آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
28-06-20, 04:10 AM
| #11 | ||||||||
| مراقبة عامة ومشرفة منتدى الروايات المنقولة  
|  اسيرة_الشيخ_شاهين بارت 10 للكاتبه ريتاج الموسوي مسائكم سعادة ❤️ دخل شاهين انه بديت اتراجع بگعدتي وخصوصا ملامح وجهه المبين عليها العصبيه ماتخليني اطمئن گعد بصفي وينافخ كلما يرفع ايده روحي تروح وياها عبالي يضربني لسه جسمي يوجعني من الضرب گمت اراقب حركاته وگلبي متخوف منه كلما يتحرك افز من مكاني شاهين...طيبه من گال اسمي ساحت روحي من مچانها عبالي يضربني طيبة..انتي اكيد عرفتي غلطتج انه ماجاي اكتلج لو اذيج بس ثقي بالله هذا السويته كله علمودج. ضحيت بروحي وبسعادتي كله الج تدرين لو ماانه جا انتي هسه وين؟ هزيت براسي وابجي ..جا انتي ميته وحتى گبر ما الج مشمورة شمرة الچلاب وحگهم اذا سوو هجي هاي قوانين عشايرنه وتمشي اعله الكل اعلينه واعله غيرنه مو بس النه حلال وغيرنه حراام ولو الوادم تدري محد راح يسكت لان كل بت باجر تشرد وتگول مايكتلوني لو يسامحوني احمدي ربج واشكريه وگفتلج وسامحتج ولج وگفت بوجه ابوي بس حته احميج صح اذيتج وضربتج بس انه اضل اخوج وعمر الدم مايصير ماي طيبه..احجي واشهگ ..شاهين كله مني تراح تاخذ وحدة مفروضه اعليك وماتريدهه ادري بعدك تحب المرحومه وماتريد وحدة تاخذ مچانها بس والله غصب عني لاتلومني الصار صار وگتلك انه غلطت وابن ادم مامعصوم من الغلط شاهين.يگوم من مكانه ..ميخالف اذا هذا الشي ينقذ حياتج مو مهم انه ولا مهمه سعادتي بس لاتكررين الغلط مرة ثانيه. حذرتج طيبه لان اذا تكرر عاقبته جبيرة عليه وعليج وصدگيني مرة ثانيه تلگيني انه اول الناس ضدج مو وياج اسمعيني زين وخليني بين اعيونج ماريد تغلطين غلطة مثل هاي لو بكبرهه وعلي مارحمج بعد وتحلمين بالرحمه لان محد راح يفكج من ايدي خلاني وطلع حضنت امي وابجي انوب امي گامت تبجي وياي مرات احسهه متكبرة وشايفه روحها اعله نسوان القريه چيف هيه مرت الشيخ بس بداخلها طيبه ..امي تكابر وماتعترف باالخطا ابد ماتكول انه الغلطانه بعدها جابتلي اكل اكلت شويه ورجعته ...ماتاكلين يمه مزين عليج يصير بيج هبوط طيبه..ماشتهي يمه احس روحي اتلاگي الزاد اكليلج لكمة عاد بلكي جروح جسمج تتشافه مايصير تضلين بليه اكل غصبت روحي اكلت قليل ورجعت الصينيه روحي مسدودة ...................... لثاني يوم الصبح صفوان ياخذ حازم على جهه ..حازم مااوصيك ترا مريم امانه عندك ها حازم..افاا عليك توصيني اعله بتي صفوان بنتر ..اششش شنو بتك هاي من بدايتهه حازم شگلنه ماريد يزل السانك مرة ثانيه هيج انته دتفضحنه حازم..لا يخوي شبيك هاي بيناتنه گتلك حته تطمن اعليها شمالني يزل الساني ترا انه حذر كلش اكثر منك صدگني بس تشوفها امها خطيه تريد تموت تكحل عينها بشوفتها گبل لا تفارگ الدنيا صارلهه سنين ماشايفتهه وگلب والده بعد تعرفه ماتصبر تعالج وتلهج بأسمها گلت اجيبها بس تشوفها وترجع عندك صفوان..زين زين عرفت وماگتلك شي. هالقبلت تمشي وياك بس علمود امها تريد تموت لو غير شي والرب اشتكي عليك هاي بنتي قانونيا ....بس اياني واياك تحاول تلعب بذيلك لو تتصرف تصرف ثاني من وراي ترا مايردني الا الشرطه لاتنسى مريم بنتي قانونيا ...يحجي رافع ايده كدامه حازم...خوش مايهمك لاتوصي حريص انه اكثر واحد مهتم الهالسالفه اششش اجت مريم اقطع الكلام ..هاا بابا هياتني جاهزه نروح صفوان..اي بنتي هسه ترحون واني مااخاف عليج بعد بنتي تربيتي سباعيه مينخاف عليج مريم..تبوس صفوان وترجع تبوس امها ح اشتاقلكم ولاكانو يومين من هسه شايله همهم شلون افارقكم رغم متعوده نيرمين بيأس ..ماما ديري بالج علئ نفسج ولتخليني اقلق عليج مريم..اوك ماما ترا اني مرايحه لغربه رايحه لأقارب بابا انتو تعرفوهم حق المعرفه ومنطقه سياحيه ليش دتحسسوني اني اول مرة اسافر الوحدي مو جنت بتركيا يوميه سفره شجاج ماما نيرمين...لا ماما صح مو اول مرة تسافرين لوحدج بس نوصيج حتى تنتبهين لنفسج خو ميصير ندزج هيج انتي بتنه الوحيدة وماعدنه اغلا واعز منج يحفضج الرب بنتي صفوان..يحفضج الرب طلعنه من البيت ومن الفرحه الگاع ماواسعتني ماعرف ليش ماما و بابا قلقانين واحسهم متوترين رغم متعودين عليه وعلى طلعاتي وسفراتي ويا صديقاتي واتاخر برا البيت الا هالمرة الخوف متمكن منهم ع شنو ماعرف اجرنه تكسي حاجه السايق عمو حازم للمكان الي نريد نروحله ...طول الطريق يحجيلي عنه ..عمو احجيلي عن منطقتكم شنو بيها حازم..بويه كلشي بيها زرع بيها نخل بيها غنم بيها هوش مريم..لحظه عمو هسه الغنم افتهمته يعني اغنام صح؟ ..اي بويه صح ..زين الهوش شنو يعني؟ حازم...هههههه چا نتي ماتعرفين الهايشه ..لا عمو ماعرفها ...الهايشه عدنه مثل الغزاله حلوه مريم...هههههه صدوگ عمو الغزاله تسموها هايشه حازم...بضحكه مكتومه..اي مريم...يعني اذا اريد اوصف فد شي حلو نگول جنه غزال انتو دگولون جنه هايشه مو؟ حازم....هههههه عفيه شاطرة جانت مسافة الطريق طويله كل شويه ينزل عمو يشتريلنه ببسي ومي واني ساعه انام وساعه اگعد احس رجليه تكسرت من السيارة عمو تعبت شوكت نوصل ...ها هالوصلنه بس نعبر هاي البساتين المنطقه جانت عبارة عن اشجار متشابك وتخوف مثل الغابات الثيل بيها عالي ..احنه طلعنه وي الصلاة الفجر من بغداد وصلنه بحدود ساعه 9 بعده الجو بارد واصوات العصافير تغرد المكان جان اكثر من روعه ..يخبل بمعنى الكلمة النخل مليان تمر وجواه نهر مي صافي يجري واكو ناس يشتغلون بالبساتين بعدها اخذني لبيت صغير كولش مقارنة ببيتنه ماعرف شلون عايشين بيه الباب صغير دخلنه للبيت طلعت مره تباوع عليه اخذتلهه صفنه بعدين سلمت عليه ..شلونج يمه مريم..تمام خاله اشكرج ..احجي واباوع ع البيت معقوله راح ابقه هنا يومين ? دخلوني لغرفه وعافوني الوحدي جان بالغرفه فد شي خشبي مخلين عليه بطانيات وفراشات والارضيه فارشيها حصير سلوى. بهمس .حازم هيه هاي مريم حازم..اي هيه هاي بتنه شفتي شلون مبين اعليها الفلوس سلوى..صخام يافلوس هاي نازعه المستحه فرد مرة لابسه فانيله نص وبجامه يافشلة الفشلات شتگول اعلينه الوادم حازم..عايشه ابغداد جا شتردينهه تلبس گلبيه وتجيج همه هناك هجي يلبسون وبعدين هذا بنطرون موش بجامه سلوى...ها بنطرون وانته منين عرفت اسمه والله من رحت لبغداد انه گرصني گلبي بس لاشايفلك وحده هناك ومعلمتك اعله هاي السوالف حازم..چا شفايتلي كون ماخذلي وحده هجي حمره صفره بوياااا سلوى..ها ها صدك لو كالو الروح خضرة شايب وماكاعد راحه حازم...هههه اتكشمر وياج شكالج خايبه هاي البنات التذب الطير من السما تتنوعلي انه الشايب شبيج مخبله سلوى..شدراني كلت يجوز صدك بعد انتم الزلم ماالكم امان حازم..دروحي يم الفرخه واياني واياج يزل السانج وتحسسينهه بشي منا لمن ياخذهه الشيخ ونفتك من هاي السالفه ..خوش هسه رايحتلها ...ياهلا ومرحبا ب مريومه مريم..هلو خاله سلوى..اي هلو اكلج خاله شني من تلبسين هاي هدومج ماتبردين مريم....هههه لا خاله شنو السالفه اصلا الجو حار اني اختنگت من شفتج بالدشداشه والشال سلوى..يععع جا شترديني البس وانه عجوز مريم..بلعكس خاله بعدج صغيرة بس انتي مبهذله نفسج لو تهتمين شوي بترتيبج ولبسج تبينين اصغيرة سلوى..يمه اسم الله ادور تريدني البس مثلها هاي العايزه لا يمه خليني هجي احسلي راضيه بروحي ورجلي راضي بيه اذا البس مثلج الوادم تحطني وتكتلني احنه ماعدنه هجي اليل كله مانمت بگ عدهم فرشولي بالحوش انوب ضوجه عدهم ولا طلعوني بعد لو باقيه يم اهلي احسن لثاني يوم الصبح گعدت اشوفهم مخبوصين عزلو بيتهم وبدو يفرشون وجابوو ابقاار خلوهه برا ناس تطلع واطب واني ممفتهمه شي مثل الأطرش بالزفه سلوى...يلا گومي مريم..وين خاله سلوى..نرووح للعرس ببيت الشيخ -صدوووك اكو عرس هنا -اي صودووك تعيب عليها -يلا بس اخلي مكياج -هااج هذا الفستان لبسيه اخذته منها اباوع عليه ابيض بف وبيه لمع هوااي ..خاله شنو هذا نفنوف عرس -احنه هنا هجي نلبس بالأعراس لازم تسوين مثلنه حته تتونسين بالعرس وي البنات -تمام هسه البسه واجي رحت للغرفه باوعتله شكله اوووفر كله لمع معجبني بس مادام همه هيج يلبسون البس مثلهم وهم اغير روتين لبسي استوني كملت وردت اطلع صار بوجهي ولد شاب جان لابس قاط اسود دخل للغرفه وسد الباب لزم ايدي ...فاضل..مريم خيتي ابوس ايدج انه بورطه واريد تساعديني مريم..شلون اساعدك وشبيك فاضل..يردون يكتلوني ..يكتلوك منو؟ ..بيت الشيخ ..عزاا شنو ماكو شرطه روح اشتكي عليهم ..مايفيد حته لو اشتكي عليهم انه حياتي بيدج ..حياتك بيدي! شلوون؟ ...اذا اجاج ولد هسه بس گليله نعم وانته وكيلي مريم..هه شنو هاي بعد ..ماعليج بس گليله هيج ..وشلون راح تنقذ حياتك هاي الكلمه ...انتي ماتعرفين عاداتنه وتقاليدنه المهم اذا اجه احد هيج گليله كتله اذا هيج اني موافقه اول مرة اسمع بهيج كلام شنو يردون منه ماعرف بقه گاعد يمي لحدما اندگ الباب وفعلا اجه ولد گال ...توكليني باوعت ل فاضل هزلي براسه ..گتله نعم وانته وكيلي راح هو وطلع فاضل فرحان ويضحك واجتني سلوى باستني خلت على راسي عبايه وگالت ..خلي نرووح لبيت الشيخ نلحگ ع العرس طيبه جانت الملچه ببيتنه اجه ولد من اقاربنه اخذ وكالتي وراح يعني مايجمعونه سوا بس ياخذون الوكاله والعريس يگعد يم الشيخ هو والموكل واتم الملچه الي هيه بنفس يوم العرس لحد الان ماشفنه زوجة شاهين بس سمعنه جايبينهه من بغداد وگلولنه انو هيه ماتدري بأهلهه هنا بسعاد..ها يمه كملتي ..اي يمه بس البس الذهب واجي -يلا عود لاتبطين ترا النسوان اجت ومتانيات يشوفنج ..و عمتي ام فاضل اجت؟ بسعاد..تعوج حلگها ..عشتووو عمتها لا بعدها لاتخافين تجيب المسعده وتجي مادري شلون راح اگابلها واگعد لا والمصيبه منطيتها بتي وماخذه بتها مانعرف عنها شي انه سامعه الوادم تطي فلوس اهدوم بيوت بس مالت تطي بزرها هذا ماسامعه بيه ديلا يلا عدلي روحج ونزلي وانه راح اوديلج حليمة تساعدج -هسه يمه -كملت واجتني حليمه نزلت الطرحه على وجهي ونزلت تلگني النسوان بالچكليت والهلاهل ..بت الشيخ ل ابن الشيخ جبانهه هاي الرادهه وهاي التمناهه امي من سمعتهن هيج يحجن گامت تغم بيه وعاوجه حلگها صدگ ضحكت اعله امي بهذا االموقف كعدت و وره شويه طبت خالتي فاضل ووياهه مريم جابنهه وگعدنهه بصفي خطيه كسرت خاطري بهاللحظه هيه الوحيدة المضلومه انوب اشوفهه تضحك وفرحانه ماتدري باالسالفه شنو التمو علينه الجهال گعدو يم رجلينه يباوعون علينه ومريم كل شويه تريد تكوم وتگعدها سلوى لمن گالو راح يزفون العرسان اجه فاضل اخذني لبيتهم وصعدو مريم لغرفتها مريم جانت اجواء العرس تخبل تختلف عن العدنه والي تعودت اروحلها جنه نكتفي بالحفلات بقاعات بتركيا بس هنا غير بأثناء العرس حسيت شي غريب انو ميخلني اگوم لمكان كلما تگوم يگعدوني العروس ميصير تگوم حرت اني شكو العروس هياتهه يمي لشويه وسمعت صوت رمي كلش قوي گلبي وگع من سمعته احس اذني طورشت بعدين لزمت ايدي مره وصعدتني لغرفه باوعتلها جان بيها اخشاب حلوو مرتب بس احسه قديم وگعدتني على الجربايه عليها نزله بيضه ..كعدي هنا لاتگومين مريم..ليش اريد اروح لعمو هسه خاله ضيعتني ..لا حبيبتي اليوم انتي خطار عدنه ابقي هنا والصبح ترحين اكيد هاي الغرفه الي انام بيها اي عاد احسن من ذيج الجنت بيها وگفت مقابيل لمرايه اباوع الشكلي تعبان ردت انزع الفستان لعبت نفسي ..بس اتذكرت ملابسي بقن ببيت عمو حازم سمعت صوت بالباب فجئه انفتح ودخل رجال لابس عبايه وغترة يعني زي عربي قفل الباب ودخل اتفاجئت هذا ليش دخل ..العفو عيني انته اكيد غلطان باوعلي بتساؤل..ليش؟ ..هاي الغرفه الي اني خطار هنا شاهين ...خطار! ! منو گلج مريم..وحده گلتلي ماعرفها عفيه اطلع لا احد يشوفك يمي وابتلي شاهين ..يلزم ايدها..ليش تبتلين انتي مرتي مريم ..نتنتر ايدها بخوف..شنو مرتك انته شدتحجي شاهين..گعدي افهمج مريم..مستحيييل اگعُد اتفضل اطلللعع برره شاهين ..انتي صرتي زوجتي هسه فهمتي يعني طبيعي نكون بغرفه وحده مريم...شلوون لا انته اكيد دتتشاقه ويايه حباب كافي شقه وافتح الباب خلي اروح لبيت عمو ماريد ابقه هنا شاهين..افهميييي عااد لاتعبينييي اعرف انتي ماتدرين بس هاي الحقيقيه خلاص صرتي مرتي على سنة الله ورسوله مريم...تلزم راسها...هاااي شنووو شلون صار هيج لا احنه ديانتنه تختلف وهذاا زواااجكم باااطلل شلوون وانه مااعرف شنو من ديانه عدكم انتوو متعرفوون الرب لزمتهه من كتفها ..گتلج صرتي مرتي بعد غصبن عنج ترضين بلأمر الواقع وهذا مو صوجنه صوج ابوج ماگالج مريم تبجي..لا بابا ميسويها انتوو ضحكتووو علينه لازم اشتكي عليكم انتو خاطفيني الرب ينتقم منكم بقيت اكسر بالأغراض ع المرايه والعطورات بقو يدكون بالباب اجو ع الصوت بسعاد...هاا يمه شبيكم ليش اصواتكم عاليه فضحتونه جدام الوادم شتگول هسه عيب عدنه نسوان واذا اعليها يمه كسر راسها ولاتخليها تعلي صوتها اعليك من هسه انه اعرفك ابني نشمي لاتخليها تگوا اعليك گاللهم روحو معليكم انه اتصرف وياها لزمني من ايدي ..اششش فضحتينه اشش لا اگص السانج مريم..دموعها بعينها ..عفيه خليني اروح لأهلي و وعد مني مااشتكي عليكم والله ولا اگول ل بابا بس خليني اروح شاهين ..حلم هذا اخليج تروحين شتردين العالم تگول اعليه انتي هسه مرتي جدام الوادم اگعدي هسه منا للصبح الله كريم نشوف شلون نصرفها وياج گعدي عاقله احسن لا اتعبج ولاتعبيني ترا ماالي خلگ الروحي والله مريم..بصيااح..خاطفينييي اليسوووع ينتقم منكم انتو ماتخافوون من الرب باباااا الحگنييييي رحت للشباك ردته ينفتح ماكو اخذت عطر من المرايه ورگعته بالجامة نكسرت مااحس الا اجه عليه وسحبني من كتفي احسه انخلع وبعدها كسر كزازة وخلاها على رگبتي يتبع ... | ||||||||
|  |
|
28-06-20, 04:10 AM
| #12 | ||||||||
| مراقبة عامة ومشرفة منتدى الروايات المنقولة
| #اسيرة_لشيخ_شاهين بارت 11 مساء الخير عليكم اسفه ع التاخير واكللكم من البدايه 😁ترا البارت قصير حيل والله استوني كملت جان كتبت اكثر بس ماريد اتأخر بالنشر لانو وعدتكم بس باجر ان شاءالله. الكم تعويض عندي 😉 شاهين ماجنت اريد ازوج من بعد علاهن كل النسوان مو بعيني بس رضيت حماية ل طيبه انه اعرف ابوي واعرف قوانين عشيرتنه ماعدهم اليغلط يتسامح عدهم المراه لا شي انخلقت وكأنما عبده واجبها فراش وبيت وخدمه وانه هاي العادات والتقاليد العدهم ماتعجبني مو كلها طبعا الي صح صح جنت گاعد بالديوان الناس انگلبت علينه تهوس ومهاويل وانه مو وياهم اضحك جذب اجاملهم من رادو يزفوني طلع وياي ابوي يوصلني للغرفه سلمان..شاهين ..ها بويه سلمان..ماوصيك اريد تبيض وجوهنه شاهين.. توصيني! شني بويه نسيت انه متزوج گبل سلمان..لا مانسيت بس زواجك الأول موش مثل هاذ هاي البت تختلف اولا مغصوبه ثانيا مو اعله مرامنه متعوده اعله الهياته اريدك تضبها عدل وتربيها اعله تربيتنه انته اولدي سبع ماتتوصه اريد تنهيها اليله شاهين هزيت راسي ..صار بويه صار طبطب على كتفي ودخلت للغرفه شفتها واگفه على المرايه شكلها ناعم ،، بيضه، ، عيونها وسط مدورة انتبهت عليه بس شافتني جفلت بقت تصيح وتكسر الغراض خطفتوني اخر شي كسرت الجامه ووگع گزاز بالغرفه شلت گزازة وطوقتها مريم من حرگة گلبي كسرت الجامه مالت الشباك مااحس الا شاهين ماخذ گزازة وخلاها برگبتي شاهين بعصبيه..وصوت همس ...شوفي ولج تسكتين وتجرين عدل لا والله اتصرف تصرف اتندم عليه ..وخر الكزازة من رگبتي بين الخوف والحزن خليت ايديه اعلى اعيوني وابجي مريم..حرام عليكم الي دا اسونه بيه هو هذا دينكم هيج يگللكم الرب ينتقم منكم خطفتوني شاهين ..تعاي اگلج شو صار ساعه تصيحين خطفوتني منو الخطفج ماتگليلي مريم..بصياح..انتووو اكو غيركم شاهين لزمتهه من كتفها من كد مااناعمه حسيته يريد ينخلع بأيدي ....نصييي صوتج ولا تعلينه اعليه افتهمتي لو اعيددد نترت ايدها وتبجي ..شتردوون مني عفتها تبجي وگعدت على الجربايه محتار بيها شلون راح تگضي هاي اليله شلون اقنعها وانه ادري ماتنطي روحها واهلي يردون علامتها شويه واجت يمي ركعت عد رجليه مريم..ابوس رجلك انته مبين عليك حباب عفيه خليني اروح لبيت عمو حازم حتى باجر اروح لأهلي شاهين بأستغراب ..اهلج؟ مريم..اي عفيه اهلي ابغداد شاهين الي اعرفه عن مريم متربيه عد اقاربهم وحازم گال راح اجيبها واكلها احنه اهلج شو هاي مبينه من حجيها محد گايللهه زين شلون غصبها ع الزواج وعلى الملچه قطعت صفنتي مريم..عفيه ترا هيج ميصير حرام ماكو زواج بهيج طريقة حتى بديانتكم مسامعه هيج درتلها ..ديناتنه! ! ليش انتي من اي ديانه گبل لاتجاوب عرفتها مسيحيه لان اغلب حجيها بي الرب مريم..اني مسيحيه وبابا من كبار تجار بغداد وعدنه بتركيا املاك وعمارات تشتغل خلصني منا واني اخلي بابا يغرگك بلفوس شتريد ينطيك شاهين..انه مامحتاج فلوسج وگتلج صرتي مرتي بعد بديانتنه بديانتكم ماعليه واي حجي زايد ارگع راسج بالحايط حجيتها بعصبيه روحي طالعه من حازم يعني فوگ السواه ابنه الشفيه فوگ يجذب عليه لا وانوب جايبها مسيحيه ضليت گاعد الوب ماعرف شسوي وهيه ماخذتلها ركن تبجي وتشهگ ..كسرت خاطري ودي اگوم اطمنها بس مااگدر انطيها مجال تستقوي عليه لازم اطلع هسه لان يردون بياضها الكل منتضرني مااگدر اتقرب الها لان يعتبر زواج باطل هيه مامقتنعه بديانتي وانه مامقتنع وبعدين الملچه جانت وكالتها اكيد متعرف شنو الگالوالها لو استخدمو وياها حيله اجيت يمها ببطئ هيه شافتني گامت تزحف لوره لزمتها من كتفها حيل بقصد اخوفها بس ..شوفي ولج اذا ترديني اصير زين وياج واسوي التردينه اسمعي حجايتي مفهوم ماردت عليه ..عصرت كتفها بقوه ..توجعت ردت موجوعه وتبجي.. اييي ..راح اطلع اذا اجاج احد وگالج شاهين خذاج گولي اي مريم ..يعني شنو؟ شاهين ..يعني زواجنه كمل مريم..وشلون تريدني اگول اي واحنه متتمنه زواجنه شاهين ..باوعتلها بترقب ..تريديني اتمم زواجي وياج مريم..بخووف وتبتعد..لاا طبعا حرااام شاهين ..حراام ونتي مرتي؟ مريم..اووووو والله ذبحتني كول شويه مرتي ومرتي اي مره هذاا الزواج باطل بأي ديانه روح واسأل زواج بدون معرفه الزوجه مو زواج هذااااا ضحك ع الذقون شاهين..حجيها صحيح بس نرفزتني مااگدرت اتحملها ضربتها راشدي ..صوتجج نصييي شچم مرة اكلج ليش تخليني امد ايدي اعليج لزمت خدها وتبجي ..گتلج هذا الحجي بعد ماعيده اي وحدة تدخلج گليلها تممنه الزواج واذا سمعتج گايله غير هذا الحجي ومحمد اشنقچ هزت راسها ..گتلها..گوومي بدلي هدومج ماگامت ..خزرتها حيل ..گامت طلعتلها گلبيه من الكنتور بقت تگلب بيها اضاهر اول مرة تشوف گلبيه بقيت واگف على راسها مريم..دير وجهك شلون ابدل گدامك شاهين..استغفر الله يلا درت وجهي فضينه لا تسوينها سالفه بدلت وكملت طلعت من الغرفه امي گامت تهلهل ودخلت وراي للغرفه عرفتها راح تستلمها تحقيق مريم ..لبست وگعدت ابجي بهستيريه دخلت مرة جبيرة عيونها تباوع منا ومنا چنها تدور على شي رفعت غطا الجربايه وعوجت حلگها انوب اجتني ...اي انتي سولفيلي شصار ماصار مريم..شنو الي صار اشو مفهمت عليج بسعاد..اييي مافتهمتي كلش ماتعرفين هاي السوالف اخرب بيتي مريم..اگولج احجي شتردين ترا راسي راح ينفجر ومناقصني قهر بسعاد..اععع انه الشيخه بسعاد تحجين وياي هجي مريم... احس روحي انقبضت من جابتلي سيرة الشيخه واني اتذكرها بالعرس گاعده وتباوعلي صفح كلهم ضحكو عليه كلهم خطفوني بقيت اصيح وابجي طلعيييي برررره بسعاد ...يا يا هاي شمالهه الفرخه تسودنت هيه هاي العايزه بس المسودنين مااجو البيتي شاهين نزلت يم الجماعه جانو منتضريني بس شافوني طلعت اشتعل الجو بالرمي والهوسات سلمو عليه وباركولي بقيت النص الليل ماودي ارجع للغرفه احس جاي اخون علاهن ..گلبي وعقلي كله يمها مافكرت ولادگ گلبي لغيرها عايشه برووحي صعدت ع الدرج وي كل درجه اصعدها اختنگ رحت لغرفتي انه وعلاهن اول مافتحت الغرفه غزت ذاكرتي الذكريات وانه اشوف بكل زاويه وكل مكان الها ذكرى گعدت اگلب بالصور واجر حسرات جانت اغلى صورة على گلبي وحده مجومها ومخليها اعله تاج الجربايه حته كل ماادخل للغرفه احسها موجوده وياي بالدنيا اخذت نفس وطلعت قفلت الغرفه وخليت مفتاحها بجيبي اجتني امي ..شاهين ..ها يمه -تعال ولك شسويت اخذتها هاي المسودنه لو بعدك -يمه هذا شي خاص بيه رجاءا لاتدخلين -شلون ولك ماادخل جا انه غريبه موش امك -امي على عيني وراسي بس هذا الموضوع مااحب احد يسألني عنه -جا شنهي عبالك انه ثوله ماخذتها غير هاي ماينگدرلها -يمه البت مجبورة يعني الزواج باطل خليها لمن تهدأ شكم شهر ونرجع نملچ مرة ثانيه -انه اطيت بتي شكلها مدري شني ماشني وبت شيوخ لذوله الفگور تالي يطونه وحده مسودنه لا وانوب تطردني من الغرفه _هاا يعني رحتي ونشدتيها _رحتلها وماطتني نشد _اووف يمه وتالي وياج ماتجوزين من سوالفج _يااا شسويت انه غير ابني واريد اتأكد _تصبحين على خير يمه عفتها ورحت للغرفه طبيت لگيتها نايمه على الجربايه المبردة مشتغله والغرفه باارده نزعت غترتي وملابسي لبست دشداشه نوم گربت يمها نفسها عالي وتناشغ وهيه نايمه صدگ كسرت خاطري كلها اخذت مصالحها من هالزواج الا انتي الوحيدة النضلمتي سحبت البطانيه ونمت وجهي صار مقابيل وجهه بقيت اباوع على وجهه بريء عبالك طفله ماجنها جبيرة رموشها طوال وكاسرات شفايفها ناعمات ملائمات وجهه لان ضعيفه ضليت اتأملها ..اخر شي نزلت خفت لا اضعف گدامها وارتكب شي غلط ..لان ابقى رجال وشهوتي اطالبني سحبت دوشگ وجرجف تمددت بالگاع ونمت اول مرة انام بالگاع مامتعود ضليت اليل كله اتگلب بفراشي ...................... سلوى ردت انام ماگدرت احس ضلمت مريم بهذا الزواج حتئ لو مابگلبي الها مشاعر بس تضل بتي مادري ليش من شفتهه گلبي ماهتز لشوفتها ولا حن چنها وحده غريبه عني مو بتي يمكن چيف فارگتها من زمان راحت معزتها من گلبي لو چيف تختلف عنه وكرهتها روحي انه جنت اتمنئ اشوفها حتئ اشبگها وابجي بحضنهه واطلب منها تسامحني عفتها بمرضها بس من شفتها راحت كل هاي السوالف مني ولاچني اعرفها وشايلتها ابطني حازم..سلوئ -همم -نمتي -ماتسمعني ارد اعليك يعني بعدني -ونهمه التگطع مصارينج شو حمگانه _موش حمگانه بس انته سؤالك مامعقول اكلك ها تگلي نمتي _هسه ماعلينه سولفيلي اعله مريم -شبيها؟ -شنو شبيها تدرين هيه مسجله بأسم صفوان _صفوان ياهوو _ولج ثوله صفوان الجانت عنده مريم -هااااا اي كمل -ووجعاا تدرين شكد عده املاك _جا يطيها النه املاكه الله يوفقه -لا ولج تدرين هيه الوريثه الوحيدة الهم -واحنه شنستفاد بلا اذا بأسمها _مو ياثوله احنه راح نحببها بينه ونخليها مقربه النه وشويه شويه نگللها احنه اهلها وهجي راح نستفاد من وراهه -والله ضحكتني وانه مالي خلگ هسه تلگيها نار واجه بگلبها اعله زواجهه ولو تدري بينه احنه اهلها وعجزنه نعالجها وشمرناها تگطعنه بسنونها -خايبه مو صوجج صوج اليحجي وياج دنخمدي احسلج حته واهسي گطعتيه مريم گعدت الصبح عبالي ابيتنه باوعت شفت المكان مو مكاني مو بيتنه اتذكرت الصارر باوعت شفته نايم گلت هاي فرصتي انهزم مشيت على اطراف اصابعي استوني فتحت الباب صاح بيه ..ويييين مريم..اريد اروح لأهلي خلاص خلصت المسرحيه وانتهى فلمكم اول وتالي اني انهزم منا شاهين..وعلي احش رجليج حش اذا طلعتي برا البيت ووين ماترحين اروح وراج واجرج جر فگعدي عاقله احسلج بعدني احجي وياها واندگ الباب قوي سحبت مريم شمرتها ع الجربايه وفتحت الباب ...حجه بصوت متقطع ..عمي الشيخ يريدك بسرعه جاينه جماعه من بغداد ومسوين طلابه ويريدك يتبع ... | ||||||||
|
| |
|
28-06-20, 04:11 AM
| #13 | ||||||||
| مراقبة عامة ومشرفة منتدى الروايات المنقولة
| #اسيرة_الشيخ_شاهين للكاتبه ريتاج الموسوي #بارت١٢ مساء الخيرات عليكم متابعيني 😘اسفه ع التأخير لاتنسون التصويت والتعليق اترسولي االفراغات 😁 عمي الشيخ يريدك بسرعه جاينه جماعه من بغداد ومسوين طلابه ويريدك مريم...هذوله اكيد ماما وبابا اجوي شاهين..خليت ايدي گبالها ،،،ويين ..اروح لأهلي ميل عن طريقي -دفعتها ..گعدي هنا ولا اطلعين لمن اروح واجي -مو بكيفك اروح يعني اروح ومايردني اكبر واحد -تضلين هنا واذا تعديتي هذا الباب خطوة وحدة احش رجليج حش طلعت وسديت الباب وراي نزلت لگيت حليمه وامي بالمطبخ ..حجيت مستعجل ..عينجن عليها مو تطلع بسعاد..شبيك تركض يمه خوماكو شي -بعدين بعدين احجيلج حجيه بسعاد..منين اجتنه هالطلابه ويلي شگول اعليج طيبة لهالعمله السويتيهه ودوهنتي اخيج مريم ..بقيت الوب الوحدي اهلي اكيد مراح يعوفوني وينقذوني منهم بس اني ملازم ابقى هيج مكتفه ايديه وانتظر المساعده فتحت الباب لگيته مفتوح ..عبالي قافله نزلت ع الدرج خطوة خطوة على كيف حتى محد يسمعني اكو جهتين مقابيلي رحت للأولى ودتني للمطبخ اسمع بيه اصوات رحت للجهه الثانيه ودتني على ممر بس نهايته باب مقفول بقفل ..جان السياج مالته عالي كولش مو مال انهزم منه مااگدر بقيت بالممر واراقب المطبخ شفتهن طلعن ثنينهن سويه واني طلعت وراهن مباشرتا بس ماعرف وين اروح وين الگه اهلي شفت الولد الي اجه لشاهين ..يا ولد ..ها عمه ..الشيخ وين راح ..عنده خطار بالمضيف ..اهاا وين هو المضيف صاير ...وره البيت بمسافه بس ليش تسالين عمه ..خاف الج نيه ترحين هناك انه اگلج ترا عيب المره اطب الديوان -ها لا لا شنو اروح بس ردت اعرف المكان خليته لمن يروح وانداريت وره البيت شفت مثل الغرفه بس جبيرة كولش اجيت يمها اسمع صوت بابا دخلت عليهم اني شفت بابا لو چني استوني طلعت للدنيا ركضت حضنته وابجي شاهين ..من وده عليه ابوي رحت للمضيف لگيت رجال متوسط شخصيه ومبين عليه الترافه من ملابسه وويا مره لابسه تنوره گصيرة وقميص .. سلمت ردو السلام اشو بس گعدت اجاني هذا الرجال ..يحجي بعصبيه ..انته شاهين -اي وصلت انه شاهين -اشو هذا لزمني ياختي .وحجه بصوت عالي..وين وديت بتييي عرفت هذا ابو مريم، ،،نترت ايده ونزلتها حيل..ميل ايدك واحجي عدل -انه حجيي عدل بس انتو حراميه متخافون الله -عمي مااريد اتجاوز اعليك لان هاي مو من عادتي بس اريد اگلك شغله احنه لا حراميه ولا خاطفين بنتك انه رجال اتزوجتها على سنة الله ورسوله -لا بنتي ماتقبل اني اعرفها اكيد تزوجتها غصب عنها -انه مالي شغل اذا عندك حساب روح صفيه وي حازم -هو اني لاگي صاخم وديت سويلم عليه راح جابه واجه اول مادخل چفته صفوان ونزل عليه ضرب -وين وديت بنتي يا حيواان حازم..مو بتك هاي بتي انه ..لك جبان من شوكت صارت بنتك من تخليت عنها بمرضها بعد هاي السنين كلها داطالب بيها وين جنت قبل لو هسه تحركت مشاعر حظرت جنابك حازم..حته لو ربيتها تبقه بتي صفوان..هههه ضحكتني وشنو اليثبت هاي بنتك اشو مسجله بأسمي حازم...لا لاتضحك موزين اعليك شني عبالك بس انته تعرف اول شي عندي البيان مالتها اروح اقدمه للشرطه واگول انخطفت وهيه صغيرة يسولها تحليل وتطلع بنتي بس ساعتها المؤبد شويه اعليك تروح بيها للطين الحري صفوان ..بقلة حيلة..حازم لك لتخلي راسك براسي صدگني متگدرلي اني نفوذي هواي واطلع منها مثل الشعرة من العجين وعندي اثباتات انته الي جبتها بأيدك للبيت بقيت بس واگف واسمعهم يتعاركون والمريه خطيه واگفه وتبجي مااحس الا مريم داخله علينه فتحت اعيوني مستغرب هاي شطلعها وشلون اجت لهنا اووف ياايمه هاي وانه موصيج اديرين بالج منها صفوان ..بنتي مريم بقه حاضنها ويشم بيها..وهيه تبجي ..بابا خلصني منهم جنت متأكدة راح تجي ومتعوفني صفوان ..ماعوفج بابا راح اشتكي عليهم بعدين راحت لأمها وگعدن گعده يبجن صفوان ..باوعولي زين اني رايح لبغداد وراح اجيب اثباتاتي وها الشرطه وياي اما بالنسبه الكم فماعدكم شي قانوني يلا بنتي امشينه شاهين..وييين تمشي انتم روحو بس مريم مالكم شغل بيها صارت تحت امرتي صفوان..بنتي تروح وياي شاهين..يسحب سلاحه ...اذا تحركتي يمريم رجليج اكسرهن مريم..شتريد تسوي سوي بقاء هنا ماابقه صفوان..بنتي ابقي هنا ماريد اخسرج ذوله مجرمين ويسوها يرحون يقتلوج اني شحصل ابقي واني عگبه جاي واجيب الشرطه واخذج راحو ولزمت مريم بقيت تصيح وتبجي وراهم سلمان..بويه شاهين اخذ حرمتك وعلمها اعله الأصول تراها ماتعرفنه عدل ولا تعرف عاداتنه علمها الحرمة عيب ادش دواوين شاهين..صار بويه لزمتها من زندها حيل ..امشي جدامي مريم ..ااخ ايدي تأذيني عوفني .. -اشش لاتحجين ولا كلمة وصلنه للبيت دفعتها ..فوتي صعدي لغرفتج ولا طلعين منها ..وحسابي وياج بعدين بسعاد.. هاي وين لگيتهه مگصوفة الرگبه شاهين..يمه انه من طلعت شوصيتج مو گتلج عينج اعليها لا تطلع هسه لو شاردة ماتگليلي وين الاگيها بسعاد..يوو يشاهين تريدني اسرح بيها شنو هم عدي بيت وشغل شاهين..شغليش يمه شو حليمة متكلفه بالبيت وشايلته شيل ونتي بس گاعدة وتحجين عليها بسعاد..هااا انه هجي ..هسه طلعت بالموزينه مو شاهين..انه ماگلت هيج بس اريدج اديرين بالج منها خاف تشرد بسعاد..انه مالي شغل اريد اروح لختك اشوفها وعود من اجي يصير خير شاهين..يعني ابقه هنا لمن تجين من بتج الشفيه مريم دخلت للغرفة صح ضايجة بس بنفس الوقت فرحانه بشوفة اهلي وصار عندي امل ارجع لحياتي قبل بعد مافقدته بابا مراح يعوفني وراح يشتكي عليهم واخلص من هالجحيم والبيت الجنه گبر كاتم على انفاسي رغم كبرة اباوع على ملابسي لعبت نفسي وين جنت وين صرت شويه ودخل شاهين درت وجهي عنه وكتفت ايديه اجه وگف مقابيلي ...شوفي يابنت الناس ماراح اضربج ولا راح اغلط اعليج بس اكلج حچي خليه ترجيه بأذنج انه حجايتي ماتطيح للگاع الي اگوله بهذا البيت يمشي اعله الكل وصله لباب البيت مرة ثانيه مااكو عرفتي لو لا مريم..اطمئن مراح اطلع هو يومين ورايحه لأهلي وبعد متشوف خلقتي شاهين..هذا الحجي انسيه ابوج ماياخذج الا اعله جذثتي مو محبة بيج لو رغبة لا ..اعناد انه عنودي والي يگلولي عوفه احطه براسي ونتي هسه حطيتج براسي ...ولو انه لو انتي مريم..باوعتله بأستهزاء وبتسمت عليه ..ميدري بابا صاحب نفوذ وحتى بالدوله اله معارف بكلمة وحدة يطيرونه هو وعشيرته **************** في بيت سلوى بسعاد..يهل البيت شنو محد هنا ..يمه طيبه سلوى..ياهلا ومية هلا بالشيخه زارتنه البركه بوست بسعاد ... بسعاد..تبوسها من وره خشمها معاجبها الوضع تباوع ع البيت وتنافخ ..تفضلي خيه تفضلي استريحي هسه اصيحلج طيبة -اي والله صيحيها اريد اشوف بنيتي -صار لشويه واجت سلوى..بالحمام تسبح هسه تجي بسعاد ..تعوج حلگها ..ايي تسبح چا ابنج الشفيه هنا سلوى..گصدج على فاضل -اي فاضل جا انه شعلي من غيرة عود نسيبي الله يچرم سلوى..شوفي خيه انتي صدك شيختنه ونحترمج بس طوختيها شني تحجين اعله وليدي وماعاجبج وضعنه بسعاد..طبعا ماعاجبني هسه انه بتي بت الحسب والنسب معلمه اعله الدلال تعيش بهاي الخرابه سلوى..الحمدالله والشكر هاي الخرابه لامتنه انه وعويلي انحط راسنه بليل اعله المخده مرتاحين وضميرنه مرتاح -اي الله يزيدكم طيبه..هلا يمه شلونج -هلا بيج بعد امج شلونج شلون كيفج -زينه الحمدالله -بسعاد تحجي من بين سنونها ..هاا هيه هاي العيشه الكتلتي روحج اعليها دكليها حيل وياج -يمههه عيب لاتسمعج خالتي -لاتگولين خالتي تخلخلتج فچوچچ تخسى هاي تصير اختي انه وين وهيه وين يمن فدوة تروحلي سلوى صار عدها فضول تسمع شيحجن تقربت يمهن شويه طيبه بصوت مسموع ..اكوول يمه مريم شلونها -شبيها كلشي مابيها اطيناج للخرابة والضيم واخذناهه للقصر والعز وفوگاها رافعه خشمها اعلينه بت الأوادم ماعاجبها الوضع تريد تروح اديح ابغداد طيبه..ترا حگها لبنيه مضلومه والله -شفايتلها اخذت الشيخ ونتي ضلي هنا طيبه بهمس..يمه شمالج تلفين وترجعين لنفس السالفه -من حرگة گلبي غير اليوم رادت تشرد ولزمها اخوج -يااا -اي هسه جابها وخلاها بالغرفه وفوگ هذا كله اجه المربيها يطالب بيها وشحته شاهين هم خوش سوه يستاهل -لا يمه حرام -انتي نجبي وماعليج بهاي السوالف گليلي هذا الشفيه شلونه وياج خما يصيح اعليج لو يأذيج بس گليلي وانه اخلي اخوج يشگ خلگه هالسگط -لايمه فاضل حباب خوش ولد -امم حباب ..تغم طيبه..ووجعة امي كون عفتي ابن خالج واجيتي لهذا الحباب يلا دادة انه اترخص سلوى..وين خيه بعد وكت اتغدي هنا -لا انعم الله ماجايه اتغده جيت اشوف بتي واروح يلا يمه اسلم اعليج -الله يسلمج يمه هلا بيج شاهين ..نزلت لحليمة صبتلها غدا وصعدته الها وگتلها بس تخلص قفلي الغرفه اعليها وشيلي المفتاح رايح يم ابوي رحتله وگال ..ابني شاهين تروح لحازم هذا تاخذ عنوان الرجال منه وتلحگه لبغداد تتفاهم وياه وتحل السالفه ودي احسن ماتكبر ونتفضح جدام الوادم وتعال ياعمي شيلني تالي نضطر نحجي سالفة شردة اختك وهاي فضيحه شاهين...اروحله شگله بويه سلمان..فهمه بالسالفه وذبها براس حويزم مثل ماضحك علينه يتورط الوحدة واحنه نطلع منها سلامات شاهين ..ماشي بويه هسه رايحله ومناك اطلع لبغداد بس ابدل اهدومي مريم... تضايقت حيل من ملابسي احس روحي مخبله بيها انوب گلبيه عريضه رحت فتحت الكنتور لگيت ملابس شاهين كلها دشاديش وغتر بس لگيت شكم بنطرون وقمصان اخذت بنطرون وقميص لبستهن ..صح رجاليات بس عادي ارتاح بيهن اكثر من الگلبيه ممتعودة عليها لشويه دخلت وحده يمكن الخدامه ..شايله صحن وبيه تمن ولحم من شفت الأكل حسيت بجوعي ومعدتي تمغصني من الجوع شفتها خلته ع الگاع وراحت قفلت الغرفه ..مو مهم عندي اصبر هاليومين نزلت ع الأكل عبالك صارلي شهر مماكله ..عود جنت مسويه رجيم عد اهلي بس هسه گد ماجوعانه عفت الرجيم على صفحه شاهين..اجيت مستعجل بس ابدل واطلع فتحت الباب تفاجئت بمريم مبسطه بالگاع وتاكل بس شافتني عافت الأكل مريم..گاعده اكل وانفتح الباب شفت شاهين دخل ..ضل صافن بيه بقيت ع النص نفضت ايدي گال ..لا كمليي ليش بطلتي مريم..لا خلاص انسدت نفسي شاهين..هههههه قصدج من شفتيني انسدت نفسج -اي هيج شي -عفتها ورحت فتحت الكنتور جاي اگلب بملابسي انتبهت لمريم لابسه بنطروني وقميصي ..هاي شنو ولج ..باوعتلي مستغربه ..شنو -ليش لابسه ملابسي -شلبس لعد اني ممتعوده على لبسكم -لا تتعودين منا وجاي تتعودين هذا البس عدكم ابغداد احنه بالبصرة عدنه عيب وخاصه بقريتنه سكتت ماجاوبت ..بس حسيتها معاجبها حجيي طلعت قميص وبنطرون لبستهن واخذت فلوسي وطلعت قفلت الباب والمفتاح انطيته لحليمه رحت لحازم دگيت الباب ورة شويه اجاني حازم..هلا بيك شيخنا تفضل البيت بيتك -انه ماجاي اتفضل اريد عنوان صفوان -شسوي بي -معليك انطينياه وحسابي وياك بعدين من ارجع -ليش شيخنه شسويت؟ -شسويت هااا جذبت اعلينه وگلت عد كرايبي تالي يطلع مسيحي والبت اعله ديانتهم ابوي مايعرف عباله كافرة ينتقم منك لو عرف هاي وحده والثانيه عبالي جبرتهه ع الزواج طلعت حته ماتدري ماخذ وكالتهه بلا متعرف شنو -واذا شيخنه حته لو ماتعرف هيه مرتك بعد رهمت -لا يالفهيم الزواج باطل لشوكت اضلون جهله وبهالعقليات هاي اخذت العنوان منه ورحت اجرت سيارة لبغداد مسافة الطريق وذبني بالباب گال هذا العنوان الرايده نزلت گبال البيت واشوف الشرطه ملتمه والنجدات ومسيجين البيت بالشرايط الحمر استغربت شعدهم ذوله معقوله جاب الشرطه ويريد يجي اعلينه لشويه شفت الشرطة طلعو جثتين كلهن دم بس مغطيهن بأبيض والدم طالع لبره سألت ولد بالشارع ..يوليد تعال ..ها عمو ..هاي الشرطة شعدها ملتمه هنا ..عمو علمود استاذ صفوان خطيه هو وزوجته طافر عليهم حرامي بليل كاتلهم وبايگ الذهب والفلوس هو گال هجي وانه جلدي كزبر الى رحمة الله خطيه مايستاهل ..اووف الدنيا ماتنحزر لا العنده فلوس مرتاح ولا الماعنده مرتاح شگد جان عنده امل يرجع ياخذ بته ويشتكي اعلينه ضجت اعليه بس بنفس الوكت فرحت لأن خلصنه من المشاكل رجعت للبيت نص اليل بس الموقف بقه ابالي لگيت مريم نايمه خطيه جانت فرحانه ومتأمله بأبوها يجي وياخذها ماعرف لو درت شتسوي اباوع لوجهه واحجي ..شگد ماعندج حظ انتي ابوج عافج وانطاج لناس مسيحين ومافكر فد يوم تتغير ديانتج واطلعين من الأسلام انوب انضلمتي بزواج متعرفين عنه شي ومجبورة وهسه الأكبر منهن كلهن موتت اهلج بعدني احجي رمشت بعيونها ..وگالت ..هاا شكو -لا ماكو شي سلامتج نامي انتي وانه انام جوة فرشت بالگاع وبقيت افكر اليل كله بس اتگلب بفراشي شلون لو عرفت واذا ماعرفت اول وتالي تدري شلون افاتحهه باالموضوع صعبه للصبح نزلت وعفت الباب مفتوح گعدت بالمطبخ لگيت امي گاعده ..ها يمه ليمته اجيت -البارحه يمه بليل -هاا فضيتها السالفه ويا هذا -اي يمه فضت --الحمدالله ..بس شبيك شو ضايج ومهموم احس شايل الدنيا اعله راسك شبيك مريض -لايمه مابيه شي -شني مابيك شي وليدي واعرفك اكثر من روحي بداعتي اعليك تحجي شمالك -يمه رحت لبيت صفوان وتفاجئت لگيت الشرطة ملتمه اعله بيتهم خطيه طلع بليل من رايح منا طافرة عليهم حراميه بايگه الذهب والفلوس وكاتلتهم مريم گعدت اعله حركة شاهين شفته طلع وعاف الباب گلت فرصتي خلي انهزم منا مدام مشغولين ودنيا الصبح محد منتبه بس هاي فرصتي لان يقفلون الباب عليه وبعد ماگدر اطلع منا ماكدر اصبر لمن يجي بابا لازم انهزم باي طريقه واتخلص منهم نزلت على اطراف اصابعي خاف يحسون عليه ردت اطلع وشفتهم بالمطبخ صفيت على جهه سمعت اسم بابا اخذني الفضول اسمع شنو يحجون سمعته گال حراميه طافرين عليه وكاتلينهم ماعرف شصار بيه من قوة الصدمة ردت احجي ماكو الساني ثگل وعيوني غوشت وبعد مادريت شصار يتبع ... | ||||||||
|
| |
|
28-06-20, 04:12 AM
| #14 | ||||||||
| مراقبة عامة ومشرفة منتدى الروايات المنقولة
| #اسيرة_الشيخ_شاهين بارت 13 مساء الخير عليكم 🌺 وهذا بارت كملتنه على وقت مااوصيكم بالتعليقات حبابون 😘 ردت اطلع وشفتهم بالمطبخ صفيت على جهه سمعت اسم بابا اخذني الفضول اسمع شنو يحجون سمعته گال حراميه طافرين عليه وكاتلينهم ماعرف شصار بيه من قوة الصدمة ردت احجي ماكو الساني ثگل وعيوني غوشت وبعد مادريت شصار شاهين ..احجي لأمي على صفوان ومرته اسمع صوت شي وگع بالباب جفلنه انه وامي ركضت ع الباب لگيت مريم طايحه ... بسعاد ..يااا هاي الفرخه شمالها شاهين..بخوف..شيليها يمه وياي خلي نصعدها للغرفه امي گابلتني اعليها وشلناها صعدناها خليتها اعله الجربايه ..يمي گولي لحليمة تجيبلنه ماي بسعاد..تطلع بالباب ..ولج حلييييمه جيبي گلاص ماي بسرعه جابت الماي غسلت وجهه ..بس بدون فايده .. ...ولك يمه خاف ماتت الفرخه -يمه بيش طالبتها تفاولين اعليها جسيت نبضها ..يدگ --لا هذا گلبها شغال مابيها شي -چا تضل هجي خاف منا لشوي يوگف گلبها شاهين يمسح على وجهه..استغفر الله العظيم واتوب اليه عود ذيج الساعه نوديها للطبيب -ايي شبيك معصب اعليه ولاچني امك هاي فوگ ماخايفه اعليها يطبك مرض انته وياها انه هم صوچي شعلي بيها عساها لا گعدت خلي انزل احسنلي نزلت امي وانه ضليت افرچ ايديها وگصتها اشوف عيونها بدت ترمش رمشات قليله ..غسلت وجهه مرة ثانيه فتحت عيونها ..باوعتلي وفزت ابتعدت مني ..صفنت شوي ومثل التذكرت شي بقت تصرخ -باباااا ماماا اهلي ماتووو تصيح وتبجي اخر شي لزمت ايدي وباستها ..ابوس ايدك ابوس رجلك گول الي سمعته كذب گول اني كنت حلمانه وهالشي مو صحيح -ماعرفت شرد عليها ..نزلت راسي مريم.بصوت عالي ...لا ادنگ راسك احجييي ويااي گول هذا الحجي مو صحيح اني سمعت غلط مو؟ عفيه لا تسكت جاوبني رفعت راسي ..وكتلها..البقيه بحياتج -لااا لا انتو تكذبون عليه بابا ميموت ويعوفني هناا الوحدي بابا گلي انتظري راح اجي واخذج رادت تنزل لزمتها من ايدها ..نترتها حيل ...وخررر عنيي اريد اروح البابا منتظرني وخرر جانت تحجي بدون وعي وتكسر بالغراض رادت تطلع لزمتها .. وين رايحه ..رايحه لأهلي عوفنييي -ماعوفج اهلج ماتو خلاص محد بقالج بس انه مريم الله اخذ امانته اترحميلهم گعدت بالگاع تصيح وتبجي ..گعدت بصفها وخليت راسها على صدري تقبلتني بدون متسوي شي امسح على شعرها واحجي وياها...مايصير تسوين بروحج هجي اترحميلهم ادعيلهم همه مايردون بواجيج عليهم يردون دعائج الهم مريم..محد بقالي بعد لج ماما وين رحتييي وعفتينيي الوحدي بين هاي الناس الماترحم -وانه وين رحت اصيرلج ابو وام وكل التردينه -تشهگ وتحجي..ماريدك اريد اهليي كله من وراكم هذا الصار بقيت مخليها على صدري تبجي وتحجي مارديت عليها حگها گلبها محترگ اعله اهلها لمن غفت ونامت من التعب ..عيونها ورمت من البجي وخرتها عني وجبتلها مخده خليتها جوة راسها غطيتها بجرجف وطلعت بره اشربلي جگارة منين اجتني دوخت الراس جانت عايزه والتمت اووف منج ياطيبة كلها من حدر راسج ضلمنه لبنيه بيج قصص عراقيه حقيقيه من واقعنا.روعه الطائي نزلت جوة يم امي بس شافتني دارت وجهه عني زعلانه ..ها يمه زعلانه اعليه ..لاتحجي وياي ولاتگلي يمه انه موش امك -اف اف يالغاليه هلگد شايله بگلبج اعليه -حجت بزعل..هاي عود انته ابني كبرتي وتزمخ اعليه چا الغريب شلون -يمه والله مو قصدي وداعت عيونج بس جنت معصب وانتي طفرتيني وطلعتي روحي ..وتدرين بيه ماسيطر اعله اعصابي هسه انه اعتذر ..وهذاا راسج ابوسه بعدج زعلانه اعليه -اي اضحك اعليه بهاي سوالفك تعرف شلون ادافع عن روحك وتطلع انته الصح وانه الغلط -ههههه هسه رضيتي -ليش اگدر ازعل اعليكم ...يمه شريد منكم غير اشوفكم فرحانين ومتهنين -عساج دخر يالغاليه يلا يمة انه رايح ديري بالج اعليها مو مثل ذيج المرة -خوش روح وانه راح اگعد بالمطبخ وفنها تمرگ من يمي الا احش رجليها حش -لا يمه حرام مو هجي البنيه حالتها صعبه هسه گعدي وياها وواسيها وصبريها خطيه لاتموت -خووش الله كريم انته روح وماعليك مريم ...بقيت عشرة ايام محبوسه وابجي وفاة اهلي جانت صدمة الي اخر شي كمت مااكدر ابجي اريد ادموع تنزل من اعيوني ماكو گلبي ممرتاح ..لا دموعي تنزل وتريحني ولا گلبي مرتاح بقيت الوب مثل السمجه المطلعيها من المي ماكو غير حل واحد وهو انهزم منا بس لازم اشوفلي طريقه انهزم بيها يكون الكل مشغول واتنكر بزيهم حته محد يعرفني وميشكون بيه لشويه دخلت الخدامة مالتهم جابتلي اكل ..هذا الشيخ وصاني گال سويلها اكل خل تاكل واذا مااكلت وكليها كوة مايصير تضل هجي اعله لحم بطنها ..اوك صفنت واجتني فكرة ..رادت تطلع صحتها ..تعااي لتروحين ..هاا ..اريد تجيبيلي شال وعباة حليمة-شسوين بيهن ? -اريدهن خاف اطلع منا منا عيب زوجة الشيخ تطلع بهذا اللبس مو صح حليمة..هم صدك لبسج مخازي..تانيني هسه اجيبلج واجي خليتها لمن راحت فتحت الباب اخذت المفاتيح جانت كوومه مفاتيح طلعت مفاتيح الغرفه جانن ثنين مترابطات سوا اخذت واحد منهم وضاعن ويا البقيه مينتبهون عليهن ضميته وگعدت ع الصينيه دخلت هيه وسدت الباب هاج عمه هذا غداج اكلي وترسي بطنج وعوفي الحزن وراج مايفيد مريم..اشوف بوجهج حزن وقهر اكيد وراه سالفه گوعدي وسولفيلي حليمة..ياهي انه اگعد لاعمه مايصير احنه خدم ماناكل وي عمامنه مريم..عجيييب وشنو الخدم مو بشر شنو هالعقليات الي مفهميكم عليها لج بابا لتقللين من قيمتج حليمة..ولو مامفهمت شي من حچيچ بس هذا العلمونه اعليه مريم..وك تعاي گوعدي يمي واحچيلي اني مو مثلهم اختلف اسمع للكل واحترم الكل گعدت وجرت حسرة ..اييي اريد اعرف سبب هاي الحسرة شنوو لتگوليلي شاهين حليمه..اووف شاهين ياهو اليصير مثله درة گولي سبب مچاني هنا شاهين -شلون -انه اكلچ شلون انة ابوي ميت وعندي بس ناصر اخو فرد واحد اصغر مني امي تعبت علينه وكبرتنه بدموع عينها شبعت ضيم وقهر تشتغل بالبيوت تخدم بس حته تعيشنه لمن كبرت وشبيت جنت حلوه انه موش هذا شكلي -ماشاءالله حتى هسه رغم كبرج بس حلوة -يووو ماشايفتني گبل حگج المهم عندي ابن عمي الچبير رياض هذا واحد شراني يتعارك وي روحه المنطقه كلها بازعه منه كلها تگول الغوث من مشاكله يوميه مشكله ويوميه عركه وعمي يروح يفزع وراه يعني ماينجرع كلش ليش مااجانه عمي بيوم من الأيام وجايبه وياه رحت فتحتله الباب هو چان جايبة وياه من فتحت الباب شافني غير تخبل عليه لو هيه لو ماريد انه عمري بوكتها 20سنه بس شنو الوجه گطن والخدود متروسه وموردة ماامدحلج بروحي بس هو هذا شكلي الخطابه جانت كلساع تجي ونطردهه وتردين الصدك مابيهم واحد زين اليسر الخاطر كلها عاويه المهم نسيت سالفتي كلساع واگطعها هههه رياض خطبني فوگ العشر مرات وانه وامي نرده عمي اجه وحاجاني انه رفضت لان اعرفه اول شي اكبر مني ب 10سنوات ثاني شي عصبي ماينحمل والمنطقه كلها تتشاچه منه جنت اخاف من اسمع بطاريه واضل ابجي اگلها يمه ماريده وامي هم وياي گالت محد يجبرج اعله شي وانه عدله ضل رياض ناهي عليه كال مااخليج اطلعين عروس من هذا البيت الا للمگبرة هو تزوج وضل ناهي عليه صار عمري 25 سنه ياهو اليخطبني يرده مليت وامي تمرضت من الحرگه تگل لعمي يگلها ماادرچه زلمة جبير العالم جايرة منه وراها بفترة امي اطتج عمرها ضلينه بحال الضيم انه واخيي عود كل فترة يمر اعلينه عمي يطينه مصرف ويروح مرة من المرات وديت ناصر يشتريلنه مسواگ راح ومارجع اتأخر اعليه مو من عوايده ضليت الوب اعليه مثل الحرشه اندگ الباب رحت ركض فتحته بدون مااشوف ياهو تفاجعت بيه طلع رياض صم حلگي وسد الباب ردت اوخر ايديه عني ماگدرت اضخم واكبر مني لزم ايديه بأيد وحده انه جنت ناعمه مثلج وضعيفه وخر ايده وگال اذا صيحتي اموتج حرمصتله يتركني ولا چني وياه ولا چني عرضه جانت النيه مبينه اعله عيونه بده يمرر ايده اعله خدي مادري التفتت جانت بصفي شربات نخلي بيها ماي مثل الجره سحبتهه من يمي وطگيته اعله راسه الدم سيح منه بهاي اللحظه طب ناصر گتله الصار هو جان عمره 18سنه صغير اخذته وشردنه اجينه لهاي القريه لاگانه شاهين جان عمره ب 20بذاك الوكت شافنه نركض وتعبانين نشدني وحجيتله السالفه گتله داخله اعله واعليك جابني هنا انه واخوي وشغلنه ببيتهم خدامه واخوي اشتغل حارس لو ماهو جا الله يعلم بحالي مريم-وابن عمج مات لو عدل -راح شاهين نشد اعليه لگو عدل بس ضال بالمستشفى بغيبوبه وراها طالع كلشي مابيه -اكيد دور عليكم -اي جا شلون بس مايلگانه انه مااطلع واخوي تغير شكله وصارله لحيه وشارب مايعرفه لو يلاگي جدامه -اووف الله يساعدج صدوك ليشوف مصيبة غيرة تهون عليه مصيبته يحفضج الرب -بعد عمري عسى ربي يحفضج ويخليج يلا انه اگوم بعد خاف عمتي تحتاج شي وماتلگاني تضل تصيح اعليه -اي روحي -تحتاجين شي مشتهيه شي اسوي الج -لا مشكورة تسلمين راحت هيه وقفلت الباب گالت عذريني الشيخ موصيني گتلها لا عادي سوي الي گلولج عليه ... اخذت الملابس وضميتهن جوة الجربايه حته ميشوفهن شاهين لازم ...... انفذ المهمه اليوم واخلص كافي مليت الى متى ابقه محبوسه بهاي الغرفه وره ساعتين انفتح الباب دخل شاهين وسده وراه باوع عليه وراح للكنتور بدل ملابسه واجه گعد بصفي ..شلونج اليوم -الحمدالله -عفيه هيج اريدج سبعه مو ضعيفه وتتبچبچين -عقدت حواجبي وجاوبته شنو تتجبجبين -هههههه لا تتبجبجين يعني تبجين بس بلهجتنه شويه شويه تتعودين على حچينه وتگومين تحجين مثلنه -اووي اني احجي مثلكم حجيكم مالت معدان -هههههه انعم الله عليج -والله دااحجي جديات اغلب حچيكم مداافهم عليه -اي شي ماتفهمينه گليلي وانه اترجملج -وانته شلون تعرف اترجم غير مثلهم -لا انه ضابط اللهجتين لان درست ابغداد واشتغل هناك تقنت اللهجه البغداديه -اهاا حلو هاهيه لعد اذا اكو حچايه ماعرفها اجيك واتفسرلياها لزم حنجي وگال ..يلا انه نعسان راح اناملي شويه وارتاح احس جسمي كزبر لو بيدي ادفع ايده بس مااكدر مجبورة اجاريه بالكلام حتئ احسسه بلأمان من ناحيتي شفته نام ع الجربايه وتغطه بقيت بالنص ساعه منتضرته لمن ينام اخر شي سمعته بدا يشخر خفيف عرفته نام اخذت الشال والعبايه ونزلت على كيف باوعت بالمطبخ محد لبست الشال وغطيت بيه وجهي والتفيت بالعبايه حته محد يعرفني وطلعت بدون مينتبه عليه احد ماعرف وين اروح دخلت بنص البساتين كلها اشجار ونخل وثيل عالي اگوم واوگع بنهر اريد اوصل للشارع ماكو ادخل بستان واطلع من بستان عبالك متاهه مو منطقه حل الغروب وانه اركض الهوا عالي وصوت الاشجار قوي الدنيا صارت مغرب مختلط الضلام بس اكو نور شوي اركض واتلفت خاف واحد لاحگني ...العبايه طويله والشال ماعرف البسه.... انوب متلثمه بيه حتى محد يعرفني ويشك بيه لو يلحگني اركض والتفت خاف احد وراي .... صارت العبايه جوه رجلي ووگعت ويا وگعتي احس واحد صار گدامي رفعت راسي واشوف رجال شكله مو غريب عليه شايفته بقريه شيخ سلمان ...اي هذا اكيد من زلم شاهين مد ايده على وجهي ووخر لثامي وهو عاقد حواجبه گال بسؤال ..مرت الشيخ شاهين ؟ هزيت راسي بمعنى لا رفع راسي بأيده وگال ...لا مرته تريد تنهزمين موو؟ سكتت ماحجيت شي ..گال ...انه اساعدج واخليج تنهزمين بس خليج واثقه بيه مريم..شتريد مني اني مو زوجة شاهين رجاءا وخر عن طريقي همام...لا لا شلون اخليج هنا الدنيا ليل والبستان متروس ذيابه حرام تاكلج وانتي بنيه حلووه ماتستاهلين مريم..من گال هيج خوفني بس هم ملازم ابقه هنا وجودي ويا رجال اخطر من الذيابه نفسهم لا اخويه اشكرك اني اروح اندل همام..وين تندلين ونتي مضيعه صول اچعابچ گتلج تعاي وياي وانه اوصلج للگراج بعد شتردين مريم بتلعثم..اي گراج لا اني مرايحه للگراج همام..بلي رايحه للگراج ليش اليشرد وين يروح لبيت امي مثلا غير يروح للكراج توديه لمجان امان اله بيه مريم..انته من زلم شاهين همام..لا مو من زلمه ومايشرفني اصير من زلامه مريم..انته منين تعرفني اني زوجة شاهين همام..هههه خايبه چا انه اثول ماعرفج صدگ ماشايفج بس مبينه من لهجتج مرت شاهين من حيث بناتنه لهنا كلهن حچيهن جنوبي مثلنه بس انتي غير لهجتج تختلف مبينه بغداديه وحته شكلج مبين مريم..شنو البينك وبين شاهين مبين عليك تكرهه قرب وجهه عليه وگال ..انه اكرهه ولج مو بس اكرهه كلمة الكرة قليل بحقه اموت منه اكرهه مثل دم اضروسي ولو ودي اگطعه بيديه واريد الزله اعليه تعاي وياي اشردج منا وروحي لأهلج انه اكسب الشيخه ونتي تكسبين حريتج شگلتي مريم..فكرت بكلامه اقتنعت گلت مدام همه اعداء اني استفاد ومثل ميگولون عدو عدوك صديقك ..گتله اوك موافقه اخذني بنص البساتين يطب من مكان ويطلع بمكان اني مدنكه واباوع ع الگاع اخاف اسحگ شي اشو احس ضوه صار گدامي رفعت راسي واشوف اني گبال المضيف مالت الشيخ گتله.هاي وين جبتني همام..لزم ايدهه بقوه..تردين تشردين مووو تعاي وياي اليوم الا اخليهم يشربون من دمج -تفووو عليك يانذل ياحقير تضحك عليه الرب ينتقم منك ومن امثالك ياجبان -انجبي وللججج گام يسحل بيه واني احاول افلت ايدي منه مااگدر -عوفنيي اروح لأهلي ليش جبتني -سدي حلگج لا والله اطلع حرگتي كلها بيج وافرغ الرشاش ابراسج احسنلج سكتي -كله من وراك لو ماطالع بوجهي جان اني هسه منهزمه تفف عليك دخلنه للمضيف وهو يسحل بيه من ايدي خلعها خلع مااحس الا شامرني گدام رجلين الشيخ سلمان ...هااااك شيخ هاي مرت شاهين تريد تشرد وتنزل روسنه بين العشاير رفعت راسي اباوع لشاهين الي جان مثل المصدوم فتح عيونه بعصبيه ولزمني من العبايه بقوه وگال ...وين جنتي ولج؟ يتبع ... | ||||||||
|
| |
|
28-06-20, 04:16 AM
| #15 | ||||||||
| مراقبة عامة ومشرفة منتدى الروايات المنقولة
| #اسيرة_الشيخ_شاهين #بارت 14 جنت نايم فتحت اعيوني واحس راسي يريد ينفجر من الألم صحت لمريم وانه مغمض تنطيني الحبوب ..مريم اكو حبوب براسيتول بالجرارة انطينياهن مريم ..ماكو اي رد التفتت ادور اعليها ماهيه ..فزيت مرعوب نزلت بسرعه ع الدرج سألت حليمه ..حليمة ماشفتي مريم حليمة ..لا من اهد الضهر من اطيتهه غده عفتهه وصحت امي ..اجتني تركض ..ها يمه اسم الزهرة شبيك تصيح المغرب -يمه ماشفتي مريم -لا ماشفتها وين ولت بعد ترا ملينه بس من مريم شني الطرگاعه الطحنه بيها ركضت ادور بره البيت ماكو هاي اكيد شردت وين الاگيها يربي بهالليل دنيا الغروب مااشوف وادور رجعت بسرعه لبست اهدومي ورحت لأبوي گتله سلمان..ياطرگاعة الطرگاعة واحنه مانخلص من صخيمة يوميه شارده ولاحگينها شاهين..بويه گلي شسوي سلمان...شتسوي بعد لا الشوف ينشاف وتروح ادور خليها للصبح وروح لبيتها لبغداد اكيد تلكاها هناك جا وين تولي شاهين ..شگلك بويه گلبي مايطيني اعوف عرضي بنصاص اليالي سلمان..عاد من تلگاها ادبها ونسيها حليب امها الجلبه انته مرخيلها الحبل -شتريدني اسوي بويه تكسر خاطري يتيمه ماعدهه احد -اي تكسر خاطرك وهاي النتيجه بعدني اسولف وي ابوي ومااحس الا طاب همام ووياه مريم انصدمت من شفتها شتسوي وياه گال هاك مرتك اسالها وين جانت فرت احس گلبي صار بيم ايديه مريم ...لزمني شاهين من عبايتي حجه راص اسنونه وين جنتي ولج؟ اباوع بعيونه ..جانت نظرته حاده وحواجبه ثخان من يعصب تنطيه نضرت تخوف ماعرف شجاوبه بقيت ساكته واباوع بعيونه هزني حيل ..ماتحجيييين وين جنتي مريم..مليت من البيت گلت اطلع اشم هوا شنو ممنوع همام..چذابه لاتصدگها انه لزمتها وهيه شارده حته گتلها اساعدج تشردين واجت وياي لا تصدگها اعرفها تريد تضحك اعليك بچم حجاية شاهين..هماام رجاءا لاتدخل بيني وبين مرتي همام..هاا هاي جزاتي هسه ..ماادخل بينك وبين مرتك اگول أدب مرتك ترا ملينه يوميه وحدة شارده شني ماواگفين بعيونهن لو مايشوفن اكو زلم شاهين ..بغضب..هماام اطلع برا سلمان..افااا هذا الحجي يطلع منك يا ولد اخوي عبالي اصيرلنه سند تالي اول الناس تعيرنه وبيش تعيرنه بعرضك همام..ها عمي بس انه واكفلي اعله الزله شو من يحجي شاهين اعليه ماتكول لو هذا ابنك وانه وحد سلمان..شاهين مايغلط اعله الأكبر منه مأدبه عدل همام..خوش شاهين تطردني هينه عافنه وطلع سلمان بعصبيه ....وانته يشاهين اخذ جلبتك واربطها ترا ماعايزين فضايح البينه مكفينه هالتشوف هذا المنه وبينه هجي يحجي چا الغريب شلون شاهين..ميت من الحرگة ولو ودي اگطعها تگطع لان خلتني بموقف محرج گدام شاهين وهو يحبني كلش اخذتها للبيت وگفت جدامنه امي بسعاد..هااا لگيتها الحقيره وين موليه انتي صدگ ماتستحين عايفه رجلج وبيت اعيالج وناحرة الچول هايمه شتردين شنو العايزته ..شو من اجيتي لهسه طافحه ونركض وراج شني مامش نسوان ومجلبين بيج بس غير فشله من الوادم شاهين ...يمه رحمة الوالديج ميلي عن دربي بسعاد..ميلت وعود ماوصيك ربيها زين خليها كلما تفكر تشرد تتذكر النياشين مريم..صعدت للغرفه ارجف من الخوف اني ممتندمه ع الشي السويته اي وحدة مكاني تسوي نفسي ممتعوده على هاي العيشه كنت بالرفاهيه مدللة اي شي اريدة يجي لعندي تالي فجئه يگولولي هذا زوجج بدون حتى ماعرف بأي دين واي اعراف مادري ابجي ودموعي تصب ..كلما اباوع لوجهه يزيد خوفي ملامحه جانت متتفسر مشى بصفي وفتح الكنتور طلع الحزام من الكنتور وگف مقابيلي ... -انه شگتلج وشحذرتج مو گتلج لاتسوين شي يخليني اتندم اعله الي راح اسويه ليش ماتسمعين الحچي ..مو كسرتي خاطري اهلج ماتو وخليت الباب مفتوح گلت ماراح تشرد ليش كلما اريد انطيج فرصه تضيعينها بدا يتقرب مني واني ارجع لزمني من ايدي وبدا يضرب بيه بوحشيه اصرخ ومايسمعني ولا كانو انسان جوا عبالك حيوانه وحتى الحيوان هم يرحمونه لدرجة جسمي خدر من الضرب ماگمت احس بيه وصلت المرحله ماگدر ارفع ايدي وادافع عن نفسي اضلمت الدنيا بعيني وبعد ماادري فتحت عيني ..جسمي موتني من الألم كل مكان بيه يصيح اخ ..بقيت متمدده ودموعي تنزل ..شسويت اني وهيج يصير بيه شنو الذنب السويته حتى اتعاقب عليه بهاي القسوة گمت گوة خليت ايدي ع الجربايه خلاص اني ملازم اعيش بهاي الدنيا محد يرحمني الدنيا المابيها بابا وماما ماريدها اروح وراهم بلحظتها فكرت بالأنتحار كان كل همي هو اتخلص من حياتي رحت للجامة بعدها مكسورة كسرت منها گزازة صغيرة ..وگفت مقابيل لمراية واني اباوع لنفسي مو ذيج مريم الأبتسامة متفارق وجهه هسه الوجه شاحب والعيون رايحات بنص وجهي ذبلت حيل ااخ بابا ليش عفتني رفعت راسي ..مريم صيري قويه ولتخافين من الموت صيري حرة وروحي يم اهلج لمنو باقيه هنا طلعت ايدي وجرحت الوريد اباوع للدم ضل ينزل بسرعه غمضت حتى ماااتراجع واخاف من المنظر لشوية حسيت ببرودة بأطرافي ورجليه نملن صارت غشاوة بيني وبين الضوه بعدها ماعرف شصار شاهين ...من حرگتي اضرب بيها بدون وعي كلشي مااشوف گدامي بس حچي همام يتردد اعله مسامعي وكل مااتذكرة ازيد بالضرب عليها لمن ايدي تعبت عاينتلها تون من الوجع عفتها ..تستاهل كل اليجيها عنوديه وماتسمع الحچي نزلت جانت امي منتضرتني بصف الدرج ومبتسمه كأنما فرحانه بالسويته بسعاد..وكفو منك ابني خليها تتربى شاهين..صرت گبالها ..يمه ترا مريم السوته نفس طيبة بالضبط بس الفرق طيبه شردت وي واحد ومريم شردت لان مضلومة من حجيت هيج دنگت وكانما ذكرتها ..حتى ماتحجي اعله غيرها طلعت اول شي اسويه لازم اصفي حسابي وي همام بهذا الوكت هو يروح يم الخيل مالته لان يحب تربية الخيل همام ..صاعد على الحصان ولازم اللجام بأيده ..يجيه الصوت من وراه ..همام يلتفت يشوفه شاهين. يبتسم بخبث ..ياهلا بأبن العم الشيخ شاااهييين شاهين..مو وكت اتمزهد انزل اريد احاجيك همام ينزل ...وهذا انه نزلت شرايد ؟ شاهين..انته شعندك وياي ليش شاد حرابه بيني وبينك ولك انته ابن عمي احزام ضهري ليش،صايرلي خنجر كلما التفت الگاك تريد تغدرني همام..يمشي خطوات لگدام وبعدين يلتفت ..كل يوميه لازم نحچي بهاي السالفه مو سألتني گبل وگتلك بالسبب بعد لوين تريد توصل شاهين..همام خويه انسه الحقد الي بگلبك عوف الطمع وخلي ايدك بأيدي ماراح تخسر صدگني همام ..شوف شاهين مو اعله الشيخه كرهي وياك بس لا اعله گبل وانته تعرفه زين ترا البگلبي الك مو بس حقد لا ...اكبر من هيج وهذا يدوم مادامني عايش واشتم الهوى ولا تضن بيوم من الأيام راح اخلي ايدي بأيدك وانسه الماضي انسه جرح گلبي الي لهسه بعده ينزف والسبب انته كلما اريد اطوي الماضي وافتح صفحة جديده وياك اگول اخوي وسندي اتذكر گبل وارجع احقد اعليك اضعاف واضعاف شاهين..الفات مات انساه انته ليش ماتسامح الغلط جان بلحظة مراهقه وطيش واتندمت اعليه گد شعر راسي گتلك ماجنت اعرف النتيجه هجي ليش كلما اريد انساه ترجع اتذكرني ارحمني همام...اذكرك ? ليش انته ناسيه ..اذا انته نسيته انه ماانساه بوكتها بچيتني دم مو دموع ومن ذاك الوكت اخذت عهد اعله روحي مااسامحك ولا راح احبك بيوم من الأيام والكره البگلبي الك يزيد يوم بعد يوم بسببك راحت فرحتي وآمالي الجانت متعلقه بهالحلم وانته شسويت كتلت هذا الحلم .. شاهين شاهين..هاا همام..انه وراك وراك والزمن طويل عافني وراح خاف جنت عايز هم چملني هموم نزلت للگاع اعله ركبي صار الماضي جدام عيني اتذكره وياريت مااتذكره يمكن كل الي يصير بيه هسه بسببه يمكن عقاب من رب العالمين همام ... جنت طاير من الفرح بدلت وتعطرت اريد اروح اشوف احلام حبيبتي من الطفولة ..دوم چنه نتشاوف بالبستان متفقين كل احد اشوفها بس هالمرة جنت خايف لا يجي واحد ويشوفنه مريت اعله شاهين الي جان اكثر من اخو الي صح جان اصغر مني عمرة 15 سنه بس عقله اكبر منه احسه يفهمني صحته واجه عليه .. شاهين ..ها همام همام..تعال وياي رايدك بشغله شاهين..اي غير اعرف وين ماخذني همام..ادري شبيك وين ماخذك للحرب هو للبستان شاهين..تدري بيه مااحب المفاجئات گلي حته لا انصدم لان اعرف سوالفك همام..اسكت وماعليك لا اطيح حظك وصلنه للمكان جانت احلام واگفه تنتضرني ..عاينتلها وابتسمت ..لوحتلها بأيدي ..ابتسمت شاهين..شني هاي همام شعندك وي هاي البت همام..حبيبي شاهين هاي البنيه احبها ومتواعدين اشوفها اليوم الي اريدة منك توگف تحرسنه خاف احد يجي ويشوفنه شاهين ...لا همام التسويه عيب وموش سواية زلم خشنه احنه ولد شيوخ لازم نعرف العيب والأصول همام..يا عيب ولك شبيك گمت تسربت اكلك احبها انته بعدك صغير من تكبر تعرف شنو معنى الحب شاهين..لا انته زودتها انه رايح اگول لجدي الشيخ اعليك همام ..يلزم شاهين من ياخة الدشداشه..ولكك شاهين شبيك تسودنت ليش تخليني اتندم چيف گتلك شاهين ..يحاول يوخر ايد همام ..ميل ايدك عني اروح اكول لجدي اعليك انته صاير واحد ماتستحي وماعندك غيرة همام ..يضرب شاهين راشدي ..انجب ولك صدك ماتنعطى وجه امشي ولي عن وجهي بس والله اذا گلت لجدي يكون اخر يوم بعمرك خليته يروح واجيت لأحلام ،،،هلا بحبيبتي اعذريني اتأخرت اعليج احلام..شعدكم تعاركتو وياهو هذا همام..هذا ابن عمي عود جبته يحرسلنه المكان خاف واحد يجي اعلينه انوب يتهدد اعليه يگول لجدي الشيخ احلام..صخاام بوجهي بس لاصدك همام..يمعودة خلي يطس فنه يگول الا اعلگ حبل مشنقته اتركينه منه خايبة شمالج مشتاگلج وعلي احلام..وانه هم بس شسوي گتلك جيب اهلك واخطبني ماترضى همام..هو انه هم هيج فكرت بهاي الفترة راح اگول لجدي واخطبج الله هيج واصيرين مريتي ويجمعنه سگف واحد مااصدگ احلام ..ياريت بس مادري ليش احس گلبي مامرتاح خايفه همام..ليش عمري؟ احلام....ماادري همام..مادام انه وياج انسي كل خوفج صدگيني اذا تزوجتج اعيشج عيشة الملكات ماخليج تشيلين الطاسه من الگاع بعدني بهاي السالفه واسمع سحبة اقسام من وراي رأسن لفيت شماغي وتلثمت هيه گومه هيه طفرة صار رمي وراي شردت حسيت محد وراي ادنيت يم المكان خفت على احلام ضليت اعاين واشوف احلام متمدده ودمها مغرگها انه بلحضتها شصار بيه لو انه الميت ولا هيه الدنيا اسودت بعيني كله مني انه التركتها ماخذتها وياي ..ضليت اسبوع تارك البيت وشارد بالبستان ابچي اعليها من هذا اليوم حقدت اعله شاهين لو واگف يحرسنه ماصار الي صار جا شاف الأجو وحذرنه چا ماكتلها اخوها بسببي، كمت وين ماالاگيه اضربه ومرة من المرات ردت اغرگه بالشط بس استخطيته شاهين ..من ضربني همام تركته ورحت انه هددته جذب ردته يعرف غلطه ويترك اعراض العالم ..اسبوع وانه مضيع همام لمن اجاني وگال البت الأحبها كتلوها اهلها وكله من وراك ضربني وبقه مستمر بالضرب مارفعت ايدي بوجهه من الصدمة گال لو ضال واگف جا شفت اخوها من اجه ونبتهتنه بس انته السبب بموتها انه بوكتها انهاريت حسيت بالذنب رغم انه مامسوي شي رجعت من ذاكرتي القديمة ليش ياهمام كل مااحاول انسى اتذكرني كتلك جنت ماعرف ليش تحملني مسؤلية موتها وحاقد عليه ليش نفضت راسي من الأفكار ورجعت للبيت ياريتني مارحت لهمام ومااسامع منه هذا الحچي اليغث دخلت للبيت تذكرت مريم والسويته بيها اليوم بسعاد ..شبيك يمه شو وجهج مايطمن شاهين ..مابيه شي عوفيني يمه راد يصعد والتفت لأمه ..خو ماطلعت مريم بسعاد..لا ماطلعت من طلعت روحها ان شاء الله انه گاعده هنا مارحت عن مچاني شاهين..يهز راسه ويصعد فتحت الباب انصدمت شفت مريم بالگاع وسابحه بالدم من ايدها اتقربت يمها وجسيت النبض ماكو اي نبض يتبع ... عذروني البارت قصير المفروض باجر عطله الي بس راح انشر كتعويض،😘 | ||||||||
|
| |
|
28-06-20, 04:18 AM
| #16 | ||||||||
| مراقبة عامة ومشرفة منتدى الروايات المنقولة
| #اسيرة_الشيخ_شاهين #بارت 15 بقيت لازمها واصيح امي اجتني تركض ..يا شبيك تصيح تخبلت ..شني بس شافتها بقت جامدة بمكانها ..هاي شسويت بالبت موتتها يشاهين شاهين..شنو موتتها يمه لاتبليني بدمها البت منتحرة ..لبسي عبايتج ولحگيني ناخذها للمستشفى -عود شني منتحرة -يوو يمه يعني كاتله روحها اموته روحها عرفتي يلا روحي بالعجل بسعاد-تلطم على خدها ،،يعع ولك بس لاماتت الفرخه ابيتي شو افحص گلبها شوفها عدله ميته شاهين بأستعجال..مادري يمه مادري نبضها يمكن جاي يقل استعجلي خلي نلحگ اعليها ترا التأخير مو بصالحها ركضت امي لبست عبايتها واجت لبستها عبايه وحجاب وشلتها حطيتها بالسيارة اخذناها للمستشفى من شافوها الدكاتره اجو يتراكضون اعليها بقينه بالباب ننتظر وامي تعصر بأيديها من الخوف -ولك يمه شاهين زعم تموت البت ووين ننطي وجوهنه تجي الشرطه من الصبح تكرفنه شگلك ماعدهه عقد يگولون خاطفينها ولك يمه شلوون بيه شاهين ..على كيفج يمه لاتفاولين اعليها ادعيلها بلكي تتشافى قصص وروايات عراقية كرار صلاح بسعاد..ناخيه الزهرة الزچيه كون اطيب كلشي مابيها مو محبة بيها لا والله اخاف اعله وليدي ينسجن وين اروح انه اموت وراه وره ربع ساعه طلع الدكتور -ها دكتور بشر شلونها المريضه الدكتور..شتصير منها -زوجها -خيطنه الوريد وگدرنه نسيطر على حالتها الحمدالله جبتوها قبل لاتفقد دمها كله وتموت لو متأخرين عشر دقايق لا چان هسه قريتو عليها الفاتحه شاهين..الحمدالله والشكر الدكتور..اهاا بس خلي يكون بعلمك هاي محاولة انتحار راح تدخل بيها الشرطة ويجون يستجوبونها عن السبب ممكن تكون مجبرة من قبل احد او محاولة قتل من قبل شخص شاهين-شنو هذا الحچي دكتور هيه منتحرة ماتشوفها بعد شنو قتل ماقتل الدكتور..ليش عبالك محاولة الأنتحار هينه عند الشرطة ع العموم اني بلغتك حتى لاتتفاجئ شاهين..تمام مشكور دكتور بس اگدر اشوفها شاهين..اي تگدر بس هيه حاليا فاقده الوعي مريم انه بمكان كله ابيض اجو ماما وبابا مبتسمين ماقربو عليه بقو بعيدين ماحچو اي شي بس يباوعون عليه اريد ارفع ايدي واحاچيهم ماگدرت احس ايدي ثگيله شويه شويه بدو يختفون من گدامي فتحت عيوني اباوع ع السگف ابيض والسيروم معلگ عرفت اني بالمستشفى التفتت على جهه اشوف شاهين گاعد يدخن وصافن وعمتي بصفه انتبهتلي -ياا گعدت صلوات شاهين..رحت يمها ..الحمدالله ع السلامه مريم ..دموعها تنزل ..ليش ماخليتني اموت ليش جبتني لهنا ماخليتني اروح للمكان البيه اهلي شاهين ..اششش انتي تعبانه هسه نرجع للبيت ونتفاهم بس اريد اگلج شغله خاف يجي الضابط يسألج ليش ردتي تنتحرين اياني واياج تجيبين طارينه بالموزين ترا تعرفين شسوي ماكو داعي اگلج والحليم تكفيه الإشارة هزيت راسي بالموافقه بسعاد..انتي ليمتهه تنعدلين وتصيرين مرة مو عيب عليج من طبيتي لبيتنه لهسه مارتاحينه من مشاكلج بس نركض وراج شاهين يخزر امه ..يمه مو وكته هسه عود من نرجع للبيت ونسولف سكتت امه ماحجت شي وره نص ساعه اجه الضابط وشايل سجل ويا طلع شاهين وعمتي بقيت بس اني سحب الكرسي وگعد بصف السديه شلونج بابا -تمام حظرت الضابط اشكرك -بابا راح اسألج كم سؤال بس تجاوبيني بصدق -تفضل اسأل -انتي مبين عليج واعيه ومثقفه وجبيره مو صغيرة يعني تعرفين الصح من الغلط شنو الي خلاج تحاولين تنتحرين ..وهاا اريد اجاوبين بصراحه لاتخافين من احد احنه نكون وياج ونساعدج -ماكو شي اني عندي حالة نفسيه -هذا مو رد ماقتنعت ..گليلي اكو ضغط عليج انو ماتحجين -لا حظرت الضابط محد ضغط عليه گتلك حالة نفسيه تجيني بين فترة وفترة تخليني اكره الدنيا -متأكده؟ -اي متأكده -زين شو هذا الزراگ الي بوجهج متعرضه لضرب صح? -لا موضرب وگعت من الدرج -اهاا براحتج بعد تمام هاج وقعي هنا وقعت استأذن وطلع ..دخل شاهين -هاا سويتي الگتلج عليه -اي -عفيه ..انه رحت للدكتور گال العصر تگدر تاخذها مريم..لا اني مبيه شي گوله يطلعني هسه -مو خاف تعبانه وموزين عليج بعدين اطيحين اعلينه وين نوديج -لا گوتلك مبيه شي رجاءا روح سويلي خروجيه مااگدر اتحمل ريخة المستشفيات تلعب نفسي -اعصابج عيني اهدي هسه اروح واگله عود خايف على صحتج بعد بكيفج وفعلا راح حچه وي الدكتور ووقع الخروجيه على مسؤليتنه عمتي كلما تريد تحچي يسكتها شاهين بسعاد..هسه جا ضليتي بالمستشفى الا تجين عاد ضلي هناك موتي ماتموتين الا ابيتي مابيه حيل اسوي فواتح شاهين...يمه شنو السالفه اسكت بيج وماكو راسي راح ينفجر رحميني -سكتنه ها اهاا شسوي مرارتي طگت بس من وراها تعبت مليت يوميه ياشاردة يالاگينها وهسه لگتلها موديل جديد اكتل روحي شاهين ..يمه -خوش بطلت بعد مااحجي بس اسكت وصلنه للبيت سندني صعدنه للغرفه تمددت گال ..اخليج ترتاحين ماريد اضايقج بوجودي اخذي راحتج طلع بقيت اني ع الجربايه ..فكرة انهزامي مانجحت وچانت غبيه قصص وروايات عراقية كرار صلاح وانتحاري اغبى منها بعد المفروض مااستسلم وابقه احارب لمن انتصر مثل ماجابوني لهنا بالحيلة ..اطلع بالحيلة صار انتو الجبتوها لنفسكم والبادي اضلم للعصر اجه شاهين گعد بصفي ع الجريايه دنگ وباوعلي..مريم انتي مو صغيرة فاهمه وعاقله ترا عيب الجاي تسوينه ادري انه غلطت من ضربتج بس ساعة حرگة واي واحد بمكاني يسويها بس هذا مايعني تروحين تنتحرين لو كل النسوان مثلج ماضلت وحدة بعشيرتنه جا كلهن ميتات مريم..اني اسفه شاهين متفاجئ..ها مريم..اي شبيك مستغرب اني اسفه صدگني جنت غبيه لمن حاولت انهزم خلاص اني اتزوجت صح بضروف غامضه بس الصار صار ولازم نستسلم للقدر شاهين..تحچين صدگ لو تشاقين مريم..اي احچي صدوك انته رجال والنعم منك وحباب وگلبك طيب صدگني ارتاحيتلك هواي والي كبرك بعيني اكثر خوفك عليه بالمستشفى شاهين ..يهز راسه بشك..ياريت يطلع حجيج صدك ياريت مريم..مع الأيام راح اثبتلك صحة كلامي -ياريت لثاني يوم لگيت شاهين ماموجود گعدت سبحت جان اكو مكياج قليل ع المراية خليت منه صح مو الأصلي لانو متعودة كوله ماركات بس شسوي مجبورة اخلي منه حتى اخفي الزراگ واثار الضرب نزلت جانت عمتي گاعده بالمطبخ -صباح الخير بسعاد..اصباح النو يا هاي منهي مريم ..شعجب نازله اليوم وليش شاهين ماقفل الباب عليج مريم..ياعمري ياعمه اني اسفه ع كول السويته وياكم اتمنى تسامحوني بسعاد..ليش السويتي شويه حته نسامحج مريم..اعرف واني متندمة ..خلاص اهلي وفقدتهم ماعندي اهل وانتو صرتو اهلي بسعاد..يااا عود صدك ولج حلييييمة هاي مريم يغيرهه مريم..اي عمه مريم شنو ممصدگتني بسعاد ...عود شنهي توج تذكرتي لو صحوة موت مريم..ههههه لا استوني اتذكرت گمت صبيت الي جاي وصبيت لعمتي خليته گدامها وگعدت عمه شربي جايج بسعاد..لا ماريده هسه تجي حليمة واسويلي غيرة -ليش عمه جا هذا شبي -شدراني يجوز حاطتلي بيه سحر لو سم شعرفت منج انه -الله يسامحج عمه عوجت حلگها كانو معجبها حجيي اجت حليمة سوتلها جاي ونطته الها لشويه دخلت بنتها طيبة اتذكرتها هاي الجانت عروس سلمت علينه وگعدت -شلونج مريم -الحمدالله حبي انتي شلونج -على الله ماگتيلي ايدج شبيها شنو متعورة بسعاد....لا مامتعورة هاي رادت تنتحر لو ما تلاحگناها جا جابتلنه بلوة الها اول ماالها تالي طيبة..ليش مريم ترضين تخسرين الدنيا والآخرة دنگت ماحجيت شي بسعاد..تركينه منها وگليلي شلونها عمتج وياج طيبة..دنگت وحجت ..زينه بسعاد..اي فنها تفك حلگها وياج اگص السانها طيبة..يمه شاهين وينه شو ماهو شاهين..ها اهاا هذا شاهين هالوصل هاي ياهي طيبة وانه اگول البيت منور اليوم طيبه..بعد گلبي البيت منور بأهله شاهين..حليمة صبيلي جاي صبته وجابته اله اي طيبة شلونج شخبارج عيشتج شلونها -الحمدالله خويه بخير -شو وجهج مصوفر وذبلان شبيج مريم..يوو يشاهين لتخوف لبنيه شبيها اشو وجهه يخبل مثل متگولون چنهه هايشه انه حچيت هيج وشاهين الچاي طلع من خشمه وطيبة بقت صافنه بوجهي بسعاد..انجبي ولج بعدج ماگعدتي وهجي ذبيتي ميانه ليش تغلطين اعلى طيبه شني احلا منها انتي چنچ عصه بس ابيضه مريم..ليش اني شحچت مغلطت عليها بالعكس داامدحها شاهين..كاتم الضحكه..ياتمدحينها تگليلها هايشه هذا مدح مريم..هذا عمو شاهين من جابني لهنا گوتله يعني شنو هايشه گال مثل الغزال واني دااشبها بالغزاله شاهين...هههه يضحك عليج الهايشه يعني البقره مريم..عزااا صدوگ شاهين ..يقلدها ..اي صدووگ مريم..حبيبتي اني اسفه مچنت اعرف معناها عذريني طيبة..لا تعتذرين عادي ولايهمج لثاني يوم الصبح گعدت من الصبح خليت شاهين نايم بالگاع ردت انزل شفت غرفه مقابيل غرفتي رحتلها ردت افتحها ماگدرت مقفوله عفتهه ونزلت للمطبخ لگيت بس حليمة گاعده بس شافتني گامت ..سحبت الكرسي ..وگعدت..تعااي حلومة وين رايحة گعدي حليمة..لا عمه مايصير -شنو الميصير شو دتعاي گعدي اريد احجي وياج كعدت..هاا عمه احجي مريم ..بصوت ناصي ..هاي الغرفه الفوگ الصايرة مقابيل غرفتي ليش مقفوله غرفتمن حليمة بهمس..هاي غرفة شاهين وعلاهن الله يرحمها -علاهن! منو هاي؟ حليمة..هاي مرت الشيخ الشاهين جان متزوجها گبلج بس صار بيها المايتسمه (الخبيث) وماتت الله يرحمها مريم..اهاا زين ليش مقفوله حليمة..هذا الشيخ قافلها مايرضه واحد يطبها يسوي عمل تدرين حتى تنظيف مايخلينه انضفها خاف تروح ريحتهه من الغرفه مريم..لهاي الدرجه يحبها حليمة..يووو گلب الدنيا عليها يلا اخذها اخذها غصبن عن ابوها -شلون يعني غصبن عن ابوها -علاهن جانت صلفه وترادد يعني مايوگف بوجهه احد -قصدج شخصيتها قويه -اي حبها الشيخ مات اعليها گال لو هيه لو ماتزوج دوم البنيه جانت من غير عشيرة مشوو عليهم ابوها ماطاها مريم..ليش ماقبل ينطيها -لان يامعزوزة العين والسلامة ابوها وعمي الشيخ سلمان متعاركين اعلمود الگاع وراح شاهين تعارك ويا ورجع بعد من خطب مااطاها بس البت واگفه بوجهه گالتله لو هو لو مااخذ قصص وروايات عراقية كرار صلاح ابوها متبري منها واخذت الشيخ طولت ماعدها فروخ لگفها شاهين وراحو لبغداد للطبيب گالو عدها المرض المايتسمه اسم الله..وراها ماتت بس شسوه شاهين كتل روحه بالبجي اول مرة اشوف دموعه تصب گام يگعد بالغرفه من الصبح مايطلع الا الضهر يروح للبستان يرجع بليل مانشوفه واعصاب مايتحاچه عود هسه صار زين مريم..ياا لهذا السبب قافلها حليمة..اي مايريد احد يطب ليها مريم..هاا زين بعد اريد اسألج و طيبة شنو قصتها اشو احسها تعبانه حليمة..انه اگلج هاي طيبه جانت تحب ابن الفلاح بس هو چيف فقير ماخطبها لان يدري اذا خطبها مايطونها بعد هيه بت شيوخ وهو ابن الفلاح مريم..وشنو الفلاح مو بشر ? حليمة...اي بشر بس كلشي عادات عدنه مايصير الشيخه تاخذ حي الله واحد لازم شيخ لو ابن شيوخ مريم..كملي حليمة..اي وبنفس الوكت خطبها ابن خالها هيه ماراضيه لان تحب بعد الگلب ومايهوا گالت لعمتي عمتي ملرضت اعليها گالتلها تاخذين ابن اخوي غصبن اعليج تردين احسن منه ابن الشيخ عاد طيبة شسوت شردت وياه گعدنه الصبح مالگينها راح شاهين يدور ولگاها شارده وي فاضل بس شنو گطعوها تكطع لو شايفتها تكسر گلب المابگلبة رحمة راد يذبحونهه بس شاهين مارضه وتعارك وي عمي الشيخ ومنا ومنا صارو يزوجونهه اله لفاضل وهل تزوجو مريم.زين واني شلي دخل بزواجهم ليش اجيت لهنا حليمة.بتلعثم...هاا مادري ..انه گايمه اغسل الهدوم مادري حسيتها تتهرب من الجواب لازم اكو شي وضامينه عني ..بس لشوكت يبقى مضموم اول وتالي اعرفه گعد شاهين وعمتي تريگو شاهين صعد يبدل واني صعدت لغرفتي لگيته مبدل ومكمل اجه لزم ايدي ..مريومه لاتعبيني فدوه خليج عاقله وانسي الماضي ورا ضهرج اامشي وراي وانتي مغمضه صدگيني ماراح تتندمين راح اكونلج سند صح انه عصبي ومرات اضرب بس گلبي طيب بسرعه تروح مني الي اريدة منج تسمعين كلمتي وما ترادديني من احجي وامي ديري بالج عليها ترا مرة جبيرة ماعليج بحجيها كلشي گليلها اي تكسبين اجر -لا افاا عليك مثل امي -عفيه عليج ..يلا عيني انه رايح -الله وياك خليته لمن يمشي وتأكدت منه طلع رحت للغرفه حاولت مافتحها مانفتحت جبت درنفيس وفتحتها نفتحت دخلت وسديت الباب وراي اباوع جانت غرفه قديمه والغبار تارسها بيوت العنكبوت تارسه الحايط فتحت الكنتور لگيت ملابسها گلبت بيهن وبعدين سديت الكنتور لفتت نضري صوره مخلينها على تاج الجربايه رحت اشوفها استوني لزمتها وگعت من ايدي وانكسرت دنگت بخوف وارجف اريد المها سمعت صوت من وراي حيل ...هاااي شسوييين هناا يتبع.... للكاتبه ريتاج الموسوي هذا البارت تعويض وتكمله للبارت القبله وها ترا باجر ماكو عطلتي 😁 | ||||||||
|
| |
|
28-06-20, 04:19 AM
| #17 | ||||||||
| مراقبة عامة ومشرفة منتدى الروايات المنقولة
| #اسيرة_الشيخ_شاهين #بارت 16 #للكاتبه ريتاج الموسوي من سمعت حليمة تحچي عن علاهن وعلاقة شاهين بيها وشلون يحبها ..اخذني الفضول اروح للغرفه واعرف شنو السبب الي يخلي شاهين ميقبل احد يدخلها گمت من يمها ..يلا عيني اني اروح لغرفتي ارتاح لان صدعت -ياا بس لا من سوالفي -لا وين من سوالفج. اصلا سوالفج تخبل مينمل منها -بعد عمري فدوة اروحلج عمه -اي صدوگ لتگوليلي عمه مرة لخ گوليلي مريم ..تمام -صار عمه -شگلنه -ههه والله نسيت انه متعوده كلها اصيحلها عمه -همه عدهم عادي يقبلون اما اني فمااحب الألقاب بالتالي كولنه بشر ونخلقنه من نفس الطين -اي والله بس انتي تفتهمين يابعد عمري صعدت لغرفتي ..جبت درنفيس حاولت بالباب شوية وانفتح دخلت ..الغرفه جانت كولها غبار ع الأخشاب والحيطان عليها بيوت العنكبوت فتحت الكنتور ..بيها ملابسها ..سديته لفتت انتباهي صورة على تاج الجربايه ..ردت اشوفها استوني لزمتها وگعت مني وانكسر ..دنگت بخوف ..هاي شسويت ..ردت المها واسمع صوت من وراي -هااي شسوين هناا مريم..التفتت..عمه اني د قاطعتني ..شعندج طابه لهاي الغرفه لو يدري بيج شاهين يگضيج گضيان ولج انه امه الي جبته مايخليني اطبها لو انظفها وماكسرت كلمتة تجين انتي واطبينها مريم..عمه ماعرف عبالي غرفة متروكه ودخلت ماادري ليش هيه لشاهين، ،،سويت نفسي ماعرف -اي غرفته هو وزوجته الله يرحمها -خليت ايدي على حلگي ..عود مصدومه ليش هو متزوج -اي متزوج گبلج وماتت بالخبيث وكتل روحه عليها حگه صدك مرة معدله جا مثل نسوان هسه، ،وتباوع عليه بطرف عينها -اهاا بسعاد..يلا اطلعي بسرعه گبل لا يجي شاهين واشوفج مرة ثانيه طابه بغير ادريي گبل اروح واگول لشاهين اخلي يكسرج تكسر قصص وروايات عراقية كرار صلاح ماحجيت وياها شي ..اريد اكسب حبها وثقتها بيه -اسفه عمه موقصدي ومراح ادخلها مرة لخ تدللين -اي يلا اطلعي خلي اسدها باوعت للمفتاح ماكو ولج ماكو مفتاح شلون فاتحتها -باوعتلها وبلعت ريگي ..بالدرنفيس -عزا العزاج كون ولج انتي ينخاف منج كلشي تعرفين انوب بدرنفيس خاله انه المرة الجبيرة ماعرف افتح الباب بدرنفيس عبالي الا مفتاح تركتها تحجي و رحت لغرفتي وسديتها عليه بقيت للعصر سمعت صوت شاهين جوا نزلت حچيت مبتسمه -ها شاهين اجيت باوعلي مستغرب ..اي اجيت شويه واجت طيبة وعمتي گعدن ..شاهين جانت بصفه علاگه فتحها وطلع موبايل الطابوگه القديم بسعاد..يمه هذا شنهو شاهين..هذا تليفون -شني يعني تليفون غير اعرف -يمه هذا يخابر يعني اذا واحد عنده نفسه احجي وياه ويحجي وياي -وهذا التخابرة بوسط التليفون -لايمه انتي ماتعرفين هاي السوالف شلج بيها -چا بس انتم تعرفونه علموني بيه مريم..منو جابه الك شاهين -وصيت ادهم وجابه من رجع من بغداد ..هو گال بغداد واني عيوني دمعت الله يابغداد مجرد مايذكرون اسمج گدامي تردلي روحي -سحبت نفس وگتله ..لعد ماگتله يجيبلي واحد خزرني حيل وگال-ماعدنه نسوان تشيل تليفونات مريم..هههه انتو مشايفيه بس اني من جنت بتركيا عندي واحد دولة متطورة واصلها قبل العراق ومن رجعنه هو عندي شاهين..اي هاي من جنتي بتركيا بس عندي انه مايصير عيييب -شنو العيب بالموضوع هو وسيلة اتصال بسعاد..گالج عيب يعني عيب الا تلحين التفتت الشاهين ..يمه شو انه حايرة بلطمته هذا صاحبك مساع شلون حجه وياك وسمعت صوته بس علمني شاهين-يمه احجيلج تقنيه ماتعرفينها والله لو اشرحلج منا الباجر حچي علماء ومثقفين بسعاد..مادام حچي مثقفين انه ماعرفله اجت طيبة وكعدت تباوع متعجبه لشويه واجه ادهم مبين عليه حباب وهادئ عكس شاهين... سلم على امه وطيبه وسلم عليه بعدين گعد يعلم شاهين شلون يستخدمه انتبهت على عمتي وطيبة يسولفن شافني اباوعلهن سكتن وره شويه گامت عمتي وطيبه وراها ...اني هنا فضولي گام يشتغل الف شعدهن وشنو السالفه الي ميريدني اسمعها شاهين وادهم مشغولين بالموبايل گمت وراهن اباوعلهن من بعيد دخلن وسدن الباب صرت قريبه شويه سمعت الباب انقفل الغرفه بعيده عن الأستقبال وهذا الشي خلاني اطمئن محد يشوفني خليت اذني ع الباب حتى اسمع الي يدور بينهن كلشي بهذا البيت يفيدني بالخطة بسعاد..يلا سولفي شعندج طيبة-يمه وسكتت بسعاد..احجي شمالج خوفتيني طيبة..يمه انه مومرتاحه ببيت عمي تعبت والله تعبت وتبجي بسعاد..حييييل ياراية الله بيضه مو هذا الكسرتي وجوهنه اعلموده مو هذا الرديتي ابن خالج ابن الشيخ اعلموده تستاهلين وابو زايد طيبة..يمه انه جاية اشكيلج همي وانتي تزيدينها عليه بسعاد...چا شسويلج الي من أيده الله يزيده انه مو گتلج اذا اخذتيه ديري بالج تجين تبجين وتتشكين طيبه..انعم الله عليج هو هم صوجي انه عود جايه احجي لأمي ضيم گلبي بسعاد..اي بلا احجي شبيج طيبة..يمه تعبت انه متعوده اعله دلال وكلشي موجود هناك عدنه ماكو حسرة عليه الطماطة وانه اخبز واعجن والبيت كله على راسي متت بسعاد..چا وهذا المصخم وينه طيبة..ياهو ? بسعاد-بعد ياهو اكو غيرة رجلج الشفية طيبة..يمة فاضل حباب بس ماعندة فلوس بسعاد..وانه شسويلج تردين اكل تعاي اخذي من عدنه طيبة..لا مو اكل انه اريدچ تحاچين ابوي خلي يشتريلي بيت صغير نعيش بيه انه وفاضل يعني نعزل بسعاد..اي هيه هاي العايزه نشتري ابيوت للنسيب -اووو يمه لاتسوينهه قصه انتي گلي لأبوي وماعليج -اگله ولو ادري بيه مايرضه بس شسوي امري لأالله طيبة-اي فدوة ونتي هم لحي عليه بلكي يسمع حجيج -على اساس ماتعرفين ابوج ماياخذ حجيي انه اعليه اگله حچي زايد ماگول طيبه-يلا هسه اليطلع من عندج انعم الله سمعت حچيهن وعرفت انو طيبة متضايقه من گعدتها ببيت عمو حازم وتريد تطلع لازم اتابع اخبارهه اول بأول والي راح تساعدني بهالشي هيه حليمة اخليها تجيبلي اخبارها بدون متعرف اني اريد اعرف اخبارها او حتئ تشك مجرد شك هيه فطيرة والحلو بيها ماتضم شي بگلبها والي خلاها هالشكل الوحدة مرات تكسر خاطري دائما الوحدها وعمتي اذا رادت شيي بس تصيح عليها وهيه ترد صار وتدللين عمه ..لو منها ارگعها بالچفچير على راسها اني ومرات تحجي عليه روحي تطلع من خشمي ودي الزمها واكطعها تگطع ع شنو شايفه نفسها ..رئيسه بريطانيا لو ملكة اني احتاج اعرف كولشي عنهم حتى يساعدني بالخطه الاريدهه لازم هالمرة متفشل ومااسمح لأي احد يمنعني ****---*----********------*-----****-*- بسعاد...تحجي ويا روحها اووف ياطيبة والله شلعتي گلبي كلما اگول راح اتركها وماادخل بحياتها مثل مااختارتها تتحملها تجي تبجي يمي وينمرد گلبي اعليها بعد گلب والده مااتحمل اشوف دمعتها ..انه ادري ببيت الفلاح شعدهم دهر عزا كلشي ماكو حايرين بلگمتهم لو مااخذه ابن اخيي چا هسه عيشتج تختلف مثل الملوك بس شسويلج قصص وروايات عراقية كرار صلاح ماخذتي حچيي ....بعد شسوي احاچي ابوهه واشوف شيگول تانيت لمن يجي سلمان هوه ينام بالديوانيه اجيت يمه ..ها الله يساعدك ابو شاهين -هلا -شلونك خو مو تعبان -تعبان شويه -هاا -احچي شرايدة اعرف اكو بگلبج حچي من تضلين تحوسين ماتركدين -يااا ماعندي شي -خوش چا طفي الگلوب وطلعي اريد انام -لا عندي سويلفه وياك -مو اگلج عندي حچي تگولين لا يلا خلصيني ترا انعس -علمود طيبه -شبيها صخيمة -شبيك وياهه ترا بتك مو عدوتك -بسعاد تحچين لو شلون -بيت حازم حسرة عليهم الأكله وبيتهم مهدم وانته تعرف طيبة بت عز ودلال مامتعودة اعله هجي عيشه وگالتلي اگلك بلكي تشوفلها بيت من بيوتك المأجرهن تگعد بيه هيه ورجلهه -اطيهه بيت ! ليش بصفتهه شنو -غير بتك شبيك سلمان -چان عندي بت بس من خانت ثقتي المنطيها الها ورادت اطيح عگالي بين الزلم تبريت منها قصص وروايات عراقية كرار صلاح من خذت غصبن عني وجايه هسه تگليلي اطيها بيت بتك خليها وحيل وياها هاي حوبتي بيها وانتي گليلها خاف اطب للبيت واشوفها ترا اكسر راسها الچلبه -شمالك وياها -بلا گومي طلعي عن وجهي لا اكسر العصه هاي اعله راسج طلعييي لابارك الله بيج ولا ابتج طردني وطلعت عنه مدري شبيه صاير جداحة ولا يتحاچه بس طلعت شفت طيبه بالباب تبچي ومخليه راسها بين ركبها -هاا سمعتي شگال طيبة رفعت راسها وگالت -اي سمعت وياريتني ماسمعت عود ابوي هذا هچي يگول چا شخله للغريب بسعاد-انچبي ولچ چا انتي السويتيه شويه احمدي ربج واشكريه بعدج عدله لو غير واحد چا ذبحج طيبة-اهوو والله مليت يومية عايدين هاي السالفة مو گلت غلطت غلطت شنو البشر معصوم من الغلط -ليش هو كل غلط سوا اكو غلطة بسيطه واكو غلطة چبيرة مالها غفوره ولزوم يتعاقب اعليها راعيها مريم-اشوف عمتي من بعيد تحچي على طيبة وهيه تبچي حليمة جانت واگفه يمهن ومنتچيه ع الحايط الي اعرفه طيبة وصتها تتوسط عد عمي بس شگاللها ماعرف صحت حليمة اجتني -حلومة -ها عمه -شگتلج مو گلت لتگوليلي عمه -متعوده عمه مااگدر الساني لازمها -يلا مو مشكله كوليلي طيبة خطيه شعدها تبچي كسرت خاطري حليمة..اووف خطيه هالطيبه مارتاحت ولا راح ترتاح چا غير رادتلها بيت حتى تعزل وعمي عنده شكثر بيوت مأجرها راحتله عمتي عود يطيها واحد تگعد بيه صدك يطردها يگلها ماعندي بت تبريت منها من اهد ماشردت وي واحد واخذته وانه ماراضي -ياا مسكينة الله يكون بعونها -اي والله بس عمه عود انتي ليش تسألين -مو انه صرت مرت الشيخ لازم اعرف كل صغيرة وچبيرة بالبيت -اي هم صدگ -اي شي تسمعينه تجين تگليلي ماشي -خوش بس خاف تدري عمتي الشيخه وتطردني اذا عرفت -لا عيوني منو راح يگوللها قابل اني احچي على نفسي انتي بس لزمي السانج ومعليج -صار صعدت لغرفتي لگيت شاهين گاعد ولازم التليفون يگلب بيه اجيت گعدت يمه سحبت نفس طوقت ايدي على رگبته تفاجئت من ردة فعله ..شال ايدي ووخرها عنه..خزرني حيل ورجع يگلب بتليفونه بدون مايحچي ولا كلمة هنا حسيت كرامتي انسحگت بالگاع لو ضاربني راشدي ولا هيج مسوي قصص وروايات عراقية كرار صلاح كرهت نفسي بلحظتها شگد رخصت روحي عفته ونزلت گلبي يفور من الحرگة لگيت عمتي لابسة عبايتها تريد ترجع طيبه لعيالها -ها طيبة راح تمشين طيبه..اي دية رايحه -بعد وقت مابقيتي شكم يوم هنا بسعاد..غير اگلها مستعجله اعله الخير تريد تروح طيبة...بعصبيه .يمه بسعاد..وغمه بعد ماراضيه اعليهم مريم..عمه فدوة الي جنطة ملابس ببيت عمو حازم گولي الزوجته تنطيها الج مخليتها عدهم بسعاد..اي مو انه خدامة عد الخلفوچ وتامرين اعليه اجيب و اودي -لا عمه حشاچ بس ملابسي هناك وشاهين مانعني من الطلعة شلون اجيبهن خلوني اطلع واني اجيبهن -خووش انه اجيبهن مريم خانم مو بس تردين اطلعين حتى تشردين انه اجيبهن بعد شتردين نجيب ونطيج ونتي بس گاعده صايريلج خدم وحشم وطيبة بالضيم ياحالها خليتها لمن راحت ..هزيت ايدي..هاي شبيها العجوز اشو اربعة وعشرين ساعة معصبة ماشفتها فد يوم تضحك ..غير عائلة هاي ناار مشتعله مايعرفون الضحك الا بأوقات معينة حتى يسوون كآبه فوگ الكآبه العندي شنو هاي وره نص ساعة اجت عمتي وجابتلي الجنطة -هاج يالمسعده اخذتها بدون مااحجي وصعدت للغرفة شافها شاهين باوعلها وباوعلي -بعدين رجع للتليفون ضميتها بالكنتور لليل اخذتلي برموده نص ردن لبسته رفعت شعري وخليت شوي واگع بأهمال ..خليت عطر وبقيت افتر بالغرفه اتحجج بشغل ..كلما امر يباوعلي ..اسوي نفسي ممنتبهه ومن اباوعله ينزل عينه فتحت الباب ردت اطلع شاهين..هووب وين رايحة -نازله اجيب مي -ونازله بهذا لبسج ..يأشر عليه بأيدة -اي وشكو بيها -نزل من الجربايه فاتح عيونه ..شكووو بيها شنو اخوي وابوي جوه ونتي حظرت جنابج تردين تنزلين هيج -اي عادي ترا لبسي مستور -وين مستور هذا لبس مغري وعلي اذا اشوفج نازله ولابسته ..تتذكرين الحزام موو اشگگ اهدومج المستورات ذني اعليج من الكتل افتهمتي لو لا -افتهمت بس اني عطشانه -اطيني انه اروح اجيبلج ماي امري ل الله راح ورجع تارس الدولكه مي -هاج ست مريم -شكرا تعبتك -خزرني ورفع حاجبه...مشيت من يمه بدون مااهتم رجع هو ع الجربايه گعد بقيت واگفه مقابيله ومكتفه ايديه باوعلي وهز راسه ..هاا شكو -اريد انام ممكن تنزل جوه -اطرديني من الجربايه شنو؟ -لا مااطردك بس اني انام الوحدي مثل كول مرة -هز راسه بدون ميحچي ..فرش فراشه ونام للصبح گعدت لگيته ماهو باوعت للساعة ب 9 ونص اخذت ملابسي ودخلت للحمام سبحت وطلعت وراها نشفت شعري بالخاولي ربطته بالقراصه ونزلت لگيت عمتي مبدلة وتريد تطلع بسعاد..هلا بالمسعدة شعندج نايمة للضهر مريم..عمه شعندي قابل لادوام لا شي انام وارتاح احسنلي بسعاد..تهز ايدها معاجبها الحچي ..باوعت لحليمة ..انه راح اروح لم مزهر جنتها جايبة اطيها واجب واجي ديري بالج اعليها ..تأشر عليه ..مو تشرد ترا مابينه حيل نركض وراها ..الله يسامج عمه اني اشرد بسعاد تقلد عليها ...الله يسامج عمه انه اشرد ع اساس مامسويتها گبل الحلوة قصص وروايات عراقية كرار صلاح عافتني وطلعت ..هاي شبيها الحمدالله والشكر ماتحچي على بتها ع الأقل اني شردت غصب عني ما شردت ويا واحد صبيتلي گلاص چاي واخذت شويه خبزه اكلتهن وگمت شفت المفاتيح ناسيتهن حليمة بالصالة اخذتهن و صعدت فوگ گلت لازم ارجع للغرفه مرة ثانيه فتحتها ورحت اگلب بالمجرات لگيت بآخر مجر دفتر مذكرات صغير ... ردت اقراه وگلت اخذه لغرفتي احسن اقرا براحتي بدون خوف قفلتها ونزلت رجعت المفاتيح بدون ماتنتبهلي ورجعت صعدت سديت الغرفه وگعدت اقرا اول صفحة كاتب بيها بداية حبه وتعلقة بعلاهن وشلون جان يروح للبستان بس حتى يشوفها ويلتقي بيها من خلال وصفه عرفت انو عاشقها مو بس يحبها بس انتبهت الشي وهو طريقة كتابته حلوه تجذب اختيارة للكلمات رهيب فعلا يخليني اقرا حبا بالكلام بعيدا عن الفضول وكأنو نثر بعدني اگلب بيه استوني درت الصفحة الثانيه سمعت صوت ويدة الباب نزلت رأسن ضميته جوة المخده دخل شاهين ووجهه ميتفسر من الغضب گال ... يتبع.... | ||||||||
|
| |
|
28-06-20, 04:20 AM
| #18 | ||||||||
| مراقبة عامة ومشرفة منتدى الروايات المنقولة
| #اسيرة_الشيخ_شاهين #بارت 17 مساءالورد عيوني اسفه عن الأنقطاع امس لانو نت ماكو تعرفون اذا مانشرت لازم انطيكم خبر بس خرج الموضوع من ايدي وهسه اتركم ويا القصه ولاتنسون التصويت والتعليق❤️ ********************* بعدني اگلب بيه استوني درت الصفحة الثانيه سمعت صوت ويدة الباب نزلت رأسن ضميته جوة المخده دخل شاهين ووجهه ميتفسر من الغضب گال . -مريم انتي فايته لغرفتي -اي غرفة مافهمت -لا تستغبين وتسوين روحج اطرش بالزفه وعود مامفتهمة شي هاي الغرفة الي بصف غرفتنه انتي داخلتلها -واني گوتلك لا غرفة مقفولة ع اي اساس ادخلها ترى هذا مو طبعي -چا ياهو الداخلها ابووي -شدراني روح شوف منو لو ماكو احد غيري تتهمو -صار 3سنوات اهلي محذرهم ومادخلينها ابد شمعنى من اجيتي لهذا البيت فتحوها -هزيتله كتفي بمعنى ماعرف لزمني من شعري -ولج لاتلفين وادورين وياي بالحجي اعرف كلش زين انتي الداخلتلها امي حجتلي بس ماردت اكلج بالبدايه واعرف بالصورة انتي كسرتيها بعد ليش اتجذبين هم مو مشكله بس الدفتر طلعيي لا وعلي افطسج هنا اخ ترى شعري ديأذيني -اي دفتر ماعرف انته عن شنو دتحجي -عن شنو احجي انه اگلج عافني وبقى يدور عليه بالغرفه اني كعدت ع المخدة الي جواها الدفتر دور جوه الجربايه -گومي خلي ادور جواج ..ماگمت ..گوتلك ماعرف ماعندي سحلني من ايدي شال الدوشك مالت الجرباية وگع الدفتر شاله وخزرني -تگولين ماعندي والله بيج كتله غسل ولبس بس ماريد امد ايدي عليج اگول خطيه قصص وروايات عراقية كرار صلاح مابيج كتله گبل تطيحين ومالي خلگ افتر بالمستشفيات -شبي الدفتر حتى خايف هيج منه -انجبي انه ماخايف بس بيه خصوصيات ماحب احد يشوفهه وشوفي مرة ثانيه من انبه على شغلة ماتسوينها دخلي غير مرة وشوفي شسوي بيج اعظامج اكسرهه -اول شي مجنت اعرف محذر من دخول الغرفة وشفتها مقفولة عبالي متروكه او مخزن ثاني شي ماعرف انته مزوج قبلي -رفع تك حاجب -مزوج قبلج ليش انتي هم معتبرة روحج زوجتي -وليش لا مو انته گلت اتزوجنه صح لو لا -اي صح گتلج بس زواجنه باطل افتهمتي يعني شنو باطل شوفي انتي ديانتج تختلف وماتعرفين عن ديانتنه شي مو صح؟ -فعلا اني ماعرف شي عن الأسلام فقط اشياء بسيطة بس الي دااشوفه عدكم ميمثل اي دين معقولة انتو هيج المسلمين كوله كذب وخداع وكره هو هذا دينكم؟ -لا انتي فاهمتنه غلط صح احنه مسلمين وعدنه كتاب ونبي نمشي على نهجة بس لابد تلگين هاي الصفات بكل ديانة هيه هاي طبيعة البشر بس اكو الزين والموزين وشوفي لا عبالج زواجج صار بهاي الطريقه عدنه بلأسلام معترف بيها لا زواج باالأكراه مايجوز مو زواج بدون معرفتج اكيد باطل -زين اذا اني مو زوجتك حاليا ليش متخليني ارجع لبغداد لبيتنه -ليش حرمتوني من اهلي ليش ماخليتوني احظر جنازتهم واندل قبرهم ليشش -مريم كتلج البشر مو سوا مو كلهم يخافون من الحرام الناس عدهم انتي زوجتي واهلي هم واذا خليتج ترحين معناها جبت لروحي ولعشيرتنه العار لازم اجيبج واجبرج تبقين هنا -سكتت ماحجيت شي ودنگت بقت دموعي تصب وخر الشعر عن وجهي ومسح دموعي رفع راسي وگال ...شنو رأيج بيه ؟ -بشنو -بيه كلي حجيت مخنوگه - تعصب مرات وعصبيتك تغلب على گلبك وتتصرف بغضب دون ماتفكر -هههه هاي الصفات الموزينه اريد الزينه الشفتيها بيه -حباب وگلبك طيب لزم وجهي بثنين ايديه ..مريم خلي نملچ من جديد -يعني شنو نملچ -يعني نعقد شيخ مرة ثانية وتصيرين مرتي من صدگ نتزوج -وخرت ايدية عن وجهيي وسكتت -ماشي انطيج وقت تفكرين اخذي المدة الي تردينها اهم شي تفكرين بعقل گام طلع من الغرفة هذا شبي اني ماصدگت گال زواج باطل انوب يريدني اتزوجه اريد الفلته شلون ماچان يازواج يابطيخ ع اساس انتو شلونكم وينعاش وياكم امك سبب كولش كافي للرفض وهم فكرت لويش عرض علية الزواج وهو يحب زوجته المتوفيه وباقي على ذكراها -معقوله يفكر بيه لا لا يفكر بيه شنو بس هذا يريد يربطني بزواج حتى ماانهزم لليل اجه اخذ فراشه وراح لغرفته وقبل ميروح گال -راح انام بعيد عنج حتى تاخذين راحتج مريم-اوك الي يعجبك حازم گومي سدي الباب اريد احجي وياج سلوى-ليش محد هنا احجي -ولج ماريد احد يسمع -ها اها هالسديته گول شتريد -اكلج مريم اهلها ماتو وهيه الوحيدة عدهم يعني الورث والفلوس كلها الها -اعليها بالعافيه چا شنسويلها -شنسويلها شنو؟ لاتصيرين خبله افتحي مخج وياي عدل احنه اهلها وحالتنه ضعيفة اكيد راح تساعدنه -استغفر الله ياربي انته شلون تفكر ماادري هيه تعرف الماتو اهلها بعد احنه مالنه دخل -ولج هسه هيه وحيدة مالها احد خصوصا من ماتو اهلها وعايشه بالضيم وي شاهين انتي ماتعرفينة ماينحمل وهيه بزر دلال مامتعودة اعله جونة من تدري احنه اهلها راح تزعل شويه وترضى -اي مو هيه هينة فجئة يجونها ناس ويكلولها الربوج مو اهلج واحنه اهلج شمرناج وانتي صغيرة ومن كبرتي زوجناج حته نخلص اخوج تتوقع شنو ردها -اكلج لا تكبرينها وهيه صغيرة نگللها ونشوف شتگول روحيلها بس اول مرة مهديلها الدرب خو ما گبل احنه اهلج واكيد راح تتقبلنه لان هسه مالها سند وتريد اليسندها -والله مادري شگلك بس گلبي انفطر اعليها صح ماربت جدام عيني بس تضل بتي ومارضه اعليها -وسم عود شوفني انه حنينه چا هم انه ابوها يعني اكرهه بس لازم تساعدني جبت عمري من الصغر لمن شيبت بالذله يتأمر اعلية الصغير والجبير -امري ل الله اروح واگلها بس مو هسة تانيني چم يوم مريم اخذتلي شكم يوم بس افكر بكلام شاهين معقوله حبني بهاي الفترة لذالك طلب مني يتمم زواجه ..بس لا حتى لو اني مستحيل اقبل اتزوج واحد مو من ديانتي وبهاي البيئة كنت گاعدة الوحدي بالغرفه شاهين مموجود فجئة دخلت علية مره چني شايفتها دخلت بدون مدگ الباب -هلا يمة مريومة شلونج اجتي بوستني واني گاعدة -هلو بيج العفو منو انتي اقاربهم لبيت شاهين -يااا نسيتيني انه سلوى مرت حازم الگعدتي عدنه -اهااا اي عرفت قصدج الي قشمرتوني وتخليتو عني اخذتوني من اهلي وجبتوني لهنا زوجتوني بدون علمي -شمالج حاقدة اعليه ترا انه مابيدنه شي الشيوخ اذا حجت احنه الفقرة مالنه كلمة وياها يدوسون اعله ارگابنه -مابيدكم شي شنو اقلها انطيني علم خليني انهزم بروحي قبل لا اتورط قصص وروايات عراقية كرار صلاح -المهم يمة انه جاية احجيلج سالفة وانتي حكمي اعليها -شنو -اكو عايلة فقيرة كلش ماتاجد اللگمة تاكلها بوكت الحصار گبل والحروب صارت عدهم بنيه ..البنيه تمرضت ومالها علاج هنا بس باالدول برا وهمه حالتهم ضعيفة شسوو شالو البت واطوها لعايلة غنية ببغداد اخذوها وسافرو عالجوها من رجعو البنيه كبرانه وحاله الزواج اخوها الي هنا ..حب بت الشيخ وراداها بس ماخطبها لان تعرفين شيوخ وهمه فقرة هناك البنية نخطبت هيه مارضت وگامت تبجي اهلها جبروها، ،،بيوم المشية مالت الشيوخ شردت وي هذا الولد طلعو وراهم يدورونهم ماباعدين هواي لزموهم والي لزمهم ابن الشيخ رادو يكتلون البت والولد بس بعدين خافو من الفضيحة يخافون اعله سمعتهم بين الشيوخ الشيخ گال ينطونة مرة بدالها وياخذونها عاد الولد ماعده اخت جبيرة بس وحدة وعمرها 13سنه زغيرونه كلش راح ابو البت وجابها من بغداد بحجة امها مريضه تزوجت الشيخ هسه شتگولين بهاي القصة ياهو الظالم وياهو المظلوم -لحظه لحظه البنيه الشردت ويا الولد نفسها طيبه بنت الشيخ سلمان -اي نفسها -والي اهلها نطوها ابغداد هيه هيه اني -دنگت راسها -اي يمة وانه امج تعاي اضمج بحظني واشم ريحتج بعد امچ مشتاگتلج يبعد اليدلني اعله دربي مريم..دفعتها حيل من الصدمة ..وخررري عنيي انتي كذابة ونصابة سويتيلج فلم وتردين اضحكين عليه حتى ماانهزم مووو تردين تقشمرين عليه مرة لخ عبالج اصدگج واثق بيج بعد لا عيوني صرتولي عبرة ودرس طول حياتي اتذكرة ذكرى سودة مصخمة -سلوى تبجي -لا والله ماجذبت اعليج انتي بنيتي وماتخلينه عنج بس حته اطيبين كلشي ماردنه -بصوت عالي -كذاااابة طلعييي بررره -اشش سكتي يمة فضحتيني احجي بصوت عالي -انتو شتردون منيي سلبتو حريتي وقيدتوني زوجتوني بدون ماعرف وهسه تگولولي اهلج مو اهلج انتوو شنو من بشرر گولولي من أي طينة -يمة فدوة اروحلج بس نصي صوتج -خليهم يسمعون ليش ماترديهم يسمعون لان كلامج كذب موو -ولج والله مو جذب الكلته كله صدگ بس ماريد احد يعرف انه كتلج اندفع الباب ودخلت عمتي بسعاد-هاا شنو هذا الصياح فضحتنه شعدجن ..تباوع لمريم -شبيج تبجين شكالتلج رحت يم عمتي واخذت ايدها ابجي -عمه ابوس ايدج گوليلي الحچي الگالته كذب فدوة -وهو شنو الگالته اي غير تعلميني تلتفت ل سلوى ..ولج سليوة شگايلة للفرخة ومخليتها تتراجف ها سلوى بتلعثم -شيخة انه حجيتلها الصدك -لا تلفين وادورين شنو الصدك ترا تاهت اعليه -علمتها احنه اهلها والي جانت عدهم تبنوها -الله لايوفقج هسه وكتها جا خليتي الفرخة لمن تستقر ماصدگنة استچنت تردين تشردينها مريم-لاااا مو صحيح هاي كذبه من كذباتكم تردون توگعوني بيها هههه عبالكم اني مخبلة واصدگكم مستحيل تكونون انتو اهلي ...الرب ينتقم منكم اليسووع ينتقم منكم احجي وماحسيت على روحي بعد بسعاد..طاحت البت ايعثرچ الله يسليوة موتي الفرخة هسه يجي شاهين ويلعب لعب سلوى-شدراني راح تموع روحها كلت ليش نظم اعليها اول وتالي تعرف قصص وروايات عراقية كرار صلاح -شيليها وياي نحطها اعله الجرباية شيليها يم المصايب من ساعة السودة الحطيتو يمنه وجاورتونه بقت ادگ على خدودها وترش عليها مي بدون اي استجابة -ماتت البت ماتكعد شوفي حتى ايديها تعكربت سلوى-يمة بتي عمت عيني بس لاصار بيها شي -اي يمة بتي عود مسوية روحج حنينة وماكو منج سلوى-ياا شهالحجي ام شاهين جا انه اكرهه غير بتي -وبتج وين جنتي عنها من ذبيتيها عد وادم غرب ماتعرفينهم شلون اطاج گلبج ماگلتي يذبحونهه يبيعون اعضائها مافكرتي -لاتلوميني ام شاهين اي وحدة بمكاني تسوي مثلي يخيروني بين موتها وبين عيشتها شسوي بهاي الحالة اكيد اضحي بگلبي معقوله اكرهه وانه الحبلت وربيت وسهرت بس تعودت اعله افراكها وضاعت اخبارهه ومن هموم الدنيا والعوز نسيتها -لاتكولين اي وحدة بمكاني تسويهه لو انه اخليها تموت بحظني وادفنها بيدي ولا اطيها لناس غربة ماعرف شني ماشني -هذا حچي نفاهه بوكت الضيج وتشوفينها تموت جدام عينج جا سويتي مثلي وگلتي بس طيبوهه عاد عدلة وتعيش عيشة زينه -دسكتي وخلي نصيح شاهين ولج حليمة ة ة -ها عمه -گلي لسويلم يصيح شاهين بسرعه -صار عمه هسه اگله سلوى-جا انه اروح گبل لايجي شاهين يكتلني والله اذا درى بيه انه حاچيه -روحي اسلمي بريشاتج -الله وياج خيه -اهلا وسهلا فتحت عيني لگيت نفسي بالمستشفى ويمي شاهين باوعتله منو الجابني لهنا -انه جبتج لگيتج متخربطة -نزلت دمعتي -شفت شيگولون خله ايده علئ حلگي -اشش لاتحجين هسه مو وكته حالتج ماتسمح من نرجع للبيت احجي التردينه خوش -هزيت راسي بس بقت غصه بگلبي ماعرف شسويت وهيج اتعاقب كلساع تطلعلي صدمة اقوى من القبلها -ساعدني يارب بعد مااتحمل للعصر طلعنه من المستشفى جابني شاهين مسندني بسعاد..ها شلون صارت شاهين-لا الحمدالله احسن -شگالولك شبيها -انهيار عصبي انطوهه مهدئات وصارت زينة بس ديرو بالكم تضوجونها -خوش يمة صعدني للغرفه خله المخده جوة راسي وغطاني -ارتاحي ولاتفكرين بأي شي كل مشكلة والها حل لاضوجين.وانه راح اجيبلج لبن واجي طلع من الغرفة وسد الباب وراه شاهين-يمة حظريلي دولكة لبن اخذهه الها لان ضغطهه هابط بسعاد-حليمة حظري لبن بسرعه -صار عمه بسعاد..اگعد يمه عندي سويلفه اريد احجيها وياك شاهين-خير يمة احجي -يمة اليوم مريم تصيح اليسوع ينتقم منكم يمة هذا اليسوع لزمن خوش سيد وين صاير ماتدليني اعليه بلچن اتعرفه اريد اخذ اختك اله شاهين..هههه والله ضحكتيني يمة وانه مالي خلگ -اعليمن شني مدغدغتك -لا يمة اريد اگلج بشغلة بس كون ماتحجين لأحد -بسعاد تتقرب يمه بفضول -گول يمة لا مااحجي سرك ابير -يمة مريم مو مسلمة مسيحية -تلطم على صدرها..يا صخام الصخمني جا شني كافرة -لا مو كافرة بس المسيح يعتقدون انو عيسى اخر نبي ومامصدگين برسالة محمد ص -يعع وانه حاطتهه ابيتي هاي حته الماعون التشرب بيه تنجسه -يمة شنو السالفه مو الهالدرجة ترا تعرف الله وتعبدة والمسيح هم ديانة بس كتلج مامصدگين برسالة محمد ص -ياا يمن فدوة اروح لأسمة ولطارية اگلك يمه جا عيسى وعرفنا اليسوع ياهو -همه يسمون عيسى اليسوع -هااا -ترا گتلج سر بينه مو يطلع منا ومنا مو باجر عگبة الكه نسوان المنطقه كلها تسولف بيه ازعل اعليج وعلي -افاا اعليك شدريت امك تسولف مامقبول منك هالحجي -ادري بيج واعرفج شنو جديدة اعليه بس گلت انبهج من زلة اللسان -ابد اطمن -اكلج يمة -گول يبعد امك -لا ضوجون مريم مو تلمحيلها وتحجين اعليها وهاي سلوى لاتخلينها اطب الها -اي خوش بس شعندك هالايام شو تهتم بيها هواي -خطية يمة يتيمة ومالها احد ماريد تضوج ترا ضلمناهه هواية -والله مانضلم غير طيبة -هم ردينة يمة طيبة كله من ايدها شيصير وياها حيل لو منهه مافك حلگي احجي اهلم التراب واسكت -هاك اخذ اللبن عود ردته عون صارلي فرعون اخذته وصعدت للغرفه-فتحت الباب لگيتهه صافنه بس شافتني دنكت -وهذا اللبن جبته بيدي گعدي شربي منه لبن حلال يخبل ودسم يصعد ضغطج -ماريد شاهين نفسي مدتتقبل اي شي -لخاطري شربي حته لو بس شويه صبلي بگلاص شربت شويه وعفته لعبت نفسي ممتعودة اشرب هذا اللبن متعودة اشرب العلب من السوك بقيت صافنه -درت وجهي عليه -شاهين احجي الصدگ بداعة امك وابوك الحجي الگالته سلوى صحيح دنگ وماحجه شي -ارفع راسك وجاوبني لاضل ساكت شاهين-اي صحيح من سمعته راسن نزلت ادموعي ..يعني اني جنت عايشه بكذبة يعني كول حياتي جانت كذبة زين ليش قصص وروايات عراقية كرار صلاح بس اني ماريد غير بابا صفوان وماما نيرمين شاهين-يمسح ادموعها لاتبجين موزين عليج لااطيحين ووين اوديج بهالليل شتردين بس گوليلي -اريد بابا وماما تگدر تجيبهم؟ -الله يرحمهم مريم ادري صعب اعليج تتقبلين بيوم وليلة حياتج تنگلب فوك حدر ويگلولج اهلج ماتو بعدين يطلعون مو اهلج والي تسببو بدمارج همه نفسهم اهلج ادري صعب والله متفهم عليج بس شتسوين اتقبلي قدرج الدنيا اقدار -شتقبل شاهين اي صدمة منهن لك اني لحد الآن ممصدگة اهلي ماتو وعندي امل يجون يوميه اگول راح يجي بابا وياخذني تجيني الصدمة الكبرى انو مو اهلي صعب عليه والله صعب -امسحي ادموعج ولاتبجين والله اصيرلج ام وابو وكل اهلج بس لاتبجين صفنت دقيقة واباوعله اخر شي گتلة -شاهين اني موافقه نتزوج ... يتبع... | ||||||||
|
| |
|
28-06-20, 04:22 AM
| #19 | ||||||||
| مراقبة عامة ومشرفة منتدى الروايات المنقولة
| #اسيرة_الشيخ_شاهين #بارت 18 مساء الخير عليكم يااحلا متابعين🌺🌺 حكايتنا القدر بيها لعب دور التقينا وبيها شمل كلوبنا التم جفينة اعيونة بنظرات الاحساس وتغازلنة بگلب مايعرف الهم على عناد الزعل نتراضة مرات ولملمنة الجروح الصعبة تلم ندهتنا البلابل للمواعيد وشردنة من النعاس البابة محكم وتماشينة رغم درب السهر خيط من يفلت الليل بليل نلزم الشمس سلمت النة بوكت الغروب ومن مر الكمر فوگانة سلم كتبت ذكرى بينه اعواد الاغصان وحلف بينه الورد وبشوكنة اقسم بحيث اتحاججت ويانة الاشجار البهاي الحدايق ياهو الاقدم تفاركنة وجرة بنهر ارواحنة الموت وبياض كلوبنة اعلى الروح غيم اتفقنا انموت لكن وحنة عدلين نضحك بس اكو بخاطرنة مأتم الهوة يلاگينة لكن ما مبينين مختنكين بس انكول نشتم فتركنة بليل ونايمة الناس خفنة من النهار الناس تعلم تركنة ارواحنة المايرضن انروح بالدمعة العزيزة نريد نسلم الشماتة تحولو بفراكنة حجار الطريق البي كبل نوگف تلعثم رجعنة منين ما جابتنة الايام المطر من ينزل من الغيم مرغم كسرنة الحجي البعيونة بماي حتى اليقرة يلكة المعنى مبهم مريم قرب الفجر يطلع واني منايمة شسويت بروحي شنو هذا التصرف الغلط ليش قبلت اتزوجه واني مااالي اي مشاعر اله مجنت متوقعه راح اتزوج بهاي الطريقه ..جنت احلم احلام ورديه قصص وروايات عراقية كرار صلاح فجئة گعدت من هاي الأحلام لگيت نفسي بغابة مليانة ذياب وكلها تريد تنهش لحمي شسوي لو خطتي مراح تنجح ..اذا فشلت هالمرة راح اخلص من حياتي للأبد مراح استسلم الي يبدي بحيلة ينتهي بحيلة خلص فز شاهين من النوم يفرك بعيونه گوة فاتحهن من النعاس -ها حبيبتي ليش گاعدة -مااجاني نوم بقيت سهرانه -بشنو تفكرين -لا هيج بس اتذكرت اهلي والسالفه الصارت وياي ابد موطبيعيه -شگلنة حياتي مو گلنه تنسينها خلص وانه اعوضج عنهم كلهم هزيت راسي وتضاهرت بالنوم غلب عليه النوم گعدت الساعة ب 9 شاهين ماكو ..سبحت ونزلت اتريگ بسعاد..ليش گعدتي يمة چا ضليتي ل12 فرد نوب ...شوفي ولج مادام صرتي هنا چنه ماكو نومة للضهر تگعدين وتشتغلين وي حليمة حالج حالها -اشتغل! ششتغل عمه اني ماعرف اسوي اي شي ممتعودة ببيت اهلي -مامتعودة احنه نعودج لو تردين خدم وحشم وكلشي يوصلج لغرفتج -اني مگلت هيج ...بس شغل ماعرف كوتلج ممتعودة عفتها تحچي وصعدت حتى ريوك ماتريكت بسعاد تصيح وراها..اذا ماسويتي الأكلج اعليه ضلي بغرفتج لاتنزلين ..افف مو عيشه هاي شنو من عجوز غير كون تسكت مرة جبيرة لفي راسج ونامي شكو گاعدة تتأمرين وتصيحين للعصر اجه شاهين شافني ضايجة وگاعدة الوحدي -هاا مريومه شو گاعدة هنا ليش ماتنزلين جوة طيبة هنا -عمتي متقبل انزل -ليش ? شمسويه شوفي مريم هاي امي جنتي وناري شتحجي اعليج مااكدر اوگف بوجهه واكيد من تحجي المصلحتج خما تريد تضرج -واني شگلت هسه اتعارك ويا امك اكيد لا بس گوتلك متقبل انزل -عليش -تگولي الا تشتغلين وي حليمة واني ماعرف اسوي اي شي شاهين انته تعرفني اني جنت بتركيا وكوله خدم عدنه وماما تساعدهم اني ابد ممسويه شي بأيدي -لا ماجيسين شي ..جا حليمة المن جايبينها يلا حبي علاهن گومي ننزل جوة -علاهن! اني مريم مو علاهن شيخ اذا بعدك لسه تحبها ليش تزوجتني بلأساس ليش مابقيت عايش على ذكراها -انه گلت علاهن لا غلطانه -بلي گلت ممنتبه على نفسك طبعا لان فكرك مشغول بيها -تغارين من وحدة ميته -لا مااغار منها هيه ماتت بعد بس اغار لمن زوجي يغلط بأسمي ..هذا يدل بعدك تحبها وشاغله بالك -ولج محد شاغل بالي بس انتي ابتسمت تصنع ودنگت -فديت الخجلان انه ..يلا گومي ننزل جوة وانه احاجي امي نزلنه اول مشافتني عمتي عقجت وجهه سلمت على طيبة ..هلو طيبة شلونج -هلا بيج ..الحمدالله على الله -شبيج طيوبة اشو وجهج مصوفر وذبلان -بسعاد..ماعليج بيها انتي شغله مو يمج لاتدخلين دنگت ..اسفه عمه بس احسبها مثل اختي ودااسأل عنها -انعم الله اعليج وماگصرتي ماتريد سؤالج شاهين..يمة ترا مريم ماگالت شي شدعوة هالگد تحجين عليها ..غير تطمئن عليها بسعاد..هااا صفيت وي مرتك اعله امك انه ادري بالنسوان تغيرك اعليه ..توك جنت شحلاتك صعدت يمهه خمس دقايق فرت راسك اعله امك..ويلي مسيت العافيه اعليج ي علاهن لا يوم رفعتي صوتج بوجهي ولا رديتي حجايه اعليه ولا غيرتي شاهين طبعا لان ذيج اصيلة وهاي تربات لأجانب والكفار شاهين ..يمة ة شسالفه شطلعت هاي عسى مااگعد يمج شوية تضيكين خلكي وتزعليني منج -هاا هسه انه صرت الأضيج الخلگ مو مريم..اهدو ياجماعة ماريد مشاكل تصير بسببي رجاءا ش التفتت الشاهين..شاهين خلص ماله داعي هالحجي عمتي وحجت عليه ترا مبيها شي گمت بست راسها اسفه عمه ..سكتت هيه يمكن حست بغلطها شوية وگالت ..يمه شاهين فدوة اريدلي شغيلة منك شاهين..گولي يمه -اريد تشتري لطيبة مثل هذا اليخابر العندك حته اخابرها واطمن اعليها انته تدري ابوك مايخليني اطلع دووم حدي بس للواجبات -بس بهاي الحاله يراد تليفون الج وتليفون الها -لا انه ماريد بس هيه شسوي بيه انه -جا شلون تخابرينها بأيدج -ها جا مدري انه معرفش -صار يمة اشوي اخابر ادهم حتى من يجي باجر يجيبهن ويا ها خوش بس انه ماعرفله -هاي مريم يمج وتعلمج -عوجت حلگها ..اي كلشي تعرف هاي بقيت اسولف وي طيبه شوية شاهين طلع للمضيف يم عمي وعمتي لكزت طيبة اخذتها وراحت للغرفه قفلنها اعليهن لثاني يوم اجه ادهم جايب ويا التليفونات انطه عمتي التليفون وانطاها تليفون طيبه ..ياا عمت عيني هذا الطيبة ..مشت لعيالها ادهم..اي عود انه اذا ارتاحيت اوديه الها --اي بعد امك الله يخليك النه بس يمه هذا شلون اشغله ماعرفله ادهم-شوفي يمه هذا رقم شاهين خليتلج يمه سيارة حتى من يدك تعرفينه وهذا رقمي خليتلج يمه طوبه وطيبة خليتلج يمها بنيه خوش -ها اي عرفت -هاي الحمرة اطفينه واذا دك اعليج احد ادوسين الخضره بقه يعلم بيها واني واگفه وراهم شفت رقم طيبة حفظته احتاجه كولشي يصير يمكن اخليها تصف وياي وتساعدني استغل ضعفها حاليا وهيه فقيرة بسرعة ينضحك عليها اني احتاج الكل بهالوقت بس شرط يكون الشخص المناسب وبما انو طيبة هيه السبب بالي اني بيه فراح تنحرك بالنار الي انحرك بيها قصص وروايات عراقية كرار صلاح ابد ماانساها الكم ..دمرتوني وخليتوني اضحي بنفسي في سبيل اتخلص منكم واكون گد الثقه حتى متشكون بيه مر شهر واني احس نفسي مو طبيعية راسي كولش مأذيني ومعدتي ميبقى بيها شي رأسن اتقيأ انوب حرارتي مرتفعه شاهين ..گومي اوديج للمستشفى -لا شاهين ماريد خليني شويه واصير زينة -عمي يازينة انتي ماتشوفين روحج شصاير بيج وجهج كركم وصخونه ناار -اخذت حبوب هسه اتحسن معليك -دگومي گومي اخذت حبوب خل نشوف شنو علتج صارلج فترة ماعاجبتني حالتج بالگوة لبست العباية وشال انتظرني شاهين بالسيارة اجيت اسحل بروحي سحل صعدت وخليت راسي ع الكشن ومتأذيه منه وبنفس الوقت احفظ الطريق عدل عرفت منين الشارع وصلنه للمستشفى دخلنه للدكتور طلب مني تحاليل سويت تحاليل وگعدنه ننتظر طلعت التحاليل رجعنه للدكتور الدكتور يباوع لشاهين -شتصير منها شاهين-زوجتي -الف مبروك زوجتك حامل اني من حجه هيج عيوني غوشت ..شنو حامل لا اكيد غلطان ..مو صح وين اوديه اني حايرة بروحي مو انوب طفل اباوع لشاهين عيونه تلمع من الفرح ...والضحكة شاگة حلگة -راح اكتبلكم على خافظ حرارة وان شاءالله منا لباجر تصير زينه -ان شاءالله اخذ الورقه واجه عليه لزم ايدي وعصرها من فرحته طلعنه من المستشفى وصلنة للسيارة فتحلي الباب ..گعدي حياتي هسه اجيبلج العلاج واجي بسرعة خليته لمن يروح ..سندت راسي وبقت دموعي تنزل ليش شنو ذنبة هذا الطفل صار بهيج اوضاع صار نتيجة خطة حتى اخلص نفسي شفته من بعيد اجه مسحت ادموعي وتضاهرت انو اني طبيعية فتح الباب وصعد باوعلي ..شبيهن اعيونج شنو جنتي تبجين -لا عليمن ابجي بس راسي يأذيني كولش وعيوني ادمع ع گد قوة الألم -تدرين شكد فرحانه ..بگد هاي الدنيا كلها ولج مريم راح اصير ابو واخيرا راح يجيني ولد -حجيت من وره خشمي..ومنو گلك يجي ولد -حتى لو بنيه ماعندي مشكله بس كون تشبهج وهيج حلوة مثلج الله مااصدگ احس روحي بحلم وماريد افز منه اگلج شو احسج مو مهتمه ومو فرحانه -ابتسمت كذب ..لا بلعكس اصلا فرحانة اكثر منك بس تعبانة مااگدر اعبر عن فرحتي -ان شاءالله بس نوصل وتاخذين العلاج تصيرين زينة ياروحي شغل السيارة وطلعنه واني طول الطريق عيني ع الجامة وبالي مو ويا فاصلة بغير عالم عالم كله تفكير وهموم وحزن وآاهات مااحس الا ايد تهز بيه شاهين..مريم مريم شبيج -هممم -صارلي ساعة احاجيج ماتردين خوفتيني عبالي صار بيج شي -لا لتخاف ميصير عليه شي -ان شاءالله دووم ..اندار ع السيارة وفتحلي الباب لزمني من ايدي ونزلني ..على كيفج امشي لاتوگعين ديري بالج بگلبي اگولة ياريت اوگع واتخلص منه ..هذا مو طفل اسمه عذااب دخلنه للبيت وگفني شاهين وصاح بصوت عالي -يمة ة يمة بسعاد.. هاها شعندك تصيح چن عندك واحد ميت شاهين..يمة باركيلي -اعله شنهو -مريم حامل يمه يعني راح يجيني ولد يشيل اسمي -صدگ گللوووش باست شاهين ورجعت باستني يا مبارك يمة يتربى بعزك اي هاي الأخبار الحلوة التسر الگلب مريم..من رخصتكم اني رايحة لغرفتي ارتاح لان كولش تعبانة .-اي حبي روحي وانه هسه جاي وراج علمود تاخذين علاجج شاهين..باوعتلها لمن صعدت يمة ماوصيج بعد هالله هالله بيها ماريدها تضوج ولا تجيس اي شي فدوة يمة اذا مو الخاطري لخاطر حفيدج طول عمري وانه اتمنى يصير عندي ولد يشيل اسمي -افاا اعليك يمة لاتوصي حريص حتى نزله ماخليها تنزل عشاها وغداها وريوگها يوصلنهه للمچان شاهين يبوس راسها ..كفوو منج يمة ادري بيج ماتقصرين مريم...صعدت الغرفتي شمرت العباية والشال وبدلت ملابسي گعدت ع الجرباية واحس روحي مخنوگه اني بلگوة شايلة روحي مو انوب روح ثانيه احير بيها لو احير بنفسي ياربي شسوي شوي وانفتح الباب دخل شاهين مبتسم گعد يمي مخنوگه احسه هو السبب بالي صارلي لو مخليني رايحة لأهلي قصص وروايات عراقية كرار صلاح من البداية مجان صار الي صار وجان كولشي تغير واني اخذت الي احبه اووف شنو هذا الحظ العندي لزم ايدي ماعرف شحسيت رأسن لعبت نفسي من ريحته وركضت للحمام اجه وراي كلما اشم عطرة تلعب نفسي زيادة -شبيج مريم -سادة خشمي بأيدي..وخررر عني نفسي تلعب منك وخرر -حچه بتفاجئ وخيبة..تلعب نفسج مني مريم شبيج انه رجلج -اعرف بس دااتقيأ من اشم عطرك طلعت من الحمام ومخليه الخاولي على خشمي عافني وطلع بسعاد..ها يمة شاهين شو رجعت -يمة شو مريم گامت تتقيأ وتگول تلعب نفسي منك وخر عني عود شني هاي هم للحمل -يووو هاي تتنسه من ريحتك الله يعينك لازم تضل ابعيد عنها لمن تخلص نساتها -ليش اكو هجي حاله شو ماسامع بيها -اي يمة هواي نسوان هجي بس مو كلها -وشگد نساتها تطول -اكثر شي للخامس -خمس اشهر لازم انه بعيد عنها يمه شسالفة گولي غيرها -چا شسويلك هيه هاي النسوان -هو هم حظي عافت كلشي ومالگت تتنسه الا بيه -هههه غير تريد طفل اتحمل بعد -اتحمل چا شسوي ماعندي غير حل والله كريم -اگلك يمة باچر بلكي تمر اعله طيوبة وتجيبهه النه -ليش -شنهو ليش بنيتي واريد اشوفنهه مشتاگتلهه -يمة عيب ماصارلهه عشرين يوم من اجت هسه شيگولون اعلينه منطينها بالحسب والرد -والله شيگولون خلي يگولون مو زين من عندنه واطيناها الكم -يمة مو انه وياج نعرف السالفه كلش زين ليش نتضاهر -اوو دسكت يلا خلي اروح لغرفتي اعزلها صوجي گاعدة احجي وياك انته ضايع وياك الحجي لو ادهم ابنيي اهنا جا مااحتاجيتك صحت وراها..عمي صار تدللين اجيبها الج باجر ومايصير خاطرج الا طيب -مريم..احس روحي تطلع من يجي يمي گمت كلما اشوفه اخلي اكلنس على وجهي اشوفه يتضايگ بس مايحجي شي اخذ دوشگ وجرجف فرشهن بالگاع ونام -انه راح انام جوة علمودج مريم..شاهين ترا مو بيدي صدگني -اعرف امي گالتلي هاي نساة وانتي تتنسين من ريحتي -النساة يعني توحم مو -اي عفيه هو نفسه ..ف انه راح انام جوة حتى ماتتأذين وتلعب نفسج اكثر لمن يتحسن وضعج وترجعين طبيعيه بصراحة احس الوحم اجه بوقته لان فعلا مداگدر اتحمل قربه مني ماله اي مشاعر بگلبي رغم كل السواه الي بس مدااتقبله دائما يتردد عليه احساس انو بسبب هالشخص انضلمت ولو مجان موجود مجان اني هاي حالتي خسرت اهلي وخسرت نفسي ...ونفسيتي تغيرت صرت وحده ثانيه اختفت الأبتسامة من وجهي وصارت الدموع ابدالها شلون انگلبت حياتي هيج مداعرف وانوب صار عندي حمل زاد همي هم والحمل صار اثگل مااگدر انزلة اخاف من حوبته تطلع بيه واني معايزة وبنفس الوقت احتاجة يرفهلي عن نفسي بالمستقبل لان راح اصير الوحدي للصبح گعدت لگيت طيبة بغرفة عمتي سلمت عليها طيبة..ع الخير والبركة گالو حامل يارب يتربى بعزكم -اشكرج گلبي يوم الألج ونفرح بيج -تسلمين بعد روحي -همزين اجيتي عاد تغيرين جو -ياا منين اشوي اروح گلت بس اشوف امي بسعاد..شنهو العصر ترحين لا ضلي يومين تلاثه خلي اشوفج واشبع منج شوف -لايمة فاضل مايرضه -وليش عشتو مايرضه الأفندي -يمة حقه يحتاجني لغسل ملابسه اجهز اكله -چا اخته وين ماتغسل ملابسة -يمة غير انه مرته جا هم يگلوله مرتك وين ماجيبهه -يلا قصص وروايات عراقية كرار صلاح عاد مبارك اشوفج هالسويعه هاي واطمن اعليج لثاني يوم العصر شاهين واگف ع المراية بدل دشداشته وغترته ويخلي عطر واني ع الجرباية بس بعيدة عنهر -وين حتروح -معزومين بعرس بالناصرية انه وابوي -وشنو راح تجون بليل -لا اليلة عدهم حنه وباجر العرس يعني انبات هناك -اهاا -ليش محتاجه شي؟ -لا سلامتك بس شفتك تبدل گلت اعرف وين رايح التفت عليه ..يلا حبيبتي انه رايح تأمرين على شي -لاعمري ماريد شي سلامتك -الله يسلمج طلع وسد الباب ...هاي فرصتج يامريم محد موجود الشيخ سلمان وشاهين راح يروحون للناصرية والكل ينام اشوي لازم احسم الموضوع وهالمرة مراح انلزم ابد لان الطريق وعرفته بعد ماضيع ومناك اروح لبغداد واختفي عن الأنضار اخلص نفسي واخلص ابني من نارهم ومن ضلمهم لان الطريق وعرفته بعد ماضيع ومناك اروح لبغداد واختفي عن الأنضار اخلص نفسي واخلص ابني من نارهم ومن ضلمهم اي مريم كافي لشوكت تبقين تتحملين ناس مفروضين عليج سكتت هواي وتحملت هواي في سبيل هاللحظه يگولون الفرصة الذهبيه لن تطرق بابك مرتين واني هاي فرصتي الذهبيه خليتهه لمن صارت الساعة بالوحدة بليل لبست العباية والشال خليته على وجهي حته محد يعرفني كولشي يصير طلعت من الغرفه وبقيت اراقب البيت خاف احد بعده منايم شفت غرفة عمتي مسدودة والگلوب طافي وغرفة حليمة هم نفس الشي مشيت على اطراف اصابعي حتى مااسوي حركة .....فتحت الباب مالت الحوش اريد اطلع ... يتبع ... | ||||||||
|
| |
|
28-06-20, 04:24 AM
| #20 | ||||||||
| مراقبة عامة ومشرفة منتدى الروايات المنقولة
| #اسيرة_الشيخ_شاهين #بارت 19 #ريتاج_الموسوي مساؤؤ ورد غوالي ❤️ مشيت على اطراف اصابعي حتى مااسوي حركة .....فتحت الباب مالت الحوش اريد اطلع ... شفت الحارس گاعد اهوو هذا منين طلعلي بعد ...اخلص من الي بالبيت تطلعلي انته شلون حظ فگر بقيت اراقب بالزاوية الجهتين من البيت خاف احد يجي ويشوفني وجهة الحوش الي بيها الحارس شفته دخل للحمام ماصدگت ..طگيتها ركضه من صرت بالشارع شوية الخوف صار اقل من قبل ماانكر انو اني خايفة يكمشوني بس لازم اتخلص منا وارجع لبيئتي الي عشت بيها وصلت للشارع بس جانت بدايته گلوبات انارة قوية ضاربه برا بحيث تكشف الي يمشي بالشارع نزلت على جهة البستان ضلمة هندس ايدي مااشوفها لان ليل والأشجار متراكمة حابسة ضوه الگمر والنجوم مااشوف...بقيت امشي ع الحافة مالت الشارع لمن ابتعدت عن الضوه انوب صعدت الشارع واركض بحدود النص ساعة كل شوية اوگف نفسي انگطع والهث بطني گامت تأذيني وصلت الشارع العام ...قليل سيارات تمشي اي سيارة اوگفها ماتوگف لان ليل والناس تخاف من المشاكل اخر شي وگفتلي وحده ماصدگت رحت بسرعة عليها جان السايق مالتها رجال متوسط بالعمر ..مرحبا عمو ..هلا بنتي -عمو اريد اروح لبغداد توصلني -هز راسه اي بنتي هو انه رايح لبغداد شغلي هناك بالربع ساعة ساكتين ..واني اباوع ع الطريق وخايفة لا احد لاحگني -بوية شمطلعج بهالليل وانتي بعدج شابة وصغيرة -اا عمو اني اهلي ابغداد وزوجي مسافر للخارج ..بابا وماما تعرضو لحادث وحالتهم خطرة استوهم خابروني المستشفى اضطريت اطلع بهذا الوقت -اي ان شاءالله يگومون بالسلامة ومايشوفون شر -تسلم -بس بوية خطر عليج لان انتي بنيه والدنيا مو امان ولد الحرام هواي مايخافون الله سكتت ودنگت كلامة صحيح بس مجبورة انهزم ..بالسيارة خايفة عود اني ماخذة حذري انو ماانام بالسيارة لان شعرفني بالسايق يجوز يخطفني ويبيعني ..كل شوية عيوني مغمضه وفتحتها گوة مثل الحلمانة وگعدت على صوت الرجال ..يلا بنتي وصلنه باوعت عليه هذا منو وليش اني هنا بديت استعيد ذاكرتي اني انهزمت من البصرة اي صح عود محاذرة ماانام خوش حذر لو خاطفني وبايعني واعضائي ماخذيها هم ماادري -ردت انزل اتذكرت الكروة عمو ماعندي كروة ماجبت وياي فلوس لان ع السرعة احجي واباوع لأيدي شفت الحلقة نزعت حلقتي .. هاي الحلقة بشگد تقيمها عمو -اخذها مني يباوع بيها ..انه مااشتري ذهب بس لان ماعندج وماشايلة فلوس وياج راح اخذها ..ب 70 اتفقنا ؟ -سبعين شوية شاهين گال اخذتها ب 150 ..كلها العالم من تشوفك بورطة تستغل ضعفك اهم شي تفكر بمصلحتها ومتهمها مصلحة غيرها ..هاهيه عمو اتفقنا اخذ اجرته منها وراح ..نزلت اني بالگراج غطيت وجهي بالشال خاف احد يشوفني ويعرفني الشمس حارة تسطع ...صعدت سيارة نفرات للمنصور شوية حسيت ب الأمان سندت راسي ع الكرسي من التعب رجليه مكسرة من الطريق ..احس الآم ابطني وجوعانه كولش افكر ب شاهين اذا اجه ولگاني مموجودة شيسوي اكيد راح يجي لبغداد ويدور عليه ويگلب الدنيا افضل طريقة انو مراح ابقه هنا ..راح اسافر التركيا هناك أءمن واحسن محد يگدر يوصلني حتى ارتاح من الخوف والقلق والتفكير نزلتني السيارة بالفرع مالتنه لان بيتنه ع الشارع اول ماشفت البيت نزلت دموعي بلا وعي شگد مشتاقه لبيتنه ودي اروح وابوس كول حايط بيه ردت افتح الباب مانفتح مقفول رحت للحارس مموجود بغرفته ..مبين تاركها من زمان لان غبار ووصخ بالغرفة هسه شلون ادخل ..اتذكرت اكو نسخة مفاتيح مالت البيت كوله بابا مخليهم عند الحارس هيه جانت غرفة بسيطة عبارة عن سرير وديلاب صغير وثلاجة دورت بالديلاب ماكو شلت دوشك السرير لگيتهن جوة اخذتهن ورحت للباب فتحته من دخلت احس داخلة للجنة مو لبيتنه الله ياريحة اهلي وين مااباوع الهم ذكرى بكل مكان جانت اغنية الأماكن فعلا تمثل حالتي ((الأماكن كل شي من حولي يذكرني بهم)) دخلت لغرفة النوم مالتهم واني اشوف صورهم معلگة بكول مكان انهاريت بالبجي ..ليششش ماما رحتي وعفتيني المن عفتيني ليش ماخذتيني وياج بابا مو گلتلي اجي واخذج ليش خلفت بوعدك مو اني انتظرك كلما يندك الباب اگول انته جيت تاخذني بقيت حاضنه المخدة وابجي بيها ريحتهم لحدما تعبت وراسي ضل يوجعني دخلت للحمام سبحت ولبست من ملابسي نزلت جوه بهيئة الميت فقط الجسد يتحرك جنت ممصدگة بحچيهم من گالو ماتو اتوقعت فلم من افلامهم حتى ماانهزم وميكون الي خيار ثاني غير وجودي وياهم بس من اجيت ومالگيتهم تمنيت لو جان كذب كلامهم تمنيت وجودهم ويايه ويفرحون بيه شاهين اجينه من العرس ونزلت يم السوگ اشتريت اكل النه بالطريق دخلت للسوگ صادفني صايغ ذهب والقطع العنده كلش حلوة اجت ابالي مريم ..مامشتريلها هدية ومفرحها بيها اخذتلها سوار ناعم ..بيه حرف s گتله يغلفها على شكل هدية غلفها وخلاها بجيس رجعت للسيارة سلمان..شو اتأخرت وين صرت شاهين..بويه ناس هواي تشتري ازدحام اعليهم وصلنه للبيت ابوي نزل للمضيف وانه دخلت للبيت -ها يمة شلونج -مية هلا بيك وليدي گواك الله سحبت الكرسي وگعدت..گوة حيلج حجية چا مريم وين ..شلون صارت -والله مادري ماشفتها اليوم بغرفتها ..هيه گبل زينة وبعد كالولها حامل لاتگومين صارت كلش ماتنهض من فراشها -شگتلج يمة مو گتلج خليها براحتها الخاطر الي ابطنها -وهسه انه شگلت -ماگلتي شي يمة ..التفتت الحليمة تغسل اماعين حليمة وديتيلها ريوگ غدا -اي شيخنه وديتلها بس الباب سادته ونايمة دگيت لمن مليت مافتحتلي الباب - بسعاد..هاا شگتلك تريدلها حجه من الله حتى ماتنزل -يمة خاف البت صار بيها شي مامعقولة ماتفتح الباب ركضت ع الدرج بسرعة فتحت الباب مقفول دگيته ماكو ماترد اعليه ضربته مرتين كسرت الباب ودخلت باوعت للغرفة مابيها احد عرفتها ماموجودة منهزمة انه هنا شصار بيه حيلي كله مات ..ليش هيج مريم بعد كل السويته هيج اتجازيني ولج گلبي كله انطيته الج وادوسينه بكل برود وتروحين بس اريد اعرف شسويتلج مااخلي واحد بالبيت يحاجيج ..اوگف بوجه امي اذا زعلتج بس كون ترضين وهاي تاليتها تغدرين بيه اوگف بوجه امي اذا زعلتج بس كون ترضين وهاي تاليتها تغدرين بيه وترحين من وراي تستغلين غيابي عن البيت وعنج وانه جان كل بالي من طلبتي نملج من جديد تحبيني وتقبلتي وجودي بحياتج طلعت لعبة منج خليتيني اثق بيج وغدرتي بيه احس النار گامت تطلع من اذاني اووف لو الزمج هسه محد يخلصج من ايدي اگطعج وصل على سوايتج هاي وانوب ابني حامل بيه وشردتي ..ولج انه الشيخ شاهين تضحك عليه مرة ياحيف والله وياعيبة العيبة هاي تاليتي بسعاد..ها يمة شمالك تصيح شاهين..باوعتله وحجيت بحرگه ..يمة غدرتني مرة ثانيه وشردت يمة حبيتها وطعنتني ..سلمتهه گلبي وداسته ماهتمت الي ولا بأبني يمه اخذت ابني وراحت بسعاد..يا عزا العزاها شردت! ! يافشلتنه جدام الوادم تخزينة شتگول اعلينه العالم لو سمعت جنتنه شاردة راح نصير علج بحلوگهم. شگلك جنت الشيخ شردت وانوب الوادم ماتخاف الله تجبعنه بسودة ياخوفي تگول نهبت وشردت وي صاحبها ..شردت هاي الحيالة خلتنه لمن نوثق بيها ونصدگها تالي شردت وكسرت اوجوهنه ونزلت عگلكم ياحيف والله اعليه صدگتها سودة اعليه يمه شاهين ماعندك حظ بالنسوان -انه بيا حال وامي تزيد النار حطب حجيت راص على سنوني -يمة رحمة لوالديج كاافي انه ماعايز وانتي تچمليني رحميني شويه يايمة -ياا وانه شحچيت شو چنك بس تريد تذب حرگتج بيه هيه شردت انه شعلي گتلها شردي ..شو گتلي لا تحاچينهه ماحچيتهه چا شسويلها روح دورها وذب حرگتك بيها والله يالله صايرة حايط نصيص الكم شاهين..خليتها تحچي ومشيت اقدم رجل وأءخر رجل محتار اروح لأبوي شگلة ماگدرت اربي مرتي ...ضحكت عليه وراحت دخلت وانه صافن افكر ..فززني من صفنتي صوت ابوي تفاجئت انه من شوكت هنا سلمان..شاهييين وين صافن -ها بوية -شبيك شو صافن خير ..ولو انه اعرفك ماتصفن الا بشي شين -تنهدت وگتله-مادري شگلك بوية ومنين ابدي -لا تحتار اطيني خصم الحچي -بويه مريم شردت مرة ثانيه -مريم منهي؟ -شسالفة بوية مرتي -سلمان يگوم من مكانة-ول الله لايبارچ بيها ..ولك حرمتك شاردة وانته ولاهمك وجايني بكل برود تگلي مرتي شردت -چا شسوي بوية -روح دورها واغسل عارك منها وخل يرتاح گلبك من طلايبها لاتروح تسويلنه مصيبة وتكسر وجوهنه -هزيت راسي صار بوية مشيت ورجعت انداريتله. -بوية اريد منك طلب -ولك احنه بيا حال وكت طلبات تزينت روسنة وروس الخلفونة -بس اسمعني -شتريد؟ -لاتگول لأي احد خليها بينه -وهو شي يرفع الراس حته انه اروح اخبر الوادم -مو قصدي ع الوادم الغرب بويه ..اقصد على عمي ابو همام لاتگلة -ليش؟ ابو همام منه وبينه غير اخوي شلون مااگله اذا مااحجيله اليصير وياي بعد المن احجي -بويه انته تدري بكره همام الي واذا عرف يضل يغثني بالحچي وانه تعرفني مااصبر كلشي ولا واحد يبزني بحچاية ..اطيح حضه حتى لو اكبر مني -دروح دور ويصير خير ماراح احجي بس ها ماوصيك خاف تلگاها لاترحمها -وهوه هم هيج هالمرة لو انه لو هيه احچي وي ابوي واحس نار شابة بصدري مايطفيها الا الزمج يامريم ..صدگيني راح اخليج تتمنين الموت وماتلگينه اخليج تتوسلين بيه بس ارحمج ووكتها خلصت فرص الأعذار والمسامحة انتهت محتار وين ادورها لازم طالعه من الليل وهسه دنيا الضهر ماراح اتضل بالبستان ماكو غير مكان واحد تروحله هسه وهو بيت اهلها الي ابغداد ركبت سيارتي وطلعت ادورها **************************** بسعاد..عمت عيني اعليك يمة يشاهين وين جانتلك هاي السالفه رضي الله اعله علاهن جانت خوش بنيه مايوم زلتلها بحجاية وكل هذا وانه احجي اعليها تالي الله عاقبني بهاي الماتندرچ بنيه ماكله وشاربة وتارسة بطنج گعدي ببيتج وسكتي شنو هالطياح الحظ هذا حليمة..خاله ترا هم حگها مامتعودة هنا تحس روحها بسجن متعودة اعله الطبه والطلعه -خايبة ولي عني ترا روحي طافرة ولي لا ارگعج بهذا الكرسي اليمي امشيييي خلي ادگ اعله طيبة مدري تدري ماتدري - ه الوو طيبة-هلا يمة شلونج -والله شلوني بالضيم يا حالي -اسم الله شكو -هاي الجابهه الوكت الي مدري منين مامنين گشها شردت -يا صخام الصخمني وشاهين درى -اي درى وعسا مادرى لو شايفته عيونه صارن قطعة دم والشفايف يابسة ويدور ماخله مچان -شمالها شردت انوب حامل -متعافيه النسوان چا شمالها مثل حظج يتسمط بالحماد -وهسه شاهين شراح يسوي -والله مدري راح يدورها ومادري وين صفه بيه الوكت -خطية شاهين مارتاح كلنه شلعنه گلبه اكلج يمة چا ادهم وين مو ويا -يا سودة اعليه ادهم ابغداد بالشغل لو هنا چا ماعاف شاهين وسنده بس ماهو -يمه ليش مايدورهه ابغداد خاف راحت لبيت اهلها -جا وين هيه اكيد راحت لبيتهم هسه شاهين راح يدورهه وبلكي يلگاهه -لزوم يكتلها اذا لگاها شاهين واعرفه ايده والموت -الموت الخذاها كون تستاهل -يلا يمة مع السلامة -الله وياج يمة سلوى..ها خو خصلتي مخابرة طيبة..اففف ليش عمه -اربعه وعشرين ساعة مجلبه بهالتليفون هذا حته اعيونج راحن -لاتخافين اعله اعيوني مابيهن شي -وانه ميته اعله اعيونج گووومي غسلي الماعين تارسة المطبخ -چا جنان وين ماتغسلهن لو متانيات طيبة هيه تغسلهن -جنان تدرس وانتي ماعندج شي گومي هزي طولج شوية تحركي گايمه گايمة شنو هالبيت هذا كله علئ راسي كملت غسل الماعين نشفت ايديه ورجعت لگيت فاضل جاي من البستان تعبان -ها فاضل اجيبلك الغدا -لا ماشتهي خليه لشوي تعبان حيل -الله يساعدك ..اگوول فاضل -همم -اريد اروح لاهلي توديني -شعندج ترا ماصارلج اسبوع من اجيتي شني كلساعه رايحة -اوو فاضل شبيك غير اهلي شنو تمنعني منهم -انه مامنعج من اهلج بس مو حلوة جدام الوادم ويوميه رايحة عايفه رجلج وبيتج وماشيه هودي شوية مدة شهر وروحي -انته من اخذتني تدري بيه ماافارگ اهلي ومن جنت توعدني كبل اذا تزوجنه بس كليلي وديني لهلي يومية اوديج هاا وعدك ..لو حچي اليل صبح خفت -ولج طيوب شعندي غيرج انه احبل اجيب بس چيف اضل الوحدي وانتي مو يمي اشتاگلج -ماابات هيه تسيورة صبحيه وللعصر وارد -ها خوش اذا هجي صار اوديج ......…………………………………….. ............... شاهين..امشي بسرعة واحس السيارة ماتمشي من العصبيه العندي كلما اتذكر ابني ابطنها واخذته وياها تشب النار بگلبي ويزيد حقدي اعليها اخذته وراحت رغم تدري منتضرة اعله نار واعد الساعات الشوفته بس لاتفكر تنزل الطفل..اذا صدگ سوتهه يكون اخر يوم بعمرهه وجنت اعله روحها اول ماوصلت لبغداد نزلت للصيرفه اخذ ادهم وياي ادهم بخوف -خير ياستار شاهين جاي لهنا اكيد صاير شي شاهين-مصيبة يخوي مصيبة ادهم-ياخلاف يالله شنو احجي ترا گلبي وگعته شاهين-مرتي مريم -شبيها ماتت -ياريت لو ميته ياريت ولك خوية شردت من البيت -افااا وانته وين عنها امي وين -انه وابوي چنه معزومين بالناصرية ورحنه الضاهر شاردة بليل -كارثه وعلي ..وهسه شنسوي -هو انه جيت لهنا علمود هاي السالفه اريد اتروح وياي اول مرة لبيت اهلها و ندور شركات ابوهه وعنده فندق هم نروحله يجوز موجوده بيه -گبل كلشي شاهين لاتنسى هيه جانت بتركيا وماصارلها هواي من اجت للعراق يعني من تشرد تفكر تطلع للخارج -وشسوي -تروح للمطار تطيهم اسمها وهمه مايخلونهه تسافر -بس شلون اشتكي ماعندي عقد -لاتكلهم زوجتي ...اشتكي بتهمة بوگ (سرقه) خليهم يمنعون سفرها ويخابرونك لمن تجي وتتنازل ساعتها هيه بيدك -خوش حچي يلا امشينه نروح للمطار -بس اسد الصيرفه واجي تانيني بالسياره وصدگ رحنه قدمنه بلاغ عليها وسجلو يمهم گالو يمنع سفرها بس تمر 24 ساعة ع البلاغ مريم ...گاعدة بالبيت الوحدي ساعة ابجي وساعة افتر كولشي مبيه حتى اكل ماكو گاعدة واندگ الجرس ..لزمت گلبي منو هذا الأجه بهذا الوقت وشلون عرف اني موجودة احس رجليه ماتن مااگدر اوصل للباب واگول منو اكيد شاهين واذا لزمني يموتني وصلت للباب باوعتله من الفتحه الي بالباب يتبع... | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
