آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
05-01-20, 08:48 AM
| #21 | ||||||||
| مراقبة عامة ومشرفة منتدى الروايات المنقولة  
|  العشرون #ابو_عدوان #مذاق _العشق #بقلمي_نشوى_السلطان شلت الماسحة عليه كتلو يول عليمن وجعوو... جان ادحك من الجام ابو عدوان ماكوو... كتله خلف وينه روكان... كال ياروكان رااااح من زمان بقيت مصدووومة شلون راح بدون مايكلي وشبي هيج مخبووص بقيت بقلق... اهلي يحاجوني واني بالي يمه...!! طبو جابر وابو قصي وخلف .. طبينا كعدنا بالهول امي مسويه كليجة وجاي .. كعدت بسد امي وخليت قصي بحظني كعدنا سوالف وضحك وخلف طول الوكت يداهر بيه عاد صار المغرب ونجمة كالت راح اروح وبالليل ارجع ابات يمج اخذها ابو قصي وطلعو.. كمت الحيلي فتريت بيت اهلي طبيت الغرفتي .. ادحك على كنتوري اغراضي ذكرياتي كلها هين كتله ضي سدي الباب اريد اخابر روكان .. شلت التلفون بيدي دحكت عالشحن قليل... جان تكول _ ياستاررر دكومي امي راح تشوي لحم بالتنور كومي نكعد يمها على الدفو وركان عوفي هالحزه جوز عندو شغل عليش طايره روحج وراه .. عوفي الزلمه خل يرتاح منج ... دحكت عليها وبيدي التلفون .. كتله يولي شمسويتله خاطر يرتاح مني .. النوب انتي عليه .. شو اطلعي وسدي الباب گبل ماذبحج ضحكت وكالت .. عجل مدام هيج تحبي وماتكدرين بدونه عليش جيتي علينا جان ابقي عندو.. ولو اليوم هو عند زينة هههه كتله ولج جيبلي الشاحنة وتعاي.. كبل مابتلي بيج... راح يطفى الجهااااز الشاحنة وين شوفيها بالجنطة داحجي وياهه وادور عالشاحنة وجان امي اتفوت كالت اششش شعلو حسجن... كتلها يمه هاي ضي ام اللسان اداهر بيه كالت عوفج منها كومي ابو عدوان بالباب يريدج... كتلهاا صدددددك يمه لو تشافين... ولج اكللها اخوج واكف يمها شبيج كومي مو وكت شقى شوفي شيريد ... دحكت على ضي وكمت اطك اصبعتين يم اذانها كتلها ها يولي يم زينه موو... ولج اختج جابتو الراس روكان.. خاف عبالج اختج ماتكدر شلت شالي وطلعت ... واني اضحك .. دحكت من الباب سياراتو طابكة ... والايت قوي ماكدر ادحك يضرب بعيوني... طلعت للطرمة .. الله ريحتة التنور والخبز.. صحت يولي وضحى تعاي ساعدي امي... لفيت شالي زين.. وكفت بسد الباب... جان يطفي الايت ودحك عليه كال اللبسي عباتج واصعدي... دحكت عليه وعلى جابر كتلو بس اني اليوم اريد ابات هين كال جيبي عباتج وغير وكت باتي... جان يصيح جابر كال يله سمعتي شكلج امشي جيبي عباتج وتعاي هزيت راسي اي.. صديت ورجعت بالطرمة .. تلكتني امي لابسه ثوب الخبز.. كالت كوليله خل ينزل راح اشوي لحم بالتنور عليش رايح خل يحي يتعلل ويانه كتله مايقبل راح ياخذني... كال تهيري وجيبي عباتج _ ليش يولي خاف يستحي يبقى هين.... مو كلتي ابات كتلها مادري يمه راح اروح احسن... طبيت لملمت غراضي اخذت التلفون .. خليتو بالجنطة .. ولبست عباتي وطلعت تلكتني ضي وبيدها صينيه الخبز... كالت هااا شو لبستي وين النيه.. راااح انروح جة ياخذني عيني... كالت اممم مايكدر ياب مايكدر بدونها... يحبهااااا ضحكت كتله لا تحسدينا يووولي .. عوذه من عينج هههههه مانصيب يمه مانصيب اكفي حل اجي اوصلج طلعت وبيدي الجنطة ورايه امي وضي... فتحت باب السياره وصعدت بسدو،،. جت امي تمشي من يا م الباب مالتي... وبيدها جك ماي مدت راسها كالتلو ديربالگ عليها تره تستحي تاكل ابتسم الها ابتسامه خفيفه كاللها الله كريم كتلها يمه خابري نجمة كوليلها راحت خطيه عبالها ابات،.. صد عليه .. بقى صافن وجان يكول يله نتوكل.. سلمنا على اهلي... امي ذبت ورانا الماي.. وطعنا الدنيه مغرب والجو مغيب .. ومطر خفييييف .. كتلو هاي وين رحت اليوم اختفيت.. جان .. يصد عليه كااال تلفونج وين... كتله تلفوني بالحنطة ليش... كال صورج دازتهن الاحد كبل...! كتله ياصور يعني...! جان يحجي بصوت عاااالي كال داسألج منطيه صورج الاحد كتلو لااا والله ليش... ! شكو شييك... مارد عليه مد ايده بحيبو وطلع التلفون... يسوق ويكلب... كتلو كط التلفون من ايدك الشارع كلو ماي غير وكت... جان يرفع راسو دحك عليه كال ليش. غير وكت...؟ كتله مو اقصد انت دتسووق... والطريق مزدحم... ماعليج اني اعرف اسووووق مو جاهل.... بس جاوبيني وتذكري زين انتي مامنطيه صورج الاحد...! لااا والله مانطيت صوري اعرف انت ماتقبل شلون ارسل صوري قابل تخبلت...بس ماكتلي ليش هالاسألة... _ انطيني تلفونج ... وينه تلفوني مخلص شحن مابي ليش.. ليششش مخلص شحن وين راح شحنه...! شبيك اعصابك ليش تزكح قابل وين راح بس من رحت الاهلي بقى بيد قصي يلعب اللعاب وخلص الشحن... ماشي خل نصل البيت اشحني وجيبي عليه... اي بس انت شبيك ليش هيج ضايج وتسأل أسإله غريبة...! مثلا شنو الغريب بسؤالي...؟ يعني تلفوني والصور وضايج... تره اني انتبهت عليك من طلعنا من البيت بس مداعرف شنو البيك...! جر نفس وكال .. خل نصل البيت كتلو شبيك هيج ضايج والطريق كله ادخن غير افتهم شنو الصار..! _اشششش كافي خل نصل البيت سدي الحجي.. اي راح اسكت بس عليك الله خفف السرعه ... دشوف الشارع بي مطر ... روكان شبيك.. مو احاجيك ليش ماترد عليه... كال دنجي راسج .. وكافي حجي جدامنه سيطره ... مارديت عليه بقيت ساكته ... الطريق كله... لحد ماوصلنا للعلم وصلنا البيت ونزلت .. فتحت الباب نزلت غراضي.. وهو طب يمشي جدامي اخذ المفتاح وفتح الباب...طييت وراه خليت الجنطة عالدرج وبقيت واكفه .. هو كعد كبالي.. كال جيبي الشاحنه وشغلي تلفونج... كتله هسه ادورها بس ليش ... جان يعيط بيه كال بس لو تبطل إساله يووولي جيبي الشاحنه وتلفونج يمي... كتلو اي افتهمت بس من حقي اعرف ليش وشتسوي بيهن كام الحيلي كال تريدين تعرفين ليش موو.. كتله اي اريد اعرف لان الف مره سالت على تلفوني جة يمشي وبيده تلفونه... وجان يفتح الفايبر كتلو شنو هاي شدتسوي.. كام يكلب بالمحادثه .. كلام مطول كله صعده ليفوك وجان يطلع الصور... دحكت عليه وعلى التلفون كتلووو شنو عاي صوري...! رفع راسو عليه كال لازم اني مااشوف اعمى ... ليش اني مادري بيهن صوررررج..! كتلو اي بس شحابهن يمك... طفى التلفون وخلاه بجيبه.. وجتف اديه الاثنين لوره.. كال شحابهن يمي لو شحابهن يم سعووود دحكت عليه مستغربه كتلوو سعود شنوو..! كال يعني ماتعرفين موو!! كتلو لا بس هاي الصور بس عندي حتى اهلي ماعدهم شلوون وصلن بجهازك دحك عليه بنظره قاسية وكضبني من ايدي ... كال صورج بجهاز سعود..تعرفين شنو وبهذاااا لبسج ...! الصورررر شلوون وصلن سعود.... رجعت ليوره .. شفتو صار اعصاب كتلو شمدريني اني قابل اني الدزيتهن... مد ايدو على راسو .. سحب اليشمغ وكطه غادي... كعد وكال تعاي اكعدي ... بقيت بمكاني كتلو شكوو شبيك... عاط اني مو اكلج تعالي شبييييج خايفه...؟ لا موخايفه بس ... بس شنووو تعالي هين بسرعه ... اييي بس لاتصيح شبيك... مشيت وكلي ثقة وبدون تردد .. سوالي مجال وكعدت بسده... مد ايده وطلع التلفون.. دخل على الفايبر دخل للمحادثات ... مكتوب الاسم فاعل خير..، فتح المحادثة وكال هاج ... كط التلفون عليه... وطلع جكارتو... وكام وكف الحيله دنجت راسي وكمت اكلب بالمحادثه.... كلاااااام مطول.... واني اكلب.. اهجس انضربت براسي قريت كم سطر... بلمح البصر... مكتوب سعود اني حبيتك وابقى احبك .. بس روكان اخذني منك.. سعود اني معجبة بيك...! نزلت الكلام... واني جسمي كله يرجف عيني عليه وعين على التلفون.. صوري بالمحادثه... دخلت على السكرين الثاني ... مجاوب سعود... اعتذر منج تبقين اخيتي دام انتي حرمة اخويه راح احذف رقمج وبعد لا ترسلين شي ..واني اقرأ .. كامت دموعي تجري... كتلووو شنو هالحجي منو الي دزه الك كال هذا الهامج منو الدزلي الكلام.. ..! مشيت وكفت بسده كتلو دحك هذا الرقم الي بالسكرين مورقمي منو الي ديسوي هيج... جر التلفون من ايدي بقووة وفتح المحادثه من جديد وطلع السكرين الثالث... كال هاج اقري... سحبت التلفون .. ورجع على اول سكرين... مكتوب سعود هذا خطي الثاني محد يعلم بي بس اني وانت وربنا.. ارجوك لاتصدني.. اني معجبه بيك من زماااان... وهو يرد ... كااااافي ولا تكتبيلي بعد ارجوج... كتلو شنووو هالمحادثات.. ومنو الدزهن الك تره راح اتخببببل وهذا الي مكتوب فاعل خير منوو،،! كال عوفي هالكلام اني سألتج بالسياره كتلج هالصور دازتهن الاحد كتيلي لا يعني الصور بتلفونج انتي وبس... مو لو اني غلطان اي صحيح بس بتلفوني بس ماعرف شلون طلعن... كضبني من ايدي بقوووة كال ... صورج بجهاز سعود ومحادثه مطوله ... بينج وبينه... رفعت راسي عليه واني ابجي كتلو محادث بيني وبينه يعني انت مصددددك بهالكلام... ول موشغلة مصدك بس اني عقل براسيييييي مابقى.. صورج شلون وصلن سعود وماكو غريب يطب للبيتج... فهمينيييي ... صور حرمتي بهاللبس هذا وعد الزلم.. عجل كولي اني اعوووووذ بالله منك ياللساني... _ يروح ويجي بالهول ويصفك بديه ... وجهه احمر... ويدحك عليه بنظرات يريد ياكلني .. كتلو اني مدام واثقه من نفسي ماراح اهتم بس اذا انت تشگ بيه عاد هالشي بقى يمك مويمي.. شلت عباتي والجنطة وصعدت عالدرج.. جان يصيح اكفييييييي... وكفت واني عالدرجة الثانيه.. صديت عليه..بدون مااحجي بس عيوني الف قصة بيهم... وحدهن جانن يحجن... اهجس الدنيا كلها طلعت من عيني... واني ابجي .. كتلو بصوت مخنوگ نعم روكان.. كال ..عليش تبجييييين... كطيت الجنطة ومسحت ادموعي كتلو احجي ماكو شي... جان يكول يعني فوك اللي صار وانتي ام اراهي... انزلي انزليييي خل افتهم الصور والمحادثه شنو هذن يولي... اني روكان حرمتي صورها عند هذا وذاك... عجل خل اطم روحي... والغزل الي بالمحااااادثه... ! ش ياااغزل شعليه اني كتلك مواني الي حاجيته والرقم مو رقمي.. معقووول ماتصدكني... زين.. لو نكول احد سواااهه ضدج.. زين والصور شلون مو بس بجهازج... يعني الصور انتي دازتهن...! انييييي مادزيت شي والله مادزيت... ومووو اني الي حاجيت سعود انت ليش ماتصدك... تره حراااااام عبيك والله يووووووولي ... ولج موسالفه ماصدك اريد افهم هاللغز هذا شنوووو صورج منين طلعن.. وليش ماشحنتي جهازج... جهازي هيانه موجود... كعدت عالدرجة فتحت الجنطة كال شدسويين... رفعت راسي كتلو شسوي غير ادور الشاحنه... مارد علية بقى ساكت واكف كبالي... ادور ماكوو.. شلت الجنطة كطيتها كلها جدامه.. ثبرت هدومي عالدرج... الشاحنه ماكوو كال ها وينهاااا... رفعت راسي عليه.. كتلو مادري ماكووو... يعنيييي شلون ماكووو موكلتي شاحنتي بالحنطة اي بس بيت اهلي كلت الضي طلعي الشاحنه.... يعني تريد تفهميني الشاحنه بيت اهلج موو..! هزيت راسي اي... طلع تلفونه ... كال تلفون وضحى ترهم شاحنته على تلفونج مو كتلو اي ترهم .. جان يتصل بوضحى.. كال اللها دزيلي الشاحنه ويا احد واذا ماكو احد اني اجي اخذها... سد التلفون وكعد واديه على. راسه وينفخ .. مثل واحد لايبه روحه... نزلت عليه وكفت بسد المحجل.. كتلو روكان .. يعني انت شاك بيه هيج بكل سهولة شكيت بيه... رفع راسوو ودحك عليه كال الف مررررة كتلج مو سالفه شاك بس اكو لغز مداكدر احله... انخبطن عليه جثيرررر امور عوووفيني... تره راسي راح ينفجر من المغرب للحزة واني ررحي طالعه حاولت اعرف منوالي راسلني ماكدرت... وصورج حرگن گلبي حرگ... شفتي رووووحج شلابسه بالصور مووو ... يعني مابقى....(....) ماشافهن... اي هذن صور سبعتي... بالفستان يعني شمدريني راح ينباكن الصور شمدريني اكو نااااس ماتخاف الله... داحجي وياه وجان يطب جاهل.. كاال هاي الشاحنه دزتها عمه وضحى.. كام عليه اخذها... وشكلها كال انطيني تلفونج... ركضت طلعت تلفوني من الجنطة.. كتلو هاك.. خلي يمك .. وكلب بي على راحتك... بس ثق اني مضلوووووومة... خليته بأيده وصعدت اركض الغرفتي.... وقفلت الباب عليه كعدت وكمت ابجي بحرگة .. ليش الفرح مايدوم يربي... منو الي سوه هيج معقول طلال... لاااا ماتصور... صفنت جوز هو حب ينتقم من روكان ...لان دخله السجن.. اي طلال لو زينه .. بس زينه ماتكدر ترتب هيج سالفه جبيره... كمت الحيلي الوووووب افتر بالغرفه .. وروحي تريد تطلع اتذكرت من كالي انخبطن عليه جثير امور.. وتذكرت حجايته من كالي اثكلي ولا تبقين طايشه.. ومن كالي شافني ويا سعود اضحك..... وبالحديقه.. اووووف هذا كل عقله اني داحجي ويا سعود... ياربي منين طلعتلي هالمصيبة... شجابني عالصور... شسووويت بنفسي .. حسبي الله عالحان السبب... بطبعي من اضوج اعزل نفسي عن العالم اطفي كلشي واكعد وحدي.. بس هالمره بقيت الللوب.. اريد انزل اريد افرغ النار الي بصدري فتحت باب الغرفه... وكفت يم المحجل... سمعت صوت وضحى وهي تحاجي... يعني خالتي جتي... حدرت عليهم.. واني عالدرج دحكت على وضحى اشرتلي بيدها تعالي... وهو ولا دحك عليه مدنج راسه وتلفوني بصفه ويكلب بتلفونه... نزلت وعيوني تحركني وحمر.. كعدت بسد خالتي وضحى... كتلها بصوت ناصي شفتي خاله شسوولي سالفه اشرتلي بيدها اشش.. وجان تمد ايدها .. سحبت راسي وحضنتني كالت ماعليج الله مع الحق لاتخافين اكيد اكو ملعوب جبير مسحت ادموعي... دحكت عليه كام اللحيله كال اللها اليوم انتي هين باتي... اني راح اطلع... \ كالتلو ها رايح بذاك البيت... كال اللها لااااااا اريد اروح اللجهنم... شال اليشمغ والسويج ومشه وكفت الحيلي اريد احجي بعدين اتذكرت كلت لا كرامتي انهانت جثير تالي يكوم يشك بيه.. رجعت كعدت بمكاني.. سمعتة لطخ الباب بقوووة وطلع... شغل السياره.. وراح كالت عوفي هذا اعرفه من يضوج يعزل نفسه لا تخابري كتله لااا شخابره خلي على راحته وتلكي طلع حجة حتى يروح يمها كالت لا وداعتج اعرف روكان جوز راح للدوام هناك يبات.. هو من يضوج يروح الدوامه... ً كتله خاله تتوقعين منو وره هالسالفه روكان حجالج مو كالت اي حجالي من العصر.. جان يمي ومتخبل يدك عليهم ينطو يغلقو.. والله يايمه مادري سالفتهم تحير.. كتلها زين تتوقعين زينه تسوي هيج.. لان هي هددتني وكالت الا اخلي يطلكج... هااا يمتى هالحجي يعني ... كتلها والله لان حجيت الابو عدوان على سالفه سعاد .. جا متخبله وتصيح بالمطبخ... كالت بس هذي سالفه مال واحد ذكي مو مال زينه اكيد زلمه وره السالفه كلها.... زينه وحدها ماتكدر تخطط هيج... عجل منو خاله هو لو طلال لو زينه... مادري يايمه ... كومي غسلي وجههج ولاتنقهرين دام انتي مضلومة الله مايضبع حقج لابد ينكشفون... اووف والله موهامني شي خاله بس روكان من شفته شك بيه صدك قهرني ،. واني مستحيل ابقى يم شخص ماعنده ثقه بيه اش لاتكولين هيج هو بحزة عصبيه تره حكة يايمه لا خاله هو يعرفني احبه شلون هيج يشك يمه ادري تحبي بس كبل انتي هم غلطتي ويا كتيلو احب غيرك وكتيلو .. مجبوره عليك .. وهالسالفه الي صارت جمعت عليج جثير امور اني ادري انتي تحبي بس الزلمة بهيج حاله دماغو مايكوم يجمع يكوم يفكر تفكير بعيددد... خل يفكر وحلي يشك بس الله كريم... خل يصبح الصبح لا تكولين هيج روكان كلبو طيب هساع الصبح يجي هادي ويدور عليج... كومي افرشي بسدي تره مطر بره وادري بيج تخافين لا خاله راح افرش بس غير لو عيني تغمض... كمت الحيلي جبت الفراش فرشت.. تمددت هي خطيه غطيتها ... كمت على كيفي لمدمت الهدوم الي عادرج وخليت العبايه بسدهن.. دحكت عالقنفه جهازي بعده مو ماخذه... مشيت شلت التلفون ورجعت اكلب بالصور.. الصور نفس اللقطات الي عندي عدهم يعني محد مصورني لا الصور من جهازي منقولات... ياربي والله غريب منو الاخذهن وجهازي بس بيدي.... تعوذت الشيطان... وحليت راسي عالمخده وتمددت... اريد انام ماكدر عيني عالتلفون وعالباب.. جنت اتمنى يتصل او يرجع.. بقيت اتأمل لحد مانمت من وجع راسي.. كعدت الصبح الساعه 8 ووبع.. دحكت على خالتي وضحى نايمه شلت التلفون ... ماكو مكالمه.. ولا رساله... هيج يعني بكل سهوله باعني وصدك.... ماشي روكان ان ماخليتك بندمك.. كمت توضيت وطبيت للربعه صليت ودعيت الله يبين الحق... شلت السجاده وطلعت.. لكيت خالتي وضحى .. كاعده وتلف بالكج... كالت صوباح الخير يمه.. اليوم من وكت كاعده ماجة روكان صباح النور خاله لا ماجة ولا خابر... هو يجي لا انقهرين ... عوفي هسه هو بحزة عصبيه... لا هو عفته وراح اعوووفه .. شلت التلفون... دحكت عليه وهي تعدل بفوطتها.. كالت يعني شلوو تعووفي كتلها... راح اروح الاهلي... جهزت غراضي... لاااااا يايمه شو هيج وين تريدين.. اركدي يمه تره روكان ماتعرفين طبعه.. شلون تروحين بدون علمه كتله لا خاله احسن ماكدر ابقى يم انسان من اول زلة شك بيه طلعت الارقام .. الصادره رقم نجمة وخلف وجابر... احتاريت على يارقم اتصل.... رفعت راسي كتلها بالعافيه عليها زينه .. راح اروح هسه... كمت الحيلي والجهاز بيدي يتبع | ||||||||
|  |
|
05-01-20, 08:49 AM
| #22 | ||||||||
| مراقبة عامة ومشرفة منتدى الروايات المنقولة
| الواحد والعشرون #ابو_عدوان #مذاق _العشق #بقلمي_نشوى_السلطان خيم علينا الحزن والقهر بالديره ونخاك كاس الصبر بيديك بس ديره يلفارگتني ورحت وجهك علي ديره والله وسط الگلب ضيم وقهر جاني وماجاني نوم ونمت يازين ماجاني تدرون بيه شجره يوم الخبر جاني لاااااا يايمه شو هيج وين تريدين.. اركدي يمه تره روكان ماتعرفين طبعه.. شلون تروحين بدون علمه كتله لا خاله احسن ماكدر ابقى يم انسان من اول زلة شك بيه طلعت الارقام .. الصادره رقم نجمة وخلف وجابر... احتاريت على يارقم اتصل.... رفعت راسي كتلها بالعافيه عليها زينه .. راح اروح هسه... كمت الحيلي والجهاز بيدي جان يطب روكان وكال ... منهو هذا الي يريد يطلع رفعت راسي وجان اكف الحيلي ... كتلو اني اريد اروح الاهلي _ ليش شتسووين..! ماكدر ابقى وانت من اول زلة شكيت بيه.. منهو هذااا الشاك بيج... ليش ماتسكتين يولي .. اركدي هين واكعدي احسنلج واليطلع الباب تكسر رجلوو.. _ هااا هيج يعني... اي هيج ونص ... كلام واحد مااااسمع ...جهزيلي سلاباتي تا امشي وين تمشي يعني تريد ملابسك العسكريه... اي يعني اكو غيرهن.. اريد ارجع للدوام العصر انزل... _ طب يمشي للممر وكف عالمغسلة ديغسل.. وكفت غادي منه كتلو البارحة وين نمت... صد عليه كال ليش تسألين _ يعني ليش هيج اريد اعرف... عجل اتركي السالفه وامشي جهزي الريوك... _ كتلو ليش دتسوي هيج ... ليش هيج تحاجيني... صاح بيه تره موناقص سوالفج... كتلج امشي جهزي الاكل وكافي اسأله ... اطب اطلع ماعليججججج فهمتي... وانت ليش دتصيح... يعني تريد تقعني انت مامصدك ولا شاك بيه وكف بسدي وهو ينشف بوجهه.. كال دحكي يولي .. الصور للحزه ماطلعن من راسي... تعرفين شنو ...يعني عوفيني لا اجي اهجم التلفون فوگ راسج... كال هيج وطلع للربعه مشيت وراه .. ولين خالتي وضحى كبالي ،.. كتلها شفتي شلون يحاجيني موكتلج شاك اني الي راستلة... لا يبنيتي مو شغله شاك لكن هو حگو صورج انباكن .. باله سعود خوش زلمه وهساع اكيد مسحهن لكن هذا الي عندو الصور وديستخدمهن ضدج الله اعلم شراح يسوي بيهن تره روكان حگو والله اني متعجبه شنون سكت وماسوه شي تره اي زلمه بمكانو يكلب الدنيا.. انتي لاتصيرين عقلج صغير .. اتحملي يايمه عجل شتريدين يعني سمع صورج واتهام ضدج ويسكت ... ادري ياخاله بس اني شنو ذنبي... اني الي وكعت بيها مااالج ذنب عمري بس شتسوين للناس الي لاحظ ولا بخت كومي عوفي روكان ولاتشالطي اكضبي اللسانج يمه وروحي سويله ريوك ... وارگدي بيتج الله يطلع الحق... امييين الله يسمع منج... خل اسوي ريوك ونشوف تاليها طلعت امشي .. لين هو كبالي ديصلي باب الربعه مفتوح ... مشيت عبرت للمطبخ خليت الجاي عالنار... وجهزت الريوك.. شلت الصينيه ...وديتها الخالتي.. كتلها خاله انتي وديها... كالت ليش يمه فوتي باتسويها زعلة... _ لا خاله خاف يحجي شي واني طبعي ماتحمل خليني ابتعد هالفتره ادري بنفسي ماتحمل ماريد احجي شي واتندم عليه... كالت جيبي والله عين وصابتكم .. اخذت الصينه وطبت للربعه صعدت للغرفة طلعت هدومه العسكريه.. خليتهن عالجربايه افتر باالغرفة اريد اشتغل ماكدر .. من اتذكر الصور والمحادثه حتى معدتي تعصرني موبس گلبي... معقول هاي زينه .. والله ماكو غيرها.. خل تطلع هي وراه السالفه يايبه الا اسحلها بالكل العرب.. على هالغثية وهالفضيحة... امشي واحاجي روحي فتحت الكنتور.. وجان ينفتح الباب.. صديت لين هو ورايه واكف والخاولي على جتافه.. طب يمشي ماحجة شي... دحك عليه وجان يكعد عالجربايه... شال البدله صاح وين النطاق شو ماكو.. كتلو النطاق اي موجود... دحك عليه كال عجل اني شكتلج موكتلج جهزي كلشي اي جهزت شييك ماتتحمل كلشي يعني واحد ماينسى.. فتحت الجراره .. طلعتة .. كتله هيانو... مديت ايدي .. كتلو هاك رفع راسو عليه كال كطي هين... مارديت عليه كطيته فوگ الهدوم...مشيت اريد احدر .. جان يكول وين رايده...! صديت عليه كتلو وين يعني انزل اكمل شغلي واسوي غده _ لاتحسبين احسابي اني ماجي... ليش لازم غداك يم زينه..! اتصور دشوفين راح اللبس عسكري وكتلج للعصر مارجع عليش كلشي وحاطة زينه.. اي وهسة قابل شكلت اني تريد تروح يمها بكيفك طبعا بكيفي... تلفونج وين جيبي عليه... تلفوني جوه ليش... هم تريد تفتش بي..! استغفررر الله يولي كتلج تلفونج وين من اسألج لاتردين بسؤال جيبي التلفون عليه.. او لا خلي بمكانو هساع احدر عليه.. بكيفك التلفون جووه واذا تحب اخذو وياك للدوام... كتلو هيج وحدرت وبداخلي ميته قهرر .. يعني كلشي سهل يرجع الا الثقة وهو هيج ديسوي يعني مو واثق مني... شوكت راح يعرف اني مضلومة شوكت راح يثق بلي اكوله.. حدرت عالمطبخ .. لكيت خالتي وضحى ماكو طبيت للمطبخ شلت المكناسه وطبيت للهول جهازي كبالي ماشالتو.. عفته بمكانه.. دحكت عالحمام .. الباب مقفول يعني خالتي وضحى دتسبح ماراحت.. هم زين هيه يمي جان متت من القهر اقلها تخفف عني شويه.. كمت اكنس بالزوليه.. سمعت حس خطواتو نزل والعطر تارس البيت.. رفعت راسي صار كبالي عالدرج دحك عليه دنجت راسي وكمت اكنس... حدر الاخر درجة كال بطلي كنس... كمت الحيلي .. كطيت المكناسة طب كعد عالوجودليه.. والتلفون بسدو.. شال التلفون . رفع راسو دحك عليه.. ورجع كام يكلب بالجهاز... بحزتها شبعت قهر شبي معقول مصدك معقول مايعرف مده حبي اله ... عفتو خليته يكلب على راحتو .. حتى يعرف الحقيقه طبيت للربعه شلت النفاضات ولملمت المكان .. ريحة الربعه كلها جكاير ودخان فتحت الشبابيج والباب شهالريحة المقرفه يربي .. لعبت نفسي خليت اديه على خشمي كملت الترتيب وطلعت... لكيتو واكف يريد يطلع.. طبيت من جدامه وبيدي النركيله.. كال وين موديتها صديت عليه كتلو اريد اوديها للمطبخ الربعه كلها ريحة دخان شكد مدخنين بيها... لعبت نفسي والله سحب الكرسي كعد ديلبس بالبسطال جان تكول وضحى اكفي يمه.. صديت عليها كتلها هلا خاله نعيما كالت شبي الدخان شو لعبت نفسج منه.. كتله خاله طبي للربعه وشوفي الريحة موطبيعيه كلها دخان.. كالت يالله بلجي حامل... رفع راسوو وفتح عيونه دحك عليه وعليها... كتله لا خاله اني من كبل اكره ريحة الدخان الي بالنفاضات شنو هذا البيدج خاله... _ الله كريم يمه بلجي الله ولين حامل.. هذا ثوبي غسلتو بالحمام ليش خاله ليش غسلتي جان اني غسلتهن... داحجي وياهه فات من يمي وكف عالمرايه .. عدل نفسوو واني ادحك عليه بطارف عيني... عفتو وطبيت للمطبخ.. خليت النركيله بالمخزن وطلعت .. طلع هو يمشي من جدامي.. وراهه خالتي تمشي طلعو للطرمة اثنينهم... صعد بالسياره وخالتي واكفه بسدو فاتح الباب ويحاجيها دحكت عليهم من شباك المطبخ... شغل سيارتو .. اسمعه يكللها خليها خل ترتاح ميت مره كتلها انتبهي من الباب وصور ماخذه بتلفونها مابيهن معنى.. خل ترتاح هسه شكوو صوره مسحتها وارد شوف شنون تاخذ بعد صور قسم بالله حتى تلفون بعد ماخلي يمها اذا بس طكت صور انعل ابو التلفونات لابو الصنعهن... على كيكف يايبه كل البنوات يطكن صور ميخالف هي شدراهه راح ينباكن الصور... _ ينباكن موو سهلة سهلة يصير خير اني امشي تأخرت ابقي يمها اني اليوم ماجي هين.. هااا ليش يايبه لانكبرها خطيه هي شنو ذنبها... اليوم والبارحة المفروض انت هينه مو يم زينه عندي دوام اخيتي ... ماجي اليوم ابقي يمها واذا ردتي تروحين خابريني ادزلها رواء... لا يابه وين اروح هين اني توكل درب السلامه بعد اخيتك ومن تصل انطيني خبر ماكو شي ان شاءالله .. يله فيمان الله... _ شفتو راح .. طبيت اركض للهول شلت تلفوني.. طبيت كبل للاستديو.. دحكت الاستديو فارغ كمت الحيلي واني اكلب ياربي ماااااسح كلشي... طبيت للمطبخ وبيدي التلفون كتلها خاله روكان ماسح كلشي بالتلفووون .. هاي ليشش زين اني شعليه صور عرسي والسبعه وكلشي حاذف... _ ميخالف امي .. الصور تكدرين تاخذين غيرهن .. هساع عوفج من الصور اهم شي ترجع اللثقه وانتي سبعه ماينخاف عليج عوفي سالفه الصور وحافضي على بيتج... دامج تحبين روكان خل يولن الصور ... اهم شي هوه اكسبي رضاه يايمه بس خاله هذني ذكرررى ليش هييييج سوه يعني لو كايلي اقللها حفظتهن بحافضة ....والله حرگ كلبي عليهن... دشوفي البنوات دشوفي خواتج رواء بلجي عدهن الصور... حتى لو عدهن ماعدهن كل الصور... سهلة ياامي سهلة دكومي تعوذي الشيطان وخلي الغده عالنار وعوفيها على الله كلشي ينحل برمشة عين... الله مايضيع حق مضلوم .. حشااااه ربي .. بس والله خاله اني اشك زينه وره السالفه شمدرينه يايمه حرام علينا الضن ماشفنا شي عليها ... خاله الي تتهم سعاد خاطر تقهرني يعني ماتسوي هيج سالفه لا والله تسوي الاكبر... خليها بس خل تطلع هيه وره السالفة والله الا اسحلها بكل الديره... هسه شكال عليه سعود هسه عباله اني الي جنت اراسله .. والله فشله.. خابري خاله حاجي كوليله هاي ناس ماتخاف الله ... _ لاااا ماعليج عوفي هالسوالف اكيد روكان حاجاه همه بينهم يحلوها لا نخابره ولا نكله عوفيها كتلج هي تنحل.. لاتعالجين الغلط بالغلط جوز هسه اذا خابرتي سعود وحجينا وياه راح نزيد الطين بله ادري والله بس ياخاله عيي الزلمه راح يشوفني بعين رخيصه لا يايمه يعرف تره هو مو غشيم واكيد روكان حاجاه انتي ماتعرفين روكان اكيد هسه ديحقق بالسالفه هاي شغلتو وداعتج الا يجيب السالفه ويعرف منو وراهه بس هو مايحجي عوفيها عليه اوووف اتمنى والله .. خل اكوم اكمل شغلي.. شنو سمعته يكلج اليوم مايجي... اي يكول ابات بالدوام.. بس هو نزوله شعجب يبات هناك... جوز عدهم انذار الله اعلم... اي خايفه يطلع يريد يروح الزينه ومايريد يكول لا هو من يريد يروح يكول تدرين بي مايخاف بس اكيد عندو شغل عوفي هالفتره اعصابو تعبانه اتجاهلي احسن الج يايمه اي ادري بي اعصابو تعبانه حتى موطايق شوفتي .. حيل تغير بعد هالسالفه..راح اكوم اسوي شغل تجين يمي بالمطبخ عالونيس وحدي مايصيرلي واعس اشتغل والف حسبه تمر ابالي.. _ اي يايمه احي عجل شعندي... العنود مديت اللها الجودليه .. كعدتها .. طلعت لوبية خظره غسلتها وصفيتها بالمصفي... وكعدت بسدتا خليت التختة وكعدت اثرم بيها.. بقيت اتصفن كوه اركز على شغلي.. تحاجيني واني بالي مويمها كتلها تدرين خاله والله لو ماانتي يمي التفكير يموتني.. هسه اريد اشتغل ماكدر واهس ماكو والله _ اي يمه دحگي وجهج شحالو ادري وينها كحلتج وينهن حجولج ليش هيج صاير بيج مو تكولين اني سبعه ومحد يكدر يلوي ذراعي عجل من اول سالفه هيج صار بيج... صعبة خاله روكان من يتغير علية الدنيا كلها تطلع من عيني انتي راح تبقين هيج دكومي خلي الحم عالنار وجيبي عنج اني اثرمها ... لا هسه اكمل خاله لا تعبين نفسج..... اكول خاله عود اليوم ادز على رواء اليوم رجلها يداوم.. بلمي تبات يمي ميخالف العصر اني اللبس عباتي واروح احيبها ادري بيج تبقين كاعده واني انام من وكت راح اجيبها يمج وابقن تعللن للصبح اي والله خاله ادري بروحي اليوم ماراح اكدر انام... كمت الحيلي سويت الغده .. وركبت التمن.. كعدنا تغدينا وشربنا الجاي.. صارت الساعه اربعه وربع... كتلها خاله اليوم نجمة جايه التكريت جايبه سيف على الدكتور... هاا يايمه خير شبي... عجل ليش مايمرون لجاي والله منشول ويكح جة الشته وجة وياه كل الامراض.. كتلها اذا تكدرون مرو العصر. بلكي تمر روحي طالعه والله لا تضوجين امشي افرشيلنا مده وخل نكعد عالشمس بره... هاا اي والله .. عجل خل اجيب مده وادز رساله النجمة اكللها اذا لحكتو تعالو... خوش عجل اني راح اطلع جدامج... العنود.. طبيت طلعت المدة .. شلت التلفون بيدي... وطلعت امشي بالممشى.. كتلها خاله لكيت مكالمه من نجمة جوز راح يجون... احاجيها واني مبتسمه فرحت من لكيت مكالمه... صاحت هلا بيها يمه الباب البره بطريقج سدي... دحكت كتلها اي.. طلعت اتمشى عالباب واني اكلب بالسجل... ادحك عالديره موحلوه بدون روكان اليوم بالدوام... مديت راسي دحكت بالساحة الجهال يلعبون طوبه سحبت الباب.. صديت على بيت زينه.. شفت سلوى واكفه بسد الباب وسيارتة روكان طابكة...صديت على خالتي وضحى... بيدها الصونده ترش بالثيل... كتلهاا خااااالة... هيان سيارة روكان كالت هااا وين يعني.. جة هلا بي. طبي يايمه لايشوفج بالباب ويكوم يحجي... سحبت الباب بقوه وسديته... كتلها خاله روكان بيت زينه ... سيارته بالباب طابكة...!!! اي جوز نسى شي وجة ياخذه.... ماتصور والله هاي يريد يقهرني وراح يمها... ههههه يولي لا تصيرين مدري شلونج ادري ليش يعني يقهرج دتعالي مدي المده.. ولو شو الجو عبالك بارد خاله يامده والله راح اتخبل... ليش هيج ديسووي هاي صار يومين هو يمها هو مو يكول اني عدل ياعدل هذا يبعد خالتج هسه خمو راح يطير ههههه خلي يمها شتسوين بي خاااااالة خابري ماريد اخابره اني... ها عليش اخابرو ... كطيت المده بالثيل كتلها تلفونج وين... هين هيانو بجيبي... عجل انطينياه.. خابري كوليله انت شتسوي بيت زينه _ يولي ماراح يكول ليش تسألين... طلعي اي حجة حبابه خاله والله احترك كلبي ليش هيج ديعاملني اني شنو السويتله... دحكي عليه خابري بحجة سلوووى.. اي سلوى صدك كوليله البنيه بالشارع.. او لا كوليله شفت سيارتك يم زينه وسلووى بالباب ..وبطريقج اسألي كوليله شعجب نزلت... _ دهاج انتي طلعي الرقم .. والله ماشوف زين تانشوف تاليكم شلون جريت التلفون وكمت اطلع بالاسماء وايدي ترجف... ضغطت على الاسم ابو عدوان... كتلها اي ديدك.. فتحت السماعه ونطيته الها اريد اشوف شراح يحجي... وكفت بسدها _ وضحى.. الووو الگوه شلونك ... روكان.. هلا اخيتي .. الحمدلله... الحمدلله .. اكول يابه ... الوو تسمعني... اسمعج حجيه كولي... اسمعج وضحى... بصوت ناصي... نسيت يولي شنو اكله... _ يبوو وج خاله كوليله انت هين يم زينه... وضحى.. اكول.. شفت سلوى بالباب.. وسيارتك هين طابكة شنو نازل من الدوام... اي جتي جابتها امها هيانها يمي... هااا اي لاتخلوها تطلع.. العنود.. اشرتلها وححيت بصوت ناصي كتله كوليله انت هين لو ترجع... الو اكف يايابه نسيت اسألك تكول العنود انت هين... باقي العنود عزززززة خاله شبيج شنو تكول العنود _ دكفي يايمه... والله مدري شبيه خبلتوني.. اقصد العنود جوه ماتدري بس اني جاي اسأل انت تبات هين لو ترجع \ حجيه شبيج... ويامن تحجين... لا نزلت اليوم هين ابات.. ي هااا يعني تبات يم العنود اذا تجي خاطر ارجع لاااا ماجي اليوم خليج يمهاا... باقي يم زينه بس خطيه اليوم انت لازم هين تجي... اخيتي ماجي ابقي يمها ... وقفلي الباب البره ليش مفتوح... اي هساع انسده .. خوش عجل اخذ راحتك... العنود.. سحبت التلفون من ايدها وكطعته... كتلها ها خاله شكتلج موكتلج مصدك موكتلج راح يروح يمها تكوليلي مايخاف.. يعني ليش ديسوي هيج وجماله يكول مااشك.. لا والله موشاك انما مصدك اني الي راسلت سعووود.. يعني شلون اجيب القرأن واقسمله تره والله حرررررام عليه اني شنو ذنبي... ههههه عزه عالماتلج.. يولي فجعج البين احجي شويه شويه لاضمه الحجي مثل الخرزه بالسبحة ... دصبري شجرالج هو مصيرو يرجع... لا تخبلين خاله مو حركة الگلبي يعني شال تلفوني وبقى يكلب بي كلت ميخالف خلي يشوف الحقيقه ويعرف اتي ماعندي شي شال التلفون وحذف الصور وحرك كلبي كلت هم ميخالف صار يحاجيني من گفه خشمو وهم عديتها .. بس مال يهملني ويروح يمها وهي اسسسسساس المشكلة والله هيه.. هذا الي يقهرني... يعني هسه هي طايره من الفرح.. حققت الي كالته اليه ... يعني شلون افوت هسه البيتها اسحلهاااا والله عادي عندي اطب اكلب عليها البيت مثل ماهجمت بيتي يولي اركدي شبيج والله يذبحج روكان شبيج شو مدري شون صايرت تفكرين... لا والله بعد مابقى يمه...راح تجي نجمة .. وهسه اروح وياهه عفتها وطلعت امشي.. للبيت... جت تمشي ورايه.. كالت يولي اهلج شراح تكليلهم لا تكبرين السالفه ارجعي يمة وتعوذي الشيطان سمعتي شكالج كال اذا طلعتي اكسر رجلج.. وين تريدين تروحين يكسر رجلي.. لا والله ليش مو يكسر رجل ذيج ام المصايب العگرب الصفره... هم يابسه وهم بيها بلا... راح اصعد الم اهدومي وامانه الله لا تكليله الا اصل بيت اهلي.. صعدت عالدرج وبيدي التلفون طلعت رقم نجمة... _ يولي حدري اسمعي مني لا تروحين والله روكان ماراح يرضى عليج... انزلي يايمه لا تزوديها خليج انتي ام الحگ _ العنود.. الوو هلا نجمة... شلونج اكلج من تطلعين من الدكتور مري عليه اروح وياكم عزه عليج ولج لاتسوين هيج تعاي حدري... سديت الخط واحس كل جسمي يرجف وكلبي يدك كتله لا خاله بعد ماكدر ابقىً عينه واني احرگ بأعصابي .. هيج احسن فتحت باب غرفتي وطبيت طلعت هدومي خليتهن بالجنطة.. دحگت دشداشتو عالجربايه... واني اللبس بعباتي.. مشيت شلت الدشداشه... صرت احاجي الدشداشه كلت ادري فراگك صعب لكن انت الي وصلتنا الهل مواصيل شلت الدشداشه بستها .. شميت عطرها ... اووف يعطرك ياخذني ميته ويردني مليانه روح.. خليتها بمكانها لبست العبايه زين لفين شالي... دحكت على مكاني.. على مكانه ساعتو بعدها عالميز... اباوع على كل شي بالغرفه تذكرت كل لحظة عشتها هين.. كل لهفة جانت بينا كل لحظة حب.. جريت نفس عمييييق الله اعلم بعد اذا ارد هين لو لا....! ادحك عالبيت وعيوني مخورگة دموع امشي واتحسب واردد ربي انت اعدل العادلين.. شلت هدومي وحدرت... تلكتني خالتي وضحى بيدها السبحة ... كالت ها يمه.. شو هيج ولله ماتوقعتها منج... لا خاله كوليلي روحي اذا ابقى هين ثقي بالله اموت من قهري خليني اروح.. ماتحمل اعرف نفسي وداني بريئة هي تبين افهم يايمه بس عاد كوليله مايصير تطلعين بدون علمه لا هسه هو ملتهي ويا اليااااابسه ام المصايب ماريد اخرب عليه الاجواء وادري اذا كتله راح يمنعني اي دام تدرين يمنعج يعني اعرفي هو يحبج رغم كل الي شافه وسمعه وهو ماسوه شي بس خاله اني مضلومه شعليه شنو ذنبي فهميني يمه والله ادري مضلومه بس اي زلمه بمكانو يسوي اكثر والله لو غيره يكسر حتى البيت مو بس يحذف الصور تره السالفه مو هينه احمدي الله والله لمو يحبج جان شفتي شي مو شايفتو .. هاي نجمة دتخابرني يعني وصلو راح اروح خاله عينج على روكان امانه ولاتخلي بالهجومات يداوم... حدرت عليها وبستها من راسها رفعت راسي دحكت عالبيت بنظره مليانه قهر... تعوذت الشيطان كتمت الدمعه بعيوني ماردت نجمة تنتبه...مشيت وصلت الباب المطبخ وخالتي تمشي ورايه وكفت صديت عليها كتلها خاله .. اني ماراح احجي الاهلي شي اذا سألوني اكول ابو عدوان بالدوام وكلي ابقي يم اهلج يلة مع السلامه... طلعت امشي الدنيا مغوربه... طبكت سياره ابو قصي ... صعدت سلمت عليهم وعيني على سيارتو بعدها طابكة يم زينه.... اهجس نار بصدري ... شبت... ليش يربي شمسويه وهيج يعاملني... خليك يروكان مصيرك تتندم وتعرف الحقيقه.. شغل السياره وعبرت من جدام بابهم..... يتبع والحكايه باقيه.... حرير عبرت المليون رغم المتابعين العندي هينه مو جثير ربي يحفظهم لكن الحمدلله التوفيق من الله توقعاتكم للبارت الجاي... 💔 | ||||||||
|
| |
|
05-01-20, 08:51 AM
| #23 | ||||||||
| مراقبة عامة ومشرفة منتدى الروايات المنقولة
| الثاني والعشرون #ابو_عدوان #مذاق _العشق #بقلمي_نشوى_السلطان. _ الله شاهد ماضگت حرمه بگفاچ العارية بحلمي اردها مگبعه. 🖤 طلعت امشي الدنيا مغوربه... طبكت سياره ابو قصي ... صعدت سلمت عليهم وعيني على سيارتو بعدها طابكة يم زينه.... اهجس نار بصدري ... شبت... ليش يربي شمسويه وهيج يعاملني... خليك يروكان مصيرك تتندم وتعرف الحقيقه.. شغل السياره وعبرت من جدام بابهم....بقيت ادحگ عالبيت تمنيت المحة اشوفه... مشت السياره .. وطلعنا على عربنا الطريق كله قصي بحضني.. تحاجيني نجمة.. بس بالي شااااارد بغير دنيا... صافنه واتذكر شلوون جان ويايه وشلون صار.. اتذكر كل لحظة .. من شالني .. من اخذني بين اديه من كال والله ماشفت الحب ولا عشته الا وياج... اووويلي گلبي .. اوويلي عجل وينه ذاك الكلام وينه .. طلع بس حجي.. الدنيا صارت ليل .. وصلت بيت اهلي نزلت وبيدي علاكتي... وكفولي بسد الباب نزلت وراحو لبيتهم... وكفت يم الباب... سحبت نفس يمه والله اهجس صدري ثكيل.. شطلعني اني.. شلون عفته يمها... دفعت الباب البره وفتت.. دحكت عالسمه وكلت يارب افرجها عليه النوب عيوني مليانه دموع ماريد اهلي ينتبهون عليه... كطيت العلاكة بالكاع ومسحت دموعي... وشلت علاكتي وطبيت وصلت الطرمه البرده مفتوحة .. دحكت عالهول كاعدين اهلي ملتمين عالصينيه... الله شكثر مشتاكة هالجمعه.. دكيت الباب ماسمعو رجعت دكيت شباج الهول.. جان تصيح امي ... منو عالباب .. گوم يجابر شوف منهو عالباب كتلها اني يمه اني العنود... العنود.. شجابج هالحزة كومي يولي كومي افتحي الباب تكلطت بسد الباب وجان تفتحة ضي... كالت اي يمه العنود جايه بس وحدها .. تلكتني واخذت العلاكة مني طبيت للهول.. امي كامت وكفت بوجهي كالت خير يالعنود ليش جايه هالحزه خمو اكو شي.. ابتمست الها كتله شبيكم مصدومين جيت ويا نجمة وابو قصي كال جابر هااا اي صحيح همه اليوم بتكريت لازم مرو عليج كتلو اي جوي على تكريت وابو عدوان عدهم انذار كتله اروح الأهلي احسن ماابقى وحدي.. وجيت شبيكم جن محد فرحان بجيتي... _ لا يبعد امج البيت نور كل الهلا بس والله خفت كلبي عصرني شفت وجهج تعبان وزلمتج مو وياج كلت خاف صار شي لا سامح الله .. تعاي تكلطي تعشي تراج على اولها... ماريد يمه الف عافية.. خل افوت اخلي غراضي وانزع عباتي اخذت العلاكة من ضي اريد افوت .. جان يصيح جابر.. العنود... صديت عليه كتلو هلا خويه... كال متأكده ابو عدوان عندو انذار... صفنت عليه كتلو اي بدوامه... عفته وطبيت الغرفتي ماردتهم ينتبهون على تفاصيل وجهي... ويحسون بيه كطيت العلاكة بالكاع وتمددت بمكاني اريد انزع عباتي ماكدر خليت راسي عالمخده... وتمدتت بعباتي حتى الشال مانزعته اهجس جسمي كله يون..طبت ضي... كالت ها يالعنود يعني باقيه يمنه جم يوم وتروحين.. دحكت عليها يربي مالي حيل اجامل.. كتلها الله كريم ماعرف شوكت ارجع... خل ينزل من دوامه واروح ... _ يولي شهالعجز كومي كطي عباتج انزعي الشال اكو واحد ينام بيهن شبيج عوفيني يولي تعبانه وراسي يوجعني من الطريق.. ابو قصي فول بانزيل ومن شتميت ريحتو راسي اهجس انتهى ... الوجع موتني كومي على امي جيبلي مسكن شي... كامت راحت صاحت امي وجني اثنينهن... كعدت الحيلي من طبت امي.. وكفت بسد الباب كالت ها يالعنود شبي راسج كتلها يمه تدرين بيه ماتحمل البانزين وجيت بالدرب شو اهجس مالي خلك اذا عندج مسكن علواه تنطيني... كالت اي عندي بس اول فال تعشي .. ماريد يمه والا الي نفس اكل انطيني حبايه واذا منوم بعد احسن كالت اي بس يمه خما بيج شي شو شكلج مخطوف.. وشاحب يايمه خمو اكو شي... رفعت راسي كتله لا يمه شبيكم هاي عبن جيت هين غير رجلي بالدوام هههه شسالفتكم لا يايمه هلا بيج والله زين جيتي ضوجة بس خفت كلت خاف لا سامح الله متجاتله انتي وابو عدوان.. خل اجيبلج الحبايه اكوفي يولي ضي اركضي جيبي الاخيتج اكلاص ماي.. العنود.. إهلي بأول يوم حسو .. عجل شلون راح ابقى يمهم لابد يعرفون السالفه.. وجابر بس يسمع بسالفه الصور يذبحني بمكاني وامي راح ترفض ترجعني هناك... لازم اخفي السالفه.. اني هم تسرعت وجيت .. لكن كلشي يهون الأجل كرامتي خل تفيدو زينه .. اليابسه ام المشاكل ..خل بشوف منهو هي العنود مر الليل ... وصبحت الدنيا.. كعدت لكيت امي دتعجن طبيت غسلت وكعدت بسدها..كالت كعدي اختج خل تسويلج ريوك خاف ماتكدرين كتلها لا يمه هسه اني اسوي.. عوفيها نايمه كمت الحيلي خليت القوري عالنار...دحكت الجو بره حلو... صبيت كوب الجاي.. كتلها يمه راح اطلع بره عالمشراكة اليوم الجو حلوو... عبرت عتبت الباب... تذكرت التلفون.. يمكن خابرني.. يمه فز گلبي جوز خابرني اي..رجعت اركض.. طبيت للغرفه ... ضي بسابع حلم..نايمه هنيالها لا حب ولا زلمه يشغل گلبها رفعت المخده... شلت التلفون ضغطت عليه... واني كلي آمل متصل يسأل يدور عليه.. مر الليل وصبحت الصبح وهو ماكوو...ولا كلف نفسه يتصل.. شلت التلفون بيدي وطلعت... اخذت كوب الجاي.. وكعدت بالطرمة...خليت الكوب بسدي وطلعت اتمشى.. فتحت الباب البره.. دحكت الكاع تذكرت لمن عبرت ورحت البيت نجمة .. الله لمن جان يمر عدهم سيدي... لمن رشكت عليه سطل الماي... الله يذيج الايام... طبكت الباب وطبيت امي تسوي بالغده وجابر كاعد يتريك...طبيت للغرفه كطيت التلفون عالشحن... مرت ايام بس جنهن اسنين مشتاكة الكلشي بي مشتاكة السوالفة العطره الصوته العصبيته الطيبتة اوووف يروكان شسويت بيه جم يوم بس انگلب حالي لا اكدر اكل لا الي واهس اطلع ولا حتى اغير الهدوم العليه كل مااسمع الهورن گلبي اهجسه يطير من مكانو ليل نهار وعيني عالتلفوون بزعت واني ادحك عليه وكل مايدگ گلبي يدك وياه.. اكوم واكعد صورته كبالي.. اموت قهر واني اتخيل زينه بحظنه.. وكاعد يتغزل بيها مثلي.. دحگ الكل ملتهين يدحگًون عالتلفزيون.. شلت التلفون على كيفي وطلعت من باب المطبخ وكفت وره البيت طلعت رقم وضحى... اخابرها زين شگول الها... التلفون بيدي متردده اتصل لو لا اخاف اتصل وهو يمها... لا مويمها اكيد يم اليابسة... خل اتصل ول يصير خل يصير ضغطت عالرقم... كام يدك... عيني على البيت خاف اهلي يحسوون... جاوبت الووو... الووو هلا خالتي.. شلونج... هلا يمه العنود انتي مو اي خاله شلونكم اخباركم شلون صحتج الحمدلله يمه بس البيت اضلم بلياج وين رحتي يايمه بعد عمري خاله .. شسوي اني ماتحمل لو باقيه يمكن جان صارت مصايب خليني بعيده احسن... بعدج مو مجربه خبالي هههه _ ميخالف يمه تعاي ردي الييتج تره تخسرين كلشي لا تتصرفين بطيش .. عوفي كلشي وارجعي.. _ خاله الله كريم هسه ... زين انتي وين بالييت... روكان وين بالدوام لو يمها... لا يمه قفلت الباب ورجعت للبيت.. وروكان موهين جة اليوم ودور عليج .. كتلو اهلها اخذوها _ صدگ خاله وشگال... والله يايمه كتلج لا تروحين بدون علمه ماسمعتي كلامي _ليش لازم حجة عليه مو... عوفج من عنده وتركي الراح .. أرجعي لبيتج يايمه شلون ارجع خاله واني متهووومة... شفتي شلوون مصدك وكام يعاملني.. مامتعوده اشوف منه قساوه.. بيوم وليله نكلب كلشي بي صار موطايق كلشي مني... ادري يايمه بس إنتي بروحتج خربتي ماعمرتي... مالها داعي روحتج المفروض تبقين هين وادافعين عن نفسج.. _ زين هسه هو وينه ...! هاا يالعنود گلبج يطك عليه لا بس... لاتكولين لا ادري تحبي وادري الصار عليج كله تهم .. شوكت ترجعين مادري خاله مدي ارجع ومامدي... شو هو حتى ماشال التلفون وخابر... شيخابر مو كتلج راح تخسرين جثير بطلعتج وبعدين هو ملتهي بسالفتج وبالدوام.. شلون يعني ملتهي.. كشف اللي وره السالفه.. زينه موو مادري يمه تعالي وانتي تفتهمين .. مو مال تلفون... مارجع بالجذب ماكلف نفسه وخابرني... بالجذب ماسأل يمه تذكرين كلج كالج اركدي واليطلع اكسر رجلو وتدرين بي مايحب احد يكسر كلامه واي زلمه مايصير المره تطلع دون علمه وابو عدوان كال هي طلعت محد كال الها اطلعي ماروح واجيبها خل تبقى عد اهلها لا تصدكين بيوم يحي ويجيبج شوفي خاله يعني متونس بروحتي يقهرني ويروح يمها .. ليش يعني فوك الي بيه لو هو ديطلع حجج حتى يروح يم الليابسة ههههه والله عليج سوالف عوفي اليابسه وارجعي البيتج .. شسوي ارجع خاله وهو عايفني... _ هسه درجعي جوز اختلفت الأموررر _ خاله اكو شي صاير مادري بي دكوليلي فرحي گلبي _ إذا تريدين تفرحين تعاي لبيتج وراح تعرفين... لا خاله دكوليلي وبردي گلبي... _ اكفي يمي هاي واء تريد تسلم عليج... خبصتني خبص وينها البذاته انطينياهه ولا تسال رواء.. الووو عنووودة شلونج هلا بيج يولي شو ماتسألين بذاته _ اي ماسأل عجل تعوفين ابو عدوان وحدو وتحدرين غادي ليش عفتي هيج كسر گلبي يولي هاااا ينكسر گلبج عليه وماينكسر عليه.. شبي خاطر ينكسر گلبج عليه شو مرتاح يم اليابسه يااااا عجل ماكالتلج خالتي وضحى... لااااا ولج شكووو لا تخوووفيني ... دتعالي ولج وانتي تعرفين انكشفت حقائق ماتدرين عنها صددددك بربج احجيلي.. شصاير راح اموت يولي احجلي لوووتموتين ماححيلج عقاااااب عجل تعوفين الزلمه وتروحين ليش يووولي ليش ماخفتي ربج تعاي اهووو والتالي تحجين لو لا تره والقران اجيج عجل خل اكطعها الج من الاخير حتى ماتلحين وداعة امي ماحجي الاتجين وتشوفين التطورات بعينج... انطيني خالتي وضحى شلون بيه مو راح اطلع هسه للعلم .. وينه خلف يوديني.. امشي وياهه واخذني الواهس طلعت الباب البره ادور على احد يوديني مدري شبيه هيج شعور بداخلي حلووو.. كتلها بربج عوفي السوالف ونطيني خالتي وضحى... دتصلي يولي... تعاي كبل مايفوت الوكت ..، روكان وينه .. بالدوام لا بس خطيه النقل ماله جة ... هي نقل ولج وين... ناقلي على جبل حمرين ... لااااا بربج شو هناك ليش هو هيج الدوام عجل خمو تريدي كبل بالعلم.. مكابلج مكابلنيييي وين يحسرة شو مكابل ام المصايب مدري شايف بيه اكلج صدك يعني ناقلي وشوكت يداوووم مادري خطيه مريض تعبان صارلو يومين.. يتحسن ويروح غادي ولمكان خطر ولج شنو من گلب عليج مريض وراح يداوم بمكان اخطر شي وانتي كاعده هناك اتعززين ... ولج شلون عوفي كلشي صددك مريض شبي .. لا تشاقين خبلة ياااا خالتي وضحى هم ماحجتلج ولج صخونه نار عساف يودي بي ويجيب محد عرف علته تعاي خطيه ينكسر كلبج عليه... يايمه صدددددك ولج شلوو وينه هسه يمج لاااا بالطرارء هسه هو راح يطلعوو بعد شويه يايمه بعد عمري اسم الله عليه رووووحي خل الحك اجي ليش محد كلي شنو انتي بس كوليلي روحي الحك على جابر خلف واحد منهم يجيبني... كطعت التلفون وطبيت على البيت اركض فتحت الكنتور سحلت عباتي .. وطبيت اركض للهول كتلها يمه جابر وين كامت الحيلها وكالت بسم الله شبيج وجهج اصفر شكوو يمه روكان مريض فد مره صايرر اسم الله شلون مريض وين هسه هو بعده بالدوام لا يمه اكلج مريض يادوام ماخذي للطوارء ياااايمه بعيد البلا ان شاءالله شبي يولي ولج جابر طلع انطيني التلفون اخابرو _ اكفي يمه خل اخابر خلف.. كعدت بالكاع اريد اكف الحيلي ماكدر جسمي كله يرجف .. طلعت رقم خلف كتله لا تخابرين يمه هيان ديدك.. كالت لا راح اخابر حجيه وضحى افتهم منها.. اخذت التلفون وطلعت بره... الووو خلف... خلف ... هااااا يولي شكو .. احجي مالي خلگ مداهرج ولك يامداهررر روكان مريض هااا شمرضه ابو خشم العالي _ ولك انبلا خشمك اني وين وانت وين ولك مااشاقه تعال بسرررعه سيارتك وين روكان مريض زين اني شعليه ولج والسياره شبيها اني يم اهلي بديارنه اريدك توديني غادي للعلم.. هاا بعدج هين لافيه عبالي رحتي خرب جان جيت داهرتج ولج كلبي يوجعنيييي شتححي انته تعال عليك الله يايمه كلبها يوجعها الله يرحم ماريدوووو خشمووو عالي مغرورر... هههه جاي يالشيخة جاي ... بسرعه عليك الله... راح اكلفك عالباب سديت الخط .. كتلها انطيني ماي ولج حلكي يبس... راحت تركض ضي جابلتي الماي كتلها امي وين .. كالت لا تخافين سالتها تكول الها مابي شي زين هسه صدك المن سألت .. خابرت حماتج وكلتلها هاج اشربي.. راح تموتين شجرالج اخذت الماي شربته وكمت الحيلي.. كتلها علاكتي هدومي الحمي جيبلياهن راح اطلع جدامج... _ ماشي راح المهن واجي وراج _ طلعت للطرمة دحكت امي عالدچة كاعده تحجي هي وضحى طبيعي ولا جن صاير شي تضحك بعلو حسها... اوف اني وين وهنه وين .. صحت وينج ضي راح يصل خلف _ جايه شبيج مخفوگة يمعوده مايطير روكان انحبي ولج مريض وناقلي لجبل حمرين... اي ميخالف شبيج خايفه خمو اول مره يداوم غير هذا منصبه ولازم يداوم لا تخافين ماكو شي دحگي اديج اتراجف مادري من كالتلي رواء واني جمدت بدمي .. يمه سوده عليه يبعد عمري مريض ومادري بي اكول ليش ماخابرني طلع مريض _ دمشي هاي سيارة خلف طبكت... انطيني العلاكة... صحت يمه اني اروح... اشرتلها بيدي وطلعت اركض عالباب.. فتحت باب السياره الوره وصعدت.. كتلها سلميلي على نجمة وكولي الامي خل تدعيله جان يصد عليه خلف كال بلجي خبال... الباب هجمتي شجرالج هيج طبكتي السياره جديده يولي.. ولك ماتسكت ياسياره اني مستعجله شغل ولا تبقى تقلد كال ماعندي مشكله هسه اشغل بس ماكتيلي بعدو خشمو عالي يحجي وميت ضحك هو وضي كتله والقران اذا مامشيت ااجر سيارة واطلع للعلم ضحك وكال هلا بالشيخة ذيبه ماينخاف عليج .. لا يابه طالعين ادري بيج خبله وتسويها ... شغل وطلع نص الطريق وجان اكول اني ليش ماخابرت عليه خل اخابر اشوف شلونه وين هو هسه... كتله خلف طفي المسجل يمعود اريد اخابر... دحك عليه بالمرايه كال عوفيني منطلق يولي ولك بس نصي خل افتهم ... ديدك والله .. نصاه كال يابه نصيناه وامرنا الله.. بقى يدك لحد مافصل.. كتلو يول مايجاوب... كال الف رحمة على والديه .. ولك ليششششششش خل اسمع تره وروح عمشه هسه انزلج هينه عوفيني منطلق ههههه ولك لا تضحكني واني مقهروه عمشه اشعليه تحلف بيها صد عليه وكال لا صدك جديات بعده خشمو عالي ... ؟ من كال هيج ضحكت غصب عني شلت علاكتي كتله راح اللبسها براسك ... كام يضحك كال مخبله الله وكيل... موصاحيه وصلنا العلم الله هيج اهجس روحي طير وترفرف فتحت جام السياره وادحك على البيوت .. اليوم اشوفه .. اليوم اكحل عيني بشوفته طبينا بالفرع.. من يم بيت زينه دحكت على بابه مطبوك اعوذ بالله بيت الحية هجامه البيوت مسدود شعجب مامده راسها وتركب... كتلو هين نزلني مد راسو وكال يولي شنو ماندل اندل تره بس شجرالج على كيفج يمصكوعه ماراح يطير تره ... ولك عبالي ماتندل شكد مضوح هالزلمه... فتحت باب السياره ونزلت بيدي العلاكة .. طبكت الباب كتله مشكور اخليف ماقصرت مد راسو مو الجام كال لا تحلفين ماكدر انزل وراي شغل هههه لا يول ولك نسيت اكلك انزل تعال عليك الله ضحك وكال اليوم ياخلف يا دنيا نسيتي حتى عمشه روحي يابه اني اروح جديات ورايه شغل لو مو انتي مااجي هين لو عمشى تموت... كال هيج وشغل وطلع... شلون واحد هذا الميت ابو يضحكة... سحبت الباب وطبيت االبيت هدوووء ماكو احد الحديقه فايضه بالماي... طبيت للجوه ساديت الكاك... وطبيت للبيت امشي.. وصلت باب المطبخ وجان اتذكر المفتاح شلون.. عد وضحى شلت التلفوون اريد اخابر... دحكت باب الربعه مفتوح شويه كلت اي هم زين بس شعجب مفتوح لازم ناسي... شلت العلاكة وطبيت امشي .. ذبيت الغراض نزعت الشال وعباتي... طلعت رقم روكان خل اخابر اشوف وينه شلون صار امشي واحاجي روحي... طبيت للهول مرتب وكلشي بمكانه الصوبه مشعوله ... بالهول يبو زين ماحترك لبيت ناسيات كلشي صعدت الغرفتي ... وعيني عالتلفون..ضغطت اتصال... واني عالدرج وبده يدگ... نزلت التلفون من اذاني وكفت بأخر الدرج حس التلفون بالبيت.. كمت افتر يمنه ويسرى... صوت النغمة قريب الصوت عبالك بغرفتي.. مشيت سريع.. فتحت الباب .. وطبيت برجلي اليمن.. دحكت لين روكان كبالي واكف لابس دشداشتو لون نيلي ويمشط على المرايه...من شافني حسبتو انبهت واني بقيت بس صافنه بوجهه.. كط المشط من ايده وصد عليه يدحگ عليه بنظرة غريبه... مشيت خطوة وكفت .. ادحگ عليه وجهه يخبل مابي شي وهالعرض جتافو هي طوارء هاي شبيها رواء ... كال ياهلا ياهلا... شعجب يابه ... كتلو الحمدلله عالسلامه ... كال الله يسلمج بس على ياسلامه تقصدين... كتلو سمعت بيك مريض وبالطوارء .. وجيت اشوفك ضحك كال منين سمعتي ول يابه... دنجت راسي فشلت.. كتلو والله سمعت هيج شبيك كال .. ها يعني الطوارء جابتج رواء كالت ناقليك من دوامك .. جتف اديه الاثنين لوره وكف كبالي كال اي وبعد... رفعت راسي عليه وكلي خجل كتلو كالو عساف يودي ويجيب بيك من دكتور لدكتور كال اي يودون ويحيبون والعلة بالرچاب.. كتلو يعني شنوو كال وينها رواء .. شوكت كالتلج كتلو والله مادحجي جذب اليوم كالتلي وكلت الخلف وجابني احاجي وهو صافن بوجهي كتلو شبيك كال اعتقد انتي الي يحتاجلج طوارء.. هاي شصاير بيج ! كتلو شبيه مابية شي... كال لا واضح حيل... عالعمووم اخذي راحتج ... اني طالع مشه.. ومشيت وراه..كتله دقيقه وين راح تروح كال ليش تسألين يعني ليش اسال اريد اعرف وين راح تروح يمها موو صد علية كال يم منو ابويه إنتي... كتلو اليااااااابسه.... شنووو يولي ...! يعني ماتعرفها اقصد زينه... كال مو وكت هالحجي عندي شغل ولازم اطلع ..، تريدين ادزلج على وضحى على رواء ..! هااااا ليش لازم ماتبات هين اليوم..! صفن عليه ودحك بنظره حاقده كال شطلعج من البيت كتلو احسن عفتلك زينه تشبع بيها... يولي ماتسكتين انتي ليش عقلج صغيرر... انتي تتسرعين دوم ليش ماتفهمين اول ... وبعدين تحكمين يعني شفهم وانت كبل لازك يمها... مدام تحبها ليش اخذتني اهوووو رجعنا هاللسالفه... يولي شبيج...خل اطلع احسن اكف ليش تتهرب.. يعني هاي الايام كلها ماشبعت منهاا... هسه انتي شتريدين اروح اجي بكيفي.. اشبع مااشبع حرر اني... تخوصرتله وكفت كباله كتله هسه انتو ليش جبتوني هين مدام هيج تحاجيني منهو الجابج ابويه ... شنو انتي طلعتي من بيتج وانتي برجلج رجعتي... واني حذرتج وكتلج لا تطلعين... بس كسرتي كلامي وطلعتي ... وال يكسر كلامي.. خل يتلقى شر اعمالوو.. اني طلعت لان انت ماتفهمني احجيلك ماتصدك ورجعت كالولي مريض وجيت _ هااا لازم قشمرنج الربع... يعني جانو يضحكون عليه موو..! اي طبعا... مابية شي جدامج السبع ياكل بيه يومين... بس اويلي على المتتهيييين..، منو تقصد هاا.. طبطب على جتافي وكال الحليم تكفي الاشاره المهم بعدج تاخذين صور... كتله هااا رجعنا... مو حلفتلك ماااالي ذنب.. ليش تعيد بالسالفه ادري ابويه ادري... وعرفت السالفه كلها... رفعت راسي كتلو صدددك والله...شعرفت فهمني... صفن عليه كال ادري مالج ذنب بس لا تسالين اكثر دقيييييقه لا تروح.. اني هم من حقي اعرف منو وره السالفه كضب اليده مال الباب وصد عليه كال..عوفج من سالفه الصور عقابج بعدين.... يتبع... | ||||||||
|
| |
|
05-01-20, 08:52 AM
| #24 | ||||||||
| مراقبة عامة ومشرفة منتدى الروايات المنقولة
| الثالث والعشروون #ابو_عدوان #مذاق _العشق #بقلمي_نشوى_السلطان. كلوله گلبي السبع ...❤️ يرجف رجف يم طولة صفن عليه كال ادري مالج ذنب بس لا تسالين اكثر دقيييييقه لا تروح.. اني هم من حقي اعرف منو وره السالفه كضب اليده مال الباب وصد عليه كال..عوفج من سالفه الصور عقابج بعدين.... مشيت وكفت كباله وخليت ايدي على ايده وخرتها ودطبكت الباب برجليه.. صار ظهري على الباب وهو جدامي .. واكف ادحك عليه يحاول يبين نفسو طبيعي لكن گوه كاتم الظحكة تعابير وجهه واضحة.. .. كال ها شو سديتي الباب يولي... أريد أحجي وياك لا تطلع... دحگ على ايدك كال يولي الوكت تأخر الجماعة ينتظرني اي ادري ينتظروك بس فهمني صحيح ناقليك لهذا الجبل الي على طريق كركوك.. لا يابه منهو الينقلني هذا مكاني هين.. دحكتلوو بنظرة دلع كتلو ماسألت عني ولا كلت هيج سهل فراكي عندك.. _ اتصور انتي الي هان عليج الفراگ وطلعتي.. والي يهون عليه فراگي ماراح احن عليه انطيني طريق خل امشي هااا هيج يعني خل امشي... ولا همك يعني لازم مامشتاكلي لو مشتاك جان بيبن عليه موو.. شلون يعني يبين عليك... مد ايدو على حنجي ورفع وجهي وكال مثل ماانتي هسه مثل ورده ذبلانه بدون ماي... شفتي روحح شصاير بيج.... يولي شمسويه بنفسج عليمن ياابويه اي شفت والسبب انت تذكر شسويت بيه لو اذكرك عليمن يايابه عليش مقهوره.. شو انتي الي طلعتي وكسرتي كلامي وتدرين بيه ماحب الحرمه الماتسمع الكلمه دوم تفلطين واعديلج طبعا اطلع انت كاضيها يمها محاضن وبوس وو لااا تخليني هسه انفجر واحجي الي بكلبي... تره انت زودتها ويايه _ ضحك وكال ايابه ايابه محاضن وبوس عجل حگج اذا هيج وين اكو احلى منهم يحاجيني وميت ضحك تخوصرت كتلووو هااا يعني تعتررف.. هسه انتي شتريدين اي بوست وحضنت وكلشي ابالج سويت بالحلال خمو بالحرام .. يايااابة.. هااااااا وليش دتكلي واني شعلية اصلآ.. هسه اني كلت حجيت غير انتي سألتيني هههه انطيني طريق يولي خلني اطلع عساف ينتظرني... صديت وفتحتله الباب كله كتلو اطلع محد كاضب الدرب عليك اطلع عيني... ابتسم وكال اي هيجي صيري عاقلة رجع شال السويج وفات من جدامي يدحكلي بطارف عينو.. حدر وعافني... بقيت اتكرظم بالغرفه مدري املخ روحي اني شجابني هين وهو هيج يعاملني ولا جن صار جم يوم موشايفني.. سمعت حس السيارة .. ركضت عالشباك دحكت طلع يمشي وسيارتو راكب بيها عساف.. فتح الباب وصعد... وطلعو.. سديت الشباك بقوه... بسبطططططة روكان ... بسيطة.. يعني يعرف مالي ذنب ويدري بكل السالفه وهيج يعاملني... الله كريم... مشيت وكفت جدام المرايه صفنت على نفسي شحالي عيوني ذبلانه .. تذكرت من كالي ورده ذبلانه.. اي والله صدك ذبلانه.. شفتهمت من عرسي كله عراك ومشاكل... فتحت الجراره .. شلت الكحل... اريد اتكحل وجان اسمع حس وضحى تصيح عليه.. كطيت الكحل من ايدي وركضت عالدرج .. دحكت من فوك.. لين وضحى ورواء رافعات راسهن ليفوك ويدحكن عليه وميتات ضحك.. رواء ايدها على حلكها وجهه احمر .. كتله لا اتموتين يمعوده...ليش يولي ها ليش تجذبين عليه.. حدرت عليهن... وهاي ماتسكت من الضحك تريد تحجي ماتكدر.. خبال ولج لا يصير بيج شي... وضحى كعدت عالجودليه كالت مفجوعات كلبي كام يوجعني من الظحك..يارب ضحكة خير... سحبت نفس رواء وكالت ولج شلون جيتي... تحجي وكوه تكمل السالفه من الظحك كتله شلوون جيت عمايلج الجابتني يولي ليش هيج تسوين بيه تدرين انتهيت والله .. _ شسووووي ماكدرنا نجيبج الا هيج هو يحلف ايكول والله ماجيبها لو مدري شيصير الطلعت من بيتها هي ترجع وانتي تكولين مارجعله ليش يشك بيه.. كلت الخالتي ماكو غير هالحل بس والله جيتي ماعبالي بهالسرعه يمصكوعه هالكد. تحبين ابو عدوان وينوو خل يجي ويشوف الحب عيني... هههه اي جيت واتندمت كله من وراج انتي جبتيني شلوون خليتيني بموقف اصبريلي عبالج اعديها الج .. ههههه خل يولن يالعنود متأكده الطريق كله تدعيلي جيتي مشتاكه للحب واضح عليج لا تكابرين ههههههه لا دنجبي ولج جيت ولكيته هين كتلو ولا داير بال بفراگي كاضيها محاظن وبوس ايكولي اي كلشي ابالج سويت واني الغبيه هناك حارگة روحي عليه... جان رواء تصد على وضحى كالتلها داتسمعين شكايل الها ههههههههه اي قصدو ملاطش ودگ كتل... يايبه والله انتو فلم هههههه شلون فد واحد روكان يحرگ بأعصابج حرگ ولج دحجي عدل شبيج والله هيج ردلي...ومحاجة يحرك اعصابي ادري بي يمها... رواء.. خاله خطيه خل نحجيلها نكسب اجرهااا،، وضحى... أحجيلها بس لا تعلين حسج خاف يرجع ويكول ليش تتصرفن بكيفجن جوز هو يريد يحجيلها... العنود.. ادحك اثنينهن يحجن بالالغاز واني بس صافنه عليهن تربعت وكعدت بالنص جريت رواء كتلها اكعد احجيلي يولي بردي كلبي... شصاير ورايه... رواء.. شكد تنطيني واحجيلج... هههههه وضحى هههههه دحجيلها خطيه لا تفتين كلبها العنود... تحجين لو لا ... رواء... كومي قفلي الباب وهسه احجيلج كلشي.. ولج طلع مايجي والله... كال عندي شغل... رواء.. هاااا صحيح راح هو وعساف معزومين عالعشى.. عجل خل اسولفلج ... دسووووولفي .. عاد والقرأن شلعتي گلبي.. رواء.. جيب الميكرفون خل احجي ههههه شلون راح اكوم اذبحها ادري شتريدين تلقين كلمه لو تشيد وطني رواء.. لاااا والله راح أحجي بس مو تلوميني هااا... عليش الومج يولي ..!! اسمعي،.. زينه على كولتج اليابسه طلعت بايكة صورج من جهازي تذكرين الصور الي اخذناهن بالسبعه اني وياج.. كلهن ناقلتهن وكاصه صوري .. ايييييييي هاااااا خاله شكتلج مو كتلج زينه وره السالفه وضحى اي والله يمه كلتي بس شمدريني هي هيج عدها حروف رواء.. خلوني اكمل يمعودات تره اكط الميكرفون وماحجي بعد العنود.. دحجي لا اذبحج هسه... كملي كمليييييي رواء.. احم احم.. خلو الكامرات عليه ... الجمهور خل يصفكلي.. هههه لالا والقران راح احجي... اسمعي عيني مضعوفة البخت زينه وره ماباكت الصور اتفقت هي واخوها حمودي.. جابو خط حبل مامسجل بالشركة.. كامو وراسلو سعود.. عبالهم سعود راح يلين وينطيهم مجال.. لكن تدري سعود اصيل مايسويها كام وكال انتي حرمه ابو عدوان ومستحيل اتكلط على حرمة اخويه العنود.. شلوووون فشله يربي هذا مصدك عباله اني ياعيبة العيبة رواء ايييي ولج بس عاد عرف بالسالفه المهم خل اكمل .. ابو عدوان من السكرينات عرف همه ماعرفو يحبكوهاا كامت اخذت السكرينات من جهازها ودزتهن اله.. هو انتبه السكرين من جهه جهاز الي على اساس العنود.. صار عنده شك.. جة عليها بيوم الي رحتي الاهلج الظهر.. سألني كال عندج صور للعنود كتلو اي .. كال جيبي عليه الجهاز خل اشوف... انطيتو الجهاز ودخلنه عالصور انتبه الصور الي اني وياج نفس اللقطه بس مكصوصه اني وباقيه انتي... كال من رحتي الزينه عفتي الجهاز بالكاع... احد كلب بجهازج كتلو اي والله كبل مكطوط وهي جانت تكلب بي... دخل على البلوتوث جان يطلع جهازي مقترن بجهازها .. كال خلص وصلت الفكره .. كضب صورج وحذفهن.. بس بحزتها جان عصبي نااااار.، واني فشلت من عنده لان طلعت من وجهي .. المهم شغل السياره وطلع راح بذيج الفتره كال جنت اراسلهم يردون بس من اتصل مايفتحون خط.. سالهم منو انتم كايليه احنا فاعل خير المهم هو حس بيهم... كام راسلهم وهو بسد زينه كاعد .. عادي يردون عليه بنفس الدقيقه وزينه مسويه نفسها فقيره تعرفين هو داخل بمسلك الجيش يعني شغلتهم تحقيق.. لگفها.. كال الها .. كومي تانروح الاهلج.. العنود.. دقيقه هالحجي شوكت يايوم... اويلي يمه اليابسه شمسويه دگايگ ولج هالحجي بيووم الي انتي رحتي تعشى واخذ زينه وراح الاهلها كام يراسل بيهم وهو بيت اهلها.. واخوها بالغرفه كاعد ويرد عليه .. بنفس الدقيقه ابو عدوان بقى مسايرو ويحاكي طبيعي الاخر لحظة كام وفتح باب الغرفه عليه.. وشاف الحهاز بيدو سحب الجهاز وعرف همه وره اللعبة العنود.. حييييييهم حييييهم بعد طولي طوله لج ايييي كملي رواء.. ماحجيلج عاد... سمعت ماخذ زينه وطالع للبيت كاتلها كتله غسل ولبس... هههههههه العنود... ايييي زين اخوها هذا شكبره... جبير يعني.، رواء .. زلمتيش يحظي الي يسوي هيج موزلمه.. عمرو 18 سنه.. عاب وبله هو وعمرو... العنود.. عوووفج منه كمليلي زينه وينها هسه... وضحى .. موكتلج يايمه لا تروحين الله يطلع الحق شفتي ربج شلون كشفهم.. اني من سمعت بليلتها حتى ضغطي صعد ماجنت ادري هيج عدها سوالف زينه.. حركت كلوبنا وروكان عاب كلبي عليه .. خلتو بحيره والقهر كاتلو... العنود... الف الحمدلله يمه كلبي ارتااااااح رواء... زينه كتلج اكلت المقسوم بالبيت ههههه وراحت وداهه الاهلها .. ابوها من حجالو ابو عدوان رجع النوب كتلهم اثنينهن هي واخوها... وابو عدوان يكول بس تكطبو ايدي الا اذبحو يعني زينه راااااحت .... الاهلهااا ومارجعت بعد... رواء... لاااااا ماترجع شيرجعلها.. وهساع البيت صفى لم طيره.. هههههههه العنود... يمه يمه كلبيي جن قالب ثلج ونزل... الحمدلله ربي الف الحمدلله كشفتهم والله جنت شاكة لا والله متأكده من اليابسه بس اكفي عليمن ام طيره.... رواء.. هههههههه جان بعد ساعه اتذكري اقصد عليج انتي كومي هساااع كومي... العنود... جرتني من ايدي... وكفت الحيلي كتلها وين... صبري رواء.. دحكي على روحج شصاير بيج امشي خلي شي بوجهه بدلي .. شبيج يحظي العنود.. هههههه ادري بروحي صايره اخوف... حتى هو انتبه عليه يكول شصاير بحالج.. رواء جم يوم وهيج صرتي عجل لو شهر... العنود... اموووت والله ماصدكت اشوفه وادحك بعيونه يمه والله اهجس روحي ردتلي... رواء هااااا الفضل المن يعوووود ... دمشي عيني امشي خلف الله عليه... وضحى اكوفي يمه هالحجي من يجي روكان راح تحجيلها.. العنود.. صعدنا بعدنا بأول درجة .. وصديت على خالتي كتلها لا ماراح احجيله شي.. دام عرف اني مضلومه وزينه نالت عقابها... هالشي يكفي.. ماريد ابقى اگر براسو الزلمه يكره المره الي تعيد وتسقل بالسالفه .. واني عرفت طبعو مايحب احد يحجي جثيرر..المهم اخذلي حقي هاي عندي تسوى جثيرر.. وهسه خل اروح اجهز الى امشي يرواء امشي كبل مايجي... وضحى... الله يسعدكم يمه اي هيج خلي عقلج جبير ولا تتسرعين عليه بالحكم شوفي انتي جنتي تكولين خاله هاجرني ولازك يمها خطيه طلعتي ضالمه... العنود... شمدريني يخاله اعصابي جانت حيل تعبانه وماتحمل شي حگج يمه حگج اكول عود لا تبطن جثير اريد اروح ... رواء... اليوم اطلعها عروووس وينو روكان وينووو.. العنود.. الحگي يولي كبل مايجي... هههههه صعدنا فوك الغرفتي.... بقت هي تعزل بالغرفة واني طبيت سبحت وطلعت لكيتها ممكماه ترتيب الغرفه ودتمسح بالاخشاب يولي بارده من يمج شغلي الصوبه رواء تعاي هسه تدفه عبن غاسله اليوم زين الجو مشيت واني اطك بسنوني من البرد شعري يمطر ماي كعدت عالطابوريه كتلها هااا شراح تسويلي يولي... او لا دقيقه اكفي خل اطلع هدوم اللبسهن. شختار ولج اريد اطلع توب اليوم رواء... المكياج خليه عليه والهدوم عليج انتي لان انتي ادره بذوروقه..... اني شمدريني شيحب العنود... اصبري عندي ثوب اسود مجسم عالجسم وبي فتحتات للركبه...ربع ردن.. راح اللبسه.. يمعودة شووو اسود شعدنا... ميخالف احب الاسود يلوكلي ماعليج.. اللبس اسود وحجول وتخليلي حمرة حمره... يطلع يخبل رواء... اليوم ابو عدوان صدك ايتهرفل ههههههه العنود... ديله هسه ادلسي خل تفتهم ... لا يابه ماكدر هين ماسيطر عليج... عجل شلون يولي... انسدحي تمديي عالجربايه واخليلج... هههههههه شلون صالون انعل ابو مركز جويل اذا مثلج.. جيبي العلبه ولحكيني... تانشوف تاليتج رواء هااااا تااااا نشوف صايره تحجين مثلنا يولي اي عجل غير تعلمت من الحب فديت التاء واهل التاء استعجلي يولي ... خاف يجي لا مايجي هالحزه اعرفهم يبطون بالتلعلوله... العنوود تمددت وهي كامت تمكيج بيه... تخلي وتمسح كتلها يولي وجهي يمكن صار لوحة تاريخيه خلني اشوف يولي اليوم يخترع الزلمه . هههههه والله يخبل بس صبرج بقت بس المسكاره... العنود... مممم يله تا نشوف التالي... هي تخلي بالمكياج واني عيني عالباب كل شويه اتخايلو جاي..ويفتح الباب عليه وكلبي مو بس ينتهي لا اهجسو يموع ... يول يروكان شسويت بحالي .. شجاني وهيج تخبلت بعشگك... _ كووومي كومي يله... هاااا وين اكوووم رواء ... ابين طابتلج النومه ادري وين سارحة كومي شوفي المكياج العنود ههههه اي والله سارحة... كمت الحيلي... دحكت على روحي العيون تخبل رسمتهم.. والحمره حمره ناري...والثوب اسود كتلها والله وطلعتي تعرفين.... شكد حلوو المكياج عاشت ايدح وين الحجوووول خل اللبسهن... رواء اكلج هاي خجول لو خلخال... _ لا هنه حجول بس عين بيهن المرسه واليران يبينن مثل الخلخال هاي هو جابلياهن.. وحيل يحبهن... كعدت عالطابوريه لبست حجولي .. وسنسال عالركبتي... سحبت المخمريه.. دهنت شعري وركبتي... رواء مرتجيه عالميز وصافنه عليه كالت يولي شنو هاي البيدج .. شو عطرها يخبل.. شو خل اشوف _ شبيج هاي مخمريه للشعر والجسم فد شي كل ما اسبح بالليل اخلي منها .. من اروح للسوك اجيبلج منها.. امشي خل نحدر خطيه خالتي وضحى وحدها... رواء راح انزل والحكيني... لا جايه وياج... طلعت امشي لنص الممر.. شفتها بارده رجعت اركض طلعت روب لبسته .. وحدرت وراهه... لكيت رواء واكفه بسد الدرج .. واني انزل كتلها ها شبيج اشرتلي كالت دحكي... حدرت رجتين.. دحكت خالتي وضحى نايمه وهي كاعده.. موتجيه عالحايط وشيخرها مدري لوين.. ههههه خطيه نعست شلعنا كلبها... رواء.. خل اكعدها تأخرنا لا عوفيها خطيه مدام نايمه هسه احيب الها غطى.. لا يابه اليوم انتو عرسان لازم وحدكم تبقون... ههههه ولج ياعرسان دوم تفكيرج منحرف هههه هسه قابل شكووو ماكو لا وين .. توهمت صدك انتو فقرة هههههههه وضحى يوضحى اكعدي... العنود شششش على كيفج جفلتيها... وضحى ... هااا ها... منو مات.. روكان وين.. البوب مقفله شكو ياهو الجة... رواء ههههههههه سالمين يمعوده .. لاضمتهن بسبحة.. محد مات بس عدنا عرساااان.. وضحى.. الله يصكعج.. شبيج صدعتيني .. شكو هيج تصيحين العنود.. خالتي نامي اجيبلج غطى.. كاضبه المحجل بيدي واحاجيها جان ادحك عليه وتفرك بعيونها.. كالت .. وين رايده يمه على هي حفله... ضحكت كتلها لا خاله حفلتيش بس عجبني اللبس الروكان وتمكيج كامت الحيله ادور عالسبحة .. لكتها شالتها .. وجت وكفت بسدي اني مدري شبيه عود خجلت.. كالت يولي تالي تخبلين اخويه ضحكت وكالت يله يمصكوعه خل نمشي... رواء... اكفي.. خل اشرب ماي... يلعنوود باجر امر اريد تحجيلي الي يصيررر بالتفصيل.. العنود.. ههههههه شحجي ولج فضحتينا _ وضحى... فجعج البين شتحجيلج حرمه وزلمتها شنحجيلج يعني اوف منجن مفضوحات.. حرام يمه ماعليج منها هاي طايشه حرام التحجي لغير حرمه... العنود... ههههههه ماحجي خاله هو شكو حتى اححجي.. رواء امشي خيه امشي هسه يحي روكان ويطردنا... خل نطلع بكرامه احسن... العنود.. هههههه مصيبه هالرواء مثل خليف.. راحن وطبكت الباب وراهن.. طبيت شكلت الصوبه .. بالهول.. وطبيت للمطبخ جوعانه .. فتحت الثلاجة.. لكيت علبه بيها بقلاوه.. سحبتها.. وطبيت بالهول .. تربعت وكعدت اكل .. لحد ما تنكت من الحلاه كمت غسلت.. دحكت عالساعه .. صارت بالتسعه.. وهو ماكو.. شلت التلفون اريد اخابره... ترددت مااريد اتصل بي.. خل هو يجي بنفسو.. طبيت للمطبخ لهيت نفسي شلت الاركيله غسلتها وحظرت المعسل والفحم.. طلعت الدلع خليتها عالكاونتر .. خاف يجي ويريد گهوى.. هفففف غير لو يمشي الوقت مو حيلي راح اروح واحي بالبيت كمت احوص الانتظار موتني .. تمددت عالقنفله وتغطيت بالغطوة .. عضامي يطكن من البرد.. هدومي خفاف شغلت التلفزيون.. كمت اكلب بالقنوات.. ثبته على قناة روتانا جان طالعه اغنيه حافية القدمين.. .. عليت الصوت.. وبدون شعور كمت الحيليوكفت كبال التلفزيون هو يغني واني بغير دنيا.. وعلى كلمات اغنيه قاتلتي ترقص حافية القدمين بمدخل شرياني سحبت الملفع.. وشديتو على خصري . وكمت اركص على بدايه لحنها... اركص وادحك عالتفزيون بدون شعوررر... سرحت وكأني على مسرح عالي وحدي اركص على انغامها... وتخايل الجمهور وحده روكان وشعري مفتوح لخصري ... قربت تنتهي الاغنيه... دحكت عالساعه تأخر .. كلبي يدك سريع حسيت بتعب رغم شوي ركصت بس تعبت.. اوو صارلي جثير موراكصه اليوم فرحتي خلتني اركص وانسى كلشي.. سحبت نصيت التلفزيون .. دنجت اريد اشيل التلفون.. وجان اسمعه يكول.. شو وكفتي .. ليش ماكملتي... رفعت راسي لين هو كبالي مرتجي عالباب ومجتف اديه.. بقيت بصدمه كتلووو انت هين... شوكت جيت ابتسم كال... ارجعي كملي واكولج شوكت جيت.. _ كمت الملم بشعري.. مدري شصار بيه انتهيت خجلت كتلو غير ادگ الباب تسوي صوت من تفووت ضحك بصوت عالي كال وعليش مستحيه.. ليش اني غريب جة يمشي سحب اليرمونت الاغنيه خلصت كام يكلب بالتلفزيون اني بحزته مدي الكاع تنشك وتبلعني. كعدت جدامو وكمت اجذل بشعري.. هو صاد بس حسيتو نظراتو عليه من كل مكان محاوطتني رفعت راسي واني ساحبه شعري واجذل بي.. كال عوفي مفتوح احلى .. ليش تشدي.. دحكتلو بنظرة كتلو هم زين من انتبهت على شنو انتبه... _ اي صدك على شنو حقك.. اني اكوم اصعد الغرفتي... روكان.. اكلج.. صديت عليه واني امشي.. باب الغرفه اقفلي قفلتين يولي... هاااا هيج يعني... شنو ابويه.. ! انت ليش هيج تسوي... شسويت يايبه.. شمسويه بروحج .. امشي غسلي وجهج والبسي هدوم ليش هسه اني شلابسه غير لابسه فستان _ وين ماشفتو .. انتي لابس بس من غير هدوم.. من كال هيج ضحكت ماتحملت.. هههه ارتجيت عالدرج كتلو عجبوني ولبستهم .. شنو مو حلوات لا وين الحلا بيهم... والله... تعاي تعاي.. اشرلي بيده عالقنفله كال تعاي اكعدي هين بسدي دحكتلو بنظرة زعل كتلو مااا ماجي .. كال خليج بمكانج لا تجين... شال تلفونه وكام.. صعد عاادرج جدامي .. وصل للنص الدرج.. كتلو وين صاعد صد عليه وكال تعالي اصعدي اني اريد انزل فراشي... من كال هيج صرت نار.. ركضت وراه... طب جدامي وطبيت وراه كتلو هاي ليش هيج دتسوي... شمسوي يايابه .. شبيج تخبلتي... شو مدري شبيج ادحك عليه يحاجيني ابرود اعصاب راح يمشي نزع دشداشتو وعلكها بقى بس بالفانيله والسروال وكف عالمرايه ويمشط ،، كمت افور اني الي بقيت ساعه اجهز بنفسي.. ولا اهتم ولا كال.. كتلو خوش عجل... خليك هيج موصوجك.. كمت افتح بالضفيره وجان يجي من يمي.. قفل الباب وصد عليه.. دحكت عليه بطارف عيني.. كتلو شو قفلته لازم تريد تنام هينه ابتسم وكال عجل وين انام جوه بارده ماتخافين عليه اي مو كوول طلعت علمود بارده تريد تنام هين.. عجل خليك واني راح انزل وانت ابقى عاقب براحتك .. اريد اعبر من يمه وجان يمد ايده على خصري وسحبني.. ودفعني على باب الغرفه ايد عالباب رافعها وايد وره خصري.. رفعت راسي عليه كتلو شبيك... كال اريد اعاقبج... رفعت حاجبي ودحكتلو بنظره استغراب كتلو شلون يعني مد راسو .. وباسني من ركبتي جوه اذني.. بهدوء ورجع رفع راسه.. كال شهالحلاه هذا.. اليوم طالعه اميره بقيت ساكته ماحجيت شي .. سارحة معاه بغير عالم همس بصوت ناصي.. مشتااااك لكل ذره بيج.. _ ابتسمت كتلو احلف... حظني بدي الاثنين وجرني عليه.. كال شحلف غير وريتيني ور قرب راسه على شفتي.. وصار يبوس بيه... سحبت نفسي كتلو هسه يعني هذا عقاب.. ابتسم وكال عجل شمتصوره شنو عقابج... وكام يبوس بيه من كل مكان .. همست بصوت ناصي .. اذا هيج العقاب عجل راضيه تعاقبني كل يوم... كال عجل خل اشوفج العقاب على اصوله .، شالني ورفعني كال بس والله خوش تركصين.. وتمايلين بخصرج ً اخ من دلعج شسويتي بيه...خلاني عالجربايه وكعد بسدي مد اديه على ركبتي وسحب السنسال .. كتله شدتسوي كال نكمل بقية العقاب يولو... سحب السنسال وكام طفى الضوه... ورجع نام بسدي .. !!!! ... نمت بحظنه مثل طفل جان محروم من امه واليوم لكاهه... نمت على صدره وكعدت الصبح... على صوت التلفون... يدك.. مديت ايدي.. دحكت عليه مكتوب سعود يتصل... همست روكان حبيبي... روكان.. عسيتو بيدي .. فتح عيونه وكال.. ها يالروح... كتلو سعود يتصل . تنهض وكد الحيله .. دحك عالساعه .. 7 ونص... كال خير اللهم اجعله خير.. رفع الخط.. وكام يحاجي.. اني كمت لبست الروب طلعت للحمام ورجعت لكيته ديلبس... بالنطاق.. كال اركضي جيبيلي الحذاء وينه... يحاجيني وهو مخبوص كتلو خيرر شو هسه.. وين رايح... كال لازم اطلع للدوام خاف التلفون ينغلق لا يبقى بالج.. دقيقه بس فهمني.. عليك الله اكو شي... يمعوده لا تخافين.. ماكو شي.. البسطال جوه مو.. اي جوووه راح تخلي بالي .. شلون ويا الدوام اني حدر واني حدرت وراهه.. كال ارجعي جيبي التلفون.. صعدت اركض جبت التلفون وحدرت وراه... لبس الحذاءوكام الحيله وكفت كتله بداعتي لا تروح .. ماكدر يالحبيبه ماكدر عدنا واجب لازم اطلع... زين واحب ويييين... فهمني ًً علجلام مو... اي عالجلام... انطيني التلفون .. جة سعود مو عليك الله بداعه سلوى لا تروح شو خايفه والله صد عليه وهو يمشي وصل باب المطبخ سحب راسي وباسني من كصتي.. كال كلمن يموت بيومه .. ديربالج عالنفسج ولا تخافين... يالروح ... طلع عالسريع وطبك الباب وراه يتبع.... تنويه.. اعتذر اتأخر عليكم بالنشر لكن سبق وكلت اطفال ومدارس وبنتي هالسنه مدرسه وحيل داتعب وياهه.. وقبل كم يوم توفى عمي.. والله الضروف هي الي تمنعني وان شاءالله احاول قد الامكان اكتب واكمل... والقصه حقيقية مااااكدر اتلاعب بالاحداث ارجوكم لاتنسون التصويت احبكم | ||||||||
|
| |
|
05-01-20, 08:53 AM
| #25 | ||||||||
| مراقبة عامة ومشرفة منتدى الروايات المنقولة
| الرابع والعشرون.. #ابو_عدوان #مذاق _العشق #بقلمي_نشوى_السلطان يالعنود عزيزه و چنـَچ آخر فشگـه بـ الشاجور ♥️ عليك الله بداعه سلوى لا تروح شو خايفه والله صد عليه وهو يمشي وصل باب المطبخ سحب راسي وباسني من كصتي.. كال كلمن يموت بيومه .. ديربالج عالنفسج ولا تخافين... يالروح ... طلع عالسريع وطبك الباب وراه الجو جان مغيم وباااارد... فتحت الباب... دحكت عليه طلع يمشي سريع .. وسيارة سعود بسد الباب طابكة .. وهو يمشي صد عليه ابتسملي.. كتلو ارجع حبااااب.. صاح فوتي يولي بارده عليج ماكو شي لاتخافين ... سحب الباب البره وسده وراه.. طبكت باب المطبخ وطبيت.. صعدت الغرفتي... فتحت الباب ادحك عالجربايه هدومه ...شلت السروال .. بوسته .. يربي ماصارو دقايق من راح بس عبالك اخذ حيلي وياه اشتاكيتله .. ادحك عالجربايه مكانو هين جان ... يمه شبيه اني ليش هيج دافكر وخايفه اسم الله على طوله .. محروس ربي يحفظه..سحبت الغطى ورجعت تمددت بفراشي... ايدي جوه راسي صفنت .. تذكرت شلون جنت بيت اديه.. وشلون جان يعاقبني صرت اتبسم لا ارديآ.. عيوني اريد اصحى ماكدر بالليل سهرنا ومانمنه وهسه هو راح سوده عليه اكيد نعسان... واني احاجي روحي اخذني النوووم ونمت .. وكعدت الساعه عشرة وربع .. كعدت الحيلي .. تذكرت روكان يمه ماخابرته .. وخرت الغطى وكمت عالتلفوون ..واني ارجف الجو بااارد... طلعت رقمه ... ضغطت اتصاال.. حصل اي دگ . اول دكتين .. وجان ينغلق .. انكطع رجعت كررت الاتصال يطلع عذرا الهاتف المطلوب مغلق حاليا.. اوف بس لا بالجلام مدام دينغلق وينفتح..يعني ماكو تغطية.. اخذت تلفوني شلت الروب لبسته وحدرت شغلت الصوبات بالبيت.. فتحت باب المطبخ.. هوى بارد يربي روكان هسه بردان ... دحكت عالسمه غيم اسود .. يمه بس لا اليووم تمطر ويكعن الصواجع... اريد اطبك الباب وجان ينفتح الباب البره .. كل تصوري روكان جة .. دحكت لين رواء شايله ابنها ويايهه خالتي وضحى... من بعيد صاحت رواء... يولي جيت اريد تفاصيل... وتجاوبها خالتي ... مصكوعه جيتي ترورين علوم خل نصل ضحكوني على سوالفهم ... كتلها يولي روكان بالدوام عافني وراح طبت خلت ابنها عالزوليه.. وتربعت وكعدت وبسدها خالتي طبكت الباب وركضت جبت الصوبه شغلتها.. وواء.. حدري يولي حدري هين اكعدي بسدي.. سولفيلي بالتفصيييييييل شكال مكال شسويتو ماسويتو وضحى... باله هاي شتحجي وياهه جابتنه مناك لهين طلعت ادور شسويتو.. يولي يعني شسووه مره ورجال حاشره روحج رواء .. اوووو وضحى تره بزعانه روحي اريد اسمع سوالف حلوه عوفيني تره الزلمه بالدوام والجفاف صاعد عندي العنود .. يتناكرن بينهم واني خليت القوري عالنار وميته ضحك على سوالفهن.. كتلها يولي روكان بالدوام وتلفونه مغلق اني وين وانتي وين .. رواء .. اششششش لا تثوليها عليه ادري بي بادوام عجل شجابني سمعتو يحاجي عساف الصبح .. كلت يمسكينه يالعنود عجل من الصبح الزلمه راح . بس اكيد بالليل هاااا يولي اكعدي احجيلي العنود .. صدك يعني خابره الحمدلله اني اتصلت مغلق .. وضحى .. هذا تلفونج مابي رصيد .. دزي ويا الجهيل خل يجيبولج العنود لا خاله يحصل بس اكلج مغلق يطلع ... رواء اكلج عنوده شفتي روحج بالمرايه ... العنود اي اي عاد انتي قلدي غير هذا اثار مكياجج شكد غسلت بعيوني مايروح ... رواء .. هههههههه الله وكيل تخرعين حتى المايخاف وضحى .. غير هاي عمايلج.. ساعتج سوده شكثر مخليه الها العنود .. خاله راح اسويلكم ريوك ... شتريدين اسويلج رواء بيض سوي يولي ولو كمت اقاقي مثل الدجاجة من كد مااكلت بيض بس ماريد جبن العنود هههههه هسه اسويلج اني شكد احبه بس شو اليوم ماريد خاله راح اخليلج جبن ويايه .. وضحى .. اكول يمه شالاخبار ماكو شي بالدرب دفرحينا .. العنود.. طلعت الطاوه خليتها عالنار صديت عليه ... كتله شلون يعني خاله رواء .. قصدها اكو حمل لا يمعوده هي تنلام اني كلت راح نلكاهه حامل بتوم .. ههههه وضحى .. ولج السان هذا لو شنو خل نفتهم يمعجوعه.. دكافي عزه عالماتلج وين زلمتج مايجي ويخلصنه منج العنود .. ههههه ولج صدك مفظوحة انتي ... خليت الصينيه بالكاع وطلعت الخبز .. كتله والله يخاله شمدريني هو فات موعدها من رحت الاهلي ... جان تكمز رواء وتشيل الصينيه وتكوم ادگ بيها كالت هلا هلا ببو عدوان ايييي بين عيد .. وج خاله جنتكم الفاهيه حامل وماندري بيها..وينو روكان والله طلع كدها ههههههه العنود... عزه ولج منو الكال حامل شبيج انتي.. هههههه باله هاي شتحجي وياهه... وضحى.. يمه اتقشمرين ويايه لو صدك بداعه روكان.. صدك فات موعدها... العنود .. لا والله مااشاقه من زمان فات موعدها بس شكو هاي عبالكم حامل ههههه رواء .. عجل شنو غابت عليج دتلعبنا ختيلان ..، شكد فاهيه دكولي احجي ... وهسه يجينا عدوان مثل ابو سبع ويحب الجيش وضحى .. اليوم تهيري اخذج اسويلج تحليل،.. اريد اليوم تطلعين حامل وابشر اخويه ... العنود... لا خاله ياتحليل من اني عد اهلي هيج تصير ويايه مو حامل... رواء... ولج كبل وين وهسه وين اصحي هسه انتي متزوجة يعني روكان ... يمج .. هههههه شلون راح توازيني احجي حجي ... العنود.. هو انتي بقيتي شي .. خرب حظج هههههه هاج البيض اكلي اشبعي بلجي حلكج شويه يسكت وضحى.. يايمه شوكت يحي العصر واخذج بيدي... واالله ماصدك تطلعين حامل وتجيبيلنا عدوان رواء .. دقيقه عليش للعصر تحليل ومن الصيدليه .. هسه بنفس الدقيقه يبين... جان تكلها خالتي .. لا بيدي اخذها للمختبر خاف هذا جذب مو صحيح .. رواء ... والله مضبوط ومجربي شبيكم .. تريكو وعوفو السالفه عليه... العنود... هيج واطلع حامل ويجي روكان وابشرررره... يمه ماصدك والله.. رواء ... صدكي خيه صدكي انطيني من يمج الخبز... كتلها ديربالج .. لا يكع الجاي على ابنج... ابني مجلوووب مثلي هههههه اكعد ابن الثوله شبيك .. العنود .. دك تلفوني .. وكمت الحيلي.. ركضت عليه .. كتلهم هذا روكان.. اخذته وطبيت اركض لجوه... اسمعها رواء تصيح تعاي هين حاجي خل نفتهم... اشرتلها بيدي لا ااا .. وطبيت للهول فتحت الخط... وكلي لهفه .. همست الووو... روكان.. هلا يبعد الالو وكلمن كال الو... هايلعمر ادحك عليج ماحصل... شلونج من كال هيج وسمعت صوته اهجس روحي ودت كتلوو حبيبي.. وينك ... بالي يمك ... وين انته هسه .. خمو بردان الحو بارددد.. شوكت ترجع... _ يولي ماسمعج الصوت يكطع... شتكولين بس فهمني انت وييييين بالي يمك.. شوداك ماكو شي مو كتلج لا تخافين... جت يمج وضحى اي جوي وضحى ورواء... بس ناقصني شوفتك يبعد عيوني _ اجي اجي لا تخافين بس اليوم مغيم وتذكرتج.. يبعد الصواجع واهلهن ههههه اليوم منو اليختل بسدي... شوكت تكع الصاجعه وتكطج بحضني.. هههههه ايييي اني هم تذكرت ... شلون تعال بداعتي وين اجي يولي بالدوام اني .. احظني وضحى ونامي مالج غير هالجاره ههههه لا شلون يعني ماتجي .. والله البيت مو حلو بلياك _ ها عجل شلون رحتي وعفتيني وحدي.. اخ منج .. اخ كون هسه انتي كبالي... هههههه اي وشتسويلي باله... اشبعج بوس... يبعد الروح روحي عاد تره صاعد على تله واحاجيج راح انقلز هههههه فديت سيدي الصاعد فوك .. يصير اجي اخذلك تحية _ ههههه غير اذبحج .. يااااا فوكاهه ليش عيني _ وين تجين ابويه انتي اركدي بس اخذلك تحية وارجع ... ههههه لا يابة تصيرين فرجة للجنود شعندي استعراض.. اكعدي بالبيت هاااااي شنو الصوت اليمك ... هي صوت يولي ماكو وحدي فوك صاعد لا سمعت صوت طلقات ولله ... خرب تعال عفيه ياهو الكلج اني بحفله .. عجل غير بنص الفشگ .. يولي شبيج كلمن يموت بيومه.. _ يمه اسم الله .. زين شوكت تجي... اليوى تجي مادري يالعمر جوز اليوم جوز باجر .. هساع اني بالجلام ومحاوطين المكان من كل المحاور.. تانشوف تالي هالجريذيه غير لو تكضبهم ايدي... دحكي يولي الباب اقفلي ولا تطلعين بره لا ماطلع بس خالتي تريد تاخذني وياهه وين يايابه.. اركدي بيتج ماكو طلعه .. العنود.. كال ماكو طلعه وانقطع الصوت... صحت الوو كام يطوط الجهاز.. رجعت اتصلت اني.. وهم طلعتلي هاي الوجه الفكر وكالت عذرا يمه بس المهم هو بخير طبيت كتلها الحمدلله طمنيني ... _ الحمدلله شوكت يجي ماسألتي... _ اي يكول الله اعلم شوكت .. خاله خل نقنعه يبطل ويعوف هالشغله والله اخاف عليه رواء .. دحك هاي البطرانه كل عقلج يابه عقيد شنو يبطل .. هسه ماعلينه شحجيتي ماحجيتو هاااا وضحى .. وروح الماتو راح تنچتلين جتله زينه.. غدي غدي ماتسكت .. شنهو من اللسان... \ العنود.. اكلج خاله كتله اريد اطلع ويا خالتي وماقبل .. داحجي وياه ونكطع الخط... وضحى ... يبوو عجل شنون... تانشوف بلجي حامل ونفرح رواء مو حجينا وكلنا نجيب تحليل هسه شخسرانين.. خل اجيب العنود.. كتله زين اكو يعني تحليل هين.. وينها الصيدليه .. اكو عالشارع .. صيدليه واكو بالبورصه يم دكتوره لمياء اخابر عساف يجيبلج هههههه _ والقران اذا سويتيها ماحجي بعد وياج .. رواء هههههه هسه قابل شكو بيها ... عجل منو يجيبلج كتلها لا عيب شسالفه والله اذا سويتها وكلتي... جان تكول خالتي اكفن هساع اللبس عباتي واررح اجيب اني عليش مهتمات .. كتلها لا خاله كعدي بارده عليج عوفيها غير وكت كالت لا والله اليوم اروح واجيب.. كامت الحيلها .. غسلت ولبست عباتها وطلعت... كمت الحيلي نظفت البيت اني ورواء خلينه الجدر عالنار وجان تجي خالتي وضحى من بعيد تأشرلي وبيدها التحليل.. صديت على رواء كتلها دحگي خاله تشومل من بعيد بيدها .. ههههه اليوم العلم كلها تسمع بالتحليل.. كون عاد اكو حمل ومانفشل... طبت خالتي وكالت انطني ماي .. هاج يمه التحليل تربعت وكعدت عالزوليه .. كالت سدسن البوب يكولون جايه عجاجة تلكاني حاچم كال الحكي عالبيت كبل ماتصل.. عاد اني الله وكيلجن من سمعت بالعجاجة تكولين شديت محرگ غزاله .. ركض لا ركض .. يايابه مكطع افادي... رواء هااااا وضحى التحليل شايلتو تشوملين بي عجل لو اتي هيج شايتلو جان كلتي مفظوحة يولي ماتسكتين البيت فارغ عاد شكو اذا شوملت امشي عاد يالعنود لا تشلعين كلبي... ضحكت كتلها الله يساعدج مو كتلج لا تروحين .. مشيت كتلهم هساع اجي رجعت وكفت كتلها يااااا خالتي رفعت راسها كالت لاتكوليهاااااا يولي كتلها خاله تراب وروكان غادي .. شلون..، جان تعيط بيه كالت امشي عبالنه عدها خبر .. يولي تحجين عن روكان جن جاهل ومضيعته ادري زلمه هو لو جاهل.. ضحكت كتله لا خطيه بالي يمه .. خل اسوي التحليل وارجع الكم طبيت للحمام قريت التعليمات ... وطبقتها ... دحكت عليه بنفس الحظة صار خط كامل احمر .. بعدين صفة وصار خط احمر طووخ واضح وخط ثاني خفيف حيل فتحت الباب طلعت.. صحت رواء .. يولي وينج .. خليت التحليل على صفحة داغسل عالمغسله ... وجان يجن يركضن رواء عاضه دشداشتها بحلكها وتركص وضحى وراهه.. من شفتهم بهالمنطر ضحكت ضحكة من كل كلبي.. كتلهم شبيكم صاحت وضحى يولي بشررررري... سديت الماي كتله شمدريني شو عبالك ماكووو.. رواء شو وخري ماتعرفين انتي... شالت التحليل كالت اكو حمل يولي .. كتلها صدك والله صاحت وضحى الله يبشرجن بالخير صدك. رواء اي بس بعده ضعيف يحتاج نتأكد خل نعيده باجر لو بعدها يطلع مضبوط... العنود.. لا ماتصور لان بالتعليمات مامكتوب هيج مكتوب خطين _ وج بابا الحمل ضعيف بعده يومين ويصير واضح وضحى .. يا الله .. الله يسمع منج .. لحد تكول الروكان خل انتأكد كتلها لا طبعا امانه لحد يحجي خاف ماكو وابقى بفشلتي... داحجي وجان وضحى تكضبني من وجهي كالت شو دحگي عليه فتحت عيوني وصفنت بوجهه ورواء بسدها واكفه .. كالت والله عيونج مكرطه ... سحبت نفسي كتله اسم الله شلون يعني... كالت عيونج مكرطات عيون حامل يعني... ضحكت كتلها ها جنجن سوالف امي... خل اكمل الغده وهي تبين ..تعاي رواء ويايه اكعدي يمي... اخذتها وطبيتا للمطبخ بقت خالتي وضحى بالهول تباوع عالتلفزيون...حمست البصل وكملت المرك .. قبقته ورواء يمي كاعده ماده رجليها ومخليه ابنها وتهز بيه تريد تنومه .. داغسل بيدي وجان اسمع تلفوني يدك .. صاحت وضحى يمه تلفونج تعاي .. سديت الماي بسرعه نشفت ايدي وطلعت اركض ... كلت اكيد روكان.. شلت التلفون .. دحكت رقم امي كتلها لا هاي امي.. جاوبت طلعت ضي،،، كالت تعاالي باجر حنة نهلة بنت عمي .. وراح تصير حفله تخبل .. نهلة جان اقرب شخص اليه صديقه الطفوله ربينه سويه جانت تختلف عن كل اهلها ولا عبالك اخوها طلال حيل احبها .. روحي بيها .. ودازتلي سلام وتكول لازم تحظر حفلتي... كتلها سلميلي عليها وكوليلها راح اجي مستحيل افوت هاليوم..، سلمت على امي وسديته .. كتلها يولي رواء ًباجر حفله بنت عمي تهيري تا انسدح عالجربايه وتمكيجيني... كالت وضحى .. ديربالج تروحين بدون ماتكولين الروكان.. كتلها لا بعد نوبه العلمت ماضرت.. مستحيل اروح ومااكله شفت الفركة شسوت بيه جان خوش درس اليه ههههه عاد صار الغده وتغدينه وصعدت اني ورواء اندور شي للحفله واني كل شويه اشيل التلفون واخابر يطلع مغلق... مر اليوم وصار الليل وبقن يمي وضحى وراء .. وهو مابين .. الثاني يوم وجهازه مغلق .. حدرت نزلت الهدوم خليتهن بالغساله .. وضحى ورواء كاعدات بسد الصوبه ديتريكن. .. واني اروح واجي بالبيت اريد اشتغل ماكدر روحي تلوب عليه .. كل شويه افتح باب المطبخ.. اشوفه جة لو لا..طلعت شريت الهدوم وطبيت للحمام داتوضى .. ورواء وخالتي بالمطبخ.. توضيت وكملت ... دانشف بالخاولي... جان اسمع صوته .. فتحت باب الحمام بسرعه اريد اتأكد .. جان اسمعو يسلم يحاجي ابن رواء ... بحزتها .. شلون واحد ميت وردتله روحة وكفت عالمريه كمت اعدل بشعري.. وطلعت امشي اسمعه يكولهم وين العنود شو ماكو... كلتله جوه توها فاتت.. مشيت وكفت بسد باب المطلخ .. هو واكف منطيني طعره شال ابن رواء كال اله ها يول .. اليوم هينه .. يبوس بي ورواء لابده بسد الكاونتر كوه تجاوبه تممتمت بالحجي .. مستحيه من عنده .. طبيت وجان اكوله الحمدلله عالسلامه .. صد عليه ابتسم كال الله يسلمج.. جة يمشي ونطاني الوليد .. كالو خل ابدل .. كال هاج اكضبي.. رواء كالت انطينياه وروحي وياه... اخذته رواء من عندي.. هو كعد عالكرسي كال تعباااان مونايمين دينزع بحذائه .. رفع راسو عليه كال جهزي الحمام... كتله كلشي جاهز فوك .. كان الحيله ملابسة كلها تراب كالتلو وضحى شسويتو هناك عاد.. _ شسوينه الله سترنا .. همر عسكريه واكفه عالرصيف.. انفجرت .. وجام السياره تكوم علينا.. .. لو قريبين منها حرام ان جان طلع واحد من عدنا .. بس اني عرفتها من بعيد وكفت ارتل كله _ يايابه والله راح تخلص كلوبنا شلك بهالسالفه بعد لا تطلع واجبات كال الها سهله خيتي.. طب يمشي بالهول وكال عنود الحكيني كتلو جايه جايه... صديت على رواء مدري شتإشرلي بيدها كتلها هااااا شو اخرسيتي من شفتي روكان.. الي يشوفج يكول فقيررررره ... هههههه _ يولي عيب استحي من ابو عدوان... اني راح اخذ ابني واروح سمعها روكان وهو عالدرج .. جان يصيح لا تروحن ابقن اليوم يجون يمي الربع عالغده ابقو تغدو هينه. كتلها سمعتي لا تروحين عيني الخجلانه ... عفتهم وصعدت وراه اركض لكيته دينزع بالبنطرون ... طبيت وطبكت الباب ورايه ... دحكلي صفح كال ها البارحة ماكو صواجع.. ابتسمتله كتلو لا الحمدلله... منو الي راح يجي عالغده... _ عساف وسعود.. سوولنا بانيه ( باميه) وصيت سعود راح يجيب سمج وياه... ها عجل خل الحك انزل اسوي وياهم الغده.. فتحت الكنتور طلعت ملابسة والمنشفه... كتلو هاي ملابسك... _ انطيني الشاحنه من يمج .. من البارحة طفى وماكو مكان اشحن التلفون... هاي الشاحنه نفس مكانها .. اخذت التلفون وشكلته عالشحن.. صديت لكيته يدحك عليه .. كال انزعي هاي الابستها والبسي ثوب عريض.. دحكت عليه كتلو مابيها شي ليش انزعها _ يولي انزعيها لا تسولفين جثير من يروحون شتريدين تلبسين اللبسي بس مو هسه ... وحمره ومدري شنهو لا تخلين شلج بيها ضحكت كتلو شبيك منو كال راح اخلي راح انزل حتى الحك.. بس تره اليوم معزومة .. على حفله ... صد عليه كال وين ... كتلو مو هين يم اهلي... وتباتين يعني...؟ مادري خل اشوف ... سهله سعله... شال المنشفه وطلع... مشيت وراه سديت باب الغرفه ..، اريد احدر.. جان يكضبني ويسحبني عليه ... كال وين تريدين تروحين وتعوفيني.. دحكت كتلو راح يشوفونا.. شبيك.. همس داحاجيج عوفيهم .. وين رايده اليوم .. يرضيج ابقى وحدي... يحاجيني واديه على خصري وجهه قريب من وجهي كال اربع ليالي عفتيني ورحتي ... كتلو الغده خل انزل.. بعدين حاسبني ههههه كال ول هي غده مو احاجيج .. كتلو بس هاي صديقتي ماكدر مااروح اريد اكمل جان يقرب راسه وباسني من شفتي.. وخرت .. كتله روكااااان راح يشوفونا .. احاجي وعيني جوه اخاف المفضوحة رواء تشوفني... كال_ عليش اتراجفين وعينج عليهم مايشوفون وشنو يعني.. مرتي وبيدي .. شبيج يولي... لا تخليني اخذج واقفل الباب هسه عزززززه دفعته وخرت اديه.. ركضت وكفت يم المحجل كتلو البارحة عفتني وحدي واليوم اني اعوفك وحدك... بقى يدحك عليه والمنشفى على جتافو .. اشرلي بيده .. تعاي اريد اشوف منهو الي يخليج تطلعين... اليوم تجين لو لا. راح انزل وراج شو تعاي هينه اكفي كبالي... كتلو بصوت ناصي الغده شبييييييك... حباب عوفني انزل عيب وحدهم البنات خل اساعدهم كال خوش حجة لكيتي .. بس عاد وين تروحين مني حدري حدري تكضبج ايدي... سهله... ابو رواء اليوم مايشفعلج كمت اضحك عليه شلون محموق ويحجي و حدرت اركض واني ميته ضحك وهو مدري شيحجي ويدردم بينه وبين نفسه.. طبيت تلكتني رواء كالت هااااااااااااااا كتلها وجعااااااا شكو هم ادورين علوم... كالت تحجين لا بالجدريه اركعج شيرين منج .. يولي جهزت الحمام ونزلت .. كتله اريد اروح الاهلي شو مدايقبل _ يولي .. لا تصيرين فاهيه تدلعي عليه وعمري وكلبي وحياتي وطكي بحجولج بسالفتين تقنعي حرامات تفوتج الحفله .. واذا يرهم اخذيني وياج ... هههههه صدك يولي تجين ويايه... والله اذا قبل سي السيد العندي ليش ماجي.. اخذيني يولي ماتخسرين اكلبلح الحفله ديسكو،. كله الهجع الهجع... هههههه دخل يقنع سي السيد العندي اخذج واخذ حتى خالتي .. اووف اذا ماخلاني اروح اليوم صدك اتخبل.. امشي خل نلحك نكمل خاطر يبقى وكت انتهير... كالت اي يله... طبيت اني رتبت الربعه وفتحا الشبابيج.. مسحت البوفيه كلها تراب وطلعت وياهم سوينه الغده والزلاطه.. داسوي بالخيال وجان يندك الباب.. دحكت رواء ماكو .، وضحى دتصلي .. كمت الحيلي فتحت الباب.. لين سعود كبالي.. من شفته مدري شصار بيه جني كبالي الصور والمحادثه.. بقيت جامده بمكاني ماعرف شحجي هو دنج راسه سلم كال شلونج.. عدلت شالي كتلو الحمدلله فوت كال لا اريد شبگة مال سمج .. تانشويها.. كتلو هاي البيدك سمجة انطينيا خل اغسلها واملحها... _ لا لا مابيها شي بس عايزها ملح وهاي السوالف .. ضحكت كتلو انطيني.. اخذتها .. خليت الصينيه بالكاع .. فتحت العلاكة .. كتلو شو عبالك تتحرك .. عفتها وخرت كال لا يمعوده انطيني طلعتي خوافه... خلها بالصينيه وجان تكوم تتحرك .. ضحكت كتلوو ها مو كتلك.. كال هسه تموت ديحجي ويايه .. ونضحك وجان يفوت روكان صديت واكف ورايه .. لابس الدشداشه وديسد بيده بالساعه بقى يدحك علينا .. كام سعود وكف الحيله .. كالو طلعت تخاف منها انطيني الشبكة من يمج.. ركضت جبتها خليتها الها فرشه وسد عليها كال اني راح اطلع اشوي اكو حطب بره مو.. كتلو اي موجود شالها وطلع.. وروكان بالباب واكف .. يدحك عليه ماحجة شي لكن نظراته موطبيعيه.. عافني وطلع وراه.. غسلت اديه وطلعت مالكيته بالطرمه.. مديت راسي دحكت شفتو واكف ديخابر.. وسعود ديكسر برجليه بالحطب..اندك الباب البره وجان يطب عساف .. سلم عليه وراح عليهم وره البيت.. طبيت كملت كلشي وهمه بقو بره يشوون مدينه السفره بالربعه وصبينة الغده وكملنا كلشي.. عاد طبو تغده همه وخالتي وضحى .. خليت القوري عالنار ويمي رواء كاعده اتطعم بأبنها .. طلعت الاستكانات داغسلهن وجان اشوفه طلع قبل الكل .. سديت الماي وركضت وراه.. دحكت يم المغسله مالكيته.. وين راح .. تصنتت سمعت صوت المغسله الفوك مفتوح .. صعدت وراه... اخر درجة باوعت مدنج ديغسل... مشيت عليه شلت الخاولي وكفت وراه.. رفع راسه باوعلي بالمرايه ... وسد الماي.. صد عليه .. كال ها شو صعدتي.. اخذ الخاولي وكام ينشف.. كتله شو احسك ضايج .. صفن عليه كال شلوون هيج حسيتي ...! كتلو ماعرف بس احسك ضجت لان شفتني واكفه يم سعود ماردلي مشه كال سويتي جاي اريد جاي .. وكفت كباله ولزمت بيديه الياخة مالت الدشداشه وكمت اسوي باادكم هو بس صافن عليه رفعت راسي عليه كتلو بداعتي خمو زعلان .. يولي عليش ازعل شبيج شو كوه تسوين سالفه على روحج .. عجل شبيك شو مدري احسك مو طبيعي مابيه شي بس تعباااان يومين مو نايم ... مديت اديه على ظهره وحظتنة .. راسه على صدره كتلو الغرفه دافيه اذا تريذ تنام ... مد ايده ورفع راسي كال بعدج تريدين تروحين الاهلج .. هزيت راسي اي.. تنهد كال شلون يولي والله ماكدر بلياج... حبيبي هي ليله وحده بس حباب... زين هي الحفله مالمن غير افتهم.. اكو زلم شي .. شتلبسين اللبس الي يعحبك بس خليني اروح عفيه بداعتي زين مالمن الحفله ... رفعت راسي عليه كتلو حفله بنت عمي ماتعرفهم ... كال هاااا عبالي من بيت طلال.. سهله للعصر افكر... جوز اوافق جوز لا .. بقيت ساكته ماكتله حفله اخت طلال .. رفعت رجليه وبسته ورجعت بسته وبسه تلث مرات...وهو بس يضحك عليه كال ها يولي شجرالج... كتلوووو مشتاكة حيييل.. بس شنو هاي شواربك تجكج سحب راسي على صدري وكال بعد شاربي ... شو هيج ضعفانه يولي... مد ايده رفع حنجي .. كتلو مادري خل اروح الجاي احترك هسه.. مديت راسي بستو نوبه الخ وحدرت اركض... صاح يولي لا تكعيين ... وصلت النص الدرج.. وكفت وصديت عليه ورجعت شمرتله بوسه بالهوى... يدحك عليه اشر بديه احتركو أهلي.. يول خل تكضبج ايدي... ضحكت وطبيت للمطبخ اركض.. تلكتني رواء جايبه المواعين وشايله السفره وصابه الجاي واكفه عااسنك دتغسل بالمواعين.. كالت هاااا.. وجهج يضحك بشري قبل تروحين.. كتله اي تقريبا وافق.. استعجلي خل نكمل حتو اسوي مكياجي كالت صبي جاي الروكان هسه ذاك برد بين مااكمل اني فتحت الكاونتر طلعت الاستكان لين هو كبالي دينزل عالدرج وديسوي بسنونة .. دحكتلو بنظره دلع .. ابتسملي من بعيد وطب للربعه .. صبيتلو الجاي وكملنا..اخذو النركيله وطبكو باب الربعه عليهم .. اسمعهم مشغلين اغاني عساف يطك اصبعتين... كتلها امشي حماج اليوم منطلق ويانه... دزيتله رساله توديني كال اي تهيري.. كتله يله اشتغلي وافق.. طلعت الفستان وسويت شعري والمكياج ... جهزت نفسي عالاخر...داللبس بالحذاء جان يدك الباب .. كتلت رواء راح انزل هاي روكان جة.. فتحتله الباب طب هو وهي طلعت... بقى بالباب واكف واني داللبس بالحذاء كمت الحيلي .. واني فرحانه افتريت يالفستان كتلو حلووو احاجي مايرد... كال وين رايده.....! ضحكت كتلو شبيك مو كتلك للحفله مال نهله... جتف اديه الاثنين ليوره .. كال .. هي نهله هاي.. _ شبيك مو كتلك بنت عمي... كال كتيلي بنت عمي وكتلج عبالي بيت طلال بس ماكتيلي هي اصلا اختو الطلال... صفنت عليه كتلووو انت شلون عرفت... _ مووووشغلج هذا شلون عرفت ليش اتجذبين عليه... اني مادجذب عليك بس.. بسسسسسس شنوووو حاجيني... تريدين تروحين بيت زلمه باعج اني حرمتي تروح بيت هالخسيسسس ابو القماررررر... عجل كولي مابقى عقا براسي خاطر اخليج تروحين ليش دتصيح شسووويت اني واذا رحت شعليه بطلال هاي راح تبقى طول عمرك هيج يوووولي اسمعي مني روحة ماكووووووو لا بيت طلال ولا بيت اهلج منهين لما يكطع عقلي عجل ليش كتلي اوديج تهيري وخليتني ساعه ااجهز بنفسي وهسة تكلي ماتروحيناني شعليه بطلال اني اروح اليوم نهله صديقتي وعدتهاا اروح اذا ماتوديني اخلي جابر لو خلف ياخذوني.... بالحراااااام الباب ماتطلعي واريد اشوف منهي التطلع الباب ذيج المره عديتها هالمره رجليج اكسررررهن... افتهمتي انتي طالعه عينج زايدددددد ليش دتحلف شبيك هاي كله لان اريد اروح البيت طلال يولي لا تخلينييي اطلع من طوري... واسب هسسسسه مااخلي.. انعل ابو الحنه لابو السوه الحفلة .. واذا طلعتي منا وكسرتي كلامي ... ماتصيرلي مره وانتي طيبةةةةةةة يتبع ....حلقات قصيره واختم ... فصل القصه 💔 | ||||||||
|
| |
|
05-01-20, 08:54 AM
| #26 | ||||||||
| مراقبة عامة ومشرفة منتدى الروايات المنقولة
| الخامس والعشرون يوم جت عيني بـ عين?? وبتسملي مليون #احبك قلتها من غير صوت💜 #ابو_عدوان #مذاق _العشق #بقلمي_نشوى_السلطان ليش دتحلف شبيك هاي كله لان اريد اروح البيت طلال يولي لا تخلينييي اطلع من طوري... واسب هسسسسه مااخلي.. انعل ابو الحنه لابو السوه الحفلة .. واذا طلعتي منا وكسرتي كلامي ... ماتصيرلي مره وانتي طيبةةةةةةة _ ماشي عادي ماروح خليني هين اسجني احسن .. كعدت عالجربايه نزعت الاكسسوارات كمت اشيل واكط عالجربايه وهو واكف غادي مني مجتف اديه الاثنين وخازرني بعينه.. رفعت راسي عليه كتلو ..يعني گول ماخذج اريد اسجنج كول اريدج بغرفه وحدة لا طبة ولا طلعه ..موو هذا الي تريده _ اششششش حسج لا ترفعي بوجهي.. يولي اعرفي شلون تسولفين هي سجن هذا التججين عنه.. شو مدلله ولتريدي يجرالج.. وكفت الحيلي .. كتلو لا سجن ... بالحديقه اطلع كلت طبي بالطرمه وهم ممنوع .. اذا اضحك ويا احد تكلب وجهك عليه لبس حرمتني من كل هدومي.. شلبس كلت هذا ثوبج مو راهم يعني اريد افتهم هو شنو الي مو مننوع عندك .. أنت ليش هيج تسوي بيه طب يمشي من جدامي.. وارتجة عالميز.. كال هسه انتي التريدي شنو.. اي الكلتي هذا كله ماقبل عليه .. عندج إعتراض حرمتي وماريد عيون غير عيوني تلمحج... _ زززززين ليش.. يعني اني هم بشر اريد اطب اطلع ليش كلشي لا ... والله خنگة _ مامنعتج من مكان الا واذا جان هالمكان مو من مستواج وين تريدين ها.. وين حاجيني دحگي بعيوني من احاجيج ولج اذا انتي حليمه على زمانج ماتفوتين بيت زلمه باعج ... بيت قمرجيةةةةة حرمتي ماتفوت هناك لو الدنياااا تكنلب.... ماتروحين بيت هالنذل القمرجي طلال.. _ هاااا عرفت والله راح تعيرني وتكلي باعج .. يولي شو مدري شلون تسولفين...شبيييييج حرمتي انتي كافي عاد السالفه سديها وكلت روحة ماكو.. لا تناقشين اكثر _ حجاهه ومشه .. مشيت وراه وكفت كباله.. وتخوصررت كتله وين رايح ..عادي عندك اللبس وتهير وبكل برود تجي وتكلي محد يطلع الباب.... احاجي وهو يدحك عليه بنظره .. حاقده كال ليش جذبتي عليه... ليش ماكتيلي الحفله بيت طلال.. ليش خليتيني اسمع من ابو قصي.. يولي تعلمي واعرفي طبعي ماحب الحرمه الي تجذب على رجلها .. ولا تكرريها ماريد أشوفج بعين زغيره... يولي كبري عقلج اني مداجذب بس كلتلك هيج ادري بيك ماراح تخليني اروح واني نهله صديقتي من الطفوله .. شلون ماروح بعرسها هسه هي كاعده وتنتظرني ... خطية شراح اكول اللها _ زين سؤال .. هيه نهلة مدري شسمها جت بعرسج... لا ماجتي... خوش عجل انتي كلتيها بنفسج عرفت راح تمنعني... شلون عرفتي ها لو لأن تدرين بروحتج عوجة ومو راهمة... المفروض من زمان هالبيت تخلين عليه علامة اكس.. وتنسيهم .. لأن هيج عمام مايناسبوج... وخري خل اطلع لا تكفين كبالي... تره تعباااااان وجيت ارتاح ... بس.. أخ كلجن نفس الشي.. محد تقدر وتكول جاي من تعب خل ااااااكوووون يمه ... خاف يحتاج شي.. مافكرتي بيه هاااا .. واني جنت بيني وبين الموت شعره.. بس تفكرين تروحين وتونسين نفسج.. يولي... تره الگبلج هم جانت هيج.. بس تاليها وين صفة.. ياابويه.. اعرفي طبعي.. لا تتبعين طريق زينه جبتج بمكانها وكلت حرمه معدله ..الكه يمها أهتمام تكف فوك راسي وتكلي شمحتاج شتريد اني عندك .. بس من جبتج لليوم وانتي اتكلبين عليه مثل الدهر..غلطتي جثيرررر وعدينه وكلت تمووووون... خل انزل ارتاح .. وركزي بكلامي عدل .... لمو أحبج جان خسرتي الاول والتالي كال هيج وخر من جدامي عبر فتح الباب وحدر.. مشيت وراه.. دحكت عليه من فوك شفته حدر سريع.. فتح باب الربعه وفات.،. طبيت للغرفه.. وطبكت الباب. كعدت على الجربايه نزعت حذائي.. وتربعت عالجربايه.. صفنت بكلامه.. شوية وكمت دحكت على نفسي بالمرايه وكمت احاجي روحي.. اي ماينلام بيه اني هم مدري شون افكر.. هو تعبان المفروض اكعد يمه .. شو مثل الخبله اني من راح للدوام كلبت الدنيا عليه وروحي طارت وراه وهسه اريد اروح واعوفه.. اني شبيه اذا زعل وعافني يمكن اموت وراه... فتحت الكنتور طلعت دشداشه .. وشلحت اهدومي .. بدلت .. لميت شعري.. شلت الروب بردانه.. لبسته ولملت الذهب من الجربايه خليته بمكانه عدلت الغرفه .. وحدرت وراه...وصلت الاخر درجة .. سمعته يحجي... جطيت وكفت بسد الباب.. مفتوح شويه.. دحكت عليه مرتجي عالمخده ومنطيني ظهره ويخابر... ماسويت صوت عبرت .،عفته اكيد هسة هو ضايج كعدت عالقنفه بالهول.. شويه ورجعت كمت.. باوعت بعدو يخابر كمت افتر بالبيت احوص.. مدي افوت يمه وارجع اتردد اريد شي اللهي نفسي بي.. حتى شوي ترتاح اعصابي واعصابه وانسى طلعت الاوتي والميز.. جبت ملابسه من الحبل... كعدت اكوي بالهول... كويت الدشاديش وكمت اكوي بالغتره.. اكوي وعيني على باب الربعه... ماكو صوت.. شو سكت... كمت اكوي عالسريع كملتها سفطتها ورجيتها عالطخم.. طفيت الأوتي... ومشيت وكفت بسد الباب.. على كيفي دفعت الباب بطارف اصبعي.. صار صوت .. وخرت وكفت يم الحايط... شوي ورجعت مديت راسي.. دحكت عليه متمدد... معقول نام... دفعت الباب على كيفي وطبيت...امشي على روس اصابيعي.. دنجت دحكت عليه نايم وايديه جوه راسه ... وشكله غركاان بالنوم طلعت امشي جبت البطانيه وطبيت غطيته ...ياعيونها للعنود .. قهرتك اليوم وغثيتك وانت تعبان... ... ثنيت رجليه الاثنين وكعدت ادحك عليه... وهيج احسه بعيني ملك احلى زلمه بالدنيا .. مديت رجليه وتمددت بسده.. ورجيت اديه جوه راسي بقيت صافنه اتأمل ملامحة ... رفعت ايدي.. مررتها على وجهه على كيفي.. صرت االعب بشواربه... بأصبعي.. أول مايتحرك اجفل واجر نفسي .. تمددت بسده وخليت راسي على صدره... اسمع دكات صدره رفعت راسي بسته على كيفي ... وسحبت نفسي تربت وكعدت ادحك عليه .. شكد يبين تعبان خطيه.. حرت شسويت بي وهو مايدري سحبت الغطى غطيته زين وكمت...الحيلي صعدت الغرفتي دزيت رساله الضي كتلهم مااجي.. وكطيت التلفون عالشحن شلت افراش الجربايه ... صفطت اللحاف وطلعت بطانيه جديده وفرشت الفرشه... شلت البدله العسكريه.. والتلفون وحدرت.. غسلتها شريته كملت شغلي بالبيت .. اروح واجي وعيني عالربعه.. نايم.. غوربت الدنيا ... وهو ماكعد... شغلت الصوبات... بالبيت.. وطبيت للربعه مشيت كعدت يمه .. دحكت تلقونه من غادي .. يضوي.. مديت ايدي جريته.. 4 مكالمات لم يرد عليها.. اهوو هم الدوام اكيد مايخلو يرتاح.. كطيته ومافتحت المكالمات.. رجعت مديت رجليه وتمددت بسده.. بقيت صافنه وافكر بكلامه.. جثير داقهره بهذا طبعي..صديت عليه رفعت ايده على كيفي وخليت راسي على ذراعه ونمت.. صفنت عليه واتذكرت لمن الصاجعات وكعن وختلت يمه .. اتذكر اتبسم مثل الخبله الله شلون ايام .. جنت شاعله كلبو شعل... هههه شكد يعجبني اللعب بأعصابه واداهره.. واشوف غيرته.. اوف والله اموت عليه ياربي اليوم ماراح يكعد حگه يومين مو نايم.. سمعت تلفوني يدگ اي يمكم اهلي.. وخرت الغطى اريد اكوم .. وجان يجرني من اديه صديت عليه وشعري صار على وجهه.. مد ايده وخر شعري ابتسمت كتلو كاعد... ! همس بصوت ناصي.. وين رايحة.. تلفوني يدك يمكن اهلي... كال عوفي.. وتعاي يمي كتلو بس شلووون .. خاف يردون شي...احاجي ولا اهتم .. سحبني عليه ونومني.. على ايده.. كتلو تره صارت المغرب.. كال اي ادري تعبان اليوم حيل.. اذن المغرب لو بعد.. لا ماسمعته اذن... تكعد... لا خليج شويه يمي... عبالي اكوم اسوي عشى... شتريد اسويلك كال ماريد غدة اليوم جان ثگيل وحيل شبعان.. ها اشوف جيتي بسدي نايمه .. رفعت حاجبي وكتلو مو انت الي سحبتني.. كال يرحم اهلج اني هسه سحبتج منهو الصار ساعه يبوس...!!! فتحت عيوني عليه كتلو جنت كاعد... ابتسم وسحب راسي على صدره .. كال بين الكاعد والنايم حسيت عليج بس النوم اخذني بس شجابج يمي مو ردتي تعوفيني وتروحين.. كتله ممكن ننسى هالسالفه.. واعتبرها ماصارت.. كال ننسى يابه ننسى .. هو اني دوم انسى واعديلج.. رفعت راسي عليه كتلو.. شو كل شويه تكول اعديلج تريد تقنعني انت مو حاقد عليه... _ يولي لو حاقد عليج ماجان هسه انتي بين اديه.. أكو واحد يحقد على روحة.. بس نوبات تشلعين گلبي وتوريني ور من تكليلي تمنعني.. من كلشي.. اي امنعج.. أني الشي الالي مااريد احد يلمحة اني لو عليه ماخليج تطلعين الباب.. بس نوبات اتساهل وياج اكول خطيه هم حگها.. هااا عاد شون تساهل هو بس بالبيت اني شايفه .. يولي بالبيت وبحظني.. تسوى الطلعه وابو الطلعه شبيج يولي اشبعي مني شوف جوز ماتشوفيني بعد... اسم ااااالله لاتكول هيج .. گلبي اهجسه يموت من تكول هيج _ عجل اسكتي .. ولا تحجين وخليج.. بحظني بردااان اتذكر الصواجع... اي يابه اتذكرهن .. من جطيتي عليه شويه واولا جان كسرتي ضلوعي من شعلتي جدي السابع عشر.. اخ منج شسويتي بيه ههههههههه صار ساعه اتذكر واضحك ..شسوي غير اخاف اكول حبيبي باجر خميس وبس باجر دكتوره لمياء تكعد اريد اروحلها.. _ اووو هم دكتوره خير شتسوين يمها... هااا لازم زينه تراجعها.. هسه انتي وين رحتي .. على زينه احنا مو دنحجي بالدكتوره اي صحيح .. المهم اريد ارجعها.. اي ليش يايابه غير افتهم هيج اريد اشوف افحص.. حالي حال النسوان اي يابه حگ ميخالف اوديج.. باجر هسه دحچي عليه يولي منو ملغمطج هيج..! ضحكت كتلو حلووو هاي رواء.. مكيجتني بس من الظهر وراح جان حلوو..، لا ماراح هاي كله بعده. . وداعتج ليش شبي مو حلوو امسحه..! لا خلي عليه اني امسحه... ابتسمتله كتلو حبيبي... اني ضوجتك اليوم والله موبقصد ومعبالي راح تظوج... احاجي وهو يلعب بشعري.. كال سهله سهله ماصار شي..يبعد العمر .. هسه عوفج من الراح الحمره مو حلوووه... يولي رفعت حاجبي وفتحت عيوني بزعل كتلو صددددك.. كله صوج رواء كتلها ماريد هاللون .. داحجي جان جرني عليه كال يحتاج اللها مسح... عرفت عاد حزتها شيقصد...بده يبوس بيه ،. سحبت الغطى وتغطينى......!! .. وو كمت على صوت تلفوني... كتلو لازم اشوف هاي اهلي جوز ماوصلتهم الرساله... طلعت اركض للهول.. دحكت .. 3 مكالمات لم يرد عليها.. فتحت السجل رواء.. ضحكت ههههه هاي رواء ادور اعلوم عبالها رحت.. كطيت التلفون طبيت للربعه لكتو كاعد وبيده التلفون.. كتلو حبيبي هاي رواء مو اهلي... كال هاا منين طلعتلي هالرواء شدونتني شكد دكت .. جهزيلي الحمام اريد اسبح.... كتله راح اصعد جدامك.. صعدت طلعت هدومه وعلكت المنشفى بالحمام طلعت امشي بالبممر اريد احدر.. شفته ماصعد ورايه.. حدرت سمعتو يخابر .. ويزكح مدري شبي... حدرت عالسريع.. طبيت للربعه.. شفته واكف يم الباب منطيني ظهرة يخابر وبيده الجكاره ... اسمعه ايكول لا خليها اتأدب .. مره تسوي هيج لعبه جبيره وتهجم بيوت ينخاف من عدها اني لمو اكول بنت عمي .. وام بنواتي بالحرام ماتصيرررلي مره.. بس خليها اتأدب يمكم مال اطب بيتي لا والله .. هاي تسويلي سالفه اكبر .. اي ماطب عجل ادز صور الحرمة للزلم .. اني من اتذكر سوالفها اعتلگ بالحرام الا اهجرها ... مدام هيج سوت... كليلها بعد لا ادك تره اجي اهجم التلفون عليها... بقيت واكفه واسمعه وهو يصيح ومنفعل.. سد التلفون وصد عليه.. كال طفي الصوبه اشتعلت ركضت عللصوبة طفيتها... ادحك عليه وجهه احمر ويروح ويجي بالربعه.. كال الحمام جاهز.. كتلو اي جهاز ... جيبي الشاحنه وكطي التلفون عالشحن... كتله هاي زينه الي خابرت لو منو... عوووفي السالفه خل تولي مو شغلج... كال هيج وطلع يمشي للدرج شفته عصبي ماناقشته عرفتها زينه لو امها.. صعد غسل واني سفطت الفراش البربعه .. صعدت اخذت الدشاديش علكتهن بالكنتور.. طلع من الحمام... الخاولي على راسه... ولاف جسمه بالمنشفى.. طب كعد عالجربايه .. كال احد اتصل كتلو ماسمعته اني وراك صعدت .. اجيبلك الصوبه خاف بارده لا عوفيها ماريدها.. صاير نار... سويلي جاي وعشى ماتريد مو... لا ماريد عزلي الربعه خاف يجون الربع.. كتله اي جاهزه مابيها شي راح انزل اسويلك جاي.. طلعت الدشداشه وملابسه الداخليه خليتهم بسده.. ركضت جبت الشحاطه خليتها يم رجليه.. كتلو انزل اسوي جاي لو محتاج شي كال لا انزلي .. كلشي جدامي خليتي ماعليج قصره.. كتله عجل لا تتأخر انتظرك جوه.. طلعت امشي اريد احدر.. بالممر ريحته الصابونه.. ومعجون الاسنان.. مدري شصار بيه حسيت نفسي كامت تكلب... خليت ايدي على خشمي وحدرت غسلت القوري خليته عالنار.. صار لايت عالشباك.. سحبت البرده اريد اشوف منو.. جان يكول سديهااا شبيج ماكتلج لا تفتحيها صديت عليه كتلو مادري منو جة.. اي عجل مادام ماتدرين منو ليش فتحتيها .. شمدريني اكيد ولد عمك يعني ماكو احد غريب يفوت للبيت اذا جابر مو ولد عمي .. ماتفتحين الباب عوفي هالسالفه عالزلم جة يمشي وفتح باب المطبخ .. كال جوي الولد راح افوت للربعه سوي جاي جثير لان جوي اكثر من ازلمه.. طلعت الصينيه كمت اصب صينيه وره صييه صعدت غسلت ونزلت وهمه بعدهم .. مر الوكت وهو كاعد جوه وبس ريحة الدخان فايحة من الربعه.. وني نفسي لعبانه من كلشي.. كمت شغلت التلفزيون .. درته على ابو ظبي .دراما جانت طالعه إعاده مسلسل ماري جوي.. جريت المخده بسد الصوبه وتمددت بقيت اتفرج صارت الساعه 12 خلصت وكمت الحيلي طفيت التلفزيون اريد اصعد الغرفتي حسيت نفسي نعسانه.. كطيت الريمونت وجان يطب يمشي كال ها وين... كتلو كمت اشوف الواحد عشره نعست راحو الزلم.. كال اصعدي هسه اجي راح اقفل البوب.. صعدت گبله .. طبيت غسلت وجهي وفرشت إسناني.. وطبيت للغرفه.. طلعت قميص نوم اسود.. طويل.. تمددت عالجربايه عاد صعد وره شويه.. لكاني كاعده.. كال شو كاعده بعدج كتلو غسلت وجهي وصحت .. تعال نام بسدي حتى انام ضحك كال جاي انطيني مجال.. كام ينزع بالدشداشه.. علگهه طفى الاناره .. وجة تمددت بسدي.. سحبني ونومني على ذراعه كتلو اني صحيت اريد تحجيلي قصه حتى انام.. كال ها يولي بدينه بالحرششه شتريدين.. ضحكت كتلو لا والله موشقى سولفلي عنك عن زوجتك الاولى شنو يعجبك بالمره شنو تكرهه احب اسمع كلشي يخصك.. كال ..شدورين سوالف بهالليل كتلو حباب اريد اعرف كلشي ... كال يابه مدام مو جايني نوم عجل خل اسولفلج ... الاولى حرمتي .. فقيره وصيله لكن على نياتها..يعني كلش فقيره وعلى وجهه .. وبنفس الوقت تعبانه .. من اخذتها وهي حالها هيج كبل تتمرض.. هي الي مشتلي على زينه .. من عرفت نفسها ماتخلف .. مشتلي وكالت اني تعبانه ماكدر اكون الك حرمة ..وتقوم بواجباتك بقت تلح هي وجدي وعمامي.. لحد ما بزعوني وافقت وتزوجت زينه ... وزينه بعد انتي شفتيها وعرفتيها... يولي مو. وكت سوالف هاي شنو شو بس هيج شنو هالاختصار ررر دحجي خل نفتهم هههههه ول يابه شعدجن سوالف النسوان شتفتهمين يولي ساعه بيش وانتي ادورين سوالف قديمه مو كتلك كولي شيعجببك بالمره ..! باجر باجر اكولج مو هالحزه تعاي نامي يبعد عيوني انتي تعبانه سحبني عليه ايده ونومني واني مثل الطفل كبل صدكت قشمرني ونمت .. ... كعدنا الصبح تريكنا كال راح اطلع للمعارض اني وسعود اذا حتاحيتي شي خابريني ديحاجيني وجان .. تفوت خالتي وضحى كالتله سعود وعساف بره .. كال عجل طالع اني كتله الله وياك مديت السفره وخليت غراض الدولمه كعدنا لفينه دولمه اني وياهه .. كملنا .. كمت خليت الجدر عالنار ..اريد الم الهوسه جان خالتي وضحى تكول .. جبتلج ويايه هذا دزتو رواء. مدت ايده بجيبها وطلعت كتلها شنو هذا مو تحليل كالت اي اليوم يبين اكثر عوفي البيدج وروحي سوي التحليل بلجي تبشرينا.. اخذته خليته عالكاونتر كتلها هسه بس خل الم الهوسه كالت والله الا هسه جدامي روحي واني المهن... ضحكت كتله ماشي خاله هسه اجي... اخذته وطبيت للحمام هذا التحليل شويه يختلف.. قريت التعليمات وجربت.. بسرعة صار خطين حمر... رجعت شلت الغلاف واني گلبي يدك قريت التعليمات مكتوب اذا خطين يعني حامل... فتحت الباب وطلعت واني طايره فرح صحت خاله خاله... خليته عالمغسله وكمت اغسل.. جت تركض خطيه كالت ها... يمه بشريني كتلها خاله حامل ديطلع خطين... كالت امانه الله صدك يعني ابشر روكااان.. وين تلفوني.. كتلها لاااااا دقيقه اني اكله عوفي عليج الله... سديت الماي دانشف ايدي وجان يفوتن نسوان اثنين شايله وحده عبايتها بيدها اول وحده ماعرفتها والوراهه طبت كبالها طلعت زينه.... جان تصيح زينه هااا شتريدين تبشري.... حامل مووو ...ومكيفةةةةةةة والرياهه كالت اي ليش ماتحبل والله ماتشوفين الجاهل وانتي طيبه كلتله وضحى خيرر شبيج زينه .. اي حامل البنيه عليمن جايه هاده عيب هالحجي اذا جة روكان وسمع الي تكوله امج ماراح يرضى _ اييييي امها وماقبل يكط بنتي علينه ولازگ بوين ماكو وحده دايحة .. شسويتي الروكان ها كولي شسويتن سحرتن مو .. تحاجيني وجان تدفع بنتها من كبالها و اجط عليه... يتبع........الي ديتجاوزون ويكولون القصه فاشله اذا انتم تشوفوها فاشله اتركوها اكو غيركم حبها وتابعها والي يكول ماكو احداث .. هي قصه هادئه لا بيها اجرام ولا عنف يعني من اول يوم ذكرت قصة رجل وإمرأه .. لا للتوعيه ولا ابد واذا القصه فاشله ماجان حققت هذا الرقم وراح توصل المليون ومن اول يوم نزلت وهيه بالمرتبى الاولى الكلمه الطيبه صدقة❤️ | ||||||||
|
| |
|
05-01-20, 08:55 AM
| #27 | ||||||||
| مراقبة عامة ومشرفة منتدى الروايات المنقولة
| السادس والعشروون #ابو_عدوان #مذاق _العشق #بقلمي_نشوى_السلطان يالعنود انتي اصلا بينهم ماتشبهين غير لون الشمس لو لون القمر لك عيون الله يعين الناظرين كل نظره منها شبت جمر ولك خطاوي قبل حتى لتخطين لأجلها اللاممر يصبح ممر وكل قاسي عود امامك يلين مايطول لويطول يندمر _ اييييي امها وماقبل يكط بنتي علينه ولازگ بوين ماكو وحده دايحة .. شسويتي الروكان ها كولي شسويتن سحرتن مو .. تحاجيني وجان تدفع بنتها من كبالها و اجط عليه... وكفت كبالي وضحى كالت الها لاااا الهين وبس شتريدين منها صاحت وخري خل اربيها بسببها بنتي مهجوره ومايفعل يرجعها من يوم الي لفت وهي هجمت بيت بنتي... اني بقيت بمكاني من الصدمه ماعرف شنو اسوي.. زينه ناعمه وضعيفه جنها عود ماسحه وامها تشبه عمليق الي بكارتون سندباد طوووول بعرض.. تشومل بيدها وتصيح... وتريد بس تكظبني بيدها بقيت محصورة بين المغسه والحايط وخالتي وضحى جدامي واكفه كالت الها عندج شي روحي حاجي ويا روكان بنتج غلطت غلط جبير جان تعيط من مكانها زينه ديله عيني خربنه نقشها.. هجمت بيتي كل مايجي يمي بس ايتصفن باله كله يمها.. هجمت بيتي من يوم الي لفت عجل شتريدين اسوي هاا اصفك الها حاجيني انتي عليش مدحوسه غادي اطلعي عليش خايفه اطلعي _ وضحى اسمعي يمه انتي تدرين روكان لو يدري بيج جايه وهاده شاراح يسوي بيج .. يمه تعوذي الشيطان وارجعي تره والله بس يجي ويلكاج هين ..يذبحج يايمه روحي واستري على نفسج تره والله بعد ماترجعين وتبقين مكطوطه عد اهلج العنود وخري خالتي وخري خل اشوف اني شتريد تسويلي شو فوك ما سويتي عليه ذيج السسسسسالفه النوب جايه هين هداده .. اذا ماعندج اهل يوكفوك عند حدج اني اوكفج _ وضحى اكفي يمه اكفي ماعليج انتي راح اخابر روكان هو يجي ويحلها احسن من هالحجي هذا... كالت هيج خالتي وجان تصيح امها اي اي يوضحى زينة بنت عمج هيج اتجازيها ادافعين للغريب ليش ليش ماخزر وياج طيب زينه كتلها لاتحجين هيج حجي خالتي وضحى ماعليها ... وهسه انتي وبنتج جايه شتريدين...؟ وضحى.. اصبري يمه خل اححجي... اسمعي يا ام محمد زينه بنت عمي وعلى راسي موكايله شي بس اني ماارضى بسالفتل العوجة اني حكانيه سالفة العوجة مااقبل عليها.. بنتج عالت وسوت سالفه ماتسووولف ورادت توكع البنيه حرام عليها .. كلشي الا الفضايح والشرف.. اتقي الله يايمه ... اليوم انتي تفضيحها باجر الله يردها الج الستر حلو يايمه .. وانتي جيتي لطشتي بيها سالفه ياريت صدك زينه اوووووو هسة صارت زينه موزينه وتتهم وتفضح اسمعي اكلج اذا بقى روكان هيج مايجاوب عليه ولا يمر يشوفني اقسم بالله اسويلج سالفه اكبر منها ... كاااافي عاد تزوجج ورضينه بس مال تعمي بالسحور وتخلي مايشوف دربه لا لهينه وبس كافي صارلي جم يوم مكطوطه والسبب انتي... وضحى ... شو خلي اخابر... الحجي مايفيد بيجن العنود سحبت نفسي وخرت خالتي وكفت جدامها كتلها لا خاله انطيني مجال ... اريد احجي ابرد نار كلبي... اكلج عيني عجل انتي من سويتي عليه السالفه وخليتيني بيت اهلي ايام لا اكل ولا شرب والقهر دكني دگ.. ًولليل ماانامه مافكرتي بيه ماكلتي شنو ذنبها ... اني لا سحرت ولا اعرف السحور جوز هاي عدكم اي بس عندي لاااا عليش اسوي سحر شبيه اني ناصني شي جوووز انتي فاهيه مامريحته شالعه كلبه وهج منج اخذي امج واطلعي لان اذا احجي مراح اخليج تكدرين تردين علية اصلا... يله عيني يله بيتي مو حلبه للصراع جابه هدداده.. اخذي هالبطله اليوياج وروحي... وديربالج من تطلعين عيني ام زينه خاف الباب مايكفيج.. دنجي راسج واعبري وضحى... اي امشي ام محمد انتي جبيره واعيه المفروض انتي الي ترجعين زينه .. امشن ويايه هسه يرجع روكان والله الا يذبحج انتي تعرفين طبعه _ ام زينه اصبري وضحى خل اشوف شددتحجي اكلج انتي عليمن ها عليمن هيج تكولين...عليه موو مقهوره من طولي ... امداهه البطن الجابتج.. ياريت تعرفين تحجين همه الرجال شيحبون يحبون المره الطويله المليانه عجل شترديني اكون خيط ببره ... لا شو هيج اني وابقي مدقوقه العنود ارتجيت عالحايط وضحكت كتلها اي خاله وانتي الصادقه ماتشوفين روكان عاف بنتج.. يابسه ماكو بيها غير العظام وضحى كافي يالعنود مو جنتي ساكته شحجااااج ام زينه لا عليش تسكتيها ادري بيها مقهوره من بنتي اسمعي مثل مانزلتي عليها ضره هم ينزل عليج والايام بينا العنود ضحكت بصوت عالي كتلها قصدج مثل مازينه سوت والله سلطني عليها ههههه خاله روحي اني مسك الختام لان اني مومثل غيري اعرف شلون احافظ على بيتي واخلي روكان مايشوف غيري... ام زينه ... امشي ام السحوره .. جماعة ساهي ولاهي سحورجن ترجع الجن وروكان يرجع العقله ويعرف هو فرط بحرمه تسواج وتسوه عمرج تحجي وتصيح وتباوع يمنه ويسره ادور شي تضربني بي بس تلاحكتها خالتي .. وضحى جرتها ومشت غادي مني وكفن يم باب المطبخ ويصيحن.. وخاصه عمليق ماسكتت لحظة... عفت المشكله والصياح .. واتذكرت الحمل... يمه اليوم روكان شراح يكووول ... اليوم يطير من الفرح...مشيت وراهن دحكت زينه بالطرمة واكفه وامها واكفه باب المطبخ تحاجي خالتي وضحى.. كامت تمطر وهنه الكرجة عمتهن ماسكت بس يكرجن بالمطر عفتهن ورحت ادور عالتلفون..مدري شبيه مخبوصه اركض هين وهين .. بلحظة نسيت اني شنو اريد اسوي .. اي التلفون .. شبيه انخبصت.. شلت التلفون طلعت رقم روكان... ايدي ترجف اريد اسيطر عالتلفون ماكدر مشيت والتلفون بيدي.. دحكت ماكو بالمطبخ.. حسهن صار بعيد التلفون يرن عليه .. ديدك. يربي بس ماريد... انطكع ومارد صفنت اكوله بالتلفون لو انتظره يجي واشوف رده فعلة يمه كلبي شراح يكول اريد اشوف فرحته بعيونه.. لا لا مااتسرع واكوله التلفون بيدي.. طلعت للباب المطبخ.. دحكت وضحى واكفه صحت عليه كتلها خاله تنكعتي واالدنيا بارده فوتي... صدت عليه وعمليق من بعيد خازرتني بعينها .. كالت يمه اني راح اروح دوايه مو جايبته .. كملي شغلج اني راح اطلع وياهن ومناك اروح للبيت عود اجي كتلها امانه عود تعاي تغدي يمي انتظرج خاله.. حان تكول تصيح ام زينه كالت اي اي بهذا مكرج خبلتي الزلمه بعد بعد شراح تسوين يمه منجن عشنه وشفنه بس ماشفت مثلج لزمت الباب وميته ضحك مارديت عليه .. طبكته وهنه طلعنً زينه تمشي وتسحل بروحها وعباتها تخوط بالطين.. خليت التلفون يمي وكعدت بالكاع كمت اثرم باللحم .. ثرمته وعيني عالباب شوكت يفوت شوكت يجي غير اهجس الساعه وكفت .. شلت السلگ غسلته .. دحكت عالساعه .. ماتصور هسه يجي ياربي ايدي ماتخاذ على شغله.. شبيه اتبسم واشتغل مثل الخبله نشفت ايدي وتربعت اريد ابدي الف.. وجان يدم التلفون.. صديت عليه دحكت رقم روكان.. رفعت الخط .. اريد احجي همست الوو.. كال ياهلا.. ابتسمت كتلو شلونك.. حبيبي الحمدلله يالعمر.. خير دكيتي عليه الجهاز جان بالسياره.. يحاجيني بصوت ناصي وحس زلم يمه .. كتلو اتصلت بيك ردت اشوف وصلت لولا.. شوكت تجي _ ادري وين رايح هههه وصلنا من زمان .. اني اجي فد شويه النوب يله الربع يمي لما ارجع.. دقيقه لاتسده... اكف _ اسمعج اسمعج ماسديته كولي... صفنت ماريد اكله على زينه واخرب الفرحة عليه خل يجي وبعدين اسولف اله.. كتله حباب لا تتاخر عندي شغله وياك كال ها تره البارحة الحنه اكيد اليوم العرس... روحة ماكوووو ضحكت كتله والله حتى العرس نسيته شذكرك بيه.. لا مو علمود العرس غير سالفه.. كال دروحي التلفون تنكع طلعت بالمطر واحاجيج.. خل ارجع سهله وضحى يمج اقفلي البوب زين لا تطلعين بره تره اليوم غيييم واحتمال يكعن يولو كتله دقييييقه قصدك شنو اليكعن... ضحك كال صواجع يبعد الصواجع واهلهن لا حبااااااب تره ووحدي وضحى راحت كمت الحيلي مديت راسي من الشباك احاجي وعيني عالغيم كال لاتخافين اشاقيج هسه اني شمدريني يكعن لو لا نوبات انتي هم عقلج صغير شبيج تخافين يله اقفلي البوب واكعدي بين ماارجع كتله عليك الله لا تتأخر لان صدك حيل غيمت اذا وكعن اموت لا لا ماتأخر مشوار النوب وراجعين... يولي تنكعت والزلم عفتهم وطلعت يله مع السلامه .. ماشي عمري الله وياك سديته ورجعت المكاني كملت الدولمه وخليتها عالنار .. نظفت الهوسه ولميتها.. امشي وادحك على بطني فدوه هين ابن اغلى شي بالكون .. اتهمس ببطني،، يربي هم تكبر بطني واكوم امشي يمين يسار هههههه كمت احوص اريد شي التهي بي.. البيت يلمع مابي شي طبيت .. دحكت عالساعه وحده وربع اي مابقى شي راح يجي زين وضحى شو ماجتي.. صعدت الغرفتي فتحت الباب مشيت اريد اطلع شي اللبسه بردت.. واني امشي .. سمعت صوت الباب البره.. ركضت عالشباك.. الدنيه مطر قوي ورعيد... روكان يمشي بالممشى.. سديت البرده .. طلعت دشداشه بدلتها ولبست غيرها... وحدرت وكفت عالدرج دنجت راسي هو كبالي صار.. دحك عليه كال يولي تنكعنا... ضحكت كتلو هم زين جيت... طب شال الخاولي كام ينشف بشعره.. بقيت واكفه بمكاني.. كتلو اليوم عندي بشاره الك ... رفع راسو ودحك عليه كال ياالله خير.. كتلو خير ان شاءالله... عجل انزلي خل نفتهم .. وينها وضحى ماجت... كتله يبووو ذكرتني الدوووولمه صاح شبيهاا يابه... كتلو عالنار.. حدرت اركض عالسريع... كشفتها بعدها .. جة يمشي ورايه.. كال ها وين بالج يولي.. شو اليوم مخبوصه ضحكت كتلو لا هسه توني صعدت... بردانه .. رحت ادور شي اللبسه... كال وين الصوبات ليش مطفيتها... طب يمشي شال الصوبه وخلاهه بنص الهول... نزع الدشداشه منكعه خلاهه عالمحجل .. طب للربعه جاب الفروه خلاهه عالجتفه... ضحكت على شكله وهو بالفانيله والسروال وياهه الفروه كال ها يابه وين الخبر الكلتي عنه،، مديتله الجودليه .. تربع وخلة النفاضه يمه... وكفت كباله كتله هسه لو نفرض اني حامل شراح تكول رفع راسه وذب من ايده باكيت الجكاير.. كال ها يولي .. احجيلي من الاخيرررررر تره مالي صبر ... ضحكت كتله وضحى جابتلي التحليل .. احاجي جان يكول .. كال حامل مو.. ابتسمتله واني فرحانه احلى شعور لمن تجين بشرين زوجج بالحمل.. جانت احلى لحظة .. وهو يدحك عليه وعيونه تلمع.. ابتسم كال يولي حامل لو شقى... واكفه واتحمه عالصوبه احاجي ومبتسمه كتلو لا الله مااشاقهه اني حامل... فتح اديه الاثنين وهو لابس الفروه .. كال تعاي هين تعااااي تعاي يالعمر انتي... كتله شنو وين اجي .. مد اديه وجرني عليه.. سحبني خلاني على بحظنه وبيديه الاثنين لافني بالفروه... رفعت راسي الفرحة الي هو بيها ابد ماشافتهه على وجهه.. مثل هاليوم حظني حيييييل على صدره.... رفع راسي وباسني بهداوه... تدرين شكثر فرحتي هسه... كتله واني هم والله ماصدكت من شفت التحليل .. كال يعني راح يجيني جاهل منج .. مثل عيونج .. من ريحتج.. مثل هالشكل هذا... يولي والله الفرحة البكلبي ياكبرها مد ايده على بطني .. كال درج ماكو بعد غرفه فوك ماكووو من اليوم اتنامين جووه.. اوديج للدكتوره .. تروحين شوكت تروحين دحك عالساعه كال لا هسه ماكو العصر اوديج... بعد عوفي الييت وعوفي كلشي.. اريد الطفل يجي بخير وسلامه كلشي ماريد ضحكت عليه ونفس الوقت رده فعله قهرتني.. حسيت فرحان من كل كلبه... كل شويه يكول .. اويلي يربي شكثر احبها... ويكوم يبوس بيه واني مثل الطفل بين احضانه لافني لف على صددرة...كاال بردانه ... هزيت راسي اي... سحب رجليه وغطاهم .. رفع شعري من وجهي... كال اكول ليش تلفانه اثاريج حامل يولي واني عبالي الشوگ هزج عليه... ضحكت كتله اي والله هزني ولعب بحالي لعب.. احاجي وجان اشتم ويحة الدولمه.. كتلة يااااااااا طلعت راسي من الفروه كال شبيج كتله الدولمه ... كال والله عبالي بيح شي شبيج يولي... سحبت نفسي.. وكمت كتله اطفيها وارجع..، طلعت سريع كشفتها مستويه.. طفيتها ... صديت الدنيا ترعد يربي... فتحت المجمده طلعت الخبز... اريد اسدها.. جان اسمع حس الكراكيع... سديتها بقويه وركظت للهول.. وكفت بالباب كتله الصااااااااجعه.. راح تكع... ضحك وكال تعااااي هينه.. فتح الفروة .. وركضت عليه كعدت بحظنه... كال شلون ويا الشته هسه لو على كبل ميخالف الصاجعه تكطج بحظني بس هسه اخاف عليج .. يولي عليش تخافين.. ها... كتله اكول روكان... زينه دتتصل عليك وماترد عليها دحك عليه كال ول شذكرج بيها احنا بالصاجعات وين رحتي ... كتله مو هي هم صاجعه... ضحك كال لا شبيها زينه ليش تذكرتيها... كتله جانت هين هي وعمليق... دحك عليه بأستغراب .. كال شلون يعني شجابها ومنو عمليق.. كتله امها غير يعني منو بروح ابوك مو تشبه عمليق... كال يولي احاجيج عوفي عمليق صدك جانت هين زينه شحاببهه.. اي جتي اتكولي بسببج روكان عافني .. وامها تصيح.. الحمدلله جانت هين خالتي الا هنه جانن نويات على كتلي.. احاجي جان يسحب التلفون .. نزع الفروه وخلاهه على جتافي كام الحيله... كال هسة اجي.. صعد فوك عالسريع.. كمت الحيلي وراه.. وكفت يم الدرج ... صعدت اول درجة وجان يحدر سريع وهو يدكم بالدشداشه.. كتله وين شو لبست راح اصب الغده... كال ماعليج هسه ارجع... وين الغتره... كتله معلكة .وراك... صد جرهه ولفهه على راسه مثل الجراويه كتله بس لا رايح الزينه... دقيقه اكف.. دنج عالكاع شال الجكاير والسويج ... وطلع يمشي سريع كال اقفلي الباب ورايه الف مره كلت الباب لا تعوفي مفتوح كتله شبيك تعال فهمني راح تروح... إحاجي تلفوني دك فتح الباب المطر قووووي... شلت التلفون بيدي... عيني عليه وعالتلفون كتله ارجع بس افهمك مطرررر يمعوود وين وايح... مادريلي بال ... طلع يمشي للطرمه... شغل السياره... واني بالباب خالتي وضحى تتصل وهو طلع واخاف اعبر وراه اشرلي بيده فوتي... يربي خربت عليه الفرحة شسويت اني... اريد ارد عالاتصاال انكطع...طبكت الباب الهوى بارد الجزء ماكدرت اكتبه من وكت لان عندي خطار اعتذر اتاخرت جثير اسسسسفه 😢 | ||||||||
|
| |
|
05-01-20, 08:56 AM
| #28 | ||||||||
| مراقبة عامة ومشرفة منتدى الروايات المنقولة
| السابع والعشرون #ابو_عدوان #مذاق _العشق #بقلمي_نشوى_السلطان شلت التلفون بيدي... عيني عليه وعالتلفون كتله ارجع بس افهمك مطرررر يمعوود وين وايح... مادريلي بال ... طلع يمشي للطرمه... شغل السياره... واني بالباب خالتي وضحى تتصل وهو طلع واخاف اعبر وراه اشرلي بيده فوتي... يربي خربت عليه الفرحة شسويت اني... اريد ارد عالاتصاال انكطع...طبكت الباب الهوى بارد فتحت السجل... وضحى ،، يربي شلون بيه اني ،،، مشيت كعدت بسد الصوبه. وطلعت رقم وضحى اتصلت بيها،، ديدك .. وماكو رد.. دجاوبي ياخااله خل نفتهم الصار.. انكطع ورجعت كررت الاتصال... جاوبتني وحسها بعيد... الووو هلا خاله الو اسمعج .. انتي وين..، احاجيها يمها صياح كتلها خاله. وينج الووو..، كالت ها يالعنود خابرت اريد اكلج ماكدر اجي دتمطر اكلج خاله روكان طلع اعصاب ويمكن راح الزينه انتي وين اي يمه جة هيانهم هين روحي هساع اكفي خاله اسمعيني خما صارت مشكله _ يمه هين عمي واخوانها وهو كاعد وياهم توة جة خل نشوف شراح يصير وبعدين افهمج.. يبووو خاله هاي صوته مو داسمع صياح _ اي هو ديحاجي عمي... يله خل اشوف تاليها ... ماشي خاله الله عليج طمنيني ولا تخلي يسوي مشكله .. الوو خاله... داحجي وياج تسمعيني _ اي اسمعج روحي تصايحو ... ياااا .. الووو خاله ... دحكت عالتلفون مكطوع،،، يربي خايفه يصير شي .. شسويت اني ... النوب الدنيا مابطلت مطر ووترعد... وين انطي وجهي.. ماتهمنيت بفرحة حملي.. ولا هو تهنى . بقيت كاعده بسد الصوبه مدري ارجف من البرد مدري من خوفي لا يتجاتلون التلفون بيدي.. مدي اتصل بي بس هسه هو نااار وماراح يرد عليه.. بقيت وحدي بالبييت اكوم واكعد وادحك من شباج المطبخ بلكي يجي .. وين صار وضحى ماترد عليه... يمه ايدي على كلبي .، خاف تجاتلوو.. صارت ساعه 2 وهمه ماكوو.. رجعت طلعت رقم وضحى خابرت بلكي الله ترد.. ديدك يااااالله ياربي بس جاوووبي فتحت خط اي اي ... اسمع صوتهم الوو خاله وينج..، ها يأمي جايين عالببيت اصبري.. بس فهميني ليش ماتردون خمو صار شي روكان وينه خااااله الوو الله يخليج احجي... اي لا تخافين يمه هسه طلعنا راح نجي هين هوسه مااسمعج كمنا راح نطلع.. ً ماشي خاله لا تتأخرون فدوه اني بالباب تلكوني دانتظركم اي يمه ماشي.. اكطعي من يمج شو ماجاي ينكطع هذه يولو هذا منين ينسد... لااا خاله راح اكطعه.. الله وياج .... سديته شمرته عالجودليه ومشيت وكفت يم باب المطبخ .. اريد افتح الباب امد راسي ماكدر اخاف ... كل مايصير رعيد اصد على صفحة واخلي ايدي على عيوني... دحكت االخبز عالمجمدة بعده .. يبو سوده عليه بليه غده للحزه.. اروح واجي بالبيت روحي لايبه هنااااك وجان اسمع صوت سياره قريب.. اي يمكن همه مشيت ... قربت راسي عالجامه .. اي همه الحمدلله طبت السياره للطرمة... فتحت الباب عالسريع... نزلت خالتي وضحى .. وروكان وياهه وكفت بسد الباب.. طب شكله اعصااااب.. طب لكة الصوبه بالمطبخ ... والبيت دااافي .. طفاههه وفات للهول... وخالتي وضحى طبت وراهه طبكت الباب كتلها اكفي خاله... صدت عليه كالت بصوت يايمه ليش كتيله جن هينه... موتدرين بي ماراح يسكت كتلها خاله قبل جتي وهددتتي وكلت ميخالف وماكتلهه تالي وكعدتي ابلوه جبيره.. يعني لازم كل مره اعديها واسكت واكول ميخالف يعني هالبشر ينخاف من عنده.. صحيح يمه حگج بس عاد لو مخليتني اني افهمه اقلاهه. ماينفعل وهيج يجيهم اعصاب... تغده هو لو لا... لا خاله طلع بليه غده فهميني شسوه هناك... يمعوده شسوه من شافته انهزمت بالغرفه وقفلت عليهه الباب والبنوات خافن .. وكعدن بسدي.. وامها شفتيها بعد ماحاجة احجي تلاطشت هي وياه وعمي ولتمو اخوتها.. ماسكتته وطلعت الا اني تافله المر.. اووف والله تندمت حجيت خطيه انغث .. زين شبيهم اهله بعني ليش يساندوها مو يدرون بيها شسوت .. يعني انوب همه يطلكون وياهه عجيب هالبشر _,اهلها يكلوله. رجعها وهو كال الهم مارجعهه مدام هيج سوت غلطت اكثر من مره وبقيتها يمكم هذا درس الها شسوه من كلوله رجعها تخبل صياح انكلب البيت اهدي بيهم اريد محد يسمع الكل اعصاب نار وهيه مدحوسه بالغرفه ماطلعت وامها تشالط وتصيح من مكانهه.. اي عمليق مايسكت الا يسويلنه مشكله روحي كعدي خاله خل اصب الكم غده... ياغده والله على هالغثيه ولا اكدر اكل شي.. خل اروح اكعد يمه هناك اني كاعده وبالي يمج ادري بيج تخافين... اي خاله والله متت مدري الرعيد مدري افكر بروكان... خل اسأله عالغده خاف مايريد... طبينا نمشي اني وياهه.. لكيته كاعد مرتجي عالمخده اول ماطبيت دحك عليه كتلو تريد غده اصبلك... كالت خالتي صبيله ماعليج امشي هو شماكل .. كلشي مااكل .. امشي جيبي غداج خل ياكل روكان ماريد يمعوده هي غده.. عوفيني شويه النوب مالي نفس الشي .. كتله براحتك اصبلج خاله تتغدين... لا خلي شويه النوب كلنا انتغده سوه.. كال تعاي اكعدي هين ... دحكت على وضحى .. وابتسمت اشرتلي اكعدي... هزيت راسي اي.. مشيت وكعدت بسده... شال التلفون .. وكام يكلب بالفيس.. خالتي وضحى كامت طبت للحمام... بقينا اني وياه هو صاد عالتلفون مامنتبهلي.. قربت راسي وخليته على جتافهه ارتجيت عليه..، وصررت ادحك وياه عالتلفون وهو يكلب بالتلفون يكلب بالمنشورات ويعلق .. رفعت راسي باوعت عليه.. كتلو منو هذا الي علقتله... ليش يولي هذا العميد..._ \ ممممم بس تره حلو... كلتله وضحكت.. كال يولي استري على روحج .. منهو الحلو هااا ضحكت كتلو والله اشاقيك حبيت الطف الجو ايباااااه مالكيتي شي تلطفين بي الجو غير تثيرين غيرتي يولي كلشي والا هالشي استري على روحج سالفه حلو هذا وذاك ماريد اسمعها ابددد... هههههه يبعد عيوني الي يغار غير اموت على غيرتك بس مرات ... مرات شنوو... مرات تسوين سوالف اطلعيني من طوري.. كومي جيبي الغده وتعاي هههه خوش خل اكوم اجيب الغده كمت الحيلي مشيت واني اضحك... كال _ فطيره لا تضحكين .. وحسابج تره بعدين... صديت عليه كتلو هااا حسابيش ليش شسويت اني..! الباب الف مره كايلج اقفلي يعني ليش ماتسمعين كلام جت تمشي وضحى وتنشف بأديها.. كالتله توك طالع وهمه فاتن شمدرينه راح يجن .. العنود.. يعني انتو هين بيت بسد بيت وكلها كرابه شمدريني راح تجي زينه ...داحجي وياه رفع حاجبو كال.. كولي احنا لا تكولين انتو..ليش انتي منين ... ضحكت كتلو احنا والله احنا... فديت شكو جبوري ابتسم كال يولي والتالي شكو جمعتي الكل .. امشي صبي غده وضحى... ههههه هالعنود ماتكعد راحة .. بس شحلو دمها .. ربي يديمكم اخويه .. ويجفيكم شر بني ادم.. اكعدي حجيه ماتكليلي ليش تروحين كل شويه شعدنج هناك ادري هذا مو بيتج ليش هناك كاعده ماكدر ياخويه هناك ريحة الغوالي ماكدر اعوف البيت بي كل ذكرياتنه الحلوه .. اني يمك وقريبه يوميه اجي وامر كل وكت العنود يحجون واني اسممعهم بالمطبخ .. صيت الغده عالسريع .. خليته جدامهم .. كام روكان غسل ورجع.. ركضت جبت صينيه الخبز... مشيت اريد اجيب ماي .، جة كعد كال ها وين شو كمتي كتلو الماي نسيته.. كال جيبي الماي وتعاي حدري اكلي اليوم انتي نفرين .. مو واحد ... ابتسمتله كتلو جايه هسه.. وضحى .. صدك والله نسيت ابارك انهذلنه الله وكيل عسى بالمبارك عليك ان شاءالله يجي عدوان وتفرح بي... اشكرج اخيتي... خل يجي بخير وسلامه عدوان عدوانه كلشي يرهم المهم سلامة ام عدوان ... يحجي ويدحك عليه ابتسمتله واني واكفه .. كطيتلو بوسه بالهوى وضحى منطيتني ظهرها وهو جدامي.. ضحك وكاد اكعدي ابوي انتي اكعدي.. كعدت بسده..سمينه بسم الله ومديت ايدي.. اكل شويه وكام... كالت وضحى شفتي مااكل مغثوث كتله اي انتبهت .. اوف من عمليق وبنتها... خليت الخبز بالصينه وكمت وراه وكفت ادحك عليه بالمرايه .. رفع راسو عليه.. يدحك كال ها يولي شو مااكلتي زين .. كتلو هو انت اكلت حتى اني اكل... يولي مالي نفس امشي تغدي.. يله جدامي... ماكدر وعيونك .. شبعانه ، بس انت لا تغث نفسك اني بخير مامغثوث انسي.. خليها يم اهلها وحسابهه يمي.. شال الخاولي وطب يمشي جدامي... كعد عالجودليه .. طبيت للمطبخ غسلت القوري وسويت جاي.. نصيته وطبيت امشي تلكتني خالتي شايله الصينه وطبت للمطبخ.. وروكان ديكلب بالتلفزيون.. شلت تلفوني ،، كتلو راح ادز رساله الاهلي ابشرهم بالحمل.. صد عليه كال عجل يابه ليش ماتبشريهم بشري طلعت رقم امي ..ورجعت لغيته كتلو لا مو مال رساله بعدين اخابرهم .. ضحك كال اليوم شيخلصها سوالفجن... هههههه شسوي وين نروح انلهي نفسنه خل اروح اصب الجاي كبل مايحترك ... 🕖 ومرت الشهور... ويوميه مشاكل بين اهل زينه وروكان وهو جان حالف الا تمر فتره يله يرجعها... بنته جان يجيبهم يمي بشوفوهم كل يومين يبقون لليل ويرجعهم... بيوم من الايام جان هو بالدوام واخذتني خالتي وضحى للسونر حتى نعرف صحة الطفل وجنسه.. جنت حييييل مدي بكون ولد الطريق كله ادعي وخالتي شايله سبحتها وتدعي.. اخذنه رجل رواء ودانه بسيارته..جنت عبالك كاعده على اعصابي حيل احب البنات بس حابه افرح روكان واهله.. لكن بعد مااخذتلي السونر كالت مامبين زين حجمه صغير بعده لكن ع الاكثر بنيه بوقتها خالتي وضحى جانت تبين طبيعيه بس حسيتها مقهوره رجعنا للبييت الدنيا مغرب.. روكان بالدوام.. كتلها خاله ماراح اخابره واكله بيه بنيه .. ماريده ينقهر \ يايمه اهم شي اتمام الخلفه الجابت بنيه تجيب الوليد ميخالف اذا هالمره بنيه مرة الخ وليد .. كولي يالله عليش مقهوره وهو منو يكول بنيه جوز وليد.. خابري وحجيله الصدك ميخالف تره روكان مايهتم لسالفه وليد وبنيه .. ادري والله هو يوميه يكلي شيجي خير من الله بس اني حبيت اجيبله عدوان وافرحة.. يله الحمدلله على كل حال.. اطب اغير اهدومي واخابره... اي يمه خابري ولا تنقهرين.. بعده مايبين كبل رواء من سوت سونر بالسابع يله بين انتي توج بالخامس... اي اكلج خاله باجر حنة سالم موو.. اي باجر كللي كرلي لحرمة ابو عدوان خل تجي.. اي اروح طاكة روحي .. مدام باجر روكان يجي .. انروح سويه اي هي حفلة النسوان جوه والزلم بره ،، راح يسون عشى ويذبحون ذبايح عازمين كل الديره .. وجايبين مطرب.. هااا صدك حلووو هم زين كتيلي خاطر اتهير زين... مشيت طبيت للغرفه الجوه .. الي بيها هدومي.. وغراضي.. بدلت وطلعت دكيت عليه مارد يمكن ديتعشى.. طبيت توضيت وصليت .. واني كاعده عالسجاده حمدت الله وشكرته .. اهم شي الطفل سليم ... الحمدلله لميت السجاده رجيتتهت عالقنفة و طلعت للهول .. كتلها خاله راح اسوي عشى شوي بالتنور.. عود تعالي نطلع نشوي ماريد ابقى وحدي .. اي يمه هسه اجي بس خل اصلي على كيفج يمه لا تكعين شيخلصنا من روكان... لا خاله ماعليه شي.. طلعت للمطبخ الحم مايع قطعته عالسريع وصيخته.. سمعت التلفون يدك.، ركضت عليه.. دحكت ع الرقم روكان .. اي ديسأل اكيد فتحت خط وتنهدت .. كتلو الووو،، روكان.. هلا يالعمر.. شلونج الحمدلله زينه انت شلونك شو ماتجاوب اي جان عندي تحقيق.. هسه كملت ..رحتي للدكتوره وداج اي وداني خطيه.. وسويت سونر... اي شلونه الطفل ... قصدك الطفله ... ههه ها بنيه يولي... اي كلت يمكن بنيه بس مواكيد... يولو بنيه وتجي تشبه العنود وتكبر وهم اتكوم اطگ بحجلها هههه وينها بس خل تجي عاد مو ورت كلبي ور هاااا يعني ماضجت لان بنيه... لا لا يابه شسالفه شيجي من الله خير .. اكو جثير يتمنون هالنيه كولي الحمدلله دام انتي سالمه هاي تسوى الولد يولي .. الله يسلمك عمري ... اكول باجر الصبح تنزل مو... ليش يولي لازم مشتاكتلي ... ههههه اني اشتاكلك كل لحظة .. اكيد مشتاكتلك هاا عجل يابه اجي هسه... لاااااا وين تجي بهالليل... شبيج يولي ماكو شي.. لا لا ماريد بطلت حتى ماماشتاكة بس لا تجي فدوه صار صار .. هسه بس لا تنخبصين اريد باجر اروح الحفلة سالم... وين تروحين لا محد يروح... حباااااااب تره البيت سجن صاير تدري لو لا يولي حفله زلم رين رايده... اي بس نسوان جوه .. خمو بس زلم ... اجي الصبح ويصير خير تعشيتي... هسه راح اتعشى.. راح نشوي ماشي يالعمر جوي يمي جماعه روحي هساع بعدين خابرررني بالليل انتظرك... سديت الخط وطلعت اني وخالتي شجرنا التنور وكعدت هيه جدامي واني اشوي.. كملت وطبينا تعشينه ،، وكعدت خالتي بالربعه تباوع عالمسلسل ماري تشوي.. واني كمت غسلت هدوم ونظفت البيت .. طبيت الغرفتي .. بقيت ادور شي عريض حتى اللبسه .. خبصت الدنيا ماخليت شي .. ماطلعته .. لحد ماتعبت واني ادور..طلعت كلابيه شويه هاي راهيه وعلى قياسي.. خليتها عالجربايه ورجعت الباقي.. بدون تعليك كمت اشيل بيهن واكط بالكنتور ... كوه سديت الباب دحكت عالساعه صارت 12 خل اكوم افرش الخالتي... شلون تسيته خطيه فتحت الباب وطلعت للربعه.. فتحت الباب على كيفي.. دحكت خالتي نايمه .. بدون غطى..خطيه نايمه بالربعه جوز تعبانه طبيت جبت اللحاف غطيته على كيفي طفيت الضوة وسديت الباب مشيت اريد افوت الغرفتي.. جان اسمع الباب يندك ... وكفت بمكاني .. يربي خالتي نايمه واني وحدي.. منو جة هالحزه باب البره مطبوك... مشيت وكفت بنص المطبخ .. صحت منوو منو بالباب... _ اني يولي افتحي الباب... انتبهت صوت روكان عبالك.. مشيت وكفت بسد الباب انت منو روكااان... \ عجل منو بهالليل يجي يبعد روكان دفتحي الباب يمه من سمعت صوته طرررت .. فتحت الباب... واني لابسه دشداشتي والدشداشه لان سمنهة صايره كصيره عليه شعري مخربط ومفتوح.. سحبت الباب.. ولين هو جدامي اديه الاثنين ليوره والبيريه جوه ذراعه... ابتسمتله كتلووو شجااااااابك بهالليل... كال شوكي جابني... نزع الحذاء بالباب وفات..، شال البيريه وخلاهه على راسي... كتلو هاي شنووو سيدي كال يبعد سيدج تعاي .. طب وطبك الباب.. سحب راسي على صدره وطب يمشي واني وياه ... كط السويج والجكاير والتلفون ع الدرج.. كال شو هدوء لازم نايمه وضحى.. اي خطيه نامت.. صديت عليه ورفعت راسي كتلو بسسسسس كلي ليش جيت بهالليل ادري مااااتخاف على نفسك انت شلون وياك وكف كبالي وكام يفتح بالبدله .. كال يولي موزلمه الي يخاف هي موته لو موتين .. هساع اني جاي مشتاك تعرفين شنو مشتاك حظني وباسني كال محبوبتي اريد اغسل جهزيلي الحمام... ابتسمت كتلو حلو محبوبتي... هسا اجهزلك كلشي تغسل هين لو فوك... هي شلون محبوبه تخبل حامل وتمايل جدامي. دحكي يولي هينه ماصعد فوك.. تعاي الحكيني.. طب يمشي .. واني شلت التلفون .. والجكاير.. وطبيت وراهه... وكف كبالي دينزع.. دحكت على التلفون مأشر مكالمات لم يرد عليها.. فتحت المكالمات زينه.. رفعت راسي عليه جان منطيني ظهره .. طبيت للسحل دحكت اكو مكالمات مجاوب عليها .. ملخص المكالمه 22 دقيقه . يعني جان يحجي وياهه.. لغيت السجل وطفيت الجهاز كطيته عالميز. طب هو للحمام ... واني بقيت بلغرفه...فتحت التلفون .. رجعت طبيت عالرسائل .، كاتبتله شوكت تجي تاخذنا ورسائل اخرى قديمه... شو ماجان يحجيلي... طفيت التلفوو ورجعته بمكانه... كمت مشطت شعري ولبست دشداشه خفيفه ربع ردن.. طب هو يمشي..لابس سروال وفانيله.. وينشف بشعره وكف عالمرايه مشط شعره .. واني عالجربايه كاعده ماحجيت شي بس بالي كله بالمكالمات.. ليش ماحجالي جى يمشي جر اللحاف وكعد بسدي.. كال اووو شكد ارتاحيت البدله باادوام ذبحتي .. هم اكو احلى من الدشداشه واحد يرتاح بيها كتلو بس هسه انت لابس سروال مو داشدددداشه ضحك كال وانتي عليش ضايجة ..ها كتلو اي ضايجة واريد باجر اتونس بالعرس.. كتلج افكر هسه احنا وين والعرس وين هاااا قابل وين يعني...ضايجة واري. عرس _ ضحك وجرني عليه وكال تعاي يمي احنا هم عدنا عرس.. سحبني على ذراعة .. تمدد ونومني يمه... صفنت واني عيني عالسكف.. وهو ايدي بشعري يلعب كتلو بداعتي لا تجي بهيج وكت والله الدنيا تخوف.. كال والله من يجي براسي هواج الدنيا كلها ماتكف بوجهي يولي تدرين من اشتاكلج .. واتذكر انتي بعيده.. انعل ابو الدوام وهسه تكليلي لا تجي بالليل.. ولج لخاطر عيونج هذني اجي لو الموت يتلكاني عالطريق... صديت عليه وايديه على لحيته كتلو هالكد تحبني... كال لا شفت الحب ولا جربته الا وياج.. ممممم زين شمعنى اني... ضحك كال اكفي خل اسأل كلبي هههههه لا جديات ... ليش اني .- موكتلج كبل ماحب المره السهله.. احبها تكون مثلج مثل عنادج وخبالج.. يول يابه والله سلبتي عقلي.. وكل هذا وتسأليني هالكد تحبني.. يولي انتي روحي .. انتي گلبو ودكاتو الروكان.. يبعد العين ونظرها.. تعاي اريد اني هم اعزمج على عرس.... كام يبوس بيه بلهفه وسحب اللحاف ونمنا كعدت من نومي على شي يكجكج بيه ... فتحت عيوني .. ولين مصبحة بوجهه... وهو يبوس بخدودي واني نايمه كال صباح الخير يهالطير... ابتسمتله كتلو شوااااااربك ضحك كال الا هيج يله تكعدين ... كومي يله اليوم وراج عرس فتحت عيوني كتله يعني راح تخليني ارووووح... ابتسم كال اوف منجن تموتن على هالسوالف دكومي ..اي اخذج ويايه كعدت الحيليودفرت الفراش وهو كام كبلي .. كال يواش يواش لا تكعين وعاد صدك انعل يوم العرس... كمت الحييلي مو مصدكة وافق اليوم راح اطلع اني وياه واشوف اهله وكرابته ... اووف شوكت تصير الدنيا عصر طلعت الهدوم غسلنا وكملت شغلي وتغدينه صارت ساعه 2 ونص .. هو طلع ويا عساف راحو البيتهم واني بقيت ارتب بنفسي ومكياجي خليت مكياج عميق .. شلون واحد طالع من وجعه اليوم طالعه من سجن .. اريد اتميز بكلشي.. اريد الكل يكول حلوه حرمه ابو عدوان كمت لبست وتعطرت.. ولبست ذهبي رفعت شعري عالي على راسي.. ولبست الكلابيه وفوكاهه عبايه عالجتف.. والشال على راسي .. بس ادحك النفسي بطني جانت مامبينه كلش صغيره .. اروح واجي ادحك على نفسي بالمرايه .. يبوو شكد سمنانه اني.. العبايه ماتنسد عفتها مفتوحة .. كملت وطلعت للطرمة .. دزيتله رساله كتلو كملت.. بقيت بالطرمه كاعده خابرت نجمه بقينا نسولف لحد ما هو وصل كتلهت راح نطلع سلميلي على خلف وامي والكل.. سديته وكمت امشي ..هو جدامي لابس الغتره والعكال .. على اذنه التلفون يخابر وعينه عليه... فتحت الباب مال السياره وصعدت..، بقى صافن عليه.. كالو خير ان شاءالله خل اجي للدوام ونتفاهم اني مشغول هسه.. سلم عليه وسد التلفون.. صد عليه كال شهالمكياج هذذذذا.. كتلووو هاااا بديناااا خليني فد يوم اطلع ومرتاحة .. ادري انتي العروس لو رايحة العرس... شعندج ... انزلي خففي لا عليك الله شخفف كله يتخربط شبيك هو النسوان جوه قابل راح اكعد يمك كال لا جاااااان عايزه والله تكعدين يمي.. مد ايده سحب الشال وبركعني بي..، كتلو هاااا شنووو.. شغل السياره وكال جربي ترفعي وشوفي شيصير بيج... زين احنا بالطريق خل اصل وانزله... يولي تره من اطخ براسي الوف السياره وارجع .. سايريني يولي اني ماماخذج فرجة للناس... _ اي اي عادي المهم اروح ماارفعه... كال راح نصل بره ممنوع من الشباك راسج ماتمدي.. طرمه الي تطلع تنكسر رجلها صوررر ماكووو..افتهمتي.. كتلو صار تدلل.. بس خل نروح يمعود اي هسه صارت تدلل كله الخاطر العرس.. دنزلي.. وراسي لا ترفعي.. راح يتلكوني الولد،.، كتلو يعني هسه احنا وصلنا.. زين شراح اشوف خاف اكع.. استغفر الله العظيم.. اصبري سدددي الباب... يبوووو شبيك انزلي اصعدي شبيك...رفعت الشال شويه دحكت ساحة جدامي مليانه كراسي .. ولزلم محاوطيها من مل مكان .. وسماعات عاليه .. والفرقه موجوده.. صاح شكلت اني نززززلي... بسرعه ... نزلته .. ودنجت حسيته ديمشي ماخذني الغير مكان.. كتله وين احنا بس لا رجعتنيييييي..! اصبري عليه يولي بس لا تنخفكين... بقيت ساكته .. شويه وكال انزلي... كتله ارفع الشال .. كال اي بس دنججي راسج.. سميت بسم الله رفعت الشال.. نزلت .. المكان غير ذاك .. كتله شنو هاي وين جبتني... اسمع صوت الغنه بس شنو القصه.. روكان هذا بيت منووو.. نزلت هو قفل السياره كال بيت سعود يعني بيتمن .. بس فريت السياره من الباب الخلفي.. امشي تعاي... كادني بأيده وطبينا نمشي... بيت جبيرر حلووو.. كال هذا باب المطبخ.. طبي من هين.. كتله دقيقه اسسستحي وحدي... لا تروح .. ضحك كال عجل خبصتيني وتالي استحي.. كتلو خل اخابر رواء . كال طبي اكولج هي رواء وضحى وكل بنواتنا جوه... صاح يول يل هينه ... وينكم... كتلو شتصيبييح عيب... دقيقه ديدك على رواء \ كال ماييسعمن بلجي طرش.. جة جاهل يمشي كاله صيح لهاي اللصكعه رواء من جوه... كتله منو هذا الجاهل... كال شمدريني هين يخلفن درازن كل سته سوه شمدريني ابن منو هذا دفوتي عاد ... كتله ماترد رواء .. كال تفووووتين لو ارجعج... تختاري... ضحكت كتله لا والله راح افوووت..، طبيت امشي .. وهو راح شغل السياره كال راح الوف من ذاك الباب.. دكيت بال المطبخ... وكفت على صفحة.. جان تجي عجوز وياهه جاهل كالت فوتي يمه عليش واجفه هين كتلها رواء هينة ... كال اي فوتي جاي تدبج جوه.. تعاي انتي منهي من بنواتنه .. شو مو شايفتج... كتلها لا خاله اني مو من هين اني حرمة ابو عدوان... كالت هااااااا والله ويعرف يختار.. شو تعاي احبج.. سحبن راسي وكامت تبوس بيه... وكعت الشال وخربطت كل الدنيا كالت فوتي .. جرتني من ايدي... وجان تاخذني للربعه.. مديت راسي... لين مليااااااااانه نسوان.. وهووووسه ولمسجل عالي صاحت طفنه طفنه باعو منهو الجة... نصو المسجل .. وجان الكل يمتبه عليه .. كلتلهم اعرفكم على ام عدوااان.... الكل انتبهو وصارو يحجون بصوت ناصي.. وحده اتكول للخ ياااا بعدها شابه حلوه .. هي هاي مرته.. جان تصيح وحده من الزاويه كالت .ياعدوان يمعودين هي بيها بنيه دحكت عليها لين زينه كاعده وكااااشخة عالاخر ولا عرفتها ويااهه امها.. واكفت اثنينهن... بقيت بس مصدومة شمدريها هاي اني البارحة سويت سونر.... ومحد يدري بس وضحى وروكان معقول طبيت امشي جوي النسوان الكل التمت عليه سلمو.. وكعدوني بصف العروسه... وهي عينها عليه تريد تاكلني... بهالاثناء طبت رواء شايلع ابنها .. دحكت عليه من بعيد ..، جان تكول هاااا يولي جيتي طبت تمشي كعدت بسدي... كتلها لو ادري هين عمليق وبنتها ولا اجي... كالت شنووو ماسمعج المسجل عالي... كتله ماكووو شي بعدين... علن المسجل وكامن يركصن واني بس ادحك عالناس اي احد ماعرف.. شفت العجوز الي تلكتني تروح وتجي يم زينه مدري شتحاجيها وترجع تطلع.. وهي تتمضحك من بعيد وتباوع عليه... صارت الساعه 5 طفن المسجل كالو راح نروح نثرد الخبز.. طلعت نص النسوان.. صحت علو رواء كتلها تعاي دليني على الحمام... كمت الحيلي وزينه وامها يباوعن عليه.. طبيت للحمام وطلعت دامشي صار جدامي المطبخ.. النسوان كلها كاعده تجهز بالدليميه...ورواء واكفه يمهن تضحك كتلها يولي ابنج تعالي عليه... جتي تمشي شالته ووكفت يمي كالت شبيج شكتيلي جوه تره ماسمعتج كتله زينه من طبيت كالت الهم بيها بنيه.. اكلج شلون عرفت رواء .. اي اول ماجتي كلتلي العنود بيها بنيه .. _ ياااا شنو تعلم علم الغيب شلون عرفت _رواء لا يابه بالليل مخابرهت رواكان وكايل الها ... امشي لا تبقين واكفه مو زين عليج... طبت تمشي رواء واني امشي وراهه .. اتذكرت السجل والمكالمات رفعت راسي .. دحكت لين روكان واكف بالكلدور وهي واكفه وياهه مدري شتحاجي وهو ميت ضحك وشال بيده سلوى.... يتبع... الجزء بدون تعدددديل هسه كمل غلسو بداعة روكان 3285 كلمه مو هم تكولون قيل 😢 احبببببببببببببببببكم . | ||||||||
|
| |
|
05-01-20, 08:58 AM
| #29 | ||||||||
| مراقبة عامة ومشرفة منتدى الروايات المنقولة
| الثامن والعشروون #ابو_عدوان #مذاق _العشق #بقلمي_نشوى_السلطان فيض واشبگني وحلال اعليك دمي راضي لو تشبگني خنجر حلمي أغمس عمري كله بـ سلسبيل شفاك الأحمر انتَ يلـ شامات وجهك ليلو حضرة ارد أبوسك حدر كل شامه عشر بوسات وأكثر... طبت تمشي رواء واني امشي وراهه .. اتذكرت السجل والمكالمات رفعت راسي .. دحكت لين روكان واكف بالكلدور وهي واكفه وياهه مدري شتحاجي وهو ميت ضحك وشال بيده سلوى.... رفعها خلاهه على جتافه .. وكفت كتله بصوت ناصي ... دشوووفين وج رواء دحكي منو هين،،، وكفت رواء التفتت عليهم كالت اي شفته واكف يمها امشي ماعليج تعالي جوز هي دزت عليه .. تره هي هم مرته يولي جوز البنوات رادن ابوهن ..لا تبقين ادحكين عليها هي متقصده تحرك اعصابج.. وجماله وضحى واكفه وياهم خربت اللحظة على زينه عااا هههههه مسكينه الصعلوك العنود .. تحجي رواء واني افوررر مدي اروح اسحلها وروكان واكف ويضحك وياهه .. هيج عادي عنده يكف وياهه وهي هيج سوت بيه.. بسيطططه روكان اليوم اشوفك شلون تكف يمها وتقهرني... صافنه عليها وجان اتجرني من ذراعي رواء كالت امشي لا تبقين ادحكين مو كتلج هي متقصده تقهرج وكفت سحبت نفسي وكفت باب الربعه وهو مشى وكف غادي منها شايل سلوى ويحاجيها ..وهي شايله بديها كلابيتها تسحل وراهه تحاجي وضحى وكل شويه تلتفتلي... مشيت كتلها امشي تعاي _ وج ويييين يولي صبري..مو احاجيج مااكف امشي للمطبخ ... اليوم احرگ كلبه مثل ماحرگ كلبي _ يمعودة عنود صلي على نبيج هسه واذا وكف يمها مو تدرين بيها مرته لا تتخبلين يولي .. امشي خل نكعد يم االعروس.. العنود ... ماكدر اطب جوه وهو وياهه بره وهي مكيفه واني مقهوره كل عقلج اطب.. شفتي شلون راح خلاهه بحلكها وكال الها العنود بيها بنيه... شفتي شلون طلع مايظم عليها حجايه احجي وياهه وامشي .. طبيت للمطبخ النسوان كلها ملتمه ضحك وشقى وسوالف ولمه حلوه ... متربعات والخبز صفطات بسدهن.. كل وحده واكفه على شغله ..اول مافتت الكل انتبهلي.. كالن هلا بحرمة ابو عدوان هلا بحرمة العزيز.. فوتي اكعدي.. صاحن جيبن الكرسي للمره حبله اركضن ..اني يحاجني وعيني عالبره .. اسمع حس الزلم وهو وياهم.. كتلها رواء اخذي الكرسي. ودي يم الباب دحكت عليه كالت هااا يولي يم الباب شتسوين الزلم كلها جدامج... كتلها بصوت ناصي يوولي اخذي كبل مااكعد وعوفي الاسئلة مو وكتج.. كطت ابنها بالكاع كالت الله يستر من خططج شتريدين تسوين... شالت الكرسي خلتها يم الباب.. كالت عنود لا تبقين هناك هين اكعدي عاالهوى.. رواء بسرعه فهمتني ماردات احد ينتبه شالت الكرسي وكالت تعاي على الهوى .. كتلها جايه.. دحكت المطبخ مليان صياني.. والجهال اتصايح والله ماجذب من كال يخلفن دررازن .. اريد اعبر ماكدر.. شلت بيدي عباتي وجطيت من فوك الجفنه سحبت الكرسي وكعدت.. رواء واكفه راحت شالت ابنها وجت وكفت بسد الباب.. كالت ها يالعنود شدتخططين تره روكان بالباب.. كتلها بس باعيلي بعده لو راح.. _ كالت هسه يطلع رجلي هم هين... اكفي خل اشوف تاليتي انكتل من وراج .. عاد حزتها احط قهري باليابسه... اصبري خل امد عنگي... كتلها ديله شدتخترعين... شوفي وينه _ كالت فجععععج الله العنود رجلي وعساف وسعود وسالم كلها بالطرمه.. هم زين ماشافني .. جان كال عليش ماده زلعومج ... تحاجيني والنسوان يركبن الكل يدحك علينا يريدن يفتهم شدنحجي مديت رجلي واني مبتسمه .. دست على رجلها كتلهااا ولج اني وين دزيتج كتلج شوفي هين لو لا... كعدتي تعددين الزلم كلها ونسيتي _ ولج اي واكف شبيج شايل بنته واكف غادي بس حاجيني شتريدين تسوين... رفعت راسي عليها كتله ماكو شي شبيج باهالاثناء طب عساف وسعود وياهم واحد ماعرفه ،، دگو الباب سعود واكف ولاف اليشمغ على راسو صاح وينجن للحزه ماسويتن شي الزلم بره مكونه والشيوخ جوي شوكت اليوم يكمل العشى .. شدددن الهمه ... جان يطب هذا الوياهم ماعرفه كال جيبن عليه شو جيبن .. برم اردانه وسحب الجفنات وانطنه الخبز وكام يثرد بديه... النسوان من طبو انخبصن الكل كامت تشتغل.. وكف عساف كال اليوم حتى حرمه ابو عدوان هين ..سلم عليه هو وعساف .. كال عساف تكلطي تكلطي الطباخ بسدج لا يصير بيج شي شيخلصنا من ابو عدوان ... ضحكت كتلو لا بعيد عني ... رواء شايله ابنها تهز بي .. دنجت راسها عليه .. كالت دحكت من الجام ابو عدوان واكف ويا رجلي خاف يجي ويشوفج هين كاعده.. كتلها علوووواه دخل يجي اني اريده يجي عجل يروح ويحجي الزينه النية والمستويه ويخليها مكيفه بيه وهسه اجي الكاه هو وياهه واكف بسدها ويضحكون .. ولج صبرج عليه ان ما حركت اعصابو ماكوون اني العنوود... راوء.. خل اتربع واكعد شغلتج مطوله وهذا ابن الثوله مو راضي ينام .. رجليه تكسرن من الدبج .. اسمعي يولي انتي تريدين تسوين طلبه من الماكو .. كومي روحي للربعه خاف يجي وتعرفين طبعوو... مو ناقصنا مشاكل خل تعدي الحفله على خيررر.. كتلها اسكتي هسه بس حسج نصي .. الزلم راح يسمعوج .. اكلج هو هذا بيت منو .. شو هين العروس والزلم سويه .. ! _ ايييي اي لهيني لهيني ان ماصحت الوضحى عليج .. هذا بيت سالم شبيج جابو العروس هين لان بيتهم صغير كالو ماننقسم نصين النسوان جوه والزلم بره .. غير ينام عاااد ولك دنام حتى هدومي اندلسن بالكاع.. تنام لو راح اكوم اكطك على ابوك.. اااخ ابيك يخلف ويكط عليه... متنششششف وكاعد يسولف العنود... دحكي هذا الوياهم منو الاسمراني... موشايفته گبل _ هااا قصدج سالم .. يمعوده هذا العريس عجل لوما جة بزفتج شبيج مطفيه.. هذا االعريسسسس اليوم بديه الاثنين يثرد.. خرب عرضكم الزلم ... اليوم بيده يثرد الها .. بس تطلع السبعه يكوم يثرد بيها ههههههههه امدانه انتزووج.... ههههههه ولج لا تضحكيني خرب ولج النسوان يدحكن علينه عبالهم عليهم نضحك.. اني راح اكوم اساعدهم ...كومي ويايه _ رواء ... لا لا خاف تشاقين هييي يولي ويين مو احاجيج.. شو كمتي... عزه عالماتلج العنود... نزعت عباتي وكطيتها بوجهه رواء .. كتلها اني من يومي عزايم ابو قصي براسي ماكدر بعد ادحك عليهم يشتغلون وماكوم وياهم .. خل نفزع الهم.. ودي ابنج وتعاي كومي... هم نتونس وهم نشتغل تبرمت وصديت .. بسدي مره واكفه كتلها انطيني من يمج الچمچة ... الطباخ بسدي...صحت اصب المرگ لو لااا... رفع راسو سعود كال شسالفه النساوين هين هنه يصبن ... كال عساف والله علواه صبي يمعوده تره مابقى وكت... الزلم راح تروح.. صديت على رواء كاعده وتنود تهز ببنها ومدري شتأشزلي المطبخ بحزته صار ناار بوخه... فتحنا البوب والشبابيك.. كمت اصب مرك بلجفنات وانطيهن العساف وهمه يخلون فوكاهن التمن.. انصب ونضحك عالهوسه والعياط..ماال الجهيل.. صاح بيهن عساااف كال كل وحده تاخذ زعاطيطها اطلعهم من يمنه شسالفه مطبخ لوشنوًشو كمت اتعثر بالجهيييييل .. يله يله كلها بره... صديت سعود مكلوب على اردانه المرگ واكف ويغسل بيهن ويصيح خرب لشتك سالم مابيك اجر.. بحزتها شكد جنت ضايجة لكن من كعدت وياهم ولتهيت بالهوسه نسيت كلشي .. جانت ناقصنه خليف اخ لو هين ... صديت رواء ماكوو .. كتلهم .. المرگ اكو بعد لو خلص.. الجدر اليمي مابقى بي .. جان تكول زينه .. لا اكو عيني اكو .. عجل لوما جدر شكبره وراج .. صايره سبعه وتشتغلين...جان الكل ينتبه الزينه.. كتلها والله اني من يومي سبعه ..مو اليوم ولا البارحة.. دنجت وعفتها ماردت اشالطها والناس واكفه كتلهم يله انطوني بقيت الجفنات.. صاح عساف هلا هلا اليوم حرمة ابو عدوان طلعت من جرخها والله عفيه هاي النسوان الصدك... يحجي هو ورواء واكفه باب الممر مدري شتأشرلي بحاجبها...ادحك على زينه اتمضحك طبت من يمي تمشي.. الكل صار يدحك عالباب المطبخ صديت لين ابو عدوان مجتف اديه الاثنين ليوره واكف باب المطبخ هو وضحى .. وزينه غادي منه بقى ساكت ماحجة شي بس عيونه بعيوني.. ضحك عساف كالو اليوم العنود وكفتلنا خوش وكفات والله والنعم منها... كالت وضحى تعاي يمه انتي شكومج ياهو العتب عليج انتي مو حبله يايمه .. امشي اطلعي من المطبخ حاره عليج .. تحاجيني واني ادحك على ابو عدوان شلون خازني بعيونه يدحك عليه من فوگ ليجوه.. كتلها ماسويت شي بزعت من الكعده ... وكلت اساعدهم .. جان يكول ابو عدوان .. تعاي عوفي البيدج وتعاي هين.. ديحجي وجان تروح زينه تكف بسده كالتله البنوات وينهن يمك لو بالربعه.. مارد عليه تحاجي وهو عينه عليه.. مديت ايدي انطيت الجمجة للحرمة .. ومشيت للسنگ سعود ديغسل بديه من شافني وخر وسوالي مجال.. كتله شكرا مديت ايدي غسلت.. صديت رواء بسدي .. كتلها بصوت ناصي عباتي وينها... كالت هسه اجيبها لفي شالج زين يمعوده .. راحت تركض.. مشيت عبرت من فوك الجفنات.. عساف صاح علليهن يله وينجن خفن ايدجن .. كام شال حفنات اثنين ومشه كال النسوانن كلجن طبن جوه راح اجيب الربع ينكلون ويايه.. صاح عليه ابو عدواان اكف اكف.. محد يطب هين .. طلعو الصياني بره وخل ياخذوهن.. وين جايبهم بنص النسووووان وكفت بسد وضحى .. نشفت اديه كالت يمه شجابج هين مو تدرين بي مايقبل.. كتلها ليش هسه شكو .. ماكو شي يمه اللبسي عباتج تانمشي للربعه كتلها بصوت ناصي.. شفتي شون راح كال الها بيها بنيه وجيت لكيته واكف بسدها ويضحك .. اني مو على شي بس ليش راح حجالها .. داحجي وياهه وجان يصيح بيه ... عبااااتج وين .. صديت عليه كتله موجودده ... _ ادري موووجوده اللبسيها وامشي جدامي.. كالت وضحى وين خويه وين رايدين...! مارد عليها كال مو احاجيج عبااااااتج وين... كتله شبيك راحت تجيبها رواء.. انداريت على زينه خاله الشال على حلكها واكفه ويا وحده ماعرفها ويتمضحكن... كالت وضحى على كيفك خويه شو تصيح ومدري شبيك.. كال الها ماكوو شي .. صد على زينه كال الها عليش هين واكفه بنوووواتج وين... امشي اركضي جيبيهن... دحكت عليه .. استغربت معقول يريد ياخذها ويانه.. شنو القصه ليش ديكللها جيبي البنوات... كالت اله دزيت عليهم الجهال يجيبوهن من بره .. اني ماكدر اطلع والزلم تارسه الطرمة .. تحجي وعينها عليه عود هي ماتطلع واني اطلع... صديت ونطيتها ضهري.. .. جان هو يصيح ادررري عبايه لو شنو....وين صارت امشي جيبيها جدامي... يله.. شبيج ادحگين عليه بقيت ساكته مارديت عليه بهلاثناء جتي تمشي العجوز.. سلمت عليه وبوسته.. كالتلو شبيك حسك عالي .. وين تريد بالعنود.. كال الها ماكو شي خالتي.. بس تانمشي عالبيت... يحاجيها واديه الاثنين ليوره وعيونه بعيوني حسيته يريد ياكلني بنظراته جان يحاول يبين نفسه طبيعي بس بداخله بركاان.. كالتلو ماتروح وين تروحون والعشى مصبوووب.. ابد محد يروح .. جت تمشي وكفت بصفي كالتلو منهو الكال بيها بنيه والله ماتجيب الا عدوان... وضحى.. والله گلبي هم يكول ماتجيب بنيه بس الله اعلم شيجي من الله خير وبركة.. كالت الها .. تدرين بيه من اكول شي مايطلع غلط العنود راح تجيب عدوان وتفرحنه.. تحجي وزينه كامت اتبلعم اتحير شتسوي.. كامت تفتر بالمطبخ وتصيح عالجهال.. جتي رواء كالت لكيت العبايه.. كطتها عليه.. كال اللبسيها يله... طلع السويج من جيبه ومشة خطوه وكف بصف الباب.. نفضت العبايه وصديت على الحجيه كتلها بصوت ناصي خاله كليله اريد ابقى ماشفت شي حاجي بلكي يقبل.. كالت وخري اني احاجي.. مشت عليه كضبتو من ايده كالتله وين يايابه موكنالك ابقى.. _ لا خالتي ماكدر وداعتج .. صد عليه كال يله حدري جدامي يحاجيني بصياح النسوان كلها ادحك علينا وزينه واكفه ترگب من بعيد.. طلعت امشي وراه داللبس بالعبايه جت رواء وكفت يمي كالت ها يولي راح تروحين .. كتلها اي ابين جة مدري شبي يزكح ويكول عالبيت .. _ موكتلج يولي كتلج بس يجي ويشوفج وكل الزلم يمنه راح يتخبل روحي عيني اليوم راح تصير بالطلقات .. دحگي يولي ان حاجاج خابريني اجيب البرنو مالت رجلي واجيج .. وين عاد الكف بوجهي _ العنود.. ديله يله انتي بس جدامي يطلع السانج من تشوفي تخرسين .. عوفيني ودحگي عاليابسه شلون ادحك عليه شفتي شلون مشتفيه بيه .. خل ارجع وشوفي شراح اسوي بي.. لبست العبايه وطلعت للطرمة ... واكف وبيده السويج واكفات وياه وضحى والحجيه.. اول ماسمع صوتي صد عليه كال اكفي اسمعهن يتوسلن بي ويكلهن والله ماتبقى گبل الا عالبيت .. صديت ورايه زينه وعمليق.. بتشاورن بينهمن .. التمن النسوان بالباب وجة عساف يمشي هو وسالم حاولو وياه حتى يبقى لكن ولا اهتم الاي بشر.. ركب السياره وشغلها وطببها للباب مال المطبخ.. اشرلي بيده اصعدي... صديت سلمت عالنسوان وعبرت...فتحت باب السياره وصعدت.. دحكت عليه كتلو ماتكلي شبيييك .. صد عليه وهو يسوق كال ولا كلااااام نفس واحد مااسمع... ششغل السياره ورجع ... رواء والبنوات بالباب يدحگن عليه.. اني حزتها عايزني ابجي هم نحرمت من الحفله وهم زينه فرحت ... والصياح الصيحة عليه جدامهم.. فشلني.. طلع بالسياره .. حس الاغاني عالي يخبل صديت عليهم ... يلعبون جوبي... والناس كلها كاعده عالكراسي وبالنص زلم الجوبي مديت راسي اريد اشوف المطرب.. .جان يعيط بيه .. كااااال رااااااسج دنجي.. مد ايده ونزل الشال على وجهي.. كال شكتلج اني هاااا شكتلج ...ديحاجيني وسياره طبكت بسدنه.. سلمو عليه .. رد عليهم .. جان يدوس السياره... فرها ولاف عالبيت.. الطريق كله مدنجة مارفعت راسي اول وهو ساكت والجكاره بيده.. طبگ السياره بالكراج نزل گبلي مشه خطوتين وكف .. صد عليه بعدني كاعده صاح ماتنزلين عليش كاعده ... مارديت عليه فتحت الباب ونزلت... وكفت يم الباب كتلو ارتاحيت هسه ارتاحيت من رجعتني... كال طبي جوه وحجايه ماريد اسمع منج .. كتله خووش ابقى هيج ابقى تركض وره مرتك الي سوتني حجايه بحلگ هذا وذاك.. طبكت السياره بحيل .. وطبيت امشي سريع من جدامه.. فتحت الباب .. نزعت عباتي وشمرتها بنص المطبخ .. بقى صافن عليه وجهه احمر ... طب يمشي ورايه .. صاح وين ... يووواش اكفي .. وين رايده تروحين... مووووداحجي اكفييييي صديت عليه برود حاجيته كتلو خيررر شرايد.. _ يولي من احاجيييييج احجي مثل الناس ... ولاتزكحين بوجهي لو اجي اعلمج شلون تحجييين... ارتجيت على بال الغرفه وهو واكف جدامي بالهول.. كتله شلون باله احجي هااا فهممي... ماتحملت گبل رحت حطيتهاا بحلگ مرتك شحطيت ليش ماتسكتين يولي... كتلج راح نصل طلعه لا تطلعين العتب عليج وكلج تعاي اشتغلي وصبي يااااهووو...! الف مره علمتج وكتلج خلييج بعيده .. شوداج بالمطبخ .. هااا شوداج ... مكان بي زلم ليش رحتي بي... يولي انتي وتالي وياج تريدين اكسرررر راسج واخليج هييين ماتشوفين بعد عتبة الباب هااا فهمينييييي... ايييي تكيف انت اتكيف حتى تروح ترجعها عبالك مااااادري .. شفت السجل والمكالمات وشفتك شلون منطلق واكف بسدها وتظحك _ هيييي سجل هذا ويامن اضحك انتي شكاعد تخربطين ... احجي خل افتهم... تحلميييين بعد هاليوووم اطبين عرس... رجلج اكسرها اييي مو هو انت ماخذنييي حتى تسجني... ليش ماتكول على روحك من وكف بصف اليابسه وتضحك ليش ماكلت .. على نفسك من رحت وكتلها العنود بيها بنيه ... طلعت ماخذني حتى اجيبلك الوليد هااا ... لمصلحتك ... _ يولي لواااص زايد ماريد اسمع هي وليد هذا يايابسه شبيج يابه انتي عقلج بي شيييي لو تحاولين تتهربين من اغلاطج... لا ماعندي اغلاط مثل ماانت رحت وكفت وياهه وقهرتني اني هم اطب للمطبخ واضحك واشاقه بكيييييفي... داحجي وجة يمشي وكف بسدي... كال شلون شلوووون ... ماسمعتج ... كتله والله عاد كلامي واااضح ...ليش مقهور من سعود وعساف كل ماا اكف يم سعووود تتخبل ... شبيك ماعندك ثقه بيه لو شنووو لا اشووو اكف واشاقه وياه وبكييييييفي... داحجي وجان يضربني براشدي.. فر راسي فر... كضبني من ايدي..بقوه .. كال اني زلمه وانتي حرمة ... انتي شنو كاعده تقيسين نفسسسسج بيه .. شنووو مقهور شنو ثقه ولج ليش ماتعرفين تحجييييين الف مره كتلج صارت عليييييج سالفه وياه هالزلمه اخويه مو بس ابي عمي بس ايتعدددددددي عنه لانخلين الناس تاخذ شقاج وياه بغير صوره بعدييين على شنو تشاقين وياه هااا... وين احنا عايشين ... يحاجيني واني بس ابجي واديه على وجهي... كتله وخر مني وخر اذا احد سوووه سالفه وخله الناس تشك فهي مررررتك حسبي الله عليها .. اني شنو ذنبي ابقى عمري كله اتجنب من سعود بسببها.. سعووووود اخوووريه تعرف شنو اخويه.. حراااام عليكم حرااام والله ... روح الها رووووح اني مافيدددك.. مدام مره صار شك متأكده بسببها راح تشك بيه العمر كله... سحبت ايدي وطبيت للغرفه اريد اطبك الباب جان يدفعه... كال افتحي وخرت ايدي وكفت يم المرايه ... ودموعي تصب كتله خير .. شتريد مني عووووفني بحالي روح الها ادري بيك مرجعها شفتك واكف يمها _ لا حول ولا قوه الا بالله وج شبييييج منو كال رجعتهاااا... مارجعتها ولا ارجعها كافي.. سدي الحجي هذا ... ومشي غسلي وجهج .. كافي عاااااد الف مرررره نصحتج بس مايفيد بيج اتمنى مره وحده تسمعين كلامي... بس راسج گوووي.. عووووفني اي راسي گوي خليني بحالي عوفني راسي يوجعني ومالي حيل الشي عووووفني... كمت احجي وابجي بحركة .. كعد كبالي عالجربايه فتح الباكيت كام يدخن... كال كافي عاد امسحي دموعج.. وسدي السالفه.. ليش اسدهاااا ليش كل مره سدو السالفه.. اذا انت ماتكدر تخلي حد المرتك اني عندي اهل.. يجون هين يكسرون راسسهاا.. هيج عدها الشرف لعبه .. من تتهم وتحجي وماتلكه احد يربيها... _ كتلج مااارجعها ادري مل التسوي عبالج راح ارجعها .. كتلج ماتخطي عتبه الباب... كافي عاد حلكج سدددي... اي سدي سدددديته... كطيت الشال من راسي.. وطلعت امشي وطبكت باب الغرفه ورايه... طبيت للمطبخ ... دامشي مانتبهت العبايه بالكاع والكاشي ناعم .. دست عليه شحطت رجلي جان الزم بيدي السنك .. حست ظهري طگ .. لزمت خاصرتي وكوووه كمت الحيلي ... حسيت وجع صار بنص ظهري وبطني حجاره ... سحبت الكرسي واني متوجعه ... وكعدت... بقيت وحدي كاعده وابجي.. صفنن اتذكرت حجايته ونظرات زينه اليه... اتذكرت ليش جانت ادحك عليه واتشاور هي والبنيه.. يمكن جانت تحجيلها عني وعن سعود لان جان واكف.. اووويلي هاي اذا الزمها بيدي اكطعها.. وجماله يروح يمها .. كاعده عالكرسي واطك برجلي كوه متمالكة اعصابي.. ولم بطني اهجسراسي يريد يطك.. صار وجع بطني تقلصت كلها وكامت توجعني...كمت افرك ابأديه الاثنين ماتحملت الالم .. نزلت رجليه من الكرسي وكعدت بالكااااع .. بيدي كاضبه رجل الكرسي وايد الخ على بطني... صار وجع بطني ماتحملت عطططت بصوت عالي .... روكااااااان .. اهجس روحي تريد تطلع .. من الوجع.... يتبع... | ||||||||
|
| |
|
05-01-20, 08:59 AM
| #30 | ||||||||
| مراقبة عامة ومشرفة منتدى الروايات المنقولة
| التاسع والعشروون #ابو_عدوان #مذاق _العشق #بقلمي_نشوى_السلطان مـساء الجـوري ..💐 ماتحملت الالم .. نزلت رجليه من الكرسي وكعدت بالكااااع .. بيدي كاضبه رجل الكرسي وايد الخ على بطني... صار وجع بطني ماتحملت عطططت بصوت عالي .... روكااااااان .. اهجس روحي تريد تطلع .. من الوجع.... نفسي انگطع.... كضبت الكرسي اريد اكوم.. ماحسيت الا وروكان فوگ راسي.. مد اديه.. كال شبيج عنود شبيج... كضبني من اذراعي .. كال اكفي على كيفج... رفعني خلاني عالكرسي... واني متشنجة احس بطني تريد تنفجر ..ركض جابلي ماي.. اشرتله بيدي ماريد مدنجة وباديه لازمه بطني كتله وجع عندي مااااتحمل بعد.. كال اكفي ابوي انتي اكفي هسه اجي.. ركض طب جوه .. جاب السويج ..كال تلفوني وينه .. خل اخابر وضحى .. انخبص كام يفتر بالمطبخ ويدحگ عليه .. طلع التلفون من جيبه ،. كال عباتج وين كومي اوديج للمستشفى كتله ماااريد خليني هين مابيه اطلع وجع ببطني.. صد عالكاع .. شال العبايه نفظها كال ماكو ماتروحين خل اوديج للدكتوره ،.، رفعت راسي كتلو وين بهالليل يادكتوره _ اش ماعليج بس اكضبيني وتنهظي ... شو على كيفج .. اكفي شوي شوي.. غير لو اعرف شجااااج يولي .. اكفي خل افتح السياره.. فتح باب المطبخ راح يركض فتح باب السياره... جة يمشي.. كال ماتكدرين اشيلج مو.. اكفي خل اشيلج كتله لالا عادي اكدر امشي... كضبته من اديه كادني على كيفي كعدني وكال صبر هسه اجيج.. راح جاب العبايه خلاهه على جتافي قفل الباب وصعد...طلع رقم وضحى اتصل عليه يطلع مغلق.. كال يووول لو بس ادري ليش كبل ماحصلها والجهاز مهجوم صد عليه كال بعدها بطنج .. رجيت راسي عالكشن .. كتله اي بعدها قويه .. مادري شجاني .. بس لا لان وكعت.. ديخابر وبيده التلفون.. صد عليه مبهوووت كال شنو وكعت وين وكعتييي وشوكت... كتله امشي هسه مادري اتزحلكت بالمطبخ.... _ تهند وكال شكد اكولج ديربالج بس اخ منج ... شغل السياره ومشه.. يسوق وعينه عليه .. كل شويه ويدحك بوجهي.. انخبص خبص.. التلفون حركة على وضحى وكله مغلق... كط التلفون بسده .. وطبينه بالفرع مالت عرس سالم... واني مرتجيه .. دحكت الكراسي مسفطات وماباقي احد ... جم زلمه واكفين همه وعساف بالساحة.. فتح الجامه ... نزلها صاح .... على عساف كالو وينه اخيتي جة عساف يمشي من جهه ابو عدوان وكف بسد السياره دنج راسو كال الگووه ها شو رحتو ورجعتو ..! كاله الحرمه ماتكدر باله ماتصيح وضحى خل تجي.. كال هااا خير سلامات صاح عالولد .. يولو .. وينكم صيحو الوضحى من جوه ... صد عليه ودنج راسو كال تعبانج اليوم كلو من سالم مابي اجر.. ثاري سعود ماينلام بي ابتسمت واني اتألم.. كتلو لا خطيه .. شعلي هوه .. داحجي وجان يعيط ابو عدوان ول وينهاااا وضحى ... فتح الباب يريد ينزل .. جان تطلع وضحى تمشي وراهه رواء وكفت يم الباب البره كالت ها خويه خير شو رجعتوا... كال الها حدري ويانه للدكتور العنود ماتكدر ... صاحت رواء يااااا خير شبيها... جت تمشي ... وبيدها الصياني كالت وضحى صبر خل اللبس عباتي... رواء كطت الصياني بالكاع وجت تركض..كالت هااا شكو شبيها العنود... عساف.. مابيها شي طبن جوه الزلم كبالجن ... طبت تركض رواء راحت جابت عباتها وجت تركض.. كالت اني اروح وياكم ... وضحى ماتكدر تروح تعبانه.. كال الها يله اصعدي... صعدت وطبكت الباب.. كتلها يولي وين ابنج ... _ يم ابوه عفته ماعليه شي بس ماكتيلي شبيج انتي شرالج كبل ساعه ماجان بيج شي... دحكت على روكان كتلهااا لا ماكو شي .. بس بطني وجعتني _ ليش شبيج خاف تعبتي اليوم مو كتلج اكعدي... العنود .. من كالت هيج صد عليه وهو يسوق كال الها لا عوفيها هي شوكت سمعت الكلام خاطر تسمعو اليوم... دحكت عليه وصديت مارديت شي كتله يولي شبيها وضحى .. خطيه شو كوه تحجي...؟ _ ماابيه شي المهم شونها بطنج هسه .. رفع راسو روكان ودحك عليه بالجامه كال الها شبيها وضحى .. كالت هيج مابيها شي.. بس تكول يمكن ضغطي صاعد.. بس سوينالها ليمون هسه احسن .. صفن عليها وكال الها زينه وامها وين... جان تجر حسره كالت موجودات بس عفتهن يريدن يطلعن.. بقى ساكت ماحجة شي ... شال التلفون حسيته يريد يخابر احد .. شو صفن ورجع كط التلفون... وصلنا المستشفى... نزلت رواء .. وهو جة يمشي فتح الباب.. صاح عالحارس كالو جيبلي سديه كرسي عالسريع... كتلووو لااا دقيقه اكدر امشي... كال بس على كيفج .. كادني من ايدي كال اسندي راسج عليه ... كادتني رواء من ايد وهو من ايد طببوني للمستشفى... كعدني عالكرسي .. كال الها رواء ابقي يمها هسه اجي.. كعدت بسدي رواء .. كالت يولي هاي اليابسه وعمليق صابنج كتلها وج شصار بيه حسيت نفسي راح اولد .. الوجع يموووت ههههه هاي هيج عيني عجل لو تشوفين الولده الصدك... جان شكلتي... كتله يولي شبيها وصخى... دحكت عليه كالت ماكو شي بعدين اسولفلج ... بهالاثناء جة روكان وبيده وربه بيضه كال يله تنهضي اكفي الحيلج .. تكدرين لو لا.. كتلو لااا اكدر... كمت الحيلي .. واني اتألم ... طببني واخذني للغرفه طبيت دكتوره كاعده .. وتفحص بالطفل... صغير .. كعدوني عالسرير .. رواء واكفه بصفي وهو واكف عالميز يم الدكتوره بقيت ادحك عالطفل تفحص بي الدكتوره وهو يناغيلي ويبتسملي بحزتها خلاني انسى حتى المرض تخايلتو طفلي.. مدي اشيله واخلي بحظني تخايلتو ابني .. شالته امه .. كالتله الدكتوره اخذي العلاج من الصيليه وطلعي مابي شي... اخذته المريه وطلعت... جان روكان يسلم عالدكتوره كال الها .. ولي يسلمج دكتوره عندي حرمتي تعبانه وماتكدر.. ماتشوفيلياه شبيها ،، كامت الدكتوره جت تمشي وكفت يمي... كال الرواء اني راح اكف بره .. وانتي ابقي يمها... جتي الدكتوره فحصتني كالت ... شكد الج هسه... كتلها كملت الخامس من يومين وبديت بالسادس... مدت ايديها على بطني.. فحصتها .. كالت لاتخافين هاي مجرد تقلصات لا اكثر... كتلها دكتوره خاف الطفل يريد يوكع لان ماوجعتني بطني قبل هيج ضحكت كالت لا حبيبتي الظاهر انتي اول طفل طبيعي هاي تقلصات بالحمل.. انتي اليووم مقهوره ضايجة من شي... رواء... اي والله االيابسه وعمليق قهرنها .. بعرس سالم صفنت عليها الدكتوره .. ضحكت كالت منو سالم منو اليابسه ضحكت اني كتلها دكتوره اليوم تزحلكت بالبيت بس ماتأذيت جثير كمت الحيلي .. بس اليوم جنت مقهوره وبعدها هيج صرت.. _ الدكتوره .. اي ماما طبيعي هذا قالون العصبي عندج متغضب وتقلصات قويه تضغط عالطفل.. راح انطيج علاج اخذي من الصيليه وباجر روحي لدكتوره لمياء.. سوي سونار حتى نتأكد من صحة الطفل اكثر.. وان شاءالله معافاه... تمهضت وكومتي رواء.. كعدت الحيلي.. دك روكان الباب.. كالتله رواء فوت.. عدلت نفسي ونزلت هدومي طب يمشي كال ها خير دكتوره ... كالتو رواء ماكو شي بس تكول لازم ماتنقهر.. شال الوصفه كال الها دكتوره يعني اطلعها للييت زين سونر هين ماكو _ الدكتوره .. لا ماعدنا سونر .. اخذها اليوم وخلي ترتاح.. واهم شي اعصابها .. الظاهر هي ماتتحمل بسرعه تتأثر.. خلوها ترتاح وباجر تاخذ سونر وتروح لدكتوره اختصاص بالحمل وان شاءالله مابيها شي.. دحكت عليه كتلو خل نطلع.. جه يمشي نزلني من السديه تشكرنا من الدكتوره وطلعنا...دحك ازدحام عالصيدليه.. كال امشي ناخذ العلاج من بره... كادتني رواء طلعت امشي وصار الطفل جدامي .. امشي وادحك عليه . وهي يناغي ويضحك لو يمي يمكن اشبعه بوسات.. لزمت بطني واني امشي.. دعيت الله يحفظلي طفلي .. صد عليه .. كال نزلي الشال صدرج طالع يمشي ويدحك عالعالم .. خاف احد يباوع عليه.. مخبوص يدحك يمنه ويسره .. كل شويه ويكول لا خوش مريضه وجايه بفستان حفله.. امشي ول يابه امشي.. وين ماكو رثع يدحك عليج... انعل ابو ساعتكم .. شلون راح اكوم ادوس راسو بالحذه.. رواء مدت راسها كالت يولي بس عرف مابيج شي رجع يحجي عالعالم .. ههههه امشي خل نلحك نركب السياره ونمشي كبل ما روكان يتحاتل ويا واحد والقالون مالتج ينكلب جوب يولي.. من كالت هيج ماتحملت ضحكت بصوت عالي وايدي على بطني كتله خرب ساعتج على هالدگة .. جان يصد عليه وحزرني بعينه كال حسسسسج وين كاعده باللبييييت.. جان رواء تخاف كالت عزه عليج اسكتي راح ننكتل هينه.. طلعنا .. نمشي واحنا مدنجات روسنه .. فتح باب السياره كال اصعدن .. رايح اجيب الدوه من الصيدليه البره واعگب صعدنا اني وياهه.. وهو راح يتمشى جدامي.. صديت على رواء كتلها يولي عوفج من روكان ومن القلون العصبي.. فهميني اكو شي صاير ورايه واني مادري بي.. _ لاااا ماكو شي يمعوده شبيج.. اكلج شوكت تجهزين للطفل انروح اني وياج من تكريت ناخذ اكو محل بشارع الاطباء مال بيبي يخبلن الشغلات العنده... كتلها رواااااء عوفي السالفه كلها ولا تفريها صار شي ورايه احجيلي حتى افهم.. لاتخلين بالي كليلي روكان مرجع زينه لو شنو .. شبيها وضحى.. يولي لاتخليني اسمع من غيرج _ رواء ..اووو العنود ليش تلجين يولي... راح اكولج سالفه وخليها ترجيه بأذنج .. زينه ديري بالج منهااا ... تره خبيثه وكلشي تكدر تسويلج... كتلها .. خل تولي هاليابسة شتريد تسويلي مثلا .. والله ان جابت اسمي بسالفه اطب اسحلها بنص اهلها ان جان ذيج المره تحملت الها هالمرره لااا وداعتج رواء.. دسكتي سدي السالفه جة روكان هسه انترزل خل نرجع عالبيت هسه ابن الثوله الكاه واكفلي حدر الدجة بالباب يتناني... يولي وراج صارت الحفله تخبل حتى العروس كامت تركص.. اي الله يهنيهم... اوف روكان طلعلياهه سم... اشش من ايدج تتصرفين بخبال يولي .. اكو حرمه تغيض زلمتها بزلمه ثاني.. حيل بيج .. جة سدي السالفه بعدين العنود.. فتح الباب وبيدو علاكة الدوه.. خلاهه بسدي وصد عليه كال شلونج هسه... دحكت عليه بطارف عيني وصديت عالشارع كتلو مابيه شي _ روكان.. اشوف مو راضية .. تصدين غادي.. يولي رواء ليش خليتنه تكوم تشنغل لو صاير بيها شي.. موتدرن بيها حامل خل اصل الييت هم كليي باجر اريد اروح للعرس... _ ماروح ماروح مكان بي زينه واتباعهه ماريده بس امشي رواء... عود نزلوني بيت سالم هناك اهلي وابو حمودي..، العنود...التلفون مالته بسدي.. كام يدك.. هو ديسوق دحكت عالاسم مكتوب سعود الفهد... مد ايده ... رفع خط... كالو هلا سعود سلم عليه وجان التلفون صوته عالي... اسمعه يكوله بس ترجع للبيت اريد امر عليك بشغله ...كالو هساع اني بالطريق اصل ويصير خير خمو بالدوام صاير شي... كاله لا لا بس سالفه لما تصل بخير وسلامه احجيلك.. سلم عليه وسد الخط... كالت رواء .. هذا سعود موو... والله عرفته راح يخابرك دحك عليها بالمرايه كلها ليش شبي سعود.. كالت اسمع منه هو راح يحجيلكم.. اني ماعليه... من كالت هيج استغربت اتذكرت من كالت وضحى مرتفع ضغطها وحذرتني من زينه.. كالت صاير شي ورايه اكيد... وصلنه بيت سالم .. نزلت رواء كال الها صيحي وضحى خل تجي ويانه... جان يصيح سالم من مكانو كالو يبو عدوان مو هينه وضحى راحت ويه سعود توها... مشت رواء طبيت للبيت.. لاف السياره روكان واحذنا لبيتنه... نزلت طبيت بالهول ارتجيت عالقنفه.. خله يمي العلاج وراح جاب الحبايه .. كال اشربيها هسه .. خله العلاج بسدي .. طلع التلفون من جيبه .. وطب للربعه وسد الباب وراهء... شربت العلاج ... وكمت ذبيت العبايه.. طبيت للمطبخ اريد اردي الكلاص.. جان يصير لايت عالشباك.. دحكت من الجمامه .. نزل سعود يمشي.. وياهه خالتي وضحى طبو للربعه. وسد الباب وراهم... بقيت صافنه شبيهم .. اكو شي والله .. شصاير خرب غير افتهم ..خاف جايين يرجعون زينه ... لا مستحيل ماتصور خالتي وضحى ماتسويها.. طبيت امشي وكفت يم باب الربعه ... اريد اسمع شيحجون.. ماكو صوتهم ركضت طفيت السبلت .. ورجعت خليت اذاني عالباب.. حاولت افهم .. اسمع سعود يكوله مايرهم هالحجي الناس الها الظاهر اذا اقرب شخص هيج يحجي شلون مايصدكون.. وضحى تكوله يابه اتفاهم وياهم بدون مجاتل تره تصير فضيحة هين اني بعد اريد اكف الحيلي ماكدر .. كمت الوب بسد الباب اريد بس افهم شي .. اسمعه يصيح يكولهم والله ماتصيرلي مره وهي طيبة .. هذا مكانها واريد اشوف منهو الي يرجعها بعد.. يصيح بعلات حسو.. وطلع يمشي باب الربعه انفتح .. واسمعهم يرجعون بي .. وضحى تكوله الخاطري ارجع لا تروح .. ركضت للمطبخ فتحت الباب.. شفت سعود يرجع بي يكوله ارجع بروح عمي.. وروكان دفعه وطلع يمشي سريع.. وضحى بالطرمة تصفگ بديها تكوله الحكة يابه اليوم يتجاتل ويا اهلها... شلون بلوه هاي ماتسكت لفيت شالي .. وطلعت علو خالتي اركض.. كتلها خيرر خاله شكوو روكان شبي يصيح وين راااح... شفتها وجهه اصفر مابيها حيل تحجي كعدت بالكاع كالت يمه جيبلي ماي حلكي يبس.. شفتها منتهيه تربعت وكعدت بالكاع وسعود طلع يركض وره روكان ركضت للمطبخ واني كاضبه بطني.. جبتلها كلاص ماي شربتها.. كتله خاله ارتاحي .. مايصير شي لاتخافين.. كالت .. اليوم يتذابح ويا اهل زينه ..اليوم ناس تذبح ناس.. شراح يسكته .. اووف كتله لسعود لا تحجي ... اويلي شلون يمه تلفوني ماكو جان خابرت اهلي يجون عليه.. يايمه رجليه ماتنن مابيه الحكهم.. خابري يمه بلجي يرجع.. كتله لاتخافين مايصير شي والله .. شوفي نفسج شصاير بيج كالت .. كله منها .. ماجازت من طلايبها .. مره هالگبرج وكل البلا بيج .. والله لمو اكول بنت عمي الا اتبره منها على هالعمايل.. بس فهميني خاله شنو الصاير ... شكو شبي سعود وياهه _ اسكتي يمه ياريت بس سالفه اسعود.. تذكرين سالفه سعاد.. _ ايي قصدج الارمله مو... اي اي هيه يمه .. اليوم كضبتني امها بالعرس اتكول جنتكم حاجيه للنساوين تكلهم سعاد تركض وره روكان .. ومتخبله اتكول بس يسمعون اخوتها يهدون والله مايسكتون.. من كالتلي هيج انقهرت تخبلت.. البنيه فاين حظها وتجي زينه تتهمها .. وتكلهم تحب روكان عزه عالماتلج .. كلمن شافتها كالت تركض وره روكان.. ماسكتت ام البنيه الا واني تافله المر... _ هاااا خاله تلوميني من احجي مو كتلج .. هاي ماراح تسكت يوميه تبلانه بسالفه .. هذي موصاحيه اكيد مريضه شوفي والله هساع لني كلت نفس سالفتج بالعرس كلت للنساوين هاي مثل خالتها بيها انفصام بالشخصيه.. بعيد البلا والله مو طبيعيه .. تتصرف تصرفات مال جهيل الله وكيلج .. كتلها بلجي مفصومه بالنص .. زين وسعود شبي وياهه.. _ اووف عجل مو تجاتلت وياهه بالمطبخ كتلها شنون هيج تكولين على البنيه تحب روكان .. ماخفتي ربج .. جان تكول ايييي اكول وبعد اكول اني التركض وره رجلي افضحها بكل الديره ... عاد اني هين صدك تخبلت كتلها ولج خافي ربج حررررام التهم البنيه مالها شر على احد وماشفته منها شي شلون تريدين تبلين اخويه ويا الناس.. جان تكولي امها بنتي ماتتبله على احد احنه شفناه يتردد عليها .. شفنه بعيونه محد كلي.. كتله غضب الله عليجن شلون اثنين... النساوين بالحفله وايدي على كلبي كل شويه اكول راح يسمعن وتصير فضيحة جة سعود وعساف يركضون على صياحهن.. جان تعيط الامايه اييي جة سعود جة هاا ..المن تريد ادافع للعنود... جان يبقى صافن عليها وعساف واكف.. كال الها عيب عليج شهالحجي هذا .. شنو العنود احترمي نفسج انتي بكير امي .. وومايصير اتجاوز على حرمة .. جان تعيط وتكله هاااا تغشم نفسك عادي احجي عليش مستحي بنتي لا تهمتك ولا تهمتها شوفتي الحجي مالتك وياهه .. وشلون هي كاطه نفسها عليك.. شلون نسوان تالي وكت تركض من زلمه زلمه... وزينه تأيد كلام امها... عاد تلاطشت وياهن ماكدرت اسكت وسعود تجاتل وياهن ورواء رادت تكتل زينه بس ربج وخرناهه .. لمو ابو عدوان يجي وياخذها جان وحده كتلت الخ .. يمه اليوم ايتذابحوون. والسبب هيه .. الله لاينطيها .. خل اكوم الحكهم... العنود.. تحجيلي واني بس الطم على وجهي كتله هاي فضحتني وشهرتتي بالديره الله لا ينطيها ..والله اليوم اروح بيدي اسحلها كمت الحيلي طبيت للمطبخ ... شلت عباتي... وخالتي وضحى تصيح عليه اعكبي يمه اعكبي ماكدرت ..لبست العبايه وصلت للباب البره دحكر على خالتي كوه تحجي وجهه اصفر قهرتني .. رجعت عليها.. كتلها كومي خاله شسوت بينه هاي الله لا ينطيها.. توجت عالحايط وكامت ويايه .. طبيتها كعدت عالقنفه .. كالت حاره يمه شغلي هذا المعلك.. صديت ياا قصدها السبلت.. شغلته كتله هسه يشتغل.. اجيبلج ماي النوب كالت لا يمه فتحت اللكج .. كالت روحي غايطه .. شلون يمه اخوها شراني ولد عمي واعرفهم وروكان مايسكت خايفه يصير شي ... كتلها وينه تلفوني بلكت يجاوب... ركضت شلت التلفون طلعت الرقم دكيت واني امشي بالبيت روحي مفرفحة ادحك عليها منتهيه كلت هسه يصير بيها شي.. مادري هو الي راح ومادري شراح يصير.. يدك ومحد يرد يارب اكفينه شرهم يارب...اروح واجي للطرمة وللبيت واني لازمة بطني.. امشي وادعي... وين اروح هسه وشلون افتهم السالفه طبيت على خالتي.. ادحك عليها حلكها يابس .. كتلها خاله هسه يرجعون لا تخافين .. كعدت يمها فركت الها اديها ورجليها وهي راجيخ راسها عالقنفه.. جان اسمع حس من بعيد كتلها خاله خاله يمكن جوي... كمت الحيلي وخالتي ورايه ... تمشي وتلف بالفوطه... جان ...يطب سعود يركض للطرمه وردانه كلها دم ... كال اريد شاش كطن بسرررررعه ... من كال هيج اهجس حيلي راح ... كضبت بيدي الباب كتله شبي روكاااان وينه صديت على خالتي كامت تلطم على وجهه... البيت كام يفتر بيه وسودت الدنيا بعيني..... يتبع..... شكرآ لجميع التهاني الي وصلت على الخاص والي وصلتني بالتعليقات .. الحمدلله التوفيق من الله وماانسى تشجيعكم الي ييعلي من معنوياتي ويخليني اكتب واستمر واحصل على المليون.. وصلنا المليون بفضل من الله وبفضلكم ❤️ | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
