آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
20-07-20, 10:48 AM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  #أزمة_أحساس Roskan_aljibory #البارت 9 بجيت من كثر حبي الى بجيت من ضعفي تجاهه .. احبه .. تحبه .. عقلي قفل الابتعاد هو الحل،، قررت احظرة وابترة من حياتي مادام بذره الحب باولها گلبي ينزف من قرار عقلي اصابيعي ماطاوعتني اكتب له مبررات الترك و الانسحاب. من حياتة بهدوء بس ها الاصابع نفسها طاوعت عقلي من امرها تسويله حظر. ،،وحظرته اني الي تاذيت واني الي بجيت الظاهر مو مثل متوقعت الظاهر بذرة الحب مو باولهة الظاهر هالحب نابت بكلبي من زمان ومورد رسالته ثاني يوم الصبح ،،طالع للانبار ابريني الذمه، ،كانت الضربه القاضيه اليه، ،جنت بالدوام من قريتهة، ، دكيت ماكو الجهاز خارج نطاق التغطية شعور الندم ياكل بيه شسويت بنفسي، ،كوة خلصت دوامي رجعت للبيت ماتغديت، مكابله الموبايل اتصل مااكو ع النت ماكو يعني فعلا راح مو فقط رساله لتخويفي واشعاري بالذنب صخونة لزمتني، ،بدون سبب، ابر وعلاج ماكو فايدة اكوم واوكع لاداريه بنفسي ولاداريه بابني منو يداريه، ،ماتخيلت نفسي هلكد ضعيفة وهلكد حبيته يومين اني داخله مستشفى الاكل مالتي سوائل لو كانونه، ، كالوا ضاربتني حمى فايروسيه من الجو، بكلبي سميتهة حمى يامن طلعت من المستشفئ، اني يومين غايبه عن دوامي باليوم الثالث داومت كانولتي بيدي وكولهة تتحمدلي بالسلامه، ، بس شهد تعرف شبيه لان ع مدار شهرين صرنه صديقات سري عدهة وسرهة عندي مرن اليوم واليومين وماكو خبر عن يامن لااعرف احد من كرايبه اخ او اخت ولااندل بيته علمود اروح واسال واعرف اخبارة كل يوم بمحاولات يائسه اتصل ونفس الجواب كرهت الجواب فتحت الحظر عن حسابه يوميا بالليل اراسله ،، احجيله عن يومي واشتياقي اله وشكد مفتقدته ،،، وشكد اتمنئ اسمع صوته بدايه الاسبوع الثاني اول يوم دوام خلصتة طلعت من الروضه وجان اشوف نفس السيارة نفس الوكفه نفس الطول ،، بدون النظارات الشمسيه عيونه عليه نظراته بعتب ،، عيونه ووجهة تعبان ومسمر ممعقوله اني اتوهم ،، ممعقوله كمية هالمشاعر تجاه هالشخص المجهول مجايه من فراغ ،، لازم احد ينهيلي هالصراع لازم تنتهي هالدوامه ماتجرات اجرب حظي واطلع مبايلي واتصل ،،تجرات اعبر الشارع وهذا مو طريقي، جنت واكفة وانتظر الشارع يفرغ من السيارات حته اعبر للسايد الثاني عيوني عليه تراقبه وعيونه عليه تراقبني، ، طلع موبايله وحرص اشوفه واتصل، ، دك موبايلي، ، ابتعدت عن الشارع لي ورة خوفا من نتائج تصرف بدون عقلي المغيب عني حاليا طلعت الموبايل من جنطتي ،باوعت رقم يامن عيوني ممصدكه ، ايدي ترجف بسرعه فتحت خط وباوعت بعدة التلفون باذنه گلت .. الوو .. گال .. حلال عليج النفس اليصعد وينزل بصدري .. دموعي جرت لا اراديا، ، دنكت اضمهة ،،استحيت اني بالشارع شيكولون عليه الناس اخذ نفس وذبه زفير بالتلفون رفعي راسج باعيني مسحت دموعي وباوعتله عبر الشارع شهد اجتي يمي تشوف شبيه عبالهة اتصلو بيه من البيت صاير شي ظلت واكفه تشوف شبيه _ كل هذا الوكت جنت انت ومتكولي؟ ليش؟ _ واحرم نفسي اشوف هالطول الحلو يفوت كدامي سالتني شهد _ ولج شكو شبيج تبجين؟ اشرتلهة بعيوني عليه عبر الشارع كتلهة _هو هو ضحكت، ، هوة سمعني وجاوبني _ ولج فاضحتنه _ شوكت رجعت؟ _هاي رجعتي من الانبار _الحمد لله ع سلامتك _عبريلي نروح لمكان اريد احجي وياج _دنيا ظهر وين نروح؟ _مااأخرج ودعت شهد وعبرتله، ، بدون كلام بدون نقاش بدون اوامر بس كلام العيون، ، سد التلفون وصعد بالسيارة واني صعدت وياه باوعتله عن قريب، وجهة عريض اسمر من الشمس، ،عيونه سود كبار شعرة اسود وبي شيب موزع شوارب كثيفه مربيهة بعبث ولحيه طويله، ،جانب لحيته الايسر بي خصله شيب كامله عبالك صابغهة لان باقي المكانات الشيب بيها وحادي وبمكانات متفرقه الا هالمكان مبين مامزين يعني صدوك من الجبهة اليه باوعلي وهوة يدري غرگانه بي، ،رايدة احفظ ملامحه ومعانيه صح باوعتله وهوة هم عيونه عليه بس تحاشيت اباوع لعيونه ماعندي جرأة احط عيني بعينه، _ اخذيلي صورة بعيونج تبتسمت، ، _ حقي _ شنو حقج بالضبط؟ _ انت _ كلام جبير ياسه خانوم، ، الزمج بي _ قابله سكت وتنهد _ اشتاقيتلج بكد رحمه الله _ اني اكثر رفع عينه عليه رفعت ايدي وشوفته مكان الكانوله _ ايدي تشهد ،عود غيابك مرضني، ، _ عندي هواي حجي وياك _واني هم _افتحي الحظر حته نحجي _ فتحته من زمان ابتسم، ، تمام ،، لعد خليني اوصلج للبيت، الناس تباوع، ومااريد تجيج حجايه سكتت عجبني خوفه عليه وع سمعتي حرك السيارة ووصلني للبيت، ومااستغربت يندل بيت اهلي ومجان اكو داعي اسال شلون اندل لان اعرف ماكو شي صعب عليه قبل لاانزل باس ايدي مكان الكانوله، ، جان الجلد ازرك من كثر ماجكوني بي ابرعلمود يلكولي وريد _اروح فدوة للي تتمرض علمودي اكتفيت بابتسامه خجوله، ، وكفلي براس الشارع مو كبال باب بيتنه _ ديربالج ع نفسج ام البلوك ضحكت والله ،، فتحته _ هاهيه بعد مشت عليج نزلت واني الدنيا ماتسعني من السعادة دخلت للبيت وبمجرد دخولي استلمت دوري كام وكملت باقي الواجبات طول اليوم منتظرته يفتح نت، ، ويشوف رسائلي السابقه من هوة جان غايب عني ،،خلصت شغلي من وكت وعشيت امي وابني نيمته وهو لسه مفاتح فتحت نت وكعدت انتظرة واتخيل شكله شلون يصير من يقرا رسائلي ساعه اتعارك وياه لان حرمني اشوفه حسبتهة عدم ثقه بيه من جانبه وساعه اكوله مشتاقلة وادعيله ربي يحفظة اليه ويرجعه بالسلامه وساعه احجيله عن يومي ومعاناتي بغيابه عبرت الساعه عشرة ياله صارت رسائلي تمت الرؤيه وانتظرته يجاوب ،، مجاوب ، رجع ، رجع انسد الحساب ،، كتبت ،احبك مرت نص ساعه ياله شافه المسج مالتي ظليت اترقب شنو ردت فعله كتبلي ،، _ادري ،، وبعد ؟ _ ماكو بعد عزلنه _ شبساع عزلتو هستونه فتحنه _انتو متاخرين، ، وين جنتو؟ _ ها بدئ التحقيق، متضيعين وقت ياسه خانوم _ تعلمت منك _ زين لكيتي سالفه تتعلميهة مني، ، _عندي عتب وياك بس اول شي من الظهر لسه وين جنت ليش محاجيتني اول مارجعت _اذا انتي عندج بس عتب اني عندي حساب وكتاب _ اي ميخالف بس اول شي جاوب _اوگ، ، اول ماوصلتج رجعت للبيت سلمت ع اهلي وسبحت واكلت لكمه وكبل لفراشي، ، والنومه نومه لحد قبل شوي ياله كعدت فتحت نت وقريت الجرايد من الهبله الحلوة مالتي .. نت وقريت الجرايد من الهبله الحلوة مالتي ضحكت من كال قريت الجرايد من الخبله مالتي، ، وصاحوني ع العشه ورجعت فتحت نت وهسه داحاجيج _ ها ارتاحيتي هسه؟ _جج، لسه _اني اعرف شوكت ترتاحين _ شوكت؟ _من اخليج بحضني، _ يامن !! _شكو؟ ؟ _ لسانك _ اكصه اذا يتجاوز عليج والله، بس هو ممجارز حدودة بشي مو بالله كالهة بمكر وهو يوجهلي السؤال مارديت هوة حجه _ها شنو خجلنه؟ _طول الوكت جنت انت اسولفلك وبالي مشغول بهذا الي بين فترة والثانيه يوكف يراقبني من اطلع من الدوام ومتكول هذا انت ليش؟ _مااعرف اشهر واني اكولج احبج ومحيرتني كلامج رافض حبي وتصرفاتج متقبله حبي ومحتضنته حيرتيني وحبيت اضوكج من نفس كاس الحيرة الشربتيني منه ساكته بس عيوني وكلبي يقرون الكلام الي كتبه _ شوفي ياسه شكد مرت عليه بنات وانتي تعرفين كولشي سولفتلج، ، الي اريدهة احصلهة، بسهوله ماوحدة عصت عليه وبرضاتهن يجن، الا انتي ماردتج يوم ويومين ولا ردتج جسم ولا حبيتج بشهوة، جنت اروح اشوفج وبس ماطمعت بشي ثاني ،،غلط صح تصرفت مااعرف بس الي اعرفه اني احبج ورايدج العمر كوله _اني هم احبگ _ وباقي التفاصيل، ، ليش معلقتي عليها _ لان مو وكت نحجي بيها _خليني بالصورة ياسه ،، عمري مو صغير يعني لااضحك عليج ولاادور علاقات مال يوم يومين _ وداعتك اخليك بالصورة وكولشي احجيلك بس خليني هسه اشبع منك _ ههههههه، ، لو يمج هسه شسوين بيه؟ _ هاهم رجعنه لقله الادب _ منو قليل الادب ولج؟ _ انت ههههههههه _ مادامني قليل ادب خل احجيلج لويمي هسه شسوي بيج _ راح اسد اذاناتي _ المفروض تسدين عيونج لان اني دااكتبلج مدا احجيلج _المهم مراح اشوف ولا اقرة اللي كتبته _ اتحداج توقعت يحاجيني بجراة وقلة ادب _ جدار يفصلني عن داعش بس يغمضلي عين انكتل اني وجنودي، ، ليالي ماجنت اكدر انام مو خوف لا قسما بالله ماجنت خايف من الموت بس خايف مااشوف عيونج بعد تحلفت بيج اضربج لان حرمتيني منج وابوس كل مكان ضربتج بي واحضنج حضن يكسر ضلوعج حلمت بيج بصفناتي وغفواتي وانتي بحضني احاوط خصرج بسجن اديه ولااهدج اشم عطرج من الركبه اغلف شفايفج بشفايفي، ، اخذ النفس من زفير انفاسج رديت عليه _ منين الله خالقگ _من نفس التراب الانتي مخلوقه منه ، بس خسرتي التحدي _وياك الخسارة متعتبر خسارة _ ودي المسك _ ليشـ _اتاكد انت حقيقي لو لا _ حقيقي، ، ثقي _ليش هالكد تحبني _ ليش تسالين ليش انتي متستاهلين اني احبج هالكد؟ ليش مستهينه بنفسج ؟ _ تجربتي _ انسي تجربتج ،، اني مااتقارن بغيري وتثبتلج الايام _ ماقارنتك _ لعد باوعي لنفسج بعيوني، اني مرايتج ، تدرين شلون تشوفج عيوني _شلون _انثئ كامله مكمله ، _ انت حلو _ ههههه، ، وبعد حبيت خصلة الشيب الي بلحيتك، ، والتك غمازة والحواجب الغليظة مسوي ازمه شعر متنطيني شويه من شعر حواجبك _ كاصتني كص _لابس اخذت صورة لملامحك _ وهسه دوري ؟ _ دوريش _ دوري بالكص _ ههههه يلي خلينه نشوف انت هم ماخذلي صورة؟ _ اوووه صور مو صورة وحدة وكلهن قليلات ادب _ لااااا _ اييييييي غيرت عليه الموضوع وهو جاراني واحتر م تغييري للموضوع ظل يحجيلي عن الحرب وعن الاسبوع الي راح بي للانبار وسالته هم راح يرجع لهناك جاوبني انو اكيد يرجع اذا طلبوا فوجه للدعم مرة ثانيه من كل كلبي دعيت ربي يحفظة ويحفظ كل شبابنه وناسنه واهلنه بكل مكان بالعراق .. اللهم بردا وسلاما .... للحكايه بقيه .. شاركوني توقعاتكم .. | ||||
|  |
|
20-07-20, 10:57 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #أزمة_أحساس Roskan_aljibory #بارت 10 وأهلنه بكل مكان بالعراق . اللهم بردآ وسلامآ شهر ورة شهر استمرت علاقتنة سوه وهو مخليني ع راحتي من ينزل اشوفه من بعيد وابد ماجبرني ع شي ولافتح وياي موضوع جدي .. مستمتعين بحبنه وباللحظات الحلوه من اشوفه ويشوفني من بعيد استمرت روحاته لمكانات خطره يشارك بحرب التحرير ضد داعش . كل روحه جانت تاخذ من عمري وحيلي جنت احط گلبي بشيشه صغيره وانتظره الف دعاء والف نذر ع رجعته سالم اليه واختم القرأن وماأمل لساني يلهج بحفظه ورجعته سالم اليه كل مره اتوسل بي بعد ميروح وميسمع مني .. جوابه نفسه دائما - اذا اني اكول معليه وغيري يكول معليه لعد منو اللي راح يحرر المحافظات الساقطه بيد داعش يومين وداعش ببغداد تعلقت بي كولش فتحت وياه موضوع تسجيلي بمعهد الصحة سعيآ وراء الوظيفه والتعين المركزي . ماقبل بسبب غيرته - المعهد بي اختلاط ويه الشباب وحسب كلامه اني حلوه وصغيره تعاركته مره مرتين ع الموضوع وشاف اصراري ع التقديم ووضعية اعلي التعبانه ماديآ رغم حبي اله بس هو مودايملي . وحتلو صرف عليه اوخصصلي راتب باي حق ؟؟ واخويه مراح يسألني منيلج هالفلوس والفلس الي يدخل للبيت محسوب ومصدره معروف بالاخير وافق .. بشرط . شنو للشرط كافي انتظار يريد يتقدم يخطبني من اهلي . هالموضوع اني دائما ابعد الكلام بي واتهرب منه . لانه بس ينفتح معناهة نترك .. لان ببساطه ابني اغلى من خبي ليامن عارضت ورفضت يساومني هالشكل. اصر يعرف السبب ورا رفضي لتتويج حبنة وعلاقتنه بارتباط حقيقي وزواج صرحتله بالسبب الحقيقي .. حضانتي لابني اغلى من كولشي - سؤاله حتى اغلى مني ومن حبنة ومستقبلنه سوه ؟ - مجاوبت . شلون يقاون نفسه بأبني وصله جوابي من سكوتي خجلت حسيت روحي كذابة حتة من اكوله احبك اني احبه بس ماكدر اخسر ابني علموده ابو زياد من جنت ع ذمته مجان مهتم بأبنه يهتم بي هسه واني مو ع ذمته وابني طفل ومريض ببساطه اختاريت ابني منو يكدر يلومني ع خياري هذا يامن من وصل جوابي انسحب من حياتب بهدوء.. تقبلن واقعي واختياري وتفضيلي لابني تقبلت حياة بدون وجود يامن اخذني اخويه حيدر سحلت معهد وبعد شهر انقبلت رغم جنت متحمسه للأمل بوظيفه مركزيه ودخل ثابت كل نهاية شهر لكن مفرحانه فرحتي اخذهة يامن كولشي ناقص بدونه بطلت من دوامي بالروضه تقريبآ بعد مااشتغلت بيه ستة اشهر وبده دوامي بالمعهد - يامن خيرتهة اجيب اهلي واخطبهة ياله تقدم ع معهد الصحة رفضت اساومهة مساومة مو عادلة غير متكافئة المعهد الوظيفة ومستقبل ثابت ومضمون وابنهة كل حياتهة واني شنو ؟ نفو زايد مالي اي مكان بحياتهة يمكن ظلمتهة قدمتلي الاسباب نالت حريتهة من طليقهة بعد ما قدمت التنازلات مؤخرهة وعزوفهة عن الزواج مقابل حريتهة واحتفاظهة بحضانة ابنهة يمكن لان مصار عندي طفل فما اعرف غلاة الضنى ويمكن هي اصلآ ماحبتني مر شهر وسمعت رايحة مقدمة ع المعهد ومقبوله اشتعلت بنار الغيره الاختلاط وية الشباب ويمكن ينعجب بيهة واحد يمكن ؟ لا مو يمكن شي اكيد داخلي يغلي غيرة عليهة خابرتهة شايط غضب - سويتيهة ورحتي قدماي ع المعهد مو جاوبتني ببرود - وانقبلت همين باركل- ولج انتي .. ماكملت لان فورت دمي وصعدت ضغطي وماربد اتجاوز عليهة - عليش متعصب ؟ - سكتت وهي هم سكتت تنهدنة تمنيتهة يمي اشتم عطرهة همست - اشتاقيتلك غمضت عيوني وهمست بضعف - والله مو بكدي - ارجعلي - نتزوج ؟ - تعرف مااكدر - حتلو زواج منقطع - سكتت يمكن متفاجأة من طلبي اليائس - تساويني ويه الرخيصات اللي عرفتهن بحياتك يامن ؟ - ماساويتج ردتج حلالي ع سنك الله ورسوله وكدام الناس كولهة انتي مقبلتي اجي اخطبج -..... - ياسه ماكدر بدونج - بس مو زواج منقطع يامن - ما تركتيلي غير حل - ليش ماتركتلةًغير حل خلي نرجع سوه اني احبك وانت تحبني واحدنه ميكدر بدون الثاني - والتالي شنو ياسه اريدج اريدج ام بيتي وفوك راسي زايدتي وناقصتي يمج كولشي بيه يريدج - ماارجع بدون ارتباط رسمي ياسه -... - المهر اللي تطلبيه يجرالج - المهر اللي اطلبه يجرالي ؟؟ من اول يرم حجيتلك ظروفي الماديه وظروف اهلي صح فقيره بس مامديتلك ايدي ولافد يوم طلبت منك فلوس شلون اهانه هاي يامن . - ماقصدتهة هيج ردتج توافقين اعتذر - اعتذارك ممقبول سدت التلفون بوجهي اخر امل برجعتهة اليه خسرته مجان عندي امل وكام لازم اجرب حظي وياهة ياسمين بعد ماانسحب يامن من حياني كملت وحدي مجبورة انشغلت بدوامي بالمعهد وابني وامي حيدر لم شكم فلس وبده يعالج زوجته يردون طفل ربي يترس حضنهم بطفل علاقتي بشهد مستمره ع برامج النواصب الاجتماعي بس مالتقينه بعد لان هي دوام واني همين وبديت اقنعهة ع السنه الجايه تقدم ع المعهد مع انها مخلصه كلية اداب يس متعينه من بعد آخر مكالمة وية يامن حسيت نفسي خسرته ما اعرف شنو صايره وصلت بس المرحلة يفكر يتزوجني زواج منقطغ وعرض علية مهر خيالي وكأنه المسألة مسألة مهر فلوس كولش انغثبت من تفكيره الي مجان بالحسبان امي تمرضت جانت تعاني من نوبات اختناق ومرات خفقان يصير عدهة مجانت تشكي خطية لانه تعرف الحال ميساعج أطباء اختصاص وأدوية بگذا مبلغ حالتهة جانت من سيء إلى أسوأ زادت نوبات الاختناق التي عدهة بحيث تصير زرگة تصيح هوا اريد هوا. شكو فلوس جامعته من شغلي بالروضة طلعته وأخذت امي لدكتور اختصاص بعد تحاليل وفحوصات وتخطيط قلب طلع عدهة تضخم بواحد من صمامات القلب ديغط على العظلة ويسببلهة ضيق بالتنفس لازم هالصمام يتبدل العملية مكلفة ولازم نسويلهة على الخاص لان الحكومي محد يهتم ومحد يضمن النتيجة حتلو المريض مات رغم سهولة عملية ماكو محاسبة ولا اكو اهتمام عندي قطعتين ذهب حلقتي وزوج تراجي عرضتهن للبيع ماجابت تكاليف العملية أخوية باع ذهب زوجته واداين من اهل زوجته واشترى سيارة وديسدد ديونه من شغل السيارة لان شغله تكسي هاي من غيرمراجعات زوجته وعلاجها كل شهر بكذا مبلغ شهد ان تني مبلغ كالت هذا كل ااي عندي ما لستثغره المبلغ بس رجعته آلهة لان اعرف ظروفهة اتعس من ظروفي طلعت امي من المستشفى وماظل حل مافكرت بي ولاضل باب ماطرقته حتى زياد طلبت مساعدته متساعدني هذا لوبيده حتى نفقة ابنه يقطعهة عنه مريض بالبخل صرنة كل أسبوع لازم ٣نبات بالمستشفى نوبات الاختناق زادت عند امي والطبيب كال لازم نستعجل بالعملية تقريبا دوامي شبه تركته لانه ماكدر اعوف امي حل واحدصاركدامي بس اقبل بعرض يامن بشرط دفع مهر مقدما خابرته بياس هلو يامن هلو بيج شعجب اليوم تذكرتيني بعدك تريد تتزوجني زواج منقطع سكت شوي وبعدين رد اي بعدني اوك اني موافقة اختنكت واني اكوله موافقة وهو وجواله ماشفت بي فرحة تردد ومفاجاءة متاكدة اي متاكدة شنو الي غير رائيج لازم غيرت رائيك لابس سالتج سؤال موجنت تريد اوافق بلي وهاي وافقت بس عندي شرطين اسمعهن المهر تطينياه مقدم المبلغ كامل كامل مقدم الثاني شرط تخليني اكمل معهد تمام سهلة موافق على الشرطين شوكت تردين نعقد من تجهز المبلغ حسيتهوية كل حملة مني المفاجأة تعقد لسانه عن الكلام يمكن مدايعرفني شكد المدة بالعادة شكد تخلي المدة انت شهرين خلص الشهرين خليهة سنة تفاجأت من المدة يمكن صار دورة استغلالي ووضع الشروط ا ك بس ماكدر ابات يعني لتطلب مني هل شي اعرف شوكت الدخول سالتي بتردد بلعت ريك وغمضت عيوني ورة العقد بأسبوع عشرة أيام بين ماجهز نفسي واتعود هو اي عشر ة ايام خليهة اسبوع واني اجهززج ومن تجين يني تتعودين همست وداخلي يريد يصرخ ماشي بدل ماكوله محتاجة الفلوس كتله استعجل بالفلوس هو سكت واني حسيت شكد رخصية وكلامي رخصت نفسي اله يمكن آخر كلام بيناته كالي المهر الي تطلبيه على لسانج يجرالج وحسيته اهانة لنفسي السبب الخلاني اساومه وماكوله محتاجة فلوس استلم فلوس العملية امي كمهر وحق اليه مقابل زواجي منه ولا أمد ايدي اله حتى يساعدني هيج اهون هيج حسيته اهون اخابرج باجر نتفق شوكت نعقد من كالي اخابرج عرفت المبلغ يجهز باجر اوك يلة مع السلامة الله وياج حضرت جواب لحميد منين جبتي الفلوس تداينتهن من صديقة يامن بدون سابق انذار اتصلت بيه ياسة بلغتني بموافقتهة وبشرط اولهة المهر يندفع آلهة مقدم المبلغ موهواي وجوة ايدي الصدمني شرطهة ماتوقعتهة هيج مادية ولاجانت فرحانة بقرارهة هذا على الرغم من سؤالي آلهة متأكدة كالت اي متاكدة بس كان مجبورة صوتهة حزين مابي لهفة ولاحياة ولا فرح واني هم مافرحت بس وافقت يمكن ردت اجاريهة بس شنو الموضوع الي وراهة اتفقنة اتصل بيهة ثاني يوم البيت الي جنت اتزوج بيه زواج منقطع ماثث وجاهز فتحته واتصلت على وكالة تنظيف نظفو البيت غيرولي كولشي مستعمل بكولشي جديد من جراجف إلى غطوات وفراش كولشي جهزته ماتوصلت بيهة ثاني يوم استمريت اجهز حته غرفة النوم بدلتهة بوحدة جديدة تأخرت يومين يالتجهيز الثالث اجتني الغرفة جبت عمال شدوهة ورتبوهة بنفس اليوم اتصلت بياسة بالليل وبلغتهة تحضر نفسهة باجر الصبح نروح نعقد مااعترضت على الوقت ولاجاسبتني لانه المفروض قبل يومين اخابرهة سديته منهة وبداخلي شرارة فرحة ثاني يوم الصبح خابرتهة كالت طالعة انتظرتني برأس الشارع فعلا انتظرتهة اجتني تتمشى والحزن بعيونهة فتحت الباب وسلمت صباح الخير بادلتهة السلام بابتسامة صباح العسل شلونج سدت الباب وكعدت بهدوء الحمد لله انت شلونك للحكايه بقيه .. نشرت بدون تدقيق غلسوا ع السحگ شنو توقعاتكم ؟؟ | ||||
|
| |
|
20-07-20, 11:01 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #أزمة_أحساس Roskan_aljibory #البارت 11 _بخير صرت من شفتج شغلت السيارة وهي هادئة الملامح بس متوترة تلعب باصابيعهة تفرك بيهن، عيني ع اصابيعهة، من الفرك صارن حمر وبرزت الاوردة وكفت السيارة ع جانب الشارع _ليش وكفنه؟ اخذت اديهة بين ادية وفرقتهن عن بعض مسحت العرك عنهن بكلينس وبستهن .. _شبيج حبيبي _مابية، _مجبورة _ججج _لعد خايفه؟ شوباعيني شاحت بنظرهة بعيد عني _عفيه خلي نروح لان عندي دوام _ تمام، ،، براحتج سحبت اديهة من بين اديه، ، رجعت شغلت السيارة وانطلقت لمكتب متعود اعقد يمه دائما نزلنه .. دخلنه .. الشيخ جان موجود سلمت عرفني وسلم عليه سلام حار ،، قبل لنعقد سلمتهة المهر وعقدنه كتبنه بالعقد بان المدة سنه والمهر انقبض مقدما باركلنه الشيخ وطلعنه صعدنه بالسيارة ،،مجانت فرحانه _مبروك حبيبي _ الله يبارك بيك _ ليش مفرحانه ؟ _ لافرحانه _ نتريك؟ _ متريگة _ لعد نتغدئ سوة ؟ _لع وصلني للمعهد اكمل محاضراتي اول _ وبعدهة ؟ _اتصل عليك تجيني نتغدة سوة ابتسمت _ماشي حبيبتي ،، انتظر اتصالج وصلتهة للمعهد ياسمين : تزوجت يامن زواج منقطع واستلمت مهري وصلني لامعهد جانت عندي محاضرة امتحان وحدة اخذتهة امتحنت وطلعت بوجهي للبيت بدون مابدل ملابسي اخذت امي للمستشفئ حجزتلهة ع الخاص وبين تحاليل وتخطيط حدد طبيبهة موعد العمليه اليوم بالليل رحت للحسابات دفعت مبلغ العمليه واتعاب الطبيب والمستشفئ باوعت لتلفوني ،، صامت متصل عليه يامن هواي دزيتله مسج اسفه مراح اكدر اتغدة وياك صار عندي ظرف وطلعت للبيت رجعت اتصلت ب حيدر وكتله ع الحجز وعمليه امي ومن سالني من وين دبرت المبلغ انطيته الجواب الي جنت محضرته اله طلبت منه يتصل ع ايه ويكوللهة تدير بالهة ع كرم ويجيني ..كال راح ياخذ كرم من الروضه للبيت وياكله لكمه ويجيني ، فعلا ساعه زمان وصار حيدر وياي بالمستشفى بالليل دخلو امي للعمليات ،،طمنه الطبيب العملية سهلة ومتخوف بس دقيقه ،،، استبدال صمام مدة العمليه ساعتين قضيتهن قران وادعيه ، عيوني ع باب غرفه العمليات اترقب طلعه الطبيب او اي ممرضه بعد الساعتين طلع الطبيب ع وجهة ابتسامه طمنتني قبل السؤال مع ذلك اول ماطلع تراكضنه اني واخويه ع الباب من انفتح والدكتور طلع منها _ ها دكتور بشر _ كل الخير ان شاء الله ،،الحمد لله العمليه ناجحة راح نخلي المريضه بغرفه الافاقه بين مايفكها البنج وتستعيد وعيها _ مشكور دكتور _ الحمد لله ،،، الله وفقنه _ الف الحمد لله والشكر _ الحمد لله ع سلامتها _ الله يسلمك دكتور حيدر طلب مني ارجع للبيت ارتاح وهوة راح يبات وياهة هاي الليله بالمستشفئ هي العملية وطلعت منها سلامات ومنا لباجر الصبح لو الفجر ياله يفكهة البنج بعد عليش باقيه اروح انام شكم ساعه والصبح ارجع لان اكيد تحتاجني من تصحئ رجعني حيدر للبيت ورجع هو للمستشفئ ،، دخلت للبيت ادور ع كرم لكيت ايه منيمته يمهة بالغرفه اخذته شلته لغرفتي حست عليه كالتلي معشيته وكوة نيمته جان يبجي عليه هم رحم الله والديهة مطوله خلك وياه اخذته حطيته بفراشه بس بدلت ملابسي وسبحت دخلت بفراشي احاول انام تذكرت يامن جريت مبايلي من الجنطه شفت مكالمات منه عفت الموبايل، ماعندي طاقه احجي ولااراسل احد غمضت عيوني تذكرت اليوم الصبح والعقد، صرت زوجته .. صرت زوجة يامن .. رغم الزواج منقطع بس احس باحساس غريب بداخلي مااريد افكر بشي، راسا غفيت من كثر ماتعبانه .. ثاني يوم الصبح كعدت ع كائن مزعج صغيروني يزعجني احلئ ازعاج بتلكون، ، كرم من يستفقدني وكت طويل ويشتاقلي ويكعود من النوم يبوس بوجهي واني نايمه شكد احب طريقته بايقاظي فد تفصيل يسعدلي صباحي ويفتح النفس لبدء يومي بالتفاؤل ظليت مغمضه عيوني مستمتعه بشعور الانتعاش وبوسات ابني الي ديوزعهة ع وجهي ببراءة طفل ظليت ابتسم وامنع بسمتي بس ماكدرت اقاوم اكثر بسرعه حضنته وكلبته وصرت ابوس بوجهة وادية وجسمه رصدرة وراحه اديه وراحه رجلية وادغدغه وهو يكركر بجنون _ياروح الماما، ياكلب الماما، ولك اشتاقيتلك ولك اشتاقيت اني للحلو مالتي، ، لرجالي .. اووف بوسته وشميته .. _اووف ياروح امك، مصباح العافيه ياعمري، ، هاي هلكد مشتاق لماما يحاجيني كلامه مكسر يمكن بس اني افهمة لان ابني ومتعلمه ع حجيه .. گمت وشلته غسلتله وجهة واني هم غسلت وجهي توجهنة للمطبخ حطيته عالكرسي وبديت احضر الريوك وهوة يدردم يمي ريكته وبدلتله واني هم رحت بدلت طالبه اجازة مرضيه من دوامي لمدة 14يوم وديت كرم للروضه واخذت جبن وصمون ورحت للمستشفئ .. دخلت وبيدي الريوك حيدر يم امي والحمد لله صاحيه امي من البنج قبل ساعتين من دخلت جان حيدر ديوكلهة شوربة _صبا ح الخير صبحت عليهم وركضت لامي بوستهة وتحمدتلهة بالسلامه _الحمد لله ع السلامه حجيه، ، خوفتيني عليج ابتسمت بتعب، ، مابيهة حيل تحجي، ، سالتهة _ انتي زينه؟ هزتلي براسهة ،،رجعت سالتهة، _يوجعج شي؟ اشرتلي ع صدرهة _ اي يوم غير جرحج جديد، ، شكم يوم ان شاء الله يطيب وتكوميلنه بالسلامه وجهت كلامي لحيدر _ شافهة الطبيب.؟ _ اي من الصبح اول ما صحت من البنج _ اي وشكال _مابيها شي الحمد لله _الحمد لله، ، اي وشوكت تطلع ؟ _كال لازم تبقئ بالمستشفى فد اسبوع فترة نقاهة ومنه يراقبون الكلب ويتابعون تقبل الجسم _اي زين _ هانت ان شاء الله _ وشلون ندبرهة بالليل تظل يوميه بايت وشغلك شلون _اذا ع البيتوته طبعا اني ابات قابل اخليج تباتين انتي _والله احسن اني لان العنبر كوله نسوان بالليل ميخلوك تبات يمهة _ابات يم الحرس دبرتهة _اي بس اذا احتاجت امي شي وانت مو يمهة شلون ،، شنو فائدة بايت وياهة ومتكدر تخدمهة ولاتكدر تدخل العنبر _ياسه مسموح بمرافق واحد ومال اخليج هنا تباتين شيليهة من راسج، ، موصي الممرضات عليهة وداطيهن فلوس يديرن بالهن عليهه بالليل _ زين مرت الايام واني بين البيت والمستشفئ جنت اروح اودي ابني الصبح للروضه واودي الريوك لامي للمستشفئ وابقئ يم امي ويرجع حيدر للبيت يسبح ويتريك ويطلع لشغله ويرجع الظهر للبيت جايب ابني من روضته وايه تغديه وتهتم بي وللعصر ياله يجيني حيدر اني ارجع وهو يلزم المناوبه لثاني يوم الصبح امي بفترة نقاهة بس احسها تعبانه الطبيب يكول بسبب كبر سنها جسمهة يحتاج فترة ياله يتقبل الصمام وورة مايتقبلة ا يتقبل الصمام وورة مايتقبلة الجسم شوية شوية يبلش ياخذ شغله ويساعد عضله القلب جسديا جنت تعبانه، نومي قلق ابني عايفته ع ايه ودوامي صارلي اسبوع عايفته يامن صارله اسبوع تاركني ع راحتي لكن من خلصت مدة الاسبوع الي طلبتهة منه حته وراهة نتمم زواجنه، ، بالواقع اني طلبت عشرة ايام بس هوة كال هواي وسواهااسبوع بيوم السابع اتصل بيه من الصبح جنت بفراشي وتوني كاعدة من النوم يعني بوضع يسمحلي اجاوب فجاوبت _ الو _ هلو حبيبي _هلو بيك _ اني زعلان ابتسمت _اعرف ليش واني اسفه ماتصلت بيك بس من تعرف ظروفي تعذرني _لاتكوليلي دوام وامتحانات _ لا والله، ماكول _لعد .؟ اليوم موعدنه انتظرج بالبيت، تسولفيلي كولشي اوك؟ _ اوك، ،بس شمكعدك من الصبح _ متحمس، ، وطارت النومه _ هههههه، ،لشنو متحمس بالله؟ _ لشوفتج يامنحرفه ،، ليش تضحكين؟ _ حرام اضحگ يعني ؟ _ لابس ضحكتج ابدا مو بريئة _هههههههههههههه _هااا شوفي وهذا الدليل سكتت، فكرت رغم وضع امي وظروفي بس من اسمعع صوته احس بالامان فعلايحسسني ماكو هموم بالدنيا وحتلو اكو كولشي يهون بوجودة هو بجانبي _ اكولك فد شي؟ _ كولي حياتي _ صوتك يحسسني بالامان، ، انت اماني _ فدوة للسان العسل، ، استعجلي بالجيه حياتي، ، مشتاقلج _ اووك، ، اممم، مع السلامه _ الله وياج كعدت كالعادة تجهيز ريوك وتبديل وكرم هم ريكته كملت وديته للروضه رحت لامي للمستشفئ ريكتهة، كلت لحيدر اليوم ارجع اداوم يعني بس اريك امي واروح لدوامي وبس اخلص محاضراتي بوجهي للمستشفئ كال اوك وهوة ع موعدة العصر يستلم المناوبه مني ويه امي ريكت امي ورجعت للبيت حيدر راجع قبلي متريك ورايح لشغله سبحت وتحضرت وبدلت وطلعت للبيت .. ليامن .. اتفقنة بالعشرة احنه بالبيت وصلت قبل العشرة بدقايق ودكيت الباب ماكو احد، ، ظليت واكفه صح صبح و الناس اكثرها دوام بس اكو كم نفر جاي رايح ويباوع عليه بفضول حقهم جديدة بالمنطقه وشكلي غريب اكيد هالشي يجذب النظر ويثير الفضول (البيت قبل لانعقد وداني الة ودلاني عليه و بوقتهة رفضت انزل اشوفه من الداخل ) اتصلت ع يامن سالته انت وين كالي جاي بالطريق عشرة وربع وصار يمي نزل من السيارة وجهة مبتسم _ صباح العسل التفتتله بابتسامه _هلو صباح النوم، ، تاخرت خزرته بضحكة نزل مسواك من السيارة وبيدة خرخشة مفاتيح _ عندي سبب والله خرخشلي بالمفاتيح _ شنو؟ _سويتلج نسخة من مفتاح البيت حته بالمرات الجايه راسا تفتحين الباب وتدخلين بيتج كزبر جلدي من كلمه بيتج، غمضت، ، عيوني للحكايه بقيه .. شاركوني توقعاتكم .. | ||||
|
| |
|
20-07-20, 11:08 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #أزمة_أحساس Roskan_aljibory #البارت 12 - يله حبيبي فوتي فتحت عيوني . يامن فاتح باب الخارجي ومنتظرني افوت سميت وفتت . عندي خوفه ومتوتره بنفس الوقت ماعرف جزء مني رايد هالشي جوعانة عاطفه واهتمام وحنان طول عمري وهسه لگيتهن بهذا الشخص گراج موجبير مال سياره صغيره وطارمه عواميد ثنين وبعدهة المطبخ دخلت اتفرج - هذا البيت المن ؟ - مالتي - شو اني مادري عندك بيت ؟ - هواي شغلات متعرفيهة عني حبيبي بس دخلنه المطبخ هو ذب المسواك ع الميز واني استمريت امشي واتفرج ونحجي وهو وراية يجاوب فجئة من جاوبني اخر جواب لفني من خصري ورجعني اله - كولشي راح اخليج تعرفين عني . زايدتي وناقصتي يمج حطيت اديه ع صدره بين خايفه وبين متفاعله وياه هو مو ضخم بي صدره عريض وعظمة خشن وامي صح طويله بس هم مااوصل لطوله - منين ابدي وكولشي بيج يصيحني ابتسمت واشرتله بين عيوني عود منا بوسني من بين عيوني اديه حوطتني واحكم قبضته ع خصري مثل القربني اله - تعرفين شكد حلمت بهالوكفه تدرين شكد تمنيتج ؟ ردود فعلي بس مبتسمه واباوه لعيونه تارة وانصي راسي تارة ثانيه مستمتعه بكم المشاعر التي دتجتاحني من كل صوب بحركخ هادئة سحب شالي وطلع شعري اسود سرح ملاعبه بي لاصبغ ولا ميش شمه ووخره عن جانب من ركبتي ليورة نصه وباس رگبتي بهدوء - متركيه ؟ هزيت راسي اي بس بصعوبه نطقتهة هو ابتسم عرف تأثيره عليه وخر من يمي بس اخذ ايدي لغرفة النوم فتح الكنتور بعدهت ايدي بايده طلعلي سيت نوم ابيض وگالي -لبسي هذا بغباء سألته - وشبيهة ملابسي ؟ - ههههه . مابيهة بس حاب اسوفج بالسين الابيض مو عروستي ؟ من هالكلمة وغابت الضحكه انتابني خوف - ميصير ميصير نأجلهة ؟ عقد حواجبه - ليش هو احنه صارلنه اسبوع من مأجايهة عقدتج وعفتج براحتج بلعت ريك مااكدر - ليش سكتت - عليج العاده؟ هزين راسي حيل لا لا - لعد شنو ؟ - مااحس مااحس نفسي مستعده ابتعد وبده يعصب -عقدنخ برضاتج - بلي اعرف - لعد شنو اللي ديصير وياج سكتت وتجمعت الدموع بعيوني - كتيلي نحجي احجي شصاير وياج وليش هالاسبوع مختفيه عني ؟ ترك سيت النوم من ايده واخذ ايدي وكعدني ع الجربايه وكعد يمي - اشتريتي حلقه ؟ هزيت راسي لا - لعد شسويتي بالفلوس الاخذتيهن مهر ؟ خلصن اخذ نفس وذبه - امي مريضه واحتاجت عمليه اخذت منك المهر ورحت دفعت الفلوس سوولهة عملية تبديل صمام حجيت هالكلام وبجيت حضني من كتفي وعافني ابجي يمكن رادني ابجي وارتاح وافرغ همي ع كتفه حسيته ضايج شويه رغم عافني براحتي بس كان اكو كلام ع لسانه ولازم نفسه من ان يكوله يمكن لان حس مو وكته - احتاجيتي فلوس عملية امج ومااجيتي گلتي ساعدني فهمت صحيح ؟ هزيت راسي بأي بس ماجنت اعرف بكلامه هذا وين يريد يوصل - طلبت منج اجي اخطبج ورفضتي وعفتيني وبعدهة رجعتي وموافقة تتزوجيني زواج منقطع مع انو اول ماغتحت موضوع هالزواج اول كلام گلتي تساومني ويخ اللي عرفتهن ؟؟ غمضت عيوني صرت اعرف وين يريد يوصل بهاالكلام - گتلك احتاجيت فلوس لعملية امي - وليش مأجيتي كتيلي وطلبتيهن مني رفعت راسي وجاوبته - علمود تعيرني بيهن ؟ فتحت عيونه ع وسعهن - ليش اني شوكت معيرج بشي قبل ؟ - من اجيت وفاتحتني بموضوع الزواج المنقطع وتريدني اوافق شكتلي ؟ - شكتلج ؟ - كتلي سمي اي مبلغ يجرالج عيرتني بفقري - ولج .ولج گتلج هيج لان جنت مأيس توافقين ردتج بأي ثمن بس ابد ماعيرتج ولافكرت بهالشي - وهاي هسه صرت اللك صفن عليه - ليش رفضتي اخطبج ؟ - تعرف ليش بعد ليش دتعيد هذا الموضوع ماكذبت عليك بالسبب اللي يخليني ارفض - انتي مخبلة ؟؟ اكو وحده ترضى بحياة وزواج بالسر وترفض زواج ع سنة الله ورسوله - انت تعرف كولش زين لازم اختار لو كرم لو انت - وانتي اختاريتي ابنج - لاء اختاريتكمً ثنينكم -لاا هستوج اعترفتي لوما مرض امج واحتياجج لفلوس العمليه متلفتين وتباعين بوجهي بعد - هيج انت تشوف ؟ - هاي الحقيقه تحمليهة ماعرف شنو الي الصار قبل دقايق جنت بحضنه ويكواب تعرفين شكد تمنيت هالوگفه كمت وكفت - اني اسفه لان تشوف الموضوع بهالصوره اخذت شالي رحت ع المرايه لفيته بترتيب باوعلي هااوين ؟ - ماشوف اكو داعي ابقى - هه!! ماصدكتي لو خلصت مصلحتج يمي انصدمت من ردة باوعتله متفاجأة ابتسمت بمراره - لا كولش مراح تعيرني اخذت جنطتي وطلعت ابد محاول يوكفني فتحت الباب الخارجي طلعت وركعته وراي طريق ماشوفه من الدموع بس مانزلت هالدموع رافضه بس مغرغره ومستعزه بوجودةة بؤبؤ عيني من داصعد السياره لمحت يامن واكف باب البيت يباوعلي من بعيد لاصديتله ولاهتميت وصلت لراس الشارع واخذت سيارة تكسي للمستشفى رجعت لامي بالسياره وتذكرت كلامه وينعاد عليه كلمه كلمه وتنزل دمعه وامسحهة وتخوني وتنزل الدمعه الثانيه امسحهة واكول لعيوني كافي وعيوني متسمع لكلامي وصلت للمستشفى تطمنت ع امي ولكيتهة نايمه جانت الساعه عابره ال١١ ونص كعدت انتظرهة تصحى واني كاعدة حسيت خشمي يجري فد سائل تذوقت طعمه لااراديآ مالح مديت ايدي امسح لكيت دم ركضت للمرضه انطتني كطن كالتلي شصار گتلها ماعرف جنت كاعده وفجأه طك خشمي دم - قاست ضغطي معلك ٢٠ - يس اني ماعندي ضغط -يمكن صاير شي اليوم خلاج تنقهرين راح بالي لكلام يامن والهضمه الي نهضمته علگتلي مخذي وبي مدرر لازم هيج حتى ينزل ضغطي مرت نص ساعه خلص المحلول وخرتلي الممرضه المحلول عن ايدي وظلت يس الكانوله گالتلي ظلي ارتاحي ماردت ارتاح ردت اروح اشوف امي بلكي كعدت واصلآ صار وقت غداهة ردت الممرضه توخراي الكانوله حتى لاتشوفهة امي بس كالت عوفيهة حتى نجيكج بعد فد ساعه وخاف تحتاجين بعد مدرر فعافتهة بيدي و اني حاولت اضمهة بملابسي رحت للغرفه مالته لكيت الممرضه جايبه الغدا كعدت يمهة بستهة وسلمت عليهة وصرت اوكلهة وصارت تسألني عن كرم وعن البيت ودوامي وسألتني اليوم وين رحت جاوبتهة رحت دوامت بالمعهد كملتلهة غداها غسلتلهة واجتي الممرضه انطتهة دواهة ورجعت نامت اني جنت كولش جوعانه ع الريوك مال الصبح ومماكله شي رحت للكافتريا مال المستشفى بس طلعت من الغرفة لكين يامن واكف بالممر قريب ع الباب تفاجأت بوجودة تقدمت نحوه بغضب - شكو جاي ؟ - احجي وياي عدل هديت نفسي كوه عليه احنه بمكان علم وخاف ع لحظه اخويه يجي - شلون انزليت مكاني ؟ ماجاوبني - شلونهة امج ؟ - زينه روح لتبقى هنا اخوية شويع ويجي - مو هيه اخوج يجي منا لفد ساعتين ثلاثه يله - انت شلون تعرف كل هالتفاصيل ؟ - كولشي اعرف عنج ماكو شي صعب عليه ظليت صافنه عليه - متغديه ؟ مرديت - امشي نتغده بالكافتريا - انت ليش اجيت مارد بس مشى للكافتريا التفت عليه وسألني منا مو ؟ وگف انتظرني مشيت وسبقته للكافتريا اجه ورايه جيت اكل وهو هم اشترى ودغه النه اثنينه كعدنه ع ميز بي اربع كراسي واحس العيون عليه ضجت حيا راح يسببلي مشاكل - رجاءآ خلص اكلك وروح - ليش ؟ - صارلي اكثر من اسبوع هنا وكولهة كامت تعرف اني منفصله وماعندي بس اخ واحد وشايفين شكله - ماشي سحبت ارداناتي اريدابلش اكل - هاي شنو ؟ - باوعت المكان الي يقصده ايدي الكانوله اصلآ نسيتهة وراحت ع بالي - كانوله هاي مشايف كانوله - ليش حاطتهة شبيج ؟ - مابيه - مو گلتي امج زينه - بلي الحمد لله - لعد ؟ - من اجيت لهنا طك خشمي دم وخلولي مغذي صاعد ضغطي - عندج ضغط - لا - لعد ليش هيج صار سكتت ودنكت اكل - عفيه كمل اكلك بسرعه وروح - من ورايه مو ؟ صعد ضغطج - مابيه شي استمريت بالاكل بس هو لا يبدو ان الشعور بالذنب سدله شهيتهة اني اكل هو صافن عليه - وهاي كلما راح متعارك يصعد ضغطج ؟ همست واحنه ليش تعاركنه اصلآ ؟ - من وراج وره كلام السخيف - كلامي سخيف ؟ للحكايه بقيه .. نشرت بدون تدقيق غلسوا ع السحگ .. | ||||
|
| |
|
20-07-20, 11:10 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #أزمة_أحساس Roskan_aljibory #بارت 13 - وكولشي حجيتي بدون منطق كل كلامج مابي منطق هسه بدل مخايفه لااخد يعرفج يشوفنه سوه لو مخليتني اجي اخطبج جان هسه شحده اليحجي وياج .. بس اااخ - اخ من گلبي مجبور اقبل بهالوضع لان احبج واريدج وماكدر اأذيج ابتسمت من استسلامه لمطالب گلبه اللي يحبني - اي ضحكي شكو عليج - نروح البيتنه ؟ - لاطبعآ - لعد تعالي باجر - مااجي - ليش ؟ - عندي دوام - اخذي اجازه - هو اني مجازه صارلي اسبوع - ميخالف بس باجر - مااكدر - هو بس باجر عندي وعگب باجر اطلع دوام - يومي لو واجب ؟ - واجب باطراف بغداد - ترجع بالسلامه - يعني متجين ؟ - لا - دتعاقبيني مو ؟ - لا كتلك دوام مد ايده ع ايدي من جوه الميز عصرلي ايدي همسلي .. شسوي بيج هسه اني ؟ ضميت ضحكتي ودنگت سحبت ايدي منه بالكوه طلع جكاره يريد يدخن گتله شدتسوي - ورث گلبي من وره عنادج اربد ادخن بلكي الدخان يبردلي گلبي ابتسمت ع كلامه والحرگه اللي يحجي بيهة - ممنوع التدخين يامن باوع لشفايفي من لفضت اسمه خجلني نظراته فضيحه بدون سابق انذار گام عيونه عليه ونظراته تتوعدني - تعالي باجر حتلو ساعه هزيت راسي لا - تمام سهله ديري بالج ع نفسج - وانت هم عافني وراج طلع من المستشفى ظليت وحدي اكل وشويه ابتسم من اتذكر كلامه وحركة دمه حلو الشعور انو يريدك شخص وعطشان الك وانت هم تريده بس تتعزز عليه تدفعه للاقصى الحدود تريد تشوفه شنو يسوي حلو من تشوف غلاتك عنده صح زعلني وكال كلام هضمني بس وره ساعه اجاني يراضيني صح ماكال اسف لاف السالفه عليه وذبهة براسي بس مع ذلك ماهان عليه يعوفني زعلانه الحب مو كلام الحب افعال .. وره ساعتين اجه حيدر واني رجعت للبيت ثاني يوم صدوك داومت وخلصت محاضراتي ورحت للمستشفى والخبر المفرح امي سمحلهة الطبيب تطلع من المستشفى كتبلهة ع خروج وطلعناهة بنفس اليوم العصر انشغلت بالاهتمام بيهة وقتي تقسم بينهة وين ابني ودوامي مضى الاسبوع بدون مااحس ولامره اتصلت بيامن ولاهو اكيد زعلان فد يوم چنت مداومه امتحانات وركض بركض اطلع من وقت امتحاني يبدي بالتسعه ويخلص شوكت مااسلم ورقة امتحاني وراهة اطلع للبيت ع حسابي هاليوم صارله يامن يومين من نزل للبيت لان كان يوم اثنين وهو كل سبت يلتحق السبت الوراه ينزل خلصت امتحاني وتوني طالعه للبيت بالكراج وصفت يمي سياره مكنت منتبهة فزيت باوعت سيارة يامن انفتحت الجامه وصوته بعصبيه - اصعدي - صعدت بدون كلام شعور الاشتياق هو الغالب نساني حته هو زعلان مني لان لا متواصله ويا ولا سائله عليه صعدت والتفتتله گتله .. هلو باوعلي نظره وعيونه تجدح نار وشرار بلعت ريك وسألته - شلونك عض شفته وجاوبتي - يهمج ؟ دحجني نظرة خوفتني جنت احس ينتظرني عقاب من نوع ما ظليت ساكته ماجاوبته وهو هم ظل ساكت طول الطريق وعرفت رايحين لبيته وصلنه للبيت نزل فتح الباب الخارجي المقفول باوعلي - تحتاجين عزيمه خاتون حته تنزلين ؟ حسيت ع دمي ونزلت وراه طبيت وسد الباب وصرنه داخل البيت شمر المفاتيح بعصبيه وندار يباوعلي - هلوو شلونك ؟ صارلج عشر ايام لاتتصلين لاتسألين وهلو شلونك هذا كل اللي كدرتي عليه ؟ اتوجه ناحيتي گلت راح يضربني بسرعه حميت وجهي باديه وهو وصلي وخر ايدي من وجهي وجرني من ايدي لغرفة النوم وهو يحجي - والله ع الي راح اسوي بيج تتمنين ضاربج ولا مسوي بيج هيج خفت من كلامه شراح يسوي اذا ميضربني من دخلنه غرفة النوم وشمرني ع الفراش طخت ببالي راح يغتصبني هذا الي داتهرب منه اتمام زواجنه راح اسولف شعوري كأمرأه سنين وهي متروكه مهجوره الخوف غلب كل المشاعر الي جنت احس بيهة بذيج اللحظه من مجرد مارماني ع الفراش جردني بعصبيه من ملابسي وصار جسمه فوك جسمي عبالك ضربني اعصار ماعرف شنو ديصير حركاته بقوه وعصبيه بوساته عنيفه قويه اول مااخذني عطت بصوت ونزلت دموعي باوع لعيوني وشاف دموعي جان ساكت بس عيونه نظراتهة عصبيه دموعي خلته يرقق لمسته - الله يخليك دااتأذي - دتتأذين ؟ واني ماسألتي عليه وماعبالج راح انأذى ؟ لو الج حلال والي حرام لو انتي بس اللي تحسين وتتأذين واني لا بهاللحظه حسيت حجم زعله نطقت - اسفه - كذابه - احبك الله يخليك كافي دتأذيني - كذابه كذابه - ياااااامن مو هيج حباب اتركني كمل ووخر ... ابتعدت عنه ولفلفت نفسي بالچرچف گام غسل ورجع للفراش سحبني لحظنه دفعته عني بس هو رجع سحبني لحظنه وشدد قبضته ع خصري همسلي .. حضني مينگاله لا - ماريد وخررر مارد بس شدد ع حضني دموعي حاره نزلت ع صدره - راسج اليابس اكسره الج وموبالضرب جنون غرور خشم عالي گولهن تنسيهن مو عليه خاف عبالج هذا زواج منقطع ومو من حقي احاسبج ع شي وتمشين ع حل شعرج لايابه غلطانه يوم الانزل من دوامي الكاج قبلي جايه للبيت ومتحضره اليه ويوم اللي انزل قبل موعدي بتلفون واحد اگولج تعالي تجين بدون نقاش فاهمه ؟ سكتت صاح بيه فاهمه لو اعيد - فاهمه فاهمه - گومي سويلي لگمه ممتريك ؟ گمت لبست ورحت للمطبخ شنو اسويله فتحت الثلاجه بيهة بيض سويت جاي وطگيتله بيضتين عيون هو گايلي يحب البيض هيج .. حضرلته الريوك وصحتله اجه سابح والمي ينگط من شعره - تعاي اكلي وياي - شبعانه عليك بالعافيه سألني وين ؟ گتله اريد اسبح رحت سبحت باوعت لجسمي زنودي بيهن اثر ازرك من ضغط اصابيعه وحركاته العصبيه وياي دارت الدنيا بيه ابد محسبتهة صح تورطت احس ماعرف هذا الانسان اللي تزوجته عبالك مو هو مبدليه نزلت دموعي وظليت ابجي اني بدوامه وماعرف شلون اطلع منهة طولت بالحمام من طلعت مالگيته بالغرفه يعني لسه ديتريگ .. الهول بطريقي لگيته غافي هناك رحت للمطبخ الريوك باقي ردت الملم عقلي اوعزلي اللبس ملابسي واطلع رجعت للغرفه ع اطراف اصابعي وبدلت بهدوء و اخذت جنطتي وطلعت يامن هو اكثر شخص اتمنى اكون قريبه منه بالكون بس هسه هسه اني شاردة منه ماعرف شديصير عبالك دا اعاشر شخص ثاني هذا مو يامن اللي اعرفه ديخوفني طبعه وماعرف شراح اسوي اخذت تكسي وگبل للبيت دخلت فراشي جسمي يرجف مو برد يمكن خوف تجمدت الدموع بعيني دفنت وجهي بالمخده وصرت اون بصرخه مكتومه مرت ساعه صرت احسن فززني صوت التلفون هو يامن رجعتلي الرجفه غلقت جهازي وظليت بفراشي ثاني يوم عندي امتحان بس مقريت كولشي بيه مابيه گمت لابني وامي بالليل قريت شوي وگلبت الماده وسديت محاضراتي ونمت ثاني يوم رحت للمعهد متوقعة يجيني فاول ماوصلت دخلت قاعتي وظليت بيهةً امتحنت وخلصت وظليت فوك معلگه صديقاتي لحن عليه نروح نشرب شي ومناك نطلع .. وافقت ع مضض فكرت اذا اني وياهن يمكن ميتقريلي طلعت وياهن وگالن نروح نعدل بالحمامات ظليت واكفه انتظرهم مدخلت واني واگفه فتحت المبايل الرسائل صلي اخر رساله منه قبل ساعه كاتب وينج واني دااقره المسجات اجاني صوته - يعني لشوكت تظلين شارده مني ؟ - التفت لمصدر الصوت هنا والناس والطلاب داير مدايرنه احس امان وتشجعت اجاوبه - لحد ماتعقل - احد كلج اني مخبل شو متعرفين تحجين - واللي سويته البارحه ؟ - شسويت زوجج واخذت حقي من زوجتي - لعد غصب تاخذه هو يحجي ويتقرب بخطواته عليه - مادام هالراس يابس وهالخشم عالي اظل اخذ وافرض حقوقي غصب عنج غرورج مو عليه - مانغريت عليك - هملتيني تجاهلتيني سكتت ماعندي رد كمل كلامه - يله ويايه - وين نروح ؟ - لبيته - ماريد اروح للبيت - مااريد اعيد كلامي ولااريد اسويلج فضيحه مشى وتوقع امشي وراه وفعلآ مشيت وراه مجبوره رحنه للكراج وفتحلي باب السياره صعدت وسدها ورايه وهو التاف من الجهة الثانيه وصعد وساق بينه الوجهة بيتنا - شلونج جاي يسوق وهادئ شويه اطمئنيت - زينه سكت ورجع حجه - تذكرين من سألتج ليش انفصلتي ؟ هو ميحب ابد ابد اجيب سيرة طليقي فشذكره بهالموضوع هسه - سكتت اريد اشوف شنو راح يكول بعد - گتيلي جنت راضيه بالضرب والاهانه والخيانات بس لا يهملني ولا يتجاهل وجودي كلامي اللي سمعته ع لسان يامن خلاني ادرك حجم تقصيري ويه يامن - اسبوع اني دوام ويومين نازل قبلهة اتوسل بيج تجين وتلفون واحد ماسئلتي عليه تسأليني شلونك باوعتله اسفه كمل سياقه بهدوء وصلنه للبيت نزلت وراه فتح الباب الخارجي والداخلي دخلنه ورجع قفلهن وخله المفتاح بجيبه وباوعلي ..... للحكايه بقيه ... | ||||
|
| |
|
20-07-20, 11:15 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت 14 #أزمة_أحساس بقلم روسكان الجبوري گلبي دگ بقوه من خطواته الي اتجهة بهمة وهدوء تجاهي اول ماوصلني شالني شهكت وتعلگت بركبته طرحني ع الفراش وصار فوكايه غلف شفتي بشفايفه والتهمهن ثواني وانطاني مجال اتنفس ورجع باسني هالمره تجاوبت وياه شفايفه تتعمق بالبوسه وايديه تخلع عني ملابسي مادريت شنو صابني كلما اتفاعل وياه يزيد ويتفنن صار يهمسلي كلام حب حلو .. صار يتغزل بكل جزء يبوسه من جسمي بوساته برقه لدرجة محاسه بنفسي شلون دا تفاعل وياه صار يهمسلي احبج جننتيني اعشقج ماقاومج حبيبي - كمل وبقة نايم فوكايه يتغزل بعيوني جنت موواعيه تعبانه وموحاسه وهو يبوس بكل سنتيمتر بوجهي كلما يصير حنجه يم شفايفي اعضه احب خصلة الشيب الي بلحيته تلمست وجهة - انت حقيقي ؟ ابتسم بدم ولحم - احبك - مغروره - مانغريت عليك والله ابد - لعد - عاندت ردت اشوف غلاتي عندك - وشفتيهة ؟ - شفت نار وحركتني - تريحج هالنار ومتأذيج - احبك بسته بخشمه ونفس الحركه اللي يسويلياهة كرم سويتهة ليامن تداعبنه بالخشوم - لعد ليش الحلو شرد مني البارحه ؟ - خفت منك - مو انتي متكعدين راحه - ماسويهة بعد - وشحدج تسويهة اذبحج - ماسويهة لان احبك واعرف شنو شعور الاهمال والتجاهل وماجان قصدي اخليك تحس بهالشي تنهدت - اوخر ثكيل عليج - لاحبيبي - ليش مداتاخذين مفتاح البيت وياج ؟ - مره تعاركته ومره شردت ضحكت واني اعددله شصار بمرات لقاءنه - شوكت لحكت اتذكره حتى اخذه وياي - شكد يكفيج مصروف بالشهر - ليش تسال ؟ -استلمت راتب واريد اشوف شكد يكفيج حتى انطيج شهريه صفنت بوجهه - لو تردين اسبوعيه - لاحبيبي ماريد شي من احتاج اكولك - من تحتاجيم تكوليلي؟؟؟ شو اشك زواج تزوجنخ بعد شلون تقطيني - ههههههه ماتنسى ابد - لاابد اي شغله تخصج مستحسل انساهه بس هاا مو بعد يومين تكولين تعيرني تره دنشاقه يابه - هههه اي بنهايه كل سالفه تخصني كول هالعباره ( تره اشاقه يابه ) اي تره اتحسس - اوووي عيني تتحسس ام خشم اليابس - مضغوط لان خشمي احلى من خشمك - اي هي هيج بالضبط هو هذا السبب الحقيقي بس تدرين ؟ - شنو - احب المره الصعبه سهله بالتعامل ومرحة الشخصيه بس من تقفل هايهيه شيسموهة السهل الممتنع ماتطخ راس لاكبر واحد بس اني مو هيج- - وشمدريج بروحج انتي تصرفاتج العالم تقيمهة مو انتي - شلون يعني - يعني مثلا انتي طبيعتج مو اجتماعيه ولاتجاملين ولاتعرفين هاي السوالف هذا طبعج الله خالقج هيج بس المقابيل ميشوفه طبع يشوفه غرور شايفه نفسج هيج يعني فهمتي ؟ - اممم فهمت - ها شلوني من اشرح ؟ - ههههه تخبل - تعالي شوط ثاني - شنو هو الشوط الثاني ؟ گلبني وصرت فوكاه - يله بوسيني واستلميني شوط ثاني - بس اني ماريد بعد تعبت - ليش هو بكيفج گلبني مره ثانيه وصار فوگايه وووو ... ساعه واثنين وميكتفي مكتفني بأيديه اتوسل بي يعوفني وهو مستمر ترچيتهه يتركني لان قاربت الساعه ٢ الظهر واني مراجعه للبيت - تعالي نتغده جايب اكل -شالني للمطبخ وگعدني ع ميز الاكل وهو رتب الاكل - لا تتحركين ابد تكملة بارت 14 - اني ارتبهن حبيبي قابل مكسره - ههههه لادسويلج اغراءات حته تجين يوميه - هههههه فدوه - المن ؟ - الك طبعآ وكلني لگمه ووكلته تغدينه سوه سوالف وضحك وهو راح سبج واني فضلت ارجع للبيت اسبح لان صارت ساعه ٣ الظهر بعد ماكدر اتأخر اكثر وراهة رجعني للبيت استمرت ايامنه سوه اخلص امتحاني بالعشره وهو ينتظرني نروح لبيتنهً نگضي ساعات سوه مرات نگضيهة حب وغزل واشتياق ومرات بس سوالف دائما يامن يشركني بخطط المستقبل مخططاته تشملني ولاكأنه عقدنا منقطع ولمدة سنه فقط دائما يوضحلي نيته باعلان زواجنه اني ارفض ويرجع يجاريني ويكولي اذا خلصت السنه نجدد آني ماانطي رايي بهالموضوع لان ماعرف شنو ظروفي بعد سنه الشي اللي لاحظته يامن مو كولش يدقق بحبوب منع الحمل اللي يجيبهه اليه بس اني مضبطه اموري سبب عدم تدقيقه اتصور يريدني اصير حامل حتى انجبر اقبل يعلن زواجنه الحلو بيامن ماديآ ابد مخلاني احتاج شي يعني كل شهر يخصصلي ميلغ من غير الملابس اللي يشتريهة ع ذوقه وخلالي خط هو يدفع اتعابه كل شهر دوامه مو يومي اسبوع بالدوام واسبوع نزول كل سبت نزول او التحاق ولو صار نزول السبت اول يوم بيت اهله وثاني يوم الاحد يجي ياخذني من الدوام وباقي الايام حتلو هو بالدوام نتخابر ونفتح كام مرات الوضع بدوامه خطير بسبب داعش ومعارك التحرير هو دائما مكانه بغداد لو اطراف بغداد بس مرات يسحبون فوجهم للانبار يقاتل ويغيب عني من ١٤-٢١ يوم ياله ينزل اني بهاي الايام احط گلبي بقوطيه وانتظر رجعته اليه سالم ومابيدي غير الدعاء اله ولكل مقاتل يرجع سالم لبيته واهله مرت الاسهر وكانه الحياة ابتسمتلي حظي واخيرا اتغير صح اكو منغصات طبع يامن اللي بده يصعب عليه التعامل وياه لان يزعل بسرعه من اقل كلمه وهواي ينتقد ويتذمر من الوقت القليل المحدود الي نكضيهة سوه واني شبيدي دا اضغط ع نفسي واقصر ع دوامي ودراستي حتى اكون وياه اطول وقت ممكن واعوضه الوقت الي نبتعد لو نتفارك بي الجمعه والسبت قانون لازم يتعارك بيهن وياي لان منلتقي واني مجبوره ماطلع بيهن من البيت عركاته وكلامه الجارح عن تقصيري اعرفه ردة فعل للاوقات اللي مااكون بيهة يمه نفس الاسلوب الاني استخدمه من احس بالاهمال والتجاهل هو يستخدمه وياي يدور اي سبب للعركه مرات احاول استوعبه واحتويه بكلام حلوو ووعود بالتعويض عنه عن كل اوقات غيابي عنه ومرات لا والله اني هم انفجر عليه بانه هاي اقصى طاقتي وهاي ظروفي وهو قبل بيهة من اول يوم تزوجنه بي وماله حق يطالبني بالمزيد من الوقت لان يعرف مااكدر.. بين مد وجزر خلصت سنتي الاولى بالمعهد نجحت بتقدير جيد وفرحت بنفسي لان بالنسبه لظروفي ووقتي الي منحت اكثر ليامن وابني وامي فهذا انجاز جبار تحت تأثيرات لحظات حميمه واوقات حب خياليه سرقته من عمري ويه يامن قنعني نجدد زواجنه سنه ثانيه بعقد جديد ورحنه جددنه العقد بعد انتهاء مدة الزواج المنقطع وهاي سنه ثانيه بدت زواج اكتشفت يامن مزاجي بامتياز وطبعه تعبني حيل دائما يكرر عليه يحلم بليله واني بحضنه حلم مشروع لرجل متزوج بس زواجنه مومثل اي زواج وظروفي هو يعرفهة مااكدر ابد ابات بره البيت ولو ليله .. بدت معاناتي الجديده اول مابدت العطله بعد ماكو دوام يعني مااگدر التقي بيامن كان يتصل ويتذمر ويتعارك ويغثني ويروح اجتني فكره اتصل ع مديره الروضه اللي جنت ادارم بيها العام واتفق وياهة ع دوام من الساعه ٧ الصبح للساعه ١ وبراتب اقل گوه قبلت فرحت كولش وخبرت اهلي بس كتلهم الدوام كامل للساعه ٣ والراتب اقل لان هي ممحتاجه بس هيج اسدتلي خدمه يعني لخاطري قبلت تشغلني رغم عدم احتياجهة لموظفه اضافيه بالروضه .. بعد اسبوعين زعل وانقطاع كان رافض يرد عليه اتصلت وكالعاده مارد دزيتله مسج عندي الك خبر حلو شاف المسج رجعت اتصلت بي جاوب من وره خشمه بعد السلام والسؤال ع الحال طبعآ اني اللي سألت هو اكتفى باجابات مختصره .. خبرته انو لگيت شغل بالروضه القديمه الي جنت اداوم بيهة العام گالي اي وشنو يعني وين الخبر الحلو بالموضوع وانتي دوامج من السبعه ل٣ جاوبته انو انفقت ع دوامي ينتهي ب١ مو ب٣ - بس ساعتين ؟ هذا استحقاقي يمج ؟ هذا التعويض الفرحانه بي ؟ حيل نرفزني جوابه شكد احاول افرحه واراضيه وهو دائما يحاول يقلل من قيمة كولشي اسويه جاوبته - ساعتين احسن من ماكو - ساعتين مو كافيات .. - هذا الاكدر عليه ويمكن اخذ اجازه ونكضي اليوم كله سوه - وكل شوكت تاخذين اجازه ؟ يوم بالشهر؟ كلامه وياي باستهزاء وتقليل من شأن كولشي اسويه لخاطره - انت ليش تحجي وياي بهيج اسلوب - يااسلوب قصدج ؟ داحاجيج عادي - لاتستهزاء بكلامي داحاول افرحك واسوي اللي يرضيك وانت الاستهراء ردك - تعرفين شنو اليفرحني ويرضيني ؟ غمضت عيوني اعرف جواب هذا السؤال الف مره عايده عليه الجواب ماانتظر مني ود جاوبني .. - من تگليلي تعال اخطبني رسمي - تعرف مراح اكدر اطلب منك هالشي گلتهة بيأس - هالمره راح اخيرج ياسه - بشنو تخيرني - الموضوع مينحجي بالتلفون فكري زين - بشنو افكر غير تگولي - اريد اجي اخطبج رجآءا وافقي والا تتحملين العواقب - يا عواقب هاي يامن شو احس باسلوب تهديد - اني ماهددج - لعد - شوكت تبلشين دوام؟ - يهمك ؟ - من يمتى شي يخصج وميهمني ؟ - اسأل نفسك عموما من رخصتك - اهااا اي براحتج - باي - الله وياج رغم البرود الي نهيت بي المكالمه لكن داخلي جان يغلي منه وگلبي ينزف من كلامه وافعاله ولغة التهديد الي جان يحجي بيهة خوفتني .. خلاني بحيره عقلي يفسر كلامه الف تفسير وظليت ماعرف قصده من كل كلمه گالهة .. اتفاقي ويه المديره انو دوامي من يوم الاحد يبدي واليوم جمعه من يومين محاولت اتصل بيامن زعلانه منه واصلآ هو زعلان ولو ما رسالتي ميرد عليه .. علاقتنه حيل تغيرت تندمت لان وافقت نجدد العقد المنقطع بلشت دوامي بالروضه ومرت ايامي عاديه جنت احس نفسي مخنوگه بدونه كرهت شعوري وكرهت حبي اله شعور الخذلان والطعن شي بداخلي يموت بعد كل عركه وكل تصرف وكل كلمه تجرحني اسمعهة منه يمكن مر شهر واني مسامعه عنه خبر ولا هو متصل بيه بدون سابق انذار خلص دوامي وطلعت لكيت سيارته واگفة وهو واگف مكتف اديه لصدره ومرتجي ع البنيد مثل وگفته ذيج الايام تحسرت واخذت نفس وكملت طريقي متجاهلته ... للحكايه بقيه ... | ||||
|
| |
|
20-07-20, 11:20 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #أزمة_أحساس بقلم روسكان الجبوري هالبارت #صدمة #البارت 15 صعد بالسياره وصارت تمشي ورايه ببطيء نزل الجامه حجه وياي - اصعدي غلست ولاكأني اسمع - اصعدي بلا عناد التفتتله باوعتله بطرف عيني - واذا ماصعدت شراح يصير ؟ - انزل اسحلج واصعدج - كالعاده يعني التهديد نفسه - ها مو بعينج يعني طبعآ حقج ولافديوم نفذت - لاني مافديوم كسرتلك كلمه - اصعدي لعد ابتسم ابتسامه ساحره ويمكن لان مشتاقتله اشوفهة هيج صعدت كالي بابتسامه وقاصد يستفزني شلونج مرتي حبيبتي ؟ باوعتله هستوك تذكرت عندك مره - ماناسي بس هي شلون مره مرمرت گلبي وعلتني - خوش تستاهل - استاهل ؟ - وحيل بيك وعساك بابو زايد - شوف شوف باع الحقد الدفين عليه هاي بدل ماتكوليلي حبيبي مشتاقتلك صفنت من كلامه يحاجيني ولاكانه هو الزعلان صارله شهر وهو لايتصل لايسال صارله اكثر من شهر حيرتني تصرفاته انت بيك شي؟ بيه انتي فاقد الذاكرة ترة راح تخبلني شكو شبيج؟ موصار لك شهر زعلان هاتعترفين صارلي شهر زعلان ليش ماراضيتني لعد؟ اني هم زعلانة اشو محد راضاني وبعدين مو جنت اتصل واتوسل بس اريد رضاك ياسة انتي ليش ماتنسين وتظلين تحاسبين وتفتحين سوالف قديمة يعني غلط هالشي ؟اني داعاتبك من حبي الك من حقي احاسبك بس زعلي مو بعينك ولايهمك ليييش ؟ مو مايهمني بلي بلي والدليل شهر زعلانين لاتسأل ولاتتصل وهاي اني الاجيتك وطالب نتصالح الله اعلم شنو ورة جيتك هاي تنرفز وتأفأف من كلامي يمكن طبعي مزعج احاسب على كولشي وما انسه بس مااكدر ماعاتبه على كل ايام جفاءة و وتقصيره بحقي حتلو احبه لازم عتب بين اليحبون يتعاتبون ويتحاسبون وبعدين يتصالحون هذا قانون الحياة وحبيبك اذا تريده دوم تحاسبه كل يوم. سكتنه واعرف الوجهة بيتنه رحنه ومن الباب اخذني للغرفه جنت احاول اندمج وياه احساسي مجروح منه شهر مجافيني مشكلتي مدا اكدر انسى واللي اذاني اكثر لااعتذر ولاقدملي اسباب مجافاتي هيج فجأة كعد الصبح وكال خلي اروح اصالح ياسه وباقي الايام وين جان عني شنو اللي ملهيه .. متأكدة شي يدور براسه .. كاعدين نتغده وصرح بالقنبله اللي جنت منتظرتهة اومتوقعتهة منه - فكرتي بالموضوع الگتلج عليه ؟ - ياموضوع - انو تحدديلي يوم علمود اجي اخطبج - ماتمل من الكلام بهالموضوع وانت تعوف جوابي - واني طلبت منج تعيدين التفكير يعني اتوقع جواب ثاني منج غير الرفض - اني عفتج شهر حته تاخذين راحتج وتفكرين بدون تاثير وضغط مني - هااا هسه عرفت ليش تركتني شهر - اي وشنو ردج ؟ - ردي نفسه مااكدر - اخير كلام عندج هذا سكتت انتظرت باقي كلامه - عندج خيارين ياتحدديلي يوم اجي اخطبج يااخطب اني - مفهمت تخطب انت ؟ اي اشوفلي بنيه واخطبهه .. ظليت صافنه فاتحه حلگي .. تعرفون من تختنگون بالغصه .. لا هي طالعه ولا انت باجي ومطلعهه ومرتاح ؟ هذا الاني حسيته .. اختنگت بعبرتي وعيوني جمدت الدموع داخلهه وهو كمل .. اريد اتزوج .. اريد استقر .. اني مو صغير .. كبرت ياسه كبرت .. صارعمري 37 سنه .. لعد وأني شنو ؟ مو متزوجني ؟ زواج بالسر .. حسرة عليه اطلع وياج .. حسرة تنام ليلي وانتي بحضني .. تزوجنه وانت تعرف ظروفي ورضيت بيهه .. صحيح رضيت بس هيه مااكدر اكمل .. اريد اجي اخطبج واتزوجج كدام الناس .. اريد اعيش حياة حقيقيه وياج مو حياة بالظلمه بالبوگه .. اريدجج انتي مو وحدة غيرج .. بالمقابل تخسر حضانة ابني .. انتي خبلتيني بهالحجي .. ترة اكو قانون وحتلو تزوجتي من حقج تبقى الحضانه عندج اذا اني تعهدت اكفل ابنج واصرف عليه محد يكدر ياخذة منج .. ظليت صافنه تفاجأت اكو هيج قانون صدوك ؟؟ مع ذلك جاوبته انو .. ميمشي هالقانون عدنه .. قانون العشاير هو الماشي .. ياعشاير هذه دا اگولج اكو قانون يحفظلج حقج وحق ابنج والحضانه تبقى الج .. انت عينك ع وحدة ؟ ضحك بأستفزاز .. صار ساعه احجي وانتي عفتي كل الكلام الي يخدمج وجلبتي بهاي السالفه ؟؟ نهرته بلهجه أمر .. - جاوب - عيوني متشوف غيرج ومااريد غيرج والكلام اللي كلته انتي جبرتيني اكوله واخيرج هالخيارين - .... - وافقي - ليش مداتفهم اللي اني دامر بي من انت تطرح موضوع الخطوبه اصير اني بين نارين انت لو ابني - واني سهلتلج الجواب وكتلج راح اروح للمحكمه واتعهدلج اتكفل بابنج واصرف عليه - ماكدر مااكدر - شوفي وتلوميني ؟ من وجهة نظري انتي مترديني حاسبتني مجرد وسيله - وسيله لشنو ؟ هاقصدك مستغلتك ماديآ علمود مصاريف المعهد وعلمود علاج ابني مووو؟ - اني مكلت هيج - لا هو انت بالضبط قصدك هيج - دائما تعوفين السالفه الرئيسيه وتلزمين الشغله من ذيلهة وتحللين بكيفج واسوأ الاحتمالات تاخذيهة - هم اكولج فكري ولتكلبين وجهج عليه - لايا به واگلبه ليش قابل جاي تگلي اريد اتزوج عليج ضحك ضحكته ماعرف يضحك علية لو يحاول يثير غيرتي بكلامه لو بس يريد يضوجني ودي اكوم اخنگه وماتبرد نار گلبي منه ارجع اعيد فكري زين يامن يوم الي اسمع تزوجت مابقى على ذمتك متكدرين رفعلته حاجب .. عود ليش ماكدر ؟ لان تحبيني اها كوم رجعني البيت يلة وموعدنة باجر نفس الوقت مو يدلل الحلو بدون كلام مني وصلني للبيت ضل بالي يودي ويجيب بكلامه صدوك يسويهة ويخطب واني على ذمته لو هذا مجرد تهديد حتى ا وأفق يجي يخطبني ماعرف شنو جواب هل تسؤولات كولشي بحياتي روتين كملته بدون نفس ابني وامي ودوام ويامن استمريت التقي بي بعدالدوام بس لقاءاتي اني وياه بدون نفس بدون واهس لان صارت كل ضحكة منه كل غزل بية شك بي ماعرف حاسة كلامه مومجرد تهديد وأفعاله دتثبتلي احساسي صح صاير يجي من دوامه وبعد يومين او ٣ايام يالة نلتقي ومن اتعذر بحجة مشغوله لو امي مريضه يتقبل الموضوع عادي مواتذمر ولااشتكي بس المره تعرف من رجلهة يتغير عليهة تحس واني دااحس اكو بديل ديشغله عني خايفه اللي ببالي صار خطب او تزوج ماعرف شلون اتأكد صرت اسحب منه كلام عن اهله وعائلته ووين مكانهم بده دوامي بالمعهد وتركت الشغل بالروضه والدوام بالمعهد مرونته اكثر واكدو اطلع وارجع للدوام حسب محاضراتي اندليت مكان بيت اهل يامن من نلتقي صرت اراقب مبايله الارقام والرسائل والبرامج ماعنده شي بس بروده تجاهي هو اللي مومريحني والموضوع الي خيرني عليه بعد مافتحه وياي هو چان حاس عليه يمكن عباله متخوفه من تهديده وهو تاركني براحتي افكر مره جان ديوصلني للبيت سألت- يامن انت ليش متدقق وياي ع حبوب منع الحمل ؟ - ليش مودائما اجيبلج واسألج اذا خلصتي حته اشتري ؟ - اي بس متركز اخذهن قبل لايصير بيناتنه شي لو لا - حبيبي لان ادري بيج مضبوطه بهيج سوالف فمأمن - قصدك تتمنى انساهن فدمره حته احبل وانجبر اوافق تجي تخطبني ابتسم ابتسامه جانبيه - لا اني موبهيج حقاره ظالمتني تره يول - المهم تره اني ماانسى ابد مضبوطه يعني جيد نروح بيتنة لو اوصلج لأهلج لبيت اهلي تمام وانتهى النقاش بها الشكل المزعج مرت الاشهر مرة أخوية اية واخيرا حامل فرحنة بهل الخبر امي صحتهة موتمام كل فترة أخذها للطبيب عدهة فشل كلى وحدة كلية تشتغل. ووحدة ضامرة ماتشتغل صح الإنسان يكدر يعيش بكلية وحدة بس الانسان الشاب مو الي بعمر امي وحتى كلتهة الثانية تعبانة وكلبهة رجع تعب واني حايرة بيهة من طبيب لطبيب ولا دارية شي عن يامن شوكت ينزل شوكت يلتحق يتصل مرات يطمئن ع وضعية امي ومرات يجيني للدوام ينطيني فلوس علمود طبيب امي اتصالاتي بي دائما تكون شكوى عن وضعي حيدر ملتهي بزوجته وهم هو حقه سنين وهو شايل المسؤولية اكيد تعب ويومية من شغلة لشغلة إلى أن اخر شي استقر بشغل بمعمل المنيوم ونجارة صاحبه ضابط يعني مو على طول متواجد بالمعمل ومحمل حيدر المسؤولية من يلتحق يامن من يتصل يصبر بية وابد ممقصر وياي من ناحية المادة اخر مرة فتح موضوع الخطوبة وياي كتله اني بيا حال انت متشوف وضعي شلون صاير فكلي براحتج قبل نهاية السنة الدراسية الثانية بالمعهد الية بشهر جنت مشغولة بامتحانات عملية فاينل والمفروض من بعدهة نستريح اسبوعين وتبدي امتحانات نهايةالس النظرية يامن من اسبوعين منقطعة اخباره عني وبسبب دراستي والامتحانات ووضعية امي الي مايعدي اسبوع الا واني ماخذتهة للطبيب انشغلت عن يامن جنت اتصل عليه مرات بس ميرد يضل بالي خفت خاف ملتحق للانبار والموصل خلصت امتحانات العملية وباخر يوم امتحانات عقدت العزم اروح لبيت اهله واذا اضطرني الأمر ادك الباب واي واحد يطلعلي اسأله عن يامن حيل قلقت بغيابه رحت ووصلت لراس شارع شفت مرة دترش باب الشارع سلمت وسالتهة عن بيت ابو يامن دلتني عليه وضلت تمدحلي بيهم وماعرف ليش كتلهة سمعت يامن ابنه ملتحق بالموصل ردت اذبهة حجاية علمود تنطلق بالكلام تقبلت اسالتي عادي يعني عن أخبارهم وبلكي يجي يامن بالطاري جاوبتني لايمة منو كال ملتحق قبل كم يوم جانت المشية مالته بهت لوني يامشية خالة خطب بنية من المنطقة صارله شهر من داز امهاته على اهلهة اهلهة شوي صعبين بس حقه صح ابو فهد مايخير بس البنية بنت بيت الرجال متزوج ومطلق مرتين صدمة بعد صدمة داتالقاهن ضليت اصفصف براسي - متزوج ومطلك مرتين ؟ - اي يمه - لعد منو ابو فهد ؟ - هو ابنهم الجبير يامن - عنده اطفال - لايمه يتمنى ريحة الطفل اتزوج ٢ ولاوحده حبلت العالم تكول منه العيب والله اعلم حگه انتي شرايده منهم حبيبة ؟ - ماريد شي خاله - خاف من طرف ام زهراء جايه تسألين ع الولد - يازهراء خاله ؟ - هي البت الخطبهة اهلهة ماخلو واحد مادزوه يسأل ع يامن و اهله لامره ولارجال حتى شيخ العشيره اجه يسال نفس المنطقه وعشرة عمر - اي اي خاله اني كرايبهة لزهراء عفتها ومشيت بدون روح باهته الهث يمكن اللي يشوفني يشوف وجهي اصفر وشفافي زرك ضربتين بالراس توجع متزوج ومطلك مرتين واحتمال عاقر طخ ببالي من شكيت ليش ميدقق وراي ع حبوب منع الحمل عبالي يريد يجبرني علمود اوافق يجي يخطبني تالي طلع متأكد هو ماكو احتمال يحبلني اقوى ضربه انضربهة گلبي خطوبته للحكايه بقيه .. شاركوني توقعاتكم احب اقرة تعليقاتكم اتونس بيهه واشوف النقد ووجهات النظر وبدون سب حبااابون ... | ||||
|
| |
|
20-07-20, 11:28 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت 16 #أزمة_أحساس بقلم روسكان الجبوري جزء صغير مني جان متوقع هالشي رغم الشعور الغالب كان قلقي من غيابه وخوفي من التحاقه لمكان خطر طلع ملتهي ديخطب جريت بروحي جر ورجعت للبيت احاول افكر شأسوي عقد الزواج المنقطع بعدله ٤ أشهر ويخلص عقد المتعه بس تخلص المده مالته المنصوص عليهة بالعقد يبطل اوتماتيكيا بدون الحاجه للفظة الطلاق قبل الزواج قررت اتنازل عن يامن ببساطه هو طلب بلسانه يريد يتزوج ويريد يستقر واني ماريد اصير عثره بطريقه لذلك ابتعدت بدون حتى ماعاتبه ع كذبه وتصرفه اي نعم كذب عليه من سمعت متزوج مرتين وماكو اطفال و السبب منه حسيت روحي ماعرفه ولاعبالك هو نفسه الانسان اللي تزوجته سنتين اسبوعين كاعده بالبيت المفروض اقره واستعد للفاينل النظري بس اني مكدرت ادرس وافتح كتاب حتى .. اول ايام الدوام يتصل واني كسرت خطي وحاولت قدر الامكان مااطلع من البيت ابد بس من رجع الدوام وصار وقت امتحاناتي الفاينل النظريه اضطريت اشتري خط جديد من اول يوم امتحان لكيته منتظرني وجان عصبي - خضرتج وين صارلج شهر ماكو سكتت اباوعله املي عيوني من شوفته اكره اعترف اشتياقي له - وخطج شبي ؟ - كسرته عقد حواجبه - ليش ؟ - ات ليش جاي ؟ - ولج شنو ليش جاي صارلج شهر ماكو تلفونج اول شي جان يدوك وبعدين متكو فجأة اختفيتي - تره ادري - شتدرين ؟ انك خطبت دنك ورفع عيونه اليه ايديه بجيوب بنطرونه عيوني بعيونه اخذت نفس وذبيته عفته ومشيت صار ورايه خلي نحجي التفتتله جاوبته - ماظل شي نحجي بي مبروك عليك الخطوبه والله يوفقك مع السلامه تمشيت بعيد عنه سمعت كال - بعدج زوجتي مارديت هالكلام بعد مااله معنى رجعت للبيت بنفس اليوم بالليل دك رقم غريب بي اعرفه هذا رقمه گمت مااستغرب شلون يوصل لشغلات ومعلومات شهصيه عني حضرت الرقم يوميه متصل عليه من رقم غريب واني ايدي والحضر بس اعرفه هو يمكن الامتحانات نقذتني التهيت بيهة مصممه انجح دور اول علمود مااتأخر بالتعيين لأن جماعة الدور الاول بعد ست اشهر من انتهاء الامتحانات يتعينون اما يامن ماتركني .. شكلت خط ويه بنات حته ميضايقني ويعرض عليه يوصلني لسان حالي يسأله مو خطبت مو تدور زواج واستقرار شسوي بيه بعد وشرايد مني لاحگني اخر يوم امتحانات خطفني خطف من المعهد وماكدرت اسوي شي لان ماردت فضيحه والاحراج لنفسي .. ظليت طول الطريق ساكته الله ذب عليه هدوء مو طبيعي وهو ينفخ النفس الطالع من صدره بصوت عالي ومرتين بالطريق ردنه نسوي حادث وكل شويه يضرب ع الستيرن .. وصلنه للبيت اللي جمعنه اكثر من سنه ونص زواج ع الورق هو زواج منقطع بس بالحقيقه هو زواج عن حب اي حبيته وقبلت اتزوجه زواج بهالشكل وبهالصيغه حتى مااخسر حضانة ابني ولااخسر يامن انانيه مني .. اعترف .. وهو حبني وقبل بكل ظروفي وشروطي لمدة معينه وصار بعد ميصرفله الوضع وشاف طريقه بدوني .. دخلنه للبيت سوه شمر مفاتيح السياره ع الميز والتفتلي بغضب - انت شكاعد تسوين ؟ - شكاعد اسوي - ليش هالتصرفات - مو خطبت - بلي - لعد ليش تسأل - مافهمت - انت شفت طريقك واني دانطيك مجال - مو من حقج تقررين بكيفج انتي لسه ع ذمتي لساعج زوجتي - مو من حقي ؟ ولا من حقك تكذب عليه - بشنو مكذب ان شاء الله - ماگتلي متزوج مرتين ومطلك ابو فهد ظل صافن عليه - ولاگتلي بالمرتين اللي تزوجت بيهن ماكو اطفال والسبب منك - اشتاط غضب هم عليه لزمني من زندي بقوه يهزبيه ويصيح كل قوته - ولج انتي منين جبتي هالحجي منو گلج - وخر عني انت هذا اللي يهمك منو گالي دفعته عني بنتر ايدي من ايده ابتعدت من يمه ورحت كعدت بعيد اجه كعد يمي - منو وصلج هالحجي ؟ - ميهم اللي يهم انو احنه انتهينه - لا يهم وانتي بعدج ع ذمتي يعني مانتهينه تتذكر من اجيت وكتلي اريد اخطب شجاوبتك بوقتهة - احجي انت شجاوبتي - كتلك ماابقى ع ذمتك والزواج البيناتنه عقد منقطع بس تخلص المده مالته كلمن يروح لحاله - وماخلصت المده - شكد باقي شهرين لو تلاثه اني متنازله عنهن -مو هي بكيفج كمت من بعد ماخلصت كل كلام اللي عندي - وين ؟ - ارجع للبيت ماعاد اللي مكان هنا - لسه حسابنه ماخلص - ياحساب قصدك - منو گالج اني عاقر - وداعتك بعد ميهم - لاااا من تجين وتطعنين بيه بهيج سالفه جبيره لازم اعرف منو اللي وصلج هالحجي اني عرفت وحدي وخلص .. المن سألتي ؟ ميهم بعد يامن .. ميهم .. ليش مااجيتي سألتيني ؟ شسألك شأكولك .. ليش متخلف .. نتر بعصبيه .. يحجي بحرگه مشتعل نااار .. وللللج ياسمين احجي عدل لا اشوفج وجه ثاني ليامن عمرج مشايفته .. سكتت .. ادرك هالكلام صعب ويمس رجولته .. من شافني سكتت هو هم هدأ .. - تزوجت مرتين زوجتي الاولى ظليت وياها ٧ سنوات ومصار عدنه اطفال وانفصلت عنهه من بعد ماخيرتهه وهالكلام انتي تعرفيه حاجيه الج من قبل اني .. وبعدها تزوجت بنت عمي وسنتين ماكو اطفال بعدها اكتشفت تاخذ حبوب منع حمل من ورايه لان مجانت رايدتني وانغصبت عليه وطلكتهة .. سكت صافن ..بعدين رجع كمل .. بالمناسبه زوجتي الاولى تزوجت مره ثانيه وهم لسه ماعدهه اطفال .. باوعلي بحقارة .. عيونه بيهه حقد .. تحبين انجرب واثبتلج ؟ شهگت من افتهمت قصده .. - لع يامن والله بعد ميهمني هذا الحجي .. - ليش ميهمج .. ليش ميهمج .. ليش ترددين هالعبارة كل شويه .. ليييش ؟ تقرب مني يحجي بحرگه .. - ليش هالبرود منج ناحيتي ؟ ليششش؟ - وتسالني ليش ؟ يعني خطوبتك مو سبب يبعدني عنك ؟ - ولج موردتج انتي اشتريتج بكولشي املك بس ردتج توافقين نعلن زواجنه. -.... - ابتعد عني بغضب - الظاهر المصلحه خلصت وفلوسي بعد متفيدج معهد وخلصتي تعيين وراح تتعينين .. الظاهر حبج جان كلاوات جذب بجذب .. لع يامن والله مو هيج .. اشششش لعبت نفسي منج ومن مبرراتج واعذارج ماريد اسمع شي منج بعد سكتت مستسلمه لحكمه عليه يمكن هيج اسهل .. بس بسيطه ياياسمين اني اعلمج .. بهتت من تهديده .. - امشي طلعي بره .. فزيت من صوته وهو يطردني .. - طلعي بره گتلج .. طلعت بره .. يامن عمري ٣٩ سنه شگد مرت عليه نسوان. وتزوجت بدل مره مرتين وجربت الغريبه والقريبه بس بكل عمري المضى متمنيت احد بكد متمنيت ياسمين وصارتلي وتزوجتهة مو الزواج اللي ردته جنت رايدهة ع سنة الله ورسوله گدام الناس اكمل حياتي وياهة واستقر بس ظروفهة جبرتني اقبل باللي كان من غير الممكن اقبل بي سنتين زواج منقطع عيشتني احلى ايام كل اللي شكتلي عانت منه بزواجهة الاول عوضتهة عنه وهي لان مجربه شعور الاهمال عوضتني بحب واهتمام مو طبيعي طول يومي افكر بيهة مع انو ساعتين من يومي فقط وياهة والباقي لو متباعدين كلمن ببيته لو اني دوام .. ظروفهة بعد فتره ماعادت توالمني بني ادم طماع وهي زوجتي وطمعت بزوجه فول تايم وطلبت منهه اجي اخطبهه رسمي والرفض هو الجواب والعذر منذ الازل الخوف من خسارة حضانة ابنهة المريض .. ظليت اضغط عليهة افتعل المشاكل ابتعد اهمل اقسي اعلن الحرب النفسيه حتى تستسلم لضغوطاتي بس واجهت ضغوطاتي بالتجاهل ابعد تبتعد اقترب تقترب موبطلت تحبني بس فضلت مجاراتي بدون تذمر يمكن في صميمهة تعرف هي مقصره وهذا حقي ومو من حقهة تزعل ع تصرفاتي وجفائي فحاولت بكل قوه تحتويني .. هالاحتواء مكان يكفيني تعلقت بيهة حيل حبيتهة كل شي بيه يريدهة فكرت اهددهة بزواجي عليهة .. التهديد كان مجرد فكره بس ردة فعلهة لكولشي اسويه هو التجاهل هي مفكره دتحتويني بس ردة فعلهة اترجمتلي هي دتتجاهل ودتاخذني ع كد عقلي .. كبريائي من وراهة خلاني امشي بطريق مجنت حاسبله حساب طلبت من امي تشوفلي بنيه وتخطبلياهه .. شلون وليش وشوكت عرفت ياسمين بخطوبتي مااعرف .. اللي صار هي عرفت بكولشي خطوبتي زيجاتي ثنينهن وسبب الانفصال وماسكتت تواجهنه بابشع طريقه شككت برجولتي ماعرف منو موصللهه اني عاقر توعدت اندمهة ع كلامهة هذا وطردتهة .. بالفتره السابقه .. مرت فتره ابتعدت ياسه عني بسبب مرض امهة وجنت دائما اشوفهة شتحتاج ماديآ وماقصر عنهه بشي وبنفس الفتره فتحت معمل مال اخشاب والمنيوم وشغلت بي اخوهه حيدر هي متدري بس خلال أشهر خليت اخوهة ايدي اليمنه واعتمدت عليه صرنه اصدقاء وصار يحجيلي عن ظروفه واهله وصرت اساعده انسان اخلاقه عاليه وامين اروح لدوامي واني مأمن معملي برگبته مو بركبة اخواني .. بعد اخر مره طردتهة تركنه لاحاولت تتصل بيه ولااني حاولت اشوفهة انشغلت بدوامي بدت عمليات تحرير الموصل من داعش وصاروا بين فتره وفترة يستدعونه نلتحق للجبهة فرقة دعم لوجستي واصلآ تركتهة وتركت نفسي اهدأ .. هروبي صار لو شرب وسهر لو دوام وجبهة وبنص الموت كل هذا وهي مافارگت خيالي وتفكيري .. تكمله بارت 16 من حيدر عرفت اخته نجحت وتخرجت من المعهد سولفلي عن امله بمساعدته بشيلة الحمل عنه شويه من بعد ماتتعين اخته .. الخبر عنهة وجية سيرتهة بالحديث فتح جرح عبالي اندمل مايوم نسيتهة مايوم عدى عليه مامرني طيف شكلهه لو ذكرى جمعتني بيهة .. بيتي هجرته لان كولشي بي يصرخ مشتاق الهة بداخلي فخور بتعبهة ونجاحهة حسيتهة طفلتي التعبت عليهة .. جان بالي يدور بخطة .. كرامتي لسه مارجعلهة حقهة .. هواي اسمع من حيدر انو ناس جايين ديخطبون اخته وهو من يمه يردهم مره لسوء احوالهم الماديه ومره يشرطون تترك ابنهة لطليقهة ومره متزوج او ارمل وعنده كووم اطفال بدون مايرجع لرأي اخته .. هواي مرات اشوفه مهموم شايل هم اخته تعذبت هواي بحياتهة بعدهي صغيره ششافت من شبابهة اصبرة بكمله تهون وتصير سوالف وربي يعوضهه بنصيب زين .. الي ناوي اسويه چان ينطبخ ع نار هادئه وجنت منتظر الوقت المناسب حتى اشوف نتائج تعب اشهر .. فد يوم اتجرأت وحجيت ويه حيدر گتله اريد اتقدم لرضيعتك هو نوعآ ما تفاجأ بس بنفس الوقت فرح .. ظليت اسولفله عن اصلي وفصلي وعائلتي دليته ع بيت اهلي حته يسأل ويستفسر عني وعن اهلي گالي من هسه اني اتشرف بيك بس ماكدر اجبر اختي لو ماوافقت حسيته يخفي كلام ميكدر يكوله وعرفت قصده شرط طليقهة واضافلي انو مهما كان جواب اخته راح نبقى اخوان واصدقاء وراح يبقى شايل جمايلي ع راسه طول عمره يمعود ياجمايل هاي الناس للناس قابل تكاطعنه سكتني برحمة الله البطن الشالتك رجعت للبيت وبالي يم ياسمين راح توافق لو لا .. ياسمين .. يوم من الايام جنه كاعدين نتعشى اني مالي نفس بس چنت اوكل كرم حيدر اخويه كمل اكل باوعلي نظره عبالك عنده حجي كال من تخلصين سوينه جاي عدنه سالفه وباوع لامي سألته خير سالفتيش ؟ كال كل خير ان شاء الله .... للحكايه بقيه .. نوعا ما البارت مؤلم .. | ||||
|
| |
|
21-07-20, 09:59 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #البارت 17 #أزمة_أحساس بقلم روسكان الجبوري سكتت كملت عشة أبني ولملمت السفرة وغسلت المواعين وسويت الجاي وجبته وقدمتة الة .. _وهذا الجاي سويناه. _اكعدي انتي هم اشربيه وياي . _وهاي كعدنة...شعندك من سالفة ؟ _جايج نصيب خوش نصيب . _اهووو ... حيدر .. شنو هالسيرة.. تدري ردي شنو . _هالمرة غير . _شلون غير . _كتلج خوش نصيب . _شمدريك . _صديقي يامن خطبج مني . اعرف يامن صديق اخوية من شكم شهر وهو اللي مشغلة بمعمل الالمنيوم بس طول هالمدة ابداً ابداً ما خطر ع بالي انو يامن صديق اخوية ممكن يكون هو يامن نفسة اللي اعرفة .. بأسوأ احلامي ماتوقعت هيج رغم لسة ماعرف يا يامن يحجي عنة بس هالمرة من سمعت بأسم يامن انخمط كلبي شي احساس داخلي يكول هذا يامن نفسة اللي اعرفة وهاي لعبة منة تقرب بيهة من اخوية وكام يحرجة بمواقف شهمة حتى من يصير الوقت ويخطبني حتى لو رفضت بضغط من اخوية اوافق .. كل هذا التفكير فكرتة بثواني ..سرحتهة بس كال حيدر يامن صديقي خطبج ... البيت كولة يعرف منو يامن ..امي كامت تصلي ع محمد وال محمد لان صدوك خوش نصيب بالنسبة لبنيه مطلقة وعدهة طفل مثلي .. _ وانت شجاوبتة . _كتلة راح اسألج . _ واني ماريد _صفن بوجهي . _ليش ؟ _اولا واخيرا ابني .. ماكو رجال يستاهل اعوف ابني علمودة . حيدر: ترة حتلو ابوه اخذة هو ابوه قابل مطيتة لواحد غريب لو راح يذبة بالشارع وانتي اشكد عمرج ترة ٢٧سنة لسة ماصرتي اللي بكدج لسة زواج ممزوجات مو عاد منفصلة وبركبتهة طفل وياريت لو صاحي .. _حيدر انتة شفت شصار بية وية زياد وبطلاع الروح يالله خلصت منة ..ماكدر بعد أعاشر رجال واتعلم ع طبعة من جديد ترة هوة مو ثوب ماعجبني وانزعة ولا خيارة مرة واذبهة زواج هذا حتلو تكول ابني ممطيتة لاحد غريب هذا ابو اي صح بس ابني مريض منو يداريه منو يطول خلك وياه ويدير بالة عليه . حيدر : خيتي اسمعي لا اني دايم ولا امج دايمتلج ولا تكدرين تعتمدين ع هالطفل باجر عكبة ..يصير لج سند هو يريدلة سند اللي يدير بالة عليه وانتي بعدج صغيرة _كل شوية تذكرني بمرض ابني . حيدر : مو قصدي والله بس قصد كلامي حتلو ابنج سليم ومابي شي هم باجر يكبر ويتزوج ويعوفج ..الحاصل الرجال ستر وسند من الدنيا والناس والحجاية المو زينة . _صفنت عليه وع كلامة واصرارة . _هاي كولة لان صديقك خطبني . حيدر :شاهد الله علية مو لان صديقي ..بس لان خوش قسمة واعرفة واني اريدلج الخير .. اريدج ترتاحين اعرف شنو شفتي ع صغر وشنو عانيتي والرجال مشترينة وشايلنة ع راسة بالصلوات .. _خلي يكبر ابني والله كريم . _شمتأملة يعني من يكبر يطيب لو يعتمد ع نفسة ؟ يابة من يكبر يزيد اعتمادة عليج وانتي هم تكبرين . _شفت محاولات حيدر المستميتة لاقناعي اجيبة يمنة يجيني يسرة ..خصمتهة وياه . _حيدر من الاخير ماريد اتزوج انت سد السالفة من يمك . _فكري لاتنطيني جوابج هسة . _ماريد افكر ردلة جواب رأساً علمود ميتأمل شي. سكت حيدر وامي ساكتة ماشاركت بالحديث بس مبينة مراضية بكلامي بس سمعت مني مبررات رفضي للزواج بصورة عامة .. ضل ببالي تصرف يامن اشهر يخطط ويتقرب الية عن طريق اخوية ومشغلة ومجملة وشهامة ومواقف بحيث لو خطبني انجبر اوافق شلون تكتيك شنو هاي عود ..... خفت ع اخوية خاف اذا رجعلة الرد رفض يأذيه لو يطردة من الشغل لو يدبرلة شغلة يكيدة بيهة .. اكيد حيدر باجر راح يرجع خبر ليامن . يامن ... يومين واني ع نار يومية العصر امر ع المعمل مالتي اخذلي ساعة ساعتين وارجع للبيت مأمنة بيد حيدر بس بهذني اليومين مامريت.. استحيت صراحه وماردت أضغط عليه او احرجة .. بعد ماتحملت باليوم الثالث مريت العصر سلمت جيكت الشغل والطلبيات وسجل الحسابات مضبوط كالعادة وما كدرت اصبر اكثر ماحسيت غير لساني نطق .. _فتحت الموضوع وية الاهل ..؟ شفت وجهة تغير ..انحرج .. _اي. _اي شنو الرد . _تدري باختي عدهة طفل مريض . _؟! ادري بهالسالفة . _اي علمودة رفضت . _ اهاا ..ماشي يابة ماشي براحتهةة. انحرج اكثر من جوابي واني هم انحرجت من وكفتي وبقائي وياه بنفس المكان مادري ليش اختنكت وبس ردت اطلع من المكان .. يمكن عولت ع حيدر يضغط ع اختة توافق بسبب مواقفي وياه بس ماصار هوة من البداية كلي انت صديقي وافضالك ع راسي وهي اختي ومهما كان جوابهة ماكدر اجبرهة . تضايقت حيييل .. ترخصت وطلعت من المعمل ردتهة ترجعلي بأي طريقة وببالي لمعت فكرة جهنمية ممقتنع بيهة بس نجاحهة مضمون ..ضليت افكر بيهة واكلبهة بدماغي وشنو لازم اسوي وشلون اجيبهة للطريق .. اول شي دكيت عليهة مغلق اكيد مغيرة رقمهة ..بمعرفتي خلال يومين رقمهة صار عندي . اتصلت عليهة ياسه .. جنت انظف المطبخ ودگ مبايلي .. اخذته .. الرقم غريب صح لان ممحفوظ بخطي الجديد بس اعرفه .. تسارعت دكات گلبي ورجفت أصابيعي .. كلبي بين خيارين .. ارد لو ارفض .. مشتاقتله بگد رحمة الله وحاقدة عليه بگد حبي اله لان جرحني واذاني .. اخير قرار عزمت أرد .. الوو بدون سلام .. بدون كلام .. سمعت صوته نطق .. توافقين لو افضحج ؟ بلعت ريگي .. سرت رعشه خوف ورعب بكل خليه بجسمي حاولت مابين خوفي وضعفي وتصنعت القوة بس عليمن .. ع يامن اليعرفني من جرة انفاسي وحافظني مثل ماحافظ خطوط كف ايده .. جاوبته بصوت احاول اتماسك بي .. تفضح عرضك ؟ ضحك بأستفزاز .. صيري عرضي ومافضحج . يامن .. اشششش ولاكلمه .. راح ادز امي مرة ثانيه وراح تصيرين خوش بنيه حبابه وتسمع الكلام وتوافقين بس هااا رفضج أليه اول مرة راح تتحاسبين عليه بس مو هسه .. كولشي بوكته حلو .. تهديده خلاني بلاحول ولاقوة .. رديت عليه واني من كثر غضبي وخوفي اسناني تصطك ببعضهه وشفتي ترجف شگد شايفه ناس حقيرة بس مثلك مشايفه .. اششش لسه مشفتي شي .. سدة بوجهي .. گعدت بالگاع فاقده ارجف مهدود حيلي عاجزة مأيسه .. ابجي بقهر والوم بنفسي .. اني السويت بروحي هيج .. دكيت ع رجليه بحرگه .. اني الي استاهل كولشي يجرالي ... امي جانت طالعة ومرة اخوية معلكة فوك بغرفتهة . رجعت امي وما حسيت من فتحت الباب وطبت شافتني كاعدة بالكاع صافنة افكر شراح اسوي وشلون راح اخلص من هالورطة وضاربة خدودي جنت _هايمة خيرج ليش كاعدة بالكاع . _فزيت من صفنتي . . تكمله البارت 17 _ها يوم رجعتي ؟ _ اي حبيبة ماكلتيلي خيرج ؟ ليش بالكاع ؟ _هااا جنت اجلف الكاع يوم .. الكاع وصخة. _صفنت علية امي. _لعد جلافتج وين ؟ _ ها ياجلا.. ..دا .. دا أغسلهة ذبيتهة بالسنك. _دكومي يمة كومي سويلنة لكمة اخوج ع جية . راحت امي وجنهة ما مقتنعة بكلامي نهضت وبديت احضر بالغدة .. اشتغل وبالي مو يم الشغلة البيدي عجزت شراح اسوي .. غديت امي وحيدر واية وياي وكل شوية داغتني بعكس ايدهة تنبهني بشنو سرحانة وكل شوية جوابي الهة مابية شي اجة اكرم من الروضة غديتة وسبحتة ونيمتة ضليت مطروحة بفراشي عيوني متاخذ نوم بس تفكير تفكير بس احس عقلي فارغ وفاصل وداخل بدوامة للعصر اندكت الباب مرة جبيرة وبنات ثنين شابات _امي هلت ومرحبت بيهن ودخلناهن للصالة طبت امي يمهن شوية وطلعت شافتني داريد اقدملهن مي كالتلي انطي المي لمرة اخوج هية تقدمة وانتي روحي رتبي روحج وكملي بسرعة وجيبي الضيافة تعاي دخلي عليهن . _سألتهة ليش منو ذني النسوان ؟ جاوبتني جايات خطابة عليج امهات يامن .. كلبي انخمط من كالت امهات يامن .. يامن سواهة صدوك ابد ميضيع وقت. رحت لبست فستان من فوك مخصر ع جسمي ومن الخصر لجوة كلوش ومو كولش طويل جوة الركبة بشبر تقريباً مشطت وضليت صافنة ع وجهي بالمراية صورة رمادية باهتة شعجبك بيه يامن وهيج مجلب لو بس تريد تكسرني وحتلو وافقت اتزوجك شنو عن حياة تنتضرني .. حياة بدون ابني .. أذا عرف زياد بزواجي مستحيل يخلي كرم يبقى عندي موحبا بي بس عناد بيه .. لو حياة الله اعلم شلونهه ويامن يتوعدلي بالانتقام لكرامته لأن عفته .. دخلت عليه آيه .. - هاي وين صرتي ؟ - هنا كملت هسه جايه باوعتلي ولج شكملتي هو انت حاطه شي ع وجهج وتكولين كملتي رجعت باوعت ع روحي بالمرايه شبيه مرتبه ييي بس حطي شي مكياج يعني شحط اخذت ايه قلم الكحله من علبة المكياج وكحلتي عيوني وحطتلي مسكاره وحمره خفيفه ايه .. هيج اوك .. يله كدامي حضرتلج الصينيه وانت اخذيهه .. رحت للمطبخ اخذت صينية الضيافه وطبيت للاستقبال من شافتني امه صلت ع محمد وال محمد قدمتلهن كيك وعصير ورجعت كعدت يم امي .. استمروا يحجون عقلي فاصل اغلب كلام ماسمعته - اتصنع الابتسامه ومن يوجهولي سؤال اهز براسي ب اي ومن ظمن الاسئله انسألته سألتني قابله مقتنعه بيامن ؟؟ هزيت راسي اي مجانت هزت راس عبالك وقعت ع ورقة اعدامي عيوني صارت اتدور ابني كرم وينه كرم جان طالع ويه خاله راحو للمنتزه مال العاب الاطفال قريب يمنه دائما حيدر يوديه اله رغم اردي كرم طالع ويه حيدر بس التفتت ع امي والدمعه معلكه برموشي سألتهه يوم كرم وين الظاهر ام يامن سمعت سؤالي لان حجيته بصوت مسموع سألت ام يامن بفضول منو كرم ؟ جاوبتهه بسرعه ابني . جاوبتني ها الله يحفظه الج .. ضلن يسولن عرفتهم هالشابات الاثنين وحده مرت اخو يامن والثانيه وحده من خواته هي نص ساعه سولفن عبالك سنه ظلن اريدهن يطلعن ماكو لزكن.. امي تتفق وياهن ع تفاصيل لان اظاهر هي من اول ماخطبني بيهه يامن ماخذه الاوكي والموافقه من حيدر ف هاي الامره مارجعتله لان تعرفه موافق ورايد هالزواج يتم اخير شي نطقت كتلهم ماريد عرس وهوسة . امي سكتت عرفت بنار كلبي ع ابني .. ام يامن هم وافقت .. بكلبي گتلهة طبعا توافقين اذا مزوجة هاليامن مرتين وهاي المرة الثالثة .. وراها راحن .. ركضت الغرفتي وبجيت بجي بحياتي ماباجيتة ومن رجع كرم حبستة وياي بغرفتي حاضنتة وابجي والطفل صافن علية احس عبالك هاي الايام الاخيرة وياه واحس راح ياخذوه مني حضني راح يفرغ منة احساس صعب يمكن هاي اخر حضنة ويمكن هاي اخر شمة ويمكن هاي اخر مرة اوكلة لو اسبحة ويمكن ويمكن ويمكن عقلي وتفكيري دمروني ابجي بقهر صاحوني على العشة طلعت عيوني منفخة من البجي ووجهي مورم شافني حيدر گالي مبروك ربي يعوضج ويكتبلج كل السعادة الموجودة بهالدنيا انتي تستاهلين .. من كال هييج رجعت انفجرت من البجي محد عرف شبية بسرعة حضني حيدر جلبت بقميصة حيل وهوة يطبطب على ضهري عبالك يكولي ابجي ارتاحي وخرني عنة وسألني -اني ماجبرج .. انتي مقتنعة ؟؟ -من بين دموعي هزيت راسي بأي _لعد ليش هالبجي ياعيني.. عيني خطفت نظرة لكرم اللي جان واكف يمي وحاضن رجليه يريد يسكت بية .. يمه شكد حنين وليدي .. عرف حيدر اقصد ابني وخوفي من فقدانة .. گالي اللة كريم حبيبتي اللة كريم ربي يسعدج ويريح گلبج .. امي امنت على دعائه ودموعهة تصب وياي .. كعدنة نتعشى اني ماكلت شي بس وكلت كرم خلص كمت غسلتلة واخذتة لغرفتي نيمتة بحضني العب بشعرة وغفة .. هوة سودة علية من اول ماجبتة جان شارب مي الرأس ويشخر وظلت وياه الحد ماكبر شكد ردتلة علاج ماكوو بقى يشخر.. دمعة امسحها تنزل غيرها.. لزمت موبايلي واتصلت على رقم يامن .. اول دكتين ورد .. الوو .. جنت ساكتة وخانكة البجية مالتي بس دموعي تنزل واجر النفي بخنكة وبسكوت .. هاذا شنوو صوت شخير ؟ شنو حلمانة بية وبنص الحلم اتصلتي .. للحكايه بقيه .. | ||||
|
| |
|
21-07-20, 10:06 AM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| #أزمة_أحساس بقلم روسكان الجبوري #بارت 18 ساكته ماارد بس ويه الشخير صوت جرة نفس مخنوگه وهو يسمع وساكت .. -ليش دتبجين ؟ - بيه مابيه اريد احاجيه بلعت بجيتني والخنكه وحجيت .. - ليش هيجي سويت ؟ - شسويت ؟ جبرتني هيج بهالطريقه .. سكت .. - ليش ساكت جاوب .. خلصت طاقتي وياج وكلامي هم .. يعني ؟ يعني استنفذتي فرصج كولهه وياي وصار وقت التنفيذ .. مراح تتراجع عن الي دتسويه ؟ - شوفي هواي وعدت اسوي وماسويت و هواي ساومتج وردت الوي ذراعج حتى توافقين تتزوجيني بس مااجيتي للطريق بس هسه لا اي تصرف غلط منج اهد الاول والتالي .. - يعني تهديدك مو هيج لا جديات مستعد تسويه ؟ - بلي وموبس تهديد مستعد اسويه .. سكتت وصفنت .. ليش هالكد تكرهني وتريد تأذيني ؟ - وليش انتي تشوفيهه بهالطريقه؟ ليش متسأليني لهل درجه انت تريدني .. لهل الدرجه انت تحبني ؟ - الي يحب ميأذي .. اهاااا لعد ليش انت اذيتيني ؟ سكتت .. - همس .. يعني عليج حلال وعلينه حرام من عفتيني هواي اذيتيني .. - ماعندي جواب الك كل مره من نتعارك ونتعاتب يشوفني العركه واسباب ردة فعله من ناحيته هو مو من ناحيتي وهم كالعاده اطلع اني ظالمته وشكو شي اكره يصير بيه اني سويته بي .. منو هذا الديشخر يمج ؟ ابني كرم فدوه الله يحفظه تعبان من اللعب اكيد .. - لاولادي . - ماله علاج ؟ - حاولت مفاد .. - يامن - نعم ؟ -- لاتحرمني منه سمعته يتنهد شنو شروطج ؟ - ابني وياي يبقى - نعقد محكمه وأسوي ورقه من المحكمه اتعهد بيهه اتكفل برعاية كرم واصرف عليه بشنو تأمرين بعد ؟ - ماريد هوسه نعقد ونروح بيتنه .. اني هم ماريد هوسه بس مراح نسكن ببيتنه .. ويه اهلي عندج مشكله ؟ - لا واريد تخليني اداوم تعييني طلع وبعد شكم شهر نباشر حرامات تضيع عليه الوظيفه .. مو راح تتزوجين شعندج بالوظيفه بعد ؟ - الله يخليك هذا تعبك همين مو بس تعبي - هااا قصدج من جنتي تستغليني وتخليني اصرف عليج لحد مكملتي دراسه تالي خلص شغلج وياي وليتي وعفتيني - شهكت ابجي .. والله يامن مو هيج والله مو هيج .. - هيج والا مو هيج هي وصلتني هيج وتصرفاتج ثبتلي هالكلام وماكو دوام يعجبج ميعجبج سكتت مجبوره اهم شي يتعهد يتكفل ابني ويظل كرم بحضني . -باجر نطلع نشتري حلقات ونيشان بسيط لاتطلبين شي غالي مامستعد اصرف فلوس ع ناس متستاهل .. تعصبت واني اصلا جنت مخنوگه بس اريد ابجي واصرخ .. - لمن اني مااستاهل ليش مصر تتزوجني ؟ -هيج مزاج طخ براسي اكسر خشمج اليابس .. - الله ع الظالم .. كلتهه بقهر - ماظالمج .. اسبوع ونعقد سيد وكبل البيتي والورقه مال كرم ..؟ هو هالاسبوع نعقد محكمه وأسويهه .. - عفيه ماريد زياد يدري بالموضوع - واني مااريد اتجيبين طاري اسمه ع السانج .. همست ماشي .. رايده شي بعد ؟ - بعدك خاطب زهراء .. - فصخنه .. - صار شي بينكم ؟ شي ميخصج .. - تمام تصبح ع خير شكرآ لانك سمعتني سكت مجاوب زفر وطلعه بقوه .. انت وصلتينه لهنا .. مو وحدي .. - روحي خرب روحج .. - سده بوجهي . سديته وحطيت راسي ع مخدتي كثر مابجيت واسي حسيته هالكبره رأسأ نمت .. ثاني يوم صدوك العصر من وقت طلعنه اني ويامن وامي وامه أشترينه نيشان بسيط وحلقات وامي مبين معاجبه الوضع توقعت انو العالم زناكين وراح يصرفون ع الذهب فد مبلغ مرتب حتلو هذا مو اول زواج لابنهم بس شافتني ماحجيت هي هم سكتت . جهاز ماجهاز وملابس جهزوا شي بسيط .. يامن كال هو كل شي مجهز وميحتاج وهم سكتت .. خلي كل شي بكيفه .. واصلا آني لاالي نفس ولا الي رغبه بكل شي احسه واجب ومجبوره عليه اليوم الثاني رحنه الصبح للمحكمه اني وامي واخويه ويامن واخو الجبير ياسر( ابو جنه ) هاي اول مره اشوفه واتعرف عليه بين المستشفى والتحاليل والمحكمه عقدنه محكمه والمقدم والمؤخر مااهتميت شكد .. الرقم طلع عن لسان يامن بدون اتفاق مسبق بيناتنه .. اهم شي يامن سوالي الورقه الي تضمن كفالته لكرم وهالشي ريحني هذا اول شرط وفه بي صرت زوجة يامن للمره الثانيه هالمعلومه بس اني وگلبي وهو ندري بيهه .. هالمره ع سنة الله ورسوله وكدام الناس .. بس ماكو فرحه ولا شفت بعيون يامن فرحه تغدينه سوة بمطعم يامن عزمنه ومااشتهي العسل ادعي الاكل مدنكه واباوع ع اصبع ايدي المزينته الحلقه الذهب اتلمستهه يعني صرت صدوك وتزوجتة خوفه بداخلي من الينتظرني من يامن كل اتصال يتوعدلي ينتقم لكرامته اشياء سويتهه بي بدون وعي مني بدون درايه مافكرت جنت بس افكر بنفسي وخوفه ثانيه اذا دره زياد اني تزوجت شراح يسوي دمعت عيوني ظليت اقاوم الشعور رفعت عيوني لكيت يامن يباوعلي مو مجرد نظرات لا عيونه تتفحصني وتدرسني صارت عيوني بعيوونه طولت نظراتنه بيهه عتب بيهه رجاء بيهه هواي معاني شاح عيونه عني يمكن ماتحمل كلام العتب الصدر الصدر منهم رغم ماحجينه بس عيونه حجت خلصنه غده ودفع يامن الحساب وحاجه الموظف وراح ..شويه ورجع بيده اكل سفري يامن اخذه من الموظف وانطانياه .. باوعتله شنو هذا جاوبني الج مااكلتي مد ايده دينطينيا جاوبته لا اكلت تنهد بقلة صبر ماشي هاي حصة كرم جاوبته شكرآ رجعونه للبيت وراحوا .. بنفس اليوم يامن العصر اتصل ع حيدر اخويه وبلغه انو العقد الجمعه الجايه لان اني طلبت زواج بدون عرس وزفه وهوسه فيعقدنه السيد واروح لبيت عيالي بلغني حيدر بهالكلام شنو اجاوب مثلآ هو هذا الي ردته .. اكثرالوقت صرت اكضيه ويه كرم مر الاسبوع بلمح البصر .. ماسويت شي بس نظفت البيت ويه ايه وحطيت ملابسي وغراضي بجنط واخذهن يامن نقلهن بغرفتي امي وايه راحن رتبنهن الي من رجعت امي كالت حته غرفه صغيره لكرم مسوي مجهزهه جربايه وكنتور صغير ابو بابين والعاب وميز مرايه صغير ظلت تدعيله لان تكفل بكرم اني جنت هادئه مو خايفه بس لا هادئه. مستسلمه قبل يوم العقد بيوم اجه يامن العصر مع العلم بالايام الفاتت ابد متصل ولااني اتصلت بي حته جيته بدون علمي جان جايبلي كوستم بصلي قصير الستره ثلث ارباع الردان والتنوره هم جوه الركبه بس مو كلش قصيره معقوله يعني القياس ع جسمي نضبوط بالملم مااستغربت بالليل ساعه ١٢ يمكن سافر عن عيوني النوم كرم بحضني وصافنه اجتني رساله منه كاعده رديت بلي كاعده ليش - شدسوين - ماسوي شي - سدي الفيس ونامي - ضجت من اوامره رغم مااني مجنت فاتحه الفيس ولا اصلآ جنت كاعده ع النت .. بس كرهت انو يتأمر عليه مع ذلك رديت بتدلل - عجبج الكوستم مارديت - موداحجي وياج - دزيتله مو كتلي روحي نامي - وع أساس انتي شلون تسمعين الكلام - متأكد باجر زواجنه - اكيد طبعآ شنو صار عندج غير رأي - واني منيلي رأي بهذا الموضوع بعد تهديده .. - خاف ناويه تسوين حركه منا منا - لو اعرف تموتين هم اعقد عليج واوديج للنجف ادفنج انصدمت برده كتبتله - مشكوره غلقت الجهاز حيل اختنگت وماردت بعد لااسمع شي ولاااشوف رساله منه ثاني يوم الصبح كعدت لكيت كرم كاعد قبلي وامي مريكته وكاعد تشتغل وكالبه المطبخ ع البطانه وايه بين تساعدهه وبين عينه ع ابنه كرار صاير حرك فدوه لعمره ومرات كرم يأذيه .. غيرة اطفال .. يوم شكو شنو هالهوسه البارحه نظفت دتطبخلي تمتوعه هههههه هاي التمتوعه مال زواج فتحت الكدور داشوف شمسويه دولمه ودجاج مشوي وموصيه ع كباب و حلويات وكيمر عرب وكاهي يوم شدعوه هالكد لا يوم اريد شي يرفع الراس عليكم بالعافيه وربي يهنيج ويسعدج امنت ع دعائهه لان فعلآ محتاجه هيجي دعوه تغدينه وراهه سبحت كرم وبدلتله وشايله هم شلون ابتعد عنه كم يوم عود لان عروس لازم اتفرغ شوي لزوجي هههه عروس وزوجي مادري ليش استغربت هالكلمتين الله يستر منهن اني هم سبحت ومكيجت مكياج هادئ لان اني اكثر شي اعرفه مكياج عيون وحلو ارسم عيوني الباقي افتح فديوات واتعلم بقيت شعري ع طوله وهو مو طويل كلش لحد نص ظهري لفلفته صار يعني مثل الكيرلي مرتب بس متموج .. ...... للحكايه بقيه .. | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
العرض العادي
