آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
09-12-20, 03:39 PM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  #قلبان يجمعهما السحر #البارت التاسع والعشرون بقلمي #نور الشمري #قل لي كيف سأنجو منك يااادائي ودواءي؟ أرى صورتك في كل الأشياء كيف أنجو من سطوة الأشياء؟! قل لي كيف كتبتك قصيدةً عصماءَ خلت من كل حروف الهجاء؟! كيف لازلت أتنفسك برغم بعدك بدل الهواءِ؟ يملأ رئتي عبير عطرك تسكنني...تجوب سماءي تمتلك كل كرية بدماءي تلهم خاطري حروفا ترسمك دون أسماء روحي تواقة إليك تنتظر بشوق لحظة لقاء . انصاف : حسيت ع دكات عمار ع خدي وهو يرش مي عليه فتحت عيوني واني اباوع وين اني وضحت الصوره عدي انتبهت اني بسياره وعمار كاعد بصفي ومبين الخوف عليه عدلت كعدتي واني اخذ بطل المي من عده شربته كله دفعه وحده واحس نفسي بعدني عطشانه شصار بيه ليش هيج صار من شفته ليش كل هلحب الي شايله كلبي اله صدگ لو كالو الحب يدخل قلبك بدرن استاذان وحته بدون علم منك ويحتل قلبك وعقلك انتبهت ع عمار حرك السياره باوعت ع بيت سند وهمست اوكف عمار باوعلي بستغراب وكال - شبيج حبيبي نصوفه ماصار شي عاد، - لا عمار اوكف لحظه عدي كلمتين اريد اكولهن - انصاف - رجاااائااا عمار رجاائااا تنزل وياي لو انزل وحدي - هههه انزل يابه انزل شعدي غيرج اني نزلت وعو وراي قفل السياره ومشينا وصلنا يم الباب ودك عمار الجرس،واني واكفه واجمع قوتي مااضعف مو انصاف الي تضعف اريد اخذ حقي واريد اتحرر من هذا الي اني بي ماريد اعيش هيج كافي سنه كامله اني ماشايفته واليوم شفته بعد كل الي صار وواكف بشموخ ولا كانما مسوي ذنب بس الندم مبين بعيونه انفتح الباب وطلع سند فتح عيونه مستغرب من رجعتنا وكال - شنو نسيتو شي همست واني اباوع ع باب الاستقبال - بعده هنا دنك سند وهو يهز راسه اي دخلت وعمار وراي وسند هم مشيت بخطوات واني واثقه من نفسي الي داسوي صح دخلت الاستقبال وصار كدامي كاعد وحاط راسه بين اديه ومدنك مبين دايفكر او مهموم همست واني اباوع عليه السلام عليكم رفع راسه راسا مستغرب وكف وهو يباوعلي ومبين استغرب لان رجعت وكفت كدامه واني ابتسم شبهه ابتسامه سند دخل وعمار بقه بلباب وراي بقه ساكت ويباوعلي همست واني اباوعله - اي نصر الدين عدي موضوع وياك حجيتها واني واكفه مجتفه اديه اباوعه وهو صافن مستغرب وكفتي وطريقة كلامي عيونه ماانشالت من عليه رجعت كملت كلامي واني اباوعله - اتمنه اطلكني باسرع وكت يمكن عاقبتني بما يكفي وانت بعدتني عن ابني وخليتني لا اني بلسما ولا اني بلكاع خليت شوفت ابراهيم حسره بكلبي وصرت اشوفه بلختلات ورجعت حرمتني من عده وخليتني عايشه ع صوته وهم رضيت ورجعت حرمتني من عده وخليتني اكثر من شهرين اني ماعرف عنه شي اخذته وطلعت التركيا ومافكرت حته بيه كل هذا مو كافي هاا صح نسيت خليتني مطلكه قانونيا واني بعدني مرتك شرعا وخليتني لا اني منا ولا اني منا ورحت ازوجت وعشت حياتك وخليتني اعيش ايام وشهور وسنه كامله اني ماعرف شنو مصيري مادام عرفت كلشي صار لازم اطلكني لان اني مالي الشرف ان يكون زوجي واحد اناني ومتسرع سند : لحظه انصاف فاهمه غلط - لا ابو همسه من رخصتك الكلام اليوم بس الي مو دائما الحجي الكم خلوني افرغ الي بداخلي حجيتها واتقدمت صرت كدامه - نصر راح تطيني ابراهيم لا تخاف مااصير مثلك واحرمك منه لان اني مو لهدرجه انانييه وشوكت متريد اشوفه هو موجود كافي تحرمني من عده وتعرف هو متعلق بيه زين ع شنو كل هذا الشموخ والجبروت والحقيقه ضهرت يااستاذ نصر الدين تذكر كلامي زين بيوم الي طردتني ماريد اعيده الك ولا تخليني اعيده الك افضل لهذا عيش بعيد عني وخليني ويه ابني عايشه وهاااااا مالك اي حق تتدخل بحياتك واتمنه اطلكني بهاي اليومين لان اتقدمت وصرت قريبه عليه غمضت عيوني واني اشتنشق عطره ورجعت فتحتها واني اباوعله بعيونه مليانات حقد همست قريبه من يمه ومحد سمع كلماتي غيره - لان اريد اعيش مثل ماا نت عشت بدوني اعتقد فهمت كلامي مو حجيتها وابتسمت بوجهه وهو طول ما اني احجي ساكت بس عيونه دم ودمارات وجهه مبينه نفسه نصر من يعصب من شي ههه حافظته ع الغيب اي ابو همسه ياريت اتكله ع الي كالك عليه عمار لان لا تنسه مابقه غير بس 3 ايام وياريت يخلص كلشي بهاي ال3 ايام واذا ماطلكتني ساعتها يصير الحجي غير واستخدم غير طريقه وهيج راح تخسر نصر الدين ابتسمت وطلعت تحت انضارهم وماسمعت كلامه مبين جان ينتضرني اخلص حته يبدي هو يحجي بس تركته وطلعت للسياره وعمار لحكني اول ماركبت اتنفست بعمق - خرب بيومج لالا انتي منو لج جببل جبل والله ههههههه متاكده انتي انصاف لو بدلوج من فقدتي الوعي - هههههه بعدك ماشايف شي عموري هاي البدايه - خرب بيومج وشلون راح اتخلي يطلكج - ههه عادي حكومتنا مابيها قانون ينصف صح بس بيها تزوير - يعني شنو - اهدد وبس - لالا انصاف انتي واعيه ع الي تحجي تردين تهددين نصر وبشنو تهددي - هههه عوف هذا الشي عليه صدك راح يطلكني وغصبا ع راسه مشه عمار وهو مستغرب من عدي صراحه اني هم مستغربه شلون راح اهدد نصر وشنو الطريقه الي استخدمها ضده ماعرف حايره واحس نفسي بدوامه وتفتر بيه الي سويته صح متاكده منه بس ياترى الي راح اسوي بلمستقبل هم صح وراح يطيني ابراهيم خايفه يكذب عليه ومايطينيا الطريق كله خلص واني الف فكره براسي احس راح انفجر اول ما وثلنا الواسط ودخلنا للبيت شفت انو اتحضر بلغراض من شافتنا اجت علينا - ها شصار عمار : هههههه شصار الست تحولت بات مان جبل يابه جبل وكفت وبكل تحدي نصر طلكني لو راح استخدم غير طريقه وبوكتها راح تخسر يا نصر الدين هههههههه يحجي وهو يقلدني -دروحح ماسويت هيج اصلا بديه جنت مجتفتهن - اي اي انتي رايحه اصلااا وين تحسين بروحج - عمارر - هههه اشاقه وياج العصر ذكروني نطلع نشتري الاشياء الناقصه - اني ماروح عود اوصي انو اجيبلي ذبوني ببيت خاله ام حسن اشوف جوري مشتاقتلها هواي - احم ماشي تدللين يابه انو تعاي وينج وين تراكي الرصاصي انتبهت ع آنا فتحت عيونها واجت عليه -عليج الله كرصيني لالا ماصدك عمار يدلعني لالالا ماصدك - ههههههه انجبي وولي شوفي تراك الولد وين راح - ها اي اي رايحه هههههه راحت تركض والفرحه بعيونها سمعت صوت ضحكها هي وعمار ابتسمت واني ادعي الله يديمهم ومايفرقهم مشاقه الابراهيم هواي بس خلص مابقه شي 3 ايام ويصير بحظني نضفت المطبخ لان آنا مسويته خريطه كاعد تعدل بي وصاير شحاله العصر بدلت وطلعنا ذبوني اني يم جوري وهم راحو دكيت الباب وطلعتلي خاله ام حسن ابتسمت الها ودخلت - خاله لعد وين جوري - والله يمه فوك من الصبح لسه ما طلعت من اجيت من السوك لسه هي بغرفتها ماعرف شجاها - مممم ماشي هسه اشوفها صعدت الغرفتها واني مستغربه جوري ماتضل بغرفتها اذامو ضايجه من شي من دخلت انصدمت من شكل الغرفه وشكلهاا الجوري نصر الدين : رجعت لبغداد اني وابراهيم وامي وابالي كلام الدكتور يدك ببالي ابنك ما متسمم تسمم عادي ابنك صار بي تسمم عمدا وهذا نوع نادر من السم ويقتل الشخص بلبطييئ دير بالك عليه زين الطريق كله واني افكر ماكو غيرها لان حته نظراتها جانن يخوفن من اقترحت الموضوع عليها وطلكتها اي زنيب وصلتلج اجاج الموت انتضريني وصلت للبيت وكبل نمت لان ميت تعب كعدت العصر اشاقيت ويه بنات مثنى وبراهيم وكمت اخذت سويجي وطلعت لبيت زينب من وصلت شفته مقفول لا يااا حقيره اني اعلمج وين ترحين سئلت الجوارين كالو ماكو صاللهم اكثر من شهرين من شالو هزيت راسي واني اركب سيارتي خابرت العميد مالتي وكتله هذا الاسبوع اداوم ورجعت سديته وخابرت واحد ولد اطيته معلومات عن زينب وكتله اعرفي اي شي عنهم خلال هاي الشهرين وشويه سديته وطلعت للبيت كبل اول ماوصلت اتلكاني ابراهيم يضحك شلته وبقيت العب بي لحد ما نعست اني وياه وغفينا سوه اخر فترا صرنا انام اني وياه اتعود عليه حيل للن ما كمت افارقه ابد بيومها دكيت ع يامن ماكو ميشيله عفته ثاني يوم طلعت لبيت سند لان عدي شغله اول ماوصلت ونزلت صارت بنيه كدامي انضربت بيه ردت اهمس اسم الله بس وكفني شكلها من شفتها بقيت صافن عليها لا مستحيل هذه نفسها انصاف لا ماصدك لا متغيره نهائيا ولا كانما هي بقت تباوعلي وبعيون تلمع دموع وع شفايفها ابتسامه عافتني ومشت دخلت للبيت وسند استغرب وجودي - شجابك يمعود - العب يعني شجابني عدي حجي وياك دروح جيبلي اسكان جاي كام هو شويه واندكت الباب مال البيت طلع سند واني من شفتها لسه ماعرف شصار بيه احس كلبي يدك سريع ونبضاته مو طبيعيه احس ابدي اخذها بحظني واحبسها بداخل كلبي بس ماعرف شنو هذا الشعور الي اجتاحني حسيت بصوت ناعم دخل لاعماق قلبي وهي تكول السلام عليكم وكفت واني صافن ع جمالها معقوله هذا مرتي جانت لا اكيد اكو اشتباهه وهاي مو انصاف بس صدمتني قوتها وجرائتها وهي تحجي ابتسمت بداخلي واني اشوف نضرات التحدي بعيونها همست داخل كلبي اي هنا السالفه تردين تطلكين مو خل اشوف يارجال يطلكج اطلع مو زلمه اذا طلكتج ماعرف ليش هيج كلت ولا اعرف ليش اتحديت روحي ماعرف معقوله احبها لاااا نصر دير بالك تحب انت مو مال حب وهسوالف دير بالك ابتسمت واني اشوفها شلون تتحداني خلصت كلامها وطلعت عفت سند وخابرت يامن اخذته وطلعنا ع جسر الجادريه ماعرف ليش هنا ارتاح كلش من انشوف البحر والدنيا احس روحي مرتاح - شبيك مغندب ماعاجبك - مابيه بس باجر اروح افسخ الخطوبه من جوري كتلها قبل شويه ونهيت كلشي - شلوووون تحجي صدك انت لو تشاقه ليش هيج مو ع اساس تحبها - اييي احبهاا لا شنو احبها اعشقها بس هي ماتحبني ولا تريدني - شلون شلون عرفت ماتحبك - لان اعرف وهي كايلتلي اتحب شخص ثاني وبرغم من هو تركها وازوج بس هي لسه كلبها ينبض باسمه كرامتي متسمحلي نصر ازوج انسانه بداخل كلبها شخص ثاني - ياخوي حظك مبنجر مثل حظي - هههههه واكثر اي انت شبيك - اوو اني بيه سوالف فوك سالفه ابراهيم والتسمم وزينب اجيتني سالفة انصاف وطلاكها - ليش وين شفتها - ههههه شفتها اليوم يامن ماعرف شصار بيه من شفتها لسه احس كلبي يريد يطلع من مكانه تدري - لا انت مخبل مو ع اساس ماتحبها - اي ماحبها مو كال احبها وماصدك بيها هم - لا والله انت صدك مخبل - انجببب يامن بس لو افهم شعدها تريد تتطلك وتلح ع الطلاك - تريد تزوج هههههه -شنووووو دروح - نصر احجي صدك ترا وياها زميل خطبها وهي متردده اتوافق لو لا - شنوووو منين عرفتتتت - من جوري عرفت ترا نصر شوف نفسك منو راك البنيه راح تروح من ايدك كافي شوف لحيتك شوطلها صالك شكد ما مزين ولا داير بال النفسك وين نصر الي اعرفه وين ليش هيج انت اتغيرت ١٨٠ درجه - ياااامن لا تخبلني عوفك مني اني ابراهيم سودنيييي وخلاني وااندل دربي صدك خاطبيها وهي قابله - اي هيج فهمت - ماشي امشي للسياره بسرعه امشييييي انعل الساعه الي شفتها بيها ركبت بسياره وروحي طالعه مشت السياره واني صافن ع الطريق والجكاره بحلكي ويامن بصفي يسوق احس روحي ضعيت كلشي سنين ماحسيت بهذا الاحساس واليوم من شفتها وشفت ان كلشي راح وانتهى ومابقت الي وراح اصير الغير بعد كم يوم مجرد الفكره بهيج شي يخليني افور نار ذبيت الكطف مال الجكاره من الجامه وطلعت الجكاره السادسه من ركبت السياره لسه والجكاره مافارقتني اذب وحده اشيل وحده باوعت يامن شغل الراديو طلعت اغنيه اول ماشغله حسيت كلماتها مست كلبي يمكن القصه مال الاغنيه مو مثل قصتي بس حسيت ان دايعاني مثلي مثل معاناتي بلحب كلماتها مست كلبي سمعت يامن كام يردد بيها صوته كلش هادئ وحنين وكلمات الاغنيه كعدت وزن ويه صوته -شفتها ياسعود صدفه بعد ما مرت سنين!!!!!! ............ عند قسم المختبـر وسط مشفى الجامعـه جيتها ثم قلت ممكن في سؤالي تسمحيـن . .....................ناظـرت فينـي بدهشه نظره متواضعـه ماحسيت بروحي من صحت - طفيهاااااااااااااا اسكتتتتتتتت يامن : شبيكككك متكلي شبيك كبالك طفل اصيح براحتكك لك اصحححه اصحهه كم شهر مر و سنه صار وانت ع هلحاااله هاااي راح تخسر روحك وتخسر ابنك وحته هي راح تخسرهاااااا كافييييي انسه الماضي وعيش حياتك محد معصووم من الغلطط محددد الكل يغلط كافي انك بعدتها عن ابنهااااا وصبرتتتت كل هلمده ياما اتخليها اتعيششش يامااااا ترجعها الك فكر بكلامي زين نصر فكر زين امك ابنك انت طليقتك وحته هي كلكم ضحاياا وحده متخاف من الله ضحايا سحر جان محتلك بس لا تنسه بفضل هلسحر قلبك رجع ينبض من جديد ولا تنسهه هي من خاطرت بروحها حته اتخليك ترجع مثل قبل ماخلت امام وماخلت شيخ كافي فكر بروحك شوف شكلك هذا شكل نقيب بلاستخبارات هااا احجي هذا شكل عسكري استخباراتي شكل شخص بلستخبارات اله هيبته والكل ادكله التحيه هملت روحك عملك ابنك حياتك راح تخسر كلشي مثل ماخسرتهااا مثل ماخسرت الانسانه الضحت بكلشي علمودك راح تخسر كل شي تملكه حته عملك يا حظرت النقيب نصر الدين يعقوب اذكر كلامي هذاا هي حبتك وانت تحبها بس ماترضه تعترف واتخلي قلبك يعيش بسعاده كافي انسه كلشي وروح اعتذر منها وعيش حياتك الباقيه وياها لان هي الانسانه الوحيدها لي حبتك - ماعرف شصار بيه من سمعت كلام يامن احس نفسي جنت كاعد وهستوني كعدت اي صح كلبي احسه ينزف دم من اتخيلها تزوج غيري احس بلغيره من اشوفها تحب ابراهيما كثر منيا ي اعترف احبهاااااااا بس اعرف مسامحني لان الي سويته وياها مو قليل اخ يالله غبي نصر انت غبي ضيعت حب حياتك وضيعت نفسك وضيعت كلشي ضيعت الانسانه الي حبتك وضحت بكل شي في سبيلك وانت شنو قدمت الها وهاي راح تروح من ايدك وتروح لغيرك اذبحها واذبح نفسي وماخليها تروح الغيري وين جنت يامن عني وين ليش ما صحيتني من هذا الحلم الي جنت بي ليش من ضاع كلشي ياله صحيتني اليوم من شفتها حسيت شكد اني احبها اي اني احبها وردت اعترف واسويلها عرس لو ما سامعها باذني وضيعت كلشي بايدي لان ماسمعت منها اني الي اعرف المجرم من عيونه ماعرفت انصاف زين اااخ يالله ااخ جوري : كعدت حاظنه نفسي بلغرفه شعري ممشطته واحسه صاير هوسه الغرفه ماخليت شي بيها صاحي حسيت نفسي خسرته ايي خسرت الانسان الي حبني من صدك هم مو يكولون اخذ الي يحبك ولا تاخذ الي اتحبه بس اني ماكدرت احافظ ع هذاا لمقوله وضيعت اكثر انسان احبه ضليت ع هذا حالي للعصر اجتني انصاف ومن شالتني ضلتم صدومه نزلت دموعي واني اشمر نفسي بحظنها جنت محتاجتها حيل محتاجه حضنها وكلامها الي -شبيج لج شصاير - انصاف خلص خلص كلشي ويامن تركني ليش دابجي انصاف ليش احس كلبي يوجعني مو ماحبه اني ليش احس نفسي خسرته - اششش خلص حبيبتي بيها صالح مو قسمتج خلص اهدئي اهدئي ماصار شي عادي شنو يعني انتي مو ماتحبي خلص كنلي سادس ودخلي كليه وحبي وازوجي وانعل ابو يامن لا عمار هههههه من جابت طاري عمار بجيت وغطيت وجهي وصرت اشهك - لج شبيج لا تخبليني لا تكليلي عافج من وره صخام لا تكوليهااا هزيت راسي اي اي عافني من وره غبائي الي ٢٤ ساعه اكول عمار عمار حته اضوجه بس مافكرت هيج راح يضوج بسرعه - لججج انتي مخبله خرب جوري خرب شسويتي وشلون تكليله ع عمار شلووون - هو يعرف من زمان حجيتها وبجيت هو يعرف من زمان احبه وبرغم من هذا ماتركني واتامل احبه بيوم - شلونننن يعرف كعدت اسوالف الها كلشي من سولفتله كلشي صار انصدمت واني احجي وابجي بقت يمي ساعه اتهدي بيه وساعه تلومني لليل اجه عليها عمار وراحت بقيت وحدي وكفت كدام المرايه واني صافنه ع نفسي شبيج جوري ليش ضايجه هيج مو هذا التردي صار خلص مو شرط انسي يامن وعيشي حاله حال عمار اثنينهم انساهم واعيش حياتي غمضت عيوني واني افكر الف والف فكره براسي ليش اني الوحيده اليهيج دايصير بيه ليش وكفت كدام المرايه الله دايعاقبني بس ع شنو ماعرف وصار دوري حته اعاقب نفسي كل الي يحبوني وكل الي اتعلق بيهم يعوفونني ويرحون جريت المكص وكمشت شعري باوعت عليه شكد جنت احبه وشكد جان عمار واني صغيره يجرنيمن عدهو يكول هذامن تكبريني طول وياج ويصير بطولج وشكد من جنت احاجي يامن جان يهمس بصوت ناصي ويكول اخ اتمنه هسه انام وشعرج ع وجههي كل هاي مرت شريط كدام عيوني جريت المكص وكصيت شعري كله اكص وابجي واوعد نفسي هاي اخر مره ابجي بيهاع رجال غير بابا وحسن كصيت لحد اذني وصار ولادي ابتسمت واني اشوف شكلي بقيت اضحك وابجي مثل المخبله لحدما دخلت امي وشهكت من شافتني - صخاااام ولج جوريه شمسويه بنفسج ولججججج باوعتلها واني اضحك مسحت دموعي وهمست - لوك جديد ماما شنو ما لايك الي حجيت هيج واني امشي اطلع ملابسي من الكنتور ماريدها تحس عليه اني ابجي كافي الي شافته من وراي عفتها ومشيت للحمام قبل لا ادخل همست واني مطيتها ضهري - عود باجر يجي يامن يفسخ الخطوبه حجيت هيج ودخلت للحمام شبعت بجي اسبح وابجي واني اغسل شعري ويزيد البجي عدي لحد ما سمعت دك الباب بدلت ملابسي و طلعت والكل واكف بباب الحمام يباوعلي امي بابا حسن عفتهم واني مجاهله نضاراتهم ودخلت الغرفتي وهم تركوني وحدي ثاني يوم كعدت الصبح وتمنيت مااكعد ليشكعدت شعدي اني بهاي الحياة شعدي ضاله عايشه حسيت ع صوت جوه لميت شعري ونزلت واني لابسه تراكي وعيوني منفوخه ماعرف منو جوه دخلت للصاله وشفت مرت ابوه اليامن وعمته رجتت خطوتين واني اشوفهن دنكت وهمست السلام عليكم عفتهن وطلعت للمطبخ عرفت جايب الشيخ وجاي بلاستقبال شويه وصاحتلي امي ادخل جوه لبست جادر الصلاه ودخلت صارت عيوني ع يامن الكاعد وعده عادي هشي دمعه لمعت بعيني واني اشوفه هيج كاعد عادي عده نضرات عمته ومرت ابوه اليم ستغربين شكلي كعد الشيخ يحجي ويرجع الوره ويامن كله شيخنا متفقين احنه ماكو داعي سوي اليكتلك عليه وخلص السالفه ساعتها كال الشيخ اليامن كول الها زوجتي جوري انتي طالك باوعت عليه هو بقه ساكت انتضره ينطقها حته من صدكا كرهه اذا جنت اكرهه هسه اكوم اشوف دم سنوني ولا اشوفه صدك لحظات ونطقها وهو يباوعلي وبعيونه دموع كملا لكلام وطلع بره واني عفتهمو ركضت صعدت فوك ومن يومها انخلقت جوري جديده غير عن جوري القديمه جوري خلقتها الايام وحب عمار ويامن خلنها غير انسانه وهاي اني هسه انفسخت خطوبتي وسكنت غرفتي ورجعت اعيش مثل معاناتي من انخطفت لحد ما عرفت انصاف راح تسافر خابرتها واني اودعها وهي هم خطيه كامت تبجي هنا صحيت ورحت الها ودعتها لان باجر سفرتهموعدتها هي وانو وهاي انصاف هم تركتني وبقيت وحيده بدون احد لا صديقه ولا حبيب ولا خطيب وقرتت ارجع للدراسه وابني نفسي من جديد انصاف : من عرفت بجوري وحالتها حيل انقهرت عليها ماعرف شنو اسوي واقلل من المها مجربه هذا الشعور وشنو بيدي اسوي الها مرت يومين وعمار خلص كلشي علاقته هو وانو حيل مطوره وبيوم الي اجتني جوري ودعتني بقيت ابجي لليل وثاني يوم كعدت خايفه من جهه خايفه من نصر لا يجذب عليه ومايطيني ابراهيم ومن جهه خايفه لا نصر مايطلكني خوف بداخلي مكدرت اعرفه شنو من كعدت الصبح شفت انو تضحك وفرحانه من سئلتها دنكت خجلانه طفرت عليها واني انسه خوفي واسئلها - يعني انتي وعمار خلص يعني، - اي حجتها ودنكت خجلانه حيل فرحت لان اخوي واخيرا اتقبل انو واتقربلها وصارت مرته فعليااا جانت ببالي اسئله عن هواي اسئله ومن ضمنها موتت بابا الي احسها غامضه لحد الان بس مو وكتها ابد خل نوصل للصين والله كريم اخذنا كل غراضنا وطلعنا للمطار واني كل جسمي يرجف احس كلبي راح يطلع من مكانه من كد الخوف من جهه راح اتروح وطني واعيش بلغربه ومن جهه ضايجه لان تركت بيتنا وطفولتي وصديقة الطفوله ومن جهه خايفه من المستقبل خايفه اسافر ونصر مامطيني ابني واني كوه عشت هاي الايام بامل دخلت للمطار واني خايفه من كلشي دخلنا للمطار ورحنا ع قاعة الانتضار ننتضر سند يجيب ابراهيم مر الوقت وكلشي ماكو واكفه بالمطار انتظرهم يجون بقيت افتر وكامشه ساعتي اروح وارجع وعمار صافن عليه وآنا اتهدي بيه بس اني مو يمهم مااكدر مو بيدي مااكدر اثق بيهم لان سووها مره وبعدوني عن ابني اكيد راح يسووها مرة الثانيه باوعت ع ساعتي مابقه شي ع الطياره غير نص ساعه واني الوب كعدتني آنا ع المقاعد الي بصالة المطار وعمار اطاني بطل مي اخذته منه واني اديه ترجف كذبو عليه كذبو عليه ما يطوني ابراهيم كذاااابين مخادعيين نزلت دموعي واني اشرب المي غصيت ومتحملت اريد ابني اريد ابراهيم ماروح بدونه ماروح بدونه والله بقيت كاعده وعمار كام كمل اجرائات السفر والجوازات واني ادموعي تنزل مااطلع من العراق اذا مو ابراهيم وياي مااطلع حسيت ع دكت الفون بجنطه بقيت اريد افتح السحاب مينفتح انكسر واجت بيدي السحابه كد ما ايدي ترجف اخذته آنا مني وهي تهدي بيه -كافي انصاف شبيج كنالج راح يجون والله وعمار من يكول كلمه يعني خلص هزيت راسي وطلعت الفون واطتنيا اخذته شفتها جوري مو وكتها والله واعرفها راح تقنعنا حته ماسافر عفتها وحطيت راسي بين اديه منزلته وابجي لحد ماسمعت صوته وهو يكول ماما ماما ااااااه يا يمه يا محلا هلكلمه من تسمعهااا رفعت راسي ممصدكه شفته بحظن سند ومثنى وراه اتقدمو عليه واني ركضت عليه جريته من سند وصرت ابوس بي ااااخ يا بعد روحي يا ماما يمه ياروحي انت 5 اشهر خمسسه ماشايفتك حرموني منك الي مايخافون من الله بقيت حاظنته حيل وابوس بي وبوجهه واديه ممصدكه هسه هو بين اديه ممصدكه سند همس وهو يباوعلي - ديري بالج عليه ولا تحرمي من ابوه هم حقه بي ابتسمت وهزيت راسي اله لا تخاف مااحرمه منه مثل ماحرمني منعده مااصير ظالمه لهدرجه مثنى : واسفين لان اتاخرنا بس الازدحام موتنا سامحينا انصاف هزيت راسي مبتسمه ومحجيت اي كلمه اجه عمار كال يلا راح ينادون النا هزيت راسي واخذ عمار جنطة ابراهيم وجوازه ومشينا اني وعمار وانه وابني ابراهيم مشيت واني واثقه من الخطوه الي خطيتها واعرف نفسي ماغلطت بيها ابد واخذت ابني والاهم الحق طلع وثبت كل شي ثبتت برائتي واكدر اسافر واني مرتاحه ركبت بطياره واني واثقه ابراهيم بحظني حاضنته حيييل ابتسمت فرحانه واني اباوع من شباك الطياره فرحانه ببابني سنه سنه اني بعيده عنه بس جنت اشوفه كل فترا بس اخر شي حرموني منه خمس اشهر غمضت عيوني وشكرت الله لان خلصت من كلشي حظنت ابني وشميييته حييل وابوس بي وهو كلساع يضحك ويكول ماما مثل الي ممصدك بيه حسيت الطياره تحركت وبدت تقلع وهنااا وعدت روحي كلشي راح انساه كلشي صار وياي راح انساه واعيش صفحه جديده بيضه ويه ابني بعيده عن نصر واي شي اذاني ………… يتبع ،،،،،،وللحكايه بقيه ،،،،،،، قرائه ممتعه احبتي اسفه ع التاخير بس والله جنت طالعه ععد الدكتور واول ماجيت كتبت البارت غلسو ع السحك لان ماصححته وانتضروني بلبارت الاخير من القصه يوم السبت بليل توقعاتكم وتعليقاتكم وتصويتاتكم #نور الشمري #نوشه | ||||
|  |
|
09-12-20, 03:44 PM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #قلبان يجمعهما السحر #البارت الثلاثون والأخير بقلمي#نور الشمري #أنتِ حركتي البحر من بعد سكته أنتِ حليتي السؤال الما عرفته أنتِ خليتي النجم بعيوني يلتمّ والنجم مو هينه لمّته أنتِ رجعتي الحنين البلزغر عند أمي شفته أنتِ ربحي وعوضت كلما خسرته وجهج رسمته وجه وردة والندى يغازلهه جيت أشوفج والگُمر وياي جيته ويوم شافج أحلى منه گلي خليهه سكته أنتِ ربحي وعوضت كلما خسرته أنتِ حليتي السؤال الما عرفته ❤️ #جميعنا نعيش واقعنا ولكل منا واقع بعضنا يكون واقعه مر والبعض الآخر يكون واقعه جميل لگن حبي وقدري هم من جعلو واقعي يمر بكلتاهن المر والجميل فواقعي كان معك انتَ ايام كانت أسوء ايام وبعض الايام كانت أجمل أيام حياتي فهذه هي حياتي وواقعي معك وانا اتقبلها بكل اصنافها مادمت انتَ معي 💑 انصاف : جنت مغمضه عيوني وابني بحظني غافي سمعت صوت المضيفه وهي تحجي رفعت راسي باوعت ع انو وعمار كاعدين وجان كامش ايدها ومبين الخوف ع ملامحها وهو يهدي بيها منظرهم كلش حلو وعبالك عصافير حب هبطت الطياره واني اباوع ع الناس الكدامي تختلف ومبين من دول مختلفه نزلنا من الطياره وتوجهنا ع الاستعلامات كعد إبراهيم مطنكر وضايج ومتنحس من النوم نام هواي بقيت السوالف وياه واضحك ع ما خلص عمار كلشي واجه النا - مستعدات اشوفن الصين - اووو كلششش يلا يَمعود فضها آنا : هههه الأخت مستعجله هواي لاحكه لاحكه اشوفيلج صيني واتورطي وياج هههههه - هيج صارت ست آنا مو بسيطه اني الج طلعنا وأخذ عمار تكسي جان كلشي جاهز من عمار مجهز كلشي بمساعدت أصدقائه والمدير مالته اباوع ع الشوارع وفاكه حلكي شنو من جمال شنو من نظافه شنو من ترتيب حته ابراهيم صافن ساكت ويباوع مستغرب مثلي ههههه وصلنا ع مدينه يمكن سمعت عمار كال اسمها بكين جانت قمه في الروعه يعني شنو اكول بحقها قليل ومبين عليها مدينه اساسيه بلصين وصلنا ع مكان مثل المجمع أو ماعرف شنو بي بيوت وشقق نزلنا وعمار نزل الجنط مشينا واستقبلنا شاب يطلع عمره ثلاثيني ومبين عراقي سلم ع عمار واخذنا دخلنا جوه شقق اطه لعمار مفتاح وبقو يحجون المكان مليان خضار مكان يفتح النفس إبراهيم بجه إله ينزل ويلعب واني اخاف عليه فتح عمار الشقه مالتنا ودخلنا جانت شقه مفروشه وكامله كلشي بيها حلو اكو صور وكتابه صينيه ضحكت ع نفسي واني ممصدكه لحد لأن اني حاليا بصين المكان جان تحفه صراحه الشقه جبيره وأطل ع مكان خضار البلوك موقعها يجنن وإبراهيم يفتر ممصدك حبيب كلبي مبين مكان سياحي الشقه بيها غرفتين وصاله ومطبخ وحمام وكلشي جاهز ونظيفه عبالك هستوهم منظفيها ماتعبنا بيها ابد وإبراهيم كلساع وباجي يريد يطلع ومالي لو يريد يوكف بلبلوكه واخاف عليه لا يوكع آخر شي بقه يبجي وهو منا متنحس من النوم كره قنعته وحطيت ملاعيبه وكعدته العب بي وانو اتغرف بلغراض وتفتر بشقه عمار طلع لهذا الولد الي استقبلنا اول ماوصلنا طلع يمه إبراهيم يبا على ويضحك وكلساع كامشني من خدي كأنما داحاول يصدك اني أمه يمه آخر شي باوع ع باب ومال بابا اين من كال هيج معرفت شنو ارد عليه لان ابراهيم آخر فترا عرفته اتعلق بابوه هواي قنعته كوه وسكته ع أن هسه يجي بابا ويجيبلنا حوايج سكت وكعد يلعب واني كمت ساعدت انو ورتبت غراضنا وكلشي دخل عمار وهو يضحك - وهاي اسبوع راح اشبعكم طلعات بس اسبوع ترا لا تفرحون لأن وراها يبدي دوامي وصدك من يومها وكام عمار يطلعنا هو وهذا الولد أحمد إلى جان مترجم ويندل كل شبر بيها عرفته صاله ٧ سنين عايش هنا أخذنا ع أماكن سياحيه اجنن بس أكثر أماكن مزدحمه ومشهوره هي معبد السماء والمدينه المحرمه معبد السماء جان فد شي جان مكان مقدس الهم وشي حلو شكله كأنما شجره عيد رأس السنه ومثل إلى يطلع بالافلام والكارتون الاكشن شي خيالي شبعت إبراهيم صور وجنت فرحانه حيل اما المدينه المحرمه هنا لا صدك حسيت روحي بفلم أو مسلسل صيني اكشن ههههه المكان جان فد شي يجنن مكان تاريخي وكلشي بي تاريخي وقديم أشياء روعه عمري متخيلت راح اشوف هيج أماكن وازوزهن بالحقيقه إبراهيم جان طول اليوم فرحان ويباوع بصدمه مثلي تماما ههههه بس من يجي اليل يبقه يبجي ع ابوه لحد ما اخلي عمار يتصل بي صور وصوت ويبقه يحجي وياه لحد ماينعس ويكون يغفى مثل ما جان هو عد ابوه واني اعيش ع الاتصالات هاي بس الفرق اني خليته صوره وصوت وهيج خلص الأسبوع بسرعه جان من بين الأماكن إلى رحنالها بهذا الأسبوع جان سور الصين هذا المكان جان قمه في الجمال عمري كلها متخيلت نفسي راح ازوره واحلا مافي وأكثر شي حبيته بي هو التلفريك من ركبنا جان روعه وكدرت اشوف أشياء عمري مشايفتها حبيته كلش للمكان هذا واتمنيت اعيش بي ههههه ومكان إبراهيم المفضل جان حديقه الحيوانات ياويلي ماخله شي ما راد يكمشه مدري منين جاب كل هاي الشجاعه ياعالم اني مره شكبرني خفت من شفتهم لزمه ما لزمت اي حيوان لأن خفت من صدك وهو المشيطن ماخله حيوان ماكمشه وعمار مكيف بي شايله ع امتونه ويفتر وهذا يضحك يكركر من الضحك يكوم وبليل من يخابر ابوه هو وعمار لازم يشرحله كلشي وخبصه خبص بلحديقه وخله عمار يشرح ويترجم النصر واني بالغرفه خربانه ضحك عليهم خلص الأسبوع واحنه كل يوم مكان شكل جان فد شي روعه عمار بده بشغل مالته وجان يطلع من وقت لأن الشركه مالته جانت شويه مسافه عن المكان الي كاعدين بي مرت الايام تركض ركض واني احس بفرحه مو طبيعيه وكل يوم اراسل جوري واطمن عليها لان تركتها بحاله يرثى لها واكعد السوالف وياهن واسوالفلها مواقفى وخوفي وجبونتي هههههه وع إبراهيم واسوالفه وادزلها صور انتبهت عليه من تحجي وياي ترتاح نفسيا حاجيت عمار ع المعهد مالتي كال خليها هاي السنه لأن ماكدر اسوي اي شي بسبب الضغوط العليه وصدك خطيه عفته براحته المكان الي كاعدين بي جان بي عرب هواي تعرفنا ع عائله سوريه جانت كلش حبابه كمنا اني وانو من نخلص شغل انروح الهم ونطلع بره نكعد وانضل انسوالف ونضحك مر شهر من اجينا لهنا وتقريبا اتعودنا ع المكان بليل جان عمار كاعد يحجي هو وإبراهيم ويه نصر اجت ع بالي اضوجه لأن ضوجني قبل لا اسافر سئلت عمار ليش ما طلكني كال مكدر لأن بالواجب عرفته جذاب بس سكتت ماريد اسوي مشاكل واحنه باجر نسافر اعرف شلون اخلي يطلكني دخلت ع عمار بصابه وحجيت بصوت عالي - أن و وينج تعاي عليج الله شوفي هذا شكد يخبل لج جمال وشياكه يجنن مو مثل الي بالعراق هههههه طبعا جنت شايله بلوز واشر عليه عمار باوعلي من فوك لجوه ويهز بيده وآنا اجت عليه تتفحصني خاف بيه شي وهو البلوز صاله شهر من اشتريته من طلعنا من اول مااجينا لهنا إبراهيم صاح - ماما تعي شفي بابا باوعتله وخزرته وهزيت راسي بلا ومشيت وصلت للغرفه وصحت عماااار إذا بعدك تحجي وياه كوله خل يطلكني صاله شهر شنو ما نزل ترا زودها سمعته رد رأسا لأن سمعني الخشونه مال صوته زايده وطيته جاذبيه هزيت راسي انسي أنصاف انسي - عمار ياريت لو تكول الاختك اني ماميت عليها بس الشغل واصل دراسي ومالحك بس أفرغ اطلكها عمار : هههه هاي شنو خليتني مرسال شو تعاي واحجي وياه - لا حبيبي اريد انام باجر وراي كعده تعرف لازم اطلع - وين ولج - ويه ليلى طالعه ويه عائلتها واطلع اغير جو اني وإبراهيم وإذا تقبل اخذ انو وياي جان كل هذا الحجي يدور والفون مفتوح واني عمدتنا حجيت هيج حته اسمعه عفتهم ودخلت للغرفه شويه وجاب عمار برهومي نايم حظنته ونمت الصبح كعدت بدلت وانو راحت ويانا و طلعنا ليلى عمرها ٢٠ سوريه ويه عائلتها هنا كلش حبابه وفد شي ضلينا نفتر بلسوك وشنو يعجبنا نشتري لحد ما انتبهت ع عائله عراقيه اعرفها شفتها اول ايام من جنا نطلع جانت ع هم ثنين بنات وولد صغير البنات يطلع بعمري وأول ما زجو جانو لابسين عبي بس هسه استغربت من شفتهن سافرت وحته الامايه لابسه بنطرون وقميص قصير وحجاب مطلع نص شعرها انصدمت لأن اول مره شفتهم لابسات عبي وهسه استغفرت ربي واني اباوع ع نفسي وع انو اني اصلا من جنا بالعراق مجنت البس عبايه فقط بالأماكن إلي أزور بيهن ونفس لبسي ماغيرته ابد قميص أو ثوب طويل وبنطرون أو ثوب محجبات طويل وحجابي انو لا صح جانت تلبس بوشيه بس هنا صارت تلبس مثلي لبس محشوم وحلو يعني ابد ما البس قميص أو شي فوك الركبه كله جوه الركبه ومرات البس بنطرون عريض وقميص طويل يوصل لركبي رجعنا للشقتنا واني مصدومه إبراهيم من التعب نام بسرعه العصر اندكت الباب طلعت اشوف منو انتبهت ليلى وامها فتحتلهن الباب و دخلن صارن يحجن وسوالف آخر شي كالت ليلى اكو سوك عربي هنا شنو رئيجن نفتح مطعم أو أي شي يكون عراقي وسوري مختلط واكيد ينجح استغربت هذا الشي سكتت وماطيتهن اي اجابه لليل حجيت العمار كال - نصوفه اي شي تردين اسوي بكيفج ماامنعج منعده لأن تعرفين معزتج عدي تردين تتركين وياهن اني حاظر تردين تشتغلين وياهم هم حاظر تردين بس تتونسين وتروحين وياهم متردين شي بكيفج بقيت صافنه وكلت ليش لا اساعدهن بلى اكدر عليه وهم إلهي نفسي لان الكعده ممله حيل اتفقت وياهن اساعدهن واشتغل وياهن وهن فرحن خابرت جوري وكتدها كالت احسن شي احسن من كعدت البيت وانو شصار بيها - ماصار تدرين بيها تحب كعدت البيت - أي ههههههه بديت اروح ويه ليلى إلى سون مطعم واكله منوع سوري وعراقي وهن يعرفن الاكل العراقي وجان ابوها وياهم واني اساعدهن بلى اعرف بي وهيج مشت الايام بين المطعم وبين إبراهيم إلى مرات أخذه وياي ومرات اخلي يم انو وكل ما يكعد يصيح بابا وكوه انسي والسوالف وياه ياله ينسه وبليل يرجع نفس الحاله يبجي ويفرفرح ع نصر لحد مايخابره عمار ويبقه يسولفون سوه عرفت عمار ميكدر لا بدوني ولا بدون ابوه واتعود علينا اثنينا بليل جنت كاعده يم عمار حبيت اعرف شلون مات بابا وليش لأن اني السالفه أغلبها ماعرفها - عمار حبيبي اريد اسئلك بابا شلون مات يعني السالفه متدخل براسي رضوان هيج يسوي بدون سبب -أمم وشجاب هذا الموظوع اليوم -أريد اعرف شنو ممنوع مثلا -لا يأبه شوفي السالفه كل ما بيها العركه صارت من شفته واكف ويه جوري وكاطع الطريق عليه وسوالف وياها مارتاحيت إله وعرفته دايهددها لأن اعرفه زين هذا واحد ساقط وهتلي لهذا وره فترا رحت تعاركت وياه وحذرته يوصل يمها لأن مو مثل البنات الي يعرفه هو كلمه مني كلمه منه كبت بينا كام ططفر بلحجي وع أن احنه جابريج تتزوجين وماعرف شنو اني اعرف رضوان جان يريدج لأن اجه وخطبج مني بس اني رفضت لأن اعرفه كلش زين واحد هتلي وراح يسود عيشتج كام يطفر بلحجي وضربني رديت الضربه إله ومافاد لحد ما اتصلت بنصر وكتبه عليه اجه أخذه ماكتله ولا جبت طاري بسالفه لأن اعرف نصر شنو وخفت عليج من عصبيته كتله اتعدى عليه وجان يتحارش ويه بنيه اعرفها وره فترا كدر يطلع واجه يهدد ويحجي آخر شي كال لو الديني مكان أنصاف لو افظحها بلمنطقه واخليها علج بلسان الرايح والراد بس اني ما سمعت منه وضربته كله وعفت يامن يتصرف وياه بس هو كادر يجي وراء يضربني اني طلقه بس ابوي الله يرحمه شايفه واجه راسا يحميني وطاحت بي وصار الصار بس محد عرف السبب انتي لا كلها عبالها لأن وكف جوري بنص الشارع صحاول عركتنا من وراها بس بعدين لا -بقيت صافنه معقوله يعني عمار جان يعرف رضوان يريدني باوعتله وهمست يعني انت أطيتني لنصر بس علمود ماتطيني لرضوان؟؟؟ - لج لا ياثوله منين اجيبين هذا الحجي انتي قوله لو شنو بس فهميني هو صح جان واحد من الأسباب بس والله مو هيج جان رفضته وخلص مو كوه هي بس رانيا الله يرحمها هم الها ايد من سمعتني احجي الأمي ع رضوان أدخلت وكالت هذا واحد ملعب ولاعب ع صديقتي وو سوتها سالفه شط لها شعرضها هزيت رأسى واني متفهمه هذا الشي زين تتخيل رضوان ما كال النصر كلشي - لا لأن عرفت بي صدك يحبج ورانيا جانت اتوزنا علمود نرفض و كل سوالفها ع أن هو ملعب جانت مجرد كذبه وهو مستحيل يسوي هيج واصلا مايعرف نصر زوجج بقيت صافنه ليش هيج سوت رانيا لو ما هي يمكن جان اني مزوجه رضوان وعايشه بسعاده ومرتاحه بس بيها اراده وقسمتي هذه بعد كنت نيمت برهومي وكلبت بلتلفون شويه راسلت جوري وبعدها سديته ونمت واني مرتاحه خلصت من رضوان ونصر هم راح اخلص منه عن قريب واعيش هنا براحه وسعاده نصر الدين : بعد إلى صار ومن عرفت نفسي احبها وعدت روحي إله ارجعها لو اعرف ادفع هذه الشي غالي مستحيل افرط بيها بعد كلشي صار من رجعت واتصل بيه العميد علمود ارجع للدوام ليتها حجه واني اتهرب من موضوع الطلاك اني اني وهي هي واشوف منو يطلكها داومت واني بالي كله عد إبراهيم وماعرف ع شنو جانت تحجي هي وسند بليل من رجعت للدوام واني فرحان لأن شفت بعيونها تحدي واني اعشق التحدي شفت بعيونها البرائه إلى أخذت كلبي طول المده الراحت جنت اقنع نفسي اني ماحبها بس كلام يامن اليوم خبلني ولو عدي شعر جان وكف شعر راسي هههههه خلاني من صدك افكر الف مره وشفت نفسي احبها لا مو احبها اعشقها بليل خابرني سند وكال عدي حجي وياك كعد يسولف واني صاف تريد تروح للصين الخاتون وتريد إبراهيم وياها رفضت شنو صين شنو ٤ سنوات هلو العب ماقلت وصيحت وردت حجيت هواي وحته تعاركت ويه سند وامي وحته أنصاف ماقبلت تروح هي لحد لأن ع ذمتي ماتقبلها ابد كعد مثنى يهدي بيه - ياخوي خليها تروح تغير جو ترتاح كم شهر وحاجيها بلكت لنها ناسيه وتقبل ترجعلك - صفنت ع كلام مثنى صح وهي ع ذمتي متكدر اسوي شي ؛ وي هديت وضلطت يومين افكر قبلت بس إبراهيم يبقه رجعت امي وسند يقنعون بيه وحاولو أقبل وبيوم سفرهم ياله قنعت وكلت السند أخذه لا اغير رأي ومااخلي يروح كانت أمي حظرت كل غراضه واخذو وراحو وعبالك اخذو روحي لأن آخر فترا حيل اتعلقت بي بقيت ايام بشغل ومارجع للبيت ابد اسبوع وأكثر اني من شغله لشغله ماريد أطب البيت وإبراهيم ماكو لحد ما خابرني حاصبي وكلي عرفت شغله البنيه إلي كتلي عليها اسمها زينب عرفت مكانها كاعده بشقق ع حدود بغداد هي ووياها بعد مرايه إذا تريد تعال اتأكد أخذت سيارتي وطلع كبل ع المكان الكاله وبقيت اراقب بيها وصدك طلعت هي ابتسمت بفخر اي زينبه وين ترحين اليوم خابرت ع دوريه وقدمت إبلاغ عليها واطيت عنوانها بقيت كاعد بسياره لحد مااجت الدوريه واخذتها هي وامها ابتسمت بنصر ماكو شي يصعب عليه رجعت للبيت نمت شويه وكعدت العصر رجعت رحت ع المخفر وقدمت هويتي وطلبت أحقق وياها اني دخلت عليها واني اشوفها كاعده وكلبشه اديه من شافتني اخترعت ورجعت لوره خايفه اشرتلها تكعد وكعدت كدامها - أي سولفي احسن الج -ششسولف - يعني مثلا ليش بدلتي مكانكم ورقمج وحذفتي كلشي ليش احسج خايفه هسه - انـــ اني لالا غلطان - زينبببب صبري يخلص بساع احجييييي انتي الي سممتي إبراهيم مووو - لالا والله مو اني مالي دخل والله لا تسجني عليك بداعت روحه الأبوة والله مالي دخل - هههههه ع كيفج دانحجي بس شبيج صار وجهة اصفر وكمتي ترجفين ماشي لعد إذا مو انتي منو لعد حجيت هيج وغمزتلها - ممـــــ مو اني والله هاي امي هي الي كالتالي اسوي هيج والله - امممممم جيد لعد احجي كلشي لشوف ليش هيج سويتن بسرررررعه طفرت من شافت عصبيتي وحجت بصوت يرجف - من عرفت انت طلكتني كالت هاي كله من وره مرته الاولانيه كله من وره ابنها اخلصي منه وتعاي ومحد يعرف -وانتي سويتي هيج مو الله لج شنو هلقعل إلى عدج انتي من شنو مخلوقه لج بابا شكد غبيه شفت أغبياء بس بعمري ماشفت مثل غبائج احترافي هههههه -شلون يعني مفهمت - يعني اجيتس للموت برجليج اكليها يااا مرتي السابقه هههه عفتها وطلعت مكدرت أمد ايدي عليهه لأن هي مو مرتي هسه ومحرمه عليه وماكدر هم لأن المركز معقد شويه خاصه الضابط إلى بي طلعت واني حاط عليها تهمه وأقل شي تنحكم هي وامها طلعت من المركز وللبيت اتصل عمار بيه وحجيت ويه ابراهيم إلى احس مشتاقه كلش بس ماكدر اخذ اجازه هسه لأن هسوني رجعت من اجازه طويله مرت الايام واني افور نار رقمها مغيرته وماعرفه حته اتصل بيها الادبسز قطعت كلشي وعبالك ماصدكت تطلع وتخلص ابد متوقعت هيج تكون مرت ايام هيج احبها بس ماكدر انزل من كرامتي بس داخطط لفكره بالي وامشي بيها بس ماعرف شلون واني ماعندي رقمها بقيت حاير منين اجيب رقمها وماعرف شسوي مر أكثر من شهر وهم هناك مشتاق الابراهيم وأهلها اي مشتاق العيونها البريئه إلي مشتاقلهن حيييل شكد احبهن لأن اشوف بيها برائه مو طبيعيه راسي مشدد. حته للدوام كمت قليل اركز بي يامن صاله مده ممداوم وماخذ اجازه مسافر بيها لاربيل اعرفه يحبها لجوري بس يكابر اتصل بي مايرد عليه لو يرد يحجي كلمه ويروح عرفته تعبان واني هنا حظي طايح كوه ياله كدرت اسيطر ع روحي ماالحكهم وكلساع سند ومثنى كامشيني لأن يدرون بيه اعرف أيتها هواي واعرف السويته مايغتفر بس مو بيدي يعني كل واحد يحط نفسه بمكاني ويشوف روحه من ينحط بهيج موقف شنو يصير بيه اعرف كل تصرفاتي بهذا السنه الراحت كلها غلط بغلط واعرف كسرة كلبها بس خل تعطيني فرصه وحده والله إله اخليها تعيش اميره وما تندم ابد بس شلون واني ماكدر انزل من نفسي ولا اكدر اعرفها هناك بلغربه وحدها وهي الحقير ماخذه راحتها طلعات و بات وحدها وتغزل بهذا وذاك واني هنا طرطور محترك جدي الف مره وهو بكبره بس بسيطه ست أنصاف وين ترحين لو اني لو انتي كل يوم يمر اني احاول الكه رقمها وماكو مادالكاه ماعرف شلون اوصل الها بس اخر شي اجت ببالي كوثر اي والله اكيد تعرف هاي ماتضم عليها شي ركبت سيارتي وطلعت لبيت سند بسرعه من وصلت دخلت سلمت عليهم وكعدت حاجيت كوثر بس صدمتني من كالت - والله نصر ماعرف رقمها هي من سافرت لحد لأن بس مرتين خابرني ومن رقم اخوها مسحت ع لحيتي واني صافن بسيطه أنصاف عرفت شلون تلعب لعبتها بس لا ال طوبه بملعبي هلمره والي الضربه رجعت للبيت واني محترك دخلت لغرفتها كلشي ع حطيته ماكو اي شي يختلف صاله سنه وأكثر من تركت البيت بس كلشي بمكانه أخذت زجاجه عطرها واني اشمها وين جنتي عني وين ليش هسه ياله طلعتي بدربي ليش فتحت الكنتور وطلعت كم قطعه من ملابسها إلى ضلن هنا اخذته ورشيته من عطرها واني استنشقه ااافيشش شكد مشتاقلها ماعرف شلون هيج صار كل هذا بلمح البصر غفيت واني حاظن ثوبها وحاطه ع ايدي ورايح بسابع نومه واحلامي كلها هي بيها فزيت ع صوت ضحك يم راسي فتحت عيني مثنى ويامن يامن : احممم ابو غزل حبيبي اكو ناس ضلت تحجي ما يدها وماحبها بس هذا ضميري بعد اخوك طلع الأخ واكع ومحد مسمى بي - أي يخوي هههههه ماعرفته هيج ضعيف بسرعه يضعف من اسافر - لك دشوف شكله شلون تعبان صاير ماصدك هذا صاحبي واخوي نصر شلون رايح من وراه الحب يمه الحب يمه هيج يسوي اثاري شو اني ماصار بيه هيج من عفت جوري - أي ولك حته اني شو من عافتني نريمان أكثر من ٥ أشهر علمود الطفل ماصار هيج بيه هم -هييييئ انت وياه هاي علمين الحجي عليه يا ادبسزيه اني الكم اوكفولي يا **** كل. احد بطول النخله وعقل ماكو يا صخوله شو اوكفولي إذا انتم زلم احجي والبس تشيرتي وهم يضحكون عليه واني اتحلف بيهم طلعت شفت نريمان مرت مثنى وبناته وابنه حمودي كاعدين بصاله كامت نريمان سلمت عليه رديت عليه واتفشلت كدامه شطولني اركض وراهم لا يا قنادر أخذت غزل ورزان بوستهن وكتلهن شويه واخذكم اشتريلكم وحمودي يناغي بحظن أمه ضحكتله واني احجي وياه من بعيد طبيت للصاله شفت مثنى ويامن كاعدين وره الحجيه وهي اصلي صلت يمهم صاحت الحجيه ﷲ أكبر ضحكت وكلت ها حجيه حته انتي ضدي اتاشر عليهم وتخزر وتصيح ﷲ أكبر وهذوله خوبانين ضحك مو يكول كل واحد شطوله وشكبره وهذا ابو ٣ جهال خلصت الحجيه صلاه واني كاعد انتضرها تخلص حته اهجم عليهم - الله يطيح حظكم كومو منا كوم و خرذطتو صلاتي من الله يطيح صبغكم يامن : خاله دخيل ربج هو اني منا الجفاف معتم عليه ومنا عايف خطيبتي ومنا تردين اطيحين صبغي بعد منو ترضه بيه متكليلي أضل هيج اي حقج ولدج معرسين ماتخافين عليهم إله اني ابن البطه السودا ضربته امي بسبحه مالها وصاحت لك انت شوكت تعقل ويصير براسك خير مو كلت عقل وخطب شو فسخت و انفسخ عقلك وياك كمت تحجي شاطي لأخي - لالا حجيه مو هيج - أنجب وكوم لك بيومها بقينا احنه الثلاثه سهرانين وواحد يسولف همه للثاني كلنا عدنا هموم بس همومي محد يتحملها أنصاف : مرت الايام والأشهر واني هنا مرتاحه حيل إبراهيم شويه شويه تعود وكام مايبجي ع ابوه صالي ٦ أشهر من اجينا للصين والمطعم مال عائلة ليلى صار مطعم معروف. شكو عربي يجي إله وطش إبراهيم صار عده أصدقاء وحره أطفال صينين يضل كاعد يلعب.وياهم وهذاك يلطن وكلشي مانفهم من عده هذا هم يضلن يلطن وكلمه افهم وكلمه لا مره رجعت من المطعم وإبراهيم وياي ذ دخلت للشقه واني عدي المفاتيح دخلت بهدوء وإبراهيم ركض للصاله يصيح وفجئه سكت سمعت صوت عمار صاح انعل والديك ع هلكبسه هاي يا ابن المطي ركضت عليه واشوف مطافره هو وانو ماله والي ضحكت واني اشوف إبراهيم واكف صافن عليهم مبرطم وانا اتعدل بهدومها وشعرها وعمار يلبس قميصه اريد اسكت من الضحك ماكدر كوه عفتهم ودخلت للمطبخ ميته ضحك عليهم خطيه خوش كبسه سؤالهم إبراهيم دخلت انو وجهه احمر همست وهي مدنكه - اااائئئئ جايه من وكت -ضحكت وكوتلها اي ماكو شي وعزلنا -امممم خوش -صدك اريد أكلج شي - كولي حبيبه كوه احجي من الضحك - اني حللت وطلعت حامل - عليج الله كولي والعباس لالا ماصدك - والله مساعه اخذني عمار وحللت - ياروحي الف الف مبروك شبكتها واني فرحانه الها فدوه وأخير شفت الفرحه بعيون اخويه واستقر مرت الايام وبيوم 2018 /8\9 جنت كاعده بالمطعم ودك عمار عليه رديت واني احجي وياه واشتغل - ها عموري ردت شي - أي حبيبي خابرت نصر وكال هالايام اخذ اجازه واجي اشوف تاليها شنو - شلون يعني تاليها شنو ترا معروفه هذا الشي اني ما ارجع - ماشي نصوفه اني هم كتله عود يجي. تفاهمو - ممممم ماشي سديته. اني خايفه راح يجي خاف ياخذ إبراهيم مني لالا ميسويها زين خاف مايطلكني والله اذبح روحي وماارجعله مرت يومين وبيوم جنت هستوني دخلت المطعم وليلى واكفه رحت سلمت عليها ودخلت شويه واجت ام ليلى كالت اكو شاب يريدج بره صفنا منو محد يعرفني ويجيني استغربت هذا الشي طلعت اباوع المطعم كله ولا واحد اعرفه لمحت شخص كاعد ومطيني ضهره لابس شفقه انتبهت عزا هذا اصلع هذا نصر والله نصر اعرفه كلش زين مشيت بخطوات خايفه بس واثقه من نفسي وكفت بوجهه وابتسمت واني اباوع بوجهه هو من شافني وكف وابتسم - اتفضلي كعدت واني اباوع عليه ماعرف شنو من شعور اشتاحني بس بسرعه طردت هذا الشعور واني صافنه عليه شنو ممكن يكون إلى يدور بباله -احم اي أنصاف تدرين شكد بصعوبه ياله كدرت اجي لهنا ابتسمت وهمست جان كدرت تفض كلشي وانت هناك ماكو داعي تجي حجيتها ورفعت حاجبي - انصاااف حجزها وهو صاك ع سنونه شوفي يابت العالم اني جازفت واجيت بس علمود احجي وياج ونوصل لحل لأن مستحيل اخلي ابني هيج ضايع بيني وبينج باوعتله صافنه اي وشنو الحل بنضرك - ترجعين وياي نرجع عائله كامله وما مخليته يكمل وكفت واني أهمس وصاكه ع سنوني - بلحلم نصر الدين بلحلم ارجعلك مو اني إلى أنها وارجع بسهوله غلطان - يعني قرارة الأخير هذا - أي حجطتها وباوعتله بتحدي ماخاطفه هز راسه وطب للجوه يم ليلى لحكته واني خايفه شراح يسوي هذا يخوف جر الجنطه مالتي والقبوط وجر ايدي ومشه - اخخ نصر وخر ترا اعيط وافضكك والله - أي عيطي عادي صينيين ومايفهمون اكلهم غير شي وغمزلي ماعرف ليش خجلت من كال هيج وكف يم سياره فتح باب الصدر وركبيني بيها وهو ركب صفنت هذه شيريد يسوي الخبل ومنين جاب السياره شخطها وطلع - عزاا لك نصر وكف السياره لا والله اضحك وكفها مارجع وياك احجي ولاكانما احجي وياه عبالك حايط همست. اني الدموع بعيني إبراهيم هسه ينتضرني بالبيت وين ماخذني ماحجه هم انتبهت هذا طريق يؤدي ع السور بلعت ريكي واني صافنه هذا وين يريد ياخذني وصلنا ع مكان يصير قريب ع السور نزل وجرني من أيدي وراه جني حيوان يسحل بي شكد كرهت روحي من شفته هيج مامهتم ولا كأنما اني بشر خلنا ع فندق وبعدها جر ايدي واخذني ع الغرفه واني ادفعع بي وهو وبارد خبلني بروده هذه وعبالك َممسوي شي دخلني الغرفه وقفل الباب وحط المفتاح بجيبه وباوعلي وصاح - أي ست أنصاف شت دين - طلكنيييي اني مو حيوان عدك فاهم كافييي مو طلكتني كمل معروفك و طلكني هسه خليني اعيشششش - يعني انتي هسه انتي ماعايشه أنصاف اعترف غلطت هواي بحقج واعترف اني غبي ومتسرع وماسمعت منج واعترف اني احبج واموت بيج كافي ارجعي مو لخاطري لخاطر إبراهيم ولج شليتيني شل - مستحيييل ارجعلك كمل معروفة وأنهى كلشي وخليني اطلع - ماكو طلعه قبل لا نحسم الموضوع - لا والله واني كتلك ترا قرار ف غير الطلاك ماعديي - ماشي لعد خليج هنا حجاها ونزع سترته شمرها ع الجربايه وتمدد همست واني واكفه مجتفه اديه واباوعله - افتح الباب نصر طريقنا انتهى إبراهيم ماينام إذا مو يمي افتح الباب - ماكو طلعه قبل لا نتفق - يعني وهسه شلوون - رجعيلي حجاها وضحك حضكت اني هم وتقدمت همست بحلمك الوردي ارجعلك هز راسه وهو يصيح كافي سالي ساعه اتوسل بيج وانتي ماكو كلب لو حجاره بت الاوادم مو صرت وصلت مسح كدامج واني اتوسل بية ترجعين فتحت عيوني مصدومه لالا نصر صاله ساعه يتوسل وين شو هن كلمتين كالهن وكوه درت وجهي واذا عله بطرف عيني وماَمهتمه وهو فأر نار طلع المفتاح من جيبه وكال تردين اطلعين مو هزيت راسي واني اباوعله وانتضره يفتح الباب بس ضل واكف وبيده المفتاح كفت أخذه منه همس - هذا اخر قرار عدج مو هزيت راسي وهمست اي آخر قرار - ماشي يا مرتي - مو مرتك طليقتك -مرتييييي - طليقتكككككك اطلعلك ورقة الطلاك - انجبييييي وغصبا ما ع راسج انتي مرتييي شرعااا - بس قانونا طليقتك حجيتها ورفعت حاجبي هز راسه وفر المفتاح وكال - تتدللين إذا هيج ماحس غير فتح الشباك وشمر المفتاح من الشباك شهكت واني اصيح نصررررر شداسوي باوعلي وكال وهو يضحك - أريد اشوف شلون انتي طليقتي مو مرتي جوري : مرت الايام اهلي عايفيني براحتي محد حجه وياي كلمه واني البجي صار صديقي شويه من السوالف ويه أنصاف ارتاح مرت الايام ورجعت اداوم سادس وكما اروح وارجع واني انتضر ذلكت المحه ذلكت اشوفه صرت أمنه لو اسمع منه خبر واحد بس مسويلي بلوك من كل البرامج وحته ع الرقم ومن يوم إلى اجه طلكني وبعد ماشفته ابد ومن يوم إلى راح وهو احتل كل بالي كمت ماادير بال لعمار واصلا مافكر بي ابد حته من عرفت متقرب الانو فرحتلهم هواي بس بجيت لأن مر طيف يامن ع بالي ماعرف شنو الي خلاني هيج يصير بيه مرت الايام ويامن ماكو واي خبر عنه ماكو شهرين صار ع فسخ الخطوبه وهو ماكو بديت اداوم والناس اول فترا بدت تحجي أشكال وحسن كل يوم يجي للبيت متعارك ويا واحد كله لأن انفسخت خطوبتي وكامو يربطون خطفي وفسخ الخطوبه وطلعو أشكال الكلام عليه ع أن اني مو بنيه وووو كومه حجي بابا تمرض من وره الي دايصير وحسن كلساع متعارك آخر شي اتفق بابا وحسن انشيل من واسط كلها همست واني احجي شلون واني سادس ميخلوني انقل حجه بابا وهو يباوعلى بخوف أقل شي يخافون عليه لا اسوي شي بنفسي - لا تخافين عمج مرتضى يدبر كلشي عده واسطه بتربيه ويحلها هو هزيت راسي ومن هذاك اليوم واحنه شأنا من واسط. انتقلنا للعماره يم بيوت عمامي وعمي مرتضى سؤالي نقل للمدرسه وبديت اداوم ومرت شهرين احنه بلعماره عطلت عطلة نص السنه وكعدت بالبيت ادرس وأشد حيلي صالي ٤ أشهر ماشايفه يامن ماعرف ليش احس روحي مشتاقتله معقوله احبه لااااا هذا مو حب يجوز إعجاب ماعرف شنو صار بيه بس الي صار خلق جوري جديده تختلف بنهار صلبه وقويه وماتتحاجه ويه احد وبليل تحظن مخدتها وتشبع بجي ابن عمي عباس جان من الصغر يحبني بس اني رافضته من اجينا يمهم كام كل يوم يجي يم حسن. اني ماديرله بال و٢٤ ساعه فوك بغرفتي ادرس لو ادخل ع رقم يامن واتمنه يفتح الحظر عرفت نفسي اني حبيته ليامن بس جنت اقنع نفسي اكرهه ومجلبه بحب عمار إلى تركني وماسئل عليه وعاش حياته وكأنما ماكو جوري خطر ببالي شي و ماعرف ليش حبيت اشجع وأرسل رساله إليامن حته لو حاظرني يجي يوم وقرأها 💬 يامن ماعرف انت هسه بيا وقت تقرأ هاي رسالتي بس حبيت اكولك شي اني بعمري ماعرفت الحب إله وياك ماعرفت شنو يعني حب إله من خلالك انت علمتني الحب وانت علمتني شلون احب وشلون احبك اي احبك يامن ورب الجلاله احبك واموت عليك سامحني ارجوك سامحني ع كل غلط صدر مني احبك دزيتها وعسى ولعلى يقرأها انتبهت الرساله وصلت فتحت عيوني ع وسعهن يعني ماحاظرني يعني يالله ماعرف شنو الفرحه إلى حسيت بيها بس بسرعه اتلاشت هذه الفرحه من شفته قرأها ومارد هنا اتاكدت يامن خلص نساني ويجوز حب غيري مسحت الدمعه ادطاحت مني وطلعت سمعت اهلي يحجون بسيرتي وامي وحسن يقنون بابا يوافق بس ع شنو ماعرف لحد ما وره يومين صاحتلي امي نزلت شفتها كاعده وصاله جاي الها وعصير إلي باوعلي وكالت كعدي - سمعي بنيتي اعرف الي مريتي بي مو قليل واعرف إلى صار بيج انتي بالخاص مو هين بس يايمه هاي الحياه ويامن مو قسمتج ولا نصيبج ابن عمج عباس خطبج وانتي تدرين شكد يحبج ويتمنه منج نصره ويايمه الولد شراي وشاريج ماجبرج لا والله بس انتي اول تالي تتزوجين والتعرف احسن من الي ماتعرفه ويايمه عبوسي نعرفه من جان هلكده صيدلاني والكل يعرف أخلاقه وحته هو كال لا اجبرونها شرايج اصير خطبه عاديه كلشي ماكو بس هيج رسميات وتتعرفون وإذا ما رتاحيتي وعد مني والله بس كولي واني افسخ كلشي ماعرفت شنو إجاوبها شفت بابا وحسن واكفين وراي وعيون بابا تتوسل بيه أوافق مكدرت غير اهز راسي واعوفهم واطلع كله مني اني ضيعت يامن استاهل واعرف مايرجع بعد بلكت انساها وعباس خوش ولد واكيد ينسيني ياه وماا اغلط الغلط إلى غلطته ويه يامن ابد وهيج مر اسبوع وصار كلشي ومجرد بس خطبه عاديه وحته حلقات مالبسنه بس قرو الفاتحه واتفقو جنت ساكته كام زيد ابن عمو اخو عباس نشر منشور ع الفيس وسوالي تاك إلى والعباس جنت نايمه وشفت المنشور جان يبارك إلى والعباس ويشاقى والتعليقات كلها تبارك ومصدومه بليل واني نايمه حسيت تلفوني دك رساله باوعت يامن عدلت كعدتي واني مصدومه لالا ماصدك يامن لا مستحيل فتحت الرساله جانت عباره عن قلب مكسور وكاتب صدك هذا الحجي نزلت دموعي وقويت نفسي دك باوعت خفت ارد لو لا اااخ شكد مشتاقتله رديت واني أقوى نفسي الوو -جوري كلمتين ورد غطاها صدك هذا الحجي - يا حجي بلعت ريكي خايفه صاح -صخامج خطوبتج بت النعل - يامن لا تغلططططط - انجبي قندررره احجي منو هذا ادور هاااا - يامن لا تغلط ط فدوه روح خلص مو انت نهيت كلشيي خلص عوفني اعيش حياتي - ها هيج الحجي صار سؤال - شنو هو - عقدتو - همست بصوت ناصي لا - ماشي لعد الف مبروك مقدما وهدطتج توصلج باجر أن شاءﷲ غمضت وبجيت شهكت بصوت عالي همس جوري سديته بسرعه وظدطت النت ونمت هسه تخابر شعدك اصلا تخابر نمت وكعدت الصبح عيوني منفوخه باوعت ع شكلي بلمرايه شعري طولان واصل لجوه اذاني بشويه صاير كلش حلو وثخين لايكلي حيل غسلت وجهي واسمع صوت صياح جوه نزلت اركض وناسه حجابي شفت عباس وحسن وبابا وزيد وفهد ابن عمو مرتضى الثاني وبابا وعمامي و و يـــ ا مــــ ن يامن شيسوي هنا وشلون تنزل بيتنا عباس عيونه حمر دم صاح شنو يثبت كلامك صدك هاااااااا - تريد إثبات عادي تتدلل بس اس؛ئل كل الي جانو موجودين طلاكي من جوري جان مو صحيح لأن مانطقت الكلمات المطلوبه مني بطريقه صحيحه وهي لحد الان مرتيييييي احس بصدمه مو طبيعي رجليه يرجفن سندت روحي ع الحايط واني اسمع عياطهم كلهم آخر شي عاط بابا وهو يسكتهم كلهم - وهسه شنو الي تريده ابني يامن جنت واكفه بسد الباب محد يشوفني بس اني اشوف الكل واسمع كلشي همس يامن وهو يحجي - ارجع مرتي وهي من حقي اني عباس : أنجب وماعدك مره يمنا هي هسه خطيبتي - ماشي لعد جيبوها وسئل ها منو تريد وصدكوني إذا كان جوابها متريدني هسه اطلكها واطلع صاح حسن وعيونه نار دم جوري طبيت واني خايفه باوعلي حسن وكال سمعتي كلشي مو حسيت نضرات يامن بصدمه عليه لان دخلت بدون حجاب حسيت ع روحي وامي لبستني الجائر مالتها بقه يخزر بيه ويباوعلي بصدمه همس حسن وهو يباولي سمعتي كلشي مو هز يت راسي اي - وشنو تردين بابا همس وهو يطمني - لا تخافين بنيتي شنو ماجان قرارج اني وياج - ماكو دأعي بابا لأن اني مصيري معروف حجيت هيج وباوعت ع عباس ورجعت ع يامن يامن مبين الخوف بعيونه من كلت هيج بابا اني مرته ليامن هسه يعني مصير مرتبط بي وتعرف شنو صار بيه من تركني هز راسه وهو فهم قصدي باوع ع عمي ابو عباس وكال - خويه اعتذر منك بس البت تريد رجلها وماكدر اوكف بوجهها باوعت ع عباس ابتسم وكال اصطله بت عمي لو مهما كان قرارج ماتزعل منج بالعكس يجوز لو مختارتني جان ضجت لان اتخليتي عن زوجة ويجي يوم تتدخلين عني بس طلعتي اصيله وبت أصول الله يهنييج - باوعتله واني اشكره بعيوني مسح ع راسي وكال اي شي تحتاجي لا تكولين ماعندي احد عدة اخين حسن واني ابتسمت اني فرحانه يامن واكف يباوع بغضب مرت يومين ويامن جهز كلشي وع اساس هذا الأسبوع عرسنا وصدك كلشي صار بسرعه بسرعه كل ه ا وهو مايجي وياي ابد بس صدمني من عقدنا محكمه وبعدها اخذني وحدي ع اساس نشتري غراض شفته طبك يم شيخ نزل وكال نزلي باوعتله بصدمه ونزلت دخلنا وكال -جوري ترا جذب انتي مو م تي وطلاكنا صحيح بس ماجانت عدي غير حل ارجعج ههههههه جوري تحبيني - باوعتله بصدمه وشهكت يعني شنو - اششش جاوبي ومالج دخل _ هزيت راسي اي احبك والله احبك كمش ايدي وباسها حيل اخذني للشيخ وجان اكو ثنين أصدقائه وعقدنا من جديد واني ميته ضحك عليه طلع داهي ويخوف ركبنا بسياره واني مصدكه - يامن ليش هيج مو ع اساس. - اششش رسالتج حركتني حرك اسبوع اني مانايم من وراها وافور نار كلساع اريد اتصل وابطل لحد ما شفت المنشور إلى ناشري ع صفحتج واتخذلت كلت راحت من أيدي - هههههه وشلون أن ليت بيتنا - ترا اني الملازم أول يامن مو سهل هااا حجاها وغمزلي شهكت وضحت ملازمممممم - هههههه اي حبيبي ملازم استخباراتي حجزها وغمزلي وجرني بحظنه - عزا يامن لعد اني ليش ماعرف ضربني ع راسي وهمس - لج ثوله شلون تعرفين إذا استخباراتي - مممم ضحكت ممصدكه حظيت ايده انمدت جوه الحجاب وكمش شعري هذه مالتي ليش هيج مسوي بي - هههههه قبل لا تفظخ الخطوبه مو ضوجتي كمت كصيته - أن اخوك يعني من وراي يابويه انعل سلفه سلفاك يامن روحك كصت شعرها من وراك - هههههه خل نرجع للبيت - بس مو قبل لا اخذ حصتي -شن بعدني ممكمله كلامي وماحس غير بشفايفه ع شفايفي بوسه اخذتني لعالم ثاني لحظات عشت بيها بسعاده وعرفت نفسي اني بعمري ماحبيت عمار وجان مجرد إعجاب لأن حب يامن خلاني اعرف شنو يعني حب كمت اعشقه وماكدر اعيش بدونه لحظه جانت احلا لحظات حياتي وباجر عرسي ع حبيبي الي حبيته واتعذبت بفراقه أنصاف : نصر شسويت انت شلون نطلع احجي وهو يتقدم جر حجابي بجره وحده وشمره ع جربايه وصاح مو كافي شعلتي ابوي والعباس إلى شافتني من سحر اختج احبج ابتسمت واني تشوفه متعذب ويتوسل ارجعله هزيت راسي وهمست مارجع - والعباس جان احلا سحر لأن جمعني بيج لا صيري قاسيه ترا اعرفج تحبيني رجعي لخاطر يامن وتردين اسوي سوى بيه - افتح الباب وافكر - ماكو وو هسه تقررين - نصر اكرهك - احبج هههههه وهسه شلون - وجعي للعراق والله افور نار لأن الصينيين؛ أربعين شوف واني محروم - ههههههه ارجع للعراق بس ماا ارجعلك شكد قاسي ولج سالي ساعه اتوسل بت الاوادم بت الحلو مو كافي ابوي اشتعل بكبره من وراج أنصاف ترجعين لو لا آخر مره أسئلة المره الجايه اخذ إبراهيم وارجع و الله وتحلمين اشوفي بعددددد وسويتها مره خفت لا صدك يسويها أووكف - ارجع بس علمود إبراهيم مو علمود زوجه الك ابتسم وكال اي تتدللين والله عادي خابر ع الاستعلامات اجت فتحت الباب و علنا كال جيبي إبراهيم خل اشوفه اجه للشقه وصل هو وإبراهيم للصبح سوالف وضحك حجز ع طياره وكال نرجع اليوم انصدمت شنو هلاستعجال - ماتردين تحظرطن عرس صديقتج لعد - هاااااا ياصديقه عزاا جوري عرسها باجر اي اي حظرت غراضي وكلشي ورجعنا للعراق اني وياه وإبراهيم طول الطريق ماحجيت وياه كتله اخذني لبيت سند ماعاند رحنا للبيت سند كال نصر عدي شغله اليوم اروح وبعدين اجي إبراهيم لح إله يروح وياه أخذه وراح واني كعدت أخطر روحي لعرس جوري وفاتحه كاميرا وياها سوالف وضحك صار ثاني يوم و حنا للعرس جانت طالعه جمال لابسه بدله طويله كلشششش من وره وبيضه والماس مليان بدلتها وانت فرحانه كلش هي ويامن والفرحه بعيونهم خلص العرس ويامن ماترك جوري ابد وعيون نصر عليه وين ماروح زفيناهم للفندق واني فرحانه الها من كل كلبي رجعت ويه نصر انتبهت الطريق اول مره افوت منه وصلنا ع بيت دبل فاليوم جبيره يجنن بمنطقه راقيه وبيوتها فد شي روعه انتبهت ع البيت وباوعتله المن هذا - النا لأن بيت ابوي سديته وراح نكعد هنا من اليوم فرحت لأن هذاك البيت شفت بي أشكال وبي ذكريات سوده حيل دخلت واستقبلتني عمتي تبجي وتحظن بيه وتعتذر بست رأسها وعذرتها لأن ام وما شفت منها شي بس من طردني نصر وهذا الشي حقها أخذت إبراهيم وانتبهت مسوي غرفه إلنا اني وياه وغرفه الإبراهيم ابتسمت وباوعت ع غرفة إبراهيم جبيره بقيت بيها وهو يفور نار وكمت اخذ راحتي بلبس لأن مثنى مسافر لتركيا سياحه هو وعائلته بديت انام ويه إبراهيم و٥ أشهر اني مااحجي نصر برغم اني وياه بنفس البيت عقدنا محكمه مرة الثانيه بس ماخليته يتقرب إلي وهو بغرفه واني بغرفه لأن ما كدرت بسهوله انسه كلامه ابد عاقبته أكبر عقاب وهو اني مرته و5 أشهر كدامه وماخليته يتقرب إلي لحد ما فد يوم عمتي جانت عد سند واني بالمطبخ اطبخ وإبراهيم يتفرج ع الفون حسيت احد وراي باوعت نصر جان كاعد ع التميز ويباوعلي اتوترت حيل حسيته وراي حاولت ابعده بس مكدرت جان حاضني حيل من خصري ويلعب بشعري ضعفت وهمست بصوت ناصي كلش -نصر وخر إبراهيم كاعد اني كلت هيج لو تورطت ماحسيت غير هجم ع شفايفي وكام يتفنن شالني ع الغرفه جنت متخدره ورايحه وياه بعالم ثاني رجعت ذيج الطفله أنصاف إلى عمرها بس ١٦ سنه وحبت الأصلع إلى أخذ عقلها وقلبها وهسه اني هيج رجعت لذيج الايام وعشت احلا ايام حياتي وخاصه برأس السنه مال 2019 عشت احلا ليله رجعت لحظنه لحبيبي إلى ماشفته منه شي بس عوضني بهاي الايام كل. السنين الراحت وخلاني مااندم لأن رجعتله ابد مثنى وعائلته كعدو بالطابق الفوك ومستقر بحياته ويه نرمين وربت بنات رانيا احسن تربايه وصارت الهم ام واني ضليت جوه ويه عمتي آنا جابت ولد يخبل وعمار سماه حسين جان طالع ع أمه يخبل بكلشي يشبهه وبعده سنتين ويرجع للعراق والحلوه حسوني حصل ع جنسيه صينيه ههههههههه صار صيني اما سند هاي العائله شنو أقدم ها قليل بحقها ماعرف بشنو اجازيها صارت إلى عائله من بعد عائلتي ومثال للناس الخيره إلى قليله بهذا وكتنا جوري اوو ياجوري هاي قضيه ثانيه ٢٤ ساعه معارك هي ويامن من وره الغيره اتغار عليه كلش من البنات وهو تلفونه خلاه سفردحي ع كولت يامن تلفوني صار سفردحي بيد جوري حته ماتغار وهسه هي حامل ببنوته ونصر يكول إله أخذها الإبراهيم نصر اااه يانصر من رجعتله صدك ماخلاني اندم ولا خلاني احس بنقص عوضني عن كل سنين عمري الي عشتهن بتعاسه وصار إلي من صدك اب وأخ وصديق وزوج وحبيب وكلشي جان دائما يكولي انتي نعمه دزها ربي إلى ولو رانيا عايشه إله اشكرها ع سحرها لأن جمعني بيج وهذه كلماته جانت كافيه لتخليني امشي واني مغمضه عيوني وراه عيشني نصر احلا لحظات حياتي نصر عاد زواجنا من جديد بعقد جديد صح جان زواجنا مبنى ع غلط بس جان احلا غلط لأن جمعني بشرية حياتي كلنا نغلط ونصر غلط اني غلطت وكلنا غلطنا بس اتعاقبنا ع أخطائنا إلى سويناها والله ما تركني وحيده ودائما الحق يضهر ولو بعد حين لهنا تنتهي قصتي بنسبه الكم بس بنسبه إلى لا ستوها بدت لأن هستوني بديت حياة جديده ويه نصر السحر إلى جمعنا جان إله كل الفضل صح هو يضلم الواحد واسوء شي بس بفضله جمعني ويه نصر الله يرحم اهلي لأن جان الهم الفضل بزواجي من نصر ومهما يصير يبقون الاهل أهل والدم مايصير مي ابد قصتنا انتهت وخلصت بس بنسبه إلى أنصاف هستوها بدت حياتها لأن ماصاللها سنه من رجعت لنصر هذه القصه جانت الأقرب إلى قلبي لأن عشت ويه أبطالنا ومريت بكل شي وياهم اتمنه ولو شي قليل استفاديتو من القصه هذه وتعلموتو ولو أشياء بسيطه منها انتضروني بقصه جديده أبدى بنشرها بعد امتحانات نص السنه أن شاءالله وراح تكون كلش حلوه تحجي عن أنثى تتعرض لتهمه القتل لتصبح مجرمه وهي بريئه وليست اي تهمه فهي متهمه بقتل زوجها التي حاربت الجميع من أجل الزواج منه زوجها التي عشقته حتى الموت لكن بين ليلى وضحاها تتهم بقتله وتسكن السجون لتكون بريئه في وسط السجون تاركها خلفها أطفال صغار قصه كلش مشوقه ومليانه غموض اعتذر ع الاطاله واعتذر ع التأخير بس والله الوات جان محذوف عدي والشبكه ضعيفه وكوه نزلته ونشرت البارت و للحكايه نهايه تصويتاتكم وتعليقاتككم قرائه ممتعه أحبتي #نور الشمري #نوشه | ||||
|
| |
|
12-03-21, 04:05 PM
| #34 | ||||
| نجم روايتي وفراشة الروايات المنقولة 
| السلام عليكم ورحمة الله وبركاته عاشت ايدج كلش حلوه ربي يسعدهم بجد يستاهلون دعوه صادقه بس اختي لاحظت كل القصص العراقيه تساعد عالكفر بالله وقوته حتى لو غير طاءفه احترم كل الطواءف بس من تنشرين فيه كفر بالله انتي ينولج الحرام شنو بفضل ابو الفضل احمى ورجعه بخير بسبب ابو حزامين اعطاني مرادي او ابو اليتامى او ام اليتامى ما اعرف كيف تخلي القوه لناس ميتين وشبعانين موت زيهم زي اي حد ثاني رحمهم الله ورضى عنهم انتي ينولج الاثم حتى لو حقيقه الكلام انهم يروحون ويتمسكون بشباك حديد ويطلبو من الاموات لا يجوز حرام كلش كتبتيه حلو وعاشت ايدك وكل حقاءق بس لنتبيه لانه كل قصصكم هيج تعملو تسلم احلا ناقله ورده لامارا تقلبي مروري ونقدي وليس نقد بقد التقليل من شانك لا والله بس توضيح الحرام هنانا بس | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
