فصليتي دكتوره ، للكاتبة / حوراء "عراقية " (مكتملة )

[فيتامين سي]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء روايتي الغالين نقدم لكم رواية ((فصليتي دكتوره )) للكاتبة / حوراء قراءة ممتعة للجميع ...

[فيتامين سي]

رابط لتحميل الروايه

https://www.rewity.com/forum/t425556.html#post13647930



قصه تتحدث عن دكتوره ذهبت فصليه بدل
من قتل اخيها

تعريف الابطال

هلو اني اسمي مريم من بغداد خريجه طب
جامعه بغداد(دكتوره قلبيه) عندي 3اخوان (عيسئ ويوسف وموسئ) احنا مسلمين تره اني اشتغل بـ احد المستشفيات بغداد طبعا بحكم شغلي اطلع واطب واسافر

موسئ(اني موسئ اخو مريم صغير عمري20 صح اني اصغر منها بس اسرارها كلها يمي واسراري كلها يمها ودخلت طب عام علمود اكون وياها اني دائما اخذ سياره مريم اتفيك بيها عل بنات

[فيتامين سي]

#البارت الاول

موسئ:مروش…ميما…مرمر…مريو م
مريم:خير يا طير شتريد
موسئ:عيب عليج اني مصلحچي
مريم:ههههههه لا ابد …احچي شكو
موسئ:اريد سياره 😊
مريم:يا سياره
موسئ:سياره امي😡غير سيارتچ ياميما 😏
مريم:هههههه مو كتلك مصلحچي
موسئ: هسه تنطيها لاخوچ حبيبچ لو لا 🙄
مريم:لا…الا اعرف شسوي بيها
موسئ:اريد اتفيك وارقم البنات بيها

مريم:موسئ كم مره گتلك عوف هل سوالف بنات العالم مو لعبه عند حضرتك وبعدين انت عندك اخت تقبل احد هيج يسوي ويايه😡😠

إنني متعبه للحد الذي يجعلني أرضى بكل أفكارك الخاطئة عني، للحد الذي لا أطيق فيه تصحيحها أو شرح حقيقة مشاعري أو حتى تبرير هذا الإنهيار...؟💔
موسئ: والله محد كللهن صيرن خفيفات وبعدين اني الي محتشمه ومحترمه نفسها ما اوصل يمها بس الملطلطه لا هاي هيه تكلي تعال ………(عيب😂😂)
مريم:لك يا اخي صير انت احسن منهن انت باچر عگبه دكتور بگد الدنيا واني دافكر من تتخرج انت نفتح عياده اني وياك
موسئ:صدگ مروش 😍
مريم:صدگ ياعيون مروش انت
موسئ: زين بس هل مره والله اخر مره وعد
مريم:ماشي اخر مره ……هاك
موسئ:يمه فديتج يا احلئ اخت بالدنيا ربي لا يحرمني منج 😘
مريم:هههههه شكد تحب مصلحتگ
موسئ(اخذت السويچ من مريم ورحت سبحت )

مريم(وراه ماطلع موسئ من يمي نمت حسيت عله كارلا تكعدني)
(للمعلومه كارلا تكون بنت عيسئ اخو مريم يتيمه والدتها متوفيه)
كارلا:عمه …عمه…عمه…عمه
مريم:اني كم مره گلتلچ لاتگوليلي عمه
كارلا:لعد ستدلت (لعد شكلج)
مريم:بگيفچ بس مو عمه
كارلا:لاح ادلج ددتوره اوتيه (راح اگلج دكتوره اوكيه)
مريم:الله هذا احله لقب احب اسمعه…يله نزلي هسه اجي وراج
مريم (بدلت ونزلت لكيت اهلي كلهم كاعدين ويشربون چاي
مريم(بصياح):خيانه تشربون چاي بدوني
ابو مريم:شبيچ بنتي جلطتيني
مريم:هههههه غير يا بابا اسويلكم حس بالبيت
ام مريم: دتعاي اشربي چاي
مريم:اجيت حمبقلبي اجيت
ابو مريم:اگول بابا مريم
مريم:گول بابا
ابو مريم: صارلچ يومين بالبيت وما رحتي للمستشفى خير صاير شي
مريم:ها بابا لازم مضوجتك گعدتي بالبيت
ابو مريم: لابابا بس اريد اطمن عليچ
مريم:لاحبيبي بس انطوني اجازه لان صارلي فتره ما اخذت اجازه حته الجمعه چنت اداوم
ابو مريم:اي والله يا بابا تعبتي هواي بالمرضئ
مريم:واجبي هذا بابا لازم احافظ عله حياه الناس
مريم(دك تلفونها)
مريم:الو
المتصل:الو سلام عليكم
مريم:وعليكم سلام تفضل
المتصل: حضرتج دكتوره مريم عندج سياره رقمها ……02
مريم:اي اني تفضل
المتصل: استاذه اخوج بالقسم مال شرطه كراده
مريم:شنو شتحجي ليش شمسوي موسئ
المتصل:چان سايق السياره بسرعه جنونيه ودعم واحد وهو حاليا الولد مابين الحياه او الموت احنا نطلب منچ تجين لانج صاحبه السياره
مريم:حاضر مسافه الطريق
مريم (سديت الخط)
ابو مريم:ها بابا شكو شبي موسئ
ام مريم:مريم شبي اخوج
مريم(الدموع تجري):بابا موسئ بالسجن
ام مريم:شنو يمه ابني
ابو مريم:شتحچين انتي بابا
مريم(حچيتلهم الصار وبدلت ورحنا وبقه يوسف يم ماما وكارلا وصلنا للمخفر ضابط صديق عيسئ فتنا شفت موسئ گاعد عل كرسي ودموعه تصب شافني اجه ركض عليه وحضني
موسئ: مريم فدوه طلعيني منا فدوه
مريم:هسه حبيبي هسه نرجع للبيت
الضابط:حضرتج دكتوره مريم
مريم:اي نعم
الضابط:هويتج دكتوره
مريم:تفضل
الضابط:شكرا ………تفصلوا
مريم و ابو مريم وعيسئ:شكرا
مريم(سئلني عده اسئله وگلتله هو متعود ياخذها مني وهذا گله وموسئ مچلب بحضني)
الضابط:اني ماكدر اطلعه الا اهل الولد يلغون قضيه
مريم (اباوع عله موسئ هو بحضني ومچلب بيه مايريد يعوفني ومن گال الضابط تكدرون ترجعون بس هو لا ضل يتوسل بيه حته ما اعوفه ودموعه تجري
موسئ: مريم حبابه فدوه لاتعوفيني فدوه
مريم:ياروحي خلي اروح هسه والله بس ايأذن الفجر اجيك
موسئ:اروحلج فدوه لاتعوفيني
مريم:موسئ حبيبي انت رجال وسيد الرجال والقوي مالتي شد حيلك وصير قوي اوك حبيبي
موسئ: حاضر بس بشرط
مريم:شنو هو ياعمري
موسئ: باجر من الصبح تجين يمي
مريم:طبعا ياعمري من الصبح يمك اني
موسئ: يلا روحوا
ابو مريم: يلا مريم وانت بابا موسئ شد حيلك واحنا من الصبح يمك
موسئ: حاضر يابه
مريم(عفنا موسئ وگلبي انمرد عليه)
ابو مريم: امشو نروح لاهل لولد بالمستشفى بلگي يقبلون يتنازلون
مريم:بس احنا مانعرف بيا مستشفى هو
عيسئ:هسه اعرف هو بيا مستشفى واجي
(اجه عيسئ)
مريم:ها عرفت بيا مستشفى
عيسئ:بمستشفى …………
مريم:حلو اني معارفي هناك
ابو مريم: ماشي لعد امشوا

[فيتامين سي]

الثاني

وصلنا للمستشفى سئلنا عل ولد كالوا بالعمليات رحنا للعمليات واخذت اذن حته ادخل عمليه واشوف الوضع لان دكتوره وصلنا لغرفه العمليات ردت ادخل شافني خالي مصطفى
مصطفى:خالو مريم شسوين هنا
مريم:ها مصطفى انت هنا شسوي
مصطفى:الولد الي بالعمليات صديقي واحنا منتظري
مريم (اجه ابويه وعيسئ
مصطفى:ها انتو هم هنا خير صاير شي
عيسئ:لابس چينا نشوف الولد الي انضرب
مصطفى:ليش منين تعرفوا بس هذا الي موسئ دعمه
رجل اخر: انتو الي ابنكم دعم ابنا
ابو مريم: اي واحنا جايين نطم عل ولد وبنتي من الجراحين راح تدخل تشوف وضعه وتحاول تنقذه
رجل اخر: تخسي احد منكم يدخل لابنا انوب تكتلوا
عيسئ: عمي احنا نريد ننقذه ولا اقل
مريم(ضلو يحجون ويتجادول اني عطت)
مريم:كافي اني اريد انقذ حياته وانتو هنا تتعاركون مو عيب عليكم زلم وتتعاركون وماتخلوني ادخل انقذه
واحد من الواكفين: اي حته تموتي
مريم:ليش اموته حته اخويه يتورط بالقضيه اكثر
شنو هل غباء
واحد من الواكفين: ضل يغلط ويفشر
مريم:احترم نفسك لك لا عبالك بنيه ماكدر اجاوبك لاحبيبي اذا ماتعرف الاحترام اعلمك اني الاحترام
مريم(تعاركنا وطلع دكتور گال بقيه بحياتكم وابو الولد اغمئ عليه وواحد من اخوته گال راح ظهري راح سندي راح دنيتي وعمام وخوال الولد تعاركوا ويه ابويه واخويه رددت افاككههم ماكدر صحت عل امان يلا كدروا يفرقوهم واخذت عيسئ وبابا ورجعنا للبيت تلكتنا ماما
ام مريم: ها يمه وين ابني
عيسئ:راح يبات اليوم بالحبس لحد مايتنازلون اهل الولد عن القضيه
ام مريم: يمه ابني
مريم:لاتخافين ماما ابنج رجال
مريم (ثاني يوم كعدنا صبح تريكنا وراها بابا اخذ عمامي واخوتي ورياجيل من العشيره وراحوا عله اهل الولد لان اليوم كعده عشاير وراها رجعوا وابويه دمعه بطرف عينه واخوتي مقهورين وعمامي وخوالي الغضب معتليهم دخلو ماما گالتلهم
ام مريم: ها بشروا شصار
يوسف: فصلونا 100 مليون
مريم:الفلوس تروح فدوه لاخويه المهم موسئ مايصير بي شي
عيسئ:مو بس هيج يريدون فص……
مريم:شيريدون احجي عيسئ
واحد من عمامي: يريدون فصليه عمي
مريم:شنو فصليه هيه بكيفهم شنو هل تخلف
عيسئ: شنسوي هم يريدون فصليه حته ماينگتل اخوچ
ام مريم:زين منو راح تروح فصليه
واحد من خوالي: ماعدنا غير مريم
مريم:شنو شتحجون انتو اني اني اروح فصليه اني الي صارلي 7سنين اكون نفسي وبعد ماصرت دكتوره والي سمعتي هيج اروح فصليه
عيسئ:اي يامريم ماعدنا حل غير انتي تروحين فصليه لو ينگتل موسئ
مريم:لا كلشي ولا يوصلون يم موسئ اني قابله اروح فصليه
ابو مريم: بس اني ماقبل بنتي تروح فصليه
مريم:بابا ميخالف اروح فصليه ولا اخويه يصيرله شي
ام مريم: انتي من كل عقلچ تريدين انطي بنتي الوحيدة فصليه
مريم:اي ماما…عن اذنكم
مريم(صعدت لغرفتي وقفلت الباب ودخلت چوا اللحاف ودگ بچي لحد ما نمت كعدت ب11 عطشانه نزلت دا اشرب مي لكيت عيسئ بالحديقه ودا يدخن اول مره اشوف احد من اخواني يدخن طلعت بالحديقه وصحتله
مريم:عيسئ
عيسئ:ها انتي كاعده
مريم:ليش دا دخن
عيسئ:ضايج فدخنت
مريم:ومن شوكت وانت دخن
عيسئ:من يوم ماتت مرام
(مرام زوجه عيسئ طبعا عيسئ جان يعشقها مو يحبها ومن توفت هواي تأذه وتعب )
مريم:زين ليش
عيسئ:اطلع قهري وتعبي بيها
مريم:واتأذي صحتك حته تخلص من قهرك
عيسئ:عندج غير حل
مريم:سوي اي شي بس مو تأذي صحتك
عيسئ:مادري
مريم:زين هسه ليش دادخن هم ضايج
عيسئ:اي
مريم:من شنو سؤلفلي
عيسئ:يعني اخوج داعم واحد وهسه هو بالسجن والولد الي دعمه مات وانتي باجر لو عگبه راح تروحين وبعد ما نشوفج

مريم:اني لا تخاف عليه ومنو گال بعد ماتشوفني لا ان شاء الله يطلعون خوش عالم ويخلون اجيكم هسه المشكله بأخوك مادري شلون راح يتحمل ليله

عيسئ:راح اسئلج سؤال وجاوبيني لان تعبت ومالكيتله جواب
مريم:اسئل
عيسئ:ليش كل الي احبهم يعوفوني ويرحون
مريم:تصدگ اني اريد جواب لهل سؤال
عيسئ:مريم ممكن اطلب طلب
مريم:طبعا يروحي
عيسئ:حضنيني لان يجوز هذا اخر مره تحضنيني
مريم:اششششش تعال ولاتحجي هيج بعد
عيسئ: تدري صح انتي اصغر مني بس احسج اكبر مني بهواي ومن امي ماموجوده احسج انتي امي
مريم:حبيبي اني ماعندي غيركم والله غير انتو اخوتي وظهري بهل دنيا
مريم(حضنت عيسئ وكمنا نبچي واجه يوسف)
يوسف:ها انتو كاعدين
مريم:اي تعال
مريم(واجه يوسف بحضني وضلينا احنا 3 نبچي لحد ما نمنا بالحديقه وما حسينا بس عله اذان الفجر كعدنا وصعد كل واحد لغرفته صعدت لغرفتي توضيت وصليت فجر وضليت اقرا قران لحد ماكعدوا اهلي نزلنا تريكنا وراها اجه خالي مصطفى
لان هو صار الوسيط بينا وبين اهل الولد
ابو مريم: ها مصطفى شكلولك
مصطفى:والله ابو عيسئ يگلون مريم باجر لازم تروحلهم وهما راحوا تنازلوا عن القضيه وفدشويه يطلعون موسئ
ابو مريم: ضروري باچر تروح مريم
مصطفى:اي ضروري يلا اترخص اني
ابو مريم: وين كاعد
مصطفى:لا والله عندي شغل…مع سلامه
ابو مريم: الله وياك




[فيتامين سي]

الثالث

مريم (صالحني بابا)
ابو مريم: مريم تعاي بابا
مريم:اي بابا اجيت
ابو مريم:باعي بابا انتي باچر راح تروحين لبيت زوجچ
مريم:باچر 😦😣
ابو مريم: اي بابا …بابا اريدج تكسبيهم وتعامليهم مثل ما تعاملينا وتسمعين كلام زوجج وخلي يحبج وخليهم يحبوج وانتي حبيهم وان شاء الله ما يأذوج
مريم:ان شاء الله
ابو مريم: يلا هسه روحي ويه امج للسوگ وجيبي الناقصج
مريم:حاضر
مريم(رحنا للسوگ اني وماما شتريت كومه سوالف بس ماحسيت بفرحتهن بليل رحت للمستشفى حته اقدم استالقتي قدمتها وكانوا دا اقدم روحي للموت وكلها سئلتني ليش گتلهم ظروفي ما تسمح اداوم بعد
ثاني يوم صبح نزلت تريكت وراها صاحني بابا
ابو مريم: بابا جهزي غراضج فد شويه يجي مصطفى وعيسئ يودوج
مريم:وانت بابا ما تجي
ابو مريم:لا بابا ماكدر لشوف بنتي وهيه تروح من ايدي
مريم:😢😢😢
ابو مريم: ويا بنتي لا تنسين الكلام الي گلته الچ البارحه
ام مريم:اي بنيتي لاتنسي ونفذي ودائما اشكي همج لالله وخلي هو حسبج وهو وكيلج وتحمليهم واسمعي كلامهم وخصوصا رجلچ
مريم:حاضر
ابو مريم: كومي بدلي بنتي
مريم(صعدت ابدل وسمعت امي تگول
ام مريم: يمه موسئ ابني
مريم( نزلت ركض حته اشوفه واحضنه لكيت حاضن امي وايبچي واحجي ويا وهو مجلب بحضن امي ويبچي عيسئ گلي عوفي وصعدي كملي تبديل حته انروح صعدت بدلت ولبست قاط اسود وحطيت شال خفيف عله راسي لان سافره دانزل سمعت موسئ بغرفته يبچي دگيت الباب وگلتله
مريم:ممكن ادخل
موسئ: عوفيني وحدي
مريم(دخلت لكيته حاضن المخده ويبچي كعدت يمه وكمت العب بشعره وگلتله
مريم:ياروح اختك ليش تبچي
موسئ:اسف خيتي بس مو قصدي هيج اسوي اسف
مريم:اشششش اسكت ولا حرف
مريم (ضليت حاضنته وحاضني ونبچي اجه عيسئ ويوسف وكل واحد حضني من جهه
يوسف:لا تروحين حبابه
عيسئ:فراكج صعب والله
مريم:ياروحي انتو لازم اروح ان شاء الله يطلعون خوش ناس وطيبين
عيسئ:ان شاء الله …يلا كومي دنروح
مريم:يلا امشي…يلا ياعمري اني رايحه ياقلبي
موسئ: مريم سامحيني
مريم:سامحتك ياعمري اهم شي انت انتبه لدراستك وعيش حياتك
مريم(نزلت وسلمت عله ماما وبابا ورحنا واني طريق كضيته كله بچي اول مره بحياتي هيج ابچي وصلنا وشفت البيت گتلهم
مريم:هذا بيت ميلا
مصطفى وعيسئ:يا ميلا
مريم:ميلا صديقتي وبمقام اختي
عيسئ:همزين اكو احد تعرفي هنا
مريم:اي
مصطفى:يلا خلي ننزل لان تاخرنا عليهم عيب
مريم(نزلنا شفنا رجال چبير ويا ولد سلم عليهم مصطفى وعيسئ واني مچلبه بأيد عيسئ دخلنا چوا كعدنا وراها راح عيسئ ووصئ عليه وبقه مصطفى يمي حسيت بإمان شويه سئلني رجال چبير
رجل كبير :عمي انتي دكتوره شنو
مريم:دكتوره قلبيه عمي
رجل كبير :يعني راح تفيدينا 😅
مريم:ان شاء الله ما تحتاجني فديوم
رجل كبير :الله يسلمج بنيتي
واحد من الشباب:بس لا انتي دكتوره مريم الي بمستشفى ………
مريم:اي ليش
رجل كبير :منين تعرفها انت عمي

واحد من الشباب:عمي هاي اشهر من نار عله علم بالطب هاي القدوه بكل مجالات طب لان صغيره وصارت من اهم الاطباء بالوطن عربي والطلاب يتمنون بس يلمحوها
رجل كبير :اها…علي بويه صيح عله وحده من البنات خلي تاخذ دكتوره
علي:حاضر يابه تفضلي دكتوره
مريم(رحت ويا صاح عله اخته ميلا ومن شافتني تفاجأت وكالتلي
ميلا:ولج مريم شسوين هنا بس لا انتي ……
مريم:لي اني
ميلا:ياعمري تعاي فوتي
مريم(فتنا جوا وشافتني ماري وهم تفاجات واجتي ام ميلا
ام ميلا:هله يمه نورتينا
مريم:هله بيج خاله
ام ميلا:يلا بنات اخذو مريم ومن يجي شيخ نصيحلكم
مريم( صعدنا لغرفه ميلا وكضيناها بچي)

[فيتامين سي]

الرابع

كافي مريم شكد لغيتي لخاطر عوفوا مريم وتعالوا احجيلكم
(مرحبا اني عمر عمري24 اشتغل بشركه والدي اني واخويه عندي 4اخوان و4 خوات (خالد وعلي وحيدر واحمد وميلا وميس ومي وميرا) عايشين اني وامي وابويه واخوتي وجدو وبيبي

وفد يوم چنت ضايج وشفت احمد كاشخ وديطلع گلتله
عمر:احمد امشي نطلع شويه نلعب طوبه ونجي
احمد:هسه خلي اروح ومن ارجع نطلع
عمر: وين رايح
احمد: شعليك انت😒
عمر: رايح للحب مو 😉
احمد:اي😍
عمر:ماشي بس لا تتاخر
احمد:اوكك
عمر(وراه ما طلع احمد صارت ساعه بل 4 وما اجه وفجاه دك تلفوني
عمر: الو ها احمد وينك
المتصل:اخويه صاحب الرقم بالمستشفى وحالته خطره
عمر: شتحجي انت يا مستشفى
المتصل:مستشفى ………
عمر: ماشي چاي حالانا
عمرنزلت مثل المخبل واصيح احمد بالمستشفى رحنا للمستشفى اني واخوتي وابويه سئلنا عليه گالو بالعمليات اجوي عمامي وولدهم وخوالي وولدهم واحنا واكفين باب العمليات اجتي دكتوره تريد تدخل لغرفته العمليات بس شنو من جمال شايله عيون زرق وشعر اسود وقزومه وخدود شافها مصطفى صديق احمد گللها ها خالو شتسوين هنا جاوبته وراها اجه ابوها واخوها عرفنا هم اهل الولد الي دعم احمد عمامي وخوالي وولدهم تعاركو وياهم وهمه ديتعاركون صيحت عليهم ورزلتهم اول مره اشوف مريه ترزل زلم وهيه دا تتعارك ويه ابن عمي طلع دكتور گال بقيه بحياتكم اسودت الدنيا بعيني وكمت اصيح اخويه حزام ظهري هيج يصير بي ويعوفني ويروح ثاني يوم صارت كعده وفصلناهم 100 مليون وفصليه ثالث يوم صاحني ابويه
ابو عمر:تعال عمر
عمر: ها يابه اچيت
ابو عمر: يابه انت الي راح تاخذ الفصليه
عمر: لا يابه مستحيل اخذ الي اهلها گتلوا اخويه وبعدين اني اريد ازوج رجاء
(رجاء حبيبه عمر وبنت عمته بنفس الوقت)
ابو عمر: مو هيه بكيفك
عمر: يابه اني ماكدر لان اذا اخذتها راح اموتها والله نطيها لخوتي لو لولد عمي
ابو عمر: راح تاخذها وغصب عنك اخوتك كلهم مزوجين وانت اكثر واحد احق بيها واذا سويتلها شي اني اموتك
عمر(عفت ابويه وطلعت افكر شلون اعيش وياها واني كارها حته قبل ما اشوفها ورجاء شلون يالله والله اموت اذا عافتني وراها دك تلفوني گلولي تعال اجه شيخ رحت للبيت)
ارجع ارجع ارجع لمريم نشوف شصار وياها
م

ريم (صعدنا لغرفه ميلا وضلينا نبچي وراها صاحونا گالوا اجه الشيخ نزلنا اني وميلا عقدنا شيخ وعرفت اسمه عمر اخذتني خاله ام ميلا لغرفه كلش حلوه گلتلي رتبي غراضج هنا وسبح وبدلي وارتاحي گتلها تسلمين خاله رتبت غراضي ودخلت سبحت وطلعت مددت عل جربايه وراها نمت وماحسيت بعد عله شي
عمر (عقدنا وعرفت اسمها مريم وراها ردت اطلع صاحني ابويه
ابو عمر: ها عمر يابه وين
عمر:طالع يابه
ابو عمر: وين طالع امشي اصعد يم مرتك
عمر: لاتگول مرتي اترجاك يابه
ابو عمر: لا مرتك وغصب ما عله راسك
عمر:عن اذنك يابه(عفت ابويه وطلعت)
ابو عمر: اني ويامن احجي
علي:عوفه يابه هسه هو شويه ويجي
حيدر:اوگف عمر چاي وياك
عمر(طلعنا اني وحيدر ضلينا نفتر كعد يسولفلي عليها لان ماري حاجيتله عليها وشكد حبابه وخلوقه بس انصدمت من گلي دكتوره
عمر: شنو دكتوره😯
حيدر:اي ليش ماتدري
عمر: لا…بس لا هاي الي اجتي بالمستشفى
حيدر:اي هيه
عمر: لابربك
حيدر:والله
عمر: زين شلون دكتوره واجتي فصليه
حيدر:لان هيه البنيه الوحيده فأجتي حته اخوها ميصيرله شي
عمر: زين وششغلها وحياتها هيج بسهوله عافتها واجتي فصليه
حيدر:هاي البنيه علمود الناس الي تحبهم تضحي بكل شي عمر حاول تكسبها وتخليها حلالك تره هاي البنيه العالم يدوروها دوراه وانت اجتك عل جاهز
عمر: بس اني احب رجاء
حيدر:انت من كل عقلك رجاء تحبك بابا رجاء من احنا وصغار تحب مصلحتها
عمر: ما اسمحلك تحجي عليها
حيدر:ياخيي اني دانصحك رجاء ماتفيدك
عمر: شكرا ماريد احد ينصحني مو صغير اني
حيدر:بكيفك……امشي نرجع هسه يضل بالهم علينا
عمر: ماشي
تفاعلو فدوه وباجر اكملها 😍😍😘


[فيتامين سي]

الخامس

عمر(رجعنا للبيت سئلت امي عليها گالتلي بغرفتك وگامت تمدحلي بيها وتكولي اكسبها گتلها ان شاء الله وصعدت دخلت للغرفه لكيتها نايمه ومبين باچيه هواي بس شنو ملاك ونايم شنو من خدود مال عض وشعرها اسود فحم يخبل والشفايف صغار وخشمها يلمع ضليت بل 5 دقايق اباوع عليها بعدين حسيت عله روحي ورحت اخذت هدومي وطبيت سبحت)
مريم (چنت نايمه وحسيت احد دخل الغرفه گلت اكيد هو بس مادري حسيت اكو احد يباوعلي گلت لا داتخيل يجوز دا يحجي ويه احد بعدين اخذ هدومه ودخل يسبح ومن طلع وبدل صاح عليه صيحه يمكن كعد البيت كله من وراها
عمر:هيي انتي كومي
مريم:ها شكو شصاير
عمر:گومي سويلي عشه
مريم:حاضر
عمر(وراه ما سبحت طلعت بدلت لكيتها بعدها نايمه گلت خلي اكعدها شنو هل نوم هذا واخليها تسويلي عشه كعدتها بصراخ خطيه فزت ونزلت سوتلي عشه)
مريم(نزلت اسويله عشه واني داسوي العشه اجتي ميلا
ميلا: شديسوي الحلو
مريم:والله يا خييه مثل ما شوفين اسوي عشه لاخوج
ميلا: وليش ما تگولين رجلج
مريم:ههههههه رجلي اسكتي لخاطر كعبه
ميلا: ديلا خلصي وصعدي الاكل لرجلج وتعالي للصاله ماما تريدج
مريم:حاضر
مريم(كملت العشه وصعدته دا دك الباب جلن يكول الله اكبر عرفت دايصلي دخلت وخليته عل طبله كمل صلاته واجه ياكل كلي
عمر:اكلي
مريم:لاماريد تسلم
عمر:بكيفج
مريم:اني راح انزل خاله تريدني
عمر:ماشي
مريم(نزلت للصاله لكيت خاله وميلا كاعدين صاحتلي خاله
ام ميلا: هلا يمه تعالي عندي موضوع وياج
مريم:اجيت خاله
ام ميلا: اعتبريني مثل امج ثانيه وصيحلي يمه بعد
مريم:ان شاء الله يمه
ام ميلا: مريم بنيتي اريدج تخليني عمر يرجعلنا لان صارله هواي غايب
مريم: 🙁😕
ميلا: باعي مريم اني اكلج عمر يحب بنت عمتي وهيه اكبر وماتحبه بس تحب فلوسه واحنا نريدج تخلين عمر يحبج الج مو رجاء لان ميستاهل عمر وحده مثل رجاء وحته ابويه راح يخطبها من ابوها بس ابوها كال لابويه متقبل واحنا ردنا نكول لعمر بس سكتنا
ام ميلا: اي بنيتي فدوه رجعيلي عمر رجعيلي ابو ضحكه الحلوه والي من يكعد يم احد مايكدر بس يضحكه رجعيلي ابني اريد ارجع اشوفه بالبيت
مريم:بس يمه اني موطبعي افرض نفسي واخلي المقابل يحبني واكسر گلبه
ام ميلا: يا يمه هيه اول تالي ما تريد عمر وتريد تخلص منه
ميلا: مريم احنا مدا نكولج فرضي نفسج بس دانكولج خلي عمر ينتبهلج خلي يعوف رجاء
مريم:احاول ما اوعدكم
ام ميلا: يلا حبيبتي صعدي رتاحي وصيحيلي عمر
مريم:ان شاء الله …ميلا تعاي اريدج
ميلا: اي حب اجيت

ميلا: ها حب شتريدين
مريم:ميلا صعدي صيحي عمر
ميلا: وليش ما انتي صيحي
مريم:لا انتي صعدي وتعالي انطيني فراش
ميلا: شسوين بي
مريم:انطيني وبلا كلام زايد
ميلا: ماشي امشي
مريم (صعدنا انطتني ميلا الفراش وراحت صاحت عمر وراها نزلوا رحت للغرفه فرشتلي بالگاع ونمت)
عمر(جنت كاعد احاول اتصل عله رجاء بس ماكو بعدين اجتي ميلا گالتلي امي تريدك نزلت وياها
عمر:ها يمه ردتيني
ام ميلا: اي حبيبي تعال
عمر:خما اكو شي
ام ميلا: لا حبيبي بس اريد احجي وياك بموضوع
عمر:كولي يمه
ام ميلا: يمه حبيبي اريدك تكسب مرتك وتحافظ عليها وتخليها تحبك تره البنيه حبابه وخلوقه ودره مال الله وانت تستاهل واحد مثلها
عمر:بس يمه كلكم تدرون اني احب رجاء
ام ميلا: يمه صدكني رجاء ماتريد ولا تحبك
عمر:لا يمه تحبني
ميلا: اي تحب فلوسك معروفه
عمر:ميلا اكلي خ… وانچبي
ام ميلا: عمر يمه من شوكت وانت تغلط عله خواتك وخصوصا ميلا
ميلا: عوفي يمه عادي هيه رجاء صارت امه وخواته وكلشي (عفتهم وطلعت ومقهوره حيل)
ام ميلا: عجبك هيج زعلتها
عمر:يمه ماشفتي كلامها
ام ميلا: حجت هيج لان خايفه عليك وعله مصلحتك
عمر:لا يمه تريدني احب مريم وابقيها واعوف رجاء لان تكرها
ام ميلا: اختك مابعمرها فكرت هيج دائما همها عليكم وتخاف عليكم من الهوا يلا كوم صالحها وفكر بكلامي
عمر:ان شاء الله
عمر(طلعت من يم امي شفت البنات كاعدات بالهول ويضحكون فتت عليهم لكيت ميلا يمهم رحت كعدت يمها
عمر:تسمحولي اكعد لو لا
ميرا: انت كعدت بعد ليش تستأذن
عمر:يمه من لسانج
ميس: دقيقه اني داحلم لو شنو
عمر:شكو ولج
مي: باعي هو يا اما كلنا بحلم واحد يا اما كلنا بحلم واحد ماكو غيرها
عمر:بالله ممكن افهم شكو
ميلا: مستغربين لان كعدت ويانه
عمر:ليش
ميس: لان صارلك قريب 4 سنين متكعد يمنا وماكو بينه بس سلام ومن تريد شغله تحجي ويانه بس فستغربنا من كعدت يمنا
ميرا: شكلها مريم راح ترجع تلم شملنا من جديد هاي اول يوم وخلت عمر يكعد يمنا
ميلا: اذا عله مريم اني اضمنها الج تكدر تلم شملنا بس بعض ناس تريد بس تفرق
ميس: اي والله
عمر:يلا صاعد انام اني
ميس: وين مو كاعد
عمر:لا تعبان واريد انام
ميلا: عوفي ميس خلي يروح عنده ناس مهمين يريدوا
عمر:تصبحون عله خير
البنات: وانته من اهله
عمر (طلعت واسمع ميس تكول لميلا
ميس:ليش هيج سويتي ميلا خليتي يطلع احنا ما صدكنا يكعد يمنا شويه
ميلا: لج بابا هذا مو اخونه بعدج تعتبري اخوج اني اعتبره مات ويه احمد وقبل احمد هم
مي:اسم الله بيش طالبتنا يعني مايكفي واحد راح انوب هذا والله ما نتحمل
ميلا: لكم بابا هذا مو عمر هذا واحد غيره هذا مو اخونه هذا واحد عايش بس علمود رجاء مايهمه لا ابوه ولا امه ولا اخوته شتحجين انتي
ميس: وين الله ويعوف رجاء ويحب مريم والله يرجع مثل قبل
ميلا: وداعتج اذا حب مريم لتخلي يشيلنا مثل المي بالصينيه لج هاي عدها اخوان وتموت عليهم وتعرف شنو شعور اذا وحده اخوها يهتم بغيرها ويعوفها بس هاي رجاء هيه تريد هيج هيه تريد عمر يعوفنا بس ماكول غير حسبي الله ونعم الوكيل
عمر(عفتهم يحجون وصعدت بس ضليت افكر ليش هيج يكرهون رجاء وانتبهت شكد قصرت بحقهم وحقهم اذا لاموني صعدت لكيت مريم فارشه بالگاع ونايمه عفتها وحطيت راسي عل مخده ونمت)

[فيتامين سي]

السادس

مريم(كعدت صبح لكيت عمر نايم بس شنو من جمال اول اشوف احد هو ونايم حلو دخلت سبحت وبدلت ونزلت اسوي ريوك كعدت ميلا
ميلا:الله شنو هل روائح الطيبه 😋
مريم:ههههههه تعاي هسه يصير الريوك
ميلا:لج همزين خلصت من الريوك جان كليوميه اكعد من الصبح علمود اسويلهم ريوك
مريم:يلا اني اجيت بدالج ولا يهمج
ميلا: يمه فديتج
مريم:يلا روحي كعديهم خلصت
ميلا:يلا كايمه
مريم(راحت ميلا كعدت اهلها كعدوا وغسلوا واجوي عل ريوك اجت خاله ام ميلا گالتلي
ام ميلا:ليش متعبه نفسج بنيتي
مريم:لا يمه الف عافيه
ابو ميلا:لعد وين عمر
ميلا:ما كعدته
ام ميلا: ليش
ميلا: هيج
ابو ميلا:مريم عمي صعدي كعدي رجلج
مريم:عمي خلي ميلا تصعد اني داسوي لاكل
ميلا:صعدي كعدي اني اكمله
مريم:لا انتي روحي اني اكمله
ام ميلا:يلا ماما صعدي كعدي اخوج
ميلا:اوووف حاضر
ميلاصعدت اكعد عمر واني ما طايقه اشوفه
ميلا:عمر عمر عمر
عمر:ها
ميلا:كوم تريك
عمر:ماريد
ميلا:ابويه يكلك كوم
عمر:كمت كمت ………وين الفصليه
ميلا:تره عدها اسم بس والله مو صوجك صوجها كاعده من الصبح محضره هدومك والحمام ونزلت تحضرلك الريوك
عمر:ايييي شبيج كبيتي بيه قابل كفرت هو اني كلت فصليه
ميلا: عمر احترم نفسك تره مريم تسواك والله اذا حجيت وياها حجايه اكول لابويه وهو يعرف شلون يتصرف وياك
عمر:والله الي يشوفج يكول هيه اختج واني مو اخوج
ميلا:شفايتلي هيه اختي والله يكون الله يحبني
عمر:لهل درجه تحبيها
ميلا:احبها لان تحبني وتحترمني
عمر:واني
ميلا:انت اخويه وغصب ما عله راسي احترمك
عمر:بس اني ما اريد غصب ما عله راسج اريد قلبج هو الي يسامحني
ميلا:كوم تريك
عمر:ميلا لا تزعلين عليه اسف
ميلا:لاتتاخر
ميلا(عفت عمر ونزلت واني بودي افهمه كلشي صعب عله الوحده اشوف اخوها يضيع وماتكدر تنقذه)
عمر(اول مره احس ميلا صدك مقهوره وزعلانه عليه دكيت عله رجاء ماجاوبت عفتها ودخلت سبحت وطلعت لكيت مريم محضرتلي هدوم بدلت ونزلت
ابو ميلا:ها عمر وينك يابه برد چاي
عمر:لا يابه راح اروح ماريد اتاخر
ام ميلا:يمه حبيبي تعال تريك ويانا اليوم لخاطري
ميلا:لا ماما عوفي خطيه عنده شغل
عمر:اي يمه تدللين
عمر(كعدت داتريك كامت ميلا
ام ميلا:وين يمه
ميلا:ماريد ماما شبعت اريد اساعد مريم
ام ميلا:داكعدي ماما اكلي ما اكلتي شي وصيحي مريم خلي تجي تاكل
ميلا:لا مريم ماتاكل هسه
عمر:وانتي شمدريج
ميلا:لان 24 ساعه وياها اعرف كلشي عنها
عمر:لي يشوفج هيج يكول اختج مو وحده ذبوها اهلها علينه وگتلوا احمد
ميلا:عمر ما اسمحلك تحجي عليها
عمر:تره اني اخوج مو هيه
ميلا: لا هيه اختي وانت بالنسبه الي رجلي اختي اما عمر اخويه القديم اعتبره مات ويه احمد
ام ميلا: ميلا شتحجين ماما
عمر:عوفيها يمه هذيج الفصليه مسحت دماغها
ميلا: كتلك ما اسمحلك تحجي عليها
ابو ميلا: كافي انجبوا شنو انتو مالكم چبير وبعدين انتي شنو هل حجي شنو متبرايه منه
ميلا:اي يابه اني اعتبرته مات ويه احمد
ابو ميلا:انجبي شنو هل حجي الله ينطي طولت العمر لاخوج
ميلا:يابه هذا مو عمر هذا الكاعد يمك مو عمر هذا مو اخويه مو اخويه الي كل مايضوج يجي يشكيلي ومو اخويه الي من يشوفني اني وخواتي ضايجين بدون مانحجي ينسينا علمود شنو ضايجين صار خالد الي مانشوفه بالسنه حسنه اقرب اليه من عمر يابه هذا مو اخويه والله (عفتهم وصعدت لغرفتي)
ابو ميلا:عاجبك هيج ليش هيج مسوي بيها
عمر:يابه ليش محسسيني اني قاتل قتيل هذا كله لان حبيت (عفتهم وطلعت داروح للدوام لكيت مريم بالحديقه داتشرب گهوه ودموعه تصب عفتها واخذت السياره ورحت)
مريم (جنت بالمطبخ وسمعت حجيهم وانقهرت عله ميلا وكلت بگلبي والله لو عمر يسمع كلامي لا اخليه يحطها تاج عل راس بس ما بل يد حيله واخذت گهوتي وطلعت لحديقه واذكرت اخوتي وكعدت ابجي طلع عمر وهو معصب واخذ سياره وراح)
عمر(اخذت سياره ورحت عله كليه رجاء وسويتلها مفاجاه واجتي رجاء وكفت گبالي ركعت عله ركبتي وتقدمتلها كدام كل
عمر:تتزوجيني
رجاء: اكيد…………
شتتوقعون شكلتله 🤔🤔



[فيتامين سي]

السابع

عمر:تتزوجيني
رجاء:اكيد لا ما موافقه
عمر:شنو شتحجين انتي
رجاء:مثل ماسمعت مازوج واحد مريض ويمكن يموت باي لحضه وبعدين انت عفتني ورحت اتزوجت فصليه
(طبعا عمر عنده مشكله بالتنفس من يوم انولد)
عمر:حبيبتي شتحجين
رجاء:چاو
ميس(طلعت من المحاضرة واشوف الناس ملتمه ونفاخات فتت بيناتهم اشوف شكو لكيت عمر راكع عله رجله وطلب ايدها وهيه رفضت وسمعته كلام جارح وطلع يركض رحت وراه اركض
ميس:عمر …ياعمر …يا خويه اوگف هديت حيلي
عمر:ها ميس
ميس:شبيك يا عمري تبچي
عمر:ماشفتي شتحجي رجاء
ميس:ياعمري عوفها خلي تولي
عمر:كله من وراه هل فصليه الگشره خربت حياتي
ميس:حرام عليك لا تظلمها مامسويه شي وبعدين رجاء لو تحبك جان ما عافتك
عمر(عفتها وطلعت وضليت افتر واگول
عمر:ليش هيح رجاء تسوين بيه ليش لان حبيتج هيج يصير حرام والله حرام كله من وراه هاي الفصليه اذا ما خليتها تتمنئ الموت ما تسمئ عمر
(ورجعت للبيت سئلت امي عليها
عمر:سلام عليكم
ام ميلا: وعليكم السلام ورحمة الله وبركاته هله يمه اشو من وگت جاي
عمر:يمه وين فصليه
ام ميلا:اسمها يمه وين مرتي مو وين فصليه
عمر:يمه فصليه وراح تضل فصليه طول عمرها
ام ميلا:لايمه ماتوقعتها منك انت ابو الگلب الطيب والحنون هيج تحجي
عمر:هسه المهم وينها
ام ميلا:شتريد منها
عمر:اووف يمه اروح ادورها اني احسن
ام ميلا:روح دورها بس لا تسويلها شي
عمر:ان شاء الله
نرجع شويه بالزمن
مريم (وراه ماطلع عمر شربت گهوتي وطبيت جوا همه خلصوا ريوك شلت الاماعين من السفره وعزلت السفره ورحت اغسل الاماعين كملت غسل الاماعين ونظفت البيت كله من فوگ ال جوه ذكرت شلون جنت اساعد ماما بشغل البيت والطبخ كملت تنظيف وخاله كملت الغده
ام ميلا:هايوم كملتي
مريم:اي يمه كملت
ام ميلا:لعد صعدي ارتاحي بعد هواي عله جيت البنات والولد
مريم:بس اغسل الاماعين واصعد
زينب: روحي ارتاحي انتي غسلتي البيت كله روحي اني اغسلهن
(زينب تكون مرت علي اخو عمر وتقريبا صارت صديقه مريم)
مريم:ماشي 😊
مريم (صعدت للغرفه طبيت سبحت وراها طلعت بدلت وكعت امشط شعري سمعت عمر يصيح
عمر:مريم وينج
مريم:بسم الله هذا شجابه(بگلبها)ها هياني بالغرفه
مريم(جاوبته وراها صعدت دخل وقفل الباب اني متت من الخوف وشفته صاير نار من العصبيه )
عمر (صحت عليها جاوبتي گالتلي بالغرفه صعدت للغرفه لكيتها دا تمشط شعرها قفلت الباب وجريتها من شعرها ودگ گتل ما خليه شي بجسمها اذا ما ضربته واسمع امي واخوتي يدكون بالباب ماهتميت وضليت اضربها لحد ما بطلت تقاومني يمكن اغمي عليها واكوللها انتي السبب انتي دمرتي حياتي اني الي خليتيني اعوف حب حياتي لج شسوي بيج شسوي )
مريم (دخل وقفل الباب وجرني من شعري وكعد يگتل بيه ويكول انتي السبب واني بس اكوله اسفه والله بس جنت خايفه لا يضربني عله قلبي لان بيه مرض بالقلب ومايصير ينضرب ضل يگتل بيه لحد ماحسيت گلبي راح يطلع من مكانه من وراه نبض سريع وبعدها ففدت الوعي)
عمر(ضليت اگتل بيها لحد مادميتها وراها اخويه علي كسر الباب وفات و وخرها من يدي وگال انت غبي شلون هيج تسوي عفته ونزلت واسمع ميلا تگول لعلي
ميلا:ولك علي عل سريع شغل سياره دانوديها للمستشفى البنيه ما دا تتنفس وراها نزل علي وگالي حسابك بعدين وعافني واخذوها وراحو

ادري البارت قصير بس والله مريضة وبلكوه داكتب توقعاتكم شيصير بمريم 😕🤔

[فيتامين سي]

البارت الثامن


مريم (ماحسيت عله نفسي الا كعدت لكيت نفسي بالمستشفى وميلا كاعده يمي وتقرا قران
مريم:وين اني
ميلا:صدق الله العظيم…ها حبيبتي كعدتي
مريم:وين اني
ميلا:بالمستشفى
مريم:ميلا قلبي خما بي شي
ميلا:لاتخافين حبيبتي ماكو شي بس اغمي عليج لان ماتحملتي ضرب
مريم:ميلا
ميلا:نعم
مريم:عمر ليش ضربني ???
ميلا:تقدم لرجاء بالكليه مالتها وكدام الكل وهيه رفضته وكلتله انت مريض واني ماعيش ويه واحد مريض ومأخذ فصليه
مريم:شنو عمر مريض
ميلا:اي عنده مشكله بالتنفس من يوم انولد
مريم:ورجاء شلون تعوفه خطيه شله دخل يعني بكيفه تمرض
ميلا:لج بابا هيه رادت هيج حته تعوفه
مريم:زين واني شلي دخل
ميلا:مو هو مالكه غيرج كدامه فصرتي بالرجلين بس لا تخافين من نرجع للبيت تضلين يمي بالغرفه وما اخلي احد يوصل يمج
مريم:ان شاء الله
عمر (بعد ما اخذوا مريم للمستشفى اخذت سياره وطلعت وضليت افتر واذكر شسوت بيه رجاء وشسويت اني بمريم مارجعت للبيت الا ثاني يوم بليل اول مادخلت لكيت امي كاعده بالهول سلمت ماردت السلام گتلها
عمر:شبيج يمه ما تحجين ويايه
ام ميلا:يعني ماتعرف نفسك سويت
عمر:بس لا زعلانه عليه علمود الي سويته بالفصليه
ام ميلا:همزين تذكر سويت بيها لك انت ماتخاف من الله البنيه چانت راح تموت الا شويه وابوها من خابر ابوك ماعرفنا وين ننطي وجهنا منا وهو مخليها امانه عدنا
عمر:اووف يمه محسسيني انو هي نبي استغفر الله
ام ميلا: لك ياماما شجاك هذا كله علمود رجاء مارادتك والله يا بني ماتستاهلها وعله فكره ابوك من زمان خطباها من رجل عمتك وعمتك بس گالوا هيه ما موافقه واحنا مارضينا نگلك علمود ماتزعل وتنقهر
عمر:يمه لاتچذبين عليه علمود تخليني اكرهه رجاء كولي انتو ماتحبوها وفرحتوا من سوت هيج
ام ميلا: يايمه ماعشنا ولا كنا نتشمت بيك لك انت ابني اكو احد يشمت بأبنه بس يا ابني انسه رجاء واكسب مريم وحبها وخليها تحبك تره والله البنيه دره مال الله واخوك علي گللها امشي نشكتي عل عمر بس مقبلت گالت مو مريم الي تشتكي عله رجلها

عمر:زين وينها هسه
ام ميلا:بعدها بالمستشفى باچر يطلعوها
اجتي ميس
ميس:عمر ابويه يريدك
عمر:اي اجيت
عمر (رحت عله ابويه ورزلني عله الي سويته بمريم وشلون گتلتها وگالي تره البنيه مريضه قلب دير بالك عليه وابوها واخوتها موصيني عليها وگلي شلون خطبلي رجاء وهيه رفضت عفته واني عيوني انترست دموع صعدت لغرفتي دخلت جوا الدوش وضليت ابچي لحد ما تعبت وطلعت بدلت وذبيت نفسي عل فراش ونمت لان صارلي يومين منايم)
مريم (وراه يومين طلعوني من المستشفى وخطيه ميلا ويايه ماعافتني ميلا خابرت عله امها وگالتلها واحد من اخوانها رايح يجي ياخذنا احنا تجهزنا والصدمه جانت انو عمر اجه ياخذنا اندگت الباب
ميلا: اتفضل
عمر:سلام عليكم
ميلا ومريم(بصدمه):وعليكم السلام ورحمة الله وبركاته
عمر:ها جاهزين حته نروح
ميلا:اي يلا هاك الزم جنطه…يلا حبيبتي استندي عليه
مريم:ميلا تره اكدر امشي وحدي
ميلا:لا ماسمعتي استاذ حسن شگال ميصير تمشين وحدج
مريم:ماشي امشي
مريم (طلعنا من المستشفى وكعدت اني ليكدام يم عمر وميلا لي وره وضليت وضجت وگلت بگلبي حته شلون صرتي ماگال شنو هل عالم الي ماكو اخلاق بيها وصلنا للبيت نزلنا كلهم تلگونا بالباب وسلموا عليه وتحمدولي عل سلامه ودخلنا كعدنا)
عمر (سمعت امي داتحجي ويه ميلا بالتلفون وتگللها هسه احد من اخوتج راح يجي ياخذج عرفت راح ترجع مريم گتلها اني راح اروح اجيبها شفت امي فرحت گالتلي اي روح صعدت غسلت وبدلت واخذت سياره ورحتلهم للمستشفى دگيت باب الغرفه طبيت تفاجإوا من شافوني ردت اسئلها عله صحتها بس تذكرت عملتي وسكتت رجعنا للبيت وطريق كله هيه كاعده يمي بس ماجان عندي جرئه حته احجي وياها واعتذر منها وصلنا للبيت نزلنا كلها سلمت عليها دخلنا جوا كعدنا شويه وراها امي گلتلها صعدي ارتاحي اني نطيت من يمي
عمر:امشي اني اصعد وياج
ميلا:لا مريم راح تبقه يمي بالغرفه
ام ميلا:يمه غير تنام بغرفتها يم رجلها هو يداريها
ميلا:لا يمه اني اداريها عمر صبح بالدوام وماله خلك يداري احد
عمر:بكيفكم الي يريحكم سووا
ابو ميلا:لعد بكيف مريم هيه تكول الي تريده يصير
مريم:عمي خلي بس هليومين ابقه يم ميلا حته اصير زينه وارجع يم عمر
ابو ميلا: ماشي عمي اصعدي رتاحي هسه واكلي لكمه
مريم (من شفت عمر نط وگال اني اصعد وياها حسيت شعور غريب مادري فرح مادرب زعل المهم خليط من الاحساسيس عمي گلي وين تريدين تبقين كتله بس هل يومين ابقه يم ميلا يومين وراها ارجع يم عمر وعفتهم وصعدت)
صوتوا حته اكمل بسرعه 😘😍