آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-12-20, 04:23 PM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  #قلبان يجمعهما السحر #البارت التاسع عشر بقلمي #نور الشمري #ليتك تسمع نداءي......... أريدك حب لا ينتهي وعشقك لا يموت وشوق لا يهدأ ولا يتغير أريدك أريد ان ارى صوتك في اذناي كلماتك رنين وعزف موسيقي اشتاق الي حضنك أريد ان استنشق رائحة عطرك في أنفاسي يانت كفاك عبسا بي فانا لي قلبا انصاف : كلمات عمتي نزلت مثل الصاعقه عليه لااااا يالله اذا اخذته عمتي راح تعرف كلشيي ووو راح يتهموني اني لازم اسوي شي يالله دخيلك ساعدني يالله دخيلك ماعدي غيرك ألجئ اله يارب مشيت واني احس بثكل مو طبيعي احس كلبي راح يطلع من مكانه كد مايدك سريع احس ادموعي تنزل جمر ع خدودي اذا عرفو مراح يسامحوني اذا عرفو مراح يصدكوني راح يبعدوني عن ابني وعنك يانصر راح يبعدوني عن سعادتي وحبي اصلا مو بيدي مو بيدي ابد هشي قدر ومكتوب شنو بيدي اسوي بعد اكثر من الي سويته دخلت للغرفه واني رجليه احيهن خيوط يمشن مااحس بيهن حتى باوعتله نايم وحاط اديه ع عيونه كلشي بي حلو حواجبه المطبوكه 24 ساعه وبسببها خطوط كصته موجوده دائما ومحلياته عيونه الكبار صلعته الي ياما جنت اكرهاا وهي اعشقهااا واعشقه اله هم لحيته الي بيها شكار والشيب طاك بيهاا ومدري شعجب ماصابغهن شواربه الي نازله ويه لحيته والي من يفكر يكعد يلعب بيهن ويبقه يسوي بيهن حركات خاصه من يكعد يشتغل اديه متفارق شواربه ولحيته دمارات كصته وراسه من يعصب راسا يطلعن وعبالك راح ينفجرن كد ما عصبي ملابسه الرسمه دائما وين مايطلع يلبسها بنطرون وقميص ويلك مطياته رجوله وشخصيه اكثر نضراته الحاده وخزرته من يضوج من شي يخلي اكبر واحد يخاف منه اتمدتت بصفه واني العب بلحيته ع كيف لا يكعد اعرفه نايم وبسابع نومه لان مطي منوم من جان بلمستشفى مره سولفلي ع خزرته شلون حته العميد مالته خاف من عدها ههههه نصر حواجبه ثخان ومن يفتح عيونه ويغزر يعكدهن ومنا خطوط كصته تبين واكو دمارات بكصته وراسه تبين كل هذني يسون رعب للواحد بمجرد مايشوفهن بقيت سرحانه واشبع عيوني شوف من عده ماعرف شوكت مصيري اطلع من هذا البيت بس احسه قريب مادام ضمضمت السالفه وسترت ع اختي لازم اتعاقب لان تنحسب مشاركه بهذا الشي وياها بس محد الي داحسه شنو حسيت ع التلفون دك باوعتلها كوثر جنت محتاجتها هواي رديت عليها واني الدمعه بعيني بقيت اسوبف وياها وافضفضلها كل شي بداخلي وهي اطمني واسكتني سولفتلها كلام عمتي وحالة نصر ووجع راسه - شوفي انصاف هو حاول يتقيئ شي يمكن هذا الشي لان خلصتي من السحر الي محاوطه - معقوله مادري كوثر مادري ماكل السيد هيج حيصير بي والله حرت وراح اموتت ويصير بيه شي والله - اسم الله حبيبتي لا تخافين اذا تقيئ اطمني معناه خلص من السحر وخلص من شعوذة اختج انشاءالله خير يلا اروح اني تصبحين ع خير - وانتي بخير سديته واني افكر بكلامها بس نصر مااتقيئ يعني لسه السحر بي اوف ياللهي ساعدني شلون اخلصه من هلمصيبه غفيت واني افكر شلون راح اخلص من هلمصيبه يمكن هاي اخر يوم الي هنا لان عمتي باجر تكشف كلشي غفيت والدمعه بعيني بعادتي نومي حيل ثكيل ولو يدك طبل يم راسي مااكعد بس بهذاك اليوم لااا اقل حركه من نصر جنت افز بمجرد ما ينكلب للجهه الثاني افز ماعرفت شييه وليش هيج فزيت الفجريه ع صوت نصر وهو بلحمام كعدت اركض عليه شفته يم المغسله كامش بطنه ودايحاول يتقيه بس مبين ميكدر - نصر شبيك حبيبي ليش هيج وجهك اصفر ادموعي نزلت بدون سابق انذار واحتلت وجههي وكل ملامح وجههي ومست قلبي بقيت كامشته وهو يحاول يذب من راسه وماكو فايده ابد بطنه ماتت وهو ماكو جريته غسلت وجهه ومشيته ع الجربايه وهمست بصوت خايف - شبيك نصر شنو اتقيت ؟؟ هز راسه لا وهو كامش بطنه اشجعت واني المس راسه وهمست يوجعك هز راسه اي ورجع كال - بس بطني حيل توجعني تعال اتربعيت واخذت راسه امرغله واقرا قران وهو هادئ نايم ع رجليه وعيونه مدمعه كانما يريد يبجي حالته تكسر الكلب وللاول مره بحياتي اشوف نصر هيج وبهلحاله هاي باوعت من الشباك طلعت الشمس وصار بيها خيط ضوه وهو لسه نايم ع رجليه واني امرغله واقرا اله قران ماخليت ايه حافظتها ماقريته اله همست واني اباوعله شلونها بطنك بعدها توجعك -لا بس تحس روحي اريد استغرغ وماكو شي سكتت وهو هم سكت الغرفه ضلمه وبس ضوه خفيف من الشباك يعبر الها وضوه احمر من المدفئه الكهربائيه خفيف كلشش باوعت واني عيونه مليانه دموع عليه اتجيت راسي ع التاج الجربايه وغفيت فزيت ع صوت الباب يندك وصوت عمتي تحجي ع كيف يمه نصوفه لسه نايمه يلا يايمه ورانا طريق كعدت ردت اكوم بس انتبهت نصر لسه نايم ع رجلي همست اي عمه هسه بس تعاي دخلي ليش وره الباب عدلت روحي وهي طبت ابتسمت من شافت نصر ع رجليه نايم - شلونه - بعده الفجر كعد بطنه توجعه وراد يتقيه ومكدر نام ع رجليه والنومه نومه جنت احجي بهمس وهو نايم ع رجليه وعمتي كاعده كدامي حسيت بي من تحرك رفع راسه شاف امه ابتسم وباس ايدها عدل كعدته وباوعلي وراسا دنك مثل الي صحه - يلا يمه كومو بدلو وتعالو تريكو ورانا طريق هم ياله نطلع - يمه روحو بس انتم اريد انام والله تعبان ميت تعب - يااااا ولك لعد هي الروحه المن الامي غير الك دكوم دكوم هسه اصير احسن بس تطلع ابني واعرفك يلا نصوفه كومي حظري هدومج انتي ورجلج وتعاي اتركو هزيت راسي الها اي وطلعت كمت غسلت وجههي ورجعت شفته بعده بمكانه ساند راسه ع التاج مال الجربايه ومغمض عيونه همست - شلون صرت بعدهن يوجعنك راسك وبطنك هز راسه لا وهو مغمض احظر ملابسك جنت احجي وافتح بلكنتور درت وجهي لكيته مغمض رجعلت سئلته ع الملابس فتح عيونه مغنزر وكال اي مو كتلج الموضة المطلقة، يجب أن يكون لديك أشياء لا تزال تفتقدها سكتت وحظرتله ملاپس بنطرون اسود وقميص زيتوني وحذرت غراضهه كلهن ع الميز كام بدل ورجع رعد ع الجربايه يلبس جواريبه ومبين عليه كوه يتحرك بس ميحجي شي لبست ثوب مال حوامل طويل ومستور ولفيت حجابي حطيت مكياج طبيعي وخفيف كلشش وهو يلبس،بساعتها ومحبسه اخذ محفظته وسويجه وتلفونه وطلع اني هم اخذت غراضي وطلعت واباوع ع كل ركن پلبيت احس هذه اخر مره اشوفه او يمكن احس هاي نظراتي الاخيره واريد اشبع شوف بي مو قليله ابد الايام الي عشتهن هناا وبكل ركن بي ذكرى الي هنا تعاركت ويه رانيا وهنا عرفت ماضي نصر وسبب الي مخلي هيج وحبه البت خالته وهنا عرفت السحر وهنا كعدت وسولف ويه نصر وهنا صارت الجمعه مالتنا كلها شريط ومر كدامي كعدت اكل واني الدمعه بعيني السكوت جان سيد الموقف ولا واحد منا حجه لا اني لا نصر لا عمتي ولا حتى مثنى الي يخلصها كلها سوالف اليوم ساكت نضفنا المطبخ وطلعنا مثنى يسوق ونصر بصفه واني وعمتي وره كععدنا صرت وره نصر فيت مشينا واني اباوع ع السيارات والناس الساعه جانت تقريب ال9 الصبح والكل طالع لدوامه لو الشغله لو المدرسته لكل واحد من هذول عده حزن بداخله والم حمدت ربي وشكرته ع مل شي ماريد افكر باشياء ويمكن تعتبر كفر برب العالمين الطريق كله مثنى يشاقى ويسولف ويضحك واحنه ساكتين مرت ساعه تقريبا وقربنا نوصل حجت عمتي وهي تباوع المثنى - اي ولك شوكت ترجع مرتك انت مو والله كلبي فحط ع البنيات اشتاقيتلهن - يمممةة صدك تحجين كم مره كتلج سدي السالفه ورانيا ماريد اسمع طاريها كدامي تردين احفاذ تدللين هسه نصوفه اجيبلج الغالي شسوي بلكخه بناتي ههههههه - لك انجب هذني الروح والريه مالتي دللتهن مثل ما دللتكم اني ربيتهن والله واحين بناتي مو بناتك بس نرجع من كربلاء اتروح اجيبها - اهووووووو يمممه ليش اتخليني احجي حجايه هسه وبعدين اتورط لان حجيتها سكتي رحمه الابوي سكتي - سكتت سكتتت الكل سكت وشغل الراديو مثنى ولا كانما هسه جان يتعارك ومجادل وشغل اغاني وصار يسمع اعرف بي يحب رانيا بس مبين اكو شي جبير بينهم لهذا فضل كرامته ع حبه وصلنا الكربلاء وطلعنا راسا انزور صفو السياره بكراج قريب من الامام ونزلنا نمشي عبرنا الشارع جانن شارعين عام وجسر دخلنا بشارع طويل وكمنا نمشي واني اباوع ع الناس وع المحلات لحد ما شفت القبه من شفتها حسيت روحي طلعت من مكانها اوفيشششش شكد منظرها حلوو دخلنا واني حايره وين اودي هذا السحر الملعون الي جبته وياي ياربي دخيلك وين اروح باوعت اكو مثل المسجد ماعرف شنو دايبنون بي والطابوك والانقاض تارسه الشارع باوعت ع عمتي وكتلها لحظه عمه بس خل اسوي حذائي هزت راسها وكالت كعدي ع كيفج خل اكل للولد واجيج راحت تلحك الولد حته توكفهم لان عبالك شادين محرك مو رجلين كل خطوه يخطوها شكبر الوحده تعادل 6 خطوات اخطيها اني ويجوز اكثر ههههه كعدت بصف الانقاض واني اديه ترجف وكل جسمي يرجف وجههي احسه صوفر وكام ينطي الوام مديت ايدي من جوا العبايه وشمرت العلاكه السودا الي بيها خربت كل حياتي جوه الانقاض وكمت اجت عمتي عليه -ها سويتيها - اي عمه مشينا واني خايفه دخلنا الامام العباس سلام الله عليه اول شي وكلمن راح بجهه اني وعمتي سوه ونصر ومثنى سوه دخلت واني ادموعي نزلت بدون مااا اسمح الها حته عفت عمتي وكتلها نلتقي،بره ماقبلت كالت انتي حامل ماعوفج بهاي الهوسه حاولت وياها لا تخافين عمه مابيه شي والله هسه اخلي وحده من هذني الي يشتغل ازورني واذا مكدرت اطلع صدك من سمعت هيج عمتي عافتني وطبت بنص النسوان واني وكفت كدام الشباك ادموعي تنزل اريد نصر منك يابو فاضل اعرفك كريم وماترد احد اعرفك شكد كريممم وماترد الايد الي تنمد الك واني جابه هسه والحفنك بستر زينب لا تردني فارغه يابوفاضل دزوني الك واجيتك وكلي امل بيك اريد نصر منك اريدك ترجعه مثل ماجان واحسن اريد تخلصه من هذا السحر هذا السم الي خرب حياتي حجيت كلشي بداخلي واني اشهك من البجي لحد مارتاحيت حاولت اطب ازور واكش الشباك بس مكدرت وخفت لا تجيني دفره طلعت واني اثر الدموع مبينه ع شكلي طلعت اباوع ادور عليهم ماكو ولا احد منهم وين راحو هذولي لا عمتي ولا واحد من الولد لمحت نصر واكف يم حاوية الزبل مطيني ضهره اعرفه هذا نصر رحت عليه اركض جان كامش بطنه وظومةن من عدها ويذب من راسه ويتقيه بس مو هذا الصدمني صدمني الشي الي شفته التقيي مالته عباره عن شي اسوددد وماعرف شنووو منظرهن يخووووف بشكل مو طبيعييي ومقرف حيييل صرت اضرب ع ضهره وهو مستمر جريت وخليته بلفي بسد الكشوانيات وخاف احد يشوفه وانفضح بين الناس الخوف الي حسيته بهذا الوكت مو طبيعيي ابد بجيت لحد ما كلت بسس واني واكفه فوك راسه وهو مستمر يتقيه واني ازيد بلبجي الناس تروح وتجي تباوعلنا اخر شي تقرب رجال جبير عمره يطلع نهاية الاربعين - بنيتي محتاجه شي تردين شي باوعت ع نصر ورجعت باوعت ع القبه دخيلك يابو فاضل دخيلك ساعدني همست واني وابجي عمو مي فدوه مي - هسه اجيبلج بنيتي كولي يالله وع كيفج رجلج هو - هزيت راسي اي وهو يبجي راح جاب بطلين مي واجه الجهه الي دخلنا بيها االى الامام جانت من جهة السوك مو من بين الحرمين لان جان اقرب النا هذا الباب من شفت نصر وكف ومبين روحه طلعت وهو يستفرغ جريته كعدته واخذت البطلين مال المي وغسلتله وجهه ومسحته اله وركبته وراسه وفتحت الثاني اطيتهيا جان حاط اديه ع عيونه وحاني ضهره ومبين عليه كل قوته راحت سوده عليه بيه ولا بيك اخذ البطل مني وشربه كله فد شربه وحده ورجع غسل وجهه بلي بقه من عده شوي وشمر البطل وشال راسه ورجع نزله عاصر عيرنه حيل وكانما دايحاول يذكر شي او يحس ع روحه همست نصر وياي انت باوعلي ونظراته غريبه ماعرف شن بيهن بس بيهن هواي حجي وكلام همس وهو يباوعلي - انتي سكت وعصر راسه ويفتح بعيونه ويسدهن وباوعلي شصار ليش هيج حالتي ماعرفت شجاوبه بس كتله ماعرف انت صالك فترا تشكي من بطنك وراسك وهسه اتقيت يمكن تسمم او شي باوعلي رافع راسه وكال تسمم وهز راسه مثل الي شاك ماعرف اذا هذا نصر نصر لو نصر الي محاوطه السحر وكف وشفت كمش بعامود ركضت سندته باوعلي بخزره متت من شفتها بس راسا دنكت كمشت ايده واخذته لليم الباب المكان الي متفقين نلتقي بي شفت عمتي اتحوس وتفتر من شافتنا اجت علينا بسرعه - وين جنتو بالي كله يمكم راحت روحي والله عبالي هاي ضاعت لو سحكنها النسوان وشوشصار بيهاااا كلبي وكف حضنتها واني اهديها ماكو شي عمه شبيج مابيه شي بس طلعت ولكيت نصر بعدني ممكمله كلامي خزرني وهز راسه لا عرفته ميريد يجحجي شي وكال الموضة المطلقة، يجب أن يكون لديك أشياء لا تزال تفتقدها - ماكو شي يمه طلعت اشتري بطل مي وهاي جلبت اله تجي وياي ابتسمت عمتي وكالت الحمدالله يلا لعد دخل نروح انزور الامام الحسين ونطلع نتغدا طلعنا شفنا مثني ينتظرنا بجهه الثاني وهم نفس الشي اتفرقنا وطبيت اني وعمتي بس هلمره كدرت ازور واكمش الشباك خايفه بس احس براحه مو طبيعيه من فرغت كل همي يمهم بجيت وحجيت الي بداخلي وطلعت اني وعمتي شفت نصر واكف وهم يعصر بعيونه عبالك جان نايم وهستوه كعد من النوم شكله ما تراحيتله بس طمني كلام كوثر من كالت اذا يتقيئ معنا خلص من السحر طلعنا من ومشينا بسوك جنت امشي واباوعله يمشي كدامنا ومثنى كلساع يضحك عليه ع شي وكفت عمتي اشترت ملابس الابن بتها لان راح يجن من اجيب وهي دائما تشتريلهم بقيت واكف وحسيت احد وراي درت وجهي لكيته هو باوعلي بعيونه حجي ماعرفته بس جان هادئ بس مبين التعب ع ملامحه همس - اي شي تردي اشتري لا اضلين ساكته حجاها ومشه ع ابو الكرزات الي كدامنا اشترا كرزات وحلويات واشياء هواي منبهت عليهن شنو مثنى جان يكلب بلمحابس الرجاليه اخر شي اجه سئلنيانصاف هذا الشال حلو باوعت ع الشال جان كلش حلوو وحته لونه حلو وويه كب منسقه باوعتله وغمزتله بشقه هااا هذا المننن - انجبي لججج اريده الاختي لان تطلبي 20 الف كلت اشتريلها حجاب ب10 احسن واصرف هههههههه - خرب بيومك ضحكت عليه ودرت وجهي صاحتلي عمتي ودخلت وياها للمحل وكامت اطلع ملابسحديث الولاده واشوفني انس مشتريه مره طلعنا اني وعمتي واشتريت كلشي ومره جابتلي كوثر جنطه شكبرها خطيه كالت لان ادري بيج متكدرين اطلعين ومن شفتهن متحملت وجبتلجياهن اشكرت منها واخذتهن جنت اسعد وحده بلعالم برغم من كل شي ولولا انانية رانيا جان اني اسعد وحده بلعالم كاةت عكتي اطلع وتاخذ رئي بس هلمره اخذتهن شويه كبار مو مال حديث الولاده كالت لان الولد بسرعه يتغير نمو ويكبر ماكو شهرين تلكي شكبره ضحكتني من كالت هيج وكامت تاخذ واشوفهن النصر الي واكف بلباب ساعه يخزر بامه لان فشله كدام الناس وساعه يضحك ويطيها رأيه ابتسمت فرحانه ع الاجواء هاي بس بمجرد ما اذكرت بس اقل الساعه وينكشف المستور وكلشي يبين حسيت بمغصه ببطني المتني حيل كوه طلعنا وعمتي ماخلت شي الاطفال مااشترته حته ملاعيب اشترت ومثنى يضحك عليها ويكلها هااا مو اكلج هذا العزيز ابن العزيز مااصدكين اتنكولين لاااا يابه حافظج حاافظج وصلنا لسيارتنا اباوع لكل واحد منا شايل اقل شي فد علاكتين ضحكت ع منظرنا هسه الي يشوفنا شيكول بلا دخلت للسياره ومشينا واني خايفه بس وكلت امري الى الله سبحانه وتعالى بطريق كالت عمتي المثنى يمه اسئل ع مكان هذا الي كتلك عليه دار وجهه نصر وكال وين يمه اني ماصدكت ارجع حته انام وانتي مدري وين تردين ترحين - يمه هذا شيخ كلش زين واريد اخذك اله لان وضعك ماعاجبني صالك فترا - يمه صدك تحجي مابيه شي وعيونج الحلوه تعب من الشغل لا اديري بال ست الحبايب هيه ارجع انام شويه اكعد احسن - بس يم - يوووم اروح فدوه العيونج مابيه شي شيخيش سيديش والله ميت نعس ارجع للبيت مثنى ارجع صدك رجعنا للبيت واني الفرحه ماساعيتني لان الموضوع انسد وعمتي ضحكت من شافت نصر هيج وكالت ابني رجعلي اعرفه من نظراته هاي دخيلك ياابو فاضل مارديتني ابتسمت عليها انشاءالله ياعمه ابو فاضل اطاج مرادج رجعما والطريق كله مثنى مشغل اغاني ويغني ويضحك وساعه يجادل وياي عبالك بته اني واني اضحك ع سوالفه اخر شي حسيت ع كرصه برجلي طفرت مخروعه وعمتي صاحت اسم الله يمه شبيج - ئئئ مابيه عمه هيج بقيت صافنه شنو هاي يالله رجعت حطيت راسي ع الجامه وصار سكوت شويه ورجع مثنى يضحك كال - لج انصاف شايفه الشارع مالتكم الي كبال بيتكم بواسط اكو طسه يابويه جنت كل ماافوت اعثر ولازم لو الله يسلط عليه واحد يشوفني - اييي لك هاي ياما وياما جنت اوكع بيها وارجع للبيت مطينه هههه مره جنت رايحه للمدرسه وجنت صف ثالث متوسط وهم عثرت بيها جانو اكو ولد كاعدين ركضو عليه اللله الله خيتي صالج شي واني من الفشله بس ابجي ومن اشوف منضري اضحك صرت ابجي واضحك والطين تارسني و الولد خافو عافوني وطلعو من الشارع كله ههههههههه واحد يصيح مخبله ورطتونا بيها ومن يومها صرت مافوت بشارع - ههههههههههههههههههااي حرامات ماجنت كدامج واشبع ضحك - اي مو اني مضحكه الك ديلا يلا هسه تلكي بناتك شبعن طيانه بيها - غير اشك حلكها الرانيا اذا عرفت طالعات بناتي حسيت بكرصه مرة الثانيه بس اقوى طفرت باوعت ايد نصر مادها من بصف الباب والكشن اكو فتح مدري شلون طبت ايده بيها وهي شكبرها ايده اتعادل ايدي مرتين باوعت عليه ورجتت كملت كلامي وكلساع اصحلي كرصه مدري شبييي يااا هذا اتخبل الولد عود ردت اصيحي اتخبل بزايد اخر شي عاط - كااافي مامليتوووو مو راسي احسه طبل صار من وراكم ولد الصاكين من مال هيج ابسيمت ومثنى ضحك بصوت عالي وكال لاا ماصدك هذا انت لو نسياك بكربلاء ورجعنااا ولك انت صالك شهور مشبعني سب وغلط شعلت اجدادي وهم بكبورهم صار سكتوت والكل نام عمتي ونصر واني حاطه راسي ع الجامه وصافنه حسيت السياره وكفت باوعت مثنى طلع تلفونه وصور فيديو النصر - ياااا شداسوي - هههههه اهدد رجلج بهذا الفيدو راحت الهيبه منك يحبيبي انت ياخوي ههههههههاي - شنو من فيديو عليك الله خل اشوف - لج انتي اسمعي الاغاني الي دايطلعها وهو نايم -وين والله مااسمع شي ناصي اصلا وهو مايشخر بس اذا تعبان وخطيه البارحه منايم اطيني خل اشوف - شمر التلفون الي وكال شوفي رجلج شلون يشخر والله اله اقطه قطه من هاي الزينه ضحكت وحذفت الفيديو ورجعتله التلفون وهمست عادي قطه بس ماعدك دليل ع ان نثر يشخر وبعدين كتلك هو لان تعبان اصلا يموت من الشخير - اي ولج لهذا صورته لان اعرفه مايشخر بس اليوم فرصتي وهو مطمن حط التلفون بجيبه ميدري مسحته ههههههههه رجعنا للبيت واني ميته تعب وهلكانه وكلمن لغرفته نمنا جنت اشوف هدوء نصر ومستغربه من هدوئه هذا شنو يعني كلت اكعد من النوم واسئل كوثر كعدت بليل الكل كاعد وهو كاعد بنصهم يسولف ويضحك الموضة المطلقة، يجب أن يكون لديك أشياء لا تزال تفتقدها اول مطبيت استلمني مثنى - ياااخاينه يانذله اني اعلمججج اتحذفين الفيديو مووو مو اني غبي اطيتجيااا طلعتي وفيه الزوجج حته بهاي، متت ضحك وكلها ضحك جانت اجواء مليانه سعاده وجمعه عائليه حلووه نصر جان نايم بحظن امه يسولف مندمج فجئه كال - مثنى خابر سند خل يجي وعلي مشتاقله هلبذات هذا تلفوني بلغرفه الانضار كلها اتحولت ع نصر ومن ضمنهم اني باوعت بصدمه واتاكدت مفعول السحر راح وهذا نصر الدين كدامي مابي شي عمتي كالت وهي تباوعله - يمه متاكد والله مالنا خلك المشاكل عوفه لخاطر الله اذا تريد تتعارك - يمه شتعارك شبيج اريد اشوفه مشتاقله واريد اشوف حوري مشتاقلها الحيوانه هواي مثنى باوعلي وباوع ع نصر وكال نصر متاكد من قرارك - يمعودين شبيك داشككون بيه عبالك مسوي شو شنو اخوي واريد اشوفه شنو ممنوع عمتي ضحكت وهي اتردد الحمدالله يارب الحمدالله - الله يهديكم يمه وترجعون مثل قبل واخلا وقلب ع قلب من كالت هيج عمتي نصر صفن ع امه وكعد عدل مثل الي يرجع ذاكرته او يفكر باوعلي عاكد حاجبه واني رديتله النظره بخوف وبنفس الوكت امان وحنان دنك وهو صافن ع االنقش مال الزوليه ومثنى بره يخابر سند واني خايفه مرت ربع ساعه وطب مثنى ونصر بعده صافن ع الزوليه مثل الي يفكر بشي ويلعب بلحيته وشواربه واعرف هاي حركته كلش زين شنو معناها كعد مثنى وهو يباوع علينا وكال مقبل يجي يكول حلفت مااطب لهذا البيت بعد كام نصر وهو يهز براسه وطلع من الصاله وعمتي خابت ضحكتها واني مصدومه طلعت من الصاله ولحكت نصر لكيته بغرفه كاعده وصافن يعصر براسه همست يوجعك هز راسه بـــ لااا وكام جر تلفونه وهمس اني طالع ويه يامن ويجوز اتاخر حجه كلماته وطلع واني صافنه حقه والله حقه انسان صاله اكثر من 9 اشهر هو مسحور ومو سحر واحد لا سحرين وواحد اقوى من الثاني وفجئه يحس ع روحه ويشوف البيت كله مكلوب ويعرف اخوه زعلان منه الله ياخذج رانيااااا واخلص الله ياخذججججججج جوري : درت وجهيي واني ارجف وكلبي احسه حيطلع من مكانه من كد سرعته اتقدم حسن وهو يباوعلي بتسفهام باوعت ع هذا الي واكف كدامي بكره وخوف وهو ردلي النضره ببابتسامه ولا كانما اكو شي اول ما وصل حسن النا همس هذا الحقير وهو مبتسم - اجيت بوكتك اختك رادت تندعم اله شويه ياخوي وينك ماتكلي شكد دكيت عليك وانت ماترد - ها مادري جنت بلمحاضره وحاطه صامت باوعلي وكال شمطلعج انتي ووين بالج من ردتي تندعمين - ئئ طلعت لبيت ياسمين ادرس ومن عبرت ماجان اكو سياره فجئه طلعت كدامي - وين جان بالج غبيه انتي تبقين غبيه ولج كم مره كايلج ماطلعين اذا مو اني وياج مو ادري بيج ثوله وغبيه - اوو حسن سبيك استلمتني روح شوف البيت ينكعد بي وعمتك جايه وجايبه خطابه الي وعايفه بناتها وولدها وجاي لاحكتني الي لعبت روحي والله حجيت واني ناسيه هذا واكف وراي ويسمع كل حجينا حسن حس وعض شفته الي وكال امشي ولج نرجع للبيت ونحجي ادبسزز طولان السانج عزاااا هاي اني شحجيت كدام هذا الحقير ديلا هسه واذا سمع عشتوو مشيت وهذا نضراته الي بغضب مدري شبي واني رديتله النظره بستهزاء وضحكت ضحكه استهزائيه وهزيت ايدي ومشيت وحسن يمشي كدامي بعد ماسلم عليه احس انتصرت من رديتلها هيج نظره وحسيت براحه من خلصني من تحقيق حسن وياي كلت خلص اليوم ابات بوادي السلام لا محال بهذا الشي رجعت للبيت وعمتي ماكو اول ماطبيت امي اتلكتني وعصبيه - ولج عمتج لعبت طوبه بيه كدام الناس من كتلهم البنيه ماتقبل تزوج حارت شكالت وشحجت عبالك اني جنتها وكاعد اتفشل بيه - يمه واني شعليههه والله خوش هي حماتج اني شكوو وذبيتيها براسييي حسن : يمه هدي روحج هسه يجي ابوي وحاجي هو يحلها الج - ولك هاي الغبيه اختك ماعرفت تصرف هسه دتطبي وكعدي وبعدين انردلهم الرفض بس هي عاندت واله تفشلنا خلت عمتها اله الحق - هذاهو يمه اني احاجي عمتي زودتهااا يعني اذا كاتله روحها ع عريس مازوج بناتها مازوج ولدها جاي ع هاي الغبيه شكو - باوعتله ووكفت ع الكرسي وصحت حسنننن اني مو غبيييه والله اذا عدتها اله اهلس هذني شعراياتك واخليك صفررررر حته بشارع فشلتني كدام هذا صديقك الحقيرررر من كتلي غبيه وثوله - اي جا جذب غبيه وثوله وحماره ومطيه وصخله وقرده وبعد شنو تردين - حسنننن اني اعلمك والله بسيطه نزلت من الكرسي وركضت ترست الدولكه مي وركضت وزاه اني بنسبه الي هذا سلاحي بكلشي استعمل المي وهسه الدنيا بارده فحيل بيك ياحسن ركضت وراه وهو يركض كدامي طلع للطرمه واني وراه شفته انحصر بيني وبين باب الشارع وهو مسوي وضعية الشرود واني محظره الدولكه حته اشمر المي و اول ماشمرت المي انفتح الباب مال الشارع وطب بابا وحسن ابطح بلكاع باوعت المي طاح كله ع بابا عزااااا هو خزرني وباوعلي بغضب وحسن كاعد بلكاع ميت ضحك واني البجيه كامشتني يعني اليوم الله متحلف بيه اله اتفشلللللل كدام الكل و حظي يطيح ركضت لجوه وبابا يغلط ويسب بيه الدنيا بارده والمغربيه اصير ثلج والمي جان بارد والدولكه جبيره خرب خرب بحظي ركضت ختلت بغرفتي ومنا سالفة عمتي لا استلم اليوم يومج جوري حبيبتي اشبعي غلط وكتل هم شويه وسمعت بابا صاح جورررررري اويليي الفاتحه ع روحي والله جنت خوش بنيه وحبابه واصوم واصلي طلعت واني امشي خطوه وارجع عشر خطوات وصلت يم باب الصاله وهو كاعد ع القنفه عاط تعاي كدامي كعدي كعدت كدامه واني اعصر بديه باوعلي وكال - شمسوووي اليوم باوعت وجهه بابا مابي اي مجال للشقه او الضحك ومليان جديه همسه بابا موقصدي اشمر المي عليك والله - مو ع المي احجيييي احجي ع غير شي - بابا تدري انت قراري بهذا الموضوع وعمتي عافت الكل وجايه مجلبه بيه شنو ماكو غيري لو شنو بضبط ترا مايصير والله اذبح روحي واتخلصون مني لو اذبح اختك واخلص منها لازم فد يوم اسوي هيج من حجيت هيج ضحك بابا وحسن مات من الضحك - ههههههه ولا هذا هو الموضوع الي حجيت عليه ههههههه من كال هيج اتفشلت وكعدت وهو يضحك وحسين ميت ضحك - تعاي هنا يمي تعاي شلون هيج تمشين بشارع لو مدعومه ها شجان صاير بيه تدري انتي روحي لو رايحه من عدي لا سامح الله شلون اعيش بعد ماطلعين بدون مااحد وياج - ضحكت وكلتله شنو بابا هذا هو الموضوع الي صحتلي عليه - اي هو لان كلهن مو مهمات بكد حياتج مهمه عدي ديري بالج ع روحج بنيتي ماعدي غيرج - فدوه باباتي الله يخليك الي وميحرمني منك بسته بخده وكمت ومن يومها كمت مااطلع اذا مو حسن لو امي وياي وهم يوصلوني وعمتي بابا حجه وياها وخلصت من عدها بس بقه هذا البغدادي كل فترا اشوفه كدامي كمت يعني كل اسبوعين اشوفه مره مرتاحه من عده بده الدوام وكمت اداوم اني وصديقتي ياسمين بنفس المدرسه وكمنا نرجع ونروح سوه فد يوم طلعت من المدرسه وياسمين تحجي باوعت لمحت سياره وهلسياره اعرفها كلش زين لان ذاكليوم اشتراها عمار اي هده سيارة عمار ذاكليوم اشتراها من صاحبهم هو وحسن وعرفت هشي من حسن ماعرف ايش كمت ادور عليه بكل مكان ولمحته واكف لابس بنطرون ثلجي وقميص اسود وقمصله سودا من شفته حسيت كلبي يدك سريع ابتسمت واني فرحانه شيسوي كبال مدرستي معقوله اجه الي لاااا شنو الي شبيج جوري انتبهت اكو بنيه وكفت كدامه مبوشه فتحلها الباب وهي ركبت وره انتبهت بسياره رانيا وخالتي ام عمار هم من شفتها مبوشه عرفتها خطيبته احس تدموعي كامت تنزل ع خدودي مسحتهن راسا وكملت طريقي والدموع تلمع بعيوني درت وجهيي شفت شاب واكف يباوعلي ويضحك ويغمزلي وياشر ع خدوده بمعنى شبيج تبجين الموضة المطلقة، يجب أن يكون لديك أشياء لا تزال تفتقدها شكد كرهته مو هو اني ماقصتك دخل اخلص من هذا البغداد وبعدين اطلعلي عابتلكم كلكمم ماعدا بابا وحسن وعمار جوري : مرت يومين نصر يطلع من الصبح ومايجي غير بليل كلش وينام راسا وثاني بوم نفس الشي ومرات يجي ويبقه بره ويه اهله سوالف وضحك احسه دايشرد مني ودايبتعد مني اي مكان اني بي مو يطلع منه ماعرف شكيت السحر رجعله بس من سولف الكوثر كالت هذا نصر الي اعرفه تلكي يحس بتانيب الضمير لو مستغرب وبعده بصدمه مو سهله عليه وخاصه هو ميعرف بنفسه مسحور عذري والايام الجايه من يتعود عليج يجيج هو صدك كمت اسوي هذا الشي ومثنى راح جاب غزل ورزان بامر من عمتي كلتله لو ترجع مرتك لو اجيبلي حفيذاتي اني ماكدر بدونهن صدك راح جابهن واجه مرت الايام نركض ركض ونثر يبتعد عني عرفته كل ميريد يصالح سند وسند مايشيل التلفون عليه لو يخلي بناته يردن ويكلله ماموجود دو نايم ونصر اشوف بعيونه حزن وقهر طلع صالنا اسبوع من رجعنا من كربلاء ونصر طلع بشغل كال اسبوعين وارجع ومرت تسبوعين بلمح البصر تركض ركض رانيا ماعرفت عنها شي لان ماحاجيها وبناتها هنا عمتي هي الي مداريتهن خطيه عمتي تركض منا ومنا ع البيت وع البنات ومن اساعدها ماتقبل وتبقه ترزل بيه واصيح هن بس هلكم يوم ستري علينا ع ما ناخذج للدكتورتج خلصت الاسبوعين ونصر ماكو جنت مشتاقتله هواي دكيت عليه واني خايفه لا يفشلني رد ومبين من صوته جان نايم - اسفهه حنت نايم - لا عادي اصلا همزين دكيتي كعديني بلوقت المناسب جان راح كل التعب مال الاسبوعين واطير الترقيه من عدي - لا انشاءالله تحصلها بس اذا ترقيت شنو اصير - هههه اصير نقيب اششش ولج الحياطين الها اذان وانتي يم الشباك مال الطرمه لا تسمع الجاوين - يااااا ع كيفك مو لهدرجه هاي ههههههه الموضة المطلقة، يجب أن يكون لديك أشياء لا تزال تفتقدها - ههههه اشاقه شلونج - يمه يمه يمه احس كلبي راح يطلع من مكانه من كلماته الحمدالله وانت - الحمدالله برهومي شلونه - هههه زين الاسبوع الجاي ادخل بشهري و اروح الدكتوره واشوف شتكولي - خير انشاءالله يلا مرخصتج لازم اكوم - ها اي اي اخذ راحتك سديته واني ممصدكه روحي حاجبته يبوو حته ماسئلته شوكت يرجع يلا عادي بعدين اخابره مر اسبوع لخ ودخلت بشهري وباجر لازم اروح لدكتورتي نصر بين يوم ويوم احاجي رسائل بمجرد اسئل تنه وهذهو هو هم من بمجرد ما واحد يسئل الثاني شلونك زين يختفي ثاني يوم رحت للدكتوره مالتي وكالت بعد يومين تعاي اسويلج ولاده واني ميته خوف وعمتي اتهدي بيه اجت اخت نصر الصغيره ام تقى بتها تخبل وهي وغزل معاوك ع اللعابات بيوم عمليتي عمتي عافت البنات يم بتها ورحنا للمستشفى اتمنيت نصر وياي لان لا امي ولا اختي وياي اذكرت من خابرت امي وكتلها كالت منو يجيبني ماكدر عمتج يمج ومن اجيبين اجيج حيل قهرتني وسبعت بجي بيومها دخلت للعمليات واني بس ابجي والدكتوره وعمتي ومثنى يضحون عليه حقهم ماحاسين الي داحسه مو لازم الام بهيج وكت توكف ويه بتها مو لازم الاخت كامشه ايدي وتهون عليه وتكلي شي بسيط هؤه بس اتكعدين واشوفي تنسين كلشي مو لارم زوجي كامش ايدي ويكلي لا تخافين اني يمج صيري قويه و طلعيلي بسلامه الموضة المطلقة، يجب أن يكون لديك أشياء لا تزال تفتقدها اشو اني ولا واحد منهم وياي عمار خابرني وكال والله اني بشركه وطلبت اجازه مطوني باجر الصبح يمج لان جمعه وعطله عذرته لان خطيه ميكدر يترك شغله واذا غاب ينفصل دخلت واني الدمعه بعيني وضلت ام التخدير تسئلني اسئلها وبعدها فقدت وماعرفت شصار حسيت ع اصوت يمي وضحك واني احس راسي طبل وبطني اتكطعني اتكطع فتحت عيوني كوه وارجع اسدهن هذا صوته صوت نصر والله احسه اخترق اذاني وهو يكول بسم الله كانما داشيل شي فتحت عيوني واني اريد الرؤيه توضح عدي شفته بصفي شايل طفل حته مانتبهت ع الطفل كد مانتبهت ع الفرحه الي مرسومه ع وجهه نصر عمتي ثاحت ولك يمه كبر باذنه ويمي مو كطع نفسي واني احاجيك - اي يمه اي دنك وهو يكبر باذنه ويسمي باسمه وصوته وهو يكول اسميتك ابراهيم يرن باذني رن حسيت بالم ببطني صحت ااااخ اجت عمتي تركض عليه وهو باوعلي مبتسم اجه تقرب وكال شرف ولي العهد هههه ضحكت وهمست نزله اريد اشوفه عدلت عمتي كعدتي واني اصيح اخ عمه بطني كعد بطرف السرير وابراهيم بحضنه قربه الي يالله شكد يشبه نصر دنكت واني اشتم ريحته افيششش ياروحي بسته بكصته ونزلت دموعي بقيت شفايفي ع كصت ابراهيم ابني شكد حلوه هلكلمه هاي وماحس غير الباب انفتح وصوتها رن باذني رن وهي اتكول الحمدالله ع سلامتج بعد اختج رفعت راسي واني اشوفها رايناااا ………… يتبع ،،،،،،، وللحكايه بقيه ،،،،،،،، قرائه ممتعه احبتي طبعا البارت متدرون شلون كتبته اليوم صرت ام بيت ايد اغسل اماعين وايد اكتبلكم ايد اقري اخوتي وايد اكتب وايد انضف وايد اكتب كوه خلصته وطبعا ارجع اكول غلسوو ع السحك لان ماصحتته والله ميته تعب لان ماما مريضه واني صرت ام بيت بمكانها 😭😭 تصويتاتكم وتوقعاتكم وتعليقاااااتكم #نور الشمري #نوشه | ||||
|  |
|
08-12-20, 02:50 PM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت العشرون بقلمي #نور الشمري #اجمل لغه هى لغه العيون سر من اسرارالكون لايفهمها الا القليلون للعيون ابتسامه وحزن وشوق وحنين انصاف : رفعت راسي وبمجرد ماشفتها واكفه بلباب وابتسامتها مرسومه ع وجهه وكانما ولا اي شي صاير باوعت ع نصر راسااا واني خايفه عليه من عدها اي خايفه لا ترجع ع سحورتها اختي واعرفها مااتوب ابد وماتستسلم اذا حطت شي ببراسها وكف مثنى الي جان كاعد ع القنفه وصاح - رانيااااااا شجااابجج هاا امشيييي اطلعييي بره ماريد اشوووف وجهج امشييييييي - بقيت صافنه ع الكل واني خايفه ع ابني ونصر من نظراتها الي مارتاحيتلهن رجع مثنى يريد يحجي وطبو امي وعمار وره رانيا من شفت عمار حسيت روحي طلعت كعدت واني افتح اديه اله حسيت بامان مادام هو موجود مااخاف من رانيا حضني وهو يبوس براسي ويضحك -ها ولج صرتي ام والله مامبين عليج ههههه الف مبروك حبيبت اخوها ان شاءالله يتربه بعزكم كام سلم ع نصر ونصر رد السلام اخذت ابني من نصر واني ممصدكه هذا ابني اني اني امه هذا قطعه من عدي بين اديه هسه احس روحي طيرررر من الفرحه رفعت راسي وامي ورانيا لسه بلباب بس امي مو امي القديمه لااااا رايح كل الجبروت والغرور الي بملامحها وعيونها باوعتلي وبعيونها ندم ضعفاااانه حيل وملامحها تعبانه شكلها رايح وكبرانه عبالك 10 سنين فوك عمرها كوه تمشي وع عكازه اتقدمت وكفت كدامي وباست راسي وهمست عذريني يمه والله مطاني كلبي اعوفج ورحت لعمار للشركه واتوسلت يطو اجازه واجيتج سكتت ومارديت عليها بقه الكل كاعد يسولف ويضحك ماعدا مثنى الي انكلب 180 درجه من دخلت رانيا لحد لان وهو بس يخزر بيها وهي ولا كانما يمها سوالف وضحك وعبالك ممسوي شي شنو هلراحة البال الي عدج يااختي شنو من قوه عدج ماكو ضمير يأنبج ماكو احساس يخليج ع الاقل اتحسين بلناس الي كدامج ماهتميت الهم ابد وبقيت مركزه ع ابني الي نايم ورايح بسابع نومه دخلت الدكتوره وهي تضحك الحمدالله ع سلامتج ماما شنو هاي يابه منو نصر من عدكم ههههههه من كالت هيج خجلت وباوعتلها بصدمه يمه عزاا هاي شراح تكول لا بس جفصت واني مو واعيه وتحت مفعول البنج يبووو عليه باوع مثنى ع نصر وضحك كال هذا دكتورتنا هذا واكف فوك راسهم هههههه - يفدوه ربي يحفظكم لبعض استاذ نصر هنيالك ع مرتك شكد تحبك ههههه جانت تحجي وتتفحصني اني والطفل والكل يضحك احس وجههي صار احمر دم من الفشله - مادامها بلبنج هي تصيح نصر ونصر احبك لاتروح نصر لا تعوفني هههههه يمعود لا تعوفها لااا تروح اطلع كيدها عليك وان كيدهن عظيم هههههه يلا ماما رضعي ابنج لان جوعان اكيد ومعافايا ان شاءالله عافتني وطلعت بنص الفشله الي خلتني بيها احس وجهي احمر ذاك اليوم كدام سند وهسه كدام الدكتوره وفضحتني كدامهم حسيت نصر هو هم خجل لان ضاربها ع الصامت ومدنك طلع وطلعو الولد وراه علمود ارضع ابراهيم باوعت ع عمتي بمعنى ماعرف علميني صدك ماقصرت اجت وكعدت بصفي وكامت اتعلمني شلون ارضعه لحد ماكعد وكام يبجي بس من رضع سكت ووبقه يرضع خلصت رضع ابراهيم ورجعو طبوو وكفت رانيا فوك راسي خفت منها وحظنت ابني حيل بقت تباوعله وتضحك وتحجي - يممه فدووه حبيب خالتك شنو هلجمال هذاا يابه زلمه زلمهه فدووه اروحلك اني بقت تحجي واني حاظنته وهو نايم ساعه وساعه يكعد يبجي اخذته عمتي هي وامي ماقبلت اطي بس مكدرت احجي شي رادت رانيا تاخذه اخذه مثنى من حظن عمتي وهو يحجي وياه -لك نصر باوع عليه لك يخبل بويه هذا من هسه راح يخلي البنات تزحف عليه بس حبيبي برهومي بداعت المحبه واني عمك الصغير المحبوب الحلو الصاك لا تاخذ عصبية ابوك واهم شي لا تاخذ صلعته لك بابا اهم شي الكفشششه مو تزين صفر مثل ابوك نصر : ولك شقصدكككك هاااا ابن الحلوووه امشي من هسه يريد يعلم الطفل ع الكفشه وسوالفك الماصخه كلها طيحان الحظ - له له ليش هيج خويه مو حماتنا اني وياك واكفه ليش اتخليني اشكيلهااا عليك بقوو نصر ومثنى يجادلون ويضحكون ع الطفل وعبالك هذا اول طفله الهم مو كانما سند عده 3 بنات وولد ومثنى عده 2 بنات لا عبالك العائله هذا اول حفيذ الها طلعو كلهم بره واخذت ابني بقت عمتي ونصر بس اريد ارضعه واستحي كدامه غير يحس ويطلع ماكو مكابله وكاعد اخر شي عمتي حست ضحكت وصاحت ولك كووم البنيه تريد اترضع الطفل وانت كاعد - هاا وياي يمه اي اي كايم - ههههههه متنا ضحك عليه اني وعمتي رضعته ورجعته نام ونصر يكمل اجراءات الخروج ماعرف اذا اهلي بعدهم لو راحو مايهموني اصلا كلهم بس اسم اهل بس عمار هو كل اهلي ونصر ماعدي غيرهم بقيت صافنه ع ابني شكد حلو يعني هسه اني صرت ام ماصدك روحي بقيت اضحك وحدي لان حته عمتي طلعت عبالهم اريد انام ليش هو الي بصفه هيج كمر ينام ويعوفه يربي احسه نسخه من نصر بس نسخه مصغره هههه نفس الملامح والعيون والخشم وكلشي يمكن ماماخذ اي شي من عدي عده شعر بس خفيييف حيل ضحكت وهمست اله اخليلك شعر واطوله الك ع عناد ابوك هههههههه طبت عمتي ع كيف عبالها نايمه من شافتني كاعده وابتسم ويه براهيم ضحكت عليه ولج راح تتخبلين ههههه مادامج كاعده يلا لعد خل نطلع للبيت عليمن بعد كوووه كمت وكفت ع رجليه يعد كومه محاولات من عمتي اوكف وراجع اكعد وشبعت بجي من الوجع مال العمليه بدلتلي ملابسي ولبست حجابي واخذت ابراهيم ومثنى اخذ الجنطه وطلعوني بعربانه كاعده من طلعت شفت عمار واكف بلباب مال المستشفى سلم عليه وباس راسي وهمس - عذريني خيتي والله اتمنه ابقه اكثر بس تدرين شغلي هستوه اتحسن وماعولت الكي وامي يرادلها واحد يداريها مو تكعد اداري خليج عد عمتج ادري مايقصرون وياج وهاي رانيا اني اعرف شلون اربيها من جديد شكد حاولت وياها ترجع بس علمودج علمود اداريج وماكو معانده اني كل جمعه اجيب امي واجي اطمن عليج وارجع ماشي هزيت راسي اله وباس راسي وكام امي ورانيا بسياره حته ماسلمن عليه ماهتميت الهن احسهن غريبات مو امي واختي اصلا ركبوني بسياره بعد ماروحي طلعت حطيت برهومي بحظني ورجعت راسي ع الكشن وغفيت فزيت ع بجي ابراهيم وعمتي تحاول اسكت بي وهو بحظني اطيتها وهو بقه يبجي نصر : هذا ليش يبجي حبيبي بابا شبيك تعال تعال شوو اطيني يمه - ولك اكعدد خلي مابي شي شي عادي طفل ويبجي شنو اول طفل قابل يبجي هههههه وصلنا للبيت واخذتني عمتي لغرفتي شفت كاروك صغير بصف الجربايه مالتي منظره يخبل حطت عمتي برهومي بي وكالت من يكعد رضعي تلكي جوعان هزيت راسي الها وطبت ام تقى اخت نصر وهي فرحانه بي باركتلي وطلعت نمت وهستوني نايمه وفزيت ع البجي مالته لكيت نصر شايله ويفتر ولك بابا اسكت شبيك تبجي شتريد منظره صدك ضحكني من كل كلبي همست جيبه باوعليه وكال شيريد يبجي - غير جوعان كالت عمتي اطينيا خل ارضعه اخذته من عده وكعدت ارضع بي وهو طلع طبت عمتي الي وبقت يمي وغزل وزان يبجن ومجلبات بعمتي وعمتي تفتر بيني وبينهن خطيه لان مايقبلن يبقن عد ام تقى وبس يبجن العصر اجو كرايبهم يباركون وجانت من بينهم ام شهد بس شهد مو وياها طبن للغرفه الي باركلي واطن الواجب وطلعن وهيج مرت الايام وصار اسبوع ع ولادتي عمتي خطيه اتنام يمي لان بعدني مااعرفله وهو بليل بس يبجي ويشلع الكلب ومنا عمليتي هم كلبي انشلع وروحي تطلع بقه 3 ايام حته اروح للدكتوره افتح الخياط وعمتي ماعافتني نصر خطيه ينام بغرفة عمتي ومثنى يضحك عليه وهيج خلص الاسبوع وبعدها عمتي عافتني وكالت اتعلمي انتي صدك بديت اني وياه شويه شويه بس شنو اذا ابدلله ابقه ساعه ابدله ع كيفي اخاف حته احرك رجله من كد ما طريه وبعده صغير جنت اخاف عليه من ابسط الامور وهيج خلصت العشر ايام ورحت للدكتوره وفتحت الخياط وصرت احسن بهواي وكمت اتعلم ع ابراهيم شويه شويه ورجعت شويه ويه عمتي ع البيت لان بتها راحت وبققه البيت ع عمتي نصر رجع للغرفه ينام ومن يبجي ابراهيم يتربع ع الجربايه ويكعد واني ابقه افتر بي واسكته وهو يباوع وحاط ايده ع خده وصافن هههه لان ادري بي ميكدر ينام من وره الصوت ابراهيم وصار لازم اسبحه اذكرت من سبحته عمتي من طلع من الثالث يبوووو شلون هو يبجي بلحمام واني ابجي بغرفه عبالك ماخذي مدري وين مو يسبحوو وكلها تضحك عليه اخذته ورحت العمتي علمود اسبحه لان اخاف اني لا يزلك من ايدي لهدرجه اخاف عليه من ابسط الامور اتعودت بي وصارت روحي بي ماكدر بدونه ابد ولا هو اذا كعد وما لكاني بصفه يبقه يبجي نصر ماشوفه هواي لو بشغل لو من يجي اضل ملتهي ويه ابراهيم لحد ما صار شهر ع ولادتي والناس لحد لان تجي اتبارك النا وعمار كل جمعه يجي بس وحده لا امي ولا رانيا وياه وبهشهر هذا ابراهيم كبر شويه وجسمه شويه صار طبيعي مو مثل الاول اتعودت عليه كلش وماكدر بدونه ابد لحد ما مره جنت ابدله وكام يبجي حتى ما خلاني اكمطه بقه بس يبجي شلته وبقيت افتر بي سكت هو متعود ع التفرفر ابن الصاك واني افتر بي وارضعه حسيته جر شعري بصابعه الصغار يبوو بقيت احجي واحاول اطلع ايده من شعري ماكو مجلببب نيمته ع الجربايه وصرت احجي وياه وتفتح بيده وماكو عاصره الايده - ااخ ولك شعري حباب هده كافي شوف شوف شنو اطيك بس هد شعري ولك ماما هده البجيه واكفتلي وعيوني نترست دموع و بس احد يكلي بخ ابجي بقيت مدنكه وهو نام ومجلب بشعري طب نصر واني طفرت بس شنوو احس روحي طلعت وشعري كله اتهلسسس اتهلسس وحته ابراهيم بجه وكملتها من شفت شعري ضال بيد ابراهيم كمت ابجي واسكت ببراهيم ونصر صافن علينا ذب غراضه واجه عليه اخذه من عدي واخذ كماطه وطلع العمتي واني كامشه شعري وابجي طب يهز بيده ويضحك - لا تكليلي تبجين لان جر شعرج باوعتله واني ميته وجع من شعري لان اتهلس كله بيد هذا الخبيث الي مجلب بيهن برطمت وجاوبته - اي لعد شنو دشوف شلون شلع شعري ابن الص ردت اكول صاك واستحيت رفع حاجبه واتقدم وهو يباوع بعيوني اي ابن الص كملي شنو - ئئئئ مادري يمكن عمتي اصيحلي عفته وردت اطلع ماحس غير كمش ايدي وجرني رجعني عليه انضرب ضهري بصدره احس كلبي دكاته سرعته وروحي تريد تطلع وكوه واكفه ع رجليه كمشني من خصري بيد والايد الثانيه يمشيها ع شعري من مكان الي انجريت من عده صاللنا شهور بعاد وهو اصلا احنه من زواجنا بعاد ولو نحسب الوقت الي عشت وياه بسعاده يطلع اسبوعين بس وهاي ثالث مره يكون بيها هيج قريب من عدي احس صخنت ورجليه خيوط تنفسه قريب من ركبتي همس بعده شعرج يوجعج بس بصوت مبين عليه كوه طلع الكلمات من عده هزيترراسي بلا لان اصلا نسيت الم شعري وكلشي بهذه الحاله الي هسه اني بيها شوبه وابتعد عني وكال راح اشوف امي عافني وطلع ماعرف ليش احسه دايتهرب مني وايريد يبقه وياي بنفس المكان وحدنا رحت جبت ابراهيم ورجعت للغرفه رانيا ببالي لسه ماتروح من بالي شعدها اجت للمستشفى وراها سالفه وماارتاح اله واعرف نيتها الجايه شنو خطيه كوثر كل يوميه تتصل بيه وتعتذر مني لان ماتكدر تجي من وره سند الي حالف مايطب البيت ومحلفها الها هم خطيه بس البنات يجنا بين فترا وفترا مرت الايام وصار عمر ابراهيم شهرين ونصر شويه مام يفك ويسولف ويضحك وياي بس مايتقرب يمكن گصدقاء يسولف ويضحك بس گ زو لا ماعتقد هذا الشي احسه رجع نصر الي شفته بيوم الي اجانا انبارك الرانيا بولاده برزان نفس التصرفات رجع وعشي اكدلي راح السحر منه جان ابراهيم كاعد بحضني يناغب ويضحك ونصر كاعد ع القفنه يتفرج ع الفلم وعمتي كاعده يمي علمود ابراهيم ميوكع وبنات رانيا بلكاع يلعبن طب مثنى يغني شمر سويجه وغراضه ع القنفه وشال بناته باسهن وكعد - احم عدي حجي وياكم اريدكم اسمعون كلكم الكل كعد عدل ومن بينهم نصر الي احسه عرف شنو يريد يكول وباوع ع عمتي ورجع باوع ع مثنى الي جان كاعد وحاط بناته بحضنه وحده منا وحده منا - يمه اني قررت ازوج - شنوووووو ولك من كل عقلك تحجي وهاي الي عد اهلهاااا شنو - يمه رانيا راح اطلكهااااااا ماترهم الناااا يمه ماتدرين انتي بسوالفهااااا فدوه سكتي وعوفيني اقرر اني شتكول نصر - هو انت شخليت الي احجي اصلا انت مخلص كلشي وجايب بس تطينا علم مو عبالك مادري بيك انت اصلا هسه مكاعد تاخذ رأينا انت بس تطينا علم وهذهوو ترا اعرف كلشيي واعرف منو هي واعرف من شوكت عدك علاقه بيهاااا شوف اني ماراح احجي اي شي وياك بس اكلك شي واحد بس اذا راح تزوج لازم اجيب ام لهذني البنات قبل لا اجيب زوجه الك ترا مرت الاب ماترحم حجه كلماته وكام طلع من الصاله اخذت ابراهيم وطلعت اني هم هواي لحت عمتي نرجع لغرفتنا الفوك بس اني ماردت هذا الشي ماشفت اي سعاده بيها ولا شفت شي حلووو بقيت بلغرفه الجوه احسن واذا اجت اكبر من الفوك حتى طبيت للغرفه لكيته كاعد يهز برجله ومبين متوتر حطيت ابراهيم بفراشه وكعدت بصفه واول مره اشجع واخذ ايده همست نصر شبيك ليش هيج عصبت باوعلي وابتسم تك خد الفترا هاي صرت ماعرف نصر شنو لان هذه شخصيه نصر الحقيقيه مداعرفه شنو ولا شلون اصرف وياه وابتسامته ماعرفت مغزاها - شلون تعرفيني عصبي احسج حافظتني حفظ ههه خجلت من كلماته ودنكت خجلانه - بلعكس تدري انت هسه دادوخ بيك وبتصرفاتك وشخصيتك كل يوم مزاج وشي جديد ماداكدر اتصرف وياك وحته اخاف - اتخافين ؟ ههههه شنو بعبع كدامج لو زومبي واتخافين - مو هيج بس تصرفاتك اتخليني اخاف احسك بكلشي جاد - بلعكس لعد بعدج متعرفيني ههههه كومي كومي طلعي هدومي وراي طلعه كمت حظرت ملابسه بلفترا الاخيره علاقتنا صح متحسنه بس بعدني اخاف منه لان صدك احسه جاد بكلشي لان شخصيته هاي صعبه كلش حظرت ملابسه بدل وقبل لا يطلع باس ابراهيم واني واكفه اضحك دار وجهه عليه باوعلي لا بس غرتي يمه من كال هيج خجلتتت كلش دنكت وهزيت راسي بسرعه لا سار كدامي وهمس يعني ماتغارين عليه مو زوجج اني لو غلطان رفعت راسي بسرعه اول مره هيج يحجي وياي من رحنا الكربلاء لحد لان سكتت ودنكت اخجل احجي واخاف بنفس الوقت اخاف يفهم غلط ويبتعد خلي قريب عليه ماحس غير طبع بوسه خفيفه وسريعه ع خدي وطلع حطيت ايدي ع خدي صافنه ممصدكه باسني لالا اكيد تني بحلم اي اي بحلم كرصت روحي لا والله مو بحلم نصر باسني يعني اكو امل بي ههههه يحبني اي اكووو صرت اضحك واحظن ببراهيم وابوس بي لك انت وجهه خير عليه يروحي لك انت روحي روحيي فدوه الله لا يحرمني لا منك ولا من ابوك نصر الدين : طلعت خابرت يامن وطلعنا للمطعم نستفقد الوضع لان اجتني اخباريه عنه جنت كاعده والجكاره بيدي صافن ع الي سويته صح لو غلط 3 اشهر اني اتهرب منهاا بس كل ماتهرب منها تطلعلي بشي اتخليني اتعلق بيها اكثر صفنت ع روحي قبل 3 اشهر شنو صار بيه ماعرف احس مثل الي جان نايم غيبوبه وكعد هستوه بس اني اختلف عنه لان اكو اشياء اذكرها واكو اشياء ابقه احاول اذكرها وماكدر واكو احاول اذكرها واكدر ماعرف شنو بيه اصفن ع روحي شلون كدرت ازوج هيج طفلهوارجع اكول اصلا شلون كدرت اتقرب منهاماعرف احس روحي بدوامه وتفتر بيه من افكر بهذا الشي ادوخ لان ماعرف شبيه 9 اشهر اني مااذكر شنو بيه وليش احس روحي متقلب اذكر تصرفاتي بهاي ال9 اشهر واتخبل شلون كدرت اسوي هيج شي لو كدرت اتقرب من طفله واني اشوفها حالها حال الاطفال كلشي بيها يدل ع انها طفله وحته ابراهيم احسه اخوها مو ابنها اذكر تصرفاتي ويه امي وويه سند شلون كدرت اسمع كلام النسوان مادري كرهت روحي ميت مره من اذكر اني هيج مسوي اكره روحي اكثر واكثر من اذكر اني هيج سويت ويه نفسي وويه الاشخاص الاحبه عمري ماسمعت كلام النسوان غير كلام امي وهم مو بكلشي وتالي عمري اصدك كلام رانيا الي اكرهاا واموت منهااا شنو الي صار وياي وهيج سويت من وره رانيا الحقيره خربت علاقتي ويه اخوي كل ماذكر روحي هيج مسوي اغمها ميت مره واكول شكد مكرن لعد جنت لدرجه سمعت كلامها لهاي الحقيره الي من اول مادخلت لبيتنا واني ماعجبتني تصرفاتها كل يوم من اكعد وحدي ابقه صافن ع تصرفاتي الي سويتها لهاي ال 9 اشهر اكو ماذكرهن بس الي اذكرهن خلتني اكره روحي شكد ما جان الضغط عليه بشغل قوي مو لدرجه اروح ازوج واخلفف واتعارك ويه اخوي وكل هذا واني احس روحي جنت لعبه حسيت ع يامن وهو يصوفر باوعتله بخزره هيييي احنه بمطعم مو بشارع وكاعد اصوفر عيب عليك والده رجال شكبر شطولك جنك مطيرجي ضايعه طيوره -لك يا طيور يااا رجوله يا بطيخ لك دشووف شوف الخلقه الوراك بويه مو خلقه لااا ربك يبدع واحنه نتورط باوعتله بخزره يباوع لفوك ويحجي ورافع اديه خلاني اتفشل واباوع منا ومنا لا احد يشوفنا وانزل بديه وهو ميتمر يحجي - ربي ليش هيج ليش يعني اتبدع بلخلقه وتتفن وهن مايقصرن واتكول لا تباوعون شنييي انبياء احنه ومانباوع مو تدري بعبدك ضعيف كدام هيج خلقه اله تحطها كدامي واتخليني ارقمها مو البارحه كلت راح اتوب وابطل هسوالف - لك يااااامن راح اكوم اطلع والله انت شبيك ماتستحي دشوفه وياها ثنين زلم هسه اذا نتبهو عليك مو اصير بنعل انت ما اتوب من اسوالف - لا ورب هاي الخلقه الكارثيه مااتوب اروحلها عشر فدوات وارجعلها بجارجر يااابه صدك شلونها سيارتي الجديده شفتها حلوه - يامن ليش ماتبطل هاي سوالف انت من وراه سوالف هاي كمت حته بششريفه اشك واتحسها حالها حال الي يصابنك يعني عبالك ناسيلك سالفة هاي البنيه شسمهاااا صديقة انصاف - جوري اااه ياجوري ولك نصررر بس عيونها الجوري تسوه هاي الخلقه الكدامي - دانجبببببببب كوووم من كدامي كووم لا يا كلب يا ابن الحلو - هههههههههههههههاااي حلوه هاي لا لا كول لا يا كلب يا مرت ابوك كلبه لان تكعد وزن وتلكيني اركص جوبي للصبح هههههه ولو حشه الكلبه خطبه اشبهه بثور حته الثور اهون - يااامن كووم كووم لا ابتلي بيك والحمززه دفعت الفلوس وحته ماعرفت منو طب ومنو طلع من وراه الخايس يبقه خايس طول عمره بعد يامن واعرفه بسياره ودك تلفوني العميد مالتي بقالي اسبوع واترقه لهذا داتعب هواي بس كلشي يهون علمود الترقيه شلته وهرفت جايبين بنات ويردونا نحقق وياهن وكال اذا نجحت بهذا الشي تترقه فورا اخذت يامن وطلعت والسرسري بس سمع بيها بنات كيف - حبيبي نصوري انت اكعد رجل ع رجل ماريدك تتعب واني احقق وياهن خاف مرتك تغار عليك باوعتله صفح لا بلااا يامن انجب وخليني اسوق - سكت سكتت بس ماعوفك لحد ماسولفلي ع سفرتك اللبنان ترا ماناسيك ياخاين شلون اسافر للبنان وماتاخذني وياك صفنت هاي شوكت مسافر للبنان ولك - عليه بس غير اني انسه كل ماريد اتعارك وياك انساها - صفنت اني رايح للبنان بقيت صافن اذكر هشي بس ماكو مداذكر رايح للبنان اذكر رحت للشمال مرتين اي واذكر رحت للبصره ورحت للواسط بس لبنان مداذكر كل يوم يصدموني بشي جديد صار وياي احس راح اجن ويصير بيه شي من وراه هاي السالفه نزلنا وهو وراي واني حته بالي مشدد افكر شلون وشوكت لازم اذكر ياللهي لازم طبيت ورحت ع العميد مالتي واخذنا ع البنات الي جايبيهن كامشيهن يبيعن مخدرات بنص الجامعه مالتهن بس مدايعترف ولا يطن اي معلومه هن ثنين دخلنا لغرفة التحقيق اني ويامن هو بيده السجل دخلت جانن ثنين بنات شابات بعدهن صغار باوعتلهن بنص عين وجريت الكرسي وكعدت كدامهن وحده منهن رفعت راسها وباوعلتي ورجعت دنكت والثانيه جانن دموعها تنزل وساكته يامن واكف متجي ع الباب ويباوعلهن صفنت شعجب ساكت هذا باوعتله ايي ابو الهوم شو ساكت وغمزتله شو بس كتله هيج طفرت البنيه الي جانت تبجي واصيح - لااااا حبابين لا اسولي شي والله مالي دخل اني والله مجبوره والله لاا تتقربون والله اذبح روحي عاطت البنيه الثانيه بيها سكتت وكعدت باوعتلهن رافع حاجبي ويامن تقدم حط السجل ع الميز وافتر داير مادايرهن كال والله خوش وجبه جايبين شتكول لو باوعتله بخزره سكت ادري بي كاعد يخوف بيهن بس ماريد نوسخ سمعتنا بهيج شي باوعت ع هاي الي حاطه عيونه بعيوني وهمستلها شكد تحصلين من تبعيهن حسيتها استغربت سؤالي وضلت ساكته كررت سؤالي للثانيه وبس تبجي وكفت واني اباوعلهن ترا صبري ينفذ راساااا احجي اريد اطلع زين نتفق اتفاقيه اذا حجيتن كلشي اطلعجن اني منا شتكولن - هههه تضحك ع روحك لو شنو كلكم تعرفون ماراح نطلع مناا احنه عليش تضحك ع نفسك - لا صدكيني راح اطلعين منا وحق ابني الي ذاكليوم اجه ع الدنيا ماتبقن هنا اذا اعترفتن وحته الحكم يقل شتكولن وحته محد راح يعرفجن وكلشي يصير سكته حجيتها واني ابتسم ضلن ساكات ساعه مرت وهن ساكتات ساعه احجي اني وساعه يامن الى ان حجت البنيه الي تبجي - اذا حجيت كلشي محد راح يعرفني مو ومحد يتقربلي موو حباب جاوبني - محد راح يعرفج ماراح نطي الصور لان تبقن بنات ومنكدر نسوي هيج واخذيها مني وعد محد يتقربلج واحط بامن مكان ببغداد لحد ميخلص حكمج - ماشي لعد راح احجي باوعت ع يامن بنصر وبدت اتك الاول والاخير والي صدمني ان الي وراهن شخص جبير من اطت الاسم اني ويامن واحد باوع بوجهه الثاني مصدومين من الاسم الي اطتته وحته معلومات هواي من طلعنا العميد كال راح اخذهن للسجن وراح اسد السالفه ماريد نتورط ويه هذا الشخص لان راح اتكون نهايتنا اذا اتعدينا عليه من سمعت كلام العميد اتخبلت بس ماريد افقد اعصابي وافقد الترقيه دخل احصلهاا والله ثم والله اله اخلي هو والي مثله يعفنون بسجون جوري : مرت ايام واني اداوم سادس وذابه كل جهدي علمود احقق حلمي مكدرت احقق حلمي الوردي ولا كدرت احقق الي اريده وازوج الي حبيته بس اكيد راح احقق حلم بابا الي طول عمره يتمنى يشوفني بيوم من الايام واني لابسه الصدريه البيضه رجعت لسه يدك ببالي هذاك اليوم من شفته اخذ خطيبته وعرفت اداوم بنفس مدرستي والصدمه هم سادس بس مو بشعبتي اليوم قررت اشوفها واعرف كلشي عنها اريد اشوف شنو الحلو بيها واخذت عمار شنو الناقصني اني حته ماكدر ازوجه رحت مثل كل يوم للمدرسه وصار ابو سياره الي شفته ذاكليوم واشر ع وجههي من جنت ابجي كدامي هزيت راسي ومشيت روحي طالعه وماكدر اتحمل اي شي انفجررر والله بقيت ساكته ودخلت للمدرسه هذا من ذاك اليوم وهو كل ميشوفني يسوي حركات بوجهه شكيت هذا البغدادي حاطه الي لان نفس التصرفات سبحان الله نفس الزحف وقلة الادب شفت بنيه دخلت كدامي مبوشه وصلت ليم صفوف السادس ونزعتها نفس الطول والجسم بس اريد اتاكد اني عرفت من امي اسمها أنه اسمها غريب كلش بس جذبني واريد اشوفها حلوه مثل اسمها لو لا لحكتها -لو سمحتي انتي اسمج أنه صفنت بوجههي مثل الي خافت بس سبحان الي خالقها حقهم اهلها لو لبسوها بوشيه العيون ماتعرفين لونهن شنو عبالك عيون بزونه ملامحها الي عبالك يكول صف ثالث متوسط مو سادس اعدادي كلشي بيها صغير وحلو ابتسمت وحجيت بكلبي والله ونلت يا عمار وحصلت وحده صدك قليل عليه لقب القمر وتستحق اتكول للكمر غيب واني بمكانك هز راسها وهي خايفه وهمست حبابه لا تكولين للمديره دخلت بلبوشيه للصفوف والله ماكدر انزعها بلباب المدرسه اخاف لا احد يلمحني صفنت يالله شكد برئيه وتصرفاتها طفوليه مثل شكلها ابتسمت وكتلها لا تخافين مااكول للمديره واصلا مو ع هذا ردت احاجيج ردت اتعرف عليج وبس كلبت وجهه ومبين عليها الصدمه وكالت تتعرفين شلون مفهمت - يعني اصيرين صديقتي ومديتلها ايدي ماعرف ليش حبيت اكون قريبه منها واعرفها زين ماعرف ليش حبيته يجوز لان راح تزوج عمار وع حبه العمار حبيتها لو لان شفت بيها صديقة عمري انصاف مثل البرائه والتصرفات الطفوليه ماعرف بس الاعرفه انقهرت ع نفسي هواي وغرتتت اي غرت منها لان احلا مناا بهواي وتستحق عمار مو اني الي بعت ثقة اهلي وركبت ويه هذا البغدادي بسيارته وخليته يمد ايده عليه مااستحق عمار ابتسمت هي وكالت - ياريت والله لان معدي صديقات الكل يكرهني ماعرف السبب شنو - ابتسمتلها وبقيت اسولف وياها اليوم كله ابد ماجابت سيرة عمار شكد تمنيت اجيب سيرته بس ماجابتها وهشي خلاني اغم نفسي الف مره ع عقلي خلص جوري لازم اشيلين عمار من بالج لازم رجعت للبيت ومشت الايام تركض ركض واني صديقة انه انهه بنيه بسيطه وواعيه تصرفاته طفوليه مثل ملامحهه حبياها بس مرت اكرهه لا اكره نفسي من اعرف راح تزوج عمار شهرين اني وياها صديقات وبعد اسبوع عن دورة سنه عمو ابو عمار وانه ملتهيه اتحضر بروحها ابد دوم فتره الشهرين هي ماحجت عن عمار ولا شي بس مجرد كالت مخطوبه طلعت من المدرسه وبيومها صار يامن كدامي هو وحسن واكفين اجه حسن عليه وكال يلا اليوم عدنا ضيف امشي نرجع للبيت وساعدي امي باوعتله وكتله منو الضيف لا بس هذاااا الي وياك - انجبي لا يسمعج اي هو مو بعينج - لا والله ماشوف بعيني تدري دايصير عدي ضعف من وره القرايه - جوريييي سكتت وركبت بسيارته مبدلها مو نفسها الي ركبت بيها ومد ايده عليه من اذكر هذاك اليوم شكد احس روحي غبيه وثوله لان صدكته اول ماوصلنا طبيت للبيت راسا ساعدت ماما بلغدا و بقه يمنا بيومها لثاني يوم جان جمعه كعدت لكيته رايح سمعت بابا وحسن يحجون وسمعت طاري خطبه وطاري اسمي اتخبلت منو خاطبني بعد انصاف : مابقه غير اسبوع ع دورة سنه بابا ومن اذكر هشي اشبع بجي من وفاة بابا لحد لان مدخلت للبيت غير مرتين ابراهيم صاير وكح وكل مايكبر كل ما ياخذ شبهه ابوه بكلشي وهشي خلاني اتعلق بي اكثر واكثر وماكدر بدونه هاي اذا اخذته عمتي يمها الضهري ابقه احوص عليه نصر اخ يانصر ساعه يسولف ويضحك وساعه ضاربها صامت وبس يصفن قبل لا اروح لواسط بيومها دخل فرحان وراح ع امه راسا باس راسها واديها ويهمس ولج يمه اترقيت واخيرااااا ااخ يابه بعد كل هلتعب ماراح ع خالي بلاش واخيرررر صرت نقيبب هههههه باركتله عمتي وكالتبرهومي وجهه خير علينا كلنا - اي يمه والله هذا الولد احسه كاعد بكلبي تدرين من ارجع من الشغل ميت تعب واشوفه كل تعبي يروح وارتاح من اشوفه - الله يديمكم يمه اكول شسويت ويه اخوك عذا المعاند اله يزوج - يمه اني العليه نصحته وبعد بكيفه شوكت ميريد انروح نخطبها الشرع محللها اربعه ولا بكيفي ولا بكيفج والصراحه يمه حقه لان مرته هواي مقصره وياه كمل كلامه وكام دخل للغرفه دخلت وراه ابتسمت - الف مب بعدني ممكمله الكلمه ماحسغير شبكنييي حييل احس اعضامي كلها اتكسرت شالي وصار يفتر بيه ويضحك واني اضحك وياه وفرحانه ع فرحه لان تعبه وسهره ماراح ع خالي بلاش حطني ع الجربايه وكمش ايدي وهمس انصاف اريد اليوم اكلج ع شي دايصير بيه كعد كدامي ع الجربايه وبده يحجي الي كل ااي بكلبه والي دايحسه ماعرفت شنو اكول اله اكوله جنت مسحور لو شنو ماعرف حته اجاوبه بس اكثر شي خلاني انقهر كلامه الاخير الي - انصاف اعرف راح ااذيج هوواي بس صدكيني مو بيدي هشي الي راح اكوله هووواي داحاول اخلج مرتي واعاملج ع هشي بس ماكدر اشوفج صغيره برغم من ابراهيم بس مااكدر احسج صغيره وحته برهوم احسه اخوج مو ابنج اعرف تحبيني بس مو بيدي والله اطيني مجال اتعود عليج وواعدج مااخليج اتندمين ان شاءالله ع هذا الحب وهسه اريد ابدي صفحه جديده خلينا انكول طبيعيين كلشش وبكلشي عادي بس ماراح اتقربلج اله اذا اتاكدت من حبي الج حته ماضلمج ماشي - صح كلامه قهرني بس فرحت حيل وافقت لان صدك احس نصر بده يتغير يوم بعد يوم صح ماكو اي رومنسيه بلموضوع بس مو مهم بكد ما وجوده يمي وهو بعافيه كافي هذا الشي ثاني يوم طلعنا لبيت اهلي علمود الدورة السنه مال بابا الطريق كله نصر يوصي مثنى مايعصب ولا يحجي شي ع زواجه لان ميريد مشاكل بعدين نكعد ونحلها ابراهيم بس صافن ويضحك ونصر متخبل عليه وبس يعضعض بي وهذا يكركر من الضحك وصلنا للبيت واني رجعتلي كل ذكرياتي وطفولتي هنا تربيت وهنا كبرت وهنا عشت حياتي هنا وهنا وهنا بابا حبيبي شلون ادخل للبيت وانت ماكو نزلت من السياره والدموع بعيني عمتي خذت ابراهيم واني دخلت جوه محد بس عماتي وبناتهن وخالاتي وجوري من شفت جوري رجعت كل طفولتي وايامي القديمه شبكتها وصرت ابجي شبعت بجي واني بحضنها وهي تهدي بيه غزل وزان راحن الرانيا بس شافنها وهي كامترتبجي واشبك بيهن واصيح يمه افيششششش يمه سودا عليه ضعفانات حبيباتي وضلت تبجي واشبك بيهن واذب بسامير واني سلمت عليهن من وره خشمي بمجرد كدام عماتي وخالاتي ماريد تجي حجايه ع اهلي من وراها بدت القرايه والنسوان تجي واني يم جوري وهي حاطه ابراهيم بحظنها وتحضن بي وتبوس بي وهذا مكيف السرسري من هسه من خلصت القرايه وكعدنا كلنا عماتي وخالاتي موجودات بس علاقتي وياهن رسميه جوري كاعده وحاطه ابراهيم بحظنها كالت - انصاف شوفي مو يشبهه اخوج عمار عليج الله - يااا ولج شجابه ع عمار اصلاا نسخه من ابوه حبيبتي - اويي عشتو دروحي - هههههههه بقيت كاعده احس عيوني راح ينفجرن كد مابجيت ع بابا طب ولد ع عمتي كلها يكولون يلا جانت العصريه الساعه 5 حجت امي رادت نبقه بس اني ماقبلت عمتي ودعت جوري والبنات وردت اطلع سمعت عمتي تحاجي رانيا علمود ترجع ورانيا اجاوبها عمه مارجع للبيت الي انضربت بي وانهانيت لو اموت - كيفج يطبج طوووب باجر عكبه مو تجين ندمانه وتتتبجين والله حقه مثنى بكلشي يسوي بيج اخذت البنات وطلعت واني هم طلعت مرت الايام تركض ركض ونصر مبين مرتاح من اترقه لان شويه الشغل خف عليه بس جنت دائما اشوفه ضايج او مثل الشي الي شي بباله ماعرف شنو من اسئله يكول شي بشغل وماعرف شبي يتصفن هواي نزعت الاسود والايام تمشي عمار خطب انه خطيبته رسمي وبيوم الي حددو العرس خطيه اتوفى جدها ابو ابوها واتاجل العرس الى شعار اخر عمار يكول بيها صالح اكيد دائما اخابره واحجي وياه لان ماعدي احد غيره صار عمر ابراهيم 8 اشهر وهو مدنفش ويخبللل وعده سوالف يخبل الواحد نصر بده شويه شويه يلين وكام يتقرب ماينام اذا مايحضني وبده يسولفلي اسرار شغله بس لحد لان ما تقرب او كال احبج واني انتضرها يوم يوم هلكلمه مثنى خطب والكل راح بخطوبته بس اني مكدرت لان جان برهومي مصخن ومكدرت اعوفه وحده نصر كدر يصالح سند واعتذر منه بعد عناء طويل سامحه سند بس مايقبل يطب للبيت يكول ماكدر اكسر حلفاني ايام عشتهن بساعده مو طبيعيه برغم من بساطتها بنات رانيا اني مسؤله عنهن هم حالهن حال ابراهيم وعمتي الطبخ ومرات اساعدني بجهال واني انضف يعني حياتنا ماشي بشكل حلووو كلش ومرتاحه خاصه من يجي نصر من الشغل نبقه اني وياه نضحك ونشاقه ويه ابراهيم هاي روتين يومي صار لازم كل يوم نكعد نضحك سوه مره كاعده اوكل بي وهو ميقبل بقيت احجي وهو يضحك ويهز راسه بـ لا يعني ماريد واني اخزر بي وهو ولا كانما خايف - لك اكل بس هاي الخاشوكه يلا برهومي يلااا دفعها ووكعت بحظني باوعتله بخزره انت صاير وكحح خل يجي نصر واني اعلمك هو ابد مايكول بابا مدري شيكوله مطللعله اسم جديد مرات من تعارك ع شي يكوم نصر يكله اي اي بابا حبيبي جرها من شعرهاااا حييل واني اباوعله بغضب ايي حقكك ما مجرب الوجع شلون يصير -اي ماشوفيني مرتاح اي صح من اشوفه هيج ادز ابراهيم عليه واخلي يكوم بدك ع راسه ع صلعته وهو يكوم يعيط وابراهيم يضحك لان يحس بنصر وكام يستعمل هذا الشي سلاح اله ا اذا ماعجبه شي واذا راد شي لو يجرني من شعري لو يضرب نصر ع راسه لو يجره من لحيته وهاي مثنى علمه عليها هيج جانت تخلص ايامنا طب نصر وشافني واكفه والمركه تارسه ثوبي ومنا ثوبي بيجي وهاي حمره صفن هو بوجهي وبعدين شاف ايد ابراهيم والمركه الي بلكاع ضحك كال والله بالي راح بعيد هههههههههههه خرب بيومك يا بابا شمسوي انت جان يضحك ويحجي اني صفنت وين راح باله هذا عزااااااااا احس وجههي صار احمر من الفشله هذا عباله الشسمه عزااااااااا عزاااااا شكد ميستحي احس صخنت من الفشله عفته وركضت واني اسمع ضحكته وهو يصيح ها خبالو هستوها وصلتلج ههههههههه شكد خجلت بيومها ومتت خجل بقيت صافنه ع روحي الله ياخذني ليش مانتبهت ع مكانها اني اووف بدلت وطلعت وهو حاط ابراهيم بحظنه وكاعد كال - نصوفه فدوه حظريلي جنطتي عدي باجر شغله حيل ضروريه ويجوز اتاخر فد يومين ثلاثه ماصدكت راسا رجعت للغرفه من الفشله ماريد اطلع بعد ابددد حظرت جنطته وصبيتله الغدا اتغدا ونام والعصر طلع هو ويامن هذا ضرتي هههههه لليل رجع جنت انيم ببراهيم وهذا معاند ميقبل ينام من شاف ابوه ذب روحه عليه اخذه نصر وحطه ع صدره ونام غفو ثنينهم اتمدتت بصفهم ونمت حسيت ع نصر من رفع راسي وحطه ع ايده وحظني ونام غفيت واني احس براحه مو طبيعيه كعدت الصبح مالكيته وبرهوم نايم بمكانه كمت ع الشغل مثل كل يوم وعمتي اسوي الغدا عرس مثنى بعده اسبوعين مرت يومين ونصر كل يوميه يدك 3 مرات الصبح والضهر وبليل ويكعد هو وابراهيم سوالف بساعه واني اضحك عليهم لحد مافديوم دك تلفوني عبالي هو بس انصدمنت من شفتها رانيا شتريد هااي ردتيت عليها واني كوه احجي وياها - الوو شتردين داكه - سمعي زيننن انصاف اذا ماخربتي زواج مثنى والله والله اخرب زواججج جانت تحجي وتبجي واني صافنه عليها - هيييي شبيج اتخبلتي انتيييي - اي اي اتخبلت كله من وراج طلعت من البيت وهسه اذا ماخربتي زواج مثنى اخرب زواجج والله -لج انتي شنو فوك عملتجج مستحيل اسوي هيج مو زين مني سكتتت عن سحورتج لنصر وبقيت سااااكته - ههههههههههه وهاي اكبر غلطه ارتكبتيها بحياتج يا اختي اشكرج هواي وهسه انتي وحبابه ترحين ادبريلج شي واتخلين زواج مثنى يتخرب لا اسوي شي اخليج تجين يمي ياحلوه - ما ع بخيلج اركبي ماخايفه منج اني فاااهمه لان اعرف نصر شنو انبي تعبت ع ما بنيت علاقتي ويه نصر وماخليج بسهوله تخربيها وههههههه ماراح يصدكج تدرين ليش لان يوثق بيه - لاااا واثقه من نفسج هواي حبيبتي نسيتي شلون خليته يزوجج بنفس الطريقه اخلي يطلكج والله الاحسن الج سوين الي كلته الج فاااااهمه - هههههههه صدك والله نسيتيني اشكرج لان بمساعدج وبسحورتج خليتي نصر يزوجني ماانساها الج وماسوي الي اطلبي لان مو مرت نصر الدين الي تتهدد فاهمه سديته واني ارجف حقيررره بكل عين صلفه تحجيهاااا سمعت ابراهيم يضحك درت وجهي بسرعه شفت نصر واكف بباب الغرفه ويباوعلي بنضرات اتمنيت اموت ولا اشوفهن بعيونه هيج نضرات ........... يتبع ،،،،،،،وللحكايه بقيه ،،،،،،،،، قرائه ممتعه احبتي ومن هنا تبدء حكايه جديده توقعاتكم وتصويتاتكم وتعليقاتكم #نور الشمري #نوشه التعديل الأخير تم بواسطة لامارا ; 08-12-20 الساعة 05:38 PM | ||||
|
| |
|
08-12-20, 02:55 PM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت الواحد والعشرون بقلمي#نور الشمري #أراك طفلي عند الحب ، وأبي عند ضعفي ، وأخي عند شجاري بمزاح ، وكل البشر عندما أشعر بأني وحيده ، لذآ أحبك كثيراً 💚🌸 انصاف : بقيت واكفه خايفه لا سامعني وجهه احمر وعيونه حمر انتبهت ع ايده قابضها حيل همست بأسمه واني خايفه من نضرات عيونه الي نصر - اشششششششش ولا كلمه ولا كلمممه اسمع منج بسررعه انصاف طلعي من بيتي بسرعه ماريد اشوف خلقتج خليني حابس اعصابي وماطلع خبالاتي طلعييييييييييي بره طفرت من عاط وكلماته الجرحتني دموعي نزلت موقف ماتمنيت اشوفه ولا اتخيلت راح انحط بي باوعت بعيونه واتوسلت بعيوني يسمعني اتقدمت واني كدامه جان مبين عليه حابس عصبيته كوه وعيونه حمرر دم نصر اسمعني والله فهمت غلط والله مو الي ببالك - كلتتتتتت اسكتيي يابت الناس سكتييي واطلعيي طلعي بكرامه احسن ما اطلعج سحل مااشرررف بهيج اشخاص ببيتيي طلعييييي - نصر لا اسوي هيج فدوووه اسمعني والله غلط فاهم - يعني مااا اطلعين لسه ساكت ومامطلع خبالي اذا بقيتي دقيقه بعد متلومين غير نفسج اخذي اجرودج وسحورتج وطلعييييي - كلمة سحورتج خلتني ابجي دم مو دموع هذا جزاتي لان سكتت هذا عقابي لان استرت ع اختي الحقيره جان يحجي وصاك ع سنونه كوه تطلع الحجايه منه ومبين اعصابه بس يحاول مايعصب كوه نزلت عمتي من فوك تركض وهي تباوع عليه وعليه جانت دموعي كافي تشرح معاناتي الي داحسهن هسه همست عمتي وهي تبلوعلناا - يمه صلو ع النبي شكو خيركم اتعوذو من الشيطااان - يممممه لا تدخلين رجااائاااا انصاااف حاط ابراهيم بين عيوني وساكت لحد لان لا تخليني اطلع خبالي هسسسسه شكلت خرررره اني طلعييي من بيتي ما كفااااج انتي واختج الي صارررررر هاا صح ههههههههه نسيت اني اوثق بيج وماسمع كلام احد مووو لدرجه واثقه من نفسج بس رب العالمين اكبر وخلاني انزل واشوفج وجهجن الحقيقي - يحجي واني بس ادموع اذا احجي يسكتني راسا وعمتي واكفه مثل الصنم كلشي ما مفتهمه اتقدم فتح الكنتور وجر الجنط وكام يطلع بملابسي ويشمرهن بجنط ماخله اي شي الي كلهن خلاهن بجنط وشمرهن حيل ليم الباب وصاح طلعبييييي كاافي كااافي الي عشته بسببكم ايااام وليالي اني صافن ع روحييي واكول اتخبلت حته دكتور نفسي سجلت عده وباجر جلستي الاولى كل هذاااااااا وماشكيت بيج لحظه وحده هههه لان معميين ببرائت وجهج ونضراتج ومانعرف وراج شيطااااان - ولك يمه شكو فهمني اتعوذ من الشيطان ولا اسوي شي ولك يمه - يممممممه شغله لا تدخلين رحمه الابوووي شمر التلفون عليه وعاط خابررري اخوج يجي عليج وامشي كعدييييي بطرمه انتظريي ما اشوف خلقتججججج بهذا البيت كافي كااافي الي سوتناااا الي كااافي - انتتتت كافي يا نصر انت مو كل الحجي الك خليني احجي وادافع عن نفسي مو حته المجرم اله حق يدافع عن نفسه كافييي ماخليك تحرمني من ابنيييي - ابنج !!! الله يا ابن هذاااا هاااا الي سويتي انتي واختج بسحورتجننن مووووو من كال هيج سمعت شهكت عمتي ودارت وجهه عليه وعيونها ناار عاطت وهي تباوعلي بصدمه صدكككك ولج احجي يا معزايه صددك مسويه سحررر النصر دنكت شنو احجي بعد كلشي انكشف بس اللاسف طاح براسي اني ههه هذا الي يسوي زين بهاي الدنياا رفعت راسي اباوع عليهم وعيوني ماوكفت لحظه مشيت اخذ ابني واطلع وانعل الي يبقه بعد بهذا البيت بس وكفني ايده وهي تكمش عكسي ويرجعني دفعني حيل وكعت وانضرب راسي بلمحجر مال الدرج عاطت عمتي وهي تحجي ولج يمعزايه احجييييييييي كوليي جذب كلام نصر احجي ليش ساكته - شتكلج يمه شتكلجج اي مسويه سحر الابنج حته يقبل يزوجنييي اتكلج اي اني واختي رسمنا عليكممم احس شي حار ينزل من كصتي ع خدي مهتميت اله بكد ما همني موقف نصر كعد بلكاع وهو حاط اديه ع راسه موقفه خلاني ابجي من كل كلبي ع غبائي - جنت اكول انتي غير جنت اكول طفله بريئه تختلفين من السماء الى الارض عن رانيا جنت اكول بكلشي بسيطه وهادئه طفوليه وماكو مثله انعجبت بكلشي بيج وجنت مصمم اسوي حفله زواج واعقد عليج مرة الثانيه بس خوش اتلكيتيني بمفاجئه طلعت ادهه من رانيا واضرب ع الاقل رانيا تطيها بلوجهه اله انتي من جوه لجوه صدك يا تحت السواهي دواهييي عمتي : اي والله خوووفك من الخوينس كالوو اهلي قبل بس ما عبالنا هيجج كالو بلوجهه مرايه وبلكفه سلايه بس جنت انتظرها من خواتي وما انتضرها منججج الله لا يطيج لا انتي ولا اختج يا هدامات البيوتت - يممه سكرج لا يصعد اهدئي ماتستاهل اتحركين دمج علمود وحده سا** حقيره ا***** گ*** ا****** **** ( الكلمات ماكدر اكتبهن بلخط العريض بطلب من بطلة القصه لان كلمات جرحت قلبها ) رفعت راسيييي مصدومه وكفت واني اباوعله الى هنا وبسس اتحملت كل شي بس يغلط هيج غلط عليه لااااا والف لا العن الحب لا الي يحب بعد وكفت وصحت بسسسس لا تغلططط بسس شايف نفسك انتتت هااا تدري لو ما اني انت ماواكف ع رجليك هسسسه تدري لو ما انيي انت لا شيء يا حظرة النقيبببببببب هههههههه الله الله عليك شنو هاي من رجوله ايييي اييي اعترف اختي ساحرتك بس اني الي خلصتكككك من سحرهاا ايي اعترف جنت ادري بس سكتتت لخاطر بناتها ماردت يشردن ويتربن بدون ام ايييي اعترف اني وحده حقييييييره وغبيه تدري ليش لان حبيتك وانت ماتستاهل هذا الشي - بسسسسس انجبيييي طلعي برره يلااا بره ماريد اشوفج يلاااا ورقتج توصلج وانعل هيج منج لا من الي جابت عليه ياااااا ادبسزز وفوكاها تعترررف بكل فخررر حيوواااانه لج انتي بسوك النسوان بفلسس ماكلبج واشتريج يااااا **** امشي طلعييييي - طااالعه طاااالعه لا تخااف لان ماابقه هنا بعد وسفه والله وسفه جنت اضن انت رجاال بس اللاسف كلمه ذكر هواي عليك لان تتهمني بدون ماتسمعني ماحس غير براشديي من قوته وكعت بلكاع واذاني صوفرت دقائق وصارت اصوات باذني مكدرت حته ارفع راسي من وراهن حطيت ايدي ع اذاني وصرت اعصر بيهن ياله اختفت الاصوات رفعت راسي باوعتله مبتسمه هاي رجولتك يا حظرة النقيب هاي رجولتك ههههههه والله والنعم والنعممم منك وكفت باوعت ع عمتي مدنكه تبجي وتهز براسها ابراهيم كاعد ويباوع بصدمه ومبرطم حبيب كلبي وهو هههه وهو واكف بكل جبروت يباوعلي بعيون مليانه حقد وكره بس وراهن حب وحنين اعرف بس كلماته يرنن باذني رن باوعتله وهمست اني طااالعه بس ابني ماعوفه الك ابني اخذه طالعه وماارجع لو ع كص ركبتي مسحت ادموعي بشموخ وباوعتله اني انصاف بت ذاك الفلاح الفقيرر اني بت ابوي يتيمه والي حووبه والمستور ينكشف لو شكد ماتمر السنين يا زوجي العزيز باوعت بعيونه وواشرت باصابيعي يوم اسبوع شهر سنه قرررن شكد ما تمر الايام يجي يوم رب العالمين راح يكشف الباقي من المستور وتطلع الحقيقه ويطلع الحق من الباطل وتضهر برائتي بس بوكتهاا انصاف تكون بحح وصفكت اديه ايد بايد ماكو انصاف بوكتهاا لان راح يكون جوابي الك من هسه وهو الرفض مسحيل ارجع الشخص بيوم من الايام كال كلام وصخ المرته لان الي يكول هيج كلمات يجي يوم يبيعها يخونها او حته يكتلها اني رايحه يا نصر الدين بس خلي كلماتي ببالك ماراح ارجعلك لو يصبوك ذهب واطلب من ابوووووو فاضل يكشف الحقيقه ويطلع برائتي مثل ماا طلبتك منه وخليتك تشفى وترجع نصر الدين مشيت ع ابراهيم حظنته وصرت ابوس بي شلته وعاطت عمتييي هيييي ذبي الطفل مااريد اتلمسييي فاهمههه اجت عليه جرته حيل من حضني وصاحت كافي الي سويتي انتي واختج امشي طلعي من بيتييييي الله ينتقم منجننن يا ضالمات ابتسمت وجريت حجابي وجبتي لبستهن ودرت وجهي عليه مطيني ضهره وماحرك ساكن ابتسمت وهمست رايحه بس راح ترجعون الي وانتم الممنونين مو اني بت ابوي بت ابو عماررر الي اكعد اتوسل بيكم - ههه روحي بابا روحي ولا نصر الدين الي يتوسل بوحده ***** سحاره ابتسمت بحزن وهزيت راسي احفظ يا عقلي احفظ كلماته هاي وخلي كلبي يكرهه درت وجهي اودع ابني حبيبي قطعه من روحي هذا بس لا تخاف يا ماما راح اخذك والله ماخليك هنا لا تخاف ياروحي مااتاخر جريت الجنط وفتحت باب المطبخ وحلفت هذا البيت ماطبله بعد لو اعرف انذبح ولا ارجعله بعدما سمعت كلامه الي مستحيل انساه انعل ابو الحب الي يهين الكرامه طلعت من البيت كله وهنا كل قوتي اتلاشت وراحت وبقت بقايا انثى محطمه دمار من كل جهه وسمحت لدموعي تنزل وتاخذ مجراها ع خدودي وتتوزع ع انحاء وجهي شلت التلفون اتصلت بعمار والكلمات ماعرف شلون طلعت مني وحته ماعرف شنو حجيت وسديته بقيت افتر بشارع وادموعي تنزل اجت ع بالي كوثر اي ماعدي غيرها اي شلت التلفون ودكيت عليها ردت بسرعه - ولج وينج شكووو شصار نصر خابر سند يصيح ويغلط ويهدد غمضت عيوني وهمست عرف عرف كلشي سمعت شهكتها وكالت شلون عرف يمعزايه شلووون - ماعرف سمعني واني احجي ويه رانيا بتلفون وسولفتلها كلشي جنت احجي وابجي والناس تفوت من يمي كلها تباوعلي من فوك لجوه شكلي مو قانوني ولا منظري ولا حته وكفتي بنص الشارع - ولج وين هسه انتي اذا طردج - بشارع ههه هاي جزاتي - اشش كافي هسه اجيب سند واجيج انتضري بقيت انتضرها عشر دقاايق ووكفت بصفي سياره سند ركبت واني ماعرف شنو مصيري ولا موقفي ولا حته شنو احجي دنكت خجلانه من نظرات سند الي - لا اديري بال نصوفه هسه انروح اني وسند وانسولف كلشي لنصر وعمتي واتخليهم تح - اوكفييي كوثر منو كال اريد مساعدج ماريدهم يعرفون هسه لان مراح يصدك لو تحجين لباجر نصر واعرفه عوفي هو يعرف الحقيقه بيوم من الايام ويندم اصلا مايهمني اي شي غير ابني كافي هواي تعبت وضحيت ومحد يصدكني لا اتعبين نفسج ولا تحجين شي بس اريد ابقه هنا لحد ما يجي عمار سند : خويه ماتستاهل تخابرين اخوج اني احاجي هذا فقد عقله وكام مايعرف يصرف خلي عليه - لا خويه مشكور بس نصر اني وياه لهنا وخلص كلشي لهنا وانتهت صفحتنا اني وياه وكلمن يشوف حياته - متاكده من قرارج انصاف شوفي حبيبتي ادري بيج متكدرين بدونه - لا اكدر محد مات وره احد كوثررر ومثل ما هو اطاه كلبه وطردني وماخلاني احجي وابرر موقفي وسمعني اشكال الكلام اني هم يطيني كلبي مااسمه انصاف اذا ماخليته يندم ويرجع ولو حته بعد ميت سنه اهم شي يعرف الحقيقه ساعتها اعرف جوابي وياه شنو سند : وابراهيم شلون بي تكدرين بدونه - هو شكاسر ضهري غيره بس عادي اخذه اخذه وهذا وعد مني اخذوني لبيتهم وبقيت فوك الساعه يمهم كوثر تحجي وياي واطمن بيه وع ان ساعه عصبيه وكلشي راح يتوضح بس بعيونها قلق ومببين هيج لان هي اكثر وحده تعرف عمتي ونصر شنو ومستحيل يصدكون اصلا بعد الي صار واصلا اني هم مايهمني خلص نصر صفحه وطويتها من حياتي وابراهيم بس الي راح اشغل بالي بي بس مجرد كلام وادري بكلبي حقير وكلب راح يحن ويشتاق دك تلفوني باوعتله عمار رديت عليه ودليته مكان بيت سند شويه واندكت الباب جانت همسه يمي بوستني وكالت -لا تخافين عمو يحبج والله هو قبل اسبوعين من جان هنا وعازمهم بابا هو وصديقه سمعته يحجي لصديقه وع حبه الج راح يرجعلج - اي يرجع و ندمان بس ما ارجعله يلا حبيبتي لا تكطعين بيه واتصلي - لا ترحين انصاف والله اتعودت عليج وماكدر بدونج انتي صديقتي واختي قبل لا اصيرين مرت عمي - حبيبتي وانتي اختي الي ماجابتها امي شبكتها وشبكت كوثر واشكرت منها عمار واكف بلباب ماعاجبه الوضع ومبين عصبي اخذت جنطي من شافهن عمار وشاف شكلي وجرح كصتي الي قبل شويه حطتله كوثر لاصقه جروح بس اثرا لدم لسه موجود لان ماغسلت ولا تحركت من شافني سكت بس مبين عصبي نار سلم ع سند وطلع واني وراه حط جنطي بلسياره وركب اول ما انسدت البيبان صاح هذا العار ضاربج - عمار حباب مو وكتك بعدين اسولفلك كلشييي - شسولفين لججج شوفي شكلج هذاااا من كل عقله يمد ايده عليجج شنو عباله ماكو احد بضهرج والله اكسره اتكسرررر - عمار حبيبي حقه الي سواه لان كل الي دايصير بيه سببه اختك وامك الي هن امي واختي - شلوووون شلوووون - اي عمار اي خل نوصل واسولفلك كلشي بس هسه عوفني عفته ودرت وجهي ع الجامه بالي كله يم ابراهيم ونضراته وهو يباوعلي وياشرلي بيده عود اخذيني وياج مادايروح من بالي ابد الطريق طويل واني بس دموع ماكدر احجي اي كلمه عمار بس يستغفر وروحه طالعه عصبي خفت من عده قبل لا نوصل للبيت وكف السياره وباوعلي - انصااااف صبري خلص احجيلي هاي العار اختج شمسووويه - شمسويه شمسوييه اكلك شمسويه اختك هي وامنا مسويه سحررررررر النصر كعدت احجيله كلشي احجي وابجي وهو صافن وعيونه حمر ويهز براسه كانما يتوعد الها من خلصت راسها ساق السياره عطت عماررر ع كيفك -انجبييييي ولا كلممممه غبيييه ثوووله حيل وياج والله اكو وحده عاقله اسوي الي سويتي انتي لج ع الاقلللل تعاي احجيلي انييييي لج ع الاقل كوليليييييي انيييي يا حمااااره اااخ ااااااخ دخل اوصل والي حساااب وياجن اول ما وصل طفه السياره ونزل يركض واني وراها ولك عمار اكعد طب للبيت صاح بصوت رج البيت رجج - رانيااااااااااااااااااااا ا طلعت تركض هي واني طبيت وراه راسا جرها من شعرها وطاح عليها بوكسات اريد اوخره ماكو مجلب ميوخر امي اصيح و اني ادفع بي حته يوخر وماكو وكلساع جايه ضربه الي ماوخر عنها لن روحي طالعه ابتعد يلهث ويصح حقيررره نعاله والله اليوم اعيد تربيتج يا ادبسززززز يا حيوانه يا قذره وهي تبجي وساكته عافته وركضت للغرفه وقفلت الباب عليها هو كعد وباوعلي وصاح وانتييي فوك كلشي كاعده ادافعييين عنهاااا ولجج بقه يفتر وعصبي حته ع امي صيح وكسر الغراض عفته ودخلت للمطبخ اشتاقيت لابرهومي اريده يالله بعدني ما فاطمته ومامتعود ع حليب القواطي شلون بي هسه دايبجي عليه اكيد مرت الايام وصارلي اسبوع من اجيت لبيت اهلي محد يعرف اني هنا لان لا اطلع ولا اطب وحته جوري ما خابرتها ولا كتلها اني هنا رانيا ما تقربت يمها ابد اذا هي تدخل الصاله اني اطلع منها ما ابقه وياها بنفس المكان ابد ماريد التقي بيها لان اذا التقيت يصير الحجي غير و يجوز حته اكتلها واخلص منها ابتعد عنها هي وامي وبقيت وحيده ويه ذكرياتي وابني حبيبي شكد مشتاقتله احس كلبي نار عليه احس روحي داتطلع من عدي بكل دقيقه اتمر وهو ماكو برهومي ماما اتت هم اشتاقيتلي جنت احجي ويه كوثر وهمسه وعصماء وبعد بت خالتهم ثاني مسوين كروب ويحجن مجنت احجي وياهن بس من خابرتني كوثر وكالت دخلي انريد نحجي وياج بموضوع ضروري صدك دخلت ضلن يحجن وينصحن واني ساكته بت خالتهم الثانيه اسمها داليا عمرها بل عشرين يطلع ضلت هي وكوثر ينصحن واني مو يمهن بس كلماتهن اخذني الحبي كلبي حقير واعرفه يشتااق متحملت عفتهن وكمت ابجي اشتاقيتله اي اجذب ع روحي لو كلت ناسيته احبببه بس ضلمني وقهرني حيل اشتاقيتله حيييل وخاصه اخر فترا اتعودت عليه وع وجوده حته من سافر ما خلاني احس ببعده وبليوم يتصل ٣ مرات اخ يانصر وهسه صالي اسبوع ماسامعه صوته لا هو ولا برهومي اااخ يا حبيب امك جريت التلفون وبقيت افتر بليوتيوب طلعت اغنيه كلماتها بجني مصدكت الكه شي ابجي عليه راسا حفظتها ونشرتها ع الفيس وسويت الكوثر اشاره ماعرف شنو الخلاني اسوي هيج يمكن حبي اويمكن حنين الشوق الي بداخلي اله خلاني هيج عسى و لعلى اخلي يحس ويحاجيني او يشتاق مثل ما اني مشتاقه اله نشرته وسديت التلفون وبقيت كاعده شويه ورن تلفوني عبالي هو فتحته راسا جانت كوثر دازه 💬هاي شنو عيني ع كيفج مو هيج فد طفر للشوق هههههههه 💬 ههه هيج ترا مو اله مجرد حبيتها 💬ممم صدكتج عفتها وضليت كاعده كدام التلفزوون رانيا وامي بلغرفه لان لا اني ولا عمار انحاجيهن وحته اكلي اسوي بس الي والعمار وعازله كلشي عمار مايحاجي لا رانيا ولا امي واذا شاف رانيا يضل يصيح ويغلط ويكوم يريد يكتلها لهذا رانيا فضلت ان تحبس نفسها بلغرفه من يجي عمار وهي اني اخلص منها وعمار يخلص منها احسن شي سوته كوثر كسرت حلفانها الي حلفته لسند ورايحه لعمتي و لنصر بس مالاكيته طالع بواجب وعمتي ماقابله تسمع منها بس من ضاغطه عليها ومسولفتلها كلشي ممصدكه مثل متوقعت وكالت هذا فلم من عدها هي قشمرت عليج حته اتخلص روحها شكد ألمني كلماتها بس بنفس الوقت قوني وخلني اعرف ناسي زين بيومها دخل عمار وبيده ورقه ومبين ع ملامحه عصبي من دخل شمرها عليه وكعد باوعت ع الورقه وباوعتله شنو هاي عمار شبيك خوفتني باوعلي بعيونه نضرات الم وخوف وقهر وعصبيه همس وهو يباوع ع الورقه نصر دز ورقت طلاكج ……… يتبع ،،،،،،،وللحكايه بقيه،،،،،،، قرائه ممتعه احبتي تصويتكم وتعليقاتكم وتوقعاتكم #نور الشمري #نوشه التعديل الأخير تم بواسطة لامارا ; 09-12-20 الساعة 02:52 PM | ||||
|
| |
|
08-12-20, 03:07 PM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت الثاني والعشرون بقلمي #نور الشمري #أشعُر أَنْ حَواسِىْ تَوقَفتْ عَنْ العَمَلْ فَعُدتْ لاَ أَسمَعْ شَيئاً وَإِنْ كَانْ المَكَانْ يَملأهُ الضَوضَاء ولاَ أَستَجِيبْ لِأىْ نِدَاءْ حَتىَ قَلبىْ تَبَلدْ وأصبَحْ لاَيشعُر حَتىْ بـَ الألَمْ أُريِدْ أَنْ أتَحَولْ لِشيء لَيسْ لَهُ وجُودْ وَلاَ يُرىْ فَقَطْ أُريِدْ أَنْ أختَفِىْ وَلاَ يرَانِىْ أَحَدْ .... انصاف : نصر دز ورقة طلاكي !!! هههه الله شنو هااي ماصالي اسبوع من اجيت وماصدك دزها راسااااا ايي ليش لا شيسوي بوحده طفله ع كولته عمرها راح يصير 18 بنضره طفلللله صح مدخلت الـ 18 بس مابقه شي هههه وهذه احلا هديه عيد ملادي واو شلت الورقه وباوعت عليه وكل حرف منها اريد احفظه اطبع الكلام هذا يا عقلي اطبعه ببالك ولا تنساه نزلت راسي وماعرف دموعي شلون نزلت شلون سمحتلها تنزل انتبهت ع التاريخ صالي راح اقبط السنتين اني مزوجه نصر الله شكد حلوو هههه سنتين واطلك عفت عمار الي ماعرف شنو يحجي واخذت الورقه وطلعت بطرمه ماعرف شنو كال وشنو حجه تركته وطلعت شي واحد الي اعرفه بس الشي الكدامي نصر خلص راح يتخلى عنج انصاف صدكي وشيلي من قلبج اتتبهت ع التاريخ 2017 / 2 / 3 احفظي هذا التاريخ يااا انصاف لان هذا التاريخ حبيبج نصر دز ورقتج وباعج برخص وكانج وحده من الشارع بس اماعوف ابني اله لا والله ماعوفه واني اله من اليوم راح تكون انصاف جديده مسحت ادموعي ووكفت ع رجليه احاول اقوي روحي شنو يعني واذا طلكني شنو واكفه الحياه عليه لو ماكدر اتنفس بدونه لو شنو واذا احبه مستحيل اهين نفسي اكثر دخلت للصاله عمار كاعد حاط راسه بين رجليه ومبين الحمل والحزن عليه حبيبي سوده عليه شيتحمل ويتحمل بعد كل هذا كعدت بصفه - عموري لا اسوي هيج عادي واذا طلكني شنو يعني قابل اول بنيه لو اخر بنيه اطلك عادي بس اهم شي ابني وطزز بلباقي جنت امثل القوى كدامه ولو لا وجوده جان دموعي نزلن ونهاريت جنت اصبر روحي كوه واهدي نفسي حظني حيل وهمس وعيونه مليانه دموع الي كاتلني يانصاف اختج الي هدمت حياتج ااخ والله لو ما خوف الله جان ذبحتها وذبحت نفسي واخلص - اشششش شنو هلحجي هذااا هاا لعد اني وين اروح دير بالك اجيب طاري الموت والله ماسامحك اذا جبت طاري مرة الثانيه حظني وصار يمسح ع راسي ااخ يابابا وينك محتاجتك هواي محتاجتك يا بابا محتاجه حظنك وسوالفك وكلماتك وانت اطيب جروحي بيهن محتاجه تمسح ع راسي وتمسح دموعي عفته وكمت عمار صار هو ابوي وهو اخوي جنت اكول ماعدي اهل غير عمار ونصر وهسه شخطت اسم نصر وخليت اسم ابني وماعدي بعد غيره عمار وبرهومي حبيبي صالي اسبوع ماشايفته شنو حاله هسه حبيبي غفيت واني افكر والف فكره وفكر ببراسي كعدت الصبح اليوم الجلسه مالتي اليوم اشوفه اسبوع ماشايفته اسبوع وكفت كدام المرايه واني اباوع ع شكلي وين جنت ووين صرت من طلعت من هذا البيت جنت احلا ابنيه بلعالم بريئه طفله ماعرف شي عن هاي الدنيا القاسيه الي علمتني ناسي منو واحبابي منو الي اطتني درس بعمري ماراح انساه ضعفانه وسواد جوه عيوني وحته شكلي مو قانوني عبالك هيكل عظمي عدلت نفسي ولبست ثوب طويل وحجاب اخذت غراضي وطلعت واني اقوي نفسي انتي قويه انصاف مو رجال الي يهزج مو رجال الي يخليج تبجين دم انتي انثى قويه مو نصر الدين الي يكسرج كسري انتي اتغدي بي قبل لا يتعشه بيج وخلي يندم ع كل لحظه وع كل كلمه كالها كلمات عمتي ونصر خلوني انسانه بارده ومدمره نفسيا وجسديا بس بنفس الوقت خلوني اقوى واطوني درس عمري ماانساه باوعت ع عمار يباوعلي بشفقه ودموعه مبينه بعيونه ابتسمت بوجهه ماريده يحس بكسري وقهري لان الي بي كافي خل اواجهن بنفسي اني وبدون مااحد يساعدني طلعت وياه واني امشي خطوه وارجع عشره بس شجعني عمار الي كال طالبي ببابنج ولا اسكتين والحظانه الج لان ابراهيم بعده صغير هزيت راسي فرحانه بهذا الشي اييي خلص ماريد نصر ولا اي شي بس ابراهيم مشينا بسياره وطلعنا البغداد بغداد الي ماشفت راحه بيها بيوم بغداد الي من دخلتلها وخلتني انسانه ثانيه واعيه ع هذا العالم الظالم بغداد الي خلتني اعرف امي واختي شنو من بشر بغداد الي خلتني احب انسان ماحبني بيوم وخلاني مجرد امرأه مكسوره بغداد الي زرعت القوه بداخلي بعد ما حطمتني بغداد الي خلت الشخص الي دكله كلبي يذلني ويتهمني لكن هيهات يذلني اكثر لان مو انصاف الي تنذل بغداد الي حبيتها مثل واسط بس ماشفت حنيه بيها بلعكس جانت قاسيه وياي وتضربني ضربه وره الثانيه الى ان خلتني انثى قويه اعرف كل شي بهذا الدنيا واعرف عدوي من صديقي والي يحبني من الي يكرهني مرت الساعات وصلنا للمحكمه الجلسه جانت الساعه 10 ونص وهسه 10 بقينا بسياره ماريد انزل واشوفه خليني هناا اذا اشوفه راح يرجعلي الحنين والشوق والحب الي وعدت نفسي البارحه من شفت ورقة الطلاق اطمهن بهاي الحديقه وما اخليهن بيوم نقطة ضعف الي غلطانين الي يتصور اني ضعيفه وعدي نقطة ضعف غلطانين الي يتصور اني ماعدي اب اني عدي اخ يسوه راسهم كلهم كمش ايدي يهدي بيه واني ابتسمله همس يطمني - لا تخافين اتصلت بمنصور صديقي محامي شاطر حيل راح نلكي جوه وان شاء الله يساعدنا انتي بس طالبي ببراهيم وخليها اتفض من اول جلسه لان اذا طولت راح يبقه يذلج نصر واعرفه زين اذا انجرحت رجولته مايعرف ابوه من امه يلا ننزل حبيبي واهم شي اريدج قويه ابتسمت بوجهه وهمست مادامك يمي ماخاف من شي نزلت واني كامشه ايد عمار واسند نفسي بي واقوي روحي واهمس بكلمات بداخلي انتي كدها يا انصاف انتي كدها ومحد يكدر يدوسج ع طرف دخلنا للجوه واجه صديق عمار بقه يسولفون وكال لا تخافين قضيتج سهله اذا اثنينكم تردون الطلاك بس يبقه الطفل هو من حقج بس لا تنسين هو عده نفوذ وسلطه ويجوز يستخدمهن صفنت ع كلامه معقوله يسويها نصر لالا هزيت راسي برفض واني اباوعله - لا غلطان حضرة المحامي نصر مو من هذول الي يستغلون منافذهم وقوتهم اعرفه عمار : انتي غلطانه يا انصاف وماتعرفين نصر زين يمكن ماعشتي وياه كفايه ويمكن اكثر ايام عشتيها وياه بوجود السحر لهذا ماعرفتي شخصيته النصر نصر يستخدم اي شي في سبيل يربح ومايخلي احد يهينه نصر عده استعداد يجرم ولا احد يمس رجولته فاهمه اذكرت من كتله انت مو رجال وكلمة ذكر هواي عليك شكد استفزته هذه الكلمه لدرجه ضربني راشدي خله اذني تصوفر ولحد لان احس بيها ونه وصوت بس مااحجي اي شي لان ماريد عمار يتعارك وياه يمكن صح مااعرفه الشخصية نصر الحقيقيه بس اعرف داخله نظيف ومايسوي الغلط مهما يكون حسيت بصوت اقدام وراي درت وجهي بسرعه وصار كدامي مجرد ماشفته اتلاشت كل قواي الي جنت ابنيها بهذا الاسبوع واتلاشى كل كلامي عن القوه اااخ شكد مشتاقتله ياربي احس روحي طير يطير شكد كلبي حقير لان بمجرد ماشافه اتمنه يحظنه ويبوسه اتمنيت انام بحظنه وانسه كلشي اتمنيت اشكيله عليه ويعاقب نفسه بنفسه بس اضحك ع روحي بهاي الكلمات راسا درت وجهي ماريد اضعف ماريد ماريددد لازم اكون قويه مايهزني هيج شخص اذكرت كلماته الي الي وصفني وكاني وحده من شارع وكاني وحده مو زينه اكرهه يا كلبي اكرهه حسيت بشخص وكف يمنا رفعت راسي سند - شلونك عمار شلونج نصوفه - هلوو ابو همسه الحمدالله شتشوف - الله كريم تنحل تنحل والله ماراضي شكد حجيت وياه وهو ماكو معاند اله يطلك خلي بس بعدين من يعرفون الحقيقه هو وامي راح يندمون صفنت عليه وباوعتله ليش انت مصدكني سند - هههه اعرف كلشي كوثر سولفتلي كلشي حته قبل لاااا نصر يعرف من اجه واعتذر مني ورفضته سولفتلي كلشي وعرفت شكد انتي جوهره نادره ابتسمت بوجهه مجامله ههه حماي يصدكني وزوجي مامصدك شكد حلو هيج شي شعور حقير ونذل يخليك تتمنه الموت ولا هذا الموقف حسيت بعمار يحاجيني درت عليه وياي تحجي - وين بالج متكليلي سالي ساعه احجي وياج وانتي ماكو فاقده بغير عالم دتعاي تعاي المحامي راح يسئلج كم سؤال مشيت وراهم وبقو يحجون واني ارد بكلمه لو كلمتين واسكت صار وقت الجلسه ونادو باسمائنا مشيت بخطوات واثقه من نفسي بس حبي الحقير دايخليني احن واتراجع وارجع اخلي كلماته ترن بعقلي واكرهه وكفت كدام القاضي و و هو ع بعد كم متر عني جان مبين عليه الجبروت واكف عادي ولا كانما شي صاير يلعب بمحبسه ويباوع ع القاضي ويرجع يلعب باي شي يصير قريب من يمه واعرفه من يسوي هيج يعني متوتر هههه هيج اني اوترك يانصر الدين لعد اكلهاا وشوف انصاف شنو راح اسوي بده القاضي يحجي هواي بس بالي ماكان يمه الى ان وصل السبب الطلاك واني هنا اصنمت شنو جوابه شنو جوابه راح يكون باوعتله واني خايفه من جوابه - حظرة القاضي اسباب عائليه مشاكل 24 ساعه ومحد مرتاح - وبرأيك هذا القرار الصحيح ليش اتهدمون بيتكم من وره كم مشكله صارت واني متاكد وراها نسوان اسمعني بابا هذه حياه وعمر وبينكم طفل محد يخسر غير هذا الطفل شنو ذنبه يتربه بعيد عن امه وابوه ها يكون متشرد كل يوم بمكان شكد راح يتعذب هلطفل - رجائا حضره القاضي خلينا انفض الشغله لان ماكدر اكمل حياتي ويه انسانه مخادعه ابتسمت من كال هيج وباوعتله بكره وهمست - اسمحلي حضرة القاضي ومنو كال اني اريد ابقه وياك ترا اني هم ما اريد اعيش ويه شخص اناني حقوووود - منو الحقود هاا ولج مو سمعتج باذ - بسسسسسسس هدووووء شنو هايي انتم بمحكه مو منتزه اذا هيج ما متلائمين شكو ازوجتو وخلفتو لعد اذا مو كد المسؤليه سكتت والكل سكت عم الهدوء لدقائق وبعدها رجع القاضي مرة الثانيه حجه وسئلني تردين الطلاق - باوعتله ورجعت باوعت ع القاضي بشموج وجاوبت نعم اريد الطلاق بس اريد حظانة ابني لان بعده صفير نصر : مو هي بكيفج كل - هدوووووووء شنو هاي استاذ نصر هيج اتخليني امشي وياك بلقانون واطلعك بره سكت نصر ورجع كمل كلامه القاضي وياي جان جوابي ماريد اي شي منه فقط ابني وهو كان جوابه شتريد اطيها بس خل تتركني اني وابني نعيش بسلام وبعاد عنها شكد اذتني هاي كلماته يعيش بسلام هو وابنه وبعاد عني الله شنو هاي لعد شكد اني غبييه الي حبيت واحد حقير وحقود واناني بقه القاضي يحجي وتم اعلان طلاقنا واصبحنا مطلقين قانونيا من كال هلكلمه القاضي حسيت ردت اوكع جلبت باي شي صار كدامي وقويت نفسي ورجعت اهديهاا النفسي بكلمات من طلعت هذا الكلمه وتم تسجيلها يمهم اني مطلقه هسه حسيت طلعو كلبي وذبو من جسمي ومن هليوم هذااا ماعدت عدي قلب مجرد جسد بلا قلب طلعت واتئجلت محكمة الحظانه مال ابراهيم ع الاسبوع الجاي جنت ميته شوق عليه واريد بس اشوفه قبل لا نركب بسياره سمعت صوته وهو يصيح عمار وكفت بدون ما التفت عليه اتقدمله عمار وراح يمه بقو يحجون واني مطيتهم ضهري حته مركبت بسياره لان راح اشوفه اذا ركبت من خلصو اجه عمار ومبين عصبي ركع باب السياره حيل ومشه - شبيك عمار شحجه هذا بعد - ههه يكلي خلي اختك تتنازل عن الحظانه لا افضحكم بلعراق كله واخلي العالم تتفرج عليكم مااصورت بيوم من الايام يجي ونصر يهددني اااااخ لو ما انتي جان كسرت سنونه ابتسمت وهزيت راسي اي وهو يطفي عينك وهيج واحد يردها للثاني لحد ما الله يفرجها ابتسمت اثنينهم عصبيين ااه يالله يعني هسه اني طليقت نصر اذكرت اني بعدني مرته بلعقد السيد يعني شرعا اني مرته باوعت ع عمار عمار ماكالك شوكت يطلكني من السيد حظرته دار وجهه عليه بسرعه شنووو مو مطلكج - شوكتت لاااا وكف السياره حيل ودار عليه لا تخبليني انصاف هو كال من جنا بلمحكه من طردتتها من البيت طلكتهااا بـ ٣ صفنت ما طلكني وما نطقها هذا اتخبل شوكت كالها هو اصلا ما سمعته كال طلاك مو بعد يطلكني بـ ٣ لا هذا مو صاحي اكيد اتخبل اكيدددد - جاوبييي طلكج لو لااا - لااااا عمار ماطلكني ولا نطقهااا -متاكده - اي والله متاكده - بسيطه لعد بسيطه نصر يضحك علينا موو طلكج محكه وخلاج لا انتي مطلقه ولا انتي المزوجه جان يسوق ومبين عصبي ناررر صحت بي شنو يعني عماررر شنووو - شنوو هذا واحد ملعب دايلعب بعصابج واعصابناا كلناا طلكج محكه وبس علمود كداما لعالم انتي مطلقققققه بس ماطلقج سيد علمود يذلج بسهووله ومايخليج تزوجين وتبقين ذليله عده بس يحلم يحلم والله اني اعلمه مااطلع ابن ابوي اذا ما خليته يطلكج طلاك كامل خفت من عصبية عمار اكثر من خوفي من نية نصر شنو قصده بهذا التصرف وليش كال طلكتها معقوله يكون كلام عمار صح اي لعد شنو اتوقع منه رجعت للبيت وكبل للغرفه ماريد اشوف لا رانيا ولا امي اذا شفتهن اطلع حركتي كلها بيهن هن سبب دموعي هاي هن سبب بعادي عن ابني بقيت ابجي طول اليوم ع ابراهيم وع حظي المصخم ليش مايكعد يعني نصر حاب يذلني لا يرحمني ولا راح يخلي رحمة الله تنزل عليه استغفر الله ربي واتوب اليك استغفر الله ربي بليل دكت كوثر عليه ماجان عدي واهس احاجيها بس من لحت رديت - فتحي كامرا عدي حجي وياج بسرعه ولج - اوووو كوثر عوفي رحمه الاهلج مالي خلكج - اوكي لعد هذا برهومي يسلم عليج من كالت هيج اريد اكمش المبايل بعد مااكدر اريد انطق واكله برهومي حبيبي هاي اني نو مو اتكلي نو هاي اني ياحبيبي كوه كمشته عدل للفون وفتحت كامرا جان كاعد بحظن كوثر ومبين جان يبجي من خشمه الاحمر يا بعد روحي منو وياك يا ماما من شافني برطم وكام يضرب بكوثر ويصح نو نو مماما ضحكت من بين دموعي من كال ماما هو ابد ميكول ماما يروح امك انت مشتاقلي هااا بقه يبجي ويريد يجيني بس بعدين مل وسكت بقه يسولف ويناغيو يضحك ويدردم يحجي وياشر بدايه واني اكله اي اي وهو فرحان حبيب كلبي يمكن اذا اجه فرحان اكثر مني بقيت اسولفله وهو نايم بحظن كوثر الى ان غفه بقيت صافنه عليه شكد مشتاقتله ياعمري شبكت التلفون وكمت ابجي - يلا حبيبتي لازم اسده نصر ع جيه يجي ياخذه لا تخافين هو يضوج هناك وكامت عمتي اجيبه يم همسه شويه يفك كل ميجي اتصل بيج هزيت راسي مشكوره كوثوره ماانسالج هذا المعروف طول حياتي - انجبي لج اني اختج لا اضلين تحجين هيج عبالك غريبه - لا والله انتي اختي الماجابتها امي - حبيبتي يلا مع السلامه - هلا بيج سلمت عليها وسديته وبقيت اضحك وابجي خلص حبيبي مابقه اسبوع واخذك يمي لا تبجي ياعمري لا تبجي غفيت ع صورة ابراهيم ومرت ٣ ايام اني كلبي يلوب ع ابراهيم اريد بس اشوفه لان بعد ماتحمل والله شوكت يخلص الاسبوع مادري جنت اخلص يومي كله ياما بلحديقه يااما بلمطبخ ولحد لان محد يعرف بيه هنا لحد ما طلعت لعمار افتحله الباب وصارت خالتي ام جوري كدامي من شافتني اجت عليه بوستني وسلمت عليه وطلعت - خليج بعد وكت خاله - لا حبيبه ارجع البيت فارغ مابي احد من تججي جويريه اجيبها واجيج - ماشي خاله هلا بيكم سديت الباب وباوعت ع عمار الواكف ليغاد عني - شتريت خاله ام حسن - متريد بس سلمت عليه اي ماكلت وكالت ماكدر ابقه البيت فارغ من تجي جوري اجيبها واجي - اها خوش طالعه الاسواق اني محتاجه شي - لا سلامتك طلع وسديت الباب وراه وبقيت ماعرف شسوي هيج وكت جنت اكعد اغدي برهومي واوكله شوربه لو مركه منو دايوكلك هسه يا حبيبي منو يمك هسه منو يداريك كوه حبست دموعي وصبرت روحي بس 4 ايام واخذه منهم للعصر اجت جوري وامها سلمت عليهم وجوري صافنه عليه اخذتها وطلعت لبره كعدت ع المروحه اخ يا مرجوحتي تذكرين من جنا نكعد عليج ونسولف ع ابوصلعه هسه راح اسوالف عن معاناتي وحزني وياه كلشي عكس ماتمنيت - شصاير ولج والله خوفتيني عليج شوفي شكلج شلون صاير كعدت اسوالفلها كلشي صار وياي من يوم الي ازوجة الى هذا اليوم والمحكه ماخليت شي ماسولفته الها احجي وابجي جنت بحاجة احجي وافرغ الي بداخلي جنت بحاجه كلش ماسه الهذا الشي دموعي ماوكفن واني احاجيها وهي طول مااسولفلها بس اي واي ابد وتهز براسها اخذتني بحضنها وضلت تمسح ع رواسي وتهدي بيه ابتعد عنها وهي تباوعلي صفح - شو باوعي عليه لالا ماصدك هاي انصاف لج وين انصاف الاعرفها اني ولج خليج قويه ماتهزج ريح هيج اعرفج لا تخلين المشمت يشمت بيج وهسه كومي كومي لج هذا ابو صلعه يخليج تبجين وسفه والله كومي - هههههه لج ع كيفج وياه - لا بلا لا بس ماتقبلين نحجي ع يمو الامبراطور اناني الحقود المتسرع - انجبي ضربتها ع كتفها وصحت هذني كلماتي اول شي وعشتوو ليش اضوج هسه ع حوره واضوج - ههههههه عفيه عبالي متقبلين احجي - لا والله اقبل وابوسج هم هههههه فديتج اي ماكتيلي انتي شكو ماكو شصاير ماصاير وياج - اووو اني يااختي داتصير وياي معجزات هههههه كل يوميه واحد خاطبني شكل كلهم بجفه وهذا الطنطل الملطلط ابو عيون زايغه البغدادي بجفه زاحف منحرف - هاهاهاهاها هذا منو جوريه عليه هااا تعاي ولج - اوكفي ولج خل اشوف امي شتريد راحت تركض لان امها صاحت عليه لحكتها شفت خاله تريد تروح لحيت عليها تخلي جوري يمي لوره العشه ويجي حسن عليها لو اوصلها اني وعمار بقت جوري تحظن بامها وتتوسل بيها تقبل اخر شي يئست وقبلت تبقه راحت واني بقيت وياها كمنا نسولف ونشاقى سويه جانت جوري نعمه دزها الله الي جوري : من سمعت حسن وبابا يحجون بطاري خطبه عرفت المقصوده اني بس منو تعيس الحظ اللاسف ماعرفته بس هم يعرفون رأيي كلش زين مستحيل اقبل باي احد خاصه حب عمار لسه بقلبي وماريد اضلم احد وياي واعرف نفسي مااكدر انسه عمار بسهوله دخلت عليهم وسكتو تريكت وياهم وطلع بابا كعدت ادرس بيومها وحسن يبسبس كلساع ويه واحد ساعه ويه بابا وساعه ويه ماما ويبقون يبسبسون ومن يشوفوني اسكت هلمره العريس من طرف حسن وحسن اعرفه ماعد يقنع بيهم بس يعرفون جوابي كلش زين لهذا محد جاب طاريه كدامي ولا احد فتح الموضوع وياي وهيج مشت الايام يوم يجر يوم وصداقتي ويه انه زادت كولش وصرت اعتبرها اختي الثانيه بعد انصاف ماعرف ليش ماكرهتها يمكن لان ماشفت منها شي مو زين وتستحق اتكون مرت عمار حته ماغار منها ولا اضوج منها لان مو بيدها هذا الشي قدر ومكتوب والي مكتوب ع الجبين لازم اشوفه العين وهيج جانت تخلص ايامي بلبيت ادرس 24 ساعه وبلمدرسه ويه انه ابقه دائما امتحاناتي الشهري باست لحد ما فد يوم ياسمين البنيه الي اروح وياها دائما ازوجت وانقلت لغير مدرسه اضطريت ارجع وحدي واروح وحدي لحد ما حسن يدبلي خط لو شو شنو جنت امشي وصلت لشارع العام الي يفصل بين مدرستي وشارعنا شفت عمار طلع من الاسوق شايل باكيت جكاير استغربت هو ميشرب جكاير ولا مره شفته يشرب شلون دايشرب هسه اوووف عبرت ومشيت من يمه بس من مريت بصفه احس كلبي يدك سريع يمكن صوته وصل اله سمعته همس بعد شوي من تجون النا اريد احاجيج كلمتين خيتييي جوري عفته وكملت طريقي واني مستغربه ليش انروح الهم شكو معقوله راح يزوج سكته لا لا جان سمعت من حسن زين شكو لا بس خاله بيها شي بقيت صافنه وشيريد مني ماصدك يريد يحجي وياي رجعت للبيت واني حابسه ادموعي من كلمه خيتي اني مو اخته موو اخته اتمنننه اصيح بعلووو صوتيي واكول اني مو اختككك مو اختكك كافي تكول خيتي كافيي بس اللاسف مجتمعنا ما يسمع صوت الانثى رجعت للبيت واتلكتلي امي كالت انصاف هنا وراح انروحلهم العصر طرررت ونسيت كلشي حيل مشتاقتلها واريد بس اشوفها واكعد وياها ومشتاقه لهذا الجعموص برهومي يمه يخبل مال كرط العصر رحنا الهم نن فتحت الباب انصاف بقيت صافنه مصدومه مااصدك الي كدامي انصاف وحده ضعييفه جنها مومياء عيونها حمر دم وجواهن اسود وشكله تعبااان حيل صفنت عليه شبكتني وضلت تبجي اخذتها وطلعنا للحديقه بره وبقت اسولفلي واني مصدومه بقيت اباوعلها مصدومه معقوله هيج الاخت اسوي معقوله لهدرجه الغيره تعمي الحب ليش ليش هيج سوت جنت متوقعه رانظا راح اضر انصاف بهذا الزواجلان تغار بس ماتوقعت هيج اسوي رانيا اعرفها كلش زين حقوده غيوره انانيه مايهمها شي بس مو لدرجه ان اسوي هيج باختها لا مااصدك زين خالتي شلون رضت شلون قبلت ع نفسها هيج اسوي ببتها ولو امها بعد اضرب شنو سبب كرها الانصاف هيج ماعرف اذكر مره سئلت امي ع سبب كره خالتي الانصاف وتعاملها بهذه القوسه وجان جوابها حيل مصدم من كالتلي - من عرفت بروحها حامل بانصاف اتخبلت ورادت توكع الطفل بس ابو تمار الله يرحمه ماخلاها وكالها هاي روح شلون هيج اسوين بس هي جانت حيل قاسيه جان جوابها اي هو احنه الاربعه وكوه عايشين مو بعد تجي طفله وتريد كومه متطلبات منين اجيب الفلوس الها اصلا شعدها جايه لهذا الفكر وحاولت اكثر من مره اتوكعها وماكدرت لان جان ابو عمار واكفلها بلمرصاد وهيج ملت هي وتقبلت الامر ومن جابت انصاف كامت تهملها وماديري بالها عليها ومن تتمرض ما اديللها بال بس ابو عمار جان الها ام واب وماخلاها تحتاج شي امي تحجي واني ابجي ع انصاف بيومها ماعرفت شنو من كلب شايله ومتحمله كل هذا كعدت ويه انصاف وكمت ساعه انصحها ساعه اهديها ساعه اضحكها واخليها تضحك وكلس ساعه شكل رانيا محبيت اتواجد وياها بنفس المكان لان اصلا من البدايه اني ماحبها وبعد عملتها ويه انصاف كمت اكرهاا اكثر وهي هم يمكن حاسه بروخي لهذا خابسه نفسها بلغرفه 24 ساعه ومغطيه روحها بلبطانيه كمت للحمام اغسل وشفت عمار بلمطبخ من شافني اشرلي براسه ع الحديقه وطلع حرت اطلع وراه لو لا بس قلبي اخذني وراه طلعت وراه لكيته واكف ومطيني ضهره وجان يدخن وحاط اديه الثلنيه بجيبه من وكفت وراه دار وجهه عليه بقه ساكت وبعدها همس - جوري اريد منج مساعده اعرف بيج شكد تعزين انصاف وشكد تحبيها اريدج هلفترا وياها ماتركيها لو مهما يكون وتضلين وياها اعرفها تعزج وماتردلج طلب لهذا نصحيها خليها توعى ع تصرفاتها وقنعيها تدرس وترجع للمدرسه بلكت اذا التهت بدراسه والطلعه والطبه تنسه شويه من همومها ادري متقصرين وتمونين عليها لهذا طلبت منج هذا الطلب واعرف ماتردج - بدون ماتكول اني وياها وماتركها ابد وحته جنت انصحها واسولف وياها قبل شويه واني راح اخلي حسن دائما يجيبنا الها وانت هم جيبها الي بيوم الي ماكدر اجي هز راسه بمعنى اي ورجع يدخن ويباوع بلفراغ صار عدي قضول اعرف شوكت كاام يدخن اشجعت وهمست اسئله - ائئئئ عمار دار وجهه عليه وعيونه كافيه تشرح كمية الحزن الي بيهن همست واني اباوع بعيونه - من شوكت ادخن ماشايفتك ادخن بيوم - من وفاة والدي من التمت المشاكل فوك راسي كمت اذب قهري بجكاير - الله يكون بعونك حاول تقلل منهن لان مو زين عليك - هز راسه الي واني ردت امشي بس اذكرت اني ما مباركتله ع الخطوبه درت وجهي عليه وهمست الف مبروك بارعلي راسا ميتغرب وكال ع شنو ؟؟ - ع خطوبتك ماباركتلك حبيت هسه اباركلك بيهازالخير ان شاءالله - شكرا ابتسمت تك خد ومشت بس وكفني صوته وهو يوكل يو اللج - انشاءالله بس كون مثل فارس طفولتي الي تمنيته وماحصلته لو مثله لو مازوج حجيت كلماتي وردت ادخل بس رجع وكفني صوته وهو يكول - جوررري احبج .. بس اللاسف اقدارنا مامكتوبه تنجمع سوه ومو نصيبج ولا انتي نصيبي بس ابقه احبج من جنتي هلكدردتج نزلت ادموعي وعفته ودخلت راسا غسلت وجهي ابجي ليششش ليششش هيج حظي مبنجر مزنجر وخايس طلعت من الحمام وصارت انصاف كدامي وينج صالي ساعه ادور عليج وانتي ماكو ردت اسئلج شتردين عشه - ها هناا بلحمام عادي اي شي تدرين بيه كلشي اكل ههه بقت واكفه اسوي عشه واني يمها عرفت اسوي اكل بس الها والعمار احسن شي اسوي والله طلعت بتيته وطماطه وكامت اسوي واني وياها جانت ساكته كسرت السكوت واني اكلها - انصاف شنو رئيج اترجعين ادرسين وتاخذين شهاده - ادرس!!! - اي ادرسين شنو بيها عادي اتحصلين شهاده وهم تلتهين وتكضين وكت مو احسن من الكعده بلبيت صفنت وهي ساكته عفتها تفكر بلموضوع حسيت بي طب وصار وراي همس - نصوفه جوعان مو تتاخرون - لا حبيبي هسه نخلص مادرت اله ولا باوعتله احس كلبي يريد ينفجر وكوه حابسه دموعي بقت انصاف اسوي بلعشه واني اساعدها الى ان خلصنا كعدنا نتعشه اني وانصاف بلمطبخ وهو بلصاله ماقبل ياكل ويانا وعرفت السبب اني هههه عادي شنو يعني قابل اول مره خلصت عشه واجه حسن عليه وطلعت وياه جنت دامشي وره حسن وحسيت احد طلع من الدربونه الي بشارعنا ممبين شكله لان الشارع اضلم خفت وكعت على رجليه وصحت حسسسسن راسا اجاني حسن شكووو اشرت ع الدربونه اباوع كلشي ماكو والله جان اكو احد هنا والله شفت خياله والله - كومي كومي ولج تتخيلين كمت انكث بهدومي والدموع بعيني وكملنا لبيتنا اول مدخلت ركضت لغرفتي ابجي ابجي ع كلشي صار وياي اليوم وحده وره وحده انصاف ومصيبتها وعمار وكلماته وهسه الخيال متاكده شفت احد بس وين راح والله ما اتخيل بشر جان بشر بقيت ابجي بفراشي الى ان غفيت واني حايره ماعرف شلون بيه شكد اتمنيت اسمع كلمة احبج وشكد جنت احلم بيها هواي وشكد جنت اتخيل من يكولها شلون راح اخجل وخدودي يصيرن حمر وشنو ارد عليه حته الكلام الي جنت حافظته علمود ارد عليه كل هذااا ماصار وصار شي مجنت متوقعته بيوم نفس الكلمه جنت احلم بيها يكولها بس مو هيج مردت اسمعها هيج غفيت والدمعه بعيني كعدت الصبح بدلت وطلعت للمدرسه واني امشي ماحس غير ايد بيها كلنس انحطت ع حلكييي دخت وبعدها وفقدت الوعي وماعرف شصار بعد نصر الدين : بعد ولادة ابراهيم الي خلاني صدك احس الحياة بيها طعم وخلاني احب البيت واحب كلشي وبعد ماترقيت وصرت نقيب شغلي خف شويه خارج الدائره بس زاد داخلها يعني صار اغلب شغلي داخل الدائره وبديت اتعود ع وجود انصاف الي خلتني احسن عدي طفلين هي وابراهيم مو طفل واحد وهيج مرت الايام ولحد مره طلعت بواجب ويه اصدقاء وياي وطول اكثر من اسبوعين وقررت ارجع للبيت واسويلهم مفاجئه دخلت اللبيت هدوء اسمع صوت فوك عرفت امي داتنضف مشيت للغرفه سمعت صوت حجي وضحك برهومي ممبين الحجي فتحت الباب ع كيف شفتها مطيتني ظهرها وتحجي وابراهيم يلعب بملاعيبه ويضحك بقيت صافن اسمع كلامها احس الشياطين اجمعت براسي اريد امسك اعصابي كوه ساكت متحملت هيج انخدع هيج بسهوله جنت اشك بروحي بيه حاله نفسيه وبسببها هيج جنت اصرف وحجزت عد دكتور نفسي وجنت اريد اروحله كل هذا وماشكيت احد مسويلي سحر لان اصل ما امن بي بس بعد كلامها خلتني اعض اصابعي ندم لان جانت عدي نيه احبها وارجع ابدي صفحه جديده وياها حمدت الله وشكرته من كدرت اكشف وجوهن جانت بيه حاله اذا اعصب افقد اعصابي واكوم احجي لاخي لاطي وماعرف شنو احجي من شفتها هيج وكلامها وثقتها برغم من دوعها بس جانت قويه خلتني افقد اعصابي واكوم احجي عنها كلمات ماكايلهن عمري كله بس ماندمت لااا حيل بيها وابو زايد طلعت من البيت صح حسيت شي وطلع من حياتي ومكانها خالي بس ما اخليها تنتصر واعرف نقطة ضعفها ابراهيم بيوم رجعت من الواجب وشفت امي كاعده وحاطه برهومي بحظنها وصافنه بست راسها وكلت - ها حجيه وين بالج - ولك يمه هاي مرت اخوك سند دوختي اكثر البارحه اجت وحجتلي كلام وكف شعر راسي ماصدكتها بس من صفنت بيني وبين روحي واذكر تصرفاتها يطلع كل كلامها الكوثر صح بس هي عترفت كدامك والله حدوخ - لا ادوخين ولا شي يمه هاي تلكيها لاعبه بعقل كوثر وتدرين انت كوثر شكد طيبه وكلبها طيب راسا اصدك نسيتي من اجت هاي صديقة سند وكالتلها عوفي وعدي علاقه وياه وهو كلشي ماعده وهو الغبيه كومي اخذي همسه وروحي الاهلج يمعوده ليش هم واحد يحب الثاني شكو حاطه نفسي بنص كوه قنعناها ماكو شي بينهم وهاي وحده جذابه تلكين هاي هم هيج - اي والله صدك زين برهومي شاون بي وولك يمه شلع كلبي وبس يصيح نو ونو - نو شنو - ع امه يسميها نو - يتعوده يمه يتعوده شهر شهرين ينساها كايم اسبح سبحت واتمدتت بفراشي فكرت اله اخلي تندم ع الساعه الي وافقت اختها ومشت وراها اله اخليها تعض اعصابيعها ندم واخليها تجظ تتوسل بيه ماااطلع نصر الدين جانت ببالي فكره ماعرف اذا علمود اخليها صدك تنذل لو ماريد ابعدها عني واخلي غيري ياخدها ماعرف شنو الي اريده بس الاعرفه اريد اذلها لهذا قرتت اطلكها محكمه وبس واخليها معلكه منا ومنا ومنا ابتدء مشوار انتقامي منج يااا طفلتي رجعت لغرفتي القديمه فوك جان بس ابراهيم كاسر كلبي من رجعت من المحكمه ومن شفت قوتها واجوبتها اثبتلي شكد هي تختلف طلع طلع وجهها الحقيقي رجعت بيومها وكبل ليامن وكعدت ادخن طلعت حركتي بجكاير من شفت تجاهلها الي ةجبروتها تثبتلي شكد غلطان اني طلع وره هذه البرائه بزونه تخرمش هههه بس الاسد يكدر عليها واعرف شلون اخليها تبجي دم ومرت 3 ايام وره الجلس ومثنى كال الاسبوع الجاي عرسي من كال هيج صفنت هو ماطلك رانيا خلاها معلكه ببيت اهلها وجابلها ضره خوش استخدم طريقه ناجحه ابتسمت واني افكر اي خوش طريقه اخليها تبجي دم واني اعرفها تحبني بس اتكابر ههه انصاف : بليل من راحت جوري دهلت للغرفه وكمشت تلفوني رانيا نايمه هو من تنام ادخل الغرفه ادور اني بقيت اكلب بموبايلي شفت البنات يحجن بلكروب دخلت عليهن واشوفهن يحجن عفتهن وطلعت اريد ادخل ع صفحته وابطل مسويتله حظر وخلصانه من نشرت الفيديو ذاك اليوم وحظرته اخر شي اشجعت كمت سويت حساب جديد باسم ولد ودخلت لصفحته وصدمني المنشور الناشره قبل دقائق جان عباره عن شعر "ألف , حآء , بآء , كآف" كيفمَا تشآء آقرئهآ - أُكتبهآ أنطقهآ - آشعر بِهآ غنّهـآ ♥ُ !" فـهي لكِ فقـط T❤️N لا يالله لا منو هاي بعد عليه وجماله حاط حرف التاء منو هااااااااي اتخبلت سديت التلفون ونمت واني احس كلبي يفور نار كعدت الصبح ومن اذكر المنشور ردت اذبح روحي ماعرف شنو يسمى غيره ياترى بعدني احبه بعد كل الي سواه لو لان عرف شلون يستصغرني كدام الناس طلكني منا وره اسبوع كبل الله عليك نصر الله كعدت اتريك وطب عمار شايل مثل البطاقه باوعتله خايفه صاح رانيااااا طلعت رانيا الي صارت تحبس نفسها بلغرفه وبس نايمه بس ولا ماثر عليها بلععكس سمنانه اصلا هنيالي والله درت وجههي عنهم وسمعتها كالت هاي شنو عمار كعد كدامي شرب جاي وكال جابوها قبل شويه بطاقة عرس معزومه ع زواج مثنى من كال هيج هيج راسا باوعتله اني وباوعت ع رانيا الي بقت واكفه مصدومه عافتنا وطلعت تركض للحديقه ومنا طلعت ع البستان ردت الحكها عاط بيها - عوفيهااا تستاهل خوش كسرهاااا مثنى امشي بدلي عدي شغله وياج - وين - امشي بلا لغوه بدلت وطلعت وياه شفت هوسه بشارعنا سئلت عمار كال مادري تلكين شو منو متعارك يمعود طلعنا واني صافنه وين ماخذني انتبهت طلعنا من واسط وهذا طريق بغداد درت عليه - عماررر وين ماخذنيي - مفاجئه شبيج حجاها وابتسم واني بقبت صافنه واتنفس سريع خايفه من كلشي خايفه لا براهيم بي شي كل بالي راح يمه الى ان مرت الساعات وصلنا بلوعت بيت سند باوعتله وهزيت راسي شعدناااا هنا عمار - انزليي شبيج خايفه انزلي نزلت وهو دك الباب فتحها سند مبتسم سلم عليه ودخلنا اشرالي ادخل اني اول احس كلبي يدك سريع من الخوف دخلت واني خايفه بس وكفت مصدومه من شفت النفاخ والكيك ومكتوب عيدميلاد سعيد انصاف باوعت ع كوثر وجانت الصدمه واكفه وشايله ابراهيم …………  يتبع ،،،،،،، وللحكايه بقيه ،،،،،، قرائه ممتعه احبتي اخ شكد لعب نفسي الواتباد كلساع خلل ومابي نت كل البرامج يشتغلن وبيهن نت اله هو وفوكاها من وره الخلل انحذف بارت من 4000 الف كلمه بس يلا عدت كتابته من جديد والحمدالله النص الثاني كاتبته بلمذكره مو بلوات جان انحذف هم وجان لسه ممخلصه وها شغلة لخ حبيت انوه عليها المشهد المستقبلي مال البارحه الي نشرته هواي سئلو شنو هاي ودخنا حبايبي انتم عنوني انتم هذا مشهد راح تلكو بلبارتات الاخيره من القصه اوك فهمتو يعني راح تلكو بلبارت الاخير لو القبل الاخير يجوز يتكون النهايه الله اعلم 😂😂😂 لالالا والله مو النهايه اشاقه وياكم هههههههههههههه هسه شريد منكم تصويتكم وتعليقاتكم وتوقعاتكم واعتذر ع الاطاله #نور الشمري #نوشه التعديل الأخير تم بواسطة لامارا ; 09-12-20 الساعة 02:59 PM | ||||
|
| |
|
08-12-20, 04:23 PM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت الثالث والعشرون بقلمي #نور الشمري #أعترف انني أحبتتك وبجنون أيضا ولكن وما فأئدة كل هذا ألحب أذا كان من طرف واحد أحيانا يوهمني تفكيري أنك تحبني واوقات أشعر أنك لا تبالي ابدا وليس بيدي فعل أي شئ ولكن سأوعدك بأنه سوف يأتي اليوم الذي سأرحل به عن عالمك الى عالم اخر ،،،،،،،،،،، ولن اعود ،،،،،،،،،، انصاف : كل الي جان موجود ماشد انتباهي بكد ما شده الي بحظن كوثر ابني ابني حبيبي صاللي اسبوع و4 ايام مشايفته اااخ يايمه اريد امشي ماكدر احس بشي يجوي خدودي انتبهت هذه دموع دموع فراقي عن ابني مشيت بخوات كوه امشيها واجلب بأي شي كدامي حته ماوكع عثرت بلمير المحطوط كمشني عمار وهو يهدي بيه - ع كيفج يمعوده اليوم كله الج انتي وياه باوعتله ابجي ممصدكه اجتني كرثر كعدتني وحطته بحضني هو من شافني راسا ذب روحه عليه وصار مثل الي يبوس بيه واني روحي مفرفحه عليه مثل الي جان عطشان وهو بنص صحراء قاحله وشاف بقعه مي حظنته حيل ع صدري وصرت ابوس بي بكل مكان بوجهه اديه وهم فوك راسي يضحكون حقهم ممجربين هذا الشي والاحساس كبر بداخلج 9 اشهور اتحملتي لخاطر كلشي وتنتضري ساعه ساعه حته يجي وخاصه الم الولاده او العمليه من يجي تبقين سهرانه عليه اليل كلهه واشوفي شلون يوم يوم يكبر كدام عينج من يبجي اتركين كل شي من ايدج وترحين اله ركض من يجوع اتحيرين شنو تطيني ومن يطنكر تبقين حايره شسويله حته اشوفين ضحكته كل هذاا صار كدامي ويردوني اكون بعيده عنه 8 اشهر كبر كدامي واتربى ع ايدي ويردوني ابتعد عنه اسبوع متحملت فراقه مو بعد العمر كله بقيت حاظنته وهو يضحك ويحرك اديه ويناغي ويسولف جانت احلا هديه عيد ملادي هي ابراهيم مانزلته من حظني دقيقه وحده اريد اشبع من عده لان مااتحمل فراقه ابد بقيت كاعده يم كوثر والكل كاعد يسولف ويضحك الجلسه مال الحظانه بعدلها 3 ايام وعرس مثنى بعدله 5 ايام مابقى شي جنت اريد اسئلها هم تعرف اذا نصر عده علاقه ببنيه لو لا بس مشجعت كرامتي مطتني اسئلها هيج سؤال ع الي باعني وطردني بقيت كاعده وياهم للعصر تمار ماعرف وين راح وره الغدا واني بقيت اوكل ابراهيم واسولف وياه وهو يضحك ويشاقه ويسوي بديه حركات صح مجنت افتهم شنو يكول بس جنت اضحك من كلبي من اشوفه هيج اليوم دخلت بالسنه الجديده وصار عمري 18 سنه دخلت السن القانوني وماعدت ذيج الطفله الي يكول عنها استاذ نصر الدين اليوم شفت ابني واللاسف بدون علم ابوه يعني بلختلات وهذا اول يوم الي بهسنه ياترى شنو مضموم بيها باوعت الساعه حصير الـ 5 العصر وحبيبي برهومي مبين منعس بس كاعد يضحك بحظني ويلعب بشعري سئلت كوثر واني الدموع بعيني - شوكت يجي ياخذه - مامعروف بـ 6 بـ7 حسب ومرات عيج وكت هزيت راسي وطب عمار كال ها انروح نصر خابر سند كله نص ساعه واجي اخذه هزيت راسي بي ونزلت راسي بوست ابراهيم ردت اطي الكوثر بس هو جلبب حيل بشعري ومقبل يروح ااخ شعري ولك ماما شعري ماروح بس هده رجتت كعدت وحطته بحظني وهو مامش شعري ههههه سولته بشعر ماعرف شنو سالفته الهذا الولد هههه - نيمي وروحي حته ميبجي عليج - هااا اي هسه اخدته وطلعت لغرفه البنات همسه جانت ترسم وحوري تقرا كعدت ع جرباية نمسه واتمدتت وصرت انيم بي رضعته وصرت الوليله كام يطفي واني الولي وابجي كوه الكلمه تطلع من عدي وهمسه تباوع بحزن عليه غفه براهيم بحضني نزلته ع الجربايه وحطيت المخاد مادايره حته لا يوكع لان ادري نومه حرررك حييل طلعت وجانت كوثر حاطه الكيك والحلويات واشكال بمعاون ومحظرته وفوك كل هذا الهدايه الجايبيهن شكد حاولت مااخذ بس زعلت ومكدرت ع زعلها اخذتها وهذني لا شيء امام هديه ابراهيم جانت احلا هديه تجيني بعيد ميلادي طلعنا اني وعمار الساعه 5:15 العصر والطريق طويل خطيه بقينا نمشي واني احس براحه من شفته بس عفت روحي هناك ورجعت عفتها يمه ورجعت رجعت للبيت وجانت دنيا ليل انتبهت بيت جوري ببابهم سيارات هواي وهوسه نزلت اركض واني اباوع ع عمار الي صف سيارته ونزل وراي يركض يعرف شكو اول ماوصلنا هو جرني - اوكفي وين داخله بنص الزلم عسه اشوف شكو واجيج - حباب عمار لا تتاخر - اي اي هسه اجيج طب واني ضليت واكفه ع جهه انتضره يطلع وكلبي يدك سريع من طلعنا من المطقه الصبح واني اشوف الهوسه كلبي مارتاح وعرفت اكو شي مو زين الافكار الشيطانيه كامت تجي ببالي وحده وره الثانيه مرت فوك الـ 10 دقائق وعمار ماكو متحملت كمت دخلت من بين الزلم واني مدنكه رايا ع الطرمه وللمطبخ شفت حسن كاعد بلكاع وحاط اديه ع راسه وعمار عبونه حمرر دم ويفتر رايح جاي بلمطبخ همست واني اباوع عليهم شكووو باوعلي عمار وصاح اني مو كتلججججج ضليي شعدج طااابه بنص الزلم شعدججج - عمار متت خوف طبيت والطبه طبه جوري جوريييي وين سمعت صوت ونين خاله ام جوري هزيت راسي بـ لا لا جوري مابيه شي موووو كل عقلي صار جوري ماتت كمشني عمار وصاح بسسسس مابيها شي بس الصبح مدري منو خطفهااا شافهم احمد الي بلاسواق يشتغل جانو ملثمين اثنين خدروها وخذوها وطلعوو صاح وراها راد ماكو من كال هيج دكيت ع صدري عزاااا بعينييي يعني جوري من الصبح مااااااكو واني مثل ادغبيه كاعده اضحك واسولف هنااااك ركضت لجوره امها مخرمشه روحها وشعرها منكوش وحالها حال حظنتها وصرت اهدي بيها واطمنها وهي بس تبجي وتلطم وكرايبهم تارسه البيت زلم ونسوان يالله وين راحت منو خطفهاات منو اله ايد بخطفهااا بقيت كاعده وادموعي تنزل واهدي بامها سمعت صوت حسن يصيح يممه وينج طلعت اله شغته حاله حال الله يساعده اخته انخطفت والمطقه كلها عرفت يالله احمي جوري من كل مكروه يالله دخليك - انصاف طبي شوفي اي صوره لجوري واضحه جيبيها خل انوديها للمركز الشرطه اي شي راح اجنننننننن جان يحجي وطب عمار عمار : الشرطه ماتقبل اسوي اي شي اذا ماتمر 24 ساعه هسه خابرت رئيس المخبر وكعد يمضرط براسي عماو جان يحجي بكل هدوء بس مبين عليه العصبيه من عيونه اخوي واعرفه عيونه تطلع نار منهن من عصبيته الحابسها بداخله بقيت بيومها هنا اني وعمار ومارجعنا للبيت وكلساع واحد يتصل بثاني اخر شي جنت كاعده اسري جاي لـ ام جوري وطبو عمار وحسن وبعد ولد شاب يطلع اصغر من عمار عرفته ابن عمها الجوري كعدو ع الميز صبتلهم جاي وباوعت ع عمار وهمست بشر هز راسه وكال محد يقبل يساعدنا والكل يكول اله 24 ساعه تمر ياله نطلع دوريه اندور همس حسن وهو كوه يحجي وادموعه ع خده وهاي صارللنا من الصبح احنه نفتر انه وعمامي وماخليت مكان مادور عليها منو عده عداوه ويانا ماعرف بقيت حايره الساعه راح اصير 1 بليل من جهه نصر ومن جهه ابراهيم وهسه جوري كل يوم مصيبه شكل اطيح ع راسي عمار كلساع يطلع جكايره ويدخن واني صافنه عليه عصبي ومايتحاجه اخر شي همس حسن وهو يوكف - لكيتهاا ماكو غير شخص واحد يساعدناا عمار : منووو احجيي - يامن صديقي الولد الي ساعدك بقضية رضوان - قصدك صديق نصر الدين - اي ماكو غيره هو ساعدنا هواي وعده عرف بكل مكان لا تنسه شكد ساعدوك هو ونصر صفنت صح هم استخابارات اكيد راح يلكوها ايي راسا جاوبته واني اباوع ع عمار - اي عمار صحيح ابو يامن ضابط بوزارة الداخليه ومعروف اكيد راح يساعدنااا من كلت هيج راسا وكف غماروكال لعد شمنضرر دك عليه - الساعه بـ 1 بليل - حسننننننن دك لا تخبلني عسى ما الساعه ب4 الفجر اختك من الصبح مخطووووفه كمشت ايده اهديه هو حس ع عصبيته سكت وكعد يدخن ابن عمها طلع يحجي العمامه وحسن خابر يامن ماعرف شنو حجه وياه وانتضر يسده ونفتهم اول ماسده صاح عمار بشررر - من عرف كام يصيح ليش ماكتولي من وكت هسه اجي واتصرف بعد مادري راح يجي هسه باجر بقيت يم ام جوري الي ملخت روحها وهي تبجي ساعتين مرت نص نام ونص ضل كاعد واني من الي ماجاهم نوم شلون انام وصديقة عمري ماعرف عنها شي ساعتين وسمعنا صوت سياره كعدت لكيت ام جوري فارشه سجداتها جنت مدده صافنه لبست حجابي وطلع للمطبخ عمار وحسن وبعد ثنين ولد فتحو الباب ودخل يامن وونصر من شفته جسيت روحي انسحلت كمشت بسنكي الي بصفي دخت وغوشت عيوني هذا شجابه شيريد شعده جاي لهنااا ليش كل مااكول نسيته يطلع كدامي ويرجع الشوق ليش كل ما اكول خلص طلعته من قلبي يرجع ينبض من جديد اله ليش ياللهي ليش كعدت ع ميز الطعام ودموعي تنزل ماعرف عليمن ابجي ع حظي الي كل ما اكول خلص راح اعيش يرجع من جديد لو ع جوري الي ماعرف حالها شنو اسمع صوتهم بطرمه يحجون اتقدمترع الشباك اسمع حجيهم وصار صوته ترس باذني غمضت عيوني قوي واسمعه اتصل بولد يحجي وياه ويعتذر لان كعده من النوم مرت الساعات وطلعت الشمس كعدو البنات ونسوان كبار اول مره اشوفهن سون ريوك الهم وكعدو اتريكو وطلعوو عمار ميحجي ويه نصر ولو لا حسن ما يبقه من طلعو كال انتي رجعي للبيت متكو داعي اضلين هنا هزيت راسي ولبست حجابي عدل وطلعت حته يوصلني للبيت ويرجع يطلع وياهم اول مطلعت من باب الشارع صار كدامي يامن ونصر حبيت احتقر واعبر من يمه وما اديرله بال بس وكفني صوت حسن وهو يكول - انصاف ادري انتي صديقتها المقربه ادا نعرفين اي شي كولي فدوه يعني واحد مهددها شي صفنت عليه لااا ماكو هيج شي ما كالت الي اجه يامن والجكاره بحلكه لعبت روحي عمار من وره يدخن وهذا يحجي وينفخ ونصر واكف ع صفحه وهم يدخن بس عيونه علينا ويباوع بستهزاء كانما وحده مو زينه كدامه شكد لعبت نفسي من نظراته ما هتميت اله ولا درت بال جنت اباوعله بطرف عيني عادي بقه يامن يسئلني واني اجاوبه محد يعرف يشتغلون بلستخبارت والكل يضن هو اخذ معلومات ويطيهن الوالده وع اساس عده اصدقاء بلستخبارات خلص كلام ورجعت للبيت احس روحي كلي ريحة جكايره واكفه و3 يدخنون فوك راسي اختنكت وهم ماكو احساس عدهم بلا هذا نصر ادري ماعده احساس اخويه شبي انعدا من عده وهذا الثاني صديقه يجوز ماخذه الـ لا احساس من عده هم دخلت للبيت وعمار راح باوعت البيت يلعب النفس من الوصاخه عبالك مابي احد طبيت المطبخ متروس ماعين وصخه وحاله حال والصاله فراش امي دخلت للغرفه الاخت نايمه هزيت ايدي وذبيت ملابسي اخذت ملابس نظيفه وطبيت سبحت وطلعت وبالي كله ويه جوري يالله يلكوها وتخلص جانت نضرات يامن ماعرف شنو افسرهن واجه بذاك اليل من دخل جانت الساعه 3 استغربت هذا الشي شنو الخلا يجي بذاك اليل من بغداد لواسط دطلعت نضفت البيت شفت امي بلبستان كاعده مدري شسوي البستان من موتت بابا ومحد يوصله واصلا مااا اجرء احط رجلي بي وصاحبه ماكو نضفت البيت وسويت ريوك الساعه 7 الصبح بس متريكت بقيت بالي يم جوري وانتضر عمار يجي مر الوقت بسرعه والساعه صارت ال 4 وهو ماكو وماكو اي خبر ادك عليه مايشيله لو خارج التغطيه خفت لا اكو شي امي ماتدري بس تدري هسه تلح اخذوني ادهم لان هي وام جوري حيل صديقات ومنو الها هناك وعمار اكيد مايقبل سكتت وماكتلها جنت اقرا قران والدنيا مغربيه طب عمار صدقت وكمت اله راسا بشرررر لكيتوهااا هز راسه بمعنى لا دنكت ودموعي طاحن وهسه شلون - مادري انصاف لا تحاجيني كوه فاتح عيوني - اي طبعااا صالك يومين عينك ماغمضت خل تعدي المغربيه ونام صبيتله اكل ما اكل اذن صله ونام اني هم ماسويت عشه الي يريد يكوم يسوي حطيت رلسي ع المخده وغفيت فزيت ع صوت تلفون عمار يدك الساعه ب10 بليل منو ركضت طلعت للصاله سمعته يحجي ويلبس قميصه سده واجاني اني طالع جاي قفلي الباب وراي - وين رايح لكيتوهاا - لاكين جثه بشارع ورايحين نتاكد منها شهكت وضربت ع صدري سودا بوجههي عافني وطلع واني بقيت ابجي وادعي ليش الزين يروح ليش كل الي روحي بيهم يعوفوني ويرحون ليش ماعدي احد يبقه وياي ليش يالله ليش ب12 خابرني عمار كال مو هي احس روحي جنت نار مجمره وشمرو عليه مي بارد وارتاحيت الحمدالله ياربي الحمدالله صليت صلاة شكر الربي وبقيت اقرا قران الى ان غفيت ومادري بروحي فزيت الصبح وصار اليوم الثالث ع اختفاء جوري وعمار ماكو حته مالي شهيه اكل ماعرف افكر بباجر وجلست الحضانه لو بجوري ومصيبتها ومشه الوكت يركض ركض وكلساع اتصل بعمار ويكول فص ثلج وذاب 3 ايام هي مو بلبيت و3 ايام هي مخطوفه ومامعروف مصيرها واني لا امل ولا شرب عبالك اجت من الله حته اموت اخلص حته ابراهيم نسيته من كد ماافكر بجوري شنو حالها هسه لحد ما بليل خابرني عمار كال حظري روحج باجر الصبح نطلع للمحكمه سئلته منكدر انئجلها كال لاااا حته قوه ماعدي للتحمل لمصيبه ثانيه وعيني ماغمضت ولا شافت الراحه بهذاك اليوم ثاني يوم الصبح طلعنا اني وعمار للمحكه وانتبهت ع سيارتنا جانت ورانا عرفته طلع ويانا جنت كل شوي واباوع ع المرايه اشوف سيارته ماعرف ليش احس بامان برغم من كرهته والله اكرهه بس ليش كلبي حقير ويحن مادري وصلنا للمحكمه ودخلت كوه فاتحه عيوني من التعب وبلا نوم حته عمار بقه يحجي عليه بس ماعدي اي قوه حته احجي مو وكتها الجلسه ابد مو وكتها دخلنا وكفنا كدام القاضي جان يختلف مو نفس الي طلكناا بقه يحجي وياخذ معلومات سئل ع سبب الطلاك وصدمني نصر من كال - مهمله وما اديري بالها ع الطفل ومايهمها غير نفسها واسباب عائليه ابني هستوه رجعتله روحه من ابتعدت هي عنها يحجي واني صافنه عليه وهو يباوعلي بمكر وكانما يكلي شوفي وشبعي وبعد وبعد هزيت راسي وحجيت بس سكتني القاضي راسا اشكال الكلام حجاه نصر عني ماديري بال الابراهيم وامه هي القايمه بواجبه من جبته لسه وعصبيه وع اقل شي امد ايدي عليه سواني مجرمه كدام القاضي واني كلساع اريد احجي ويسكتني القاضي واني افور نار لحد ما اجه دور كمت احجي احجي بعصبيه وماحسيت ع روحي من كمت اغلط واضرب بنصر فقدت عقلي بذاك اليوم واعصابي جانت حيل تعبانه احجي وابجي والمحامي مالتي يهدي بيه وعمار يخزر بيه سكتت وهمست - حظرة القاضي كل الي كاله كذب والله مامقصره باي شي روح اسئل اهله كلهممم شايلتهم ع راسي ماعدي اي مشكله وياهممم اطه القاضي استراحه ربع ساعه وطلعنا جنت ابجي وامشي اول ماطلعت وكعت بلكاع وصار سواد ماسمع غير صياح عمار وهوسه فوك راسي حسيت بمي ع وجههي فتحت عيوني وشويه شويه السواد اختفه جابلي بسكت وحليب اكلت شويه انتبهت نصر ماكو باوعت ع عمار عمار فدوه شوف شلون يقشمر ع القاضي ويجذب يريد ياخذ ابني حباب لا تخلي والله اموت والله اموووووت اشش اششش اهدئي ماكو هيج حجي ماكو اخذني بحظنه يهدي بيه ودموعي تنزل انتبهت عليه من طلع هو ومحامي من غرفة القاضي الخاصه وهنا فقدت اخر امل يكون ابني وياي بعد ماشفت نضراته الشمتانه بحالتي ودموعي وبععد ماشفت نضرات القساوه والانانيه الخبث بعيونه صار وكت الجلسه ورجعت دخلت وكوه صابره ع روحي مااوكع رجع القاضي حجه وياي واني اجاوبه ورجع حجه ويه نصر بس صدمني نصر من كال - مثل ماكتلك خظر القاضي اني ماريد شي بس اخاف ع ابني ترضاها ع ابنك انت سكت القاضي وصار سكوت لحظات وصوته وهو يعلن الحكم بان الحضانه من نصيب الاب وذالك بسبب عدم قدرة الام ع عيش طفلها و صوت المطرقه مالته رنت باذني رن وضلت هاي الجمله اترن باذني واني اشوف نضراته وهو يباوعلي مبتسم ومحامي يباركله فقدت وفصلت عن هذا العالم وصرت اسمع فقط ونين وصرةوت صفاره باذني دخت واحس الغرفه كامت تفتر بيه احس احد بصفي بس ماعرف منو وكعت والسواد عتم ع حياتي وفقدت اخر ذرة امل بنور حياتي الي جنت احلم بيها فتحت عيوني بغرفه بيضه ومغذي بيدي وصوت عمار وهو يحجي بتلفون باوعتله باوعلي بنضرات حزينه وسده همس شلون صرتي ابتسمت وهزيت راسي بـ لا مادري خلص المغذي وطلعنا الواسط ماحجه وياي اي كلمه لان مبين عليه هو هم ضايج واعصاب اول ما وصلت البيت صارت رانيا كدامي متحملت اشوفها واسكت هي هدمت حياتي هي زوجتني وهدمتهاااا بفعالهاااا خربت كلشي ماحس ع روحي غير صرت اضرب بيها واجر شعرها وعمار يشيلني عنها واني ادفر بيها وهي اصيح وتدفع بيها فوك عملتها اصيح وماعاجبها الاخت الي دايصير عفتها وركضت حبست نفسي بلغرفه وساعه اجر ساعه لحد ما خلص اليوم واني ماطالعه من الغرفه تلفوني قفلته وحبست نفسي ماريد شي ماريد شي بس رجعولي ابراهيم رجعوليا دك عمار الباب ومبين هسوها طب البيت - ولج انتي لسه حابسه روحج هنا فتحي الباب فتحي خل احاجيج - عمار روح حباب روح ماريد اشوف احد - لج بابا طلعي شبيج طلعي خل احاجيج فتحت الباب والدموع بعيني جرني ع حضنه حضني ويسكت بيه وهو ازيد شهكاتي ابتعد وكال كعدي هو اخذ الطفل بفلوسه وربج واحد اكبر محد يكدر يغير الي كاتبه اريدج قويه والله والله ارجعلج ابراهيم لان اخذه بلغششش الحضانه الج بس هو استغل الفرصه وعرف شلون ياخذه بس وعيونج مااخلي يرتاح وابنج يرجع لحظنج بس اطيني صبر اجمع كم فلس اله اخلي يندم هزيت راسي ومدنكه همس وهو يباوع بعيوني -وهسه كومي فتحي تلفونج ودكي ع كوثر وشوفي منو يمها - لا تكوول ابراهيم - اي ابراهيم ماصدكت ركضت للغرفه بس شو البيت فارغ لا رانيا ولا امي اووو خل اشوف ابني وين وبعدين اشوفهن فتحت التلفون ودكيت ع كوثر راسا طلعلي ابراهيم حبيبي بقيت اسوالف وياه واضحك وابجي يمه ياروحي انت مرت فوك الساعتين اني ع التلفون وياه وهو ساعه يبجي وساعه يضحك واني هم ساعه ابجي وساعه اضحك مرت يومين وابراهيم عد كوثر وطول هليومين اني مافارق الموبايل واتصال كامرا وصوت ٢٤ ساعه بس من نطفه الكهرباء ينكطع واول ماتجي اتصل امي ورانيا عرفتهن عد خالي رايحات وعمار ملتهي ويه حسن ويامن عج وري الي صالليها ٥ ايام مختفيه واني مرات تجيني دوخه اوكع وافقد الوعي من وحدي وتمر ساعه او دقائق واكعد ماعرف شنو سبب هذا الشي وخاصه وحدي بلبيت هليومين وزادن خاصه اذا وكفت راسا ادوخ بليل جنت احجي ويه كوثر وابراهيم بحظنها طب عمار يضحك والوجهه مبتسم ركضت عليه ها بشر - لكينها عايشه - الف الحمدالله الف الحمدالله وينها هسه - بلمستشفى -ليشششش شبيهااا دنك وهمس ماعرف بس من لكوها حسن ويامن حالتها تعبانه حيل اجيت ابشرخ التي ام حسن وانتي وارجعها - اجي وياككك - انصاف المستشفى متروسه زلم ونصر هناك وادري بيج من اشوفين راح تتعاركين عوفي واني كل ساعه اتصل خل الحك بيها يلا رايح قفلي الباب قفلت الباب وراه وكعدت فرحانه لان لكوها عايشه بس خايفه خايفه لا بيها شي او او لا سامح الله معتدين عليها مرت ساعه ورجعت احجي ويه كوثر وابراهيم غفه ابراهيم وبقيت احجي ويه كوثر واسوالفلها كلشي بعدين كالت تدرين عمتي ساعه تصدك كلامي وساعه لا ضحكت وكتلها مايهمني كوثر مايهمني احد بعد وهي صدك كلهااااا ماحد صدكني ولا احد سمع مني -حقج والله حقج يلا حبيبتي خلا شوف عمار سديته من عدها وخابرت عمار كال لسه الدكاتره جوه يمها ودايفحصوها كتله راح اروح يم خاله ام حسن هي بلبيت كال اي حسن ماقبل تجي لبست حجابي وطلعت الهم ردت ادك الباب وسمعت جواريهم يحجون - اي ولج خيه لاكيها والله اعلم هسه شنو حالها ٥ ايام هي بره البيت ومخطوفه تلكين الخاطفها شبع منها وذبها - ام سلام لا تحجين هيج جوري كلنا نعرف اخلاقها شنو - يا عشتوو يمعوده اكص ايدي اذا هي بعدها بنيه انهضمت و دخلت للبيت لكيت خاله ناصصبتها مناحه كعدت اهدي بيها واسكتها مابيها شي وهسه تجي وياهم طبت مرت عمها وعمتها الجوري يحجن ويه امها - خيه ام حسن احنه رايحين مادام لكيتوها البنيه ونرجع من تجي وتحمدللها بسلامه - الله وياجن ماقصرتن - لا ولو هذا واجبنا وجوري بت اخوي بس يا حسافه بعدها بعمر الورد منو راح يقبل يزوجها وحته لو ما مابيها شي الناس ما اصدك ٥ ايام بايته برها لبيتو مابيها شي - وكفت واحس روحي اعصاب نار خاااله شنو هذا الحجي جوري الكل يحلف بيها كافي رجائاااا وخطيهاا مها ضلت تنوح وتبجي واني اهدي بيها لحد ما اجوو طب حسن شايلها وهي بس صافنه اصنمت من شفتها هيج حطوها بلغرفه وكل الي يدخللها اصيح واطرده حته اني رجعت للبيت بعد ما مليت وشفت حالتها حيل تعبانه ثاني يوم كعدت الصبح سويت ريوك العمار علمود يطلع للشغل كعد يغسل دك تلفونه رد ووكف مصدوم يباوعلي ويسمع غمض عيونه وكال جاي جاي يلا جاااي سده وباوعلي شكووو عمار - السياره الي بيها امي ورانيا مكلوبه ومفجوره ……… يتبع ،،،وللحكايه بقيه ،،،،، اعتذر لان البارت قصير ومابي احداث بس والله مصخنه وكوه اكتب ان شاءالله البارت الجاي يكون مليان احداث ومشوووق كلش وغلسو ع السحكات لان اصلا مادري شكتبت ما اكتب اعتبرو هذا البارت بدايه للبارت الجايه المليان تشويق وحياة جديده الابطالنا توقعاتكم وتصويتاتكم و تعليقاتكم #نور الشمري #نوشه التعديل الأخير تم بواسطة لامارا ; 09-12-20 الساعة 03:03 PM | ||||
|
| |
|
08-12-20, 04:31 PM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت الرابع والعشرون بقلمي #نور الشمري #امي .. انتِ الجنه التي خلقها الله لنا في الارض .. امي انتِ نبع الحنان الذي لم اشبع منه .. انتِ الامان الذي اراهو في جميع الامهات الا انتِ .. امي مهما فعلتي لي ومهما تركتني وحيده فأنا احبك كثيراً .. لهذا لا تتركيني لا تذهبي .. لماذا كل من حولي يذهبون حتى انتِ رغم كل شي فعلتهي انتِ سابقى احبك امي .. انصاف : ششنوووو شتحجي انت عمار امي بيها شي احجي ماماااا رانيا شلون صار هيج احجيي فقدت الوعي برغم من كل الي دايصير بيه هسه من وراهن بس يبقن امي واختي ماكدر اكرهن ولا اكدر احبهن بس ماتحمل فراقهن وخاصه الموت صرت اصيح واحجي ويه عمار وهو يهدي بيه - ولج شبيج اهدي خابرني خالي وكال السياره مكلوبه وطاك البانزين ومفجوره ناقذين نص منها ونص مكدرو ينقذوهم امشي نروح انشوف وسمي برحمان واتعوذي من الشيطان والكاتبه الله يصير مشيت وراه و اني الف حجابي بهمال وطلعنا للمستشفى الي كال عنها خالي والطريق كله ادعي مابيهن شي صح اذني بس كلبي مايطيني اشوفهن هيج ولازم لازم ع الاقل يعترفن بغلطهن ويتوبن الى الله عز وجل عسى يسامحهن ويخفف عن ذنوبهن يجوز الله عاقبني ببعدي عن ابني لان كذبت وصرت شريكه بهذه اللعبه الوصخه لان ضميت عنهم هذا الشي والساكت عن الحق شيطان اخرس واني هيج سكتت وماطلعت الحقيقه لحد مالله فضحني وعاقبني ببعدي عن ابني بس مو قصدي مو قصدي اشاركهن انت اعلم يالله الي بداخلي وعقابك اتحمله لان غلطانه واعرف نفسي بس عقابك صعب وتعرف ابني نقطة ضعفي جنت صافنه وحسيت السياره وكفت نزلت وعمار يمشي بصفي حسيت بايده كامشه ايدي وهو يطمني باوعت ع عيونه هو هم حزين تبقا امنا واختنا الي جوه وشكد ما جان عمار قاسي وياهن ميكدر يشوفهن يموتن وميسوي شي اعرفه كلش زين دخلنا وعمار راح يسئل الستعلامات مشينا ع الطابق الثاني واني احس كلبي راح يطلع من مكانه استقبلنا خالي وهو يبجي وينوح من شفت بجيه ومنظره كمشت ايد عمار حيل مااستحمل صدمه ثانيه بعد كافي والله كافي قلبي شيتحمل بعد ركضت عليه واني اسئله واريد منه جواب يريحني - خالوو ماما بيها شي احجي حباب احجي يبجي ويهز براسي ومايقبل يحجي عمار صاح بي - ماتحجي خالي شبيك ساااكت امي ورانيااا وين - امك اطتك عمرها متحملت وماتت راسا حجه كلماته وبجه وكعت بلكاع واني اباوع عليه لااااا ماما لاااا وين رايحه واني ماشابعه من حنانج وين رايحه واني ماشابعه من حظنج وين رايحه واني ماشابعه من حجيج رجعي رجعي رزلي وضربي وشتردين اسوين سوي بس رجعي رجعي ياماما مسامحتج والله مسامحتج بس ارجعي كعدت ع الكراسي ودموعي تنزل واسمع عمار يسئل خالي ع رانيا جاوبه خالي وهو يهز بيده - كله من وراهااا الماتسمه خلت اختي تطلع بذيج الصبحيه مابيها شي عايششششه شفت عار مات من قبل لا تخااف عليها بسبع ارواح - خالللليييي كافيي شنو هلحجي ترا رانيا مهما سوت تبقى اختي ومااسمحلك تحجي عليهااااا كعد بصفي عمار واخذني بحظنه يهدي بيه واني بس دموع تنزل طلع الدكتور من غرفة رانيا ركض عمار عليه يسئله - منكدر انكلك اي شي لان فاقد الوعي من تكعد نتاكد من صحتها عدها ضربات قويه بمناطق من جسمهاا وعده ضربه براسها خايفين لا يصير عدها نزيف داخلي ادعو يكون ماكو ومن تكعد نتاكد تكوملكم بسلامه غمضت عيوني واني اهز برجلي امي ورانيا ثنيجن اااف يالله ليش هيج يصير ليش خالي راح وعمار كال راح اشوف الاجرائات مال امي واكمل الاجرائات انتي خليج يم رانيا وراح ادز عمتي الج صدك راح شويه واجت عمتي وعمي ضلو يمي وخالي راح ويه عمار مرت الساعات ورانيا نايمه وعمار اخذ كرايبنا كلهم وراحو يدفنونها بجيت عليها وتمنيتها ترجع لان الام مهما صار تبقه ام وتبقه هي كلشي بلحياه وامي مهما سوت الي ابقه احبها صح اتاذيت بموتتها بس مو بكد موتت بابا الله يرحمه العصر رجعو من الدفنه وعرفت من عمتي نصبو جادر للفاتحه واني لازم اروح اساعد عمار خليت عمتي يم رانيا ورجعني ابن عمي للبيت ولكيت النسوان شكثرها كامت تجي الجوارين اتعزي بيه واني فقط الدموع تنزل صح جنت قويه بس مكدر اسيطر ع دموعي وبوسط دموعي وحزني حسيت وحده وكفت كدامي رفعت راسي كوثر وبناتها مصدكت شفتها جنت محتاجتها حيييل شبكتها وصرت ابجي وهي تهدي بيه خلصت ايام الفاتحه 3 وهي ماتركتنيي وحته همسه بتها خطيه جانت شايله مسؤليته الجاي والتنضيف رانيا ماكعدت عمار ماشفته ابد ويه الزلم بره مادري شنو حالته هسه جانت المله من تقرا ابجي ع بابا اكثر من بجي ع امي لان اذكر بابا بنعيها خالتي ام جوري اجت خطيه اخر يوم وبقت تتعذر لان مكدرت تجي وتعوف جوري سئلتها ع حالتها كالت زينه احسن وبس شويه ترتاح اجيبها الج واجي - ماكو داعي خاله اني اجيها بس خل اشوف حالة رانيا واجيها كوثر جانت يمي وماتركتني من خلصت الفاتحه والكل راح البيته كعدت بصفها وسئلتها - شجابج وشلون عرفتي - عرفت من سند مخابره نصر وكايله وكال اني رايح تجين كتله اي ماعوف انصاف وحده واجيتج - حبيبتي ماتقصرين ادري بيج بس نصر شعرفه - والله ماعرف الله واعلم حته اني استغربت هذا الشي سكتت لان ماريد اسمع باسمه اكثر عمار حالته جانت اسوء من حالتي لان امي جانت وياه مثال الام الحنونه الي اتحب اطفالها بس بمرور الايام اتعود ورجع مثل ماجان بعد ما رجعو كوثر وسند فرغ البيت وبقيت وحيده ماكو احد بي والي عرفته عن رانيا لحد لان ماكاعده اجه عمار تعبان من المستشفى صار من الشغل للمستشفى ومايشوف الراحه ومن سئلته شكو وشبي خالي يحجي ع رانيا ذاكليوم - يمعوده لاعبه لعب حقه خالي من يحجي عليها والله شايفه عرس مثنى ناشري ع الفيس وهو مثنى ناشره ع صفحته طالعه عدها وهاي متخبله هسه اروح البغداد واخرب الزواج هسه تاخذوني يمعوده اهدئي خل يصبح الصبح يمعوده ستري علينا وهي ماكو اصيح وتغلط وحارت شسوت وكوه امي قانعتها باجر الصبح يطلعن البغداد وصدك ثاني يوم طالعات كعد خالي كال اني اوصلجن هي دك رجل لا انت ماتاخدني لبغداد اعرفك تاخذني الواسط ماريد نروح عبريه يمعوده كولي غيرها ماكو معانده وهذا قدره ربج رايحات عبريه صاير بنجر مدري شنو والسايق يمشي سريع مكلوبه السياره وطاك مال البانزين مفجوره وكوه مطلعين الناس البيها - بقيت صافنه يعني رانيا شتريد اسوي بعد ازوج وخلص شتريد اسوي يعني هم اطكه بسحر وترجعه تريد والله مااستبعد هذا الشي لان اختي واعرفها زين مرت الايام وكعدت رانيا ورحنا اني وعمار الها بس الصدمه جانت من فتحت عيونها وهي تضحك و تحجي ويه عمار - هييي عمو عمو اطيني ربع اشتري نستله راسي يوجعني حيل بلكت يطيب ادا اكلت صفنت عليه هاي شنو تحجي صدك لو تضحك علينا صاحو للدكتور وبعد فحوصات وتحاليل بنيت رانيا بسبب الضربه صار عدها خلل بدماخ وفقدت عقله وهسه هي كل عقله طفله صغيره وواصيح لعمار عمو ومن اشوفي تضحك وتكول اني بعد 5 سنوات اصير مثلج ههههههههه جانت صدمه رانيا اكبر من صدمت موت امي لان رانيا يرادلها علاج هواي وتعب طلعنا من المستشفى واني صافنه شلون بيها هاي مرت الايام وكمت كل جمعه ابراهيم يجي يم كوثر وياخذني عمار اشوفه ورانيا تبقى يم جوارينا بتواسيل ياله تقنع ومن يطيها عمار فلوس ياله تقبل تبقه يمها وهيج مر شهر ع الحادثه واني كل جمعه ببغداد اشوف ابراهيم وهو ولا نساني حبيبي ويبقه ينتضرني يوم يوم جوري رحتلها وجانت احسن اعتذرت مني لان طردتني من اجت وحالتها جانت تعبانه اللاسف الناس ماسكتت لحد لان وهم بطاريها وين مايكعدون يحجون بيها برغم من فحوصات الدكتوره كالت بعدها بنيه ومابيه اي شي بس الناس ماترضه تسكت ولا تقنع مر هذا الشهر واني بين رانيا والبيت وعمار والجمعه ابراهيم ههه اشوف ابني بلختلات وبدون مايعرف ابوه لان المحكمه كالت اله بشهر مره اشوفه هههه شنو من محكمه ماعرف وخلص هذا الشهر وهو ما جابه واجه واني سكتت خفت وقنعت بهذا اليوم الي بلاسبوع اشوفه عد كوثر وهذاهو طلع اربعين امي ورحنا للمقبره زرناها هي وبابا من شفت قبر بابا بجيت لحد ماكلت بس وشكيت لحد ما كلت بس وعدت روحي واني يم قبره اكون انسانه ثانيه من اليوم انصاف من يوم الي طردها نصر من بيته وبدون مايسمع منها كلمه اتغيرت انصاف من يوم الي اخذو ابنها بلغش وحرموها من عده وصارت اشوفه بلختلات ببيت حماها من يومها واني كرهت نصر وكرهة حبي اله كل يوم جنت اسئل عمار ماخابرك حته يطلكني سيد ترا مو حاله اني اريد اعيش وهو يجاوب بــ لا ماعرف شنو الي جان يدور بباله العمار من يوم وفاة امي وهو تغير فدور او بلاحرى من يوم خطف جوري وهو انسان ثاني مدااعرفه زين وفاة امي كدرت اجاوزها بسهوله واتعود ع غيابها لان ماشفت منها شي يخليني اتاثر وانقهر صح انقهرت اول ايام بس كدرت اجاوزها لان عمري مشفت حنيه الي او حب ام الابتها بعيونها ولا شفت شي تسوي الي دوم جانت اتفضل رانيا وعمار عليه وماعرفت السبب لحد لان رجعت من النجف واني انسانه ثانيه ووعدت نفسي اكون انسانه قويه ابني نفسي بنفسي وطلبت من عمار ارجع ادرس وهو فرح حيل وهاي اول خطوه اخطيها وهي رجوعي للدراسه حته ابني ذاتي من جديد وابني انصاف جديده مو اني الي يكسرني رجل اناني وهي كدرت ارجع ادرس وبايام العطل الجمعه والسب الجمعه اشوف ابراهيم يم كوثر الي ماتركتني ابددد وصارتلي اخت وام والسبت اروح الجوري اشوفها الي كورت ع نفسها بغرفتها وماتطلع منها والناس تسكت تسكت وترجع تحجي من يشوفون واحد من عدهم حسن لو ابوها لو امها وانقهر عليهم شنو ذنبهم رانيا اووو ياررانيا كلها بجفه ورانيا بجفه وحده ماعرف اذا اشمت بيها لو انقهر عليها بس كلبي ميطيني اشفه واشمت لان اختي والشماته مو من طينتي وتربايتي جانت 24 ساعه تلعب بلعاباتها والي يقهر عدها لعبتين ولد وبنيه اشتراهن عمار الها تكعد تلعب بيهن ومسميتهن رانيا ومثنى من اسئلها اتكلي اي هاي اني وزوجي من اكبر من سئلتها ع اسم مثنى جاوبت احب هذا الاسم احسه حلوو بجبت من كل كلبي عليها من سمعت هيج صارت انسانه ثانيه سبحانك يالله وين راح جبروجتن وتباهيجن وفلوسجن انتي وامي وين راحن انانيتجن وتكشخجن اشو وحده راحت جوه التراب وكلشي ما استفادت ووحده صارت مجنونه وكلشي ما ربحت رحمتك ربي رحمتك بيوم من الايام رجعت من المعهد بعد ما سجلني عمار بمعهد من الثالث وكال نجحي ودرجات عاليه جيبي حته تتحولين كليه عمار خطيه يشتغل منا ويطي فلوس منا لامريه جوارينا فقيره علمود ادير بالها ع رانيا بغيابنا كل هذا وما حطيناها بمستشفى لان لا اني اطاني كلبي اسوي هيج ولا عمار بيوم الخميس رجعت ميته تعب راحت المر الي حاطيها يم رانيا واستلم اني البيت طبخ وتنضيف وحسيت الدوخه رجعتلي بعد ما تركتني شهر ونص كوه سيطرت ع روحي وكعدت غديت رانيا واكلت اني ونمت لان تعبانه حيل كعدت عمار ماكو شفت اماعينه جاي ومتغدي ورايح كعدت احاجي كوثر واسئلها ع ابراهيم ونحجي كالت تدرين مثنى مرته حامل - يستاهل مثنى ماشاف راحه ويه اختي كوثر خلي يرتاح بحياته - اي والله خطيه ممصدك طاير بيها وخطيه هي هم حبابه واشوفيها حاطه البنات بعيونها والله اكثر من مره سويتلها كبسه علمود اتاكد منها طلعت حبابه - يستاهل كل خير اختي ماعرفت اتكسبه والله يهديها والله كلبي مامطيني اعوفهن هن وابراهيم بس بني ادام جبروته اقوى - اي والله الله كريم تدرين من يشوفني يسئلني عليج وعليها يكول بعمري ماحبيتها بس تبقه ام بناتي - شلون يعني مايحبها كوثر اذا تعرفين شي كولي حبابه مو زواجهم ع حب - شوفي ذاك اليوم سند حجالي وكال لا تكولين بس ماكدر اسكت لازم اسولفلج شوفي من جانت رانيا اداوم ومثنى وياها يكول انعجبت بيها وهي جانت تنضرني بنضرات هم وتبتسم واني شاب حالي حال كل الشباب انعجبت بيها بشكلها جمالها جسمه بس ماحبيتها اعجاب فقط كلشي بيها جان يجذبني بيوم جان اكو احتفال بجامعه والكل يحتفل حسيت بشخص وراي من التفت شفتها رانيا اتعرفت عليها وصار بيني وبينها علاقه بتفلون وسوالف وضحك وغزل لحد ما مره هي عرضت عليه زواج بسر صفنت وكلت ليش لا واني شاب وبلحلال وشوكت ماريد اطلكها ازوجتها بسر وشهر شهر وبدت رانيا تبتعد عني وتبجي من اخابرها سئلتها هواي وصدمتني من كالت حامل هنا وكفت الدنيا بعيني وصار لازم اخطبها خصباً ماعليه وازوجها كدام الكل وكل هذا واني ماحبيتها صح عشت وياها سنين بس مكدرت احبها وهسه حبيت وازوجت الي احبها - انصدمت من كلام كوثر وبقيت صافنه معقوله معقووله اختي هيج مسويه بقيت صافنه سديته من كوثر واني مصدومه ثاني يوم رحت لبغداد مثل كل جمعه شفت برهومي حبيبي كبران وسنونه داتطلع كل جمعه اكتشف بي شي يتغير اسبوع اسبوع انتظر الجمعه كمت بقيته بحظني اوكل بي واندكت الباب كامت همسه فتحت الباب وسمعت صوتها اصيح - عمو هذا انت شجابك مو قبل شويه ذبيت برهومي - شبيج اصيحين ولج اذني انطرشتتت بت الحلووو امشي صيحي امج خل تجي وياي وانتي خليج يم برهومي - من سمعت صوته كمت بسرعه لغرفة همسه وقفلت الباب عليه اني وابراهيم وحاضنته حيل خايفه لا يشوفني ويحرمني من عده ماعرف شنو صار بيه بس احس روحي اكرهه وحته صوته صار عادي بانسبه جنت من اسمعه احس كلبي يطلع من مكانه ودكاته ازيت احس روحي طير بس هسه اليوم وبعد شهرين او اكثر من اخر مره شفته بيها ما هز شعره مني وكانما صوت واحد غريب شكد قويه لعد اني اخذ كوثر وراح وماعرف ع شنو ضليت اني وهمسه باقي البنات بلمدرسه اله هي سادس ومعطله بقيت ويه براهيم العب وياه واعلمه ع اشياء اوكله يوم احير شنو اسوي وماريد اضيع ثانيه وحده بدونه مرت 3 ساعه واجت كوثر ومبين ع شكله ضايجه - كوثر شبيج خوفتيني شكلج يخوف - هااا ائئئ انصاف هيج هيج - احجي كوثر لا اضمين شي عليه جنت واكفه بباب الصاله وشايله برهومي العب بي واحجي وياها عرفت السالفه اتخص نصر بس ماهتميت اله - شوفي ماريدج اضوجين بس هاي الحياة وانتي هم عيشي حياتج - شنو قصدج كوثر مفهمت - نصر اليوم رحنا خطبناله حسيت بدوخه والدنيا سودت بعيني نزلت ابراهيم بلكاع وسندت روحي ع الباب وكوه سانده نفسي ماافقد الوعي كمت اغمض وافتح عيوني حته اوعى وكوثر فوك راسي ماعرف ليش دخت وشنو السبب بس الاعرفه مو لان انقهرت لااا اني كرهته وطلعته من كلبي وعقلي وصفحه وانطوت من حياتي بس الدوخه موتتني صالها اشهر ماترضه تعوفني كو وازنت وكفتي واني ابتسم بوجهه اي الف مبروك خلي يشوف حياته مايهمني بس كوليله خل يكمل الطلاك ويحررني من عده احسن ما استخدم طريقتي ويشوف مني شي مايعجبني - شلووون شلووون مفهمت انتم مو اطلكتوو - اي اطلكنا قانونياااا بس شرعاا اني لحد لان مرته ومايقبل يطلك عمار هواي حجه وياه وهو يكوله مرتي واني بكيفي يجوز ارجعهااا هذا حماج مو صاحي ابددددد - شنوو هاي شوكت وليش اني ماعرف تعاي كعدي سولفيلي لا اكلب البيت عليج - هههههه يمعوده هاي ذاكليوم خابره عمار لنصر وكله تعال طلك اختي سيد هم حماج الشفيه شكايل الاخويه - والله اني حر وشوكت ما اريد اجي اطلكه بس حاليا ماعدي هذه الفكره لان يجوز ارجعها بس اذا استقريت وارتاحيت عود افكر احررها واطلكها سيد كلمه من عمار وكلمه من نصر كبت العيطه بينهم وصياح عمار واصل لسابع جار وبطلاع الروح ياله هدئته وسد التلفون ومن يومها محد خابر بعد - صدك تحجين انصاف واحنه كلنا نعرف انتم مطلكين وحته سند سئله كله طلكتها قبل لا تطلع من البيت - يضحك عليكم يريد يذلني ويخليني اتوسله بس هيهات مو انصاف تتوسل بي وغصبا ما عليه يطلكني - والله ماعرف شكول هذا مخبل طلع الله يستر من عده شنو يدور بباله - هههه هستوج عرفتي شوفي كوثر اتوصليله كلامي اذا ماطلكني اروح لخطيبته وافضحه واكلها اني لسه مرته واذا يريد اجذب هم مو هو جذب بلمحكه اني اجذب كدام خطيبته اسوي شويه درامااا وغمزتلها هي من شافتني هيج حجيت شهكت وكالت عزا بعينج انصاف صايره تخوفين ولج داهيييه - ههههه لعد شعبالج نصر علمني اكون هيج حجيتها وابتسمت الفضل يرجع اله - والله تستاهلين واحد احسن منه وعسى الله يلين كلبه ويرجعج - ومنو كال اني ارجع كوثر اني مرتاحه والحمدالله عمار ممقصر وياي بشي ورجعت ادرس بمعهد اذا اريد كلبه يحن يحن ويرجعلي ابني الي اخذه بلغششش مني - ان شاءالله الله يضهر الحق امج ماتت واخذت وياها الحقيقه واختج اتخبلت وهم انطمت وياها الحقيقه والعلم عد ربج - اووو ضعيتي من وقتي روحي طبخي شكو مكابلتني خل اشبع من ابني وصرت اعضعض ببراهيم وهو يكركر من الضحك وابن كوثر فوك راسي هم يشاقى ويانا ويلعب عشت احلا لحظات بحياتي صح اكو غصه بداخلي وماعرف شنو هي بس ماهتميت بلكت اذا ازوج يخليني اخذ ابني اجه عمار عليه ورجعنا بليل لواسط ورجعت للشغل لرانيا والبيت وعمار الاحد بدلت وطلعت للدوام وصلني عمار وطلع لشغله دخلت وصارت حنان بنيه اتعرفت عليه قبل اسبوع وياي بقاعتي حبابه كلش مشينا اني وياها للقاعه ونحجي ع المواد لحد ما سمعنا واحد صاح لو سمحتن وكفت اني وحنان وكفت باوعتله وكالت نعم شتريد هو باوع لحنان وضحك - اعصابج لا يروح يطك عدج وريد يمعوده واتورط تعال ادفع فصل ههههههه اشاقه بس ردت اسئل ع غرفة العميد مصطفى اني طالب جديد اجيت نقل وكلشي ما اندل باوعت ع حنان وهي باوعتلي اتخوصرت وكالت - شايف هاي الجامعه شكبرها مالكيت غير بس حنان وانصاف تسئلهن لو هذاا زحف جديد -احترميييي واحجي عدل كلت طالب جديد وماعرف الجامعه وانتن صرتن كبالي اعتذر اذا اسئتي الفهم بس هذا عقلج وصخ اتفهم غلط نصيحه مني نضفي عقلج مو اذا حاجاج ولد يعني زحف عليج هسه ع حورج وازحف عليج جنج ابو مهدي الخباز حجه كلماته وراح وهو يضكك ويهز بلسبحه مالته واني صافنه عليه واضحك باوعت ع حنان هي هم صافنه مثلي ضحكت ومشيت وهي ادردم لان هي متعوده دوم اتفشل الطلاب وهاي لازم تسجل بتاريخ واحد فشل حنان ههههههه خلصت المحاضره وطلعت من المعهد ومشيت بجهه الكليه مال الهندسه علمود الكافترا لان الكافتريا مالتنا اليوم ماكو وميته جوع دخلت للكافتريا اخذت اكل الي والحنان وطلعت سمعت واحد صاح لو سمحتي رت عليه نفسه الي شفته الصبح وفشل حنان باوعتله بنص عين وهو اتقدم اعتذر لان طوخت بحجيي واعتذريلي من صديقتج الخبله مو من اسلوبي اغلط وماعتذر بس هي استفزتني - عادي ماصار شي واعتذارك مقبول ردت امشي صاح - انتي هندسه جاوبته واني مطيته ضهري لااا معهد مو كليه عفته ومشيت شكد يحجي يالله اطيت الاكل الحنان وسولفتلها لو تخبلت شكو تكليله مقبول اعتذراك ولج لو اني موجوده والله امسح الكاع بي وانضف الكليه هذا ابو عرف صار براسي بي خير زاحوف - هاي شنو ولج جديده - اي شبيج مشفتي شلون موكف شعره عبالك عرف ديج مدري مكناست فريال هاي الي بباب الحاره شطولها والله يالله - ههههههههه خرب بيومج حنان ولج اسكتي فضحتينا هسه الي يشوفني اضحك هيج شيكول - شيكول يعني مخبله كولششششش عادي حبيبتي ريلاااااااااااكسسس - ههههههه دنكت اكل وهي شهكت رفعت راسي شكو شبيججج - لج شوفي ذاك خطيه اصلع مو مثل مكناست فريال الي صبحت بوجهه ابتسمت من شفته واجه طيف نصر ع بالي هزيت راسي واني اطرده من بالي ماريد افكر بي ماريد ولج انتي وين شايفه مكانست فريال وكاعده تقلدين عليه - اوي شبيج ماشايفه باب الحاره المكناسه مالتهم شطولها بطولج هههههههه - حنااان اني اعلمج والله اوكفي هل اخلص اكلي خلصت و لميت كتبي وكمت صار ولد كدامي اعرفه بقسمي بس غير قاعه - مككن احجي وياج - اتفضل خويه - احم شوفي صالي يومين اراقبج وعجبتيني رفعت حاجبي اسمعه هلوووو هذا اول معترف استلمي انصاف بلشنا غمضت عيوني ع ماخلص كلام باوعتله وهمست - خلصت اعتذر منك اخي بس اني حاجين بيه ومقريه فاتحتي يعني تكدر تكول مخطوبه حجيت كلماتي ومشيت ماعدي غير هذه الجذبه حته اخلص وعمار كال لا تكول منفصله لان المجتمع ما يرحم وراح تطلع سمعه عليج بلمعهد رحت القسمي وخلص الدوام اجه عمار عليه وطول الطريق هو ضايج - عمار حبيبي شبيك ضايج - من نوصل اريد اكلج شي - اوك خفت وعبالي الموضوع يخص نصر او رانيا سكتت ورجعنا للبيت حميت الاكل وكعدنا ناكل وهو ساكت عفته براحته لحد ما حجه هو - انصاف احم اريد منج طلب شوفي تدرين امي ماصاللها شهرين ونص من اتوفت بس ماعدي غير حل ومضطر اسوي هيج صفنت عليه وهمست احجي خوفتني شنو - احم اريدج اتخطبيلي جوري احس مثل الصدمه نزلت عليه وكفت مصدومه شنووو عمار تحجي صدك انتي جوري جوري صديقتييي ليش وانت خاطب شتكول لخطيبتك شتكول الاهلها وجوري تتصور تقبل وهي تعرف انت خاطب عمار دوختني - اكعدي اكعدي خل افهمج وحده وحده شبيج شوفي صح خاطب انه وانه ماكو مثله ولا بطيبت كلبها واعرف راح اجرحهاا واكسر كلبها بس راح تتفهم هذا الشي واهلها عشائر وكل واحد منهم مزوج 3 و 4 يعني عليهم حلال وعليه حرام راح ازوج جوري وانه وماقصر وياهن واخليهن اثنينهن بعيوني وحده عيني اليسره ووحده عيني اليمنى وماقصر بينهن - عمار انت صدمتني بس ليش وشمعنى هسه - انصاف اني احب جوري من جانت طفله بس الضروف بعدتني عنها وهسه ماتحمل اسمع الناس تحجي عليها واضل ساكت - هههه تدري شكد جنت اتمنه تزوج جوري وتبقه وياي بلبيت صدمتني وفرحتني ان شاءالله السبت بس اروح احاجيها - لا لا تحاجيها حاجي ام حسن - ممم ماشي احاجي خاله ام حسن واشوف ومشت الايام عاديه ورحت السبت اشوف جوري وهم احاجي خاله ع موضوعها هي وعمار دخلت ومثل كل مره استقبلتني خالتي ومثل كل مره جوري بغرفتها شكد حاول حسن يعرف منها شلون نخطفت وليش بس ما جانت تحجي غير بس اني بريئه وطاهره والله ماعرف اذا انسدت قضيتها او لا بس الاعرفه عمو ابو حسن سكت بقيت اسوالف ويه جوري وبعدين كمت اساعد خاله ام حسن وفاتحتها بلموضوع - خاله جايه واريدج بطلب - يمه عيوني الج كولي وتامرين امر -مايؤمر عليج ضالم حبيبتي خالتي شوفي اجيت هلمره خصيصه علمود افاتحج بموضوع اجيت اخطب جوري اختي وصديقتي الاخوي عمار - شنوو يمه اخوج مو خاطب - اي خاله عادي الشرع محلل 4 وما يقصر وياها والله من جانت صغيره يتمناها بس الضروف حكمت لا توكفين بقسمتها خاله - خاله ماعرف شحاجيج والله لو ما حسن جان كبعتها واطيتها الج بس يايمه - شكو خاله شبي حسن - يمه صديقه هذا الولد الي ساعدنا ولكاها الي اجه من بغداد هو ورجلج - قصدج يامن - اي حبيبتي يامن اجه قبل يومين ورجع خطب جوري مرة الثاني وحسن فاتحنا واحنه موافقين بس بقت جوري هو اجه وخطبها قبل لا تنخطف بس تدرين بجوري انتي وهسه رجع خطبها وحسن مايكدر يفشل كدامه واحنه ما ننسه وكفته لو لا جان لسه مالكينها يس اذا جوري تريد عمار والله اله اكبعها واجيبها بيدي واجيج - صفنت واني مو مستوعبه يااااااااامن ههه يامن خاطب جوري بس هذا نسونجي الي اعرفه عنه كل يوم ويه بنيه معقوله يضحك عليها لالا اكيد مو هيج ولو هو الي يهددها مره اكيد مااستبعد هذا الشي عنه يجوز يضحك عليها دخت يالله - خاله اتمنه ماتجبرون جوري ع شي والي تختاره هي اعرف بمصلحتها مهمها كان اختيارها تبقه اختي وصديقتي وانتم هم لا اجبروها وخلوها براحتها تختار الي تحس نفسها مرتاحه اله خلصت كلام وطلعت واني متاكد راح توافق ع عمار لان صديقتي واعرفها مستحيل تقبل بيامن وهو اذاها هواي جوري : بعد ما فقدت الوعي ومحسيت ع روحي غير اني بغرفه ضلمه ريحة الرطوبه موتتني ماعرف شنو دايصير بس الريحه مو طبيعيه ابد ولا البروده بارده كلشش حته الكاع احسها ثلج اديه مجتفه وعيوني كذالك ماعرف شدايصير خااايفه بس اعرف نفسي ممسوي شي ماعرف ليش اجه ع بالي يامن معقوله هو يسويهاا اي ماكو غيره يخطفني منو اله مصلحه لهذا الشي يالله اهلي اهلي شنو حالتهم هسه بابا حسن ماما يالله دخيلك بقيت ادعي وماخليت ايه حافظتها ماقريتها واني ادعي الله ما يعوفني حسيت بباب انفتحت وصوت اقدام وكرسي واجاني صوت شخص وهو يضحك - اليوم منوره المكان الحلوه - من سمعت صوته صفنت اول مره اسمعه ماسامعه صوته من قبل منو هذاااا جنت متصوره يامن بس هذا مو صوت يامن ولا لهجته لان هذا مبين منا مو من بغداد همست واني خايفه وحته صوتي يرجف - منووو منو انت شتريد مني - ههههههه الله يعني انطب بلموضوع راسا تمام عاشت ايدج حماااده تعال افتح عيونها - تدلل حبيبي هموم بقيت صافنه اسمع اصواتهم خايفه منو هذول شيردون مني حسيت باحد يفتح الربطه الي ع عيوني ماشوف مجرد غواشش غمضتهن لدقائق ورجعت فتحتهن وضحت الروئيه عدي انتبهت الي كاعد ع كرسي شايفته بس وين وين لحظظظه انتفضت واني اوكف مستحيييل انت شتريد منيي نفسه نفسه الي يوكف بباب المدرسه واكثر من مره جان يسويلي حركات بوجهه واكثر من مره حاول يحجي واني اترككه ضحك وكال - لا تخافين ما ناكل بشر ولا نوصلج بس اريد اعقد اتفاقيه وياج اخوج يعرف هذا الي اسمه يامن مووو حجاها ورفع حاجبه صفنت منو انتم وشتردون من حسن ومنو هذا يامن - لاه لاه مو عليه ماتعرفين يامن لا تخليني استخدم غير طريقه احجي شتعرفين عنه - ماعرف عنه شي والله واني شكو وتخطفوني هذاك هو وروحو خطفو كتلو عسى ما يموت اني شكووووو - يعني من كلامج تكرهي حلووو لعد شفته اكثر من مره وهو يحجي وياج واكثر من مره يدخل بيتكم ياحلوه وهذا عدوي - عدوك انت مو انيييي بنسبه الي مااكره احدد ومستحيل اشترك وياكم انتم مخابيل - انجبيييييي كله من وراج اخوي انسجن وكله من وره يامن افندي الي جان يراقبه 24 ساعه وكدر يلكي من بيت صديقه ويسجنه - يااااا بيت ويا اخو لا ادوخونيييي - هههه الحلوه ماتعرفني اي حقج ماشايفتني تدرين انييي اخو الرضوان اليي انسجن من وراااج ومن وره يامن افندي وصديقه نصر الدين الي ماتركه ساعه وحده - بلعت ريكي واني احاول اهدي روحي شوفي الي عليج بسس اجيبلي هذا يامن وصديقه نصر لا اخذ انتقامي منج ومن اخوج فاااهمه - وشلون اجيبه الكممممم اني شكووو شعليه شعليييه - لان انسجن من ورااااج وتعارك من وراجج تعارك ويه عمار من وراج انتيييي لان واكفه وياه بنص الشارع -اخووك هو الي وكفني بنص الشارع وجاب المصيبه اله وكتل بشرررر - اهااااا خوش لعد هيج صار الحجي ماحس غير براشدي وكعت بلكاع واحس خاصرتي اتاذت حيل عافني وطلع بقيت ابجي واني ماعرف مصيرلي شنو شيريد مني مافهمت حرف من الي يكوله مشت الساعات وصار اليل واني بس ابجي ماعرف شنو اسوي جابولي اكل ومااكلت خلص اليوم وهم مااجو بعد وصبح يوم ثاني جنت اخاف انام لا يعتدون عليه جنت اخاف اغمض عينه واتخيل واحد يدخل ويعتدي عليه بقيت بخوف والصبح طب ووياه اكل - هااج اكلي ماريدج تموتين تدرين ماكو داعي اخابر لان الفريستين طاحو بلفخ واثنينهن اجوو الواسط بس الي اريده هسه منج من اخابر يامن لو نصر اريدج اصيحن بصوتج الرقيق ساعدوني لاااا لااا عفيه وخرووو عني ساعدوني اوك بس هاي - انت شتحجي يعني لااا انت مخبلللللل - انجبييييييي ماحس غير برفسه ببطني احس الدم طلع من خشمي وحلكي بجيت واني خايفه عافني وطلع بقيت كاعده جوعانه بس اخاف اكل من عدهم وماعدي جاره اخاف افقد الوعي واني يعتدون عليه بليل طب وشايل موبايل - مثل ماتفقنا اذا صار الي اريده اطلعج اوك هزيت راسي خايفه من عده دك واني اباوعله رد وهو فتح سبيكر حته صوتي من اصيح يطلع هذا صوت يامن ايي اعرفه كلش زين هذا صوته - الوووو منو وياي الوووو ليش ماتحجون - اذا تريد اخت صديقك عايشه اسلم نفسك انت وصاحبك نصر الدين الي وانتم الممنونين - لا يااااا كلب يابن الكلب ياااا ساقط يااا عار منو انتتتتت وشتريد منهااا عوفها اذا حسابك ويانااا صير زلمه وتعال حاسبنا وجهه بوجهه ياا ***** - لا تغلط فااااهممممم خزرني حته احجي خفت ماحس غير بدفره ببطني صحت بصوت عالي من كد اللم ااااااااخ - لكك نعااال **** شداسووي عوووفها عووفها لا والله يصير شي مايعجبك شتريد - اي هيج صير يا حباب هيج ههههه باجر ادزلك عنوان اجيب رضوان ال......... واطيك الحلوه العدي - ماشي ماشي مثل متريددد اجيبه بس ما تمس شعره منهاااا سده واجه يدفر ببطني كلللبه ليش ماحجيتي نعاله بس يلا صار الي اريد والله لو ماا صار الي اريده جان شوفتج غير شي عافني وراح وخلص اليوم الثاني واني هنا اجس احشائي كلهه مكطعه من كد الدفر الي دفره اني شعليه تورطت وكفت وياه بنص الشارع تورطت ياربي ساعدني ثاني يوم هدوء ومحد اجه ولا جاب اكل وجنت جوعانه لان البارحه انجبرت اكل شويه مرت الساعات وجان اكو شباك صغير كلش اشوف الدنيا منها جانت باااارده ثلج شفت الدنيا غوربت وهم ماكو ماحس غير انفتح الباب وهجم عليه ادفر و راشديات وماحس غير كام يشكك بهدومي صرت اصرخ وادفع بي بس ماكو جان يسب ويغلط جذببووووو عليناااا جايبين الشرطه النعل حقراء جان يضرب ويشكك بهدومي ويصيح واني ابجي وادفع واصيح عسى ولعل واحد ينقذني جان يريد يعتدي عليه حسيت واحد طب دفعه عنيي - انت تخبلتتتت تعرف مانريد نتورط بعشيرتهاا ونروح نخسرر استر ع روحنااا وخل نشوف غير حل عافني وطلع واني صرت الملم بملابسي المشككه وابجي لو لا هذا الشخص جان ماعرفت شنو صار بيه جان راح اغلى شي عدي عدن يومين محد يوصلي فقط يفتحون الباب يشمرون الاكل ويقفلو واني ارجف خايفه لا يرجعون يعتدون عليه النوم ماشايفته ولا حته كمت اكل خفت وماعرفت شكو بس الي فهمته يامن جايب الشرطه وياه وكادرين يشردون بقيت ابجي وماعرف مصيري شنو وحال اهلي هسه شنو 5 ايام اني هنا ماعرف شدايصير مايصير لحد ما نفتح الباب واجه هذا الي نقذني ووخر المخبل عني شمر عبايه عليه وكال ستري روحج وكوومي يلا خفت بس ماعدي غير حل لبست العبايه ووكفت وياه احس كل جسمي يوجعني امشي وارجف ركبوني بسياره جان اكو واحد بعد كعد وره بصفي بس ع بعد عني انتبهت المكان ماعرف بحر مدري وين مشت السياره مسافه طووويل كلشش وماحس غير اليي بصفي فتح الباب الي يمي وضربي ع راسي بمسدسه وشمرني من السياره وبعدها مادري شصار بس حسيت بروحي واني ادعبل وبعدها فقدت الوعي وما فتحت عيوني غير اني بمستشفى و الدكتوره فوك راسي تقيس بلضغط وتحجي ويه حسن هذا حسن بجيت من شفته وهو من شافني فتحت عيوني اخذني بحضنه ااااخ احس ضهري مزلخ كله شبكته وصرت ابجي ماعرف شبيه احس هاي الـ 5 ايام نفسيتي زفتتت والخوف عتم عليه والجوع والعطش كلشي خلاني اخاف وماريد اشوف احد غير حسن حسن اخوي الجبير وماعدي غيره كلش قريب عليه حسيت باحد دك الباب لبسني حسن حجابي وصاح ادخل من دخل شفته يامن راسا صرخنت اطلععععععع بررره من شفته ماعرف شصار بيه استهترت لان كله منه الي صار بيه كل من وراه خطفوني هو هم راسا طلع بقيت ابجي واشهك وحسن يهدي بيه مرت كم ساعه وطلعوني جنت خايفه حيل رجعت للبيت ودخلوني للغرفه ماريد اشوف احد وجههي مليان كدمات وضهري من وره الوكع الوكعتها من السياره الله لا يطيهم وفوك كل هذا بطني احس احشائي كلها توجعني اتلفلفت وبقيت ابجي وحدي وكل الي يدخل اصرخ بي خايفه لا احجي ويجي يعتدي عليه اعرف خلصت من عده بس الموقف ماانساه ابد انتبهت ملابسي مبدله منو بدلي ماعرف من جنت بلمسشفى بقيت ايام اني بس ابجي وحالي حال وحته عيوني كامت توجعني حابسه روحي بلغرفه واي شخص اشوفه اتخيله هذاك الشخص الي راد يعتدي عليه حسن ماتركني وهو الوحيد الي اخلي يدخل لغرفتي شويه شويه اتحسنت حالتي بس بعدني خايفه هواي حاولو يعرفون مني شي بس جنت خايفه ماريد اورط اهلي وياهم اهل رضوان خطرين وبهاي العمله اثبتولي هذا الشي بقيت ايام اني ابجي واخاف حته من خيالي بس انصاف ماتركتني ولا امي جنت اخاف اطلع من الغرفه واسمع كلام الناس عني واني اعرف شكد الناس قاسيه بكلامها والله يساعد كلب اهلي عليهم مرت الايام ومرت شهرين وكدرت اجاوز هذا الشي بس بقيت حابسه نفسي بلغرفه ومااطلع خاصه اذا اجو احد وخاصه عمتي لحد ما بيوم سمعت امي تحجي الابويه الجوارين شتحجي عليه انهضمت واني اسمع كلامهم ليش ليش هيج مجتمعنا بمجرد ما تنخطف البنيه خلص اعتدو عليها وكامو يحللون من وحدهم حته الدراسه تركتها من خوفي كلام الناس مايخص دائما يحجون واقل شي وكالو وراح شرفها ليش هيج البشر قاسي وما يحسب للكلمه الي يكولها حساب ويحس ان الشخص الكباله ممكن راح ينجرح منها مرت الايام وعرفت يامن خطبني من حسن مرة الثانيه مطيت اي رد فعل وصرت اخاف من اسمع طاري رجال ماعرف هاي هم ماعتدو عليه وهيج لو لا سامح الله معتدين شنو جان صار بيه بجيت من كل كلبي وبقيت ساكته ماطيت جواب بس الصدمني بعد جيت انصاف النا اجتني امي بعد ما طلعت وكالت انصاف خطبتج الاخوها عمار وهنا جانت الصدمه مالتي عمار خطبنييي شكد جنت احلم بهذا اليوم وشكد جنت اخطط اله واحلم بي بس اليوم ماحس باي فرح اعرفه سوه هيج علمود كلام الناس عمار واعرفه مااطاه كلبه يتركني يجوز لو ما خاطب جان وافقت بس مستحيل انه صديقتي مستحيل اسوي هيج صح عمار حلم بنسبه الي واليوم تحقق وصح هو حب الطفوله بس ماكدر اكسر كلب صديقتي واني اعرفها شكد كلبها طيب مرت يومين ع هذا الموقف واني حايره اذا رفضت يامن راح يجبروني ازوج عمار واني ماريد اخرب حياة انه ومتاكده اذا انسحبت من حياتهم اكيد عمار راح يحبها لان انه ماكو مثلها واذا رفضت عمار لازم اقبل بيامن ماكو خيار ثاني لازم ازوج واكسر حجي الناس هههه هذا مجتمعناا هيج قاسي مسحت دموعي واني اطلع من الغرفه اروح لغرفه ماما واطيها جوابي واني فكرت بي اكثر من مره وخلص هذه حياتي واني اعرف شلون اديرها ماما كاعده - ها حبيبتي تعاي يمه تعاي - ماما اني قررت و موافقه ع يامن اعتذريلي من انصاف بس اني ماكدر اهدم حياة اثنين واصير انانيه شبكتني امي وهي تبوس براسي تربايتي واعرفج زين وهذا الجنت واثقه منه يمه يامن زين وان شاءالله يسعدج وينسيج كل الي مريتي بي ابتسمت الها وبست راسها و رجعت لغرفتي واني متاكده من قراري الي اخذته مستحيل اكسر قلب انه …… يتبع ،،،،،وللحكايه بقيه ،،،،، قرائه ممتعه احبتي اريد احجي وياكم شي اول شغله شكرا الكل من سئل عليه وتحمدلي بسلامه وشكرا اللي ماقصر وتهجم وكالو مقصره وماتنشرين بشنو مقصره وياكم يعني بارت البارحه اني كوه كتبته وانتم تتهجون بلخاص وحته بلعام اطلبون بارت مفاجئ يعني اني بارت البارحه مكدر اكتبه وبطلاع الروح كتبته وفوك كل هذا تتهجوم تردون بعد بارت اعرف حقكم ومن تشويقكم للقصه بس راعو تعبي يعني والله لو اكدر جان ما رديتكم خاصه اللي دخلو خاص يحجون بس هم مازعل منكم كلبي رجيج 😍 والشغله الثانيه اليوم جانت استراحتي وبرغم مريضه بس اطيت وعد لمتابعين الفيس وبلاخص متابعين بيج ست روعه انشر اليوم وهذا البارت برعايتهم هههههه ويدللون من عدي صح مكدرت انزل البارحه بس هذا بارت بداله احبكم توقعاتكم وتصويتاتكم وتعليقاتكم #نور الشمري #نوشه التعديل الأخير تم بواسطة لامارا ; 09-12-20 الساعة 03:09 PM | ||||
|
| |
|
08-12-20, 04:41 PM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت الخامس والعشرون بقلمي #نور الشمري #الحب...عناق......وليس ....فراق.... الحب...هناء.....وليس......عناء.... .. الحب ...تضحية ....وليس....تسلية..... الحب...اهتمام....وليس....كلام... ... الحب....تناسق الروح بالروح....وليس اسى وجروح..... انصاف : رجعت للبيت واني واثقه من قرار جوري الي راح تاخذه لان اعرفها كلش زين شنو صح ما تكدر تخرب حياة انه وخاصه اني عرفتها صديقتها بلمدرسه بس احسن من تزوج شخص اتكرهه واضلمه وهو واحد ملعب شاف نفسه مايكدر يحصلها اجه خطبها ههه طالع ع صديقه بس يجوز هذا احسن لان وجهه مبين طبيت للبيت ادور ع عمار ماكو رانيا نايمه سويت اكل لباجر مادام ماعدي شي وكعدت ادرس واني ابالي ع ابراهيم حبيبي شلون ابقه هيج اشوفه بلختلات ويوم بلسبوع يالله رحمتك باربي والله صعب امتحانك كلش صعب مرت يومين واني عمار واحد ينضر للثاني ومنتضرين جواب جوري حته عمار يفاتح انه بلموضوع اكيد راح يكسر كلبها بس اذا هي تحبه اكيد تريد الخير اله وماراح تكسر كلبه بليل جنت كاعده اوكل رانيا وحاطه كتابي بصفي اقره واوكل رانيا الي تلعب بل العابها دك تلفوني باوعتلها خاله ام حسن ابتسمت بفرح ورديت عليها - الووو خاله شلونج - هلا حبيبه الحمدالله انتي شلونج اخوتج شلونهم - الحمدالله خاله كلنا زينين سكتت شويه وبعدها كالت وهي خجلانه - خاله شوفي اني كتلها الجوري وتركت الجواب الها وهي ضلت يومين اتفكر بقرارها والله شاهد محد منا ادخل وجبرها ع شي وهي قبل شوي اجتني وكالت قرارها سكتت واني ساكته اسمع جوابها وابتسم دخل عمار ضحكت بوجهه وهو ردلي الضحكه وغمزلي وراح يشرب مي سمعت خاله تحجي وياي - وياي انتي نصوفه - اي اي خاله وياج اسمعج - يمه جوري رادت يامن وكالت اعتذر منج ومن عمار لان هي اشوف عمار گ اخ فقط وحاله حال حسن من كالت هيج حسيت بصدمه وكعت عليه واني اشوف اخويه حبيبي يشرب مي ويضحك ويرفعلي حاجبه بمعنى شكو شنو اكول الك ياخوي حبيبتك الي جنت تحلم بيها من اسنين رفضتك يالله شنو هاي ليش هيج جوري ليشش واني ادري بيج شكد تكرهي ليامن حسيت ع خاله وهي تحجي وياي - عادي خاله ماصار شي واني كتلج مهمها يكون الجواب تبقون اهلنا وهي اختي قبل لا اصير صديقتي سديته واني احس كلبي يدك بسرعه شنو راح اكول العمار شنو اجه كعد بصفي وهو يكول - شكو شبيج منو جان ع الفون سكتت ودنكت همست خاله ام حسن ابتسم وطلعت سنونه اي وشنو الجواب دنكت وادموعي تلمع بعيوني وهمست واني اكمش ايده - حبيبي عموري اسمعني كلشي قسمه ونصيب وداشوف انت قسمتي شلونها وقسمت رانيا وقسمتك ويه انه وبس ياخوي - شلون مفهمت عليج - دنكت وهمست جوري رفضتك واختارت يامن صديق نصر وكا بعدني ممكمله كلامي صاح - شلوووووون شلووووون ترفضنيي انصاف متاكده اكيد سامعه غلط خابري خاابري اتاكدييي سامعه غلط اكيدد انتي جوري تحبنيييييييي تحبنييي انيي اني شلون ترفضني شلوون جان عصبي نار كسر كلشي صار كدامه وجر باكت الجكاير وسويجه وطلع بجيت بجيت ع اخوي الي ماشاف الراحه بيوم ولا ارتاح ولا شاف السعاده ابد زين اذا تحبك ليش رفضتك يالله ليششش اسوي هيج شنو يدور ببالج يا جوري شنو بقيت منتضرته يجي وماكو صارت الساعه 11 ونص وهو ماكو غفيت واني انتضره ومادري بروحي كعدت الصبح ع صوت باب المطبخ من تنفتح يصير بيها صوت كعدت الم بشعري الصاير كفشه هلكبره عبالك مفجوره بي قنبله ونزلت تشيرتي وكمت باوعت عمار طلع للحديقه الي وره البيت لبست جاكيتي الي حاطته وره باب المطبخ لان الدنيا بارده ولحكته الساعه بـ 6 الصبح شفته يدخن وصافن كعدت بصفه ع المرجوحه وحطيت ايدي ع رجله اخفف همه مجربه شعوره مجربته كلش زين من الشخص الي يحبك يرفضك شعور حقير وقاسي حيل يحسسك انت واحد ناقص مو كامل بيك الف عيب حطيت راسي ع متنه واني اخفف المه وهمست - اذا تحبك مثل متكول اكيد عدها اسبابها اسوي هيج - ههه كاعد تنتقم مني لان خطبت وعفتها وهسه من اجيتها سوت بيها مثل مسويت - لا عمار لا جوري مو هيج وخاصه الي مرت بي بهل شهرين قاسي حيل مسحيل اتفكر هيج وخاصه ياعمار انه اصير صديقتها - شلوووون شنو صديقتهااا - اي متدري انه وجوري صديقات بلمدرسه وكلش قريبات - لااااا يالله لاااااااا غبيييه غبييه جوري لج هاي سوت هيج علمود انه اخ ربي لج ليشش ثوله ليش - اهدء الله كريم جان يحجي ويضرب ع رجليه مامقسومه الك من البدايه عيش حياتك - لااااا مو قبل لا اتاكد واسمع رفضها من عدها هي هي اتكولي ماريدك عمار اريد يامن وكتها اعوفها واعرس وانعل ابو الحب لا الي يحب بعد عافني ودخل ومبين عصبي دخلت اني هم بدلت ملابسي واخذت كتبي وطلعت وياه وصلني ع الجامعه وراح نزلت وركبت بسيارات النقل ذبني بباب المعهد دخلت ادور ع حنان ماكو وين راحت هاي شويه وطبت ادردم وكفت الها شبيج ولج - لا تحاجيني لااا انفجر هسه هذا ششايف نفسه هاا - منو ولج شبيج - هذاااااااا ابو عرف الديج مكناسه تيل مال عامود عصى مال مطيرجي - هههههه هم تعاركتي وياه - لج خيه نفززنييي طلعت ادور عليج يوكف وراي ويصوفر من اخزره يضحك يكول ها منو يزحف هسه - ههههههه خرب بيومه ستخسر 15 كجم من دهون البطن في أقل من أسبوعين، بمجرد أخذ هذا - انجبي انتي ولا اضحكين لج رجعت كتله هذا الحجي الييي يوكف ويحط اديه بجيوبه ويكول لااااا للغراب الي شفته هسه غراب الي يغربك يا ادبسززز - هههههههههههههههههه شنو يغربك لااا لا تكوليلي هيج كتيله هسه اطم روحي - لااااا حبيبتي هاي بس كدامج كتله ايي اجه يدور عليك لان صاحبك من يوم الي دخلت الجامعه والغربان سكنن الجامعه هو صارن عيونه بكصته باوعلي وكال سلميلي ع صديقتج لان احسن منج وتحترامه للمقابل مو مثلج لج هذا ششايف نفسه - هسه دعوفي يمعوده شجلبتي بي هسه مرت الايام بين الدوام والدراسه ومسؤلية البيت وعمار الي صار شخص ثاني عصبي وبس يصيح ع رانيا ومره راد يضربها لان تلح هواي اني متحملتها لان ادري مريضه وهو جان يتحملها لان مريضه بس هسه لا كام يصيح وما يتحمل اقل شي جنت اروح كل جمعه اشوف ابراهيم وابقه وياه مااضيع الدقيقه وحده بدونه جوري مارحتلها ولا وصلت الها لان جنت خايفه ع اخوي ومشاعره وماعرفت شنو صار ما صار وياها وهاي مر شهر كامل ع روحتي البيت جوري وخطوبتها وماكو اي خبر جديد بهذا الشهر لحد ما بيوم الجمعه جنت كاعده العب ابراهيم واستغرب من اجيت هو موجود ومبين جان بايت عدهم وشكلهم كلهم ضايجين ومتكئبين من سئلت همسه سكتت لحيت هواي عليها لحد ماكالت - البارحه جان عرس عمو نصر جان سكته بس اخذها وللفندق راح ماعزم احد كال بعدين اسوي غدا واعزم الكل وبابا تعارك وياه وعركه جبيره اخر شي بيبي اتخربطت واضطر عمو ياخذها بسكته وراح للفندق وماما جابت ابراهيم وياها واجت احس جسمي كله يرجف والصدمه ماداستوعبها سواها صدك وازوج اي ليش لاااا استاذ نصر الدين ليش لا بس والله والله ماخليك تتهنه وكول انصاف ماكالتها مسحت الدمعه راسا الي رادت اطيح من عيوني ابتسمت واني اقوي نفسي ايي اي بسيطه نصر بسيطه اني هيج اسوي بيه ماشي تدلل بقيت العب براهيم مكدر اسكت اكثر جريت تلفوني وطلعت رقمه جنت مسويتله حظر فتحت الحظر ودزيتله رساله اكتب وابتسم ماريد ابجي ماريد اضعف ماريد 💬 الف مبروك استاذ نصر الدين ان شاءالله الولد الصالح بس اتمنه اتكمل باقي اجرائات الطلاك واطلكني طلاك كامل لان مثل متعرف اريد اخذ حريتي مثل ما انت اخدت حريتك دزيتها واني ابتسم ورجعت حظرته واريد اشوف شلون راح يكون شكله بقيت ويه ابراهيم العب وياه وخايفه عليه من مرت الاب شنو راح اسوي بي هاي يمه ابني خاف اضربه لو شو شسوي اخذت ابراهيم وكمت لكوثر كوثر - ها حبيبتي شنو -اائئئ اريد اكولج سؤال منو هاي الي ازوجها نصر حسيتها انصدمت وباوعتلي - منو كالج ازوج همسه مو لججج همسسه نعاال ع راسج ولج وينججج - هاهاها يوم شكو هججتي الجوارين - انجبييي لج انتي كايله الانصاف ع عمج مزوج - لا كوثر شبيج مو هي كالتلي عرفت من الفيس - شلون وانتي حاظرته - فتحته هسه انتي جاوبي وعوفي هذه الموضوع - ماعرف بنيه صغيره بس حلوه تطلع عمرها عشريني هيج 24 او 25 ارمله وما عدها جهال ازوجت من جان عمرها 22 ووره شهر من زواجها مات رجلها حسب كلامهم بس مبين من شكلها هادئه وحبابه بس مسيطره يعني شخصيتها قويه - يعني تكعد وزن وياه مو هههه تكين والتقوو - ههههههه اي والله طنجره ولكت غطاها بس عمتي خطيه اتخربطت ووكعت بلمستشفى - الله يشافيها ياريت اكدر ازورها بس - الله كريم يلا يلا كومي شوفي ابنج يبجي شبي - اي هههههه بقيت كاعده صافنه ماعرف شبيه اكو احساس بداخلي صح كرهته النصر وطلعته من كلبي بس ابقه لحد الان مرته شرعا وهذه الشي اذاني لان نزل عليه ضره قبل لا يطلكني وحسسني بنقص شكد انت اناني يا نصر شكد انانييي وحقير هم غمضت عيوني واني احس روحي راح انفجر شنو ادعي والي وره هاي السالفه اخذن جزاتهن والله عاقبهن سكتت العب برهومي و انتبهت عيد ميلاد ابراهيم بعدلها اسبوعين ويصير عمره سنه حبيبي لازم احضري شي انتبهت ع التاريخ يصادف يوم سبت اي الجمعه اسويله حفله حبيبي ويصير عمره سنه حبيب امك رجعت للبيت واني بداخلي انكسار صعب هذا الشعور حيل صعب كمت افتح الصفحه مالتي الثانيه الي سويتها اراقب بيها نصر مر اسبوع واني ع هذه الحاله وكل يوم ادخل لحسابه وعلمود اشوف شبي مابي لحد ما اجاني رساله من عده طفرت واني خايفه يمه هذه الرساله منه منين يعرفني هذااااااااا عزاااا والصفحه مسويتها باسم ولد اخذت نفس وطبيت ع الرساله مالته شفته داز علامة استفهام عفته وماجاوبت عليه ردت اطلع من الحساب بس رجع دز رساله 💬منو حظرتك ممكن اعرف عزااا صخام شكول هسه اشجعت حته مااخلي يشك بيه ورجعت دزيت اله 💬نعم مفهمت اكو شي 💬هههههههه هو اني لو انت منو حظرتك لا صديق عدي ولا اعرفك ولا تعرفني ع ما اعتقد وتطي اعجاب ع صورتي شنو يسموها هاي يمه احس روحي صخنت صالي شكد ماحاجيه وياه احس كلبي رجع يدك من جديد ضربته حيل لقلبي واني اسب واغلط بنفسي ورجعت كتبتله رساله 💬 هاا اعتذر منك بس طلعتلي من ضمن طلبات الصداقه وشفت واحد من اصدقائي صديقك وحبيت اعرفك منو يجوز اعرفك وبلغلط اندز الاعجاب 💬 هههه ماصار شي بس نصيحه مرة الثانيه من اتكذب كذب كذبه بيها خير لان ماعدك اصدقاء وصفحتك جديده من شفت رسالته هاي احسس نفسي مسويه شي غلط غميت روحي خرب خرب ع الغشله اكيد شك بيه اكيددد حذفت الضفحه نهائيه اهمداج اهمدااج الصبح ع اليوك كال عمار انصاف حضري روحج بعد شهرين العرس مالتي اني وانه من كال هيج رفعت راسي مستغربه ماما ماصالهاا هواي من اتوفت وهو راح يزوج قبل لا تطلع دورة السنه مالتها ليش هيج اسوي ياعمار ليش ستخسر 15 كجم من دهون البطن في أقل من أسبوعين، بمجرد أخذ هذا سكتت ومااطيت اي اجابه طلعت ورحت للمعهد ومثل كل يوم ماتخلص نكرات حنان وهذا الولد كرار الي كام كل مايشوفنا يجي يسلم عليه ويبقه يذب كلمات الحنان وهاي تتخبل واني اضحك عليهم جان كل ميشوفني يرفع ايده ويحطها ع صدره بحركة السلام واني اضحك من يسوي هيج واردله السلام ومن يشوف حنان يهز ايده بستهزاء ويضحك وهاي تتخبل من تصرفاته طلعت اشتري هديه لابراهيم بمناسبة عيد ميلاده ماعرفت شنو اخذ اله لان اصلا ماعرف شنو عده وشنو ماعده بس جذبتني سياره جبيره يركبون بيها الاطفال ويمشون بيها حبيت اشتريها اله بس صدمتني سعرها ب70 الف شنووو شمشتريه اني هي شهريتي 100 الف بس لعيون ابراهيم كلشي يهون اشتريتها اله وخليت 30 شهريه الي لان عمار من يستلم راتبه يطيني 100 ابقه بيها شهر اشتريتها ورجعت للبيت ومن شافتها رانيا اله تاخذها واني وياها معارك اخر شي زعلت وطلعت راح تخبلني هلبنيه وكل ما ناخذها للدكتور يطينا علاج ونفس الشي ماكو جديد لحد ما الجمعه اخذت السياره ورانيا جانت زعلانه وتباوعلي بخزره الي والسياره واني اضحك اخذني عمار وطلعنا لبغداد اول ما وصلت اتلكتني كوثر بوستها وبقيت انتضر فوك الساعه وابراهيم ماكو باوعت ع كوثر وسئلتها - كوثر لعد وين ابراهيم -والله مادري خل اخلي همسه تخابره واشوفه وين اخذت همسه تلفون امها و دكت عليه رد وهي بقت تحجي وياه وتباوعلي هزت راسها وكالت ماشي عمو براحتك باوعتلها واني اهمس شكووو ليش ماجابه - طالعين سفره هو وعمو مثنى وعائلته ومرته لعمو نصر وماخذينه وياهم حسيت روحي طلعت والدموع نزلت بعيني ابني بيوم عيد ميلاده ماكدر اشوفه مسحت دموعي وعفت السياره عدهم ووصيت كوثر تطيهيا من يجي وخابرت عمار يجي عليه ورجعت للبيت شبعت بجي ليش هيج حظي ليش مااكدر افرح ولا اكدر اعيش مرتاحه ليشش مكتوبلي الحزن احتاجيت جوري صالي شهر ما شايفتها اول ماوصلنا رحتلها من فتحت الباب خاله ام حسن سلمت عليها وهي ضلت تحجي ليش قطعتي وليش بعد ماتجون وهيج زعلتيني اني بيا حال وهي بيا حال كوه افتكيت منها ودخلت الجوري جانت كاعده بجربايته وحاطه كتبها بحضنها من شافتني بجت واني هم بجيت شمرت روحي بحظنها وهي بادلتني الحظن وبقينا نبجي لحد ما سكتنا انتبهت عليها حالتها مو احسن من حالتي ضعفانه وجوه عيونها اسود ومبين عليها التعب والقهر انتبهت اكو حلقه بيدها الله يسعدها ما مقسومه الاخوي بس خايفه لا تتندم بعدين ع قرارها لان يامن ما ينوثق بي ابد كعدت احجي وياها وسولفتلها كلشي واحجي وابجي محتاجه افرغ همومي وماكو احد يسمعني غيرها لجوري وماكو واحد ثاني ينصحني غيرها كمشت ايدي وكالت - لا اضلين هيج ضعيفه خلي عمار انتبهت عليها كالت اسمه وسكتت والدموع لمعت بعينها عرفتها تحبه بس خل افرغ واعرف ليش هيج سوت - احم اي كولي خل يروح النصر ويطلكج كافي ضاله هيج لا انتي بلكاع ولا انتي بسمه الى يمته تبقين هيج ضعيفه كافيي قوي روحج وابني ذاتج وانسي شي اسمه نصر شي من الماضي راح وانسي وانتي هسه بت اليوم هزيت راسي الها واني اسمع كلامها رجعت كملت كلامها وهي تكح استغربت كحتها كلش قويه من سئلاها كالت منشوله وصدك مبين عليه خشمها احمر كملت كلامها وهي تباوعلي - شوفي انصاف انتي صح حبيتي بس لا تضعفين كدامه خليج قويه واصلا لا اشوفي وجهج ابد وابني ذاتج وخل يكون هو الخسران واكص ايدي اذا ما اتندم بعدين بس انتي خلصي منه هزيت راسي اي بس عمار عصبي وهذاك عصبي احسن شي ادز سند وياهم بقيت يمها اسوالف وكل ماريد اسئلها اتغير الموضوع راسا وكانما متريد تحجي بي بس عرفت انخطبت رسمي ولبسو الحلقات والزواج بعد كم شهر ع ما يكملون كل شي بقيت فوك الـ 4 ساعات يمها ورجعت للبيت وجنت حيل ضايجه ومبين عليه حته بس امثل القوه واعرف كل هذا تتلاشه بمجرد ما اشوفه كلبي حقير رجعت للبيت وسولفت العمار كولشي وكال الله كريم كتله روح انت وسند كال لا تخافين باجر اروح وخصبا ما عليه يطلكج سكتت ثاني يوم طلع عمار من الصبح للبغداد واني ماداومت لان اصلا ما قاريه شي ومالي خلك ونعسانه كلش ادك عليه ماكو مايرد عليه بقيت احوص اروح منا وارجع منا صار العصر وهو ماكو مابين صليت المغرب وهو ماكو بقيت كاعده ع السجاده وابجي ماتحمل بعد يالله احفظه الي والله احس راسي راح ينفجر غمضت عيوني وصرت ادعي وابجي عمري 18 وشفت انواع العذاب والحزن ومارتاحيت ابد وخلال سنتين خسرت هواي اشياء ومن ضمنهم بابا الي خسرته ولحد لان ماعرف شنو السبب ولسه ما يطب بعقلي رضوان يكتله وع شنو مادري بقيت حايره للـ 7 بليل طب عمار حاجبه مجروح وبي دم يابس ولحيته هم مليانه دم يابس و ايده تنزف ركضت عليه واني اشهك واكلب بي ورانيا فوك راسنا تطفر واصيح عركه عركه عركه عركه عاط بيها عمار برطمت وركضت للغرفه تبجي عفتها وكمت اداوي جروح عمار وهو ساكت اعقم بيهن وعيونه تشدح نار ومبين عصبي كلش همست عمار شكو شصار هناك غمض عيونه وكال متوقعت بيوم نصر يمد ايده عليه وهو صاحبي متوقعت بيوم اندم واعض اعصابعي ندم لان خليتج تزوجين هيج بشر - شكلك - هههه وكف بوجهي وكال اختك ما اطلكها لو يجي ابوي من كبره ماطلكها خليها اضوك الي ضكته اني هههه جان يحجي بكل فخر وعبالك مسوي فد انجاز عظيم من يكعد يهن بيه وبيج حاول سند وياه ومايقبل ومن عرفت بي مزوج اتخبلت شنو حلال عليه وحرام علينا شنو ششايف نفسه هذا بقيت ساكته واني اسمع عمار يحجي ضالين كلمه من عمار وكلمه من نصر كايم عمار ضاربه كله النصر وهذاك مرجعله الكله ببوكس وصايره البوكسات بيهن للستار وكوه سند فاككهم وكعد سند يحجي ويه عمار ويهدي بي الى ان هادئ وراجع لهنا ابتسمت واني اشوف وجهه الحقيقه اي انصاف اكرهي اكرهي الحبيبج نصر وشوفي شسوه مر شهر ورجعت اشوف ابراهيم الجمعه و مرات اشوف جوري جانت بغرفتها وماتطلع منها ابد وامها اجهز للعرس وهي ولا كانما عروس شكد انقهرت عليه وكل ما حاولت افاتحها بلموضوع بس ترفض وتغيره راسا وهاي مر ع وفاة ماما تقريبا 5 اشهر ورانيا حالتها من اسوء الى اسوء وعمار انسان ثاني جنت كاعده ع السبات اقره وحنان بصفي تاكل حسيت برجلين كدامي رفعت راسي كرار الولد نفسه الولد الي اتكرهه حنان ههه ابتسم وكال اكدر اعزمجن ع الغدا اليوم حنان سبقتني وكالت - اي ليش لا خل انقطك - هههههه ومنو كال الفلوس من عدي كلمن يدفع فلوس اكلته - لا بلااا خوش والله دروح روح خليهن الك لعد ضحك وباوعلي ها انصاف ممكن حسيت بروحي تفشلت باوعت ع حنان وهي باوعتلي رافعه حاجبها همست ماكو داعي لان اصلا اتغدا بلبيت ويه اخوتي - ماشي ع جاي عصير عدي موضوع وياج -اوك ماشي وره هاي المحاضره عدنا ريست ستخسر 15 كجم من دهون البطن في أقل من أسبوعين، بمجرد أخذ هذا - اوك يعني بعد ساعه ونص هزيت راسي وهو راح وحنان صافنه شيريد هذا - علمي علمج انروح وانشوف - لج انصاف هذا لا بس معجب بوحده من عدنا - دانجبي انجبي شينعجب متكليلي وبعدين الكل يعرف بجوابي شنو كرار مو اول واحد كومه اتقدمو ورفضته يجوز الج وغمزتلها - انجبي اني اقبل بهذا المكروه وبعدين ليش يعني ترا اغلب الي اتقدمو الج جانو زينين ومو من هذول الي يلعبون ع البنيه - لان ببساطه مافيدهم يلااا المحاضره بدت دخلت المحاضره واني صافنه هه ازوج واني مطلكه قانونا ومزوجه شرعا اووف يالله راح اسودن شكول عليك نصر حته لو مستحيل ازوج ماكدر لان اذا ازوج انحرم من ابراهيم وكلشي ولا ابراهيم ماكدر بدونه وهو اني اشوفه بلسبوع مره وميته عليه طلعت من المحاضره وضربتني الشمس حسيت بدوخه شفت كرار من بعيد وكمت اشوفه يروح منا ويرجع منا كمشت ايد حنان واحس بعد ماكدر اصبر ع روحي سندت راسي ع متن حنان وغمضت عيوني ومادري بعد شصار بس ضلام عتم عليه وصوت يم راسي وبعدها فقدت الوعي فتحت عيوني بغرفه بيضه واكو كانونه بيدي ومغذي انتبهت حنان بصفي من شافتني فتحت عيوني اجت عليه تركض - ها حبيبتي اوكفي اصيح الدكتور واجي عدلت حجابي وطلعت صاحت الدكتور دخل وكرار وراه ومبين بعيونه قلق وحته حنان مبين جانت تبجي فحصني الدكتور وكال خلصي المغذي واتكدرين اطلعين بس بابا انصحج ترحين دكتور خاص واسوين تحاليل كامله لو تجين هنا انسويلج احنه هسه مكدرنا نسويلج تحاليل لان الاجهزه تحت الصيانه بس لازم اسوين تحاليل حته نتاكد من سلامتج - ليش دكتور شبيه - ماكدر اكول اي شي هسه قبل لا اتاكد واسئلج كم سؤال والافضل ترحين دكتور خاص جراح بدماغ وماعدج غير العافيه رجعت للبيت واني صافنه ليش جان كلام الدكتور هيج احس روحي مريضه وشي خطير يالله دخيلك دخيلك ماريد اموت قبل لا اشبع من ابني يالله بقيت ابجي بلغرفه وحست عمار اجه مسحت ادموعي ماريده ينتبه عليه مرت الايام تركض كرض وعطلت وكعدت بلبيت خلصت السنه الاولى الي وعرس عمار ما بقاله غير بس اسبوعين وصرت اطلع ويه عمتي ماعدي غيرها واسوك واحظر العمار العرسه وعمار كمل بناء غرفته الي بناها وكام يطلع يختار غرفته واني وعمتي نطلع نحضر بلبيت لحد ما بيوم جنت بسوك ويه عمتي انحظر الغراض مال العرس واحس الدوخه لسه ماتروح برغم ملتزمه بلعلاج الي اطاني الدكتور صافنه وحست ع دك الفون مالتي انتبهت المره الي اضل يم رانيا خفت راسا رديت عليها وهي تحجي وترجف - الو خاله شكو - خاله رانيا ماكو - شنووو شنووو ماكووو هي مو يمج - اي يمه يمي بس ماعرف وين راحت جنت بلمطبخ اخابر وهي بصاله من خلصت لكيت الباب مفتوح وهي ماكو اتخبلت اخذت تكسي ورجعت للبيت اول مادخلت صارت كدامي المره عطت بيها - وين راحتتتتتتت عمار يطيج فلوووس علمود اديري بالج عليج مو يطيج الفلوس ادكين مخابرات بلمطبخ وعايفتهااااااا - يمه والله - كافي خاله كافييييي عفتها وطلعت خابرت عمار من عرف اتخبل كال هسه اجيج اوف يا عمار اوف ماترتاح ابددد تشتغل ليل ونهار علمود البيت وراتبك كله يخلص ع البيت والجهاز العرس وفوك كل هذا الغرفه يبنيها اله والراتب متشوف منه شي وفوك كل هذا تطي فلوس لهاي ادير بالها ع رانيا وما صانت الامانه اوووف يالله وين راحت بقيت واكفه بلباب انتضر عمار وعسى ولعل ترجع رانيا بس اللاسف ماكو جوري : بعد ما اطيت قراري الامي وهي ردت الرفض الانصاف بقيت اليل كله ابجي واحس روحي مسوي شي بس مستحيل اتراجع عن قراري لان فكرت بي هواي ومستحيل اكسر كلب صديقتي حسن خابر يامن وكله خل يتفضل النسوان هنا حسيت روحي خلص ذبحتها بيدي وانتهت وراح اخر امل جنت انتضره وراحت كل احلامي وصار لازم اطلعه من بالي ايام مرت واني ضعفت حيل وصرت مو ذيج جوري القويه كلمات الناس جانت سجين بكلبي وكل ما اسمع كلمه يزيد كرهي ليامن اكثر لان بسببه انخطفت والله اشوفه شي عمره ما شايفه واخلي هو بنفسه يلغي كلشي بيوم الي اجو النسوان واتفقو ع العقد والخطوبه ويشوفني جانت مرت ابوه وعمته كوه امي كعدتني ولبستني تنوره قصيره لونها بيجي وتشيرت جوزي وعليه يلك بيجي هم مشطت شعري وخلته مفتوح واخذت كم خصل خلتهن صفح وضفرتهن وشدتهن لوره صار منظري كلش حلو كعدت بت خالتي مكيجتني علمود يخف السواد الي جوه عيوني من اجو جنت بلمطبخ احس رجليه يرجفن ماكدر ماكدر اسوي هيج واخون حبي بس هم ماكدر اكسر بابا كدام الناس واني اعرفه شكد فرح من عرف قبلت بيامن حته يكسر كلام الناس كله من وره الناس الي ما تخلص كلامهم وانتقادهم اذا هو نبي وماخلص من كلامهم احنه البشر انريد نخلص من كلامهم شجعت روحي واخذت صينية العصير ودخلت واني اقوي روحي جانن اثنين نسوان ومبينات شخصيه خاصه مرت ابوه مبينه شخصيه قويه كلش ومسيطره لابسه مالتو وبنطرون وحجاب جسمه حلو ونضراتها حاده بس مبين حبابه انتبهت ع عمته جانت لابسه جبه اسلاميه وحجاب وهم مبين شخصيه وقوي كلش برغم جبيره حيل مجنت اعرفهن اله من عرفتني امي عليهن اخذت نفس وقدمت العصير ومرت ابوه كصتني كص من فوك لجوه كانما تتفحصني ابتسمت وكالت والله وعرف يختار يامن افندي ههههه - شوفي حبيبه تدرين بابني عده معرض سيارات ويشتغل بين كركوك وبغداد وابو رجل معروف بوزارة الداخليه طبعا يامن ابني الي ربيته الام الي تربي مو الي اجيب واني ربيته من جان عمره 8 سنوات وصرت اله ام حته من بعد ما جبت بناتي وولدي بس بقه يامن عزيز كلبي وهو مو ابني دائما جنت اتمنه ازوجه واجيبله اشكال البنات بس يرفض لحد ما اجه وكال روحي خطبيلي لا اني ولا ابوه صدكنه وفرحنا وطرنا من الفرح لان كل ربعه ازوجو وخلفو اله هو شلع كلب ابوه وكلبي والله عرف يختار وماشاءالله عليها المحروصه مالتكم جمال وادب هواي سئلنا عليكم وكلها تحمد بيكم - تسلمين ام - ام يامن كولي لان يامن ابني - والله والنعم منج ام يامن ع الراس انتم وفضل يامن علينا هواي لان ماننسه الي يقدمه النا وانتم تعرفون جوابنا ام يامن - اي دادا واني جايه بطلب من يامن وكال شيفصلون احنه نلبس خل نتفق حته باجر الجمعه تجي مشية الزلم وبعدها ناخذلهم يعقدون صفنت شنو عقد فد مره لااا يالله دخيلك ربي والله ماعرف اذا كاعد اتصرف صح لو لا انت ساعدني يا اللهي اتفقت امي وياهم ع كلشي وراحن وهن يبتسمن الي واني عفت كلشي ودخلت للغرفه شبعت بجي دخلت امي وهي تهز براسها - تعاي يمه تعاي لا تتصورين ابد وحيده اني وياج والله اخذتي احسن قرار لان يايمه عمار مايفيدج مو لان موزين لا والله كلها تشهد بي واني اول وحده وربيته ع اديه وابني حاله حال حسن بس يايمه الرجال خاطب والضره تكسر الضهر واني ادري بيج ماتتحملين ويامن انسان زين والخطوبه راح اطول اتعرفي عليه وشوفي اذا ما يعجبج ومارتاحيتي وياه بس كوليلي والله انعل ابو الناس وكلامهم اهم شي مرتاحه ماشي بنيتي - هزيت راسي وهمست بس راح نعقد شلون - عادي عقد سيد بس علمود تكدرين اشوفي ويشوفج بلحلال ومن تتفقون وقبل العرس بسبوع تعقدون محكمه هزيت راسي وعافتني وراحت ارتاحيت لان كالت هيج وثاني يوم الجمعه اجت مشيه شكبرها اتمنيت انصاف يمي بس اعرف هيج يوم هي ببغداد اشوف ابنها وحته لو هنا ماتجي اعرف بيها وتعوف عمار وحمدت ربي الف مره لان عمار مو هنا ببغداد مرت يومين ورحنا عقدنا جنت ارجف وخايفه مجلبه بامي وما تحرك بعيد عنها وهو جان كل ما اصير عيوني بعيونه يغمزلي لو شو شيسوي واني اموت خجل وكره من يمي بطلاع الروح خلصنا ورجعنا وصرت مرته اليامن الي ماعرف عنه اي شي غير واحد نسونجيي شلون راح اعيش وياه مادري رجعت للبيت والعصر سوو حفله الي لبست فستان جابته مرت ابوه الي من بغداد جان قصير وصدره تور ومليان نمنم ونقش ومن جوه نفش من يم الخصر جان تور خفيف طالعه بطني منه ومن وره ضهري كله طالع اسودنت وماقبلت البسه كوه قنعتني امي البسه واحط فوكاه شال لان التسريحه جانت مرفوعه وطلعت كل ضهري جانت لونها سمائي فاتح كلش حلو حطيت شال ابيض ع ضهري واديه وصوت كرايبه من دخل رن البيت رن بلهلاهل دخل هو وابتسامته المستفزه ع شفايفه متوقعت بيوم ازوجه لهذا الحقير الي بيوم من الايام اتهمني بشرفي وضربني وهددني واني هاي اني مو مرته وهيج لو صرت مرته شلون خفت اكثر واتندمت ع قراري هذا كعد بصفي وهو يهمس باذني مبروك عليج اني وضحك باوعتله بنص عين وهزيت راسي شنو هاي الثقه يالله همست واني اباوعله بنص عين - شنو هاي الثقه العاليه هاا لعد مادام هيج خل اكولك روح احجز مكان بمستشفى المجانين من هسه لان راح اسودن حياتك ضحك بصوت عالي وكلها باوعت علينا وتضحك غمضت عيوني غبييي هسه عبالهم اتغزل بي وضحك هو دنك يحك بلحيته واتقرب يهمس يم اذني - منو الواثق بنفسه اني لو انتي ههههه حبيبتي اخاف الحجز يتحول الج مو الي لان تدرين بي اخبلج واخبل عشره مثلج حجاها وغمزلي حسيت النار صعدت عدي متحملت ردت اكوم صاحت مرت ابوه - ها ماما وين خليج خل يلبسج الذهب ستخسر 15 كجم من دهون البطن في أقل من أسبوعين، بمجرد أخذ هذا سكتت وكعدت وهو يضحك اخذ الكلاده من ايد مرت ابوه واتقرب يلبسها الي غمضت عيوني واحس مسويه شي غلط خاينه احس روحي اهمداني اهمداني لعبت نفسي وكوه صلرت روحي خلص واخذ ايدي لبسني الحلقه والمحبس والسوار وبعدها راح يلبسني التراجي مخليته لان جان طول ما يلبسي يحاول يلمس ايدي بطريقه مو حلوه ويغمزلي كوه خلصت نفسي منها وردت اكوم اغسل كالت عمته كوم يمه خل تاخذك مريتك للغرفه وتعارفو احجو سوه من كالت هيج فكيت عيني وباوعت ع امي هيج هزت راسها باي صبرت روحي ومشيت وهو وراي فتحت الباب مال الاستقبال واشرت اله يدخل ضحك - لا السيدات اولااا حجاها ويباوعلي من فوك لجوه خجلت وبنفس الوكت كرهت روحي كمت انزل بثوب وهو يضحك دخلت ودخل هو شهكت من شفته يقفل الباب ودار عليه - انت شداسوي افتح الباب لا اصيح والله - صيحي مرتي واني حر بس خاف يرحون يفتهموها غلط حجاها وغمزلي وكعد ع القنفه رجل ع رجل اتقدمت واني ارفع اصبعي بطريقة التهديد - لا عبالك خايفه منك ومو لسواد عيونك وافقت عليك لااااا لان الضروف حكمت اختار النحاس واعوف الذهب مو عبالك ماعرف بسببك انت وصديقك العار الي عاف صديقتي واتهمها زور بسببكم انخطفت واتعذبت وردت مكدرت اتحمل حسيت بخنكه واني اذكر هذاك اليوم الاسود كعدت وادموعي نزلت وهو وكف ومبين عصب - ترا زودتيهاااا هذا حجيج اكبر من راسج واكسره الراسج اذا عدتي بعد فاهمهه بطول النعال وتحجين حجي اكبر من راسج - لا تغلطططططط فاهم لا تغلططط شنو حجيت شي غلط اني هاااا انتي وصاحبك اكبر عارات شفتهم بحياتييييي بعدني ممكمله كلامي ماحس غير صار فوكي شمر الشال من عليه وخزرني وفاتح عيونه كل عين شكبرها - كملي كملي حته اشكه الحلكج بت ال استغفرالله جوري ليش اتخليني اعصب بعدين شقصدج بعفتي الذهب واختاريتي النحاس اعرف عمار خطبج جنتي تقصدي مو باوعتله ببتسامه وهزيت راسي بأي وهو صارن عيونه حمر ماحسيت غير بشفايفه ع اشفايفي صرت ادفع بي وهو ماكو ميوخر احس النفس انكطع مني اتخبلت تخيلته وخر وهو عيونه نار ستخسر 15 كجم من دهون البطن في أقل من أسبوعين، بمجرد أخذ هذا - عيدي هذا كلامج وشوفي شسوي بيج تنسين شي اسمه عمار لا اكسر راسج فااااهمه حجه كلماته وفتح الباب وطلع حظنت رجليه خايفه ارجف حسيت بهذاك الوحش فوكي مو يامن اتخبلت كلهم نفس الشي بس عمار الزين وخسرته من زمان لان مو قسمتي مرت الايام واني احس روحي ميته وهذا يدك بليوم الف مره وما ارد عليه غير بس مره وحده واسده وهو يتوعد الي اكرهه ياعالم اكرهه انصاف اجتني حالتها مدهور ع فقدان ابنها وهذا الحقير الي مايقبل يحررها ويخليها ترتاح بقيت تبجي واني ابجي وياها وكدرت ترجع علاقتي بيها جنت خايفه لا تتركني لان رفضت عمار ااخ ياعمار سمعته مقدم العرس ومابقاله غير كم اسبوع بيوم جنت طالعه ويه امي وحسن ماخذنا بسيارة صديقه رجعنا الضهر والدنيا حاره باوعت من الشباك انتبهت هاي رانيا صخاااام وين رايحه كامشه لعبتها وتركض بتجاهه مكان هيج وره بيوت المنطقه واطفر وشعرها طالع يوم حسن اوكفو ذيج رانيااا وكف حسن واني نزلت اركض وامي وراي سمعت شهكت امي وهي تكول ولج هاي رانيا شسوي بهذا المكان باوعت ع امي وهمست ليش ماما شكو ولج يمه هذا البيت لوحده مشعوذه اسوي سحوره واعمال استغفرالله الله غاضب عليها وحته جسمها محروك ومشوهه اتششوه هاي شعدها هناك امي ماتعرف برانيا وخاله ام عمار وعملتهن الي سونهنا بانصاف ركضت اجيب رانيا وحسن وياي هي اصيح عوفوني اريد العب وحسن يجرجر بيها ووهي تصرخ اريد العب وخر وخر انت يا كلب وخر وحسن يضحك ويهز ايده ويجر بيها اخذناها للبيت وكوه لازمتها اني وحسن وامي ورانا لكيت انصاف واكف بلباب وعمار بصفها من شافني بقه يباوع بعيوني و ……… يتبع ،،،،،،،وللحكايه بقيه ،،،،،،، قرائه ممتعه احبتي انتضروني ببارت غدا مليئ باحداث مشوقه جدا وربما سوف تكتشف الحقيقه فما هو مصير ابطالنا توقعاتكم وتصويتكم وتعليقاتكم #نور الشمري #نوشه التعديل الأخير تم بواسطة لامارا ; 09-12-20 الساعة 03:16 PM | ||||
|
| |
|
08-12-20, 04:46 PM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت السادس والعشرون بقلمي #نور الشمري # لن أنسى أياماً جميلة قضيناها معاً وإن فرقتنا الحياة ولم نستمر، لكن سأحاول أن أتعافى قدر المستطاع، أعدك. انصاف : شويه ودخل عمار يلهثت تعبان هستوه راد يحجي سمعنا صوت رانيا باوعت حسن وجوري جايبيها ويجرون بيها كوه تمشي وتبجي انتبهت ع جوري تباوع ع عمار وعمار هم شكد قاسيه هذه الحياة يالله شكد قاسيه باوعت هدو رانيا واخذتها ردت ادخلها جوه وعمار يشكر من حسن ماحس غير رانيا صاحت شهر بنااات هيييييي ودفعت وركضت ع ابو الشعر بنات صحت رانيااااا انتبهه عمار عليه وركض وراها جان الشارع متروس سيارات وهي تركض بتجاه الشارع وعمار وراها وحسن واني لريد الحكهم وجوري تمنعني ماحس غير بشخطت السياره وصوت عمار رج الشارع رج - لاااا رانياااااااا ركضت واني اوخر جوري عني وياريتني ما وماركضت ولا شفت الي شفته ياريتني بقيت بلبيت ولا المنضر الي شفتها رانيا نايمه بلشارع وراسها مفتوح والدم مخطيها حظنها عمار وهو يبجي لج كومي رانياااا كوميييييي يبعد اخوج كومي مسامحج والله مسامحج بس كومييي لا تعوفينا وحدناااا احس روحي دخت وكمت اشوف الدنيا ادور ببراسي لااا اختي لاااا ماحس غير فقدت الوعي وكعت بلكاع فتحت عيوني انتبهت بلمستشفى وجوري وخاله ام حسن يمي يبجن رانيا رانيا وين اجتني جوري تبجي وتشبك بيه صحت رانيااااا وين نزلت راسها وهي تهمس انصاف هذا يومها الله يرحمها فتحت عيوني ع وسعهن لاااا لا مستحيل يالله ليش هيج بسنه وحده امي واختي بسنتين بس هدمت عائلتي الحلوه واخذت بابا وماما وهيه رانيا ليش ليش ياللهي احس ادموعي نزلت عشره عشره ماكدر بعد اصبر ليش هيج يالله مسحت ادموعي وكمت كمشتني جوري وطلعت لبره لكيت عمار وعمامي وخالي وولدهم وحسن وويامن واكف يم حسن نزلت ادموعي وركضت ع عمار اخذني بحضنه وهو يمسح ع راسي وهمس - راحت عائلتنا انصاف راحت مابقه احد بس اني وياج كلها عافتنا وراحت ليش هيج يسون ليش - كافي حبيبي لا اسوي هيج حباب لا اسوي هيج بيها اراده ربك امتحانه ولازم نتحمله - ليش انصاف هيج ليئ اول شي ابوي وبعدين امي وهسه رانيا شلون راح تطلع الحقيقه شلون راح تثبت برائتج وانتي وهن ماتتن واخذن السر وياهن شلون - ربك موجود وهو يكشف كل شي انت بس ثق برب العالمين وهسه كوم ع رجليك كوم ياخوي محتاجتك اني كوم وكغتني جوري وهي تهدي بيه واني ابجي صح ضلمتني هواي بس تبقه اختي الي جابتها امي صح اذنتي بس تبقه مني وبيه وتربيت وياها واله ايام طلعو عمار والباقين يدفنوها واحنه رجعنا للبيت دخلت للبيت واني اباوعله بكل ركن ذكرى هنا نتعزرك اني ورانيا وهنا بابا يصيح ع رانيا لا ازعلني وهنا امي اصيح لا ادلل وحده وتعوف وحده وهنا عمار يبقه يضحك عليه ويصح السبع بطلع دم وهنا جنه ننجمع وناكل ونضحك وانسوالف برغم من كل البساطه الي عشناها بس جانت ايام حلوه كلش مسحت ادموعي اقوي نفسي لخاطر عمار جوري ماتركتني وجانت كاعده بصفي والنسوان كامت تجي وفجئه دخلت آنا (آنا او انه نفس الشي وهو اسم خطيبة عمار للي سئل) وامها اجت عليه شبكتني وصارت تبجي واني نزلت ادموعي همست وهي تهدي بيها اترحميلها انصاف اني مريت بهذا الوجع لان اختي هم ماتت وحاسه بيج بس صيري قويه وترحميلها شبكتها وصرت ابجي وصارن النسوان يجن والي تحجي وتكول العائله كلها خلصت ومابقه احد منهم الده يستر شمسوين والله دايعاقبهم والي تكول الله يرحمهم خوش ناس جانو ووو كومه حجي جان بدت الفاتحه والناس تجي وعمار رجع ونصب جادر ولليل واني ماشايفته متجيه راسي ع الحايط وصافنه ع البيت شلون جان وهسه شلون صار آنا وجوري ماتركني ابد وكلساع وحده تسئلني شلونج لحد ما طلعت النسوان وبقينا اني وعمتي ومرت خالي وجوري وامها وآنا وامها واني منصيه راسي وحاضنه رجليه اتمنيتبابا موجود واحط راسي ع حظنه تمنيت نصر موجود واشكيله همي تمنيت عمار وين راح شوي وحسيت بصوته وهو يهمس السلام عليكم رفعت راسي لابس اسود وكلهن تراب وشعره مليان تراب من شافني اجه عليه كعد ركبه ونص واخذني بحضنه شهكت واني ابجي واهمس شوف عمار شوف البيت شلون صار خلهم يرجهون ماريد ازوج ولا اريد ازوج بس خل يرجعون خل ترجع ايام ذيج والله ماتحمل بعد حجيت كلماتي وشهكت غطيت وجههي وكمت ابجي وهو يهدي بيه حسيت بايد ع متني شفتها خاله ام حسن ذبيت روحي بحظنها واني محتاجه حظن امي يدفيني ويلمني والله مو حمل كل هذا بعدني صغيره شنو اتحمل واتحمل بعد حظنت خاله ام حسن وبجيت رفعت راسي شفت عمار يسلم عليه من وصل يم آنا استغربنا كلنا وبلاخص اني من شفته جرها من ايدها وحضنها وصار يبجي عمار يبجي عمار ماشفته يبجي غير بس بوفاة بابا وهسه هم يبجي يالله لعد شكد مهموم لدرجه بجه من كد الحمل والهموم الي عليه آنا بادلته الحظن وهي تهدي بي ابتعد وهو يدنك حته محد يشوف دموعه وطلع وصاح آنا تعااااي ابتسمت واني اشوف اخوي يتقرب منها بلكت يحبها مرت خالي عوجت حلكه وهي تهمس - اخوج مايستحي مو اخته اليوم ميته - خااااله شمسوي هو ليش تخليني احجي اذا ماعاجبج الوضع الباب موجود - ايييي راحو راجو اصجاب البيت وكامت الزعاطيط تطرد بينااا من حجت هيج وكفت وصاحت خاااله اني مو زعطوطه وانتي ماتحترمين المقابل شنو انسويلج - انجبي هو صوجي اني جايه اخابر خالج الشفيه وارجع البيت تحسلي هواي درت وجهي عليه واني اعصابي نار واريد بس اطلع حركتي بواحد صحت وراها واني اشيل الدولكه مال المي وشمرتها وراها روحه بلاااا رده محد عاتب عليج تجيييين باوعتلي بخزره وهزت راسها وطلع كمشت راسي وكعدت من الصبح لسه اني ع المي عايشه انتبهت جوري عيونه مليانت دموع صحتلها وشبكتها وهمست بذانها ابجي ابجي حبيبتي ارتاحي وهي ماصدكت كامت تبجي والكل يباوعلها واني ادموعي تنزل وياها ثاني يوم اجت كوثر وصافنه - لج يدك رانيااا اتوفت البارحه ولا ادري اليوم عرفت من سند هزيت راسي واني مدنكه خذتني بحظنها وهي تهدي بيه - الله كريم الله كريم الحق يضهر ولو بعد حين هزيت راسي واني اباوعلها لعد البنات وين - ضلن يم عمتي لان وحدها - ليش مو عدها جناين اثنين ههه دنكت وهي تهز راسها - مرت مثنى عد اهلها لان الولد مهدد بلاسقاط ونايمه عد اهلها وو - هههه شبيج عادي كوليها مرت نصر مرت نصر مرت نصصر عادي كلشششش هاي حقيقه - اي هذه زعلانه متعاركه ويه عمتي وطالعه لبيت اهلها وبدون مانصر يعرف لان بلواجب هزيت راسي وهمست وهي تعرف شغله - لا ع بختج محد يعرف شكل نصر حته مرت مثنى متعرفه كلها تعرف عد محل بسليمانيه - ههه اي مثل يامن عد معرض سيارات ههه صدك غرفتهم وين نصر ماخذ الطابق الفوك وحاطها بغرفه البنات وغرفج اثنينهن قافلهن ههههه - امممم يخاف ع مرته - لا ولج همسه من جانت عدهم سامعته يكول الامه الغرف الي جانن بيهن انصاف محد يوثل الها غيري اني وبس وكت التنضيف واتكول دائما بيها خاصه غرفتج الجوه قليل يصعد لغرفته هو ومرته هزيت راسي واني صافنه اجن النسوان واجت المله وكامت تقره واني دموعي ماوكفن دقيقه حرت عليمن ابجي ع بابا لو ع هائلتي الراحت بلمح البصر لو ع حظي لو ع ابني لو عليمن ماعرف مرت ايام الفاتحه وبيت آنا يمنا ماعافتني هلبنيه ابد هي وكوثر وجوري تروح وترجع الي ماقصرن وياي من خلصت الفاتحه رجعن وفرغ البيت وصار وحشه صرت ابجي ابجي ابجي كام عمار يطلعني من البيت ويفرفرني حته انسه ورجعت كمت اشوف ابراهيم كل جمعه كبران وصاير مدنقش يخبل لحد مافد يوم رجعت هستوني من بغداد ومار ع وفاة رانيا 3 اسابيع جنت اشوف ابراهيم بعد ما ذبني عمار وطلع لشغله طبيت للبيت دك تلفوني رقم غريب ماشلته رجع دك هم ماشلته بعدها بنص ساعه دكت كوثر جنت كاعد انضف وصافنه رديت عليه وهي تحجي وتبجي - شكو كوثر شبيجج - لج انصاف نصر عرف بيج اشوفين ابراهيم واتخبل وكلب البيت علينا كلب وكال بعد اشوف ياااا ابن امه وابوه الي ياخذه ويخلي هاي الخقيره اشوفه ولج حجي ورزايل علينا وع البنات وحته عليه واخذ ابراهيم وطلع وحلف بعد مايخلي ابراهيم يطلع بره البيت اذا مو وياه غمضت عيوني ابجي - لاااا عفظه كوثر شنو يعني بعد ماشوف ابراهيم لا تكوليها فدوه لا تكوليها والله ماتحمل - مادري اصبري والله كريم شوفي خاف يدك عليج نصر لو تردين وماتعصبين وبهدوء لو ماتردين لان عصبيي - مساعه دك رقم غريب عليه مرتين بس مارديت اكيد هو ماشي كوثر اني اروح باي سديته وشبعت بجي لا يالله لا مو ابراهيم والله ماتحمل والله راضيه بهذا اليوم الي بالاسبوع بس لا تحرمني من عده فدور يالله دخيلك جنت بلا اكل من الصبح وهسه الساعه 6 العصر حسيت بدوخه ووكعت انضرب راسي ومادري شصار كعدت ع صوت عمار يضرب بخدودي - لج شبيجج انصاف شصاير - عمارررر شبكته وكمت ابجي وهو يهدي بيه سولفتله كلشي اسولف وابجي وهو يهدي بيه ويكول اقدم بلاغ عليه بلمحكمه وغصبا ماعليه يخليج اشوفي هدئت من سمعته هيج كال ومرت يومين واني بلفراش ماكدر اتحرك صخونه ودوخه اندكت الباب طلعت فتحتها وكوه امشي استغربت من شفت جوري ويامن باوعلتي جوري وكالت امشي لبسي وتعاي - شكو جوري - كتلج امشي لبسي وتعااااي لبست وطلعت شفتها واكفه ويامن يخزر بيها من شافني اجيت سلم عليها وكال - جوري ماكو داعي لكل هذا كافي كلمه وطلع من عدي شلون اتورطتتت - لااااا ماتورطت بس كافيييي كافيي اطلعون حجي زور عليها انت وصاحبك الثاني واليوم ما ارتاح اذا ما كلع برائت انصاف مدامك ووصل برائتها الصاحبك العار - جورييي كاعده تجاوزين ولو ما بشارع جان علمتج - كاااافي يامن كاااااافي صالك اسبوع اذب ملام وساكته بس اليوم مااسكت لو اعرف تذبحني ركبي انصاااف ركبييي جرتني من ايدي وركبتي بسياره وركبت هي ركب يامن وهو يستفغر - جوري كاعد تلعبين بنار اعتذرت هذهو - لا يامن لا صار وكت الحقيقه تضهر واتبطلون تحجون حجي اكبر من راسكمممممممم - جوررريييي كافي شبيكم انتم جايبيني اشوف عركتكم - لا حبيبتي جايبتج حته اثبت برائتج كدام يامن ويوصلها الصديقه مو يا زوجي استاذ يامن انتبهت يامن جان عصبي نار بس بمجرد ما مالت جوري زوجي ابتسم وهز راسي وطارت كل عصبيته ابتسمت عليهم ومشت السياره وجوري اتاشر بديها مشينا بتجاه لمكان وره المنطقه وره البيت ساحه وادور اشجار وبعدها اكو بيت وكن بيت هيج مطشرات ركن السياره يامن بعد ما كالت جوري هنا ونزلنا - جوري شنو هذا المكان وين جايبتني باوعتلي وباوعت ع يامن وهمست - اسمع يامن وانتبه ع كل كلمه امشي انصاف امشي مشينا وامي مستغربه وصلنا يم بيت دكت الباب جوري وهي تباوع اليامن بنضرات كره وتحدي وهو واكف بملل واني واكف صافنه انفتح الباب واخترعت رجعت لوره واني اشوفها مره وجهها كله مشوهه وشكلها يقزز ويخوف حييل باوعت علينا وعكت حاجبها وكالت تفضلو منو انتم جوري : خاله هم جايتج هذا البنيه بيوم من الايام حجتها وهي اتاشر عليه باوعتله المره ورجعت باوعت ع جوري وكالت - لا ماجايتني بس اعرفها كلش زين انتي اخت رانيا وبت ام عمار مو رجتت لوره خايفه واباوع ع جوري الي واكفه بكل قوه وشموخ وكبالك هي الي مسلوب حقها مو اني وكالت اي خاله هي هي انصاف ضحكت المره وكالت - صدك ماتت اختج هزيت راسي واني خايفه منها لان منضرها يخوف ضحكت وكالت اييه الله يرحمها ولو ماعتقد هذا الشي لان حالها حالي واني وياها بنار جهنم هههههههههههااي صفنت عليها وكمشت ايد جوري بخوف منا الصخونه والدوخه موتني ومنا هاي وكلامها جوري : اي خاله سولفي شتعرفين عنها باوعتلي المره وضحك وكالت ايي انصاف طلعت احلا من الصور شلونه رجلج بعده عايش مو انتبهت يامن يباوعلي بنص عين خفت وباوعتلها وحجيت انتي شتردينننن هااا اي بعده عايشششش وعن يا صور تحجين - الصور الي جابتهن اختج الي حته اسويلكم ماكملت كلامها وسكتت حجت جوري وهي تباوعلها - احجيييي ليش سكتي كمليييي احجييي فضيهاا يامن : اوكفي جوري اوكفي احم اي ياااا شنو اسمج - نرجس يامن : ههه نرجس بريئ منج هذا الاسم وينج وين نرجس اي تعاي تعاي خل انطب عدنا حجييي هوووواي هووواي ضحكت هي وكالت اي تفضلوو طبينا واني لسه كامشه بيدي جوري وهي تهدي وتقوي بيه انتبهت ع يامن طلع دزن فلوس حطهن ع الطبله فتح تلفونه ماعرف شنو سوه بي ورجع كمشه بيده وكال يامن : ايي هذني مجرد هديه بسيطه وبعدين يجيج الباقي بس هاا اذا حجيتي كلشي وماضميتي عني ولا حرف اطيج اضعاف اضعافهن وهسه سولفي كل شي من يوم الي اجتج رانيا لهذا اليوم ....... يتبع قرائة ممتعه احبتي هذا نص بارت و باجر النص الثاني ينزل باجر بليل نص بارت مفاجئ الي طلبو مني بارت مفاجئ كتلكم كلبي رجيج هههههه هذا الحكت اكتبه وباجر بليل التكمله غلسو ع السحكات لان ماصححته وميته نعس 😂😂 وهذا الفيديو هديه من احد المتابعات الابطالنا #تعاليلي و بعلاة الصوت صيحيلي ، اجيچ اركض ركض فلاح شبت نار يم گاعه . انصاف : باوعت ع يامن واكف يباوع التلفونه قبل لا تحجي المره دك تلفونه - دقيقه وحده واجي مشه خطوتين وصار شويه بعيد رجعت كم خطوه لوره احاول اسمعه ويامن يحجي سمعته يحجي بصوت ناصي بس عصبي - داكلك تعااال الواسط لا تخليني اعصب انت شنو ماتفهم .. اي اي تعال عدي وياك كم شغله لازم تعرفها وتسمعها .. اي انتضرك بسرعه اخذ اجازه اجل شغلك يوم واحد وتعال سكت وسده رجعت وكفت عدل ويامن يحجي معقوله ويه نصر وكلشي راح يثبت برائتي والله راح يطلع كلشي رجع يامن جر كرسي وكعد وكال اي احجي اسمعج - شنو احجي - بطلي لف ودوران واحجي فضيها اشر عليه وهو يباوعلها هاي هم اجتج وطلبت منج سحر اسوين الرجلها ابتسمت ودنكت شكد قاسي هذا الشعور ضحكت وكالت - شنو هاي هههه منين جبتوها لا عيني لا اصلا هاي اول مره اشوفها بس شايفتها بصور هواي - احجي لا اضلين ساكته شنو سويتي وشنو طلبن منج بلحرف الواحد - ماشي احجي بس هشي يضل بينا - تدرين انتي هسه اذا ما حجيتي راح اسوي شغله وهي اخابر الشرطه تتصرف وبعد بكيفج باوعت عليه واني مصدومه هذا شيسوي شنو يخابر شرطه يريد يفضحني كدام المنطقه ردت احجي بس دك تلفون يامن شاله وهو عصبي صاح - هاي شبيييك داكلك تعالل تفهم لو لاا صدك تحجي انت شوداك لسليمانيه لكككك اخ ربي رووح روح نصر اني غبي ابن 16 غبي اخابرك درووووح سده واجه كعد عصبي صراحه اول مره اشوف يامن هيج وهو دوم يضحك وشقاوجي حته نصر يكول بنص الجد والتحقيق هو يحشش ويضحك بس اليوم استغربت من شفته عصبي هيج صاح مو وياج انيي احجي فضيهاااا سكتت هي ومبين خافت جوري مجتفه اديها وتباوع صفح ما عاجبها ماحس غير بيامن كسر تلفونه وشمره بلحايط وهو يصيح احجيييي ولج فضيهاا احجييييي نزينا كلنا واني رجعت لوره من خوفي صراحه طلع يخوف مثل نصر اذا عصب دمارات وجهه كلهه طلعت وشكله كلش عصبي كعدت هي وحجت خايفه ترجف - ئئ مره اجتني وحده هي وبتها وعرفتها ام عمار ورانيا جانن يرجفن وخايفات هدئتهن واطيتهن مي ضلن ساكتات فوك الربع ساعه بعدها حجت بتها رانيا وهي تكول - اريد منج اسوين عمل يخلي حماي يقبل يزوج اختي رفضت لان هذا الشي مو سهل وهي ماتريد غير بس يقبل يزوج شلون اسوي هيج حاولت وياي وقبلت بعد مااطتني فلوس هواي سويتلها واحد وجان فقط علمود يوافق يزوج اختها وره فتره خابرتني وهي تكولي اريد واحد الاختي علمود تقبل تزوج رفضت لان هذا الشي راح ياذيهم اثنينهم بس هي عاندت جنت اسوي بي وخابرتني كالت مايحتاج لان قنعتها وره فترا اشهر اجتني وكالت اريد منج اسوي عمل ماريده يسمع كلام اي احد ويكوم يدير باله ع بناتي بس ماريد هشي يبين وهم نفذت من شفت الفلوس وراها اجت كالت اريد عمل قوي يخلي مايسمع كلام مرته ولا يصدكها بس ماريده يطلكها هشي جانن صعبات لان ماكو هيج طلبات بس علمود الفلوس سويت كلشي واستخدمت كل انواع الموجوده عدي ونفذت طلبها بس وره فترا اجت تبجي ع ان رجلها عافها وتخاف لا ينكشف كلشي والي سويناله العمل خاف يكدر يتخلص منه كتلها لا تخافين رجلج عوفي عليه بس هذا ماكدر اسفه لان اذا جازفت وسويتله عمل لخ يموت ويروح وانت ماتردي يموت صدك هي انسحبت وحته الزوجها ما سوت بعد وكامت ماتجي ومن اخابرها ع فلوسي لان اطلبها جانت اتكول اي واي وماكو مادز لحد ما هدتتها افضحها وهذا الشي قبل لا تموت امها اجت و جابتلي ذهبها هذا كل شي اعرفه خلصت المره حجي ومانحس غير جرت سجيه جانت ع الميز الي بصفها وحطتها ع ركبتها طفر يامن وهي ضحكت وكالت - عبالك مادري بيك انت تريد تسجني بس اموت واروح لجهنم وماخليك تسجنييي فاااهم كمشت جوري واني ارجف خايفه واحس الصخونه ادك بعضامي وكوه واكفه ع رجليه كام يامن يحجي وياها ويتقدم لحد ما طفر عليها انتبهت عليه انشخطت ايده بس نا وكف جر ايدها الي بيها سجينه وكمشها وخلاها وره ضهرها وصاح خابرن الشرطه بسرررعه جوري : ماعرف الرقم وتلفونك كسرته شلون اخابر - مو وكت ثول جوريي طلعي تلفونج ودكي ع هذا الرقم وفتحي السبيكار جانت تتلوه وهو كامشها وجوري ادك وهو يرد الها الرقم واني جسمي كله يرجف معقوله الي ايصير ما كاعد استوعب اي شي احس روحي بحلم مو حقيقه احس روحي بفلم اجنبي ههه مو كانما حياتي هاي حسيت ع جوري من دكت وفتحت سبيكر وهي كامشه التلفون ومادته اليامن ويامن كامش اديها الهاي الي اسمها نرجس وهي تتلوه وياه حته يهد اديها وهو كامشها حيل حجه وياهم ودلاهم ع المكان وسده بقينا هيج فوك الربع ساعه وكلساع ضاربه يامن وتريد تشرد ويرجع يامن يكمشها جان الببت فارغ ومابي اي احد بعد ما مرت فوك الربع ساعه اندكت الباب باوعت ع جوري وهي باوعت ع يامن كوم نرجس وكام هو هم وهاي بس تريد تهد اديها فتح الباب وطبو 3 لابسين عسكري اخدوها من يامن وكلبشو اديها وهي اصيح وتحجي وتضرب ويامن ينكث بديه ويصفك بيهن ايد بايد ويضحك اخدوها للسياره وبقو يحجون ويه يامن ويامن طلع فد شي من جيبه واطاهمياه وكال يلا ركبنا بسياره واني لحد لان بحالة صدمه ومااستوعب اي شي من الي صار قبل شويه شال ايده يامن وسوه حركه يمسح بكصته وكال اوف واخيرا خلصنها منها نرجوسه خانم اي ست جوري صار وكتج نحقق وياج شلون عرفتي مكانها - اعتقد هشي راجع الي استاذ يامن ياريت توصل صديقتي وتوصلي للبيت وياريت توصل هذا الكلام الصاحبك - هههه صاحبي اتصلت بي وردت يسمع الحقيقه بس هو غبي شسويله طالع السليمانيه وما معروف شوكت يرجع - باوعتله وهمست شلووون وابراهيم هنا مو - لا ماخذه وياه هو ومرته وطالعين عده دوره هناك وماخدهم وياه لان اطول كتله اجلها واخذ اجازه وتعال هي يوم بس ماقبل ومكدر اكوله ع تلفون بس اوصل بغداد الكه حل ابتسمت وهزيت راسي مايهمني بس ابراهيم شلون بي ابراهيم حبيبي لا يالله كلشي ولا ابراهيم مااكدر بدونه والله بجيت وجوري تهدي بيه واني ابجي وصلنا للبيت وجوري نزلت وياي وراحت بقت اتهدي بيه واني حاضنتها وابجي ماعرف عليمن ابجي ابجي ع حظي المصخم لو ابجي ع ابني الي انحرمت من عده وهو عمره 8 اشهر ومن صار عيد ميلاده الاول ولازم اني اول الحاضرين بهذا الحفل مكدرت احضره ابجي ع ابني الي اشوفه كل اسبوع مره وحده وبلختلات خاف يشوفنا نصر ويحرمني من عده ابجي ع ابني الي راح انحرم من عده وماعرف اخباره ولا راح اشوفه بعد لو ابجي ع اهلي وعائلتي الي راحت بلمح البصر وبسنتين فقدت هواي بابا وبعدها اكتشفت حقيقة رانيا وامي وبعدها خسرت نصر وبعدها ابني ووهسه راحن واخذن جزاتهن بس عافني اصارع كلامهم وحدي وما تعبن نفسن يعترفن قبل لا يرحن ماتن واخدن كلشي وياهن واليوم من جنت يم اكثر وحده هدمت حياتي يمكن جان الها الفضل بجمعي ويه نصر بس بعدها هدمت حياتي ههه وتعترف بكل شي بكل فخر وكانما ماكو شي صاير لو ابجي ع اخوي الي اتورط وشايل هموم الدنيا ع ضهره من جهه حب حياته ومن جهه الناس وخطيبته ومن جهه موت اهلي واحد وره الثاني لو عليمن ابجي ع نفسي الي ضيعت سنين شبابي ومراهقتي واجمل سنين عمري بهموم ووجع وحزن وماشفت الراحه ابد لو لو ابجي ع الشخص الي حبيته ودخل كلبي وصار هو كل املي واماني وصار ابوي وامي واخوي وفجئه يتركني بنص الطريق وحدي ويكمل طريقه ويعوفني اصارع بوحدي وما يلتفت ولا يتعب نفسه يسئلني ولو سؤال واحد لو ابجي عليه وهو خلاني لا بسما ولا بلكاع خلاني اسيره تحت رحمته وفوك كل هذا راح ازوج وعافني ليشش هيج ليش شنو الي ماقدمته اله شنو الي سويته واتعاقب هيج لان حبيتك لو لان وفيت وياك لو شنو وهسه يريد يحرمني من ابني اخذه وسافر هو ومرته وعافني اصارع كل هذا وحدي امتحان صعب ربي صعب بقيت ابجي بحظن جوري وهي تهدي بيه دخل عمار وحسيته استغرب اجه عليه بسرعه حظني وهو يسئلني شبيه انتبهت ع جوري تباوعله بعيون تلمع وكامت تخابر اخوها همست واني انام ع رجليه اكتشف كل شي كدام يامن عمار يامن صار يعرف كل شي - شلون عرف كعدني كدامه وهو يمسح دموعي ويهدي بيه كعدت عدل وسولفتله كلشي وهو فاتح عيونه هز راسي وهو يهمس - سهله مادام بسجن هسه هي سهله ولكل حادث حديث طبت جوري وهي تباوع وتنصي وكف عمار وهو يهمس - مشكور خيتي جوري ما قصرتي وكفتي وكفت الاخت ويه انصاف - لا عادي هذا واج بعدها ممكمله كلامها عافها وطلع وكفت اخذتها بحظني واني اهدي بيها كافي حبيبتي انسي ادري بيج تحبي وادري بيج متكدرين توافقين عليه لان آنا صديقتج انسي جوريه حبيبتي هزت راسها وهي تكعد طب عمار وراه حسن ويامن عدلت حجابي وهم طبو يامن كعد وكال - انصاف مساعه بسياره مكدرت اعتذر منج وهسه اني اعتذر منج لان اسئت الفهم بيج وانتي خيتي والله ولو اعرف اخسر كلشي راح اثبت برائتج كدام نصر وخالتي ام نصر عمار : مشكور يامن ما تقصر بس مانريد منه شي غير بس يرجعلها ابنها - سهله سهله هسه هو مو ببغداد وعده دوره بس يرجع يصير الحجي غير كعدو عمار ويامن وعمار سولفله كلشي ليامن اعرف صعبه عليه من يكعد يسولف ع اخته وامه هيج سون بس اعرفه سوه هيج حته تثبت برائتي كدام الكل سولفله شلون رحت اني وكوثر وشلون مخليت امام مادعيت واخذته لساده راحو واني مدتت وحظنت رجليه مشتاقه الابراهيم هوااااااااي مشتاقتله واريده يالله اريد ابني ماتحمل بعده والله غفيت واني الدمعه بعيني جوري : من شفت عيونه العمار وصارن بعيوني حسيت روحي شكد غبيه خسرت كل هذا الحب الي بعيون عمار ليش هيج ليش ماشفت هاي النضارات بعيون احد ابد وهو يباوعلي بس بعيون عمار بيهن لمعه غير شكل بيهن كلام يعبرن عن كل الي بداخله كل هذا كافي وعرفت كلشي يدور بباله اخذت انصاف رانيا وعمار يحجي ويه حسن واني صافنه ع المكان الي اجينا منا معقوله بهذاك المكان اتهدمت حياة انصاف يعني هسه المره الي بعدني دافكر بداخلي وسمعت صرخت انصاف وهي اصيح رانيا انتبهه عليها تركض بتجاهه الشارع وعمار وحسن وراهااا بس مالحكو عليه كمشت انصاف اهدي بيها ومانحس غير بشخطت سياره وصوت عمار الي كطع الكلب اتكطع عافتني وركضت انصاف واني وراها والناس طلعت تركض من وصلت وشفت المنضر الي بعمري ما راح انساه ولا اتخيلت راح اشوف هيج منضر كدامي رانيا ماتت بابشع الطرق صح هي مجرد دعمه بس جان جرح راسها عميق ومليان الشارع بدمهاا والي عرفنا بعدين من الكامرات مشموره وواكعه ع راسها حسيت ع كلمات عمار وهو حاضن رانيا ويبجي وانتبهت ع انصاف وكعت ركضت عليها وحسن اخذنا وطلعنا للمسشفى ورانيا بسيارة الاسعاف كل هذا واني ما مستوعبه معقوله رانيا هيج صار بيها سبحانك يالله شكد ضلمت اختها وانت جازيتها وخليتها اضوك مرارة الضره والرفض من رفضها مثنى وازوج عليها وبعدها عن بناتها وخلاها وحيده واخر شي اخذ عقلهاا منها وخلاها مجرد طفله ضايعه وبهدها موتها سبحانك ربي طول الفاتحه جنت اني المسؤله عنها وماخليت انصاف تتحرك من مكانها ولا تكوم جنت خايفه من خطوتي الي اخذتها بخطوبة يامن وموافقتي عليه بس من شفت عمار بلفاتحه ومن حظن آنا اتاكدت اني اخذت القرار الصحيح لان اعرف آنا راح تكسب كلب عمار وتنسي جوري دعيت من كل كلبي ينساني واني هم انساه لان ماكدر اعيش هيج صح اتاذيت واني اشوفه يحضنها بس فرحت لان مال الها ثاني يوم فاتحة رانيا اجت كوثر وسند و و الصدمه مثنى ونصر هم مردت انصاف تعرف بيهم هنا توسلت بكوثر ما تكوللها لان اعرفها انصاف اذا شافته راح تدهور اكثر واسوءحالتها اكثر وهي منا ماتعجبني حيل ضعفانه وصفره صايره شكد حجينا عليها اني وامي بس هي ولا كانما تسمع الكلام طلعت اشوف حسن وين شفت يامن ونصر واكفين شكد اكرهه النصر لان واحد اناني مفتخر بصلعته ابو صلعه طول ما هم هنا ماخليت انصاف تطلع وحذرت الكل ما يجيب طاريهم هنا امي كوثر آنا حسن ويامن وحته عمار خليت حسن يحاجي مرت ايام الفاتحه ع السريع واني اشوف اختي وصديقتي وحالتها جنت اتهرب من عمار ومن ذاك اليوم من حادثة رانيا من حطيت عيوني بعيونه ومن يومها واني ماحطيت عيوني بعيونه بعد ولا اجرئت ابقه وياه بنفس المكان اولا اني هسه ع ذمة رجال وماكدر اخون ربي مو لسواد عيونه ليامن لا ماريد اخون رب العالمين واحترامن اله وثانيه ماريد اضعف كدامه وخليني انساه احسن اله خلي سعيد ويه آنا اتاجل عرسي بعد 3 اشهر وهيج اني ارتاحيت عدي وقت هواي حته اطلع حجج ع يامن وافسخها لان ماكدر اتحمل كام يجي ويجبرني اطلع وياه واني ارفض بس امي تقنعني شلون تتقربين منه وتعرفي اذا انتي مكابلتني طلعي شوفي اطباعه شيحب شيكره شلون يتصرف واي غلط كوليلي عليه وصدك كمت اطلع وياه بس اضربها ع الصامت مره اخذني اشتراللي ثوب لان انريد نطلع لمطعم وكال عاجبني اتلبسين ع ذوقي عشتووو دخلت الابو المحل وصرت اكلب بثواب وهو يكلب بغير جهه اجه صاحب المحل يبتسم بوجههي وكال - اتفضلي محتاجه شي - اي اريد قياس 38 لهذا الثوب - ماشي حسيت باحد جر الثوب مني باوعت يامن ابتسم وهو يخزر صاحب المحل ابتسامه مع خزره شلون صايره ماعرف وهمس وهو صاك ع سنونه - لا منريد هذا اني اختار جبيبتي تعاي جرني من ايدي ومشه ع الجهه الثانيه جريته منه وهمست شبيك تخبلت - شكو واكفه وياه هااا - يااااامن ترا مو الكل مثلك ماشي عزيزي عفته وردت امشي كمشني من معصم ايدي وجرني حيل عليه ابتسم وكال - شنو قصدج هاا اذكرت قصدج ع ايام قبل مو حجاها وعض شفته واتقرب من يمي يهمس - وعيونج هاي الجنهن دعبله لو يعيد الزمن نفسه اسوي هيج ومااندم بووويه ع الراشدي الي بسياره ياجوري شلون بقيت يومين ما نايم واتلمس ايدي ع نعومة بشرتج - اوي يا روحي سوده عليه غير يستقر استاذ عنتر ويكعد راحه - هههههههههه عنتر شنو ولج - اوو اسفه شبيك اقصد قيس مجنون ليلى بس انت صرت مجنون جوري عشتووو عفته وصرت اكلب بثوابه وهو يضحك اخر شي اختار هو واحد وصراحه اني هم عجبني وجان حلو طلعنا جان المول بي درج كهربائي ومصعد مارضيت انزل بدرج - انزلي ولج فشلتينا -ما والله مانزل ما - عادي جتفي موجود اشيلج وننزل شتكولين حجاها وغمزلي باوعتله بخزره وهمست - لو تطلع نخله براسك ماانزل منا بايعه روحي دشوف شلون يمشي نرجع بلمصعد مثل ما صعدنا - هاااا لو تطلع نخله مو اسويها جوري - شكد تلح كلت مااا - منو يلح ولج هااا شو تعااي جرني حيل ونزلني بدرج واني صحت بس راسا سكت احس رجليه صارن بيهن كهرباء وونه كوه واكفه عليه جلبت بي لا اوكع دخت وهو يضحك عليه واني الدمعه بعيني اول ما وصلنا دفعته ومشيت وهو يضحك عليه اول ما طلعت وطبينا الكراج صار عمار بوجهنا لان الشركه مالته كبال المول والكراج واحد شفت يامن خزرني دنكت وهمست - شلونك عمار - هلا جوري الحمدالله سلميلي ع حسن وخل يخابرني يلا مع السلامه جان يحجي ومنصي راسه سلم ع يامن ومشه واني بدون ما انتبهه ع روحي ضلن عيوني عليه ماحس غير بواحد عت ايدي واخذني حيل دفعني بسياره وركب وركب هو وعيونه نار باوعلي وصاح - بعد بعد روحي حظنييي بت الكلببب شنو طرطور اني بصفج نعااال - شبيك لا تغلططط ع بابا مو يمك وبعدين شعليك انت هااااااااا تعرف كلش زين اني ماحبك واحب بعدني ممكمله كلمتي ماحس غير بوشهه باذني وراسي ع الجامه ضربني راشدي احس خدي لسه يحركني كمشته صافنه وهاي مو اول مره يمد ايده عليه هزيت راسي وكعدت عدل وما باوعت عليه وهم هو مشه وصلني للبيت وكال باجر امر عليج ذبني وشحط السياره حيل حقييييير عفته وطبيت للبيت واني عصبيه ششايف نفسه هذااااا منو عباله والله يالله اعرف غلطت بس يستاهل اتمدتت بفراشي واني ابجي اليل كله ما نمته ليش يضرب ليشش يغلط شكد اكره هذا النوع عباله الرجوله بلضرب والغلط هستوني نايمه دك تلفوني شفته هو مارديت رجع دك شلته بس ما حجيت شي هو راسا كال - الوو احنه خدمه على مودك اتصلنا بيكم حته انصالحك ويه حبيبك اضغط رقم واحد وسوفه نرسل لك باقةة من الورد مع الاعتذر او اضغط رقم اثنين ونرسل لك قبله مليئه بلحب مع الاعتذار ضحكت واني بنص نومتي وهو رد - اخ بويه شنو من ضحكه هاي ولج شمسويه بيه هاااا خاف ساحرتني ها اعترفي يحجي ويضحك ماعرف ليش ضجت هو صاله اسبوع من احجي وياه كل كلمتين وكال شمسويه بيه انتي شنو ساحرتني حجيت وياه من وره خشمي وسديته ثاني يوم من راد ياخذني للمطعم كال اي ست جويريه شلونج همست زينه وكف السياره وباوعلي ماعرف ليش خفت منه وعدلت كعدتي باوعلي وكال جوري اريد اسولفيلي كلشي صار وياج من انخطفتي ممكن ماعرف ليش احس الرجفه احتلت جسمي من فوك لجوه همست واني صاكه ع سنوني لاااااا مو ممكن لان كلها من وراك انخطفت حجه بصوت ناصي ومبين ضايج - جوري اسمعي ماريد اسمع كلمه وحدددده فااااهم ماريدد - ماشي ماشي براحتج سكت واني هم سكتت بس ما مشه بقه واكف رجع كال - صدك عود ليش من اشوفج احس كلبي يطلع من مكانه وكانما تحقق الي شي جنت انتضره من سنين و هسه تحقق وفرحتي بهذا الشي تعادل فرحتي من اشوفج ابتسمت وماجاوبته رجع همس وهو يباوعلي ويضحك - ولج لا بس انعديتي من صديقتج وسحرتيني مثل ما سحرت نصر من كال هيج اعرفه دايشاقه بس اتخبلت ماعرف شبيه بقيت اصيح وخليته يروح ع بيت انصاف ماعرف ليش اتخبلت من كال هيج خل اخذه الهذه الي راحتلها رانيا يجوز تعترف اي تعترف وغصبا ما عليهااا وتطلع برائج انصاف المكان اعرفه اخذت انصاف ومشينااا واني ادلي وافور نار واتعارك وياه احس اني الي انمست كرامتها مو انصاف متحملت وخاصه اني اكرهه هو وصديقه واريد برائة انصاف تطلع اليوم قبل باجر ومن وصلنا الها وطلعت نفس المره الي وصفتها امي الي انصدمت وبقيت مصدومه واني اشوفها تحجي ولا كانما هي سبب بخراب عوائل وناس بس والله شفي غليلي هذا يامن خوش اصرف وياها وكمشها من اذنها التوجعها وخلها تعترف وادور اخذها للسجن طلع ذكي واني مادري بعد ما طلعت الحقيقه كدام يامن قبل لا يوصلني كمش ايدي وكال - اسف والله جنت اشاقى ووعد مني اثبت برائتها كدام يامن - يامن اذا تريدني اثق بيك واتقبلك فرجع ابراهيم الامه لان تبجي الحجر بفراقه - ان شاء الله بعيوني بس قبل كلشي اريد بوسه باوعتله بخزره وهمست داوي اديك لا تلتهب وعفته ونزلت وهو يضحك ويكول اخذها اخذها مو عبالج انساها عفته ومشيت واضحك عليه مرت الايام ويامن يخابر كل يوميه صرت ارد عليه بس ما كاعد اتقبله ابد ماكدر اتقبله كلببي مليان بحب شخص واحد وبس نصر الدين : بعد كل شي صار بعد ما مثنى ازوج واستقر بحياته مكدرت ابقه هيج مجتف ومااخليها تحس بلوجع شويه وجع كلبي الي حسيته من عرفت كلشي صعبه صعبه من تعرف مرتك مسويتلك عمل حته تزوجها وصعبه من تعرف متعاونه ويه اختها عليه كل هذااااا مكدرت اضل ساكت هيج واستخدمت برودي وياهاا طلكتها محكمه وخليتها معلكه واضمنها الي اضمنها تجي تتوسل بيه اطلكهاا ياله اطلكها اريدا شوفها ذليله تتوسل بيه حته اريح كلبي اريد اشوفها تبجي مثل ما خلت ابني يبجي دم عليها لان متعلق بيها مثل ما خلت ابني يتعود عليها وعافته وراحت محد كلها اسوي طفل وتعرف اذا عرفت بسوالفها ماارحمها لو لا ابراهيم جان ذبحتها وخلصت منها بس ماعرف اكو شي بداخلي يمنعني لحد ما فكرت ازوج علمود ابراهيم بلكت يتحسن شويه صاير نحس حيل وما يرتاح اذا ما يروح لبيت سند ولازم كل جمعه اودي هناك لهذا قررت ازوج واجيب ام الابراهيم بمكان امه الي عافته وهم اكسر خشمهاا واخليها تعرف منو اني وما واكف عليها اكدر ازوج غيرها واعيش اله هي ضاله معلكه لا هي مرتي ولا هي طلقتي وهذا انتصار بنسبه الي لحد ما شفت وحه ارمله وماعدها جهال كلت اي تكدر تربي ابراهيم ازوجتها بس اللاسف صارت عركه بيني وبين سند اخوي يتعارك وياي علمود هاي الي سحرتني لو ما امي تتخربط جان علمتها شسوي بيها بس كاعد اطبخها ع نار هادئه كلش ياانصاف ازوجت زينب حلوه كلش بس ماعرف ليش مكدرت اوصل الها خليتها الابراهيم وبس وكتلها اذا شفتج زينه ويه ابراهيم واتعود عليج واتقبلج ساعتها اخليج مرتي من صدك بس شبت بيه النار من دزتلي رسالتها وهي تطلب مني الطلاك وكانما شي عادي عدها اني ازوج حته ما غارت ههه تريد تاخذ حريتها اي بسيطه انصاف خانم كمت اشوف زينب اتحاول بكل المستحيلات حته ترضيني بس اني كتلها اذا ترديني لازم تكسبين براهيم اول بس ماكدرت لان كل ما زايد ويتنحس اكثر واكثر ويتعلق ببيت سند اكثر لحد ما بيوم اكتشفت عن طريق ابراهيم من اخذته من بيت سند جان كامش سوار بيده من انتبهت عليه شايفه عد انصاف وحته مكتوب اسمها بي اتخبلت وعرفت هي اشوفه هنا تعاركت وصيحت واخذت ابني وطلعت واني اكول ابراهيم ليش ماداينساها طلعت كاعده تلتقي بي كل هلفترا والله اله اخليج تحلمين اشوفين اضفر من اضفره الابراهيم وكولي ما كالها نصر يا انصاف بيوم الي اجاني خبر وفاة رانيا جانت صدمه مافرحت لان هاي شماته صح اذتني هي واختها بس الله اخذ حقي منها والله موجود بيومها جان مثنى كاعد من كال هيج طفرت دمعه منعده كام شبك بناته ودموعه بعينه مسحهن وهمس الله يرحمهاا ويغفر اللها واخذ بناته وكام ومن يومها ومثنى اتحول انسان ثاني لا يضحك ولا يحجي ومرته ببيت اهلها همزين حته ماتحس بي اعرف اخوي حبها بس مايكدر يكول هذ اا لشي لان اذتنا هواي الله يرحمها كل ما يمر يوم يزيد كرهي الانصاف واتحلف بيها لان مو نصر الدين طفله تلعب بعقله بسيطه بسيطه اخذت زينب وابراهيم وطلعت للسليمانيه بدوره مال عمل وهم ابعد ابراهيم عنها بلكت ينساها واخلص بلكت ارتاح ويه زينب هي حبابه بس ماكدر اتقبلها قبل لا يتقبلها ابني وكل ما في الموضوعا ريد اكسر خشمها الهاي المغروره الطفله مرت كم يوم واني بسليمانيه حاول يامن هواي يهليني ارجع بسماقبلت لان ماريد اسمع كلمه عنها عرفت الموضوع يخص انصاف لهذا مارجعت لبغداد واتصالات يامن كمت قله ارد عليها وبس وكت الشغل وغيرها ماارد ابد ماريد اسمع حرف عنها ههه لهدرجه وصلت يا انصاف حته يامن جريتي بس اللاسف سفرتي هاي اذت ابراهيم اكثر شي شكد حاولت اني وزينب انخلي يتعود ع الجو وعليها بس جان يرفض وبس يبجي ويضرب زينب كانما يفتهم لحد ما تمرض ووكع بلفراش كمت احير وين اخذه وماخليت مكان واحسن دكتور اخدته بلسليمانيه وهو نفس الشي ماكو اي فائده مريض وبس يبجي لحد ما بيوم خابرني يامن وضل يلح لحد ما رديت انصاف : مرت الايام واني من مرضه لمرضه والفراش ماعوفه وصار ماعدي واهس الاي شي لحد ما كال عمار راح اخذ آنا بسكوت بدون لا هوسه و لا شي لان صاللها هواي وفشله من اهلها والناس بدت تحجي هزيت راسي اله وكمت شويه التهيت بتحضيرات عمار وهذا الشي مر ع وفاة رانيا شهر صح الناس حجت بس مايكدر بعد يضل ساكت لان اهلها بدو يحجون صاللها هواي هي مخطوبه وكل مايريد ياخذها يصير شي لهذا كال اخذها بسكته وبدون لا هوسه ولا شي وصدك حته كرايبنا ماحظرو بس اني واصدقاء عمار وحسن وخاله ام حسن حته جوري مااجت عرفتها متكدر الله يساعد كلبهم فرحت من قرر عمار ياخذ آنا ع لاقل يجي الي شخص بلبيت ماابقه وحيده لان من صدك راح احس روحي اتخبلت حاظنه روحي وابجي وبس اهمس باسم ابراهيم فراكه اخذ كل حيلي وعايشه ع المي ولفة الصبح اكلها غصب من عمار قبل لا يطلع ولفه بليله هم ع العشه وهم اذا اجت اصغر من جف ايدي بيوم عرس عمار رحنا اخذناها واجينا جانت لابسه بدله بيضه وطالعه تخبل هي لا طويله ولاكصيره عيونها كبار وبيهن لون وجسمعها حلو يعني جمال واخلاق وعمار يستاهلها غطيتها بلبرنص مالتها واخذها عمار وطلعنا دخلناها للبيت بدون لا هوسه ولا شي احتراما الرانيا بجيت من شفت اخوي الدموع بعينه دعيت الله يسعده ويه هلبنيه ومايضلمها دخلت لغرفتي واني افكر مشتاقه الابراهيم هواي صاله شهر بلسليمانيه وماعرف عنه شي متحملت دزيت رساله النصر واديه ترجف 💬نصر اذا عدك ضمير وكلبك صدك يحبه الابراهيم مو الي لخاطر ابراهيم خليني اسمع صوته فدوه والله هو ممتعود ع فراقي بس اطمن عليه فدوه دزيتها واني اديه ترجف ابني نقطة ضعفي وماكدر بدونه ابد شويه ورن تلفوني هو اي والله هو هو ماصدكت ا ريدا فتح خط ماعرف تيهت كلشي فتحته راسا وحطيته ع اذني واجاني صوته يبجي مماما اينث ( وينج ) يمه من سمعت صوته شلون رايح ويرجف يبجي همست ابجي ياروح امك انت ياروحي هنا موجوده اشتاقيتلي موو هاا شوف هاي اني مجوده شلونك هاا ليش هيج قاسي رحت وما فكرت بيه هااا يلا عادي كولي شلونك امممم تريد اسولفلك قصه وانت تنام هاا مثل كل مره طول ما اني احجي هو يشهك ويصيح ماما بديت اسولف اله قصه وهو جان يسولف ويضحك بعدها صار سكوت و هدئ عرفته نام داحجي وحسيت التلفون سوه طوط طوط طوط باوعت سده عابت دومك خشم عشتوو يلا اهم شي سمعت صوته الابراهيم حبيبي كمت طلعت وصارت آنا كبالي ومبين باجيه عيونها حمر جريتها وكعدتها شبيج حبيبتي - مابيه بس اشتاقيت الاهلي - متاكده - اي والله - شمكعدج بهذا الوكت الساعه راح اصير 3 الفجر - هاا مو هوو شفتها دنكت عفتها براحتها - كومي كومي انتي عروس كومي ارتاحي وديري بالج ع عمار ترا عمار خوش عمار هزت راسها وكامت دخلت حسيت بدوخه بس سيطرت ع نفسي ودخلت للغرفه اتمدتت وغفيت واني مرتاحه لان سمعت صوته الابني حبيبي واني ابتسم ماتكدر يا نصر الدين ماتكدر تهز شعره مني بعد لان انصاف الي تحبك ماتت وضلت انصاف جديده ماتكدر تكمشها من ايدها التوجعها وراح ترجع ابنها ……… يتبع ،،،،،وللحكايه بقيه ،،،، قرائه ممتعه احبتي تصويتاتكم وتوقعاتكم وتعليقاتكم #نور الشمري #نوشه التعديل الأخير تم بواسطة لامارا ; 09-12-20 الساعة 03:22 PM | ||||
|
| |
|
08-12-20, 04:58 PM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت السابع والعشرون بقلمي #نور الشمري #لاتنظر إلى عيناي ،، فيهما من العتب ماقد يقتلك ..🖤 انصاف : كعدت الصبح واني احس بنشاط مو طبيعي وخرت شعري وشديته كبايه وكفت كدام المرايه واني بالي كله راح ع ليلة البارحه وصوت ابني حبيبي يرن بادني ماما اينث ياروح امك انت بس انتضرني والله اله ارجعك لو اعرف ادفع كلشي في سبظل ارجاعك يا عمري طلعت من الغرفه واني مبتسمه شفت آنا واكفه تحظر اليوك عكدت حاجبي ومشت الها الساعه 8 ونص - شمكعدج انتي هاا يلا يلا بسرعه كعدي انتي عروس وميصير تلمسين شي - هههه او انصاف لا تخاذين دور الحمايه ماعرف اكعد واسكت - لا حبيبتي لا ماكو شغل يعني ماكو عود من تطلع السبعه مالتج ادور ادك عليج شغل وارجع لوره من الـ 5 الفجر اكعدج تخبزين وتحلبين البقر واجيبين بيض - ههههههه عادي عادي اصلا متعوده ع الخبز لان اساعد ماما جنت ضحكت ودخل عمار يفرك بعيونه - شنو هذا الحماس الي عدجن من صباحيات الله ضحكجن واصل السابع جار باوعت ع آنا وهمست بلا هذا عريس دشوفي شلون وجهه ميكصه سيف جنه هذا الي بفلم القراصنه - عزا انصاف اليوم انتي شبيج مو صاحيه اشك بيج حجتها وحطت ايدها ع كصتي وعمار عكد حاجبه وكال - شنو شبيج انصاف صاير شي - لا حبيبي ماكو شي بس مرتك اضاهر فقدت عقلها وكاعد اطلع مواهب الدكاتره براسي ههههههه انتبهت عليهم محد ضحك عمزر دنك ياكل وهو يتحمحم وآنا واكفه والدموع تلمع بعينها وتبتسم شكيت بلوضع واكو سالفه بلموضوع اكيد مو خاليه ولازم اعرفها لان ثنينهم مو ع بعضهم يويت لفه وعفتهم وطلعت صاحو وراي وين - مااشهي اريد انضف عمار : انصاف اكلي وحل وتعاي ازقنبي يلا دشوفي شلون صايره جلد وعضم صفره مامرتاح ابد الوضعج وخاصه الدوخه ترا اهرف بيها عزااا رجعت للمطبخ باوعتله منو كلك ع الدوخه هااا ترا والله مابيه شي مجرد دوخه عاديه - انجبي انصاف وكعدي اكلي يلاا كافي عايشجه ع اللفات الي اصغر من جف ايدي ومرتين بليوم اكلي يلااا بلا كلام ولا حرف باوعتله مبرطمه وهو مدنك ياكل وآنا تضحك عليه بسيطه كعدت اكل واني صافنه منو كال اله ع الدوخه خلصت اكلي واكلت ماعون الببض كله والجبن طيرته نصه وكرصه ونص خبز باوعتله واني اهمس ها هذهو اكوم - ولي لج عبالك هي الي غير الج اني شريد وكفت وراه واني احضنه وابوسه من خده فدوه الاخوي الي يخاف عليه اروحلك عشر فدوات آنا : وبيمن ترجعين بستوته لو سايبه - هاهاهاهاها مضحك لا بجاجر حبيبتي وحركت ياخت تراكي وهم بضحكون عليه صدك اليوم عدي واهس مو طبيعي بعد ما سمعت صوت ابني البارحه كلشي اتغير شهر اني ماسامعه صوته وشايفته بس هسه لا اختلف كلشي وصار عدي امل اشوفهه الحبيبي برهومي عسى ولعلى ابو صلعه يحن ويرجعلي ابني طلعت نضفت وآنا كلساع تريد تشتغل واضربها ع ايدها امنعها من الشغل وهي تضحك واتكول - والله ضجت شنو هااي خل اساعدج - خيه هسه يجون اهلج وكرايبنا هم وانتي بتراك امشي وليييي اول مره اشوف عروس بصباحية عرسها لابسه تراك وتفتر اتريد اساعه عمار : ههههه ولجن شبيجن من الصبح لسه بس اصيحن - عمار اخذ مرتك وطب للغرفه لا والله اخليها تمسح البيت وتكرفه كرف من هذا الزين وقد احذر من انذر وما ع الرسول الا البلاغ - بابا دطيري قوتجمطلعتها ع هلمكروده هاي تعاي ولج شعدج ويه هلمسوده هاي طبي للغرفه طبي - عمار صرت مسودنه مو اي استغليت الفرصه بسيطه - اي ديلا يلا ههههههه طب لغرفته وهو يضحك وآنا تضحك وراه يارب ديم هذه الفرحه كملت تنضيف وحسيت الباب اندكت طلعت فتحتها شفتها ام آنا واختها الجبيره وخالتها طببتهم واني ارحب بيهم ورحت اصيح الاآنا دكيت الباب اجاني صوت عمار - خير ياطير شعدج لا بس تردين اتكرفين ع مريتي المكروده - اوي عيني لا تخاف مااكلها بس اهلها هناا هو راسا فتح الباب منو هنا - شبيك ههههه هاا - امشي ولي لج هسه نطلع انسلم - اي خوش بس طلع البنيه سالمه امها هنا - ولج طالعه عينج اوكفيلي عفته ومشيت واني اضحك مبين عليهم دايتعودون ع بعض طلعو وعمار سلم وطلع واني وآنا ضلينا كاعدين يمهم شويه وكامن - يا خاله وين غداكم هنا - لا بنيتي ميصير غير مره انشاءالله احنه نعزمكم وياهلا ومرحبا بيكم -طلعن واني وآنا طبينا باوعت عليها وكتلها اي شبيج البارحه بليل تعاي سولفيلي - مابيه والله شبيج - زين ماشي ائئئ خجلت اسئلها اذا عمار اخذها لو لا بس شعجت روحي وسئلتها هي دنكت خجلانه وسكتت باوعتلها صافنه وانتضر جوابها كعدت عدل وهمست - لاااا - صفنت عليها الدموع تلمع بعينها خفت لا اخوي مجفص كدامها وكايللها شي انتضرتها تحجي وهي هم حجت وباوعتلي - من دخلت وبدلت ملابسي كعد هو وكال خطوبتنا صح طولت بس ماكدرنا نتعرف واني ماضغط عليج راح اعوفج براحتج وما اتقرب الج لان اعرف انتي خايفه وهشي عادي واعرف انتي هم متحبيني خل نتفق اتفاق نبقه اصدقاء وعادي هم اذا تردين حبيبين وغمزلي بس لحد ما واحد يتاكد من الثاني من مشاعرنا ساعتها نتمم زواجنا من صدك هاا وكتها مكدرت احجي وخجلت من عده هواي مكدرت اكله اني احبك واريدك الخجل سيطر عليه وكرامتي هم مسمحتلي اعترف وهم ميحبني عفته براحته بس ياانصاف هذا الشعور يبجيج من اسمعين الشخص الي اتحبي ما يبادلج بلمشاعرج وازوجج فقط كدام الناس ونتنضري شوكت يحبج انصاف خايفه يكون يحب غيري والله ماتحمل وكتها واتركه لان مو اني الي انفرض غصب ع الشخص وهو يحب غيري وخاصه اذا بسببي ما كدر يحصل ع البنيه الي يحبها اموت والله - اش لج شنو هذا الحجي عمار راح يحبج صدكي انتي اكسبي الج وشوفي شلون راح يحبج وينسه كلشي -يعني هو يحب - شوفي انوشه حبيبتي هو صح يحب بس حب طفولي وماكو اي شي بيناتهم بس نضرات عيون ومامقسومه اله لان انتي نصيبه وقسمته فهمتي - منو هاي الي كدرت تاخذ كلب عمار يهنيالها حجت هيج وبجت حظنتها اوي انو لا اضوجيني لان حجيتلج صيري سبعه واكسبي وخلي ينساها ويحبج لان حته هي شافت طريقها ويه غيره ماشي هزت راسها اي وبوستها اريدج قويه دنحجي وطب عمار ضحك وكال هاي شنو اللمه للعصر اجت عمتي وكرايبنا هم براكو الـ آنا وضلو ع العشه راني اركض منا ومنا واجه الليل واذكرت ابراهيم الي جنت ناسيته طول النهار وملتهيه بشغل وماخليت بالي يمه لان راح ابجي بجيت وغفيت والدمعه بعيني وكعدت الصبح احس وهم قويت نفسي ماريد ابين ضعفي كدام احد وراح ارجعه الابراهيم الحظني عدلت نفسي وطلعت مرت الايام وطلعت سبعة آنا وعمار رجع للشغل وآنا كامت اساعدني بشغل البيت واني ضليت بنهار الهي نفسي وخاصه بهذا الاسبوع بين الخطار وبين عمار ومرته وبين شغل البيت كدرت اتناساه الابراهيم بس مو نسيته لا بمجرد ما اصفن يجيني صوته وبجيه وهو يكول ماما اينث اااخ يالله جانت هذه حالتي بنهار وبليل اطلق صراح دموعي وابجي واشكي الغرفتي احير شنو اسوي ساعه ابجي ع السجاده وادعي واعرف الله دايعاقبني لان كذبت عليهم وصرت شريكه وياهن بس مو بيدي والله مو بيدي خفت خفتتت اليوم طلعت السبعه ومرت 7 ايام ع هذاك اليوم الي سمعت بي صوت ابني حبيبي جنت متجيه راسي ع الحايط وسمعت صوت تلفوني دك رساله شلته واني ضايجه وبدون مادري منو فتحت الرساله مكتوب 💬كاعده اكدر اتصل انتبهت ع الاسم نصر لاااا يالله لاا مداصدك نصر هذا نصر اي والله نصر هذا نصر والله نصر وكفت ع حيلي واني ممصدكه ابارع ع الاسم ومادري بروحي ابجي واضحك 💬 اي كاعده فدوه خل اسمع صوت ابني دزيت الرساله ثواني ودك وكف كلبي ويه دكات الفون وبقيت صافنه ممصدكه نفسي واحس روحي بحلم مو حقيقه فتحت الفون واني ساكته وهو ساكت استغربت هذا الششي بس ماحجيت اسمع صوت انفاسه بس صميت حلكي لا يطلع صوتي وصرت ابجي بكتم وصوت ناصي سمعت صوت بنيه يمه غمضت عيوني وعرفتها مرته ااااخ ع هذا الشعور صارت دموعي تنزل عشره عشره ومكدرت اسكت شهكاتي اكثر وطلعت مني شهكه اتعادل سنين عمري الي ضيعتهن لحظات وسمعت صوت ابراهيم يبجي ويصيح ماا لاا ابتسمت وهمست برهومي سكت هو بعد ما جان يصيح ويبجي وبقه ساكت ضحكت وادموعي تنزل ع خدودي صرت احجي واضحك وابجي سوه شعور ماعرف شنو افسرها بس شعور قاسي وبنفس الوكت حلو ماعرف بس مجربين هذا الشعور من تضحك وتبجي سوه وانت تحجي ويه الشخص الي اتحبه اني شعوري هسه ويه ابني هيج برهومي حبيبي صرت احجي وياه مستحت دموعي كوه وكفن واني احجي وياه وهو يسولف صح ماافتهم عليه شي وكلمه افهمها وكلمه لا بس فرحانه كلش بهذا الشعور فرحانه كلش من سمعته هذا كافي والله كافي بنسبه الي حسيته سكت وانفاسه اتنضمت عرفته غفه حبيبي الساعه بـ12 خليت الخط مفتوح وغفيت ع انفاس ابني الي انحرمت من عده صالي اكثر من 9 اشهر اني محرومه من عده واشوفه بلختلات وهسه كمت اسمع بس صوته مرت الايام همسه ادزلي صوره ضعفان حيل حبيبي من اسئلها منيلج الصور اتكلي اطلب من عمو يدزهن الي ويدزهن لان يعرفني متعلقه بي هواي بس الصراحه اطلبهن علمودج ضحكت ممصدكه الله ياخذ مني ناس ويعوضني بناس من ذهب يجننون ومرت الايام اششوف ابني بصور ومل يومين او ثلاثه يدك عليه واسمع صوته ماعرف ليش حن كلبه وهيج يسون من سولفت العمار كال - صدكي ميكدر يربي لان ابراهيم طفل متمرد اتعود عليج ومستحيل ينساج ومتمرد ومدلل يعني الي يريده لازم يحصله ومبين هو كمش ابوه من نقطه ضعفه ونصر يعز برهومي كلش وميكدر يردله طلب وابراهيم يريدج صدكي خليج هيج وهو يجيبه الج بديه هزيت راسي واني مقتنعه بهذا الشي ومر شهر تقريبا ع زواج عمار وآنا وهم نفس ما نم يسوللفون يضحكون يشاقون آنا سرت روح بلبيت بعد ما جان مهجور ومابي روح رجعته الايام قبل وكامت الضحكه ماتفارق جدران البيت بس احس بيهم لسه عمار يعاني من حبه برغم من جوري ما اجت بعد ابد وبس ع الفون واذا اريد اروحلها اني ومن سئلتها كالت خلي ينساني ويعيش حياته لان مادامني كدامه ما ينساني وصدك من وفاة رانيا وهي بعد مادخلت لبيتنا عمار ااخ ياعمار بعيونه حزن مو طبيعي بس مبين عليه اتعود ع انو لان آنا مامقصره بشي وداتحاول بكل الطرق حته تكسبه وتخلي يحبها لان داشوف نضرات الحب بعيونها ام اني عايشه ع اتصالات ابراهيم شوكت ما يحن كلبه النصر ويدك ويخليني احجي وياه وع الصور الي ادزهن همسه الي بس طول هاي المده ما حجيت ويه نصر كلمه وحده من اشيله ابقه ساكته لحد ما يجيني صوت ابراهيم ياله احجي وهيج مشت الايام لحد ما بيوم جنت احظر روحي ع الدوام لان مابقه شي حسيت بدوخه هلايام خافه عدي بس اليوم دخت لان ماماكله شي من الصبح طلعت اشتري ملابس ومن اجيت التهيت ويه آنا بلغدا لحد ما دخت كعدت بصاله وآنا انتبهت عليه اجت تركض وهي تعاتب بيه - كالج عمار خل اخذج لدكتور ماقبلتي لج شجاج متكليلي - لج مابيه والله دوخه عاديه - عليه ولج صايره ليمونه دشوفي شكلج وفوك كل هذا عظم صايره جنج مومياء والله حته الي يشوفج يشرد اليوم غصبا ما عليج ترحين للدكتور لا والله اخلي عمار يجتفج وياخذج - والله انتي وياه اسوها لان ثنينكم نفس التفكير - اي لعد شعبالج حبيبتي غير مرته - هاها ولج احجي اضاهر اكو تطورات - لا والله ع حطت ايدج حصراء قاحله يابسه ههههه حته بوسه ماكو - الله كريم والله يجي يوم من الغرفه ما يطلعج وغمزتلها - كوومي لج صدك طالعه عينج انتي عافتني وكملت الغدا هي اجه عمار اتغدا وهو كلساع يغمز الاآنا وهاي بس تتمضحك واني مثل الاطرش بزفه كلشي ما فاهمه بسفرحانه لان داشوف الفرحه بعيون اخوي خلصت ووكفت اغسل الماعين صاح عليه رحت عليه وهو يباوعلي - حظري روحج العصر حجزت الج للدكتور - باوعت ع آنا وخزرتها وهي تضحك بسيطه هزيت راسي ومشيت كملت الماعين وهي كل مشوفني تشرد لان تدري راح اكتلها وارزلها العصر بدلت ملابسي وطلعت وياه للدكتور واني احس كلبي يرجف سئلته واني اطرد الافكار المو زينه من بالي - عمار شعرفك اني صالي فتره ادوخ - مو فترا انصااف صالج اشهر انتي ع هذا حالج اشهر وحته من جنتي بلمعهد عرفت فقدتي الوعي ليش هيج ماكتليلي - ماردت اخوفك واني والله زينه - انصااااف زينيشششش هااا اسكتي رحمه الابوي سكتي سكتت وصلنا للعياده جان حجزنا خامس واحد بقينا ننتضر لحد ما اجه سرانا دخلنا واني خايفه مجلبه بادين عمار وهو يباوعلي ويطمني بنضرات بمعنى اني موجود لا تخافين دخلت جان رجال جبير والشيب مبين بشعره يطلع عمره بلااربعين باوعلي وكال اي اتفضلو حجه عمار وياه وشرحله حالتي هز راسه وباوعلي وكال سوي هاي التحاليل وجيبوليها كام عمار وهو يحجي وياه والدكتور يطمنه طلعنا لابو التحاليل اخذو من دم عمار ضحك وكال هاا ولج شعجب ماخفتي ابتسمت جنت اخاف من الابره كلش بس هسه اتغير كلشي وصرت ماخاف من شي غير بس ان افقد احد من الي احبهم - عموري كبرت الطفله انصاف راحت من زمان هسه اني شابه وام هم - ههههه بعد ما سحبو دم مني اخذوني لغرفه الاشعه الراسي جنت نايمه واحس كلبي راح يطلع من مكانه خايفه خايفه يكون بيه مرض مو زين خلصو وكالو يومين وتكدرون تاخذون الاشعه والتحاليل اشكر منهم عمار وطلعنا رجعت للبيت واليومين عدن بخوف وحزن وقهر ودموع آنا وعمار وحته جوري ما تركوني ابد ويطمنوني كوثر ما كتلها لان ماريد احد يعرف قبل لا اتاكد من كلشي خلصن اليومين واني من صفنه الصفنه وحته نصر ماتصل حته احاجي ابراهيم وهشي زاد عدي الخوفه طلعنا اني وعمار اخذنا التحاليل والاشعه ورحنا للدكتور وكلبي يدك الف بثانيه دخلنا للدكتور وهو ابتسم اسالم ويه عمار واخذ التحاليل فتحهن وهو مبتسم بقه صافن بيهن واني خايفه كامشه ايد عمار حيل واعصر بيها شال راسه وابتسم - شبيج بابا خايفه هههه تحاليلج مابيهن شي بس عدج فقر دم حاد ليش هيج ها بابا مامنتبهه ع نفسج صايره سفره وعضم مو خوش ابد شوفي بابا الدنيا كلها ماتفيدنا كد ما صحتنا اتفيدنا اذا طحتي تتصورين احد راح يشيلج صدكي يجوز يشيلوج يوم شهر سنه ويجوز سنتين بس يجي يوم ويملون من عدج ويشمروج اريدج قويه وتاكلين ونتبهين ع نفسج هسه اني راح اكتبلج ع نضام غذائي واطيج علاج ولازم تلنزمين بيهم ماشي هزيت راسي اله وهو ابتسم عمار ساكت وكال دكتور والاشعه مال الراس - ايابني هسه اشوفخه الباقي سهل اهم شي اتاكدت من تحاليل الدم نضيفه لان خفت يكون عدها لا سامح الله مرض مو زين بس بطله مابيها غير العافيه ويتعالج هذا الشي وهسه نشوف التحاليل فتح التحاليل وغابت ضحكته وهنا حسيت روحي متت من اكثر اللحظات الي مريت بيهن رعب جانت هاي اللحظه من تنتضر الشخص المقابلك يكولك يا اما راح تموت يا اما مابيك شي عصرت ايد عمار حيل رفع راسه الدكتور عليه وابتسم وهو يكول العمار هاي شبيها راح تبجي - لج بابا متصورتج هيج جبانه تدرين اطفال يجوني ما تنزل دمعه منهم لان واثقين برب العالمين وانتي يائيسه من الحياة ليش هيج - دكتور انت خوفتنا من الاشعه بيها شي - اني ماريد اخوفكم بس ثق مابيها شي وشي عادي وبسيط هي عدها فطر بجمجمه وهشي مبين بل اشعه بسبب ضربه متعرضه الها ترا شي عادي وبلعلاج نتجاوزها وحته نكدر انسويلها عمليه بس اول شي نمشي بلعلاج واحمدي ربج هو خدش خفيف بس اهم شي ما تقهرين وتحاولين اديرين بالج ع نفسج لان هذا اهم شي للعلاج - دكتور يعني شي يخوف - هههه لا بابا كتلك شي عادي فطر او خدش بجمجمه سهل جدا وماكو داعي للعمليه حته بس اهم شي ما ترهق نفسها ولا تقهر نفسها هذا اهم خطوه للعلاج والحمدالله ع سلامتها مثل ما وصيتكم وهذا الوصفه مالتها - مشكور دكتور ماقصرت يلا نصوفه وكفت واني صافنه منين اجاني هذا الفطر معقوله من ضربني نصر وطحت بلكاع وانضربت بلمحجر مال الدرج اي لان ما واكعه ولا متعوره براسي غير هلمره زاد كرهي النصر لان بسببه صار بيه هيج اكرهك نصر اكرهك انقطت كل اخباره وماعاد يتصل واني كلبي يفور ع ابراهيم واريد بس اسمع صوته صالي اسبوعين من رحت للدكتور وحالتي اتحسنت كلش وكمت اكل اي شي اشوفه كدامي بسبب العلاج وخاصه العلاج بي هرمونات وآنا مستلمه وقت العلاج وضبط اجيبه وتجي حته اخذه وتوكف فوك راسي خاف ما اخذه وبسبب العلاج كمت اكل هواي وبسبوعين زاد وزني ورجت سمنت وجوري ادزلي وصفات بشره وخلطات طبيعيه بلكروب الي بي انني وجوري وآنا وآنا اتكول اي بس نطلع نشتري ماصدك وصدك خلت عمار ياخذنا للسوك واشترت كلشي خلطات ودهون وماعرف شنو وبدت تحط الي والها اتفتح وجههي وصرت انسانه ثانيه اختلف جذريا مامصدكه بروحي هاي اني حته عمار كال اكيد بدلوج ههههه جنت كاعده اكل وانو بصفي باوعتلي وكالت - انصاف اريد اكلج شي بس اخجل - شنو حبيبي كولي لا تخجلين - ائئ اريد اعترف بحبي العمار ماتحمل بعد صالنا شهر ونص مزوجين وهو ماكو مدايحس بيه ابد ويعاملني مثل ما يعاملج - والله انو انصحج ابد لا تخطين هذه الخطوه وخلي هو يعترف الج اول ابقي هيج لان داشوف اخوي دايميل الج - صدك - اي والله حته نضراته الج داتختلف احسه بده شويه شويه ينجذب الج - انشاءالله انصاف فرحتيني والله متصورين شكد فرحت - لج والله عمار كلبه كلب طفل بسرعه ينكسب ومايتعب احد ويتعلق بشخص بسرعه انتي جربي وشوفي شرايج ترحين البيت اهلج كم يوم والله هسه شوفين شلون عمار يضيع بدونج هههههه - اي والله كلبي ميت عليهم من ازوجت لسه بس مره رحتلهم - خوش لعد يلا حظري روحج وهم من ترجعين انفكر بعرس جوري لان بعدلها شهر - اووو بعد شكد يمعوده - اي شهر غمض عين فتح عين خالص صدكي الايام تركض ركض والله - انشاءالله عفتها ودخلت لغرفتي شفت تلفوني يلمض فتحته رساله من نصر ومكالمه احس كلبي دك بسرعه يمه ابراهيم اكيد حبيبي دكيت عليه شويه ورد ابراهيم عليه صاير يحجي بس مكسر وكوه افتهم عليه حبيبي صالي شهرين ونص ماشايفته ياعمري انت برهومي شوف تعرف كامرا ضربت ع كصتي ثول انصاف طفل وين يعرف يفتخ كامرا شبيج اتخبلتي بقيت اسوالف وياه واضحك فتحت الباب آنا استغربت وبقت صافنه واني اضحك واشرللها بيدي روحي لليل خابرتني كوثر سلمت عليه و بقت تسئل واسولف لحد ما كالت - نصوفه حبيبتي عدي الج خبر - شنو هو - نصر طلك مرته وباجر يرجع لهنا وسمعت من سند يريد يطيج ابراهيم احس رجليه جمدت لاااا ما اصدك لااا عليج الله كوثر تحجين صدك - اي والله ومعزتج بعد مادري هههههههههه كوثر اذا صدك شتردين اطيج والله شتردين اطيج - هههههه ولج اهدي شبيج مايسئلتي ليش طلكها المرته - كوثر رجائا ماريد اسمع اي شي عنه - اوك اوك سكتنا بقيت اسوالف ويه كوثر والفرحه ما ساعيتها احس الكاع ماشايلتني من الفرحه بقيت اسوالف واضحك ويه انو وسولفتلها فرحتلي حيل كوثر كل ماتريد تحجي وياي بموضوع اسكتها وبقيت بفرحه مو طبيعيه واخير جبروت نصر انكسر وحن كلبه نصر الدين : بيوم الي لح عليه يامن بقيت صافن شيريد هذا رديت عليه - شكو شبيك متكلييي - نصر خبلتني ليش مترد ليششششش من اخابرك انت شنو هااا كافي ياخي كافي جيب ابراهيم وتعال ترا مايصير هيج وامه خطيه والله - اهوووو يامن حته انت شتريد متكلي شتريد عوفني رحمه الامك عوفني داكلك ماريد اسمع كلمه عنها - انجب وغصبا ماعليك تسمع فاااهم تراا هي بريئئئه بريئه وربك مالها دخل بكل هذاااا - ههههههههههههه شنو هاي لعبن بعقلك لو سحرنك - انجب نصررر - لا تغلططططط قابل جذببب - اي جذببب واذا ماصدك تعال لبغداد وشوف بعينك برائتهاااا الي اتهمتها وحرمتها من ابنها - اوووو مانخلص - انجب نصر وانتضرني نص ساعه وادزلك شي سده وهو عصبي استغربت يامن يحجي بكل ثقه ومبين واثق من نفسه معقوله يطلع الكلام صدكوتثبت الحقيقه معقوله لاااااااا نصر لااا هزيت راسي واني اطرد هاي الافكار من راسي بيوكتها دزتلي رساله انصاف تتوسل اخليها تسمع صوت ابراهيم ماعرف ليش دك ببراسي كلام يامن ودكيت عليها واطيتها ابراهيم يمكن حالة ابراهيم هي الي خلتني اسوي هيج واني اشوفه ممصدك يضحك وفرحان وهو يحاجي امه نام وهو يحاجيها سديته من عدها شويه ودك يامن ردت عليه صاح - افتح كامرا انعل الساعه الي صرت بيها صاحبك - انجب لكوين تلكا مثلي - لا بلا شو اسكت اسكت افتح كامرا وفضها يلا ضحكت عليه وفتحت كامرا طلعتلي مره استغفرالله صراحتا شكلها ماعرف شلونه حجه يامن والكامرا عليها - تعرف هاي منو - وشعرفني شكالولك عليه يامن وكليوميه ويه وحده - انجب انجب عود ماوصيك افضحني كدام جوري - صدك جذب تدلل ايومي من عيوني - انجب واسمع - شكد صرفت انجب - هههههههه اي اسمع هاي يا صديقي السحاره الي سوتلك السحر - شنووووو تحجي صدك يامن لو تشاقى وياي - نصر شبيك هيج موضوع يشاقه بي اسمع ولا تقاطعني شفتها زين حققت وياها وعرفت كلشي انصاف مالها اي دخل وما اشتركت باي شي تدري بلعكس هي نقذتك يانصر نقذتك صح اختها وامها سون هيج بس ماتدري لحد ماا ازوجتك وحاولت هواي تنقذك وتخلصك منهن وكدرت وكفت بوجهن ونقذتك واحنه ههه حطينا عليها اشارة الاتهام نصر انصاف جوهره ماتلكه مثلها ابد انسانه لو مهما سويت ووين ماسافرت ما راح تلكه مثله الي توكف ضد اهلها واتحاول اجازف بكلشي وتعرف راح تتطلك في سبيل فقط اتنقذك هذه هي الي اصونك اذا مااصدكني هاك اسمها وشوف شراح تحجي واعوفك وياها وويه ضميرك بقيت صافن ع كلامه حجت المره الي كاعده ع الكرسي ومجتفه حجيه صدمني ومتوقعت بيوم من الايام اسمعه بقيت واكف اسمع واهز براسي لا ابد اني شسويت اني شسويت يالله شسويت ااااخ يالله اني ضلمت بشر واتهمته زور رحمتك ياللهي وحمتك ياربي لااااا شسويت اني اخ نصر اخ من غبائك سديت التلفون واني احس شياطيني كلها براسي فقدت وماخليت شي بشقه ما خربته ماخليت شي كدام عيني ما فلشته زينب واكفه وراي ترجف وكامشه ابراهيم واني اصيح بهذاك اليوم فقدت كل ذره عقل براسي ونسيت كلشي حبست نفسي بلغرفه وبقيت صافن ع نفسي شسويت ضلمتها اخ يالله صرت اضرب براسي بلحايط واهمس غبي يانصر غبي غبي غبييي شلون هسه شلون واني ازوجت حته اكسر خششمها تالي هي كسرت خشمي شلون واني حلفت اله اخليها تتوسل بيه واني هسه راح اتوسل بيها تبريلي الذمه ع كل كلمه باطل كلتها الها شلون بيه يالله شلون الله ياخذني واخلص الله ياخذني غبي غبييييي ضليت يومين بلغرفه وماخلي زينب اطب الي بس ابراهيم وكل ماشوفه اضرب نفسي واسب روحي لان بعدته عن امه شهور راح اصير سنه من طردتها من بيتي اشجعت ودكيت عليها ردت اسمع صوتها بس ماحجت ااخ يالله ضميري خبلني شسويت بنفسي وبيها اني خليت ابراهيم يحاجيها وكمت شكد غبي اني شكد غبي الله ياخذني واخلص من هلعيشه هاي شهر مر واني حاير شلون راح اواجهه شلون راح اخليها تسامحني ماريد منها شي بس اسامحني وتبريلي الذمه وهذهو من اذكر كلامي وياها بهذاك اليوم الاسود اكره نفسي لعد شكد حقير اني ههه جنت كاعد بل بلكونه وادخن حسيت بزينب وراي وهاي هم شنو ذنبها ضلمتها وياي شنو ذنبها اني ماستاهل كل هذا قرتت اطلك زينب وارجع ابراهيم الامه واكرس نفسي لشغلي وبس عسى ولعلى اموت واخلص من هذه الحياه مرت كم يوم فاتحت زينب بموضوع الطلاك واحمد ربي واشكره ماتقربتلها واتورطت بيها مو علمود شي بس ماكدر اضلم بعد وحده وياي كافي ضلمت انصاف وياي كافي كل مااصفن وكل ما اسمح حجيها ويه ابراهيم ادك راسي بلحايط واسب وافشر بنفسي لان استاهل بعدت ام عن ابنها الله راح يعاقبني اكيد لان استاهل شفت زنيب ردت بهدوء واتقبلت الموضوع عادي اصورت راح اصيح وتكسر وترفض بس استغربت من عرفتها اتقبلت الموضوع بكل سهوله اكيد عدها شي مارتاحيت لنضراتها ابد حظرت كلشي وطلكتها شرعا وقانونا لزينب وحجزت ع طياره ارجع بيها البغداد من باجر لان لازم احاجي العميد مالتي قبل لا ارجع كعدت الصبح باوعت هواي يدكون عليه بس مارد ع اي احد بس خابرت سند البارحه وكتله طلكت زينب وراح ارجع وبعدها مارديت ولا اخابرت احد غير بس العميد طلبت اجازه منه وانصاف كل يومين اتصل بيها علمود ابراهيم مابقه شي باباتي وتشبع من امك الي حرمتك منها سامحني حبيبي لان اذيتك انت وامك هواي مسحت ع لحيتي وكمت غسلت وطلعت اني البارحه من طلكت زينب دزيتها البغداد راسا علمود تلزم عده لا اني تاخرت ع ما خابرت العميد فتحت غرفة ابراهيم حته اشوفه رحت اكعد بي ماكو ميكعد برهوم بابا تسمعني كوم حبيبي شبيك بس يون واكو طكع زرك بجسمه اتخبلت جريت سويجي وتلفوني وسلاحي وشلته وطلعت وكبل للمستشفى لك بابا شبيك لا تخبلني افتح عيونك حبيبي لا تخوفني كولي شبيك يالله لا تعاقبني ببراهيم اعرف ضلمتها لهليتيمه اعرف كلش زييين بس والله اي شخص بمكاني جان سوه الي سويته واكثر ربي دخيلك جنت اسوق بكل خبال الساعه 7 الصبح والحجز مالتي جان ب9 اخذت براهيم وطلعت للمستشفى كبل اول ماوصلت تلكتني الممرضات اخذنه مني وهن يحجين وياي بلكردي واني اجاوبهن اخذنه ومشن كعدت ع الكراسي وكمشت راسي خايف طلع الدكتور وهو يباوعلي حاجيته باوعلي ودنك - الطفل متسمم والتسمم قوي كلش ليش هيج لو متاخر نص ساعه جان راح من عدنااا التسمم طاش تقريبا بجسمه وينكم عنه احس رجليه ما تشيلني رجال شكبرني جسمي كله رجف من سمعت هيج لا ياربي لا كلشي ولا ابراهيم خابرت سند ويامن ووصيتهم محد يعرف بهذا الشي وهسه يجون مرت ساعات وابراهيم داخل العمليات يالله طفل وينه وين التسمم وفوك كل هذا دايطش بكل جسمه ربي رحمتك ع هذا الطفل مرت ساعتين طبو يامن وسند - خو محد عرف - لامحد يعرف بس احنه شبي ابراهيم يمعود - ماعرف كعدت الصبح لكيت جسمه كله طكع زرك اخذته وكالوللي تسمم ودايطش بكل جسمه - منين اجاه التسممم هذا - شعرفني يامن شعوفنيييي بس تخلص العمليه اخذه واطلع التركيا وهناك ادخله مستشفي خاص - وشغلك نصر تحجي صدك - يابه طززززز بشغلي داكلك ابني راح يموت والتسمم طاش بكل جسمه وانت تكلي شغلك يامن اسكت لاا جرم بيك - زين نصر اهدئ خل نخابر انصاف تجي يجوز يتحسن من يشوف امه - لااااااا سنددددد دير بالك دير بالك انصاف تعرف والله اكلبها كربلا عليكمممممم يامن : شبيك انت متكلي شبيييك كافي تراه هذا ابنهااا وانت عرفت كلشي بعد شكووو تحرمها من عده - مااحرمها يابه ماحرمهااا اني اليوم مقرر اخده الهااا بس صار كل هذا شنو بيدي جنت انتضر اطلك زينب وارجع لبغداد واخلص من كلشييي واطيها ابراهيم واولي وعساني بلموووت بس ماريدها تعرف بحالة ابراهيم فهمتوني ماريدها تعرف بحالت ابراهيم اتموت والله اتموت هاي مسودنه هسه اتموت - يابه اهدئ متعرف هذاهو اسكت يامن خلص ماتكول الجوري ولا الي احد واني حته كوثر مااكوللها - مرت الساعات وابراهيم بعده طلع الدكتورو ركضت عليه - سويت الي كدرت عليها بس بعده جسمه ما يستجاب لاي علاج ماشي دكتور تسمحلي حالته تسمح اسفره لتركيا - يكون افضل اذا اخذته التركيا لان الاجهزه الهناك افضل بهواي من هنا لان هو راح يبقه مده عايش ع الاجهزه لان التسمم منتشر تقريبا باغلب من جسمه وهو طفل وحالته جدااا خطره استاذ نصر ماشي دكتور راح اخذه واطلع التركيا متقصر ابد سند خابر امي بسرعه اجهز نفسها و تجي وياي نروح التركيا يامن: خو خابر انصاف هي امه - يااامن ليش ماتفهمم انت اذا خابرتها راح تموت ماتتحمل لان اعرفها شكد تحب ابراهيم فمتني سند : لا ادير بال روح ومحد يكول الها بس ما وصيك ترجع وابراهيم وياك - انشاء الله ويعيش ويه امه يامن : زين شتكول الها اذا سئلت - ذبوها براسي هه هي حاقده عليه حاقده خلوها براسي كلولها نصر اخذه وسافر - وتتصور هيج تتحمل - اي لا تخاف تتحمل ع الاقل يكون عدها امل تاخذه مني بس اذا شافته بهذه الحاله راح تفقدا لامل وتتفائل بلسوء - خابرت امي وهسه مثنى يجيبها روح نصر روح ورجع ابراهيم الامه - ههه لا تخاف انتم ادعو يرجع بسلامه برهومي وكلشي يصير زين ووالله وهذا نذر مني اطي ابراهيم الانصاف واعوفها تعيش بسعاد هي وياه وطززز بيه ........ يتبع ،،،،،،، وللحكايه بقيه ،،،،،،، قرائهم متعه احبتي وهاي جبتلكم راسه الابو صلعه والقادم بعد اكثر تشويق يابه راح يروح بيها نصوري وخشمه ال عالي ههههههه الي يكول البارت قصير اركع راسي بلطوفه هههههه لان كتبته مرتين من ورها الواتباد ايدي طاحت وغلسو ع السحك لان ماصححته خفت منكم لان اتاخرت هههههه توقعاتكم وتعليقاتكم وتصويتاتكم التعديل الأخير تم بواسطة لامارا ; 09-12-20 الساعة 03:30 PM | ||||
|
| |
|
08-12-20, 05:19 PM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت الثامن والعشرين بقلمي #نور الشمري #ياسارقا لحن قلبي... ألا تركتني أسرق معك حياة دقائق معدودة ولحظات ابتسامة وحضنا دافئا ونغمات ألا أخذتني معك هنيهات إلى كوخ ريفي تحيط به الضيعات ومدفأة وحب حقيقي لا أقرأه الا في الروايات إلى شرفة مقمرة تهب فيها النسمات إلى قارب صغير يضيء له النجم في العتمات فامتع ناظري بحسنك وحديثك والكلمات والتمس الراحة من دفء يديك واللمسات يا سارقا لحن قلبي... اما حان الوقت لنسرق معا من الزمن هذه الحكايات فجنوني بك قيد معصمي وكسر قيود العقل والعادات. انصاف : بعد ما خابرتني كوثر وبشرتني باحلى خبر سمعته صاللي شهور مافرحانه هيج واخيرا راح يرجع ابني الحضني واخيرا نمت واني فرحانه وممصدكه شوكت يصبح الصبح واني نايمه حلمت ببراهيم ماعرف ليش فزيت مخروعه وخايفه احس كلبي يوجعني باوعت ع الساعه بـ 6 الصبح يالله دخيلك ماعرف ليش خفت من الحلم مااذكره شنو بس جان يخوف وكلبي يوجعني كعدت لميت شعري وطلعت سويت ريوك اعرف عمار بـ 7 يطلع الشغله سويت الاكل وكعدت بلمطبخ خايفه كامشه تلفوني وكلساع اريد اخابر كوثر واصبر خل اصير بـ 8 واني صافنه حسيت ع ايدي تتحرك كدامي باوعتلها آنا - شمكعدج من الصبح شبيج - ماعرف انو خايفه حلمت ببراهيم وكلبي ناخزني - مممم شحلمتي بي - ماعرف ماذكر بس جان يخوف حسيت روحي راح افقده الابراهيم - شو انجبي انجبي هاي هرمونات من الفرحه ههههه ماكو شي انشاءالله لا اديرين بال هزيت راسي وهي تحظر كلاصات الجاي همست وهي تباوعلي - اصبلج ويانا - لالا ماريد طب عمار دنك باس راسي وباوعلي - شبيها الحلوه مالتي - هههه مابيه بس مرتك ضربتني وزعلاتني باوعتلي آنا واني اضحك عليها عمار باوع عليه وعليها وكال - لااااا هسه لو كايله اني كتلت آنا اصدك بس آنا اتكتلج يابه ماصدك لج هاي نمله ماتذي مو ادور اتاذيج انتي انتبهت ع آنا اتحرك بياختها وهي واكفه وره عمار وترفعلي بحاجبها وتضحك عبالها عمار يشوفها ماتدري المرايه الكبالها يخلي عمار يشوف كلشي وراه - احم آنا خانم اذا خلصتي اتكشخ وضحك ممكن اصبليلي جاي هي فتحت عيونها ع وسعهن مستحيله صبت الجاي وضلت طول الوكت مدنكه واني التهيت اسوالف ويه عمار واضحك وهو بدل وطلع لشغله واني بقيت صافنه انضف وبالي يم ابراهيم ليشش لحد الان ماخابرتني كوثر وطمنتني اجو لو لا كل ماريد اخابرها وانو متخليني اتكلي اطي صبر شبيج واني يا صبر احس كلبي يوجعني صاير شي والله صاير شي مامرتاحه اله ابد للـ 11 ونص الصبح ومتحملت بعد دكيت ع كوثر دك دك ردت - الوو هلاو نصوفه شلونج - الوو كوثر الحمدالله - كوثر فدوه نصر وصل لو بعده - هااا - شنو هاا كوثر شكو احجي لا اضمين عليه فدوه والله كلبي يوجعني واحس اكو شي صاير - اهدئي ماكو شي والله ماعرف شي اني بس الاعرفه سند مخابر ع عمتي اتحظر روحها علمود يرجون هي ونصر لتركيا - تركياااااا تحجين صدك كوثر شكو ابراهيم بي شي مووو احجي - لج لاااا خابرت سند وسئلته كال نصر مكدر يرجع لبغداد لان عده شغل بتركيا ويتاخر يجوز وميكدر يبقه هو وابراهيم وحده دز ع امي ودز ع عمتي وراحو - هزيت راسي وادموعي تنزل يعني مايرجع البغداد لعد ليش جذب ليش جذبتو عليه وكلتولي راح يجي ويطيج ابراهيم ليششش خليتوني اتامل واعيش بسعاده ليششش فهموني ليشش حرام عليكم والله حرام صرت احجي وابجي وهي تحجي وتهدي بيه واني مو يمها لحد ما طبت آنا جانت تحظر ملابسها علمود اتروح الاهلها شافتني اجت تركض عليه اخذت التلفون ماعرف شنو حجت ويه كوثر واني بس ابجي واصيح حته ماذكر شنو الكلام الي كلته بس جنت منهاره كلش وماردد غير بس جذبتو عليه جذبتو عليه سدته انو واجت عليه وهي تهدي بيه وتاخذني بحظنها تهدي بيه ليش هيج سوه ليش ضحك عليه انو ليش خلاني اعيش بسعاده وبعده اخذه وراح ووين لتركيا ماشوفه بعد ابدددد ليش هيج سوه بيه ليش بقيت ابجي غطتني وعافتني انو وحدي وطلعت من الغرفه واني بس ادموع وحالي حال بهذاك اليوم رجعت الاوال ايام طلاكي وفراقي عن ابني والي عشته ونهاريت انو اجيبلي الاكل وتغصبني اكل واني مالي نفس وهي تهددني اتكول العمار اذا مااكل وكلشي ولا عمار يعرف هذا يعصب ويروح يتعارك وياهم اكلت من لا جاره وجان من اصعب ايام حياتي الي عشتهن بين خوف كلبي ووجعه الي ماهرف ليش ما مطمنه واي سي يصسر اصيح ابراهيم وبين غدر نصر وجذبه الي ماتحملت غفيت واني ابجي وانو اتهدي بيه كم يوم ويرجعون ويرجعه الج هيج كالت كوثر بليل كعدت ويه انو وهي تهدي بيه ع انو كم يوم ويرجعون مايتاخرون ويرجعونه الج وهيج رجعت بنيت قوتي من جديد ع امل اسبوع اسبوعين ويرجعون ويرجعه الي ايي نصر اعرفه اذا كال كلمه يوفي بيها مستحيل يسحب كلامه حته لو كاله بحالة عصبيه يوفي بي وهيج بنيت امالي من جديد ومرت الايام وخلص اسبوع والوراه والوراه وهيج خلصن 3 اسابيع وكلشي ماكو ادك ع نصر رقمه مغلق ادك ع كوثر اتكولي والله كلشي ماعرف ومن اسئل سند يكولي كلشي ماكو شغل عده ومن اخابر عمتي اتكول مالحك احجي بعدين اتصل بيج وهيج 3 اسابيع ماعرف شي عنهم هزيت راسي الها واني صافنه وآنا ماترضه تروح الاهلها وتعوفني اتكول اخاف عليج حته الدوام بلش واني مالي واهس اداوم وكوه صابر وساكته ماتحمل بعد ابني صالي 3 اسابيع لا شايفته ولا سامعه صوته راح اجن جوري تتصل بيه واطمني ماكو شي خليتها تسئل يامن وهم نفس جواب سند شكيت اكو شي ودايضمو عليه وميردوني اعرف اكيد لان مو من عوايده سند يضم شي ع كوثر ولا من عوايد نصر يطلع ومايكول اليامن اكو سالفه ولازم اعرفها بس شلون ماعرف ثاني يوم انو خلتني اداوم كوه واني مالي واهس صالي شكد ممداومه من بلش الدوام لسه بدلت وطلعت للمعهد واني تعبانه ومالي واهس الاي شي شفت حنان ومن شفتها ماعرف ليش دموعي لمعت بعيوني اريد ابني اشتاقيتله والله ماتحمل فراكه ياعالم ماتحمل فراكه ليش محد يحس بيه ليش غمضت عيوني قوي حته اصبر نفسي ماتنزل دموعي كامت حنان تتفسر شكو وماشكو واني اجاوب ماكو شي بس ضايجه وهي ماقتعنت بجوابي كاعده اشرب جاي وحنان بصفي اتكلي ع المحاظرات الي اخذوها واني مموجوده حسيت احد كال شلونج انصاف رفعت راسي كرار ابتسمت اله وهمست هلاو الحمدالله وانت - الحمدالله اسئل عنج صالج فترا ماكو من بدء الدوام وانتي ماكو - ههههه اي ضروف شويه ومكدرت اداوم -امم مبين من شكلج تعبان صفنت عليه هذا شنو اكوله بلله ابتسمت بوجهه وهمست - من رخصتك عدي محاظره يلا حنان وكفت ومشيت وحنان تحجي وياي واني ممنتبهه كل بالي يم ابراهيموين راح ليش نصر هيج سوه ماصدك كل هذا رجعت للبيت ومرت الايام وخلص شهر كامل واني ماشايفه ولاسامعه صوته الابني وهاي صاللي 3 اشهر ونص ماشايفته ولا سامعه صوته بس ع الاقل جنت اسمع صوته واشوفه بصور بسهسه صالي شهر كلشي ماكو واحس راح انفجر من كد القلق والخوف جوري اتئجل عرسها وماعرف شنو السبب ومن سئلتها كالت بعد احسن يمعوده هو اجئله بلكت اخلص منه - لعد ليش وافقتي جوري هذا زواج مو لعب - مجان بيدي حل ثاني انصاف كلام الناس الي لحد الان تحجي من اشوفني وكانما زانيه جنت مو مخطوفه ومن جهه عمار وانو افهميني ومن جهه اهلي شسوي هاا كل هذا جان اكو حل واحد بس وهو يامن - وشنو ذنبه ليامن صح هو واحد نسونجي بس داشوف كمية الحب الي عده من اسوالفيلي عليه احس يحبج من كل كلبه شنو ذنبه هو - انصاف دخيلك ليش هو اكو بنيه مايحبها يامن الله وكيلج ذاكليوم كدامي وعينك عينك يتغزل بوحده وسويت عركه شكبرها وكلشي مافاد - لا بلا صدك تحجين - اي والله قابل جذب يامن واتعرفي بهد شكو - والله ماعرف شكوللكم وشوكت تزوجون اذا اتاجل عرسكم والشهر الجاي رمضان -مدري يمعوده خلي اخلص والله روحي طلعت ماتحمله والله - بكيفج يلا عيني اروح اني اشوف انو وحدها بلمطبخ سديته واني صافنه عرفت شكد جوري اتحب عمار لدرجه ماتكدر تخونه وولا تكدر اتخون يامن وضاله حايره بين الاثنين شكد تعذبت هلبنيه يالله رحمتك علينا شكد قاسيه الدنيا ويانا رجعت اداوم بس مجرد روح بلا جسد وكل يوم ادك ع نصر ومغلق واني راح اتخبل وراح يصير الهم شهر ونص بتركيا ليش مغلق وشنو الشغل هذا الي يخلي هيج هلمده هاي هناك بقيت حايره وماعرف شسوي احس روحي راح انجلط من كد التفكير الي اكل راسي سمنت من وره العلاج الي اخذه وبرغم من ان من الداخل مهششه وتعبانه بس من الخارج صرت انثى قويه ما يهزها شي جنت كاعده ع السبات وحنان ممداومه حسيت بكرار بصفي رفعت راسي ابتسم - تسمحيلي اكعد لو ابقه واكف قصاص هههه - ههههه لا اتفضل يمعود اكعد - شكرا شعجب فاره ماكو - فاره ؟؟؟ قصدك حنان - ههههههه اي مو هي تكلي شبيك جنك بزون وين ماروح تلحكني كتلها اي مو انتي فاره والحكج شسوي لعد ههههه - هههههه انتم جنكم رويسيه 24 ساعه مناكر وعرك -ههههه هي ما تحترم اني لا يمها ولا واصللها - لا خطيه انت كلش فقير - هههههه احم انصاف اريد افاتحج بموضوع مهم كلش - اي تفضل - احم شوفي ماريد جواب هسه ومستحيل امشي ع جوابج هسه اني اني معجب بيج كلش لدرجه متتصورين شكد واتمنه اذا تقبلين اجي اخطبج لان اني نيتي صافيه صدكيني واطب من الباب مو من الشباك هههه - انصدمت من كلام كرار لا يالله هاي الي جنت ما حاسبتلها حساب كرار اعتبره صديق واخ لان دائما يتفقدني برغم هو كليه وكليته بعيده شويه عن معهدنا بس يجي ويسئل كل ساعه ردت احجي بس قاطعني - اني مو كلت ماريد جواب هسه - لالا كرار انت فاهم غلط شوف اني صفنت شكوله مزوجه واني نازعه الحلقه مالتي لو مطلكه واني لحد لان مرته بلشرع شسوي يالله احم شوف كرار اني مخطوبه - شنووو - ائئ اي مخطوبه وقارين فاتحتي وماكدر اكذب عليك - بس ليش ماعرف وماكايله عن هذا الشي وحته حنان من سئلتها عليج ماكالت - هااا اي مو هي ذاكليوم صارت ما صاللها هواي شفته دنك ومبين عليه ضاج - كلش اعتذر والله ماعرف بهذا الشي واتمنه الكلام الي حجيته ما ياثر ع صداقتنا ابد وانسي كلشي كلته - لالا كرار عادي هو السبب مني لان ماحجيت وضليت ساكته لا تخاف انت اخ وصديق لا ادير بال اعتذر مره ثانيه وراح واني بقيت صافنه يالله ليش هيج دايصير كرار كرار ماكو غيره يعني اوف يالله اوف رجعت واني الف فكره وفكر ببالي انو عد اهلها كوه قنعتها تروح صبيت غده وتكعدت اكل وحدي البيت فارغ ومو حلو اوووف وين جان وين صار بيت من 5 نفرات ما صفه منه غير بس 2 ليش هيج يصير بينا بليل راسلت البنات انو وجوري وسولفتلهن ع كرار وهن يعرفنه لان ماضم شي عنهم آنا : شوفي انصاف انتي غلطتني من كلتيلها مخطوبه جان كتيله مزوجه عليش كل هذا جوري : لالالا ديري بالج تكولين مزوجه لو مطلكه وخليج هيج وهمزين كلتي مخطوبه حته تذا اطلكتي من نصر اتكدرين تكولين فسخت الخطوبه آنا : لا بلا جوري انتي صاحيه والي يريد يزوجها شلون بلا - اي عادي وكتها اتكله اني مطلكه شنو يعني - لا اتخبلتي انتي مو شايفه نفسج تردين اتفسخين عبالج شي هين جوري ترا هذا حب وزواج وعشره مو شي سهل جوري : اوو يا آنا هسه شكلت اني بس والله كرار ميتعوض يعني انصاف لو مسولفتله كلشي مو احسن آنا : هلوو بابا ديرين بالجن اتامنن بيهم هذوله هسه يروح يطش سمعتها بلمعهد والجامعه كلها تعرف هذا الشي - لا انو كرار مو هيج صحيح كلام جوري اني صوجي ماكتله كلشي خفت س يته من البنات ودكيت ع نصر مغلق دكيت ع كوثر ردت - هلو حبيبتي شلونج - شلوني وراح يصير الي شهرين ما سامعه صوته الابراهيم هيه شوف كلت ميخالف صوته كافي حته هذا حرمني من عده - سوده عليهلعد يلا خل اخبرج خبر مفرح بعد اسبوعين او اكثر ويرجعون اليوم سمعت سند يحاجي عمتي وكالتله -صدكك - اي والله شبيج - الحمدالله يعني ابراهيم مابي شي مو والله كلبي احس موجر عليه بالي كله يمه - مابي شي والله جان تلكين عمتي تبجين وترجع لوره ومتخبله - ههههههه اي سديته من كوثر واني عدي امل اسبوعين لو 3 وابني بحظني غفيت واني انتضر هذه اللحظه ممصدكه شوكت حسبت يعني يجون قبل رمضان باسبوع خوش غفيت واني مرتاحه شويه جوري : مرت الايام ومن عرفت خبر زواج عمار انهاريت بقيت اليل كله ابجي شكد حلمت اكون اني هسه وياه شكد جنت اخطط واحلم بهذا اليوم بس اللاسف ماتحقق كل هذا بيوم زواجه ماكدرت احظر اموت والله اذا شفته ويه غيري اموت ومن يوم الي ازوج عمار واني ما وصلت لبيتهم بعد مكدرت اشوفهم هيج خلي ينساني و يعيش بسعاده ويه انو واني الي الله الله موجود ومايكطع بعبده يجوز احب يامن بس شلون وماكاعد اتقبله شلون ماعرف بقيت هيج ايام يامن دائما يدك مايعوفني لازم يدك واذا ماشلته يبقه يحقق حته وهو يشتغل مرات يدك عليه ومرات لا مرات ادك اني من اشوفه مايدك ويطلع مغلق يغلق تلفونه ويكول عدي شغل من اسئله واني استغرب شنو شغله الي يخلي يغلق تلفونه ومرات حته يكون مشغول مادارتاح اله هو مو عده معرض سيارات ليش يغلق تلفونه ليش مرات ميرد من اخابر ادري ماراح يرد لهذا ادك عليه اريد زله حته افسخ الخطوبه راح اتخبل مره دخلت ع صفحته واني ماداخله عليها ابد انصدمت من كميت البنات الي بصفحته يحجي صدك هذا كل الي يعلقله بنات واكو ولد بس مو بكد البنات ابد فرت نار متحملت دكيت عليه حته اتعارك لكيته مشغول بسيطه بسيطه بقيت ادك عليه وماكو يومين ادك وهو ماكو وكلت والله اله افسخ الخطوبه شنو اني هنا خراعة خضره لو شنو بسيطه استاذ يامن بسيطه بليل ردت اكول الامي عليه وتفسخ كولشي بس ملحكت دك عليه مرديت رجع دك هم مرديت اكثر من 7 مكالمات وادور كتب رساله 💬 بت الاوادم ليش ماتردين فتحي احاجيج لا اصيرين زعطوطه مالي خلكج ولله 💬مارد وشتريد اسوي سوي يلا اني مو لعبه بيدك 24 ساعه مشغول ويه حبيباتك لو مغلق ولو متشيله وبعدين من ماارد عليكم اضل اصيح وتحجي كيفي يلا 💬اهووووو جوري والله تعبان وهستوني طاب للبيت صالي 3 ايام والله ميت تعب ليش اتكومين تمسلتين من وحدج 💬لا والله ليش وين جنت وصالك 3ايام ماكو هااااا يجوز عدوحده من حبيباتك موو شلونه السهره حلوه 💬 لج بابا شبيج شو فتحي خط راح ادك والله ماكدر اكتب ميت تعب ويني وين البنات هو اني صاير وصلة مسح مو بعد سهره دفتحي خط دك مارديت رجع دز 💬والله اني مطي ابن مطي الي ادك عليج دولي فرت نار بسيطه اولي مو بسيطه يامن حطيت الجهاز ع وضع الطائره ونمت بسيطه يامن افندي اني الك كعدت الصبح واني ناسيه تلفوني لكيت امي كاعده تسوي ريوك باوعتلي وكالت وين تلفونج ولج خطيبج اجه مساعه من بغداد - هاااااا اجه شعده جاي - يلعب طوبه ويه شباب المنطقه شعده يعني امشي لج ودي الريوك اله هو وحسن جوه باوعت الساعه بـ 10 حيل هاي اني شكد نايمه عدلت شعري وطببت الريوك خرب امي حاطتلي وياهم - تعاي جوري اتريكي ويه رجلج اني طالع ومتريك حج ه حين وهو يجر تلفونه بلعت ريكي بخوف سلم ع يامن وطلع باوعت عليه هو مدنك رفع رداناته وهمس ايي عاشت ايدج خاله اجه بوكته ودنك ياكل اتنفست براحه الحمدالله ما صيح كعدت اكل وياه ع الصامت من خلصت ردت اشيل الصينيه وافلت صاح - تعاااي وين رايحه كعدي - ئئئئ اريد اودي الصينيه - كلت كعدي بعدين وديها وكام حطها ع صفحه واجه كعد بصفي اخذ ايدي وهو يهمس اي ست جويريه كولي شبيج - ع مااعتقد اسمي جوري مو جويريه استاذ يامن لا بس عدك وحده اسمها جويريه هااا - ههههههههههه استنتج من كلامج هسه اكو غيره بلموضوع - غيره لا عشتوووو غيرتيش لو تموت عشتو اني اغار عليك لا بابا لاااا غلطان بس ضايجه لان ادك عليك وماكو - ههههه هااا راح اصدك اي تعاي كعدي هنا خل احجي - ئئ لااا هنا يعجبني وماجاوبت ليش ماترد وليش مغلق وليش مرات مشغول هااا ومنو جويريه هاي - استغفر الله ولج والعباس ابو فاضل بشغل جنت والله بشغل واضطر اغلق التلفون وانتي ادكين بلوقت غير مناسب يعني بنص الكبسه ادكين هذا وقت بالله عليج ههههههه - كبسه كبستيج - هاااا يعني اقصد كبسه ع العمال الي احطهم ع السيارات - مممممم راح اصدك جويريه منو - اللهم طولج ياروح ولج والله اعترف اني اكبر نسونجي وساقط وحقير بلعالم بس وعيونج هاي والحمزه ابو حزامين ما حاجي ويه بنيه غيرج من يوم الخطبتج لسه - باوعتله صفح وهمست ليش تكذب هااا والبنات الي ترد عليهن بلفيس حجيتها ورفعت حاجبي ماحس غير جرني صرت بصفه بلعت ريكي وهو صار يلعب بشعري همس - شسوي يعني هن يعلقن واني ارد تدين كلبي مايكدر يطيزهن ومايرد - لاا بلا لا يامن ترا هيج اني ماكدر اعيش وياك يعني صراحه احجي صدك انت نسوانجي واني ماتحمل وحته ماحب بعدني ممكمله كلامي ماحس غير جرني من خصري حيل واخذ شفايفي بين شفايفه اريد ادفعه ماكدر اريد احجي ماكو ادفع بي ماكو انكطع النفس سمعت صوت ماما وهي تناديني هو راسا وخر وعدل روحه ويغزر بيه وكال - كومي جوري كومي لا اجرم بيج بت الاوادم كومي واني اعلمج مو هسه جيبي طاري فسخ الخطوبه وشوفي شسوي والله باجر اسوي العرس بس اجيبي ع السانج حجه كلماته وعدل روحه وكام واني صافنه عليه هذا يحجي صدك لو يشاقى شكد مغرور وحقير وتافهه بجيت بقهر وصعدت الغرفتي ومشت الايام هو يحاجيني مرات يختفي بس قبل لا يختفي يكول راح اغلق تلفوني عدي شغل ومن افتحه اتصل بيج واريدج من الله ماتردين حته اجي اخذج هسه كام كل كلمتين وثالثه يكول هسه اجي ازوجج يدري بيه اخاف من هذا الشي وماريده لهذا استغلني هو مشت الايام عاديه مابيها اي شي جديد وهو دائما اشوفه ضايج مرات يحشش ويشاقى ومرات مطنكر ووجهه ميكصه السيف احسه متقلب المزاج يخوف كل ساعه شكل لحد ما بيوم اجه لواسط واخذني المول كال نطلع شوي نغير جو اخذ الاذن من بابا وطلعنا واحنه دانمشي بلمول شفته يباوع ع بنيه ضجت ماعرف ليش اني ماحبه بس يبقه اسمه زوجي وهشي يضوجني مهما حدث لان المرأه كلشي ولا تتقارن بأمرأه ثانيه او يفضل وحده عليها لان هشي راح ينقص منها ضجت ومتحملت عفته وصرت امشي ع السريع هو انتبهه ولحكني ولج شاده محرك اطي صبر - يامن هسه تاخذني البيت لا افضحك هنا والله - لج سم شبيجج بعد بعد علي لصوتجج بت القن - اي اي اغلط مو ابوي تايهه وتغلط عليه انت شنووو هااا ليش ماتفهم عينك عينك تباوع عليها حرام عليك والله حرام - هاااا هنا السالفه طلعت بيها غيره يحجي ويغمز صحت - لاااا ماغار والله ماغار بسسس ابقه مرتك ابقه مرتكك افهمم وهشي يقلل من قيمتي حته وان اني بس خطيبتك ومرتك فقط شوعاااا بس لنفترض ذاجر عكبه قررنا نزوج هاااا وتباوع هيج شنوو تحس من اني بصفك وتباوعلياااا - لج باباا شبيج باوعتلي باوعتلها لا اكثر ولا اقل صح هي حلوه بس انتي مكفيتني صح عدها جسم اخ يابه بس انتي مكفيه وموفيه حبيبتي - ياااامن وتحجيها بكل دم بارد لاااا والله عسه تفسخ كلشي فاااااهم - ولج والعباس اشزقه وياج حته مانتبهت عليه بس هي باوعتلي وهي خزرتها والله العضيم داشاقه شبيج -لا وللله وتريدني اصدكك يامن هاك نزعت الخلقه وحطيتها بيده اتمنه تجي واجيب الشيخ اطلكي وارجعلك كلشي، وهسه رجعني لبيت اهلي - صار بعقلج شي مووو امشي كدامي امشي فضحتينا الله يفضح الي ببالي امشي اني مطي اطلعج مشيت وهو يدردم يمشي كدامي وعصبي والله وفوكاها هو ابو الراهي والله يالله ركبت بسياره ورجعت للبيت اول ندخلت صحت الامي - الذهب وكلشييييي جابه الي تطي اليامن وبعد ماشوووفه والله اذبح روحي ولا ابقه وياااه بعددد عفتها وطبيت وهي تهدي بيه وبيومها يامن بات يمنا لان الوقت اتاخر وبابا ماخلاه يروح وامي كلساع تريدني اطلع من الغرفه واني ماقبل اخر شي كالت سولفيلي شكووو - يمه تقبلين انتي اني بصفه وهو يباوع ع وحده ثانيه وكعدت سولفتلها كلشي وهي صافنه هزت راسها - يمه الله كريم ينحل كلشي يجوز صدك باوعلها وخزرها - يممممه اله يامن يخزر انثى رقيقه ع كولته وفوكاها يتغزل بجسمها وجمالها كدامي بقيت اسبوعين ماحجي وياه وهو يدك وماشيله لجد ما مليت وشلته رجع يحجي واني ماكدر احجي شي لان امي صفت وياه وكالت اذا عادها ساعتها الحجي يختلف سكتت ومشت الايام ع هذا النحو لحد ما سمعته كال هلاسبوع يجي نصر هو وابراهيم فرحت حيل لان واخيرا راح انصاف اشوف ابنها فرحت حيل واخيرا صالله شهرين وشويه هم بتركيا وخطيه انصاف حيل تعبت وحته نوم ماتنام من وره القلق والخوف واسم ابراهيم مايوكع منها وبيومها بقيت احجي ويه يامن للصبح ةجنت حيل فرحانه لانصاف وماحسيت ع نفسي من كعدت اسوالف ع ايامنا اني وانصاف اليامن وهو يسمح ومرات يحش علينا ومرات يضحك ومرات يسوالف وياي لحد مااذن الصبح طردته وكمت صلية ورجعت نمت بس بلحلم سفت عمار وآنا كانما دايتعزركون ويامن يباوعلي ويمشي واني اركض وراه وهو مايسمعني فزيت مخروعه من الحلم باوعت الساعه بـ 12 الضهر يالله دخيلك شنو هلحلم المخربط شجاب عمار وانو ويامن ليش هيج يالله دخيلك حسيت التلفون يدك واني بالي مو يمه رديت وبدون ما اعرف منو المتصل حته - الوو - صباساء الخير - ههههه هذا جديده صباساء - ههههه اي صباح + مساء - هههه - شبيج جويريه - ماعرف يامن شفت حلم ماعرف مغربط ويخوف - شنو من حلم - هيج حلم وبس، - جوريييي شنو من حلمممممم - شبيك عصبيت ماعرف شفت آنا وعمار و - هااا هنا السالفه لهذا متردين اسولفي لان عموري بي موو - هاي شبيك شجاب هاي ع هاي خل اكمل - هذهووووووو جوري هذهووووو انت بعمرج ماراح تحبين احد غير عمار انتي بعمرج ماراح اتخلين كلبج يدك بس العمار عمار وبس عمار عمار عمار لج اني مكرررن كدامج عادي عدج تحجين واجيبين سيرته واني ماتكولين هذا الحيوووووان عده مشاعررر هذهو اضاهر لهنا وكلشي انتهه -صفنت ع كلامه جان يحجي ومايخليني افتح حلكي ابد كل ما اريد احجي يقاطعني صفنت شبي ليش هيج دايسوي شسويت اله وشحجيت هيج مجرد اسم استفزه انتبهت عليه من كال - خلص جوري لهنا وكلمن يروح بطريق لان نهايتنا معروفه ليش نزوج ونتورط باجر اجيب الشيخ واجي مع السلامه سده واني صافنه احس روحي مادري شبيه دموعي تنزل ليش مادري شبيه امي ماكو طالعه تسوك لرمضان لان مابقه غير بس،كم يوم ومحد بلبيت بس اني مسحت ادموعي واني اهدي بروحي كافي جوري اهدئي شكو تبجين عادي مو هذا الاريده ليش ابجي نصر الدين : جهزت كلشي وحجزت ع تركيا وخليت صاحبي هناك ياجرلي شقه وخليت الدكتور ياحجي الاطباء هناك بقيت انتضر امي شوكت تجي رحت ع سند يريد يرجع لان اهله مناك وحدهم باوعتله وكتله وصظت امي تجيب الي كلتلها عليه - اي كتلها واستغربت يامن : شعدك نصوري خاف تريد تسويلها سحر حته ترجعلك هههههههه - يااااامن ليش ماتنجب - لا والله صدك شعدك هي ماكو غير حلين لو اسويلها سحر لو اشتاقيت حجاها وغمز لك يااامن ليش ماتاكل وحل وتنحب انتت عفتهم ومشيت الابراهيم اشوف حالته بالي كله يمه اجت امي وجهزت كلشي وطلعنا التركيا وراؤا للمستشفى لان حالته مو مال تتاجل امي ما عافتني والدكاتره ضلت تاخذ التحالين وكالت انسوي تحاليل جديده اله التسمم طاش باغلب من جسمه وهشي مو زين ومادانكدر انسيطر عليه وبعدها صغير مرت الايام وابراهيم ع الادويه عايش والاطباءماتركو دقيقه حارو شسو وياي غسل وادويه كالو نحاول نخفف من عده علمود الباقي انزيله بعمليه وغسل بقيت ايام هيج جنت ادخل اله وهو يباوعلي بعيون تبجي اخذه بحضني وهو جسمه مليان اجهزه جنت ادعي رب العالمين ماياقبني بي لان ماكدر والله يعاقبني باي شي بس مو ببراهيم جنت اطلع اله الصوره الي وصيت امي عليها اجيبها صورة انصاف جنت اطلعها اله واشوفه اله واحجي وياه كانما يفهم وهو بس يباوعلي واني ابجي دم عليه مرت الايام حالة ابراهيم شويه شويه كامت تتحسن وجسمه دايستجيب للعلاج وحدوو عمليه اله وهذا الحجي كله صاللنا شهر احنه هنا جوت احجي ويه يامن وكاعد بلمستشفى - اي شلونه برهومي - زين الحمدالله دايستجيب للعلاج - الحمدالله اي شلونها الصور - انجب يامن - اي شبيك هسه علمن مكابر الصور وكاعد خو تعال كابلها واكعد وخل اسامحك - يامن شبيك اصلا منو كالك اني احبها - لا بلا وهذه شيسمووها - ههههه تانيب ضمير حبيبي تدري لسه ممصدك اني هيج سويت اني الي اعرف المجرم واعرف الكذاب مكدرت اعرف انصاف زين - هههه هذا حظك اي شسوي هسه - خل يرجع برهومي بخير وسلامه واخذه واطي الامه واطلب السامح منها واعوفها براحتها - اهااا متاكد يعني مترجعها - يامن شرجعها اني داكلك ماحبهااااا شلون ارجعهاا واخليها تتعذب وياي مره الثانيه وتريد الصدك ماداصدك كل هذا - انا مخبل والله دروح سديته من عده ووراها فترا سوو عمليه لابراهيم ونجحت وجسمه نضف كليا من السم بس بقه شويه فحوصات لازم انسويها بعد اسبوعين تاكيد ع سلامته اخذته وطلعت اني وامي للشقه وبقينا اسبوعين طلعتهم وونست ابراهيم شويه غريتله جوه وره اسبوعين اخذته علمو الفحوصات وكلشي تمام طلع ونضيف حمدت ربي وشكرته واخذته وطلعنا وحجزنا ع اقرب رحله للعراق ورجعنا للبغداد انصاف : مرت الايام واني حالي حال بليل مانام غير بس كم ساعه قليلات حيل وبرغم من هذا آنا متعوفني اذا ما تحطلي ماسكات وتطيني العلاج خلصت منها لان راحت الاهلها هليام وما سكنت الغرفه وحته العلاج عفته بلبل دخل عمار هستوه جاي من الشغل ومبين فرحان باوعلي وكال - انصاف انو شوكت تجي ماكالت ضحكت من كال انو هو ابد ميدلعها - ممممم لا هي كالت ابقه اتاخر لان من زمان ماشايفتهم -ممم خوش مبين ضاج صحتله عمار شبيك - ها لا مابيه بس عدي خبر الكم بس خل تجي آنا واكلكم ياه - يالله انشاءالله خير - ان شاءالله مرت يومين واني اشوف اخويه حاله حال وكلساع وصاح آنا ويذكر هي مو هنا ويسكت اقل شي وصاح آنا وكل من يطب من الشغل يسئل عليها باجر تجي بس ماكتله ابد خليتها مفاجئه من طب هو وشافها ماكو صاح - انصاااف خابري هاي السم صاللها اسبوعين عد اهلها ماشبعتتتت كليلها تحظر روحها بين ماسبح واجيهااااا - ههههه ع كيفك شبيك اعصاب صاير هسه اخابرها بس شبيك - اني كلشي مابيه احم اروح اسبح ضحكت عليه واني مالي واهس اضحك عرفت اخويه بده يحب انو من طلع سئلته واني اتحظر روحي للرزاله - عموري اسئلك سؤال بدون ما اضوج - اي سئلي بلا خل نشوف - هههه انت بديت تحب انو مو - ها اي لا شقصدج انصاف منو كالج - هههههه ع كيفك مبين من لهفتك من اطب للبيت وتريد بس اشوفها لو من تباوع بلبيت لو من تطلب شي ماصيح غير بس اسمها - ائئئ لا غلطانه بس لان متعود اني احب بعد الي ضكته - ليش واذا شبيها انو - مابيها بس اني حالف ماحب بعد - بعدك تحبها - ههه اجذب لو اكول لا بس ناسيها -ممم ماشي اروح اخابرها خابرتها وهي فرحت حيل راح جابها واجه واني ضليت بظن الدوام وبين البيت من اجت انو وكعد عمار يحجي ويانا - شوفن الشركه الي اشتغل بيها صارت بيها بعثه للصين علمود المؤهلات وهيج شي واسمي طلع من خلال البعثه هاي من بين الاسماء المؤهلين صفنت عليه وهمست يعني راح اسافر - اي راح اسافر للصين وانتن وياي ماعوفجن طبعا آنا ساكته واني وكفت شنووو شتحجي اروح للصين تحجي صدك عمار لو تشاقى - والله شبيج قابل اعوفكم وحدكم لعد هنا والبعثه اطول اقل شي ٣ سنوات - شنووووو وابنيي عمار ماعوف ابني اني - ومنو كالج تعوفي باجر اخذج وتحجين السند وبس يجي نصر يطي الج مو هيج كالو هزيت راسي اي و ابجي وهو كمل - اي هذهو باجر اخذج ونروح السند ونتفق وياه يطينا ابراهيم ونسافر للصين شي ٣ او ٤ سنوات متتخيل شكد هذه السي راح يفيدني هذه حلمي انصاف تدرين هزيت راسي واذا مااطو النا - يطو يطو مادام نصر عرف كلشي يطي الج وغصبا ماعليه - عرف كلشي - اي ليش متعرفين هزيت راسي لا شوكت عرف جنت احجي وابجي - اووومن زمان قبل لا يسافر التركيا وهلايام يرجع - صدك بجيت واخيرااااا ضهر الحق وبرائتي طلعت شكد اتمنه اشوف وجهك يانصر والندم ماخذك وتتمنه اسامحك وعد وعد مني اله اخليك تتوسل اسامحك وماسامحك وعد مسحت دموعي واني اقوي نفسي اي مادام عرف كلشي يطينيااا رحت للغرفه وانو لحكتني - لج نصوفه صدك راح انروح للصين ياويليييي ماصدك وانشوف الصيينين ههههه لالا اني بحلم لو شنو - انجبي شوكت السفره هم عرفتي - اي قبل رمضان بيومين - ممممم عزاااا انو بعد شكم يوم ع رمضان - ٦ ايام ههههههيعني بعد ٤ ايام عزااااا وين انلحكككك - انجبييييي انووو انحلك بس كولي يجي نصر بهلاربع ايام - انشاءالله يجي ائئئ نصوفه انتي بعدج تحبي الن - لاااا لاااااا اكيد شتحجين انوو مستحيل كرهته من يوم الطردني كرهته من يوم الي ماسمع مني وهاي هاي راسييي بي فطر من ورااااه وترديني احبه لسه هههههه اله مخبله - يعني شنو - اطلك مادتم عرف كلشي اطلك وازوج واعيششش اني وابني - تزوجين لا ماصدك - ليشش الصينين هسه يكتلون روحهم عليه حبيبتي ومايهمهم اذا مطلكه لو لا - اووي شنو هاي الثقه منو يكول عمار يطيج لصيني ههههههه - وليش يابه شبي حبيبي هااا امشي لج عزززا لج انو والمعهدد - ماعرف بس اكيد عمار مفكر بي - اي صح عافتني وطلعت واني بقيت افكر هيج واخذ ابني وصدك اسافر للصين واعيش حياتي واني مرتاحه غفيت واني مرتاحه نوعا ما كعدتني انو حته انروح البغداد احاجي سند بدلت وطلعت لكيت عمار حاضن انو ضحكت احم احم ترا عدكم غرفه يعني كولي اكو هنا حديقه يابسه - انجبي لججج الي يسمعج يكول جنت ابوسها هي دوده وخرتها من متنها - هااااااا دوده ورفعت حاجبي الانو الي وجهه احمر دم ضحكت وهمست عماور قبل لا اجذب اتاكد من مرتك لا تفضحك دشوف وجهه شلونه حجيت كلماتي وجريت لفتي وطلعت اركض 🤕 وهو يصيح بسيطه انصاف بسيطه اني الج - هههههه اكلت لفتي واني اعدل حجابي وطلعنا لبغداد اول ماوصلنا حسيت كلبي رجف ماعرف شكو دك الباب عمار وفتحه سند جان هستوه يريد يطلع مبين استغرب وكال اتفضلووو دخلناا وتمار بده يحجي وياه وهو يهز راسه - لا ادير بال عموري نصر البارحه وصل البغداد رفعت راسي واني احس بمغص مو طبيعي احتلني يعني برهومي هنا ببغداد يمه حبيبي صالي ٥ اشهر ماشايفته جنت عايشه ع صوته وحته صوته انحرمت منه وصرت اعيش ع صوره وذكرياته واملي برجعه يمه حبيبي كمل سند وهو يحجي - مادام هيج لعد خلي يمنا خلو امي ونصر يشبون من عده وانشاءالله بيوم سفركم اجيبه الكم عمار : اعتمد عليك سند - صدك جذب بهشارب هذا عموري اعتبره تم بس هم ماوصيكم لا تحرمونه من عده - لا ابو همسه مامقبوله منك مو من شيمنا هذا الشي ولا تخاف دائما اخليكم ع اتصال صوره وصوت وياه - ان شاءالله لعد بيوم سفوكم ابراهيم عدكم - مشكور يابه يلا نصوفه وكفت سلمت ع البنات ووكوثر ودعتهن لان بعد ماشوفهن ماانسه فضلهم عليه هاي العائله شنو اقدمه الهم قليل ودعت كوثر الي صارت الي اخت جبيره وصديقه ودعت همسه والبنات واني ابجي ماكدر انسه فضلهم ونم اقرب ناسي طلعنا واني الدمعه بعيني شكد لحت كوثر اروح لعمتي ام نصر بس ماقبلت لان ماريد اشوف نصر واصلا عمتي ام نصر شكد دكت عليه بس جنت ماشيله معبالي الحقيقه ضاهر لحد البارحه عرفت كلهم عرفو برائتي طلعت من بيت سند واني ابتسم واودع حوري الي بصف ابوها درت وجهي اريد امشي عمار جان رايح يجيب السياره موكفها ع بعد من البيت لان ماكو مكان اول مطلعت حسيت روحي انضربت بشخص رفعت راسي وياريتني مارفعته ولا شفته نصر هو هم من شافني فتح عيونه وبقه صافن بوجهي باوعت ع عيونه واني مبتسمه داشوف الندم بيهن داشوف الندم الي جنت احلم اشوفه بيوم وهسه شفته جان صافن عليه متبسمر بمكانه عفته ومشيت وبهاي اللحظه كعد كل حب دفنته بداخلي حسيت بلحنين حسيت بحبي اله وكلبي االرجع ينبض من جديد بس ضربت كلبي واني امشي واني ادموعي تجري وحده وره الخ امشي وامسح بيهن ماريد اضعف ماريد حسيت بدوخه والدنيا اسودت بعيني وماشوف غير بس ظلام وصوت عمار وهو يصيح باسمي .......... يتبع ،،،،،وللحكايه بقيه ،،،،،،، قرائه ممتعه احبتي اول شي اسفه ع التاخير بس والله ماعرف شنو بي الواتباد البرامج كلها بيها نت اله هو مابي نت لعب نفسي والله ومنا راسي يوجعني خبلني وغلسو ع السحك لان البارت كتبته كوه من راسي الي خلبني من البارحه لليوم واعتذر منكم #نور الشمري #نوشه التعديل الأخير تم بواسطة لامارا ; 09-12-20 الساعة 03:33 PM | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
