آخر 10 مشاركات
في غُمرة الوَجد و الجوى «ج١ سلسلة صولة في أتون الجوى»بقلم فاتن نبيه (الكاتـب : فاتن نبيه - )           »          بأمر الحب * مميزة & مكتملة* (الكاتـب : tamima nabil - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          هيا نجدد إيماننا 2024 (الكاتـب : رانو قنديل - )           »          ليلة مع زوجها المنسي (166) للكاتبة : Annie West .. كاملة (الكاتـب : nagwa_ahmed5 - )           »          غمد السحاب *مكتملة* (الكاتـب : Aurora - )           »          443 - سر الأميرة - كارا كولتر ( عدد جديد ) (الكاتـب : ^RAYAHEEN^ - )           »          كاثرين(137)للكاتبة:Lynne Graham (الجزء1من سلسلة الأخوات مارشال)كاملة+روابط (الكاتـب : Gege86 - )           »          مواسم العشق والشوق (الكاتـب : samar hemdan - )           »          6 - موعد مع الغرام - روزمارى كارتر - ع.ج ( إعادة تنزيل )** (الكاتـب : امراة بلا مخالب - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 14-04-20, 09:56 PM   #11

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي




#حفيدالشيطان
#الكاتبةورودالخالدي
البارت9


شهاب:::
لازمها بيدي..حتى متفلت..وهي تضرب بصدري بايدها الثانيه وتكول:
هدني خلي انزل...شكد مستهتر..
اني خربان ضحك..ايدها مدبدبه طريه..من تضربني عبالك ادغدغني..
بقت..تضرب بيه تعبت ..كامت تلهث كسرت خاطري..هديتها نزلت ..راحت وكفت بصف الحوض تباوع عليه بحقد..اني احجي ويه نفسي..بعد مبيها مجال صبرت هوايه الليلة احصلها ..احصلها بالكوة بالمروة احصلها..ياناس ياعالم كلبي طك..وين اكو رجال يتحمل مثلي..مريتي وحلالي..وميت عليها..عاشك كل تفاصيلها..ومامحصلها..عايشين بنفس الغرفة.تتمشى كدامي.جنها العافيه لو البارحة من نيمتها بحضني بقدره قادر سيطرت ع نفسي.كافي..كتلني الضيم والحركة والحسرة لشوكت ابقه اكابر ومانع نفسي ع ابومنتظر الوقت المناسب هسه لو اسولفها للناس..اصير مضحكة..اباوع..عليها..واكول..و ين ترحين مني الليلة هاجر..اطلع..بيج كل ضيم كلبي وصبري وحسرتي..وانتظاري..خااااااال ي..والليلة خميس..وع كوله المصريين(الليلة خميس..والكل بيهيس)!!!!؟؟؟؟
باوعت ع الساعة راح تصير..بالوحدة خلي ارجع للمعرض اخلص كم شغله حتى اجي من وكت للبيت..ورحت للمعرض..ماكو بس دخلت فاتو الشرطة للمعرض..

اخ..شهاب عليك امر القاء القبض!؟
القاء القبض..ليش!
لان انت محضرت جلسات المحكمة..واعتقد دزينالك اكثر من تبليغ..
اهوووو..تذكرت فعلا اجاني التبليغ بس اني مرحت المفروض..اروح..فكتلة..للشرطي .
ابو..غفران شنو السالفة..الاحد احضر..للمحكمة:
شهاب احنا صح ولد منطقة ولو جاي وحدي عادي..اكدر اكول للضابط ملكيته بس شوف الضابط دزني ويه سيارة الدورية وانت تعرف الشرطة الوياي ميسكتون..لتحرجني امشي وياي..وهناك..احجي ويه الضابط خلي يطلعك..ويوم الاحد تحضر عادي..
اضطريت اصعد ويا..لان اعرف هو عبد المأمور مابيده شي..وصلت للمركز..روحي طلعت من.شفت..رائد..ماجد..هذا واحد مجعمر..وشايل خشمة يتفيك ويحب يهمبل ..واني روحي بخشمي بس يحجيله حجاية زايده اشبعة طن بوكسات حتى لو بالمركز..بقة..يسولف ويمسلت..لحكني طارق بقة يسولف وياه اني ساكت ما اريد احجي اعرف نفسي بس يحجيلة حجاية ابتلي بيه..طارق كله :
اطلعه بكفالة:
كلة..
ميصير هاي مسؤولية..واوراقة صعدت محكمة واصلا هو جان طالع بكفالة وضرب القانون ومحضر الجلسات صار..

اربع شهورونص واكثر اندز تبليغ وهو ميجي!.
طارق كلة:
حضرة الضابط تره..القضية قديمة صارلها 6شهور..وهذا..ابوكاظم حركها لان يريد جم فلس..عادي ننطيه ويسدها!
اخ طارق..احنا هاي التفاصيل متهمنا..بينكم وبين المدعي..بعدين..تره التبليغ صارله..اربع شهور ونص يوصلكم والمدعى عليه..ميحظر..اعتقد هاي لاصايرة ولا تصير..رائد محمد جان بمكاني..وشفته موقع اوراق تأجيل بس اني ما اكدر اخلي الموضوع بمسؤوليتي..كل هالمدة..لان هذا تلاعب..
بس هو قبل اربع شهور جان محبوس عدكم!
نعرف اخي..بس ع ذمة قضية ثانيه وكفالته السابقة عن هذه القضية جانت ساريه المفعول..هسه..لازم يتوقف لموعد الجلسه يوم الاحد..
حضرة الضابط اسويلة كفالةجديدة!
ميصير اخي..ما اتحمل هالمسؤوليه..
يعني يبقى هنا للاحد .
اي واني اشوف لو تتفاهم ويه المدعي عليه..ويتنازل عن الدعوة حتى يطلع افراج.
حضرة الضابط..
متحملت طارق يتوسل بهذا..اليهمبل..فكتله:.
روح طارق..ابقه للاحد عادي..بس جيبلي ملابس..

وراح..طارق..فتت للتوقيف..روحي طلعت اول مرة..هيج اضوج..من..اتوقف..صح الاحد احتمال اطلع..بس لعبت نفسي..صارت الساعة بالتوقيف بسنه..عليه من صار الليل ضجت اكثر..لان طارق مااجه..تأخر..عليه..حيل طلعت الدنيا..من عيني صدك الواحد ميحس بالنعمة الا..تنزاح من..يمه..كل ليلة اني بغرفتي مكابل هجورة الحلوة..واللية مكابل وجوه المساجين المجعمرة..لا واليوم جنت مواعد..نفسي بليلة غير شكل..ههههه...اي خوش هيست..شهاب..هيس بالسجن براحتك!

هاجر..::

كاعدة بغرفتي صعدت زينب دكت الباب..وفاتت..كالت:
هاجر..اريد ملابس لشهاب!؟
ملابس!؟ليش..شتسوين بيهن!
هااا..موطارق كال..هو بالتوقيف واحتمال يبقة للاحد..ويريد ملابس..
بالتوقيف ليش!
حسب مسمعت من امي قضيه قديمة..بس لتخافين هاجر الاحد يطلع ان شاء الله!
ارتبكت..احس روحي انقبضت:
زينب اكيد يطلع اخاف يحبسوه هواية:
لا يطلع ..لتخافين طارق راح يروح ع بيت هذا المشتكي ويخليه يتنازل..حتى لو بفلوس!

زين هو ليش مشتكي عليه..شمسويلة شهاب!
هو شهاب بكولشي مورط نفسه..وتالي اطيح براسه وينسجن..
اي..ليش متعرفين!
والله ما اعرف التفاصيل..امي تعرفهن نزلي واسأليها..
هااا..اي..بس شنطيج من ملابس..
يعني ملابس داخلية وتراك..
اي..اي.
وطلعت ملابسرداخليه وتراك ونطيتهن..لزينب ..راحت!.بقيت اعصر باديه يا الله شمسوي شهاب وحابسيه..اخاف يطول..بالسجن..كلبي مقبوض..ومصبرت ساعة ونزلت يم عمه كتلها:
عمه فدوة احجيلي ليش شهاب محبوس..
كالت:
هو ابني مثل جده ..كل كدر وهو چفچيرة!.
مفهمت عمه..
يعني مدخل نفسه بمشاكل الناس وبعدين ياكلها..شهر شهرين تلاثة بالتوقيف!.
ياااااا....عمه لتخوفيني شنو يبقة3شهور!.
ههههه..تخافين عليه..لتخافين بنيتي يطلع..الاحد انشالله!.
اي عمه بس شنو القصة!
عمه..هذا واحد..مشتكي عليه لان تعارك ويا قبل فتره ع مود عائلة فقيرة جانت مأجرة بيت ..وابو البيت راد يطردهم..فهو مطيهم ع اساس 4شهور مهله..حتى يلكون...

بيت بس قبل المهله بشهرين اجه يتهدد عليهم طلعو لا اشمر غراصكم بالشارع..فالولد راح ع شهاب..وكله مالكيت بيت..وهذا يريد يطلعني ويشمر غراضي راح شهاب يتفاهم ويا..وراد ينطي..فلوس مقبل كله..اله يطلعون..حجاية منه حجايه من شهاب صار شهاب عصبي وبسطه..فاشتكى عليه..اخذو شهاب حبسو طلع بكفاله..وبعد ماراح سد القضية رجع اليوم المشتكي حرك القضيه لتخافين يمه وجهج صار اصفر..هسه يروح طارق ع المشتكي يمشي عليهم..وحتى لو يريد فلوس ينطي..ويتنازل الاحد!
عمه اكيد يعني!.
اي..اكيد..عادي متعودين ع طلايب شهاب!
ردت اكوم:
كالت..
عمه ضلي يمنا..خاف وحشه عليج فوك وحدج!.
اي والله عمه صدوك وحشه..عليه اتمنى اضل يمجن طول النهار بس شهاب ميقبل انزل!
بنيتي انت هم تعاندين..هو شرايد منج كلج..لبسي محشوم كدام اخويه..شكو بيها؟
عمه طارق ابن عمي وهم مثل اخواني شكو بيها اذا لبست برموده لو تراك!
بنيتي الحمه صح مثل الاخ..بس لازم تتحشمين كدامة حتى يحس انتي محترمته يعني لو طارق متزوج..وعنده مرة هم ميقبل مرته تكعد ابرمودة كدام شهاب!.
عمه لتزعلين تره ولدج معقدين!.

لا بنتي مو معقدين بس الستر والاحترام للمرة واجب..بنبتي..عرفي طبعنا وطبع رجلج..وسايسي..وامشي ع..مرامه حتى تنسعدين..هههه..لو ماخذه حجي موسى جان شسويتي!؟
قصدج جدو موسى!
اي..شهاب طالع عليه بس جدج موسى جان اضرب من شهاب بقاطات..ماكو مكان بحسمه مابيه طلقة..لوسجينه جان يعارك..ع الحق..حتى بايام الحرب مال ذيج..السنين..هو فات بالنص..وصار قائد..مال حرب ..ابو شهاب يسولفلي..شغلات تشيب عليه..وبنفس الوقت جانت مرته العلويه الله يرحمها تموت عليه..ومتقبل تمشي لاهلها خطار..تكول..ما امشي لهلي..لان حجي موسى يغار عليه ميقبل..الناس تشوف طولي بالشارع..وبعد..وبعد سوالف تشيب
هههه..صدوك جدو موسى جان هيج..!؟
اي والله واكثر.
.هههه..واني اكول شهاب شيطان طلع جدو شيطان اكبر منه..وشهاب..حفيده..مثله..

ههههه..تكول حفيده شيطان..نزول عليج..هاجر
عمه..يعني هسه..ابقى يمكم!
اي ابقي..
بس اخاف..يكوم يحجي عليه لان كلي لتنزلين.
من يشوفج لابسه طويل كدام...اخو ومخليه شال..

ع راسج ميحجي..بالعكس يحس انتي محترمته ومحترمة اخو وتكبرين بعينه!.
بس عمه معندي ملابس ردن وطويلة بس الشتويات!.
ولا يهمج..البسي من ملابس زينب..بعدين قابل انتي راح تتكمطين من الصبح لليل اشو هووطارق يجي يتغدة ويرجع للمعرض وبالليل خطية..يكعد يمنه ساعة ويتعشه ويلف راسه وينام..حتى لو من يجي تلبسين حرام الصلاه ساعة بينما..يطلع..لو ينام بالليل!.
اي والله خوش فكرة من يجي البس حرام الصلاه..ومن يطلع انزعة عادي..اشكرج عمه ع هالفكرة..
وبستهابخدها!.
ضحكت..
هههه..شكد فطيرة هجورة..
انتي الوردة وحبابه عمه
مر اليوم الاول عليه مثل السنه بالليل..حيل ضجت لان نمت وحدي..الله شكد حلو..من حضني البارحة ونمت بحضنه شلون حظ مسكرب عليه اول ليلة يحضني بيها ثاني يوم ينسجن..بيها خطية هسه هو كاعد لو نايم..زين هم يفكر بيه مثل ما اني دا افكر بيه..لا..يمكن ميفكر بيه..لان هو ميحبني..بس اني الغبرة بسرعة تعلقت بيه وحبيته..وضحكته الحلوة ترن باذني..كل شويه..اووف ربي..شلون راح اتحمل للاحد..والاتعس شلون..اتحمل فكرة..هو راح يتزوج وينام يم مرته الجديده..وصرت احسب....

الساعات شوكت تخلص وشوكت يجي الاحد ويرجع للبيت!واجه يوم الاحد وعرفت انه طارق اخذ المشتكي وراح يتنازل بس مطلعو الصبح..ساعة 2الظهر خابر..طارق ع عمتي كلها طلعته وجايين بالطريق ركضت لبست حرام الصلاة..وانتظرت مصدكت عيوني من فات للبيت وشفته..عمتي باسته بس اني اباوع عليه من بعيد شكد مشتاقة لعيونه..هو اجه كدامهم سلم عليه وباسني بكصتي كعدنا شويه..اسمعه يحجي..ويه امه:
يمه اريد احجي وياج شويه وفاتو للغرفة ضل باللي شيحجون بقو تقريبا ساعة الاربع:
طلعت عمتي بعدها تسولف وياه..
ماما خليها الباجر هستوك طالع من التوقيف!
يمه شنو باجر اني مستعجل..اليوم ترحين ع الناس!.
موكتلك..المرة كالت لتجيين الامرته الاولى توافق..
يمه هاجر موافقة شعليها بينا..
ماما..همه شمدريهم مرتك موافقة:
اخذيها وياج خلي تخطبها..بنفسها..
هاي شديحجون يكولها اخذيها..وياج..خلي تخطبها بنفسها..جتي..يمي عمه:
ماما هاي مرتك يمك واحجي وياها باجر عكبة اصير اني بوز الملامة..شكولك امك راحت خطبتلك وزوجتك..عليه..
فهو..لزم ايدي وصعد بيه للغرفة..اني ارجف بعدلي شويه وابجي..اني مشتاقتلة

وهو طالع من التوقيف يريد يخطب..وجماله يريدني..اروح برجلي اخطبله ويه عمتي..اول مدخلنه للغرفةكلي:
هاجر العصر تبدلين وترحين ويه امي وخالتي لبيت اهل البنيه الي اريد اخطبها لان امها تريد تتأكد انتي موافقة حتى متصير مشاكل!
بودي اشرب من دمه من حجة هالحجايات بس مردت ابينله اني هالكد متأثرة بس..كتلة:
شوف تخطب تروح لجهنم تتزوج هذا مو شغلي واني ما اروح لبيت ناس ما اعرفهم ع مود حضرتك تريد تتزوج..!
اسمعي لج..اني طالع للمعرض..العصر اجي الكاج مبدله اخذجن بسيارتي وحجي زايد ما اريد!
ما اروح..وشتريد تسوي سوي!
خلي اجي والكاج ممبدلة..وشوفي شلون راح اتصرف وياج!؟
شهاب:::
اويلي مشتعلة نار..اووف راح تنجح الخطة مالتي واخيرا راح تجي وتكولي ما اريدك تتزوج واريدك الي..هههه..بس امي خوش جابت الدور..عبالك صدوك..وخلتها تصدك اني اريد اخطب..خرب يومج ام شهاب خوش تمثل..صارلي 3ايام اخطط..من توقفت لليوم..واكيد راح يصير الي ابالي.سبحت وبدلت..وطلعت للمعرض..العصر رجعت كبل صعدت:
اشو ممبدلة!
كتلك ما اروح وحتى..عمتي نزلت كتلها ما اروح!

شنو مترحين انتي..تردين تخربين عليه الخطبه!
خطية بسرعة..دموعها نزلن..ادنت يمي!
شهاب اهم شي عندك الخطبة اهم شي اهل البنيه يرضون..تحرص ع مشاعرهم ورضاهم واني مفكرت بيه شلون تخليني بهالموقف!؟
اي..موقف حبابه انتي مو تكولين انت متهمني تخطب تتزوج لو تروح الجهنم!
من حركة كلبها دفعتني باثنين اديها!
منو كلك..ممهتمة...منو كلك اني اقبل تتزوج عليه..
متت..من القهر على دموعها..خرررب كلبي مينطيني اشوفها تفرفح..بس بنفس الوقت متونس ع اعترافاتها:
منو كلي يعني انتي الي تكولين؟
جذب اني مكلت..ممهتمة..شهاب..اني ما اريدك تتزوج عليه..
ليش..
لان..لان.......!!!!!
لان تحبيني مثلا..ويهمج موضوعي..؟؟
بصوت واحد..كالت:
اي..احبك..وتهمني..وما اقبل تتزوج عليه..
اي هاي اللحظة الي جنت منتظرها صح كلبي مينطيني اشوف دموعها..واقهرها بس المهم كالت احبك!
عاد اني منتظرت بسرعة التفتت قفلت الباب ..هي كالت
..ليش قفلت الباب..هااا..شهاب شحتسوي..حتضربني حتجبرني اروح..وياكم..

هي ترجع لورة عبالها اريد اضربها..ادنيت اكثر..لزمت ايدها..وجريتها..يمي..كالت:
شهاب ما اروح والله حتى لو شبعتني..كتل..اني. ما..
ومخليتها تكمل حجايتها كلبي مشتعل نار..ويني اوين الحجي والسوالف...بسرعه سديت حلكها ابوسه..هي مستغربه..اتفاجأت..لان دا ابوس بيها بلهفة وبحرگة وباشتياق..رادت تدنه حتى تفهم شنو السالفه:
شها...
هم مخليتها تكمل الكلمة..روحي مفحمة اريد اطلع ضيم كلبي كوله بشفايفها الحلوات...حاضنها..وابوس..بيه� � كل انواع البوسات جربتهن بشفتها..راحت ماعت بين اديه وهي مربربه..حتى..رجليها بعد متشيلها..رادت تفلت من اديه وتوكع بالكاع..حضنتها حيل ومشيت خطوات الى وصلت للجرباية..يمكن عشردقايق ابوس بيها..وهي مستحيه تريد تخلص شفتها مني متكدر اخير شي حسيتها تعبت كلت خلي انطيها مجال تاخذ نفس..بس..وخرت عنها اخذت نفس..وكالت..وصوتها يرجف:

ليش..ليش..تسوي ..لي.....
لان احبج..لان كلبي طك..خلص صبري بعد مابيه انتظر واكابر.
.خطية هم بجت..وكالت:
انت..انت تحبني!؟
اي احبج...والله وساحل نفسي سحل ع مودج..انعل ابو

الدنيا الجنت عايشها بدونج!
ص..ص..صدوك تحجي!
اي..والله ميت..عليج..كلبي ورم..من..الانتظار..جنت ناوي اطكها بوجهج الخميس الفات واكولج احبج..لحكي عليه راح اتخبل من وراج..بس..حظي مصخم جوي الشرطة واخذوني!
لعد..ليش..تريد تتزوج عليه!
جذب..والله..جذب اني اتفقت ويه امي وسويت عليج هالفلم..اريد اخذج وانتي راضية..واني حاس انتي رايدتني وتحبيني!..وحتى الغرفة مو الي لطارق!!!!!
فلم...يعني موضوع الخطبة فلم!
اي والله!
بس..انت كلت العمتي قبل فترة اريد اتزوج!
هم جذب والله جنت عصبي..شنو قابل اني نبي وكل الي اكوله..انفذه!
كامت ادفع بيه..وتضرب بديها ع صدري
شيطان والله شيطان وابن شياطين من الاول كلت عنك شيطان محد صدكني..
وشلون حبيتي للشيطان وتبجين عليه!
شمدريني..غير اني ثوله..وما افتهم
لزمت ايديها!
هسه انتي تضربين بيه وهلكانه..ولج ضربتج متوجع ايدج سفنجة مدبدبه اتدغدغني وبس..

هي سكتت..دنكت..مديت ايدي ع زرها كمزت:.
هاي شنو..وين مخلي ايدك..شنو هالاستهتار!؟
عمي اني مستهتر..وابويه مستهتر وجدي مستهتر..وعشيرتي كولهم مستهترين..واريد اطلع استهتاري كوله بيج..
اول مره كامت ادفع بيه بس بالبوسات والحجي الحلو قنعتها..احلى لحظات..جانت..وياها..وصارت الي..لا والحلوة ابوس بيها..وتصيح مستهتر وخر عني..الى ان اخذتها..وخلص انتظاري وحسيت..ايامي الحلوة بدت
انتظروا بارت10

💋💋💋💋💋💋💋💋💋💋





فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 16-04-20, 07:35 AM   #12

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#حفيدالشيطان
#الكاتبةورودالخالدي
البارت10والاخير


هاجر:::
نزلت من الجربايه مرتبكة حيل ..والرجفة بكلبي وبحسمي..بس احس روحي طايرة بغير دنيا وهالكد ممرتبكة ركضت للزاوية..ادور ع فد شي اخذه وياي للحمام..يالله حتى ما اكدر اركز بالملابس هالكد ممستحيه اعرفة هو يراقبني ومبتسم..اخير شي عندي منشفه حمرة جبيرة من هاي ام الكلاو..اخذتها وركضت طلعت هو..يضحك:.
ديري بالج حبي..لتوكعين ع وجهج!
مصدكت طلعت من الغرفة وصلت للحمام وكفت جوه الدوش سبحت..ومن خلصت لبست المنشفة..وبقيت اباوع ع نفسي بالمرايه مال الحمام..خدودي صايرات حمره..يالله كومه اثار حمر هم..على ركبتي..ممصدكة الي صار قبل شويه..يربي كلي احبج..شهاب يحبني وكلي جذب ما اريد اتزوج..الله اكبر جنت عايشه برعب..من هالفكرة..بعدين هو شكد حباب ورمنسي..ومشاعرة ..دافيه..وحلوة..غمضت عيوني اريد ارجع اتذكر كل الي سوا قبل شويه ما اعرف ليش رغم كلبي يرجف..بس بنفس الوقت احس بفرح محسيت بيه كل عمري..هسه شسوي ارجع للغرفة زين من ارجع شنو راح نحجي شنو راح..يكولي او اكوله؟؟؟..طلعت من باب الحمام شفت الغرفة التي جنت اعتقد هي اله اكبالي فتت للغرفة اباوع داير مداريري..واكول الف الحمد لله طلعت مو اله وطلعت افكاري كولها موصحيحة..مشيت ع كيفي وطلعت وصلت..
الباب غرفتنا استحي افوت..اخير شي..كلت شلون يعني ابقه واكفة بالممر..فتحت الباب ع كيفي اول مدخلت فتحلي ايديه:
تعالي..تعالي بحضيني بعد عمري..
سكتت!!
شبيج حبيبتي تعالي..
حبيبتك!؟
اي حبيبة عمري كله...تعالي!
مشيت ع كيفي..بس وصلت..يمه جر ايدي ع كيفه واخذني بحضنه بعدين باسني..بكصتي..وكلي:.
هله بيج بكلبي..وبروحي..وبعقلي..وبكل ذرة من كياني..
ادنيت باوعت بعيونه اليخبلن كتلة:
شهاب..انت..انت صدوك تحبني!
ههههه..تكول صدوك تحبني..ميت بحبج مو بس..احبج!
يعني انت تحبني من يوم الي شفتني بعرس مهند!
مد ايده ع شعري..واخذ خصلة باسها وكلي:
بيوم الي شفتج بالعرس احساسي..جان فد شي مختلف..ما اعرف يمكن بدايه حب..بس من شفتج لابسه قصير وتركصين ادمرت..اريد اهدي نفسي ما اكدر لدرجه..عركت جسمي صار مي ..هالكد متوترت وفقدت اعصابي..هاجر حسيت قطعه من دمي ومن لحمي..معروضة كدام الناس ويتفرجون عليها..هاجر انتي عرضي..واني مو انسان يتهاون باي موضوع يخص عرضة..
.شهاب بس بابا واخواني جانو واكفين يعني اني...

ممسويه شي..من وراهم بكلامك هذا ..تحسسني انه اهلي موخوش ناس!؟
اني..مكلت اهلج مو خوش ناس..بس اهلج فاترين..ومتراخين..بالتربية انتي شفتي اخوج اسعد شلون جان وشلون رجعته الكم لبغداد زلمة معدل!
اي بس هذا مينطبق عليه اني مو بعمر..اسعد ولا بعدني مراهقة وجنت مقتنعة بلي اسوي!
اسألج سؤال وجاوبي بصراحة!؟.افرضي اني رايح لعرس اصدقائي وطلعت وحده من اخوات العريس لابسه قصير وحلوة..وتجذب النظر مثلج واني خيلت عليها وبقيت افكر..بيها تفكير. عاطل..انتي تتقبلين هالموضوع!
اكيد لا..
والشباب الي جانو بالعرس اني متأكد كولهم..خيلو عليج وراحو بغير ...دنيا..لج..لج اني جان بودي الزمهم واحد واحد واشلع عيونهم واخليها بديهم!

لهلدرجة اني ضوجتك بذاك اليوم!
يا ضوجتيني..نعلتي سلفه سلفاي..
ادنيت يمه بسته بخده..وكتله:
بعدك ضايج مني..؟!
لا مو شغلة بعدني ضايج..بس اني اتمنى تغيرين افكارج عن قناعة!..الستر حلو..هاجر..والحشمة..احلى شي بالبنية..والبنية المحترمة نفسها. وساترة مفاتنها..كل الدنيا تحترمها...

يعني تريدني البس حجاب!
مو بس اني الي اريدج..لا اريدج انتي هم تردين الحجاب وتقتنعين بيه!
وليش مكتلي هالحجي من اول يوم زواجنا ليش كسرت كلبي..لو كايل هالحجي والله جان..كل الي كلته ..نفذته واني فرحانه!
بهاي عندج حق..اني فعلا صرت غبي..ومفهمتج الا بعد فترة..جنت اعتقد انت..مراح تتغيرين..الا بالكوة وبالاهانات..طبعا بسبب..لسانج الي مثل البكته!
هههههه..تدلل شهاب البس حجاب..وعباية اسلامية..وحتى كلامي احسبله..حساب منا وجاي!
شبكني حيل..وكال:
الله يخليج اليه بعد عمري..
شهاب..انت..انت هم تفكر بعد تزوج عليه!
ههههه..بعدج هيج تفكرين..ولج والله..والله..والله..وهذا امير المؤمنين..سبع النجف شاهد على كلامي..تحرم عليه كل مرة غيرج..الى ان الله ياخذ امانته مني..
اسم الله عليك..بعد عمري..
اكو شغلة ثانيه ضلت بكلبي!.
شنو هيه
هاجر ما اريد..اسرارنا..تطلع من هالغرفة وتوصل لاهلج!
هااا..والله مجان قصدي اوصل شي..لاهلي بس من حركة كلبي حجيت لماما..
ما اريد هالموضوع يتكرر...

صار..بس من رخصتك اكو بس شغلة وحدة اريد اكولها الماما لان هيه ضال بالها!
هههه..شنو هالشغلة!
يعني..اني..وانت..قصدي..قصدي..
خرب ضحك وكلي:
ههههه..فهمت..كوليلها لامج..انكسرت الشيشة.!
هههه..
فديت الضحكة..التخبل..
انتبهت هو مسبح فكتلة:
اكول..اشو انت مسبحت..
وليش اسبح..عندي شوط ثاني!؟
وشبكني..وكام يبوس بيه..كتلة:
لا..لا..عفيه مو هسه..فدوة هسه سبحت خليها لباجر..الله يخليك..
الله يخليك شنو باجر شنو لج..دتعاليلي..عبالج تخلصين..خليها ابالج..شعرج بعد مينشف منا وجاي!؟
وصرت اله مرة ثانيه..وهم رحت سبحت وكتله..اله تكوم تسبح ..
كلي:
حبي باجر اخذج لهلج..خطية هسه اشتاقلوج واعرف انتي مشتاقتلهم!
صدوك!
اي والله بس بشرط..؟
ليلة وحدة نبقى..وممنوع انام وحدي تجين يمي تنامين!

ماشي..
وبسته بخدة..
الله يخليك اليه..بعد عمري انت!
يله تعالي خلي احضنج وانام حتى..نطلع من الصبح..
من هسه انام..احنا متعشينا..!
اويلي...بعدها همها ع بطنها..ولج تعبان وصارلي 3ايام منايم بس افكر بيج..من جنت بالتوفيق!
فديتك يعمري انعل ابو العشه...انت العشه يروحي..
وحضني..ونمت..كعدنا ساعة بتلاثة نزلت سويتلة ريوك..هم كام يتحرش بيه كتلة:.
لا تتحارش ولا شي..اولا راح يأذن الاذان اريد اصلي وثانيا اريد اروح نظيفة حتى ازور..الكاظم ع ..فدوة لاسمه..
تعال تريك..وفضها..
وتريكنا..كل خمس دقايق يبوسني..وانتظرنا عمتي كعدت تصلي كتلها:
عمه..شهاب راح ياخذني الاهلي بس ليلة وحدة ونرجع!
براحتح بعد عمتج..تردين تضلين تشبعين شوف من اهلج ضلي بعد كم يوم!
لا..لا باجر ارجع وي..شهاب..
ترحون وترجعون بالسلامة..واني هم مسويه طرشي يخبل
.اخذي منه لاهلج..
ماشي..اشكرج عمه...
صعدنا بالسيارة ورحنا لبغداد الطريق كوله نضحك ونسولف...

تقريبا بعد ساعة ونوصل لبغداد شهاب شاف سايق عاطل..ويمه عائلة وكف كال للسايق محتاجين شي..
تسلم خابرت راح يسحبوها للسيارة بس العائلة رايحين لبغداد بلا زحمه عليك ذبهم بدربك اول متوصل للبوابه..وهاي كروتك!
صدوك جذب ياكروة ..اتفضلو صعدو..عيني
وصعدت ويانه العائله مره تقريبا عمرها 35سنه..وياها طفلين بنيه وولد..ومرة جبيرة..عمرها تقريبا فوك الستين كعدو بالكشنات الورة..اني مدري شبيه ضجت..حسيت مثل الخربو علينه سفرتنا..والاتعس باوعت ..بالمراية روحي طلعت شفت هاي المرة ام الطفلين صافنه ع شهاب..گبر..حتى..گبر..اي والله مره ..وياها اطفالها..وبهالعمر ومتكعد راحة..تتصفن ع رجلي..حيل ضجت..اتمنى بس الطريق يخلص.وصلنا للبوابه..نزلهم هو..انتبه اني ضايجة..كلي:
شبيج ضايجة حبي!
مشفتها لهاي الحقيرة ام الجهال شلون اكلتك بعيونها!
هههههه..ممنته والله!.
هم رايدلك تنتبه حتى اموتك!؟
هههههه..ع كيفج اهدي شبيج سحلتي روحج..سحل من الغيرة!
اي اسحل نفسي سحل..رجلي واحبه..وما اقبل وحدة تباوع عليه!
هههههه..تغارين..!

اي..اغار..اغارشعندك بعد!
ههههه..ولج..هو اني عيني تشوف غيرج..بت الاوادم..
اعرف..بس ما اريد يباوعن عليك!
ههههه..اموت عليج من تصيرين عصبيه ..ويصير حجيج صلي..اخرب..واتكهرب!
وصلنا لاهلي..ماما تشبك بيه..حيل فرحت من فاجئتهم وجيت اني وشهاب كولهم فرحو وسلمو علينا..بعدين كالت:
اخابر خالاتج مشتاقاتلج هنه والبنات!
اي والله ماما..اني هم اشتاقيتلهن حيل.
ماما اتصلت بخالاتي جتي خالتي..هيه وبناتها..وياهن اجه عامر ابن خالتي..سلمن عليه وبوستي واستغربن لان..شافتي بعباية اسلامية وحجاب..حتى..عامر ضل يصنف..كال:.
ههههه..هجورة متحجبة مني همزين امي جانت تلزمنا الصوندة من جنا بالابتدائية وتسبحنا سوه..
خرب هذا شبي يهتهت..يا الله بس لا شهاب يزعل من كلامة..شكد عيب منه..باوعت ع شهاب شفته مدنك يباوع بموبايلة ما اعرف زعل من حجي عامر لو مستحي من بنات خالتي..لان سافرات..شويه وكال..لماما:
عمه اني اروح انام..شويه راسي يوجعني من الطريق من اسوق ادوخ
اي يوم فوت نام بغرفة..مخلد..
لا عمه اروح انام بالاستقبال اخذو راحتكم..
وطلع..يا الله اخاف زعل..بقيت شويه يم البنات هنه التهن...

بالغدة ويه ماما..لان..ماما كعدت تسولف ويه خالتي وخلتهن يركبن..طبعا مرت مهند عند اهلها لان وحامها صعب..وطفلها..مهدد بالاسقاط حسب مكالت ماما..عامر بقة شويه وطلع..وبابا ومخلد ومهند..يتفرجون ع التلفزيون طبعا اسعد مشفته كالو بمحلة الجديد..يشتغل ميجي اله بالليل..كلت مادام كولهم ملتهين خلي اروح يم حبيبي اخاف زعل..من حجي عامر..فرحت..دخلت للاستقبال شفته متمدد..ع القنفه..مغمض عيونه..
اتقربت..كتله..
حبيبي..نمت!
منايم!
كعدت يمه..وكتلة:
شهاب انت زعلت من حجي...عامر مو..تره عامر فطير موقصدة يضوجك!
هههه..ليش ازعل..هو شكال..يحجي ع ذكريات طفولة
ها..يعني مزعلت؛
لج ليش ازعل شنو القصة!
الحمد لله ضل بالي خفت لتزعل..
حبيبتي تره اني مو هالكد معقد شكو بيها اذا كعدتي ويه كرايبج محجبة ومحشومة..وتسولفين..تره اني ما اريد اخنكج..واقيد تصرفاتج..واعقدج..
الله يخليك الي بعد عمري..انت..
دكومي قفلي الباب اكو فد شغله شفتها ابيتكم واريد اكولج عليها..وما اريد احد يسمعنا..

خوفتني شهاب شنو الشغلة الي شفتها..
دكومي قفلي الباب ما اريد احد يسمع خاف احد يفوت ويسمعنا نججي عليهم تره عيب..
كمت ركض..قفلت الباب..وجيت..يمه..كلي:
تعالي احجيها باذنج احسن..
ترة خوفتني شهاب شنو شفت!
اتقرب مني..وكال..شفت بنيه حلوة لابسه عبايه اسلامية وحجاب..يخبل ..وخدودها يلمعن..واني حيل مخيل عليها راح اموت..من وراها..
وشبكني..وكام يبوس بيه وراد ينزعني العباية'
ياااااا..شهاب هنا..عند اهلي شلون!
لج تعالي اهلج شنو!
لا..لا عفية عيب..
لج...تعاليلي..شنو عيب!
لا شهاب خليها لليل اريد ازور..مو!
اهووو..امري لله لليل..خليها..
وتغدينا طلعنا العصر زرنا..ورجعنا صار الليل..تعشينا بقو..يسولفون هو وبابا واسعد ومخلد..ومهند.لا ساعة ولا اثنين..اني بالمطبخ خربانه ضحك..اعرف مهند كاعد على نارصارت الساعة 11وهمه منايمين..بعدين بابا فات الغرفته واسعد هم نام بالصالة لان تعبان..ومهند دخل الغرفته خربت من الضحك اكثر من مخلد جاب..الدومنه وكال..لشهاب..تعال نلعب دومنه..كله:
حيل نعسان وباجر ورايه طريق..واني ادوخ من السياقة..

هااا..اي براحتك..اني هم..راح انام..وراح شهاب للاستقبال..ماما بقت تسولف وياي اني كل شويه ابتسم افكر بشهاب هسه روحه طلعت..كلت الماما..
ماما راح اروح يم شهاب..قبل لينجلط..
ليش ولج!
شاورتها خربت ضحك..كالت:.
روحي يم رجلج يوم الله يسعدكم ويهدي سركم..
ورحت للاستقبال..شفته كاعد ع نار كلي:.
همزين حسيتي ع روحج!
ههههه..مو ماما جانت تسولف..و
لج ياماما..يا..بابا..اني صاير ماماوبابا!؟؟؟؟؟؟؟
وعشنا احلى لحظات..
ثاني يوم رجعنا لبيت عمي لغرفتنا..وعشنا كل يوم..احلى من الثاني..جنت اسعد انسانه ويا..مناقصني اي شي..يمكن..اسعد من اي مخلوق ع الكرة الارضية..بس جنت..اتمنى اصير حامل بسرعة..احب الجهال هو ممهتم..يكول شوكت ميصير خلي يصير الطفل ممستعجل بس اني جنت مستعجلة يمكن لان جنت ملهوفة ومستعجلة محملت بسرعة بقيت سنتين بدون اطفال..اتمنى يصير عندي طفل وبالسنه الثالثة مصدكت نفسي من صرت حامل هو هم خطية طار من..الفرح..وطبعا عمتي..وزينب شايلاتني بالصلوات ربي يخليهن الي..ومر حملي بسلام..وجبت..ولد...عمتي سمته احمد..وكملت سعادتي الف الحمد لله والشكر..

انتهت
♥♥♥♥♥♥♥♥
احبتي...//..تطرقت روايتي في بدايتها الى موضوع مهم وهو ظاهرة التخنث التي بدأت تتفشى في مجتمعنا الاسلامي للاسف وهي ظاهرة دخيله اتى بها الغرب..وزرعها في عالمنا..الاسلامي..وبدأ..يبرر ..تلك الظاهرة..علميا وطبيا..بزيادة او نقصان الهرمونات..ليجعل المجتمع يتقبل تلك الظاهرة السلبية..والتي صنعت الآلاف..من اشباه الرجال المموقوتين اجتماعيا..لهذا حملت روايتي نصيحة للشباب..وهذه النصيحة تقول لايوجد اغلى من رجولتك..وقد خلقك الله وهو اعلم..منك..بخلقك..فلا..تسر في درب..لم يقدره..الله لك..
اما الامر الاخر..الذي تطرقت له الرواية هو اهميه الحشمة..والحياء..والبراءة للفتاة..والروايةتقدم نصيحة للفتيات وتلك النصيحة تقول..انتي فتاة يعني انتي وردة جميلة تعبق..عطرا..لكن اياك ان تهدري عطرك..الجميل لكل من هب ودب احتفظي بعطرك..لمن يستحقه..ويحافظ عليه.
اتمنى ان تكون سطور روايتي قد راقت لكم واستفدتم منها..اكتبوا لي انطباعكم عنها.
#احبكم

#الكاتبةورودالخالدي ♥♥♥♥♥♥



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 20-04-20, 02:25 AM   #13

ندى تدى

نجم روايتي

alkap ~
 
الصورة الرمزية ندى تدى

? العضوٌ??? » 142345
?  التسِجيلٌ » Oct 2010
? مشَارَ?اتْي » 8,582
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » ندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond reputeندى تدى has a reputation beyond repute
¬» مشروبك   pepsi
¬» قناتك mbc
?? ??? ~
My Mms ~
افتراضي

رواية جميله جدا وقمة الروعه


تسلم ايدك حبيبتي ووفقك الله


ندى تدى غير متواجد حالياً  
التوقيع
رد مع اقتباس
قديم 06-05-20, 10:24 AM   #14

ع عبد الجبار

? العضوٌ??? » 460460
?  التسِجيلٌ » Jan 2020
? مشَارَ?اتْي » 260
?  نُقآطِيْ » ع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond reputeع عبد الجبار has a reputation beyond repute
افتراضي

جميله جداالرواية اسلوب مميز بوركت اخية دوما بانتظارك دمتي بخير 🌸🌸🌸

ع عبد الجبار غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 01:30 PM



Powered by vBulletin®
Copyright ©2000 - 2024, vBulletin Solutions, Inc.