قضية طلاق للكاتبة/ أسيل "عراقية" (مكتملة)

[فيتامين سي]

قضية طلاق ..

بقلم Aseel...

بارت ١٨...

......
رشا :ههههههه والله ضحكتني .. لهدرجة متوازي تشوفني ..

ميهمن :غير اموت عليج .. ومارتويت بعدني ..

رشا: فتحت عيني ... كل هذا ومارتويت ..

مهيمن: ليش اني شسويت ولج ..

رشا: لا هيج ... اندكت الباب ... صاحولة ..
فتحها وطلع .. كمت عدلت وجهي وحمرتي الي مسحها ببوساتة

اشوية وطبن اخواتة الكبار جانن مجايات بعدهن وهستوهن اجن ..سلمن علية وباركلي ...وتعارفنة ونزلن ..

غيرت هدومي لبست فستان ثاني من جهازي .. وانتظرت رفل تجيني حتة تكلي انزل لو لا لان استحي ..

اشوية واجتي كالت ..

رفل: يلة متنزلين اجوي خطار يريدون يشوفوج وهم نزلي تغدي ويانة ..

رشا: هوة دنتظرج استحي انزل وحدي ..

رفل : والله ملتهية جنت هسة يلة امي ذكرتني من كالت صيحي مرت اخوج .. يلة اذا مكملة خل ننزل ..

رشا :اي مكملة يلة ..
نزلنة وجان اشوف نسوان كومة .. يعني ماخلصو .. هم بعد بوس والله تعب حلكي ..

سلمت عليهن ووحدة مرة جبيرة وبنية تطلع اكبر مني بوسن من ورة خشمهن ..

ماعرفت ليش ..

صبو غدة وكعدنة نتغدة وهذني بس يخوزرن مدري شبيهن حتة ماعرفهن .. جتي رفل كعدت يمي ..

رشا: رفل منو هاي المرة الي لابسة جبة ماروني والبنية الي بصفها ..

رفل: هاي عمتي والي بصفها بنتها .. ليش تسألين ..

رشا :لا هيج بس اشو احسهن مطايقاتني ..

رفل: يااااا نسيت اكلج هاي تصير امها واختها لمرت مهيمن الاولى ..

رشا :نغزني كلبي من سمعت طاري مرتة الاولى ..
هاا اني اكول شبيهن

رفل :عوفيهن خل يولن لتهتمين هنة هيج شكلهن ميحبن احد حتة اختها هيج متشوفين طلكها مهيمن ..

رشا: ومهيمن ليش طلكها ..

رفل :ليش هوة مامسولفلج ..

رشا :لا ابد اصلا مجان يحب يفتح هذا الموضوع ..

رفل: والله مالي علاقة اني هوة اذا يريد يسولفلج لان هذا باعتبار خط احمر ..

رشا :مافهمت شلون يعني ..

رفل :يعني هذا الموضوع حساس اشوية فلا تفتحي ويا مهيمن حتة لا تعصبي ..

اذا يريد جان هوة سولفلج ..

رشا: يعني لهدرجة موضوعهم حساس ..

رفل :اكثر مما تتصورين ..

رشا: الله كريم ..
صار الفضول عندي فوول .. اريد اعرف ليش طلقها ..
ولا مرة خلاني افتح هيج موضوع ..

كملت غدة واحس اللكمة كوة تطب من التفكير ..

رحت غسلت وصعدت فوك تعبت كلش ..بدلت لبست دشداشة قصير وربع ردان فانيلة ومددت غفيت شوية وحسيت واحد يتلمس جسمي كعدت مخروعة..

شفتة مهيمن..
مهيمن ليش هيج فززتني ..والله كلبي راد يوكف

مهيمن: اسم الله على كلبج يا كلبي انتي ..

رشا :ساعة ابيش ...
مجاوبني جان حاير يبوس بركبتي ...

..
مرت الايام عادية واحلى من العسل .. مهيمن غركني بحبة .. يمكن بديت احبة ..

صارت السبعة ورحت للصالون ولبست بدلة ماروني جان تصميمها يجنن .. مو نفشة قوية انما خفيفة بس مبينة فخمة لان بيها شغل هواي ..

صارت السبعة واجوي اهلي وحضنت امي وشبعت بجي .. عبالك سنين مو اسبوع ..

كملت السبعة وكلمن راح البيتة بقو بس اهلي وكرايبهم .. ودعوني اهلي وراحو ..

وبدو الكرايب ينسحبون شوية شوية ...
لحد مراحو ..

رحت ركض للحمام سبحت لان الجو بعدة حار واحنة حنطب العاشر ...

سمعت صوت جوة مال سوالف وضحك .. كملت وطلعت والاصوات بعدها ..

لبست دشداشة فانيلة بس مستورة يعني للبيت جوة ..

نزلت واشوف عمتهم هاي الي جانت تخزر بية ..
ووياها طفلة عمرها يطلع بال٥ سنوات او اقل بس فدوة شايلة جمال مو طبيعي ...

طبيت سلمت جان مهيمن كال..

مهيمن: رشاوي هاي بنتي ريم ...روحي بابا ريمة سلمي على عمة ..

ريم :هاي عمة الشريرة ...ماحبها مااريدها ..

ميهمن :عيب بابا هاي عمة تحبج ..

ريم :اني بس ماما تحبني ..

ميهمن :ريم ليش تزعليني منج .. ترة بعد مااشتريلج العاب ..روحي سلمي يلة ..

ريم :لا لا حسلم .....

رشا: انصدمت من ردة فعلها .. مبينة الطفلة معباية براسها من اولها ..

جتي سلمت علية بكل طفولة ومبتسمة ..

ريم :هلو عمة الشريرة .. وباستني ..

مهيمن: ريم (بنتر )..اني شكلت اسمها عمة رشا مو شريرة...

ريم :العفو بابا ..

ميهمن :اعتذري من عمة رشا يلة حبابة انتي وتسمعين الكلام ..

بيبيتها كالت من يمها ..

ام مصطفى :على كيفك وياها طفلة شتفتهم ..

ميهمن: رجاءا عمة لحد يتدخل بتربيتي هاي عفتها سبوع يمكم تعلمت الغلط على الجبير ومتسمع كلامي ..

ام مصطفى: يعني شنو قصدك يبن اخوية قصدك احنة خربنة تربيتها .. لا ممرجية منك بمهيمن ...

مهيمن: ماقصدي هيج عمة .. بس تعرفين على شنو اقصد .

ام مصطفى :هاي بعدنا باولها تغيرت علينة خو اطردني علمودها لمرتك ...

ميهمن: ومرتي شجابها بالنص ..

ام مصطفى: امبينة محشيتك براسك ودافعتك على المكرودة ..

ميهمن :انتي شتخربطين .. مرتي متعرف شي عن الي صار ..ومااسمح لاحد يتجاوز على مرتي كائن من يكون ..

والي ميعجبة كلامي ليعجبة .. .

ام مصطفى: هاهية هاي بنتكم يمكم وبعد لا دزها خاف نخرب اخلاقها ... خليها هنا تتعلم من ام اخلاق .

ميهمن :والله لو ما عمتي جان عرفت شجاوبج .. بس محظورة ..

رشا اخذي ريم وصعدي فوك ..

رشا :جنت صافنة على محادثتهم وتعجبت من كمية الحقد الي ضامتة الي عمتة .. فزيت على عيطتة بية طلب مني اخذ ريم واصعد ..

رشا: يلة ريم تعالي اشوفج شجبتلج ..

ريم :جبتيلي ملاعيب كومة ..

رشا: اي كومة بابا اشترالج هم .. طبعا جنت مشتريتلها العاب للحاجة حتة اكسب ودها لان مهيمن كلي نقطة ضعفها الالعاب

طلعت من الاستقبال ..ودصعد الدرج جان اسمع صوت حجي مهيمن

مهيمن: عمة رجاءا بلا مشاكل ترة لهسة ساكت على سواية بنتج .. والا اوصلها لعمامها اخليها حتة ذبح يذبحوها ..فاحسلج لا تدخلين بشي ميعنيج ..

رشا :خفت وصعدت قبل لا يشوفني .. لان مبين صار اعصاب ..

اخذت ريم وصعدنة وطلعتلها العاب وكعدنة نلعب ..
جان تكلي .

ريم: انتي عمة الشريرة طلعتي حبابة ..

رشا :ضحكت على طفولتها .. منو كلج اني شريرة .

ريم: ماما كالت بابا جاب مرية شريرة وراح تذبج برة بشارع وتاكلج الجلاب لا تحبيها ..

رشا :لا حبيبتي اني احبج شوفي شلون جبتلج الالعاب ..

ريم: يعني انتي مراح تضربيني وتنطيني العاب كومة مو ..

رشا: اي ماضربج لان انتي مو وكحة وتسمعين الكلام .

ريم: اي اني حبابة وانتي هم حبابة وبابا هم حباب وكلهم حبابين احبكم كلكم ..

رشا: كرصت خدها يمة فدوة للبنات الي يسمعن الكلام ..

طب ميهمن شافنة فارشين بالغرفة نلعب ...

ميهمن: ليش هنا تلعبون ما خليتها بغرفتها ..

رشا :لا يمعود خليها يمنا اليوم خطية صارلها اسبوع عايفتك ..

ميهمن: خو انتي تكيفين حتة تتهربين مني اليوم مو ..

رشا :لا مو هيج .. بس اريدها تاخذ عني فكرة حلوة ماريدها تكول اخذتك منها .. ماريدها تكرهني

ميهمن :اوووف وتلوميني ليش احبج ولج اني الله يحبني وعوضني بيج ..

رشا: زين ميهمن سؤال واريد اجابة لان والله من حقي اعرف .

مهيمن :سألي

رشا: ليش طلكت مرتك الاولى ..

ميهمن :رشا الف مرة كتلج هذا السؤال ماريد اسمعة
يعني فوك ضوجتي عود صعدت ارتاح .. (بصياح )

رشا: ميهمن اوكف حباب لا تطلع ...
عافني وطلع مادري بي وين

ريم :بابا وين راح ..

رشا :هسة يجي للحمام ..تعالي نصعد ننام بالجرباية ..
خليت ريم يمي وضلينة نسولف اشوية ورادت تروح للحمام رحت وديتها ورجعت وشفت ميهمن ماكو بلبيت عفتة على راحتة ماريد اضوجة ..

رجعت لفراشي وريم وياي وبس تسولف حجيها ينكرط .. ...ضلينا نسولف لحد ما نمنا ثنينا ..

..............

ميهمن ..

هسة اجة الوكت تعرفون منو اني ..

اسمي مهيمن عمري حاليا ٣٥سنة ذ. اكبر اخوتي الولد ..ابوية توفة من احنة صغار جانت اصغر وحدة بينا رفل عمرها سنة ونص ..

وفاتة بحرب ايران جان قائد فرقة .. واستشهد بيها
بس عافلنة املاك خير من الله .. يعني الحمد لله ماعتازينة لاحد ..

كبرتنة امي ووصلتنة للي احنة بي هسة .. بس قبل ٧ سنوات امي خطبتلي بنت عمتي جانت كلش حلوة شايلة جمال مو طبيعي واحلة خواتها..

جان زواجنة تقليدي .. تزوجة واول ايام جنت مدللها دلال مو طبيعي .. طبعي رومانسي .. واحب اعامل المرة بكل رقة لان احسها شي مقدس ..

لكوني شفت امي شلون تتعب علينة لذلك قدست المرأة وجنت ضد العنف والضرب حتة خواتي الي اصغر مني مافد يوم رفعت صوتي عليهم ..

كلة اسايسهن .. وهنة يحبهن طبعي ويطيعني ..
رغم هذا الشي جان الي كلمة عليهن ..يعني يحترمني واخواني يحترموني ..

نور الي هية زوجتي مجان عاجبها طبعي .. اكثر من مرة تهيني وتكلي انت رجال فاهي ..

مهيمن: احترمي نفسج شنو فاهي .. شفتيني اعلج النهار كلة لو العب بكذلتي ..

نور: اريدك فد يوم معصب اذا تعصب بس فراحان تهدد بابا اغلط اضرب عيط بس لا تتصرف بهلتصرفات مال فاهين ..

ميهمن: يعني لان محترمج واسايسج اطلع فاهي ..
يعني انتي تحبين الاهانة مو ...
اول مرة اشوف وحدة تطلب تنضرب ..

نور: اريد احس برجولتك ..

ميهمن: هنا فورت دمي ضربتها راشدي طبعتها بالكاع ..جانت اول مرة بحياتي امد ايدي على مرة ..

نزلت عليها سحبتها من شعرها ...تريدين اشوفج الرجولة مو ..بسيطة بعيني ..

شبعتها كتل حتة دم طلع من وجهها اجو اهلي فاككوني ..

ميهمن :ولكم موتتني لان محترمها تكلي فاهي بنت الكلب بسيطة امشي ولي لاهلج الله لا يرجعج انشالله على هاي الشوطة الي حركتي كلبي بيها ..

نور: كرة عينك هذا الله كدرك علية ..

ميهمن: ولكم بس عوفوني عليها ...فلتت منهم ونزلت عليها راشديات سحبوني سحب منها اخوية مقداد..
كال لرفل .. الي جانت بعدها مامتزوجة ..

مقداد :رفل كوميها ولبسيها خل ناخذها هاي مو مال احترامات صدك تحب الاهانة ..

رفل: كومي كومي ..

مهيمن :اخذوها وودوها لاهلها جنت ناوي اطلكها بس خابروني ورة اسبوع وعرفت هية حامل ..

وامي لحت علية ارجعها .. رجعتها وغيرت اسلوبي وياها صار كلة اعاملها بالاهاين .. حتة اخليها تعرف شلون تكون الرجولة عبالها الرجولة بالضرب والكتل ..

جتي فترات تتحجج على اقل شي ومعاجبها كلشي رغم جنت موفرها ماي العين .. بس ميعجبها العجب جانت مغرورة بشكل مو طبيعي .. وانغرت اكثر من حبلت احلوت اكثر ..وصارت تسمع مديح من النسوان بجمالها ..

ولدت نور وجابت بنية سميناها ريم ..
جانت هاملتها وكلة على امي ورفل اصلا حتة نوم تنام يمهم وهية صارت تعتني بشكلها هواي ..

وكل ماافوت الكاها لازمة الموبايل .. كامت تبتعد عني اشوية اشوية .. رغم جنت احبها واريد قربها بس دائما تتحجج لحد ما وصلت شهر كامل احنة ما متقربين ..

اخر شي طكت روحي ..وجبرتها بس شنو عياطها عبالك مال وحدة بنت شوارع تعيط بكل قوتها وتصيح عوفني ماريد .

عفتها لان هلمرة طوختها وحلفت ماجيها بعد لو مدري شيصير .. الة اخليها هية تتوسل ..

جنت اروح للدوام واجي امي تتلكاني ورفل تغديني وتهتم بملابسي .. يعني تركت مسؤلياتي ..وصابر عليها ردت اشوفها وين تريد توصل ..

مرة جيت من وكت قبل موعدي صعدت للغرفة سمعت صوت سوالف فتحت الباب لكيتة مقفول ..

دكدكت بسرعة واحاول افتح صاحت ..

نور: منو ..

ميهمن: اني افتحي شكو قافلتها ..

نور: دقيقة دبدل..
ميهمن :اشوية وفتحت الباب .. جانت ضاربة مكياج صاروخي متحملت .. طبيت وسديت الباب ردت احضنها جريتها لفت انتباهي شي يلمع جوة الجرباية ..

بس من حضنتها كالت..

نور: اييع ريحتك موطيبة ..

مهيمن: .. شميت روحي عطري بعدة بقميصي ..
كتلها .. خير سالمين منين تجيني الريحة اشو سابح الصبح ودنيا شتة وعطري من هذا الغالي
شووو دولي مو صوجج .

عفتها واخذت هدوم ابدل برة بعدين تذكرت الي يلمع جوة الجرباية ..

رجعت عليها نزلي حضريلي الحمام بسرعة ..

نور: اوووف ماشي ..

ميهمن :اول ماطلعت رحت جريت لكيتة سيت نوم حتة مالابستة الي جان شكلة احمر صارخ وكلة تتر يلمع شكلة مغري ضليت اتمعن بي ..اريد اعرف اشوكت لابستة الي ولا مرة شفتة ..

صعدت وشافتني لازمة ... فتحت عيونها وجتي
لكفتة مني وراحت ضمتة بالكنتور ..سألتها ..

..نور المن جنتي لابستة .. اشو مشايفج بي ..

نور :مو مالتي هذا جبتة من اختي وجنت اكدرة ..

مهيمن: والمن تكدري واحنة اخوان رجعي الها وانطيها العندج بعد احنة مو بعازتهن ..

عفتها وطلعت بس صار عندي شك مو طبيعي ..
بس مابيت الها ..

رجعت ثاني يوم طبيعي هم ومر كم يوم اني اراقب تصرفاتها ماتفتح تلفونها يمي ابد وبليل تقفلة وتنام جنت انتبه عليها بس ماابين اريدها تتطمن من ناحيتي ..

فمرة هية نايمة جريت الموبايل وفتحتة طلعت مغيرة الرمز .. اجاها اشعار رسالة بس ماكو شي .. يعني مسوية اخفاء ..

هنا صار شكي بمحلة .....

ثاني يوم رحت للدوام عادي ومن رجعت رحت اشتريت موبايل ابو الكامرة الحديثة وسعة تخزينة عالية ..

رجعت للبيت طبيعي وبليل نفس الحالة .. مابينت الها شي ....

وراها كعدت الدوام .. طبعا هية متدري شسوي مااسوي لان متكلف روحها وتكعد وياي .. حتة من اسأل امي تكول والله ماتنزل غير بس من تسبح وتصعد قبل لا تجي ..

اصلا بس اسم زوجة لا واجبات ولا حقوق ..

ثبتت الموبايل بعد ما شفتلة البارحة مكان يبين كلشي منة ...غطيتة بالغراض وبس بقيت مكان للكامرة

دست تشغيل وعفتة وطلعت

رحت للدوام على اعصابي مدري شلون كمل الدوام ..

رجعت للبيت واني اتامل انو ميكون شكي بمحلة اتمنة اطلع غلطان وانو اكون ضالمها

اول مرة بحياتي اتمنة اطلع غلطان بشي متاكد منة
بس مثل ميكولون الغركان يتعلك بكشاية ..

طبيت للبيت اقدم خطوة وارجع عشر خطوات ..
طبيتلهم تلكتني امي بالي مو يمها .. كبل صعدت ماعرف شحجت رفل بس اشرتلها بمعنا لا ..

صعدت لغرفتي هم لكيت الباب مقفولة ..
فتحتة جانت سابحة هستوها ..

حتة كلمة هلة مكالت رجعت مشطت ونزلت جوة ..
رحت للموبايل لكيتة طافي شحن ...

ردت اكفر الة اشوية ..
ركض رحت شحنتة وانتظرتة يفتح ..
ضليت اشوف بالفيديو جانت نايمة .. ضليت امشي بي..

وصلت للساعة ١٠ تقريبا ..كامت من الفراش راحت ورجعت يمكن غسلت .. اجتي بدلت ولبست ثوب نوم شفاف اسود مغري حيل ..

ابد مشايفة عدها ..ولا اذكر لابستة الي ..
بعدين بدت تتمكيج ..

عدلت شعرها وراحت الموبايل ..
طبعا الكامرة حاطها على تاج الجرباية .. لان اعرف بيها تكعد هنا دائما لان متتحرك منها ..

كعدت صار طرف راسها بالكامرة فتحت موبايلها وشفت حتة الرمز ..

ضلت تراسل وراها صار اتصال كامرة ..
فتحتة ويا شاب ..هنا عقل ماضل براسي ..

صعد شي لراسي بس لزمت اعصابي ..
وراها بدو يسولفون كلة كلام حب وغزل ..

بعدين بدو يسوون شغلات ردت اذبحها ..
تسوي شغلات الي ممسويتها .. واني اكول مترغبني .
لان عدها اسلوب محدد وهوة الشتم والمسبة والاهانة ..

ماتحملت اشوف اكثر ..

رحت طفرت ونزلت جانت تسوي ريوك الها ..
لزمتها من شعرها سحلتها للغرفة الفوك كلة سحل من شعرها ..

لزمتها ملختها ماخليت شي صاحي بيها لزمتها من شعرها ولطخ براسها بالحايط و نزلت عليها اخنكها وهية متعرف بية اني دريت ..

ازركت بيدي .. محسيت غير مقداد دفعني طلع كاسر الباب وطاب ..

كوة اخذوها مني وشالوها ..
ودوها للمستشفى ..
كمت اعيط هاي عار مال ذبح... والله اذا اشوفها اذبحها ..

اجتي رفل..

رفل : شبيك مهيمن علكيفك .

مهيمن: ولج هاي عار حرامات تعيش

رفل :اهدة عيني وبعدين نسولف ..

مهيمن :رحمة لاهلج طلعي من يمي لا ابتلي بيج

ورة اشوية اجتي امها هدادة ..
نزلت الهة واني عيوني دم اعصاب اريد بس الزمها لنور

ام مصطفى: هلة شرف النسيب النجر .. بلة ماستحيت على روحك.. كاتل البنية بدون سبب ..

متلام من تصيح طلكوني منة مخبل وتجي حالات خبال ..

مهيمن: هاي اني هيج مو ..من رخصتج انتظري اشوفج اشوية من حالاتي وكوليلي الي عندي شنو نوع المرض ..

رحت جبتلها الموبايل وجيت جانت كاعدة رفل وامي وياها ..

فتحت الفيديو .. وشوفتلهن كلشي بس لحد مابدت تقوة سالفتهن ..كلتلهن ..

ماكدر اكمللكم بعد .. لان اذا اشوفة بعد احتمال اروح اذبحها وماابرد لحدما اشوف دمها يمشي بمجاري مو بالكاع لان ياعمة بنتج عار ..

واذا شفتها او لمحت خيالها صدكي اذبحها لو بعد ١٠٠ سنة ..ماريد اشوفها .

وهذا الفيديو يمي يبقة اي كلمة زيادة اشوفها لعمامها همة يتصرفون وبوكتها تصير فضيحتكم على كل لسان

من هسة اكوللكم طلباتي ..حتة يبقة الفيديو يمي ومحد يشوفة. .

ريم الي هية عود بنتها توقع تنازل ومتطالب بيها ابد .

والمقدم والمؤخر واي شي يخصها بهذا البيت من غرض تتنازل عنة وتروح بطرك الي لابستهن هسة

امها خرست بعد مافتحت عيونها ...

وفعلا طلكتها بدون ماتاخذ شي وياها وحتة بدون مااشوفها ولهسة نارها بية اذا اشوفها اذبحها ..ومحد يحاجيني الحك الي ..

اول شي سويتة بعد الطلاك لميت غراضها كلهن حتة مكياجاتها ..وكلشي يخصها ذبيتة بقطعة ارض متروكة وصايرة مزبلة وحركتهن ...

مرت الايام وماحسيت بغيابها ابد لان جانت وجودها مثل عدمة حتة جانت توصل ايام كلام ميدور بيناتنة ...

ريم اصلا متعرفها ..

مرت السنوات امي جانت تلح علية اودي ريم تبات يم امها وجان كلامي نفسة ..

يمة تروح وياج وترجع وياج غير الساعة ماكو ..

وجان كلامي يمشي ..

ريم صار عمرها ٤ سنوات.. وماخذة جمال امها ..امي تلح علية اتزوج بس اني جنت ارفض الفكرة لان صعبة اثق بمرة بعد اذا مااعرف طينتها شنو ماريد اكرر الي عشتة

فد يوم بليل اختنكت حيل وحسيت الدنيا صغيرة احس روحي متبهذل واريد مرة بحياتي ..

طلعت افتر بالشوارع .. للفجر .. كلت متسوة ارجع البيت طبكت يم باب الكلية وجان الدوام مصارلة شهر من بدة بالنسبة النة الاساتذة اما الطلاب هذا اول يوم ..

طفيت السيارة وسديت الجام وخليت مجال للتهوية ..

وغفيت .. حسيت على صوت بجي .. فتحت عيوني واشوف بنية تبجي جانت تمسح عيونها وتباوع بالجامة مال سيارة ..

ضليت صافن عليها .. ومستغرب ..
بعدين طلعت كحل وفتحت عيونها وقربت علية واني شفت الغضب .. شفت عيونها .. سبتني سباية ... متحملت نزلت الجامة ...

هية فزت خطية ..

بس شنو من لسان رشاش مو لسان ..

دخلت بالي .. واخذت عقلي وحتة كلبي بعيونها ..

ضليت اراقبها .. وحاربتها بكل الطرق .. في سبيل الكة زلة عليها واقنع كلبي يعوفها ..

عرفت سبب وحشيتها وعنفها ويا الشباب ..بعد مااستجوبت صديقتها المقربة هند ..

عرفت جرحها شنو .. من يمي حقدت على خطيبها ..

من شفتها متأذية من الخيانة كلت هاي هية لازم اعترفلها لان الي يجرب الخيانة يكوم يتحاشاها لان يعرف لوعتها شنو ..

بديت اتقرب الها لحد ما قبلت بية شكد حبيتها من شفت معدنها شنو .. وتاكدت هاي الي راح تصوني ..

بليلة السبعة من انفتح موضوع نور متحملت .. طلعت من البيت افتر بالشارع ... ماكدر افضح انسانة عندي منها بنية .. باجر عكبة بنتي يعيروها بامها ..

موضوع كاتمة بكلبي سنين .. وماكدر احجي لاحد ..
لان العار يركبني ويركب بنتي قبل اهلها ..

حتة الفيديو مسحتة وكسرت الجهاز .. بس محد يدري لان لو اموت مااشوف الاحد الفيديو ..

رجعت للبيت طبيت للغرفة بعد ما رتاحيت من غيرت جو ..

شفتها نايمة وحاضنة ريم .. يمكن ولا مرة شفت نور سوت هيج شي لبنتها من جانت صغيرة جانت ريم نومتها واكلها وشربها وهدومها يم امي ورفل ..

مجانت عدها حنية على بنتها ..
اصلا شيل متشيلها ..

رحت من جهة رشا رفعت الغطة على كيف ومديت ايدي حضنتها وغفيت احلة نومة .. حسيت باحساس حلو ... اني ومرتي وبنتي .. اول مرة انام هيج نومة .

...

[فيتامين سي]

قضية طلاق ....

بقلم Aseel..

بارت ١٩...

.....................

رشا:كعدت الصبح لكيت مهيمن راجع ونايم بظهري وريم نايمة على ايدي ..

احس ايدي خدرانة ... كوة جريتها من جواها وكعدت امسد بيدي لان نملت ..

نزلت حتة ابدي اشتغل لان سبعة وطلعت واني ماحب اكعد بدون شغل ..
بس عمتي ماقبلت امد ايدي على شغلة هاي عاداتهم

جانت ساعة ب٨ نزلت..

لكيت ام مهيمن نايمة ....

غسلت وحضرت الريوك وعفت الجاي يتهدر وريحة الهيل طشت ..

صعدت رتبت شكلي ..ورحت اكعد بمهيمن ..
طبعا حيل انقهرت عليه .. فوك ضوجتة اني زودتها عليه..

حاولت اكعدة ميقبل .. كال تعبان واجة متاخر ..

نزلت لكيت عمتي هستوها طالعة من غرفتها.

رشا :صباح الخير .

ام مهيمن :صباح النور .. شنو هلريحة الطيبة من الصبح .

رشا :هاي ريحة الهيل الي بالجاي ..

ام مهيمن: ترىين اني مااحب اكعد قبل ال١٠ ..بس هلمرة ريحة الجاي كعدتني ..

رشا: يلة لعد تعالي نتريك محضرة كلشي

ام مهيمن :لعد رجلج ميتريك .

رشا :لا كال تعبان ..

ام مهيمن: سودة علية هلولد ماتهنة بسبعتة .. عساهن بحركة كلبة شعوطنة وبعدة عريس ..

رشا:راحت غسلت واجتي وكعدنة نتريك جان تنزل ريم .

ريم :صباح الخير عمة الحبابة ..

رشا :يمة فدوة لهلصباح ..

ريم :بيبي البارحة نمت بحضن عمة ..طلعت حبابة مو شريرة ..

ام مهيمن :ليش منو كلج هية شريرة ..

ريم: ماما كالت ..

رشا :حاولت اسكتها لا تصير سالفة من الصبح ..
ريم حبيبتي تعالي اغسلج حتة نتريك ..

ريم :غسليلي بدون صابون لان يحرك عيوني ..

رشا: لا مااحرك عيونج تعالي شوفي ..

اخذتها من ايدها وعمتي ضلت تدردم على مرت مهيمن .. غسلتلها بدون ما اقرب الصابون على عيونها ..

ها خو ماحركج ..شفتي شلون طلع وجهج حلو ..

ريم :واااو وجهي حلو وناعم

رشا: هههه واو شنو هاي انوب ..
اخذتها وضلت تسولف لعمتي شسوينا بليل وشلون لعبنة ..

ام مهيمن :الله يبارك بيج بنيتي ترة ريم عاشت حياتها يتيمة ام وامها عايشة ..انشالله تعوضيها وتكونين الها ام مو مرت اب ..

رشا: انشالله ماخيب ظنج ..

ام مهيمن: الله يرضى عليج ويترس بطنج ..

رشا: الله كريم ..

كملنة ريوك وكمت عزلت البيت ونظفت جان البيت نظيف لان البارحة البنات نظفنة ورة الهوسة ..

وهمة ماعدهم جهال حتة يوصخون ..
بس ريم وامبينة تربيتها على نظافة لان من البارحة لليوم ماشفتها وصخت روحها او وصخت الكاع ..

كملت البيت ورحت شفت شكو مسواك ..
سألت عمتي على الغدة .

رشا :عمة شنو اسوي غدة ..

ام مهيمن: اليوم المطبخ الج شوفينا شتسوين على ذوقج..انريد نجرب طبخج ..

رشا: من عيوني ..

رحت للمطبخ واني افكر ضليت رايحة وجاية .. شسوي اكل كل الاكلات طارن من بالي .. يربي ساعدني ..

رحت فتحت الثلاجة .. شفت دجاجة ولحم ..
اني اللحم مو زينة علاقتي بي .. دائما يطلع فاهي ..
مااجازف .ففكرت اطلع الدجاج اسوي تبسي بالفرن وويا تمن احمر وزلاطة ..

كعدت اسوي واطبخ نزل مهيمن صبح علية .
لان جنت وحدي بالمطبخ ريم يم عمة بالغرفة ..

مهيمن: صباح الخير ..

رشا: ههههه يا صباح هذا ساعة ب١٢ ..يلة ليهمك صباح النور

كعد على الميز ولزم راسة

شكو شبيك مهيمن بيك شي ... جيت تقربت يمة ..
اسويلك اكل ..

ميهمن :لا ماريد شي سويلي بس جاي انتظر الغدة ..

رشا: اخاف يطول الغدة وانت تضل بلا اكل ..

ميهمن: سويلي لعد لفة صمونة وحطيلي بيها اي شي ..

رشا: تدلل .. رحت سويتلة لفة جبن وكلاص جاي .. كتلة..
انتظر الاكل فد نص ساعة هيج ويصير ..

ميهمن :ماشي ..

رشا: حسيت من كلامة مقهور حتة مايضحك ولا يتغزل بية مثل كل يوم من يكعد يبوسني ويضل يسمعني حجي حلو ..

هلمرة شفتة شلون مكسور وكانما انفتحلة جرح وذكرة بشي ..تندمت لان فتحت ويا موضوع مرتة ..

صوجي لو سامعة كلام رفل من كالت الموضوع حساس وخط احمر بالنسبة لمهيمن ..

رحت كملت اكل واباوع عليه ياكل لكمة ويصفن ..

عفت الاكل يتهدر ورحت كعدت يمة جريت كرسي وقربت يمة ..

شبيك ضايج ممتعودة عليك هيج ..

ميهمن :مابية شي بس تعبان ..

رشا :اسفة اذا ضوجتك والله مو قصدي ..

ميهمن: انتي مالج دخل بشي .. اني هيج تعبان .. اني صاعد ومن يصير الاكل صيحيني ..

رشا :لزمت ايدة .. صاعدة وياك الاكل ديتهدر معلي شي ..

محجة شي صعدت ويا ولازمة ايدة وكانما احاول اوصلة احساسي بالاسف لان فتحت هيج سالفة ..

ماعرف ليش بوكتها ضجت لان شفتة مقهور ..
احس حتة اني انقهرت عليه ماحبيت اشوفة هيج ..

حاولت اغير مودة بس هوة باقي ..

رشا :مهيمن .. عندك بلي ..

ميهمن: بلي !! شسوين بي ..

رشا :هيج كلت نلعب اني وياك ..

ميهمن: وشتلعبين يمة هوة بس بي طوبة نلعب اني واخواني ..

رشا: لعد اكو غير الطوبة اقصد ..

مهيمن :بس لا تريدين تكولين ناوية تلعبين وياي طوبة ..

رشا: اي ليش شكو بيها ..لو خايف تخسر ...

مهيمن: واخاف منج ..

رشا: لعد ليش مستغرب من اريد العب ..

مهيمن: لان معبالي تعرفين ..

رشا: تحب تجرب ..

مهيمن: هههههه صدك تحجين ..

رشا: اي والله شبيك ..ورة الغدة نجرب وشوف اذا ما خسرتك ..

مهيمن: ومن شنو الرهان ..

رشا :الي يفوز هوة يقرر..

مهيمن: اممم طالما هيج. موافق بس الخسران ينفذ مهما كان الشرط .

رشا: ماشي ..اي شي يتنفذ ..ماكو خيارات ثانية .

مهيمن: دكومي لعد حضري الغدة وصيحيني عما اطلع البلي

رشا: ماشي ..نزلت والفرحة عندي فوول لان غيرت مزاجة ..مدري شصاير بية .. اضوج بضوجتة وافرح بفرحة ..يمممة كلبي يدك سريع ..من الفرح .

حضرت الزلاطة والطرشي وصبيت وصحتلهم ونزلو يتغدون .. طبعا مااحجيلكم التبسي طلع مو طبيعي ..

الدجاجة مكسبة من فوك وبي كرصة حموضة..

التمن احمر يموع بالحلك .. حمدت الله وشكرتة لان مافشلني ..

مهيمن: يمة الدجاجة تنوكل بلا خبز شهلطعم ..

رشا :يعني عجبك ..

مهيمن :غير تموت عبالك مال مطاعم .. بروح ابوج يومية سويلنة ..

رشا: هههههه تدلل ..

ام مهيمن :والله عاشت ايدج هيج الطبخ الزين والله اني ماعرف اسوي هيج تبسي طيب ..

رشا :بالعافية ..

كملنة اكل..وكمت سويت الجاي وعما يتهدر كرفت المطبخ بسرعة ..

وديت الجاي وراها صعدنة نلعب اني ومهيمن ..
وريم يمنا تكمز وعمتي بغرفتها نامت ..

رشا :حباب خل اكول عليك ..

مهيمن: هوة شنو حباب صارلج ساعة تتفيكين علية لعبي بدون واسطة .

رشا :ها هيج صارت بسيطة الة اسحل فريقك سحل ..

ميهمن: ايي مبين .. من الحباب مالتج.

رشا :ضلينا نلعب واكيد هوة فاز ..صدك تونسنة بيومها..

ميهمن: اي تعالي شنو جان الرهان ذكريني ..

رشا :تنهدت بقهر لان خسرت وتشمت بية ..
الفايز يطلب من الخسران اي طلب ويتنفذ.

ميهمن: اييي وشتعرفين بية طلباتي شنو ..

رشا :اني شمعرفتي بيك شتريد ..
غمزلي ..

ميهمن :نيمي ريم يم امي وتعالي اكلج على طلباتي

رشا: ماشي. ورحت من غبائي بسرعة نزلتها وسويتلها مكان يم عمتي .. طبعا جانت نعسانة فنامت بسرعة ..

صعدت لكيتة مطفي الضوة على الخفيف ونازع تيشيرتة ومتغطي ..

جيتة ..
ها كول شنو طلباتك ..طبعا احجي واني متخصرة وضايجة لان خسرانة .

ميهمن :وشبيج ضايجة .. خلي عندج روح رياضية .

رشا: مضايجة ..

ميهمن :تعالي لا تنسين الرهان ..

رشا: سحبني وكعدني يمة ..
كول طلباتك لا تذلني ..

ميهمن: اريدج تكوليلي انتي تحبيني لو لا ..

رشا: ميهمن.

مهيمن: اششش لا تكملين اريد بس تجاوبيني تحبيني لو لا ...جاوبي لو اي لو لا..

رشا: ضليت صافنة .. دنكت وكتلة اي ..

ميهمن: شنو اي ..

رشا: اي احبك .

ميهمن: لعد دتعالي ..

رشا: جرني فوكاه ..شكو وين ..

ميهمن :اريدج تنفذين شرطي .

رشا: مو نفذتة ..

ميهمن :لا هذا جان سؤال ماكلت الشرط ..

رشا :لا بالله وشنو شرطك ...

ميهمن :هذا .........

..........................

مرت الايام وجان باقي تقريبا ١٠ ايام للدوام ..
فبيوم كاعدة يم ريم جنت ماعندي شي وجانت تتفرج بتلفوني ..

دك رقم غريب .. ريم داست فتح الخط اجة صوت رجال غريب ..

اني عبالي اخواني .. صحت الووو .

اشو هذا كال فدوة لهلصوت مشتاقلج...

كبل سديتة يبووو حيلزك هذا ..

حضرتة .. ونطيتها التلفون ورحت اسوي عشة كلت اكملة من وكت .. عفت ريم تلعب ونزلت ..

طب ميهمن شافني اسوي عشة .. حضني وضل يبوس بركبتي ..

يجوز متصدكون اذا اكللكم نسيت صهيب نهائي ..
حتة مجان يجي على بالي ..

اعتقد حبة جان حب مراهقة يعني مو حقيقي ..
ماعرف شنو جان بس احساسي ويا مهيمن يختلف ويا صهيب من جان ..

ماعرف شنو الفرق بس مهيمن صار حياتي ودنياتي ..
يومي ميكمل اذا مااشوفة واسمع صوتة اذا طالع ..

رشا: كافي راح يحترك الاكل ..

ميهمن: خل يحترك فدوة الج ..

رشا :خل اكملة مبقالة شي ..

ميهمن: خلصي وصعدي حنتظرج فوك ... ريم وين .رشا :بغرفتها تلعب بتلفوني ..

ميهمن :صاعدلها بالغرفة من تكملين صيحيني ..

رشا: مااشي مااشي .

كملت بسرعة واني الي نية اليوم اسويلة ليلة حمرة اليوم خل ابادر اني ..

صعدت دطلعلي هدوم حلوة ..جنت واكفة وصافنة على لكنتور ..مااحس الة انجريت من شعري ..

جان مهيمن يجر بشعري واني امشي ويا بعدني ممستوعبة شكو ...

راح قفل الباب .. وشمرني على الجرباية ..
جر حزامة وحط اصبعة على حلكة و..

مهيمن :اذا اسمع صوت اذبحج ..

رشا :اجة وضربني ضربة شاغت روحي .

رشا: اخخخ مهيمن شكوو ...

ميهمن: انتن كلجن تحبن الاهانة ... متحبن الي يحترمجن متجن الة بالضرب..

رشا :مجنت افهم شيقصد .. جان يحجي ويضرب بالحزام .. ويا كل ضربة تطلع روحي ..

عيونة دم وعروقة بانت ..

اخخ مهيمن بس فهمني شبيك ..شمسوية ..

مهيمن :عود هاي انتي الي حبيتج وعبالي اعرفج .. هيج تاليها ..

رشا: دوخر ... احاول ادفع بي .. بس فهمني شبيك ..

شالني من ثوبي ويعت بية ويضرب جسمي بالحايط ..

مهيمن :بس فهميني ليش هيج حظي ..
ليش الي احبها لازم تخوني ...

رشا: عافني وكعد بالكاع ... يمكن بجة ماشفتة لان دنك وحط ايدة على كصتة..

ميهمن :شسويت بحياتي حتة هيج اتعاقب..
ربي لان كلبي حنين وماحب اضرب مرة تجبرني اضرب..

رشا :جنت مددة بالكاع ابجي .. وجسمي يون علية ..
الجوة محد سمع.. لان جنت كاتمة صوتي من انضرب ..

ضليت اشهك .. وابجي .. دك موبايلة .. ضل صافن وباوع علية ..

.........

ميهمن ..

جنت راجع من برة .. شفت رشا جانت تطبخ العشة . .. نفسها طيبة بالاكل ...

جانت مندمجة وتدندن .. حضنتها وضليت اشمشم وابوس بيها ..

صعدت يم ريم حتة انتظرها ...

جانت تلعب بموبايل رشا ...

مهيمن: حبيبة بابا شسوي ..

ريم :دباوع كارتون تعال باوع وياي..

ميهمن: شتباعين ..
ريم :هذا وهذا .. جانت تاأشر على الشخصيات .

ميهمن :.. يلة كافي عيب عوفي الموبايل ..

ريم: مااا هستوني لزمتة جانت عمة رشا تخابر عمو بي..

ميهمن: ياعمو ..

ريم: واحد كللها فدوة مشتاقلج ..

ميهمن: صعدت بوخة براسي ..

اخذت الموبايل منها شفت ماكو مكالمات يعني ماسحة السجل .. ..

رحت على لحظر لكيت رقم محضور .. دكيت عليه جاوبني صوت ولد كبل سديتة ...

رحت عليها .. شفتها كاعدة تكلب بالكنتور ماشفت رشا .. شفتها نور .. جريتها من شعرها ..

.. جنت اضرب بيها واتخيل كل ايامنة سوة ..
مخليتها تصيح او احد يسمع صوتها ..

لان اني الي جبتها .. اني الي اختاريتها تصون بيتي ..

هية هم خانتني ...ماعرف العلة بية لو بيمن ..

طلعت حركة كلبي ... ماتحملت اشوفها متأذية عفتها ..

ضليت ابجي بس مغطي وجهي.. اسمع ونينها وكلبي يوجعني عليها بس حيل مقهور منها ... عقلي يكلي خاينة وكلبي يكلي افهم منها ... متسويها ..

اشوية ودك موبايلي ...

جاوبت من شفتة سامر ..

الوو ..

سامر :ها نسيب شلونكم.. اكلك رحمة لاهلك كول لرشا تفتح الحظر عني هذا رقمي الجديد ماعدها ترة جنت اتشاقة اشو كبل سدتة وحظرتني ...

مهيمن :ضليت صافن وهوة يحجي .. اباوع لرشا واثار ضربي الها ... شكوللها جنت غلطان ..

سديتة بدون مااجاوب ..

رشا :مهيمن .. بس فهمني شسويت وهيج ضربتني جنت احجي وابجي ..

مهيمن :ساكت ماعرف شجاوب ..

رشا :احجي كول شنو غلطي .. بشنو قصرت ..

مهيمن: رشا راح احجيلج ليش طلكت مرتي ..

رشا :كتلك ليش ضربتني ماكتلك ليش طلكتها ميهمني ..

مهيمن :من تعرفين ليش طلكتها راح تعذريني لان ضربتج ..

رشا: واني شعلية بيكم ... ..جنت احجي واناشغ ابجي بحركة كلب لان ماعرف ليش ضربني .بدة يحجيلي وهوة مرجع راسة للحايط وحاضن رجلة .. جانت عيونة تلمع بدمع مثل نظرتة الي شفتها بعينة بيوم فتحت ويا موضوع مرتة ..

جان مكسور ويحجيها ..

ميهمن :جنت احبها لنور .. وجنت موفرلها كلشي ..
بدت تتململ من طبعي الهادئ...وكامت تعيرني بالفاهي ..

لان مجنت اصيح لو اضرب ...

رشا: ضل يحجيلي ... قصتة وشلون مدللها..

وصل لحد ما شاف الفيديو .. جر حسرة احس جر شكو ذكرى سيئة بكلبة مطبوعة ...كال

ميهمن :تدرين رشا الي قاهرني ...انو ماكدر افضحها .... ولا اكدر ابرد نار كلبي .. خفت على سمعة بنتي ..وخفت على سمعتي من يكولون مرتة لزمها ويا واحد ..

متتصورين شكد جنت اتمنة قربها وهية جانت تنفرني ..

من طردتها جان تلفونها باقي ... وشفت الرمز بالتصوير ..

فتحتة وقريت محادثاتها .. طلع مو بس واحد ..
تدرين تفتح كامرة برصيد .. ولج الي مخبلني مجانت عايزة شي ولج راتبي كلة تحت تصرفها ..

رخصت جسمها وشرفها علمود رصيد ب٥..
والي يكتلج كاتبة عني ..

تكلهم مممنطيني حقوقي .. بلا شخصية .. فاهي..
مو رجال ميعرف يتعامل ويا المرة ..

تريد واحد يضرب ويذبح ويصلخ ويغلط ..

كسرت كلبي ..

رشا: واني شعلية بنور .. تضربني ليش ..اني رشا مو نور ..

ميهمن :ريم كالت خابرها عمو ..وكايلج مشتاقلج ..

رشا :والله ماعرف منو ريم فتحت خط وبس كلت الو هوة كلي مشتاقلج ..

يعني علمود هاي ضربتني ..يعني افرض ريم جذبت طفلة وجذبت تجي تذبحني اذا كالت لكيت واحد وياها ..

شوكت تبطل تصدك بغيري هاي ثاني مرة تسويها .
واذا تريد تعرف الرقم موجود بالحظر حظرتة لان ماريد اسوي شي غلط ....

ميهمن انت انسان مريض ماكدر اعيش وياك بعد ..
من تعرف الرقم تلكاني يم اهلي ..

ميهمن: ماكو داعي عرفتة بس اترجاج سامحيني والله ماعرف شصار بية من كالت عمو خابر ..

تذكرت نور والي سوتة بية ماردت ينعاد الي شفتة وتنهان رجولتي مرة ثانية ..

رشا :ومنو هوة ابو الرقم ..

ميهمن :سامر طلع مغير رقمة وجان يتشاقة وياج ..

رشا :. خوش .. لعد خابرلي عليه خل يجي ياخذني..
حجيتها بصوت مكسور ..

ميهمن: رشا لتسويها والله اموت بدونج ..

رشا :اعذرني مهيمن بس انت انسان شكاك ومريض ..
تصدك بطفلة .. ليش ماجيت حاجيتني .. ليش مخليتني افهمك .. ليش مانطيتني فرصة ادافع على روحي ..

انت خسرتني .. وهدمت الثقة بيناتنة ..
من تعرف ناسك شنو بوكتها تعال تلكاني ابيت اهلي ..

خابرلي سامر ..

مهيمن :ميحتاج اخابر اني اوديج ...ارتاحي يم اهلج شكم يوم .. وياريت موضوع الي حجيتة الج محد يعرفة ..

رشا :يعني انت خايف على موضوعك .. اطمن محد مهتم بموضوع مرتك بكدك ...

كمت احضر بغراضي وهوة نزل كال لامة ..

نزلت بسرعة بدون ما اخليها تشوفني لان بس تدري عركة اكيد راح تلزك ومتخليني اروح الة نتصالح ..

صعدت بسيارة .. ساكتين .. محجينا شي لحد موصلنة لبيت اهلي كبل نزلت لزم ايدي ..

ميهمن: اسف رشا ... حعوفج ترتاحين .

رشا :ماهتميت لكلامة نزلت وطبكت الباب كل قوتي ..

ضل واكف ومنداريت عليه ابد ...

طبيت لبيت اهلي هدوء يمكن ديتعشون .. دكيت باب المطبخ ..

طلعتي سهام ولكمتها بحلكها ..

فتحت الباب وفتحت عيونها على شكلي ..

سهام :هااي شبيك .. ولطمت على صدرها ..

...

[فيتامين سي]

قضية طلاق ..

بقلم Aseel..

بارت ٢٠ ...

.......

محبتنه جذب مو كالو تموت
ولتصدّكهم الكالو لك نسيتك
...
لأن أنت شراكة بالنّفس ويّاي
وما أتنفّس أني بغير ريتــــك
...
تدري أنت شكثر بيك أنّي محظوظ
وأحسّ بختي كعد لمن لكيتك
....
وإذا فكّرت أعوفك وأنسى ذكراك
ياخذني الكلب كوّة على بيتك
...
حجولي شكد عليك وكلت عذال
عاندت الحجو عنّك وجيتــــــك
...
كالو صعب دربه يتعبك هواي
ورغم هذا التّعب كله اعتنيتك
...
كالو بس أذيه وعوفه وأرتاح
عفت الرّاحة أنا وميّت بأذيتك.

..........

طبيت لبيت اهلي هدوء يمكن ديتعشون .. دكيت باب المطبخ ..

طلعتي سهام ولكمتها بحلكها ..

فتحت الباب وفتحت عيونها على شكلي ..

سهام :هااي شبيك .. ولطمت على صدرها ..

رشا :شمرت نفسي بحضنها وكمت اشهك بصوت عالي ..طلع ابوية وامي يركضون وسامر

ابو سامر :احجي بابا شبيج .

ام سامر :يمة بنيتي هاي شصاير بيج ..

رشا :جنت بس ابجي واشهك ..

سامر: تحجين لا اكفر بيج منو مسوي بيج هيج ..
هذا رجلج مو هذا العار هيج مسوي ..

ابو سامر :كافي عوفوها خل ترتاح ونفهم منها ..

رشا :طببوني جوة خطية عشاهم مصبوب وكامو منة ..

ابو سامر :رتاحي بابا وتعالي اكلي يلة اكيد ممتعشاية ..

رشا: ماريد بابا ماشتهي ..

ام سامر :كومي ماما غسلي ورتاحي وتعالي هنا ننتظرج نتعشة سوة ..

رشا :ماشي ..كمت وسهام جتي وياي ..
روحي سهام كملي عشاج اغسل واجي مابية شي .

سهام :شلون اعوفج ياعيني

رشا: مابية شي والله اكدر اغسل مامتعوقة الحمد لله

سهام: ههههه يلة لعد ننتظرج .

رشا:طبيت للحمام باوعت للمراية جان حاجبي مشخوط وطالع دم يابس .. وزراك بكصتي ..

وحلكي ورام وخدي من الراشديات ..

غسلت واحس المي يجوي جروحي .. كمت ابجي وادير مي بارد على وجهي ..

كملت نشفت وطلعت يمهم ..

ابو سامر: تعالي بابا ..تعشي .. ترة هسة انبطل ونشيل الاكل كلة اذا متاكلين ..

رشا :بابا والله مااشتهي ..

ابو سامر :هاهية لعد كومي سهام شيلي الاكل .

رشا: لا بابا راح اكعد هاهية لتزعل

ام سامر: اكلي ماما وغذي روحج ترة محد يفيدج ..شوفي وجهج اصفر .. الله لا ينطي .

رشا: لا ماما لا تدعين ترة سوء تفاهم واي واحد ابدالة يسوي هيج ..

سامر :وفوكاها تدافعلة .. وبلة شنو السبب ..

ابو سامر: كافي سدو الموضوع وكملو عشة وبعدين نسولف ..

رشا :كملنة عشة وشلنة المواعين .. وسهام راحت تسوي جاي ..
جانن بناتها وحدة نايمة والثانية كاعدة بحضن امي ..

ابو سامر : اي سولفي شنو الصار .

رشا: بابا المشكلة صارت بسبب سامر ..

ابو سامر: شنو سامر .. شجابة عليكم .

سامر :اني شدخلني بيكم ..

رشا :بسبب شقاك ...

سامر: بس لا من اتصلت عليج وكتلج مشتاقلج ..

رشا: اي جانت ريم يمي وكالت لابوها وهوة بدون تفاهم اجة ضربني ..

سامر" يعني هذا رجلج خبل لو شنو اكو واحد يضرب بدون ميعرف السالفة شنو .. واني مو خابرتة وكتلة شنو هلرعونية هاي.

ابو سامر: والله ماكو ارعن غيرك.. مرة متزوجة شنو هلشقة هذا ..

رشا: انت من كتلة جان ضاربني ترة وجان ياخذ استراحة .

ام سامر: والله هنيالج كلبج تتشاقين وانتي جاية مزوركة ..

رشا :يمة غير ابنج ميبطل شقاه ..

سامر: اني احاجي واعرف شلون احلها ويا .

ابو سامر: كلشي ولا تدخل انتة منريد حلولك ..يكفي دميت هذاك اليوم الولد

رشا :يا ولد هذا ..

ابو سامر: جوارينة صهيب ..

رشا: انتفض كلبي ..بس غيرت الموضوع .. لان احس روحي ساحت من ذكرو صهيب جنت ناسيتة ..

عوف الموضوع سامر .. ترة حقة ..يعني تقبلها احد يسوي هيج ويتشاقة ويا مرتك وتسكت .

سامر: لعد اذا مترضين عليه شعندج طالعة زعلانة ..

رشا :اني مجيت زعلانة بس مهيمن عندة مشاكل وكتلة اذا متحل مشاكلك مارجعلك ..

ابوسامر : وشنو يعني تريدين نسكت على ضربة الج هسة كلنة الة الحك بس مو هيج يزوركج ..

احنة نحجي وياه ونعاتبة حتة ميكول ماوراها احد شنو لعد احنة مو بعينكم .

رشا :لا بابا حشاك بس محد يعرف ضروفة ..

ام سامر: انتي شكيتي كلبي .. شكو تدافعيلة ولج ..

سهام :خالة البيوت اسرار..عوفوها ترتاح شكم يوم وشتريدون سوو .. كومي رشا ارتاحي بغرفتج ..

رشا :كمت ابجي .. ترة البية كافيني كافي ارحموني ..

صعدت لغرفتي ابجي واشهك ..
ليش مدوم سعادتي لازم اكو شي ينغصها ..

اووف ياغرفتي .. اشلتي وياي هموم ودموع .. مامليتي من منظر عيوني الوارمة ..عبالي اخلص من سجنج تالي رجعتيني الج..

ضليت اتكلب لل١٢ ادور حضنة ..
اجتني رسالة بتلفوني من مهيمن..

(ماعرف انام بدون حضنج.. اسف مديت ايدي عليج والله من غيرتي عليج ..اسف حبيبتي بس مشتاقلج.حيل.ومالي عين اكلج رجعي .احبج)

ماجاوبتة غلقت تلفوني .. ونزلت اشرب مي .. من صعدت شفت سهام بالممر شايلة بنتها ..

رشا :ها خيركم

سهام: موتتني متقبل تنام شبعت نوم جوة ..وتريد تسهر .

رشا :دتعالي يمي عندي سالفة وياج .. وهم تتعب بنتج.

سهام :يلة علواه لان سامر نايم وزهراء هم .. اخاف يكعدون من صوت زينب ..

رشا طبينة للغرفة ..رحت للجرباية كعدت وهية ضلت واكفة تفتر ببنتها جان اسألها ..
اكلج شنو سالفة سامر وصهيب

سهام :امممم كولي هيج واني عبالي ميتة علية .

رشا: اهووو يلة بطلت ماريد ..

سهام: لا يلة راح اسولف ..شوفي حبيبتي حسب ماسولفلي سامر .....

سامر :بعد عرس رشا ماتحملت رحت لصهيب لكيتة طالع ... ضليت يومية اروح واجي عليهم..

بس مامتواجد ...طبعا ربطت عرس رشا بهروبة من البيت ..

ضليت تقريبا شهر ..شفتة طلع من بابهم ..
رحت شغلت سيارتي ..

رحت عليه ..

سامر: ها صهيب شلونك .

صهيب: بصوت مكسور .. هلة سامر لحمد لله انت شلونك

سامر: اصعد عندي سالفة وياك ..

صهيب: دقيقة خل اجيب جكايري واجي ..

سامر: انتظرتة على اعصابي .. اشوية واجة ..
هاا نمشي ..

صهيب: يلة بس وين ..

سامر: عندي موضوع وياك اريد نتفاهم بي

صهيب: بكيفك شتريد سوي ..

سامر :جان يحجي وعبالك يعرف شريد منة .. جان يحجي بصوت مكسور

وصلت لمكان شبه فارغ .. نزلت وهوة هم نزل مستسلم ..

صهيب: كول سامر من الاخير ..

سامر: بعدة ممكمل ضربتة بوكس بوجهة تكوم بالكاع .
..ضليت ارافس بي وهوة ولا قاوم جان بس نايم عبالك فاقد وبغير عالم ..

انت شنو .. مو انت العفتها .. مو انت الي فضحتنا بين عمامي .. خليت اليسوة والي ميسوة يجيب سمعة اختي بالنازل ..

ولك افتر على واحد واحد افرك بحلكة .... فوك ماضيعت فرحتها بعرسها .. جيت اخذت شعرها. .

انت شنو مو بعينك احنة .. احجيي كول دافع عن نفسك ..

جنت احجي واضرب بس .. وادفر ببطنة وهوة بس يتلوة ..

عفتة شفتة كام يبجي كسر كلبي .. كعدت يمة وارتجيت على تاير السيارة ..

احجي يلة ليش سويت هيج ..

صهيب : سولفت الة السبب كلة .. مجنت خايف من شي .. هية رشا وراحت .. عليمن بعد خايف ويجوز نستني ..

سامر: شكد شفت قذرين بس مثلك ماشفت .. ضيعت رشا علمود شهوتك وشقة شباب ...

زين ليش اخذت شعرها .. ووينة اريدة ..

صهيب :. شعرها دفنتة بس ماكلك وين ..

سامر: احجي ليش كصيتة .. ورثت جكارة ..كملت كلامي احجي اسمعك..

صهيب: لان جان شعرها بس الي انام واكعد احلم بي وبالتالي يصير بسهولة لغيري لا والله مصارت .. على الاقل احضة بشي من ريحتها ..

سامر :انت سافل والمفروض هسة اكوم ادفنك بمكانك بس حعوفك تدري ليش .. لان انت قشمر ..مشيت ورة صحابك اصدقاء السوء وهاي تاليتها ... ضيعت روحك ..اكلها يالسبع ..

صهيب: متدري شكد متندم ..

سامر :وشيفيد الندم ... كوم اصعد خل اوديك .. ولو صعبة علية بس اخاف تموت وتنحسب رجال براسي ..

صهيب: رحم الله والديك ..

سامر :جان يحجي بس عبالك واحد بغير عالم ..
صعد ونزل يم اهلة ..

ورحت لبيتنة ماكو دقايق وجتي امة تبجي ..
اسمعها تكول لامي ..

ام صهيب: ليش هيج دادة سامر مشوه الولد هذا وحيدي ماعندي غيرة اني ماصدكت رجعلي ..

ام سامر: والله يا عيني مادري شكو اني خل اصيحلة ..

سامر :صاحتلي امي .. هاا يمة .

ام صهيب :ليش هيج خالة .. هاي عود انتو جوارين وصحاب ..

سامر :ابنج تعدة حدودة هواي .. وزين مني ما عفتة هناك يموت بمكان مقطوع ..

ام صهيب: اشكرك خالة هذا حق الجار للجار ..
ماوكفت بعينك خواتة الاربعة .. ماوكفت بعينك هوة معيشنة .. اذا صار بي شي منو النة غير الله ..

يمة وليدي دومة مكرود منين يتلكاها من عمامة الشامري لوخوالة الي ميسألون .. والله مصايب الدنيا كلها براسة ..

سامر :خالة انتي تعرفين كلش زين ليش سويت هيج ..يعني ترة اذا ابوية درة بسالفة صهيب ترة تصير عشاير ..

ام صهيب :كثر خيرك من سترت ابني ابوس ايدك ..ونزلت تبوسها

سامر :لا خالة شنو السالفة ..وجريت ايدي قبل لا تلزمها ..

ام صهيب: كافي عوفة بحالة الي بي مكفي .. والله حيموت الولد لا اكل ولا شرب بس جكاير وجاي ..

من غير يروح ايام مندري وينة ..

سامر: هاهية مالي شغلة بي حقي واخذتة.. وجيتج على عيني واعتذر اذا قهرتج .

عفتهم وطلعت...

........

رشا: انصدمت من عرفت السبب الي عافني علمودة صهيب .. بجيت لان تذكرت شكد جنت احبة وخاني ويا وحدة ساقطة ..

سهام :كافي لو ادري محاجية

رشا :سهام يعني جان يخوني واني ويا عرسنة بعد اسبوع ..

سهام :وهسة شنسويلة طبة طوب اخذتي تاج راسة ..

رشا: ولج اني مدبجي لان خاني .. اصلة معاد يهمني غير مهيمن بس ابجي لان جان مستغفلني الحقير ..

سهام :دعوفي السالفة هسة راحت وانتهت حيري بروحج هسة شلون حتصفة ..

رشا :ماتصفة .. اذا ميشوف حل لروحة ..

سهام: ليش هوة شبي..

رشا :اكلج بس ماريد بشر يعرف ..احلفي

سهام :وداعت بناتي مااحجي .

رشا: بديت احجيلها السالفة وهية بس تلطم لو تكول عززة لو يا يا يا ..

مكافي مؤثرات وخل اكمل ..

سهام :سودة بوجهي ولج هاي كحبة .. والله عليها كلب فوك ما مدللهة معاجبها ..

رشا :والله من حجالي شبعت قهر وحقة يصير شكاك بس ماريد يطلع حركة كلبة بية لازم يحل مشاكلة ويا الثقة

سهام :ناوية تطولين لو عركة حبايب

رشا :مادري ليش تسألين ... شنو ضايجة مني .

سهام دنجبي .. لا بس دسأل لان الدوام مباقيلة شي ..

رشا :صدك مكلتيلي شخبار زهرة ..

سهام: والله ماعرف بيها متجينا من يوم متزوجتي ..
بس امها تكول زينة واحتمال بعد شهر تتزوج .

رشا :الله يباركلها ..
وعماد وين اشو ماشفتة اليوم ..

سهام :هذا عايش بعالم سمسم ..رايح لاربيل سفرة ويا اهل سجى

رشا :هاااا ومن شوكت هوة يعرف سفرات

سهام :هههه والله كلنة تفاجأنة ..

رشا :وعليمن الحساب عليه عليهم ..

سهام :لا اكيد عليهم لان ابوج كام يحاسبة على كل فلس بعد ما امج فضحتة بسالفة عمتة من اخذت من المحل بلاش وامج دفعت فلوس

رشا :واني عبالي امي نست ..

سهام :اييي شلون تحبهن حتة تفوتلهن سالفة ..
بس لا اكلج ولا تكليلي .. صايرة مشاحنات بين عمتي وعماد محد طايق الثاني ..

رشا :وليش بلله..

سهام: لان امج سحبت البساط من جواه .. جان محد يحاسبة على فلوس المحل .. فيصرف بكيفة وهسة صار لحساب بالملي ..

رشا :وشعجب عماد قبل ..

سهام :لان مجبور .. ماعندة حل ثاني لحد ميتوظف.

رشا: اوووف .. الله كريم

سهام :يلة حروح هاي نامت داخت من سوالفنة ..
تصبحين ع خير ..

رشا :وانتي من اهلة حب.

.........
مرت الايام واني مهيمن منتحاجة يجي لبيت اهلي بس ماانزلة وتلفوني مغلق .. عكب باجر الدوام ..رحت اشتريت ملابس ومستلزمات للدوام من الفلوس الي دزهن الي مهيمن بيد امي ..
علمود الدوام ..

جنت بالسوك افتر بس مالي واهس .. ضايجة ومشتاقة الة حيل ...
بس كبريائي يمنعني ..مو هينة الي سواه .

كملت مسواك .. ورجعنا جنا اني وامي وسامر ..

اجة يوم الدوام وجنت خايفة اشوف مهيمن ... ماريد اضعف .

لبست لبس الدوام العادي .. بنطلون وتيشرت وبليرة طويلة .. وسويت شعري صفح كيرلي وشلت الصفحة الثانية بكباسة صغيرة نازكة ..

نزلت تريكت وسامر وصلني ..عبرنة باب بيت صهيب ..بس شكد كرهتة من عرفت حقيقتة ..

وصلنة للدوام لكيت ميهمن واكف بباب الكلية ..

سامر : تريدين اطببج لجوة لو دبريها وحدج .

رشا :ههههه شنو السالفة ..لا ميحتاج حبيبي..

سامر :يلة انتي مينخاف عليج سبعة بنت ذيب.

رشا: ايبااااه هذا منو يحجي ..

سامر :دمشي لو اغير كلامي ..

رشا: يلة يلة نازلة .

سامر: من تكملين رمشي علية ..
رشا: ماشي باي ..

سامر :الله وياج ..

رشا : نزلت واقرة ايات بكلبي ..
وصلت لباب الكلية سلم علية .

ميهمن :صباح الخير حبيبتي مشتاقلج ..

رشا : ماردت افشلة هلو صباح النور .

ميهمن: ممكن تمشين وياي نطب سوة ترة جنت انتظرج لان هنا الكل درة متزوجين واول يوم دوام كلمن يجي بوحدة ..

رشا :ميهمني احد اني ...

يتبع ...

لا تنسون التصويت حبايبي والدعم ونشر القصة حتة القصة تصعد ...

[فيتامين سي]

قضية طلاق ..

بقلم Aseel..

بارت٢١..

.........

ميهمن :صباح الخير حبيبتي مشتاقلج ..

رشا : ماردت افشلة ....هلو صباح النور .

ميهمن: ممكن تمشين وياي نطب سوة ترة جنت انتظرج لان هنا الكل درة متزوجين واول يوم دوام كلمن يجي بوحدة ..

رشا :ميهمني احد اني ...

ميهمن :رشا لا تسوين هيج .. اذا انتي ميهمج الطلاب تعرف بيج تزوجتي اني يهمني يعرفون بيج ..

رشا: شتقصد .. قصدك يعني اسوي هيج حتة محد يعرف بية تزوجت ..انت صدك مو طبيعي.

مهيمن: رشا لا تختبرين صبري سوي الي اكلج علية لو حتة الكلية احرمج منها ..

رشا: انت صدك تحجي لو تشاقة .. مو عساس بكيفك هية ..

دنحجي واجت هند حضنتني...

هند: هلووو رشاوي حبيبتي شتاقيتلج .. بلخير عليكم .

رشا :هلو بيج الله يبارك بيج ..

ميهمن :يبارك بيج ..

هند: شنو استاذ مهيمن مشابع منها بالبيت خليها النة بالجامعة ..

ميهمن: لا اخذو راحتكم ..

رشا :طب مهيمن وشكلة معصب .. هسة اني الة اعيش الدور خل اطب وياه وانجب قابل حيعضني ..

اوووف مني دائما اتصرف بطيش ..

هند :هيييي وين صافنة حتاكلي للرجال حيلج حيلج ..

رشا: لا بالي شرد اشوية .

هند: تعالي سولفيلي كلشي كلشي .. لان التلفون ميفهم مثل الصوت والصورة ..

رشا :هههههه شكد فضولية انتي .. امشي نكعد بالسنتر

رحنا للسنتر وكعدنة على ميز وراحت جابتلنة حبشكلات للسوالف..

رشا: هاي شنو اليوم دلال..

هند :والله اليوم نكضيها تسخت ماكو دوام ..
بس والله طالعة فد شي بشعرج .. من زمان واكصة

رشا :والله لما صهيب جان ماكصيتة ..

هند: ليش شبي صهيب ..

رشا: بيوم العرف عقدت جنت اني وامي يم بابهم ومن سمع جرني من شعري وطببتي لغرفة امة .. وكصة .

هند: وليش هيج سوة ... شبي خبل هذا .

رشا: شمدريني يكلي شعرج الي .

هند: ومهيمن شكتيلة .

رشا: محد يدري بس سامر وامي وسهام .. والباقين عبالهم احترك بالطباخ وكصيتة ..

انتبهت على خيال وراية ..جنا اني وهند كاعدين وحدة بصف الثانية ..

انداريت واشوف مهيمن وراية واكف والعيون دم ..

كمت وكفت الحيلي . ولساني انخرس ..عزززة اني شصخمت ..

رشا: مهيمن ... قاطعني .

مهمين :اشششش ...

رشا: اشرلي باصبعة وعافني وراح ..
اخذت جنطتي وركضت وراه جان خطواتة عبالك امتار يعبر من العصبية .

ركضت وراه للكراج صعد بالسيارة ...
حاولت اصعد قفل البوب وشخط السيارة ومشة ..

ضليت ارجف .. ماعرف شسوي .. هسة ارجع لو ابقة بالدوام ... اخاف اتصل بسامر ويعرف بالسالفة وتكبر ..

ربي شحجاني لو ماكلة تبن وساكتة .. جتي هند تركض وراي ..

هند: ولج عززة شراح تسوين .

رشا :مادري مادري ..

هند :خرب بالحظ .. ادري غير تنتبهين ..

رشا: شمدريني مو عفناه طب للعمادة جوة شجابة ورانة .

هند :خررب وهسة شراح تسوين ..

رشا :شمدريني .. ماعرف اروح لو ابقة ..

هند: امشي للسنتر اشربي شي هدي اعصابج ونشوفلنة حل ..

رشا: رحت وياها واني ارجف .. كعدت بالسنتر واتصلت على مهيمن انطاني رفض ..اتصلت مرة ثانية صار مغلق ..

ربي ساعدني شحجاني شحجاني ..

هند: دكافي ياعمري شجاج ..على كيفج حتة نفكر بحل ..

رشا :لازم ارجع للبيت خابرت على سامر كال يتاخر ..

هند: لعد شلون ..

رشا: راح ارجع مشي يلة رايحة ..

هند: الله وياج طمنيني .

رشا: انشالله ..
طلعت واني ادعي بكلبي انو الله يهدي ويعديها على خير ... فتت بفرعنا شفت صهيب واكف بالباب بس ايدة مكسورة واثر خياط بحاجبة ..

رحت كبل عليه ..

رشا: انت انسان حقير .. دمرت حياتي .. بسببك كلشي تدمر .. خسرت كلشي .. اكرهك فاهم .. اكرهك.

صهيب: شبيج انتي .. منو يمج .. يمج حواليج ..

رشا: انت السبب بكلشي يصير بية .. انت لعنة فاهم انت لعنة صرت .. العن الساعة الحبيتك بيها ..

صهيب: روحي روحي الله يشافيج ..

رشا: عفتة ورحت واني اعصاب ودمي نار .. كوة سيطرت على روحي ووصلت للبيت .. طبيت كبل للمطبخ ابجي بصوت ..

ماهتميت للموجودين ..طلعت امي تركض وسهام جتي علية ..

سهام: شكو ياستار شبيج ..

ام سامر: شبيج ماما ليش راجعة من وكت صاير شي ..

رشا: مهيمن عرف كلشي ..عرف ليش كصيت شعري.

ام سامر :لطمت عاى صدرها .. عززة العزاني شدراه يمعزاية ..

رشا :جنت اسولف ويا هند وطلع واكف ورانة ...

سهام :صخام بوجهج .. وشراح تسوين هسة ..

رشا: مادري مادري لحد يسألني ..جنت احجي بصياح.

ضليت على كعدتي انحب ..جابتلي سهام كلاص مي .

سهام :هاج يمعودة حلكج نشف من البجي ..

رشا :عساني اشرب سم ..ولج ماشفتي كسرة عيونة ..عساني متت ولا قهرتة هيج ..

ام سامر: شدعوج عيني هيج ترجفين مو عساس زعلانة منة ..نسيتي شلون ضربج .

رشا: يمة لخاطر الله كافي كافي مو كلشي لازم تعرفين ..

ام سامر :ومن شوكت صايرة اسرارج ضميها عني

رشا :لا اسراري ولا شي سر زوجي ماكدر احجي ..
عوفوني رحمة لله ..كمت عنهم ..

كلت ..سهام اذا اجة سامر كليلي فدوة لازم ارجع للبيت ..

سهام :ماشي حبيبتي ..

ام سامر :شنو بكيفج انتي ..

رشا :عفتها مجاوبت مابية اتجادل ..
صعدت للغرفة .. اتصلت بمهيمن بعدة مغلق...

اتصلت بعمتي مترد ...

ربي شسوي .. ضليت الملم بغراضي حتة اروح ..صاحتني سهام اكلي لكمة ..بس ماردت ..

صارت ب١ ونص عبالك دهر كوة مشت الساعة ..
نزلت اركض انتضر سامر ..

اول ما دخل ..

سامر :السلام عليكم .

كلهم ردو :وعليكم السلام هلة ..

رشا :سامر فدوة قبل كلشي وديني لعيالي ..

سامر :ولج شكو شصاير ..

رشا: فدوة بالطريق افهمك . خل اجيب غراضي وشغل سيارتك ..

سامر: يمة شكو شبيها ..

ام سامر: جتها الحالة ..

رشا: نزلت اركض واسحل بالجنطة ..

ام سامر :ضلي قشمر ضلي ..

رشا :يمة لخاطر الله سكتي عوفيني بحالي ..

صعدت بالسيارة وكلت لسامر على السالفة ..

سامر: سهلة عود اني احاجي وافهمة ماكو داعي لهلعصبية ..

رشا :سامر انت متعرفة المهيمن كلشي ولا الجذب ..

سامر: انتي ممجذبة بس خفتي على ابوج لا يعرف ويصير بي شي .. وتصير طلابة ودم .

رشا: يعني هيج اكلة ..

سامر: هوة هذا السبب لو لا مو انتي خفتي لا تصير طلابة ودم ..

رشا :اي صح .

سامر :اي هذا هو اني افهمة ..
رشا :الله كريم ..
وصلنة للبيت نزلت اركض ادك بالباب محد يفتح ضليت هواي ..ماكو جواب زاد خوفي وقلقي ..

اتصلت على حماي مقداد ..

رشا: الو شلونك ابو كرار ..

مقداد: هلة هلة خيتي ..

رشا: هلة بيك .. اكلج اخوية متعرف عمتي وين ..

مقداد :والله امي يمنا جابها مهيمن قبل ساعتين ..

رشا :ومتعرف وين راح ..

مقداد: لا والله بس عاف امي كال مسافر ..عبالي انتي وياه ..

رشا: مسااافر .. زين ريم وياه .

مقداد :طبعا وياه متشوفين عبالي انتي هم ..حتة امي هم كالت راحو كلهم .

رشا: هاا تسلم ابو كرار ازعجتك ..

مقداد: لا يابة عادي بس شكو خومصاير شي ..

رشا: لا بس صار سوء فهم .. يلة اخذ راحتك من رخصتك .

مقداد: الله وياج ..

رشا :سديتة منة وكعد بالكاع ابجي

سامر: كوفي تخبلتي ترة بالشارع .. كوومي فضحتينا .

رشا: راح سامر ... مهيمن راح ..

سامر: كومي بالسيارة نتفاهم ولج كامو يباوعون علينا .

رشا: جرني صعدني بالسيارة .. واني كلبتها مناحة ..

سامر: كافي لخاطر الله راح نندعم .

رشا :ولك سامر هاهية اني انتهيت .. مامكتوبلي اتهنة

سامر :على كيفج يجوز عصبي هسة .. بس يهدئ يرجع

رشا :انشالله ... انشالله ..
رجعت. للبيت واني خايبة .. جنت متاكدة اني خسرت مهيمن ..

صار يوم ثاني والثالث والاسبوع والثاني وصار شهر والشهرين وطبينا بالثالث...ومهيمن مامنة خبر ..

جنت اروح للدوام يومية عسا اشوفة بالدوام ..
كرهت روحي حيل لان جذبت عليه

اكتشفت مهيمن قاسي بعقابة .. راضية بعقابة بس خل يرجع واعرف اخبارة ..

تعبتني فراكة والاهم من هذا كلة .. راح وهوة زعلان مني .. حتة اخوه واهلة كلهم ملو من اتصالاتي .. ميعرفون وين .. واشك بيهم يعرفون بس ميكلولي .. والله لو ادري بي باخر الدنيا اروحلة ..

اسهر ليلي يومية اقرة محادثاتنة واقرة اخر رسايلة الي من جان يتوسل اسامحة ..

وهسة اني اكتبلة يسامحني .. يومية اكتبلة .. من راح لليوم ..

ضعفت وهملت نفسي .. مستواي نزل بالدراسة لان مجنت اروح للكلية علمود الدوام .. جنت اروح علمود اشوفة ..

تعبت نفسيتي وشبه كطعت الاكل .. صار عرس زهرةة.. اعتذرت منها ومارحت .. وهية عذرتني لان تعرف ظروفي شنو ...

بيوم عرسها جان البيت فارغ راحو اني صعدت نمت ..

كعدت المغرب وكاأبة مال شتة .. اختنكت حيل ..

اتصلت على مقداد جاوبني ..

مقداد: هلة رشاوي ..

رشا :شلونك مقداد ..

مقداد :هلة بيج الحمد لله انتي شلونج ..

رشا: بصوت حزن وقهر ووحد مأيس من الحياة ..
مو زينة .. مقداد ماعرفتو وين مهيمن ..

مقداد: رشا عوفي ميهمن خل يرتاح فترة وهوة يرجع اخوية واعرفة ..

رشا :يعني انت تعرف مكانة مو .. ادري بيك تعرف مكانة وتتواصل وياه ..

مقداد :رشا مو هيج ..قاطعتة .

رشا :مراح اكلك انطيني عنوانة لو شي .. بس اريدك توصلة كلامي ..

كلة اني حبيتك من كل كلبي .. وانت الشي الحقيقي الصار وياي .. ماكتلك بسالفة شعري لان خفت لا تصير طلابة ودم .. وخفت لا اخسرك لان عرفت بية رايحة لبيتهم ..

راح تبقة انت حبيبي .. وماحبيت واحد بكد ماحبيتك ..فراكك اذاني حيل .. وتعبني .. واني ماكدر اتحمل بعد .. اتمنة تسامحني ..

ولو يرجع الوكت.. مجان ضميت عليك هيج سالفة..
احبك يا عشكي انت .. دير بالك على نفسك ياروحي .

سديتة منة قبل لا اسمع كلمة ...

رحت وتوجهت للي جنت مخططة الة ..

جانت لحظة ضعف ولحظة طيش مني لان فكرت بس بروحي .. مافكرت باهلي بالناس الي تحبني ..

بس ياناس تعبت محد يحس بناري ...

رحت لغرفتي قفلت الباب .. بعد ماجمعت شكو حبوب ادوية بالبيت كلة

كعدت على جربايتي ..
وصرت اشرب بيهن ببرود ...برودي جان مو طبيعي ..

المفروض ابجي او شي بس جنت باردة عبالك انسان مريض ويريد ياخذ علاجة ...

كملتهن ومددت بفراشي وتغطيت وحاولت انام ...طلعت صورة مهيمن بجهازي .. وضليت ابجي .

اوووف يعمري لو تدري شكد مشتاقة لحضنك ..مشتاقة لصوتك ..
كعدت اباوع لصورتة .. وشغلت اغنية ذكريات لنور الزين جانت هستوها طالعة ..

........
راح اروح انت كلت ..
واني حيل تفاجأت ...
بوكتها عادي كتلك ..
بس حبيبي جذبت ..

كبالك انت كابرت ..
ومن رحت اني متت..
الله ماوفقني انسة ..
وانت حيل توفقت ...

ذكرياات ..ذكريااات ...هسة حبنة ذكريات
كلبي ماات كلبي مات .. من عفتني كلبي ماات.

غيرك ابد .. ماحب بعد ..

جنا من نمشي سوة ..
شعرك يطيرة الهوة ..
دنيا مابيها ضوة ..
هيج بفراكك احس.

والله بيام العشك ..
من تجي ابالي احترك ..
ولو سألني كلبي عنك ..
اني اكلة كلمة بس..

ذكرياات ...

اخر شي ظل مطبوع ببالي هاي الكلمات ..ماانساها طول عمري ..

لان بدة وراها تحولت دموعي من الفراك .. الى دموع الم ..الم فضيع صار ببطني ..

كمت اتلوة ..واصارخ بصوت تعبان ..
محسيت غير اندفر الباب..

مشفت منو .. جان النظر مغوش وبديت اشوية اشوية افقد ..

....

[فيتامين سي]

قضية طلاق ..

بقلم Aseel ..

بارت٢٢..

بارت لعيونكم ..

......
كمت اتلوة ..واصارخ بصوت تعبان ..
محسيت غير اندفر الباب..

مشفت منو .. جان النظر مغوش وبديت اشوية اشوية افقد ..

الم بطني كان مو طبيعي .. جنت فاقدة بس احس بالم ببطني ...

صحيت واني بالمستشفى وامي فوك راسي تبجي وابوية حاط ايدة على راسة وكاعد على كرسي. . واخواني واكفين ..

رشا :ماما ..وبجيت .

ام سامر ليش ماما هيج هنت عليج .. هيج تكرهيني وتريدين تحركين دمي ..

رشا: ماما والله تعبت بعد مااتحمل .. بشر اني مو حجر... مهيمن بعد ميريدني .. خسرت كلشي اني ..

ابو سامر: يعني اذا هوة ميريدج واحنة شنو .. المن ربينة وكبرنا حتة تموتين روحج علمود شخص مصارلج سنة من عرفتي ..

مع الاسف عليج .. عبالي انت الي على كلبي..طلعت مااهمج ولا الي بكلبج مكان ..ما درتي بال لاحد ..

رشا: بابا والله اسفة .. اختنكت واحس بذنب مو طبيعي ..تعبت كل مااريد افرح لازم يجي شي يخرب فرحتي ..

سامر: دكومي كومي ام فرحة ... هية هاي المسلسلات التركية شحصلنة منها ..
خل اروح اشوف الدكتور شوكت نطلع حتة تتحضرون .

رشا: راح سامر يشوف الدكتور .. احس معدتي تخبط من وجع ولعبان نفس

ماما بطني دتموتني ..

ام سامر: لعد هينة الي سويتي .. الله يساعد معدتج على الحبوب الشاربتها .. زين ما صارت قرحة ..

رشا :صيحي احد خل يضربني مسكن ماكدر اتحمل الوجع ..

ام سامر :هاي مال غسيل المعدة الي سووه الج .. خليج هيج تتوجعين حيل بيج حتة كل متفكرين تعيدها تذكرين الوجع ..

رشا :عمي والله ماعيدها بس خلصوني ..

ام سامر : مو زين اي دوة حاليا اتحملي اشوية لا تصيرين مايعة ..شلون تريدين تصيرن ام لعد

رشا: وشجاب الام بالنص متكليلي..عمي ماريد بطلت حلو الوجع يخبل ..

درت وجهي بتعب وحاولت انام ...
اسمع ابوية يحاجي احد بتلفون بس سويت روحي نايمة اريد اعؤف شيحجي..

ابو سامر: لا حالتها مستقرة ..
اي الحمد لله لحكنا عليها باخر لحظة .

اي والله منعرف شلون نجازيك لوماانت مخابر جان ماتت وملحكنا عليها ..

ولو عندي عتاب وياه بس هلة بي .
اي بعدنة بالمستشفى..

هلة بيكم .. الله وياك.

رشا :ماكلكم كلبي شلون كام يركص ويضرب دقلات..
عرفت الي يحاجي مقداد لان بس مقداد حاجيتة اخر مرة ..

يربي يكون الي ببالي صحيح وميهمن يجي وياهم ..

اجة سامر ..

سامر :يكول خلوها تبات اليوم هنا وباجر الصبح تطلع

رشا: ليش هسة شنو ..

ام سامر: هسة عصر ..

رشا: يعني اني من البارحة لهسة نايمة ..

ام سامر :اي واحنة من البارحة لهسة كاعدين فوك راسج .

رشا :يمة حتعيريني لخاطر الله متصدكين تلكيلج شي علية .. شبيج شادة وياي هليام

ام سامر :لان تصرفاتج متعجبني ..

رشا :ماما والله مابية حيل اسولف ..اجلي العركة للبيت
اشوية واجو عيالي جان جاي مقداد وعمتي ورفل ..
ضليت اباوع وراهم بلكت مهيمن جاي وياهم ..

بس ماكو .. وصلو يمي وتحمدو للسلامة ..

رفل :انتي صدك خبلة اكو وحدة تسوي هيج علمود مهيمن ..

رشا :دنكت وفشلت لان ابوية ومقداد وخواني كاعدين ...

رفل: والله عمي مهيمن نيالك على هيج حب وين تلكاها ..

رشا :دتحجي وانفتحت الباب طبتلي ريم تركض ...
ماكلكم شنو جان احساسي بس انتو تخيلو ..يصير وياكم هيج شي .. شخص يزعل منك ويروح ومتعرف اخبارة ويطبلك فجأة...

اذكر شهكت بجي من حضنت ريم وراها طب مهيمن ..سلم على اهلي . وعيوني تركض وراه..اريد احصل كلمة منة الي ...

ابو سامر :يلة خل ياخذون راحتهم .. بلكت يتصافون ويفضونا عاد ..

مقداد :اي والله لعبت نفسي من المكالمات صرت مرسال حب بينهم ..

رشا: طلعوو ... واجة مهيمن كعد على الجرباية ..
فتحلي ايدة واني ماصدكت حضنتة وشابكة بي وابوس بركبتة .. واقوي بحضنتي واعصر بهدومة ..

عبالك راح يطير .. اشم بي وابجي .. وهوة هم جان حاضني قووي .. جانت ايد بضهري وايد على راسي شابكني بيها ..

اشهك بصوت عالي وخرني ولزم راسي ..كال .

مهيمن :ليش تعذبني .. ينطيج كلبج انحرم منج وتموتين نفسج ..

رشا: مو انت عفتني .. ماكدر بدونك مهيمن .

مهيمن: مجنت اتصور لهدرجة تحبيني ..

رشا :واكثر بعد انت روحي من الدنيا ..

مهيمن: ياروحي انتي ..

رشا: يعني سامحتني ..

مهيمن: اني مازعل منج حتة اسامحج ..بس جنت محتاج اكعد وحدي واصفي دماغي اشوية ..

رشا: ٣ اشهر واشوية لعد لو هواي شكد تضل ٣ سنوات..

مهيمن: بعد ما تتكرر.. بس ماريد بعد جذب .. نرجع لبيتنة وتحجيلي كلشي ..من البداية للنهاية.

رشا :سد الموضوع حباب.

مهيمن :اذا تريدين نسد الموضوع لازم نحجي بي ونخلص منة حتة منفتحة بعد ...حتة مااضل كل اشوية اتذكرلي سالفة واسألج ونضل هواي .

رشا: ماشي الله كريم ..
هيج انطاك كلبك متشوفني ..

مهيمن: واني اكدر ماشوفج هوة اسبوع والباقي جنت اراقبج من بعيد ..

رشا: يعني جنت هنا .. ممسافر ..

مهيمن :اول اسبوع رحت لاربيل بس مكدرت بلياج رجعت وجنت كاعد ببيتنا بس محد يعرف ردت ابقة وحدي .. بس مقداد يعرف

رشا :وانطاك كلبك تعوفني اتلوع عليك ..
لزمني من اذاني وجرها ..

مهيمن :حتة تتوبين تضمين علية شي مهم مثل هذا

رشا :اسفة والله

مهيمن: بس تدرين شغلة ...اول مرة اعرف اني عزيز عند احد لهدرجة ..

رشا: وشمدريك بية اني ردت اموت

ميهمن :جان مقداد يمي من انتي خابرتي ..
وعرفت بيج خبلة فاتصلت على سامر يلحك عليج ..

رشا: ترة زعلت منك هسة اني ..

مهيمن :وليش بالله زعلانة ..

رشا: هيج ينطيك كلبك متشوفني كل هلمدة ..

ميهمن: ترة للعلم يومية اراقبج تروحين وتجين ..بس ردت اسويلج درس .. والصراحة اني الي زعلان منج .
ليش هاملة دراستج خابروني الدكاترة يشكون من مستواج ولا محاضرة داخلة واذا دخلين تتصفنين..

رشا :ماكدر بدونك انشلت حياتي وانت ماكو ..بعد لتسويها وكمت اضرب بصدرة .. لتسويها بعد اموتك اموتك ..

ضحك وحضني .. كال..

مهيمن :يلة جيبي الصحيبة ..

رشا: ضحكت ومديت اصبعي الصغير وسوينا مثل الجهال تصاحبنا ... تصاحبنا اني ومهيمن ..

....يشهد الله لو جنت اعرف من البداية اسوي هيج حتة اشوفك ..

مهيمن :دنجبي انجبي .. دسويها بعد حتة اذا متموتين اني اموتج بيدي..

رشا :لا توبة ..بس اذا عفتني اموت روحي..
ضل وياي لليل وبات وياي والصبح طلعت لاهلي حتة الم غراضي ..

تغدينا ورجعنا لبيتنا .. بس اني ومهيمن ...عمتي اخذت ريم يمها كالت انتو اليوم عرسان وراحت لبيت مقداد ..طبيت لغرفتي شفتها نظيقة وفرشة جديدة .

رشا :هااي شنو منو منظفها ..

مهيمن: مو عيب علية عروس ودخلين لغرفة متربة .
خليت رفل تنظفها الج..

رشا :خطية ليش هيج متعبها ..

مهيمن: وانتي هم خطية تتعبين اليوم ..

رشا: ليش شكو اليوم .

مهيمن: ترة هاي دروبج مو علية ...

رشا: ههههههه ترة هستوني طلعت من المستشفى..

مهيمن :مشكلتج مو مشكلتي ..

رشا: اوكف خل اسبح خل ابدل ريحتي كلها احسها مستشفى..

ميهمن :يلة انتظرج مو تتاخرين ..

رشا: ماشي .. اخذت البرنص لان ماحب ابدل بالحمام .. سبحت وكملت وطلعت ..

رحت للغرفة لكيتة مشغل التدفئة الجو يجنن دافي مال نوم وساعة تقريبا ب١ ونص الظهر يعني جو ينعس ..

صاحني ورحتلة ...
...........

جنت نايمة على ايدة وحاضني من ورة ..

ميهمن :صايرة ضعيفة مابيج لحم ..

رشا :من الراحة غير ..

مهيمن: هيج فراكي يعذبج ..

رشا: كافي مامليت عبالك مامصدك ..كلساع هيج فراكي وهيج فراكي ..
درت وجهي عليه ...اي فراكك عذبني وموتني وضعفني وجنت مستعدة اموت ولا افاركك بعد ..رتاحيت ..

لكفني ببوسة بشفتي ودارني صعدني فوكة ..حط شعري الي نزل على وجهي ورة اذاني ..كال ..

مهيمن :الله لا يحرمني منج .. احبج ياحلى حب بحياتي ..

رشا :ولا يحرمني منك يا عشكي انت ....

........

حجيت لمهيمن كلشي طبعا بس شلت البوسة من السالفة لان يشعل جدجدي .. (مو تكولولة )

مرت الايام احلة من العسل حياتنا كلش حلوة ..
ساعدني مهيمن اعدل درجاتي وتوسطلي للدكاترة يعيدولي الامتحانات.. الحمد لله عديت المرحلة الثانية وخلصتها ...

فديوم خابرت امي كالتلي عرس عماد هلاسبوع ..
فرحت يمهم ثاني يوم حتة نبدي تحضيرات للعرس ..

رحت لاهلي واجواء فرح مو طبيعية لان لمة حبايب .. طبعا مايخلة الحجي بسالفة ليش ماحبلتي ..

اكتفي بكلمة اكمل دراسة يلة ..
مع العلم متشوقين اني ومهيمن حتة يصير عدنة اطفال بس هلشي بيد الله ..

قبل يوم الحنة اخذني مهيمن وتسوكت ورحت عدلت شعري بالصالون...طلعت عروس من جديد خاصة بهاي الفترة وزني رجع وخدودي تفحن اكثر

مهيمن متخبل على شكلي خاصة من سويت شعري اطرافة ثلجي وجان قليل الي يسوي هيج صبغ واني تجرأت وسويتة برز ويا شكلي مو طبيعي ..

رجعت بعد مااشتريت فستان فضي قصير والظهر مفتوح .. يجنن تصميمة .. شغلة كرستال .

صارت الحنة وتونسة من صدك لبست فستاني ومكيجت سموكي اسود وحمرة حمرة ..
غيرت من لوكي اشوية .. طلعت غريبة قليل عرفوني لان ممتعودين على جرأتي

المهم طلعت ملكة الساحة .. اجت زهرة وصايرة تخبل خاصة من حملت وسمنت وحلوت اكثر الظاهر مرتاحة ويا ابن عمي ..

مصار حدث غير عادي بالحنة .. مرت بخير وسلام وونسة وسوالف ورحنا حنيناها .. طبعا مجان شكلها عبالك عروس لان متعودين على شكلها بالمكياج يعني ماكو تغيير

طبعا بغض النظر على لبس بناتهم صار منظرهم عادي ...

بس بليل من رجعنة فاجأني مهيمن من طلع بية كبل لبيتنة ..

رشا :وين مهيمن بس لا تريد تاخذني للبيت .

مهيمن :لعد افوت هلحلو مني ..

رشا :لا مهيمن عليك الله لا تسويها ..اليوم البنات يباتن كلهن مشتاقة للمتهن ..

مهيمن: يعني بربج .. ممشتاقة للمتنة صارلج اسبوع يالظالمة ماحنيتي علية ..

رشا: بس اليوم حبيبي انتة ..والله باجر بس يزفوهم ارجع وياك ...

مهيمن: لا حبي اني مسافر باجر بليل ..

رشا :وين مسافر اشو ماكتلي ..

مهيمن :اختي عذراء الي بالبصرة متعاركة ويا عيالها بيت عمي وخابرتني تبجي تريدني اجيبها ..

رشا :يا خطية .. وليش مارحت اليوم ..

مهيمن: لا عيب شلون اعوف العرس علمود زعلة مرة وعيالها .. كتلها باجر اجيج..

رشا: زين رجلها وين ..ليش ميجيبها ..

مهيمن :رجلها عسكري .. مخابرتة كايللها خل اخوج ياخذج لان يعرف امة متنطاق

هسة انتي وين وديتينا بالسوالف ..
يلة نزلي وكبل للغرفة بدون متسوين شي غير تذبين الصاية وبس اجي الكاج بالغرفة ..

رشا :ماشي يلة بس عيب من امك ..

مهيمن :امي هيج وكت بسابع نومة اطمني ..

رشا: طبيت للبيت وصعدت بوجهي للغرفة ..نزعت الصاية وعدلت شكلي بحركات سريعة وعدلت شعري ..

طب مهيمن ..

مهيمن: هذا كلة وتريدين تحرميني يا حقيرة ..

رشا :انت متبطل غلط ..

مهيمن: والله من اغلط عليج ابرد ناري الي شاعلتها .

رشا: اوووف شنو هلنار لعد الي متطفة الا بالغلط ..
تقرب مني وسحبني الة ودنك يبوس بركبتي ..

مهيمن: تعالي اشوفج النار مالتي شلونها ..

رشا :ضحكت بهمس... اخاف تشتعل ماتطفة ..
..................

كعدت الصبح ب٧ تقريبا .. طبيت سبحت وكعدت مهيمن هم ضل يبوس

كافي مهيمن ماضل وكت ..

مهيمن: شبيج بس شوية حبابة ..

رشا: اهوو يلة كوم اسبح ماضل وكت ..هم يلة نروح قبل الهوسة عيب والله ..

مهيمن: دتعالي اشبع منج واكوم عود ..

رشا :يمعود سابحة وكتلني البرد ..كوة دفيت ..
ولا كانو احجي سوة الي يريدة ..
.......

تقريبا ب٩ وصلت لاهلي ..
اشتغل الغمز والبسامير والنصب والضحك من البنات
بالكوة سكتتهن خاصة من شافن شعري مبلل وحايرة بشسوار

خلصنا تحضيرات واني لبست رسمي بنطلون قماش وسترة لون ماروني ومطعم بكرستال لان مهيمن طلب مني هيج حتة اخذ راحتي ومااتضايق بلبس..

خلصت الزفة بخير وسلامة وزفيناهم للفندق .. ودعني مهيمن من وصلني لاهلي وكالي يومين ويرجع ..

طبعا حضرتلة غراضة الصبح حتة ميضل حاير رغم كلي انو هوة يحضرهن ..

راح ودرت مي وراه ودعيتلة يردلي بسلامة ..

طبيت للبيت وبلشنا تنظيف اني وسهام خلصنا ب٩ تقريبا .. رحت سبحت ونمت بغرفتي. .

ثاني يوم الصبح جابوهم وهم هوسة وخطاطير مافضت لليل .والي كتلني بنات خالاتها ادري مشايفات ..

مكابلاتها من الصبح لليل وين متروح يروحن وياها ..او هيج راحو كلهم ...هم نظفنا...
هلكت تعب ..وخطية سهام تركض للتنظيف وتركض لبناتها الي حاطتهن يم امي ..

كملنا رحت سبحت وسولفنا اني ومهيمن اشوية وكالي انو باجر بليل هوة يمي انشالله..

ثاني يوم نزلت لكيت سهام وامي ديحضرن الريوك ..جانت ب٩ تقريبا ..

التمو كلهم.. امي وابوية وسامر وسهام بس بناتها نايمات يكعدة ورة ال١٠ ..

اشوية ومنحس غير نازلة سجى بسيت نوم وردي وفوكاه روب ستن قصير .. بس شنو احس الكمة كوة طبت ..

دنك سامر وعاط...
سامر :استغفر الله يالكعبة ...اشتغلت رحمة الله ..

رشا :والي يقهر ماهتمت جتي علينة وصبحت حتة وجها مامغسلتة ..

سجى :صباح الخير .. وتتمعصر بجسمها مال نوم ..

سهام :تعالي سجى وياي ..

رشا: طبعا سهام كامت عليها بعد ما سامر شمر خبزتة بالماعون واستغفر ربة وطلع ..

................

[فيتامين سي]

قضية طلاق ..

بقلم Aseel..

بارت ٢٣...

.........

سجى :صباح الخير .. وتتمعصر بجسمها مال نوم ..

سهام :تعالي سجى وياي ..

رشا: طبعا سهام كامت عليها بعد ما سامر شمر خبزتة بالماعون واستغفر ربة وطلع. وابوية كذلك وكال لامي ..

ابو سامر: علميها على طبعنا ماريد اسوي شي ميعجب

سحبتها سهام
من زندها بس بخفة .. وهية هدت ايد سهام وعاطت ..

سجى: اووووي شبيج شكو .

سهام :انتي ماتستحين تطلعين هيج كدام سامر ..

سجى :والله محد كلة يباوع اني هذا لبسي..

امي راحت عليهن بعد ماسمعت جواب سجى.

ام سامر: شنو محد كلة يباوع عيب هلحجي ترة انتي كاعدة ببيتنا وواجبج تحترمين طبعنا .. اذا انتو عدكم عادي التشلح كدام لزلم هنا بيت محترم ..

سجى :يعني قصدج اني اتشلح كدام الزلم .. والله عيني كلمن يشوف الناس بعين طبعا ..

سهام :ايا طايحة الحظ شلون تردين عمتي هيج .

سجى :لا بالله (بس جرت الكلمة ) وانتي شنو يمة ..

سهام :احترمي نفسج ترة انتي اول يوم ونكول متعرف طبعنا بس تأدبي عيب ..

سجى :وانتي منو حتة تعلميني العيب يمة ...

ام سامر :صعدي سجى بسرعة بدلي ملابسج ونزلي مثل الاوادم ..

سجى :ترة اني بس رجلي يحكمني .. وما ابدل لحد ماهوة يكلي ..

ام سامر عاطت ) ادبسزز ..شنو هلاخلاق هاي ..امشي ولي صيحيلي رجلج ..

سجى : اي ليش لا.. اصحية عليكم .

ام سامر : اللهم طولج ياروح ...

رشا: طبعا اني جنت ماخذة دور الصامت لان اعتبر نفسي خطار وسهام كفت ووفت .. بس انصدمت من الحقارة الي شايلتها هاي اول يوم هيج وتعاند باجر شلون ..

هاي مستحيل تعاشر امي لو امي تقبل بيها جنة ...
اعرف تاليتها لو هية مخبلة امي لو امي مخبلتها ..

راحت ونزلت العيون حمر وعماد يهدي بيها ...
والمصيبة ما مبدلة ...

نزل هاد على سهام ..

عماد: انتي نعال انتي شنو وتتجاوزين على سجى .

سهام :احترم نفسك شنو نعال .. عندي اسم ..
وبعدين مرتك نزلت بروب النوم ليجوة وخلت سامؤ وعمي يكومون من ريوكهم بسببها ..

عماد: وانتي شلج دخل ترة كلج خلك جنة بلبيت مثل مانتي تحاسبين هية هم تحاسبج ..

سهام :اني مغلطانة بشي حتة احد يحاسبني محترمة نفسي بلبسي ولساني ..

ام سامر: اشو انت جاي هاد بدون متدري شكو ترة مرتك تجاوزت حتة علية وسهام دافعت ...

وسهام مو جنة سهام بنتي مثل رشا ولا فد يوم اعتبرتها جنة ..والها الحق تسوي الي يعجبها والي ميعجبة يولي من هذا البيت ..

عماد :سهلة .. بسيطة انتي (يأشر على سهام )
اذا ما اطلعلج كلب ..

سهام: عماد ترة هواي تجاوزت وساكتة لخاطر سامر ..

عماد: دولي انتي وسامر .. ويمة حطيها ببالج هذا بيتي مثل ما بيت سامر .. الي حصة بي وغصب ع الكل باقي بي.

ام سامر :يبوووو ولك ابوك عدل وتدور حصص.. لا غسلت ايدي منك انت دماغك فاري فر ...حسبي الله ونعم الوكيل بس.

عماد: يلة سجاوي بدلي وسويلي ريوك من ايدج الحلوة ...

سجى :تدلل حبيبي..

رشا: راحت تسوي ريوك ولا كانو سوت مشكلة وامي عصبت وطبت لغرفتها من شافت تصرف عماد الا مبالي ..

مر اليوم عادي مثل كل مرة ...

وسجى مانزلت بعد حتة الغدة نزل عماد صعدة الهم ومن كملو نزل هوة الصينية ..

الظاهر مغسول الولد ..سهام انهضمت من عماد حيل بس ماجابت سيرة لسامر حتة ما يتعارك ويا اخو بسبب نسوان ..

بلعتها وسكتت لخاطر امي الي راح تموت من القهر

لليل اجة مهيمن كعد سلم على اهلي .. وصبيت جاي ونزلت سجى هية وعماد لابسة دشداشة لزك كل تفاصيلها مبينة مهيمن سلم ودنك لان عيب يرفع عيونة بعد وهية كاعدة كبالة ..كعدنا سوة كلنة ..بس ضلت تحوص عبالك فلفلت دودتها ...ماطول مهيمن وترخص جنت متحضرة لابسة بنطلون وقميص .. ومحضرة جنطتي ..سلمنا وطلعنة

بالسيارة ...
مهيمن : ولج مشتاقلج

رشا: حتة اني مشتاقتلك كلش حيييل هواي ..

مهيمن هاي شلون صايرة ..

رشا :يعني حيل هواي كلش كلش..

مهيمن: هوة اني فهمت الاولى حتة افهم الثانية ..

رشا :يبوووو علية عمي مشتاقين بكدك واكثر .

مهيمن: اي هيج كوليها ..

رشا: ههههه ماكتلي شسويت على سالفة عذراء ..

مهيمن: جبتها وياي ..لحد ميرجع رجلها ويشوفلها حل هاي مرت عمي متنطاق ...

اول ماوصلت ضلت تلعلع .. والله لما درب بعيد وتعبان جان جيت بنفس اليوم ..بس خفت اسوي حادث ..

رشا :هههههه يعني استقبلتك بالاحضان ..

مهيمن :اي شلون احضان كلاص مي ماشربت كوة بس طلع الفجر دكيت على عذراء نزلت حتة ماكلنالهم رايحين ..

رشا: يعني لهدرجة صعبة عمتها ماتتحمل يجي رجلها وتتفاهم ويا ليش هيج تطردها ورجلها ماكو ..

مهيمن: ترة لا عبالج كل العمات مثل امي وامج .. ترة اكو عمات ياكلن بشر من الوكاحة ..

بس الصراحة اختي هم مو قليلة ترادد ولسانها طويل ..

رشا :يعني الغلط بيمن هسة باختك لو بعمتها ..

مهيمن :ثنينهن يكولن هية العالت .. بقت يم الله هوة ادرى

رشا :ضلينا نسولف ووصلنا للبيت نزلت وطبيت سلمت عليهم ..

عذراء ما ملتقية بيها غير مرتين بس من تزوجت لهسة لان بصرة وطريق بعيد ..

سلمت عليها ووياها ولدها ثنين يطع عمرهم ١٥ و١٣

يعني ماشاء الله شباب شكو زعلانين ويا امهم ..

سلمت وكعدت وياهم وترخصت حتة اروح اسبح وابدل ..

صعدت طبيت للغرفة شبكني ميهمن من ورة لان جان واكفلي ورة الباب..

ميهمن: لزمتج ... ولج صارلي بالساعة مسموط جدي انتضرج هنا ادري حمضتي يمهم ..

رشا :والله استحيت اعوفهم .. شيكولون علية

ميهمن: يكولون مشتاقة لرجلها ..

رشا :منو يكول ..

ميهمن: اني اكلج هسة ..
...............

ثاني يوم نزلت كالعادة ابدي يومي ..واسوي ريوك ..

التمو على الريوك ماكفة الميز ففرشت بالكاع ..

عذراء :لعد اشو ماحبلتي ..

رشا :فزيت من سؤالها المفاجأ بدون مقدمات ..حتة مهيمن فز ..

شنو .

علت صوتها

عذراء :دكلج اشو ماحبلتي لعد ..

رشا :بيد الله خالتها على الله ..قاطعني مهيمن

ميهمن: رشا عدها دراسة حاليا تلحك على الخلفة ..
واني مامستعجل اريدها تاخذ الشهادة وتتفرغ للجهال ماريدها تتعب ..

عذراء: يااا شلون خلفيلج ولد على الاقل يكون سند الج ..

مهيمن :اي مو شفنة السند مالج بكبر الثور واجو وياج لان يخافون ... يهي يالله ..

عذراء :مشكور اخوية هيج ولدي ثكال عليك ..

مهيمن: اني ماقصدت ثكال بس عيب واحد بطول الثور وجايين ويا امهم زعلانين ولج الي بعمرهم يرد حق امة مو يبجي يكوللها لا تعوفيني ..

رشا :ولدها مو يمهم السالفة ياكلون ولا عبالك عليهم الحجي محد رفع راسة من ماعونة ..

عذراء: لان مرت عمك ماترحم اذا عفتهم ..

رشا :كملنا ريوك وكامو كلهم ..

خلصت شغلي وحطيت الغدة وصعدت امدد اشوية ..
طب مهيمن يحضن ويشبك ..

مهيمن :لا تزعلين حبيبتي هية هيج حجيها متفكر بالحجي كبل تطلعة ..

رشا: لاوالله حبيبي موببالي اصلا ..
بس مددت شوية احس رجلي راحت من الوكفة بعدني بتعب العرس ..

مهيمن: حبيبي اطلب منج طلب عنوني..

رشا :كول حبيبي.

مهيمن: اريد شتحجي عذراء تطببي منا وتطلعي منا (ويأشر على اذني ) تحملي لخاطري هية كم يوم عما يجي رجلها ويشوفلها حل ..

رشا: لخاطرك كلشي اتحمل ..
ميهمن: يمة فديت ام الخواطر ..تعالي احاجيج..

رشا :طفرت قبل لا يلزمني .. الغدة حيحترك ..

ميهمن: دتعالي مو جدي احترك ..مو الاكل ..

رشا: بس اطفي واجي ..

مهيمن :لتخافين طفيتة واجيت حاسب حسابي ..
دتعالي مو شلعتي كلبي .

............

طلعت من الغرفة وركضت للحمام اسبح ..
من طلعت من الحمام لاكتني عذراء ..

عذراء :اووع شهلعبان النفس .. متشبعون .

رشا :ليش شسوينا ..

عذراء: والله على سبحكم جان هسة مخلفين درزن جهال ..بس لعبان نفس ماكو نتيجة ..

رشا: عفتها ومشيت للغرفة ابدل ..بس حيل انهضمت منها ..

ميهمن: جان يلعب جهازة شافني بالمراية ملامحي سيطر عليها الحزن ..

اجة يمة ودارني عليه ..

ميهمن :شكو شبيج منو وياج ..

رشا :ماكو احد .. ودنكت ..

مهيمن :اكيد عذراء مو .. هم سمعتج كلمة ..

رشا :ماحجيت ضليت ساكتة ..

مهيمن :على الجهال مو ...اني مو كتلج لا تهتيمن تحمليها خطار وحتروح والله هية طبعها هيج لسان بوخة صدكيني بس كلبها ماكو اطيب منة ..

رشا :اني ماحجيت شي ليش هيج تحجي ..شفتني جيت شكيتلك شفتني حجيت شي ضوجك ليش تكلي لا تهتمين شفتني هتميت ..

جنت احجي مادري بروحي دموعي تنزل واحجي ..انتبهت من مسحهن مهيمن وحضني ..

مهيمن :ليش تبجين يابعد روح مهيمن .. انتي مرتي وهية اختي

رشا: مهيمن والله مامهتمة انت مكبر الموضوع ترة انتي دتخليني اهتم بهيج سوالف ..

مهيمن: يلة سدي الموضوع حبيبي .. وكملي وصبي غدة وصيحيني عما اسبح ..

رشا: من عيوني ..

مهيمن :هوة شخبلني غير عيونج اني ..

رشا :عفتة ونزلت .. مجنت متقصدة اسمع بس صوتها جان عالي ..

عذراء :يمة حتخبليني صارلهم اشهر متزوجين ولهسة ماحبلت اذا ماطلعت عاقر تعالي عاتبيني ..

ام مهيمن: شنو هلحجي هذا عيب ماما البنية عدها دراسة .. ومهيمن عاجبة الوضع شسويلة ليش ادخل بحياتة ..

رشا :دخلت للمطبخ وسويت روحي ماسمعت ..
صبيت غدة وصحت لمهيمن حتة يتغدة حاولت مابين ... قاومت بحيث حسيت دموعي حتطلع من خشمي من كدما تنكت .. عيوني تغوش وارجع افركها حتة متنزل دمعتي .. واني اذكر تكول علية عاقر ...

مرت يومين وعذراء تكوم وتكعد تسمع حجي فلانة حبلت وفلانة جابت ..

بيوم كاعدين ورة العشة نتعلل فتحت موضوع ..

عذراء :اكول مهيمن متاخذ رشا لدكتورة (.....)
يكولون تفهم بسوالف تاخر الحمل ..

مهيمن :وليش شعدنة رايحيلها ..

عذراء :ترة مبينة الشغلة من رشا والا انت حبلت نور من ليلتها ..

رشا :يبووو يدموعي الي فضحني ..ماتحملت كمت ..
شلون بشر هاي .. متحس ..

طبيت لغرفتي واطلقت الحرية لدموعي كمت اشهك وابجي ..

اجة مهيمن وجهة احمر من الاعصاب ..

مهيمن :عليج الله لا تضوجين حبيبتي .. خلتولي ماريد اطفال عندي انتي وريم تسوون الدنيا ..

رشا :مهيمن اني اريد اروح .. اريد يصير عندي طفل مليت اكابر .. اريد اشوف ليش .. بية علة لو لا ..

تعبت من البسامير وحجي النسوان ياهو الي اشوفها ليش ماحبلتي .. خاف متحبلين .. خاف مسويلج عمل .. خاف بيج علة ..تعبت ياناس .. يعني مصارلي كم شهر هيج كامو يحجون اهلك .. بعد سنة لو ثنين يمكن يزوجوك ..

مهيمن: باجر اخذج حبيبتي لا تضوجين يعمري انتي ماريدج تبجين لهذا السبب .. ..

رشا: تعبت مهيمن والله تعبت ..

مهيمن: تعالي يروح مهيمن تعالي نامي ..

رشا: جرني ووداني على الجرباية ومددني نمت صفح ..راح طفة الضوة وجاب غطة ومدد بصفي وغطانة ... ضل يمسد براسي لحد ماغفيت ...

.......

ثاني يوم العصر رحنا لدكتورة الي كالت عليها عذراء طبعا بعد جر وعر وتحاليل وسونارات..

طبيت للدكتورة ...
كعدت وحجت ..

الدكتورة : شوفي ماما انتي عندج تكيس بالمبيض وهوة هذا سبب تاخر الحمل ...

رشا :يعني مااخلف بعد ..

الدكتورة: لا ماما بس يرادلة علاج .. ووقت طويل يلة تحملين لان من زمان عندج وانتي مامنتبهة لروحج ..

رشا :شكد يعني .. يعني ياخذ سنين ..

الدكتورة :حسب استجابة جسمج للعلاج والباقي على الله .. كتبتلج دوة استمري عليه والشهر الجاي تعاليلي انعيد التحاليل ونشوف الاستجابة ..

رشا: مشكورة دكتورة ..

الدكتورة :العفو ماما..

رشا :طلعت والعيون احسها طلعت من كد الاحتقان ..
ماحجيت شي انطيت الراجيتة لمهيمن واني صعدت بالسيارة احس عيوني نار وبطني تلويني ..

حطيت عكسي على الباب ورجيت ايدي على خدي.
بجيت بدون ماارمش .. بس دموعي تجري...

اجذب اذا اكلكم ماخفت لا والله خفت وخفت حيل هم .... افكر اخاف عذراء تضل تزن براسهم وتخلي يتزوج ...

يمة اموت والله ولا اخلي مرة تاخذة مني احركهم بليلة العرس ..

حسيت على ايد مهيمن تمسح خدي ..
ماحسيت عليه من طب للسيارة . .. لان جنت مشغولة اخطط شلون احرك مهيمن ومرتة الجديدة بس قطع سلسلة افكاري اليهودية ..

مهيمن :شبيج شكالتلج الدكتورة ..

رشا :كتلة على حجي الدكتورة واني ابجي بهدوء ..
ماشهكت وانرعصت مثل كل مرة ابجي بيها ...

مهيمن :لعد ليش تبجين .. كالتلج استمري وهاي هية ..

مصارت .... اسفرج وافررج دكاترة العالم .. بس لتضوجين

رشا :اخاف تتزوج علية ..

مهيمن :هههههههه وعلى هاي تبجين يخبلة .. هوة اني شعندي غيرج ...

والله تخسى مرة تاخذ مكانج .. انتي هنا (ويأشر على كلبة ) متربعة ومددة وتتمرغلين بكيفج هم ..

رشا: هههههههه يعني شلون اتمرغل ..

مهيمن: فدوة لعمرج اضحكي لا تضوجين .. اريد اشبع منج قبل لا يصير عدنة طفل وتهمليني ..

رشا :من هسة اشتغلت الغيرة ..
ضلينا الطريق كلة نسولف وكدر يغير مزاجي مثل كل مرة ... رحنا وفررني بالسيارة بدون ماننزل بس هيج ..

وراها رحنا للكرادة وتعشينا بالسيارة وبردنا بموطة واخذنا ويانا موطة سفري الهم ..

وصلنة للبيت وطبينا جانو يتعشون طبينة وسلمنا ..

عذراء :ها متتعشون خوش عشة يفوتكم ..

رشا: بالعافية تعشينا قبل لا نجي ..

عذراء :لازم النتيجة تبشر اشوف وجوهكم تضحك ومعشيج برة ..

رشا: حجيتلها على سالفتي اشو هاي لطمي على صدرج ..

عذراء: عزة العزاني ....يمة مهيمن سودة علية .. راح يضل طول عمرة على ريم لاعندة ولد يشيل اسمة ولا يسندة ..

مهيمن :هيييييي شبيج حولة متسمعين ... كنالج مرض ويطيب مو عقم .. شو مدري شلون تحجين انتي ..

ام مهيمن: يعني اكيد اكو امل .. لو تضحكون علينة ..

مهيمن: يمة شنضحك عليج ..تعالي باجر ويانا وناخذ التحاليل لغير دكتور وسمعي بأذنج .

ام مهيمن: لا يمة عليمن .. طالما القاضي راضي الحكام شعليهم ..

مهيمن: يمة شبيج كافي عاد رحموني ورحموها عود هاي انتي المتدينة وتخافين الله ..يعني متعرفين الطفل رزق مو بيد بشر ..

ام مهيمن :وشبيك كمت ترجف عيني على مرتك .. شحجينا .. عمي اسفين نعتذر ..

مهيمن: يمة مو قصدي بس اني اعصابي مشدودة وانتي تزيديها علية ..

رشا :كمت ورحت للغرفة طلعتلي هدوم وكبل بوجهي للحمام ..كمت ابجي بدون صوت ... طلعو العشة سم علينة ..

ربي شوكت اتمم فرحتي تعبت .. لازم ابجي .. متمر ضحكتي على خير لازم ابجي ..

خلصت وطلعت بوجهي للغرفة لفلفت روحي بالبطانية ونمت على السبلت ...

اجة مهيمن :سويت روحي نايمة .. بدل واجة حضني ونام .. هوة جذاب واني جذابة ثنينة منايمين ..بيج قصص عراقيه حقيقيه من واقعنا.روعه الطائي

وواحد يدري بالثاني جذاب بس مغلسين ..

بعديت صدك غفيت ..ثاني يوم مر عادي بالنسبة الي صار البسامير بفلس حتة عمتي انكلبت علية من ورة عذراء ..

صار الها ١٠ ايام والمفروض اليوم رجلها ينزل .. يعني كبل لاهلة .. وثاني يوم يجي عليها بعد ميشوف حل

ماكللكم شلون شعوري من عرفت حتروح بودي اشد وصلة واركص .. راح ارجع لحريتي ..

مماخذة راحتي من يوم الي اجت .. حتة لبسي غيرتة لان ولدها مو راحة واكثر من مرة انتبهلهم حركاتهم مو حلوة مال اكبر من عمرهم ..

يعني من امسح وادنك الكة واحد منهم صافن علية ..

لو من ادنك اشوف الثاني يرفع راسة بلكت يلمح شي من صدري بس اني ادري بهاي السالفة لذلك البس رياضي جوة الملابس حتة من ادنك ميطلع شي ..

اجة ثاني يوم وماخليت شي ماطبخة لرجلها .. في سبيل اخلص بلكت ياخذها ..

اجة وسلمو وغدة وجاي ...كعدو يشوفون حل ..

جنت اسمعلهم من المطبخ الصوت مسموع ..كلهم يمة .

مهيمن: سلام وتالي ويا امك .. يعني مو عيشة هاي يومية كابة العيطة .

سلام: يعني مهيمن شسوي ١٠٠ مرة كتلها لاختك من تسمع امي خل تعبرلها امي مرة جبيرة وتحجي هسة اذا حجت حينقص من عمرها ... بس شلون ست عذراء لازم ترد اعتبارها ..

عذراء: لعد اسكتلها من تغلط علية ..

سلام :يعني عجبج الوضع هسة .. من انطردتي واني ماكو ..

عذراء :وشقررتو هسة عيني هم ارجع للضيم ..

مهيمن :عذراء اسكتي وخل يسولف .. وخزرها .

سلام :تعاركت وياهم وطلعت ..شلون يقبلوها يطلعون مرتي واني ماكو ..

مهيمن :وهسة شلون وين حتروحون لعد ..

سلام :ولو نزحمك نبقة هنا لحد ما اشوفلي بيت وانقل غراضي لان بعد مالي رجعة ..

رشا :يمة اني سمعت هيج اني انخمط كلبي ..
لا يالله .. لا يالله يعني انوب رجلها وياها .. مكافي ولدها الي مقيديني ..

يلة الله كريم اتحمل ..

اجة مهيمن ..

مهيمن :حبيبي انتي وعذراء نظفن الغرفة الجوة جتة منا وهيج ينامون بيها هية ورجلها وولدها بالاستقبال ..اخذي المفتاح من امي ..

رشا: مااشي حبي .
مهيمن: خما ضجتي ..

رشا :ليش اضوج حبيبي بيت ابوها هذا بس خفت لان راح اتقيد اشوية ..

مهيمن: لا حبي مو سوية هواي تقيدي ..

رشا: يعني شلون ..

نصة صوتة ..
مهيمن: رشا ابد لا تطلعين كدام سلام لان عينة فارغة ويباوع على النسوان .. وماريد يباوع عليج لان يجوز اذبحة ..

رشا :يعني كاعد ابيتنا ويباوعلي شنو هلصلافة ..

مهيمن: ماكلج يباوعلج اكيد بس ماريدج تفترين كدامة وابد ابد لا تنطين وتاخذين وياه بالحجي ..

رشا: من عيوني حبيبي تامر امر ..

مهيمن: يلة فدوة استعجلي خطية مبين تعبان ..

رشا :ماشي يلة ...رحت لعمتي واخذت المفتاح وبدينة نرتب ونظف اني وعذراء .. وفرشناها ..

وصاحتلة ينام .. بعد ماحطتلة مروحة ارضية بين ميسوي مهيمن المبردة بليل كال لان مدعندة شغلة ..

صعدت لغرفتي طلعتلي هدوم وسبحت اخذتلي كسرة صغيرة واجتني ريم ..

ريم :عمة عمة ...عمة

رشا: ها حبيبتي ..

ريم: بيبي تكول نزلي سويلنا عصرية ..

رشا :يلة جاية ..
كمت بتململ .. هسة مو بنتها يمها متكوم تسوي لرجلها ..

كمت وامري لله .. لبست دشداشة اشوية بيها عرض ونزلت ..

سويتلهم جاي وطلعت كعك ..
حضرت الصينة وطلعت سلمت على سلام رجل عذراء جانو كاعدين بالحديقة ..

حطيت الصينية ودطب جوة صاحتني عمتي كالت

ام مهيمن :وين تعالي ويانا على الواهس .

رشا: لا عمة شبعانة ..

ام مهيمن: دتعالي مهيمن وماكو عليمن خاتلة بغرفتج تعالي محد غريب .

رشا :رجعت كعدت يمهم .. بس فد مزعج هذا سلام ..
يعني يسولفن وعينة علية ..

كمت كعدت بسد عمتي يعني ميكدر يشوفني الة يحني راسة ..

متحملت ترخصت وكمت ..

رحت وكفت على السنك لكيت مواعين مدري منين مع العلم نظفت وصعدت ..

دغسلهن احس نفس حار وراية انداريت لكيتة سلام واكف بظهري ..

سلام :اسم الله شبيج ..بس اريد اغسل ..

رشا :تفضل عفتة وصعدت لغرفتي .. صوجي نزلت
..........

يتبع ...

تحياتي Aseel ..

احبكم يابعد كلبي وقلاقيلة ...

😍😍♥️♥️

[فيتامين سي]

قضية طلاق ..

بقلم Aseel..

بارت ٢٤...
_________

رحت وكفت على السنك لكيت مواعين مدري منين مع العلم نظفت وصعدت ..

دغسلهن احس نفس حار وراية انداريت لكيتة سلام واكف بظهري ..

سلام :اسم الله شبيج ..بس اريد اغسل ..

رشا :تفضل عفتة وصعدت لغرفتي .. صوجي نزلت
طبيت للغرفة وكلبي يدك سريع من الخوف ..هذا الكلب خرعني ..

ضليت بالغرفة لليل لحد مااجة مهيمن .

ميهمن: هاي حبيبي شو هنا ..

رشا: مانزلت انت مو كتلي لا تشوفين وجهج لسلام ..
وهوة بالبيت ماريد اتصادم ويا .

مهيمن :يلة تعالي ننزل حتة نتعشة جبت عشة وياي ..

رشا :ماشي حبيبي روح واني اجي وراك ..

مهيمن: لا ننزل سوة يلة .

رشا: ماشي ...
نزلنا وبوجهي للمطبخ .. حضرت السفرة وسويت زلايط وحضرت كلاصات ..

اجة مهيمن اخذهن .. فرشو بالصالة ..
رشا: مهيمن اني ماريد اتعشة مارتاح بوجودة اللكمة متطب .

مهيمن :كعدي بسدي ولا تباوعين عليه .. تحملي ياروحي عيب من اختي خطية وين تروح ..

رشا :تمام .. اغسل واجي ..

مهيمن: يلة حبي راح احجزلج بصفي ..

رشا :غسلت ورحت كعدت يم مهيمن وهوة جان كاعد بصف مهيمن بالجهة الثانية .. يعني مهيمن حاسب حسابة لكلشي بحيث ميكدر يسوي شي لو يباوع ..

كملنة عشة وراحو الولد بالاستقبال ...

عزلت المطبخ .. واشوف عذراء تطب وتطلع تنافخ ..

رشا :شبيج عذراء محتاجة شي..

عذراء: هاي لعايزة انوب .. بكيفي بيت ابوية شريد اسوي..

رشا: شبيج اني شحاجيتج .. كتلج محتاجة شي ماكتلج ليش تفترين ..

عذراء :عوزج حتة مااكلب البيت عليج .

رشا :عذراء شبيج .. اسفة يلة اعتبريني محجيت شي ...

عفتها ورحت صعدت ...قهرتني الحقيرة ..

مدري شبيها فيوزها ضاربة كامت تشمر حجي عامي شامي ..

رحت نيمت ريم وغطيتها وطلعت وبعدين غسلت وتحضرت لمهيمن ....

اتاخر لل١ يلة صعد .. كبل لف راسة ونام ..

رشا :هنودي .. حبيبي.

مهيمن : همممم ..

رشا: شبيك حبيبي ..

مهيمن: مابية شي بس نعسان ومالي خلك ..

رشا: شبيك يعمري.انتة.... منو وياك حاجيني ..

مهيمن :رشا عوفيني هسة من اهدئ اسولفلج كلشي ..

رشا: دنام حبيبي ...
مدد بحضني وضليت العب بشعرة لحد ماغفة ..

ملامحة مبين عليها مزيج بين الحزن والغضب والهم ..

معرفت شبي ... اول مرة يصعب علية فهم مهيمن ..
حضنتة ونمت ..

كعدت ثاني يوم نفس الروتين اكعد اول وحدة ...
احضر الريوك واكمل الشغل بين ميكعدون حتة بس يتريكون اني اغسل المواعين واسوي غدة ..لان يتاخرون بالكعدة واني متعلمة اكعد الصبح ..

كملت ونزل مهيمن وصبح علية ..

واشوية اشوية التمو ..

بس انتبهت طول الكعدة محد حجة ياكلون بهدوء ..

كملنة ومر اليوم عادي ..

مرت يومين نفس الحالة ..
بعدين اخر شي من صعدنا دنام ..

رشا :مهيمن حتضل هيج .. احجي شمضوجك ياعيوني ..

مهيمن: تعبان يارشا .. حاير منين ماجيبها سودة مصخمة ..

رشا :اسم الله شبيك حبي..

مهيمن: .. تدرين عذراء شتريد ..

رشا :شبيها ..

مهيمن: تريد تسكن ويانا تكول الي حصة بالبيت وتريد تجيب رجلها ابو النسوان ويانا ..تعبت لا بيدي اكلها لا لان بيت ابوها .. ولا اكدر اكلها اي لان رجلها مو راحةويومية حيجيبلنا طلابة ..

رشا: زين ليش متبني بالحديقة الي ورة البيت كلش جبيرة وهم ينعزلون عنة ..

مهيمن: عبالج مافكرت بيها .. تدرين شتكلي..

رشا :شتكول ..

مهيمن : تكولي شنو تريد تخلي بيت شكبرة شكدة لمرتك هم ياريت عندك ولد شي حتة نكول ميخالف هية بس بنية وباجر تتزوج تبقة انت ورشا بي..

وامي اذا تمرضت منو يداريها وانت ومرتك دوامات ..

رشا :لهدرجة حاقدة علية والله مامسويتلها شي..

مهيمن :رجلها يوسوسلها والة هية ماعدها هيج سوالف بس من تزوجت سلام انجلبت ..

رشا :زين امك شتكول ..

مهيمن: ماتقبل امي لان تعرف رجلها مو راحة بس كالت خليهم هنا فترة لحد ماتصفة ...

رشا :عذراء درت بقرارك ..

مهيمن :اي درت وكلبت وجهها علية هية ورجلها فوكاها هية ام الراهي دنكللها يابة مرتي غريبة ميجوز يكعد ويانا ..

تمد لسانها شطولة وتلعلع خايف على ست الحسن من حورها من جمالها هلعاقر لو بيها حظ جان خلفتلك ولد يسند كبرتك ..

والله عمي حقها عمتها متريدها مجنت متصورها لهدرجة وكحة..

رشا :عوفها حبيبي على الله هية تصفى ..

مهيمن :المشكلة اخاف تحاربج الج حتة تخليني اقبل.

رشا: حبيبي الله موجود وانت هم ..لتخاف علية اتحمل كلشي منها لعيونك ..

مهيمن :اروح فدوة لعيونج .. كومي طفي الضوة وتعاليلي مشتاقلج صارلي يومين مامرتوي منج ..

رشا: انت الي مالك خلك والا اني انتظرك...بس انت تجي كبل تنام ..

مهيمن: وهسة منتظرتني لو لا ..

رشا: لا ..

مهيمن: تعالي احاجيج لعد ..
..................

مر كم يوم والوضع كما هوة .. محد يحاجي الثاني ..
وفعلا كلام مهيمن كامت تحاربني ..

توصخ البيت وتعوف المواعين بالسنك ..من انظف واصعد بليل اصبح الصبح ماكو ماعون نظيف .. حتة عمتي كلبت علية ..

خواتها من يجن جيتهن خفيفة ياكلن حتة مواعينهن يغسلنهن الا هاي .. شادة وياي حييل ..

واكثر من مرة يحجن وياها حتة تشيل وصخها بس ماكو ويا حايط ..بس تكتفي تكول ..

عذراء :والله بيت ابوية اجي بي معززة مكرمة ..
شريد اسوي عسما افلشة هسة محد يحجي..

رشا :اسمعها واعرف قصدها تسمعني لان عبالها اوصل الحجي لمهيمن ..

فديوم نزلت بليل للتواليت ..

سمعت صوت بغرفتهم وسمعت اسمي بالنص ..
ماجذب واكلكم ماصار عندي فضول حتة اسمع..

سلام :دصيري مثلها شوفي شلون تهتم بروحها ..

عذراء :طبعا تهتم لان لا خلفة ولا شي حتة تركض وراه وحتة ريم كلة على امي ..

سلام :عوفج من الخلفة هسة هم شفتيها فديوم ضلت على نفس لبستها لخاطر الله يومين صارلج بنفس الدشداشة هم الواحد تبزع روحة ..

عذراء :يعني قصدك وصخة اني ...وهذيج نظيفة ..

سلام :مادكلج وصخة بالعكس ريحتج طيبة وتخبل بس هاملة روحج اشوية اني هم الي حق عليج اريد اشوف مرة تهتم بية.. والله عمي هنيالة مهيمن ..

عذراء: انت شنو بس لا حاط عينك عليها ترة افكسها لعينك ..

سلام: دنامي نامي .. .

عذراء :نام انتة ..
........
رشا :ركضت كبل للحمام قبل لا تطلع ..عزة هذا منتبه لكل تفاصيلي حتة لهدومي ..هذا يخوف صايرة ..
اشوف عذراء شادة وياي اثاري يقارنها بية ..

كملت عسريع وطلعت .. وكبل بوجهي للغرفة بس شنو احس كلبي طبل من الخوف ..

ثاني يوم قررت اروح لاهلي مرايحتلهم من زمان من السبعة مال عماد وهم طلعت سم ورجعت ..

مهيمن وصلني بعد ماستأذنت من عمتي ورحت

ذبني بباب البيت .

رشا: لعد.متنزل ..

مهيمن: لا من اجي اخذج اسلم عليهم هسة عندي شغلة مستعجلة وهم دسوي اوراق التسجيل مال ريم احضر كلشي حتة الصبح كبل اروح اقدم

رشا: ديلة حبي على راحتك
نزلت وهوة راح ..

طبيت للبيت جانت ساعة تقريبا ب١١ ...
كبل فتحت الباب وطبيت .. دخلت للمطبخ هدوء والاكل يتهدر .. دكيت الباب .. واصيح ..

رشا :يااهل الدار .. متريدون خطار ..

طلعتلي سهام تتلكاني مثل عادتها ..بوستها وطلعت امي هم سلمت عليها..رحت بدلت وجيت ..

كعدت على الميز .. ويسولفن ..

سهام: ماكلتي حماتج شوكت تروح لعد ..

رشا :يمعودة سكتي لا تذكرني كلبي خلصان لعبت خلقة بية ..

ام سامر: ليش يستار شكو ..

رشا: يمة موتتني .. بس تناكر وتبسمر ..
والوصخ لا كلج ولا تكليلي ريم انظف منها والله جزعتني

ام سامر :يمة تحملي بيت ابوها يعني المرة شعدها غير بيت ابوها بعد بيت رجلها تروحلة ..

رشا: يمة هية اتحملها بس رجلها مو راحة عوينجي حسرة علية افوت من يمة يفصلني تفصال حتة اكلي قل من وراه لعبها لنفسي .. .

سهام :يمعودة هونيها تهون .. خليها على الله تصفى متضل هيج ..

رشا :انشالله ...
صبتلي جاي .. وكعدنة نشرب ..

رشا: لعد بناتج وين مالهن حس ..

سهام :مكابلات طيور بيبي وخانسات عليهن .

رشا :فدوة لطولهن ..

سهام: شالعات كلبي ديطلعلهن سنون وبس سهال موتني ..

رشا :مو كتلتي روحج على الجهال ..هذا الجاهل ..

سهام :يمة اتحمل كلشي منهن ولا لوعة ال٥ سنوات..

رشا: الحمد لله الله عوضج بيهن وانشالله يزيدون بعد ..

دنحجي ونزلت سجى لازمة بطنها والايد الثانية ظهرها ..

شفتها من بعيد ..

لا تكلولي سجى حامل ..

سهام: اي شمدريج ..

رشا :ضحكت .. ولج لازمة ضهرها .

سهام :ولج البارحة حللت ..وطلعت حامل .. حتة بعدة الطفل نقطة ..

ام سامر: يمة عوفنها ختولي لتحطن بالجن وياها .تروح تشد وياجن ..

رشا :ضحكت من تقربت علية وسلمت ..

سجى :والله البارحة متت تقلصات مال حمل كتلتني ..ولا نمت ..

رشا: بالخير عليج الحمل بس بعدج وينج وين التقلصات ..

سجى: وانتي شمفهمج .. دحبلي وشوفي شلون ..
ولو نسيت انتي متخلفين ..

رشا :منو كلج ماخلف يمة .. ترة مابية شي اني ماجلة الموضوع لحد ماخلص دراسة ..

سجى :اي خطية صدكت ..

رشا: عافتني وراحت تسوي ريوك .. مدري ريوكيش ب١ ..

بس قهرتني .. انهضمت حيل بس مابينت ماريد اخليها تتشمت بية مثلت القوة ..

اجة ابوية .. وراها خواني .. والتمو صبت امي وسهام الغدة .
جان تشريب لحم وتمن برياني ..

تغدينا وشربنا جاي ..صعدت فوك ..وكعدنا اني وسهام ..

رشا :ماكلتيلي شسويتو وراية من رحت بالسبعة ..

سهام :يمعودة بالكوة نسيت زين ماانجلطت وراج ..

رشا: ليش شصار ...

سهام :هوة مو اول شي من طبت امها وخالاتها وبناتهم ..هاي من كامن يعيبن على الغرفة وليش مو هيج وليش هيج ..

انتي من جنتي موجودة وكبت العيطة بين عمتي وامها لان ممودية بنتها لصالون على ابو احنة ناس يجونا عالم وتالي بنتي تطلع مرايحة صالون ..

رشا: اي ادري لحكت على هاي الهوسة بس وراها ماكتيلي شصار ..

سهام: دصبري جايتج بالحجي..

بعد مافضت السبعة انتي رحتي مالحكتي ..
اشو امها من طلعت كومي واخذي نص الهداية وياج ..

عمتي وكفتها ..

ام سامر :عيني بلا زحمة شلون تاخذين هذن لغراض هذني هداية عرس ابني ..

ام سجى :والله هذني كرايبي جابوهن مو كرايبج معايزين عليها .. واني الي اوجب كرايبي .. لذلك اخذهن على الاقل مستفادة من واجبي ..

ام سامر: ترة اني معايزة عليهن. بس عيب على الاقل ورة السبعة هية ترجعهن الج اذا كاتلة روحج على الواجب ...

ام سجى :وانتي شكو بنتي ام الانة قبلت ..

ام سامر :والله عمي حقج علينة .. اسفين .

سهام :عافتها عمتي وطبت وهذيج طلعت
.

رشا :صدك عود .. يعني اخذت الهدايا مال السبعة الي جابوهن كرايبها .

سهام :اي والله هسة روحي وطبي لغرفتها بس هداية كرايبنا موجودة هاي اذا مو هم اخذت منهن .

رشا: يمعودة العينة فارغة ميترسها بس التراب ..

سهام :بس تعالي كليلي .. شنو سالفة رجل حماتج

رشا: ولج بزعت متت من التقيد وين ماروح الكاه بوجهي .. وانوب اخاف اكول لمهيمن لا تكب العركة وتعالي شيخلصني انوب ..

سهام :رشا اذا يتحرش بيج لا تسكتين عسما تصير دم ترة لازم تكولين لمهيمن عليه خاف يذبولج تهمة ..

رشا اني هم اكول هيج بس هوة يدري بي عوينجي ..
ولج تصدكين كل مااوكف على السنك الكاه وراية واكثر من مرة يطخني ويسوي نفسة يغسل .

سهام: وانتي مكيفة .. بابا هذا يجيبلج تهيمة وخاصة هسة مسوين عليج حرب .. ديري بالج لا يذبولج تهمة يخلون مهيمن يطردج حتة يعشعشون بالبيت ..

رشا: اووف اني ادري منين طلعولي هذولة مو جنت مستقرة ومرتاحة لازم تطلع من خشمي الراحة ..

سهام: الله كريم تفض .. بس لازم مهيمن يعرف كلشي ترجعين من عدنا تكعدين ويا تكتيهن كلهن ..بس لا تكليلة يطخج لو شي يروح يكتلة ويتورط بي.

رشا :انشالله الله كريم ..
...
خلصت اليوم عادي يمهم واجة مهيمن بليل حتة ياخذني ..طب جوة وسلم وكعد وسهام راحت تجيبلة الجاي ..

اشوية وطبت سجى .. اشو ضاربة المكياج واللبس والعدسات ..
مهيمن دنك بعد ماسلم ..

اجت سهام جايبة الجاي وقدمت لابوية ولمهيمن ولاخوتي..
من وصلت لمهيمن كاللها ..

مهيمن: رحم الله والديج ام زهراء ..

سهام: ووالديك ابو ريمة ..

سجى :صدك مهيمن مابباركتلي .. اني حامل ..

رشا: ضلينا اني وسهام وحدة صافنة عثانية يعني شجاب السالفة بالنص .

ميهمن: بالخير عليكم انشالله ..يتربى بعزكم .

سجى :يوم الالكم .. اووه نسيت رشا متخلف .

مهيمن: ليش العفو شبيها احد كلج بيها شي ... ترة رشا تعالجت بس اني مانعها من الحمل حتة تكمل دراسة وتصير احسن من عندي حتة ..ورشا عندي تسوة ابو الجهال مو بس الجهال ..
واذا اريد طفل فعندي رشا وريم احلة من كل الاطفال..

يلة رشا كومي .. ماضل وكت .

ابو سامر :وين ابني توك طبيت ..

سجى :ترة مو قصدي دشاقة ترة والله .. لا تزعل فدووة (طبعا تتموع بالحجي وتجر المصارين وياها)

مهيمن: مزعلان من شنو ازعل محد يسوة يزعليني ..
خلصتي حبيبي..

رشا :اي كملت عيني يلة ..
طلعنة وحتة سودة علية جاية مشربة ..

طول الطريق وهوة ساكت .. بس حاط ايدة وعاضها بحلكة ..

رشا :مهيمن لا تضوج فدوة ترة تعودت اني ..

مهيمن: ترة اني مضجت من هاي .. ضجت علمودج ..

رشا :والله ماتأثر بية بس لا تضوج حبيبي..

مهيمن: الله كريم ..

رشا :وصلنا جانو كلمن بغرفتة صعدت فوك .. غسلت وبدلت وانتظرت مهيمن....

مر كم يوم .. الحياة نفسها روتين والخوف يزيد من عذراء وزوجها ..

فبيوم كملت شغلي مثل عوايدي جانو الكل نايمين الظهاري ..بعد ماتغدو ..

شفت الحديقة والطرمة وصخات لان قل غسلي الهن من يوم ماجوي عدنا ..

رحت طلعت عدة التنظيف .. رفعت دشداشتي اشوية حتة اتحرك براحتي ..

نظفت الحديقة وسكيتها ..وبلشت بالطرمة ..

لهناك واندار على صوت عذراء من شباك الاستقبال المطل على الطرمة ..

عذراء: ايا حقير يا نذل عليمن تباوع ..
على عرض اخوية ...

رشا :هية ثواني من سمعت صوتها ومن جتي تجر بشعري ..

عذراء :ياطايحة الحظ .. تسوين اغراءات ..يالشريفة.
ولج اخوية ميقبل يبقيني من وراج يخاف عليج وانتي تستعرضين كراعينج ..

رشا :دفعتها ووكعت بالكاع ..احترمي نفسج .. استعرض شنو فد نعال هوة حتة استعرضلة ولج ميوصل لتراب نعالة لمهيمن ..

ضبي رجلج مو كادرة علية ..

سلام :لج احترمي نفسج لعد لما انتي جتني تغمزين وتبتسمين كل متشوفيني اباوعلج من الشباك ..

رشا :لطمت على وجهي .. عزة العزاك ولك هاي شوكت يا حقير..

عذراء: ها يالشريفة ..

رشا :حاولت تلزمني دفعتها وركضت للغرفة وقفلتها علية .. ادك على مهيمن مشغول ..

وكتك هسة ... ضليت ادك وادك اخر شي رد ..

مهيمن :الو ها رشا

رشا: مهيمن الحكني .. عذراء راح تكتلني ..

مهيمن :خير شكو شبيكم ..

رشا :الحك وانت تفهم بسرعة حباب ..
كامت تدكدك وتعيط ..

عذراء :افتحي يا ام الزلم ..

مهيمن :جايج جايج لا تفتحين الباب.

رشا: سمعها لعذراء لان جان صوتها يلعلع....
ضلت يم باب الغرفة متحلفتلي دقايق واسمع صوت مهيمن فتحت الباب ..

لكيتها بوجهي تلكتني تريد تاكلني فلتت منها وركضت للدرج تراطمت ويا مهيمن صرت وراه ..

هاي الهوسة كلها وعمتي تصيح

ام مهيمن :ولكم شكو احجو شبيكم..

مهيمن :شكو شبيكم ليش هادة على رشا شصاير .

عذراء: هاي ام الزلم مشلحة وصايرة نادرة تستعرض كراعينها الزرك كدام سلام ..

مهيمن: انجبي لج شنو ام الزلم ترة هاي مرتي الي دتحجين عليها ..

عذراء :اسألة هوة كال تضحكلي وتغمزلي جانت ..

مهيمن :وانتي تصدكين برجلج العار .. اني مرتي اثق بيها اكثر مما اثق بيج وبرجلج ..

عذراء: ولك تجذبني مهيمن اني اختك الجبيرة .

مهيمن :من تطعنين بشرف مرتي بوكتها ماعندي اخت .

عذراء: وسفة عليك ياخوية ..

مهيمن: تعالي كليلي رجلج شلكيتي يسوي فهميني.

عذراء: لكيتة فاتح البردة مال شباك الاستقبال ويتفرج على استعراض الخانم الي رفضت تعيشني ابيت ابوية لخاطر تاخذ راحتها ..

مهيمن :رجلج وين .

عذراء :طلع مدري وين ولة..

مهيمن: شوفي عذراء انتي تعرفيني ماامد ايدي على مرة .. ولايوم مديتها عليج. .. لذلك راح اكلج اخر مرة ..رجلج ميجي لهنا بعد ابد فهمتي ابد ...

واذا اجة انتي تطلعين ويا وماعندي اخت اسمها عذراء تبقين هنا معززة مكرمة لحد متنحل سالفتج ..
بس رجلج ميجي هنا لو على موتي ..

والكلام الي حجيتي على رشا راح اعذرج عليه لان مبين كلبج محروك من رجلج بس متريدين تطلعين الصوج بي..

عذراء :ولك مهيمن شنو تريدني احجي واني اشوفة يباوع لعرضك

مهيمن :مو كتلج اكثر من مرة من كتلتي روحج عليه كتلج عوينجي وابو نسوان لو مكتلج ..

بوكتها طلعتيني زعطوط وماافهم وماصدكتيني وجان عمري ١٨ يعني فاهم كلشي مو زعطوط مثل مجنت بنظرج ..

انتي تتحملين نتائج اغلاطج ..

رشا: طول مايحجون اني لازمة قميص مهيمن عبالك هوة يحميني اذا هديتة راح انكتل .. جانت عيونها تريد تاكلني ..

والقران يعذراء وداعت امي وابوية مجنت ادري بي يباوعلي .. اصلا من شفت الكل راح نام كلت انظف لان الحديقة جانت كلش وصخة ..

عذراء :انتي لتحجين شي لا عبالج افوتها الج اصطبريلي.

مهيمن: هيييي شبيج اني واكف وتهددين مو بعينج ..لاتشوفيني سكتتلج عبالج ماكدر اسويلج شي.. ترة اكسر راسج اذا احطج ببالي .. احترمي البيت الي كاعدة بي .. ورشا خط احمر افتهمتي ..

اعرفها واعرف اخلاقها .. واعرف اخلاق سلام .ولهذا السبب رفضت تعيشون ويانا دائما ..

هذا الموضوع ينسد .. وماريدة ينفتح بعد ابد .. وسلام يحرم يوصل لهنا ترة متحلفلة وحسابة ثكل .

رشا: حجة وعافها ومشة واني لازكة بظهرة طبينا للغرفة ..

والله مهي......قاطعني .

مهيمن: اشششش ماريد اسمع صوتج ..

رشا: انصدمت من ردة فعلة ... بس لا يصدكهم .. صوجي ماكتلة على تصرفات سلام .. عززة شلون بية ..

جنت احجي بيني وبين روحي واشوفة يحضر ملابسة حتة يسبح ..

طلع من الغرفة وضليت ساكتة وكاعدة ونظري للفراغ الي كبالي وبحياتي الي متصفة كل مااكول هانت تصعب اكثر ...

دفكر ودك تلفون مهيمن رقم غريب ..
مجاوبت شعلية بي..

ضل يدك اكثر من ٣ مرات وراها جتي رسالة بس انعرضت بشاشة ...

(ليش متجاوب عود هاي كتلك مشتاقة اسمع صوتك )...

رسالة خربطت كياني .. خلت اصابيعي ترجف عيوني غوشت كلبي وجعني ..لوية بمعدتي ..

هيج جان احساسي .. ماكو فكرة سودة مااجت ببالي .

فتحت الموبايل ودخلت على الرقم جان مكالمات هواي اكو مكالمة ٣ دقايق بالوكت الي بيه العركة جانت ...واتص بيه ويطلعلي مشغول

بس الي مرت بهذا الشعور تعرف شعوري شنو ..
طب مهيمن شافني لازمة تلفونة ..

باوعتلة وعيوني مغرغرة دموع بس ميقبلن ينزلن ..
سحب التلفون مني ..

شاف الي جنت اشوفة..

مهيمن :رشا خل افهمج ..

[فيتامين سي]

قضية طلاق ...

بقلم Aseel..

بارت ٢٥ ....

...........

فتحت الموبايل ودخلت على الرقم جان مكالمات هواي اكو مكالمة ٣ دقايق بالوكت الي بيه العركة جانت ...واتص بيه ويطلعلي مشغول

بس الي مرت بهذا الشعور تعرف شعوري شنو ..
طب مهيمن شافني لازمة تلفونة ..

باوعتلة وعيوني مغرغرة دموع بس ميقبلن ينزلن ..
سحب التلفون مني ..

شاف الي جنت اشوفة..

مهيمن :رشا خل افهمج ..

رشا: بعيون مدمعة وبحة بصوتي الي اختفة من صدمتي ...
شتفهمني ... مهيمن شتريد تفهمني ..

مهيمن: رشا والله هية لازكتلي ..

رشا: ٣ دقايق ولازكتلك مهيمن ..

عفتة وطلعت حاول يلزمني دفعتة من صدرة مدري منين اجتني القوة ...

رحت للحمام وقفلت الباب علية ...فتحت دوش بارد وطبيت بملابسي ..اسمعة يحجي من ورة الباب..

مهيمن: رشا والله هاي وحدة لازكتلي .. اطلعي وافهمج كلشي والله ..

رشا: روووووح ماريد اسمع كلمة منك ..

مهيمن: وحق هو الله اذا مافتحتي راح ادفرها واكسرها واطب اسحلج .. دكلج طلعي خل اكل خرة وافهمج ..

رشا: بصوت شبه اختفى من كثر البجي والغصة .
مهيمن عوفني ... ماريد اسمع شي ...

جنت كاعدة حاضنة رجلي والدوش فوكاية ..احس نار كلبي متطفة ...

محسيت غير الباب اندفر .طب وتفاجأ من منظري ...
كبل ركض للمنشفة جابها واجة سد المي ولفلفني .. ادفع بي وانرعصت بين ايدة ..

حسيت حرارة طبعت بخدي واذاني صوفرت ..

مهيمن: اهدي لا تتخبلين ..لعد اني ليش ماكتلج عليها لان متوقع هاي خبالاتج

رشا: ضليت ساكتة وفاتحة عيوني من ضربتة احس خرسيت ...
جرني من الحمام وطببني للغرفة نزعني ملابسي ..
وطلع كلابية ولبسها الي بدون اي شي ..

ولف شعري بالخاولي ... يحرك بية مثل اللعابة خفت من ضربتة جانت كفيلة بفقداني النطق والحركة..

كمل كعدني عل الجرباية وكمبر كبالي كال...

مهيمن :ترة هاي صارلها يومين تلح .. ودزلي رسايل حتة اجاوب ..

فمرة جنت دسوق واتصلت علية .. جاوبت بدون مااشوف عبالي انتي ..

فتحت خط كلت

..الو .. جاني صوت ناعم ومايع ..

-الووو همزين حنيت وجاوبت ..

رفعت التلفون جان اشوف نفس الرقم ..

-نعم تفضلي خير ..

-..انت ليش هيج ثكيل .. بس اموت على ثكلك ..

-..وانتي منو بلة .

-... اني وحدة حموت على نظرة منك ..بس اوووف من ثكلك نيالها لرشا عليك .

-... منين تعرفين مرتي ..

-... اعرف كلشي عنها وعنك ..واعرف انت شلون خطبتها ..

-... انتي منو .. احجي حتة استمر وياج ممعقولة تريدين نظرة واني ماعرف منو ..

-... هههههه ( ضحكة كاولية اصلية ) مو علية هاي حركاتك نووودي ..

-....بربج رجال شكبرني وتكليلي نودي .. شو دولي ..

-... دست الخط جان اشوف رشا تتصل ..
بس كملت كلامها ... كالت ..

-.. ترة اكدر اأذي رشا اذا ماسمعت كلامي .. بحركة اصبع مني اخفيها ورة الشمس هية وبنتك .

-...ولي ولي ...طبكتة وخابرتج ..

والله يارشا هاي جان حجيي وياها ضليت اخذ. انطي وياها بالكلام حتة اعرف منو هية بس جانت ذكية ومبينة خبرة ..

رشا :وتريدني اصدك ..

مهيمن: رشا لا تضوجيني .. تريدين اتصل بيها ..

رشا: لا عليمن ميهمني بعد .. كمت وكفت ..
جرني كعدني ..

مهيمن: انجبي وكعدي بعدني ممكمل ..

رشا: لا تتجاوز .

مهيمن: اتجاوز واشك حلكج عندج مانع ..

رشا: مو بكيفك عساس ..

مهيمن: رشا حتصل كدامج بس ابد لا تطلعين صوت ..

رشا: معلية بيك كتلك ..
اتصل كدامي ..

اجة صوتها ...

-الوووو شعجب حنيت ..

مهيمن: اسف بالغلط دكيت اشتبهت ..

-.. لا. عليك الله لا تسدة بس اشوية اشبع من صوتك ..ولك والله ليلي ماانامة اتحلم بيك واتخيلك نايم وياي ..

-.. كافي كافي تورطت دكيت على هيج شكولات ..

-... راضية بيك وميتة عليك حتة لو تغلط لو تضربي فدوة الك ولك بس تعال وطفي ناري..

رشا :اني كبل اخذت الجهاز ولطشتة بالحايط ..

مهيمن: انتي تخبلتي شنو هاي التصرف .

رشا: لعد انتظرها تكمل حجيها وياك حتة الكاك منتهي وياها ..

مهيمن: احترمي نفسج شنو شايفتني زعطوط حتة ادور سوالف مراهقين اشو انتي مدري شلون تحجين .

رشا :هاي البنية عرف صوتها مو غريب .. واذا سمعتك راجع محاجيها اكلبها كلاب عليكم والله ..

مهيمن: اي مو امشي بكيفج .. ترة لو اريد احاجيها اكدر امسح المكالمات من اكمل ..او للسهولة اشتريلي جهاز مخفي عنج .. ترة كلشي اكدر اسوي بس موببالي هلسوالف ..

رشا :انسد الموضوع بس اني اخذت اشوية موقف ..
رجعت الحياة لطبيعتها .. بين حروب عذراء وبين التحضيرات لبداية الدوام ..الي باقيلة اقل الشهر ..

فمرة سمعت عمتي تسولف ويا مهيمن .. بغرفتها واني بية طبع من اسمع اسمي الكة اذاني ماشية وحدها ولازكة بالباب مثل الجهال ..

مهيمن: يمة الف مرة كتلج اني مامستعجل ..

ام مهيمن :يمة انت كبرت ليوين تبقة بس على ريم ..
والله يمة لو ترجع نور وخليهة بس تخلف الك وابقة انت ويا رشا محد لازمك .

مهيمن :يمة تحجين صدك انتي .. لما بنفسج شفتي الي صار .. يمة ترة اني من سديت سالفة نور مو معناها ناسيها لا والله لحد هسة متحلفلها .. واكلجيها من الاخير .. بس اشوف نور اكتلها ..

الي ترخص روحها علمود رصيد ابو ال٥ ماتصيرلي مرة لو يصيغوها ذهب ..

ام مهيمن: يمة عوف نور ملازم هاي عندك بنات خالات وعمات كومة اختار واستنكي وبنات بيوت ..

مهيمن: يمة رشا ماابدلها بكل نسوان الارض ..ماتزوج عليها لو تنزل فتوة بهذا الشي رشا مرتي وبس ..

ام مهيمن: ييمة راح اموت وابقة بحسرة الطفل ..
اريد اشوف ولدك ... اريد اشيلهم اناغيلهم ..

ليش تخليها غصة بكلبي ..

مهيمن: يمة الف مرة كتلج رشا مابيها صوج .. تعالجت والدكتورة كلتلها رحمج نظف ومستعد للحمل .. بس الظاهر رب العالمين بعدة ممقررلنة الرزق .. انتي تأمنين بالله عود المفروض تتفهمين ..

رشا :طفرت قبل لا اسمع الباقي لان الواضح وصلو للختام .. بس بداهلي فرحة لان سمعت مهيمن مراح يتخلة عني ..

خلة عندي امل انو رب العالمين مراح يخذلنا ومراح يكسر بكلبي .. يكفي الي شفتة ..

بدة الدوام وريم هلسنة اول ابتدائي .. جهزناها اني ومهيمن احلة جهاز مدرسة ...

جنا نطلع سوة اني ومهيمن وريم عدها خط لان دوامنة يتاخرمرات اني وياه ..

مر اول شهر عادي مثل اي بيت ..بس بهذا الشهر حسيت خمول مو طبيعي ... ارجع بس اريد انام .. ومهيمن ماارغبلة .. يجيني يتقربلي ماعندي اي لهفة الة .. جامدة ويا صرت ماعرف ليش .. احس الفراش صار واجب مو رغبة وحب مثل قبل ...

لحد ما استفقدت الدورة صارلها ب٩ ايام مجايتني .
من طلعنا من الدوام كلت المهيمن ..

رشا: مهيمن خل نروح للمختبر احلل ..

مهيمن: خير حبي شبيج تشكين من شي ..

رشا :لا بس دايخة وخاملة احس بية فقر دم ..

مهيمن :يلة ماشي ...

رشا :طبعا مهيمن اخذ مني موقف اشوية لان ماابادلة بالمشاعر وحس اكو تغيير بية .. بس ماحسسني

وصلنة وطبينا للمختبر ومن سأل نوع التحليل جاوب مهيمن ..

مهيمن: فقر دم ..

رشا: كملت على كلامة
..وحمل ..

فتح عيونة وشفت لمعة فرح بيهن
همسلي ..

مهيمن: صدك لو تشاقين ..

رشا :صدك .. فايتتني صارلها ٩..ايام .

مهيمن: وليش مكتيلي ..

رشا: حتة اشوف هاي نظرة الفرح بعينك وهم اشوفك منصدم مثل ملامحك هسة ..

مهيمن: يعني متاكدة حامل ...

رشا: هههه شبيك لو متاكدة مجان جيت حللت ..

مهيمن: انشالله خير انشالله ..

رشا :نص ساعة واخذت النتيجة ..

مهيمن: دمعت عيونة من عرف الاختبار ايجابي..

ولج ممصدك ولج حيصيرلي طفل منج.. حيصير ثمرة حبي وصبري ..

رشا: الله يعديها على خير ..خابر عمتي وبشرها ..

مهيمن: لا اريد انطيها التحليل بيدها .. اليوم انتي اميرتي اطلبي شتريدين شمشتهية بس كولي اجيبة الج ..

رشا :اممممم خل افكر .. اريد موطة ام االجاكوج بس لون اخضر وبي كرصة حموضة ..

مهيمن: هاي شلون صايرة منين موطة بهلبرد ..
بس يلة امشي نروح للفقمة وتدللين طلب خاص النة اخلي يسوي

رشا: يمة فدوة للي يدللني ..

رحنا للفقمة وطلب الي مشتهيتة وجابة الي ..
اوويلي موطة خضرة وحموضتها طيبة وتكرص اشوية .. رغم الجو جان بارد وثلج بس استلذيت بيها واحسها طفت البوخة الي بجسمي

رجعنا للبيت وهوة طب قبلي حتة ماانتظرني انفوت سوة جانت فرحتة مو طبيعية ..

اول مطبيت جانت عمتي تهلهل .. وعذراء ابتسامتها مال فرح جتي بوستني ..

عذراء: بالخير .. بالخير والف مبروك والله يتمم على خير.. متدرين شكد فرحتلكم .. .

ام مهيمن: عساج بفرحة مولودج مثل مافرحتينا هسة ييمة الله يكومج بسلامة ...

رشا: جتي عمتي حضنتني وباستني وباست مهيمن هم ..

جان حملي متعب بس فرحتي بي خلتني اشوفة احلى من العسل .. اهتمام مهيمن بية خلاني اتدلل اكثر رغم انو اني مارغبلة صايرة .. عمتي تكلي البكر تكوم تكره زوجها ..

ماعرف شبية من يكون خارج البيت اشتاقلة وارغبلة واموت علية ...ومن يطب اكره وجودة احسة شي مكروه ..

اكثر من مرة يريد يتقربلي بس اول ميجيني اكوم اركض اتقيئ... لحد ما ابتعد عني وعذرني بسبب وضعي ...

وكل ما زاد حملي كل مزاد معاناتي ...
لحد مطبيت شهر الخامس وجنت بوقتها مخلصة دوام ..

تعبت حالتي حيل وتأزمت ... واضطريت اكمل باقي حملي يم اهلي ...

فأستمريت يم اهلي وجان مهيمن يجي يومية او بين يوم ويوم .. وبس الخميس يبات يمي هوة وريم وثاني يوم يروحون ..

عمتي جانت تجي .. ومرات عذراء وياها...
طبعا عذراء طلعت من البيت بعد مازوجها اجر بيت يمنا .. واتدخل بينهم طرف محايد وصالح مهيمن وسلام .. بس رغم هذا بقى طبت البيت محرمة على سلام ...

مر تقريبا شهر على وجودي ببيت اهلي .. وبهاي الفترة .. لاحظت سجى متكشخ غير بس من يجي مهيمن ..

حتة اوقاتة صارت تعرفها .. مجنت حاطة ببالي هلشي .. بس حطيتها ببالي من شفت مهيمن الي مجان يحجي وياها غير السلام هسة صارت شقة وميانة ...

جنت افسرها انو جان مستحي .. وهسة اخذ عليهم ..
حتة اهلي جان عدهم هذا الشي عادي .. الة سهام ..

دائما تنبهني اخلي بالي منهة لان مو راحة خاصة انجلبت من طرحت ابنها وهية بعدها ببداية الشهر الثاني .. اصلا انشك بيها جانت حامل اساسا ..

كل ميمر يوم مهيمن تكثر جياتة وكعداتة ويا سجى .. خاصة تتعمد تضل يمنا والاكل كلة هية تسوي ...

جنت استغرب تصرفاتة جان ميطيقها ...

وصار حتة من يجي بس شلونج وشلون النونو .. وامي تسلم عليج ..
مجان غير هذا الكلام بيناتنة ...

جنت افكر بحملي وبس ... انقطع اتصالاتة الي جانت بنص اليل ويخابرني مشتاق لصوتي .. لو يكعد يسولف وياي سوالف همس تالي اليل ..

لحد مصار اتصال ماكو بيناتنة نهائيا ...

حتة كام ميجي يمنا ... قليل .. واذا يجي مالحك علية بس امي تكول اجة ولكاج نايمة ومابقة هواي ..

صرت احسة يتعمد يجي واني نايمة حتة ميشوفني ..
جنت ابررلة انو اني اخذ الامور بعظمة لان حمل..

طبيت الشهر الثامن واني الهث من امشي خاصة وزني زاد حيل ... وانفخت لان صار عندي زلال حمل .. جان النفس بصعوبة اجرة ..

فمرة اتأزمت حالتي واختنكت حيل واحس كلبي يخفق سريع .. اتصلت عليه حتة اروح لدكتورة ..

كل مااتصل مشغول .. ورة النص ساعة من اتصالاتي ..يلة جاوب ..

الو مهيمن .. صارلي ساعة اتصل وينك ..

مهيمن :شكو خما اكو شي .. شصاير.

رشا: يعني الة يصير شي يلة تجاوب ..

مهيمن: احجي رشا بسرعة ماعندي وكت ..

رشا: ليش شعندك ..

مهيمن: هسة دحجي ..فضيها ..

رشا :مهيمن تعبانة واريد اروح للدكتورة ..

مهيمن: يلة تحضري فد ساعة اشوف اذا كدرت ..

رشا: يلة انتظرك لعد ..

سدة كبل .. طبعا تعلمت على اسلوبة الجديد مجنت مهتمة لغير حملي بس اريدة يخلص ..

صارت الساعة والساعتين والاربعة والسبعة ساعات..مهيمن ماكو اتصل ميجاوب لو مشغول ..

اخر شي جاوب ..

مهيمن: شكوووو ثبرتيني شبيج متكليلي ..

رشا: هاي شبيك مهيمن .. كمت ابجي بسرعة لان عيطتة جتي ترس بأذني .. واحس دخلت بروحي ..

مهيمن: شبيج يعني مدجاوبج يعني مو فارغ شبيج انتي ..

رشا: والدكتورة مهيمن .. نستني ..

مهيمن: مصارلي مجال .. روحي هسة بعدين عود شوفي احد من اخوتج يوديج ..

رشا: مو صوجك صوج الحيوانة الي تتصل بيك ..
سدة بوجهي ...هوة ابو الراهي فوكاها ..

عفتة وشمرت جهازي اذا مااخلي يتوسل حتة اجاوب واشلع كلبة مثل مشلع كلبي..

ثاني يوم رحت للدكتورة وسويت تحاليل وطلع الزلال نسبتة عالية اكثر ويرادلي عناية خاصة حتة يخف من كمية الزلال والا الطفل راح يموت ببطني قبل لا ينولد ..

يعني من ناحية الاكل والحالة النفسية واكثر من الحركة وشرب مي حتة الزلال يطلع ويا الادرار ..

استمريت على العلاج اسبوع وجانت حالتي تزيد متنقص لان حالتي النفسية تدهورت حيل ببعد مهيمن الي تغير ...

احسة مو مهيمن الي يتنفس هواي ...
حيل تغير علية واحس بي شي مو طبيعي..

والمشكلة من نتلاكة اني وياه حتة اني اكوم ماارغبلة ..

جنت احتاجة هواي بس ماالكاه ...
اشتاقيت لكلمة محتاجة شي حبيبي..

مجان يتصور شكد ابجي وحدي بليل .. شكد اشتاق اسمع صوتة واني اتصل وميجاوب لو يرفضني ...

... هيج جان يمر علية الليل...

كعدت الصبح مثل العادة كوة اكوم من الجرباية الي هية جربايتي نزلوها الي بغرفة امي لان وزني كلش زاد وصرت بصعوبة اكوم واكعد ..

رحت غسلت وكملت لحد ماوصلت المطبخ اني نفسي مسدود ..

سهام :صباح الخير ..

رشا: اشرتلها بمعنى انتظري.... صباح .. النور ..

سهام: ولج والله صايرة فيلة ... بس يلة هوة الولد ياخذ حلات امة..

رشا: عمي مرايدة حلاة لا الي ولا الة بس خل اجيب واخلص تعبت والله... كمت ابجي..

سهام :ولج هاي شكو من الصبح .. متكليلي شبيج صايرة بس تبجين اذا واحد حاجاج ..

رشا :تعبانة نفسيتي حييل ومهيمن ابتعد عني ماعرف شبي... صوجي جيت هنا وعفتة

سهام :هوة من ناحية صوجج صوجج صدك. ...
المفروض متعوفين بيت رجلج ابد حتة لو يطلعوج جنازة .. متعرفين النسوان شسوي .. وهوة ماشأء الله مال وجمال وشهادة دكتوراه .. وكشخة هم ..

والله لو منج انام على كلبة .

رشا: يعني شنو قصدك مهيمن عندة وحدة .

سهام: والله هذا مبرر تصرفاتة ...
ولج نسيت اكلج غير عماد حيطلك ..

رشا :لا صدك بربج ليش شكو خير شصاير..

سهام :شمدريني اشو راحت لاهلها قبل سبوع وهسة عماد يكول تريد تطلك .. ولج كالبها مناحة عماد .. كسر كلبي..

رشا :واني ليش مادري ..

سهام :دحيري بروحج اول ..

رشا: لا والله احجي شكو ..

سهام: شمدريني اشو فجأة كلبت .. كامت تتحجج.. واخر شي راحت لاهلها وكالت اريد طلاك ماارجع ..

رشا :زين مكالت السبب..

سهام :يمعودة هذولة عائلة كاولية .. تلكيها شافتلها واحد غيرة ..

رشا :لا شنو هلحجي حرام اذا مشايفين شي..

سهام :ولج دسكتي انتي شمدريج شكو بالدنيا حايرة بكرشج ..

هية غير عمتي راحت لوحدة ام الخيرة طلعت بلاوي صايرة. واحنة مندري..

رشا: خير ياستار شكو انوب .. ولج خوفتيني..

سهام :اوكفي خل اجيب الريوك ونكعد نسولف ..

رشا :شوقتيني والله ..
راحت جابت الريوك وكعدنة نتريك وتسولف..

سهام :ولج غير طلعت هاي الشفية لاعبة لعب بالسحورة ...

رشا :لا صدك ..

سهام :هوة شنو لا صدك اصلا جنا متوقعين هذا الشي ..بس المشكلة منكدر نحجي لان الكل طابك وياها خو ابوج سكتي وخليها صايرة اعز منج عندة شحدة الي يحجي وياها ..

رشا :زين امي متسوي شي ليش عايفة هيج الوضع ..

سهام :انطتها بطل مي وخل مقروء عليه كالتلها رشي البيت منة يهدى النفوس .. بس شنو الفايدة اذا شبعانين بالاكل والشرب.....

رشا :يمة شنو السالفة.... زين هاي وين صايرة ..

سهام :ليش شتريدين منها ..

رشا: اريد اخذ لمهيمن اريد اشوف ليش متغير وصاير ميرغبلي..

سهام :والله اشك برجلج مسويلة عمل لان ممعقولة هيج من كيفة يعوفج وهوة كتل روحة حتة تقبلين بي ومو من النوع الي يحب الونسة ...

رشا :والله خايفة حيل .. ماكدر اتصور مهيمن يتركني .. او يتغير علية ..

سهام :شبيج كمتي ترجفين اهدي ..

رشا: مدرجف شبيج لتخوفيني ...
جنت باثناء ما اسولف وياها تجي لويات بظهري . ..
بس عبالي عادي .. جنت متحملتها واعصر بروحي لان جانت تجي بفترات ...

سهام: رشا دتحسين بشي .. احجي لا تكتمين شبيج وجهج اصفر وترجفين ...

رشا :ماكو شي بس هاي الاوجاع الي دائما تجيني ..

سهام: تشاليع قصدج ..

رشا: اي بس اليوم تاذيني اكثر ..

سهام :انتي شكد الج بالثامن ..

رشا :٢٣ يوم ليش شكو .

سهام: خل اروح اكعد عمتي تاخذج للمستشفى ايجوز بداية ولادة يلحكون عليج موزين تجيبين هسة ..

رشا: يمة سم الله شبيج .. ابيش مفاولتني ..

سهام :رشا كومي تحضري عما اخبر سامر يرجع ياخذنة ...

رشا :كمت ابجي ..

سهام: هسة شكو تبجين والله حتخبليني ..

رشا: ماعرف خايفة مو يكولون الي يجيب هسة يموت ..

سهام: اسم الله شبيج ماكتلج ولادة كلت خاف عندج بداية ولادة .. لا تكبرين السالفة وبعدين عبرتي نص الشهر مو اني هم مثلج .. متذكرين ....

دخابري مهيمن خلي يجي ..

رشا :ماكدر انتي خابري اعصابي ترجف ..

سهام :يلة حخلي سامر يتصل بي استحي احجي ويا..

رشا :كعدت امي سودة علية بلا ريوك راحت وياي بعد ماسامر اجة اخذنة .. رحنا اني وامي وسامر ..

رشا: ماما جان اكلتي شي لا تتخربطين عيني ..

ام سامر: يمة سوتلي سهام لفة بالجنطة اشوية واكلها لتخافين .. اقري ايات بكلبج وادعي ماكو شي ..

رشا :انشالله يطلع بس تشاليع ..

اكلك سامر خابرت مهيمن حتة يجي ..

سامر :اي خابرت كال يتلكانة هناك هوة وامة ..

رشا: انشالله .. ضليت ادعي واقرة ايات مال تسهيل وانخة بكل الائمة انو ميطلع ولادة بس الاوجاع كامت تزيد واحس روحي تطلع من الوجع جنت ويا كل لوية اعصر ايد امي واعيط ..

ام سامر: يمة استعجل هاي مبينة راح تولد ...

رشا: يمااااا احس شي نزل علية الحكي ..

ام سامر :ولك الحك اختك سامر ...
...

[فيتامين سي]

قضية طلاق ..

بقلم Aseel...

بارت ٢٦ ....

...............

رشا: انشالله .. ضليت ادعي واقرة ايات مال تسهيل وانخة بكل الائمة انو ميطلع ولادة بس الاوجاع كامت تزيد واحس روحي تطلع من الوجع جنت ويا كل لوية اعصر ايد امي واعيط ..

ام سامر: يمة استعجل هاي مبينة راح تولد ...

رشا: يمااااا احس شي نزل علية الحكي ..

ام سامر :ولك الحك اختك سامر ...

رشا :مرت ثواني احس بيهن سنين من الوجع ..
وصلنة وراح سامر يركض يجيب سدية لان ماكدر امشي فضيحة اصير ..

اجة مهيمن تلكانة وعمتي تصلي على النبي ..

مهيمن: شبيج شجاج متكليلي ..

رشا: راح اموت مهيمن ..

مهيمن :اشش ماكو شي لا تخافين اني يمج اصبري ..

رشا :مهيمن لا تعوفني ابقة يمي ..

مهيمن :باقي يمج والله هياتني ..

رشا: لزم ايدي واني كل متجيني اللوية اعصر بيها ..
اجة سامر وشالوني من السيارة ونيموني بالسدية ..

ماتركت ايد مهيمن ولا هوة تركني نسيت الوجع الي سببه الي ونسيت تغيرة علية نسيت اهمالة الي ..

كل الي فكرت بي هوة وجعي ووجودة بجانبي بهاي اللحظة الي جانت كفيلة تمحي كل ذنوبة باتجاهي ..

طبيت جوة واني كوة رضيت اهد ايد مهيمن عبالك راح يطير اذا اهدة .. اتمسكت بي لحد ما امي جرت ايدي ودخلتني بالردهة جنت فاقدة من الوجع مااحس بالي اسوي ...

طبيت للدكتورة .. فحصتني ..

الدكتورة: بسرعة للولادة الطفل راسة مبين ..

رشا :اني سمعت هيج كلبتها مناحة ..

الدكتورة :شكو ليش تبجين ترة عادي ..

رشا :بس الطفل بعدة بالثامن ..

الدكتورة: معليج احنة نهتم بي انشالله مابي شي

رشا :دخلت للولادة جانت من اصعب لحظات حياتي ...عمري مراح انسة من الوجع الي شفتة لو من طلعو ابني ازرق ويضربون بي وميتنفس ... احس شي قبط على كلبي ...

نغزة براسي .. وعيوني غوشت..
اخر كلمة سمعتها ...
...دكتورة لحكي هاي دتنزف ....
...........

فتحت عيوني اشوية اشوية ..

ماما .... اريد مي ... حلكي يابس ..

مهيمن: الحمد لله على السلامة خوفتينا ...

رشا: ركزت شفت مهيمن لازم ايدي والايد الثاني يمسد بشعري ..

بس انطوني مي ...

مهيمن: اتحملي عيني بس يخلص المغذي واشربي ميصير ..

رشا: تذكرت الي صار كمت ابجي ..
مهيمن ابني وين .. عليك الله احجي ... وامي ليش مو يمي احجي صاير شي ..

مهيمن: اهدي ماكو شي والله بس اشوية حالتة تعبانة وبالخدج حطوه لان الرئة بعدها مكاملة كلها .. لان اجة قبل اوانة ..

رشا: يعني مابي شي ..والله ..

مهيمن :شبيج رشا يعني الي خلك هسة اتشاقة وياج ..

رشا: لعد امي وامك وين اشو ماكو ..

مهيمن :اي غير يم الطفل قابل يعوفنة ياعيني...
اشبيج مدري شلونها اسألتج

رشا: اخاف عليه ... متدري شلون شفتة من طلعوه ..

مهيمن: ادعي يكوم بسلامة ..

رشا :مصارلي مجال اسألك شراح تسمي .. لان مجنت موجود حتة اخذ رأيك بالاسم ..

مهيمن: بكيفج انتي ..

رشا :خلي امك تسمي مو هية جانت تريد ولد خلي هية تسمي حتة يصير عزيز عدها ..

مهيمن :انشالله محتاجة شي حروح اشوفهم شمحتاجين ..

رشا :لا ممحتاجة بس سلامتك ..

طلع واني غمضت عيوني وغفيت ..
حسيت اصوات يمي وبوسات بخدي ..

فتحت عيوني واشوف حبيبتي زهرة .. حضنتها واني نايمة ...

رشا: اووف شكد مشتاقتلك حقيرة هيج عفتيني بس تزوجتي ..

زهرة: شسوي غير انس ميقبل اطلع خاصة لبيتكم ..
وهم ايات شالعة كلبي بالطلعة هسة بالموت كدرت اجي وربع ساعة وارجع ..

رشا :عليج الله تعالي ترة تعبانة ومحتاجتج يمي .

زهرة :انشالله يعمري اذا كدرت والله .. متدرين بابن عمج عقدة ..

رشا :وشجابرج متكليلي ..

زهرة: ممجبورة بالعكس مرتاحة ويا حيل مدللني واهم من هذا ... حلو جنة حلقومة .. الله يخلي الي ..

رشا: الله يحفظة الج ..

زهرة: يلة اني حروح حبيبتي .. ماريد اتاخر انس واكف برة يم الولد ووصاني اسلم عليج ..

رشا: الله يسلمة سلميلي وبوسيلي ايات ..
دنكت بوستني وكالت ..

زهرة :يوصل عيوني .. دربالج على روحج حبيبتي ..

رشا: انشالله ..الله وياج .
طلعت زهرة واجتني امي وعمتي يسولفن وياي واني ريكي احسة كام يلزك من العطش والمغذي مناوي يخلص ...

يمة دخت من العطش بس اريد مي راح اموت ..

ام سامر: يمة تحملي ٥ دقايق ويشيلو وانطي الج مي والله..

رشا: امري لله ..

ام مهيمن :شراح تسمين حفيدي ..

رشا :عمة انتي سمي هذا حفيدج ..

ام مهيمن: لا شلون انتي انتو اهلة ..

رشا :انتي بيبيتة اولى بي راح يصير عزيزج فسمي انتي ..

ام مهيمن :اذا هيج اسمي مصطفى ..

رشا :حلو ... يجوز متصدمين جنت مفكرة بي والله.

ام سامر :اكو احلة من اسم النبي

رشا :يمة ابني وين شوكت اشوفة ..

ام سامر :مو هسة حبيبتي فد ١٠ ايام يلة يطلع وضعة تعبان اشوية ويرادلة عناية طبية ..
راح اروح اصيح لممرضة تشيل المغذي قبل لا يخلص ..

رشا :ووياج مي يمة ترة حموت والله ..

ام سامر :"انشالله يمة .

رشا :راحت وضليت امطك على مي ..
جتي الممرضة وشالت المغذي واني عيوني على بطل المي العركان من البرودة واتخيل شلون اشربة ..

اول مراحت الممرضة جريتة من امي وشربتة كلة احس روحي ردتلي مجنت عايشة هسة عشت ..

مر على دخلولي ٣ ايام استقر وضعي لان جان عندي فقر دم ونزيف ..

جان مهيمن رغم اهتمامة بس احسة بارد ... اهتمامة مال واجب مو مال حب ولهفة ..

كلت كلشي يهون الي راح مضى وخل يولي ..
راح ارجع لبيتي وارجعة لحضني ..

كتبولي خروج .. وطلعت للبيت واني صدري يوجعني .. وكلبي بنغزني على ابني الي ماشفتة غير مرة وحدة بالخدج ..

جان احمر حيل وكلش صغير وملفلف بقطن واجهزة هواي بي ..

تدمع عيوني من اذكر منظرة سودة علية ..
طبيت للبيت وذبحو جوة رجلي ذبيحة...

طبيت لغرفة امي الي بيها جربايتي ..امي جانت وياي ...عمتي ومهيمن ضلو يم ابني ..

طبينا وسلمو علية وكرايبنا جانن كلهن موجودات يتحمدولي بسلامة ....

مر اليوم عادي .. وهم اجة الليل .. واخ ياليل ..جنت اتحسر على مهيمن هس ابني وابوه ..

جنت هناك مامنة بنفس المكان حتة مهيمن مجان يبقة يمي بليل امي تضل وهوة وامة يروحون بالخدج يم الطفل .

اتصلت بي اشتاقيتلة كلش واحس اختنكت ..
جانت الساعة تقريبا ب١ ونص ..

طلعلي مشغول .. هنا كلبي راد يطلع .. اتصلت مرة ثانية هم مشغول .. صار بية هوس اتصل واتص واتصل بالساعة والساعتين ...

اخر شي اتصل طلع رنين لغاه وانطفة النت عندة ..

محد يعرف شنو جان شعوري بلحظتها .. مدري قهر مدري وجع مدري الم ... والله حسيت بوجع كلبي .. احس النفس يوجعني ..

لازم ارجع لبيتي .. قبل لا اخسر مهيمن
ماتحمل فكرة خسارتة او فكرة وحدة ثانية تشاركني بي..

مرت ال١٠ ايام امر من المر .. كل يوم يزيد عذابي .. من اشوفة مشغول .. حتة مااتصل وكلي شمحتاجة ..

عمتي تتصل واتمنة بس اسمع صوتة من تحاجيني ..
بس ماكو .. كل مااكللها وين مهيمن تكلي برة يدخن ..
ارجع اتصل عليه يطلع مشغول ..

شكد مااحجي ماراح اكدر اوصل المي بهذيج اللحظة ...جنت محتاجتة باعز اوقاتي ...

هاي اللحظات الي ابقة اتذكر تفاصيلها للموت ..

اليوم يطلعون ابني واترس حضني بي ..
جنت متلهفة عليه ...حاطة كرسي وواكفة بباب المطبخ البرة ..

ام سامر: ولج يمة مو زين عليج انتي نفسة طبي تلفلفي ..

رشا :يما خليني هنا حيجي ابني ..

ام سامر: ادري يعني من تطبين جوة مراح يجي ..

رشا :لا يمة الثانية عمدي بسنة ..

ام سامر: الله يحفظة الج ..

رشا: طب مهيمن ووراه عماي جايبة ابني مصطفى ..
وملفلف مامبين شي منة ..

كمت ركضت عليهم .. واخذتة من عمتي واني ابوس واشمشم بي ..

اخذتة وطبيت جوة ..
مهيمن مدار بيني وبينة كلام لان اخذت منة موقف من اخر شي سواه وياي ..

والي هوة جان قبل ثلاث ايام من اراسلة مجاوب حتة لو يقراهن ..

اخر شي طكت روحي كتبتلة لو تموت بعد مااهتملك ..ردلي بلايك صغير ..استفزني اكثر ..وحلفت مراح اهتملة لحد ماارجع للبيت وارجع رشا الاولية ..

طبيت ركض للغرفة وطلعت صدري حت ارضعة ميقبل ياخذة .. بسرعة دمعت عيوني كالت عمتي ..

ام مهيمن :ولج ماما مو هيج كبل الطفل تعلم على الممة ...

رشا :لعد شنو مراح يرضع مني ابد ..

ام مهيمن :لا ماما مو هيج بس اول شي حطي حلاة حتة يسلذ بي وياخذة ..

رشا :وصدك حطيت مي وشكر وكام يرضع .. صح وجع احس بس عندي بالدنيا ..

كمت ارضع بي واني ملامسة خدة شكد ترف .. جان وردي على حمار وبوجهة شعر ناعم قريب للون الابيض ..

مجنت مصدكة هذا الي .. هذا ابني الي صارلي ١٠ ايام متلوعة على شوفتة ..

طب مهيمن وسلم علية مرديت ...رفعت راسي شفتة صافن علية ورافع تك حاجبة ..

اعرف هاي الحركة يعني ضاج من تصرفي ..
هز ايدة وكال ..

مهيمن :يلة يمة خل نروح نجي باجر تعبان اريد اسبح وارتاح عدل ..

رشا :حجة وطلع ..حتة مكال في امان الله..محتاجين ممحتاجين هوة ابو الراهي .. هم عاجبتة روحة...

ابو الوصخ تريد تسبح لو تريد تحاجي الدايحة ..

اني الك بس خل اكوم على حيلي اصطبرلي ..الة اعرف كرعة ابوها منين هاي بنت الكلب ..

....يتبع ...

ولكم عيوني راحت كمت اشوف ثنين ثنين ...
بس فدوة الكم ..

ملاحظة اكثر من مرة اغفة على الجهاز من التعب والنعس ... في سبيل اوصللكم الاحداث بصورة تخليكم تحسوها وتعيشون وياها..
...
... يتبع

[فيتامين سي]

قضية طلاق ..

بقلم Aseel..

بارت ٢٧...

..........

رشا :حجة وطلع ..حتة مكال في امان الله..محتاجين ممحتاجين هوة ابو الراهي .. هم عاجبتة روحة...

ابو الوصخ تريد تسبح لو تريد تحاجي الدايحة ..

اني الك بس خل اكوم على حيلي اصطبرلي ..الة اعرف كرعة ابوها منين هاي بنت الكلب ..

مر كم يوم على ولادتي التهيت بالخطار والي يبارك والي يتحمد بالسلامة بالنهار وسهر وتعب بليل .

مهيمن جان يجي احسة تادية واجب .. يلعب صوفي ..وشلونج ماسمع غيرها .. ولهسة ماحاجيتة ..

مارد عليه اذا حاجاني .. ردت اشوفة شكد يبقة يكابر ..تحملت في سبيل اكسر كبرياءة ..

صار الي ٢٠ يوم على ولادتي ..ردت اروح لبيتي بس امي وعمتي عارضو والقران حتة كضيت باقي الايام على اعصابي .. امي كملت جهاز الطفل لان ملحكت تجهز عدل بسبب ولادتي المستعجلة حتة بيوم الولادة اذكر سهام طلعت هدوم بناتها مال نفاس ..

جتي فترات كرهت ابني بيها لان حسيتة هوة سبب بعدي عن مهيمن .. لوما حامل جان مابقيت يم اهلي ومهيمن تغير ..

ارجع استغفر واتعوذ من الشيطان ..

اجة اليوم الي صار لازم ارجع لبيتي .. جنت متحمسة حيل ... بعد ما نظفت روحي وطلعت عروس ..

اخذنة مهيمن .. طول الطريق ساكت ميحجي جنت لازمة سلسلة كلادتي واني اتذكر عيد زواجنة قبل لا احمل ..

شكد جنا فرحانين بيومها .. عزمني مهيمن على مطعم وتعشينا بي وراها فاجاني وجابولنة كيكة

واحتفلنة قدملي احلة هدية هية سلسلة ذهب بيها ميدالية على شكل قلب وابطنة قلب وبداخلة هم

قلب بس منفصلات يعني يفترن بداخل بعض ..
بوكتها سألتها عن معناها كال ..

مهيمن: هاي معناها انتي ملكتي كلبي كلة ..

رشا: فدوة لكلبك .

مهيمن: بس ماشفت هديتي شنو ..

رشا: هديتك بلبيت معبالي هنا نحتفل..

مهيمن: لعد خلصي بسرعة حتة نلحك نشوف هديتي ..غمزلي .

رشا: لتخاف مو الي ببالك ابد ..
كملنا ورحنا للبيت طب للغرفة جنت مزينتها ..

الصراحة مو. اني زينتها .. بس اتفقت ويا سهام حتة من نطلع ارمشلها تروح لبيتنا تزينها الي وهية مقصرت ...

بس الحقيرة جانت حاطة على الجرباية سيت جديد هية جايبتة .. بس شنو يخبل عبالك فستان ..

مهيمن :هاي شنو .. ولج جنية شوكت لحكتي تسوين هذا الشي ..

رشا :بعد هذا تخطيط نسائي بوقت الشدة ..
متريد تشوف هديتك ...

مهيمن: يعمري انتي... انتي هديتي ...

رشا :جرني من خصري لحضنة وكام يشم بركبتي ..
انتظر ثواني بس ..

مهيمن :شكو شعندج بعد ..

رشا :اطلع اشوية وتعال ..

مهيمن: لا بلة .

رشا: شبيك حباب .. بس شوية والله .

مهيمن: امري لله نشوف تالي هلليلة شنو ..

رشا :يلة شبيك .. كمت ادفع بي وهوة يدردم بتذمر ..
قفلت الباب حتة ميطب ويخرب المفاجاة .

لبست عسريع الي جابتة سهام .. وطلعت من الثلاجة كيكة صغيرة .. وهديتي جانت سوار فضة منحوت اسم مهيمن عليها .. ووياها عطر رجالي اسمة دراهم .. جنت جاطتهن ببوكس هداية لان طلبتة من النت

حطيتهن على الميز الي محضر بشكل رومانسي ..

ورحت فتحتلة الباب طب كبل حضني وحاول يجرني للجرباية ... توسلت بي حتة بس نحتفل اشوية ..

مهيمن: ترة والله مامحتاج هدية انتي هديتي ..

رشا :بس على الاقل افتح الهدية ..

راح وهوة يتأفأف ..احتفلنة بسرعة ...لان اذا طولت بعد اكيد حيكتلني ...

فزيت على صوتة ..

مهيمن: هيوووو متنزلين شبيج صافنة ..

رشا :شبيك مهيمن هيو شنو حيوانة كبالك ..

مهيمن :اي مو صارلي ساعة اكلج وصلنة يلة ..

رشا: مانتبهت جنت صافنة ..

مهيمن: وهسة انتبهتي .. متنزلين شمنتظرة ..

رشا :نزلت بدون مااحجي ..تلكتني عمتي وبوستني واخذت مصطفى مني ..

واني رحت اطبب الغراض جوة .. جان مهيمن ينزل ويحط بالباب مال كراج واني ادخلن لداخل البيت..

طبيت للبيت وبوجهي لغرفتي الي صايرة عبالك مهجورة .. امبين حتة مينام بيها ..

خليت الغراض برة الغرفة وبلشت انظف بيها ..

شلت الفرشة الي متروسة تراب .. والبردات ..شمرتهن بالغسالة وشغلتها ...

رحت نفضت ومسحت وفرشت جديد وفتحت الشبابيك احس ردت روحي جانت مقبوضة من الوصخ ..

كملت ورحت شريت الفرشة والبردات..
نزلت شغلت بخور احب عطرة بعد التنضيف ..

طب مهيمن عبالي متلهف علية ويحضني ..
رحت عليه عاط بية ..

مهيمن :شنو هذا الخرة الي مشغلتي .. طفي راسي حيطك منة ....

رشا :هذا بخور اكو اطيب من عطرة ..شلتة وشمرتة بسطلة المسح الي جانت بباب الغرفة ..

يلة طفيتة رتاحيت ..

مهيمن: وشنو الفايدة الغرفة متروسة ريحة صارت ..طفي السبلت وفتحي الشبابيك خل يتبدل الجو ترة لعبت نفسي من الغرفة ..

رشا: ماشي ميخالف .. رحت اتقربت عليه .. حاوطت ايدي على ركبتة ..
يعني ممشتاقلي ..

وخر ايدي وكال ..

مهيمن: اني طالع من تروح الريحة صيحيني حتة اجي اناملي اشوية كاعد من الصبح ..

رشا: عافني وطلع اني هنا احس صار شلل بكلبي من الفشلة .... فشلني .. ممعقولة هذا مهيمن ..

رحت سويت الي كلي عليه ومن تاكدت الريحة راحت مال بخور ..

صحتلة حتة يجي ينام جنت مشغلة السبلت ومبردة الغرفة والضوة خفيف ..

رحت جبت مصطفى جان نايم يم عمتي مشبعتة ونايم بحضنها ... شلتة بالكريكوت مالتة وصعدتة بغرفتي ..

لكيت مهيمن نايم .. رحت ع السريع سبحت وبدلت دشداشة مال نوم تصير بدون ردان وقصيرة حصر .
فتحت البطانية وطبيت ويا ..

جان داير ظهرة مديت ايدي وحضنتة من ظهرة ماتحرك .. ولا كانو بشر وراه .. جان بس اسوي هاي الحركة يندار ينيمني بحضنة.

كعدتة:..مهيمن... مهيمن

مهيمن: امممممم شتردين ..

رشا: بردانة دفيني ..

اشو هذا دفر البطانية وكام طفة السبلت ..

مهيمن :يلة طفيتة نامي انشوف شنو حجتج ..كافي ارريد اناام .

رشا: انصدمت بهذا فعلة ..
شبيك مجان داعي تطفي قصدت تحضني ..

كمت شغلت السبلت لان الجو كلش حار جان ..
ورجعت مديت ايدة ونمت عليها اريد اشوفة شلون يتهرب ..

نمت على ايدة وكمت ابوس بي بركبتة ..

مهيمن :ترة حنزل انام جوة والله ...
نامي عاد تعبان كتلج اريد انطمر كافي سوالف الجهال هاي ..

رشا: اسفة عبالي مشتاقلي لان صارلي اشهر يم اهلي .. ..
درت وجهي دمعت عيوني بس مسحتها ماردت اضعف ..لازم اصير قوية ..

صح هاني اهانة قوية ومو اي وحدة تتقبلها خاصة بوضعي اشهر مشايفني ولا متقربلي المفروض هوة يجي متلهف واني ادلل عليه ..

جنت دايرة ظهري واني اتخيل شسوي اذا حضني بس خاب ضني من سمعت صوت شخرة ..

درت وجهي لكيتة نايم على بطنة ومو يمة السالفة ..
كلت ماشي بليل الله كريم البس واتحضر .. اذا ماسوة شي بعد فلا اعرض روحي وانزلها ..

غفيت والدمعة بعيني .. ورة اشوية كعد صوفي مابية ارضعة جنت نايمة نومة حلوة .. سويتلة ممة شربها ونام ..

رجعت نمت حسيت على بوسات بركبتي .. وبخدي ..
فتحت لكيت مهيمن فوكاي .. جان يبوس كعدت لحيلي ..

رشا: مهيمن شبيك ..

مهيمن: اششش اسكتي ..

رشا: رجع نومني وسوة الي يريدة جنت ابادلة بلهفة بس هوة جان يبادلني بشهوة وغريزة بس ..

كمل كام اخذ هدوم الة بدون مينطق حرف ..
راح سبح واني رجعت نمت تعبانة جنت ومخنوكة ومالي واهس اباوع لوجهة ..

حسيت ايد ناعمة تفتح بعيوني بس هية دتفكس مو دتفتح .. وصوت همس طفولي

ريم: عمة .. عمة

رشا :هلو حبيبتي .. حضنتها وصعدت تنام يمي ..
ولج وين جنتي مالكيتج من جيت ..

ريم: جنت يم بيت عمي هسة ابوية جابني واجة ..
مشتاقتلج هواي ..
بابا كال جابلي اخو الية وينة ..

رشا: كمت فتحت الضوة وشلت الكريكوت الي جان بالجهة الثانية بصف جهتي ..

حطيتة يمها على الجرباية ..

ريم: واو هذا لعابة الي ..

رشا: لا هذا مو لعابة هذا اخوج

ريم: يعني يلعب وياي ..

رشا: من يكبر يلعب وياج هسة بعدة صغير

ريم: شسمة ..هوة .

رشا: اسمة مصطفى بس صيحيلة صوفي

ريم: اني احب صوفي .

رشا :واني هم احبج ..

ريم: يووو. نسيت بيبي كالتلي صيحي عمة رشا تجي تتعشة ..

رشا :باوعت لتلفوني لكيتها ساعة ب٨ .. طفرت
عززة ...روحي كليلها جاية درضع مصطفى ..

طبعا هوة جذب حتة الحك اسبح وابدل وانزل ..
شكد عيب .. عمتي تسوي عشة واني هنا نايمة ..

رحت سبحت بسرعة ...وبدلت ولميت شعري الي صاير واصل لنص ظهري ...

وسويت ممة لمصطفى ونزلتة وياي ..

لكيت عمتي حاطة الاكل على الميز ودياكلون جيت كعدت يمهم وخليت صوفي قريب علية

رشا: والله محسيت على روحي طولت بنومتي ..

ام مهيمن: والله حقج المرة مترتاح الة بغرفتها .. اني جنت اذا اطلع ببيت ماانام لحد ماارجع لغرفتي ..

المرة بس تتزوج تصير غرفتها مملكتها ..

رشا :والله حجيج صح صارلي هواي منايمة نومة هيج طويلة ..

ضلينة نسسولف ومهيمن يلعب بتلفونة وياكل ..

كملنة ورحت غسلت وانطيت صوفي لعمتي وكمت اشيل بالمواعين ..

ريم فدوة لطولها صايرة مرة عود وتشيل وياي ..
مهيمن اختفة ماعرف وينة ..

غسلت المواعين وسويت جاي وصبيت الي ولعمتي.
احس روحي بعدني منعسة ..

بدلت لصوفي حفاظة وكملت شغلاتي .. عمتي راحت نامت هية وريم ..

بقيت انتظر مهيمن لل١٢ ومااجة ..
قفلت حيل صعدت لغرفتي نيمت صوفي الي بس مكضيها نوم ... وبليل يكعد اكثر شي بس ميطول يرجع ينام خطية خامل بعدة ..

تحضرت ولبست ومكيجت .. بقيت انتظرة لل١ ونص وماكو..

غفيت واني اباوع للساعة ..فزيت على طبكة الباب باوعت للساعة لكيتها ب٣ ونص ..

مهيمن وين جنت ليش لهسة .

مهيمن: وانتي شكو يمة .. وبعدين جنت برة بالحديقة ادخن ..

رشا :ادخن !! وانت من شوكت تدخن ..

مهيمن :عجبني ادخن عندج مانع ...

رشا :لا ماعندي .. مهيمن شنو مشكلتك ..ليش هيج وياي .. نسيت حبنا ..

مهيمن :اهوووو حتبدي باسطوانتها القديمة ..

رشا: شنو اسطوانة انت شايف روحك .. هاي تصرفات واحد مشتاق لمرتة صارلها اشهر بعيدة عنة ..طلع من طلعو .. حطيت صوفي بكريكوتة بعد مارضعتة .... وضل صافن بالسكف ...اني غفيت ... مدري شكد نمت فزيت لكيتة غافي بمكانة خطية ..

نزلت اسوي عشة واحضرة .. صارت ب٨ عمتي جاعت ومهيمن مااجة ..

رشا: عمة مهيمن مااجة ..

ام مهيمن: لا ميجي كال معزوم برة على عشة ...

رشا: انهضمت منة ... بس مابينت لعمتي ادري بيها حست بية لان تصرفات مهيمن بالنفر مني صارت واضحة حيل..

سويت عشة وتعشينة اني وعمتي وريم ....

خلصتركل شغلي وصعدت حضرت فراش الي يم ريم ..

رحت فرشت يمها بدون متدري هية لان جانت غافية ..

هية مرات تنام بغرفتها ومرات تغفة يم عمتي اعوفها بس اعدل نومتها ..

فرشت وكملت ونيمت صوفي باوعت لساعة ب١١ ولهسة مهيمن مااجة ..

رحت بدلت هدومي لان توصخن من الصبح لهسة بيهن ..

ورجعت للغرفة بعد مالبست تراك بيت عادي ..

طبيت بفراشي واني ميتة نعس منايمة قبل يوم والنهار كضيتة شغل ...متت هلكت ..

نمت نومة كلش عميقة .. حتة صوفي ماعرف شوكت رضعتة شوكت نيمتة بليل ..

كعدت على صوت صوفي يبجي باوعت الساعة ب٩ الصبح .. كمت بدلتلة حفاظتة وسويتلة ممة وضليت اهز بي بالكريكوت .. والله بعد بيها نومة البيت نظيف وعمتي مو هسة تكعد ..

رجعت كملتها محسيت غير على دفرة بخاصرتي شاغت روحي بيها ..

رشا :اااخ يمة .. شبيك تخبلت انتة .

مهيمن؛ كومي نايمة للظهر شعندج ... جايبج هنا تنامين .

رشا: شبيك انتة ماعندي شي بيت نظيف وطبخ موجود زاد من البارحة ..

مهيمن :حتة لو تكومين تكعدين وتنجبين .

رشا: اني مو خدامة افتهمت ..

مهيمن: لا خدامة ونص وشوكت ميعجبني اعتبرج زوجة .. وهسة يلا بسرعة كومي نزلي سويلي زقنبوت ..

رشا :كول من البداية هيج .. ماكو داعي تتجاوز ..

مهيمن :اتجاوز وبكيفي كومي ولي بسرعة اريد اولي ..

رشا :ماحجيت كمت اخذت صوفي الي سودة علية فز من عيطتي لما ضربني مهيمن ..

نزلت غسلت وانطيت صوفي لعمتي الي مستغربة شغلي الي مورم من البجي ومخنوكة حيل ..

ام مهيمن: عمة تحملي .. الله يهدي الج هذا ماسمعتي مرت عدي شكالتلج ..

رشا :عمة تعبت ليوين اضل اتحمل .. كلبي خلص .

ام مهيمن: ياعيني مو كالتلج الولد مشرب ومو بوعية ..اتحملي بس لحد مااشوف حل الة .. لا تتخلين عنة اتحملي لخاطر بنتة وابنكم ..

رشا: هوة متحملة لحد مااشوف تاليتها واعرف منو الي ورة هاي السالفة ...

سويت الة اكل جانت الساعة ب١٢ ..
صحتلة ونزل اكل وصعد بدل واجة كاشخ والعطر يكفخ ..

حزت بكلبي ماسألني ليش نايمة بغرفة ريم ...جنت متمنية الكة اثر لمهيمن حبيبي بهذا الوحش الي كبالي ..

مر اليوم بملل عجيب .. مالي خلك ابد ونعسانة ..
بية حالة محلوة من انقهر اكوم بس انعس ..

صعدت نمت بفراشي الي بغرفة ريم ...
صوفي ضل يلعب حللت كماطة كلت من يبجي اكعد ارضة وانيمة عدل ..غفبت وحسيت بعيطتة كمت باوعت الساعة ب ١١ ونص ... يعني اني نايمة بس نص ساعة ...

نيمتة وكمت اشوف مهيمن اجة لو بعدة ..
باوعت من الشباك الفوك الي يطل على الطرمة لكيت سيارة موجودة يعني هوة هنا ..

رحت اتصنت بالغرفة اريد الكف طرف خيط بس ..
بس جانت الغرفة هدوووء مو طبيعي بس صوت شخرتة ..

فتحت الباب وجريت موبايلة من الشحن الي محطوط بالنقطة القريبة عل الباب ..

سحبتة وركضت لغرفة ريم ..
لكيتة طافي ... اشوفة نايم اثاري مخلص شحن ..

فتحتة وحاولت ادك الرمز بس مافتح ...طلع مغيرة ..

اجت ببالي فكرة ..رحت جبت تلفوني .. وسحبت الشريحة ودخلتها بجهازي ..

وحملت البرامج الي مرتبطات بالشريحة ...
فتحتهن على الخط لان هوة عندي ...

المفاجأة فتحن كلهن وطلعت رسأئل كومة الة بس كلهم شباب .. الة وحدة مكتوب اميرتي ..

كلبي وكف بس قريت الاسم ...دخلت على المحادثة

شفت الكلام كلش مقرف .. كلام استحي اسمعة مو اكولة ..

حتة تفاجأت بكلام مهيمن عبالك ابن شارع مو دكتور ومثقف ..

كمت اصعد بالرسائل .. واني معدتي صارت تكلب من القرف الي اقراه ...

وصلت الصورة لجسم ... وراها صورة صدر ..

ضليت اصور بجهازي المحادثات والصور اسحبهن ..

اخر شي وصلت لصورة شلت حالي .. وخلتني افقد النطق الثواني .. اذاني اسمع صوت صفارة بيها واني اشوف كبالي الي خايني زوجي ..

هية سجى مرت عماد ...