساعة 3 لحد ما خلص دوامي بالاربعة ونص افكر شكتبله اخرشي كتبتله الحمد لله خلصت منك!!! حرشة مو؟ دزيت المسج وطلعت اني اعرف طول عمري فاشلة بالتواصل الاجتماعي لذلك ماعندي صديقات ولاحتى مقربين حتى امي اقرب الناس اليه جنت مااعرف احجيلها الي بقلبي جانت روان الوحيدة الي اكدر اخذ راحتي وياها يمكن لانه اكتشفت فيما بعد انه الامر لايعنيها من اتزوجت لحد الان حتى تلفون ماتشيل تسال عليه على كل هذا حال الدنيا واني بالخط استلمت الرسالة منه كتبلي رحم الله والديج اني مافتهمت يعني شنو هذه الرسالة ظليت افكر واوديها يمنى يسرى مافتهمت بالبيت انشغلت ويه امي وميلاد وجانت خالة امل هم موجود عدها لسفرة هم هي لعمان اختها جاية من كندا وتريد تشوفها بعد كل هاي السنين جانت كلش متحمسة بس بنفس الوقت بالها على خالي بقيت افكر بالشخص الا بالليل دزلي مسج كلي فوك ماتسالين عني وتكولين وين صار؟ والله انضربت طلقة واني بالمستشفى هسه رديتله بحمد لله على السلامة وسديت التلفون غلقته حتى مااستلم اي رسالة توازيني اجاوبها الصبح اول ماكعدت فتحته جانت ميلاد كاعدة وصافنة على المكان الي تكعد بيه خالتي من تنتظر نجيبلها ريوك انحرجت من شافتني متلهفة اقرا بالرسايل فحجت وهي عينها بغير مكان كالتلي قيم اتزوجي وفرحي امج بيج اتزوجي وامج موجودة لاتنتظرين شي تدرين اليوم اتذكرت جنت اكول لامي ماما انت ليش ماتحبيني هه تعرفين جانت عندي عقدة الحب انه ماكو احد يحبني تعرفين جانت شتكلي شلون مااحبج وانت احلى بناتي كبرت واني واثقة من نفسي انه اني احلى خواتي بهالحجاية بس كبرت واني واثقة انه الاحلى لازم تاخذ احسن واحد جنت اضوج من نروح زيارة وتلزمني تمسح بيه الشباك مالت الامام تطلب من الله يفتح قسمتي جنت احس انه شوكت مااريد اكدر اتزوج!! مجنت اعرف انه وراها حتى مالي وهس اتنفس شتسوى دنيتي بلياها مااعرف شلون اجاها قلبها وعافتني!! كامت ميلاد طلعت واني ظليت ساكتة نزلت دموعي عليها حسيتها مكسورة حاولت احضنها بس عافتني وراحت نسيت بعد اقره الرسايل من وصلت للدوام جانت الطرق مكطوعة فتاخرنا وطلعت الموبايل والتهيت بيه حبيت رسايله واسلوب الرسايل كانه شخص يعرفني من زمان واعرفه من كرايبي ههه وعرفت بيه هو ملازم اول بالشرطة مر يوم على يوم وجانت بس الرسايل بيناتنه الى ان في يوم نهاية شهر الواحد من عام 2006 بطريق طلعتي للبيت انضربنا هاون التكسي وكف لانه الهاون صار كبالنا وهاون ثاني صار وراها الناس كلها طلعت وكامت تنهزم اني هم من خوفتي طلعت وابو التكسي يصيح اختي اني ارجعج بس مجنت اعرف شسوي الهاون الي وراه وكع قريب علينا وشفت الهوسة بعيني انثولت وظليت اركض ويه الناس الي تركض مااعرف وين دك التلفون وجان هو شلته وكنت اصرخ وارجف مااعرف شسوي ووين اروح اتخبل وكام يصيح يكلي انت وين خلي اجيج المصيبة انتبهت على نفسي اني مااعرف اني وين وشسمه هذا الشارع كتله يم المنظمة كلي ماكو شي يم المنظمة هسه خابرت اخويه انت وين مانتبهت على كلامه بس مجنت اعرف اني وين سديته وختلت بالفرع يم محلات المصلحين والي يبعون ادوات احتياطية وكمت ابجي اخاف اخابر اي احد خصوصا كريم لايكول لامي ويصير بيها شي الى ان مااعرف شلون اجى ابالي اخابر ابو حميد خابرت عليه وكلي هسه جايج وصفتله المكان كلي سالي احد انت وين بالضبط وعرفت بعدها اني وين اجاني ابو حميد ورجعني للبيت من يومها تغير تفكيري وانطلق من حبسته كمت اسال وكلشي اريد اني اسويه لا كريم ولا ماما طل الولد يخابرني ويسال عليه وحجايته مال اخويه وكتها نسيتها نسيتها الى ان بعد فترة اتعلمت على تلفونه جنت اشيله بس من يكون البيت فارغ ميلاد بعدها مراجعه وامي مموجوده حتى من اتصل بيه جان يرفضه ويرجع يخابر ومرات يحولي رصيد حتى بدون مااطلب كلشي مجان يسالني جان بس يحجي عن روحه حسيت بيه مجروح وبالفعل طلع احساسي صحيح جانت عنده علاقة ببنية سنين من ايام الاعدادية وسوالها المستحيل اخر شي عرف بيها مصاحبه صاحبه! فتركها وجان متاذي وقتها وعنده احساس الم الخيانة بشهر الثاني من السنة نفسها رحت على عماد بشغلة وجان توه ديطلع للبيت اخوه ينتظره شفت اخوه مو مثل كل مرة يركض يجي يسلم من بعيد ابتسم كانه ديسلم رحت دااحجي ويه عماد كلي بس لحظة وراح حجى ويه اخو واتفاجات من سمعت صوت اخوه وظليت اضحك بسري ابد ابد مااجى على بالي ولافي يوم لمحلي او حجينا انه اخوه يشتغل ويايه طول هذا الوقت اني جنت احجي ويه علي ملازم اول علي اخو عماد!! بالفعل رقمي جان موجود بتلفونه مو لانه اني داكه عليه بس لانه اني مستعملته ومسحت كل الارقام بس مااعرف شلون رقمي باقي عفتهم وطبيت جوه والحرارة جانت تلهبني لهب شلون فشلة وشلون خجلة بله لو عماد يعرف شيكول ست قيم ويه علاوي!! لا لا زين ياثولة ياقيم ماكلت هذا علي وملازم اول وهذا هم اسمه علي مو كلج اخويه ماكو شي يمهم!! اخ غيرفشلة جانت ياكاع انشكي وبلعيني دك عليه بنفس مكانه مجان كاعد ورفضته دك مره لخ ورفضته دزلي مسج بس طمنيني مجاوبت كتبتله كافي بعد لاتتصل خلص وصدك مااتصل بس طلب مني ادزله مسج على الاقل بالاسبوع مرتين اطمن بيها عليه باوعت عليه من بعيد جان شكله ضايج وحزين علي جان عكس عماد مو اسمر بس كلش ابيض وشعره اسود فاحم وطويل لا كلش طويل ورشيق بسصاحب خدود وشوارب ثخينة والزي العسكري مالته كلش لايك عليه يمكن من كلي بالشرطة نقطة ضعفي اني ملت اله والله مجرد مسج منه جانت تحسسني بالامان مااعرف شلون بس هي هشكل سد التلفون وخلى ايده جوة خده وجان يباوع على الناس رايحة جايهه جاي بسيارة بيكب مدنية ووياه جندي ثاني اغلب حجيه وحلفانه والنبي ومن جان يجي احد يمه يسويني ولد ههه محب احد يعرف عني اي شي حتى رقمي مجان خازنه انقهرت كلش من رجعت للبيت ومااتصلت بيه صارت عندي حالة من الارق والقلق وصيت كريم يشتريلي كتب كلي مال كتب بالهزلك جنت اريد اي قصة اقراها الهي نفسي لانه التلفزيون كله جان ادعية ودينيات حتى الحاسبة ميلاد اصلا ماتفتحها لو تقرا قران لو نايمة تغيرت كلش وذبلت وحسيتها كبرت سنين سافرت رحاب العمان تعالج صارت بيها شقيقة وقولون وقرحة ووو كامت يومية مشكلة ونفسيتها تعبت والولد اتعلموا على بيت خالي صاروهناك كعدتهم وعيشتهم اتغيرت الامور من خابرتنا خالة كرم ام فرح كالت فرح تريد تزوركم قبل لاترجع لامريكا ورادت تروح تشوف امل وتباركلها علمود روان ولدت قبل فترة وجابت بنية ثانية وكتها جانت تريدد تسميها فخر على اسم خالتي الله يرحمها بس امي ماقبلت كالت ماريد انوبه كلما اشوفها ابجي واخاف الجهال يغلطون عليها او احد يسوي وياها اتخبل سموها لمار وهي اصلا قبل ولادتها بشهرين واكثر راحت لبيت اهلها هناك قبل لاتجي فرح خابر خالي على سمير والحمد شكد فرحت من شفته راجعه صحته تمام وجان يشتغل ويه عم زوجته وحتى ريم شويه احسن صح بعدها على الكرسي المتحرك لكن جانت محتاجة بس للعلاج الفيزياوي يعني مسالة وقت وترجع تمشي امل جانت صافنة عليهم تكله شلون اشوفك هيجي تحجي كدامي ومااكدر احضنك اريد بس اضمك اليه طبعا بعدين عرفت امه نرجس الي صار وزعلت وه خاليزعلة قوية سنتين مجتي للعراق ابد حتى من جانت تجي تزور كامت متنزل يمنا خالة امل جانت توها راجعة من عمان وحجتلنا عن حالة رحاب هناك وشلون حنان خطية هواية مداريتها واهل وسام مرتين جوي يزوروها وعدها نية ترجع تروح مرة لخ علمود اختها لانه بقت هناك من جتي فرح متغيرة كلش مو هي نفسها والله ماعرفتها جانت تلمع قبل جنت اكللها البياض مالتج ياخذوه ويسوون من عنده باودر النا رجعت تعبانه مو بس شكلها لا هيجي حسيت مثل الي يحاول ان يخفي ضيم وقهر بقلبه جانت بس تضحك يمكن حتى دمعتها لاتطفر تكمز من موضوع لموضوع وتلهي نفسها حتى لاحد يسالها شلونها الغربة وياج جانت تريد تبين انه هي سسعيدة بس مثل فرح ممثلين فاشلين الي اتعلم على الخير وعاش بيه انسان صريح وقوي مستحيل يكدر يخفي ضعفه وره تصرفات مصطنعة جانت حتى ملابسها مشتريتها من العراق واغلى شي معناها مجايبة شي وياها مناك حالتها كلش تعبانه اوووف شكد هضيمة جانت تحجي ويايه وجنت اقره بعيونها الضياع والحيرة جانت الصفنات تسال بكل مرة اني ليش هيجي صرات وليش هيجي صار بيه جنت اريد احضنها واكللها تعالي احجي اني فاهمتج بس ماكدرت دمعت عيني من شفت دمعتها تقاوم بين عيونها بضحكةوهمية وهي تحجي عن البيوت هناك والمساحة والحجم وامها صافنة عليها وكلما تحجي عن رجلها سواء زين او لا تكللها كلهم هيجي الزلم كلهم نفس الشي واني جنت الح واصر واكوللها لاخالة لا مو كلهم تدير وجهها عني بعد الغدا لزمت ابنها الصغير جان نسخة منها مربرب وابيض وكلش فقير كتله حلوة امريكا راسا اندار على امه مايعرف عربي زين ضحكت وكالت اي يريد يرجع يكول مااريد هنا هوسه اتجراءت وسالتها كتلها شكلج مو مرتاحة!! باعت على السكف وابتسمت وعيونها غوركت راسا كاني لمست الجرح ودست حيييل حييل على اللجم احمر وجهاا بسرعة واتبلعمت وحسستني انه هي ملكة هناك الحمد لله اني زينة الله يساعدكم على هذا الوضع شلون متحملين اني اتخبلت والله بس اريد ارجع دست مرة لخ لاني اريد اطلع كل الكلام مااعرف حقارة مني لو لاني فاشلة اجتماعيتا احاول اثبت لنفسي اني اكدر اقرا الناس حطيت بتها بصفي جانت تلعب بالكاع يم اخوها كتلها ماتشبه ابوها همزين طالعين عليج شلونج يكولون مو مرتاحة وياه باوعت على امها ودنكت كالت هاهي شنسوي امها خلت ايد على ايد ودارت وجهها وشويه كامت راحت يم امل وخالو جتي عهود جابتلها كوب ثاني جاي وكالتتها صدك شنو هالحجي يعني عادي عهود مدفع بالوجه رسا كالتلها شو خالة تكول طلكج باعت على وجهوهنا وكامت اصابيعها تفر بيدة الجنطة يمنى ويسرى انحرجت اكيد نزلت دموعها وظلت تمسح خشمها كالت اي هاي صوغتي اني كلما اسافر لو هو يسافر يطلكني اتعلمت ---صدك تحجين ---اي والله محد يصدك مو الناس كلها متعلمين على فرح لازم بس تكول الحمد لله اني احسن من غيري باوعت على امها وصارت عينها بعيون امها وكل العتب واللوم بيها انه انتوا السبب شالت ابنها وكامت تنظف هدومة قطع الكيك تناثرت عليه جانت تحاول تخفي تعابيروجهها وهي تحجي هي بطبيعتها جانت كلش ناسكة( نازكة) صارت سريعة الكلام وكانه تحاول ان تسابق الزمن ايهم يطرح المها اسرع صارت سريعة الحركة كانه تحاول حتى تهرب من واقعها صارت تسرح هواية معقولة الزواج ممكن يحول ملكة الى انسانة تعيسة ظليت صافنة عليها ياترى الاختيار خاطئ ام الوضع او البيئة والظروف يعني ليش جعفر هشكل صار معقولة الحياة الي عاشها بالمخيم هيجي حولته لانه طفولته كانت عادية جدا امه من الطف واروع الناس معقولة تاثير اهل الاب يكون هشكل على شخصية الرجل الشرقي مرت الدقايق وهي تحجيلنا عن معناتها وخياناته خياناته وهو رجل الدين التقي المؤمن هو الي الكل يشوفه نموذج للزوج المثالي بنظرهم اي قدرة هذه على خلق عدة شخصياات تتماشى معاه في ان واحد كالت اتخيلوا بس لو تتخيلون انه اتعاركت وياه كتله ماعندي مصرف خابر عليه الشرطة يكوللهم تهددني وماتخليني اروح للشغل احنى صفنا ها!! ---يمعود ابو الغيرة!! هاي لو اني مسويتها مو جانوا كالو عليه مو بت اصول بس لانه هو رجال محد فتح حلكه وياه بالعكس لاموني كالوا الله يساعده شموصلته مرحلة بحيث خابر الشرطة عليها فصرخت وسالت وشووا ولاشي رزلوا وطلعوا وغصبا ماعليه اخذوا فلوس منه ونطوني جانت فرح حالة من هواية حالات بنات انظلمن بسكوت والم انينهم محد كان يمعها ويشعرر بيه سوى المخدة الي كانت تحط راسها عليه كذابين الي يكولون اي احنى وياج كذابين ومخادعين من يواسيها على جرحهاطاني اتعلمت من الحياة انه قهر الرجال بحياة المراءة غير اي قهر يكسر الظهر كسر كتلها وبعدين كالت عادي من يشبع يرجع يتوسل يرجعني وهم عادي عب عليه اذا ماارجع شلون علمود جهالي محد يحاسبه وجهاله وين جانوا من طلكني يركض ورة المكسيكيات وشكو وحدة فاسقة ودايحة بالعراق ياصدقها ويلعب بعقلها اسحبج لامريكا !!! ظليت صافنة واني اردد ويه نفسي صدك اليوت اسرار والي يدري دير والي مايدري يكول كضبة عدس الي يسمع عن فرح عايشة احلى عيشه!! ههه شطد مكروه الظلم تركتنا فرح وهي تتامل استجابة دعواتنا الها بالتوفيق اما اني بعد ما عرفت انه علي اخو عماد صرت اتعذب هواية و صارت ملامحه متفارق خيالي كثرة مسجاته تطلب بس انه يطمن عليه خلت قلبي يلين واخر شي كتله انت شتريد كلي بس اشوفج كتله واذا مو حلوة ضحك كلي ميخالف اني اعرف بيج عوبه! كتله خوش اني من يصير مجال اكلك وين اي لانه تعودت يعيب عليه اغلب كلامه جان شقى وجنت احس بيه ولد من احجي وياه ههه كانه يحجي ويه صاحبه بيومها جرجرته بالحجي عرفت بيه باجر راحي يوصل اخوه علمود سيارة عماد ماخذها اخو خطيبته رايح بيها للمحمودية جان واكف دينتظر برة يحجي ويه الحرس ينتظر عماد دزيتله مسج كتله المن كاشخ اليوم وهو بيومها جان لابس مدني كتبلي ههه مو عليه كتله والحرس الي تحجي وياه راسا خابرني وطبعا سويته صامت وصعدت بالخط كتله ها شفتني كلي شايفج من زمان توصلين بالسلامة اتاريه جان عارف انه اني من يوم الي دزيتله المسج بالسيارة وانقهرت من عرفته انه علي يكول انحرجت مثلج بالضبط بس اني نيتي اعرفه انت عجبتيني كتله بس اكو هواية اشياء تمنع ارتباطنا انت اصغر مني بسنتين وترة اني بيه سكر كلي ميخالف اريدج!! اتفاجاءت من صدك ماتوقعته انه يفكر بالزواج بهذه السرعة لكن هو لح انه يخطبني وزواجنه يكون ويه اخوه عماد ظليت صافنة مااعرف شكول رغم هو اصغر مني بس اني جنت ابسمع كلامه بكلشي مااعرف ليش علمني بالضبط شكول لامي وصدك رحت حجيتلها انه اخو موظف ويانه اسمه علي ملازم اول يريد يخطبني من سمعت بيه شرطي راسا كالت لا والي قهرني ودمرني كالتي يمه ها اذا مو اليوم باجر يكتلوه الشرطة مستهدفين وهو مشروع شهادة كمت ابجي راسا ودموعي نزلت عرفت هي الموضوع انتجت بكل ثقلها على القنفة وغمضت عينها وظلت تهز براسها كلتلي هالكلمتين انت تريدين تصيرين نسخة مثل امج!! عاجبج الي عشته اني!! محجيت رحت لغرفتي شلون واحد يكول لواحد حبيبك يموت بعد يومين شنو اصعب من هذه الحجاية اتذكرت ولد ويانه شلون يحجي بحركة عن خطيبته جانت نايمة بالسطح اول ماخلصت الحرب وجتيها طلقة تايهة بنص راسها كتلتها بمكانها يكول قبل ساعتين حجيت وياها واتفقنا الزفة بعد اسبوع بقى مايقبل يرتبط باي وحده ثانية ظل علي يدك عليه واني مااجاوب تعبت حيل ومنمت للصبح مجنت اريده يسمع صوتي حزين واني مااريد اصلا كسرة قلبه هو جان يعرف بنفسه يمكن يموت باي لحظة اتذكر كالي ماريد اتزوج حتى مااعوف ارملة وايتام واكيد علمودي غير رايه بين الشد والجذب والمعاناة بيوم 20 شهر شباط انخطبت لعلي وجان احلى يوم بحياتي وكلش زين اتذكر بعدها بيومين خابرني يصرخ كلي ميمه جان يصحيلي ميمه بتضخيم الميم ضربوا العسكريين بسامرا مافتهمت بس حسيت الدنيا انكلبت والشوارع بدت تفور جنى نسمع انه القاعدة يدخلون بغداد وقريبيين من الغزالية والعامرية بس ماعرفنا او اني على الاقل مافهمت انه واصلين مرحلة انه يفجرون الامام كان يوم الاربعاء 22 شباط 2006 اليد السوداء الي فتحت صفحة الدماء بتاريخ العراق رجعت للبيت والشوارع كانت تغلي والكل تصيح الثار! شلون يتجراون يفجرون مرقد اثنين من ائمتنا! طلعونا من الدوام من وكت وركضت رحت لبيت اهلي مارحت لبيت خالتي فتحت التلفزيون وامي راجعة من السوك تلهث كالت يمه احتركنا حركونا الله يلعنهم باوعت وشفت مظاهرات الالا ف من اهالي سامر طلعوا ينددون بالانفجار حاملين عمامة الامام المخضبة بالدم وسيفه كانوا يهتفون بالروح بالدم نفديك يا امام كمت ابجي من شفت العمامة الله اكبر حتى الامام ماسلم من القتل والتفجير يخافون منهم حتى من قبرهم!! الله كبر والاخبار تسارعت والاحداث صارت تحبس الانفاس الزعماء كلها نادت بضبط النفس والخطباء بالمساجد كانوا يدعون عدم الانجرار ورة النفس الطائفي اتذكر ان السيد السيستاني اعلن الحداد سبعة ايام والهدوء كل الخطابات كانت تدعو لضبط النفس جميع المراجع من الطرفين استنكرت وطلبت عدم الرد لحد مايتم التاكد من الفاعل لكن حدث انه انجرفت الامور ومحد كدر يسيطر عليها بدت عمليات انتقامية من الطرفين السنة والشيعة اشخاص من السنة كاموا يفجرون المساجد واشخاص من الشيعة يحرقون الجوامع وبدت عمليات الاغتيال ابرياء راحوا بالرجلين على الهوية صارت مناطق باكملها يسموها مناطق ساخنة! ثلاجات موت مثل بعض مناطق الدورة حفر ! وغيرها وغيرها ( تبين فيما بعد التحقيقات ان مفجر المرقدين تونسي يدعى يسري فاخر الطريقي وتم تنفيذ حكم الاعدام فيه ) لعنه الله ظلينا يومها متسمرين اني وامي كريم وميلاد جبناها يمنه طبعا كريم ركض للبيت من سمع الي ديصير الحمد بدينا نتصل واحد باللاخ واطمانا انه ماكو شي بذاك اليوم راحت من عدنا ايضا شابة عراقية كنت سبق ان التقيت بيها مرة وحده انسانه طيبة ونشيطة بعملها كلش اطوار بهجت اغتالوها اثناء تغطيتها احداث الانفجار كلنا شفنا بهذك اليوم نظرة الخوف بعيونها وهي تنقل الحدث كانت جريئة ومخلصة ودفعت ثمن اخلاصها للاسف باغلى ماتملك ثاني يوم مرحنا للشغل لا اني ولا ميلاد ولاكريم خابرتنا عهود كالت ابو حميد ماقبل لا اطلع ولا اتحرك من مكاني وراها انقطعت الشبكة وظليت الوب على علي وادك يمكن من كل مية مرة ادك عليه مرة وحده احصلها وينكطع كلنا لميلاد تجي تبات يمنا والله لايشوف احد شصار بالليل انكلبت المنطقة اي نعم هاونات صارت بينا وبين العامرية ووصوت طلقات جنا نحسها يمنا بالباب وسيارت تشحط وبيبان تنركع انكطعت الكهرباء وختلنا كلنا بغرفة امي وطفينا اللالات بس كريم جان بالصالة يراقب وامي تصيح عليه كمنا نكمز اني وميلاد من الخوف جنا نسمع صوت الطلقات تفوت من الشباك كلنا هاهي راح يجون ويذبحونا الليلة مابيها مجال جانت حرب شوارع حقيقية وحتى ويه الشرطة اتشابكوا وسيارات الاسعاف تروح يمنا ويسرى وصارت كتل مكتول كعدنا على الاخبار مقتتل 55 شخص من حي الجهاد ليلة امس!! رحنا لبيت خالتي نجيب هدوم ميلاد واذا الجامات متكسرة والدم على الصبة وساحلين جثث واثرها موجود وكومة طلقات بالباب ويم الكراج ميلاد كامت تصيح وتعيط ركض رجعنا للبيت للعصرية شلنا هدومنا وطلعنا لبيت خالي جانت مناطقهم اهدئ امي جانت خايفة على ميلاد كلش حستها امانه كلتلها اول ماتطلعلج الفيزا روحي يم اختج لعمان روحي داريها وابقي يمها جانت بالبداية مقابلة بس خفنا عليها حتى لو رجعنا للبيت شلون يعني لانكدر نعوفها وحدها ولانكدر احنى كلنا نبقى يمها يوميه من مكان لمكان وكالت لكريم تروح توديها لسوريا نهاية الاسبوع تاخذون طيارة لانه سمعنا قتل هواية صار بالطريق للعبرية الي سافرون لسوريا شكد جانت معنده ميلاد بذاك اليوم هزت راسها وسافرت بعد اسبوع من طلعت الفيزا ركض ركض اخذت اجازة بدون راتب سنة وراحت لعمان ومن يومها هي هم مارجعت بعد للعراق بدت الايام الوردية الي جنا نحلم بيها تتحول الى رمادي ثم الى لون اسود قاتم عمانا واتغلل الى نفوسنا صرنا مخضوضين تايهين ضيعنا الدليل | ||||
|
| |
|
03-09-21, 05:23 PM
| #73 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الخامس الجزء 71 الاربعاء الدامي النهاية مخملية انت ياامي بوجهك الباسم وانفاسك العطرة مخملية .. بتشققات يدك المنهكة بانحناءة ظهرك من اجل ان نكون انت هي المخملية .. ياامي انت هي بترافة روحك بعينيك الذابلتين بقلبك المثقل بالهموم انت هي المخملية لا من سكنت القصور انت بنظري من تربعت على عروش الدنيا بصبرها اللامتناهي بقوة تحملها ... بتفانيها باخلاصها انت ياامي ياحضننا الدافئ ياشمسنا الشمرقة يافينا البارد مخملية انت ياامي بكل مافيك حتى بنظراتك وهي تودعني ................. كل صباح صرنا نستيقظ على صوت انفجارت طلقات صرخات مفجوعين اختفت اصوات العصافير الي كانت تملءالسماء بصخبها هاجرت ورحلت الحمامات الي ترترف على سطوح منازلنا صرنا نعيش بزقاق ضيق ذا نوافذ متسخة خالي من الهواء نحس انفسنا الاموات الاحياء كمت كلما اطلع واسد الباب عيون امي ورايه اتشاهد احس نفسي مراجعة اي انفجار اكول كريم وعلي عهود وولد رحاب خالي وجيرانا تعبنا كلش وارهقت احداقنا من التحديق تسارعت الاحداث لانه مكانت الايام لا انطوى الزمان من تحتها وصار السنة شهر والشهر اسبوع والاسبوع يوم ولانه كان صفر وقريب الاربعينية ولانه السنة مالة خالتي بعدها مطالعة خطوبتي اني وعلي مجرد موافقة عائلتين يعني بس الفاتحة مع انه جنت كلش فرحانه بس خفت من نحوسية صفر وخوفي جان بمحله بشهر تموز من ذاك العام عام 2006 رجعت رحاب علمود ولدها عباس كان بعمر ال19 سنة وعمار وبشار ب15 سنة جان عباس يشتغل تكسي ويداوم كلية اهلية دخل المامون قسم اقتصاد مافلح بالدراسة مااعرف ليش وكتها رجعت رحاب علمودهم جانت شويه احسن بس القلق على ولدها دمرها وهمين خطية زوجة وسام الاولى توفت بحادث جانت صاعدة كوستر وابو الكوستر راد ينهزم من سيطرة وهمية من سرعته انكلبت السيارة وماتوا بيها كم شخص كانت هي من ضمنهم راح للفاتحة ونزلت هي في بغداد وطبيعي انه ماتبقى وحدها بقيت اني رحت يمها تطوعا اخلص من خنكة امي مع انه العامرية صارت تخوف وماتطاق صرت كلش اضوج اطلع الصبح واني اشوف اشباحهم بلحايهم الطويله القذرة وهدومهم الافغانية يفترون والرشاشات على ظهورهم ينتقلون من بيت لبيت ماكو اقل من اسبوع شمرولها ورقة وبيها ظرف جان توه وسام راجع والله يسلمه شلون وسام فار دمه يعني اذا جان مفكر يطلع تخبل اني ماتهدد اني مااخاف واصر انه يبقى مايطلع بسالاحداث الي تلتها والي صارت خلتنا ننهزم بليلة سودة رحاب رتبت سالفة زينة لولدها راحت ب12 ورقة طلعت 3 جوازات gلولدها وفكرت ادزهم لسوريا يم سعد الي شغلة ابو حميد وياه على شركة نقليات سياحية بغداد دمشق وجان ذاب حيله كله على الشغل اتغيركلش كام ينام ويكعد باالسيدة والنهار كله هناك حتى كاموا يصيحوله سيد سعد وفلوسه كلها جانت تروح لميلاد الي من رجعت رحاب هي راحت يمه وبوكتها استقبلها سامي من المطار خابرتني كالت تصدكين حسيت سامي صدك اهلي لو مو حرام جان حضنته مااعرف ليش من شفته بالمطار كمنا نبجي ثنياتنه شفتي شلون لعبت بينا الدنيا طوبه تالييها نتلاكى بدمشق!! مع ذلك جانت تشتكي ممرتاحة محبوسه وحدها النهار كله تخاف تطلع من ورة سعد مجانت تريد تسوي مشاكل وبيت عمتي خلاص اسبوعين وطالعين لكندا كلهم جانوا مقهورين الا مها جانت طايرة من الفرح وكتها حتى اسما اجلت عرسها ليورة السنة مالت خالتي وعلى اساس يسووه بكندا من يستقرون اهلها الناس كلها انهزمت بره العراق والله جانت الشوارع تخوف بالليل تسقط بغداد وفنه الي يطلع ركبته للموت صار الكتل عيني عينك والخطف بالجنطة مصطلح متداول معظمهم كانوا يقتلون على الهوية فقط لانه منتمي لهذا المذهب ولهذا اللقب هذا هشكل واسمه هشكل حتى علاوي خطيبي صار عنده ثلاث هويات وحدة الاصلية واللخ سيد شيعي والثالثة سني من الانبار يستعملهن حسب المكان الي هو بيه حقيقة لايمكن ننساها او نتجاهلها لعبت بينا الظروف لعبتها رحاب من سمعت هادي حيعوف كلشي وينفذ بجلده ويروح لو سوريا لو تركيا رادت تجلب ولدها بيه لانه مستحيل احد يهتم بيهم مثله وهم عندوا ماقبلوا يروحون وياها لعمان واصلا ماطلعتلهم فيزا عمان شكد محاولت فحجت ويه زوجته كالتلها نريد بتكم الجبيرة لعباس واحنى كلنا نعرف انه واحد عينه من اللاخ وهذه وحدها قصة طويله رغم انه همه صغار بس الاماية راسا قبلت هي هم رادت رجال لبناتها واتفقوا الخطوبة ورة السنة مالة خالتي الله يرحمها بعد كم شهر وتروحلهم لسوريا بذاك اليوم من رجعنا من توديع بيت هادي جانت ازدحامت ماكو والدنيا سنطة كلنا كلنا الله يستر حيصير انفجار اتعلمنا كلما تصير سنطة يعني انفجار رجعنا واجى عمار يركض علينا للبيت لحكي يمه كتلو ابو يوسف صاحت رحاب عزة منو كتله ---القاعدة منو يعني مع انه الرجل سني لكن راح بالرجلين لانه كان انسان معتدل مجان يقبل على الغلط لزمت رحاب عمار كالتله ويه رايح اخذ فد شي ملفوف بيشماغ وطلع يركض عمارعمره بس 15 سنة بس جان نار وشرار اوكح حتى من عباس اتاري عباس ينتظره براس الشارع ركبنا اني ورحاب ورحاب طارت بالسيارة وراهم وبسام بيدي وعباس ياشرلنا نرجع يالله يالله كان ذاك اليوم واحدة من اصعب الايام بحياتي خابرت على علي ماكو شبكة وكفنا كدام جولة جبيرة باطراف العامرية وشباب خاتلين وره هياكل بيوت مبنية على النص اهل العامرية يعرفون وين هذا المكان رحاب وكفت بعيد كام يتعارك وياها عمار ترجع اني مافتهمت الموضوع بس من حجي عمارربطت انه جثة عمو ابو يوسف جيران بيت رحاب من الثمانينات وجان كلش صديق فاضل الله يرحمه مشمورة بنص الجوله والجلاب تنهش بيها وانوب ابنه الجبير اتسحب يروح يجيبها ضربه قناص بصدره قناص خاتل مااعرف وين ووياه جماعته من القاعدة كلهم اي واحد يقترب من الجثه يرموه ماتكدر رحاب تحجي شافت يوسف والولد لازميه وعباس مديخليه يروح يحجون وياه والشباب كلهم كل واحد شايل رشاشة وواكف وين الشرطة لعد ضحك عمار باستهزاء كال منو المخبل يفوت منا اندفن وماانسى شكل رحاب جانت لابسة قميص اسود مطببه جوة والتنورة عدلة بجاكات وربطة سودة شالت ايديها وسدت الربطة حيل وهي عينها بعين عباس كالتله محد بيكم يروح لا انت ولايوسف ولامعمر ولا ذولاك مدااشوفهم مااعرفهم كللها خالد وتمار انقهرت على ابو يوسف جانت جثته منتفخة صح هو ضعيف بس مورم من الصبح مشمور ومقلوعه عينه فات جلب شمم بيها بيه وراح مجان هو بعيد كلش جنت اكدر اشوفه من السيارة كالت كتلوه مو؟ لانه ماقبل يصير مثلهم لانه مباع احد الله يلعنهم وكتلو اخو حسنين لانه شيعي اظلمت حيل ولحد الان كلهم يتعاركون ويوسف كام يبجي يكللهم ابويه مااعوفه مااعوفه حتى لو اموت وراه امه واهله جانوا يه اخوه المتصوب بالمستشفى للفجر ظلينا الولد الشباب ورحاب ماخلتهم ركضت هي بنص الليل سحبت الجثة وهي تصيح ياااعلللييي يابو الحسن مااعرف يمكن اما مشافوها او ينكن مااتوقعوا هذه صاحبة وطبيعية تطب جوة النار وتسحب الرجل مثل المخبلة وتطلع من قربت علينا شبابنا كاموا يرمون يغطون عليها وعباس صار نار وشرار شكد كام يحجي ومعصب على امه بس رحاب جانت ماتحس اخذ بسام بحضنها وكامت تبجي وللصبح منمنا قررنا خلاص لعد مانبقى ثاني يوم دنرجع اني وياها من ابو الصمون وركضنا للرجعة من السوك قبل لاتظلم نوينا خلص اخر ليلة الناهنا بالعامرية لمينا الغراض كملنا كالت اروح اكعد بمنطقة اامن شلت بسام وهي جانت شايله العلاليك تمشي كدامي والله وطبكت سيارة وشالت ولد ديمشي قريب على بيتنا اني ماشفت زين بس رحاب ذبت العلاليك وكامت تصيح عماار عمااريبووو اخذوا ابني يبووو لحكوني عماار خطفوا ابني ركضت دكيت الببيبان على الجوارين واني اصيح الحكونا الحكونا اخذوا عمار بالحرام محد فتح الباب نص البيوت تهجروا صفت تصوفر والبقية بس نسوان من خوفتها يمكن همه ختلوا رحاب ظلت تجر بالولد والولد يدججوها بالرشاشات وسمعت الولد يصيح خالة لحكيلي الله يخليج لاتعوفيني صاحت رحاب ولكم هذا معمر معمر جان يشبه عمار من بعيد ومن خبصتنا كل ظنا انه هذا عمار لكن رحاب ماخلته مجلبة بيه هي تجره وهمه يجروه يدخلوه كوة بصندوق السيارة اخر شي الملثم الجبير ضريها حيل على صدرها ادعبلت بالكاع كللها اخر مرة خالة ام عباس بس هو كالها بفشار والله طلقتين براسج اخليج مثل .... مااسمعت البقية بس رحاب جان وجهها مورم من الضرب وينكط دم اخذوا معمر وراحوا المسكين جانوا اهله سنة وشيعه منو خطفه مانعرف لكن من يومها ماشفناه ولد بعمر ال15 سنة لساني اتذكرصوته يبجي يتوسل خالة لحكيني الله يخليج لاتعوفيني كل الحادثة يمكن 3 دقايق بس ايبباه ياربي رحمتك شكد جان خايف رحاب تكول جان مجلب بقميصي يجر بيه واني اجر بيه كامت تركض وراهم اخذوني وعوفوا الولد معمر وظلت تصيح معمر وتركض واني اركض وراها رحنا لبيت اهله بالشارع الثاني ودكت عليهم الباب اندارت عليه كالت شكول لامه عزة لعزاني بيا صخام اشوف امه شكووول الها منال منال وبدت تضرب الباب حيل ام معمر اسمها منال طلعت المرة مخروعة من شكل رحاب متملخة وربطتها واكعة ووحدة من الضربات على خدها صار ازرك كالتلها ولد من المنطقة خطفوا معمر خطية جانوا لامين غراضهم على الصبة ديطلعون وكعت من طولها ليش ماطلعتي ام عباس ليش ماطلعتيه من ايديهم من نتذكر نكول هذوله جانوا ولد من المنطقة وجانوا يعرفونه عرفوني وعرفوا رحاب شوف ليش ساعتها ماكتلونه! مااعرف ظلينا نسال نفسنا هذا السؤال لسنين طويلة منظر منال ام معمر كان منظر هواية امهات مرن بنفس الموقفت التعلق بين مابين الموت والحياة الياس والامل ان تفقد احداهن فلذة كبدها الى مجهول للابد لحد هذه اللحظة ماعثروا على معمر ولا على المئات الشباب الي انفقدوا في ذلك العام والسنوات الي تلته ظلت ام معمر حايرة فرت العراق من شماله لجنوبه على ابنها مابقت لامستشفى لا مركز شرطة لاثلاجة مووت لاحفر الموت لا مكان سمعت بيها مقبرة مجهولين مراحت اله وراح وليدها من يومها انهزمنا من بغداد لكن عمري مانسيت ذاك اليوم كريم كان مدبراموره ويه بنيه كرديه تشتغل بشركة اسيا سيل وصارله هواية من يعرفها من سافرت هي رجعت لسليمانية دبرتله شغل اله هم هناك عاف شركة عراقنا ورحنا كلنا وياه لسليمانية بطلت من شغلي لانه الاغتيالات صارت ماتعرف ولاتفرق بين احد لامذنب ولابريئ لاصغير ولاكبير تحولت بغداد الى سجن للتعذيب ومقر من مقرات الجحيم خلت من معظم اهلها وماوكع بيها بس الفقير الي ماكدر لا يحمي نفسي ولاينهزم بيها كنت اتصور علي حيمانع على سفري لسليمانية واستقرارنا هناك لكن هو بالعكس شجعني على هذا الشي وقبل ماتطلع السنة مالة خالتي الله يرحمها اتعرضت عائلته لحادث انفجار راحت بيها امه واتحطمت نفسيته واني دفعت الثمن تركني هشكل بكل سهولة وكلي كلمن بطريق جانت نفسيته تعبانه حيل واثرت على علاقتنا انهاريت وشكد مااكتب مراح اكدر اوصف حالتي جنت متخيلة انه عمري مراح امر بهذا الموقف انه اليتم حصني من نوائب الدهر وانه اليتيم عنده صك مايمكن ان ينكسر قلبه اتارينا نفس البقية بلا ضلع ولا عين تشوف واتخيلوا سوء الاوضاع منعتنا حتى ننزل لبغداد نسوي السنة مال خالتي كعدت بالبيت وورة مسافرت امل لعمان يم اختها جرينا خالي كوة وكعد يمنه ظلينا نعتمد على كريم بعيشتنه ومرات يوصلنا فتافيت من ايجار العمارة الي عدنا ولد رحاب طلعوا لسوريا ومارجعوا بعد لبغداد ورحاب استقرت بعمان هي ووسام وبسام وجانت بين فترة وفترة تروح تشوف ولدها سافروا بيت عمتي لكندا واتعالجت عهود بسوريا والحمد لله صار عدها طفل وحيد سمته زين ورجعت ميلاد لعمان هناك التقت بشاب اردني من اصل عراقي واتزوجت جان اكبر من عدها لكن متمكن ماديا على نهاية 2007 اتزوج عباس من بنت هادي الجبيرة وانخطبت اني لابن خالة خطيبة كريم هالة رجل مطلق وعنده ولد صغير مجان عندي خيار اخر خصوصا انه عانيت فترة طويله يله كدرت انسى علي كلنا نوعا ما استقرينا بعيدين مشتتين عن بيوتنا وعن احبابنا وكرايبنا الا رحاب كان القدر كاتبلها ان يقتل تؤام روحها وحبيبها الاول والاخير وسام ذا الرجل الشهم الطيب الخلوق كتلوه على طريق كركوك بغداد مانعرف لحد الان منو قتله وليش حتى ماحد شافه رجع اخوه من الامارت دفنه وماقبل اي احد ينزل لبغداد وسام الله يرحمه كان باخر زيارة اله بالعراق يشوف بنته لانه ولدت بعد زواجها من واحد من اقرباء امها فقدت رحاب عقلها بسببه صارت مو مستقرة نفس حالة بيبتي ام جاسم الله يرحمها تكعد تصفن على السما تنتظر عصفورابو الحناء يمر يجيبلها خبر من وسام جانت تنتظررجعه وسام يوميه ومرات جانت تبدوا طبيعية تكول شسوي كلنا بهذا الطريق وبقت كاعدة بالشقة الي جان ماجرلها ايا وسام مرة ميلاد تدفع الايجار مرات ام فاضل حيث بقت تحت كنفها الي بقت تربيلها بسام مع ميلاد.... صارت تنسانا وتنسى معظم الاشخاص وولدت قبل فترة وبعدطول فترة انتظار طويله ابني بدر الدين الي طلع نسخة من امي ...مخملية النساء اللقاء كان خجول وعفوي رجعتلهم كل ذكرياتهم القديمة ساعتها اتزوحوا بشهرر الواحد بعد معارضة ابنائها لكن اللي قنعهم هو خالها علاء لانه اصرت رحاب لازم موافقة ولدها يله تقبل بالزواج وسام كان طول هذه الفترة عايش بكركوك متزوج وعنده اربع جهال 2 ولد و2 بنات اصغرشويه من عباس اول مرة اجرلها بيت قريب لكن بعد سوء الاوضاع رجعت كعدت في بيتها وراها بنفس السنة صارت حامل من عنده وولدت ولد اخر سمته بسام هذه اخبار رحاب وتستمر الحياة سوى اكنا سعداء فيها ام اشقياء سوى رضينا .... قنعنا بيها ام تذمرنا ولم نرضى تستمر رغم ارادتنا لم ولن نكون اخر من نتالم ولكننا بالتاكيد نتمنى لاطفالنا زمنا افضل انتهى | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
3Likes
.png)
.png)
العرض العادي
