آخر 10 مشاركات
افضل صيانة اريستون الشرقية 01210999852 صيانة غسالات اريستون الزقازيق (الكاتـب : سمرررر - )           »          اسرع صيانة وايت وستنجهاوس فيصل 01210999852 فروع صيانة تكييفات وايت وستنجهاوس فيصل (الكاتـب : سمرررر - )           »          رواية اجتياح _ نهى طلبة _ pdf (الكاتـب : MooNy87 - )           »          افضل صيانة كريازى الشرقية 01210999852 صيانة ثلاجات كريازى الزقازيق (الكاتـب : سمرررر - )           »          افضل صيانة وايت ويل الشرقية 01210999852 صيانة ثلاجات وايت ويل الزقازيق (الكاتـب : سمرررر - )           »          أنت لى وحدي ~ جين دونيللى** (الكاتـب : Just Faith - )           »          افضل صيانة جولدى الشرقية 01060037840 صيانة ثلاجات جولدى الزقازيق (الكاتـب : سمرررر - )           »          جلاب الهوى (الكاتـب : رضوى جاويش - )           »          لمس الحرائر * مميزة * (الكاتـب : كاردينيا الغوازي - )           »          تبكيك أوراق الخريف (4) *مميزة ومكتملة*.. سلسلة للعشق فصول !! (الكاتـب : blue me - )


العودة   شبكة روايتي الثقافية > قسم الروايات > منتدى الروايات والقصص المنقولة

Like Tree9Likes

إضافة رد
 
LinkBack أدوات الموضوع انواع عرض الموضوع
قديم 09-04-20, 06:20 PM   #1

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 39,164
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
Rewitysmile25 أثرني باقي ياسعود في عناي،للكاتبة/ اٌلـكوداء.






بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
اعضاء روايتي الغالين نقدم لكم رواية

(( أثرني باقي ياسعود في عناي ))

للكاتبة/ اٌلـكوداء.





قراءة ممتعة للجميع ...




التعديل الأخير تم بواسطة فيتامين سي ; 21-06-20 الساعة 06:19 AM
فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 11-04-20, 11:43 PM   #2

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 39,164
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



بسم الله الرحمن الرحيم
السلام عليكم ورحمة الله وبركاته .

نبدا بذكر الله :
(سبحانك اللهم وبحمدك اشهد ان لا اله الا انت استغفرك واتوب اليك)

لاتلهيكم الرواية عن ذكر الله وصلاواتكم فكل امر بالدنيا ملحوق الا الصلاة
لا احلل النقل الا بوضع اسمي

حسابي في الانستغرام:
( koda.3l )

.............................

(انا الكوداء ابنة الضاد وكم يسرني انني انتمي وبكل فخر للأداب للعظماء للحروف وبين الجمل والكلمات مكاني فـ مرحبا لمن اراد ان ياتي معي للتعرف على عالمي الصغير)

كم سرني في العمر انني ابنة الضاد انتمي للادباء للعظماء كم سرني ان ابدا حديثي معكم وان اشاركم عالمي الصغير المليئ بالاسرار والخبايا والاحداث والشخصيات كم سرني ان اشاركم اول كتابتي وانتصاراتي وتحدياتي قد قيل لي لماذ تكتبين هل لانك فاضيه ام ليس لديك مايشغلك؟
فكانت اجابتي ان ابدا بكتابة اول رواياتي فعز عملي واشغالي بل لا اجد الوقت لكتابة نقطه ولكن اشكر من استفزتني كتابياً لا انتج بعد ذالك اول انتصارتي
ف اهلاً وسهلاً لمن يريد ان ينضم الى عالم مخيلتي
الى عالمي الخاص الذي اجد نفسي فيه ف اقول له بكل حب وشغف انت كالمكان الذي اتيه بعد تعب لا استريح هكذا ارى الكتابه وهكذا انظر الى كتاباتي وابطالي لمن لايعرف قيمة الكتابه الكتابه عُمر اخر اماني وامنيات ملاذ ومكان روح ونفس انتمي اليها رغم الصعوبات ومتاعب الحياه الا انها حياه بحد ذاتها
....................
مقوله تُردد دائم بعقلي وفكري:
لو يجيد البُكاء الكاتب ماكتب.

______________
الساعه 12 ونصف ظهراً
سكاكا :

ينظر الى نفس الفندق اغمض عيناه لثواني وبعدها استمع الى نبرة اخيه اليائسه: مامليت تنتظر
كل سنه على هالحال وفوق ذا كله انت الظالم عندهم ياخوك العمر يمشي ماهو موقف لك

مارد وهو يركب سيارته ويأشر له يصمت:
ياهلا ومسهلا امر

نطق بنبره خاليه : ولد عمك هرب وانت المتهم الوحيد قدام عندهم بحكم صلة القرابه بينكم

مسح على وجهه بضيق: كنت متوقع يالله مسافة الطريق وانا عندكم

سحب السياره وحركها مستعجل

باهي : لا والله ماهو بصاحي مخليني كذا بنص الشارع


قبل ثلاث سنين من الان:

يستمع بكل اصغاء لاوامر رئيسه وبهدوء اجاب:
بس اليوم زواجي وانا ماخذ اجازه كيف تبوني اقطع اجازتي بنفس يوم زواجي الاقل لو يعدي اليوم بس وبعده ابشرو

رد بحزم: اليوم تتنفذ العملية واللي مو قادر يلبي اوامر دولته ينهي خدمته افضل

سكر جواله واخذ نفس عميق: يارب تعدي هاليوم على خيير
_________
ف احدى صاولين سكاكا

جالسه تنظر دورها وبالها مشغول تنظر الى هاتفها مره ومره الى البنات: متى يجي دوري اوف العروس بدت وانا للحين انتظر ياربي بس بخلص امي لوحدها

تجلس بجانبها امراه كبيره بالعمر: يابنتي استهدي بالله انتم من اهل المعرس او العروس

ردت ب ادب واحترام: هلا خاله لا والله من اهل العروس

ردت ب ابتسامه: اجل احمدي ربك يمديتس الوقت

منار بحواجب معقوده: انا ماهمني بس امي تركتها لوحدها واخواني كل واحد مشغول بشغله وابوي بالقاعه مع اخوانه لان المعرس يصير ولد عمي

هزت راسها وهي توقف : اجل بكلمهم لتس

فزت : ياعمري والله ما انساها لتس

ابتسمت وهي تصافحها: معتس صاحبة الصالون
ومن ثم ذهبت

نظرت بتعجب وهي مبتسمه: سبحان الله من يسخر عباده

بعد مرور بعض دقائق نادت اسمها


بغرفة العروس وحيث العناية الخاصه بها

تقدم لها الكوفي وبهدوء: اهدي شفيك متوتره

هبوب وملامحه مصفره ماردت وهي تناظر الكوب ب ايدينها وتصاعد البخار منه

اكملت بصوتها الهادي: الجو ماشاءالله حلو وامطار بس بارد عاد سكاكا معروف بالبرد تصدقين اول ماسكنت هينا ماكنت متقبله الجو كان يتعبني بس بعدها عرفت انه نعمه من ربي وفرق عن الرياض والمناطق الثانيه والطبيعه هينا تجنن ياحظكم يا اهل السكاكا براد ومطر

تسمع احاديثها ولا كان بالها مشغول تسمع صوتها ولكن ماتعرف وش تتحدث عنه

ناظرتها بتعب منذ ان دخلت وهي تحاول معها تتكلم معها ولا كان لا استاجابه طالعت ملامحها وذكرت ربها بداخلها ملامحها جداً رقيقه هاديه ليست جميله كجمال ملامحها ولا كان رقة ملامحها ونعومتها وجاذبيتها تجبرها تذكر ربها :

باقي يركبون لك الطرحه تبينها الحين ولا اذ خلصنا الميكب

واخيراً تكلمت : لا ابيها اخر شي وابي شعري يكون مفتوح وويفي من تحت

هزت راسها وهي توقف : اجل بنادي الهير ستايل يبدون فيك علشان اذ خلصوا ابدا فيك
رجعت تسألها: تبين اظافر تركيب ولا

هبوب بهدوء : لا

هزت راسها وهي تناديهم

بعد مرور وقت

دخلت منار بعد ترجي الميكب ارتست: تكفين ب اشوف اختي قبل لا اروح

بنهايه وافقت دخلت والبسمه معتليه وجهها:
ماشاءالله هبوب طالعه تهبليين

لفت على الميكب ارتست: ياختي الله يسعدتس يهبل شغلتس مره

ابتسمت الميكب ارتست: حبيبتي اختك حلوه

عقدت حواجبها منار وهي تشوفها ساكته وبعدها نطقت بعصبيه: هبوب ليش فاكه شعرتس تبين امي تزعل الحين

هبوب رفعت عيونها ببطى اثقل روحها:
ماحد له دخل فيني

منار ناظرتها بعصبيه: ياسلام هبوب لاتهبلين فيني

مسكتها الميكب ارتست وهي تطلعها وبنبره هاديه:
اختك فيها شي ترا من جت وهي ساكته وحزينه
وحاولت فيها اسوي بشعرها تسريحه ورفضت وانتي شايفه شعرها ماشاءالله كثير وطويل مو طول طبيعي بس شسوي حاولت فيها مارضت خليها يمكن مرتاحه كذا ولاتنسين انها عروس اكيد شايله هم

منار ماردت وهي تطلع من الصالون بعصبيه
ركبت سيارة زوجها وهي تنطق بضيق:

ياربي بس تعدي هالعرس على خيير

نطق زوجها : انتي وش فيتس كلنا ندري ان هبوب لضيف وضيف لهبوب واختس قبل كانت متقبلته وتبيه وما احد اقنع جدي فيه غيرها وانتي من اسبوع بس تهاوشين ومعصبه

منار بضيق : اوف عبدالعزيز مانت عارف شي هبوب صار لها اسبوع ماتطلع من غرفتها وفوق ذا بس تبتسي وكلما جبنا طاري العرس زعلت ضيف ماقصر ارسل لها تذاكر السفر وارسل عليها قال اذ مو راضيه تسافر عادي اكنسل وكنسل شهر العسل علشانها وهو ينتظر من زمان اجازته السنويه علشان
يسافرون البنت فجاءه انعفست وما كأن كل العايله يعرفون بحبهم لبعض


نظر اليها ومن ثم مسك كفها: مو صاير الا الخير تلقينها خايفه كلنا نعرف هبوب حساسه

هزت رأسها وهي تدعي بداخلها ان هالكلام صح


وصلت البيت خرجت من السياره وهي مستعجله نظرت الى غرفة والدتها ومن ثم ابتسمت برقه: يزهاتس العنابي ياست الكل

ابتسمت والدتها : تسلمين وين اختس ماخلصت

منار : لا تعرفين عروس وبتطول

والدتها بحزن: وكيف تخلين هبوب لحالها

منار جلست بجانبها : يمه هبوب لازم تتعود تخلص امورها بنفسها دلعتس لها خربها شوفيها عجزانه تتقبل زواجها وانها بتطلع من هالبيت لازم تعتمد على روحها شوي

اشاحت بوجهها ناحية القبله وهي تدعي بكل حب لا بنتها الصُغرى

منار بمزح: الكل خايف على نفسيتها ما كنكم زفتوني انا بعمرها ولا اصغر بعد

ابتسمت امها بمحبه: انتي فكرتس كبير وتتحملين المسؤليه واول بنت بس هي الصغيره ومدلعه من كل احد

منار : اييه الله لنا بس

ضمت كتفها بمحبه: والله يفرحني بضناتس يتمم علينا فرحتنا والله ان ضيف اجودي ربى تحت عيني

منار: امين يالغاليه

يالله انا بقوم اجهز شنطة هبوب وخالاتي بعد بيجون الحين وبناتهم وبعدها بنروح القصر وهبوب تجينا هناك

هزت راسها: اجل بقوم اجهز لبس اخوانك على ماتخلصين
منار وقفت وبعدها لفت على امها: فايز ماشفتيه

امها ضاق خاطرها: لا صار له كم يوم غايب مدري وين يروح وان جاء جاء فاقد عقله

رددت منار بضيق: يارب تستر عليه ومايفضحنا عند الناس الليله

امها : اميين يارب

_______________

بليل بالقصر :

اصوات الناس البخور لعب الاطفال صوت الاغاني

من بين هالازعاج والفرح كانت واقفه بفستانها وبراحة كفها الخاتم والمصوره قدامها تصورها
كان احساسها متوتره لابعد حد واصوات الازعاج

دخلو بنات خالاتها وخالاتها وعماتها وكل من يدخل يذكر ربه ويدعي لهم وصديقاتها اللي كانو على جنب يغنون لها ابتسمت بعز التوتر والتقطت لها الصوره المصوره بفرحه عظيمه: واخيراً ابتسمتي
ياشيخه يازين بسمتك

ضحكت هبوب : ياربي متوتره بعد

بعز فرحتهم اصدرت اصوات اطلاق النار

نطقت بربكه: شصاير

منار من غير مبالاه: عادي تلقين الرجال يطلقون ماتعرفينهم

هبوب بهمس لها: بس ضيف دايم كان يمنع الطلق وقايل ماحد يطلق بعرسي

منار وهي تهديها: عادي يابنت الحلال وبهمس شوفي البنات كيف فرحانين لتس تحمست متى تجي الزفه

بالطرف الثاني وتحديداً عند لفة الطريق :
واقف ومحاوطينه رجال الامن وقف مكانك ولا تتحرك خطوه وتخرب عرس الناس

فايز ونظراته تنتقل بشر لهم: انتم ابعدو لا ادمركم كلكم
بالقصر :
واقف عمه متوتر ويهمس لا اخوه: ولدك وينه طول
ماصارت الناس تسأل الساعه 8 ونص وماجاء

راجي بكذب :ماعليك قبل شوي يقول جاي

بدات اجوء العرس تتوتر بعد متأخر المعرس


وقف بسيارته وهو ينزل بلبسه العسكري والواقي عليه: متأكدين هذي الاستراحه

نطق احدى العساكر: نعم سيدي ومسكنا واحد منهم على الطريق وهو فاقد

اشمئزت ملامحه بقرف : اجل انتم ادخلو وانا بتوجه له

العسكري: تمام سيدي وب اعتذار : بنحاول نعجل ونمسكهم واسفين اذ عطلناك عن زواجك

ضيف بحزم: امور الدوله مافيها اعتذار نفديها بـ أرواحنا

ركب الدوريه متجه نحو زملائه وصل الموقع وهو يشوفهم محاوطين شخص
تقدم بهيبته العسكريه التفت للعسكري بجانبه:
ليش ماتمسكونه الاشكال هذي ماينفع معها اقناع

نطق بيأس: انت عارف الرئيس رافض احد منهم يتأذى يبيهم حيين بسبب المعلومات اللي عندهم واللي وصلنا انهم مو بس مروجين مخدرات وشراب الموضوع اكبر من كذا فيه خونه للوطن واذيال وهذا اولهم واهمهم وهو المحرك الاساسي لهم

ضيف زفر : لاحول ولاقوة الا بالله

بتقدم انا من وراء ونبه زملائك

اشار له بنعم وتكلم بالجهاز: انتباه الملازم ضيف بيتقدم للمتهم من الخلف اشغلوه وخلو تركيزه للامام

استودع الله نفسه ودخل من الخلف والشارع المظلم التفت لقدام وهو يشوف انوار القصر اتسم بخيبه وهو يطالع الشخص اللي قدامه وكان يتجادل مع الشرطه وهو بوضع مو صاحي انقض عليه من الخلف وكلبشه تحت تهديده وضربات منه

دفه بقرف: خذوه المركز

وبعدها وقف بتعب وهو يناظر ملامحه المشمئزه :
حسبي الله عليك خساره فيك اسمنا ضربه من فخده ب اقوا من عاده
واتجه للدوريه:
انا طالع للقصر بعد الزواج نتفاهم بالقسم

وصل القصر ب اسرع اخذ ثوبه ودخل من الباب الخلفي للقصر دخل احدى الغرف الخاصه بالمعرس لبس ثوبه الاسود وبشته الابيض (بحكم برودة الجو ) طالع نفسه بمرايه وخده فيه جرح بسبب ضربات فايز وهو يقاومه غسل وجهه وهو يطالع ارهاق ملامحه حتى حلاق ماراح له

طلع وهو يدخل القصر :

استقبلوه بترحيب حار وعرضه

طالع ساعته وهو يسمع همس باهي له: حتى بعرسة ماعندك وقت لنفسك

اشاح بوجهه وهو يجلس بعد ماسلمو عليه وصورو معه

تقدم عمه بملامح زعلانه: وقت الزفه

وقف وهو يمشي بهيبته وملامحه الجامده وعلى يمينه جده وعلى يساره ابوه وراه عمامه

دخلو غرفة العروس وارتفعت اصوات الحريم بترحيب له سلمو عليه عماته وخواته وحريم ابوه

تقدم وهو يمسك ايدينها ويبوس جبينها وبهمس : مبروك

ردت بنفس همسه: يبارك فيك

مسك كفها وبدت المصوره تاخذ لهم صور مع عمامهم وعماتهم يسمع همس عمامه يوصونه عليها وابوها لازال صامت

فضت الغرفه الا منهم ومن احساسه البارد تجاهها

نطقت المصوره: با اخذ لكم صور خاصه

اردف بحزم: مانبي صور ولف عليها: تغطي بنطلع

ماعارضته وهي تنادي لمنار تساعدها

منار دخلت وهي تطالع له جالس على الكرسي وانظاره على ساعته وجواله : ليش تكسر بخاطر هبوب كل اثنين لازم يصورون هذي ليلة عمر

نطقت المصوره بيأس: من اليوم اقنع فيه مو راضي يقتنع

ضيف وقف وهو يلتفت لهبوب: نمشي

هزت براسها وشفاتها ترجف بقهر وخوف
مسك كفها وهو يمشي وقبل لايطلع
التفت على منار وبنبره متعاليه: امثالي مايصورون صور سخيفه وتافه ونهايتها تنرمي وتحترق انا لابغيت لنا ذكرى بهاليوم فهي بترسخ براس وقلب هبوب ويكون لها قدر مو نفس الباقي صور ومياعه

اعطاها ظهره وطلع

تممتت من خلفه بكلام ماسمعه غير المصوره اللي ماتت ضحك: ههههههههههههههه شكل معرسكم ثقيل

منار بقهر: مالت عليه طول عمره يشوف نفسه فوق الكل من زينه

المصوره: بحق تراه ازينكم صدق ملامحه عاديه بس لون عيونه ورزته تكفي تحسينه يخوف حتى لو مانتي مسويه شي

منار وهي تجمع اغراض هبوب: ايه امه لبنانيه بس هو ورث عيونها اما اخوه الثاني عكسه بس هو دخل العسكريه من يومه صغير علشان كذا انقلب لونه ولا قبل كان يلق لق

المصوره بمحبه: الله يتمم لهم على خير لايقين على بعض

منار : امين يارب

_____

بالفندق

وصلو لحالهم نزل وساعدها بنزول لازال شاد على كفها دخلو الجناح وهمس لها: ممكن اكون تصرفت غلط بس صدقيني انه اسعد يوم بحياتي

هبوب بملامح هاديه رفعت نظرها له:
توقعتك تكون ارق من كذا بس مافي فايده
ابعدت كفها عن يده ورفعتها : علمت عليها

مارد وهو ينزل بشته: مانتبهت

بدلي وتعالي نصلي

هزت راسها بخيبه وهي تدخل لداخل الغرفه وتسكرها غيرت لبسها على السريع ولبست بجامه ناعمه طالعت ملامحها خففت مكياجها وضبطت شعرها ورفعته ومن ثم طلعت له

وقف وهو يجيب السجاده

وبدا يصلي وهي وراه خلصو وبعدها وقف وهو يمسك ايدينها ويجلسها بجنبه طلع دبله من جيبه وهو يهمس : عاداتنا ماتسمح لي البستس خاتمس بيوم ملكتنا علشان كذا صممت لنا دبله ثانيه البسها لتس بيوم زواجنا مسك يدينها وهو يطلع الخاتم الاول ويدخل الثاني وبعدها عطاها خاتمه وهو يمد لها ايديه لبسته وايدينها ترجف
باس راسها وهو يردف : عز الله صبرت ونلت ياضيف
وعدى يومهم بمحبه وسلام
________
الصباح صحاه ضرب الباب بقو استعدل بجلسته وهو بعادته ماينام كثير وخاصه انه راح المركز ورجع وهبوب للحين نايمه

اتجه لغرفة نومهم وهو يسكرها وطلع للصاله فتح الباب وملامحه هاديه وبدلته عليه: يالله صباح خير

دفو الباب عمامه واولهم اخوانها وابوها وجده
: وش فيكم

كزه بعصاته جده: انت ماسك ولد عمك يالخسيس

ضيف نزل عصاه عن كتفه : ولد عمي راع خراب ويستاهل ماجاه

نطق عمه بقهر: علشان كذا جاينا متأخر امس والحين طالع للشغلك وناسي انك معرس

ضيف تكتف وهو يسكر الباب ويشوفوهم جلسو على الكنب وملامحهم قاسيه: شغلي انتم عارفينه
وولدك غلط ولازم يتحاسب واذ ماكان عندكم علم ولدك ارهابي جاسوس فكره ملوث ومن زمان كنت ناقد عليه وكلما انبهكم ماحد يسمعني لين ماربي سخرني ومسكته

جده: يطلع ياضيف ولا

ضيف بعصبيه: مايطلع تفهمون انتم ولدكم ارهابي

وقف عمه :طلع ولدي ولا مالك مره


انتظر توقعاتكم وردودكم سيتم تنزيل بعض الاجزاء ب الانستغرام وهـنا


زهره ابي likes this.

فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 11-04-20, 11:44 PM   #3

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 39,164
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



السلام عليكم

بدايه راااائعه اتمنى تكمليها

ضيف معه حق وهذا عمله اللي أدى قسمه

وهو ماقصر نبهم وقال لهم على سلوك ولدهم وهم تركوه

مالهم حق يلومون ضيف والا ياخذون زوجته منه بسبب فايز

منتظرين باقي الأحداث



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 18-04-20, 03:59 PM   #4

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 39,164
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت الثاني:

| ضاع عمر .. وراح حلم .. ومات غالي
‏شاللي باقي في حياتي ما خسرته ؟|


مركز سكاكا واقف بصمت يستمع لحديث رئيسه سابقاً:

كيف انحاش وحنا حاطين فوق عشرين عسكري عليه من كل الجهات والسجن ب ابعد منطقه كيف قدر

مركز عيونه بفراغ صامت وبعدها نطق:

دامك مو قادر تدير سجنك ليش تتهمني
اني ممكن اكون هربته
ضرب ايده بقوه على الطاوله: قلت انقل وقدمت نقل لرياض انتقلت ونقلت اهلي معي والحين جايبني وبكل ظلم تتهمني ممكن اهرب شخص مثل ذا بحجة انه ولد عمي لاترمي اهمالك علي
لو بدافع عنه كان مامسكته فاهم مامسكته

رئيسه بنفس الغضب: وش جايبك سكاكا دامك مو مهربه وبنفس اليوم بعد

نطق بغيض: لاتنسى اني صرت اعلى منك رتبه

اعطاه ظهره وقبل لايطلع نطق بصوت مقهور:
بقدم فيك بلاغ

نطق ب استفزاز: اعلى مابخيلك اركبه

طلع من مركزه القديم وصدره ضايق نطقها بكل وجع: عسى ربي ياخذ حقي منك يافايز

ارسل لباهي يتجهز ويطلعون الرياض
________

المانيا وتحديداً ميونخ :

جالسه تناظر الماره من شرفتها وقدامها اخر بقايا حبه البوم صورهم وخاتمه اللي رماه عليها قبل لا تروح مع ابوها تنهدت بيأس وشعور الخذلان والخيبه مسيطر عليها

نطق اخوها اللي كان جاي : كل شي سويناه لتس وبالاخير اجي القاتس سرحانه بفكرتس معه

نطقت ببحه: لاتلومني خذلته احس للحين نظراته مافارقت بالي

جلس قبالها: انا وقتها ماتكلمت بس كل اللي صار ظلم بحقه رفع عيونه لها وبحقتس حتى انتي انظلمتي مو بس هو

بلعت غصتها وبحزن: بس ليش يطلقني ليش يعطي الفرصه لابوي انه يزوجني غيره

ابتسم اخوها : لهدرجه ماتبين غيره

نطقت بخيبه: الاقل اوفي له وما أخذ غيره

مسحت على بطنها بوجع وبعدها وقفت :
انا طالعه انام

اخوها: ومحاضراتك هبوب لاتتكاسلين مابقى لك الا سنه ونرجع لاهلنا

هبوب بوجع: اهلك مو بـ اهلي

وقف : اللي خلاتس توقفين معنا هو نفسه اللي بيخليتس ترجعين لهم

هبوب طنشت وهي تدخل جناحها نزلت الروب القطني ونزلت الالبوم وخاتمه على الطاوله مسحت على وجهها بضيق امتلئ بصدرها ونبرة ضيف عالقه براسها:
اعتقيني منهم وعدي الصحيح انتي
الوحيده اللي شفتي حالة اخوتس

مسحت دموعي بضيق وانا مو عارفه كيف ارجع لاهلي بعد اللي صار وكلما قربت مدة رجعتي كلما كرهت نفسي اكثر واكثر

____
الريـاض :
الساعة8 بليل
في بيت متوسط يضم عائلة الراجي :

لابس نظراته وماسك الكتاب يقراء رد ببرود:

لا ضيف مايرضى

ناظرته بقهر: يبه وش دخلني بضيف انا حلوه هذي
انا بروح يعني بروح حتى وهو مسافر يتحكم فينا

نزل نظارته: بسيل اعقلي واصعدي لغرفتس

بسيييل بعتب: بروح دامك راضي وهو مالي دخل مو كافي خرب علاقتنا مع عمامي وبنات خالتي

اخذ نفس وهو يردد: اخر مره يابسيل مو تطولين وخوذي معتس خواتس

بسييل اتسعت ابتسامتها: ابشر بس بطلب مرسول عيالك كل واحد مكان ماصدقو ضيف يسافر

هز راسه : اهم شي ترجعون بدري

وقفت بفرحه وهي تركض لفوق تنادي خواتها

طلعت ام همام: يابو ضيف هذول بنات لاترخي لهم الحبل وتشجعهم على انهم يرفضون لاخوهم طلب

ابو ضيف رفع ايده بمعنى تسكت: بناتي وكيفي
وبتسأول: ام رنوه وينها

ام همام بضيق: بغرفتها تعبانه

وقف وهو ينطق: اجل بروح اشوفها

ناظرته وهو طالع عفست ملامحها بضيق وهي مودها بنتها تروح مع بنات جارتها بسبب تمرد بسيل وطولة لسانها واسلوبها اللي ينرفز وبنتها باديه تتأثر فيها

نزلو ورا بعض ومعهم نورسين

وقفتهم وهي عاقده حواجبها وبعتب: رايحين عرس انتم ارجعو غيروا عبايتكم وعدلو نقابتكم وش هالمسكرا والكحل

زفرت بسيل: انتي وش دخلك كلامك يمشي على بنتك بس مو علينا فاهمه

ضحكت بسخريه: ما اشره عليتس لو فيتس خير احترمتيني طالعت بنتها بعتب: اطلعي فوق مافي روحه

نورسين بزعل:اصلا مابي اروح

طلعت الدرج بزعل
ناظرتهم ام همام: لو فيكم وحده تخاف ربها ماطلعت بهالشكل بس ماكملت كلامها الا وضيف داخل وعصبيته واصله الف :

مين التسلبه اللي داقه على مرسول

بسيل تأففت: انا وش عندك بعد

ضيف : وتقولينها قدامي تسذا

بسيل بسخريه: يعني كيف تبيني اقولها لك

ضيف خذا الفازه اللي مقابله المدخل وضربها بالوسط بينها وبينه: طسي عن وجهي لا اخليتس مثل هالقزاز المتناثر فاهمه

بسيل غمضت عيونها تهدي نفسها وبمرادد:
لا والله فوق مانت حارمنا من كل شي تبيني اطس بالوقت اللي تبيه واجلس بالوقت اللي تبيه هذا الناقص بعد رفعت ايدينها وهي تنطق ب استفزاز:
يالله ترزق هبوب اللي ابرك منك

ناظرها بتعجب وعيونه قلبت حمراء :

انقلعي عن وجهي ولا اقسم بالله لا ادفنتس انقلعي

نزل ابوهم وامها اللي نطقت: وش مسويه بعد

بسيل رجعت لورا وهي تشوف وجهه مايبشر بالخير: ماسويت شي ابوي قالي روحي واستأذنت منه بس المعقد وصل وانتم عارفين الباقي

راجي وعيونه على ضيف اللي واضح معصب من عيونه ومسكته لا ايدينه لايضربها:
كم مره اقولك بناتي لاتتدخل فيهم

ضيف رفع ايدينه ومسح على وجهه :
وانا اخوهم الكبير وبحسبة ابوهم ماتشوف العبايات كيف صايره والكحل والعطر كلن يشمه وفوق هذ طالبه مرسول ليه وين عيالك

نطقت ام رنوه: ماعليه ياضيف امسحها بوجهي وهذي اخر مره طالعت ببسيل لان بناتها طلعو فوق من دخل معصب : وانتي كم مره اقولتس اخوتس الكبير ماتقلين ادبتس معه كم مره ماتفهمين

راجي مسك ايدينها: امشي ماعليتس منه

طارت عيون ضيف: يبه

راجي وبتصرف غاضب رمى عليه العقال :
مالك دخل بهالبيت ماتفهم انت كم مره اقولك لاتتدخل فيهم مو كافي اخواني اللي سكروا بيبانهم بوجهي مو مكفيك طلعتني من سكاكا وجبتيني للرياض متى تفكنا من شرك ياضيف متى

ضيف طالعه وابتسم بقهر اخذ العقال ورجعه على راس ابوه وباسه: اسف ان لحقك مني اذى
وانا طالع الحين وخل البيت لا اهله

عطاهم ظهره وطلع

تنفس بغيض وجلس على عتبات الدرج هذا مو ضيف مو ضيف اللي يكون بالانهزاميه رفع عيونه بعصبيه: انتي واقفه انقلعي لغرفتس

طالع حريمه اللي توجهو للمطبخ :

سكرت الباب ام همام وهي تجلس على الكرسي: انا مدري متى المسكين يرتاح كلمن جاء حط همه عليه
ام رنوه جلست مقابلها: بسيل تعبت منها مو راضيه تتقبله

مدت ايدينها وهي تمسح عليها: ماعليه بكره تكبر وتعقل

ام رنوه دمعة عيونها: عمرها 24 وللحين مناشبه له وتشيش ابوها عليه

بكت بوجع لانها الوحيده اللي عاشت معناة ضيف وباهي بس باهي كان دايم بحضن ضيف كان الامان بالنسبه له توفت امهم وهم صغار ربتهم وبالاصح رباها ضيف لانه كان عمره 6 سنين وقتها وكبير
علمها اشياء كثير وياما غطا عليها عند ابوه وياما وقف معها حتى بزواج ابوه الثاني زعل عليه بس بسيل من بدت تفهم وهي تغار منه ومن قربه لاابوه لين ماقدرت تغير تفكير ابوها من ناحيته

ضمتها ام همام وهي تربت على كتفها: استهدي بالله ضيف انتي ربتيه ماراح ينساك بيرجع لتس صدقيني وماعمرتس هنتي عليه

دخل باهي المطبخ وملامحه مصفره: وين ضيف

ناظرهم ب استغراب: صاير شي شفيكم تبتسون

ابعدت ام رنوه وهي ترد عليه: ضيف طلع من البيت

عض شفته بضيق: وش صار بعد

ام همام : تهاوش هو وابوه

باهي بقهر: لايكون علشان التوصيل ترا اللي جايكم كان واحد من اعداء ضيف وجلس يستفزه علشان تسذا ضيف عصب لان له سوابق

ام رنوه هزت راسها : كنت عارفه ضيف مايعصب لاي شي

باهي ب استعجال: بروح ادوره

والتفت لا ام همام: خاله قولي لهمام يتجهز بنطلع الثمامه الفجر

ام همام : ابشر

طلع وهو مستعجل شاف ابوه جالس على الكرسي:
داخل على كفار ورا ماتسلم
باهي بهدوء: سلام

حب راس ابوه جاء بيطلع ومسك ايده: شوف وين ضيف وطمني عليه بس لاتقول اني سألت عنه

ابتسم : طيب دامك تغليه ليش توقف مع بسيل ضده

ابوه بهمس: علشان بسيل بنت وقلبها ضعيف مابي اكسرها قدام احد حتى اخوانها وادري انها على خطاء بس الخطاء اني ابين لها ان ضيف اقوى منها ومعه حق ضيف رجال وقلبه قوي قايد سريه ولا يهاب شي بس بسيل ماشافت من الدنيا شي ولا ابي له كلمه عليها وابيه يتعود يكون حنون مع اخواته

نطق باهي بضيق: مافي احن من قلب ضيف طول عمره شايل همنا يوم كنت مدرستك برا سكاكا كان يسهر على راحتنا وكان لنا كل شي وبنهايه هو ماعمره حتى مد يده عليها وهي لسانها وش طوله
حتى سالفة هبوب للحين تعايره فيه ومع ذالك ماسك نفسه عنها وصدقني لو بمكانها بوريها شغلها بس قلبه طيب ولا ماكانت رنوه بهالحال وانت ادرى

طلع متجاهل كلام ابوه وندائته دايم ينقهر لاوقفو كلهم ضد اخوه ليش ماهم قادرين يشوفون طيبة قلبه ليش ماهم يشوفون الجانب الزين منه الكل يخطي مو بس ضيف وهذا ضيف مااخطاء بس انه حقق العداله صار ظالم وصار قاطع والكل يلومه انه ترك بنت عمه بصباحيتها ليش ماقالو هي تركته ياما سمع وطنش وياما ذاق الويل ولا اشتكى

مسح وجهه بضيق وهو يتصل عليه للمره العاشره وجواله مغلق : اوف وين احصلك الحين

ركب سيارته وبدا يتصل على اصدقاء ضيف واحد واحد يسألهم عنه

اما ضيف دق على خالته وبهدوء: خاله ممكن تطلعين لي بدلتي داخل مجلس الرجال ومسدسي فوق الكبت تحت الشنطة انا عند الباب الخلفي

سكرت ام رنوه وهي تتجه للمجلس اخذت بدلته وطلعت مسدسه طالعت رنوه جايه وراها:
رنوه يمه جيبي جزمات اخوتس (اكرمكم الله)

رنوه : ابشري اخذتهم ومشت ورا امها

دخل ضيف ابتسم وهو يحب راسها: ما انسى جميلتس يالغاليه

ابتسمت وعيونها مدمعه: ماعليه يامي سامحني ماعرفت اربي بسيل

ضمها وهو يهديها وبمزح: افا هذاتس ربيتينا احسن تربية شوفي الكل يمدحنا مسك اصابعها ترا مالتس بس بنات لتس ضيف وباهي عيالتس وبسيل بزر للحين ماطلع قلبها وبكون سفيه لو زعلت عليها او شلت بقلبي

ابتسمت رنوه ومسحت دموعها: الله لايحرمنا منك
ابعد وهو مبتسم رغم الوجع اللي بصدره : امين

يالله انا عندي استلام لين باتسر

نطقت ام رنوه : تتغدا عندنا

ضيف اخذ نفس بهدوء:لا يمكن ولاتنتظريني يمكن اجر شقه اجلس فيها
ام رنوه بجزع: تعوذ من ابليس ومن يبقى عندنا لارحت ماحد يعرف لابوك غيرك تبي من همام ولا سلطان ينتبهون له وباهي دايم معك اذ طلعت ماراح يجلس بالبيت

ضيف وهو يبلس جزمته: يحلها الف حلال وقتها يالله استودعتكم الله وانتبهو على البنات وابوي
واذ صار شي ارسلو لي

اقفى وهو شايل لبسه ركب السياره وهو يبدل ثبت سلاحه على خصره شغل السياره نزل جواله وهو يتجه للمركز

____________

سكاكا :
مجتمعين حولها يهدونها ووجيهم مسوده
صرخت بنحيب موجع :
اخذ بنتي اخذها يويلكم من الله يويلكم وش سويت يايبه وش سويت

التقي بكم يوم الاثنين




فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 18-04-20, 04:02 PM   #5

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 39,164
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت الثالث


بـ ارجاء المركز واقف تثاقل على نفسه وهو ينطق بنبره عاليه ومهيبه: الدوره بتبدا بداية الشهر الجاي
ارسلو خبر للمتقدمين بتكون لمدة اربع الشهور اشار على زملائه بكون انا الرئيس وزملائنا مقرن وسطام مشرفين جهزوا مكان الدوره واحرصوا على تنظيف المكان واستعدو

نطقوا بصوت واحد: حاضر سيدي

رفع ايده وضرب لهم التحية وبعده اشار لهم يخرجون من الساحه الكبير

طلع مقرن وبقى سطام وجهه انظاره لـ ضيف :
صاير فيك شي وقفتك مهزوزه

ضيـف اشار بصمت لا
سطام سحب الكرسي : اجلس
ضيف نفذ كلامه
سطام وبنبره عصبيه: لاترهق نفسك ليش تقدم على هالدوره وانت خلاص نقلت للاستخبارات

ضيف بنبره حاده: مكاني مو استخبارات انا تدربت وتعودت على القوات الخاصة وغيرت قسمي بسبب رئيسي بس ولا الاستخبارات ماودي فيها وشغله تحتاج احط اهلي ورا ظهري بسس

قاطعه وهو ينطق بحده: تحط الدنيا كلها ورا ظهرك دامك واقف على هالارض فاهم الدوره بتتعبك زياده وغير الاعداد الكثيره اللي بتجلس تدربهم

ضيف زفر بضيق: سطام وش تبي
سطام : تدري اليوم وصلنا بلاغ
ضيف : وشو بلاغه
سطام سكت بعد ماشاف النقيب جاء وقف بسرعه وهو يضرب له التحيه
ضيف تكاسل يقوم طقها وهو جالس بس ماحس نفسه الا منقلب مع الكرسي

اردف بحده : لاجاك اصغر عسكري توقف له وتطق له التحية

ضيف وعيونه بدت تضيق وحمرت : ابشر طال عمرك

طالع لسطام وبعدها اردف: سطام رح اشرف على الاتصالات مع مقرن

سطام: ابشر
لف على ضيف اللي مازال مو ثابت على وقفته عقد حواجبه: اعتدل بوقفت

ضيف : اصابتي الاخيره سبب لي وجع برجلي علشان كذ مو قادر اوقف ساعه كامله

النقيب: تعال مكتبي وخل اعذارك لبعدين

بالمكتب
فتح البلاغ وبدا يقراه تحت مسامع ضيف اللي كلما له ويزيد بضغطه عاى كفوفه

النقيب: بينك وبين رئيسك شي؟

ضيف جلس وبدا يسرد له القضيه كامله

النقيب بتحذير: لاجاني امر اسلمك للنيابة راح اسلمك لهم جهز حالك وخلك مستعد

ضيف وقف وملامحه بدت تشتد: يصير خير

النقيب: والحين تفضل اعفيك من استلام اليوم

ضيف : طيب

ركب سيارته واتصل على باهي: باهي
باهي : انت وينك ساعه وانا ادورك عوذا ياخي لاتزعل مره ثانيه

قاطعه بصوت مخنوق: شقتك اللي بالعليا فاضية

باهي : ضيف وش فيه صوتك صاير لك شي
ضيف : انا سألت جاوبني بسرعه

باهي : اذكر انها فاضيه ماحد استأجرها مني هالشهر

ضيف : المفاتيح اللي بسيارتي للشقه
باهي: ايه

سكر الجوال وحذفه على المرتبه اللي بجنبه وحرك للبر

_________

سكاكا

جالس عند راسها بعد ماهدت: منور اهدي

منار ب الم: راحت بنتي راحت وانت تبيني اهدا خذها قدام عيني وانا موصيه ابوي ما يطلع له بنتي

زوجها بضيق: انا بلغت كل مراكز امن الطرق والشرطه

منار ببكى: هو انحاش من سجن سكاكا مو بعيده عليه يهربها بدم بارد هذا مايوقفه شي انت شفت شكله لمن جاء كيف يخوف لحيته واصله صدره
انا مدري ليش ابوي للحين واثق فيه حتى بعد ماسرق البنت يقول يمكن يلاعبها ويرجعها

عبدالعزيز : بدق على ضيف ابلغه

منار فزت بخوف: لا لا الا ضيف الله يخليك الا ضيف لايدري لايدري

ضمها وهو متضايق: ليش مايدري لازم

قاطعته وهي تشد عليه: مابيه يدري ما ابيه حتى هبوب لاحد يعلمها

عبدالعزيز: لازم تدري هبوب ماتدرين لو يسافر لها ويذبحها هذا مريض وافكاره ملوثه

سكت من دخل عمه : سمعتك مايحتاج تسكت

عبدالعزيز بشوية غضب: وانا صادق فرقتو عوايلنا علشان هالخسيس وبالاخير سرق بنتنا وانحاش

عمه بسخريه: لو تحبها ماكان جلست هينا وخليتها معه

عبدالعزيز اخذ شماغه والتفت على منار: بتجين حياتس الله واذ بتجلسين الله معتس

وقفت بتعب: بروح معك

عبدالعزيز : انا بالسياره

مسك كفها : يابنتي اسمعيني انا قاطعته بحزن: خلاص يبه اللي صار صار ماقصرت

وخرت عنه وطلعت لعبدالعزيز

مسح وجهه بكفه ماكان يبي فايز يتمادى ويخطف البنت هو جابها له علشان يتعرف عليها بس ويسلم عليها مايدري كيف تغافله وطلع فيها

_______________

بـ المانيا

دخلت الجامعه بكامل حشمتها دخلت القاعه الخاليه الا من صديقتها الكويتية: هلا هلا بهبوب صباحج ورد وفل وياسمين

ابتسمت هبوب: صباح النور شعندتس جايه بدري

هيا: والله فاضيه واخوي عنده اشغال قلت وصلني هينا وخلص شغلك

هبوب بهدوء جلست : زين

هيا بتلميح: ترا اخوي مره يمدحج

قاطعتها بجدية: هيا اظن خلصنا من هالموضوع

هيا بضيق: وليش حرام عليج صار له سنتين وهو يحاول يقنعج ماصارت قلنا ثقيله بس مو لهدرجه اخوي دكتور وشاطر ويعرف شبر شبر بـالمانيا وفوق هذا عنده تجارته الخاصه بالكويت وش اللي مو عاجبج فيه علميني سبب واحد بس

هبوب حمر وجهها ورفعت كفها قبالها : انا متزوجه ماتشوفين الدبله ب ايدي

هيا انصعقت : وشو وتوج تقولين لي

هبوب بجدية: ما سألتيني علشان اجاوبج هو عسكري علشان كذا جايه البعثة مع اخوي

هيا ضاقت فيها الوسيعه: طيب ياهبوب طيب

وقامت طلعت من القاعه

ما اعطت الموضوع اهميه طلعت كتبها ودفترها

وبدت تراجع للمحاضره :

دخلو الطلاب وثواني وبدا الدكتور يشرح

عدلت نظرتها متجاهله بذالك هيا اللي منذُ ان دخلت وهي تحدق بها

____________

بـعد مرور يوم هادي
الريـاض الساعه السادسه صباحاً

واقف قدام الباب فتح الشقه وهو عاقد حواجبه سكر البـاب وقفله اتجهه لغرفة النوم وقف مستنكر وهو يشوف بنت نايمه بالشقه رجع على الخلف وهو مازال عاقد حواجبه طلع على طول وهو معصب دق على باهي

باهي وصوته كله نوم: نعم وش صاير بعد

ضيف بغضب: من البنت اللي بالشقه

باهي ب استغراب: بنت اي بنت والله مأجرت الشقه ودايم اجرها على عوايل

ضيف : تعال تصرف مع هالبلوه اللي داخل

باهي / تمام مسافة الطريق

ضيف نزل وركب سيارته ارسل لابوه انه متجهه للدمام


بعد مرور وقت

وقف عند نقطة التفتيش : اسمك

ضيف طلع له البطاقه/ سم

طالعه العسكري بـ استنكار: ملازم اول

ضيف: ايه نعم

العسكري: نزل قرار بالقبض عليك
بنفس المنطقه الرياض:

بسيل بملل: عندي دوام

امها: وش دوامه الساعه6 جامعه وخلصتيها
بسيل : يماااه
امها بعصبيه: انقلعي عن وجهي يابسيل

دخلت رنوه ب استعجال: ماما انا بطلع المدرسه تبين شي ناقصك شي
امها ب ابتسامه: الله يوفقك حبيبتي ابي سلامتس
طالعتهم بسيل بغيض وطلعت

تحت ام مهام جهزت الفطور على الارض:
جلسو ايار ونورسين وعيونهم فيها نوم

ام همام بصراخ : سلطان اخلص علي قوم

نزل ابو ضيف : ماصحى سلطان

ام همام بقهر: لا من خمس وانا فوق راسه ماقعد

ابو ضيف بصرخه: سلطان

فز من نومته وطلع : سم سم يالغالي

ام همام طالعته بقهر: الحين من خمس وانا فوق راسك وابوك من صرخه فزيت

ابو ضيف : تجهز يلا وصل خواتك وبعدها رح لدوامك

سلطان : ابشر

جلس على الفطور وبدا يفطر مع بناته

ايار : يبه

ابو ضيف: سمي

ايار: يبه ممكن اخذ عشره اليوم البنات مسوين عزيمه

ابو ضيف نزل نظارته وطالعها : بس اليووم فاهمه

ايار ب ابتسامه: ابشر

طلع عشرين مد لها عشره ولنورسين عشره

تغيرت ملامح ايار بضيق

لاحظ تغير ملامحها نطق بحياديه: وش عند وجهتس يعطي الوان مو عاجبتس العشره

ايار بهدوء : لا عاجبتني كثر الله خيرك

اما نورسين نطقت بخجل وعيونها بالارض: مشكور بابا

ابتسم لها وهو يضمها من كتفها: العفو يابابا

طالعتهم بغيره

دخل سلطان : يلا بنات تأخرت على المدرسه
التفت ابو ضيف لنورسين وهمس لها: على اساس انه مهتم

ضحكت نورسين: هههههههههههههههه

وقفت ايار بعجله لبست عباتها وهي تنطق: يالله اخلصي

وقفت نورسين وهي تلبس عباتها شالت شنطتها وطلعو مع سلطان :

دخلت رنوه وهي تحب راس ابوها: دعواتك

ابتسم بحب لها: موفقه ياعين ابوك

جت ام رنوه ومعها ام همام :
جلسو يفطرون

نطقت ام همام: ماعندك دوام

ابو ضيف: فيه دوام بس بـ اروح متأخر

ام رنوه : ابو ضيف ترا باهي عازم صديقه على الغداء

ابو ضيف : على خير ان شاءالله والتفت على ام همام : وين همام

ام همام بهدوء: طالع مع باهي للبر

ابو ضيف وقف: اذ جاء خليه يمر علي بالمدرسه ابيه ضروري

ام همام : ان شاءالله

عند الشقه واقفين باهي وهمام بتوتر:

طق انت الباب

باهي ووجهه قالب: مالي دخل انت كفو طق الباب

همام : سلامات تبيها تطيح براسي

باهي وهو يضرب كتفه: يالله انا مسكين ماعندي ام وانت

همام قاطعه: انت كلما رفضت عدت علي هالموال

باهي وهو يحب راسه: الله يخليك انت

مايمدي يتشاورون الا ينفتح الباب والبنت قبالهم تخصرت : منو

باهي وهمام بصوت واحد: انتي اللي منو

البنت بصراخ: الحقققونيييي حرامييييه بيخطفوني ياناااااسسسسس

الى هنا نلتقي الاثنين القادم ب اذن الله



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 20-04-20, 07:03 PM   #6

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 39,164
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي






البارت الرابع


كل ما ولّيت
‏ظهري لـ الحنين
‏تسحب الذكرى طرف ثوب الشعور


______

بـ المانيا :

فتحت جوالها دخلت تويتر وهي تشوف الاخبار بغير مبالاه اهتزت شفايفها وهي تقرا الخبر تسارعت نبضات قلبها بخوف من القادم وبصرخه: ضاري ضاااااااريييي

طلع من غرفته / وش فيتس ليش تصارخين

هبوب والحتسي ضاع منها : فايز هرب

ضاري اخذ نفس: ايه دريت من ابوي

هبوب وملامحها بردت:وش السوات وين اروح

ضاري : يابنت انتي شبلاتس مايقدر يطلع من السعوديه اصلاً تلقيناه متغيب ب حدا المزراع مستحيل يطلع

هبوب والخواف راودها: ضيف وش بيصير عليه

ضاري : انتي يوم خفتي ماخفتي الا على ضيف

طنشته وهي تشغل نفسها بكتبها

طالعها بملل: انا طالع لا تزعجيني

هبوب من غير لاتطالع له : الله معك

_____
الرياض :

صوت العميد مرتفع : ضيف الراجي

ضيف : سم

العميد وهو يتنفس بغيض: اطلع لكن ما تترقى ولا تمارس وظيفتك الا لمن تجيب لي فايز فاهم معك مهلة اربع شهور

ضيف وملامح الضيق توالت على ملامحه:
واذا انتهت هالمهله

العميد: السجن مشرع لك

ضيف نزل طاقيته على الطاوله : وانا قد هالمهمه

وطلع والهيبه مرسومه بملامحه وجسده

نطق العميد ب ابتسامه: هذي الهقوه

نطق صاحبه: عندك كل الادله اللي تبرأ ضيف من هالتهمه ليش ماتفكه
العميد بصوت واثق: ضيف لاحط شي براسه يجيبه يعني يجيبه مثل ماجاب فايز بالمره الاولى ممكن ما اكون مطلع على كل حياته العسكرية بس كلما سألت عنه عميد ولا نقيب قال : امن ولاتشيل هم دام ضيف معك بالمركز والا الان مدري كيف فرط فيه رئيسه السابق

العسكري الاخر بتعجب: اول مره اشوفك بهالثقه والفخر

ابتسم والمخططات براسه تكبر تجاه ضيف

ضييف ركب سيارته وملامح الحياه تسوات بعينه فايز لاحقه بكل مكان كلما اسدل ستار الماضي بواقعه رجع فايز وفتح هالستار مو كافي احراجه من هالاسم الكل درى انه يقرب له والكل بدا يقارن بينهم
مسح على وجهه وذكرياته تحاصره بزمان فات وولى

اتجهه لبيت ابوه بعد ما ارسلت له خالته انه يجي ضروري

بعد دقايق

وصل ونزل وهو مستغرب يشوف سيارات مجتمع حوالين بيتهم: اللهم اجعله خير

دخل المجلس وهو يلقي السلام

وقفوا له وردوا السلام عليه

طالع فيهم وهالوجيه مو غريبه عليه هالوجيه نفسها اللي انهت احلامه وحكمت عليه بالغربه وهو بوسط اهله هم نفسهم اللي تعالو عليه وطردوه ابتسم بتعجب وجاينه لين بيته وبنبره عاليه:

حياكم الله وش جايبكم من اقصى الشمال
عسى الموضوع مافي فزعه لولدكم الخاين

نطق جده وتجاعيد الزمن زادت فيه: جابنا شوقنا لكم مسك يد ولده: نبي ابو ضيف يرجع لسكاكا بيتكم يشكي غيابكم

اجاب وهو يجلس بصدر المجلس :

هالموضوع تسكر من سنين رجعه لذيك الديار تنسونها من بغانا لقانا بالرياض هذا بيتنا وهذا مربانا من اول

طنش نظراتهم وهو يطالع سلطان: قهوهم

نطق عمه الثاني بتوودد: استهدي بالله ياضيف وش فيك متحامل علينا حنا نبي جمعتكم

ضيف عقد حواجبه: الكلام باللي فات نقصان عقل
وهذي سوايا كلامكم ولا تحسبونا مثل اللي ترضونه بكلمتين ويجيكم من اقصاه حنا غيير ماقطعنا وصلكم كل عيد نوقف على بيبانكم انا وبوي واخواني بس انتم من بديتوا وقفلتوا البيبان بوجيهنا بس حنا مو مثلكم متى ماجيتو حياكم الله البيت مشرع لكم ونشيلكم بعيوننا وغير هذي ماعندي

نطق جده بقهر وهو يضرب بالعصا : تكلم ياراجي عاجبك حتسي ولدك

راجي وهو يطالع لضيف وبنظره : ايه نعم عاجبني

وماحد تأذى من هالجفا غير هالضيف حملتوه كل شي من يومه صغير وسكت وتحاملت على نفسي وصبرت للحين ما انسى كيف كنت تفشله قدام الرجاجيل وكنت اتصبر واسكت علشان خاطرك بس هالحين لا والف لا الباب اللي بيجب لعيالي مصايب وبلاوي وتهم زور نسكره ونرتاح ومثل ماقال ضيف لكم منا الوصل لو انتم ب ابعد ديار

وفايز اللي ماصدقتو فيه هذا هو خطف بنت اخته وانحاش والله يعلم وش بيسوي بهالصغيره وبزعل: بنت اخوي يجيها بنت وانا اخر من يعلم كتمتو على الموضوع كاننا اغراب عنكم

رجفه سرت بكامل جسده والنار بقلبه اشتعلت وهو يسمع تبريراتهم واعذارهم حاول قد مايقدر يمسك نفسه مايتهاوش وياهم ويخربها سمع ابوه ينطق:

استريحو اليوم وبكره يعين الله

وقف ضيف : عن اذنكم

وقفه صوت جده وهو ينطق: دام الحطب طاح ماودك ترجع بنيتنا

ضحك بسخريه وهو يلف عليها:
المؤمن لايلدغ من جحر مرتين

خرج وهو متجاهل منادات عمامه

دخل الصاله والتعب باين بملامحه شاف بسيل بطريقه : ماء ولا عليتس امر

بسيل كانت بترد بس سكتت بعد ماطلعت ملامحه: طيب

اتجهت للمطبخ وهو اتجهه للصاله شاف ايار جالسه وبحضنها الكُتب جلس بجنبها وهو يلعب

بشعرها: كيف المدرسة اليوم

ايار بهدوء: حلوه

وبتسأول: وين نورسين مو عادتها تختفي

ايار وملامحها كشرت: راحت مع امها لخوالهم جدهم اصر عليهم يجون الحين شكل عندهم موضوع مهم

ابتسم وهو يمد ايده ويعدل عقدة حواجبها: تراها اختس ليش هالغيره كلكم تشيلون نفس الاسم المفروض تكونين تحبينها صح

ايار مدت شفاتها بزعل: بس الكل يهتم لها اكثر مني ليش طيب انا وياها بينا اسبوع بس ابوي لاجاء يتكلم عنها يمدحها كثير وانا مايقولي نفسها اجي اطلبه اشياء يروح يجيب لي ويجيب لها

مسك ايدينها وبحنية: علشان ابوي يحبكم ومايبي يفرق بينكم يمكن انتي تشوفين هالشي لانك تغارين بس لاجينا للصح ابوي دايم يجيب لكم كل شي نفس بعض علشان ماتحسون بغيره وزعل يمكن هي تغار منتس بعد تقول ابوي يمدحها اكثر مني
لاتخلين هالغيره تكبر بينكم انتم خوات خليتس قريبه منها ابوي من كثر مايحبكم حطكم بغرفة وحده صح لو غيره عزلكم بس هو يحبكم مجتمعين حوالينه بالنهاية كلكم بناته وكلكم غلاكم واحد

ايار وعيونها مدمعه: صح

ابتسم وهو يضم كتفها ويبوس راسها: الله يوفقتس ويصلح بالتس

واقفه عند المدخل تسمع صوته كيف نبرته تغيرت لهاديه ومقنعه لـ ايار كتمت بسمتها وهي تدخل :

تفضل

عادت ملامحه لجمودها وهو ينطق: جزاتس الله خير

بسيل وهي تجلس بجنبه: شدعوه كله مويه وب استأذن لاول مره : ضيف ناقصتني اغراض كثيره واليوم عندي زباين كثير ومدري شسوي وهمام وباهي مختفين من امس وسلطان اخاف عليه توه صغير

ضيف قاطعها وهو يوقف: اي وقت تبينه انا جاهز بس وين بتروحين اي مول

بسيل : اي مول عادي بس بجيب لي اغراض

ضيف : اذ تبينا نمشي الحين تجهزي

فزت: تمام تكه واجهز

طلعت امها من المجلس الثاني : ضيف

لف عليها : سمي

ام رنوه ب ابتسامه: صدق اللي سمعته من عمي يقول بترجع هبوب

ضيف من غير مايطالعها : يصير خير ياخاله

التمست بنبرته زعل: انت زعلان

ضيف بملامح جمود: انا طالع ابدل

طلع لغرفته وهو يبدل لبسه العسكري ولبس ثوب عدل شماغه ونزل وهو ينادي: بسيل يلا

بسيل وقفت : جهزت

طالع لعبايتها برضى: يلا مشينا

ام رنوه بعد ماطالعو دخلت رنوه نزلت عباتها وشنطتها : من عندنا

ام رنوه : عمامتس جاين يبون الصلح ويرجعون هبوب لضيف

فزت بعصبيه: نعم نعم على كيفهم اخوي مو لعبه ب ايدينهم خربوا فرحة عمره وخلو كل الناس يتكلمون فيه والحين جايين يراضونه ليش خاطره بريال معليش يمه لاتزعلين علشان هبوب بنت اختس بس الحق حق اخوي يما سوا وفعل علشانها وبنهاية باعته علشان ابوها واخوها تتحمل ماجاها

ام رنوه بزعل: كل هذا بقلبتس على بنت خالتس ابوها واخوانها اكيد بتفضلهم على ضيف ولو انحطيتي بنفس موقفها بتسوين سواتها

رنوه وهي تاخذ اغراضها: لما يكون زوجي نفس ضيف والله لا ابيع الدنيا علشانه مو كافي اللي عاشه مو كافي التشتت اللي صار له شايلنا على ظهره ولا تكلم من يوم هو صغير يشتغل ويشقى علشان نعيش براحه شفتي هالفيلا الكبيره ماجت بساهل جت من ورا قروض قولي لي متى بس ابوي مد له فلوس تكفين موضوع هبوب سكروه ماجاء منه خيير
طلعت لغرفتي والزعل واصل اخره قهروني قهروني بشكل كل مافي داخلي احسه نار ما انسى كيف جانا ضيف وقته ووجهه مسود ما انسى كف ابوي االي كان شايش اول يومين مو فاهم السالفه ما انسى كيف كانت نظراته قويه بس اللي يعرف هالنظرات بيدري انها نظرات مكسوره لين اليوم اللي وصلنا الخبر فيه وقتها ابوي ماعرف كيف يعتذر منه ما ارتاحنا واستقرت امورنا الا هنا بالرياض بين ناس جديده مانعرف احد الا اهل ام همام ناس طيبه وعلى النيه وبعد هالتشتت والضيق وكلام الناس بعد ثلاث سنين جايين يبون الوصل جايين يراضونهم ليش البعد لهدرجه سهل الجفا اللي حصل سهل بكيت ايه بكيت بحسره على اخوي اخوي يستاهل الاحسن منها يستاهل يستقر ويرتاح عمره يمشي مابين همومنا ومشاكل الشغل ياكثر ما قلت هالانسان متى يتكلم متى ينطق ليش الصمت بس ادركت بعد مده ان شخصيته صعبه صعبه يبوح بشي متعبه مستحييل حتى بالفراق حسيته بارد ما ابدا اي ردة فعل مسحت دموعي وانا ادعي ربي ييسخر له بنت الحلال ويفكنا من طاري هبوب وعمامي

ام رنوه غرفت الغدا بمساعدة ايار

دخل ابو ضيف :يعطيتس العافيه

ام رنوه بضيق : يعافيك روح قلطهم لايبرد الاكل

ابو ضيف: ترا باهي جاء ومامعه احد يقول خويه تعذر عنده اشغال

ام رنوه: طيب

طلع منها لمجلس الرجال قلطهم على الغداء

وبعدها التفت لباهي وهمام: شغلكم عندي بس يروحون عمامكم

باهي وهو يصد: الله وهالعمام عاد

طالعهم بنظرات قويه ودخل المجلس وراه اخوانه وابوه

همام ونبرة صوته متوتره: ياولد اخاف البنت صار بها شي

باهي ببرود: ياشيخ قلعتها ماحد قالها تدخل شقتي
وفوق هذا تصارخ بعد

همام : اشوا ماحد سمعها ولاكان رحنا بستين داهيه

باهي وهو يجلس على الكنب: رحنا وخلصنا

همام : دق الحين على كل واحد من اخويانك وتأكد منهم

باهي وهو يجلس فوق المركى ووجهيهم واضحه وراهم مصيبه: ارسلت لهم بس باقي رائد بدق عليه

دق على رائد ثواني وجاه صوته المليان نوم: ليش داق

باهي : قوم فز الساعه1 ماصارت نوم بعدين تعال انت معطي احد مفتاح شقتي ؟

رائد : لا

باهي بتأكيد : متاكد

رائد وهو يفز: الا عطيته خالي يعطيه بنته توها اول سنه تدرس بالرياض وهو معها

باهي وده يصفقه: ياشيخ احي البرود اللي فيك وتوك تتكلم وانت عارف الكل مع مفتاح

رائد بفشله: نسيت والله
سكر بوجه وهو معصب حده وارسل على الكل ان الشقه تأجرت

همام وهو يلاحظ صمته: شفيك صار شي

باهي بغيره: الحيوان رائد معطي الشقه خاله وبنته علشان جايه تدرس ولا علمنا لو داخل عليها واحد غير ضيف وش ممكن صار مدري هالفهاوه متى تروح من هالانسان انا مالي دخل ولا تقرب لي والغيره ولعت بقلبي

همام : خلاص اكيد بلغت اخويانك لاتشيل هم والبنت واضح حريصه حتى ايدها مو مبينه

باهي بتأنيب ضمير: الدفه قويه صح

همام وهو يسوي تعابير بوجهه: ماعاد سمعنا حركه بعدها

باهي وهو يحذفه بالمخده: ناقص تفكير انا

دخل عمهم وهو يسلم

طالعو لبعض وبعدها سكتو

وقف باهي وطلع من غير ماينطق حرف

اما همام جلس قدام المشب وبدا يجدد القهوه بتطنيش لعمه

دخل لداخل بس تراجع من سمع صوت جده وعمامه ماله خلق يتكلم وياهم بس اضطر يدخل لما سمع اسم ضيف

القى السلام والعصبيه بنطقه واضحه

ردوا السلام ب اصوات مختلفه

نطق بعدها بتهديد: اقسى بالله ان سمعت احد بس يقول ليش ماترجعون هبوب لضيف لا اكون ذابحه
وش شايفينا عندكم مخفه كل يوم والرايح طالعين لنا بسالفه مره طلقو ومره رجعو ياخي افهموا نسبكم كله ماعاد نبيه

قاطعه صوت جده الغاضب: مابقى الا ابو عيون ملونه

باهي طالعه ب ابتسامه: وش فيها عيوني مو عاجبتك

تكلم ابوه بصوت هادي: باهي اطلع لغرفتك

باهي : بطلع قبل لا ارتكب جريمه

نطق جده بعد ماطلع: عيالك صايرين مايحترمون احد كل واحد لسانه اطول من الثاني انا قايل لك طلق هالبنانيه بس ماسمعت مني

نطق راجي بحياديه: الله يرحمها

وقفو بعدها وهم يستأذنون حلف عليهم يجلسون بس رفضوا

________
المانيا ميونخ :

ضاري بتوتر : انت صادق

صديقه /اقولك والله خطف بنت اختك الصغيره ماقالو لك اهلك

ضاري وقف بعجله: هذا الحساب انا طالع

وصلو البيت بهدوء بينهم: مشكور

ضيف وهو يطفي السياره: العفو

نزلت بفرحه وهي تحس لاول مره تحب ضيف

ابتسم وهو يشوفها كيف فرحانه

جته رساله وكان مضمونها: ودع امانك

رجع جواله ودخل وهو يسمع صوت ابوه يهاوش باهي وهمام تعداهم بصمت وهو يطلع لفوق

ناداه بعصبيه: وين رايح انت بعد

ضيف والرمش بس صار يتعبه: برتاح

ابوه : واسلوبك مع جدك وعمامك ؟ وش اسميه متى ربيتكم على هالاسلوب متى

قاطعه ضيف : يبه واللي يعافيك الدنيا كلها فوق كتوفي اجل كلامك معي بعدين
كمل وهو يصعد لغرفته

سكت بعدها وهو يهمس : اطلعو
مشو باهي وهمام لغرفهم اما ضيف واقف قبال شباكه اللهفه ماتت بقلبه ليش ماعاد يحن لطاريها من اللي كان ينتظر موضوعها ينفتح ليش هالمره تمنى مايسمع اسمها غمض عيونه الاقدار للحينها تلعب معه مره تجيه دنيته على كيفه ومره تاخذ منه كل شي جلس على سريره وحيله مهدود انسدح وهو متوجع وقلبه مو متطمن حاس فيه شي صاير بس وشو بالضبط مايدري مسح على وجهه وهو اللي كان مابين الشعور واللاشعور اخذوا حلمه قدام عينه ومن بعدها طاحت احلامه كلما فرح بشي جاه اليوم الثاني ونقص فرحته تعوذ من الشيطان وهو يحاول ينام
____
بسكاكا ب احدى المزارع المظلمه:

جالسين جماعة اختربت عقولهم بافكار هدامه

ماسك البنت اللي من جتهم وهي تصيح
: ياخي انت جايبها تزعجنا فكنا من صوتها

ضربها كف ورا كف : اسكتي ماتفهمين اسكتي

طاحت وهي تصايح بقوه

ماحن قلبه عليها الا زاد طغيان وقوه على طفله بعمر 3 سنوات

:انا اوريك اخذها وسط تصفيق وتشجيع من اصحابه
رفعها فوق جدار المزراعه وقفها عليه وهو يطالعها

ب انتصار : صيحي الحين على كيفتس

الى هنا نلتقيي يوم الخميس ب اذن الله

جالسه اواجه ضغط من ناحية اختبارات الفاينل بالجامعه دعواتكم.







فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 24-04-20, 07:14 AM   #7

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 39,164
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت الخامس


ليت الليالي تعلمك وشكثر حبيتك
‏مثل ما الليالي تعلمني كبر غلطاتي .


وكأن ربي الهمها جلست على السور بنظرات تايهه

طالعها وهو حاس با انتصار عظيم وبنفس الوقت عصبيه: اوقفي وامشي اوقفي زاد صراخه مع صمتها المفاجاء وكأنها اصبحت لاتسمع

واقف خلف الجدار يتسمع لكل شي قلبه الخواف خله يطالع بس زول الطفله من غير لاينطق بحرف

غمض عيناه وهو ينتظرها تسقط

وبالفعل اسقطها وهو يتمال بحركاته تحت صراخاتهم
اصدقائه التقطها وهو يركض فيها لسيارته
حرك سيارته وهو مسرع ويطالع اللي بين احضانه وكانها غفت من الدنيا واتعابها

خويه: يالمجنون وش سويت ماتت البنت

فايز وهو مو بوعيه: واذ ماتت خلها تموت احسن لها

خويه ركب فوق السور : فايز مافي احد البنت انخطفت

فايز ضحك: ههههههههههههههههه احسن افتكيت من مسؤليتها

خويه وبقلب محروق؛ ياخبل كنا بنستفيد منها الاقل نهرب من خلالها اشياء كثيره

طالعه والصمت استوطنه : انا رايح انام اذ حسيتو بشي علموني

دفه بقوه وطاح على الارض : لاصحيت تعاال لنا

ضحك بغير مبالاه ووقف وهو يتهزز

الريـاض

بقسمها الخاص تمكيج البنت وهدوئها المبالغ فيه يناقض حياتها الطبيعه بعد ماخلصت نطقت بهدوء: شرايتس

البنت وهي تطالع نفسها بالمرايه ب ابتسامه: ماشاءالله يجنن تسلم ايدينتس

بسيل: تسلمين انتي حلوه وبعدها نادي اختس

البنت: تمام

دخلت بعدها بثواني اختها وملامحها كانت عكس اختها والصمت ملازمها جلست على الكرسي

بسيل: تبين خفيف ولا

البنت ببرود: اي شي بس اخلص بسرعه

رفعت حاجبها وهي تعد للعشره ماترد ولا تخرب سمعتها بدت تشتغل بتركيز عالي وبعدها نطقت : شوفي نفستس بالمرايه واذ تبين تعديلات علميني

قامت وهي تطلع: ماله داعي واثقه بشغلتس

طالعتها بقهر وهي تمسك نفسها ماترد : نادي اللي بعدتس

مر الوقت عليها وهي تمكيج عايلتينن بناتهام كثير اكلمت شغلها بهدوء وتركييز وبعدها وقفت بتعب :

خلصنا اذ تبين اي تعديلات علميني

نطقت المره الكبيره: مشكوره يابنيتي اتعبناتس

بسيل : العفو

رحت تغسل ايدينها ووجها طلعت وهي تشوفهم لابسين عبايتهم : الله يتمم زواجكم

ردو ب امين وطلعو قفلت باب القسم وهي تدخل لداخل

دخلت المجلس وهي تشوف ابوها جالس ومعه نورسين وام همام وامها جلست وهي تسند راسها على كتف امها: وين اخواني

ام رنوه برفعة حاجب: شنازل عليتس

بسيل سكتت وهي تحضن ايدين امها: حاسه بتعب ظهري ذبحني

امها : روحي انسدحي بغرفتس وبدفي لتس زيت زيتون واهمز ظهرتس ممكن منخلج

بسيل ووجهها مصفر: ماتعرفين تطقينه ماحد يعرف له الا باهي

امها: مالقيتي الا باهي

بسيل غمضت عيونها بوجع : ياربي

نطق ابوها ب اهتمام: الحيين اناديه

طالعت ابوها : لا خلاص مابي بروح انام

على دخلت باهي وهمام: سلام

ردو السلام تحت سخرية ابوه: توكم تقعدون مساء الخير كم صلاة طافتكم كل واحد اكبر من ثاني هاه صغار انتم الحق وراكم

وبعصبيه : اخر مره تفهمون

باهي من غير مبالاه: خاله مافي عشاء تبسدي تقطعت من الجوع

طالعه بقهر: قم انقلع قم لابارك الله بعدوك بدال ماتقوم تصلي اللي فاتك

نزل من الدرج مستعجل وكان لابس لبسه العسكري ب استثناء القميص ووجهه مخطوف

وقفه ابوه بخوف: ضيف وش فيك كمل لبسك انت واعي

ضيف بصوت رايح من التعب: اي واعي يلا بلبسه

من كثر التوتر بدء يلخبط بين الازره

تقدم له باهي وهو يوقف قباله نزل ايدينه وبدا يزر قميصه ثبته وهو يقلبه للجهه اللي يعطي ضيف ظهرره لابوه ولخالاته طالع لعيونه الخضراء المتفجره بلون الدم وبهمس :وش صاير

ضيف وبريق ناشف وهو يمسك ايدينه: ابعد ياباهي اسلم لك ابعد وخلني اطلع

باهي بهمس غاضب: شايف شكلك علمني وش صاير ماعمري شفتك بهالعصبيه الا

ضرب الطاوله المدخل تناثر القزاز حوالينه وهو يصرخ بقهر : خلاص فكييييينيي لاعاد تجيب لي هالطاري لاعاد تذكره

ركض له ابوه وام رنوه بخوف: ضيف ايدك تنزف

صدره يرتفع وينزل وعيونه مشعله بغضب وملامحه مسوده بتعب : خلوها تنزف لعلها ترحمني منكم ومن ظنونكم

تعداهم وهو يطلع بعصبيه
وباهي ساكن بمكانه وملامح الذهول لازالت مستقره بملامحه وبصوت باهت: ضيف فيه شي ماهو خالي طالع لابوه اللي يطالعه بنظرات بينهم:
استودع الله ولدك استودعه

دب الخوف بقلب ابوهم : وش تقصد بكلامك

باهي بنفس البهوت: مدري بس قلبي مو مطمن

طالعه ابوه وهو يطلع لفوق من غير لاينطق التفت لخالاته وبسيل ونطق لهمام اللي كان ساكت: ليش ماتحركت ماقلت شي

همام ببرود: انت واخوك انا وش دخلني

طالعه وهو رافع حاجبه : الحين اخوك واخوي طيب ياهمام

طلع وام رنوه تناديه طنشها وهو يلبس شماغه ويركب سيارته

بنفس المجلس وقفت بمساعدة همام صعدت غرفتها سكرت الباب وهي تكتم بكيتها طالعت سرير اختها رنوه : رنوه

ماردت عليها

انسدحت على فراشها وهي تبكي بحسره على اللي صار تحت دقايق ودخلت امها شغلت النور الخفيف جلست على السرير وبدت تدلك ظهرها تحت شهقات من بسيل نطقت بحزن: وش فيتس لايكون اوجعتس

بسيل : قهرني اللي صار تحت

ام رنوه بحزن: ماصار الا كل خير بيرجع الصبح ونعرف منه اللي صار

بسيل : انا اقصد رد همام انا البنت قلبي اوجعني وانا اشوف الدم متناثر وابوي كيف تأثر وباهي ودموعه اللي متحجره بعينه وش هالبرود عليه

ام رنوه : الله يعين يابنيتي الله ماهو ناسيهم بس ادعي دهم ربي يسر حياتهم

بسيل بتعب: امين يايمه امين


بنقطة الاستخبارات الرياض دخل وملامحه ماتتفسر: وش اللي صار

مقرن وملامح القهر معتليته: فجروا المسجد ورئيس الاستخبارات بنفسه جاي اليوم وطالبك بالاسم

مسح على وجهه وهو يدخل وبصوت مبحوح: السلام عليكم

رد السلام وهو يوقف ويصافحه: حياك الله ياضيف الراجي وبتسأول : وش صاب ايديك

ضيف بنبره واثقه: الله يحيك سم طال عمرك وبملامح هاديه وهو يطالع يده اللي رابطها بشماغ مليان بالدم: اصابه خفيفه

الرئيس بوجهه بشوش: سلامتك استريح ب الاول

جلس بجانب مكتبه وجلس الرئيس مقابله: وصلتني شكاوى عليك كثيره من مسكت المركز برياض تجاهلت كل الشكاوي ضدك لاني كنت ارسل عساكر يراقبونك وكان مايصدر منك الا الشي اللي يبيض الوجه ثقتي فيك ياضيف كبيره يمكن ماعمرك توقعت يجي يوم واطلبك ب الاسم بس هالامر جاء تحديداً ب اسمك قضية ولد عمك وصلت لناس كبار وتم فيها طلب نقلك للرياض ماكان بناءً على طلبك كان العكس تمام والحين جاك من الامر امريين يا تمسك سرية متجهه للحد الجنوبي ولا تقبض على ولد عمك وبمهله ماتتجاوز
اربع شهور

ضيف بتفكير : بس انا جاني امر من احد الضباط اني اباشر بقضية فايز وفعلاً عطاني مهله اربع شهور ولا يتم فصلي من الوظيفه او السجن وكل الامرين مرفوضين بالنسبه لي وتاريخي العسكري يشهد ب اني ماعمري وقفت ضد دولتي او اخلفت قسمي

قاطعه وهو يبتسم: وصلني هالامر واللي قالك هالكلام هو بنفسه رشحك انك تطلع للجنوب

ضيف بتفكير: بس انا بثبت جدارتي وب ابعد الشكوك عني وبمسك فايز بنفسي

الرئيس: كان ودنا هالشي بس للأسف الامر جانا من فوق لدرجه طلبو مني اجي بنفسي لقسمك

ضيف ب ابتسامه: وانا جاهز لأي امر

الرئيس : حط ببالك انك احتمال تشتغل بهالامرين

ضيف وهو يرفع حاجبه بثقه: وانا قدها

وقف وهو يصافحه: معك اربع ساعات تتجهز وتطلع معنا المطار

ضيف : تم ان شاءالله يلا استأذنك

الرئيس ب ابتسامه: بنرسل اخلاء طرف لقسمك ب الاستخبارات بما ان عندك خبره بالقوات الخاصه

ضيف ومراده حصله: ان شاءالله

طلع من مكتبه وهو يأخذ نفس ناداه سطام اللي كان يترقب خروجه مع مقرن: وش صار

ضيف ب ابتسامه: بمسك سرية بالحد

مقرن بهتت ملامحه: الجنوب

ضيف بنبره هاديه: ايه الجنوب

بـ المانيا:
ساعات الصبح الاولى
لازال بغرفته ويجري اتصالاته ب اخوانه وكان المغلق جوابهم رمى الكتب بعصبية: الله ياخذك ويريحني من بلااويك

دخلت على صراخه: وش فيك بسم الله صاير شي

ضاري بقهر: لا ممكن تتركيني لحالي

طالعته بحزن: طيب
سكرت باب غرفته بشويش تنهدت بحزن فاض بقلبها ودموعها نزلت على خدها ب الم اتجهت لغرفتها وجلست على اول كرسي قبلها فتحت ربطة شعرها الطويل وهي تحرره والدمع يسري بخدها

تذكرت جملته : لابغيتي تمحيني من قلبتس قصي شعرتس
شهقت بالم وهي تتمسك بقلادتها اللي كانت عباره عن سلسال يشيل خاتمه ضغطت على خاتمه وهي تتنحب بشكل يوجع القلب اغتربت عن الكل وانجبرت تقطع علاقاتها بالكل عاشت بهالغربه مع ضاري اللي كان حنون عليها بنفس الوقت مقهور من كل شي هو بعد انظلم معها كان ناوي يخطب رنوه بس خرب كل شي ورجع لغربته معها اشتاقت تضم امها وتشكي لها اشتاقت لمنار لا اخوانها اشتاقت لكل شي مسحت دموعها وهالغربه انفرضت عليها كطوق نجاة من الجاي ردد بسرها: يارب يارب حنن قلوب اهلي علي يارب

ثواني ومسحت دموعها واتجهت لحمام تغسل وجهها رجع جمودها لملامحها والبنت اللي كانت حساسه والكل مدلعها تغيرت لدرجه صارت ماتعرف نفسها غمضت عيونها ب الم وهي تتحسس بطنها : مو وقتك ابد

فتحت الدرج وهي تاخذ حبوب مسكنه رفعت عيونها للمرايه وهي تطالع نفسها كيف نحفت زود نحفها وكيف تغيرت واختفت اللمعه من عيونها وحب الحياه فتحت الكبت وبدت تجهز لبسها
للجامعه خلصت وهي تسكر الباب بهدوء

اتجهت للمطبخ وهي تسوي لها كوفي ع السريع اخذته معها فتحت باب الشقه وهي تطلع تنهدت بتعب والالم بدا يزيد عليها والبرد دخل بعظامها ضمة كتبها وهي تركب السياره اللي اجرها لها ضاري من بداية دراستها بـ المانيا

وصلت جامعة والالم تسري بجسدها الضعيف
جلست على احدى كراسي الحديقه بتعب وهي حاطه ايديها على راسها رفعت راسها على صوته اللي بدا يطلعها من طورها
: صباح الخير هبوب اخبارج

هبوب طنشت وهي تصد وجهها

جلس على نفس الكرسي وهو يتأملها وبهمس: صج انتي متزوجه

ارتفع ضغطها بسبب سؤالها وقفت وبصوت مبحوح:

خل عندك كرامه شوي وعز نفسك وابعد عن طريقي ولا والله لا اوصلها للرجال تعدته وهي معصبه دخلت الجامعه وهي تتجه للقاعه حطت اغراضها وسط تجاهل كبير منها لـهيا

الرياض:

تنهد بتعب: يايبه من مامعي وقت الله يخليك وافق خلني اروح وانا مطمن البال تكفى يبه

نطق بحزن: بتخليني ياضيف
ضيف باس ايدينه : الله لايخليني ان خليتك انا رايح البي واجب ديرتي وانت عارف شكثر كنت اتمنى اروح الحد وادافع عن حدود ارضي

رفع عيونه لفوق يمنع عبرته : استودعتك الله ياضيف

حب راسه تحت نظرات اخوانه وخواته الحزينه وخالاته اللي يسمحون دموعهم وقف وهو ينطق بنبره هاديه: باهي وهمام وسلطان ما اوصيككم على ابوي علاجاته ومشاويره

التف لخواته وهو يبتسم بصعوبه: ماودكم تسلمون علي

تقدمت رنوه وهي تبكي حضنها وهو يحب راسها: افا وهذا وانتي الكبيره وش خليتي للصغار

ابعدت وهي تبكي سلموا عليه ايار ونورسين وكل وحده تبكي بصمت تقدم لبسيل اللي كانت عيونها مركزه بفراغ وثابته بمكانها من غير تعبير والكل كان يطالعها ب استغراب حضنها وهو عارف صمتها ما جاء من فراغ وبهمس علشان ماحد يسمعه: انتبهي لنفستس وطميني كل يوم عليتس وعلى خواتس باس راسها وبعده بدا يسلم على خالاته
طلع لبرا ومعه شنطته لحقه باهي وبصوت غاضب: ليش بتروح
ابعده ب ايده: بروح ادافع عن ارضي

باهي بسخريه: وغير هالسبب وبنظره : انا اعرف كل تحركاتك واعرف متى تكون راضي ومتى معصب

قاطعه بملل وهو يفتح باب السياره: انا مو فاضي اسمع تحليلاتك انتبه لنفسك وكلمني كل يوم سامع اشوفك بعد اربع شهور واكثر

صد عن عنه وهو يخفي دمعه

حرك سيارته معلن البعد والهروب بكل ذكرياته رحل وترك خلفه اب يقاوم حزنه بوجوده واخ معتمد عليه في شتى اموره

مسح دموعه وهو اللي ماعمره بكى الا على ضيف ضيف الامان بنسبه له من بيشكي له ويهون عليه هو مايصبر مايشوفه بوقت استلامه كيف بالجنوب


وصل المطار وهو ينزل متجه وبملامح تحمل من الجمود الكثير دخل بزحمة الناس والاصوات وقف وهو يشوف احد الضباط وبلكنه ثقيله: الملازم اول ضيف الراجي
التفت له الضباط: سعود الصقر ملازم

سلمو على بعض نطق سعود : النقيب تأخر

نطق ضيف وهو يقراء الاسم : هذا هو جاء

وقفو وهم يأدون التحيه العسكرية

بدا يوزع الاسماء عليهم: هذي سريتك ياضيف

وهذي سريتك ياسعود

الله معاكم وارجعو وانتم رافعين ررسنا

ضيف ب استغراب وهو يطالع الطياره: غريبه من الرياض كلها مافي الا انا وانت

سعود : يمكن ما اختاروا غيرنا

ضيف : يمكن

دخلو الطياره واقلعت وسط استغراب كبير منهم


بنفس المطار واقفيين :

النقيب: ماصارت دقوا عليهم صار لنا ساعتين ننتظر

احد الضباط: غريبه الملازم سعود وضيف معروفين ب التزامهم

النقيب بتملل : بنركب الطيارة الحين وهم يقدمون اعذارهم للواء مو لي


الصباح وقدام الاخبار وصوت المذيع العالي:
تم اختطف احد الطيارات بالقوات الخاصه وكان احدى ركبها الملازم اول ضيف الراجي والملازم سعود الصقر اسماء لها ثقلها بالسلك العسكري


_______

* الاسماء وهميه لا تمت للواقع بصله
مبارك عليكم الشهر والله يجعلنا من صيامه وقيامه ❤




فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 26-04-20, 09:33 AM   #8

ام منار

? العضوٌ?ھہ » 296157
?  التسِجيلٌ » May 2013
? مشَارَ?اتْي » 1,249
?  نُقآطِيْ » ام منار has a reputation beyond reputeام منار has a reputation beyond reputeام منار has a reputation beyond reputeام منار has a reputation beyond reputeام منار has a reputation beyond reputeام منار has a reputation beyond reputeام منار has a reputation beyond reputeام منار has a reputation beyond reputeام منار has a reputation beyond reputeام منار has a reputation beyond reputeام منار has a reputation beyond repute
افتراضي

السلام عليكم ورحمة الله وبركاته شكرا

ام منار غير متواجد حالياً   رد مع اقتباس
قديم 03-06-20, 01:33 AM   #9

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 39,164
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي




البارت السادس


*افزعني الرحيل*

في الصباح الباكر وتحت جذع النخل مسند
ظهره على الجذع بتعب وايده متمسكه بطفله ماتتجاوز الثلاث سنين يُنظر اليها بكسرة نفس رفع عيونه لفوق بهم اثقل روحه بالامس القريب كانت هالمزرعه مليانه ب جماعته واهله واليوم مافي غيره وغير هالطفله اللي حصلها امس رجع بنظراته عليها وهي غافيه بسلام مرر ايده الخشنة على خدها الناعم وبهمس مقهور: كيف يفرطون فيك كيف مسح ب ايده الاخرى وجهه ومنظرها امس وهي تسقط من اعلى السور مو قادر يغادر باله
انفتح باب المزرعة الكبير ودخلت سيارة ما اعطاها اهتمام نزلو من السيارة نطق ولده : يبه من هذي
اشر لهم يسكتون وبعقدة حواجبه / ارجعو وش جايبكم
ولده : يبه الله يهداك وش فيك متحامل علينا
غمض عيونه بسخريه: اقول ياترجعون للديره ولا تدخلون ماصدقت على الله تنام

نطق ولده الثاني: اقول عبود امش نرجع لامي احسن انا قايل لك هالعم مايبينا

مارد عليهم وهو يرفع راسه لفوق عد لين الثلاث وبالفعل مثل ماتوقع تحركت السيارة راجعه لمكانها : انا داري مافيكم احد قلبه علي
شال البنت بعد ما اشرقت الشمس ودخل لداخل
فرش لها بساط وحطها فوقه نزل جاكيته وهو يغطيها فك لطمته وبانت ملامحه الهادية
ظل يتأملها وهو هادي ويفكر وش بيسوي فيها وكيف بيتصرف معها الايام الجاية وخصوصاً انها بنت وهو مايعرف يتعامل الا مع العيال ابتسم وهو يتذكر رد عيال اخوه الاثنين اللي ضاع عمره وهو يداريهم ومن كبروا رجعو لامهم وخلوه لحاله
____
صحى وهوو يفرك وجهه بقوه : اوفف الساعة كم

نطق صاحبه / سبع بعدين عدل روحك ورانا شغل وتسليم ولا تبي الجماعه تسلم ارقابنا
وقف وهو يترنح بمشيته: البنت وينها
صاحبه بسخرية: نسيت انك رميتها من السور
لف عليه وهو يرد بتذكر: انت تستهبل معي

صاحبه: مو جالس استهبل امس رميتها بس من كثر ماكثرت الشراب مو جالس تتذكر

تقلب وججهه وهو يركض لبرا المزرعة طالع للسور وهو يشوف تاجها بس ضرب ايدينه ببعض بغضب
دخل وهو مقهور وبصراخ: كيف تخلوني ارميها ليش ماوقفتوني ليش

وقفو وبغضب يفوق غضبه: اسكت فوق مانت شككت الشرطه فينا جاي تتكلم
فايز: ماحد قالكم تهربوني ولا والله لا افضحكم
ضحك واحد منهم وبعدها وجهه المسدس لراسه/ فكر بس وشوف وش بيصير فيك ان ماخليتك عضه وعبره ما اكون ابو ادهم بعدين تجهز معك يومين وبنهربكم لسوريا والعراق

فايز : ماني متزحزح من هنا لين البنت تطلع
ضربه بكتفه وبلكنته الشامية: بتنسى هالحكي ولا كيف البنت ماتت فاهم كيف ماتت بعدين شو بها واذا ماتت بهالطريقة ياما ذبحنا اطفال غيره ولا تو قلبك يصحى

فايز بلع ريقه وهو يزداد قهر: لا مانسيت ولا صحى قلبي بس في موال براسي وانتم خربتوه علي

دفه بقوه: نحنا وين وانتا وين
فايز بقهر: البنت لو ميته ليش مالها اثر مافي دم مكانها خالي تستهبلون علي غمز لصديقه : شكل ليله طويل
تقدموا له وهم يتضاربون معه
سقط على الارض بقوه صاح بقوه بعد مادس برجله على ايده ب اهانه له: قبل8 سنين جيتنا وانت تايه
واستقبلناك بصدر رحب والحين انتفش ريشك علينا

علينا حتى لو ضليت تهرب حنا وراك فاهم
فايز وهو يرافس من الالم: خلاص تم تم اللي تبونه بيصير

دف ايده وهو يتركه ويمشي لداخل مع اصحابه
طلع له خويه بخوف وهو يقومه قبل لايشوفونه: انت ليش ترادده صاحي انت
فايز والالم بوجهه: طلعني لازم اطلع من هينا لازم مابي اطلع للسوريا
صديقه بحزن: نستاهل حنا عضينا الايد اللي انمتد لنا وبيأس : انا ميت ميت خلني اموت بسوريا ولا اموت هينا ماتفرق معي تعبت من التعذيب والقتل

فايز وهو يتنفس بقوه: ما ابي اموت فاهم ما ابي

صديقه: وليش دخلت هالطريق دامك مانت ميت
فايز حط يده على قلبه وهو يضربه بقوه وجت بمخيلته امه وهي تبخر ثوبه ودعاويه ابوه اللي ياكثر مادافع عنه جده اللي كان يفتخر فيه رغم مساؤه ضرب راسه وكأنه صحى من السواد اللي هو في : انا شسويت شسويت
صرخ بقوه من وقفوه وهم يسحبونه
وهو يتحلف بصديقه اللي خانه
ابتسم بسخرية : بهالعالم حتى نفسك لاتثق فيها بس شكل دلع السجن نساك عالمنا
_____________

بالريـاض جالس بكرسيه وقلبه مو مرتاح من الفجر وهو يتصل على ضيف مايرد
دخل المشرف وهو يسلم عليه: اخبارك يابو ضيف

راجي : بخير وبتساؤل : اي استاذ تبي
المشرف بضيق : والله ماودي ادخل على احد الحين ضايقه فيني الدنيا
راجي بتساؤل: ليش وش صاير

المشرف: اخبار ماتبشر بالخير انتشر خبر يقولون فيه عسكر انخطفوا وناس يقولون اشاعة والمصيبة الاخبار قالت هالخبر وثواني وانقطع البث ماندري وين الصحيح بس الله يستر عليهم ويرجعهم لا اهلهم سالمين

راجي وقف بتراخي : وش اسمائهم

المشرف بدون مبالاه: ضيف الراجي وسعود الصقر يقولون انهم كانو طالعيين مهمه للجنوب بس كيف تنخطف الطياره بنفس المطار وال

قطع كلماته بعد ماشاف راجي وجهه قلب وجسمه ارتخى
بالمستشفى واقفين قدام الباب :

باهي وهو معصب ومتوتر: وانت ليش تتلقف وتقوله ليش

المشرف : وانا شعرفني انه ولده حتى اسم العايلة عبالي تشابه اسماء
باهي صد وهو نفسه يضربه: همام
همام : سم

باهي بصوت واطي: رح طلع البنات ايار ونورسين ولاتنسى سلطان خله يرجع البيت يجيب لبس لابوي وانت انتبه تخرعهم لاتقول شي لين مانتأكد وش يقررون العملية

همام :ابشر

تعداه وهو يطلع وباهي لازال معلق نظراته على المشرف : وانت ماعندك دوام ماعندك احد يسأل عنك
المشرف : انا جاي لابوك مو لك
باهي: يقتل القتيل ويمشي بجنازته
طنشه وهو عاذره
طلع الدكتور فز باهي وهو يتقدم له: وش فيه

الدكتور : انت اهدا الحين
باهي بعجله: اقولك اخلص علي ماني ناقص ورب البيت

الدكتور: تعال المكتب

مشى معه والدنيا ضايقه فيه دخل معه وجلس على اول كرسي وهو يسمع كلام الدكتور : تقررت له عملية فتح قلب ابوك لو ماجانا بهالوقت كان امداكم خسرتوه

باهي بعد صمت طويل: متأكد انه القرار السليم

الدكتور: ايه
باهي وهو يوقف: خير ان شاءالله امر عليك العصر ونوقع الاوراق

الدكتور بهدوء: لازالم يتهيئ للعملية معه اقل من اسبوع وبعدها بنقرر يوم العملية
باهي وملامحه بهتت: على خير
طلع من مكتب الدكتور وهو يجلس على اول كرسي الصدمة لازالت مستحله قلبه تو جاه خبر ضيف والحين ابوه ماله قوة على فقد اعز اثنين على قلبه ماله حيل يعيش الفقد من جديد مسح على وجهه وهو يتذكر كلمات ضيف الاخيره ضرب ايده بقوه على الكرسي وهو ماسك عبرته فجاءه لقى نفسه المسؤول عن العايله والاهم كيف يقول لهم هالاخبار وهو اقسى ماعنده يشوف دمعة خواته كيف بيتحمل وهو ارق بكثير من ضيف طلع جواله وهو يتصل على همام وبصوت امتلى ضييق: جيب لي ملابس معك

همام بتساؤل:ليش
باهي: ولا اقولك انا جايكم بالطريق اجمع خواتك وخالاتي

همام ب استغراب: اللي تبيه
______________

بالطيارة وبغرفة صغيره مظلمه مافيها الا ضو خفيف طايح واسلاحته مفرغة قدامه واثار الدم بوجهه يسمع همهمة سعود اللي مربط : ضيف ضيف اصحى ضيف
تقدم له احد الكابتن : لايكون مات
سعود ونفسه يتعالى: يعني لو اعرف بناديك
دنق الكابتن وجته ضربه براسه من ضيف وبعدها سقط اسرع له وهو يربط ايدينه بالحبل وركض لسعود يفتح له الحبل وبسرعه: هم اثنين بس وماراح نطلع من هالسماء لان نظام الردارت مايسمح ندخل منطقة ثانيه هذي خيانة سياسية نهايتها اما موتنا جميع او موتهم بس ومو معقوله اثنين بيخطفون الطياره كامله
سعود وهو يتمسك فيه ويوقف بصعوبة: ماتوقعت هالجهوم منهم بس ليش بينت لهم اننا ضعاف وبنيتنا الجسمية وقوتنا نقدر نتغلب عليهم
ضيف: انهزم بالبداية انتصر بالنهاية فهمت
وبسرعة بدى يعبي الرصاص بالمسدسات
حذف الواقي حقه على سعود: البسه انت
سعود بصدر ضايق: انت البسه

ضيف وهو يلبسه غصب وبهمس: انت اهم مني والحين اسمعني بنطلع من هالغرفه بهدوء بقى شخص واحد بس وهو بغرفة الكابتن يا اما نصيب ولا نخيب
سعود وهو يمسك سلاحه ويمشي بحذر: يلا بدخل وانت أحمني
ضيف وهو يمشي بحذر للجهه المقابلة : بفتش الطيارة

سعود وهو يهمس بصوت خفيف: ضيف نشوف الكابتن اول علشان يمدينا نبلغ الخطوط الجوية

ضيف عض شفته بقل صبر: واذا مسكنا الكابتن بتطيح الطياره وتتحطم انا متأكد هالعملية وراها اكثر من شخص مو معقوله شخص واحد
سعود وهو يهمس: الله يخيب احساسك ياشيخ من ركبت معك واحساسك يصيب
بلع ريقه وهو يشوف اربع يتقدمون لهم من الجهتين

ضيف طالع لسعود اللي واضح عليه توتر مشى له وهو يسند ظهره بظهر سعود: احمني واحميك
سعود وعيونه على اللي يتقدمون : اطلق
ضيف: مابي احد يموت حرك رقبته لليمين وهو يهمس بخفوت: من زمان مالعبت كارتيه

سعود عض شفته من سخافته
واطلق كتخويف لهم ماحس نفسه الا طايح بفعل ضيف اللي تركه وبدا يتضارب معهم وقف بسرعه وهو يساند ضيف من الجهة الثانية استمر العراك معهم اكثر من نص ساعه انهلك سعود من كثر ما انضرب رفع سلاحه وهو يوجهه على اللي جايه بس ما حس الا بسلاحه طاير وقفه وهو يضرب فيه الشخص اللي جايهم
ضيف وهو ياخذ نفس عالي: انت وش فيك
سعود وهو يزحف على الارض : حسبي الله عليك مسويني سلاح يوم تضرب خلق الله فيني

ضيف وهو يمسح الدم من خشمه ووجهه سحبهم وهو يدخلهم
الغرفه صفهم مع بعض : انت ملازم معقوله ماتدربت تدريب قاسي

سعود وهو يوقف بصعوبه : تدربت بس مو كذا انت سرييع

ضيف بغموض: باقي لنا واحد
اتجه لغرفته وهو يفك ازارير قميصه ثبت سلاحه بخصره فتح غرفته وهو يشوفه مركز تقدم بهدوء وهو ماسك قميصه ب ايده وبسرعه سكر عيونه بالقميص : من انت
الكابتن بتوتر: انت وش طلعك
ضيف بصوت ثقيل: من انت
الكابتن: مايخصك
ضيف وهو يدف الكرسي طاح وهو يتألم: جاوبني من مرسلك

الكابتن: مايخصك
ضربه بقوه من بطنه وبصراخ: تكلم
الكابتن بتوتر : الطياره
ضحك ضيف بقوه: عبالك جاهل بهالامور ما ادري انك حاطها تلقائي
اهتززت الطياره اكثر من مره
سحبه ضيف وهو يثبته اخذ هويته
وفجاءه هبطت الطياره بشكل قوي وهالشي خلى سعود يطيح عن حيله وهو يستشهد
اما ضيف لازال مثبت نفسه بحديده
وقف اول ما احس ان الطياره نزلت للارض بعد هالهبوط القوي

اتجهه للكابتن وهو ينطق بقوه: افتح باب الطياره
الكابتن وايدينه ترجف : ما اشوف
ضيف تركه وهو يتجه للسعود الطايح شد عليه وهو يجلسه فتح ازارير قميصه
سعود دف ايده: وش بتسوي بعد

ضيف اخذ القميص : صحصح وقم معي اتجه للكابتن وهو يربط ايدينه وبعدها فك القميص عن عيونه: يلا
بدا يضغط بالازره ثواني وانفتح الباب مسكه من بدلته وهو يرجع يربط عيونه واخذه وهو يمشيه معه اتجهه لسعود وهو يوقفه بقوه اسنده وهم
وقف بجنب وهو يخفي نفسه اشر لسعود يتجه للجهة الثانية رفعو اسلاحتهم تحسباً لا اي شي
طارى طالع للكابتن وقف قدام الدرج
تحرك سعود وهو يدفه بقوه
ضيف وهو ياخذ نفس بعد ماشاف الكابتن طايح : ما كانك قسيت عليه شوي

سعود وهو يخزه: بسم الله عليك معذبتك الرحمة
كتم ابتسامته وهو يشوف الوضع برا هادي واضح مافي احد
بس تحولت ملامحهم لخوف من سمعو الصوت العالي واللي ينذر ب احتراق اجزاء الطيارة بسبب الاحتكاك القوي بالارض
سعود وقلبه بدا يرتجف وملامحه بهتت بينهم وبين الحياه ثواني تحدد مصيرهم بس صرخ بقوه وهو يشوف ضيف راجع يركض لداخل الطياره بعد ماكانو بينزلون



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 03-06-20, 01:35 AM   #10

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ?ھہ » 12556
?  التسِجيلٌ » Jun 2008
? مشَارَ?اتْي » 39,164
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



البارت السابع

وهل تراهُ يحِنُ لي ولوّ شوقًا من عَدم"

بعد مرور دقايق طلع وهو ياخذ النفس بصعوبه وبجنبه سعود اللي بدا يكح بعد ما استنشق الدخان: عاجبك اللي صار
ضيف وهو يمسح على وجهه بتعب : لا بس معي ارواح تبيني امشي واخليهم لو ماطلعتهم بعيش بهم طول عمري

سعود وهو يفك الحبل عنهم ويحاول يبعدهم عن الطياره صرخ على ضيف اللي يمشي ببطى: اسرع
ركضوا كلهم بسرعه الا ضيف اللي يعاني من الم برجله ارتطم وجهه بصخره بعد ما دوى صوت الانفجار القوي واللي يسبب طنين بالاذن من شدة قوته
نفسه يتعالى بقوه وهو يشوف ضيف يحترق صرخ بقوه وهو ينطق : حاولو تتصلون على الاسعاف
رجع راكض لضيف نزع قميصه وهو يضرب ظهر ضيف يحاول يطفي النار مرت الثواني عليه صعيبه نطق بيأس بعد ماطفت النار : ضيف تحرك

نطق بألم: ماقدر ظهري
سعود : حاول توقف معي
ضيف وبصوت ضعيف: اسندني
وقف سعود وهو يمسكه من كتفه ع خفيف بدا يمشيه خطوه بخطوه وبهمس : قلت لك لاتدخل
ضيف وهو مغمض عيونه وشاد على اسنانه من الوجع: ماني ندمان ولو يرجع فيني الوقت بطلعهم
عقد حواجبه سعود وهو يشوف السيارات مقبله عليهم

انفتح الباب ونزلو الضباط قدامهم : الملازم اول ضيف والملازم الثاني سعود انتم قد الثقه اللي انعطت لكم
نزلوا الباقي وهم يصفقون بقوه
ضيف ووجهه انعدم بسبب الطيحه: وش تقصد
الضابط : كان اختبار بسيط لقدراتكم
سعود بقهر: هذا تسميه اختبار زميلي تأذى ظهره احترق شوف وجهه وش صار فيه وجاي تقولي اختبار
ضيف نطق وهو مغمض عيونه: دور لك ملازم غيري يروح هالمهمه
سعود شد على كتفه وهو يشوف سيارة الاسعاف مقبله
بالمستشفى :

نطق الدكتور: الحروق من الدرجه الثالثه
سعود بعد ماعالجو وجهه وقف: ظهره متأثر حيل ولا

الدكتور : جزء من ظهره متأثر بيأثر على وقفته لان الحروق يبي لها فتره طويله على مايزول المها وبعدها ضروري عملية تجميل لان الحروق من الدرجه الثالثه
غمض عيونه ب الم : يارب عفوك

نطق الضابط وهو جاي: بكذا بنعفي زميلك من المهمه وبنعطيه اجازه وبيرجع يداوم بمكانه قبل
سعود بقهر: تشوف هالشي سليم الولد احترق وتأذى بسبب هالمهمه اللي تقول عنها اختبار
وش معنى حنا من بدا الضباط
نطق الضابط بهدوء: لانكم مجتهدين بشغلكم حاولنا نعيشكم الواقع اللي بتشوفونه على الحد وهذا مو قراري انا قرار احدى الضباط المشرفين على ضيف اختاركم بالاسماء بيشوف عن قدراتكم وطول ما انتم بالطياره كنتم مراقبين بالكاميرات
سعود تنهد بقوه : نرجع الرياض ولنا كلام ثاني
الضابط بهدوء : لكم حرية الاختيار من عندي انا بحاول اواجه الضباط واكون بصفكم قد ما اقدر
سعود : يصير خير

الرياض :

يطالعهم بحزن : انا ماقلت لكم علشان تجلسون تبكون ابيكم تشجعون ابوي وتكونون ايد وحده اذ شافكم بهالحال ماراح يدخل العمليات وهو مرتاح
بسيل وهي تتقدم منه وتشد على ايده: كلام باهي صحيح لمتى بتجلسون تبكون خلاص قضاء الله وقدره بدال لاتبكون قومو تجهزوا نروح له
تركت ايده وهي تصعد صعدو بعدها البنات وخالاتهم
جلس على الكنبه بتعب طالع لهمام الساكت : جهزت اغراض ابوي

همام وهو يطالع الشنطه بجنبه: ايه واغراضك رنوه بتجهزهم
التفت باهي لسلطان اللي يبكي بصمت ضمه من كتفه وهو ينطق بصوت خفيف: هذا وانت الرجال تبكي ابوي طيب ماعليه خلاف قوم غسل وجهك علشان تروح معي يلا
هز راسه وهو يوقف ويبعد عنهم بسرعه

همام بهدوء: بنتناوب عليه
باهي برفض: انت وراك دوام انا ماعندي شي برافق معه

همام وهو يوقف : عمامي نعلمهم ولا
باهي بحيره: مدري خلني اول شي اشوف موضوع ضيف بعدها نشوف نقولهم ولا

همام : ترا كلمت رئيس المركز حق ضيف وقالي ماوصلت لهم اخبار باختطاف الطياره وبعدها سكرت وجتني رساله من رقم يقولي انه حدا اخويان ضيف وان هالسالفه كلها من نفس ضابط المركز بيشوف عنهم وبعدها يطلعون الحد

باهي ب استغراب: يعني كذب

همام وهو يحط يدينه بجيوب ثوبه: يقول

باهي: خلاص روح انت الحين مع سلطان وخذ معك خالاتي والبنات معي

ثواني ونزولو البنات وقف باهي وهو يمشي وهم وراها
اما همام جلس ينتظر خالاته يخلصن وياخذهم

باهي وهو يشغل السياره ركبت بسيل قدام وراء جلست رنوه وايار ونورسين

يسمع شهقاتهم على خفيف وهم يحاولون يسكتون تنهد وهو يحرك السياره طالع من حدود البيت
وبهدوء وحزم: اللي بتبكي تعلمني من الحين ارجعها البيت ابوي بخير مابه الا العافيه ابوي محتاج وقفتنا معه وانتم للحين تبكون علموني كيف بيصبر وهو يشوفكم كذا هاه رنوه هذي انتي الكبيره شفيك انهرتي ايار ونورسين مسحوا دموعكم لا والله لا ارجعكم الحين
ماردو عليهم وهم يمسحون دموعهم ويحاولون يسكتون
التفت على بسيل: الغيتي حجوزاتك

بسيل : ايه وقفت وارسلت لهم العربون
باهي وهو يوقف عند محل ورد : انزلي معي
نزلت وهي حاسه بغمامه سوداء فوق قلبها مابكت مانزلت من عينها دمعه مو جالسه تحس بروحها
التفت عليها ولقاها واقفه رجع وهو يمسك يديها ويدخل معها وهو حاس فيها وخصوصاً انها اكثر وحده وصى عليها ضيف
بدا يختار باقة ورد ملونه ابتسم وهو يشوف الالوان : شرايتس

بسيل بهدوء: حلوه
باهي : مليانه حياه التفت للبنت اللي تعدل الورد: عطيني هذي طلع صرافته وهو يحاسب عليها
لفت انتباهه ورده بلون الموف الفاتح: وعطيني وحده من هذي

الموظفه: ثواني بس
بدت تجهز الباقات وبعدها مدتهم له اخذ الورد وهو يعطي بسيل باقه الورد اللي بلون موف والثانيه معه ركبوا السياره اخذ الباقه من بسيل وهو يلف ظهره لورا : هذي لخيتي الكبيره رنوه
وهذي لا ايار شبيهة الورد

وهذي للورده نفسها
رجع نفسه وهو يمد وردتين لبسيل : وهذي لا احلى اخت بدنيا ولك ثنتين علشانك ماسكه نفسك وقويه

ابتسمت وهي تنطق: الله يخليك لنا
مد شفته بزعل وهو يحرك: الباقي ع الصامت مافي رد

نطقت رنوه وبصوت مبحوح: تراك اكبر مني
ضحك : اييه بهذي تردين ماتسكتين

وصلو المستشفى رجع يكرر كلامه بشده : ولا وحده تبكي حاولو تغيرون جو ابوي ترا للحين مايدري لا رحتوا من عنده بقوله
البنات: طيب
نزل وهو يعدل لبسه لبس نظاراته وهو ماسك باقة الورد
لف على نورسين تمشي بجنبه مسك ايدها وهو يمازحها
وصلو غرفة ابوهم طالعهم بتذكير: لاحد يبكي فاهمين
نورسين : والله فهمنا
ابتسم بتسليك : يلا ندخل
دخل وهو ينطق بفرحه : ياهلا ومرحبا وش هالوجه المنور وش هالزين يابو باهي
ابتسم ابوه بتعب: اييه خذني بالحتسي
ابتسم باهي وهو يحب راسه: تنذكر ولاتنعاد يابوي
بعده تقدمت بسيل وهي تردف : ايه تغلى علينا
نطق بتعب: بعد شوفتكم انا بخير اهم شي انتم عندي بالدنيا كلها
بعدها رنوه اللي تقدمت بصمت وحبت راسه ضم ايدينها وهو يعرف صمتها يا انها بتبكي ولا متضايقه: وش فيتس ياعين ابوتس

رنوه وهي تطالع لباهي اللي يطير عيونه : مافي شي مشاكل بسيطه بالدوام يالغالي
تمسك ب ايدها وايار ونورسين كل وحده تحبه من جهه
ابعدو وهم يجلسون ع الكنب وبعضهم ع الارض الا رنوه اللي مازالت جالسه بنفس السرير ومتمسك بكفها
باهي وهو يمازحه: ايه بس رنوه بحضنك والباقي جايبهم بالغلط

ضحك : ههههههههه لا رنوه قلبها رهيف واخاف عليها من نسمة الهواء ودايم الكبير غير

نطق بغيره: تراني انا اكبر منها وضيف البكر هذي وش تصنيفها
ابوه : عاد انتم عيال صابني جفاف وانا ارابيكم وهي غير اول بناتي واول فرحتي

باهي : ايه لنا الله انا واخوي المساكين لا ام عندنا وابو مو منصفنا
ابوه اخذ المنديل وهو يحذفه: يكثر بربرتك
وبهدوء: ضيف وش صار عليه
باهي وهو مبتسم: ابد الموضوع كله اشاعات و كلمته وقالي وصل الجنوب ماقدر يرد عليك لانه كان بطياره والحين شبكته ضعيفه قال لازانت معي الابراج دقيت
ابوه وهو يدنق راسه: الله يجيب اللي فيه الخير

باهي : امين
وقف وهو يردف: اخليك مع بناتك انا بروح اخلص اشغالي
ابوه : رح الله معك وانا بنياتي عندي
ضحك وهو يطلع
سكر الباب وهو يحط ايده ع قلبه : يارب صبرني واوجه
رجع لمكتب الدكتور وهو لثاني مره يسأله عن العملية وكم تاخذ وبتأثر ع ابوه ولا

وصلو همام وسلطان وخالاته دخلو وهم يسلمون ع ابوهم ويحاولون يشجعونه
يراقبهم من بعيد وهو عاجز يدخل عليهم رجع طلع لبرا ركب سيارته وهو يحرك مبعد عن المستشفى كله وقف قدام الممشى وارتكى براسه على الدريشه وهو يحاول يتماسك علشان اخوانه اخذ جواله وهو يتصل على ضيف
تفاجى وهو يرد عليه بصوت متعب: هلا
باهي بفرحه: انت بخير
تألم بصمت وهو يرد : ايه

باهي بضيق : ابوي تعبان جاه خبر ان طيارتكم انخطفت وعباله صاير لك شي
ضيف وهو يتعدل بجلسته وسط معارضة سعود: بكره انا جايكم
باهي: ودوامك

ضيف وهو ينطق بعجله: لاجيت الرياض اشرح لك الحين وبهدوء:
انت بخير باهي اصبر بس اليوم وجايك بكره
باهي وهو ماسك نفسه: ب انتظرك ياضيف ب انتظرك
سكر وهو يردف : ابوي تعبان لازم اطلع سعود ساعدني وجميلك ماراح انساه
سعود بهواش: انت صاحي وين تروح وظهرك ورجلك ووجهك حالته حاله
ضيف وهو يضرب ايده بالسرير: لازم اطلع ساعدني
ولا اقولك احجز لي ع الرياض الحين
سعود بعصبيه: ضيف اعقل للحين ماخلصت تحاليلك والحرق يبي له وقت

ضيف وهو يحس بحراره من الجروح والحرق:
مابي منك شي انا بدبر عمري

رفع جواله وهو من كثر التعب ماركز بالارقام اللي مسجله من غير اسم : الو مقرن اسمعني ماعندي وقت احجز لي على الرياض بسرعه
رجع ينطق بعصبيه تسمعني انت ولا رد علي
ايدها مازالت ترجف ووجهها انخطف لونه ردت برجفه: انا هبوب مو مقرن
وقف الزمن فيه لحظات لف على سعود اللي يسأله وش فيه
اشر له يطلع
طلع وهو يسكر الباب وراه
ضيف بصوت مبحوح: متى تعتقيني
هبوب بصوت باكي : شلون وصلك رقمي

ضيف سكت وهو يستمع لبكاها ونطق بعدها بسخريه:
لا تهل دموعتس إلا و أنتِ صادقه
‏فوق كذبتس ماتحمّل كذب عينتس !

سكرت وهي تمسح دموعها بعد كلامه

طالع لرقمها وهو ينزع قناع الكبرياء للحنيه بصوته:

عسى عيونتس ماتبكي الا من فرحه

تنهد وهو يرسل لمقرن يحجز له بسرعه وب اقرب وقت

دقايق وصلته رساله من مقرن: انه حجز وطيارته بعد اربع ساعات
دخل سعود وهو يسأله :خلصت
ضيف : ايه
سعود وهو يبتسم: من المدام

ضيف مارد وهو ينزل ويوقف بتعب : اسمعني طيارتي بعد كم ساعه دبرني وطلعني
سعود وهو يرفع ايدينه: ودي بس الضباط برا
ما انتهى من كلمته الا وهم يدخلون ويتحمدون له بالسلامه
نطق ب استعجال : انا بطلع على مسؤوليتي
الضباط: ترجع معنا
ضيف وهو يردف بعصبيه: برجع لحالي ولي تفاهم معكم بالرياض مو هنا والحين ابعدو عن طريقي

ابعد الضابط وتعداه وهو يطلع ويوقع الاوراق على مسؤوليته

سعود : ليش تخليه يروح وانا موصيك ترفض ماتشوف شلون تعبان

الضابط: اذ رفضت بزيد النار حطب خله يروح
سعود لحق ضيف وهو يطلب له اوبر : بروح معك بحجز بالمطار

مازال ملتزم الصمت
سعود: انت من بعد المكالمه مانت خالي وش صار لك
ضيف وملامحه رايحه من التعب :
سعود اكرمني بسكوتك

ارسل لباهي يستقبله بالمطار

المانيا بالجامعه
وتحديداً بالحديقه مسحت دموعها وهي ماتنسى شكلها كيف بكت بالكافتيريا قدام الطلاب
هيا : وش صاير لج

هبوب وهي تمسح وجهها: ولاشي انا بطلع للبيت ماني حاضره الباقي

هيا بعصبيه: خبله انتي ورانا اختبار وش عذرج

هبوب وهي تطالع لها امس زعلانه والحين جايه
تهاوش: هيا ابعدي عن طريقي واللي يعافيك
طلعت من حدود الحديقه وهي تمشي للشقه القريبه من جامعتها
فتحت الشقه وهي تدخل بضيق رمت كتبها على الكنبه
اتجهت للغرفتها فتحت الباب وهي تدخل قفلته
نزلت جاكيتها الطويل وحجابها نزلت جوالها
مسحت وجهها بضيق

اكلت بندول وهي تنسدح بفراشها ضمت مخدتها وكلماته مازالت براسها
الجوف:
دخل بيته اللي كان تاركه من فتره شغل النور وهو ينزل البنت على الكنبه وهو حاس بنشوة فرح بعد مابلغ عن المزرعه اللي شافها امس
طالعها بضيق وهو مو عارف كيف يتعامل مع هالبنت : ياربي اوديها للشرطه ولا اخليها معي
رجع طالعها وهو يشوفها تلعب باغراضه : لو خليتها يبي لها اوراق منين اطلع لها اوراق
مسك راسه ب انزعاج وهو خايف يوديها للشرطه ويكشفونه راعين المزرعه
تنهد بتعب وهو يطلع جواله ويتصل على خويه
بنفس المنطقه
____
وبشقتهم:

منار ببحه: سو شي دورها شفيك بارد كذا
عبدالعزيز تنهد بتعب : وش تبيني اسوي انوح يعني ولا الطم علشان ترضيين علي

منار وقفت بتعب: لا تنوح ولا تلطم ردة فعلك تكفي وزياده
مارد عليها وهو يوقف: بروح لعمامي تبين تجين معي
منار وهي تمسح دموعها: ماني رايحه مكان

رد بصوت خافت: احسن
_________
بعد مرور ساعات
بليل الساعه8
بالبيت بعد ماطلعو من المستشفى
باهي بهدوء: طلبت لكم وجبات
رنوه وهي توقف بتعب: ومن له خلق ياكل
باهي رفع حاجبه وبعصبيه: ترا الكل تعبان متضايق مو بس انتي والوجبات بتكلونها غصبن عنكم كلكم

تعبت وانا اقولكم قضاء الله وقدره شي مكتوب مانقدر نرده خلاص تعايشوا مع هالوضع
همام بنفس عصبيته: وانت من سمح لك تصرخ على رنوه احترم حالك لا تشوف نفسك الكبير علينا وانت حتى وظيفه ماعندك تصرف علينا
باهي ب ابتسامه: الحمدالله والشكر شدخل الوظيفه برنوه وشوفة الحال رفع حاجببه اذ براسك شي اطلع واجهني رجال لرجال مو ترفع صوتك قدام الحريم وامك
همام بنفس نظرته: مالي كلام مع اشكالك
طنشتهم رنوه وطلعت لفوق
تكلمت ام همام : همام اعقل ولا اصعد نام وفكنا من شرررك
دف باهي وصعد لفوق
تنهد وهو يجلس بتعب طالع ساعته
صفق راسه : ضيف
التفت لخواته اللي منسدحات على بعض وساكتين مو يمه طالع لسلطان اللي غافي جنبه

وقف بسرعه: انا بروح لابوي
تقدم لبسيل اللي كانت منسدحه على الكنبه ومغمضه عيونها طلع الفلوس وهو يمسك ايدينها: بسسيل هذا حساب المطعم الزياده خليها معك انا بروح لابوي

انفتح الباب ودخل ضيف وهو يردف: انا بروح لابوي خلك عند البنات
فزوا كلهم
تقدمت له ام رنوه: شلون جيت مو كنت طالع للحد
ضيف بهدوء : قدمت ظرفي ورجعوني
جت بتسلم عليه بس ابعدها ب ايده وصعد لفوق
لفت : الولد مو خالي وجهه كله جروح ومافيه حياه وعيونه حمراء
بسيل ب استغراب: غريبه وش جابه
ركض وراه باهي وهو يصعد
ام همام : شكله مريض لان وجهه شاحب

دخل باهي على ضيف : خلني اليوم ارافق وانت ارتاح ورافق بكره اصلا ماراح يدخلونك مامعك بطاقة مرافق
ضيف غمض عيونه بألم بعد ما انتهى مفعول المسكنات: خلاص اطلع
باهي جلس على ركبه وهو يمسك ايدينه: حلفتك بالله تقول وش صاير وياك شوف وجهك كله جروح وايدينك حاره
ضيف مسك راسه : اطلع ياباهي اطلع

وقف وهو يطالعه بقهر: بطلع بس والله ماني مخليك لين اعرف وش وراك ياضيف



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 12:45 PM



Powered by vBulletin® Version 3.8.9
Copyright ©2000 - 2020, vBulletin Solutions, Inc.