آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
07-08-20, 02:00 PM
| #241 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  239❤❤ عند ورد ، كانت جالسة وبيدينها وردة ، سرحانة وتفكّر وبدون ماتحس كانت تقطع اوراق الورد ويطيح منها ع الأرض وهي مو منتبهه ، مانتبهت الا على صوت الباب وهو ينفتح وصوت سند يسولف مع احد، توقعت انه يكلم لين سمعت اصوات بناته من الوهلة الأولى حست بضيق لإنه جاب بناته بأهمّ ليلة بعمرها لكن سرعان ماتلاشى الضيق لما سألت نفسها " من لهم غيره ؟ " لاتصيرين أنانيـه ياورد،انتي عشتي بدون أب وبدون ام وعرفتي كيف تكون الحياة بدونهم، لا تتركين الشيطان يلعب براسك وتغارين من بناته ، قلبك عمره ماشال بداخله غير النقاء والطهر لاتخربينها بالأخِير .. ابتسمت لما شافتهم داخلين عليها، وقفت واتجهت لهم وانحنت للبنات وباستهم بهدوء ورفعت نفسها ، طاحت عينها بعين سند اللي كان مستانس ومرتاح لردة فـعلها وهمسّ : مازعلتي ! ورد بنفس همسه : لا ، والله انها احلى ليلة بحياتي سند كان يتأملها بشكل غريب ويدرس ملامحها جزء جزء لدرجة ان يدينه ارتخت وهمس لاشعورياً : أنا دخيل الكحل والعطر .. والروج دقّ قلبها من كلامه وقالت بخجل : غريبة ماناموا للحين بيأذن الفجر ! سند : مايقدرون ينامون بدوني، يذكرونك بأحد ؟ ورد : اي يذكروني بنفسي قبل اربع سنين.. بس ماعليه ترا في إحتمالية انهم يتعودون شوفني انا اربع سنين مانمت بحضنك الا اليوم ماصار لي شيء الحمدلله . سند ضحك من قلبه على كلامها واخذ بناته وتقدم فيهم للسرير ودخلهم وغطاهم وكان النوم متمكن منهم ومتخدرين ومافيهم حيل يسولفون اصلاً، ظل سند جنبهم دقيقتين لين ناموا وورد طلعت للصالة وجلست عالكنبة وعيونها تلمع . سند قام بيطلع وناظر مكانها شاف الورد اللي منتثر ع الأرض استغرب وطلع شافها جالسة واستغرب سرحانها ، جلس جنبها وعيونه لازالت تتأملها ثواني وقال بصوت خافت : عسى ماشرّ ! ورد لازالت ساكتة ، سند مسك كفّها بكفه وشد عليها وكمل : مضايقك شيء ؟ ورد : مادري شفيني، لما طلعت جاتني غصه وحسيت بشعور يخوف حسيت انك ماراح ترجع، خفت وبكيت ناظرت له وعيونها تلمع وكانت تكابر على دموعها وقالت بغصة : ولما رجعت لي قلت الحمدلله اللي ردك لي لو معك الناس كلهم مايهم، المهم انك معي! سند عرف معنى شعورها ، جذبها لحضنه ومسح على شعرها واخذ نفس عميق وقال بضيق : شعورك كان في محله كنت بموت لولا رحمة الله . رفعت عيونها لعيونه وكمّل سند : بتال كان مترصد لي كان يبي يقتلني، مراقبني ورد انقبض قلبها وكمل سند بهدوء : انمسك قبل يتعرض لي ورد لفت ايدينها وحضنته بقوَة وقالت والعبرة تخنقها : الحمدلله لو مارجعت لي كان مت وراك، اتحمل كل الغيابات الا غيابك . ➖ حساب الكاتبة:rwaya_roz | ||||
|  |
|
11-08-20, 10:24 PM
| #242 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| 240❤❤❤ في بيت سيّاف : بالصالة، كانت جالسة ذكرى وتكلم جواهر، وعلى الأرض كانت جالسة ام سياف وبيدينها سبحتها وتستغفر رغم انها مركزة بسوالف ذكرى ، وذكرى عارفة انها مركزة معاها. جواهر : لااقولك يوم صحيت ومالقيت بنات سند ، بغيت انجن ذكرى : امداك حبيتيهم يالكذابه جواهر : ماصار لهم خمس شهور بس والله اني حبيتهم، كانت حياتي فراغ لين رجع سند ذكرى : كويس عالأقل تلهين معاهم شوي، وبنفس الوقت تفكين العروسة من ازعاجهم جواهر : قلت لسند خلهم عندي شهر وسافر انت وورد واستمتعوا ، قال ودي بس البنات مالهم غنى عني ذكرى : ايه متعلقين فيه، ماينلامون هو صار لهم اب وام جواهر : انتي وش فيك تتكلمين بصوت واطي ، اكيد عجوز قريح عندك ذكرى ارتبكت وضحكت : اي عمتي يابعد عمري جالسة عندي الحين جواهر : عمت عينها عسى، قاهرتني حيل ذكرى : ابشري يوصل سلامك ، اختي جواهر تسلم عليك ياعمه ام سياف ببرود : الله يسلمكم جواهر : يختي رغم انها حشريه لكن تكسر خاطري ذكرى شافت سياف يدخل وتنحنحت : اوك اكلمك بعدين جواهر ، باي. قفلت منها وسياف تقدم نزع شماغه ورماه ع الكنب وجلس جنب امه وسند ظهره ع الكنبه اللي وراه وتنهّد وكان مبتسم ابتسامة خفيفة . امه : وراك اليوم متأخر سياف : ابد راقت لي السهرة بالإستراحة، ذكرى شخبارك اليوم ذكرى : الحمدلله احسن، صراحة كنت ادري ان الحمل تعب بس ماتوقعت لهدرجة سياف : ماعليه ، هانت الافت لأمه وقال بإبتسامة : الله لايحرمني من دعواتك اللي فتحت لي ابواب الدنيا امه استبشرت خير من كلامه وابتسامته وسياف ناظر لذكرى بعيون مليانة فرح : ابشركم انها انفرجت ، توظفت ، مهندس بعد ست سنوات من البطالة . ام سياف دمعت عينها ورفعت يدينها وقالت بغصة : يارب لك الحمد، الله يرزقك من واسع فضله ذكرى خنقتها العبرة من الفرحة، رغم انها كانت راضية جداً بعيشتها البسيطة اللي اقل من عادية وبعمرها ماسخطت رغم ان ناقصها اشياء كثير ورغم انها انحرمت من اشياء كثير، لكن كانت راضية ومكتفيه بالحب والسعادة والراحة النفسية اللي عايشة فيها .. ابتسمت وعيونها بعيونه وهمست : الحمدلله، الله يزيدك ياحبيبي ويرزقك من خير الدنيا والآخرة. سياف وعيونه بعيونها كانت احلى لحظة بحياته وهو يشوف الفرحة بعيونها وقال بمشاعر صادقة : خير الدنيا هو انتي، لو مارزقني ربي بشيء غيرك كفاني. ام سياف بغيرة : وانا ؟ سياف : مايحتاج، انتي ست الحبايب والكلّ بالكل واسباب الخير كله، الله يطول بعمرك.. حساب الكاتبة:rwaya_roz | ||||
|
| |
|
11-08-20, 10:24 PM
| #243 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| 241❤❤ بعـد اسبوع ، في بيت سند : كانت ورد بغرفة البنات وترتبها معاهم ، رغم شقاوتهم الا انها مستانسة عليهم، ورغم انها تشوف بملامحهم نوف ، لكن ما أثر هالشيء عليها كل ماتذكرت نوف دعت لها بالرحمة ورغـــم ان الغيرة تاكل قلبها اذا تذكرت ان نوف كانت زوجته بغض النظر ان سند كان مجبور عليها وكان كارهها وبغض النظر انها ماتت من اربع سنوات وانتهت حكايتها كانت ورد تغار بكلّ مرة يجي طاريها وانها أم بناته، جلست على سرير جوانا وسرحت بالأرض ورغم ازعاجهم ماانتبهت لشيء غير افكارها اللي تنكدّ عليها بكل مرة ، رجفت كفها من قسوة افكارها وغمضت عيونها بقوة وهمست : اعوذ بالله من الشيطان الرجيم . سمعت صوت باب البيت ينفتح، عرفت ان سند رجع، ناظرت للساعة بيدها كانت 9 الليل، استغربت انه راجع بدري ، شافته يدخل لغرفتها وماانتبه لوجودها بغرفة بناته، كان مستعجل وواضح انه يدور على شيء كان مضيع احد بطاقاته ويدور عليها بغرفته، فتح احد الأدراج وكان جوال ورد عليه ، ماانتبه لوجوده لين اتصل جوالها برقم غريب استغرب ودخل الفضول لصدره، اخذ جوالها ورد على المكالمة وقبل مايقول الو وصله صوت شـاب ، وكان غريب عليه والغريب اكثر انه قال اسم ورد ، وانتظر ردها ، لكن ماوصله رد كان سند ساكت وقبل يرد عليه تكلم الشخص الثاني بنبرة امتنان : جزاك الله خير، اليوم خلص بناء المسجد فرحة الناس مااقدر اوصفها لك، هذا من غير الأبيار اللي حفرتيها واللي استفادوا منها الاف الأشخاص ، ارسلت لك الصور بالواتساب ماشفتيها، الله يجعله بميزان حسناتك. سند ماارمش من صدمته، مسجد ايش وأبيار ايش، مارد عليه وقفل المكالمة كلها، ودخل الواتساب ودخل محادثة صاحب الرقم وشاف الصور وهو في حالة صدمة تامة، صورة مسجد كبير وجميل لأبعد المقاييس وحوالينه الناس فرحانة فيه ، وابيار مياه بأحد الدول الفقيرة وحوالينها الأطفال يشربون من نبعها ، الصدمة ماكانت هنا الصدمة ان المسجد والأبيار بإسم ابوها وإسم ونوف كانت صدقة جارية عنهم . دخلت ورد للغرفة وهي مبتسمة وتلاشت إبتسامتها لما شافت جوالها بيده، عقدت حواجبها بإستغراب لما شافته مركز بنظرات غريبة. قالت بصوت خافت : ياكثر حوسة البنات ، تو خلصت ترتيب غرفتهم . رفع عيونه لها ، بصمت تام، وملامح ساكنة ادخلت الشكّ لقلب ورد بلعت ريقها وقالت بتوتر : شفيك ؟ سند بهدوء : كل هذا مسويته من وراي ؟ ➖ حساب الكاتبة:rwaya_roz | ||||
|
| |
|
11-08-20, 10:25 PM
| #244 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| 242❤❤ ورد خافت من كلامه ولمعت عيونها وكمل سند وهو يجاوب تساؤلاتها : مسوية مسجد وصدقات جارية ؟ مو هنا المشكلة، ولاني مستغرب من طيبك وماني زعلان لإنك سويتي الخير ! سكت شوي وكمل بصدمة : انا مصدوم لإنك مسوية الخير للناس اللي آذوك وضروك ؟ اكثر اثنين عذبوك بحياتك سويتي لهم خير بعد وفاتهم ؟ ورد بلعت غصتها وصدت عنه تخفي دموعها اللي تجمعت بعينها، سند ترك جوالها ورجعه مكانه، قرب لها لين صار مقابلها مباشرة، وهي لازالت تناظر يسارها بعيون غرقانة. همس بإذنها : وين القى مثلك ، من يسوي مثلك بهالزمن ؟ ورد اخذت نفس وحاولت تهدي حالها وناظرت بعيونه وقالت بإبتسامة خفيفة : ايّاك تنسى إني تربيتك . سند وقلبه يدق بسرعة غريبة تجاهها : انا ربيتك، بس سبقتيني بالطيب انتي مو إنسان مثلنا ، ولا ورد مثل إسمك ، انتي ملاك مثل الملَاك. ورد رفعت كفّها ومسحت دمعاتها برقة وقالت بإبتسامة : تشوفني كذا لإنك تحبني ؟ ولا لإني مسوية اللي سويته؟ سند طال صمته بعد سؤالها، اخذ نفس بعمق وتقدم الخطوة اللي كانت فاصلة بينهم، حضن خصرها وانحنى لكتفها وباسها بهدوء وهمس عليها : انا احبك بأسباب وبدون اسباب رفع راسه لها وثبت عيونه بعيونها وكمّل : شكّي بكل شيء بهذا العالم الا بصدق مشاعري اتجاهك ، انتي فوق البشر كلهم . سرحت بعيونه وقالت بحب : طول عمري كنت اتمنى حياتي حلوة مثل عيونك، ياليت حياتي تشبه عيونك . ابتسمت عيونه قبل شفاته من كلامها وحسّ انه راح يفقد صوابه وهمس : انا بعيشك حياة مالها مثيل لا تشبه عيوني ولا تشبه جمالك حتى . ورد تذكرت شيء وقالت بسرعة : انت راجع تاخذ شيء وتطلع، ليش مارحت ؟ سند : احد يشوفك ويفكر يطلع من عندك؟ ماعلينا الحين من وين لك فلوس المشاريع اللي سويتيها ؟ ورد : نسيت ان ابوي سجل املاكه بأسمي ؟ قلت اسوي شيء ينفعني وينفعهم افضل لي . سند سكت وهو يفكّر بموقفها وطريقة تفكيرها وقلبها الكبير اللي سامح كل شيء وأولهم اسباب عذابها " ابوها و نوف " قال بصوت خافت : سامحتي نوف ؟ ألجمها السؤال وسرحت فيه، كررته بداخلها مية مـرة ، أوجعها السؤال ورجع لها شعور قديم قالت بغصة : سامحتها من زمان . ناظرت بعيونه وكملت بحرقة : من قبل لاتصير زوجتك و.. نزلت عيونها وكملت بنبرات مخنوقه : ماكنت ادري انها بتصير زوجتك وتكسر عيني ، بس مع ذلك مازعلت منها مرة ثانية، دعيت الله يوفقكم ويهنيكم . عرف انها بتبكي وقبل تطلع عبراتها اخذها لحضنه، بكت على صدره وجسمها يرجف من الذكريات السيئة، رغم انها راحت وتبدلت بأيام حلوة لكن الجرح باقي محفور بصدرها رغم محاولاتها الكثيرة بنسيـانه. حساب الكاتبة:rwaya_roz | ||||
|
| |
|
11-08-20, 10:26 PM
| #245 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| 243❤❤ ياحظ المطر اللي يصطب فوق متنك أختاره الله بـالمكان المنـاسب . . الساعة 4 الفـجر . صحت ورد على صوت المطر والرعد، ناظرت لسند جنبها وتوقعته صاحي لكن كان نايم بعمق ومو حاسّ بشيء ، قامت ووقفت قدام الشبّاك وشافت غزارة المطر، ابتسمت وتحمست ججانها تطلع ،واخذت جاكيتها ولبسته وطلعت من الغرفة ومن البيت ومجرد مافتحت الباب داهمها المطر وطلعت بسرعه وشهقت لما حسّت ببرودة الجو لكن ماتراجعت ورفعت يدينها مستقبلة قطرات المطر ، فرحتها بالمطر كبيرة وكأنها تملك الدنيا وخيراتها ، تبللت كلها وحست ببرودة شديدة ولافكّرت انها تدخل ماانتبهت لسند اللي كان واقف خلف الشبَاك وعينه عليها وسرحان فيها وحركاتها اثرت عليه بشكل كبير ، كان يتأملها وفي داخله مشاعر مالها وصف، ماقدر حتى يطلع لها رغم انه متلهّف وولـهان ، وقف يتأملها بكل ماتحمله النظرات من حب الين اليوم ماأستوعب انها صارت له، بعد كل اللي مروا فيه من مصاعب كان الأمل معدوم ، والكلام كثير ، وكل شيء واقف ضدهم ، كان فاقد الأمل بعد ماتزوجت لدرجة انه تزوج نوف بأسرع وقت علشان ينساها، لكن الله كان أعلم بما في قلوبهم ، واعلم بصدق حبهم ونواياهم، جمعهم بعد عناء وبعد غياب طويل ، سنوات طويلة قد تكون غيرت فيهك أشياء كثيرة ، لكن استحالة أنها غيرت مقدار بسيط من محبتهم ، وكانت بعيونهم قصة لقاهم وإجتماعهم بعد فراق اعظم من قصة حبـهم . رجع بخطواته ناوي يطلع معاها ، طلع من غرفته ومجرد ما وصل لباب المدخل انفتح الباب ودخلت ورد ، كانت متبللة وترجف من البرد ، واستغربت لما شافتها صاحي وشكله رايق. ابتسم و عيونه بعيونها وقال وهو يتأملها : يعني يوم قررت أطلع معك دخلتي ؟ ورد ضحكت : عادي حياتي ما فاتك شيء، تعال نطلع مره ثانية . تقدم لها ومسك كفها وسحبها داخل وقفل الباب وشد قبضته عليها وقال بهمس : بتمرضين ، تعالي مشى فيها الين دخلها للغرفه وجلسها عالكنبة وفتح درجها وطلع لها ملابس مختلفه ومافيها تناسق لكن الأهم انها تتدفى ، ضحكت ورد لما شافت تنسيقه وقامت واخذتهم منه : ذوقك يفشل لكن غصب عني بلبسه اتجهت لغرفة التبديل وسند جلس ينتظرها بلهفة ، دقايق ودخلت ورد بنفس اللبس اللي اختاره لها وجلست جنبه وهمست بإبتسامة : امشط شعري بعد دامك مختار لبسي سند سرح فيها لوهلة مع ابتسامة خفيفة ولف نفسه ناحيتها ولفّت ورد بجسمها الين اعطته ظهرها وصار شعرها مقابله، عطته المشط وسرح فيه ثواني مو عارف لشعرها، طاح من يده المشط وفقد توازنه ورجاحته ونسى نفسه وحضن خصرها وسحبها له بقوّة ودفن راسه بشعرها ووزع لها قبلاته بكلّ لهفة .. ➖ حساب الكاتبة:rwaya_roz | ||||
|
| |
|
11-08-20, 10:27 PM
| #246 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| 244❤❤❤ في صالة بيت سند ، كان واقف ولابس نظارات طبيّة وبجنبه سبّورة وبيده عصا للشرح ، وقباله بناته وورد وكلهم معاهم دفاتر وأقلام ومندمجين معاه وهو يعلمهم للحروف ، ورد كانت عارفة لكن مسوية نفسها مو فاهمة شيء . رفعت يدها وناظر لها سند وقال بهدوء : تفضلي ورد ورد بتفكير : عندي سؤال يا استاذ ، الحين ليش قلت حرف الضاد مرتين ؟ سند يأشر عالحروف : أولاً مو كلهم ضاد ، هذا ضاد وهذا ظاء ، وهذا سبب تسمية اللغة العربية بلغة الضاد . ورد مافهمت : طيب متى نخلص ترا تعبت سند رفع يده يناظر للساعة : متبقي ساعة، ركزي ياورد ورد تأففت وتركت القلم : وبعدين يعني حاشرني معاهم يقالك بتعلمني الكتابة بعد هالعمر، خلاص مابي اكتب. سند اتجه لها بخطوات بطيئة لين وقف قدامها، سرحت فيه ونست كل شيء شرحه لها . سند بنبرات حادة : صار لي ثلاث شهور ادرسك ، وقفت على هالساعة ؟ تحملي ولا اسمع لك صوت ورد بهمس : يبي لي اتعلم لغات العالم كلها عشان أعبر لك عن اللي يصير لقلبي بسببك. سند ارتبك من كلامها وناظر لبناته وكانوا يناظرون لهم وتنحنح : ركزي بكتابك افضل لك ، احد عنده سؤال ثاني يابنات جوانا : متى نخلص ؟ سند ظل يناظر فيها مصدوم وبعدها ناظر لورد وقالت ببراءة : شايف مو بس انا تعبت، عطنا بريك شوي شافته ساكت وكملت : صار لي اربعة وعشرين سنة قدامك ماعلمتني جاي تعلمني الحين سند ضرب على طاولتها وقال بنبرة حادة : لااسمع صوت زيادة، نرجع نكمل ورد سندت ظهرها عالكرسي وتفت وتنهدت بملل وكمل سند يشرح لهم الحروف والكلمات ويضرب لهم أمثلة وبناته متجاوبين معه رغم انهم الى الان ماوصلوا للعمر اللي يفهمون ويميزون فيه لكن كان ملزَم يعلمهم. ورد تتصنع الملل : طيب علم بناتك وخلني اقوم ، انا قسم بالله اعرف اكتب سند : اثبتي لي انك تعرفين تكتبين ! ورد مسكت دفترها واتجهت له ومدته له : اتحداك تلقى غلط واحد، خلاص انا تعلمت كل شي . اخذه منها وفتح اول صفحة كان مكتوب كلام كثير وبخط مو واضح مرة وتجاهل الصفحة الأولى وفتح الثانية، وسرحت عيونه بالمكتوب ثواني ، فزّ قلبه لما قرأ العبارة بخطها : ( لم يكن وداعًا لائقًا بحكايتنا ) ناظر بعيونها وابتسمت عيونه قبل وجهه ، وقرب لها خطوة ماكان عارف كيف يتصرف وقال بهمس : الله لايجيب الوداع. ورد بخجل : هذا كتبته لما.. رجعت انت و.. خطبتني من جديد وماكان بيننا عوائق ولا.. نوف الله يسامحها ، ولا ابوك الله يسامحه، ولا حتى ابوي الله يسامحه ، ولا بتال . سند مسك كفّها وباسها بقوَة وقال بصدق مشاعره : الله لايحرمني من هالأنامل ويفداك الحيَ والميت ، وريني وش كتبتي بعد ؟ حساب الكاتبة:rwaya_roz | ||||
|
| |
|
11-08-20, 10:28 PM
| #247 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| "النِهاية❤❤❤" يانهـاية كل حزن ، يابدايات الفـرح . . سند : الله لايحرمني من هالأنامل ويفداك الحيّ والميت وريني وش كتبتي بعد ؟ ورد وقفت جنبه وفتحت الصفحات لين وقفت عند أحد الصفحات كانت كاتبة فيها كلام من قلبها وتعبانة على تزيين خطها لدرجة انه طالع جميل .. ابتسمت : هذا جلست اسبوع اكتبه ببطئ علشان يطلع الخط حلو سند ركز بالمكتوب وحس بمشاعر مالها مسمى من جمالها كان كلامها مليان امل رغـــم اللي عاشته .. * قالت ليَ الشمسُ إنَّ الصبحَ موعدُنا سيذهبُ الحزنُ لن يبقى له أثَرُ سيفتحُ الكونُ أبوابا لبسمتهِ وتضحك الأرضُ حتى يرقصَ الشجرُ سيكتب الفجرُ للأفراح أغنيةً ويعزفُ اللحنَ مهما عاندَ الوترُ* رفع عيونه لعيونها وطال سرحانه فيها، ماعرف كيف يعبّر لها عن مدى حبه لها اللي كل يوم يزيد وإعجابه بشخصيتها اللي ماعرف جمالها ورجاحة عقلها الا بعد ماتزوّجها . مرت بين عيونهم كل ذكرياتهم الحلوة وتنهّد سند، ولمعت عيون ورد وهمست : كل شيء عشته كان حلو، لأني عشته معاك سند بشتات : بغير الدروس والشروحات واعلمهم شلون حبيتك ، او ادرسهم شخصيتك لعلهم يطلعون نسختك ورد بإبتسامة خجولة: مايحتاج، علمهم الحروف والأرقام وربهم مثل ماربيتني وبيطلعون مثلي، مع اني متأكدة ان مالي شبيه واني غير بكل شيء حتى بطريقة تعاملك معي وحبك لي . سند : هنا المشكلة، مايشبهونك لو سمّيتهم عليك ولو ربيتهم مثل ماربيتك ولو حبيتهم مثل ماحبيتك استحالة يشبهونك . ورد خافت تبكي من فرط المشاعر اللي غمرتها ، قبل أربع سنوات بس كانت تظن انها مستحيل تعيش هاللحظة مع الشخص اللي حبته حبته من عرفت نفسها ومن عرفت الدنيا، كانت تتمنى لحظة وحدة معاه واليوم عاشت كل اللي تمنّته وفوق ماتمـنت . قالت بغصة : كمل اقرأ الباقي ترا .. كتبت كثير. سند مسك كفّها ورفعها له وهمس : كل ماعجبني حرف راح ابوسها.. وهذا اقلّ جزاء . . بطريقةٍ ما ستدرك أن الطريق الذي اختاره الله لك كان أفضل ألف مرة من الطريق الذي أردته لنفسك وأن الباب الذي أُغلِق في وجهك ألف مرة، كان وراءه شرٌ وأن اليد التي أفلتتك، لم تكن تناسبك منذ البداية وأن البلاء الذي أنهكك لم يكن سوى رحمةٌ مُهداة. ثم تأتي إرادةُ الله، فتتيسّر معسراتك وتتمهّد الطرق وتُفتح مغاليقها وتُهيئ أسبابها وتتجمّل لتأتيك كاملة تامة مصحوبة بجميل عطاءِ ربّك فلا يغرنك تشتّتها الآن، ولا تحزن لاستحالتها فوالله لو كان بينك وبينها عوامق البحار ، وشواهق الجبال " يأتِ بها الله إنّ الله لطيفٌ خبير " حساب الكاتبة:rwaya_roz وآخيرا تمت الرواية...كِنت جِدا سعيده بنقلها..وحّابه اشكر كاتبتنا الحِلوهة روز عَ الرواية الجميلة هّذي. . . وننتظر جّديدها بُكل حماس🥺❤❤❤. حساب الكاتبة:rwaya_roz | ||||
|
| |
|
| أدوات الموضوع | |
| انواع عرض الموضوع | |
|
|
60Likes
العرض العادي
