آخر 10 مشاركات
في غُمرة الوَجد و الجوى «ج١ سلسلة صولة في أتون الجوى»بقلم فاتن نبيه (الكاتـب : فاتن نبيه - )           »          بأمر الحب * مميزة & مكتملة* (الكاتـب : tamima nabil - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          هيا نجدد إيماننا 2024 (الكاتـب : رانو قنديل - )           »          ليلة مع زوجها المنسي (166) للكاتبة : Annie West .. كاملة (الكاتـب : nagwa_ahmed5 - )           »          غمد السحاب *مكتملة* (الكاتـب : Aurora - )           »          443 - سر الأميرة - كارا كولتر ( عدد جديد ) (الكاتـب : ^RAYAHEEN^ - )           »          كاثرين(137)للكاتبة:Lynne Graham (الجزء1من سلسلة الأخوات مارشال)كاملة+روابط (الكاتـب : Gege86 - )           »          مواسم العشق والشوق (الكاتـب : samar hemdan - )           »          6 - موعد مع الغرام - روزمارى كارتر - ع.ج ( إعادة تنزيل )** (الكاتـب : امراة بلا مخالب - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 15-01-20, 10:26 PM   #1

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
Rewitysmile25 أزمة احساس / للكاتبة ملاك الصمت ، عراقية ( مكتملة)






بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

نقدم لكم رواية

أزمة احساس
للكاتبة ملاك الصمت





قراءة ممتعة للجميع....




ندى تدى likes this.


التعديل الأخير تم بواسطة فيتامين سي ; 23-07-20 الساعة 01:18 AM
لامارا غير متواجد حالياً   رد مع اقتباس
قديم 17-06-20, 03:12 AM   #2

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي

رابط لتحميل الروايه


هنـــــــــــــــــــــــ ــا



#أزمة_أحساس
قصه اجتماعيه ..


يقال ان الاهتمام نصف الحب .. ماذا لو عانينا الهجر والنبذ والاهمال .. هل سنتحمل اعباء اكمال مشروع زواج فاشل ؟؟

Roskan_aljibory

#مقدمه

زواج منقطع ..

القصه موضوعهه جرئ الطرح لكن يعالج مشكله انتشرت بمجتمعنه .. الخيانه الزوجيه من الطرفين .. للي يسأل القصه حقيقيه ومابيهه اي تشجيع ع الخيانه ولادفاع عن طرف معين او ايجاد الاعذار له ..

ارجوكم متوقعه تعليقات سلبيه وتعليقات تجريح وسب بحق ابطال القصه لذلك رفقا بهم .. لان بالاخير همه بشر وتمر ليهم لحظات ضعف وخذلان للنفس .. يمكن هاللحظات كافيه تحدد مستقبلهم ومصيرهم وهذا اكبر عقاب الهم لسوء تصرفهم ..
زوووااج منقطع .. قصتي الجديده .. هذا اعلان ورفيو صغير عن موضوع احداث القصه والنشر اذا الله راد بعد الامتحانات النهائيه ان شاء الله ..

#مشهد

مشهد من قصة زواج منقطع ..

ياسه ..
جنت انظف المطبخ ودگ مبايلي .. اخذته .. الرقم غريب صح لان ممحفوظ بخطي الجديد بس اعرفه .. تسارعت دكات گلبي ورجفت أصابيعي .. كلبي بين خيارين .. ارد لو ارفض .. مشتاقتله بگد رحمة الله وحاقدة عليه بگد حبي اله لان جرحني واذاني .. اخير قرار عزمت أرد ..

الوو
بدون سلام .. بدون كلام .. سمعت صوته نطق ..

توافقين لو افضحج ؟
بلعت ريگي .. سرت رعشه خوف ورعب بكل خليه بجسمي حاولت مابين خوفي وضعفي وتصنعت القوة بس عليمن .. ع يامن اليعرفني من جرة انفاسي وحافظني مثل ماحافظ خطوط كف ايده ..
جاوبته بصوت احاول اتماسك بي ..
تفضح عرضك ؟
ضحك بأستفزاز ..
صيري عرضي ومافضحج .
يامن ..
اشششش ولاكلمه .. راح ادز امي مرة ثانيه وراح تصيرين خوش بنيه حبابه وتسمع الكلام وتوافقين بس هااا رفضج أليه اول مرة راح تتحاسبين عليه بس مو هسه .. كولشي بوكته حلو ..

تهديده خلاني بلاحول ولاقوة .. رديت عليه واني من كثر غضبي وخوفي اسناني تصطك ببعضهه وشفتي ترجف ..

شگد شايفه ناس حقيرة بس مثلك مشايفه ..
اششش لسه مشفتي شي ..
سدة بوجهي ..

گعدت بالگاع فاقده ارجف مهدود حيلي عاجزة مأيسه .. ابجي بقهر والوم بنفسي ..
اني السويت بروحي هيج ..
دكيت ع رجليه بحرگه ..
اني الي استاهل كولشي يجرالي ..




التعديل الأخير تم بواسطة فيتامين سي ; 23-07-20 الساعة 01:22 AM
لامارا غير متواجد حالياً   رد مع اقتباس
قديم 17-06-20, 03:13 AM   #3

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



#البارت_الاول

#زواج_منقطع

#بقلمي روسكان الجبوري

تنويه .. القصه حقيقيه

أنا وانت خطان مستقيمان
لكن القدر وضعك في طريقي
والنصيب جمعني بك ..

كم قاومت .. كم ابتعدت .. كم هربت .. منك .. في النهايه كنت َ المكتوب على جبيني منذ يوم ولادتي ..

أسمي ياسمين .. يسموني ياسه .. عمري 2‪4‪سنه
منفصله .. عندي طفل اسمه كرم .. مصاب بمتلازمة داون بأقل درجه من المرض .. ممكمله دراسه .. لحد السادس اعدادي .. اخذت شهادته وبطلت ..
يتيمه الاب من عمري ٦ سنين .. مالحكت اشبع من حنان ابويه وحضنه ..

عندي اخ واحد حيدر اكبر مني ب ١٣ سنه واخت وحده صابرين اكبر مني ب١١ سنه يعني اني اجيت ع كبر واخر العنگود المفروض المدلله اني بس تيتمت ومالحكت اتدلل بجال ابويه عافني صغيرة ..

امي رفضت تتزوج حماهه الي هو عمي واخذتنه ورجعت لاهلهه وبدت رحله الكفاح ..
مثل كل ام عراقيه حتلو مو ارمله امتهنت الخياطه كمصدر للرزق .. تخيط وتصرف علينه .. الحياة صعبه والي يطلع من الخياطه مجان يسد مصاريف اكل ومدارس وملابس وطبيب وباقي الاحتياجات يعني يادوب يسد الرمق بوجبات الاكل ويوم نتعشى ويوم لا ..
رغم رفض امي للزواج من واحد من عمامي حته يلمون لحمهم ماعرف شنو معنى هالعبارة بس جنت اكرهه ع كد ماسمعتهه منهم المهم .. رغم رفض امي عمامي معافونه احتووا اخويه حيدر ودبروله شغله ..
حيدر جان عمره 1‪9‪
سنه من توفى ابويه .. مرحله اولى كليه ادارة واقتصاد وبعد وفاة ابويه وعمامي الي دبروله شغل ترك الدراسه ومن ذاك اليوم وهو متحمل مسؤوليتنه ..

اختي صابرين جانت 1‪7‪
سنه مرحله ثانيه معهد معلمات .. بس بطلوهه وزوجوهه لابن عمي وسكنت غير محافظه .. نشوفهه مرة كل 6‪ اشهر وتتصل كل شهر مرة ظروف زوجهه صعبه بس حباب ويحبهه ويريد خاطرهه ..

أحجيلكم شويه عني .. ياسمين .. من تزوجت جان عمري 1‪8‪
سنه .. بوقتهه حظي ينضرب بي المثل .. اللي تندعي بالستر لبتهه تگول كون مثل حظ ياسه .. أحجيلكم شويه عن حظ ياسه ونصيبهه ..
تقدملي شاب جيران بيت جدي ويعرفون اهل امي من زمان .. مهندس ، جمال ،سمعه ،عائله ونسب ، ظاهريا اخلاق ووظيفه و
بيت عيالي طنان رنان والطابق الثاني شقه كامله كولهه اليه ..

حبيت زياد من اول ماشفته .. وكيفت بي ..
1‪8‪
سنه .. عرس وبدله ومكياج وأقصى همومي جان كون خطيبي حلو واللي تقدملي جماله كان فوق مستوى طموحي وتوقعاتي .. يعني اني حنطاويه ودمي معجون بحَمار بس من اصير يمه اطلع سمرا كثر ماهو يلهث بياض .. مرات من يجينه بيني وبين نفسي اقارن بين ايدي وايده .. وهم يطلعني كسر بالبياض .. تفكير مراهقه بعد ..
جمال الوجه والبياض والخ .. من الامتيازات الي تحددت ظاهريا ع اساس الشكل والمظهر والابتسامه الكذابه كان هو اي يخفي اسرار اكتشفتهه بعد زواجي اولهه بخله وياي فقط ..
يعني حسرة عليه الاكله الزينه .. صح شقتي وحدي بس ميتسوگلي أبدد ..

أضطر انزل لبيت عيالي بحجه اطبخلهم وبنفس الوقت آكل وجباتي وياهم وهيج گضيتهه ..

زياد شهرين وهجرني .. تماما هجرني .. وراهه طلع يشرب وبدت معاناة جديده .. يجيني سكران وفاقد ويشتغل الضرب بسبب وبدون سبب ..

بخل ، هجر ، شرب ، ضرب .. بعد الشهرين حللت وطلعت حامل .. حملي كان الضربه القاضيه الي وگعت ع راسي ..
خالتي ام زياد مچانت تتدخل أبد .. چنت اشكيلهه من ابنهه تجاوبني بأنو عادي شاب ومن حقه وانو كولنه أنضربنه وأنهانينه وصبرنه الى ان استعدل الرجال ومشى عدل ..

بين قوسين مچانت تنطي بأبنهه عاذرتهه حقهه ابنهه بس الي مينعذر نظرتهه السطحيه الفوقيه أليه وكأنه آني مو من مستواهم ولا كأنه هي الاجت خطبت محد ضربهه ع ايدهه ..

وضعية زياد أستمرت وساءت أكثر .. ذله وتجاهل وأهمال وخيانات وآني لسه عروس ما صار لي 4‪ اشهر ع زواجي ..

يمكن جنت مستعدة أتحمل ألاهاين والضرب وحتى الخيانه بس كون يشوفني ..
تعرفون هذا الشعور .. داخلك يصرخ .. شوفني .. حس بيه .. بگلب طفله چنت تحبه .. رغم كولشي يسويه بيه .. من شان يضربني وأنام بفراشي من المرض والالم .. جنت اتمنى يگولي شلون صرتي .. ابجي لان ميكولي شلونج من يجي من دوامه ويشوفني مكومه بفراشي كاتلتني الصخونه ومحد بحالي ..
مثل جمبذايه ( ورده توهه دتفتح ) اخذني وفتحت بيده وذبلت وبأهماله قتلني بأوج شبابي ..

جنت اشوف وجهي بالمرايه عبالك صورة رماديه بدون الوان شاحب بدون حياة بدون روح ....

عانيت اهمال فضيع منه .. اشوف خياناته ومحادثاته ويه البنات بعيني .. يحجيلهن عني .. بارده ، طفله ، متعرف شلون تغريني ، فاهيه مقصرة .. انطحن طحن .. احاول أرضيه بس يرفضني ..
أحاول أصالحه ويصدني ويفشلني ..
عمري مراح أنسى نظرات الاشمئزاز ع وجهه من اتقرب منه .. حطمني .. هز ثقتي بنفسي .. كسرني .. طعن انوثتي .. شككني بكل مؤهلات جمال املكهه كأنثى ..

اني شويه طويله وشويه متروسه برشاقه وترتيب بمنحنيات جسمي .. وجهي هم طويل ، شفايفي محددة ، حواجبي غليظه واني محددتهن ومبقيتهن ع ثخنهن و بيهن شمرة حلوة وشامه فوگ شقتي ..
هو اي يشبهوني بالممثله اللبنانيه نادين نسيب نجيم ..

أهلي صح جنت احجيلهم عن الي يصير وياي ومرات اجيهم مضروبه ويشوفون بعينهم بس جانوا خارج قوس ابد ميتدخلون عبالك ماصدگوا زوجوني وخلصوا مني .. معقوله هيج اني جنت ثگيله عليهم ..
أمي دومهه توصيني بالصبر .. الج بالصبر يمه ع ساعه ربج يفرجهه ..
بس احنه مو انبياء ولكل انسان حد وطاقه تحمل لهذا الحد وتخلص ..

واني طاقتي خلصت من شفت له فيديو مصورة بجهازة ويه وحده .....

للحكايه بقيه ..





لامارا غير متواجد حالياً   رد مع اقتباس
قديم 17-06-20, 03:14 AM   #4

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي


.

#أزمة_أحساس

قصه اجتماعيه ..

يقال ان الاهتمام نصف الحب .. ماذا لو عانينا الهجر والنبذ والاهمال .. هل سنتحمل اعباء اكمال مشروع زواج فاشل ؟؟

Roskan_aljibory

#البارت 2‪

#زواج_منقطع

#بقلم روسكان الجبوري

رضينا بالهم والهم مارضى بينا .. عبارة تگولهه بيبياتنه دائما .. هالعبارة اختصرت هذا الچابتر من حياتي ..

زياد چان نايم واني اعرف الباسورد مالته بدون ماهو يدري ..
فتحت الموبايل افتش بي .. هاي صارت سولتي كلما تصير لي فرصه والمبايل يصير گدامي ..

تخبلت من شفته .. كل الكلام ، كل الغزل ، كل التفاصيل الحميمه الي تصير بين مرة ورجال مزوجين مسويهه وياهه .. بدون وعي وهو نايم جريته من زيگ تيشرته وآني اصيح ..
لك هاي شنووو ؟
ولك سافل ناقص بشنو قصرت وياك ..

فز مخروع من نومته ..
هاي شكوو شبيج ..
صارت عيونه ع ايدي .. ايدي ترجف ولازمه الموبايل والفديو بعده يشتغل وصوته وصوتهه وصوت الاهات لععععبت نفسي ردت اذب من راسي ..

جر الموبايل نتر من ايدي ..
انتي منو سمحلج تمدين ايدج ع جهازي ..
هذا الهامك ؟؟!!

احاجيه واجر بتيشرته عت ..
انتي منو وتحاسبيني ..
آآآآنييي زوجتك .. فاهم لو لا .. بشنو قصرت وياك گولي شنو الماسويته الك .. شبيه شناقصني ؟ جاوبني ..
ضحك بأستهزاء ..

هاي منو التحجي ؟ الحايط البارده الحجارة .. لا وفوگاهه تسأل امشي ولي بابا امشي ولي من وجهي لاانعل والديج هسه ..

كلماته لطمتني ع حلگي .. دموعي تشرح حالي .. تصب بدون تعب بس بوجع يعصر گلبي عصر .
گلبي يوجعني من حچاياته لان لحد ذيج اللحظه واني احبه ماريد اصدگ عيوني .. ماريد اكذبه .. بس هو من صلافته مانكر .. من سألته مانكر ..

منو هاي الادبسز الي انت وياهه ؟
انجبي واحترمي نفسج تسواج وتسوه اهلج .. هاي حبيبتي الي ناوي اتزوجهه ..
جمدت الدموع بعيوني .. اكو كلام من ينگال تتمنى ميت ولا سامعه .. تتمنى مضروب الف مرة مسبوب الف مرة ولا سامعه ..

وآني ؟؟
انتي منو وشنو .. جابتج أمي وفرضتج عليه حتى لا أتزوج حبيبتي بس هسه خلص .. ماكو داعي ينضم شي بعد مادام عرفتي فمن اسبوع الجاي اروح اخطبهه ..

الكلام الكلام .. سچاچين تندچ بگلبي بدون رحمه وحده ورة الثانيه ..
من قهري غلطت عليه غلط ماصاير ..
انت ناقص .. انت ذرة الرجوله ما عندك .. انت ..... انت ..
ما حسيت الأ وضربني ع وجهي ..

رغم جنت اغلط بلاوعي ومتوقعه يضربني لان هاي عادته وتعودت عليهه بس مدري ليش مابتعدت عنه ولاحميت نفسي .. يمكن جزء من داخلي جان يريد يموت ع ايدة ويخلص من هالعذاب والنار الي جاي احسهه تحرگ بصدري ..
وگعت بالگاع حسيت بطعم الدم بحلگي مديت ايدي ع وجهي خشمي طاگ دم ..

گاملي من الجربايه سحلني من الگاع وطگ راسي بالحايط مرة وثنين وتلاثه وأذاني تسمع اشكال الوان غلط وفشار يمس شرفي وشرف اهلي .. تقسيم بعمري مسامعته .. فعلآ الثقافه والوعي مو بالشهادة والمظاهر ..

بعد المرة الثالثه ماعادت عندي قدرة احسب اذاني انصمت صار بيهه صوت وشششش والدنيا اظلمت غوشت عيوني وراهه فقدت الوعي ..

صحيت بالمستشفى .. راسي ملفوف حلگي مورم .. نازفه هو اي .. بس مفاقدة الطفل .. شوف رب العالمين ماعرف شنو كاتبلي .. كل الضرب الي اكلته وماوگع الطفل .. ماعرف هالطفل راح يصير لي سند لو يكسر ظهري ..
فتحت عيوني شفته هو وامه واگفين والممرضه تحجي وياهم .. رجعت غمضت ماريد اشوف شكولهم ..
اسمعهم يحجون ..
الممرضه ..خابر ع اهلهه خطيه تون تريد امهه ..
جاوبهه بنتر ..
ماعدهه اهل ..
لسان حالي يكوله بعد جوابه .. شالك الله ..
ام زياد .. هي شلون صارت هسه ؟
الممرضه .. طفلهه بخير بس مهددة بالاسقاط .. لازم تظل نايمه ع ظهرهه لحد ولادتهه وتراجع طبيبه اختصاص تسويلهه ربط .. هسه الطبيبه تجي تشوفهه ..
زياد .. ياطبيبه .. مابيهه شي نريد نطلعهه ..
الممرضه .. اخي شتطلعهه .. البنيه معناه ولازم محضر وشكوى وتجي الشرطه تحقق بالموضوع ..
زياد .. غير أكلب الدنيا ع روسكم ..

گام يصيح أجتي الطبيبه تريد تجيك وضعيتي وهو انهد بيهه والطبيبه رزلته رزاله تسوى عمرة تالي طردته وصاحت الامن عليه يجون ياخذوه ويطلعوه بالقوة ..

جروه طلعوه وامه لحگته ..
فتحت عيوني من امنت راح انشحت من يمي هو وامه ..
الطبيبه .. ها ماما سلامتك بشنو تحسين ؟
بكل مكان موجوعه دكتورة ..
انهضمت من سؤالهه وبسرعه دموعي جرت . . عفيه دموع شگد رخيصه وتنزلين بسرعه ..
جاوبتني ..
الله يساعدج حبيبتي .. هسه تجي الشرطه واحجيلهم كولشي صار ..

ماريد احجي شي لاحد .. اريدج تساعديني اطلع منا قبل لايرجع هذا العار ..
ماما ميصير .. بعدج تعبانه .. هسه الشرطه ع جيه لازم ياخذون اقوالج .. هذا عنف منزلي ماما .. تكسرين رگبته لو اشتكيتي عليه ويخيسوه بالسجن .. لاتسكتين اخذي حقج منه ..

كتلج ماريد شي بس ساعديني اطلع منا .. هو وينه القانون بالعراق حته المرة تاخذ حقهه من رجال ..
حتلو ماما ع الاقل ينسجن ..
لتخافين عليه واصل واهله فلوسهم سابقتهم محد يسجنه واهلي هم يخافون من الفضيحه فلا راح يشتكون ولا شي ..
لا اله الا الله شلون عقليات هايه ..
ماجاوبت بعد .. الوجعه متوجع غير راعيهه حتلو هي متعاطفه وياي ..

نترت كانوله المحلول المغذي من ايدي طفر دمي ساعدتني الطبيبه .. ردت اگوم دخت .. لزمتني سندتني رجعتني للسرير گعدتني ..
زين خلي اصيح الموظفه تاخذلج صور .. اسويلج تقرير طبي ..
عگدت حاجبي شسوي بي ..

شسوي بالتقرير ؟
ع الاقل تطلگي منه .. ناويه تتطلگين مو ؟
صفنت بوجهه ممفكرة بالطلاگ ابد .. هي كملت ..
القاضي من يشوف تعنيف وتقرير طبي عن الاضرار الصحيه وانتي حامل وكولشي مثبت بصور يطلگ بسرعه وكامل حقوقج محفوظه الج ..

قنعتني .. شويه واجتي موظفه تابعه للشرطه اخذت لي صور وسألتني شكم سؤال وراحت ..

اسمي دكتورة يقين محمد أم رهف مري عليه بعد يومين واستلمي تقريرج ..

ع مضض وبألحاح مني ساعدتني اطلع من المستشفى وأجرتلي سيارة تكسي ورحم الله والديهه انطت للسايق حته الاجرة مالته لان اني كولشي مشايله وياي ..

ودتني السيارة لبيت اهلي ..
من الباب شافتني امي ضربت ع صدرهه ..
اني دموعي تشرح حالتي ..
بطني شعلاتهه وملابسي بيهه دم وجايه بطرگ الشحاطه والعبايه الاسلاميه ع دشداشه البيت ..
ردود الفعل من اخويه وامي وباقي التفاصيل ماريد اذكرهه لأن شي مخذل ..

حالة نموذجيه لأهل عراقيين بس يريدون الستر لبنتهم بأي ثمن و اكيد ع حساب قليله الحظ الي تتسمى بنتهم ..

يحسسوني آني جنت عريانه وزياد العار جان ساترني ..
باقي الاحداث الي صارت .. سكوت اهلي عن الي صار اليه اقصد ماشتكوا تماما مثل ما توقعت وگلت للدكتورة .. صح اخويه راح هد ع بيت عيالي بس هيج ردة فعله جانت فورة دم وغيرة اخو ع اخته من شافني مضروبه ومدمايه وفوگاهه حامل ..

بعدهه مثل ما شويه شويه بدت تطيب جروحي وتندمل وتختفي والكدمات يتغير لونهه من بنفسجي وازرگ الى لون جسمي الطبيعي همه هم نسوا الي سواه زياد بيه وبدوا يلحون عليه ارجعله خاصة اجوي اهله مرتين يريدون يرجعوني ..

جنت رافضه الرجعه اله تماما .. تعهد بعد ميضربني بس المسأله مو مسأله ضرب وبس ..

سولفت لاهلي عن الفيديو .. مو ماصدگوني بس اختاروا ميسمعوني .. يصمون أذاناتهم عن الي سمعوه مني .. من اجه ويه اهله واهلي واجهوه بالموضوع نكرة ولفقلي قصه عن صديقه واني ظليت صافنه ع قدرته الفضيعه بالكذب والمسكنه .. كان يحجي كلام اكبر من راسه .. وينه زياد المهندس الي جان يقسملي تقسيم مال فشار العفطي ابن الشوارع ميلحگه بي ..

اخ لو عندي جهاز حديث .. لو عندي ذرة عقل بذيج اللحظه جان يمكن نقلت الفيديو لجهازي وماواجهته بلحظتهه لان عذرة جان بتكم ممتربايه هيج وهيج غلطت عليه تقبلوهه انتو واني لهذا السبب ضربتهه ..

ظليت مصفصفه لاأخذ ولا انطي ..
تعجبت ع كميه الحقارة والصلافه والمراوغه الي عندة .. تحسه ذيب يراوغ مينگدرله ..

للحكايه بقيه ..



لامارا غير متواجد حالياً   رد مع اقتباس
قديم 20-07-20, 10:15 AM   #5

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي #أزمة_أحساس


#أزمة_أحساس
قصه اجتماعيه ..

يقال ان الاهتمام نصف الحب .. ماذا لو عانينا الهجر والنبذ والاهمال .. هل سنتحمل اعباء اكمال مشروع زواج فاشل ؟؟...

Roskan_aljibory


#البارت 3‪

#زواج_منقطع
بقلمي روسكان الجبوري

مثل ماأهلي سووا آني هم صميت أذاناتي عن كلامهم وقررت ما ارجع .. أبدد ماارجعله .. وبديت افكر بالطلاك حل بشكل جدي ..

من فتحت الموضوع ويه اهلي أمي رفضته تماما وأخويه سكت ما راضي عن قراري ..

وراهه جبت .. ابني كرم .. أجه الطفل بي متلازمه داون مريض ويحتاج علاجات كوومه وفحوصات دوريه كل شهر ..
يمكن بسبب مصاريف العلاج الي اهلي ميگدرون يوفروهه لأبني وأصراري ع الطلاگ أضطروا بالاخير يرضخون للي اريده ..
رفعت دعوى نفقه أليه ولابني رفقته بتقرير طبي عن حاله الطفل الصحيه علمود تصير نفقه الطفل مكفيه وموفيه لعلاجه واحتياجاته خاصة زياد موظف ومتمكن ..

كسبت القضيه وبعدهه خضت غمار معركه جديده ثانيه بوسط عالم المحاكم والمحامين .. رفعت قضيه طلاگ .. هنا زياد تخبل .. جن جنونه .. گام يجي للبيت يهدد واهلي منا يضغطون عليه حته اتراجع عن قرار الطلاگ بس اني قاومت كل هالضغوطات ومهتميت ..

الطفل والامومه انطوني قوة اواجهه بيهه وأواجه ظلمه أليه وما اقبل بأقل من كامل حقوقي ..
زياد رفض يطلگ .. تواصلت ويه الدكتورة يقين وأخذت تقريري منهم بيوم الي ضربني زياد ورفقته بالقضيه ..
من بعدهه كولشي مشى تمام وتم تفريقي عنه بسهوله وبكامل حقوقي بس بقى شي واحد ..

ماقبل يطلگني سيد .. ظليت الح ع هل موضوع لان أحساس داخلي كارهه .. اي كرهته بگد ماحبيته واكثر .. كرهت قدرته ع التحكم بيه وبحياتي حته بعد طلاگي منه ..

كرهت اقتحامه لحياتي بأي ساعه يحب .. مجرد التفكير بأني مازلت تحت سيطرته وبأستطاعته اي لحظه يتدخل بحياتي بحتلو تفصيل تافه يفقدني صوابي خاصة بعد ما عرفت خاطب البنيه الي يحبهه ..
شگد الحنظل مر .. جنت احسن روحي وگلبي وكل عضو من اعضاء جسمي جانت تتجرع هذا المر شويه شويه وماجن هذا المر راح يخلص .. ومن شدة انكساري ايست اخلص منه ..

الصبر صار عادتي .. ظليت صامدة وهو استسلم لطلبي بشروط .. يطلگني سيد مقابل اتنازل عن المؤخر مالتي والشرط الثاني يوم اللي افكر اتزوج انسى عندي ابن .. ياخذة مني .. بوقتهه جان عمر كرم 4‪ اشهر .. تولعت بي وتعلكت روحي بي وحسيته هو السند اليه باجر عگبه وبي العوض ....

رغم عمري 2‪2‪
سنه من تطلگت بس ماترددت أقبل بشروطه بس علمود أخلص منه .. كانت سيرته تخنگني .. ردت بأي طريقه وبأسرع طريقه أخلص من اسمه تحت اسمي بحقل اسم الزوج بجنسيه الاحوال المدنية ..
وصار الي ردته وخلصت منه وبدت حياة بعيده عن زياد ..
أرتاحت نفسيتي نوعا ما واستقرت .. هدأت روحي .. هذا الهدوء الي يجيك غصب وانت مجبر تتلگاه .. ليش ؟
لأن روحك احترگت بنار انت صنعتهه بيدك .. بغباءك .. بسوء اختيارك .. ومن احترگت هالروح ما بقى منها غير بس الرماد لذلك هدأت مجبورة ..

مشكلتي الاولى و الاخيرة جانت الماده .. أهلي ناس ع گد حالهم .. اخويه صح يصرف علينه بس شغله ع باب الله يعني لاوظيفه ثابته ولاراتب مضمون كل نهاية شهر وآني ممكمله دراسه وحتلو مكمله هو وينه التعيين ..

گمت اسوي اكل .. كبب وبورك ولحم بعجين واكل بيت حسب الطلب وابيع .. بالاضافه لنفقه ابني راتب ابويه التقاعدي صح اني اخذة لان مطلقه بس اقسمه بالنص نص اليه ولامي وابني ونص ثاني لأخويه لان متزوج ويصرف ع البيت ..
بين فترة وفترة أطلع ادور شغل .. حتى منظفه بمدارس أهليه أشتغلت بس ماجنت أكدر اكمل وياهم لان ساعات الدوام طويله وابني صغير ورضاعته جانت طبيعيه وعانيت هو اي من فطامة ..

يمكن ورة ما صار عمرة سنتين يا له كدرت التزم بشغل خاصه أمي اهتمت بي وهو هم تعلق بيهه ..

كرم بالنسبه لأقرانه زين .. يعني استجابته واستيعابه للكلام صح مو مثل الاطفال الطبيعيين بس احسن بهواي من اقرانه من الاطفال المصابين بمتلازمة داون ..

الطبيب گال انو كرم مصاب بأقل درجه من المرض .. من اباوعله ولبراءة وجهه وضحكته وحنيته .. يكسر گلبي .. ماريدة ينذل ولا اريد اقصر عنه بشي وكلما يكبر ديكبر همه وياه ..
روتين يومي جان فد شي متعب للاعصاب .. أكعود الصبح ع
صوت كرم .. عم ممه عم .. سودة عليه جوعان يريد ريوگ .. أمي عادتهه تگعود من الفجر وهو متعود عليه وع وقت گعدتهه لبس يگعود افتح له الباب ويطلع يمهه بالمطبخ ..

اني للتسعه يا له أكوم لكل شويه واشوف شيحتاج البيت شغل ومرات اذا عندي طلبيات گومتي تصير اوكت حته اكملهن وادزهن لأصحابهن ..

الغدة يوم عليه ويوم ع أيه مرة اخويه ..
بعد الغدة انوم كرم واني هم اخذلي غفوة .. بعدهم يگعود كرم وانشغل وياه لو العبه لو اشيله لو يظل يبجي يريد يطلع ويه خاله ..
من يجي الليل تتهيج جروح الگلب .. يتعبني التفكير .. التفكير بكل الي صار وياي .. خاصة من اسمع أخبار عن زياد وتفاصيل خطوبته وزواجه من اي وحدة من النسوان الي مرات تمر تشوف امي لو تجي توصيني ع أكل بحكم احنه جيران ..

شعور متعب من افكر بيهه انو هو مستمر بحياته عايش ومستمتع بزواج ثاني واني حياتي احسهه واگفه .. كل الناس حياتهم مستمرة وماشيه للامام الأ اني واكفه بمكاني اراوح وحايرة بأبني وشلون ادبر مصرف يومي ..

احس هذا مو عدل الي ديصير .. رغم لو اقارن وضعي قبل و وضعي هسه اگول لاااا هسه الف مرة الحمدلله والشكر .. راسي مرتاح من المشاكل وجسمي مرتاح من الضرب بس يمكن من اگول الحمدلله والشكر ماعرف ماريد اكبر بس عبالك ممقتنعه رغم والله لساني يلهج بالحمد والشكر بس الظاهر بس ترديد ..
الكاتبه .. دا أجرد دواخل شخصيه ياسمين للقارئ لأن تفكيراتهه وقناعاتهه هو اي راح تأثر ع قرارات راح تاخذهه هالشخصيه بأثناء مجريات الاحداث مرات تشوفوهه تكفر بتفكيرهه مرات جهل وقله وعي بالنهايه هي انسانه وخطاءة ..

للحكايه بقيه ..
شاركوني توقعاتكم ..


لامارا غير متواجد حالياً   رد مع اقتباس
قديم 20-07-20, 10:18 AM   #6

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



#أزمة_أحساس
قصه اجتماعيه ..
يقال ان الاهتمام نصف الحب .. ماذا لو عانينا الهجر والنبذ والاهمال .. هل سنتحمل اعباء اكمال مشروع زواج فاشل ؟؟
Roskan_aljibory

#البارت 4‪
#زواج_منقطع
بقلمي روسكان الجبوري


هالفترة گدرت أشتري جهاز من هذا اللمس الحديث بس اكيد مو احدث موديل .. سويت فيس وضفت صديقاتي بالمنطقه وسوينه گروب نسولف بي ..
كل وحده تسولف همومهه .. ماكو احد مرتاح .. فترة وگمت امل واتكئب من أدخل الگروب لان المنشورات كولهه مشاكل تشيب الراس وتعالوا نصحوني شسوي وأكثرهه مشاكل عيال وعمه ظالمه لو خيانات الزوج لو لحگوني هكروا حسابي وراح ينشرون صوري كولش طشت هالسالفه ..
صار اللعب بالأعراض ماكو اسهل منه .. راحت مخافة رب العالمين ..

صرت قليل افتح نت وهنا زادت الكآبه لان رجعت افكر بوضعي .. الفيس والدردشه ويه صديقاتي جان شويه ملهيني ومنسيني يعني عبالك صرت بين خيارين اما الكآبه والتفكير بوضعي او الكآبه من مشاكل البنات ..
فد يوم وحدة من صديقاتي سوتلي دعوة لگروب مختلط ..
طبعا اني ماجنت افوت گروبات مختلطة .. كارهه جنس آدم كولهم ..
گلت ليش لا .. دخلت .. عجبني الكروب صرت انشر واعلق .. وسعت دائرة الصديقات ومرات أجامل واشاقه بس ع گد التعليقات خاص ماخاص ماجاوب ولا اقبل صداقات ناس ماعرفهم ..

مثل الي يسبح بالبحر ويأخذة الموج العالي هيج جنت أحس من ادخل عالم النت .. ماكو رقيب ماكو حسيب .. أكو بس ضميرك وأخلاقك وتربيتك هي الي تلزمك عن انو تسوي الغلط او تنحرف لطريق موزين خاصة البنيه ..
بسبب الكبت وطريقه التربيه المتزمته في اغلب العوائل نشأ جيل مو بس البنات حته الذكر بي محروم مخنوگ مقيد لذلك بعالم النت طلعت نماذج ماأنزل الله بها من سلطان .. تحسه ما شايف .. جوعان عاطفه ..
محروم من اي نوع من انواع المشاعر .. اكو مصطلحات مرات نگولهه بضحك مثل معوز حنان بس لو تتأملهه شويه صدوگ محتاج عاطفه وحنان وبسبب قلة الوعي يتصور العاطفه فقط تتلخص ببنيه تحبه وتدزله صورته ويسوون شغلات مو حلوة بحجه الحب .. لاااا أبد مو هذا المعنى .. البنيه لو تلگى ام حنينه ومتفهمه او أب او أخ يحبهه ويستوعبهه وحتى من تغلط ينصحهه وميحاول يسكتهه ويدفنهه بالحياه متلجأ لشاب الله فشلوا يربوه صح يضحك عليهه بحجة الحب وبعدين يعوفهه ويكسر گلبهه ..

أحنه هنا كولش محتاجين بنى تحتيه بالاخلاق ، بالتعامل الانساني ، بالرحمه ، بالعاطفه النقيه الصافيه .. لأن المشاعر قوة هائله تسوي كوارث خاصة اذا انجمعت بشخص قلة الوعي وقله العقل والاهمال من قبل الاهل وهذا الي صار وياي ..
توفى ابويه و عمري 6‪
سنوات .. أمي حارت بالعيشه .. أقرب أخت اليه بيني وبينهه فرق 1‪1‪
سنه يعني جيل كامل ..
ولا اخويه الي تحمل مسؤوليتنه أحتواني وحاول يسد حنان ابويه الي فقدته وحضنه الماشبعت منه ..

لذلك شبيت متمرده ع كولشي .. هو اي تعبت أمي خاصة بمراهقتي ..
بالبيت عناد ويه أمي وأختي وبالمدرسه عركات ويه الطالبات وحته اتلاسن جنت ويه مدرساتي ..

جانت تصرفاتي تصرفات ولد .. مسترجله .. بس بالطب النفسي ردات فعلي العنيفه هاي كانت طلب استغاثه لا أرادي مني للاهتمام ..
داخلي يصرخ عن سؤال ينسأل أليه من شخص
صدوگ يهتم لحالي لو سألني شلونج وگتله مو زينه ..

اتمنى الي يقرا معاناتي يفهمني ويعذرني .. هي فعلاً أزمة أحساس عندي .. هالتسميه يمكن تلخص معاناتي وتختصرهه ..
آني علمت نفسي ع كولشي .. حتلو خطأ بس اني تعلمت وحدي محد
لزمني وعلمني ..
موعذر هذا او شماعه اعلگ بيهه اخطائي بس هذا الي صار
وياي .. دا احجيلكم دواخلي وبنفس الوقت دا أحاول افتهم نفسي شلون جنت افكر بعد سنين من ارتكاب اخطائي ..
الدوامه الي صرت بيهه من دخلت عالم النت خاصة بعد ما دخلت الگروب المختلط خلتني الگه طريقه اعوض
بيهه أحساس النقص الي بداخلي ..

صرت بحجه الصداقه أحجي ويه أي ولد يعجبني .. نسيت وعودي لنفسي . . نسيت عذابي من جنس آدم .. نسيت معاناتي ويه زياد .. الامر صار أشبه بالمرض ،الادمان ، شي يفوق قدرتي ع السيطرة عليه ..
هالطريقه الي گلت أعوض بيهه احساس النقص الي احسه داخلي وهاي طبعا مخلفات علاقتي بزياد وخياناته اي واني لسه عروس .. كسرني .. فرغني من الداخل .. هالطريقه أكتشفت انها راحة مؤقته دمااار لنفسي مثل وواحد ياخذ مخدر من نوع معين ويتعود جسمه عليه ويصير يطلب المزيد لان صار يريد أكثر نشوة بس هالنشوة مؤقته متستمر اكثر من دقايق ويرجع يطلب وهكذا لحد مايدمن ..
تجيني طلبات صداقه هواي من ولد بالگروب المختلط وصرت افوت للبروفايل واتفرج تعليقات صور منشورات ومرات اقبل ومرات لاء ..

طلب واحد جذب اهتمامي .. دائما يتفاعل ع منشوراتي بلايك او فد تعليق مستفز وارد عليه بالتعليقات بنفس اسلوبه ..
بين قوسين يضوجني ينرفزني وتعجبت من دزلي طلب .. شعور داخلي بالفضول والانفه .. خليته معلق وصرت اراقبه حته من يتفاعل بغير. منشورات ويه الاعضاء ..
مخلي صورة شخصيه رمزيه مال ضابط بس جسم اكتاف ورتبه .. طبعا ازعجني هالموضوع .. اضوج من يصير الشخص الگدامي مجهول واغلب الولد يحطون صورهم كصور شخصيه .. فأخذت فكرة عن انو هالمستخدم اجكم لذلك ممخلي صورته ..
استمرينه مثل توم وجيري مد وجزر فترة .. مرات يغيب فترات ومرات يتفاعل بشكل يومي ..

شخص ما عندي ذرة أهتمام بي .. مو آني الي أختاريته ، بروفايله مو واضح .. صح كاتب ضابط والصورة صورة ضابط بس الصورة رمزيه ومبينه مو صورته الحقيقية ..
داگلب بصفحته وأجتني رساله منه ..
شعندج تفترين بصفحتي وانتي صارلج اسبوع متجاهله طلب الصداقه مالتي ومعلقته ..؟

فزيت من شفت المسج ..
شلون عرف اني دا گلب بصفحته ..
دخلت للمحادثه .. طلعت يمه تمت الرؤيه ..
رجع دز علامتين استفهام ..
صفنت ثار فضولي .. ردت اعرف شلون عرف داافتر بصفحته ..
كتبت ..
شمدريك دا افتر بصفحتك ؟
أجاوبج اذا جاوبتي ع سؤالي ..
الي هو ؟
ليش ماقبلتي طلب صداقتي ..
جاوبت بكل بساطه. .
مشفته ..
اممم اسبوع مشفتي الطلب ؟
عادي يعني ..
حسابج فارغ ..
أعرف ..
وموجديد .. بس شكم بنيه ..
هم اعرف .. سؤال ..
تفضلي ..
شيخصك وتسأل ..
فضول .. عادي نكمل ؟
شنكمل ؟
كلامنه ..
قصدك الاستجواب مالتك ..
هههههه لاماهيج .. الكلام اخذ وعطى يعني انتي تسألين اني اجاوب والعكس صحيح ماكو فرق ..
ببرود رديت كتابه ..
بعدني مقتنعه بي استجواب ..
هههههه براحتج ..
من رخصتك ..
وييين .. ما عرفت اسمچ ولاتشرفنه بمكانج ..
ما جيت اتعرف ..
مضوجج بشي آني ؟
جج ..
لعد ليش معصبه مني ؟
مامعصبه ..
شبيج ضايجه لعد ؟
ماضايجه .. انت ليش دزيتلي طلب ..؟

ممنوع ؟؟
لا بس ردت اعرف ..
دتحسسيني آني داز طلب لرئيس الوزراء .
جاوب ..
متابعج من فترة ..
شمتابع .. صفحتي فارغه ومنشوراتي مقفوله اذا مو صديق كولشي ميطلع عندك ..

كروبات متعلقين ؟
بلي اعلق بكروبات. .
اي هنا .. اني متابع تعليقاتج ..
سكتت افكر ..
رجع سألني ..
شنو اسمك ؟
جنى .. وانت ؟
طبعا اني ابد ماانطي اسمي الحقيقي ..
يامن ..
عاشت الاسامي ..
شكرا وانتي هم اسمج حلو ..
شكرا
العفو ..
من وين ؟
من كل مكان ..
جاوبته وماريد انطي عن نفسي اي معلومه شخصيه ..
وانت ؟
هم من كل مكان ..
مكتوب من بغداد ..
وانتي هم مكتوب من بغداد ..
سكتت .. رجع دز ..
شگد عمرج ؟
2‪4‪..
وانت ؟
3‪6‪ ..




للحكايه بقيه ....

شنو توقعاتكم ؟؟


لامارا غير متواجد حالياً   رد مع اقتباس
قديم 20-07-20, 10:21 AM   #7

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



#البارت 5‪
#أزمة_أحساس
#بقلمي روسكان الجبوري


امممم ..
شنو اممم .. قصدج جبير ؟
لا .. أقصد اي ..
ههههههههههه .. حبيت الصراحه .. بس لا والله الثلاثينات أحلا عمر مو لان عمري بس نضج وشباب وخبرة ..
نضج وشباب فهمناهه بس خبرة .. خبرة بشنو ؟
بكولشي بالحياة .. وعي وتفكير حته بسوالف النسوان .. يعني شايفين وعايفين ..
عندك ضغط سكر ؟
لابيش طالبتني ..
لعد قنعتني ..
بشنو ..؟
نضج ووعي وشباب .
لعد انصحج أستفادي مني واستغليني ابشع استغلال.
هههههه
يارب دوم ..
تسلم ..
تدللين .. مرتبطه خطوبه زواج حب ؟
سكتت .. ردت أأجل الجواب لان عجبني اسلوبه بالكلام .. بالبدايه كان وكأنه يحقق وياي هسه لا .. يندار الحديث بسلاسه من قبله بدون شعور بأنو يحجي وياي بأسلوب التحقيق .. ويمكن واحد بالميه مني انطى ايعاز لعقلي وأضاء فكرة اختبارة بأني منفصله .. شراح تكون ردة فعله ..
ركزت ملامحي وتشنجت واني اكتبله ..
منفصله ..
وليش هيج الحواجب معقوده ؟
ضحكت ويه نفسي بسرعه وراسا فكت الحواجب المعقوده من جبيني .. بس هو شلون عرف ..
سألته ..
شلون عرفت هيج جانت حركه حواجبي ؟
يا به مو گتلج خبرة بكل مجالات الحياة استغليني ..
تمام .. راح اتذكر هالكلام .. وانت ؟
شبيه اني ؟
متزوج منفصل ؟
هم منفصل ..
صارلك شگد ؟
هو اي .. ست سنوات هيج شي ..
آني سنتين ..
بس بعدج صغيرة .. شنو صار وانفصلتوا ؟
مشاكل وماتوالمنه ..
عندج اطفال ؟
طفل واحد ..
ربي يحفظه الج ..
و يحفظك تسلم .. وأنت ؟
ما عندي اطفال ..
اها شعجب .. شگد استمر زواجك ؟
سبع سنوات .
وليش انفصلتوا ؟
خلافات ومشاكل وردت طفل وماكدرت تجيبلي ..
خطيه .. بس سبع سنين شويه ليش ماانتظرتوا ..
خيرتهه اتزوج عليه علمود الطفل لو اطلگهه .. اختارت تنفصل عني ..
اكيد تختار هالشي .. وتزوجت ؟
لا هذاك يوم وهذا يوم .. ع حطة ايدج ..
لعد ليش هددتهه تتزوج عليهه اذا ما عندك نيه تسوي هالشي ؟
يمكن طگت روحي منهه وردتهه فرصه من الله علمود اطلگهه ..
هااا .. ليش جانت اكو وحدة ببالك ؟
لا ابد .. جان تزوجتهه رأسا لو اكو وحدة ببالي ..
لعد شنو صار ؟
يا به مليت من المشاكل والكلام عن الخلفه والاطفال ..
اممممم جنت گاعد ويه اهلك ؟
بلي بس مو عبالك أخذتي دور المحقق مني ؟
هههههه لا بس صار عندي فضول اعرف اشياء عن حياتك ..
حلو الفضول مو ؟
اي حلو ..
تمام لعد سولفيلي .. انتي ليش انفصلتي .. ولاتگوليلي مشاكل وماتوالمنه ومااعرف شنو .. اريد تفاصيل ..
ممكن تعفيني من الكلام بهذا الموضوع ؟
اوك خليج ع راحتج ..
شكرا ..
العفو ..
أنت ضابط ؟
نعم ..
شنو رتبتك ؟
شتگولين انتي ؟
شفت نجمه ونسر .. يعني مقدم ..
زين تعرفين بالرتب ..
يعني صحيح مقدم ..
بلي ..
اممممم سيادة المقدم .. شغلك بي خطر عليك ؟
جهاز مكافحه الارهاب .. مو بس احنه مستهدفين حته عوائلنه مستهدفه ..
الله الحافظ ..
شنو شهادتج ؟
سادس علمي ومبطله ..
عاد اخذتي شهادة السادس ؟
اي اخذتهه ..
عفيه عليج ..
وانت ؟
تربيه رياضيات ماكملتهه حولت ع الكليه العسكريه (م. أ. أ. س.)(متابع يعرف نفسه )
سكتنه شويه .. سألني ..
وين رحتي ؟
هنا ..
لعد ليش ساكته ؟
ماعرف عادي يعني خلصت كلام ..
اممم خاف نعسانه ..؟
لا ..
بشنو تفكرين لعد ؟
بصراحه ؟
اكيد ..
افكر باجر اوصل ابني للروضه وأفتر عالمحلات ..
شنو هالحجي ليش تفترين ؟
محتاجه شغل ..
لعد الشغل بالمحلات ..
اي بلكي سوبر ماركت او محل يحتاجون اكل منزلي وأتفق وياهم اسويلهم كبه ماكبه وهمه يبيعون وآني استرزق ..
لا حول ولا قوة الا بالله ..
سكتت عرفته استخطاني واستخطى وضعيتي .. اكره الشعور هذا ..
ماكو غير شغل ؟
ليش لگيت وتبطرت .. شهادة سادس شألگه شغل مثلآ ..
ليش هو خريج الكليه لاگي شغل حتة انتي تلگين .. مشوفيني حولت من التربيه للكليه العسكريه ..
حسبتهه صح ..
اي لان ماكو تعيينات .. قابل اضحك ع روحي مثلا .. وهسه ؟
شنو هسه ؟
زين شركات أهليه روضات أهليه ..
قدمت ..
اي ؟
يأخذون فايلي ورقمي ويحطوني عالشحن ..
ام صديقي مديرة روضه .. خليني احجي ويه ابنهه يشوفهه بلكي محتاجه موظفه ..
فرحت حيل من گالي هيج وصار عندي أمل من صدوك الگه شغل ..
الله عليك ؟ .. تحجي صدوگ ؟
اي و الله شبيج ..
شكرا والله ما اعرف شأگولك ..
لايمعوده دخلي تصير بالاول ..
حتلو مصارت .. انت غريب وبس سمعتني انتخيت شكبرهه هاي ..
حسيته خجل من كلامي ..
يا به مسوينه شي .. وين بيتكم ؟
عقدت حواجبي .. جاوبته بأستغراب ..
ليش تسأل ؟
غير علمود أعرف الروضه قريبه عليك لو بعيده .. اذا بعيدة نشوفلج فد روضه قريبه ع البيت مالتكم من معارف ام صاحبي خو مو الراتب يصير كراوي ..

ظليت صافنه شنو أرد عليه .. أنتخالي نخوة وهو غريب .. گرايبي مينتخيلي هيج حتلو بس كلام .. الكلام زرع بيه امل والأمل بحياتي هاي وظروفي هاي هو الشمعه الي تنور طريقي الطويل .. النور الي بنهاية النفق الطويل الي داامشي بيه ..
كتبتله ..
هاي اول محادثه بيناتنه .. جديات شكراا ..
ما أتمناهه الاخيرة .. العفو لسه مسويت شي .. أقبضي وبعدين اتشكري ع راحتج ..
....
سكتت مجاوبت ..
صارن 3‪
نقاط يتحركن .. عرفت ديكتبلي شي .. انتظرته يكمل .. دز ..
الي يشوف تعليقاتج يگول هاي الله يساعدة الي يتزوجهه والي يتعرف عليج يگول هنياله المتزوجهه ..
مافتهمنه هاي دتمدحني لو تذمني ؟
قاصدهه كلام حلو .. يعني ع الاكثر مدح ..
امممم شنو الي جذبك بتعليقاتي ؟
ثائرة ، رافضه لكل العادات الظالمه للبنيه بالمجتمع .. حاقدة ع الزلم ..
من ضيمي منهم .. هههههه ..
عاشرتي واحد بس .. ليش عممتي ع الكل ..
صح بس داير مدايري جيران وصديقات وكولهه نفس المعاناة .. ماعادت الزلم سند بظهر المرة .. ماعاد الرجال سند ..
لعد منو السند ؟
الراتب والوظيفه ..
حقج تحجين هيج .. بس ترة مو كل اصابعج سوة ..
يمكن ..
لا أكيد مو يمكن ..
الامثال تضرب ولا تقاس ..
عوفينه من هالموضوع ماريد نتكافش هسه عليه وتضربيني بلوك ..
لالا خلي احصل الشغل منك وبعدين أسويلك بلوك ..
هااا مصلحجيه يعني ..
ايييي بالضبط ..
زين اعترفتي ..
اهم شي عندي الصراحه ..
وآني هم تعجبني الصراحه ..
شنو نظام دوامك ؟
حسب ..
حسب شنو ؟
اذا انذار او يحتاجوني بمكان بعيد اسبوع بأسبوع ومرات أكثر اسبوعين بأسبوع وأذا الوضع طبيعي فدوامي يومي أطلع الصبح وارجع الظهر ..
وحاليا ؟
حاليا بالدوام .. انذار .. بس مو بمكان بعيد ..
الله يحميك ..
من گلبج ؟
هههههه لامصلحه ..
اهااا ..
لالا كذب .. أكيد قابل شعندي وياك .
زين .
زين .. راح اروح أنام ورايه گعدة من الصبح ..
واني هم .. فرصه سعيدة تعرفت بيج ..
شكرا وآني أسعد ..
تمام .. تصبحين ع خير ..
وانت بخير ..
سديت النت وحطيت الموبايل جوة المخدة ..
بالي يودي ويجيب .. أمال وأحلام وأفكار .. اتأمل الذى شغل ..
ظليت افكر اذا صدوگ لگالي شغل بروضه شلون بيه أذا قدمت ع دوام المعهد .. دوامي صباحي والروضه هم صباحي ..
يله اداوم بالروضه شكم شهر بين مايبدي الدوام بالمعهد الم لي شكم فلس اساعد نفسي بيهن ..
و اكيد منا لذاك الوقت اخويه لاگيلي سوبر ماركت ابيعله الاكل مالتي .. ربي مايكطع ولا يعوفني مدام الفلس الي اطلعه حلال ...
نمت واني افكر شلون ادبر قوت يومي ....




للحكايه بقيه. .
توقعاتكم ..



لامارا غير متواجد حالياً   رد مع اقتباس
قديم 20-07-20, 10:23 AM   #8

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



#البارت 6‪
#أزمة_أحساس
بقلمي روسكان الجبوري


يامن ..
شهرين واني متابع بنيه، ع موقع الفيس بوك باحد الكروبات ..متكلمه، ،عرمه، ،كارهة لجنس الرجال تحس داخلها بركان يغلي(حقد ع الرجال وع العادات ، والتقاليد الظالمه للبنيه) ،،نابضه بالحياة، ،،
ماتوقعت عمرها صغير ابدا ، عدها وعي ونضوج بالاراء من تعلق وجهة نظرهة تقنعك بشكل مخادع ،، ظليت اتابعهة شهرين وبعدين دزيتلهة طلب ،، اسبوع ماكو رد بعدين جنت كاعد اجاني اشعار لايگ ع الصورة الشخصيه راسا فتت حاجيتهة ،،
بالبدايه متعصبه ومتشنجه وبعدين انطلقنة بالسوالف لساعه متاخرة من الليل يلا تفارگنه
حجتلي هواي عن نفسهه وظروفهه ،،صغيرة عمر، مظلومه حظ، مكافحة

قليلة او منعدمه البنات التي تفاجئني او تعجبني ك صفات وشخصية مو كجسم وملامح وتفاصيل وهالبنيه فاجأتني بالمنطق والتفكير
تفارگنه ع امل تجدد الحديث باجر، ،قضيت ليلتي افكر بيها شجاعه في خوض غمار الحياة، ،

ياسمين ..
ثاني يوم الصبح كعدت ع صوت المنبه نايمة متاخرة فكوة سحلت روحي من الفراش
سويت ريوك، امي كاعدة تصلي النوافل وقضاء ما في الذمه، ، خلصت رحت صحيت اخويه يتريك ويروح لشغله وكعدت ابني غسلتله وبدلتله وكعدت اريگه،
لبست عبايه اسلامه ع كتفي واخذت ابني وطلعت اوصله للروضه،
بطريق الرجعه مريت من نفس الروضه الي قدمت عليها البارحه واخذوا رقمي، ، هالمرة المديرة جانت موجودة رحبت بيه وشافت استعدادي للشغل حتلو بوظيفه منظفه بس كالت لا ممحتاجه منظفه محتاجة مربيه ع الحضانه الراتب اعلئ من راتب معلمه الروضه لان طفل الحضانه يحتاج عنايه واهتمام اكثر وانتباه وشطارة هاي من غير تنظيف الطفل ولازم فترة ياله يتعودون عليه، ،
ملخص الكلام الشغله صعبه بس مو مستحيلة وراتبها نعمه من الله وقريبه اودي ابني لروضته واتمشالهة من باجر المديرة اسمها ام باقر كالت تعاي باشري شغلج طرت راجعه للبيت الدنيا ماسايعتني من الفرح هذا اول شغل اليه اول مادخلت بشرت امي كامت تصلي ع محمد وال محمد وتدعيلي بالتسهيل والتوفيق وخابرت حجيدوري هم بشرته فرحلي وباركلي ،،
مرة اخويه مموجودة سألت امي كالت الصبح حيدر وداهة لبيت اهلها قبل لايتوكل لشغله
هميت ايدي وبديت اكف شغل البيت تنظيف ومسح وطبخ، ملابس هم غسلت ، كولشي يجي بيدي اخلصه بسرعه، اشتغل بهمة شي يدفعني، ، امل بحياة احسن شعور بالاستقلاليه ،، رغم قله المبلغ ادعي ربي يطرح بي البركة
استمر اليوم كالمعتاد ،، بس صار الليل وفتحت فوني وشفت يامن نشط قررت يشاركني سعادتي بالخبر
دزيتله هلوو رأسا رد سلامة حار ومحترم، ،حجيتله الخبر باركلي
_ها هسه راح تسويلي بلوك
استغربت،
_ليش
بعدين تذكرت كلامي البارحة عن المصلحه وبس يلكالي شغله اضربه بلوك، ،
راسا جاوبته قبل لايجاوبني، ،
_ هاااا،، يمعود جنت اتشاقه،
_ تعشيتي
_ من زمان وانت
_لا، ،،وصيت ع عشا شويه ويوصل
_ اهاااا،، عاغيات مقدما
_ الله يعافيج، شلون كضيتي يومج
_بين شغل البيت وابني وامي، ، لاجديد، ،شوكت تنزل
_ شوكت مايخلص الانذار
_ مطول يعني
_العلم عد الله
_تمام
_ ليش داتسالين هيج تفاصيل ?
_ هيج مجرد فضول
_ اهاااا
استمر يسولفلي عن اهله وعائلته كال امه عايشه وابوه متوفي عنده اخوان 2و 3 خوات
الخوات 2 منهن متزوجات ووحدة بعدهي
واخوانه اثنينهم متزوجين واحد بيته وحدة طالع والصغير ويه امهم وهوة ماخذ الطابق الثاني شقه ممفصوله عن الطابق الارضي بس اخذها لان جان متزوج وعازل بيهه وبقت اله من بعد ما نفصل عن زوجته وهمين اخو الصغير صار عندة طفل وهوسه الطفل والبجي وهو يجي تعبان من دوامه ويحتاج هدوء حته ينام، ،، المهم بقت الشقه اله
واني هم حجيتله عن اهلي وظروفي وزواجي ومعاناتي وي حاله ابني كرم
تعاطف وياي وعرض مساعدة بس اني مااحب هالشي لااحب احد ينقهر عليه ولا احب امد ايدي لاحد ،،،
لح هواي ع اسباب انفصالي عن زياد بس اني رفضت احجي بالموضوع ،، كل الي كلته اله مشاكل وماتراهمنة بخيل وخيانات مستمرة وضرب بس مااقتنع من اسبابي كال المرة تصبر انتي بعدج صغيرة ومبينه عاقله وفاهمة وتفكيرج اكبر من عمرج
جاوبته انو اكو امور ميفيد بيها عقل وفهم وتفكير سأل مثل شنو مجاوبت
من احاجيه الساعات تمر عبالك دقايق فجأة اباوع للساعه عابرة الوحدة وباجر دوام واول يوم شغل فترخصت منه، رخصني ع مضض وتمنالي التوفيق باجر ودعته وسديت النت ونمت
ا
****
ثاني يوم نفس الروتين الصباحي كملت من وكت بدلت لابني واخذته وصلته للروضه مالته واني رحت لمكاني، ،
دخلت الوجوه بشوشه سلمت واخذتني المديرة لمكان شغلي الحضانه صايرة طابق ثاني مطبخ وحمام وتواليت وغرفه طعام وغرفة العاب وغرفه مشاهدة وبيهة شاشه عرض مثبته ع قنوات الكارتون وغرفتين للنوم
شي راقي والمكان نظيف ويانة بنيه هم مربية اسمهة شهد عدنا تقريبا 25طفل وبنيه ثالثه اسمهة رؤئ اليوم ممداومة
المديرة اكدت ع نظافه المكان بكل وقت وتعقيم المكان بالديتول يعني يوميا لازم نمسح ميز الطعام والكراسي وتنظف التواليت بالديتول وكل نهايه اسبوع نغسل جراجف الاسرة وجوه المخاديد هم بديتول سائل واكو غسالة اوتماتيگ ولوكرات لملابس الاطفال والاغراض
علمتني شهد كل مميه احط عليها لاصق ابيض مكتوب عليه اسم الطفل لان كل فترة الامهات يبدلن ممية الطفل ونفس الشي بالنسبة لحافظات الاكل وقواطي الحليب حتة جنطهم مطلوب مني حفظ ليا طفل تعود
اذا تمرض الطفل لازم دواه وياه ونعرف الجرعه ووقت الدوة ونراقب حرارته واي شي يصير احنه مسؤولين ولازم نبلغ المديرة اذا ساءت حالتة حتئ تتصل بالام.
اووووو،،،،هواي امور وصتني عليها المديرة وامور ثانيه علمتني عليها شهد بعدين من شافتني دخت بكمية الملاحظات الي جنت احاول اسجلها بعقلي وماانساها كالتلي ،
لتشيلين هم حبيبتي لان اول يوم اتشوفيهة صعبه بعدين تتعلمين
هزيت راسي بالموافقه
صرت اشتغل واعتني بالاطفال واراقب شهد شنووتسوي من تنظف الاطفال تلبس كفوف وابد ابد متستخدم كلينس مرطب تكول بي كحول وجسم الطفل حساس ويصير احمر
ومرات يسلهف خطيه
الدوام من الساعة 7 الصبح لحد الساعه 3 الظهر اني اجي ورا السبعه بين مااوصل ابني لمكانه طبعا الروضه مال كرم خاصه للي مثل حالته كرم بي اوطأ درجه من متلازمه داون يعني يفتهم وذكي لو قارناه ويه اقرانه من المصابين بالمتلازمه بس لو قارناه وي طفل سليم نلاحظ عندة نوع من بطئ الفهم بس مو لدرجه البلاهة مثل اطفال متلازمه داون ،،،حته شكله اقرب للطبيعي
جعت لان مجايبه وياي اكل وراسي كام يوجعني لان نايمه متاخر ومشاربه جاي وممتعودة علئ هيج تعب والله معبالي هلكد مربيه الحضانه تتعب والغريب بالموضوع صح الاطفال متنحسين عليه لان ميعرفوني وميريدوني وممتعودين عليه بس اكتشفت عندي طوله خلك وياهم بحيث ماعصبت ولاضجت من النحاسه مالتهم تجاهي يمكن تعلمت من تعاملي وي كرم لان وي كرم اذا صيحت عليه يكوم يصيح ويفقد ويكسر غراض ويضرب فتعلمت اسوي كولشي بهداوة حته من يغلط واعاقبه لازم بصوت هادئ علمود يفهم ويوعى الغلط مالته ويعرف سبب عقابه
صارت 3الظهر واخيرا رجعت للبيت لكيت امي مغديه كرم ومرة اخويه صابتلهن اني راحت الجوعه مالتي بس شربت جاي وحبايه براسيتول وگبل للفراش نمت للمغرب
كعدت مسطورة شفت امي وكرم جان كاعد يتفرج كارتون اول ما اجيت ركض عليه حضني، ، شلته وتمشيت بي وكعدت يم امي سولفتلها على دوامي
كمت عاونت مرت اخويه سوينه العشه وتعشينا والمواعين كتلهة عليه لان صار تقسيم جديد بالشغل عليها الغدة ومواعينه و عليه العشه ومواعينه والريوك هم عليه والتنظيف اذا عدها مجال تنظف واذا لا حتلو انظف بالليل ورة العشا لو انتظر يوم الجمعه لان طفل واحد ومو حرك والبيت يبقى نظيف عدا اللملمه هاي شي يومي اكيد
بعد العشا سبحت كرم لان متعودة اسبحه الظهر اول ميرجع واليوم ماكدرت
سبحته، ،لعب شويه ونام واني كمت عالبيت لملمته كعدت وية امي شويه لان حيدر جان كاعد وياها ويسولف عن شغله يريد يشتري سيارة وراح يبيع ذهب مرته ويريد امي تساعدة،، امي من وين تجيب، ،راتب ابويه الله يرحمه التقاعدي اني استلمه اقسمه بالنص نص الي ونص لحيدر وهم نصيبي اقسم منه جزء لامي ويبقى عندي نفقه ابني الي لاتسد ولاتستر بس احسن من الماكو ومرات يجيني وارد من ابيع اكل منزلي
سألني عن اول يوم من الدوام وكتله الحمد لله وكام ضايج لان الحال ضايگ والعيشه صعبه واحنه 3نفرات وطفل بركبته وهوة كبر وتعب من ذله الصخرة يوميه بشغله وهم صارله شكم سنه متزوج وماعندة طفل وماعندة فلوس يودي زوجته تراجع طبيبة نسائيه وتتعالج اذا بيها شي يمنع حملها صح العيشه متساعديجي طفل يكمل علينه بس هوديكبر ويريد سند اله يريد يفرح بطفل يشيل اسمه ويترس حضنه قهرني حالة ،، هوة اكبر مني ب1‪3‪سنه ومن صغرة شايل مسؤوليتنة شنو شاف من شبابه شبيدي عليه
هل الوضع يخليني اصر ع المعهد الطبي ولازم اشوف شوكت يبلش التقديم لايفوتني الوقت وحته شغله الاكل المنزلي لازم اشوف محل يصرفلي الاكل عالاقل منالمن اقبض اول راتب الي بالروضه
التفكير بالعيشه والمصاريف وشلون تدبرهة ومنين نجيب وشلون نعيش مرهق، ،،كولش مرهق نفسيا وعقليا وجسديا
رحت لفراشي بدون امل وبدون رغبه لمعرفه باجر شينتظرني رغم هذا اول يوم دوام وجنت متفائله بي كولش
حته نت مافتحت ورغم كاعدة المغرب بس خليت راسي عالمخدة نمت يمكن النوم كان وسيلتي للهروب من واقع عقلي وماعاد اله قدرة ع التفكير بي وتدبيرة
(لاتفكر فلها مدبر )...
يامن ..
اول يوم دوام الهة فرحت بالخبر وكأنه هالبنيه من بقيه اهلي ،،جنت منتظر اللليل يجي واسمع منهة اخبار يومهة الاول بالشغل بس
مفتحت ،،، حسابها من البارحه ممفتوح ،،ضل بالي رغم



للحكايه بقيه ..


لامارا غير متواجد حالياً   رد مع اقتباس
قديم 20-07-20, 10:40 AM   #9

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



#البارت 7‪
#أزمة_أحساس
بقلم روسكان الجبوري


رغم مصارلنه غير ايام نحجي،
ثاني يوم انتظرتهة هم ماكو .. وثالث يوم ...بالي يمهة وعقلي وتفكيري انشغل بيهة ليش مدا تفتح حسابها شنو صار وياهة

تندمت ع كل مرة اريد اسالها عن اسم مكان شغلها او رقمها الخاص او عنوان بيتهة، ، غريبة مو؟؟
بس بعقلي كولشي منطقي، ، تعلقت بيها خلال ايام
باليوم الرابع فتحت الحساب، ،ماصدكت عيني من شفتهة نشط، ،،شايفه رسائلي وممجاوبه، ، استغربت
كتبت بهداوة وهدوء وبرود عكس كل التوتر والاضطراب والبراكين الي جانت تغلي بداخلي
_ هلو بذاته
_جاوبتني بسمايل ضاحك خجول، ،
_ هلو بيگ
_لوحاضرتني احسن
_ ليش هيج تحجي ?شسويت الگ اني ?
جنت بس اريد اتعارك وياها مااعرف ليش وبرودهة (فهاوتها) يزود النار الي بداخلي
_3ايام وانتي ماكو ..
_ظروف والله اعذرني، ،
_ سولفي ،، نسمع ونفكر نعذر لو لا، ،
_ههههه شكد شايل عليه
جنت احاجيهة بتملك وهي جانت تجاوبني برهاوة ومحتويه هالشعور بالتملك الي يجتاحني تجاهة
_ ابني جان مريض ،، صخونه ودخلت بي مستشفى ،،
سكتت ،اعرف الضنئ غالي بس ما حاس بهل الشعور
_ شبي الطفل ؟
_ لان اسبحة بالليل ، صح الجو حار بس تبريد وسبح جسمة ماتحمل وصخن عليه يومين
_ وهسه شون صار ?
_الحمد لله احسن من بعد ما اكلتلي هبطة
_ سلامتج وسلامته، ،،
_ الله يسلمك ، هسه معذورة لو لا ?
_ شويه جان لازم تطمنيني عنج
_ والله مافتحت نت ،،
_ اعرف لذالك اريد رقمج
_هههه ،، لا طبعا
_ ليش
_ليش انطيكياه ?
_ لان طلبته منج ،،،
_ يامن ممرتاحة لنبرة كلامك
_ شبيهة نبرة كلامي ؟ معاجبتج
_دتخوفني
_شنو الي ديخوفج
_كلامك ،،، اوامر ، عبالك كاعد تتأمر عليه .
_ هذا طبعي ،، الجيش خلاني احجي بلهجة امر ،،
_ اي موعليه، عدل اسلوبك شو ماجنت هيج
_شنو عدل اسلوبك هاي انتي شلون تحجين وياي هيج ؟
_ طلبت منگ تعدل اسلوبك مابيهة شي
_ قصدج اسلوبي اعوج
_لاتفسر كلامي ع مزاجك، ، وهسه من رخصتك
_ اوكفي وين وين
مااعرف انته ليش عصبي ومااعرف اني شسويتلك ودتحجي وياي هيج، ، خليني اروح بدل مانتعارك
_ لا والله ؟؟مسويه عليه فضل..
_ممسويه فضل بس مااكدر احاجيك وانت بهالحاله
_ شبيها حالتي؟
_مااعرف شبيگ ،،، باي
_جنى !!
سدت النت رأسا وبعد ماحاجتني مااعرف شصارلي مااعرف شكالت بالضبط وعصبتني ،،، اني نفسي ماعرفت شبيه ، ،،
من رفضت تنطيني رقمهة مااعرف شصار بيه واني منا صارلي 3ايام مااعرف عنهة شي ..

حاجيت ولد صديقي يعرف بالحسابات بين قوسين هكر
خفت خاف تسويلي حظر وجديات فكرت اخلي الولد يهكر حسابهة في حال سوتلي بلوك لان ماتحملت فكرة خسارتها
هو ضحك عليه وع خبالي، ،،لو جان يمي جان جبته بدفرة بس اني نفسي مااعرف شنو صارلي، ، هي شنو ومنو وششفت اني منهة علمود هيج اتخبل عليها ..
كالي اسويلك احسن من التهكير، ،،كتله شنو كال اجيبلك رقمهة كتله شلون، ، كال الماسنجر ميصير الا برقم خط سيم كارت يعني واكثر البنات من يسون حساب بدون درايه منهه يبقى الرقم ظاهر فبلكي هي من هالبنات
ضجت بس اتاملت يلكالي رقمهة ظاهر
دقايق واجاني رد ،،، مو اي رد ،،،رقم تلفونهة، ،ياااابة الدنيا ماساعتني
كبل نسخت الرقم ودزيته لولد صديقي يشتغل بالمكتب عالحاسبه ،،، كتله كولشي يخص هالرقم اريدة اسم صورة، عنوان اريدة
كالي باجر يمك
نوعا ما ارتاحيت، ، سديت النت احاول انام واني افكر شنو الي صار، ،،،،
الرقم حفظته بجهازي، ، دكيت عليها ردت الو بصوت ناعس فضلت السكوت والاستماع للصوت
سدته بوجهي وكررت الاتصال وبدل المرة سمعت الالو 3مرات ،،بعدهة انغلق تلفونهة، ابتسمت عرفت خلكهة طويل بس اني ضوجتهة
بخبصه هالمشاعر ،،،نمت
ثاني يوم الصبح وصلتني المعلومات
ياسمين عزيز ،،الصور بالجنسية بنيه سمرا عيون سود كبار تشبه الممثلة اللبنانية نادين نجيم بس بدون الشاامه ،
مطلقه، ،مواليد 90 سكنه بغداد حي، ،،،،،، زقاق شارع،، بيت ،،كوله موجود
ظليت صافن، ، ممتاكد من المعلومات، ،لان كالت اسمهة جنى واني مشايفها ،يمكن هذا مو رقمها مسويه الحساب برقم وحدة ثانيه اختهة اوصديقتهة زين سمعت صوتهة هم واني مسامع صوتهة قبل حتئ اقارن
ظليت حاير شلون اتاكد هالمعلومات ترجع لنفس الشخص
،،جنت اعرف اسم روضتهة وحتة روضه ابنهة،

اخذت اجازة زمنيه ورحت عالمنطقه مالتهة، ، اندليت البيت من العنوان الموجود عندي
وسالت بالمنطقه ع الروضه، ، الي تشتغل بيها
جانت ظهريه ساعه وحدة ونص تقريبا ،،نزلت تمشيت قريب ع الروضه مطعم، ،اشتريت لفات وجاي من الصبح مسطور بيها، ،،دوختني السبع دوخات
عدلت راسي بالچاي وشبعت بطني باللفات ،،،وظليت اراقب مرتجي عالبنيد مال السيارة العسكريه وقريب ع باب الروضه
كبالهة بس صاير بالسايد الثاني عبر الشارع يعني
صارت ب3 وبدن البنات يطلعن نزلت نظاراتي الشمسيه هي بعد الشمس حاركتني حاركتني ،،
ردت اتمعن واتقرب، ، بس ماكدرت اجذب النظر وملابسي عسكريه
هم ماكدرت افرزن البنات ،،بس صدفه صارت عيني ع بنيه طويله سافرة دتعبر الشارع التفتت ليورة وكالت بصوت مسموع
_ياسه عودخابريني لو ردتي تطلعين نطلع سوة
التفتت ع ياسة، ، مودلع ياسمين لو غلطان ،،، ركزت بالملامح وحاولت اربط وية صورة الجنسية الشفتهة
بنيه طويله ماضعيفه شويه تارسه برشاقه، ،، سمرا حنطاويه الخشم قلم والشفايف كبار بارزات ومحددات وبيهة شبه من الممثله نادين نجيم ،،
ظليت اباوع عليها ماعبرت ع سايد بس سرقت نظرة عليه وع السيارة العسكريه
لزيادة التاكيد اتصلت ع الرقم العندي الهة انخبصت تطلع الموبايل من جنطتهة اول ماشافت رقمي انطتني رفض
خلص هاي هيه تاكدت هي، ،
هي راحت للبيت واني رجعت لدائرتي
لليل انتظرتهة تراسلني بس ماراسلتني
دزيت
_ اسف،،،
شافتها وماردت ، كتبتلها
_ بعد ما احجي وياج بطريقه تخوفج مني
هم ماردت
_ شنو الي يرضيج اسويه
_ مزعلانه
_مشتاقلج
هم ماردت ظليت بالمحادثه فاتحهة طلعتلي الثلاث نقط دتتحرك يعني تكتب
ظليت هواي انتظر شنو دتكتبلي جريدة وردت اكتبلها هالكلام بس مادزيت ارسال اجاني الرد
_ تعرف ليش تطلگت
4سنوات زواج، ، تحملت الخيانه وتحملت الضرب والاهانه والسب والغلط رغم يتيمه يعني الغلط جان ع ابوبه الميت بس ماتحملت الاهمال، ، ماتحملت محسوبه متزوجه واني معايشه حياه المتزوجه، ، لا رجال يباوعلي ويهتملي ولا يسالني شلونج ولا يلاحظ لو غيرت شي بملامحي لخاطر عيونه تشوفني احلا، ، اصلا عيونه مجانت تشوفني، ، وماحاسبني موجودة اصلا
كرهته وكرهت يتقربلي ويحسبني وعاء تفريغ حاجه، ، مااتحمل الشعور بالحكر والاهمال ،،الناس تشوفني وتتمناني واني اتمنئ نظرة من عيونة كل هذا حطيتله حد، ، فلا تجي انت تكولي مشتاقلج وانت مو كد هالكلمه
_كدهة وداعه عيونج السود كدهة، ، واني الاتمنئ نظرة من عيونج
ماردت حسيتهة انصدمت من ردي، ،
انسد النت ،، ظليت الوب ولزمت روحي مااتصلت بيهة خليها براحتهة تستوعب الي سمعته مني ،،
ظليت ساعات انتظر
بالوحدة هيج اجتني منهة رساله ،،
_شلون عرفت عيوني سود
ماردتهة تعر ف اني رحت وشفتهة لان بس تعرف تكول عليه مخبل مو صاحي وبالله وياها حق بكلامهة فجاوبتهة
_ خمنت
_وليش تتمنئ نظرة من عيوني؟
توهتهة عليهة وجاوبت برهاوة
_ لان معجب بعيونج
_ لاتخوفني بعد
_ وعد ماخوفج، ،، شونج؟
_ زينه، ، وانت؟
_ مادامج زينه اني زين
_ شسويت اليوم؟
_ مسويت شغل ودوام، ، وانتي؟
_ اممممم ،،،نفسك شغل ودوام
_ باجر انزل
_ اهااا،، مبروك ،، حترتاح اسبوع
_ لاوين هنة يومين وراها امي تستلمني صخرة ومسواك ومشاوير ،فلان مات روح اخذ من خاطر اهله وفلان تزوج روح باركله، ،
_هههه وانت من هاي متعاجز ،،عادي الناس للناس وكولشي بالدين حتئ دمعه العين
_ هاي انتي مثل الحجيه
_ ههههه وامي هم هيج تكول
_ امممم سؤال
_جواب
_كل الكلام اللي حجيتي اليه عن نفسج وعائلتج حقيقي؟
جاوبت باستغراب وسؤال
_ اي ليش،،،
_ يعني ممكذبه بولا حرف ولامعلومه؟
_ اممممم،،، معلومه وحدة
_ وهي ؟
_اسمي، ،
_ بس؟
_بس
_ سهلة هاي اذا بس ع الاسم، ، عود من تعرفيني زين انطيني اسمج ورقمج
_ ههههههه شلون لوتي هم رجعت ع الرقم
_ ماانسه سالفتي، ،،
_امممممم
_ اي شلونه دوامج؟
_ متتتتتتعب
_ الله يساعدج
_والولد شلون صار؟



للحكايه بقيه ..
شاركوني توقعاتكم ..
هاةحبيتو يامن بعدكم ؟؟

شكرا ابتهال محمود ممنونه حبي _ _
هم گولوا ممدللتكم .. اريد تفاعل واريد متابعه لحسابي اليوم قبط الف واريد الف ثاني هو اي ديقرون بدون تصويت وبدون تعليق ..


لامارا غير متواجد حالياً   رد مع اقتباس
قديم 20-07-20, 10:42 AM   #10

لامارا

مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام

 
الصورة الرمزية لامارا

? العضوٌ??? » 216
?  التسِجيلٌ » Dec 2007
? مشَارَ?اتْي » 87,659
?  نُقآطِيْ » لامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond reputeلامارا has a reputation beyond repute
افتراضي



#أزمة_أحساس
Roskan_aljibory
#البارت 8‪


- بخير الحمدلله
ظلينه نسولف لساعات الفجر والحمدلله باجر الجمعه نمنه ساعه ٤ الفجر وهاي اول مره نسهر لهيج وكت
مر شهر واحنه نفس وتيرة كلامنه . اصعد الوتيره اني تتجاوب وياي أنزلها هم تتجاوب . ماعرفت هي رايدتني حبتني . هواي فتحت وياهه موضوع الحب هي قافله .
اني بديت احس بمشاعر حلوه تجاهه اتضايق من تبتعد او من تكولي راح اروح اشتاقلها وهي بعيده عني اغار عليهه من مواقف تسولفهه اليه واتعصب من تسولفلي على عركاتها ويه الولد بالتعليقات اتمنى املص راسهة عن جسمهه وهي تسولف هالكلام بضحك واني افور واغلي من الغيره جربت اكثر من مره المحلها بمشاعر الحب الي دتنزرع جوه گلبي الهة تجاوبني ببرود انو هذا اعجاب وتعويد وهي هم دتحس انو هي اتعودت عليه
صراحه جنت اعرف نفسي قليلة المرات الحسيت بيهة هالمشاعر ويه بنيه وماقنعتني بكلامهه جنت اعرف بنفسي بديت احبهه
بديت ويه الكلام ادرج كلمات مثل حبيبتي وحياتي وعمري بالبدايه اعترضت لكن كتلهة اني متعود ع هالكلام من باب التعويد اكولهن مولغرض ثاني وتقبلت هالكلمات مني بس مبادلتني
موقف روحتي الروضه ذيج المره ابد مجبتله طاري يمهة وماانكر تكرر هواي .. هواي بنزلاتي جنت اول شي اسويه يروح اشوفهه وهي دتطلع من الروضه ..
مرات تسألني متريد تشوفني جوابي الهة يكون ( ادري بيج حلوه ) تسألني شلون عرفت جوابي ( احساسي ) وهي شكد طلبت تشوفني اني رفضت بس جنت انزل صوري بمنشورات بصفحتي صوري الخاصه بدون وجه هالشي مو خباثه وياهه بس منصبي يمنعني انزل صوري الكامله
مره من المرات فتحت وياي موضوع اكو رجال كل فتره تشوفه بسياره عسكريه كبال الروضه من تطلع من دوامهة هي ابد متذكرالمواقف حتى تثير غيرتي لان هالشي يسوي مشاكل بيناتنه بس هي ذكرته لسبب .. اعتقد هي تشك هالشخص اني هي ماصرحت بهالشي بس اني حسيته والي اكدلي احساسي صحيح اصرارهة ع شوفة صورتي وهي تعرف اذا ردت اعرف شي ميعصى علية بمحادثه مصارحه اعترفتلي باسمهة الحقيقي ومنطقة بيتهم هذا كوله اني اعرفه بالاضافة الاسم روضتهه وروضة ابنهة ومكان شغل اخوهة يعني كولشي يتعلق بيهة اني وصلتله وعرفته عنهة من قبل ماتكول هي طبعآ من بدون علمهة هالشي
وحتى طليقهة عرفته واحد مخنث رغم شهادتة واخلاق اهلة وسمعتهم بس اخلاقه هو مشكوك بيهة
بجلسات مصارحه وكلام وسهر اعترفتلهه بماضي
يامن أدخن واشرب ع المزاج والي تعجبني اخذها بالحلال زواج منقطع حسب رضاتهة وشروطهة
للي ميعرف شنو زواج منقطع هو زواج المتعه
عقد سيد بدون شهود بمده معينه ومهر معين ثنينهن ينكتبن بالورق
- بالدخول انطي نصف المهر ونهاية العقد انطي باقي المهر وبس تخلص المدة المنصوصه بالعقد خلاص تطلع البنيه من ذمتي الا اذا جانت الي نيه اجدد العقد وهالشي هم برضاتهة
هالشي تعمدت اتطرقله حتى تشوفني كتاب مفتوح كدامهة
- حبيتة بدون غش روح وشخصيه وشكل وتصرفات خبالهه وعقلهه تضادهة وكل الصفات المتضادة التي تجمعهة حبيتة بيهة قويه تحبني بس متعترف بهالشي
- اتفهم موقفهه واتفهم خوفهة من الخذلان مره ثانيه وحتة احس بحاجتهة لحضن دافي يستوعبهة ويحتويهة حساسه ورقيقه جدآ بخيث حجاية وحدة من شخص تحبه ممكن تكسرهة رغم من برة صلابة وقوة تتعجب هذا عمرهة وهي هيج عاقله وقوية
حرت وتحيرت شلون احبرهة تعترف بحبهة وحاجتهة الي استمرت تطلب تشوف صورتي واني اصريت ارفض ورفضي جان يأكدلهة انو الي دتشوفه يم الروضة هو اني لذلك دارفض واتهرب من طلبهة
مره من المرات طلبت رقمي وهي تدري اكثر من رقم عندي فااني انطيتها رقم واحد ومو نفسه الرقم الي اتصل عليهه منه
ببالهه خطه واني اعرفهةًمستمتع بالغليان الي ديصير بداخلهةً دائرة الشك الدايخة بيهة هذا الي دتشوفة كدام الروضه اني او لا انطيتهة ع ميهة وانطيتهة الرقم واعرف راح من تشوفني كدام روضتهة راح تتصل علمود تتأكد اني لو مو اني

تمام حبيت المكر والخطة الشيطانيه بس اني هم مو قليل
تصرف بسيط غلقت الخط وكت الي اجيتهة بي جنت نازل وقبل شكم يوم هي ماخذة الرقم مني وكل يوم تجرب تتصل بيه ونحجي دقايق وتروح بيوم النزلت واني قاصد روضتهة غلقت الحهاز وگفت متكتف ومرتجي ع بنيد سيارتي طلعت شفهتة شافتني راسآ طلعت مبايلهة وتتصل عليه وماكو مغلق وجهة محتقن احمر متعصب ودهة تاكلني بنظرات عيونهة ولو ماعيب تعبر الشارع هادة وتسألني انت منو وشرايد مني بس مسوتهة تعدتني واني كوه لازم نفسي من الضحك
بنفس اليوم بالليل تأخرت يله فتحت مو عن قصد لان عدنه اجتماع ويه قادتنه
اجانه امر فوجنه بروح للانبار باجر لان اشتباكات بين الجيش والدواعش ع أوجها ويردون فوجنه دعم للجيش ومعلومات استخباراتيه ودعم لوجستي من فتحته لكيت رسائل من ياسه
- وين جنت اليوم ؟ ليش جهازك مغلق - وينك
هي نشط وبس شفت رسائلهه رديت بلهفه مشتاقله
- ها حبيبي حاركه الجو عليه هالكداشتاقيتيلي
جنت اكتب برهاوة وبرود واعرفهة فايره من سالفة الظهر ورقمي المغلق
بدون سلام وكلام جاوبتني
- ليش جهازك مغلق ؟
- لاگلبي مفتوح شوكت دگيتي عليه ؟
- الظهر ماكو مغلق
-ها أي الظهر جان مغلق
- ليش بله ؟
- جان عدنه اجتماع ويه القاده
- هاااا .. اجتماع
- شبيج شو احسج ممصدگه
- وليش مامصدگة
- أي عبالي .. لعد شبيج أنتي مدخنه .. شصاير ؟
- مدخنة شنو ؟
-عصبيه يعني شصاير وياج ؟
- مصاير شي ومو عصبيه
- ياسه اعرفج .. احجي شكو
- انت عود ليش متخليني اشوف صورتك . تخاف مني او ماعندك ثقه بيه ؟
- افا .. اني اخاف من مره
- تمام لعد معناهة ماعندك ثقه بيه
- لاحبيبي مو هيج
- لادكول حبيبي . اذا ماتعنيهة وماعندك ثقه بيه لا تگولهة
تعصبت من كلامهه
-و منو گالج ماعندي ثقه بيج بعدين كلمك حبيبي اني متعود عليهة وانت قبلتي اكولهة هيج
- خلاص بعد مااقبل لا تگولهة
- ليش بله ؟ انطيني سبب
- بدون سبب

اعا بدون سبب ؟ يعني مولأن تحبيني ودتحسين اني داتهرب منج اوضام عليج شي ؟ ولا لان حفيت وراج صارلي شهر واني احاول اقنعج يابه تره اني احبج وانتي مطيتني الاذن الطرشه ؟؟
من حجيت هيج مجاوبتني
فاتحه المحادثه ودتعيد الكلام مره بعد مره وتستوعبه ويمكن دتبجي هيج احساسي يكول
لان هي ترفه وحساسه
ظليت انتظرها ترد ومردت
كتبت الهة
- عمومآ . اني بعد ماامشي بمزاج مره .. احبج تبادليني هالحب اهلآ وسهلآ واحطج بعيوني متبادليني من هسه سويلي بلوك اني مو زعطوط حتى تضحكبن عليه ولهنا وبس ...

سويت ارسال رأسا طلعلي .. لايمكن الرد ع هذه المحادثه عرفت سوتلي بلوك
تأزمت نفسيتي واللي ازمهة اكثر باجر اني طالع من الفجر للأنبار
ليلي مانمتة .. الصبح قبل لااطلع دزيتلهة مسج ع الخط الي تعرفه اليه
طالع للانبار ابريني الذمه

طلعت لطريق الموت هناك شبكه ماكو ونت ماكو
حته اتصالاتنه ويه اهلنة شبه مقطوعه واذا ردنه نتصل لازم نصعد تل عالي ونحاول نلتقط اشاره بس القناصين الدواعش بالمرصاد

نقاتل وندعم حرب طاحنه مشتعله بين الجيش وداعش يمكن اجتني ايام صار بيني وبين الدواعش حايط كونكريتي واحد هو يكبر عليه ويضرب عليه عشوائي واني اغلط عليه واضرب وتجي المسانده تبيدهم عن بكرة ابيهم شفت الموت بعيوني ومامتت دفنت جنود شهداء عمرهم عمر الورد بالغرفه الاني وجنودي محاصرين بيهه
كل تفكيري شلون احافظ ع جنودي اكلنه صار تمر وكسرة خبز يابسه ومي خار يصمط المعده صمط بس صمودنه والشجاعه الي جنت اشوفهة بعيون جنودي مالهة حدود
هنا تعرف رغم كولشي رغم اختلافنه دين وقوميات واخلاق وعشاير والوان بس جنسيتنه وحده عراقيين وشايلين غيره وين متلف بالعالم مراح تلكى مثلهة

رب العالمين حفظنه ونصرنه .. بعد اسبوع قتال وصمود لاانهزمته ولاانكسرنه وصل الدعم بعد ماصفيناهم بجهود قناصينه الي مجانوا ينامون ليله
دفنه اربع شباب بالغرفه وعلمت ع مكانهم حتى من تخلص الحرب نكدر نرجع نطلعهم ونوصلهم لاهلهم يدفنوهم
من يجي الليل تفكيري جانت هي تحتله بأمتياز.. الطول المشيه العيون النظرات حبهة احتلني .. الخبال . العناد شگداكره البنيه العنيده الا هي احس علاقتي بيهة بدون طعم اذا ماكو عنادهة والطريقه الي ترضخلي بيهة لاهي كاسره مهابتي ولا مقلله من نفسهة مرات احسهة تاخذني بلسانهة الحلو وتقشمرني بالكلام المنطقي وبالاخير تلكاني مقتنع اسوي الي هية تريده بس بالطريقه الاني اريدهة ماعرف شلون هيج حبهه تغلغل بداخلي رغم هنة بس هالشهرين عرفتهن بيهن..

أ طلع رقمهة گدامي بالمبايل ساعات اصفن عليهة ولو ما رغبتي بالعوده حيآ ارزق لاهلي ولبغدادي ولياستي لازحف زحوف لاقرب تل بس اسمع صوتها وهي تكول الو بعدهة حلال ع قناص الدواعش يحط طلقه براسي ينهيلي حياتي
ع بالبلوك وع نكران حبها الي كون اضربها وابوس كل مكان ضربتهة عليه وكون احضنهة حضن اكسر ظلوعههة بي وادخلها داخل سجن گلبي

- ياسمين كنت شاكه بي هو نفسه الي يوكفلي عبرة الشارع كبال الروضه مرات بملابس عسكريه ومرات مدنيه بس السيارة نفسهه
وسبحان الله كلما يامن يكولي باجر انزل ويجي باجر والگاه واكفلي
-نفس الوكفه متكتف ومرتجي ع البنيد والنظارات الشمسيه التي تغطي نظرات جريئه وابتسامه مكبوته
شكد لحيت عليه اشوف صورته وماقبل
تصرفاته تأكدلي صحة شكي بان هو نفس الشخص حتى من ذكرت الموضوع كدامه بدافع الغيره واني الاعرفه يشتعل غيره عليه بس من حجيتله كال تجاهلي ومنو كال جاي عليج يشوفج بيوم طلبت رقمه وتوقعت يرفض كلت من اشوفه اتصل ع الرقم بهالطريقه يمكن اكدر اتأكد هو نفس الشخص لو لا بس الصار انو من دكيت لكيت الجهاز مغلق شطت مو بس تعصبت بنفس اليوم تعاركت ويا جنت احسه ديضحك عليه ويتلاعب بيه وبمشاعري اي احس بشي اتجاهة و اخاف اعترف خوفي مبرر لاسباب ماديه ومعنويه اولها اخاف ع گلبي من الانكسار والخذلان العشته ويا زياد وثانيآ هم زياد يعني شنو اخر هالحب اكيد اطمح لزواج وهالزواج اذا وصل خبره لزياد ياخذ ابني مني واني كل شي ولا احد يساومني ع
يساومني ع ابني ..

هو يحجي وللمرة الالف يعترفلي بحبه واني دموعي تجري لان احبه واذا اعترفت شنو الجدوى من اعترافي بهالحب اذا تسلسل الاحداث يقودني لفقدان ابني .
جنت بصراع ودوامه .. ما اعرف شلون اطلع منهه التفكير شلني .. ضعفت .. اي اني مو قويه .. اني بشر مو حجر كتله مشاعر واحاسيس لشوكت اكدر اتحمل واكابر ..



للحكايه بقيه ..


لامارا غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 01:29 PM



Powered by vBulletin®
Copyright ©2000 - 2024, vBulletin Solutions, Inc.