آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
28-06-20, 04:25 AM
| #21 | ||||||||
| مراقبة عامة ومشرفة منتدى الروايات المنقولة  
|  #اسيرة_الشيخ_شاهين #ريتاج_الموسوي #بارت قبل الأخيرررر هذا البارت قبل الأخير راح تشوفو قليل اختصرت الاحداث وراح اذكر التفاصيل ببارت الأخير ممكن اتأخر بيه شوي ♥️♥️♥️♥️♥️♥️♥️♥️♥️♥️♥️♥️♥️ احس رجليه ماتن مااگدر اوصل للباب واگول منو اكيد شاهين واذا لزمني يموتني وصلت للباب باوعتله من الفتحه الي بالباب شفته ميثاق ...استغربت هذا شجابه لهنا وشلون عرف اني بالبيت شكد جنت احبه بس هسه احس مشاعري جامده تجاهه مااحس بأي شي فتحتله الباب ..ابتسم ..هلو مريوم هاي وين الغيبة ..هلو ميثاق شلونك ..تمام قصص وروايات عراقية كرار صلاح..عقد حواجبة مستغرب ..شنو راح اتعوفيني بالباب ماكو تفضل ؟ -اسفه بس اني الوحدي بالبيت ومااگدر ادخلك -ماجنتي هيج اشو متغيرة عليه هواي؟ -شلون ? -قبل جنتي من تشوفيني عيونج تلمع وفرحانه يعني تستقبليني بلهفة هسه ماالج خلگي اصلا -بالعكس اني نفس مااني مااتغيرت بس يتهيألك -مريم احچيلي شبيج اني اقرب صديق الج جنتي متضمين عليه شي هسه احسج بس تردين تصرفيني ..احجيلي شبيج -عبالك جنت منتظرة احد يگلي شبيج رأسن گعدت وانهاريت بالبجي -مريم تبجين ? لا اكيد بيج شي -احجي وابجي بحرگة-مابقالي احد ميثااق - الله يرحمهم مسحي دموعج ولاتبجين تعاي نگعد بالحديقة ونسولف سديت الباب وتاكدت من باب الحديقه مسدود مسحت الكرسي الي بالحديقة جان عليه تراب لان متروكات فترة گعد يمي ميثاق -مريم لحد الان مصدوم بوفاة عمو صفوان وعمه نيرمين اني وبابا جانت صدمة النه وفاتهم اجينة گالو مقتولين قتل ..صار فكري يمج دورنه عليج ماكو رحت للشركة سألت عنج محد يعرف وين انتي -وشلون عرفت اني هنا واجيت ? -يومية اجي وادگ الباب عسى ولعل تجين لان الكل محتار بالسالفة فجئة اختفيتي اكو گالو انهزمتي من شفتيهم مقتولين -دنگت وحجيتله القصه من البداية -وانتي منهزمة منهم وجايه لهنا -وين اروح لعد -خبلة انتي لج بابا هسه بأي لحظة يجون حسب مافهمت منج هذا شاهين فد واحد معقد ومتخلف ليروح يقتلج -وين اروح اكيد يسأل عن الشركة والفندق ويجي -اجري شقه -اي واريد تحجزلي ع اقرب طيارة اسافر لتركيا -لا السفر هسه خطر عليج متعرفين ذوله شنو ناوين ابقي بالعراق لمن الله يفرجها عليج رحت بسرعة للبيت ..اخذت فلوس من قاصة بابا مخليها بمكان سري محد يندلة فتحتها واخذت الفلوس خليتها بجنطة وطلعت -ها جبتي كول شي تحتاجينه -اي -يلا لعد نمشي بسرعة التأخير مو الصالحج شاهين اخذت ادهم ورحنه على بيتهم السيارة بنص الطريق ووگفت ...شنو هاي شبيها السيارة وكتها وگفت هسه -اعصابك خويه شاهين هسه نشوف شبيها نزلنه بالنص ساعة نصلح بيها يلا اشتغلت ..يلا ادهم اتحرك هم يالله نوصل دنيا اليل مسافة الطريق وصلنه ...البيت اضلم ولا گلوب مشتغل وگفنه بالباب دگينا لمن ملينة محد طلع سألنه الجيران گالو محد اجه لهنا من يوم التوفوو اهله ..يمسح لحيتة بأيدة .. وين راحت وين -وين تلگاها خويه ابرة بكومة قش خلينه نرجع ونشوف ابوي شيگول -ماارجع لمن اتأكد من الشركة والفندق العدهم وين تروح الگاها الگاها وفعلا رحنه للشركة لگيناهه مسدودة والفندق سألنه بحجة الشغل گالو محد يعرف عنها شي رجعت ..اعصابي تلفانه ..خليت ادهم هناك ..گتله ابقه راقب الشركة بين كل فترة وفترة بسعاد..ها يمه گواك الله بشر مالگيتها مگصوفة الرگبه -اففف ماكو دورت كل مكان يرحوله والهم بيه شغل مالگيتهه بسعاد..ياا يعثرها الله بعثرته صخام وجهي شنحجي للوادم شنگول جنتنه شردت من عدنا -ابوي وين ? -بالديوانية ليش المن رايحلة ..تره ابوك ضغطه صاعد لاتجلطه وين نوديه بهاليل -يمة رحمة الوالديج هاي السالفه مابيها اسكت لازم نشوفلنه حل مثل ماورطني ابوي بيها يطلعني دخلت للديوانية لگيت ابوي يتوضا يريد ينام ...شافني ..هاا بشر شصار غسلت عارك -لا والله دورتها مالگيت مابيدي شي بعد -وهسه شنگول للوادم شنهو عذرنه فهمني وابنك الي ابطنها يروح -بوية ماعندي عقد اشتكي اعليها ماعندي حجه ايديه مربطة ولو قصص وروايات عراقية كرار صلاح اندلها اجيبها سحل من شعرها واخليها جدام رجليك اخليها تجيب ابني واطلگها خلي تفيدها بغداد بعد مرور شهر بسعاد-يمة فدوة اروحلك لشوكت اضل هجي ضايج اعله وحدة ماتسوة تراب رجليك يمة اريد اشوف جهالك گبل مااموت خليني اخطبلك بت خالك -باوعتلها وصفنت..هزيت راسي خطبيها بسعاد بفرحة -صدگ يمة راح تتزوج هسه اروح اروح اگل لأبوك من فدوة اغديلك ..اي هجي صير والمايريدك لاتريده -يصير خير بس شكو واحد يسأل على مريم گولي طلگناها عفتها ومشيت لغرفتي راحت امي ثاني يوم وخطبت بت خالي فاطمة اتذكرها من جانت صغيرة دوم تجينة سمرة وگصايبها كلهن تراب ..جنه نلعب سوه واحنه صغار واشوفهه..بس مايهمني شكلها لان ماالي واهس بأي مرة لعبت روحي منهن رحنه ملچنة وسويت عقد ولا باوعت ابوجهه ابد ..صار يوم العرس گعدت الصبح غصب عني مافرحان ولاچني عريس بسعاد..يعع بعدك لهسه نايم ولك انته عريس گوم اگعد سلم اعله الوادم -بعدهه الوادم يمه محد جاي -ليش المضيف متروس شبيك احسك مو فرحان -المن افرح يمة شنو بعدني جاهل اول مرة يتزوج -حته لو اسمك عريس دگوم وخليني افرح بيك ..هذا اول زواج الك اعله مرامي نزلت جوه ولج طيبه وين صرتي -هاا يمة -وزعي شربت جكليت اعله النسوان -اي هسة تروح وترجع ..يمه صدك ماكو خبر عن مريم -ماكو من عساها لا ردت همزين ولت وافتكيت منها شفت وجه الله -لا يمة حرام -دنجبي وسكتي ..حرام والسوته بينه مو حرام خلت شاهين يفتر ويدور اعليها ماشايف النوم -چا وابنهه -اوووف يمه هاي كافرة تلگينها طيحت الطفل -كافرة شنو -تحجي بهمس -جا غير مسيحية مو مسلمة -ياا ههههه يمة المسيح صح مو اسلام مثلنه بس مو كفار انه دارسة عنهم همه يعبدون الله بس يشركون بيه يگولون عيسى عليه السلام ابن الله -استغفر الله عزاا همزين افتكينة منها لاتروح تنجس بيتي مريم .... اجرت بيت وگعدت بيه خليت ميثاق يدير الشركة والفندق خله بيه واحد من جماعته ميثاق..مريم مريم..نعم -اذا اخطبج توافقين -ميثاق شنو هالحجي تره اني لحد الآن بعدني على ذمة رجال ميصير قصص وروايات عراقية كرار صلاح تحجي هيج لابديانتنه مقبولة ولابديانتهم -ونتي گلتيها ديانتنه ..يعني نختلف ومدام انتي ديانتج تختلف يعني زواجج باطل -والطفل الي ابطني -سهله جيبي وسلميه لأبوه -عبالك بهالبساطة راح يتقبل ..واني كسرت عاداتهم وتقاليدهم وضربتها عرض الحايط اكيد مراح يسامحني ومااضمن حياتي بوقتها -ليش ماتشتكين عليه مدام انتي ماعاقدة محكمة وگوليلهم يهددني -هههه اي واشتكيت عليه وانسجن عبالك اهله راح يسكتون اگولك ناس متخاف مجرمة كلمة القتل عدهم عاادي متعودين عليها -اني مااريد المشاكل عفيه اريد احل بشكل سلمي ميدخلني بمعمعه مااطلع منها وانته تدري ماعندي احد استند عليه -واني وين رحت -ماتكدرلهم يقتلونك ويقتلوني -والحل تبقين هيج منهزمة الى متى -ماعرف -عندي الج طريقه ماكو غير ننهزم تهريب بالبحر اكو هواي يرحون للدول عن طريق البحر بهالحالة راح تأمنين على نفسج وعلى ابنج وبعد ماعندج عذر شاهين ميگدر يجي وراج -تنهدت وگتله ...هو هم هيج ماكو حل ثاني خليني لمن اجيب يلا اروح لان مااگدر اسافر واني حامل مرت الشهور ودخلت بشهري ...ميثاق صار التقائي بيه قليل انشغل بالشركة والفندق واني الكآبة والوحدة سيطرت عليه اخذت تليفوني اتذكرت طيبة ...ليش مااعرف اخبارهم يمكن بعدهم لسه يدورون علية دگيت عليها طيبة ..الو بلعت ريگي وجاوبت -الو هلو طيبة شلونج -ياهي انتي ومنين تعرفيني -اذا اگولج منو توعديني ماتحجين -اي غير اعرف ياهي -اني مريم -مريم !! صخام بوجهج والج عين داگة اعلية بعد السويتيه بينه -طيبه على كيفج لتحجين عليه ولتنسين الصار بيه كوله بسببج ..انتي هم انهزمتي قبلي واني وگعت بيها -وهسه شتردين -ماريد شي اتصلت اطمئن عليكم -ماريد شي اتصلت اطمئن عليكم -ههههههه والله ضحكتيني تطمنين اعليمن اعله امي لو اعله شاهين -عليكم كولكم -اكلج شنهي شفتيني جاهله واضحكين اعليه انتي من شردتي يعني ماتردينهم احسنلج لاتسألين عنهم مرة ثانية -اوك ..شخبار شاهين -معليج -ماريد شي بس اعرف اخباره -يهمج يعني -لا مجرد فضول -اذا فضول ف ابشرج ماميت اعليج ولا معتبرج . ،بس رحتي اتزوج بت خالي وهسه حامل وشايلها شيل من الگاع -اهااا الله يوفقه -ونتي ولج ابن اخوي وين وديتيه -ابن اخوج من شردت سقط -سقط لو انتي طيحتيه من الله لا يطيج -اي انتي شلونج -معليج ويلا الله لايحفضج لادكين مرة ثانية تره مايردني الا شاهين اخليه يسحلج من كفشتج ويجيبج سديت التليفون منهه ماعرف ليش اعيوني دمعت وانقهرت لا مريم شبيج ليش هيج مقهورة عليه انتي متحبيه واذا تزوج اصلا انتي عفتيه رغم حبه الج حاولت الهي نفسي بالقراءة في سبيل مااضعف طيبة مليت من العيشه ابيت اعيالي يومية عركة ويومية عمتي تصيح عليه تريدني 24ساعة مگابلة المطبخ اذا شافتني رحت يم فاضل بقت تصيح عايفه الماعين وگاعدة شني اول مرة تشوفين غرفتج بعدج عروس لعبت نفسي منهم هاي من غير العوز ماعدنه وانه مااشكي لمي كل مااگلة تتعارك وياهم ويزيد غضبها عليه گتلها كولي لأبوي ينطيني بيت مؤقت اعزل بيه مارضه وهم ضل يصيح گلبي انلچم من ابوي حيل كلها سامحتني اعله غلطي الا هوه -فاضل -ها -فدوة خل نعزل ابيت الوحدنه -ياطيبة ياعمري تشوفين حالتي انتي ماعندي شغل حته اشتري بيت لو أءجر -چا شنسوي مليت من هاي العيشه -ادري والله امي عصبيه وماتنحمل بس تحملي الخاطري -لا فاضل تحملت هواي بعد مااكدر وصلت حدها بعد -جا شسويلج دبريلج راي بيه خير ونعزل تره دوختي راسي اجي تعبان تتلگيني انتي نعزل ونعزل هو منيلي النعل عافني وطلع ..ضليت ابجي محد الي اروحله يساعدني اجت عيني اعله تليفوني گلت ماكو غير مريم تساعدني هيه ادبرلي فلوس عدهه هواي ومن اطلب منها ماراح تردني اكيد ولو انه سديته بوجهه ذاك اليوم بس حته لو اضطر اهددهه بشاهين شلت التليفون ودگيت عليها -الو هلا مريم -بالگوة تسحب النفس -هلو طيوب شلونج -الحمدالله زينه انتي شلونج شبيه صوتج جنه مخنوگ -لا بس تعبانه شوي اي شعجب ذاكرتني اليوم -اكلج مريوم -كولي حبي -انه شابعه ضيم ابيت اعيالي راسي شيب وابوي مايرضه يشتريلي بيت اعزل بيه متعاند وياي فدوة ماتكدرين ادبريلي فلوس بيت لمن يصير عندي لو اقصدهن الج اقصاد -يعمري لو عندي جان بعيني بس اذا تردين عندي بيت يمي ابغداد تعالي گعدي بيه انتي وزوجج موقت لمن يصير عندي واداينج -يعع لبغداد لا لا شيوديني فاضل مايرضه نروح لهناك -واذا شبيهه وهم تختفين عنهم عبالهم زعلتو وراح يعزلولكم يعني يحسون بغيابكم ويحسبولكم حساب لشوكت تبقون مهمشين -اي والله خيه مهشمين -ههههه فكري يروحي ورجعيلي خبر اني موجودة -والله مدري يلا مع سلامة گلت الفاضل وبالگوة قنعته يلا وافق گال ..انه اولى بيها اختي وماعدهه احد لازم انه الزم شغلها واساعدها وبنفس الوكت اخذ من حلالها انه ماحجيت شي الاهم عندي يقتنع لمينه ملابسنه بجنطه سلوى-ها خير وين رايحة -عمة رايحين للزيارة -وليش ماكتولي حته اروح وياكم -رجال ومرته رايحين شعندج طابگة ويانه -رايحة قصص وروايات عراقية كرار صلاح وي ابني من چبح وجهج صدگ لو گالو انا الربيت ولغيري صفيت اجه فاضل..يلا يمة ثيمالاه -فضيل ماتاخذوني وياكم للزيارة ... ..يمة غير مرة هسه السيارة الرايحين بيها معوزه بس نفرين -اي اتحجج كول ماريد اخذج -لايمة مرة ثانيه تدللين اخذج اعله عيني رحنه للگراج صعدنه نفرات لبغداد بعد مااخذنه عنوان مريم شاهين طالع للبستان وضايگ خلگي، من فاطمة دوم تخلق مشاكل من لاشيء واسكت عنها ماحاجيها اكول مزاجهه متغير لان بفترة حمل وتعبانه اذا اسكت تكول تتجاهلني وماترد اعليه احتاريت شلون اتعامل وياهه و مريم هم شالعه گلبي كلما اتذكرهه تحترگ روحي خانتني مااحس الا تليفوني دگ والمتصل ادهم هلا ادهم شلونك -هلابيك الحمدالله انته شخبارك -تمام -اكلك -كول حبيبي -اليوم شفت طيبه وفاضل يم الشركة مالت مريم يتبع.... | ||||||||
|  |
|
28-06-20, 04:27 AM
| #22 | ||||||||
| مراقبة عامة ومشرفة منتدى الروايات المنقولة
| #اسيرة_الشيخ_شاهين #البارت الأخير لكاتبه #ريتاج_الموسوي *********🌺🌺❤️🌺🌺*********** مريم گاعدة ع الكرسي مقابيل الشباك ..دگ تليفوني ..باوعتله ميثاق رديت -الو هلو ميثاق هاشسويت -كولشي تمام اتفقت ويا جماعة نطلع تهريب التركيا -اهاا -شبيج اشو احسج ضايجة -ماعرف ياميثاق خايفة جنت اتمنى اسافر بعد ولادتي بس الضروف حكمت عليه -ومن شنو خايفة -اخاف اتعب بالسفر واحنه بالبحر ..كولشي مايمنة لو تجيني الولادة ساعتها شنسوي -ههههه هاي شبيج شنو هالتشاؤم العندج دام اني وياج يعمري ميصيبج شر -رجاءا ميثاق لتگولي عمري مرة لخ تره دتنرفزني بهذا حچيك -يسحب نفس ...وك مثل ماتريدين بس خلي ابالج اني مستحيل اتركج او اتخلى عنج بيوم من الأيام سديت الخط منه وتنهدت ...رجعت اباوع ع الشباك واني اتذكر طيبه ضحكت ضحكة نصر واخيرا جبتج ياطيبة ..مثل ماوگعتيني بالحفرة راح توگعين وياي بس هالمرة اني راح اصعد على اكتافج واطلع منها حسب ماسمعت من حليمة قبل لااجي من خططو لزواجي ..اتفقو بينهم اي واحد من ذوله الثلاثة الي همه طيبة وفاضل والضحية اني ينهزم راح يكون عقابة الموت واني جبتهم لهنا وراح اسافر ..واخلي نارهم تاكل حطبهم اتفقت وياهم يجون قبل لااسافر بيوم ادهم ... گالي شاهين كل فترة تمر على بيتهم والشركة تراقب منو يدخل عسى ولعل تجي مريم بيوم خليت ولد صديقي بالصيرفة وطلعت للبيت صفطت السيارة بالفرع لبست مناظر وبقيت اباوع من بعيد شوية واشوف ثنين بنيه وولد شكلهم مو غريب عليه بدو يتقربون ع البيت اكثر معقولة ذولة ..طيبة وفاضل ..بس شعدهم هناا يم بيت مريم شجابهم من البصرة والله شغلة توگف العقل بس احسن شي اخابر على شاهين وهو يتصرف -الو هلا شاهين -هلا بيك خوية شلونك شخبارك -الحمدالله ..اگلك شاهين -گول حبيبي -انه واگف گبال بيت مريم مثل ماوصيتني اراقب بس شفتلي شوفه ماتصدگ -شنو اشفت احجي -شفت طيبة وفاضل يم بيت مريم -هااااا شيسوون وشخذهم لهناك -مادري السالفة مليوصة يخوي ..اكلك تفكر بالجاي افكر بيه -شتفكر -بس لا طيبة وفاضل وره شردت طيبة وهمه الشردوها -والله كلشي توقع بس اذا طلع صدگ الحچي مايلومون الا نفسهم -شراح تسوي هسه -جايك ابقه مراقبهم خاف يرحون منا منا عاد تندلهم لاتنسى فتح عيونك عدل -خوش مثل ماتريد …………………………………………� �…… مريم...دگ تليفوني..والمتصل طيبه شلته -هلو طيوبة شلونج -زينة ..اگلج -گولي حبي -احنه اجينه من البصرة وهسة مگابلين عنوان البيت مانعرف شنسوي -يااا الحمدالله ع السلامة ابقو بمكانكم لاتتحركون هسه اجي .. -خاف تبطين -لا هياتني دقايق واكون يمكم نهيت المكالمة منها طيبة..شوف فاضل شوف البيوت شگد حلوة -شبيج جنج ماشايفة هاي وانتي بت شيوخ وبيتكم قصر چا شتگولين اعله حالي كلشي ماشايف -معليك هسه راح نگعد بهذا البيت وانته تصير صاحبة -شلون اصير صاحبة وهو المريم ؟ -مو يا رجلي احنه راح نگعد هنا نضل نهددهه لو تطينة البيت ونسكت عنها لو نگول لشاهين اعليها ويجي يكرها مثل النعجة -اوو طلعتي شيطانة مو هينه -هههه جا شعبالك -عبالي گبل فقيرة وعله نياتج طلعتي كله تخطيط من وراي -هههههه خايب شمالك اذا ماانفكر ونخطط مانعيش وبعدين مريم اختك وماعدهه احد يعني انته اولى بفلوسها ..حتى لو تشغلك حارس عدها هم انته الربحان ماكل وشارب وراتب وانته مستراح بعد شتريد -اي انه هم فكرت هجي بس من گتيلي نروحلها يعني مو گبل ..لان جنت شايلها من حساباتي ومريم قوية ماينضحك اعليها تعرف كلشي دراسة ومثغفة -اسكتي هالأجت طيبة بصوت ناصي..شووووف اللبس اععع لو يشوفهه شاهين بهذا لبسها الا يگطعها تگطع فاضل-الخير والفلوس مبينه اعليها مريم-هلاوو شلونكم -طيبة -بعد روحي هلا بيج ..تباوع عليها ..اكلج -ها حبي -شني غير گلتي ابنج طاح شو حامل -خفت على ابني لا ياخذه شاهين يعني بين قوسين خفت منج تگوليله فتحت الباب ودخلتهم -طيبه تگعد ع القنفه...يااا افاا عليج انه اگله شمالني الا تسودنت فاضل-اهاا وشدراج احنه مانكله شلون وثقتي بينه -وك سألتني يا اخويه العزيز واني راح اجاوبك ..بكل بساطة لان اني گلبي طيب وااثق بالبشر بسرعة فاضل يرفع حاجبة بشك.. مريم...اوو نسيت سوري ..جايبه وياي عشا الكم ومي خلي اجيب المي فاضل ..ولج طيبه هاي خاف ناصبتلنه كمين وتجيب شاهين لهنا طيبة--هههه ماعتقد لان راح تطيح بيها هيه وتعرف شاهين بعد ولاتنسى مچانه هنا محد يفكر بيه ابد يعني امان -بلكي الله شاهين ...خابرني ادهم وگالي على طيبة وفاضل ابيت مريم ...رحت فولت بانزين وطلعت امشي بكل سرعتي لان گلت اكيد عدهم علاقه بيها وهمه المساعدينها -- بنص الطريق گال ..طلع شكنه بمحلة مريم اجت الهم ودخلو للبيت گتله..ادهم ابقه مراقب البيت واذا طلع واحد منهم مضطر تنزل وتوگفهم علما اوصل مابقالي شي ان شاءالله ساعتين ووصلت بس شافني ادهم اجه وياي دگيت الباب مريم ..تنزل الخاشوگة اها هذا اكيد ميثاق طيبة-ياهو ميثاق -ولد يشتغل بشركتي متعرفيه اول مافتحت الباب انصدمت ..تغيرت ابتسامتي للصدمة شفته شاهين تراجعت للخلف ..انضربت بالكرسي انتي حسابي وياج بعدين راح على طيبة الي وجهه صوفر من الخوف شا شاهين -اي شاهين ليش ولج ...تغدريني وتنهزمين مو هذا السويته كله علمودج ضحيت بحبي ..بس حته مايكتلونج وتطبق عليج اصول العشاير تالي بكل سهوله تنهزمين وياها ليششش يحجي وراص على اسنونه -..مو بيدي شاهين لاتلومني والله ضحكو عليه وقشمروني -فاضل..ياهو القشمرج ولج انه ماعلية انتي الگلتي -وانته طلي شتگول مرتك تمشي وراها طيبة -لا مو هوه هاي طيبة قشمرتني وجابتني لهنا سامحني ابوس ايدك ..تركع يم رجله وتبوس ايده يدفعها شاهين ... سكتي عني لا اخرب وجهج براشدي صاح على ادهم -تعال اخذهه وصعدهه بالسياره ..التفت ل مريم وانتي ...لزمهه من ايدهه وسحبها ..تعاي صعدي انه اعرف شلون اعلمج واتوبج -احجي بخوف لا شاهين على كيفك بطني تأذيني -بعد ماتمشي اعليه هاي سوالفج عسى ماتموتين ويطبج حمس دفعني بالسيارة ابجي من الألم بطني موتتني طيبه --يا حقيرة گلتي لشاهين علينه وخليتي يجي بس شفتي الله شلون عادل طيحج بشر اعمالج --احجي متوجعه وراصه على سنوني ..سكتييي مو وكتج راح امووت -طبج مرض تستاهلين شاهين -بصوت عالي ..اسسس ماريد اسمع صوت ولا وحدة منجن متسنده ع الكرسي الألم ساعه يجي وساعة يروح السيارة احس بيها طايرة من السرعه والطسات كولهه صفت ابطني ساعات ووصلنه اني اشوف رجعت لنفس المكان الأجيت منه نزلت ادموعي ..شنو مااخلص منكم شنو هاي البلوه الوگعت بيها صف السيارة اباب المضيف لزمني شاهين من ايدي وسحبني نشمرنه اني وطيبة گدام الشيخ -هاك بويه ذني الچلاب لگيتهن -كفوو منك -شنسويلهن -الأصبع العايب انگصه طيبة -اخذت ايد ابوهه تبوسها..دفعها -رجعت تبجي بوية اسمعني فدوه -زمخ بيها -شعندددج -بويه انه وفاضل رايحين للزيارة وخابرتنه مريم واجيتها اصلا ردت اخابر شاهين اعليها شاهين-جذاابه هاي بوية لاتصدگها سكت ابوي شوية وبعدين گال -طيبة وفاضل ..متزوجين يروحون وين مايردون مالنه دخل بيهم بس مرتك ..لازم تتعاقب سمعت هيج -وزاد عليه الألم بقيت اصرخ من شافوني هيج خافوو -بويه هاي عدها ولادة ..ادهم شغل السيارة خلي ناخذها للمستشفى اخذوني بس اني اصرخ صريخ من قوة الوجع حسيت راح اموت وماعندي احد ...لا اهل ولا اقارب اني وحيدة بهالدنيا جان ادهم يسوق وشاهين گاعد بصفي ..كل شويه يصيح على ادهم ...شنو السالفة ادهم تمشي على بيض استعجل ادهم-هوه انه جاي امشي سريع بس الدنيا ضلمة واللايتات مو كلش،قويات اذا استعجل بعد ننگلب لزمت ايد شاهين ودموعي تنزل -فدوة شاهين لتعوفني ماعندي احد لا اهل ولا احباب باوعلي ببرود-ماعوفج! گبل گتلج ماعوفج وانه كلشي الج بهالدنيا وضحكتي عليه بلأخير شسويتي فضلتي حياة الرفاهية عليه وانهزمتي -لاتعاقبني بشي انتو سببه -انتي تعبانة هسه هذا الحچي بعدين نحچيه هزيتله راسي..وگلت ..گلبي مامطمئن حاسه هذا اخر يوم الي خاف اموت امانه ابني عندك عصر ايدي وهو يباوع للجامة ..لاتوصيني على ابني اطمئني من گال هيج عرفت مراح يسامحني ابد وگلبة ملچوم مني حيل وصلنه للمستشفى دخلوني لصالة الولادة بقيت ع السدية ودموعي تنزل اتمنى لو جانت ماما وياي جان محسيت بالخوف جان گلبها علية ..اقلها اعرف احد مشغول باله عليه يامريم العذراء ساعديني ....... شاهين ..طول الطريق تحچي وانه شايل بگلبي عليها مانسيت السوته بيه والأيام العشتها ... صعب تحب بشر ويغدر بيك .... بس من دخلت للولادة خفت عليها شسوي لگلبي شمااگول راح اقسي عليها ومااسامحها من اشوفها گلبي يرجع يدگ بحبها كل شوية اروح اسأل الممرضات عليها اخر شي طلعت الممرضه ركضت عليها -ها دكتورة بشري مريم شلونة وضعها -انته زوجها ؟ -اي -الف مبروك جابت وثنينهم بصحة وعافيه -الله يبارك بيج -عيوني تلمع من الفرح -احس چني توني مولود للدنيا واخيرا شرف ولي العهد .. مريم ..متت بالولادة من الألم ..ابجي واصيح جيبولي ماما مادري بنفسي ..فقدت لمن ولدت صحيت ..لگيت شعري كفشة ومگطعته كوله حجيت بتعب ويا الممرضه گتلها جيبلي ابني اريد اشوفة ...جابته الي ..ماخذ كول الملامح من ابوه ماعدا البياض عليه وشاهين اسمر شكله ناعم وصغيرون شلته واخاف ينكسر بأيدي خليته على صدري ..اووف ياريحته استوني حسيت صارلي ضهر وسند احساس غريب انخلق بيني وبينه بوسته وابجي..ماعوفك ماما لو اعرف اصير خدامة الهم بس ابقه وياك نقلوني لغير غرفه اجه شاهين ..حجه من وره خشمة..شلونج رديت بتعب وصوت مبحوح ..زينة -شاف ابني بحضني اخذه مني حيل وابتعد عني ..اشوفه همس بأذنه ماعرف شنو بس گلت اكيد تقاليد عدهم لانو ماعرف شنو عاداتهم وشنو اليمشون علية رجع صار مقابيلي ...مريم رفعت راسي..ها -ابني وصار عندي ..اذا وجودج مضايقج هنا ..تگدرين ترجعين لبغداد واطلگج جاوبته بخوف ..وابني؟ -هذا ابني انه ..مفهووم ..وانتي ما الج اي ولد عندي كلشي انتهى -بقيت ابجي واتوسل بيه ..بس اني امه شاهين حرام عليك تحرمني من ابني -والسويتيه بيه مو حرااام ..لو بس انتي خطية وتكسرين الخاطر اما انه فگلبي من صخر كلشي يتحمل احمدي ربج واشكريه هيه هاي عقوبتج احرمج من ضناچ وبعدين انتي ماتردين العيشه هنا روحي انتي حره -ابجي بهستيريه واحجي -يعني عبالك افرح بهاي العقوبه لا شاهين ابوس ايدك ..ابوس رجلك لاتحرمني من ابني والله بعد مانهزم اوعدك ..حتى لو اعيش خدامة بس ابني لاتحرموني منه ماعندي احد بهالدنيا غيره مستعده اتحمل اي شي الخاطرة صفن وباوعلي..متأكده تتحملين اي شي؟ -اي متأكده -هز راسه وگال تعاي وراي مشيت اسحل بروحي سحل ماعرف شنو الي راح يتخذه وياي صعدنه بالسيارة ادهم اخذ الولد من شاهين ..ياحبيب عمه بوسه ورجعه لشاهين ..يتربه بعزك خوية -يوم الألك يلا شد حيلك وگول زوجوني حتى نزوجك ونفرح بيك -هههه لا خوية كلشي ولازواج انته ومشلوع گلبك يلا انه لازم ينلعب بحالي بقو يتشاقون بينهم ..وصلنه للبيت وماودي انزل ..لان راح اسمع حچي يسمم نزلت والولد بيد شاهين دخلنه اجت عمتي ..هلا بالمسعده لفيتي -المن جايبهه وجاي غير ابوك گالك طلگها وجيب ابنك ،،،،خزرها حيل -بعدين نحچي يمه مو وكتها هاچ علاوي اخذيه مني اخذته فرحانه تبوس بيه شوية ودخلت بنيه ..مارتاحيتلهه ..عيونهه واسعه بيضه ..سمينه ..وطولها متوسط بس شافتني ضلت تبجي -هاا شاهين رجعتها ..موگلت مارجعها وراح اطلگها شو تغير الحچي -فاطمة ..مريم ام ابني وحالها من حالچ ولاتنسين انتي اجيتي عليها شريچة مو هيه -ليش انه من اجيت هيه وين دايحة شوف لبسها لبس مستهترات -فااااااطمة سدي حلكج وسكتي هذا العندي وحچي زايد مااريد ...لا وعلي ارجعج لأهلج واخليج تحلمين اجيبج لهنا گامت تبجي زعلت وراحت ..شاهين راح وراهه بسعاد..اجيتي خرابة البيوت ..الدايحه راح تخربين حياة وليدي من الله لايوفقج ولايهنيج -سكتت عنها شويه واجه شاهين...جيبي علاوي وتعااي بسرعة اخذته من عمتي وصعدت لگيته گاعد ع الجرباية لازم سبحته ويهز برجله دخلت مدنگه ..سديت الباب -شوفي انه گلت گدام فاطمة وامي حالج من حال فاطمة بس لا هذا حچي لان ماريد تصير مشاكل هلمرة سامحتج لان اخاف من الله احرمج من ابنج ..المرة الثانيه اخذ ابني واشمرج شمرة الچلاب بررره من باجر نعقد محكمة ..حتى اذا فكرتي منا منا او الج نيه تشردين اشتكي عليج افتهمتي -هزيت راسي -والشغله الثانية فاطمة ماااريد تحتكين بيها لو تسمعينها حچاية شتحجي اعليج سكتي ومن اجي انه اتفاهم وياها لان اذا سمعتج غاثتها تعرفين شسوي والحزام موجود ويلمع اگطعه على ضهرج طلع اخذت علاوي خليته بحضني وابجي بابا وينك..اول مرة انذل وانته ماموجود ... ياناس ياعالم فهموني مو شرط تتوفرلي وسائل العيشة لازم اتقبله اني مضلومة وهالشي انفرض عليه غصب الطير لو يخلونه بقفص من ذهب ..ميريدة يريد الحرية واني حريتي بالطلعه متعودة اعله الطلعه والشغل ..استمريت على هاي الوضعية انزل جوه تستلمني عمتي وفاطمة حچي ..اضطر اسكت ومااجاوب كول اشوية كافرة وكافرة وحتى من يرجع شاهين مااحچيلة لان اعرف راح يلومني ويذب الصوچ بيه يجي ليليه يوم الي ويوم الفاطمة بااليوم الي يمي هو بفراش واني وعلاوي ع الجرباية فمرة من المرات گاعد يصلي ..اخذ كتاب وبدا يقرا بيه اني مسوية نفسي نايمة صوته حلو بالقراءة والكلام الي يقرا عجيب كلماته اثرت بيه ... صار عندي فضول اقرا هذا الكتاب واطلع عليه اكثر لان فعلا جذبني لقراءته عجيب جدا..كمل هو لم السجادة وضماهه باس الكتاب وخلاه على گصته انوب خلاه بالمجر ..بدل ملابسه وطلع خليته لمن يطلع وسد الباب اخذت الكتاب وگعدت ادور بين الصفحات كل صفحة اقرا بيها شوية بس ماافهم المقصود منها والمعنى صح عدنه الأنجيل بس ابد ابد مقاريه بيه اني من النوع مو ملتزمه اخر شي جذبتني صفحة مكتوب عليها ..سورة التكوير قريت الآيات ..گلبي تعلق بيها جان بيه اعجاز الهي صح كتابنه الأنجيل ..واتذكر مرة قريته ..هم سور بس هذا القران يختلف هواايه ..جامع للأنجيل بقيت يومين افكر بين المسيحية والأسلام ... شنو الفرق بينهم ..ياترى ..جان شاهين مخلي كتب بالمعرض ..اشوفه يقرا بيهم ..اني ماعندي شي علاوي وتاخذه عمتي مني جوه تلعب ويا جانن اربع كتب ..بس لفت نظري كتاب اسمه ....(العبادات في الأديان السماويه).... وجواه اليهوديه ..والمسيحيه ..والأسلام .. اخذته من باب الفضول اقرا بيه فعلا اريد اعرف شنو الفرق بينهم اخذ من وقتي هواي صرت لازمة الكتاب واهتم بيه اكثر من علي ابني والقران كول شويه افتح صفحة وابدي اقرا بيها استمريت على هاي الحالة ..لدرجة صرت اعشق قراءة القرآن وقررت استسلم..وبنفس الوقت اتحجب جنت گاعدة ع الجرباية وصافنه دخل شاهين..شايل علاوي ..هااا اشو صافنه ..شنو تفكرين بطريقة جديدة للهروب -تنهدت وجاوبته واني مدنگه ..شاهين اريد استسلم -باوع عليه مصدوم..شنوو ليكون هاي خطه من خططج العبقريه -لا والرب فعلا اريد استسلم -شي حلو وشنو الخلاج تفكرين هيج تفكير وتخطين هالخطوة -القران -مافهمت -اي جنت اشوفك تقرا قران واني صرت اقرا بيه بلاضافة ل كتبك وضحتلي هواي فروقات -وشمعنى القران انتو هم عدكم كتاب -اي صحيح بس القرءان مفصل تفصيل ..تحس انو الرب ديخاطبك الك بلآيات -يعني متأكدة من قرارج؟ -اي -مسح على راسي وابتسم ..بارك الله بيج رددي وراي ..اشهد ان لااله الا الله واشهد ان محمدا رسول الله اشهد ان لا اله الا الله وحده لاشريك له رددتهن ..گال الله يوفقج هاهيه دخلتي للأسلام -هيج بكول سهولة؟ -اي هو الأسلام حلو وسهل علمني ع الصلاة ..بهاي الفترة حسيته كولش قريب مني جان يعلمني ويسولف ويضحك واني صافنه عليه ...يمكن جان دخولي للأسلام خيرة من رب العالمين وانو بديت اتقبل وجودة بحياتي واحبه كزوج اما فاطمة ...فجانت تخلق حجج بس حتى اتعارك وياها واني ناطيتها الأذن الطرشه كول هذا الخاطر شاهين وعلاوي .. مرة جنت گاعدة بالغرفه دخل شاهين سلم وسلامة ثگيل گعدت بصفه ..هلو شاهين ..شبيك اشو وضعك معاجبني -ها لا مابيه شي بس تعبان شويه -لا بعيونك حچي گول بداعة علاوي -مو خاف تضوجين -ماعتقد اكو شي يضوجني ..ماعندي شي اخسرة بعد -لا عندج -وهو ؟ -اكو ولد اسمه ميثاق تعرفينه -اي اعرفه هذا صديق قديم من ايام الطفوله خزرني حيل ...كتله..هاي شبيك من زمان من جنت متحرره وبتركيا شي طبيعي يكونلي اصدقاء -ماعلينه هسه المهم..هذا الصديق على گولتج مسويتله وكاله عامة بكل املاكج ومخليته يسرح ويمرح بكيفه طلع ياخذ الأرباح مالت الشركة والفندق كل هاي الفترة ويخليها بالجيب والشركة هسه گاعدة ع الحديدة وفوگ هذا كله عليها ديون لأذانها،،،حجيت مصدومة -ممعقوله ميثاق ميسويهه -لايسويهه الي حچالي صديق ثقه انه خليته يراقب الوضع واذا ماتصدگين اخذج بنفسي حتى تتأكدين ها وبالمناسبة حتى تتاكدين اكثر هو وره كتل اهلج داز جماعه يكتلونهم حتى تتزوجينه ويصفاله الجو ويلهف الأكو والماكو ...بس ربج كشفه وهسه هو بالسجن ..اشتكيت عليه ..وطلعت الشرطة هم ادوره لان لازمين المجرمين ومعرضينهم للتعذيب يلا اعترفو عليه يحجي واني فاصله ..خليت ايدي على راسي يربي شديصير ويايه دخيلك شنو هالعذاب يوميه صدمة شيتحمل گلبي بقيت مصدومة واخذ نفس سريع احس اختنگت شاهين يصيح عليه ابجي لاضلين ساكته تموتين ابجي كل مرة اختنگ اكثر ..لمن ضربني شاهين راشدي حيل عبالك نايمة وفززني حضنته اشهگ وابجي ..ليش هيج الدنيا وياي تمشي عكس كول ماارتاح ترجع تضيگ خلگي ليش -مريومه حبيبتي لاتبجين كلشي يتصلح وداعتج وهذا النذل هسه يحكمونه اذا مو اعدام مؤبد ..يلا بس شوفي علاوي من سمعج تبجين گام يبرطم الخاطرة سكتي شلته وضميته الصدري ..هو بس هذا بقالي من الدنيا -شاهين يرفع حاجبه ويبتسم ..هاا چا وانه وين رحت -ضحكت عليه ..اني وين وهو شيسولف مرت سنة صار عمر علاوي سنه وتلث اشهر وفاطمه هم جابت وابنها عمره سنه سمته ابراهيم علاقتها شويه شويه بدت تتحسن وتتقبل وجودي لاني ماضايقها ابد ..ادهم خطبوله هدى بت عمه اخت همام شاهين وگف گباله وگاله اذا تريد الشيخه اخذها بس لاتتعاده وياي وتكرهني ..انته ابن عمي واحزام ضهري گلي شتريد وانه اسويه الك اهم شي ماتشيل بگلبك عليه صار جدال بينهم وتسامحو اما طيبه ..بقت بنفس البيت ويوميه جايه تبجي وتشكي من عمتها تريد تعزل وحازم وسلوى حالهم حال الغرب ابد محاولت اتقرب منهم او انضرلهم نضرت اهل العبرة 🌺من القصه ..انو مرات نمر بضروف نفقد صبرنه بيها ونجزع بس مانعرف انو وره هاي المشاكل والمحن الي نمر بيها حكمة من رب العالمين انو يخلصنه من كمين ممكن تضيع بيه حياتنه النهايه ... اتمنى كنت خفيفة ضل عليكم طول هاي الفترة وسامحوني لان شلعت گلوبكم بالنشر 😁 القصه رغم واصله 190الف مشاهده بس بالمركز الأول لحد الان وهذا بفضل الله وفضلكم ..شكرا لكل احد دخل للقصه وترك بصمته ❤️ تقبلو تحياتي اختكم ريتاج الموسوي | ||||||||
|
| |
|
27-11-20, 04:20 PM
| #23 | ||||||||||
| مشرفة منتدى الروايات والقصص المنقولةومنتدى الـروايــات الـعـربـيـةوعضو مميزفي القسم الطبي وفراشة الروايات المنقولةومشاركة بمسابقة الرد الأول ومحررة بالجريدة الأدبية 
|  | ||||||||||
|
| |
|
11-12-20, 05:06 PM
| #24 | ||||
| نجم روايتي وفراشة الروايات المنقولة 
| تسلمين  عاشت ايدج القصه فيها عبر وحكم من الحياه اهمها الصبر حتى مع الفقر العوز والحاجه تخلي الواحد يعمل الكثير ولكن لكل مشكله حل بالصبر والجهل هو العدو للانسان  وليس الفقر استمري بالكتابه ونتمى لك المزيد من التقدم والنجاح بالكثير غيرها تسلمين احلا ناقله  فيتامين سي | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
