آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-01-20, 03:07 PM
| #1 | |||||||||||||||||
| مراقبة عامة ومشرفة منتدى الروايات المنقولة  
|  بين طهر وخطيئه للكاتبة/ ميمي "عراقية" ( مكتملة )
التعديل الأخير تم بواسطة فيتامين سي ; 19-01-20 الساعة 01:20 AM | |||||||||||||||||
|  |
|
06-01-20, 03:10 PM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الرواية هنـــــــــــــــــا  بين طهر وخطيئة البارت الاول بقلمي ميمي .. الساعة ١٠ الصبح خلصت شغلي ورحت تمددت ع جرباية مالتي ، اخذت تليفوني وفتحت الواي فاي ودخلت على الفيس واتصفحت بي صارت كبالي اعلان ممول الاعلان لمدرسة اهلية من قريت اسمها والعنوان رأسا عرفت مكانها واندليته تصير براس شارعنه .. باوعت منا ومنا محد يمي اريد اتسلى شون هسه؟ خلي اراسلهم وادري بحظي ردي رغم شكد قدمت على تعيين وشغل بمدارس اهلية وشركات بس ماكدرت احصل على وضيفة ابد .. كلت خلي اراسلهم من باب التسلية التسلية فقط لاغير دزيت مسج ... سلام عليكم ماتردون معلمة انكليزي ؟ وبعدهه دزيت قرد مخلي ايده على حلكه دلالة ع الخجل .. وبعدهه دزيت وجه القمر مادري ودزيته مرتين وصاروا كلهم ٤ رسايل .. ضحكت بصوت عالي واجاني صوت مرة ابوي من ورة الباب وكالت وسم حتى سم.. خليت ايدي على حلكي كتمت ضحكتي وحركت اكتافي .. ثواني وجان يردون عليه المدرسة وكاتبين <اي> ... تفاجأت كلش شبسرعة ردوا عليه ونوب اي شنو؟اكو واحد يرد هيج؟ لعد شكد متعجرف هذا مدير المدرسة لا يا مدير المدرسة !! قابل مخلين المدير يرد اكيد هذا معلم او حي الله موضف ناطينه الصفحة يفتحها ويرد واكيد هسه هو مو بالمدرسة بالبيت ومنعس ونايم ع الجرباية ويرد . رجعت راسلتهم ... شنو اي ؟ ورة دقيقتين ردوا عليه .. شنو اسمج؟ كتبت سارة جهاد ودزيتها الهم .. ورة دقيقة دزلي تعاي .. تعجبت ودزيت وين اجي ؟ جاوب هسه للمدرسة .. زادت صدمتي! .. معقولة ابتسملي الحظ واخيرا؟ لو لعبة هاي ؟ لا لعبتيش مدرسة والها اسمها .. افضحهم والله .. خلي ادز مسج اخير متأكد ؟ بعد ثواني دز اكيد ... طفرت من الجرباية ورحت ركض للحمام غسلت وجهي ورجعت للغرفة وللكنتور كبل طلعتلي قميص اسود ابو الصرة وجينز كابوي ازرك وبي خط اسود على الجانبين .. مشطت شعري بسرعة وسرحته ورفعته ليفوك ذيل حصان .. همزين شعري قصير مايتعب .. بشرتي مهتمة بيها اني.. وميحتاج كونسيلر وفونديشن بس خليت واقي الشمس وحمرة وردية گلتر .. لبست سبورت شوز ابيض واسود .. اخذت جنطتي وطرت بسرعة وطلعت من الغرفة ومشاعر محتدمة بداخلي وممصدكة انو راح احصل شغل .. صارت بوجهي مرة ابوي شافتني بهذا الحال وتخصرت وكالت وييين؟؟ بنبرة متعجرفة .. كتلها اكو مدرسة طالبين معلمة انكليزي رايحة الها اقدم... كالت اي ولي بلكي تحصلين شغل نخلص من مصروفج ... عفتها وحجيت بكلبي عاد هسه مدري شنو مصروفي ... طلعت ركض للشارع وتمشيت للمدرسة بحكم هيه قريبة ونفس الفرع .. ياكثرها المدارس الاهلية طلعت الحكومية بكسر وصارت اكثر منهه وطبعا بس العرف يشغلوهم وبس الي متمكنيين يسجلون اولادهم بيها والفقير اله الله .. خطية طلاب المدارس الحكومية .. يكعدون على رحلات مكسرة وبس حديدة رفيعة . ومرات بالكاع الله ع الظالم مانكول غيرها .. بعد ١٥ دقيقة وصلت للمدرسة المطلوبة وكفت يم بابها الرئيسي اباوعلها شكد حلوة ومرتبة وجبيرة عبالك مو بالعراق بنائها مرتب كلش مو هوسة ولا مخربطة .. ارتسمت على ملامحي ابتسامة امل تمنيت يشغلوني بيها .. تقدمت ليكدام فتحت الباب وفتت صار كدامي حارس اجه يمي كال تفضلي .. كتله اني راسلوني المدرسة اجي اقدم كال ها تفضلي الادارة هاي الباب الكدامج كتله شكرا وتوجهت للباب الي اشر عليها .. جانت جبيرة وصايرة بنص ابواب ثانية .. فتحتها وطبيت صار كبالي مكتب ووراه كاعد شاب . توجهت اله كبل وكلت السلام عليكم .. رد .. عليكم السلام .. .. اني راسلتكم قبل شوية عمود وضيفة وكلتوا تعالي! باوع صفح ورجع باوعلي حسيت اكو كاعدين بالمكتب بس ماانتبهت الهم منو وشنو .. كال شسمج ؟ .. سارة جهاد .. كال تفضلي كعدت ع التخم وهو ظل يدور بالاوراق الي يمه .. باوعت على الي باوعلهم اجت عيني على ولد شاب لابس سترة رصاصية وجواتها قميص لونه ابيض ومفتوحة الدكم وظاهر صدره لابس كلادة فضية وساعة فضية ماركة فخمة.. باوعت لوجهه ملامحة رجولية صارخة جدا ونظراته جريئة وملعبة يباوعلي بقووة وجرأة مو طبيعية .. اسمر قمحي فاتح لون بشرته لحية كثيفة سودة وشمرة حواجبة مثل السعفة وغليظة .. كاتم ابتسامه شكله .. بس جتي عيني بعينه عظ شفته وتركها بجرأة ورفع تك حاجبه بتحدي .. لزمتني ضحكة مدري ليش ودنكت بسرعة اضحك .. يمه ولد لابس اسود بس ماباوعت اله ابد صاروا يحجون همس ويمهم لابتوب .. انطاني الشاب ورقة كال امليها اخذتها واخذت قلم وصرت املي المطلوب مني .. انتبهت حقل مكتوب بالجاف غير عن باقي الحقول المطلوبة ! مكتوب الحالة الاجتماعية؟ كتبت منفصلة .. حسيت بنظراتهم تجتاحني رفعت راسي اجت عيني بعيون الولد الي لابس اسود انتبهت على ملامحه .. عيونه اخضر فاتح وبشرته بيضاء معجونة بشكار ابتسامته تارسة وجهه ترس على شنو ماادري ! ساورتنيى الشكوك ! ... لك احمد اكعد حيوان تأخر الوقت! وخر الغطى من على وجهه وصار يباوعلي منعس وعيونه حمرة .. كال بصوت ثمل .. شكو عمر شجاك من الصبح وشجابك النا بهلوقت دوخر ورجع تلفلف بالبطانية .. رحت يم راسه وجريت البطانية وبحلكت بوجهه .. كتله لك ساقط هاي شنو البارحة سهران بدوني ! حجى وهو مصوب نظره عليه كال لعد انتظرك تدريني ماكدر بدونه .. _ دكوم كوم حيوان عمي ينتظرنه بالمدرسة يريدنه عنده شغله ويانه .. كعد على حيله ، خلى ايدي وره راسه وتنفس بتذمر وكال اوووف اووف ولك البارحة ب٣ نمت والله .. _ شعجب اشو من وقت مبين هاي الي سهرت وياهه شغلها مو شي .. _ اخخ الله والله حاتة ولك عمر .. توجهت صوب المراية واعدل بسترتي واخذت مشط مشطت شعري كتله اني متعود بس الخميس اسهر اذا ماعندي واجب وانت يلله اني انتظرك جوه .. خليته يتذمر ونزلت جوة شفت رنيم اخت احمد تباوعلي بنظرات اعجاب بس بصراحة اني ما اكن الها اي مشاعر هيه بنت عمي وبحسبة اختي ، ابتسمت الها ابتسامة جانبية وشحيت نظري منها ، كتلها رنوم بلكي كلاص جاي .. ابتسمت وكالت كلاص! ضحكت اي والله كلاص وجاوبتها .. ولو متأخرة ع الكلية بس تدلل .. وراحت صوب المطبخ .. كعدت بالحديقة ع الميز واتأمل المنظر الحلو خضار والورد الجوري .. اجت رنيم بيدهه صينية وببطن الصينية كلاص جاي تمشي بدلع وتتبختر ومن عيونها تتقافز نظرات الاعجاب .. ابتسمت الها ودنكت وخليت كفي اليمين على كفي اليسار وهمست بداخلي اعذريني يبنت عمي ما اريد اظلمج ويايه الحب مو بالكوة والمشاعر صعبة تنهدي لاي شخص كان .. خلت الجاي كدامي وكعدت على الكرسي بصفي .. اخذته بيدي وارتشفت منه رشفة وباوعتلها وحجيت وياهه ها رنيم اشو كعدتي ماكو كلية مراح ترحين ؟ ابتسمت وبعدها نظرات الاعجاب من عيونها مقيدتني انزعجت منها .. رنيم - لا خلص مراح اروح اصلا تأخرت حابة اكعد يمك شوي من زمان هواي مازرتنه .. شربت شوية من الجاي وضحكت باستهزاء _ شسالفة بربج لو ما بيتنه هذا هو خطووة وحدة وكبالكم ويومية اني يمكم .. _ ها اي بس اني ماتصدف اشوفك يومية مجنت موجودة.. اله تشوفيني يومية يعني حجيت بقلبي .. يلا رنومة روحي صيحيلي اخوج الحيوان ترا تأخرنه .. ركزت بيه وكامت وهيه ضايجة وتتأفأف .. باوعتلها من فوك ليجوة فريت بيدي والله بطرانة هاي رجعت لكلاص الجاي شربته .. شويه ونزل احمد.. ها حيوان .. لزم راسه وتمطى لك صاير جلب معجز مو بس حيوان هسه ابوي شيريد منه .. دمشي امشي تبقى طول عمرك مابيك خير اخذته ورحنه لمدرسة عمي الاهلية .. دخلنا جوا .. سلمنا على الموضف سألنا على عمي كال عنده اجتماع هسه تفصلوا .. كعدنا على التخم وجان اكو لابتوب كام احمد وسحبه وظل يكلب بي .. وفتح برنامج بي وظلينه نتناقش عليه .. لشوية اجت اشعارات ع البريد مال البيج مال المدرسة .. من حساب اسمه انثى متمردة .. بسرعة دخل عليها احمد وضحك كال انثى متمردة على شنو متمردة بالله . كتله ديله لك عوفها هسه ديحمل البرنامج .. ميدري ووافق ع الطلب .. وهاي صرعتنا بالاشعارات .. كتله جاوبها .. كام كتب الها (اي) ... وطب على بروفايلها مخلية صورة بنية كلش حلوة .. كال بالقران خو هسه هيه مخليه صورة بنية صاكة بس من تشوفها وجهه يطرد النعمة .. كتله كوللها خلي تجي نشوفهه .. باوعلي مصدوم صدك تحجي .. غمزت اله .. اي نتسلى بينما ابوك يخلص اجتماع .. راح كتب الها تعالي وظلينا نضحك ... عاد هيه ماصدكت واحد يكوللها تعالي .. عرفنا اسمها حاجينه الموضف وشوفنه استمارة التقديم كتله احمد هيه كاتبة ع الفيس في علاقة معقدة كال اي .. داشوف هاي العلاقة المعقدة شنو بالضبط! وهاي الاستمارة مابيها الحالة الاجتماعية .. اخذت قلم جاف وكتبت الحالة الاجتماعية .. احمد .. تف عليك هو هذا هم خط . _ دشوف خطك يالمطي .. _ هسه ارتاحينه من اشعاراتها .. يلله خلي نشتغل ع البرنامج .. بعد ربع ساعة دخلت علينه بنية ... لابسة جينز وقميص وجنهه لعبة اطفال رشيقة وشعرها مي بشرتها ناصعة بياض على صفار وجهه طفولي وبريء ، شكلها يشرح القلب .. راحت كعدت كبالنا وكالت اسمها عرفانهه نفسها ام الفيس ... كال احمد وهو مبهور لك عمر هاي حصتي .. حسيت بشي بداخلي سيطر عليه رغبة قوية بتملك هالعصفورة .. اجت عيني بعينها عضيت شفتي ورفعت حاجبي اتحداهه بشنو مااعرف .. ابتسمت وكتمت ضحكة ابتسمامتها تسيطر ع الكلب وتتحكم بدكاته. كبل جاوبته بهمس انجب هاي حصتي _اني جاوبتها _واني كتلك خليها تجي لهنانه _واني راح اخلي ابويه يشغلها .. _ لك هاي باوعتلي ومبتسمة مباوعتلك وبالعادة البنات ميحبن الاشكر يحبن الاسمر مثلي. احمد .. ها راح تعلنها حرب مو ؟ ترة هيه اليه يعني اليه واني راح اوكعها خلص . باوعتله بتحدي واصرار .. _ لا ماحزرت يا حبيبي كتلك الي يعني الي .. _ هسه شنو راح نتعارك على بنية .. _ لك باعلها بنية لو طير حب .. _ اكلك عمر انت مو مال هالسوالف خليها الي .. _ لاتنسى هاي انثى متمردة وانت رچيچ ماتكدر عليها .. _ اله اخليها انثى ذايبة بين ايديه _ ساقط مو بيدك .. شفتها كامت وطلعت رحت وراهه واحمد اجه وراية .. بسرعة سديت الباب من برة قفلته .. ومخليته يكدر يطلع ورحت ورة سارة .. سارة .. طلعت من يمهم والعيون ملاحكتني كاتمة ضحكي كوة مدري شجاني وصلت للباب اريد افتحه مدا اكدر علك... انمدت ايد من وراية ولزمت الباب.. درت وجهي شفته الولد الاسمر ابتعد خطوات حسيت برهبة منه .. عمر ..مشيت وراها ووصلت للباب تريد تفتحه ماكدرت مديت ايدي واريد افتحه .. صارت تباوعلي واني هم ركزت بيها كتلها محتاجة شي . هزت راسها مبتسمة وشعرها يداعبه الهوا كتلها قبلوج ؟ كالت مادري والله كالو هم يتواصلون وياي.. _ اذا تحتاجين شي مساعدة اني اتوسط الج اني عمر وعمي يصير المستثمر مال هاي المدرسة .. ان شاءالله اوصي عليج .. ابتسمت . .. تسلم ماتقصر ... فتحت الها الباب وطلعت .. رجعت شفت احمد يباوعلي من الشباك وصاير اعصاب ... رحت فتحته واضحك طلع بسرعة واجه يمي لزمني من ياخة قميصي كال لك شحجيت وياهه ها شحجيت ؟ مديت ايدي لايده وخرته من ياخة قميصي صرت استفزه بحركاتي وارفض اكوله .. كال ها انت اعلنتها حرب تمام بس اكلك هاي الي حصتي ورفع الورقة كبال وجهي وكال باوع كاتبة منفصلة يعني ماعدهه شي تخسره يعني الخميس الاسبوع الجاي اخذهه للشقة .. كورت قبضة ايدي وضربته على ظهره حسسته انو داشاقه بس اني كلش عصبت منه .. كتله تراهن ؟ ع شنو ؟ من يوكعها قبل الخ؟ غمزلي وكال اراهن واني من هسه ربحان ..... عفته وفتت جوة شفت غرفة عمي انفتحت وطلعوا منها المعلمين والمدير وباقي الموضفين الي بالمدرسة .. شفت عمي سلمت عليه كال هلا بالبطل .. دخل وراي احمد .. كال صباح الخير ياب ... _ صباح النور .. ابو العرك .. _اني بابا ؟ _ لعد جدي _ يابه والله ماشارب .. _ ويحلف الزوج ولك لعد منو الي البارحة اجه يطوطح واكل كتله مني حقك ماحاس بروحك يالحمش توليتك صوابات وعلى علباتك متشوفها حمرة من الضرب .. رفع احمد ايده لرقبته وظل يفرك بيها واني خليت ايدي على حلكي وصرت اضحك واباوعله باستهزاء .. كال .. اكعدوا اريدكم .. عمر ... عمو اني محتاجك بشغلة . _ كول يا بطل ؟ _ عمو اكو بنيه اعرفها محتاجة وضيفة بلكي تخليها يمكم هنا بالمدرسة .. _ ها ولك مو اني اكول عليك ماعندك هالسوالف .. احمد بنبرة عصبية .. لتشوفه هذا هيج ترة من جوة ليجوة.. ابو احمد .. اسكت ابو العرك .. احمد .. بابا هواي تفضل عمر عليه وتنحاز اله شكو ابنكم اني لو لاكيني بالزبالة .. ابو احمد .. اسكت زعطوط صير مثله .. عمر بابتسامة.. لاعمو ليروح بالك بعيد البنية هسه جتي للمدرسة وخطية محتاجة كلش .. ابو احمد .. اي صار تدلل خليها تجي هو الدوام بعده مابلش بس عدنا دورات مجانية للطلاب خليها تدرسهم نشوف شغلها وبعدين نقرر .. التعديل الأخير تم بواسطة فيتامين سي ; 19-01-20 الساعة 01:29 AM | ||||||||
|
| |
|
06-01-20, 03:11 PM
| #3 | ||||||||
| مراقبة عامة ومشرفة منتدى الروايات المنقولة
| #بين_طهر_وخطيئة بارت 2 بقلمي مروة هلاو بنات عنوان الحلقة {تارة} رجعت للبيت واني بطريقي امشي و افكر بعمر .. كل شي بي يجذب بس جريء كلش بنظراته يربي لهسه احس خايفة منه لمَ وكفت يمه .. اول مرة احس بخوف او يمكن هذا مو خوف لعد شبيه لهسه اطرافي ترجف يمكن شعور ثاني .. اعجاب مثلا!!! مادري خليت ايديه بجيب البنطرون ومشيت واني مغيبة واحس بعالم ثاني... وافكر شلون كتبت منفصلة خاف يكشفوني اني ممتزوجة من قبل بس كتبت هيج بس حتى يقبلوني زين واذا شافوا مستمسكاتي يله اكوللهم متزوجة خارج المحكمة اووف شون ورطة هاي .. حسيت بصوت وراية يصيحني .. سارة سارة سارونة سويرة خايبة سويرة .. التفتت واشوف جيرانه ام وافي .. باوعت للشارع وعيت على حالي .. حيييييييييييييييييييييييي ل ... هاي شوكت وصلت لهنا عبالي بعدني دامشي قريب المدرسة قطعت كل هالمسافة واني ما ادري .. رحت يمها كتلها ها خالة كالت شبيج صافنة صار ساعة اصيح عليج . ها لا ماكو شي ومديت ايدي لشعري اخلي ورة اذني .. كالت تعاي درسي حميدان ابني موتني وانه تدرين ماعرف انكليزي .. اي صار خالة تدللين .. دخلت وياهه قريته صارت ساعة ب١٢ راح هو لمدرسته و يلله طلعت من يمهم .. دخلت للبيت شفت باب المطبخ مفتوح دخلت منه جانت الاء مرة ابوي جوة ودايرة ع الكاونتر وتحوس كلت السلام عليكم دارت وبيدهه السجينة وعليكم ردت بنبرة متعجرفة كالت ان شاءالله قبلوج حتى تشيلين الحمل عن ابوج شوية تعب وهو يصرف عليجن .. بسرعة وجان يطب بابا من باب المطبخ الي ع الهول وكال بعصبية .. الاء شنو هالحجي هذا هاااا .. وطلعت تارة اختي وراه عيونها مورمة وكحلها سايل جوه وصاحت بصوت وتقصد بي الاء .. غصبا ماعلى خشمج يصرف علينه مو هو ابونه بيج خير خلفي مو صارلج سبع سنوات ويا اسم الطفل ماكدرتي تسويله .. اندار عليها بابا وكال الها تارة اسكتي عيب هالكلام واني ظليت اشر الها تسكت .. الاء .. هي هاي تربية امج ؟ تقربت منها تارة تريد تخمشها ولزمتها اني وبابا وهي تصيح تروحين فدوة لتراب قبرها ياحقيرة .. بابا كال سارة اخذي اختج ودخلي جوة يلله .. اخذتها اجرجر بيها ودخلتها للغرفة شمرت روحها على جربايتها وانهارت بالبجي .. تارة .. الساعة ب ١٢ بالليل خلصت قراية باجر عندي امتحان دور ثاني كلية تربية عربي .. دخلت للحمام وفرشت اسناني وطلعت للغرفة شفت سارة نايمة اخذت تليفوني اكلب بي شويه شفت مسجات من وائل ابن خالتي .. كاتبلي مسج ع الفايبر شلونه الحلو ؟ رديت عليه بسرعة توك اتذكرتني؟ بسرعة دك اتصال جاوبته .. اولا اني مسافر لتركيا وانت تدرين كلش زين ثانيا ادري بيها امتحاناتج قربت وماريد اشغلج ويايه اقري زين حتى تنجحين اريد مرتي شاطرة وناجحة .. هسه غير تسلم بالاول تكول سلام شلونج شخبارج .. اي مو سلمت بالفايبر مجاوبتيني على سلامي .. مشتاقتلك كومة اني اكثر وباجر جايج للكلية اشوفج وها لتتريكين نتريك سوة.. تحجي صدك؟ اي ونبي صدك لك وائل لتعوفني تعلقت بيك اني عفية .. مااعرفج ياروحي انتي بس تعرفين مسافر ويا جماعتي وماكدر اخابر كل وكت اعذريني هملتج هالفترة هسه رجعت وراح نعوض .. اوكي حبيبي عاذرتك والله ومن حبي الك دا اعتب عليك شسوي يعني .. حبيبي توتة هسه نامي وعوفي الفون وباجر وراج امتحان لازم تكعدين نشيطة حتى ورة الامتحان نتشاوف وراح نبقى على تواصل .. اوكي حبيبي تصبح على خير .. سديته منه وخليت التليفون على قلبي فرحانة باتصاله صار كومة ممتواصلين وقلبي عليه مثل النار خايفة لاتركني وشافله شوفه .. خليت تليفوني على الشحن ونمت كعدت الصبح شفت سارة نايمة كمت غسلت خليت مكياج وبدلت ملابسي لبست تنورة ع الركبة سودة وقميص ربع ردن ابيض بلا دكم وكصة الصدر على شكل سبعة وداير مدايرة كرستال ناعم فتحت شعري قصير لحد الاكتاف سشورته من الليل لبست حذاء كعب اسود وطلعت من الغرفة صارت مقابيلي الاء ظلت تفر بيدها ماتحملتها كتلها شبيج ماعاجبج بنبرة عصبية .. جاوبتني خزيتي ابوج استحي عاد شهاللبس .. ماعليج بيه لاتدخلين بابا مايحاسبنه ع اللبس انت انلصمي . وجان تركعني راشدي على وجهي ادب سز تحترمين لا اعلمج الاحترام شلون يصير .. جانت اكو مزهرية ع الميز الي جنت واكفة يمه بالمنور دفعتها بيدي عمدةً وشمرتها بالكاع تكسرت واني اباوع لالاء بغضب وصارة على اسناني طلعت من البيت ايدي على خدي وعيوني حمر من البجي اخذت تكسي ورحت للكلية ماعرف شلون امتحنت وشلون جاوبت طلعت تليفوني وخابرت وائل .. انت وين جايج هسه حبيبي انتظريني ماشي هو منتظرتك فديتج اني .. يله استعجل متت حر .. فديت الزبد اني .. هههه يله باي اشوفك هنا عود يله هههه بقيت انتظره كاعدة بالحديقة .. لشويه احس شعري يتحرك درت واشوفه وائل واكف وراية وينفخ على شعري كمت على حيلي ضحكت والسعادة نابعة من اعماقي صار اشهر مشتيفته ياالله شكد حليان خلينه ايدينه بيدين بعض ونضحك حياتي لج شنو هاي صايرة كمر تخبلين وظل يباوعلي من فوك ليجوة وانت هم حليان كلش هذا تاثير جو تركيا مو؟ بالله اني تاثير جو تركيا انت ليش هلكد صايرة حلوة عيونك حلوة تشوفني حلوة تعالي نكعد وهاي كعدنه .. صفن بيه وشال خصلة من شعري خلاهه وره اذني .. اباوعله بحب ويباوعلي بجراة .. لزم ايدي ووكف كال امشي نروح لبيتنا ماتحمل اشوفج هيج كبالي اريد اكلج افترسج .. جريته من ايده كتله تعال وين نروح مو بيتكم مابي احد شون نروح مو خالة والبنات مسافرين؟ اي وشكو بيها نبقى وحدنا شنو مالج ثقة بيه تخافين متي تارة ؟ لا حبيبي بس ميصير مو حلوة ع الاقل اخطبني ونروح وحدنا عادي .. حجيت جملتي الاخيرة بارتباك وسرعان ماتندمت لان كلتها حسيتها محلوة بحقي اكولها .. كال لج امشي اخذج للبيت ماسويلج شي والله بس نتريك ميت من الجوع بطني كامت تصوصي .. تركت ايده وكتفت ايديه وحجيت بنبرة رفض لا وائل ما اروح وياك خلينه نكعد هنا ..وكعدت .. ظل ينفخ بعصبية .. جراني من ايدي وكال لعد امشي وياي رحت ويا مرغمة .. وصلنه لمكان مال ختلات وكعدنا اول ماكعدنا خله ايده على فخذي وصار يتلمسه وخرت ايده وجريت التنورة وجريت نفس .. كال شبيج اكولج نروح لبيت متقبلين وهنا هم متخليني الزمج شجاج .. درت وجهي عليه كتله شبيك وائل ترة عيب اني عرضك وشرفك هيج تسوي بيه كتلك ماريد يعني ماريد .. هو شنو الي ماتردينه هسه شمسويلج اني قابل نايم وياج ؟ لا والله مناقصنا غير هذا بعد وبعدين شوية انتقي كلماتك وياي عيب شجاك عبالك مضروب على راسك وصاير شخص ثاني .. بس انت فرحتي من كتلج راح اجيج اشوفج .. اي اشوفك مو تسوي هاي الحركات ترة راح اكوم اضربك بالجنطة على راسك وافيض دمك والله دشزف جنطتي شون قوية ورفعتها اشوفها اله واضحك .. صفن عليه شويه ومد ايده وخر شعري وقرب وجهه من رقبتي وجان يبوسني لزمته من قميصه اريد ادفعه لزم ايدي قوي ماخلاني .. وهو على هذا الحال وجان نسمع صوت واحد يكول انتوا هيييه شجاي تسووون هنا ؟ وخر وائل مني بسرعة وووكف على حيله واني بقيت كاعدة بمكاني وايديه على خدودي وجان يخيم ظل عليه رفعت راسي واشوف واحد ضخم وطويل لابس زي عسكري ورتبته بيها ٣ نجمات وويا واحد اعرفه من امن الجامعة .. تمنيت اتبخر بالجو ولا هلموقف الي نحطيت بي هذا .. يتبع ... | ||||||||
|
| |
|
06-01-20, 03:20 PM
| #4 | ||||||||
| مراقبة عامة ومشرفة منتدى الروايات المنقولة
| بين طهر وخطيئة بقلمي مروى بارت ٣ عنوان الحلقة (لن يتزوجكِ) تخبلت تهسترت ماعرف شسوي ظلت الدموع تنزل على خدي وتسيل الكحلة وياها وبقلبي اسب وائل واغلط عليه .. واحد منهم سأل شعدكم هنا ها ولك امشي للعمادة .. جاوبهم وائل سيدي هذي بنت خالتي وخطيبتي .. كمت على حيلي اباوع الهم اشوف هذا الضابط عين عليه وعين على وائل ومقطب حواجبه ويحجي وكله هيبة .. لك جذاب متعبر علينه هالسوالف . كتله و الله ابن خالتي وخطيبي .. كام وائل دار عليه وخزرني ودفعني خلاني ورة ظهره وكال سكتي انتي . ظل يحجي الضابط كال لو صدك عرضك وخطيبتك جان ماتبوس بيها هنا يا غيرة سز .. جاوبه الي من امن الجامعة سيدي جاي يلعبون ختيلان وبوس وظل يضحك باوعله الضابط خزره وسكت ورجع باوع علينا كله يلا ماريد اشوفكم هنا اخذها وولي من كدامي .. وائل مشكور سيدي وسحبني من ايدي واخذني يمشي بيه سريع مشينه خطوات وجان اسحب ايدي منه بعصبية وكتله هسه ارتاحيت فضحتني الله لاينطيك ان شاءالله .. اجه يمي وكز على اسنانه وكال انجبي مو كتلج نروح لبيتنه ماقبلتي ياطايحة الحظ احسلج هيج .. ولي عني ماريد اشوفك صرخت بوجهه .. مشيت قبله سحبني وظل يجر بيه كتله كافي فضايح وخررر عني كوة تملصت منه ومشيت قبله ... تايهة حايرة ماعرف شسوي بروحي كرهت الساعة الي نولدت بيها وجيت على هالدنيا .. رحت اشتريت مي احس بلعومي يبس واني جاي امشي وجان يصير النقيب مقابيلي اريد اغير وجهتي واروح يمنه هم وكف كبالي اروح يسرة يصير كدامي .. ممكن توخر لو سمحت حجيت بنبرة متعجرفة وانفاس متهالكة .. كال اسمعي حتى لو جان ابن خالتج ابن عمج ايا كان بالنسبة الج مراح يتزوجج . وتقرب مني اكثر وصارت المسافة ماتفصلني عنه غير سنتيمترات قليلة كلش .. همس لن يتزوجكي وضحك .. كورت قبضت ايدي وصرت اتنفس سريع وكززت اسناني خزرته ورفعت تك حاجب كال حتى لو ابن نزار قباني هم مراح يتزوجج.. وخر عن طريقي احسن شسوين حجه بنبرة استفزازية .. اسويهه وياك عشاير والله باوع على تنورتي انت من ياعمام شهد الشمري لو رنين تبوني .. وخر لاتخليني اقلل ادب وياك لو سمحت كنالك الولد ابن خالتي وخطيبي بين قوسين .. كال ماشي نلتقي غير مرة لعد مااعتقد .. ظل قاطع الطريق عليه نبتت اطراف اظافري بكتفه ابعده عني استرسل وابتعد على كيفه وبهدوء مشيت والتفتت اله اباوعله بحقد وعصبية وهو الابتسامة المستفزة شاكة حلكة .. الله لاينطيك وائل هذا الضابط مراح يفك مني ياخة اكيد .. رجعت للبيت وحجيت كل شي لسارة .. ظلت تضحك خزرتها وصيحت عليها طاح حظج اختي الجبيرة لو منج وحدة ثانية هسه تخابره تطيح حظ حظه .. سارة .. يمعودة استحي والله شبيج انت ويا تنجازون شسويلكم .. لشوية اندكت باب الغرفة وفات بابا كال تعالي بنتي تارة عندي حجي وياج .. عرفت شنو يريد يحجي ويايه تبعته بدون مااحجي اخذني للحديقة وكعدنا على الكراسي .. كال بنتي اني من زمان ممتابعج يمكن الجامعة غيرتج هواي .. كتله بابا ياجامعة اني راح اروح للمرحلة الرابعة .. بنتي تطاولج على ألاء مرفوض اني هيج ربيتج؟ بابا الاء من الاول اني محابتها تكون زوجة الك وانت تسرعت من تزوجتها . يعني من تكولج على لبسج قصير تطلع موزينة؟ سكتت ودنكت معرفت شحجي واعصر باصابعي واتذكرت موقف اليوم واشفقت على بابا خطية شنو ذنبه اني اجرمت بحق نفسي وحقه .. كال بنتي اني صح مااحاسبكم على لبسكم ومخليكم انتوا تختارون الشي المناسب الكم بس هم ميصير راعي الله بيه قدري شيباتي اريدج توعديني اليوم لبسج تنتبهين اله ماتسيأين الي ولا لنفسج من خلاله والاء تحترميها ومتتجاوزين عليها .. بابا بالنسبة للبس اوعدك من اليوم راح يتغير والاء تعذرني لازم اردهه لان تتجاوز على ماما الله يرحمها .. شحدهه تتجاوز والله اطلكها واكسحها لبيت اهلها كبل .. ماشي بابا .. ولزمت ايده لعيونك ولخاطرك اني احاول اغير من تصرفاتي .. اي عفية هاي بنتي الحبابة الي اني ربيتها .. زين مكتيلي شونه امتحانج اليوم .. شلونه من ورة مرتك يعني قبل لا اروح للامتحان ضربتني راشدي .. زين خليها عليه اني اعرف شون اتصرف وياهه .. كام على حيله وراح للبيت وصاح الااااااء .. واني رحت وراه واكفة اجتي الاء نعم جهاد صحتني ؟ ليش تضربين تارة الصبح شنو طفلة هيه حتى تضربيها .. تنورتها لهنا وتأشر على فخذها ووتتجاسر عليه وتغلط لسانها شطوله شتريد مني اسوي يعني؟ ماتضربيها وهيه رايحة ع الامتحان تجين تكوليلي واني اتصرف انت ماموجود من ارجع يرادلها علم فهم ... بنات المرحومة ماينضربن سمعتيني ؟ صار ابو سارة تدلل .. يلله تارة اعتذري لاالاء وبعد لاتتجاوزين عليها ولاتغلطين .. بابا خليها لاتجيب سيرة امي بالموزين بالاول .. شحدهه تجيب سيرته بيت اهلها موجود وتعرف شسوي! خلص اني اعتذر منج الاء بس بعد لاتدخلين باموري الخاصة وامي لاتجيبين سيرتها .. سكتت الاء وتباوعلي بنظرات جانبية .. خزرهه بابا وصاح باسمها بعصبية الااااء!!!! كالت ان شاءالله مو كلت ان شاءالله .. رجعت للغرفة شفت سارة متمددة ع السرير وتباوع للسكف ونظراتها بالفراغ رحت كعدت يمها كامت مرتكية على عكسها .. كالت تدرين اليوم شصخمت؟ شصخمتي ؟ درت وجهي وسرحت بتفكيري يعني مو بس اني مصخمة حتى هيه خلي اشوف شسوت شسويتي بالله ؟ ولج كتبت منفصلة بالاستمارة مالة التقديم يااستمارة ؟ رحت قدمت على مدرسة اهلية من دبش يقبلوج ابن اخو المستثمر كال راح يتوسطلي .. رفعت تك حاجب واباوعلها باستغراب وانت منين تعرفي هاذ؟ ماعرفه والنبي شفته صدفة هناك وشمعنى يتوسطلج شبيج تارة قابل ماتعرفيني ترة ماظم عليج شي اني بس والله دااطلع ولحكني .. بس غريبة اشو مكلتي راح تقدمين .. سارة حجيت الها على الي صار الصبح وشون قدمت بالمدرسة الاهلية .. ها؟ اكلج الولد كلش حلو وهيبة وشكله عسكري بس عنده لحية العساكر منيلهم لحي يمكن ماخذ اجازة بس حلو ديري بالج ترة اغلبهم ادبسزية ونسوانجية خوش .. خوش اختي الصغيرة الي تنصحني .. رن تليفوني ولج سارة هذا وائل ديتصل جاوبي دنجبي تعاركت ويا جاوبي انت ورزلي دروحي معليه بيكم وبمشاكلكم امداج من اخت اي والله وطيح الله حظج .. فتحت خط ها وائل شكو شتريد هرجت الفون هرج! لج ادبسسز شعندج ويا هذا الضابط ؟ ياضابط شبيك وائل ؟. هذا الي كمشنا سوا شعندج ويا ها ؟ معندي شي وائل لاتظل تتبلى عليه تريد تعوفني عوفني بس لاتتمهني هيج اتهام وربي اشوفك شي مشايفة طول حياتك .. ولج گح..... مو شفتج واكفة وتحجين وياه وجان قريب عليج كلش طايحة الحظ خاينة ؟ دولي مو صوجك صوجي اني الي ناطيتك مجال دير بالك تخابرني بعد افتهمت .. وسديته بوجهه .. ☆☆☆ عمر .. اي عمو مكلت ليش داز علينه اليوم امر خدمة كول عيوني الك .. احمد .. اي ياب صحيح ليش ؟ ابو احمد.. عمر اريد حماية خاصة للمدرسة ياريت تشوفلي.. عمر .. تدلل عمو راح اتواصل ويا شركة امنية واتفق وياهم .. احمد .. واني ياب شنو ردت مني؟ ابو احمد .. انت ردتك تكعد من الصبح وتصير رجال عمر .. هههههههه احمد .. لعد قابل اني مرة .. ابو احمد .. اني عندي التزامات وانت لازم تلزم الشغل هنا عني وتتابع المدرسة .. احمد .. وشكو عليها المدرسة متكولي مو بيها مدير ومعاون مدير والمعلمين قابل راح ادرس وياهم اني .. حجيت واني ارتكي على الكرسي بانزعاج ونفاذ صبر .. ابو احمد .. اكل تبن وكتلك تلزم مكاني هنانه اني عندي التزامات هوايه كافي عيب عليك عمرك ٢٥ سنة كافي دياحة اشتغل كون مستقبلك وراك زواج وتكون عائلة .. احمد .. لا بابا تعذرني اني ماريد اتزوج اريد ابقى هيج فري .. ابو احمد .. اسمع ولك من عين باجر الصبح الساعة 7 انت هنا .. احمد .. ليش باجر عنده عيون ؟ زين هم عنده خشم ايد شي شياتين .. ابو احمد .. شال الكابسة الي يمه ع المكتب ويريد يركعه بيها .. ... عمر طلعنا من يم عمي بعد ماتنرفز من كلام احمد وبالاخير رضخ احمد للامر الواقع وقبل يجي يشتغل .. احمد اجاه اتصال وطلع برة واني رحت ع السكرتير وطلبت منه يخابر على سارة ويكوللها تجي الاحد تبلش تنطي دروس بالدورات المجانية .. ☆☆☆ سارة تلقيت اتصال من المدرسة الو ؟ حضرتج سارة جهاد اي نعم منو حضرتك ؟ احنه مدرسة البراعم الاهلية نطلب منج الحضور يوم الاحد والمباشرة باعطاء الدروس المجانية للطلاب حتى نشوف مؤهلاتج .. بفرح وسعادة عارمة وكاني تعينت جاوبته اوكي ان شاءالله شوكت اجي ؟ الصبح دوامنا يبدا ب8.... اوكي تمام .. سديته منهم فرحانة ورحت فرحت بابا ورجعت للغرفة بلحظة تذكرت عمر معقولة هو الي توسطلي وقبلوني بهالسرعة اخخخخ الله فرحانة .. صار يوم الاحد كعدت على وقت كلش سويت ريوك البابا وخليته كدامه يباوعلي ويضحك فديت هالنشاط صارلي سنتين من خلصت كلية وكاعدة بالبيت .. الله كريم بنوتي الحلوة ديري بالج على نفسج وان شاءالله يوم التعيين .. ان شاءالله بابا الله يسمع منك .. اكلت ويا كم لكمة وكمت غسلت وخليت مكياج خفيف وبدلت لبست سترة سودة شوية بيها طول وجواهه بدي ابيض وبنطرون قماش سويت شعري ذيل حصان مرفوع ولبست نظارات شمسية سودة وجنطة بوكس سودة وحذاء فلات اسود وطلعت .. وصلت للمدرسة فتحتها دا افوت وجان يصير مقابيلي عمر وويا واحد .. فتحلي الباب وابتسملي واني هم ابتسمت فتت وبعدني دا امشي واسمع اسمي بصوته يناديني من وراية سارة .. عمر .. رحت للمدرسة مالة عمي واخذت ويايه مدير مال شركة امنية حتى يتفق ويا عمي عمود الحماية اتفق ويا ودنطلع وجان اشوف سارة طالعة حلوة حيل انيقة بشكل ساحر وجذاب شعرها يجنن عبالك كلبدون .. ابتسمت الها ابتسمت سويتلها مجال تفوت فاتت . ترخصت من الرجال المدير وراح هو واني تبعتها صحتلها سارة التفتت الي ونزعت نظاراتها .. رحت يمها كالت نعم ..بصوتها الهادئ .. كتلها خابروج ؟ اي خابروني وكالو تعالي مشكور استاذ عمر العفو واجبي ان شاءالله كل التوفيق الج .. تسلم استاذ ماقصرت . شدي حيلج بالدورات ماشي حتى يثبتوج لان عمي جدي شوي ويحب الجدية . اي اكيد ان شاءالله اكون عند حسن ظنكم ومااخيب املك ااا املكم .. ابتسمت الها تحجي خجلانة تنصي وترفع راسها ... شفت احمد فات للمدرسة صارت عيونه علينه نزع نظاراته و اشتحن الجو بشرارة التحدي ونظرات الاستفزاز .. رفع تك حاجبه يباوعلي .. يلله سارة اني اروح اي شي تحتاجي رقمي بالادارة اخذي واتصلي بيه .. تسلم ماقصرت والله .. راحت تمشي بهدوء ودخلت جوة واني رحت يم احمد كال ها ولك دتنسق مو ؟ ترة اني هسه اخذت استراحة مقاتل بس اصبرلي شوية .. انت مقاتل انت ؟؟ لك تعلم اكعد وكت ترة عمي خبص الدنيا عليك جوة .. لبس نظاراته بغرور وكال خلي اشوفك هذا الي كدامك شحيسوي رفع راسه ليفوك يمشي بتكبر وفات جوة واني رحت على شغلي ... ☆☆☆ سارة .. انطوني كتاب وخطة وظليت ادرس الطلاب صف الخامس ابتدائي نصهم من عوائل طاكة او بالاحرى اغلبهم وشويه دلوعات .. مر اسبوع واني اداوم وبعد اسبوع لاخ ويبلش الدوام ولسه مااعرف اني حيقبلوني لو لا ؟ احمد يجي يباوع ويفتر بالمدرسة ويبقى شويه اثناء ما اني اعلم الطلاب ويسألهم عني شوني وياهم بس متكبر ومغرور حيل وجدي بالشغل .. اما عمر اجه مرتين يجي لعمه ويجي يسلم عليه يسولف شويه ويروح وبعدها نظراته نفسها جريئة اخجل منه ابتسم وادنك واعصر باصابعي بس هو ماتمادى ويايه بالكلام ابد كلامه مؤدب ومحترم .. عرفته انو ضابط بالاستخبارات برتبة مقدم صرت احب اشوفه ومن افوت للمدرسة كله عيني ع الباب اتوقع باي لحظة يفوت اتمنى احجي ويا بالساعات بصراحة الحديث ممتع وياه رغم كلام عادي وميطول دقايق ويروح .. راح يخلص الاسبوع الثاني ويبلش الدوام وعمر ماكو واني ما اعرف مصيري هنا اتثبت لو لا .. بيوم واني بالبيت اجاني طلب مراسلة على الفيس فتحته من حساب باسم كبرياء رجل .. كاتبلي اني عمر جاوبي .. بسرعة جاوبته .. هلاو استاذ عمر هلا سارونة شلونج تمام بخير شلون عرفت حسابي من البيج مالة المدرسة عرفته .. اها ..استاذ عمر اني مااعرف اذا راح يثبتوني هنا او لا ياريت تشوفلي عفية .. امممم باعي سارونة بصراحة عمي ماعجبه شغلج وعدهم ملاحظات عليج ... بس اني والله بذلت كل جهدي .. اي وهماتين انت جديدة ترة وهستوج متخرجة .. لا والله صار سنتين .. اي بس ماعندج خبرة وممشتغلة من قبل شسوي تعيين ماكو لو اكو تعيين اجي اني واقدم على مدرستكم قطعا لا .. اي صحيح بس عمي ينكي الي جانن مداومات بمدارس اهلية وعدهن خبرة سنة سنتين .. يعني مراح اتثبت يمكم ؟ باعي سارة اني اكدر اضغط على عمي واتوسطلج .. تسلم متقصر استاذ عمر .. بس بشرط سارونة اريد منج تلبين طلبي .. تفضل الي اكدر عليه .. سارة الي اعرفه انت منفصلة يعني ميهمج شي وانت كلش عاجبتني سارة اريدج تقضين يوم وياي واعتبري نفسج متثبتة يمنه بالمدرسة ......!!!!! | ||||||||
|
| |
|
06-01-20, 03:20 PM
| #5 | ||||||||
| مراقبة عامة ومشرفة منتدى الروايات المنقولة
| بين طهر وخطيئة بارت ٤ مروى سارة .. صدمتني بيك حرامات كنت احترمك استاذ عمر .. _ اممم خيبتلج ظنج مو ؟ طيب اسف .. _ ترضاهه لاختك ؟ _ ماعندي خوات للاسف .. _ امك !!! _ اششش ولا حجاية سمعتي ؟ وهسه شنو قررتي ؟ احجي يله .. الحياة أخذ وعطى يا سوسو وانت مدام راح تاخذين لازم تنطين .. _ الهالدرجة عندك الشرف رخيص ؟ لعد شكد رخيص انت لك اني راح اشتغل بمجهودي وتعبي مراح اخذ راتب بلا مقابل .. _ اممم خلصيني يلله معندي وقت ولاتستشرفين .. _ غصبا ماعليك اني شريفة وطز بيك وبمدرستك وبفلوسك عساك تحترك بيها ان شاءالله .. بلووك لخلقتك اله افضحك اني اعلمك ياخسيس .. جاي يكتب وجان اسويله حظر .. شمرت التليفون واجتاحتني فورة غضب والدماية تغلي بعروكي من العصبية شكد جنت احترمه متوقعته هيج يسوي ابد شنو هالجرأة هيج من اولها يساومني على شرفي شنو مفكرني وليمة على السرير وبس طاحظه وحظ تربيته .. طبت تارة للغرفة وبيدها كوب شافتني مخلية ايديه على راسي وامشي بالغرفة بتوتر رايحة جاية .. كالت شكو سارة شبيج ؟ مجاوبتها ظلت تسالني اكثر من مرة حد ما صرخت عليه .. احجييي شكوو ولج شبيج ؟ انداريت عليها ودموعي مغركة وجناتي .. كتلها ولج طلع نذل وحقير ورخيص منو هذا عن شنو دتحجين فهميني ؟ عمر عمر الحقير يريدني اطلع ويا يلا يثبتوني تصوري هلكد نذل وكلب وحقير .. اخذت التليفون وشوفتها المحادثة .. شافتهه وكالت .. الله يلعنه شنو من بشر هذا ؟ باجر اروح وياج اطيح حظه وافضحه بالمدرسة والله .. ماادري مادري راسي راح ينفجر ورحت للسرير تغطيت بالبطانية وابجي جوهه اجت يمي تارة تكعد بيه كومي عمري لاتنامين مقهورة .. كعدت مجبورة اباوعلها وابجي واحجي .. لج جننت معجبة بي هواي متخيلته هيج يسزي بيه هيج ينظرلي نظرة اشاف عليه والله ماقللت ادبي او تصرفت تصرف مو زين من احجي ويا ماخلي عيني بعينه وادنك .. حبيبتي همه هذول الزلم شايلينه على ظهرهم ويركضون بي شتترجين منهم .. هسه نامي وارتاحي والصباح رباح اكيد راح تنسين تولي لعله خير شوفي الله شكاتبلج .. نمت والدمعة بعيني مر اليوم والثاني والثالث ماداومت .. لحد ما اجاني اتصال من رقم غريب ظل يرن يرن مجاوبته .. دزلي مسج .. اني احمد من المدرسة الي تداومين بيها ردي عليه .. جنت كارهة المدرسة وكارهة كل شي بيها بس هذا احمد ظل يلح كلش هواية بالاتصال والاء كل شوي تطل عليه وترفعلي بحاجبها خاف تشك عندي شي قررت اخذ التليفون واروح يمها واجاوبه .. _ الو اهلا استاذ احمد تفضل .. _ هاي انت وين وليش غايبة نشوف غيرج لو شنو ؟ جان يحجي بنبرة برود وتكبر كلش مغرور هالشاب هو صح حقه ينغر وفوكاهه يلوكله بس مرات يصير مكروه .. جاوبته بعد ماجريت نفس .. _ وين اداوم يا استاذ احمد خلصت الدورات وبلش الدوام وانتوا ماثبتوني .. _ اي غير تنتظرين شبيج مستعجلة خانم ؟ _ لا مستعجلة ولا شي بس ماريد اداوم بطلت ان شاءالله تشوفون وحدة احسن مني .. جان الاء مقابيلي تباوعلي معترضة على كلامي حاجبها ينزل ويصعد ومتخصرة .. وتهز براسها مو قابلة .. احمد.. ليش رفضتي انت جنت حابة تداومين يمنه شنو الي صار وغيرتي رأيج ؟ انصدمت منه لان مو من عوايده هيج يستمر بالحجي بالعادة يحجيله كلمتين ويسكُت هسه لا .. اخذت التليفون وطلعت من المطبخ ورحت لغرفتي دخلت وكتله ماكو شي بس معجبني الوضع .. كال احجي صاير شي اكو احد مضوجج ترة هاي سمعة مدرسة وانت لازم تحجيلي قبل لا اسمع من غيرج وانت شمدريك صاير شي ؟ اني الكفهه وهيه طايرة احجيلي شصاير وبعدين عود اكولج ..تعالي للدوام هسه مدام بعده ماخلص خلينا نحجي .. كتله تمام راح ابدل واجي .. سديته منه .. وبصراحة مصدومة من احمد ..بس خلي اشوفه ونحجي واكوله على الي سواه عمر ابن عمه .. بدلت لبست جينز وسترة طويلة وجواهه بدي وحتى شال خليت على راسي خفت لا اصادف عمر ماريده يشوفني وطلعت بسرعة وصلت للمدرسة سلمت وكلولي احمد يريدج رحت لغرفته دكيت الباب سمعته كال من ورة الباب تفضل .. دخلت وكتله صباح الخير .. رد بنبرة ثقل بلسانه هيج هيه طبيعته يحجي مثل السكران منطي نبرة مختلفة بلسانه .. كال كُعدي رحت كعدت بيده القلم يحرك بي .. كال احجي اسمعج .. باوعتله ونزلت عيني كتله ماعندي شي احجي احجي انت استاذ احمد .. كال اممم وقرب نفسه من المكتب بعد ما جان مرتكي ع الكرسي الدوار .. كال عمر السبب مو ؟ رفعت راسي مصدومة انت شمعرفك ؟ هو حجالك عني صح .. لا لا اهدأي ست سارة شبيج بس هو عمر سمعته سيئة بالعائلة عنده سوالف محلوة باختصار نسونجي زير نساء والي تعجبه يساومها ع شرفهه . ومن شفتج واكفة يمه وتسولفين ويا عرفت السالفة بيها انَ ولمن رفضتي الدوام والتثبيت عرفته هو الي مضايقج هسه وضحت الصورة بالنسبة الج ؟ استاذ احمد فعلا ابن عمك قليل .. مكدرت اكمل استحيت منه وظليت اكح بتصنع كتله ماتوقعت منه كل هذا واني لمن جنت احجي ويا جنت احجي ويا بادب ومارخصت نفسي بس ماتوقعتها منه جنت احترمه .. ايييه لا يغرج ... كال وارتكى ع الكرسي .. وعينه على القلم الي بيده ميباوعلي مغروور ومتكبر بشكل فضيع .. سكتت وكتله اني اترخص .. اي روحي لحكي على شغلج .. اني اسفة ما اكدر استاذ.. هاي شنو سارة شهالحجي ..انت خايفة منه ؟ وكام واجه يمي ابتعدت خطوات منه اباوعله وجسمي يرجف حلو كلش حتى استحي من جماله بس غروره مخربه كلش .. كتله اي بصراحة باوعتله ونصيت .. كال ايييه لتخافين انت بحمايتنا ومدام اشتغلتي عدنا هنا انت شرفنا وعرضنا وواجبنه ندافع عنج لتخافين وروحي على شغلج واني راح احجي ويا واخذ منه وعد ميتقرب الج واذا ماجاب نتيجة اكول لابويه عليه وهو يخاف من ابويه ويحترمه ليظل بالج .. هزيت راسي بقلة حيلة فعلا محتاجة هالشغل صح راتب مو هالكد بس خطية بابا كضى عمه يدفع بالايجار ويجيب ويودي ولاعنده ولد يصير سند اله ويعينه بس اني وتارة والاء ومراجعاتها للطبيبة عمود الاطفال اثقلت ظهره واني لازم اعينه ولو بالقليل .. كتله من رخصتك واني كُلش اشكرك على موقفك هذا وياريت تبعده عني .. ولتخافين وانت هم ابتعدي عنه ماشي . اكيد بدون ماتوصي .. لعد يلله على شغلج وابتسم .. اول مرة اشوفه يبتسم .. ترخصت وطلعت رحت للمديرة وانطتني الجدول وشوفتني الحصص مالتي ، ادرس صف رابع و خامس انكليزي. ☆☆☆ تارة .. نجخت من المرحلة الثالثة للرابعة وهاي اخر سنة .. بلش الدوام وكعدت الصبح سويت ريوك لبابا وكعدنا ناكُل اني ويا .. كال اليوم ان شاءالله اول يوم .. اي بابا .. شدي حيلج بنيتي .. اي بابا ان شاءالله هالسنة انتبه اكثر لدراستي وان شاءالله اتخرج واتعين وعينك .. اني ماريد تعينيني يابنتي شهادتج سلاحج وانت ماعندج اخ ماعندج سند خلي شهادتج هيه سندج .. لعد وانت بابا انت تسوى الدنيا كلها عندي انت دنيتي وحياتي وروحي انت عن مية اخ .. اني مادايملج يابنتي .. عفية بابا لتكول هيج فدوة .. دمعت عيوني غصيت بالعبرة .. لزمت ايده اباوعله بابا عفية ماريد اسمع هالكلام مرة لخ انت الخير والبركة والله يطول بعمرك ان شاءالله .. مسح على خدي بحنية وبوسني من راسي .. اكلنا وهو راح لشغله .. يشتغل بمحل مواد غذائية وخطية ايجار المحل وايجار هذا البيت كاسر ظهره كلماته حسيته سجين تحز بنحري مااكدر اتصور يجي يوم افتح عيوني وما الكى بابا .. هزيت راسي وبعدت هالافكار عني واني مخنوكة .. داومت بالكلية وكعدنا اني وصديقتي بالكافتريا باوعت اكو واحد يباوعلي .. شكله مألوف مدري وين شايفته صفا كالت ولج هذا النقيب بهجت بس يباوعلج .. رجعت باوعتله ياا تذكرته النقيب الي شافني اني ووائل بس اليوم لابس مدني قميص رصاصي فاتح وبنطرون اسود .. انوب تقدم باتجاهنه واجه يمنه .. كال السلام عليكم .. اني درت وجهي وصفا ردت وعليكم السلام .. كال كومي اريد احجي وياج .. طختني صفا بيدي وكالت كومي .. باوعتله بغرور عفوا تحجي ويايه ؟ اي وياج كالها كالها بحدية كتله وشعندي وياك حتى تحجي وياي .. عندي هواي .. اعتذر مااحجي ويا الغربة اني .. احجي وياي وكاني زميلج هنا يلله . يحجي بصيغة الامر وبحدية .. كتلك مااحجي ويا اي احد وماعندي شي وياك ويله صفا .. كمت على حيلي وهوكال يصير خير ماشي.. ابتعدنا عنه امتار .. طختني صفا بعكسها .. كالت ولج جان شفتي شيريد منج شنو هيه كوة خما كوة واكف يمي وينطيني الاوامر عبالك جندي من جنوده الي جوة ايده دخيلك يا الله بس هو صدك شنو راد مني ؟ يريد يصارحج ..هههاي .. الفضول يقرا الف شيريد نقيب بهجت مني لا ويهدد بعد .. ☆☆☆ سارة .. وبيوم داومت وجان يصير كبالي عمر متت من الخوف .. مشاعر الخوف والكره تجاهه غمرت اطراف قلبي ..مزين لحيته وشعره محلقه .. تواريت عن انظاره وختلت بصف من الصفوف وبقيت نص ساعة طلعت واشوف المدرسة فارغة من الطلاب كلهم طلعوا لبيوتهم .. ركضت للادراة اخذت اغراضي وطلعت .. مشيت مسافة وفتت بفرعنا ظهر وتقريبا ماكو احد الشارع فارغ .. بس اسمع صوت سيارة وراية واجت بصفي انفتحت جامتها المظللة السودة درت وجهي واشوفه عمر .. كال شونج سارة .. كتله رجاءً لاتقرب عليه خليني بحالي .. وسرعت خطواتي ومشيت واسمعه يصيح سارة اوكفي .. ماوكفت ومشيت وجان اسمع خطواته وراية وشويه وجان يلزمني من ايدي وسحبني اله .. كال شبيج شكوو ليش هيج تحاجيني ؟ سحبت ايدي منه كتله لا والله يعني مسوي نفسك بريء وشريف وممسوي شي .. لزم ايدي قوي وجان يسحبني حييل ودخلني بالسيارة وسد الباب عليه .. يتبع .. | ||||||||
|
| |
|
06-01-20, 03:31 PM
| #6 | ||||||||
| مراقبة عامة ومشرفة منتدى الروايات المنقولة
| بين طهر وخطيئة #بارت٥ ﺳﺎﺭﺓ .. ﺻﺪﻣﺘﻨﻲ ﺑﻴﻚ ﺣﺮﺍﻣﺎﺕ ﻛﻨﺖ ﺍﺣﺘﺮﻣﻚ ﺍﺳﺘﺎﺫ ﻋﻤﺮ .. _ ﺍﻣﻤﻢ ﺧﻴﺒﺘﻠﺞ ﻇﻨﺞ ﻣﻮ ؟ ﻃﻴﺐ ﺍﺳﻒ .. _ ﺗﺮﺿﺎﻫﻪ ﻻﺧﺘﻚ ؟ _ ﻣﺎﻋﻨﺪﻱ ﺧﻮﺍﺕ ﻟﻼﺳﻒ .. _ ﺍﻣﻚ !!! _ ﺍﺷﺸﺶ ﻭﻻ ﺣﺠﺎﻳﺔ ﺳﻤﻌﺘﻲ ؟ ﻭﻫﺴﻪ ﺷﻨﻮ ﻗﺮﺭﺗﻲ ؟ ﺍﺣﺠﻲ ﻳﻠﻪ .. ﺍﻟﺤﻴﺎﺓ ﺃﺧﺬ ﻭﻋﻄﻰ ﻳﺎ ﺳﻮﺳﻮ ﻭﺍﻧﺖ ﻣﺪﺍﻡ ﺭﺍﺡ ﺗﺎﺧﺬﻳﻦ ﻻﺯﻡ ﺗﻨﻄﻴﻦ .. _ ﺍﻟﻬﺎﻟﺪﺭﺟﺔ ﻋﻨﺪﻙ ﺍﻟﺸﺮﻑ ﺭﺧﻴﺺ ؟ ﻟﻌﺪ ﺷﻜﺪ ﺭﺧﻴﺺ ﺍﻧﺖ ﻟﻚ ﺍﻧﻲ ﺭﺍﺡ ﺍﺷﺘﻐﻞ ﺑﻤﺠﻬﻮﺩﻱ ﻭﺗﻌﺒﻲ ﻣﺮﺍﺡ ﺍﺧﺬ ﺭﺍﺗﺐ ﺑﻼ ﻣﻘﺎﺑﻞ .. _ ﺍﻣﻤﻢ ﺧﻠﺼﻴﻨﻲ ﻳﻠﻠﻪ ﻣﻌﻨﺪﻱ ﻭﻗﺖ ﻭﻻﺗﺴﺘﺸﺮﻓﻴﻦ .. _ ﻏﺼﺒﺎ ﻣﺎﻋﻠﻴﻚ ﺍﻧﻲ ﺷﺮﻳﻔﺔ ﻭﻃﺰ ﺑﻴﻚ ﻭﺑﻤﺪﺭﺳﺘﻚ ﻭﺑﻔﻠﻮﺳﻚ ﻋﺴﺎﻙ ﺗﺤﺘﺮﻙ ﺑﻴﻬﺎ ﺍﻥ ﺷﺎﺀﺍﻟﻠﻪ .. ﺑﻠﻮﻭﻙ ﻟﺨﻠﻘﺘﻚ ﺍﻟﻪ ﺍﻓﻀﺤﻚ ﺍﻧﻲ ﺍﻋﻠﻤﻚ ﻳﺎﺧﺴﻴﺲ .. ﺟﺎﻱ ﻳﻜﺘﺐ ﻭﺟﺎﻥ ﺍﺳﻮﻳﻠﻪ ﺣﻈﺮ .. ﺷﻤﺮﺕ ﺍﻟﺘﻠﻴﻔﻮﻥ ﻭﺍﺟﺘﺎﺣﺘﻨﻲ ﻓﻮﺭﺓ ﻏﻀﺐ ﻭﺍﻟﺪﻣﺎﻳﺔ ﺗﻐﻠﻲ ﺑﻌﺮﻭﻛﻲ ﻣﻦ ﺍﻟﻌﺼﺒﻴﺔ ﺷﻜﺪ ﺟﻨﺖ ﺍﺣﺘﺮﻣﻪ ﻣﺘﻮﻗﻌﺘﻪ ﻫﻴﺞ ﻳﺴﻮﻱ ﺍﺑﺪ ﺷﻨﻮ ﻫﺎﻟﺠﺮﺃﺓ ﻫﻴﺞ ﻣﻦ ﺍﻭﻟﻬﺎ ﻳﺴﺎﻭﻣﻨﻲ ﻋﻠﻰ ﺷﺮﻓﻲ ﺷﻨﻮ ﻣﻔﻜﺮﻧﻲ ﻭﻟﻴﻤﺔ ﻋﻠﻰ ﺍﻟﺴﺮﻳﺮ ﻭﺑﺲ ﻃﺎﺣﻈﻪ ﻭﺣﻆ ﺗﺮﺑﻴﺘﻪ .. ﻃﺒﺖ ﺗﺎﺭﺓ ﻟﻠﻐﺮﻓﺔ ﻭﺑﻴﺪﻫﺎ ﻛﻮﺏ ﺷﺎﻓﺘﻨﻲ ﻣﺨﻠﻴﺔ ﺍﻳﺪﻳﻪ ﻋﻠﻰ ﺭﺍﺳﻲ ﻭﺍﻣﺸﻲ ﺑﺎﻟﻐﺮﻓﺔ ﺑﺘﻮﺗﺮ ﺭﺍﻳﺤﺔ ﺟﺎﻳﺔ .. ﻛﺎﻟﺖ ﺷﻜﻮ ﺳﺎﺭﺓ ﺷﺒﻴﺞ ؟ ﻣﺠﺎﻭﺑﺘﻬﺎ ﻇﻠﺖ ﺗﺴﺎﻟﻨﻲ ﺍﻛﺜﺮ ﻣﻦ ﻣﺮﺓ ﺣﺪ ﻣﺎ ﺻﺮﺧﺖ ﻋﻠﻴﻪ .. ﺍﺣﺠﻴﻴﻲ ﺷﻜﻮﻭ ﻭﻟﺞ ﺷﺒﻴﺞ ؟ ﺍﻧﺪﺍﺭﻳﺖ ﻋﻠﻴﻬﺎ ﻭﺩﻣﻮﻋﻲ ﻣﻐﺮﻛﺔ ﻭﺟﻨﺎﺗﻲ .. ﻛﺘﻠﻬﺎ ﻭﻟﺞ ﻃﻠﻊ ﻧﺬﻝ ﻭﺣﻘﻴﺮ ﻭﺭﺧﻴﺺ ﻣﻨﻮ ﻫﺬﺍ ﻋﻦ ﺷﻨﻮ ﺩﺗﺤﺠﻴﻦ ﻓﻬﻤﻴﻨﻲ ؟ ﻋﻤﺮ ﻋﻤﺮ ﺍﻟﺤﻘﻴﺮ ﻳﺮﻳﺪﻧﻲ ﺍﻃﻠﻊ ﻭﻳﺎ ﻳﻼ ﻳﺜﺒﺘﻮﻧﻲ ﺗﺼﻮﺭﻱ ﻫﻠﻜﺪ ﻧﺬﻝ ﻭﻛﻠﺐ ﻭﺣﻘﻴﺮ .. ﺍﺧﺬﺕ ﺍﻟﺘﻠﻴﻔﻮﻥ ﻭﺷﻮﻓﺘﻬﺎ ﺍﻟﻤﺤﺎﺩﺛﺔ .. ﺷﺎﻓﺘﻬﻪ ﻭﻛﺎﻟﺖ .. ﺍﻟﻠﻪ ﻳﻠﻌﻨﻪ ﺷﻨﻮ ﻣﻦ ﺑﺸﺮ ﻫﺬﺍ ؟ ﺑﺎﺟﺮ ﺍﺭﻭﺡ ﻭﻳﺎﺝ ﺍﻃﻴﺢ ﺣﻈﻪ ﻭﺍﻓﻀﺤﻪ ﺑﺎﻟﻤﺪﺭﺳﺔ ﻭﺍﻟﻠﻪ .. ﻣﺎﺍﺩﺭﻱ ﻣﺎﺩﺭﻱ ﺭﺍﺳﻲ ﺭﺍﺡ ﻳﻨﻔﺠﺮ ﻭﺭﺣﺖ ﻟﻠﺴﺮﻳﺮ ﺗﻐﻄﻴﺖ ﺑﺎﻟﺒﻄﺎﻧﻴﺔ ﻭﺍﺑﺠﻲ ﺟﻮﻫﻪ ﺍﺟﺖ ﻳﻤﻲ ﺗﺎﺭﺓ ﺗﻜﻌﺪ ﺑﻴﻪ ﻛﻮﻣﻲ ﻋﻤﺮﻱ ﻻﺗﻨﺎﻣﻴﻦ ﻣﻘﻬﻮﺭﺓ .. ﻛﻌﺪﺕ ﻣﺠﺒﻮﺭﺓ ﺍﺑﺎﻭﻋﻠﻬﺎ ﻭﺍﺑﺠﻲ ﻭﺍﺣﺠﻲ .. ﻟﺞ ﺟﻨﻨﺖ ﻣﻌﺠﺒﺔ ﺑﻲ ﻫﻮﺍﻱ ﻣﺘﺨﻴﻠﺘﻪ ﻫﻴﺞ ﻳﺴﺰﻱ ﺑﻴﻪ ﻫﻴﺞ ﻳﻨﻈﺮﻟﻲ ﻧﻈﺮﺓ ﺍﺷﺎﻑ ﻋﻠﻴﻪ ﻭﺍﻟﻠﻪ ﻣﺎﻗﻠﻠﺖ ﺍﺩﺑﻲ ﺍﻭ ﺗﺼﺮﻓﺖ ﺗﺼﺮﻑ ﻣﻮ ﺯﻳﻦ ﻣﻦ ﺍﺣﺠﻲ ﻭﻳﺎ ﻣﺎﺧﻠﻲ ﻋﻴﻨﻲ ﺑﻌﻴﻨﻪ ﻭﺍﺩﻧﻚ .. ﺣﺒﻴﺒﺘﻲ ﻫﻤﻪ ﻫﺬﻭﻝ ﺍﻟﺰﻟﻢ ﺷﺎﻳﻠﻴﻨﻪ ﻋﻠﻰ ﻇﻬﺮﻫﻢ ﻭﻳﺮﻛﻀﻮﻥ ﺑﻲ ﺷﺘﺘﺮﺟﻴﻦ ﻣﻨﻬﻢ .. ﻫﺴﻪ ﻧﺎﻣﻲ ﻭﺍﺭﺗﺎﺣﻲ ﻭﺍﻟﺼﺒﺎﺡ ﺭﺑﺎﺡ ﺍﻛﻴﺪ ﺭﺍﺡ ﺗﻨﺴﻴﻦ ﺗﻮﻟﻲ ﻟﻌﻠﻪ ﺧﻴﺮ ﺷﻮﻓﻲ ﺍﻟﻠﻪ ﺷﻜﺎﺗﺒﻠﺞ .. ﻧﻤﺖ ﻭﺍﻟﺪﻣﻌﺔ ﺑﻌﻴﻨﻲ ﻣﺮ ﺍﻟﻴﻮﻡ ﻭﺍﻟﺜﺎﻧﻲ ﻭﺍﻟﺜﺎﻟﺚ ﻣﺎﺩﺍﻭﻣﺖ .. ﻟﺤﺪ ﻣﺎ ﺍﺟﺎﻧﻲ ﺍﺗﺼﺎﻝ ﻣﻦ ﺭﻗﻢ ﻏﺮﻳﺐ ﻇﻞ ﻳﺮﻥ ﻳﺮﻥ ﻣﺠﺎﻭﺑﺘﻪ .. ﺩﺯﻟﻲ ﻣﺴﺞ .. ﺍﻧﻲ ﺍﺣﻤﺪ ﻣﻦ ﺍﻟﻤﺪﺭﺳﺔ ﺍﻟﻲ ﺗﺪﺍﻭﻣﻴﻦ ﺑﻴﻬﺎ ﺭﺩﻱ ﻋﻠﻴﻪ .. ﺟﻨﺖ ﻛﺎﺭﻫﺔ ﺍﻟﻤﺪﺭﺳﺔ ﻭﻛﺎﺭﻫﺔ ﻛﻞ ﺷﻲ ﺑﻴﻬﺎ ﺑﺲ ﻫﺬﺍ ﺍﺣﻤﺪ ﻇﻞ ﻳﻠﺢ ﻛﻠﺶ ﻫﻮﺍﻳﺔ ﺑﺎﻻﺗﺼﺎﻝ ﻭﺍﻻﺀ ﻛﻞ ﺷﻮﻱ ﺗﻄﻞ ﻋﻠﻴﻪ ﻭﺗﺮﻓﻌﻠﻲ ﺑﺤﺎﺟﺒﻬﺎ ﺧﺎﻑ ﺗﺸﻚ ﻋﻨﺪﻱ ﺷﻲ ﻗﺮﺭﺕ ﺍﺧﺬ ﺍﻟﺘﻠﻴﻔﻮﻥ ﻭﺍﺭﻭﺡ ﻳﻤﻬﺎ ﻭﺍﺟﺎﻭﺑﻪ .. _ ﺍﻟﻮ ﺍﻫﻼ ﺍﺳﺘﺎﺫ ﺍﺣﻤﺪ ﺗﻔﻀﻞ .. _ ﻫﺎﻱ ﺍﻧﺖ ﻭﻳﻦ ﻭﻟﻴﺶ ﻏﺎﻳﺒﺔ ﻧﺸﻮﻑ ﻏﻴﺮﺝ ﻟﻮ ﺷﻨﻮ ؟ ﺟﺎﻥ ﻳﺤﺠﻲ ﺑﻨﺒﺮﺓ ﺑﺮﻭﺩ ﻭﺗﻜﺒﺮ ﻛﻠﺶ ﻣﻐﺮﻭﺭ ﻫﺎﻟﺸﺎﺏ ﻫﻮ ﺻﺢ ﺣﻘﻪ ﻳﻨﻐﺮ ﻭﻓﻮﻛﺎﻫﻪ ﻳﻠﻮﻛﻠﻪ ﺑﺲ ﻣﺮﺍﺕ ﻳﺼﻴﺮ ﻣﻜﺮﻭﻩ .. ﺟﺎﻭﺑﺘﻪ ﺑﻌﺪ ﻣﺎﺟﺮﻳﺖ ﻧﻔﺲ .. _ ﻭﻳﻦ ﺍﺩﺍﻭﻡ ﻳﺎ ﺍﺳﺘﺎﺫ ﺍﺣﻤﺪ ﺧﻠﺼﺖ ﺍﻟﺪﻭﺭﺍﺕ ﻭﺑﻠﺶ ﺍﻟﺪﻭﺍﻡ ﻭﺍﻧﺘﻮﺍ ﻣﺎﺛﺒﺘﻮﻧﻲ .. _ ﺍﻱ ﻏﻴﺮ ﺗﻨﺘﻈﺮﻳﻦ ﺷﺒﻴﺞ ﻣﺴﺘﻌﺠﻠﺔ ﺧﺎﻧﻢ ؟ _ ﻻ ﻣﺴﺘﻌﺠﻠﺔ ﻭﻻ ﺷﻲ ﺑﺲ ﻣﺎﺭﻳﺪ ﺍﺩﺍﻭﻡ ﺑﻄﻠﺖ ﺍﻥ ﺷﺎﺀﺍﻟﻠﻪ ﺗﺸﻮﻓﻮﻥ ﻭﺣﺪﺓ ﺍﺣﺴﻦ ﻣﻨﻲ .. ﺟﺎﻥ ﺍﻻﺀ ﻣﻘﺎﺑﻴﻠﻲ ﺗﺒﺎﻭﻋﻠﻲ ﻣﻌﺘﺮﺿﺔ ﻋﻠﻰ ﻛﻼﻣﻲ ﺣﺎﺟﺒﻬﺎ ﻳﻨﺰﻝ ﻭﻳﺼﻌﺪ ﻭﻣﺘﺨﺼﺮﺓ .. ﻭﺗﻬﺰ ﺑﺮﺍﺳﻬﺎ ﻣﻮ ﻗﺎﺑﻠﺔ .. ﺍﺣﻤﺪ .. ﻟﻴﺶ ﺭﻓﻀﺘﻲ ﺍﻧﺖ ﺟﻨﺖ ﺣﺎﺑﺔ ﺗﺪﺍﻭﻣﻴﻦ ﻳﻤﻨﻪ ﺷﻨﻮ ﺍﻟﻲ ﺻﺎﺭ ﻭﻏﻴﺮﺗﻲ ﺭﺃﻳﺞ ؟ﺍﻧﺼﺪﻣﺖ ﻣﻨﻪ ﻻﻥ ﻣﻮ ﻣﻦ ﻋﻮﺍﻳﺪﻩ ﻫﻴﺞ ﻳﺴﺘﻤﺮ ﺑﺎﻟﺤﺠﻲ ﺑﺎﻟﻌﺎﺩﺓ ﻳﺤﺠﻴﻠﻪ ﻛﻠﻤﺘﻴﻦ ﻭﻳﺴﻜُﺖ ﻫﺴﻪ ﻻ .. ﺍﺧﺬﺕ ﺍﻟﺘﻠﻴﻔﻮﻥ ﻭﻃﻠﻌﺖ ﻣﻦ ﺍﻟﻤﻄﺒﺦ ﻭﺭﺣﺖ ﻟﻐﺮﻓﺘﻲ ﺩﺧﻠﺖ ﻭﻛﺘﻠﻪ ﻣﺎﻛﻮ ﺷﻲ ﺑﺲ ﻣﻌﺠﺒﻨﻲ ﺍﻟﻮﺿﻊ .. ﻛﺎﻝ ﺍﺣﺠﻲ ﺻﺎﻳﺮ ﺷﻲ ﺍﻛﻮ ﺍﺣﺪ ﻣﻀﻮﺟﺞ ﺗﺮﺓ ﻫﺎﻱ ﺳﻤﻌﺔ ﻣﺪﺭﺳﺔ ﻭﺍﻧﺖ ﻻﺯﻡ ﺗﺤﺠﻴﻠﻲ ﻗﺒﻞ ﻻ ﺍﺳﻤﻊ ﻣﻦ ﻏﻴﺮﺝ ﻭﺍﻧﺖ ﺷﻤﺪﺭﻳﻚ ﺻﺎﻳﺮ ﺷﻲ ؟ ﺍﻧﻲ ﺍﻟﻜﻔﻬﻪ ﻭﻫﻴﻪ ﻃﺎﻳﺮﺓ ﺍﺣﺠﻴﻠﻲ ﺷﺼﺎﻳﺮ ﻭﺑﻌﺪﻳﻦ ﻋﻮﺩ ﺍﻛﻮﻟﺞ .. ﺗﻌﺎﻟﻲ ﻟﻠﺪﻭﺍﻡ ﻫﺴﻪ ﻣﺪﺍﻡ ﺑﻌﺪﻩ ﻣﺎﺧﻠﺺ ﺧﻠﻴﻨﺎ ﻧﺤﺠﻲ .. ﻛﺘﻠﻪ ﺗﻤﺎﻡ ﺭﺍﺡ ﺍﺑﺪﻝ ﻭﺍﺟﻲ .. ﺳﺪﻳﺘﻪ ﻣﻨﻪ .. ﻭﺑﺼﺮﺍﺣﺔ ﻣﺼﺪﻭﻣﺔ ﻣﻦ ﺍﺣﻤﺪ .. ﺑﺲ ﺧﻠﻲ ﺍﺷﻮﻓﻪ ﻭﻧﺤﺠﻲ ﻭﺍﻛﻮﻟﻪ ﻋﻠﻰ ﺍﻟﻲ ﺳﻮﺍﻩ ﻋﻤﺮ ﺍﺑﻦ ﻋﻤﻪ .. ﺑﺪﻟﺖ ﻟﺒﺴﺖ ﺟﻴﻨﺰ ﻭﺳﺘﺮﺓ ﻃﻮﻳﻠﺔ ﻭﺟﻮﺍﻫﻪ ﺑﺪﻱ ﻭﺣﺘﻰ ﺷﺎﻝ ﺧﻠﻴﺖ ﻋﻠﻰ ﺭﺍﺳﻲ ﺧﻔﺖ ﻻ ﺍﺻﺎﺩﻑ ﻋﻤﺮ ﻣﺎﺭﻳﺪﻩ ﻳﺸﻮﻓﻨﻲ ﻭﻃﻠﻌﺖ ﺑﺴﺮﻋﺔ ﻭﺻﻠﺖ ﻟﻠﻤﺪﺭﺳﺔ ﺳﻠﻤﺖ ﻭﻛﻠﻮﻟﻲ ﺍﺣﻤﺪ ﻳﺮﻳﺪﺝ ﺭﺣﺖ ﻟﻐﺮﻓﺘﻪ ﺩﻛﻴﺖ ﺍﻟﺒﺎﺏ ﺳﻤﻌﺘﻪ ﻛﺎﻝ ﻣﻦ ﻭﺭﺓ ﺍﻟﺒﺎﺏ ﺗﻔﻀﻞ .. ﺩﺧﻠﺖ ﻭﻛﺘﻠﻪ ﺻﺒﺎﺡ ﺍﻟﺨﻴﺮ .. ﺭﺩ ﺑﻨﺒﺮﺓ ﺛﻘﻞ ﺑﻠﺴﺎﻧﻪ ﻫﻴﺞ ﻫﻴﻪ ﻃﺒﻴﻌﺘﻪ ﻳﺤﺠﻲ ﻣﺜﻞ ﺍﻟﺴﻜﺮﺍﻥ ﻣﻨﻄﻲ ﻧﺒﺮﺓ ﻣﺨﺘﻠﻔﺔ ﺑﻠﺴﺎﻧﻪ .. ﻛﺎﻝ ﻛُﻌﺪﻱ ﺭﺣﺖ ﻛﻌﺪﺕ ﺑﻴﺪﻩ ﺍﻟﻘﻠﻢ ﻳﺤﺮﻙ ﺑﻲ .. ﻛﺎﻝ ﺍﺣﺠﻲ ﺍﺳﻤﻌﺞ .. ﺑﺎﻭﻋﺘﻠﻪ ﻭﻧﺰﻟﺖ ﻋﻴﻨﻲ ﻛﺘﻠﻪ ﻣﺎﻋﻨﺪﻱ ﺷﻲ ﺍﺣﺠﻲ ﺍﺣﺠﻲ ﺍﻧﺖ ﺍﺳﺘﺎﺫ ﺍﺣﻤﺪ .. ﻛﺎﻝ ﺍﻣﻤﻢ ﻭﻗﺮﺏ ﻧﻔﺴﻪ ﻣﻦ ﺍﻟﻤﻜﺘﺐ ﺑﻌﺪ ﻣﺎ ﺟﺎﻥ ﻣﺮﺗﻜﻲ ﻉ ﺍﻟﻜﺮﺳﻲ ﺍﻟﺪﻭﺍﺭ .. ﻛﺎﻝ ﻋﻤﺮ ﺍﻟﺴﺒﺐ ﻣﻮ ؟ ﺭﻓﻌﺖ ﺭﺍﺳﻲ ﻣﺼﺪﻭﻣﺔ ﺍﻧﺖ ﺷﻤﻌﺮﻓﻚ ؟ ﻫﻮ ﺣﺠﺎﻟﻚ ﻋﻨﻲ ﺻﺢ .. ﻻ ﻻ ﺍﻫﺪﺃﻱ ﺳﺖ ﺳﺎﺭﺓ ﺷﺒﻴﺞ ﺑﺲ ﻫﻮ ﻋﻤﺮ ﺳﻤﻌﺘﻪ ﺳﻴﺌﺔ ﺑﺎﻟﻌﺎﺋﻠﺔ ﻋﻨﺪﻩ ﺳﻮﺍﻟﻒ ﻣﺤﻠﻮﺓ ﺑﺎﺧﺘﺼﺎﺭ ﻧﺴﻮﻧﺠﻲ ﺯﻳﺮ ﻧﺴﺎﺀ ﻭﺍﻟﻲ ﺗﻌﺠﺒﻪ ﻳﺴﺎﻭﻣﻬﺎ ﻉ ﺷﺮﻓﻬﻪ . ﻭﻣﻦ ﺷﻔﺘﺞ ﻭﺍﻛﻔﺔ ﻳﻤﻪ ﻭﺗﺴﻮﻟﻔﻴﻦ ﻭﻳﺎ ﻋﺮﻓﺖ ﺍﻟﺴﺎﻟﻔﺔ ﺑﻴﻬﺎ ﺍﻥَ ﻭﻟﻤﻦ ﺭﻓﻀﺘﻲ ﺍﻟﺪﻭﺍﻡ ﻭﺍﻟﺘﺜﺒﻴﺖ ﻋﺮﻓﺘﻪ ﻫﻮ ﺍﻟﻲ ﻣﻀﺎﻳﻘﺞ ﻫﺴﻪ ﻭﺿﺤﺖ ﺍﻟﺼﻮﺭﺓ ﺑﺎﻟﻨﺴﺒﺔ ﺍﻟﺞ ؟ ﺍﺳﺘﺎﺫ ﺍﺣﻤﺪ ﻓﻌﻼ ﺍﺑﻦ ﻋﻤﻚ ﻗﻠﻴﻞ .. ﻣﻜﺪﺭﺕ ﺍﻛﻤﻞ ﺍﺳﺘﺤﻴﺖ ﻣﻨﻪ ﻭﻇﻠﻴﺖ ﺍﻛﺢ ﺑﺘﺼﻨﻊ ﻛﺘﻠﻪ ﻣﺎﺗﻮﻗﻌﺖ ﻣﻨﻪ ﻛﻞ ﻫﺬﺍ ﻭﺍﻧﻲ ﻟﻤﻦ ﺟﻨﺖ ﺍﺣﺠﻲ ﻭﻳﺎ ﺟﻨﺖ ﺍﺣﺠﻲ ﻭﻳﺎ ﺑﺎﺩﺏ ﻭﻣﺎﺭﺧﺼﺖ ﻧﻔﺴﻲ ﺑﺲ ﻣﺎﺗﻮﻗﻌﺘﻬﺎ ﻣﻨﻪ ﺟﻨﺖ ﺍﺣﺘﺮﻣﻪ .. ﺍﻳﻴﻴﻪ ﻻ ﻳﻐﺮﺝ ... ﻛﺎﻝ ﻭﺍﺭﺗﻜﻰ ﻉ ﺍﻟﻜﺮﺳﻲ .. ﻭﻋﻴﻨﻪ ﻋﻠﻰ ﺍﻟﻘﻠﻢ ﺍﻟﻲ ﺑﻴﺪﻩ ﻣﻴﺒﺎﻭﻋﻠﻲ ﻣﻐﺮﻭﻭﺭ ﻭﻣﺘﻜﺒﺮ ﺑﺸﻜﻞ ﻓﻀﻴﻊ .. ﺳﻜﺘﺖ ﻭﻛﺘﻠﻪ ﺍﻧﻲ ﺍﺗﺮﺧﺺ .. ﺍﻱ ﺭﻭﺣﻲ ﻟﺤﻜﻲ ﻋﻠﻰ ﺷﻐﻠﺞ .. ﺍﻧﻲ ﺍﺳﻔﺔ ﻣﺎ ﺍﻛﺪﺭ ﺍﺳﺘﺎﺫ .. ﻫﺎﻱ ﺷﻨﻮ ﺳﺎﺭﺓ ﺷﻬﺎﻟﺤﺠﻲ .. ﺍﻧﺖ ﺧﺎﻳﻔﺔ ﻣﻨﻪ ؟ ﻭﻛﺎﻡ ﻭﺍﺟﻪ ﻳﻤﻲ ﺍﺑﺘﻌﺪﺕ ﺧﻄﻮﺍﺕ ﻣﻨﻪ ﺍﺑﺎﻭﻋﻠﻪ ﻭﺟﺴﻤﻲ ﻳﺮﺟﻒ ﺣﻠﻮ ﻛﻠﺶ ﺣﺘﻰ ﺍﺳﺘﺤﻲ ﻣﻦ ﺟﻤﺎﻟﻪ ﺑﺲ ﻏﺮﻭﺭﻩ ﻣﺨﺮﺑﻪ ﻛﻠﺶ .. ﻛﺘﻠﻪ ﺍﻱ ﺑﺼﺮﺍﺣﺔ ﺑﺎﻭﻋﺘﻠﻪ ﻭﻧﺼﻴﺖ .. ﻛﺎﻝ ﺍﻳﻴﻴﻪ ﻟﺘﺨﺎﻓﻴﻦ ﺍﻧﺖ ﺑﺤﻤﺎﻳﺘﻨﺎ ﻭﻣﺪﺍﻡ ﺍﺷﺘﻐﻠﺘﻲ ﻋﺪﻧﺎ ﻫﻨﺎ ﺍﻧﺖ ﺷﺮﻓﻨﺎ ﻭﻋﺮﺿﻨﺎ ﻭﻭﺍﺟﺒﻨﻪ ﻧﺪﺍﻓﻊ ﻋﻨﺞ ﻟﺘﺨﺎﻓﻴﻦ ﻭﺭﻭﺣﻲ ﻋﻠﻰ ﺷﻐﻠﺞ ﻭﺍﻧﻲ ﺭﺍﺡ ﺍﺣﺠﻲ ﻭﻳﺎ ﻭﺍﺧﺬ ﻣﻨﻪ ﻭﻋﺪ ﻣﻴﺘﻘﺮﺏ ﺍﻟﺞ ﻭﺍﺫﺍ ﻣﺎﺟﺎﺏ ﻧﺘﻴﺠﺔ ﺍﻛﻮﻝ ﻻﺑﻮﻳﻪ ﻋﻠﻴﻪ ﻭﻫﻮ ﻳﺨﺎﻑ ﻣﻦ ﺍﺑﻮﻳﻪ ﻭﻳﺤﺘﺮﻣﻪ ﻟﻴﻈﻞ ﺑﺎﻟﺞ .. ﻫﺰﻳﺖ ﺭﺍﺳﻲ ﺑﻘﻠﺔ ﺣﻴﻠﺔ ﻓﻌﻼ ﻣﺤﺘﺎﺟﺔ ﻫﺎﻟﺸﻐﻞ ﺻﺢ ﺭﺍﺗﺐ ﻣﻮ ﻫﺎﻟﻜﺪ ﺑﺲ ﺧﻄﻴﺔ ﺑﺎﺑﺎ ﻛﻀﻰ ﻋﻤﻪ ﻳﺪﻓﻊ ﺑﺎﻻﻳﺠﺎﺭ ﻭﻳﺠﻴﺐ ﻭﻳﻮﺩﻱ ﻭﻻﻋﻨﺪﻩ ﻭﻟﺪ ﻳﺼﻴﺮ ﺳﻨﺪ ﺍﻟﻪ ﻭﻳﻌﻴﻨﻪ ﺑﺲ ﺍﻧﻲ ﻭﺗﺎﺭﺓ ﻭﺍﻻﺀ ﻭﻣﺮﺍﺟﻌﺎﺗﻬﺎ ﻟﻠﻄﺒﻴﺒﺔ ﻋﻤﻮﺩ ﺍﻻﻃﻔﺎﻝ ﺍﺛﻘﻠﺖ ﻇﻬﺮﻩ ﻭﺍﻧﻲ ﻻﺯﻡ ﺍﻋﻴﻨﻪ ﻭﻟﻮ ﺑﺎﻟﻘﻠﻴﻞ .. ﻛﺘﻠﻪ ﻣﻦ ﺭﺧﺼﺘﻚ ﻭﺍﻧﻲ ﻛُﻠﺶ ﺍﺷﻜﺮﻙ ﻋﻠﻰ ﻣﻮﻗﻔﻚ ﻫﺬﺍ ﻭﻳﺎﺭﻳﺖ ﺗﺒﻌﺪﻩ ﻋﻨﻲ .. ﻭﻟﺘﺨﺎﻓﻴﻦ ﻭﺍﻧﺖ ﻫﻢ ﺍﺑﺘﻌﺪﻱ ﻋﻨﻪ ﻣﺎﺷﻲ . ﺍﻛﻴﺪ ﺑﺪﻭﻥ ﻣﺎﺗﻮﺻﻲ .. ﻟﻌﺪ ﻳﻠﻠﻪ ﻋﻠﻰ ﺷﻐﻠﺞ ﻭﺍﺑﺘﺴﻢ .. ﺍﻭﻝ ﻣﺮﺓ ﺍﺷﻮﻓﻪ ﻳﺒﺘﺴﻢ .. ﺗﺮﺧﺼﺖ ﻭﻃﻠﻌﺖ ﺭﺣﺖ ﻟﻠﻤﺪﻳﺮﺓ ﻭﺍﻧﻄﺘﻨﻲ ﺍﻟﺠﺪﻭﻝ ﻭﺷﻮﻓﺘﻨﻲ ﺍﻟﺤﺼﺺ ﻣﺎﻟﺘﻲ ، ﺍﺩﺭﺱ ﺻﻒ ﺭﺍﺑﻊ ﻭ ﺧﺎﻣﺲ ﺍﻧﻜﻠﻴﺰﻱ . ☆☆☆ ﺗﺎﺭﺓ .. ﻧﺠﺨﺖ ﻣﻦ ﺍﻟﻤﺮﺣﻠﺔ ﺍﻟﺜﺎﻟﺜﺔ ﻟﻠﺮﺍﺑﻌﺔ ﻭﻫﺎﻱ ﺍﺧﺮ ﺳﻨﺔ .. ﺑﻠﺶ ﺍﻟﺪﻭﺍﻡ ﻭﻛﻌﺪﺕ ﺍﻟﺼﺒﺢ ﺳﻮﻳﺖ ﺭﻳﻮﻙ ﻟﺒﺎﺑﺎ ﻭﻛﻌﺪﻧﺎ ﻧﺎﻛُﻞ ﺍﻧﻲ ﻭﻳﺎ .. ﻛﺎﻝ ﺍﻟﻴﻮﻡ ﺍﻥ ﺷﺎﺀﺍﻟﻠﻪ ﺍﻭﻝ ﻳﻮﻡ .. ﺍﻱ ﺑﺎﺑﺎ .. ﺷﺪﻱ ﺣﻴﻠﺞ ﺑﻨﻴﺘﻲ .. ﺍﻱ ﺑﺎﺑﺎ ﺍﻥ ﺷﺎﺀﺍﻟﻠﻪ ﻫﺎﻟﺴﻨﺔ ﺍﻧﺘﺒﻪ ﺍﻛﺜﺮ ﻟﺪﺭﺍﺳﺘﻲ ﻭﺍﻥ ﺷﺎﺀﺍﻟﻠﻪ ﺍﺗﺨﺮﺝ ﻭﺍﺗﻌﻴﻦ ﻭﻋﻴﻨﻚ .. ﺍﻧﻲ ﻣﺎﺭﻳﺪ ﺗﻌﻴﻨﻴﻨﻲ ﻳﺎﺑﻨﺘﻲ ﺷﻬﺎﺩﺗﺞ ﺳﻼﺣﺞ ﻭﺍﻧﺖ ﻣﺎﻋﻨﺪﺝ ﺍﺥ ﻣﺎﻋﻨﺪﺝ ﺳﻨﺪ ﺧﻠﻲ ﺷﻬﺎﺩﺗﺞ ﻫﻴﻪ ﺳﻨﺪﺝ .. ﻟﻌﺪ ﻭﺍﻧﺖ ﺑﺎﺑﺎ ﺍﻧﺖ ﺗﺴﻮﻯ ﺍﻟﺪﻧﻴﺎ ﻛﻠﻬﺎ ﻋﻨﺪﻱ ﺍﻧﺖ ﺩﻧﻴﺘﻲ ﻭﺣﻴﺎﺗﻲ ﻭﺭﻭﺣﻲ ﺍﻧﺖ ﻋﻦ ﻣﻴﺔ ﺍﺥ .. ﺍﻧﻲ ﻣﺎﺩﺍﻳﻤﻠﺞ ﻳﺎﺑﻨﺘﻲ .. ﻋﻔﻴﺔ ﺑﺎﺑﺎ ﻟﺘﻜﻮﻝ ﻫﻴﺞ ﻓﺪﻭﺓ .. ﺩﻣﻌﺖ ﻋﻴﻮﻧﻲ ﻏﺼﻴﺖ ﺑﺎﻟﻌﺒﺮﺓ .. ﻟﺰﻣﺖ ﺍﻳﺪﻩ ﺍﺑﺎﻭﻋﻠﻪ ﺑﺎﺑﺎ ﻋﻔﻴﺔ ﻣﺎﺭﻳﺪ ﺍﺳﻤﻊ ﻫﺎﻟﻜﻼﻡ ﻣﺮﺓ ﻟﺦ ﺍﻧﺖ ﺍﻟﺨﻴﺮ ﻭﺍﻟﺒﺮﻛﺔ ﻭﺍﻟﻠﻪ ﻳﻄﻮﻝ ﺑﻌﻤﺮﻙ ﺍﻥ ﺷﺎﺀﺍﻟﻠﻪ .. ﻣﺴﺢ ﻋﻠﻰ ﺧﺪﻱ ﺑﺤﻨﻴﺔ ﻭﺑﻮﺳﻨﻲ ﻣﻦ ﺭﺍﺳﻲ .. ﺍﻛﻠﻨﺎ ﻭﻫﻮ ﺭﺍﺡ ﻟﺸﻐﻠﻪ .. ﻳﺸﺘﻐﻞ ﺑﻤﺤﻞ ﻣﻮﺍﺩ ﻏﺬﺍﺋﻴﺔ ﻭﺧﻄﻴﺔ ﺍﻳﺠﺎﺭ ﺍﻟﻤﺤﻞ ﻭﺍﻳﺠﺎﺭ ﻫﺬﺍ ﺍﻟﺒﻴﺖ ﻛﺎﺳﺮ ﻇﻬﺮﻩ ﻛﻠﻤﺎﺗﻪ ﺣﺴﻴﺘﻪ ﺳﺠﻴﻦ ﺗﺤﺰ ﺑﻨﺤﺮﻱ ﻣﺎﺍﻛﺪﺭ ﺍﺗﺼﻮﺭ ﻳﺠﻲ ﻳﻮﻡ ﺍﻓﺘﺢ ﻋﻴﻮﻧﻲ ﻭﻣﺎ ﺍﻟﻜﻰ ﺑﺎﺑﺎ .. ﻫﺰﻳﺖ ﺭﺍﺳﻲ ﻭﺑﻌﺪﺕ ﻫﺎﻻﻓﻜﺎﺭ ﻋﻨﻲ ﻭﺍﻧﻲ ﻣﺨﻨﻮﻛﺔ .. ﺩﺍﻭﻣﺖ ﺑﺎﻟﻜﻠﻴﺔ ﻭﻛﻌﺪﻧﺎ ﺍﻧﻲ ﻭﺻﺪﻳﻘﺘﻲ ﺑﺎﻟﻜﺎﻓﺘﺮﻳﺎ ﺑﺎﻭﻋﺖ ﺍﻛﻮ ﻭﺍﺣﺪ ﻳﺒﺎﻭﻋﻠﻲ .. ﺷﻜﻠﻪ ﻣﺄﻟﻮﻑ ﻣﺪﺭﻱ ﻭﻳﻦ ﺷﺎﻳﻔﺘﻪ ﺻﻔﺎ ﻛﺎﻟﺖ ﻭﻟﺞ ﻫﺬﺍ ﺍﻟﻨﻘﻴﺐ ﺑﻬﺠﺖ ﺑﺲ ﻳﺒﺎﻭﻋﻠﺞ .. ﺭﺟﻌﺖ ﺑﺎﻭﻋﺘﻠﻪ ﻳﺎﺍ ﺗﺬﻛﺮﺗﻪ ﺍﻟﻨﻘﻴﺐ ﺍﻟﻲ ﺷﺎﻓﻨﻲ ﺍﻧﻲ ﻭﻭﺍﺋﻞ ﺑﺲ ﺍﻟﻴﻮﻡ ﻻﺑﺲ ﻣﺪﻧﻲ ﻗﻤﻴﺺ ﺭﺻﺎﺻﻲ ﻓﺎﺗﺢ ﻭﺑﻨﻄﺮﻭﻥ ﺍﺳﻮﺩ .. ﺍﻧﻮﺏ ﺗﻘﺪﻡ ﺑﺎﺗﺠﺎﻫﻨﻪ ﻭﺍﺟﻪ ﻳﻤﻨﻪ .. ﻛﺎﻝ ﺍﻟﺴﻼﻡ ﻋﻠﻴﻜﻢ .. ﺍﻧﻲ ﺩﺭﺕ ﻭﺟﻬﻲ ﻭﺻﻔﺎ ﺭﺩﺕ ﻭﻋﻠﻴﻜﻢ ﺍﻟﺴﻼﻡ .. ﻛﺎﻝ ﻛﻮﻣﻲ ﺍﺭﻳﺪ ﺍﺣﺠﻲ ﻭﻳﺎﺝ .. ﻃﺨﺘﻨﻲ ﺻﻔﺎ ﺑﻴﺪﻱ ﻭﻛﺎﻟﺖ ﻛﻮﻣﻲ .. ﺑﺎﻭﻋﺘﻠﻪ ﺑﻐﺮﻭﺭ ﻋﻔﻮﺍ ﺗﺤﺠﻲ ﻭﻳﺎﻳﻪ ؟ ﺍﻱ ﻭﻳﺎﺝ ﻛﺎﻟﻬﺎ ﻛﺎﻟﻬﺎ ﺑﺤﺪﻳﺔ ﻛﺘﻠﻪ ﻭﺷﻌﻨﺪﻱ ﻭﻳﺎﻙ ﺣﺘﻰ ﺗﺤﺠﻲ ﻭﻳﺎﻱ .. ﻋﻨﺪﻱ ﻫﻮﺍﻱ .. ﺍﻋﺘﺬﺭ ﻣﺎﺍﺣﺠﻲ ﻭﻳﺎ ﺍﻟﻐﺮﺑﺔ ﺍﻧﻲ .. ﺍﺣﺠﻲ ﻭﻳﺎﻱ ﻭﻛﺎﻧﻲ ﺯﻣﻴﻠﺞ ﻫﻨﺎ ﻳﻠﻠﻪ . ﻳﺤﺠﻲ ﺑﺼﻴﻐﺔ ﺍﻻﻣﺮ ﻭﺑﺤﺪﻳﺔ .. ﻛﺘﻠﻚ ﻣﺎﺍﺣﺠﻲ ﻭﻳﺎ ﺍﻱ ﺍﺣﺪ ﻭﻣﺎﻋﻨﺪﻱ ﺷﻲ ﻭﻳﺎﻙ ﻭﻳﻠﻪ ﺻﻔﺎ .. ﻛﻤﺖ ﻋﻠﻰ ﺣﻴﻠﻲ ﻭﻫﻮﻛﺎﻝ ﻳﺼﻴﺮ ﺧﻴﺮ ﻣﺎﺷﻲ .. ﺍﺑﺘﻌﺪﻧﺎ ﻋﻨﻪ ﺍﻣﺘﺎﺭ .. ﻃﺨﺘﻨﻲ ﺻﻔﺎ ﺑﻌﻜﺴﻬﺎ .. ﻛﺎﻟﺖ ﻭﻟﺞ ﺟﺎﻥ ﺷﻔﺘﻲ ﺷﻴﺮﻳﺪ ﻣﻨﺞ ﺷﻨﻮ ﻫﻴﻪ ﻛﻮﺓ ﺧﻤﺎ ﻛﻮﺓ ﻭﺍﻛﻒ ﻳﻤﻲ ﻭﻳﻨﻄﻴﻨﻲ ﺍﻻﻭﺍﻣﺮ ﻋﺒﺎﻟﻚ ﺟﻨﺪﻱ ﻣﻦ ﺟﻨﻮﺩﻩ ﺍﻟﻲ ﺟﻮﺓ ﺍﻳﺪﻩ ﺩﺧﻴﻠﻚ ﻳﺎ ﺍﻟﻠﻪ ﺑﺲ ﻫﻮ ﺻﺪﻙ ﺷﻨﻮ ﺭﺍﺩ ﻣﻨﻲ ؟ ﻳﺮﻳﺪ ﻳﺼﺎﺭﺣﺞ .. ﻫﻬﻬﺎﻱ .. ﺍﻟﻔﻀﻮﻝ ﻳﻘﺮﺍ ﺍﻟﻒ ﺷﻴﺮﻳﺪ ﻧﻘﻴﺐ ﺑﻬﺠﺖ ﻣﻨﻲ ﻻ ﻭﻳﻬﺪﺩ ﺑﻌﺪ .. ☆☆☆ ﺳﺎﺭﺓ .. ﻭﺑﻴﻮﻡ ﺩﺍﻭﻣﺖ ﻭﺟﺎﻥ ﻳﺼﻴﺮ ﻛﺒﺎﻟﻲ ﻋﻤﺮ ﻣﺘﺖ ﻣﻦ ﺍﻟﺨﻮﻑ .. ﻣﺸﺎﻋﺮ ﺍﻟﺨﻮﻑ ﻭﺍﻟﻜﺮﻩ ﺗﺠﺎﻫﻪ ﻏﻤﺮﺕ ﺍﻃﺮﺍﻑ ﻗﻠﺒﻲ .. ﻣﺰﻳﻦ ﻟﺤﻴﺘﻪ ﻭﺷﻌﺮﻩ ﻣﺤﻠﻘﻪ .. ﺗﻮﺍﺭﻳﺖ ﻋﻦ ﺍﻧﻈﺎﺭﻩ ﻭﺧﺘﻠﺖ ﺑﺼﻒ ﻣﻦ ﺍﻟﺼﻔﻮﻑ ﻭﺑﻘﻴﺖ ﻧﺺ ﺳﺎﻋﺔ ﻃﻠﻌﺖ ﻭﺍﺷﻮﻑ ﺍﻟﻤﺪﺭﺳﺔ ﻓﺎﺭﻏﺔ ﻣﻦ ﺍﻟﻄﻼﺏ ﻛﻠﻬﻢ ﻃﻠﻌﻮﺍ ﻟﺒﻴﻮﺗﻬﻢ .. ﺭﻛﻀﺖ ﻟﻼﺩﺭﺍﺓ ﺍﺧﺬﺕ ﺍﻏﺮﺍﺿﻲ ﻭﻃﻠﻌﺖ .. ﻣﺸﻴﺖ ﻣﺴﺎﻓﺔ ﻭﻓﺘﺖ ﺑﻔﺮﻋﻨﺎ ﻇﻬﺮ ﻭﺗﻘﺮﻳﺒﺎ ﻣﺎﻛﻮ ﺍﺣﺪ ﺍﻟﺸﺎﺭﻉ ﻓﺎﺭﻍ .. ﺑﺲ ﺍﺳﻤﻊ ﺻﻮﺕ ﺳﻴﺎﺭﺓ ﻭﺭﺍﻳﺔ ﻭﺍﺟﺖ ﺑﺼﻔﻲ ﺍﻧﻔﺘﺤﺖ ﺟﺎﻣﺘﻬﺎ ﺍﻟﻤﻈﻠﻠﺔ ﺍﻟﺴﻮﺩﺓ ﺩﺭﺕ ﻭﺟﻬﻲ ﻭﺍﺷﻮﻓﻪ ﻋﻤﺮ .. ﻛﺎﻝ ﺷﻮﻧﺞ ﺳﺎﺭﺓ .. ﻛﺘﻠﻪ ﺭﺟﺎﺀً ﻻﺗﻘﺮﺏ ﻋﻠﻴﻪ ﺧﻠﻴﻨﻲ ﺑﺤﺎﻟﻲ .. ﻭﺳﺮﻋﺖ ﺧﻄﻮﺍﺗﻲ ﻭﻣﺸﻴﺖ ﻭﺍﺳﻤﻌﻪ ﻳﺼﻴﺢ ﺳﺎﺭﺓ ﺍﻭﻛﻔﻲ .. ﻣﺎﻭﻛﻔﺖ ﻭﻣﺸﻴﺖ ﻭﺟﺎﻥ ﺍﺳﻤﻊ ﺧﻄﻮﺍﺗﻪ ﻭﺭﺍﻳﺔ ﻭﺷﻮﻳﻪ ﻭﺟﺎﻥ ﻳﻠﺰﻣﻨﻲ ﻣﻦ ﺍﻳﺪﻱ ﻭﺳﺤﺒﻨﻲ ﺍﻟﻪ .. ﻛﺎﻝ ﺷﺒﻴﺞ ﺷﻜﻮﻭ ﻟﻴﺶ ﻫﻴﺞ ﺗﺤﺎﺟﻴﻨﻲ ؟ ﺳﺤﺒﺖ ﺍﻳﺪﻱ ﻣﻨﻪ ﻛﺘﻠﻪ ﻻ ﻭﺍﻟﻠﻪ ﻳﻌﻨﻲ ﻣﺴﻮﻱ ﻧﻔﺴﻚ ﺑﺮﻱﺀ ﻭﺷﺮﻳﻒ ﻭﻣﻤﺴﻮﻱ ﺷﻲ .. ﻟﺰﻡ ﺍﻳﺪﻱ ﻗﻮﻱ ﻭﺟﺎﻥ ﻳﺴﺤﺒﻨﻲ ﺣﻴﻴﻞ ﻭﺩﺧﻠﻨﻲ ﺑﺎﻟﺴﻴﺎﺭﺓ ﻭﺳﺪ ﺍﻟﺒﺎﺏ ﻋﻠﻴﻪ | ||||||||
|
| |
|
06-01-20, 03:32 PM
| #7 | ||||||||
| مراقبة عامة ومشرفة منتدى الروايات المنقولة
| بين طهر وخطيئة عنوان الحلقة (اتهامات) #بارت٦ عمر .. من شفت معاملتها اليه حسيت احمد لاعب بعقلها او مسويله فد شي يخليها مرعوبة مني اعرفه احمد المصخم اعرفه اكثر من نفسه .. فوتها للسيارة بالورة وكعدت بصفها اباوعلها معصب .. حشكت نفسها بالباب الاخ تباوعلي خايفة وجهه انخطف .. بعدني مقطب حواجبي كلت شبيج اكدر اعرف ليش هيج تعامليني ؟ رجاءً ممكن تبتعد عني وكافي الي سويته بيه عيب عليك وخليني انزل .. ضربت الكشن الي كدامي بعصبية وصيحت بعلو صوتي اي غير افتهم شنو سويتلج اني اشو صار شهر مشايفج احجي بوضوح اسمعج .. عجيب ؟ اي عجيب واني متعجب اكثر منج يله دحجي اسمعج . نسيت طلبك الوضيع اخر مرة ماطلبت منج شي اني ماعتقد بلي نسيت من راسلتني عفية لخاطر الله انت شنو فاقد الذاكرة .. همست بفحيح خفيض .. اسمعي سارة روحي بخشمي احجيلي كلشي هسه يلله وحدة وحدة ولاتلفين وتدورين يله بسرعة .. دنكت لجنطتها وطلعت تليفونها فتحته من القفل وظلت تلمس الشاشة باصبعها رفعت وجهه عيونها بركان هائج لمحت علامات الخذلان على محياها .. كالت انت شنو فاقد الذاكرة نسيت شنو طلبت مني قبل فترة .. حسيت بصوتها رجفة تنذر ببكاء قريب .. باوعتلها بعصبية واخذت التليفون منها بخطف وطليت بي وجنت مصدوم واني اقرا المحادثة .. شمرت التليفون بحضنها ارتفع صدرها للاعلى بخوف وصدمة .. كتلها مو اني !! اخذته وخلته بالجنطة وايديها ترجف واني كل غضب الكون بيه هذا احمد ديسوي شغلات رخيصة يريد يشوه سمعتي سواهه صدك الحقير .. يلذل كل جهده حتى يكسب الرهان اني معصب كلش وبوضع مايسمحلي ابرر واشرح لسارة اريد اروح لاحمد وانزل كل غضبي بي .. سدت جنطتها دارت وجهه عليه وعيونها تبث علامات انكسار وحزن ممزوج بخوف .. كالت افتح الباب خليني انزل .. عكدت حواجبي وفتحت الباب الها .. فتحته تريد تنزل .. كتلها باعي . وكفت عن الحركة .. رجل بالسيارة ورجل ع الكاع .. صارت تنصت الي ودايرة وجهه ع الشارع .. كتلها اني لا مراسلج ولا ماخذ رقمج او حسابج ابد ماعندي شي وياج وبنات الليل هواي اخلص حاجتي يمهن ليش اذل روحي الج .. سكنت شوية عن الحركة وبعدهه نزلت من السيارة وركعت الباب حيل ووياهه نظرة مشتعلة بغضب تباوعلي من الجامة منطيتيها هالنظرة جاذبية زيادة راحت تمشي حركت السيارة ومشيت وراهه وصلت يمها .. صرت امشي بيها ببطئ فتحت الجامة وطليت عليها كتلها لو كاسرة الباب لو كاسرته ؟ خلت ايدهه على حلكها بقوة بداخلي رغبة في مشاركتهه لحظة وجدانية .. بينما تتلألأ بعيونها عبرات ندية .. حركت السيارة وفريتها ومشيت بطريقي للمدرسة مخلص الدوام نسيت سارة سرقت مني عقلي .. اخذت التليفون واتصلت بأحمد ورة دقيقة جاوبني .. هااا لك وين انت اريد اشوفك .. تعال للبيت اني هسه راح اوصل دقايق بس ... اوكي جايك .. سقت سيارتي لبيت عمي .. دكيت الباب فتحته الي وحدة شكلها غريب توقعتها الخدامة جنهه اسيوية .. تحجي بلهجة عربية مكسرة فتت لجوة بالاستقبال لشوية اجتي رنيم لابسة تراك وجسمها مغري دنكت وسلمت عليها .. كعدت يمي .. طلعت تليفوني واتصفح بي واحجي وياهه كتلها اشو ممداومة .. اجاني صوتها تحجي باغراء ودلع .. كالت والله ضايجة من الدوام ومن كعدت الصُبُح .. ممم لعد شتريدين عيني اكل ونوم وهذا هو ؟ انت شنوو ماعندج طموح ؟ اجت يمي ريحة عطرها صارخة جدا .. كالت يعني انت تريدني ادوام ؟ باوعتلها بنظرة شك .. كتلها علمودج غير ! من باجر اداوم .. كالتها بضحكة .. رفعت حاجبي .. كتلها روحي صيحي لاخوج لو اصعدله ؟ اصعد البيت بيتك ماكو احد فوك اصلا ماما وريناس يم بيت خالة ووعد اخوية مسافر .. شعليه بوعد حجيت بتذمر وصعدت فوك دفرت باب غرفة احمد وفتت .. شفته توة طالع من الحمام ولاف الخاولي على خصره وجسمه مبلل .. هجمت عليه بفورة غضب وكعت ع السرير مصدوم ولازم الخاولية بيده لاتوكع .. كتله حيوان هيج تشوه سمعتي كدامها ؟ ظل يضحك واخيرا عرفت ؟ اي عرفت يا جحش اني اعلمك بسيطة تريدها حرب خلص فلتكن .. كام من مكانه وكف يمي كال ترة تستاهل الحرب اخخ اويلي صاكة متتخيل من تصير بصفي شنو احساسي تستاهل الحرب .. لا ياحيوان ياوصخ مو اوصخ منك شنو نسيت انت شريكي بهذا الرهان .. اني ممفكر مثل تفكيرك ماعدهه شي تخسره مطلقة .. بس مبينة صعبة ومو هينة ومدامك خفيف مراح تعبرك البنات ميحبن الخفيف يردن الثكيل الي يملي العين .. هه هه هه ومنو كلك اني خفيف كدامها لك اني خبرة بهاي الامور لاعبالك هيج وخلال فترة وجيزة واخذ حصتي منها واكسب الرهان وها خلي تكون ابالك اذا كسبت تاخذني سفرة لدبي على حسابك .. اكل طن وحل .... راح يم المراية ولبس روب رجالي وظل ينشف بشعره ويخلي عليه جل كال اي بالله من شفتها اليوم شكلتلك شحجيتو انت ووياهه ؟ كعدت ع السرير وخليت رجل على رجل كتله اخخ الله شكد رقيقة ظلت تبجي قهرتني احمد خليها ابالك مراح اخليك تأذيها ولا تلمس شعره منها .. منو هيه ؟؟ انتبهنا على صوت رنيم دخلت للغرفة بيدها صينية .. تفاجأنا .. التفت عليها احمد وركع المشط بقوة على الميز صيح عليها وشعليج انتِ ليش تسألين شنو جاي تتصنطين علينا ؟ هاا لج ؟؟ باوعتلي ومااهتمت لرزايله جانت عيونها مفتوحة بجهد ونظراتها وملامحها ملامح شخص موجوع .. دنكت اني وابتعدت عن نظراتها .. واحمد بعده يرزل بيها واخر شي طردها هيه هيه شكو شبيج متصنمة بمكانج امشي اطلعي برة يله .. جاوبته اني على كيفك احمد هيج تحاجي اختك عرضك خلت الصينية بقهر على دولاب بصف الباب وطلعت تركض .. ختولي تتعلم بعد ما تتصنت وانت شبيك هلكد خايف مخايف ماريدها تسمع هيج سوالف قابل هيه صغيرة اشو مرحلة اولى كلية لا مو هيج بس تتعلم سوالف مو زينة وكلشي تحجي كدام الهايشة ريناس وذيج عرمة هه لعد بطلهن سوالفك الموزينة اذا تخاف على خواتك هيج .. مو بيدي هيه السوالف توكع عليه مثل المطر .. بس عيب عليك هيج تعامل اختك جان حليت اعتبار لوجودي ليش تجرحها كدامي .. ديلله ولي هسه اريد انام وافكر اشوف شراح اسوي ويه سارة .. بسيطة احمد مراح اعدلكياهه مدام انته ردتها حرب فلتكن .. ههههه ضحكتني انت حاير بدوامك كولشي متكدر تسوي .. ا لك ارعن اني اعرف شون اضرب مصالحك وكلشي جايز .. يله دنشوف انجازاتك لحد الان اني متقدم عليك هسه واحد صفر .. تمام هينه ياابن عمي لنعلن الحرب ونشوف منو راح يفوز بالاخير .. طلعت من يمه واسمع صوت بجي جاي من وحدة الغرف .. مشيت بهدوء ووصلت يم الغرفة الي طالع منها صوت البجي وجان اشوف الباب مفتوحة ع النص ورنيم كاعدة ع الجرباية تبجي .. انقهرت عليها دكيت الباب انتبهت على صوتي كامت على حيلها وتمسح دموعهه .. كالت وشفايفها تتراجف ومصدومة ومحتارة عمر!!! تقربت منها كتلها شبيج ليش تبجين ؟ المفروض انت متعودة على اسلوب احمد ومتزعلين منه .. منو هاي الي دتحجون عنها ؟ منو ؟ البنية الي سمعتك تكول عنها رقيقة وحلوة .. هاا ههه وحدة .. تحبها انت ؟ شبيج رنيم شدتحجين ؟ تقربت مني كلش ولزم دكم قميصي وعيونها عليه رافعة راسها باتجاههي .. فقدت الاحساس بلحظتها عطرهه لعب باعصابي نظراتها واغراءها كالت عفية عمر اني احبك دااتعذب حبك ديجرح قلبي بخنجر وهسه من سمعت كلامكم احس راح اموت اختنكت النفس ماجاي اكدر اتنفسه .. لزمت ايدهه ووخرتهن مني لج انت شدتحجين ؟ ماشايف بيج غير اخت لاتظلين تمسلتين خوش ؟ يلله وخري .. شهكت باجية ليش هيج تعبني اني بنت عمك عمر شنو بيه ومتكلبني؟ جريت نفس بعصبية كتلها موصوجج صوجي اني الي جاي اواسيج عبالي ادمية ..اريد اطلع .. بسرعة صارت وراية وسدت الباب .ووكفت وارتكت عليه خزرتها كتلها وخري .. .سحبت القراصة من شعرها وشمرتها ع السرير وظلت تكفش بشعرهه لزمت ملابسها من فوك وظلت تجر بيهن بقوة وشكتهن وطلعت حمالتها .. صرخت بوجهه لج ادبسز شدتسووين لزمتها من ايدها دااوخرها من الباب صرخت بعلو صوتها احممممد تعاااال احمممد .. تفاجأت وفتحت عيوني على وسعها لشويه طب احمد متعجب وانفتسها سريعة فاتح عيونه ويوزع نظراته ...خير شكو ظلت تأشر عليه وتبجي ..شوفه احمد وظلت تغطي بنفسها وتحجي بحروف متقطعة يريد يعتدي عليه عمر متوقعتها منه .. شوف قميصه حتى الدُكم فتحهه .. باوعت لقميصي فعلا مفتوحة كم دكمة من فوك ماحسيت بيها من فتحتهن.. وجان يجيني بوكس من احمد وصوته ملئ المكان ياساقط ياخسيس تريد تنتقم مني تعتدي على اختي اليوم موتك على ايدي لك هاي عرضك اليوم امحيك من وجه الدنيا .. يتبع .. | ||||||||
|
| |
|
06-01-20, 06:50 PM
| #8 | ||||||||
| مراقبة عامة ومشرفة منتدى الروايات المنقولة
| بين طهر وخطيئة بارت ٧ عمر .. لك انت شتحجي شتكول اني مو هيج شنو انت ماتعرفني وانت يارنيم الله يطيح حظج .. دارت وجهه غمضت عيونها واحمد يصيح ويريد يهجم عليه واني لازمه من ايدي واخاول امنعه مايضربني والشتايم تنهال عليه مثل المطر منه .. قيدته قوي ولزمته وشمرته على السرير وكع بقوووة تقربت منه وكتله طاح حظك هيج تفشر كدام اختك .. شجنت تسوي بغرفتها ولك اذا جاي تبرأ نفسك .. اجيت اشوفهه ليش تبجي معتبرهه اختي فقط لاغير بس هيه ووانت نفس الطينة تففف عليك عائلة وصخة .. اريد اطلع صارت كدامي قبضت ايدي بقووة شكد جنت رايد اضربها بهاللحظة بس مو من عادتي اضرب بنية مو رجولة هاي بس مراح اسكت الها خلي يجي عمي واخلي يتصرف .. درت وجهي على احمد الي جان جاي يغلط ويفشر عليه ويعصر بيديه لان من لزمته اذيته .. كتله هيي خنيث اعتبر الرهان منتهي ودير بالك تأذي سارة ترة والله ماتدري شسويلك افنيك فاهم .. احمد بصياح .. يجي ابوي ويصير خير بسيطة عمر ياقليل الشرف ياساقط .. تفوو عليكم انت واختك عبالج اباوعلج بعد الي سويتي تريدين تلويين ذراعي مو ؟ لك اني الي راح احجي لعمي كل شي .. خلت ايدهه على راسها وايد تستر نفسها بيها قليلة الشرف طلعت بسرعة من البيت .. سقت السيارة واني كتلة من الغضب .. وصلت لبيتنا نزلت من السيارة فتت لجوة وصارت مريم بنت خالتي كبالي باوعتلي صارت نظراتها رعب وخوف يمكن من منظري لان جانت مخنزر ومعصب ووجهي متجهم اكيد .. كالت بصوت كله رجفة ع عمر تتريد غدا ؟ صيحت بيها لااع وصعدت فوك لغرفتي .. مريم تصير بنت خالتي يتيمة الام والاب وجبناهه يمنه امي صحتها موو تمام وهي تداريهه .. رحت سبحت اريد اطفي النار الي بجوفي واني كلي حقد على رنيم وسوايتها بيه اليوم وبس تفكر اكيد عمي راح يصدكني هو يعرفني ويعرف اخلاقي كلش زين اني مستحيل اسويها .. طلعت من الحمام انشف بشعري صارت امي كدامي ها يوم الله يساعدك شعجب جيت للبيت وماجيت يمي بغرفتي .. ها يمه حبيبتي اخذت ايدهه بوستها كتلها عبالي نايمه مردت ازعجج .. لا يمه تنورني ماتزعجني اكعد عندي حجي وياك .. وهاي كعدنا احجي يمه .. اكلك حبيبي عموري مدام انت متريد تتزوج خلي ازوج مريم و سيف هالفترة .. هو سيف وينه وين الزواج اشو تخرج وكعد بالبيت حتى شغل ميروح يكلف نفسه ويدورله .. اي ياابني هو اني ليش اريد ازوجه حتى يصير رجال مو كله يعتمد عليك بالمصرف .. واذا ماصار رجال البنية شنو ذنبها .. ابني عمر ميصير ترة مريم شابة وحلوة وهو هم شاب ونهاره وليله كله بالبيت والشيطان شاطر انتفضت بعصبية شنوو تحجين يوم ؟ خو مامتحرش بيها هالحيوان ترة اشك حلكه ووالله .. لايمه اسم الله ماكو هيج شي والله اي اذا مسويها اطيح حظه مريم شرفنا وعرضنا ودخيلة عدنه مانرضى عليها احنا .. اي يمه شحده واني موجودة وهسه شكلت اخطبها اله ؟ اي شوفيها موافقة لو لا .. اشوفهه طبعا وهاي ام هادي بظعتني منها كلما جتي النا وكالت ماتنطونه مريم لهادي واني اريدهه لواحد منكم ومدام انت قافل متريدها ولاتريد تتزوج خلي ازوجها لسيف احسن .. توكلي يوم مريم بنتنا وخوش بنية والله يسعدهم واي شي تحتاجي اني حاضر وهم راح اوصي عمي يشوفله شغلة .. يمه متقصر اروح احجي ويه البت .. مريم اني عمري ١٧سنة ممخلصة دراسة وصلت للسادس ابتدائي وبطلت مااحب ادرس ابد رغم شكد يتوسلون بيه خالة وعمر ادرس خارجي بس اني احب شغل البيت والطبخ واسوي كيك وحلويات .. عمر حباب ودائما يحط بيدي وفلوس وممقصر ويا البيت كله وخالة تحبني بس سيف مالي علاقه بي ولا اله علاقه بيه .. عمر .. كعدت بالليل باوعت للساعة ب ١٠.حييل نمت هوايه.. كمت من مكاني واحس معدتي فارغة وجوعان كلش .. نزلت جوة غسلت وجهي وتوجهت للمطبخ فتحت الثلاجة طلعت توست وجبن وسخنت الجاي صبيته وبلشت اكل .. من خلصت غسل الكوب ورجعت الجبن للثلاجة غسلت ورحت اريد اصعد واسمع صوت جاي من غرفة امي فتحتها وفتت شفتهم كاعدين سيف وامي ... الله يساعدهم .. هلا يمه تعال شوف اخوك سيف .. لا تعال انت شوف امك تريد تزوجني مريم صدك جذب اني اتزوج مريم !! كعدت يمه وضربته على فخذه بقووة ابتعد عني متألم كتله اولا اسمها امي مو امك احترم لا اشك حلكك وثانيا شبيهه مريم ماعاجبتك مو احسن من غيرهه حبابة ونظيفة وربت بيننا .. لا عيني لااا اني وين؟ وهيه وين؟ اني خريج هندسة وهي شهادة ابتدائية ماعدهه .. غير تكعد راحة زهى حديد الي يسمعك هسه انت مصمم برج خليفة .. ولك لو ما مهندس وكاعد بالبيت لا شغلة ولا عملة حتى الذبانة تشتغل اكثر منك .. شنو تفرضوهه عليه انتوا ؟ماتتزوجها انت شبيك صخامك شكده .. اني احب وحدة ماريد اظلم مريم ويايه ..كلت هالكلام بدون وعي متي بعدين انتبهت لنفسي .. واني هم احب وحدة لا دكول اثنين تلاثة عشرة انت منيلك وحدة معينة منيلك ها منيلك .. ؟ ااا افكر عود .. دخلت مريم من شافتنه يم امي استحت ودنكت راسها تريد تطلع صحت عليها تعالي مريم احنا اصلا طالعين اخذي راحتج .. باوعت لسيف يباوعلها وعبالك اول مرة يشوفها وراح يركض طلع قبلي عبالك واحد ديركض وراه ..... ترخصت وطلعت .. مريم .. فتت يم خالة وره ماطلعوا الولد عمر وسيف كامت خالة وتربعت كالت وج مريم ناوشيني البكرة مالة الخيوط وجيبي الملقط وتعالي .. استغربت طلبها بس رحت نفذته .. جبت الملقط والبكرة .. انطينهم الها كالت ولج كابليني .. كعدت كبالها .. كالت ذبي الحجاب وشيلي كفشتج ليوره .. نزعت الشال وشلت شعري ليورة ولبست بوند .. لفت الخيط على اصابعها السبابة والابهام وظلت تحفلي شواربي واني اخ ما اخ توجعت كلش عمري ما حافتهن وصايرات شكدهن شوية اخف من شوارب عمر حتى سيف ماعنده شوارب بكدي. خلصت من شواربي ولكطت شوية من شعر حواجبي ورتبتهن كمت ع المراية واباوع لروحي عبالك وحدة جديدة انبهرت بشكلي .. سارة .. رجعت للبيت قلبي يتقافز خلف جدار صدري وضرباته موجعة يملي بصدى نبضاته اذني فانعزل عن بقية الاصوات في قوقعة مغلقة عمادها الافكار .افكار توديني وتجيبني. ومشاعري مخربطة مزيج عجيب ماادري شبيه وشيصيرلي من اشوف عمر احس عيونه اصدق عيون بالكون صدكته بسرعة .. فتت للبيت سرحانة ماحسيت بس على صوت الاء وهي تصحيني من هذا الشرود .. باوعت شفت نفسي بنص الهول عقلي الباطن قادني لهنا بدون وعي مني .. الاء .. شبيج وين صافنة وين سارحة شبيهن عيونج حمر شصاير وياج .. هزيت رتسي حتى ابعد الافكار عني وكعدت على التخم كتلها ماكو شي .. سألت عيونج حمر شبيهن ؟ فركت عيوني كتلها تراب طب بيهن من الطريق فاتت سيارة سايقهه ارعن خلى الجو كله يصير تراب .. وين اكو تراب بالشارع المطر مال ذاك الاسبوع غسل الشوارع غسل .. باوعتلها اريدهه تغير الموضوع .. كتلها بابا وتارة اجوي لو لا ؟ كعدت مقابيلي كالت لا مااجوي واختج ماتجي اله ساعة اربعة تدرين بيها تحب تفرفر .. كمت من مكاني ماتفك راح تظل تدردم وتفتح مواضيع مالها داعي واني مالي خلكها بالي كله يم عمر والي كاله وخاف اخربط واجيب سيرته كدامها وشيفكني بعد كمت رحت للغرفة شمرت نفسي ع السرير وافكر ياترى منو هذا الي سوا هيج بيه راسلني وساومني وعمر اكيد يعرفه .. وغفيت ماحسيت غير على صوت حركة بالغرفة فتحت عيوني منعسة واشوف نارة دتفتح الكنتور تريد تبدل ملابسها .. واني افرك عيوني كتلها هلاو كالت هلاو الاميرة النعسانة ..اشو حتى ممبدلة اي تعالي راح اطك اذا مااحجي .. لبست البدي مالتها وجتي يمي كالت شكو ولج ؟ كتلها اليوم شفت عمر اجه وحجه ويايه .. وهي نزلت سب وغلط ولعن دفعتها من كتفها لج دوكفي ادبسز اسمعيني.. شسمع هذا مو الحقير الي .. قبل لتكمل كتلها لج طلع مو هو والله كالي واني مصدكته .. كامت صوب الميز وتنزع تراجيها وتمسح الميكب كالت جذاب هذا ذئب غدار لتصدكين بي يظل يتكلب يريدج تصدكي .. اندارت عليه وكالت ولج سارة احنه بغابة والله .. دك تليفونها الي هاي ثالث مرة يدك واحنا دنحجي باوعت للتليفون مالتها وكتلها جاوبي ورفعت عيني عليها بشك .. كالت خليولي خليطير هذا وائل صار اربع ايام يتصل يريدني ارجع اله واني اريد اسويله جرة اذن خلي يولي .. اكوم ابدل جوعانة ..لزمتني من ايدي كالت بعدنا ماخلصنا ترة هذا عمر خاف يجذب عليج وياذيج ديري بالج منه .. كتلها خوش بس بدون ماارضى على حجيها حاسة انو عمر صادق ومستحيل يأذيني .. ابو سارة .. يمكن صعد عندي السكر ؟ _ ليش بابا شأكلت اليوم ؟ _ اكلت دهينة .. _ دهينة ؟ لا اطمأن بابا انت صعدت معنوياتك ماصعد السكر .. وبعدين انت الاء شون تخلي ياكل دهينة شنو تردين ترتاحين منه متخافين على صحته ؟ الاء بعصبية .. لج شبيج نهديتي بيه اني ماشفته اصلا من اكلها .. _ بنتي ترة اني اكلت الدهينة بالمحل مو هنا.. سكتت مجاوبتهم .. كمت جبت الجهاز مال السكر وقسته الله طلع صاعد اخذته لغرفته ونومته بفراشه وانطيته ابرة الانسولين رحت للمطبخ دااغسل مواعين الغدا .. اجتني الاء .. كالت هسه تاكدتي الخلل مو مني ما اخلف من ابوج عنده سكر السالفة المحلبة بيها مال اني عاقر بطليها .. التفتت الها .. هو ابويه مصار شهرين من عرفنا عنده سكر شنو نسيتي السبع سنين الي مرت ؟ وبعدين كومة رياجيل عدهم سكر ويخلفون هاي زينب بنت عمي مو رجلها عنده سكر وعدهه ٣ جهال ؟ زينب رجلها بعده عمره بالثلاثين ابوج خمسين ..بس انت مدري شبيج ويايه تكرهيني وخبيثة ويايه هاي مو سارة جنها العافية حبابة وطيبة واني كلش احبها بس انت مدامج هيج خبيثة مراح تتوفقين ولاراح يصير براسج خير .. ترة اني مو مثل سارة تدوسين ببطنها وتسكت اني اخليلج حد حتى تحسين ومتدخلين بشؤؤني الخاصة اني اعرف موصوع الخلفة هالشي خاص بيكم وملازم اتدخل بي بس شفتج تدخلين بيه وماكو رادع الج استخدمت نفس اسلوبج .. يعني من اكولج لتلبسين قصير داانصحج هذا تدخل بشؤؤنج الخاصة احجي هالشي لمصلحتج اني .. مو بس هاي هواي شغلات تسوينها متعجب من نضحك بالغرفة بصوت عالي نسمعج تكولين وسم .. محلوة من البنية تضحك بصوت عالي .. احنا ابيتنا كاعدين حتى ابيتنا منضحك والله يالله شحجي وياج بالله هسه اني .. درت ع السنك اغسل المواعين كالت انتي ماينكدر عليك .. احسلي لاتندكين وياي وكلمن بحاله احسن ترة احنا خطار يمج باجر عكبه نتزوج نخلص منج وتخلصين منه .. شريد منج واخلص منج اني بس انت اسلوبج محلو وانتبهيله زين .. درت عليها بسرعة شنو هذا تهديد من حضرتج دتهددين ؟ لا عليمن اهدد قابل شريد اسويلج .. وطلعت خلتني مدخنة من العصبية .. عمر ... كعدت الصبح غسلت و نزلت جوة فتت للمطبخ امي كاعدة بالكاع تشرب جاي ومريم دايرة ع الطباخ كلت صباح الخير .. بسرعة مريم شردت من المطبخ تفاجأت !!.. امي .. هلا عمور هلا ابني صباح العافية كتلها هاي شبيها شردت جنها شايفة جني .. ضحكت امي كالت تعال يمه اكعد خوش جاي حار رحت كعدت يمها .. كتلها شبيها مريم كتيلها على موضوع خطبتها هيه وسيف ؟ لا يمه غير يوافق اخوك الشفية يلله اي عفية زين سويتي ..لعد شبيهه شردت سوالف نسوان لاتدخل روحك بيها.. ضحكت كتله ماشي .. اشو كاعد على وقت يا يمه اخذ راحتك نام ارتاح استغل اجازتك .. شبعت نوم يا امي واريد اروح احلق مبقى شي والتحق .. الله يحميك ويحفظك يابعد روحي روحك .. .. تارة .. خلصت من المحاضرة وطلعت اني وصديقتي نوار كعدنا بالكافتريا كرصتني كتلها اوي شجاج لج باعي منو ورانا ؟ التفتت واشوف النقيب بهجت توة دخل للكافتريا واجت نظراتي كلها عليه التفتت بسرعة ورزلت نوار خربيومج ادبسز طايحة الحظ ليش خليتيني اباوعله ظلت تضحك الفطيرة وايدها على حلكهه .. كعد مقابيلنه واشتغل تليفوني بالمكالمات وائل ظل يدك باستمرار وبهجت عينه على تليفوني وعين عليه اخذت التليفون داسوي صامت لشويه اجاني مسج من وائل كاتبلي تجاوبين لا ترة اجيج للكلية والله .. باوعت لبهجت بعده يباوعلي كتلها نوار كومي يله . بعدنه بسم الله توة كعدنه شجاج كومي كتلج اني رايحةكمت وفتحت تليفوني وخابرته كال الو حبيبي مشتاقلج كتله بنبرة حادة .. شتريد ؟ اريدج انت مشتاقلج موت والله .. نسيت الي سويته اخر مرة مو اتهمتني بالخيانة احبج واغار عليج ومن حقي والغلط والفشار ميخالف جنت معصب ومادري شخربط جنت سكران وائل سكران بسببج انت اسكر واشرب واكبسل انت مأذيتني متعبة كلبي شسويلج وهسه شنو تريد ؟ كتلج رايدج شسوي يعني ؟ متغلط عليه ولاتفشر ولا تشرب خوش طلباتج اوامر عيوني انت روحي انت عمري انت .. خووش .. اني بالجامعة هسه اجيج ؟ مشتاقلج لا لتجي اني راح افوت للمحاضرة اوك بعدين نحجي . سديته منه . نوار .. راح ترجعيله تحجين صدك انت ؟ .. شسوي نوار مابيدي شي لج صار سنتين سوا احنا وهو ابن خالتي اصبر واشوف تاليتها ويا شنو ..... سارة .. طلعت الصبح للدوام اتمشى بالطريق الجو حلو بداية شهر ١١ .. وجان توكف سيارة بصفي .. باوعت عليها عرفتها سيارة عمر نزلت جامة السيارة وجان يطلع وجهه لابس نظارات سودة وخرها من على عيونه والتقت نظراتنه ابتسمت لااراديا كال تعالي اصعدي اريد احجي وياج تقدمت بخطواتي وصعدت ويا مثل المغيبة وبلا وعي ماكو شي يحكمني .. صعدت بالسيارة وسديت الباب ماسألت نفسي اي سؤال ليش اصعد ويا وبصفتي شنو ؟ ولا حسبت حساب لاي شي بس اريد اكون قربه وخلص .. جنت ساكتة هو كال صباح الخير جاوبته صباح النور .. كال .. شلونج سارة .؟ .. زينة مرتاحة بالمدرسة محد مضوجج الحمدلله سارة انت لازم تبطلين من الدووام ليش .. ؟ اكو واحد يريد يأذيج منو هذا ؟ واحد متعرفي بس هو يعرفج.. ههه شنو هيه حزورة ؟ لا والله احجي صدُك احسن تبطلين واني اشوف معارفي جماعتي وادبرلج شغل بغير مدرسة .. دنكت راسي واعصر بأصابعي غمضت عيوني محتارة اقوي نفسي ..باوعتله بضعف كتله عمر اني اريد اعترفلك بسر | ||||||||
|
| |
|
06-01-20, 06:51 PM
| #9 | ||||||||
| مراقبة عامة ومشرفة منتدى الروايات المنقولة
| بين طهر وخطيئة ٨ عنوان الحلقة (زوبعة عشقية) سارة .. انفرجت شفافي اريد اخترق الصمت الي دام ثواني و انطق وافصح عن السر الي اريد اكوله اني مو مطلقة .. كتله .. عمر اعرفك انت اطلعت على معلوماتي الي سجلتها واريد اكولك اني مو مطلقة فاذا رايد مني شي انسى .. قاطعني من حط ايده على شفتي يمنعني من الكلام .. بس لامست اصبعه شفافي بعدهه بسرعة مثل منتول وكال اعرف .. صفنت بوجهه باستغراب شنو تعرف؟ سارة اني سالت عنج اني معجب بيج ورايدج وعرفت عنج كل شي لهذا السبب اريدج تبطلين من الدوام وتبتعدين عن احمد والمدرسة . احمد استاذ احمد ليش شبي ؟ هو حجالك عني شي ؟ لا لا مكال والله بس هو عنده سوالف موزينة واني اخاف عليج منه .. ههههه ليش الضحك كلت شي يضحك ؟ هو هم يكول عنك نفس الكلام وانت بمنو تصدكين ؟ دنكت واختفى صوتي واسئلة تتجول بدماغي فعلا اني اصدك بمنو ؟ لزم ساعد ايد ي وكال جاوبي بمنو تثقين ؟ وجان معصب .. باوعتله وافكاري مخربطة نفضت ايدي منه كتله ماعرف ماعرف فتحت الباب اريد انزل يريد يلزمني رفعت اصبعي السبابة بوجهه كتله احذرك لتلزمني بعد وخليني انزل .. جر نفس بحيرة وارتكى على الكشن يباوعلي معصب ويجر حسرات .. ظليت اباوعله لحظات واتأمله وهو دار وجهه ع الشارع وصدره يهبط ويعلو من العصبية يجر انفاسه بغضب .. محتارة احس نفسي متورطة ماعرف شسوي خايفة من عمر وبنفس الوقت فرحانة لان كال انو معجب بيه ومن جهة ماكدر اقمع مشاعري تجاهه ، مشاعر دافنتها بيه صحيح بس مدااكدر اوكفها عند حدها احس نفسي بزوبعة عشقية وماكدر انجو منها و ماعرف منين جتني الشجاعة ونهرته وخلصت نفسي منه يمكن عدم ثقتي الكاملة بي هيه الي دفعتني لهذا الشي باوعتله نظرة اخيرة ونزلت من السيارة .. عمر .. مرت يومين والثالث اجه واني اجهز نفسي حتى التحق ببيجي وجانت بداية احداث بيجي ودزو علينا انذار . اني ضابط برتبة رائد .. حضرت اغراضي وطلعت الفجر من غرفتي بعد مابدلت واخذت جنطتي واتصلت باصدقائي حتى نطلع سوا رحت لغرفة امي دكيت الباب عليها لان مريم تنام يمها مايصير افوت هيجي .. سمعت صوتها وخرت وتتبعت الصوت .. شفتها تصلي بالهول .. كعدت ع التخم مقابيلها .. انتظرها تخلص حتى اودعهه واروح التحق .. خلصت وفتحت ايديهه باتجاه السماء تدعي بحرقة قلب عرفتها تدعيلي .. جريت نفس وبداخلي اكول يربي ذيج الامنية بس انت تعرفها (سارة)..... خلصت ووكامت على حيلها بوستها من راسها وايديها ولسانها مابطل يدعيلي اروح وارجع سالم .. يمه اخوك وافق على مريم اريدك تدير بالك على نفسك تروح وترجع النا بالسلامة ومحد يزف سيف غيرك .. تبوس بيه وتحجي واني مدنك ابوس راسها وايديها كتلها صار يمه ارجع بالسلامة بفضل دعائج اكيد .. بعد روحي ابني الغالي .. ماتتريك سويت الجاي .. ماريد ريوك بس جاي ما اشتهي وكدامي طريق طويل تلعب نفسي اوصل واكل هناك .. رحت وياهه للمطبخ صبت الي جاي وخلته ع الميز كبالي وكعدت يمي .. بس ترجع ازوجك ويه سيف لا لا ورفعت ايديه برفض .. اني شغلتي مطولته .. لشوكت يا ابني مو صار عمرك ٣٣ سنة .. كل شي بوكته حلو وكلشي يتغيير ميبقى هيج بعد عيني يوم المنى الي اشوفك بي عريس وافرح بي .. واني هم اريد افرحج بس فدوة لتضغطين عليه تدريني ضعيف كدامج وماكدر ارفضلج طلب .. لا يمه ليش اضغط عليك رحتلك فدوة اني براحتك اشرب جايك لايبرد اهم شي انت كبال عيني مابيك شي يولي العرس هسه .. شربت الجاي ورحت غسلت رجعت شفت عيونها مغوركة بستها على راسها وطولة البوسة اشتم ريحتها واعبي رياتي بيها اووف ياريحتج يمه الماينشبع منها كتلها ليش البجي يا ام عمر تبجين لان ماريد اتزوج هسه لو لان رايح ؟ . لا يمه حبيبي ونور عيني بس خايفة عليك وقلبي مامتطمن .. لتخافين عليه ابنج ذيب راجعلج يمه ودعتها وطلعت .. مريم .. مرت كم يوم تعودت على شكلي الجديد بلا الحواجب وبدون الشوارب هه وصرت ما اشرد من احد لا من سيف ولا من عمر بس انتبهت على سيف هو الي يشرد مني بس يشوفني بمكان ميفوت بي واذا فتت اني على اي مكان بالبيت كبل يطفر يطلع منه واني اسكت واتوجه بنظراتي لخالة واباوع الها ونظراتي تبث استفسارات وتتساءل عن اسباب .. هي تطمني بنظراتها وبملامحها .. استمر هالحال اسبوع وراهه دخلت عليه خالتي للمطبخ .. كالت مكافي طبخ ونفخ وحلويات كعدي شوية عندي سالفة وياج ... تركت الي بيدي واستجابيت لدعوتها كعدت بصفها كتلها امريني خالة ولج اجاج عريس ومبتسمة .. ها خالة اذا على ابن ام هادي اني ماريده ترة لج لا يا ابن ام هادي اني انطيج الهم خليولون انت يمي هنا ومتبتعدين عني .. صفنت بوجهه وفكرت معقولة راح تخطبني لعمر ؟ عبالك قرات افكاري وجاوبتني دخلت بالموضوع مباشرةً كالت اني اريدج لسيف ابني .. اتفاجئت والصدمة سيطرت عليه ماكدرت حتى احجي .. كالت انت موافقة شنوو رايج ابني سيف خوش ولد ومايخفى عليج وانت معاشرته مايوم اذاج مو صح وظلت تحجي وتحجي واني غركت بالتفكير وصوتها اختفى وتلاشى عني .. مجنت مفكرة بسيف ابد واصلا العرس كله ممفكرة بي ماشوف حالي اله واني بين رفوف المطبخ واسوي اكلات شرقية وغربية احب الطبخ هوايتي اعتبرها . . . ماحسيت اله على ايدهه تنحط على رجلي تصحيني من شرودي رفعت انظاري باتجاهه كالت شبيج وين صفنتي ؟ كتلها خالة صدمتيني لاصدمت ولا شي انت كبرتي وصرتي مرة وتعرفين هاي سنة الحياة والكل على هذا الطريق صح لو لا ؟ اي بس خالة اني مادري شنو اكولج ؟ لتحجين ولتكولين اخذي راحتج بالتفكير خو ماطايرين احنا عندج مجال منا لم يجي عمر اريد جواب منج اي لو لا وماريدهه ال لا يابنيتي انت محد يحن عليج غيرنا وغير ابن خالتج ماريد انطيج لاحد اريد اطمأن عليج انت وصية امج وامانة عندي .. متقصرين خالة .. بعد عمري .. كمت بس افكر .. وبس كعد سيف من النوم ركضت للغرفة ختلت بيها هو يتغدا والظهر يبقى بغرفته ميطلع للعصر ويجي بالليل بقيت حابسة نفسي بالغرفة وخالتي سوت الشغل خلت غدا وسوت جاي وابد مازعجتني سمحتلي اختلي ويا نفسي وافكر .. للعصر حسيت هدوء يمكن طلع سيف خلي اروح للمطبخ رحت واشوف االمواعين مكومة بالسنك تشكلت وظليت اجلف واباوع لخالتي كاعدة بالحديقة كبال شباك المطبخ .. صفنت وبس افكر ابد ماجاية على بالي اتزوج سيف اريد ابعد هالتفكير عني مجاي اكدر ولا متخيلة بيوم اصير مرته .. . . . تارة .. بالكلية اني ضاربة المحاضرة وكاعدة وي صديقتي اباوع لبعيد واشوف وائل جاي باتجاهي سلم وكعد بصفي حشك روحه بيه باوعتله باستغراب انت شجابك هنا ؟ مو اتصل بيج ليش مدتجاوبين ؟ اسالك سؤال تجاوبني بسؤال ثاني ؟ سؤالي بي جواب الج يافهيمة خليت الفهم الك عيوني .. كامت صديقتي كالت مبين راح تتعاركون اني اترخص .. كال وائل كعدي ع ألاقل ساندينا وشون اساندكم بالله اناوشكم النعولة كتلها ايا نعولة .. كال وائل اي تسوين فضل محتاج نعال بهالساعة لفد ناس .. تقربت مني وشاورتني ماتردين انوشج بسطال وخرت منها واباوعلها بصدمة وملامحي تسألها شتقصدين ؟ سوت حركة بحواجبها فهمتها اني اباوع وراية . التفتت واشوف بهجت رجعت بسرعة درت وجهي على وائل وصديقتي راحت مبتعدة عنه وكلساع تلتفتلي وتغمزلي .. جريت نفس بضيق حس بيه وائل كال شكو اشو تتلفتين ودار وجهه واكيد لمح بهجت التفتت عليه بسرعة ولزمني من ايدي عصرهه حيييل بسرعة سحبتها منه كال هذا الي جاي تباوعيله مو شعنده وياج . ماعندي جاوبته بحدة كال لا اشو عندج واعترفي درت عليه بعصبية تحرك كل جسمي على اثرها غمضت عيوني لبرهة وفتحتها كتله اسمع اذا ما واثق مني واني كذابة ذااك الدرب رووح مني ماريد اشوفك خلااص .. ظل يهدأ بيه لا حبيبي اني جايج بشغلة بس لاتعصبين رفعت وجهي واشوف بهجت صار مقابيلي متكتف ايدي ويباوعلي نظرات الاتهام الي اتلقاهه من عيونه العسلية الواسعة تغوص بصدري تألمني .. دنكت واعصر باصابعي بداخلي شي ماريد اظهر كدامه بهالطريقة ماريده يفكرني على اني موزينة والدليل بالايام القليلة الفاتت احتشمت بلبسي هواي ماعرف سر تأثيره عليه يمكن اخاف من نظراته الي تاكلني .. . . درت على وائل احجي بسرعة شتريد ترة ماكدر اضرب بعد محاضرة انفصل .. كال امي تريد تسمع منج متصدك بيه شتسمع .. حجيت بنفاذ صبر .. كال ممصدكة بيه من اكوللهه اريدج واريد اخطبج تكول كذاب تارة مرايدتك اصلا .. بدون وعي مني التفتت لبهجت وباوعتله ووائل انتبه عليه كرصني حييل كال عينج لا افكسهه الج والله .. وهسه ليش جاي للكلية انت ؟ اخذج للبيت تحجين وي امي امك بالبيت هسه مو بالدوام ؟ ها لا مو بالبي اقصد اي بالبيت واني كتلها راح اجيبج واجي .. خووش لعد يلله امش لبيتكم .. طلعت وي وائل لبيتهم .. . . . . سارة .. مرت هواية ايام وعمر ماكو مشفته بعد ولا كدرت اسال عنه .. بس روحي كانت مبعث حنين ووجع ..مرات اكول عرف انو اني مومطلقة وبعد ميحتاجني بشي وميريدني ومرات اكول جرحته اخر مرة من عليت صوتي عليه وجانت الحرب وي داعش بأوجها لزمت قلبي وظليت افكر بي واتقلب على جمر القلق ابد مارتاحيت لهذه الهواجس الي توغلت بيه .. وبيوم وبعد مرور اكثر من شهر طلعت من البيت اتمشى للمدرسة بعد شوية اوصل لباب المدرسة ووكفت سيارة ونزل منها احمد نظراته الشمسية مستقرة باعلى انفه نزل بغرور وتكبر ودكم دكمة السترة.. ابد مايسلم اني الي بادرت وكتله صباح الخير استاذ رد عليه بأنفه واستعلاء صباح النور وماعرف شنو الي تخفي عيونه .. ابتسمت ابتسامة مجاملة .. شفته شمر السويج على الحارس واشرله يفوت السيارة للكراج .. الحارس بدوره تلقف منه السويج بخفة وراح يركض صعد بسيارة احمد الي مبقي بابها مفتوحة .. فتت جوة واحمد وواحد من المعلمين استوه وصل جان يمشي بصفه واني امشي قبلهم اريد اجتاز باحة المدرسة الامامية وافوت للادارة .. سمعت المعلم يسأل احمد .. شخبار عمر ماعرفتوا عنه شي ؟ جاوبه احمد .. والله دنسأل عنه واكو جماعة كالوا متصوب ببيجي وحالته خطيرة وباجر يروح اخو سيف وخالهم يسألون عنه ويشوفوا وين واحنا مابيدنا شي نسوي هناك المنطقة خطرة كلش ومدنوصل اله ...... لا اراديا التفتت اباوع لاحمد خليت ايدي على حلكي اكتم شهقة كادت تخرج مني معلنةً فزعي وصدمتي واحمد يباوعلي بدون نظاراته هالمرة وعيونه بيها هواي حجي .. وكفت بمكاني على صفحة وهم سبقوني وفاتوا واحمد يمشي ويلتفت الي واني الدموع صارت تتقافز من عيوني .. ظلام مبهم غمر حواسي ، ضباب كثيف غلف وعيي وكأن كل حواسي احتشدت وتجندت لتمتص تلك اللحظة وتخزنها بالذاكرة تسربت اوجاع رهيبة لدماغي صداع شق راسي نصفين ما ان سمعت بهذا الخبر .. لا عمررررر لااااا .. .. .. . . . يتبع. | ||||||||
|
| |
|
06-01-20, 07:31 PM
| #10 | ||||||||
| مراقبة عامة ومشرفة منتدى الروايات المنقولة
| بين طهر وخطيئة بارت ٩ عنوان الحلقة (هروب) .. بين قلب يهوى وعقل يخشى وحيرة في الاجواء هناك قدر يترتب لنا ليخبرنا بأن لاشيء يأتي بالصدف ، هناك امور واقدار نجهلها تمضي بنا نحو مستقبل مجهول لانعلم هل ستكون نهايته سعادة أم خيبة موجعة .. صارت دموعي تتقافز من عيوني.. بقيت اكثر من ربع ساعة بالباحة الامامية.. هدأت شوية.. مسحت دموعي وفتت جوة بركان النيران مشتعل جواتي ويحركني حرك .. ظليت احوم على غرفة احمد واريد اروح استفسر منه عن عمر اكثر بس ما امتلك الشجاعة الكافية وبصفتي منو؟ وغير الموقف الي صار من قبل ولحد هسه اني ممتأكدة منو الي راسلني وساومني .. خلصت حصتين بس بعدني احس مغيبة بعالم ثاني عالم كله قلق وحزن ، الم وتفكير .. دخلت للادارة كعدت وايدي على خدي صفنت واحاول اسيطر على دموعي وما اخليها تنزل .. وارجع اباوع للحواليه واتساءل بداخل روحي المن اسأل ؟ واني حتى رقمه ماعندي .. ارفع راسي فجأة واشوف احمد يطالعني بنظرات وملامح غريبة.. ادنك وارجع لعالم القلق والتفكير .. غير أبهة بنظراته العبثية .. وحدة من المعلمات اسمها سروى كالت يلله كومي عدنا اجتماع هسه .. شبيج ماسمعتي الاستاذ احمد من يحجي ؟ هزيت راسي برفض كالت شبيج مو على بعضج ! رفعت راسي احاجيها ومتجاهلة سؤالها _اكولج الولد الي اسمه عمر ماتعرفين اخبار عنه ؟ _بلي يكولون متصوب ومحاصرين بالبيجي وميكدرون ينقلو لبغداد باقي بمستشفى ميداني ومحتاج عملية هذا الي سمعته .. صفنت اشو كلامها يختلف عن كلام احمد تساءلت بداخلي .. ليش انت تعرفيه ؟ لا بس اله فضل عليه هو توسطلي هنا وداومت .. ها اي هو حباب ويساعد الله يشفي ويرجعه سالم ان شاءالله .. امين .. يلله تأخرنا ع الاجتماع هسه بلش امشي .. طلعنا ورحنا لمكان الاجتماع بلش وخلص واني كل شي مافهمت منه بالي يم عمر واتخيل جروحه تنرسم كبال عيني واحس احمد يباوعلي ونظراته كفيله بمعرفة دواخله حاسس بيه ضايجة على عمر .. خلص الاجتماع وطلعنا وسروى تلغي يمي .. كالت يعني هسه اني شسوي يكولون لا تتعبون الطلاب ولاتشدون وياهم زين اوك من يرسبون تجي الام تكول انت ماتقرين عدل وانت ماتشدين وياهم وتضبين حتى يقرون وهمه يبطون الكبد والمرارة سوا شون بلوة هاي احتارينه .. سارة سارة سارة ... وين شاردة شبيج انت وياي لو لا ؟ ها اي اي وياج اكولج اني رايحة اخذ اجازة تعبانة اليوم اريد ارجع للبيت خلصت حصصي .. ياا صدك عود ؟ بعدهه ساعة ١١ هسه المديرة متطلعج وخاصة اليوم احمد هنا .. اكولج هذا احمد اشو صاير نشيط ويجي يومية شعنده ؟ قابل هو مدير مو اكو ادارة . اي غير مدرستهم ويردون يحافظون عليها ويمشون امورهه .. اي هم صحيح .. ييله رايحة للمديرة .. طلعت من غرفة المعلمات ورحت لغرفة المديرة دكيت الباب وفتت جانت المعاونة يمها كتلها ست اريد اطلع للبيت هسه من رخصتج .. كالت عفية ست سارة مبقى شي هيه ساعة وحدة ونطلع .. _ ست تعبانة الله يخليج وخلصت حصصي .. _ يمعودة احمد هنا ويسجل ملاحظات عليه هسه يكول تطلعهن قبل ليخلص الدوام شنو مسمعتي اليوم الحجي الي بالاجتماع عن الانضباط روحي هيه ساعة بسرعة تخلص .. درت وجهي وطلعت واني متذمرة .. كوة عليه خلص الدوام .. طلعت اول وحدة واحمد قبلي طالع جان بس شفته يريد يطلع بسيارته بسرعة مشيت المسافة الي بين المدرسة والفرع مالتنه وفتت بالفرع ومشيت عنه .. رجعت للبيت وعقلي ماينفك التفكير بي وكلساع اتخايله مجروح ومتأذي لو اسير ويذبحو لو ميت بالمستشفى واموت قهر وبجي .. قضيت تلك الليلة على جمر متقد .. احساس مقيت وهواجس تكدس ثقلا على صدري ... ... تارة ... طلعت وي وائل من الكلية بدون ما التفت وراي وقلبي يريد يطلع من مكانه عقلي يكولي الي سويتي خطأ وقلبي مكتفي بالنبض المتسارع .. وكفنا ع الشارع اجرنا تكسي صعدنه بي ودانه لبيت خالة نزلنه وائل طلع مفاتيح وفتح باب البيت استغربت كتله ليش باب بيتكم مقفول ؟ مو امك بالبيت ؟ باوعلي مبستم ابتسامة جانبية ماكرة وخبيثة كال جذذذذبت عليج .. ايا حقير يا كلب ركعته على راسه بالكتاب مالتي مد ايده وصفكني راشدي لزمت مكان الضربة واباوعله وكارهته كورت قبضة ايدي وضربته على كتفه سحبني من ايدي يريد يفوتني للبيت بالكوة واني اقاوم واريد بس انهزم منه وما اريد افوت .. فرعهم كلش هادئ وماكو احد منطقة راقية وكلمن ساد باب بيته وحتى اطفال ماكو بالشارع .. ظليت احاول اتملص منه ما اكدر حتى شعري انفتح وتخربط وردن قميص انشكت اريد اصرخ واطلع صوت بس خاف ننفضح .. كتله عوفني ماادخل خليني اروح تدخلين وغصبا عليج فااهمة يلله فوتي .. ما ااااا عوفني .. شافني مصرة استخدم وياي اسلوب الترغيب كال ماسويلج شي والله بس نحجي تدرين بيه احبج وامي على جية كعدي بالطرمة خابريها وتجي بسرعة.. واحنه على هذا الحال وجان اشوف وائل وكع بالكاع التافيت واشوف بهجت يضرب بي .. ابتعدت خطوات مصدومة مافاككتهم بسرعة درت وجهي منهم وانهزمت اركض واتعثر .. وصلت لنص الفرع وامشي واغم بروحي شون صدكت بوائل وجيت وهذا بهجت شنو مراقبني ؟وجاي وراية؟ خفت منه كلش اذا سلمت على نفسي من وائل مراح اسلم من بهجت اريد اطير واوصل لبيتنه لايتبعني بهجت .. وجان اسمع يصيح اووكفي .. كردة فعل وبدون ارادة مني وكفت ثواني ووعيت على نفسي ومشيت بكل قوتي .. بلحظة صار كدامي بهجت كال مو كتلج اوووكفي يباوعلي ويخزر ويخوف شكده طويل وضخم وصار كبالي سد عني الطريق كله .. جمعت شتات قوتي وصرخت بوجهه شتريد ها ؟؟ شكو لاحكني شعندك .. ما استحيتي بالله من جيتي ويا للبيت معليك بيه شعليك انت؟ زين ليش جيتي ويا وليش تعاركتوا مو جيتي بارادتج ليش رفصتي تدخلين ويا ؟ اووو انت ليش ماتصدك هذا يصير بيت خالتي ليش؟ ماعندك اقارب ماتروح الهم .. اي بس مااطلع ويا بناتهم .. هذا خطيبي صدكت او لا ووخر عن طريقي يلله .. مشيت عنه سحبني من ايدي حيل لزكني بي وهدني صرت اختض بيده مثل السعفة وضاربهه الهوا ايدي حتنخلع من مكانها بسبب قبضته العنيفة .. باوعتله بعيون مصدومة ومفتوحة على اوسعها .. كال اوكفي هنا اجيب سيارتي واوصلج .. ها اي اووك حجيت بارتباك وهو ترك ايدي وظليت اعدل بشعري والمفتوح وابعده عن وجهي .. خليته راح وجان انهزم بسرعة فتت من فرع بصف البيوت وطلعت ركض ع الشارع العام اجرت تكسي بسرعة وتوجهت للبيت .. . . . ..مريم.. مرت كم يوم وخالة تلح عليه ها بنتي موافقتج .. خالة انت مو كلتي لمن ميجي عمر وهو بعده ما اجه انطيني فرصة افكر . ولج من راح لسه قلبي مفرفح عليه ع الاقل فرحيني بموافقتج . ان شاءالله خالة .. حجيتها ودرت وجهي للسنك اجلف المواعين واني افكر بسيف لاعنده وضيفة ولا شغل شون نتزوج طيب اني مومشكلة فرضا صار عدنا طفل يروح لامه لو لعمر يكوله رحم الله والديك انطيني خمسة الاف لحفاضات لو حليب هو حتى الحليب مو ب خمسة ماادري شون يفكرون واني من حقي اضمن مستقبلي ع الاقل خلي يشتغل وبعدين على شنو مستعجلين .. للعصر جنت ارتاح بالغرفة وهماتين افكر بهذه الشغلة الي شاغلة بالي وماخذة جزء من تفكيري طول اليوم ماكدر انسى ولو لحظة وسط الحاح خالة عليه .. فاتت خالة للغرفة وكالت تعالي خالج عبد الرحمن يريدج .. خالي ؟ شعجب متذكرني اليوم ؟ خليت شال على راسي خاف سيف هنا وطلعت سلمت عليه وبوسته باسني من راسي .. كال كعدي خالو احجي وياج .. كعدت .. حجت خالتي كلتله ابو محمد اني صح بعدني مماخذة الموافقة منها بس حبيت اكولك بالاول حتى يصير عندك علم بلي ناويين عليه .. وليش مموافقة وين تلكى مثل عمر ؟ لالا مو لعمر رايدتها لسيف عمر ميريد هسه قافل .. وهو سيف يشتغل حتى تزوجيهه اله اي هو هسه خل يخطب ويشوف العرس ومسؤؤليته وبعدين ينجبر يشتغل .. شنو هالحجي هذا يا ام عمر صدك تحجين عود هو العرس خمس فلوس وراه كومه مصاريف منين يجيبهن .. اني شايلتله كم فلس جوة ايدي وعمر هم كال ميقصر .. صدك جذب هم ابتلى بيكم عمر كله على عمره هالعمر حسو بي شويه هم يريد يتزوج يستقر متشوفين مقابل يتزوج كضى عمره يصرف عليكم وعلى خواته ومن تزوجن خواته هسه يصرف على مرة اخو ميصير .. غير اخوهن خو مايتبرى منهن .. وينه سيف خلي احجي ويا ارزله .. لادخليلك يبو محمد ترة كوة قنعته .. كوة قنعتي!!!! هو ماعنده اعتراض على مريم بس على الوضع الحجيت عنه يابو محمد اذا ماازوجه مايعتمد على نفسه ويظل فلوس الجكاير ياخذهن مني لو من اخو اريد ازوجه حتى يتحمل مسؤؤلية .. والله ممقتنع اني خايف لتظلميهه للبنية فوك ماهيه مظلومة .. ابو محمد شنو هالحجي شبيها شناقصها ربيتها لحمة حمرة عوزت على بناتي وماخليتها تحتاج شي .. اكو بيكم من سأل عليها بذاك الوكت الصعب .. لا والله حقج .. بنتي مريم ماتلكين مثل خالتج تحن عليج وتحبج وسيف اني ادورله شغل جماعتي ومعارفي اسألهم وبعدين عمه مو رجل اعمال ميشوفله شغلة يمه شسالفة تكاطعت الدنيا خو ماتكاطعت .. اي مو هو هم مايسعى لروحه شكم مرة دز عليه ابو احمد ماكلف نفسه وراحله وكله عمي شتريد .. مطي مو بيده عندي هيج عم ما اكابله واكعد وهو عنده شهادة هندسة اكيد بيها مجال يشغله .. اي اي يشتغل ان شاءالله .. اني اترخص واي شي تحتاجو خابروني وان شاءالله ماقصر .. اشرب جايك خويه هسه برد شربت بالبيت بس هم ما اخجلج .. شرب الجاي ويريد يطلع كلتله ابقى يمنه للعشا سويهه مرة .. والله يا ام عمر موصيني بالبيت على حاجات ولازم اروح اتسوك واوديهن الهم ..ان شاءالله امرلكم اني وام محمد فد يوم .. هلا بيكم .. طلع للباب وهيه راحت وراه وصلته واني اخذت صينية الجاي وديتها للمطبخ شطفتها .. اجتي خالة فاتت من باب المطبخ وكعدت بعد صمت ثواني كالت بنتي مريم معليج بكلام خالج اني مستحيل احرمج من شي اني اريدج لسيف مو بس علموده لا وعلمودج هماتين لان انت يتيمة ومالج احد واذا اخذج الغريب مااعرف عنه شنو لو شنو لو اهله شنو انت هنا يمي واني قلبي مطمأن عليج صح اني كبرت وايامي معدودة بهذه الدنيا بس وصيتي بيج يبنيتي ولدي ما يخالفون وصيتي.. رحت تقربت منها وكرفصت كبالها وهيه كاعدة ع الكرسي خليت ايديه بحضنها واباوعلها بعيون مغوركة كتلها الف اسم الله عليج خالة حياتي انتي خلي يجي عمر بالسلامة والله كريم .. مدت ايدهه وخلت راسي بحضنها وظلت تمسح على شعري بحنية واني لازمة ايديهه وابوس بيها .. كالت ان شاءالله ووياهه جرت حسرة .. مرت ايام وعمر تأخر وما اجه كاعدين بالهول دنتعشه اني وخالة وسيف .. خالة كالت .. ابني سيوفي اشو اخوك صار كم يوم ممخابرني وبالي يمه .. ارتبك سيف وصار يوزع نظراته بالارجاء دون النظر لعيون خالتي وكأنه يخاف من ان تفضحه نظراته .. بعد ما استقرت نظراته ع الصحن الكدامه كال بنبرة مرتبكة اي اي نسيت اكولج خابرني من صاحبه دقيقة وانقطع الاتصال هو زين مابي شي بس تليفونه واكع بالمي وعطلان وشكد اتصل عليج من صديقه مديحصلج .. ياعيوني بعد عمري والله وليش ما نطيتني التليفون احجي ويا .. يوم جنت برة مو هنا وهو انقطع بسرعة الاتصال لان شبكة ماكو كلها دمرتها داعش الخطوط هناك .. الله ينتقم منهم يمه يمه ليش انقطع الاتصال خاف صار عليه شي .. لا لا دزلي رسالة بعدها كال خلص رصيده وبقى شوية لهيج انقطع .. باوعت لسيف وهو هم باوعلي اجت عيوني بعيونه غمض وجر نفس ودنك وكانه يكتم الم الم بروحه ويخاف يظهر على ملامحه.. بعدهه خله الخاشوكة من ايده بصحن المعكرونة الي كدامه وكام على حيله كال الحمدلله والشكر بغصة .. ظليت اباوعله وخالة دايرة وجهه ع التلفزيون وتباوع اخبار .. حسيت على تصرفات سيف موطبيعية خايفة لاعمر بي شي ، تبعته للمر شفته يريد يفوت للغرفة .. كتله شبي عمر .. لزمني من ايدي وفوتني للغرفة وسد الباب .. | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
