العشق و الغفران / للكاتبة romaa salim ، مصرية مكتملة

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية العشق والغفران للكاتبة \ ROMAA SALIM قراءة ممتعة للجميع.....

[لامارا]

بسم الله الرحمن الرحيم

السلام عليكم ورحمة الله وبركاته


المقدمه:


عندما ينكسر الحب كقلب الى شقين ونحاول جاهدين الصاق الشقين ببعضهم.
ربما ننجح وربما نفشل.
عندما تنحصر فى تلك الزاويه وتبقى مابين العشق والجحيم ولكنك لا تستطيع الاختيار.
ولا تستطيع العوده من حيث اتيت.
عندما تحب السيء ويكون فى نظرك جيدا جدا ويجدر بك احيانا تحويل هذا السيء الى الصالح ولكن من حولك يصرون عليك بالفشل وربما تستمع اليهم او وتستمع الى صوت قلبك.
"الحب،الشغف،الولع"
هذه هى كلامات العشق المتناثره وكلاهم مجتمعين فى هذه الروايه.
واظن بل انى متاكده ان هناك منكم او غيركم قد عاش مثل هذه القصه وشعر بتلك الكلمات الثلاث "الحب،الشغف،الولع"
وبمجرد اشتعال الحنين فى القلب والكام العشق فى الصدر يصير الانسان يتنهد وقد يكون اكسجين العالم لا يكفيه.
ساروى لكم روايه تجمع الكثير من المشاعر وتضم الغريب من القصص وبالنسبة لى اتمنى ان يكون هناك اشخاص مثل الذى اخترعتهم انا فى هذه القصه...........


انتظرونى فى البارت الاول....

[لامارا]

رابط لتحميل الرواية

https://www.rewity.com/forum/t355241.html#post11486176

البارت الاول:


فى هذا القصر الفاخر تسكن عائلة جلال البحيرى المكونه من زوجته ناهد واولاده الاثنين.
باسل..الابن الاكبر هو شاب وسيم للغايه وهو طبيب متخصص فى جراحة القلب ولكنه يعمل مع والده لا بل هو من يدير مجموعة شركات جلال البحيرى وقليلا ما يمارس مهنته الاساسيه.
وهو ايضا متزوج بفتاه فى غاية الرقه والجمال تطاير كالفراشه بين الناس وديعه وصافيه وجميله وبسيطه تتمتع بالعيون ذات اللون الاخضر الخالص تتاثر باى شئ ييقال لها سواء ان كان لفظ طيب او زميم تسمى ب مريم.
يحبها باسل كثيرا لا يستحب باسل ابدا احزنها نستطيع ان نقول انها تعتبر شق روحه الثانى..ولكن كما نعلم الحياه لا تعطى كل شئ و ليس كل ما يتمناه المرء يدركه..وضعت امامهم الكثير والكثير من العقبات ولكن هل يمكنهم التغلب على المتاعب واصلاح الامور؟؟..سنرى.
اما الابنه الصغرى اسمها يارا.
يارا فتاه عفويه شقيه فضوليه..تمتاز بالاخلاق الكريمه ولكنها تمتاز ايضا بتقلب المزاج بمعنى..قد تكون هادئه جدا مهما تكاثرت محاولات استفزازها ولكن عندما تغضب ينطبق عليها هذا المثل"اتقى شر الحليم اذا غضب".
وسنعرف قصتها العجيبه هى وال......سنعرفه لاحقا.
اشرقت شمس نهار جديد على قصر عائلة جلال البحيرى.
فى اوضة باسل ومريم خبط الباب صحيت مريم وراحت تفتح وكانت الخدامه.
الداده:صباح الخير ياهانم.
مريم بابتسامه:صباح النور ياداده..وللمره المليون هقولك انا زى بنتك متقوليليش ياهانم نادينى مريم.
الداده:يابنتى العين متعلاش على الحاجب.
مريم:ياداده ده كلام فارغ وبعدين انا مبحبش نظام الرئيس والمرؤس ولوسمحتى بعد كده تنادينى مريم.
الداده:ايوه بس ناهد هانم لو سمعتنى....
مريم:بوصى بينى وبينك انا مريم قدام ماما ناهد قولى اللى انتى عيزاه.
الداده بابتسامه:ماشى يابنتى...جلال بيه بيقولكو الفطار جاهز.
مريم:حاضر هصحى باسل ونازلين حالا.
الداده:ماشى يابنتى عن اذنك.
مريم:اتفضلى.
وقفلت الباب وراحت تصحى باسل.
مريم:باسل..يابااسل يلا قوم هتتاخر.
باسل بنوم:ايه ياروما خلينى نايم شويه حرام عليكى.
مريم:ياحبيبى كده هتتاخر يلا بقى.
باسل بتملل:هى الساعه كام؟؟
مريم:الساعه 8.
باسل:حاضر ياروما حاضر انا قايم اهو.
وقام باسل جهز عشان يبداء يوم جديد ويروح يتابع اعماله فى مجموعة شركات جلال البحيرى..ونزل هو ومريم يفطرو مع العيله..كلهم مجتمعين فى اوضة السفره.
باسل\مريم:صباح الخير.
جلال\يارا:صباح النور.
اما ناهد ف دى عادة كل يوم مش بتحب مريم ابدا لانها من طبقه متوسطه ومش من عيله كبيره زيهم ولا بتهتم بالموضه والاستايل والكلام ده كله عشان كده مريم بالنسبه لها لا شئ وبتحتقرها جدا.
وقعدو باسل ومريم على السفره وبداءو يفطرو.
يارا:مش هعطقك النهادره ياباسل.
باسل:ليه يا لمضه عملتلك حاجه؟؟
يارا:معملتش بس انت كنت وعدتنى بعربيه لما انجح واجيب امتياز.
باسل:حصل وانا لسا عند وعدى بس هى فين النتيجه مش لما تنجحى الاول.
يارا بابتسامة ثقه:عيب عليك اكيد انشاء الله هيحصل زى كل سنه.
باسل:اما نشوف.....روما ياحبيبتى هاتى المايه من جمبك.
ناهد بضيق:ايه ياباسل حكاية روما دى هى مش ليها اسم..م تناديها بيه.
باسل:انا بحب اناديها بالاسم ده.
ناهد:مش لما تبقى اده تبقى تناديها بيه.
مريم حزنت اوى من كلامها ده وبصت فى الارض وهى خجلانا من وجودها وسطهم اساسا.
باسل بغضب:قصدك ايه ياماما؟؟
جلال تدخل وهو بيحاول يخفف من حدة الموقف.
جلال بلطف:ايه ياباسل مامتك متقصدش حاجه..اكيد بتهزر ولا ايه ياناهد؟؟
ناهد ببرود:اه اه.
جلال:يلا ياحبيبى كمل فطارك.
باسل بحنق:شبعت..يلا ياروما تعالى معايا.
وخدها باسل وطلعو الاوضه.
يارا:ايه ياماما اللى انتى قولتيه ده ينفع كده احرجتيها وزعلتى باسل.
ناهد:احرجت مين هى دى بتحس..وبعدين اخوكى هو اللى راح جبهلنا من الشارع واتحسبت علينا واحده وهى متعرفش الالف من كوز الدره.
جلال بصرامه:ناهد...متنسيش انها مرات ابنك يعنى لازم تتكلمى عليها حلو.
ناهد:متقوليش مرات ابنك دى بتعصب..فيها ايه لو كان اتجوز واحده من مستوانا وبنت عيله مش رايح يجبلى واحده لا ليها اصل ولا فصل.
يارا:ياماما مريم بنت كويسه جدا بس انتى اللى من الاول بتكرهيها ومش شايفه مميزتها وطيبتها.
جلال:لا وليه امك لازم تجرح فى الناس وخلاص..وميهمهاش مشاعرهم.
ناهد:ايوه دفعو عنها انتو الاتنين..ده بدل م تحطو ايدكو فى ايدى ونشلها من وسطنا.
يارا:اوه..واضح ان الموضوع الب دراما خالص..طب عن اذنكو انا بقى اروح اشوف نتجتى ادعولى.
جلال:ربنا معاكى ياحبيبتى.
.................................................. .................................................. .................................................. .................................................. ..............
اما فوق عند باسل ومريم...مريم حبسا دموعها بالعافيه عشان مش عايزه تضايق باسل او تعمل مشكله فى البيت بسببها.
باسل بنظرة تفحص:روما..انتى بتعيطى ياحبيبتى؟؟
مريم:تؤ تؤ.
ورسمت ابتسامه بسيطه على وشها ممزوجه بدموعها.
باسل ضمها بحنان فى حضنه وقالها:متزعليش ياحبيبتى..متزعليش من اى حد هنا غيرى وانا عمرى م هسمح لحد يزعلك تانى..بس اوعى تعيطى تانى حتى لو بينك وبين نفسك دموعك دى الحاجه الوحيده اللى بحس انى عاجز ادمها.
مريم ببكاء:انت اتجوزتنى ليه ياباسل؟؟انا عملتلك مشاكل كتير قبل وبعد الجواز ايه اللى جبرك على كده؟؟!!
باسل قالها وهو بيمسح دموعها:عشان بحبك..وانا معاكى انتى بس ببقى كويس.
مريم بدموع:بس انا معنديش مميزات عشان تحبنى عشانها او تفضل معايا..بتحبنى ليه؟؟
باسل:بحبك عشان انتى بتحبينى وبتخافى عليا..بحبك عشان ديما بتفرحينى..بحبك عشان عمرك مزعلتينى ولا زعلتى منى ولا من عيلتى رغم اللى حصل..بحبك عشان كل حاجه فيكى بجد حلوه..عرفتى بحبك ليه.
مريم بدموع:وانا كمان والله بحبك.
باسل بابتسامه:وانتى احلى حاجه فى حياتى..انتى لونتى حياتى لما دخلتيها..حياتى اللى كانت بالابيض وبالاسود.
وباسها فى راسها وقالها:يلا بقى انا لازم امشى عاوزه حاجه؟؟
مريم:عايزاك ترجع بالسلامه.
باسل بابتسامه:سلام ياروما.
ونزل واتجه للصالون عند جلال وناهد وهو غضبان.
باسل بغضب:ماما ادينى اهو جايلك وبقولك بكل ادب وبكل ذوق واحترام مراتى يا تكلميها عدل زى بقيت الناس يا متكليميهاش خالص عشان اللى بيغلط فيها اكنو بيغلط فيا انا وانا مش هسمح بكده اساسا.
ولو الوضع ده استمر كتير انا هسيبلكو البيت ده واخدها ونروح نعيش لوحدنا.
ناهد ببرود:هاه..خلصت الشحنه اللى الهانم مراتك اديتهالك عشان تيجى تبهدل بيها امك بالشكل ده.
باسل بصرامه:ماما..انا بجد زهقت من الاسلوب ده وانا فعلا المره دى بتكلم بجد.
وانا لو لقيت اى بنى ادم هنا فى البيت وجه كلمه واحده ل مريم معجبتنيش..هتشوفو باسل واحد تانى..عن اذنكو.
ومشى باسل.
ناهد بغيظ:شايف ابنك عمل فيا ايه عشان الجربوعه دى..وانا نفسى افهم انت م قومتش ربيته ليه واديتو قلمين على اسلوبه ده.
جلال:انتى اتجننتى بقى عايزانى امد ايدى على باسل..ليه هو طفل..دا راجل..وبعدين هو عنده حق انتى زودتيها اوى كلامك كله مع مراته مليان تجريح..دا انا نفسى تعبت من طريقتك دى عايزاه هو جوزها ميزعلش عشانها.
وبعدين انا بكلم مين اساسا م انتى راسك يابس ومبتسمعيش كلام حد..اقولك انا طالع انام.
وطلع جلال.
ناهد بحنق:ماشى يامريم يانا يا انتى فى البيت ده ايامك سودا معايا.
.................................................. .................................................. .................................................. .................................................. ......................
اما يارا راحت الجامعه تشوف نتيجتها مع صحبتها رغده.
يارا:انا قلقانه اوى.
رغده:قلقانه من ايه::اومال لو ماكنتيش الاولى على الدفعه كل سنه كنتى عملتى فينا ايه؟؟
يارا:الله اكبر فى عينك..هلاقى خمس ملاحق دلوقتى.
رغده:بتخمسى فى وشى..ماشى ياست يارا.
وفضلت يارا تدور على اسمها فى لائحة النتائج بس شافت اسم رغده الاول.
يارا:رغده انتى نجحتى.
رغده:بجد..عملت ايه طيب؟؟
يارا:جيد جدا.
رغده بفرحه:الحمدلله الحمدلله..طيب وانتى شوفى يلا عملتى ايه.
يارا دورت على اسمها ولقيته.
يارا بفرحه:اهو.
رغده:هاه عملتى ايه؟؟
يارا:عيب عليكى امتياز طبعا.
رغده:ايوه ياستى م انتى بتتكفى على الكتاب طول السنه يادحيحا.
يارا:يابت بطلى قر ولا اقولك قرى براحتك م هى اساسا اخر سنه هههههههههههه..بس الكليه والجامعه كلها هتوحشنى اوى.
رغده:وانا كمان والله.
وهنا جت عليهم واحده صحبتهم منهاره من العياط.
يارا:مالك ياتقى سقطى؟؟
تقى ببكاء:لااا..
رغده:حد مات عندكو؟؟
تقى لااا عااااا..
يارا:اومال فى ايه؟؟
تقى:عربيتى..عربيتى اتسرقت عااااااااااااا.
يارا:عربيتك اتسرقت..اتسرقت ازاى؟؟
تقى:معرفش انا جيت اشوف النتيجه طلعت عشان اروح ملقتهاش عاااااااااا.
يارا:طيب خلاص اهدى اهدى..انتى كنتى قفلاها قبل م تدخلى؟؟
تقى:اه طبعا هو انا مجنونه هسيبها مفتوحه.
يارا:طب انت بلغتى عنها؟؟
تقى:اه بلغت واحد قريبنا بيشتغل فى مباحث النشل والسرقه.
يارا:طيب خلاص اطمنى بقى انشاء الله هيلاقيها.
رغده:خلاص بقى ياجماعه فكو ده احنا ناجحيين حتى..تعالو نروح نشرب حاجه فى النادى مع بعض بقى.
تقى:تصدقى انتى معندكيش دم..عايزانى اخرج واتفسح وانا عربيتى مسروقه!!
يارا:يابنتى م انتى لازم تهدى اعصابك كده وحش عشانك يعنى يبقى تعب المذكره وتعب التفكير فى عربيتك اسمعى الكلام وتعالى معانا وانشاء الله الموضوع هيتحل.
وبعد الحاح شديد من يارا ورغده..تقى سمعت كلامهم وراحت معاهم النادى.
.................................................. .................................................. .................................................. .................................................. ....................
اما عند باسل دخل عليه موظف عنده بس مقرب ليه جدا اسمه عمرو.
عمرو:الحق ياباسل مصيبه.
باسل قام وقف بسرعه بخضه وقاله:فى ايه؟؟
عمرو:شركة لندن بعتا اءيميل بتقول عايزه باقى فلوس الديل.
باسل:مهم خدوها..هما مش بعتو عميل من يومين وخدهم.
عمرو:طلع مش تباعهم..ده واحد اخترق كلمة المرور بتاعت اءيميل شركتنا وحادثنا على انه هما..احنا اتنصب علينا ياباسل 750 الف جنيه طارو فى الهوا.
باسل بصدمه:يانهار اسود..هنهبب ايه فى المصيبه دى؟؟
.................................................. .................................................. .................................................. .................................................. .......
اما فى حته تانيه..شله مجتمعا مع بعضها فرحانين وبيحتفلوه بأتمام نصابيه جديده.
وطلع واحد منهم وقال:بس برافو عليك يابرنس المبلغ محترم المره دى.
واحد تانى قال:اومال ايه ده فارس البركه بتاعتنا ده هو الكبير هنا ياض.
فارس:ههههههههه اى خدمه عدو الجمايل..بس خلو بالكو فى 250 الف هايروحو للملجئ.
وهنا اتكلم صديقه المقرب طارق.
طارق بضحك:هههههه ياعم انا اول مره فى حياتى اشوف للص قلبه رقيق كده!!
فارس:انت ناسى يا استاذ طارق ان الملجئ ده احنا عيشنا فيه.
طارق:يعنى هى كانت ايامه حلوه اوى عشان تشكر فيه كده؟؟!!
فارس:م هو عشان ايامه ماكنتش حلوه على ايامنا انا دلوقتى بعمل كده عشان اللى هناك دلوقتى يعيشو احسن مننا ولما يكبرو مايبقوش زينا......احم ماعلينا وانت ياعادل طلعت بايه النهارده؟؟
عادل:عربيه بورش يامعلم.
فارس:هى فين؟؟
عادل:عندك منوره فى الجراج.
فارس:طب متنساش قبل م تتصرف فيها تغير رقم الشاسيه مش عايزين قلق.
عادل:هى دى حاجه تفوتنى برده يابرنس.
فارس بتنهيده:طيب عن اذنكو اطير انا بقى.
طارق:ايه على فين؟؟
فارس:زهقان هاروح النادى اشم هوا.
طارق:طب استنى انا جاى معاك.
.................................................. .................................................. .................................................. .................................................. ..............................
اما عند يارا وصاحبتها فى النادى.
يارا:خلاص بقى ياتقى صدعتينى.
تقى:عاااااااااااااااااااا� �اااا.
رغده بضيق:يارب الصبر على النكد ده.
يارا بزهق:انا هقوم اجيب حاجه نشربها.
وقامت يارا تجيب مشروبات..وهى ماشيه خبطت فى واحد..وكان فارس.
يارا:ايه ده مش تفتح.
فارس قلع النضاره وقلها:انا اللى افتح ولا انتى اللى ماشيا زى العمى.
يارا رفعت وشها وبصتله بغضب..فارس ركز فى ملامحها وتاه فى عيونها العسليه وسرح..وفاق على صوتها.
يارا:اما انك انسان معندكش ذوق وقليل الادب.
وسابته ومشيت..وهو فضل يتابعها بعيونه وهو مبتسم.
طارق:انت ازاى تسيبها تهزءك كده؟؟!!
فارس بابتسامه:اصل حرام صحبة العيون العسليه دى تتبهدل.
طارق:نعم ياخويا!!
فارس:هى اى نعم لسانها طويل وعايز قصه بس برده هى جميله محصلتش.
اما يارا راحت تانى التربيزه عند تقى ورغده وهى بتتمتم بكلام كتير بغضب.
رغده:ايه يايارا مالك متعصبه كده ليه؟؟
يارا بغضب:بنى ادم حقير انا يقولى عميا!!
رغده:هو مين ده؟؟
يارا:اسكوتى م تفكرنيش الاشكال دى متستهلش انى اتكلم عليها اساسا.
وهنا جه فارس من وراهم.
فارس:......................................... .....

[لامارا]

البارت الثانى:
فارس بابتسامه:طب ليه الغلط يا انسه.
يارا لفت وبصتله بغضب وقالتله:انت جاى هنا كمان برجيلك شكلك بتحب تتهزء كتير اوكى انا معنديش مشاكل.
فارس بابتسامه وبرود:طالما القمر ده هيهزئنى انا معنديش مانع.
يارا بانفعال:تصدق انك انسان متربيتش و.....
رغده:يارا..يارا اهدى لو سمحتى..وانت يا استاذ نعم عايز ايه؟؟
يارا:يابنتى متتكلميش قولتلك مع الاشكال دى..انت ياشاطر امشى بقولك من هنا احسنلك وبسرعه بدل م اندهلك امن النادى يرموك بره واظن انهم بقدرو يثبتو قدرتهم معاك.
فارس شد كرسى وقعد ببرود وقالها:طيب..روحى اندهيلى امن النادى عشان يرمونى بره..يلا روحى انا مستنيكى.
يارا بعصبيه:يا ا...
رغده لتانى مره بتدخل:يايارا استنى انتى لو سمحتى...يا استاذ حضرتك عاوز ايه؟؟
فارس بابتسامه و بتنهيده:اصل فلوس الانسه وقعت منها لما..لما خبطت فيا وانا جيت عشان ارجعهملها.
رغده:احنا متشكرين خالص يا استاذ واسفين ل حضرتك ووالله يارا متقصدش هى عصبيه شويه بس.
فارس:لا محصلش حاجه انا مش زعلان.....وبص على تقى ولقاها بتعيط.
فارس:هى الانسه مالها ياجماعه بتعيط جامد كده ليه؟؟
يارا بحنق:وانت مالك انت..انت مش جيت رجعت الفلوس اتفضل هوينا بقى.
رغده بلطف:خلاص يايارا الاستاذ م قالش حاجه احنا اسفين مره تانيه يااستاذ.
فارس:حصل خير بس انا كنت ممكن اساعد لو فى حاجه.
يارا بسخريه:يسلام..قولى بقى ممكن تعمل ايه؟؟
فارس بثقه:انا بعمل كل حاجه مافيش حاجه مش بعرف اعملها وعمر م حاجه وقفت قصادى ابدا..بس لو عرفت ايه هى المشكله.
يارا بتحدى:عايز تعرف المشكله..حاضر..المشكله يا حضرة ان عربية الانسه اتسرقت..هاه هتعمل ساحر وترجعلها عشان مافيش حاجه ابدا بتقف قصادك وكل حاجه بتعرف تعملها.
فارس ابتسملها ووجه كلامه لتقى.
فارس:عربيتك نوعها ايه؟؟
تقى ببكاء:بورش.
فارس:اتسرقت منك ازاى؟؟
تقى:اتسرقت منى قدام الجامعه الصبح دخلت وطلعت ملقتهاش.
يارا:هاه يا استاذ ورينى هتعمل ايه.
فارس طلع موبايله وبعد عنهم شويه وكلم عادل صاحبه اللى سرق العربيه.
عادل:الو.
فارس:ايوه ياعادل..قولى انت اتصرفت فى العربيه اللى جبتها الصبح؟؟
عادل:لا يابرنس لسا كنت هغير رقم الشاسيه اهو.
فارس:لااا اوعى تقربلها هتها وتعلالى على النادى.......وكمل بتحذير:ومالقيش فيها خدش ياعادل.
عادل:حاضر يا فارس.
فارس:سلام.
وقفل فارس ورجعلهم تانى.
فارس بابتسامة ثقه:خلاص يا انسه متعيطيش عربيتك رجعت خلاص.
تقى بسرعه:ايه رجعت ازاى؟؟
يارا بسخريه:ايه يابنتى حيلك..انتى فكراه هيركليز ده اى كلام طبعا.
فارس:واضح انك مش مصدقانى بس اصبرى عشر دقايق وهتشوفى الهيركليز ده هيعمل ايه.
يارا بضحكه ساخره:الاستاذ هيركليز هيطلع يجرى بعد عشر دقايق.
فارس بصلها بابتسامه وفى باله:وكمان عنيده ماشى انا معاكى للاخر..يا..يايارا..اما نشوف اخرتها معاكى.
.................................................. .................................................. ....................................
.................................................. .................................................. ..........
اما باسل بعد ما خلص يومه فى الشركه رجع البيت ودخل ل جلال اوضة المكتب.
جلال:تعالى ياباسل.
باسل:هو حضرتك عرفت اللى حصل؟؟
جلال بتنهيده:اه عرفت.
باسل باستغراب:طب انت هادى كده ازاى؟؟المبلغ مش قليل.
جلال:هو فعلا مش قليل بس كمان محدش ليه ذنب فى اللى حصل..احنا فى الاول وفى الاخر ضحايا جريمة نصب.
باسل بغضب:بس انا بقى مش هسكت..لازم الاقى الواد ابن ال... اللى ضحك عليا ومثل انو العميل.
جلال:يابنى خلاص انسى..مافيش حاجه ممكن تتسرق منك وترجعلك تانى مستحيل..ولو صدفت وحصل ولقيت الشخص ده خد حقك منه بالقانون بلاش تهور.
باسل بضيق:بس يابابا الفلوس كانت كتيره اوى دول 750 الف.
جلال:ياسيدى مش مهم احنا اساسا نملك عشر اضعاف المبلغ ده ويمكن اكتر كمان..خلاص بقى الموضوع انتهى...وعموما انا تصلت بخبير سيستم امن التكنولوجيا وهيجى يأمن كل حسابات الشركه عشان محدش يعرف يخترقها تانى.
باسل بتنهيده:ماشى يابابا.
جلال:يلا ياحبيبى اطلع غير هدومك وانزل انت ومراتك عشان تتغدو.
باسل بسرعه:لاااا...كفايه الفطار.
جلال بضحك:ههههههههههه يابنى م انت عارف امك هى تصرفاتها جديده عليك؟؟
باسل:بس يابابا كله الا روما دى اغلى حاجه عندى غاليه اوى يابابا..ماما تعمل فيا انا اللى هى عايزاه على عينى وراسىى لكن متجرحهاش بالشكل ده..مافيش بنى ادم هنا فى البيت شاف منها حاجه وحشه بتحترم الصغير قبل الكبير.
جلال بلطف:خلاص..اوعدك انا هتصرف مع امك فى الموضوع ده.
باسل:ماشى يابابا..عن اذنك.
جلال:اتفضل.
وقام باسل عشان يطلع.
.................................................. .................................................. ............................................
.................................................. .........................................
اما مريم كانت فاعده فى الاوضه وشارده الذهن..افتكرت ازاى باسل طلب منها الجواز..فلاش باك سنه ونص لورا.
بعد وفاة عيلة مريم كلها بسبب سقوط بيت جدها عليهم بس لحسن الحظ انها ماكنتش معاهم اشتغلت عند واحده كانت جارتهم فى مطعمها وكان باسل بيتردد على المطعم ده احيانا.
وفى يوم شافها هناك ولفتت نظره اوى وبعد كده بداء يزور المطعم كتير عشانها وسأل عليها صاحبة المطعم شكرتله فيها جدا.
فقرر فى يوم يمشى وراها وهى كانت واخده بالها انو ماشى وراها وكانت خايفه..ف وقفت فى مكانها ولفت وبصتله لقيته وقف زيها وبيبصلها.
ف مشيت تانى شويه وبصت عليه تانى لقيته ماشى وراها برده..فقررت تروح تشوفه عاوز ايه.
مريم بغضب:انت ياحضرة.
باسل:نعم ياانسه.
مريم:حضرتك ماشى ورايا ليه؟؟
باسل بلغبطه:انااا..اناككنت.
مريم:لو سمحت تبطل تمشى ورايا بدل م اعملك مشاكل.
وجت تمشى جرى وراها ومسك ايده ووقفها قصاده وبص فى عنيها وقالها:تتجوزينى....
وفاقت مريم من شرودها على صوت فتح باب الاوضه بصت لقيته باسل وكان شكله متضايق جدا..مريم قامت بسرعه وقلعته جاكت البدله وقالتله:باسل..مالك فى ايه؟؟
باسل:مافيش حاجه ياروما.
مريم بنظرة تفحص:لا فيه انت شكلك زعلان اوى.
باسل بنرفذه:قولتلك مافيش حاجه.
مريم مزعلتش منه بالعكس ابتسمت فى وشه وسابته لوحده عشان يهدا وخرجت من الاوضه...
اما باسل اتضايق انو زعقلها كده بس كان غصب عنه كان متضايق..ف راح خد شاور وغير هدومه.
.................................................. .................................................. .......................
.................................................. .................................................. .....
اما عند يارا..طلعو قدام النادى ووصل عادل صاحب فارس ومعاه عربية تقى.
تقى اول م شافت العربيه جتلها هسترية الضحك وجريت عليها وحضنتها زى المجانين.
اما يارا ورغده مندهشين من اللى حصل.
اما فارس واقف معاهم ومستمتع بشكل يارا وهى مندهشه كده وواقف بيبصلها وهو مبتسم.
واخيرا نطقت يارا.
يارا بذهول:انت عملت كده ازاى؟؟
فارس بابتسامه:قلتلك من شويه انى بعمل كل حاجه ومافيش حاجه مبعرفش اعملها.
يارا:ايوه بس..بس العربيه دى كانت مسروقه!!
فارس:انا عندى علاقات كتيره بناس مختلفه..اعتقد ب كده ان مش هيبقى صعب عليا ارجع عربيه مسروقه.
رغده باعجاب:برافو يا استاذ انا احييك..والله هو فعلا لازم الانسان يكون عنده علاقه بكل فئات البشر عشان على الاقل يعرف يستفيد منهم زى م حصل النهارده كده يا استاذ اااا...
فارس بسرعه وهو باصص ل يارا:فارس..اسمى فارس.
يارا بصتله باستنكار.
وهنا جت تقى وسيل سيل من الشكر ل فارس والمدح فيه.
يارا بغيظ:ايه ايه يابنتى..خلاص كفايه..محسسانى انو حرر فلسطين.
وبصتله بحنق ومشيت ومشيو وراها رغده وتقى بعد ما شكروه تانى.
فارس بصلها وهو مبتسم واعجب بيها اكتر.
عادل:ليه كده يافارس؟؟خلتنى ارجع العربيه ليه كانت هتعملنا قرشين حلوين.
فارس:مش مشكله ابقى هات واحده غيرها.
عادل بتنهيده:ماشى ياسيدى..انا همشى بقى عشان ورايا مصلحه سلام.
طارق\فارس:سلام.
ومشى عادل.
طارق:شكلها عجباك.
فارس:هى مين دى؟؟
طارق:البت اللى هزئتك ههههههههه.
فارس بحقن:هههههه خفيف..وبعدين متقولش عليها بت.
طارق:الللللللله فارس وقع يارجاله..من امتى يافارس وانت عندك قلب؟؟انت مش كنت ديما بتقول ان العقل هو اهم حاجه.
فارس:ايوه..بس لما شوفتها حسيت بحاجه جوايا كده..قلبى وجعنى مش عارف ليه؟؟
طارق:ياعم عادى مجرد احساس..سيبك منها اصلك انت اساسا مش هتعرف تشوفها تانى ف شيلها من دماغك ومتفكرش فيها تانى عشان قلبك م يوجعكش.
فارس بابتسامة مكر:ومين قالك انى مش هشوفها تانى...ده انا هشوفها تانى وهى كمان اللى هتطلب تشوفنى.
طارق:ازاى يعنى؟؟!!
فارس طلع موبايل من جيبه..ايوه هو سرق موبايل يارا.
طارق بابتسامه:يا ابن اللعيبه سرقت موبايلها.
فارس بابتسامه:اه.
طارق\فارس:هههههههههههههههه ههههههههههههههههههههههههه ههههههههه.
.................................................. .................................................. ...........................................
.................................................. .........................................
اما باسل لما غير هدومه نزل يدور على مريم عشان يصلحها..لقاها فى جنينة الفيلا واقفه عند حوض زهور التوليب اللى بتعشقهم وسرحانه.
فقرب عليها براحه ومن غير م تاخد بالها وقف وراها وباسها فى خدها.
مريم اتنفضت بخضه:خضتنى ياباسل.
باسل:ههههههههه معلش ياحبيبتى..هممم بتعملى ايه؟؟
مريم بابتسامه:بسقى الورد بتاعنا.
باسل:انا شكلى كده كنت غلطان لما سمعت كلامك وزرعت الورد ده.
مريم بحزن:ليه؟؟
باسل بابتسامه:عشان الورد ده واخد جزء من وقت روما حبيبتى وانا عايز روما ليا انا وبس.
مريم بصت فى الارض وابتسمت فى خجل.
باسل مسك ايدها وضغط عليها بحنان وقالها:انا اسف ياروما عشان زعقتلك فوق من شويه..بس والله كان غصب عنى..اصل كنت متضايق اوى.
مريم:ايه ياحبيبى اللى كان مضيقك اوى كده؟؟
باسل بتنهيده:اصل فيه مشكله كبيره حصلت النهارده فى الشركه.
مريم:ياستر يارب..ايه اللى حصل؟؟
باسل لف ايده حوالين كتفها وقالها:لااااا ده موضوع يطول شرحه.
وكمل بخبث وقالها:تعالى معايا فوق وانا اقولهولك.
مريم بابتسامه خجل: ماشى.
.................................................. .................................................
.................................................. .................................................. ...........................
اما يارا لما روحت فضلت تدور على موبايلها ومش لقياه.
فخدت اى موبايل تانى واتصلت على رقمها.

[لامارا]

البارت الثالث:


فارس كان قاعد فى اوضته ونايم على سريره وبيقلب فى موبايل يارا وبيتفرج على صورها وهو مبتسم وسرحان فيها...لحد ما رن الموبايل و قطع تركيزه وهو متاكد ان هى اللى بتتصل ف رد.
فارس:الو.
يارا:السلام عليكم.
فارس:وعليكم السلام.
يارا:حضرتك انا صحيت الموبايل اللى مع حضرتك ده.
فارس وهو كاتم ضحكه بالعافيه:والله!!طب تمام ده انا ماكنتش عارف اتصرف فيه ازاى؟؟!!
يارا:حضرتك لو ينفع نتقابل بكره وتدهولى يبقى كتر الف خيرك.
فارس بابتسامه عريضه:امتى؟؟
يارا:بكره فى كافيه....الساعه 1 بعد الضهر كويس؟؟
فارس:كويس جدا..هاكون عندك بكره فى الميعاد.
يارا بفرحه:انا متشكره جدا جدا واضح انك انسان محترم وشهم.
فارس فى باله:دلوقتى بقيت محترم وشهم مش كنت الصبح قليل الادب والذوق ومش متربى..
وفاق على صوتها:يا استاذ... يا استاذ انت معايا؟؟
فارس:اه اه معاكى ماشى خلاص اتفقنا.
يارا:طيب اوكى سلام.
فارس:سلام.
وقفلت يارا...وفضل فارس زى ماهو كده لثوانى وبعدين ابتسم وكمل مشاهده لصورها.
.................................................. ...................
.................................................. .........
.................................................. .............
فى اليوم التالى..
صحى باسل قبل مريم وقعد يتاملها شويه وهى نايمه وهو مبتسم ومد ايده ناحية وشها ومشا صوابعه على وشها براحه.
مريم ملامحها اتحولت للضيق من الشئ اللى بيمشى على وشها ده..باسل بعد ايده بسرعه..وبعدين رجعت ملامحها تانى زى الاول هاديه.
باسل مد ايده تانى وعمل نفس الحكايه المره دى بقى هى مسكة ايده بسرعه قبل م يشلها من على وشها وصحيت.
باسل\مريم:هههههههههههههههه ههههههههههههه.
باسل:صباح الخير ياروما.
مريم بابتسامه:صباح النور ياحبيبى...مش من عادتك يعنى تصحى لوحدك ديما انا اللى كنت بصحيك فى حاجه ولا ايه؟؟
باسل:لالا ابدا مافيش حاجه..انا بس قولت اصحى اتامل حبيبتى وهى نايمه شويه فيها حاجه دى.
مريم سكتت وابتسمت فى خجل.
باسل:يلا ياحبيبتى قومى عشان ننزل نفطر.
مريم بارتباك:لا..قصدى..ماهووو..ان� � اصلى شبعانه.
باسل:مالك ياروما..هو انتى لسا زعلانه من ماما؟؟
مريم بجديه:لا ابدا والله مش زعلانه..انا عمرى م زعلت من حد عشان لا انا ولا هو نشيل ذنوب انا بس مش عايزه اكون السبب فى مشكله بينك وبين مامتك..هى برده امك ولازم ترضيها وتسمع كلامها.
باسل:ايوه بس مش لدرجة انها تيجى على حبى ليكى.
مريم:ياباسل مامتك بتغير عليك وده طبيعى كل ام بتعمل كده..وانا عارفه انها مش حبانى بس والله انا بحبها فى الله وعمرى م زعلت منها وازعل منها ازاى اساسا وهى السبب انك تيجى فى الدنيا دى ياحبيبى ده انا افضل ممنونالها العمر كله.
وبعدين لو حصل فى يوم وزعلت برجع تانى زى ماكنت ومش بشيلها فى قلبى غير كل خير ولولا ياباسل انى مقدرش اعيش منغيرك انا كنت سيبت....
باسل حط ايده بسرعه على بؤها وقالها:اوعى اسمعك تقولى الكلمه دى تانى..او تكمل فى يوم على لسانك.
انتى حبيبتى ومراتى لحد م اموت وعمرى م هفرط فيكى ابدا ده انتى اللى كنت بدور عليها من زمان ولقيتك ياروما..لقيتك وخلاص مش هتوهى منى ابدا.
وحضنها.
مريم بدموع:هههههه طب كفايه عشان انا كده هتغر ومش هتعرف تكلمنى ايه كل الكلام الحلو ده.
باسل:صدقينى قليل جدا عليكى ياروما..عايزك تعرفى انك اغلى حاجه املكها فى الدنيا دى كلها..انتى اغلى من عمرى ومن روحى انتى غاليه اوى ياحبيبتى..وانا والله لولا انى مش عايز ازعل اللى فى البيت هنا كنت خدتك وروحنا عيشنا لوحدنا فى بيت تانى
أحبك
أحبك .. حتى يتم انطفائي
بعينين ، مثل اتساع السماء
إلى أن أغيب وريداً .. وريداً
بأعماق منجدلٍ كستنائي
إلى أن أحس بأنك بعضي
وبعض ظنوني .. وبعض دمائي
أحبك .. غيبوبةً لا تفيق
أنا عطشٌ يستحيل ارتوائي
أنا جعدةٌ في مطاوي قميصٍ
عرفت بنفضاته كبريائي
أنا – عفو عينيك – أنت . كلانا
ربيع الربيع .. عطاء العطاء
أحبك .. لا تسألي أي دعوى
جرحت الشموس أنا بادعائي
إذا ما أحبك .. نفسي أحب
فنحن الغناء .. ورجع الغناء
نزار قبانى..
مريم بجديه:لا طبعا وانا لايمكن كنت هقبل انك تسيب اهلك وتمشى من هنا بسببى.
باسل بابتسامه:م انا عارف يا عمرى قلبك الطيب ده.. وعارف انتى كنتى هتقولى ايه وكنت عارف كمان ردك ده عشان كده مرضيتش اكلمك فى الموضوع..ربنا يخليكى ليا ياروما ومايحرمنيش منك ابدا.
مريم:ويخليك ليا ياحبيبى.
.................................................. ....................
.................................................. ........
.................................................. ...........................

اما يارا صحيت من النوم وجهزت على طول واستعدت للقاء الشخص اللى هيرجعلها الموبايل.
ونزلت وفى طريقها للكافيه اللى هايتقبلو فيه....ووصلت واتصلت على موبايلها ف رد عليها ووصفلها هو فين ف راحت عنده وشافته واقف عند ترابيزه مديها ضهره.
يارا:احم..يا استاذ.
وهنا لفلها فارس وعلى وشه ابتسامه عريضه.
اما يارا بصتله جامد...
.................................................. ............................
..................................................
.................................................. ..................................
اما فى قصر البحيرى.
جلال وناهد وباسل ومريم قاعدين بيفطرو..بس مريم قاعده قلقانه.
وباسل بيحاول يخفف عنها القلق شويه يعنى بيتكلم معاها ومعاهم وكده عشان يلطف الجو..و كمان جلال كمان بيعمل زى باسل.
اما ناهد قاعده فى ضيق ومش طايقها كالعاده واخر م زهقت منهم كلهم قامت فجاءه وقالت لجلال.
ناهد بضيق:جلال..لما تخلص لو سمحت تعالى فى الليفنج شويه عايزاك.
جلال:حاضر.
ومشيت وهى بتبص ل مريم بستحقار.
باسل شافها بتبصلها كده اتضايق اكتر وحط ايده على وشه بضيق.
جلال بلطف:انا رايح اشوف امك عايزه ايه..كملو انتو فطاركو.
ومشى جلال.
مريم بابتسامه:مالك ياحبيبى اتضايقت كده ليه؟؟
باسل بابتسامه:لا ياحبيبتى ابدا مش متضايق.. يلا يلا كولى.
.................................................. ...........
.................................................. ..........
.................................................. ..................
اما عند يارا لما شافته هو فارس بصتله بغضب وقالتله:انت..انت ايه اللى جابك هنا؟؟
فارس بابتسامه:م انا اللى لقيت موبايلك.
يارا:انت..طب ممكن تديهولى.
فارس:اكيد هدهولك بس اقعدى معايا شويه.
يارا:نعم انا اقعد معاك انت ليه؟؟
فارس:معلش تعالى على نفسك ده انا حتى اهتميت وجيت بنفسى عشان اديكى موبايلك انتى بقى مش عايزه تقعدى معايا شويه.
يارا:طيب انت عايز تقعد معايا ليه يعنى؟؟
فارس:عايز اتعرف عليكى ايه عيب؟؟
يارا بابتسامه:لا مش عيب.
وقعدت معاه على الترابيزه.
يارا:ممكن الموبايل بقى.
فارس:اتفضلى.
واداها الموبايل.
يارا:شكرا..وانا اسفه...شكرا لانك اهتميت فعلا ورجعتلى الموبايل رغم اسلوبى معاك امبارح وانا اسفه عشان كنت قليلة الذوق معاك.
فارس بابتسامه:ولا يهمك انا مش زعلان منك اساسا.يارا بصتله ودققت فى ملامحه اكتر..لقيته وسيم وكلامه معاها بلباقه واسلوبه جدى على مرح يعنى اتبسطت من القعده معاه.
يارا:هو انت بتدرس ولا خلصت ولا ايه بالضبط؟؟
فارس:انا ياستى اتخرجت بقالى 3 سنين من كلية الهندسه بس مش بشتغل فى مجالى بشتغل فى اعمال تانيه.
هو فعلا فارس خريج كلية الهندسه بس هو بقى انحرف عن الطريق ده واشتغل لص..
يارا:عندك اخوات؟؟
فارس اتبدلت ملامحه لحزن شويه.
يارا بصتله وقالتله:مالك فى ايه هو انا فلت حاجه غلط؟؟
فارس:لالا ابدا م قولتيش حاجه..بس..بس انا اساسا معنديش اهل.
يارا:ايه؟؟
فارس:اقصد انى..انى ..بوصى انا اتربيت فى دار ايتام ومعرفش ليا لا اب ولا ام كل اللى اعرفهم هما اصدقاء طفولتى كبرنا مع بعض وبرده لحد دلوقتى عايشين مع بعض.
يارا بتاثر:اوه..انا اسفه اكيد انت مضايق اوى.
فارس:اكيد..بس هعمل ايه نصيبى كده.
يارا:طب انت محدش بيتم بيك يعنى مين اللى بياخد باله منك؟؟
فارس:انا واصحابى زى عيله واحده كده..عمرنا م بنفارق بعض وعايشن سوا فى بيت واحد.
فارس:شوفتى الوقت خدنا ومطلبتلكيش حاجه تشربيها..تشربى ايه؟؟
يارا:لااا ماينفعش انا لازم امشى.
فارس:خليكى قاعده شويه.
يارا:مش هاينفع اصلى ورايا حاجات كتير لازم اعملها لازم اروح اقلب اخويا ااا قصدى اروح لاخويا اشوفه جبلى العربيه اللى وعدنى بيها ولالا.
فارس بضحك:هههههههههه ماشى بس هو انا ممكن اشوفك تانى.
يارا بتنهيده:عايز تشوفنى تانى ليه؟؟
فارس:يعنى زيادة تعارف.
يارا:هههههههههه ماشى..عموما انا كل يوم ببقى فى النادى يعنى انت لوجيت بكره هتلاقينى موجوده.
فارس بابتسامه:ماشى..طيب استنى هوصلك.
يارا:لالالا ماينفعش انا بعرف اروح لوحدى وشكرا تانى ل حضرتك.
فارس:حضرتك؟؟ارفعى الالقاب بقى انا اسمى فارس.. ولا هو مش عاجبك والله انا مخترتهوش انا طلعت لقيتهم بيقولولى كده بس لو عايزانى اغيره هغيره.
يارا:هههههههههههههه لا والله حلو..ماشى سلام يا..يافارس.
فارس بابتسامه:سلام
ومشيت يارا.
..لم يحدث أبدا
..أن أحببت بهذا العمق
.. لم يحدث ..
..لم يحدث أبدا
.. أني سافرت مع امرأة
.. لبلاد الشوق
..فأنا في الماضي
..لم أعشق
.. بل كنت أمثل دور العشق
.. لم يحدث أبداً
..أن أوصلني حب امرأة
..حتى الشنق
..لم أعرف قبلك واحدة
.. غلبتني ،
..أخذت أسلحتي
.. هزمتني .. داخل مملكتي
.. نزعت عن وجهي أقنعتي
..لم يحدث أبدا ، سيدتي
..أن ذقت النار ، وذقت الحرق
..كوني واثقة.. سيدتي
..سيحبك .. آلاف غيري
..وستستلمين بريد الشوق
..لكنك .. لن تجدي بعدي
..رجلا يهواك بهذا الصدق
..لن تجدي أبداً
.. لا في الغرب
.. ولا في الشرق
نزار قبانى
............................................
.................................................. ............................
.................................................. ..................................
اما عند ناهد وجلال.
جلال:نعم ياناهد عايزه ايه؟؟
ناهد:انت مش شايف ان اللى اسمها مريم دى اتاخرت فى الخلفه.
جلال بعدم فهم:قصدك ايه يعنى مش فاهم؟؟!!
ناهد:قصدى انها مش بتخلف.
جلال:يناهد دول لسا بقالهم سنه ونص بس يعنى لسا بدرى...وبعدين انتى مالك اساسا بالموضوع ده؟؟
ناهد بانفعال:انا مالى ازاى..مش ده ابنى..وانا لازم اشوفله عيال قبل م اموت.
جلال بضيق:يعنى من الاخر كده انتى عايزه ايه؟؟
ناهد:عايزاه يتجوز.
جلال:......................................... ......

[لامارا]

البارت الرابع:
ناهد:عايزاه يتجوز.
جلال بصدمه وانفعال:ايه؟؟انتى اتجننتى!!لالا انتى فعلا اتجننتى.
ناهد بغضب:واتجننت ليه بقى انشاء الله؟؟
جلال:ناهد انتى اكيد بتهزرى صح؟؟
ناهد بجديه:لا طبعا م بهزرش حد يهزر فى حاجه زى كده.
جلال بتحذير:ناهد..باسل لوعرف بالموضوع ده او شم انك بتفكرى فى حاجه زى كده مجرد التفكير بس هايسبلك البيت وهايمشى الولد جاب اخره معاكى خلاص والموضوع مش ناقص جنانك ده.
ناهد بتفكير شيطانى:لا متخافش..انا فيه فى دماغى فكره كده ومخططلها من زمان وهتم بدون اى مشاكل من ناحيتى وانا اوعدك ان باسل هيتجوز قريب جدا.
جلال بصدمه:ايه اللى انتى بتقوليه ده؟؟معقول انتى ام!!عابزه تعملى فى ابنك ايه؟؟حرام عليكى ابنك بيحب مراته وهى كمان بتحبه واحنا م شوفناش منها حاجه وحشه.
وهو لعلمك مستحيل هيفكر اساسا فى واحده غيرها وانا بقى باكدلك انو مش هيتجوز.
ناهد:وانا بقولك باسل هيتجوز وهاتشوف ياجلال.
جلال بنفاذ صبر:بوصى ياناهد..انا مش هتدخل اعملى اللى انتى عايزاه..عشان انا لو اتدخلت هاجى ضدك مع باسل وساعتها هتزعلى مننا اوى.
بس انا هسيبه هو يتصرف معاكى عشان انا تعبت وزهقت منك خلاص.بس لما يسبلك البيت ويمشى ابقى افرحى بتفكيرك ودماغك دى.
وقام سبها ومشى.
ناهد بضحكه ساخره:هاتشوف ياجلال ناهد هتعمل ايه فى..هاهاها فى روما دى ان ما رجعتها لاصلها م بقاش انا ناهد.
.................................................. ........
.................................................. .........
.................................................. .........
...........................................

وبعد مرور عدت ساعات مع دقات ساعة المغارب.
باسل جهز نفسه عشان يروح يمارس مهنته الاساسيه..عنده عمليه فى المستشفى.
مريم:انت رايح فين ياباسل؟؟
باسل:رايح المستشفى ياستى عندى عمليه هناك.
مريم:امممم هتعملها لبنت ولا لولد؟؟
باسل:طفله ياروما عندها 7 سنين.
مريم:اوه..باسل والنبى براحه عليها متوجعهاش بالله عليك.
باسل ضحك بشده وقالها:هههههههههههههههههه� �ههه ههههههههههههههههه هو انا هديها حقنه ياحبيبتى..انا هعملها عمليه.
مريم:ايوه بس برده خد بالك عليها دى طفله.
باسل ابتسم لبرائتها وحضنها وشالها ولف بيها وقالها:معقول ياعالم فى زى روما حبيبتى فى طيبتها ورقتها دى؟؟بحبها بحبها ياناس.
مريم:ههههههههههه خلاص ياباسل نزلنى دوخت.
باسل:سلامتك ياعمرى من الدوخه.
ونزلها وقعدها على السرير وقالها:انا ماشى عايزه حاجه؟؟
مريم بابتسامه:عايزاك ترجع بالسلامه.
باسل قرب عليها وباسها فى خدها وقالها:سلام ياروما.
مريم:سلام ياحبيبى.
أحبك حقآ يا أنت .. لانك رجل يحبني
رغم انه يعلم اني لست أرفعهن شأناً منهن
ولا أكثرهن أناقةً ولا أعلاهن حكمة ولا أغناهن مالاً وثراء
ولا أعمقهن علماً ودهاء ولا أكثرهن ذكاء وبهاء
لكنك رجل يعشق جنوني ويهوى فنوني ويحتضر من دوني
ويكتمل بوجوي وهذا يكفي لأحبك من دون البشر اجمع
- فاتن حمود
وخرج باسل من الاوضه ونزل...ناهد كانت قاعده فى الليفنج وشافته وندهت عليه.
ناهد:بااسل.
باسل:نعم ياماما.
ناهد:تعالى عايزاك.
باسل باستعجال:ياماما لو فى حاجه مهمه قوليها دلوقتى عشان مستعجل عندى عمليه.
ناهد:بقولك عايزاك يا ولد.
باسل:ماما انشاء لما ارجع انا هاجيلك بنفسى ونتكلم فى اللى انتى عايزاه يلا سلام.
ومستناش يسمع منها الرد ومشى.
.................................................. .........................
.................................................. .........................
.................................................. .........................

اما يارا فى اوضتها عمالا تفتكر لقاء فارس وهى هيمانه فى احلامها الورديه...وفجاءه رن موبايلها وكان الرقم غريب ف ردت.
يارا:الو.
المتصل بنعومه:مساء الفل.
يارا باستغراب:مين معايا حضرتك مين؟؟انت تعرفنى؟؟
المتصل:تانى حضرتك!!والله فارس اسمى فارس انا قولت من الاول شكله مش عاجبك.
يارا:هههههههههههههه هو انت..طب مش كنت تقول من الاول.
وكملت باستغراب:بس انت جبت رقمى منين؟؟
فارس:هو انتى ناسيا ان موبايلك كله كان معايا..رنيت منه على نفسى وخدت رقمك.
يارا:اممممممم طب انت عايز ايه دلوقتى يعنى؟؟
فارس:فى حد يكلم حد ويقوله عايزه ايه؟؟ده انا لو منى كنت قفلت السكه فى وشك.
يارا ضحكت بشده من اثر جملته الاخيره:ههههههههههههههههه� �هههههههههه انت لومنك هههههههههههههه ده على اساسا ان عفريتك هو اللى بيكلمنى هههههههههههههههه.
فارس ابتسم بحب لصوت ضحكها الجميل وكانه موسيقى بتتعزف.
ولاول مره هذا الفارس يحس وقلبه يشعر ونعتقد انه وقع فى الحب ولكن.....
وفاق على صوت يارا:ههههه والله اسفه..انا بهزر اصل بوص الهزار ده بيجرى فى دمى يعنى جزء منى كده ف تلاقينى ممكن اهزر طول الوقت.
فارس:قولتلك قبل كده انتى تهزرى براحتك وانا عمرى م زعلت ولا هزعل منك رغم ان كان اول لقاء لينا خناقه.
يارا:ههههههههه اه فاكر..بس انت اللى كنت غلطان خبطت فيا وكمان بتغلس عليا..بس خلاص بس خلاص متفكرنيش لحسن اقلب عليك تانى.
فارس:لا وعلى ايه..احنا كده كويسين اوى...يارا.
يارا:نعم.
فارس بنبره جديه ممزوجه بالحزن:تسمحيلى ابقى موجود فى حياتك؟؟اقصد يعنى لما اعوز اكلمك الاقيكى افضفضلك واشكيلك..اصلى مفتقد جدا الشعور ده.
يارا بتاثر:طبعا يافارس كل م تحتاجنى اوعدك هتلاقينى وهكلمك واسمعك.
وكملت بمرح:ده احنا جدعان اوى يا اسطى وولاد بلد وبنقف جمب بعض فى الشدايد هههههههه.
فارس بصدمه وزهول:جدعان ويا اسطى؟؟!!انتى جبتى الكلام ده منين؟؟ده انتى شكلك ميديش اساسا انك ممكن تكونى سمعتى الكلام ده قبل كده..ولا انتى عشان ماكنش عندك عربيه كنتى بتتشعلقى فى الاتوبيسات ولقتيلك كام كلمه هههههههههههههههههههه.
يارا:هههههههههههههههههه حلوه دى ايوه كده ابتديت تتفاعل معايا ههههههههه..انا سمعت الكلام ده فى التلفزيون ربنا يخليه ثقافه عاميه لجميع فئات البشر.
فارس\يارا:هههههههههههههههه هههههههههههههههههههههه.
.................................................. ...........................
.................................................. ...........................
.................................................. ........
..............................................

اما عند باسل فى المستشفى دخل غرفة التعقيم واتعقم وبعدكده دخل غرفة العمليات...وشاف الطفله اد ايه كانت جميله ورقيقه افتكر مريم لما شافها.
باسل:ازيك ياحلوه اسمك ايه؟؟
البنت:اسمى ريتال.
باسل:الله اسمك جميل زيك يا ريتال.
ريتال:شكرا يا اونكل بس انا خايفه اوى.
باسل:بوصى ياحبيبتى انتى بنوته شاطره والبنات الشاطرين مش بتخاف دى حاجه بسيطه خالص هنعملها ل ريتال عشان تعرف تقوم تانى كويس وتلعب مع صحبها وتعمل كل اللى نفسها فيه.
وانا لما قوليلى انك هتعملى العمليه جبتلك هديه عشان لما تقومى و تروحى تخديها معاكى.
ريتال بابتسامه عريضه:بجد يا اونكل طيب ايه هى الهديه؟؟
باسل طلع من ورا ضهره عروسه فى منتهى الجمال ووريهلها.
ريتال بفرحه:الله دى جميله اوى دى ليا انا لوحدى؟؟
باسل بابتسامه:ايوه ياحبيبتى بس لما تقومى انشاء الله..دلوقتى تعالى ناخد الحقنه دى مش هتحسى بيها.
ريتال لانها كانت مسكا العروسه وبتتفرج عليها زائد كمان ان باسل خفف خوفها ده كانت مطمنه ومحستش بالحقنه لما ادهلها.
باسل:هاتى بقى اللعبه دى هنديها لماما بره ولما تقومى هتخديها لما تروحى انشاء الله..بس دلوقتى يلا نعد مع بعض من واحد لعشره كده ولا انتى مش بتعرفى تعدى.
ريتال:لا يا اونكل بعرف.
باسل باسها فى راسها وقالها:طيب يلا ورينى.
ريتال\باسل:123.4..5..6
وبعد كده غابت ريتال عن وعيها وابتدى باسل اجراء العمليه....وبعد ساعتين تمت العمليه بنجاح ورجعت ريتال ابواب الحياه تتفتح تانى فى وشها وخلص باسل كل حاجه هناك وروح.
دخل القصر ملقاش ناهد فقال:الحمدلله.
واتسحب على طرطيف صوابعه عشان محدش يسمعه وطلع الاوضه ولقا مريم نايمه.
فوقف جمب السرير مستنيها تصحى مصحيتش..عمل دوشا بسيطه برده مصحيتش..رمى على الارض المنبه برده مصحيتش.
فنط على السرير وقالها:رومااااااااااااااا.
مريم اتنترت من مكانها وقالت:حرامى حرامى.
باسل انهار على نفسه من الضحك ونام على ضهره وهو بيضحك بشده ومش قادر يمسك نفسه:هههههههههههههههههههه� �هههههه هههههههههههههههههه.
مريم:تصدق انت غلس والله ماشى ياباسل ماشى.
باسل حاول يتماسك شويه:هههههههههههه هههههه اصلك هههههههههه اصلك كنتى نايمه ياحبيبتى.
مريم بسخريه:لا والله!!تصدق كنت فاكره انى صاحيه.
باسل:اعمل ايه طيب لو انا متعود ان حبيبتى تكون صاحيه لما ارجع وتقعد تدلعنى شويه وبعد كده تنيمنى زى كل يوم وانا جيت لقيتك نايمه فقولت لازم اصحيكى.
مريم:والله مش مسمحاك على الخضه دى ليه كده ياباسل؟؟
باسل:هههههه انا اسف ياحبيبتى كنت بهزر معلش سامحينى.
مريم بابتسامه:ماشى خلاص عفونا عنك.
وهنا الباب خبط عليهم.
باسل:ده مين الرزل اللى بيخبط علينا دلوقتى؟؟
مريم:عيب ياباسل..يلا قوم شوف مين؟؟
باسل:حاضر.
وباس ايدها قبل م يقوم..وقام فتح الباب وكانت الخدامه.
باسل:نعم ياداده فى حاجه؟؟
الداده:اه ناهد هانم عاوزه حضرتك.
باسل بضيق:طيب انا جايلها.
ومشيت الداده.
باسل:روما انا نازل اشوف ماما عاوزه ايه وجايلك على طول اوعى تنامى.
مريم:هههههههههههههه ماشى بس يلا روح شوف فى ايه.
باسل:حاضر.
ونزل باسل ل ناهد.
باسل:نعم ياماما أامرى عايزه ايه؟؟
ناهد:اقعد.
باسل:ياماما ل..
ناهد مقاطعا:اقعد ياولد قلتلك.
باسل قعد فى ضيق وقالها:نعم ياماما حضرتك عاوزه ايه؟؟
ناهد:......................................... ............................
‏‎

[لامارا]

البارت الخامس:


باسل:نعم يا ماما حضرتك عاوزه ايه؟؟
ناهد:انا عايزه اكلمك فى موضوع مهم يخصك.
باسل:اتفضلى يا ماما اتكلمى انا سمعك.
ناهد:انت مش شايف ان مراتك اتاخرت فى الخلفه؟؟
باسل:يعنى ايه مش فاهم!!قصدك ايه يعنى؟؟
ناهد:قصدى انها ممكن تكون م بتخلفش.
باسل بعصبيه خفيفه:انتى بتقولى ايه احنا لسا مكملناش سنتين مع بعض لسا بدرى.
ناهد:اهو فى السنتين دول كان ممكن تجيبو فيهم عيال.
باسل بضيق:استغفر الله العظيم..انا نفسى افهم حاجه..انتى حاطه مريم فى راسك ليه م بتحبيهاش ليه؟؟ادينى سبب واحد يخليكى تكرهيها!!
ناهدبعصبيه:انا دلوقتى بكلمك فى موضوع محدد متخرجش عنه لو سمحت.
باسل:طب ماشى مش هخرج هاه..انتى عايزه ايه يعنى ياماما من الاخر؟؟
ناهد:عايزاك تروح بيها للدكتور وتشوف هى اتاخرت فى الحمل ليه؟؟وعلى فكره انا حجزتلك عند دكتور ايمن بكره.
باسل مقدرش يستحمل اكتر من كده وغصب عنه اتنرفذ وقالها:لا بقى..كده كتير انا عارف انك بتكرهيها بس مش هتوصل ل كده مش كفايه اهانتك ليها كمان عايزنى انا كمان اهنها.
انا بجد تعبت منك يا امى والله ومش عارف اخر الموضوع ده ايه؟؟
وهنا جه جلال.
جلال:فى ايه؟؟مالكو صوتكو عالى كده ليه؟؟
باسل بغضب:تعالى يابابا....تعالى شوف ماما بتقولى ايه؟؟
جلال بلوم ممزوج بغضب:انتى برده قولتيله.
باسل:مدام انت عارف الموضوع يرضيك كده يرضيك الكلام ده؟؟
جلال:والله يابنى انا قولتلها انك هترفض بس هى م سمعتش الكلام ومصره انك لازم تتج...
ناهد مقاطعا بسرعه:جلااال.
باسل:فى ايه انتو مخبين عليا حاجه ولا ايه؟؟
جلال بص ل ناهد لقاها بتبصله بصه معينه معناها متقولوش حاجه.
جلال:لا يابنى هنخبى ايه يعنى؟؟مافيش حاجه.
ناهد:بوص ياباسل..انا كبرت ومحدش ضامن عمره..ونفسى قبل م اموت اشوفلك عيال ولو انت رفضت طلبى ده هتاكد فعلا انك مش بتحب امك او بتهتم لامرها.
ومثلت انها بتعيط.
باسل اتاثر لما شافها بتعيط وقرب عليها وباس راسها وحضنها وقالها:حاضر ياماما هعمل اللى انتى عايزاه.
بس ارجوكى متعيطيش ده انا لا عشت ولا كنت عشان دموعك تنزل بسببى.
ناهد بابتسامه:ربنا يخليك ليا ياحبيبى وم يحرمنيش منك.
باسل ابتسملها وباس ايدها واستئذن منها هى وجلال وطلع الاوضه.
وبعد م طلع.
جلال بزهول:انتى اقنعتيه ازاى؟؟انا مش مصدق.. مش ممكن وافق ازاى؟؟!!
ناهد بابتسامه انتصار:اومال انت فاكر ايه هو انا بلعب.
جلال:انا هجنن معقول باسل وافق يتجوز؟؟!!
ناهد باستنكار:انت افتكرت ايه؟؟انا لسا م فتحتهوش فى الموضوع ده.
جلال بعدم فهم:اومال انتى كلمتيه فى ايه؟؟وهو كان متعصب ليه؟؟ولما قالك هعملك اللى انتى عايزاه..تؤ انا مش فاهم حاجه!!
ناهد بتنهيده:افهمك..انا بس قولتله يروح بمراته للدكتور يشوفها اتاخرت فى الحمل ليه؟؟ولو كانت بتخلف يبقى مش هقوله يتجوز.
اما بقى لو م بتخلفش ف دى ليها تصرفات تانيه معايا.
.................................................. ....................................
.................................................. .......................................
.................................................. .......
باسل طلع الاوضه.
مريم بقلق:مالك ياباسل وصوتك كان عالى ليه؟؟فى حاجه حصلت؟؟
باسل بارتباك حاول يداريه بابتسامه:مافيش حاجه ياحبيبتى ده انا وماما كنا بنتكلم عادى.
مريم بعدم تصديق:هعمل نفسى مصدقاك..اصلك لو كدبت على الدنيا كلها عمرك م هتعرف تكدب عليا.
باسل بصلها وابتسم ومسك ايدها وباسها وخدها وقعدو على السرير وقالها بارتباك:روما انا عايز اقولك حاجه.
مريم:قول انا سمعاك.
باسل:احم..انا..انا كنت عايز اخدك بكره للدكتور.
مريم:ليه هو انا عيانه؟؟
باسل:بعد الشر عليكى ياحبيبتى لا مش كده..انا بس كنت عايز اخدك اعملك كشف صغيركده عشان..عشان.
مريم:عشان ايه؟؟
باسل:عشان نشوف ونطمن عليكى على موضوع الحمل يعنى وكده.
مريم:ليه ياباسل..هو انت مستعجل اوى كده؟؟
باسل:يعنى انت مش نفسك ياروما؟؟
مريم:طبعا نفسى بس الوقت اللى قضيناه سوا مش كبير لدرجة اننا نروح لدكتور..وبعدين انت مش دكتور متكشفش انت عليا ليه؟؟
باسل:هههههههه عشان ده مش تخصصى ياحبيبتى انا جراح قلب.
مريم:يعنى انت مصمم..حاضر ياباسل هاجى معاك بكره فى الحته اللى انت عاوزها.
وقامت من جمبه وراحت تنام.
.................................................. ...............................
.................................................. ...............................
.................................................. ..............
اما ناهد قاعده فى الاوضه على السرير و جلال نايم جمبها وكانت مبتسمه اوى وبتفتكر الحوار ده.
فلاش باك من 3 ايام ناهد اتصلت ب دكتور ايمن.
ناهد:ازيك يا دكتور.
ايمن:اهلا يامدام ناهد ازى حضرتك.
ناهد:انا كويسه الحمدلله..ااا بقولك يادكتور.
ايمن:اامرى يامدام.
ناهد:انا هطلب منك خدمه وهديك قصادها مقابل هيرضيك اوى.
ايمن:انا تحت امرك اتفضلى اطلبى.
ناهد:انا هبعتلك ابنى ومراته عشان تكشف على مراته وتعرف اذا كانت بتخلف ولالا.
ايمن:يشرفو ياهانم..بس هى دى الخدمه؟؟
ناهد:لا الخدمه هى انى عايزاك تقول لابنى انها مش بتخلف ومش هتخلف.
ايمن بتوتر:ايوه يامدام..بس افردى مرات حضرته حملت بعد كده سمعتى انا ممكن تبوظ.
ناهد:لا اطمن انا عملا حسابى.. من يوم م ابنى اتجوزها وانا بحطلها فى الاكل والشرب حبوب منع الحمل ف بكده عمرها م هتحمل..بس اهم حاجه يادكتور انك تاكدلو انها عمرها م هتخلف.
ايمن:حاضر يامدام.
ناهد بفرحه:متشكرا جدا..وانشاء الله بكره هيوصلك منى مبلغ محترم قصاد خدمتك ليا.
ايمن:انت تحت امرك ديما يامدام.
ناهد فاقت من الذكرى دى وهى على وشها ابتسامه عريضه مخيفه مليانه غل وكره.
وفى بالها:يا انا يا انتى يا مريم هطلعك من البيت ده زى م دخلتى منه بالهدوم اللى عليكى كمان.
.................................................. ......................................
.................................................. .....................................
.................................................. ...
فى اليوم التالى.
صحيت يارا على صوت الموبايل بصت فيه لقيت رساله من فارس مضمون الرساله"صباح الخير لو شوفتى الرساله يبقى انتى اكيد صحيتى ومدام صحيتى يبقى احب وياريت متكسفنيش اننا نفطر سوا.
ولو رفضتى يبقى انا مش هفطر ومش هاكل كمان باقى اليوم كله ف لو يرضيكى اموت من الجوع ارفضى طلبى اما لو ميرضكيش ف انا مستنيكى قدام بيتك لو هتيجى ياريت تكلمينى"
يارا قامت بسرعه من السرير وجريت على بلكونتها وشافت فارس واقف عند عربيته قدام القصر فابتسمت فى ذهول وكلمته وهى واقفه فى البلكونه مكانها.
فارس:صباح الفل.
يارا:انت ايه اللى جابك هنا انت مجنون افرض حد شافك.
فارس:متقلقيش انا واقف بعيد عن البواب هاه..هتيجى تفطرى معايا ولا هتخلينى اموت من الجوع؟؟
يارا بضحك:ههههههههههههههههههه فارس انت مجنون.
فارس بابتسامه:م انا عارف يلا بقى متتاخريش مستنيكى.
حبك هذيان بلا حسبان
يملأ القلب بثوران
ويسقط كينبوع النهر في الوجدان
ويرميني في مدن الجنون
نحو عالم الأشجان
لست ادرك ما يحدث بحالي الآن
هل اكتب شعرآ ام اعيش بالاحلام
أم أني قد وصلت الى حد الهذيان
فهل لعاشقه مثلي أن تقف عن الدوران
وان لا تستنشق اكسجين الحب بأنحراف وادمان
حبي مستنقع دافئ لا يستطيع دخول خلوته اي أنسان
حبآ يتغلغل بطبول النبض ولا يقبل الانحناء امام النسيان
حبآ يشبه الزهر ويعوض القلب عن كل الحرمان
يحوى بأنفاسه وطنآ لا يشبه باقي الاوطان
حبك هذيان ما كان بالحسبان
كنسيم الهواء يقطفني ويلملم عمري من الأحزان
يجعل من حضورك نثرآ لقصائدي شعورآ شاعرآ كالغليان
يعطيني الحب بلا حسبان
يجعلني أنثى مدمنة بالعشق من الراس حتى القدمان
حبك يمنحني شعورآ يشبه الفن ورسوم الفنان
لذا قررت أن اغرق غرقآ ولا اصحو
بقربك من عالم الدهشة والهذيان
يارا:ماشى سلام.
فارس:سلام.
ودخلت يارا وهى مبتسمه على مندهشه وكانت مبسوطه وراحت تغير هدومها.
اما فارس كان واقف قدام القصر وفجاءه عينه جت على اليافطه اللى مكتوب عليها"قصر جلال البحيرى"
ف اتصدم وفتح عينه على الاخر وافتكر ان ده الراجل اللى نصب عليه فى 750 الف جنيه وبقى مش مصدق نفسه وفضل يفكر كده لحد م يارا نزلتله وقربت عليه لقيته سرحان.
يارا:فارس..فارس...فاااااااار س.
فارس بانتباه:هاه..يارا انتى هنا؟؟
يارا:اومال هناك ههههههههههههههههههههه ايه مالك فى ايه؟؟
فارس بارتباك:لا ابدا مافيش يلا يلا بينا.
يارا عقدت حواجبها باستغراب وركبت معاه العربيه وراحو مطعم على النيل وفطرو هناك وبعد كده طلبو نيسكافيه..وفى الاثناء دى.
يارا:مالك يافارس؟؟متغير كده ليه؟؟
فارس:وانا مالى يا يارا م انا كويس اهو.
يارا:اصلك سرحان وشكلك زى م تكون مرتبك فى حاجه؟؟
فارس:لا ابدا هيكون فى ايه يعنى.
وحاول يغير مجرى الكلام وقالها:هاه اخوكى جابلك العربيه ولالا؟؟
يارا بابتسامه:اه جبهالى.
فارس:نوعها ايه؟؟
يارا:bmw
فارس:مبروك.
يارا:الله يبارك فيك.
وسرح تانى وهما قاعدين.
يارا:لاااا انا متاكده ان فيك حاجه يلا قول فى ايه؟؟
فارس:ليه الحياه بتبقى صعبه اوى كده على البنى ادم؟؟
يارا:الحياه مش صعبه ولا حاجه البنى ادم هو اللى فى ايده يخليها صعبه او بسيطه بالنسبه له.
فارس:بس ده كمان صعب اوى.
يارا:هو صعب فعلا بس عارف ايه اللى يخليه سهل.
فارس:ايه؟؟
يارا:الارااااده...بالاراده يافارس تقدر تعمل المستحيل.
فارس فضل يفكر فى كلامها وهما قاعدين.
يارا:سرحت فى ايه تانى؟؟
فارس:انتى ملاكى يا يارا..انتى ملاكى واللى حواليا كلهم شياطين.
يارا ابتسمت فى خجل وسكتت.
.................................................. ....................
.................................................. .....................
.................................................. ...........................................
اما عند باسل ومريم...مريم صحيت وصحت باسل ولكنها كانت متغيره شويه يعنى كانت مضيقه شويه من مقابلة الدكتور ده وكانت قلقانه.
باسل:مالك ياحبيبتى بتسرحى كتير ليه من ساعة م صحينا؟؟
مريم:لا ابدا مش بسرح عادى.
باسل:هو انتى زعلانه عشان قولتلك نروح لدكتور؟؟
مريم بابتسامه خفيفه:تؤتؤ.
باسل:ياحبيبتى انا عارف انك مضيقه بس الموضوع بسيط ومش هياخد اكتر من نص ساعه انا عايز اطمن عليكى بس.
مريم:ماشى ياباسل.
باسل قام طبع بوسه خفيفه على شفايفها وخدها فى حضنه.
وشويه وراحو للدكتور.

[لامارا]

البارت السادس:
وراح باسل ومريم لدكتور ايمن وقالهم الكلام المعهود اللى اتفق عليه مع ناهد.
وكانت الصدمه اكبر على مريم من باسل....وبعد الكشف خدها باسل ومشيو ومحدش فيهم نطق ب ولا كلمه فى الطريق من شدة الصدمه .
ووصلو القصر ودخلو وطبعا ناهد كانت فى انتظارهم لكن لما شافت مريم داخله ودموعها فى عيونها بصتلها وابتسمت بانتصار....مريم طلعت على الاوضه على طول وكان باسل هيطلع معاها لكن ناهد وقفته.
ناهد:باسل..هاه طمنى ايه اللى حصل؟؟
باسل مازلت الصدمه ماثره عليه ورد عليها بهذيان:نعم ياماما بتقولى ايه.
ناهد بفرحه داخليه:الدكتور قالك ايه؟؟
باسل:قالى..قالى..قالى ان روما م بتخلفش.
ناهد بتمثيل:ياخبر معقوله!!اهو ده اللى انا كنت خايفه منه..هحح طب هتعمل ايه دلوقتى ياحبيبى؟؟
باسل بحزن:هعمل ايه يعنى ياماما..قدر الله وماشاء فعل..مافيش فى ايدى حاجه اعملها.
ناهد:لا ياحبيبى فيه طبعا.
باسل:فى ايه؟؟
ناهد:فى انك تطلقها بقى وتفوق لنفسك وتتجوز واحده من مستواك وتعيش معاها كويس وتجيب منها عيال.
باسل بانفعال:انتى بتقولى ايه؟؟انا اطلق مريم!!مستحيل.
ناهد بغضب:يعنى ايه..انت عايز تموتنى متمسك بيها على ايه فى اكتر من انها م بتخلفش عشان تتمسك بيها بالشكل ده..باسل انت هطلقها يعنى هطلقها.
باسل:على جثتى مش ممكن.
ناهد بزعيق:واضح ان البنت دى عصيتك عليا و بقت تمشيك على هواها وانت ماشى وراها زى الاعمى لحد م هضيع عمرك وحياتك كلها وفى الاخر هتندم ..بس انا مش هسمحلها ب كده انت فاهم.
باسل بصوت عالى:مامااا..دى مراتى وانا اللى مسمحلكيش او اسمح لاى حد ان كان يتكلم عليها بالعاطل نص كلمه.
ناهد:انت بتعصى امك عشان خاطر الجربوعه دى.
وهنا مريم كانت واقفه فوق قدام اوضتها وحطا ايدها على بؤها وكتما صوت بكاها بالعافيه وكانت سامعه الحوار من اوله.
وهنا يارا نزلت من الاوضه على صوتهم العالى وجلال خرج من اوضة المكتب برده لنفس السبب.
يارا بخضه:فى ايه ياماما؟؟ايه اللى حصل ياباسل؟؟
ناهد:تعالو انتو فين..تعالى ياحبيبتى شوفى اخوكى الدكتور ورجل الاعمال المحترم بيعمل فى نفسه وفى امه ايه عشان خاطر مراتو.
وانت ياجلال..تعالى شوف ابنك الوحيد اللى بتفتخر بيه قدام الناس..ابنك اللى هو المفروض سند ليك فى الحياه ووريثك بعد عمر طويل.
واللى المفروض يورث اسمك والجاه اللى عملته فى سنين حياتك اللى فاتت بعرقك وتعبك وكفاحك لاولاده بيعمل ايه.
طلع انانى لدرجة انه مش عايز يردلى انا وانت جميلنا عليه ويجبلنا حتة عيل منه عشان نفرح بيه ويشيل اسمه واسمك ياجلال وكل ده ليه.. عشان خاطر واحده جابهلنا من الشارع.
باسل بغضب ونبره عاليه:مااااما..كفايه..انا م...
وهنا نزلت مريم وقربت عليهم وقطعت كلامه وقالت بدموع:استنى ياباسل...بوصى ياناهد هانم..انا عارفه كويس اوى انا فى نظرك عامله ازاى.
ناهد بصتلها باستحقار.
مريم:وعارفه كمان انا اد ايه تقيله عليكى ويمكن عليكو كلكو..وعارفه كمان انى من يوم م دخلت البيت ده والمشاكل فيه بتزيد مش بتقل بسببى..رغم انى مش بشارك اى حد اى حاجه فى البيت ده وبقضى ايامى كلها فى اوضتى وتقريبا محدش بيشوفنى عشان يحصل منى مشاكل.
ولو كنتى فكرانى معنديش دم ولا احساس يبقى اكيد حضرتك متعرفنيش..ان كنت بستحمل كل الاهنات اللى حضرتك وجهتيهالى فى المده اللى قضيتها هنا دى..ف انا كنت بستحمل عشان باسل..عشانه هو وبس.
انا حبيته واتمنيت اديله السعاده..بس للاسف ربنا حرمنى من الامنيه دى حرمنى من انى اسعده.
وبصت ل باسل ودموعها نزلت من عيونها وقالتله:وانا مقدرش اضيعلك حياتك وعمرك زى م والدتك قالت..عشان كده ياباسل انا بقولك قدام عيلتك كلها دلوقتى..طلقنى ياباسل.
وسابتهم وطلعت جرى على الاوضه...باسل وقف مصدوم ومش مستوعب كل اللى حصل فى اليوم ده اساسا ونفسه يطلع حلم ويفوق منه.
اما ناهد وقفت مبتسمه وتنهدت بانتصار وفى بالها:المسرحيه الجميله بتاعتى اول مشهد فيها تم زى م كنت عايزه..هههه ويمكن افضل ههههههههه.
اما يارا بصت لاخوه بحنان ممزوج باشفاق على الحاله اللى هو فيها.
وجلال باصص ل ناهد بغضب ولوم.
باسل سابهم وطلع جرى على الاوضه.
وبعد م طلع.
يارا بدموع:ليه كد ياماما..حرام عليكى انا ماكنتش متخيله ابدا انك ممكن تاذى مشاعرها بالشكل ده..وكمان مش هى لوحدها انتى اذيتى باسل كمان.
ناهد:اسكتى يابنت.. انتى مش فاهمه حاجه.
جلال:مش فاهمه ايه يا ناهد هانم..مش فاهمه ايه بس..انا بس هسالك سؤال دلوقتى وجاوبى عليه بصراحه...انتى دلوقتى مبسوطه؟؟
ناهد بابتسامه عريضه:جدااااا ياجلال.
جلال:روحى الله يسامحك ياشيخه..خربتى بيت ابنك.
وسابها ومشى.
ناهد بضحك:ههههههههه ده انا كده رجعت ابنى زى الاول ياجلال..باسل رجع زى زمان.
يارا بصتلها بحزن وسابتها وطلعت اوضتها.
.......................
اما باسل طلع الاوضه ودخل لقا مريم غيرت هدومها اللى كانت لبساها ولبست الهدوم اللى جت بيها اول مره فى البيت ده.
باسل قرب عليها وقالها وانفاسه متسارعه:روما..حبيبتى انتى بتعملى ايه؟؟
مريم بدموع:همشى.
باسل:تمشى تروحى فين؟؟انتى بجد ممكن تسيبينى هاهون عليكى ياروما؟؟
مريم:انا لازم اسيبك ياباسل..وانت لازم تنسانى ولازم تتجوز عشان تجيب اولاد انا مش هعرف اسعدك.
باسل مسك ايدها جامد وقالها:ده انتى سر سعادتى ياروما..ازاى بقى بتقولى مش هتعرفى تسعدينى انا بحبك مقدرش اعيش منغيرك..مجرد الفكره انك ممكن تسيبينى بتقتلنى لالالا انا مستحيل هعرف اعيش منغيرك.
مريم ببكاء:باسل ارجوك كفايه..كفايه عشانى وعشانك انت فعلا زى م قالت مامتك لازم تطلقنى وتتجوز وتخلف لانك الابن الوحيد يعنى لازم يكون عندك اولاد.
عشان يشيلو اسمك واسم والدك وانا مستحيل اكون انانيه واحرمك من انك تكون اب..او احرم مامتك وباباك من ان يكون ليهم احفاد.
باسل:مريم..انا مستحيل هطلقك..مستحيل هبعد عنك..وده لوحصل وبعدت عنك هيكون فى حاله واحده بس ان ربنا يكون حكم فى امرى وقبض روحى.
مريم:بعد الشر عليك..متقولش كده تانى.
باسل:روما..انسى خالص موضوع الطلاق ده انسى خالص انك تبعدى عنى..انتى م تعرفيش انا بحبك ازاى..انا مستعد اخسر حياتى عشان افوز بيكى انتى وبس.
مريم:لا طبعا انت لازم تتجوز قولتلك..وعلى فكره ربنا كمان بيامرك ب كده..هو مش قالك المال والبنون زينة الحياه الدنيا..يبقى لازم تطيعه وتطيع والدك ووالدتك وتتجوز وتخلف.
باسل حضنها وقالها:حاضر..حاضر هعمل اللى انتى عايزاه..هعمل اللى هتقوليلى عليه..بس متسيبنيش.
حبيبتى
اقلبي صفحات عمري ومزقيني
إجتثي من صدري الأنفاس واخنقيني
حاصري دقات قلبي واقتليني
حطمي ميناء حياتي وأغرقيني
اشعلي كل أحلامي واحرقيني
لكن لا تتركيني
فأنا بدونك يا حبيبتي كبيت هدمته أعاصير تشرين ِ
أنا بدونك يا حبيبتي رجل يحمل في صدره ألف سكين ِ
قصوري بدونك ككهوف لا ترضى بسكنها الوحوش لو تصدقيني
قلاعي تحمل على اسوارها كلمات تهدم آمال سنيني
افعلي ما تريدين لكن لا تتركيني
فأنا بدونك مثل حطبة في نيران البراكين ِ
يا حبيبتى ارجوك اسمعيني
.............................
اما فارس....كان قاعد مع صديقه المقرب طارق وكان سرحان .
طارق:وبعدهالك ياعم المتامل انت هتفضل سرحان كده كتير؟؟
فارس:عارف ياطارق يارا طلعت بنت مين؟؟
طارق:مين؟؟
فارس:بنت جلال البحيرى.
طارق بتفكير:جلال البحيرى.. الاسم ده مش غريب عليا.
فارس:جلال البحيرى اللى نصبنا عليه فى 750 الف.
طارق:وشرفك..وانت عرفت منين؟؟
فارس حكاله لما كان قدام القصر وشاف اليافطه اللى مكتوب عليها"قصر جلال البحيرى"
طارق:يانهار ازرق...ايه الحظ ده ياناس..طب انت هتعمل ايه دلوقتى؟؟
فارس:هعمل ايه يعنى مش فاهم.
طارق بجديه:فارس انت لازم تبعد عنها..لان لو حد شافك من عندها واتعرف عليك ويسلام لوكان اخوها اللى روحت ونصبت عليه هتروح فى داهيه.
فارس:بس انا حبيت يارا بجد..انا حاسس انى ممكن اتغير عشانها.
طارق:انت بتقول ايه؟؟معقول هتغير حياتك كلها عشان حبيت واحده!!
فارس:ايوه..انا بحس انى بنى ادم لما بكون معاها..وبلاقى فارس الحقيقى اللى مدفون جوايا لما بكون معاها.
طارق:ده ايه الفلسفه دى..فارس انت نسيت احلامنا نسيت اننا كلنا ايد واحده..نسيت ان ماينفعش حد يتخلى عن الباقى وخصوصا انك مش اى حد..ده انت كبيرنا.
فارس:انا عايز ابطل..انا بجد عايز ابطل.
طارق:انت اتجننت ولا ايه يافارس؟؟بقى بعد العمر اللى قضناه مع بعض ده كله عمالين نبنى فى احلام جاى انت دلوقتى وبكل بساطه بتقول عايز ابطل وبتتخلى عنى وعن كل حاجه..طب بلاش انا..انت ناسى بقيت صحابنا واخواتنا..كمال ومصطفى وعادل.
فارس حط ايده على وشه وقاله:انا تعبت خلاص..م بقتش عارف اعمل ايه او اتصرف ازاى.
طارق:انت لازم تعمل حاجه واحده بس..لازم تقطع علاقتك بيها نهائى هى اساسا م تنفعكش بكل الاحوال فوق لنفسك يافارس..فوق لنفسك يا اخويا وياصاحبى.

..............................................

اما باسل بعد م اقنع مريم انها مش هتمشى وهتفضل معاه بس بشرط منها انه يتجوز.
نزل ل ناهاد وجلال وقعد معاهم وهو على وشه كل علامات الحزن والضيق.
ناهد بابتسامه:هاه ياحبيبى..قولى هتطلقو امتى؟؟
باسل:اطلق مين؟؟انا مش هطلق مراتى وهى هتفضل طول عمرها مراتى ومافيش مخلوق هيبعدنا عن بعض.
ناهد بحقن:اومال انت جاى قاعد معانا على اساس ايه؟؟
باسل:انا جاى اقولك لو مهتمه بموضوع جوازى اعملى اللى انتى عايزاه وانا موافق عليه.
ناهد:يعنى ايه مش هتطلق مراتك؟؟
باسل:لا مش هطلق مراتى.
وقام وقف عشان يمشى.
ناهد:طب مش عايز تختار عروستك الجديده؟؟
باسل:انا اخترت واحده بس..عن اذنكو.
وخرج باسل من القصر كله يتجول فى ارجاء المدينه لعله يهداء ويسترخى.
اما ناهد فى بالها:كنت عارفه يامريم انك مش سهله..بس انا جهزا وعملا حسابى..وعمرك م هتنتصرى عليا واذا كنتى م مشيتيش النهارده هتمشى بكره..انا مش هسمحلك ابدا انك تخدى ابنى منى.
..............................
اما مريم فوق فى الاوضه صلت وقرأت قرأن عشان تطمن شويه وتحس بالامان...وبعد كده مسكت ورقه وقلم وكتبت محادثه للاله الرحمن وكانت المحاذثه كالاتى.
"ربى لقد ضاقت بى الحياه وضاقت بى نفسى..انقذنى من جباروت البشر وقلة حيلتى امامهم.
وارح لى قلبى وطمئنى برحمتك يا الله وارحمنى يا ربى ف انا مالى فى دنياى سواك.
ربى الهمنى التفكير وحسن التصرف يارب..يارب"
وهنا خبط الباب عليها.

[لامارا]

البارت السابع:



مريم جففت دموعها بسرعه واذنت بالدخول للى بيخبط..وكانت ناهد..دخلت وهى بتبصلها بكره شديد مريم استقبلت نظرتها بهدؤ تام.
ناهد قربت عليها ووقفت قصادها وقالتلها:اوعى تكونى فاكره انك عشان هتفضلى مرات باسل انك ممكن تعشمى نفسك انك هتبقى كده على طول لا.
خليكى واثقه ومستعده ديما انك فى اى وقت هتخرجى من البيت ده زى م دخلتيه....والله انتى صعبانه عليا مخططاتك كلها باظت ومعلش بقى انا اللى بوظتهالك.
مريم:رغم كل الظلم اللى ظلمتيهولى من يوم م شوفتينى انا عمرى م كرهتك ولا شيلتلك غير المحبه فى قلبى بس دلوقتى حسبى الله ووكيلى و عارفه انا مش هقولك غير حاجه واحده بس..
"والظالمون ما لهم من ولي ولا نصير".
"والله لا يهدي القوم الظالمين".
"إنه لا يفلح الظالمون".
"فانظر كيف كان عاقبة الظالمين".
"وسيعلم الذين ظلموا أي منقلبٍ ينقلبون".
"فتلك بيوتهم خاوية بما ظلموا إن في ذلك لآية لقوم يعلمون".
"فكان عاقبتهما انهما في النار خالدين فيها وذلك جزاء الظالمين".
ناهد:انتى فكرانى هبله يابت انتى؟؟طيب ابنى اهبل مصدقك وفاكر انك العابده الزاهده لكن انا م بكولش من الكلام ده..وانا جيت بس عشان انورك ياحلوه واعرفك انى صحيالك وفى الاخر ابنى م لهوش غيرى انا وابوه واخته.
انما انتى ياشاطره مالكيش غير الشارع اللى جيتى منه ومسيرك هترجعيله تانى.
وبصتلها باستحقار وسابتها وخرجت.
ومريم فضلت قاعده مكانها بتعيد اللى سمعته منها تانى وهى مش مصدقه وفى بالها:معقوله بتكرهنى اوى كده!!انا اه كنت عارفه انها بتكرهنى بس ماكنتش متخيله انها هتوصل للدرجه دى..يارب ساعدنى انا مش هاممنى الا باسل..يارب.
وهنا رن موبايلها وكانت جارتها اللى كانت بتشتغل عندها فى المطعم قبل م تتجوز باسل اسمها جيهان..ف ردت بلهفه.
مريم بصوت مخنوق:الو.
جيهان:ايه روما فينك ياوحشه هو يعنى من لاقا احبابه نسى اصحابه ماكنتش عشره وعيش وملح.
مريم ببكاء:الحمدلله..الحمدلله اتصلتى فى وقتك ياجيهان.
جيهان بقلق:مالك يامريم انتى بتعيطى؟؟
مريم ببكاء:انا ضايعه ياجيهان حاسه انى نقصا حاجه..حاسه انى عريانه ومكشوفه.
جيهان بقلق اكتر:مالك يا مريم ايه اللى حصل لكل ده؟؟
مريم:مش هاينفع فى التليفون انا لازم اشوفك.
جيهان:اللى انتى عايزاه ياحبيبتى تحبى تجيلى امتى.
مريم:هاجيلك بكره الصبح فى المطعم.
جيهان:ماشى ياحبيبتى وانا هستناكى.
.................................................. ........
.................................................. ..........
.................................................. .............
.................................................. ..
.................................................. .......
اما باسل بعد م لف كتير وم حسش بالوقت رجع تانى القصر..وطلع الاوضه لقا مريم نايمه ومدياه ضهرها ف دخل وقعد جمبها على السرير وقرب عليها وملس على شعرها براحه وصحاها بهدؤ.
بس مريم اساسا كانت صحيا مش نايمه..قامت وقعدت زيه وكانت تعابير وشها خاليه من اى شعور يعنى ولا فرحانه ولا زعلانه ملامحها فاضيه.
باسل:روما انتى متاكده انك عايزانى فعلا اتجوز؟؟
مريم:اه ياباسل وده شرطى الوحيد لوكنت عايزنى افضل معاك.
باسل مسك وشها وقالها:ياحبيبتى انتى ازاى بتطلبى منى كده..انا مش قادر استوعب اساسا..انا بحبك انتى وبس مش عايز حد غيرك.
مريم بدموع:بس انت محتاج للامر ده عشان تقدر تجيب اولاد..انا انسانه عاجزه مقدرتش افرحك زى م انت ديما بتفرحنى..بالعكس انت من ساعة م عرفتنى وانا مسببالك متاعب ومشاكل.
باسل خدها فى حضنه وقالها:انتى مش عاجزه ياحبيبتى وربنا كبير ومش هيسبنا.
مريم:ونعم بالله..بس انت سمعت ب ودنك الدكتور قال ايه.
فلاش باك.
باسل بصدمه:يعنى مافيش امل يادكتور..مافيش علاج حتى باره؟؟
ايمن:للاسف يا استاذ باسل..الاحتمال ضعيف جدا ويمكن م يكونش موجود اصلا.
باسل افتكر الكلام ده وقالها:بس انا برده مش هسيبك انتى روحى يا روما.
مريم:ربنا يخليك..بس ممكن تقوم تنام بقى انت ارهقت نفسك اوى النهارده.
باسل ابتسملها وباسها فى خدها..وقام غير هدومه ونام وهو حضنها جامد وكانه خايف ل تروح منه.
.................................................. ...........................
.................................................. ..........................
.................................................. ...................................
اما فى الفيلا اللى عايش فيها فارس مع اصحابه كلهم قاعدين وطلع واحد منهم اسمه كمال قال.
كمال:هو فين فارس ياجماعه؟؟
طارق:سيبه لوحده دلوقتى بالله عليك لحسن ده ملمس لوحده.
كمال:اوه خوفتنى ياض..لا بجد فى ايه هو ماله؟؟
طارق:بقولكو ايه خلينا قاعدين حلوين هو قاعد مع نفسه شويه خليه على راحته.
وطلع واحد اسمه مصطفى وقال.
مصطفى:احنا كنا عايزين نتفق على شوية حاجات قبل العمليه الجديده.
طارق:م اعتقدش ان فارس لى دماغ اليومين دول رايقه للشغل اطلعها انت وعادل.
عادل:لا ياعم الا العمليه دى..ده فارس مطلوب بالاسم وماينفعش نهرج مع الناس اللى طالبينه.. دول م بيهزروش وبعدين المبلغ اللى عارضينه كبير اوى احنا لو عملنا العمليه دى هنكسر ارقمنا القياسيه كلها دى اللى بتتسمى بضربة العمر.
طارق بتنهيده:طب سيبوه النهارده وبكره نبقى نشوف هنعمل ايه.
.................................................. ...........
.................................................. ............
.................................................. ..............
.................................................. ...............
.............................................
فى اليوم التالى.
صحيت مريم وملقيتش باسل ف عرفت انه اكيد راح الشركه ف قامت ولبست وراحت ل جيهان.
مريم اول م شافتها ارتمت فى حضنها وعيطت.
جيهان:ال ال ال ايه يابنتى اللى حصلك ؟؟مالك يامريم ..قولى بقى انتى م خلتنيش اعرف انام من امبارح عشانك.
مريم تماسكت شويه وحاولت تهدا وجيهان جبتلها مايه.
جيهان:بااااس..يلا بقى اهدى كده واحكيلى براحه وعلى مهلك مالك؟؟وايه اللى حصل؟؟
مريم:هيتجوز.
جيهان:ايه؟؟
مريم بتنهيده:باسل هيتجوز.
جيهان:نعم يتجوز ليه انشاء الله؟؟ايه اللى ناقصه معاكى؟؟اوعى تكونى وافقتى على كده يامريم دى اهانه.
مريم بابتسامة انكسار:وافقت.
جيهان:انتى اتجننتى يابت؟؟ايه اللى يخليكى تعملى كده؟؟ده كده معناها انه بيقولك انتى مش مليا عينى..قوليلى يامريم ايه اللى ناقصك م انتى بسم الله ماشاء الله جميله سبحان من ابدعك قوليلى ناقصه ايه معاكى عشان يروح يتجوز عليكى؟؟
مريم:ناقصه اهم حاجه معايا واللى انا عمرى م هعرف اديهاله.
جيهان بسخريه:يسلام..طب ناقصه ايه طيب ياست مريم؟؟
مريم باصتلها ودمعت وقالتلها:انا مش بخلف يا جيهان..مش بخلف.
ورجعت تعيط تانى.
جيهان:لا حول ولا قوة الا بالله..طب بس اهدى.اهدى ياحبيبتى.
مريم:والله انا عايزه اطلع من حياته بقى..انا سببتله مشاكل كتير واخرها المصيبه اللى انا فيها دى..وبسببى كان ممكن يخسر اهله.
جيهان طبطبت عليها وقالتلها:خلاص يامريم اهدى..اهدى بس..وبعدين انتى لو سبتيه هتروحى فين؟؟انتى مالكيش غيره اساسا دلوقتى وانا اعرف انه بيحبك ف انتى تسيبيه ليه؟؟
مريم:اولا ياجيهان انا فعلا ماليش غيره بس لو سبته اكيد هعرف ارتب امورى واعيش زى م كنت قبل م اتجوزه.
ثانيا انا عارفه انه بيحبنى ويمكن هو ده السبب اللى يخلينى افضل معاه..بس خايفه فى يوم يكرهنى بسبب كل المشاكل دى وساعتها انا ممكن اموت.
جيهان بتنهيده:بعد الشر عليكى ياحبيبتى.. والله يامريم انا مش عارفه اقولك ايه.
مريم بحزن:حسا بالم فى نفسى.
جيهان:قالك لاتقنطوا من رحمة الله.
مريم:حسا انى لوحدى.
جيهان:قالك ونحن اقرب اليه من حبل الوريد.
مريم:بواجه مشاكل كتير فى حياتى.
جيهان:قالك ومن يتقى الله يجعل له مخرجا.
مريم بصتلها وابتسمت..جيهان ابتسمتلها هى كمان و خدتها فى حضنها وطبطبت عليها.
.................................................. .......................
.................................................. .......................
.................................................. ......................
.................................................. ...........
اما فى قصر البحيرى.
باسل رجع من الشركه بدرى ولما دخل الاوضه م لقاش مريم ودور عليها فى المكان الوحيد اللى بتروحله فى القصر كله عند حوض زهور التوليب اللى زرعينها هما الاتنين مع بعض..برده م لقاهاش.
ف قلق عليها ودور فى القصر كله ملهاش اى اثر سال الخدامين قالو م يعرفوش وهنا جت عليه ناهد.
باسل بقلق:ماما م شوفتيش مريم؟؟
ناهد بضيق:ليه بتسئل؟؟هى مش قايلالك انها خارجه؟؟هى لسا م جتش؟؟
باسل:خرجت!!خرجت راحت فين؟؟
ناهد:هو انت متعرفش ولا ايه؟؟هى م قالتلكش؟؟
باسل:لا..لا ماقلتش..هى ازاى اساسا تخرج منغير م تقولى!!وهتكون راحت فين اساسا وهى متعرفش حد.
ناهد ببرود ممزوج بفرح فى مريم:الله اعلم.
وطلع موبايله وكلمها بس لقا الموبايل مقفول..فزاد قلقه اكتر وناهد قاعده بتتفرج عليه وهو رايح جاى رايح جاى قدامها وهى مبسوطه وقاعده معاه مخصوص عشان تشوفه هيعملها ايه لما ترجع.
باسل فى باله:ياترى انتى فين ياروما..روحتى فين بس ياحبيبتى؟؟ده انتى مالكيش غيرى..
وفاق من شروده على صوت جرس الباب.. فتحت الخدامه ودخلت مريم.
باسل جرى عليها ومسكها من دراعها جامد وقالها بقسوه ممزوجه بلمسة حنان:كنتى فين؟؟
مريم بهدؤ:كنت عند جيهان.
باسل:ومبترديش ليه على الموبايل ؟؟و ازاى تخرجى منغير م تقوليلى اصلا؟؟
مريم لسا هتتكلم..قطعها فى الكلام وقالها:تعالى هنتحاسب فوق.
وخدها وطلع بيها الاوضه..وناهد قاعده فرحانه فيها هى متوقعه انه ممكن ياذيها.
.................................................. .................
.................................................. ....................
.................................................. .....................
دخل باسل ومعاه مريم الاوضه وقفل الباب ولفلها وقالها:من امتى ياروما وانتى بتخرجى منغير اذنى؟؟ ومن امتى كنتى بتخرجى اصلا؟؟
مريم بهدؤ:ياباسل انا كنت متفقه مع جيهان من بليل انى هاروحلها النهارده الصبح وكنت هقولك الصبح قبل م تروح الشركه بس صحيت ملقتكش.
باسل:طب م كنتيش بتردى ليه على موبايلك؟؟انتى مش عارفه انى بقلق عليكى؟؟
مريم:سامحنى والله البطاريه فضيت.
باسل قرب عليها وحضنها جامد وقالها:حرام عليكى..عيشتنى فى رعب الشويه اللى غبتيهم دول.
مريم:انا اسفه ياحبيبى سامحنى.
باسل:روما بالله عليكى م تعملى فيا كده تانى..ده اسواء شعور حسيت بيه..لما حسيت انك مش معايا.
مريم:م انا معاك اهو هاروح فين يعنى وانا ليا مين غيرك.
باسل بصلها وقالها:بجد ياحبيبتى..يعنى مش هتفكرى تسيبينى ابدا؟؟
مريم:لا طبعا..الا اذا كنت انت طلبت منى ده.
باسل:ده يبقى اخر يوم فى عمرى.
مريم:بعد الشر عليك.
.................................................. ...................
.................................................. .....................
.................................................. .......................
.................................................. .....................
اما يارا ف بتحاول تتصل ب فارس كتير لكنه م بيردش ف فضلت قلقانه وحاولت تتصل تانى لكن مافيش اى رد برده.
•وَأَعُودُ لِهَذَيَانِ الامس الُ بَاتَ غَرِيبَا•
لِطَيْفٍ اِنْسَابَ كَقَطْرَاتِ مَاءِ مِنْ بَيْنَ اناملي
رُحِلَ بَعيدَا و تَرُكِّنَّي مُكَبِّلَةَ بِقُيُودِ حُبِّهِ
لَا هُوَ ذَاكَ الطَّقْسُ طَقْسَي
وَلَا تِلْكَ الارض اِرْضَيْ
وَيَحِهِ مِنْ أَيُّ مِصْرَاعِ وَلُجِّ عَالَمِيِ
وَمِنْ أَيِّ مُورْفِينَ اُسْتُخْلِصَ الْهَوَى ؟
أَوْهِمِنَّي بقبسا مِنْ نَارِ تُلَظِّي
اضرمها وَاِرْتَعْ فِي هَشِيمِ قَلْبِي الْمَسْمُومِ بِعِشْقِهِ
تَبَّا لِحُبِّكَ مَا كَانَ الَا دَاءُ أصابني
أَسَأَلَكَ بأَيْ حَقُّ دمرتني ؟
أَكَانَ حُبُّي لَكَ ذَنْبًا اِقْتَرَفْتِهِ ؟
وَأُولِيتِ نَفْسُكَ قَاضِيَا وَجَلاَّدَا لِتُعَاقِبِنَّي
الَا لَيْتَكَ انصفتني وَاُتُّخِذْتِ مِنْهَاجَكَ الْحَقِّ
فِي حَقِّ انثى احبتك حقاُّ •
وجت تتصل للمره الاخيره ورد عليها.
فارس:......................................... ...

[لامارا]

البارت الثامن:


فارس:الو.
يارا بلهفه:فارس..ياااه اخيرا رديت انت كنت فين المده دى كلها ازاى متسئلش عنى كل ده؟؟
فارس:ازيك يايارا.
يارا:كويسه بس زعلانه منك بجد ازاى متكلمنيش؟؟
فارس:يارا انا اصلا كنت بجاهد نفسى كتيير عشان م اكلمكيش بس مع اتصالك المستمر كنت بضعف.
يارا:وانت مش عايز تكلمنى ليه؟؟
فارس بتوتر:يارا..انا..اناااا.
يارا:انت ايه يافارس اتكلم.
فارس:انا بحبك..وانا عارف انك عارفه..بس..
يارا:بس ايه؟؟
فارس:مش عارف.. خايف.
يارا:وخايف من ايه؟؟
فارس:خايف تسيبينى بعد كده.
يارا:رغم انك قولتلى الكلام ده وانا المفروض انى كنت اعمل زى باقى البنات بقى واتكسف وكده بس انت فصلتنى..وهاسيبك ليه يابنى مش انت بتحبنى؟؟
فارس:اوى يايارا.
يارا:وانا هقولك منغير كسوف وانا كمان بحبك..يبقى هاسيبك ليه؟؟
فارس:ساعات بيبقى صعب على الانسان شرح الامور.
يارا:انا مش فاهمه منك اى حاجه.
فارس:مش مهم انك تفهمى..بس يايارا اوعدك من دلوقتى انى طالما حبيتك يبقى هبعد عن اى حاجه ممكن تبعدنى عنك او تخلينى قليل فى نظرك..وهعمل كل اللى اقدر عليه عشان احس انى جدير بيكى فعلا بس ادعيلى.
يارا:ربنا معاك يافارس..وانا عارفه قلقك ده من ايه.
فارس باقتضاب:من ايه؟؟
يارا:يعنى انت ممكن تكون خايف لما تيجى تتقدملى اهلى م يوافقوش عليك عشان انت معندكش عيله وكده بس متخافش انا هتصرف والموضوع ده مش هاياثر علينا ابدا.
فارس تنهد بارتياح وقالها:ربنا يسهل.
يارا:طب بقولك ايه.
فارس:ايه؟؟
يارا:بما انى فتاه عقلة الذهن وعمرى م صاحبت ولا بتاع زى البنات الوحشه دول لحد م ظهرت حضرتك فى حياتى وانشاء الله هنتخطب وهنتجوز كمان و...
فارس مقاطعا:بس..قصرى عايزه تقولى ايه يعنى؟؟
يارا بضحك:ههههههههههههههه..عايز� � انا وانت نقعد نبعت فى رسايل لبعض.
فارس ضحك بشده:هههههههههههههههههههه� �هههههههههه هههههههههههههههههه..ايه شفل المراهقيين ده ههههههههههههههههههههههه.
يارا: مراهقين.. بقى كده ماشى يافارس اقفل بقى عشان منزعلش من بعض.
فارس:هههههههههههههههههههه طيب استنى بس..خلاص مش هحرمك من حاجه اقفلى وانا هبعتلك رساله.
يارا بفرحه:ماشى وانا هرد عايك.
فارس:هههههههههههه ماشى يامجنونه.
وقفلو مع بعض وبعت فارس اول رساله.
فارس:لا اسجد الا لخاقى ولا اخضع لاى بشر...
لكنى اتوقف عندما اراكى.
ايحدث هذا مع كل من يحب؟؟
يارا:لا يهمنى الاحبه الاخرين...
فانت تسيطر على وجدانى.
ودعائى قد تحقق!
فارس:يعلم ربى مدى حبى لكى..
يعلم ربى كم انى ضائع فى حبك.
يعلم ربى لما حدث هذا معى؟!
فانتى صرتى قدرى.
يارا:اذا طلبت منى ان اكون كظلك..ساتبع خطواتك اينما ذهبت واحقق مشيئتك.
اذا قلت لى ان ااتيك فى احلامك..لخلقت ذريعه من احلامى والتقيت بك هناك.
فارس:منك انتى تعلمت الحب...وتعلمت كيف اعبر عنه.
فضحيتى لكى بمثابة حياه كامله.يتمنى قلبى ان تضميه بعاطفتك...لانى اخشى خسارتك....ويطلب منى ان اتحكم بساعدتى لانى اخشى البكاء.
يارا:لك وعد منى ان اقيد قلبى بقلبك بقوه..وتتسائل ماذا حدث لك
وبعد كده بعت فارس اخر رساله.
فارس:يلا مش حرمك من حاجه اهو ههههه كفايه عليكى كده وروحى نامى..احلام سعيده سلام ياعزيزتى.
يارا الابتسامه مش مفرقاها من كتر الفرح وطفت نور الاوضه وغطست فى احلامها الورديه مع فارس.
.................................................. ..............................

فى اليوم التالى.
وكانت بداية الانفصال العائلى..باسل طلب الفطار فى الاوضه عنده هو ومريم..ويارا راحت النادى وهتفطر هناك..اما جلال وناهد بيفطرو لوحدهم.
جلال بلوم:عجبك اللى عملتيه فينا ده؟؟فرقتينا كلنا عن بعض.
ناهد:ليه بتقول كده ياجلال..انشاء الله لما باسل يتجوز ويخلف مراته وولاده هيملو البيت والكابوس اللى اسمها مريم دى هتمشى قريب انشاء الله وهنرجع كلنا زى الاول وهنبقى كويسين.
جلال بابتسامه ساخره:انتى فاكره انك كده بتقربى باسل منك..بالعكس ياناهد ده انتى كده بتبعديه اوى..انتى ليه مش قادره تفهمى انه بيحب مراتو..انتى بس اللى عندك هاكز انها هتخدو منك وبستحقريها عشان من طبقه متوسطه..الظاهر انك ناسيا ان احنا فى البدايه قبل م نجيب باسل ويارا كنا عايشين فى حاره فوقى ياناهد واتقى الله.
وسابها وقام.
ناهد بغيظ:انا هاوريكو انا هعمل ايه فى التقيه اللى انتو بتحبوها دى ياجلال.
وندهت على الخدامه عشان تطلع تنادى باسل..وطلعت تندهله.

.................................................. .............................
فوق عند باسل ومريم.
لما جالهم الفطار مريم كانت بتاكل حاجات لاتذكر كانها مش بتاكل اساسا.
باسل:مش بتاكلى ليه ياروما؟؟
مريم:شبعت ياباسل.
باسل:انتى م كلتيش حاجه اساسا.
مريم:انا لوجعانه اكيد هاكل ايه اللى هيمنعنى يعنى؟؟
باسل صنعلها سندوتش وقالها:طيب كلى ده وبس.
مريم بضيق:قلتلك ماليش نفس.
باسل:عشان خاطرى ده وبس.
مريم اخدته منه..وهنا خبط الباب..فقام باسل يفتح وكانت الخدامه.
الداده:صباح الخير ياباسل بيه.
باسل:صباح النور ياداده.
الداده:ناهد هانم عايزه حضرتك.
باسل:حاضر انا جاى.
ونزل باسل ل ناهد.
باسل:نعم ياماما.
ناهد:اقعد.
قعد باسل وقالها بتنهيده:خير..فى حاجه.
ناهد:اه..انا اخترتلك مراتك الجديده خلاص.
باسل بقبضه داخليه:ممم طب ماشى.
ناهد:ماشى يعنى ايه؟؟!!
باسل:يعنى اعملى اللى انتى عايزاه انا اتكلمت.
ناهد:طيب ياباسل..عموما هى بنت واحده صاحبتى ومتعلمه وجميله واسمها نيهال و انت بكره هاتروح تقابلها وتعقدو تتكلمو مع بعض.
باسل:ليه بقى انا مش هقعد مع حد.
ناهد:لازم تقعد معاها عشان تتعرفو وبعدين متنساش انها بنت ناس ومن عيله يعنى لازم تقدرها مش زى ال...
باسل مقاطع بغضب:ماما..لاخر مره هقولك متغلطيش فى مراتى ولازم تعرفى انى مش بحب ولا هحب غيرها واذا كنت هتجوز البنت اللى انتى اخترتيها دى ف انا هتجوزها عشان موضوع الاولاد و بس مش اكتر..ومش انت عايزانى اروح اقابلها.. حاضر هقابلها عن اذنك.
وسابها وطلع.
.................................................. ..............................

..بنت قاعده فى اوضتها ومسكا سجاره فى ايدها والاوضه من حواليها فوضه ومتكركبه ومشاغله مزيكا روك بصوت عالى..وهنا دخلت عليها مامتها.
الام اسمها مديحه.
مديحه بضجر:انتى مش هتعقلى ابدا يانيهال..قولتلك ميت مره توطى الزفت ده وانتى بتسمعيه وقولتلك كمان ترتبى اوضتك دى مش تسيبيها كده دى ولا سوق الكانتو.
نيهال مسكت رموت كنترول بتاع الكاسيت وقفلته وبصتلها وقالتلها:مالك بس يامامى هو انتى كل يوم هتدخلى تتخانقى معايا وتقوليلى الكلمتين دول؟؟
مديحه:م هو انتى عمرك م هتعقلى ابدا بس انتى مالكيش ذنب انا اللى غلطانه..انا اللى دلعتك زياده واقول يابت سيبيها تدلع م هى بنتك الوحيده..وفى الاخر يوصل بيكى الدلع لحد انك تشربى سجاير وقدامى كمان.
نيهال قامت من على السرير وراحت وقفت جمبها وسندت ايدها على كتف مديحه وقالتلها:يامامى احنا مش ناس بلدى عشان نقول الكلام ده احنا ناس متحضره واجتماعيين ف عادى يعنى مش تقفشى كده.
مديحه باشمئزاز:فى بنت محترمه تقول لامها تقفشى!!
نيهال:ههههههههههههههههه م خلاص بقى يادودى احنا هنغضل نتخانق كده مش هنخلص خالص ..خلاص ياستى حقك عليا.
مديحه:انتى مجهزتيش ليه؟؟
نيهال:اجهز..اجهز عشان ايه؟؟
مديحه:مش باسل هايجى يخدك عشان تخرجو سوا.
نيهال بضيق:حاضر ياماما هجهز..انا مش عارفه بس ازاى هتجوز سى باسل ده!!ده مش فرى زينا ودقه قديمه وشكلى هتعب معاه مش كفايه انه متجوز.
مديحه:بنت بقولك ايه..باسل شاب وعريس لقطه كفايه انه دكتور ورجل اعمال وهو الابن الوحيد لجلال البحيرى وامه تبقى صاحبتى يعنى لا غبار عليه يعنى ميترفضش..ولو موضوع مراته ده شاغلك ف انا بقولك اطمنى لان انتى الجديده وديما الجديده هى اللى بتتحب وشاطرتك لو عرفتى تنسيهالو ويبقى ليكى انتى لوحدك.
نيهال بلا مبالاه:اه طيب.
وراحت تقعد تانى على السرير و اشعلت سيجاره تانيه.
مديحه وهى بتخرج من الاوضه:مافيش فايده.
وهنا رن موبايل نيهال وردت.
نيهال:الو.
المتصل:بقى صحيح اللى انا سمعته ده؟؟هتتجوزى يانيهال؟؟
نيهال بضحك:هههههههههه ايوه هتجوز يا نادر..مش تباركلى.
stop.
نادر ده يبقى حبيب ولنقول صاحب نيهال..و اواصفه كالاتى انسان مستهتر ولا يحتمل حتى مسؤلية الامور اللى تخصه ورامى كل حاجه على عيلته وعايش بس عشان ينفق فلوس ابوه يعنى باختصار بنى ادم فاشل.
play.
نادر:وكمان بتقوليها فى وشى..وكمان عايزانى ابركلك ماشى ياعروسه مبروك.
نيهال:ههههههههههههه ياغبى انت مش فاهم حاجه.
نادر:يعنى ايه؟؟
نيهال:يعنى دى مش اكتر من جوازة مصلحه عشان يبقى اسمنا نسبنا عيله كبيره..ويعنى قول كمان كام شهر ونتطلق عشان انا عارفه هو يهزهق منى اصلنا مختلفين جدا هههههههه وبعدين انا هتجوزو عشان ارتاح من زن ماما وبس اطلق وارجعلك طول.
نادر:ومين العريس بسلامته؟؟
نيهال:مش عارفه اذا كنت هتعرفه ولالا هو اسمه باسل البحيرى..باسل جلال البحيرى.
نادر:عريسك ابن جلال البحيرى..وبتقوليلى اعرفه ولالا طبعا يابنتى اعرفه ده ابويا بينه وبين شركتهم شغل وبعدين ده هو اللى ماسك مجموعة شركات البحيرى كلها وكمان دكتور.
نيهال:وااااو رجل اعمال وكمان دكتور..وده على كده عامل دكتوراه فى الاعمال هههههههههههههه.
نادر:لا ياهبله..هو رجل اعمال ودكتور بشرى كمان.
نيهال:امممم وانت عرفت ده كله منين؟؟
نادر:يابنتى العيله دى اشهر من المشاهير ذات نفسيهم..دول يحتكمو على ملايين ده غير القصر اللى ساكنين فيه حاجه كده خرافه انا حضرت عندهم قبل كده حفله مع ابويا.
نيهال:ماشى يا babyانا مضطره اقفل now عشان هخرج مع العريس هههههههه...بس متخافش يا نادر ده انت اللى فى القلب.
نادر:ماشى يانهال..هاكلمك بعدين.
نيهال:باى.
.................................................. .............................

اما عند باسل ومريم.
باسل جهز نفسه للقاء العروسه المبجله اللى اختارتهاله امه.
مريم:رايح فين ياباسل؟؟
باسل بارتباك:هاه..انااا..انا رايح المستشفى.
مريم:انت مكسوف تقولى انك رايح تشوف العروسه..متتكسفش انا مش هزعل.
وابتسمتله وراحت تقعد على احد الكراسى الموجوده فى الاوضه.
باسل:وانتى عرفتى منين؟؟
مريم:امبارح نزلت اروح المطبخ عشان اساعد الداده فى الغدا ف وانا معديا سمعت مامتك بالصدفه وهى بتقولك.
باسل:ياروما مش انتى اللى طلبتى منى ده.
مريم:وانا لسا بطلبه و م قولتلكش حاجه..روح ياباسل.
باسل قرب عليها وقومها من على الكرسى ووقفها قصاده وقالها:لازم تعرفى انى مغصوب على كده..ولازم تعرفى كمان انا بحبك انتى وبس ومش هحب ابدا حد غيرك..وهى مش هتكون اكتر من وسيله عشان تجيب اولاد.
مريم:لا ياباسل حرام..ربنا هيحاسبك لو عملتها على انها كده..انت لازم تكرمها طالما هتكون مراتك.
باسل بصلها اوى واستغرب ازاى ممكن يكون فيها كمية الطيبه دى.
مريم:بتبصلى كده ليه؟؟
باسل:بحبك ياروما..بحبك ياحياتى كلها.
وحضنها وهى كمان حضنته جامد.
وبعد كده راح يقابل نيهال.