عيشتني الضيم وصرت لقلبي ضنا.. / للكاتبة أريج ، مكتملة

[لامارا]

بارت 9


اخذت تلفونها واتصلت ف مها اكثر من
مره بس ماردت رمت تلفونها. ع السرير
ومسحت وجهها وخذت لها كوب قهوة
كان طول الوقت شارده وتفكر..
تسريعع الاحداث..
4:20ص.اذن الفجر ورنيم لسئ
م نامت تنهدت بحزن وقامت فرشت سجادتها
وصلت...
فارس كان يلعب بتلفونه قيم مع اخوياه
وصوته واصل ل اخر الدنيا
_فارس:ياخذ شكلك يارقم ١ ارجع اهني
اذبحوني الله ياخذك.. دخل عليه ابوه
ورمئ عليه بـ اقرب وساده عنده. نزل فارس
سماعته من اذنه
_ابو فارس:شتسوي انت تسولف ولا تحارب
صوتك واصل لا اخر العالم وليه مانمت
ترئ بنطلع نشوف الأرض الساعه ٦ونص
والساعه ٩ طيارتنا
_فارس بعدم اهتمام:طيب يبه م عندي نوم.
وكمل لعبه ولاكن ابوه كلمه..ريان كان بغرفته
ودموعه ثابته. بعيونه لا نزلت ولا وقفت
كان ماسك بيده الضرف.
_شنو سويت يايبه الحين لو شفتهم صدقني
م رح اعرفهم ولا رح يعرفوني شلون اقابله واقوله
ان بذمتك ثنتين بنات. قطع حبل افكاره طقت الباب
طق. طق. طق.. دخلت امه كوثر وقربت صوبه
_ام ريان:وش فيك ياحبيبي من رجعت البارح وانت
مو ع بعضك شنو صاير لك فيه احد متسلط عليك
بـ شغلك.. ابتسم ريان وقرب صوب امه وحط يد
ع اكتافها وباسها ببراسها
_ريان:طول مـ انتي جنبي يمه صدقيني انا بخير
وانا في احسن حال بفضل الله ثم بفضلك.. رن تلفونه
قرب شاف الرقم وناضر بـ امه وعلامات الإرتباك عليه
ابتسم وسرعان م اختفت ابتسامته اخذ تلفونه
ومفاتيح سيارته وطلع...
رنيم جهزت نفسها اخذت تشيرت ابيض وتنورة
رمادي سرحت شعرها اي كلام وطلعت كان
واضح عليها التعب واضح عليها الارهاق بس
قاومت وصلت لـلمطعم...وكانت كلش شارده
مو مع اي احد.. الكل لاحظ عليها...قربت عليها مها
وعلامات التعجب بوجهها
_مها:رنيم.. رنيم مو معاها ابد. رنييم
فزت رنيم وبققت عيونها
_رنيم:هلا...مها قرنت حاجبها وحطت كف يدها بجبين
رنيم
_مها:اشفيك مانمتي وش ذي الحاله مبهذله
_رنيم وجهها كان شاحب مسحت عيونها:مافيني شي
بروح اشوف طاولتي اكيد فيها طلب.. تركتها رنيم.
وكملت طريقه وهي شارده كن جبال ع ظهرها.. طلال
دخل من باب المطعم ولمحها ابتسم ابتسامه صغيره
عشان م يلفت النظر وعينه عليها بكل م تمر. مرت من جنبه
وم انتبهت له حست نفسهاا دايخه رجولها ثقلت عليها
حرارة جسمها ارتفعت بدت الرؤيا تشوش عندها...

[لامارا]

بارت 10

...ارتكت ع طرف الطاوله
ومـ حست ع نفسها فجأة طاحت..مها صاحت
وركضت صوبها
_مها بخوف:يمه بسم الله عليككك رنييم.. طلال
ركض صوبها وجلس ع الارض ورفع راسها ع
فخذه وصار يضرب بيده بوجها وعلامات
الخوف بعيونه. الكل صار مجتمع حوله
_طلال:رنيم رنيم.. حط طرف اصابعه
برقبتها ورفع نظره لمها
_مها ببكئ:شنو فيها
_طلال:تعالي معي نوديها المستشفى وانتو كل
واحد ع شغله.. هزت مها راسها بـ إيجاب
اخذت شنطتها ومسكت بكتف رنيم اللي
كانت شبهه ميته كل م وقفوها طاحت حملها
طلال بيده مثل الطفله الكل كان منبهر من
تصرف طلال البطولي ركبها بالمقعد الخلفي
وطلعت معها مها اللي دموعها م وقفت
_مها:امانه اسرع مدري وش فيها من الصبح وهي
كذا وجهها شاحب مرا امانه اسرع تكفى
.. طلال اللي كان يسوق بسرعه جنونيه وكل تفكيره
رنيم.. سرعان م وصل المستشفى ونزل وترك باب
السيارة
مفتوح والمفتاح بداخلها حملها بين اكتفاه وركض
فيها داخل المستشفى.
_طلال:سيستر تعالو وينكم. قربت منه السيستر
_السستر:وش فيها ومن متى وهي كذا
_طلال بـ ارتباك:الحين فجأه طاحت علينا وخذتها عطول
فتحت السستر عيونها واشارت بـ الضوء داخلها
_السستر:خذوها لطورارئ وعطوها ابره ***
ومغذي سريع.. لفت ع طلال. وانت تعال معي عطني
معلوماتها..هز راسه ب ايجاب..
_طلال:تمام انتضروني اجيب البطاقه بالسياره. ركض
للسياره وكان بداخلها واحد اول ماشاف طلال سكر الباب
وعشق وبسرعه جنونيه. ركض وراه طلال
_طلال:هههههاااي الله يااخذك هاااي. حس نفسه انقطع
جثئ ع ركبته ولحقه رجال الامان
_رجل الأمن :نعم اخوي اي مشكله
_طلال:سيارتي راحت وكل اثباتاتي فيها ياخي اوووه
ينعل ابو الحظ عض شفايفه بقوه ورجع شعره لورئ
وهو يتنفس بسرعه..
_رجل الامن:تمام تفضل معي للمكتب تعطيني رقم
لوحة السياره وانا حبلغ كل نقطات التفتيش
ان شاء الله مايعديها لخارج المنطقه.. هز راسه ولحق
خلفه..
رنيم كانت مسترخيه والمغذي بيدها.. فتحت عيونها
ببطئ حست بصداع بيكسر راسها..
مريم كانت تلبس رولا
_رولا وبكل برائه:ماما انتي وباب متهاوشين.. ناضرت
فيها مريم وكملتت
_رولا ميلت فمها:ماما بس مايصير تتهاوشون
انتي وبابا لان الله مايرضئ.. رفعت مريم نضرها
ودموعها طاحت وضمتها بكل قوتها وشهقت..
دخل عليهم سالم وزفر بضيق..
_سالم:تعالي بابا تبيني اوديك وين اليوم..
قربت منه رولا َنضرات الحزن بعيونها
_رولا:بابا ليش تزعل ماما تبي الله يزعل منك
ترا انا ازعل بعد وم اكلمك اذا هاوشت ماما مره
ثانية...

[لامارا]

بارت 11


ابتسم
_سالم:تمام حبيبتي ماما مو زعلانه بس هي
تعبانه شوي والحين ابيك تنزلين عند ماري
مسويه لك اكل وتشربين حليبك وبـ أخذك معي
تمام.. هزت رولا راسها بـ إيجاب تركته وتوجهت
لا امها وباستها وطلعت. قرب سالم من مريم
_سالم:انتي شسالفتك هاا شلي لعب بـ إعدادت
راسك هاا ناضريني يوم اكلمك.. ناضرت مريم. بعيون
سالم ودموعها بعيونها
_مريم:تبي تعرف وش فيني هاا فيني اني جالسه
اتألم كل يوم وبداخلك من بقايا شخص تبي تعرف
وش فيني فيني ان قلبي كل يوم يوجعني اكثر
من اليوم اللي قبله اني حملت ضنا ماهو ضناي
عشت الامومة لطفله اساسا مو... قاطعها
سالم حط اصبعه ع فمها وطاحت دمعته
_سالم:اششش بـ امانه لاتكملين..سحبها صوبه
وضمها ببقوته وهي تشهق بصدره وتتكلم
بكلام مو مفهوم....
رنيم حست راسها ب ينفجر
_رنيم بصوت تاعب:آه شلي صار.. قربت منها
مها وباستها بجبينها وحطت راسها ع راس رنيم
_مها:الحمدلله ع سلامتك حبيبتي خوفتيني عليك
شلي قاعده تمرين فيه وانا مو داريه مو انا اختك
رنيم ليش تخبين عني.. دخل عليهم طلال
_طلال وعيونه بعيون رنيم اللي م اختفت ولا ثانيه:
الحمدلله ع سلامتك رنيم توي مكلم الدكتور
يقول مافيك الا العافيه بس شوية هبوط
عشانك م كلتي شي.. ابتسمت. ابتسامه كلها
تعب
_رنيم:ممم ممشكور استاذ طلال.. ابتسم
طلال وتركهم وطلع اسند راسه ع الباب
وتنهد بـ ارتياح حط يدده ع قلبه
_طلال:يارب بالحلال يارب..
بعد مرور ساعتين انتهى المغذي من رنيم
كمل طلال إجراءات الخروج وطلعوا من باب
المستشفى كان طالب تاكسي استغربت مها
_مها:ليش تاكسي استاذ طلال وسيارتك
_طلال:ااء شسمه ذا اممم انسرقت السياره
_مها بصدمه:هااا شلون وحنا جينا فيها
_طلال:من فهاوتي نزلت وتركت الباب مفتوح
والمفتاح بداخلها بس ماعليه بلغت عليها ان شاء اللة
ماتعدي لخارج المنطقه اااء يالله اطلعو انتو
يوصلكم للبيت وو اليوم خذوها إجازه من عندي.
اخر الاوجاع رنيم.. ركبو التاكسي....
طلال رد للمطعم..
ريان كان بسيارته نايم طق ابوه النافذه فز
_ابو ريان:ليش نايم هنا.. فرك عيونه ريان
وتثاوب سحب مفتاح السياره ونزل ماكنه يسمع
ابوه
_ابو ريان:ريان انا اكلمك.. سحبه بيده وبحركه
سريعه
دفه ع السياره وحط كوعه بحلقه....

[لامارا]

بارت 12


ناضر بعيونه وههو يرمش بسرعه
_ابو ريان:تقلي الحين شلي فيك
من يومين وانت مو ع بعضك..
دفه ريان
وعطاه ضهره وتنهد
_ريان:يبه يوم انك تقولي انت وحيدي
وش اللي تحس فيه وانت تردد لي
هالكلمه.. ابو ريان بـ إستغراب.. عم الصمت
بينهم لدقيقه كامله.. لف عليه ريان
_ريان بـضحكة استحقار:ماعندك جواب
صح؟تصدق يبه!!! عاد
توقعت ان الكل يخذلني توقعت ان الكل
يكذب عليه ويتركني مكسور بنص الطريق
بس ماتوقعت كل هالشي يجي منك ع العموم
لراجعت كلمتك الشهيره انت وحيدي وقتها
بتحس شنو اللي اقصده... ربت يده ع كتف ابوه
وتركه ودخل البيت ابو ريان اللي كان مو فاهم
اي كلمه من ولده اسلوبه وكلامه الغريب
اللي مافهمه ولا هزه فيه شي ععلامات التعجب
والاستغراب كانت بوجه سلمان....
رمئ ريان نفسه ع سريره وهو يفكر ومليون
فكره تجري براسه..
بالسعوديه تحديدا ببيت ابو فارس
تغريد كانت بغرفتها..وقفت قدام المرأءه
فتحت شعرها ونزلت لها خصلتين
حطت روج بيج فاتح شوي
رشت عطر.. اخذت سلفي سريع
بس سرعان م رمت تلفونها ع التسريحه
دخل عليها فارس وعلامات الخوف عليها
_فارس:وش فيك تقولي ابليس واقف قدامك
_تغريد بخوف:هزت راسها مافيني شي؟ فارس
صغر عيونه
_فارس:تمام اسمعي بوديك معي مكان
وابيك تصورين لي فيه بفوني انتي محترفة
تصوير
_تغريد:لليه مين مكذب عليه انك بنت
_فارس غمض عيونه وميل فمه:ترئ ب اصفقك
_تغريد:اك أطقطق معك يوه عصبي....
نزل فارس واتصل ب مريم
_فارس:الو مريم هااا وصلتو المهم شويات
وباخذها ونجيكم هديتي وصلت تمام
تمام باي....نزل يركض وتوجهه لسيارته..

[لامارا]

بارت 13

رنيم كانت بغرفتها ومها مسترخيه بجنبها
وتلعب بتلفونها..رن تلفونها ناضرت رنيم بنص
عين وطلعت بخفيف.. وهي تراقب رنيم
لاتشك فيها
_مها:ههههلا خالد. اي تمام وانت شلونك
هههه دايم لا بخير الحمد لله. مارح اجي
اليوم ماخذه اجازه نص يوم من المدير.
اي ههه اشتقتلي وانا كمان... حست برنيم
وهي طالعه.. اااء بقفل بعدين اكلمك باي..
حست فيها رنيم
_رنيم بصوتها التعبان:منو ذا
_مها ب ارتباك:اااء هذا هذا هذي امي
تسأل عنك
_رنيم:احاول اصدق
_مها:اووف حيوانه انتي مشكلتي معرف اخبي
عنك م ارتاح المهم انتي ليش قمتي من سريرك
ترئ طلبت لنا اكل تاكلين وبعدها تنامين
واذا صحيتي تخبريني وش فيك اوك.. هزت
راسها ب ايجاب....
طلال بالمكتب وكان يدور بكرسيه الدوار
ويفكر برنيم اللي خذت عقله صار مايشوف
الا هي بكل لحضاته هي بكل وقت هي
رفع سماعة التلفون واتصل في باسمه
_طلال:تعالي المكتب ابيك..قفل السماعه
واخذ ورقه وقلم وبدا يرتب افكاره
طق الباب
_طلال:تعالي باسمه
_باسمه:آمر استاذ طلال طلبتني
_طلال:رنيم سجلت رقمها
_باسمه ب استغراب:لا
_طلال:انزين شلون تتواصلي معاها وتبلغيها
عن كل اللي نتفق عليها
_باسمه:بالاساس هي ومها مايفترقون
وكل شي تقوله لي اقوله لهم ويجي اليوم
الثاني الا هي مطبقه نفس اللي تكلمت عنه
يعني مها توصل لها كلشي... هز راسه
_طلال:تمام ابيك تروحين للمكان هذا اللي
مكتوب بالورقه وبيعطيك غرض وصليه
للعنوان اللي بالورقه الثانيه.
_باسمه:تمام اي خدمه ثانيه
_طلال:لا مشكورهة... تركته وطلعت اسند راسه
بالكرسي ووابتسم بخجل...
فارس اخذ اخته واصلو للمكان تغريد كانت مصدومه
ضحكت بهستريه ودمعت عيونها
_تغريد وهي تتأمل بالمكان:فارس شنو ذا
شلون جهزتو ومتئ
_فارس:اهلا بفتاة الميلاد ودخلت اختي
الحلوه ال19عام.. غطت وجهه بيدها
وضحكت بخجل نزلت من السياره وتوجهت
لا امها كانو مجهزين لها شاليه وحفله كامله
متكامله وحاجزين فرقه موسيقية
_تغريد:لالا احسني بحلم ياربي 😭..
_مريم:هابي بيرثدي يو... ضمتة اختها
من ورئ وهي تبوسها بخدها....
عند رنيم وصل اكلهم.. كانت تاكل حاولت
تنسى او تتناسئ
_مها:رنيم اسمعي بقولك ع شي وانت
بعد رح تخبريني وش صاير معك
تمام مافيه كذب مافيه اخبي اتفقنا
_رنيم:تمام اساسا انا ماارتاح الا اذا
فضفضت لك
_مها:ممارح تنصدمي صح
اممم انا ح ب ي ت.. كحت رنيم
اشرقت بالاكل. مها فزت وصرخت...

[لامارا]

بارت 14


_رنيم:كححح كح شششتقولين
_مها بعفويه:امم جد مدري
بس هووو اووف رنيم قلت
لك لاتنصدمي
_رنيم:زين ومنو ذا يعني اعرفه
او نعرفه
_مها:هم مارح تنصدمي بعد صح
.. مها وهي تلعب بشعرها.
خالد خالد زميلانا رنيم ماتدري قد
ايش مهتم فيني من اول يوم
اشتغلتنا فيه يعني نضراته لي
مع اني كنت اتجاهله حتئ يوم
تعبتي يعني قبل لاتتعبين اعترف لي
بكل شي وتصدقين عاد قال لي انه
بيتعرف ع ابوي بس صرفته
_رنيم:ترئ ساكته ومتحمله يعني هاا
_مها:اوووه رننييممم.. رمت عليها
الوساده واعتلت اصواتهم بالضحكك
.... تسريع الاحداث
جاء الليل غابت طيوف الشمس
الساعه8:56م
تغريد كانت تصور وترسل حق صديقاتها
_الجازي:امانه صوره لفارس
ياخي ياخي شكلهه كيووت كل ماكبر
صار حلو اهه قلبي
_تسنيم:اقول كلي زق هذا زوجي
بيصير بخطبه انا
_تغريد:ههههههههههههههههههه هههههههههههههههههههههه
الحين خلصو كل الناس ووقفتو عن فارس
اللي ما يشوف بنات الناس
مدري يشوفنا حنا اصلا.
_فارس:اقول يبه بعد يومين عندنا
سفره انا واخوياي لمصر العزابيه .. قاطعه
ابو فارس:وهو باقي عزابيه من اخوياك
اللي اعرفه كلهم تزوجو وانت باقي
لي طفولتك... قمط ام العافيه
ابتسم ابتسامة تسليكيه
_ام فارس:الصصدق كبرت خلاص
نبي نشوفك عريس ونبي نشوف احفادنا
ههه
_سالم:شفتي حفيدتك الاولئ... ناضرت
مريم بعيونه وسرعان م ادمعت حاولت
تخفي دمعتها ومشت للجهة الثانيه
من الشالية...
رنيم اللي كانت تمثل النوم
_مها:رنيم انقلعي ترا بزعل انتي
قلتي لي رح تقولي شلي فيك
امانه لساته محمد الوسخ
_رنيم والدموع بعيونها:ممها انا تعبت
تعرفين شلون تعبت من بعد م راحت امي
كل الدنيا صايره بعيوني مقفله
سلمئ كل وقتها لاهيه محمد من كل
حفره يطلع لي ابوي ماادري هو حي
ولا ميت ماعندي طمأنينة ابد.. ضمتها
مها وحطت يدها ع شعرها
_مها:امانه لاتبكين انا اختك انا
صديقتك انا اهلك انا كلشي صديقني
محمد ذا رح اوقفه عند حده امانه
لا تدمع عيونك انتي ضلعي اذا
انكسرتي بنكسر معاككك..

[لامارا]

بارت 15


حطت مها يدينها بوجهه رنيم وناضرت
بعيونها
_مها:انا مو صديقتك عبث انا سند
وجدار لك اوك توعديني هالدموع
م تنزل ثاني انتي قويه انتي اللي
لا طحتي من القاع رجعتي وقفتي من
جديد تنكسرين الحين ماينكسر ضلعك
وانتي صديقتي.. ابتسمت رنيم رغم تعبها
رغم ان الدنيا عليها الا انها قاومت
_رنيم بصوتها الباكي:الله لا يحرمني منك..
سالم حس بكلمته انها كانت مثل السكين
بقلب مريم غمض عيونه بقوه وفتحها
_سالم:ااء استأذنكم برد البيت باكر عندي
دوام من بدري
_ام فارس:هاااو علامهم عليك تو الناس
مريم بتجلس ولا بتأخذها.. جاء بيتكلم
قاطعه فارس
_فارس:سالم شرايك تخليهم هنا لسئ
يومنا مطول وأساسا احس ان مريم مو
بخير كلش.
_سالم:تمام بشوفها الحين يلا بذنكم تركتكم
_ابو فارس:الله يحفظك سلم لي ع ابوك.
تركهم وتوجهه لمريم اللي كانت دموعها
مغطي وجهها. وقف خلفها وباسها برقبتها
_سالم:انا برد البيت وبكرا عندي دوام رولا
بذمتك.. حط يده ع قلبها. وهذا بذمتك
لاتتعبيه اكثر انتبهيلي عليه.. مسح دموعها
وباسها بجبينها بوسه مطوله وتركها
بدون م تلفظ بنفس غمضت عيونها
وشهقت بقوتها وكتمت صياحهاا...
_تغريد:النوم غلبني بصعد غرفة فوق
وبنام اكك لطفاً جنم فارس لا تزعجني
وهم بعد مريم لا تقربني ابد ورولا الحلوه
ان شفتك قدام الباب مسويه ازعاج بذبحك
بكيوت
_فارس:هههههههههههههههههههه ههههههههههههههههههههه
امانه انقلعي قببل لاجي افقع وجهك ذا..
_ تغريد وهي، تقلده:انن انن سخيف
تركتهم وصعدت الغرفه وفتحت الكام تكلم
صديقاتها
_الجازي:تو الناس المهم ذا الي اسمه سليطان
يبي يكلمك فيد
_تغريد:يوووه والله مقدر خايفه يدخل احد
ولو فارس وش عاد الله يرحمني
_الجازي:اووف طيب شنو اقله طلبني صورتك
وارسلت لها الاخيره بذمتي خقق عليك وتدرين شنو
قال...عدلت جلستها وابتسمت بخجل
_تغريد:شنو قال
_الجازي:يبي يشبكك ههههههههههههههههههههههههه هههههههههههههههه...
غطت ع وجهه وسرعان م قفلت الجوال
وضحكت بينها وبين نفسها...
بداية يوم جديد
الساعه 8:22ص
فتحت عيونها بصعوبه والنوم غالب
عيونها وردت بدون لا تشوف الاسم
_مها صوتها نوم:همممم.سمعت الصووت
وفزت جلست بسرعه وناضرت برنيم
حاولا تتأكد انها لسئ نايمه
بلعت ريقها ب ارتباك.

[لامارا]

بارت 16

..سحبت نفسها
بخفيف وطلعت للصاله
_طلال:اطلعتي
_مها:اي استاذ طلال آمرني
_طلال:مآمر عليك ظالم شلونها
اليوم عساها تمام
_مها:لا الحمدلله احسن بس
نفسيتها تعبانه شوي
_طلال:مها تقدرين تطلعين معي؟
عم الصمت بينهم لمده ثانيتين
_طلال:الوو وين رحتي
_مها :ااء ش شنو فيه شي مهم
_طلال:اي ارسلي الموقع. قفلت وتأففت
وارسلت له الموقع. اخذت لها دوش سريع
ولبست لبس خفيف مع رنيم وطلعت..
ريان.. غفئ ب مكتبه رن تلفونه وفز
فرك عيونه ورفع السماعه كان ابوه
قفل تلفونه.. ومسح وجهه وعدل مكتبه
طلع.
_ريان:الو فهيد ابوي ل سأل عني قله
انك م شفتني تمام. قفل تلفونه
وخلع جاكيت المستشفى وتوجهه لسيارته
_ام ريان:الولد ذا مدري وش فيه انا خايفه
عليه صراحه
_ابو ريان:مادري مادري مجنني اسلوبه
وكلامه معي حتى مايرد ع اتصالاتي..
صعد لغرفته فتح الباب جاء بيطلع
لفت انتباهه ضرف ع سريره..
وصلو مها وطلال للساحل الغربي طلب لها
كافي
_مها:استاذ طلال فيه شي اول مره تستدعيني
وبمكان عام
_طلال بعفويه:اتركي عنك استاذ واستاذ اسمعي
قلت بطلع ع مكان الدوام والنكد شنو قصته رنيم
بققت مها عيونها وفتحت فمها بصدمه من سؤاله
_مها:ماعندها شي وش قصته تعبانه البنت وب...
قاطعها بصوته وهو يضغط ع يدها
_طلال:حبيت رنيم..
مها ارتبكت وبصدمه وبققت عيونها
كحت وهي تناضر بعيونه شربت ماء
_طلال:انشهد بالله من يوم م دخلت هالبنت
للمطعم وانا قلبي مو راضي يهدا
عقلي مو قادر يتركها لو دقيقه
اخذت روحي سلبت عقلي مدري
وش اسوي كنت كل م اشوفها اشوف
الدنيا ورد بعيوني.. ناضر بعيون مها
وضم كفوفها بيده
_طلال:تكفيين..
_مها:تصدق حسسيت انه في شي
تجاهها منك نضراتك لها اسلوبك
تعاملك أستاذ طلال رنيم قلبها ابيض
رنيم م تعرف تحقد قويه تحارب العالم
وتوقف قدامه برجل وحده م تنهزم رنيم....
صحت ع صوت الجرس ناضرت
جنبها م لمحت مها وقفت رجعت شعرها.
ناضررت من فتحة الباب...

[لامارا]

بارت 17

...زفرت بضيق
_رنيم:لايدخل حتى اطلع غرفتي...
فتحت الباب وطلعت لغرفتها وقفلت الباب
_سلمئ:تمام حبيبي انت روح الصاله
وانا بشوفها واطلع م رح اطول.. محمد
والخبث بعيونه
_محمد:خليها تطلع تسلم ع زوج اختها
ومنها اتحمد لها بالسلامه ولااا...تركته
وراحت لرنيم سلمت عليها وجلست جنبها
_رنيم:اهلين تو الناس تتذكريني ليه م جيتي
يوم كنت بالمستشفى
_سلمئ:اووف لا يكون زعلتي والله م دريت
الا يوم رجعتي كلمتني مها بعد المهم شلونك
اليوم اشوفك بخير مثل الحصان
_رنيم:الحمد لله...سلمئ وهي كنها
تخفي شي بداخلها بلعت ريقها ونزلت
راسها وصارت تلعب ب اصابعها لاحظت
عليها رنيم توترها
_رنيم:قولي قولي شلي كاتمته بنفسك
ناضرت بعيونها سلمئ وعدلت جلستها
_سلمئ:رنيم شرايك نبيع البيت وتجين
تسكنين معنا البيت كبير وماكو حد بس
انا ومحمد هم بعد الغرف كثيره هناك
_رنيم:صدق؟ اتصل ع المعلنين يسون
اعلان ع البيت اني ببيعه سلمئ افتحي عقلك
زين وفكري بنت ف بيت متزوج فكري فيها
ووبيع البيت حلم ابليس بالجنه هذا الا بقئ لي
من ريحة امي...
ابو ريان كان جالس ع سرير ريان وبيده الضرف
بلع ريقه وفتحه ببطئ طاحت صوره ومع الصوره
رساله.. بقق عيونه وفتح فمه بصدمه وهو
يشوف ويقرأ(منذ ان افترقنا ورحلت بي
بحار الهم الئ عالم مخيف اخبرت الليالي بانك
ستجدني ذات ليله اخبرت الرياح ان تحمل
رسالتي لقلبك الندي وضعتك في امان الله
وقلبي الذي مزقه الحنين شوق وإشتياق
في كل مره انضر الئ ابنتي وكأنها تحمل
قلبك قويه كأبيها ومُزهره سنلتقي ذات يوم
وسأخبرك كم عانيت وصارعت المرض
كم مره اخبرت فيها قلمي انك من احتلني
انك من سلبني منذ ان افترقنا كنت ف كل ليله
اغفئ فيها وانا الفظ انفاسي المتعبه ان لا
ترحل حتى تعود ك طيف مجهول
منذ ان افترقنا وانا احملك بداخلي احميك بدعائي
ماذا لو كنت كحلم يتحقق بمجرد ان افتح
عينايَ. منذ ان افترقنا دفن قلبي....
مجهولتك المتعبه/صمت💔) غمض عيونه
وذرفت دموعه شهق بنفسه وكتم شهقاته
غطئ وجهه مسح خشمه بطرف كفه وبلع
ريقه اخذ الضرف وتوججهه لسيارته. ترك خلفه
صوت زوجته وهي تنادي عليه

[لامارا]

بارت 18

رن تلفون رنيم ناضرت بالرقم شافته غريب
حست مها بشي مو طبيعي
_مها بتلعثم:ااا رررنيم انا بطلع انام... تركتها
بدون استجابه.. فتحت رنيم سماعه
الصوت بدون نفس.. بعد ثانيه
سمعت الصوت وبققت عيونها
بصدمه فتحت فمها وهي تسمع الصوت....
_رنيم:ههههلا
_طلال:احمم اشلونك
_رنيم بصوتها الخافت:تمام استاذ طلال وانت
... كان فاتح الصوت اسبكر وفهد يسمع
_طلال:اشلوونك اليوم
_رنيم:الحمدلله اءااابككك... قاطعها طلال
_طلال:رنيم بكرا لا تجين للشغل لان عندي
شغله مهمه خارج المطعم ابيك تنفذينها
_رنيم:اهااا ان شاء الله..
_طلال:استودعتك الله.... قفل السماعه
وباس شاشة تلفونه.. وفهد كان يناضر حركاته
الطفوليه..
_رنيم:مهااااااا مهااااااا... دخلت ودفعت الباب بقوه
ضيقت عيونها وهي تناضر بعيون مها قفزت ع السريع
_رنيم:انتي اعطيتي رقمي لمديرك الغثيث... مها
تسوي نفسها مو فاهمه شي
_مها:هااا لييه هو متصل صحح شنو قالك
انا كتبت رقمك ل....ضربتها ع راسها
_رنيم:مها خلي التسذب حركاتك حفظتها
يوووه مدري وش يبي احس فيني خوف
قالي ابيك بشغله خارج المطعم مدري وش هي
المهم يالله خلينا ننام لا ني طفيت... ارتمت
ع سريرها وتدفت. وسرعان م غفت..
رد طلال للبيت ورمئ نفسه ع الكنب بالصاله
بعد طول مده حاول انه ينام ويترك افكاره
ابو ريان كان الضرف بيده وجالس قدام البحر
ودموعه اللي ماجفت تنهد وناضر بالضرف
وهي يتذكر ايامه معاها يتذكر كيف بدت وكيف
انتهت... قاطعه ريان
_ريان:خيير يبه وش هو الشي المهم بالساعه دي
لف عليه ابوه ومسح عيونه... ناضر له ريان
وبقق عيونه
_ريان:يبه تتبككككي....جلس جنبه. وش فيك يبه
_ابو ريان:ريان فتحت لي جرووح كل ماحاولت
اقفلها انفتحت م جديد كل محاولت اجبرها
ترد تنفتح
_ريان فهم ان الموضوع متعلق ب خواته:خواتي
يبه صح... ناضر فيه ابوه بدون ردة فعل وعم
الصمت بينهم..
تسريع الاحداث..
الساعه 7:30ص
رن المنبهه وفتح عيونه بصعوبه..
قفلهه ورجع شعره لورئ فرك عيونه
اخذ له شور سريع.. وبدل ملابسه
حط له عطر وطلع
_تغريد:فارس فارس.. ناضر فيها
_فارس:شعندك
_تغريد:لا تنسى اليوم.. حاول يستذكر
وسرعان م تذكر
_فارس:هااا تمام.
كانت واقفه قدام المرايه تضبط شعرها
حطت لها مسكرا وروج عودي خفيف
اخذت لها عطر انثوي خفيف خذت شنطتها
وطلعت
_رنيم:مهااا انا بطلع وانتي قفلي الباب
معاك يويلك تنسيه..
طلعت وشافت السياره اللي كانت منتضرتها
بلعت ريقها وحاولت تخفي خوفها
صعدت السياره.... كانت مضلله م
تشوف شي...
وصلت للمكان اللي بالموقع نزلت وهي
تتأمل بالمكان وترتيبه وزينته رن تلفونها
كان طلال رفعت السماعه
_رنيم:اهلين استاذ طلال انا وصلت
بس ماكو حد بالمكان حتى انت م اشوفك
قلت بتلقيني قدامك شكلي جايه مكان مو صح
_طلال:لالا لا صح شوف قدامك وش هو
_رنيم وعيونها تدور يمين ويسار:طاوله
عليها قاتو وجنبه بلونتين هيليوم وصندوق
صغير اتوقع انها هديه.... كان الصوت جاي
من وراها صنمت بمكانها....