أتفقنا مرة لما الحياة تزعلك أنا أراضيك / للكاتبة آلـدوقه | غـرور

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية أتفقنا مرة لما الحياة تزعلك أنا أراضيك للكاتبة آلـدوقه | غـرور قراءة ممتعة للجميع.....

[لامارا]

بسم الله الرحمن الرحيم


السلام عليكم

كيف حآلكم .. ان شا الله بخير

اترددت كتير في في نزول روآيتي دي بس لاني احبها و اعتبرهآ من بنآتي.....

[لامارا]

\\

و نبدأ بسم الله و ع بركه الله





البـدآيـه


رمى ابو فهد مفاتيح البيت للحارس و قال و هو متنرفز : احرق البيوت دي بكبرها و لا اشوفها في و الا ضحك باستهزاء و كمل و الا اقولك دار حوالينو و شاف حرمه عجوزة معاها ولدها الصغير و كانوا بيلقطوا اكل من الزباله الله يكرمكم و اشر ع الحرمه و قال : شايف ديك العجوزة الخربانه اباك تسكنها فيها هي و ضحك بشماته و قال ولدها اللي ما يتسمى ع الله نكسب اجر من وراهم و كمل بتريقه و لا تنسى جيب اهلك و تعال اسكن فيه و يمكن يطيح البيت عليك و تموت انت و اهلك و اشكالكم و نتفك منكم مرة وحده و ركب بسيارتو و اتوجه لشركتو و هو مبسوط و مخمخ لانو شاف الزل في عيونو
حآرس البيوت او بمعنى اصح البيت الآيل للسقوط
اوصفلكم البيوت بمعنى أدق :
كانت 7 بيوت ملصقه جمب بعض جدران البيوت من فوق لتحت مشطوبه بالمايل طاقه او جمعها طيق كلها مخلعه نوافذها و من فوق البيوت مكسرة جدرانها و حاله امها حاله كان فعلا البيت مهدد انو يطيح في اي وقت
حمزة اللي هو حآرس البيوت راح كلم أهلو و الناس اللي يعرفهم و عايشين في خرآبه و دلهم ع دي البيوت و من بكرة كل واحد جهز شنطتو و اتوكلوا ع البيت


اجي اعرفكم ع الشخصيات :

أبو فهد : أحقر مخلوق ع وجه الارض عمرو 55 شيطان ع هيئه انسان يعشق يشوف الواحد مزلول قدامو و لو عليه يتمنى انو يمحي كل الفقرا عن وجه الارض و ما يبقى الا من طبقتو و يعيشو بسلام
يحب يستعبد الناس و يكون هو الامر و الناهي و يحب يكون لو فضل ع كل فقير يحس بالمتعه لمن يشوف الانكسار ع وجههم و لمن تجي بنت صغيرة تبوس يدو عشان ما يطرد ابوها العجوز من العمل

ام فهد : نفس طينه زوجها تقريبا ما عندها غير الفشخرة الكدابه و تحب تبين بنتها عند بنات الشيوخ و يعنني شوفوا بنتي جميله و غنيه و كل الشباب متخرفنين عندها و الكلام الفاضي دا احيانا تطلع فيها حنيه في كل اوقات غلط لكن اغلب الوقت تفكيرها زي تفكير زوجها عمرها 45

فهد : شيطآن ع هيئه انسان ندل مغرور وقح يكره البنات رغم كدا من بنت لبنت ياخد منها اللي يباها و ينبسط لمن تجي تترجآه و يشوفها ذليل قدامها يستمتع لمن البنت تبوس رجلو عشان تتزوج و عآطل و خلص الثانويه و ما يبى يكمل لا جامعه و لا يتوظف عايش عاله ع اهلو رآعي بنات و خمر و مخدرآت و حالتو ميؤوس منها عمرو 23

حآتم : إنسان طيب لابعد درجه دكتور اجتهد و كافح عشان يوصل للي يبغاه يعشق قسمو لابعد حد و اتحدى الكل عشان يدخلو متبري من عيلتو لولا صله الرحم و البر كان اتبرى من عيلتو من زمان مو محزنو غير اختو هيـآم الضعيفه بينهم عمرو 27

ملآك : إنسانه حقيرة طقت اخوهآ و امها تحب تتفشخر بجمالها و تنبسط لمن احد يغازلها و يرمي الرقم عليها عايشه كدا عشان الكل يكون تحت امرها عنيده و راسها حجر و عليها غرور مدري ايش يبى من حياتو عمرهآ 21 و قسمهآ عربي و ماهي جمبو اكيد

هيآم : فنآنه تشكيليه أو بمعنى اصح كانت فنانه و مات معاها الاحساس من يوم ما انعمت كان عمرها 16 سنه و صارلها حادث و انعمت طيبه و حنونه و مرهفه الاحساس و رومانسيه و عايشه حياتها تبني قصه حبها مع و لا احد بس تتمنى تعيشها مع شخص في نفس مواصفات اخوها حاتم و تتمنى ينتشلها من العذاب اللي هي في متعلقه باخوها حاتم و متبريه من عيلتها اللي كلهم يا شر اشتر



حمزة : عمرو 27 سنه إنسآن جميل لابعد مدى سواء خلقا و الا اخلاقا إنسآن رآقي محترم متفهم بس حظو و فقرو رماه في دي الشغله عشآن يعالج امو المريضه بالسكر و يصرف ع اختو حيآه و لاعن حظو اللي رماه مع دا الادمي الاقشر و اللي بس يشتمت عليه عشآن فقرو ..



أجي أعرفكم للعوآيل السته اللي سكنت البيوت الجديده و اللي يخرج منهآ أغلب أبطآلنا :

ابو أحمد : إنسآن طيب و يخاف ربو و رآعي مسؤوليه عمرو 65

أم احمد : ميته من 10 سنين و خلفت

أحمد : عمرو 27 سنه إنسآن محترم و طموح طموحو يكمل درآستو بس الفقر عيب يتمنى يملك أكبر الشركات بس حظو ما حطو الا سوآق تاكسي

نآصر : رآعي بنات و مسكرات و يلتجئ لدي الاشياء كلها بسببه همو من الفقر عمرو 24

ريهآم : البنت الوحيده فيكم تقولوا انها عربجيه تاخد حقها بنفسها ومهجده كل عيآل الحارة و قد ما حاول ابوها و احمد يهجدوها الا انها ما تهجد تحب المشآكل قد عيونها عمرهآ 21


أبو عفآف

عمرو 70 و ضرير و الام عندهآ القلب و طول الوقت تعبانه و ماهم قادرين يصرفوا عليها بسبت فقرهم مخلفين 5 بنآت

عفآف : 27 سنه هي الكبيرة و المسؤوله عن العيله بعد ابوها و هي تشتغل عامله نضافه في احد المستشفيات و قايمه بكل المسؤوليات في البيت .

روآف : إنسآنه طايشه و عايشه حيآتها بالطول و العرض و هي صاحبه مزن و اللي في راسها
تسوي ما عليها من احد تحاول قد ما تقدر انها تشتغل بس عفاف رافضه تقول وحده تكفي تصرف
و انتي امسكي البيت في غيابي بس ع ميييين ع روآف عمرهآ 24

رفيف : عمرها 20 و تحاول تجتهد و تكمل دراسه عشان تساعد اخواتها و مرة خوافه تخاف من ضلها و كل ما سار شي راحت تبكي و تعتبر عفآف امها لانو هي تقريبا ربتهآ .

نهى و سهى : تؤام اعمارهم 16 سنه و اشقياء مطلعين عين اخواتهم و محد يقدر عليهم غير عفاف و شوية يخافوا من رواف لانها طايشه و ممكن تضربهم في اي وقت .


أبو مآزن

ابو مازن ميت لو اكتر من 7 سنين و سايب وراه مرتو و بنتو و ولدو

مرتو مصابه بالسكر من الهم اللي فيهآ .

مازن : ولدو الوحيد و قرة عينو مختفي لو اكتر من 17 سنه من كان عمرو 10 خرج من البيت و ما رجع و ما خلى مكان ما دور فيه الين قبل ما يموت وصى انهم ما يوقفوا تدوير عليه للان عندو امل انو عايش

مزن : تؤام مازن مخلصه تعليمها بسبه مازن اتواعدو كل واحد يدخل التخصص اللي يباه و يكمل لمن يتخرج مهما كانت الظروف و قلبها حاسسها للان انو مازن عايش رغم انها ما تدري فينها نقطه ضعفها امها التعبانه و مازن رغم كدا هي قويه و ما ينخاف عليها و تقدر تاخد حقها بنفسها و عندهآ سر مخبيتو محد يدري عنو غير روآف و روآف سارت ع خطاها في آخر فترة .


أبو جآبر

ابو جابر و ام جابر متوفيين في حادث من كان عُمُر عمر 8 سنين

جآبر : اتكفل باخوانو من كانت اعمآرهم ما بين 15 سنه لـ 8 سنين وقتها كانو 18 سنه لسه صغير و يبى احد ينتبه عليه بس انتبه ع اخوانو بدل ما ينتبه لعمرو و عمرو 30 سنه طيب و حنون لكن عصبي مرة و ما يرضى بالغلط و لمن يزعل يحرق الدنيا كلها و بعدها يجي يهرج ما كانو سوى شي ربى اخوانو ال 3 بكل جهد و حاول ينفذ وصيه ابو بشتى الطرق و حاول بشتى الطرق يكون لو ثروة يعيش منها و اشتغل كل شغل يخطر في بالكم عشان يصرف ع اخوانو و ما يحسسهم بالنقص من شيال اكياس لعامل صيانه لمحاسب لرجل يرش مبيد الحشرات لبياع في بسطه و في سر مخبيه عن الكل

هآجس : عمرو 27 عضيد جآبر و يدو اليمين انسان حكيم و هآدي و ما يرضى بالغلط و يحاول قد ما يقدر يصلح من غلطآت اخوانو اللي دايما يوقعوا فيه طموحو كبير بس يا ترى حيوصلك لفين يا هاجس

عمر و عمآر : تؤام مشاغبين و ما غير يطيحوا في الغلط و متفرعنين ع الفاضي يحبوا يتمشكلوا مع الخلق و ما غير طيحين هآجس في حلقهم رغم كدا طينتهم طيبه و مالهم في شغل البنات ولاشي ما غير محارش في خلق الله و هاجس يغطي عنهم عن جآبر أعمآرهم 20 و مالهم في الدرآسه طآري



العيله اللي قبل الاخيرة


ابو بندر

ابو بندر : رجل ميسور الحال و عندو فلوس و شركات لكن اختآر عيشه الفقر لسبب في راسو مرتو اتخلت عنو من يوم ما سمعت انو سار فقير و تركتلو ولد و 3 بنات

بندر : رجآل طيب و شهم و ع النيه و خدوم و مخلص و هو صآحب احمد الروح بالروح عمرو 27

روآن : مرجوجه و لسانها طويل و تحب تستهبل ع الخلق و كل ما شافت احد حلو خقت عندو عمرها 24 لكن اللي يشوف افعالها افعال طفله ما يستغنوا عنها في البيت هي سكرهم ع قولتهم

غرور : عمرهآ 23 هي و روان كانهم طباين مرا ما يتفقوا غرور اسم ع مسمى حقوده و حسوده و تتمنى الخير بس يجيها هي لوحدها و تطفش بسرعه و تحب السوق و تتمنى تسير غنيه

غرآم : عمرهآ 16 رزينه و هآديه و همها دراستها و ترضي ابوها و اخوها و تخاف من اخوها مرة


آخر عايله

عيله ابو سلطآن

ابو سلطان متزوج تلاته حريم ام سلطان اتوفت بعد ما جابت سلطان و نجود و بعدها اتزوج ام عماد ما جابت غيرو و التالته لسه جديده مالها كم شهر موهمها انو غني و وافقت تتزوج و بس جات للسعوديه كشفتو ع حقيقتو و قيدها انطست في و مكمله حياتها معاه عشان اللي في بطنها

سلطان : يشتغل سكيورتي في احد المولات طيب و عصبي و مشكلتو يدخن بشراهه ممكن يخلص بكتين في ساعه وحده عمرو 29

نجود : عمرها 21 ما غير تهتم بشكلها و مفلسه ابوها فوق ما هو مفلس و ع الحديده و ما غير تهتم بشكلها و رشاقتها و و من طخه ملاك تفكيرها جدا سطحي و ابله

عمآد : عمرو 27 و صاحب حاتم و نفس الطقه و معاه في الشغل


انتهت تقريبا اهم الشخصيات في روآيتي

اتمنى اشوف توقعاتكم ارائكم تحليلاتكم و ردودكم الجميله

فمآن الله

[لامارا]

\\



البـآرت الأول

في أحد الفلل المكونه من طآبقين الطآبق الارضي مجلس الرجآل بآب يؤدي لدآخل البيت و الباب التاني للحوش ، المطبخ ، حمآمين يكرم القآرئين ، مجلس الضيوف ، و صآله الطعآم ، غرفه للخدم اما الدور التاني فمكون من 5 غرف نوم ، غرفه الجلوس ، 3 حمامات الله يكرمكم و في أحد غرف أبطالنا كآنت هيآم قآعده في البلكونه و بتشرب القهوة بمساعده دادتهآ فطيمه و هي جآلسه تسمع قرآن و مسترخيه استرخآء تام ع الكرسي و دادتهآ جمبها جآلسه تقرالها كتآب و بتشرب قهوتهآ ..

أعرفكم ع هيآم :

عمرهآ 19 سنه شعرهآ اسود يوصل لنص كتفهآ و غزير مرة قآصتو شلال مؤخرا و مع القص بآين كانو خفيف رغم عماها الا انها ابدا ما تحب شعرها يكون قصير ع قولها ما تحس بانها انثى لانو الشعر القصير انخلق للاولاد فقط و ليس البنات عيونهآ لونهآ بني فاتح متوسطه الطول و تعتبر نحيفه الا كان يميزهآ عيونها اللوزيه و رموشهآ الكتيرة

خلصت سمآع سورة البقرة و شالت السماعات و التفتت ع دادتهآ و :
هيآم : داده فطيمه
داده فطيمه نزلت النضارة من على وجهها و قالت : ايوا يا بت يا هيآم
هيآم : احنا ليش عيلتنآ كدا اقصد لي محنا عايشين زي الناس الطبيعين
داده فطيمه قربت منها و حطت يدها على كتفها و قالت : مالك بتئولي كدا يا بت حصلك حاقه كفى الله الشر
هيآم بحزن بعد ما حطت راسها ع كتف دادتها : انا ايش سويت لماما و بدات تشهق
انفجعت منها الداده و سارت تطبطت عليها و قالت : يآ حبيبتشي ي ضنايا معليش اسمحيلي ع الكلمه دي بس امك و ابوك معتوهين معليش مش هم دانتو العيله كلها مضروبة يخرب بيوتكو الا انتي و حآتم دا انتو الوحيدين اللي متستهلوش العيله المضروبه دي
هيام ضحكت من كلام دادتها و : دادا ما يسير كدا تقولي عليهم و بضحكه كملت : دول اهلي برضك
بعدت عنها دادتها و هي تقولهآ : يختي ينيلك دا انتي عبيطه اوي ي بت و اللهِ




و في حته تانيه < انقلب اللسان معوج ف9

في أحد المستشفيآت

كان قاعد في غرفتو ياخد بريك بعد تعب نص يوم طويل و كان بداية اليوم باين انو كلو حيكون قروشه كان حآتم في يدو قهوة و بيكمل قرايه الففصل الاخير من الروايه اللي بداها من اسبوع كان من عشاق الكتب او فيكم تقولوا كان دوده كتب كان مثقف لابعد حد و يعشق القراءة أكتر من حبو لاهلو فجاه دخلت عليه وحده ممرقعه و باين الحيا مفصوخ من وجهها انفجع حاتم من الدخله و عصب منها بس ما بين ما غير خرج نظارتو من وجهو و حطها ع المكتب و التفت لهآ : هي انتي كيف داخله كدا لا احم و لا دستور هي وكاله من غير بواب
قربت منو البنت و اتكت بكوعها ع مكتبو و سارت تطالع في عينو و بعدها مسكت نضارتو و لبستهآ و جات بتخرج من الغرفه الا حاتم مسكها من يدهآ و اخد النضارة و لبسهآ و فك الباب و قال و هو بيطآلع فيهآ : من غير مطرود
غيرت اتجاهها و قربت منو و قالت بحقد و كانو وجهها التاني اتغير : لاحظ يا دكتور دي تاني مرة تطردني و التالته ثابته
دفهآ حسام من يدهآ و قال : أعلى ما في خيلك اركبي و انقلعي بس من هنا و دفها لبرا و قفل الباب بالمفتاح من وراها و سب و قال : لعنه الله ع اشكالك ي شيخه

نجي لحسآم / حسآم شخصيه سيآسيه يسلك لك وقت ما تحتآجي يطبطب عليك وقت ما تحتآجي يوقف جمبك وقت ما تحتآجي يسيرلك اي شي وقت ما انتي تحتآجي محترم و بآرد بس مآ يحب الناس المخفه و اللي فيهم قله آدب ما يمسك نفسو عنهم ممكن تفلت أعصابو عليك لو زودتيهآ عليه ممكن تقولي عنو اتقٍ شر الحليم اذا غضب شعرو بني غآمق و عيونو بني برضو طويل و يحب الريآضه و مهتم بنفسو مرة و عندو مشكله وحده الا هو عندو وسوآس نضافه مطفشتو و مطفشه الناس اللي حوآلي ممكن وقت ما يحس انو وسخ و محتآج يتحمم يستحمى كدا حق 6 او 7 مرآت لمن تحسي سآر جلدو ابيض يحب أختو هيآم و يتمنى يخرج من عيلتو المجنونه دي و يستقر بعيد عنهم هو و هيآم عمرو 27 و مآ يحب الحريم يحسب كل الناس زي امو و زي ملاك و زي دي اللي مطفشتو في حياتو يحس ما في احد يستآهلو ابدا عشآن كدا عايش لنفسو و لشغلو و لاختو هيآم فقططط





و في مكآن تالت

عند ريهآم

جلست تستكشف البيت اللي دوبهم سكنوا جديد و مو عاجبها العجب ولا الصيام في رجب خلصت استكشاف بيتها و نزلت للحي تستكشفو وقفت عند باب بيتهم و كان قدامها برحه كبيرة و لقت شله اولاد اعمارهم ما بين 8 ل 15 سنه بيلعبوا في الشارع و متجمعين حوالين شي و مسويين دائرة كدا و جاتها لقافه تروح تشوف ايش بيسووا هم خرجت و سارت تلف يمين و يسار لو في رجال او سيارة او شي ما لقت احد قامت مشيت بشويش و دنقت راسها لقتهم متجمعين حوآلين بسه صغيرة و عورة يعني عين مزبوطه و عين عميه ف9 و كلهم ساروا يخوفوها من كل ناحيه و مبسوطين و ما غير هي تتخبط فيهم يمين و يسار و خايفه و سارت تنونو باعلى صوتها حزنت عليها ريهام و جرت اللي قريب منها من ادنو و صرخت فيهم و قالت : ي ولد منك لو ايش تسووا
و لوت ادنو بقوة صرخ الولد اللي جرت ادنو و كان عمرو 9 سنين و الدمعه في عينو و سار يبعد عنها عشان تسيب ادنو و هي سارت تجر و قربت منهم
و قالت بصريخ : مو حرام عليكم عشان صغيرة و عورة كدا تسووا فيها
سيبت ادنو و قالت : وخروا اشوف
كلهم وخروا و سارت البسه تتخبط فيهم يمين و يسار لمن بعدت عنهم و هي تنونو من قلبها
قربت خطوة منهم ، و قال اللي عمرو 15 و مسوي فيها القوي و المتفرعن : هي انتي ما تستحي ع طولك كدا خارجه كانو الرجال اللي في الشارع محرم لك كلهم
لفت عليه و زغرتلو و هو بلع ريقه و قربت منه و سار يبعد و هي تقرب و قالت : قرب هنا يا مفعوص يا ابو لسانين انت قرب اشوف و سارت تقرب و هو فرك من الخوف و كلهم شردوا مفجوعين من البنت الجديده المستقويه عليهم و هي راحت بيتها مبسوطه انها ضيعت الطفش اللي كان فيها و كملت استكشاف في بقيه الحي و راحت بيتها و ما دريت انو كانت في عيون تراقبها و تبتسم .





في نفس الشآرع بس ع الشارع العام

كان واقف في بسطه و بيبع خضرة أو بمعنى اصح ونيت و كان واقف و هو يردد : يا بلاش يا بلاش اليوم مسويين تخفيضات حبتين بـ 3 ريال يلا مين يشتري
دفو اللي جمبو او بمعنى اصح اللي جمبها و قالت و هي ماسكه يدها و متنيتها عليها و اللي كانت قاعده ع الونيت و : هي بت خشني صوتك حننفضح بسبتك
سيبت يدها منها و قالت : انكتمي الله يقلعك حننفضح بسبتك احنا و خصرتها و سارت تكمل : يلا مين يشتري ي بلاش
جاهم واحد كان من اول بيبراقبهم و سار يطالع في الاتنين مرة فوق مرة تحت : السلام عليكم
الاتنين رددوا : و عليكم السلام
الولد قرب من اللي قاعده في الونيت و حد نظراتو لها و هي ارتبكت و قال : يا الحبيب ما قلتلي ايش اسمك
طالعت في اللي كانت واقفه و ضربتو ع كتفو و قالت : خير يا ابو الشباب انت جاي تتعرف و الا تشتري
التفت عليها و حط عينو بعينهآ و قال : جآي اشوف الحلوين ايش عندهم اليوم
كلهم الاتنين فرصعوا عينهم و هو ضحك و غمز و قال : زي ما اتوقعت بنآت بس مسويين نفسكم شنبآت و راح
و سيب الاتنين في صدمه و حيرة .
... : فهد وقف
التفت عليهآ بصدمه و قال : كيف عرفتي اسمي
... : هه الله يهديك ع اساس مانت اشهر نار ع علم روح بس الله يستر عليك
قرب منها من ورى بخفه و لوى يدهآ و قال بصرير : هه يعني ايش حتسوي يا اختي عفوا اقصد يا اخويا
قربت منو التانيه و قالت : سيب البنت و لا ما حصلك طيب
لف عينو بعين التانيه : لا و الله تعجبني القوية
سيب يدها و التفتت ع اللي واقفه و كتف يدينو و قال : يلا وريني ايش حتسوي
قربت منو و همستلو بكم شي وقتها ضحكت بانتصآر و هو مصدوم منها كيف عرفت اللي حاول يخبي لو 3 سنين
بعد ما شافت صدمتو و ارتباكو في لحظه قربت منو و بتهديد كملت : و ربي يا راعي البنات لو ما هجدت عنا لا ابلغ عليك الشرطه و شوف مين يضحك في النهايه
مشي عنها و هو مصدوم و فاتح عينو و فمو ع الاخر من الفجعه ايش عرفها بنت الفقر بالموضوع دا
التفتت عليها البنت التانيه و قالت : كفو ي مزن عجبتيني و الله بس
بفضول قربت منها و قالت : ايش قلتيلو عشان كدا يصير مصدوم
التفتت عليها بحده و قالت : مالك دخل ي رواف و قربت منها و قالت : بعدين كيف عرفتي يا سوسه
هزت كتوفها و قالت بلا مبالاه : شفتو عند سميرة و لمن سالتها مين دا ، مسكت شعرها و هي تلفلف اصباعها في شعرها و هي تقلد سميرة و تقول : حبيبي فهههودي رجعت لقعدتها الطبيعيه اللي هي التربيع و قالت : و الله بس شفت وجه السمح دا و افتكرتو
طالعت فيها بحده مزن و قالت : و ا نشا الله لا يكون لك في دي الحركات
رواف طالعت فيها بحده و قالت : يا عمممي طييير بس احنا لاقيين ناكل عشان اتلفت للبلاهات دي
طالعت فيها بنص عين و قالت : احسب
رواف شمقتلها و قالت : حسبي للصبح فاضيتلك انا و الكلام الفاضي دا
و اتحمست و سارت تعد الفلوس و باست يدها وجه و قفا مزن ع صاحبتها الهبله و كملت بيع


أول شخصيه :

مزن / عمرها 27 تحسي تفكيرها نفس تفكير رواف و اللي يشوف شكلها ينصدم من عمرها لانو شكلها اكبر بسبه الهم اللي فيها دورت شغل و ما لقت بسبه انو ما عندها شهاده غير الثانوي حاولت تكمل و تدخل و توفي بالوعد اللي وعدتو مع اخوها بس ما قدرت لانوا مها تعبت و ابوها مات و ما في احد يصرف عليهم هي سارت تخرج تبيع خضار في بسطه و تتنكر بلبس اولاد اللي يدقق يعرف انها بنت و مواصفاتها : شعرها اسود عند رقبتها عيونها زرقا محدده برصاصي و طولها متوسط و جمسها رويآن

روآف / عمرها 24 تتنرفز من اختها عفاف لمن ما تباها تشتغل و تساعدها ع المصاريف و هي بتشتغل مع مزن بالسر و بتشيل نفسها و التؤامين عشان ما يكتروا ع عفاف بالمصاريف و عنيده و اللي في راسها تسوي لو ع موتها مواصفاتها شعرها لونو احمر و عيونها سودا تعتبر قصيرة و دبدوبه شويتين .

فهد / إنسان حقير بمعنى الكلمه همو بنات و شرب و مسخرة مواصفاتو / طويل جسمو وسط شعرو دايما يسوي سبايكي لونو اسود و عيونو سودا و حواجبو غامقه و كثيفه و دايما مسوي ديرتي فيس في عندو سر مخبيه عن الكل من 3 سنين عمرو 23 سنه .

[لامارا]

\\


و في مكان اخر

كان احمد حران من شمس الضهيرة و كل اللي يركبوا معاه يا هنود يا حريم ملكعين جابولوا المرض و هو ماشي
شاف انو ما باقي شي و يخلص البنزين وقف عند محطه بنزين عشان يملي و قالوا يملي فل و نزل يشتري مويه علو يقي شوية من الحر بس قبل ما يروح البقاله مر ع الحمام الله يكرمكم و دخل و هو خارج لمح شخص قاعد عن الباب نحيف و تعبان و باين شكلو مبهدل ع الاخير قرب منو و انصدم منو م ودا مازن ولد جيراننا اللي مختفي من صغرو و كنا نحسبو مات و ابو اللي حاسس انو عايش و مات و هو يدورلو ايش جابو هنا مسك راسو و سار يضرب بخفيف ع خدو : مازن قوم شافوا مو بوعيو نادى العامل يشيلو معاه و ركبو السيارة دفع حساب البنزين و انطلق ع بيتهم .




في مكان آخر

عند نهى و سهى خرجوا برا و جلسوا يلعبوا كورة مع اولاد الحي كانوا كلهم في سنهم و اصغر منهم و انتهت المباراة بـ 2-1 و هم راجعين لطريقهم و لقوا في وجههم عمر و عمآر بيتضآربوا مع اولاد
قربت منهم سهى و سارت تاشر لنهى يعدوا ل 3 و يجروا عمر و عمار عن الاولاد عدت ل 3 و جوا بيجروا الا عمار بالغلط دف كوعو ع ورى و خبط عين نهى و نهى صرخت من الالم و جاتها سهى تجري و حاولت تتفارع بينهم بس خافت يسيرلها زي نهى اخدت نهى ع جنب و سوت نفسها دكتورة ع حس اختها في دي الاثناء سمعت ريهام صوت ضجه و خرجت بلقافتها تستكشف الا لقت عمر و عمار بيتضاربوا و نهى بتبكي ع جمب و سهى كدا شكلها حايسه قربت منها ريهام و شافت انو مرجعه راس نهى و تحاول تفعص عيونها و نهى سارت تصرخ و تحاول تبعدها بس مو قادرة الا خبطتها ع راسها بقوة و قالت : يا غبييه حتعمي اختك محد يسوي كدا سهى اشرت بيدها بمعنى اسكتي و روحي شافت الاولاد بيتضاربوا و هي طفشانه قررت تتضارب معاهم علها تخرج حرة الطفش و حشرت نفسها بين الاولاد و ما غير تسمعي زعيق باعلى صوت ربي اداهم هو و كلهم عصبوا زياده و بعدوا عن بعض لقوا ريهام متشبسه في رجل واحد و تقرصو و الولد يفرفر بينهم و هي لا حييياه لمن تنادي الولد سار يمشي برجل وحده و ينقز سهى سمعت صوت زعيق لفت و سارت تضحك ع منظر ريهام و هي تقول : خليك ي كلب تستاهل اللي يجيك زي ما عورت نهى كلهم التفتوا لنهى اللي تبكي من عيونها و جاها عمار و عمر بسرعه و قرب منها عمار و دنق راسها ع ورى و قال : اشبك يا بت مين سوى في عيونك كدا
نهى صرخت فيلو و قالت : ابعد كلو منك
عمر نط في حلقها و قال : هي هي انتي بنت سهى مدري نهى كنا بنتضارب فين اخويا ضربك
قامت وقفت ع حيلها سهى و عيونها حمرا متالمه من وجع اختها و قالت : بعد ي كلب عنها احنا الاغبيا كنا
بنفارع بينكم و ضربها عمار بكوعو و شوف كيف عينها
سمعت ريهام المحادثه و نطت ع عمار و سارت تضربو و تقولوا : مين قالك تضرب صاحبتي يا كلب ها و سارت تضربو ع راسو و هو يبعد عنها لكن ع مييين ع ريهام القراضه .

انتهى البـآرت الاول

[لامارا]

البـآرت التانـي


عند ابو فهد

كان في مكتبو و يفكر في الصفقه الجيه كيف يكسبها او بمعنى اصح كيف ياخدها من غريمو ابو حازم
افتكر كيف كانو اصحاب و في غمضه عين ساروا اعداء و يحاربوا بعض غمض عينو و هو يفتكر الا قطع تفكيرو طقه الباب : ادخل
دخل عليه محمد سكرتيرو الخاص و قال : يا طويل العمر اللجنه جات و تنتظرك برا
اتافف منهم مو وقتهم يجوا دحين مو فايقلهم بس هو عارف لو ما دخلهم اليوم حينقبوا اكتر عن اعمالو
و مشاريعو و قاعدين له ع الوحده و هو مالو خلق قروشتهم و قال : اسمعني يا محمد و ركز ع اللي اقولوا بالحرف الواحد
قرب منو محمد باهتمام بعد ما قفل الباب و قال : أمر
طالع فيه ابو فهد و قال : حاعمل معاهم الجوله دحين و تعال بعد 10 دقايق و قول انو عندي اجتماع و مستنيني و اتاخرت عليهم انا حاسيبهم و يسير انت توريهم الشركه لكن انتبه توريلهم الغرفه اللي
انت خابرها مفهوم .
هز راسو السكرتير و خرج مع ابو فهد لاستقبالهم بعد ما قفلوا الباب .


عند جابر

كان خآرج من مكتبو البسيط اللي دخل في شراكه مع حازم و بنولهم المكتب البسيط دا و اللي جمعوا مبلغو بعرق جبينهم السنوات اللي راحت دخل سيآرتو و حرك و قطع عليه هدوئه رنه جوآله ، خرج الجوال و طالع في الرقم و اتافف من الرقم و قرر يرد عليها و يوقفها عند حدهآ هي و مصخرتهآ
جابر برسميه : نعم
بلعت ريقها و ردت بصوتها الناعم : جابر اسمعني المره دي و لا تقفل في وجهي السماعه بأقولك في موضوع و بعدها محا ازعجك .
جابر طالع في ساعتو و قال : لك 5 دقايق يا بنت الناس ان ما خلصتي هرجتك راح اقفل في وجهك
اتنهدت و قالت : طيب و كملت : أنا احبك يا جابر افهمني و
جابر فقد اعصابه و قاطعها و قال : خلصت ال 5 دقايق اللي كانت متاحه لك و حاقفل السماعه
ردت بسرعه و من غير تفكير : رسلتني المافيا لك و لو عرفوا اني قلتلك راح يقتلوني فوراً .
ما سمعت غير صوت تفحيط و صدمه سيارات و جوال مرمي و انفصل الخط حقو .



عند عفاف

بقيلها 5 دقايق و تاخد البريك حقها تبع المستشفى سارت تشتغل بتعب و هي تمسح بلاط الممر لفتها صوت ضجيج من احد الغرف هي عاده مو ملقوفه بس جزبها الصوت ما تدري لي و راحت للغرفه و دقت الباب و فتحت و انصدمت من اللي شافته
كان واحد لابس لبس مستشفى و يحاول ينتحر و هو ماسك السكين و بيحاول يقطع شريانو جريت عليه بسرعه قبل لا يقطعو و مسكت يده تحاول تبعده ما حصلت غير السكين مرت على باطن يدها شقتو و قطعت شريان الولد ، عفاف من الصدمه اللي الجمتها و الالم اللي حستو و الغضب من البني ادم دا اللي يحاول ينتحر قربت منو و ادتو كف ، ما كان همها في الوقت دا يدها قد ما همها تصحي دا الادمي من غفلتو و مفجوعه منو لكن فجاه سار يتهزهز و الدم يتطاير في كل مكان تقولي كانو ماكينه و انفجرت و عيونو جاحظه ع فوق و ما سمعت غير طنين جهاز دقات القلب و دخول المرضين و هي راحت في حاله اغماءه من اللي سارلها دوبو .



عند احمد

كلم ريهام و قالها تبعد طريق عشان يدخل مازن عندهم المجلس اللي كان عباره عن غرفه صغيره و الفرش كان عباره عن 4 باطرمات ارضيه داير مدار للغرفه و كلمها يجيب له مويه و
سمع احمد دقه الباب عرف انها ريهام و خرج لها و كلمها همس بعد ما شاف يدها فاضيه : فين المويه اللي قلتلك جيبيها
ريهام فضولها دابحها و قالت : اشبك تتكلم بهمس و بعدين مين دا مازن اللي مدخلو مجلسنا دوبي ادري انو عندك صاحب اسمو مازن
احمد طفش منها و من اسالتها و قالها : اقولك جيبي المويه و لا تكتري هرج بعدين افهمك و افتكر فجاه و قال : كلمي بنت جارنا ابو مازن خليها تجي
ريهام اللقافه وصلت عندها h و قالت و هي تطالع في جنابي : لي يا سيد احمد ان شا الله من متى المعرفه بينكم
احمد الود وده يلطشها قالها بهمس و فحيح : اخوها مازن هنا خليها تشوفوا
ريهام : هي ما عندها اخو غير و افتكرت و شهقت : لا يكون دا مازن اللي ضاع من كم سنه
احمد بياس منها : ايوا هو بنفسو روحي بلغيها و جيبي مويه و خلاص لا تكتري هرج و رجع للغرفه عشان يقطع اي سؤال منها حيقروشو زياده .
ريهام و اللقافه واصله حدها : انا لازم اعرف فين غاب السنين اللي راحت دي كلها و افتكرت مزن و قررت تكلمها و تبشرها ع اخوها .


عند مزن

كنت مشغوله مع رواف و بنبيع بس قطع عليا صوت جوالي رديت و انصدمت جدا من محتوى المكالمه و ما فوقني غير هزه رواف و صراخها طليت فيها بغير استيعاب ما حسيت غير بهزه قويه استوعبت بعدها و قلتها اول كلمه خرجت من فمي : مازن حي و هو عند ابو احمد جارنا



انتهى البارت التاني

أتمنى اشوف ردودكم و توقعآتكم

[لامارا]

//



-



البـارت التـالت

عنـد عفاف

حاسه بالم في راسها و بصداع و سامعه صوت ضجيج حاولت تفوق حاسه جسمها كلو يوجعها حاولت

تفتح عيونها و فتحتها بالقوه لقيت نفسها في غرفه كلها ابيض في ابيض و لقت المحلول ع يمينها

و الممرضه بتحط لها دوى في المحلول التفت الممرضه لمن حست انه في صوت جمبها قربت من

عفاف و ابتسمت لها : كيف تحسي دحين

عفاف بلعت ريقها و مسكت شعرها لقت حجابها مفتوح كشرت و اشرت لسهير ع حجابها

قربت منها سهير و عدلت حجابها اللي طاح وراها من كتر حركتها التفتت عليها عفاف و قالت : ايش صار لي انا هنا

سهير قربت منها و قالت بتكشيره : ما تفتكري

حركت راسها عفاف و هي بتحرك افتكرت كل الاحداث بعد ما حست بالالم في يدها و سارت

تطالع فيها مفجوعه قامت فزت من مكانها و قالت : الولد الولد الحقي عليه يا سهير حينتحر

قربت منها سهير و قالت لها : لا تخافي لحقنا في اخر لحظه و انفجعنا لمن شفناك مغمى عليك

قربت منها زياده و مسكت شعرها و قالت : ما تفتكري ايش صار

عفاف بلعت ريقها : يمكن أكون انا السبب في قتله

سهير كشرت زياده و قالت : لي ايش صار

عفاف تحاول تسترجع ذاكرتها و تحاول تفتكر ادق التفاصيل و قالت : انا كنت انضف دوري

و سمعت ضجه في غرفه جاني فضول اشوف فكيت الغرفه لقيت المريض يحاول ينتحر حاولت

امنعه طالعت في يدها و سكتت دقيقتين و كملت بعد ما اتنهدت : و انا باعافر معايا جرح يدي

و نزل دم غزير ما كان هامني يدي قد ما كنت خايفه على الولد لا يقتل نفسه و انا بادف يدو

جات ع عرق في رقبته و فجاه اشوف الدم كلو يتطاير في كل مكان و الولد يتهزهز خفت

نشف الدم في جسمي ظنيت انه مت و ما شفت نفسي غير عيوني سودت و اغمى علي

لفت على سهير و قالت لها : طمنيني عليه ان شا الله طيب

عفاف : لحسن حظكم يسرى كانت رايحه له تدي الدوا و سمعت صوت الجلبه و جريت عليه

و شافته و انقذناكم انتو الاتنين و لحقناه في الوقت المناسب نزف دم كتير بس مع أكياس الدم

لحقنا عليه اصابته طفيفه بس جات في مكان حساس عشان كدا نزف كتير و اما انتي انخفض

عندك الضغط و شكلك مرهقه شكلك يومين ما اكلتي و لا نمتي مع الفجعه اغمى عليك

و حطت بورد اللي في تفاصيل حاله عفاف و علقتها على السرير و قالت بتفكير : بما انك قلتي انها

محاوله انتحار فحتدخل الشرطه في الموضوع و سمعت دق على الباب و فتحته لقت شرطي واقف

على الباب استاذن عفاف يبى يفتح المحضر باللي حصل طالعت في سهير بقلق و قالت لها : لا تخافي

محا يسير لك شي انتي بامان حكي كل التفاصيل و التفتت للضابط و قالت له : صح

لف عليها و ارتسم في عينه نظره الجديه و قال : طبعا اذا ما سوت شي خطا اشر على سهير

تخرج و عفاف عدلت جلستها وبلعت ريقها و بدات تحكي كل التفاصيل .




عنـد مـزن


حست قلبها حيوقف بعد الخبريه اللي اخدتها سابت البسطه و اتوجهت عند جارهم أبو احمد

دقت الباب باقوى ماعندها و فتحت لها ريهام و هي مفجوعه من الخبطه و انتبهت لمزن

و اشرت لها تدخل و فكت الباب باقوى ما عندها لقت مازن مسدوح و جمبو احمد يقرى

على راسه بترتيل و خشوع ما حست بنفسها الا سارت تصرخ و هي تروح عنده و تهزه : مازن مازن

احمد انفجع منها و غض بصره عنها و خرج بسرعه و قفل الباب و سيبها مع مازن

مازن فتح عينه بشويش يحاول يستوعب هو فين ما شاف غير وحده رمت نفسها علي قام

ملدوغ و هو يقول : بعدي من هنا يا بنت الناس ماني محرم لك

ما سمع غير صوت مزن و هي تبكي بنحيب و تشهق بدا يلتفت بشويش بعد ما حس انه البكا

دا عليه مالوف لف عليها و جلس يتامل في وجهها لقى وحده نسخته بس بنسخه انثويه شهق

و قال بهمس : مزن

هنا انخرطت في البكا بعد ما عرفت انه عرفها قرب منها بسرعه و اخدها في حضنه

و سارو حاضنين بعض مزن بعدت عنه و سارت تطالع في وجهه و تتحسس وجهه بدا من

عينه الين عوارضه و سارت بين كل كلمه و التاني تشهق و قالت بهمس : مازن انت حقيقي و الا خيال

اخدها في حضنه بعد ما عينه خانته و سار يهزها و يقول : حقيقي و الله حقيقي

هي ما صدقت تسمع صوته و سارت تصرخ : فيييييينك من اول ندور عليك بابا قلبه انفطر عليك

و مات و هو في حسره انه ما شافك امي سارت مريضه و انا لوحدي و كل كلمه و التانيه تشهق

و تتكلم هو انصدم من التغير اللي صار فيهم و حس بالقهر و الحزن انه ابوه مات و هو

ما اتهنى في له اخدها في حضنه و سارو يبكو مع بعض .



عنـد جابر


سمع الخبر من هنا و فقد توازنه و صدم في الشجره اللي قدامه بعد ما طلعت له سياره تمشي

بسرعه عاكسه الطريق قعد للحظه يستوعب ايش سار بعد ما استوعب لقى الايرباق في وجهه

حاول يبعدو بعد ما بعدو سار يحس جسمه يتاكد انه بخير حس جبينه لقى يخرج دم منها

مسح الدم و سار يطالع في مصدوم لقى يدو اليسار مغطايه بالدم انفجع حاول يشوف اشبها

سب نفسه بعد ما المته و لقى عضمه خارجه من جسمه بدا يحس بدوخه وقتها شاف الناس

متجمعين و واحد منهم قرب منه و قاله : انت بخير ، اشر له بمعنى خرجني جو 3 اشخاص

و حاولو يخرجو بعد نص ساعه خرجو من الطاقه بعد عده محاولات جلس يدور على جواله

بيكلم اخوه يجي افتكر جواله طار قرب منه الرجال و اعطاه مويه و اشر بالجوال قاله : كلمنا

الاسعاف دحين يجوك اشر براسه و همس قلهم الدكتور هاجس الـ ... اتصلو عليه هو دكتور في

مستشفى الحبيب و انا اسير اخوه الكبـيـ ر و طاح مغمى عليه .

جا الاسعاف و قالهم الشاب اللي قالو جابر نقلو ع الاسعاف و اتصلو ع هاجس و هم في الطريق .




عنـد سلطـآن


كان واقف عند باب السوق و بيدخن و بيتكلم مع رأفت مشيت من جمبه بنت ريحته فواحه من كتر

العطر اللي حاطته ، شاف رافت قدامه بيشم بذمه و ضمير و قال : الله لا يعوقني بشر باروح اغازلها

سلطان طالع في ببرود و قال : انطق في مكانك مكان شغل هنا

رافت قاله : منت شامم ريحه العطر كانها تقول تعال غازلني انا كلي انوثه

سلطان جا بيرد عليه الا سمعو صوت الضجه من جوا دخلو يشوفو ايش في لقو دي البنت بتتعرض

من مضايقات من كم شاب و الناس بتتفرج عليها اتدخل سلطان و قال : شباب على برا هنا مكان عوائل

اللي جمبه طالع في بنص عين و اشر على البنت و قرب منها و غمز و قال : ازا الحلوه خرجت انا
حاخرج وراها

طالع في البنت لقاها خايفه و بتستنجد فيه بعينها مسح وجهه بيدو و لف ع الشاب و مسك من كتفه

و جا بيلفه و قال : يلا يا الحبيب من غير مطرود

عصب الشاب بعنفوان المراهقه و قال : اقول وخر يدك لا اكسرها لك

عصب سلطان منه و قال : انقلع برا السوق لا اشوف وجهك هنا

الشاب التاني اخدته الحميه على كرامه صاحبه و قرب من سلطان و ضربه بوكس في خشمه

سلطان حس بالالم و مسك خشمه لقى ينزف دم و حقد عليه سلطان و التفت عليه هو رافت كل

واحد فيهم مسكو واحد و جروهم لبرا بعد ما اعطو لكل واحد بوكس في بطنه مسك سكيورتي

تاني اللي ماسكه سلطان و خرجو برا بعدها راح لغرفه المعالجه في السوق

حاولت البنت تمشي وراه اداها نظره استحقار و مشي و خرجت من السوق و هي تبكي



انتهى البـارت التـالت

لو لقيت تفاعل و ردود حانزل الرابع بكره ان شا الله