آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
13-04-20, 04:25 AM
| #11 | ||||||||
| مراقبة عامة ومشرفة منتدى الروايات المنقولة  
|  #أول_الغيث_مهرة فيد عبدالله #بارت٩ مساء الورد يا حلوين اشكركم من القلب يا متابعيني عالفيس على دعمكم الروعة للقصة، ،متابعة طيبة البارت التاسع فيد عبدالله مهرة،،راد گلبي يوكف من سمعتة اخذت الموبايل من فارس ، ،الوو ريساان رجعلي ابني والله العظيم اشتكي عليك ريسان،،اشتكي منو يكول عندي احرمج شوفتة والله رايحة تدورين رجال ،،ما عجبناج موو فارس،،احترم نفسك حقير اختي تشرفك انتة لو كفوو ازوجهة الك بس انتة واحد عار وهسة خاتل مثل النسوان وتهدد بالولد اطلعة من عيونك حجي محمد،،اسمع فارس اختك اذا تريد ابنهة يرجعلهة تتزوج غسان لو ريسان وهذا اخر حجي عندي ،،ما سمعت مني من كتلك اختك متكعد بلا رجل فارس،،اجرمت قابل بعدهة صغيرة ومن حقهة ترة تعيش حجي محمد،،اي بكيفهة الولد النة وخل تشووف نصيبهة مهرة،،صرخت لاا اني قابلة بغسان هاي هية فارس،،انجبي انتي حجي محمد،،باجر اجيب الشيخ فارس،،ماقابلين منو كلك نقبل حجي محمد،،البنية قبلت انتة مالك حق تمنعهة فارس،،قبلت باطل غير انتو تردون تلوون ايدهة مهرة،،فارس كافي اريد ابني فارس،،اسكتيييي اكلللج يمة اخذيهة لا اذبحهة وانتو حسابي وياكم بالمحاكم حجي محمد،،الصبح جايين وجايبين الشيخ مهرة،،سدة فارس ورحع عليث ضربني راشدي وجانت اول مرة يمد ايدة علية فارس،،غبية انتي ثوولة شلون توافقين لج يطيحون حظج طول العمر بعدين والولد ذاك الجاي باجر شنكلة لعب جهال هوة شبيج انتي بابا هنااا عقل لو شنووو مهرة،،يضرب راسي باصابيعة وعيونة تجدح نارر،،فاارس اني ام افهمني مااعيش بدون ابني مااكدر مااتحمل والله فارس،،هوة الج بابا افتهمي هوة الج بالقانون الج مهرة،،والقانون وين يلكاه ذولة ثعالب كلشي يسون يجوز حتى يسفروه ويحرموني شوفتة طول العمر،،وكمت اضرب على رجلية بقهر احس گلبي راح يوكف منا قهر ابني ومنا غيث شگلة وشسوي وياه ام مهرة،،كافي بنتي راح تموتين روحج مهرة،،اجة حضني فارس حيل قيدني بايديه واني انتهيت من البچي فارس،،كافي والله اجيبة لحضنج والله مهرة،،ميعوفوني بحالي ماراح يخلوني ارتاح الا ارجع لبيتهم فارس،،مهرة انتي بعقلج اذا رجعتيلهم رجعتي لجهنم برجليج مهرة،،مادام ابني وياي هاي جنة فارس،،يوووه ولج كاافي افتهمي مصلحتج وين ام مهرة،،عوفهة يمهة تكعد وترتاح وتعرف تتصرف عدل مهرة،،سحبتني امي للغرفة صارت بوجهي ملابس حمودي البدلتهن من كعد من النوم العصر اخذتهن وابوس بيهن وابچي محد يفهم الشعور البداخلي غير الي ام مثلي وتتخير بين جهالهة لو حب حياتهة كلبي لو انكسر اكدر اعيش بس ابني لو اخذوه امووت والله ،،نومتني امي بحضنهة وتقرة قران على راسي هدأت شوية وافكر شسوي احس روحي دا تطلع على كيف مااعرف شسوي مااكدر اركز اخر شي كعدت اخذت موبايلي باوعتلي امي بقلق ام مهرة،،ها امي شجاي تسوين مهرة،،دقيقة، ،دورت رقمة اتذكر خزنتة كلت كلشي يصير خاصة من كام حمودي يروحلهم لكيتة و اتصلت عليه شوية ورد حجي محمد،،الوو منو وياية مهرة،،حجيت وصوتي رايح من البچي،،اني اني مهرة عمي حجي محمد،،شتسوين مخابرتني جان استحيتي مهرة،،عمي بس اسمعني بداعت عمتي وعدنان حجي محمد،،استغفر الله احجي مهرة،،بهالاثناء سمعت صوت ريسان ريسان،،خل تولي سد الخط يابة حجي محمد،،اسكت خل نسمع احجي بساع مهرة،،عمي ليش هيج جاي تسون بية مو اني جنت بيوم مرت ابنك وعشت وياكم وصرت بنتكم ليش جاي اتأذوني هيج ليش تحرموني من ابني هو البقالي بهالدنيا ليش تريدني اضوك نفس شعورك من مات عدنان بس الفرق ابني عايش وتردون تحرموني منة تريدني اموت ورة ابني مثل عمتي حجي محمد،،انتي اختاريتي هالطريق تتذكرين شكنالج من ردتي تخليه يمج مهرة،،سويت جريمة ياعمي بالحلال والله حجي محمد،،ليش مااجيتي وكلتي من الاول ليش ضميتي ردتي تشردين بالولد تاخذيه للغربة تربيه مهرة،،لا والله ردت يصير شي رسمي واكللكم وابني ترة هو وماكو احن مني عليه حجي محمد،،ابنة ونريدة وشوفي حياتج لو ترديه تعاي عيشي ببيت جدة مهرة،،عمي لو اني وحدةمن بناتك تقبل هيج تنجبرتقبل هيج تنذل،،سكت شوية وريسان يكلة سدة الموبايل لاتاخذ وتنطي وياهة حجي محمد،،هسة انتي مخابرة شتردين مهرة،،اريد ابني وشهكت ابجي اريدة عمي والله اموت بدونة بداعت عمتي ردة الية حجي محمد،،حتى تتزوجين وتاخذيه موو مهرة،،مو هيج حجي محمد،،اسمعي اني هم عندي بنات واخاف ربي اذا نردة الج تنسين هالزواج وتطلعيه من راسج تردين تعرسين ترديلنة الولد وفضت راحت او ما تتحملين بلا رجال نزوجج لغسان وتكعدين تربين ابنج مهرة،،سكتت احس خنجر بنص گلبي، ،غيث شلون بيه وشلون بية ،، حجي محمد،،شگلتي مهرة،،هاي هية عمي اريد ابني اظل لخاطرة افني كل عمري بس رجعة الي ووالله العظيم سالفة الزواج ما احطهة ببالي بعد حجي محمد،،خلص اني هم مااجبرج على ولدي بس ببالج غيرهم ماكو مهرة،،سكتت داخلي يغلي بحقد ليش هالظلم ليش هالعادات القاسية ترة والله محد يحن عالطفل كد امة عبالهم لو تزوجت راح اعيشة بالعذاب ميدرون همة الي راح يعذبوه من ياخذوه من حضن امة ويظل جوة الادين ليش يحكمون علية بالاعدام واني عايشة ليش يخلوني بهالاختيار الصعب هم حقي اعيش والله ششفت اني من حياتي حجي محمد،،اشوفج سكتي ما عجبج الحجي خلص انسي ابنج ولا عبالج بالقانون ترجعيه اصلا قانونج ما راح يلكاه مهرة،خلص خلص هاي هية والله اكعد عليه واربيه وبس ريسان،،شنو هالحجي يابة ليش ترجعنة لنفس الغلط حج محمد،،اسكت اني الاقرر مهرة،،شوكت ترجعوه الي زين بس خل اسمع صوتة حجي محمد،،نايم هسة الصبح اجيبة واجي بس والله ان فكرتي تلعبين علينة دم اخوج ميسكتني مهرة،،رجف گلبي لهالكلمة يمة اخوية، ،،لا لا خلص هاي هية،، حجي محمد،،كون اتعلمتي الدرس حتى لا تتندمين بالمستقبل مهرة،،سدة بوجهي كعدت ارجف كل حيلي باد امي تباوعلي واني ابچي بخبال زين هذاك الجاي يتحضر لخطوبتنة باجر شگلة العاند حتى امة لخاطري شراح يسكتة ويقنعة شسوي يا ربي دخيلك ساعدني حسيت كدما بجيت كلبي راد يوگف والله امي حاضنتني ودموعهة تصب ام مهرة،،هسة يمة شراح تسوين شلون بالولد الجاي باچر وجايب عمامة مهرة،،رجعيلة خبر ماكو نصيب احس گلبي وجعني من الحجاية والله شلون بيه ام مهرة،،واذا سأل ليش مهرة،،لا لا تگليلة الصار اعرفة راح يجي ويتدخل ويتورط واخاف عليه ماما اخاف عليه لان حبيتة ام مهرة،،سودة علية بنتي الله لا يوفقك حجي محمد حسبي الله ونعم الوكيل بيك امسلمتك لرب العالمين ياخذ حق هاليتيمة الكسرتوا بختهة مهرة،،خابريه انتي ماما حبابة مااگدر احاجيه،،اخذت امي تلفونهة وطلعت ما رادت تخابر يمي واني ما ردت اعرف شراح يگول شنو ردة فعلة خفت منة وخفت عليه غطيت راسي بالغطا واشهك بالبچي احس روحي دا تنسحب مني اريد ابني واريد الشخص الحبة گلبي ،،شوية وحسيت ايد لزمت ايدي باوعت فارس يباوعلي بابتسامة فارس،،كافي يا عيوني انتي تنكسر ايدي النمدت عليج،،زعلانة علية مهرة،،ابد فارس،،ليش هيج نهيتي كلشي والله الولد ميتعوض وانتي تستاهليه مهرة،،راح يدخل بمشاكل و همة ماراح يقتنعون ويسكتون اورطة وياي فارس،،خلص ان شاء الله تعدي فترة وتعدي وتنسين وتعيشين ترة رب العالمين ميحطنة باختبار اذا مو گد طاقتنة وتحملنة ويجوز الصارلج بي صالح اكثر يجوز مترتاحين لو ماخذتة مهرة،،هزيت راسي ساكتة ودموعي تصب، ،اريد ابني اول ليلة يبات بعيد عني فارس،،باچر الصبح بحضنج مهرة،،اي ،،دير بالك على نفسك فارس اني بدونك اضيع انتة سندي بهالدنيا فارس،،الله يگدرني واشوفج اسعد بنية بالدنيا مهرة،الله لا يحرمني منك،،لزمت ايدة بقوة ومااعرف شلون غفت عيني من التعب او يمكن حسيت بامان يم اخوية ،،كعدت مااعرف بيش الساعة بس چان الدنيا ليل الكل نايم هدوووء يخنگ دورت موبايلي لكيتة طافي شحن شحنتة ولزكت يم الحايط انتظر يفتح ويكنك عالجيران شوية واشتغل بس احسهن مو دقايق سنين فتحتة بس اتصل بالنت رسائل كووومة اجتي ومكالمات فائتة فتحتهن واقرة ودموعي تصب غيث،،مهرة شنو هالحجي،،،شصاير مو قبل شوية جنة نحجي وماكو شي،،مهرة احد اذاج ضغط عليج ادري مو كلامج هذا ،،ليش متجاوبين لخاطر محمد ردي،،بس اتطمن عليج مهرتي مهرة،،اقرة ودموعي تنزل، ،كتبت اسفة عالصار كلة بس البيناتنة انتهى والله يوفقك،رسلتهة وصلت ورأسا طفيت الجهاز وعفتة بس احس مختنگة طلعت فتحت شباك المطبخ اشتم هوة اريد ابني واريد راحة وسعادة صعبات لهدرجة مينجمعن قنعت روحي بفكرة صالحي مو وياه وخلص ابني يستاهل كل حياتي،،اذن الفجر واني وية صوت الاذان نزلت دموعي ودعيت من كل قلبي الله يوفق غيث ويريحة مستحيل انساه بس مستحيل ننجمع سوة يمكن حجاية امة صح ماارهملة راح اجيبلة بس مشاكل مااعرف مااعرف عقلي واكف بس خل تخلص هالازمة، ،صليت ودعيت هواي دعيت ومددت احاول اغفة حسيت بامي تتلمس شعري بست ايدهة بدون ماانطق كلمة ونمت كعدت الصبح على لمسات رقيقة وبوسات فتحت عيوني حمودي احس اريد استوعب خاف بعدني بحلم حضنتة وابوس بي ام مهرة،،عمج بالاستقبال يريد يشوفج مهرة،،اي ،كمت غسلت ولبست عبايتي وطبيت هو كاعد باوعلي من فوك ليجوة حجي محمد،،هذا ابنج هالرجعتة لحضنج رأفتاً بحالج فارس،،ابنهة هوة شعندكم يمهة حجي محمد،،اي اذا هوة ابنهة تكعد عليه وتربيه مو تروح تدور رجولة فارس،،حجي ثمن كلامك اختي اشرف من الشرف والرادت تسويه لا عيب ولا حرام بس انتو لزمتوهة من ايدهة التوجعهة لا عبالكم الله يوفقكم حجي محمد،،ماارد عليك، ،بس اكلج والخلق السموات اذا سمعت تكررت هالسالفة احرمج شوفة ابنج ليوم الدين فارس،،هييي شو كبالي وتهدد خليني محترم شيباتك مهرة،،فارس كافي حباب لزمت ايدة خاتلة بصفة حجي محمد،،العصر يومية يجيه عمة ياخذة وبحسابج يبات يمنة هم احنة اهلة وبعد كبر وعادي يبات بدونج البارحة سكت يم عمتة مهرة،،باوعتلة يعني ماخذيه لعمتة حجي محمد،،المهم دير بالج عليه فارس،،مو احرص من عندنة انتو اشوفكم شلون كتلتوا روحكم عليه مو حب والله عناد ومكابر حجي محمد،،عليمن مدوخ راسي وية الجهال حجي كلتة ويتنفذ مع السلامة مهرة،،طلع وفارس هد وراه جريناه اني وامي گوة مهما يكون رجال چبير متعذر العالم لو تجاوز عليه، ،اوف يالعالم وحجيهة شرجعنة ليورة غير هالعالم، ،طبيت غسلت وبدلت لحمودي صح جان نظيف بس اريدة بس علية متعود بس الي هذا ابني وبس، ،ريگتة وطبيت مددت وهو بحضني يغفي لان من وكت فارس رجع نام كال مااداوم وامي كعدت يمي تسبح وتباوعلي غفيت اني وابني غفيت بس بالي مو يمي بالي بالاخذ عقلي وفكري وقلبي شصاير بيك هسة بس كل اليصير احسنلك ليش اعلقك بية وادري طريقنة مسدود لان مستحيل اتخلى عن ابني ولااكدر اخذ ابني واتزوج وورطك بمشاكل اااه ياغيث ليش دخلت حياتي، ،ليش حسستني بهالشعور احس هسة كلبي متكسر الف قطعة عالاقل اني ضحيت لخاطر ابني انتة شنو شعورك من انخذلت مني احسن اكرهني مااستاهلك اني ،،غبت عن العالم كلة انقطعت عن كلشي شهر غالقة موبايلي وشغلي لاغيتة وكلشي مااسوي غير اهتم بحمودي الي صاروا ياخذوه كل يوم وبات يمهم مرتين روحي جان تطلع عالبطئ،،غيث اكثر من خمس مرات اتصل على امي وجان جوابهة ماكو نصيب ابني، ،راد يحجي وياي ما كدرت ما جانت عندي الجرأة اواجهة،اجتي غصون وما قبلت اشوفهة احس حتى استحي اواجهم، ،،وانگطعت الاخبارررر،، ورة ما مر شهر امي كامت تحجي علية انه لازم اطلع من هالجو وارجع مثل قبل ومتوگف الحياة صح ما وكفت بس گلبي وكف خلص بعد،،،فتحت جهازي ووصلت رسائل هواية ما قريتهة مسحتهة كلهة ولغيت صفحة الفيس من الاساس خليني على شغل المعارف احسن،،،صبيت كل طاقتي بالشغل حتى لاافكر رجعت الطلبيات تجي وخاصة موسم دوام والمدرسات يطلبون كبة بورك هالاشياء شهر ثاني عدة بس احسة سنة، ،ضعفت واشتاقيتلة سويت فيس جديد ودخلت لصفحتة اخر صورة مشاركيهة وية اصدقاء مااعرف اقارب قبل اسبوع لابس قاط يخبل عليه وفوك تهنئة،،نبارك لابن العم الغيث....عقد قرانه متمنين له حياة سعيدة،حسيت گلبي راد يوكف لهالجملة اقرة واعيد بيهة ما استوعبهة واحاجي بروحي اي شتردين يامهرة يوكف حياتة علمودج مو عفتيه وطلعتيه من حياتج خليه يعيش حياتة،،،طلعت للترك ومااعرف ليش اتصلت بي يمكن ردت اسمع صوتة لاخر مرة او اوضح موقفي او اصدك اني وياه انتهينة،،دك وما رد،،رجعت اتصلت مرة ثانية شوية ورد بصوت مبحوح غيث،،الووو منو وياي مهرة،، نزلت دموعي،حجيت وصوتي متشحط، ،شلونك غيث،،سمعت انفاسة العالية وصلني صوتهة غيث،،ايباااااه والله متفطنة سويتي فضل عمي لو منتضرة السنة تدور يلا مهرة،، غيث اني اعتذر ادري جرحتك واذيتك بس والله... غيث،،اشششش،،بلا اعذار شتردين هسة مهرة،،مااريد شي كلشي مااريد غير الله يوفقك ويسعدك غيث،،اني خطبت مهرة،،اممم همست وشهكت ابچي،،الله يسعدك،،تنهد وصوت الجداحة ورث جگارة غيث،،ليش هيج سويتي مهرة ليش وصلتينة لهنا ليش ما خابرتيني من قبل ولا طلعتي لغصون من دزيتهة ليش لعبتي بمشاعري اذا انتي مو صادگة مهرة،،صادگة لاخر نفس والله،،صرخ بصوت جفلني،،لعددددد ليش ولج ليش توعدين وتشردين هيج والله ردت اجي اجرج من بيتكم واكلج احجي ليش هيج سويتي بس گلبي الطايح حظة ما ينطيني ااذيج مهرة،،ولااني اريدك تتأذة، ،غيث اني اسفة ادري اذيتك بس مو بيدي والله ما جان بايدي شي غيث،،اسكتي اكره حتى صوتج،،صوتج الي جنت احلم اسمعة صرت اتمنى هسة ينشال من راسي مهرة،،الله يشيلني من كل حياتك ويوفقك ويسعدك بحياتك وية الاختاريتهة غيث،،ههههه، ،روحي لا اتخليني اجي احرگج هسة مهرة،، حقك بكلشي، ،اعتذر، ،مع السلامة،،،،سديتة منة ولميت تفاصيلة وحبة دفنتهة بداخل گلبي. ادري خسرتك بس مستحيل احب وراك بشرر،،،يتبع | ||||||||
|  |
|
13-04-20, 04:27 AM
| #12 | ||||||||
| مراقبة عامة ومشرفة منتدى الروايات المنقولة
| #أول_الغيث_مهرة فيد عبدالله #بارت١٠ كولوا اني ما مداريتكم 😬 من تعلقولي بشي حلو تنفتح نفسي اكتب وهاي احلى بارت هدية لعيونكم وتتدللون بس مو تغلسون صوتوا وعلقوا ترة راحت عيوناتي من الكتابة 😵 هالبارت يوجع اتمنالكم متابعة طيبة البارت العاشر فيّد عبدالله مهرة،،تمر ايام من العمر بس حرامات تنحسب ،،بقيت بوضعي معتزلة العالم الخارجي ما وصلت باب الشارع ملتهية بشغلي وبابني وبس،، ياخذني الحنين كل كم يوم واروح لصفحتة اباوع صورة واطلع احس هالشي يأذيني بس موبيدي مااكدر اتجاوزة قطاري وكف يم محطتة وميرضى يتحرك،،،وتمر ايام وشهر وشهرين واجتي العطلة نجح فارس من اول مرحلة كلية كالعادة مر كم يوم ولكيت روحي بلا ارادة دخلت صفحتةو لكيت ناشرين صوور حنتة ولابس الزي العربي يجنن بي وصور لسيارة الزفة احس روحي انسحبت الهوة اختفى رغم ادري هو خاطب وراح يتزوج بس مو مثل من تشوف بعينك حسيت حتى مااسيطر على دگات قلبي كمت كتمت شهگاتي لاتحس امي طلعت للمطبخ شبعت بچي اقرب صورتة وارجع اشهگ ممبين فرحان والله هالشي كسرني اكثر اني كسرت گلبة وگلبي، ،،،ليش اني الي اخسر دائما ليش افقد عزاز گلبي شتحمل يا گلبي بعد، ،،انتهى الحلم لهنا واحس من صدك انتهت كل الاحلام والدروب انقطعت وكلمن اتجه بطريق،،،،صارت حياتي اهلي وابني رجعت لملمت شتات قلبي وكلت اعدي هالمحطة واستمر رغم صعوبة هالشي لان وية غيث حسيت بالاحاسيس الجنت اتمنى اعيشهة جان من النوع الي يحسسج انتي اميرة انتي جوهرة وشي عزيز شخص يخليج تحسين نفسج شي كلش غالي وثمين يخاف من الحجاية لا تأذيج بس ارجع واگول ما مكتوبلي ولا مكتوبة الة،،،،بديت استرد عافيتي واحاول اتجاوز هالشي ما دريت راح ينكسر ظهري بالاكبر جان رمضان عالابواب وكعدت امي من الصبح كالت نروح نتسوك اني واخوج محتاجين مسواك هواي للبيت واني وصيتهم غراض عندي طلبيات طلعوا وكعدت نضفت وطبخت وبدلت لحمودي وكعدت اسولف اني وياه فدوة عود كبران وصايرة سوالفة تخبل قفلت الابواب وكعدت حمودي يم التلفزيون وطبيت اسبح ومااحس الا صووت رج البيت رج وحمودي يعيط ويبچي كام مااعرف شلون لفيت المنشفة وطلعت ركض حضنتة واسكت بي واحس،حيلي يررجف اخذت حمودي للمطبخ شربتة مي وكعدت عالكرسي حيلي منتهي رأسا صفنت عزة بعيني امي واخوية وين كمت احاول اتصل ماكو مغلق يطلعلي اتهسترت لبست شون ماجان واخذت حمودي وركضت لبيت جيرانة اسألهم واقنع بروحي هاي من الانفجار الخطوط قطعت دكيت الباب طلعلي ابنهم،،حجيت كوة فدوة خوية هم تدري الانفجار وين الولد،،والله ماادري مهرة،،امي واخوية طلعوا للسوك وخاف....كطعت الكلمة وسكتت ودموعي نزلت الولد،،طبي للبيت بس اسأل واجي ان شاء الله ماكو شي، ،،يممممة يمممة هاي بنت جيرانة طبي اختي مهرة،،طبيت وراسا كعدت بصف الباب احس حيل مابية الولد،،الله الله اختي كومي،،يمة وينج مهرة،،اجتي امهم تركض خطية بس شافتني جابتلي مي وتطمن بية واني اكللهة خالة امي واخوي ميردون وهية تگلي استهدي بالرحمن ،،اقرة ايات بگلبي وحمودي حاضنني بخوف مر وقت واني راح بي نص عمري على ما طب الولد،،طفرت عليه هاا خوية بشرر الولد،،والله خوية السمعتة الانفجار بالسوك مهرة،،كعدت بالگاع وكمت املخ بروحي حمودي فرفح بچي وخوف وجيرانة تسكت بية والولد شايل حمودي ويحجي وياي بس اني گلبي واجعني حس گلبي والله اكو شي فقدت ما دريت بروحي الا والمي البارد بوجهي كعدت احس متصككة مااكدر احرك لاايد ولا رجل ولااحجي وخطية جيرانة تقرة ايات،،رجعت غطيت وغبت عن هالعالم ما حسيت بعد،،شكد بقيت نايمة او بالاصح فاقدة ماادري كعدت اني بغرفة غريبة تذكرت الصار كلة كمزت مثل المخبلة فتحت باب الغرفة حتى ماكو على راسي شي المرة جيرانة اتلكتني تسألني وتحجي واني مااسمع مااركز،جابتلي مي شربتة وارجف همست واخيرا ،خالة شصار ما رجعت امي نزلت راسهة ودموعهة جرت وكالت لاخالة،،همست وماكو اضعف مني لحظتهة خالة عبايتي ارجع لبيتنة بلكي راجعين المرة لبستني عبايتي وطلعت وياية لابسة هية هم باوعت حمودي بالمرجوحة وية ابنهم كام الولد ويانة شايل حمودي طلعت بالباب وطبكت سيارة ونزل منهة عمي وريسان حجي محمد،،ها مهرة مهرة،،عمي ونزلت دموعي، ،عمي امي واخوي ماكو من الصبح واجهزتهم مغلقة خاف تأذوا بالانفجار، ،اباوع عمي نزل راسة حجي محمد،،البقية بحياتج بنتي مهرة،،ركضت عليه لزمت ايدة بتوسل،،شتحجي عمي ابوس ايدك گول غيرهة مابيهم شي كول متصوبين كول متأذين اباوع لعمي نزل راسة حجي محمد،،صديق غسان شرطي ويعرف فارس لاگي جثة فارس بس وامج.... مهرة،شبيهة عدلة حجي محمد،،بس ايدهة وياه لازمة ايدة مهرة،،لهنا وخلصت طاقتي بعد خلص التحمل وانهاريت فقدت ووكعت من طولي وماحسيت بالداير مدايري ابد انتهت طاقتي وقوتي وصبري وعمري وكلشي حلوو،،، ريسان،،الله الله مهرة شيلوهة يابة للمستشفى مهرة،،فقدت وماحسيت بعد،،فتحت عيوني ريحة المعقم تكتل احس الدنيا باردة المغذي فوك راسي ومرت خالي يمي باوعتلهة وكوة حجيت احس مالي طاقة حتى احجي،،خالة فاتن ما رجعت امي فارس فاتن،،اووف سودة علية اتوكلي على الله بنتي الله يصبرج بس مهرة،،يعني صدك موو الحجي صدك ما جنت احلم،،مااااما فااارس وين عفتووووني ياربي ليش ربي دخيلك مو هيج وياي اني شتحمل، ،كمت املخ بشعري ووجهي حتي المغذي فلت والكانولة تصب دم واني فقدت وادك والطم مو فقدت زوجي رحمة على روحة بس مااحس بهالانكسار الاني بي هسة هم اكو من يعوض الام والاخ انوب ثنينهم ياربي صبرك ،،،اجة الدكتور وممرضة يحاولون يسيطرون علية واني حيل مدري منين الله انطانياه ادفع بيهم اريد اطلع من المستشفى تالي اجة ممرض جتفني وضربوني ابرة مهدئة وشوية شوية انتهى حيلي كمت بس اوون ودموعي تصب وغفيت كعدت حيلي مهدود، ،همست خالة اخذيني لبيتنة اريد اطلع فاتن،،خلينة اليوم ياعيني خاف توگعين گض،،هزيت راسي بنفي،،اريد اطلع ،،صفنت وين ابني فاتن،،خذوه بيت جدة مهرة،،يلا خل نطلع اريد اشوفهم فاتن،،اووف يا بنتي دكومي نطلع مهرة،،طلعنة الدنيا مغرب واجرنة تكسي اخذنة للبيت لكيت خالتي بالبيت وخالتي ذيج البعيدة بغير محافظة هم جاية ونسوان المنطقة ملتمات وملاية وهوسة فقدت بنصهن املخ بروحي واصيح يمة وفارس اخر شي جرتني وحدة من بنات خالاتي للغرفة ويذبن علية مي اريد اتنفس عدل مااكدر شوية وخابر خالي گال اخذناهم للنجف ميصير يظلون للصبح وهمة متضررين بالانفجار ملخت روحي اروح وماقبل خالي گال متتحملين واخذوهم بس زلم وهمة شخذوا منهم سودة علية فارس يا روحي بس النص الفوك وامي امي يا كسرة ضهري بس ايدهة بس شايفين هيج ظلم واذى الله اكبر على كل ظالم شنو ذنبهم ناس بسيطة طلعت تشتري قوت يومهة، ،،ايام الفاتحة مرت واني ميتة ياهية التطب املخ روحي وياهة لحدما صوتي راح انمسح يوم الثالث كاعدة الملاية تقرة كملت وحسيت وحدة حضنتني وتبجي باوعت هاية ست غصون حضنتهة وصرت اشهك وكوة صوتي يطلع مشحط، ،،انكسرت ست غصون انكسر ظهري غصون،،اني وياج مااعوفج والله ماجنت ادري اخوية گلي لان فارس جان طالب عندة وعرفة من اجاني ماجنت ادري، مهرة،،ست غصون محد بقالي محد غصون،،لاتكولين هيج مااعوفج والله انتي مثل اختي الصغيرة والله منا وهيج مهرة،،ضلت يمي لليل يلا راحت خطية شكد دارتني،،بدت العالم تخف واني احس بالوحشة البيت راح يفرغ منو الي شسوي بروحي، ،تمنيت انام ومااكعد،،،بس كعدت على بوسات خفيفة فتحت عيوني حمودي اخذتة لحضني ودموعي تصب بس هذا البقالي بس ياربي لا تفجعني بي موتني ولا تاذيني بي ازل،،كافي مهرة موتي روحج كومي اسبحي اكلي لگمة فاتن،،اي والله موتت روحهة ومتاكل بس تشرب مي ازل،،مو هيج وحمودي لعد منو الة انوب امة وابوه لاسامح الله هو منو البقالة غيرج مهرة،،قنعتني ازل كمت سبحت وبدلت وطلعت مسويتلي لفة شكد حبابة ماخذة طيبة عمتي الله يرحمهة، اكلت شوية واخذت حمودي لحضني وكعدت بالغرفة ازل،،اخذ حمودي مهرة،،لا عوفيه يمي خفت الهوسة، ،تعبتج ازل،،لا تتدللين ابنة هو،،ابوية يكول محتاجة فلوس مصرف مهرة،،عندي جوة ايدي مشكور ازل،،ميخالف مهرة،،ابد وداعت امي رحم الله والديه، ،مالي نفس اخذ منهم شي اني غراضي وذهبي وغرفتي عفتهن الهم من عاندوا ما ينطوهن الا اتزوج غسان عود اخذ منهم مصرف اجدي بالشوارع ومااخذ منهم ربع عزة نفسي فوگ كلشي وخاصة منهم،،،مر يومين بعد واني كوة عايشة حتى النوم شرد من عيوني اكل مااكل كوة لكمة لكمتين مااحجي حتى مالي خلگ بس حاضنة حمودي وكاعدة للعصر اجتني غصون كيفت بيهة احسهة تفهمني تفهم وضعي وضرفي غصون،،كافي مهرة لاتسوين بروحج هيج ابنج محتاجج مهرة،،هو بيدي مااكدر انكسرت كللش لهسة احس روحي بحلم واكول بلكت اصحة منة والكاهم كبالي ريحتهم بالبيت تفتر سوالفهم وضحكهم يرن باذني اني شلون راح اكدر اكمل واعيش غصون،،الج رب العالمين مثل ماكلنة النة رب العالمين، ،خابرت غيث اليوم وگتلة ميدري اتعذر هواي وگال من توصلين خابريني اخذ من خاطر مهرة مهرة،،الله يسلمة ميحتاج تعزيتة وصلت الله لا يشوفة مكروه بعزيز غصون،،براحتج،،،اني اروح اتأخرت عالبيت مهرة،،تعبتج هواي الله يوفقج غصون،،مااعوفج مهرة لاتخافين اني وياج مهرة،،طلعت غصون واني رجعت لقوقعة الحزن دخلتهة واريد مااطلع منهة مرت الايام وورة السبعة،،بدة الحجي منو يظل يمي او اني وين اروح باعتبار اني وحدي هسة خالتي كالت تعاي يمي وماقبلت اطلع من بيت اهلي مالي قيمة غير ببيتي وين مااروح راح يستثقلوني واصلا مايهونلي افارگ بيتي لليل اجة عمي وحاچة خالي ويگلة تتزوج ريسان وتكعد يمنة وتربي ابنهة ذولة صدك يحجون بالله اني بيا حال وانوب طلعلي ريسان لعبة اني يومية شامريني على واحد باعتبار غسان رافض ومقدم اوراقة يكمل دراسة برة فرجع على ريسان رفضت اكيد مستحيل وعمي ظل يعد ويصف علية مااريد الستر وشايفة روحي ومو مال احترام وطلع زعلان بيا حال اني صدك ذولة،،، وخالي خطية گال ماعليج اني وياج اأجر بيتي ونجي نكعد يمج لان ماقبلت اني اروح يمهم وبيتنة الصراحة ارتب من بيتة الغرفة الفوك جانت للكراكيب عزلناهة وصبغ جديد صعدت اغراض امي ومكينتهة وجربايتهة والغراض الجوة بالغرفة صعدتهن يمي حتى ملابس فارس بقيتهن بخانتة بالكنتور احس مااريد اغير شي وانتقلوا يمنة بيت خالي هو ومرتة فاتن وابنة علي عمرة 16سنة وبنات ثنين زينب14 ورقية10 خالي طيب وفقير طبع بس الصدمني تحكم ابنة ومرتة بي شسويلهم هو راضي واني ماعلية بيهم انزل اكل واغسل مواعيني واصعد كوة صمت ضغطي دمرني اصلا طلع الاربعين وورة ما رجعنة من النجف مرت خالي حجت فاتن،اكول مهرة لوتنزلين جوة يمنة مو احسنلج من ما حابسة روحج فوك هم نتعاون وهم نتونس مهرة،،امم ماشي، ،عرفت ما ترضة اذا مااعاونهم بالشغل وشعلية اني همة مو العايشين جوة بديت انزل صدك هية تسولف وتضحك غيرت نفسيتي شوية بناتهة حبابات على خالي بس ابنهم علي ماحبيتة هواي منطي اكبر من حجمة ويومية طلابة وية واحد بالمنطقة وهو جنة ثور شكبرة شكدة ماخذ العالم بعضلاتة يطب يتأمر على خواتة وكلهة تركضلة مرات اصفن اكول هذا عايش وفارس جوة التراب وارجع اتعوذ من الشيطان واستغفر ربي،،شهر شهرين تلاثة واني بدوامة الحزن يومية احضن ملابسهم وانام اتخيلهم يمي واغفة متت وراهم بس جسد خاوي بقيت اتدمرت، ،غصون معايفتني خطية تمر او تخابر، ،،المصرف الجوة ايدي بدة يخلص وبعت التراجي مالاتي وكاعد اصرف منهن حمودي امانة الله عمة غسان شايلة بمصرفة اما البقية لا بس هم احتاج الي مصرف لابني طارئ طبيب قررت ارجع لشغلي وكلت لخالي عادي خطية ماگال شي رحت لام خالد وكتلهة كالت تتدللين بنتي اني اجيبلج المعارف اصلا كلهة تسأل عليج ما رجعتي تشتغلين،،رجعت صدك لشغلي اطبخ وابيع واكثر شي عليه الطلب الكبة والفطاير وذني الشغلات رجعت اموري تترتب لهناك ما شافتني فاتن صار بيدي كم فلس كعدت كالعادة باسلوبهة الملتوي فاتن،،اكول مهرة حبيبتي ما عندج تدينيني خمسين خالج سودة علية ماعندة هالشهر والمصرف ثگيل وهو بس هالواحد يكد على كوم لحم مهرة،،باوعتلهة وبودي اكلهة لعد وايجار بيتة وين وشغلة وين هاي لان اكل وياكم حسبتوهة بس مصيبتي اسكت واتحسس واحاول اضغط على نفسي واريح الاخرين،،لا ماجوة ايدي هواي بس العصر ادز على مسواگ للبيت اخفف منة فاتن،،اي عفية اترسي الثلاجة هالتشوفيهة يغني بيهة داخل حسن مهرة،،باوعتلهة وصعدت اني وابني لقوقعة احزاني احس حتى حمودي متنحس وميريد غيري يمكن حاس بية احتاج قربة اني اريد حنان حمودي وعاطفتة هالفترة،،للعصر صدك اخذت ام خالد ورحت اتسوكنة ورجعنة ترست الثلاجة والكاونتر،وكمت كل فترة اتسوگ للبيت ،،جانت فترة صعبة وخاصة من اجة غسان ودعنة وسافر يكمل دراستة برة حسيت فقدت فارس مرة ثانية لان اني اباوعلة بهالنضرة ومتأكدة هو هم عمرة ماباوعلي غير هالنضرة،،،ودعناه وحتى حمودي يبجي عليه لان احن واحد جان هوة لذلك ما تلائم وية بيت عمي وشرد منهم بعد سفرة حمودي انسة اصلا زين لو بالاسبوعين مرة يدزون عليه نص ساعة ويرجع والله عجيب جانوا كاتلين رواحهم عليهم ومخليه حجة بكلشي يلا وينكم هسة،،،مررت الايام والاسابيع والشهور واني ماكدرت اتخطى حزني ابد بية ومااطمس بي اكثر، ،،،اخر شي ورة السنة ونفس وضعي وحزني صفيت بالنص من القهر وانقهر اكثر من اشوف محد مهتم للراحوا غصون كامت تجيني وتاخذني نطلع مرة مول تگلي لخاطر ابنج مرة مطعم مرة لبيتهة وخالي من النوع المايمانع بس فاتن تشتعل غيرة من تشوفني طالعة خاصة من شفت العالم شيلبسون وشيشترون اخذت صاية خليجي اسود وشالهة وصرت اغلب طلعاتي البسهن وفوكهن عباية حتى خالي كالي نزعي العباية هنة مستورات بس ما نزعتة اعرف منطقتنة شراح يحجون لو نزعتهة هسة وعيالي يدورون الزلة علية بقيت البسهة واشتريت عباية ام الردن ارتب من العراقية واسيطر بيهة ،،طلعنة مرة بمطعم وغصون حاجتني غصون،،اكول مهرة قدمتي منحة الشهداء باعتبار اهلج استشهدوا الج تعويض مهرة،،هااا مااعرف ما سامعة غصون،،اسألج بيهة وارتبهة الج ليش تروح عليج مهرة،،مالي كل نفس صدك استلمهن عود واصرف منهن غصون،،ميخالف خليهن الج سند هاية دنيا متعرفين شضامتلج باجر مهرة،،الله كريم شتضملي اكثر من الشفتة بعد،،بهالاثناء ودك موبايل غصون غصون،،الووو ها رشا، ،لا والله مو يمنة غيث اصلا من زمان ماجاي بغداد خير خوما صاير شي،،والله مو هنا شبيج اجذب عليج،،،يلا يلا ان شاء الله ماكو شي سلميلي مهرة،،سدتة واتنهدت واني احس كلبي يدك بسرعة لمجرد اسمة الانذكر غصون،،حتخبل الرجال والله هاية مهرة،،باوعتلهة عيوني تنطق وتريد تعرف كلشي بس لساني ساكت ويكلي معليج ومالج دخل هو وزوجتة انتي شدخلج،،الله يهديهم ويوفقهم باوعتلي غصون ورفعت تك حاجب غصون،،مرات من اصفن بتصرفاتج اگول صدك حجاية غيث انتي بعمرج ما حبيتيه مهرة،،اني، ،نزلت دموعي لا اراديا هو منو حبة بكدي اصلا لهسة اسمة ميوكع من دعائي ادعي الله يوفقة ويريحة ادري خذلتة بس الضروف اقوة مني جانت فدعوتي الوحيدة هسة الله يريحة غصون،،اني اجيت عليج بوكتهة وما طلعتليلي شصار بالضبط مهرة مهرة،،اوووه وشيفيد الحجي غصون،،افهم عالاقل واعذرج اني مااحسج غدرتي لج محضر عمامة وواكف بوجه امة ومعاندهة وجاي يخطب وانتي حتى مو انتي امج الله يرحمهة خابرت نهت كلشي بلحظة وانتي اختفيتي ردت املخج مهرة،،ميحتاج لهسة كلبي متملخ غصون،،احجي ليش هيج سويتي مهرة،،اخذوا ابني خطف وخابروا يهددون،لو انتي بمكاني شتسوين غصون،،منو مهرة،،عمة وجدة ...........وسولفت لغصون كل الصار غصون،،عززة كل هذا ليش ما حجيتي بلغتي مهرة،،شبلغ وهمة حتى هددوني باخوية ذولة ناس متخاف الله ومتمشي بالقانون غصون،،ليش ما حجيتي لغيث مهرة،،وشيفيد حجيت واجة اتدخل ما راح يتاذة بسببي زين والحل اتخلى عن ابني مستحيل اگدر، ابقة وية غيث وشنو النتيجة الولد هم يريد يشوف حياتة ،،امة متسكت اكيد راح تزوجة لن اساسا اني ماعاجبتهة وكالت ابتعدي عن ابني غصون،،ها خابرتج مهرة،،اي اخذت رقمي منج غصون،،كالتلي اتعرف عالبنية والله واني عود كلت اساعد لان شفت غيث شلون متأذي بعناد امة،،زين اهل ابنج شمدريهم مهرة،،مثل ما كدرت توصلي امة كدرت توصل لعمام ابني وهي هددت بهالشي غصون،،كلشي اتوقع مهرة،،هو بعد موضوع راح وخلص ميفيد الحجي بي، ،الله يهني بحياتة غصون،،على هالعلة المتزوجهة ماكو هناء وراحة مهرة،،ميستاهل ربي يوقفة،،سكتنة وانسد الموضوع ورجعت لوضعي وحياتي اصلا بطلت احلم لنفسي بشي كل هدفي ابني وبس،،ست غصون بدت بمعاملة التعويض وكالت سلمتهة لمحامي زميل بس شهادة الوفاة ماكاتبين شهداء جانت ولازم معاملة من جديد ورطينة كتلهة انتظري لعد اجمع مبلغ يلا ماقبلت خطية وكالت غصون،،اسكتي ولج مو كتلج انتي اختي اني ادفع وعود من تستلمين رجعيهم مهرة،،الله لايحرمني منج صدك بس انتي البقيتي الي غصون،لا تگولين لاي بشر مهرة،هااا ليش غصون،،ثولة انتي موتتني فهاوتج الج ذني للزمن بس يسمعون كلهة تطمع بيج مهرة،،اي هم صدك الله كريم،،مرت ايام واني حياتي هادية شغلي ملتهية بي وابني بيت خالي نادر ماانجمع وياهم ماارتاح لابنهم ابد مرات من يطلع انزل حابسة روحي بغرفتي فوك من اضوج كلش اطلع للسطح تعلمت عالمكينة وكمت من ماعندي شي اخيط لحمودي اتعلم براسة، ،جنت كاعدة بالغرفة الصبح اعزل بيهة ودك موبايلي غصون غصون،،هلاو شلونج مهرة،،الحمدلله مشتاقتلج صار بالشهر ما شايفتج غصون،،كومة شغل والله حتى اني مشتاقتلج تعاليلي للبيت اليوم اتغيرين جو انتي وحمودي مو يحب ابني حسوني مهرة،،هاا اشوف خالي اذا قبل غصون،،اي حبابة ترة تعبانة ومريضة ومشتاقتلج مهرة،،سلامتج خوما اكو شي غصون،،سقطت طفل مهرة،،ياعيوني الله يعوضج غصون،،ماجنت ادري حامل وتعبت ووكع،،تعاليلي العصر امي مسافرة هية واختي وروحي طالعة مهرة،،اي كافي لا تبجين حبيبتي فدوة الج غصون،،متدرين شكد حاولت يصير اخو لحسوني تالي صار وراح بدون ماانتبهلة مهرة،،كافي ياعمري لاتسوين بروحج هيج اجيج العصر والله ، ،صدك رحت بسرعة نزلت سويت فطائر ولحم بعجين طبعا ذني اكو حشوات بالمجمدة وبس العجينة سويتهة كملتهة وشلت ماعون للبيت هاي عادتي شسوي اعزل اشو استحي يشمون ريحة الاكل ومايضوكوه،،كلت لخالي من رجع كال ميخالف من اطلع العصر اخذج صدك حضرت غراضي وطبت فاتن فاتن،،ها مهرة تردين تطلعين گال خالج متكدرين تأجليهة غير يوم هاي زنوبة محتاجة غراض للمدرسة واريد اخذهة ورقية تظل وحدهة قابل مهرة،،عيب البنية تعبانة فاتن،،واذا اتعذريهة مهرة،،مو زحمة فاتن،،هسة شصار ياعيني اهم من عندنة هية مهرة،،جريت نفس،،،خالة فاتن عيب منهة طلبتني وهية مواقفهة وياي هواي اذا على رقية خلي رقية تجي وياي فاتن،،خووش لعد اخذيهة هم تتونس خطية مهرة،،صدك للعصر بدلت بفستان مرتب وعباية وشال وبدلت لحمودي ولرقية واخذني خالي اخذت علبة حلويات ،،،وصلنة نزلنة وخابرتهة كتلهة بالباب حمودي ركض للحديقة الخارجية طب بنص الاشجار واني اضحك عليه فجأة انفتح الباب واخترق اذني صوت اعرفة كلش زين اعرفة غيث،،انتظرك بالسياة قائد .......يتبع البارت طويل يستاهل تعليق حلووة موو 😍 | ||||||||
|
| |
|
13-04-20, 04:28 AM
| #13 | ||||||||
| مراقبة عامة ومشرفة منتدى الروايات المنقولة
| #أول_الغيث_مهرة فيد عبدالله مساااء الورد وروردي الغاللين شلونكم، ،شرايكم بالاحداث شتتوقعون الجاي اكتبولي،،احبكم،،متابعة طيبة #البارت_الحادي_عشر فيّد عبدالله مهرة،،گلبي مااسيطر على دگاتة من شفتة واكف كبالي احس حتى الهوة اختفى ماجان منتبه داير وجهة ويحجي التفت وباوعلي متفاجأ اتوسعت عيونة غيث،،مهرة... مهرة،،اتنفست كوة وهمست شلونك استاذ غيث،،باوعلي رفع حاجبة عيونة تجدح نااار ارتبكت لنضرتة اتمنيت اختفي غيث،،اهلا وسهلا من رخصتج ...يلا قائد مهرة،،صرت على صفحة وهو طلع، ،ثواني وقائد وراه طلع سلم علية ودخلني البيت التفتت هو صاعد السيارة ويباوعلي بغضب ويدخن، ،،مشيت دخلت للصالة جانت غصون ممدة عالتخم وعيونهة مورمة حضنتهة وهي تبجي واني عيوني كامت تجري نضرتة الي وجعت گلبي، ،بقيت اهدء بغصون واسولف وياهة وحمودي ورقية منطلقين وية حسوني كل شوية واصفن وارجع للواقع غصون حست علية غصون،،شفتي غيث موو مهرة،،دنكت عيوني مدمعة،،اممم متغير غصون،،ما مرتاح، ،مهرة ما مرتاح وصاير اعصابة متنحمل مهرة،،شبيدي يا غصون شسوي بس بيدي دعائي وماجاي اقطعة غصون،،لا حبيبتي شبيدج هو انتو ثنينكم تعذبتوا مهرة،،للمغرب بقيت يمهة لغصون واجة خالي رجعت وبالي يمهة جانت ضايجة بس اكيد قائد ميعوفهة ويمهة بنية تساعدهة، ،خابرتهة من وصلت كالت رجع قائد يمي، ،سديتة ونزلت احضر بالعشا، ،،بالي يم غيث نضرتة مال واحد كلش حاقد وضايج بافكاري وحسيت احد وراية التفتت بسرعة ولكيتة علي ابن خالي جنة دنگة وقريب علية واكف خزرتة ونترت شتريد علي،،شبيج اريد اخذ كباية شو شوية مهرة،،باوعتلة وماعجبني تصرفة واتدنيت على صفحة اخذ كباية ويباوعلي بطرف عينة وراح،،اكلت وجع كوون شكد مااحبة وثقيل ادردم وية روحي وطفر علية الدهن،،اووي طلع يشور ابو كرش، ،كملنة العشا اخذت ابني وصعدت قفلت غرفتي وكعدت استرجع الماضي الاليم بالله ششفت من حياتي اني جبتهة كلة فراگ وحزن وقهر تالي صفيت لا زوج لا اهل لا حبيب ليش هيج الدنيا معاكسة وياي ياربي الطف بحالي،،مرت الايام ولاحظت نظرات ابن خالي بدت تتغير وتصير صلفة وجريئة ولو نزلت للمطبخ يلزك گبال باب المطبخ وكثرت كعداتة بالبيت صدك كمت اخاف منة وهو جنة هرقل بضخامتة رغم خالي ناعم بس امة وخوالة ضخمين، ،صار اصلف وكام يطلب مني اطبخلة مرات لو يجي يطلب مني اسويلة شغلة واني اتحجج لو اصيح خواتة وافلت للغرفة،،سولفت لغصون للان احس صدك تعبت اعصابي من التوتر ومااتحمل بعد شي ياربي دخيلك طمنتني وكالت مراهق ومو ناضج انتي لاتنطيه مجال واذا تمادة حاجي خالج بهدوء واذا ماكو هو بيتج قابل يسلبون راحتج ببيتج ،،اقتنعت بكلامهة وسكتت وجنت اصد طيحان حظة وطلباتةوهو سكت احسن،،لحدما بيوم جان دوام زينب ضهري ورقية صبحي العصر كعدت من النوم فاتن ماكو هية ورقية والبيت اصلافارغ خالي بشغلة وفاتن شوف وين اخذت رقية كعدت اني وحمودي بالمطبخ اشرب چاي واسجل شمحتاجة غراض للمطبخ والشغل وحمودي يمي يغمس چاي وبسكت طب علي علي،،السلام عليكم مهرة،،وعليكم السلام،،طب للبيت صاح يمة محد رد رجع سألني علي،،شومحد هنا وين امي مهرة،،كعدت من النوم ما لكيتهة علي،،هممم،،زين اذا الچاي حار بلكت فد كوب مهرة،،مابي مخلص ودرت وجهي بس اني بداخلي قلق مو طبيعي وهو نضراتة حقيرة كملت اخذت حمودي ركض وصعدت لغرفتي قفلت الباب وكعدت طلعت قطعة عندي اخيط بيهة صرت اعرف بالخياط احسن من البداية شوية واندكت الباب، ،ما رديت اجاني صوتة علي،،مهرة شو تعاي هذا ابوية مدري شبي اجة متخربط تعاي حبابة وياي مهرة،،انخطف گلبي،،لفيت شالي وفتحت الباب ، ،شبي خالي،ومااحس الا دفعني لداخل الغرفة وهو ضخم واني ناعمة طرت بايدة، علي،،مو خالج ابن خالج مدري شسويتي باحوالة مهرة،،الزم حدودك وامشي اطلع من الغرفة لا الم العالم عليك علي،،لميهم عادي اصلا اكيف اكللهم اتزوجهة متتفوتين مهرة،،سافل حقير،،وتفلت بوجهة حشاكم اني سويت هيج وهو اتخبل ضربني راشدي انشكت شفتي بسني وكامت تصب دم دفعني ويحاول يعتدي علية وكدام ابني الحقير الكلب ادفع بي چنة حايط،،اتهسترت شكو ضيم مر علية تذكرتة واتخبلت فقدت وهو اتمادى اكثر وكعت عيني عالمكص قريب سحبتة وبكل قوتي وقهرتي طببتة بخاصرتة صرخ علي،،ايا سافلة شسويتي شنو هذا الدم راح اموت ،،اخ يمة مهرة،، اباوعلة دمة ترس ايدي وهدومة اتخبلت وهو انگلب طلي من الخوف واني كمت ارجف بخوف احس اتخبلت اخذت ابني وعبايتي من ورة الباب وطلعت فاقدة ركض فتحت باب المطبخ بوجهي زينب راجعة من المدرسة زينب،،شبيج مهرة مهرة،،ما جاوبتهة اصلا احس فاقدة الحواس كلهة طلعت ركض للشارع اجرت تكسي وبوجهي لبيت غصون،،خطية ابو التكسي من شافني ابچي وارجف وشفتي تصب دم وحاضنة ابني بخوف نزلني بدون مياخذ اجرة، ،،،، دكيت الباب بخبال والجرس كسرتة طلع قائد مبين چان نايم قائد،،مهرة شبيج مهرة،، حجيت واشهك احس گلبي ببلعومي صعد، ،،كتلتة يمكن مات يمكن قائد،،منو مهرة شبيج،،تعاي طبي هسة تجي غصون مهرة،،طبيت ارجف كعدت بالمطبخ وضامة حمودي لحضني حيل قائد،،مهرة هاج مي اشربي بس اهدي مهرة،،فزيت من اتقربت خطواتة الي خفت حتى من قائد كمت اخاف من كل البشر شنو احنة بغابة لو اني وين المصخم يجيبة حضي علية قائد،،دشربي المي وهسة اخابر غصون مهرة،،طب جوة اخذ موبايلة وطلع يخابر بالطرمة وكعد بالطرمة ويباوعلي بقلق واني الف فكرة براسي اذا مات شنو مصيري منو يصدكني شسوي ابني شنو مصيرة ،،وين وصلت اني ياربي نجيني اباوع لحمودي متصكك ومرعوب افتهم اكو شي مو صغير هو عمرة اربع سنوات نايم على جتفي ولازمني بقوة واني حاضنتة اريد اطببة بنص گلبي بس حتى احمي،مااعرف شكد واني صافنة وحاضنة ابني حسيت صوت غصون غصون،،شكو قائد وين مهرة قائد،،جوة بالمطبخ مدري شبيهة مهرة،،طفرت لصوت غصون ركضت عليه حضنتهة وارجف واشهك غصون،،شكو مهرة،،احجي شبيج مهرة،،كتلتة غصون طببت المگص ببطنة ودمة ترس ايدي شلون بية وبابني غصون،،منو مهرة منو الضربتي مهرة،،علي علي الحقير غصون،،ابن خالج مو مهرة،،اي النذل حاول ...دنكت وابچي استحيت من نفسي ومن غصون ومن قائد الواكف بالباب يباوعلي بقلق غصون،،حاول يعتدي عليج مووو مهرة،،طكيت من البچي وسكتت احس الشهگة تطلع من روحي وكل گلبي قائد،،بس اهدي واذا مات للگبر تدافعين عن روحج غير مهرة،،محد راح يگول هيج،، انفضحت بالمنطقة كلهة الله لايوفقة الحقير الله لا ينطيه قائد،،اهدي بس على كيفج سكتيهة غصون واني اشوف شصار وارجع مو ببيتكم نفسة كاعدين مهرة،،اي قائد،،لا تخافين اني وغصون وياج مهرة،،طلع قائد واني سحبتني غصون طببتني غسلت ايدي الكلهة دم من الحقير دمة النگس مثلة غسلت وجهي وشفتي اليابس عليهة الدم لكيت حمودي مبدلتلة غصون من ابنهة ومغسلتلة وهو حبيبي ساكت وملتهي يلعب وية حسوني الحمدلله خفت عليه لا ينصدم من الشافة، ،كعدت بالغرفة يم الجهال طبت غصون شايلة عصير خلتة يمي واني باوعتلهة ونزلت دموعي،،شسوي اذا ميت غصون،،شتسوين دفاع عن النفس هذا بابا تفتهمين همة الي مفروض يخافون مو انتي مهرة،،كلبي راح يوكف من الخوف شسويت اني غصون،،تنحل وتخلص كافي تظلين تلومين بروحج ،،،،،،،، غيث،،كرهت اليوم الاسود الوكعت بي عيوني عليهة، ،اتمرضت بيهة مو حبيتهة صارت ادمان بالنسبة الي وكفت بوجه امي الرفضت ارتبط بيهة امي من النوع الي تحب المظاهر هواي واني اتخبل من هالامور احب الروح مااحب المظهر عاندت امي وعمي الكال مشاكل زواجك منهة وقررت ارتبط بيهة وتالي انسحبت لغتني من حياتهة فجأة واختفت اتصل متجاوب ودزيت غصون ماطلعتلهة واتصلت على امهة ونفس الرد كرهت گلبي التعلك بيهة وكرهتهة لان اذتني هيج يمكن لو محاجيتني عالاقل مااحس انهانت كرامتي مو فجأة تختفي وبلحظة غضب وانتقام قررت اخطب غيرهة حتى انساهة وخطبت واتزوجت اتزوجت بنت خالي رشا وهااي عكس الاحبة تماما اكتشفت انه هية انسانة سطحية لدرجة اهم شي المظهر والشكل والجوهر صفررر،،كرهتني بعيشتي من غيرتهة ودوختني بدنياتي كل مااتعارك وية رشا صرت اكره مهرة اكثر واحقد عليهة اكثر انقهرت عليهة من اتوفوا اهلهة وردت اجيهة بس بطلت واكتفيت باتصال بس هم رفضت ضحكت على روحي الحبتهة بيوم وحقدت اكثر شكد احاول امد جسور وهي تكطعهن وبيوم الشفتهة ببيت غصون گلبي دك حيل رجع لنفس الدگة ذيج بس عقلي مخزن كوووم انتفضت من شفتهة وابتعدت لان لو باقي لحظة انهد بيهة اطلع ضيم گلبي كلة ،،،،رجعت للبصرة للجحيم الدخلت روحي بي امي تحاول تغطي على رشا تصرفاتهة الرعنة بس اني مركز وياهة واعلم وانبه ونرجع لنقطة الصفر ،،،بيوم جنت العصرية واكف بالبالكون ادخن دك تلفوني قائد رديت عليه،،الووو ها ابو حسون شلونك قائد،،هلا غيث محتاجك هسة تجيني لبغداد انتة ومصطفى غيث،،عند عيناك بس شكو خوفتني قائد،،مهرة مهرة راح تروح بالرجلين غيث،،احمم شكو قائد قائد،،بس تعال بالطريق اسولفلك غيث،،ماشي ماشي جايك،،سديتة منة گلبي اخ منة شكد رچيچ يمهة ويم طاريهة،،خابرت مصطفى مصطفى،،ها غيث غيث،،مصطفى تجيني بساع نطلع لبغداد شغلة صارت،،اسمع بالقاصة تلگة فلوس جيبهن وياك خاف نحتاج مصطفى،،تتدلل شوية وجايك غيث،،طبيت للغرفة ابدل وطبت رشا رشا،،ها حبيبي وين غيث،،لبغداد شغل رشا،،هم لبغداد شعندك هناك متاكدة لازم درب الملاهي والبنات مووو راح اموت راح اطك غيث،شبيج بوية عقلج ضارب انتي اركدي لا بچف اعدل عقلج اليشتغل مگلوبي رشا،،عيشة السودة ساعة السودة الحبيتك غيث،،ما فارغلج هسة ارد ونتفاهم على العيشة السودة هاي،،بدلت وخذت سلاحي وغراضي ونزلت بست راس امي ام غيث،،ها امي وين غيث،،لبغداد صارتلي شغلة وطالع اني وصفاوي ام غيث،،خير الله يسهللكم يارب ديربالكم يمة من الطريق غيث،،ان شاء الله دعواتج يمة،،طلعنة العصرية كلش بس شنو گلبي محترگ بس اريد اعرف شصاير دكيت على قائد وسولفلي الصاير احتركت بنار شبيت وطفيت اووف يامهرة شسويتي بروحج وبية لو ما متخبلة ماجان انتي مرتي واحطج جوة جناحي ويا ويلة اليدوسلج على طرف شلعبتي بينة،،وصلنة بالليل متأخر كلش وبوجهنة لبيت قائد الجان منتظرنة اخذني على صفحة وحجة قائد،،غيث انتة لهسة تحبهة للبنية غيث،،شتگول قائد شدخل هالموضوع هسة قائد،،اذا الك نفس بيهة اتزوجهة والله متلگة مثلهة كافي هواي اتأذت خطية غيث،،قائد شتحچي وشتگول شلون اتزوجهة مالي كل نفس لعبت نفسي اصلا قائد،،ميخالف بس استر عليهة يمك وخلص متريد شي البنية غيث،،اعذرني مااگدر قائد،،لك والله تروح بالرجلين ماتعرفهة انتة شكد فقيرة ماشفت حالتهة من اجت ترجف وحاضنة ابنهة حيل مصطفى،،شكو قائد منو البنية شصاير غيث،، قائد اني ومهرة انتهينة مصطفى،،نفسهة هاي الردتهة قبل موو غيث،،استغفر الله هسة شتردون مني قائد،،دتعال نطب خالهة جوة واسمع وشوفة شكد فقير واحكم تأمن عليهة يمة ،،،،،،، مهرة،،قائد نتصل عليه ومشغول لو يدك وميرد ردت اتخبل وغصون تهدأ بية تالي اتصل كال عدل ابن خالج بالمستشفى وخالج هذا يمي هوة خايف عليج،،رأسا اجاني صوت خالي خال مهرة،،ها خالي وينج انتي شصاير راح تموتني ياخالي هذاك بطنة مشگوگة وانتي شاردة وماخذة ابنج شافتج زينب شصاير يا خالي مهرة،،خالي والله العظيم والله العظيم هوة هوة حاول يتعدة علية وما كدرت احافظ على نفسي الا هيج خال مهرة،،شتحجين انتي خالي مهرة،،وداعت امي الراحت وداعت فارس خال مهرة،،انتي وين هسة قائد،،بالحفظ والصون عمي تفض هالسالفة بخير وترجع لبيتهة خال مهرة،،هسة ترجعين مهرة سامعة هسة ترجعين لبيتج مهرة،،اخاف خالو والله اخاف يأذوني خال مهرة،،خالي شلون حجي هذا منو يأذيج انطيني العنوان مهرة،،بهالاثناء واسمع صوت فاتن يمة فاتنة،،هاابو علي وينك صحة علي خال مهرة،،شوية واخابرلج مهرة واجي اخذج انطيني العنوان فاتن،،هاي الادب سزز مهرة ام الولد الله اعلم شسوت وشردت واذت ابني الماتخاف الله ناكرة العشرة الااشتكي عليج والله ميروح دم ابني قائد،،هييييي على كيفج ابنج الطايح حظة وينرادلة تربية اذا جبتي طاري الشرطة ابنج الينحبس سمعتي فاتن،،انوب منو انتة خاف انتة الشردت وياك وجاي تدافع قائد،،احترمي نفسج ولمي روحج حاشمج لخاطر هالرجال خال مهرة،،فاتن كافي ابنج المصخم وجوهنة امشي نشوفة لابارك الله بيج انتظرني هنا راجعلك عمي واروح وياك قائد،،مهرة تسمعيني مهرة،، اي وياك،،بس اني منتهية من البچي كلام فاتن اذاني گبل تهموني بشرفي قائد،،خاف يجي خالج مترجعين وياه فهمتي مااضمن زوجتة وابنة هالعار مهرة،،والحل لعد قائد،،اني احلهة معليج تنحل بس اهدي وارتاحي اني اخوج ومااعوفج مهرة،،الله يحفظك ويديمك،،سد التلفون وراح واني اتطمنت عالاقل خالي مصدكني وقائد وغصون وياي بس شلون راح تنحل وتترتب ماادري غصون،،لاتخافين تنحل ارتاحي شوية وجهج صار اصفر من الهبطة والتعب مهرة،،اي خليني امدد هنا شوية عادي غصون،،صدك جذب بيتج هذا مهرة،،مددت ومن التعب غفيت وحمودي شوية واجة انحشك بحضني وغفينة ماادري شكد وحسيت غصون تكعد بية غصون،،مهرة اكعدي اجة خالج مهرة،،كمت احس روحي بحلم كمت غسلت ولفيت شالي وطبيت خالي كاعد ومبين تعبان خال مهرة،،خالي ليش هيج شصار مهرة،،خالو هو والله هو الحاول يعتدي علية ودنكت ابچي خال مهرة،،الله يطيح حظة هالسگط هذا دلال امة خربة تالي تدنة نفسة على عرضة الناقص اني اعرف شلون اربي من اول وجديد،،وانتي بنتي لبسي ويلا نرجع لبيتج غصون،،عمو تضمن ميتعرضلهة بعد تضمن زوجتك متتهجم عليهة خال مهرة،،عمي هاي بتنة واني احرص الناس عليهة قائد،،بس كعدتكم وياهة صارت غلط لان صار شي ببال الولد بعد خوما تظل حابسة روحهة منة وتشرد خال مهرة،،لعد عمي نعوفهة تسكن وحدهة بنية شابة شلون قائد،،لا تتزوج عمي وتنستر بحمة رجال يصونهة ويقوم بيهة خال مهرة،،بس ابني بعدة طايش ومو مال زواج يتعبهة اني ادري وهية ما ناقصة هم قائد،،لا عمي مو ابنك اكو ولد رايدهة وخوش ولد واني اضمنة مهرة،،باوعت لخالي ولقائد اليحجي بطلاقة واني مثل الاطرش بالزفة باوعت لغصون باستفهام غصون،،عمو دقايق من رخصتك،،مهرة تعاي وياي مهرة،،كمت وية غصون ونسمع لجرس يرن طلع قائد واني اخذتني غصون للصالة لزمت ايدي غصون،،اسمعي مهرة الله يشهد اني احبچ واريدلج الخير واريدج تستقرين وترتاحين يم رجال يصونج مهرة،،شنو غصون شتكولين مو انتي تعرفين كلشي غصون،،هو لان اعرف كلشي انتو ثنينكم تستاهلون الراحة مهرة،،ما فهمت،شلون يعني غصون اني گلبي قفل غصون،،اخذي القلبج قفل عليه مهرة،،شقصدج غصون،،الغيث مهرة،،بلعت ريك بصدمة،،شتكولين غصون شلون تزوج هوة وشاف حياتة على اي اساس اخرب حياتة واني الرفضت زين هو شتغير هسة حتى ارتبط بي تتصورين اني اگدر اعوف ابني غصون،،مهرة مهرة اسمعي واوزني كلامي وضعج انتي هسة الاختلف شفتي اقرب ناسج طمع بيج لازم رجال يصونج ويحافظ عليج واتوقع غيث گدهة ثاني شي اذا خايفة على ابنج اسألج بالله عيالج صار شكد ما داگين الباب عليج وطالبين يشوفون ابنهم من كل عقلج توكفين حياتج على ناس مثل ذولة واصلا ابنج بالقانون الج شنو هالاذية بعد مهرة،،باوعتلهة صافنة احس حتى عضامي ترجف، ،سمعت صوتة گال السلام عليكم وطب للاستقبال كعدت عالتخم مااعرف شسوي يحقلي بعد كل السويتة وياه ارجع وادخل حياتة واطلب حمايتة يحقلي اخرب حياتة لا لا اني الغلطانة والمفروض مااحملة هالذنب اني لازم ما ادخلة بمشاكل اني ليش ابتعدت منة بالاساس حتى لا يدخل بمشاكل اخاف عليه والله، ،شوية حجوا وخالي يوعد متتكرر وراح يأدب ابنة اخر شي اسمع خالي يگول وينهة مهرة يلا خل نمشي وجان يوصلني صوت غيث غيث،،لا عمي البنية متطلع الا اذا، ،،،،يتبع شنو توقعاتكم للبارت الجاي 🥰 | ||||||||
|
| |
|
13-04-20, 04:29 AM
| #14 | ||||||||
| مراقبة عامة ومشرفة منتدى الروايات المنقولة
| #أول_الغيث_مهرة مساء الورد ياورد،،وهذا احلى بارت لعيونكم ،،هسة بدينة باللعب الحلووو موو لو شتگولون 🤔،،متابعة طيبة #البارت_الثاني_عشر فيّد عبدالله غيث،،لا عمي البنية متطلع الا اذا على ذمتي خال مهرة،،شهالحجي ابني هستوني شفتك وعرفتك منو يكول البنية موافقة غيث،،لا موافقة عمي خال مهرة،،وين مهرة، ،مهررررة تعالي نروح،،مهرررة مهرررة مهرة،،سمعت كلام غيث وگلبي گام يركض قلق وخوف واكول ورطتة وخاف ادمر حياتة وخالي من سمع كلامة اتخبل وكام يصيح يريدني اروح، غصون،،مهرة متطلعين منا اذا ما تعقدون بس تطلعين ما نگدر نحميج والله حتى خالج تغير وهاي تسمعين صياحة تضمنين ما ينقلب ضدج بالبيت مهرة،،هااا مااعرف مااريد احمل غيث مسؤليتي واخرب حياتة غصون،،غيث ميخطي خطوة اذا ما مقتنع بيهة وافقي مهرة محد يصونج كد غيث والله والله مهرة،،طب قائد للصالة صاحني قائد،،مهرة سمعتي مو كلام غيث مهرة،،اي بس قائد،،لابس ولا شي خلص حلوهة كافي راح ياكلوج العالم مهرة،،سكتت مااعرف شرد وشجاوب من جهة راغبة ارتبط بغيث راغبة بكل حواسي ومن جهة خايفة اخرب حياتة واذيه واتأذة مو سهلة حياتنة قائد،، تعاي تفاهمي وية خالج وكليلة موافقتج وتوكلي على الله مهرة،،طبيت وگوة احس اخطي،، اتقدم خالي ناحيتي ولزم ايدي خال مهرة،،يلا امشي للبيت نحجي هناك مهرة،،خفت من خالي ونضرتة يمكن هو حقة يعني واحد فجأة يجي يكلة اتزوجهة ومتطلع اذا مو على ذمتي شي يربكة ويخلي يتعصب،باوعت لغيث واكف يباوعلي وساكت ينتضرني اني الاقرر واتصرف نضراتة جانت تكلي انتي احجي اني العلية سويتة خال مهرة،،يلا بسرعة جيبي ابنج نروح مهرة،،خالو اني موافقة خال مهرة،،على شنو موافقة هو طلبج مثل العالم شو اجة يهدد،، متفقين انتو شنو وجاي تنطوني علم غيث،،حشا بنتكم اشرف من الشرف واني اتشرف اطلبهة منكم خال مهرة،،لعد نرجع للبيت وتعال اطلبهة غيث،،اكيد اجي اخذهة من بيتك واطلعة كدام العالم بس هسة اعقد عليهة ،،،وباجر اخذهة من بيتهة قائد،،صديقي خالة شيخ هسة اخابرة ويجيبة ويجي خال مهرة،،عمي شهالاستعجال،،مهرة عاجبج الحجي مهرة،،سكتت ودنكت قائد،،موافقة البنية دكعد عمي شوية متتأخر والله قريب بيتة مهرة،،طلع قائد يخابر واني مدنگة افرك ادية بتوتر رفعت راسي غيث گبالي عدل كاعد ويهز رجلة بتوتر ويباوعلي وبصفة ولد ينطيه شبه توقعتة اخوه مااعرف ليش خجلت منة شيگول علية ياترى صح السويتة،،،رجعت طبيت يم غصون الكاعدة بالصالة باوعتلي مبتسمة غصون،،احسن حل مهرة،،خايفة احس كلبي راح يوگف خاف خربطت الدنيا بالسويتة غصون،،معليج غيث يصفي كلشي انتي بس صيري باسمة وشوفي اليدوسلج على طرف شيصير بي مهرة،،نص ساعة تقريب وطب قائد قائد،،يلا مهرة تعالي اجة الشيخ مهرة،،كمت واحس گلبي يركض طبيت للاستقبال الرجال كاعد جان جبير بالعمر كعدت واني احس گلبي راح يطلع من صدري،،بدة الشيخ بطقوس العقد واني على نار شراح اسوي ماادري صح لو غلط الراح اسويه انتبهت لاسمي يسألني الشيخ باوعت لغيث رأسا عيوني لمعت بدموع وهو غمض عيونة واشرلي براسة بمعنى اي وفتحهن عينة بعيني وهمست نعم وانت وكيلي،،،دنكت ونزلت دموعي مااعرف شنو الشعور البداخلي ،،كملنة واسمعهم يباركون واني مااكدر انطق بحرف،،طلع الرجال ووصلة قائد خال مهرة،،يلا هسة صار الردتوه نرجع للبيت غيث،،اكيد اوصلكم بايدي وباچر الصبح اخذهة نعقد محكمة مهرة،،يحچي وعيونة علية وخالي ضايج كلش،،طبيت حضنتني غصون وباركتلي غصون،،شبيج وجهج اصفر مهرة،،راح يوكف عقلي عالصار اليوم غصون،،افرحي حبي انتي زوجة الغيث هسة حب السنين مهرة،،اي الله كريم،،طبيت اخذت حمودي الچان نايم ذاب روحة عدلت عبايتي وطلعت غصون،،الصبح اجي.وياكم مهرة،،علواه مااريد وحدي غصون،،تتدللون مهرة،،تعبتكم هواي شكرا غصون،،لج انتي اختي هسة ارتاحيت واتطمنت عليج مهرة،،بوست غصون وطلعت خالي واكف بالشارع ينتظرني وغيث يم سيارتة وقائد ومصطفى بالباب مشيت ابتعد قائد سوالي مجال انتبه غيث اجة باتجاهي و سحب حمودي من ايدي، ،همست اكدرلة عادي غيث،،صعدي ولفي عبايتج زين وانطيه الج مهرة،،اي،،رحت صعدت وهو دنك يخليه بحضني قربة وعطرة خلاني ارتبك كلش.تنهدت بهدوء انفاسي وصلت لوجهة باوع بعيني ارتبك وسحب نفسة غيث،،احم،،باجر الصبح نمر نعقد محكمة مستمسكاتج كاملة موو مهرة،،اي غيث،،خوش وحضري غراضج اخذج وراهة ،،عمي اتشكر منك هواي وسامحني اذا بدر مني تصرف مو حلو خال مهرة،،هاي هية عمي صارت مرتك هالله هالله بيهة غيث،،ان شاء الله مهرة،،طلعنة وهو ورانة بسيارتة، ،خالي طول الطريق ساكت اخر شي كسرت الصمت،،خالو زعلان مني خال مهرة،،خايف عليج مهرة،،لاتخاف خالو خال مهرة،،خالي ابني كمت اخاف منة اامن بالغريب مهرة،،اني مرتاحة لهالقرار خال مهرة،،الله يسعدج يلا انزلي محد هنا حتى البنات ببيت خالتهن مهرة،،اي،،وبگلبي اكول احسن،،نزلنة وغيث سلم على خالي ورجع اكد عليه يمر الصبح وراح، ،طبيت للبيت وخفت اصعد غرفتي فرشت بالصالة ونمت اني وابني غفيت من التعب رأسا ما فكرت احس كلش هواي على عقلي الصار اليوم،،كعدت الصبح على هوسة حمودي بس احس متكسرة باوعت بالسبعة،،وهذا شبعان نوم كمت كوة غسلت وسويت ريوك اتريكنة اني وخالي وكال اطلع للمستشفى وارجعلكم مااتأخر، ،راح خالي واني صعدت للغرفة فتحت الباب انقبض گلبي الدم تارس الكاع والجرجف اتخبلت من منضرة نزلت ركض وجبت الغراض مال التنضيف وكعدت انضف بخبال وشلت الجرجف للزبالة حشاكم والفراش ذبيتة بالسطح وطلعت جديد ورحت عالسريع سبحت وحضرت روحي وبدلت لحمودي وحضرت مستمسكاتي والفلوس العندي وموبايلي بالجنطة مالحكت الم شي من غراضي كلت يلا ورة عقد المحكمة ارجع المهن باوعت الساعة راح تصير بالعشرة نزلت جوة اني وحمودي وكعدت بالمطبخ خابرتني غصون غصون،،ها مهرة شلونج خومااحد اذاج مهرة،،لا لا اصلا محد بالبيت بس اني وخالي بتنة غصون،، جاهزة احنة بالمحكمة وغيث اجاكم مهرة،،اي بس خالي راح للمستشفئ هسة على جية غصون،،اوك دخابريه استعجليه مهرة،،اي،،سديتة منهة واستحيت اخابر خالي هسة يكول مستعجلة،،شوية ودكت غصون كالت بالباب غيث ،اي هسة يجي خالي غصون،،خووش كملنة الاجراءات وننتظركم مهرة،،بعدني احجي وية غصون ومااحس الا اندفع باب الشارع وطبت فاتن ووراهة خالي فاتن،،وينهة هالعايقة ام الولد وينهة مهرة،،طبت للمطبخ وتريد تاكلني وخالي لازمهة ويسكت بيهة فاتن،، طلع حجي ابني صدك من لازمج وية واحد ام الولد البارحة شاگة بطن ابني ورحتي لذاك ستر عليج ياادب سزز ومسويةروحج المسكينة المضلومة وانتي شيطانة مهرة،،ابنج الشيطان وناقص لان باوع لعرضة واني ما ندمانة ضربتة لو تنعاد احط المكص بگلبة فاتن،،ساق...ويطلع منج كلشي الا اشتكي عليج واخليهم يحبسوج خال مهرة،،فاتن كافي فضايح ابنج الطايح حظة فاتن،،وانتة صدكت هالادب سزز ام الولد امشي الا اشتكي عليج مهرة،،هدت علية جرتني من ايدي ومااحس الا صوت رج البيت رج غيث،،ايدج منهة لاادفنج بمكانج مهرة،،التفتت غيث بالطرمة واكف فاتن،،ها انتة سبع الزلم موو انتة الضحكت عليك هالعايقة وكتلت ابني من وراك مهرة،،اتقدم علية سحبني وخلاني ورة ضهرة غيث،،ابنج السكط لو مااخاف الله بابوه جان طلعتة من المستشفى للنجف عدل بس ابوه مالة غير هالواحد ولو هو عار وناقص بس يظل ابنة،،وهاي التحجين عليهة مرتي هسة والغيث ميرتبط غير بوحدة اشرف من الشرف وهالاختاريت هالانسانة فاتن،،مبين الشرف غيث،،غصبا عليج وعلى عشيرتج، ،اسمعي ان فكرتي تفتحين حلگج بحجاية تمسهة اجر ابنج بالمحاكم والله واكعدة للعشاير واهدر دمة سااامعة لو اعيد فاتن،،متحجي يالخال شو ساكت عاجبك الحجي غيث،،من رخصتك عمي اعذرني بس لازم ينحط حد،،وهسة اتأخرنة تجي ويانة نعقد لو اخذ البنية تعقد وحدهة لان هي بالغة ويكفي حضورهة خال مهرة،،لا عمي جاي اخذ مرتك وجاي وراك مهرة،،اخذت جنطتي ولبست عبايتي وطلعت فاتن بودهة تاكلني بس نضرات غيث خلتهة تصكك مكانهة شال حمودي وطلع واني وراه غيث،،اصعدي بسيارتي مهرة،،خاف خالي... غيث،،شكلت اني مهرة،،اي اي جفلني صوتة،صعدت وحمودي خلاه بحضني والتف صعد بصفي طلع خالي صعد سيارتة ويمشي ورانة رحنة كملنة التحليل وذني السوالف وطلعنة للمحكمة قائد مكمل كلشي وغصون تنتظرنة وياه كبل طبينة للقاضي وعقدلنة اباوع لغيث واردد كلامي وهو جامد اي تعبير ماكو بوجهة بس الصدمني جان مخلي المؤخر فد مبلغ جبير حسسني هالشي انه اني عندي قيمة غالية عليه ،،كملنة وطلعنة خالي باركلي وعيونة مدمعة ويتعذر من تصرفات وكلام فاتن همزين مصدكني هوة تشكر منة غيث وظل خالي يوصي بيه غصون،،نطلبكم غدة يلا متنة جوع خال مهرة،،اعذروني اروح للمستشفى ام علي تعبت وحدهة،،خالي مهرة ترجعين وياي تلمين غراضج لو يرجعج زوجج غيث،،اني ارجعهة عمي خال مهرة،،ماشي عمي دير بالك عليهة ترة تعبت هاليتيمة داريهة ابني وصونهة واني متأكد هية راح تصونك واعذرونة مرة ثانية عالحجي الطلع من المرة تبقة ام غيث،،ام عالحق خال مهرة،،يلا من رخصتكم غيث،،مشكور عمي تعبناك مهرة،،راح خالي واحنة طلعنة من المحكمة لكينة مصطفى ينتظرنة بالباب باركلنة بابتسامة واخذ حمودي فدوة هو طالع يخبل بالشورت والبدي وهو ابيض وهنة احمر ونيلي كابوي يخبل والشعر اسود وكالبتة الة صفح شالة مصطفى ويبوس بي شكد ارتاحيت لهاي حركتة حسيت ممكن الي مكان ولابني بنصهم كون البقية هيج طيبين، ،صعدت بالسيارة وحمودي بحضني فرحان يحب الطلعة وكل شوية وسأل حمودي،،ماما هاي شنو هاي،،ماما اين لوح(وين نروح) غيث،، نروح ناكل ما جوعان انتة يابطل حمودي،،اي جوعانة اني غيث،،هاي شنو انتة زلمة گول جوعان مهرة،،يباوعلي حمودي منطلق ومبتسم واني مبتسمة الة لان انطلق وية غيث ومااستغربة، ،نزلنة اتغدينة استحيت اكل اكلت شي بسيط والتهيت اوكل بحمودي اباوع لغيث ماشاء الله ولامبين هيج ياكل رغم رشيق بس اكلة يسوي واهس،،شوية وباوعلي ارتبكت ونزلت عيوني،كام سحب حمودي مني ورجع خلاه على رجلة ويوكل بي وكال اكلي ام حمودي مااكلتي شي استغربت الكلمة جان مينطق غير اسمي. بس كلت هاي لان الكل موجود هيج كال اكلت كم لكمة بعد وكمت غسلت وعدلت شالي غصون،،اي ادري عروس وجاية تعقدين غير تحطين لون كحل كلة اسود من فوك ليجوة مهرة،،مو هذا شالي مشجر غصون،،اي نيلي والله تغيير مهرة،،غير حزينة يا غصون غصون،،حبي اهلج الله يرحمهم راحوا يرجعهم الاسود عيشي حياتح دلعي زوجج ترة ضرتج مو سهلة وكشاخة درجة اولى لا تخليه يشرد من ايدج اشغلي كل حواسة مو بس كلبة مهرة،،تتوقعين لهسة اني بگلبة غصون،،يربي فهاوتج تدق،،اكيد برايج لوما يحبج مستعد يتصرف هيج مهرة،،اي هم كلت غصون،،همزين ،،يلا نطلع مهرة،،طلعنة شربنة جاي واني مااحبة اشرب بحمودي بالخاشوگة وصافنة ياترى حياتي الجاية شلون شكلهة،،طلعنة واتوادعت وية غصون وقائد شكرتهة وكتلهة اتشكريلي من قائد استحي اني ومصطفى هم راح وياهم ،،، صعدت وية غيث،،تمشي السيارة بغير طريق البيت همست وين رايحين غيث،،لشقتي راح تكعدين بيهة مؤقت هالفترة مهرة،،هاا وخالي وغراضي غيث،،خالج خابرتة وما مانع كال هية مرتك وغراضج خلي يولن اشتري غيرهن ذاك لبيت مالج بي طبة لحدما تطلع منة ذيج المرة وية ابنهة العار مهرة،،ماشي،،سكتت واحس مو هذا غيث الاعرفة هذا غير واحد ،،حمودي نام من التعب واني اباوع هسة نوصل وماكو وين على ماوصلنا لمجمع يخبل كلة عمارات وشقق راقية ،،وصلنة لعمارة صف السيارة ونزلنة ، ،طبينة وغيث شايل حمودي وصعدنة للشقة جانت طابق ثالث فدشي كلش مرتب ويخبل صالة ومطبخ وممر بي 3غرف نوم غيث،،هاي غرفتكم مهرة،،اتقدم جانت اخر غرفة بالممر بيهة سريرين ابو نفر وكنتور ومراية عمودية زينة مرتبة ترتيب بسيط خلة حمودي عالجرباية، ،همست شكرا تعبتك باوعلي ساكت وطلع نزعت حمودي حذائة تكرمون والحزام حتى ينام مرتاح واني نزعت عبايتي وشالي فتحتة خليتة على راسي وطلعت هو كاعد بالصالة عالتخم ،،همست وين الحمام،،باوعلي وكام كدامي يدليني غيث،،هذا الحمام وهاية غرفتي اني وذنيج الغرف وحدة الكم ووحدة متروكة وهذا المطبخ والبالكون هذا متفتحي الا للضرورة مو الكاج فاتحتة وكاعدة تباوعين مهرة،،اي غيث،،كعدتكم هنا مؤقت ارتب وضعي واخذكم مهرة،،بلعت ريك،،للبصرة غيث،،اكيد خوما اظل رايح راجع مهرة،،مبين المكان امان هنا عادي عوفنة واخذ راحتك ،باوعلي رفع تك حاجب غيث،،اي بالله مهرة،،ارتبكت،،همست مو خاف اسببلك مشاكل اذا تريد لاتكول تزوجتني عادي غيث،،صدك والله مهرة،،باوعتلة صافنة شبي كلامي غيث،،روحي غسلي لان الظاهر كمتي تخربطين من التعب مهرة،، هااا، ،صفن بوجهي ساكت واني ارتبكت كلش وركضت للحمام غسلت وجهي وادية وطلعت للغرفة كبل طبكت الباب ونزعت الفستان اللابسة وجواه لابسة شي خفيف وقصير نمت بيهن لان احس اختنكت غفيت براحة عجيبة ماادري شلون صارت واجت هالراحة بس يكفي اني واثقة بغيث، ،ماحسيت غير اذا المغرب ياذن كمت اباوع حمودي مو هنا والباب مفتوح شوية وهدوووء طفرت وخرت الغطا ولبست وطلعت ماكو احد بالشقة رجعت لموبايلي خابرت غصون غصون،،ها مهرة شلونج مهرة،،زينة غصون حبابة دزيلي رقم غيث بسرعة غصون،،شكو مهرة،،كعدت ماموجودين لاهو ولا حمودي غصون،،وين يرحون يمعودة مهرة،،دزيلياه حبابة،،صدك سدتة ورسلتلي الرقم رأسا اتصلت غيث،،الوو مهرة،،الو اني مهرة غيث،،ها ام حمودي شلونج مهرة،،استغربت الكلمة اكثر،،همست زينة بس كعدت ومالكيتكم ظل بالي غيث،،جايين شوية بعد نوصل مهرة،،اي ماشي،،سكتت شوية وهو ساكت،،همست شكرا غيث،،عفوا يلا محتاجة شي مهرة،،لا سلامتك،،ردت اكلة اريد ملابس بس استحيت منة ،،كلت اخابر غصون تدبرني بشي الي ولحمودي على ما اكدر اطلع ،،طبيت للمطبخ جان مرتب. تركي بسيط هو كل الاثاث حلو ونازك بس ناقصة لمسة انثوية يعني تحفيات ورود اشياء للمطبخ هيج سوالف ،،سويت چاي لان احس راسي يوجعني. كعدت اشرب جاي وصافنة اتذكرت اني طبكت الباب ونمت حمودي ميكدر يفتحهة يعني هو طب اخذ حمودي واني شجنت لابسة عزة بس لا مبين مني شي احس صخنت من الفكرة هااي شلون احط عيني بعينة اذا شايف شي اووف يجوز جنت متغطية كمت غسلت الكوب ورجعتة وكمت استكشف بالمطبخ وانفتحت الباب وطب حمودي ركض يصيح ماامااا رحت عليه مبتسمة حمودي،،شوفي هاية مهرة،،مشتريلة غيث لعبة على شكل طيارة وهو مكيف، ،بوستة وكتلة كلت شكرا لعمو حمودي،شكنن عمو غيث،،تتدلل حبيبي،،هذني الكم كم شغلة على ما تطلعين تاخذين التحتاجيه مهرة،،ليش كلفت نفسك غيث،،انتي مرتي يعني مسؤليتي خلي هالشي ببالج منا ورايح شتردين تطلبين مني مهرة،،الله يرزقك ويديمك،،طببت العلاليك للغرفة جايب لحمودي ملابس بيت والي دشاديش ثنين وتراك وعلاكة صغيرة فتحتهة ملابس داخلية عززة احس الحرارة كبت بوجهي شلون اشتراهن ذني والامر القياس مضبوط ردت ابجي من الفشلة وعطر ومعطر وفرشة اسنان فتحت الدشاديش وحدة نيلي ووحدي بنفسجي طوخ والتراك هم نيلي ماكو وياهن شي اسود ما بنفسي والله ولايهونلي اذبة الراحوا مو شوية رجعتهن للعلاكة وكلت اظل باللي لابستة وباجر اخابر غصون طلعت اخذت حمودي اللايص روحة حلويات وكاكاو غسلتلة وبدلتلة بتراك جديد مشطتلة وحطيتلة من عطري طلع يقدح عزلت الغراض بالكنتور وطلعت لكيت غيث متمدد عالتخم وحمودي يلغي يمة وهو مبين نعسان وتعبان اجيت سحبت حمودي بهدوء فتح عيونة غيث،،عوفي مامسوي شي مهرة،،خاف ميخليك تنام غيث،،عوفي عوفي مهرة،،رجع غمض وغفة جبت غطا وغطيتة ودخلت للمطبخ اعزل بالمسواك الجابة عزلت ورتبت المطبخ ورحت كعدت بالغرفة اصلي وحمودي يمي يلعب تقريب ساعة واندك الباب طلعت سمعتة يكلة دطب مصطفى مصطفى،،لا قائد جلب بية ارجعلة عازمني عالعشا عود ابات هناك شيرجعني مهرة،،طلعت هو خلة بالمطبخ علاليك وطلع باوعلي كال هذا عشا ،، همست بصوتي الناصي تتعشة هسة غيث،،هاا مهرة،،تتعشة هسة غيث،،بس بين مااسبح مهرة،،دخل لغرفتة بيهة حمام سبح وطلع حضرت العشا وكمت انقل بي لميز الطعام بالصالة اجة هو وياية ينقل بالعشا،،كعد وسحب حمودي عالكرسي البصفة اني بالمطبخ وكفت اخبط لبن صاح هو غيث،،يلا ام حمودي راح يبرد مهرة،،كلة هيج يصيحني ابد مينطق اسمي،،كملنة العشا وراد چاي سويتلة ولميت المطبخ اجة يشرب چاية وكف بباب المطبخ غيث،،شعجب ما بدلتي ما عجبنج مهرة،،لا والله حلوات بس الوان وسكتت ودنكت غيث،،طوخ جبتهن ترة مهرة،،هسة البس وحدة غيث،،براحتج بوية بس كلت الحزن مو بلون معين المعزة والحزن والاذية والقهر كلهن ينحبسن بالگلب وما يطلعن بعد مهرة،،باوعتلة كانما يقصد غير شي تنهد وطلع من المطبخ راح لغرفتة وطب وراه حمودي مكيف عليه صحتة وكال عوفيه مامسوي شي، ،رحت اخذت ملابس وطبيت اسبح لبست الدشداشة النيلية حلو مرتبة بس ضيكة لان فانيلة هاي التركي فلازكة من مكانات واني عندي تقاسيم محددة بدلت البنفسجي بعد اضرب انوب بيهة فتحات من الصفاح لبست التراك قصير قميصة رجعت للنيلية هستوني امشط وصوت شي قوي انكسر وحمودي عاط ركضت بلا وعي طبيت لغرفة غيث بدون ماادك الباب حتى لكيتة كاسر مراية عمودية وغيث شايلة وهو فحطان بچي خايف اتقربت اخذة وهو ذب روحة علية اخذتة اسكت بي وغيث وراية يفتر غيث،،جيبي اطلعة للبالكون مهرة،،راد ياخذة وهو مچلب بية، ،اطلعة اني غيث،،اي خوووش شكو بيهة مهرة،،هسة البس شال غيث،،لا لا عادي اطلعي هيج مهرة،،هز ايدة وسحب حمودي وطلع، ،شبي لبسي ردان مو قصيرة وشالي البسة اباوعلة من ورة الجام سكت حمودي ويباوع للشقق المقابيلنة نشرة ضوئية معلگين اتطمنت سكت رحت الم بالكزاز لميتة وكنستة ورجعت جبت وصلة وامسح بالكاع خاف اكو ناعم مدنكة امسح وحسيت انطخيت بي كمزت التفت هو شايل حمودي وارتبك من باوعتلة غيث،،احم،،عوفي لا تنجرحين مهرة،،لا كملت محتاج شي بعد غيث،،لا لا شكرا مهرة،،شكرا تعبناك، ،تصبح على خير اخذت حمودي وياي وسديت الباب غسلت لحمودي واغسل بوجهي احس حرارة تطلع منة رحت للغرفة كملت شعري وخليت حمودي بحضني وهو يغفي واني استذكر بالصار اليوم هاي هيج قربة مني يتعبني شلون بكلبي اليموت عليه وشلون بكلبة الحاقد علية من الصار والسويتةلازم نكعد ونتفاهم واكلة عالصار ،،،بافكاري غفيت كعدت الصبح سويت ريوك اتريكت اني وحمودي ونضفت الشقة ولمعتهة رجعت رشيت بيهة عطر لان ماعندي معطر ارضيات لو بخور كلت اوصي شمحتاجة وكفت اطبخ وهو طلع من غرفتة يحجي بالموبايل ويلبس بتيشيرتة غيث،،رشا شبيهة امي احجي بسرعة، ،،يتبع | ||||||||
|
| |
|
13-04-20, 04:31 AM
| #15 | ||||||||
| مراقبة عامة ومشرفة منتدى الروايات المنقولة
| #اول_الغيث_مهرة فيد عبدالله #بارت١٣ مساء الورد يا ورد شلونكم اعتذر جدا عالتأخير اليوم صايمة وكوة كتبت والله،،صيام مقبول وينعاد علينة والله زايح هالغمة عن الامة كلهة ومتحققة كل امانيكم، ،متابعة طيبة البارت الثالث عشر فيد عبدالله مهرة،،وكفت بباب المطبخ اباوعلة انخبص سدة ورجع يتصل،،اتصل واسمعة يحجي مخبوص غيث،،طارق شكو شبيهة امي ،،شو خابروني يكولون متخربطة،،دتأكد شو حباب وردلي خبر مهرة،،سد التلفون ومبين قلق،اتقربت خطوتين وسالتة خير خوما اكو شي غيث،،مااعرف امي شبيهة مهرة،،اهدة ان شاء الله ماكو شي، ،ركضت جبتلة مي بارد شربة كلة غيث،،رحم الله والديج مهرة،،ووالديك ماكو شي ان شاء الله،،كعد عالتخم ودك موبايلة كام رد غيث،،ها طارق بشر شبيهة الحجية،،صدك والله متأكد مابيهة شي ،،ماشي ماشي هاي هية مهرة،،سدة ورجع خابر وطلع بالبالكون اسمعة يصيح ويحجي بانفعال عرفت هاي سوالف مرتة ذيج مبينة مو سهلة ابد هاي شلون اروح واكابلهة بعدهة متدري بية وهيج تألف افلام لو درت بوجودي يمكن تحرگني ،،طبيت اكمل الطبخ شوية وسمعتة طب غرفتة. كملت الغدة وحمودي ملتهي بالتلفزيون وهو ماطلع من غرفتة خفت اروح ادك الباب عليه يجوز رجع نام يجوز يريد يرتاح رحت حضرت ملابس وطبيت اسبح وغسلت الجنت لابستة كلت تنشف وارجع البسهة لان استر طلعت بالغرفة امشط واسمع حمودي يدك بالباب عليه ويصيح عموو ركضت سحبتة،،عيب ماما تعال عمو يريد يرتاح اجاني صوتة غيث،،عوفي تعال حمود مهرة،،عفت ايد حمودي وهو راحلة دخلت للغرفة وخرت الخاولي ورجعت امشط بشعري وشلتة ولو كلة اضفرة جنت لان كلش طويل بس كدامة شو استحي بس هم ما ردت اظل لابسة الشال لان هو زوجي بعد فجنت اشيلة والفة كلة طلعت واسمع حمودي يضحك والله حمدت ربي ونزلت دموعي ساعتهة ودعيت الله يخلي غيث ويعوضة عن حنان الاب وميتغير ابد وياه،،غسلت وجهي وكفت اصب بالغدة كملتة ورحت دكيت الباب هو مفتوح بس استحيت اطب صاح هو غيث،،تعالي مه... ام حمودي تفضلي مهرة،،الغدة جاهز غيث،،ها رحم الله والديج جان جبت من برة مهرة،،لا عليمن الثلاجة خير من الله وطبخت،،اتغدينة وصبيتلة چاي ارتب بالمطبخ واجة وكف بالباب غيث،،العصر حضريلي حمودي يروح يسلم على بيت جدة مهرة،،وكع الماعون من ايدي باوعتلة مصدومة،،شنو يا بيت جد غيث،،ابو ابوه يابيت جد بعد شكم جد عندة هو مهرة،،لافدوة وين ماخذة تريد تحرمني منة ونزلت دموعي غيث،،شبيج بابا منو يتجرأ ياخذة منج بعدين اروح وغصبا ماعليهم اكللهم تزوجتج مو الغيث ليسوي شغلة بالسر وبالخوف اطب بنص عينهم واشوف بيهم رجال يوكف بوجهي مهرة،،خفت كلش وكمت ابچي واشهك ،،حباب عوفة مو الا يدرون همة محد سأل صار كومة المن جايبين مشاكل لروحنة غيث،،لان اني اعرف بالاصول والاصول تكول يدرون حتى لااحد يحقني بشغلة بعدين مهرة،،مااگدر اخاف والله اخاف وزدت بالبچي اتقرب علية لزمني من ايدي وعيونة تجدح نار غيث،،من شنو تخافين وانتي مرتي هاااا الظاهر لهسة ما عرفتي انتي بيمن ارتبطتي مهرة،،اعرف بس غيث،،كلش واثقة بية مبينة مهرة،،هد ايدي وراح للغرفة ركع الباب وطب واني اتخبلت بالبچي ليش يريد يفتح ابواب مسدودة غسلت واخذت حمودي وطبيت للغرفة حاضنتة وابچي من جهة خايفة عليه ومن جهة غيث عندة حق مالازم يخليهم يحقونة بشي وهو مامسوي غلط غفيت واني اشهك فزيت على صوت غيث يحجي وية احد كمت فتحت الباب اسمعة يخابر بمصطفى ويگلة مرلي انتة وقائد نروح لبيت جد محمد، ،يعني بعدة مصرر طلعت للصالة باوعلي ودار وجهة ساكت، ،راح تاخذة غيث،،المغرب يمج هوة بعد ،،ما صدكتيني عاد مهرة،،خجلت من كلامة رحت غسلت وجهي وكعدت حمودي وغسلتلة وبدلتلة وبدلت بالفستان لان مستور ولفيت شالي لان سمعت الجرس يدك طلعت قائد ومصطفى بالصالة كاعدين، ،همست السلام عليكم ما ردوا شبيهم ذولة باوعلي غيث وحجة بصوت غيث،،بوية تشاورين روحج علي صوتج مصطفى،،هلا اخيتي اعذريني ماسمعت قائد،،اهلا ام محمد اعذرينة يابة غيث،،يلا يابطل تعال مهرة،،اجة شال حمودي باوعتلة عيوني مغوركة موبيدي اخاف عليه رفع تك حاجب غيث،،يجوز الولد هنا عشاهم مهرة،،اي هلا بيهم،،دير بالك عليه غيث فدوة اشر على عيونة غيث،،بعيوني بعد مهرة،،ابتسمت بوجهة،،الله لايحرمنة منك غيث،،احم،،فيمالا حمودي،،باي ماما مصطفى،،هلا بابن بغداد،،لك كول مع السلامة فيمالا مو هالتنعوص هههههه غيث،،صفاوي عوفة اني اعلمة انتة تخربة معليك مهرة،،طلعوا يتشاقون ويضحكون وحمودي يسويلي بااي،،سديت الباب ونزلت دموعي موبيدي اخاف ضليت كاعدة واحس كاعدة على نار لااكدر اخابر والح عليه ولااكدر اصبر وانتظر رحت كملت شكو شغل عندي ورجعت اقرة قران وادعي ربي تعدي بخير خايفة عليهم ثنينهم للمغرب واذن وهمة ماكو وكفت اصلي ودموعي تصب كملت وكعدت اسبح وادعي وحسيت صوت الباب ينسد ركضت وحمودي كدامي يتدعبل طب حضنتة وابوس بي احس روحي رجعتلي طب غيث وحدة محد وياه من الولد غيث،،وهذا ابنج رجعتة لحضنج مهرة،،شكرا حضنت حمودي مبتسمة،،وين الولد احضر العشا غيث،،مشوا ماقبلوا يجون،ماراح تسألين شصار هناك مهرة،،اهم شي رجعتلي ابني هاية ماانساهة ابد غيث،،اني هم مااكدر انسة من عفتيني واختفيتي،،من غدرتي ودرتي ضهرج ورحتي مهرة،،بلعت ريك ونزلت حمودي، ،روح ماما العب جوة غيث،،ليش هيج سويتي بينة مهرة،،متعرف شصار بية غيث،،اششش اشش لا تگولين ابني واهلة ،،اهلة ذولة نفسهم هسة وديتة بايدي ورجعتة بايدي الهم بس شافوا سلاحي بخصري سكتوا بدون مااسحبة اصلا،، بزمختين صاروا يوصوني بابنهم اتمنيت رجال يطلع بيهم يوكف بوجهي حتى عالاقل اعذرج اكول خافت من رجال بيهم لج ليش مهرة،،لزمني من جتافي وهزني حيل ويحجي وهو مشتعل نااار كبرة،،نزلت دموعي ،،والله خفت مااشوفة بعد وهددوني حتى باخوي غيث،،لج كلما اتذكر اشتعل نار وتالي تصرفج وين وصلتي من عفتي المشتريج بروح منو الحافظ عليج وصانج محد المنج وبيج راد ياكلج ولو اخاف الله بابوه جان دفنتة، تدرين ضعفج هذا شيثبت مهرة،،باوعتلة وكوة اتنفس غيث،،يثبت انتي عمرج ما ثقيتي بية لو واثقة واحد بالمية جان عرفتي انه ابنج اطلعة الج من حلك السبع واحطة بحضنج اني زعلت امي لخاطرج وانتي بعتيني كلش رخيص مهرة،،دفعني واخذ غراضة وطلع كعدت عالتخم ارجف وابجي احس حتى كلبي يرجف كلامة وجعني حيل،،الله لايوفق الجان السبب صدك دعيت من كل گلبي بكدمااذوني وحرموني سعادتي عشيت حمودي ونومتة من وكت واني ضليت ابچي احس الشهكة تطلع من نص گلبي عرفت ساعتهة انه اني خسرت حب غيث وتقديرة الي وهالشي دمرني وجع لان احبة مو بس احبة اعشقة واتنفس حبة اخر شي غفيت واني اشهك شكد مر ضيم علية شيحمل گلبي بعد مافزيت الا على دكة الباب الصبح من وكت كمت واحس كوة افتح عيوني يوجعني كلش، لفيت شعري وفتحت الباب غيث بوجهي غيث،،هاي شبيهن عيونچ مهرة،،دنكت عرفت مبين باچية هواي،،مابيهن غيث،، اني راجع للبصرة مهرة،،فزيت لحجايتة باوعتلة ونصيت،،براحتك غيث،،دير بالج. علئ نفسج وابنج وشتحتاجين خابري غصون وصيتهم اني اكو مصرف خليتة عالميز بالصالة نزلي وية غصون شمحتاجة جيبي واذا ما كفن اخذي منهة واني انطيهة من اجي مهرة،، باوعتلة واني ميتة قهرر، تتأخر غيث،، ارتب وضعي ومكان كعدتكم واجي حتى اخذج مهرة،،عوفني هنا اريحلك مااستاهل تخربط حياتك عالمودي غيث،،هو اني خربطتهة بيوم الدخلتج گلبي مهرة،،عافني وطلع واني دموعي رجعت تصب ماكدرت انام احس مخنوكة كعدت فتحت قران وفتحت الشباك شوية اتنفس هوة اختنكت كلش رجعت فرغت حرگتي بالتنظيف ما رفعت راسي الا وحمودي يصيحني رحت غسلت وسويت ريوك اكلت شي قليل ورجعت سبحت حمودي وسبحت لبست الترك الجابة وغسلت الملابس رتبت المطبخ باوعت الساعة بالوحدة تقريب رحت للتليفون اخابرة لو لا، ،تالي كلت مو عيب مااسأل عليه شما يسوي ابقى احترمة واعزة واحبة كافي السواه علمودي،،خابرتة دك مرتين ورد غيث،،الو ها ام حمودي شلونكم مهرة،،الحمدلله،،وصلتوا غيث،،بعد شوية ونوصل مهرة،،طريق السلامة انطيني خبر يظل بالي غيث،،ان شاء الله العصر.تمرلج غصون اطلعن سوة ورجعوا من وكت مهرة،،خليهة غير يوم تعبانة اني اخابرهة ونتفق غيث،،ماشي براحتج مهرة،،الله وياك،،وبكلبي اكول الله وياك ياروح وگلب مهرة،،سديتة وخابرت غصون غصون،،هلا بالعروس الجديدة مهرة،،هههه والله مصدگة روحج غصون،،شكو ليش مو عروس مهرة،،اني وانتي نعرف ليش تزوجنة اني وغيث بعد عليمن نعتبر زواجنة مثل اي زواج غصون،،شقصدج يعني زعلان لهسة مهرة،،اي وهواي ومااتوقع ينسة ويسامح خاصة بعد مااخذ حمودي لبيت جدة وشافهم شكد جبناء وحقراء اجة صاير نار غصون،،ميخالف انطي وكت هم حقة ترة مهرة،،كل الوكت الة واذا ما سامحني عادي هاي مشاعرة بعد مالي سلطة عليهة وشهكت ابچي غصون،،ياعيوني انتي كافي والله هسة يبرد ويرجع مهرة،،ان شاء الله مالي غيرة بعد ،،بقينة نسوالف وحجتلي من غيث والولد رايحين شلون ريسان وعمي ساكتين ومقتنعين لعد ليش كسرتوا بختي من الله يطلع حوبتي بيكم ان شاء الله سديتة منهة بعد مااتفقنة تمرلي باجر،هستوني سديتة ودك غيث غيث،،صار شكد اتصل بيج ومشغول شكووو مهرة،،ماكو خابرت غصون والله غيث،،الف فكرة اجتي ببالي صارلي شكد اتصل ردت اتخبلل وارجع لبغداد مهرة،،اسفة والله،،سمعتة تنهد غيث،،احنة وصلنة مهرة،،الحمدلله عالسلامة غيث،،قفلي الابواب زين وشيصير خابري الحماية بالبوابة مهرة،،لايظل بالك امان مبينة غيث،،ليش لوماادري امان اعوفكم بس ميخالف الحرص واجب مهرة،،ان شاء الله غيث،،يلا محتاجين شي مهرة،،لا سلامتك،،بعدة ما سادة واسمع صوت بنية تتماوع، ،هلاووو حبيبي،،سدة رأسا واني احس اشتعلت بنار هية زوجتة واحق بي مني بس مو بيدي اشتعلت من اتخيل قربهةمنة حنانهة وعاطفتهة الي تظهرهة بلا قيود والامر واصعب من اتخيل يبادلهة هالشي مو بايدي والله موبايدي هو عقلي هيج شسوي كوة كدرت اطفي نار گلبي حضنت ابني حيل ونمت كعدت المغرب فتحت قران وصليت اتعشينة اني وحمودي من وكت وبقة الليل الشطولة شيخلصة انوب شبعانة نوم ضلينة عالتلفزيون بالوحدة تقريب نعست وحمودي بحضني مطفي سمعت صوت بالممر البرة فزيت ما متعودة ابات وحدي ابد بس طمنت نفسي امان وماكو شي اتأكدت من الاقفال ودخلت للغرفة قفلتهة وكوة نمت اذا سيارة برة تفوت افز وخاصة احنة قريبين على شارع حيوي متتوقف بي السيارات طول الليل والنهار،،،ثاني يوم اجتني غصون وطلعنة اني وياهة اشتريت شمحتاجة وشناقصني الي ولابني ملابس بيت وطقم للطلعة لابني والي الوان وحذاء وجنطة وشالات وكم قطعة مكياج طبعا ذني غصون تلح بيهن كالت اذا ترحين للبصرة اريدج كاشخة اقوة شي متدري اني ميتة خوف واتمنى ابد مااروح هناك فتت لمحل ويبيع تقليد للذهب لفت نظري الخواتم والحلقات غصون،،قيسي وحدة مهرة،،هااا،،مو احسن البس بعد غصون،،اكيد هاج هاية نازكة على ايدج مهرة،،قستهة فيت جانت ساادة كلشي مابيهة لبستهة ابتسم ،،كملنة ورجعنة بعدما هلكنة من الفرة كومة مشينة وصلتني غصون وجلبت بيهة عالعشا كالت اخابر قائد يجيب حسوني ويجي صدك ماكال خطية جابة واجة وتعشينة سوة قائد طبعة كلش شقة وضحك بالعشرة راحوا قفلت الباب وراهم ودخلت للغرفة بدلت بشي مريح فتحت شعري وضفرتة دك موبايلي باوعت هو احس گلبي كام يركض رديت بلهفة،،الوو غيث،،السلام عليكم شلونج ام حمودي مهرة،،الحمدلله زينة انتة شلونك غيث،،الحمدلله مهرة،،تنهد وصوت الجداحة وصلني، ،همست اكو شي غيث،،كلت لامي اليوم مهرة،،بلعت ريك، ،اي غيث،،ماكالت شي كالت هذا قرارك وانتة تحمل نتيجتة مهرة،،يعني ما متقبلة وجودي مو صح غيث،،من تشوفج راح تحبج مهرة،،سكت واخاف اسال،زين وزوجتك عرفت غيث،،لا مو هسة اكللهة اكمل مكان كعدتكم واحجي قبل مااجيبج مهرة،،ورطتك موو اسفة والله غيث،،اني رجال واتحمل نتيجة كل فعل يبدر مني ماندمان اتزوجتج مهرة،،شما اسوي بحقك قليل اوفي السويتة الي غيث،،ههههه مشكور سهمك وصل مهرة،،سكتت مقهورة من نبرة صوتة وكلامة غيث،،اخذي راحتج عيني اخذي راحتج ام حمودي، ،،ااااااه مهرة،،دير بالك على نفسك. لا تاذيني بيك ترة محد بقالي غيرك ،،كلت هالجملة تنهد هوة وكال ان شاء الله سديتة حضنت ابني حيل وكمت اغفي شي بية يريد قربة بس قربة كافي والله كلش مااريد منة،،عدت عشر ايام على زواجنة وخابرني بيوم بالليل كال حضري غراضج باجر بالليل اجي وثاني يوم نروح للبصرة. ماادري ليش خفت كلش رغم راح اصير يمة بس خايفة من امة ومرتة واهلة كلهم شلون لو ما تقبلوني وين اروح بروحي ،،حضرت غراضي بجنطة من غصون همزين مشترية كلشي ممكن احتاجة ورحت نضفت وجهي ورتبت اطراف شعري ماعندي شي حضرت الجنطة من الصبح كلت حتئ ماعندي شي نضفت الشقة ورتبتهة ولو راح اشتاقلهة حبيتهة كلش والمكان راقي وهادء ان شاء الله الجاي احلى تغدينة ونمت اني وحمودي كعدت العصر دكيت على غيث اشوفة جاي بعدة لان كال اكمل شغلي واجي العصرية يعني لليل كلش يوصل يطلعلي مغلق رحت غسلت وجهي وشلت نص شعري بالكماشة وعفت الباقي نازل مكسر من الضفيرة طبيت للمطبخ سويت كوب نسكافيه. كعدت اشرب بي بالصالة كملت وكمت غسلت الكوب واكفة عالسنك ومااحس الا صوتة وراية غيث،،مساء الخير مهرة،،عززة طفرت طفرة احس گلبي وكع بالكاع من الخرعة كمت ابچي مثل الجهال والله غيث،،هاي شبيج يمعودة مهرة،، حجيت منفعلة شوكت اجيت انتة غيث،،من الظهر وانتو نايمين بخت الحرامي يطب براحتة مهرة،،انتة غير عندك المفتاح وفتحت الباب،،احجي ومسح بدموعي وهو مبين الضحكة كوة كاتمهة غيث،، كافي يمعودة. لو ادري ما جاي مهرة،،لا. بالعكس هلا بيك بس كمزتني غيث،،امم كعدتني ريحة كهوة مهرة،،نسكافيه تريد غيث،،اي شي مصدع من الطريق اريد اصحصح مهرة،،اي هسة شو ظل واكف يباوع علية انتبهت للابستة دشداشة قصيرة وربع ردان لونهة زيتوني طوخ وشعري مفتوح يمكن اول مرة يشوف طولة،،،بس بس ابدل غيث،،احم،، اي براحتج مهرة،،ركضت للغرفة بدلت بشي طويل ومستور ورجعت حضرتلة نسكافيه كعد بالصالة يشرب باوعلي غيث،،هذا ما كعد مشتاقلة مهرة،،ابتسمت لكلامة،،اكعدة الك غية،،لا خليه خطية،،ام حمودي احنة بسلامة باچر رايحين للبيت من هسة اكلج يجوز مو الكل راح تشوفين مكيفين لجيتكم بس اني متأكد راح من يعاشروج يحبوج،امي اريدج تعامليهة بكل احترام ولو اني اعرفج انتي شنو بس حتى لو صار موقف بيناتكم اتجاوزيه لخاطري وسكتي وتعاي كليلي اني الاخذ حقج بس لا تنطين لزمة عليج لاحد خليهم يكولون صدك غيث يا زين مااختار مهرة،،ان شاء الله تتدلل والله اني مااريد شي غير يحبوني واحسهم اهلي عيث،،ان شاء الله،،اما بالنسبة لرشا هية هسة ببيت اهلهة الي هم بيت خالي من ترجع مااريد بيناتكم مشاكل حتى لو هية عصبية انتي العاقلة الجبيرة واذا صار وتجاوزت هم تجين تكليلي باي تصرف خليني كبال عينج ،،اني هاي ثاني مرة اتحدة الكل بيج لا تخليني اندم مثل اول مرة ابد لا ترجعيني لذاك الغلط مهرة،،ابد ما راح اسويهة اني لخاطرك مستعدة اتحمل كلشي مثل ماانتة بكل طاقتك تحاول تريحني اني راح اسوي كل جهدي انه ترتاح غيث،،سكنكم راح يصير بنفس بيتنة رتبتلكم المضيف الجان برة حولتة مشتمل زغير الكم علما اشوف بيت مرتب وقريب مهرة،،ماكو داعي تكلف نفسك غرفة كافية والله غيث،،ميخالف اريحلكم هم عندج طفل شنو ذنبة ينحبس بغرفة مهرة،،سكتت مااعرف هالانسان شنو وشلون ضيعتة من ايدي شلون ما وثقت بي ومشيت وراه واني مغمضة. شكد اتمنى عندي الجرأة واوكف اعتذر منة واكلة نبدي صفحة جديدة نعيش براحة وهدوء بس استحي منة اطلب حياة كاملة وياه يجوز مو حقي هالشي خليني مقتنعة بقربة هيج كلش كافيني والله ،، لليل اجوي بيت قائد تعللوا يمنة وراحوا ودعت غصون بدموع جانتلي اكثر من اخت وكفاتهة حلوة ومتنسي هية وقائد، ،ثاني يوم من الصبح كعدت حضرت الريوك رتبت الشقة بدلت لحمودي وبدلت رتبت شكلي وخليت مكياج خفيف كملنة وطلعنة واني طول الطريق افكر شلون راح يكون اللقاء شلونهم اهلة. وكلما نقترب معدتي تنعقد خوف ورهبة هو ساكت طول الطريق واني هم وحمودي ينام ويكعد الطريق شطووولة طلعت روحي الظهر كلش يلا وصلنة دخلنة المنطقة مرتبة كلش وهو يأشرلي،،هذا بيت عمتي هذا بيت عمتي الثانية هذا بيت عمي هذا بيت طارق اخوية البيوت ماشاء الله واخر شي بيتهم دك هورن اجة ولد شاب فتح الباب بابتسامة مهدي،،هلا بالغيث نورت البصرة غيث،،لك لو تموت ماابدل السيارة مهدي،،شدعوة كلهة عبالكم مصالح مهرة،،طبب السيارة الكراج صافات بي سيارات ثنين وسيارتة الثالثة باوعلي بحنية يطمني غيث،،يلا نزلي ام حمودي مهرة،،اي ،باوعت شكلي مرتب زين رشيت عطر عدلت شالي ونزلت حمودي ونزلت عدلت عبايتي مهدي،،ياهلااا بمرت الغاالي هلا بحمادة والله كال مصطفى حلوين وبغدادين مبينين هههه غيث،،مهدي نزل الجنط مهدي،،حاضر بابا مو البنغالي مالتكم مهدي مهرة،،ابتسمت شكد طبعة حلو،،شال غيث حمودي ولزم ايدي بقوة حسيت بهالتصرف انطاني قوة رهيبة، ،طبينة سوة من المطبخ اتلكتنة مرة جبيرة بالعمر وجهة محبوب كلش ام خضر،،هلا هلا خالة غيث مبارك يمة غيث،،يبارك بيج خالة ام حمودي هاي خالة ام خضر شمعة البيت ام خضر،،فدوة لقلبك ابني الله يحرسك مهرة،،شلونج خالة ام خضر،،هلا يبعد خالتج ماشاء الله وصلاوات غيث،،تعالي ام حمودي تفضلي هذا بيتج مهرة،،علة صوتة لهالجملة ودخلنة للصالة رأسا ،وماشاء الله عائلة جبيرة كلهة متجمعة بنات واولاد واحفاد ارتبكت لشوفتهم وهمة بقوا يباوعون علينة شي بلطف وشي بحقد شي بابتسامة وشي باشمئزاز بس الي مطمني لزمة ايد غيث الي بقوة وشايل ابني عبالك حصن يحميني من كلشي غيث،،ام حمودي هاي الوالدة اتفضلي سلمي عليهة مهرة،،اتقدمت بخطوات متصنعة القوة اني وكعبي اليطكطك كوة ثبتت ما اخذت زلكة بي جان يا فشلة الفشلة وصلت يمهة وهي تباوعلي بنضرات باااردة دنكت سحبت ايدهة الجانت شابكتهن فوك العكازة الي بايدهة بست ايدهة وكتلة شلونج خالة متأملة تنفتح صفحة جديدة وننسى كل الصار واعتبرهم اهلي ويعتبروني بنتهم، ،،،يتبع | ||||||||
|
| |
|
13-04-20, 04:32 AM
| #16 | ||||||||
| مراقبة عامة ومشرفة منتدى الروايات المنقولة
| #اول_الغيث_مهرة فيد عبدالله #بارت١٤ مساء الورد يا ورد،شلونكم، اخباركم،،تفاعلكم ميسوي واهس ليش حبايبي 😥، ،اتمنالكم متابعة طيبة البارت الرابع عشر فيد عبد الله ام غيث،،اهلا وسهلا مهرة،،حجتهة ببرود بس عالاقل ردت،،رجعت بنية تقربت مني وحجت بابتسامة ميساء،،اهلا وسهلا اني اخت الغيث مهرة،،جانت لطيفة بشكل وتنحب والصغيرة هم اتقربت سلمت اسمهة حوراء اما الوسطانية وسناء فمن بعيد حجت وسناء،،اهلا مهرة،،بيج حبيبتي ريام،،اهلا وسهلا اني زوجة طارق مهرة،،جانت حبابة ودمهة يخبل الولد حبابين وطبيعين جدا بس ام غيث ووسناء ما طايقيني. خاصة وسناء كعدت شوية بس احس كلهة تراقب حركاتي عبالك جاية من الفضاء انوب اني ضايعة بنصهم كلهم ماشاء الله ضخامة وطول واني جني قوطية بيبسي بنصهم ههههه حتى حمودي مستغرب الاجواء وهااادء بحضني كاعد ام غيث،،شوكت توفوا اهلج كال غيث ما عندهة احد مهرة،، رفعت عيني باوعتلهة،،صار سنتين، ،وان شاء الله اهلي انتو باوعت لغيث ابتسم وساكت ميساء،،ان شاء الله حبيبتي ام غيث،،ماما غيث البنية مبينة تعبانة اخذهة ترتاح مهرة،،عبالك اجاني افراج من كالت هيج رغم كلامهة يدل انه ما حابة وجودي ببيتهة بس احسن خل اشرد غيث،،اي والله حجية تعبنة من الطريق ام غيث،،راح اخلي ام خضر تجيبلكم الغدة غيث،،لا حجية دايمة تغدينة بالطريق، ،يلا يا بطل شو تعال مهرة،،سحب حمودي مني واني كمت عدلت عبايتي واباوع لام غيث بودهة تاكلنة اني وابني الشالة غيث وباسة ،،من رخصتكم طلعنة من المطبخ للممر البصفة مشينة لاخر البيت وانصدم بالجمال الكدامي البيت يطل عالشط سياج بناء ومنة للشط بعد غير منظر يخبل الحديقة الورة البيت جنة بالورود والثيل والاشجار والشط كبالهة شي يخبللل ركضت عبالك طفلة عالمي اباوع مكيفة غيث،،عجبج المنظر مهرة،،يجننن بس الهوة يريح الاعصاب غيث،،اتفضلي رتبت هذا المضيف الكم جنة خاليه للكعدات الصيفية اللاهل لو نلتم فرتبتة الكم مؤقت مهرة،،جانت باب تنفتح على صالة صغيرة بيهة نص تخم وتلفزيون وعاليمين المطبخ زغير ومرتب بي كاونتر وسنك ابيض ووردي وطباخ وثلاجة ومفتوح عالصالة وعاليسار باب على غرفة النوم وبداخلهة حمام وغرفة تركية هاي الاقتصادية لونهة ابيض وسرير لحمودي ،، الغرفة شباكهة من يفتح. المنظر عالشط گبل رغم اكو مسافة بينهة وبين السياج غيث،،ها هاي هية مهرة،،عاشت ايدك يخبل غيث،،شتحتاجين نواقص كليلي انتي رتبي براحتج بعد مهرة،،هاي هية عاشت ايدك كلة مرتب،،باوعلي وايدة ورة رگبتة ووحدة بجيبة غيث،،راح انام هنا مهرة،، دنكت وحجيت،،براحتك بيتك وين ميعجبك نام غيث،،ماشي اجيب الجنط واجي مهرة،،بكيفك راح واني بقيت فاتحة الشب واباوع عالمي غيث،،هيج عجبج المنظر مهرة،،التفتت هو بالباب وشايل الجنط،،رحت عليه وسحبت من ايدة جنطة،،همست شكرا غيث،،انتي مرتي بعد وكلشي اسوي ال واجب علية مهرة،،الله لايحرمني منك كلتهة وعيني بعينة اريد يحس شكد احبة بس هو دائما يصد نضراتي ويتحاشاهة،،اخذت ملابس لحمودي غسلتلة و بدلتلة وهو طب سبح وطلع كبل ذب روحة عالجرباية ونام خليت حمودي بمكانة وطبيت سبحت لبست تراك قميصة عريض شوية،،طلعت حتى شعري مالي خلك امشطة من التعب والنعاس لفيتة بالمنشفة و اجيت اريد انام باوعت ماكو فراش بس لحاف واحد بالجيس ديلا شهالورطة باوعت غيث غافي بسابع حلم ونايم عالجرباية عالطرف رحت على كيفي طلعت اللحاف الثاني ونمت على الطرف كلش وتغطيت لفلفت روحي ونمت راسا من التعب حسيت واني غافية حرارة تضرب برگبتي رجعت اغفي من التعب احس فاقدة وسمعت صوتة يهمس يم اذني وانفاسة الحارة توصلني هادئة غيث،،ريحتج تخبل مهرة،،فزيت من حسيت ايدة تتجول على جسمي ،،متغطي وياية بنفس الغطة وحاضني حيل ابتعدت من يمة وگلبي يرجف شعور مااعرف اوصفة هو حس فتح عيونة واني واكفة بصف الجرباية اباوعلة وكوة اسيطر على انفاسي احس روحي بحلم غيث،،مساء الخير،،شبيج تباوعيلي مهرة،،متأكدة حس بالصار بس راد يتوهني،،هاا ماكو شي، ،رحت للحمام غسلت وجهي احسة مشتعل ناار طلعت مشطت شعري وهو منتجي عالجرباية يباوعلي مبين بعدة نعسان شلت شعري وباوعتلة،،اسويلك چاي كهوة غيث،،لا اريد ارجع انام تعبان بعدني مهرة،،براحتك طلعت وحمودي هم على نومتة شسوي ماادري رحت تستكشف بالمطبخ اندل الاشياء كملت باوات الدنيا غروب لبست جبة وشال وطلعت يم المي الشمس نازلة والهوة حلوو منتجية عالسياج اباوع حسيت صوت وراية حوراء،هلاووو مهرة موو مهرة،،اي وانتي حوراء حوراء،،زين حفظتيني مهرة،،متنسين حبيبتي حوراء،،فدوة حجيج حلوو وصوتج نااااعم مهرة،،ههه شكرا حوراء،،اني عمري 18سنة وانتي مهرة،،اربعة وعشرين سنة راح اكملهة بعد شهر حوراء،،يعني انتي اكبر من رشا مهرة،،ليش هية شكد عمرهة حوراء،23سنة مهرة،،امم اني الجبيرة ههه حوراء،،انتي مكملة دراسة مهرة،،ثالث متوسط حوراء،،حرامات مهرة،،هاي هية حوراء،،انتي تحبين غيث موو مهرة،،توسعت عيوني وابتسمت لسؤالهة،،اكيد احبة حوراء،،لعد دير بالج عليه حبابة والله احبة واخاف عليه مهرة،،اكيد بعيوني هذا زوجي وكل حياتي حوراء،،انتي مبينة حبابة واني حبيتج مهرة،،واني هم حبيتج هواي وهمزين صارتلي صديقة جنت خايفة تضوجون مني ههه حوراء،،اصلا اني اضوج من رشا واني اول المكيفين بزواج غيوثي مهرة،،هي شوكت تجي حوراء،،مااعرف مهرة،،الله كريم حوراء،،اني اروح موعد علاج ماما اشوفج غير وقت باااي مهرة،،باي حبيبتي،،رجعت اباوع للمي شوية وسمعت صوت ولد قريبين طبيت للبيت كلت يجوز ولدهم يحبون يكعدون بالحديقة كعدت حمودي وشغلت التلفزيون وكعدت ادور بالقنوات طلعتلة طيور الجنة وكعدت يمة اباوع كعد غيث ورة شوية طلع يفرك بعيونة. غيث،،مساء الخير مهرة،،مساء النور رديتهة بابتسامة صفن علية ابتسم وطب للمطبخ. كمت وكفت اباوعلة فتح الكاونتر وشغل الغلاية يحمي المي،،اسويلك شي غيث،،لا نسكافيه اني اسويه مهرة،،رحت طلعت كوب فتحت الجيس فرغتة وخليتة يمة غيث،،شكرا مهرة،،تتدلل،،سويت الي هم كوب وكعدت بالصالة اشرب بي وهو اخذ الكوب وطب للغرفة شوية وطلع ممشط ومتعطر غيث،،اروح للحجية اشوفهة مهرة،،براحتك،،تتعشا هنا مو غيث،،اي اجيب عشا واجي مهرة،،اني اسوي غيث،،تدرين مشتهي كباب طاوة تلحكين تسوين اكو لحم بالفريز مهرة،،اي شينرادلة تتدلل غيث،،دايمة ام حمودي،،يلا حمود تعال وياي مهرة،،هاا خاف يضوجك غيث،،لا حباب هوة، ، مهرة،،اخذة وطلع واني طلعت اللحم موعت منة وثرمت الكباب دورت طحين ماكو خابرت عليه غيث،،ها ام حمودي مهرة،،هاا ردت طحين مالكيت غيث،،هسة تجيبلج حوراء مهرة،،خووش غسلت ايدي شوية واندكت الباب،،فتحتهة بوجهي حوراء وبيدهة كاسة جبيرة حوراء،،هذا طحين بگتة الج من المخزن بس بشرط اتعشة يمكم مهرة،،مو تتدللين كل الهلا تنورينة حوراء،،والله اني ماانطي عين ترة ومو زين علية الدلال مهرة،،اتدللي باليعجبج تعالي فوتي،،دخلت يمي للمطبخ ومنطلقة تسولف حبابة ومحبوبة وكلشي يخطر ببالهة تحجيه هههه عفوية جدا،،وكفت اقلي وهي تسولفلي عالعائلة حوراء،،شوفي اخوية طارق الجبير دكتور ومرتة صيدلانية شفتهية حبابة وتعبرين الباب الجانبي تطبين بيتهم ،،ميساء متزوجة ابن عمي ووسناء ابن خالي اخو رشا ومصطفى خاطب بنية غريبة بس مبينة حبابة الله اعلم من تجي يجوز هم تتخول مثل رشا،،اكلج انتي مو تتحولين علينة بعدين مهرة،،هههه شلون اتحول عود اني هذا طبعي وابد مااعرف اتصنع حوراء،،مبينة حبيتج مهرة،،واني هم حبيتج حوراء،،الغي هواي اني مو مهرة،،بالعكس تونسين ،،كملت الكباب وطماطة وطرشي وخضرة وسلطة وخبز اجة غيث غيث،،هاي ام لسان هناا اكول البيت هدوء حوراء،،متخلص مني وين متروح كبالك راح اكابل مهرة واكعد غيث،،اي عفية لا تعوفيهة اعتبريهة اختج مهرة،،هو احنة خوات وابتسمت لحوراء ،،يلا اصب العشا صدك كعدنة نتعشا وحوراء بس تسولف وتبسمر اخر شي كالتلة بس هاللفة واروح للبيت بعدكم عرسان واني عندي ذوق تشرب بالبيبسي وتباوع بطرف عينة كفخهة غيث خطية شرگت بالبيبسي حوراء،،عزززة جان متت مهرة،،خطية ،،، جبتلهة كلينس وهية تمسح بدموعهة وتضحك والله عفوية غيث،،تستاهلين حتى تعرفين تحجين ،،يلا ام بطن هذا الكباب عود الي نص الماعون طيرتة حوراء،،غير جبت الطحين اني غيث،،لو ادري اني ماخذة بيدي مهرة،،كملنة العشا وغسلت المواعين. وراحت حوراء غيث،،تعاي نكعد برة حلو الجو مهرة،،اي لبست جبتي وشالي وطلعنة اكو كراسي ومرجوحة كعدنة عليهن وحمودي عالمرجوحة غيث،،حبيت تصرفج اليوم وية امي احترامج الهة ومن كتيلهة احنة اهلج هالشي صح احنة اهلج وناسج مهرة،،اكيد احترمهة وان شاء الله تحبني غيث،،ما كارهتج امي لان. لو تكرهج تصرفاتهة اختلفت بس اني اريدهة تعرف طيبتج وطبعج ومتأكد راح تحبج مهدي،،هلااا بالبغدادية منورة البصرة غيث،،بلا تلطلط مهدي،،افة تفشلني هيج طيرت الجبهة والله مهرة،،اهلا بيك، ،كعد مهدي وشوية واجتي حوراء ومصطفى التمينة يسولفون ويتشاقون خاصة مخدي وحوراء كمت غيث،،وين مهرة،،هسة اجي،رحت جبت فواكه وكرزات جانن بالمطبخ خدرت جاي. وطلعت بالصينية للحديقة مصطفى،،اي والله ينرادلهة چاي مهدي،،ما دام صار بيهة شي ينوكل حلوت الكعدة مهرة،،بالعافية،،صبيتلهم جاي وكرزات وسوالف كانما يعرفوني الهم عمر حسسوني اني جزء منهم واندمجت وياهم بسرعة لل12كاموا الولد لميت الهوسة اني وحوراء وغيث رتب الحديقة وطبب حمودي وكعد عالتلفزيون حوراء راحت واني عزلت المطبخ وطبيت غسلت وبدلت لحمودي وبدلت بغير تراك ضفرت شعري وطلعت اللحاف الثاني ومددت عالجرباية عالطرف واكلب بموبايلي ودزيت رسالة لغصون طمنتهة وطب غيث للغرفة سبح وطلع اني ممددة ومتلفلفة باللحاف بس وجهي طالع وحمودي غفة بجربايتة،،باوعلي غيث ابتسم سحب الغطا والمخدة وطلع للصالة شكد فشلت بساعتهة يمة تمنيت اختفي هسة يكول هاية كاتلة روحهة لو متستحي والله والله بجيت من الفشلة والموقف،،ثاني يوم طلع هو للشغل بعد ما حضرتلة الريوك بس شنو مااباوع بوجهة من كدما مستحية منة كملت شغلي طبخت الغدة واتغدينة اني وحمودي ونمت. العصر كعدت الباب تتفلش لبست جبتي فوك التراك حتى ما سديتهة وذبيت شالي وطلعت فتحت الباب انصدمت ببنية ضخمة طويلة رشيقة حلو شكلهة ناازك واللبس اخر موديل رشا،،انتي الادب سزز الي لفت على زوجي وبكل عين صلفة جايبج وجاي لهنا يعيشج بنصنة مهرة،،عرفتهة هاية رشا بعدني ما فاتحة حلگي وهجمت علية خرمشت وجهي باضافرهة وجرتني واني ابعد بيهة بس اريد تفكني وهية فد شرسة ولسانهة ينقط عسل كامت تغررد حوراء،،عززة بعينج رشاا وخري من البنية راح تموتيهة، ،ماما مهدي الحكولي مهرة،،اني وحوراء وكوة خلصتني منهة واني هم ناعمة وهم عوبة مااعرف حتى اتعارك رشا،،هسة تطلعين من البيت متكعدين هناا غيث،،شكووو شهالهوسة مهرة،،اتقدم غيث واني خاتلة بسد حوراء. باوعلي عقد حواجبة غيث،،منو مسوي بوجهج هيج حوراء،،هاي رشا رشا،،واكسر راسهة مو كتلك اذبحهة اذا طببتهة للبيت غيث،،من يصير بيتج احجي بكيفج رشا،،والله... غيث،،اسمعي لچ ان تصرفتي هيج تصرف ارعن بعد لو مديتي ايدج وتجاوزتي تدزج لبيت خالي وميرفلي جفن انتي شنو حافرة وجهة حفر رشا،،اشوهة والله غيث،،احرگج بس تتقربيلهة بعد والله، ،بلا اي صووت تديرين وجهج وتصعدين غرفتج مااريد المحج مهرة،،طبيت للبيت حمودي كاعد وشابع بچي حضنتة وهو يباوع لوجهي اني من شفتة اخترعت اظافرهة حافرة وجهي خطين والدم تارس وجهي وراسي يوجعني لان جرت شعري غيث،،جيبي اسكتة وانتي حوراء عقمي وجهة مهرة،،عقمت وجهي وطبيت سبحت لان ماشاء الله انسحلت بالحديقة ورجعت عقمتة بس احس حيلي رايح من الخوف شوية واجاني غيث غيث،،تعالي وياي مهرة مهرة،،ها وين غيث،،لبسي جبتج وتعالي مهرة،،كلهة تراب راح البس دشداشة ردن غيث،،عادي كون عريضة مهرة،،بدلت ولبست شالي وطلعت هو وحوراء بالصالة غيث،،يلا مهرة،،طلعنة وتوجه لبيتهم دخلنة وايدة محاوطة جتفي دخلنة لغرفة مرتبة كلش باوعت امة كاعدة عالجرباية غيث،،هاج شوفي شمسوية بالبنية اني عايفهة امانة يمكم ارجع الكاهة بهالشكل ام غيث،،ما ادري برشا اجت اصلا وهذيج حسابهة عندي اما انتي خالة اعذرينة وامسحيهة بية مهرة،،ماصار شي خالة ام غيث،،اخذي راحتج وانتة غيث ظل امي عندي وياك حجي مهرة،،من رخصتكم طلعت اخذت حمودي من حوراء وطلعت لبيتي لاكاني مهدي مهدي،،هاي شنو منو لاعب بخريطة وجهج بس لا حوراء وشقاهة الماصخ مهرة،،غوركت عيوني ودنكت مهدي،،لا تبجين حبابة هاي شنو متتحملين شقة احنة كلة هيج نتشاقة هسة اطيحلج حظهة مهرة،،لا مو هية رشا مهدي،،حلووووو بدة اكشن الضراير مهرة،،اني اصلا لااتعارك ولااحب هالسوالف مهدي،،تكبرين وتنسين مهرة،،هاي حجاية فارس جانت واني منا ميتة قهر طكيتهة بجية وطلعت للبيت. امشي بسرعة ولازمة حمودي طبيت شبعت بچي بغرفتي من ناحية شي بية عاذرهة اني هم الوكت اذاني ورجعت دخلت حياتهة والا ماكو مرة شما كانت تقبل يجيبون عليهة ضرة وحدهة تشاركهة بزوجهة وكل تفاصيلة،،مدري حضي مدري حضهةبس القررتة ابتعد عن مواجهتهة تماما لان هية مو سهلة شوية واجة غيث. باوعلي عيوني مورمة ووجهي خريطة اتقدم باس راسي غيث،،احسبيهة علية ومتتكرر بعد ماالج علاقة بيهة ولاالهة علاقة بيج ابد مهرة،،هاي هية ،،واني والله لاعلية بيهة ولااوصل يمهة غيث،،كافي عيونج ذبلت كدما تبجين مهرة،،كمت غسلت بس وجهي يحرگني شوية واندكت الباب فتحة غيث وصوت مهدي مهدي،،وينهة المسحولة اليوم جبتلج عشا كلت مابيهة توكف خطية هستوهة مكتولة مهرة ،،طلعت من الغرفة اضحك على كلامة مهدي،،يلا تعالوا بيتزا وكص وبيبسي يفوتكم مهرة،،رحم الله والديك، ،صدك طلعنة للحديقة تعشينة و باوعت رشا واكفة بالبالكون وتباوعلنة بحقد. درت وجهي وشوية وطبيت بعد مااتشكرت من مهدي،، ثاني يوم مر طبيعي و غيث بيومهة بات يمهة واني مااعرف شبية النوم فارك عيوني كمت. فتحت الشباك واباوع للمي اخ شلعبت بروحي الله لا يوفق الجان السبب،، عدت الايام وغيث يوم يبات يمنة يوم يمهة مادخلت بيتهم ولا وصلت بس نلتم بالحديقة اني وحوراء ومهدي ومرات مصطفى وميساء هم مرتين كعدت ويانة حبابة وهادئة بس كلش طيبة. حتى من طلعت كالت شتحتاجين خابريني اعتبريني اختج الجبيرة وانطتني رقمهة ،،بديت اتأقلم اخابر غصون من احتاج استشارة وهية متقصر. ابد وتخليني اتفائل بكلشي ورة اسبوعين تقريب كال عيث باجر عمي عازمنة بالبستان تعالي ويانة،،الصراحة ترددت اروح وهو گال براحتج بس غصون لحت انه اروح واحضر حالي حال البقية وصدك كلت لغيث اروح غيث،،لعد اذا ترحين حضريلنة جدر دولمة مرتب من جوة ايدج مهرة،،تتدلل، ،صدك وصيتة شاحتاج والعصر جابهن مهدي مهدي،،يكولون طبخج طيب اريد اضوگ واحكم مهرة،،تتدلل ارقى جدر دولمة باجر يمك مهدي،،هلا هذا الحجي الزين مهرة،،صدك لفيت جدر مرتب واعتنيت بيهة وكعدت الصبح بدلت ببنطرون وقميص طويل وحذاء فلات لبست الحلقة و حطيت مكياج وطوخت الكحل برزت عيوني وحمرة وردي مااعرف ليش يمكن لان اعرف رشا راح تكون متواجدة وهاي حسب كلام غصون كلش مرتبة اندكت الباب غيث،،ها ام حمودي كملتي مهرة،،اي اي بس البس عبايتي يمك جدر الدولمة عالكاونتر اخذة،،لبست جنطتي وعبايتي رشيت عطر هاادء وطلعت غيث،،عاشت ايدج خووش جدر،،اوكفي شو باعيلي مهرة،،باوعتلة اريد اعرف شكو غيث،،شدعوة هالكد مكياج طبي مسحي مهرة،،هاا غيث،،ماكو روحة بهالمكياج شنو عرس مهرة،،صار،،طبيت مسحت الحمرة وخليت مرطب وخففت الكحل غيث،،هم اهوون بس بعد اكو كحل مهرة،،سكتت ودنكت غيث،،ديلا امشي وقفلي الباب مهرة،،شال الجدر وحمودي يتدعبل كدامة قفلت الباب ومشيت وراه وصلت سيارتة ورشا واكفة يمة باوعتلي رشا،،لا يكون هاية تجي ويانة غيث،،عندج مانع،،وبعدين الهة اسم تحترميهة وتصيحيهة بي رشا،،ما... غيث،،حجاية زايدة اعوفج وامشي والله يلا حجية مهرة،،هلااا كملت السبحة اني ورشا وامة بنفس السيارة الله يستر ونوصل بسلام، ،اتقدمت امة همست السلام عليكم ام غيث،،وعليكم السلام مهرة،،صعدت رشا وراه و امة كدام وية صعدتهة وكعت عكازتهة دنكت انطيتهة الهة ابتسمت بخفة وكالت شكرا ،،همست عفوا وصغعدت وراهة اني وابني بحضني اباوع لرشا مكياج فوول وجبة وشال مو عباية وذهب وعطرهة يدوخ لعد انتة گدرتك بس علية متحاجي هاي،،وصلنة بعد ساعة ونص تقريب البساتين تجنن والبيت فخم بنص البستان ،،نزلنة وسلمت واني مدنكة ومشيت ووصلني صوت واحد من الزلم يحاجي بغيث عم غيث،،هاي نفسهة الاولية ام بغداد الردت تخطبهة موو غيث،،لا مو هية مهرة،،دخلت وعقلي يضرب يعرفني هذا زين غيث ليش ماكال اي ليش سكت. اخر شي وصلت لنتيجة اما هو يخاف علية لايكولون بقت على علاقة وياه لحدما تزوجهة او يقصد انه اني بنضرة مو نفس مهرة القديمة. واتمنيت الخيار الاول هو الصح نجلاء،،هذا جدر الدولمة المرتب شغلمن رشا،،اكيد هاي سوالف ام حمودي حنت للماضي مهرة،،باوعتلهة وخزرتهة شتقصد ليش هية تعرف شجنت اشتغل مااستنكف من شغلي بالعكس افتخر بي بس شعرفهة نجلاء،،تطبخيه حبيبتي لو اني اطبخهة مهرة،،لا عيوني اني وياج اعرف القياسات،،كمت للمطبخ وجانن بنات ثنين وجناين ثنين بس بسيطات ينحبن خليت الدولمة عالنار انتظرة يتبخر وينزل المي البي طب ولد للمطبخ واني جنت لابسة عبايتي دار وجهة رأسا نجلاء،،محد غريب هاي مرت غيث حسين،،هلا بيج خوية مهرة،،وبيك اكثر ،،طلع الولد ورشا عيونهة علية مااهتميتلهة طبخت الدولمة وصبوا الغدة والكل تعجب بيهة وبطعمهة حتى ام غيث كالت عاشت ايدج رشا،،حامضة زيادة مو طيبة ميساء،،بالعكس تخبل حموضتهة عاشت ايدج مهرة،،الف عافية عيوني حوراء،،بطلي تنعوص ذني بنات عمي راح ينومنج بالفراش من عيونهن مهرة،،ههههه والله عليج سوالف وسناء،،ضحكونة وياكم لو هية خفة مهرة،،صدك نرفزتني حجايتهة باوعتلهة ودرت وجهي وسناء،،ما عاجبج تعاي اخذيلج راشدي ام غيث،،وسناااء روحي شوفي ابنج وين راح مهرة،،اختنكت بس اريد ارجع اني مااتحمل احد يضوج مني وميطيقني وناصة اذا مامسويتلة شي اظل اكل بروحي،،للعصر كامن البنات يتمشن بالبستان واني مارحت لان حمودي نام بحضني وخفت غيث ميرضة خاصة ولدهم هواي ام غيث،،ليش مارحتي وية البنات مهرة،،ها مو حمودي نام ام غيث،،اي خليه هنا وروحي مهرة،،لا خاف غيث ميقبل بقيت كاعدة يمهن لحدما كالوا يلا نروح طلعت شايلة حمودي النايم على جتفي اتقدم غيث سحبة مني وهمس غيث،،غطي وجهج زين كل الولد برة مهرة،،غطيت وجهي وصعدت وخلة حمودي بحضني، ،رجعنة. بصمت ورشا تتنعوص رشا،،اووي غيوثي شكد تعبت اليوم هسة نرجع خليني بحضنك وانام للصبح غيث،،رشاا مهرة،،دنكت وعقلي وحدة يتخيل ظلون تغفة بحضنة تكعد على نضراتة كلامة الحلو الهة وصلنة ونزلت طبيت سبحت وبدلت ونمت من التعب كعدت بالليل متأخر ميتة جووع وحمودي هم كعد رحت خدرت جاي وسويت مخلمة والبان جاي احمي بالخبز واندك شباك المطبخ وصوت مهدي مهدي،،اشتم ريحة اكل واني ميت جووع مهرة،،حجيت من ورة البردة لان ما لابسة شالي، ،هههه متبطل سوالفك جان صارت بية سكتة قلبية، ،تتدلل حضر الميز وهسة اصبلك وياي،،صدك لبست جبة وشال وشلت الصينية وطلعت حوراء،،ترة اني هم هنا حسبتوا حسابي مهرة،،اي هواي مسوية بس جيبيلج كوب،،كعدنة ناكل ونسولف اجة مصطفى ورة شوية مصطفى،،والله بس سمعت طكطكة كلت الثلاثي المرح كاعدين ياكلون مهرة،،تفضل ويانة مصطفى،،الف عافية بس اريد جاي مهرة،،اي تتدلل،،كمت جبتلة كوب وصبيتلة وملتمين لمة تخبل صدك هالشعور مفتقدتة واحس روحي بنص اهلي للثنتين احنة نسولف ونكرز حب لان الظاهر كلهة نفس الفلم شبعانة نوم حوراء،،عزة فاتكم منظر رشا من عثرت وطاحت بنص البستان وايدهة تدمرت مدري شنو ريحتة تكتل وكامت تبجي ونفسهة لعبت مهدي،،اووع لعب الله نفسج هستوني ماكل مصطفى،،كبر ولا تكبرين مهرة،،كوة كاتمة ضحكتي وجان تطكهة حوراء بضحكة واني وياهة، ،ومهدي داير وجهة ويضحك ومصطفى كاشة روحة وجان يوصلنة صوت غيث باوعت واكف بالبالكون وصاح غيث،،شنو اليوم متنامون كافي ضحك نريد ننام يلا كافي مهدي،،والله فشلة مهرة،،كمنة نلملم اني وحوراء وكوة كاتمين الضحكة طبينة للمطبخ حوراء،،امم ابو الهمبلة غيوثي يومية سهرتة عالكة وية ست الحسن اليوم لان سهرنة رزلنة عيني هذا يغار عليج كون حلال عليه وحرام عليج مهرة،،ما همتني كلمة يغار عليج بكد كلمتة سهرتة عالكة بلعت ريك بصعوبة غمضت عيوني واكول مهرة هذا كلة من ايدج،،،،،،،يتبع اعزائي حبيت انوه انه النشر يومين انشر ويوم اخذ استراحة لان ماالحك يومية والله ومااريد اقصر وياكم | ||||||||
|
| |
|
13-04-20, 04:33 AM
| #17 | ||||||||
| مراقبة عامة ومشرفة منتدى الروايات المنقولة
| #اول_الغيث_مهره #بارت١٥ مساء الورد حبايبي،،اعتذر جدا اتأخرت والله كتبت وانمسح البارت اجيت ابچي والله ورجعت عدتة كوة لحكت اسفة، ،متابعة طيبة البارت الخامس عشر فيد عبدالله حوراء،،شبيج يمعودة وين صفنتي ها لازم نار الغيرة اشتعلت مهرة،،تحررگ حوراء،،بس اني متأكدة گلب غيث يمج ملاحظة اني اسلوبة كلامة حرصة كل شي وياج يختلف عن اسلوب تعاملة وية رشا ترة هو ورشا ابد ماكو بينهم هدوء وتفاهم واسمة طالع لبغداد زعلان بس امي المهدئة الامور بيناتهم مهرة،،باوعتلهة مستغربة كلامهة حوراء،،لاتباوعيلي هيج هذا الصدك واني رشا صح بنت خالي بس احسج انتي اقربلي منهة انتي گلبج نظيف وعفوية متتصنعين ولا تمثلين مهرة،،اني هذا طبعي والله وانتي بالذات اعتبرج اختي مهدي،،ما خلصتن سوالف يمعودات اريد اقفل وانام مهرة،،خليهة تبات يمي حوراء،،لالا ماكايلة لامي غير مرة مهرة،،براحتج، ،طلعوا وقفلت وراهم الباب واسمع مهدي يحجي مهدي،،عفية نسوان متشبعن سوالف مهرة،،ضحكت لكلامة وطبيت غسلت وبدلت لحمودي وخليتة بجربايتة يغفي وطبيت سبحت بمي دافي لبست تراك برمودة وتيشيرت ربع لونة نيلي وبي وردي نشفت شعري بالمنشفة انتبهت لهسة الحلقة بايدي اني بالبيت ماالبس بس من اطلع بس شو عجبني شكلهة بايدي بقيت لابستهة هستوني امشط ودك موبايلي باوعت غيث استغربت الوقت فوك التلاثة جان رديت بخوفة،،الوو ها غيث غيث،،بالباب اني افتحي مهرة،،اي اي ،،لبست روب وشلت شعري بالكماشة شون مجان.وركضت فتحت الباب، ،هاا غيث خوما صاير شي باوعلي ساكت طب وسد الباب واني كلبي كام يركض،،شكو غيث،،مااحس الا شالني غمر راسة برگبتي يشتمهة بعمق دخلني للغرفة وهو شايلني عبالك طفلة واني احس حتى عضامي كامت ترجف نفسي مااسيطر عليه صدري يعلو ويهبط بسرعة،، خلاني عالجرباية وفتح السحابة مال التراك ونزعة بقة بس ببدي ربع ردان،،همست بخوف وارتباك،،شنوو شتسوي غيث،،مااريد غير انومج بحضني اسكر بريحتج وانام مهرة،،احس صخنت من الصار كلة كمت عن الجرباية باوعلي وعيونة ذبلانة غيث،،وين مهرة،،انزع هذا الروب نزعتة بهدوء طفيت الضوة وهو تمدد عالجرباية اتقربت بهدوء سحبني من ايدي بسرعة وخلاني بحضنة ضامني لحضنة حيلل يشتم بشعري ورگبتي بقوة غيث،،ريحتج تخبل، ،اتخليني افقد عليج مهرة،،بقيت خاتلة بحضنة وساكتة بس داخلي اعصار من الاحاسيس والمشاعر شال ايدي وباس باطن كفي وهمس غيث،،تخبل بايدج الحلقة لاتنزعيهة ابد مهرة،،لا ماانزعهة غيث،،مهرتي انطيني وكت بس اصفي اموري. واصفالج بكل مشاعري اصبري علية ونسيني جرحج البگلبي خليني انسى حتى اسمي يمج مهرة،،بستة من صدرة،،اسفة والله،،شدد حضنتة ورأسا غفة بعمق هدأت انفاسة واني كلبي كوة اهدء بي غفيت على عطرة تارس روحي وانفاسي،،الصبح من وكت كلش والباب اتكسر. طفر غيث من نومتة فتحة واني البس بروبي وجان تفوت رشا للغرفة رشا،،ادب سزز ساق...جريتيه مني وخليتيه يعوف فراشة ويجي يمج ربات شوارع وكلشي يطلع منج غيث،،شهالحجي واللسان الزفر وين احنة كاعدين بشارع رشا،،لا وانت الصادق متزوج وحدة من الشارع مهرة،،مااحس الا ملخهة غيث من شعرهة وسحلهة ودفعهة برة البيت رشا،،اني هيج تسوي بية علمود هاية وكدامهة هيج غيث،،كدامي للبيت رشا،،شمسويتلك وهيج مخليتك متشوف غيرهة غيث،،روحي فكري واتذكري تصرفاتج وراح تعرفين رشا،،الا اندمج ادب سزز غيث،،قندرة شكلت مهرة،،هد عليهة غيث واني لزمتة من ضهرة،،شما يكون مااحب ياذيهة كدامي اني لو بمكانهة مستحيل اتقبل انهان كدامهة صح هي تصرفهة غلط بس تبقى الكرامة عزيزة حتى انصدمت بغيث يضربهة وعادي عندهة ،،راحت واني سحبت غيث وسديت الباب،، كعد عالتخم يهز رجلة بتوتر ويفرك بكصتة رحت جبت حمودي ياعيوني يومية ماخذلة صيحة وهبطة خليتة يم غيث ورحت صرت وراه وخرت ايدة بهدوء وكعدت افركلة بكصتة وراسة بهدوء شوية وسحب ايدي باسهة وطب يسبح اني غسلت الي ولحمودي رتبت شعري وحضرت الريوك كملتة ووديتة بالغرفة فتحت الشباك جان الجو حلو والشط كبالنة منظر يهدء الاعصاب،،باوعت لغيث يدخن بجكارتة ومتعصب،،يلا تعال تريك غيث،،مااشتهي مهرة،،لخاطري حباب،،ابتسم بتعب وكام اكل شوية شرب جاية وبدل وطلع للشغل،،قفلت الباب وما طلعت بيومهة من البيت ضليت انظف وارتب سويت كبة وبورك الهي روحي خابرني خالو وهو خطية كل كم يوم يخابر يسأل علية ما قطع مني، ،رجعت خابرت غصون سولفتلهة وكالت ميخالف اصبري لخاطر غيث،،هو اني كلة اتحملة لخاطرة عندي يسوة الدنيا هوة وما دامة ما يسكت عن حقي فاني مخلية كلشي بيدة،،للمغرب واندكت الباب حوراء،،هلاوو خاتلة اليوم مهرة،،ههه احسن بعد الطلابة الصارت الصبح حوراء،،اي البيت صاير كلة اكشن من وراكم،،اكلج انتي غيوثي شجابة يمج مو طلعت منج هو بالبيت ذاك مهرة،،هاا اجة وراكم حوراء،،يمة الحب يمة ثاري الاخ راد يصرفنة وياخذ راحتة شسويتي بس لا لزمتكم رشيوة متلبسين مهرة،،حووراء عيب شهالحجي حوراء،،هههه اكلج مهدي دزني يكول تطلعين ويانة مهرة،،وين حوراء،،ناكل موطا ونجيب عشا ونجي يلا بسرعة لبسي عبايتج فوك التراك وتعالي مننزل من السيارة مهرة،،اخابر غيث اشوفة،،صدك خابرتة كال روحي بس لفي عبايتج زين ،،ركضت لبست شال وعبايتي وطلعنة جانت اول مرة افتر بالبصرة واشوفهة تخبل بشوارعهة وبالليل جمالهة غير اكلنة موطا وضحك وسوالف اشترينة بيتزا وبيبسي وفنگر ورجعنة وصلنة الباب سيارة صافة بالباب مهدي،،نزلوا هنا لفن رواحجن زين مهرة،،نزلنة ومهدي كدامنة طلع رجال ووراه رشا مهدي،،هلا خالي شلونك ابو رشا،،هلا خالي مهرة،،باوعلنة واني شايلة حمودي ابو رشا،،والله خوش وفرت عقلكم الغريبة ضلوا تركضون وراهة وعايفين المنكم وبيكم مهدي،،خالي ام حمودي مو غريبة وصارت منة وبينة ابو رشا،،والله خووش وظل البيت لحمودي وامة تهي ياالله مهدي،،خالي شصاير رشا،،بابا عليمن مدوخ روحك وياهم انتو دماغكم مغسول من ناحيتهة مهدي،،احشمي روحج رشا واحجي عدل ابو رشا،،اسكت انتة مابقة بس الزعاطيط تعلم بنتي الادب مهرة،،عافنة واخذ بنتة الجانت تباوعلي بحقد وصعد السيارة، مهدي طب شايط للبيت وحوراء وراه تهدء بيه اني تمشيت وراهم بتردد ادخل للبيت لو لا بس ظل بالي يم مهدي وصلت باب المطبخ واسمع غيث يصيح غيث،،خل تروح مااريدهة من كالج اني طايقهة ترة لاعبالج ماادري بسوالفهة انتي تلزكين بسوالفهة العوج واني اغلس بس الى متى صار فوك السنتين وهية ماانعدلت شوكت تتعلم ام غيث،،شنو تريد تفشلني وية اخوية محد راح يكول من اطباعهة كلة راح تكول طلكهة لخاطر الغريبة هاي تالي عمري العالم تجيب طاري ولدي بالموزين غيث،،ادري اول واحد اخر واحد ما تراهم وطلك ام غيث،،اذا طلكتهة لااني امك ولااعرفك مهدي،،هي هاي ينعاش وياهة ما شفتي لسانهة بالباب متحترم احد واخوج مساندهة عالغلط ام غيث،،والله حجيهم صدك اشوف هالمهرة ماكلة عقولكم لا تحلالكم كعدة بدونهة ولا طلعة ومستعدين تاذون امكم بس ترتاح الخاتون مو خالين انتو شوف شمسويتلكم الله لا يوفقهة من دخلت اجتي المشاكل لبيتي مهرة،،ظلت تحجي وتدعي علية واني دموعي نزلت شعلية اني هي رشا تدور المشاكل مو طبت لنص بيتي واتهجمت علية متقربتلهة اني مو يبات غيث يمهة ليلتين وتلاثة فتحت حلگي حجيت، ،بس لان زوجي دافعلي صرت موزينة وشو شمسويتلة لو حاجية اني جان صرت مو زينة وما متربية والله حرت اخر شي اسمع غيث صاح غيث،،والله اذا بقيتي ياامي هيج كارهة البنية وتحجين عليهة بدون سبب اخذهة ومتشوفين وجهي بعد اليتجاوز على مرتي متجاوز علية مهرة،،اسمعة تبجي كامت اخذت ابني وطلعت ركض للبيت بس احس عقلي راح ينفجر هسة وتالي شلون، ،عود طلعت اتونست شوية تالي طلعت من خشمي وكلت حمودي واني مااشتهيت شي سبحت اريد ابرد النار البية صعب تكعد بمكان اهلة مو طايقينك،،لليل متأخر اجة غيث ما نطق كلمة غير السلام وطب سبح سحبني لحضنة حيل باسني من راسي وشدد حضنة ونام لا حجيت ولا هو حجة الصبح جانت جمعة ميروح للشغل كعدت طبخت الغدة ،،ونضفت سبحت وسبحت حمودي وصليت انتضرة يكعد اخر شي حمودي راح كعدة حمودي،،عمو عمو يلا تعال مهرة،،اباوعلة كعد سحب حمودي بوسة وشالة وكام شعرة مخربط غيث،،صباح الخير مهرة،،مساء النوور غيث،،هاي اني هالكد نايم ولاحسيت. بروحي مهرة،،نوم العوافي يلا بين ما تغسل اصب غدة غيث،،اسبح يلا طافي من الرئيسي مهرة،،سبح واني حضرت الغدة وخدرت الجاي وخليتة يتهدر على كيفة طلع وصبيت اتغدينة شرب جاية وكام غيث،،راح اروح للحجية تجين مهرة،،هاا،،لا خليني هنا غيث،،ليش مهررة تنعزلين اني اريدج تطبين براحتج بيت زوجج ذاك مهرة،،دنكت وكتلة،،سمعت كل كلامهة البارحة غيث،،شوكت مهرة،،من طلع خالك وطب مهدي طبيت وراه لان ضاج وسمعت كلشي واني بالمطبخ،،اني مااجبرهم يحبوني بس عالاقل يحترموني كانسانة ما مأذية احد غيث،،احسبيهة علية واني صدكي اذا زادت الامور عن طاقتج اخذج واطلع اني مااتزوجتج حتى تتأذين بالعكس ردت اصونج واريحج مهرة،،الله لايحرمني منك،،اني لخاطرك مستعدة كلشي اتحمل غيث،،اصيلة ام حمودي مهرة،،كرص خدي وطلع قفلت الباب لميت الهوسة وعزلت المطبخ ومسحت حمودي نام ونمت وياه كعدت العصرية ضوجة لبست جبة فوك تراكي وشال وطلعت للحديقة اشتم هوة شوية واجوي الجهال بيدهم طوبة ولد ميساء وابن وسناء وجهال طارق ولد وبنية جود،،هلاو خالة،،اكلج هذا ابنج يعرف يلعب طوبة حتى نصير فريقين مهرة،،اباوع لكلامة شكد حلو وواثق من روحة عود وهو كل عمرة 10 سنوات،،مااتوقع يعرف بس شنو رأيك اني العب بمكانة جود،،عود تعرفين وانتي بنية مهرة،،اي اعرف جرب جود،،اليخسر يشتري حلويات ترة ادم،،مو عيب جود الا اكول لماما عليك مهرة،،يلا متفقين منو بفريقي جود،، بكيفج اختاري ادم وزيد ابن عمو طارق هم خوش يلعبون مهرة،،لا خليهم بفريقك اني اخذ زنوبة وعلي جود،،اخذت افشل شي زينب،،الا اكول لبابا وعمة ميساء عليك تكول علينة فاشلين حتى لعمة وسناء اكللهة يكول علاوي فاشل جود،،اهووو تلعبون لو لا مهرة،،يلا يلا،،وخرنة الكراسي شلت جبتي ربطتهة على خصري وشديت شالي مثل المصريين وبلشنة نلعب وحمودي يصيح يلا ماما اول دقايق وكولت عليه اعرف العب كومة لاعبين اني وفاررس قبل مااتزوج ودائما تنتهي بامي تشك الطوبة لان نمصخهة باللعب ونفلش البيت جود، هاي شنو غش مو گول زينب،،بكيفك گول والله شفت شلون عمة مهرة غسلتك جود،،نرجع نلعب مهرة،،رجعنة نلعب وهم كولت عليه وهو تخبل واتعصب واني ميتة ضحك عليه حوراء،،شكو شبيك تصيح ولك مهرة،،ميعرف يلعب طوبة ومتعصب حوراء،،اني وياك جود يلا نكسرهم جود،،اطلع زيد خلي خالة حوراء بمكانك مهرة،،كمنة نلعب وحوراء زينة وگولوا علينة ويعيط ويصيح بنص الحديقة هرج الدنيا من كل عقلة رجعنة نلعب وهم گولوا علية وهو انتعش اجة مهدي مكفش مبين هستوة كاعد من النوم مهدي،،هاي شنو مهرة،،تعال بفريقي مهدي نكسرهم مهدي،،شكد هسة مهرة،،تعادل ثنين ثنين مهدي،،انفلشكم والله مهرة،،اخذ الطوبة مهدي وجان يگول عليهم ورجعت اني ورة شوية گولت وكمزت، ،فززنة جود،،بعد ما منتهي اللعب حوراء،،اي غش غيث،،لا شنو انتهة ومرتي فازت وغلبتكم مهرة،،التفتت غيث وطارق واكفين بالممر الورة والبنات فاتحين شباك الصالة ويباوعون ومصطفى بالبالكون الفوك مال غرفتة يخابر ويباوع عززة بعيني البجامة الوردي طالعة تهلهل من جوة والجبة وشدتهة عالخصر شي خرافي،،نزلت الجبة وركض للبيت واسمع التصنيف وراية اجيت ابچي من الفشلة انوب طارق ومرتة ماشايفتهم من اول مااجيت وبس واللقاء الثاني بهالشكل اليفشل وانوب العب طوبة هسة شيكولون علية،،طبيت بوجهي سبحت وطلعت غيث بوجهي كوة كاتم ضحكتة غيث،،رحت فدوة لميسي مهرة،،غيييث حباب لاتذكرين افشل جنت غير تكلي تنبهني غيث،،هو اني وكفت مصدوم مرتي الرقيقة من تلعب طوبة تنگلب وحش وكلة بكوم وشدة الجبة ادري تلعبين طوبة نازلة تحصدين مهرة،،شمدريني ضوجة وجود سوالي واهس غيث،،ههههههه بس عفية بمرتي متقبل بالخسارة مهرة،،حمودي وين غيث،،اخذة مهدي وية الجهال يشتريلهم، ،دبدلي وتعاي نتعشا هناك كلنة ملتمين مهرة،،هاا اي ابدل عالسريع،،لبست كلبية ماروني وبيجي وشال بيجي ومكياج سريع خفيف رشيت عطر وطلعت غيث كاعد بالصالة يگلب بالتلفزيون غيث،،هااي شنو ليشوفج هسة يكول هذا ميسي الوحش الجان يلعب قبل شوية مهرة،،دنكت اضحك بفشلة،،يلا نروح وانسة ميسي،،اخذت تراك لحمودي كلت خاف يوصخ روحة طبيت للمطبخ والباب اندك راح غيث يفتحة وجانت ريام مرت طارق ومصطفى كاعدين يشربون گهوة مصطفى،،يا هلا بيونس محمود مهرة،،باوعتلة مبتسمة ريام،،هلاو مهرة شلونج،،اعذريني لااجيتج ولا سالت بس والله دوام وطارق خفارات والبيت والجهال كوة احك راسي مصطفى،،هسة انتي اكلتيهة للبنية حجت كالت مهرة،،معذورة حبيبتي مهدي،،شحلاتهة حجايات بغداد غيث،،مهدي اثگل لاافلش وجهك والله مهدي،،اختي الجبيرة وبكيفي ليش تتدخل مهرة،،ونعم الاخ غيث،،تعاي جوة ام حمودي هذا يخربج مهرة،،طبينة للصالة كاعدة ميساء ووسناء وطارق وامهم،،السلام عليكم،،ردوا الكل طبيعي كعدت يم ميساء ميساء،،اني المفروض ازعل شلون تخسرين ابني وتخليه يزعل ويحبس روحة هههه كون تشوفيه شلون منفوخ مهرة،،ههههه انوب وينة،،جوود جود،،هاااا مهرة،،هلا جودي تعال يالزعلان ام غيث،،ليش شبيناتكم طارق،،خسرتة باللعبة وزعل ام غيث،،يا لعبة جود،،بيبي لعبنة طوبة وطلعت تعرف تلعب واتعاونوا هية وخالوا مهدي وخسروني اني وحوراء ترضين مهرة،،اباوع لام غيث تبتسم،، ام غيث،،هية ناعمة وحركتهة خفيفة واكيد تسبقكم وتفوز مهرة،،ابتسمت بتعجب مدحتني والله مااتوقعت، ،تعال جودي نتصالح شتريد جود،،اريد تسويلي كيكة بالجوز والشكولاتة وحدي اكلهة مثل مال ذاك اليوم من اجينة مهرة،،مو تتدلل يا حلوو، ،ابتسم وسكت اتعشينة وكملنة نضفت المطبخ وية البنات وكعدنة بالحديقة كلنة حتى خالتي طلعت وسوالف وشقة وضحك لمة تخبل من صدك مفتقدتهة لل11دخلت خالتي تنام والبنات مشن بقينة احنة وبيت طارق والولد وحوراء كمت كليت بورك وجاي وكعك وضلينة للوحدة طارق،،شهاللمة الحلو صار شكد ما ملتمين هيج مصطفى،،شعبالك يومية هيج نلتم وام حمودي تنزل هالصينية تخبل تخلينة منحس غير والساعة عابرة 12 طارق،،عاشت ايدج والله يا طيبة مهرة،،تتدللون،،شوية وكاموا بيت طارق وكلنة كمنة بعد رتبت المطبخ ودخلت بدلت وتمددت تعبانة غفيت ماحسيت وحمودي نام وحدة من التعب حسيت على غيث قفل الباب وسحبني لحضنة باس راسي غيث،،تعبان الحلو،،فديت مرتي اللامة العائلة ام گلب الجبير مهرة،،اموت عليك،،همست واني اغفي ختلت بحضنة ونمت ،،،مرر اسبوع ورجعت رشا وحدهة ومالي كل علاقة بيهة ولا هية وصلت غيث رجع يبات ليلة يمهة وليلة يمي مجرد ما يحضني هاي تسوة الدنيا بس احس من رجعت رشا دائما متوتر وعصبي ويجي گبل يحضني وينام ولا ينطق كلمة واني اكول ميخالف اصبر واسكت هو وحدة يسولفلي اسبوع وكال راح اروح لبغداد عندي شغل صدك حضرتلة كلشي من يمي وودعنة وراح بس اني الصدك خفت وحدي انوب حوراء تداوم بدت ومهدي هم بالكلية مسائي يداوم ومصطفى لازم الشغل يعني اني ورشا وخالتي نظل بالبيت اغلب الوقت والله حتى كل شوية اتأكد الباب مقفول ومااطلع للحديقة ابد ورة يومين من روحة غيث وطبعا ما قطع اتصالاتة يشرح اشتياقة اموت بحبة الي احسة مو حب جسد لا حب روح وهالشي اسمى واعز وابقى،،جنت كاعدة العصر فاتحة الشباك واباوع للشط واندكت الباب وصوت حوراء تصيحني ركضت فتحت الباب حوراء،،مهرة الحكيلي امي تخربطت ومحد يمي حتى رشا يم اهلهة مهرة،،عزة شبيهة،،احجي والبس بجبتي وشالي حوراء،،تتقيأ انتهت مهرة،،ركضت واني شايلة حمودي لكيتهة بالحمام منتهية ذبيت حمودي عالدرج وطبيت وياهة للحمام غسلت وجهة وصحت بحوراء،،عبايتهة بساع وعبايتج حوراء،،شتسوين بيهن مهرة،،اخذهة للمستشفى منتهية شنو،،جابتهن حوراء واني ركضت للباب وكتلهة لبسيهة طلعت اشوف تكسي لكيت ابن عمهم حسين واكف يم ولد اقاربهم اولاد العمات،،ركضت عليه،،خوية انتة حسين موو حسين،،اي خوية انتي حرمة غيث موو مهرة،،اي اي فدوة الحجية تخربطت وياي للمستشفى محد من الولد هنا حسين،،اي اي جاي خوية مهرة،،ركضت اني وحوراء طلعناهة وهية منتهية والصخونة ماخذتهة وتون طبب الولد السيارة وصعدناهة،،حوراء حمودي دير بالج وخابري الولد صعدت وياهة وطلعنة وبالطريق نفسهة تلعب كامت وهم تقيأت اني الحمدلله ما تلعب نفسي بهيج مواقف نزل حسين جاب بطل مي وكلينس رطب غسلتلهة وامسح بوجهة وعبايتهة التدمرت باوعتلي وعيونهة ذبلانة من الصخونة ام غيث،،الله يوفقج بنتي....يتبع | ||||||||
|
| |
|
13-04-20, 04:34 AM
| #18 | ||||||||
| مراقبة عامة ومشرفة منتدى الروايات المنقولة
| بااااااارت مفااااااجئ #اول_الغيث_مهرة بارت١٦ ولان ميهونلي ماافاجئكم وافرحكم فكتبتلكم بعد بارت عنوني لخاطر عيونكم وتتدللون بس ها اريد تفاعل لان تعبت، ،،متابعة طيبة البارت السادس عشر فيد عبدالله ام غيث،،الله يوفقج بنتي مهرة،،تتدللين خالة بس كوميلنة بسلامة،،وصلنة للمستشفى ونزلتهة اني وغيث وتفاجأت بصف السيارت النزل ورانة ولد عمتهم وولد عمهم جايين ورانة طببناهة. وفحصهة الدكتور انطاهة ابر توقف التقيأ كال هاي المعدة متأثرة بحالة عصبية ومأثرة على عملية الهضم،،بقيت اني يمهة شكلولهة مغذي ايدهة تدمرت دم مسحتهة بالكلينس الرطب غطيت رجليهة واباوعلهة بقلق والله حسي امي وكدامي تعبانة اني ابد مااحقد واشيل على احد والحمدلله شماخذين من هالدنيا قابل،،شوية ومصطفى اجة مصطفى،،ها حجية خيرج مهرة،،مابيهة شي لاتخاف، ،بقينة بالمستشفى لليل اتحسنت ونزلت حرارتهة وكالت اطلع كامت نزلت قربت شحاطتهة تكرمون لرجليهة وعدلت عبايتهة وسندتهة لزمت ايدي حيل وطلعنة اجة مصطفى ركض سندهة من الجهة الثانية وطلعناهة رجعنة للبيت نومتهة بغرفتهة ورحت للمطبخ سويتلهة شوربة تمن لان كال الدكتور متتحمل معدتهة اكل دسم استوت وصبيتلهة وطبيت لغرفتهة يمهة الولد ملتمين مهدي ومصطفى وطارق هم طب وية جيتي طارق،،ها حجية شصاير خابروني هسة ام غيث،،ماكو يمة لايظل بالك مهرة،،جبت طبلة خليت الاكل يمهة ام غيث،،تعبتج بنتي مهرة،،تتدللين خالة اتقربت حوراء اتوكل بيهة واني اخذت حمودي وكعدت على صفحة باوعت موعد ابرة عندهة،،ابو زينب موعد ابرة خالة هسة تضربهة طارق،،اي اي وينهة مهرة،،انطيتة العلاج وضربهة الابرة بالكانولا ،،ومددت تعبانة ونامت حوراء،،تعبناج مهرة مهرة،،انتو اهلي صدك جذب حوراء،،اني يمهة مهرة،،لا اني راح ابات يمج بالغرفة انتي هم عندج دوام باجر حوراء،،مااداوم مهرة،،ميخالف اني هم شعندي بايتة وحدي،،راح اجيب ملابس واجي رحت لبيتي جبت ملابس وموبايلي غيث داك خابرتة وماكتلة الصار خطية ينهبط وهو بسفر ورجعت بدلت الي ولحمودي تعشينة ونمت بغرفة حوراء وجانت اول مرة ابات ببيتهم وحوراء باتت يم خالتي بتلاثة حسيت حركة بالبيت كمت لكيت حوراء بالمطبخ حوراء،،هم صخنت امي مهرة،،دجيبي اسويلهة كمادات طبيت للغرفة مهدي هم يمهة ويمسح بوجهة بخاولي رطب،،مهدي ارتاح اني يمهة انتو وراكم دوام مهدي،،متقصرين ام حمودي مهرة،،كعدت اسويلهة كمادات،،مهدي حباب نام يم حمودي بالغرفة مهدي،،خووش يلا تصبحون على خير مهرة،،حوراء نامت يمنة بالغرفة واني ضليت اسويلهة كمادات وكعدت رادت تروح للحمام طلعت وياهة عسلت وجهة وايدهة لان خطية حتى حيلهة يرجف ورجعتهة لفراشهة للستة غفت واني هم غفيت انحشكت بصف حوراء ونمنة تعبانين كلنة بحيث الساعة11واحنة ما حاسين حتى حمودي ظال نايم يم مهدي حسيت طكطكة وصوت فتحت عيوني خالتي تريد تكوم من الفراش،،اكومج خالة وكمت عليهة اسندهة،،شلونج اليوم ام غيث،،لا الحمدلله احسن رحم الله والديج،،رجعي نامي بنتي هسة اجتي ام خضر مهرة،،لا شبعت نوم كومتهة غسلت وطلعت للمطبخ كعدت سويتلهة ريوك خفيف وام خضر يمهة تفرك برجليهة واديهة كعدت اسويلهة لفات صغار وهي تاكل تباوعلي وترجع تباوع لام خضر شوية واجة مهدي شايل حمودي مهدي،،ها يمة شلون صرتي ام غيث،،الحمدلله احسن بهواي مهرة،،اخذت حمودي واترخصت اروح لبيتي ام غيث،،لا بنتي لا ترحين مو زوجج مو هنا ظلي مهرة،،هاا لعد ابدل الي ولابني واجي،،صدك رحت بدلت وسبحت حمود ورجعت لكيتهة ممدة بالغرفة وام خضر وحوراء ينظفن، ،شساعدكم بشنو حوراء،،طبخيلنة الغدة مابية والله مهرة،،تتدللون ام خضر،،هسة اجي اعاونج بنتي مهرة،،لاخالة ماعندي شي،،شتردون للغدة حوراء،،بكيفج مهرة،،فتحت المجمدة ماشاء الله طلعت لحم كلت اسوي مي لحم وبرياني صدك طبخت وسويت لخالتي شوربة خضار بمي اللحم كلت تفيدهة ،،سويتلهة واني واكفة سلطة فواكه وكلت لحوراء توديهة جاي اطبك بالبرياني واجت حوراء حضنتني حوراء،،شكرا لان هيج داريتي امي انتي والله العظيم ذهب وغيث حقة يحبج ويموت عليج مهرة،،ياعمري انتو اهلي واعزكم كلكم،،بهالحديث وطب غيث غيث،،السلام عليكم،،اليوم منو منور المطبخ مهرة،،ركضت سلمت عليه وهو باس راسي،،الحمدلله عالسلامة نورت البصرة غيث،،والله اذا كل مااجي هيج تستقبلوني يومية اسافر بعد مهرة،،لا فدوة حوراء،،احمم نحن هنا غيث،،ادري بيج ماشوفج شطولج صايرة،،لعد وين الحجية يمة حوراء،،مريضة امي ونايمة بالفراش غيث،،يا ساتر شكو مهرة،،ضربتهة بعكسي،،لاعيني ماكو معدتهة شوية اذتهة لايظل بالك غيث،،وينهة هسة حوراء،،بالغرفة مهرة،،ركض غيث واني باوعت لحوراء،،بربج هيج تهبطيه مو خطية اروح اشوفة، ،باوعت كاعدة خالتي عالجرباية وهو يبوس باديهة الحمدلله رجعت للمطبخ كملت الغدة واتغدينة وصبيت لخالتي وكعدت ويانة هالميز بالمطبخ كلنة التمينة انطيتهة علاجهة ورة الغدة ورحت لميت المطبخ اني وحوراء لان ام خضر مشت بنتهة جايبة ويمهة وكاللي غيث اصبلهة غدة صدك رتبتة الهة وخليت وياه فواكه اخذتة وتدعي لغيث وابني،،كملنة المطبخ وطبت ميساء ميساء،،السلام عليكم، ،شنو شبيهة امي ماعولت غديت الجهال واجيت ركض مهرة،،ماكو حبيبتي لايظل بالج، ،طبت ميساء يمهة والولد كلهم يمهة وحوراء طبيت اترخصت منهم اروح للبيت،،خالة محتاجة شي اني راح اروح للبيت ابني نعس ام غيث،،لابنتي تعبناج مهرة،،بنتكم اني ان شاء الله من رخصتكم،،طلعت للبيت قفلت الباب وطبيت سبحت ونومت حمودي وهستوني امدد واندك الباب صحت منو وصلني صوت غيث،،فتحتة مطفية نعس وتعب غيث،،ليش ماكتيلي البارحة امي اتخربطت وانتي الرايحة وياهة للمستشفى مهرة،،اتوقعت جاي يلومني لان ماكتلة،،باوعتلة بقلق ما ردت اقلقك وانتة بسفر وبعدين واذا رحت وياهة هية غير مثل امي وخفت عليهة،،حضني راسا وباس راسي غيث،،الف رحمة على روح امج على هالتربية اني شمسوي والله جازاني بمرة مثلج مهرة،صدك حسسني بقيمتي ومعزتي عندة بستة بخدة باوعلي وهو ذبلان همس ونفسة مخربط غيث،،اريدج كلشي بية يريدج مهرة،،رمشت بعيوني وكوة اتنفس،اتقرب واخذ شفايفي بكل لهفة وحب نساني حتى اسمي واني وين ما ابتعد الا من انگطعت انفاسي. دخت بحركتة وذبت بعدني ما مستوعبة الصار ومااحس الا اني عالجرباية نزع القطعة الفوك من التراك فرك وجهة وابتسم بمكر غيث،،هذا كلة الي والله اني اعمى وعايفج هالمدة كلهة. شنو هذا كيك مهرة،،غيث لاتباوع،،واغطي بروحي بخجل سحبت الغطة ورجعة سحبة مني غيث،،لج خل اشوف نعمة الله مهرة،،استحي شنو،،ما سمع سحبة ويباوعلي بلهفة لكيت روحي اتجرأ وابادلة بكل حب، ،بعدة ما متقربلي ودك الموبايل وخرب اللحظة غيث،،شتريد مصطفى خررب بيومك مصطفى،،خالي هنا وامي كالت خلي يجي غيث غيث،،الله ياخذ غيث،،جاي مهرة،،خليت ايدي على شفايفة، ،لاتگول هيج اسم الله عليك غيث،،تخافين علية مهرة،،انتة روحي ودنياتي كلهة منو عندي غيرك،،رجع يتقرب بلهفة،،عفية غيث غير وقت غيث،،همة خربوا ام اللحظة المايخافون الله مهرة،،مااطير غيث،،راجعلك ياحلو مهرة،،گام لبس وطلع اني رجعت مددت واستذكر الصار احس مااسيطر على كلبي ودكاتة نمت واني مبتسمة كعدت العصرية بدلت واخذت حمودي ورحت للبيت اتطمن على خالتي لكيت الكل ملتم بالصالة ورشا هم جاية وغيث كاعد يمهة ،،السلام عليكم،،رد الكل طارق،،هلا بام حمودي الذهب اتفضلي استريحي مهرة،،تسلم دايم،،شلون صرتي خالة رشا،،اكيد زينة بعد الهبر الحلو الجبتة الهة،،ما دريتي مهرة،،خير ان شاء الله رشا،،اني حاامل مهرة،،احس فجأة وانكطع الهوة كوة كدرت اسيطر هلى روحي ابتسمت بتصنع،،الف مبروك يتربة بعزكم بس شنواحس وجع بكل روحي كلبي احسة راح يوكف مو من حقي امنعهم بس موبيدي والله موبيدي،،ضليت كوة كاعدة على اعصابي بس ما ردت ابين اني ضعيفة كدام احد حوراء،،مهرة تعالي وياي اريد منج شغلة ام غيث،،شكو امي البنية هستوهة اجت حوراء،،اريد نسوي كيكة سوة،،جود تعال اخذ حمودي يلعب وياكم مهرة،،اي جاية راح حمودي وية الجهال وطلعنة للمطبخ سحبتني من ايدي حوراء للحديقة الورة،،شكو حوراء حوراء،،طلعي الحسرة البداخلج لان اني راح اموت مهرة،،باوعتلهة وكوة اتنفس،،مو من حقي اعترض اني اول مااخذتة ادري بي متزوج والاطفال مسألة وقت جانت وهسة الله رزقهم،،بس اجيب الجوز من البيت واجي عفت حوراء واني دموعي بس درت وجهي نزلن طبيت للمطبخ شبعت بجي امسح بدموعي ويرجعن يطيحن. حسيت ايد حوراء تمسح بجتفي التفتت عليهة وحضنتهة ابجي،،مااكدر حوراء احبة واموت عليه موبيدي هو البقالي بكل هالدنيا اباوعلة ابوية واخوية وامي وكل اهلي اني جاي احترك ومو من حقي اعترض ياربي ساعدني محد عندي غيرك حوراء،،اوي كافي كطعتي گلبي ولج ،،خل تولي انتي البگلبة والله اتشطري وسويلة درزن جهال مهرة،،غسلت وجهي ووكفت اسوي كيكة اني وحوراء بمطبخي كملتهة وخليتهة تبرد حطيت مكياج اخفي اثار البچي كعدنة بالحديقة اني وحوراء واجة مصطفى وميساء والجهال يمنة يلعبون بس اني بغير عالم فكري كلة يم غيث شجاي يسون ليش ماطلع موبيدي جنت انطبخ على ناار هادئة طبيت للبيت مااتعشيت اصلا وكلت ابني ونمت كل شوية افز اكول بلكت غيث رسل شي او يجي بس ماكو امالي خابت طلع الصبح وهو ماكو للتسعة اجتي ام خضر دكت الباب علية ام خضر،،بنتي تگول الحجية بلكت تجين تعاونينة لان عازمين اهل مرت مصطفى عالغدة مهرة،،صفنت اتذكرت صدك كال البارحة يرحون اليوم يعقدون محكمة بس اني بغير عالم جنت، ،اي خالة جاية،،بدلت واخذت ملابس مرتبة ولابني ورحت لكيت ميساء مهوسة بالمطبخ ميساء،،اي الله جابج وحدي لصت والخانم حامل ومعلگة فوك مهرة،،مبين الكل ميطيق رشا وتصرفاتهة،،اي تتدللين روح ماما عالتلفزيون، ،عالسريع طبخت تشريب الدجاج وكعدنة نلف دولمة اني وميساء كملت وهي كامت تطبخ التمن واني بلشت اسوي بحشوة البرياني ميساء،،والله كالت امي خفيفة وتشتغلين ناار ما عبالي بهالسرعة مهرة،،ههه اي متعودة بسرعة اشتغل كملنة وسويت كاسترد وجلي فوكاه ورتبنة كلشي طبت خالتي للمطبخ ام غيث،،ها كملتن عفية بالشاطرات ميساء،،نصة شغل مهرة يمة ام غيث،،عفية عفية معدلة مهرة،،طلعت خالتي وشوية وطبت رشا رشا،،صباح الخير شكو هالهوسة ميساء،،مساء النور، ،غير عازمين اهل نوران عالغدة رشا،،اووه نسيت كال غيوثي قبل لايطلع انزلي ساعديهم بس نعسانة والله البارحة ما نمت من وراه مسهرني الليل كلة ميساء،،عيب حبيبتي هاي اسرار بيناتكم مرة ورجال رشا،،ام حمودي ساعدتج اليوم عاد هية بالطبخ اسطة جانوا الزباين عليهة سرة مهرة،،اني جنت دايرة وجهي واستمع كلامهة واتكرضم بس من كالت هيج التفتت عليه رفعت تك حاجب،،ليش الشغل عيب رشا،،ليش اني كلت عيب ليش متحبين نذكرج بالماضي ميساء،،رشاا عيب لا تخليني اوصل الحجي لغيث رشا،،عليمن حبيبتي شكلت، ،اروح ابدل وارتب روحي من رخصتكم مهرة،،راحت وميساء تستغفر من وراهة ميساء،،احسبيهة علية عمري مهرة،،ماصار شي،،رحت بدلت بغرفة حوراء لبست كلبية اوف وايت وذهبي وشالهة وياهة مكيجت من حوراء رسمت عيوني مااعرف ليش ردت اطلع حلوة بيومهة بدلت لحمودي بقاط جديد لبست شحاطة تكرمون شوية كعب وسمعت هوسة صوت نسوان يسلمن لزمت ايد ابني رشيت عطر وطلعت باوعتلي ميساء وابتسمت ميساء،،اللهم صلي عالنبي گمرر مهرة،،فدوة لحلكج رفعتي معنوياتي،،طبيت سلمت عليهم جانت الام ونوران واختهة الزغيرة بكد حوراء يجوز ،،باركت للبنية وامهة وخالتي عرفتهم علية ام غيث،،مرت غيث الثانية نوران،،انتي مهرة اهلا وسهلا يووه مقطفى شكد يمدح بيج ومن هسة موصيني ادخل دورة طبخ يمج مهرة،،مو تتدللين عيوني، ،جانت عائلتهم راقية ببساطة ينحبون صبينة الغدة وبهوستة طب غيث ينقل بالمواعين وياهم بعدة بملابسة ممبدل باوعلي وابتسم اتقدم باس راسي غيث،،اكول المطبخ منور مهرة،،كلمتين لو كال هاج النفس واتنفسي براحة ابتسمت واشتغل من كل قلبي باوعت رشا واكفة يم الدرج خزرتني وصعدت، ،اوي شسويلهة كملنة وهو صعد بدل بدشداشة طلع يخبل فديت طولة اجة يمي و همس شطبختي انتي ميساء،،كلشي طبخت بكلشي مدت ايدهة اكل ياروحي من كلشي مهرة،،متت خجل بس هية عفوية حجتهة،،هو هم خجل وطلع يضحك،،كملنة الغدة وهوستة واهل نوران مشوا ومصطفى اسظتأذنهم تظل نوران للعصر يرجعهة وقبلوا بقينة كاعدين وريام هم اجت ورة الغدة وخالتي طبت تنام وطبت وراهة رشا كاعدين بالصالة وطلعت رشا من غرفة خالتي وكفت كبالي وبيدهة فلوس مدتهن الي رشا،،هذني خالتي دزتهن تكول كافيات لو بعد لان تعبناج اليوم،،،،،يتبع | ||||||||
|
| |
|
13-04-20, 04:36 AM
| #19 | ||||||||
| مراقبة عامة ومشرفة منتدى الروايات المنقولة
| #أول_الغيث_مهرة بارت ١٧ مساء الحب اعتذر جدا عالتأخير الصار مااعرف شبي الواتباد مينشر ابد كل ما احاول يفشل تالي نقلت البارت للملاحظات ومسحت البرنامج ونصبتة من جديدة يلا اشتغل،،اعتذر جدا،جاهزين اربطوا احزمة الامان وانطلقوا ،متابعة طيبة البارت السابع عشر فيد عبدالله مهرة،،باوعت للفلوس ولرشا وهي تضحك بخبث، ،كمت وكفت كبالهة واخذتهن منهة، ،باوعتلهن خمسة وعشرينات ثنين، ،عقدت حواجبي وحجيت،،هااي شنو قليلات وين خالتي اريد تزودني،،واتوجهت لغرفة ام غيث بس اني احس راح انفجر من الاعصاب رشا،،شتردين من خالتي اني ازودج عوفيهة نايمة وتعبانة مهرة،،وخررري مالي حجي وياج رجاءاً،،خاالة خااالة ميساء،،صلن عالنبي شنو هاي نوران،،الو مصطفى اخوك غيث يمك، ،صارت مشكلة بين زوجاتة مهرة،،دكيت الباب وفتحتة خالتي مستغربة وكفتنة وهوستنة،،هنا مااتحملت وانفجرت بالبچي،،خالة هاي فلوسكم ورحم الله والديكم اني موخدامة حتى اخذ فلوس اني اجيت اساعد ببيت زوجي ميساء،،ليش هيج يمة البنية منة وبينة ام غيث،،هو غير افتهم شكو اكلتوني بكشوري مهرة،،هاي الفلوس الدزيتيهن بيد رشا ترة اني محسوبة منكم وبيكم اذا تهيونيني هالشكل معناهة داتهينون زوجي الي هو ابنج ام غيث،،رشاا شمسوية للبنية رشا،،ها خالة غيث،،شكو شصاير ام غيث،،ماكو امي زعلة حبايب ميساء،،لا يمة مو زعلة حبايب البنية انهانت ببيتج ترضين اذا ترضين اني ماارضة غيث،،غير يحجون شصاير ميساء،،اجتي رشا انطت لمهرة فلوس تكللهة امي عود دازتهن كرامية لتعب مهرة رشا،،موهيج كتلهة من خالتي هدية ريام،،لا كلتيلهة دزتهن خالتي لان تعبناج ويكفن لو لا عيب عليج مهرة،،همة يحجون واني انتهيت من البچي احس الشهگة تطلع من نص روحي بعمري ما انذليت هالشكل غيث،،يمة اسالج سؤال وبداعت ابوية جاوبي الفلوس منج لو من رشا ام غيث،،ابني تتوقع اني اتصرف هيج ترة هاي مرجعهة عليك انتة معناهة المقصر واني مستحيل اذل ابني او انزل من قيمتة مهرة،،اتقدم غيث على رشا وجرهة من شعرهة وعصر وجهة بكل غضب رشا،،اه اذيتني عوفني غيث،،اذا ابوج ما مربيج عدل اني اربيج من اول وجديد مهرة،،ضربهة راشدي راسا طفر الدم من خشمهة ودفعة انضربت بالحايط ام غيث،،على كيفك يمة البنية حامل غيث،،انعل ابوهة لابو البطنهة، ،اسمعي لج هسة تصعدين تلمين غراضج وبوجهج ترحين لاهلج مااريد المحج بالبيت اصلا ساااامعة واني الي كعدة وية ابوج ادب سزز ،مهرة جيبي ابنج ولحكيني لبيتج مهرة،،طلع كدامي واني طفرت سحبت حمودي وركض للبيت بس شنو احس رجلية تختض من الصار اول مرة اشوفة هيج اعصاب يخوووف، ،طبيت هو كاعد عالتخم بالصالة يدخن ويهز برجلة بتوتر خليت حمودي بجربايتة بالغرفة ورحت كعدت بهدوء واترقب كل حركة منة غيث،،انتي ليش دخلتي امي ما خطرلج هاي سوالف ذيج الحقيرة مهرة،،دنكت وافرك ادية بتوتر،،هي كالت من خالتي غيث،،هااا واحنة شتكول نصدك ونركض نتعارك مهرة،،مااتعاركت اني غيث،،شتكول البنية باول طبتهة علينة بيت كا .....،،استغفر الله مهرة،،ليش تصيح علية،،اني شعلي. كمت ابجي واحجي منهارة اعصابي بعدين مو جديدة سالفة الفلوس هاية على امك مو اول مرة خطبتني خابرتني تعرض علية فلوس اعوفك عندهة مبدأ الاذلال هذا غيث،،اوكفي اوكفي شوكت مخابرتج امي مهرة،،هاا، ،باوعتلة عقد حواجبة بسؤال غيث،،شوكت مخابرتج احجي مهرة،،من من خطبتني اول مرة ،،ودنكت غيث،،شكالتلج مهرة،،كالت ابتعدي عن ابني ترة اكدر اوصل لاهل ابنج بكل سهولة واذا تردين فلوس وتبتعدين حجيتهة عيوني مدمعة،،يعني عبالهم لان حالنة بسيط ماعندنة كرامة وعزة نفس،،باوعتلة صار نار اكثر من ذيج اعصابة توجه يطلع واني صرت كدامة وسديت الباب،،عيوني كافي اكعد واهدء شي راح وانتهى مااريد مشاكل عليه غيث،،ليش ماكتيلي بوقتهة مهرة،،انتة ماكلت امي رافضتج حتى اجي واكلك شسوت ومن شفت ردت تتقدم كلت اقتنعت لخاطر سعادتك غيث،،هي الوصلت لاهل ابنج موو مهرة،،انتهى وراح ماضي وخلص واني يمك هسة غيث،،بعديش بعد ما دمرت حياتي بايدي اتزوجت وحدة مااحبهة ولاعبالج ماانقهر عليه هي هم مالهة ذنب وتالي صفيت لااني العايش وياج ومرتاح ولا وية ذيج مرتاح مهرة،،جان يحجي منفعل حتى كصتة عرگت اتقدمت وراسا حضنتة،،كافي عمري انتة لاتسوي بروحك هيج والله ماالي غيرك لا تاذيني بيك حبيبي انتة ،،،هدأ رأسا بكلامي بعدني عني حضنة ولازم وجهي باديه خلة گصتة على گصتي ويحاول يتنفس بهدوء غيث،،عيديهة مهرة،،شنو هية غيث،،گوليلي حبيبي عيديهة خل اسمع مهرة،،حبيبي، ،حبيبي انتة وروحي وعمري غيث،،احبچ مهرتي اعشقك مهرة،،احبك غيث احبك والله،،هالكلمات جانت مفتاح العاصفة الاجتاحت كياني سحبني للغرفة مثل الاعصار جانت نضرتة الي شي خاص مينوصف كانما اول مرة يلمس مرأة بحياتة سحبني لعالم خاص بي اني وهو وبس حتى الكلام انقطع وصارت بس الافعال والحركات تعبر اشتياقنة وحبنة اول مرة اصير جريئة هالشكل انسجمت وياه بكل احاسيسي وهو جان منسجم وياية بكل حواسة لدرجة غاب عن هالعالم كلة وفقد تعبت وغفيت بحضنة وهو يشتم برگبتي وحاضني بقوة ويهمس اعشقك واحبج شعوري ساعتهة احس طايرة فوك الغيم نسيت كلشي موحلو شفتة بحياتي قربة مني هو الجنة بحد ذاتهة كعدت العصر كوة سحبت روحي من حضنة كمت احس مكسرة تكسر طبيت سبحت بمي دافي وطلعت لابسة البرنص اتفاجأت بي كدامي واكف غيث،،وين شردتي مهرة،،ابتسمت ،،سبحت حبيبي غيث،،ياروح حبيبج انتي،،تعالي مهرة،،غيييث كافي غيث،،مو احتركت عشيرة غيث مهرة،،اخذني بكل لهفة وما عارضتة ابد بكل الي يريدة جنت وياه وهذا الشي يخليه ينجن اكثر،شالني وسبحني بايدة بكل حنان ودلال طلعت حمودي كاعد بجربايتة اخذتة بوستة وشلتة طلعت للمطبخ غسلتلة وشغلتلة التلفزيون وانطيتة فواكه ورجعت للغرفة ابدل لكيت غيث يمشط رش عطر واتقرب سحب المنشفة من شعري انثر على طولة غيث،،اني امشطلج مهرة،،براحتك حبيبي غيث،،اويلي شلون تريد اكلهة اليوم لا تتنعوصين كدامي كلبي رچي$ يا مرة مهرة،،ههه والله مااتنعوص هو صوتي هيج غيث،،شوگعني غير هالصوت والدلع اويلي من تهمسين وتحجين اذوب مهرة،،يمشطلي بهدوء كمل بعد شعري حضني من ورة وراسة على جتفي صفنت بالمراية للحظة حسيت روحي بحلم واتحقق انجمع وية غيث جان حلم صعب بس حشا على رب العالمين عوضني بي كلشي غيث،،صافنة الحلوة مهرة،،ادعي ربي يحفظك الي غيث،،ويخليج الي انتي وحمودي مهرة،،صدك ليش جنت تصيحني كلة ام حمودي متنطق اسمي غيث،،ما ردت اضعف واجيج الا وروحي صافيتلج، ،اني من اگول اسمج ترجف روحي مهرتي انتي مهرة،،بست ايدة الجانت تتلمس وجهي بحنان ورقة بدلت وطلعنة يم حمودي بقة اليوم كلة يمي مافاركني لحظة سعادتي بهذاك اليوم متنوصف عيشني ملكة واميرة وكلشي وثاني يوم كال مااطلع للشغل العصر اريد اطلعج ونتعشى ونرجع فرحت ومتحضرة من الصبح افكر شلبس وشنسق سوة اني وهو وحموود بعدة هستوة اتغدة ودك عليه مهدي خاله هنا وجايب ورشا انعقدت معدتي لهالخبر راح ساعة ورجع كال اجتي رشا غيث،،حبيبتي مالهة كل علاقة بيج خالي كفلهة لان اني مااتحمل ولااطيق بعد وكتلة زلة وحدة اعوفهة وما اداري خاطر احد ساعتهة،انتي معليج بيهة ولاعليهة بيج واني ان شاء الله مااقصرمنجن اثنينجن مهرة،،اكيد حبيبي حشاك من التقصير غيث،،خلي ننام شوية ونكعد نطلع مهرة،،صدك عادي غيث،،ليش لعد مو وعدتج من البارحة مهرة،،اي صح،،تسلملي عمري غيث،،لا هاي العمري وحبيبي خليهن بالغرفة حتى اعرف شلون اخذ حيفي ساعتهة مهرة،،دنكت ابتسم بخجل كرص خدي وطب للغرفة اني نومت حمودي ورحت نمت بحضنة كعدنة العصر وبدلنة وطلعنة صدك بيومهة تونست وياه واني اشوفة شلون محاوطني بنضراتة وميخلي الهوة يمر من يمي لازم حمودي وساعة شايلة طببني لصايغ وگالة اريد حلقات نازكة وهمس يم اذني غيث،،اخذي الحلقة التعجبج مهرتي مهرة،،تسلم ياعمري،،اشتريت حلقة نازكة ويصير وياهة محبسهة توينز شوية جاب سوار فخم لبسنياه غيث،،يخبل بايدج بالعافية، ،بلا زحمة هاي الگلادة مهرة،، لا مااريد والله،،ماسمع مني ونزلهة جانت فد شي نازك مداليتهة بشكل ملاك وجناحاتة كرستال غيث،،بعد محابس بس قياس زغير مهرة،،كافي ياعيني هواي صارن غيث،،المفروض من البداية اشتريلج بس التهيت بالمشاكل والهوسة ونسيت اعذريني عمري انتي مهرة،،والله عيوني دمعت لحنيتة عسى ربي يديمة الي،اشترالي محبس بعد قريب لشكل السوار خليتهن بعلبة وبالجنطة ولبست الحلقة طلعنة اتعشينة واخذت لحوراء ومهدي بيتزا ونمنمات شيخلصني غير هههه،،ورجعنة اتونست كلش بيومهة وغيث بالرجعة كلهة لازم ايدي ويبوس بيهة وحمودي منطلق رجعنة واتذكرت رشا جاية غابت ابتسامتي اكيد راح يروحلهة يلا لو يوم بالاسبوع هاي تسوة الدنيا عندي اقنع بنفسي بهالكلام طبينة للبيت كال اسلم على الحجية ،،هاا اجي وياك عادي غيث،،ليش لعد مهرة،،خاف ضاجت مني عالصار البارحة غيث،،انتي صاحبة الحق ليش يزعلون، ،تعالي يلا مهرة،،دخلنة جانوا ملتمين بالصالة طبيت سلمت وردوا طبيعي رشا بس شافتنة صعدت فوك بدون متحجي كلمة ولاحتى ترد السلام،اتقربت يم خالتي وبست راسهة،،خالة اعذريني اذا البارحة صار سوء فهم واتسرعت احسبيني بنتج وغلطت ومنج السماح ام غيث،،ما صار شي بنتي انتي هم اعذرينة عالصار ومتنعاد بس هيج سوالف مهرة،،ان شاء الله كعدنة شوية ومهدي طب مهدي،،وين حصتي من العشا نسيتوني مو ياحيف واني وين مااطلع اجيبلكم مهرة،،،هههه والله ذكرناك وجبتلك عشا مهدي،،عفية باخيتي ادري برجلج ولاابالة انتي ام گلب الجبير مهرة،،بقينة كاعدين شوية نزل غيث الغراض واترخصنة ورحنة للبيت، ،گلبي اانترس بالحب من شفت غيث طب وقفل الباب يريد يبات يمنة بس هم كلت حرام علية رغم والله كل السوتة رشا بس كلت مااريد اقسي گلبة ناحيتهة،،بعدك زعلان عليهة غيث،،ليش السوتة شوية لوما خالي مااباوع بوجهة خليني بعيد عنهة حتى مااذيهة لخاطر البطنهة مهرة،،بدلت واخذني غيث لعالمة الخاص،،هستونة غفينة ودك موبايل غيث امة رد مفزوع غيث،،ها حجية خير ام غيث،،الحك رشا جاي تنزف غيث،،يا ساتر جاي جاي لبسيهة بساع مهرة،،طلع واني بالي يمة والله حتى هية انقهرت عليهة صعب هالشعور على كل ام ،،ورة ساعة تقريب خابرتة جان مبين ضايج،،ها عيني خوما اكو شي غيث،،الطفل واكع اصلا ما لحكنة عليه مهرة،،ياعيني الله يعوضك يارب لا تقهر روحك حبيبي طير بالجنة يشفعلك غيث،،الحمدلله على كلشي،اروح هسة مهرة،،براحتك عيني، ،سدة ومبين ضايج حقة يظل ابنة وجان يتمنى يشوف خلفتة،،للصبح رجع يمي كبل نام بلا مينطق حرف مبين ضايج كلش للعصر يلا كعد طبيت للغرفة جان يدخن مهرة،،مو زين عليك ياعيني اتغدة اكل شي غيث،،مااشتهي مهرة،،ميصير ياحبيبي غيث،،كاااافي مهرة لا تلحين مهرة،،فزيت لصيحتة خنكتني العبرة طلعت للمطبخ اعصرلة برتقال يريح اعصابة وابچي لان صيح علية شهالتناقض هههه،،حسيت بي اتقرب وحضني من ضهري غيث،،اسف صيحت عليج فرغت ضوجتي بيج حبيبتي بس مخنوك جنت اتمنى طفل يشيل اسمي وتالي وكعتة بيدي مهرة،،التفتت عليه،،شعليك انتة غيث،،الطريق كلة تبجي تكول من وراك لان ضربتني ودفعتني حيل وكع حتى ماقبلت انزل وياهة لبيت خالي مهرة،،اكيد مو صح هالكلام يبقى هذا ابنك او بنتك ومستحيل تتقصد تأذيهم، ،اعذرهة اعصابهة تعبانة كل مرة بمكانهة تزعل عالطفل لو خسرتة عسى ما حامل شهر هم تضوج غيث،،هاي هية الحمدلله والله يعوضني خير،،بعدج زعلانة مني مهرة،،لا ما ازعل منك،،هاك اشرب هذا العصير بين مااحضرلك الغدة، ،اتغدة وسبح وراح لبيتهم واني شوية ورحت سلمت عليهم خالتي مبينة ضايجة حتى من غيث ومتحجي وياه،،،اسبوع ورجعت الامور طبيعية بينهم وبلشنة نحضر لعرس مصطفى،،رشا بعدهة يم اهلهة وغيث خفت ضوجتة احسن بس حتى عني مبتعد احسة يعاقب نفسة لشي مو ذنبة،كلهة تحضر وتجهز واني ماادري شسوي او احضر تالي خابرت غصون، غصون،،ها بذاتة تفطنتني مهرة،،اوه كوم اخبار اسولفلج من تجين لعرس مصطفى،،تجين مو غصون،،اكيد مهرة،،خوش،،اريد منج خدمة غصون،،اامري مهرة،،اريد فستان للحنة وطقم للزفة مالي ميانة اطلب منهم هنا وحوراء اشترت من النت واني مااثق بهالشغلة وغيث ضايج مااريد اگلة طلعني غصون،،مو تتدللين ياحلوة طالعة باجر للمنصور بس وصفيلي شنو ببالج مهرة،،صوريلي هناك واختار بس كون القماش شي راقي غصون،،توصيني اني مهرة،،لامااوصيج انتي ام الذوق،،ثاني يوم صدك دزتلي صور وعجبني واحد اختاريتة وكوستم بنطرون وسترة للزفة وحذاء كعب ثاني يوم مرتلي ميساء ميساء،،راح نروح للمركز زوجي يودينة اني وحوراء ترحين تنضفين بشرتج تغيرين بشعرج مهرة،،اي اروح بس استأذن غيث،،كتلة وما قبل خابت امالي وضجت بس سكتت بطبعي من يگولولي لا مااناقش وارادد،قبل الحنة بيوم اجتي غصون فدوة شكد مشتاقتلهة كعدنة نسولف وحجيتلهة كلشي غصون،،تطورات فضيعة مو كتلج الصبر علاج علاقتكم مهرة،،الحمدلله بس ضوجتة خبلتني معتكف عن كلشي ومحمل روحة الذنب وحتى لاهلة ميروح ومن اكلة يتعصب غصون،،عادي اتحملي هالفترة اعصابة تعبت لاتنسين هاي اول فرحتة وانطفت مهرة،،عاذرتة والله على عيني وراسي بس اخاف عليه هذا روحي وكل البقالي اذا عليه مااخاف عليمن لعد اخاف غصون،،يمة فدوة للحب والكلام،،دكومي ام لسان جبتلج ملابس تجنن مهرة،،جابتهن وجانن فد شي فضيع وراقي باللبس يخبلن والقياس فت، ،لليل راحو بيت قائد باتوا ببيت طارق لان هوسة ببيت اهل غيث البنات ملتمات كلهن وخالاتهم البعيدات ما حبيتهن جامدات وما طايقاتني مجرد سلمت وطلعت عكس عماتهم الي من يجن بس يعجبني اكعد واسولف وياهن لبساطتهن ولسانهن الحلو،،نومت حمودي وطب غيث غيث،،اكلج جابتلج غصون ملابس مو مهرة،،باوعت عليه شمدريه، ،اي جابتلي غيث،،هممم بالعافية،،الصبح كعديني من وكت عندي شغلة مهرة،،صار تتدلل، ،راح نام واني سبحت ونمت بصفة سحبني لحضنة وباس خدي وغفة، ،وقتت الموبايل وكعدتة الصبح وسويتلة ريوگ غيث،،شوية وارجع مهرة،،براحتك نضفت البيت وطبخت الغدة من وكت كلت حتى نتغدة وماانخبص ب11تقريبا ورجع هو غيث،،كملتي ماعندج شي مهرة،،اي كملت غيث،،يلا لبسي وجيبي ملابسج وتعالي مهرة،،وين عقدت حواجبي بتسائل غيث،،حجزتلج بمركز تجميل اريد اليوم مهرتي العروس مهرة،،صدك والله فدوة لگلبك،،وكمزت حضنتة غيث،،يلا بساع ترة كوم شغل عندي مهرة،،اي اي ركض خليت ملابسي وملابس حمودي و صبيتلة بحافضة ليجوع و بدلت وطلعنة غيث،،من تكملين خابريني تلگين ريام وغصون گدامج،،لفي روحج زين مهرة،،ياعمري تسلم،،دير بالك على نفسك،،نزلت لافة عبايتي وطبيت لكيت ريام تسوي بشعرهة واجتي علية ريام،،هلاو مهرة،،عيني تمارة اريدج تطلعيهة لعابة هاي جنتنة الجديدة تمارة،،هاي الي من بغداد موو مهري،،اي عيوني اهلا وسهلا غصون،،اي عيني هاي البغدادية مهرة،،طلعت غصون ووجهة متروس ماسك،،تخبلين غصون هيج روحي غصون،،ولي انتضري النتيجة وشوفي مهرة،،بلشت نضفت وجهي رتبت حواجبي نضفت بشرتي كالت اغير بشعرك كتلهة بس عدلي الاطراف،،كملتة وبلشت تسويلي مكياج كملت وماعرفت نفسي من الجمال سحبت العين تخبل وبارزة جمال عيوني ماقبلت البس عدسات احب لون عيوني الطبيعي شعري سويتة كيرلي على طولة لجوة خصري ولونة الاسود الفاحم وشلت بف بسيط من كدام هالحركة بينت قرص وجهي احلى لبست الفستان وجان لونة زيتوني قصير ونفش مثل البدلة ومن فوك قماش تول وعالردان شفاف وبي شغل راقي بالقماش والصدر كصة تفاحة مبينة من جوة التول الخفيف الصاعد مغطي عالرگبة والردان وحذاء تكرمون ذهبي ولبست الذهب الجابةالي غيث صدك فرحت بروحي غصون،،يمة فدوة حبيبتي لعابة ريام،اللهم صلي عالنبي تخبلين اليوم غيوثي يتخبل عليج احتمال ميخليج تطلعين من البيت مهرة،،بدلت لحمودي ووكلتة كملت والبنات اتأخرن،،اخر شي خابر غيث اعصاب گال طلعوا كلهم لبيت العروس وانتو ماكو اجاكم طارق ياخذكم لهناك گبل الجناين ثنينهم ماكو موعيب،،وما شافني غيث شكد تمنيت يشوف شكلي ،،اخذنة طارق لبيت البنية گبل همزين كلشي وياية جان انلاصت اموري لان ريام ماجايبة الذهب مالتهة وساعة توصف لطارق شيجيب ويا طقم،،دخلنة الحفلة مبلشة دخلنة للغرفة نزعنة العبايات ورتبنة رشيت عطر من غصون وطلعن هنة واني حمودي دگ رجل الا نظل هنا منطلع بالهوسة وكعدت اقنع بي وماكو تالي لمح ابن وسناء يفتر وكيف وقبل نطلع طلعت لازمة ايد حمودي وامشي بهدوء اريد اندل وحدة عرف اكعد يمهة وهمة اقاربهم ماشاء الله الطرفين،،،حسيت الانظار توجهت علية مشيت ووحدة تسأل بعمتهم هاي مرت الغيث الجديدة والله حقة تخبل وشگدوتهة وعمتة ترد بفخر اي تسوة عشر نسوان حقة يدگ رجل وياخذهة،،اتقدمت باركت لنوران ولمحت ميساء وخالتي رحت سلمت عليهم ام غيث،،ماشاء الله بنتي اقري المعوذات مهرة،،ابتسمت بانتعاش وكعدت يمهم، ،شوية واجتي حوراء تهوس وتركص جرتني اركص وياهة واني مااعرف وكفت اصفگ وياهة واجتي ميساء شاورتني ميساء،،تگول امي خلي تگعد النسوان اكلنج اكل بعيونهن مهرة،،حسيت نفسي صدك شي مميز بيومهة، ،اتونست كلش بس ضجت لان غيث ما شافني يلا اشوفة صورة، ،رجعنة المغرب ونزلنة ببيت طارق لان هوسة بالباب مال لبيت،،شوية واتضايقت كتلهم اروح ابدل واجيب ملابس لحمودي وارجع على ما تخف الهوسة ويرحون لان حنة الولد بقاعة،،طبيت من الباب الجانبي للحديقة الخلفية ولبيتي گبل هستوني ذبيت العباية ودگ موبايلي غيث،،الووو غيث،،مهرة وين انتي مخرة،،ببيتي رجعت ابدل ليش غيث،،ايي رحمة لوالديج هاية دشداشتي جود ابن الكلب گلب عليهة بيبسي راح اجيبلج وحدة جديدة اكويهة مكسرة من الكارتونة مهرة،،اي اي بسرعة تتدلل،، سحبت الميز وترست الاوتي مي مفلتر وشغلتة ونصيتة يحمة بهدوء،،اندكت الباب صرت وراهة وفتحتهة غيث،،ها حبيبتي ها......،،خرررب بالعشيرة هاي شنو الگمر مهرة،،ابتسمت،،عجبتك غيث،،صدك والله رحتي هيج مهرة،،اي شبيهن مستور ترة غيث،،خررب بحضك غيث لج يامستور مفصلج تفصال،،شو افتري مهرة،،افتريت ورجعت وكفت گبالة،،حلووة مو غيث،،غير تخبلين غير تموتين شليتي حالي يا بنت بغداد رحمي بگلبي مهرة،،مااحس الا شالني وطب للغرفة،،عزة غيث والحنة والدشداشة راح تتأخر غيث،،لا تخليني حتى للعرس مااروح مهرة،،اتقربلي بلهفة يشرح حبة واشتياقة ولاهمة موبايلة الاحترگ بالاتصالات ولا الوقت التأخر، ،طب يسبح وغمزلي غيث،،بالليل. انكمل مهرة،،عزززة كافي تأخرت،،لفيت نفسي بالروب واباوع للفستان مشمور والحذاء تكرمون كل واحد بجهة معركة ليگول، ،رحت كويت دشداشتة بدل بسرعة وباسني وطلع، ،طبيت سبحت وارتاحيت من المكياج والسبري التارس شعري بدلت واخذت ملابس لحمودي ورحت لبيت طارق غصون،،شو سابحة شكووو مهرة،،ماكو ضجت من المكياج والهوسة ريام،اممم وغيث شعندة يمج احترك موبايلة اتصالات من طارق وميرد تالي شفتة طلع من يمج مهرة،،اووف منجن ولا يفوتچن شي غصون،،تخبل على شكلج موو مهرة،،امم هو اني ماعرفتني هههه،،وعدة هاليوم وثاني يوم زفيناهم ركض بركض وفرغنة البيت الهم ياخذون راحتهم واني وغيث ببيتنة بايتين هو هم رجع عريس عالواهس، ،ثاني يوم سافروا لتركيا هدية زواجهم من غيث وبقوا اسبوع هالاسبوع هلكنة من الخطار والهوسة ورشا رجعت بس معتكفة والله اني ضجت عليهة بس مااتقربت ناحيتهة اعرف شنو نفسيتهة،غيث ورة جيتهة بيومين راح بات يمهة ورجعت حياتنة لطبيعتهة يوم يمي ويوم يمهة بيوم اليمي احير شدلل واهتم بي وهو كلش يقدر اهتمامي بي ودائما يحاول يفرحني بهدية حلوة طلعة مرتبة صارلي عالم ودنيا، ،علاقتي بالكل طيبة وخالتي حابة وجودي وصارت تعتمد وجودي كفرد بالعائلة الة دور مهم خاصة بالعزايم والخطار اني ام البيت اصير ورشا تنجن بس متدبرهة صح يطيح حضي وانغسل وجه وگفة بس كلشي يهون لخاطر عيون غيوثي،،،ايام تجر ايام وحسيت بروحي عندي اعراض حمل لعبان نفس ودوخة طرت فرح بس ردت اتاكد يلا اخبر غيث وقبل ما اتأكد صار الماجنت حاسبة حسابة ودائما تخوني الحسابات ،جان يوم عادي كعدنة الصبح غيث بليلتهة يمي بايت اتريك وبدل باس راسي مثل عادتة وكرص خدي وطلع كملت شغلي طبيعي ورحت لخالتي اسلم عليهة واشوفهم طبيت بعدني بباب الصالة واسمع عيطة خالتي رجت البيت ام غيث،،يمة ابني دخيلك ربي كلة ولاولدي ،،،،،يتبع موعدنا مساء السبت دمتم برعاية الرحمن | ||||||||
|
| |
|
13-04-20, 04:37 AM
| #20 | ||||||||
| مراقبة عامة ومشرفة منتدى الروايات المنقولة
| #اول_الغيث_مهرة بارت١٨ مسااا الورد والعنبر،،يا ورودي الحلوين،،مشتاقتلكم هووواي،،بدة شد الاعصاب برحلتنة مستعدين اربطوا الاحزمة وانطلقوا،،متابعة طيبة البارت الثامن عشر فيّد عبدالله مصطفى،،الصبح رحنة للشغل اني بسيارتي وغيث بسيارتة مثل كل يوم عادي،،كملنة شغلنة بيومهة من وكت وگال غيث اني راح ارجع للبيت ونوصي سمچ مسگوف وتمن احمر مشتهي هالاكلة وانتة جيب خواتك خلينة نلتم عالغدة سوة، ،صدك طلعنة كلمن بسيارتة وخابرت نوران وبعدني احجي وياهة ومااحس الا تريلة عبرت من ذاك السايد علينة اني نزلت عالترابي واباوع سيارة غيث يمشي اسرع مني رأسا حاول ينزل عن الشارع و طارت بالهوة وانگلب مرتين والسيارة انگلبت بالعكس و انتهت ركضت مثل المخبل على اخوية والعالم التمت اباوع غيث سابح بدمة ردت اتخبل نمت بالگاع وبس اريد اطلعة اعيط متخبل والعالم وياية بس انريد نطلعة كوة سحبناه والناس خابرت الاسعاف واني روحي باخوي تعلگت بس اريد احس بنفس منة سحبناه كوة يجر النفس وفاقد، ، رجليه عاصيات بالسيارة الصايرة قوطية اجوي اهل الاسعاف وويانة يسحبون على كيف بعيني شفت شلون عظم الفخذ طاك وطالع من الجلد اتخبلت كمت ادك على راسي والناس سحبوني صعدت وياه بالاسعاف منتهي واني اشوف اخوية يصارع خابرني مهدي الموبايل بجيبي اريد اندلة احس انثولت خابر متخبل لان من صار الحادث جنت احجي وية نوران واكيد كالتلهم جاوبتة كوة احجي لازم ايد غيث حيل واباوع لوجهة ميبين تراب ودم والاوكسجين على وجهة ويحاولون بس يوكفون النزف من رجلة لان هواي متأذية،،شالوا تيشيرتة يفحصوه وانصدمت بكدمة ببطنة ،،رأسا صاحوا نزف داخلي بسرعة اني اتهسترت على ما وصلنة روحي طلعت خابرت طارق راسا وگال صديقي جراح بالمستشفى واني جاييك نزلنة ودخلوه عمليات رءسا بس اني احس روحي راحت بعد ومالي طاقة احجي حتى ولااوكف كعدت بالگاع ودم اخوية تارس ادية وانخبص المستشفى بالگرايب اختنك الممر ولد عمامي وولد عماتي وطارق اجة ركض ودخل للعمليات ومهدي اجة مخبوص واني احس فاصل حتى ماارد كمت على تلفوني وانتظر بس خبر يبردني غيث بالنسبة الي مو بس اخو لاابو هم ربيت وياه وعلمني كلشي ومتحمل مسؤليتنة كلنة بدون ما يشتكي بيوم نضيع بدونة احنة ،،،،،،،،،،، مهرة،،احس جسمي خدر كلة من عيطت خالتي بقيت جامدة بمكاني بهالاثناء ونزل مهدي يسحب بالتراك ويحجي بالموبايل مهدي،،مصطفى بيا مستشفى، ،بروح ابوي غيث عايش لو تچذب علية مهرة،،اني سمعت هيج وكعدت بالگاع واعيط،،ليش ربي دخيلك شمسوية اني تحرمني شكو عزيز مهدي،،استهدي بالرحمن مو هيج ان شاء الله مابي شي،حادث وراح يطلع سلامات بس گولي ياالله مهرة،،ميت وتچذب علية مووو اني فگر اني مامكتوبلي ارتاح هية كوة احط روحي بدرب الراحة مو هيج ربي،،فقدت حتى ابني جمد خوف وانعزل على صفحة عاط مهدي بية مهدي،،عايش والله بعدة عايش بس گومي يم امي حبابة انتهت بالغرفة اني طالع للمستشفى مهرة،،اخذني وياك مااظل مهدي،،بداعت غيث اكعدي بس الزمي القران واكعدي مهرة،،عافني وطلع يركض واني بنفس كعدتي مابية حتى اگوم يرجف كل حيلي طبن عماتهم ركض ويصيحن يمة الغيث يمة وليدنة اني هنا انتهيت كلت ميت وراح مني من الصبح گلبي واجعني والله حضنت ابني الختل بحضني واتصككت يم الميز بالگاع كاعدة وحاضنة ابني وارجف ام همام(عمة غيث)،،يمة اسم الله بنتي شبيج مهرة،،باوعتلهة ومااكدر انطق بس شفايفي ترررجففف ،،حسيت مي بارد على وجهي شهكت ونزلت دموعي،،مات مو كلولي مات وعافني ام همام،،اسم الله الله لايگولهة اذكري الله بنتي ميصير هيج مهرة،،اعتكفت بالصالة حاضنة ابني ودعائي ميوگف،،ربي اني مسني الضر وانت ارحم الرحمين، ،ربي الطف بحالي وباوعلة،ربي لاتحرمني منة مالي غيرة بهالدنيا، ،اردد وفاصلة عن العالم البيت انترس البنات كلهن والعمات خالاتهم ونوران يم خالتي التخربطت ووكعت،،كلهة تسولف عالحادث واني احس روحي طلعت ياعيوني انتة بية ولابيك كل شوية يتصلون وماكو بعدة بالعمليات والوقت بدة يطول والقلق يصعد، ،بهالاثناء وطبت رشا وتعيط رشا،،وينهة الفگر ام المصايب هاية وحدة فگر ما كعدت ببيت اذا ما موتت اهلة لا رجل ولااهل وهسة رجعت على غيث اطلعي برة بيتنة حقيرة الله لايوفقج ميساء،،رشا كافي عيب البنية شعليهة بدال ما تدعين الله يزيح هالشدة ويطلعة سالم گاعدة تفاولين عليه،،اخوية مابي شي وراح يطلع منه بس گولوا ياالله مهرة،،بدة الهمس والمشاور اعرف كلهة خلت كلام رشا ببالهة ،،اذا اني نفسي هيج گلت،،احس خلصت طاقتي ومالي طاقة حتى اتحمل نضرة اوكلمة شفقة اخذت ابني وطلعت لبيتي خليتة عالجرباية وغسلت وجهي وتوضيت وفرشت مصلايتي واتوجهت لربي مالي غيرة،،الساعة جرت الساعتين واني ما كمت من المصلاية حتى حمودي حاس اكو شي وهادئ ويباوعلي كل شوية اخابر مهدي ويگول بعدهم بالعمليات واحتاجوا دم ومن مهدي ماخذين وابن عمهم متت خوف ورعب اخر شي ورة ساعتين ونص خابر مهدي گال كملوا العملية والدكتور كال يبقى تحت العناية 24ساعة بالعناية يخافون من النزف الداخلي وكوة مسيطرين عليه سجدت وانهديت ابجي ياربي دخيلك مالي غيرك طلعة من هالشدة،،حسيت حمودي يبوس بية حضنة وابوس بي ودموعي تصب حمودي،،شبيج ماما شنو يوجع مهرة،،يوجعني گلبي ماما،،حضنة ورجعت ابجي،،يمسح بوجهي ويبوس بية، ،كمت غسلت وصبيتلة ياكل خطية جاع، ،كملت وخليتة ينام واني لازمة القران واقرة شوية وطبت حوراء كبل للغرفة حضنتني وتبجي حوراء،،مهرة ادعيلة الله عليج مهرة،،توصيني بروحي لج هذا اعز من الروح خذا كل الدنيا بعيني، ،بقت حوراء يمي نامت عالجرباية ودموعهة تصب واني احس مااريد افارك مصلايتي قربي من رب العالمين هو الشي الوحيد الريحني حاليا،بقيت اقرة قران واصلي ماحسيت الا واذان المغرب يأذن ردت اكوم اصلي واحس افترت بية الدنيا،،لزمت الحايط ونفسي تلعب كلش،،مااتحملت ركضت للحمام اذب من راسي كعدت حوراء ووكفت بباب الحمام بقلق تسألني شبية،،كتلهة تعبت يجوز حتى راح من بالي سالفة شكي بالحمل والله،شوية واجتي ميساء ميساء،،هاي ليش هيج وجهج اصفر حوراء،،داخت وكامت تتقيأ ماماكلة شي ميساء،،اكلي شي مهرة لازم نقوي نفسنة هالايام لخاطر غيث فدوة منريد يطلع يلكاج واكعة مهرة،،كلام ميساء كلة ايجابية تخليك ترتاح شوية ميساء،،امي تگول خلي يجن هناك للبيت ممنوع تعزل نفسهة هنا انتي وحدة منة وبينة مهرة،،الله يسلمهة بس هنا هدوء واقرة قران خليني حبابة واتعذريلي من خالتي ميساء،،براحتج حوراء تجين حوراء،لا اظل يمهة اليوم مهرة،،طلهت ميساء وكلام خالتي جان بلسم لروحي التعبانة خفت لاردة فعلهة مثل البقية وتضوج مني واني مناقصة والله كل تعب الدنيا بية،،لثاني يوم وكلمااخابر ماكو خبر جديد بعدة فاقد الوعي احس روحي تطلع عالبطيء،،اخر شي بال11الصبح خابر مهدي مكيف يعيط مهدي،،ولج مهرة صحى وخبصنة يريد مهرتة مهرة،،ابجي واضحك والله كلت اتخبلت ساعتهة ،،ياروح مهرتة وعيونهة وقلبهة ياعيوني بية ولابيه مهدي،،شيريد عمي لو وحدة هالكد تحبني اكوم ركض مهرة،،الله يرزقك ببنت الحلال التريحك على هالخبر ،،بهالاثناء وطبت حوراء تعيط حوراء،،ولج صحى غيث ياربي الحمد لله مهرة،،حضنتهة ما مصدگة،،رحت ركض توضيت واتوجهت اصلي واشكر ربي وتدهيه تخلص هالازمة بسلام،،للعصر اجة مهدي يبدل وركضت عليه من راد يطلع،،مهدي عليك الله اخذني مهدي،،وين يابة المستشفى مگلوب گلاب بالعالم مهرة،،عليك الله مو رشا وخالتي راحن الصبح اخذني مهدي،،هو غيث ما قبل تجين بذيج الهوسة والله حتى على رشا ماقبل،،غير وكت حبابة مهرة،،طلع واني شبعت بچي واحجي وراه، ،روح مهدي بعد لاتگول عندي اخت جبيرة رجع علية مهدي،،بالليل اخذج يابة بس خلي تفض هالعالم مهرة،،مسحت دموعي وابتسم،،ماشي انتظرك الله عليك لاتكسر بخاطري مهدي،،ان شاء الله مهرة،،رجعت يم خالتي ورشا بودهة تكطعني بس محد منطيهة مجال واني اتجنبت انفرد وياهة هي او وسناء ذني الاثنين ماطايقاتني،،،صدك لليل طبخت للعشا لان هواي اكو، ،وسويت لغيث شوربة وشلتلة مي لحم بحافضات وانتظر وماكو لل11خابرتة گال هوسة،،ضجت بس كلت ميخالف بلكي باجر وثاني يوم وماقبل مصطفى اومهدي اي وحدة تروح عدا خالتي واتوسل بي ويكلي اي ويجي الليل وماكو حالة غيث بدت تستقر تقريبا ويتحسن بس رجلة مأذيتة يگولون خابرتة مرتين من مهدي احجي وياه وچان بارد بس كلت هاي لان تعبان ومعذور حبيبي، ،،اسبوعين وماكوما شايفتة طك گلبي كعدت المغرب انتظر مهدي يجي ولابسة وحتي عبايتي بايدي اول ما طب طفرت عليه،،هسة تاخذني والله اذا مااخذتني ماكو ااجر تكسي واروح مهدي،،استغفر الله مهرة،،شهكت ابچي،،شبيكم ياعالم ترة هذا زوجي والله حرام عليك هيج تسوي بية مهدي،،اووف يلا بسرعة تلبسين عبايتج وتطلعيلي من بيت طارق ولد عمتي ببابنة مهرة،،ماشي ثواني،،لبست العباية وحمودي يم حوراء والجهال،،وطلعت ركض لبيت طارق بعد مااستأذنت ريام،، وبيدي حافظات اكل مجهزتهن مهدي،،اي ادري سفرة مدرسية وهالكد اكل مهرة،،ياعيوني غير يتقوة شلون لعد يطيب مهدي،،الله يسهل ويگوم بسلامة،،اسمعي من هسة مااريد بچي ونوايح ترة نفسيتة صفر وكوة نحاول نطلعة من هالازمة مهرة،،ليش شبي هوة مو عدة مرحلة الخطر مهدي،،رجلة بعدهة مامعدية مرحلة الخطر وهالشي مخوفنة حتى طارق قلق مهرة،،باوعتلة عيوني متروسة دموع،،يعني شبيهة رجلة مهدي،،راح نوصل وتشوفين،،بس بداعت ابنج ريحي اعصابة وطمني بلكت الله ويهدأ مهرة،،اكيد،وصلنة ونزلت الحافظات شالهن مهدي مهدي،،لفي عبايتج زين وصيري وراية مهرة،،اي، ،صدك غطيت وجهي وصرت وراه امشي ووين ميفوت يسلم،،وصلنة لغرفتة دك الباب ودخل مهدي،،يابة شلون مفاجأة جايبلك،،فوتي ام محمد مهرة،،دخلت يمة وجان يمة حسين ومصطفى،كاعدين فز من شافني وخزرني بس اني شنو روحي راحت لشكلة التعبان ووجهة الاصفر وشاحب ورجلة الي معلگة وكلهة حديد وبراغي طوال احس گلبي وجعني،،همست السلام عليكم ردوا الولد واترخصوا وطلعوا واني يم الباب متصفصفة وواكفة،،همس بتعب ياعيوني حتى صوتة رايح غيث،،ليش اجيتي مهرة،،اتقدمت بست راسة وخدودة واديه ودموعي نزلت مااتحملت اشوفة بهالشكل مااتحملت فكرة ممكن اخسرة،،من عمري لعمرك ياعمري وروحي وحبيبي انتة غيث،،كافي لاتبچين وتاذيني مهرة،،لا ماابچي،،هاي دموع فرح لان الله رجعك الية غيث،،شرجعني مهرة رجلي راح اخسرهة مهرة،،عمري انتة لاتگول هيج ان شاء الله تطيب غيث،،واذا ما طابت يبتروهة تفهمين هالشي انتي،،اصير معاق مهرة،،ميخالف اني عكازتك اصير،، اني بس نفسك بالدنيا كافيني والله غيث،،روحي مهرة كافي،،مهدي تعال اخذهة مهرة،،طب مهدي واني مسحت دموعي وجان غيث يسحب ايدة من ايدي ودار وجهة،، غيث،،مهدي لاتجيبهة بعد لاتجيب اي احد مااريد اشوف غيرك انتة ومصطفى مهرة،،باوعتلة مصدومة ليش هيج يسوي ليش هيج يگول شلحكت اشوفة اني ليش يريد يبعدني، ،غيث عيوني انتة شبيك بس باوعلي،،شال گلاص يمة ورگعة بالگاع غيث،،مابية شي عوفوني وروحوا وبعد لاتجيين سمعتي اكسر راسج اذا طلعتي من البيت مهرة،،لفيت عبايتي وطلعت اشهك ومهدي گدامي، ،صعدت السيارة وخليت وجهي بين ادية وانهديت بچي،، مهدي،،كافي مو كتلج نفسيتة تعبانة مهرة،،ماابچي منة ابچي عليه،،ليش هيج صاير واذا يعترض على امر رب العالمين شيصير اني وياه عسى ما للموت اني وياه ومااعوفة اريد اسندة واوكف وياه ليش يريد يبعدني عنة هالشكل مهدي،،اصبري وان شاء الله ازمة وتعدي مهرة،،يارب،،رجعنة وبالي كلة يمة شلون راح يتجاوز هالازمة واذا لاسامح الله بتروا رجلة شلون بيه هوة هو مجرد الفكرة ما متحملهة عود اذا صارت صدك ياربي تشافيه وتعافيه يارب،،ورة يومين كالو باچر يطلع على مسؤليتة لان معاند وماقابل يظل بالمستشفى وهو بالعناد عاد محد يگدرلة وكايللهم مو طارق دكتور شسوي باقي هنا،،كلت لريام تشتريلي كم شغلة محتاجتهن ومن ضمنهن اختبار حمل،،الي ناسيتة ولاابالي والله كدما بالي مشغول،،صدك جابتلي نواقص للبيت جنت محتاجتهن واشياء الة واختبار،،اول ما سويتة طلع خطين واضحات،،فرحت وانترست امل انه يفرح غيث بهالخبر ويبدي يعدي هالمرحلة ويفكر بعائلتنة رحت بشرت خالتي الي فرحت من كل گلبهة بس الصدمني كلامهة ام غيث،،بنتي هالموضوع لا تگولين بيه هسة لاحد خلي يثبت وگولي مهرة،،وغيث اريد افرحة ام غيث،،گوليلة بس هم لايجيب طاري مهرة،،ماشي،،طلعت وراسي مفتر، ،ليش متريد احد يعرف معقولة تخاف من رشا وهي بنت اخوهة ولو هالايام احس خالتي ما طايقتهة ومتباوع بوجهة الله اعلم شصاير،،ريام ماسألت ولااتدخلت بيهة طبيعة حلةثوة متتدخل بخصوصيات غيرهة ابدا الا انتة تجي تسولفلهة،،ثاني يوم كعدت نضفت البيت وبخرتة سبحت. اني وحمودي ورتبت شكلي قفلت البيت وطلعت لبيتهم الجبير الغدة وهوستة جابوا طباخين فماعندنة شي نزلت رشا ليگول عروس حتى لابسة فستان ام غيث،،شدعوة هالكد فرحانة لازم رشا،،اكيد عمو هذا غيوثي الغالي شعندي غيرة مهرة،،اباوع لخالتي هزت راسهة ساكتة،شوية ووصلوا وهوسة وهورنات وطلق والذبايح وانخبص البيت طببوه للاستقبال گبل مجهزينلة سرير بي وطبت خالتي طشت الجگليت وتهلهل والبنات ممنوع وحدة اتطب لان صايرة لخة، ،اتغدت العالم والهوسة الورة الغدة ومواعين والچاي على مافضت هلكنة وشوية وطب مهدي مهدي،،فضت العالم طبن سلمن يا نسوان كطيعة كوم نسوان ميساء،،اعوذ بالله من عينك مهدي،،فديت عيوني ينومن بالمكان مهرة،،طبن البنات للاستقبال خواتة ورشا وبنات عماتة وعمة ونوران واني بالاخير استحي والله،،اخر شي سحبتني خالتي وخلتني اطب اسلم بنص هالهوسة اتقربت وعيوني متروسة شوقق وفرح بست راسة وهمست،،الحمدلله عالسلامة نورت البيت غيث،،شكرا مهرة،،گالهة بدون مايباوع علية حتى،،اصلا ماجان طايق احد وكلهة لاحظت عصبيتة من عاط كافي هوووسة اريد انخمد،،كلهة سلمت وراحت نظفنة البيت ورتبناه ودخلت امدد بغرفة حوراء،،هستوني غفيت واسمع عياط غيث رج البيت غيث،،اثوول انتة شلون تكسر الابر شيسكن الوجع البية هسة مهدي،،لا تعصب هسة اجيبلك من الصيدلية والله غيث،،لك خمس دقايق ما اتحمل الوجع هذا مهرة،،اباوعلة واكفة بالباب ودموعي تصب هذا مو غيث والله لعد شنو الوجع البيك ياروحي انتة،،خطية مهدي طلع ركض يجيب الابر،،حاول يعدل روحة وفز من الوجع وصرخ ااه،،ركضت عليه اني وخالتي ومصطفى،،حاولت الزمة غيث،،عوفوني لحد يلزمني،،اطلعوا كلكم مناا مهرة،،خليت ايدي على حلگي وشهكت ابچي غيث،،اني شگلت مهرة،،طلعت ركض واحس روحي تنطحن قهر عليه متأذي كلش وتعبان وميريد يظهر تعبة ووجعة لاحد،،اني مو اي احد يا غيث اني مهرتك اني نصك الثاني وروحي بيك،،مر يومين اشوفة بيهن خطف لو اوديلة اكل لو مي لو عصاير ماسمعت منة حرف، ،رشا انصدمت ببرودهة تجاهة اصلا لو تشوفة مرة مرتين بالليوم لو متدخل الاستقبال اصلا الولد وياه ومهدي حتى بالليل ينام يمة وشيحتاج هو وياه بس هاي البراغي والشياش الحديد المزروعة برجلة دمرتة دمار ولازم تعقيم وعناية حتى ميلتهب الجرح لان مخترقات الجلد ومثبتات العظم اشبع بچي من اشوفة شكد متأذي اسبوعين كمل واخذوه للطبيب وكاللهم كل تحسن ماكو والعظم ابد ما لاحم والجرح بادي يلتهب اذا منا لاسبوع ما شفنة تحسن نبترهة للرجلة،،هنا دخلنة مرحلة الانهيار العصبي لغيث صار بركان وميتحمل نفس،،ماكدرت حتى اگلة عالحمل وابشرة احس كلشي صاير تافه بعينة وكلشي ميريد يسمع ،، البنات يجن ميجيبن جهالهن وحمودي اغلب الوقت بالبيت يم حوراء او تجي ريام تاخذة يم جهالهة خطية شكد حبابة واني اظل بالبيت اني ونوران اطبخ وارتب وللخطار الميفك ياخة بيا حال هوة ،،ورة يومين دخلت ارتب بالاستقبال الظهر عالسريع هو نايم على كيفي اشيل بالاستكانات والقواطي الفارغة حتى لايحس لان العصر اكيد خطار ومااكدر ارتبة ومهدي خطية تعب وهلك انوب دوام وخطار وغيث الله يساعدة ومصطفى للشغل حدة للظهر ويرجع يم غيث على ما يكمل مهدي دوامة ويرجع المغرب ،،جاي اشيل بواحد من الاستكانات قريب عليه وفتح عيونة ولزمني من ايدي غيث،،وتالي ماانام موتني الوجع وانتي حايرة تنظفين مهرة،،مو مو غيث،،بعدج واكفة تمتمين،،ولي بسرعة مهرة،،دفع ايدي بقوة وعثرت بالطبلة الوراية ووكعت اجتي خالتي الجانت كبالي بالصالة ركض وحجت وهية تگوم بية ام غيث،،عزة بعيني ولك يمة ليش البنية حامل مهرة،،اباوع لغيث ظل صافن بوجهي ميرمش حتى شوية وتنهد ودار وجهة وهمس غيث،،اريد انام عوفوني وحدي وطفوا الاضوية،،،،،،يتبع | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
