آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-12-19, 11:04 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الفصل التاسع مساء الخيرات🌺🌸🌺 أكثر الصدور حنانا هي أشدها حاجة للحنان وأكثر القلوب نبضا بالحب هي أكثرها افتقادا له وأكثر النفوس نقاء وقناعة هي أكثرها صدمة وأحوجها للاحتواء .. وأكثر الألسن حديثا عن القوة و التفاؤل هي أكثر الأرواح احتياجا للدعم خاصة أنها في الغالب تتظاهر بما ليس فيها .. تقريبا فاقد الشيء هو أكثر من يمنحه و هو أشد من يحتاجه أي كذب من قال فاقد الشئ لا يعطيه بل يعطيه وهو في أشد الحاجة لمن يحتويه .! "راقت لي"❤️ مكدرت تبين اي رده فعل غير الصدمه بعدت عيونها عنه.. وهوه مركز بيها ..شاف الوجع الي بداخلها.. بعد ماخلص الاجتماع.. أنسحبوا أعضاء اللجنة وهم يسلمون على الكادر التدريسي .. وصل الها كان آخر واحد ..أبتسم -شلونج ست وسن وشلون الاهل.. ردت وهيه تحاول تبين مامهزوزه ممتأثرة قوية -الحمد لله بخير أستاذ جابر..ست وثبة شلونها أخبارها جابر-هذا رقمها مد ورقه صغيرة واتمنى تتصلين بيها ..هيه بحاجه شي يفرحها بينت على وجهها تساؤلات - خير شبيها جر حسره وزفرها -لوكيميا بالدم وتاخذ جرعات ..الله يشافيها بينت الصدمه والقهر دنكت بوجع وبدت دموعها تنزل.. على شوفته لو على خبر صديقتها الي سنين انقطعت عنها وهسه باي صوره رجعت -أسف ست وسن اذيتج بهالخبر ..بس هيه قبل ايام جانت تسولف بيج..اتمنى تتصلين بيها .. -انشالله ربي يشافيها أتصل بيها اليوم.. رجعت ذبت نفسها على الكرسي وحطت ايديها على اعيونها وهيه تبجي.. تبجي على اشتياقها للي فقدت شوفته من سنين..وهسه شافته ..على ذكرى توجع من تمر بالها.. لو على صديقتها الي حبتها وراحت وياه.. ست وسن ..بيج شي ضغطج صاعد ناخذج للمستشفى.. رفعت راسها وشافت ست أنتصار وحست بدوخه رهيبه غمضت عينها حتى تفتحهم بلكي تركز .. بس بعد مكدرت تفتحهم سمعت عيطه ست أنتصار واقدام تركض..وأستسلمت للهدوء.. —————— مريم -اي أحد عدة استفسار شي صعب يكوله ويحظره المحاظره الجايه للمناقشه.. معماريه الحاسبات رادلها تركيز مااصيح بالاسماء.. حط اللابتوب بالجنطة ..وطلع التفتت لصفا وراقية -همزين طلع استاذ ارشد انسطر راسي متت من المعماريه.. عدنه ريست اقل من ساعة ..امشو نروح اشرب كهوة .. وكفت وهنه باقيات كاعدات بالستيج.. -ولجن طلعن لزكتن شنوو اليوم شبيجن صفا اوكفي الم بغراضي باوعتلها لازمه النقال وتكتب مريم-شنو تلمين هوه انتي تكتبين عوفي النقال راقية-اليوم شعجب ما اجة حسن ومهند لهسه ماكو مريم باوعت بضجر لهسه زعلانه منه .. صفا رن نقالها واحس مرتبكة مريم -والله اليوم انتي بيج شي ومتحجين صفا- ماكو شي يله نمشي وتبتسم دانة ورنا يتغامزن وياهن مريم -شنو شبيجن اليوم تغامزن وضحكن مريم -يبوي وراها عدنه مناقشة بماده التصميم المنطقي يعني راح ميجي من وكت.. صفا-والله كلها بصفحة والعملي بصفحة امشن سريع من الدراسه بطني طلع اصوات رهيبه ههههه رنا -اشم ريحة كيكة مريم -يلعن بليسج ياكيكه وحطت ايدها على خشمها ريحة الهمبركر والكلي واصله لهنا ياكيك بعد.. دخلو للكافتريا وهوسه الطلاب وضجيج قوي مريم -خاف عايزني دوخة كملت يمشن كدامها وهيه وراهن ممركزه رفعت راسها وتشوف الميز وعليه كيكة .. أقتربت كيكة بيضة ام طابقين بيها قلب أحمر وأسم مريم عليه ورقم ٢٠..وملفوفه بشريط أحمر وداير مداير الميز ورد احمر .. واكف حسن مبتسم ومهند وفراس وسمعت صوت بقية الولد والبنات صاحو هبي بارثدي تو يو ..شعل حسن الشمعة.. أبتسمت بفرح ..ودنكت بخجل من هالمفاجئة.. حطت ايديها على حلكها تكتم فرحتها وهمه يكملون.. هابي بيرثدي تو مريومه هبي بارثدي تو يو سنه حلوه ياقزومة ضحكت -عابتلكم والله طويلة وترفع نفسها.. يله نفخي.. غمضت اعيونها ونفخت الكيكة وتمنت امنية اوووووووووووف كلها صفكو صيح فراس لحد يكص خل ناخذ صورة سيلفي.. كص السيلفي -اوكفو بعد المرحومة مريم - يامرحومه -الكيكه قبل ما تتفجر قطعة قطعه ناخذلها صوره للذكرى ضحكو كلهم بالعاده يجمعون ويشترولها هدية قدمتلها صفا علبه فتحتها سلسله أسوار ايد وبيه أسم ❤️مريم❤️ شكرتهم واحد واحد وصلت لحسن باوعلها نظرة عاشق أبحر في تفاصيل معشوقته وما وجد مرسى اين يقف وكل شيء يشدوه للتغزل أكثر كيف يعرب عن مكنون مشاعره.. حسن -كل عام وانتي بخير انشالله بعدج مضايجه مني -باوعتله وضحكت لا هسه وكع الزعل بس بعد لتعيدها -لا هوه انا اكدر على زعلج بس انشالله تفهمين تصرفي من حسن نيه -اممم نشوف بعدين راقيه- ظلو ظلو سولفو وتروح حصتكم.. حسن -لازم واحد يغديهم وبعدين يجيب كيكه لو جايبها اخر محاظرة مريم -يعني انت جايبها ضحك وحك شعره -اي انا ومساعدة مهند وفراس وصفا وراقية مهند- تكتبيلي المحاظره وتشرحيها الي مريم-جبح والله ميسوي شي بدون مقابل ابد ههههههه صفا -حتى رئيس القسم شارك ويانه مريم -دكتور ماجد وين اكو منه الله يحفظه راقية -مو عدج بحوث بالمكتبة وانا هم عدي كم مادة مريم -اي اريد اكمل الحقل مالت المجلة ..راح اخذ الكهوه والكيك ياي .. بين مايرحون للمكتبة الدكتور واكف بالممر هوه وشخص مقابيلة باوعتله مريم وابتسمت -كل عام وانتي بخير مريم انشالله يوم اشوفج استاذه واهنا درسين اقتربت هيه وراقيه منه -الله يخليك استاذ ويبارك بيك التفت الشخص الها -شلونك استاذ باهر سلمن اثنينهن عقج حاجبه -اهلاً وسهلاً الدكتور-اليوم سولها عيد ميلاد تستاهل مريم ابتسمت بفرح لكلام الدكتور باهر-كل عام وانتي بخير بالتوفيق التفت للدكتور -اترخص وابتسمله -وانا اترخص هم كملن للمكتبة..دخلت للمكتبة وحطت الابتوب على الميز وفتحتة. بين ماضغطت التشغيل أخذت رشفة كهوة وقطعة كيك راقية تكلب بالكتاب عن شنو هالمره تكتبين عن الكلمات دافئة.. التفتت للشاشة وبدت تكتب ❤️كلمات دافئة❤️ *🌸هناك كلمات على الرغم من بساطتها وعفويتها تكون بلسم لشخص مجروح محتاج لكلمات تعينه على وجعه.. مااجمل لو رئينا كلماتنا تزرع ابتسامة لعيون حزينه.. مااروع شعورنا وكلماتنا بعد ان يسمعها مهموم يدعو لنا بالسعادة.. هناك كلمات لانحسن صياغتها لكن مغزاها دافئ كم مشاعر امتلكت بكلمات دافئة لامست شغاف قلب محتاج لها.. تمهلوا واوزنوا كلماتكم ..وانظروا لحالة المتلقي ..وأبتسموا وانتم تتكلمون .. فلعض الكلمات تنقش على جدران القلوب..فالابتسامة والكلمة الطيبة صدقة*🌸بقلمي🌸 تقربت راقية - راح تبدي المحاظرة رايحة -اي جاية وراج بين ماسدت الابتوب واخذت النقال حطته بالجنطة وحطتها على متنها رفعت راسها وشافت كبالها ماسك كتاب مفتوح ويباوعلها.. شبح ابتسامة بسيطه على شفايفه صوت خطوات التفتت حسن يقترب باتجاها باوعلها وباوع حسن-شلونك استاذ باهر -اهلاًوسهلاً اقترب من مريم باوعتله -هلو اكو شي -اممم نسيتي هاي علبه قلب احمر صغيرة خلاها على جنطة الابتوب ويبتسم -يله امشي راح تبدي المحاظره التفتت للي على الجهه اليمنى شافته مركز بيهم وعاقد حاجبة مشت وحسن وراها طلعو من المكتبة .. -بس انا مانسيت هالعلبة -امممم بالبيت فتحيها وكفت ودارت عليه يعني منك -ليش شكو بيها -مدت ايدها .. مااكدر اعتذر بابا مايقبل .. انت جبت كيكة وهذا كافي والهدية المشتركة يتقبلها بابا وانا بس خاصه ..يسألني ليش.. شنو اكله على طرف السانه احبج بس صفن بيها الوقت مو مناسب يكللها من حبيب يتمناج.. خلتها بيده وتوجهت للقاعة .. تاركته بهمه ..حب يبينللها اهتمام خاص ..عن البقية بس هوه يفهم قصدها مو مال هالحركات..يمكن هوه مو جريء ويعترف بداخلة ضيع فرصة اعتراف متتعوض حط العلبة بجيبة وتوجه يطلع من الكلية.. —————— شعلت النار على الجدورة نزلت سمر وراها مريم مريم -وين ماما وبابا نايمين سمرلا يانايمين عمتج وسن بالمستشفى ارتفع ضغطها بالدوام ونقلوها طيف-خطية عمه متتحمل اي قهر او تعب بس هيه متكعد مريم -خابرتوهم سمر -اي زينين وجايين كلهم بالطريق مريم صبتلها بصحن تمن برياني وكعدت تاكل كفختها طيف انتظري كلنه نصب -ولج ميته جوع واريد انام سمر -شنو هالسوار الحلو مريم-طلاب المرحله اليوم احتفلو بعيد ميلادي..لان باجر جمعة و جمعو واشترولي حتى رئيس القسم وياهم.. طيف -بوستها كل عام وانتي بخير بالعافيه حبيبتي اشوفج عروسه انشالله انا باجر هديتي.. سمر-كل عام وانت بالف خير و تغمزلها حلوه هدية المرحله -يعني قصدج خاصة مامصدكه انا من البنات ما اقبل واكلفهن اقبل من ولد باي صفه الي يريد يجي من الباب واقبل هديه بصفته خطيب جرت حسرة مريم حجت بداخلها بعد حسن زعل لان ماقبلت الحمد لله اوزن الامور .. ارتبكت سمر -ترا اشاقى ماقصدي شي -وانا وضحت.. كامت غسلت صحنها..وصعدت سمر التفتت لطيف خو مازعلت -تؤ تؤ اكثر وحده تقرا الناس وتفهمهم مريوم بس تحب توضح لتنسون اضغطون ال⭐️ مودتي لكم | ||||
|  |
|
25-12-19, 11:42 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل العاشر صباح الخيرات لا تجعل مشاعرك تدفعك للحب بقوى تمهل قبل ان تنجرف الى هاوية الحب كم تتألم وانت تحب وتحاول جاهداً ان تجعله لك وحدك.. حطت أستكانه الجاي .. وباوعت لباقر نايم..وهوه كاعد يباوعلة التفت باوعلها.. -نام الوكيح بسرعه من التعب -اي حيل يشبهك الله يخليك النه باجر عيد ميلاد مريومه لا تنسى ..يفاجؤها ويه العشا.. باوعلها -دومج متنسين شي وتذكريني..حتى مناسبات اهلي وأهتمامج بيهم تقربت وحطت ايدها على كتفة -شبيك صادق .. -كعدي خل نتفاهم واريدج هالمرة تسمعيني.. باوعتله بحيره ..جرت حسره -أنشالله -اليوم أبو هاله اجاني .. باوعتله بصدمه وحجت بأنزعاج - شيريدون بعد .. -لتقاطعيني خل أكمل حتى أفهمج -أجاني الرجال وفهمني أن مسكت بته ومتحلف بيها ماتقترب منه .. ومصلح الوضع ويه رجلها ومرجعها.. لان جانو شبه منفصلين .. وترجاني نسكت ومايطلع اي حجي بعد.. مفهوم رغده سدي السيره ولتفتحيها رحمه لابوج سمعت هالحجي وهيه مدنكة هزت راسها بأيجاب.. حست بوجع وخيبة مكدرت تحجي النقاش عقيم ليش هوه منو الي تعدى الحدود انا لو هيه.. شافته بدة يشرب جاي .. كامت أخذت النقال وفتحت الباب -لضوجين والله مو بالي اصلا الله انشالله يبعدها ..لتنقهرين .. دمعت أعيونها .. سدت الباب وصارت عينها على حلقتها.. الذهب وبيها نقشة نجوم ناعمه.. هالمره تباوعلها بدموع موجوعة.. وأذكرت وبعد ما انتهت الخطوبة .. وأجة وقت النوم تباوعلها بفرح ممصدكة..كانت فاصلة عن خواتها حنان وعبير الي كاعدات ويشوفن اختهن شلون فرحانة ومبتسمة.. ثاني يوم الصبح تحظرت بقميصها الوردي ولنطرون نيلي وحجاب وردي بيه خطوط نيلي.. تحظر و أبوها وأمها يرحون وياها رن جرس الباب..وطلع أبوها -يله ام سيف رغودة يله يبه طلعت وتشوف طلته الي سحرت قلبها ..هيه معادله صعب تفهمها ..ليش وشلون وراح تادي الى شنو.. فاصله عن الوقت محست الا من وكلت أبوها وهلهلت أمه وبوستها بعدها بيوم اجه يشوفها قبل مايلتحق للدوام.. كعد بصفها وهوه يشرب العصير وهيه صافنه عليه.. -هيج حلو وصافنه عليه كالها وشبح ابتسامه مرسومه بشفته دنكت خجلانه. -ها ..تفرك بأصابيعها متعرف شتكول.. -نزولي الجاي انشالله نشتري الغرفه والترتيبات..والي بعدها نزوج.. أنتي شنو نقوصاتج كتبيهم.. هذا تلفونج مدلها تلفون جديد وياه فلوس مصرفج لحد ماارجع .. انشالله نتعرف بالتلفون أكثر أبتسمت وخجلت ونبضات قلبها تتراقص حاولت تهدم سور الخجل وتريد تسأله شنو يحس تجاها يحبها معجب بيها.. هيه تصفن بعيونه دور نفسها بيهن وين مكانتها.. محست الا كض ارنبه خشمها ..وين صافنه وين راح بالج وهوه مبتسم.. -يمك.. أحب اعرف عنك كلشي -انشالله الايام وكلامنه سوا يبينلج كلشي ————————— كاعدة تغسل بالطارمة وهيه تذكر حجيهم بالتلفون .. سوالفه ..صوت ضحكته شنو يحب شنو يكره هيه اشياء تعرفهم من بنات خاله بس وضحلها اكثر..زاد حبه بقلبها أضعاف وهيه تسمعه يتغزل بيها تخجل ويروح صوتها ونفسها يتسارع.. أبتسمت ودكة الباب كمزتها ذبت الصوندة.. وصارت ورا الباب -منو -أنا صادق -عزا العزاني ليش -هههههه شنو ليش.. اليش ماتفتحين الباب -مامرتبه نفسي شأفتح خل أصيح ماما تفتح الباب .. -لا الا انتي اريد اشوفج ازعل والله فتحت الباب شوي ودخل باوعلها لابسه دشداشه بيضة وبيها ورد ناعم ومصعدتها ليفوك.. وساده راسها بجفيه حمرا واسود .. حاجاها وهوه كاتم ضحكته أنتي الشغاله بتاعتهم.. -ايوه يافندم ههههههه ضحكو ثنينهم فرحانه بتجهيز غرفتهم وأشتروا الاخشاب سوا جانت تشوف يحاول يكون فرحان بس حسراته واعيونه الي تشرد بغير مكان تبين من كد ماقلبها ينبض بيه تحس بيه من رمشة عينه.. وأكفين هيه وياه بعد ما نصبو الغرفة بيت أهله وهم يباوعولها. ميز التواليت على الجهه اليمنه المرايه دائريه بطرفها فيونكة .. الكنتور ٦أبواب الجربايه تاجها نصف دائرة بأطرافه فيونكات والتلفزيون الاسود مثبتيه على ميز زاوية.. البردة بعد ماعلكوها بنفسجي فاتح وتور بيج على ذهبي .. -صادق صادق باجر تروح تحتاج أحظرلك شي.. جان سارح ندسته صادق -ها هالة أهنا جمدت وباوعتله بقهر تحس شي وظربها وصحاها من حلم عايشته.. حس على نفسه .. دنك وجر حسرة ماعرف شلون يبرر موقفه دارت بحركه سريعه وتحركت تريد تطلع تهرب من المواجهه.. بس أيدة مسكتها وجرها عليه وحظنها والله مو بقصدي ..سامحيني .. رفعت راسها وعيونها مدمعه أنت بعدك تحبها صادق وتفكر بيها رغم أزوجت وهسه هيه أم.. -لا لتفكرين هيج بس سهواً كلت أسمها -مسحت أعيونها وديني صادق الله يخليك تعبت.. بقوة الحب داخلي نحوك سأجعلك لي سأطوقك بحناني سأحتويك فأنا مخلوقة من ضلعك.. وأنت القطعه النابضه بين ضلوعي كيف أتخلى عنك.. دخل عليها كرار -ماما ماما -ها كرار باجر نروح لبيت جدو عيد ميلاد مريومة -اي ماما -أشتريتلها حافظه نقال -فدوه لعمرك حبيبي الله يحفظك ————————— مجمعين كلهم يمها ..يطمنون عليها. تبتسم رغم التعب أستقر ضغطها .. مريم كاعدة يم راسها دنكت عليها -وسون ضغط ودوا وانا عودك جايبتلج عريس وأحاجي أبو صدوقي .. وسن-اوف منج ومن سوالفج ماطلع لسانج الا ابو صدوقي -يمه فديته .. صديقاتي من يتغزلن بيه أشبعهن تكفخ بس نبع الحنان ماخذه حصة اكبر مني ضحكوا مريم-عدج العافيه عمة ارتاحي اروح ادرس طيف-انتظريني بوست عمتها وشاورتها باجر ورا العشا عيد ميلاد مريم سمر -عدج العافيه عمه ————— تراسل بنات الكروب صفا وبان ورنا راقية وسهاد وميته ضحك مريم-عوبات مستر غضبان طلعتن عليه😂 راقية-لو شايفات سهاد كل مره وراحتله على موضوع وكلمتين وعقد جاجبه وسكت وهاي تنطك بوري😂 سهاد-منو تنطك لا عيني لا😌 رنا-دطبري طيرلج الجبهه اريد السمايل الي يعبر عن حالتج من تحسيه ميعبرج 🙃 راقية-شفتو ضافوه بكروب المرحلة 🥳 كم وحده تتوقعون حاجته😁 مريم-اهووو مكافي هسه حتى رجله مايمشي عليها😂 سهاد-خو انتي بس ضحكين ..كليلنه بالترجمه شنسوي صعبه شرحيلنه يوم السبت خوش مريم -اوكي نجمع ونشرح.. يله ولن نامن 😴وراي كعده الصبح ..تصبحن على وجوهجن العاويه 😂 صفا -وانتي بالمثل صقيقتي😁 التفتت لطيف شافتها هم كاضه النقال بين المتنرفزة ومزعوجة تكتب -عادل شلون جبت رقمي😠 -من جهه معينه هسه ليش لزكتي منين جبته وليش معصبة بالي ظل يمج وردت أطمن -الحمد لله زينه ..بس أنا مااريد حجايه تجيني هم مطلقه وهم يكولون تصاحب -ليش يعني تتوقعيني احجي واكول نتراسل ..طيف عاشرتيني ٤سنين سمعتي شي مو زين عليه😠 -لا والنعم منك ماقصدي عليك قصدي الناس لو درت نظرة اهلي الي.. -انتي حيل صايرة ضعيفه😑 -لا أنا مو ضعيفة بس الناس الها الظاهر دوم .. -لا أنتي ضعيفة اظاهر الي صارلج زعزع ثقتج بالناس وبنفسج اول شي -متعرف الي مر بيه حتى تحجي هيج😠 -تكدرين تحجين -تصبح على خير عادل طفت الجهاز كله دارت على مريم -شبيج -انتي شبيج -لا انتي -هههههه راح نكضيها هيج يابه مابيه شي انا والبنات نضحك على مستر غضبان استاذنه الجديد انتي ليش مزعوجه -لا قريت منشور بالفيس يضوج ليضل بالج -علينه وتتغامز بعيونها -ليش ست مريوم انتي سولفتيلي الي ضوجج قبل كم يوم حتى اسولفلج -امممم وحده بوحده حلو ست طيف الايام مابينونا وراح تكتين لمريوما كلشي -كافي نامي شبعي نوم عطله تعرفين عطله شنو نوم لل -ادري لل ٨متعودين قابل نظل لل ١٠منعرف عبالك منبه ويكعدني شالت الكوشايه وشمرتها -ههههههه صفنت غداً سيكون يومي الاول من عامي ال٢٠ ياترى ماستحمل لي سنتي .. لتنسون ضغطون ⭐️ | ||||
|
| |
|
25-12-19, 11:43 PM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الحادي عشر مساء الخيرات شكر من أعماق قلبي لكاتبات الغاليات الي قدمولي الدعم والكلمات الحلوة ربي يوفقكم🌺وميحرمني من صداقتكم🌺 هل تعلمون ما الوجع الذي يحتلني بأن قلبي كان متلهف بأن يجرب نبضه الحب لكن تفاجىء بكمية الذل والوجع .. فأصابه الخذلان وبدأ بالذبول.. قبل ان ينبض.. طيف❤️ صفنت لنفسها يمتى تكدر تحجي وتوصف الوجع داخلها ولمنو تكدر تحجي.. أمها وأبوها متكدر تأذيهم لو تحجي.. باوعت لمريم صغيرة مريومة شأكلج ..شأوصفلج.. جرت النقال ترددت تفتحه لا ماافتح منين طلعتلي عادل ..وليش نبشت بين وجعي وصحيت الآه الي مكدرت أصرخها من وكتها لهسه لو صرختها تتفطر جدران هالغرفة ليش ماكلت لا لبابا نزلت دموعها وأخذتها ذكرياتها دخلت للاستقبال علامة الاستفهام والقلق بوجهه -نعم بابا رايد شي -تعالي بنيتي كعدي.. أمج سولفتلي كلشي ..عن الاستعجال بالزواج..وأعتراضج.. يا بابا الولد ظروفه هيج وانا سألت كالو خوش ناس.. بس هوه دائماً يسافر بشغل أعمال حرة سألت كالو سمعته زينة انشالله يكون يداريج وميقصر وترتاحين وياه أعرف الزواج مو سهل ومسؤوليه بس يابنتي أحياناً ناس تعاشريهم أشهر وسنين ومايبين معدنهم .. الا بمواقف.. وبعد ياتوافقين ياترفضين.. دنكت بهم وبحيرة -الي تشوفه بابا مناسب الي سويه باليل أجت أمها ..كعدت بصفها وتلعب بشعرها الي واصل نص ظهرها - خابر أمير باجر راح يجي تسوون أمور المحكمة أروح أنا وياج وتجي أخته عطور يكول حتى أمشي بأجراءات الجواز .. الله يهنيج حبيبتي ويكبر بختج دارت على أمها وحظنتها كأنها تطلب منها الاطمئنان للمستقبل المجهول.. ترا اذا دك عليج رقم غريب يعني هوه وانا كتله راح أبلغها.. -أنشالله ماما أنتظرت يخابر ماكو نمت.. وحسيت وانا غافيه برجه الفون بس النوم سلطان وماكعدت.. كعدت الصبح ..علما غسلت وبدلت أخذت الفون شفت رقم ..أكيد هوه ..بس الساعة ب٣ هذا من كل عقله هيج وكت ارد.. تحظرت أنا وماما وأجه هوه وأخته كعدت وراه طول الطريق نظرته نظرة جمود و أنفه.. نزلنه امي وأخته لابسه كاب خليجي ولابسه ذهب هواي.. صار بصفي -البارحه خابرت ماكو -انت مخابر ب٣ وانا بسابع نومه ماادري -أمممم نوم الهنا أبتسمت.. كملنه أجراءات المحكمة وباجر هم لازم نحظر.. كنت مركزه بحركاته ..ينزعج ينافخ هواي.. أخته تشاوره وتركز بيه مره يدور يبتسملي..مرة يضوج ثاني يوم أول مدخلنه للمحكمة ..أجة المحامي وربع ساعة دخلنه للقاضي ردد كلمات العقد هل انتي موافقة -نعم كملنه العقد من وكت ..ورحنه للسوك نشتري ذهب.. كان حاط مبلغ جبير للذهب أنصدمت أخته جابت طخمين وسوارات محابس اربعه.. وأنا وماما صافنين ليش هالكمية الي اشتراها وأخته فرحانه شو أكثر مني بالذهب.. بعدها التهيت بالتجهيزات كأن الوقت يطير ما أفتهم شي يمتى جان الصبح ليش بسرعه الليل أجه هوه على كد مكالمه مره باليل ب١٢يسال شلونج وشخبارج..تصبحين على خير.. يمكن مثلي هم ..مشغول وغاط بالتحظريات.. يوم الخطوبة والعقد... كملتني الحلاقة وكفت أباوع لنفسي ورغدة تصلي على النبي بدله مقسمه على جسمي تركواز بيها ذيل الصدر ٧ والظهر مفتوح.. كانت تبرز مفاتن جسمي..التسريحة شوي مرفوعه وحطت أكستيشن برم.. مكياج مكبر اعيوني ولايكلي أنتابتني السعادة .. وأنا أشوف نفسي وراضية عنها رن التلفون أجه لبستني البرنص وطلعت صعدني السيارة وكعدت بالنص هوه بصفي ورغدة نزلنه للتصوير ومن شافني بليه البرنص أنبهر وأبتسم أتقرب عليه وأنا أباوعله وخجلانه بس وقتها حبيت نظرت أعيونه ..الي حسيتها أعجاب وغزل خلى خصله واكعه على أعيوني ورا أذني وحسيت بفلاش الكامرا.. درنه الها نضحك المصورة-تجنن صارت هالقطه .. باوعلها بمكر كللها حظري الكامرة التفت عليه وأنا أباوع شنو يريد يسوي مبتسمة بهبل.. محسيت الا حط شفته على شفتي.. حرارة أذابت الثليج فتهتُ بين نبضات عازفة لحن منسجم للروح تتلو على مسامع العاشق العذري.. عهود الغرام والشوق.. أبتعد وأنا مندهشة وخجلانه شنو الي صار دنكت بخجل.. رغدة تباوعلي وتضحك.. وهوه صار بصفي وأيده على خصري مبتسم وبالكلينس يمسح شفته.. كملنه التصوير . وصلنه للبيت..عزمت قليل ناس وصديقاتي قليلات.. وأهم شي ملايتنه فروحة تلكتني -جنها ورد والعباس جنها ورد.. وماينعرف خدها من تراجيها.. وتهوس وتصفك هيه ومريومه كدامي.. وأجوي أهله ..هواي نسوان وبنات شابات.. ساد الصمت خلال العقد -نعم وأنت وكيلي وعلت الهلاهل -الف الصلاة والسلام عليك ياحبيب الله محمد.. دخل وكعد بس منزعج ومتوتر ..يحك بجبينه .. لبسني الذهب باسني بجبيني وأيدة على فتحه ظهري ..أبتسم الكيك والعصير كال على العرس بالقاعه.. طلع من يمي وصاحو للبقية .. مر اليوم وأنا كل شوي أتلمس شفتي..الصار شي مفاجىء ومربك.. مر الاسبوع تجهيزات للعرس.. تعبت أنا وماما ورغدة.. ليله الحنة بس أنا وبنات خالتي ام علاء وعماتي وبناتهن وبنات عمي فروحة تحلي الكعدة.. طلعت من الغرفه بعد مانظفوني ..وهمة يطوني نصايحهم.. وجهي أحمر من النصايح وشرح خالتي ورغدة عن ليله باجر.. بين عليه الخجل والخوف والارتباك.. صارت كبالي فروحه .. -بروح خالتي شلونها امي بالشرح طيف-عزا ولي منا عيب بعدج ..ولج السالفه تخجل ..ترا خفت.. دمعت أعيوني.. فرح -جا شعبالج أصغر منج عرسن وأنتي مو تفشلينه كفختها على راسها طيف-مالت الثول على أساس شلون تقدمين نصايح صاحت وتصفك وتركص فرح-أجابني للضيم جنت مدلله وشجابني للظيم جنت مدلله عبالي العرس بدله ومحمرة ومكحله شجابني للضيم جنت مدلله وتتغامز بعيونها رجعت صاحت فرح-أنتم السابقون وأنشالله نحن اللاحقون.. -هههههههه.. صوت خالتي أجاها ولج فريحة مستعجله أنا الج مأشوفها الا واصله لنهايه الدرج وهيه تكول شبيه مارايده روحي ابقى يم أم علاء مريومة وماما اعيونهم مدمعه اعرف على فراكي .. لليل قلق والارق صاحب أعيوني وأجاني مسج تذوقت شفتيك .. النديات أصبحت متلهف لاعيد الكره.. سأحاول غداً أن أتفنن بتذوقهما وأتلمس منحنيات أذهبت بلب عقلي كلما نظرت يشدني فيك شيء من السحر.. خجلت وغطيت وجههي وأنا رهبه باجر كالرعد تظرب بقلبي .. الصبح كوة قبلت أتريك شوي.. أجة صادق وياه رغدة ..شبكني وبوسني هوه قليل الكلام بس حسيته ..فرحان الي ويطمني هوه موجود يمتى مااحتاج اله ورحنه أنا ورغدة ومريومة للحلاقة لل ١ حسيت بجوع .. شوي خابرت ماما -صادق جابلجن الغدا برياني مو ماتاكلين .. -بعد قلبي ماما صدك جوعانه خلصت بس خابر كال المصوره بالقاعه تاخذنله لقطات هسه مااكدر أجي ضجت حيل باوعت لبدلتي الحورية تور بيها لمعه ردن تور .. والاكليل طويل..لبسوني البرنص.. أجه صادق ..من صعدت بالسيارة مسافه قليلة وكف نزلني كال تعالي نكص صور أباوع ماما ومحمد وبابا هم دمعت أعيوني من الفرحة.. كملنة وأنا فرحانه أحلى بصورة كلنه سوا.. أجت الزفة وكومني بابا سلمني اله كله تصونها بعيونك.. وصلنه للقاعة جانت حلوه الاجواء مستمتعة بيها .. قرايبي قليل كلش.. كنت كاعدة ومبتسمه مرة يكوموني أتمايل وياهم .. بس داخلي قلق وخوف.. الى أن كالو راح يزفوكم.. صووت ضربات قلبي أعلى من ص قطع ذاكرتها سماعها صوت اذان الفجر.. أستغفرت الله وكامت توضت وصلت .. حست براحة وبدت أعيونها تقفل بأحرامها حطت راسها على المخده ونامت.. كعدت الصبح باوعت لفراش مريم فارغ ومرتب.. جرت الفون من الميز الصغير الوردي والابيض بين جربايتهن فتحتة شافت الساعه ب١١ وشافت أشعارات الواتساب .. ورساله من عادل كيف تريديني أن أرى الوجع داخلكِ وأقف ساكن أتمنى أن أكون قريب منكِ وأمتص ذلك الالم أن أكون أمانك لايحزنكِ شيِ بوجودي وتنسين كل ما مر بكِ جرت حسرة تركت النقال ونزلت جوى ————-_________ مريم -الو أي عمه جايه.. لا بعدهم مامتعشين تمام أنشالله.. مريم-يوم رايحة لوسن تريديني لكت وسن كاعدة على الميز وعليه أوراق وسجلات.. يله تعالي وياي ساعديني شغلة ساعة بس سجلي بيانات بصف الاسماء التهت مريوم تكتب وهيه تباوعلها..أذكرت صديقتها وثبة جانن دوم سوا يتعاونن بالسجلات بحيث يخف التعب.. طلعت الرقم بالورقة وسجلته .. ورنت عليها -الو هلو شلونج شخبارج وثبة -وسن كالتها بدهشة شلونج حبيبتي..سامحيني الله عليج ..أبتعدت عنج وأنتي مالج أي ذنب.. جرت نفس -شي راح لتهتمين.. كال أستاذ جابر تعبانة سلامتج.. -الحمد لله على كل حال ..أبو أمجد يصيحوله .. صارو عدة ٣ولد كبار وسن أختنكت بعبرتها ..تكسرت بصدرها رادت يطلع صوتها راح... رفعت راسها مريومه وشافت دموع عمتها وصافنه وثبه-تدرين عده احفاد الله يخليهم اله بس وسن بعدها مامزوجه يسميها شمامه قلبي.. حست بأيد مسكتها -عمه بيج شي هزت راسها ب لا -أحم الله بحفظهم اله ويشافيج وثبه-من يجي للبصرة بعد أجي وياه اريد أشوفج .. -هلا بيج بأي وقت ..الله وياج تركت النقال وحطت أيدها على وجهها وظلت تبجي نفس الوجع مثل من شافت وثبه جايه عليها عصبيه وهيه قابلتها بأبتسامة -شبيج هادة منو وياج اريد أشوف منو بايك عشا حماتي المستقبلية وثبة -ماكو بعد نصيب بينكم بعد أنا مو حماتج ياريت أبن عمج يبتعد عن أخوي أمي أخذته لبغداد .. لان تهديد بالقتل مو شوي ... وانا هسه قدمت أوراق نقلي لبغداد كلشي ولا أخوي وسن الله يبعدج عنه .. وخرت عنها تركتها بصقيع الصدمة.. ماحست شلون طلعت من المدرسة وصلت للبيت وأرتمت بالفراش وظلت تبجي على مخدتها.. نفس الغصة والالم يمكن اقوى وزاد عليها تعب الفراق.. جرح قديم.. محست الا حظنتها مريومه من ورا ..عمة شبيج ليش هيج.. مسحت دموعها ورسمت على وجهها أبتسامة .. -صديقتي أتفاركنه صار سنين وهسه مريضة.. وكالت راح تجي وأشوفها مريم-عمه سمي بالرحمن لا يرتفع ضغطج.. -يله أمشي أروح وياج دخلن للمطبخ ماكو صوت سمعت صوت أبوها -مريوم تعالي بابا طبت للاستقبال وطك محمد اللماعي وصاحو بنات صادق هبي بيرثدي تو يو ..هبي بيرثدي تو مريومة لمعت أعيونها بفرح ..وكفت يم الكيكة ونفختها فترت بوستهم كلهم.. الا أبوها حظنها وهوه شاورها أبتسمت بفرح وظلت تكمز وأمها تضحك.. محمد-لو أعرف شنو هديتج هالمرة مريم تمد السانها اله .. -ماأكللكم قطعت الكيك وأستلمت الهدايا فرحانه بيهم.. وبالترتيبات الي سوها الها.. ————————— لتنسون أضغطون عليها⭐️ مودتي ومحبتي🥰 | ||||
|
| |
|
25-12-19, 11:46 PM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثاني عشر صباح الخير على اعيونكم الحلوات🌺🥰 توضيح😇😇 طبعاً احب اوجه شكر لكماتكم الحلوه حول القصه وتفاعلكم❤️ جداً يسعدني اما كم تعليق يضوج فانا ماارد عليه احظر كبل 🤭 لان معاجبهم القصه ويكولون شهالاسلوب يردون كل القصص على نمط واحد ياريت نقد بناء اتقبله بس تهجمي 🤬 انا القصه خمس شخصيات يحتاجلها شوي تركيز ..واعتمدت على الفلاش باك ان الشخصيه تذكر احس بيها متعه اكثر والمتابع مو مجبور مخير بس حلو الانسان ينوع باختياراته واسلوبه🥰 كل الحب والتقدير لكل من يمر من هنا ❤️ ❤️❤️❤️❤️❤️❤️❤️❤️❤️❤️❤️❤️❤️ الجزء ١٢ قل لي ماذنبي أن أحببتك حد الوجع نعم الوجع لاني أستطيع أن أقرأك ككتاب مفتوح أن كنت مهموم او معي او ان تكون بعيد عني بكَ بدأ قلبي بالحب وبك خيطت أمنياتي وأمالي لا تستطيع أن تقيس حبي لك معايير حبي تفوق كل القياساتِ ———————————-بقلمي🥰 بدو ياكلون الكيك .. وكفت سمر وهيه فرحانة الكل أنتبه ألها بأن عدها حجي تريد تكوله وجهت أعيونها لمحمد سمر- بمناسبة هاليوم الحلو ..حبيت هم أسمعكم خبر حلو.. أنا حامل راح يجيكم حفيد جديد صاحت أمهم صلاوات على محمد وال محمد الله يتمملج بالسلامة كام محمد وتقرب منها -الف مبروك حبيبتي أنهالت التبريكات عليهم والفرحة غموت الجميع مريم -اوي راح يشرف جاسم وأخيراً سمر -يااا يااا صدك تحجين..أسميه جاسم ضحكت مريم -أدري مو يصيحوله أبو جاسم سمر- والله أنا أريده آدم وسن -الف مبروك سموره الله يتمملج بالخير بدن طيف ومريوم وسمر يلمون الهوسه وبيت صادق راحو وسن كاعده يمهم بالمطبخ .. وسن -مريومه باجر هديتج أجيبها الج مريم-شسالفه عمه أريدج سالمة -لا هيه هديه تحبيها أنفتح باب المطبخ وطبت الحجيه ام وسن.. -هلا شلونكم ..تعالي بيبي مريومه أحبج انشالله العمر كله ياحلوتنه ..بوستها يوم نجاحج يارب.. مريم-الله يخليج النه بيبي -خل اروح لابوج كاعد بالاستقبال مو مريم-اي بيبي ..بيبي باركي لسمر حامل الحجيه-صلاوات بالمبارك سمر -الله يخليج حجيه ويطيج الصحة والعافية.. تركتهم وصعدت لغرفتها فتحت الباب وشافت هدية أبوها محطوطة على ميز المرايه ملفوفات بشريط وردي ثلاثية نجيب محفوظ بين قصرين قصر الشوق السكرية دائماً تسمع أبوها يحجي مقتطفات عنهم..ويوصفلها جماليتهم ..وشلون يقراهم على مسطبة و تحت أضواء ساعة المعقل ..والشجر الي يحيطهم .. يتجمعون هوه وأصدقائه..نتسابق منو يخلص كتاب حتى يسلمه لصديقه.. فتحت هدية كرار "كفر للفون"ركبته للفون وهيه تبتسم.. مابقى شي للامتحانات ..توقفت هالفتره عن المجلة تتفرغ للكتابة.. طلعت كتبها وبدت تحل...وهيه تسمع مسجات تهل بالنقال بس أجاهلتهن .. ——————————————- سمر &محمد واكفة تمشط شعرها..وحست حظنها من الخلف مد أيديه يتلمس بطنها بحركات دائرية ويهمس بأذنه هل تملُ أذنكِ من كلمات عشقي كيف أكتفي منكِ ومن عشق عينيكِ تتراقصين بين دقات قلبي وتعزفين كما شئتي على أوتاره فهو ملككِ————بقلمي🥰 دارت عليه أعشق تفاصيلك..أموت بيك ..وأحب خواطرك من تحجيهن بصوتك الدافي.. ضمته حيل سمر -فرحانه راح يصير عدنه نونو يجمعنه أكثر تذكر شلون جبتلي المنتجات محمد-شلون أنسى ..جنت متردد سمر -بس أنا تحارشت بالاول ههههههه -وأنا لزكتلج فد لزكة كل ساعة مسج ودلي كل دقيقة أرسلج.. -ماتتوقع شعوري وقتها شنو من كتلي أحبج -حاطه أيدي على قلبي أريدة شوي يهدة أنت سحرتني وملكتني -بس أنتي تعبتيني ..هوااااي هواي -يعني لو مايجي هذا الموظف يخطبني ..أنت متحركت بسرعه..وأكلت راسي كلي لامج .. ومن كتلها أكو ولد راح يجيب أهله يبوووي أسوت بيه.. ههههههه زينب تحميني خاف أنكتل بس هيه تفهمت محمد-كلت راح تروح من أيدي وأجيت لابوي أبوس بأديه نروح بسرعه.. باس كصتها -الحمد لله صارت سوالف نذكرها ونتونس أونضحك عليها .. الله لايحرمني منج -والله لايحرمني منك -منين جبتي تيست الحمل -وصيت براء وجابتلي ..باجر ومن نرجع نزلني يم أهلي تاخذني أمي للطبيبة.. -انشالله وباليل أجي عليج ماكو تباتين بعيده عني مفهوم ضحكت وباسته بخده يدلل أبو أدومي شعدي غيره هسه -هسه وبعدين بس أنا وبس فهمتي.. يله تعالي نامي..وأرتاحي غمزلها وهوه يبتسم -أي والله اريد ارتاح كافي وكاحة هههههه ——————————- رغدة &صادق من يوم حاجاها بموضوع هاله وابوها وهيه مقهورة..تحس بتعب مو طبيعي ونغزات بقلبها ..وفوك صدرها .. تحملت هواي .. الجهال دخلو بغرفتهم ينامون ..بعد مارجعو من بيت جدهم ..باجر دوام وهيه تنيم باقر.. صادق كاعد كبال التلفزيون وكاض النقال.. من الاول هيه تحدت نفسها أن تكمل وياه وتخليه يحبها ..وعلموده تتحمل كلشي.. تذكر زين من وصلها لبيت أهلها ..وماحجه اي شي بس كللها هاي مصرفج ديري بالج على نفسج مع السلامة وبعدها التحق النزول الجاي زواجهم خمس ايام فاتت على التحاقه..وهوه حتى مراسلها.. جهزت وحجزت كلش هيه وأمه وسن.. الي تنتقد دوم ذولها بس هيه تتقبل كلشي برحابه صدر.. رن تلفونها -الو شلونج وسكت -الحمد لله زينه أنت شلونك ..دمعت اعيونها مقهوره على جفاه هوه الغلطان وعاقبها بحرمانها منه.. -زين آسف اذيتج بس سهواً -لتعيدها تأذيني متتوقع شكد أحبك بدن ينزلن دموعها بعبرات مختنكة أصيرلك كلشي زوجه وحبيبة وصديقة وأتحمل كلشي بس لتكسر قلبي.. هذا انت كله تملكه لتأذيه أموت والله.. بدت تبجي -أستغفر الله والله مااذيه احاول احافظ عليه ..وأسعدج..يعني انا لو ماناوي استقر وازوج واحب زوجتي اقبل هالشي هدي نفسج حبيبه وتحظري ليوم الاحد انتي تنامين بين اديه نصى صوته وحاول ياخذها لمرسى يطمنها بيه بانه وياها لمرسى تتلاطف المشاعر كالطيور المتحابه غازلها كورده عذراء تتفتح بين يديه وعلى كلماته تذوب بهواة ————— وكفت كباله وهيه بفستان الزفاف بعد مازفوهم تقرب عليها.. رفع الاكليل وطبع بوسة على جبينها وكللها مبروك علينه.. وربي يوفقنه.. باوعلها يبتسم وهيه خجلانه مدنكة رغدة..باوعيلي باوعتله وهيه تحاول تتهرب من اعيونه وخجلانة -مستعده نطبق الي كلته دنكت وهوه سحبها لعالمهم الخاص .. فزت من ذكرياتها وهوه حط أيده على كتفها صادق- شبيج رغدة شو وجهج شاحب بيج شي -لا مابيه شوي تعب ..هيه تحس النغزات تزيد فركت المنطقه بأيدها وهوه يباوعلها باجر اخذج للطبيب مااسكت انتي بيج شي... -لا مابيه تعب ..راح انام وارتاح انشالله تصبح على خير ———————— مريم❤️ سحبت النقال بعد ما رتبت الكتب والملابس الي تلبسهم باجر.. باجر مراجعه بينهم .. باوعت مراسلات بكروب البنات وكروب طلاب المرحلة والاساتذة راسلين أسأله وبادين يحلوها هيه بدت تحل وتكول هذا صح وهذا خطأ وكفت على مسأله وبدت تتناقش لحد ماكتبت انت قافل هلى الحل وهوه خطأ شلون افهمك ..لازم تنزل هذا الجدول رسلت الجدول جانت مامركزه على الاسم تتاكد الصورة وصلت وتتفاجىء الي تتعاند وياه هوه استاذ باهر ظلت تكول امدايه هسه مااتعاند الا وياه كم مره اكول لنفسي انتبهي بالمحادثه ماكو شوي وهوه رسل الحل بالخطوات وشافت نفسها خطأ كتبتله -أعتذر استاذ عبالي واحد من الزملاء باهر-لا عادي انا هم ادرس وياكم افيدكم وأستفيد..والنقاش لايفسد القضيه -صحيح باوعت للبنات يراسلنها بالكروب وشابعات ضحك عليها كللها ندري بيج دوم ترحين رونك سايد بس الا ويه هذا العكره هالمرة ههههههه مريم -حظي غير الله يعديها على خير يله ولن خل نام تاخر الوكت —————————- لين خبصة المناقشه والشرح .. وهوه مركز بيها شلون تشرح وتعصب ..تضحك.. تعيب عليهم اذا مافهمو شي مريم -تعبتوني رايحة أجيب نسكافيه الي.. انتم قوم ماتستحون .. محد كال خطيه المدرسين .. انا ومهند ومروه نشرح محد جابلنه بطل مي طلعت وهوه طلع وراها اعيون راقيه تراقبه شلون طلع مستعجل وره مريم.. حسن -مريم اوكفي اريد اجي وياج اشتري جاي احس راسي راح ينفجر.. باوعتله وهي رافعه حاجبها -لاتخافين على حسابي ومااكدر اشتريلج خاف تاخذيها بغير قصد أبتسمت مريم-شنو هذا بسمار من حظره جنابك لان ماقبلت هديتك مو باوعلها وضحك دومج فاهمتني -وانت دومك متفهمني عقد حاجبه وضاج ... أخذت الها كوب نسكافيه وهوه جاي ودفع الفلوس أبتسمت -شوف مااخذتها بغير قصد كاضة كوب النسكافية وهيه تمشي وملتفته لحسن .. رجعت التفتت ليكدام ودعمت بواحد .. صاح عليها -وثول الثولج حركتيني وظل ينكت بقميصة الي تلف انجب نص النسكافيه على اهدومه صار عصبي شبيج انتي ماتباوعين وين اعيونج تباوعيله خاف ضيعيه ويطير منج.. تباوعله وعيونها مدمعة من الفشله بنص الكافتريا ماتشوف الا حسن زنكه من قميصة حسن -شهالاسلوب هذا اسلوب طالب ..شنو تتجاوز عليها ..قابل متعمده.. أكلتها أكل ..حتى مااطيتها مجال تحجي ..او تعتذر.. التمو اصدقاءهم سمعت واحد يكول ميثم على كيفك دفع حسن ..راد يهجم حسن بس كضته مريم حسن حباب لتتهور فكوهم وده عليهم رئيس الجامعه بحظور رئيس قسم الحاسبات ورئيس قسم ادارة أعمال لان الولد ادارة اعمال دخلو وياهم مريم اعيونها حمر حسن اعيونه براسه وينافخ باوعت وشافت رئيس القسم تلكاها -تعالي بنيتي منو وياج مريم أستاذ مو بقصد امشي ودعمت بيه بس هوه اجاوز ميثم -أستاذ ردة فعل يعني مكدرت اسيطر اعتذر بس هيه هم تعتذر وكفت من رخصه الاساتذه اعتذر اذا انا متعمده بس سقط حقك من اجاوزت عليه وهنتني وهنت زميلي باوعلها ميثم بضحكه استفزازية رئيس القسم ايد كلام مريم وهمه يعرفوها شنو قدم اعتذار ميثم بس هيه مااعتذرت خلته يحرك بنفسه حرك طلعت وحسن كللها انا ادبه هذا واحد مايستحي.. اذا بدر منه اي تصرف كوليلي مريم -حسن تركة كافي الي صار والفشله امشي نرجع للقاعه رفعت راسها وشافت البنات والولد واكفين والقلق مبين عليهم شنو الي صار طمنونه كالو تعاركو ويم عمادة الكليه.. لتنسون دوسون⭐️ مودي🥰 | ||||
|
| |
|
25-12-19, 11:47 PM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثالث عشر صباح الخيرات ربآآه أشياءه الصغرى تعذبني فكيف أنجوا من الأشياء رباهُ.. هنا جريدته في الركن مهملة هنا كتاب معا قد قرأناه.. مالي أحدق في المرآة أسألها بأي ثوب من الأثواب ألقاه.. أدعي أنني أصبحت أكرهه وكيف أكره من في الجفن سكناه.. وكيف أهرب منه إنه قدري هل يملك النهر تغييرا لمجراه.. أحبه لست أدري ما أحب به حتى خطاياه ما عادت خطاياه.. الحب في الأرض بعض من تخيلنا لو لم نجده عليها لاخترعناه.. ماذا أقول له لو جاء يسألني إن كنت أهواه إني ألف أهواه ——————————نزار قباني❤️ طيف❤️ بديت أشتغل .. والبنات يمي هم ملتهيات.. كل شوي أرفع راسي..بالعاده دوم يجي .. شفت أبو علي فات من باب الغرفة -أبو علي جاي نجاة-شعجب عادل اليوم مابين ..خاف بيه شي .. باوعتلها طيف بعد ماطلعت براء من الغرفة طيف- نجاة الله عليج أنتي أطيتي رقمي لعادل..الله عليج أحجي باوعتلها وهي تتهرب بعيونها ليش ضوجج بشي -لا ما اذاني بس أنا ما اريد تجيلي حجاية.. باوعتلي نجاة بتركيز -باوعي طيف مو يعني مرينه بتجربه فاشله ..يعني الحياة كلها فااشل.. شخص أنصدمنه بيه ناخذ البقيه بذنبه ..شأنا ام أبينا الحياة تستمر وننصدم هواي ونتأذى بس نستمر.. ولازم بهالحياة أكو حب مو شرط حب صداقه حب أخوه علاقه محبه بين العايشه وياهم.. شوفي مشاكل الناس ..وأوجاعهم ..يهون الوجع بداخلج .. رفعت راسها وهيه تفهم الي تكوله الكلام سهل لكن التطبيق صعب طيف -الحمد لله على كل حال.. خلص الدوام ..وهيه أبد ماشافته رجعت للبيت .. أصوات بالاستقبال .. فتحت الباب شافت خالتها أم حيدر تبجي .. تقربت عليها بوستها - شبيج خالة ماما شبيها خالتي ام محمد -بعد شتعرفين يا ماما متلاغية ويه مرت أبنها ماتريدها بالبيت..وأبنها لا يحل ولا يربط خابرتني مرتفع ضغطها بالمستشفى ولوحدها راحلها علاء ابن خالتج وانا ومحمد لحكناهم ..وجبناها يمنه.. ترتاح طيف -أي أحنه كم مرة كلنالها أبقي يمنه ..بس هيه أبني وأبني.. -يمه كسرت ظهرها عليه من أطلكت وحامل بيه .. وأشتغلت وعيشته وسوته أستاذ شكبرة الي يشوفه يعوفه ..وهوه أمه مابار بيها دارت عليها طيف ..أرتاحي خالة ..اروح أبدل وأنزل أتغدة رادت تطلع وشافت مريومة دخلت.. مريم -شلونج خالتي يله أحسن تبقين أهنا حتى أشبع وياج تفرفر بالمول .. بلكي واحد منا منا ويغازلج وترد روحج وينزل الضغط ام حيدر-شيشوف مني ويغازلني والدنيا لافتني وعجنتني كله منه ماابريه الذمه حتى وهوه ميت باوعتلها ام مريم بقهر بس مكدرت ترد عليها وهيه ضغطها مريم تنرفزت وحجت بغيض -دخيل ربج خاله ليش تحجين على جدو مات وشبع موت وأنتي تحجين عليه.. شلون تردين ابنج يبر بيج وأنتي أبوج ميت ماتترحميله.. يعني واذا زوجج واحد بكدة.. شمدريه متكملين وياه.. تلومين بيه لومي أبنج الخلفتيه ..وما جازه رباج.. هذا كله الي سواه الج ..ولو رحتي للزيارة وكضيتي الشباك بس تندعيله حتى لنفسج ماتندعين او لاحد ..راجعي نفسج خاله وعدج العافيه ام حيدر دنكت باسف وانقهرت..بس تعرف طبع مريم باوعت لامها الي بعدها تخزر بيها وتحاول تسكتها بس هيه ثارت بعد ..منا موقف الكليه ومنا خالتها.. ويعرفونها على الخطأ متسكت رغم جدها من مات صارلة أكثر من ١٠سنه..وهيه بالمتوسطة.. بس تذكر طيبتة ..تذكر من بتلكاهم ويطيهم فلوس يشترون من الدكان.. فتحت باب الغرفة وهيه تنافخ..تلكتها طيف.. -شبيج مريوم ضايجه -ماكو شي -شنو ماكو شي أول مطبيتي ضايجة وأعيونج حمر جرت حسرة وباوعتلها صارتلي مشكله بالكلية ..لتباوعين هيج نططتي أعيونج.. أنحلت بس بعدني مغثوثة ومنا انغثيت من خالتي وحالتها اليوم لازم أعتزل حتى لا كلشي أعصب وأنرفز المقابل -هههههه وشلون أنتي من تنرفزين أظلين تصدمين المقابل ههههه -زين ياطيوف شو أنتي هم ضايجه ليش لبست دشداشتها ..وعلكت أهدومها -مابيه شي هيج هاي أنا -امممم..يله ننزل.. كاعدين نتغدى ورن جرس الباب كامت ماما راحت تفتح الباب.. بابا نايم ..سمر عد اهلها..محمد يبعدة ماجاي ورا شوي أصوات بالاستقبال تقربت عرفته هذا حيدر ابن خالتي ..أجت خالتي جر بنفسها جر .. حيدر مو مريومه -اي خاله .. جريت الحجاب معلكينهن بتعلاكة بالموزع دخلت ورا خالتي باوعتله مسوي نفسه يبجي على حال أمه..ومابيدة شي وبدة يحجي أن حتى خالتي تتجاوز وذب حجي.. وهوه ميكدر يسوي شي.. بداخلي قهر وأنا أعرفه خابص الفيس بمنشوراته عن الام وبر الوالدين.. والي يشوفه بس هوه وبس.. وخالتي أخذت جانب المرض تستعطف منه محنته .. وهيه اصلاً مموجوده -يمه يله أمشي وياي ..وبعد سكتي وظلي بحجرتج وأكلج يوصلج.. وأتجنبيها .. مريم-أنت أبن أنت وأستاذ وتربي أجيال..انا من خالتي بوجهك ماابواع ماتستحي كل يومين ومطرودة أمك .. لو مهما يكون كون أنت تحل الخلاف بدون ماتطردها شنو تريد تعزلها المن فرحانه بخلفتك حتى غير يكعدون يمها وياكلون وياها وتفرح بيهم وبلمتكم... شنو من بشر أنت تارس الفيس منشوررات عن الام وتخلي كل ليله أمك دمعتها بعينها تطيها مصرف .. ظليت أحجي بعصبيه وأشر بصبعي أنت أنسان ربي غاضب عليك ..وأشرت على خالتي أمي تحاول تسكتني بس أنا بركان وأنفجرت شايفها كله منها اولاً ماازوجت وشافت حياتها كسرت ظهرها عليك وكل مره أكللها أنتي ام خلي الج كرامه ..ترجعلك بس تسوي نفسك مريض..تركضلك وانت مستغل عاطفه الامومة وبس انت عدها.. درت على أبنه يجي يوم هم طرده أنت وتظلون تتوارثون العقوق.. بديت أبجي وغضبي منعني أسمع ألي يسكتوني او منو موجود كملت لان الي لهسه تحمل أبوها مسؤولية ..فشل حياتها ..ونكرت طيبته ..وماتترحمله كبالكم شصار بيها محسيت الا أنجريت حيل وصار كبالي بابا وجهه غضبان كضني من أيدي ويعت بيه ويحجي بغضب -متوقعتج هيج متحترميني دنكت بأسف وبجيت -ماسمعتك بابا والله -طلعي برا يلههههه بصياح طلعت وألعن غضبي بس والله قهر دوم أسكت وأكول شعليه .. ويرجع الموقف ينعاد صعدت لغرفتي شمرت نفسي على السرير أبجي على شنو فشله اليوم لو غضب بابا عليه .. لو جرحت خالتي مااعرف شكد بجيت وفكرت شلون اثلح خطأي ونمت.. ————————— رغدة متمددة بالفراش البنات بغرفتهم وكرار نايم الظهر صادق طلع ويه صديقه كلبت النقال شوي ..علقت بكم موضوع عجبني.. طلعت الكوكل وكتبت الوجع الي أحس بيه بديت أبحث و وأبحث.. حطيت النقال على الميز الي بصفي.. وصافنه والخوف وقلق وجع الي يصير بيه شي متجاهلته خوف بأن يكون صحيح الي قريته وأحس بيه..ربي الطف بيه كلتلي صديقتي أيه لتنقهرين هواي.. صحتج أهم بس أنا وين كل موقف من صادق او أذيه بكلبي أحس الجرح شأذكر .. حياتي بعد الزواج حلوه بسيطة.. حاولت أحتويه وأكون بالنسبه اله كلشي بحياته.. كنت اله سند .. كنت دوم أسمعه أحبك .. أحظنة من الكاه يصفن ..لو مهما كنت مهمومه أتلكاه بأبتسامة.. لحتى أكسبه داريت خاطره دوم على حساب نفسي.. وتحملت شروده بين فترة وفترة ومجنت أعرف السبب.. حملي الاول وفرحتنه سوا.. وهوه من صار كرار وفرحته متنوصف وهوه شايله بأيدة لو البنات من صارو يعشقهم ..أحسه دوم يحبهم أكثر مني.. يمكن أغار منهم لان من يباوعلهم تمنيت أعيونه تلمع الي مثل متلمع الهم بالحب الجبير المزروع داخله تجاهه.. شيء مهلك أن يكون الحب من طرف واحد..ستقضي حياتك كلها محاوله جعله يحبك.. وتتحمل أسوء الحالات على حساب نفسك.. مسحت دموع تنزل ترثي أيام وجعها وتحملها.. ثقل هموم تركلها محبته..يمكن الخطأ مني لان أحس بأنفاسه برمشه أعيونه.. ليش لهدرجه أحساسي بيه أكثر من أمه.. حتى من قبل اربع سنين أجاني بيوم باليل جنت واكفه أكلي كباب أعروك يحبوها الجهال وهوه جر كرسي وكعد صادق - رغدة قدمت أجازه هالمره وراح أسافر لايران ويه صديقي أشوف أعيوني..بعد تدرين شلون صارلهم فترة يأذوني عفت النار وأنا أباوعله ما حطيت أعيونه بعيوني.. مااعرفت وقتها الصدمه لان مخطط لكلشي وتوا كايلي..لو أنقهرت عليه.. -ها ..براحتك وانشالله مابيك شي تقربت عليه وبست أعيونه عساهم سالمين يارب أبتسملي بحب -الله يحفظج الي سافر ورا يومين دموعي وانا أحظر جنطته مابطلن مامرتاحه لهالسفرة أحس قلبي ممطمن.. فات يوم وأنا قلبي نار عليه ليش ماخابر طمني .. أفتر بالبيت مثل الي مضيعة شي أتصلت بعمي ومايدري وحاول يطمني.. فات يوم ثاني تعبت من التفكير او ان هوه صار بيه شي باليل اجه والدة ومحمد رحبت بيهم ..ودخلتهم للاستقبال احس انخطف لوني حجه عمي -باباتي ليظل بالج ماكو شي ..بس صادق ماحجالج شي قبل ميسافر عن المحل شريك هوه وصديقه بيه.. باع حصته تدرين يسالني وبايع سيارته ظليت مبهوته ومصدرمة وراسي افتر محسيت بشي بعد فتحت اعيوني ريحة ديتول ..باوعت ايدي توجعني رفعتها بيها كانوله اتقربت عمتي وأمي مني سلامتج ..غير ديرين بالج على نفسج.. ليش هيج يمه ..امي تحجي وتبوس بيه عمتي مقهور حاجيتزعمتي رغدة-عمه ليش هيج صادق سوا بيه ..وينه هوه والله بالي يمه ام صادق-يمه مابيه شي خابر البارحة لابوه..وأبوه رزله رزاله معدله ارتاحي هسه اهم شي صحتج.. يعني والله خطيه الجهال يكسرون القلب..من شافوج موتو نفسهم وابوهم ماموجود بجيت بقهر شسويت صادق ليش هيج.. دخل عمي شايل النقال كلي أحجي وياه.. -الو وخنكتني العبرة مقهوره على نفسي ومن خوفي عليه اجاني صوته الو بنت عمي سلامتج ..أسف لان اذيتج..أنا سافرت ترا لتركيا مو لايران .. وباجر طالع لالمانيا واسحبكم حتى اتصرفت بدون متدرين لان ادري بيج متقبلين .. -وشلون انا وجهالك نعيش هسه ..شلون اكدر على بعدك لحد متسحبنه يوم واحد مادريت عنك شي حالتي حالة .. -رغدة سمعيني انا قررت وانشالله خير جربت حسره احس بقهر وهوه يخطط وحده ومسوي كلشي وانا ماادري الله وياك صادق ..اطيت النقال لعمي واباوعلة بكسرة قلب مرت شهرين شفت الويل بيها ..كل اتصال يبدي باشتياق..ويتحول توسل بان يرجع وراح اموت بفراكة.. بعدها شاف ان لازم خمس سنين يبقى حتى يطوه الجنسية تخبلت عليه..وحلفته باطفاله يرجع بعد منتحمل اكثر.. رجع والشوك اله حتى نساني اعاتبه او اخذ موقف من الي سواة فزت من ذكرياتها ويه ما أنفتح باب الغرفة ودخل صادق تقرب عليها باسها براسها تلمس خدها .. -شلونج هسه ..امشي اليوم ناخذج للطبيب وجهج أصفر.. -لامبيه شي كرار يريد أستاذ للرياضيات مايفهم مسائل -أن شالله أشوفله ..نامي شوي وارتاحي لتنسون ضغطون ⭐️مودتي🥰 | ||||
|
| |
|
25-12-19, 11:49 PM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الرابع عشر صباح الخيرات 💔❤️❤️❤️❤️❤️❤️❤️❤️❤️❤️❤️ صف لي شعور من هم وحيدون يبحثون عن محطة فيها أشخاص لهم يرتاحون هنا في خانه أمنيات علق أمنية ليجرب أحساس التودد الاهتمام لو غاب يجد من يفتقدوه جميل ذاك الشعور المركب من الحب والامل والتفائل بأنك أنسان تستحق دوماً الافضل لا يهتم بمن يحاولو أن يحبطوه سمر وصلنه لعيادة الدكتورة بعد ماخلصنه دوام ونزلت يم أهلي أنا ومحمد ماما محظرة الغدة كتلها مشتهيه تبسي دجاج علما غسلت وجهي طلعت سارة وماما مكملين السفرة تغدينة وارتاحينة شوي وهسه وصلني محمد أنا وماما .. دخلنه لغرفة الانتظار بالعياده بيها كراسي حمر وفضي مصفوفه كل خمسة سوا..كل مجموعة ورا الثانية.. ميز الممرضة وهيه سكرتيرة الطبيبة ام علي -كعدي ماما اهنا اروح أحجز رقم تقربت من أم علي .. -شلونج ام علي اريد رقم بأسم سمر جابر -تمام اطيني ٢٠الف ورقمج ٥ والدكتوره ساعة وتجي طلعت العشرات أثنين من جنطتي الوردي لان لابسه كاب خليجي وحجاب وردي -تفضلي توجهت وكعدت يم ماما ام سمر -شكد رقمج -خمسه ماما -اممم زين ..شلونهم عيالج وياج .. -الحمد لله زينين كلمن ملتهي بحالة -وبيت عمهم حجتها وعاقدة حواجبها -كلش قليل احتك بيهم...شلي غرض بيهم ماما.. أهم شي محمد عدي والحمد لله صفنت سمر وأذكرت فرحتهم بالخطوبة وبقمة سعادتهم وغزلهم يخططون لحياتهم سوا رسموا كل حياتهم غرفتهم ..الوان حيطانها .. ديكورها البردات ..الفرشة .. كانو يتراقصون فرحاً ..عيونهم تتغازل..ودفىء حظناتهم حكاية أخرى.. بعد ماكملو الغرفة وأجت شافتها ورتبت بعض التفاصيل مابقى بس عشرة ايام للعرس.. وبين ماكان يتغزل بيها مرة مرة يبوسها مرة يحظنها مرة يشاورها ويخليها تضربة بأيدها.. وتكله عابت تريد بس تخوفني.. سمعوا صوت يصيح محمد محمد محمد -غلسي جنه ماموجودين ورا ربع ساعة أندك باب الغرفة جر الكلينس يمسح شفته من أثار الحمرة وهوه يضحك.. وهيه عدلت نفسها وتباوعله وتضحك على خبالاته بحبه الها.. فتح الباب شاف مريم محمد -ها مريومه شنو مريم -قارة قاره طحت عليكم مثل خطر ها شلوني هههههه كفخها بيدة على راسه -ولج ليش شمسويلج بايك عشاج وتخربين عليه -لا والله بس أكو ناس حوا ينتظروكم واظاهر بدو يفورون باوعلها بأستغراب منو؟! زهور وابنها وأمها وسن يله أستعجل يا اخا العرب -روحي جايين وراج نزلت مريم التفت لسمر وهوه مزعوج وحس راح يزعجوها سمر -خير حبيبي شنو شبيك -هاي زهور بت عمتي وفاء اذا ذبت حجي وشي تركيها -ليش فهمني تذب حجي -رادوني اخطبها وماقبلت لان ماعدي مشاعر تجاهه بس مثل مريم وطيف وجنه ميانه ..بس هيه جانت تتمنى أخطبها.. -اممم يعني المفروض انا مااغار واتحمل -حبيبتي لو بالي هيه جان خطبتها بس مااهتم الها شيليها من بالج..بس هيه اعرف طبعها تحب تغث المقابل نزلو وصلو للاستقبال سلمت على عمته وسن وعمته وفاء وصلتلها زهور باوعت لسمر من فوك ليجوى وجهت نظرها لمحمد وحجت بنبرة أستهزاء -هوه هذا ذوقك ماتوقعت هيج أبد محمد-ليش هيه وردة قلبي تعجبني أهم شي مو شرط تعجبج سمر-تشرفنه زهور خوش ترحيب منج تعدتها وكعدو شوي بس ضايجين من سمر..وسمر تحسست من الوضع كام محمد وسمر وكفت وراه محمد-أحنه نترخص تأخر الوكت اوصل سمر وسن -اي صح ميصير تبقى لهيج وكت راح تلحك تشبع منها حط ايدة ورا ظهرها وشدها اله -أنتظر هذا اليوم بفارغ الصبر تنور غرفتي ..ومااشبع منها جرها من ايدها وسلم عليهم تركهن بغيضهن صوت صحها من ذاكرتها سمر جابر تفضلي -نعم كمت انا وماما أخذت الرقم ام محمد -بس انتي خالة رجعي كعدي استراحي دخلت للدكتوره ميزها الخشبي كبال الباب ..أسمها بالذهبي مكتوب على قطعه خشبيه موضوع بالمنتصف بطرف الميز .. الي متروس ادويه على جهتها اليسار..الجهه اليمين جهاز الضغط ..والاوراق بالمنتصف ماسكه بايدها هم اوراق كدامها كراسي ثنين د.-تفضلي باوعت للدكتوره تقريباً مواليدها بالسبعينات ..سمرة اعيونها صغار سود .. د.-كولي حالتج حبيبتي -انا دكتوره تقريباً اكثر من شهرين صارلي مزوجة.. وحللت قبل يومين حامل..جايه اجيك وضعي يمج واظل اراجع -اممم صعدي على السرير خل اخذلج سونار باوعت على جهتي اليسار القاطع الابيض نمت واجت الطبيبة بدت تفحص.. د.-اممم حلو تقريبا ٦اسابيع عمره كلشي اوكي.. فد شهرين وتعاليلي جرت ورقة مربعه صغيرة سودة وبيها بقعه صغيرة مشوشه كالت هذا الجنين ظليت صافنه وأتأملها بفرح من هسه رف قلبي عليه اوووي ماماتي حبيبي بست الصورة ..أنت قطعه مني ومن حبيبي فدوة أبتسمت الدكتورة -الله يتمملج بالخير -شكراً دكتوره كامت ورجعت كعدت على الكرسي كتبت هاي مقويات وفيتامينات وحبوب اذا حسيتي بتقلصات شربيها.. طلعت الماما الي بوجهها قلق -طمنيني سموره -كلشي تمام والحمد لله -الله يتمملج بالخير طلعنه من العيادة وبصف العيادة محلات سوبر ماركت محل ملابس اطفال بصفهم مطعم كظيت أمي ودخلت لمحل ملابس الاطفال عجبني سيت كامل ابيض مالت طفل دفعت الفلوس ..طلعنه من المحل أجرت ماما تكسي ورجعت لبيت أهلي وأنا الفرحة ماليه قلبي.. ——————————- مريم❤️ فتحت اعيوني واحس حركة بيهم .. جريت النقال باوعت للساعة راح يأذن المغرب .. مالي خلك اشوف المحادثات..كمت رحت للحمام غسلت وجهي وتوضيت ..لبست أحرامي..صليت ودعيت ربي يسامحني..بس انا محجيت غير الحق والساكت عن الحق شيطان أخرس.. هيج علمني بابا بس انا مقهوره لان بابا ضاج مني.. هوه ادري عباله اتجاهلته بس انا غضبي عماني وماشفته.. ربي حنن قلب بابا حبيبي عليه كملت نزلت جوا دخلت للمطبخ .. باوعت خالتها كاعدة على كرسي ميز الطعام وسن عمتي بصفها .. وطيف وماما يخظرون بالاكل.. مريم -السلام عليكم ..شلونج عماتو هلا بعد عمتج تعالي بيدها علاكة ملونه هج هاي الهديه ..فتحتها روايتين لسنان أنطوان أعرف وسن دوم تحجيلي برواياته وجماليتهن.. 🌺أنا مريم🌺 🌺وحدها شجرة الرمان🌺 ⭐️وبطاقه وياهن⭐️ ❤️ما من رمانة الا فيها حبة من الجنة❤️ وبيها سلسلة فضة قرص وداخله اسم مريم ومتصله بيه جناحات أبتسمت مريم -شكراً عماتو ..بوستها حلوه عاش ذوقج.. باوعت لخالتها الي ابتسمت لمريم بس بالم راحتلها وشبكتها أحبج خالاتي طول فترة العشا ابوها مزعوج وماباوع الها ولا لاطفها ولا سالها كعادته.. متجاهلها كأن هيه ماموجودة مكدرت تحط لكمه بحلكها وأبوها ضايج منها.. بعد ماشرب الجاي وتوجه لغرفته كالت تروح تحاجيه .. بس امها وكفتها -تركيه مريوم يرتاح ضايج منج .. -ماما مجان قصدي ..بدت تبجي -بنتي انتي ادخلتي بسوالف كبار ..ابوج مارادج تقللين من قيمه احد بيته وهوه موجود حتى لو يستحق هالشي.. دنكت بأسف صعدت فوك وبدت طلعت المواد تدرس.. ——————— وهيه واكفة تعدل بالحجاب الرصاصي وتحط ميك اب كلش خفيف.. تحط كونسيلر تحت العيون من تاثير التركيز بالدراسة ..وقهرها من أبوها اليوم ثالث يوم زعلان منها ومجاهلها.. حاولت بكل الطرق تحاجيه ماكو ..تعرف هذا عقابه ..والعقاب مؤلم💔 جان مقرر يعلمها سياقة ..منا للسنه الي تجي كللها ترحين بسيارتي اذا ردتي.. باوعت لنفسها بقهر.. قررت اليوم اداوم رغم ماكو شي عدها وقليل كلش الي يداومون.. تكعد بالمكتبة ..تبتعد عن جو البيت.. بعد يومين امتحان الكورس قبل النهائي.. مااطت خبر لاي من البنات لو احد ان هيه داوم ..رادت الهدوء والوحده ويه نفسها أخذت لابتوبها وياها..ودفتر شخبوطاتها.. وكتاب تراجعة..واحدى روايات نجيب محفوظ.. اول ماوصلت للكليه ..توجهت للمكتبة كعدت وبدت تكلب بالكتاب.. تسمع بين فترة واخرى خطوات اقدام بالمكتبه.. واكو طلاب او طالبات يكعدون شوي ويرحون.. مرت ساعة وهيه تراجع جرت دفترها وكتبت يختلف الوجع كل مرة ..كأختلاف معزة الشخص او الشيء الذي يؤذينا التجاهل شيء مدمر للاعصاب ..ابي لاتجعل قلبك لايرق لي .. بدت دموعها تنزل.. حست بخطوات تقترب منها مسحت دمعها ....وشافت كوب ورقي وشمت ريحة النسكافية خلاة على الميز كبالها.. رفعت راسها وشافت هالعيون الشهل تركز بيها.. بيدة كوب .. ممكن أكعد -تفضل أستاذ باهر جر الكرسي وكعد ..حرك الملعقة ..يباوع للكوب وهيه الارتباك والقلق مبين عليها أخذت الكوب وحركته شوي وشربت رفعت راسها شافته صافن بيها -ليش تبجين دارت اعيونها عنه ..حتى ليشوف الدموع تتجمع بيهم ..هيج شغله خاصة.. -امممم رجع شرب شوي زين ليش جايه اليوم ..ومحد داوم من مرحلتكم.. حجت بداخلها وهيه تحاول تشرب وتوخر الارتباك هذا اليوم كاعدلي ياربي اجيت اختلي بنفسي ..مامتحمله استجوابات ونظراته الي تربكني.. -ارتاح اهنا وردت اغير شوي عن جو البيت عدي مشكله ترك الكوب ومد رجليه..وجتف أيديه لصدره -انا تعبت من الدراسه وردت هم اخذ فترة استراحة ..وأسولف مليت وحدي حجت بداخلها والله ولكيت وحدة تحب السوالف ..بس مو خوش وكت جاي.. هسه اجفص واكله تفضل من غير مطرود واخرب موده مثل مخربان مودي هههههه والله الي خلك احشش بوكت قهري جريت حسرة.. -اي صح اوكات الانسان يحتاج يحجي اي شي ..حتى يحس عايش او حتى يفرغ اهمومه ويحس براحة.. الفضفضة حلوه بس لازم تكون يم الاشخاص الصح..ينصحوه ..يطوه حلول يمكن.. -بالفعل..انا منتبه لشخصيتج ..منفردة وقوية واهم شي دراستج وتفوقج.. حتى هوايتج حلوه جر الروايه وباوعلها ابتسم نجيب محفوظ قليل هالوكت يقرولة ..بس انتي دوم اختياراتج وكتاباتج حلوه بالمجلة... -شكراً أستاذ..هاي هديه من بابا خنكتها العبرة دنكت وكملت الانسان لازم يتألق بموهبته خصوصاً اذا يحبها ويبدع بيها ..مايخلي شي يكسر طموحة بالنجاح.. -صح ..بس اليوم وانا اشوف دموعج ..وشرودج خله فضول عدي ان احجي وياج ..اكيد شي قوي نزل دموعج.. شنو شبيه والدج ..ليش اعيونج دمعو من جبتي سيرته ..متوفي -لا اسم الله حجتها بفزع الله ليكولها يومي قبل يومه أبتسم الها چا شنو على كولتكم ههههه أبتسمت -شنو تضحك على لهجتنه ..شحلاتها -اي والله هيه مالت حلوه حلوه أبتسم ومال راسه..باوعلها مريم-زعلان عليه ..ومحتارة شلون أراضية.. عدل كعدته وشبك ايديه ويباوعلهم ويحجي.. حاولي الشي الي يحبه تقربي بيه اله ..لتخلين فتره الزعل اطول.. ماتعرفين القدر شنو ضام رفع راسه ..حجه بقهر .. -اذا راح الوقت وراح الشخص تظلين عمرج كله ندمانه لان مصالحتيه ..ماسمعتي منه اذا جان هوه مزعلج.. تخلصين العمر كله تتمنين يرجع ولو لحظه سألته بسرعه -فاقد شخص عزيز عليك مو؟ التفت لجهه اليمين -اي أخوي الجبير الله يرحمه ..جنت زعلان عليه .. ردت منه شغله بوقتها عدي هيه اهم شي ..متوقعت الدنيا تاخذه وتبين الي منو الاهم بعد مافقدته تركت اصلاً بغداد وبيت أهلي واجيت اهنا ..هربان من الندم والذكريات .. الدنيا حيل صغيرة ..مو مريم التفت الها وشافها تبجي -يعني انا سولفت الج حتى اهديج ..لو أبجيج جر كلينس من جيبه وكلها مسحي دموعج الدموع مو حل ..هيه بس وسيله تعبير..فكري بحل .. واذا تحتاجين مساعدة انا حاظر وضحك -الله يرحمه ويصبرك على فراكه.. أبتسمت ودنكت ..رجعت رفعت راسها وضحكت متوقعت يوم اشوفك تضحك.. عقد حاجبه ليش هيج انا عكرة حطت ايدها على حلكها ..عزا جفصت حجت داخلها مريم -ها ..مو قصدي ..بس دائماً أشوفك عاقد حاجبك من تباوع ومركز ومااشوفك تبتسم.. أبتسم وهوه يحك أرنبه خشمه -الحياة راوتني أشكال ..مو بسهوله ارتاح لشخص او مكان.. ويجوز هم طبيعتنه هيج أحنه..مو مجاملين ..ويه كل الناس.. وهيه تباوعله ومبتسمه رن نقالها .. لتنسون اضغطون ال⭐️مودتي🥰 | ||||
|
| |
|
25-12-19, 11:53 PM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الخامس عشر صباح الخيرات🌺 محبتي ومودتي🌺 لن تهربي مني .. فإني رجل مقدر عليك .. لن تخلصي مني .. فإن الله قد أرسلني إليك .. فمرة .. أطلع من أرنبتي أذنيك ومرة أطلع من أساور الفيروز في يديك وحين يأتي الصيف يا حبيبتي أسبح كالأسماك في بحيرتي عينيك ❤️ ——————————- مريم-الو هلا حجي ..تمام ..أنشالله غلقت النقال وباوعتله -فد شوي يجي السايق .. -يله وأنا هم خلصت كم مصدر جنت محتاجهم..واسعدني الكلام وياج..اتمنالج الموفقية بالامتحانات..وارضاء والدج أبتسمت اي والله أهم شي أرضي والدي .. كامت لمت غراضها وطلعوا سوا توجهوا نحو كراج السيارات .. —————————- طيف تكلب بأوراق منزعجة .. من نفسها ووضعها يمكن ..او تحس بقهر لان جرحته وبعد ماشافته .. بس هيه أنثى محطمة ليتوقع بسرعه يستطيع ترميمها.. اذا ماكدر يتخلص من الانقاض القديمة وينثر في داخلها بذور الحب ..ويسقيه بمزيد من الاهتمام.. نجاة-طيف.. طيف أنجرت الاوراق منها رفعت راسها ..بعصبية.. -شبيج ماتكليلي .. نجاة-صارلي ساعة ادردم لوحدي ام عادل متوفيه الله يرحمها خطيه عادل ..واحنه ماندري .. مخلصه الفاتحة.. باوعتلها بصدمه -الى رحمه الله ..اشوفه ماكو مايبين كلش.. وانا عبالي لان صديته.. -لا وين خطية اليوم مداوم اطيني واجب راح نجمع وشوي نروحلة كلنه الي مارحناله للبيت —————————- تباوعلة بقهر شلون تعبان ولحيته طولانه يسلمون عليه وهوه كله مدنك اعيونه يرد بقهر ..وعبرات بداخله مختنكة.. بقت هيه اخر وحده -البقية بحياتك عادل رفع عينه عليها ..كأنه منتظر هالصوت الي يحبه يواسيه .. داخله يتمنى كون بس هوه وياها.. كان شكالها وناح لفقد أمه.. طيف -الله يرحمها ويجعل مثواها الجنه ..والله يصبرك على فراكها.. دنك راسة -الله يرحمها ..ربي مايفجع قلبج بأحبابج.. ترخصت وراحت عينه وراها كان وده يكللها أبقي أكثر وجودج يهون عليه ————————————— . واجر ْح أحاسيسي كما تشا ُء حّطم أواني الزهر والمرايا هّدْد بحب ِّاامرأٍة سوايا.. فكُّل ما تفعله سوا ُء.. كل ما تقول ُه سوا ُء.. فأنَت كالأطفا ِل يا حبيبي نحّبهم.. مهما لنا أساؤوا.. *** إ غضب ! فأنت رائع حقًا متى تثور إغضب! فلولا المو ُج ما تكَّونت بحو ُر.. كن عاصفًا.. كن ممطرًا.. فإَّن قلبي دائمًا غفو ُر إغضب! فلْن أ جيب با لتحد ي فأنت طفل عابث.. يملؤُه الغرو ُر.. واكيف من صغارها.. تنتقم ا لطيو ُر ؟ *** إذهب.. إذا يومًا مللت مّني.. واتهِم الأقدا َر واّتهمني.. أما أنا فإني.. سأاكتفي بدمعي وحزني.. فالصمت كبرياُء والحز ُن كبريا ُء إذهْب.. إذا أتعبك البقاء.. فالأر ُض فيها العطُر والنسا ُء.. وعندما تحتا ُج كالطفل إلى حناني.. فعد إلى قلبي متى تشا ُء.. فأنت في حياتي الهوا ُء.. وأنت ..عندي الأر ُض والسما ُء.. *** إغضب كما تشاُء واذهب كماتشاُء واذهْب..متى تشاُء لابد أن تعوَد ذا َت يوٍم وقد عرفَت ما هَو الوفا ُ نزار قباني حسيتها تمثل حالة رغدة تريد تفتح أعيونها تحس بحرقه ..حست نفسها تهذي.. من أبطها الايسر لصدرها كله تحس شي عاصي من البارحه حست بورم قوي.. صادق-رغده ..رغدة كعدي اليوم متأخرة شبيج.. حاولت تكوم متكدر ..جبرت نفسها تكعد ..نزلت رجليها بالارض..بالكوه فتحت اعيونها .. باوعتله يمشط شعره غمضت ..وكفت فتحتهم مره ثانيه غواش قوي ودوخة حاولت تصيح عليه ..لكن ماحست بشي بعدها.. —————————- مريم فتحت باب المطبخ ودخلت شافت عمتها وسن كاعدة بالمطبخ مريم-شلونج عمه شخبارج -الحمد لله -شو سكته وين ماما خالتي -امج وابوج بالمستشفى رغدة ماادري شبيها خابرلهم صادق كللهم تخربطت .. ضربت صدرها -ياخطيه ليش شكو وسن-ماندري همه قبل ساعه راحو .. خابرتهم كالو ..مصخنه وماتكعد.. خالتج طالعة من الصبح رايحة للزيارة.. محمد ومرته وطيف بعدهم مااجو ..أصبلج غده -لا عماتو روحي ارتاحي راح ابدل بسرعه وانزل -لا راح اتمدد كبال التلفزيون لحد مايجون ظال بالي يمها خطية بعد نص ساعة مجتمعات مريم وطيف وسن .. مريم أتصلت بمحمد -الو شلونك..شو تأخرت -ها تمام ..شلونها -ها ..ها..انشالله..الله وياك طيف تباوعلها بأهتمام ها -بالمستشفى منزل سمر يم اهلها وطالع للمستشفى..بعدها حالتها تعبانه.. يبيتوها بالمستشفى ..وباجر من الصبح يسوولها تحليل.. كرار والبنات وباقر يم أهلها.. طيف-خطية رغدة والله متستاهل ..الجهال هسه شحالهم عليها راح اخابر صادق حتى اذا يحتاج انا ابات يمها وسن-حتى لو انا وياج نروح شوفي وراح اظل اهنا.. خل يجيب باقر يمنه اذا مايسكت -اي انشالله اكله ..خل نتغدى محد يجي بعد منا لقبل المغرب —————————- الكل كان متعب ومنهك ومقهور ..لحالة رغدة رجعو من المستشفى ..والخوف على حالتها مبين بوجههم بسبب تكهنات الطبيب الاولية.. أم رغدة وأختها عبير بقو يمها.. بعد العشا وكلمن توجهه لغرفته.. الا هيه ظلت واكفة باب غرفة أمها وأبوها مصرة اليوم أصالحة..تحس بأرتباك وقلق بس داخلها اصرار دكت الباب أجاها صوت ابوها -تفضل -الله يساعدك بابا ..تقربت منه وهيه مدنكه راسها باست راسه وحظنته.. أمانه الله عليك بابا سامحني .. برطمت ..والله مااكدر اركز بالامتحانات وانت زعلان مني .. حظنها حيل .. -بنيتي بعد لتعيديها حجيتي وزعلو منج وهسه تروحله هاي خالتج ونعرفها متشوفين ماندخل.. الانسان اذا سمح مره مرتين يتجاوزون على كرامته وحقوقة يصير مستباح دوم.. لذلك عاقبتج ..مره ثانيه ماتنعاد مريم فهمتي أشر بصبعة بتحذير..باست صبعة وباست راسة وحظنته اوعدك بابا.. باوعت لامها وباوعت لابوها الله يخليكم اليه الاسبوعين الجايات دك دراسة .. اندعولي .. ———————— صعدت تقربت من الباب الغرفه وتسمع أختها تحجي بصوت خافت.. فتحت الباب ودخلت توجهت لميز دراستها وهيه مركزه بطيف شلون مرتبكة وهيه تحجي.. طيف فتحت الغرفة ..بديت أحظر ملابسي لباجر .. أكو شي اريد اسوي متردده ..خوف يمنعني.. كضيت الفون طلعت الواتساب ..قريت متصل.. شكله اليوم تعبان ..يقهر قنعت نفس بأن احنه زملاء وعشرة عمر ..واجبي اوكف يمه.. فاقد الشيء يعطيه 💔 رنيت ..رنتين وشاله أسمعه انفاسه مخنوكه ..جر حسرة مالت بجي فاتت دقايق وماكال حتى الو قهرتني حالته ..صعبه انسان يفقد أمه يحس فقد الدعوة الي تحميه ..يحس فقد الحظن الي يحتوية حتى لو جان واصل لاراذل العمر يحس نفسه دوم بحاجه حنانها.. حجيت بصوت مقهور خنكتني العبرة -الو ..عادل قوي نفسك كلنه على هالطريق.. -افففففف صعبه طيف نايم بفراشها ادور ريحتها كل مره هيج وكت احط راسي بحظنها واسولف وياها -خطيه الله يرحمها أنفتح الباب ودخلت مريم وانا زاد ارتباكي .. عادل-تدرين طيف جانت امنيتها تشوفج ..شكد مااسولف بيج.. من اول ما ماتت ودفناها ورجعنه ..تمنيت اأسمع صوتج.. ارجوج لتسدين التلفون اعرف احرجج .. بس اعتبريني اي شي بس اريد احجي ارتاح.. -امممم ربي يصبرك عادل ..احنه مادرينه الا اليوم كل بالي ضايج مني.. -ههههه انا اضوج منج ..جان ضجت منج من صارحتج بحبي .. من دريت متزوجه ..مااكدر اضوج منج.. بس ضايج عليج.. -أنا اترخص الله وياك -ظلي اتهربي مني ..الله وياج تصبحين على خير -انت من أهله صفنت واباوع للفون..هوه الانسان ميعرف بالقدر شنو مكتوبله .. ليش لحد اخر لحظة من زفوني جنت اتوقع ورا ماانسد علينه باب راح تكون سعادتي بيه شمدريني حسيت احد يحركني باوعت مريم -اي عيني ست طيف وتكولين ماعدي شي..ويامن هالهمس وتغمزلها -عابت حتى عابت يعني ويامن ..الي نفس بسوالف الحبيات بس هذا عادل خطيه امه متوفيه وحالته تكسر القلب حبيت اواسيه وكال اتصل احجي وياج شوي... باوعيلي طيف .. باوعتلها شكو -بعده يحبج مو ..هوه كلتي ماازوج دنكت بأسف اي بعده ..بس شأسويله كوليلي.. -أطي لنفسج فرصه ..بس بحدود مو تتهورين ..ترا انا ماارحم وتضحك -ولي يله ولي منا ..انا بالكليه ماسويتها .. اسويها هسه رجعت للدراسة ..لحد ماحست نفسها هلكت .. طبكت الكتب وكالت باجر تكمل.. جرت النقال وشافت صديقاتها دك سوالف.. كتبتلهن -وثول يمتى درسن 🤨شكد تسولفن بان كتبت -عيني ست مريوم احنه درسنه الصبح ..وانتي وين جنتي😏 مريم-وليش ست بان اخذ اذن منج اذا اطلع.. موصليلج اكيد كايليلج رحت للكليه اليوم.. وكلولج بالمكتبه مو بان ..اعصابج عيني .. راقية -منو لكيتي كولي ولج خاف متواعدة😏ومتريدين ندري.. -ولن انتن تموتن على هالسوالف ..وتردن تلزكن بيه ..وان منا راح اروح انخمد وافتك منجن😝 —————————— فتحت اعيونها تحس نفسها أحسن.. الوقت الفات كله حست نفسها بالمستشفى تسمعهم شوي وترجع تنام رفعت راسها شافت أمها واختها عبير يمها تقربت منها عبير بأهتمام -ها رغوده تردين شي -ماي حبوبه ريكي ناشف..اي شلونهم الجهال -زينين الحمد لله لا يظل بالج يمهم اهم شي صحتج هسه.. امها تباوعلها بأسف وقهر.. ليش ساكته عن نفسج رغدة ..واصله لهيج وضع.. -غمضت أعيونها وبدت تبجي ..حظنتها أمها ماما خايفة .. -لتخافين بنيتي باجر تسوين فحوصات والزرع يطلع وانشالله حميد مابيج شي.. -أنشالله ماما حاولت ترجع تنام .. بس تفكر بيه ياترى مقهور عليها ..حس بنفسه شكد أذاها.. تعبت من حبه ..وخوفها .. الصدمة الاخيرة ..كانت شبه هلكتني ..استنزفت كل طاقتي.. كل مره ..اسامح وابررله ..شسوي لقلبي الي متعلق بيه.. يمتى اكدر اقسي عليه .. اذكرت من باقر جاب نقال ابوه الها .. وصلت رسالة من قرتها تصلبت وحست قلبها يمكن توقف ((أحبك وعمري مانسيتك ..ومهما صار ثق اقلبي ماملكه احد غيرك..راح اطلك مابقى شي اريد كون ننجمع سوا ومانخاف من احد هالة)) مااعرف شنو سويت بعدها وشتصرفت.. بس من هديت .. شفت نفسي بغرفه عمي تهدي بيه طيف فضحتها كدام اهله وخالتها وسن موجوده.. ادري زعلانه ويه رجلج ..جهالج ماتفكرين بيهم .. تطلكين وتزوجين رجال مزوج وهم مافكرتي باطفاله الاربعه شلون بيهم.. من واجهته وصار الي صار بعدها.. انا حسيت بيه متغير بس اوهمت نفسي فرط بالاحساس ليش صادق ماتدري بيه اقراك قبل متفهم نفسك اعرف بيك شخص اناني بس اغالط نفسي واكول لا بينه اطفال ..وعشرة يحبني صرتله كلشي .. يارب صدك مثل ماكال ترجع لزوجها..وتبتعد عنه ..ويكفيني ربي اذيتها..وعدني ان هوه مامفكر بيها ..ولا يفكر .. ماعاد الي قدرة .. جعلني بقايا أمرأة .. أنكساراتي معه أمرضت جسدي .. أسلحتي كلها استنزفتها لافوز بقلبه.. واعدني بأنها سترحل ولن تعود .. ————————— رغدة & صادق ثاني يوم العصر طلعت من المستشفى..راحت لبيتها بعد ماسوت كل التحاليل.. كم يوم ويطلع الزرع تحس نفسها شوي احسن .. أستقبلوها اطفالها بالاحظان يشمون بيها ويبجون حست بنفسها ...لخاطرهم لازم تكون قوية..همه لازم يكونون نقطة قوتها مو هوه باوعتله وهيه تشوف الخوف عليها ..يمكن الندم ان هوه هواي تعبها.. حاول يطمنها بكلمات تريحها.. حظنها وهوه يبجي عليها.. ويطمنها ان هيه مابيها غير العافية لانحس بقيمة الشي الا اذا احسسنا اننا سنفقده او فقدناه💔 اذا كدرت ان شالله باجر انزل بارت🌺 لتنسون ضغطون على ⭐️ | ||||
|
| |
|
25-12-19, 11:55 PM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل السادس عشر صباح الخيرات🌺 نسجت من خيوط حسنك لوحة لكِ وفيها أنتي ..أنثى من القمر أنارت لي ظلمة قلبي بنورك القمري المتلألئ أثرتي داخلي كفراشة زاهيه الجناحات تتنقلين على وريقات أحاسيسي متى أحببتك ..لا تسألين.. أسألي ضحكتك نظرات عيونك تعابيرك طلتك أنا أسيرك ... أحبك مزجتها بفرشتي ..مع دمائي وترجمها خافقي.. لخفقات.. تنبهني الى مقياس حبك ——————————بقلمي❤️كولو تمثل حال منو من العشاق🙈بالقصة باجر امتحانها وهيه قلقة ومتوترة..قهرها على رغدة .. بعد مارجعو من بيت صادق ..تعشت قليل..وصعدت لغرفتها مندمجة بالقراءة.. أنفتحت الباب وطيف جايبتلها عصير برتقال وليمون.. -شربي مريومه باجر امتحان ..لتهملين اكلج وصحتج.. -اي والله تعرفين القلق الي يصيبني شلون ..اتمنى اتخلص منه.. تحجي وفتحت الواي فاي شوي.. وكلبت بأسألة الطلاب بالكروبات.. حجيهم .. أجتها رسالة بالتلي كرام من معرف بأسم baherباهر -أنشالله راضيتي الوالد..وكدرتي درسين بتركيز؟! أبتسمت كتبتله -أهلاً أستاذ ..اي والله راضيته والحمد لله ..والدراسه شبه مسيطرة😊 أنت شلونك.. -الحمد لله ..ظل بالي يمج بس سافرت لاهلي بغداد ..اشوفهم وارجع بعد يومين.. -الحمد لله على سلامتك..وترجع بالسلامه.. -ههههه حلوه هاي -چا شأكول 😁لتعيب على الچا مالتنه استاذ😅 -لا يول مااعيب أحبها الها نكهه..اتركج بأمان الله أحتاريت شأكتب دزيت -😊 التفتت لطيف الاخت هم سارحة بالنقال وتبتسم.. الله يبلاج يا اختي بحب ينسيج الي مريتي بيه.. زين وانا هم ادعي ربي يبليني🤔لو خاف يخربطلي احوالي.. يو خليني هيج مرتاحه ولا شي يعكرني😣.. كله من هالشله مالتي يحجن بالحبيات🤬 اليوم القلق راح يلعب دور وياي ويخليني ماكو سمايل ما يمثل حالتي اتخيل اراسل نفسي😹 شكو شي راح يجي بالي .. والله لو يدرن استاذ باهر حاجاني شيسوون.. اويلي خليني ما اتخيل.. ————————— طيف &عادل داومت الصبح ..مبتسمة ..شي بداخلي مرتاح.. حاطه الاوراق كبالي كلامي ويه عادل ..ومحاولتي اطلعه من حزنه.. وهوه يحاول يطلعني من همي.. أنهيت مكالمتي وياه بعد ماخجلني بكلماته❤️ من سألته انشالله باجر اشوفك وتكون حالتك أحسن جر حسرة هوه قلبي لو شافج وتبتسميلي وتهتمين بيه اكون دوم بخير وأحسن.. نهيت الاتصال بدون ان انطق ولا كلمه ..وطفيت الواي هاربه من كلماته .. رفعت راسي نجاة تتغانزلي بعيونها .. -الله يديم هالراحة بعيونج أجاهن صوت -صباح الخير..شلونكم التفتن ..هيه ابتسمت -هلا عادل شلونك أبتسامه خفيفه بوجه التعبان -الحمد لله أحسن ويبتسم طلع ونجاة تباوعلي وتباوع للباب مرتين الثالثة حركت ايدي بأستفسار وحجيت -شكو شبيج ..هيج تباوعين -امممم ..دنا فهمان ههههه -عابت حتى عابت هههه ———————————— مريم❤️ طلعت من الامتحان ..مرتاحة الحمد لله..مجاوبة .. بس دردم وهيه تكلب بالكتاب.. -منو وياج وهالكد دردمين باوعتله أبتسمت - هلو حسن شلونك هذا مهدي طول الامتحان اكتب وهوه يبسبس يريد غش ..موتني شهالحظ الي يخليه وراي .. بس لا تجيلي حجايه من المراقبين اريد اتعارك وياه.. بدوا البنات يطلعون من الامتحان ويجون يمهم اجه مهدي ميت من الضحك وهيه تباوعلة بغضب.. مهدي- ولج شبيج بس ارفعي الورقه ما رايد شي .. -عابت حتى عابت انا مااغشش ..تريد انت باوع لا تبسبس شايفني بزونه -اي بزونتنه الشطورة حجت راقية -اي عيني هيه حتى ومحد جاي للكلية اجت وكاعده بالمكتبه دك دراسه رفع وجه حسن بصدمة ..وباوع لمريم .. أحساسه يتخبط بين الغيرة وبين الصدمة والقهر ليمتى يبقى هيج ..يمتى يحس بأمان أن يكدر يكلمها مريم رفعت حاجبها.. -اي وشنو تردين هسه ست راقية ..انتي هم مامقصرة قريبه لدرجاتي ومستواي مشت منزعجه من كلام راقية توجهت يم صفا ومهدي .. هوه ظل واكف بمكانه ميعرف شنو يتصرف .. اي وقت يختار حتى تشرق مشاعرة على ربوع مسامعها ومطمئن ان هيه تزهر وتقبل بحبه.. يمكن احساسه بأنها فتاة قلبها بعيد عن الحب .. وماتوصللها نسائم مشاعر حبه الها .. راقية تباوعله شلون ينظر لمريم هيه متأكده يحبها ليش كل الانظار على مريم وهيه ماتهتم بالحب وهيه تتمنى يكون الها ..عدها مشاعر اعجاب بيه وحب أستحواذ .. راحت تقربت من مريم وصفا راقية -مريم اريدج .. مشت مسافة -يله وهاي صرنه وحدنه -شنو زعلتي مني لان حجيت ترى اشاقى باوعتلها بعدم رضا -لا انتي الج غايه ليش كدامهم تحجين ..مامسويه شي ترا.. -اعتذر بس كتلج اشاقه.. اريد اعرف منج شي ياريت تفهميني .. باوعتلها بتركيز وحجت -تفضلي اسمعج وأفهمج راقيه-انتي تحبين حسن ..عدج مشاعر تجاهه فتحت مريم اعيونها بصدمه راقيه_اي لا تباعين هيج مو اشوفه يباوعلج بحب ويتابعج ..وين ماتكونين .. مريم-أنتي اليوم شبيج وياي ..شنو هالحجي انا وحسن زملاء ..وشمدريني بمشاعرة مشاعره تخصه هوه دام هوه مامصرح بيها انا شلي غرض بيها.. ليش ندخل ونفسر كلشي بكيفنه وناخذ سوء الظن.. بدت ترتبك -ها مو الصراحه هوه عاجبني بس احس انتي واكفه بينه بضحكة استهزاء حاوبتها مريم -والله يالله عليجن سوالف ..شايفتني اركض وراه لو مقاطعتكم ..لو شنو انتي المن تردين توصلين ابتعد عن حسن ..انسان مامأذيني وصديقي .. اذا حبج بالعافيه ..واذا لا شنو تغصبيه اطمني عيني لا بالي حب ولا من هالسوالف.. لان لو بالي اشرت على صبعها ..مااكضيها علاقات دون الحلقة قبل ماتحجي تركتها ومشت .. تاركة راقية بين فرحانه لان تأكدت ماتحبه وضايجه داخلها تعرف هالانسانه قويه متنكسر.. بعدها بأيام طلعت من الامتحان وتوجهت للمكتبة هيه وصفا.. صفا -شبيج مريومه معقولة لهسه انتي مزعوجة من راقية وتجنبتي حتى حسن والشله.. -لا بس انا اريد اركز بالامتحانات ..وجو البيت كلش متوتر علمود مرت اخوي مريضه ننتظر نتائج تحليلاتها ويارب تكون سليمة -يارب قريب للمكتبه سمعت صوت يصيح -مريم لحظه اوكفي.. التفتن وشافت حسن وصل يمها اريد احجي وياج شوي تعالي اهنا بالحديقة شوي.. مشت وياه لحد مصطبه كعد هوه وهيه واكف باوعت لصفا الي دخلت للمكتبة.. حسن-كعدي مريم ليش واكفه -لا هيج مرتاحة وكف صار قريب منها ..يحاول قدرالامكان ان يستنشق من قربها راحة لقلبه المتعلق بيها -ليش هيج تبتعدين عنه منو مضوجج -ماكو احد بس تعرف امتحانات -لا اكو راقية اجت كالت غير شي باوعتله ورفعت حاجبها -شنو حجت -ان زعلانه عليها وهواي بس مو كله مصدك بيه -شنو هيه الغاز شنو هسه الموضوع..تعرفني انا بالامتحانات اعتكف شي مو جديد بس هيه راقية اظاهر تريد تسوي بلبله بينه بعصبيه التفتت لشباك المكتبه الي يطل على هالحديقة وتشوف العيون الشهل مركزه بيها وعاكد حاجبه وضايج .. ظلت دقايق اعيونهم متواصله حست شفايفها غصب تحاول تبتسم رغم حجي حسن الي غثها رجعت باوعت لحسن .. -حقج ويجوز صحيح تريد بلبله بس انتي ليش جايه من حجت وحدج -باوعتله وشجاب هذيج الشغلة لهاي تحجي بوضوح لو شنو حسن.. -هيه اجت تكلي لتفكر بمريم لان هيه متفكر بيك .. حجاها ودنك -وأنت شنو تفكر بيه بأستفهام حجتها حتى تجي هيه تحجي هالخربطة كلها ..انسانه فارغة واختارت الوقت مو مناسب.. رفع راسه وباوع لعيونها حتى يكلها انتي كل تفكيري .. حست بكميه المشاعر الي بداخله تجاها ..ترجمتهن لمعه اعيونه قبل ميحجي نطقت هيه مريم-احنه مجرد أصدقاء واتمنى مااكون عثرة بالنسبه الها.. هالكلمة نزلت مثل الثلج الي طفه حرارة حبه الملتهبة دنك بأسف .. حاول يلملم بقايا روحة الي تناثرت ..ويصبر هسه مايبوح بمشاعرة .. ما يريدها اذا حجه ينحرم حتى من صداقتها وابتسامتها وقربها .. -انا ماافكر بيج الا كل خير واذا اكو اوهام براس راقيه فهي مسؤولة عنها -تمام انشالله تبقى الصداقه بينه للابد باوعت للساعتها الذهبية ..وبأتجاه الشباك الي مباشرة شافته وخر نظراته عنها .. -تأخرت على صفا أترخص انا ..توجهت للمكتبه شافها ابتعدت جر نفس وحسرة تذبح الحب عذاب لابد من الوقوع فيه.. حجت ويه صفا شوي وأخذت الكتاب الي تريدة وطلعوا من المكتبه باوعت لصفا وضربت كصتها وكلتلها روحي قبلي أنا نسيت كتاب اريد استعارة بعد الامتحانات ..يحظرة الي مسؤول المكتبة.. رجعت للمكتبة توجهت للميز الي كاعد عليه وهوه مركز يقرة ويمه كوب النسكافية فارغ.. -مرحباً استاذ ..حمد لله على سلامتك.. التفت الها بس بدون ابتسامه جامد .. ركز بيها .. -الله يسلمج مريم ..شلونج -الحمد لله ..ممكن أكعد -اي تفضلي ..شلونج بالامتحانات -الحمد لله دنكت وهيه تلعب بسير الجنطة السمائي بحظنها ليش اجت وحبت تحجي وياه ..يمكن لان كلامها السابق وياه كان راحه بالنسبة الها هوه مركز وسارح بيها ويشوف الون السمائي مع الزي وترتيبها ..باوع لايديها الناعمات وطلاء الاضافر السمائي .. أبتسم وحجه أختي رهف حيل تحب هالون تكول من البسه احس بصفاء روحي الداخلي.. باوعتله وهوه يحجي وأبتسامته المميزة الله يخليها الك.. -ركزي بالدراسه ولتشغلين بالج بأي شي.. حست يمكن قصدة على قبل شوي -هههه لا انا من هالناحيه وكت الامتحان مثل السلحفاة او الحلزون اتقوقع هههه.. -ضحك الها ..وشلون صالحتي الوالد -امممم دلع بنات بعد متحمل والدي دخلت عليه مكسوره بعدني ذيج الطفلة الي من تبرطم اكسر خاطرة يحذرني ويعلمني وتالي يحظني وياخذني يشتريلي كاكاو -يعني انتي سهل الواحد يراضيج وتراضيه جاوبته بضحكة هاديه -اي حسب الشخص والموقف والزعله ههه -التفت يباوع على الركن خاليه للكهوه او الجاي والنسكافية تشربين نسكافيه اجيبه -لا اروح هسه بس يجون يكولون غششها بامتحانه هههه -امممم هم تهتمين للكلام.. -لا ابد دام مااسوي شي غلط ومخالف مبادئي وقيمي مااهتم اتركهم بظنونهم وبنارهم هههه مع السلامه تركته وهو يتابعها ..من اين بدأ قلبي ينبض بكِ كيف استطعتي أن تعيدي لقلبي الذي كان شبه الميت للحياة❤️ ——————————— رغدة &صادق بين الخوف والقلق ..والترقب..مرت اكثر من عشر ايام ..اليوم نتائج التحليل بعد مااخذ التحاليل وتوجهو نحو الطبيب المختص.. دخلت عيه وصادق للطبيب وظللت اختها وام صادق برة ينتظروهم.. لسانهم ماتوقف عن الدعاء والنذور بأن تكون سالمة مابيها شي.. كاعدين مقابيل الطبيب الكبير بالسن توجت سنين عمره وخبرته النظارة الطبية مركز بالاوراق.. حطهم وباوع بأتجاه رغدة ..ورجع باوع لصادق بنظرة اسف رجع نظره لرغدة الي القلق رسم الشحوب على وجهها المصفر .. دنكت تحاول ماترجم نظرات الطبيب تتمنى أحساسها يكون خاطىء -بنتي أنتي أنسانه مؤمنه انا طلبت بس زوجج يدخل بس انتي اصريتي تكونين وياه وهذا دليل شجاعتج وايمانج بقضاء الله .. انتي عندج سرطان بغدد تحت الابط ..وضروري تسوين العملية أستأصال الهم باقرب وقت حتى نسيطر عليه.. وتاخذين الجرعات.. اتمنى تكونين قوية ..وتنتصرين على هالمرض الخبيث.. دمعت اعيونها..يحجي الطبيب وصوره اطفالها وحياتها تتزلزل امام اعيونها.. أعصار جرف كل امنياتها واحلامها .. باوعت لصادق تتمنى منه يقويها ..شافته منهار اكثر منها بالبكاء.. اي هاي اول مره تشوفه يبجي ..ولمنو الها .. انت الذباح والباكي على نعشي.. منسألتها شنو احساسج من سمعتي الخبر😞 ربي يشافيها ويعافيها لخاطر اولادها ونفسها ——————————— يذبكم الله بالنار اذا ماتابعوني😈🗡🗡🗡 ودوسون ال⭐️ | ||||
|
| |
|
25-12-19, 11:56 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل السابع عشر صباح الخيرات🌺 فأخذني التوهان في حبك الى ذاك الظلام حيث المكان المهمل .. كل شيء بالون الرمادي واسير على ارضها والشوك يدمي الاقدام وأصوات موحشة تتغلل داخل نفسي القلقة اتلفت لعلي ارى ذالك الضوء المنساب وهوه ينتشلني من الضياع هنا حيث اوصلتني معاناتي معك... الى حافة الموت..🌺بقلمي قوت نفسها ..وبعيون تملئها الدموع.. رغدة- دكتور حدد موعد للعملية .. -انشالله بعد اسبوع ًلانُ اي تاخير مو بصالحج مسح وجهه وحاول يقوي نفسه وحجه صادق -دكتور يصير نسفرها للخارج افضل د.-بكيفكم بس اهنا اكو دكاترة اكفاء ..والتاخير مثل ماكتلكم موزين.. أخذ التقارير وطلع وهوه محاوطها.. شافوهم امه واختها من ادموع صادق الي بينت بعيونه وقهرته عرفو الي بيها .. بدت ادموعهم اتصب محاوله تعبير عن خوفهم.. حبهم.. مواساتهم الها.. وحظناتهم الها الي طول محاولين يحسسوها بالامان وصلت للبيت استقبلوها اطفالها داير مدايرها.. ادموعهم وهمه يشوفون امهم منهارة رغم ترديدها "ربي اني مسني الضر وانت ارحم الراحمين" "دفع الله ماكان أعظم" ربي بيه ولا بأطفالي يصير بيهم اي شي لوحة ام منكسرة واطفالها المواسين الها خله ذلك القلب ينبض خوف وندم ..ان راح يفقد نعمه ماكان مطيها حقها.. تقرب الهم وحاوطهم.. الكل هالفترة كان حزين وقلق ..خوف وترقب رسلو التقارير لاكثر من مكان ..ونفس الكلام ماتتحمل تأخير.. اخر شي رسل التقارير لصديقة بالاردن ..كلاله اكو طبيب بغداد كلش زين بهيج امور ..همه بالاردن احيانا يدزون عليه اطاه اسم طبيب ..ان يسووها اهناك بمستشفى اهلي افضل .. ————————- حست بطيف تكعدها وهيه مفزوعة -لج مريم كومي تاخرتي على امتحانج طفرت على السريع.. بين ماغسلت وبدلت وجرت جنطتها وكتبها .. وباعت لوجها واعيونها الحمر الي من كد البجي على حاله رغدة تركت اثر كوه كدرت تدرس شوي .. رغد انسانه طيبه عد كل شخص جلست وياه تركت اثر طيب ومحبه.. نزلت مستعجله لكت امها وابوها كاعدين ويتريكون.. وهم القهر معتليهم حجت امها -مريومه تعالي تريكي ميصير ماما عدج امتحان.. سمعت مريم صوت هورن الخط -لا ماما اروح اخلص الامتحان واتريك طلعت مريم وابوها يتابعها وهوه يكول -مااعرف اذا كدرت تدرس او لا اكثر وحده متاثره بيها هيه طيف باست راس ابوها وكعدت يمه -انشالله ازمه وتعدي بابا ..كلنه لازم نساعد رغدة ..هيه بحاجتنه يمها .. جرت حسرة امها وحجت بدموع انشالله سوده عليه كرار والجهال موتين نفسهم كوه يدرسون لامتحانات اخر السنه.. ابو صادق- ماتوقعتها هيج قويه حتى اقوى من اهلها ومن عدنه.. رغم المها تحاول درس اطفالها..وخلصن البنات امتحان والحمد لله وكرار تساعده ..الله يشفيها ..مرضها كل احنه اذانه.. نزلو محمد وسمر بصوت واحد حجو صباح الخير جان وجه سمر اصفر وعدها غثيان الصبح قوي ابو صادق- بنتي ديري بالج على نفسج وعلى الي بطنج ليش هيج تعبانه سمر -اي والله عمو حيل تعبانه محمد يفرك بعيونه ويتثاوب -الليل كله هيه كاعده متأذيه وهم انقهرت على رغدة.. ام صادق- اي ياماما علما تخلص اشهر النساوة لمن شوي ترتاح .. ......................،،،،،،،،،،،،،، ،،،،، وصلت للدائرة نجاة وبراء قبلها.. سلمت على البنات وبوستهم لان اخذت اجازة يومين حتى النقال قليل تفتحة.. نجاة -شلونج طيف شأخبار مرت اخوج باوعتلها بقهر وحسوة -تحاول تكون قويه ..باجر من الصبح يرحون لبغداد وراها بيومين تسوي عملية ..والله كريم كعدت تشتغل لحد ماصار وقت الغدا ابتسمت نجاة وهيه تقترب منها.. يله كومي نستلم الرواتب اليوم..وكل احنه نروح نتغدا بمطعم كالعادة.. طيف..تحجين صدك بيا حال انا .. وبراء تباوعلهن نجاه -وشنو عدج ميت اسم الله كولي يالله قابل رايحه حفله غده وشفتي اكثر من مره شلون نتغدا فوضي امرج وانرها لرب العباد الطف من اي احد.. تقربت وشاورتها بصوت هامس ما كافي شاتله الولد ماتردين عليه ..زعلان عليج.. باوعتلها بغيض مكدرت تحجي بس تخزر وتتوعد بيها .. ونجاة تضحك -بربج يعني انتي مهمومه وانا اصير مهمومه شتطلع.. غير اواسيج اصبرج اضحكج "الامل ابتسامة يرسمها الج القدر الي دائماً يكون بهيئة حبيب او صديق "❤️ ابتسمت طيف -الله يخليج الي ومايحرمني منج طلعن من الغرفة وتوجهن لغرفة استلام الراتب.. مرت قريب لغرفة عادل شافته باوعلها بصدمة .. أستلمت الراتب ومن طلعت شافته واكف يباوعلها وعصبيه وعاقد حاجبة فاتت هيه ونجاة سلمن عليه -شلونك هادل شخبارك -هلا الحمد لله ..وانتم هيه مدنكه مارفعت عينها عليه نجاه تبتسم -الحمد لله..تروح اليوم كلنه نتغدا مو مركز بطيف اشر بعيونه لنجاه حجت -اي كلنه انروح اطمن حتى لو اجيبها سحل باوعت لنجاة وكرصتها من ايدها وهاي تبتسم هوه عافهن ودخل جوا وهنه توجهن للغرفه حتى بعدها يطلعون للغدا ........................... وصلت لقاعتها الامتحانيه متأخره دقايق تحس قلبها يدك حيل ارتباك مخلوط بخوف .. وكفت باب القاعة تريد تدخل ودك الباب..تحس نفسها تعبانه مامسيطره على اي كلمة غوركت اعيونها وهيه واكفه وتشوفه كدامها يباوع لساعته ويباوعلها .. بنظراتها الحزينه دنكت هيه..تقرب هوه للباب.. حاجاها بقلق ويتمنى يعرف ليش هيج حالتها وشوحوب وجهها بس مكدر الا يحاجيها بجمود -تفضلي انسه مريم ليش متأخرة.. حجت بقهر وصوتها كوه طلع -ظروف استاذ باوعلها وشاف خوفها وجهه الاصفر صار وخفض من حده صوته -تفضلي الحمد لله مامتأخره الا دقائق كعدت وهيه تفتح جنطتها وتباوع اي اقلام ماكو حط اوراق الامتحان كبالها وشاف دموعها بللت الورقه.. اول مره تنحط بهيج موقف وبوقت هيه تعبانه بيه نفسياً ادى لانهيارها امام الكل .. دقايق وحست اتقدملها كلاص ماء وكللها ارتاحي شوي وجاوبي جاوبته بصوت هامس -ناسيه اقلامي أبتسم حس بيها هسه طفله وخايفه بين ماشربت الماي وجرت نفس وقرت كم ايه قرآنيه حطلها الاقلام رفعت راسها -شكراً استاذ تحرك من يمها ودنكت هيه تكتب الي تذكره زين وتكدر تذكر وهيه بهالحالة بعد مرور اكثر من ساعة ... العدد بالقاعة كلش قل على كد اصابع الايد الوحدة ترخص الاستاذ المراقب الثاني والمعيد الي طلب منه باهر ان هوه يبقى مكانه مركز عليها وهيه تكتب .. لمت اوراقها التفت بس هيه وطلاب ثنين كامت وتشوفه يباوعلها بنظرات حادة مدت الاوراق باوع هوه للطلاب ورجع باوعلها حجه بهمس وهوه مسك الاوراق -نص ساعه وانتظرج بالمكتبة -هزت راسها بقبول طلعت وشافت صفا والبنات واكفات تقربت منهن وكلهن استلمنها أسأله جاوبتهن وهيه تكض راسها بأيدها -على كيفجن ..راسي يأذيني دايخة.. جرتها صفا وهيه تحجي -امشي اكليلج شي وجهج اصفر لايصير بيج شي.. ليش هالقهر ياعيني اندعيلها.. وصلوا للكافتريا وراحت صفا جيب الاكل وهيه مدنكة حست انجر الكرسي حسن -بيج شي مريم قلتيني عليج باوعتله -لاسلامتك شوي تعب وارهاق .. باجر يعني تكدرين تجين .. -اي اكيد المختبر ضروري ..واشوف التطبيق شلون.. حطت صفا الصينينه بيها جاي وقطع بيتزا ابتسم حسن -وانا ماذكرتيني ليش صفا ماشفتك بالي يم مريوم كايم أجيب جاي بدت تاكل وسارحة محست الا من صفا كالت -والله عبالي استاذ باهر راح يشحتج وهوه او مادخل تعجبنه مبتسم.. باوع للقاعة ورا شوي شفنا غضب وعكد الحاجب..ويباوع للساعه كل دقيقة.. طفرت مريم اخذت قطعة بيتزا صفا -اسم الله شبيج ولج كمزتي مريم وهيه تمشي -نسييت شغلة ..خابريلي من ترديني .. تقرب حسن وهوه كاض كوب الجاي من صفا حسن -وين راحت مريم صفا وهي تاكل -شمدريني كالت عدي شغلة ..اكيد بالمكتبة كعد منزعج ومتأفف باوعت للساعه تأخرت هم عليه دخلت للمكتبة باوعت ماكو.. كعدت بالمكان الي تشوفه دوم كاعد بيه.. هوه اليوم اذا من بدايته ماارتاح بيه ..يضل يجر كله تعب واذيه وياي.. ياربي الطف بينه .. حطت الكتب والدفاتر..وفتحت الجنطة اووو نسيت حتى اطي الاقلام اله شافت قلم الجاف النيلي بكتابة ذهبي كميزة بأسم باهر ال.... أبتسمت وهي تمشي صبعها على اسمه فزت وهوه يكللها -عجبج التفتت اله اعتذر تأخرت عليك جر كرسي وكعد كبالها باهر-امممم انا هم تاخرت سلمت الاوراق وطلعتلي شغلة خفت رحتي -لا وين اروح بس اكلت شوي واذكرت -ههههه عند البطون تعمى العيون مو هيج يكولون هزت راسها بأي دنكت وتباوع -هيج عجبج القلم ..مااكد ر اكلج تستاهليه رفعت راسها باوعتله بأستغراب -لان بساطه من اخوي الله يرحمه -الله يرحمه باهر-قلقتيني مريم شبيج ..تأخير وبجي ليش.. صفنت بوجه وهيه تريد تعرف ليش مهتم بيها لهالدرجة.. باوع الها ولعيونها وصفنتها بيه .. فهمها تمتملها بكلمات * لماذا أنت ؟ لماذا أنت وحدك؟ من دون جميع النساء تغيرين هندسة حياتي وإيقاع أيامي وتتسللسن حافيةً .. إلى عالم شؤوني الصغيرة وتقفلين وراءك الباب .. ولا أعترض .. لماذا ؟ أحبِك أنت با لذا ْت وأنتقيك أنت بالذا ْت وأسمح لكِ بأن تجلسي فوق أهدابي تُـغنين ، وتدخنين ، وتلعبين الورق .. ولا أعترض . لماذا ؟ تشطبين كل الأزمنة وتوقفين حركةَ العصور وتغتالين في داخلي جميَع نساء العشيرة واحدة .. واحدة .. ولا أعترض لماذا ؟ أعطيك ، من دون جميع النساء مفاتيح ُمُدني التي لم تفتح أبوابها .. لأي طاغية ولم ترفع راياتها البيضاء .. لأية امرأة .. واطلب من جنودي أن يستقبلوك بالأناشيد والمناديل .. وأكاليل الغار .. و أبايعك . . أما َم جميع المواطنين وعلى أنغام الموسيقى ، ورنين الأجراس أميرًة مدى الحياة .. ❤️نزار قباني❤️ فتحت اعيونها بصدمه ودنكت بخجل.. .................. دار وجهه هوه هم حس بخجل بس ماكدر يكبت مشاعرة تسببله دوم خلل بتوازنه ..ينجرف يمها .. يحس بمشاعرة ثمله تترنح امامها.. وعد نفسه ان مايبين اي شي الها..بس تأخيرها اليوم وقلقه عليها وخوفه من شافها تبجي .. انهارت وعودة واستسلم لسانة وتبرأ من العقل.. حاولت توخر من ارتباكها ..حجت بتردد -ظروف بالبيت ..زوجه اخوي بيها سرطان والليله تسافر يسوولها عمليه باوعلها بأسف -الله يشافيها الج ..مو وكته كلامي مو.. دنكت ومكدرت تجاوب شاف الخجل رسمله بدايه احساسها بيه.. دك الفون سمعته ضحك وعلى واهس ضحكته ابتسم -الو اي ..كافي ولج خبصتيني ..جايه .. -دوم نختمها برنه الفون باوعتله وبدون ماتحس حجت -باجر اشوفك مو صفنت قصدي داوم ضحك هز راسه بأي -اروح اخذ الكتب الي استعاريتهم واطلع مدت ايدها اطته الاقلام أخذهن مع السلامه -مع السلامة تحركت من يمه وبين متاخذ الكتب ..دخل حسن وتقرب يمها وحجه وياها بأهتمام حسن -شلونج هسه ..وكت قراءه وانتي تعبانه اخذت الكتب -اي هسه طالعه لصفا -يله امشي اوصلج الها .. -اي بس ترا اندل انا ..وصرت زينه الحمد لله -أمشي امشي صارت زينه وجهه عبالك ليمونه ب قبل ماتطلع من الباب باوعت باتجاه باهر الي امبين على وجهه الضوجه وعدم الرضا ..................... بعد ماكعدو بالمطعم وانمدت الطاولات الرجال بالبدايه وهنه بعدين طلبوا الاكل وهيه مجانت تهتم بالاكل تركت الاختيار لنجاة.. كعدت وتباوع لعادل .. الي يباوعلها وعاكد حاجبه ..ومبين مزعوج.. ترخصت تروح تغسل.. رسللها رسالة " انتظرج بحديقة المطعم" بعد ماغسلت وكضت النقال وشافت الرسالة توجهت للحديقة وشافته كاعد على ميز يصير ركن بالحديقة .. تقربت منه وحجت طيف-خير عادل اكو شي باوعلها بأستغراب .. -انا المفروض اسألج شبيج يومين ماكو وقبلها جنتي كلشي مابيج -ماكو شي بس مرت اخوي طلع بيها سرطان ومقهورين عليها.. -امممم يعني هيج مااهمج رساله وشرحيلي بيها مثل مافهمتي البنات دنكت وحجت بعدم رضا -ماقصدي بس اعرف اذا ارسلك راح تحاول تواسيني وماحبيت ازيد همك.. -انتي لحد هسه ماتعرفين مكانتج بقلبي.. شكد حاولت ابينلج اهتمامي ..خوفي ..حبي..بس مامستوعبه -باوعتله بقهر ولمحه دمع بعيونها -انت متعرف التجربه الي مريت بيها شنو هيه -لا مااعرف ولا راح اعرف لان انتي تصعبين كلشي على نفسج وعليه خلي اتقدملج .. واعرف شلون اخليج تحسين بيه.. -حجت بجي وخوف انصدم منها وهيه تحجي بقهر وحركة لا اخاف والله اخاف تقرب مسك ايدها يحاول يهديها ويقلل من الأنهيار الي صابها وهي تحجي وتبجي ..وأذكرت .......... لتنسون المتابعه لصفحتي وضغطون⭐️ مودتي🌺 | ||||
|
| |
|
25-12-19, 11:59 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثامن عشر صباح الخيرات بارت خاص ل طيف بين شهقاتها الموجعة زفت آلماها لمسامعه طيف -أنا من صارت الحادثه لليوم احاول مااذكرها تبجي بشهكات وجعت قلبه ..شحال قلبها اعيونها والدموع غوشت الرؤيا وبدت ترجع لذيج اليله من دخلوه الها جانت مغطايه بالبرنص امها ماسكه ايدها تهديها كض ايدها ومشى بيها تسمع هوسات وكلام هواي..صعدها بالسيارة وكعد يمها ..اي كلمه مانطق.. من القاعة لبيت أهلة نزعت البرنص ودعت امها واختها وعمتها ورغدة.. حاولن يهدن خوفها.. شبكتهم ودعتهم على وعد تشوفهم باجر صعدوها للغرفة وسدو الباب.. ماسمعت شنو الهوسات هيه محتاره برجفه ايدها ..ودكات قلبها القوية الخايفة قلق من الحياة الي تنتظرها بهالغرفة.. الي أخشابها بالابيض واطراف مأطرة بالاسود .. والفرشة البيضة مبعثرين عليها ورد والقران بالنص.. والحيطان واحد وردي فاتح والبقية أبيض مطبع بذهبي... تباوع لتفاصيلها لان مختارت شي ..كلشي صار بسرعة فزت ويه مافتح الباب ..غمضت أعيونها وتحس بخطواته الي تقترب منها.. رفع الاكليل وباوعتلة شكله منزعج.. بقى دقايق صافن عليها.. بدون أي كلمه تركها وراح للشباك وخر البرده وفتح الشباك وبدة يشرب بالجكارة.. أنصدمت من تصرفه.. راحت للحمام الداخلي وبدلت وغسلت أنضافت لاحاسيسها الحيرة من جموده.. طلعت وأنا لابسة سيت النوم الابيض وشافت صينيه العشا وأخته واكفة يمه وتسولف.. باوعتلي واجتلي بوستني وتباركلي.. -يله امير تعشوا ورمشلي اجي اخذ الصينية..ولو شسوي بالعشا وعدك هالكيمر راح تتعشى بيه وغمزتله وتضحك أبتسمت بخجل دخل غسل ولبس دشداشته وطلع تقرب للصينيه وصاحلي .. كعدت مايباوعلي ياربي شبيه ... كوه اكلت لكمتين.. رمش لاخته وطلع الصينية للموزع الفوك.. دخل للغرفة طفى الاضويه وتركني ونام.. أحساسي بهالحظه كان مثل وحيده بيت جديد كلشي بيه موحش.. وهوه زاد بتصرفه خوفي خوف من الي انا بيه شلون أتصرف بهالحالة .. ندم أحس رهيب لان كلشي بأستعجال صار.. تمدد بطرف السرير ..وأفكاري تتخبط .. الصبح حسيت بيه كعدني.. -طيف كعدي كومي نتريك.. باوعتله مغسل وكاشخ بالتفتت للساعة فوك ميز المرايا تصير دائريه ومأطره بريش طاووس كأنما ب١١.. كمت غسلت وبدلت وهوه واكف يم الباب يباوعلي خلصت حطيت الشال على راسي صفن عليه تقرب باوعتله بشك خاف بيه شي - شنو شكو تقرب وحط ايده على خصري وباسني بقوة حسيت نفسي أنكطع.. وخر مني سحب كلينس مسح شفته وبده يمسح داير مداير شفتي وأنا مصدومه من تصرفة باوع عليه رفع ايده لركبتي وضغط عليها اتحت اعيوني خوف ورهبه من تصرفه صك على أسنانه وحجه -اذا سألوج اي وحده من اهلي او اهلج كولي كلشي تم ..واذا رادن خواتي وأمي النيشان كولي عده فهمتي ضغط اكثر على ركبتي هزيت راسي ودموعي نزلت هدني بدفعة ضليت أكح وابجي -كافي بجي مسحي يله وجهج يله بغضب.. باوعتله بقهر -ليش تسوي هيج شنو مسويتلك أنا ..بدايتها عنف.. دخيل الله فهمني.. أمير-بدون حجي زايد يله ..جوا خطار غسلت وجهي ورتبت نفسي ونزلنه هلهلت أخته وأجو البقية بين هوسه واحاول أرسم أبتسامة رغم الوجع الي هسه بداخلي.. قبل صلاة الظهر.. رن الحرس ..كالو اجو أهلج شوي وكف أمير بأبتسامه وصاحلي -طيوف تعالي باوعتله وانا فاتحه اعيوني شنو هالتمثيل الي يمكلة مااعرف.. دخلت أمي وأختي وبابا خطيه رحت لبابا شبكته وأبجي وهوه يمسح راسي ويبوسني براسي وتوجهت لماما ونفس الشي وتبجي وياي -والله البيت بلياج وحشه تقربت مريم وحظنتني وهيه تبتسم -بس انا ربحت الغرفه صارت بس اليه أبتسمت الها .. أمير بعدها أشرلي أكعد بصفة بس انا وين القهر بداخلي خلاني أكعد بين أمي ومريم ماما حسيتها عرفتني مامرتاحه حجت مريم خلي أنشوف غرفتج طيف -أي يله تفضلو وياي بابا بقى وصعدت أنا وياهن أمي ويه فتحت الباب تصلي على محمد وال محمد ومريوم حاضنتني بفرح أجت أمي تقربت يمي توها تريد تحجي وأنفتح الباب أمير -أنشالله الغرفه عجبتج عمه تقرب عليه وحط ايدة على كتفي.. وضغط على زنزي حيل .. دقايق ونزلنه وهوه ماهدني ابد..رادو يطلعون اهلي - ودعيهم باجر أنسافر لبغداد.. ودعتهم بدموح حزينه حايره حايفه ودي اروح وياهم ماابقى أحس انا يم شخص مرعب بالنسبة الي.. صعدت أصلي ..توضيت ولبست أحرامي وفرشت المصلاية.. فتح الباب ..وكعد على الجرباية.. خلصت صلاة ..ونزعت احرامي تقرب عليه .. ويأشر بصبعه بتوعد ..سمعي الكلام وحركاتي.. بلاها اعناد وياي ترا تشوفين شي مايرضيج.. طيف-ليش أنا من البارحه لليوم شفت شي يرضيني.. دفعني على الباب يله ننزل تغديت وصعدت أنام احتاج ارتاح .. حطيت راسي على المخده وسحبت نقالي فتحته لان جنت غالقته عودك عروس.. دخل واجالي سريع جره مني وركعه بالحايط انا كمزت وضربت صدري .. -شبيك ماتكلي ..ليش تسوي هيج.. بعدني جديده وماافهمك فهمني سايسني .. تقرب عليه وضربني راشدي فر وجهي صحت بصوت عالي -ليش ضربتني..ليش ولك..وديني لاهلي.. مااشوف الا الباب انفتح ودخلن خواته وأمه هجمن عليه هوه واكف على صفحة ويضحك هاي التضرب هاي تملخني شمرني على الجربايه .. وراحن لغراضي يبحوشن -شنو اسون شتسون فهمني ليش.. رحت عليه -وديني لاهلي ليش ازوجتني.. يضحك ميت ضحك طلعن وطلع وراهن وقفل الغرفه من برا وانا ادك بالباب -افتحها وديني لاهلي افتحها جريت نفسي ورحت للحمام اغسل وجهي الي ادمى ركبتي مخرمشه ملعوب بيه لعب بجيت على حالي ... بين التفكير الي موتني وقهري وجعي اباوع غراضي ذهبي ماكو نمت وانا كل شوي أفز.. كعدت الصبح هوه يحط ملابسي بجنطة يله امشي كومي بدلي انروح لبغداد -وكفت كتله مااروح لاي مكان وديني لاهلي.. -اي نروح لاهلج بس بالاول لبغداد يومين ونرجع -أمي وأختي ويانه -مااروح انا اخاف منكم جرني من زندي تروحين وغصبن عليج -شنو انا جاريه عدك -تكدرين تكولين هيج شي -انت واحد مريض دفعني على السرير يله خمس دقايق -بدلت وكملت.. نزلنه وهوه نزل الجنط قبلنه وحطهم بالسيارة وامه واخته قبلنه صاعدات طيف-اصعد بس وديني لاهلي..انته كلشي قبل مايبتدي امير -اي تمام صعدي صعدت ورا يم اخته لان امه كدام ومقهوره ودموعي يصبن ..على نفسي الي هانها.. على حلمي..على كسره اهلي من يشوفوني راجعتلهم.. رفعت راسي باوعلي بالمرايا مغضب التفتت للجامه هذا طريق مو طريق اهلي طريق السفر اريد افتح الباب مقفول ظليت ارافس مثل الطير المذبوح ياترى شراح يسوون بيه من كد مابجيت وصرخت وذن عبالك مايسمعن بس يكولن هيه ياربي ..ياما تحت السواهي دواهي.. صوت نحيبي ونشغات بقلبي تتكسر ..والخوف هدأت نفسي وكف السياره بالطريق وجابلي جاي ولفه ماكدرت ارفضهم ميته جوع من غدا البارحه قليل اكلت.. أكلت وهوه يباوعلي باوعتله بعيون مدمعه وحجيت وبجيت -ليش تسوي بيه هيج ماتريدني ليش ازوجت.. اهلك ليش اذوني الله يخليك جاوب وفهمني تقرب عليه ومسح دمعي -لازم بكل قصه اكو ضحيه وانتي ضحيتي باوعتله وفاتحه اعيوني -شنو راح تسوون بيه -راح تشوفين .. -الله يخليك والله مااذي احد رجعني ومااحجي شي..اريد اهلي اريد بابا هناك صرخات وتوسلات نستنجد بطيف من نحبهم ان ينقذونا من الالم ومن الحزن وصلنه لبغداد ..العصر .. وكفت السيارة يم منطقة نزلوني ودخلنه لعيادة اهنا انا تخشبت طيف -وين ماخذيني رحت الوذ بمعذبي لحظات ضعف لا اجد من استغيث به الا هو لعل في قلبه رحمه اميد وين مدخليني ليش طبيبه نسائية شبيه انا جرني وهوه يكول لتخافين ماكو شي فحص عادي جروني جر عياده فارغة استقبلتهم سستر وطبيبه رحبت بأمه وأخته اشد ترحيب ثبتوني بالسرير كوه فحصتني وطلعت الهم ونزلت رجلي وهمه يرجفن صوت شهكاتي وحصرتي وقهرتي مااكدر اكتمهن اسمعها تكول لامير ..على كيفك وياها مأذيها.. وانتي عيني امه ابنج رجال ليش شككين بيه.. ظليت متصنمه ..طلعت اباوعله بصدمه .. دموعي مابطلت ..قهر وانكسار وذل كبير حسيت بيه ياربي لطفك بقلبي رجعنه لبيت كرايبهم ..حابسيني بغرفه بس الاكل يدخلي ..واطلع للحمام يومين ودخل عليه أمير-يله امشي نرجع ..وهذا ابوج خبصني عليج احجي وياه وديري بالج كتله اوكي اطاني التلفون طلع ربم بابا اتصل واطاني اياه اجت بالي فكره راسا فصلته وكتبت بابا الحكني موتوني لا تبين انا رسلتلك شي على السريع رسلتها اله ودست اتصال وكطعته مسحت الرسالة هوه التفت الي أمير .. شسالفه - ينكطع أخذه اتصل -الو بابا مشتاقتلك وابجي ردت احجي مااكدر -أخذه وتعذر بأشتياقي وان اليوم احنه راجعين البصرة ويشوفوني وفصلة رجعنه للبصرة .. لكيت اخواني والدي بابهم فرحتي ماوسعتني .. نزلت اركض وشبكت بابا ابجي واشكي اذوني.. نزل هوه وامه واخته وطلعوا الي بالبيت وصارت هوسه الصدمه الكبرى اتهموني بشرفي وحجتهم عدهم تقرير.. دكيت ولطمت واغمى عليه ماحسيت الا انا بالمستشفى فتحت اعيوني امي كبالي تبجي دخل بابا وجهه متعوب بجيت والله بابا شريفه اصلا مامتقربلي.. كض بابا ايدي .. انتي جوهرتي ومااشك بيج..اعرفج طاهره لو شكد مااشكر ربي مااوفيه على نعمه ابوي وأخواني وكفوا وياي ورا ماطلعت من المستشفى شفت بيتنه مخبوص فوك هذا كله رادو فصل من بابا.. وصارت الكعده ابوي يدفع خمس ملايين مقابل طلاكي بجيت بحركة واحد مظلوم واذكر تعب والدي ورغم كل هذا يبتسم بوجهي.. يمكن يخفف عن سوء اختياره والي صارلي رغم ماسولفت عن العذاب والضرب .. والفحص.. من وصلنه ليوم المحكمة صار كبالي كلت لبابا من رخصتك بس شوي بس أساله ليش سووا بيه هيج توجهت اله وانا الغضب ماليني والحقد -بس احجي وياك شوي بس وضحلي ليش سويت بيه هيج ضحك ضحكته المستفزة أنتي ضحيه بيني وبين اهلي انا معروف عدهم مريض نفسي بس تحسنت صار عدي مشروعي الخاص بس مااطيهم فلوس قليله بس همه شكو بمقدرتي ورجولتي ورادوني ازوج ناس طيبين وعلى عرفهم حتى لا العب عليهم مقدرتي ثبتتها طبيبتهم.. وباكوني بذهبج وغراضج والفصل مالت أهلج.. بس انا جان ممكن اخذج واثبت رجولتي بس انتي مو ذوقي وماحبيت اكسرج واشمرج هواي لطفت بيج ضحك وراح شهالناس المنحطه ..لوين وصل بينه الزمن ياربي لحد هسه مامصدكه الحجي الي كالة انا ضحية الك اراده بيها ياربي ولا الي مريت بيه مستوعبته.. عبالك كابوس وصار بيه عادل-بس كافي طيف ..انتي جوهره ابوج وجوهرتي لاتنقهرين سامحيني لان اذيتج بكابوسج .. انشالله وياي تنسين كل شي اذاج.. مسح دموع عيوني ..ويطبطب على ايدي طيف-تأخرت هواي .. -لا امشي اوصلج للبيت اكيد نجاه اطت عذر عنه..وانا يدرون بيه طلعت بشغله ..............،،،،،،،،،،،،، رغدة💔 حظرت جنطه السفر ..باجر يسافرون من الصبح العملية على حسابهم الخاص.. تفاصيل كثيرة مجانت مركزه بيها.. كد مامركزه ..بأطفالها ..واهتمامها بيهم طلعت من غرفتها للاستقبال الكل جانو مجموعين ..يودعوها ..اهلها واهل صادق.. حتى بيت جد صادق وسن وبيبيته تباوعلهم ولمعه بعينها .. حبت لمتهم وخوفهم عليها ومواساتهم الها.. حاولو يطمنوها هيه الخوف بداخلها لا سامح الله ان تروح وماترجع.. حاولت تجمع اكبر قدر من صورهم .. بعد ماشافو تعبها كلهم انسحبو وراحو لبيوتهم.. وصادق أخذها نيمها على ايده..كان همها اطفالها تتمنى وتندعي ترجعلهم ..صاحية بين استغفارها ودعاءها نامت وهوه يتأملها .. حس بحبه الها وحب اطفاله ..❤️ لاتنسون صوتو ⭐️دوسوها حيل خاف ماتشتغل يمكم🤨 مودتي🥰 | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
العرض العادي
