لا تسأل دموعي عن أوجاع الأيام اسأل عيوني من تمنى تشوفه/لـ بروفســـورة الدمعـــه،كاملة

[فيتامين سي]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء روايتي الغالين نقدم لكم رواية (( لا تسأل دموعي عن أوجاع الأيام اسأل عيوني من تمنى تشوفه )) للكاتبة/ بروفســـورة الدمعـــه قراءة ممتعة للجميع ...

[فيتامين سي]

رابط لتحميل الرواية هنـــــــــــــــــــــا







الريـــم " بطلة قصتنا " متوسطة الجمال بنت حيل نعومه وحساسه عمرها." تسع طعش " سنه اول سنه لها بالجامعه انسانه شاعريه جدا ماتصدق تلاقي وقت فراغ الاو تقضيه في كتابة ابيات من الشعر او الرسم وتموت على قصايد الشاعر حامد زيد بالذات ولافيه قصيده له الا وحافظتها خاصه اللي عن <الخيانه> تموت فيهن ليش الله أعلم..
تخصصها ادب انجليزي عايشه عند ابوها ومرته<<امها متوفيه من ثلاث سنين وهي مره متأثره لانها وحيدة أهلها... << نوال مرة ابوها" سبع وعشرين " سنه علاقتها معها علاقه اخويه يمكن عشان تقارب اعمارهم قدرت انها تفهمهاا ...
شيخه ~ بنت خآلها الوحيد فهد' طيبه مره وقوة علاقتهم ببعض من بعد العزآاا بس عيبها الوحيد اسلوبها شبابي بقوه يعني ماعندها حركات البنات الدلع وغيرها ...
تركي " خمس وعشرين "سنه مهندس،وسيم،بس لاعصب اوف كبريت ...
منى "واحد وعشرين " سنه تحب تصمم ديكورات متزوجه بدر ولد عمتها والله مارزقهم بعيال ....
أمل " أربع طعش " سنه تموت على الموضه وأمنيتها تكون عارضة أزياااء مع إنها تدري إنه مستحيل ...
نوف "تسع " سنوات برنسيسة البيت ....
سالم عمها الوحيد وساكن بروما من تزوج فوزيه سكن معها هناك وعلى فكره ريم ماتدري إن عندها عم لأن عبدالله "ابو الريم" وسالم بينهم قطيعه طآلت سنين بسبب "الورث" وصدق المثل اللي قال " الفلوس تغير النفوس " ...
سعود" سته وعشرين " سنه يشتغل مع ابوه في شركته ...
عهود " ثنين وعشرين " سنه تدرس طب متزوجه من شهرين تموت على العلم ...
ساره "ثمان طعش" متفتحه بقوه شعارها بالحياة " فلها وربك يحلها "...
مرام "سبع" سنوات آخر العنقود ....
وهذا وصف للشخصيات ...

[فيتامين سي]

الجزء الأول ....."


حاولت في قلبي وانا اقول بنساك ..
واعيش دنيا في حياتي جديده ..
أثر الغلا مايعجبه غير دنياك ..
ماغير حبك ساكنن في وريده ..
حبك شربته كيف ماقدر اضماك ..
وصوتك عرفته كيف ماقدر أعيده ..
..........*****..........*****.........
شيخه بقلة صبر: هااه وش قلتي موافقه ..
ريم: لا شيخوه وبعدين معك ..
شيخه: طيب ممكن أعرف وش عيبه ؟ ليش رافضته حضرة جنابك ؟!
ريم: ولاشي بس نظرتي له مجرد أخ وبس ..
شيخه: ريم لمصلحتك تنسينه ..
ريم بارتباك: أنسى مين ؟!
شيخه: الصراحه ماتوقعتك يالعاقل ت ....
ريم مقاطعتها: ليش العاقل على قولتك ماعندها قلب !
بتحرمونها من أنها تحب !!!
شيخه: بس من هو ؟ ماتدرين .
من يكون ؟ ماتدرين.
وش جنسه متزوج ولا لا ؟ بعد ماتدرين.
بالله ماتقولين لي وش تعرفين عنه ..
ريم بحزن: كل اللي أعرفه إني أحبه ...
شيخه بقهر: تدرين ان تركي يحبك وتعرفين كثر غلاته عند ابوك وتدرين انه لو تقدم لك اليوم قبل بكره ابوك راح يوافق من دون لايشاورك وراح تاخذينه غصب عليك..وتركي اخوي وانا اعرفه يحبك ماراح يغير رايه..
فليش تعقدين الامور...ليييه !!..
<< ريم نزلت راسها تفكر بكلام شيخه اللي للاسف راح عن بالها ولماتأكدت ان كل حرف قالته لها صحيح نزلت منها دمعه خانتها بهالحظه بالذات ..
ريم: بحاو..ولـ..والله.مبــ.كيف..ي..
شيخه معصبه: الصراحه مانتي صاحيه..الله يشفيك.بس تأكدي انك ماراح تاخذين غير تركي..
<< وطلعت وسكت الباب وراها بعصبيه.وعلى طول انفجرت ريم بالصياح وهي تحس ان ماحد راح يفهمها..
قامت عند المرايه وبدت تتكلم مع نفسها...
**صادقه شيخه والله.. انا مااعرفه ولاادري من يكون..بس انا حبيته..!! والله حبيته ..!! اووف وليه انتي ووجهك والله لوتقعدين تفكرين به لبكره ماراح تطلعين بنتيجه بالنهايه راح يكون مجهول..بس معقوله احبه وبهالسرعه ملك قلبي ياربي من يكون!! يمكن هو بعد يحبني!! يارب تساعدني انساه يارب دام من نظره حبيته كل هالحب اجل لو ...
اااااخ ياراسي...اووف انا صدق انهبلت.
- انافي دنيتي انسان ملكني دون مايدري..
- زرع في داخلي حبه ومع الايام بدا يقوى..
ابتسمت ريم بعد ماقالت هالبيتين **الصراحه ماالومك ياشيخه يوم تقولين انهبلت انا..انا تعبانه بجد.
وقامت غسلت وجهها بتكاسل وثقل وراحت بعدها بسابع نومه..
اما شيخه بعد ماطلعت من عندها قعدت تدعي لها بالهدايه لانها تعرف ريم زين ماتكذب في هالسوالف بدت تسترجع شيخه بهالحظه الاحداث اللي تغيرت من عقبها ريم <<< " قبل شهرين "... كانت ريم مع شيخه بالسوق يشترون للعيد وتقريبا دارو ثلاث اسواق ووصلوا للرابع وريم مااعجبها شي ذوقها صعب ...
شيخه: يابنت الحلال ارحميني على الاقل خلي نريح و بنرجع مره ثانيه ..
ريم: أبــــد ..أبد ..مااطلع الا وانا مخلصه ان شاء الله بس انتي امسكي اعصابك شوي ..
شيخه: مليييييت!! الله يكون بعونك ياتركي صدق لاقالوا الزين مايكمل ..
ريم: هيه انتي ترى ذبحتيني باخوك اللي يشوف موافقه عليه
يوم انك كل دقيقه مزعجتني ..
شيخه: افــــااا ..اخوك حاف كذا مافيه حبيبي مافيه تروكي على الاقل..
ريم: بعــــد اقوله حبيبي شيخوه تكفين انطمي ' اسكتي ' ..
شيخه: اقول يالبقره اكرميني بسكوتك وتغطي كم مره اعيد هالكلام " باستهــزااء ":
اخاف احد يشوفك والصراحه مااحب اكون مشتركه في عذاب احد او اصابته بالارق لاقدر الله. بعدين تعالي على فكره إذا تركي بكبره مو عاجبك ماتقولين لي من راح يعجبك ..
- ريم بعد مالقت اخيرا التي شرت اللي اعجبها كان لونه اصفر فاقع مره وشيخه تكره هالالوان فعشان تقهرها ريم صرخت بصوت عالي ..
ريم: انا ماراح يعجبني غير هذا بلا اخوك بلا هم ..
ومسكته بقوه عشان تسحبه لها لكن...................""
كان فيه شخص ماسك الطرف الثاني ولادرى عنهم وهم نفس الشي مادروا عنه لكن بعد سحبتها القويه اللي خلت الشخص بالغصب يلف عليهم طبعا ريم ماانتبهت انها مو متغطيه..انشلت من الخوف..
ثواني وتتلاقى الانظار ..
ريم ماقدرت ترفع عيونها عن احلــــى عيون شافتها بالدنيا ..
والشخص نفس الشي ماقدر يرفع عيونه عنها ..
طولوا على هالحال فأول مالفت شيخه مستغربه سكوت ريم كل هالمده.اااااانصدمت ..
خاصه على اخر كلمات قالتها ريم << انا ماراح يعجبني غير هذا.......
الشخص انتبه وحس ان وقفته غلط فبسرعه حط التي شرت في يد ريم وراح بس مايدري انه اخذ معاه قلبها وعقلها ..
اما ريم فكانت كل يومين تروح للسوق لعلها تكحل عينها بشوفته..لأن كل تفكيرها كان انها تشوفه وبس ..
وبعد محاولات ريم الكثيره مع شيخه اخيرا قدرت تقنعها انها اول مره تشوفه وان مابينهم اي شي..
لكن ظلت ريم كل هالشهرين تفكر فيه ليما حست انه اصبح
شي مهم بحياتها..>>> هذي بإختصار احداث قبل شهرين ...

[فيتامين سي]

الجزء الثاني..'


كل ماحاولت ابكتب لك حروف...
انكسر سن القلم في موضعك...
مدري اللي يمنعه نفس الكفوف...
أو هي الاقدار يمكن تمنعك...
~ بالصــــاله ..
شيخه: امل يرحم امك تنطمين بتابع المباراه ومابي اسمع صوتك ..
امل بكل نعومه وهي تبرد اظافرها: ياقلبي عليك ليه معصبه ..ريلـآاكــس ..
ام تركي رافعه حاجبها: السلـآم .. شيخوه وش عندك حنا ماقلنا اتركي الكوره عنك ..
امل: وعليكم السلام مامي..
شيخه: تبطون..احد يترك تراثه يمه.بعدين انتم كذا كأنكم تطلبون مني اشرح جثه! او اعطيكم عرق اوشريان الاورطي اللي متعلق بقليبي..
ام تركي: ماشالله طيب هالمباراه عسى فيها عرب ..أنا أشوفهم شقر ماظنتي أنهم حتى منتخبنــــآ ..
شيخه وهي جالسه جلسة عيال وماسكه بيدها الفنجال وتحرك يدها الثانيه: وين داخله على حــراآج ..
بعدين هذا الدوري الاسباني ماتعرفين فيه احد..انسحبي بس ..
ام تركي بعصبيه: اقول قومي بس اعلمك كيف تطبخين احسن لك من هالخرابيط.اللي يشوفك مايقول ملكتك الاسبوع الجاي ...
شيخه: روقينا..ماعرف ولاابي اعرف الصراحه بعدين احنا بعصر السرعه يعني ماعاد ياكلون طبخكم ماياكلون الا وجبات سريعه ايــــه شفيك تناظريني كذا صدق ترى يواكبون الموضه مثل هالبعير..'وتأشر على امل..
ام تركي وهي حابسه ضحكتها وتضربها بخفيف على كتفها: عيب عليك انتي كبرتي على هالسوالف وشو اللي بعير ..
امل: صح انتي خلاص بتعرسين لازم ان ..
شيخه مقاطعتها: الصراحه شكلي راح اجي بصباحيتي ومعاي ورقة الطلاااااااااااااااااق.
ام تركي شهقت: اعوذ بالله من فالك وش هالكلام ..
شيخه: انا ادري عنها والله ازعجتني تقل اول وحده ابعرس.لهالدرجه مثقله عليها. ام تركي: خل اقوم بس الهرج معاك منتهي ..
تركي توه داخل: افا من مزعل الغاليه ..
امل: هو فيه غيرها.
شيخه: تركي.بليــــز ظفهم معاك ماقدرت اتابع المباراه زين منهم ..
تركي: اللي يشوفك مايقول هذي ممكن تكون مسؤله عن بيت وعيال قريب ..
شيخه: ايه كمل الاسطوانه.. الا اقول وش اخبار بندر ..
تركي باستغراب: من بندر!!
شيخه: من!! رجلي.ماي هازبند...صديقك..نسيته.!
تركي: هههههههههههههههه.
توه مابعد صار رجلك.
شيخه: المهم وش اخباره عساه خلص اشغاله.
تركي: اول مره اشوف بنت مثلك مافيه ابد ولا ذرة حيا ..
شيخه باحراج: وش قالولك ماعندي قلب انا ماعندي احاسيس, مشاعر,على طول كذا تفشلني ياخوك جامل ترى مازلت أنثى ..
تركي: الصراحه بندر بينهبل.
شيخه وهي ترمش بعيونها: اكييييييد,,ولا احد بيشوف هالجمال مايستخف..
تركي: شوي شوي...
امل: ماما ريحة شي يحــ .. يحتررررررررررررق...
شيخه بصراخ: الفطــــاااااااااااااير اكيد احترقت..
وقامت بسرعه للمطبخ..
ام تركي ماسكه راسها: ماادري وش اسوي بهاالبنت..تعبت معها..
تركي: غريبه على من طالعه.
وبسرعة الصاروخ رجعت وجلست قبال التلفزيون وطولت للصوت معلن الحكم لحظتها بداية الشوط الثاني..
ام تركي: أجل وين الفطاير!!
شيخه: باالزباله <<وانتم بكرامه ..
تركي+ امل:ههههههههههههههههههههه� �ههه..شيخه: ليه!!! عادي بتاكلون شي محترق اجيبها .
تركي: اجل تصبحون على خير عندي بكره ضغط.لازم انام بدري..
شيخه تتلفت حولها: طيب مااحد سالك قول بنام وبس مايحتاج كل هالخرابيط..
تركي: وانتي بعد مااحد كلمك ..
شيخه: لقاااااااافه..وش عندك!! تركي: الا وش اخبار الريم.
شيخه تمد له يدها: كم لي ترى كل مازدت كل ماعطيتك اخبار ويمكن اكذب عشانك..
تركي: افا وصلت للكذب ياالاستغلاليه.
شيخه: اقول عندك شي ابشر!! الصراحه ماعاد فيه شي ببلاش هالايام...
قام تركي وراح لغرفته..
شيخه بصوت عالي: انت الخسران...!
نوف وهي موقفه بعصبيه: شيخوه ريم تبيك..
شيخه باستغراب: وينها!!
نوف: على التلفون.وبسرعه لو سمحتي..
شيخه: غريبه وليش مااتصلت على الموبايل..
نوف: اسأليها.انا وش دراني.
شيخه: وليه.معصبه حضرتك...
نوف قامت بعصبيه وقامت وراها شيخه بتشوف وش عندها ريم..
شيخه وهي ترفع السماعه: هلا والله ومسهلا بالريم..
ريم: هلا والله بالشيخه.بدري ساعه انتظرك..تتغلين.
شيخه: ابد بس صارت لي شوية مشاكل..
ريم: عاد انتي ماشاء الله عليك كل يوم مشاكل.
شيخه: لا بس كورسات المطبخ باديه تتعقد وتصعب..
ريم: احلا..ياحركات انتي وصرنا نطبخ.
شيخه: اسكتي بس كلها فطاير واحترقت..
ريم: ههههههههه..ياحرااااااام..
شيخه: هيه انتي داقه تتشمتين علي ترى انا ياوحده ماعندي وقت.. عندك شي ولا اسكر..
ريم: اوف مافيه اسلوب..الصراحه نسيتيني وش كنت ابي..
شيخه: خلاص لاتذكرتي دقي علي..ياالله سلام.
ريم: انتظري!! تتذكرين هدى.
شيخه: هدى! لا ما اتذكرها.
ريم: نسيتيها هدى ال.....,
اللي كانت معنا بالثانوي..
شيخه: ايه عرفتها وش اللي مذكرك فيها..
ريم: ابد بس زواجها بكره وحالفه اننا نحضر انا وانت..
شيخه: ياحليلها والله وكبرتي ياهدى.وانتي وش دراك عنها..
ريم: عاد دريت المهم تجهزي له .اوكي..
شيخه: يصير خير..بكره اجل مريني لاني ماادري وش راح البس..
ريم: اوكي....سي يو تومورو..
شيخه: سي يو..
سكرت من ريم ورجعت للصاله وقبل تجلس..
ام تركي: شيخه!!! ياالله قدامي للمطبخ اشوف.
شيخه: يمه لاا بليــــز ..
ام تركي: بسرعه.اقول بكره لا تفشلينا برجلك.
شيخه: انالله..ياخي مااعرف غصب..
ام تركي: مااحد انولد عالم.. بعدين لمصلحتك. بكره لاسيروا عليك اهل رجلك ..
شيخه مقاطعتها: المطاعم وش شغلتها..بعدين انا شرطي ان يكون معاه حساسيه ضد اكل البيت.
ام تركي: قدامي.انتي الكلام معك ضايع..
شيخه ترفع راسها: اللهم اليك اشكو قلت حيلتي..
وراحت ورى امها للمطبخ تاخذ اول كورس دسم<الكبسه>..
اما ريم فقطعت على نفسها عهد ماعاد تسمح لنفسها تفكر في هالشخص ابدا وانها تركز على دراستها ...
لانها اقتنعت بكلام شيخه وحست انها من جد جاهله وان الحب من النظره الاولى بس بالافلام والروايات وانها هي اللي سمحت لنفسها تتعلق فيه هاالكثر ليما حبته ...

[فيتامين سي]

الجزء الثالث...'


ودي اضيع وكل مافيني يضيع..
يمكن اني القى راحتي في ضياعي..
يمكن اني انسى كايدات المواضيع..
وانسى حياتي' غربتي' والتياعي..
واليوم خذها كلمتين و توقيع..
حياة بدونك مالها أي داعي..
ريم تسوي المسات الاخيره لشيخه عشان زواج هدى..
شيخه طلعت مره تجنن لانها اول مره تلبس فستان ناعم.حتى في زواج اختها منى كانت لابسه بنطلون وبدي سيور بس فيه تطريز كثير.. لانها تكره الفساتين وماتقدر تاخذ راحتها فيهن.
المهم لبست فستان اورنج ناعم سيور على الرقبه...بعدين فيه شريطه ناعمه تتوسطها فيونكه..تحت الصدر فضي يلمع .وجاي قصير من قدام وذيل مع ورى. وقصه ورى تقريبا لنهاية الظهر.وجاي من قدام على ورى سيرين ناعمات جايات..وشعرها مخليته طايح على كتوفها يوصل لنص الظهر لونه كستنائي ومسويه بف ناعمه مره وخصل كثيره طايحه على قدام.ومكايجها ناعم بس من العيون مغمقته عشان يبرز جمالهن خاصة انهن مره وساع..
اما ريم فلابسه فستان فوشي ستان ناعم مره بدون اكمام سيوره رقيقه بزياده ياالله تنشاف فيه مثل الحزام عريض من تحت الصدر الى الخصر لونه مثل الكابتشينو بوسطه صوره للمنى ليزا.وجاي على ورى اكسات من بداية الحزام لنهايته..وناعم الى نهايته مافيه لا كشكشه ولا غيره..ومكياجها مره صارخ..وشعرها نص ظهرها اطول من شيخه بشوي اسود فاحم مدرج ولافته على برى وشي على داخل..وحاطه شريطه ناعمه فوشيه وحاطه الغره على جنب ومنزله معاها خصل على جوانب وجهها..
وطالعات من جد اشكالهن تجنن...
شيخه: ريم معليش يعني فستان قلنا اوكي بس هالكعب العالي سوري.اخاف اطيح مااعرف له.
ريم: والله مانروح الاوانتي لابستهن..
شيخه بقلة حيله: امري لله..
لبستهن شيخه مثل ماطلبت ريم وهي مره متضايقه لان ريم تعدت الخطوط الحمراء وسوت شي يعتبر من سابع المستحيلات...
~بعد ساعه إلا ربع تقريبا وصلوا للزواج <<القصر
كان مره يجنن وفخم..وصوت الاغاني واصله لبرى ..
ريم انتبهت ان شيخه مو معها فبسرعه لفت وراها تتأكد: شيخه اسرعي ترى حنا خلقه متأخرات.
شيخه: حسبي الله ونعم الوكيل وشوله اسمع كلامك من الاساس..
ريم استغربت كلامها لكن اول ماشافت الغبار اللي بعباتها انفجرت من الضحك..
شيخه: ايه اضحكي وش عليك بلى ماجاك اللي جاني..
ريم: ههههههههههه..ياحياتي والله مادريت انك طايحه..خلاص استعجلي عشان يمدي اضبط شكلك..ههههه.
دخلوا البنات للقصر وقعدوا تقريبا عشر دقايق يضبطون اشكالهم عند المرايات..وعقبها دخلوا...
شيخه كانت تمشي بخطوات مدروسه فكل من شافها يحسب انه غرور او دلع لأن شكلها مره دلوع. مايدرون انها مبتدأه.وصلوا للطاوله بعد ماحست بعظم المجهود اللي قامت فيه..
جلسوا البنات ثواني تقريبا الا ويسمعون اللي تصارخ بريم.
____: ررريم..ريييييييم..ريم.
ريم لفت باستغراب وعلى طول صرخت: ساااااااااره...
وجات البنت بسرعه تسلم عليها سلام حار وتتشره عليها لان من طلعتها من الثانوي ماعادت تسأل عليها..
ساره تكلم ريم باستغراب: مين هذي..
وتأشر على شيخه..
ريم: افا هذي شيخه بنت خالي ماعرفتيها..
ساره وكأنها تذكرت: لاتقولين.
منااااااااااااااااحي.<< طبعا هذا لقبها ايام الثانوي نادتها فيه وحده من البنات نظرا لتصرفاتها ومسكوه عليها<<.
هههههههه.تغير صاير بنت..
شيخه وهي تسلم عليها بعصبيه: وجع يوجعك وانا وشو شايفتني ولد...
ساره: قصدي حركات اول البوي والسبورت..يعني خلاص تركتيهم..
شيخه: احاول..بعدين ترى هذي اول مره البس فستان.لا وشوفي تطورت...
وهي تأشر على الكعب اللي لابسته..
ريم: ههههههههههههههههههههههه..
ذكرتيني بطيحتك..
شيخه: هههههههه..ريموه عن الفضايح..
ساره: شيوخه..شكلك يجنن ليش ماتقومين ترقصين.
شيخه: لا الله يستر علينا وعليك ترى مابعد تعودت على اللوك الجديد.
سكتوا لما سمعوا الفنانه وهي تغني...
<<هذا يااللي شايف نفسه
يمشي ولا معبرني
يتلفت هنا وهناك
ولا كنه شايفني
والله انا لاوريكم فيه..الخ>>
طبعا بما انها من الاغاني المفضله عند شيخه بدت تهزهز بالطاوله..بس اول مابدى الطق ماقدرت تتحمل فصخت الكعب وخلته عند ريم وبسرعه رقت المنصه وريم متفشله مره...
شيخه بعد ماخلصت رقص: اوووف تصدقين اني ميته من التعب..
ريم: والله لو ماقمتي احسن فضحتينا انتي ورقصك..
سكتوا البنات اللي كل وحده مسويه زعلانه على الثانيه..
دقايق وتبدى الزفه كانت هدى مره متغيره ومحلوه كثير..عاد هي من ايام الثانوي وهي نعومه وكيوت والكل معجب فيها وماتغير فيها شي
الا انها زادت نعومه وجمال...
مر الوقت بسرعه من دون
ماتحس ريم لانها مواعده ابوها ترجع قبل الساعه ثنتين والحين ثلاث و نص..
وهي مره خايفه لان ابوها بالرغم من انه مدلعها آخر دلع الى انه شديد معاها لو تخالف امره في شي..
واذا زادت عصبيته احيانا توصل لحد الضرب خاصه من بعد وفاة امها. صحيح انه ماقد ضربها لكن صار ماعاد يهتم في مشاعر اي احد لأن الكلام احيانا يجرح اكثر من الضرب وصايره الفلوس اكبر همه واغلى شي عنده....
شيخه: ريم اكلمك انا وين رحتي.
ريم: هاه. معليش سرحت شوي..
شيخه: آها بمن تفكرين اعترفي..
ريم: شيخوه ترى مالي خلق بلا استهبال..دقي على السواق خليه يستعجل..
شيخه: وانتي وش معجلك..خلينا نستانس..
ريم: بس .امممم..اب..ابوي.
اخاف ..
شيخه مقاطعتها: تخافين من وشو مو انتي قايله له انك الليله معزومه .خلاص معناته متى ماخلصتي ترجعين..
ريم: هههههه.ياحليلك تحسبين الكل مثل خالي فهد..شيخه والله ابوي قايل لواتأخر دقيقه بس عنده تفاهم ثاني معي.
شيخه: اووف منه معقد..
على العموم السواق مايقدر الى على اربع, اربع ونص بالكثير..
ريم شهقت: وشو.. لا الله يخليك تصرفي.اووف شكلي اليوم ابندفن..
شيخه: امممممم..بهاالحاله مافيه الا تركي..
ريم بتردد: خلاص مافيه مشكله دقي عليه..
شيخه بخبث: غرررريبه!! اللهم يامقلب القلوب..
ريم: شيييييييييييخه...
شيخه: خلاص اعوذ باالله ماينمزح معك..
ريم بتضايق: هذا وقت مزح..
شيخه: آسفين ياالريم..مانكررها.
شيخه وهي تأشر بيدها عشان تسكت ريم: الو.,
السلام عليكم... تركي باستغراب: شيخه وش عندك متصله هاالوقت..
شيخه: رد السلام واجب.
تركي: وعليكم السلام..
شيخه: امممم.وينك!!
تركي: ويني!! بالغرفه .
شيخه: تقدر تجي تاخذني من قصر............
وقامت شيخه من مكانها عشان تسمع زين خاصه ان المكان اللي هي فيه مزعج مره وباالقوه تسمع...
تركي باستغراب: وانتي وش موديك هناك..
شيخه: زواج وحده من صديقاتي..
تركي: ورايحه مع مين انتي ووجهك..
شيخه: مع السواق..
تركي: لحالك!!
شيخه: اللهم طولك ياروح.. معاي الريم..بعدين ترى ضيعت وقتي بتجي ولا ننتظر السواق وعلى كلامه بيتأخر لأن السياره خربانه فيفضل تتكرم وتجي...
تركي: يصير خير..
شيخه: وشو يصير خير أكد لي الله يعافيك..
تركي: خلاص مسافة الطريق وانا عندكم...
شيخه: ايه هذا الأخو اللي ينشد فيه الظهر..
تركي: شيخه تبين شي ثاني..
شيخه: لا بس ياليت تستعجل..
تركي: ياالله فارقي...
سكرت شيخه وراحت عند ريم عشان تعلمها تستعجل لان تركي بالطريق...
تقريبا بعد نص ساعه وصل تركي ورجعت كل وحده لبيتها...
دخلت ريم بيتهم وكان هادي جدا والكل نايم فرحت من كل قلبها وحمدت ربها ان ابوها نايم ولا كان ماعدى هااليوم على خير...

[فيتامين سي]

الجزء الرابع...'


ما ابوح بسري اللي بالضمير..
في هموم العمر متجمعات..
عشت انا المأساه وفراق العشير..
يعلم الله سوت عيوني سوات..
بنتظر وقت اللقاء وقت المصير..
وقت مايبري الجروح الداميات..
~اليوم الثاني..
كانت ريم ماشيه لغرفتها..فقبل تدخل نادتها نوال..
نوال: ريم..ريم ..
ريم وهي تلف عليها: نعم.
نوال: ليه تأخرتي امس انتي تدرين ان ابوك جلس ينتظرك إلى الساعه ثلاث تقريبا..
ريم: اممممممم..زين هوكان معصب ولا لا ..
نوال: الصراحه..عصب كثير وحلف انك ماعاد تروحين لأي احد باستثناء شيخه.
ريم: ياربي..وليش كذا..نوال والله السياره كانت خربانه.بعد لولا الله ثم تركي كان ماجينا الى بعد الفجر..
نوال باستغراب: انتي جايه مع تركي!!
ريم: غصب علي..مافيه الا هاالحل..
نوال: انزين قصري صوتك اخاف يسمعك..عاد والله ان يحرمك من شيخه..
ريم وهي تضم نوال: ليه ابوي قاسي معاي..عاد كل من شافه وشاف تعامله حسدني.بلاهم مادروا هم وش حاسديني عليه..
نوال تمسح على راس ريم وهي تحاول بأقصى جهدها انها ماتحسس ريم بأنها وحيده ومااحد فاهمها...
نوال: امممم..ريم ليه ماتروحين تجهزين شنطتك .واذا تبين مساعده انا جاهزه..
ريم بصراخ: وااااااااافق...
نوال: هههههههه.اكيد ليه هو يقدر يرفض للريم طلب..
ريم وهي تحب راسها: مشكوره ياقلبي..ياالله شيخه ماراح تصدق..
راحت ريم بسرعه لغرفتها وقبل تدخل لفت على نوال وارسلت لها بوسه باالهوا..
اما فرحة نوال مو اقل من ريم ..خاصه انها باديه تتقبل وجود مرة الابو اللي كانت مره متخوفه منها..
ريم راحت لغرفتها بسرعه مو مصدقه لأن هذي تعتبر اول مره يسافرون مع بعض لاواحلى مدينه عند ريم..فهد خالها اكثر من مره يحاول بأبوها لكن كان يرفض..
ريم من الفرحه ماتدري وش تسوي فقررت انها تعلم شيخه بعدين تجهز اغراضها لأن بعد ملكة شيخه بيوم راح يسافرون..تقريبا بعد اربع ايام..
ريم: شيخه ردي .ردي بليز هذا مو وقت نوم..
شيخه وكأنها داخل بير: الو.. ريم: هلا شيخوه سااااااااعه..
شيخه: ريم وش عندك ترى والله ماصارلي عشر دقايق حاطه راسي..
ريم: وش عندي!! خلاص ابوي وافق..
شيخه: على وشو!!
ريم: اوووف ليه كذا انتي بارده..ابشرك بنسافر معاكم .روما.ياااي والله مومصدقه....
شيخه بصراخ: احلفي..
ريم: والله..والله.. ..
شيخه: مستحيل اصدق..بس الحمد لله اخيرا ابوك اقتنع.
...............
........‏ ‏******* ......... ******* ...
ريم: وانتي الصادقه..الا انتي وش راح تاخذين معك..تدرين عاد البرد هناك مايحتاج..
شيخه: ان شاء الله بروح السوق اليوم..عاد على هالخبر الزين بروح اسوي العشا..امي كل دقيقه داخله علي..يابنيتي تعلمي..
يابنيتي بكره بتكونين مسأوله عن بيت..ومن هالعلوم اللي تضيق الصدر..
ريم: ياحليلك ياشيخه مابقى شي على ملكتك..
شيخه: لا تذكريني تكفين..
ريم: أفا وليه!!
شيخه: استحي..
ريم: هههههههه الله يلعن بليسك..اممم اجل مااطول عليك دام عندك طبخ اليوم..
شيخه: ياالله بأمان الله.سي يو..
ريم: سي يو..
اول ماقفلت السماعه شيخه قفزت من سريرها..
وبسرعة البرق دخلت المطبخ وبدت تجهز المقادير..لكن ضايقها الهدوء الغريب في البيت عاد هي خلقه ماتحبه..
شيخه ماخلت احد بالبيت الا ونادت عليه..وماحد رد عليها..
شيخه باستغراب: هاااو..وين راحوا..
طلعت شيخه برى تتأكد اذا هم بالملحق..فربطت طرف قميصها على خصرها...
ولمت شعرها كله على فوق ومسكته زين..وابتسمت بنصر...
وبدت كالعاده باسلوبها الشبابي..وبسرعة البرق واذا جتها لفه فحطت.. دقايق الا وهي وسط الملحق.فاول ماوقفت دعست برجلها على انها تدوس فرامل وحركت بيدها على انها ماسكه القير..
وبصوت عالي: بيب..بييييب..آم.هير..
استغربت مااحد كان موجود..
فقبل ماتطلع لفت بسرعه بتشوف نهاية الملحق لأنه مكان اللي تقعد فيه امها..
فأول مالفت....ماقدرت تتحرك...
بندر كان منزل راسه وواضح عليه انه خلاص بينفجر ضحك.
شيخه صارخت بعدم استيعاب وطلعت بسرعه..قبل تدخل صقعت كتف تركي لكن مااهتمت وكملت لداخل..
تركي باستغراب: الحمد لله وش فيها هذي..
اما بندر ماصدق انها تطلع الا وينفجر من الضحك عليها وعلى اسلوبها..
ام تركي: بسم الله شيخه من وين طلعتي..
شيخه بعصبيه: ليه ساعه انادي مااحد رد علي..لييييه.!!
ام تركي: قصري صوتك عندنا بندر..الحين يقول ماتستحي بنتهم عالي صوتها..
شيخه: وقفت على الصوت... وبسرعه راحت غرفتها..
ام تركي: والعشاا...
شيخه بصوت عالي: مااااااااااااااافيه..ارتاح وا...
لو الغلا يورث على مر الأجيال.....
غلاك عقبي يارثونه عيالي.....
..< ملكة شيخه >..
شيخه: ماراح اجي غصب هي..
تركي: شيخه يالله قدامي اشوف بلا استهبال..
شيخه تناظره من فوق لتحت وصدت للجهه الثانيه: احد قال اني استهبل معك انا صادقه مابي اشوفه..
تركي: لاتحرجيني وش تبيني اقول للرجال..
شيخه مقاطعته: قوله ماتبي تشوفك غصب..
تركي: دقايق وراجع لك اجهزي.مايحتاج ابوي يجي بنفسه تدرين وش راح يسوي.
فلا تعقدين الامور فاهمه...
راح تركي وشيخه مو مستوعبه هي لا اللحين تحس بالفشله من بندر...ومالها خاطر انها تشوفه...
ريم كانت ماره من غرفة شيخه فاستغربت الهدوء ودخلت: بسم الله ماشاء الله..قمرررر..بينهبل..
شيخه لفت على ريم بهدوء ولا علقت..
ريم: شيخه حبيبتي فيك شي..
شيخه حضنت ريم ولا تكلمت..
ريم ابعدت شيخه عنها وتمت تناظر عيونها اللي على وشك انها بتبكي..
ريم بجديه: شيخه صاير شي..
شيخه: ريم..راح افقد...دك..
وحضنت ريم وتركت لدموعها الحريه..
ريم بابتسامه ناعمه: الكل راح يفقدك..شيخه حبيبتي انتي غاليه على جميع اهل البيت وصدقيني فراقك ماراح يكون سهل...
شيخه: ..............................
ريم: بعدين انتي ليه متعبه عمرك بهالافكار..اللي يسمعك يقول خلاص بتروح بيتها نسيتي انها مجرد ملكه.وبكره ان شاء الله سفرتنا..صدقيني راح يكون بالشهرين ذكريات ومغامرات حلوه ماراح تنسيها ابدا...
شيخه: اهئ..اهئ..خلاص انا راح اسحب على الزواج ونفلها انا وياك بهالسفره...
ريم: ههههههههههههههههه..ياخطيره ..بتسحبين عليهم مره وحده...
تركي دخل بدون ماينتبه لريم وهو مره منقهر: ارتحتي اللحين راح الرجال..مسكين ماتستاهل يابندر هذي بتكون مرتك..
وهو يأشر على شيخه.. ثواني وينتبه تركي للبنت اللي ورى شيخه ماكانت واضحه لذلك ماقدر يميزها فظن انها امل..
تركي: ههههههه..الحلوه ليه متخبيه..
ريم انحرجت وحست انه ماعرفها اما شيخه شهقت وعلى طول: ترررركي!! راح الحيا..
تركي: ليه وانا.......
شيخه مقاطعته: اقول لاتكمل اذا انت ماتستحي ترى ريم ميته من الحيا..
تركي بارتباك: ريم!!!
شيخه: ايه ريم ..اللي قاعده وراي ساعه وانت للأسف....
تركي حمر وجهه وطلع بسرعه لغرفة امل بيطلع حرته فيها.
شيخه: ياحليله انحرج...
ريم: حرام شيخه ليش كذا.
شيخه: احسن خليه يتأدب.. ريم: انزين انتي ليش رفضتي ان بندر يشوفك..
شيخه: وانا ليه وجه عقب تفحيطي..
ريم: تفحيطك..!!!
شيخه: سالفه طويله (وقالت لها السالفه كلها)..
ريم: هههههههههههه.لو كنت مكانك عادي أنتحر..
شيخه: نقطينا بسكاتك..
بدت ام تركي تزيد من الكورسات على بنتها وندمت انها ماكانت معلمتها قبل لأن الزواج تحدد بعد شهرين.. وشيخه ماظبطت الا الاشياء البسيطه شاي, قهوه..
واللي زاد من توترها هو سفرتهم اللي حاولت كثير تمنعها وتعلم بنتها..لكن من دون فايده..

[فيتامين سي]

الجزء الخامس...'


انت ياللي بحبك كبير..
لايصيبك شك من حبي الك..
يوم غيرك صار لإحساسي امير...
انت من فوق البشر صرت الملك...
وجيتك اغني لك على اللحن القصير...
الاماكن كلها مشتاااااااااااااااقه لك...
~بالطياره..
شيخه وريم كل وحده بمكان.ريم مكانها مع حرمه كبيره شكلها يدل انها من سوريا او لبنان..ماجلست شوي ريم الا وتسمع صوت شيخه وهي تتهاوش مع المظيفه..
قامت بسرعه تشوف وش سالفتها..
ريم: شيخه قصري صوتك انتي مو في البيت وانتي تدرين ان ابوي ولاخالي اذا سمعوا صوتك وش يصير..
شيخه: لا تخافين قدام ماراح يسمعون..
ريم: ممكن اعرف سبب هالازعاج..
شيخه بعصبيه: مستحيل ريم.شوفي...وهي تأشر باصبعها.
ريم لفت راسها على المكان اللي اشرت عليه وانفجرت ضحك..
شيخه: والله مااجلس بجنبه لو وش ماصار..لا ويشاخر.قرف..
ريم: اللحين كل هالازعاج عشان كذا..زين المضيفه وين راحت..
شيخه: فقدتها..تتكلم انجليزي وراحت تنادي لي احد يفهمني..
ريم: وانتي وش تخصصك يالفالحه.كان تفاهمتي معها..
شيخه: عيوني..هي تتكلم بسرعه ولا فهمت شي..توقعتها ايطاليه بس فهمت كلمتين وقررت اسحب اوراقي لارجعت..
ريم: هههههههههه.تسوينها..
المضيفه: شو هايدا الازعاج وانتي ليش ماعم تؤعدي..دئايء و الطياره بدى تطير مشان هيك لا تضيعوا الوئت..
شيخه: لا مابدي اعوود جنبه..ألعيه من هون..
المضيفه: وشوبا لو اعدتي. مافيا شي لاتعطلينا..
شيخه: مافيا شي..صدق قلة حيا..حبيبتي انا مو مثلك..
ريم مقاطعتها: الله يعافيك ممكن هالبنت تجي تجلس عندي.. واللي عندي تجي مكانها بليززز..
المضيفه: اي مافي مشكله.
وهي تناظر شيخه: هيك الزوء..
شيخه بصوت واطي: روحي لا اعطيك كف..هيك الزوء.من شاف وجهك عرف الذوق..
ريم تحاول تمسك ضحكتها: شيخه..خلاص مانبي مشاكل.. شيخه: مشاكل..عادي قدها..
جات المضيفه ومعاها العجوز اللي كانت بجنب ريم.واشرت لهم يروحون بمكانهم بسرعه..لأنهم على وشك يقلعون..
دقايق وتقلع الطياره..
شيخه وريم كل وحده غارقه في بحر احلامها...
حبي لك من غلا انسان لإنسان....
احساس ماكل البشر يفهمونه....
<<بعد مرور أسبوع>>
نوال جالسه تسولف مع ام تركي..ابو تركي و ابو ريم جالسين قريب منهم وماخذتهم السوالف..نوف تلعب بالرمل وتكون لها بيت منه..أمل تتمشى على الشاطئ وحاطه سماعات بأذانيها اغاني راشد الماجد لأنها تموت على أغانيه..
شيخه: اقول ريم خل نروح انا وياك نتسوق..
ريم: ياليت بس امل تعرفينها ماراح توافق اننا...
شيخه مقاطعتها: اقول خلك منها..داخل مزاجي اتمشى بسوق...
ريم: خلاص اجل مشينا...
وبعد محاولات مع خالها وافق انه يوديهم للسوق ووعدهم بعد ثلاث ساعات يرجع ياخذهم.البنات طاروا من الفرحه خاصه ان امل ماراح تكون معهم....
في السوق....
شيخه: اوووف..شوفي ياريم الجمال والله انه يخبص العقل..
ريم بعد ماشافته: وعع..صدق ماعندك ذوق..بعدين نسيتي انك متملكه عيب هالكلام اتركيه للعزابيات...
شيخه: اكرميني بسكوتك.. ريم: شيخه بسرعه شوفي اللي وراك وش لابسه...
شيخه على طول: بنت الذين ياعليها جسم..خل اروح انصحها عيب تطلع بهاللبس قدام الناس<<على نياتها..
قامت شيخه ولا عطت ريم فرصه ترد فاضطرت انها تلحقها..
البنت كانت لابسه شورت اصفر نص الفخذ وبدي بدون اكتاف ابيض..لو ترفع يدها بانت سرتها..
شيخه وهي تأشر لها:
.You.. please come her.
البنت تلفت حولها:
Mee....
شيخه بابتسامه:
yes,you..
قربت البنت وخافت منها شيخه كثير خاصه انها اطول منها بكثير واعرض...
شيخه بتلعثم: واي.يور..ذس..ذس..يلبس كذا مافي معلوم هذا عيب..يو.دونت..انت يطلع في شارع كذا....
البنت مقاطعتها وبصراخ:
what you meen...
شيخه بعصبيه: قطع لسان ياللي ماتستحين الشرهه علي يوم انصح وحده مثلك...
البنت راحت من عندهم وهي تتحلطم بعصبيه..
ريم: الحمد لله راحت خفت انها تكفخك..
شيخه: تفكر تمد يدها بس شوفي وش يصير لها..اقسم بالله لا انسيها اهلها...
ريم: ياخوفي هي اللي تنسيك كيف وصلتي هنا...
^البنات أخذولهم كوفي وجلسوا بأحد الطاولات الموجوده...
شيخه تكمل: وانتي الصادقه..اول ماوقفت قبالي نسيت ليه انا مناديتها..واستغربت هذي وش عندها جايه عندي....
ريم: ههههههههههه.لا وياليتك متكلمه مثل الأوادم..لا الانجليزي صح ولا حتى العربي....
شيخه: ليش التحطيم..ياخي جااااااااامليي...
وضربت على كتف ريم بقوه وانتثر الكوفي على البالطو..
ريم بعصبيه: شييييخه..!!!!
وقامت من عندها معصبه للحمامات عشان تغسله..
واول مادخلت على طول فصخت البالطو وبدت تمسح عليه من الماء وهي سرحانه...
اول ماخلصت قبل تطلع قعدت تلبس ولفتت نظرها بنت واقفه يسارها وشكلها خايفه..عمرها تقريبا سنوات .ريم تمت تراقبها وبالأخير قررت تكلمها...
ريم:
.Ican heelp you...
البنت: اوووف..ماعرف انجليزي..
وهزت كتوفها وقبل تروح مسكت ريم يدها..
ريم: تتكلمين عربي..
البنت تلف على ريم بهدوء..
البنت: الحمد لله اخيرا...
وترفع عيونها للسماء بامتنان.
ريم: ليش موقفه هنا..
البنت: احتري اخوي..
ريم: انتي من السعوديه..
البنت: ايه..انا اسمي مرام وانتي..
ريم: اسمي ريم..
مرام وهي تسوي ربطة جزمتها: اسمك حلو..
ريم مدت لها الجوال ونزلت تربطها عنها: عنونك الحلوه..
مرام: شكلي ضعت اكيد سعود بيزعل علي..
ريم: من سعود اخوك..
مرام: ايه اخوي..
ريم: آهااا..بس مايقدر يزعل عليك ابدا..
مرام: صدق والله...
ريم: اكيد.لأني راح اضربه واكيد انه راح يخاف مني..صح ...
مرام: ههههههههه..تضربينه..
ريم: ههههههههههههه.. أكيد ...
وجا صوت من وراهم: مرااااام.
ريم من سمعت الصوت حست ان قلبها نغزها فأول مالفت ..
انصدددددددددددددددددددددد ددمت.
حست انها خلاص ماتقدر تصدق اللي تشوفه قدامها..
رجولها يبست مكانها..
تمت واقفه دقايق وبعدها راحت من عندهم وهي على وشك تنفجر صياح...
وصلت عند شيخه وهي سرحآنه ودموع من دون صوت..
شيخه خافت من شكل ريم وباندفاع: وش فيك.!!!
احد قالك شي..ريم ردي علي الله يخليك..
ريم: .....................
شيخه وهي تهز كتوف ريم تحاول انها تفهم منها شي.لكن بدون فايده فاضطرت انها تنتضر ليما تهدى وتخبرهآ بنفسهآ
..............‏ ‏*********** ...............
نرجع لسعود..
سعود: مرام وين كنتي ساعه ادورك..
مرام: ضعت..دورتك اكثر من مره مالقيتك..
سعود: انزين..وش ذا اللي بيدك..
مرام: جوال ريم...
سعود: ريم..!!! مين هذي بعد.
مرام: هذي اللي كانت من شوي معاي.عطتني الجوال لما كانت تعدل ربطتي..ولما جيت انت حسيت انها ارتبكت ونسته...
سعود: هي وين الحين لازم ترجعينه لها..
مرام وهي تأشر على طاولة ريم اللي تبعد شوي عنهم: البنت اللي جالسه هناك..
سعود: انزين خوذي رجعيه لها...
مرام: لا رجعه انت وراحت من قدامه..
وقبل تختفي من قدامه: انا بالمطعم...
سعود: هههههههههه..عنيده....
راح سعود صوب البنات.على أساس يرجع جوال ريم....
بس جاه من قدامه ولد مسرع صقعه وطاح منه الجوال وصل لعند كرسي ريم عادي يشوفها قدامه دون أية عوازل..
المهم نزل سعود واول مامسك الجهاز..
نرجع لريم بهالحظه ~~
شيخه: ريم ماصارت بتمين ساكته عذبتيني...
ريم انفجرت بهالحظه..بدت تبكي بصوت مسموع..رفع راسه سعود لآ أرآديآ مستغرب ..
ريم: آآآآآخ..هو ياشيخه هو نفسه..اهئ.اهئ.آآه.انا مانسيته كنت اكذب على نف.ف.نفسي.حاولت انساه ماقدرت.أهئ.آآآآآآآآهئ..ليش انا.انا..اهئ.<تمسح دموعها بسرعه>.احس اني بدونه ولاشي..شفته..مانسيته كنت اكذب عليك..آآآه ياقلبي.والله اكذب حتى على نفسي..
شيخه بتردد: ريم انتي تتكلمين عن مين..
ريم: سعود..اسمه سعود.تخيلي ياشيخه اللي كنتي تبيني انساه شفته لاهو حلم ولاخيال نفسه اللي شفته بالسوق مستحيل أنساه..
شيخه: وش دراك ان اسمه سعود...
ريم: كنت مع اخته الصغيره قبل شوي..وهي اللي قالت لي عن اسمه..
شيخه باستغرآب: اخته.!!!
ريم: صدفه حلوه يوم شفتها.اسمها مرام تقريبا عمرها بالثمان..حبيتها ريحت قلبي..
^^سعود انصدم..صارله وقت طويل واقف مانتبه لنفسه..
..نسى هو ليش جاي من الأساس..
لف عنهم وبدى يمشي بخطوات ثقيله كأنها مصدومه اكثر منه..وقبل يطلع لف عليها لا شعوريا.طاحت عينه بعينها وتم وقت طويل واقف يناظرها مو قادر يتحرك..عرفها بسرعه.عرف انها نفس اللي شغلت تفكيره من اول ماشافها..
بس كان يشغل نفسه عن التفكير فيها.على أساس انه ماراح يتزوج غير بنت عمه اللي مايعرف عنها الا ان بين ابوها وابوه قطيعه دامت اكثر من عشرين سنه وراح يكون هالزواج الحل الوحيد اللي بيرجعهم لبعض...
عشان كذا ماكان يعطي نفسه يفكر بأحد دام ابوه مخطط لكل شي...
لكن بعد ماشاف ريم حس انها احيت شي فيه كان يحاول يتصداه بأقصى قوه..
طلع من السوق وهو مو مصدق اللي شافه..
اما ريم فما هي اقل حال منه حست كأن تفكيرها أنشل..ودها تلحق وراه تصرخ فيه خافت يختفي من حياتها من جديد..
لكن مابيدها حيله.طلعت من السوق مستسلمه للواقع..تنتظر وش ممكن تكون هالأيام مخبيه لها بأحد طياتها...

[فيتامين سي]

الجزء السادس...'


خل السوالف انا مشتاق لعيونك...
عجل وشف لك طريقه نلتقي فيها...
لا تخلي الشوق يذبح حال مجنونك...
لا جتك فرصه طلبتك لا تعديها...
اذا انت عايش انا ما اعيش من دونك...
العيشه اللي على هالحال ما ابيها...
ا~ليوم الثاني..
شيخه بعصبيه: اسمعيني زين انا لايمكن اني اساعدك.صدقيني مو حل انك تجلسين طول اليوم بالسوق على أساس انك تشوفينه.انتي ماتدرين عنه.. تلاقينه مافكر فيك ولادرى عنك..
ريم: مستحيل مايفكر فيني لأني حسيت بنظراته...
شيخه مقاطعتها: حسيتي !!
حبيبتي انا مابيك توهمين نفسك بأشياء ماصارت على الأقل لو على قولتك يحبك ماراح الومك ..لكن...
ريم: لكن ايش..!
شيخه: ...........................
ريم: لاتتعبين نفسك.كل شي راح يبين مع الأيام..وانا مستحيل انساه صدقيني...
وقامت ريم من عندها وهي تبكي..واضطرت شيخه تلحقها.
رجعت ريم للفندق وهي مره متضايقه دخلت غرفتها وسكرت الباب وراها وطلبت ماأحد يزعجها..
جلست تدور بغرفتها بملل ففكرت انها تشيك على الإيميل ومره وحده ترسل لساره..
اول مافتحت ايميلها لقت رسايل جديده "ثلاث من ساره..
ولقت رساله غريبه من ايميل ماتعرفه..
رسايل ساره كلها سوالف واستهبال حست انها وسعت صدرها عقب اللي صار..
فتحت الرساله الغريبه وهي حاسه ان قلبها انقبض دون سبب...
فكان احساسها بمحله..وقفت ريم من دون شعور منصدمه باللي تقراه وبدون شعور: معقووووووووووووووووووله.
<< سمعت كل اللي قلتيه عني..عرفت انك تحبيني مثل ما أنا احبك.صح ماقلتيها لكن حسيت من كلامك فيها.
من شفتك اول مره بالسوق قبل شهرين حسيت بشي غريب مادري.حسيت اني اعرفك. حاولت اشغل نفسي عشان ماافكر فيك ماقدرت. توقعت نسيتك لكن بعد ماشفتك عرفت اني العب على نفسي ومستحيل اقدر انساك لانك بقلبي وعقلي..انا آسف كتبت كل اللي بقلبي دون مقدمات لأني خفت افقدك مره ثانيه..
جوالك معي تعالي للسوق اليوم عشان تاخذينه.....وسووري لقيت ايميلك مخزن قلت مافيه إلا أخبرك..
محبك...سعود..>>..
++سمعني ويحبني متى!! وكيف!!
ياربي..وش اسوي اعلم شيخه..ايه اكيد لازم اعملها لحظه
وليش ياريم هذي حياتك ماحد له دخل فيها وانا ماراح اخسر سعود على حساب أي احد...
<< سعود..كل شي توقعته..يعني اني افقدك مره ثانيه,اني عايشه بوهم,لكن انك ممكن تكون تحبني أو على الأقل مفكر فيني ابد ماخطر في بالي..الصراحه فاجأتني وبأحلى مفاجأه....ريم.>>..
بالبدايه ترددت ريم كثير لكن خوفها من انها تفقده مره ثانيه خوفها كثير..وضغطت على الأرسال من دون شعور. كل تفكيرها كان في ردة فعل شيخه لو تدري...
شيخه فتحت الباب بقوه: بوووووو.
ريم قمزت من مكانها: بسم الله.خوفتيني..
شيخه: ههههههههههه..سوري ماتوقعت بتخافين.ههههه.بس شكلك تحفه وانتي خايفه.راح اعلم تركي اذا رجعت عشان كل يوم يخوفك..
ريم بعصبيه: مايضحك..بعدين ماعاد ابي اسمع اسم اخوك.لأني ماواطنه..
شيخه: اهم شي هو يحبك..مو ناس مادروا عنك..
ريم: وش قصدك.!!
شيخه: اوووه..ولاشي ..المهم تركي يحبك ياريم وراح يتزوجك فياليت ماتسوين عمرك جولييت وتتعلقين باوهام مستحيله.تشاااااو...
بعد ماطلعت قفلت ريم الباب
وجلست بطرف السرير..
تبكي على تركي اللي مو قادره تحبه..
بكت حتى فراق امها اللي ترك بعدها فراغ كبير بحياتها..حتى سعود بكت لأجله في هالحظه وهي تدعي ربها انه مايتخلى عنها مثل غيره..
~بعد يومين بالسوق...
طلعت ريم بسرعه من الحمامات بعد ماشيكت على شكلها..لقت سعود واقف ينتظرها..
ريم بصدمه: سعود وش تسوي هنا..
سعود: انتظر ناس تتغلى..
ريم: سعود.!!
سعود: عيونه...!
ريم انحرجت: اليوم انا تعبانه وما...
سعود: تعبانه..! من متى.وليش ماخبرتيني..
ريم: وليش اخبرك..
سعود: عشان اوديك المستشفى...
ريم: نعم..!!!!!
سعود: معانا عهود لاتخافين.. ريم: انا خابرتها مرام وش غير اسمها..
سعود: هههههه.لاهن ثلاث ساره وعهود ومرام...
ريم: صدق..نفسي اشوفهم..
سعود: قريب ان شاء الله.اذا خبرتهم عن زوجة المستقبل..
بيطلبون يشوفونها..
ريم: مين!! بنت عمك..
سعود: كأني اشم ريحة غيره..بعدين لاتخافين انا ماراح آخذ غير وحده احبها موت وما ارضى بغيرها..
ريم: ومين سعيدة الحظ هذي..
سعود: من غير الريم ماخذ عقلي وقلبي..وهو يأشر على
قلبه ولف عليها: ريم احبك انتي.وخاطري اسمعها منك..
ريم بغباء: تسمع ايش..
سعود: قولي انك تحبيني..
ريم حمر وجهها: سعود انا رايحه..بامان الله...
وراحت بسرعه وماعطته فرصه يتكلم...
علاقة ريم بسعود قوة مره خلال هالاسبوع. كل يوم ترسله اما بالايميل او الجوال..وهو بالمثل..التقت فيه مرتين...
ابوها نادر ماتشوفه لأنه كثير ينشغل عنها وياخذ معاه نوال ولا يهتم فيها ابدا وحمدت ربها اللي عوضها بأكثر انسان يحبها.سعود....
ريم اول ماوصلت دخلت غرفتها وهي طايره من الفرح بس. استغربت كانت تسمع اصوات برى...ابوها يتهاوش مع نوال...
طلعت بسرعه للصاله اول ماشافها ابوها لف على نوال وعطاها نظره مافهمتها ريم وطلع وسكر الباب بقوه...
ريم بتردد: نوال..وش السالفه..
نوال تمسح دمعتها بسرعه: ريم انا راح اعلمك..بس اوعديني ماتخبرين ابوك...
ريم باستغراب: ما اخبر ابوي!!
نوال: اوعديني عشان اخبرك..
ريم: اوعدك..
نوال تمسك يد ريم وتجلسها جنبها: ريم انتي تدرين ان عندك عم ساكن هنا بروما...
ريم انصدمت: انا..عم ومتى..
نوال خبرت ريم القصه كلها من اولها لاخرها...
نوال: ولهذا السبب ابوك هاوشني..طلب اني ما اتدخل بينهم..
ريم: السالفه ماتستاهل اللي سواه ابوي..مهما كان هذا اخوه الكبير..ليش الكره..
نوال: مشكلة ابوك ياريم الغرور والكبرياء..اللي منعوه من انه يعتذر لأخوه..مو الكره ابوك عمره ماكره احد..لكنه مستحيل يعتذر من احد..
ريم: انزين تكلمي لي عن هالعم...
نوال: اسمه سالم ساكن من زمان هنا..عنده ولد وثلاث بنات..سعود و عهود وساره آخر العنقود امممم..ما اذكر اسمها اظن ملاك او...
ريم انصدمت وقاطعتها بتردد: اسمها مرام....
نوال: عليك نور..اسمها مرام...
ريم: ...................
نوال: ريم حبيبتي فيك شي..
ريم: هاااه..لا...
استأذنت منها ريم على اساس تعبانه ورايحه تنام..
دخلت الغرفه تحاول تستوعب..عم.سعود وساره وعهود ومرام...ساكنين بروما..
وبدون شعور: معقوله.يكون نفسه.ولا تشابه اسماء...
وبحركه سريعه تمسك الجوال وهي تفتح قائمة الأسماء..وبسرعه تدوره .وتضغط على الاتصال..
تقرب ريم الجوال لاذنها وهي حاسه ان قلبها بيوقف واخيرا: ألو...
سعود: فديت الألو.وراعيه..
ريم بتردد: سعود اقدر اشوفك ..
سعود باستغراب: اللحين.!!
ريم: ادري بالدوام بس ضروري..
سعود: خلي الدوام على جنب..انتي فيك شي..
ريم: انت تعال لنفس السوق..فوق بالكافيه.وبعلمك بكل شي..
سكرت ريم السماعه وبسرعه لبست البالطو وحطت الشال على راسها..وطلعت..نادتها نوال كثير بس ريم ماسمعتها..
نزلت من السياره وطلبت من السواق ينتظرها..
تسرع بخطواتها وهي حاسه ان قلبها خلاص بيوقف..
اخيرا..جلست دقايق وهي على اعصابها ويجي سعود...
سعود: ريم خير فيه شي صوتك ماعجبني من شوي..
ريم: انت سعود بن سالم بن سعود ال...........
سعود باستغراب: ايه...بس انتي شلون عرفتي اسمي كامل دون مااخبرك..
ريم خبرت سعود بكل شي وهي تبكي...
سعود منصدم: ريم ليش الصياح.المفروض تفرحين اني ولد عمك ولا...
ريم: اهئ..اهئ.انا..خايفه تتركني..
سعود: ريم.انا مستحيل يبعدني عنك غير الموت.
ريم: لآ تجيــــب طآريـــهـ ...
سعود: الله لايفرقنا..وقريب راح اخطبك من ابوك و يرجعون مثل قبل وينسون قطيعتهم هذا كلام ابـــــــوي..
ريم: سعود ابطلب منك طلب قول تم..!!
سعود: عيوني لك.آمري..
ريم: ابي اشوف عمي والبنات ..
سعود: ان شاء الله..
ريم باصرار: اللحين..
سعود: اللحين!!!
ريم: بليززز..
سعود: أوك مشينا..امري لله..
ريم رفضت انها تركب معاه ركبت مع السواق وطلبت انه يروح ورى سيارة سعود.. طول الطريق وريم طايره من الفرح توقعت انه راح يهاوشها يسب ابوها..ماتوقعت انه ابد يفرح.عقب اللي صار زاد حب ريم لسعود والعكس..

[فيتامين سي]

الجزء السابع...'


حبك شريته يوم انا بحاجة الحب..
واليوم ما ابيعه لو يساوي عيوني..
بعدك يعذبني وقربك لي الطب..
وانت الذي دايم تحرك شجوني..
وانت الحبيب وغيرك القلب ماحب..
يهون غيرك وانت ياحبي ماتهوني..
دخلت البيت وهي حاسه بخوف من الهدوء..
كان كبير وفخم جدا..
ريم كانت تتفرج على البيت وسعود كان يراقبها...
دقايق الا وصوت اللي تصارخ وراهم: سعووود.!!
ريم وسعود لفوا بسرعه..
سعود: هلا وغلا بالغاليه..
فوزيه مقاطعته والدموع بعيونها: اعرست..!!
سعود وريم: ...............
فوزيه: ليه ياوليدي كان خليتنا نفرح معاك..
ساره بصوت عالي وهي نازله من فوق: اوو.ماااي.. قاااد...سعود يا ابن الذين تزوجت وماخبرتنا..
وقفت قباله: الا سعود من وين طلعتها ذا الإيطاليه..كأنهآ تشبه لي ..
سعود يناظر ريم: وش رايك حلوه صح..
ريم وجهها حمر من الحيا..
ساره: ياناس..وتستحي بعد من وين طلعتها.الا هي تعرف عربي..
فوزيه مقاطعتهم: احر ماعندي ابرد ماعندكم..سعود هذي مين لا تجنني...
سالم توه داخل: وش هالازعاج صوتكم واصل لبرى..
ساره: البشاره..سعود اعرس.
سالم: ............اعرس..!!
ريم بسرعه راحت لعمها حبت راسه وحضنته ونزلت دموعها...
فوزيه بعصبيه: سعوووود.!! ياذابح يامذبوح..تعدت الخطوط الحمرا..
سعود: هههههههه ياغيور...
وعلمهم بالسالفه كلها...
ساره بفرح: الله بنت عمي..
حضنتها وباستها على خدها..وبسرعه رقت فوق وهي تطل: بخبر عهود....
سالم: الله يالدنيا بنت عبد الله ببيتي.
ريم: والله ياعمي ماكنت ادري عنك وعن وجودك هنا..
سالم مقاطعها: انا داري انتي مالك ذنب باللي سواه ابوك..الحمد لله اللي كتب لنا نشوفك يابنتي..
سعود: يبه اشكرني ترى انا اللي موصلها هنا..
فوزيه: مشكور ياوليدي.
ساره جايه تركض: عهود بالطريق..
مرام: انا كأني قد شفتك..
سعود: ايه.بالسوق يوم تضيعين..
سالم: وانت وش دراك..
سعود بارتباك: هاااه..كذا اخمن..
ساره: خل اسوي معاكم مقابله..
عهود توها داخله: كلللووووش. تو مانور البيت بمرة اخيي...
ريم تسلم عليها: منور بأهله..
ساره بصراخ: خربتي المقابله علينا..
سعود: مابعد بدت عشان تخربها..
عهود: يعني مافاتني شي..
بروح اجيب الكاميرا..
ساره: استعدوا..على بال ماتجي الكاميرا..
عهود تضغط على التسجيل: يالله ساره ابدي..
بس اهم شي تكلموا عربي فصحى...اوكي..
الجميع: اوكي...
ساره مسويه يدها مايكرفون: اعزائي المشاهدين. اعزائي المستمعين.انتم مع برنامج اراء منوعه..سعود.المايك..
سعود: نعم..نعم.نأخذ اراء جميع افراد العائله.نبدأ..ساره.
ساره: احم.احم..اولا نبدأ مع الكينق.سويلم..
سالم: ملاحظه اعزائي.هذا اسم الدلع..
الجميع: ههههههههههههههههه...
ساره تبوس راس ابوهآ: مشكور على المداخله..شآيبنآ.ماشعورك عند دخول. الريم..حرم الشيخ سعود..
سالم: سعيد جدا وكأني ارى اخي مرة ثانيه.
ساره: ماذا عنك يافزفز...
فوزيه تتلفت: انا..
ساره: نعم اختي...
فوزيه: ابد بغيت اذبح ولدي..
ساره: افــــااا..ولماذا..
فوزيه: هااو..اجل يعرس وانا مادري..
سعود: معي هنا اعزائي فتاة صغيره بالسن..الاسم..
مرام: مرام .
سعود: جميل..ماانطباعاتك بهذه الزياره المفاجئه..
مرام: شي رائع..لكن معليش أسال..
ساره: مرام قلنا فصحى..معليش.. وين نصرفها ذي...قولي ممكن...
سعود: المهـــــــم.. طبعا..طبعا..
مرام: متى سيقام زواجكم.ان شاء الله ..
سعود يبعد عنها: آسف اعزائي انقطع البث سنعاوده بوقت لاحق..
ساره: لا.باقي العروس..
راحت لريم: عزيزتي آسفه نسيت ان اسألك سؤال يقرقع بقلبي..وش رأيك بسعود وإذا تقدم لك بتوافقين ..!؟؟
سعود وقف قريب من الدرج وقبل لايرقى لف عليها..
ريم: .....................
سالم حس بانحراج ريم: ساره خلاص عاد.
ريم تشوف ساعتها: يووه..مضطره ارجع..
عهود تطفي الكاميرا: لا ريم اجلسي.
ريم: مره ثانيه..
حبت راس عمها وراس فوزيه سلمت على البنات ولما سلمت على ساره وهي تضغط على ايدها: لاتقاطعينا ترى فيه ناس مايتحملون فراقك دقايق...
ريم لفت على سعود وكان يناظرها نزلت راسها بسرعه: مع السلامه..
وطلعت قبل تركب السياره..
سعود: ريم..ريم..
ريم تلف عليه: هلآ.
سعود: يعني ودعتيهم كلهم الا انا..
ريم: استحيت من عمي..يالله مع السلامه..بشتاقلك..
سعود: تشتاق لك العافيه ياعمري..
ركبت ريم السياره وعيونها كلها على سعود..مشت السياره ثواني ويختفي من قدامها.
رجعت ظهرها على المرتبه.وطلعت منها: آآآآآآه.. كبيره..
++الله يهديك يبه حرمتني من أروع عم وعيال عم...
اول مادخلت البيت...
نوال: وين كنتي.!!
ريم: ......................
راحت لغرفتها دون اي كلمه..
نوال استغربت هالحركه..
انسدحت بسريرها وهي مو مصدقه اللي صار..
دق جوالها اكثر من مره.. شيخه تتصل عليها..
شيخه: ماترد..والله هالبنت مو طبيعيه..
امل: ماتنلام دامها تجلس معاك اكيد ماراح تكون طبيعيه....
شيخه: برى..اطلعي.برى..لا اجي اطلعك بنفسي..
امل تناظر من فوق لتحت: اعصابك....
وطلعت.اما شيخه فكانت تفكر بريم وتغيرها المفاجئ...

[فيتامين سي]

الجزء الثامن...'


فرحت لكن فرحتي تبدلت فيني حريق...
يزيدها صوت الفراق اللي يكدر مسمعك...
.بعد مرور شهرين.
شيخه واهلها رجعوا للسعوديه
ريم قوة علاقتها بعمها وعياله طبعا دون علم ابوها او مرته..
فكرت ريم انها اول ماترجع للسعوديه تكلم ابوها. عن عمها وعن سعود على أساس انه بيخطبها خلاص فلازم ابوها يدري...
ريم جالسه تفكر ويدق جوالها ولا انتبهت...
نوال: ريم...الجوال...
ريم بعد مانتبهت: عن اذنك...
قامت بتكلم وهي مستغربه الرقم...
ريم بتردد: الو..
ساره: هلا وغلا بمرة اخيي..ليش كذا كل هذا دلع يعني..ساعه ادق عليك وينك فيه..
ريم: معليش ساره كنت سرحانه ولا انتبهت..تدرين بعد بارجع بكره وضايق صدري لاني تعودت عليكم..
ساره: لاتذكريني بليز..انا داقه عشان اقولك لازم اليوم يكون لنا..تعالي اللحين عشان نستانس معك خاصه ان عندنا حاله ماتتعدل الا اذا شرفتي..
ريم: يصير خير..
ساره: طيب عشان خاطر سعود ولا ماله خاطر عندك..
ريم: خلااااااص..باذن الله راح اجي واللحين..يالله سي.يو.. ساره: اجل خل اذلف اخبرهم.سي.يو..
نزلت ريم وهي تعدل الشال على راسها..
نوال: على وين.!!!
ريم: ابتمشى قريب..
نوال: انتظري لما يوصل ابوك عشان نتمشى سوى..
ريم: خلاص اذا جا ابوي رجعت وطلعنا سوى..
وطلعت ريم وهي مره متضايقه ماتدري ليه..يمكن عشان تعودت عليهم وماتتمنى تفارقهم...
سعود: متأكده انها راح تجي..
ساره: ايه تقول انها بالطريق...
سعود: دقي تأكدي..
ساره تلف عليه: ماحد قد قال انك نشبه..
عهود مقاطعتهم: وينكم.ساعه انادي ماحد معطيني وجه ريم وصلت من شوي..
سعود+ساره: وينهاااا..!!
عهود سابقتهم قدام: بالحديقه..
وطلعوا جميع للحديقه...
سعود من اول ماشاف ريم استغرب شكلها الحزين لدرجة انها مانتبهت حتى لهم اول ماطلعوا..
ساره: ياهلا والله ومسهلا بأم سالم...
ريم تسلم عليها: هلا ومسهلا فيك.
عهود: تصدقين ماستوعبت الا اللحين انك بتفارقينا..
ريم: وانا والله..مره حبيتكم وتعلقت فيكم..
ساره: هالكلام لنا كلنا ولا بس لناس....
سعود انتبه لكلام ساره..
ريم: وش دعوه اكيد هالكلام لكم وانا لي احد بعد الله ثم ابوي غيركم..
عهود: الله يخلينا حق بعض.. ساره: وش رايكم نفتح موضوع نتناقش فيه..
سعود: ومن متى سويره تفتح مواضيع..
ساره: من قبل تنولد عيوني.. عهود: انزين وش عندك من مواضيع يالدكتوره...
ساره: لاتتطنزين..
تلف على ريم: الا يالريم ماقلتي لابوك ان سعود بيتقدم لك..
ريم بارتباك: هاااه..لا ماقلت له..
ساره: ليه..اخاف يرفض..
ريم: انتم مين راح تخطبون.
ساره باستغراب: انتي اكيد.
ريم: خلاص اجل الراي لي.
ساره: وانتي وش رايك.
عهود: ساره خلاص البنت ماتت من الحيا..
سعود: ههههه..اجل يالله انا بخليكم على راحتكم..
ريم باندفاع: على وين..
ساره: اووووف..ريـــــم ترانا موجودين..
ريم استحت مره وتمنت الأرض تنشق وتبلعها...
سعود: ساااااره..!!
ساره: خلاص.لا اسمع لا ارى..
عهود: وش الفايده نبي شعارك... لا اتكلم.
يدق جوال ريم: الو......
هااااه......
كيف اللحين....!!!!
خلاص دقايق وانا عندكم.....مع السلامه...
اول ماسكرت ريم..رفعت راسها بهدوء وكانت انظار الجميع عليها....
ريم: امممم..معليش مضطره امشي...الرحله قدموها بعد ساعه...
ساره شهقت: اللحين..!!
عهود: لا ريم ماملينا منك...
ريم: ..................
ساره سحبت ريم لمها وحضنتها: راح افقدك كثير..
ريم تمسح دموعها: وانا اكثر..
تبعد عنها: امنيتي الوحيده بأخت والله رزقني بثلاث اخوات..
تحضن عهود: ومو من السهل علي افارقهم..اهئ اهئ..
ساره: ريم لاتبكين.كلها كم شهر ويرجعك سعود عندنا...
ريم قبل تطلع لفت على سعود: مع السلامه سعود...
.....
سعود: .................
ريم نزلت راسها وطلعت.... سعود مشى وراها وقبل تركب السياره: ريم..!!
ريم تلف عليه: نعم..
سعود: اول ماتوصلين طمنيني عليك...
ريم: سعود....انا...
وبدت تبكي بصوت مسموع..
رفعت راسها وفجأه تلاقت عيونهم....
سعود: انتي ايش...
ريم: .......................
سعود: ليش ساكته..قوليها..
قولي انك تحبيني...
ريم: .........................
سعود: قبل تسافرين خاطري اسمعها منك..
ريم: ..........................
دق جوال ريم وقطع الصمت اللي بينهم..
ريم: الو..
انزين انا بالطريق اللحين..
قلت لك بالطريق..
اوكي..يالله مع السلامه..
...يصير خير...
ريم بعد ماسكرت: يالله سعود مع السلامه....
قبل تركب..
سعود: ريم لا تنسين تطمنيني اول ماتوصلين..
ريم: ان شاء الله...
ركبت السياره وضلت عيونها متعلقه فيه وماكانت تتمنى تفارقه....
اول مابعدت عنه نزلت دموعها
دون ارادتها وسندت راسها..
.. يدق جوالها...
ريم: الو..
شيخه: هلا والله بأهل ايطاليا..
ريم: هلا بعروستنا.وشلونك وش اخبارك..
شيخه: تمام بس ناقصني شوفتك متى ترجعون..
ريم: اليوم بنمشي ان شاء الله..
شيخه: صدق..عاد جد اشتقت لك حيل...
ريم: تشتاق لك العافيه ياقلبي..
شيخه: وياك..
ريم: هاااه. كيف النفسيه عاد اسبوع وتنسينا..
شيخه: وش دعوه..انسى العالم ولا انسى الريم مرة الغالي..
ريم ضاق صدرها: شيخه..!!!
شيخه: يالبيه...
ريم: معليش شيخه مضطره اسكر...
شيخه باستغراب: بامان الله لا وصلتي طمنيني..
ريم: يصير خير...مع السلامه.
شيخه: وانتي سالمه..
سكرت ريم الجوال ورجعت راسها بهدوء على ورى...
++هل ممكن ابوي يوافق على سعود..لأنه ولد عمي ولا راح يرفض بسبب الخلاف اللي بينهم ويزوجني تركي..
بس حنا وش ذنبنا بخلافاتهم..
آآآآه..والله احبك ياسعود....
وتركي..ان شاء الله اني راح اكلمهم عن ساره يخطبونها له ماراح يلاقون مثلها....!!