آخر 10 مشاركات
هيا نجدد إيماننا 2024 (الكاتـب : رانو قنديل - )           »          328 - العروس المتمردة - جوليا جيمس (اعادة تصوير) (الكاتـب : سنو وايت - )           »          نصيحة ... / سحر ... / الأرملة السوداء ... ( ق.ق.ج ) بقلمي ... (الكاتـب : حكواتي - )           »          الجبلي .. *مميزة ومكتملة* رواية بقلم الكاتبة ضي الشمس (فعاليات رمضان 1436) (الكاتـب : قصص من وحي الاعضاء - )           »          آسف مولاتي (2) *مميزة ومكتملة * .. سلسلة إلياذة العاشقين (الكاتـب : كاردينيا الغوازي - )           »          جدران دافئة (2) .. سلسلة مشاعر صادقة (الكاتـب : كلبهار - )           »          أسيرة الثلاثمائة يوم *مكتملة * (الكاتـب : ملك علي - )           »          شيوخ لا تعترف بالغزل -ج3 من سلسلة أسياد الغرام- لفاتنة الرومانسية: عبير قائد *مكتملة* (الكاتـب : noor1984 - )           »          إحساس جديد *متميزة و مكتملة* (الكاتـب : سحابه نقيه 1 - )           »          مشاعر على حد السيف (121) للكاتبة: Sara Craven *كاملة* (الكاتـب : salmanlina - )


العودة   شبكة روايتي الثقافية > قسم الروايات > منتدى الروايات والقصص المنقولة > منتدى الروايات العربية المنقولة المكتملة

Like Tree1Likes
إضافة رد
 
LinkBack أدوات الموضوع انواع عرض الموضوع
قديم 10-04-20, 01:12 AM   #1

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
Rewitysmile25 حفيد الشيطان ، للكاتبة/ ورود الخالدي "عراقية" ، مميزة (مكتملة )






بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
اعضاء روايتي الغالين نقدم لكم رواية

(( حفيد الشيطان ))

للكاتبة/ ورود الخالدي



قراءة ممتعة للجميع ...



ندى تدى likes this.


التعديل الأخير تم بواسطة فيتامين سي ; 16-04-20 الساعة 08:14 AM
فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 10-04-20, 01:20 AM   #2

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي

رابط لتحميل الرواية

هنــــــــــــــــــــــا




#حفيدالشيطان
#الكاتبةورودالخالدي


احبتي تتمحور احداث روايتي الجديدة..حول شاب وسيم قوي الشكيمة..قادر على تحمل مسؤولية افعالة سواء اكانت خاطئة ام صائبة..يعتبر..نفسه مصيبا دائما..في كل مايصدر عنه..وفي نفس الوقت لاتأخذه في الحق لومة لائم..يعتمد عليه كل معارفه..وابناء عمومته في حل مشاكلهم..لانه يملك كل انواع الحلول لمختلف المشاكل..اما بطلتنا فهي..شخصية مرحة..مدلله كونها الاخت..الوحيدة لثلاث اخوه..كيف ستجمع احداث الرواية..بين شخصين احدهما..يختلف عن الاخر اختلافا..كبيرا..
اتمنى ان تعجبكم..المقدمة وان اعجبتكم اكتبوا لي لابدأ بكتابتها..
ملاحظة// الرواية باللهجة العراقية..



التعديل الأخير تم بواسطة فيتامين سي ; 16-04-20 الساعة 08:20 AM
فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 10-04-20, 01:22 AM   #3

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#حفيدالشيطان
#الكاتبةورودالخالدي
البارت1


شهاب:::
كاعد بغرفتي اكلب بموبايلي دخلت امي:
ماما هاي الورقة لكيتها بملابسك الي جنت لابسهن.
اخذت الورقة من ايدها قريتها..وكلت:
اهووووو..هاي شلون نسيت:
شنو الي نسيته خو ماكو شي!
لا ماكو شي بس ولد جان وياي بالتوقيف موصيني ع شغلة ونسيتها..
ماما هالنوب تخلص شغلات للمساجين احنا شعلينا مصدكت طلعت من التوقيف:
هههه..شنو اول مرة افوت للتوقيف!
اي تعودت انت شكو على كلبك..انت تتوقف واني اشبع ضيم..
اليسمعج يكول متوقف سنه هو شهرطب منا طلع منا.
وقبلها مو جنت مسجون شهرين..وطارق..ضل يفر باذنه وحدة..
احسن خلي يتعلم يتحمل المسؤولية
عشتو..هو هذا الاثول مال مسؤوليه..
ههههه ..اني طالع..
يااااا..وين تطلع بعد امك..غير ولد خالتك جايين..يسلمون..

عليك!.
هسه جايين يسلمون ولد اختج..صارلي يومين من طلعت وين جانو
وليدي كلمن ملتهي..بهمة..عباس مرته مريضة وحاير بيها..ومختار..تدري بيه..من الصبح لليل بالشغل
اني ما اتأخر..ساعة وارجع..
خوش..
طلعت..من البيت رحت تسوكت..ورحت ع العنوان الي كتبليا محمد خطية وصاني ادزل لعائلته مسواك الى ان يطلع لان هو محكوم..6اشهر..خلص منهن 4شهور..وبعد شهرين..نزلت من سيارتي ودكيت الباب طلعلي طفل زغير..كتله:
عمو صيحلي احد..من اهلك..
دخل يركض ورة شويه طلعتلي..مره..تقريبا عمرها بالثلاثين بس حلوة..ومدارية روحها..بصراحة تفاجئت بشكلها..اشو رجلها يكول..مرتي هسه شبعانه ضيم..بس من شفت شكلها..استغربت ممبين عليها الضيم.
تفضل عيني رايد شي؟
اني..صديق محمد..جنت ويا بالتوقيف دزلكم مسواك بيدي..
هااا..اشكرك صارت زحمة عليك..
لا اختي ماكو زحمة رحمة ان شاء الله..
رحت شلت العلاليك..وانطينهن الها..هاي شبيها تباوع عليه من..فوك لجوة؟؟

اي شي تحتاجون اني حاظر..
مشكور..متقصر..بس اذا احتاجينا شي شلون راح نوصلك!..انطينا رقمك..
هم استغربت..تريد رقمي كلبي لعب احسها مو راحةفكرت كلت احتمال اني غلطان..بس اضطريت انطيها رقمي..وعفتها وصعدت سيارتي ورجعت لبيتنا
ثاني يوم المغرب..دك عليه رقم غريب..شلته..سمعت صوتها:
الووو..اني مرت محمد..ابوسجاد..
اي تفضلي اختي..
بعد اختك الدكمة مال الثلاجة شعوطت..والثلاجة بيها مسواك واذا بقت طافية راح يخرب المسواك!
ها..يعني ادزلكم..كهربائي!
هااااا..لا..لا..تعال شوفها بالاول ما أأمن ادخل رجال غريب لبيتنا..
بس هسه صار الليل!
مراح أأخرك..فدوة لكلبك..اذا كلش..كلش نشيلها الثلاجة نخليها على دكمة الصالة..
ماشي..اني جاي..
صعدت سيارتي..بس..اكو احساس..بداخلي يكولي..هالمرة سالفتها موخالية..بس كلت خلي اشوف تاليها..وصلت لبيتهم دكيت الباب..طلعتلي لابسه عبايه اسلاميه وحجاب احمر..ومخليه مكياج..مرتب..كلت احتمال هيه متعودة تتمكيج..شعليه..اول مشافتني كالت:

تفضل اخويه..
دخلت..سألتها:
اختي..لو دازة ع احد من اهلج مو احسن صح اني حاضر اساعد بس دنيا ليل وداير مداريكم جيران يعني اذا شافني احد فايت لبيتكم مو حلوة بحقكم..
يااااا..والجوارين شعليهم..شنو اخاف خبزتي عليهم ويكطعوها..فوت اخويه..واليحجي..عليه ياكل تبن ترس حلكة..بعدين اني اهلي ما احجي..وياهم من يوم الي انسجن ابو سجاد..
ماشي..اختي..بس وين مخليه الثلاجة
تفضل فوت..هنا مخليتها بالمطبخ..
فتت..استغربت اشو ماكو صوت الي عرفته من ابو سجاد هو عنده3جهال
فسألته:
اشو الجهال ماكو:
هااا..نايمين اني معودتهم ينامون من وكت..
وصلت للمطبخ..فتحت الثلاجة لكيتها تشتغل..بعدني دا احجي وياها..
اختي جاي تشتغل الثلا....!!!
بعدني ممكمل كلامي..اشو هيه نزعت الحجاب وفتحت العباية وادنت يمي..
هاي شبيك شنو صدكت اني دازة عليك ع مود الثلاجة..
استغفر الله هاي شلابسه لابسه ملابس مال نوم..وردي..حيل خفيفة...صح تفاجأت..بس كلت خلي افكر..

زين قبل اي تصرف فكتلها:
شنو قصدج!
قصدي واضح انت حيل عجبتني صدقة شنو هاي عيونك..تخبل..گلبي..طار من شفتك..من البارحة لليوم..منايمة..
هاااا..يعني..تريديني!
اوف اريدك..فدوة لعيونك الحلوت...متگلي انت شتاكل شنو هالجسم..اليخبل..تعال..تعال للغرفة..انسيك الدنيا ومابيها..
جرتني للغرفة دخلت لكيتتها محضرة صينية فواكه..وكرزات..صح هي حلوة وتغري..ومحضرة كلشي..بس..وسفه والله..اني شهاب..صح افوت بالموت وميهمني شي..بس عمري ماصرت نذل..ولا عمري خنت..الزاد..وابو سجاد..ميستاهل..العب من ورة ظهرة..حتى لو تطلع مرته حورية من الجنه..فكرت شلون افلت..هاي مبينه مو سهله..يمكن اذا كتلها ما اريد تكوم تصيح..وتلم الجيران..وتكول هذا فات البيتي حتى يعتدي عليه..ويتركب الحق على راسي..فكتلها:
اي والله خوش كعدة بس ناقصها شي!
ماكو شي ناقص..اني وانت..والليل بعد شنريد!
ناقصها مشروب اكيد عندج!
هااا..لا معندي..مشروب شنو انت تشرب!؟
اي اشرب...انتظريني اروح اجيب شرب وياي..وبالمرة اجيب ابن عمي يتونس ويانه..!..خوش شاب مرتب ويعجبج!

اذا حلو مثلك جيبه!!!!!!!!!!
اصلى احلى مني!
شوقتني..بس بسرعة تعالو مو تتأخرون..ويكعدون الجهال..
لا..اني اتأخر..شلون اتأخر..انتي متعرفيني اموت ع الحلوات..
ههههه..ديلةلعد..روح وتعال بسرعة..
ادللي..
طلعت من يمها صعدت سيارتي وطرت..افلت شهاب..وصلت لبتينا دخلت لغرفتي كاره الدنيا..رجلها مسجون وهيه ولا..على بالها كل الي يعجبها ادخله للبيت..لا وفوكاها عادي واحد اثنين مو مشكلة متعودة..ومعودة جهالها ينامون من وكت..حتى..تلعب بكيفها..ربي شمنتظر ليش متكلبها بينا..يعني..بعد ما أأمن بكل مرة بهالدنيا..ع كد ما اشوف نماذج..من هالنوع....وفوكاها احنا بمنطقة مقدسه كبال امير المؤمنين..اني مو خير..ولاصايم مصلي..بس لعبت نفسي من الفساد..يعني هيج الدنيا صارت..النسوان ادور حلوين..مو مشكلة الشرف..مو مشكلة رب العالمين المهم تعيش..حياتها..حلال حرام..عيب مو عيب..مو مشكلة..وامي..تلومني..ليش..ما اتزوج..شلون اتزوج..واني..ما اامن بكل مرة..بقيت متمدد ع جربايتي. امي صاحتني:
تعال تعشه شهاب:
ما اشتهي..يمه..اريد انام..

شنو متشتهي يعني اني المن اطبخ اذا اختك ست الحسن لفت راسها..ونامت وطارق افندي لهسه مجاي من بيت خالتك..وانت تكول ما اشتهي!
اهوووو..يمه جاي اكل..امري لله..ورحت تعشيت..ورجعت لغرفتي دك تليفوني..رقم هاي العار..سويتله تحويل حتى متتصل علية بعد..بس غمضت عيني دك تليفوني بعد مرة..اهووو..اكيد..تتصل برقم ثاني خلي اسويلة تحويل باوعت ع الموبايل..هذا رقم عمي عبد الرحمن..شعجب..مخابرني يمكن صار سنه ممتصل بيه ولا هو متصل بيه حتى من اجه العام بالعيد للمقبرة هم مخابرني اجه كبل زار..وراح للمقبرة وتغدة..يمنا ورجع لبغداد هو وابنه شلته:
الو..
ها..عمي شهاب شلونكم شخباركم!
ياهله..ومرحبه شلونك..عمي عاش من سمع صوتك..!؟
والله حقك وليدي شمتكول حقك اني مقصر وياكم بس شسوي..من..العام والسنه صحتي مو تمام..!
خيرك..عمي..اجي اخذك للطبيب!
عمي ياطبيب..يا اثنين ياعشرة مخليت طبيب..هو هذا السكر..ياكل بالروح اكل!
لا..لا عندك العافيه!
اكول!!
كول عمي!
تكدر تجي البغداد

اي عمي اجي ليش ما اجي!
عمي عندي فد حسبة اريدك تفضها..لان ذوله ولدي..غنم وسارحة مابيهم لافود ولا نفع!
اي عمي ادلل من الصبح تلكاني يمك..
تسلم وليدي..كلي امك شلونها..طارق شلونه
كلنا بخير اذا انت بخير
عمي..جيب..زينب وياك..خطية خلي تغير جو..ونشوفها
عمي عدها امتحانات..انت تعرف سادس ودوخة وامتحانات نص السنه بدت
ها....براحتك..عمي..سلملي ع...امك..وزينب وطارق..
فكرت اخاف عمي محتاج فلوس ويستحي يكولي صح همه حالتم زينه..بس..كلشي يصير..فكتله:
عمي..اذا حسبة فلوس كلي..حتى اسحب فلوس من المصرف واجيب وياي
لا..لا عمي تسلم موشغلة فلوس..بس سالفة طويلة مو مال تليفون!
ماشي تدلل..الصبح اني يمك..

هاجر:::
جنت كاعدة بغرفتي دا اصبغ باظافري..واسمع مخلد يحجي ويه بابا:
يابةليش اتصلت بالولد يعني احنا 3زلم منكدر نحلها!
شلون 3زلم مابيهم خير..لك دشوفه لاخوك راح ينتحر من القهر. بسببك

بسببي شنو يابه اني كايلة يشارك مظفر..وينصب عليه..وياخذ فلوسه!
اي انت ميهمك بس الفلوس جان انتظرت يومين يخلص العرس وبعدين جفص ابطن مظفر..ليش استعجلت وخربت علينه الاول والتالي..
جان يطلع مهند من الغرفة يصيح:
اي فد مرة سوي الولد نصاب..
اي نصاب..صار كم..بضاعة يمشي ويخلي..الفلوس بجيبة اشفت منه شنطاك..فلس عانه..لك..انت شبيك مضحك..ومجلب بهاي اخته..شنو ماكو نسوان!
مخلد ما اسمحلك تحجي على..غيداء..البنية شنو علاقتها بطلايبنا!
ها..ما الها علاقة..لعد ليش ابوها..يكولك ما الك يمي لا فلوس ولامرة..لك..افتهم نصبو عليك..الظهر الاحمر
اني مو مضحك ولا نصبو عليه انت سويتلك مشكلة من الماكو ويه مظفر وطردته..ما فكرت بيه..واذا مسوي نفسك خايف على فلوسي جان انتظرت يومين ع الاقل يخلص العرس وسوي الي تريدة
باع شلون كاتل نفسه ع العرس..
فبابا كله:
اسكت مخلد..انت السبب..استعجلت حتى لو مخلد حرامي..البنيه شعليها اخوك عاقد عليها وعازم الناس وحاجز قاعة..انت ايدك بالمي البارد وهو النار بكلبه!
والحل شنو يابه..

ماعندي حل..لا اكدر احجي ويه ابو مظفر لان انت غالط عليه..وطارد ابنه..ولا اكدر اتفاهم وياهم..وناخذ البنيه..لان انت خربت الاول والتالي..
وسمعت..مهند يكول:
والناس العازمهم..والعرس المحضرلة..شنو اكول لجماعتي والله..استاذ مخلد خرب عرسي..
ما ادري بابا باجر..الصبح يجي ابن عمكم شهاب ويحلها..
وسمعت صوت ماما:
اي انتظروا حلال المشاكل..من امدايه..ع هالخلفة..طلعت فتحت باب غرفتي شفت..سعودي دخل من باب الصالة..فبابا كله:
اي..كملت السبحة اجه الشفية يتمطة..وين جنت لك!
بابا جنت..يم..ابو الموبايلات فرمتت جهازي ونصبت الببجي!
اي هاي هيه اهم شي الببجي..اني مو كتلك زين كفشتك!
شنو كفشتي بابا كولها الشباب مسوين هذا الستايل:
دفوت..بدل سلاباتك..واتزقنب..لا ابتلي بيك..
وبقو يسولفون ع ابن عمي شهاب..طبعا اني من زمان مشايفته..يمكن قبل لا ادخل الكليه شفته مرة من رحنا للنجف وبعد مشفته..بس اسمع بابا يحجي عنه بحماس ويكول ماكو غيرة يحل هالمشكلة..زين شلون يحلها يعني..اذا ابو غيداء بطل بعد ميقبل ..ع الزواج..والله ما اعرف شلون حتنحل هالمشكلة خليتهم يحجون ودخلت نمت...كعدت متاخرة الساعة بالعشرة..مثل كل...

يوم..وهم سمعت بابا وماما يسولفون:
اي جان رحت ويه الولد يارجال؟
اني شكو رايح..همه يحلوها بعدين لتخافين مدام شهاب وياهم راح تنحل..السالفه!
والله ما ادري اشوفك تارس ايدك..من شهاب
هسه تشوفين شلون يحلها..هذا مثل ابو..سبع خو ما مثل ولدج..حلوكهم تلزك..عنده ماعنده يلزم مظفر..يطكه طلقتين ..ويجيب غيداء من شعرها!..سحل!
ياااا..تحجي صدوك..شنو هي هيونطة..يطكه طلقتين شنو تايهله ابن العالم لو ماكو حكومة!
شهاب متهمه لا حكومة ولا سجن ولا عشاير يجيب الحق من حلك السبع ابن اخوي واعرفه..
والله خوفتني بس لا ولدي يرحون بالرجلين
اي هو شطيح حظ ولدج غير الخوف..شفتيهم الصبح من اجه شلون هو يحجي وهمه فاكين حلوكهم على حجيه..زلمة معدل..كل حجاية..تهز الكاع مو اني مخلفلي 3واحد كاتل روحة ع الفلوس..واحد..ساحل روحة..ع الحبجيات والغراميات..والثالث الله يستر منه اشك..بيه يسوي عمليه تحويل بعد كم سنه!
شهالحجي ياحجي..طلعت ولدي من السيان!
شفايتلي لو مطلعهم من السيان اصلا همه اصل السيان!
ليش..لان متهدين..وميدورون طلايب مثل ابن اخوك..
شفايتلي لو يدورون طلايب..ويطلعون سباع الف رحمة

رحمه على روحك..يا خويه..خلفتلك ولد يعادل عشيرة..
دسكت..اسكت مو بعد شويه يجون وتضل تحجي هيج كدام ولدك وتكسر بخاطرهم بس تريد تكبر راس..ابن اخوك!

طلعت تريكت..خلصت ريوك شفت مهند دخل يبوس بماما:
يوم..خلصت خلصت..باجر العرس!
صدوك..شلون...
بابا ضحك:
ها..مو كتلج..يامرة شهاب يحلها
اي..شلون..
مهند كال:
يابه شهاب لعب طوبة بابو مظفر هو يحجي حجاية وشهاب يرد بعشرة اخير شي هددته ضل لياخذ ولينطي..وكله هسه افوت اخذ..مرت ابن عمي واليفك حلكة اترسه اله رصاص..
وشفت مهندطلع..من جيبة شدتين ورق خلاهن ع الطاوله:
شوف يابة حتى الفلوس الي جانن عد مظفر جابهن شهاب!
اي هاي الزلم المعدله خو ماحظي..زين هسه همه وين:
فاتو بالاستقبال هو ومخلد..تعرف شهاب ميقبل يفوت جوة..
خلي اروح يمهم..لعد
انتظروا بارت 2



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 10-04-20, 01:25 AM   #4

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#حفيدالشيطان
#الكاتبةورودالخالدي
البارت2

هاجر:::
طبعا حيل فرحت من انحلت المشكلة بس بنفس الوقت ضجت لان مراح يسون حنه بنات واني محضرة فستانين يخبلن واحد للحنة واللاخ للعرس..يله مو مشكلة باجر العرس واعلكها هناك بالقاعة....بقيت افكر بحجي بابا كال شهاب راح يحلها وفعلا الولد بس اجه كولشي انحل..وحتى الفلوس رجعت..صار هوايه مشايفته لابن عمي شهاب يمكن خمس سنوات لان اني ما اروح هواية للنجف وهمه هم ميجون بس بأيام زيارة الكاظم وحتى ميباتون عدنا..يجون شوية ويطلعون طبعهم غريب..ميقبلون الولد يدخلون جوة يمنه..يعني الولد من يجون يبقون بالاستقبال بس مرت عمي وزينب يكعدن يمنا ساعة ساعتين ويرحون..ما اعرف ليش..اشو احنا طبعنا يختلف يعني..من نروح لبيت خوالي نكعد كل احنا سوه ولد وبنات وحتى ناكل سوة ونتشاقة ونسولف..مو مثل ولد عمي..من يجون من النجف..منشوفهم..فكرت اروح للاستقبال اسلم عليه واشوفه بس لا..لا شكو رايحة..يعني المفروض هو جاي من مكان بعيد يسأل عليه او على امي ويفوت يسلم علينا..هسه اني شكو خابصة نفسي اكيد راح يبقى عدنا واشوفه..باجر بالزفةمال مهند..
شهاب::.
جنت كاعد ويه الولد وعمي بالاستقبال نسولف ونضحك لان الولد حيل فرحانين لان خلصت طلابتهم وباجر العرس..باوعت ع الساعة صارت11ونص..فكلت:
عمي اني اروح هسه هم يله ارجع..للنجف
ترجع للنجف شنو !
اي عمي الساعة 11ونص..بعد وكت...ارجع هسه لان عندي شغل بالمحل
عمي ياشغل يامحل من كل عقلك اخليك ترجع..للنجف وباجر عرس مهند!!!!!
جان مهند يطفر:
على بختك شهاب..تروح للنجف شنو باجر عرسي..واريدك وياي
هههههه..هاي شلك بيها مهند شنو تريدني وياك اول وتالي جنت راح تتزوج..بدون منعرف..لو ما المشكلة جان محد خابرنه..ولا حتى عدنا علم بعرسك؟!
لا..لا..ليصير كلبك اسود شلون ما اخلي علم عدكم والحسين الشهيد جنت ناوي اخابركم من اول البارحة حتى تجون..واذا متصدك خابر على بيت عمي تقي واسألهم هم لحد الان ميدرون!
اي وشعطلك ليش ماخابرتنا..!!
مو..اني ادري اذا اخابركم..قبل فترة كل واحد راح يطلعلة حجة حتى ميجي فكلت اخابركم قبل الحنه بيوم حتى ميضل الكم عذر....وشوفه عينك صارت الطلابة..وهمزين مخرب عرسي كوله لوما جيتك!

يابه الف الف مبروك مقدما..بس ما اكدر ابقة اول شي ممحظر نفسي لعرسك..شوفني جاي بقمصلة وبنطرون..وثاني شي هسه اذا اخابر امي واكلها راح ابات ع مود عرس ..مهند راح تزعل عليكم وعليه وتكول ليش معزمونا..شنو احنا نبزز..لو بس وكت الطلايب..؟
اي والله حقها بس سهلة هسه ادز..مخلد يروح يجيبهم ويجي..وميصير زعل!
لا ادز احد ولا شي..واصلا .مراح يجون!
على بختك..شهاب لتضلمها عليه ترة اني ممتقصد ازعل احد مني!
مو شغلة زعل بس امي وزينب ميجن لان زينب عدها امتحانات..وحتى طارق هم ميجي..لان عايف المحل..مقبط غراض..جايه الغرف التركية..وهو ويه العمال ملتهين يشدون بيهن بالمعرض واني هم لازم اروح..لان هذا ميدبرها وحده
فعمي كال:
ما اخليك تروح..شهاب تحظر زفة مهند يعني تحظرها لتدور حجج!!
عمي والله ممحضر نفسي دشوفني شلابس..!
شبيهن هدومك..اشو..معدك ومرتب!
عمي ليش تحرجني..
لا..احرجك ..ولا شي واذا ع الملابس..هسه تروح انت ومخلد تشتري اليعجبك..شنو..ماكو ملابس ابغداد..وشايل هم الملابس..دبطل هالحجج

ماشي..عمي..بس باجر بالليل ارجع للنجف..!
ماشي..
خابرت امي..وطارق وكتلهم راح ابات وارجع باجر بالليل حتى ليضل بالهم..العصر..طلعنا اني ومخلد اشتريت..جاكيت..وبنطرون وقميص..سادة وحذاء..لان اني جيت من النجف..بحذاء رياضي وبنطرون كابوي وتي شيرت وقمصلة ..وبقنا نفتر بالسيارة ورجعنا بالليل طبعا اسعد ابن عمي شفته خطف..معجبني شكلة مطول شعره جنه..جرو..وملابسه تخزي اتمنه الزمة املص ركبته..ملص بس مردت اسويلي مشكلة خطية مهند فرحان وهستوة طالع من طلابة مردت اضوجه..ثاني..يوم..مر عادي قريب العصر جنه يم الحلاق حلقنا ورتبنا وبدلنا ملابسنا وكل. شويه مهند يتصل بمرته..تكوله بعدني بالصالون..صار العصر..بدت الزفة رحنا نجيب العروس عادي رحنا..وجبناها..ودخلنا للقاعة...طبعا..هوايه ناس جايه لان مهند خوالة هواية..واصدقاءه..واصدقاء مخلد وجوارينهم..ازدحام صايرة القاعة..كعدو..وشغلو موسيقى
والشباب بدو..يركصون جوبي وكومو العريس..واكو بنات..هواية جايات..هم..واكفات يصفكن..ويضحكن..ولا وحدة محجبة كولهن..سافرات عبالك...احنا بالخارج..مو..عراقيين..شعليه.. همه اهل..بغداد عدهم عادي..لحد لهنا..جنت ساكت..واكول ما ادخل..اني رجال خطار وهذا..طبعهم..وفجأة شغلو..اغنيه سورية..عقلي طار من شفت اسعد..نزل بالنص ويهز مثل النسوان شعره..

يتطاير..هذا شنو من كل عقلهم..مخلين ابنهم هيج مخنث مثل النسوان..اويلي..اذا..الزمة..ا له اخلصه خلاص..واعلمه يصير رجال من صدك..هو يهز واحسه يجفص ابطني..لازم نفسي بالكوة..بس احس..دمي شايط.بودي الزمه من كفشته واركع راسه بالكاع..واخلي سنونه كل سنه بمحافظة..متت من القهر..حتى عرگت..جسمي ضل يصب عرگ..هسه شسوي شيصبرني منا لما تخلص الزفة..ورة شويه شفته راح يم البنات..جرلة وحدة منهن مشفت وجهها شعرها اسود حيل طويل وفاتحته لابسه فستان..ماروني منقط اسود حيل ضيك..وقصير..ورجليها..شحم..يمو تن..لزم اديها وكامو يهزون اثنينهم..بس التفتت..حسيت..نفسي راح اموت..بعد ما اتحمل رأسا عرفتها..هاي..هاجر بت عمي اي هيه هاجر اتذكر شكلها رغم اني مشايفها من سنين بس اعرفها صح كبرانه اكثر وشكلها متغير وصايرة تذبح ذبح..بس اعرفها..خرب..خرب ساعة السودة لو مجاي للعرس احسلي اني شهاب الي..ميرضة بالعيبة..ويحجي ع الناس..هيج بت عمه..لابسه قصير وفاتحة الشعر وتهز بنص الشباب..يابووووويه ياكاع انشكي وبلعيني..حسيت دماغي راح ينفجر..هسه شسوي اجرها من شعرها هي وهذا المخنث ابو كفشه واركع..راس براس..واخرب عليهم العرس..كله لو اسكت واخلي كلبي مشتعل..نار..لا..لا ما اكدر اسكت اذا اسكت يمكن هسه انجلط من القهر..رحت ع مخلد كتلة:

مخلد اني بسيارتي..برة صيحلي هاجر..واسعد رايدهم!
خير..شهاب خو ماكوشي!
هاي شبيك..شكو يعني عندي حجايتين وياهم وهاي هيه!
اي شويه اصيحهم الك!
لا موشويه هسه ادزهم فورا!
اشوفك..عصبي!
لا مو عصبي..دصيحهم ومعليك!

هاجر:::
جنت اركص اني وسعودي فرحانين والموسيقى عالية..شويه واجه مخلد صاحني..مشيت..وكفت يم باب القاعة اني ومخلد وسعودي:
شتريد مخلد..طلعتنا من النص..حته البنات انتبهن عليك!
انعل ابو البنات شمسويه انتي وهذا الخبل!
ياااا..شمسوين جنا نركص!
امشو كدامي..شهاب يريدكم بره!
يريدنه برة..شنو ليش شصاير..
ما ادري..بس ممرتاح..اكو شي..اي لازم اكو شي..
مشينا طلعنا برة وصلنا..طبعا من جنت جوة مشفت شهاب جنت ملتهيه ويه البنات بس هسه شفته..شكله شكد حلوة متغير..صاير احلى من قبل ملامحة صايرة رجوليه اكثر وعيونه مثل لون السمه..لحيته بيها شكار..وجهه صافي..بس من وصلت يمه شفته يباوع علينه..من فوك لجوة وزمخ بمخلد:.

مخلد فوت جوه وخليهم يمي!
ليش شصاير همه مسوين شي؟
كتلك فوت جوه..لتخلي احد يحس عليك..
ماشي
مخلد دخل للقاعة..بعدني محاجية كلي
اصعدي..لج..
وين اصعد..
صعدي بسيارتي انت واسعد
ليش نصعد وين رايحين!
زمخ بيه خفت..:
كتلج صعدي وانتي ساكته..فاسعد كله:
وين نصعد..جماعتي كولهم جوه..وين تريد تاخذنا!
انعل ابوك لا ابو جماعتك..كتلك اصعد لا ابتلي بيك
من خوفنا صعدنا بالكشن..الورة بس نتبسبس..هذا شبي..بعدين ليش صاير عصبي وحيل عرگان كل شويه ياخذ كلينكس ويمسح كصته..طاير بالسيارة وصلنا للبيت..فتح الباب كال:
نزلو
نزلنا..رجع فتح الجنطة مال سيارته مدري شنو خله بجيبة خفت هذا شبيه مخبل..ليش جابنه من العرس..ع شنو يصيح علينا ويخوف بينابس دخلنا للبيت..سد باب الصالة ولزم اسعد..من شعره سطره براشدي..اسعد رأسا..صيح:
ليش..ليش تضربني اني شمسوي!
ولك تكول..شمسوي اليوم اودي جلدك للدباغ..واكف تهز.

مثل النسوان ..بنص الشباب ولك..حاجيني انت مخنث..تعال خلي اكلبك..اشوفك..ذكر..لو نثية؟؟!!
وطاحلة بوكسات وهو يبجي حتى دم طلع من خشمه..اني ركضت اريد اخلصة منه:
عوفه..عوفه شهاب شبيك تخبلت راح يموت بيدك..
وخري..وخري..لج....جايج السرة وراه
جايني السرة شنو..وخر عن اخويه راح تموته!
اخوج..لج اخوج لو اختج...هذا سودة بوجهج..وبوجه ابوج على..هذا الاخو..
دفعني وكعت ع طرف القنفة..وزمخ بيه..
امشي لج جيبلي مكص!
شتسوي بيه:
كتلج جيبلي مكص..لا ادفنج..انتي..وياه..رحت فتحت الكاونتر اديه يرجفن..هذا شبيه شيسوي بالمكص ربي استر..خفت منه ما اكدر احجي..لكيت المكص انطيتهيا..لزم اسعد من شعره..طلع من جيبة..حبل زغير اي هو هذا الي خلاه بجيبة من فتح جنطة السيارة وشد ادين اسعد..وكام يكصكص بشعره..كرطف شعره تكرطف واسعد يبجي..والدم طالع من خشمه..ردت افوت للغرفة ادور ع موبايل..امي اعرف هيه من تطلع تعوفة بكنتورها..انتبهلي:
اوكفي بمكانج لج..لترحين منا منا..
الكاع انملت شعر..واسعد يبجي اني مبقه بيه قطرة دم..يكولي جايج السرة..شحسويلي حيكص شعري..لو...

لو شحسوي..بالضبط..
خلص تكصكص خطيه سعودي يكسر الخاطر هو يبجي..واني ابجي وياه بس الباب مقفولة..وهو صاير كبال الباب ما اكدر انهزم..والم الجوارين التفت عليه ادنه يمي..بيده المكص..
ولج..انتي
هااا..انت..انت شحتسويلي حتكص شعري مو..انت شبيك..مخبل..لو شنو..لتدنه يمي والله اعيط والم الجوارين..
يله شو عيطي..ست الحسن..
شتريد مني..ليش..هيح سويت باسعد خطية..احنا شمسوين شنو دتعاقبنه ع شنو!

على شنو..انتي شايفة روحج شلابسه!
باوعت ع نفنوفي..
شبيك..شلابسه نفنوف غير!
هذا نفنوف لو ثوب مال راقصات؟
راقصات شنو احترم نفسك
وانتي ليش ما احترمتي نفسح من مطلعة زرورج وتهزين بنص الزلم..مثل الكاوليات..
كاوليات شنو اني جنت اركص بعرس اخويه بعدين اخواني وبابا وماما موجودين وشافوني وراضين ومحجو..انت شعليك..
واذا اخوانج..وابوج واحدهم...ديوث اني هم لازم اصير..

مثلهم واسكتلج..مو!
احترم..نفسك..شنو ديوث شنو انت احسن منهم بعدين انت شعليك بيه عرفه ولفه..وليش تغلط ع بابا واخواني
انعل ابوج لا ابو اخوانج..
كتلك لتغلط..تريد تضربني..اضربني بس لتغلط ع بابا..مو من حقك..الي دتسوي..وهذا راح تتحاسب عليه..كوله..ليش ليش هيح سويت باسعد خطية..لان انت قوي وهو ميكدرلك؟؟.اصبر خلي يجي بابا..اله اخلي يتحاسب وياك..
اوي..فدوة بابا..خفت..ولج هو بابا لو اخوانج زلم جان ربوج وربو هذا المخنث مو مخليج..بنص هدومج تهزين بين الزلم..
اني متربيه احسن تربيه..وقبل متحجي ع التربية ربي نفسك..بالاول واعرف مكانك زين..انت مجرد خطار..ساعتين ثلاثة وتنقلع لاهلك..
والله اذا ما اربيج..ما انقلع..
شتسوي يعني تريد تضربني يله اضرب..تريد تكص شعري
.يله كصة..
اخذ نفس..وكال:
استغفر..الله..
مردت احسسه اني خايفة منه ادنيت يمه كولش..الى ان..طخيت بيه
اشو سكتت..يله اضربني ربيني..!

خله..اصابعة ع متني ودفعني..
وخري..من كدامي..ولتسوين نفسج عود شجاعة وبايعة ومخلصة..
ليش ادنه من كدامك..يله اضربني مثل مضربت اسعد وكصكصت شعره منو مانعك!

وهم رجع دفعني وهو يباوع بعيوني..
لج وخري من كدامي لتلزكين بيه..استحي شويه بس انتي منين تعرفين المستحة اذا مربايه هالتربية الزفره..
اني مرباية احسن من تربيتك..
لزمني من زندي حيل!
لج اسكتي..
ما اسكت..والله اليوم الدنيا هاي اكلبها عليك..واذا بيك.خير..خلص نفسك..من هالطلابة يحلال المشاكل..
ضحك..
ههههه..انتي تكلبين الدنيا..
اي اني والله اخلي بابا يشتكي عليك..واني اشهد..عليك.بكل الي سويته باخويه..اكدر كولشي اسوي!
ههههه..لا بالله...ستسوين بله..
كولشي يتخيله عقلك اسوي..واذاحاولت تنكر تره بيتنا كوله كاميرات والي سويته باسعد كولة سجلته الكاميرة..
هههههه..اكول شجاعة وتكولين تعال اضربني وكذا حتى الكاميرات تصور.. وتلزمين عليه لزمة مو!
سكتت اشو هذا ممهتم يحجي بثقة..فكتله

اني..اني..
انتي شنو..عبالج..اني اخاف من الكاميرات والمحكمة..والشرطة ولج اني رابي بالسجن..عندي السجن حلاوة..ماشي تردين..الكاميرات تصورني حتى انحبس مو!
اي لان تستاهل الحبس!
خوش..اني راح اسهلج الموضوع اخلي الكاميرات تصور جريمة بيها اعدام حتى تخلصين مني فد مرة!
شتقصد!
اغتصبج هنا كدام اخوج..الشفيه وخلي الكاميرات تصور..ويصير الى تردي!
كمت..ارجف احس روحي راحت من سمعت حجيه وشفت عيونه الي يباوعلي بيهن بكل ثقة حسيت صوتي راح

هاااشو سكتي..خليها الكامرة تصور جريمة بيها حظ!
بالكوة طلع صوتي..
انت..انت دتحجي صدوك..
اي والله..
بس..بس..
بس شنو لج خبلة...مسويه روحج..سبعة وشجاعة..واكفة كبالي عين بعين ولازكة جسمج بيه وتصيحين تعال اضربني دشوفي وجهج صار مثل الكركم...من الخوف
انتظروا بارت 3😠😠😠😠



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 11-04-20, 01:36 AM   #5

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#حفيدالشيطان
#الكاتبةورودالخالدي
البارت3

هاجر:::
بقيت صافنه على حجية..هذا..شديحجي يكول اغتصبج كدام اخوج..كلبي احسه..طار..من سمعته هيج يحجي..شفتي لا اراديا كامت ترجف..وفكرت هذا مبين عليه فعلا ميخاف من اي شي..يكول ميهمني لا السجن ولا الحكومة واحتمال هذا مجرم لان يكول السجن عندي حلاوة..التفتت اباوع ع سعودي حالته حاله..اويلي... شراح يسوي بيه..يعني كولشي ممكن يطلع منه الى ماهمه لا الناس ولا العرس وجابنه سحل مناك..ولعب طوبه بسعودي خطية من غير ميرف جفنه ولا يفكر بأي احتمال..بينما جنت اباوع بعيونه وافكر والخوف ماخذني سمعته يكول:
ها..شو صفنتي..يله ابدي اخلي الكاميرات تصورلج شراح اسوي..بيج!
وطلع صوتي مخنوك وكتلة:
انت..انت..صدوك..دتحجي..صدوك ممكن تغتصبني ..كدام اخويه!؟
انتي شتكولين..اسويها لو ما اسويها!؟
هالكد مجنت خايفة منه بالكوةطلع صوتي كلت:
ما ادري..اني ما اعرفك..ما اعرفك!؟
ها..متعرفيني..اني اعرفج..بيه اني شهاب..ابن عمج..وانتي عرضي..شنو تتوقعين ممكن اغتصب عرضي!؟...

انت..انت..الي تكول!
وانتي صدكتي اني اسوي..هيج..شي!
انت الي كلت ما اعرف بشنو اصدك لو شلون افكر..احس انت ممكن يطلع منك كولشي
شفته يباوع ع شفتي..لان جنت احجي وارجف فكال:
ريحي بالج بت عمي موشهاب..الي..يصخم عرضة بايده!
لعد..لعد شحتسويلي..حتضربني..مثل سعودي حتكصه لشعري..لو شنو..؟؟
مراح اضربج..لان..الرجال الي يضرب مره مو رجال ولا راح اكصه لشعرج الحلو...
شويه ارتاحيت من هيج كال فكتله:
انت تكول جايج السرة..يعني شتريد مني !
اريد أأدبج..اريد اربيج من جديد!
اني مرباية شهاب..عندي اهل واخوه وربوني..احسن تربية..ممحتاجة واحد مثلك..يجينا بالسنه مرة..ويدخل لبيتنا مثل اي غريب بالاستقبال حتى منشوفة..ويطلع من برة ليبرة حتى يربيني..واصلا مو من حقك تدخل لابيه ولا بأخويه مادام..بابا عايش..واخواني مسؤولين عني!
بس ذوله المسؤولين عنج مابيهم خير!
منو يحكم عليهم..انت..الي مثل مكتلك حالك حال الغريب..او الضيف..نستضيفك كم ساعة بالاستقبال وبعدين تروح لهلك..جاي تربيني..وتأدبني اني واخويه بأي حق..واذا انت رجال وتدعي الرجولة اشرحلي بأي حق تضرب اخويه..وتجي تخوف بيه وتهددني وتسحلني من...

زفة اخويه؟
هذا الي تكولين عنه غريب هو ابن عمج رضيتي لو مرضيتي وشغله اني..اكعد بالاستقبال وما افوت يمكم..فهذا لان اني محترم حرمة هذا البيت لان جنت اعتقد بيه بنيه مرباية ومحترمة..بس للاسف اعتقادي طلع مو بمحله!
حسيته لازم سجينه ويطعن بكلبي من هيج حجه:
فكتلة:
اني مرباية ومحترمة..غصبا عنك..شهاب
اي والله مبينه حيل مربايه..من وكفتج..هاي لاطشه كدامي عين بعين وصدر بصدر..بكل صلافة..ولج اني اختي الي..هي بت امي ابويه..ممركز بعيونها..وممفرزن حتى لونهن..لان تستحي تخلي عينها بعيني!
ها..هسه تقارني بأختك..مو..قصدك يعني هي مرباية واني ممرباية..لان مخليه عيني..بعينك..بس هاي..مو تربية ولا ادب..هذا خوف اي خوف الي عدها اخ مثلك متخلف..وعقله..وصخ..اكيد راح تربه ع الخوف..مو ع الحربة والمناقشه..والتفاهم..
فضحك..وكال:
هههه..وانتي هسه مربايه ع الحرية والمناقشه والتفاهم!؟
اي اهلي هيج ربوني ..وزرعو بيه الثقة مو الخوف..
بسرعة لزم..ايدي وفرني..وكال:
كرة عينهم اهلج على هالثقة..بس شنو الثقة الي انطوجياها..منطيتتج حرية..اطلعين زرورج وتركصين...

بنص الزلم مثل الكاوليات!
احترم نفسك شهاب اني مو راقصة ولا كاوليه شنو شفتني اركص بالفنادق لو ويه..المطربين كل ما بالموضوع هذا عرس اخويه الي جنت انتظره يوم يوم حتى اعبر بي عن فرحتي!
والي تعبر عن فرحتها..لازم تتصلخ..للنص..وتهز بين الشباب..وتفر..ب...اوف..استغفر الله..
شهاب..اني فرحانه بعرس مهند ليش معتبرني مسويه جريمة!؟
اي جريمة..جريمة..عوفج من العيب..عوفج من حجي الناس..من واكفة تركصين بنص الشباب مفكرتي بربج..مكلتي شكم واحد...صارت نفسه بيه وكام يضرب خيال على جسمي وعلى حركاتي..ولج هيج انتي صلفة حتى ربج..متفكرين..بيه!
وانت شنو داعيه اسلامي..قبل شويه كلت اني رابي بالسجون..هاي شلون رهمتها:
عمي اني لا داعيه اسلامي ولا جاوي كصتي..بس اني ما ارضة بالغلط لو على كص ركبتي..وشغله السجون..عمري..مادخلت سجن واني ظالم..كل مرة جنت افوت للسجن لان..جنت احاول احل مشكلة..واضطر استخدم ايدي لان الناس مثل الزمايل ميمشون اله بالعنف..وميهمي اذا اشتكو عليه لو انسجنت..

مدا افهمك..ختخبلني ليش..ليش هيج..ضيعت فرحتي..

بعرس مهند..ليش هيج سويت بسعودي خطية دشوف حالة تقبل احد يضرب اخوك هيج!
لج اني لو عندي هيج اخ..اذبحه وهو نايم!
ليش تذبحة..شمسوي!
مسوي بالضبط مثل الي انتي سويتيه ومثل مخيلت عليج الشباب..هم خيلو عليه..
كافي كافي..ترة انت هوايه تجاوزت حدودك..شنو خيلو علينه الشباب شنو هالالفاظ..
بعدني اريد اكمل حجايتي وشفت الباب انفتحت دخل بابا ومخلد..رحت اركض..
بابا ..بابا همزين جيت...طلعه برة شوف شسوه بسعودي..بابا..ولو متأخر شويه الله اليعلم شنو جان سوة بيه هذا المخبل المريض..
بابا شاف سعودي خشمة يجري دم..ويبجي وشعره تارس الكاع ادنه يمه فتح ايده بسرعة..وكال:
هاي شمسوي عمي شهاب صدك جذب!
سويت الصح عمي..
ياصح التحجي عليه هاي شمسوي بالولد!
يعني هذا حاسبه ولد حاسبه رجال!
لعد..شنو..
كرة عينك على هيج رجال يتمركص بنص الشباب ويتبسبسون عليه..واحد يكول للاخ باجر اواعده..
شهالحجي عمي..
هو هذا الحجي الصحيح بعدين شوفه هذا رجال بنظرك..

واذا رجال ليش مدافع عن نفسه من جتفته مثل الدجاجة وهلست جناحة..
على بختك..عمي هو هذا..سعودي فقير..من صار ودار!
لا هذا ميسموه فقير هذا ممربه تربية عدلة ولتكولي هو هذا طبعة والله هيج خالقة..لو تحجيلي بالهرمونات وتكول عنده هرمونات زايدة..وهيج صار عوفك..من حجي..الدكاترة الي طلعو تالي..وكت..هاي مو هرمونات ولافقارية..ولاشي..هذا غضب مال هالوكت سوء تربية ودلال زايد..شوف جماعته الي يمشي وياهم كولهم كيكيه ومخنثين..واحد يباوع..ع اللاخ واحد يريد يسوي مثل اللاخ..واذا تسكت عنه باجر تلكاه..يخلي مكياج..ويضرب ابر..حتى يكبر صدرة..ويصير مرة فد مرة..
شسويلة عمي قابل اذبحة..لا متذبحة تربي من جديد..واذا انت مكادر اني اخذه وياي واطلعله كلب واسوي الك زلمة معدل!
فمخلد صار عصبي وكله:
شهاب شنو هالحجي..شنو تربيه شنو ماعنده اهل لو معنده اخوه!
اسكت..اسكت لك..مخلد انت ومهند اخر الناس تحجي..باوع..دشوفها لختك..عاجبتك..عاجبك..منظرها.. بس اي اكيد عاجبك..لان جنت واكف منطلق..وتصفك..وجماعتك هم واكفين وضاربين خيال على اختك..المصلخة..وباجر..راح يحطون باج الشجاعة على صدرك...باعتبارك..ديوث درجة اولى..

ديوث شنو شهاب صح انت ابن عمي واحترمك..بس متوصل لدرجة تكولي ديوث!
لا اشو..ديوث ونص..الي يشوف اخته مصلخة وتركص بين الزلم..او ..واكف يصفكلها هذا اكبر ديوث..
مخلد انكلب وجهه..بابا كلة:
كافي شهاب..طلعت واحدنا..ديوث..وطلعتنا مو خوش اوادم..احنا..هيج عايشين هاي حياتنا..
هاي حياتك عمي..وراضي بيها مو نسيت انت ابن..حجي موسى..نسيت انت نجفي ابن نجفي..عشتلك..كم سنه ابغداد..نسيت اصلك..وفصلك..وكمت ترضة..بالعيبة!
هسه المطلوب شنو!
المطلوب هذا..يمشي وياي للنجف..واربيه بيدي من جديد واكلبه ع البطانه وارجعه رجال من صدك!
اخذه وياك..شغله..ماعندي مانع!
وهاي..بتك..هم اادبها بيدي
فركضت وكفت كدام بابا..وكلت:
سمعته بابا يكول اادبها..عبالك انت مموجود لو معندي اخوان..
والتفتت عليه..
وانت بأي صفه تأدبني عيني بصفتك ابن عمي الي جاي من ورة الولايات!
ادنه يمي..هيج عيونه تتجادح..وكال:
هااا..هاجر تردين صفه مو..ماشي يجرالج:
والتفت على بابا...

عمي الليلة ابات عدكم..وباجر الصبح اعقد على هاجر!
تعقد على هاجرشنو!
اي بت عمي واريدها ..او عندك واحد ثاني احسن مني تزوجه بتك!
لا عمي مو هيج الحجي ولا هيج الزواج..يصير!
لا اشو هيج..ابن اخوك..ورايد بتك..عندك مانع!
لا معندي ..اني..بس البنيه هم الها راي..وامها هم
عمي..امشينا نكعد بالاستقبال اريد احجي وياك ع انفراد انت ومخلد
وعافونه وراحو!
اني كلبي لعب هذا شيحجي يكول اعقد عليها شنو يريد يتزوجني هذا الخبل..اكيد ما اقبل ولا احد يكدر يجبرني

واكيد بابا ومخلد مراح يوافقون بهالحجي..
بقو يسولفون تقريبا..نص ساعة:
وجوي يمي..بابا كال:
باجر..تعقدين انتي وابن عمج!
اعقد شنو..بابا تحجي صدوك..
اي..احجي صدوك ابن عمج رايدج..واني موافق ومخلد هم موافق..
بس اني ممواققة وماما هم مراح توافق..
فهو كال:
مو مهم رأيج..مو تردين صفه..هاي احسن صفه..راح تصيرين مرتي..رضيتي لو مرضيتي!؟
بابا دتسمعه شنو يكول يكولي مو مهم رأيج..انت راضي بهالحجي..
اي راضي بابا..واخوج مخلد هم راضي ومهند هم راح يوافق..
شلون رضيت هيج بسرعة..يعني..شكلك ووقفت شلعب..براسكم هذا الشيطان بهالسرعة..
شفت عيونه ..تخازرني من كلت شيطان بس بابا رد عليه:.
بنيتي الي يكوله ابن عمج راح يصير..
شنو راح يصير بابا يعني تزوجوني واني مموافقة؟
جان يرد عليه شهاب:
اي وليش مموافقة حبابة عندج واحد ثاني احسن مني؟
بابا دتسمعه شلون ساكتله راح اتخبل..يعني مديحترمك..وديتهمني كدامك..وانت ساكت..ومأيده!
اني مدا اتهمج سألتج اكو احد ابالج احسن مني!؟
مو هذا الموضوع..الموضوع انه اني مموافقة وحتى اذا وافقت لو انجبرت ماما هم مراح توافق..مستحيل توافق!
هسه معرفنا شنو المانع انتي لو ماما!
اكيد..ماما اولا واني ثانيا
يعني اذا امج وافقت انتي راح توافقين!
ههههه..دتحلم..شهاب مستحيل ماما تقبل انجبر اتزوجك!
ماشي هسه نروح نسألها..بس اذا وافقت ما الج عذر بعد
ماشي..بس..ها...مو انت تحجي وياها ..وتحاول تضحك عليها وتاكل راسها مثل مسويت هسه ويه بابا ومخلد..لا اني احاجيها..

صار..انتي حاجيها..
فبابا كال:
هسه شلون تضلون تتناكرون واحنا عايفين الزفه وكاعدين هنا ومهند..هسه حسبه تجيبه وحسبة تودي ويكول وين راحو اهلي..
التفت عليه..شهاب..
اي عمي هسه نرجع بس خليها تفوت تبدل هدومها متمشي ويانا هالشكل..
وانت شعليك بيه وبلبسي..انت لتدخل
بابا كال:.
بنتي فوتي بدلي اسمعي كلامي وكلام خطيبج
هههه...خطيبي شنو بابا من كل عقلكم يصير خطيبي..
مخلد كال:
فوتي بدلي..هاجر ترة طولتيها بدون معنى..
والتفت بابا ع سعودي..
كوم البسلك..فد شفقة شي ع راسك وامشي ويانه!
لا ما اروح اني اضل بالبيت جماعتي اذا شافوني يضحكون عليه..
دضل لعد يطبك مرض..بس ها..روح للحلاق خلي يذبه لشعرك صفر..ما اله جارة بعد..
دخلت للغرفة راح اتخبل هذا شسوة لمخلد وبابا شحجة وياهم حتى صاروا بصفة..اشوبابا مأيدة بكولشي ومخلد هم حتى سعودي هم ما ضاجو ع مودة من شافو حاله بس هين اني..اعلمة هسه اروح وياهم واسولف لماما ع كولشي..

واخليها اطردة من بيتنا طردة الجلب خصوصا من راح احجيلها ع سعودي والي سواه بيه اكيد راح تتخبل..
واضطريت ابدل نفنوفي بنفنوف طويل..ومستور شويه حتى هذا الخبل يسد حلكة..ورحنا رجعنا كولنا..للقاعة بس اسعد راح للحلاق..وصلت للقاعة دخلت وعفت بابا ومخلد وشهاب واكفين يم..مهند ومرته وركض رحت ع ماما..الى جانت واكفة بنص خالاتي وبنات..خالاتي وخوالي..رهام بت خالتي شافتني وانتبهت ع نفنوفي..وكالت:
يااااا..ليش بدلتي هاجر..
هاااا..مو العصير وكع ع ملابسي فرحت للبيت بدلت
ها..
صحت ماما..كتلها:
يوم اريد احجي وياج!
شتحجين بعدين وين اختفيتي انت وابوج ومخلد وخليتونه وحدنا..
هو اني اريد احجيلج وين رحنا..بس..شويه خلي نوكف ع صفحة..
رحنا وكفنا وره عمود..مرمر بطرف القاعة وبديت احجيلها الصار كوله هيه بس تسمع وبالاخير..كتلها هذا..الخبل يريد يعقد عليه باجر..
اتفاجأت من كالت:
يعني شهاب خطبج من ابوج..انتي متأكدة..
اي يوم لعد اني شدا احجي..بس اكيد انتي راح توكفيه عد حدة....

اشو هي عافتني ..وراحت يم خالاتي تهلهل..ياااا..شبيها ماما..وشفتها تحجي وياهن...ما احس الى بنات خالتي وخالاتي يبوسن بيه..
الف..الف مبروك..هاجر..والله ممتوقعين..جان كلتونا من زمان..
ماما جاوبت:.
لا عيني مكدرنا نحجي الى ان تصير الخطبة رسمي اصلا ابن حماية كاتل نفسه على بنتي صار سنين يدز امه..بس مجنه..موافقين الى ان..يتزوج مهند
بنات خالتي..يكولن لماما..
خاله..هو هذا الواكف يم..مخلد ابو عيون الزرك..
اي هو..
خاله يجنن..ما عنده اخو..
ههههه..دسكتن لتخلن عينجن على ..خطيب بتي..
هاي شنو الي ديصير ليش ماما تجذب ومكيفة وتكولهن..هو جان رايدني لا وفرحانه عيونها راح تطلع من الفرح..شديصير بالضبط..؟؟
وره شويه .جتي بمي..
ولج روحي اوكفي يم..خطيبج خلي بنات خالتج..يشوفنج..يمه..
يوم هاي شتحجين انتي..
ولج ممصدكة..شهاب خطبج..الف الحمد لله والشكر
ولج روحي اوكفي يمه..
انتظروا بارت4



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-04-20, 02:58 AM   #6

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#حفيدالشيطان
#الكاتبةورودالخالدي
البارت4

هاجر::
بقيت صافنه ع تصرفات ماما وحجيها لافوكاها تجرجر بيه وتكولي
روحي اوكفي يم خطيبج..
يا الله مدا افتهم شنو السر..ليش هيج كولهم موافقين ومكيفين وشنو هذا شهاب الشيطان شنو سحر عليهم لو شنو بالضبط..وصرت افكر يعني معقوله اهلي كلهم يفكرون صح واني غلط وليش ماما..هالكد مكيفة عبالك خطبني واحد من الملائكة حتى من حجيتلها على ابنها سعودي المدلل وكتلها كصكص شعره وضربه مهتمت..كل همها..شلون خطبني..من بابا..شديصير بالدنيا ياربي..بقيت من بعيد اباوع..على شهاب والمصيبة ماما راحت يمه مدري شنو حجت وياه بعدين باسته بخده..شنو هاي الي دا اشوفه شنو صدوك..لو جذب..لو دا احلم..بقيت صافنه عليهم هو..باوعلي من بعيد وشفت بعيونه ابتسامة انتصار ..حسيته..يستهزأ بيه لان الظاهر ماما حجت وياه وعرف هيه موافقة..اني دنكت بودي اختفي من المكان هسه شأسوي اذا اهلي كولهم موافقين لا وبابا مصر الا اعقد باجر شلون اتصرف اروح..اصرخ بوجوهم واكولهم ما اريدة زين اذا سويت هالشكل شنو راح يسمعوني ويلغون الموضوع لو هذا الشيطان راح يسويله مشكلة اكبر..

واني اشوف اخواني وبابا شخصيتهم كدامة حيل ضعيفة عبالك هو الآمر الناهي بحياتنا...وهمه ما الهم دور..حسيت ..انه همه فعلا..ضعفاء كدامه والا 3شباب..وبابا ليش يدزون عليه من النجف ويجي مناك لهنا حتى يحل مشاكلهم..اوووف راسي احسه حينفجر. شأسوي معقوله هاي قسمتي اتزوج بهالطريقة السخيفة..جنت احلم احب فد انسان ويحبني واعيش قصة حب حلوة تنتهي بزواجنا مجنت مخليه ابالي يطلعلي ابن عم مثل شهاب ويجي يؤمر وينهى ويتحكم بحياتي وياخذني مثل الاسيرة عنده..بينما جنت افكر شفتهم كامو كولهم حتى بزفون مهند وعروسته..لغرفتهم لان هو حاجز 3غرف بالفندق وحدة اله..ولعروسته ووحدة لام العروسه وحبايبها..وحدة لماما..ومن صعدوا..وزفو الناس راحو بابا كلي:
يله بنيتي خلي نرجع للبيت!
لا..لا بابا..ابقه ويه ماما الله يخليك..
بنيتي شكو باقيه؟
الله يخليك خليني يم ماما!.
وسمعت شهاب يكول لبابا:
عوفها عمي خليها يم امها الصبح اجي اني ومخلد نجيبها. هي وعمتي حتى نروح نعقد لتضغط عليها..
.وفعلا عافوني يم ماما وراحو..
جنت منتظرة ابقه وي ماما حتى احجي وياها..وبس دخلنه للغرفة كتلها:.
ماما هاي شسويتي!

شسويت ولج!
شلون توافقين على شهاب..لا فوكاها..تجذبين على خالاتي وتكولين هو داز امه حتى تخطبني ورايدني من زمان...والاسوء..ترحين تحجين وياه..وانتي طايرة من الفرح!
وليش ما افرح اصلا بودي اركص من الفرحة!
ليش..يوم هالكد انتي رايده تخلصين مني وتنطيني لهذا المعقد الي جنه شيطان!
يااااااا...عمت عينج ولج..شهاب جنه شيطان؟!ولج شهاب يكول للگمر غيب واني بمكانك..البنات فلفلن عليه وعيونهن مشالنها عنه..
هااا..يعني لان حلو انتي فرحانه بي!؟

شنو لان حلو..ولج انتي منتبها على نفسج شدتحجين..لج هذا شهاب..مو اي واحد..انتي متعرفيه زين هذا شمعه بيت حجي موسى..بعد ابو المفروض هسه انتي..مرفرفة من السعادة لان راح تتزوجين عين الكلادة!
يوم ياشمعة ياكلادة..شنو هالمنطق..البارحة جنتي تكولين لبابا لتكبر راس ابن اخوك..وهسه انتي الي دتكبرين راسه
لا يا ثوله..متوقعتج هالكد ثوله..ولج..انتي تدرين مرت عمج...تقي...شسوت من فنون حتى يخطب وحدة من بناتها ولج حتى للسحارات راحت وسوتله عمل وماخطبهن!
لهلدرجة!؟
اي لهلدرجة واكثروبنات خالاته كولهن رايداته وهو لابسهن..

ليش..يوم شنو هالمبالغة قابل منو هو..وشنو مميزاته حتى هالكد..مخبوصين بيه!
ديله بلله..تكول شنو مميزاته..هسه خلي نخلي حلاته وجماله ووجهة الي جنه گمر ضاوي على صفحة..وخلي نحجي..بشخصيته واخلاقة..وتربيته..وحجايته المسموعة وعقله الي يفرله ولايه ..هذا ابن عمج..ماكو مثله بكل عشيرة ابوج ولج حتى شيخ العشيرة يدز عليه اذا صارت طلابه..يعني الي..تاخذه..راح تاخذ سند الها وال اهلها..طول العمر..بعدين هو فوك الجمال وكل الحجيته ..زنكليل عنده..معرض مال اثاث بالنجف يطم عين الشمس..يعني راح يدللج دلال..والاكثر امه..هاشميه درة من الله فقيرة..لا تحكم الجنه ولا تتأمر عليها..وماعدها بس هو وطارق وزينب..بعد شتريدين احسن من هالقسمه..
شنو يدللني اني اصلا مدلله..ما احتاج دلاله!
يماما..دلال الاهل يفرق ودلال الرجل يفرق هسه تتزوجين وتفهمين كلامي!
ماما بس هو يخوف..عيونه تجدح..وصوته حيل..ثخين!
اي غير زلمة خشن شنو تردين تاخذين واحد مايع!
يوم..هو معقد..مبين وراح يتحكم بحياتي ويمكن اعيش طول عمري بتعاسه..
لا..لا متوهمه..ولج راح تعيشين ملكة ويا..وكولي امي كالت..
بس اني ممقتنعة..
ولج اكوم اخنكج..هسه..لتعيدين هاي الحجاية بعد

بس..بس هو يريد يعقد باجر!؟
وشكو بيها قابل انتو زغار شو هو عمره بالتلاثين وانتي فوك الخمسه وعشرين!
هيج بسرعة..نعقد يوم اني محبيته كلبي ممرتاحله!
دنجبي وسدي حلكج..وبوسي ايدج وجه وكفه واذكرج باجر عكبه بهذا حجيج..اذا ماكتلتي نفسج عليه وره العرس اني معتبه!
يعني شتشوفين اوافق يعني اروح وياهم باجر اعقد..
اي..نروح نعقد فرحي بعد امج..الله..ضاملج هالقسمه الحلوة ..الاهي محمود مشكور..
وتعشينا ماما نامت..واني الليل كوله منمت بس افكر..بيه لان خايفة منه اتذكره من جان يصيح عليه ويكولي أأدبج..شسوي ياربي امي مكيفه بي..وبابا بسرعة وافق..وحتى مخلد ما اله اي دور..لا هو ولا مهند..ومصدكت من صار الصبح واجه هو ومخلد وبابا اخذونه من الفندق كبل..ع بيت..سيد..ما اعرف شلون تلفلف العقد وصار بسرعة..حتى لساني مدري شلون كل للسيد نعم وانت وكيلي..عبالك..ماخذه حبوب مخدرة وشيكولولي اكولهم اي..
ورجعنا للبيت طبعا هو ابد محجه وياي يسولف بس ويه بابا وماما ومخلد..وكل لسعودي يحظر جنطته لان راح ياخذه ويا..وسمعته يكول لبابا:.
عمي شوكت يناسبكم اخذ..زوجتي!
فماما كالت:

وليدي شهاب انتو هسه بس عقدتو يعني لحجينه بمهر ولا شي..ولو احنا اهل والمهر..مو فد شي مهم وفلوسنا هي فلوسكم وفلوسكم فلوسنا..بس..
قبل متكمل قاطعها:
هاي شنو عمه شنو المهر مو مهم..طبعا مهم هذا حقها وسده ركبتها..بشرع الله وشتطلبون اني حاظر..
فبابا كال..واني شلون اتشرط عليك وانت ابني..
عمي هذا حق..مبيه مجال
ماما كالت:.انتو كتبتو بالعقد عشرين حاظر..و30غايب مو!
اي..عمه..
هاي هيه خوش مهر..
ماشي اتفقنا..اني راح احوللكم دفتر..عن طريق المكتب تجهز نفسها بيه..والذهب..وباقي الترتيبات عليه..
ماما فرحت:.
ها ادز دفتر..يعني بس تجهيزات..وانت تشتري..ذهب واثاث !
اي..عمه..
بس راح يصير عليك اكثر من 20
ولا يهمج عمه..بت عمي تستاهل..
الله يخليك وليدي والنعم منك
فهو كال:
مكتولي اي وقت يناسبكم شهر..يكفي!
اني رجف كلبي لا اراديا كلت:.
لا..لا شنو شهر..شنو هالسرعة..

لعد شكد تردين وقت بت عمي..شهرين اكثر!
ما اعرف بس شهر قليل!
ماشي خليهن3شهور..شتكولين!
سكتت..فماما..كالت:
اي 3شهور هاي هيه عمه..
اني هسه اروح هم يله اوصل للنجف..يله سعودي..روح كدامي للسيارة..
ماما شاورتني..
لج ثوله روحي وره رجلج شوفيه بلكي عنده حجاية وياج
فكتلها.:
ما اروح يعني شعنده من حجايه وياي..
طبج مرض..
وطلع هووسعودي راحو للنجف..وره اسبوعين وصلت الفلوس عن طريق المكتب..وبدت ماما تاخذني وياها نشتري تجهيزات طبعا الفلوس هوايه وماما مقصرت تجيب وتكوم بهالملابس والمكياج عبالك السوك..حيخلص..وحجزتلي عد صالون راقي..اطشر بهالفلوس وترجع لورة..بدون متهتم..

شهاب::
رجعت للنجف..وكبل وعدل ع..المعرض مالتي..لكيت طارق..مخبوص بالغرف التركية الى وصلت..وجبت وياي

اسعد وسولفت الطارق علية كتله اريدك تهلكة هلك بالشغل وتسوي زلمة خشن..وتخلي يبطل الميوعة والحركات..وبنفس الوقت اريدك تخلي يثق بنفسه وتعلمة ع السوك وحجي الزلم..واني هم فوك منه هم راح اسوي كل الي اكدر علية حتى نعدل اسلوبه..صح اني اذيته بس الي دا اسوي لمصلحته احس نفسي مسؤول عنه وبنفس الوقت يكسر خاطري..مو بس لان ابن عمي ومن دمي ولحمي بس لان اشوفه شاب مثل الوردة حرامات يروح من ادينه ويمشي بطريق الكيكية والمخنثين..ويوم بعد يوم حسيت تعبي وياه جاي يجيب نتيجة كام يشتغل وصار يحب شغله علمته يشد معارض..واريد اعلمة ينصب غرف مجنت انطي فلوس جنت اجمع يوميته وبين فترة وفترة اكوله صار عندك هالكد وفلوسك زادت..هو يفرح ويحس نفسه شاغول حيل تعلق بيه..الى درجه صار يكولي اريد اصير مثلك شهاب اريد الناس تحترمني وتحبني وتهابني..مثلك واني اشجعه واكله انت سبع وبطل..وفعلا كام ياخذ حجايتي. حتى حلاقته عدلها وبطل بعد ميطول شعره وحتى شواربه رباهن صار شكله مقبول..وطارق هم مهتم بيه وينصح بيه وخلاه يثق بنفسه..ويحس نفسه زلمة عليه الاعتماد حتى موبايلة شامرة...ميهتم بيه هالكد مملتهي بالشغل..وفرحان لان فلوس شغله جاي تزود يوم بعد يوم ويكولي شهاب اريد من ارجع لبغداد افتح مشروع واشتغل وحدي..واني اشجعه اكوله واني هم راح اساعدك واصير فوك منك شتحتاج اني حاظر..

وطبعا اني من جيت من بغداد اول شي كعدت ويه امي وحجيتلها كول الي صار بالبداية ضاجت لان عقدت..بدون علمها وبدين تقبلت الموضوع وكامت تسألني..شوكت تعرس وشوكت تجيب مرتك..خطية تريد تفرح بيه ..مثل كل ام بهالدنيا..

هاجر::
من يوم الي راح سعودي واني وماما بالنه يمه جان بالبداية يوميه يتصل بينا ويفتح كاميرا ونسولف ويوم بعد يوم صار ميتصل بس يدز رسالة..ويكول ملتهي وتعبان من الشغل حيل اشتاقينه اله صار شهرين ونص من راح..بعدين خابرته:
سعودي ليش متفتح كامره وكل مندوك عليك متجاوب:.
والله ملتهي بالشغل وموبايلي شامره..لان ارجع تعبان وانام..من وكت
سعودي افتح كاميرة خلي ماما تشوفك!.
لج شنو سعودي اني شنو زعطوط..اني اسمي اسعد
ماشي..بس افتح كاميره فدوة..
فتح كاميرة..شفنا استغربنا مربي شواربه وشعرة مرتب..ماما شهكت:
ولك سعودي شلون صاير بعد..عمري
يوم لتكولين سعودي اسمي اسعد
يمه فديتك..يا اسعد صاير تخبل..هو..
ضحك..
شكو ماكو ماما..
ماكو شي والله ملتهي بالشغل تعلمت اشد معارض..وهسه جاي اتعلم للغرف انشالله من اجي..لبغداد بعد كم يوم افتح مشروع زغير الي..
يااااا...مدا اصدك هذا وليدي الي ديحجي..صلوات..صلوات..
لا صدكي يوم شهاب راح يساعدني واني هم عندي فلوس..

خير من الله!
يمه..فديت الرجال المعدل الي..يفرح امه..
يله يوم تره حيل مشغول الله وياج سلمليلي ع الحجي وع الولد..
الله يسلمك بعد امك..
وسدينه التليفون..اني بقيت صافنه معقوله هذا سعودي اشو حتى صوته متغير صاير خشن..شنو هاي شسواله شهاب شنو..غسل دماغة لو سحر عليه..سعودي تغير وصار..غير شكل عبالك مو اخويه واحد ثاني..زين شوكت تغير يعني بشهرين ونص شهاب كدر يغير شخصيته والله امره عجيب غريب..

ومرت الايام وبقة اسبوع واحد على ال3شهور الي..اتفقنا عليها طبعا شهاب طول الفترة الي مضت ابد لا اتصل بيه ولا سأل..عني ولا عبالك اكو بنيه عقد عليها وصارت مرته شرعا صح اني ما احبه..ولا..انتظر يسأل عني بس ضل بخاطري..احجي ويه نفسي اكول ليش هيج حظي مصخم شنو ناقصني حتى اتزوج واحد معنده لا احساس ولا ضمير وعنده وجودي مثل عدمه..الى ان بقة ع العرس 3ايام اتصل على موبايل بابا..والي فهمته من بابا انه هو راح يجب ياخذني يوم الخميس..يعني يجي بيوم العرس ياخذني بصراحة ضجت اكثر وكلت البابا:
بابا شنو يجي ياخذني بيوم العرس كبل ليش اني هالكد ماالي قيمة واهلي ما الهم اعتبار يمه..اشو صار 3شهور من عقدنا مفد يوم سأل عني بالجذب مدز امه..واخته ع الاقل احس اهله رايديني..ليش مو من حقي افرح واسوي حنه ويجن..اقارب زوجي..كدام خالاتي وصديقاتي:
بنيتي حقج..بس هو يكول خليها تسوي حنه بيناتكم..واني هم سألته على..امه..كال..فد مرة تجي بيوم العرس.
خو يدزها ويه طارق شكو بيها
بنيتي هسه هالتفاصيل ما الها اهميه انتي سوي حنه ويه خالاتج وبناتهن وصديقاتج وافرحي..
اي بابا عندك ما الها اهميه بس عندي مهمه لان البنات حيسألني ليش ..مجني كرايب العريس ابقه صافنه بس اباوع بالوجوه ..بس موغريبه عليك بابا تحجي هالحجي..لان الي يقنع بنص ساعة ويزوج بنته بالهين كولشي عنده سهل!!!!!

شنو عنده سهل بنتي..اني منطيج لزين الشباب ممتيهج..لواحد ما اعرفه..يعني انتي متقصدة تضوجيني بهالحجي
لا بابا لا اضوجك ولا شي..صار الي تردو حيصير ومراح افتح حلكي..
عفت بابا وفتت الغرفتي بجيت..ثاني يوم الي هو يوم الاربعاء الحنه مالتي ماما عزمت كل اقاربها..وجوارينه بس اني معزمت صديقاتي..واخذتني للصالون طبعا اني مجنت حاجزة بدلات لان ماما اصلا اشترتلي بدله للحنه وبدله للعرس تصميم اوربي..حتى التسريحة كتلها راح تكون نفس تسريحة البنيه..الاجنبيه الي بالصور مال البدلات اني شعري اسود طويل وسرح..فعجبتني التسريحة البسيطة مال الاجانب..الي بيها ينشال الشعر كوله وتتخلى نجمه كريستال جبيره صفح وداير مداريرها البركع الشفاف وطبعا البدله مال الحنه تخبل لونها..بنفسجي حيل طوخ مايل للسواد وبدون ردن ولا علاكات..والبدله مال العرس هم مفتوحة حيل من المقدمة وظهرها مكشوف لان بدون ردن..المهم لبست بدله الحنه ومكياج يجنن وياها..طلعت غير شكل وسوينا حنه حلوة المفروض اني فرحانه بس بصراحة مجنت فرحانه هيج ابتسم بالجذب..ثاني يوم اتصل شهاب ع ماما وكلها ساعة ب2الظهر لازم اكون جاهزة لان الطريق طويل واخذتني ماما للصالون..وسويت التسريحة البسيطة ولبست البدله وكملت تقريبا ساعة 2الاثلث دك موبايل ماما..

الوو هاعمه احنا بالصالون..
وسكتت..بعدين كالت
اي..اي شكو بيها تعال..طلعنا من الصالون..
وهم سكتت..
اي..مخلد يدليك..
كلبي كام يدوك هذا شهاب جاي ياخذني من الصالون..ماما كالت:
شهاب جاي تحضري راح نطلع...اني وكفت انتظره شويه وسمعت صوت هوسه وهورنات كلبي كام يدوك اسرع جوي ماما فتحت الباب مال الصالون حتى يفوت يطلعني هو بس دخل شافني كبل صيح ع ماما:
هاي شنو عمه هيج راح تطلع وياي للنجف ظهرها كوله طالع وصدرها وزنودها..
عمه غير بدله عرس..
ياعرس..ياخره..لبسنها عبايه لا ابتلي بيها..
كمت ارجف هو طلع وسد الباب شكد عيب ام الصالون سمعته يصيح ع ماما كمت ارجف..البنيه شافتني جتي تركض..
اسم الله هذا شبي يصيح فزز البنيه..عموماعندي برنص مال محجبات هسه البسها فوك البدله ولا يهمجن..
لبستني البرنص..اني كلبي يرجف لازمتني العبره حتى ام الصالون كالت:
خطية شلون هبطها كامن ترجف المسكينه..
انتظروا بارت5



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 12-04-20, 03:00 AM   #7

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#حفيدالشيطان
#الكاتبةورودالخالدي
البارت5

هاجر:::: بعد ملبسوني البرنص ماما صاحته دخل..لزم ايدي وصعدني بالسيارة ومشت السيارات اسمع الهورنات والاغاني..بس ما اشوف شي لان مدنكة والقماش مال البرنص صاير ع وجهي..ماما كعدت بالصدر..وطبعا طارق اخو شهاب يسوق..سمعت طارق...يكول لماما:
هسه شنو..انزل اكول للولد نطلع كبل للنجف
لا عمه..نروح للبيت خلي ابوهه يشوفها وتسلم عليه
بكيفج عمه..
فرحت من سمعتهم حياخذوني للبيت وفعلا السيارات راحن لباب بيتنا شفت بابا ومخلد ومهند واكفين بالباب..وكفت السيارة يم بابنا..نزل شهاب بسرعة افتر فتح الباب نزلني..وشفته يعدل بالبرنص من كدام لان انفتح شويه..فكرت بلكي ادخل شويه لبيتنا بس جانو مستعجلين حتى يوصلون للنجف قبل الليل..بابا اقترب من يمي..باسني ع راسي..ومهند خطية هم باسني بس مخلد دخل للبيت ما اعرف يمكن استحه...وبعدين شفت بابا يحجي باذن شهاب ما اعرف شنو كله..بس شهاب رجع فتحلي الباب ودخلني وماما دخلت بدلتي..لان جبيرة حتى متبقى طالعة من السيارة..ومشت السيارات بينا..طارق مشغل اغاني عاليه واني شويه فتحت البرنص حتى اباوع زين هوايه سيارات جاية..شباب يركصون وخابصين الدنيا..

كولها الناس فرحانه..بس اني محاسه بأي فرحة..وشهاب..كاعد بصفي..وشفته..مطلع موبايلة ما اعرف شنو يكتب ما اشوف الكتابة يمكن ديدز رساله هذا شبي اكو واحد يكتب رسائل بيوم عرسه..وحتى من عاف الموبايل ساكت محجة ولا كلمة وياي...جنت اسمع من البنات انه العرسان يخلصون الطريق سوالف وضحك..بس هو ساكت..طول الطريق..هاديء..ما اعرف شكد وقت مشت السيارة بس احس الطريق صار كولش طويل لان ساكتين..ماما حجت..
وين مخلي غرفتك عمه بس كون مو بالطابق الفوك مبيه اصعد
فطارق كال:.
ههههه..هو الطابق الفوك كوله لشهاب..
ها..يعني غرفتهم فوك..
اي..
امري لله اصعد شسوي..
وحاجتنه؛
شبيكم شو ساكتين لا حس ولا خبر..
عوفيهم عمه يجوز يستحون..
هههه..هيج المستحة مخورسكم..
حسيت شهاب ادنه يمي..وحجة باذني:
من ننزل..هذا الي لابسته فوك البدلة تلزميه زين من كدام حتى مينفتح..وممنوع تنزعيه..من نكعد بالصالة..عود من...

نصعد لغرفتنا نزعيه..
كوه طلع صوتي:.
ماشي..
وبقينا ساكتين الى ان وصلنا لبيت عمي..فتح.والسيارات وكفت وفتحلي الباب ردت انزل تذكرت هو كلي لزمي البرنص حتى مينفتح..فلزمته من كدام ونزلت هو لزم ايدي الثانية..ودخلنا..للصالة الناس تهلهل وتصفك..ومرت عمي خطية فرحانه ادبج بالنص..بس مشفت بنات يركصن كولهن محجبات..بس الزغار يكمزن بالنص..بعدين طلعو الولد الي جوي بالزفه وهو هم طلع وياهم عاد البنات نزعن حجاباتهن وكامن يركصن ع صوت الديجي..وجتي ماما رادت تنزعني البرنص كتلها:
لا..لا يوم لتنزعيني ميقبل..شهاب..
ولج محد يمنه كولهم طلعو بس البنات..
مو ميقبل..
ماشي..بس افتحة شويه خلي البنات يشوفن وجهج صدوك جذب..
فتحته وخرت البركع..جني يبوسن بيه تقريبا ساعة ونص احنا كاعدين سمعت اذان المغرب يأذن..كالو راح يزفو للعريس..جتي مرت عمي..عدلت البرنص وغطتني..وجوي الشباب زفونا صعدنا فوك وسدو الباب..هو..كعد ع الجربايه نزع حذاءه وطلع دشداشه بيضة..وبده ينزع ملا بسه حتى مأجه يمي اني هم نزعت البرنص وخليته..وكعدت هو نزع ملابسه داير وجهه للكنتور شفت..بس..
ظهره..بقيت كاعدة بمكاني متحركت فكرت هو هسه يجي يشيل البركع ويبوسني بس مصار هالشي لان دك موبايلة..شاله:.
شالقصة محمد من شوكت دزيتلك..رسالة وكتلك من تشحن الغراض خابرني..
هذا شبي اشو يحجي ع شحن غراض..وبقه يسولف ع الموبايل تقريبا ربع ساعة..وبالاخير كال:
محمد..خابرهم وردلي جواب انتظرك..
فكرت هذا..صدوك يحجي بليلة عرسه يخابر ع الشغل ..واني عايفني كاعدة مثل التمثال..من سد الخط التفت عليه:
شوفي اني راح انزل يم الولد..من اجي بعد شويه الكاج مبدله هالخرابيط.
خرابيط؟؟..شنو هذه...بدله عرسي شنو خرابيط..
طبعا احجي والبركع ع وجهي:
اي افتهمنا بدله عرسج من اطلع بدلي..واذا تتعشين بعد احسن..
وانت متتعشى.!
معليج بيه..
حصرتني البجية هذا صدوك يحجي..بعدني اريد احاجيه دك موبايلة:
ها..محمد..شسويت..
وبقو..يحجون ع طلبيه غراض وشحن وما اعرف شنو..وهم سد الموبايل..بس ملتفت عليه راد يطلع من حركة كلبي..

شلت البركع وكفت كبالة وعيوني بعيونه:
انت شنو راح تطلع..
اي..راح انزل..
اشوفك ملتهي بالموبايل..يعني هذه ليلة عرسنا لو شنو بالضبط!
اني مجنت احجي..بالموبايل حتى اتونس..جنت احجي بشغل بضاعة بملايين..محجوزة ع الحدود ..يعني..اهم منج ومن ليلة عرسنا!
اختنكت من سمعته هيج يحجي..
كتله:
يعني..يعني الشغل اهم من ليلة عرسنا!؟
اكيد..
روحي طلعت..كتلة:
اذا عرسنا مو مهم ليش..ليش تزوجتني!!
ههههه..مو انتي تردين صفة بيناتنا..اي هذه الصفة مال الزواج احسن صفه حتى أأدبج بيها!؟
تأدبني..يعني..بعدك على ذاك حجيك..الي حجيته بيوم عرس مهند!؟
اي بعدني اكيد!
يعني انت متزوجتني لان رايدني..!؟
هههه..اعرف بشنو تفكرين..تكولين اني شابه وحلوة وهو شافني بالعرس اركص وانعجب بيه وحبني وسوه هالفلم حتى يتزوجني مو!
استحيت من حجية وجهي اشتعل نار كتلة بصوت متقطع:

يعني..انت..انت مرايدني ابد!
اي مرايدج..وما الي نفس يمج.. لو تطلعين ملكة جمال العالم كله وتزوجتج حتى انفذ كلامي واادبج واربيج من جديد..
رجعت خطوات لورة ردت افتح الباب وانهزم من كبالة:
بس هو لزم ايدي..حيل:
وين رايحة حبابه:
عوفني اريد انزل اروح لماما ارجع وياها لاهلي!
لا بلله هيج ترجعين لهلج بسهولة
اي ارجع..ليش لا!
مترجعين..ومتطلعين من بيتي وانتي تمشين ع رجليج..بحالة وحدة اطلعين الا..تصيرين جوه تابوت يله اطلعين انتي هسه مرتي..صح مرايدج..وما الي نفس بيج..بس انتي مرتي!
انت شتريد مني..مو تكول ما اريدج وما الي نفس يمج شكو مخليني يمك..
يعني كل شويه اعيد كتلج اريد اربيج من جديد..
اني مربايه..ممحتاجة تربيتك..ولا عبالك اني كاتلة نفسي عليك..وطرت من الفرح من تزوجتك!
هاااا..لعد ليش قبلتي حبابة!؟
قبلت لان شفت اهلي كولهم موافقين ويمدحون بيك..ومسويك ملاك نازل من السما..ورجال ميتكرر بالدنيا..بس اني ابد محسيت انت هيج..ابد مرتاحيتلك ومقتنعت بيك..ولا تقبلتك..بعيشة الله لتشوف نفسك شاب.....

شاب حلو وعضلات وعيونك ملونه وشخصية وزنكيل..وتفكر اني كاتلة نفسي عليك وراح اصير جوة رجليك حتى اطلب رضاك..
ههههه..موكتلج محتاجة تربية..ع هالصلافة..ومحتاجة كص لسان!
اذا مفكر تخليني يمك حتى تربيني وتغير حياتي وطريقة تفكيري فاحب اكولك انت غلطان وراح تتعب ع الخالي بلاش ومراح تحصل شي ..لان اني مراح اتغير راح ابقة هاجر..الي مقتنعة بافكارها..ومتغيرها ولا تتراجع عنها..

هههه..هسه شنو نكول تصفيق..حار..الج..ست الحسن!

اضحك..بس والله بالاخير راح تضحك ع نفسك..لان ادوخك السبع دوخات ومراح تغير شي بيه!
منو يكول!
اني اكول..
شلون راح ادوخيني بله راح توكعيني بغرامج..وتخليني مثل مجنون ليلى افتر بالشوارع وهدومي مشككة!.
اي استهزأ..استهزأ..حقك تستهزأ..لان مفكر نفسك فد شي بهالدنيا..بس مو بيك الصوج الصوج بالناس الي انطتك اكبر من حجمك!
شفته..ادنه يمي..خفت بس لا..يضربني..
بس هو لزم زندي حيل وكال:
شوفي..اني هسه ساكتلج..تعرفين ليش..لان انتي..

تكسرين خاطري والله..لان اول وتالي..انتي بنيه..حتى لو لسانج اطول منج..ولو واحد غيري يسمع هذا حجيج عقلة يطير..ويلزمج يكسر عظامج ويندمج..بس اني مو واحد..يفكربأيدة قبل ميفكر بعقله وكتلج قبل المرة تبقى مره..والرجال..الي يمد ايده على مرة حتى..ينفس عن غضبه هذا مو رجال حليم..لان الضرب..ميستخدم الى من يكون اكو تعادل بالقوة..وانتي فد شي ضعيف كدامي اضعف..من ان افكر امد ايدي عليج..هيج احسج طفل زغير يصرخ..ويعيط..حتى يوصل صوته..والمقابل يسمعه..
من حجه هيج..
حسيته كسر كلبي اكثر..ردت امنع دموعي مكدرت لو ضاربني ولا كايل هالحجي..ادنه يمي..رفع ايده مررها ع خدي..مسح دمعتي وكال:
بت عمي..اسمعيني زين وخلي..كلامي مطبوع بدماغج..اني مجايبج حتى اذلج..ومجايبج..لان..اريد اكسر عينج..اكدر هسه..امشي ليلة العرس عادي..انام وياج..واحقق احلام العروس الي ابالج...بس مو هذا هدفي..من زواجنا..هدفي اكبر من هذا!
تربيني مو!؟
اي..بالضبط..بس تربيتي الج مو بالضرب..ومو بكسر الخواطر..ولا راح..استفيد اي شيء..من اشوف عيونج..يجرن دمع..راح تثبتلج..الايام..انه اني..كل الي جاي اسوي لمصلحتج مو لمصلحتي..ومن كتلج ما الي نفس بيج..مو معنى كلامي..انه اني..مشمئز منج..وكاره..

تصير بيني وبينج علاقة زوجية حقيقية..
مدا افهمك..!
لزمني..من ايدي..واخذني وكفني كبال المرايه وكلي:
شنو جاي تشوفين بالمرايه!
دا..دا اشوف نفسي غير!
وشنو رأيج بنفسج..!
يعني شنو مفهمتك!
اني افهمج باعي زين بالمرايه شوفي..انتي شكد حلوة..شوفي شنو من جمال بهالوجه..شلون ربج..خالق هالجسم الي يجنن ..
حيرني هذا شنو قصده شيحجي..شو مرة يكسر ومرة يجبرفكتلة:
يعني اني حلوة بعينك؟؟؟
اكيد حلوةء..وكولشي بيج ياخذ الروح!
شهاب انت شتريد بالضبط اشو تكسر وتجبر حتخبلني..بحجيك الى كله..الغاز!
اني افهمج..انتي حلوة وحيل حلوة هم بس اني ميهمني بس الجمال..هاجر..عمري فوك الثلاثين..ومتزوجت ولا فكرت اتزوج ..تعرفين ليش!
لان..ما اريد اتزوج..واندم..اريد الي اتزوجها..يقتنع بيها عقلي..وكلبي..اريد..الي انطيها كلبي وروحي تستاهلن..!
بس انت..كتلي انت مرايدني..ليش..ربطت نفسك بزواج ويه وحده مرايدها ليش منتظرت تلكة الانسانه الي تحبها!
وليش..متصيرين انتي هالانسانه ليش متخليني احبج..

واحس انتي الانسانه الي تستاهلين كلبي وروحي وثقتي!

اهاااا..هسه فهمتك..يعني تريد تربيني او تبرمجني..من جديد..حتى اتناسب..وياك مو..واني لازم اسمع كلامك..وانفذ..كل اوامرك حتى تحبني واحصل..على كلبك..هاي انت شكد مغرور وعايش بفقاعة..اكبر من حجمك..ومفكر انه اني راح اكتل نفسي عليك..واطشر كرامتي..جوة رجليك حتى احصل رضاك..تره انت هوايه متوهم..شهاب..اني انسانه اليه كياني الخاص وافكاري..مو موبايل مشتريه..تنزل بيه البرامج الي تعجبك حتى تحتفظ بيه..واحب اكولك..مو اني الانسانه الي تفكر بواحد مثلك..لان الي يريدني لازم ياخذني مثل ما اني مو يغيرني حسب هواه وحاجته..ولتتصور اني بيوم من الايام راح اوكع بغرامك..واسحل نفسي سحل ع مودك..او حتى اطلب رضاك..وتأكد وخلي كلامي هذا راس مال لعلاقتنا الجايه اني ما احبك ولا راح احبك..لا اليوم ولا باجر ولا بعد سنه والي دتسوي وياي..مثل واحد يعبي مي بسلة..
ادنه يمي..لزمني من حنجي..وابتسم وكال:
راح تحبيني هاجر..لا مو بس تحبيني راح تسحلين نفسج سحل حتى ارضة عنج..
وخرت ايده وكتله:
احلم..احلم هوايه شهاب شعليه بيك..بس لتصدك راح انطيك فرصة لو امل تحقق احلامك..

ماشي..اذكرج بهذا حجيج.. مو تدللين!
ودار وجهه وطلع من الباب بس طلع ملحكت ابدل بسرعة دخلن ماما ومرت عمي..وياهن بنات مرت عمي شايلة صينيه...وكالت:
عروستنا بعدها ممبدلة..
ماما كالت :اكيد استحت تبدل كدامه..هسه ابدللها...
ماما طلعت سيت النوم الابيض الي اشترينا للعرس..وبقينا كاعدين..شويه بعدين..كالت للبنات من رخصتجن خلي تبدل طلعن كولهن بقيت بس اني وماما..بدلت لبست سيت النوم ماما تكولي:
لتخافين ..بنيتي كل بنيه تمر بيها هالليلة...كومي عدلي مكياجج....واكعدي انتظري رجلج شويه ويزفوه مره ثانيه..ويبقى يمج..لتضلين مثل المسطورة..
جنت اتمنى احجي لماما كول الي صار بس اذا حجيت ماما راح تتعارك ويه..مرت عمي لو تحجي ويه شهاب..وتصير مشكلة كدام الناس فسكتت..وره شويه..باستني وطلعت..بقيت وحدي..جنت حيل ..جوعانه الاكل كدامي فكرت اكل..شعليه بيه قابل ..انتظر عشه رومنسي بعد حجيه الي مثل السم..بس كلت هسه يزفو عيب يدخلون يلكوني اكل..وفكرت شلون راح اتصرف ويا..هذا المغرور الي مفكر راح..اوكع بغرامه..واذبح نفسي ع مود يحبني..احسن طريقة..استخدمها وياه هي..التجاهل..اي البسه..وما ابين نفسي متأثرة بكلامة لو مهتمه بيه..اتصرف بطريقه عادية يعني ..ورة نص ساعة زفوه

للغرفة سد الباب..جنت كاعدة ع الجرباية كمت كتله:
هاي هيه بعد محد يدخل!
كلي..اكيد محد يدخل ليش عندج شي!؟
شعندي قابل متت من الجوع..!
هو استغرب بقة يباوع عليه من فوك لجوة..كتلة :
شبيك صافن.؟؟.اي مبين عليك مجوعان..احسن اني جوعانه هاي..الصينيه كولها متكفيني..!!!!!!!
وكمت عادي شلت السليفون عن الصينيه وبديت اكل دجاج شوي..وكباب..وتكة..اكل ولا مهتمة..هو بالبدايه جان يباوع عليه وحاصر الضحكة كوة..بس من شافني نسفت الاكل نسف كعد كبالي..مد ايده:
خرب يومج..هاجر..شبسرعة خلصتي الدجاجة!
وانت شنو معندك ايدين..منو مانعك ..ترة الياكل بضرسه ينفع نفسه..
مد ايده شال فخذ باقي بيه شويه لحم كتلة:
لا..لا فدوة لتاخذ العظم مال الفخذ احب..اكرطه للعظم:
واخذته من ايده..خرب ضحك..
وكال:
لج مفجوعة بت المفجوعة انطيني مجال خلي اكل وياج.
انتظروا بارت..6❤❤❤❤❤



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 13-04-20, 01:14 AM   #8

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#حفيدالشيطان
#الكاتبةورودالخالدي
البارت6

هاجر:::
خلصت عشه فكتلة:.
اكولك اني وين اغسل ..قصدي يعني انزل جوه للمغسلة !
باوع عليه وابتسم..:.
وليش تنزلين اكو حمام فوك ع ايدج اليمنه!
حمام فوك اي هاي خوش فقرة..يله لعد اروح اغسل..تروح وياي تغسل!
ليش هو اني شأكلت حتى اغسل..
بكيفك ضل..
وطلعت لكيت الحمام غسلت ورجعت...لكيته بعده ياكل.شغلت البلازما واخذت الريمونت وكتلة:
اكولك قناة ناشيونال ابو ظبي وين الكاها..شكد رقمها:
التفت عليه
ناشيونال ابو ظبي شنو!
شبيك هذه القناة مال التقارير العلمية وعالم الحيوان!
ههههه..شنو..تقارير وعالم الحيوان شتسوين بيها!.
شنو شسوي بيها متابعتها اصلا اتفرج عليها من الصبح الليل خصوصا برنامج سمكة التونه العنيدة!
لا بربج!؟
اي والله شبيك..فدوة كولي شكد رقمها مبيه حيل ادور بالقنوات!
صدوك تحجين متابعة هالقناة!
اي والله شبيك شنو عجيبة..اتابعها دائما..بس بالليل من..

يجون اخواني نكعد نتابع المسلسلات
ما اعرف رقمها ولا متابعها ابحثي عنها بالاحرف تلكيها..
وفعلا سويت بحث بالاحرف..لكيتها وكعدت اتفرج اي احسن خلي اشغل نفسي بالتلفزيون مو هو شاغل نفسه بالمكالمات مال الشغل ولا بسني..اني هم خلي البسه حتى ميصير احد احسن من اللاخ بقيت اتفرج..بس عيني منه اشوفه شلون راح يتصرف..خلص اكل وطلع غسل ايده ورجع..شفته نزع الدشداشه وعلكها وراح تمدد ع الجرباية يكلب بموبايلة..ع اساس هو هم ممهتم..ورة ساعة تقريبا التفتت لكيته الموبايل ع صدرة ونايم شويه وحسيته تحرك بسرعة درت وجهي ع البلازما حتى ميعرف اني جنت اباوع عليه وهو نايم...وره خمس دقايق التفتت لكيته متغطي بفرشة الجربايه البيضة ونايم..تاكدت هو نايم ورايح بالنوم كمت كعدت كبال المراية اباوع ع نفسي واحجي وياها..واكول شبيه اني ليش ميريدني مو يكول انتي حلوة وحيل حلوة هم اذا اني حلوة ليش ميريدني..اكو واحد يعوف..زوجته بليلة عرسه وينام...وغميت نفسي من امدايه ع هيج قسمة ..وجرت..دموعي بسرعة وبقيت ابجي..بصوت ناصي..هوايه بجيت يمكن ساعة ونص اني دموعي..موكفت حتى مكياجي خرب..والكحلة سالت على خدودي انتبهت ع نفسي كلت ملازم يكعد ويشوفني ابجي وبهالحالة..مسحت دموعي ونزعت الرموش..ورحت جبت وحدة من الجنط المتوسطات ماما خلت بيهن المكياج فتحت الجنطة طلعت منظف مال مكياج وكلينكس مرطب مسحت

وجهي كوله..مخليت اثر بس شويه كحلة بقت بعيوني ياربي مجايني نوم عيني مدا تاخذ نوم يمكن لان مكاني..متغير اولان ما اكدر انام بصفه ع الجرباية هو نايم رايح بسابع نومه باوعت ع الساعة صارت11 فكرت شأسوي لان اذا بقيت كاعدة اتصفن راح ارجع ابجي على حظي المصخم باوعت ع الجنط مالتي كل جنطة شكداته..اي ماما اشترت ملابس مال عشيرة عبالك حيخلص السوك خمس جنط كبار مليانات مبيهن نفس..فكرت كلت احسن مكاعدة خلي ارتب ملابسي بالكنتور..وفعلا بديت ارتبهن من فتحت الكنتور..شفته معلك ملابسه بالكنتور الي بنص كلت.بكلبي من خفت خلقتك..وخفت ملابسك..ان شاء الله ملابسك تضل وراك ع المغيسل..مثل محركت كلبي وخليت دمعتي على خدي ..وطلعت ملابسه علكتهن بالكنتور الي ع اليمنه وحتى المصفطات هم نقلتهن بنفس الكنتور..مالته اي احسن ما اريد ملابسه ويه ملابسي..واصلا البوب الباقية هم يلله تكفي ملابسي وبديت اصغط بملابسي واعلك بنفانيف الطلعة وبقيه الملابس الي تحتاج تعليك..ولان الملابس هوايه تأخرت صارت ب2وربع واني ممخلصة بقت الجنطة الاخيرة فتحتها لو ادري مفاتحتها..بيها ملابس النوم هههه..ماما جايبتلي ملابس نوم كومه عباللها بتها راح تتهنه وتلبس..المخلع والمدلع..لهذا النايم مثل الصنم كمت اصفط بيهن وهم بجيت احس نفسي مغثوثة ومختنكة هيج العبرة مكسرة بصدري..ياربي صبرني..شلون راح تخلص وياه راح اكدر..

ابقة قوية واكابر واتجاهلة لو راح انفجر بيوم من الايام بوجهه واضعف..احس راسي..حيل اذاني من هالافكار كلت لنفسي اني من اضوج دائما اضل استغفر واقره قرآن واحس نفسي ارتاحيت اي صح..اقره قرآن وارتاح عندي قرآن بجنطتي الزغيرة بس شلون معندي حرام ماما مخلت الحرام مالتي الي اصلي بيه ويه الغراض لان ملكيته..وحتى ملابسي..مبيهن دشداشه ردن..بس الشتويات التفتت شفت دشداشته اي البسها..والبس شال وياها اكو شالات ماما اشترتهن ..الي ..كالت احتمال تحتاجيهن..طلعت شال..ابيض بيه مربعات ماروني..ولبست دشداشته..والشال وكعدت بصفحة الجربايه استغفر..وبديت اقرأ قرآن حتى ارتاح ما اعرف شكد قريت بس هوايه بقيت اقره لان كل شويه اعوف القرايه واباوع ع شهاب واصفن وارجع اقره..
شهاب::
فزيت من نومي..باوعت مشفتها نايمه يمي..هاي وينها درت وجهي..استغربت شفتها لا بسه حجاب..ودشداشتي ومدنكة تقره قرآن ممصدك عيوني اخاف دا احلم..هاي ام لبس المشلتح تقره قرآن وتلبس حجاب..فكرت احتمال فكرت بكلامي وقررت تتغير ع..مودي بس ممعقوله بهالسرعة البارحة مدت عليه لسانها شطوله..وتتحداني شنو قصتها..كمت من..مكاني طكطكت ركبتي..وكعدت كبالها..هي شالت راسها..باوعت بوجهها اول مرة اشوفها بالحجاب..جنها العافيه خدودها..يلمعن بالحجاب وعيونها..
تضوي طالعة تملخ..بت الاوادم شافتني صافن عليها كالت:
هااا..شبيك صافن!
يعني شبيه دا افكر!
ههه..دتفكر..بشنو؟
بيج..غير؟؟؟؟؟
ياستار اكيد افكار..اجرامية!!!!!
هههه..لا مو اجرامية بس اشوفج محجبة وتقرين قرآن شنو قررتي اتوبين ؟؟؟
ليش..اني شمسويه حتى اتوب..شنو جنت فنانه استعراضية وراح اتحجب واتوب!
مصبرت ع نفسي من الضحك..مولسان لسانها بكته ترمي صلي!
لا حشاج..بس عجبني الحجاب عليج حيل..واشوفج متغيره عن كلامج مال البارحة...
اوكف..اوكف ليكون ..ابالك اني لابسه حجاب ..ودا اقره قرآن حتى اطلب رضاك..وترتاحلي..وتكوم تحبني!
هههه..ليش اكو تفسير ثاني!
ايبااااااااخ...هاي انت شكد متفائل ومعنوياتك مرتفعة!
سمعتها كالت ايباااااخ..مكدرت..اسكت ولا اصبر راح تموتني حجاياتها من الضحك هاي شبيه اني اشو اني دمي ثكيل ومو بسهوله اضحك بس من اسمعها ما اصبر وحدها الضحكة..تجيني..
هاي شبيك تضحك شنو..دتشوف مسرحية!
لا مبيه شيء..بس دقيقة سكتي حتى اخذ نفس..واجاوبج.

اي..اخذ..نفس مو دتسبح بالمحيط الاطلسي!
خرب..لج سكتي..
سكتت..
كتلها:
اي ماكو تفسير ثاني البارحة كتلج تغيري ع مودي..واليوم شفتج محجبة وتقرين قرآن..اكيد حتى اشوفج وارضة عنج!
اكول..اكو بالنجف مستشفى مال امراض نفسية مو!
اكيد اكو!
شعجب اهلك مدزوك..الها..يعني حالتك حيل صعبه..بصراحة..تكسر الخاطر..عندك مرض..اعتقد اسمه داء العظمة..
مديت ايدي كرصت خدها ع كيفي..كتلها:
ولج..مو اني استخطيج..واكول بنيه..مهما يكون ليش تخلين لسانج يعم عليج..
لا...لا..لا..بروح اهلك..لتستخطيني..تريد تضرب..اضرب عادي..اني هم عندي ادين اضرب بيهن!
هااااه..يعني اذا اضربج..ترجعين الضربه عليه!
لا..بعد عيني اناملك وانت اضربني..
لا بعد ما اكدر..عيوني كامت ادمع من الضحك..تكول اناملك واضربني متدري اذا الزمها..امردها مثل البكاية الزغيرة..بس ما اكدر..اضربها..هي بنيه..شلون امد ايدي عليها..ما اريدها تخاف..وتحس اني ظالم..وياها..
بقيت صافن بوجهها الحلو..واضحك..هي هم ابتسمت:
والله يا الله شبيك..راح تموت من الضحك..هسه اني قرقوز

كدامك..اشو..بنيه معتبرة ولابسه حجاب وشحلاتني..
سكتت..بقينا واحد يباوع بوجه اللاخ..راحت اصابعي ع شفتها..كتلها..يعني:
نعرفين نفسج حلوة بالحجاب..اذا تعرفين هالشكل ليش تمشين سافره...
اي..اي..بعد..سويلي هذا المشهد مال عادل امام والارهابية من يكوله..قلبك...عامر بالايمان ياولدي!
هههههه..لج..اسكتي..اسكتي..خرب يومج..شهاللسان..تعرفين والله ..والله من توفه ابويه لحد الان مضحكت هالكد ولا طلعت مني ضحكة من كلبي..غير هسه!
اي زين..خوش تطورات همزين ضحكتك..بس شوف اني لا ادور رضاك ولا راح اتغير والبس حجاب..ع مودك..مثل مكتلك البارحة..ابقه..اني..اني..وموض وع القرآن..عادي اني دائما استغفر واقرة قرآن وره الصلاة يعني مو فد شي..عجيب ولا جديد!
هااا..يعني انتي ..تصلين!
اكيد اصلي شكالولك عليه ملحدة قابل!.
والتصلي ليش..تلبس قصير وتركص كدام الناس!
بابا..عيني..عزيزي ...هذه حرية شخصية كل شخص عنده حرية خاصة..بكيفة يلبس يتحجب يتصلخ..
بس هذا الحجي ميمشي عندي!.
واني شعليه بيك..يمشي لو ميمشي..يله كوم جيبلي ريوك!

شنو..احيبلج ريوك..هسه! لج الساعة ب3ونص..وين اكو احد مفتح..بعدين..وين اكو عريس يطلع من الصبح يجيب ريوك..انتظري..امي الصبح تجيبلنا ريوك عرسان يخبل!.
انتظر شنو اني جوعانه!
لج هذا الاكل الي اكلتيه كوله وتكولين جوعانه
اي وشكد صارلي من اكلت احسب اكلت البارحة بثمانيه وهسه الساعة 3ونص..يعني الاكل راح وانهضم!
ههههه..اويلي همج على بطنج..اكول مربربه..والخدود حمر كل خد بيه كيلو!
اي..احسدني..احسدني بعيونك هاي الزرك..التحرك الاخضر واليابس!
هههههه..اني احسدج!
هسه عوفك من الحجي فدوة كوم جيبلي ريوك!
ولج محد مفتح بعد وكت

لعد انتظر فد ساعة ساعة ونص روح جيبلي..كيمر..وخبز حار..ومربه..واني انزل اسوي قوري جاي..وندوس!
انتي تنزلين تسوين جاي!
اي..وشكو بيها!
وين اكو عروسه تسوي جاي من الفجر!
لا عروسه ولابطيخ..اني بالاكل اهلي ما اعرفهم!
وبقينا نحجي..اويلي هاي شنو من بنيه..شلون تحجي..مجنت متوقعها ابد..يعني عدها تلقائية عجيبه غريبة..المفروض هسه هيه ضايجة..وماخذه موقف مني...

لان لبستها ونمت..وخربت كل احلامها بليلة العرس..بس الي اشوفه هي ممهتمه عادي هم لابستني..ومتجاهله الموضوع..صح ضحكتني لا موتتني من الضحك..بس بنفس الوقت حسيت التعامل وياها راح يكون صعب..لان هي اقوه من توقعاتي توقعت اكعد الصبح الكاها ضايجة وتتصفن..وتفكر..تحجي وياي بالموضوع بس ولا ع بالها..البارحة كعدت تتفرج ع التلفزيون والصبح تصرفت طبيعي..لا وتكولي كوم جيبلي ريوك..اني شهاب..تتأمر عليه كوم جيبلي ريوك..رغم كلشي..بس. طلعت الشمس رحت اجيبلها كيمر..وخبز حار..جنت امشي وابتسم اذكر حجايتها..خرب يومها..شنو من قابلية عدها وحسيت نفسي مندمان لان تزوجتها..بالعكس حسيت نفسي محتاجها بحياتي..محتاج..هيج انسانه..تكدرتغير مزاجي..وتكلب..كياني..اويلي ..شحلاتها..بالحجاب..هسه اني شبيه هالكد افكر يعني البارحة..هي لابسه بدله مخلعه..وطالعة اميرة..تجنن..وبالليل لبستلي ملابس نوم حلوة كل هذا وكدرت اسيطر واصبر على نفسي..وكلت..ما امد ايدي ولا المسها..لان اريدها تعرف اني اريد اادبها واريدها تتحشم وتتغير ع..مودي..واليوم من شفتها بالحجاب عقلي طار..لا وفوكاها لابسه دشداشتي جبيرة عليها..وطالعات نص اصابعا من الردن..ووجها يضوي بالحجاب..خربت..صعدت حماوة مشاعري..فول..لدرجه اني مصبرت كرصتها من خدها وطمطت الكرصة بالحجي..شلون..وياها..اخاف..اح بها..وهي الي تربيني مو...

اني الي اربيها..رحت اشتريت كيمر وخبز..بس محد مفتح ملكيت احد يبيع مربه..ورجعت..المخبلة لكيتها نازلة مخدرة جاي..ومنتظرتني..
باوعت..لكيتها لابسه..نفنوف..زيتوني..فكتلها :.
هيج نزلتي لجوة بس بالنفنوف:
اي وشبيه النفنوف!
مو..مخصر شويه!.
واذا مخصر شنو يعني بعدين كولهم نايمين تعبانين من الركص والردح البارحة..هااا..نسيت..متكولي ..منين جايبين هاي الاغاني القديمة البارحة وتعيدون وتصقلون بيها!
يا اغاني!
هاي..مال ساجدة..وشكل لامي من اروح انكسرت الشيشه والبنات يركصن عليها صدوك جذب
ههههه...بمناسبه الشيشة..باجر الصبح..اكيد امج راح تسألج ع الشيشه شنو راح تكوليلها!
اي شيشه!
الشيشة مال ساجدة عبيد!؟؟
مفهمت..بعدين هي شنو تقصد من تكول شكل لمي من اروح انكسرت الشيشه!
يعني طكت السده..
اي سده..
ادنيت يمها..وحجيت باذنها!
شنو.شنو..شنو..شكلت!

اي هو هذا معناها!!!
عود انت مسوي نفسك حكيم الزمان ..وادور تربيه بله مستحيت ع..نفسك..شلون تكولي هالحجاية..الفشار!
هههههههه..واذا كتلج غير انتي مرتي!
خدودها انكلبن طماطة.. وبسرعة كامت من يمي!
ها..شبيج شردتي تعالي خلي اكملج باقي الاغنيه!
هاااا..لتكملي ولا شي..اصلا..انت طلعت واحد مستهتر!
ههههه..اني مستهتر!
اي..
ادنيت يمها هي..مدنكة!
ميخالف..مستهتر كدام مرتي.!
واذا مرتك..ممسموحلك تحجي هيج كدامي!
حاضر ادللي...بس حرامات ردت اشرحلج اغنيه ثانيه احلى منها..
اي اغنية
هاي..مال شلون..دادة ويلي دادة واخ دادة!

اسكت..اسكت شلون اغاني تلعب النفس..كعدت تصب جاي..وفتحت الكيمروكالت:
انت اكيد مجوعان..اي مبين عليك مجوعان!
لا حبابة جوعان ومراح اخليج تغدريني مثل البارحة
وبقينا ناكل..صافن عليها..هههه..تكولي مستهتر..ولا مبين عليها هالكد تستحي....اشو هيه وكحة..ولسان ممبين عليها خجولة..

خلصنا ريوك..كتلها:
راح اطلع:
اطلع قابل اني..لازمتك!
يعني عادي متضوجين متخافين ليكولون عاف عروسته وطلع..؟؟
حباب..روح اطلع..اصلا وجودك بالغرفة مضوجني..!
هااا..لهدرجة!
واكثر
ماشي راح اطلع بس..من تسألج..امج..عود كوليلها انكسرت الشيشة..حتى متضل تفكر..
بعدني مخلصت حجايتي..وهفتني بالمخدة الزغيرة
دروح..كسر الله عظامك..عظم عظم وخله..كا عظم بدولة..حتى..بيوم..القيامة يحتارون شلون يلموهن

انتظروا بارت7



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 13-04-20, 07:12 AM   #9

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#حفيدالشيطان
#الكاتبةورودالخالدي
البارت7


شهاب::::
طلعت ساعة ورجعت فكرت كلت هم عيب من الناس هسه يكولون غير عريس هذا طالع من الصبح وعايف مرته..بس رجعت بقيت .مكابلها وكاعد ساكت بس متونس على سوالفها وحجيها..من تسألني اتورط اجاوبها..بس احجي اجطني بجملة اهلك ضحك..متعجب على نفسي اول مرة هيج انطلق ويه شخص وارتاح الى مالا نهايه هاي وين جانت مضمومة والله لو ادري هيج العرس..فرفشه وضحك جان تزوجتها..من زمان..صارت الساعة بثمانيه اندكت الباب..فتحتها فاتت امي ومرت عمي يهلهلن:
صباح الخير شلونهم العرسان مبينين نشطين..كاعدين من وكت ومسوين جاي!
ودخلت مرت عمي كعدت ع الجرباية كبال..هاجر..وكلتلها..:.
ها..ماما شلونج؟
الحمد لله ماما..
يعني زينه!
اي يوم طبعا زينه متشوفيني..شارة حلكي واضحك من الصبح..
عساج تضحكين دوم يوم..
مادام انتي زينه اني راح اخذ سعودي وارجع لبغداد!.
ترجعين..؟؟ليش يوم مو ع اساس تبقين يمي يومين؟
ماما مرت اخوج تدرين بيها تتنسه..وراحت لاهلها وبقو اخوانج وابوج وحدهم وتعرفين ميدبروها!

بس ماما..
حبيبتي ماماتي اسبوع ويجيبج شهاب النا..شبيج انكلب لونج!
خطية هي التفتت..عليه عيونها لمعن انكسر خاطري عليها..اول مرة احسها تكسر خاطري خطية ممتعودة تفارك اهلها..فكلت:
عمه باتي عدنا بعد ليلة..واني الفجر..اخذج لبغداد!
والله اتمنى ابقه بس حجيتلكم هناك ميدبروها..وغيداء نساوتها صعبه وراحت لهلها..
براحتج عمه..
وسمعت هاجر تكولها:.
يعني هسه راح ترحين!
اي بنيتي بعد اطمنت عليج..وعمتج ام شهاب كالت اخليها بعيوني..
فامي كالت:
واكثر من عيوني والله..
عيونج سالمه عمه..
هسه اكوم هم يله اوصل حتى الحك اسويلهم غدة..
شفت..هاجر كامت..
شبكتها..وكالت:.
يوم عود فتحي كاميرا يوميه حتى اشوفج:
اي..بعد امج..
وكامت..رادت..هاجر تنزل كالت امي:
ابقي مرتاحة بنيتي البنات راح يصعدن يمج..

مو..مو اريد اوصل ماما للباب!
ههههه...يلة نزلي ونزلنا..ردت اوصلهم مقبلت عمتي كالت اسعد وياي رايح ماكو داعي ..ضل يم عروستك!
ورجعنا صعدنا..كلت لامي:.
يمه ترة احنا تريكنا اني راح اطلع..فد ساعتين احتمال خالاتي يصعدن يباركنلها لو جيرانه
ماشي وليدي..
وطلعت..رحت للمعرض لكيت طارق..يكلب بالسجلات استغرب من جيت فكتلة ساعتين زمان وارجع ورجعت وكت الغدة تغدينا..ومر اليوم عادي..والي بعده..بس الغريب..بالموضوع اني انام بالليل ع الجربايه وهي..تبقى كاعدة من تشوفني كعدت..تروح تنام بمكاني..اي متريدني انام بصفهة...حقها..من اول يوم كتلها ما اريدج اكيد تستحي تنام بصفي..ميخالف..هاي سهله..يجي يوم تتوسل بيه حتى احضنها..طول الليل بعدها معانده..واني هم معاند اله تتغير ع مودي تلبس حجاب...وتبطل اطول لسانها..وتسمع كلامي..ذاك الوكت عود..افكر اتقرب منها..صح مرتي..وبت عمي..وحلوة..وبصراحة روحي ترفرغ على لمستها..بس اني مقرر..امشيها عدل يله تصير زوجتي من صدك..

هاجر::
مرت5ايام على زواجنا..مرات نسولف بشغلات عاديه ومرات نتناكر..بس هو..كلما نسولف يضل يضحك..ضحكته..

حلوة طلع عكس تصوراتي..روحه حلوة..وضحكته قريبه مو مثل متصورته دمة ثكيل وكالب خلقته..بيوم الخامس هو بالمعرض..الجو..حار لبست برمودة قصيره وربع ردن ونزلت كلت لعمتي ما احب اكعد وحدي بقينا..انظف اني وزينب..بيتهم نظيف..هيج بس ترتببات بسيطة شفت زينب تحل كلمات متقاطعة كعدت بصفها..نحل بيهن وصلنا لسؤال صغير الحصان من ثلاث حروف..معرفنا..دنحجي ودخلو طارق وشهاب..اول مدخلو كتلهم..
عفيه بسرعة جاوبو صغير الحصان من ثلاث حروف
هاي شبيهم اشو كولهم صفنو بوجهي طارق دنك..ودخل لغرفته شهاب..اجه يمي جرني من ايدي..
شبيك شهاب..
اصعدي..اصعدي كدامي..
اي هسه اصعد شبيك تجرجر بيه:
صعدنا فتح الباب..ودخلني بخشونه وسد الباب علينا..وكال:
لج انتي ليش متحترمين احد..
اني..
اي..
ليش شمسويه!
متشوفين نفسج شلابسه شنو..هاي ملابسج..
شبيها برمودة قصير والجو حار..
برمودة قصيرة تلبسيها هنا بالغرفة..كدامي مو كاعدة ع القنفة رجل على رجل..وعضلج..طالعه..لا وجمالة ربع ردن..

شكو بيها احنا محد يمنا ..
محد يمج..!..ليش واخويه طارق مفكرتي يفوت للبيت ويشوفج هالشكل!
واذا شافني غير هو اخوك..وابن عمي!
استغفر الله..راح اتخبل..اخويه اي وابن عمج..اي..بس لازم تحترمي مشفتي شلون خجل وفات الغرفته يركض شنو انتي كالبة الايه..الرجال يستحي والمرة لا!
شنو هالتفكير..شنو هالتخلف الي عايشين بيه هو ابن عمي وحمايه يعني محرم عليه الى ان تموت انت..ليش هالتعقيدات يعني
اسألي وين مجان..اكو وحدة مربايه ومحترمة نفسها تكعد صلوخ كدام حماهه..
والله هذا لبسي وهذا طبعي..ومراح اغيرة..واذا ميعحبك ابقه..بغرفتي وبعد ما انزل
طبج مرض..ضلي هنا..محبوسه بغرفتج
بعد احسن..
وشفته طلع من الغرفة..وصاح
زينب..زينب تعالي انتي وامي..
وجني يركضن...عمه كالت:
شبيك..ماما تاكل بروحك خو..ماكو شي..
يمه..هاي بعد متنزل من فوك..معليجن بيها لان..متحترم احد..وممربايه!
يا..ماما لتكول هيج..ع البنيه..
مثل مسمعتن ما اريد..تصيحنها..لو تنزل جوة وزقنبوتها

يصعدلها فوك..وسلابتها اني اجيبلها غساله وتغسلهن بالحمام الفوك..
يااا..ماما شنو هالحجي..غير جنتنا..ونريدها يمنا!.
لا يمه هاي مو الجنة الي تتمنيها..واذا تردين جنه..عود خطبيلي..مرة غيرها!
اخطبلك شنو..اسكت لتحجي هيج كدام البنيه..وتحرك..كلبها!
طبها..مرض..كتلج تخطبيلي..مرة على ذوقج..اي وخلال عشر ايام اجيب اغاتها..
ماما هدي اعصابك..هسه..
اني هاديء وهذا مو حجي عصبيه..اخطبيلي مره مثلنا..تمشي على مرامنا..وتريحنا..وهاي خليها..بت بغداد كاعدة هنا..براحتها..
بكيفك..ماما..
وطلعو من يمي..حسيت..كلبي انعصر صارلي5ايام عنده وهسه يريد يتزوج عليه..لان كتله هذا لبسي..ليش يعني لو اصير عبده اله لو يتزوج..عليه خليه يتزوج طبه مرض..هسه اني اشايفه منه هم حاسبه نفسي متزوجة..عادي ابقه فوك
.بغرفتي وهو وين ميريد يروح خلي يروح..بس لا ما اصدك هذا حجي عصبيه..اكيد ميقصدة..بس..بالايام الي..بعد هذا اليوم هو تغير بعد ميحجي وياي يجي..من الشغل يتغدة جوه ويصعد ينام..حتى لهلي ما اخذني..بالسبعة..وماما هوايه اتصلت بس معرفت شنطيها من عذر..اخير شي خابرتني جنت كاعدة بالغرفة..وما ادري الباب مفتوحة..

الساعة ب8بالليل..اتصلت واضطريت اكولها بالحقيقة كتلها..شهاب ممتقرب عليه وميريدني وحجيت الها كولشي اول مرة كامت تغلط عليه وبعدين كامت تلوم بيه تكولي انتي مبيج خير معرفتي تخلي يحبج ويتعلق بيح..وياخذج..انتي ثوله..تصلخيله..دللي..ضحكيله..
صرت عصبيه وحجيت بصوت عالى:
يوم ميريدني تعرفين شنو ميريدني شنو اضحكلة واتصلخلة اكولج ميريدني؟
فجأة ودخل شهاب..عززززة...عزززة سمعني احجي ويه امي..دخل عيونه تجدح شرار..واخذ..الموبايل من ايدي..وركعة بالكاع وكسرة..وكام يصيح بوجهي؛
عفيه..عفيه بالمرباية..بت الاصول الي تسولف لامها على اسرارها وعلى حياتها..الزوجية..وتوصل الزغيرة والجبيرة لهلها..
خفت منه لان حيل جان عصبي خصوصا من شمر الموبايل وقفل الباب..فكتلة:
شهاب..ترة مو قصدي..اوصل حجي..والله
ها....اي تمام موقصدج..مو..بعدين واذا وصلتي حجي شراح تحصلين نصائح من الوالدة راح تكولج بدليلة وتصلخيله حتى يجي للدرب مو..
شهاب..اني..اني.
جنت لابسه دشداشه قصيرة وجواها بس ستيان اسود وشورت..هو ادنه يمي شكها للدشداشة من الطول للطول ونزعنياها..وشمرها..

وزمخ بيه اني خليت اديه ع جسمي..ودموعي جرت..صوته شك..اذني وكال:.
وهسه انتي مصلخة..مدام..شراح يتغير..راح يرف كلبي..راح..اضعف..راح..اجي للدرب..حتى تركبين فوك راسي..
ما اكدرارد عليه..مختنكة احس اهاناتة..كطعنه لكلبي..موكفني كدامة مصلخة ويصيح عليه وشرايين ركبته تنبض..من العصبيه..ادنيت اريد اجر..الجرجف اغطي نفسي..زمخ..بيه:
ايدج..كولشي لتسوين..ضلي هيج مصلخة كبالي..حتى تعرفين شلون توصلين اسرارنا..لامج..وتعرفين انه هي مراح..تفيدج بشي..وانتي..تتصلخين..تتصخمين مراح يغير هذا بداخلي اي..شي..لان اني كتلج من اول يوم جسمج وجمالج..ميهمني..بشي..الي يهمني..تسمعين كلامي وتصيرن مرة براسها الف حظ..

محاجيته لان حسيت نفسي غلطانه..ملازم احجي الماما..عن اسرارنا..وعن المشكلة الاخيرة الي صارت بيناتنا..بس مبيدي شي...اول مرة احس لساني..مابيه اي. رد اله بس دموعي بقت تجري..هو بقى يباوع عليه واني حايرة شلون اغطي..جسمي باديه خمس دقايق..وكلي:
يله لبسي..سلاباتج وبعد لتتجبجين!
فتحت الكنتور لبست اول نفنوف كبالي وقررت ما احاجيه..بعد..لان اي حجايه وياه مو بصالحي..

ومرت 3ايام ع االي صار..ابد منتحاجة هو طلع الصبح..اني بقيت بغرفتي لان اساسا اني ما انزل من يوم..الي كلي بعد متزلين بس..طلعت للحمام..اريد اغسل ملابس..شفت الغرفة الي بصف الحمام مفتوحة..بس فارغة..دخلت لغرفتي سمعت اصوات ناس تسولف ودخل شهاب:
لتطلعين العمال..مال المعرض جايين ينصبون الغرفة!
وطلع...بقيت وحدي افكر..يعني دينصب غرفة فوك..يعني صدوك يريد يتزوج..عزة..عزة بعيني..راح يتزوج عليه واني مصارلي اسبوعين..هسه شسوي اخابر بابا واكوله ابن اخوك راح يتزوج عليه بس اذا عرف اني كايلة شلون راح يتصرف وياي حتى ماعندي امل يطلكني لان من اول يوم كلي متطلعين من بيتي الابتابوت...شسوي..هسه بقيت اكل بنفسي..يا الله صدوك..راح يتزوج..مدا يشيلها عقلي..اي.راح يتزوج هو ميحبني..وبيني وبينه بس عناد..بس اني ما اريده يتزوج..مهما يكون هو زوجي وجان عندي امل يتراجع عن موقفة..ويصير الي بيوم من الايام..بقو العمال تقريبا ساعتين وراها اجه دخل..للغرفة يبدل..افكر احجي وياه..بس اني ما احاجية يعني شأكولة..مثلا اكوله طلكني واتزوج اعرف هو ميطلك..تمدد ع الجربايه باوع للاكل شافني مماكلة كلي:
ليش..ممتزقنبه!؟
سكتت..
مو احجي وياج ..ليش ممتغديه؟؟

ما اشتهي.
ليش..متشتهين اشو انتي متعرفين اهلج بالاكل!؟
ما اشتهي..وهاي هيه..
براحتج..
شهاب::::
حيل الجو متوتر بيني وبينها ابد متحاجيني...ادخل الكاها ساكته وتتصفن..اخ ممتعود اشوفها هالشكل..فكرت احتمال اني حيل دست وياها اخر..مرة اي اكيد هذا السبب..من يومها وهي ساكته..وحتى اكلها..صار قليل احسها ذبلانه..هسه اني شبيه هالكد عصبت عليها..وشككت...ملابسها وكمت اهين بيها هي اول وتالي بنيه واكيد تحجي لامها على اسرارها..قابل المن تحجي للحياطين لا وفوكاها اني حابسها بالغرفة..لا كلمة طيبة مني ولا معاملة بيها خير حسيت نفسي حيل غلطان وياها..صح اريدها تتغير بس مو بالضغط..وكثر الدك يفك اللحيم..من الاول سويت فجوة بيني وبينها شصار. لو عاملتها بمحبه وحصلت كلبها وخليتها تتغير على مودي..شكد..غبي عبالي كولشي يجي بالكوة وبالصياح وبالاهانات..بنيه جنها..وردة تضحك..للهوه بحجايتين اكدر اعلكها بيه واخذ كلبها..شبيه غشيم خلصتها..بس صياح..وطلايب..صار..اسبوعين من تزوجتها..مدنيت عليهالابوسه لاحضنه..لا كرصة..لا حجاية لاروايه..والله متستاهل..شنو هو..الحجاب فد طلابه اكدر اسايسها واخليها تتغير من كبر يلفني ع هالسالفة العوجه هاي عود....

اني الفهيمه والناس تستعين بعقلي..وادز عليه بمشيات وطلايب هيج..بنيه مثل التفاحة الرايجة مكدرت اضمها جوة جناحي..وسفه عليك..وسفه شهاب..
..ومرن يومين بعد كلبي طك..ما اتحمل..لازم احجي وياها شنو اضحك على..نفسي..حبيتها..بسرعة حبيتها..واريد سوالفها وضحكتها..وحجيها الصلي يرجع مثل الاول..هسه اني الي وكعت..اي والله صادتني واني النجربراءتها..وضحكتها..وشخص يتها القويه..خو جمالها ونعومتها..ميحتاجن..وصف..حلوة وتفك المصلوب بت الاوادم..لا واني..اكولها متهميني ما اريدج..اضحك على منو..خلي يولن شهوبي مو كلبك طاك عليها..وقررت احاجيها واطيب خاطرها..دخلت لكيتها كاعدة..كعدت كبالها ع الجرياية:
ها..هاجر كلبج ما طك من السكته شلون متحملة وساكته:
عبالك..جانت موقته..بس حاجيتها..بجت..رفعت راسها:
ضوجتج...هوايه ادري والله
لا..مضوجتني..اني..مو من ثوبك وانت..مو من ثوبي..
شنو قصدج؟
يعني طلكني شهاب!
اطلكج..شنو؟
اي طلكني..واتزوج..بنيه..على مرامك..واني رجعني لهلي ابوس ايدك!
ارجعج لهلج..؟
اي رجعني لدلال اهلي!

ليش انتي عندي مو مدلله!؟شنو ناقصج!
مناقصني شي..كنتوري مليان..اشكال والوان ملابس واحذيه وجنط وذهب..وكولشي تتمناه اي زوجة..بس اني مو هذا الدلال الي اريده..
لعد..شتردين؟
اريد دلال اهلي..اريد دلال بابا من يجي وجايبلي وياه علاكة نساتل وككو..وجوكليت وحب احمر..اريد دلال ماما من تجي لغرفتي تغطيني واني نايمة..اريد دلال اخواني من اكعد اتفرج ع المسلسل مال الليل وتاخذني النومه..ويعوفون ..شغلهم الصبح ويسولفولي المسلسل..اريد عيشة اهلي..اني ما افيدك..!
تحجي..ودموعها..يجرن..ياااابة شكد..مورم..كلبها..شكد مشتاقة لهلها..واني الاغبر مكدرت احتويها وانسيها اهلها..واصيرلها..اب وام..واخ..وزوج..وحبيب..من كبر يطمني اي والله..اباوع ع انفعالاتها..تحجي..بعبرة ودموع واديها الناعمات يرجفن..متحملت..والله احبها..واريدها..وكلبي طاك عليها..بسرعة جريتها..من ايدها وشبكتها..صار..وجهها بركبتي..ودموعها..حارات ع..ركبتي وسمعتها تكول:
رجعني لاهلي..شهاب
اششش..اسكتي هاجر..تره..اهلي حركتيهم..بدموعج والله
انتظروا بارت8💋💋💋💋💋



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
قديم 14-04-20, 05:13 PM   #10

فيتامين سي

مراقبة عامة ومشرفة منتدى الروايات المنقولة

alkap ~
 
الصورة الرمزية فيتامين سي

? العضوٌ??? » 12556
?  التسِجيلٌ » Jun 2008
? مشَارَ?اتْي » 42,429
? الًجنِس »
? دولتي » دولتي Saudi Arabia
? مزاجي » مزاجي
?  نُقآطِيْ » فيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond reputeفيتامين سي has a reputation beyond repute
?? ??? ~
My Mms ~
افتراضي



#حفيدالشيطان
#الكاتبةورودالخالدي
البارت8


هاجر::
جنت ابجي بحضنه واكوله:
شهاب رجعني لاهلي..
حضني حيل وكلي:
اششش..اسكتي..هاجر تره اهلي حركتيهم بدموعج والله..
بعدين وخرني عن حضنه وبقى يباوع بعيوني..اني هم..اباوع بعيونه الصافيات وكلي:
لتبجين..هاجر ..عيونج الحلوات ميتساهلن بجي!
هاي شنو دا احلم شنو ديتغزل بيه لو شنو بالضبط..حيل استحيت من نظراته اصلا هو عيونه حيل حلوات يعني مجرد ما تصير عيني بعينه استحي مو هالنوب يتغزل بيه..ردت اكوم ..لزم ايدي..شالها لشفايفه..وباسها..بهدوء..يااا اا..هاي شديصير بالدنيا!
بعدين..مد ايده ع خدي وادنه يمي كولش..عقلي طار واديه ماتن مكدرت اسوي شي من مد ايده ع ركبتي ودناني اكثر يمه وباسني..بكل هدوء..ورومنسية..ردت اوخر عنه هالكد مستحيت رجع..دناني وعصر شفايفي حيل بحلكة..يمكن نص دقيقة وفلتني ..حسيت..نفسي ضعت بين اديه بس رأسا..فكرت كلت يعني هسه جاي..يحن عليه ويبوس بيه..واول البارحة نصب غرفته حتى يتزوج وحدة عليه كلبي..احسه شاط هذا شيطان يريدني اتعلق بيه واحبه حتى من يتزوج علية اموت من الحسرة والحركة والقهر..ليش..ليش هالكد هو معندة ضمير ولا رحمه..دفعته..حيل..عني وصرخت بوجهه..

ليش..ليش هيج ماكو بكلبك رحمة ليش معندك لاذمة ولا ضمير..ليش تبوسني شهاب..ليش. ليش!
هو استغرب من الي كلته وكال:
ولج ليش ابوسج..يعني غير مرتي!
ليش هسه بالذات ليش من كتلك خلي نطلك..تريدني اتعلق بيك تريدني احبك..ويتحطم كلبي..من وراك..ليش..واحنا راح نطلك..اي اول وتالي راح اطلك منك..وما اريد اي ذكرى حلوة تجمعني بيك حتى اندم عليها..ما اريد احبك..وابقى طول عمري..ابجي عليك!
لج انتي مخبلة..اني اطلكج..اسمعي..وخلي كلامي ترجيه باذنج..طلاك..ما اطلكج..بس..بحاله وحدة الي هي طلاك الموت..يعني لو يشيلون جنازتي..لو يشيلون جنازتج من بيتي..
وعافني وطلع..خلاني مثل المصدومة اديه ترجف..وكلبي..يركض..يركض..لان باسني هالشكل..ممصدكة معقوله هو هيج هاديء ورومنسي..خرب حظي المصخم..هيج هو..مشاعره حلوة..اي..اكيد راح يتزوج عن قريب ومشاعره الحلوة كولها تصير..لمرته الجديدة..هنيالها..الف هنيالها..عقلي..يحجي بجهة وكلبي يحجي بجهة احجي ويه نفسي معقوله راح تجي وحدة تاخذه لشهاب مني..بعد مينام بغرفتي..بعد ما اشوف ضحكته ولا اسمع صوته من يتناكر وياي ع اقل شي..بس..اني..شلون اخليه يتزوج وليش خليته اصلا يفكر يتزوج عليه..شكد غبيه وثوله ماما...

تكولي الرجال مثل الطفل يحب المسايس والدلال واني خلصتها ويا تحديات وعناد وشحصلت نصب غرفته..واحتمال اسبوع زمان..يتزوج..واني ابقه..البعيدة..المركونه بهاي الغرفة..راح اموت من القهر والله..
وبعد ذاك اليوم الي باسني بيه حيل تغيرت تصرفاته وياي..كمت اشوف حنية بعيونه..جان يجي..وينام من وكت هسه يجي..يكعد يمي يتابع القناة الي احبها رغم هو جان ميحبها..مرات ينزل بالليل..يصعدلي..فاكهة من الثلاجة لو هو يجيب ويا بسكولاته..لو علبه موطة عائلية ونكعد ناكل..وره 3ايام..دخل..للغرفة لكاني كاعدة ارتب بملابسي..كلي..هاجر بدلي خلي نطلع:
وين..نروح..؟..وشعجب جاي العصر من المعرض!.
والله ضايج..واريد اخذج ونروح نزور
هااا..نزور..بس يصير البس قميص طويل وبنطرون وحجاب لان معندي عبايه اسلاميه لو ميقبلون افوت..بالبنطرون!
هاي..سهلة هسه اجيبلج عبايه من زينب!
ماشي..
شكد فرحت من كلي حنطلع نزور
ونزل جابلي عبايتين كلي:
شوفي..منو الي تعجبج ولبسيها واختاريت وحدة..تصميمها خليجي..وياها شال اسود لبستهن..كلي:
هاجر..لتخلين مكياج..!
لا..لا..ما اخلي اعرف العتبه ميقبلون بالمكياج..
اي عفيه عليج..بعدين انتي ممحتاجة مكياج..وين اكو قمر..

قمر يتمكيج!
اوووف..كلبي..راح من هيج حجة خرب ..خرب هذا ليش صاير حباب..ورومنسي..من راد يتزوج عليه اشو قبل مجان هيج هاي شلون حركة كلب!
شهاب::
طول الوكت افكر بيها..اخذت كلبي وروحي..الله اكبر من بستها..تعلقت بيها اكثر واكثر..اريد اسعدها اريدها مثل قبل تضحك..وتنكت..وتجطني بالحجي..بس بعدها..مرجعت مثل قبل رغم محاولاتي..افرحها واهتم بيها..فكرت يمكن جو البيت والحبسه مأثرات عليها خلي اطلعها بس شلون هذه تطلع سافرة..واني..مترهم عندي هذه السالفة احسن شي..اكولها نروح نزور حتى تتحجب اوتماتيك..وفعلا بس كتلها نطلع فرحت..رحت جبت..عبايه من زينب.وطلعنا زرنا..وبعدين طلعنا من الامام بس شطالعه..بالشال الاسود..تجنن..واني عكس العالم من اشوفها بالحجاب..اشتهيها..هاي..شلون سالفه..بله...سمعتها تكولي:
شكرا لان زورتني هسه نرجع للبيت!
ها تردين ترجعين تعبتي..!
لا بس اخاف انت عندك شغل..
لا معندي شغل تعالي خلي نفتر بالسوك
ماشي..وكمنا نفتر..بالسوك هي..بس تباوع كتلها:
اشو بس تباوعين..ميعجبج شي..نشتري..
هااا..كولشي عندي ما اريد شي !

تعالي لعد خلي نفوت لسوك الذهب..اخذلج فد شي!
لا..لا ما اريد اني ما احب الذهب اصلا ذهبي مدا البسه..
الله..الله شكد قنوعة..مدا..تنطيني فرصة..ادللها شويه..واحسسها اني مهتم بيها كولشي متريد ..وبقينا نمشي..بالسوك وشفتها وكفت يم جام خانه مال اسماك..ولد مفتح محل جديد مال اسماك زينه بقت تباوع ع الاحواض..والسمجات الملونات شلون يسبحن بالمي وشفتها مهتمه بيهن تباوع وتبتسم..كتلها:
ها..هاجر تحبين السمج..الملون!
اي..بابا جان يجبيلي..بس حرامات ميبقن عندي يومين ويموتن!
اي..هسه اشتريلج..حوض..سمج..
لا..لا..لتشتري..مو كتلك يموتن خطية ما اعرف اداريهن!
اني اداريهن الج!
انت تعرف!
اي اعرف..
بس شلون نشيلهن للبيت!
هههه...معليج اني انطي لابو المحل عنواني وهو يدزهن للبيت..
صدوك!
اي..والله
ماشي..لعد نشتري..
حيل فرحت من شفتها مهتمة وتختار بالسمجات..وتحجي وياي وتبتسم..واخيرا لكيت شي تحبه اكدر اشتري الها..

رغم هو شي بسيط بس فرحتها عندي تسوة الدنيا!
طلعنا من المحل..الاذان يأذن..فكتلها:
نعالي خلي نتمشه بعد..وبعدين نروح نتعشه!
ها..نتعشه برة
اي شكو بيها نكعد بجناح عائلي...
واخذتها لمطعم..كعدنا بجناح عائلي وطلبت تكة ومعلاك وكباب..نزلو الطلبات بينما..دناكل دخلت عائلة مره وياها 2بنات وطفل..بس..البنات موراحة وجماله..صارن كبالي.. كلما اشيل راسي..الكاهن يباوعن عليه..اضطر ادنك..فهي انتبهت..الي..التفتت لكتهن يباوعن عليه ويضحكن..فباوعتلي وكالت:
شهاب..لتتقيد بيه اذا تريد تباوع ع البنات براحتك..ماكو داعي ادنك..بلكي..تلكة بت حلال..بسرعة احسن متبقة الغرفة الي نصبتها فارغة!
هاي شتحجي..كلبي شاط من كالت لتتقيد بيه يعني ممهتمة بيه..ولا تغار عليه بعدين ياغرفة الي تحجي..عنها..هااا..تذكرت الغرفة الي..طارق..اختارها وعجبته ورادها..وخلاني انصبها اله فوك..حتى متخرب بالمخزن..وتتكسر..معقوله هيه تعتقد اني ناصب الغرفة الي..وتحجي بهالبرود مهامها اذا تزوجت عليها..اويلي..عبالك..طعنتني بكلبي من حجت..بس هين اني اعلمها شلون تهتم بموضوعي وتحبني..وتغار عليه مو تعتقد راح اتزوج عليها..خليها باعتقادها اله احاربها حرب نفسيه الى ان تجي وتكولي احبك..ومهتمة بيك واغار عليك...

بسيطة..بسيطة هاجر..مكدرت اكمل العشه عبالك صار كبالي سم مو اكل..عفت الاكل..كالت:
شبيك ليش..مدا تاكل!
اكلي انتي..اني شبعت..
هاجر:::
هذا شبي اشو بس حجيت عاف الاكل..وجهه..تغير..قابل اني حاجيه شي غلط..اني هم بعد ما الي نفس اكل..كتله:
اني هم شبعت..
ورجعنا البيت الطريق كوله هو ساكت هذا شبيه انكلب حاله
بقه هو يدخل السياره جوه..واني صعدت..جنت حيل حرانه اخذت نفنوف..وملابس داخليه ودخلت للحمام سبحت..طلعت من الحمام..لكيته متمدد ع الجربايه بس مبين ضايج..كعدت انشف شعري بعدين مشطته..ردت..افتح التلفزيون...وبيدي المبرد مال الاظافر كلت..اتفرج ع التلفزيون وابرد اظافري..هو كلي عوفي التلفزيون وتعالي:
رحت كعدت ع طرف الجربايه..فكال:
صار شكد متزوجين
تقريبا..22يوم ليش!
يعني بما انه اني ناصب غرفتي..وراح اتزوج..واعيش حياتي..اكو فد شي..رب العالمين فرضة ع الرجال الي يتزوج اكثر من مرة..
مفهمت يعني شنو!
يعني اريد اعدل بيناتجن...ولازم تتعودين..عليه كزوج مثل....

ما هيه راح تتعود!
يعني شنو!
يعني اريد انطيج حقج..بيه كزوج..من هسه!
ولزم ايدي جرني وحضني حيل..عقلي طار..يعني يريد علاقة زوجية حتى الاخ يحس نفسه عادل بين زوجاته..فدفعته..وخلصت جسمي..لان ايده جان مرخيها شويه..وكتله:
تريد ..علاقة زوجية مو شهاب..تريد..تحس نفسك عادل بين زوجاتك..تريد تاخذ جسمي..وروحي حتى ترضي غرورك..وافكارك المريضة..
لج..يا افكار..ياغرور..انتي مرتي..وهذا حقي!
اكولك اشو سويتها دوخة شنو حقج..شنو حقي..اسمع شهاب..متمد ايدك عليه..لو تنطبك السمه ع الكاع والشي الي تفكر بيه بعيد عن شواربك..!!؟
كام.بسرعه..رد..يجرني يمه..عضيت ايده حيل توجع وصرخ..اني انهزمت..جان المبرد بعده بيدي..هو ضحك عود يستهريء..بقوتي..كام..وبده يمشي يتقرب..عليه فكرت..شلون اخلي يوخر عني..رأسا رحت للدكمه مال الكهرباء ..وكتله
شهاب..هذا المبرد بيدي اذا تتقرب خطوة ادخلة بالكهرباء..واموت ولا اخليج..تلمسني..ابد..
فضحك:
ههههه...يعني الموت اهون..من..لمستي!
اي..الموت اهون!.....

بس هذه مو خوش طريقة مال موت يعني نتله مال كهرباء حيل..تأذي..اكو طريقة اسهل وراح تستفيدين منها!
صفنت على حجية
مفهمت!
يعني بدل متنتحرين والناس..تكول هاي انتحرت واكو انه وياخذون عرضج..خو اني اموتج..بايدي..وانحكم اعدام..ومتروح روحج بالخالي بلاش..
انت شنو دتصنف عليه..و
بعدني ممكملة حجايتي..بسرعة ادنه يمي محسيت الا لزم ايدي واخذ المبرد من ايدي..ولزمني من خصري..واخذني كعدني ع الجرباية:
ههههه...تردين تنتلين نفسج بالكهرباء هاجر!.
اي..ولاتدنه عليه!
واذا اني مصر..
موتني بالاول وبعدين سوي بيه الي تريده..
ماشي هسه اموتج..بس شلون اموتج..اريد فد طريقة تحبيها..
شنو طريقة احبها..
هااا..لكيتها انتي مو تحبين عالم الحيوان!.
اي..
وشايفة الاسد من يلكة غزالة حلوة ويصيدها..ويعضها من ركبتها وتموت بايده..
اي..
هسه راح..اموتج مثل ميموت الاسد الغزاله شتكولين!

خلي يولن شهاب هدني خلي اكوم الله يخليك..
الله ليخليني اذا اخليج تكومين..
ولزمني وطبك شفايفة ع ركبتي..حسيت الجلد حينشلع..توجعت..كتلة:.
اوي دتوجعني..
بقة شويه وخر عني وكلي:.
ها شلونها الموته..عرفت..قصدة وشفت بعيونه نظرات بيها اهداف ثانيه ردت اكوم..خلة ايديه ع خصري..وحضي حيل..
وكال وين رايحة بعدني مموتج!
شهاب وخر ايدك عني ليش تخليني..اصرخ لو اعضك!
يله عضيني..عادي..
شهاب..يعني كتلك مراح تحصل شي مني ليش مصر..
وكلتي الموت اهون من لمستي..
اي الموت اهون شهاب ولا اصير لعبه بيدك ترضي بيها غرورك..حتى تحسس نفسك انت عادل بعدين من شوكت انت عدلت وياي وهسه كاتلتك العدالة!
ضحك..ودار وجهي حتى تصير عيونه بعيوني:
تحجين ع الموت عبالج الموت سهل!.
اي سهل..وجع ساعة ولا كل ساعة..
ماشي هسه..اروايج..الموت..
وسد حلكي وخشمي بايده حيل بحيث ماكو اي نفس بالبدايه صبرت..كلت هسه يهدني بس مهدني بقيت ادفر بيه وارفس..برجليه اختنكت حسيت نفسي راح اموت..من شافني..فعلا اختنكت هدني..اخذت نفس..جرن دموعي...

حيل خفت..كلي:
هااا..شفتيها الروح شكد عزيزة
اي والله عزيزة!
بعد لتهدديني بالموت..مرة ثانيه..
رخت ايده كمت من يمه..كعدت ع طرف الجربايه محتارة بيش افكر..ليش هيج يتصرف وياي..يعني..شنو قصدة ذاك اليوم باسني وخله كلبي يرفرف..واليوم يكولي اريد علاقة حقيقيه..ورغم كل كلامي ويا..عيونه يضحكن..عبالك طفلة وديسايسني تعبت حيل من التفكير يعني ليش صار حباب وياي من راد يتزوج عليه..يعني هو فعلا يريد يعدل بيني وبين زوجته الجايه..الله واكبر..عقلي مده يشيلها اكون..شريكة ويه وحده ثانيه بيه..وهو يجاملني حتى ما احس بالتفرقة..شافني صافنه..كال:
شبيج صفنتي..
ماكو شي..نام..انت اني راح اتفرج ع التلفزيون!
هااا..انام وانتي تضلين سهرانه الى ان اكعد..وتنامين بفراشي..مو..
عادي..اني تعودت..
كمت..من يمه لزم ايدي وجرني..
لا..بعد متسهرين كافي سهر..عيونج ذبلن من السهر..تعالي نامي بحضني!
هااا..لا..لا..منعسانه..
جرني حيل وحضني..
شهاب..ما انام بحضنك شنو انام بحضنك..انت قوي اقوة....

مني واخاف عقلك يوزك وتغدرني!!
هالله ..هالله صار بيها غدر
اي بصراحة اخاف منك!
لتخافين..نامي بحضيني..وانتي مرتاحة..وروح ابوبه ما اخذ منج اي شي بالكوة!
ماشي..
شهاب:::
نامت بحضني حضنتها..على كيفي..اويلي شعرها رطب وعطرة يجنن..وجسمها مربرب وناعم..عبالك زبد..خرب حظك..شهاب شكد غبي..مريتك..وحلالك..هيج..عايف ها ع مود تحديات وعناد سخيف..خرب يومها..متقبل امد ايدي عليها تريد تنتل نفسها بالكهرباء المخبلة..اكدر اخذ الاريده بالكوة بس استخطيها..مينطيني كلبي..بعد كل هالمدة افاجأها بعلاقة خشنه..بس اكو تطورات اليوم اخذتلي عضة من ركبتها الحلوة باجر اخذ غير شي العافيه درجات..ثاني يوم الصبح جنت بالمعرض بالي كوله يمها افكر بطريقة افوتلها بيها..بحيث..احصلها وهي راضيه بس شلون وهيه معاندة..ههههه..عبالها اتزوج عليها ميته قهر..بس تكابر..مسويه نفسها ممهتمه بس هين الا اخليها تعترف بلسانها انه اني اهمها..ومتريدني اتزوج عليها..بقيت بالمعرض الظهر..رجعت للبيت صعدت لكيتها مدنكه تباوع ع السمجات خرب عمي شلون مدنكة زلزلته الكياني لابسه دشداشه قصيرة ومدنكه..والزرور نصها..طالعة شحم يلمعن..هسه شلون اتحرش بيها فكر..فكر..شهاب..

شافتني دخلت عافت الحوض كعدت ع طرف الجربايةكتلها:
اي ولشوكت تضلين ساكته وكآبه..
كالت:
شسوي يعني ادوك واركص!
شتسوين شنو؟تره اني هذا الوجه الجينكو ميعجبني اريدج ترجعين مثل كبل..ما اعرف شتسوين ..تشغلين لسانج البكته..ادكين وتركصين معليه اني..
اشو هاي كالت:
ماشي ادلل:
راحت شغلت التلفزيون وعلته عالاخير..وطلعت قناة اغاني جان طالع نور الزين..جيناك بهايه..واحنا الوفايه..وكامت ادبج..وتهوس ويه الاغنيه
خرب..ادبج بكل قوتها واحنا بالطابق الثاني..يعني هسه امي عبالها ..السكف راح يوكع من الدبج..اخذت الريمونت من ايدها وكتلها:
ولج شبيج تخبلتي..السكف راح يوكع!
انطيني الريمونت ليش نصيته مو تريدني ادوك واركص!
اووف شكد ضايجة تحجي..وصوتها..بيه عبرة مبينه مغثوثة بس دتسوي هيج حتى اسكت
ما انطيج الريمونت مخبلة..
اشو اله تنطيني الريمونت..
ما انطي..ومتعلين التلفزيون..
انطينيا
ما انطي..روحي منا حبابه

تمددت ع الجربايه وخليت الريمونت جوة ظهري..عاد هيه معانده اله تاخذه وتعلي التلفزيون..كعدت يمي.
انطيني الريمونت..
ما انطي انتي مره واخذيه..
بقت تتماطل ويايه بس اني بهوه ايدي. لازمها ما اريد اذيها..بالاخير كعدت ع..بطني حتي اختنك وانطيها الريمونت بس اني شنو ميت من الضحك..طلعت الريمونت وشمرته..
رادت تكوم..كتلها..
هاي وين..ابقي شويه حيل عجبتني هالكعدة..بس مو بعد وكتها.!!!!!؟؟؟؟.ارتبكت رادت تنزل من الجرباية لزمتها..ههه..تندمت لان كعدت هالكعدة ركبها طالعات يلمعن..بت الاوادم..لان دشداشتها قصيره..فكالت:

هدني..خلي انزل انت شكد مستهتر
انتظروا بارت9



فيتامين سي غير متواجد حالياً  
التوقيع



شكراً منتداي الأول و الغالي ... وسام أعتز به


رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 11:30 AM



Powered by vBulletin®
Copyright ©2000 - 2024, vBulletin Solutions, Inc.