آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-04-22, 10:10 AM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  لك_في_خفوقي_حب_ما يمحيه_الزمن Part 19 . . . . . . . اليوم الثاني.. فيلا بو عبد العزيز كانو قاعدين بالصالة يتقهو والهدؤ مسيطر ع الجو لانه كل واحد ع جواله بو عبدالعزيز تنحنح : حلا بنتي صبي لي قهوه أم عبدالعزيز : انا بصب لك اعطيني الفنجان بو عبدالعزيز : لا ابي عروستنا حلا هي يلي تصب لي حلا ناظرت فيه بصدمه ، ام عبدالعزيز ضحكت : وش يلي عروسه ي بو عبدالعزيز ؟ بو عبدالعزيز : حلا امس تقدم لها عريس و انا وافقت ! حلا حست قلبها طاح وامتلت عيونها بالدموع مجرد م فكرت انه خسرت سيف ! غلا : عريس ؟ مين هو ي بابا ؟ بو عبدالعزيز : والله رجال م ينرد أم عبد العزيز : لا بنتي صغيره مو حق زواج بو عبدالعزيز لف ل حلا : ها موافقه؟ غلا وهي تحاول تعرف اذا سيف ولالا : طيب من هو وش اسمه أم عبدالعزيز : لا ي بو عبدالعزيز م صدقت بنتي رجعت من لندن الحين تتزوج ، انا اقول مو وقته م شبعت منها والله غلا ضحكت : يمه خلينا نفتك منها أم عبدالعزيز : قاعده ع راسك هي ؟ غلا ضحكت بصوت: احبها و اموت فيها وابي لها السعاده هنا ولا بيت زوجها حلا كانت بعالم ثاني مو مركزه معاهم فقدت الامل بالزواج من سيف بلعت ريقها و ناظرت ابوها : وش اسمه ي بابا ؟ بو عبدالعزيز ابتسم : سيف ال* غلا لفت بسرعه ل حلا و هي مبتسمه اما حلا حست عصافير قلبها طارت ورفرت بالجو من الفرحة حاولت تمنع الابتسامه لكن م قدرت بو عبدالعزيز : انا عطيته موافقتي لانىِ اعرف ابوه لكن قلت له القرار لك أم عبدالعزيز: استخيري ي يمه وبعدين قولي قرارك هذا زواج مو لعب حلا هزت راسها : ان شاء الله بو عبدالعزيز : ترا يبي المِلكة الجمعة الثانية . . . عند جود صحت من النوم وهي تحس راسها بينفجر اساسا هي م تحب نومة العصر ابدا لكن نامت من الطفش ، قامت من سريرها اخذت لها شاور وطلعت غيرت ملابسها رفعت شعرها ونزلت الصالة شافت لينا بيدها كتاب وتقرأ : مرحبا لينا لفت لها و ابتسمت : جود ي اهلين جود جلست جنبها : شو عم تقراي كتاب ؟ لينا : انا كتير بحب اقرأ كتب بتعلم اشياء كتيره جود : معك حق ، ذكرتيني ب ريلام كان عندهم مكتبة كبيرة ببيتهم وكنت دايما باخذ تاب من عندها و بس خلصه برجعه وباخذ غيره لينا : احكي لي عن لندن و كيف تعرفتي ع جاسر وكيف حبيتو بعض و تزوجتو جود تربعت جنبها وهي مبتسمه من طاري لندن : لندن كتير حلوه وبتجنن او بالاصح ريلام وحلا هم يلي حلّو لندن ، نحنا التلاته عشنا مع بعض اكلنا و نمنا وسهرنا مع بعض فرحنا وبكينا مع بعض عشنا وجعنا وفرحنا مع بعض نحنا مو بس صديقات نحنا اكتر من إخوات لينا : لهالدرجة تحبيهم ؟ جود : اكتر م بتتخيلي بحبهم اكتر من حالي لينا : شوقتيني اشوفهم جود: تعي معي يوم الجمعة لعرس ريلام لينا : رح اجي ان شاء الله جود : رح تحبيهم كتير تخيلي بس شوفتهم تنسيني كل وجع و الم عشته لينا غمزت لها : و جاسر م بينسيكي جود ضحكت : لا هم غير لينا : طيب انتِ و جاسر كيف حبيتو بعض ؟ جود: قصتنا قصه لينا وقفت : استني لا تحكي رح روح ساوي لنا قهوه تركيه بتحبيها ؟ جود ضحكت : ايه بحبها ساوي لينا : من عيوني جود وقفت : رح اجي ساعدك مشو مع بعض للمطبخ، جود سحبت كرسي وجلست : لينا بدي اسالك انتو بالشركة بتحتاجو موظفين ؟ لينا : لا ، ليه عم تسالي في حدا بدك توظفيه ؟ جود : والله انا بدي اشتغل ضاق خلقي من البيت و اكتر الوقت بقعد لحالي لينا : طيب خبريه لجاسر وهو بيوظفك منه تتسلي و منه تكسبي خبره جود : ماشي لينا : هيك احسن بتشتغلي قبل م تجيبي ولاد جود كحت : لا م رح جيب ولاد لينا : لسه امبارح جاسر قالي رح سمي بنتي عليكي جود ضحكت : والله انا مو خرج كون أم ابدا لينا : م بتعرفي يمكن تكوني افضل ام بالدنيا كله ! . . فيلا بو بتال كان في هدؤ مو طبيعي وكانه هدؤ م قبل العاصفة ! بتال صار له اربع ايام م رجع ع البيت ابدا وكانه يعاقبهم ! بالصالة ، أم بتال كانت تشوف مسلسلها بهدؤ و سحر جنبها ع الجوال سمعو باب البيت ينفتح ثواني و دخل بتال بخطوات هاديه شاف امه و سحر بالصالة : السلام عليكم أم بتال : وعليكم السلام ، وينك ي يمه مختفي سحر : شغلت بالنا عليك بتال جلس جنب امه : اخبارك يمه ؟ أم بتال بحزن: يمه يلي تسويه بنفسك حرام بتال تنهد : ومو حرام يلي سويتوه فيني سحر : ريم وش ذنبها حرام يلي تسويه فيها ترا صارت ورده ذابله بتال وقف : مالي شغل فيها انتو يلي اجبرتوني اتزوجها مو انا ! تركهم و طلع غرفته اول م فتح الجناح شافها واقفه عند الشباك كانت لابسه قميص ابيض لنص الساق ، لفت عليه بهدؤ و م عطيته اي اهميه اخذت جوالها من ع التسريحه و جلست فوق الكنبة : تذكرت انه عندك بيت ؟ بتال فتح زراير ثوبه : متذكر من زمان بس م ابي ارجع للنكد ريم : م لاحظت انه انت النكد بحد ذاته بتال رص ع اسنانه بقوة وقرب لها : وش قصدك ؟ ريم تكتفت : ولا شي انت فاهم بتال مسك يدها بقوه و وقفها : من الاخر وش تبين ؟ ريم سحبت يدها : م ابي منك شي بتال : اجل هذا شكل وحده تستقبل زوجها؟ ريم : وش تبي مني استقبلك بالاحضان و انت بقلبك وحده ثانيه شاغله تفكيرك كل الوقت ي ليت بس تستاهل هالحب كله ! بتال شد ع يده بقوة وقرب لوجهها ، لدرجة ريم حست وجهها انحرق من حرارة انفاسه : ثاني مره لا تجيبين طاريها فاهمه ولالا ؟ ريم بعدت عنه وحاولت تمنع دموعها : ليش هالكثر قلبك يعورك من طاريها ؟ بتال بلع ريقه وحس احد يخنقه : لو تقدرين تشوفين الوجع يلي بقلبي كان زوجتيني اياها ! قآلُوآ صِفْ لَنآ ألَمَ الفُراق ، قُلتُ أُم تَنتَظرُ الجَنِينَ تِسعَةَ أشْهُر ، ثُمّ تُنزِلهُ مَيّتاً هَل يُوصَفُ ألَمُهآ . . . عند ريلام كانت قاعده بغرفتها اول م شافت رساله حلا صرخت وحطت يدها ع قلبها عناد طلع من الحمام : خير وش في ؟ ريلام من الفرحة وقفت و حضنته : سيف تقدم ل حلا وابوها وافق عناد ابتسم : مبروك ع البركة ان شاء الله ريلام : ي قلبي ي حلا بتتزوجين عناد : ترا اغار ريلام عقدت حواجبها : من شنو تغار ؟ عناد لف يدينه حول خصرها وسحبها لصدره : من حُبك ل حلا و جود ريلام ضحكت : تغار منهم من جد ؟ عناد وهو يلعب بخصلات شعرها : ايه والله لانك تحبيهم بزياده و عيونك تلمع لما تتكلمين عنهم ريلام باست اسفل خده : وقلبي يلمع لما اشوفك و انطق اسمك عناد : ترا حركاتك تجنني شوي شوي ع قلبي ريلام ابتسمت : صح هم شي كبير بحياتي وهم قلبي لكن انت دقاته ولو توقفت دقات القلب مات الانسان و انا الحين من دونك اموت عناد ضمها لصدره : بسم الله عليك ، لا تنطقين اسم الموت .. شالها لحضنه وجلس ع الكنبه و نيمها ع فخذه وصار يلعب بشعرها : قولي لي مرتاحه بهالبيت ؟ ريلام : يكفي انه انا وياك مع بعض والباقي سهل عناد : اممم وشو الباقي ريلام ناظرت عيونه وضحكت : خالتي شيخة اوقات احسها بتضربني عناد ضحك بصوت : لا تخافي ترا امي طيبه بس طبعها صعب وانا متاكد انه بيجي يوم وتحبك ريلام رفعت يدينها : ي رب بس يجي هاليوم احسه متاخر مدري ليه عناد غمز لها : انتي احملي وهي بتحبك لانه بتجيبي لها حفيد ، ها وش رايك ؟ ريلام قامت وحطت يدها ع خصرها : لا والله م ابي عيال لسه بدري عناد خق ع حركتها : ترا حركاتك اموت عليها .. وصار يدغدغها بكل مكان.. ريلام كانت تصرخ : لا عناد لااا سعود كان طالع من غرفته وسمع صياحها وضحكها همس : لا حول الله ، الله لايبلانا بس وش هالتربية ! . . عند حلا خلصت من صلاتها ورفعت يدينها وهي تدعي ربها انه يوفقها مع سيف ويكتب لها الخير .. قامت فسخت لبس الصلاة و اخذت جوالها و اتصلت ع سيف ثواني وجاها الرد : ي هلا بقلبي حلا فز قلبها ونبض بقوة : انا موافقة وبكلم ابوي الحين سيف ابتسم: هذا احلا خبر سمعته بحياتي حلا ابتسمت : بسالك ليش اخترت الجمعة الجاية ملكتنا ؟ سيف : مو متذكرة ليش حلا وهي تخاول تتذكر لا هو عيد ميلادها ولا عيد ميلاده : لا ابدا سيف : بهالتاريخ شفنا بعض لأول مره بالجامعة ، هالتاريخ مُميز بالنسبة لي عشان كذا حبيت ملكتنا تكون بنفس هالتاريخ حلا ابتسمت ابتسامه نابعة من قلبها : لو تدري شكثر احبك والحين شكثر زاد هالحب سيف : ترا اتهور و اخلي ملكتنا الحين حلا ضحكت : ترا تسويها ادري انك مجنون سيف : مجنون حلا ، عاد شسوي اخذتي عقلي مو بس قلبي حلا كانت بترد بس دخلت غلا وبصوت عالي : مين تكلمين ؟ حلا كشرت : هشش غلا : اممم حبيب القلب حلا همست : الله ياخذك فضيخه انتِ سيف ابتسم : و انتِ بعد حبيبة قلبي حلا م عرفت وش تقول : خلص باي سيف : صح م شبعت منك بس يالله بعوض يوم الجمعة بس اشوفك ، فمان الله ي عروق قلبي حلا سكرت و خدوها حمرت من الخجل غلا حطت يدها ع خصرها : وش قالك ؟ حلا جلست ع السرير : ولا شي غلا : علىِ هالحركات ناظري وجهك كيف صار لونه حلا مسكت وجهها : وش فيه ؟ غلا : احمر من كلام الحب حلا حطت راسها ع المخده : والله احبه و اموت فيه شسوي غلا فتحت عيونها : لسه م تزوجتي وصرتي مهووسه ب سيف! حلا : اوف غلا ترا ناشبتني فوق راسي غلا : بالله قولي لي وش قالك حلا : مو شغلك غلا : حلاوي حلا : نعم غلا : لهالدرجة تحبينه ؟ حلا اخذت نفس عميق : اكثر من اي شي بالدنيا احسه شي كبير وغالي ، احبه للدرجة لما اسمع صوته احس قلبي يرفرف وكانه رجع لي السمع بعد فقدانه . يَ صفاء اذآني بَعد سمَاع هالصوتْ❤ فيلا بو بتال بعد م بتال طلع ريم كانت نايمه ع السرير و تبكي تحس كلام بتال جرحها ومو اي جرح اندق الباب مسحت دموعها وقامت فتحت : هلا سحر سحر : ريم وش فيك ليش تبكين ؟ ريم : ادخلي سحر دخلت وسكرت الباب : خير وش صاير ؟ ريم جلست فوق السرير : بسألك شي مهم سحر: خير خرعتيني ريم : بتال متى تعرف على عليا ؟ سحر : وش هالسؤال ، عليا ماضي و انتهى ريم ضحكت ب استهزاء : اي ماضي انتي الثانيه ترا بتال للحين يحب عليا ويموت فيها واليوم تاكدت من هالشي سحر : مدري وش اقول بس جلس معاها ٣ سنوات وبعدها اهلي رفضو الزواج وهي بس عرفت تركته بنفسها وترا عليا انخطبت لولد جارهم ريم بصدمه : انخطبت ! سحر : ايه يعني خلص وبعدين هي و بتال قصتهم انتهت من زمان ريم : بس انا تعبت و افكر بالطلاق! سحر : لا عاد جنيتي ريم : بتال جرحني وجرح مشاعري و كبريائي سحر : بتال مجروح كوني انتِ علاجة ريم : وش يلي علاجه وقلبه معلق بوحده ثانيه ، بتال تحول لوحش بس تدرين نيالها عليا على هالحب! . فيلا بو محمد هاجر نزلت وشافت أم محمد تتقهوي لحالها ، جلست جنبها بهدؤ : هلا خالتي أم محمد : اهلين ي بنتي وينك تاخرتي ؟ هاجر : كان عندي غسيل و خلصته أم محمد : بسالك الجمعه خلص عرس عناد اكيد هاجر : ايه خالتي بيسوها بالحوش أم محمد : م شاء الله ع زوجة عناد جمالها طاغي الكل هاجر حست بغيره : لا احسها عاديه مره أم محمد : وين عاديه ي بنتي طول و جمال وجسم وشعر ، الله يهنيهم ي رب هاجر من دون نفس : امين أم محمد : طيب نسوي شي للعرس ولا كيف بتسون ؟ هاجر : لا خالتي م بنسوي شي ريلام قالت عمتها بتسوي لها كل شي وبالنسبة للاكل رح يسون بوفيه مفتوح أم محمد : والله هالناس ذوق هاجر حست انها بتنفجر من كثر المدح قامت وصبت لها قهوه عشان تهدأ شوي ! اليوم الثاني عند ريلام صحت من القيلوله اخذت الجوال وكانت الساعه ٤ونص فتحت عيونها بصدمة و قامت بسرعه غيرت ملابسها و جاها اتصال ابتسمت وردت : هلا عمتو حبيبتي الهنوف : انا تحت ي قلبي لا تتاخرين ريلام : الحين بلبس العبايه و نازله .. سكرت منها وهي مبسوطه هاليوم رح تشتري فيه فستان عرس والاكثر فرحه انه عمتها وبنت عمتها معاها بكل خطوه ، لبست العباية و حطت الشيله ع رقبتها و نزلت كانت شيخه ونجود و ريهام قاعدين بالصالة شيخة : على وين ان شاء الله ريلام : بطلع مع عمتي الهنوف شيخة : م عندنا بنات يطلعون لحالهم فاهمه ولالا ؟ ريلام : قلت مع عمتي وبعدين لا تنسين بعد بكرا عرسي يعني في اشياء كثيره لسه م سويتها ريهام : وين بتروحين ؟ ريلام : م ادري عمتي قالت لازم اللبس فستان عرس وبعدها بتاخذني مشاوير شيخة :وبعدين انتِ طالعه من دون نقاب ؟ ريلام : انا م اللبس نقاب شيخة : لا عاد زودتيها كثير ، وعناد وش رايه ؟ ريلام اخذت نفس : هذي انا ريلام الماسي م رح اغير شي من شكلي ولا طبعي عشانك ، وعناد حبني و انا من دون حجاب ، باي .. اشتعلت نار بداخل شيخة ، زفرت نفسها بقوة : هذي م تستحي نجود : خالتي اتركيها بحالها زوجها راضي وش دخلنا نحنا ريهام : ايه يمه عندها زوج و عناد راضي خلص شيخة : اكيد مسوية له شي الله لا يوفقها بس ريهام : بس يمه حرام لا تدعي غلى خلق الله .. ريلام طلعت وحضنت عمتها : كيفك ي عمتو الهنوف : بخير ي قلب عمتك ندى ضمتها : يلا لا نطول ورانا مشاوير كثيرة ريلام : وين بنروح ؟ الهنوف : اول شي انا صممت لك فستان و ان شاء الله يجي مقاسك ريلام بفرحة : جد والله ؟ الهنوف : ايه كم عندي بنت اخ انا ندى : و بنروح نشوف المصورة و بعدها الورد وبعدها زفتك ترا سوينا لك زفه ب اسمك انتِ و عناد ريلام دمعت عيونها من الفرحة وهي تشوف اهلها حواليها و يجهزو لها كل شي : الله لا يحرمني منكم الهنوف : والحين بنمر على خواتك الجميلات حلا و جود ريلام شهقت : رح يجو ؟ كيف و شلون مين كلمهم ندى وهي تسوق : ماما سالت فيصل عن كل شي و هو كلمنا عليهم وعشان تكمل فرحتك بتجهيز عرسك كلمناهم و ووافقو ريلام : الله لا يحرمني منكم ، صرت احبكم اكثر و اكثر وينكم من زمان بس ، الهنوف : اهم شي تكوني مبسوطه ريلام : ي ليت ماما نوره تكون موجوده اشتقت لها كثير الهنوف : ابتسمي لانك يوم الجمعة رح تكوني أجمل أميرة وبعدين انا عندي لك مفاجأه يوم الجمعة . العَائلة اهم شي بالوجود لانهم حلاوة الايام و دواء الألم وبلسم ل اوجاعنا . . . . نتوقف هنا... تفاعلوا يـ جميلين 🤍 | ||||
|  |
|
06-04-22, 10:13 AM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لك_في_خفوقي_حب_ما يمحيه_الزمن Part 20 . . . . . اليوم الجمعة ، يوم العرس حوش الفيلا كان مرتب بطريقة كلاسيكية، الطاولات مغطين بالحرير وكل طاولة فيها ورد طبيعي و شمعدان و توزيعات ب اسم عناد و ريلام ، البوفيه ع الجنب وفيه جميع المأكولات و المشروبات مما لذ وطاب ، السجاد الأحمر مفروش من عند الباب للكوشة وحوالينه ورد طبيعي و شمعدان طويل ، كان في شاشات كبيرة رح تعرض زفة ريلام من اول م تطلع من غرفتها . ب احدى الطاولات ، هيّا كانت قاعده وهي تحس داخلها نار من جمال التجهيزات وغير كذا الزواج انعلن للكل كان عندها امل صغير انه شيخة ترفض لكن حست املها انهدم عليها . بالغرفة ريلام كانت واقفه وتناظر نفسها ابتسمت وهي راضيه عن شكلها حلا و جود دمعو عيونهم وهم يشوفوها ، ريلام لفت لهم : ليش الدموع ع اساس اول مرة اتزوج كل يلي بالغرفة ضحكو و ضمتهم الثنتين : يالله شكثر احبكم و اموت عليكم ندى وقفت : اقول بس بس احضان كل شوي تحضنو بعض الهنوف : اتركيهم ي يمه هذي عشرة عمر و صحبة الغُربة جود كملت : و اهل ل لي فقد اهله الهنوف وقفت وحضنتهم الثلاثة : الله لا يحرمكم من بعض و الله انه انا فخورة فيكم مدري ليه ريلام : الله لا يحرمني منك ي عمتي ي ليت عرفتك من زمان ، احس كل شي فيك يشبه ابوي حتى كلامك و نصايحك الهنوف اخذت الكيس و طلعت علبه كبيرة سوداء من المخمل فتحته ومديته ل ريلام : هذي هديتي ي قلبي .. كان طقم الماس من جماله ابت العيون ان ترمش ريلام : هذي هديه كبيرة الهنوف اخذته ولبستها : انتِ الشي الوحيد يلي بقى من صالح ، تستاهلين عيوني مو طقم ريلام ضمتها وباست راسها : تسلمين اندق الباب و دخلت ريهام و سحر و نجود و ريم حتى هيّا طلعت معاهم لانه الفضول ذابحها ، وكلهم بصوت واحد : هااي ريلام لفت لهم : هايات ريهام فتحت فمها : واو وش ذه الجمال كله سحر : ماشاء الله ترا غطيتي علينا كلنا ريلام ضحكت : ي قلبي انتو شكرا ريهام : معليش ع الفضول بس الطقم ذهب ابيض ؟ ريهام : معليش ع الفضول بس الطقم ذهب ابيض ؟ ريلام خطت يدها عليه : لا ، هذا الماس عمتي هدتني اياه نجود : لبس العافيه حبيبتي مرره حلو ريم : م عرفتينا هذو مين ؟ ريلام : عمتي الهنوف و بنتها ندى ، و جود و حلا يلي عشنا مع بعض ب لندن ريهام : ي حظكم عشتو ب لندن بعدين ي رلوم بخليكي تحكي لي عن ايام لندن ريلام ضحكت : ولا يهمك جاء صوت من وراهم : بنتي الحلوه كبرت و تزوجت ريلام شهقت : ماما نورة .. مشت وحضنتها بقوة : اشتقت لك كثييير متى رجعتي من مصر ؟ نوره : واصله من المطار لعندك الهنوف : مو قلت لك في ضيف رح يجي هي نوره ريلام ابتسمت بحب : يالله شكثر فرحانه فيكم . هيّا وهي تدري انه امها متوفيه بس حبت تجرحها عمداً : امك وينها ليش م حظرت؟ ريلام : امي توفت و انا بعمر صغير و يلي ربتني ماما نوره وجلست معاي لين كبرت ولا تركتني ابدا ، وبعدين هي مصريه لكن صارت تتكلم مثلنا لانه لها ٢٤ سنه عايشه معانا . الباب اندق و دخلت وحده من عاملات الحفل وبيدها باقة ورد كبييرة باللون الأحمر مدتها ل ريلام ريهام : قلبي بيوقف اليوم من وين ذه الورد ؟ ريلام و هي تقرأ الكرت : ي قلبي ي عناد شكثر احبك سحر : والله ويطلع مع ولد عمي طلع رومنسي ريم ضحكت : هذا يلي يقولون عنه قاسي و م يبالي ل احد ريلام ضمت الورد : ي ويلكم ع زوجي لا تقولون عنه كذا هيّا حست قلبها انفطر من الحزن يلي داخلها سحبت نفسها و طلعت من الغرفة وهي تمسح دموعها ! الهنوف : ترا صار وقت الزفة لا نتأخر ريلام : شكلي تمام نجود وهي تعدل شعر ريلام : قمر ي عمري ندى : نحنا ننزل قبل عشان المصورة تبدا تصورك وتطلعين بالشاشات ريلام اخذت نفس تهدي من خوفها : اوكي جود : لا تخافي انتِ اليوم اميرة حلا : بسم الله عليك الله يحميك من عيون الحاسدين . . . بعد مرور خمس دقايق اشتغلت الشاشات و بدت تعرض صور ريلام وعناد ، و طلع صوت عناد وكان له صدى بكل مكان ، ريلام تلفتت بصدمه وابتسمت اول م القى شعر بصوته لها : اضحكِ يا جعل ايام عمرك تساهيل ضحكتك دار .. و شاعرك فاقد الدار يا جعل دارٍ ضمتك .. ترتوي سـيـل و يا جعل من جابك يحرم عن النار ! ريلام مسحت دموعها و اخذت نفس عميق ابتدت الزفة و طلت بكل جمالها نزلت الدرج و انفتح باب الحوش وطلت فوق السجاد الأحمر و اشتغل البخار و عبى الأرضيه كلها ، كانت تمشي بخطوات هاديه وهي مبتسمة للكل و الهواء يلعب بشعرها كانت مثل الأميرة م ينقصها الا أميرها بجانبها جمالها و جمال عيونها لفت أنظار الكل ، الهنوف مسحت دموعها وهي تشوف ريلام كانت تتمنى صالح يكون موجود بهاليوم . ريلام وصلت لكوشتها و جلست وبداو الحريم يسلمو عليها و يباركو لها . بدت اغاني رقص و الكل قام و رقص ، كل البنات كانو مبسوطين حلا مسكت يد ريلام وبدت ترقص معاها هي و حلا . أم سيف كانت من المعزومين ابتسمت وهي تشوف حلا همست : عرفت تختار ي سيف .. لفت ع شيخة : اقول شيخة والله ولدك عرف يختار ماشاء الله على هالجمال الهنوف كانت معهم بنفس الطاولة و ابتسمت بحب وفرحة ل ريلام شيخة وهي تداري الوضع : ايه صح عرف يختار ام سيف : ي حظ عناد فيها والله هيّا سمعتهم وهم يمدحوها لانها كانت بالطاولة يلي جنبهم ، حست بالحره والغيرة وقفت ومشت ناحية ريلام مدت يدها من دون نفس وقربت تسلم عليها: مبروك ، لكن م سالتك تدرين انه انا حب عناد الأول ! ريلام رمشت عيونها من الصدمة و من جرأتها اخذت نفس و بعدت شوي عشان تناظر عيونها : ليش م تزوجك ؟ ليش م مسك يدك و تحدى الكل عشانك ، حبيبتي لا تفكرين انه بهالطريقة بتفرقي بيني و بين عناد و ثاني شي لا تلحقين رجال م يبيك و لا يحبك و لاتخطرين على باله اساسا ، لا تنزلين نفسك أكثر م انتِ نازلة ! الساعة ١٢ ليلاً فيلا بو بتال دخلت جناحها بسرعة فسخت عبايتها وقفت قدام المرايه بدت تشيل حلقها وسلسالها ، رفعت عينها للمراية و التقت عينها بعين بتال يلي كان واقف ع الباب ومسند نفسه عليه ، كان يناظرها ب اعجاب او بالاصح هذي اول مره يشوفها لابسه فستان قصير و ماسك ع جسمها و مبين تفاصيله ، لفت عليه : خير وش تناظر بتال : اناظر زوجتي وش فيها ؟ ريم ضحكت بسخريه : لا تناظر تمام بتال قرب لها : لا تخافي م بسوي لك شي لانك م تحركي فيني شعره ! ريم حست انها انطعنت بظهرها : م ابي اشوفك و ي ليت تنام برا الغرفه بتال فسخ شماغه و رميه ع الكنبة: هالغرفة غرفتي و هالسرير سريري ترا انتِ الغريبه بهالغرفه ريم بلعت ريقها بقهر ومن كلامه يلي يجرحها : ترا زودتها كثير ي بتال بتال حط راسه ع المخده: تعبان و ابي انام ريم : انا فكرة كثير ابيك تطلقني ! بتال كان ساكت و لارد ريم : م تسمع انت خلص انا مليت بتال : جت منك ابشري ب يلي تبيه ريم م توقعت بيوافق بهالسرعه اخذت نفس : عندي لك خبر حلو بمناسبة طلاقنا بتال لف لها و انتظرها تكمل ريم : البنت يلي تحبها و تموت فيها ترا انخطبت و بكرا ملكتها طاح الجوال من يد بتال و وقف : وشو ؟ ريم : يلي سمعته ي بتال عليا بكرا بتصير زوجه للشخص غيرك بتال حس بقهر ونار اشتعلت داخله ريم كملت : لو كانت حبتك من قلبها م كان تزوجت ي حسافه عمرك يلي قاعد تضيعه بس بتال رفع يده وعطاها كف بكل م لديه من قوة وبفحيح : سكتي لا تقولين كلمه ريم حست وجهها انشل من الكف رفعت عيونها ونزلو دموعها ، دموع وجع والم وحسره بتال حاول يهدي من نفسه : يكفي يكفي، ثاني مره لا تنطقين اسمها لا تقولين شي عنها ، ارحميني انا تعبت و الله تعبت ! . . بعد م الكل مشي ريلام طلعت غرفتها كانت بتفسخ فستانها لكن تراجعت عشان عناد يشوفها ، وقفت عند المرايه عدلت مكياجها و رشت من عطرها يلي يحبه عناد ماهي الا ثواني و انفتح الباب و دخل عناد ، لفت عليه ريلام و ابتسمت : اهلين حبيبي عناد خق ع جمالها بالفستان قرب لها ومسك يدينها وباسها من بين عيونها : سبحان يلي جملك بهالجمال ريلام ابتسمت : يعني عجبتك ؟ عناد : من يوم يومك وانتِ عاجبتيني و داخله قلبي ريلام حطت كف يدها ع وجهه: الله لا يحرمني منك وبعدين وش هالشعر يلي يدخل القلب عناد : تستاهلين كل القصايد ، انا صرت م احس بكلام القصايد الا يوم شفتك و حبيتك وقتها قلت هذي هي يلي يقولون الشاعر م يصير شاعر الا عشان جمال عيونها ريلام : ترا كلامك يذوب قلبي شوي شوي عليه عناد سحبها لحضنه : والله انتِ يلي شوي شوي على قلبي ريلام : اجل خليني افسخ الفستان و ارجع لك عناد : لالا وش تفسخينه ؟ ريلام : ترا طويل وتعبت منه عناد غمز لها : يلي اعرفه انه العريس هو يلي يفسخ لعروسته الفستان ريلام خبطت كتفه : عناد خلص .. حاولت تنفك منه بس م قدرت ، عناد مسك خصرها بقوه وسحبها ل حتى انصدمت بصدره : والله مو قادر اترك كل هالجمال ريلام ابتسمت بخجل و باست اسفل خده : ولا انا عناد حط راسه عند رقبتها استنشق ريحة عطرها وباسها بقوه : يبقى الشعور المُنتظر لقاكِ وحضنكِ و استنشاق ريحتك. . . . نتوقف هنا... تفاعلوا يـ حلوين ❤ | ||||
|
| |
|
06-04-22, 10:22 AM
| #23 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لك_في_خفوقي_حب_ما يمحيه_الزمن Part 21 . . . . . اليوم الثاني ريلام حطت جوالها وقامت غيرت ملابسها لبست بنطلون جينز ابيض و قميص اصفر تركت شعرها مفتوح و نزلت .. دخلت المجلس وكانت شيخة و نجود و ريهام يتقهو ويناظرو مسلسلهم ريهام اول م شافتها : هلا هلا تعالي قعدي معانا ريلام جلست : هلا فيك ي قلبي ريهام : تصدقي ريلام من شوي كنت اكلم وحده من صحباتي وطول الوقت نازله مدح فيك ريلام ابتسمت : ي عمري ريهام : معاها حق والله كنتي امس تهبلين جمالك غطى عن الكل شيخه وهي تشرب القهوه : كانك زودتيها شوي ريهام : لا والله الحق ينقال ريلام وهي تلعب بشعرها : شدعوه خالتي كاني مو عاجبتك ؟ شيخه : على شنو على الشعر يلي فيه بروتين وصبغه ولا العدسات يلي من وقت جيتي م شلتيهم ! ريلام ضحكت : اول شي شعري م فيه بروتين ناعم من ربي ولونه طبيعي مو صبغه و هذا لون عيوني مو عدسات نجود : من جد هذا لون شعرك ؟ ريلام : ايه والله يعني ي خالتي كله طبيعي شيخة كانت تناظرها وهي رافعه خشمها وتدقق بملامحها صح حلوه لكن مو هذي البنت يلي تبيها ل عناد نجود : تصدقي ي ريلام حبيت اهلك كثير ترا طيبين و ينحبو ريلام : ي قلبي هذا من طيبة قلبك .. لفت ل شيخة و كملت : خالتي ابي اقولك شي مهم شيخة : خير ! ريلام : هيّا شيخة ارتخت ملامحها : وش فيها هيّا ؟ هذي أجمل البنات ريلام : اجمل البنات بعينك، قولي لها توخر عني ولا تقرب صوبي و صوب عناد ترا انا مو طيبة للدرجة بسكت على وقاحتها ! شخية : وش هالكلام احترمي نفسك ريلام : كنت ادري انك كنتي تبيها ل عناد ، لكن هي تمادت وبدأ الشيطان يدور في راسها المهم قولي لها توخر عني انا و عناد عشان مصلحتها ! . عند جود.. كانت جالسه بغرفتها فوق الكنبة و ع الابتوب ، اخذت نفس و بدت تسوي لراسها مساج من قوة الصداع يلي داهمها .. انفتح الباب و دخل جاسر.. جود رفعت راسها و ابتسمت : اهلين جاسر جاسر تقدم لها وجلس جنبها باس خدها من دون اي مقدمات : مشتاق لك جود رجفت يدينها ورجعت تشوف ع الابتوب جاسر اخذ نفس و ناظر الشاشه عقد حواجبة وهو يقرأ .. لف ع جود : انتِ تدورين وظيفة! جود : ايه لانه بدي اشتغل و اعتمد ع حالي جاسر : كان خبرتيني و وظفتك عنا بالشركة جود : سألت لينا وقالت هالفترة مو محتاجين موظفين جاسر : طيب تعالي بكرا وبعطيكي وظيفة جود : لا جاسر م بدي جاسر : ليه ؟ مو انتِ تدوري ع وظيفه ؟ جود : بدي اشتغل و اتعامل ك موظفة مو زوجة انت رح تجاملني بالشغل منشان هيك قدمت بوحده من شركات ريلام لانه بدي اتعلم الشغل صح و اعتمد ع حالي جاسر : طيب بشركتي ع الاقل بكون جنبك و بساعدك جود : لا جاسر معليش لا تزعل جاسر مسك يدها : ليش ي جود بدك تبعدي عني كل هالبعد ، قبل م نتجوز كنا قريبين من بعض اكتر من هسه جود : انا م بدي ابعد عنك انا بس بدي اعتمد ع حالي ، من يوم ماتو اهلي وريلام هي يلي عم تصرف علىِ هلئ جاء الوقت يلا لازم وقف ع رجولي وشوف الحياة و اشتغل و اتعلم اشياء جديده خلص ايام الجامعة و لندن انتهت جاسر : انا م قلت لك لا تشتغلي بالعكس انا بدي اياكي تتعلمي من الشغل و تكتسبي خبرات ، بس ع الاقل كوني معاي جود اخذت نفس : م بدي ي جاسر لا تزعل مني جاسر مسح ع وجهه : ليه ي جود ليه بس ؟ جود : لانه بس كون معاك بضعف و انا بدي كون قويه جاسر ناظرها : و انا بقربك بصير اقوى لانه بحبك ! أخـبـروه .. بأنني .. حاولت أن أفعل كل شئ ليعرف كم أنا أحـبـه لكنه لايفهمني .. . بعد مرور يومين .. الساعة ١٢ الظهر ريلام صحت واخذت جوالها فتحت عيونها بصدمه وهي تشوف الساعة .. فامت بسرعه غسلت وجهها وغيرت ملابسها و نزلت المطبخ : صباح الخير شيخة : الا قولي اذن الظهر ريلام : معليش راحت على نومه شيخه : لا كل يوم نفس العذر ترا خلص شهر العسل انتهى ريلام : خلص خالتي ادري تاخرت بالنومه شيخة : اسمعي ي بنت الناس الدلع يلي كنتي عايشتيه زمان انسيه فاهمه ريلام : اوف خالتي يلي يسمعك يقول مدري وش سويت وبعدين ماني مجبورة اصحى من ٧ الصبح شيخه كتفت يداتها : محد قالك تتزوجي عناد فاهمه تحملي يلي بيجيك الحين نجود : خلص استهدو بالله م صار شي ريلام : ترا انا م قلت شي هي يلي نازله فيني تقولو مدري وش سويت ! شيخة : اسمعي من بكرا الطبخ عليك لمده اسبوع فاهمه ! ريلام : بس انا م اعرف اطبخ خالتي شيخة : تعلمي ريلام : اتعلم على نفسي مو ع البيت كله نجود : خلص انا بساعدك شيخة : لا انتِ عليك تنظيف البيت ريهام : انا بنظف ونجود تساعد ريلام شيخة : اجل بكرا الساعة ١٢ الغداء جاهز ريلام بهدؤ : ان شاء الله شيخة طلعت من المطبخ وهي تحس انها انتصرت ع ريلام .. نجود مسكت ريلام من كتفها : بتتعودي شوي شوي ريلام جلست فوق الكرسي و نزلو دموعها : انا وين كنت و وين صرت ! ريهام : م عليه ريلام عشان نكسر الشر ونبعد عن المشاكل ريلام مسحت دموعها : انا بس حبيت عناد وهذي النتايج بدت تطلع شوي شوي م اقول الا الله يصبرني ! وَ يبقى الماضي روايه جميله لآ تتكرر أبداً .. ~ فيلا بو بتال بتال من يومين صار ينام بالمجلس و تارك ريم لحالها بالغرفة ، ندمان انه مد يده عليها ويبي يعتذر لها لكن م قدر يتنازل و يعتذر .. ريم اخذت قرار الطلاق بجديه لكن للحين م كلمت احد تبي ترتاح كم يوم وبعدها تتكلم وبدت تجمع اغراضها شوي شوي .. بالمطبخ .. سحر جالسة فوق الكرسي و تسولف وريم تسوي نسكافيه وشارده مو مركزه معاها ابدا ، اخذت الغلاية وصبت المويه للكاسة امتلت الكاسة و انحرقت يدها كلها بالمويه ، رمت الغلاية للأرض و صرخت بكل صوتها سحر وقفت وبخوف : ريم انتِ بخير؟ ريم وهي تبكي وتحرك يدها : يدي يدي سحر وهي تشوف يدها وطبقة الجلد انشالت كلها : لازم اسعاف .. وبدت تصرخ و تنادي امها بتال كان داخل البيت وسمع صراخها جري للمطبخ : خير وش صاير سحر : ريم انحرقت يدها لازم تاخذها المستشفى بتال انتفض كله وقرب لها مسك يدها : ريم انتِ بخير؟ سحر اطلعي جيبي عبايتها بسرعه ريم كانت تبكي و م قدرت تهدي نفسها من قوة الوجع بتال لبسها العباية : لا تخافين ريم انا معاكِ ، ريم رفعت عيونها رغم الألم يلي فيها الا انه صدمها بكلمة "لا تخافين أنا معاكِ" بالمستشفى بعد مرور ساعة .. دخل بتال عند ريم وهي نايمة ع السرير ويدها ملفوفه بشال .. سحب كرسي و جلس جنبها : الحمدلله ع سلامتك ريم بهدؤ : الله يسلمك بتال : الدكتور طمني و قال الحمدلله مع كريمات وجلسات ليزر بترجع يدك مثل قبل ريم : عادي مو مهم اذا ترجع مثل قبل او لا بتال اخذ نفس : توجعك مره ؟ ريم رفعت عيونه و ناظرته : عشت اصعب من هالوجع بتال غمض عيونه وشد ع يده وفهم قصدها انه الكف ، لاول مره من ست شهور مد يده ومسك يدها وهمس : ريم ريم نزلت عيونها بصدمة وهي تشوف يده يلي ماسكه يدها بتال : انا وياكي يبي لنا جلسه طوويله لحتى نتكلم عن كل شي ريم : مافي شي نتكلم عنه، انت مديت يدك وهذا شي كبير بتال : اسمعيني ي ريم ترا يلي عشته مو سهل ين.. ريم قاطعته : م يهمني وش عشت فاهم ، ع العموم ابي ارجع لبيت اهلي احس انىِ تعبانه و ابي ارتاح و ي ليت ورقة طلاقي توصلني بتال تنهد : يلي تبيه ! أن يبقى القلب فارغاً تماماً أفضل من أن يمتلئ بشيء خاطئ وهمي أو مؤقت، ليبقى فارغ فحسب. 🤍 اليوم الثاني .. ريلام صحت ع المنبه الساعة ٨ قامت بصعوبه لانها نعسانه ، دخلت الحمام توضت و طلعت صلت الضُحى بس خلصت صلاتها غيرت ملابسها وقربت شوي من عناد وباست خده عناد صحي ع بوستها و ابتسم : على وين ي حلوه ؟ ريلام : ناسي انه اليوم بطبخ عناد ضحك : ي لبيه الطباخه اجل اليوم باكل اصابعي ريلام : لا تتمسخر عناد سحبها لحضنه : بس مو كانه الوقت مره بدري ! م رح تطبخي خروف ريلام وهي تلعب بشعره : م قدرت انام الليل خايفه عناد : ودي اجي و اساعدك ريلام : لالا وش يسكت خالتي بتسوي لي فضيحه عناد ضحك بصوت : لهالدرجه مُتعقده من امي ريلام تنهدت : والله ي عناد حبك هو يلي خلاني متمسكه بهالبيت عناد : طفشتي ؟ ريلام : مو قصة طفشت بس قاعده اعيش حياة صعبه فيها طبخ و تنظيف و شغل ، انا م تعودت على هالعيشه بس عشانك وعشان هالحضن .. حطت راسها بحضن عناد و كملت : مستعده اتحمل كل شي ، ترا ريحتك تنسيني مين انا عناد ضمها لصدره بقوة : اخخ بس ، ي محلى الصباح لما يبتدي فيك و ارتوا عيوني بعد شوفتك و ي صفاء اذاني بعد سماع صوتك ريلام ابتسمت رفعت راسها وباسته : و يلوموني ليش أحبك ، ترا أنت مُعجزه من ربي و انا كل يوم اشكر ربي عليها عناد ابتسم بحب : تنهيّدتك ، صوتك الذي يترنم بمسامعي وهذِه اللهفة التي تشتعل بقلبينا معًا، أحبّها جدًا وأحبّك. ❤️ عند حلا كانت جالسه بالمطبخ وتساعد امها هي و غلا حلا : يمه اليوم بطلع المول مع ريلام و جود و غلا أم عبدالعزيز : اي ساعه بتروحين ؟ غلا : بنطلع بعد صلاة العصر تدرين في اشياء كثيره لازم نشتريها عشان الملكة أم عبدالعزيز : بنتي كبرت و صارت عروس حلا ابتسمت بخجل : شفتي ي يمه غلا وهي تضحك : عقبالي يااارب أم عبد العزيز : م تستحين انتِ ؟ غلا : هههههه اساسا مين قال انا بتزوج انا م رح اتركك ابدا اذا لندن م رحت ادرس فيها عشانك ي يمه ، انا م اقدر اعيش من دونك أم عبدالعزيز دمعت عيونها : الله لا يحرمني منكم انتو عيوني حلا : ي قلبي ي يمه غلا : يمه مو ناويه تزوجي عبدالعزيز ؟ أم عبدالعزيز : والله ودي لكن هو قال مو وقته حلا : ي ليت جود م تزوجت كان خطبتها له أم عبدالعزيز : كل واحد ياخذ نصيبه ، الا من جد شخبارها جود ؟ حلا : بخير الحمدلله بس احسها تعبانه او طفشانه شكلها م حبت الرياض أم عبدالعزيز : كل شي مُختلف عليها هي و ريلام صح بيواجهو صعوبات لكن بيتعودو مع الأيام ! فيلا بو جاسر جود كانت بغرفتها تصلي الظهر، خلصت من صلاتها وفسخت لبس الصلاة وقفت عند الشباك وهي تناظر السماء بهدؤ .. انفتح الباب و دخل جاسر : السلآم عليكم جود لفت و ابتسمت : و عليكم السلام جاسر : الله لا يحرمنا من هالابتسامة جود ابتسمت اكثر وهي تحس براحه من شوفته جاسر قرب لها : اول مره اشوفك بهالابتسامة من يوم جينا الرياض ! جود : يعني م بدك اياني ابتسم جاسر باس خدها : ابتسمي ي قلبي والله انها هالابتسامة بتزرع ورد بقلبي جود لاول مره فتحت يدينها وضمته بقوة ، جاسر فتح عيونه من الصدمه لكن رفع يده وضمها همس عند اذونها : جود جود وهي حاضنته : لا تقول شي انا محتاجه لهالحضن . أحتاج منك أن تكون معي دائماً و في الوقت الذي ينساني الجميع فيه، وأن تُحبني في اللحظة التي أكره فيها نفسي، وأن تكون ملاذي حين افكر في الابتعاد والعزلة .! عند ريلام كانت واقفه عند الفرن وتقلب اللحم لفت ع نجود : خلص صار مستوي و الرز جاهز بعد نجود : ترا تعرفي تطبخي ماشاء الله ريلام : ترا الكبسه تعلمتها من حلا و التبولة من جود وشوربة العدس كنت دايما احب اسويها ل بابا الله يرحمه نجود: الله يرحمه ريلام صبت لها مويه وجلست فوق الكرسي : نجود نجود لفت لها : هلا ريلام : ليش احسك هاديه مره او زعلانه م ادري اوقات اقول يمكن تعبانه او متضايقه ! نجود : هذا انا من طبعي هاديه ريلام : حتى سعود هادي نادرا م اشوفه يتكلم نجود تنهدت : ايه هذا سعود وهذا طبعه ريلام : بسالك تزوجتي سعود عن حب ؟ نجود ابتسمت بحزن : لا زواج تقليدي خالتي شيخه هي يلي اختارتني ريلام : كيف قدرتي تتزوجي شخص م تحبينه ؟ نجود : تعودت وحبيته بعد الزواج لكن سعود طبعه جدا صعب ريلام : معليش سالتك اشياء م تخصني بس حبيت اتعرف عليك اكثر نجود : لا ي قلبي عادي ، بسالك انتِ و عناد كيف تعرفتو على بعض ؟ ريلام ابتسمت : اول مره شفت فيها عناد بالمطار وقتها نفث دخان السيجاره ع وجهي من دون لا يعرف وبنفس اللحظه بابا غاب عن الوعي وعناد هو يلي ساعدني وبعدين عرفت انه معنا بالجامعة لما التقينا بعدين حبينا بعض من دون لا نحس نجود ابتسمت : بس عناد طبعه صعب ! ريلام : ايه حتى انه عانيت منه كثير بسبب لبسي وشكلي نجود : انتِ من جد م كنتي مُحجبه ؟ ريلام : ايه ، وللحين كمان ! نجود بصدمة : كيف يعني ؟ ريلام : انا بس احط الشيلة ع راسي لما اطلع مع عناد ، اساسا م تحجبت نجود : انتِ عارفه وش تقولي ! خالتي لو تدري ولا احد من العايله يشوفك بتصير مشكله ي ريلام ريلام عقدت حواجبها : انا لو بتحجب بتحجب عشان ربي مو عشانكم ! نجود : الظاهر طريقك طويل ي ريلام لسه م شفتي شي اذا هذي البدايه ! بعد مرور ساعتين .. ريلام حطت راسها ع المخده وهي حاسه بتعب صاحية من ٨ لكن الحمدلله الأكل كان لذيذ و م عليه اي ملاحظة .. عناد دخل الغرفة وشافها نايمه ابتسم ونام جنبها وحضنها من وراء وباس نحرها ريلام صحت ع بوسته وضمت يدينه اكثر : حبيبي عناد : تسلم يدك الحلوه ع الاكل ريلام لفت عليه وهي مبتسمه : يعني حلو ؟ عناد : كيف مو حلو و انتِ يلي طابختيه ريلام : هالاسبوع كل رح اطبخ عناد : ليه ؟ ريلام كشرت : أوامر عُليا عناد ضحك بصوت وفهم قصدها : امي طلبت منك ؟ ريلام : ايه ، المشكله انا م اعرف اطبخ غير الكبسة مدري وش بسوي ! عناد : م عليه تعلمي شوي شوي ريلام : انا بطلع مع حلا و جود عشان حلا بتجهز لملكتها عناد : انا بوصلك ي قلبي ريلام : مافي داعي هم رح يمروني بالسايق حق حلا عناد : لا انا بوصلك خلص ريلام: ليه طيب وش فيها ؟ عناد : م احب تركبي مع سواقين ريلام : م فهمت يعني اي مشوار ابغى اروحه بتوصلني ؟ عناد : ايه ي قلبي انا بفضى لك ب اي وقت تبينه ريلام غمضت عيونها وهي تحس بضيق : اجل بقولك شي ثاني عناد : آمري ريلام : سيارتي يلي هي هديه من ابوي الله يرحمه بكراج عمي صلاح ابغى اطلعها و اكون اسوق فيها و اقضي مشاويري بنفسي عناد اخذ نفس : اسمعي ريلام سواقه لا ! ريلام بهدؤ : كيف يعني ؟ عناد : لو سقتي م رح اسكت من لسان اهلي وكل الناس ريلام وخرت من حضنه وجلست : يعني طلعه مع سواق لا اسوق كمان لا وش هالعيشه ؟ عناد: ريلام لا تكبرينها وهي صغيره ريلام نزلت دموعها : بس انا مو متعوده على هالعيشة ي عناد عناد: ريلام ترا كلها سواقه وبعدين كيف بتسوقي و انتي مغطيه وجهك تبي تسوي حادث ! ريلام ناظرت فيه بصدمه : بس انا م اغطي وجهي ي عناد وانت تدري عناد : بتغطينه مع الايام ريلا ضحكت بسخريه : اذا حجاب م اتحجبت اشلون بغطي وجهي ؟ عناد اخذ نفس وقام من السرير : تجهزي بسرعه عشان اوصلك المول ريلام : عناد قاعده اكلمك عناد : ريلام لا تضغطين علىِ يلي فيني مكفيني ريلام : وش فيك كلمني عناد قرب لها ومسك راسها وحطه ع صدره باسها بشعرها : مافي شي يجي بيوم واحد انتِ تزوجتيني وتعرفين عاداتنا م عندنا مره تسوق وتطلع و وجهها مكشوف ، سكري على هالسالفة ! عندما تحب تعلم كيف تعيش مع الحب ، لكن ان تتزوج من تحب عليك ان تعلم ان يوما ما سوف تتنازل عن اشياء كثيره ! . . . انتهى التنزيل .. تفاعلو عشان هالاسبوع انزل بارتات توقعاتكم للجاي ؟ | ||||
|
| |
|
06-04-22, 10:40 AM
| #24 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لك_في_خفوقي_حب_ما يمحيه_الزمن Part 22 . . . . . بعد مرور ساعه عناد طلع قبل ريلام شغل سيارته و انتظرها تنزل ، ريلام لبست عبايتها و حطت الشيله على وجهها طلعت من الغرفه وكان سعود طالع من غرفته ، طنشته ونزلت الدرج لكن وقفها صوت سعود الحاد : على وين ؟ ريلام لفت بهدؤ : تكلمني ؟ سعود وهو يتلفت بسخريه : في احد غيرك ؟ ريلام : خير وش تبغى ؟ سعود : قلت لك على وين ؟ ريلام : عفوا مين انت عشان اقلك وين رايحة ! سعود : اسمعي ي بنت الناس هالعايله لها سمعتها بين الناس .. ريهام طلعت من غرفتها و قطعت كلامه : ريلام ريلام لفت لها : هلا عمري ريهام : وين رايحه الحين ؟ ريلام : تدرين ملكة حلا يوم الجمعة و طالعين نجهز لها ريهام : اها اجل بأجل روحة بيت عمي بو محمد ل بكرا عشان تجين معايا ريلام : ليه وش صاير ؟ ريهام : ريم انحرقت يدها ريلام : ي عمري م تشوف شر ريهام : اجل لا تتاخرين باي ريلام : باي ..طلعت ونست ترد ع سعود ..فتحت باب السيارة و دخلت و تنهدت تنهيده طويله عناد شابك اصابعه ب اصابعها الصغيره وباس يدها : ي جعل عيونه م تشوف الفرح يلي خلاكي تتنهدي هالتنهيده كلها ريلام لفت عليه بصدمه : كأنك تدعي على نفسك بس بطريقة غير مباشرة عناد ضحك بصوت : اجل زعلانه مني ؟ ريلام سحبت يدها : عناد ولا كانه صار شي قبل شوي ؟ مسوي نفسك ريلاكس ! عناد اخذ نفس : لاني اخاف عليك افهميني بس ي ريلام ريلام : تخاف ؟ عناد : طيب مع الايام بتفهمي لكن م يهون عليا زعلك قولي لي وش تبين ورد ولا قهوه ادري تحبيهم مره ؟ ريلام ابتسمت بحب : ابي قهوه لاني احب ريحتها لكن ب استبدلها بحضنك وانا اشم ريحتك ، والورد استبدله ب بوسه منك ها موافق ؟ عناد ابتسم بعيون تلمع حب : ي جعل عيونك م تشوف غير الفرح ي قلب عناد . . . فيلا بو محمد .. أم محمد بحزن : يمه يدك تعورك مره اخذتي مسكن ولالا ريم ابتسمت لها : يمه انا بخير مافيني شي لا تخافي أم محمد : والله قلبي طاح من مكانه لما سمعت الخبر هاجر : لا تخافي خالتي هذي هي جنبك و بخير نجود: طيب كلمي بتال تنامين اليوم عند امي عشان تطمن عليك تدرين امي خوافه أم محمد : الا عيالي والله مدري وش يصير فيني لو سمعت فيهم شي ريم : ي قلبي ي يمه انا بخير والله و اطمني اكثر انا م رح امشي بجلس هنا هاجر : ع اساس بتال بيخليكي ريم بلعت ريقها و ناظرت امها : يمه أم محمد : ي عيون امك ريم : انا طلبت الطلاق ! الكل ناظرها بصدمه .. ام محمد : وش تقولين ؟ ريم : مثل م سمعتي أم محمد : جنيتي مالك سنه متزوجه ! ريم : قبل شوي تقولي م يهون عليك وانا مريضه اجل يهون عليك اتعذب كل يوم وعذاب ماله دواء ؟ أم محمد : لا ي بنتي لا تخربين بيتك و تدرين انه طلاق مافي نجود : وش يلي صار لحتى تطلقو ها ؟ ريم : من البدايه زواجنا غلط وانتو تدرون بهالشي أم محمد : ابوكي و عمّانك م رح يرضون و انتِ تدرين صح ؟ ريم : ادري و ابيك تساعديني أم محمد : اساعدك بخراب بيتك ؟ ريم نزلت دموعها : اي خراب ي يمه ! من الأساس مافي بيت لحتى يخرب أم محمد : شيلي فكرة الطلاق من بالك فاهمه ولالا ريم وقفت بتعب : بروح انام أم محمد : النوم مو مهرب ي بنتي ريم : ع الاقل ننسى لو ساعات قليله من الألم يلي نعيشه ! طلعت الدرج و دخلت غرفتها ورجعت لها ذكريات كثيرة ، جلست على كنبتها يلي تحبها فتحت الشباك و استنشقت هواء .. مر ببالها بتال ابتسمت بحزن وهي تتذكر يوم زواجها كان يوم خالي من اي مشاعر، بتال تركها ف ليلة الزواج ونام برا الجناح و م رجع الا العصر عشان يزورون اهلهم م اهتم لمشاعرها و لحزنها يلي عشته في يوم عمرها ، مسحت دموعها وهمست : ي رب عوضني خير في كل يلي عشته . . . المول.. الساعة ٧ بعد م خلصو تسوق جلسو بكافي عشان يسولفو مع بعض .. جود اخذت فنجال القهوه : يالله اشتقت كتير لقعدتنا مع بعض حلا : ايه والله من زمان م جلسنا مع بعض وسولفنا احس انىِ محتاجه لكم ريلام تنهدت : انا مشتاقه بس ل لندن و ايام لندن حلا : خير وش صاير معاكي ؟ ريلام : ولا شي حلا : كل هالتنهيده ولا شي صاير ؟ جود : تزاعلتو انتِ و عناد ؟ ريلام : م ادري حلا : شكلها السالفه طويله ريلام : م عاد عرفت عناد تغير كثير كل شي ابيه يقول لا و انا تعبت اذا هذي البدايه وش بيصير بعدين ! جود : شو صاير بينكن ؟ ريلام : طلب مني اغطي على و جهي و رفض انه اطلع سيارتي من الكراج و اسوق قال عيب حلا : طيب اصبري عليه شوي لا تنسي انه انتو مختلفين بكل شي ريلام : هذا كله كوم و امه كوم ثاني جود ضحكت : شو فيها حماتك ؟ ريلام : هالاسبوع عطتني دور طبخ حلا : ليش انتِ تعرفي تطبخي لحتى تعطيك ؟ ريلام : اشوف بالنت و اطبق تخيلو اصحي من ٨ الصباح عشان اللحق اخلص على اذان الظهر ، انا قاعده اعيش ببيت كل شي فيه مختلف م تعودت على هالعيشه جود : اطلعي انتِ وعناد لبيت لحالكم ريلام : ي ليت بس اهله م رح يوافقو حلا سرحت : معقوله سيف يتغير بس نتزوج ريلام مدت يدها ومسكت يدها وابتسمت : ترا سيف يحبك واهله بعد يحبوكي ليش تخافين اذا عندك القبول من الكل حلا : مافي مثل حب عناد لك تزوجك رغم رفض امه و اخذك للبيت و دخل عليهم و هو ماسك يدك وفخور فيك ريلام : انا صابره عشان حبي له وحبه لي ، اشوف الحب بعيونه وبحضنه الدافي احبه كثير وهذا يلي يصبرني على كل شي جود : الله لا يحرمكن من بعض حلا : يوم الجمعه تعالو من الصباح تمام جود: اكيد ي قلبي انا كم عندي حلا ريلام : انا يمكن اجي بعد الغداء م اقدر من الصباح حلا : يلي تشوفيه ي قلبي اهم شي م يأذن العصر الا و انتِ ف بيتنا ريلام : ولا يهمك ي حلاوي. من زاويه قريبه منهم ، رفعت الجوال وهي مبتسمه بخبث ولقطت صورة ل ريلام والشيلة نازله ع رقبتها وشعرها طالع .. نزلت الجوال و هي تفكر وش تسوي بالصورة ترسلها لعناد ! ولا عناد بيسكت لانه يحبها و لا ترسلها ل سعود لانه لا يمكن يسكت على هالشي ! ولا تنتظر كم يوم وترسلها ! . . اليوم الثاني .. فيلا بو محمد الكل كان موجود عشان ريم ، ريهام اخذت صحن حلا وبدت تاكل : واو طعمه يهبل هاجر : مو ع اساس رح تنحفي ؟ نجود : تصدقيها انتي محد يخلص النوتيلا الا هي ريهام : شفيكم والله احب الاكل حاولت كثير بس م قدرت ريلام : هههه لازم تقطعي الحلويات ريهام : ترا كل م اشوف جسمك اقول بنحف عشان اصير مثلك بس م اقدر ريلام : ي قلبي اجل بخليك تنحفين على يدي ريهام : امانه قولي وش بتسوي ؟ ريلام : بعطيك نظام غذائي صحي مافيه حرمان ابدا بس تقللين الكميات و كمان نسوي رياضة انا وياكي ، ها وش رايك ؟ ريهام قامت وحضنتها : احبك ريلام ريلام : و انا بعد ، بس ها في اشياء لازم تبعدي عنها ع الاقل انزلي ١٠ كيلو وبعدين ارجعي لها ريهام كشرت : مو قلتي مافي حرمان ريلام : مافي حرمان لكن النوتيلا والبطاطس مو كل يوم تاكلين ريهام : ولا يهمك اهم شي انحف سحر: اجل نشوف النتيجه متى ؟ ريلام : شهر وبتكون نازله ٤ كيلو هاجر بسخريه : ليكون انتِ مدربة رياضة ؟ ريلام : لا لكن عندي خبره بهالمجال ، م تشوفين جسمي كيف ممشوق و وزني مثالي ! هاجر : مو ذاك الزود ريلام ابتسمت : افا مو ذاك الزود ! اجل خلي خصرك بس يصير مثل خصري سحر ضحكت بصوت : ضحكتوني قسم بالله ريلام وقفت : معليش بس وين التواليت ؟ نجود : امشي وعلى يدك اليمين ريلام : شكرا ي قلبي .. مشت ريلام وشافت ريم جالسة بالمجلس عند الشباك و سرحانه .. دقت الباب و ريم لفت بسرعة ريلام ابتسمت : ممكن ادخل ؟ ريم : حياك كنت الحين جايه ريلام : قلتي بتروحين تاخذين المُسكن و م رجعتي ؟ ريم رفعت كتوفها : حبيت اجلس شوي لحالي ريلام : احسك هاديه مره ولا زعلانه مدري بالظبط ؟ . ريلام : احسك هاديه مره ولا زعلانه مدري بالظبط ؟ ريم : الاثنين مع بعض ريلام ابتسمت : اكيد اشتقتي ل بتال انا اقول ارجعي اليوم وهو بعد يكون مشتاق لك وباله مشغوله عشانك ترا اوجاعنا تخف بوجود الشخص يلي نحبه ريم نزلت دموعها بسرعه كلامها جاء ع الجرح ، ريلام استغربت و خافت مدت يدها ومسكت كتف ريم : ريم انتِ بخير ؟ ريم : لا تعبانه وضايق صدري و احس عمري راح كله ظلم ريلام : صاير معاكي شي قولي يمكن اقدر اساعدك ، م بقول ل احد وعد ريم : يمكن تفهميني عشان تزوجتي عناد عن حب ، انا و بتال بس عيال عم مافي شي اكثر من كذه ريلام فتحت عيونها بصدمه : كيف يعني ! ريم : بتال كان يحب وحده قبلي و اهله والكل رفضو انه يتزوجها لانها مو من قبيلتنا و بعدها بسنه تزوجني غصب و انا بعد تزوجته لانه ولد عمي م يصير ارفضه ، توقعت انه بينسى عليا و يحبني لكن للاسف م نساها ابدا ، ومن يوم تزوج عناد انقلبت حالته اكثر وصار عصبي و م يطيق احد ، يمكن ندم انه م سوا مثل م سوا عناد ! ريلام حست قلبها انكسر من كثر الظلم يلي صاير بهالعائله : طيب ليه م تطلبي الطلاق ؟ ريم : طلبت وهو وافق بسرعة وهذا الشي كسرني اكثر ، بس اهلي رافضين الطلاق لانه شي كبير وعيب ! ريلام : طيب بقولك شي يمكن م تفهميه الحين بس بتفرحي بوقته ريم : وشو ؟ ريلام : يمكن هالشي خيرة من ربي انه بتال م قرب عليك و لا لمسك يمكن كان يصير بينكم طفل و ترتبطو ببعض غصب و هالطفل يتربى بعائلة كلها مشاكل هذي خيرة من ربي ، ولا تفكري انه انتِ ناقصه عن عليا لا ابدا يمكن تكوني اجمل منها بكثير بس بتال عشان حبها من قلبه شافها اجمل وحده و م قدر يشوف غيرها ابدا ، هذا الحب ي ريم بس تحبي رح تعرفي وش معناه ترا الحب شي كبير يغير الانسان كثير ويخليه يتنازل عن اشياء كثيره مقابل هالحب . ريم : انتِ وش التنازلات يلي قدمتيها ؟ ريلام : ايشاء كثيره اول شي قبلت انه اعيش مع اهل عناد و انا عندي قصر و فلل كثيره بالرياض اقدر اعيش لحالي وكيف م ابغى لكن تنازلت وعشت معاهم وتحملت مسؤولية كبيره م تعودت عليها بس عشان عناد والشي يلي خايفه منه انه اتنازل كمان اكثر و اكثر ! ريم : مو قلتي عشان الحب لازم نتنازل اجل ليش خايفه ؟ ريلام : في اشياء صعبه نتخلى عنها مثلا انا اسوق سياره اروح مكان م ابغى محد يقولي لا بس الحين كل هذا ممنوع ! بس عشان عناد كل شي يهون ريم : لهالدرجة تحبينه ؟ ريلام : و اكثر بعد ، احب عناد للدرجة انه الحين اتكلم عنه وحس قلبي مُتلهف لشوفته . . الساعة ١١ نجود وقفت : سعود وصل بروح اللبس عبايتي ريلام كشرت انه سعود هو يلي بيوصلهم ، اخذت عبايتها و لبستها سحر: م تغطي وجهك ؟ ريلام : لا ، اغطية لما اكون مع عناد بالاماكن العامه بس الحين ليل وبالسيارة مافي داعي سلمو على بعض و طلعو.. سعود اول م طلعت ريلام شافها بالمراية و تكلم بحده : غطي على وجهك ي بنت الناس ريلام ناظرته بقوة : الدنيا لليل و بالسيارة وتبيني اتغطي ؟ شيخة : اتغطي و خلص م شفنا منك الا وجع الراس سعود لف ع امه : و انتِ الصادقة ريلام بلعت ريقها حست بالقهر لكن فتحت الشباك وسندت راسها وطنشت سعود ولا غطت على وجهها عنادً فيه .. بعد ربع ساعة سعود وقف السيارة بالحوش و ريلام نزلت اول وحده .. دخلت البيت و توجهت للمطبخ صبت لها مويه وهي تحس ضغطها واصل مليون .. طلعت من المطبخ وشافت نجود تطلع الدرج مع بناتها نادتها بصوت عالي : لحظه نجود نجود لفت لها : ريلام ! انتِ وين كنتي مو طلعتي ؟ ريلام تقدمت لها : كنت بالمطبخ اشرب مويه نجود : اها .. تبين شي ؟ ريلام : سعود ! نجود عقدت حواجبها : وش فيه سعود ؟ ريلام : قولي له لا يتدخل فيني انا عندي زوج وزوجي هو مسوؤل عني تمام ، يعني اطلع لحالي اطلع من دون شيله اطلع باي وقت ماله شغل فيني نجود : صاير شي و انا م ادري ؟ ريلام : لا .. تركتها وطلعت غرفتها فتحت الباب فسخت العبايه ورمتها ع الارض ونامت ع السرير وهي تبكي .. انفتح الباب و دخل عناد شافها نايمه بوسط السرير فتح زراير ثوبه ونام جنبها وضمها من وراء باسها بنحرها وهمس عند اذونها : قولي لي وش صار مع سعود ريلام لفت عليه بصدمه : انت .. عناد قاطعها : و انا داخل البيت سمعتك تكلمي نجود خير وش صاير ؟ ريلام مسحت دموعها : م ادري اول م طلعت السيارة يقول غطي ع وجهك وخالتي قالت ماشفتو مني غير وجع الراس احس انىِ مخنوقه ي عناد ، تعبانه من كل شي حولي ! وبنفس الوقت احس انىِ تعبت ! عناد مسح دمعتها وباس عينها : و انا تعبتي مني ؟ ريلام ناظرته بعيون ذابله : انت نقطة ضعفي ي عناد يلي مو قادره اسوي اي شي عشانك عناد ضمها لصدره وهمس عند اذونها : ياكِثرك بقلبّي وياثباتّك ، يشهد الله انىِ احبك كل يوم اكثر و اكثر . الحب شي كبير و عميق، ناس كثير تعيش اجمل قصص الحب ، لكن قليل يلي يستمرو بهالحب و يولدوه ل ابنائهم . الحب والزواج الناجح يبي له صبر ثم صبر ثم صبر . قرائة مُمتعه ، لاتنسو تعلقو ع البارتات 🔥❤ تصبحو على خير 💜 التعديل الأخير تم بواسطة لامارا ; 07-04-22 الساعة 12:07 AM | ||||
|
| |
|
06-04-22, 10:45 AM
| #25 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لك_في_خفوقي_حب_ما يمحيه_الزمن Part 23 . . . . . . يوم الخميس .. الساعة الرابعة عصراً بالشركة .. سعود كان جالس بمكتبة وحوالينه اوراق وملفات كثيره ، صب له قهوه ورجع يشتغل بالابتوب اندق الباب و دخل عناد : السلام عليكم سعود ابتسم : وعليكم السلام عناد جلس ع الكرسي : كيف الشغل معاك ؟ سعود : كويس خير في شي ، مو من عوايدك تجي بهالوقت ! عناد اخذ نفس : اسمعني ي سعود ل آخر شي ولا تقاطعني ي خوي سعود : قول عناد : ريلام زوجتي خط احمر بحياتي ، رجاءً لاتدخل فيها ابدا انا راضي فيها وبكل شوي تسويه و انا مسوؤل عنها مو انت سعود ابتسم بسخريه : جت وشكت لك ! عناد : ريلام اقوى من انها تجي و تشكي لي ، زوجتي فيها قوة ويلي قاعد يصير انها تسكت ع تصرفاتك وتصرفات امي وكلامها بالطالعه والنازله هذا مو ضعف هذا احترام سعود : والمطلوب الحين وش تبي مني ؟ عناد : لا تدخل فيها ابدا سعود : يرضيك انها تطلع كاشفه وجهها ؟ عناد : لا م يرضيني لكن شوي شوي و بتتعود علينا ، لاتنسى انها عاشت كل حياتها ب لندن سعود : شوف من الاخر اذا بكون انا اوديهم مشوار لازم تتغطى فاهم لكن لو معاك انا مالي شغل ، انا م عندي حريم يكشفون عناد وقف : خير ان شاء الله وصلت رساله لجوال سعود من رقم مجهول اخذ الجوال وفتح الرساله عقد حواجبه وهو يقرب الصورة عناد : في شي مهم بالشغل ؟ سعود حط الجوال ع المكتب بقوة : شوف زوجتك هذي يلي تدافع عنها ! عناد اخذ الجوال ، غمض عيونه بقهر وهو يشوف ريلام ومعاها حلا و جود بالكافي وكل شعرها طالع شد ع يده بقوة وناظر سعود : مين رسل هالصورة ؟ سعود : وش دراني لكن بقولك شي زوجتك م رح يجي لك منها الا وجع الراس ! بالبيت .. الصالة ريهام وهي بيدها الورقه وتقرأ : الحين هذا هو النظام ؟ ريلام : ايه مو حلو ؟ ريهام كشرت : حلو بس ليه مو حاطه لي بطاطس سناك بدل الفواكه ريلام ضحكت : قلت لك لازم مبدئياً تشدي ع نفسك عشان تنحفي عشره كيلو وبعدها كولي يلي تبيه بكميات قليله نجود : محد كثري متحمس يشوف ريهام نحيفه ريهام: الحين ي ريلام بصير كذا مثلك نحيفه ريلام : اذا استمريتي و اكلتي اكل صحي ولعبتي رياضه ريهام : ومتى نبدا رياضه ؟ ريلام : السبت ي قلبي انفتح الباب بقوة ودخل عناد ناظر ريلام بحده ريلام لفت وهي مستغربه ليش جاي بهالوقت : اهلين حبيبي شيخه : بسم الله ي يمه داخل من دون سلام ، وبعدين وش يلي مرجعك الحين ؟ عناد تجاهل كل التساؤلات ورجع لف ع ريلام : الحقيني ع الجناح بسرعة ! م عطاها فرصه ترد لانه طلع الدرج ! . ريلام دخلت الغرفة وهو كان معطيها ظهره ويناظر لشباك ريلام : عناد ي عمري في شي ؟ عناد مسح ع وجهه ولف لها ،رفع الجوال بوجهها وكانت صورتها تكلم بحده : وش ذه ي ريلام ؟ ريلام اخذت الجوال بصدمة وهي تشوف صورتها رفعت عيونها ل عناد : تراقبني ي عناد ؟ عناد : هذي الثقه يلي بينا ؟ ريلام: انا يلي لازم اقول وين الثقه ي عناد حاط احد يراقبني لا ويصورني بعد ي خسارة حبي فيك ! عناد مسك كتفها بقوة : ي خسارة حُبك فيني ها ؟ بالاول اسمعيني ريلام دفت يده بقوه : وش اسمع ها قولي مافي مبرر اساسا عناد : هالصورة وصلت لجوال سعود افهمي ريلام فتحت عيونها بصدمه : سعود ! عناد : ايه انا كنت معاه بالمكتب و وصلت له الرساله من رقم مو معروف وكانت صورتك حتى هو انصدم م يدري من مين ريلام جلست فوق الكنبه بصدمه : سعود ! ليش توصل لسعود ؟ ومين رح يصورني ؟ عناد : ريلام ي عمري افهميني بس لازم تغطي ع شعرك لا تكشفيه باي مكان مهما كان السبب ريلام دمعت عيونها : مافي غيرها اكيد هيّا ! عناد : لا تظلمي البنت لو هي يلي صورتك كانت ارسلتها لجوالي ريلام : تدافع عنها بعد ! عناد : م ادافع بس لا تظلميها ونسوي مشاكل مع خالتي ريلام : ترا هيّا شيطان على هيئة انسان عناد اخذ نفس : زودتيها كثير مو قليل بعد ريلام وقفت و ناظرته بقوة : هذي يلي تدافع عنها بيوم عرسنا جت وقالت لي انك تحبها وهي تحبك بعد ، تخيل بس بيوم عرسي وش تتوقع منها ها ؟ عناد انصدم اكثر من الكلام م عرف وش يقول م توقع هيّا بتوصل لها المواصيل ! ريلام : ليش م ترد ها ! خليني انا ارد بدالك بكلمة وحده ي عناد انا تعبت منك و من كل شي حواليك ، و الحين ابي اجلس لحالي عناد : تطرديني من غرفتي ؟ ريلام مسحت دموعها : م طردتك بس حسيت انه وجودك رح يوجع قلبي اكثر ف الاحسن نبعد شوي ! دُموعّ الآنَثىْ أحّرفٌ دَافِئهْ مِنّ كَلِماتٍ مُعقدَه لآ يسّتطِيعُ فَكّهَا إلاَ مَنْ يُحِبُها . . اليوم الثاني .. جاسر : يلا جود تاخرتي جود نزلت الدرج : صرت جاهزه جاسر ابتسم اول م شافها مد يده ومسك يدها بقوة : يلا نطلع .. فتح لها باب السيارة و طلعت جود: شو هالدلع جاسر طلع جنبها و شغل السيارة : ترا انا اذا حبيت حبيت ، بس انتي قلبك القاسي جود ناظرته : شو يعني جاسر : مو راضيه تحني على هالقلب جود : ييي عيلنا ي جاسر ، هلئ رح اتاخر ع حلا ! جاسر : كل مره بيطلع عذر لكن صدقيني صبري بدأ ينفذ جود ضحكت : مو بيقولو بالتأني السلامه وبالعجلة الندامه ؟ جاسر وقف عند بيت حلا : ليه من متى علاقتنا صارت سفر ، هذا المثل بيقولوه بالسفر مو بالزواج جود باست خده ع السريع : بااي .. فتحت الباب بسرعه و نزلت ، جاسر حط يده مكان البوسه و ابتسم .. عند حلا كانت تختار مكياج ناعم يناسب فستانها غلا : حلاوي ترا هذا مره حلو حلا : احترت اقول انتظر جود و ريلام و نختار مع بعض جود دقت الباب و دخلت .. حلا وقفت و حضنتها : جوجو ي قلبي جود : كيف العروسة ؟ حلا ضحكت : مره وحده عروسه جود : هيدا من الفرحة بدي شوفك عروس غلا : ريلام وينها للحين ؟ حلا اخذت جوالها : بتصل عليها و اشوف ريلام كانت بالسيارة وهاديه لا تكلم عناد ولا هو يكلمها ، اخذت جوالها و ردت على حلا : هلا قلبي حلا : وينك ريلام ترا طولتي مره ريلام : هذا انا وصلت ، باي فتحت الباب بتنزل لكن عناد مسك يدها : لحظه شوي ريلام لفت عليه : نعم عناد : مافي بوسه قبل لا تنزلين ولا حتى كلمة احبك ريلام : وش الفايده والقلب مجروح ! عناد : افا بس مجروح مني ي ريلام ، ترا انا عناد يلي تحبينه ريلام : عناد يلي احبه تغير كثير عناد : لا والله م تغير غير شي واحد انه صرت احبك اكثر و اكثر ، مالك حق تزعلين مني لانه مو انا يلي حطيت احد يراقبك او يشوفك وش اسوي مثلي مثلك شفت الصورة و انصدمت . ريلام : انت عصبت علىّ عشان هيّا لكن مو وقته كل هالكلام م ابي اتأخر على حلا عناد اخذ يدها و باسها نزلها وحطها مكان قلبه : والله و يلي خلق سبع سموات انه هالقلب محد استوطنه غيرك . ريلام دخلت عليهم وهي تزغرط رغم انه مالها بهالسواليف لكن تعلمت عشان حلا حلا ضمتها : ي قلبي يلي تعلم الزغاريط ريلام ضحكت : طبعا حلاوي عروس و م اتعلم جود ضمتها : تاخرتي ريلام تنهدت : هذا حال يلي يتزوج حلا : احس في شي من التنهيده هذي كلها قولي وش فيك ؟ ريلام : اليوم يوم ملكتك لازم م نتكلم ب اي شي ثاني ، الحين خلينا بالمكياج و الشعر وكل شي جود : معها حق ريلام حلا جلست ع الكرسي : طيب شوفو انا حبيت هذا المكياج وش رايكم ريلام : حلو مره جود : شعراتك اتركيهم مفتوحين وسوي ويفي بالاطراف غلا : قلت لها نفس الشي عشان الفستان يبي له شي ناعم الخدامة دخلت وحطت صينية العصير .. ريلام اخذت كاسة : يلا ي عروستنا اشربي عشان اعصابك تهدأ ترا متوتره بزياده غلا ضحكت : ترا كل الليل م نامت حلا : كيف انام ؟ والله م جاني نوم احس اليوم العرس مو ملكة بس ريلام : عيشي مشاعرك و استمتعي بهاليوم ترا هاليوم م رح ينعاد ابدا بس رح يخلد بالذكرى . بعد مرور اربع ساعات .. المعازيم بدت توصل وحلا صارت جاهز .. كانت لابسة فستان باللون الكشمير ماسك من الجزء العلوي و مفتوح من تحت برز جمال خصرها و جمال جسمها .. ريلام ضمتها من وراء وهي تناظرها بالمراية : اخيرا ي حلا صرتي زوجة سيف حلا لفت لها : مبسوطه ي ريلام فرحتي كبيرة احس انىِ طايرة بالسماء رغم كل شي مرينا فيه الا انه وفي بوعده جود : الله لا يحرمكن من بعض سيف بيحبك كتير و بيستاهلك و انتي كمان بتستاهليه حلا ضمتهم الثنتين مع بعض : الله لا يحرمني منكم جود : خلص بلا م نبكي و يخرب الميكب ريلام ابتسمت : خلص الحين تزوجنا الثلاث وبنفس السنة جود ضحكت : انا يلي فتحت الباب حلا : ههههه و انا سكرته ريلام مسكت يد جود : جود جود : ايه حبيبتي ريلام : يمكن مو وقته هالكلام بس بلي تسويه غلط ، جاسر يحبك ويبيك زوجة حقيقيه مو بس ع الورق جود نزلت عيونها للأرض و ريلام كملت : ترا انتي تزوجتيه عن حب م وافقتي الا لانك تحبينه وهو بعد يحبك و انتي تدري جود : بس انا خايفه من الزمن خايفه كثير ريلام : نحنا م ندري القدر وش مخبي لنا يمكن عواصف كثيرة راح نواجها، لكن ثقي بالله دايماً بالغرفة .. حلا كانت جالسه الكرسي و كل البنات معاها بالغرفة منتظرين زفتها تبدا و تنزل ل سيف .. ريهام : واو ريلام وش هالجمال ريلام : ي عمري ريهام دايما تخجليني ريهام : والله انا اقول الصدق جود : معها بتاخذي العقل هيّا كانت موجوده لانه انعزمت مع البنات ريلام وصلها مسج و فتحته بسرعه ابتسمت اكثر و اكثر و هي تقراء عناد : ابي صورتك الحين ريلام : لا عناد : افا يرضيك المعازيم تشوفك قبلي ؟ ريلام : ايه عناد : خاطري اشوفك بالأحمر ريلام بققت عيونها : وش دراك لابسه احمر ؟ عناد ضحك : شفت الفستان امس الليل مع الاغراض يلي جهزتيها ريلام ضحكت بصوت و كل يلي بالغرفه لفو عليها ، حلا : اكيد عناد ريلام ضمت الجوال : ايه والله جود : عناد و بعرفة اكيد طلب صورتك ريلام ضحكت : ايه والله ريم : براي ارسلي له دامه يبيك ريلام وقفت وعدلت فستانها الأحمر يلي قماشة من الحرير ماسك ع جسمها ومكشوف اليدين .. مدت الجوال ل هيّا : ادري انه تصويرك حلو ، تقدرين تصورين عن قريب و عن بعيد بكل الأحوال ، صوريني فيديو هيّا اخذت الجوال بيدين راجفه نظرت ريلام م كانت بسيطه كان فيها الف شر : تمام ريلام : فيديو ي قلبي .. حطت يدها ع خصرها ومشت خطوتين فقط و اخذت الفيديو و ارسلته ل عناد .. حركتها و طريقة كلامها اربكت هيّا كثير . ثواني و جاء الرد من عناد : تدرين يحق لي اجي الحين و اخطفك ريلام : والله يحق لك لكن حلا غاليه ع قلبي عناد ارسل لها قلب : متى يجي الليل بس . دخلت أم حلا و دمعت عيونها اول م شافت حلا وضمتها لصدرها : الف مبروك ي قلب امك حلا مسحت دموع امها : ليش هالدموع ي يمه أم حلا : والله احس قطعه من قلبي انشالت ، الله يسعدك ي قلب امك و يوفقك. الساعة الخامسة والنصف .. حلا وقفت ببداية الدرج ابتدت زفتها وكانت تنزل درجة درجة والشمس عاكسه ع وجهها من شبابيك الصالة .. حست قلبها رجف و يداتها ثلجت اول م جت عينها بعين سيف ابتسمت و رجعت كملت خطواتها .. سيف ابتسم اول م شافها وعيونه ابت ان ترمش من جمالها اول مره يشوفها بشعرها م توقعه جميل هالكثر ، تقدم لها ل اخر درجتين كان لابس ثوب و شماغ و عقال ، مد يده و مسك يدها البارده وشد على يدها عشان يحسسها بالأمان ، باس خدها اليمين ورجع وباس اليسار : شوي شوي ع قلبي وش ذه الجمال كله حلا شدت ع يده وريحة عطره ذكرتها ب ايام لندن و عادت لها كل الذكريات . وصلو الكوشه و أم سيف تقدمت و سلمت عليهم الاثنين : مبروك الله يسعدكم ي رب سيف : الله يبارك فيك يالغاليه حلا ابتسمت بخجل : تسلمين خالتي سيف لف لها : اخيرا سمعت صوتك حلا توسعت ابتسامتها اكثر و ناظرت ريلام و جود يلي كانو واقفين جنب بعض فرحتهم م كانت اقل من منها ، اشرت لهم ليش الدموع .. مسحو دموعهم و ابتسمو و تقدمو لها ضموها الثنتين مع بعض حلا : ليش هالدموع لسه م رحت ريلام ضحكت ولفت ع سيف : مبروك ي سيف الله يسعدكم جود : ربي يخليكن للبعض سيف ابتسم : الله يبارك فيكم أم سيف مدت ل سيف علبة حمراء من المخمل فتحتها وكان طقم ذهب .. سيف اخذ السلسال ولبسها رجع لوراء عشان يسكره همس عند اذونها : اخ بس وش ذه الجمال حلا حست رقبتها انحرقت من انفاسها و تحس قلبها بيطلع من مكانه اول مره سيف يكون قريب منها هالكثر لبسها الحلق و الاسواره و اخر الشي الخاتم وباس يدها بشغف ، مسك كتوفها وباسها من بين عيونها .. المصوره كانت تصور كل شي م فوتت ولا لقطه لهم الاثنين حلا اخذت الدبله ومسكت يده باليد الثانيه ولبسته .. سيف قرب لها أكثر وهمس عند اذونها : طلعتي اجمل من الجمال وش خليتي لبنات حواء حلا لفت عليه وهي مبتسمه : كل هالجمال لك وصار حقك سيف شابك اصابعه ب اصابعها : ي جنة قلبي و ي سماء عيني ، أحبك ي حلا قلبي . بوقف تنزيل هنا .. أجبرو خاطري يالتعليقات💜 التعديل الأخير تم بواسطة لامارا ; 07-04-22 الساعة 12:07 AM | ||||
|
| |
|
06-04-22, 10:56 AM
| #26 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لك_في_خفوقي_حب_ما يمحيه_الزمن Part 24 . . . . الساعة ١٢ ليلاً.. دخلت سيارة عناد الحوش وكان معاه ريلام فقط .. و بعدها سيارة أمين وكان معاه الباقي " أمين أخو عناد دكرته بتعريف العائلة لكن للحين م صار له مشاهد بالروايه " ريلام نزلت بسرعة وطلعت غرفتها اول م دخلت ابتسمت وهي تشوف الورد الأحمر ، فسخت عبايتها و شالت الورد وشمّت ريحته دخل عناد ابتسم اول م شافها وكانه اول مره يشوفها بالأحمر كانت جميلة و جذابة للعين قرب لها بخطوات هاديه وهو يمسحها مسح بنظراته ريلام ابتسمت بخجل من نظراته حطت الودر : مو اول مره تشوفني بالأحمر ليش كل هالنظرات ! عناد حط يده ع خصرها و سحبها لحضنه و اليد الثانيه تلعب بشعرها : انا بس ناظرك احسها اول نظره من كثر م قلبي يتلهف انه اضمّك ، جمالك و عيونك وضحكتك كل شي فيك حلو ويجذبني يوم ورا يوم وكل يوم اشكر ربي انه رزقني فيك ريلام ضمته بقوة وباسته تحت اذنه : و انا بعد أحبك و أحبك و أحبك عناد بعدها شوي : خلص افهم راح الزعل ؟ ريلام : امممم يعني راح شوي عناد غمز لها : طيب قولي لي اشلون يروح الباقي ؟ ريلام وخرت عنه بسرعه : خلص خلص مو زعلانه ابدا .. وقفت عند المرايه و بدت تفسخ الحلق عناد باس كتفها وضمها من وراء : تدري وش اتمنى ؟ ريلام رفعت عيونها وناظرته بالمرايه : انت اتمنى و ربي يقدرني احقق امنياتك عناد : مافي غيرك بيحقق لي هالأمنية ! ريلام لفت عليه حطت كف يدها ع وجهها : قول ي قلب ريلام عناد مسك كفها وباسه : ابي منك ولد قطعه مني و منك يحمل أسمي و يشبهك انتِ ! جاسر وقف السيارة و نزلت جود و لينا .. لينا حظرت المِلكة لكن بالليل .. جود : رح تنزل ي جاسر جاسر : ايه اكيد وين بروح هسه ! لينا : تصبحو على خير .. تركتهم و طلعت جود : الجو بدأ يبرد متى يجي الشتاء و تصير الدنيا تشتي جاسر وقف جنبها : بس هنا مافي لا ثلج ولا برد لندن جود كشرت وهي تدخل البيت : عادي طلعت الغرفة ومعاها جاسر فسخت عبايتها و كانت لابسة فستان ابيض ماسك ع جسمها وطوله لحد الركبه وكعب باللون الأحمر مكياجها كان ناعم لكن يلي برزه الروج الأحمر جاسر ابتسمت اول م شافها قرب لها : شو هالجمال كله جود استحت من نظراته شو رايك حلو ؟ جاسر قرب لين صار قدامها و م يفصلهم شي ابدا ، جود بلعت ريقها بخوف وحست انفاسه حرقت وجهها ، جاسر حط يده ع خصرها وضمها لصدره م عطاها وقت حتى ترفض جود هاللحظه تذكرت كل كلام ريلام و اكثر جملة ترددت براسها "جاسر يحبك و انتِ تحبيه ليش تحرمي نفسك منه و تحرميه منك " ابتسمت ورفعت يداتها وضمّته بقوة غمضت عيونها وهي تسمع دقات قلبه وتشمّ ريحة عطره يلي دايماً هالريحه تحسسها بالأمان جاسر ظل دقيقه كامله وهو ضامها لصدره ، باس نحرها وبعدها شوي ناظر عيونها عن قُرب لدرجة كان يشوف انعكاسه بعدسة العين .. همس : عيونك لونهم مثل البحر ومثل البحر م بنعرف شو جواته ! جود ابتسمت نزلت يدها وشابكت اصابعها ب اصابعه : بتتذكر ب لندن قلت لي انه رح تكون معاي وم رح تتركني شو م صار جاسر : ايه بتذكر جود : بعدك عند كلامك صح ؟ جاسر عقد حواجبه : شو في شو صاير ؟ جود ابتسمت وباست اسفل خده : و انا بدي ابدأ عمر جديد معاك وكاني انولدت معاك و رح اتربى بين يديك و بحضنك لانه بحبك كتير و اكتر من حالي و اكتر من كل شي لانك الشخص الوحيد يلي الله عوضني فيه بالدنيا . جاسر توسعت ابتسامته وضمّها بقوة و ضحك بصوت حس قلبه يلي يضحك مو هو من كثر الفرحه يلي عاشها بهاللحظة ويلي تمنى الزمن يتوقف بهاللحظه من شدة جمالها وجمال مشاعرها. "العوضُ الذي يأتي مِن الله - مهما تأخّر - يأتي مُذهلاً .. مُباركًا .. جابِرًا"❤ أحياناً تمر عليك ظروف تشعر أنها لن تنتهي من شدتها وقسوتها ومع مرور الأيام تتلاشى بلطف الله كلما تأخر عليك شيء وطال انتظاره استبشر خيراً وسيأتيك أجمل مما كنت تتخيل وثق بأن ربك لا ينساك أبداً .. وتذكر انه عوض الله جميل يُنسيك كل ألم. صباح يوم جميل تشرق الشمس لتشرق معها قلوبنا ولنبدأ يوم جديد يختلف عن اي يوم مر حتى لو كان بسيط . غلا دخلت الغرفة و بيدها باقة ورد كبيره جدا نادت بصوت عالي : حلا قومي حلا لفت للجهه الثانية : غلا اتركيني نعسانه م نمت الا الفجر غلا : مع حبيب القلب قاعده صح حلا : خلص غلا اف اتركيني غلا ابتسمت : طيب خذي الورد من سيف حلا فتحت عيونها بسرعه و جلست : من سيف ؟ غلا ضحكت عليها : ايه ارسله مع مندوب حلا اخذت الورد و حضنته : ي قلبي ي سيف احبك والله غلا : مالت عليكم بس متى اتزوج و اوريك حلا ضحكت بصوت : اقول اطلعي خليني اتصل عليه و اشكره غلا : طيب بس امي م كذبت يوم قالت قولي ل حلا تثقل ع سيف شوي حلا : م اقدر امووت فيه ترا انفضح بسرعه غلا : الله لا يحرمكم من بعض . عند جود فتحت عيونها بصعوبه ناظرت جنبها و م كان جاسر موجود حست بخوف و قفت بسرعه وفتحت الحمام ولا كان موجود جلست ع طرف السرير و بدت تبكي ! انفتح الباب و دخل جاسر ومعاه الفطور اول م شافها تبكي حط الاكياس بسرعه وضمها : جود شو صاير ؟ جود تعلقت فيه : خفت كتير فكرت انه تركتني ! جاسر حس فيها و بمشاعرها يلي كلها خوف من الحياة ، بعدها شوي ومسح دموعها : انا معاكي و رح احميك ب دمي ، لا تخافي دام انا معاك جود : وبن رحت من ع الصبح جاسر : رحت اجيب فطور .. قرص خدها و كمل : يلا ي عروسه فطورك جاهز جود ضحكت : شو جايب ؟ جاسر وهو يحط الاكل ع الطاولة : كل شي بتحبيه جود ضمته من ورا: بحبك ي قلبي . عند ريلام صحت ع المنبه اخذت الجوال وهي تحاول تفتح عيونها بصعوبه شافت للساعة و كانت تشير ١١ الظهر .. قامت بسرعة غسلت وجهها و غيرت ملابسها و رتبت سريرها .. وصلتها رسالة وكانت من عمتها الهنوف الرسالة : صباح الخير ي بنتي اليوم مريني للبيت ابي اشوفك ضروري! ريلام همست : خير ان شاء الله وش تبي ؟ سكرت جوالها و نزلت بسرعة دخلت المطبخ : صباح الخير ريهام و نجود : صباح النور شيخة : اذن الظهر ريلام : كل م اصبح عليك ي خالتي تقولين اذن الظهر م ادري متى بتردين صباح النور ريهام ضحكت بصوت : والله ي ريلام عليك ردود قويه شيخة ناظرت ريهام : اقول سكتي بس ريلام : ريحة الأكل تشهي وش طابخة ي نجود ؟ نجود : مثلوثه تحبينها ؟ ريلام : انا يلي احبها تسلم يدك ي قلبي اجل بتعلمها منك شيخة : اقول روحي نظفي البيت قبل لا يجون من الدوام ريلام : رايحه ي خالتي بس ع الاقل خليني اخلص النسكافيه ريهام : ريلام متى بنسوي رياضة ؟ ريلام : تصدقي انا قلت اليوم العصر بس عمتي الهنوف رسلت مسج تبيني امر لها ضروري مدري وش تبي ! شيخة : و انتِ كل يوم طالعه ريلام : لا مو كل يوم طالعه ، هي عزمتني وبعدين هي عمتي واجب ازورها و اطمن عليها شيخة : م اقول الا الله يصبرك ي عناد ريلام حطت الكاسا بالمغسله : و انا م اقول الا الله يصبرني عليك ي خالتي يلي تبي تطفشيني باي طريقة ريهام هنا م قدرت تمسك نفسها كانت تضحك بصوت عالي : اخ ي ريلام انتي و كلامك ريلام ضحكت : اقول تعالي ساعديني بالتنظيف احسن م انتي قاعده تضحكي ريهام وقفت : ولا يهمك بس ها انتِ وعدتيني تحكي لي عن ايام لندن ريلام ابتسمت : والله طاريها بس يفرح قلبي شيخة : بسرعه لا تتأخرون ريلام : والله ي خالتي افكر اجيب خدامه وهي تسوي شغلي بصراحه تعبت كل شي اوامر بهالبيت ! بعد مرور اربع ساعات .. كانت واقفه قدام المراية وتحط روج باللون الخوخي ، كانت لابسة جينز ازرق و قميص ابيض رفعت شعرها وناظرته بالمراية : انا جاهزه حبيبي عناد وقف وتقدم لها باس كتفها : وش هالجمال كله ريلام بدلع : طالعه حلوه صح ؟ عناد ضمها: ترا الحين اتهور و م اخليك تروحين ريلام وخرت من حضنه بسرعه ولبست عبايتها : يلا يلا نمشي بسرعه عناد ضحك عليها : م قلتي لي وش تبي عمتي الهنوف ؟ ريلام رفعت كتوفها : م ادري والله حتى انا مستغربه عناد مسك يدها : يلا نطلع .. وهمّا طالعين كان سعود طالع من غرفته وجت عينه على يداتهم يلي شابكين اصابعهم ببعض رفع عيونه ل عناد : مو جاي الشركة ؟ عناد : جاي بس بالاول بوصل ريلام لبيت عمتها سعود بهدؤ : خير ان شاء الله شيخة كانت جالسة بالصالة و تتقهوى .. سعود باسها براسها : تامرين بشي ي يمه ؟ شيخة : الله معك ي يمه .. ناظرت ريلام وعناد : على وين ؟ ريلام : قلت لك ي خالتي عمتي الهنوف عزمتني شيخة طنشتها : يمه عناد اقعد شوي خالتك حصة جايه الحين هي و هيّا ريلام : وليش م خليتي سعود يجلس وينتظرها ولا في شي ثاني براسك ! عناد لف لها : خلص ريلام شيخة : جد م تستحين انتِ ، انت راضي انه زوجتك تتكلم معاي بهالطريقة ؟ هالحظه دخلت حصة هي و هيّا و القت السلام شيخة وقفت سلمت عليهم و رحبت فيهم حصة : اشلونك يمه عناد عناد باس راسها : تمام ي خالتي انتِ كيف حالك ؟ حصة : الحمدلله والشكر هيّا بمياعه : كيفك عناد ؟ ريلام حست داخلها اشتعل من النار وهي تنطق اسمه عناد : الحمدلله .. عن اذنكم انا و ريلام نستأذن هيّا : انتو بهالطريقة تستقبلو ضيوفكم ؟ ريلام : كان عطيتينا خبر من قبل انك جاية وبعدين انتِ مو جايه عشانا صح ولا انا غلطانه ؟ حصة بحب : روحو ي بنتي الله معكم ريلام ابتسمت لها : شكرا خالتي .. لفت على عناد وقربت له شابكت اصابعها ب اصابعه بقوة لدرجة عناد حس انها بتكسر اصابعه لكن حس انها غيرانه من هيّا ابتسم لها : يلا حبيبتي نمشي . بالسيارة .. ريلام كانت ساكته وبنفس الوقت تحس انها بتنفجر من هيّا .. عناد شغل اغنية انتِ اميرة وصار يغني مع الأغنية عشان يروقها شوي ريلام لفت عليه و ابتسمت : صوتك حلو والله واحساسك بعد حلو و انت تغني عناد : مو اجمل من صوتك ، انتِ صوتك من كثر ماهو عذّب ارتوي و انا اسمعك و اسمع سواليفك و اسمع ضحكتك يلي تخلي قلبي يضحك ريلام ضحكت : تراك برفوسور بالحب عناد وقف السيارة : لا مو بالحب بالعشق ي عشقي انتِ ريلام باست خده : الله لا يحرمني منك عناد : تأمري على شي ريلام فتحت باب السيارة : سلامة قلبك .. نزلت ودقت الجرس و فتحو لها الخدم ، دخلت الصالة و ابتسمت من جمالها لانه اول مره تدخل بيت عمتها .. الهنوف وهي تنزل من الدرج : حيا الله من جانا ريلام: الله يحيك عمتي ، شخبارك ؟ الهنوف : بخير ي قلبي انتِ كيف حالك ؟ ريلام فسخت عبايتها : الحمدلله ، الا وين ندى ؟ الهنوف : ندى طلعت تتغدى مع صحباتها شوي و بتجي اساسا هي تبي تجلس معاكي و تتعرف عليك اكثر ريلام : ي قلبي احبها والله العاملة دخلت وبيدها صينيه قهوة والعاملة الثانية كان معها حلا .. ريلام ابتسمت وتذكرت ايام لندن لما كان كل شي يتقدم لجنبها والحين هي يلي صارت تسوي كل شي ! الهنوف : طمنيني عنك ي ريلام شخبارك ؟ ريلام : الحمدلله ماشي الحال ، الا قولي لي عمتي في شي مهم والله رسالتك اقلقتني ! الهنوف : امس حسيتك مو مرتاحه ومهما ابتسمتي تختفي ابتسامتك بسرعه حسيت انه متضايقه ! ريلام : ي عمري ي عمتي الله لا يحرمني منك ، مافيني شي بس كنت متزاعله مع عناد و الحمدلله الحين امورنا زينه الهنوف : احكي لي تاقلمتي مع اهله ؟ ريلام تنهدت وهي تحط فنجان القهوه : اذا بقولك ايه اكون اكذب عليك ، م قدرت اتأقلم ابدا كل شي صعب الهنوف : امه مضايقتك صح من يوم العرس و انا ادري انها م تبيك من كلامها عرفت ريلام : مو بس هي كل شي صعب ، عادات و تقاليد انا مو متعوده عليها كل شي عندهم ممنوع و عيب احس روحي بتطلع تخيلي سيارتي مو قادرة اطلعها و اسوق فيها الهنوف : كنتي تدري بكل هذا قبل الزواج ؟ ريلام : ايه كنت ادري بس م توقعت انه التطبيق صعب لهالدرجة الهنوف : الزواج يبي له صبر ي بنتي و يبي له تنازلات عشان ينجح ريلام : و انا من يوم تزوجت عناد قاعده اتنازل عن اشياء كثيرة و خايفه من يلي جاي اكثر ! الهنوف : اجل بقولك شي ي ريلام بس لا تفهميني غلط انتِ دخلتي عائلة مُختلفه تماما عن عائلتنا بكل شي حتى باللبس ! دام هالخوف تحسين فيه انتبهي تحملي ! توقعاتكم للجاي وش بيصير ؟ التعديل الأخير تم بواسطة لامارا ; 07-04-22 الساعة 12:08 AM | ||||
|
| |
|
06-04-22, 11:09 AM
| #27 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لك_في_خفوقي_حب_ما يمحيه_الزمن Part 25 . . . . . بيت بو محمد أبو محمد كان قاعد يتقهوي هو و زوجته ريم نزلت صبت لها قهوه و جلست معاهم بو محمد : كيف صارت يدك ي بنتي تحسنت ؟ ريم : الحمدلله صارت احسن بكثير بو محمد : صار لازم ترجعي بيت زوجك م يصير طولتي ريم ناظرت امها ب استغراب وعرفت انها م كلمت ابوها بالسالفه كلها ! أم محمد : ابوكي معاه حق لازم ترجعين بيت زوجك بو محمد : اذا تبين انا الحين طالع الشركة بوصلك معاي ريم اخذت نفس : يبه الظاهر امي م كلمتك بالموضوع بو محمد : اي موضوع؟ ريم : انا طلبت الطلاق بو محمد بصدمه : وش تقولين ؟ ريم : حياتي مع بتال اشبه بالموت البطيء بو محمد : قاعده تخربطين انتِ ؟ تدرين انه طلاق مافي وش تقول الناس عنك ؟ ريم : انا بنتك ي يبه انا من دمك يرضيك اعيش حياتي مع شخص م يحبني ؟ مو مهم الناس وش بتقول المهم انه انا اعيش مرتاحة البال بو محمد : اقول قومي البسي عبايتك و انا بتفاهم مع بتال ريم مسحت دموعها وناظرت ابوها بحزن : تكفى يبه تكفى مالي احد غيرك تكفى لا تردني بو محمد حس خنقته العبرة على المها و وجعها يلي باين ع صوتها وعيونها ريم : انت تدري من البداية انه زواجي من بتال غلط لانه مغصوبين نحنا الاثنين والشي يلي غلط من البداية م يدوم وهذا يلي صار معاي ومع بتال أم محمد : لا حول ولا قوة الا بالله بو محمد مسح ع راسة : هذا نصيبك ي بنتي ريم : لكن مو نصيب انه اكمل بالغصب اذا انا و بتال اتفقنا ع الطلاق محد له حق يرفض بو محمد اخذ جواله ومفاتيحه : خير ان شاء الله .. تركهم و طلع أم محمد : ليش ي بنتي تخربين بيتك ريم ابتسمت بسخريه : اي بيت ي يمه ! من البداية مافي بيت .. البيت مو بس حيطان و شبابيك البيت حب ودفئ و امان ي يمه ، و انا م لقيت ولا وحده منهم ! عند بتال كان نايم ع السرير وهو حاس بصداع مو طبيعي ، اخذ جواله وفتح الانستجرام سوا حساب ب اسم ثاني و دخل ع حساب عليا لكن اختفت ابتسامته بسرعة اول م شاف اخر صورة وكانت يدها و يد زوجها وكاتبة الحمدلله وكانت منزله اكثر من بوست عن ملكتها ، بلع ريقه وهو حاس بغصة كيف قدرت تنساه بهالسرعة م تردد ولا لحظة انه يراسلها حتى لو هي ع ذمة غيرة : الف مبروك ي عليا ! بتال : الف مبروك ي عليا ! بنفس اللحظه كانت متصلة و ردت بسرعة : مين معاي ؟ بتال : بهالسرعة مداك تنسيني ؟ عليا حست قلبها يرجف : بتال ! بتال : اجل م نسيتيني ؟ عليا : وش تبي من عقب هالوقت كله ، ليش رجعت ي بتال ؟ بتال : ابارك لك و اطمن عليك و اودعك كمان عليا: تودعني ! بتال : اسمعيني ابي اشوفك الحين بالكافي يلي قعدنا فيه اخر مره عليا : مجنون انت انا صرت ع ذمة غيرك بتال : ولي خلق سبع سماوات اذا جت الساعة ٦ و انتي مو بالكافي بجيك للبيت و انتي تعرفين منو بتال ! عليا خافت لانها تعرفه اكثى من اي انسان : اوكي . بتال حط الجوال و قام بسرعة اخذ شاور سريع و لبس ثوب وشماغ اخذ اكثر عطر كانت تحبه عليا ورش منه لدرجة حس رئتة انخنقت من ريحة .. نزل بسرعة و امه و قفته : بتال وين رايح ؟ بتال : عندي موعد جدا مهم أم بتال : ترا ابوك اتصل و معصب منك قال بو محمد مكلمة انك تبي تطلق ريم بتال : ايه صح ، لكن مشغول الحين لازم اطلع .. بالكافي بعد مرور ساعة .. عليا مشت بخطوات هادية ناحية بتال غمضت عيونها بقوة لما شمّت ريحة عطره رجعت لها ذكريااات حاولت كثير تنساها وبثواني رجع لها كل الماضي بتال كان يناظر بهدؤ : قعدي ليش واقفه ! عليا سحبت كرسي و جلست : كيفك بتال ؟ بتال ولع سيجارة مزها بشراهه و نفثها بقوة : مثل م انتِ شايفه عليا تنهدت وهي تناظره كان متغير كثير نحف وصار يدخن اكثر و اكثر : قولي وش تبي مني ي بتال ؟ بتال : اودعك ! عليا : نحنا ودعنا بعض من زمان بتال : بس مو وداع انك تصيري ملك غيري ! اشلون ي عليا قدرتي تصيري زوجة شخص ثاني ؟ عليا : كل واحد فينا راح بطريقة ي بتال انا انتظرتك كثير و انت تدري ، الله يوفقك و يوفقني بتال : تحبينه ؟ عليا : المهم هو يحبني بتال : و انا ي عليا قولي لي وشو ؟ عليا م تدري وش تقول مشاعرها بهاللحظه منكسرة ومجروحه وبنفس الوقت م تبي تكلمة وهي ع ذمة غيره لكن تتمنى سواليفه م تخلص ابد بتال : اجل بقولك الله يوفقك ، و اذا جاكي ولد سميه بتال عليا : اذا سميته بتال رح احبه اكثر من اخوانه ! بتال ابتسم بحزن : خذاكِ النصيب يلي دمر باقي حياتي ! عليا مسحت دموعها : لا تقول هالكلام، انت انسان طيب وتستاهل كل الخير م تدري انه ربي بيرزقك بوحده احسن مني و تحبها اكثر بعد ، بتال لا تنسى انه يوجد خير في كل شر . هُنا تنتهي قصة بتال مع عليا م ذكرت عليا الا بهذا المشهد . قصة بتال قصيرة لكن هدفها و معناها كبير ، كثير ناس عاشو نفس هالقصه وصارو مُجرد ضحايا للقرارات اهاليهم ! عند ريلام الساعة ١١ الليل كانت قاعده بالصالة هي و ريهام و امين .. حوالينهم فشار وعصيرات و يشوفو فيلم . ريهام: اخ ي قلبي وش ذه الاجرام و القتل ريلام : معك حق حتى انا احس قلبي بيوقف وش ذه ؟ امين ضحك : ترا هذا الفيلم من انجح الافلام وعليه متابعات بالملايين ريهام : هاليوم مستحيل ننساه بس من جد من اجمل الاوقات يلي اقضيها هي معاكي ي ريلام امين : من جد والله جوك مثل جونا سهر و تحبي الافلام ريلام ابتسمت : و انا بعد والله صرت احبكم كثير . عناد دخل وهو مبتسم لانه سمع صوتهم لكن بسرعة تلاشت ابتسامتة لما شاف ريلام من دون شيلة ع راسها ريلام ب ابتسامة : اهلين حبيبي عناد : الحقيني ع الغرفة بسرعه ..طلع الدرج و داخله شاعل نار امين : وش فيه عناد ؟ ريلام : مدري والله هذا أخوك كل شوي معصب اتمنى يمر اسبوع كامل وهو مروق بس.. طلعت وفتحت الباب دخلت بسرعة : وش في ي عناد ليه معصب ؟ عناد فسخ ثوبه و رميه للأرض : و تسأليني بعد ! ريلام : ايه اسألك لانه م ادري وش فيك كل يوم والثانيه داخل البيت وتقولي الحقيني ي ريلام ، خير هالمره وش في ؟ عناد بحده : لا ترفعين صوتك ريلام : قول وش في ؟ عناد : اشلون جالسه جنب امين وشعرك مكشوف ! ريلام : هذي هي السالفه قلت مدري وش في ؟ عناد مسك كتفها بقوة : بتجننيني انتِ ولا شنو ؟ ريلام دفيته بقوة : الظاهر بحلق راسي صلعه و ارتاح من شعري يلي مسبب لنا مشاكل عناد : لا تتمسخرين فاهمه حتى لو صلعه بتغطينه فاهمه ولالا ريلام : ترا امين صغير ي عناد عناد : لا مو صغير امين بالثانويه وين صغير ! المهم لا اشوفك كاشفة راسك قدامه فاهمه ولالا ، لانه بديت اتعب منك ! ريلام رفعت عيونها بسرعه و امتلت بالدموع : تعبت مني انا ي عناد ، ي خسارة حبي فيك بس ، تدري وش يلي يزعل بالموضوع كله انك اخذتني ب ارادتك و تدري انه م اتحجب ، الحين ابي انام ي ليت تنام ب اي غرفة احس بموت من الخنقة ! عناد مسح ع وجهه وطلع من الجناح كله ، ريلام فتحت الشباك اخذت نفس عميق و ابتسمت ب الم لجمال المطر ، حست نفسها تعباانه وبنفس الوقت ضايعه ، تذكرت كلام عمتها وهمست : معك حق ي عمتي لازم م احمل ابدا ، ولا يربطني طفل بعناد ! . . بالصباح الساعة ١٠ عندما تشرق الشمس لا تضيء الدنيا فقط انها تضيء قلوبنا بعد عتمة الليل و كانها تخبرنا بعد كل ظلام نور مهما كان الظلام قاتم . عناد فتح عيونه بصعوبة حس ظهره مُتشنج كثير من نومة الكنب قام بسرعة و طلع غرفته عشان يغير ملابسة .. فتح الغرفة بهدؤ و ابتسم بحزن وهو يشوف ريلام نايمه بوسط السرير و من دون غطاء عرف انها نامت وهي تبكي قرب لها بهدؤ وباس خدها مسح ع شعرها وهمس : هذي كانت اصعب ليلة بحياتي لانه نمت من دون لا احضنك ولا استنشقت ريحة شعرك .. تنهد وكمل وهو يبوس شفتها : يعلم الله كم احبك وكم اغار عليك .. قام بسرعة غير ملابسه وطلع ريلام فتحت عيونها و نزلت دموعها كانت صاحيه من وقت دخل الغرفة همست : و انا بعد احبك و اموت عليك قامت بسرعة غيرت ملابسها و نزلت المطبخ : صباح الخير ردو صباح النور وشيخة كالعاده ترد عليها نمتي للظهر ! ريلام سوت لها نسكافيه بهدؤ من دون لا ترد عليها سحبت لها كرسي وجلست نجود : ريلام انتي بخير ؟ ريلام هزت راسها ب ايه ريهام : اكيد تعبانه ليش وجهك كذا ؟ ريلام : م نمت كويس وتعبانه شيخه : لانك تسهرين الليل كله اكيد بتصحين تعبانه ريلام ناظرتها بهدؤ : ابي بس اعرف انتِ ليه تكرهيني انا وش سويت ؟ شيخة سكتت من نبرة صوتها الحزينه ولا ردت عليها و طلعت من المطبخ و ريهام لحقتها . ريلام اخذت نفس و نزلت دموعها لا إرادياً نجود مدت يدها ومسكت كتف ريلام بحب : اكيد زعلانه انتِ و عناد هالدموع م تنزل الا من وجع ريلام رفعت راسها لفوق تحاول تهدي من نفسها و تمنع دموعها تنزل : تعبانه كثير ي ليت م تزوجت عناد و ضلينا بس نحب بعض من بعيد و من دون زواج ! نجود : لا تقولي هالكلام ترا عناد يحبك و يموت فيك ريلام : بس نحنا الاثنين تعبنا من بعض قولي لي وش اسوي ؟ نجود : اصبري عليه شوي عشان هالحب ي ريلام ترا قليل نلاقي مين يحبنا بصدق و يتحدا الكل عشان هالحب شوفي ريم اختي هذي هي ع وشك الطلاق ! ولا فهد اخوي يلي يحب سحر والكل رافض عشانها اكبر منه بسنتين ريلام : سحر اخت بتال ؟ نجود : ايه ، عشان كذا اقولك اصبري على عناد لانه تحدى الكل عشانك ريلام : يلي يوجعني اكثر انه عناد حذني وهو يعرف كل شي عني يعني يلي قاعد يصير الحين شي طبيعي مو جديد عليه نجود : صدقيني عناد م يسوي كذا الا عشان يحبك كثير ويعشقك بعد ، ريلام ي قلبي الحب يبي له صبر ادري كل شي متغير عليك و خالتي كمان طفشتك بس م عليه طنشي وهذا انا و ريهام نحبك وصرتي اخت ثالثه لنا ريلام ابتسمت رغم المها : و انا بعد والله احبكم كثير . فيلا بو بتال .. الساعة ٢ الظهر بتال كان نايم من امس الليل م صحى رغم التعب يلي فيه حس انه له ليالي كثيرة م ينام صحي على صوت امه وهي تصحيه عشان الغداء .. قام بسرعه اخذ شاور عشان يصحصح صلي الظهر و نزل سحب كرسي وجلس . بو بتال بحده : وينك من امس العصر اتصل عليك ولا ترد ؟ بتال : العصر كان عندي موعد مهم و بس رجعت نمت و م صحيت الا الحين بو بتال بعصبيه : وش مسوي انت ها ؟ بتال : خير يبه وش صاير ؟ بو بتال : بو محمد امس جايني الشركة و معصب يقول بتطلق ريم ! بتال : ايه يبه اتخذنا هالقرار بو بتال : اسمعني ولا تهرج ، طلاق مافي و اذا طلقت .. بتال قاطعه : بتتبرى مني يعني ! انا و ريم زواجنا من البدايه غلط لانه اتزوجنا عن غصب م قدرنا نحب بعض ولا نتقبل بعض أم بتال : ي يمه الحب يجي مع العشرة بتال : الشي يلي من البداية غلط غلط ، هذا لنا ٨ شهور متزوجين ولا قدرنا نتقبل بعض ، الزواج مو غصب ونحنا الاثنين مو صغار عشان تتاخذو عننا القرار انا و ريم قررنا و انتهى الموضوع! بو بتال بعصبيه : اسمع ي بتال اذا تفكر بترجع و تتزوج ع .. بتال قاطعه : اطمن يبه عليا تزوجت الله يستر عليها وعلى بنات المسلمين ، ولازم تعرف انه طلاقي ماله دخل ب عليا كل الموضوع انه م ابي اظلم ريم اكثر معاي ولا يروح باقي عمرها ظلم عشانها بنت عمي و احبها لانها بنت عمي و م ابي لها الظلم ابيها تعيش حياة حلوه حالها مثل حال اي بنت و ربي يرزقها ب رجال احسن مني . فيلا بو سعود .. كانو قاعدين ع سفرة الغداء بهدؤ ، عناد كل شوي يناظر ريلام كانت بس تلعب بالشوكه وم تاكل ابدا عيونها ذبلانه و مبين انها بكت طول الليل . بو سعود : اقول وش رايكم بكرا الصباح نطلع البر و نخيم يومين هالايام الجو حلو وامطار ريهام : ايه يبه الله يخليك اشتقنا للبر سعود ابتسم : مافي احلى من طلعة البر و القعده فيه نجود : اجل نكلم اهلي و بيت عمو بو بتال أمين ابتسم : من زمان م طعسنا بالبر و الله اشتقنا لهالاجواء الحلوه شيخة : لا تطعس ترا قلبي يطيح من مكانه ريهام ضحكت : يمه و ربي البر م يحلى الا بالتطعيس هذا و انا بنت اجل العيال وش يقولو عناد ضحك : معاها حق والله عاد انا مشتاااق للبر صار لي سنتين م رحته بو سعود : اجل جهزو انفسكم من اليوم ولا تنسون اي شي و اذا في شي ناقص عليكم كلمو امين وهو يجيبه ريهام : واو وناااسه م بقدر انام الليل من الفرحة نجود ناظرت ريلام وكانت مو مركزه معاهم ابدا : ريلام ليش م تقولي شي لا تكوني م تحبي البر ريلام رفعت راسها بهدؤ : م سمعت وش قلتو ؟ امين : بكرا بنطلع كلنا البر و نخيم بنجلس يومين ، طلعتي من قبل ؟ ريلام هزت راسها بالنفي : لا وين ، م اعرفه من الاساس ، لكن بننام بالصحراء ؟ نجود : بالخيمه ريلام : اهم شي مافي حشرات سعود وهو ياكل : البر م يحلى الا بالحشرات ريلام طنشته و بو سعود ركز عليها : بنتي ريلام فيك شي ؟ ريلام : لا عمي بس تعبانه شوي بو سعود : عسى م شر وش فيك ريلام بلعت غصتها ومسحت دمعتها : اشتقت ل ابوي كثير و محتاجه له كثير لانه محد يفهمني غيرة احس مالي سند من بعد موته ! كلماتها و نبرة صوتها زرعت الحزن بعيونهم و اكثرهم عناد يلي تمنى يقوم يحضنها لصدره ويخبيها بين ظلوعه . عندما لا أحادثك .. تظن بأنني أبتعد عنك وأنك لم تعد مهمًا، لكنني كنت ألملم شتات نفسي ، كنت في حرب هادئة لا أحد قادر على الشعور بها. 💜 اليوم الثاني الساعه ١١ الظهر الكل وصل البر و استأجرو خيمتين كُبار وحده للرجال و وحده للحريم .. البنات كلهم قاعد ين مع بعض يرتبو الأغراض و الارض كانت حوسه من كثر الأغراض ريلام : الحين بنجلس هنا يومين ؟ ريهام : ايه ليش مو حلو ؟ ريلام : م ادري احس م يصير ننام هنا ! سحر ضحكت : لازم تتعودين على طلعاتنا بس انا متأكدة انه رح تنبسطي كثير وبالليل الجو حلو نطلع برا الخيمة نجود : خالتي تقول نبدا بالطبخ ريلام : وش بنسوي طيب ؟ ريم : كالعادة رز و للحم سحر : جاي ع بالي اذوق طبخ ريلام وش رايك تطبخين ؟ ريلام : ههههههه تجاكريني اطبخ لثلاث عوائل ! ريهام ضحكت : والله و انتِ صادقه سحر : خلص اقول الطبخ على هاجر و نجود و نحنا بنساعدكم ريلام : ايه صادقه والله هاجر : مامنكم فايدة غير السواليف اجل ابداو جهزو ريلام وصلتها رساله فتحتها و ابتسمت كانت من جود : لا تنسي تحطي كريم ع جسمك كامل عشان عندك تحسس من الرمل ، و انبسطي ي قلبي . ريلام ضمت الجوال لصدرها : ي قلبي بس سحر : متى بس اتزوج ويرسلي رساله كذا تسعد قلبي ريلام ضحكت بصوت : ترا هذي جود مو عناد ريم : افاا هالضحكه وضمت الجوال و تطلع من جود ريلام : ايه والله تخيلو تقولي لاتنسي تحطي كريم عشان عندي حساسيه من الرمل، هو في الطف من كذا و ربي هذي نعمه من ربي . ريم ابتسمت : اوقات ربي يرزقنا ب انسان على هيئة مُعجزة . بعد مرور ساعات عند البنات كانو جالسي كلهم مع بعض مسوين دائرة و حوالينهم شبسات و عصيرات وفشار .. ريهام : اف ي ربي قوليلي ي ريلام الحين اشلون بقاوم هالشبسات و لا الحلا يلي بناكله بعدين سحر ضحكت : خلص سوي اليوم فري ريلام : بس بعقل مو تاكلي كل شي ريم : م عليه اكلي كل شي الدنيا حق الله ريلام حطت يدها ع خصرها: لا ي آنسة ريم مين قال؟ لازم تهتم بنفسها و جمالها نجود : بس بصراحه مبين عليك ي ريهام انك نحفانه حتى امي اول م شافتك قالت نفس الشي ريهام حطت يدها ع قلبها : من الحماس الحين باكل شي ريم ناظرت ريلام: الا ريلام متى عرس حلا حددو الموعد ولا لسه ؟ ريلام : ايه حددوه ان شاء الله بعد ٥ اسابيع سحر : ي عيني ، معزومين نحنا ولالا ؟ ريلام : افا بس انتو من اهل البيت م تحتاجو عزيمه سحر : ي لطافة قلبك احبك والله ريم : ترا اغار ها سحر عطتها بوسه : انتِ القلب و زوجة اخوي وش تبي اكثر ؟ ريم اختفت ابتسامتها : كنت الحين لا ! هاجر جت وجلست معاهم : ساعه تقرقرو ولا سكتو وش في هاتو من سواليفكم ريلام : بس انتِ م تحبي سواليفنا ! هاجر: قررتي عني و انا م ادري ريلام : دايما تجلسين مع خالاتي ، بعيده عننا انتِ ريهام ضحكت وصفقت يدينها مع بعض : كانك تقولي لها صرتي كبيره على هالسواليف هاجر كشرت وهي تناظر ريلام : وش قصدك يعني ؟ ريلام رفعت كتوفها : م قلت شي هي تكلمت بكذب و انتي صدقتيها انا وش دخلني ؟ هاجر طنشتها وصبت لها قهوة ريم : شرايكم بالليل نلعب بالدبابات ؟ ريهام صرخت : ذكرتيني والله اخ بس و يلوموني بحُب البر ريلام : نعم نعم بتطلعو بالليل ؟ نجود ضحكت : ايه وش في ؟ ريلام : لا مستحيل اكيد في ثعابين و اشياء غريبه سحر : مافي شي ترا ريلام : لا لا اخاف والله مو متعوده انام بالصحراء هاجر : اقول بلا دلع ماصخ وتعودي علينا خلص صار لك فترة متزوجه ! ريلام : مو دلع انا مو متعوده انام بالبر خير ان شاء الله بيوم وليلة تبيني اصير نسخة منكم ، حبيبتي انا عندي حياة غير حياتكم و شخصيتي غيركم مو معناته تزوجت عناد بطبق كل شي تسوه ترا انا ريلام موعناد رقم ٢ حطي هالشي ببالك و ببال اي شخص يبيني اصير نسخه مثلكم ! عناد طلع من الخيمة و مشي ناحية السيارة جلس ع الارض و سند ظهره عليها تنهد و هو يناظر غروب الشمس غمض عيونه لثواني ومرت علية كل ذكريات لندن ابتسم وهو يحط يده ع قلبه يومين يالظالمة و انا انام من دونك ! بتال طلع وشافه جالس لحاله مشي ب اتجاهه و جلس ع الرمل : اقول وش عندك هنا ؟ عناد تنهد : م ادري بس طلعت اشم هواء قلت بجلس و اناظر الغروب بتال ابتسم : تتذكر ي عناد ايام المتوسطة و الثانوية عناد توسعت ابتسامته : ايااام كنا دايما مع بعض م نترك بعض ابدا بتال : ايه والله حتى بالاجازات اسبوع اجي عندك و اسبوع تجي عندي ونقضيها لعب سوني و سهر و طلعات عناد : الدنيا اخذتنا ي ولد العم و لهينا عن بعض و الغُربة و الدراسة كمان فرقتنا بتال : حتى و ان فرقتنا و الله م نسيت ابدا ي ليت هالايام ترجع ع الاقل كان بالنا مرتاح عناد : افا بس وش يلي شاغل بالك الحين ؟ بتال : و تسألني انت بالذات ع اساس م تدري ب ايش مريت و كيف قضيت هالشهور ! عناد : الا من جد بتطلق ريم اكيد ؟ بتال : ايه و اخذت موعد بالمحكمة الاسبوع الجاي و ربي يعوضها ب احسن مني عناد : م ادري وش اقولك و الله لكن معك حق الزواج مو غصب بتال : هذا قدرنا ومكتوب نعيشه المهم انه تخطينا هالمرحلة ي خي مدري متى بنتخلص من عاداتنا يلي كسرت قلوبنا ! عناد حس بوجعه من كلمة كسرت قلوبنا : م تدري انه زواجك من ريم كان خير لكم و انتو م تدرو حتى لو م استمر بتال : والله ي عناد تعبان و مخنوق مو عشان انىِ م تزوجت عليا لا والله ، لكن احس مافي احد يفهمني عانيت شهور وكلهم كانو يسألوني نفس السؤال ليش م تضحك ليش م تسولف ؟ يسالوني وهم يلي كسرو قلبي و سرقو ابتسامتي ! "وكما بَشر مريم وطمَأنها، سيُبشركِ الله بجبر عظيمًا". 💜 الساعة ٨ الليل ريم حطت ع راسها و طلعت من الخيمة تنادي فهد ، ثواني وجاهة فهد : نعم وش تبي ؟ ريم : فهود نبي نلعب دبابات نسيتو ؟ فهد : مو اليوم بكرا ريم : فهههد مو قلت قبل المغرب خلوها بعد ساعه هذي الساعة ٨ فهد : خلص بكرا و الله الحين قاعدين نسولف و مبسوطين ريم : وعد فهد : من هالخشم ريم ضحكت وخبطت كتفه : اوكي فهد بهدؤ : ريم ممكن طلب ! ريم : آمر فهد : ابي اشوف سحر باي طريقه ! ريم : جنيت ؟ فهد : و ربي مشتاق لها من زمان م شفتها يمكن سنه و اكثر اكيد كبرت و تغيرت ريم اخذت نفس : فهد لا تتعلق بحلم مستحيل يتحقق فهد : ابي اشوفها وبس ، ابي اروي عيوني بشوفتها و ربي مشتاااق لها ريم : اخاف يصير حالك مثل بتال ! فهد : صدقيني ل اتزوجها الحين ولا بعدين ريم هزت راسها : يصير خير .. مشت بتدخل لكن سحر كانت واقفه و سمعت كلام فهد ! ريم : سحر ! من متى واقفه هنا سحر : من وقت قال فهد يبي يشوفني ريم : وليش م جيتي دام سمعتيه ؟ سحر ابتسمت بحزن : وليش اعلقه فيني اكثر و اتعلق فيه انا بعد و انا ادري ان الكل واقف بطريقنا كل هذا بس عشاني اكبر منه ! ريم : م عليه ، لو هو نصيبك صدقيني لو توقف الدنيا كلها بطريقكم م رح تمنعكم عن بعض سحر بلعت ريقها وهي تحاول تهدي من نفسها ريم مسكت يدها : يلا ندخل ريهام : ساااعه تكلمي فهد ! ريم : الا قولي ساعه اراضيه وبالاخير يقول لا ! نجود : اماا ، ليه بس ؟ ريم : وعدنا لبكرا ريهام: ان شاء الله بس م يسحبو علينا ريم : هذا فهد لو قال وعد اكذب العالم و اصدقه . بعد مرور ساعتين .. البنات فالينها ضحك و وناسة م خلو شخص الا وسولفو عليه . ريلام حطت يدها ع قلبها هذي ثالث ليلة وهي بعيدة عن عناد ، تمنت لو بس تشوفه و تروي عيونها بنظراته تمنت لو بس تشم ريحته وتحط راسها ع الصدرة ، حست نفسها مخنوووقه قامت ومشت وقفها صوت نجود: وين رايحه ي ريلام بهالليل؟١ ريلام : مخنوقه ابي اشم هواء نجود : طيب البسي عبايه و حطي ع راسك ريلام : الدنيا ليل و كلهم نايمين نجود : ادري لكن الاحتياط واجب ، لاني احبك م ابغاكي تنحطي بموقف احد يتكلم عليك ريلام ابتسمت وباست خدها : ي قلبي ي نجود احبك والله .. لبست عبايتها و حطت الشيلة ع راسها اول م طلعت اخذت نفس عميييق و كانها تحاول تشيل هالهم يلي بقلبها .. مشت خطوات كثيرة وبعدت ع الخيمة من دون لا تحس شافت حطب عند السيارة و كان احد جالس حست بخوف وهي تتلفت والخيمة مو موجوده! كان جالس و مولع الحطب و سرحاان بهالظلام اول م شاف زولها عرفها و وصلته ريحة عطرها ابتسم بسرعه ونادها : تعالي ي ضيّ قلبي ريلام تنفست براحه انه هو عناد طنشته ولفت بتمشي لكن وقفها صوته : تعالي بس ضُميني و طيبي خاطري و ارجعي ، قسماً بالله مشتااق لك ريلام ابتسمت و مشت ناحيته جلست ع الارض و عناد فتح يداته وضمها بقوة لصدره باس نحرها و همس : اخ بس لو تدرين شكثر اشتقت لك و اشتقت لريحتك و لحضنك ريلام مسحت دموعها : و انا بعد لكن انت السبب بكل شي عناد حط راسها ع صدرة وهو يلعب بشعرها وهي بحضنه : هشش خلص ننسى يلي راح ريلام : وش مقعدك هنا لحالك ؟ عناد : اشتقت لك كثير قلت اطلع و يمكن تطلعين و اشوفك و تسامحيني و اضمك لصدري و اسهر انا و ياكِ تحت القمر ريلام رفعت راسها : من جدك ؟ عناد : ايه والله ، ليكون م اشتقتي لي ؟ ريلام باست اسفل خده : والله اشتقت لك كثير لكن .. عناد قاطعها ببوسه ع شفتها : قلنا ننسى خلص ريلام ابتسمت بخجل : اسمع بقولك شي عناد : قولي اذان صاغية تسمع صوتك وطلباتك اوامر ريلام ضحكت : ترا تخجلني كذا عناد : تدللي كم عندي ريلام ريلام: اخاف انام بالخيمة احس بيجيني ثعبان ولا صرصور مدري بس مره خايفه عناد : اجل نامي بحضني ريلام : عناد لا تتمسخر عناد : اكلمك جد والله نامي هنا بحضني و انا بحميك بعيوني بعد الله ريلام : وش رايك ننام بالسيارة؟ عناد ضحك : اجل ارجع الكراسي عشان ننام بحضن بعض ريلام ضمته بقوة : احبك والله عناد : يا أقرب لي من ظلي و أهدابي. أرى بك شيئًا مُختلفًا عن البقية لا أعلم ما هو ، لكنّه يشبهني ، يناسبني ، و أنتمي إليه كثيرًا . الساعة السادسة و النصف صباحاً.. ريلام فتحت عيونها من ضوء الشمس انصدمت وهي تشوف نفسها نايمه بحضن عناد و متغطيه ب جاكيته تلفتت حواليها همست بصدمه : نمنا بالصحراء ؟ عناد فتح عيونه و ببحه : صباح الخير ريلام : صباح الورد ، ي عمري اكيد ظهرك مُتشنج ، اشلون نمنا هنا و م نمنا بالسيارة ؟ عناد ضمها بقوة : نمتي بحضني و م حبيت اصحيك غطيتك بالجاكيت ونمت ريلام بعدت من حضنه : طيب رقبتك م تعور؟ عناد : الا جسمي مكسر من هالنومه ، بس مو مهم جسمي اهم شي قلبي يلي قاعد يرفرف ريلام باست خده : يلا برجع للخيمة عناد : ترا انا كلمت ريهام انك معاي ريلام : من جد ؟ عناد : اتصلت وهي تبكي وتقول ريلام ضاعت ريلام ضحكت : ي قلبي انا عناد : يلا اشوفك بالليل و تنامين بحضني ريلام : بننام اليوم هنا م رح نرجع البيت ؟ عناد : بكرا بنرجع ريلام وقفت : باي ي قلبي عناد : انتبهي لنفسك ترا اذا تأذيتي قلبي يتأذى ريلام : ترا الحين اسحب عليهم و اقعد معاك كلامك يذوب الجليد فما بالك بقلبي الصغير يلي يموت فيك ؟ عناد وقف بسرعة و سحبها لحضنة : شرايك نسحب عليهم من جد ريلام : لا خليك تشتاق لي شويتين عناد : افا بس الحين و انتي بحضني مشتاق لك ، انا م اشبع منك ابد . بالخيمة صحت نجود و ريم صحت معاها و بدأو يجهزو الفطور مع بعض ريم و هي تناظر الشمس اخذت نفس عمييييق ، نجود لفت لها : الظاهر من زمان م ارتحتي ؟ ريم : يمكن ! نجود : بسالك شي مهم و اذا م تبين لا تجاوبين ريم : وشو ؟ نجود : اشتقتي ل بتال ؟ ريم مرت كل ذكرياتها مع بتال وكل هالذكريات كانت مؤلمه : ايه اشتقت ل بتال لكن مو بتال زوجي بتال ولد عمي يلي كان طيب وحنون يلي كنا نلعب و نحنا صغار و يحميني من اي احد اما بتال زوجي م شفت منه الا الوجع ! ريلام دخلت الخيمة و دخلت المطبخ الصغير : صباح الخير ريم و نجود لفو : ي صباح الورد نجود : خوفتينا بالليل عليك ريم : ع بالنا ضعتي والله ريلام : ي عمري انتو بس بالصدفه لقيت عناد و سهرنا مع بعض و بعدها نمت و م حسيت ع نفسي الا الحين نجود ابتسمت : خلص تصالحتو ؟ ريلام : ايه خلص طاح الحطب .. ريحة الشاي احسها راحه مع هالاجواء ريم : هذا حلات البر انه تصحي الصباح و نسمة الهواء الباردة ووريحة الشاي ريلام : من جد والله ، الا وين البنات نايمين ؟ نجود : ايهة، لكن الحين بتصحى امي ولا عماتي و يصحوهم كلهم ريلام : وش اساعدكم ؟ نجود : سوي البيض ريلام : من عيوني . بعد ساعة .. كل البنات صحو الا سحر ريم دخلت : هذي للحين نايمه ؟ ريهام : ع اساس م تعرفي سحر بقرة نوم سحر من تحت البطانية : ترا صحيت و اسمع حشكم ريلام ضحكت : اجل قومي ، الفطور جاهز و نبي نفطر كلنا سحر جلست : انا اول م اصحى م احب افطر بس اشرب نسكافيه ريم : ادري ، بس اكسري الروتين اليوم وخلينا نفطر برا الخيمة كلنا سحر وهي ترفع شعرها: تذكرت اليوم بنسوق بالدبابات ريلام : انا اخاف بسوق مع حبيبي عناد ريهام : وبدينا حبيبي ريلام ضحكت : والله اخاف اسوق لحالي بالليل تخيلو يطلع لي شي نجود دخلت عندهم : م خلصتو سواليف ؟ ريلام : لا والله السواليف م تخلص ابد وش نسوي نجود : يلا يلا ع الفطور ريلام طلعت هي و ريهام بسرعة .. ريم لفت ع سحر و م شافت احد : وش رايك تشوفين فهد وقت م نطلع نسوق دبابات ؟ سحر لفت عليها بصدمة : وشووو ! ريم : هششش قصري صوتك سحر : انتبهي تسوي هالشي ! ريم : فهد يبي يشوفك وهذي الفرصه الوحيده سحر: م ابي اشوفه فاهمه ولالا ؟ ريم مسكت يدها : وقفي سحر : وش تبي ؟ ريم اخذت نفس : لا تكابري بحبك ل فهد تمام ، ترا الحب يفيض من عيونك بس تسمعي اسمه سحر بلعت ريقها : لا تحللي ع كيفك ريم : سحر ترا انا ريم نسيتي ؟ اعرفك بكل حالاتك سحر بحزن : لو تحبيني لا تدبري لقاء لنا ريم : فهميني بس سحر: لا تكسري قلوبنا اكثر ماهي مكسورة ولا تعلقينا ببعض اكثر ماهي مُتعلقه ، م ابي اشوف فهد لانه رح انكسر بكل رمشة عين له ! مافي اوجع من انك تحبي شخص وهو يحبك لكن العمر يكون عائق ، ي ليت امي اتأخرت ب انجابي بس سنتين كنا الحين عايشين تحت سقف واحد ! عند البنات .. كانو قاعدين كلهم مع بعض بسفرة وحده و سواليفهم و ضحكاتهم مالية المكان ريلام ناظرت الشمس ورمشت بعيونها من قوة ضوئها ابتسمت : ي ربي المكان راحة نفسيه ريهام : الله صرتي تحبي البر و اخيرا ريلام ابتسمت : م ادري بس اجوائه حلوه يعني تصحي اول م تشرق الشمس ريحة الشاي مع شروق الشمس الجلسة ع الرمل وانتي تفطري ، كل هالاشياء اعيشها لاول مره سحر : الا جد ريلامو وين كنتي امس الليل ريلام : ع اساس م تدرين ريهام :اف بس بالجبهه ريلام : بس انتي ع اساس م اتصلتي لعناد و انتي تبكي ريهام : كلبة انتي والله خوفتيني عليك قلت الله يعلم وش فيها ريلام ضحكت : لا ازيدك من شعر بيت نمت برا ي ليت حتى فالسيارة ريم : اما م خفتي ؟ ريلام : نمت و م حسيت ع نفسي الا اصحي ع شروق الشمس نجود مسكت بطنها ب الم وقامت وهي تجري عشان تستفرغ هاجر : بسم الله وش فيها ؟ ريم وقفت بسرعه ولحقتها : نجود خير وش فيك ؟ نجود وهي تغسل وجهها : مدري حسيت بغثيان مو طبيعي ! ريم : لتكوني حامل ؟ نجود فتحت عيونها بصدمة : حامل ! ريم ضحكت : وش فيكي خفتي ع اساس مو متزوجة نجود : م ادري خفت ريم : ي رب بس تكوني حامل نجود : بس انا م ابي احمل تدرين انه حملي صعب و علاقتي هالفترة مع سعود مو كويسة ريم : لا تقولي هالكلام ، ترا سعود يحبك بس م يحب يبين هالشيء نجود ابتسمت بحزن : الله يكتب يلي فيه الخير. الساعة السادسة و النصف .. فهد دخل الخيمة : شباب البنات بيلعبو دبابات لازم احد مننا يكون معهم سعود : انا مالي خلق ، مو ناقصني العب الا وياهم ! بتال : روح انت تعرفني م احب هالسواليف عناد تذكر انه بيشوف ريلام ويلعب معها : اجل بروح انا وياك فهد : كفو والله يلا خلنا نروح . عند البنات .. تجهزو ولبسو عباياتهم نجود كانت تتمنى تروح لكن فكرت لو تطلع حامل تخاف تطيح او يصير فيها شي تعذرت انها مصدعه و مالها خلق و جلست هي وهاجر والامهات بالخيمة سحر : مين بيجي معانا ؟ ريهام شافت عناد جاي لفت ع ريلام : عناد شوفيه ريلام ابتسمت : ي قلبي انا ريم : عناد وفهد احسن شي ، كنت خايفه من سعود ولا بتال ريهام كملت : ولا محمد كان خنقونا ريم ضحكت : يلا يلا خلونا نروح فهد : هذي الدبابات على عددكم خذو راحتكم ، انا و عناد بس بننتبه عليكم ريهام ركبت اول وحده : يلا بنات بسرعة كل وحده خذت لها دباب و بداو يتسابقو ، ريلام اول م طلعت حست بخوف لكن قوت قلبها و داست بقوة وحست بالمُتعة مع البنات ريهام كانت تصرخ بكل صوتها : ونااااااسه سحر مرت من جنبها بسرعة وهي تضحك : تحداك تسبقيني ريهام داست بقوة وسبقتها .. عند ريلام وقفت عشان جوالها رن حست بخوف عشان الدنيا بدت تظلم شافت رقم عناد و ابتسمت : هلا عمري عناد : وينك ؟ ريلام : مدري بالصحراء مافي شي حوالي والبنات مدري وينهم ! عناد : اجيك ؟ ريلام ضحكت : وين تجيني والله م ادري وين انا ؟ لحظه بدور ع البنات ، في دباب جاي لعندي ي رب تكون ريهام عناد وقف و ولع الضوء اقوى : هذا انا ريلام نزلت الجوال وهي تضحك : كيف عرفت مكاني ؟ عناد نزل من الدباب وحط يده ع خصرها وسحبها لحضنه : قلبي قادني لك ريلام ابتسمت : بالله كيف عرفت ؟ عناد : شفتك بعدتي قلت الحقك عشان لا تضيعين ريلام : امم طيب اتركني لحد يشوفنا عناد : وين يشوفونا الدنيا كلها ظلام مافي الا نور عيونك ريلام باست خده : شرايك اطلع انا و ياك ب دباب واحد؟ عناد : ابشري .. طلع وطلعت وراه ريلام ، لفت يدينها حوالين خصره وضمته بقوة عناد لف لها وباس خشمها : فديت هالخشم البارد ريلام ضحكت : يلا دوس بس ها لا تطيحني عناد : افا بس اخبيك بين ضلوعي انا .. داس بقوة و ريلام ضمته بقوة و كانت تصرخ من كثر الوناسة .. طاحت شيلتها للأرض وشعرها انتثر ع اكتافها و تطاير مع نسمات الهواء الباردة هاللحظه حست انها طفله بين يدين عناد و انه قلبها م ينزهر الا معاه. الحب يُزهر قلوبنا كافصل الربيع ❤ سحر و ريم و ريهام كانو يتسابقو وكل وحده بجهه سحر بعدت عنهم من دون لا تدري وكانت مُسرعة جت بتلف عشان ترجع لكن انقلب الدباب و طاحت ! صرخت بكل صوتها من الوجع اخذت نفس وحاولت انها توقف لكن م قدرت ، اتصلت ع البنات لكن م ردو شافت حوالينها كله ظلام وبدت تبكي من الخوف لانها موقادرة توقف ولا قادرة ترجع للخيمة ! جلست نص ساعة لحالها ولا احد مر من جنبها بدت تبكي بصوت عالي ويدها ع قلبها من الخوف ! عند البنات ريم وقفت : ريهام لحظه ريهام : خير وش تبي ؟ ريم : سحر وين ؟ ريهام ؟ وش دراني يلي اعرفة بس ريلام مع عناد ريم بدت تخاف : ي ربي وينها ريهام : شفيك خوفتيني ؟ ريم : خلص بدور عليها .. لفت ورجعت عند فهد بسرعة نزلت من الدباب وهي تجري : فهد سحر ضاعت فهد فز بسرعة : وشو ؟ ريم : كنا نلعب معها وفجأه اختفت فهد ركب الدباب و داس بقوة ووهو يلف بكل مكان يدور عليها .. سحر فقدت الامل انه احد يلاقيها وكل م حاولت توقف تطيح من وجع رجلها .. سمعت صوت دباب جاي ب اتجاهها خافت لكن دعت انه تكون وحده من البنات فهد نزل بسرعة : سحر هذا انتِ ؟ سحر تنفست براحة وهمست : فهد ! فهد ابتسم وقرب لها : ي عيون فهد ، انتِ بخير ؟ سحر : اشلون لقيتني ؟ كنت بموت من الخوف فهد : دورت لين لقيتك ، خير شصاير معاكِ ؟ سحر : طحت و م عرفت اوقف من رجلي الظاهر اللتوت فهد جلس ع الأرض ومسك رجلها : هذي ؟ سحر سحبت رجلها : لا تمسكني فهد فهد مسك رجلها مره ثانية وناظرها بهدؤ : خليني اشوفها ، وين الألم بالظبط ؟ سحر م كانت مركزه ع رجلها كثر ماهي مركزة بالخوف يلي بعيونه كان خايف عليها كثيير وهالشي بين من عيونه .. فهد شال شماغه يلي كان رابطه ع راسه بجريقة عشوائية و لفه برجل سحر عشان تعرف توقف اذا هي مُلتويه . سحر م تدري وش تقول بهالحظه بس كانت تناظره بمشاعر كلها حب .. فهد ناظرها وهي كانت بعد تناظرة ابتسم لها ابتسامة حب لكن كانت مليانة ألم سحر م قدرت تمنع دموعها يلي نزلت ع خدها ي كثر م تحمل له حب بقلبها لكن تدري انه مو لها و بتال اكبر درس لها ! فهد مد يده ومسح دموعها : ترا كل دمعة توجع قلبي سحر همست : اشلون قدرت تتحمل هالحب سنين و انا بس سنة و احس قلبي شاب من هالحب ؟ فهد : انا كل م اشوفك او يمر طيفك ببالي ، قلبي ينزهر وكأنك ربيع يزهر كل حياتي سحر ابتسمت و عيونها امطرت دموع فهد : ادري انك مو حلالي لكن م اقدر اشوفك تبكين و م اضُمك .. قرب لها و ضمها لحضنه نزل راسه ع كتفها همس لها : فهد لك و انا صرت حقك من يوم خذيتي قلبي ، ادري لقائنا بعيد لكن أملي ب ربي كبير. ستعلِّمُكَ الايام أنّها لا تقفُ على أحد.. ستجدُ نفسك يا صديقي تستطيع العيش بالجميع، وببعضهم، وبدونهم حتى . بعد مرور يومين .. عناد صحي ع المنبه و قام بسرعة اخذ شاور سريع و غير ملابسة و قبل لا يطلع قرب من ريلام و باسها بشويش ريلام فتحت عيونها ع البوسه و ابتسمت عناد : معليش صحيتك بس م قدرت اقاوم هالشفايف ريلام ببحة نوم : بدري وين رايح بهالوقت ؟ عناد : عندي اجتماع مهم بالشركة ولازم اطلع بدري ريلام : الله يوفقك حبيبي ، انتبه لنفسك عناد طلع و ريلام اخذت جوالها و كانت الساعة ٨ ، شافت رساله من حلا و فتحتها ابتسمت و ردت لها : افا بس حلاوي تجهز لعرسها و م اكون معها. قامت غيرت ملابسها و صلت الضُحى قرأت اذكار الصباح و نزلت المطبخ لانه هالاسبوع الدور عليها بالطبخ .. سوت لها نسكافيه و توست و بدت تفطر بهدؤ ، شيخة دخلت المطبخ و شافتها جالسه فوق الكرسي و تفطر : لا غريبه صاحيه بدري اليوم وش مصحيك ؟ ريلام : اول شي صباح الخير خالتي شيخة : صباح النور ، الا وش مصحيك بدري ؟ ريلام وهي تفطر : خلص تعودت اصحي بدري و بعدين اذا صحيت متأخر تنتقديني و اذا بدري نفس الشي ، والله ي خالتي طبعك صعب شيخة : اقول بس اسكتي وش بتسوي اليوم غداء ؟ ريلام : بسوي اكل صحي شوربة و سلطة و دجاج مشوي مع الخضار شيخة : ليش ان شاء الله اطبخي مثل العالم والناس ريلام وقفت و حطت الكاسة فوق المغسلة : لانه ي خالتي زاد وزنك هالفترة مو ملاحظه ؟ شيخة : من صدقك انتِ ؟ ريلام كتمت ضحكتها : ايه خالتي حتى اتذكر هالقميص كان واسع عليك شوفي الحين صار ماسك الظاهر زدتي ٥ كيلو شيخة كل شي يهون عليها الا جسمها و شكلها : والله هذي العزايم بالفترة الاخيرة ريلام ضحكت بصوت : ترا امزح مافيك شي بس ي حلاتك ي خالتي و انتِ تسولفي معاي طبيعي . عند سحر .. كانت قاعده بغرفتها فوق الكنبة و تقرأ كتاب ، وقفت ب احدى السطور و هي تتذكر فهد يوم طاحت كيف انقذها ولما حضنها ابتسمت ب الم وهي م تدري متى بيكون اللقاء ! امها دقت باب الغرفة و دخلت سحر ابتسمت : هلا يمه أم بتال مدت لها باقة ورد باللون الأصفر سحر اخذته ب استغراب : هذا لي يمه ؟ أم بتال : ايه وصله مندوب ! سحر : من مين ؟ أم بتال : م ادري مافي كرت سحر : شكلها ريم ي يمه أم بتال : تبين تنزلين الصالة اساعدك ؟ سحر : لا ابي أخلص الكتاب أم بتال هزت راسها و طلعت ، سحر تنفست براحة وهي تدور لو في كرت همست : مافي غيرك ي فهد ! وصلها مسج من رقم : الكرت بوسط الورد دخلي يدك وبتلاقية سحر بسرعة دخلت يدها و هي تدور طلعت كرت صغير مكتوب : كنت ادري انىِ احبك من زمان لكن شوفتك بالبر اثبتت لي انىِ عاشق .. مسحت دموعها بسرعة ردت عليه ب رسالة : شكراً ع الورد فهد كان بيده الجوال و رد بسرعة : تستاهلين اكثر ، طمنيني كيف رجلك ؟ سحر : الحمدلله احسن ، الا بقولك شماغك عندي نسيت تاخذه يوم كنا بالبر فهد : خليه معاكي لا ترجعينه سحر ابتسمت و وقفت شوي اخذت الشماغ و استنشقت ريحته يلي هي ريحة فهد فهد : ي ليت عندي شي يخصك كل م اشتقت لك اشم ريحتك و انام سحر همست هذا كانه عنده كاميرا وشايفني و انا اشم شماغه ردت عليه : وش دراك انه احب اللون الاصفر ؟ فهد : اعرف عنك كل شي تحبين الورد الاصفر و تحبين القهوة ، الشاي م تشربينه ابد و تحبي السماء وهي مليانه غيوم مثل الحين سحر ابتسمت وهي تقرأ كلامه ، طلعت راسها من الشباك وهي تناظر الغيوم . عند هيا .. كانت بغرفتها و ع الجوال امها دقت الباب و دخلت هيا ابتسمت : هلا يمه حصة ب ابتسامة : عندي اخبار حلوه هيا : خير وش هي ؟ حصة : تعرفين ام محمد جارتنا ؟ هيا : ايه وش فيها ؟ حصة : اتصلت فيني من شوي وقالت محمد ولدها يبيك و شاريك و بيجو الاسبوع الجاي هيا حست الدنيا ظلمت بعيونها : يمه وش تقولي ؟ حصة : ها موافقه ؟ هيا : لا يمه انا م افكر بالزواج و لا ابي اتزوج حصة : و ليش ان شاء الله هيا نزلت دموعها : خلص يمه ، اتركيني م ابي اقول شي حصه وقفت : فكري و استخيري الولد م ينرد هيا أخذت نفس عميق : مستحيل اتزوج غير عناد و يلي خلق السموات و الأرض بتزوج عناد ولو على حساب كرامتي ! عند جود كانت بالمطبخ واقفه و رافعه شعرها بطريقة عشوائية تخلط الكيك و تغني جاسر وقف عند باب المطبخ وهو مبتسم من شكلها ..جود لفت و شهقت بصوت جاسر ضحك : شو عم تساوي ؟ جود : والله انت يلي شو عم تساوي ؟ ايمتى جيت ؟ جاسر تقدم لعندها : من وقت قلتي ي هواء روحي و قولو قولو كتير اشتقتلو جود ارتبكت من نظراته : ايه كنت عم غنيها لانه بحبها مو يعني ل إلك جاسر مسك خصرها وسحبها لحضنه : بعرف انها لي لانه باين الشوق من عيونك جود رفعت يداتها و تعلقت فيه : و دام تعرف ليه تسال ؟ جاسر : بحب اسمعها منك جود بعدت عنه : خليني حط الكيك بالفرن جاسر حط اصابعه ع الشُكلاه وحطها ب خشم جود جود كشرت و حطت اصابعها ع الشُكلاه و حطيتها بوجهه جاسر : بتستاهل جاسر : رح خلي وجهك كله شُكلاه جود صرخت وكانت تجري حوالين الطاولة : لا جاسر بيكفي انفي و بعدين انت يلي بديت مو انا جاسر: خلص تعالي و بسامحك جود : م بصدقك ابدا جاسر ضحك بصوت عالي : تعالي وبلحس الشُكلاه يلي ع وجهك . لينا سمعت صراخهم و دخلت المطبخ : شو في ؟ جود : شوفي جاسر عم يلعب بالكيك لينا ضحكت من شكل وجوههم : قلت يمكن صاير شي من صراخكم جود ضحكت : طيب حطي الكيك بالفرن ، الفرن صار له نص ساعه مشغلته و انا بروح اغسل وجهي لينا : ماشي ، بتعرفو شو بينقص هالبيت؟ جاسر و جود: شو ؟ لينا : بيبي صغير ! وصوت ضحكاته بتملي كل هالبيت . عند ريم كانت نايمة وصحت وهي تحس كل جسمها مكسر من نومة القيلولة اخذت جوالها و شافت رساله من بتال : الحين بمُرك ابيك بموضوع مهم ! جلست بسرعه من الصدمة : وش يبي هذا ليكون تراجع عن الطلاق ! قامت بسرعة غيرت ملابسها لبست تنورة باللون الأسود و قميص ابيض ساتر عليها حطت الشيلة و نزلت لقت امها بالصالة تتقهوي مع هاجر أم محمد : بتال وصل اكيد عندك خبر ؟ أم محمد : بتال وصل اكيد عندك خبر ؟ ريم : ايه هاجر : جهزت لك صينية القهوة خذيها ريم : شكرا ي قلبي .. اخذتها و دخلت وهي خايفه : السلام عليكم بتال وقف و اخذ منها الصينية : و عليكم السلام ، هلا ريم ريم جلست وصبت له قهوه والتوتر كان واضح عليها : تفضل بتال اخذ الفنجال وهو مبتسم : تسلمين ريم اخذت نفس : وشو الموضوع المهم ! بتال حط الفنجال : حبيت اجي و اكلمك قبل لا توصلك ورقة الطلاق ريم : خير في شي ؟ بتال تنهد : ريم يشهد الله علىِ انىِ أحبك و اخاف عليك من اي شي يأذيكي لكن م قدرت احبك ك .. ريم قاطعته : مثل عليا ؟ بتال : انا م انكر انىِ كنت احب عليا و حبيتها كثير لكن عليا انتهت من حياتي م افكر فيها ابد وطلاقي منك مو لانه احبها و م قدرت انساها لكن وصلنا ل طريق مسدود ريم : الله يوفقك ي بتال و ربي يرزقك بنت الحلال يلي تستاهلك ، انا م شفت منك الا كل الخير بتال : رغم كل شي وتقولي م شفتي الا كل الخير ؟ ريم : لانه اعرفك ي بتال و اعرف انه قلبك مجروح بتال ابتسم : يشهد الله انك اجمل انسانه شفتها لكن الحب مو بيدنا ي ريم ، حاولت كثير عشان يستمر هالزواج لكن م قدرت ، ريم انا جاي اعتذر منك انىِ مديت يدي عليك بيوم من الايام ريم ابتسمت : ادري كان وقت غضب ويلي راح راح بتال كمل وهو يمسح ع وجهه : ابي اقولك موضوع م ادري كيف ابدأ فيه لكن لازم تعرفي انه انا م لمستك مو لانه م احبك او فيكِ نقص لا والله انتِ فيك كل صفات الجمال م ينقصك شي لكن خفت انه تصيري بس لتفريغ شهوه و بعدها يصير في بينا ولد و يتربى بجو عائلي كله مشاكل ، انتِ تستاهلين يلي احسن مني و انا رح اضل بتال ولد عمك يلي يخاف عليك من اي شي مثل م كنا صغار ريم هنا تذكرت كلام ريلام مسحت دموعها : شكرا ي بتال بتال وقف: اي شي تحتاجينه كلميني ي بنت العم رح ضل سندك ويشهد الله م شفت منك الا كل الخير ريم وقفت قدامه: و انا م شفت منك الا كل الخير ، انتبهه لنفسك ي بتال استودعتك الله. بتال باس جبينها : انتبهي لنفسك ، و استودعتك الله التي لا تضيع و دائعة طلع من المجلس و خرج للحوش فتح زراير ثوبه و رفع راسه لسماء : ي رب اجبر قلبي جبراً يتعجب منه اهل السموات و الارض . هُنا انتهت قصة بتال و ريم تماماً و م رح يرجعو للبعض ابد ، قصتهم كانت صغيرة لكن معناها كبير في ناس تقرأ روايتي و مرت بنفس الشي ، الهدف منها مو كل زواج مغصوب بعده حب مو كل الروايات نهايتها حب ، كل قصه تختلف عن قبلها و كل قصة حب لها طريق خاص فيه . نتوقف هنا.... رأيكم كثير يهمني بقصة بتال ، ابثرو مشاعركم💜 التعديل الأخير تم بواسطة لامارا ; 07-04-22 الساعة 12:09 AM | ||||
|
| |
|
06-04-22, 09:19 PM
| #28 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لك_في_خفوقي_حب_ما يمحيه_الزمن Part 26 بعد مرور شهر .. مرت ايام و ليالي ، حلا صارت جاهزه للزواج جهزت كل شي مع ريلام و جود يد بيد . ريم تطلقت رسمي من المحكمة وبدت تتأقلم مع حياتها الجديده وقررت انه تكمل دراستها . عند جود اليوم كانت عازمة ريلام و حلا و مسوية ل حلا حفلة صغيرة لتوديع العزوبية ريلام وصلت قبل حلا و كانت ب استقبالها جود يلي ضمتها : ي قلبي اهلا وسهلا ريلام : كيفك ي قلبي جود : امنيحه ريلام وهي تفسخ عبايتها : وين لينا ؟ جود : بالشغل بس قالت رح تجي بعد المغرب رن الجرس و وصلت حلا .. جود طلعت و ريلام لحقتها و فتحو لها الباب و استقبلوها بالزغاريط حلا ضمتهم الاثنين : ي عمري انتو ريلام : اهلين بعروستنا حلا ضحكت : ترا قلبي بيوقف لا تزيديها جود : خلص العد التنازلي بلش حلا : قولو لي شخباركم؟ ريلام : كويسين ي عروسه جود : باقي يومين و تجتمعي بحب حياتك حلا ابتسمت وهي تتذكر سيف : اخ بس مبسوطة و خايفه ريلام : لا بُد من الخوف بس صدقيني مشاعر الزواج شي ثاني تعيشية للمره الأولى و الأخيرة جود صبت لهم قهوه ريلام : الله شكثر اشتقت للقهوة يلي تسويها حلا : تذكرنا ب لندن ريلام : الا جد ع طاري لندن ودي اروحها جود : روحي انتي و عناد غيرو جو ريلام : كلمته وقال لا ، بس مشتااقه لها و ولبيتي وغرفة بابا احس فيها ذكريات كثيرة اساسا كل حياتي عشتها في لندن حلا : ي رب بس نروحها كلنا مع بعض ريلام : ونقعد في البلكونة نتذكر ايام الجامعه و ايام م حبينا و بدت قلوبنا تعشق جود ابتسمت : رح قول خبريه كتير حلوه ريلام : وشو ؟ جود بخجل : انا و جاسر قررنا نجيب بيبي ريلام و حلا صرخو مع بعض جود : شو في ريلام : ي قلبي انا رح تصيري أم حلا : ي عمري جود : عقبالكن ي رب حلا : ي رب ريلام ابتسمت بحزن : انا يمكن لا جود اختفت ابتسامتها : عم تشربي الحبوب؟ ريلام هزت راسها : ايه حلا : ليه ي ريلام عناد لو يدري بتقوم القيامه ريلام : والله انا ابي طفل من عناد و يشبهه بس وضعي صعب بكرا بس ابني يكبر ويشوف خالتي شيخه كيف تعاملني و يتربى بهالعائله يلي مافيها تفاهم ابدا كيف رح اتعامل معاه انا ! جود : بس انتِ وعناد بتحبوه بعض كثير ريلام : اخ بس ، عناد يحبني لكن مو قادر يفهمني حلا بهدؤ : رح اشتاق لكم كثير بشهر العسل ريلام : و انا بعد بشتاق لك كثير بقولكم شي انه انا احبكم كثير جود : ليش عم تحكي و كانه تودعينا؟ ريلام رفعت كتوفها : م ادري طلع من قلبي حلا قامت وحضنتهم مع بعض : لو تعرفو كم احبكم بس ريلام نزلت دموعها : الله لا يحرمنا من بعض ! . . عند ريم .. كانت جالسة فوق سريرها وفاتحه الابتوب و تدور مقعد عشان تسجل بالجامعه تكمل دراستها م باقي لها الا ترم وقفت عشان زواجها من بتال .. اندق الباب و دخل فهد ريم ابتسمت : هلا فهد فهد : ادخل ؟ ريم : تعال تعال فهد جلس ع الكنبة : اخبارك ؟ ريم : الحمدلله فهد : مر شهر وكنتي شوي حزينه الحين احسك رجعتي ريم ريم ابتسمت : الطلاق مو سهل ل اي امرأه انا م كنت حزينه انا كنت افكر وش اسوي خطط للمستقبل ، بالعكس زواجي من بتال علمني اشياء كثيره ودايما اتذكر لو كان خيرا ابقى فهد : والله انك جدعه ريم : انا بس اخت مين فهد ابتسم : اكيد اخت فهد ريم : الا قولي وش جابك اكيد تبي شي ؟ فهد : ابيك تكلمي امي نروح تخطب سحر ريم : من عيوني فهد : ي رب هالمره توافق ريم : اذا م وافقت نجرب مره ثانيه و ثالثه لين نوصل العاشره فهد ضحك : معقوله م رح تقتنع ابد للمره العاشره ! ريم : لو م اقتنعت سوي مثل م سوا عناد ادخل و انت ماسك يدها بهالوقت محد رح يبعدها عنك فهد : م رح ترضى سحر ريم : معك حق والله ، لا تيأس لو هي نصيبك رح تأخذها ولو كل الناس وقفت قدامك فهد : الله يجعلها من نصيبي والله احبها مرره ريم : تدري انت و سحر لايقين على بعض واحس تشابهون بعض فهد : فديتها وفديت طاريها ريم ضحكت بصوت : قوم قوم خليني اخلص فهد وقف : تخرجي بمرتبة شرف و تعالي توظفي بالشركة ريم : عشان عمّاني يعلقوني فهد حط يده ع كتفها : تخرجي ولك احسن وظيفه بالشركة و انا معاك ي ريم ريم : من جدك تتكلم ؟ فهد : وليش لا ريم : الظاهر بنفتحها حرب على هالعائله! فهد : دام انتِ بالطريق الصح افتحيها حرب ! . . اليوم الثاني .. فيلا بو عناد الساعه الخامسة عصرا كانو قاعدين كلهم مع بعض ريهام و شيخة و نجود و ريلام . ريهام : ريلام بكرا اي ساعه بتروحي الصالون ؟ ريلام : بنروح للقصر و الصالون بيجي للقصر م بنروح نحنا نجود : مرره حلو والله ريلام : ايه ، مرره مبسوطه ل حلا و زعلانه انه رح افارقها شهر ريهام : تطمني م رح تسأل عنك ابدا بتكون فرحانه بالعسل ريلام ضحكت : ي عمري الله يسعدها نجود : ريلام م عملتينا وش بتلبسين بكرا ريلام : انا و جود رح نلبس مثل بعض خليها سبرايز تشوفوني بكرا شيخة: ع اساس مدري وش بتلبسين ريلام : رح يعجبك و رح تتفاخري انه انا زوجة ولدك شيخة : وش هالثقه الزايدة ريهام : معها حق ي يمه شيخة: اقول انتي سكتي بس احد حطك محامي لها ؟ ريلام : الحين عشان قالت الصدق صارت محامي ، الا جد ريهام ليش م تكملين الجامعه و تدخلين لغات و ترجمه ريهام : مين بيخليني ادخل بس ريلام : مره قلتي لي حلمك تصيرين مترجمه ريهام: ايه والله ريلام : اجل سجلي و حقيقي حلمك شيخة: اقول بس لا تخربين البنت ريلام : عشان قلت لها حقيقي حلمك صار اخربها معليش ي خالتي انتو مدري كيف عايشين على هالعقول! شيخة: لا هالمره زودتيها نجود وهي تهدي الوضع : خلص بالله لا تبدأو ريلام مو قصدها ي خالتي شيخة: انتي سكتي لا تتدخلين ريهام : يمممه حرام عليك تراها تحبني و تبي مصلحتي ، كملي ي ريلام اذا دخلت ترجمه لغات و تخرجت م حد رح يخليني اشتغل بالشركات ريلام : لا تهمي الشغل من الحين همي شهادتك اهم شي تكون عندك شهادة بيدك صدقيني بتتغير كل حياتك وبالنسبة للشغل وضيفتك عندي و مكتبك جاهز من الحين ريهام وقفت وحضنتها : أحبك والله ، اجل رح سجل عن بعد و انتي بتساعديني عادي ؟ ريلام : ولا يهمك ي قلبي انا معاكِ بكل خطوة و ترا سلطان ولد عمي صلاح متخرج ترجمة لغات ووظيفته جدا راقيه ومرموقه اي شي بيستصعب علينا بنساله ريهام ضمتها مره ثانيه : انتِ ربيع ازهر حياتي . . . . نتوقف هنا... بكرا بكمل تنزيل ي حلوين تفاعلوا واكتبوا توقعاتكم للأحداث الجايه ! للعلم بعد زواج حلا بتتغير كل احداث الرواية ! وتصير احداث مو بالحسبان ! التعديل الأخير تم بواسطة لامارا ; 07-04-22 الساعة 12:21 AM | ||||
|
| |
|
06-04-22, 11:31 PM
| #29 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لك_في_خفوقي_حب_ما يمحيه_الزمن Part 27 . . . . . صباح اليوم الثاني .. اشرقت شمس اليوم لتعلن عن بداية جديده طريق طويل و حياة جديده ل حلا وسيف حلا اخذت عبايتها و لبستها ناظرت غرفتها للمره الاخيرة و ابتسمت وهي تمسح دموعها ، دخلت غلا بسرعة : بسرعة عبدالعزيز ينتظرنا ..شافتها تبكي هدت شوي وقربت لها : حلا ! حلا ضمتها بسرعة : رح اشتااق لكم كثييير غلا بكت معاها : ي عمري انتِ ي اختي و ربي بشتااااق لك كبر هالدنيا حلا وهي تشاهق : أحبك والله غلا مسحت دموعها وبعدت شوي : خلص لا نبكي اعتبريها بتسافري لندن حلا : هذا زواج كل شي رح يتغير غلا : رح يتغير للاحسن ، الله يسعدكم ي قلبي حلا : امين. عند ريلام نزلت الدرج بسرعة وهي تكلم ندى : جايه جايه ي قلبي .. مشت للمطبخ بسرعه : انا رح امشي بااي ريهام : ريلام زفة حلا اي ساعة ؟ ريلام : ١١ ، يلا اشوفكم بالقصر طلعت بسرعة و ندى كانت واقفه عند السيارة ريلام سلمت عليها :معليش تاخرت ندى : لا عادي حبيبتي بس لسه بنمر ع جود وتعرفين زحمة الرياض ريلام طلعت السيارة : الا وين عمتي ؟ ندى : امي قالت بتجي العصر الحين مشغولة ريلام : اها وش عندها ؟ ندى : طلعت هي وخالي صلاح الشركة في اجتماع مهم ريلام : الله ع طاري الاجتماع اشتقت انه اشتغل و اطلع اجتماعات و اتعلم كل يوم شغله جديده ندى : انا لو مكانك م تزوجت عناد ريلام : ترا عناد خذ قلبي ندى : و اخذ حياتك لا تنسي هالشي ، بالله عليك وحده مثلك عندها قصور وشركات ومليارات وعايشه في بيت هي تطبخ لا و ممنوعه من السواقة وكل شي ، مدري كيف عايشه والله ريلام : ندى لا تعكري مزاجي ترا اليوم زواج حلا ندى وقفت عند بيت جود : والله زعلانه لانه احبك ي ريلام ريلام تنهدت : و انا احب عناد للدرجة بس اسمعه اسمه احس قلبي يرجف ، أحبه أحبه تدرين وش معنى هالكلمة ! . . . بعد مرور ساعتين حلا كانت قاعدة فوق الكرسي و تسوي مناكير وبدكير وغلا و جود وريلام وندى معاها وكل وحده قاعده بكرسي وتسوي شي .. ريلام : انا جوعانه جود : الحمدلله انا فطرت كويس ريلام : وانا فطرت بس مدري شهيتي مفتوحه! حلا : انا متوترة و خايفه و انتي تقولي جوعانه غلا : انتِ م فطرتي لازم تتغدين الحين بطلب لنا من ماك حلا : لالا حدي متوتره احس اللقمة م تنبلع جود : لا م بيصير لازم تاكلي شي ندى ضحكت : اذا تبين تتعشين مع حبيب القلب لسه مطولين ع الليل الحين الساعة ٣ باقي تقريبا ١٢ ساعة حلا : الله ياخذك ي ندى زدتي الخوف مين قال ابي اتعشى معاه كلهم ضحكو بصوت و ريلام وقفت : اي ظهري تعبت من الجلسة ، اجل غلوي اطلبي لنا الحين عاد انا ابغى برجر كبير مررره جوعانه جود : حلا حكيتي اليوم مع سيف ؟ حلا : اتصل و م رديت من الخوف ريلام : نبهي عليه الزفه الساعة ١١ عشان لا يتاخر بزفته حلا: والله خايفه اكلمه كلمي عناد وهو بيكلمه ريلام ضحكت و اخذت جوالها و رنت على عناد ثواني و جاها الرد : هلا والله ريلام : هلا حبيبي شحبارك؟ عناد : بخير بعد م سمعت صوتك ريلام ابتسمت : وينك حوالينك ازعاج ؟ عناد : عند سيف بس طلعت عشان ارد عليك ريلام : اسمع بقولك كلم سيف لا يتاخر ف زفته تمام عناد : ليه ؟ وش عليكم من زفته ؟ ريلام : كيف وش علينا عشان يدخل مع حلا وقت الزفه ولا نسيت ؟ عناد : لحظه لحظه ريلام مين قال سيف بيدخل مع حلا ! ريلام ناظرت حلا وهي تكلم عناد : كيف يعني م رح ينزف معاها ! حلا رفعت عيونها ب استغراب : وشو ريلام : خلص خلص عناد باي .. سكرت ولفت ع حلا : سيف كلمك انه بتنزفين لحالك ؟ حلا : م فهمت بدخل انا لحالي ؟ ريلام : اتصلي ع سيف الحين عناد يقولي من عاداتهم العروس تنزف لحالها وبعدين يدخل المعرس و ابوه ! حلا مسكت راسها بصدمه : لا لا مستحيل يسويها سيف ! الساعه ٨ ليلاً.. حلا وقفت قدام المراية وهي تشوف نفسها كانت مثل الأميرة بفستان الأبيض وتاجها الالماس يلي هو هدية ريلام و جود .. ريلام وقفت جنبها و م كانت اقل منها بالجمال كانت لابسه فستان لون اوف وايت مكشوف الظهر وماسك ع جسمها ومبين تفاصيله ومفتوح لنص الفخذ . جود عدلت طرحتها وحضنتها من وراها : طالعه اميرة حلا لفت عليهم وضمتهم : وانتو طالعين حلوين ريلام حاولت تمسك دمعتها: من جد طالعه حلوه و بتجنني حلا اخذت نفس : ي ليت فرحتي تكمل وسيف ينزف معاي ! جود : خلص لا تفكري بهالموضوع حلا : ي ليت كلمني من قبل ريلام : لا تخلي اي شي يعكر مزاجك بهاليوم انبسطي و افرحي و ارقصي حلا شدت ع يدها : ي عمري انفتح الباب و دخلو كل البنات مرره وحده وكل وحده تزغرط ، سلمو على حلا و باركو لها ريهام : الظاهر الليلة مو بس عروسه الا في ثلاث عرايس ريلام ضحكت : ي عمري ي ريهام جود : ع فكرة ريلام كل الوقت تحكي عنك و بتحبك كتير ريهام : والله انا يلي احبها و اموت فيها نجود : لا والله طالعتوني من السالفه كلها ريلام ضحكت وحضنتها : افا بس انتِ سلفتي الحلوه و حبيبتي حلا : ترا انا و جود يحق لنا نغار ريم : كاني انا و سحر غرباء سحر : ايه والله م عبرونا حتى بكلمة ريلام ضحكت : والله انتو يلي ساحبين علينا كل الوقت سحر : خلص هذا عذر الحين ! جود ابتسمت : كتير حلو انه انتو بتحبو بعض و انه حوالين بعض بحس الأهل شي تاني ريهام : و انتي كمان وحده مننا لانك اخت ريلام وريلام بنتنا ريلام ابتسمت وهي تسمع كلمة بنتنا انفتح الباب و دخلت ام حلا و غلا و اول م شافتها بالفستان دمعت عيونها حلا تقدمت لها ومسحت دموعها : ليش هالدموع يالغالية أم حلا وهي تمسح دموعها : بنتي لابسة الفستان الأبيض و م تبيني ابكي حلا ضمتها هي و غلا و م قدرت تمسك دموعها و بكت وهي بحضن امها . بعد مرور ساعة .. المعازيم و صلت كلها ، القاعة كانت كلها شاشات تبث زفة الرجال .. الكوشة كانت شكل قفص و كل الطاولات فارشينها بالحرير الابيض و عليها شمعدان و ورد طبيعي و توزيعات شكل قفص داخلها شوكلاه ب اسم سيف و حلا .. عند الرجال كان سيف واقف وهو لابس ثوب و شماغ و بشت و يسلم ع المعازيم يلي تبارك له على جهة اليمين واقف عناد و على اليسار جاسر .. عند البنات كانو متجمعين كلهم بالغرفة و يشوفو زفة الرجال ريلام : ي عمري ي عناد وش ذه الزين بس هيا لفت عليها وبلعت ريقها وهي تحس داخلها بركان بيفيض من كثر الغيرة لكن م تراجعت ابد عن قرارها ! حلا حست ضغطها بدأ ينزل مسكت راسها ب الم ريلام انتبهت عليها : حلا ي قلبي فيك شي ؟ حلا : ابي مويه جود صبت لها للكاسة : هدا من التوتر ريم : تدرون شنو نحنا لازم نطلع عشان ترتاح شوي زفتها باقي لها ساعه نجود: ايه والله من جد وهم طالعين انفتح الباب و دخلت أم سيف و اخته منال حلا وقفت بخجل و ابتسمت أم سيف : بسم الله ماشاء الله وش ذه الزين كله منال : والله و عرف يختار سيف حلا بخجل : شكرا غلا : معاهم حق اختي و ادري انه الجمال في عيونك جود : خالتو ليه سيف م بيدخل هو و حلا هيك بتكون الزفه احلى أم سيف : والله ي بنتي عندنا م يصير لازم تنزف لحالها و بعدين هو يدخل منال : يلا نحنا بنخليكم و نطلع حلا ابتسمت وهزت راسها ..طلعو وحلا جلست اخذت نفس عميق غلا : حلوي ليش هالخوف اخاف تطيحين بالدرج ! حلا دمعت عيونها : كنت ابي سيف يشوفني قبل المعازيم! ريلام اخذت جوالها و طلعت بسرعة ضغطت رقم سيف و اتصلت عليه .. سيف كان قاعد بوسط الازعاج لكن اول م شاف رقم ريلام استغرب و ناظر عناد وهو بعيد كان بيعطيه يكلمها توقع تبي عناد لكن رد عليها بسرعه : هلا ريلام ريلام : يرضيك تنزل دموع حلا وهي بفستانها الابيض و يرضيك كل العيون تشوفها قبلك ؟ سيف حس قلبه رجف وهو يتلهف ل شوفتها بالفستان الابيض : لا والله م يرضيني اجل خذي لي طريق الحين طالع ! بعد مرور خمس دقايق .. ريلام لبست عبايتها و حطت الشيلة ع راسها ونفس الشي غلا و جود حلا : ليش لبستو وسيف مو داخل ريلام قربت لها واخذت العطر و رشتها : ابتسمي ي قلبي باقي بس دقايق ع الزفه طلعو من الغرفة و اشرو ل سيف ع غرفة حلا وهم دخلو الغرفة الثانيه .. حلا كانت واقفه عند المراية م بقى لزفتها الا دقايق شمت ريحة عطرة انتشرت بكل المكان وزادت رجفة قلبها انفتح الباب و لفت بسرعه و اول م شافت سيف نبض قلبها بقوة وحست كل شي توقف حوالينها .. سيف سكر الباب و تقدم لها م توقعها بكل هالجمال ابتسم لها بحب ومسك يدها وباسها ، وباسها من بين عيونها : وش خليتي لبنات حواء والله انك اخذتي من اسمك الزين كله حلا ابتسمت بخجل سيف باسها ب رقبتها : مبرووك علينا ي قلبي ، الله يقدرني و اسعدك كل العمر حلا ابتسمت : الله يبارك فيك .. اشلون جيت وكيف طلعت ؟ سيف : م علينا من هالكلام الا قولي لي نزل عيونه لمكان صدرها وهو يشوفه ينتفض من قوة دقه قلبها : ليش كل هالخوف ؟ حلا ابتسمت وهي تحاول تخفف توترها سيف : لو تدرين شكثر متلهف لشوفتك ي حلا ، احس انه قلبك اليوم حبك من اول و جديد حلا رفعت عيونه و ناظرته بهدؤ سيف : زعلانه ؟ حلا : شويتين بس سيف ضحك بصوت : افا بس اقول امسكي بيدي ولا تشيليها ابد انفتح الباب و دخلت منال و بصدمه: سيف ! سيف ابتسم وهو يشد ع يد حلا : قولي للحريم يتغطون بنزف انا و حلا حلا لفت عليه تمنت لو تحضنه من كثر الفرحة منال : سيف وش تخربط ؟ سيف : لعنبو العادات و التقاليد يلي تزعل حبيبة قلبي بيوم عرسها والله م تنزل الا ويدي بيدها لو شنو م يصير . حين يجتمع الحب و النصيب تكون القلوب مُتلهفه بالحب وكانها اول مره تحب . انطفت كل الانوار توجهه النور ع الدرج بدت الزفة و طلو احلى عروسين حلا و سيف كل واحد كان ينزل بجهه من الدرج و بخطوات هاديه مع زفتها يلي كانت لهم الاثنين نزلو اخر درجتين و التقو بالوسط مع بعض سيف مسك يدها وباس جبينه و انتثر الورد الأحمر فوقهم وتعبت كل ارضية القاعة بالبخار شاشات القاعة كانت قريبه للوجهه و واضح عليهم الفرحه يلي تلمع من عيونهم سيف شد ع يد حلا بقوة و هي نفس الشي بادلته وصلو المنصه وكل اهاليهم طلعو وسلموا عليهم .. ريلام وجود طلعو وضمو حلا بقوة وهم يبكون حلا مسحت دموعهم : ليش هالدموع ؟ ترا قلبي يعورني و انا اشوفهم ريلام : تراها دموع فرح ي قلبي جود : هي مشاعرنا م قدرنا نمسكها حلا : تعالو نتصور مع بعض ريلام : خليها لما يطلع سيف الحين لازم تتصورين وبعدها ترقصين مع سيف حلا هزت راسها وهي مبتسمه لهم .. مرة ربع ساعه وهم يتصورو مع اهلهم .. دخلت العاملة وهي تسحب طاولة الجاتو يلي كانت كبيرة و مكونة من سبعة ادوار مدت السيف ل سيف وحلا حطت يدها فوق يده وقطعو الجاتو .. سيف اخذه قطعه صغيرة و اكل حلا حلا : كبيرة مره سيف ضحك : كولي يلي تقدري علية شسوي عاد عيونك ينسوني كل شي حلا ضحكت وهي تاخذ قطعه وتاكله سيف : والله ودي اكل اصابعك .. اشتغلت اغنية هادية سيف مد يده ل حلا ، مسكت يده و مشت بخطوات هاديه للمنصه ، انطفت الانوار وتوجهه الضوء عليهم سيف حاوط خصرها بيدينه وقربها لصدرة حلا تعلقت فيه وهي تحاول تتهرب من نظرات سيف يلي تاكلها سيف همس لها عند اذونها : اخ بس وش ذه الجمال حلا ضحكت بخجل وهي تناظر عيونه سيف تجاهل كل الموجودين وضمها لحضنه بقوة وغطاها بالبشت : قسما بالله انه عيونك جبر خاطر حلا : اجل وش اقول عن حضنك ؟ سيف باسها : أجمل حظوظ قلبي أنك سكنتيه. بعد نص ساعه طلع سيف وكل الحريم فسخت عباياتهم ريلام وجود طلعو بسرعة عند حلا و جلسو جنبها رغم الحزن يلي فيهم الا انهم كانو مبسوطين لفرحتها حلا مسكت يدينهم مع بعض ريلام اشرت ع غلا عشان تشغل الفيديو ع كل الشاشات بالقاعه .. وفعلا انطفت كل الانوار و اشتغلت الشاشات حلا : وش في ؟ جود : هلئ بتشوفي ابتدأ الفيديو يشتغل و اول صور العرض كانت ل حلا و ريلام و جود وهم ب لندن بدت الصور تتغير وبدأ صوت ريلام يلي مسجلته هي و جود : حلا ، ي عيون ريلام انتِ كل يوم عشته معاكي كان اجمل يوم ، عشنا ايامنا ع الحلوة و المُرة ضحكنا مع بعض وبكينا مع بعض ضمينا بعض ونسينا همومنا مع بعض نمنا ع اكتاف بعض و داوانا جروحنا ، ي ما سهرنا ليالي و ي م صبحنا على وجوه بعض صدقيني هاللحظه م تكفي انه احكي لك عن حبي لك لكن ي رب عيونك م تشوف غير الفرح و السعادة .. بدأ صوت جود : حلا ي كل حياتي انتِ انا فعلا م بعرف شو بقول بهالدقايق القليله لكن بقولك انتِ و ريلام العوض الجميل لي ربي عوضني اياه بعد اهلي ، بحبكم كتييييييييير قد الدنيا خلص الفيديو و ثلاثتهم دموعهم كانت ع خدهم م قدرو يمسكو دموعهم و لا يسيطرون على مشاعرهم الجياشه .. ابتدت اغنية احلى صُحاب و قامو الثلاثه يرقصو عليها.. كانو يرقضو و يتمايلو بدلع وكل وحده ماسكه يد حلا حلا من كثر م بكت وهي تشوف الفيديو م قدرت توقف ضمتهم الثنتين مع بعض وهمست من بين دموعها: الله لا يحرمني منكم . الساعة الواحده والنصف حلا انزفت وهي تطلع من القاعة دخلت الغرفة مع امها و غلا و ريلام وجود .. كان ابوها و عبدالعزيز و سيف ينتظروها اول م شافت ابوها حضنته بقوة بو عبدالعزيز مسح ع شعرها و رفع راسها و باس جبينها : الله يوفقك ي بنتي حلا شافت عبدالعزيز : عزوز ي قلبي عبدالعزير ضحك وضمها بقوة : خلص تزوجتي ي حلاوي حلا : بشتاق لك كثير عبدالعزيز : اشدعوة سيف بينسيكي بو عبدالعزيز اخذ نفس ومسح ع وجهه : سيف ترا عطيتك عين من عيوني سيف : حلا بعيوني ي عمي بو عبدالعزيز مسك يد حلا وحطها بيد سيف : حطها بعيونك هذي امانه عندك ي سيف و انتِ ي حلا سيف حطيه بعيونك وهو امانه عندك لا اوصيكم على بعض خذو بالكم من بعض و انتبهو للبعض و اذا احد عصب الثاني يروق و يهديه و صوتكم لا يعلى على بعض ولازم تصبرو على بعض بالحلوة و المُرة ، ترا الزواج مودة و رحمه من ربي الله يوفقكم و يرزقكم الذريه الصالحة . ريلام بكت لانها تذكرت ابوها وتمنت انها عاشت هاللحظه كانت تشاهق و م قدرت تمسك نفسها.. حلا بكت وضمت ابوها بقوة : الله لا يحرمني منك ي يبه ام عبدالعزيز وهي تبكي : انتبهي لنفسك ي يمه حلا ضمتها : لا تنسيني من دُعائك ي يمه أم عبدالعزيز : اشلون انسيك وانتي ببداياته غلا وهي تمسح دموعها : خلص دوري اودعها حلا ضحكت من بين دموعها و حضنتها : انتبهي لنفسك غلا : طمنيني عنك كل يوم حتى لو برسالة عبدالعزيز : ترا كلها شهر عسل و راجعه حلا لفت و ناظرت ريلام و جود يلي واقفين ويتاملوها بحب و دموعهم ع خدهم مشت لهم وضمتهم مع بعض وطلع صوت شهقاتهم الثلاثة ، ريلام حست بشعور مُخيف خافت تفقدهم لانهم امانها وضحكتها و سعادتها ! أم حلا مدت ل حلا العباية ولبستها وحطت الشيلة ع راسها سيف مسك يد حلا و اخذها ، جود سندت راسها ع كتف ريلام و بكت ، ريلام وهي تشاهق لفت ع جود وضمتها وبكو اثنينهم مع بعض . بعد مرور نص ساعه ... ريلام ركبت السيارة بهدؤ و م قالت ولا كلمه عناد : وين كيفك حبيبي ؟ ريلام بصوت هادي : كيفك حبيبي ؟ عناد شابك اصابعه ب اصابعها : ليش كل هالدموع مو حرام عليك هالعيون الحلوة تبكي ريلام لفت عليه : وش دراك ؟ عناد ضحك : ريهام قالت لي من وقت انزفت حلا و انتي تبكي ريلام : مو بيدي شسوي ، الا قولي وين رايحين هذا مو طريق البيت عناد باس يدها : بنروح فندق ولا م تبين ؟ ريلام ابتسمت : ي عمري انا . عند جود .. دخلت الغرفة و وجهها صاير احمر من كثر البكاء وقفت عند المراية وهي تفسخ سلسالها جاسر وقف وراها ومسك كتفها العاري و باسه : ترا كلها شهر و راجعه ليش هالبكاء جود رفعت عيونها بالمراية : م بعرف رح اشتاق لها كتير جاسر ابتسم : والله انا يلي مشتاق لك كثيرر جود لفت عليه وحطت يدها ع خده وباسته جاسر سحبها لحضنه وباس عيونها : والله حرام هالعيون يلي مثل البحر يبكو جود تعلقت فيه : احس انىِ مشتااااقه لك كتييير . عند حلا كانت جالسة مع سيف جنب بعض بالسيارة و يلي يسوق السواق ..من وقت ركبت وهي تبكي لكن بهدؤ سيف حس عليها و مسك يدها و كانت باردة ثلج شد عليها و رفع عيونه للسواق طفي المكيف ، اخذ يدها وباسها دقايق و وصلو الفندق نزل سيف و فتح ل حلا الباب و مسك يدها ونزل هو وياها وكان جناحهم جاهز سيف فتح لها الباب وهي دخلت دخل وراها و سكر مسك يدها و مشاها للغرفة .. فسخ لها العباية و باس جبينها وضمها لحضنه بقوة اخذ نفس عميييق : ي م تمنيت هاليوم و هاللحظه ، الحمدلله يلي ربي جمعني فيك حلا ابتسمت بحب و رفعت يدينها وضمته وهمست و ي م تمنيت انا سيف بعد عنها شوي : رح اتركك تغيري ملابسك عشان العشاء جاهز لف بيمشي لكن رجع ولف لها فسخ البشت و شماغه : لحظه لحظه مو الاصول انا يلي افسخ فستانك ؟ حلا ارتفعت دقات قلبها : لا لا م يحتاج سيف ضحك وفتح اول زراير ثوبه رجع لخلفها ..حلا كان قلبها يرجف و م تدري وش تسوي بهاللحظه سيف مسك سحاب فستانها باس رقبتها من وراء و همس : اول مساء معاكِ وي ملاذ هالمساء . والحمدلله خلصنا من احداث الزواج و من الثلث الثاني للرواية و رح نبدأ بالثلث الأخير 🔥 هو طبيعي انىِ بكيت وحلا تودع ريلام و جود ؟ ابثرو مشاعركم ي جميلين🥺❤ التعديل الأخير تم بواسطة لامارا ; 07-04-22 الساعة 12:10 AM | ||||
|
| |
|
06-04-22, 11:39 PM
| #30 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لك_في_خفوقي_حب_ما يمحيه_الزمن Part 28 . . . . . انت لا تعلم في اي طريق مخبئ لك الفرح ، و لكن ايقِن ان الله سيقودك اليه. بعد مرور اسبوع عند بتال صحي ع المنبه فتح عيونه بصعوبه و مسح ع وجهه ، قام بسرعه اخذ شاور سريع و غير ملابسه و صلي الضُحى .. طلع من غرفته و نزل المطبخ الكل كان نايم و هدؤ سوا له نسكافيه وطلع من البيت اول م طلع الحوش اخذ نفس عميق وهو مبتسم م يدري ليش هالراحه كلها موجوده بقلبه .. طلع سيارته و مشي للشركة اول م نزل كان مبتسم لكل الموظفين و القى السلام عليهم دخل مكتبه و وقف خلف الزجاج الكبير وهو يناظر الناس و السيارات .. دقت السكرتيرة و دخلت و بيدها ملفات كثيرة : تفضل استاذ بتال بتال سحب الكرسي و جلس : هذي كل الملفات ؟ مها : ايه استاذ بتال : وش جدول اليوم ؟ مها : في اجتماع الساعه ١ الظهر و عندك مقابله مع موظفه جديده بتال : اجل دخليها الحين ، وسوي لي قهوه تركيه لو سمحتي مها هزت راسها : اوكي ، ولا يهمك استاذ بتال بتال اخذ نفس و هو يقرأ الملفات و كان في نقص بميزانية الشركة كبير ! مسح ع وجهه وهمس : الله يستر وش صاير ! اندق الباب و دخلت إمراه جميلة جدا كانت لابسه عبايه باللون الرمادي و الشيله ع راسها لكن كاشفه وجهها بتال رفع عيونه : رشا ؟ رشا هزت راسها و تقدمت : ايه رشا بتال : تفضلي رشا جلست ومدت ملفها : تفضل بتال : قريته كامل و بصراحه م تنردين رشا ابتسمت : شكرا استاذ بتال بتال : دام عندك ماجستير لازم تنحطي بمكان مرموق عشان تستخدمي موهبتك و نستفيد منك رشا : ايه اكيد اساسا م بقبل ب اي وظيفة! بتال رفع راسه و ناظرها : لهالدرجة واثقه من نفسك ؟ رشا : ايه لانه تعبت على نفسي كثير لحتى وصلت لهاليوم بتال ابتسم : اجل مكتبك جاهز و دام تخصصك محاسبه رح تمسكين كل مشاريعي ورح نكون يد وحده رشا هزت راسها : شكرا ، و م رح تندم انك وظفتني ابدا بتال : اجل مها بتعلمك كل شي عن الشركة و بتعطيكي كل المعلومات و اي شي تبيه انا جاهز رشا وقفت : شكرا كثير ، و اكيد رح نشوف بعض كثير دام نشتغل . جزر المالديف حلا فتحت عيونها بصعوبه و هي بحضن سيف بعدت عنه بهدؤ عشان لا تصحيه لكن سيف سحبها لحضنه .. وببحة نوم : على وين ي حلوه ؟ حلا : صحيتك ي عمري ؟ سيف : اجل تاخذين راحتي و م اصحى حلا باست خده : صباح الخير سيف : صباح الخير ي وجهه الخير انتِ حلا : طيب خليني اقوم عشان يمدينا نلحق الطيارة سيف : ترا اتعذب بس تقومي من حضني حلا ضحكت وقرصت خده : ترا كلامك يلي يعذب القلب سيف ضحك بصوت وباسها بقوة : هذا الصباح يلي يقولون عنه صباح الخير و الله انك كل الخير حلا : م رح تقولي وين رايحين ؟ سيف : مفاجأة حلا : لا تقول لندن والله بموت من الفرحة سيف : ليه ؟ حلا : مدري بس اسمع طاري لندن قلبي يرجف اجل لو بروحها و معاك بعد سيف : م ودك نعيد الذكريات و نرح مقهى حارتنا و انتي تعزميني على قهوه و انا على ورده ؟ حلا حطت يدها ع فمها : يعني بنروح لندن ؟ سيف هز راسه : ايه بنروح لندن ي قلبي حلا صرخت بصوت وضمته بقوووة : احبك والله احبك سيف بادلها الحضن : انا وش ابي من الدنيا غير سعادتك حلا : ي عمري ، قامت و اخذت جوالها : بكلم ريلامي و جودي سيف : ضروري كل يوم تكلميهم ؟ حلا ضحكت : تغار منهم؟ سيف قام وحضنها من ورا : م اغار لانه ادري انه انا ملكة قلبك ولا انا غلطان ؟ حلا لفت عليه وهي لاصقه فيه : اخ بس ، انت ملكة كل شي فيني ، الحين حسيت بمعنى الحب م كذب يلي قال الحب عالم ثاني . عند جود كانت بالمطبخ هي و لينا و يجهزو الأكل لينا مسكت بطنها ب الم : ايي جود : حتى انتِ تعبانه لينا : ايه والله جود : اكيد صار معنا تسمم من مطعم امبارح لينا جلست فوق الكرسي والله تعبااانه كتير جود : انا استفرغت تلات مرات و بعدها ارتحت شوي لينا : شو اخبار حلا ؟ جود ابتسمت لطاريها : امنيحه بالصبح بعتت لي مسج انهم رايحين لندن لينا : كتيير حلو جود : احلى شي انه بيعودو كل الذكريات لينا : ان شاء الله بعطلة الصيف بتسافري انتِ و جاسر جود ضحكت : ليه اخترتي عطلة الصيف ؟ لينا : جاسر بيحب يسافر بالصيف وكل مره بكتشف بلد وشي جديد جود : بتصدقي اول مره بعرف لينا : اسمعي شو بدي قولك جاسر عيد ميلاده قرب بتعرفي ؟ جود : لا متى ؟ لينا : الاسبوع الجاي وبدي نحتفل فيه شو رايك ؟ جود : ايه ماشي . عند هيّا طلعت من غرفتها ونزلت الصالة جلست جنب امها وصبت لها قهوه حصة : هالايام كل الوقت قاعده بغرفتك ! هيّا : اتابع مسلسلات حصة : م مليتي من هالمسلسلات ليل نهار ؟ هيّا : يعني وش بسوي ؟ الا بسألك يمه كلمتي خالتي شيخة ؟ حصة : ايه و تسلم عليك كثير هيّا : شخبارهم من زمان م شفناهم حصة : ايه و عشان كذا عزمتنا يوم الخميس هيّا ابتسمت : جد والله حصة : ايه عشان كذا بكرا بطلع المول و اشتري لها هديه من زمان م عطيتها شي تجين معاي هيّا ابتسمت وسرحت وهي تفكر بخطتها مافي غير بكرا تنفذها دام مافي احد بالبيت حصة : هيّا وش فيك ليه تضحكين ؟ هيّا بربكه : ولا شي تذكرت اليوم بتنزل حلقة مسلسلي ! عندما يكره الانسان يتحول الى انسان شرير ، لكن عندما يحقد ويكره بحجة الحب هُنا يتحول الى شيطان ! عناد دخل الغرفة وهو يحس راسه بينفجر من ضغط الشغل و المشاكل يلي صايرة بالشركة و نقص الميزانية! فسخ ثوبه ورميه ع الأرض و بدأ يدور اوراق مهمه يحتاجها كان رافعها بدا يدور بالخزنه ولا لقي و بالادراج اخر شي فتح الدرج ورمي كل شي للارض وهو يدور لكن تفاجئ لما شاف حبوب تنرمي ع الارض انحني للأرض واخذهم فتح عيونه بصدمه وهو يقراهم ! ريلام كانت بالمطبخ هي و ريهام و فالينها ضحك وهم يغسلون الصحون ريهام : ريلامي اليوم العصر بنسوي التمارين ؟ ريلام : رغم انىِ مكسلة لكن اوكي نسويها ريهام : تصدقين امس لبست جينز وصار يجي مقاسي كان قبل ماسك مرره و م ارتاح فيه ريلام ابتسمت بحب : عقبال تلبسين مقاس اصغر صدقيني كل م بتنحفي رح تنبسطي اكثر و تتحسن نفسيتك ريهام : والله لولاكي م كان نحفت م كلمت لانه سمعت صوت عناد ي يناديها بصراخ ريهام : شفيه عناد ! ريلام غسلت يدها و نشفتها : مدري والله .. طلعت من المطبخ بسرعه وطلعت غرفتها دخلت وشافت الاوراق كلها مرميه بالأرض وعناد واقف ومعطيها ظهره همست بهدؤ : عناد عناد لف لها وتقدم بخطوات هاديه ونظرات كلها غضب رفع الحبوب بوجهها : وش ذه ؟ ريلام غمضت عيونها و بلعت ريقها ناظرته بهدؤ : حبوب منع الحمل عناد مسح ع وجهه بقوة و تاكد منها : ليش ي ريلام ؟ ريلام جلست ع الكنبه : لانه حياتي ماهي مُستقرة معاك ! عناد مسك كتفها بقوة و وقفها : انا اقولك ابي طفل يشبهك وانتِ تشربين حبوب من دون لا ادري ! وش اقول عنك ها اي زوجه انتِ؟ ريلام نزلت دموعها : عناد شيل يدك تالمني مره عناد تركها بقوة وبحده : و قلبي انا وش اقول عنه ها مو حرام عليك يلي تسوينه فيني ها ؟ ريلام : و انت مو حرام يلي تسويه فيني كل شي عندك لا طلبت منك نعيش ف بيت لحالنا عندي بيوت كثيره ورفضت طلبت منك تستأجر بيت صغير حتى لو فيها بس غرفه و راضيه اعيش فيها لكن رفضت وقلت ماني طالع من بيت اهلي و تحملت كل يوم اصحى ي اطبخ ي انظف انا قاعده اعيش حياه مو حياتي انا م تعودت على هالعيشه حتى الشغل يلي احلم فيه من ايام الجامعة رفضت انىِ اشتغل وش تبيني اسوي ي عناد ؟ بكرا اجيب طفل و يسمع امك بالطالعة و النازله تسمعني كلام حتى اخوك سعود يدخل وين اروح و وين اطلع يرضيك انه الانسانه يلي حبيتها تتعامل هالمعامله من اهلك! عناد مسح ع وجهه : هذا مو تبرير ي ريلام ريلام: ترا انا اتمنى اجيب ولد يشبهك بس بهالظروف مستحيل عناد : يعني مسويه نفسك مو غلطانه؟ ريلام : ايه عناد اخذ جواله و مفاتيحه وطلع لكن وقفه صوت ريلام : وين رايح الحين؟ عناد : مخنوق م ابي اجلس ولا اشوفك. بيت بو محمد ريم نزلت الصالة و كانت امها وهاجر قاعدين يتقهوو و يتابعو مسلسلهم ريم جلست : كيف حالكم هاجر : هلا ريمو أم محمد : وينك هالايام كل الوقت قاعده بغرفتك ؟ ريم : عندي اختبارات أم محمد : م ادري وش بتستفيدي من الجامعه بالنهاية بتقعدي بالبيت ريم : يمه وش ذه الكلام أم محمد : والله هذا الصدق ولا لايكون كذبت ريم : بس انا رح اتخرج و بمرتبة الشرف بوقتها رح اشتغل أم محمد : وشو تشتغلين !! ريم : ايه ي يمه رح اشتغل و رح تشوفيني سيدة اعمال ، بس ادعيلي هاجر : ريم الظاهر نسيتي وين انتِ أم محمد : ايه والله نست تماما ريم : لا م نسيت ابدا لكن انا رح احقق كل احلامي أم محمد : مدري وش اقولك قاعده تحلمين ع الفاضي ريم : اجل اتركوني أحلم مثل م ابي ، المهم يمه جايتك بموضوع مهم و اتمنى هالمره تسمعي للأخير ام محمد : ان شاء الله يكون خير ريم ابتسمت : كل الخير .. يمه ي حبيبتي فهد يحب سحر و يبيها من بين كل البنات خلينا نروح و نخطبها رسمي و تفرحين قلب ولدك أم محمد : م يصير ي بنتي ترا سحر اكبر منه بسنتين ريم : وش فيها اذا هي اكبر مو عيب أم محمد :هالسالفه سكرناها من زمان خلص مافي داعي نفتحها ريم اخذت نفس : سكرتيها ؟ وقلب فهد سكرتيه ؟ أم محمد : مية بنت تتمناه ريم : بس هو يتمنى سحر ي يمه أم محمد : بكرا بيتزوج غيرها و ينساها ! ريم وقفت و بعصبيه : حررررام عليك ي يمه شوفيني انا تزوجت ضحيه عاداتكم وقراراتكم ، م يصير والله م يصير هالظلم ربي م يرضى فيه ابدا اصحو على انفسكم بنات الناس مو لعبه هذا تزوجت و تطلقت وش استفدتو ها؟ م دمرتو الا قلوبنا وشابت ارواحنا ! عند ريلام كانت نايمه فوق السرير وتبكي من وقت طلع عناد كل يوم تحس نفسها تطيح بهاويه اعمق و اعمق م تدري وش تسوي ولا وش تتخذ من قرار ! دق جوالها وصحاها من كل هالافكار اخذته وردت : هلا عمتي الهنوف : ي هلا بهالصوت ، كيفك ي ريلامي ريلام وهي تمسح دموعها : تمام الهنوف : خير ليش صوتك كذا ؟ وش صاير ريلام : ولا شي الهنوف : طيب حبيبتي شرايك تجين عندي نتقهوي مع بعض ومنه تغيرين جو ريلام : م اقدر اجي عناد مو موجود تعالي انتي والله مشتاقه لك الهنوف حست من نبرة صوتها انه صاير شي : ولا يهمك الحين اللبس عبايتي و اجيك مسافة الطريق . ريلام سكرت وقامت بسرعة اخذت شاور و طلعت نشفت شعرها ولبست فستان ابيض ساده مااسك ع جسمها ولتحت الركبه وقفت عند المراية وحطت يدها ع بطنها وهي تتخيل انه تحمل بيوم من الايام ابتسمت من مُجرد خيال .. خذت جوالها وطلبت ضيافه كامله ل عمتها من محل حلويات .. نزلت و كانت ريحة عطرها سابقتها ريهام : الله وش ذه الجمال ، الظاهر نسيتي بنسوي تمارين ؟ ولا كشختي عشان اتحمس و انحف ريلام ضحكت : لا والله م نسيت لكن عمتي الحين جايه نجود : الحين ؟ ريلام : ايه ليه مستغربه ؟ نجود : اقصد مافي ضيافه كان كلمتيني بسوي شي ريلام : ي قلبي تسلمين لكن طلبت من برا والحين بتوصل ريهام : انا بطلع اغير ملابسي ريلام : وين خالتي ؟ نجود : طلعت هي و خالتي حصة عند وحده صاحبتهم ريم همست بنفسها : الحمدلله .. اندق الجرس ريلام مشت بسرعة و فتحت الباب و ضمت الهنوف : ي اهلييين ، نورتي الهنوف : كيف بنتي الحلوه ؟ ريلام ابتسمت : بخير بوجودك الهنوف مدت لها باقة ورد كبيرة : احترت وش اجيب لك لكن قلت الورد يبي له ورد ريلام توسعت ابتسامتها و اخذت الورد : ي عمري والله تسلمين ، تعالي ادخلي دخلت الصالة و ماكان في احد ريهام تغير ملابسها و نجود تسوي القهوه .. الهنوف فسخت عبايتها و جلست جنب ريلام : قولي لي وش صاير معاكي ريلام اخذت نفس : عادي اشياء تصير بين اي زوجين ! الهنوف : اشياء لدرجه تخلي عيونك ذابلة و وجهك نحفان تغيرتي كثير من يوم جيتي من لندن ريلام تنهدت : عناد عرف انىِ اشرب حبوب الهنوف : طيب وش فيه يعني عصب ؟ ريلام : عصب بس الا قوم القيامة و اخر شي قالي م ابي اشوفك الهنوف مسكت يدها : لساتك بالبداية ي بنتي لاحقين ع العيال والله لاحقين ريلام رجعت شعرها ورا اذونها : والله تعبت ي عمتي احس انىِ بجهاد مو طبيعي هالعيشه ! الهنوف : شرايك تجين عندي يومين تغيرين جو ريلام : ي ليت بس عناد م رح يرضى ابدا و اذا جيت السالفه بتكبر اكثر الهنوف : مدري وش اقولك ي بنتي اهم شي تكوني مرتاحه البال ريلام : اسمعي بقولك شي مهم الهنوف : قولي ريلام بصوت هادي : انا شاكه انه انا حامل ! الهنوف : اشلون و انتِ تاخذي الحبوب ولا بس توهمتي ؟ ريلام : م ادري والله بس شهيتي مره مفتوحه و انام كثير و اتعب من اي شي الهنوف : طيب سوي تحليل عشان يروح الشك ريلام : م اقدر ، شرايك تخلين السواق وهو جاي ياخذك يجيب لي فحص حمل ، بس م ابي احد يعرف الهنوف : م ادري وش اقول بس ان شاء الله النتيجه تكون سلبيه . عند هيّا طلعت غرفتها وهي مبسووووطه وتحس انها صارت قريبه لحلمها اخذت جوالها و اتصلت ل صديقتها هيفاء هيفاء ردت : هلا والله هيّا : عندي اخبار تجنن هيفاء ضحكت : قولي وش عندك الظاهر شفتي عناد هيّا ضحكت بصوت : قريب قريب هيفاء : قولي وش هي الاخبار الزينه ؟ هيّا : الموضوع يلي كلمتك عليه بيتنفذ بكرا هيفاء بهدؤ : متأكده ؟ هيّا : ايه هيفاء : و اذا انقلب ضدك وش بتسوي هيّا : م بينقلب عناد و اعرفه شهم م منه اثنين ، المهم مثل م تفقنا بكل شي هيفاء : تراجعي ي هيّا هذي فيها خراب بيوت هيّا : لا ي حبيبتي م فيها خراب بيوت حبيبي وبرجعه لي ، اساسا هو لي من البداية ويلي ياخذ شي مو حقه يتحمل يلي يجيه ! نتوقف هنا..... وش تتوقعو فكرة هيّا خلوني اشوف مدى تفكيركم ؟ التعديل الأخير تم بواسطة لامارا ; 07-04-22 الساعة 12:10 AM | ||||
|
| |
|
| أدوات الموضوع | |
| انواع عرض الموضوع | |
|
|
العرض العادي
