وجدير بالذكر ان ما يزرعه الأباء يحصده الأبناء سواد وعذاب ودي مش مقولة ده واقع في حياتنا عندنا أخين في فترة المراهقة اتصدموا في والدهم صدمة عمرهم والكبير انهار والصغير قرر انه بالبلدي ياخد والده علي قد عقله ويتقبل أفعاله في سبيل ان اخوه الكبير يبعد واتحمل هو انه يمون خليفة والده انا مقتنعة ان حرب ما وصلش للقتل بس استخدم سلطته وجبروته وقهر ناس كتير وده علي كلامه وكلام والدته اللي قالت له انت يمكن ما نفذتش بس كنت شايف وساكت علي افعال والدك والنتيجة انسان بيحتقر نفسه متخيلين واحد يحب واحده بالشكل اللي بيحب فيه غرام وشايفها قدامه بتكبر مثال للجمال والنقاء والبراءة ويرفض انه حتي يخليها تبص له او تفكر فيه ويقهر نفسه ورحولته ويخليها تتجوز اخوه او صديقه علشان يحافظ عليها من السواد اللي جواه وجود حرب وغرام هيخليهم هما الاتنين يغيروا نظرتهم لبعض غرام ابتدت تثق في نفسها ايوه لسه في شويه خوف بس هتشوف ان حرب مش الشيطان زي ما متخيلة وهتشوف في نفسها قوه عائلة العلي حرب هيكتشف ان غرام مش الكرستالة اللي هتتخدش لو عرفت ماضيه هما الاتنين هينكشفوا لبعض معلش طولت في الكلام وممكن كلامي يكون مش مرتب وعشوائي بس فعلا كلام حرب لنفسه أثر فيا جدا |