آخر 10 مشاركات
جدران دافئة (2) .. سلسلة مشاعر صادقة (الكاتـب : كلبهار - )           »          294 - لماذا تهربين؟ - كارول مورتيمر (الكاتـب : بلا عنوان - )           »          ثمن الكبرياء (107) للكاتبة: Michelle Reid...... كاملة (الكاتـب : فراشه وردى - )           »          1041 - ميراث خطر - ستيفاني هوارد - د.ن (الكاتـب : سنو وايت - )           »          البجعة الورقية (129) للكاتبة: Leylah Attar *كاملة & تم إضافة الرابط* (الكاتـب : Andalus - )           »          زهرة النار -قلوب أحلام زائرة- لدرة القلم: زهرة سوداء (سوسن رضوان) *كاملة* (الكاتـب : زهرة سوداء - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          317 – صدى الذكريات - فانيسا جرانت - روايات أحلامي (الكاتـب : Just Faith - )           »          مذكرات مقاتلة شرسة -[فصحى ] الكاتبة //إيمان حسن-مكتملة* (الكاتـب : Just Faith - )           »          أنين الهوَى - الجزء 1 من سلسلة تايري -شرقية زائرة -للكاتبة:ملك على* مكتملة & الروابط* (الكاتـب : ملاك علي - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 05-01-20, 09:00 AM   #31

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي




الثلاثون

#ابو_عدوان

#مذاق _العشق

#بقلمي_نشوى_السلطان

مـساء الحب ..❤️

تكملـة القصه .....👇🏻

جان ...يطب سعود يركض للطرمه وردانه كلها دم ... كال اريد شاش كطن بسرررررعه ... من كال هيج اهجس

حيلي راح ... كضبت بيدي الباب كتله شبي روكاااان وينه
صديت على خالتي كامت تلطم على وجهه... البيت كام يفتر

بيه وسودت الدنيا بعيني..... توجيت عاالحايط ... وجسمي يرجف
كتله شبي رووووكان وينه .. شصار

كال .. مجروحة ايده بس جيبي الكطن يمعوددددة...
صديت على خالتي ... كوه تجر النفس...

بعد ماعرف شسوي نخبصت مدري اركض اجيب الكطن
مدري اروح الها.. كتله خاله اصبري مابي شي لتخافين

طبيت اركض وحتى الم بطني نسيته ...
فتحت الديلاب طلعت الكطن والشاش وطلعت للطرمة ،، لكيت

سعود واكف يم خالتي ومنطيها ماي... صديت عالباب طب روكان
يمشي ... ورافع اردانه .. وايديه تنزف... كتله سعود جة روكان جة

طلعت امشي سريع عليه .. وخالتي كامت ورانه ،..
اردانه والدشداشه بيها دم .. كتله شنو هاي ايدك مجروحة

شكوو شصار.. .. كال ماكو شي بس رحت ادبت هالمنعولين
اني اعلمهم والله الا اكرظهم كرضه تسوى عمرهم... صد على

وضحى كال الها شبيج اخيتي يولو شبيها وضحى
كتله خطيه غير خافت عليك .. شوف شصار بحالها

_ عليششش يمعوده .. طبيت جتلتها جتله تسوى عمرها ..
خاطر ماتجيب بعد سيرته العالم على اللسانها

سعود.. تعال فوت خل نداوي ايدك .. والله عجيب هاالبشر
يعني اكو حرمه تسوي هيج حتى رجلها يتزوج الرابعه والله
اول مره اسمع هيج...

وضحى.. كله من امها كله من الدبابه .. تلاسن بيه وتكلي
الا نكسر خشمها... عجل تقبلين تجي حرمه رابعه والله
هذي ماعدها عقل ...

روكان... ادري بلي تخططه .، عوفوهم عليه ان ماخليتها
تتندمممم على كل حرف نطقته ماكون اني ابو عدوان

سعود خل انطب انداوي ايدك ... وين الكطن يالعنود

العنود.. هيان جبتو شلون انداوي وهو واكف دحگ هدومك شصاير بيها .. اوف .. طب روكان يمشي وطبينا وراه .. كعد عالجودليه

بالهول وكعد بسده سعود.. رحت جبت جگ الماي والكلاص خليته كباله .. اريد اكعد بالكاع ماكدر بطني قويه صلبه حيل...

سحبت الكرسي من المطبخ وخليته وكعدت... كام يضمد سعود
بجف اديه مجروح اصبعه واضفره متأذي

كتله هاي شلون هيج صار بأيدك اريد ادحك عليه كلبي اهجسه وجعني ... كتله خاف لازم يتخيط...

سعود.. لا هسه انداوي مو ماال خياط..

وضحى .. هساع فهمنا شبيها ايدك شصارر والله مابقى حيل عندي
متت عالما رجعت يايبه مو كتلك لا تروح...

روكان .. طبيت عليها كتلها انتي شلون تحجين هيج حجي واكفه باب الغرفه وتحاجيني .. زكحت بيها كتلها تعالي هينه .. عليش لابده

هناك.. جت وكفت وبكل عين برعه اتكلي مو هيج الحجي مفتهم غلط وامها كامت تلغي من مكانها .. اني ماتحملت سوالفها...

كمت افوور .. جتلتها جتله تسوووه عمرهاااا... جة عمي وصار صياح .، بيني وبينهم .. اخوها المساندها .. كام يسولف من مكانو
كتلو شو تعال عليه اني من زمان متحمل عليك ... عاد ماقصرت اكل المقسوم .. اخر ظربه صاررت ايدي بالحايط... ونجرحت
من انجتل صار جريذي ختل بعد ماطلع راسو ..الكل سكت شلون ملة حقراااء شلون حجي هذا ... ان جان عمي ما مربيهم اني اربيهم ..طلعت وكتلها خل بنتج هين تشبع منكم ...تحلم بعد اطب بيتها .. من اليوم ماريد شوفه وجهه...انعل ابو ذيج الساعه السودهه
الجمعتني بيها... مره ماتكدر تكضب اللسانها..

العنود... يحجي وصاير نار.. وسعود يداوي بالجرح..
ماكدر ادحك على ايده .. بقيت صاده راسي .. وخالتي وضحى

تهدي بي...بقينه فتره مشاكل وصياح بين اهل زينه وابو عدوان
وصارت كعده علمود يرجعها لكن هو رفض .. كال الهم الحرمة

الي تتهم زلمتها نوبتين .. ماتصيرلي مره .. هذي اذا ارجعها تسويلي بلاوي..جان الحل الوحيد بعد الگعدات والمشاكل انو

تبقى عد اهلها مهجوره .. ومرت الاشهر ..بناتها يدزوهن يمي
من ينزل من الدوام يروح يجيبهن يبقن يمي لليل ويرجعوهن ..

بعد الكتله الي شافتها وحجي ابو عدوان .. كرصت وكعدت بمكانها
رغم هي اذتني ونشرت صوري وفضحتني ورادت تهجم بيتي

لكن جنت اكوله عاقبها حتى تعلم وماتكرر الغلط مره اخرى
لكن ابد ماشجعته عالطلاك صح احبه واموت بي واشبع قهر

جنت من اتخايل هي يمه وبحظنه .. لكن لمن اتذكر هي. زوجته
وام اطفاله قبلي .. اتراجع واكول لا حرام عليه اهجم بيتها

جنت عازله نفسي كلت هو الي يتصرف وياهه ماريد ادخل بخطبتها
لكن بهالفتره اتأزم الوضع وصارو يهجمون على البيوت ..

الشرطي ينذبح .. لو يخلوله عبوه ..وهجموات ومففخات كل كم
يوم ...مصيبه .. حتى اهلي كمت مااروح الهم اخاف عليه من

الطريق.. حملي صار متعب حيييل.. حسيته جبل .. اريد بس
اولد.. خوفي على روكان والهبطات الي تصير ويايه جنت اذا

اسمع طلقات بعيده اكوم ادك والطم .. واركض عالتلفون ولشتي كلها ترجف.. من خوفي .. الطفل حيييل نازل .. وجانت الدكتوره دوم

تكلي .. ممكن تصير عندج ولاده مبكره.. لكن ماجنت ببالي شي
غير ابو عدوان ... لمن ينزل من دوامه وينام.. ابقى كاعده للصبح

وهو نايم .. من خوفي علية..جنت اذا اتخايل حياتي بدونه اكعد
ابجي.. ليل نهار ادعيله.. ادعي ربي يحفظه.. ..

بيومها .. جانو امي ونجمة يمي .. جابولي جهاز للطفل..
جانت الملابس تجنن.. شي احلى من شي.. ملابس البنات تخبل
جان الجهاز من السرير الحد اخر قطعه بلون الوردي..

صارت الدنيا المغرب .. كتلها نجمة طلع ابو قصي بره ويكول
خل يتهرين تانمشي...

_ اي كومي يمه ... خاله وضحى .. العنود يمكم ديربالكم عليها
هاي ماتركح بكاع وهي حامل .. دحگي بطنها والله قادر الله تصل
الشهرها...

وضحى.. لا ييمه والله لا اني ولا ابو عدوان انخليها تشتغل
بس هي خوافه بس تسمع طلقه من بعيد تخاف وتكول راح
يهجمون علينا... رغم العلم يمنه امان ماكو شي بس بتكريت
اي يوميه جاتلين واحد... كبل جم يوم بالدوانم جاتلين عقيد
بس يمنه العلم محد يفوت اذا مو عندو باج

كتلها .. شسوي اذا هو مايكعد بالبيت اكوله لا تطلع ويكلي
عليش نخاف هي موتى لو موتين .. كلمن يموت بيومه
اكوله يابه ذوله مايرحمون خاف ينغدر بيك ..
مايفيد بي حگي اخاف .. دشوفين الوضع اشلونو والله الهباطه
على كلبي داحجي وياههم وجان يكول
شبي گلبج من عاب گلبي.. شبي يووولو... شبي گلبها

صديت عليه لين هو ورايه .. واكف ... بيدو الجكاره ويضحك
مد ايدو عليه وخلاهه على جتافي... بحزتها متت خجل
ادحك امي واكفه واني استحي منها ،،، همست بصوت ناصي
شبيك امي هين... دنج راسو عليه كال شبيج ادري ام جابر
هين ... ادري بعمتي هينه... غير لمو هي ماشفت هالعيون
هو يحجي وهمه ميتين ضحك.. مديت رجلي ودست على رجليه
كال الها عمتي تره ام اللسان هايه .. هسه شكل ويمي شكل اخررر من كال هيج .. سحبت نفسي .. وتخوصررت كتلوو شبيك شدتحجي
جان يضحكوون كلهم كال الها دحگو عليها جنها بطه واتدحدح
تعاي هين تعاي... كتلو ماجي... روح ..

جان تكول وضحى وين يروح خابصه الدنيا بي انتي وهسه
تكوليله روح...

جان يدك باب المطخ ابو قصي كال يابه تره البرد جتلني
واني مشتول بره .. وينكم يابه..

ابو عدون .. له له والله نسينه الزلمه حياك هلا ببوقصي
فوت .. ها عمتي دحكي بنتج حتى الزلمه خلتني نسيتو

ابو قصي .. وين افوت الدنيا غربت لازم انحدر يله
وين صرتن .. انطيني قصي والحكني عالسياره...

العنود مشينه كلنا للبارب البره سلمت على امي وصعدو
وكفت بالباب وابو عدوان بسدي.. يحاجي ابو قصي

دحكت عليه وهو يحاجي .. كتلو بصوت ناصي بسيطة
خل يروحوون...

جان يصد عليه كال هااا تره بعدهم مامشوو مو تره
اكول الامج ... ضحكت كتلو اشاقه ماسوي شي بس
اسكت حباب...

دحك عليه وكال يبعد الروح ...بردانه مو اشو اتراجفين
نزع الستره وخلاهه .. على جتافي... بقينه واحد يسولف
ويا الثاني ونضحك .. جان يدك هورن ابو قصي كال يابه
احنا نمشي .. انتو سالفتكم سالفه .. ضحك وطلعوو بالسياره

صد عليه كال ها بردانه يبعد كلــي... يبعد الروح
امشي امشي... ولج ماصدك تجي البنيه وتشوفها عيوني

طلعنا نمشي بالطرمة ايده على جتافي .. رفعت راسي
عليه كتلو تفرح بيها .. لو تريد وليد ...

_ ولج هي وليد.. هذا رزق من الله .. وبعدين
شبيها البنيه .. اذا مثلج ..يبعد البنوات والنسوان ...
وكل حرمة بالديره .. هي بس خل تجي... شوكت اشوفها

ابتسمتله كتلو مادري ليش اتخايلها تشبهك... يمه
اذا تشبهك.. غير. اشبعها بوسات....

.. كال عليش تشبعيها بوسات .. شو اني النسخة الاصليه
وكبالج.. ماعليج بيها يولي .. المهم الاصل.. عجل لمو اني
هي شيجيبها للدنيا...

ضحكت كتلو اسكت راح تسمعنه خالتي... كال طبي
خل اشعل المنقله ... انتدفى عليها.. وهم نشوي .. وينها وضحى
يله جهزو العشى .. اليوم اريد انام من وكت لان باجر ورايه غبشى
الدوام ... دامشي بالمطبخ من كال هيج كلبي عصرني صديت عليه كتلو يعني باجر هم دوااام شطلعت هاي... وين رايح...

كال ماكو شي شييج خايفه..، امشي صيحي وضحى

كتلو فهمني وين دوامك....

_ باجر نطلع لبيجي ومناك نطلع دوريات عالطريق كركوك

هاااااا شغلتك مطوله .... شطلعت هاي ...

لا لا يومين بالجثير وارجع ..، دمشي جيبي الحم خل نشوي

زين انت شدتسوي مو عدنا فحم... ليش دتكسر بالحطب

_ لا بالحطب احسن ... امشي عاد ارد ادز عالبنوات اشوفهن
اليوم ماشفتهن ولا البارحة ...

كتله هسه اجي... طبيت لكيت خاله ماده السجاده دتصلي ..
برمت ارداني .. تربعت بالمطبخ .. كعدت كصكصت اللحم

وشييشته بالصياخ... باب المطبخ مفتوح وهو كبالي واكف
ادحك عليه على طوله وهو يمشي ويخابر والنار مشعوله

يحاجي سعود وديتفقون اي ساعه يطلعون للواجب... اريد اكمل
شغلي بعد ماكدر.. ايدي ماتاخذ على شغله رفعت راسي..

وكلت ياااارب احلى شي بالدنيا هوه ... ماريد انحرم منه
يارب احفظه الي من كل شر ومكروه.. كمت الحيلي ورجليه

تأذيني ... كوه وكفت.. انداريت خالتي ورايه دتسبح
كتلها خاله ماكدر امشي رجليه مشكله .. عفيه انطيها الروكان

ارتجيت عالمجمده... كالت ليش سويتي اني دكعتو وكلت اني
اكمل العشى .. مو الدكتوره كالت لا تعبوها ... اوف انتي

صدك من كالت اخيتج ماتركحين كتله ميخالف اني ماتحمل
طول الوقت ابقى كاعده .. وديه خاله

دحكت عليه كالت شبيج شو ضايجة ..

كتلها خاله روكان راح يداوم ويبقى يومين .. شلون اني
يعني الخوف راح يموتني والله ...

_ اششش لا يسمعج شبيج ياامي خمو اول مره يداوم
لا تخافين يايمه ادعيله يرجع بخير وسلامه

تعاي يمنه اكعدي بره تدفي عالمنقله...

كتلها اغسل ايدي والحكج .... راحت تمشي توجيت عالكاونتر
رجلي احسها تريد تنكسر ... وكفت غسلت ... وطلعت لبره
لكيتومشغل اغنيه بجهازه .. وجان دوم يسمعها ويسلطن وياهه
ليت لي انا في حياتي اختيار كان اعيد الي معاك ياعمري صار
كان اخلي دنيتي واتبع خطاك ...لماجد المهندس.. دحكت عليه
رفع راسو والنار بوجهه وعيونه تلمع .. ابتسملي ... كال تعاي
تكلطي جاي... طلعت امشي وكفت بسده ،.. كتله حلوه الاغنيه
دوم تسمعها ... صد عليه وهو يهفي للنار..،
كال الاغنيه هاي تحجي حالي...

سكتت مارديت بقيت صافنه لوجهه...

هو يهفي ويدحك عليه .. كل شويه يصد.. كال شبيج شر بس صافنه
كتلو مابيه شي . بس رجلي تأذيني...

اكعدي .. اكعدي ابوي انتي ... سحب الكرسي وكال هين
اكعدي بسدي.. خل اشبع من عيونج يبعد عيوني...
اني من يكولي هيج .. مدي انفجر بالبجي .. كتله لا هيج تكول
تحسيني راح تروح وماترجع ... حباب لاتحاجيني هيج ..

ضحك وكال لو بس تبطلين الواهس هذا.. هسه مرتي
احب عيوووونها ... ياناس ... اعشكهاااا... خيتي وضحى
جاي تشوفين... الكمر البسدي...

ضحكت كالتلو اي جاي اشوف النوب حليانه عالحمل...

افتر وكف وره الكرسي.. واديه على وجهي ... كال
يبعد روحي عليمن خايفه .. تخافين عليه..

رفعت راسي عليه كتلو ليش شعندي غيرك ..

ابتسملي.. كال راح تجيبن هالفصعونه وتلتهين عني

ضحكت كتلو والله الدنيا بكبرها ماتلهيني عنك ...

جان تصيح وضحى ... يابه احتركن الحماااااات ....

جان يكول اخ لهتني كله منها... ثنى رجليه وكعد يفرد بالحم

جت وضحى تمشي كالت خدرت قوري جاي خل نخلي
بين مانتعشى نلكاه صاير...

_ ايييي يبعد اخوج ... مال نركيله وياه خلي خلي...

اخذنه الصينه طبينه تعشينى وكملنه طب هو يغسل وكمت داشيل الصينيه جان يطلع يمشي نشف ايده وشال الستره كال جهزيلي الحمام اليوم كلي ريحة شوي...

كتله دقيقه شو دتلبس وين رايح... صاحت وضحى كالت الجاي مو خدرته علمودك ..

دحك عالساعه كال الها .. ماكدر اريد ادز سعود على عمامي يجيبلي البنوات اشوفهن وارجع انام باجر نطلع من وكت.. البدله نضيفة

كتله اي مغسولات ومكويات كلهن...

عجل خوش اني ماتأخر..شويه وارجع...

شال السويج وطلع..،

بقينه اني وخالتي... رحت غسلت المواعين .. كملت دحكت عالطرمه كلها فحام ... اريد اغسلها بس ظهري يوجعني وبارده

تعاجزت وطبكت الباب... طبيت للهول ماكو خالتي
دحكت باب الربعه مفتوح .. مديت راسي .. خطيه نايمه والسبحة

بيدها .. طبكت الباب ومشيت دحكت (عالدرج ).. اويلي غرفتي
مشتاكة اصعد انام بيها .. بس عاد اجيب واخلص الله وارجع

لمكاني ... هناك ايامي من جنت مخبله هههه . اتذكرت ايامي
وكت اتبسم الا ارادي... طبيت غسلت وجهي واستاني ومشيت

الغرفتي بدلت هدومي كمت اختنك من كلشي ثخين ..لبست
دشداشه قصيره خفيفه وتمددت... بقيت اكلب بالجهاز وعيني
عالساعه ... صارت ساعه 12 وربع وهو ماكو...بقيت انتظر
لحد ماغفيت من تعبي... وره شويه حسيت .. صوت بالجربايه
حفلت ... فتحت عيوني ... لين هو بصفي.. واديه على شعري...
كال ها نايمه ...

كتله وين صرت تأخرت ... مادري بنفسذ غفيت .. ساعه شكد

_ نامي ياالعمر..، نامي .. ادحك على بطنج وانتي نايمه شنون
اتحرك .. هاي البنيه هم وكحة ماتركح من هسه ...

ضحكت كتله .. ليل نهار ادفر ... حتى من نومي تكعدني

_ قرب راسه كال الها ول انتي .. ليش ماتنامين ها ... خل امج ترتاح
لا تعبيها من هسه..

كتلو هاي المن تحاجي هااا..

ضحك كال عدوانه غير ... ماتنام شالعه كلبج..،

ضحكت كتلو طفي الشمعه تظرب بعيوني ماتحملها ..

كال اي ... كام طفاهه ... ورجع تمدد بسدي... سحبني ونومني
على ايده... كال نفسج عالي...

اي... عندي خفقان .... وشكد انام مااشبع نوم من يوم الحملت لليوم

سحبني على ايده .. كال نامي تعبانه انتي..قربت راسي عليه
بسته وكتله تصبح علو خير... كوه كملت الكلمه ... عبالك مخدره
بس خليت راسي على ذراعه نمت ... كعدت الصبح ...
على صوت الكنتور وهو يمشي بالغرفه ... جان اجفل وتنهضت
كتلو الساعه شكد....

دحك عليه ... كال نامي ... ساعه 6 الا ربع...

دحكت عليه ديلبس بالنطاق... كمت الحيلي... شلت الستره مالته خليته على جتافي... اريد اوكف الحيلي ماكدر اعضامي اطك من
البرد.. الكهرباء طافيه والغرفه ثلج ...

كتله عليك الله لا تتأخر وخلي جهازك مفتوح .. لا تخوفني عليك

احاجي وهو يدوو على السويج .. شال البيريه والباكيت ..
سحب القمصله العسكريه من الزاويه وكال .. ماغلقه وعيونج

وكل شويه اخابرج بس لا تخافين... ديحاجيني وجان اسمع الهورن
كال وصل سعود... جة يمشي عليه .. خله ايده على حنجي

كال .. لاتخافين .. يبعد عمري.. حتى اذا اموت بيوم ...
اكو طفل مني .... يولي صيري سبعه .. لا تخافين وكولي

كلشي بيد رب العالمين ... قرب راسه باسني وطلع...
مشه وصل للباب مال الغرفه .. كال ارجعي نامي ارتاحي..

طلع وطبك الباب وراه ... اني من كال هيج ... بحزتها
يمكن مابقت بعيني دموع ... تذكرت الاخبار والتلفزيون

شلون الوضع متأزم تذكرت الانفجارات كلبي انقبض
طبعت وراه مالحكت لكيته طالع... قفلت باب المطبخ

طبيت توضيت وصليت ... ودعيتله ... ورجعت تمددت بفراشي
مر يوم وهو كلشي يويه يخابرني .. كال اني ببيجي ..

بس احتمال نطلع بواجب على جبل حمرين ... وراهه بساعتين
دكيت جهازه مغلق ... بقى يومين جهازه ماكوو ...

بحزتها اهجس كلبي تعب .. اذا يندك الباب اجفل ..
اذا التلفون يدك اموووت ... بيومها جابو بمنطقتنه شهيد

والكل ترمي طلقات والجو جان مغيييم .. ومطر خفيف..
صار الليل .. واني يمي ولاء وضحى ..كل شويه بطني

تلويني ويصير وجع خفيييف ويروح ... كتلها ولاء
بطني حيل دتزود .. خايفه اولد ...

_ اي طبعا تودلين اذا انتي جبانه .. شبيج يامه ويامه رجلي
راح للدرام وبقى ايام جهازه مغلق .. ليش تتفاولين بالشر

كتلها .. مووو الوضع يخوووف وخايفه يصير شي بروكان
غير امووووت والله ... احاجيها وبطني تعصرني ..

مادري شبيه بطني قويه .. ولوجع كل شويه يزود...
نامو كلهم واني عيني ماغمضت .. بطني الوجع زاد ..

كمت الوووب وافتر بالبيت .. اروح واجي بالمطبخ
ماتحملت ... كاتمه دموعي وامشي واديه على بطني

طبيت امشي للغرفه وضحى ولاء فارشات بالكاع ونايمات
كتله بصوت ناصي .. رواء اكعدي .. صحت مرتين ماتحملت

كضبت الباب وكعدت بالكاع .. جان تكعد خالتي كالت ها خير يمه
ركضت رواء شغلت الضوه.. كالو. ها يالعنود شبييج ...

كتلها خاله ماتحمل اني راح اجييييب ...

_ رواء... صخااام بهالليل منوراح يودينها .. رجلي بدوامه

وضحى .. خابري عساف اركضي يمه ...

_ كامت وضحى خلت اهدوم الطفل بالجنطة .. جابتلي عباتي لبستني الوووب من الوجع ونفس الوقت ميته برد وارجف

رجف وروكان ببالي ماراح .. جة عساف طلعنا نص الليل
الدنيا مطر ... كوه صعدت بالسياره .. كل شويه احس نفسي

راح اولد .. مارصلت المستشفى والا اني متشاهده من الوجع
طببوني لودهه الطوارء... كالت اشكذ بشهرها ...

كلتلها وضحى بعدها بعد سبوع يمكن ودتخل شهرها ..بس
اليوم بمنطقتنه جابو شهيد ويطكون طلقات هي من سمعتهم
وره شويه كامت ترجعه بطنها

اني فوك راسي يحجون.. واني اعيط كمت من وجع بطني
جتي تركض اللمرضى .. خلوني على كرسي متحرك ..
وططبتي للغرفه ... كتله خلصيني فدوه اروحلج راح اموووت
اطلك وعيني فوك .. وروكان ببالي.. واردد يااااارب
لا تحرمني منه ... مددوني عالسديه .. جان ادك الباب وضحى
كالت هدوم الجاهل...خلو الجنطه بالكاع ... ضربتني الدكتوره
ابره ... كالت ماما هسه تولدين لا تخافين...
فعلا وره ربع ساعه ..ماتأخرت .. بس كلبت المستشفى
بالعياط... ولدت ... وسمعت صوته الطفل وهو يبجي...
واني عالسديه ... بجيت وياه ... صديت عليها .. شفتها شايلته
من رجليه ... وهو يعيط... خلته عالسديه الثانيه .. كتله عفيه
لفيها وين بطلنيتها بارده...

جان تكولي قصدج لفي مو لفيها ... صفنت عليها رفعت راسي
كتلها .. يعني شنو...

كالت ماما انتي ولدتي ولد مو بنيه ... صاحت عاللمرضى
شالت الجنطه وكامت تلبس بي...

ادحك عليه وابجي .. واردد الف الحمدلله ... يمه واخيرا
جبتلك عدوان ... بحزتها مدي روكان موجود واشوف فرحته عيونه
جابته وخلته بصفي... وهو يصرخ مايسكت ... اريد اشوفه ماكدر
كتلها صيحيلي خالتي من بره ..

كالت لا هسه نوديج عليها ... اخذو مني الطفل.. خلوه علو صفحة
وره شويه طلعوني للغرفه الثانيه ... طلعوني عالكرسي المتحرك وعدوان بحضني... دفعتني السستر يالممر لكيت وضحى
ورواء كاعدات .. باللمرر اول مانفتح الباب جن يركضن...

كالت هاااا الحمدلله عالسلامه ...

رفعت راسي على وضحى وعيوني كلها دموع ... كتلها خاله
هاج اخذي جبتلج عدوان ...

من كتلها هيج ... جان تكول صلو على محمد صلو على محمد امانه الله صدك لو انشاقين ...

كتلها ولعبره خانكتني والله ولد مااشاقه ...

اخذته مني كالت والله عرفت .. شالته من ايده وكامت تبجي وبجتنا كلنا وياهه تمشي وتحاجي يبعد عمتك .. وين ابوك يجي ويشوفك ..

بحزتها شكو فرحة بالدنيا احسها صارت يداخلي... من شفت فرحة وضحى ورواء وشلون دموع الفرح علينا كلنا...حتى جسمي

كزبر .. بقيت شويه بالمستشفى طلعوني لبسياره لكيته عساف
حاط القمصله على وجهه ونايم..

دك عليه رواء الجامه كالتله اكعد الحرممه ولدت وانت نايم

عاد صعدنه وبشرو كالوله جابت ولد .. باركولي كلهم
واخذوني للبيت ... وصلنا الساعه اربعه ونص ..

اول ومارصلت اخذت التلفون ودكيت على روكان وكلها جان يطلع
مغلق...واني متمدده .. خليت عدوان عد عمتي ..

والتلفون بيدي ... كل شويه اتصل ..من تعبي ماحسيت الل واني نمت ... ..وجان اسمع ... حس طلقات وعيااااااط...
كمت الحيلي ... دحكت عدوان بالكاروك ... كمزت من مكاني

وجان اشيل عدوان .. وحظنه بحيييل على صدري ...

نزلت اركض .... من الدرج .. دحكت نسوان وزلم بالطرمه

وصلت لنص الدرج .. تلكتني رواء وجهه مايتفسر .. كتلها
يووولي شكووو.. احاجيها احس نص عمري راح ...
اريد اكف الحيلي ماكدر... اريد بس تحجي ماتنطق..

نزلت اركض... لكيت ...خالتي وضحى بالمطبخ تعيط...

باوعت عالطرمة ... لين سعوود واكف .. ومتلثم باليشمغ
وبيده بيريه ابو عدوان ... وبصفه كومة زلم ...

طبت زينه تعييط..... وتصيح راح رااااااح

كتلهمممم ولكممممممم شكووووو.... اباوع على الوجهه كلها تبجي
جت رواااء اخذت عدوان مني... وعيونها دم ...

دحكت على سعود طب يمشي... كتله سعوووود ركضت عليه سعود روكان وينه حاجينيييييي
ضربته على صدره احاجي مايرد كتله سعود روكاااان وين
احاجي ودموعه تصب... رفع راسه عليه كال هاج ...
هاي البيريه بقت من ريحة الغاليه ... ادحك عليه وجهه وملابسه

متربنه ... زينه بصفي تلطم وبناتها يبيجن... صديت عليها
كتلها مايموووت شبييييج تيجين والله يرجع هو كلي...

اصرخ واعيط ... كمت املخ بنفسي... كعدت بالكاع والكل
لازمني ... جت زينه كابلتني كالت رااااااح وعافنه راح
ابو طول الحلو...

يتبع مابقى الا القليل 💔💔






فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 05-01-20, 09:02 AM   #32

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



الواحد والثلاثون
#ولاخيرررر ❤️


ياويل حالي لاسمعت من احبه واهواه
وإذا ناديته باسمه ردلي بصوت يالعمر

انسى عمري وكل أحزاني ماريد فرقاه
جعلني فداه هالغاالي كم احبه واغليه

ياويل حالي منه ويا ويلي ويل ويلااه
وياشوقي شوقا لمن أنا بروحي افديه

#ابو_عدوان

#مذاق _العشق

#بقلمي_نشوى_السلطان


مـساء الحب ..❤️

... زينه بصفي تلطم وبناتها يبيجن... صديت عليها
كتلها مايموووت شبييييج تيجين والله يرجع هو كلي...

اصرخ واعيط ... كمت املخ بنفسي... كعدت بالكاع والكل
لازمني ... جت زينه كابلتني كالت رااااااح وعافنه راح

ابو طول الحلو... كمت الحيلي ... كتله سعووود
وينه وين رررراح مو اخذته وياك .. شلون تعووفه وحده

ركضت على رواء ... سحبت منها عدوان ... كتله جيبي
جيبي... شلته وخليته جدام سعود ،. هو مدنج مايحجي

شي .. كتله هذا عدوان الي جان ينتظرو من سنين..
شلون راح ومايتهنى بي .. ولكمممممممم روكان مايموت

روكااااان عااااااايش... جت رواء تبجي كالت هذا يوميه بعد
اخذت ابني مني .. اني اجر وهي تجر ... كتله وين .. وين

تاخذي مني هو بس البقالي من ريحة الغالي.... صديت وضحى
الفوطه على وجهه تبجي وتووووون بصوت .. يكسر الكلب..

سعود متربع بالكاع ويمه سلوى تصرخ اريد ابويه ..
زينه واكفه بالباب ... وتعيط... انطيت ابني الرواء كتلها...

هاج اكضبي... تربعت وكعدت كبال خالتي... وخررت من
وجهه الفوطه .. كتلها خاااااااله اصحي اصحيييييي روكان

راح يجي كومي نجيب طلي ونذبحله .... اصرخ بكل
حيلي.... لحد ما صحيت ... وكعدت من حلمي ... دموعي

تصب... وخالتي واكفه كبالي... كالت اكعدي يمه اكعدي
شجنتي حلمانه ... هذا كابووس اسم الله ... واني عالمخده وعيوني

تدمع وابجي بحركة ... فتحت وضحى ورواء فوك راسي وعدوان
بيدها يبجي... انفجرت بالبجي كتله حلمانه حلم موزين ...

خاله حلمت روكان يموووت ...
كالت هاج اشربي ماي .. شبيج اليمووت بالحلم سامعه يمكتبلو

عمر جديد... اكعدي اشربي ماي لاتخافين ...عليش تبجين
ولج هو حلم ... سحبت نفس عميق .. تنهدت وكعدت الحيلي ..

مسحت دموعي وايدي ترجف شربت الماي ..دحكت عدوان يبجي
ورواء تسكت بي ... ابنها مجلب بداشداشتها ويبجي يغار لانه

شايله عدوان ... مديت اديه كتلها جيبي عليه...
انطتنياه خليته بحظني.. شبكته على صدري ... ادحك عليه

فاتح حلكة ويدور يرضع ... كتلها خاله .. عدوان ولد كبل
حينه ... شلون هيج خاف موزين ...

_ لااا يمه مابي شي صلاوات كلشي مابي وشافته الدكتوره
كالت الطفل كامل .. منو يكول بالثامن جوز احسابج غلط

لا موحسابي خاله هذا حساب السونر ...

اي حتى لو محد يعرف يمه شوكت صار المهم دحكي عليه
مابيه شي الف الحمدلله رضعي... جوعان ...

رفعت راسي عليه كتله شلوون ارضعه ماكو بصدري حليب ...

_ اي ياامي ادري ماكو بس الصمغ الي بصدرج يفيده ..

دحكت الساعه ... 8 الصبح .. كتله اني شكد نمت ولا حسيت على نفسي.. دحكت على رواء كتلها عفيه خابري روكان شوفي بلكي
فتح خطه...
_ ماكو دكيت كلت بلكي احصله حتى ابشره لكن هو وسعود مغلق..

_ وضحى .. يجي هو يجي لا تخافين درضعي الصبي خطيه
دحكي شنون يفتح بحلكو... اكعدي يمها رواء خل اكوم اسويلها ريوك .. بديت أرضع عدوان وبالي عند روكان ودموعي ما جفت عليه خايفة لا صاير عليه شي ومايكحل عينه بشوفة عدوان الي جان منتظره...
خطية خالتي راحت تحضرلي الريوك لان ما اكلت شي عدوان بحضني واسمع صوت صريخ خالتي تصيح يا بنات وينكم تعالوا جة

ابو طول الحلو يبعد طولي طوله تعالي يالعنود وينج اجا زلمة بيتج اني سمعتها هيجي وكمزت من مكاني نسيت نفسي والدة جديد نسيت

كل الدنيا من سمعت بأسمه من اروح فدوة لاسمه كمت وشايلة بيدي عدوان واتجى عالحايط وامشي والبيت اهجسة يفتر بيه الدنية

اظلمت وكفت جت رواء كضبتني من ايدي مشيت اريد اصل المطبخ ركضت رواء كبلي واسمع خالتي مخبوصة وفرحانة

وتكللها لرواء والله والله جة وسمعت صوته و گلبي فز خالتي تكله وينك مو متنا من الخوف عليك يكللها شصار بينا تبهذلنا بجبال

حمرين وماكو تغطية احتى اخابركم واطمنكم روحي شاطت عليكم وبالي مشغول ع العنود وينها اشو ماكو وياكم اني بهاي اللحظة

وصلت باب المطبخ اهجس انكطع گلبي حتى وصلته خالتي تضحك تكله العنود عندها الك بشارة حلوة الك هو صفن عليها كال ها ياالله

خير بس هيه وينها ..كام يدحك على باب المطبخ دموعي تصب ملابسه كلها تراب عيونه حمر والتعب ماخذ من حيله هالمرة هو

شافني انصدم من شاف الطفل بيدي ذب البيرية على الكاونتر جة يمشي وكف كبالي صفن بوجعي صافن عليه شلون ابجي مد ايده شال الطفل ويضحك هاااا عدوانة اجت واني ماموجود شلون يا بعد ابوج اجيتي واني مو يمج ماكدرتي تنتظرين هاليومين اني نسيت كل الالم من شفته شايل عدوان ابجي واضحك بأن واحد كتله هذا عدوان مو عدوانة صفن بوجهي متفاجئ ومامصدك كال عدوان لو عدوانه وضحك رفعها باسمه على كيفه كال الحمدلله كله خير من الله كتله الحمدلله بس وداعة عيونك ذني الي انطي عمري الهن هذا عدوان جان يرفع راسو عليه يدحك عليه ويرجع يصد على خالتي وضحى هي ورواء كاموا يهلهلون وتهوس يامبارك الف مبارك وتركص تهوس بفوطتها بعد ماتعرف شتسوي من فرحتها وهو بدون مايحس على نفسه دموعه تجري من الفرحة كال الحمدلله ربج مايكطع بعد مسلم .. مد اذراعه وسحب راسي يحضن عدوان ويحضن بيه ودموعي مابطلن احضن بيه وابوس اكله ما اصدك عايش كال تخافين عليه ..ابوي انتي ما اعوفج بس إذا ربج راد
يولي رحت جنتي طوبة رجعت لكيتج فاشه وجايبتلي احلى هدية بالدنيا يحجي واني صافنة عليه وابجي جة حضني كال كافي هالدموع عليمن هاي اني كدامج السبع ياكل بيه يومين ومايشبع يحجي ويضحك ...
كتله اااااووف شصار بيه من رحت متت والله رجعلي الروح من شفتك
لاتخافين يالحبيبة باسني من كصتي كال هاج اكضبي .. هذا وين راح سعود .خله عدوان بحضني ..راحت رواء جابت الكرسي خلته بسدي كعدت كتله هاج بطني كله توجعني الزمي .. اخذت عدوان مني صد عليها كال ودي جوه عبالك هين بارده عليه جان يكول وين تلفونج خيتي خابريلي سعود خل يجيب ذبيحة نذبح للعنود ...
كتله لا والله الذبيحة السلامتك انت ...
صد عليه كال يبعد كل الدنيا .. ارجع الج لو بأخر نفس ..
جة يمشي كادني كال امشي للغرفه هين بارده .. مد ايدي
ورفعني .. يمشي وادحك عليه مو مصدكة ... كال على كيفج
هاي شصاير بيج يولي... فتح باب الغرفة وفات .. دحك على رواء
كاعده وعدوان بحضنها ... مشيت تمددت وهو يدحك على عدوان
والفرحة بعيونه ... صد عليه كال عجل شلون كالو بنيه ها يابه

كتلو ادري بعد كلشي بيد الله النوب امي جابتلو هدوم بنوات

كال لا كلهن تكطيهن باجر اطلع اجيبلو غيرهن ..
ماعدنا ولد تلبس هدوم بنوات ... راح اشوف عساف هذا سعود تعبان جوز مايجي راح يكضيها نوم

كتله تعال ماريد. شي تعال شوفتك تسوي كلشي تعال ارتاح نام
احجي ورواء تهز برجلها وتضحك .. طلع يمشي كال هساع اجي

جان تكول رواء ... يولي جان استحيتو دك غزل .. جدامكم حايط
مضعوفة البخت .. ادري نسيتو اني هين .. والله سوالفج

ضحكت كتله عوفيني ولج ميته عليه كل مااتذكر الحلم
اهجس نفسي يضيك الف الحمدلله رجع وسالم يمه اهجس انولدت من جديد ...

بعد مرور سنة...ونص الحال نفسه زينه ماردت ..
ولا هو يقبل يرجعها جان متفكل بمصاريفها بس مايقبل ترجع

كبر عدوان صار يخطي .. ويكع جان سمين اسمراني مدبدب جنه روكان بس صغير حدرت من غرفتي لبستو دشداشه جابته خالتي وضحى من العمره. وجان طالع يخبل .. وصلت اخر دوجة وجان يطلع روكان من الربعه
كال وينج وين عدوان تاخرت تانمشي يلا جيبيه..
دحك عليه بالدشداشه وهو يضحكله اول مايشوفه يمط نفسه عليه
كالو ها يبعد ابوك شطالع اليوم ... كتلوو هااا
مو جنك نسيت العنود كله بس عدوان عدوان نسيت الاصل..
اخذه مني وضحك كال اشو بدت الغيرة هذا قطعة منج وشكد احبه حبي الج اضعاف اضعافه...

لا بس انت نسيتني وشوف هسة طالع وماخذ عدوان وياك...صاير ملتهي وياه ... احجي واضحك عود داخاول اسوي نفسي زعلانه وادلل عليه

كال ها يولي غير اخذه حتى يشوفوه الناس هذا ابن روكان اريده يصير ابن الدلة والفنجان..

ااييي اايييي اايييي روح واخذه وياك واني اظل لخدمتكم انت وعدوان.. مووو دحكتلو صفح ورفعت حاجبي

كال يولي انتِ ساكنة هين بالگلب ماكو واحد ياخذ هالمكان لا عدوان ولا عدوانه.. صدك يولو .. عجل

على طاري عدوانة شتكولين نسوي اخت لعدوان يحجي ويغمزلي

كتلوو هااا لا حبيبي لا عدوان بعده صغير واريد اكون الك مشتاكة الك ولكلشي بيك..
ماريد احد يلهيني عنك ...

كال يولي خلني اطلع الزلم يتنوني .. من تحجين هيج تخليني
انسى حتى العشيرة .. مشه لباب المطبخ كايد روكان بيده ويمشون اثنينهم دشاديش بيض .. صد عليه كال .. شتكولين اقفل الباب وارجع
وانعل ابو اليطلع ها يولي...

من كال هيج متت ضحك كتلو لااااا يمعود عيب الناس روح شوفهم

عاد فد يوم كاعدين اني وركان ودك تليفونه سعود خليت ايدي على گلبي خفت لا هم يخابره عالواجب كتله جاوب اوف بس لا هم دوام دحك عليه كال لا صبر خل اشوف رد عليه روكان وكامو يحجون بس مافهمت شجان يكله .. قربت راسي يضحك اسمعه يكله هاااا يول نويت هاي هي وتريد تاخذ من عندي حرمة صفنت عليه شنو يا حرمه شكووو بديت افر براسي اريذه بس يكطعه الفضول كام يقره الف
كله تدلل اعتبرها صارت الك انطيهم خبر وباجر نروحلهم خير البر عاجله..ها يابه .. يحاجي ويضحكون .. وره شويع سد التلفون

كتله هاي منو يا حرمه الي تنطيها لسعود شصاير وانت من وين تعرف نسوان هااااا كوووول يلا اعترف لا تخبلني..احجي وهو يدخك على عدوان يخاف لا يكعد ...

كال يولي حسج لا تعليه الطفل نايم لا يكعد ويروح الليلة علينا..
تخصرت وكتله ااايي اييي انت ما هامك بس الليلة..اشو ما اكو شي اذا متكول شنو سالفة الحرمة..

هههههه دحك الغيره يول اشتعل عمامك يروكان يولي حدري يمي لا تضلين هيجي السانج رشاش مايكدر يسكت

كتلو هاااا هسة مو عاجبك الساني مووو وخرت من عنده وجان يسحبني عليه كال اكفي يولي وين رايده

اموت عليج وعلى السانج الي ينكط عسل اشو حدري يمي اضوك العسل بداعة عدوان

كتله وداعة ابو العدوان والله اعوف الغرفة واطلع اذا متكلي منو هاي... احجي

يولي اركدي حتى افهمج هذا سعود يريد اروح اخطبله ضي اختج

هو كال هيجي اني كمت اضحك واكله احلف كول والله
ضحك كال تخبلتي شجرالج على شنو احلف غير جدامج صار الحجي

كمت اتخيل ضي من راح تسمع بالخبر شراح تسوي راح تتخبل واطير من عقلها والله الي رادته صار الها..

جان ييعيط بيه يوليييييي يولي وين صافنة..

رفعت راسي عليه كتلوو هااا اايي وياك وياك بس لحظة انزل اشرب ماي .. واجي اخذت تليفوني وكمت الحيلي امشي واريد بس اعبر اني دا افتح الباب اشو واحد جط وجرني عليه..

ها وين رايحة وماخذه التليفون؟؟؟
كمت امتمت بالحجي والعب بشعري .. كتلو مو اخاف يطفي الضوا كلت اضوي بيه

يولي لا اجذبين رايحة تخابرين ضي مو حتى تحجيلها؟؟ نسوان
ماتكدرن تضمن حجايه كتلووو لا شبيك موهيج متوهم احجي وخربانه ضحك

كال هاا اني لا متوهم اشو تعالي عوفي الماي وسعود والدنيا يولي مو ريتي كلبي ور ماصدكت الصبي ينام .. مد ايدي على خصري وسحبني عليه واخذني بحضنه ووووووو..

كعدت ثاني يوم .. خليت عدوان نايم علو ايدو.. طلعت للحمام سبحت عالسريع وطلعت... طبيت للغرفه واني ملفلفه بالمنشفى
ادحك على روكان نايم وعدوان بسدو .. يمه يخبلون بعد عيوني عيونكم مشيت على كيفي طلعت دشداشه .لبستها ولفيت شعري بالمشفى .. شلت المميات اريد اغسلهن ... والتلفون بيدي
طلعت على كيفي .. خليت المميات عالكاونتر .خابرت امي
كتلها اليوم انمر اني وضحى وروكان وسعود ويمكن رواء تجي

كالت ها خير... شعجب..

كتلها ماكو غير الخير .. كرلي الضي خل اترهم وتلبس شي راهم

كالت هااا ليش...

كتلها يمه سعود يريد ضي .. لما اجي افهمج ...

كالت اي خوش هلا بيكم ...

سديت الخط... وطبيت للغرفه ... صار العصر

عاد العصر جة سعود لابس دشداشه ومتعطر كملت شغلي ووصعدت الغرفتي خليت مكياجي ولبست احجولي...

ولبست فستان مناسب اهم شي قبل عليه روكان لان كل ماالبس واحد يگلي گطيه مو راهم اخر شي صفيت على فستان وردي مثل

الدراعه الخليجيه ولقيت الملفع ولبست عباتي ونزلت وخالتي وضحى هم جانت موجوده گاعده على القنفة كلهم ينتظروني چان

تگوم الحيلها كالت اسم الله حولچ يمه طالعه تخبلين روكان چان شايل عدوان صد عليه كال صدي خل اشوف ضحكت كتلو والله

مابيهن شي .. فتريت يمنه ويسرى اخاف اكو شي غير مسموح بي بلبسي جة قريب عليه وهمس بأذني من نرجع من المشيه عندي حچي وياچ وعقاب عسيررر

ضحكت كتلو يمعود لا تسمعك وضحى شبيك ..

وكف كال يولي شو كبل تعيديها ادري خايف مستحي ..
تره بالحرام ابطل ماطلع ... واصعد فوك اعاقبج ...

جان تصيح وضحى ..وينكم الناس ينتظرونه ...

كتله خرب سمعت...

كال.. شحلو من واخد يروح يمشي .. شعور يخبل

ريت اني اليوم بدال سعود .. اااخ

جان اكف كباله كتله هاااا لازم ماشبعت من النسوان ...

هو واكف واديه الاثنين ليوره .. من كتلو هيج ...

شافني ضجت .. جان يمد ادي الاثنين ويسحبني عليه ..
باسني من رگبتي ... كال يبعدهن كلهن ...
هي غير لو اكو مره بعد تحله بعيني ... ولج انتي
الختااااام وماكو حرمة بالدنيه بعد تحلالي ...

.........
هالليلة كلش ثَمل
گابلت محبوبي
شيلمني طاير فرح و مسودنة دروبي
لتواخذون الگلب
لَـ ارگص و اهوّس غَزل و ادبچ و ادگ چوبي
هالليلة كلش ثَمل و عيونــه مشروبي

اعتذر على التأخير .. لكن ماكدرت اكتب الا قبل شوي


انتهت القصه بنهايه مفرحة وسعيده ...


ثنايا العشق ...اجمل عشق ... بين كبرياء وغرور
اتمنى اتكون الروايه عجبتكم .. وانتظرووني
بروايه اخرى ..

او شرايكم ... نكمل حياة ابو عدوان والعنود مسيره ضي وسعود
❤️❤️❤️❤️❤️❤️
تحياتي لكم ... نشوى السلطان ... 😊


..



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 22-12-20, 03:13 PM   #33

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



لامارا غير متواجد حالياً   رد مع اقتباس
قديم 12-01-21, 06:37 PM   #34

em esoos

نجم روايتي وفراشة الروايات المنقولة

 
الصورة الرمزية em esoos

? العضوٌ??? » 167417
?  التسِجيلٌ » Mar 2011
? مشَارَ?اتْي » 752
?  نُقآطِيْ » em esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond reputeem esoos has a reputation beyond repute
افتراضي

السلام عليكم ورحمة الله وبركاته عاشت ايدج كلش حلوه الروايه واحداثها تجنن ومن الواقع ميه الميه استمري باسلوبك الحلوه واللهجه العراقيه تخبل اتمنى لك مزيد من الموفقيه والنجاح ولا تخلي حد يحبط معن ياتك بالنقد المذموم استمري وقدمي الاحسن كالعاده
تسلمين احلا ناقله ورده لمارا استمري بنقل كل ما هو جميل
تقبلي مروري ام السوس


em esoos غير متواجد حالياً   رد مع اقتباس
قديم 26-08-23, 05:27 AM   #35

ندى تدى

نجم روايتي

alkap ~
 
الصورة الرمزية ندى تدى

? العضوٌ??? » 142345
?  التسِجيلٌ » Oct 2010
? مشَارَ?اتْي » 8,582
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond repute
¬» مشروبك   pepsi
¬» قناتك mbc
?? ??? ~
My Mms ~
افتراضي

جميله وممتعه جدا


تسلم ايدك حبيبتي ووفقك الله


ندى تدى غير متواجد حالياً  
التوقيع
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 12:21 AM



Powered by vBulletin®
Copyright ©2000 - 2024, vBulletin Solutions, Inc.