ﺑﻨﺎﺕ ﺍﻟﻐﺠﺮﻳﺔ للكاتبة/ ﺑﺴﻤﺔ ﺍﻟﺒﻴﺎﺗﻲ " عراقية" ( مكتملة)

[مخربطة]

الاخوة بالمنتدى
شكرا لكم وبعد ان وضعنا اكثر من رد ولم نحصل على رابط القصة كاملة لذا نامل منكم سرعة اعلامنا عن رابط التحميل للقصة كاملة مع الشكر

[مخربطة]

لقد قلنا ولاكثر من مرة الرجاء فتح روابط القصة لان ملينا من كثرة الردود ولا يوجد تجاوب من قبلكم وشكرا

[مخربطة]

الاخوة بالمنتدى , بعد التحية نامل منكم فتح روابط القصة وقد مضى علينا وقت كبير وضاع بين طلباتكم للردود السريعة ولكن بدون فائدة

[فيتامين سي]

المشاركة الأصلية كتبت بواسطة مخربطة

الاخوة بالمنتدى , بعد التحية نامل منكم فتح روابط القصة وقد مضى علينا وقت كبير وضاع بين طلباتكم للردود السريعة ولكن بدون فائدة

هلا وغلا

أولا طلبك الأول اختيار قصص تكون جريئه نعتذر لأن بالعكس نحاول قدر الإمكان

الإبتعاد عن الجراءه الزايده في القصص إلا إذا شيء منها مر بدون ماننتبه له

لأن صعب نقرأ كل اللي ننقله الوقت مايساعدنا والنت والفيس بوك مليان

على حسب كلامك وتقدري تتابعي اللي يروق لذائقتك إذا مللت من الروايات

الموجوده في المنتدى


أما بالنسبه لرابط لتحميل الروايه كيف نضع رابط لتحميل روايه لم تكتمل بعد وهي قيد الكتابه

إن شاء الله لما ينزل آخر بارت من الروايه نضع رابط تحميل للروايه مثل باقي الروايات

وعدم الرد عليك لإنشغالي ولم أرى مشاركاتك إلا الآن

[Zaynad]

♥♥♥♥♥♥♥♥♥😂😂😂😂😂💃🏼💃🏼💃🏼😏💃🏼💃🏼💃🏼

[فيتامين سي]

#البارت_الأخيرررررررر

_ ﺑﻨﺎﺕ ﺍﻟﻐﺠﺮﻳﺔ _
‏( ﺑﻘﻠﻢ ﺑﺴﻤﺔ ﺍﻟﺒﻴﺎﺗﻲ ‏)
_ ﺍﻟﺒﺎﺭﺕ ﺍﻟﺨﺎﻣﺲ ﻭﺍﻻﺭﺑﻌﻮﻥ _
ﺍﻷﻳﺎﻡ ﺗﺮﻛﺾ ﺭﻛﺾ ﻋﻘﺪﻧﺎ ﻣﺤﻜﻤﺔ ﻭﻛﻤﻠﺖ ﺟﻬﺎﺯﻱ ﻭﻣﻈﻞ ﻏﻴﺮ ﺛﻼﺙ ﺍﻳﺎﻡ ﻭﻳﺄﺧﺬﻭﻧﻲ ﻛﻠﻤﺎ ﻳﻘﺘﺮﺏ ﺍﻟﻤﻮﻋﺪ ﺍﻟﺨﻨﻜﺔ ﺗﻤﻮﺗﻨﻲ ﺷﻠﻮﻥ ﺭﺍﺡ ﺍﻛﺪﺭ ﺍﻓﺎﺭﻙ ﺟﻨﺔ ﻭﺑﺎﺑﺎ ﻣﺎ ﺍﺩﺭﻱ
ﺟﻨﺔ ... ﺍﻧﻲ ﻭﺍﺻﺎﻝ ﻳﻤﻜﻦ ﻣﻜﺘﻮﺏ ﻋﻠﻴﻨﺎ ﺍﻟﻔﺮﺍﻙ ﺟﻨﺖ ﺍﺗﻤﻨﻰ ﺗﺒﻘﻰ ﻗﺮﻳﺒﺔ ﻣﻨﻲ ﺑﺲ ﺭﺏ ﺍﻟﻌﺎﻟﻤﻴﻦ ﺍﻟﻪ ﺣﻜﻤﺔ ﺑﻴﻬﺎ
ﺍﺻﺎﻝ .. ﺍﻟﻴﻮﻡ ﺍﻟﻌﺼﺮ ﺭﺣﻨﺎ ﺍﻧﻲ ﻭﺟﻨﺔ ﻭﺑﻨﻴﻦ ﻟﻠﺴﻮﻙ ﺑﺎﻗﻴﻠﻲ ﻧﻮﺍﻗﺺ ﺑﺴﻴﻄﺔ ﺭﺣﺖ ﺍﺧﺬﻫﻦ ﻭﻳﺎ ﺍﻟﻤﻐﺮﺏ ﻳﻼ ﻛﻤﻠﻨﺎ ﻭﺭﺟﻌﻨﺎ
ﺩﺧﻠﻨﺎ ﻟﻠﺒﻴﺖ ﻛﻞ ﻭﺣﺪﺓ ﺑﻴﻨﺎ ﻛﻌﺪﺕ ﺑﻄﺮﻑ ﻣﻦ ﺍﻟﺘﻌﺐ
ﺟﻨﺔ ... ﺍﻭﻳﻠﻲ ﺭﺟﻠﻲ ﺗﻜﺴﺮﺕ ﺍﻟﺨﺎﺗﻮﻥ ﺍﺫﺍ ﻣﺘﻔﺘﺮﻧﺎ ﺍﻟﺴﻮﻙ ﻛﻠﻪ ﻣﺘﺮﺗﺎﺡ
ﺑﻨﻴﻦ .. ﻣﺎﻳﻨﻄﻠﻊ ﻭﻳﺎﻫﺎ ﺍﺑﺪ
... ﻣﻊ ﺍﻻﺳﻒ ﻋﻠﻴﻜﻢ ﻛﺪﺍﻣﻲ ﻭﺗﺤﺠﻮﻥ ﻋﻠﻴﻪ ﺍﺫﻛﺮﻭ ﺍﻧﻲ ﺧﻄﺎﺭ ﻳﻤﻜﻢ ﻋﻜﺐ ﺑﺎﺟﺮ ﺍﺭﻭﺡ ﻭﺗﺨﻠﺼﻮﻥ ﻣﻨﻲ
ﺟﻨﺔ ... ﻭﺍﻟﻜﻌﺒﺔ ﺭﺍﺡ ﺍﺑﺠﻲ ﻻ ﺫﻛﺮﻳﻨﻲ ﺗﺮﻯ ﺩﻣﻮﻋﻲ ﻭﺍﻛﻔﺎﺕ ﻋﻠﻰ ﻃﻜﺔ
... ﺍﻭﻭﻭﻱ ﺳﻮﺩﺓ ﻋﻠﻴﻪ ﻭﺍﻟﻨﺒﻲ ﺍﻫﻢ ﻣﺜﻠﺞ
ﺑﻨﻴﻦ .. ﺍﻱ ﺑﻌﺪ ﺑﻌﺪ ﻧﺼﺒﻨﻬﺎ ﻣﻨﺎﺣﺔ
ﺍﻛﻮﻟﺠﻦ ﺷﻨﻮ ﻫﺬﺍ ﺍﻟﺼﻮﺕ
ﺍﺻﺎﻝ .. ﻛﻤﻨﺎ ﻣﻦ ﻣﻜﺎﻧﺔ ﻣﺨﺮﻭﻋﺎﺕ ﺻﻮﺕ ﺻﻴﺎﺡ ﺑﺮﺓ ﻭﺻﻠﻨﺎ ﺍﻟﺒﺎﺏ ﺍﻟﻤﻄﺒﺦ ﺑﺎﻭﻋﻨﺎ ﺑﺎﻟﺤﻮﺵ ﺭﺿﺎ ﻭﺍﺧﻮ
ﺭﺿﺎ ﻣﺜﻞ ﺍﻟﺜﻮﺭ ﺍﻟﻬﺎﻳﺞ ﺑﻴﺪﻩ ﺳﻼﺡ ﻭﻳﺘﻬﺪﺩ ﻭﻣﺎﺟﺪ ﻣﺠﻠﺐ ﺑﻲ
ﻧﺸﻒ ﺩﻣﻲ ﻛﻤﺖ ﺍﺭﺟﻒ ﺧﺘﻠﺖ ﻭﺭﺓ ﺟﻨﺔ ﻭﺑﻨﻴﻦ
ﺟﻨﺔ ... ﻫﺎﻱ ﺷﻜﻮ ﻭﺍﻧﺖ ﺷﺠﺎﺑﻚ ﺍﻫﻨﺎ ﻭﺷﺮﺍﻳﺪ ﻣﻨﺎ
ﺭﺿﺎ ... ﺗﺮﻳﺪ ﺗﺰﻭﺝ ﻣﻮﻭﻭ ﺍﻧﻄﻴﺘﻮﻫﺎ ﻣﻦ ﻭﺭﺍﻱ ﺍﻟﻴﻮﻡ ﺍﺧﻠﻲ ﺩﻣﻬﺎ ﺑﻄﻮﻟﻬﺎ ﻭﺍﻧﻌﻞ ﺍﺑﻮﻫﺎ ﻻﺑﻮ ﺍﻟﻴﻄﻠﻊ ﻭﺭﺍﻫﺎ ﺍﻣﻮﻭﻭﻭﺗﺞ ﻭﻣﺎ ﺍﺧﻠﻴﺞ ﺗﺼﻴﺮﻳﻦ ﺍﻟﻬﺬﺍ ﺍﻟﺴﻜﻂ
ﺑﻨﻴﻦ ... ﻣﺎﻛﻮ ﺳﻜﻂ ﻏﻴﺮﻙ ﺟﺎﻱ ﺗﺘﻬﺪﺩ ﻋﻠﻰ ﺍﻟﻨﺴﻮﺍﻥ ﻣﻦ ﻋﻤﺖ ﻋﻴﻨﻚ
ﺍﺧﻮﻱ ﻟﻮ ﻣﺮﺑﻴﻠﺔ ﺟﻠﺐ ﻭﻻ ﻣﺮﺑﻴﻚ
ﻣﺎﺟﺪ ﺍﺧﺬ ﺇﺧﻮﻙ ﻭﺭﻭﺣﻮﺍ ﻣﻨﺎ ﻻﺗﺨﻠﻮﻧﻲ ﺍﺧﺎﺑﺮ ﺍﻟﻮﻟﺪ ﺍﺧﻠﻴﻬﻢ ﻳﺠﻮﻥ ﻳﻄﻠﻌﻮﻧﺔ ﺑﺎﻟﺠﻼﻟﻴﻖ
ﺍﺻﺎﻝ ... ﻣﻔﺮﻓﺤﺔ ﻣﻦ ﺍﻟﺒﺠﻲ ﺍﺣﺲ ﮔﻠﺒﻲ ﺭﺍﺡ ﻳﻮﻛﻒ ﻣﻦ ﺍﻟﺨﻮﻑ ﺍﻧﻲ ﺍﻧﺮﻋﺐ ﻣﻦ ﺍﻟﺴﻼﺡ ﺍﺧﻮ ﻳﺮﻳﺪ ﻳﺎﺧﺬﺓ ﻣﻨﻪ ﻣﻴﻜﺪﺭ ﻣﺘﺖ ﺑﺪﻣﻲ ﺷﻮﻳﺔ ﻭﺍﻓﻘﺪ ﺍﻟﻮﻋﻲ
ﻣﺎﺟﺪ ﺗﻘﺎﻭﻯ ﻭﻳﺎ ﻭﺍﺧﺬ ﺍﻟﺴﻼﺡ ﻣﻦ ﺍﻳﺪﻩ
ﺭﺿﺎ ﺑﺨﻄﻮﺓ ﻭﺣﺪﺓ ﻛﻤﺰ ﻋﻠﻴﻪ ﻭﺳﺤﺒﻨﻲ ﻣﻦ ﺣﺠﺎﺑﻲ ﻣﻦ ﺑﻴﻦ ﺟﻨﺔ ﻭﺑﻨﻴﻦ
ﺟﻨﺔ .. ﺗﺨﺒﻠﺖ ﺟﺮﻫﺎ ﻣﻦ ﺑﻴﻨﺎ ﻭﻳﺴﺤﻞ ﺑﻴﻬﺎ ﻟﻚ ﻛﻠﺐ ﻋﻮﻓﻬﺎ ﺍﻟﻠﻪ ﻳﺎﺧﺬﻙ ﻳﺎ ﻋﺎﺭ ﺍﻟﺰﻟﻢ ﺍﻟﻴﻮﻡ ﺍﺫﺍ ﻣﺎ ﺍﺑﻴﺘﻚ ﺑﺎﻟﺴﺠﻦ ﻓﻼ ﺍﺗﺴﻤﻰ ﺟﻨﺔ ﺍﻧﻲ ﺍﻟﻚ
ﺍﻧﺮﻳﺪ ﻧﺠﺮﻫﺎ ﻣﻦ ﺍﻳﺪﻩ ﻣﺎ ﻧﻜﺪﺭ ﺍﺧﻮ ﺗﻌﺐ ﻫﻠﻜﺪ ﻣﺎ ﻳﺮﺍﻓﺲ ﺑﺲ ﻳﺮﻳﺪ ﻳﻄﻠﻌﺔ ﻣﻦ ﺑﻴﻨﺎ
ﺭﺿﺎ ... ﺑﻨﺖ ﺍﻟﻜﺎﻭﻟﻴﺔ ﺳﻮﻳﺘﻲ ﻋﻼﻗﺔ ﻭﻳﺎ ﻣﻮ ﻣﺎﺗﻜﺪﺭﻳﻦ ﺑﺪﻭﻥ ﺭﺟﺎﻝ ﺍﻣﺸﺸﻲ ﻭﻳﺎﻱ ﻣﺎﺗﺒﻘﻴﻦ ﺍﻫﻨﺎ ﻭﻫﺬﺍ ﺍﻟﻜﻮ ... ﺍﺫﺍ ﻣﺎ ﻃﻠﻜﺞ ﺍﻣﻮﺗﻜﻢ ﺍﺛﻨﻴﻨﻜﻢ
ﺍﺻﺎﻝ ... ﻳﺴﺤﻞ ﺑﻴﻪ ﻳﺮﻳﺪ ﻳﺎﺧﺬﻧﻲ ﻭﺍﻧﻲ ﺍﺻﺮﺥ ﻭﺍﺑﺠﻲ
ﺟﻨﺔ ﻭﺑﻨﻴﻦ ﻻﺯﻣﺎﺗﻨﻲ ﻫﻨﺎ ﻳﺠﺮﻥ ﻣﻦ ﻃﺮﻑ ﻭﻫﻮ ﻣﻦ ﻃﺮﻑ ﻣﻮﻗﻒ ﺑﺲ ﺍﻟﻠﻪ ﻳﻌﻠﻢ ﺑﻲ
ﺑﺎﻟﺤﻈﺔ ﺍﻻﺧﻴﺮﺓ ﺍﺟﻮ ﺍﺧﻮﺍﻧﺔ ﺍﻟﺒﻘﻴﺔ ﻭﻭﻟﺪ ﻋﻤﺔ ﻭﺍﻣﺔ ﻭﺧﺎﻟﺘﺔ
ﺳﺤﺒﻮ ﻣﻨﻲ ﻭﺍﻟﺘﻤﻮﺍ ﻋﻠﻴﻪ ﺷﺒﻌﻮﺍ ﻛﺘﻞ ﻭﺍﻣﺔ ﺗﻜﻤﺰ ﺗﺮﻳﺪ ﺗﺨﻠﺼﻪ ﻣﻦ ﺍﻳﺪﻫﻢ
ﺣﻠﻜﺔ ﻭﺧﺸﻤﺔ ﻓﺎﺿﻦ ﺩﻡ ﺍﻡ ﺭﺿﺎ ﻣﻦ ﺷﺎﻓﺖ ﻭﺟﻪ ﺍﺑﻨﻬﺎ ﺍﻧﺼﺒﻎ ﺍﺣﻤﺮ ﻣﻦ ﺍﻟﺪﻡ ﻛﻌﺪﺕ ﺑﺎﻟﻜﺎﻉ ﺗﻠﻄﻢ ﻭﺗﻬﻠﺲ ﺑﺸﻌﺮﻫﺎ
ﺟﻨﺔ ... ﺍﻧﻔﻀﺤﻨﺎ ﺑﺎﻟﻤﻨﻄﻘﺔ ﺍﻟﻨﺎﺱ ﺍﻟﺘﻤﺖ ﻳﺘﻔﺮﺟﻮﻥ ﺍﺧﺬﺕ ﺍﺻﺎﻝ ﺩﺧﻠﺘﻬﺎ ﺟﻮﺓ
ﺟﺒﺘﻠﻬﺎ ﻣﻲ ﺷﺮﺑﺘﻬﺎ ﻭﺑﻠﻠﺖ ﻭﺟﻬﺎ
ﺑﻨﻴﻦ ... ﺍﺫﺍ ﻫﻠﻜﺪ ﻳﺤﺒﻬﺎ ﻟﻴﺶ ﺧﺎﻧﻬﺎ ﻭﻛﺘﻞ ﺭﻭﺣﺔ ﺣﺘﻰ ﻳﺰﻭﺝ ﻫﺬﻳﺞ ﺍﻟﻤﺴﻤﻮﻣﺔ
ﺟﻨﺔ ... ﻭﺍﻟﻠﻪ ﻣﺎ ﺍﻓﻮﺗﻬﺎ ﺍﻟﻪ ﺩﺷﻮﻓﻲ ﺷﺴﻮﺓ ﺑﻴﻬﺎ
ﺍﺟﺔ ﻣﻨﺼﻒ ﻭﺑﺎﻫﺮ ﻭﻋﻤﺎﻣﻬﻢ ﻭﻭﻟﺪ ﻋﻤﺎﻣﻬﻢ
ﺍﻟﻤﺼﻴﺒﺔ ﺍﻟﻌﺸﻴﺮﺓ ﻛﻠﻬﺎ ﺑﻨﻔﺲ ﺍﻟﻤﻨﻄﻘﺔ ﻭﻛﻠﻬﻢ ﻋﺮﻓﻮﺍ ﺑﺎﻟﺼﺎﺭ
ﻣﻨﺼﻒ ﻭﺑﺎﻫﺮ ﻗﺒﻞ ﻻﻳﺠﻮﻥ ﺍﻫﻨﺎ ﻫﻢ ﺭﺍﻳﺤﻴﻦ ﻋﻠﻴﻪ ﻭﻛﺎﺗﻠﻲ ﻛﺘﻠﺔ ﻣﻌﺪﻟﺔ
ﻣﻨﺼﻒ ... ﺗﻌﺎﻟﻲ ﺑﻮﻳﺔ ﻟﻴﺶ ﻫﻠﻜﺪ ﺧﺎﻳﻔﺔ ﺷﺤﺪﻩ ﻳﺴﻮﻳﻠﺞ ﺷﻲ ﻭﺍﺑﻮﺝ ﻣﻮﺟﻮﺩ
ﺍﺻﺎﻝ .. ﺣﻀﻨﺖ ﺑﺎﺑﺎ ﻭﺍﺷﻬﻚ ﺣﻘﻚ ﻣﺸﻔﺘﺔ ﺷﻠﻮﻥ ﻳﺘﻬﺪﺩ ﻋﻠﻴﻪ ﺑﺎﻟﺴﻼﺡ ﻭﻳﺠﺮﺟﺮ ﺑﻴﻪ ﻭﺍﻟﻠﻪ ﺧﺎﻳﻔﺔ ﻣﻨﻪ ﻫﺬﺍ ﻣﺮﺍﺡ ﻳﻌﻮﻓﻨﻲ ﺑﺤﺎﻟﻲ
... ﺭﻭﺣﻲ ﺷﻮﻓﻲ ﺷﻜﻠﺔ ﻣﺎﻳﺒﻴﻦ ﻣﻦ ﺍﻟﻜﺘﻞ ﺗﺴﻮﺓ ﻋﻤﺮﻩ ﻣﻦ ﻃﻠﻌﻮﺍ ﻣﻨﺎ ﺳﺤﻞ ﻭﺑﺎﻟﻜﻔﺨﺎﺕ
ﺟﻨﺔ ... ﻫﺬﺍ ﺍﻟﺤﺠﻲ ﻣﻴﻤﺸﻲ ﻳﻤﻲ ﺍﺳﻤﻊ ﺑﺎﻫﺮ ﻫﺴﻪ ﺗﺮﻭﺡ ﺗﺸﺘﻜﻲ ﻋﻠﻴﻪ ﺍﺭﻳﺪﻩ ﻳﺨﻴﺲ ﺑﺎﻟﺴﺠﻦ
ﺑﺎﻫﺮ ... ﻣﻮﻣﺎﻝ ﻧﻜﺒﺮ ﺍﻟﻤﻮﺿﻮﻉ ﺭﺿﺎ ﺍﺧﺬ ﺟﺰﺍﺀﺓ ﺍﻟﺨﺎﻃﺮ ﻓﺎﺿﻞ ﺳﺪﻱ ﺍﻟﺴﺎﻟﻔﺔ
.... ﻭﺍﻟﻠﻪ ﻣﺎ ﺍﺳﺪﻫﺎ ﻭﺍﺫﺍ ﻣﺸﺘﻜﻴﺖ ﻋﻠﻴﻪ ﻟﺤﻈﺔ ﻣﺎ ﺍﺑﻘﺎﻟﻚ ﺑﺎﻟﺒﻴﺖ
ﻣﻨﺼﻒ .. ﺧﻮﻳﺔ ﺍﻧﻪ ﻣﺜﻠﺞ ﻟﻮﺑﻴﺪﻱ ﺍﺷﺤﻄﺔ ﻭﺍﺧﺬﺓ ﻟﻠﻤﺮﻛﺰ ﺑﺲ ﻭﺿﻊ ﺍﺧﻮﻱ ﻣﺎﻳﻄﻤﻦ ﻣﻦ ﻭﺭﺍﻩ ﺗﺨﺮﺑﻂ ﻭﺍﺧﺬﻭﺍ ﻟﻠﻤﺴﺘﺸﻔﻰ
... ﻣﻦ ﺳﻤﻌﺖ ﺑﻮﺿﻊ ﺍﺧﻮﻫﻢ ﺳﻜﺘﺖ ﺭﺍﺣﺖ ﺍﻟﻬﻮﺳﺔ ﺑﻨﻴﻦ ﺑﻘﺖ ﻳﻤﻨﺎ ﻻﻥ ﺍﺻﺎﻝ ﺷﻜﻠﻬﺎ ﺍﻧﺘﻬﺖ
ﻭﺍﻟﻠﻴﻞ ﻛﻠﻪ ﻫﻲ ﻣﺼﺨﻨﺔ ﻭﺗﺮﺟﻒ ﺭﺩﻧﺎ ﻧﺎﺧﺬﻫﺎ ﻟﻠﻤﺴﺘﺸﻔﻰ ﻣﻘﺒﻠﺖ
ﺍﺷﻜﺪ ﻋﺎﺭﺿﺖ ﺯﻭﺍﺟﻬﺎ ﻣﻦ ﺍﺑﺮﺍﻫﻴﻢ ﺑﺲ ﻫﺴﻪ ﺍﻧﻲ ﺍﺭﻳﺪﻫﺎ ﺗﺮﻭﺡ ﺍﻫﻨﺎﻙ ﻭﺗﺨﻠﺺ ﻫﺬﺍ ﺭﺿﺎ ﺍﺫﺍ ﻣﻴﺴﻮﻳﻠﺔ ﻣﻜﺴﻮﺭﺓ ﻣﻴﺮﺗﺎﺡ
ﺍﺻﺎﻝ ... ﻛﻌﺪﺕ ﺍﻟﺼﺒﺢ ﻋﺮﻛﺎﻧﺔ ﻭﺟﺴﻤﻲ ﻣﺘﻜﺴﺮ ﻋﻠﻰ ﺍﺳﺎﺱ ﺍﻟﻴﻮﻡ ﺣﻨﺘﻲ ﺗﻬﻲ ﺑﻬﻲ
ﻛﻤﺖ ﺑﺎﻟﻜﻮﺓ ﺩﺧﻠﺖ ﻟﻠﺤﻤﺎﻡ ﻭﻛﻔﺖ ﻳﻢ ﺍﻟﻤﺮﺁﻳﺎ ﺍﻏﺴﻞ ﺑﺎﻭﻋﺖ ﻋﻠﻰ ﻭﺟﻬﻲ ﺷﻔﺖ ﺣﺒﺎﻳﺔ ﺣﻤﺮﺓ ﻳﻢ ﺷﻔﺘﻲ ﺍﻟﺴﻔﻠﻴﺔ ﻻ ﻳﺎﺭﺑﻲ ﺑﺲ ﻻ ﻟﻄﺖ ﺣﻤﻰ ﻭﺍﻛﻴﺪ ﻫﺴﻪ ﺗﻜﺒﺮ ﻭﺣﻠﻜﻲ ﻳﺼﻴﺮ ﻓﻠﻢ ﻫﻨﺪﻱ
ﺟﻨﺔ ﻭﺑﻨﻴﻦ ﺣﺎﺭﻭﺍ ﺑﻴﻪ ﺟﺎﺑﻮﻟﻲ ﺛﻠﺞ ﺧﻠﻴﺖ ﻋﻠﻴﻬﺎ ﻭﺑﺎﻫﺮ ﺭﺍﺡ ﺟﺎﺑﻠﻲ ﻋﺼﺎﺭﺓ ﻣﻦ ﺍﻟﺼﻴﺪﻟﻴﺔ ﻭﻣﺎﻛﻮ ﻓﺎﻳﺪﺓ ﻟﻠﻤﻐﺮﺏ ﻣﻨﻈﺮﻫﺎ ﺻﺎﺭ ﻳﺨﻮﻑ
ﺣﻨﺔ ﻣﺴﻮﻳﺖ ﺣﻈﺮﺕ ﻣﻼﺑﺴﻲ ﻭﺭﺣﺖ ﺍﻟﺒﻴﺖ ﺑﺎﺑﺎ ﻻﻥ ﻳﺠﻮﻥ ﻳﺎﺧﺬﻭﻧﻲ ﻣﻨﺎﻙ
ﻣﻮﺿﻮﻉ ﺭﺿﺎ ﺍﻧﺴﺪ ﻭﺑﻌﺪ ﻣﺤﺪ ﺣﺠﺔ ﺑﺎﻟﺴﺎﻟﻔﺔ
ﺟﻨﺔ .. ﺍﻟﻴﻮﻡ ﻳﺎﺧﺬﻭﻥ ﺍﺻﺎﻝ ﺍﻧﻲ ﻭﺑﻨﻴﻦ ﻧﺮﻭﺡ ﻭﻳﺎﻫﺎ ﺑﺎﻫﺮ ﻳﺎﺧﺬﻧﺎ ﺑﺎﻟﺒﺪﺍﻳﺔ ﻣﺎ ﺭﺩﺕ ﺍﺭﻭﺡ ﺑﺲ ﺷﺴﻮﻱ ﺍﻟﺨﺎﻃﺮﻫﺎ ﻣﺎ ﺍﺭﻳﺪ ﺍﻋﻮﻓﻬﺎ ﻭﺣﺪﻫﺎ
ﻛﺘﻠﻬﺎ ﺩﻳﺮﺑﺎﻟﺞ ﺗﺤﺠﻴﻦ ﺍﻷﺑﺮﺍﻫﻴﻢ ﻋﻠﻰ ﺍﻟﺼﺎﺭ ﻣﺎﻧﺮﻳﺪ ﻣﺸﺎﻛﻞ ﺧﻠﻲ ﺍﻟﺴﺎﻟﻔﺔ ﺗﻌﺪﻱ ﻋﻠﻰ ﺧﻴﺮ
ﺍﻟﻈﻬﺮ ﺍﺟﺘﻲ ﺍﻟﺰﻓﺔ ﻭﻣﻮ ﻫﻮﺍﻱ ﺑﺲ ﺍﺧﻮﺍﻧﺔ ﻭﺿﻴﺎﺀ ﻭﺍﻳﻤﻦ ﻭﻭﻟﺪ ﻋﻤﺔ ﻭﻧﻮﺭﻫﺎﻥ ﻭﻣﺮﺕ ﺍﺧﻮ
ﺣﺘﻰ ﻏﺪﺍ ﻣﻘﺒﻠﻮﺍ ﻳﺘﻐﺪﻭﻥ ﻛﺎﻟﻮﺍ ﺍﻛﻠﻨﺎ ﺑﺎﻟﻄﺮﻳﻖ ﻭﻻﺯﻡ ﻧﻄﻠﻊ ﺑﺴﺮﻋﺔ ﻻﻥ ﻭﺭﺍﻧﺎ ﻃﺮﻳﻖ ﻃﻮﻳﻞ
ﺍﺻﺎﻝ ... ﻟﺒﺴﺖ ﻓﺴﺘﺎﻥ ﻋﺎﺩﻱ ﻟﻮﻧﺔ ﻛﺮﻳﻤﻲ ﻭﺣﺠﺎﺏ ﻭﺑﺰﻓﺔ ﺍﺑﺴﻂ ﻣﻦ ﺍﻟﺒﺴﻴﻄﺔ ﺍﺧﺬﻭﻧﻲ ﻭﺩﻋﺖ ﺑﺎﺑﺎ ﺧﻄﻴﺔ ﻇﻞ ﺣﺎﺿﻨﻲ ﻭﻳﻮﺻﻲ ﺍﺑﺮﺍﻫﻴﻢ ﻋﻠﻴﻪ
ﻭﻫﻮ ﻳﻜﻮﻟﺔ ﺑﻌﻴﻮﻧﻲ ﻻﺗﺨﺎﻑ ﻋﻠﻴﻬﺎ
ﺍﺧﺬ ﺍﻳﺪﻱ ﻭﻃﻠﻌﻨﺎ ﺯﻫﺮﺍﺀ ﻭﺍﺧﺘﻬﺎ ﺻﻮﺗﻬﻦ ﺍﻧﺒﺢ ﻣﻦ ﺍﻟﻬﻼﻫﻞ ﻫﻬﻬﻬﻬﻪ
ﺻﻌﺪﻧﺎ ﺑﺴﻴﺎﺭﺓ ﺍﺧﻮ ﻭﺍﻧﻄﻠﻘﺖ ﺑﻴﻨﺎ
ﺍﺑﺮﺍﻫﻴﻢ ... ﺷﺒﻴﺞ ﺣﺒﻴﺒﻲ ﻣﻦ ﺍﻭﻝ ﻣﺸﻔﺘﺞ ﺣﺴﻴﺘﺞ ﻣﻮ ﻋﻠﻰ ﺑﻌﻀﺞ
.... ﻫﺎﺍﺍ ﻻ ﻣﺎﺑﻴﺔ ﺷﻲ ﻣﻘﻬﻮﺭﺓ ﻋﻠﻰ ﺑﺎﺑﺎ
... ﻻﺗﻨﻘﻬﺮﻳﻦ ﺷﻮﻛﺖ ﻳﻌﺠﺒﺞ ﺍﺟﻴﺒﺞ
... ﺍﺑﺘﺴﻤﺖ ﻭﻇﻠﻴﺖ ﺳﺎﻛﺘﺔ ﺍﻟﺴﻮﺍﻩ ﺑﻴﻪ ﺭﺿﺎ ﺍﻟﺤﺪ ﻫﺴﻪ ﻳﻨﻐﺰ ﺑﮕﻠﺒﻲ ﺿﻴﻊ ﻓﺮﺣﺘﻰ ﺍﻟﻠﻪ ﻻﻳﻨﻄﻲ
... ﻣﻦ ﻫﺴﻪ ﺍﻛﻮﻟﺞ ﺍﺧﺬﺝ ﺍﻟﺒﻴﺘﻨﺎ ﻋﺪﻝ ﻻﺑﻴﺖ ﺟﺪﺝ ﻭﻻ ﺑﻄﻴﺦ
... ﻫﺬﺍ ﻣﻮ ﺍﺗﻔﺎﻗﻨﺔ ﻣﻮ ﻛﺘﻠﻚ ﺍﻟﻴﻮﻡ ﺍﺭﻭﺡ ﺍﻟﺒﻴﺖ ﺟﺪﻭ ﺍﺭﺗﺎﺡ
.. ﻋﺎﺩﻱ ﺍﺭﺗﺎﺣﻲ ﺑﻐﺮﻓﺘﺞ ﻭﺍﻃﻤﺌﻨﻲ ﻣﺎ ﺍﺳﻮﻱ ﺷﻲ ﺍﻟﻤﻬﻢ ﺍﻧﻴﻤﺞ ﺑﺤﻀﻨﻲ
.... ﻧﺼﻲ ﺻﻮﺗﻚ ﺍﺧﻮﻙ ﻭﺯﻭﺟﺘﺔ ﻻﻳﺴﻤﻌﻮﻥ ﻭﻫﺬﺍ ﺍﻟﻤﻮﺿﻮﻉ ﺗﻨﺎﻗﺸﻨﺔ ﺑﻲ ﻭﺧﻠﺺ ﻳﻌﻨﻲ ﻣﺘﻜﺪﺭ ﺗﺼﺒﺮ ﺍﻟﺒﺎﺟﺮ
... ﻣﺎﺷﻲ ﺑﺮﺍﺣﺘﺞ ﻭﻣﻦ ﻫﺴﻪ ﺍﻛﻠﺞ ﺑﺎﺟﺮ ﻭﻻ ﺍﺭﺣﻤﺞ ﺍﻧﺘﻲ ﻣﻮ ﻣﺎﻝ ﻋﻴﻦ ﻟﻌﺒﺘﻲ ﺑﺤﺎﻟﻲ ﻟﻌﺐ
... ﻫﻬﻬﻬﻪ ﺍﻳﺒﺎﻩ ﻣﻮ ﺻﺎﺭﻟﻨﺎ ﺳﻨﻴﻦ ﻣﺨﻄﻮﺑﻴﻦ ﻭﻻﻋﺒﺔ ﺑﺤﺎﻟﻚ
... ﻟﻴﺶ ﻣﺎﺗﺪﺭﻳﻦ
.. ﻻ ﺷﻨﻮ
... ﺍﺣﻨﺎ ﺻﺎﺭﻟﻨﺔ 38 ﻳﻮﻡ ﻣﺨﻄﻮﺑﻴﻦ ﻭﺍﻧﻲ ﻳﻤﻲ ﺍﻟﻴﻮﻡ ﺑﺸﻬﺮ ﻭﺑﺤﺴﺎﺑﻲ ﺍﺣﻨﺎ ﻣﺨﻄﻮﺑﻴﻦ ﺻﺎﺭﻟﻨﺔ 38 ﺷﻬﺮ
... ﺍﻫﺎﺍﺍ ﻫﺎﻱ ﺧﻮﺵ ﻣﻌﻠﻮﻣﺔ ﻣﺠﻨﺖ ﺍﻋﺮﻓﻬﺎ
... ﻟﻌﺪ ﺷﻌﺒﺎﻟﺞ ﻛﻠﺸﻲ ﻳﻤﻲ ﺑﺤﺴﺎﺏ ﻭﻛﺘﺎﺏ ﻻﺗﻨﺴﻴﻦ ﺍﻧﻲ ﺧﺮﻳﺞ ﺍﺩﺍﺭﺓ ﻭﺍﻗﺘﺼﺎﺩ ﻗﺴﻢ ﻣﺤﺎﺳﺒﺔ
.... ﻫﻬﻬﻬﻪ ﻻ ﻣﻨﺎﺳﻴﺔ ﻭﻣﺒﻬﻮﺭﺓ ﺑﺎﻟﻜﻠﻴﺔ ﺍﻟﺨﺮﺟﺘﻚ
ﺍﻟﻄﺮﻳﻖ ﻛﻠﻪ ﻳﺴﻮﻟﻒ ﻭﻳﺎﻱ ﺍﺧﻮ ﻃﻠﺐ ﻣﻨﻪ ﻳﺴﻮﻕ ﺑﺪﺍﻟﻪ ﻻﻥ ﺗﻌﺐ ﻛﺎﻟﺔ ﻭﻻ ﺍﺗﺤﺮﻙ ﻣﻦ ﻣﻜﺎﻧﻲ
ﻋﺎﺩ ﺍﺧﻮ ﺧﺎﺑﺮ ﺍﻳﻤﻦ ﻛﺎﻟﺔ ﺍﻧﺰﻝ ﻣﻦ ﺳﻴﺎﺭﺓ ﺿﻴﺎﺀ ﺗﻌﺎﻝ ﺳﻮﻕ ﺑﺪﺍﻟﻲ ﺗﻌﺒﺖ ﻭﺍﻟﻌﺮﻳﺲ ﻻﻃﺶ ﻳﻢ ﻋﺮﻭﺳﺘﺔ ﻣﻴﻘﻞ ﻳﺴﻮﻕ
ﻟﻠﻴﻞ ﻳﻼ ﻭﺻﻠﻨﺎ ﺍﺣﺲ ﺗﻔﻠﺸﺖ ﺍﺧﺬﻭﻧﺎ ﺍﻟﺒﻴﺖ ﺟﺪﻱ
ﻣﻦ ﻭﺻﻠﻨﺎ ﺷﻠﺖ ﻫﻢ ﺟﻨﺔ ﺷﻠﻮﻥ ﺭﺍﺡ ﺗﺪﺧﻞ ﺑﻴﺘﻬﻢ ﻭﺍﺩﺭﻱ ﺑﻴﻬﺎ ﺑﻌﺪﻫﺎ ﻟﻬﺴﻪ ﻣﻤﺘﻘﺒﻠﺔ ﺍﺑﻮﻫﺎ
ﺩﺧﻠﻨﺎ ﻟﻠﺒﻴﺖ ﺟﺪﻭ ﻭﺍﻡ ﺿﻴﺎﺀ ﻃﺎﻳﺮﻳﻦ ﺑﻴﻨﺎ ﻳﺤﻴﺮﻭﻥ ﺷﻴﺴﻮﻭﻥ
ﺟﻨﺔ ... ﺍﺧﺘﻨﻜﺖ ﻣﻦ ﻓﺘﺖ ﺑﻴﺘﻬﻢ ﺭﺩﺕ ﺍﺭﻭﺡ ﻓﻨﺪﻕ ﺑﺎﻫﺮ ﻛﺎﻝ ﻋﻴﺐ ﻫﻮ ﺑﺲ ﻫﺎﻟﻴﻮﻣﻴﻦ ﺗﺤﻤﻠﻴﻬﻢ
ﻣﺮﺗﺔ ﻭﺍﻭﻻﺩﺓ ﻳﺸﻬﺪ ﺍﻟﻠﻪ ﺍﺣﺒﻬﻢ ﺑﺲ ﻫﻮ ﻻ ﻣﻦ ﺍﺷﻮﻓﺔ ﺍﺫﻛﺮ ﻛﻞ ﺍﻟﻀﻴﻢ ﺍﻟﻌﺸﺘﺔ
ﺑﻴﺘﺎ ﻗﺼﺮ ﻭﻣﺒﻴﻨﺎ ﺣﺎﻟﺘﻬﻢ ﺗﻮﺏ ﻭﺍﻧﻲ ﺍﻟﺨﺒﺰﺓ ﻣﺠﻨﺖ ﺍﻟﻜﻴﻬﺎ ﺍﻟﺤﻤﺪﻟﻠﻪ
ﺍﻟﻠﻪ ﻋﻮﺿﻨﻲ ﻭﻣﺨﻼﻧﻲ ﺍﻋﺘﺎﺯﻟﻪ
ﺍﻳﻤﻦ .. ﺧﻴﺮ ﺍﻳﺒﻮ ﺍﻓﻨﺪﻱ ﺍﺷﻮ ﺟﻴﺖ ﻛﻌﺪﺕ
... ﻭﺍﻧﺖ ﺷﻌﻠﻴﻚ ﻗﺎﺑﻞ ﺟﺎﻱ ﺍﻟﺒﻴﺘﻚ ﻫﺬﺍ ﺑﻴﺖ ﻋﻤﻲ ﻭﺍﻟﻴﻮﻡ ﻧﺎﻭﻱ ﺍﺑﺎﺕ ﺍﻫﻨﺎ
ﺿﻴﺎﺀ ... ﺣﺒﻴﺒﻲ ﺭﻭﺡ ﺍﻟﺒﻴﺘﻜﻢ ﻭﺭﺗﺎﺡ ﺑﺎﺟﺮ ﻭﺭﺍﻙ ﺗﻌﺐ ﻭﺳﻔﺮ ﺍﺧﺬﻫﺎ ﻣﻨﻲ ﺑﻘﻴﺘﻚ ﻫﺎﻱ ﺑﺪﻭﻥ ﻓﺎﻳﺪﺓ ﻣﺎﺭﺍﺡ ﺗﺤﺼﻞ ﺷﻲ
... ﻫﺴﻪ ﺍﻧﻲ ﺷﺎﻛﻴﻠﻜﻢ ﻭﻛﺎﻳﻠﻠﻜﻢ ﺗﻌﺒﺎﻥ ﺍﺭﻳﺪ ﺍﺭﺗﺎﺡ ﻟﻮ ﺗﻄﺮﺩﻭﻧﻲ ﻫﻢ ﻣﺎ ﺍﺭﻭﺡ
ﺍﺻﺎﻝ ... ﻋﺰﺯﺯﺍ ﻣﺘﺖ ﻣﻦ ﺍﻟﺨﺠﻞ ﻫﻤﺴﺖ ﺍﻟﺒﻨﻴﻦ ﺍﻛﻮﻟﺞ ﺍﺷﻮ ﻫﺬﺍ ﻭﻻ ﻳﺴﺘﺤﻲ
... ﺧﺎﻳﻔﺔ ﻻ ﻳﺠﻲ ﻳﺠﺮﺝ ﻣﻦ ﺍﻳﺪﺝ ﻭﻳﺎﺧﺬﺝ ﻭﻳﺎ
... ﻭﺍﻟﻠﻪ ﻳﺴﻮﺑﻬﺎ ﻫﻮ ﺍﻟﻄﺮﻳﻖ ﻛﻠﻪ ﻳﻘﻨﻊ ﺑﻴﻪ ﺣﺘﻰ ﺍﺭﻭﺡ ﻭﻳﺎ ﺍﻟﺒﻴﺘﻬﻢ
ﺍﺑﺮﺍﻫﻴﻢ ﻇﻞ ﻛﺎﻋﺪ ﺷﻮﻳﺔ ﻭﺑﻌﺪﻳﻦ ﺭﺍﺡ
ﺗﻌﺒﺎﻧﻴﻦ ﻛﻮﻟﺶ ﺣﻈﺮﻭﻟﻨﺔ ﻏﺮﻓﺔ ﺭﺣﻨﺎ ﻧﺮﺗﺎﺡ ﺑﻴﻬﺎ
ﻭﺑﺎﻫﺮ ﺭﺍﺡ ﻧﺎﻡ ﻭﻳﺎ ﺍﻳﻤﻦ ﺑﻐﺮﻓﺘﺔ
ﻣﻦ ﺍﻟﺘﻌﺐ ﺍﻭﻝ ﻣﺨﻠﻴﺖ ﺭﺍﺳﻲ ﻋﻠﻰ ﺍﻟﻤﺨﺪﺓ ﻧﻤﺖ
ﺟﻨﺔ ... ﺍﻟﻴﻮﻡ ﺑﻨﺖ ﺭﻭﺣﻲ ﻋﺮﻭﺱ ﻟﻠﻤﺮﺓ ﺍﻟﺜﺎﻧﻴﺔ ﺗﻤﻨﻴﺖ ﺗﻠﺒﺲ ﺑﺪﻟﺔ ﻭﺗﺴﻮﻱ ﻋﺮﺱ ﻻﻥ ﺑﺰﻭﺍﺟﻬﺎ ﺍﻷﻭﻝ ﻣﺎﺗﻬﻨﺖ
ﺑﺲ ﻣﺜﻞ ﻣﻴﻜﻮﻟﻮﻥ ﺍﻫﻠﻨﺎ ﺍﻟﻄﻴﺒﻴﻦ ﺍﻟﺒﺪﻟﺔ ﺍﻟﺒﻴﻀﺔ ﻭﺍﻟﻌﺮﺱ ﻣﻴﻜﺒﺮﻥ ﺑﺨﺖ ﺍﻟﺒﻨﻴﺔ
ﺍﻟﻤﻬﻢ ﺍﻟﻮﻟﺪ ﺧﻮﺵ ﻭﻟﺪ ﻳﺼﻮﻧﻬﺎ ﻭﻳﺤﺒﻬﺎ ﻭﻳﻘﺪﺭ ﻗﻴﻤﺘﻬﺎ
... ﺑﻌﺪ ﺷﻮﻳﺔ ﻳﺠﻲ ﺍﺑﺮﺍﻫﻴﻢ ﻳﺎﺧﺬﻧﻲ ﻧﺮﻭﺡ ﺍﻷﺭﺑﻴﻞ
ﻛﻌﺪﺕ ﺟﻮﺓ ﺍﻳﺪ ﺟﻨﺔ ﻫﻲ ﻣﻜﻴﺠﺘﻨﻲ ﻭﺷﻌﺮﻱ ﺳﺮﺣﺘﺔ ﺍﻟﻲ ﺍﻧﻲ ﻗﺒﻠﻬﺎ ﺧﻠﻴﺘﻬﺎ ﺗﻤﻴﺸﻠﻲ ﺍﻃﺮﺍﻓﺔ ﻭﺍﻟﻔﻮﻙ ﺑﻘﻰ ﻧﻔﺲ ﻟﻮﻧﺔ
ﻟﺒﺴﺖ ﻓﺴﺘﺎﻥ ﻣﺤﺠﺒﺎﺕ ﻟﻮﻥ ﺳﻤﺎﺋﻲ ﻭﺣﺠﺎﺏ ﻣﻜﻴﺎﺝ ﻧﺎﻋﻢ
ﻛﻤﻠﺖ ﻭﻛﻌﺪﺕ ﺍﻧﺘﻈﺮ ﺍﺑﺮﺍﻫﻴﻢ
ﺻﺎﺭ ﺍﻟﻌﺼﺮ ﺍﺟﺔ ﻫﻮ ﻭﺍﻫﻠﺔ ﻭﺍﺧﻮﺍﻧﻪ ﺩﺧﻞ ﻻﺑﺲ ﻗﺎﻁ ﺑﺎﻭﻋﺖ ﻋﻠﻰ ﻃﻮﻟﺔ ﻭﻭﺳﺎﻣﺘﺔ ﻭﻛﺸﺨﺘﺔ ﻛﻮﻟﺸﻲ ﺑﻲ ﺣﻠﻮ
ﺍﺟﺔ ﻳﻤﻲ ﺑﺎﺳﻨﻲ ﻣﻦ ﺭﺍﺳﻲ ﻭﻛﻌﺪ ﺑﺼﻔﻲ
ﺍﺟﺘﻲ ﻭﺣﺪﺓ ﺍﻭﻝ ﻣﺮﺓ ﺍﺷﻮﻓﻬﺎ ﺑﻮﺳﺘﻨﻲ ﻛﺎﻟﺖ ﺍﻧﻲ ﻓﺮﺡ ﺍﺧﺖ ﺍﺑﺮﺍﻫﻴﻢ ﺍﻟﺠﺒﻴﺮﺓ
ﺳﻠﻤﺖ ﻋﻠﻴﻬﺎ ﻭﺍﻟﺤﻤﺪﻟﻠﻪ ﻣﺒﻴﻨﺎ ﺣﺒﺎﺑﺔ ﻣﺜﻞ ﻣﻜﺎﻝ ﺍﺑﺮﺍﻫﻴﻢ
... ﻳﻼ ﻛﻮﻣﻲ ﺧﻠﻲ ﻧﺮﻭﺡ
... ﺍﺧﺬﻧﻲ ﻣﻦ ﺍﻳﺪﻱ ﻭﻭﻛﻔﻨﺎ ﺍﻟﻮﻟﺪ ﻳﺪﺍﻫﺮﻭ ﻳﻜﻮﻟﻮﻟﺔ ﺷﺒﻴﻚ ﻫﻠﻜﺪ ﻣﺴﺘﻌﺠﻞ ﺑﻌﺪ ﻭﻗﺖ
ﻳﻜﻮﻟﻬﻢ ﻭﺷﻌﻨﺪﻱ ﺍﺑﻘﻰ ﻣﻜﺎﺑﻠﻜﻢ ﺍﻧﻲ ﻣﺼﺪﻛﺖ ﺻﺎﺭﺕ ﺍﻟﻲ
ﺟﻨﺔ ... ﺟﻴﺖ ﺣﻀﻨﺖ ﺍﺻﺎﻝ ﻭﺑﻮﺳﺘﻬﺎ ﺩﻳﺮﺑﺎﻟﺞ ﻋﻠﻰ ﻧﻔﺴﺞ ﻭﺯﻭﺟﺞ
ﻭﻳﺎﺭﺑﻲ ﺍﺷﻮﻓﺞ ﺍﺳﻌﺪ ﻭﺣﺪﻩ ﺑﺎﻟﺪﻧﻴﺎ ﻭﺍﻓﺮﺡ ﺑﺸﻮﻓﺔ ﺍﻃﻔﺎﻟﺞ
... ﺍﻟﻠﻪ ﻻﻳﺤﺮﻣﻨﻲ ﻣﻨﺞ ﻋﻤﺮﻱ ﻓﺪﻭﺓ ﺍﺭﻭﺣﻠﺞ
ﺳﻠﻤﺖ ﻋﻠﻰ ﺑﻨﻴﻦ ﻭﺑﺎﻫﺮ ﻭﺧﻮﺍﻟﻲ
ﺟﻨﺔ ﻇﻠﺖ ﺗﻮﺻﻲ ﺍﺑﺮﺍﻫﻴﻢ ﻋﻠﻴﻪ
ﺑﻌﺪﻫﺎ ﺍﺧﺬﻧﻲ ﻭﻃﻠﻌﻨﺎ ﺍﻟﻄﺮﻳﻖ ﺣﻠﻮ ﻭﻣﻴﺘﻌﺐ ﻗﺒﻞ ﺍﺍﻟﻤﻐﺮﺏ ﻭﺻﻠﻨﺎ
ﻣﻦ ﺩﺧﻠﻨﺎ ﺍﺭﺑﻴﻞ ﺍﺧﺬﻧﻲ ﺍﻟﻤﻄﻌﻢ ﺗﻌﺸﻴﻨﺎ ﻛﻤﻠﻨﺎ ﻭﺭﺣﻨﺎ ﻟﻠﺸﻘﺔ
ﺳﺎﻟﺘﺔ ﻫﺎﻱ ﺷﻘﺔ ﻣﻨﻮ؟
... ﺷﻘﺔ ﺍﺣﻤﺪ ﺍﺧﻮﻳﺔ ﺑﺎﻟﻌﻄﻠﺔ ﻳﺠﻮﻥ ﺍﻫﻨﺎ
... ﺍﻟﺠﻮ ﺑﺎﺭﺩ ﻭﺍﻟﺸﻘﺔ ﺛﻠﺞ ﻇﻠﻴﺖ ﺍﻃﻜﻄﻚ ﻣﻤﺘﻌﻮﺩﺓ ﻋﻠﻰ ﻫﺬﺍ ﺍﻟﺒﺮﺩ ﻛﺘﻠﺔ ﺍﺩﺭﻱ ﻭﻳﻦ ﺟﺎﻳﺒﻨﻲ ﺭﺍﺡ ﺗﻤﻮﺗﻨﻲ ﺑﺮﺩ
... ﻫﻬﻬﻬﻪ ﻫﺴﻪ ﺍﺷﻐﻞ ﺍﻟﺘﺪﻓﺌﺔ ﻻﻥ ﻣﻦ ﺯﻣﺎﻥ ﻣﻤﺸﺘﻐﻠﺔ ﺍﻟﺘﺪﻓﺌﺔ ﺍﻟﺸﻘﺔ ﺑﺎﺭﺩﺓ
... ﺭﺣﺖ ﻟﻠﺤﻤﺎﻡ ﺍﺭﻳﺪ ﺍﻏﺴﻞ ﺍﻧﻮﺏ ﺍﻟﻤﻲ ﻣﺠﺮﺵ ﺍﻭﻳﻠﻲ ﺷﻠﻮﻥ ﺳﺎﻟﻔﺔ ﻫﺎﻱ
ﻃﻠﻌﺖ ﺍﺩﺭﺩﻡ ﻭﻫﻮ ﻳﻀﺤﻚ ﻛﺎﻟﻲ ﻟﻠﺼﺒﺢ ﻳﺼﻴﺮ ﺍﻟﻤﻲ ﺣﺎﺭ
ﺍﻓﺘﺮﻳﺖ ﺑﺎﻟﺸﻘﺔ ﻣﺮﺗﺒﺔ ﻭﺍﺛﺎﺛﻬﺎ ﻳﺨﺒﻞ
... ﺭﺍﺡ ﺗﺒﻘﻴﻦ ﺗﻔﺘﺮﻳﻦ ﺍﻣﺸﻲ ﺑﺪﻟﻲ
... ﺍﺷﺮﻟﻲ ﻋﻠﻰ ﺍﻟﻐﺮﻓﺔ ﺩﺧﻠﺖ ﺭﺍﺩ ﻳﺪﺧﻞ ﺳﺪﻳﺖ ﺍﻟﺒﺎﺏ ﻛﺘﻠﺔ ﺍﺑﻘﻰ ﺍﻟﺤﺪ ﻣﺎ ﺍﺑﺪﻝ
... ﻣﺨﺒﻠﺔ ﻓﺘﺤﻲ ﺍﻟﺒﺎﺏ ﺗﺮﻯ ﺍﻭﻝ ﻭﺗﺎﻟﻲ ﺍﺷﻮﻑ ﻛﻠﺸﻲ
.... ﻋﺎﺑﺘﻠﻚ ﺍﺷﻜﺪ ﻣﺎﺗﺴﺘﺤﻲ
... ﻭﻟﻴﺶ ﺍﺳﺘﺤﻲ ﻣﺮﺗﻲ ﺣﻼﻟﻲ ﻫﻢ ﺷﺎﻳﻔﺔ ﻭﺍﺣﺪ ﻳﺴﺘﺤﻲ ﻣﻦ ﺣﻼﻟﺔ ﻳﻼ ﻓﺘﺤﻲ
... ﻣﺎﺍﺍﻩ ﺧﻠﻲ ﺍﺑﺪﻝ ﻛﺎﻓﻲ ﺍﺩﻙ ﺑﺎﻟﺒﺎﺏ
... ﺑﺴﻴﻄﺔ ﺍﻧﻲ ﺍﻟﺞ ﻭﻳﻦ ﺗﺮﻭﺣﻴﻦ ﻣﻨﻲ ﺍﻟﻴﻮﻡ
... ﺍﺿﺤﻚ ﻋﻠﻰ ﺳﻮﺍﻟﻔﺔ ﻓﺘﺤﺖ ﺍﻟﺠﻨﻄﺔ ﻃﻠﻌﺖ ﺳﻴﺖ ﻧﻮﻡ ﻟﻮﻥ ﻣﺎﺭﻭﻧﻲ ﻟﺒﺴﺘﺔ ﻋﺪﻟﺖ ﻣﻜﻴﺎﺟﻲ ﻭﺗﻌﻄﺮﺕ
ﺭﺣﺖ ﻓﺘﺤﺖ ﺍﻟﺒﺎﺏ ﻭﺭﺟﻌﺖ ﻛﻌﺪﺕ ﻋﻠﻰ ﺍﻟﻄﺎﺑﻮﺭﻳﺔ ﻭﺻﺎﻓﻨﺔ ﻋﻠﻰ ﺍﻟﻔﺮﺍﺵ ﻫﺬﺍ ﻣﻦ ﻛﻞ ﻋﻘﻠﺔ ﺍﻧﺎﻡ ﺑﻔﺮﺍﺵ ﺍﺧﻮ ﻭﺯﻭﺟﺘﺔ
ﺩﺧﻞ ﻟﻠﻐﺮﻓﺔ ﻋﻴﻨﻪ ﻋﻠﻴﻪ ﻛﺼﻨﻲ ﻛﺺ ﺍﺗﻘﺪﻡ ﻋﻠﻴﻪ ﻛﻤﺖ ﻭﻛﻔﺖ ﺭﺩﺕ ﺍﺭﻭﺡ ﻟﻠﺠﻬﺔ ﺍﻟﺜﺎﻧﻴﺔ ﻟﺰﻣﻨﻲ ﺳﺤﺒﻨﻲ ﻋﻠﻴﻪ ﻭﺣﻀﻨﻲ ﻳﺒﻮﺱ ﻭﻳﺸﻤﺸﻢ ﺑﺮﻛﺒﺘﻲ
ﺩﻓﻌﺘﺔ ﻣﻦ ﺻﺪﺭﻩ ﻋﻠﻰ ﻛﻴﻒ ﺍﻳﺒﻮ ﻟﺤﻈﺔ ﺧﻠﻲ ﺍﺣﺠﻲ ﻭﻳﺎﻙ
... ﺍﺷﺶ ﻛﺎﻓﻲ ﺗﺮﻯ ﻣﺎﻇﻞ ﻋﻨﺪﻱ ﺻﺒﺮ
... ﺭﺍﺩ ﻳﺎﺧﺬﻧﻲ ﻟﻠﻔﺮﺍﺵ ﻣﻠﺼﺖ ﺭﻭﺣﻲ ﻣﻨﻪ ﺍﻭﻛﻒ ﻭﻳﻦ ﻣﺎﺧﺬﻧﻲ ﻣﺎ ﺍﻧﺎﻡ ﺑﻔﺮﺍﺵ ﻏﻴﺮﻱ
ﻇﻞ ﺑﺒﺎﻭﻉ ﻋﻠﻴﻪ
.. ﻣﻨﻴﻦ ﻃﻠﻌﺘﻴﻠﺞ ﺑﺴﺎﻟﻔﺔ ﻫﺎﻱ ﻭﺷﺒﻲ ﺍﻟﻔﺮﺍﺵ
... ﻣﺎﺑﻲ ﺑﺲ ﺍﻧﻲ ﻣﺎ ﺍﺣﺐ ﺍﻧﺎﻡ ﺑﻔﺮﺍﺵ ﻏﻴﺮﻱ ﺍﺗﺤﺴﺲ ﻣﻦ ﻫﺎﻟﺸﻲ
.... ﺣﺒﻴﺒﻲ ﻭﺩﺍﻋﺘﺞ ﻣﺮﺕ ﺍﺧﻮﻳﺔ ﻣﺎﻛﻮ ﺑﻨﻈﺎﻓﺘﻬﺎ ﺍﻟﻴﺪﺧﻞ ﺑﻴﺘﻬﺎ ﻳﺘﻌﺠﺐ ﻣﻦ ﺍﻟﻨﻈﺎﻓﺔ ﻭﺍﻟﺘﺮﺗﻴﺐ ﻭﺍﻟﺸﻘﺔ ﻣﻦ ﻳﺠﻮﻥ ﺑﻴﻬﺎ ﻭﻗﺒﻞ ﻻﻳﺮﺟﻌﻮﻥ ﻳﻨﻈﻔﻮﻫﺎ ﻳﻼ ﻳﺮﺟﻌﻮﻥ
... ﺗﺮﻯ ﻣﻜﻠﺖ ﻫﻤﺎ ﻭﺻﺨﻴﻦ ﺍﻓﻬﻤﻨﻲ ﻭﺍﻟﻠﻪ ﻣﺎ ﺍﻛﺪﺭ ﻣﻮﺑﻴﺪﻱ
.... ﻋﻠﻴﺞ ﺳﻮﺍﻟﻒ ﺗﺼﻔﻦ ﺍﻟﻤﺨﺒﻞ ﺍﺩﺭﻱ ﺑﻨﻔﺴﻲ ﺭﺍﺡ ﺍﻛﻀﻴﻬﺎ ﺍﺭﻛﺾ ﻭﺭﺍﺝ
... ﻫﻬﻬﻬﻪ ﻳﺤﺠﻲ ﺑﻌﺼﺒﻴﺔ ﺷﻜﻠﺔ ﻳﺨﺮﺏ ﺿﺤﻚ ﻇﻞ ﻳﻔﺘﺢ ﺑﺎﻟﻜﻨﺘﻮﺭ ﻭﻳﺴﺪﻩ ﻣﺪﺭﻱ ﺷﻴﺪﻭﺭ ﻃﻠﻊ ﺟﻨﻄﺔ ﺑﻴﻬﺎ ﻓﺮﺷﺔ ﺟﺪﻳﺪﺓ ﻭﺑﻄﺎﻧﻴﺔ
... ﻫﺬﻥ ﺟﺪﻳﺪﺍﺕ ﻫﻢ ﻛﻮﻟﻲ ﻣﺎ ﺍﻧﺎﻡ ﺑﻴﻬﻦ ﺍﺫﺍ ﻓﺘﺤﺘﻲ ﺣﻠﻜﺞ ﺍﺫﺑﺞ ﻣﻦ ﺍﻟﺒﻠﻜﻮﻧﺔ
... ﻋﺰﺯﺯﺍ ﺷﻨﻮ ﻣﺰﻭﺣﺔ ﻣﺠﺮﻡ ﻭﻣﺎ ﺍﺩﺭﻱ
... ﻏﻴﺮ ﻣﻦ ﺳﻮﺍﻟﻔﺞ
... ﻓﺮﺷﺖ ﺍﻟﻔﺮﺷﺔ ﻭﺩﺧﻠﺖ ﻟﻠﻔﺮﺍﺵ
.... ﻛﻠﺘﻲ ﺍﻟﺸﻘﺔ ﺑﺎﺭﺩﺓ ﻭﺩﻓﻴﺘﻬﺎ ﺍﻟﺞ ﻣﺎﻗﺒﻠﺘﻲ ﺗﻨﺎﻣﻴﻦ ﺑﻔﺮﺍﺵ ﻏﻴﺮﺝ ﻭﻃﻠﻌﺘﻠﺞ ﻓﺮﺍﺵ ﺟﺪﻳﺪ ﺗﺪﺭﻳﻦ ﺑﻌﺪ ﺍﺫﺍ ﻓﺘﺤﻲ ﺣﻠﻜﺞ ﻭﺍﻋﺘﺮﺿﺘﻲ ﻋﻠﻰ ﺷﻲ ﺷﺴﻮﻱ ﺑﻴﺞ
... ﺍﻱ ﺍﺩﺭﻱ ﺗﺸﻤﺮﻧﻲ ﻣﻦ ﺍﻟﺒﻠﻜﻮﻧﺔ
.... ﻻ ﻫﺬﺍ ﻣﻮ ﺧﻮﺵ ﻋﻘﺎﺏ
. ﻟﻌﺪ ﺷﺴﻮﻱ
... ﺍﺳﺒﻮﻉ ﻛﺎﻣﻞ ﻣﺎ ﺍﺧﻠﻴﺞ ﺗﻨﺎﻣﻴﻦ
.. ﻫﻬﻬﻪ ﻭﻳﻜﻮﻟﻲ ﺍﻧﺘﻲ ﺍﻟﻤﺨﺒﻠﺔ ﺩﺍﺣﺠﻲ ﻭﻳﺎ ﻭﻛﻤﺰ ﻋﻠﻴﻪ ﺑﺎﻭﻉ ﺑﻌﻴﻨﻲ ﻭﻫﻤﺲ ﺍﻧﻲ ﻟﻴﺶ ﻫﻠﻜﺪ ﺿﻌﻴﻒ ﻛﺪﺍﻣﺞ
... ﻣﺎ ﺍﺩﺭﻱ ﺍﻛﻴﺪ ﺍﻧﺖ ﺗﻌﺮﻑ ﺍﻟﺠﻮﺍﺏ
... ﻻﻥ ﺣﺒﻴﺘﺞ
.... ﮔﻠﺒﻲ ﺩﻙ ﺳﺮﻳﻊ ﻣﻦ ﻛﺎﻝ ﺣﺒﻴﺘﺞ
ﺑﺎﺳﻨﻲ ﻣﻦ ﺷﻔﺎﻳﻔﻲ ﺍﺗﻌﻤﻖ ﺑﺎﻟﺒﻮﺳﺔ ﻭﺻﺎﺭ ﻳﺘﻔﻨﻦ
ﻟﻬﻔﺘﺔ ﻋﻠﻴﻪ ﺧﻠﺘﻨﻲ ﺍﻧﺪﻣﺞ ﻭﻳﺎ ﻭﺍﻧﺴﻰ ﺷﻲ ﺍﺳﻤﻪ ﺧﺠﻞ
ﻣﻦ ﺍﺑﺘﻌﺪ ﺧﻠﻰ ﺭﺍﺳﻲ ﻋﻠﻰ ﺻﺪﺭﺓ ﻭﻣﻄﻮﻗﻨﻲ ﺑﺤﻀﻨﺔ
ﺍﻧﺘﺒﻪ ﻋﻠﻰ ﺷﻔﺎﻳﻔﻲ
ﻛﺎﻝ ﻫﺎﻱ ﺷﺒﻲ ﺣﻠﻜﺞ
... ﺻﺨﻨﺖ ﻭﻃﻠﻌﺘﻠﻲ ﺣﺒﺎﻳﺔ
... ﺧﻠﻲ ﺍﺑﻮﺳﻬﺎ ﺑﻠﻜﻲ ﺍﻃﻴﺐ ﺑﺴﺮﻋﺔ
... ﻳﺤﺠﻲ ﻭﻳﺒﻮﺱ ﺑﻤﻜﺎﻥ ﺍﻟﺤﺒﺎﻳﺔ ﻭﺍﻧﻲ ﺍﺿﺤﻚ ﻋﻠﻰ ﻋﻠﻴﻪ
ﺍﻟﻮﺟﺔ ﺍﻟﺼﺒﺢ ﻳﻼ ﻧﻤﻨﺎ ﻭﻣﻜﻌﺪﻧﺎ ﻏﻴﺮ ﺍﻟﻈﻬﺮ
ﺭﺩﺕ ﺍﻛﻮﻡ ﻻﻥ ﺟﻮﻋﺎﻧﺔ ﻟﺰﻣﻨﻲ ﻭﺭﺟﻌﻨﻲ ﻟﻠﻔﺮﺍﺵ ﻭﺗﻘﺮﺏ ﻣﻨﻲ ﻭﺑﻨﻔﺲ ﺍﻟﻠﻬﻔﺔ ﻭﺍﻟﺤﺐ
ﻛﺘﻠﺔ ﻳﻼ ﻛﺎﻓﻲ ﺧﻠﻲ ﺍﻛﻮﻡ
... ﺗﻤﺎﻡ ﺣﺒﻴﺒﻲ ﻳﻼ ﺭﻭﺣﻲ
.... ﺍﺧﺬﺕ ﻣﻼﺑﺴﻲ ﺩﺧﻠﺖ ﻟﻠﺤﻤﺎﻡ ﻫﻢ ﺯﻳﻦ ﺍﻟﻤﻲ ﺻﺎﻳﺮ ﺣﺎﺭ ﺳﺒﺤﺖ ﻭﻃﻠﻌﺖ ﺣﻈﺮﺕ ﺍﻟﺮﻳﻮﻙ ﻫﻮ ﻫﻢ ﺭﺍﺡ ﺳﺒﺢ ﻭﺑﻌﺪﻳﻦ ﻛﻌﺪﻧﺎ ﻧﺘﺮﻳﻚ
ﺍﻛﻮﻝ ﺣﺒﻴﺒﻲ ﺷﻮﻛﺖ ﺍﻃﻠﻌﻨﻲ
... ﻭﻳﻦ ﻧﻄﻠﻊ ﺧﻠﻴﻨﺎ ﺍﻫﻨﺎ ﺷﻌﺪﻧﺎ ﻃﺎﻟﻌﻴﻦ
.... ﻻ ﻋﻔﻴﺔ ﺍﺭﻳﺪ ﺍﻃﻠﻊ ﻭﺍﺷﻮﻑ ﺍﺭﺑﻴﻞ ﻫﺎﻱ ﺍﻭﻝ ﻣﺮﺓ ﺍﺟﻲ ﻋﻠﻴﻬﺎ
.... ﺍﻻﻳﺎﻡ ﺟﺎﻳﺔ ﻫﻮﺍﻱ ﻭﻋﺪ ﺍﺟﻴﺒﺞ ﻭﻣﺎ ﺍﺑﻘﻲ ﻣﻜﺎﻥ ﻭﻣﺼﻴﻒ ﻣﺎ ﺍﺧﺪﺝ ﺍﻟﻪ ﻭﺣﺘﻰ ﺧﺎﺭﺝ ﺍﻟﻌﺮﺍﻕ ﺍﺳﻔﺮﺝ
ﺑﺲ ﻫﺎﻵﻳﺎﻡ ﻻﺗﻄﻠﺒﻴﻦ ﻧﻄﻠﻊ ﺍﻻﻱ ﻣﻜﺎﻥ ﺧﻠﻴﻨﺎ ﺍﻫﻨﺎ
... ﻋﻮﺩ ﻟﻴﺶ ﻭﺷﻨﻮ ﺍﻟﻔﺮﻕ
... ﺍﺗﻜﻮﻝ ﺷﻨﻮ ﺍﻟﻔﺮﻕ ﻟﺞ ﺑﺎﺑﺎ ﺍﺣﻨﺎ ﻋﺮﺳﺎﻥ ﺍﺭﻳﺪ ﺍﺷﺒﻊ ﻣﻨﺞ ﺷﺼﺨﻢ ﺑﺎﻟﻄﻠﻌﺔ
.... ﻭﺍﺫﺍ ﺷﺒﻌﺖ ﻣﻨﻲ ﺭﺍﺡ ﺗﻬﻤﻠﻨﻲ ﻭﻣﺘﺒﻘﻰ ﻣﻜﺎﺑﻠﻨﻲ
... ﻫﻬﻬﻬﻪ ﻫﻢ ﺍﻛﻮ ﻭﺍﺣﺪ ﻳﻤﻞ ﻣﻦ ﺍﻟﺠﻨﺔ ﻭﻳﻌﻮﻓﻬﺎ
... ﺣﺠﻴﻚ ﺣﻠﻮ ﺍﺑﺪ ﻣﺎ ﺍﻛﺪﺭﻟﻚ
ﺍﺭﺑﻊ ﺍﻳﺎﻡ ﻇﻠﻴﻨﺎ ﺑﺎﻟﺸﻘﺔ ﻟﻠﺒﺎﺏ ﻣﻴﻘﺒﻞ ﻧﻄﻠﻊ ﺣﺘﻰ ﺍﻷﻛﻞ ﻳﻄﻠﺒﺔ ﺑﺎﻟﺘﻠﻔﻮﻥ ﻭﻳﺠﺒﻮﻟﻨﻴﺎ ﻟﻠﺒﺎﺏ
ﺧﺎﻣﺲ ﻳﻮﻡ ﻛﺎﻝ ﺑﺎﺟﺮ ﻷﺯﻡ ﻧﺮﺟﻊ ﻋﻠﻤﻮﺩ ﺍﻟﺴﺒﻌﺔ ﻭﻣﺎ ﺍﺭﻳﺪ ﺍﺑﻘﻴﻬﺎ ﺑﻨﻔﺴﺞ ﺑﺪﻟﻲ ﺧﻠﻲ ﻧﻄﻠﻊ
ﻣﻦ ﺳﻤﻌﺖ ﻧﻄﻠﻊ ﺻﺮﺕ ﺑﻴﺐ ﺑﻴﺐ ﺍﻗﻞ ﻣﻦ ﻧﺺ ﺳﺎﻋﺔ ﺑﺪﻟﺖ ﻭﻛﻤﻠﺖ
ﻣﻦ ﻧﺰﻟﻨﺎ ﻣﻦ ﺍﻟﺸﻘﺔ ﻭﺿﺮﺑﻨﻲ ﺍﻟﺒﺮﺩ ﺗﻨﺪﻣﺖ ﻋﺰﺯﺍ ﻫﺎﻱ ﺷﻄﻠﻌﻨﻲ
ﺻﻌﺪﻧﺎ ﻟﻠﺴﻴﺎﺭﺓ ﻛﺎﻝ ﻭﻳﻦ ﺗﺮﻳﺪﻳﻦ ﻧﺮﻭﺡ
ﻛﺘﻠﺔ ﺍﻫﻢ ﺷﻲ ﻣﻜﺎﻥ ﺩﺍﻓﻲ
... ﻫﻬﻬﻬﻬﻪ ﺻﺎﺭﻟﺞ ﻛﻢ ﻳﻮﻡ ﺧﺒﺼﺘﻴﻨﻲ ﻋﻠﻰ ﺍﻟﻄﻠﻌﺔ ﻭﻫﺴﻪ ﺗﺮﻳﺪﻳﻦ ﻣﻜﺎﻥ ﺩﺍﻓﻲ
.. ﺷﻤﻌﺮﻓﻨﻲ ﻫﻠﻜﺪ ﺑﺎﺭﺩﺓ ﻋﺒﺎﻟﻲ ﻣﺜﻞ ﺍﻟﺸﻘﺔ
... ﺗﻤﺎﻡ ﺭﺍﺡ ﺍﺧﺬﺝ ﻟﻠﻤﻮﻝ
ﺭﺣﻨﺎ ﻣﺠﺪﻱ ﻣﻮﻝ ﺍﻭﻝ ﻣﺮﺓ ﺍﺷﻮﻓﺔ ﺟﺒﻴﺮ ﻭﺣﻠﻮ ﻛﻮﻟﺸﻲ ﻣﻮﺟﻮﺩ ﺑﻲ
ﻇﻠﻴﺖ ﻻﺯﻣﺔ ﺍﻳﺪﻩ ﻭﺍﻓﺘﺮ ﻛﺎﻟﻲ ﺷﻴﻌﺠﺒﺞ ﺍﺧﺬﻱ
ﺍﺧﺬﺗﺔ ﺍﻟﻘﺴﻢ ﺍﻟﻤﻜﻴﺎﺝ ﻻﻥ ﻛﻮﻟﺔ ﻣﺎﺭﻛﺔ ﻓﺮﺻﺔ ﻭﺍﺟﺘﻲ ﺍﻟﻌﻨﺪﻱ ﻛﻮﻣﺔ ﺍﺷﺘﺮﻳﺖ ﻫﻬﻬﻬﻬﻪ
ﺑﻌﺪﻫﺎ ﺗﻌﺸﻴﻨﺎ ﻭﺍﻛﻠﻨﺎ ﻣﻮﻃﺎ ﻭﺭﺟﻌﻨﺎ
ﺑﺪﻟﺖ ﻭﺟﻴﺖ ﻛﻌﺪﺕ ﺑﺤﻀﻨﺔ
.... ﺍﻣﺸﻲ ﻧﺮﻭﺡ ﻟﻠﻐﺮﻓﺔ
... ﻻ ﺧﻠﻴﻨﺎ ﺍﻫﻨﺎ ﻭﺷﻐﻠﻠﻨﺔ ﻓﻠﻢ
... ﺍﻻﻓﻼﻡ ﻛﻠﻬﺎ ﻣﻌﺎﺩﻩ ﻭﺷﺎﻳﻔﻴﻬﻦ ﺍﻟﻒ ﻣﺮﺓ ﻧﺮﻭﺡ ﻟﻠﻐﺮﻓﺔ ﻋﻨﺪﻱ ﺍﻟﺞ ﺷﻠﻮﻥ ﻓﻠﻢ ﻳﺨﺒﻞ ﻛﻠﻪ ﺍﻛﺸﻦ ﻭﺭﻭﻣﺎﻧﺴﻴﺔ
... ﻫﻬﻬﻬﻪ ﻻ ﻣﺎ ﺍﺭﻳﺪ ﺍﺗﻔﺮﺝ ﻋﻠﻰ ﺍﻟﻤﻌﺎﺩ ﺍﺣﺴﻦ
... ﺍﻣﺮﻱ ﻟﻠﻪ
... ﻇﻠﻴﺖ ﻛﺎﻋﺪﺓ ﺑﺤﻀﻨﺔ ﻭﺍﺗﻔﺮﺝ ﻭﻫﻮ ﻣﺴﺘﻐﻠﻨﻲ ﻭﺍﻛﻌﻠﻲ ﺩﻙ ﺑﻮﺱ
ﺭﻓﻌﺖ ﺭﺍﺳﻲ ﻣﻦ ﺻﺪﺭﺓ ﻭﺳﺎﻟﺘﺔ ﺍﻛﻮﻝ ﺍﻳﺒﻮ ﺍﻧﺖ ﻣﻦ ﺷﻮﻛﺖ ﺣﺴﻴﺖ ﻧﻔﺴﻚ ﻣﻌﺠﺐ ﺑﻴﻪ ﻭﺭﺍﻳﺪﻧﻲ
... ﻣﻦ ﺍﻭﻝ ﻳﻮﻡ ﺷﻔﺘﺞ ﺑﻲ
... ﻫﺎﻱ ﺷﻠﻚ ﺑﻴﻬﺎ ﺷﺒﺴﺮﻋﺔ ﻭﺷﻌﺮﻓﺖ ﻋﻨﻲ ﺣﺘﻰ ﺗﻨﻌﺠﺐ ﺑﻴﻪ
.... ﺗﺮﻯ ﻣﺠﺎﻱ ﺍﺷﺎﻗﺔ ﻫﺎﻱ ﺍﻟﺤﻘﻴﻘﺔ ﻭﻳﻤﻜﻦ ﺑﮕﻠﺒﺞ ﺍﺗﻜﻮﻟﻴﻦ ﻫﺬﺍ ﺍﻛﻴﺪ ﺍﻧﻌﺠﺐ ﺑﻴﻪ ﻻﻥ ﺣﻠﻮﺓ
ﻭﺍﻧﻲ ﻣﺎ ﺍﻧﻜﺮ ﺍﻧﺘﻲ ﻓﻌﻼً ﺣﻠﻮﺓ ﻭﺗﺠﺬﺑﻴﻦ ﺑﺲ ﻣﻮ ﻫﺬﺍ ﺳﺒﺐ ﺍﻋﺠﺎﺑﻲ ﺑﻴﺞ ﺍﺫﺍ ﻋﻠﻰ ﺍﻟﺠﻤﺎﻝ ﺍﻧﻲ ﺷﺎﻳﻒ ﺑﻨﺎﺕ ﺑﻜﺪ ﺷﻌﺮ ﺭﺍﺳﻲ ﻭﻫﻢ ﺣﻠﻮﺍﺕ
.. ﺍﻱ ﺍﻱ ﺍﺣﺠﻲ ﺑﻌﺪ ﺑﻜﺪ ﺷﻌﺮ ﺭﺍﺳﻚ ﻣﻮ
... ﺣﺒﻴﺒﻲ ﺍﻧﻲ ﺷﻐﻠﻲ ﺑﺎﻟﻤﻜﺎﺗﺐ ﻭﻫﻮﺍﻱ ﺑﻨﺎﺕ ﻳﺠﻮﻧﺔ ﻭﻣﺮﺍﺕ ﺍﺳﺎﻓﺮ ﻳﻌﻨﻲ ﻣﺠﺒﻮﺭ ﺍﺷﻮﻑ ﺧﻮﻣﺎ ﺍﻏﻤﺾ
.. ﻟﻌﺪ ﻟﻴﺶ ﻣﺎ ﺍﺧﺬﺕ ﻣﻨﻬﻦ
.. ﺑﺮﺑﺞ ﻳﻌﻨﻲ ﻳﺎﻫﻮ ﺍﻻﺷﻮﻓﻬﺎ ﺍﺭﻭﺡ ﺍﺧﻄﺒﻬﺎ ﺗﺮﻯ ﻫﺬﺍ ﺯﻭﺍﺝ ﻭﻋﺸﺮﺓ ﻣﻮ ﻟﻌﺐ ﻭﻭﻧﺴﺔ
ﻻﺯﻡ ﺍﻷﺧﺘﻴﺎﺭ ﻳﻜﻮﻥ ﺻﺤﻴﺢ
ﻭﺍﻧﻲ ﻋﻨﺪﻱ ﺗﺠﺮﺑﺔ ﻓﺎﺷﻠﺔ ﻭﻣﺎ ﺍﺭﻳﺬ ﺍﻓﺸﻞ ﻣﺮﺓ ﺛﺎﻧﻴﺔ
... ﻫﻢ ﻣﺠﺎﻭﺑﺘﻨﻲ ﺍﺫﺍ ﺍﻟﺠﻤﺎﻝ ﻋﻨﺪﻙ ﻣﻮ ﻣﻬﻢ ﻟﻌﺪ ﺷﻨﻮ ﻋﺠﺒﻚ ﺑﻴﻪ
... ﺭﺍﺡ ﺍﺣﺠﻴﻠﺞ ﻣﻦ ﺍﻟﺒﺪﺍﻳﺔ ﺑﻴﻮﻡ ﺍﻟﻌﻤﻲ ﺍﺟﺔ ﻛﺎﻝ ﻟﻜﻴﺖ ﺑﻨﺘﻲ ﻭﺍﺭﻳﺪ ﺍﺭﻭﺡ ﺍﺷﻮﻓﻬﺎ ﺍﺑﻮﻳﺔ ﻃﻠﺐ ﻣﻨﻲ ﺍﺭﻭﺡ ﻭﻳﺎﻫﻢ ﻛﺎﻝ ﻋﻤﻚ ﻣﺮﻳﺾ ﻭﺍﺧﺎﻑ ﺗﺼﻴﺮ ﻣﺸﺎﻛﻞ ﺍﻫﻨﺎﻙ ﻻﻥ ﻣﺮﺓ ﺭﺣﺖ ﻭﺗﻌﺎﺭﻛﻮﺍ ﻭﻳﺎﻱ
ﺭﺣﺖ ﻭﻳﺎ ﻋﻤﻲ ﻭﺍﻟﻮﻟﺪ ﻭﺍﻧﻲ ﺍﺻﻼ ﻣﻤﻔﺘﻨﻊ ﺑﺎﻟﺴﺎﻟﻔﺔ ﺟﻨﺖ ﺍﻛﻮﻝ ﻋﻠﻴﻪ ﺑﻄﺮﺍﻥ ﻋﺎﻓﻬﻦ ﻭﻫﻨﺎ ﺑﻨﺎﺕ ﺻﻐﺎﺭ ﻭﻣﻦ ﻛﺒﺮﻥ ﻳﺮﻳﺪ ﻳﺸﻮﻓﻬﻦ
ﻭﺻﻠﻨﺎ ﺍﻟﺒﻴﺖ ﺧﺎﻟﺘﺞ ﻭﺍﺟﺘﻲ ﺑﻨﻴﺔ ﺛﻼﺛﻴﻨﻴﺔ ﺳﺒﺤﺎﻥ ﺍﻟﺨﻠﻘﻬﺎ ﺍﻟﻮﺍﺣﺪ ﻳﺴﺘﺤﻲ ﻳﺒﺎﻭﻉ ﻋﻠﻴﻬﺎ ﻣﻦ ﺟﻤﺎﻟﻬﺎ ﻋﺮﻓﺖ ﻫﺎﻱ ﺟﻨﺔ ﺑﻨﺖ ﻋﻤﻲ ﻣﻦ ﻭﻛﻔﺖ ﻭﺣﺠﺖ ﺍﻟﻌﺎﺷﺘﺔ ﺑﻮﻛﺘﻬﺎ ﺍﺣﺘﻘﺮﺕ ﻋﻤﻲ ﺷﻠﻮﻥ ﻛﺪﺭ ﻳﻌﻮﻓﻬﻦ ﺑﻬﺎﻟﺪﻧﻴﺎ ﺍﻟﻤﺘﺮﺣﻢ ﻭﻣﻦ ﻛﺎﻟﺖ ﺍﺧﺘﻬﺎ ﻣﺎﺗﺖ ﻣﻦ ﺍﻟﻈﻠﻢ ﺍﻟﻌﺎﺷﺘﺔ ﺍﺧﺘﻨﻜﺖ ﻟﻮ ﺑﻴﺪﻱ ﺍﻋﻮﻑ ﺍﻟﻜﻌﺪﺓ ﻭﺍﻃﻠﻊ ﻭﺑﻌﺪ ﺑﺤﻴﺎﺗﻲ ﻣﺎ ﺍﺑﺎﻭﻉ ﺑﻮﺟﻪ ﻋﻤﻲ
ﻣﻦ ﺻﺎﺣﺘﺞ ﻭﺧﻠﺘﺞ ﻛﺪﺍﻣﻨﺎ ﻭﻛﺎﻟﺖ ﻫﺎﻱ ﺑﻨﺖ ﺍﺧﺘﻬﺎ ﻳﺸﻬﺪ ﺍﻟﻠﻪ ﺍﻧﻘﻬﺮﺕ ﻋﻠﻰ ﺣﺎﻟﻜﻢ
ﺑﺎﻟﻴﻞ ﻣﻦ ﺍﺟﻴﺘﻲ ﻭﻛﻌﺪﺗﻲ ﻳﻤﻨﺎ ﺑﺜﻮﺍﻧﻲ ﻏﻴﺮﺗﻲ ﺍﺟﻮﺍﺀ ﺍﻟﻜﻞ ﺣﺘﻰ ﻋﻤﻲ ﺍﻟﺠﺎﻥ ﻣﻨﺘﻬﻲ ﺧﻠﻴﺘﻲ ﻳﻀﺤﻚ
ﺷﻔﺖ ﻛﺪﺍﻣﻲ ﺑﻨﻴﺔ ﻛﻠﻬﺎ ﻃﺎﻗﺔ ﻭﺣﻴﻮﻳﺔ ﻟﻮ ﺗﺤﺠﻲ ﻣﻨﺎ ﻟﻠﺼﺒﺢ ﻣﺎ ﻳﻨﻤﻞ ﻣﻨﻬﺎ ﻭﻣﻦ ﺳﻮﺍﻟﻔﻬﺎ
ﻭﻣﻦ ﺑﻮﻣﻬﺎ ﻟﻌﺒﺘﻲ ﻟﻌﺐ ﺑﺤﺎﻟﻲ ﺭﺟﻌﺖ ﻭﺍﻧﻲ ﺩﺍﻳﺦ ﺑﻴﺞ ﺍﺭﻳﺪ ﺍﻃﻠﻌﺞ ﻣﻦ ﺭﺍﺳﻲ ﻣﺎ ﺍﻛﺪﺭ ﻛﻤﺖ ﺍﺗﺤﺠﺞ ﺣﺘﻰ ﺍﺟﻲ ﻟﻠﺒﺼﺮﺓ ﻭﻳﺎ ﻋﻤﻲ ﻭﺍﻟﻮﻟﺪ ﻭﻣﻦ ﺍﺭﺟﻊ ﻣﻦ ﺑﻤﻜﻢ ﻣﺪﺭﻱ ﺷﺼﺎﻳﺮ ﺑﺤﺎﻟﻲ ﻟﺞ ﺣﺘﻰ ﺑﺎﺣﻼﻣﻲ ﻛﻤﺖ ﺍﺷﻮﻓﺞ
... ﺿﺮﺑﺘﺔ ﻋﻠﻰ ﺻﺪﺭﺓ ﺍﺷﻜﺪ ﻣﺘﺴﺘﺤﻲ
... ﻫﻮ ﻋﻘﻠﺞ ﺍﻟﻤﻨﺤﺮﻑ ﻭﺭﺍﺡ ﺍﻟﺒﻌﻴﺪ ﺗﺮﻯ ﺍﺣﻼﻡ ﻋﺎﺩﻳﺔ ﻣﺎﺑﻴﻬﺎ ﺷﻲ
... ﻭﺍﻟﻠﻪ ﻭﻻ ﺍﺻﺪﻛﻚ ﺍﺩﺭﻱ ﺑﺴﻮﺍﻟﻔﻚ
.... ﻫﻬﻬﻬﻬﻪ ﺍﻟﻤﻬﻢ ﺍﻟﻨﻴﺔ ﻭﺍﻧﻲ ﻗﺼﺪﻱ ﺷﺮﻳﻒ
.. ﻫﻬﻬﻬﻬﻪ ﺍﺷﻜﺪ ﻛﻼﻭﺟﻲ ﻳﻼ ﻛﻤﻞ
.... ﻓﺮﻳﺖ ﺍﻟﺴﺎﻟﻔﺔ ﺑﺮﺍﺳﻲ ﺟﺒﺘﻬﺎ ﻣﻨﺎ ﻭﺩﻳﺘﻬﺎ ﻣﻨﺎ ﻛﻠﺖ ﻻ ﺑﻌﺪ ﻣﺎ ﺑﻴﻬﺎ ﻣﺠﺎﻝ ﻷﺯﻡ ﺍﺧﻄﺒﻬﺎ ﻗﺒﻞ ﻻﺗﺮﻭﺡ ﻣﻨﻲ ﻛﺎﻋﺪﻳﻦ ﺍﻧﻲ ﻭﺧﻮﺍﻟﺞ ﺑﺎﻟﻜﻮﻓﻲ ﻗﺮﺭﺕ ﺍﺳﺘﻐﻞ ﺍﻟﻜﻌﺪﺓ ﻭﺍﺣﺠﻲ ﻭﻳﺎﻫﻢ
ﺑﺪﻭﻥ ﻣﻘﺪﻣﺎﺕ ﻛﺘﻠﻬﻢ ﺷﺒﺎﺏ ﺍﺭﻳﺪ ﺍﺯﻭﺝ ﻭﺍﺭﻳﺪ ﻣﺮﺓ ﻣﻨﻜﻢ
ﺍﻧﻲ ﺣﺠﻴﺖ ﻫﻴﺞ ﻟﻮ ﺗﻮﺭﻃﺖ ﻋﻠﻰ ﻋﻤﺮﻱ ﺿﻴﺎﺀ ﻭﺍﻳﻤﻦ ﻋﺒﺎﻟﻬﻢ ﺩﺍﺧﻄﺐ ﻣﻨﻬﻢ ﻣﻼﻙ
ﺍﺻﺎﻝ .. ﻋﺎﺍﺍ ﻛﻮﻝ ﻭﺍﻟﻠﻪ
ﻫﻬﻬﻬﻪ ﺍﻱ ﻭﺍﻟﻠﻪ ﺍﺛﻨﻴﻨﻬﻢ ﺻﻔﻨﻮﺍ ﺑﻮﺟﻬﻲ
ﺿﻴﺎﺀ .. ﻣﺎﻧﻠﻜﻲ ﺍﺣﺴﻦ ﻣﻨﻚ ﺑﺲ ﺗﺪﺭﻱ ﻣﻼﻙ ﺑﻌﺪﻫﺎ ﻃﺎﻟﺒﺔ ﺷﻠﻮﻥ ﺗﺰﻭﺝ ﻭﻫﻲ ﻣﺎﻣﻜﻤﻠﺔ
... ﻣﻦ ﻛﺎﻝ ﻣﻼﻙ ﺿﺮﺑﺖ ﻋﻠﻰ ﻛﺼﺘﻲ ﻭﺣﺠﻴﺖ ﺑﺴﺮﻋﺔ ﻗﺒﻞ ﻻ ﺍﺗﻮﺭﻁ ﻟﺤﻈﺔ ﺍﺑﻮ ﺍﻟﺸﺒﺎﺏ ﺍﻧﺘﻮﺍ ﺗﺪﺭﻭﻥ ﻣﻼﻙ ﻣﺜﻞ ﺍﺧﺘﻲ ﻭﺑﺤﻴﺎﺗﻲ ﻣﺎﻓﻜﺮﺕ ﺑﻴﻬﺎ ﻏﻴﺮ ﻫﺎﻟﺘﻔﻜﻴﺮ ﻣﻮ ﻣﻼﻙ ﺍﻟﻤﻘﺼﻮﺩﺓ
ﺍﻳﻤﻦ ... ﺍﺫﺍ ﻣﻮ ﻣﻼﻙ ﺭﺍﻳﺪﻣﻦ ﺍﺧﺎﻑ ﻋﻴﻨﻚ ﻋﻠﻰ ﺍﻣﻲ
... ﺍﺷﻜﺪ ﻃﺎﻳﺢ ﺣﻆ ﻣﻮ ﻭﻛﺖ ﺧﻔﺖ ﺩﻣﻚ
ﺿﻴﺎﺀ ﺫﻛﻲ ﻭﻣﻦ ﻋﻴﻮﻧﺔ ﻋﺮﻓﺖ ﺑﻲ ﻋﺮﻑ ﺍﻟﻤﺢ ﻋﻠﻰ ﻣﻨﻮ
ﺣﺐ ﻳﻠﻌﺐ ﺑﻌﺼﺎﺑﻲ ﺷﻮﻳﺔ ﻛﺎﻝ ﺍﻱ ﻋﺮﻓﺘﻬﺎ ﺍﻛﻴﺪ ﺑﻨﺘﻲ ﻭﻣﻦ ﻫﺴﻪ ﺍﻛﻮﻟﻚ ﻣﻬﺮﻫﺎ ﻏﺎﻟﻲ ﻻﺯﻡ ﺗﺪﻓﻊ ﺩﻡ ﮔﻠﺒﻚ ﺣﺘﻰ ﺍﻧﻄﻴﻬﺎ ﺍﻟﻚ
... ﺷﻠﻮﻥ ﻃﻼﺑﺔ ﻋﻤﻲ ﺭﺍﻳﺪ ﺑﻨﺖ ﺍﺧﺘﻜﻢ ﺷﺒﺒﻜﻢ ﻛﻞ ﺷﻮﻳﺔ ﻣﻄﻠﻌﻴﻠﻲ ﺳﺎﻟﻔﺔ
ﺿﻴﺎﺀ ... ﻫﻬﻬﻬﻪ ﺟﻨﺖ ﺷﺎﻙ ﺑﻴﻚ ﻭﺍﺩﺭﻱ ﺑﺠﻴﺎﺗﻚ ﻭﻳﺎﻧﺔ ﻣﻮ ﺣﺒﺎ ﺑﻴﻨﺎ
ﺍﻳﻤﻦ . ﻟﺤﻈﺔ ﺿﻴﺎﺀ ﺗﺮﻯ ﺍﻟﺸﻐﻠﺔ ﻣﻮ ﺳﻬﻠﺔ ﺷﻨﻮ ﻧﺴﻴﺘﻮﺍ ﺍﺻﺎﻝ ﺑﻨﺖ ﻣﻨﻮ ﻭﺍﻫﻠﻬﺎ ﺷﻨﻮ ﻣﺎ ﺍﻋﺘﻘﺪ ﻳﻨﻄﻮﻥ ﻟﻠﻐﺮﺑﺔ ﻫﻤﺎ ﻋﺸﺎﻳﺮ ﺍﻛﻴﺪ ﻳﺮﻳﺪﻭﻫﺎ ﺍﻟﻮﺍﺣﺪ ﻣﻦ ﻋﺪﻫﻢ
... ﻟﻮ ﺳﺎﻛﺖ ﻣﻮ ﺍﺣﺴﻦ ﺷﻨﻮ ﻏﺮﺑﺔ ﻟﻌﺪ ﺍﻧﺘﻮﺍ ﻣﻮ ﺧﻮﺍﻟﻬﺎ ﻭﺍﻧﻲ ﺍﺑﻦ ﺍﺧﻮ ﺟﺪﻫﺎ
... ﺍﺣﻨﺎ ﺑﻴﺌﺘﻨﺎ ﻏﻴﺮ ﺑﻴﺌﺘﻬﻢ ﻭﺍﻃﺒﺎﻋﻨﺎ ﺗﺨﺘﻠﻒ ﻋﻨﻬﻢ ﻫﻮ ﺣﺘﻰ ﺍﺧﺘﻨﺎ ﻣﺎﻣﺘﻘﺒﻠﺔ ﻭﺟﻮﺩﻧﺎ ﻣﻮ ﻋﺎﺩ ﺗﺮﻳﺪﻫﺎ ﺗﻨﻄﻲ ﺑﻨﺖ ﺍﺧﺘﻬﺎ ﻟﻴﺶ ﺍﺗﻌﺐ ﻧﻔﺲ ﻣﺘﺎﻛﺪ ﻣﺎﻳﻨﻄﻮﻫﺎ
ﺿﻴﺎﺀ ... ﻣﻌﻠﻴﻚ ﺑﺎﻳﻤﻦ ﺧﻠﻲ ﺍﻧﺠﺮﺏ ﻣﺨﺴﺮﺍﻧﻴﻦ ﺷﻲ ﻧﺮﻭﺡ ﻭﻧﺨﻄﺒﻬﺎ ﺍﻧﻲ ﺍﺣﺐ ﺍﺻﺎﻝ ﻭﺍﻛﻴﻒ ﺍﺫﺍ ﺍﺟﺖ ﻗﺮﻳﺒﺔ ﻣﻨﺎ ﺍﻧﺖ ﺗﺪﺭﻱ ﺑﻴﻬﺎ ﻣﻄﻠﻘﺔ ﻟﻮ ﻻ
.. ﺍﻱ ﺍﻋﺮﻑ
... ﺗﻤﺎﻡ ﺍﺣﺠﻲ ﻭﻳﺎ ﺍﻫﻠﻚ ﻭﺍﺑﻮﻳﺔ ﻭﻳﺼﻴﺮ ﺧﻴﺮ
.... ﻣﻦ ﺍﺟﻴﺖ ﺗﻘﺪﻣﺖ ﺍﻳﺪﻱ ﻋﻠﻰ ﮔﻠﺒﻲ ﻛﻼﻡ ﺍﻳﻤﻦ ﻳﺪﻙ ﺑﺮﺍﺳﻲ ﺧﻔﺖ ﺍﻫﻠﺞ ﻳﺮﻓﻀﻮﻥ ﺑﺲ ﺻﺎﺭ ﺍﻟﻌﻜﺲ ﺍﻧﺘﻲ ﺭﻓﻀﺘﻲ ﻭﻫﺬﺍ ﺷﻲ ﺷﻮﻳﺔ ﻃﻤﻨﻲ ﻻﻥ ﺍﻫﻠﺞ ﺍﺫﺍ ﺭﻓﻀﻮﺍ ﺷﻴﻘﻨﻌﻬﻢ ﺑﺲ ﺍﻧﺘﻲ ﻣﻜﺪﻭﺭ ﻋﻠﻴﺞ ﻭﺗﺎﻟﻲ ﺷﻠﻌﺘﻲ ﮔﻠﺒﻲ ﺍﻟﺤﺪ ﻣﺎﺻﺮﺗﻲ ﺍﻟﻲ ﻭﺑﺤﻀﻨﻲ
... ﻣﻤﻤﻤﻢ ﻣﺸﻴﺖ ﺍﺻﺎﺑﻌﻲ ﺑﻴﻦ ﻟﺤﻴﺘﺔ ﻭﻫﻤﺴﺖ ﻳﻌﻨﻲ ﺍﻧﺖ ﺗﺤﺒﻨﻲ
.. ﺣﺒﻴﺘﺞ ﻭﺣﻖ ﺍﻟﻠﻪ ﻭﻛﺘﺎﺑﺔ ﺣﺒﻴﺘﺞ ﻭﻛﻮﻣﻲ ﻭﻳﺎﻱ ﻟﻠﻐﺮﻓﺔ ﺣﺘﻰ ﺍﺷﻮﻓﺞ ﺍﺷﻜﺪ ﺍﺣﺒﺞ
.. ﻫﻬﻬﻬﻬﻪ ﺍﺷﻜﺪ ﺍﺳﺘﻐﻼﻟﻲ
ﺻﺎﺭﻟﻨﺔ ﺳﺖ ﺍﻳﺎﻡ ﺑﺎﺭﺑﻴﻞ ﻗﺮﺭﻧﺎ ﺍﻟﻴﻮﻡ ﻧﺮﺟﻊ ﻻﻥ ﺑﺎﺟﺮ ﺍﻟﺴﺒﻌﺔ ﻣﺎﻟﺘﻲ ﻭﺍﻗﺎﺭﺏ ﺍﺑﺮﺍﻫﻴﻢ ﻭﺍﻟﺠﻴﺮﺍﻥ ﺑﺠﻮﻥ ﻳﺒﺎﺭﻛﻮﻟﻲ
ﻟﻤﻴﻨﺎ ﺍﻏﺮﺍﺿﻨﺎ ﻗﻔﻠﻨﺎ ﺍﻟﺸﻘﺔ ﻭﺭﺟﻌﻨﺎ ﻃﻮﻝ ﺍﻟﻄﺮﻳﻞ ﺍﻳﺪﻱ ﺑﺎﻳﺪﻩ ﻭﻏﺮﻛﺎﻧﻴﻦ ﺑﺎﻟﻌﺴﻞ ﻭﺻﻠﻨﺎ ﺍﻟﻤﻨﻄﻘﺘﻬﻢ ﻭﻛﻔﻨﺎ ﻛﺪﺍﻡ ﺑﻴﺖ ﺟﺒﻴﺮ ﻭﻣﺮﺗﺐ
ﻧﺰﻝ ﻓﺘﺢ ﺍﻟﺒﺎﺏ ﻭﺩﺧﻞ ﺍﻟﺴﻴﺎﺭﺓ ﻟﻠﻜﺮﺍﺝ
ﻧﺰﻟﺖ ﻣﻦ ﺍﻟﺴﻴﺎﺭﺓ ﻋﻴﻨﻲ ﻋﻠﻰ ﺍﻟﺤﺪﻳﻘﺔ ﺗﺠﻨﻦ
... ﻳﻼ ﺣﺒﻴﺒﻲ ﺧﻠﻲ ﺍﻧﻔﻮﺕ
.. ﻟﺰﻣﺖ ﺍﻳﺪﻩ ﻭﻣﺸﻴﻨﺎ ﺍﻣﻪ ﻭﺟﻨﺘﻬﻢ ﻭﺍﻛﻔﺎﺕ ﺑﺎﻟﻤﻄﺒﺦ ﺳﻠﻤﻮﺍ ﻋﻠﻴﻪ ﻭﺭﺣﺒﻮﺍ ﺑﻴﻪ
ﺩﺧﻠﻨﺎ ﺟﻮﺓ ﺳﻠﻤﻨﺎ ﻋﻠﻰ ﻋﻤﻲ ﻭﻛﻌﺪﻧﺎ
ﻋﻤﻲ ﻛﺎﻝ ﻣﻦ ﺍﻟﻴﻮﻡ ﺻﺮﺗﻲ ﻭﺣﺪﺓ ﻣﻦ ﺍﻫﻞ ﺍﻟﺒﻴﺖ ﻻﺗﺴﺘﺤﻴﻦ ﻭﺗﺼﺮﻓﻲ ﺑﺮﺍﺣﺘﺞ
... ﺍﻥ ﺷﺎﺀ ﺍﻟﻠﻪ ﻋﻤﻮ ﺍﻟﻤﺸﻜﻠﺔ ﺧﺠﻼﻧﺔ ﻭﺑﺎﻟﻜﻮﺓ ﺍﺟﺎﻭﺑﻬﻢ
ﺍﻣﻪ ﻛﺎﻟﺖ ﺍﺧﺬﻫﺎ ﺗﺸﻮﻑ ﻏﺮﻓﺘﻬﺎ ﻭﺗﺮﺗﺎﺣﻮﻥ ﺷﻮﻳﺔ ﺑﻴﻦ ﻣﺎﻧﺼﺐ ﺍﻟﻐﺪﺓ
ﻛﻤﺖ ﻭﻳﺎ ﺻﻌﺪﻧﺎ ﻟﻠﻄﺎﺑﻖ ﺍﻟﺜﺎﻧﻲ ﺗﻔﺎﺟﺌﺖ ﺑﻲ ﺑﻴﺖ ﻛﺎﻣﻞ
ﻏﺮﻓﺘﻴﻦ ﻭﻫﻮﻝ ﻭﻣﻄﺒﺦ ﻭﺻﺤﻴﺎﺕ ﻭﻛﻠﻬﻦ ﻛﺒﺎﺭ ﻣﻮﺻﻐﺎﺭ
.... ﻫﺬﺍ ﺍﻟﻄﺎﺑﻖ ﺑﺲ ﺍﻟﻨﻪ ﻭﺍﻟﻄﺎﺑﻖ ﺍﻟﺠﻮﺓ ﺍﻟﺒﻴﺖ ﺍﺧﻮﻳﺔ ﻭﺍﻫﻠﻲ
... ﻟﻌﺪ ﺍﺧﻮﻙ ﺍﻟﺠﺒﻴﺮ ﻭﻳﻨﻪ؟
... ﻣﻦ ﺯﻣﺎﻥ ﻃﺎﻟﻊ ﺑﻴﺖ ﻭﺣﺪﺓ
.. ﻓﺘﺖ ﻟﻠﻐﺮﻓﺔ ﺗﺠﻨﻦ ﺿﺨﻤﺔ ﻭﺭﺍﻗﻴﺔ ﻟﻮﻧﻬﺎ ﺍﺑﻴﺾ
ﺳﺎﻟﺘﺔ ﺍﻟﻐﺮﻓﺔ ﺫﻭﻕ ﻣﻨﻮ
.. ﺍﻛﻴﺪ ﺫﻭﻗﻲ ﺗﺮﻯ ﺫﻭﻗﻲ ﺣﻠﻮ ﻭﺍﻟﺪﻟﻴﻞ ﺍﺧﺘﺎﺭﻳﺘﺞ
.. ﻭﻛﻔﺖ ﻛﺒﺎﻟﺔ ﻭﺗﻌﻠﻜﺖ ﺑﺮﻛﺒﺘﺔ ﻭﻫﻮ ﺣﺎﻭﻁ ﺧﺼﺮﻱ ﺑﻴﺪﻩ
ﺍﻛﻮﻝ ﺣﺒﻴﺒﻲ ﺑﻤﺎ ﺍﻧﻮ ﻋﺪﻧﺎ ﻣﻄﺒﺦ ﻣﻌﻨﺎﻫﺎ ﺍﻧﻲ ﻻﺯﻡ ﺍﻃﺒﺦ ﺻﺢ ﻟﻮ ﻏﻠﻄﺎﻧﺔ
ﻃﺒﻌﺎً ﻟﻌﺪ ﺧﻮﻣﺎ ﻣﺴﻮﻱ ﺩﻳﻜﻮﺭ ﻧﺘﻔﺮﺝ ﻋﻠﻴﻪ
.. ﺑﺲ ﺍﻛﻮ ﻣﺸﻜﻠﺔ ﺻﻐﻴﺮﻭﻧﺔ
... ﺷﻨﻮ ﻫﻲ؟
.. ﺗﺮﻯ ﺍﻧﻲ ﻣﺎ ﺍﻋﺮﻑ ﺍﻃﺒﺦ
.. ﻫﻬﻬﻬﻪ ﻳﻌﻨﻲ ﺍﻧﻐﺸﻴﺖ ﺑﻴﺞ
. ﺻﻮﺟﻚ ﻏﻴﺮ ﺗﺴﺎﻝ ﻣﻦ ﺍﻟﺒﺪﺍﻳﺔ ﻗﺒﻞ ﻻ ﺗﺘﻮﺭﻁ
. ﺑﻴﻬﺎ ﻣﺠﺎﻝ ﻫﺴﻪ ﺍﻧﺴﺤﺐ ﻟﻮ ﻣﺎﻛﻮ ﻣﻔﺮ
... ﻭﺩﺍﻋﺘﻚ ﻣﺎﻛﻮ ﻣﻔﺮ ﺍﻟﻔﺎﺱ ﻭﻛﻊ ﺑﺎﻟﺮﺍﺱ ﺑﺎﻗﻴﺔ ﻋﻠﻰ ﮔﻠﺒﻚ
... ﻋﻤﻲ ﺭﺍﺿﻲ ﺣﺘﻰ ﻟﻮ ﺍﻛﻞ ﺧﺒﺰ ﻭﺟﺎﻱ ﺍﻟﻤﻬﻢ ﺍﺻﺒﺢ ﻭﺍﻣﺴﻲ ﺑﺎﻟﻬﻮﺟﻪ
... ﻫﻬﻬﻬﻪ ﺍﻟﺨﺎﻃﺮﻙ ﺭﺍﺡ ﺍﺗﻌﻠﻢ
ﺑﺪﻟﻨﺎ ﻭﻧﺰﻟﻨﺎ ﺟﻮﺓ ﻧﺘﻐﺪﺍ
ﻃﺒﺦ ﻣﺮﺕ ﺍﺧﻮ ﻭﺍﻣﻪ ﺭﻫﻴﺐ ﻋﺰﺯﺯﺍ ﺍﻧﻲ ﻭﻳﻦ ﺭﺍﺡ ﺍﺩﺑﺮﻫﺎ ﺍﺷﻜﺪ ﻣﺴﻜﻴﻦ ﻳﺎ ﺍﺑﺮﺍﻫﻴﻢ ﺭﺍﺡ ﺗﺸﻮﻑ ﺍﻳﺎﻡ ﺳﻮﺩﺓ ﻭﻳﺎﻱ ﻫﻬﻬﻪ
ﻣﻦ ﻛﻤﻠﻨﺎ ﺍﻟﻐﺪﺍ ﺭﺩﺕ ﺍﺳﺎﻋﺪﻫﻢ ﺑﻐﺴﻞ ﺍﻟﻤﻮﺍﻋﻴﻦ ﻣﻘﺒﻠﻮﺍ
ﻧﻬﻰ .. ﺷﻐﻞ ﺍﻟﻄﺎﺑﻖ ﺍﻟﺠﻮﺓ ﻋﻠﻴﻪ
ﻭﺍﻧﺘﻲ ﻋﻠﻴﺞ ﺍﻟﻔﻮﻙ
... ﻣﻦ ﻃﺮﻳﻘﺔ ﻛﻼﻣﻬﺎ ﻋﺮﻓﺘﻬﺎ ﻧﺤﺴﻪ ﺑﺎﻟﺸﻐﻞ ﻭﺍﻟﻨﻈﺎﻓﺔ ﺗﺤﺐ ﻛﻮﻟﺸﻲ ﻋﻠﻰ ﺍﻳﺪﻫﺎ ﻋﻔﺘﻬﺎ ﺑﺮﺍﺣﺘﻬﺎ ﺍﺻﻼً ﺑﻌﺪ ﺍﺣﺴﻦ ﻫﻬﻬﻬﻬﻬﻪ
ﺭﺟﻌﺖ ﺍﻟﻐﺮﻓﺘﻲ ﺗﻤﺪﺩﺕ ﺍﺟﺔ ﻳﻤﻲ ﺍﻳﺒﻮ ﻭﺍﺧﺬﻧﻲ ﺍﻟﺤﻀﻨﺔ
... ﺷﻠﻮﻧﻬﻢ ﺍﻫﻠﻲ ﺍﻥ ﺷﺎﺀ ﺍﻟﻠﻪ ﺣﺒﻴﺘﻬﻢ
... ﺍﻱ ﺣﺒﻴﺘﻬﻢ ﻛﻮﻟﺶ ﻃﻴﺒﻴﻦ ﻭﺍﺳﻠﻮﺑﻬﻢ ﺣﻠﻮ
.. ﻧﻤﻨﺎ ﻣﺎﻛﻌﺪﻧﺎ ﻏﻴﺮ ﺍﻟﻌﺼﺮ ﺍﺻﺪﻗﺎﺀ ﺍﺑﺮﺍﻫﻴﻢ ﺍﺗﺼﻠﻮﺍ ﻋﻠﻴﻪ ﻛﺎﻟﻮﻟﻪ ﺗﻌﺎﻝ ﻳﻤﻨﺎ
ﻛﺎﻟﻲ ﺍﺭﻭﺡ ﺳﺎﻋﺔ ﻭﺍﺭﺟﻊ ﻣﺎ ﺍﺗﺄﺧﺮ
ﺭﺍﺡ ﺳﺒﺢ ﻭﺍﺟﺔ ﻳﺒﺪﻝ
... ﺍﻧﺰﻟﻲ ﻳﻢ ﺍﻣﻲ ﻭﻧﻬﻰ ﻻﺗﺒﻘﻴﻦ ﻭﺣﺪﺝ ﺑﺎﻟﻐﺮﻓﺔ
... ﻣﺎﺷﻲ
ﺍﺟﺔ ﺑﺎﺳﻨﻲ ﻭﺭﺍﺡ ﻇﻠﻴﺖ ﺑﺎﻟﻔﺮﺍﺵ ﺧﺎﺑﺮﺕ ﺟﻨﺔ ﺣﺠﻴﺖ ﻭﻳﺎﻫﺎ ﻛﻤﻠﺖ ﺍﻟﻤﻜﺎﻟﻤﺔ ﺭﺣﺖ ﺳﺒﺤﺖ
ﻃﻠﻌﺖ ﻣﻦ ﺍﻟﺤﻤﺎﻡ ﻛﻌﺪﺕ ﺍﺷﺴﻮﺭ ﺷﻌﺮﻱ ﻭﺍﺭﺗﺐ ﻧﻔﺴﻲ
ﺳﻤﻌﺖ ﺻﻮﺕ ﺟﻮﺓ ﻃﻔﻴﺖ ﺍﻟﺸﺴﻮﺍﺭ ﺍﻟﺼﻮﺕ ﺯﺍﺩ ﻛﻤﺰﺕ ﻣﻦ ﻣﻜﺎﻧﻲ ﻣﺮﻋﻮﺑﺔ ﺑﺴﺮﻋﺔ ﺍﺟﺔ ﺑﺎﻟﻲ ﺑﺲ ﻻ ﺭﺿﺎ ﻫﻢ ﺍﺟﺔ ﻳﺘﻬﺪﺩ ﻋﻠﻴﻪ ﻛﻤﺖ ﺍﺭﺟﻒ ﺍﺭﻭﺡ ﻭﺍﺟﻲ ﻣﺎ ﺍﺩﺭﻱ ﺷﺴﻮﻱ
ﺣﺠﺒﺖ ﺑﮕﻠﺒﻲ ﺷﻜﻮ ﻫﻠﻜﺪ ﺧﺎﻳﻔﺔ ﺧﻠﻲ ﺍﻧﺰﻝ ﺍﺷﻮﻑ ﺷﻜﻮ
ﻃﻠﻌﺖ ﻣﻦ ﺍﻟﻐﺮﻓﺔ ﻭﺻﻠﺖ ﻟﻠﺪﺭﺝ ﺷﻔﺖ ﺑﻨﻴﺔ ﺷﺎﺑﺔ ﺗﻌﻴﻂ ﻭﺗﺼﻴﺢ ﻭﺗﺮﻳﺪ ﺗﺼﻌﺪ ﻭﻋﻤﺘﻲ ﻭﻧﻬﻰ ﻭﻓﺪ ﻣﺮﺓ ﻻﺯﻣﺎﺗﻬﺎ
ﻭﻛﻔﺖ ﺑﻤﻜﺎﻧﻲ ﻫﺎﻱ ﺷﻜﻮ ﻭﺍﺷﺪﻳﺼﻴﺮ ﻭﻣﻨﻮ ﻫﺎﻱ
ﺍﻟﺒﻨﻴﺔ ﻣﻦ ﺷﺎﻓﺘﻨﻲ ﻋﺒﺎﻟﻚ ﺟﻨﻲ ﻟﺒﺴﻬﺎ ﺗﺪﻓﺮ ﺑﻴﻬﻢ ﺗﺮﻳﺪﻫﻢ ﻳﻌﻮﻓﻮﻫﺎ
ﺍﻟﻤﺼﻴﺒﺔ ﻛﻞ ﻫﺎﻟﻬﻮﺳﺔ ﻭﺍﻧﻲ ﻣﻤﻔﺘﻬﻤﺔ ﺷﻲ ﻳﺤﺠﻮﻥ ﺗﺮﻛﻤﺎﻧﻲ ﻇﻠﻴﺖ ﻣﺜﻞ ﺍﻻﻃﺮﺵ ﺑﺎﻟﺰﻓﺔ
ﻭﻣﺤﺘﺎﺭﺓ ﻣﺪﺭﻱ ﺍﻧﺰﻝ ﻟﻮ ﺍﺻﻌﺪ
ﺻﺮﺕ ﺟﺎﻛﻲ ﺷﺎﻥ ﻧﻔﺸﺖ ﺭﻳﺸﻲ ﻭﻧﺰﻟﺖ ﻣﺘﺮﻫﻴﺔ
ﺑﻘﻦ ﺍﺭﺑﻊ ﺑﺎﻳﺎﺕ ﻣﺎﻝ ﺩﺭﺝ
ﻣﺤﺴﻴﺖ ﻏﻴﺮ ﺍﻧﺠﺮﻳﺖ ﻣﻦ ﺩﺷﺪﺍﺷﺘﻲ ﻭﻛﻌﺖ ﻋﻠﻰ ﺭﻛﺒﺘﻲ ﻭﺍﺩﻋﺒﻠﺖ ﻭﻫﺎﻱ ﺍﻟﻤﺨﺒﻠﺔ ﺻﻌﺪﺕ ﻓﻮﻛﺎﻳﺔ ﻣﻠﺨﺘﻨﻲ ﻳﺠﺮﻭﻥ ﺑﻴﻬﺎ ﻭﻫﻲ ﺍﻟﻠﻪ ﺫﺍﺏ ﺑﻴﻬﺎ ﻛﻞ ﺍﻟﺤﻴﻞ ﻣﻨﻮ ﻫﺎﻱ ﻭﺷﺘﺮﻳﺪ ﻣﻨﻲ ﻣﺎ ﺍﺩﺭﻱ
ﻣﻦ ﺣﻼﺕ ﺭﻭﺣﻲ ﻟﺰﻣﺘﻬﺎ ﻣﻦ ﺍﻳﺪﻫﺎ ﻭﺧﻤﺸﺘﻬﺎ ﻻﻥ ﺷﺒﻌﺘﻨﻲ ﻛﻔﺨﺎﺕ
ﺍﻟﻤﺮﺓ ﺍﻟﻮﻳﺎﻫﺎ ﻣﻦ ﺷﺎﻓﺘﻨﻲ ﺟﺮﺣﺖ ﺍﻳﺪﻫﺎ ﻟﺰﻣﺘﻨﻲ ﻣﻦ ﺷﻌﺮﻱ ﻭﻛﻔﺨﺘﻨﻲ
ﺑﺤﻴﺎﺗﻲ ﻣﻤﺎﺭﺓ ﺑﻬﻴﺠﻲ ﻣﻮﻗﻒ ﺍﻧﻀﺮﺏ ﻭﻣﺎ ﺍﻋﺮﻑ ﺷﻨﻮ ﺍﻟﺴﺒﺐ ﺣﺘﻰ ﻛﻼﻣﻬﻢ ﻣﺎ ﺍﻛﺪﺭ ﺍﻓﻬﻤﺔ
ﻋﻤﺘﻲ ﻭﻧﻬﻰ ﺑﺎﻟﺰﻭﺭ ﻭﺧﺮﻭﻫﻦ ﻣﻨﻲ ﻇﻠﻴﺖ ﺍﺑﺠﻲ ﻭﻣﺒﺴﻄﺔ ﺑﺎﻟﻜﺎﻉ ﺍﺧﺬﻭﻫﻦ ﻟﻠﻤﻄﺒﺦ ﻭﺍﻧﻲ ﻋﻠﻰ ﻧﻐﺲ ﻛﻌﺪﺗﻲ ﺑﺎﻟﻜﺎﻉ ﺭﻛﺒﺘﻲ ﻛﻠﻬﺎ ﻣﺰﻟﻐﺔ ﻭﻣﺠﺮﻭﺣﺔ
ﺑﺎﻟﻜﻮﺓ ﻛﻤﺖ ﻭﻛﻔﺖ ﺑﺎﻭﻋﺖ ﻃﻠﻌﻦ ﻟﻠﺤﻮﺵ ﻭﺍﻡ ﺍﺑﺮﺍﻫﻴﻢ ﺣﻀﻨﺖ ﺍﻟﺒﻨﻴﺔ ﻭﺑﺎﺳﺘﻬﺎ
ﺗﺨﺒﻠﺖ ﻳﻌﻨﻲ ﺑﻌﺪ ﻫﺬﺍ ﺍﻟﺼﺎﺭ ﺑﻴﻬﺎ ﺟﺎﻱ ﺗﺒﻮﺳﻬﺎ ﻭﺗﺤﻀﻨﻬﺎ ﺑﺪﺍﻝ ﻣﺪﺍﻓﻌﻠﻲ ﻭﺗﻄﺮﺩﻫﺎ
ﺍﺟﺘﻨﻲ ﻧﻬﻰ ﻛﺎﻟﺖ ﺧﻮﻣﺎ ﺑﻴﺞ ﺷﻲ
. ﻣﻨﻮ ﻫﺬﻥ ﻭﻟﻴﺶ ﺿﺮﺑﻮﻧﻲ
.... ﻫﺎﻱ ﺍﻳﺸﺎﻥ ﻃﻠﻴﻘﺔ ﺍﺑﺮﺍﻫﻴﻢ ﻭﺍﻣﻬﺎ
... ﻛﻌﺪﺕ ﻋﻠﻰ ﺍﻟﺪﺭﺝ ﻭﻛﻤﺖ ﺍﺷﻬﻚ ﻭﺷﻜﻮ ﺗﺠﻲ ﺗﻀﺮﺑﻨﻲ ﺷﺸﺘﺮﻳﺪ ﻣﻨﻲ ﻫﻮ ﻣﻮ ﻃﻠﻘﻬﺎ
... ﻫﻲ ﺍﻻﺧﺮ ﻟﺤﻈﺔ ﻋﺒﺎﻟﻬﺎ ﻳﺮﺟﻌﻬﺎ ﻭﻣﻦ ﺳﻤﻌﺖ ﺍﺯﻭﺝ ﻳﻮﻣﻴﺔ ﺗﺠﻲ ﺗﺘﻮﺳﻞ ﺑﻌﻤﺘﻲ ﺣﺘﻰ ﺗﻘﻨﻊ ﺍﺑﺮﺍﻫﻴﻢ ﻳﺮﺟﻌﻬﺎ ﻭﻫﻮ ﻣﻴﻘﺒﻞ
.. ﻛﻤﺖ ﻣﻦ ﻣﻜﺎﻧﻲ ﺍﺳﺘﻨﺪﺕ ﻋﻠﻰ ﺍﻟﻤﺤﺠﺮ ﻭﺻﻌﺪﺕ ﻓﻮﻙ ﻟﺰﻣﺖ ﺍﻟﻔﻮﻥ ﺍﺗﺼﻠﺖ ﻋﻠﻰ ﺍﺑﺮﺍﻫﻴﻢ
ﻣﻦ ﺳﻤﻌﻨﻲ ﺍﺑﺠﻲ ﺍﺗﺨﺒﻞ ﺑﺲ ﻳﺮﻳﺪ ﻳﻌﺮﻑ ﺷﺒﻴﻪ ﻛﺘﻠﺔ ﺍﺭﻳﺪﻙ ﻫﺴﻪ ﺗﺠﻲ
ﻧﺺ ﺳﺎﻋﺔ ﻭﺩﺧﻞ ﻟﻠﻐﺮﻓﺔ ﺧﻠﻘﺘﺔ ﻣﮕﻠﻮﺑﺔ ﺍﻟﻈﺎﻫﺮ ﻋﺎﺭﻑ ﺑﺎﻟﺼﺎﺭ
ﺍﺟﺔ ﻳﺮﻳﺪ ﻳﺤﻀﻨﻲ ﺩﻓﻌﺘﺔ ﻭﻛﻤﺖ ﺍﺑﺠﻲ ﺑﻬﺴﺘﻴﺮﻳﺎ
ﻋﻠﻰ ﺍﻱ ﺍﺳﺎﺱ ﺗﺠﻲ ﺗﻀﺮﺑﻨﻲ ﺍﺫﺍ ﻫﻠﻜﺪ ﺗﺤﺒﻚ ﺷﻜﻮ ﺍﻃﻠﻜﺖ ﻣﻨﻚ ﻟﻮ ﻫﺴﻪ ﺻﺮﺕ ﻋﺰﻳﺰ
... ﺑﺲ ﺧﻠﻲ ﺍﺷﻮﻑ ﺷﺒﻴﺞ
... ﺷﺒﻴﻪ ﻳﻌﻨﻲ ﻫﺎﻙ ﺷﻮﻑ ﺭﺟﻠﻲ ﻭﻭﺟﻬﻲ ﺷﺒﻌﻨﻲ ﺿﺮﺏ ﻭﺍﻧﺖ ﺍﺗﻜﻮﻟﻲ ﺷﺒﻴﺞ
... ﻭﺍﻟﻠﻪ ﻣﻦ ﺳﻤﻌﺖ ﺧﺎﺑﺮﺕ ﺍﺧﻮﻫﺎ ﺗﻌﺎﺭﻛﺖ ﻭﻳﺎ ﻭﺑﻌﺪ ﺷﺤﺪﻫﺎ ﺗﻮﺻﻞ ﻳﻤﺞ
... ﺍﻟﻄﻢ ﺍﻣﻠﺦ ﺭﻭﺣﻲ ﻫﺎﻱ ﺍﻟﻲ ﺍﻟﻠﻪ ﻗﺪﺭﻙ ﻋﻠﻴﻬﺎ ﺧﺎﺑﺮﺕ ﺍﺧﻮﻫﺎ
ﻟﻚ ﻫﻲ ﻭﺍﻣﻬﺎ ﺍﺟﻨﻲ ﻣﻮﺗﻨﻲ ﻛﺘﻞ ﻭﺍﻧﺖ ﻫﺬﺍ ﺍﻗﻮﻯ ﺷﻲ ﻋﻨﺪﻙ
... ﺷﺴﻮﻱ ﺗﺮﻳﺪﻳﻦ ﺍﺭﻭﺡ ﺍﻫﺪ ﻋﻠﻰ ﻧﺴﻮﺍﻥ ﻭﺍﺿﺮﺑﻬﻢ
ﺳﻤﻌﻴﻨﻲ ﺣﺒﻴﺒﻲ ﺍﻧﻲ ﻟﻮ ﻣﻮﺟﻮﺩ ﻭﻳﺼﻴﺮ ﻫﺎﻟﺸﻲ ﻛﺪﺍﻣﻲ ﻭﺍﻟﻠﻪ ﺍﻛﺴﺮ ﺍﻳﺪﻫﻦ ﺑﺲ ﻫﺴﻪ ﻣﺎ ﺍﻛﺪﺭ ﺍﺳﻮﻱ ﺷﻲ ﻫﻨﺎ ﻧﺴﻮﺍﻥ ﻋﺎﻳﺸﺎﺕ ﻭﺣﺪﻫﻦ ﺑﺮﺍﻳﺞ ﺭﺟﻮﻟﺔ ﻣﻦ ﻋﻨﺪﻱ ﺍﺭﻭﺡ ﺍﻫﺪ ﻋﻠﻰ ﺑﺒﺖ ﺑﻲ ﻧﺴﻮﺍﻥ ﻭﺍﺗﻌﺎﺭﻙ
.... ﺳﻜﺘﺖ ﻭﺭﺟﻌﺖ ﺍﺑﺠﻲ ﻗﻮﻱ
... ﺗﺮﻭﺣﻠﺢ ﻓﺪﻭﺓ ﻻﺗﺒﺠﻴﻦ
.. ﻋﻔﻴﺔ ﻭﺧﺮ ﻭﻻﺗﺤﺠﻲ ﻭﻳﺎﻱ ﻓﻮﻙ ﻫﺬﺍ ﺍﻟﺼﺎﺭ ﺑﻴﻪ ﺍﻣﻚ ﺣﻀﻨﺘﻬﺎ ﻭﺗﺒﻮﺱ ﺑﻴﻬﺎ
ﻛﺪﺍﻣﻬﺎ ﺍﻧﻀﺮﺑﺖ ﻣﻜﻠﻔﺖ ﻧﻔﺴﻬﺎ ﻭﺗﻌﺎﺭﻛﺖ ﻭﻳﺎﻫﻦ ﻛﻞ ﺍﻟﻄﻠﻊ ﻣﻦ ﺍﻳﺪﻫﺎ ﻭﺧﺮﺗﻬﻦ ﻣﻨﻲ ﻫﺎﻱ ﻟﻮﺑﻨﺘﻬﺎ ﻋﺮﻭﺱ ﻭﺟﺎﻳﺎﺕ ﺿﺎﺭﺑﺎﺗﻬﺎ ﻫﻢ ﺟﺎﻧﺖ ﺭﺍﺡ ﺗﺴﻜﺖ ﻭﻣﺘﺴﻮﻱ ﺷﻲ
ﺍﺑﺮﺍﻫﻴﻢ ﺻﺎﺭ ﺍﻋﺼﺎﺏ ﻋﺎﻓﻨﻲ ﻭﻧﺰﻝ ﺳﻤﻌﺖ ﺻﻴﺎﺣﺔ ﺟﻮﺓ ﺗﻤﺪﺩﺕ ﺑﻔﺮﺍﺷﻲ ﺩﻣﻮﻋﻲ ﻣﻴﻘﺒﻠﻦ ﻳﻮﻛﻔﻦ ﻛﺮﺍﻣﺘﻲ ﺍﻧﺠﺮﺣﺖ ﻭﺣﺴﻴﺖ ﺑﺎﻟﺬﻝ
ﻇﻠﻴﺖ ﺑﺎﻟﻐﺮﻓﺔ ﻣﻄﻠﻌﺖ ﺣﺘﻰ ﻋﺸﺎ ﻣﺘﻌﺸﻴﺖ ﻭﻫﻮ ﺣﺎﺭ ﺷﻴﺴﻮﻱ ﺣﺘﻰ ﻳﺮﺍﺿﻴﻨﻲ ﻭﺍﻧﻲ ﻗﺎﻓﻠﺔ ﻋﻠﻴﻪ ﺧﻠﻴﺖ ﻗﻬﺮﻱ ﺑﻲ
ﺍﻟﺜﺎﻧﻲ ﻳﻮﻡ ﻣﺎ ﺍﺣﺠﻲ ﻭﻳﺎ ﻭﺍﺑﺪ ﻣﺎﻧﺰﻟﺖ ﺍﻣﻪ ﺻﻌﺪﺕ ﻳﻤﻲ ﺑﻮﺳﺘﻨﻲ ﻭﻃﻠﺒﺖ ﻣﻨﻲ ﺍﻧﺰﻝ ﺟﻮﺓ
ﺍﻧﺠﺒﺮﺕ ﺍﺭﺗﺐ ﻧﻔﺴﻲ ﻭﺍﻧﺰﻝ ﻻﻥ ﮔﺮﺍﻳﺒﻬﻢ ﺍﺟﻮﻱ ﻛﻌﺪﺕ ﻭﻳﺎﻫﻢ ﻭﺍﻧﻲ ﺍﺣﺲ ﺭﻭﺣﻲ ﻏﺮﻳﺒﺔ ﺣﺘﻰ ﺣﺠﻴﻬﻢ ﻣﺎ ﺍﻓﻬﻤﺔ
ﻟﻠﻤﻐﺮﺏ ﻳﻼ ﺭﺍﺣﻮﺍ ﺭﺟﻌﺖ ﺍﻟﻐﺮﻓﺘﻲ ﻭﺍﻧﻲ ﻋﻠﻰ ﻧﻔﺲ ﻭﺿﻌﻲ
ﺍﺑﺮﺍﻫﻴﻢ ... ﻣﻦ ﺍﻟﺒﺎﺭﺣﺔ ﺯﻋﻼﻧﺔ ﻣﻮ ﻛﺎﻓﻲ ﺣﺘﻰ ﺑﻮﺟﻬﻲ ﻣﺘﺒﺎﻋﻴﻦ ﺯﻳﻦ ﺍﻧﻲ ﺷﻨﻮ ﺫﻧﺒﻲ ﻭﺗﺰﻋﻠﻴﻦ ﻣﻨﻲ
.... ﻋﻔﻴﺔ ﻋﻮﻓﻨﻲ ﺑﺤﺎﻟﻲ ﺗﺮﻯ ﺣﺘﻰ ﺭﻭﺣﻲ ﻣﻄﺎﻳﻘﺘﻬﺎ
ﺣﺎﻭﻝ ﻭﻳﺎﻱ ﺑﻜﻞ ﺍﻟﻄﺮﻕ ﻭﺍﻧﻲ ﻗﺎﻓﻠﺔ
ﺛﺎﻧﻲ ﻳﻮﻡ ﺷﻮﻳﺔ ﺑﺪﻳﺖ ﺍﻓﻚ ﻭﺍﺣﺎﻭﻝ ﺍﻧﺴﻰ ﺍﻟﺼﺎﺭ
ﺍﻟﻌﺼﺮ ﻧﺰﻟﺖ ﺟﻮﺓ ﺩﺧﻠﺖ ﻟﻠﻬﻮﻝ ﻭﻛﻔﺖ ﺑﻤﻜﺎﻧﻲ
ﺍﻳﺸﺎﻥ ﻭﺍﻣﻬﺎ ﻛﺎﻋﺪﺍﺕ ﻳﺸﺮﺑﻦ ﺟﺎﻱ ﻭ ﺿﺤﻚ ﻭﺳﻮﺍﻟﻒ ﻭﺍﺧﺖ ﺍﺑﺮﺍﻫﻴﻢ ﻫﻢ ﻣﻮﺟﻮﺩﺓ
ﻫﻲ ﻭﺍﻣﻬﺎ ﻣﻦ ﺷﺎﻓﻨﻲ ﺩﺍﺭﻥ ﺭﺍﺳﻬﻦ ﻭﺭﺟﻌﻦ ﻳﺴﻮﺍﻟﻔﻦ ﻭﻻ ﻛﺎﻧﻮﺍ ﺍﻧﻲ ﻣﻮﺟﻮﺩﺓ
ﻋﻤﺘﻲ ﺍﺭﺗﺒﻜﺖ ﻛﺎﻟﺖ ﺗﻌﺎﻟﻲ ﻛﻌﺪﻱ ﻳﻤﻨﺎ ﻭﺷﺮﺑﻲ ﺟﺎﻱ ﻟﻴﺶ ﻭﺍﻛﻔﺔ
ﻣﺠﺎﻭﺑﺘﻬﺎ ﻋﻔﺘﻬﺎ ﻭﺭﺟﻌﺖ ﻟﻠﻐﺮﻓﺔ ﺍﺷﺪﻳﺼﻴﺮ ﻣﺎ ﺍﺩﺭﻱ ﻭﻳﻦ ﻭﻛﻌﺖ ﻭﻭﻳﺎﻣﻦ ﺗﻮﺭﻃﺖ ﻧﺎﺭ ﺷﺒﺖ ﺑﻴﻪ
ﺍﻟﻤﻐﺮﺏ ﺭﺟﻊ ﺍﺑﺮﺍﻫﻴﻢ
... ﺍﻟﻌﺼﺮ ﻋﻔﺘﺞ ﻛﻠﺸﻲ ﻣﺎﺑﻴﺞ ﺍﺷﻮ ﻫﻢ ﺭﺟﻌﺘﻲ ﺩﻟﻐﻤﺘﻲ
ﺍﻧﺘﻮﺍ ﺷﻨﻮ ﻣﺘﻜﻮﻟﻮﻟﻲ ﺍﻟﻬﺪﺭﺟﺔ ﻛﺮﺍﻣﺘﻲ ﻣﺘﻬﻤﻜﻢ
ﺍﺥ ﺍﻧﻲ ﻏﺒﻴﺔ ﻣﺴﻤﻌﺖ ﻛﻼﻡ ﺟﻨﺔ ﻛﺎﻟﺘﻠﻲ ﺫﻭﻟﺔ ﻣﻴﻔﻴﺪﻭﺝ ﻻﺗﺘﻮﺭﻃﻴﻦ ﺑﺲ ﺍﻧﻲ ﻋﺎﻧﺪﺕ
... ﺍﺣﺠﻲ ﻋﺪﻝ ﺷﻨﻮ ﻫﺬﺍ ﺍﻻﺳﻠﻮﺏ ﺑﺎﺑﺎ ﺷﺒﻴﺞ ﻣﺘﺨﺒﻠﺔ ﻋﻠﻰ ﺭﺍﺳﻲ ﺻﺎﺭﻟﺞ ﻳﻮﻣﻴﻦ ﻛﺮﻫﺘﻴﻨﻲ ﻋﻴﺸﺘﻲ
. ﻫﻮ ﺍﻧﻲ ﺍﻟﻜﺮﻫﺖ ﻋﻴﺸﺘﻲ ﻣﻦ ﺟﻴﺖ ﺍﻟﻬﺎﻟﺒﻴﺖ
... ﺍﺻﺎﻝ ﺍﺣﺠﻲ ﺷﺼﺎﻳﺮ ﻗﺒﻞ ﻻ ﺍﺑﺘﻠﻲ ﺑﻴﺞ
... ﻛﻤﺖ ﺍﺑﺠﻲ ﻭﺍﺣﺠﻲ ﻃﻠﻴﻘﺘﻚ ﻭﺍﻣﻬﺎ ﺟﺎﻧﻦ ﺍﻫﻨﺎ ﻭﻣﺎﺧﺬﺍﺕ ﺭﺍﺣﺘﻬﻦ ﻭﻻ ﻋﺒﺎﻟﻚ ﻗﺒﻞ ﺑﻮﻣﻴﻦ ﺍﺟﻦ ﺿﺮﺑﻨﻲ ﻭﺍﻫﻠﻚ ﻣﺴﺘﻘﺒﻴﻠﻬﻢ ﺍﺣﺴﻦ ﺍﺳﺘﻘﺒﺎﻝ
ﻟﻚ ﺣﺘﻰ ﺍﻋﺘﺬﺍﺭ ﻣﻌﺘﺬﺭﻥ ﻣﻨﻲ ﻳﺒﺎﻭﻋﻦ ﻋﻠﻴﻪ ﻋﺒﺎﻟﻚ ﻣﻤﻮﺟﻮﺩﺓ
ﺍﺑﺮﺍﻫﻴﻢ ﻛﺎﻋﺪ ﻋﻠﻰ ﺍﻟﺠﺮﺑﺎﻳﺔ ﻳﻬﺰ ﺑﺮﺟﻠﺔ ﻛﺎﻝ ﺗﻤﺎﻡ ﻳﺼﻴﺮ ﺧﻴﺮ ﻃﻠﻊ ﻣﻦ ﺍﻟﻐﺮﻓﺔ ﻭﻃﺒﻚ ﺍﻟﺒﺎﺏ ﻗﻮﻱ
ﺻﺎﺭﺕ ﻫﻮﺳﺔ ﺟﻮﺓ ﺭﺟﻊ ﻟﻠﻐﺮﻓﺔ ﺻﺎﻳﺮ ﻧﺎﺭ ﻛﺒﺮﺓ ﻭﺍﻣﺔ ﺍﺟﺖ ﻭﺭﺓ ﺗﺤﺠﻲ ﻭﻳﺎ
ﺍﻡ ﺍﺑﺮﺍﻫﻴﻢ .. ﺍﺻﺎﻝ ﻟﻴﺶ ﻣﺎﺗﻨﺴﻴﻦ ﺍﻟﺼﺎﺭ ﻣﺸﻜﻠﺔ ﺻﺎﺭﺕ ﻭﺭﺍﺣﺖ ﻭﺍﺟﻮﻱ ﻋﻠﻴﻨﺎ ﺧﻮﻣﺎ ﺗﺮﻳﺪﻳﻦ ﻧﻄﺮﺩﻫﻢ ﺗﺮﻯ ﺑﻴﺖ ﺍﻡ ﺭﺍﺋﺪ ﺟﻴﺮﺍﻧﺔ ﻣﻦ ﺍﺭﺑﻌﻴﻦ ﺳﻨﺔ ﺑﻴﻨﺎ ﻭﺑﻴﻨﻬﻢ ﻋﺸﺮﺓ ﻋﻤﺮ ﺍﺣﻨﺎ ﺍﻫﻞ ﻣﻮ ﺟﻴﺮﺍﻥ ﺗﻌﻮﺩﻱ ﻋﻠﻰ ﻭﺟﻮﺩﻫﻢ ﺑﻨﺘﻲ
ﺍﺑﺮﺍﻫﻴﻢ .. ﺟﻴﺮﺍﻧﺞ ﺍﻧﺘﻲ ﻫﻲ ﻣﺎﻣﺠﺒﻮﺭﺓ ﺗﺘﻘﺒﻠﻬﻢ ﻭﺗﺘﻌﻮﺩ ﻋﻠﻴﻬﻢ ﻭﺍﻟﻠﻪ ﺍﻟﻌﻈﻴﻢ ﺍﺫﺍ ﺳﻤﻌﺖ ﻭﺍﺻﻠﻴﻦ ﻳﻤﻬﺎ ﻟﻮ ﻏﺎﺛﻴﻨﻬﺎ ﺍﺗﺼﺮﻑ ﻭﻳﺎﻫﻢ ﻏﻴﺮ ﺗﺼﺮﻑ ﻭﺣﺘﻰ ﺑﺎﻟﺒﻴﺖ ﻣﺎ ﺍﺑﻘﻰ ﺍﺧﺬ ﻣﺮﺗﻲ ﻭﺍﻃﻠﻊ
... ﻫﺬﺍ ﻫﻮ ﻣﻌﻠﻴﻬﻢ ﺑﻴﻬﺎ ﻭﻣﻦ ﻳﺠﻮﻥ ﺧﻠﻲ ﺗﺒﻘﻰ ﻓﻮﻙ ﺣﺘﻰ ﻻﺗﻀﻮﺝ
.... ﺭﺍﺣﺖ ﺍﻣﻪ ﺍﺟﺔ ﻛﻌﺪ ﻳﻤﻲ
ﻛﺎﻝ ﺍﺫﺍ ﻣﺎﺗﻜﺪﺭﻳﻦ ﺗﺘﺤﻤﻠﻴﻦ ﻧﻄﻠﻊ ﻣﻦ ﺍﻟﺒﻴﺖ ﺍﻟﻤﻬﻢ ﻻﺗﻀﻮﺟﻴﻦ
... ﻣﺠﺎﻭﺑﺘﺔ ﺗﻤﺪﺩﺕ ﻭﻏﻄﻴﺖ ﺭﺍﺳﻲ
ﻭﺿﻌﻲ ﻭﻳﺎ ﺻﺎﺭ ﺯﻓﺖ ﻭﺻﻠﺖ ﻣﺮﺣﻠﺔ ﻣﻦ ﺍﻟﻘﻬﺮ ﻭﺍﻟﻐﻴﺮﺓ ﻋﺰﻟﺖ ﻓﺮﺍﺷﻲ ﻣﻨﺎ ﻛﻠﻤﺎ ﺍﺷﻮﻑ ﻃﻠﻴﻘﺘﺔ ﺗﺠﻲ ﺍﺷﺘﻌﻞ ﻭﺍﻃﻔﻰ ﻣﻦ ﺍﻟﻐﻴﺮﺓ
ﻫﻮ ﺗﻌﺐ ﻣﻨﻲ ﺍﺧﻴﺮ ﺷﻲ ﻋﺎﻓﻨﻲ ﺑﺮﺍﺣﺘﻲ ﺻﺎﺭﻟﻨﺎ ﺷﻬﺮ ﻋﻠﻰ ﻫﺎﻟﻮﺿﻊ ﻣﻮ ﺷﻬﺮ ﻋﺴﻞ ﺻﺎﺭ ﺷﻬﺮ ﺳﻢ
ﺍﺑﺮﺍﻫﻴﻢ .. ﻋﻨﺪﻱ ﺳﻔﺮ ﻋﺸﺮ ﺍﻳﺎﻡ ﺗﺤﺒﻴﻦ ﺗﺒﻘﻴﻦ ﺍﻫﻨﺎ ﻟﻮ ﺍﺧﺬﺝ ﺍﻻﻫﻠﺞ
... ﻭﺷﻌﻨﺪﻱ ﺑﺎﻗﻴﺔ ﺣﺘﻰ ﺍﻛﺎﺑﻞ ﺍﻳﺸﺎﻥ ﺧﺎﺗﻮﻥ ﺍﻱ ﺍﺧﺬﻧﻲ ﺍﻷﻫﻠﻲ
ﺛﺎﻧﻲ ﻳﻮﻡ ﺍﺧﺬﻧﻲ ﻟﻠﺒﺼﺮﺓ ﻭﻫﻮ ﺑﻨﻔﺲ ﺍﻟﻴﻮﻡ ﺭﺟﻊ ﻣﻦ ﺑﺮﻭﺩﻱ ﺍﺗﺠﺎﻫﺔ ﺣﺘﻰ ﻣﺴﺎﻟﺘﺔ ﻭﻳﻦ ﺗﺴﺎﻓﺮ
ﺟﻨﺔ ﻭﺑﺎﺑﺎ ﻣﻦ ﺷﺎﻓﻮﻧﻲ ﻃﺎﺭﻭﺍ ﺑﻴﻪ
ﺟﻨﺔ . . ﻫﺎﻱ ﺍﺣﻠﻰ ﻣﻔﺎﺟﺌﺔ ﻣﻤﺼﺪﻛﺔ ﺟﻴﺘﻲ ﻛﻠﺖ ﻣﻨﺎ ﺍﻟﺸﻬﺮﻳﻦ ﻟﻮ ﺷﻔﻨﺎﻫﺎ ﺯﻳﻦ
... ﻋﻨﺪﻩ ﺷﻐﻞ ﻳﺮﻳﺪ ﻳﺴﺎﻓﺮ ﺍﺳﺘﻐﻠﻴﺖ ﺍﻟﻔﺮﺻﺔ ﻭﺟﻴﺖ
.. ﺷﻠﻮﻧﺔ ﻭﻳﺎﺝ ﻭﺍﻫﻠﻪ ﺷﻠﻮﻧﻬﻢ
... ﺍﻭﻭﻭﻑ ﺷﺠﺎﻭﺑﻬﺎ ﻛﺘﻠﻬﺎ ﺍﻟﺤﻤﺪﻟﻠﻪ ﺯﻳﻨﻴﻦ ﻭﺍﺑﺮﺍﻫﻴﻢ ﻣﺎﻛﻮ ﻣﻨﻪ
... ﺍﻟﺤﻤﺪﻟﻠﻪ ﻳﺎﻋﻤﺮﻱ ﻳﺎﺭﺑﻲ ﺩﻭﻡ ﻣﺮﺗﺎﺣﺔ
... ﻇﻠﻴﺖ ﺧﻤﺲ ﺍﻳﺎﻡ ﺑﺎﻟﺒﺼﺮﺓ ﺗﻮﻧﺴﺖ ﻭﻳﺎ ﺟﻨﺔ ﻭﻋﻤﺎﺗﻲ
ﺍﺑﺮﺍﻫﻴﻢ ﺑﺎﻟﻴﻮﻡ ﻣﺮﺓ ﻭﺣﺪﺓ ﻳﺘﺼﻞ ﺑﺲ ﺷﻠﻮﻧﺞ ﺷﺨﺒﺎﺭﺝ ﻳﻌﺎﻣﻠﻨﻲ ﺑﺮﻭﺩ ﻣﺪﺭﻱ ﺷﺠﺎﻩ
ﺍﺗﺼﻠﺖ ﻋﻠﻴﻪ ﻧﻮﺭﻫﺎﻥ
... ﺍﻛﻮ ﻋﺮﻭﺱ ﻣﺼﺎﺭﻟﻬﺎ ﺷﻬﺮ ﻣﺰﻭﺟﺔ ﺗﻌﻮﻑ ﺭﺟﻠﻬﺎ
... ﻏﻴﺮ ﺍﺑﺮﺍﻫﻴﻢ ﻣﺴﺎﻓﺮ ﻭﺍﺟﻴﺖ
... ﻟﺞ ﻣﻨﻮ ﻣﺴﺎﻓﺮ ﺍﺑﺮﺍﻫﻴﻢ ﻣﻮﺟﻮﺩ ﻳﻮﻣﻴﺔ ﻳﺠﻲ ﻋﻠﻰ ﺍﻳﻤﻦ
ﺷﺸﺸﻨﻮ ﺗﺨﺒﻠﺖ ﻋﺰﺯﺯﺍ ﻫﺬﺍ ﺑﺲ ﻻ ﺭﺟﻊ ﻃﻠﻴﻘﺘﺔ ﻭﺯﺣﻠﻜﻨﻲ
... ﻟﺞ ﺭﺟﻌﻲ ﺍﻟﺒﻴﺘﺞ ﻭﻻﺗﺼﻴﺮﻳﻦ ﻏﺒﻴﺔ ﺗﺮﻯ ﺍﻳﺸﺎﻥ ﻻﺯﻛﺔ ﻳﻤﻬﻢ
ﺍﻟﻠﻊ ﻋﻠﻴﺞ ﻛﻮﻟﻴﻠﻲ ﺷﺴﺎﻣﻌﺔ ﻣﺘﺤﺠﻴﻦ ﻫﻴﺞ ﺍﺫﺍ ﻣﺼﺎﻳﺮ ﺷﻲ
.. ﻻ ﻭﺍﻟﻠﻪ ﻣﺎﻛﻮ ﺷﻲ ﺑﺲ ﻧﻬﻰ ﻳﻮﻣﻴﺔ ﺗﺨﺎﺑﺮﻧﻲ ﺍﺗﻜﻮﻝ ﺍﻳﺸﺎﻥ ﺑﺎﻳﻌﺔ ﺩﻣﻬﺎ ﻋﻠﻰ ﺍﻳﺒﻮ ﻟﻮﺑﻴﺪﻫﺎ ﺗﺠﻲ ﺗﻌﻴﺶ ﻭﻳﺎﻧﺔ
ﻣﻦ ﺍﻟﻘﻬﺮ ﻭﺍﻟﻐﻴﺮﺓ ﻧﻔﺴﻲ ﻛﺎﻣﺖ ﺗﻠﻌﺐ ﺳﺪﻳﺖ ﺍﻟﺨﻂ
ﻭﺍﺗﺼﻠﺖ ﻋﻠﻰ ﺍﺑﺮﺍﻫﻴﻢ
. ﺍﻟﻮﻭﻭ
.... ﺍﻧﺖ ﻭﻳﻨﻚ ﻭﻟﻴﺶ ﺟﺬﺑﺖ ﻋﻠﻴﻪ ﻭﻛﺘﻠﻲ ﻣﺴﺎﻓﺮ
.. ﻭﻋﻠﻴﻜﻢ ﺍﻟﺴﻼﻡ ﺍﻧﻲ ﺍﻟﺤﻤﺪﻟﻠﻪ ﺯﻳﻦ .
... ﺍﺑﺮﺍﻫﻴﻢ ﺍﺣﺠﻲ ﻻﺗﺨﺒﻠﻨﻲ
... ﺗﺎﺟﻠﺖ ﺍﻟﺴﻔﺮﺓ
... ﺷﻮﻛﺖ ﺗﺠﻲ ﺗﺎﺧﺬﻧﻲ
ﻫﺴﻪ ﻋﻨﺪﻱ ﺷﻐﻞ ﻣﺎ ﺍﻛﺪﺭ
. ﻛﻮﻝ ﻣﺎ ﺍﺭﻳﺪ ﺍﺟﻲ ﻭﻓﻀﻬﺎ ﺍﻟﻠﻪ ﺍﻟﻴﻌﻠﻢ ﺑﺸﻨﻮ ﻣﻠﺘﻬﻲ ﺳﺪﻳﺘﺔ ﺑﻮﺟﻬﺎ ﻛﻤﺖ ﺍﺑﺠﻲ ﺻﺨﺎﻡ ﺍﻟﺼﺨﻤﻨﻲ ﻫﺬﺍ ﺍﻛﻴﺪ ﻣﺮﺟﻌﻬﺎ
ﻣﺒﻴﻦ ﻣﻦ ﺷﻜﻠﻲ ﺿﺎﻳﺠﺔ ﺟﻨﺔ ﻫﻮﺍﻱ ﺣﺎﻭﻟﺖ ﺗﻌﺮﻑ ﺷﺒﻴﻪ ﻣﻜﺘﻠﻬﺎ
.
ﺍﻳﺒﻮ ﺍﺗﺼﻞ ﺍﻛﺜﺮ ﻣﻦ ﻣﺮﺓ ﺑﻌﺪ ﻣﺠﺎﻭﺑﺘﺔ
ﺑﺎﻟﻴﻞ ﺩﺯﻟﻲ ﻣﺴﺞ ﻛﺎﺗﺖ ﺣﻈﺮﻱ ﻧﻔﺴﺞ ﺑﺎﺟﺮ ﺍﺟﻴﺞ ﻛﻤﺖ ﻧﻔﺲ ﺍﻟﻠﺤﻈﺔ ﺣﻈﺮﺕ ﻏﺮﺍﺿﻲ ﻫﻬﻬﻬﻪ
ﺛﺎﻧﻲ ﻳﻮﻡ ﺍﺟﺔ ﺍﻳﺒﻮ ﺍﺷﻜﺪ ﻣﺸﺘﺎﻗﺘﻠﺔ
ﺳﻠﻢ ﻋﻠﻰ ﺟﻨﺔ ﻭﺑﺎﻫﺮ ﻭﺍﺟﺔ ﻳﻤﻲ ﺑﺎﺳﻨﻲ ﻣﻦ ﺭﺍﺳﻲ ﺣﺘﻰ ﺳﻼﻣﺔ ﻣﻦ ﻭﺭﺓ ﺧﺸﻤﺔ
ﻧﻔﺴﻴﺘﻲ ﺍﻧﺠﻌﺼﺖ ﻭﺻﺎﺭﺕ ﺯﻓﺖ ﺍﺷﻮﻓﺔ ﺷﻠﻮﻥ ﻳﺸﺎﻗﺔ ﻭﻳﻀﺤﻚ ﻭﻳﺎﻫﻢ ﻭﺍﻧﻲ ﺣﺘﻰ ﻛﻼﻡ ﻣﻴﻮﺟﻬﻠﻲ
ﺑﻘﻰ ﺍﻟﻴﻮﻡ ﺑﺎﻟﺒﺼﺮﺓ ﻣﻜﺪﺭﻧﺎ ﻧﺮﺟﻊ ﺑﺎﻟﻴﻞ ﻛﺘﻠﺔ ﺗﻌﺎﻝ ﻧﺎﻡ ﺑﻐﺮﻓﺘﻲ
ﻛﺎﻝ ﻻ ﻓﺮﺷﻴﻠﻲ ﺍﻫﻨﺎ ﻭﻳﺎ ﺳﻴﻒ
ﺗﻌﺼﺒﺖ ﺟﺒﺖ ﺍﻟﻔﺮﺍﺵ ﺷﻤﺮﺗﻬﻦ ﻋﻠﻴﻪ ﻭﺭﺟﻌﺖ ﻟﻠﻐﺮﻓﺔ
ﺟﻨﺔ .. ﺍﺷﻮ ﺍﺑﺮﺍﻫﻴﻢ ﻧﺎﻡ ﺑﺎﻻﺳﺘﻘﺒﺎﻝ ﻟﻴﺶ
... ﺳﻴﻮﻓﻲ ﻭﻳﺎ
... ﺍﻫﺎﺍﺍ ﻣﺎﺷﻲ
... ﺛﺎﻧﻲ ﻳﻮﻡ ﻭﺩﻋﺖ ﺍﻫﻠﻲ ﻭﺭﺟﻌﻨﺎ ﺍﻟﻄﺮﻳﻖ ﻛﻠﻪ ﻣﻨﺘﺤﺎﺟﺔ ﺭﻭﺣﻲ ﺑﺨﺸﻤﻲ ﺑﺲ ﺍﺭﻳﺪ ﺍﻋﺮﻑ ﺷﺒﻲ ﻭﺷﻐﻴﺮﺓ ﻋﻠﻴﻪ
ﻭﺻﻠﻨﺎ ﻟﻠﺒﻴﺖ ﻣﻦ ﺩﺧﻠﺖ ﺍﻳﺪﻱ ﻋﻠﻰ ﮔﻠﺒﻲ ﺧﺎﻳﻔﺔ ﻻ ﺍﻧﺼﺪﻡ ﻭﺍﻟﻜﻲ ﻣﺮﺟﻌﻬﺎ
ﺳﻠﻤﺖ ﻋﻠﻰ ﺍﻫﻠﻪ ﻭﺻﻌﺪﺕ ﻓﻮﻙ ﺩﻭﺭﺕ ﺑﺎﻟﻐﺮﻑ ﻫﻬﻬﻬﻬﻪ
ﻣﺪﺭﻱ ﺷﺠﺎﻳﻨﻲ ﺍﺣﺲ ﺭﻭﺣﻲ ﻣﺘﺨﺒﻠﺔ
ﻫﻮ ﺑﻜﻞ ﺑﺮﻭﺩ ﺭﺍﺡ ﺳﺒﺢ ﻭﺍﺟﺔ ﻧﺎﻡ
ﻭﺍﻟﻤﻐﺮﺏ ﺑﺪﻝ ﻭﻃﻠﻊ ﻭﺍﻧﻲ ﻋﺒﺎﻟﻚ ﻣﻤﻮﺟﻮﺩﺓ
ﺑﺎﻟﻴﻞ ﻣﻦ ﺭﺟﻊ ﺟﻨﺖ ﻣﺘﺤﻈﺮﺓ ﺍﺭﻳﺪ ﺍﺗﻌﺎﺭﻙ ﻭﻟﻮﻳﻦ ﺗﻮﺻﻞ ﺧﻠﻲ ﺗﻮﺻﻞ
ﻭﺍﻛﻒ ﻳﺒﺪﻝ ﻛﺎﻝ ﺷﺒﻴﺞ ﺗﺒﺎﻋﻴﻠﻲ ﻫﻴﺞ
... ﺍﻧﻲ ﺍﻟﺸﺒﻴﻪ ﻟﻮ ﺍﻧﺖ ﺍﻛﻮﻟﻚ ﺑﺪﻭﻥ ﻟﻒ ﻭﺩﻭﺭﺍﻥ ﺍﻧﺖ ﺭﺟﻌﺖ ﺍﻳﺸﺎﻥ
. . ﻫﻬﻬﻬﻬﻪ ﺍﻟﻈﺎﻫﺮ ﺑﻌﺪﺝ ﺗﻌﺒﺎﻧﺔ ﺍﺗﻐﻄﻲ ﻭﻧﺎﻣﻲ
.... ﻻﺗﺨﺒﻠﻨﻲ ﺗﺮﻯ ﻣﺪ ﺍﺷﺎﻗﺔ ﺍﺣﺠﻲ ﻻ ﺍﻟﻢ ﺍﻟﺒﻴﺖ ﻋﻠﻴﻚ .
ﻭﺍﺫﺍ ﻣﺮﺟﻌﻬﺎ ﺷﺴﻮﻳﻦ
ﻟﻮ ﺿﺎﺭﺑﻨﻲ ﻃﻠﻘﺔ ﻭﻻ ﻫﺬﺍ ﺟﻮﺍﺑﺔ ﺧﻠﻴﺖ ﺍﻳﺪﻱ ﻋﻠﻰ ﺣﻠﻜﻲ ﻭﺷﻬﻜﺖ
ﻳﻌﻨﻲ ﻣﺮﺟﻌﻬﺎ ﻣﻮﻭﻭ ﺍﻟﻠﻪ ﻻﻳﻨﻄﻴﻚ ﺍﻟﻠﻪ
ﺍﻟﻠﻪ ﻳﺎﺧﺬﻙ ﺷﻜﻮ ﺍﺯﻭﺟﺘﻨﻲ ﺍﺫﺍ ﺗﺮﻳﺪﻫﺎ ﻣﻮ ﺣﺮﺍﻡ ﻋﻠﻴﻚ ﺍﻧﻲ ﺷﻤﺴﻮﻳﺘﻠﻚ ﻭﻫﻴﺠﻲ ﺗﺎﺫﻳﻨﻲ
ﺍﺟﺔ ﻟﺰﻡ ﺣﻠﻜﻲ ﺳﺪﻩ ﻭﺑﺒﺪﻩ ﺍﻟﺜﺎﻧﻴﺔ ﻃﻮﻗﻨﻲ ﻇﻠﻴﺖ ﺍﺭﻓﺲ ﺍﺭﻳﺪﻩ ﻳﻬﺪﻧﻲ
ﺍﻡ ﻋﻘﻠﻴﻦ ﺷﺒﺴﺮﻋﺔ ﺗﺼﺪﻛﻴﻦ ﻟﺞ ﺑﻨﺘﻲ ﻭﺍﻟﻠﻪ ﻣﻤﺮﺟﻌﻬﺎ ﺑﻄﻠﻲ ﺧﺒﺎﻝ
.. ﻭﺧﺮﺕ ﺍﻳﺪﻩ ﻭﺑﺎﻭﻋﺖ ﻋﻠﻴﻪ ﺍﺣﺠﻲ ﻭﺍﺑﺠﻲ ﻋﻠﻴﻚ ﻭﺩﺍﻋﺖ ﺍﻣﻚ ﺭﺟﻌﺘﻬﺎ ﻟﻮ ﻻ
.... ﻭﺩﺍﻋﺖ ﺍﻫﻠﻲ ﻣﻤﺮﺟﻌﻬﺎ
ﻟﻌﺪ ﺷﺒﻴﻚ ﻭﻳﺎﻱ ﻭ ﻣﻄﺎﻳﻘﻨﻲ
. ﻏﻴﺮ ﻣﻦ ﺳﻮﺍﻟﻔﺞ ﻳﺎﻇﺎﻟﻤﺔ ﻭﺭﺓ ﺳﺖ ﺍﻳﺎﻡ ﻣﻦ ﺍﻟﻌﺮﺱ ﺗﻌﺰﻟﻴﻦ ﻧﻔﺴﺞ ﻣﻨﻲ ﻣﻮ ﺷﻴﺒﺘﻲ ﮔﻠﺒﻲ
... ﻏﻴﺮ ﻣﻦ ﻗﻬﺮﻱ ﻛﻠﻤﺎ ﺍﺷﻮﻓﻬﺎ ﺍﻫﻨﺎ ﻭﺷﻠﻮﻥ ﻣﺎﺧﺬﺓ ﺭﺍﺣﺘﻬﺎ ﺍﻣﻮﺕ ﻣﻦ ﺍﻟﻐﻴﺮﺓ
ﺍﻧﻲ ﺍﻟﻤﻴﺖ ﺑﺎﻟﻴﺎﺝ ﻟﺞ ﻣﺸﺘﺎﻗﻠﺞ ﻭﺍﻟﺨﻠﻘﺞ ﻣﻴﺖ ﺷﻮﻕ ﻋﻠﻴﺞ
... ﺍﻱ ﻭﺍﺿﺢ ﻣﻦ ﺑﺮﻭﺩﻙ ﻭﻋﺎﻳﻔﻨﻲ ﺧﻤﺲ ﺍﻳﺎﻡ ﺍﻫﻨﺎﻙ ﻭﻻ ﻛﺘﻠﻲ ﺍﻧﺖ ﻣﻤﺴﺎﻓﺮ
... ﻫﻬﻬﻬﻬﻪ ﻣﺎﻛﻮ ﺳﻔﺮ ﻭﻻ ﺑﻄﻴﺦ ﺍﻧﻲ ﺩﺯﻳﺘﺞ ﺍﻫﻨﺎﻙ ﺣﺘﻰ ﺗﺮﺗﺎﺣﻴﻦ ﻭﺗﻌﻘﻠﻴﻦ ﻭ ﺑﻠﻜﻲ ﺗﺸﺘﺎﻗﻴﻠﻲ ﻭﺗﺒﻄﻠﻴﻦ ﺧﺒﺎﻝ
... ﺿﺮﺑﺘﺔ ﻋﻠﻰ ﺻﺪﺭﺓ ﻳﻌﻨﻲ ﺟﺬﺑﺖ ﻋﻠﻴﻪ
. . ﻣﻦ ﻭﺭﺍﺝ ﺻﺮﺕ ﺍﺩﻭﺭ ﺍﻓﻼﻡ ﺣﺘﻰ ﺍﺭﺍﺿﻴﺞ ﺣﺘﻰ ﺧﻠﻴﺖ ﻧﻮﺭﻫﺎﻥ ﺗﺨﺎﺑﺮﺝ ﻫﻬﻬﻬﻬﻪ
..... ﻋﺰﺯﺍ ﺻﺎﻳﺮﻳﻦ ﻋﺼﺎﺑﺔ ﻋﻠﻴﺔ ﻭﺧﺮ ﺑﻌﺪ ﻭﻻ ﺍﺣﺠﻲ ﻭﻳﺎﻙ
.... ﺑﻨﺖ ﺍﺑﻮﺝ ﻭﺗﺤﺮﻛﻲ ﻣﻦ ﻣﻜﺎﻧﺞ ﺗﺮﻯ ﻣﺸﺘﻌﻞ ﺟﺪ ﺟﺪﻱ ﺷﻮ ﺗﻌﺎﻟﻲ
... ﺍﺧﺬﻧﻲ ﺍﻟﺤﻀﻨﺔ ﻳﺒﻮﺱ ﺑﻴﻪ ﺑﺸﻮﻕ ﻭﻟﻬﻔﺔ ﺑﺎﺩﻟﺘﺔ ﺍﻟﺒﻮﺳﺔ ﺩﻓﻮ ﺣﻀﻨﺔ ﻭﻟﻤﺴﺎﺗﺔ ﻧﺴﻨﻲ ﺍﻷﻳﺎﻡ ﺍﻟﻔﺎﺗﺖ ﻭﺭﺟﻌﺖ ﻏﺮﻛﺖ ﻭﻳﺎ ﺑﺎﻟﻌﺴﻞ
ﺍﺑﺘﻌﺪ ﻣﻨﻲ ﻭﺍﺧﺬﻧﻲ ﺍﻟﺤﻀﻨﺔ
... ﺣﺒﻴﺒﻲ ﺑﻌﺪ ﺍﻳﺎﺝ ﺗﻔﻜﺮﻳﻦ ﺗﻌﺰﻟﻴﻦ ﻓﺮﺍﺷﺞ ﻋﻨﻲ ﺣﺘﻰ ﻟﻮ ﺗﺰﻋﻠﻴﻦ ﻭﺗﺼﻴﺮ ﻣﺸﺎﻛﻞ ﺑﻴﻨﺎ ﺩﻳﺮﺑﺎﻟﺞ ﺗﻨﺎﻣﻴﻦ ﺑﻌﻴﺪ ﻋﻨﻲ
ﻣﻜﺎﻧﺞ ﺍﻫﻨﺎ ﺑﺼﻔﻲ ﻭﻳﻤﻲ ﺍﺫﺍ ﺗﻌﻮﺩﺗﻲ ﻛﻠﻤﺎ ﺗﺰﻋﻠﻴﻦ ﺗﻌﻮﻓﻴﻨﻲ ﺭﺍﺡ ﻳﺼﻴﺮ ﺑﺮﻭﺩ ﺑﻴﻨﺎ ﻭﺑﻤﺮﻭﺭ ﺍﻷﻳﺎﻡ ﻧﺘﻌﻠﻢ ﻧﻬﺠﺮ ﺑﻌﺾ
.... ﺍﻭﻙ ﺣﺒﻴﺒﻲ ﺑﻌﺪ ﻣﺎ ﺍﻋﻴﺪﻫﺎ
... ﺍﺣﺒﺞ ﻭﺍﻟﻠﻪ ﺍﻟﻌﻈﻴﻢ ﺍﺣﺒﺞ
. ﻭﺍﻟﻨﺒﻲ ﺍﻧﻲ ﻫﻢ ﺍﻣﻮﺕ ﻋﻠﻴﻚ
.... ﺍﻧﻲ ﺟﻨﺔ ﺑﻨﺖ ﻣﺮﺟﺎﻧﺔ ﺍﻟﻐﺠﺮﻳﺔ ﻭﺭﺍﻓﺖ ﺍﻟﻨﺴﻮﺍﻧﺠﻲ ﻋﺸﺖ ﻃﻔﻮﻟﺔ ﻭﻣﺮﺍﻫﻘﺔ ﻭﺷﺒﺎﺏ ﻣﺎﻳﻌﻠﻢ ﺑﻴﻬﺎ ﻏﻴﺮ ﺍﻟﻠﻪ ﺗﺤﻤﻠﺖ ﻣﺴﺆﻭﻟﻴﺔ ﺗﻔﻮﻕ ﻋﻤﺮﻱ ﺍﻧﺤﺮﻣﺖ ﻣﻦ ﺍﺑﺴﻂ ﺣﻘﻮﻗﻲ ﺍﻟﻲ ﻫﻲ ﺩﺭﺍﺳﺘﻲ ﻛﺎﻓﺤﺖ ﻭﺍﺷﺘﻐﻠﺖ ﻭﺗﺤﻤﻠﺖ ﺍﻟﺘﻌﺐ ﻭﺍﻟﺬﻝ ﻓﻲ ﺳﺒﻴﻞ ﺍﺣﺎﻓﻆ ﻋﻠﻰ ﺷﺮﻓﻲ ﻭﺍﻋﻴﺶ ﻋﻴﺸﺔ ﻛﺮﻳﻤﺔ ﻭﺍﺭﺑﻲ ﺍﻻﻣﺎﻧﺔ ﺍﻻﻣﻨﺘﻨﻴﻬﺎ ﺍﺧﺘﻲ
ﺍﺻﺎﻝ ﻧﺼﻲ ﺍﻟﺜﺎﻧﻲ ﺭﻓﻴﻘﺔ ﺩﺭﺑﻲ ﻭﺍﻟﺸﻤﻌﺔ ﺍﻟﻨﻮﺭﺕ ﺣﻴﺎﺗﻲ ﺑﺎﻟﻴﺎﻟﻲ ﺍﻟﻈﻠﻤﺔ ﺑﻨﺘﻲ ﻭﺍﻣﻲ ﻭﺍﺧﺘﻲ ﻭﺭﻭﺣﻲ ﻣﻦ ﺍﻟﺪﻧﻴﺎ
ﻳﻤﻜﻦ ﺍﺗﻜﻮﻟﻮﻥ ﻫﻲ ﺑﻌﺪﺕ ﻋﻨﺞ ﻭﻛﻞ ﻭﺣﺪﺓ ﺑﻴﻜﻢ ﺍﻟﺘﻬﺖ ﺍﺑﻴﺘﻬﺎ ﻭﺣﻴﺎﺗﻬﺎ ﻭﺗﻌﻮﺩﺗﻮ ﺑﻼﻳﺔ ﺑﻌﺾ ﺻﺢ ﺗﻌﻮﺩﻧﺎ ﺑﺲ ﺣﺒﻨﺎ ﻣﺘﻐﻴﺮﺓ ﺍﻟﻤﺴﺎﻓﺎﺕ ﻭﺍﻟﻤﺴﺆﻭﻟﻴﺎﺕ ﺑﻴﻮﻡ ﺍﻟﻤﺎ ﺍﺳﻤﻊ ﺻﻮﺗﻬﺎ ﻭﺍﻋﺮﻑ ﺗﻔﺘﺼﻴﻞ ﻳﻮﻣﻬﺎ ﺍﺗﺨﺒﻞ ﺍﺻﺎﻝ ﺍﻻﺧﺮ ﻳﻮﻡ ﺑﻌﻤﺮﻱ ﺗﺒﻘﻰ ﺭﻗﻢ ﻭﺍﺣﺪ ﺑﺤﻴﺎﺗﻲ
ﺍﻣﺎ ﻋﻼﻗﺘﻲ ﺑﺎﺑﻮﻳﺔ ﻧﻔﺴﻬﺎ ﺍﻟﺒﺮﻭﺩ ﺳﻴﺪ ﺍﻟﻤﻮﻗﻒ ﺑﻴﻨﺎ ﻫﺴﻪ ﺍﺗﻜﻮﻟﻮﻥ ﻟﻴﺶ ﻫﻠﻜﺪ ﺣﺎﻗﺪﺓ ﻭﮔﻠﺒﺞ ﺍﺳﻮﺩ
ﺭﺍﺡ ﻳﻜﻮﻥ ﺟﻮﺍﺑﻲ ﺑﺲ ﺍﻟﻌﺎﺵ ﻋﻴﺸﺘﻲ ﻭﺷﺎﻑ ﺍﻟﺸﻮﻓﺘﺔ ﺭﺍﺡ ﻳﻌﺮﻑ ﺷﺤﺲ ﻭﺷﻨﻮ ﺍﻟﺼﺎﺭ ﺑﻴﻪ
ﺻﺢ ﺳﺎﻣﺤﺘﺔ ﻭﺑﺮﻳﺘﺔ ﺍﻟﺬﻣﺔ ﻻﻥ ﻭﺿﻌﺔ ﺍﻟﺼﺤﻲ ﺗﻌﺒﺎﻥ ﻟﻜﻦ ﺍﺗﻘﺒﻠﺔ ﻭﺍﺗﺼﺮﻑ ﻭﻳﺎ ﻋﺎﺩﻱ ﻫﺎﻱ ﻣﻦ ﺳﺎﺑﻊ ﺍﻟﻤﺴﺘﺤﻴﻼﺕ
ﺍﻣﺎ ﺍﺧﻮﺍﻧﻲ ﻋﻼﻗﺘﻲ ﺑﻴﻬﻢ ﻃﻴﺒﺔ ﺣﺒﻴﺘﻬﻢ ﻭﺗﻘﺮﺑﺖ ﻣﻨﻬﻢ ﻻﻥ ﻣﺎﻟﻬﻢ ﺫﻧﺐ ﺑﺎﻟﺼﺎﺭ ﺑﻴﻨﺎ
ﻣﺮﺟﺎﻧﺔ ﺍﻟﺤﺪ ﻫﺬﺍ ﺍﻟﻴﻮﻡ ﻣﺎ ﺍﻋﺮﻑ ﻋﻨﻬﺎ ﺷﻲ ﻣﻴﺘﺔ ﻋﺎﻳﺸﺔ ﻣﺎ ﺍﺩﺭﻱ ﺍﺧﺮ ﻣﺮﺓ ﺷﻔﺘﻬﺎ ﺑﻴﻮﻡ ﺍﻻﺟﺖ ﺍﺧﺬﺕ ﻣﻨﻲ ﻓﻠﻮﺱ . ﻭﻛﺎﻟﺖ ﺍﺭﻭﺡ ﺍﺗﻌﺎﻟﺞ ﺑﻌﺪﻫﺎ ﺍﻧﻘﻄﻌﺖ ﺍﺧﺒﺎﺭﻫﺎ ﻭﺍﻧﻲ ﻫﻢ ﻣﺪﻭﺭﺕ ﻭﺭﺍﻫﺎ . ﻭﻻ ﺍﺭﻳﺪ ﺍﻋﺮﻑ ﻋﻨﻬﺎ ﺷﻲ
ﺑﺎﻫﺮ ﺍﺥ ﻳﺎ ﺑﺎﻫﺮ ﺍﺷﻜﺪ ﺍﻭﺻﻔﺔ ﻣﺎ ﺍﻭﻓﻲ ﺣﻘﺔ ﻫﺬﺍ ﺣﺒﻴﺒﻲ ﻭﺍﺑﻮ ﺑﻴﺘﻲ ﻭﺟﻬﺎﻟﻲ ﻣﺎﻓﺪﻳﻮﻡ ﻏﺜﻨﻲ ﺻﺎﻳﻨﻲ ﻭﺷﺎﻳﻠﻨﻲ ﻋﻠﻰ ﻛﻔﻮﻑ ﺍﻟﺮﺍﺣﺔ
ﻛﺎﻟﻲ ﺍﻛﻮﻧﻠﺞ ﺳﻨﺪ ﻭﻓﻌﻼً ﺻﺎﺭﻟﻲ ﻧﻌﻢ ﺍﻟﺴﻨﺪ ﻭﺍﻟﻈﻬﺮ ﺑﺠﺎﻟﺔ ﻋﺎﻳﺸﺔ ﻣﻌﺰﺯﺓ ﻣﻜﺮﻣﺔ ﺷﺤﺪﺓ ﺍﻟﻴﺪﻭﺳﻠﻲ ﻋﻠﻰ ﻃﺮﻑ
ﺻﺎﺭ ﻋﻨﺪﻱ ﻣﻨﻪ ﺭﻗﻴﺔ ﻭﻗﺎﺳﻢ ﻭﺣﺎﻟﻴﺎً ﺣﺎﻣﻞ ﺑﺎﻟﺸﻬﺮ ﺍﻟﺮﺍﺑﻊ
ﻫﺎﻱ ﺣﻴﺎﺗﻲ ﺻﺢ ﺗﻌﺬﺑﺖ ﻫﻮﺍﻱ ﺑﺲ ﺍﻟﻠﻪ ﻣﺘﺮﻛﻨﻲ ﻭﺟﺒﺮ ﺑﺨﺎﻃﺮﻱ ﻭﺍﻟﻒ ﺍﻟﺤﻤﺪﻟﻠﻪ ﻋﻠﻰ ﻛﻞ ﺣﺎﻝ
ﺍﺻﺎﻝ ..... ﺍﻧﻲ ﺍﺻﺎﻝ ﺑﻨﺖ ﻋﻄﺮ ﺍﻷﻡ ﺍﻟﻤﺸﺎﻳﻔﺘﻬﺎ ﻭﺑﻨﺖ ﺟﻨﺔ ﺍﻟﻤﺮﺓ ﺍﻟﺤﺪﻳﺪﻳﺔ ﺟﻨﺘﻲ ﺑﺎﻟﺪﻧﻴﺎ ﺭﺑﺘﻨﻲ ﻭﻧﻌﻢ ﺍﻟﺘﺮﺑﻴﺔ ﺷﺎﻓﺖ ﺍﻧﻮﺍﻉ ﺍﻟﻌﺬﺍﺏ ﻓﻲ ﺳﺒﻴﻞ ﺗﺤﺎﻓﻆ ﻋﻠﻴﻪ ﺷﺤﺠﻲ ﻭﺷﻜﻮﻝ ﻗﻠﻴﻞ ﺑﺤﻘﻬﺎ ﺩﻭﻡ ﺍﺩﻋﻲ ﺍﻟﻠﻪ ﻳﺎﺧﺬ ﻣﻦ ﻋﻤﺮﻱ ﻭﻳﺤﻄﺔ ﻋﻠﻰ ﻋﻤﺮﻫﺎ ﻻﻥ ﻫﻲ ﻋﻤﺮﻱ ﻭﺣﻴﺎﺗﻲ ﺑﻼﻳﻬﺎ ﻣﺎﻟﻬﺎ ﻣﻌﻨﻰ
ﺑﺎﺑﺎ ﺍﻟﺤﻨﻮﻥ ﺣﺒﻴﺒﻲ ﻭﺳﻨﺪﻱ ﺍﻟﺤﺪ ﻳﻮﻣﻨﺎ ﻫﺬﺍ ﻣﻦ ﻳﺤﺠﻲ ﻭﻳﺎﻱ ﻟﻮ ﻳﺸﻮﻓﻨﻲ ﻋﻴﻮﻧﻪ ﺗﻨﺘﺮﺱ ﺩﻣﻮﻉ ﺷﺎﻳﻞ ﺣﻨﺎﻥ ﺍﻟﺪﻧﻴﺎ ﻛﻠﻪ ﺑﮕﻠﺒﺔ ﺍﻟﻠﻪ ﻳﺤﻔﻈﺔ ﺍﻟﻲ ﻭﻳﻄﻮﻝ ﺑﻌﻤﺮﻩ
ﺣﻴﺎﺗﻲ ﺍﻟﺰﻭﺟﻴﺔ ﺍﻟﺤﻤﺪ ﻟﻠﻪ ﺯﻳﻨﺔ ﺻﺢ ﺑﺎﻟﺒﺪﺍﻳﺔ ﻣﺮﻳﻨﺎ ﺑﻬﻮﺍﻱ ﻣﺸﺎﻛﻞ ﻭﻣﻄﺒﺎﺕ ﻟﻜﻦ ﻛﺪﺭﻧﺎ ﻧﺘﺨﻄﺎﻫﻦ
ﺟﻨﺖ ﻣﻦ ﺍﺷﻮﻑ ﻃﻠﻴﻘﺘﺔ ﺍﻣﻮﺕ ﺑﻤﻜﺎﻧﻲ ﻫﻮﺍﻱ ﻃﻠﺐ ﻳﻄﻠﻌﻨﻲ ﺑﻴﺖ ﻭﺣﺪﻱ ﻣﻦ ﻏﻴﺮﺗﻲ ﺟﻨﺖ ﺍﺭﻓﺾ ﺍﻛﻮﻟﻪ ﺍﺧﺎﻑ ﺗﺎﺧﺬﻧﻲ ﺍﻟﻐﻴﺮ ﺑﻴﺖ ﻭﺗﺮﺟﻊ ﺍﻳﺸﺎﻥ ﻭﺗﺠﻴﺒﻬﺎ ﺍﻫﻨﺎ
ﻫﻮ ﻳﻬﺰ ﺍﻳﺪﻩ ﻭﻳﻈﻞ ﻳﻀﺤﻚ ﻳﻜﻮﻝ ﺗﺒﻘﻴﻦ ﺧﺒﻠﺔ ﻣﺘﺼﻴﺮﻟﺞ ﺟﺎﺭﺓ ﺍﻧﻲ ﻟﻮ ﺍﺭﻳﺪﻫﺎ ﻣﻦ ﺍﻟﺒﺪﺍﻳﺔ ﺍﺭﺟﻌﻬﺎ ﻟﻴﺶ ﺍﺑﻘﻰ ﻣﺘﻨﻈﺮ ﻟﻬﺴﻪ ﺍﻧﻲ ﺍﺣﺒﺞ ﺍﻧﺘﻲ ﻭﻣﺎ ﺍﺑﺪﻝ ﺍﻇﻔﺮﺝ ﺑﻤﻠﻴﻮﻥ ﻭﺣﺪﺓ ﻣﺜﻠﻬﺎ
ﺍﻟﻠﻪ ﺭﺣﻢ ﺑﺤﺎﻟﻲ ﻭﺧﻠﺼﻨﻲ ﻣﻨﻬﺎ ﺍﺟﺖ ﻗﺴﻤﺘﻬﺎ ﻭﺯﻭﺟﺖ ﺑﻴﻮﻣﻬﺎ ﻣﻦ ﻓﺮﺣﺘﻲ ﺷﺒﻌﺖ ﺭﻛﺺ ﻫﻬﻬﻬﻪ ﻭﺍﻳﺒﻮ ﻣﻴﺖ ﺿﺤﻚ ﻋﻠﻴﻪ
ﺍﻫﻞ ﺍﻳﺒﻮ ﻣﺸﻔﺖ ﻣﻨﻬﻢ ﻏﻴﺮ ﻛﻞ ﺧﻴﺮ ﺑﺎﻟﺒﺪﺍﻳﺔ ﻣﻦ ﺷﻔﺖ ﻋﻼﻗﺘﻬﻢ ﺑﺎﻫﻞ ﺍﻳﺸﺎﻥ ﺿﺠﺖ ﻣﻨﻬﻢ ﻭﻛﺮﻫﺘﻢ ﺑﺲ ﺑﻌﺪﻳﻦ ﻋﺮﻓﺖ ﺍﻟﺒﻴﻨﻬﻢ ﻋﺸﺮﺓ ﻃﻮﻳﻠﺔ ﻭﺍﻟﺪﻟﻴﻞ ﺣﺘﻰ ﻣﻦ ﺧﺮﺑﺖ ﻋﻼﻗﺔ ﺍﺑﺮﺍﻫﻴﻢ ﻭﺃﻳﺸﺎﻥ ﺍﻻﻫﻞ ﺍﺳﺘﻤﺮﺕ ﻋﻼﻗﺘﻬﻢ
ﺑﻴﺖ ﺍﺧﻮ ﻃﻠﻌﻮﺍ ﺑﻴﺖ ﻭﺣﺪﻫﻢ ﻭﺍﻟﺒﻴﺖ ﺍﻟﺠﺒﻴﺮ ﺑﻘﻰ ﺍﻟﻨﻪ ﻭﺍﻻﻫﻠﻪ ﺻﺎﺭ ﻋﻨﺪﻱ ﻭﻟﺪ ﺣﺎﻟﻴﺎً ﻋﻤﺮﻩ ﺛﻼﺙ ﺳﻨﻮﺍﺕ
ﻋﻤﺘﻲ ﻭﻋﻤﻲ ﺭﻭﺣﻬﻢ ﺑﻲ ﺍﻟﺪﺭﺟﺔ ﻣﺎﻳﺮﻳﺪﻧﺔ ﺍﻧﻲ ﻭﺍﺑﻮ ﻭﻣﺠﻠﺐ ﺑﺒﻴﺘﺔ ﻭﺟﺪﻩ ﻭﻣﻦ ﻛﺜﺮ ﺩﻻﻟﻬﻢ ﻭﻛﺢ ﺍﻟﻠﻪ ﻣﻴﺠﺮﻋﺔ ﻭﺍﻧﻲ ﻭﺍﻳﺒﻮ ﺍﺫﺍ ﻋﻄﻨﺎ ﺑﻲ ﻫﺎﻱ ﺍﻟﻲ ﺍﻟﻠﻪ ﻛﺘﺒﻬﺎ ﻋﻠﻴﻨﺎ ﻧﺤﺼﻞ ﺭﺯﺍﻟﺔ ﻏﺴﻞ ﻭﻟﺒﺲ
ﺍﻧﻲ ﻭﺍﺑﺮﺍﻫﻴﻢ ﺻﺢ ﺗﺼﻴﺮ ﻣﺸﺎﻛﻞ ﻭﺯﻋﻞ ﺑﻴﻨﺎ ﺣﺎﻟﻨﺎ ﺣﺎﻝ ﺍﻱ ﻣﺰﻭﺟﻴﻦ ﺑﺲ ﻣﻨﻄﻮﻝ ﺑﺰﻋﻠﻨﺔ
ﺍﻳﺒﻮ ﻃﺒﻌﺔ ﻳﺠﻨﻦ ﻳﻘﺪﺱ ﺍﻟﻤﺮﺍﺀﺓ ﻭﻳﺤﺘﺮﻣﻬﺎ ﻭﻫﻮ ﻫﺬﺍ ﺍﻟﺸﻲ ﺍﻟﻤﺨﻠﻴﻨﻲ ﺍﻣﻮﻭﺕ ﻋﻠﻴﻪ ......


ﻫﺎﻱ ﻧﻬﺎﻳﺔ ﻗﺼﺔ ﺑﻨﺎﺕ ﺍﻟﻐﺠﺮﻳﺔ ﻳﺎﺭﺑﻲ ﺍﺗﻜﻮﻧﻮﺍ ﺍﺳﺘﻤﺘﻌﺘﻮﺍ ﺑﻴﻬﺎ ﻭﺣﺒﻴﺘﻮﻫﺎ
ﻭﺍﻋﺬﺭﻭﻧﻲ ﻻﻥ ﺧﺘﻤﺘﻬﺎ ﺑﻬﺎﻱ ﺍﻟﻄﺮﻳﻘﺔ ﻭﻳﻤﻜﻦ ﺍﻟﺒﺎﺭﺕ ﻣﻮ ﺑﺎﻟﻤﺴﺘﻮﻯ ﺍﻟﻤﻄﻠﻮﺏ
ﺑﺲ ﺍﻟﻠﻪ ﺷﺎﻫﺪ ﻣﺸﻐﻮﻟﺔ ﻭﻣﻌﻨﺪﻱ ﻭﻗﺖ ﻭﻣﺎ ﺍﻛﺪﺭ ﺍﻟﺘﺰﻡ
ﺗﺤﻴﺎﺗﻲ ﺍﻟﻜﻢ ﺍﺣﺒﺒﺒﺒﺒﺒﻜﻢ ﺑﺴﻤﺔ ﺍﻟﺒﻴﺎﺗﻲ





رابط لتحميل الرواية

هنـــــــــــــــــــــــ ـــــا

[الزمن القديم]

👏👏👏👏👏👏
تحيه للكاتبه بسمه روووعه قليل بحق الروايه اكثر شي اثر فيني موقف جنه لما شافت ابوها واخوانها ...ياالله ابدعت الكاتبه بوصف مشاعرها اهنيها على الاسلوب والحبكه
وننتظرها بروايه اخرى لاتقل جمال عن هذي

بلغوا شكري وامتناني للكاتبه 💚
والف شكر لفيتوو روعه الانتقاء ..💕

[توتووووووووووووت]

موفق بإذن الله ... لك مني أجمل تحية .

[ندى تدى]

جميله وقمة الروعه والابداع



تسلم ايدك حبيبتي ووفقك الله