جلسات نسائية خاصة / للكاتبة أم جود ، عراقية مكتملة

لامارا · 14-12-19, 02:27 PM

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

نقدم لكم رواية
جلسات نسائية خاصة
للكاتبة أم جود

قراءة ممتعة للجميع....

لامارا · 14-12-19, 02:27 PM

رابط لتحميل الرواية هنــــــــــــــــــــــا

بسم الله الرحمن الرحيم

وبالله نستعين

السلام عليكم ورحمة الله وبركاته كيف حالكم إن شاء الله دائما بخير ؟

هيَّ أرواح تجمعت ❤

كل واحده تنظر الى دواخلها حب،كره ، أمان ، خذلان ، قوة ، ضعف

هيَّ أرواح تجمعت ❤

كل واحده تنظر الى دواخلها حب،كره ،امان،خذلان،قوه ،ضعف

مساء الخير.....

عدنا والعود أحمدُ😁

قصة جديدة بشخصياتها بأسلوبها
أنشالله تكون حلوه ومميزة وأهم شي تعجبكم
والعبرة الي بيها توصللكم 🌸
النشر حسب وقتي
لكم مودتي ومحبتي❤️
أحب بالبداية أشكر صديقاتي
المقربات❤️
والغالية wasank ست وسن السعد الي تلهمني وتساعدني💐
أشكر هم صديقتي الغالية مروة 🌸المتميزة بتصاميم الاغلفة صممتلي هالغلاف❤️

https://my.w.tt/dV4pSFMsWY
أنزل البارت الاول أنشالله اما باليل او بكرا🌸
مااحب انزل مقطع مستقبلي
أقتطعت مقتطف من البارت الاول
فتحت نقالها وطلعت أسمه وهيه تبتسم ❤️أنفاسي❤️
وتذكرت قبل مايطلع
من دخلت للغرفة بعد ماسبحت
ولابسه قفطانها ..ومجففه شعرها.. الحمام يصير بصف غرفتها..
شافته وظلت تتأمله بعيونها الي كل مره تنظرله تحس بحبه يكبر داخلها ..
بكامل أناقتة كاعد كبالها قميص سمائي بيه خطوط أبيض ردن ورافعة لنصف أيدة..
وبنطرون جنز أزرق غامق ..
بتسريحة شعره شوي مرتفعه من الامام متناسقة ويه وجه المدور ..
ولحيته الخفيفة السودة ..

أبتسمتله
-ها حبيبي شنو تردين أساعدج وهوه يقترب وباسها بخدها
تحتاجين أجيبلج شي
كل شوي ياخذله بوسه وسط ضحكاتها
كأنهم طيور حب وبقفص مجموعين..يحاوطهم جو المحبة
- أطلع راح تجي سارة ..
يباوعلها بكل لهفة وحب ويحك لحيته
- مابدلي أعوفج ..
تقرب منها وهي ترجع وكاضه المشط
- لتتوكح أطلع خل الحك أكمل .. راح يجون الناس
-محاجة تسوين شي هوه أنتي بعيوني بدون شي حلوه
-بس خل أشوف وصفن بوجهها ويقترب بطئ
-شنوو تسأله بأستغراب
🌸🌸
-قربي يدكِ وضعيها على قلبي
تحسسي دقاته
وهي تشتاق لضمك🍁
ماذا فعل بي حبك
أخذني من عالمي
لعالمك🍃
بأحاسيس من الحب طوقتني روحك
أينما انظر أجد طيفك يداعبني
أدمنت الشهد الذي يكمن
في شفتيكِ
دعيني أتذوق 🌸
ولا أكتفي
فأنا مهوسٌ بكِ
🍁🍁🍁🍁🍁

لامارا · 14-12-19, 02:29 PM

الـفصل الأول*

تنبيه
راح تحسون من تقرون بغموض وكثير من الاسماء
كل قصه وكل شخصيه وكل شي راح يتوضح بتقدم البارتات
حبيت اسلوب الغموض بالبدايه وتشابك
وان الشخصيات تذكر "فلاش باك"للاحداث
أحس متعة بيها
❤️❤️❤️❤️❤️❤️❤️❤️

جلسات نسائية خاصة

بلمسات أناملها الراقية المتقنة
وهي تقوم بوضع المبخرة التي تفوح منها رائحة العود العبقة..
وبجانبها صحن كبير ابيض مزخرف بالذهبي فيه قطع الكليجة ..وأخر ذو الطابقين فيه حاملة يد فيه أكياس توزيع مذهبة كل كيس فيه مكسرات وقطع شوكلاة..
وقطع الكيك ..والصحون البيضاء
وعلبه تقديم الجكليت المذهبة .. وقلب كبير أبيض وكأن سهم بالون الذهبي أخترقه وأسم ❤️سمر ومحمد❤️ على أطراف السهم ❤️موضوع على المفرش الترتر الذهبي الجميل.. الذي يغطي كامل الطاولة
كل لوازم التقديم مختارة بدقة..
دليل على ذوق صاحبة المكان..
كالفراشة تتنقل ..
ويتمايل شعر ها المفتوح بلون القهوه كعيناها الجميلتين..
ليضرب مع بياض وجهها واستدارته لوحة خالقها اعطاها لمسات انثويه بريئة محبوبة..
وشفتاها الناعمتين ..سلسلة ذهبية تزين رقبتها ناصعة البياض بأسمها❤️ مريم❤️ مزخرف بحرفية جميلة..
بكل حب تُحظر كل لوازم حفلة سبعة أخوها الثاني محمد ..الذي مر أسبوع على زواجه..
يرن الجرس معلن عن قدوم أول المحتفلين
من صوت هلهولتها الرنان عرفتها هاي فرح وخالتها أم علاء وجناينها..
من باب المطبخ دخلو وأستقبلتهم أم محمد
-هلا فروحه خالاتي هلا
-الله يديم افراحج خاله وين العروس
اريد ادبج دبج واكسر الكاشيه هو هو
وتردح وطفر
-فدوه لقلبج يوم نهوس بعرسج
قفرح-مااضن خاله اختج تعتقني تريدني ابقى يمها مستعزه بيه
ماادري الزلم عميان عني ..
بعدها تريد تحجي كفختها أمها بعد ماسلمت على أختها
أم علاء-شوفي السانها يهو يكدرلها
يارب دوم لمه خير ويهني ابنج ويرزقة بالولد الصالح ويفرحج بطيوفه..
جرت حسره مختنقه
- اوووف يااختي الله يهديها هالبنيه
مااعرف حظها ليش هيج هالبنية
أم علاء-الله كريم حبيبتي ويوم تخرج مريومة وينها شعجب مااجت تركض على صوت هلهوله فروحة
-بالاستقبال ترتب بميز السبعة
دخلت ويشوفوها
بفستانها الذهبي القصير وبوليره خفيفة..
مريم -هياتني خالتو جبتي سيرة القط وهاي جا انط هههه
أم علاء-فدوه رحت لبزونتنه يوم تخرجج حبيبتي
وأشوفج عروسة
فرح كعادتها المرحة
-وانا ماتردين تشوفيني عروسه لو بس دوم محموسه من ورا الكراب
مريم-ههههه يمه هيج وتعرسين ونرجعلج وكفاتج بكل عرس ومناسبة..

-والله الظاهر لو ترجعون وكفاتي فلوس احسن امي متعرسني
كفختها امها مره ثانيه
أم علاء -ايا معزايه بناتيش يطالبن برجل جليله حيا
ماكو مستحى
فرح-شلون بمانع عبالك انا دواس وميبستها عليه
-هههههه وربي اموت عليكم
رغدة-هلا خاله نور البيت
صوت نسائي معروف.. زوجة أخوهم الكبير صادق..بأبتسامتها المعتادين رؤيتها بوجهها البشوش..ونفسها الكريمه السمحة
بناتها الصغار يتقدمن امهن بفساتينهن الورديات منفوشات
رنا ذات ال١٠سنوات
وطيبة ذات ٨سنوات
باقر الي شايلته ذو ٣ سنوات
-هلا خالاتي رغده بعد روحي شلونج شخبارج
كرار شلون
-الحمد لله ظل بالبيت يم ابوه بعد صار عودك شاب ميصير يحظر حفلات بنات
وعمي والولد راحو يمهم
-حبيبي الله يحفظه يمه توه ١٣سنه
مراهق هسه يظل يتعبج
-اي والله خالة بس الحمد لله ابوه يعلمه
-بالي يمج بعد الي سمعناه هاي ليش هيج تسوي بيج
نظرت لها بعيونها مليانه حزن وقهر تحاول تبتلع عبرتها ويطلع الكلام
-الحمد لله على كل حال حسبي الله ونعم الوكيل عليها
بعد صار الي صار انشالله اسولفلج بعدين
........
بعد مرور نصف ساعة
أصوات كعب نسائي تعرب عن نزول
العروسة بقفطانها الاحمر الراقي بأطرافه المزخرف بالذهبي والكرستال
وتموجات شعرها الأشقر الرمادي تاج ذهبي بسيط
ومكياج هادىء عيناها الجوزيتان مكتحله بمهارة
ووجنتاها الورديتين وشفتاها بلون الكرز
وقمحية بشرتها التي أسرت قلب عاشقها
-ديري بالج سمر لتوكعين
صوت سارة مملوء بالحنيه والخوف على أختها الصغيرة وهي تشوفها سعيدة ويه زوجها وبحياتها الجديدة
تتلو المعوذات ليحفظ الله أختها ويديم سعادتها
التفتت لأختها سارة بعد ماوصلت لنهايه الدرج وهيه تتنفس سريع هسه أكيد ماما وزينب وخالاتي أجو
صوت أجاها
زينب-بنت الحلال بذكري أجيت
التفتت فرحانه لشوفة أختها واكفه بنص المشاي وهيه تقترب منهن
زينب-صلاوات على محمد وال محمد
شهالجمال شهالاناقة
عين البارده الف الف مبروك
بوستها بكل شوق
-حبيبتي تتهنين ونشوف بحظنج الولد
هيه متعودة على كلمات الاطراء من أختها الصغيرة زينب الي دوم ساندها وتطيها الثقة
-يله ماما كاعده تسلم على النسوان أنا دخلت من باب المطبخ

لكيت عمتهم وبنات قرايبهم يصفون المي ونسوان والاستقبال متروس
التفتت زينب لسارة
هاي شطالعة عمي ياكل الماروني ويشرب
تعالي وياي بهاي الغرفه أنزع الكاب ورتبيني
دخلو لغرفة ام محمد ..و سمر أخذتها أقدامها للاستقبال كانت الباب مفتوحة ويه خفقات قلبها وضجيج سوالف الحاظرات تحاول ترفع صوتها بس الخجل خله سلامها يكاد ان يسمع من شده خجلها وقلقها
السلام عليكم
نقذتها فروحة الي أنتبهتلها اول مدخلت ..وشافت ترددها وخجلها.. بجهاز المكبرة لان هيه الملاية
وعليكم السلام ورحمة الله وبركاتة
اللهم صل على محمد وال محمد
فرح -كلللووووووششششششش
حديقتنه زهرت صبح ورد بيها
جنها ورد والعباس
باوعت لامها الي كاعدة بصف المكان المخصص الها تريد تروح تركض وترتمي بحظنها من شدة اشتياقها ..
لكن تقربت منها عمتها أم زوجها وهي تبوسها وصلي على محمد..
بدت اتسلم على كل الموجودات وتتعرف عليهن بمساعدة عمتها..
وصلت لخالتها أمل بوستها واطتها هديه بعلبك صغيرة
وخالتها بتول اطتها ظرف..
عبرتهم وتشوف نفسها
تقربت بأنزعاج ودها لو متحتك بهالانسانه من بعد الي سوته بحفلة العرس
بت عمة وهيه تشوفها متأنقة بفستانها الأخضر
بوستها أحتراماً للموجودين وعمتها وحبت تستفزها
سمر-هلابيج زهور مو
-اي انا زهور شلون تنسيني وانا الضلعة مالت محمد اريد اشوفه بعدين نرجع سوالفنه كبل أبتسمت أبتسامه مكر
باوعتلها بصدمه وحقد
سمر- اي انشالله واتمنى زوجج يكون موجود
عبرتها وهيه تلعن بيها بقلبها
خلت ذيج تاكل بنفسها وتحاول تفكر شلون تضوجها مره ثانيه
تقربت من أمها وهي تحظنها وتبوسها مثل الطفلة
كعدت بصف أمها وتحظن بيها كل شوي..
رفعت راسها وتشوف خواتها سارة وزينب
دخلو بكامل أناقتهم..
صلو على أحمد يالسامعينه ..نوره تشعشع بأرض المدينه..صلو على أحمد
صوت فرح وهي تنشد أجمل الموشحات
أبتهالات المولود والهوسات خلة الاستقبال يضج بالهلاهل والتصفيق
تعرب عن الفرح..ام محمد تهوس وبأيدها مرش ماي ورد الذهبي ..فرحانه بابنها ولمه أحباب..
بعد ساعة..
ختمت فروحة المجلس وبدت غادة ومريم
وبنات عمتهن يوزعون العصاير والكيك وأكياس التوزيع والمي
فروحة -سمر مكافي تحظنين امج شخليتي لمحمد وتغمزلها
خجلت سمر دنكت وسط ضحكات الموجودين
فتحت نقالها وطلعت أسمه وهيه تبتسم
❤️أنفاسي❤️
وتذكرت قبل مايطلع
من دخلت للغرفة بعد ماسبحت
ولابسه قفطانها ..ومجففه شعرها..
شافته وظلت تتأمله بعيونها الي كل مره تنظرله تحس بحبه يكبر داخلها ..

بكامل أناقتة كاعد كبالها قميص سمائي بيه خطوط أبيض ردن ورافعة لنصف أيدة
وبنطرون جنز أزرق غامق ..بتسريحة شعره شوي مرتفعه من الامام متناسقة ويه وجه المدور ..ولحيته الخفيفة السودة ..
أبتسمتله
محمد-ها حبيبي شنو تردين أساعدج وهوه يقترب وباسها بخدها
تحتاجين أجيبلج شي
كل شوي ياخذله بوسه وسط ضحكاتها
كأنهم طيور حب وبقفص مجموعين..يحاوطهم جو المحبة
سمر- أطلع راح تجي سارة ..
يباوعلها بكل لهفة وحب ويحك لحيته
- مابدلي أعوفج ..
تقرب منها وهي ترجع وكاضه المشط
- لتتوكح أطلع خل الحك أكمل .. راح يجون الناس
-محاجة تسوين شي هوه أنتي بعيوني بدون شي حلوه
-بس خل أشوف وصفن بوجهها ويقترب بطئ
-شنوو تسأله بأستغراب
🌸🌸
-قربي يدكِ وضعيها على قلبي
تحسسي دقاته
وهي تشتاق لضمك🍁
ماذا فعل بي حبك
أخذني من عالمي
لعالمك🍃
بأحاسيس من الحب طوقتني روحك
أينما انظر أجد طيفك يداعبني
أدمنت الشهد الذي يكمن
في شفتيكِ
دعيني أتذوق 🌸
ولا أكتفي
فأنا مهوسٌ بكِ
🍁🍁🍁🍁🍁
أبتعد وهوه يزفر أنفاسه الملتهبه قريب منها ويباوع على شفايفها
الي بالون الاحمر صارو بعد ما ألتهمهم
تحمم حتى يطلع صوته
بعد ماكال بصوت ناصي اجت مفرقه الجماعة وهادمه اللذات
عله صوته
-أي لحظه لحظه
ضحكت سمر ودفعته وتوجهت للباب تفتحة
وهوه يرش العطر
🌿🌿🌿🌿🌿
فزت من صفنتها وأمها تحط ايدها على جتفها
-وين صفنتي يا حلوه
أبتسمت وأحاسيس الحب داعبت جواتها
وهيه تكل لامها أكيد بيه
ماما انا هواي أحبه
وباوعت لنقالها
وكتبتلة رسالة
❤️حبيبي ترا خلص المولود وأكثر المعزومات راحو❤️
جاوبها
حبيبتي أنتي شوي ونجي
أكثر المتواجدات راحو
بعدها
دخلت بفستانها نقشته مثل جلد النمر والحزام الاحمر وشعرها العسلي مفتوح
وجها المدور الابيض وعينونها العسلي الغامق ..
طيف-السلام عليكم
بدت تسلم على ام وخالات سمر وخالتها ام علاء
وخالتها الكبيرة ام حيدر وبنات عمها وعماتها
كعدت يم عمتها وسن ..الي تعب الخمسين سنة واضح بوجهها الاسمر المدور وعيونها السود كبار و شخصيتها القوية المسيطرة كعادتها بحكم هية مديرة مدرسة ابتدائية كثيرة الانتقادات والاراء
وسن-ليش ما حظرتي المولود
-عمه تعبانه ممتعوده على دوام وكلت لماما خليني نايمة .
أخذت قطعة كيك وعصير
وسن -الي صارلج لازم ما يخليج تبتعدين عن الناس دام ابوج واخوانج سانديج لتنزلين راسج وتنقهرين
أنعصر قلبها وكل ماتحاول تنسى الي مرت بيه تسمع كلام يذكرها
هزت راسها تحاول تبعد الذكريات المؤلمة الي مجابتلها غير وجع لقلبها وروحها
اكتفت بالسكوت التام
وشربت العصير البارد بلكي تطفى الحركة بداخلها
وسن-مااعرف على شنو هنوب حفلة السبعة
انصدمو الموجودين من كلامها
هيه معروفه بأستفزازيه المقابل
وردت ام محمد
-حتى نفرح بجنتنه الحلوه ولمة الحبايب
-اي انتي بالمناسبات دومج سباقة ..
ام سمر اغتاضت ..بس مردت عليها
.طلعت علبة بيها سلسه ناعمه عين زركة وتراجي وسوار
-بوستها بيضتي وجهنه ماماتي هاي مني ومن خواتج وابوج ..الله يسعدج ويعلي بختج
وهذا الظرف من أخوانج رسلوهم
مهنايه حبيبة قلبي
تحت أنظار ناس تتمنى السعادة للعروس وناس تتمنى فقط لنفسهم الفرح
زهور -هدية زواجكم اطيتها لحمودي..
تباوعلها بنظرات غيرة مفترسة
تجاهلت سمر الكلام
مريم وتعرف ليش زهور تحاول تأذي سمر
هيه تعرف دواخل بنات عمامها
وعماتها..
وجهت نظرها لزهور
مريم-زهور شخبار غسان بعدكم مشاكل أنتي وياه وزعلانه
-لا شلونج اصلاً ميكدر بدوني بس زعل احباب وراضاني بهالمحبس شوفي
-امممم حلو ديري بالج عليه وعلى ابنج
انعقج وجهها وضاجت شلون مريم فشلتها
ام سمر -التقدير مو بالحاجات وهدايا بكلمات حلوه معاملة طيبه بين الطرفين
أحترم وتمشي الحياة الزوجية..
زوجج شكد مدلليه وتعلميه عليج وتحترميه راح ميكدر على بعدج
والزعل الهواي يولد الجفا
وسن-أنا مرتاحة لارجل يزعل اراضيه وادور راحته وهالدوخة راس ههههه
حجتها حتى تبين الهم ما ضايجة لان هيه عانس وتعلمت من جاوزت الثلاثين
على كلمات الشفقة
عانس وخطية ..
تعايشت مع واقعها لان محد يحس بالي هيه بيه..وأثار نهوه أبن عمها وتقاليدهم القديمة حفرت قهر وجروح بروحها متنتهي..
أم حيدر -اي والله انا شحصلت من الرجل طلكني وانا حامل وربيت ابني وكبرته بمي اعيوني وتاليها..أختنكت امتلىء داخلها بالعبرات..
عيونها دمعت دموع هموم تحرك واختها ام محمد تقربت بكلاص المي ذكري الله ام حيدر شسوين هاي الدنيا
نتعب بيها ونربي ومرايدين بس رضا الله علينه
والا الناس مترضى ومتقدر التعب ..
وكفت فرح ومريم يحاولون يهدوها لان بس الي يعرف ام حيدر راح يعذر دموعها..
فروحة -يله خالة ام حيدر امشي ويانه اليوم
ونطلع بس انا وياج وانعل ابو الرجل وسيرة الركالة ..مجاينه من وراهم الا الهم
أخخخ تحك راسها بعد ماحصلتلها كفخة من مريومة
-باع هاي حصليلج هسه واحد بعدين نعليهم
-اي والله
شاورتها بهمس شرايج اجيج للكلية وبلكي احصلي واحد صاك
-هوه لو أكو واحد صاك جان حصلت لنفسي
هالمره الي انكفخت مريومه من امها
مريم -اخخخ اخخخخ نبع الحنان شدعوه عليج
هاي انتي لان محصله واحد صاك قلبج بارد
ههههه
-ولي منا يله هاي هسه صارت بس جلسه نسوان مزوجة
مريومه حاجت عمتها وتلامض بعيونها
-وسن كومي عيب كاعدة لاتنحرفين
وترحين لابوي تعال دورلي
شالت الكوشاية شمرتها وركضت مريومه
تطلع من الاستقبال
وراها فرح تكلها أنتظريني شبعت كفخ..
وسن التفتت لرغد الي كاعدة توكل بأبنها باقر..
-ارتاحيتي من خبصتيها ..كنالج انتظري أحنه نحلها
.....
يتبع
لتنسون اضغطون⭐️

لامارا · 25-12-19, 03:50 PM

الـفصل الثاني*

صباح الخيرات🌺
مودتي ومحبتي❤️

لنفسي أريد أن أهنأها
بأنها تتعايش مع أنفس
لايحتمل أذيتها
حتى الحجر💔

وسن التفتت لرغد الي كاعدة توكل بأبنها باقر..
-ارتاحيتي من خبصتيها ..كنالج انتظري أحنه نحلها
باوعتلها والي بداخلها مينوصف ..معقولة متحس بالوجع الي بداخلها شلون تريدها تصرف ..وهيه تشوف وحده تريد تاخذ قلبها ..هوه بالنسبه الها قلبها النابض مو فقط زوج وابو جهالها..
سكتت لان الوكت واهل سمر موجودين صعبة تتفشى أسرار بيوتهم..
رسمت ابتسامة تحدي ..تعرف الكلام راح يوصلهم ..
حجت بصوت ناصي بعد ماباوعت اتجاه ام سمر وبناتها ملتهيات يحجن بيناتهن..
حسبي الله ونعم الوكيل عليها من مرة متخاف الله ..انشالله تبتعد عني وتكفيني شرها..هيه جابت الاذيه لنفسها ..
جرت نفس والنغزات بقلبها زيد سكتت لان مهما حجت وكالت وجعها هيه الي تحس بيه مو المقابل ..أستمرت توكل بأبنها
وسن أغتاضت لان الحجي يمس بنت أختها متقبل وهي تعرف بقراره نفسها بت أختها الغلطانه..
ام محمد وتحاول تغير الوضع لان تعرف بوسن والي تريدة
حجت بصوت عالي وهيه تباوع لام سمر
-ام سمر شلونهم الولد انشالله بخير ..
ام سمر -الحمد لله والله بخير خابروني اليوم ثلج يمهم
وسن بأبتسامه مستفزه
-بس صعبة عافوكم انتي والبنات وابوهم وحدكم..
ام سمر -ربيتهم وكبرتهم وكتلهم امنو انتم مستقبلكم..اهنا كعدو كم سنه لا شغله ولا تعيين سحبهم خالهم لالمانيا ..هسه عدهم شغلهم الخاص ويرسلونه الي قاسمه الله ومستورين والحمد لله
زنوبة مزوجة..
وسارة أنشالله تجي قسمتها وأفرح بيها🌿
أخذت نفس تحاول تهدي نفسها متعرف ليش بيت عم محمد لهدرجه يضايقون منهم
وبكل لقاء اكو حجي مبطن أكيد الايام كفيلة تبين كلشي..
رن مبايل خالتها أمل
والتفتت لام سمر
-يله أجو علينه يله ترحين ويانه نوصلج بطريقنه لو تبقين
كان ودلها تبقى أكثر بس الي حسته ماارتاحت من بيت عمهم ..كامت
وبوجه مبتسم
-اي يله نروح أبو سمر لوحده
أم علاء -أحنه هم نروح
التفتت لجناينها وكلتلهن
يله كومن
دخلت فروحة ورافعه رداناتها ومعصبة راسها وكاضة كيس الزبل
وراها طبت مريم
ام علاء مصدومه والضحكه بوجهها
هاي ولج شمسويه يله أمشي
-اعرفج تعرفيني واروح وياج
روحي ماعدج بت اسمها فروحة تحجي وتتلامض بعيونها
باجر جمعة واريد ابقى يم مريومة..اريد اشبع نوم ونسه
بعد ماطلعو من الاستقبال وتوصيلهم لباب الخارجي ام محمد وسمر وراهم ودعوهم
رجعو سمر وأم محمد للاستقبال
البنات طيف ومريومة ورغدة يعزلون بالغراض
وسن -أنا اروح أصلي ..التفتت لوسن مهنايه يوم نتباركلج بالولد ..
طلعت وتوجهت نحو المطبخ لان بيوتهم بينهن باب مشترك من جهه المطبخ ..
دخلت وتشوف فروحة تغسل بالمواعين
وصاحت بدون متلتفت
-والله الي تجيب ماعون بعد هيه تغسله
وليه خو مو وليه ادري مستغليني
صوتياً ويدوياً
ضحكت وسن بصوت عالي..
-انشالله الله يطيج مرادج ونشوفج عروسه
باوعتلها فرح وضحكت
- هههههه وافشلتاه عبالي البنات
اليوم يهي تكلي عروسه وعروسه والعريس ادري حتى لو على سلحفاه جان وصل
على كثر هالدعوات
بس يجوز وكع بحفرة وتكسر وحصانه اطين
وهدومه خطيه قابله عمي اغسلهم اله بس يجي
التفتت يمنى ويسرى وايدها على حلكها
-همزين ست الحبايب ماكو جان اجتني الكفخه
فتحت وسن الباب وطلعت وهيه تضحك على سوالف فروحه
دخلت بعدها مريومه تضحك
-ولج خبصتينه خبص ..صوتج اجه ابوي وأخواني
باوعتلها بصدمه ومستحيه
- بس لا سمعوني والله فشله
-لتخافين توهم طبو بالاستقبال
مدت راسها رغده يله أنا اروح بيباي فروحة
أجه صادق
-الله وياج أم كرور الوردة
مريومه - أبقي على العشا
رغدة-لا جايب ويه عمي لفات من نوصل للبيت نتعشى
بيباي
صرخت فرح بفرحه يااااااااااااي وصفك
مريم -ولج شبيج اخرفيتي
فرح-لا جبحج بعدني مافقدت عقلي وحبيت من أحب أخرف ههههه
ضحكت مريومه
-والله عليج منطق وتصريحات
فرح-ولج اتخيلي لفات ماكو ماعيين نغسل طفي الكلوب
حتى ينسون اكو مطبخ ههههههه
باست مريم ايدها وجه وكفا وحطتها على كصتها
-الله يثبت العقل والدين
————————
بعد الساعة الحاديه عشر
الكل مجموعين
محمد كام وهوه يجر سمر هوه يضحك وهيه تبتسم بخجل
-يله كومي لزكتي مشايفتهن راح تشبعين منهن
فرح-يا أبقو كاعدين والله قاهرينه قصدي مونسينه ..ماتخافون الله متكولون اكو ناس حدايق
محمد دنك شال الكوشاية وشمرها عليها
هوه انتي لو حصلتي واحد الا اشمر عليج وافشخج عشر حجارات
ضحكت مريم -عوف سمر خطيه وأصعد خليها
صارلنه اسبوع مكاعده يمنه هيج وكت
محمد-حاسدين الميت على موتته الجمعه

أم محمد ..روحوا يمه هسه تجر بيها بعد جم يوم هيه تركض وراك تريدك يمها
محمد -أحم هذا بسمار للوالد
ام محمد-لا هاي سنه الحياة..مو صاير لوتي تريد تحجي ابوك عليه
ابو محمد-ولك انا قابل مثلك مااضيع وكتي غمزله وضحك..
وحجه بهمس ويه ام محمد لتبتسم بخجل
طلع راح لغرفته
كامت أم محمد ورا وهيه تثاوب
-تصبحون على خير ...مو تسهرن للصبح انتن الثنين تباوع لفرح ومريم
ردو عليها وأنتي من أهله
باوع على مرته وطك كصته
شفتي الوالد والله ميفوت شي
خله مرته ميته بخجلها وذن بس يضحكن
————-
بعد ما سكن الليل
وأصبح يبث السكينة
يكون فراشاً مريحاً ليسترسل النوم للبعض
او يهدىء أوجاع بعض البشر
والبعض يكون ملم بدموعهم كأنما يعزف ليذكرهم بما يوجعهم
وربما يكون
جامع كل أثنين بالحب
أو ربما تحت سقف أنها الحياة

سمر&محمد ——————
الليل يشدني اليك
لاريك مافعلت بي أشواقي النهارية
لاعرب لك كم أن قلبي يعشق
تفاصيلك الانثوية........

حطت أيدها على خدها مثبته راسها
وهيه تشوفه نايم صافنه بوجهه
صحيح هسه هيه متمدده يمه وتباوعله وقبل شوي الي صار بينهم هوه توقيع وأثبات ملكيه لحبهم ..
تلمست رموشه وشفايفه وشعره النازل على جبينه
طبعت بوسه بخفه على شفته ..وكالت بهمس كأنما تخاطب أحاسيسها أحبه
قلبها ينبض بشغف ..بحب ..
أسبوع كامل وكل مره تحمد الله من تفتح اعيونها وهوه يمها
أكبر أمنياتها كان هوه
وتحققت ..
غطت وجهها بالجرجف وهيه تذكر بسعاده غامرة أول مره تنتبهله......

كاعدة بالسيارة مالت الخط بعد ماخلص الدوام تعب وأرهاق شمس حارة..شغلها متعب بالمحافظة على الحاسبه أدخال بيانات يحتاجلها تركيز
مدنكه اريد أطلع نقالي وسمعت صوت صديقتي
سجى -سمر شوفي هذا بالسياره السودا
وخرت المناظر وباوعتله
حسيت انتبه انا شفته شغل السياره وراح..
أبتسمت واسترسل النوم بعيونها ..

ولكن لدى البعض النوم جافاهم
—————
بالغرفة المقابيلهم
أصوات ضحكاتهن مره همس مره يعلى
فرح -الله عليج مريوم أريد اجي للكليه وياج
شالت مريم مرطب ليلي وخلت لوجهها وتباوع للمرايا
مريم -شسوين تجين انا وحده بين بحوثي ودراستي غاطه
بضحكه وبصوت ناصي حتى لا تسمعها طيف
-اريد اشوف ليش لهسه مامكبله
باوعتلها مريوم بضجر ماادور هيج شغلات
فرح-ولج شبيج سولفيلي كم واحد اجه فات عليج
تقربت منها مريم وكعدت على جربايتها دنكت عليها كفختها وهيه تضحك
-شنو فات عليه قابل همه شنو
فرح-أهو سولفي ولج راح تخلص مرحله ثانية وانتي وبعدج
حطت راسها على المخدة
-والله ماكو واحد لهسه نال أعجابي
حطت راسها على المخده وتغطت ودارت على فرح فارشتلها فراش بالارض ونايمه بنص أسرتهن
كعدت فرح وبصوت ناصي
-شخبار طيف بعدها مانست الصار
مريم-لا الحمد لله أحسن ربج مكطع
أطلكت منا وخلصنه من هالغمة..
وتعينت منا وصارلها أسبوع ملتهيه بالدوام..
ومنذكر شي عن موضوعها بلكي تنسى
كل هالكلام كان يصل لمسامعها
وأعيونها تصب دمع..ويه كل دمعه بيها صورة لحياتها ..وين جانت وين وكعت
بداخلها تحاجي أختها متريد منهم شفقى ..ونظرة العطف والقهر الي بعيونهم عليها..كافي الي مرت بيه..
طيف -شأنسى مريومة شأنسى الك بيها أراده ياربي ..
أنا المدلله صار بيه هيج..السكوت طبعي تحول..والدموع سلوى ليلي..ولولا حبوب المنوم الي يخلوني غصب أنام وانا أتذكر
الصور تتخاطف كبالي..
طولة هيبته ..هلاهل ..بدلتي..ضرب ..
غمضت أعيوني أحاول أوشلهم من الدمع
وتذكرت......
خليت قطع البتي فور والجاي مثل متحبه ام سنا صديقة ماما
قبل ربع ساعة أجت
ورحت للاستقبال
دخلت وشفتها قبالي لابسه جبه نيلي وحجاب سمائي ..هيه ضعيفة
طيق -شلونج خالة شخبارج
خلت الصينيه كبالها وبوستها
أجيت أطلع
-لا خالة تعالي كعدي ويانه عدي موضوع وياج كدام أمج
كعدت بصفها
-تفضلي خاله
خاطت الجاي وأخذت قطعه بتي فور أكلتها وشربت الجاي ..
وباوعتلي بتركيز
-أنتي حبيبتي تخرجتي وبعد ماعدج مانع اذا اجاج عريس كامل المواصفات
جنتي ترفضين لان درسين
طيف -اي خاله انا رأيي بعد رأي بابا واخواني هسه بس اهم شي كتلهم اتعين..
-يا صديقتي نضال امج مالحكت عليها ..أمج عافت الدوام ورا السقوط علمودكم ..وماشافتها ..
شلون ناس الله يستر عليهم ..حلوين وهم حالتهم الماديه جيدة جداً
أبتسمت وكتلها بكيف أهلي
ترخصت وكمت..
بعدها بأسبوع ..جنت كاعده انا ومريوم أباوع مسلسل ..
دخلت ماما تبتسم كأن بداخلها كلام
-شنو ماما خيرج
-باجر ام سنا تجيب المره وابنها حتى تشوفيه وانشالله بيها خير..
-دنكت بخجل لان انحرجت ..
-شرايج
-الي تشوفوه مناسب اليه سوه ..

قلبي يخفق قوي ..عرك وجهي ..اطرافي افركهم احاول اهديهم..
أجو قبل نص ساعة ..ولازم أقدملهم العصير حتى يشوفني وأشوفه
اريد أخذ صينية العصير راني ويمها كلاصات..
صاحتلي ماما يم باب الاستقبال جانت كاعدة يمهم طيف تعالي..
مشيت وصارت قبالي المرايا باوعت لنفسي لاخر مرة..
فستان وردي وصخ وعلى الخصر حزام أبيض وحجاب أبيض مكياجي جداً خفيف وحمره ورديه..راضيه عن شكلي والحمد لله..
دخلت واحس الصينيه تتراجف اباوع للعصير داخل البطالة يتهزهز ..الطريق للطاوله احسه بعيد
كلت السلام عليكم ..ردو وعليكم السلام
من بينهم صوت رجالي خشن
رفعت راسي وشفته ..
شاب جسمه مرتب باوعت لوجه وانا اخلي العصير قمحي عيون كبار سود جداً وسيم وشكلة يجذب
ياريت ماانعجبت بيه
بهالحظه أنقطعت أفكارها بده مفعول المنوم وتنام...
مودتي ومحبتي
لتنسون ⭐️

لامارا · 25-12-19, 08:47 PM

الفصل الثالث

صباح الخيرات
كل عام وانتم بالف خير

🌷🌹🌷🌹🌷🌹🌷🌹🌷🌹🌷🌹🌹

رغدة &صادق
الله أكبر بعثت في ذلك القلب
المتألم طمئنينه وسكينة
فتحت عيونها وهي تحس بحرقتهما ..على صوت تكبيرات أذان الفجر..
كانت مسندة راسها على الارجوحه مفروشه بمندر اسفنج وردي وسمائي ..
في الحديقة بيتها الصغيرة على الجهه اليمين من الباب الرئيسيه..
وأشجار الياس والتكي تحيطها حيث أسترسل النوم قليلاً ليهدىء تفكيرها ..
ويريح عيونها بعد دموع كثيرة تحمل وجع مابداخلها..
نزلت رجليها لتضعهم على الحشائش وقفت لترفع يديها بالدعاء ..
وهواء الفجر يداعب شعرها وجلدها و أحاسيسها...
ربي أنت تعلم مابداخلي فوضت أمري اليك..أبعد ياربي أذيتها عني وعن بيتي..
ربي رده لي حبيباً واحفظه الي ولاطفالي..
دخلت للبيت من باب المطبخ ..توضت ..وفرشت سجادتها بالاستقبال ..
لتكون بيدي الرحمن الرحيم ..
خلصت صلاتها وسجدت وهيه تشكي همها للي ميمل من سماعها..
للي يهدي روحها..
للي قادر على كل شي..
معقوله ترجعله وتصحي الحب الي بداخله الها..
وتخليه يتخلى عن كلشي ..
هيه أكثر وحده تعرف شكد يحبها..
تذكر من...
نزلت اجر بنفسي جر مصخنه البارحه وكوه درست عدي امتحان فيزيا وصعب ومااكدر ماروح ثالث متوسط ..
اوف يمتى أخلص وارتاح..
صوت أمي تصيح عليه من المطبخ
-رغده ماما تعالي تريكي حتى اطيج علاجج
لا تتخربطين بالمدرسة
توجهتلها.. دخلت المطبخ وامي متشيله بشيله بيضه ولابسه دشداشه قديفه زيتوني نقشه النمر...الدنيا باردة شهر ال١٢
وكاعده يم الصوبه والجاي عليها وجدر بيه ماي وبيض مسلوك..
-صباح الخير ماما..
كعدت يم صينيه الريوك بالكاع جبن مثلثات وجاي وحليب مثل مااحبهم
وكرصة خبز..
-ماتردين بيض سلك
رغدة-لا ماما تلعب نفسي بلاعيمي واعظامي أحسهم يوجعني
-جبري نفسج واطيج حبايه
كوه جبرت نفسي اكلت شوي ..
-يمه رغده فتحت صيدليه البيت محطوطه يم الكاونتر المطبخ المعلك
مدت ايدها بيها حبايه flo out فلو اوت وكلاص مي يله يمه شربيها

أخذتهم منها وحطيت الحبايه وشربت الماي كوه بلعتها يمكن بلاعيمي ملتهبات..
-مشافايه بنيتي..يله روحي لتتاخرين
تردين اكعد أخوج سيف يوصلج ..
رغدة-لا هسه اروح خطيه اجه البارحه من الجيش تعبان ..خليه يشبع نوم
وصلت للمدرسه..
اول درس امتحان الحمد لله الاسئله زينه
والدرس الثاني اخذناه وعيوني تقفل من الصخونة
يجون البنات يمي يسولفون بالفرصة وانا خاله راسي على الرحله
أريد الدوام يخلص صار شطوله واروح للفراش..
طلعت وكوه أحرك رجليه همزين خلص الدوام اول خطوتين يم باب المدرسه..وغوشت أعيوني ودخت..
حسيت صديقتي سجى كضتني
وتمشي بيه وتحجي وياي وانا بين بوعي واللاوعي ما اركز شنو تكول ..
كعدتني على الرصيف غسلت وجهي أسمع صوت اختها ضحى وبت عمهن هالة بالثاني متوسط..
وصوت رجولي غمضت اعيوني حيل ..رفعت راسي ..وفتحتهم وشفته..
اسمراني اعيونه سود حلوات يحجي بس مامفتهمه شي..
بين الدوخه وسارحة بوجهه ..غمضت عيوني..
ايد خشنه احسها تضرب بوجهي..
فتحو الجنكال ورخت شده الحجاب كان الحجاب ابيض مثلث كبير ونشده من يم الرقبه بجنكاال ..
تنفست ..
فتحت اعيوني سجى كبالي وهوه وراها يباوعلي بتركيز
سجى -يله رغدة كومي نوصلج للبيت هذا ابن خالي صادق يوصلنه مو غريب..
مو بوضع أن ارفض كمت وسندتني
هوه و ضحى وبت بت عمته بصفه يسولف وياها ويضحك
فتحت الباب سجى كعدتني وكعدت بصفي صرت بالنص وهاله بصفي تصير وراه ..وضحى كاعده كدام..
يباوعلها بالمرايه
حبيت نظره اعيونه الها..مثل الطفل من يباوع لشي يحبه وتلمع أعيونه بفرح..
سجى اكثر من مره سولفت ان هوه يريدها بس يخلص جامعه ويتعين يخطبها وهوه بعدله سنتين ..ومستقبلاً يزوجون
وصلنه لبيتنه اتشكرت منهم ونزلت سجى وياي
دكيت الباب مالتنه بالون الابيض والاسود
صوت أمي يقترب
-اي جايه جايه منو؟..
فتحت الباب وظلت مبهوته
-يمه رغوده شبيج وجهج أصفر
سجى بأبتسامه طمنها-شلونج خاله لتخافين داخت من الصخونه شوي وصلناها
-مشكوره خاله ماقصرتي الله يحفظكم ويطيكم الصحة والعافية

دخلت الباب وامي تتلمس كصتي التفتت الهم سجى صعدت وسدت الباب..
اباوع عليه عينه على الي كاعده وراه ويبتسم..
باوع تجاهي حسيت رفة بقلبي صارت ابتسمتلهم واشرتلهم بيدي
مع السلامه..
دخلتني أمي وسدت الباب نزعتني حجابي
وأخذتني للمغسله الي صايرة بين الحمام والتواليت..غسلت وجهي ..
وشربتني خافض ..
رحت لغرفتي بدلت وذبيت نفسي بفراشي ومحسيت بعد بشي..
صادق-رغده كعدي ليش نايمه على مصلايه
رفعت راسها
كامت وكفت وهوه يباوعلها بتفحص خلت المصلايه على الميز ونزعت الاحرام طبكته ..
فاتت من يمه بس هوه ماخلاها
كض ايدها ..
وكفت والدموع تجمعو بعيونها متريد تبجي تعبت ونهلكت من كد البجي..
ونغزة بصدرها تصير من تبجي تأذيها..
صادق -رغدة والله ما اعوفج أنا أحبج ..بس أنتي كسرتي كلامي ورحتي لاهلي وبيت عمي..
وفضحتيها..
التفتت اله وكوه تحاول تتمالك نفسها وما تنهار
رغدة -يعني شتريد اسوي وهيه تخابرني وتكلي اريد زوجج وراح اخذه..ادري بيه لهسه يحبني..
تراسلك صادق وانت متحجي ..
لو ما ابنك يحجي..شهكت بالبجي
-من قبل عرس اخوك انت متحاجيني..ومتجاهلني..اليوم رجعنه من أهلك الطريق كله حتى متباوع تجاهيي ..حس بيه انا بشر والله حرام عليها ..
تحملت كلشي وياك كلشي الا ان تروح مني..
جرها لصدرة بعد ماصارت تبجي وتختنك..يحاول يطمنها ان هوه مراح يتركها..
يمسح على ظهرها ويبوس كصتها..
وهيه تختنق بعبراتها ودموعها بللن جتفه..
صح عاقبها وصارله فتره حتى الشغل زيد ساعاته حتى ليحتك بيها ويحاول يهدي جو البيت المشحون..
سحبها من أيدها وتوجه لغرفتهم..
يحاول يتناسى الصار ويثبتلها أن هوه يحبها ومستحيل يتخلى عنها..
يطرد هاجس الخوف الي يصيبها..
بقبلات ولمسات..حميمه
وهيه بين الاستجابه والدموع..
ترسم لها هذه الاجواء والقبلات ربما امل بالغد أفضل..
——————
وسن &جابر

أنتبهت لخيوط الصباح الذهبية وهيه تدخل من شباكها وتنزل على حروف القرآن الي مفتوح بيدها وتقراه..بعد صلاة الفجر ..
أبتسمت لجمال ماتحس بيه بداخلها من أمل وراحه..
طبكت مصلايتها وخلتها على ميز المخصصته بغرفتها للكتب والاوراق خلت القرآن على الميز والنظارات نزعتهم..
فركت عيونها المجعده والسنين ال٥٦ رسمتلها خطوط التعب..
حطت راسها على المخده حتى تنام كم ساعه أخرى دام باجر عطله..
دوام والتزام مراقبة ..
لازم تتحمل كل النفسيات من معلمات وطلاب وأهلهم ..
شخصيتها القوية مااجت من فراغ..
رغم عانس صح توجع هالكلمه ..
بس مو كد وجع قلبها وشكد تمنت تلبس البدله البيضة خصوصاً اله..
تباوع للسكف وتذكر نفسها من جانت ..
بال٢١متعينه وبأوج شبابها..
شلون فرحانه وطايره من الفرح مثل وردة الجوري من توها تفتح وريقاتها ..
متفانيه بتدريسها وأدبها ..
وبعد ما أجتها صديقتها وثبه تخطبها
لاخوها ..
أتفقت وياها بعد ايام من محاوله اقناعها ونجحت بيها
-ولج وين هوه انتي لاكيه مثل أخوي..شحال لو ماجلحه هههههه
وسن -شلونها على أساس كيمر السده
اليوم يجي أخوج وجنه يطلع مثل خبز الشعير
ضحكت وثبه تسكت وترجع تضحك
خل أنشوف الشعير شلونه
بعدين يروحن النسوان يخطبنها..
لابسه قميص ردن وردي فاتح نقشه الورد على الصدر وتنورة بف ام الكسرات ميدي كلها ورد وحجاب ابيض..
رغم معانيها عاديه وسمرا بس الكل يحبها ويحب شخصيتها وقارها..
دخلت وسلمت وهيه مدنكه بخجل محاوطها..
وثبه داركت خجلها
-تفضلي وسن هذا اخوي الشعير قصدي جابر ضحكت
باوعتله شخص ضعيف اسمراني شكله عادي ..نسبياً ارتاحت لاول نظره اله..
جابر -أهلاً وسهلاً ست وسن أتفضلي
وسن -أهلاً وسهلاً بيك
كعدت بصف وثبه وحجت بهمس انا الج تردين تفشليني
وثبه تباوعلها وتباوع لاخوها
تدرون لايكين لبعض فوله سمرا انقسمت نصين
خزرها جابر
وسن تردد بهمس انا الج خل يطلع اخوج
تحمحم وحجه
جابر -ست وثبة تعرفيها وحجتلج عني وعن وضعنه..
أنشالله أكون نعم الزوج والصديق وال
قطعت عليه اللحظه ضحكت وثبه
انشالله تكونون حبايب وتغامزلهم
خجلت وسن وكلتلهم اروح اكمل الدرس
طلعت وخطواتها يتعثرن ودلها طير وتختفي من المستحه..
وتتحلف بوثبه الا تنتفلها شعرها..
رجعت للبيت وخبرت أمها ان باجر تجي صديقتها وخواتها وامها ..
مثل مااتفقت ويه وثبة
غمضت اعيونها والدمع سال ..
وصورته خلال فترة أنتظاره خبر الموافقه من أهلها..
كل مايخلص الدوام تلكاه كبالها بحجه يرجع أخته وياه يسلم عليها..ويسال عنها..
وكم كلمه منه ونظرات اعيونه الهاا امتلك قلبها البريىء
حبه قضبان حوطت وسجنت قلبها بيه..
مجانت تتوقع مراح تطلع من هالسجن ولا راح تلامس سجانها ..
من دك الباب ورا شوي بالاستقبال صار مصايح
تقربت مثل امها وخواتها الموجودات والي كتلهن الفضول ليش هالصياح متجمعات يم الباب للاستماع
صوت ابوها وصوت عمها وصوت واحد يكلهم..
اذا تروح لغيري اكتلها وأكتله
أنا ناهي عليها..
دموعها اجمعوا وكعت بالكاع تبجي
هذا صوت ليث الحقير السكير
كال دام رفضتيني اندمج
بجت بحركة بركان هائج ..حست بخوف ان راح تفقد بذرة حب توها فطرت ..
رجعت بذكرياتها ويه ما أنفتح الباب عرفت هاي أمها الي دوم مقهورة عليها من يومها..الي يامه شافتها تبجي ..وتواسيها..
دارت جسمها نحو الحايط
توهم نفسها بالنوم
لحد مينتصف الصباح
———-
ليكون شروق الشمس باشعتها الدافية لشهر فبراير
تكمله للحياة بما تحمل
من ذكرى لما رحل من الايام وأيام قادمه لا نعلم ماتحمل لنا بين طياتها
مريم❤️
كاعده بالقاعه تكتب بالابتوب وصلها أخوها محمد من وكت اليوم للدوام ..
وتحظر موضوع حتى تنشره بالمجلة الشهرية للكلية
اما تكتب او تختار من الفيس او الانستا موضوع
عجبها موضوع بصفحة من صديقاتها
وحبت تطرحه
((
سطحيون حتى في تدينُنا ، صلاتنا لا تنهي عن فحشاء ولا عن منكر تردعنا
. ضعيفوا الارادة ، غالباً ما نعلق على شماعة الظروف فشلنا .
نُبرر لأخطائنا ، كل عام يمر علينا اسوء من الذي قبله ، لا نكترث بمن حولنا .
نعبد الله ونحن ساخطون عليه لاننا نظن انه لم يعطينا استحقاقنا .
متخوفون من المستقبل ، مُشتتين البال .
عقد نفسية نحملها معنا حيثما ارتحلنا ، كثيرة هي الزوايا المظلمة في حياتنا ، وجوهنا لا تعرف الابتسامه الا لمن يُجاملنا .
التكبر والعُجب بانفسنا في اعلى مستوياته ، حسد الاخرين يكاد يخنقنا .
الصدق نادراً ما يمر على السنتنا ، دهاليز مظلمة في اعماق انفسنا .
لذلك كان الخالق دقيق جداً في وصفنا :
في قلوبهم مرضٌ فزادهم الله مرضا .))
كتبت بعدها
هل سنحارب عتمتنا الداخلية..هل سنجعل انفسنا نشع بالضياء
هل سنتجاوز الخوف والرهبه بان نكون نحن من نصنع كل شيء
وليس فقط ان نقلد..
منهمكة بالكتابة والترتيب..
دخل ومثل متوقع ان يلكاها ..
مشى بخطوات نحوها..
قلبه يتسارع الها قبل خطواتة
حذاءة الاسود وقاطة الرصاصي والقميص الابيض انيق بجمال وجه ابيض اعيون حاده تسريحة شعره الاسود مرفوعه
عطره
كعد مقابيلها يتأملها وهيه تطبع الحروف بالكيبورد
أصابعها البيض الناعمات وأظافرها المصبوغات بالون الوردي الغامق..
حسن-صباح الخير مريومه
-صباح الخيرات حسن شلونك
شجايبك من الصبح هالايام اوكات الكاك قبلي..
أبتسملها
-اممممم حتى استمتع بجمال الصباح وحلاته
شنو سوين انتي يمتى ماتجيج تكتبين..
-اي احظر موضوع حتى ينطبع بالمجلة ..
ولاتنسى امتحانات الكورس الاول قربت
يعني لازم نقرا هواي وعدنه عملي..
رفعت راسها
شافته سارح بيها
-شبيك حسن أكو شي
بلع ريكة بصعوبة لازم يقوي نفسه ويحجي
-بيه.......
صوت قطع كلامه
صباحوووو
غمض اعيونه والتفتتو لصوت.......

أنشالله مااتأخر بالبارت القادم🌺
لتنسون ادوسون ⭐️️

لامارا · 25-12-19, 08:48 PM

الفصل الرابع

مساء الخيرات🌸
فل تقل لي
كيف أبدأ حديثي معك
وأنا في حبك أعاني التوهان🌸
بيه.....
صوت قطع كلامه
صباحوووو
غمض اعيونه والتفتتو لصوت
رشا وبان ورنا بصوت واحد
-صباح الخيرات
وهنه يقتربن
طحنه عليكم
-هوه انتو بتزاكرو من ورانا
مريم -لا مش بنزاكر يختي بكتب لمكلة الكليه
حسن -عيني الفرعونيات شدن حيلجن ودرسن مابقى شي لانتحان الكورس..
الاسبوع الجاي نسوي كروبات والي مافاهم شي نوضحة مو تتهربن وتلتهن وظلن تتوسلن
رنا-لا عمي انشالله موجودات وبمساعده مريوم ننجح
أبتسمتلهن
-شنو تستغلني وبلوشي لا والله تعرفن شنو طلباتي وأبتسمت بمكر..
باوعتله وشافت الانزعاج على وجهه..ترخص وطلع ..هوه راد يكوللها شي ..شنو هوه ياترى

بدة العدد يزيد بالقاعة وضجيج الطلاب والطالبات
الي واكف يم الباب والي داير على الوراه ويحجون
دخل شاب غريب بقميص بنفسجي فاتح جداً وبنطرون أسود
أبيض عيونه حاده رموشة كثيفه
بصوت بيه علو وعصبيه تكلم ويه الواكفين يم الباب يله كعدو بمقاعدكم
طفر واحد منهم وانت منو وتريد تكعدنه
يله روح منا بابا
الثاني-يله راوينه عرض جتافك
جاوبهم
-بسيطة أراويكم انا منو
الكل الي بالقاعه كان ملتفت لاصواتهم
ولهذا الشخص الي خله وراح..
ورا ١٠دقايق دخل رئيس القسم ونفس هذا الشاب
الكل كعد بمكانه والتزم السكوت..
نظرات رئيس القسم تشع غضب ويركز بالوجوه..
-السلام عليكم..ماتوقعت هذا منكم وانتو طلاب كبار والكم مكانتكم ..
أن تقللون احترام لاي شخص كان
كان يتكلم والكل ينصت لان اله مكانته وقوه شخصيته وحزمه..اله رهبة..
-أقدملكم مساعد مدرس الي راح ياخذكم ماده البرمجيات نظري وعملي أستاذ باهر..
جديد اجانه نقل من بغداد ..
توا أخذ الماجستير ..متفوق وأنشالله يوصللكم الماده بكل سلاسه..
زادنه شرف ان هوه صار بكادرنه وبينه..
الي صار قبل شوي اتمنى مينعاد ..
وتعتذروله..
وتبينوله كرم وملكه اهل البصره الي انا شخصياً ..
تركت كل المحافظات واستقريت اهنا من طيبة اهلها
بده كل الطلاب يتشكرون من رئيس القسم.،
وأستاذ باهر ساكت وعاقش وجهه ومغضب..
وكفت بكل ثقة مبتسمة
-أحم أشكرك دكتور على هالكلام الجميل
التفتت للمدرس وبأبتسامة بسيطة..
-أهلاً وسهلاً أستاذ باهر ..أنا ممثلة المرحله الثانية مريم علي
هوه مثل المصدوم من هالفتاة أكيد بيها مقومات الي خلتها تكون تمثل هالعدد للطلاب..
-أهلاً وسهلاً بيج
-أعتذر عني وعن كل طالبه وطالب بالقسم أن ماعرفناك ..ومارحبنة بيك..
بس مو ذنبنه لان محد خبرنه ان اكو أستاذ جديد يجي اليوم ..
باوعت لرئيس القسم الي ابتسملها
حس بفرحة جبيره ان هوه ما خطىء من أختارها بهذا المكان..
يعرف شكد هيه واثقة وقوية ومتفوقة بكل شي
رئيس القسم-صحيح وانا فهمته واعتذرنه منه..
ترخص رئيس القسم منهم وطلع..
ؤاستاذ باهر
الي خطف انظار الطلاب والطالبات لان جديد وبعدة صغير بالعمران يكون مدرس..
باوعلهم وهوه عاقج حاجبه وبنظرات حادة
-السلام عليكم الي صار صار
انشالله اكون كد مسؤوليتي ..
ان القيكم المادة والي مايفهم اسلوبي يكلي
ماده العملي مهمه ولازم تحظروها
بدة يشرح ويباوع على كل الطلاب
وتجي عينه عليها
الي مركزه مره تكتب مره تسمع..
هناك اعيون مركزه عليها ومحترقة بالغيرة كل مره من توكف وتمثل عنهم بالنقاشات ..
تلفت الجميع بكلامها مثل ما التفتت الها قلبه
دنك بضجر
ندسه صديقه
-حسن هونها وتهون
بعدها بده درس العملي مجموعه مختبرات
ويفتر هوه عليهم
أكثرهم ميلتزمون بيه بس لان هوه استاذ جديد ف العدد شبه كامل
————-
رجعت للبيت بعد ما انتهت من كل المحاظرات..
بعد ماتغدت على السريع والبيت كان هادىء الكل بغرفهم ..

حطت راسها على المخدة ..سمعت الباب ينفتح..
والضوة انفتح ..الله يساعدج طيوفه
-ويساعدج مريومة..
بدت تنزع حجابها و ملابسها قطعه قطعه .. وتحجي ..
شلون تعب اليوم صارلهم فتره بس اتعلم اليوم خلوني وحدي أشتغل..
كعدت مريومة وباوعتلها وهيه فرحانه باختها وانشغالها عن الي صارلها..تتمنى تنسى
-أحسن الج تتعودين ..
لبست دشداشتها البيتيه البيضة بقلوب وردي ورصاصي نص ردن جوا الركبه ..
-اي وشفت بنات ولد جانو وياي بالكلية ..بس بغير اقسام يشتغلون كلش فرحو ورحبو بيه
حتى عادل تذكرين عليه الي كتلج جان يريدني بس انا ما اطيته وجهه ..لان شكله جان معاجبني..
-اي اذكرت جنتي تكولين دوم بكل مكان يطلعلي..اثاري عاشك اختي..
لمعت اعيونها بالدموع ..وتقربت من مريم
وكعدت بمستواها ..كضت ايديها..
-مريومه اذا شخص حابج بالكليه وأخلاقه زينه تمسكي بيه..
من تشوفيه يباوعلج واعيونه يلمعن مزيج من حب واهتمام وهيام..لترفضين فكري..
بجت بقوه
-لصيرين مثلي الي تعرفيه احسن من الي متعرفيه
وتنصدمين مثلي..
حظنتها مريومة تحاول تهدي اختها
هيه متعرف بالتفاصيل الي صارت لاختها
بعد الزواج ..
وليش من رجعت ماحجت لاحد شي قبل متحجي تبدي تنهار ويتركوها ..
شنو الشي القاسي الي مريتي بيه يا اختي ..
أخذتها للجربايه مالتها
ناميلج شوي ..
رجعت لفراشها تحاول تناملها شوي ترتاح من تعب الدوام ..
-————————————
نزلت من غرفتها وهيه تحس بصداع رهيب تغمض اعيونها وتفتحهم..
توجهت للمطبخ ..حتى تسويلها كهوه بلكي يخف الصداع وتمدر تدرس..
لكت أمها الي تثرم بصل ..وسمر الي تغسل المواعيين ..
وعمتها وسن كاعده على ميز الطعام الصغير..
وطيف تشرب جاي..
-السلام عليكم
وسن -هلا مريومه شلونج
-الحمد لله تعب الدوام ودراسه ..
توجهت للجرار وطلعت الدله وخطت مي وكهوة
وسن-حسبي حسابي وياج
سمر -حبيبتي وانا وياج
ام محمد -وانا هم
باوعتلهن ..رجعت الدله الصغيره وحطت الجبيره ..وتنتظر الكهوة تفور
-ماما شنو العشا
-راح اسوي حميسه ومقبلات ..أذا مشتهيه شي كولي اسوي
-لا بس اسال..
وسن -اليوم داومتو مو ..
سمر-اي خالة داومنه وكلها اجت اتباركتلنه ..
وسن-اي كون تكدرين توفقين بين الشغل والبيت والرجال ..
سمر -انشالله ما اقصر..
حست بضوجه من تلميحاتها وان هيه معاجبتها
قدمت مريومه الكهوه بالفناجين البيض وعليهم فيونكه سودا مع صحن فيونكه ابيض بيه جكليت ..
وسن- بضحكة صغيرة والله عليج سوالف تحبين الفيكات والترتيبات مثل امج
مريم -شفايتلي لو أكون مثلها واعجب واحد مثل بابا
أختارها من بين هواي انتن شكد جبتله
بس هوه كللكم الا هيه
وسن-اي بعد الحب يخلي واحد ميشوف دربه..
ضحكت ام محمد وهيه تحط البصل والبتيته والطماطة الي قطعتهن ورشت بهارات وضافت اللحم المثروم ونصت النار..
-يامريومه شذكرج كله من ابوج يكعدج بحظنه من جنتي صغيرة ويسولفلج

جانت جوارينه همه بالركن واحنه بالركن الثاني واراقبها ..
وانتي عجبتج القصة
وسن معجبها الحديث ..
شربت الكهوة مالتها..
وهوه الي رادته ام محمد الي هم دائما تتلافى تنصدم بيها
كان ممكن تجرحها اكثر بس اكتفت بتذكيرها بالحب..
لان داخل وسن نار اشتعلت ذكرتها بالحب الي مانالته
-اروح للبيت راح ياذن المغرب اصلي الله وياكم
مريم الوحيده تعرف شلون تسكت وسن ..
وسن تحبها تتقبل منها كلشي لان تحس بيها من شخصيتها
هيه خليط بين القوه والرقه تجامل للي يستاهل وترد الصاع صاعين بس بادب..
عميقة بتفكيرها واستيعابها للمقابل
هاديه اكثر الاوقات..
لكن لو ثارت ...
التفتت لسمر
-لضوجين تتعودين عليها ويه الكل هيج هيه
سمر اروح لمحمد كاعد بالحديقة
تقربت بخطواتها الهاديه منه ..حطت ايديها على اعيونه وقربت من خدة وطبعت بوسه خفيفة..
ابتسم هوه وكض ايديها وجرها ..كعدت على الكرسي قريبه منه
واحد مركز بالثاني واحد ضايع بعيون الثاني
أثنينهم نطقو نفس اللحظه
أحبك❤️
أحبج❤️
كل الكلام امام عشقي لك
يتلاشى
يبقى الصمت والاحاسيس
تنقل لك كمية الحب
كيف لا اعشقك
اذا كنا كالشفع والوتر..
——————
بعد العشا وهمه يشربون الجاي
مريومة أخذت نقالها
-انا اترخص اروح احظر دروسي وملابسي لباجر
طيف-أجي وياج
-مريومه بابا شنو هالايام مستغنيه عني
التفت لابوها بابتسامة
أجت كعدت على رجله وحطت ايدها على ركبته وباسته بخده
لا بابا بس اكثر البحوث اطلعها من النت ..واكيد اجيك اذا استعصى شي..
باوع لطيف واشرلها تجي بنظراته الحنونه
كامت مريومه لتفسح لمجال لاختها
كعدت وباست ابوها
-بابا انشالله مرتاحه
أبتسمت مريومه
-طبعاً ترتاح اذا تقاسمني حتى بحظنك..
ولو يمكن اكو فد وحدة راح تشحتنه ثنينه وتكعد بحظنك
تباوع تجاه امها بمكر وتضحك
ام محمد -اجه تاليك عاكبك شنسوي بعد راح وكتي
علت ضحكاتهم..
—————————-
بعد ماانسحب كل منهم لغرفته
ام محمد -ماخابرك صادق بعد
-لا خليهم هاليومين مستقرين خطية مرته والله ماكو منها تحملت هواي
بت أختي هيه الي تحارشت بيها..بس شأحجي وشأكول حاجيت أختي وبتها واتمنى ماتوصل بعد..

-شنسويلهن والله وسن تكوم وتكعد معاجبتها سمر مقهوره شلون محمد ماخطب زهور..
يابه مارادها بكيفه هيه كوه ..
رجع راسه على القنفة هوه منو المرتاح من المشاكل ..
أحنه علينه نسوي الي يرضي عليه رب العالمين الناس..

-—————
طيف-مريومه يله ماخلصتي طفي الكلوب وشغلي مالت النوم ..
باجر ورانه دوام ..
حطت راسها على المخده
-اي خلصت هسه ساعه وحده ..خرب غير دراستنه تعب .. وابحث علمود المجله..
سحبت النقال وتشوف المسجات بالوتساب
ودخلت على الماسنجر وكروب مرحلتهم الي بيه حتى الاساتذه حتى اذا احتاجو اي سؤال يسألون ..او اي اعلان تغيير جدول ينزللهم..
-اريد اعرف يمتى الولد يدرسون اذا كاضينها يفترون وفاتحين نت..
أنشمرت عليها كوشايه
-نامي ولترسلين ورا الوحده شي حتى لتجيج احجايه
تضحك مريومه وهي تحط راسها على الجربايه
——————
كانت تمشي بحقول خضراء وفرحانه وتحس براحه
هناك وسمعت صوت غراب حست بوجع بقلبها
حاولت تهرب بس عثرت بصخرة
لتنبت شوكه عاصية بجانب صدرها
وصوت ضحكات مزعجه
بس صوت رحماني سمعت يكول تمسكي بحبل الله
فزت وهيه تتعوذ من الشيطان الرجيم
حطت ايدها على مكان الشوكه الي نبتت بالحلم تحس بنغزات قويه بصدرها ..
جبينها متعرق..نفسها يصعد ويهبط بقوة..
أنفتح الضوة لينصدم بيها
-شبيج رغده ..شنو متوجعه..
تقرب منها حط ايده على كصتها..
بلعت ريكها تحاول تحجي عبالك الحلم حقيقة
-لا ليظل بالك هسه أخذ مسكن واصير زينه..أصلي وارجع أنام
كامت وتركته بحيرته عليها...

لتنسون دوسون النجمه ⭐️

لامارا · 25-12-19, 08:53 PM

الفصل الخامس

صباح الخيرات🌺
هل تستطيع ان تعلم مامدى معاناتي
كيف اتقطع وانا اتأمل
ان تحبني
ولو مقدار قليل..
انت لاتعلم كيف اراك بعيوني
بدراً ينير سواد ليالي حنينِ اليك
لا يستوعبه الا قلبي
أسأل جفوني
كم ليلٌ هاجره النوم
ويرسم عشقي طيفك يواسيني
متى تحبني ..اتحبني
تكلم ..أنطق..واسكت كل ضنوني❤️
🌺🌺🌺🌺🌺🌺🌺
رغدة &صادق
بعد ماخلصت صلاتها وتسبيحاتها
حست بريكها نشف والنغزات قلت بصدرها..
توجهت للمطبخ ..ترست الكلاص مي وشربت ..وكعدت على ميز الطعام ..
جرت المبايل هيه تحتاج تحجي لصديقاتها
شافت صديقتها ايه متصله
-هلو ايو
-هلو رغوده شلونج
-الحمد لله شو كاعده
-اي الصغير كعد رضعته وهسه شوي وينام..شصار من سالفتج
-الحمد لله هالكم يوم هدوء انا مااحجي وهوه نفس الشي بالموضوع ..وهم هذيج اي حجي ميوصل..تعبت والله احس بيه شي من كد القهر
-حاولي ديرين بالج على صحتج ..غيري من نفسج تتغير نفسيتج شوي او طلعي لتبقين خانكه نفسج
-انشالله انا الخوف دمرني ..
-لتخافين فوضي امورج ل لله وانشالله يبعدها عنكم ..
بعدها كامت والهم داخل قلبها ودعوتها الله يريحها.. توجهت لغرفة ..فتحتها وشافتهن نايمات كل وحده بسريرها ..سدت الباب وتوجهت لغرفه كرار المجاوره لغرفه خواته..
فتحت الباب وشافته مامتغطي دومه هيج ..
غطته وطلعت..
دخلت لغرفتها وابنها بسريره الصغير بصف سريرهم..
نامت بمكانها..والافكار والذكريات تتزاحم بالها
أبتسمت وهيه تذكر شلون فرحت من سمعت مستحيل يزوج هالة..
بعد سنتين من انعجابها بيه ..والي زاد من هل شي دائماً تشوفه..
لكن بس هيه تنتبه اله هوه مشغول بالي مالكه قلبه..
دائماً سجى سولفلي عنه اشياء ابنيها بأحلامي اله ..عرفت منها يحب الترتيب والمواعيد مضبوطه..يحب يقتني الساعات..حتى الاكلات المحببه لقلبه يحب الباكله بالبيض..
خواته اخوه ..اشياء حوله دور اعرفهم.
حتى خلافاته ويه هاله اذا عاندته وتحرك قلبه دوم..
بداخلي شيء لك لا تستوعبه انت
نبضاتي لا اتحكم بها لو رأتك عيناي
أهيم بعالم من رسم خيالي
بأنك ستكون لي..
مزاجها اليوم متعكر..ماسكه كتاب الاحياء الخامس علمي ..
دون تركيز كاعده على البايه الثانيه من الدرج الي يوصل لساحه كلها حشيش أخضر ..

والصفوف مرتبه كباله ترتيب بنايه المدرسه جداً راقي..
حست بوحده كعدت يمها
الشاغل بالك الله يهنيه
-ليش سجى هوه اكو واحد بالي
-اي أكو ابن خالي صدوقي
التفتت رغده بأندهاش ..واستغراب شلون عرفت هيه تحله بينها وبين نفسها..
مابينت لاحد..
-اي لا تستغربين وفتحتي حلكج سديه لاتدخل بيه ذبانه هههه
عبالج ما احس بيج شلون لو شفتيه تشبعيها دعم بالبنات تتلوهين
وظلين تباوعين من جوا لجوا
لو من انجيب سيرته اويلي
اعيونج يلمعون
قلبج يمكن يظل يسوي
قلبي يمه قلبي قلبي شبيه قلبي ههههههه
دنكت بضحكه أحراج
-لا مو هيج شبيج عابت استلمتيني
على كيفج
-اه من الحب وسيرة الحب الي تخلي الواحد بين الخوثان والثولان
صكعتها رغد جبح خربتي سمعت الحب نعله على بليسج
-اي عيني اي شعبالج ولي مااكلج
عدي الج خبر
يخليج تمشين وتغنين خاله وياخاله خاله ويا خاله ههه
-ولج كافي فضحتينه شيكولون
-يله واح اسكت ومااحجي
-لا على بختج شنو
-اممممم اريد كيكه من هاي الي تسويها خالة
-اذا الخبر يسوا انشالله اسويلج
-صادق راح خطب هالة وابوها ماوافق..وقفلها بوجه نهائي
-كله تحلم اتصير الك ..
مااعرف ليش هيج مايطيق صادق
أبتسمت بفرح وهيه ..تحس حتى الهوا الي صارت تتنفسه اريح
قلبها ينبض قوي
-هاشفتي شنو صار بيج..
بس هوه خطيه بعد تعرفين شلون يحبها
حيل متأذي
أدعيله رغده انتي قلبج قلب محب❤️
أدعيله الله يطيب قلبه..ويرزقه بوحده
سكتت
وهاي تباوعلها بحقد
-شبيج الله يرزقه بيج احلى صديقه كرصتها من خدها
بعدها ماظلت تشوفه من تطلع من الدوام فتره مرت..
ضحى تسولفلها عنه ..هوه بخير ..
بعد التحاقه بالجيش ..
حتى يتعين على القطاع العسكري افضله
ظل الخوف عليه ..اول دعواتها لربها هوه ان يحفظه الها الباري
ولحد اليوم نفس الدعوات تتردد على لسانها
سمعته من سكت المنبه كام يغسل
وهيه كامت تحظر ملابسه
وتروح تكعد كرار وطيبه ورنا حتى يرحون لدوامهم..
-يله كرار ماماتي كوم لتتاخر انا حظرتلك كتبك وملابسك وكلشي من اليل
نهض من السرير وهو يتمغط ويثاوب ويفرك وجهه
-صباح الخير ماما
تركته وتوجهت لبناتها
كعدتهن ..
-يله طيبه شلون بيج ماماتي انتي كوه تكومين
وهيَ تحظر ملابسهن ..
بعدها توجهت للمطبخ
بين ماواكفه تسويلهم لفات جبن ومربى..
حست انفاس قريبه يم اذنها..غمضت عينها
والتفتت اله
تقرب عليها وباسها من راسها
صادق -شلونج اليوم انشالله احسن
-الحمد لله
كضها من ايدها وقربها اله وحظنها
-اذا اكو شي يوجعج كولي لتسكتين
هوه يعرف شنو الي مأذيها خوفها ..الي خاف لا يتحول الى مرض جسدي وهوه يشوف نفسيتها التعبانه..
لا ليظل بالك..اكعد واصبلك جاي
بعد ماسدت الباب ورا رنا و طيبه
توجهت لفراشها حتى تناملها شوي
لان اليوم مريومة وطيف يجون على الغدا يمهم..
تحبهم مثل خواتها عمرها مثاقلت منهن وهنه هم يحبوها ..
لذلك هيه تعرف ليش هالفتره ماتركنها وكثرت جياتهن..
يحسن بيها وبنفسيتها..ويحاولن يساندنها..

نكعت من الليل الفاصوليا ..وطلع سمج صغار تكليه يحبه صادق..
—————
طيف
فتحت باب الغرفه الي بيها اربع ميوزه مكاتب توجهت للثاني من جهه اليمين..هيه اول وحده وصلت ..
حطت جنطتها السمائي بلون قميصها الطويل وبنطرونها الابيض وحجابها ابيض وسمائي مكياج هادىء..
تحاول تتماشى ويه الحياه رغم كل الوجع الي صاارلها
دخل ابو علي الي يجيبلهم الجاي او الريوك او اي شي يحتاجوه
-صباح الخير ست طيف
أبتسمت بوجه ودنكت
-صباح الخيرات
-تحتاجين شي
-اي والله ياريت جاي
صوت كله بضحكه خليهم اثنين جاي
رفعت راسها وشافته
-صباح الخيرات طيف شلونج
-صباح الخير عادل ..الحمد لله
-اليوم من وكت جايه
-اي حسب بابا اليوم وصلني من وكت
تجاوبه عادي وهيه تكتب
الا هوه عيونه تباوع لادق التفاصيل بيها..للالوان الي لابستهم ومخليتها بعينه أحلى النساء
من دخل هالغرفه وشافها كاعده بهالمكتب ماصدك ..مثل ارض ميته ونزل بيها المطر..
ومن سمع بعدها هيه مطلقه ..وهوه احتار بشعوره بين الفرح بان رجعله الامل ..اتمناها اله ..من الاول ..وبين ليش رفضته شلون يخليها تحبه هالمره..
مكدر يرتبط باي وحده ..لان قلبه بس الها..من اول مرحله من يوم الي خلصت المحاظره وهوه كان كاعد وراها
كامت تطلع من الستيج وعثرت ومسكها بحظنه..
شاف اعيونها المدمعات بين فشلتها وخجلها ..حتى معرفت ترد عليه
-شكراً
وبعدها مخلت عينها بعينه..
حبها ..بل صار متيم بيها..
كل ماتمر عليهم الايام والمراحل يزيد حبه الها..
اخر شي بعد ما اصبح حبه اله ثمره لازم يقطفها
فاتح اهله وافقوا لان ميتحمل تخلص الكليه ومامرتبط بيها..
طلب منها يوكفون على صفحه بعيد عن الطلاب..
وهيه استجابت
هو الارتباك والخوف والقلق كلهم تجمعو عليه
وهيه واكفه تحجي
-شبيك عادل خيرك دايخ ليش وجهك مخطوف..
رفع راسه وكلها انا احبج..
بدون اي مقدمات
هيه انصدمت وابتسمت وضلت تضحك
-تحجي صدك لو تشاقى ..لا الله عليك..رجعت تضحك..
حس بوجع بقلبه ابد ماجان هيج متوقع الاستهزاء بيه والضحك الي ضحكته
خلاه تتحطم الامال الي بداخله..
باوعلها وعقج حاجبه شنو الي يضحك بالموضوع
معقوله ماحسيتي بيه..ما أنتبهتيلي..
انا احبج طيف ورايدج على سنه الله ورسوله..
شبيه شنو الي ينقصني..
انشالله اتخرج واتعين ..واعيشج اميره محد بكدي يحبج.
-أسفه عادل كالتها بابتسامه هاديه خجلانه من نفسها لان ضحكت قبل شوي ..يمكن انصدمت ومعرفت تتصرف..
انا ما انظرلك فقط كصديق واخ اعتذر منك انت تستاهل وحده تحبك ..
التفتت للوراه
-انا اروح ..واتمنى ما ضوج مني ..الله يوفقك..
فززه من صفنته ايد ندهته وهوه يحط استكان الجاي ..
باوع للجاي وحجه بابتسامه
-شنو هاي ابو علي حاطلي خاشوكتين شكر
باوعلها وهيه تبتسم
-وين جنت صافن شكد حجيت ولا يمك
-شنو حجيتي
-سالتك على باقي الولد بشلتكم وين صفى بيهم الدهر
-بالفيس مسوين كروب ونلتقي بفترات ومناسبات
-تردين اضيفج
-لا مااكدر
—————————
بعدها طلعت من الغرفه بعد ما ابوها اتصل عليها..
-الله يساعدك بابا شلونك
-الله يساعدج باباتي..الحمد لله
-انشالله تصلح سياره الخط ..نمر بريومه ..
ناخذها ونروح نتغدا بيت صادق
-انشالله.. زين تسون بناتي خليجن قريبات منها ..هالبنيه هواي تاذت من اخوج..تحملته بوقت انا ابوه ماتحملته ..
ظل يجر حسرات وقهر ..
-الو مريومه يله طلعي احنه بالباب
تقربت وهيه لابسه ستره سوده قصيره وقميص ابيض وتنوره رصاصي حجاب أسود ورصاصي ..فتحت الباب وهيه منزعجه
-السلام عليكم..شلونكم
-هلا باباتي
التفت طيف الها شلونج ..شبيج ضايجه
-لا مابيه دايخة من الدوام وتعبه
رجعن من بيت صادق قبل صلاة المغرب..
مريم صعدت لغرفتها ..
تابعها اعيون طيف ..ماتعرف شبيها اختها حتى غده ماتغدت زين ..مبين مغثوثه او ضايجه من شي معين..حتى من سولفت هيه ورغدة..هيه مو يمهن ابد..
لازم تفهم منها ..مريم صح قوية..بس هم تحتاج لاحد يسندها يستوعبها..
🍁🍁🍁🍁
لتنسون متابعه حسابي
ودوسون ⭐️

لامارا · 25-12-19, 10:40 PM

الفصل السادس

صباح الخيرات🌺🌺
من أشتاكلك اريد كون بظلمه أكعد
وأشغل ذكرياتي وياك وأعرضها..
مثل السينما ايام زمان
نكعد ونفصل عن الدنيا كلها
نتذكر كعداتنه ونظرات العيون
وأحلامنا الماعاشت
ويه الدمع نزلت..
بين قلقها على أختها وخوفها..حست بأن البيت ساكن محد موجود..
توجهت طيف للمطبخ وتشوف امها دخلت من باب المطبخ المشترك ويه بيت عمهم..
-الله يساعدج ماما شلونج
-هلا طيوفه جرت الكرسي وكعدت
-شو البيت محد بيه ..هدوء..
-أخوج محمد طالع ومرته بيت اهلها ..وانا وابوج اجه عمج وحيد لابوج ..
وسن صايره وياها مشكله بالمدرسه .. ورحت وراه..
باوعت بصدمه وخوف
طيف -خير شنو صاير
-شأكلج والله يوم الدنيا هسه تخوف والاخلاق راحت والاحترام ماكو..
بالحله مالت المدرسه شايفه طالبه بالسادس ابتدائي بس هيه راسبه سنه بالخامس وسنه سادس ..
طلعت من المدرسة ومتوجهه على طريق مو بيتهم مراقبتها وسن وشايفه ولد شاب بتكسي ينتظرها..ماشيه وراها ومن رايده تصعد كاظتها ومنزلتها..
وذاك محرك السياره وشارد..
متصله بابوها وامها جايين ..
بدل مايطيحون حظ بتهم متعاركين ويه وسن شلون تتهمين بتنه باطل..ولايفها على وسن..
وصايره عركه وهسه ابوج والبقيه كلها أجو..حتى محمد خابره ابوج ..وصادق بالدوام بلكي يكدر يجي..
أنتن يهو وصلجن
-كرار ورجع عده دراسه..ومريم صعدت فوك..
فتحت باب المطبخ راح اشوف عمه وسن اكيد هسه ضغطها يرتفع..
لكت باب مطبخ بيت عمها مفتوح..دخلت للمطبخ الي سيراميك ابيض وكاونتر احمر وأسود ..
-شلونج حجيه
سلمت على مرة عمها ..ناعمه ومحدبه بسبب تعب السنين وكبرها ..متشيله بشيله سوده ..ودشداشه نيلي ..
تغسل بالكلاصات..
-هلا يمه طيوفه هلا بيج تعالي دخلي..سمعتي صار بعمتج ..
شكد حذرتها متاخذ مسؤولية مجايلها بس وجع الراس..نايمة بفراشها يمكن ارتفع ضغطها..
توجهت لغرفه عمتها الي تصير كبال باب المطبخ..
دخلت وتشوفها نايمة وحاطه ايدها على راسها..
-شلونج عمتو سلامتج عدج العافية
عدلت كعدتها وتعصر بعيونها من كد وجع راسها
-الحمد لله ..اوووف الي ميقبل بالغلط قلبه يظل مشلوع مو..
-اي شسوين عمه وانتي اخذتي مسؤوليه جيل كامل لازم تتحملين
-يعني طيوفه هذا عمري تردين يجن وراي يصيرن براسي ويتحكمن بيه وانا تعبانه بالشغل من جنت معاونه..
كلشي براسي لان لازوج ولا مسؤولية..
فقبلت ولا ذله وحده تتامر عليه
-الله كريم عمه انشالله محلوله
-لا محلوله لان ابو السوبر ماركت عده كامرات واكيد صورها ..بس وامانه الله الا انقلها ..
شلون اهل ماتشوفين الفساد وين وصل ..الله يستر علينه
-اروح عماتو جنت بيت صادق ..ربي يفرجها عليج وديري بالج على نفسج
رجعت تمددت ..والصداع فتاك تحس راسها بيه ضرب..رغم الحبايه شربتها قبل ساعه لكن لاجدوى..
وين وصلتني الدنيا ..تعب بتعب ..استمر اعيش او احاول ابين اني عايشه واتنفس..لكن الاحساس راح وياه..
غمضت اعيونها ..وتحاول تذكره لعل ذكرياتها وياه مثل كل مره تكون دوا الها..تصبرها على اي تعب تمر بيه..
أذكرت من دز عليها ابوها ..بعد ماطرد ليث من البيت غير مهتم بكلامه..
وصلت وتشوف ابوها كاعد على الجلسه ويفر بحبات سبحته السودا.. وهوه مدنك يباوعلها وسارح ..
القلق والخوف ونبضات قلبها الي خانقه صدرها شنو قراره هل راح يحطم ويقتل حبها..
دنكت على راس ابوها وباسته الله يساعدك يبه
-وسن يبه انا موافق على الولد الي تقدملج..
لاتخافين من حجي ابن عمج هذا بس يهوبز مامنه فايده كلها تعرفه بالمنطقة ..
يحلم ينولج لو ظل بس هوه رجال..
أبتسامتها ماسيطر عليها حتى خجلها عبرته.. وقلبها تغيرت نبضاته من خانقه ..
الى نبضات جر انفاسها بسلاسه
غمضت اعيونها ودنكت
وسن-الي تشوفه يبه سويه
خلت وطلعت ..وسدت باب غرفتها وتجت على الباب ..
وخلتت ايدها على قلبها
تمهل وانت تنبض فرحاً
لم اعلم بأنك تحبه
ل لا حدود
جعل حتى دقاتك به تتغير..

فتحت اعيونها وهيه تحس حتى وجع راسها خف ..وابتسمت ..وكامت وتحس براحه..توجهت للحمام حتى تتوضى وصلي وتشكي همومها لربها..
-————————
سمر &محمد
الساعة مقاربه لل١٢ رن مبايلها
أبتسمت بفرح وهيه اتشوف اسمه ..ردت بلهفة
الو ..شلونك
انفاسه وصلتلها قبل صوته
-تردين تعرفين شلوني ..راح اجيج مااتحمل اليوم متنامين بحظني
-محمد مو اتفقنه ..
-سمر ..ماكو انا رجعت باتفاقي مااتحمل جايلج..
-وين جاي احنه مو زعلانين
سمعت صوت الباب انسد ويلهث يمكن ينزل الدرج
-تعالي يمي وزعلي براحتج بس بأحضاني
ولج متحسين بيه ..
أبتسمت بفرح هسه عرفت هيه ليش تحبه ومتكدر حتى لحظه تبتعد عنه بفكرها ..
ماتحس بأي غلطت او ندمانه من جازفت
وهيه الي بادرت بأظهار أعجابها اله

كاعده على المكتب تكتب بالبيانات الموضفين ..
وتكلب بالاسماء وبصفها صديقتها فطم تردلها الاسماء وبياناتهم وسمر تطبعهم بالحاسبه
وصلت لاسم
-محمد علي جبر ال .....ضحكت فطم تعرفين هذا منو
-منو هذا الي مراقبج العاشق
-أبتسمت سمر ..
رن مبايلها بهالوكت وتشوف امها
-الو ماما شلونج ..انشالله ماانسى الله وياج
التفتت لبان وشافتها ملتهيه دايره على صديقتهن براء
سجلت الرقم بسرعه وغلقت النقال
يومين بعدها وهيه متردده بس لهسه تشوف نظراته الها وتحس بيه..
بس ليش ميجازف ويتقدم الها بخطوه تثبت احساسها
بحثت عن مبرر حتى من تراسله ..
سمعت من البنات ان صديقة عده محل مواد تجميل فأحياناً يوصوه ويجيبلهم..
بعد متعشت ..توجهت لغرفتها هيه وسارة..
صغيره واسرتهم ورديه واحد بصف الثاني يفصلهم متر ..وكنتورب٣أبواب بصف سريرها..معلكات صورهن ..ورود وفراشات...
كعدت على جربايتها
تكلب بالتلفون طلعت اغنيه
سمعت أغنية
مابعرف كيف بنظره تعمل هيك
تاخذني ليك
وبموت عليك
مابعرف شو الي يسحرني هيك..
سوت بحث بالوتساب
وطلع أسمه وصورته وظلت تتأمله بفرحه..
ايديها ترجف وهيه تريد بس تكتب حرف ..
غمضت اعيونها وفتحتهم ..
ورسلتله هلو ..
وهناك صوت فززها
سارة -سمر سميره وين ماسك الخيار..
رفعت راسها وشوف اختها حاطه ماسك اسود بوجها
-ينعل ابليسج على هالكمزه ..خرعتيني حطيته بدولاب الحمام الرف الثاني..
بعدها بساعه
أجتها رسالة
-هلو منو سماره ..
هيه حاطه خلفيه الوتساب صوره نادين نسيب نجيم
واسم الدلع سماره..
كتبتله
-مرحباً استاذ محمد انا وياك بالدوام وسمعت تكدر توفر منتجات عنايه بالشعر والوجه
رسلتله كم صوره رايدتهم ..
تأخر بالرد
بعدين كتب
-تدللين انشالله باجر يكونون عدج بس اسمج وبيا قسم
-سمر جابر -قسم البيانات
-😳انتي
-🙈اي انا ليش مصدوم..
-لا بس ممتوقع ..اهلاًوسهلاً بيج وتأمرين..
-مايأمر عليك عدو..مشكور مع السلامة
حاولت تنهي الحديث ومطول ..
رنه المبايل فززتها وتسمع دكة الباب ..سواها وأجه ..
طلعتله والابتسامه ماليه وجهه
أمها وابوها أطتهم علم بجيته
وأمها كلتلها أحسن لتعلميه على غيابج..
يردوه يدخل وهوه مستعجل..
——————
طيف &مريم
حطت صحن الفواكه السمائي بيه موز وتفاح وبرتقال مكشرته الها على الميز وصحن بيه كرزات ..وكعدت بصفها على السرير ..
اليوم انتي بيج شي ..مو طبيعية بس صافنه وماتغديتي ..ولا تعشيتي ..
ماسكة النقال وتكتب على صفحتها بالفيس
يجب ان تدرك انك وحدك فقط من عليك انتشال أوجاعك بنفسك .. لا تنتظر شيئاً من أحد فقد يزيدون عمق الجرح أكثر .. 💔🥀
-بيج شي سولفيلي مريوم انا أختج..
باوعتلها والحيره بالها
لتنسون⭐️

لامارا · 25-12-19, 10:42 PM

الفصل السابع

صباح الخيرات
كيف لي ان افسر نظراته
وانا اتوه في التفسير
كأمواج الشاطىء
أتلاطم بأحاسيسي ..
يعجبني التمتع بطلته
كشروق الشمس
لروحي أشرقْ
فأنار عتمه احساسي بالحب...
———————————-❤️❤️❤️❤️
بيج شي سولفيلي مريوم انا أختج..
باوعتلها والحيره بالها هوه شي بسيط بس زعجها
-لا مابيه شي متوهمه تعبانه من الدراسه
ومسؤولية الكتابة ..
-أممممم نشوف ست مريم ولو كلشي واضح بعيونج
بس أنتظرج تجين وتحجيلي..
يله اكلي فواكه او كرزات لخاطري وخاطر بابا باله يمج..
توجهت طيف للكنتور تختارلها لبسه لباجر..
أخذت الكرزات وبدت تاكل وهيه صافنه بالي صارلها ..
متجمعات كأغلب الاوقات اذا أكو ريست ..
بالحديقة الخضراء القريبة من القاعة الي ياخذون بيها المحاضره الجايه للاستاذ الجديد باهر
..مسطبات موضوعة ويحطون كراسي وتصير لمه حلوة...
جلسة طالبات خاصة🌸 ..كل اثنين او ٣يحجن بموضوع..يسولفن بالستايل والمكياج..التسوق..سوالف الفيس او النت..الدراسة ..يخرجن من هالجلسة بقرارات واختيارات قليل يتفقن كمجموعة ..
رشا-ولكم اليوم نشوفه للمره الثالثه تحجي بصوت ناصي وتتلفت..
تتفقن وياي هيبه وشخصيه..وستايله ياااااااي
ضحكن
رنا-ولجن هوه يشرح وانا صافنه بعيونه جوزيات على صفار يجذبن لو خزر بيهن اويلي أموع ..أذوب..
دانه-شايفة من ياخذ الاسماء وصوته الجهوري احس مااريد اكله نعم اكله يالبيه..
ضحكن البقية
مريومه-ههههههه والله عليجن سوالف بعدين نشوف بالامتحانات تبقن منعجبات بيه لو تنزلنه تنزل اذا ماجاوبتن..
انا اظل اكتب الي يحجيه واكول شلون اسألته حاده مثل اعيونه..

٠لو بالمختبر ينززني من صافنه على الابتوب مااحس الا راس يمي ويكلي كملي اكمز كمزةهههه..
راقية..كون أسألته حلوه صاكه مثله وتغامز بعيونها..
صفا-ولجن عيب وحرام تتغزلن هيج وتزحفن متستحن..
باان -شلون بالشيخه صفا ..قابل صدك زاحفين نتشاقه احنه ..وأن الله جميل يحب الجمال وكرصتها من خاصرتها..
-يعني الله عليج مو حلو
صفا-حلو عمي الله يحفظه لاهله..أهم شي اخلاقه هيه تحدد جماليه الشخص ..
راقيه ..قابل هسه مصارحج ودورين أخلاقه ههههه
سهاد تباوعلهن بمكر
-أنا دخل بدماغي ..وتدرن بسهاد لو حطت بالها شي أنشالله أوكعه
دانه باوعتلها بتحدي
-متكدرين اصلاً مبين صعب .
أكثرهم يتنرفزن من سهاد لانها مغروره وتحب تبين بس هيه وبس ..
مريم خصمت الحجي لان حست صارت بيها حزازيات وتحديات
-بس كافي هسه قبل ماتبدي محاضرته ..حضرت جدول الامتحانات اولي خلي نتناقش بيه بالاول بينه احنا البنات..
وبعدين اوديه للولد..
جاوبنها براحتج سوي الي تشوفيه مناسب
راقيه كاعده بصف مريم على جهه اليسار
..انتي شكد تحبين شلعان القلب عليمن هالمسؤوليه متحملتها
صدك ولج سمعت الولد يردون يخلون وياج ممثل يكولون لازم ولد وياها اكو أمور متكدرلها ..
او متكدر تمثل او توصل وجهه نظرهم..
شاورتها بعد ماشافاات البقيه التهن بغير سوالف..
تدرين منو الي كللهم ويريد يصير ممثل وياج
ح س ن ..
باوعتلها بصدمه وممفتهمه شنو الموضوع
-ويعني ليش حسن يسوي هيج ويحجي..مااعتقد
هوه دوم تشوفه كان يسندها ويكللها اذا تحتاجين شي بس كولي ..
شافن الولد اجو بيهن كامن وبيهن الي بقت على كعدتها
بعدها حايره بالشي الي كالته راقية وممصدكة
محست بالي كعد بصفها على جهه اليمين
وشنو حجه الا من ندستها بأيدها راقيه
أنتبهت لراقيه
-شكو
أشرتلها بعيونها ان تلتفت للي بصفها
دارت وجها مريومه وشافته
-هلو مريومه الشاغل بالج يتهنى ..
كالها ويتمنى ماكو احد يتمنى بس هوه تحبه ويشغل بالها مثل مشاغله باله..
اعيونه من تباوعلها لمعتهم غير ..
باوعتله بضوجه وبقهر ماكو احد شاغل بالي بس الدراسة..
طلعت ورقة الجدول وحطتها بأيدة
و بأبتسامه حجت
مريم - هذا الجدول سويته مبدئياً اتفقنه بينه احنه البنات بقى انتو شوفوا
لان اكيد انا ماافهمكم ولا اعرف امثلكم
ورفعت حواجبها اله..
هوه مصدوم مو من كلامها لا من ايدها طخت ايدة
حركه سريعه بس حس بترافتهن خلته مصقوع مثل الي ضاربته كهرباء
لكزه برجله مهند
-شبيك حسن شسالفتك بضحكة..
كامو بعد مابده وقت المحاظره ودخلو القاعة..وراهم الاستاذ باهر
الي يلقي المحاظرة وتحس من تجي اعيونها بعينه يخزرها ماتعرف ليش..

بعدها خلصت المحاظرة توجهوا مباشرة للمختبرات..
كعد بصفها حسن الي حس بأن اكو شي واصللها غلط عنه ..
تكتب وهوه صافن عليها ..شبيج مريم اريد افتهم الي كلتيه مساع شنو
-أنا اريد افتهم الي حاجيه بظهري شنو..متوقعت هذا منك ..
حس بخنكه وبخوف اذا واصللها ان هوه يحبها ..ميريد يخسرها هالوكت وهوه يحس بان تميل اله بس كصديق..
فرك وجه باوعلها شنو سمعتي عني
حسو بصوت قريب عليهم انتبهو كلمن بلابتوبه..
سكتت وكملت الكتابه
اما حسن غارك بأفكاره وكل شوي يباوعلها..
خلصت وطلعت من المختبر وتوجهت مباشرة للحمامات غسلت وطلعت لاكتها صفا ورشا ترحين ويانه للكافتريا نشتري مي ونسكافيه..
طلبن وكعدن حسن شافهن ماكدر يسكت
راحت تستلم الطلب..
صار بصفها ..
-اريد أحجي وياج ضروري
باوعتله بعدم رضا ميصير لباجر راسي مصدع
-لا هسه ارجوج
يباوعلها بتوسل
ودت الصينية وطلبات رنا وصفا حطتهن واخذت كوبها وبطل المي وتوجهت لميز كاعد عليه حسن ..
كعدت وحطت الكوب وبطل المي..
أخذت رشفه من النسكافيه وهو صافن عليها شلون تباوع للكوب وتشرب ..
دار وجهه أحم أحم
-شنو الوصلج
مريم -ماوصلي شي كتلك عدك شي كوله الي لتحجي بظهري انا مااكدر امثل الولد بالمرحلة ..
دائماً كنت معتمده عليك وعلى علي اذا احد من الشباب عدهم شي تكلولي اذا اكدر اسوي شي مااقصر واذا لا اطلب مساعدة
حسن -اولاً الي موصلج مافاهم فكرتي ولا شي
مرحله كبيره لازم ولد وبنية ومحد مقلل من قدراتج..
بس اكو مشاكل وامور عدنه الشباب شاب يمثلنه افل وياج
وحدج ترحين تناقشين الاساتذه هم صعبه..
ميكدر يكللها شكد يغار تحركه الغيره ومستحيل بعد يخليها وحدها..
أنا رحت لرئيس القسم وفهمته وهوه كلي قبل ماتجي جنت اريد أخلي احد وياها..
يساعدها..
حتى يستمرون انشالله بالمراحل الجايه..
وكفت مصدومه ومنزعجه من تصرفه
أنت رحت مسوي كلشي بدون متكول وتناقشني لاغيني من حساباتك
براحتكم اذا مقتنعين..بس انا أنسحب ..
-ميصير هيج مريم لازم تفاهم
رن نقالها
- الو طيف اوكي اي خلصت طالعة
أخذت بطل الماي وهيه منزعجه مع السلامة..
تركته وهوه فهم ان هيه زعلت عليه لان مافهمها قبل ميتصرف تجاهل كيانها وتصرف من وراها..
بس غيرته خلته مينتبه لهالنقطة ..
ظرب الميز وكام وهوه مقهور كل ميحاول يتقدم خطوه يحس نفسة ترجعة عشرة ليورا..
مشت بين الطاولات حتى تطلع وشافت كبالها هم هالعيون الحادة تباوعلها بانزعاج ودنك على لابتوبه يكتب..
تحجي بينها وبين نفسها
جان عايزتني هالعيون الشهل الحادات ونظرات الانزعاج من استاذ باهر حتى يكمل يومي..
بعد يتغزلن بيه وهوه كالب خلقته شدعوه والله يالله ..
أخذت صحن الفواكه والكرزات توديهم للمطبخ ..
فتحتت الباب وشافت اخوها ومرته سوا وجنطتها بيدها..
-هلو شلونكم تبتسم
سمر -هلا مريومة
محمد-شوفي أخوج مايكدر ينام بلياها
سمر تباوع وتضحك
-الله يخليكم لبعض ومايحرمكم
دخلو وسدو الباب
وهيه فتحت الكنتور وطلعتلها دشداشه حفر قصيره ..
وأخذتها هيه والروب تروح تغسل
أعترض طريقها
-وين
باوعتله مبرطمة
يعني بعدني زعلانه
-هسه اطيح الزعل والله اغار يعني غير تلبسين شي مو ملفت بعد ازوجتي بس الي تلفتين
لتكولين مو جنت البس وعادي
انا مااقبل ولازم تفهميني ولتعاندين قابل انخلي عركاتنه على البس كل مره
تباوعله بعدم رضا وبعدها مبرطمة
جرها اله سريع وهوه يحاول يرضيها بكلمات يتفنن وهوه يعزف على اوتارها..
ياوردتي الرقيقة
كيف لي ان المسك دون ان تذبلي
وأظل استنشق عطركي كالمدمن
———————
رغد &صادق
واكفة بالمطبخ وهيه تحمس بالجدر التشريب ..
وبصفه جدر صغير للدولمه ..
اليوم نزولة وحظرتلة أكلات يحبهم..
وسوتله البسبوسه بالفرن..
أبنها باقر بالموزع قريب للمطبخ يلعب بالسيارات
بابا بابا ويصفك..شاله ويبوس بيه
أجت طيبة ورنا شبكن أبوهن
طب للمطبخ
-السلام عليكم شلونج
تقربت وباسته من خده وهوه جر راسها وباسها بجبينة
جر كرسي وكعد وحط باقر بحظنك
شافته منزعج ومهموم..
جابتله كلاص مي شربه..رفع راسه الها
رحم الله والديج..
كوم غسل وتمدد بالفراش علما يكمل الغدا..
بعدها باقل من ساعه وبعد ما اذن
طفت الجدورة ..
وطبت للحمام حطت ملابسة بالغسالة وضافت سائل الغسيل وشغلتها..
توضت ..توجهت لغرفتهم شافته متمدد وغافي
تقربت يمه وتريد تعرف شنو الي بيه..شنو رجعت هاي تخابرله..
يارب مثل مابعدتها عنه وقربته الي ..رده الي هالمرة..
تذكر كلش زين
بعد ٣شهور ومن خلصو أخر يوم امتحانات ..
ضحى تباوعلها وتضحك
-شبيج شايفه مهرج وتضحكين
-اليوم العصر نجي احنه ومرة خالي وبنته الكم ..
باوعتلها بصدمة
-ليش..
-اممم صادق رجع وبس وصل كال دورولي وخطبولي وانا الانسانه الصالحه رحت وكتله عليج شرايك بيها ..وانت شايفها..
وانا بحكم معاشرتج ادري اهلج مايصدكون يزوجوكم وانت صغار ..
وهيه مصدومه اي وشنو كلج هوه
-صفن شوي والبارحة اجت مرت خالي وكلتلي موافقين وجاي سائل عليكم وشايفج زين اظاهر..
فرحت وتحس ودلها تنثر ورود بالوان احساسها..
مااهتمت لقلبه ولا لاي شي..اهم شي هوه
شنو الي خله حبه بقلبها يكبر هالكد متعرف..
ياقلبي كم تحبه
وانت تنبض لو مر أسمه
الف نبضه
كيف لو حاوطني بأحظانه
لو ناداني باسمي
لو أحبني
كيف سيكون النبض حينها..
لتنسون ضغطون⭐️
محبتي ومودتي🥰

لامارا · 25-12-19, 10:45 PM

الفصل الثامن

مساء الخيرات🌺

أخذتني حيرتي وذكرياتي
لاول لمسه وأبتسامة
لفرحتي وانا بجانبه
كل شيء محتفظة به
بقلبي
أحس بأني لا أكتفي
رغدة &صاد
رتبت الاكل على الطاولة ..وهيه تبتسم ..ماخذتها ذكرياتها ..لاجمل ايامها..
أتفقت ويه ضحى ان هيه ماتدري بزيارتهم كدام امها وأهلها لان تخجل ..
ادعت النوم والتعب من الامتحانات..
سمعت الجرس من رن..
بعدها بأكثر من نص ساعة..دخلت أمها..
بصوت عالي
-رغده كومي وبدلي وتعالي للاستقبال..
وخرت الغطة وهيه مستمره بالادعاء بالنوم
شكو تعبانه يوم خليني ارتاح ..
-عدنه خطار كومي بدلي وعدلي شعرج وتعالي وراي بسرعه
شافت امها طلعت وسدت الباب وهيه طفرت بفرح..
طلعت فستانها الماروني وبيه ورد ناعم ..فتحت شعرها الناعم ..واخذت المقدمه ولمتهم بشكالة..
ونزلت كذلتها..
توجهت للاستقبال بخطوات تحس نفسها انغام قلبها تمشيها..
-السلام عليكم
بوست صديقتها ضحى و امها وام صادق
ام صادق-صلاوات على محمد مثل مكالو حلوه
الخجل خلاها خجلانه ومترفع راسها ..
وهمه يتكلمون..
كامن بعد ماكلولهم سالو عنه وننتظر منكم جواب
حتى بلكي لاجازته الجايه تصير المشيه
هيه الصمت والخجل بس تسمع ..
أمها -انشالله
خجلت تواجه ابوها وأخوانها ..وتستحي من تكعد يمهم ..
أبوها فرحان بالقسمه الي اجت لبته بعد ماسأل عنهم..
-رغدة بنيتي احنه موافقين انتي شنو رايج..
باوعت لامها ورجعت دنكت
-بكيفكم الي تشوفوه انا موافقه عليه
على الخير والبركة شايفة كل الخير
نزلت دموع الفرح وهي كاعدة ورا الباب بعد مااطت موافقتها للشيخ..
البارحة نزل وماشافته قبلها ..كله امه تجهز للخطوبه وترتيباتها وياها

متسمع صوت الاغاني والهلاهل والصفكات..بس خطواته تقترب منها بطىء تحس بس هيه وياه موجودين
حست من كعد يمها ..مسك ايدها وقرب راسه من اذنها وكللها متوقعت عن قرب وبلا حجاب هالكد جميلة
كان شعرها مرفوع بتسريحه بسيطه وبدلتها بف بسيطة بالون الوردي فاتح ..ومكياجها الهادىء مطيهها جماليه .. مبروك والله يتمملنه بالخير ..
رفعت راسها ونبضاتها واعيونها وكلشي بيها..يحاول يوصله بأن انا أحبك
أبتسمت بعيون مليانه لهفه شكراً..
عصر على ايدها ..
وبعد مالبسها الذهب ..تقرب وباسها بجبينها..وهيه تجر نفس تحاول تتنفس هواه ..
غمضت اعيونها تتمنى ميبعد..
اول مره تتمنى تتجاوز درجة الخجل ..وتتمنى تحظنه بهالحظة.. هوه حب توغل لاعماقها ..تحاول تستوعب هيه بحقيقة مو حلم..

فزت من ذكرياتها على ايدين باقر
-ماما اريد عمه نوعان ابتسمت لباقر
دخل صادق وكرار والبنات كعدو ياكلون ومستمتعين بطبخ امهم..ولمتهم
أبتسامتها اتسعت من سمعته
صادق-عاشت ايدج على هالاكل الطيب
-بالعافية
-جاي من ايديج الحلوه بعدها
-تدلل ابتسمت شلونك هسه
جر حسره
-الحمد لله أحسن
اريد أحجي وياج بعدين بشي مهم..
باوعتله بحيره انشالله خير
————————
طيف&عادل
-يله طيف كومي نتغدا المطعم قريب نروحله امشي..اتصيرين من هسه عكرة..
-مروه والله استحي ومكايله لاهلي
مروه-شبيج احنه مجموعه نروح والولد وحد واحنه وحد
نجاة-خابري لخاله كليلها احنه من نستلم راتب نتغدا برا مانطول نفس الوكت نرجع..
حست بنفسها فرحانه بأول راتب الها ..
أذكرت باجر جمعه وعيد ميلاد مريومه ..اتمنت تلكه محل قريب وتشتريلها هدية..
ولاهلها تفرحهم ..

دخلت للمطعم أنيق ديكوره خشبي وأسود وبالمنتصف شجرة جميله وداير مدايرها سنادين ورد..وكرات من الاضاءه نازله من السقف..عطر الافندر الي مالي المكان
أستنشقته..
اغلب الموضفين كاعدين ودامجين الطاولات سوا بخط واحد ..همه مجموعين وحد وهنه وحد..
كعدت ورفعت راسها وشافته حرك شفايفه وايده هلو شلونج
أبتسمتله..ودنكت خجلانه..وتذكره خلال الايام الفاتت..
كثرت جياته للغرفة ..نظرات الاهتمام..
-هلو طيف ممكن جيكين هالعقد بالحاسبه ويه العقود
رفعت راسها
-هله عادل تمام انشالله
حط الاوراق وطلع ..
وطكتها ضحكه نجاة
-ولج هاي رابع مره يجي يحتار باي عذر
-هههههه يعني حاسبتله
-لا امبين معجب من اعيونه فاضحته..عادك عادل والنعم منه ومن اخلاقه ..
وتغمزلها
ابتسمت بقهر وحجت بداخلها
لوتدرين يانجاة انا رفضته كبل..وشفت الوجع بداخله وقتها..
اصلا بعد رفضي اله مشفته ضحك لو حط عينه بعيني..
لحد اخر يوم امتحانات وتبارينه الذمم
الا هوه ولا سلم عليه ..
يمكن وجع قلبه وكسرته ..سبب بالي صارلي..
أستغفر الله ربي طاحت دمعه ومسحتها على السريع..
ياريتني رفضت امير هم ولا صار الي صار..
كل ماتهرب من شبح الماضي لازم تذكرة..
كعدت وانا مدنكة واسمع صوته
أمير-حلوه طيف ..اسماً وقالباً ..انا ماعدي اي شروط غير ان بعد اسبوعين العرس..
وكفت بصدمه من كلامه ..وباوعت لأمها الي حاولت تدارك الموقف
وامه ضحكت
-خالة مجهز كلشي هوه وعده سفرة بعد زواجكم واذا اخرة يجي عاشور وصفر وخاف طول..
وهم شاف الحلو لازم يستعجل..
قويت نفسي وحجيت
وين الحك افهمه يفهمني نجهز اسبوعين
أجاني صوته
-الايام هواي انشالله وراح تعرفيني كلش زين
انا رجل عملي ..انشالله باجر امر ونشتري الذهب ..
وسوي خطوبه وحنه وراها اسبوع الزواج..
كضت ايدها امها حتى لتحجي..
-نشوف رايي ابوها والله كريم
فزت على صوت الطبق الي حطه النادل ..طبق طويل مقسم اربع اقسام بيه مطبك دجاج وبرياني لحم مندي دجاج ومندي لحم..
من خلصو وشربوا جاي..وكامن ..
مشت وصار عادل بصفها وجر حسرة وكلها بصوت بس هيه تسمعة
-ليش الدموع ..كون الي يوجعج بيه ولا اشوف دمعتج..
ظلت اعيونها مصدومه ودمعت ..ما التفتت اله ولا كدرت تكول شي..
سرعت مشيتها ..
طلعت من المطعم ولبست نظارتها الشمسيه..شافو الباص ينتظرهم يم المطعم..صعدو..
كعدت بالكرسي قريب للشباك وتباوع للشارع وهيه دموعها مستمره بالنزول..

باوعتله من فات بسيارته وصار قريب منها باوعلها بنظرات حب واهتمام عتب اوترجي يمكن شي صعب توصفة..لهالدرجه هوه يحس بيه..وحس بوجعي..
لكزت ايدها نجاة
-مااشتريتي لاختج شي
-أنزل براس الشارع يمنه محل هدايا انزل واشتريلها ..
-أنا زوجي المصون هسه باليل هم يريد عشا وعلى حسابي
حاولت تبتسم وتحارب دموعها بالضحك..
-الله يخليكم لبعض ويرزقج بنونو زغير وبعد يبطل يدلع
———
وسن&جابر
وأحترق وجعاً لفراقك.. نار لايطفئها الا رؤياك
والعودة لبداية الحب..
أبعدتنا الاقدار والدروب وماعادت تجمعنا سوى الذكريات
مخبوصة بترتيبات الغرفة..هيه والعامله ام اسعد
-ام اسعد مسحي زين الارضيه والغراض ورشي من هذا معطر الجو..
اليوم لجنه الاشراف من بغداد جاية..
رتبت اضبارات الطلاب ..بالدولاب السمائي اربع خانات الفوك من الزجاج والجوا بابين متروس اوراق للمدرسه..
بصفة ميز وعليه طابعه
عدلت الوحات بين شهادات تقديريه لجهود كادر المدرسة وصور طلاب ..الي موضوعه على الجدار..
طلعت ام اسعد ..دخلت ست سندس معلمة الرياضة..
أجوي ست وسن اجو الجنة..
من باب المدرسة الخارجي لحد الداخلي يوصل للاداره
على اليمين طلاب الصف الثالث الابتدائي الاولاد..بقمصانهم البيض واليلك والبنطرون النيلي..
واليمين البنات بقمصانهم البيض والصدريه النيلي والشرايط البيض مزينه رؤوسهم
اطتهم ايعاز ست سندس للبدء
"أهلاً أهل اًبالزوار"
ويصفقون
" شرفتونه بهذا الدار "
يصفقون
"اهلا بيكم "
"ونحيكم "
"لتكولون علينه صغار بالتعليم نصير كبار"
بألتسامة رحبت بيهم
دخلتهم للاداره ..
بدت تشرحلهم اهم انجازات واحتياجات المدرسة..
-يعني ست وسن تحتاجون الى دعم مالي لتطوير البنى التحتية..
رفعت راسها بصدمة لهلصوت
هيه ماتركز بالوجوه متعلمه دائماً تباوع للمقابل زون تركيز..
ركزت بأتجاه الصوت شافت الي نزع نظاراته الشمسية ..
وأنصدمت وبقت فاتحة اعيونها بدهشه..
لا تقل لي لماذا تفرقنا
لقت عشت الألم وحدي
وتعودت وحدي ان اكون

لتنسون المتابعه لحسابي

وال⭐️النجمه الحلوه دوسوها😁😊

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري