شبكة روايتي الثقافية

شبكة روايتي الثقافية (https://www.rewity.com/forum/index.php)
-   منتدى الروايات الطويلة المنقولة الخليجية المكتملة (https://www.rewity.com/forum/f175/)
-   -   مـــــن اجـــــلــــهـــــا للكاتبه/ كبرياء جنوبيه.مكتمله (https://www.rewity.com/forum/t469893.html)

ملكة الانوثه 02-05-20 04:00 AM

مـــــن اجـــــلــــهـــــا للكاتبه/ كبرياء جنوبيه.مكتمله
 
بسم الله الرحمن الرحيم....
....السلام عليكم ورحمة الله وبركاته...
تمضي السنين وتنقضي الايام
لأعود لكم في.. قصتي الجديده..
لأعود اخط بقلمي اروع واجمل الاحداث
اشتقت لتلك التوقعات من القرائ ..اشتقت لتلك الغصب من القرئ لماذا تاخرت في الاجزاء..اشتقت لتلك الكلمات روعه استمري ي قمر- جميله جداً.... الخ
وها انا ذا اتبعت شوقي وكتبت لكم (( من اجلها))
ومن اجلكم انتم نزلت.بكل شوق اجزاء روايتي...

.. ارجو من المتابعين والقرئ الكرام المشاركه والتعليق لاحصل مزيد من الحماس بإكمالها

مـــــلاحــــــضـــــة/ الروايه لا تلهيكم عن الصلاة


مـــــن اجـــــلـــــهـــــا للكاتبه/ كبرياء جنوبيه

طريق 07-05-20 01:23 AM

سبحان الله وبحمده سبحان الله العظيم
 
لا إله إلا الله وحده لا شريك له له الملك وله الحمد وهو على كل شئ قدير

طريق 07-05-20 01:25 AM

سبحان الله وبحمده سبحان الله العظيم
 
سبحان الله وبحمده سبحان الله العظيم

ملكة الانوثه 09-05-20 04:13 AM

الورقه الاولى......




بداية يوم
بعيد عن الضوضاء
مستقر
هادي
عادي زي باقي الايام
قبل اللقى
قبل القدر مايجمع قصص
ومواقف تنحفر بذاكرة ناس
ماتنسي
روايه تنحكى لأجيال
وتنقرا بكتاب
القصه تبدأ مع البطله
لان النساء دائما اولا
..
لفت للساعه ورفعت ظهرها انكسر من الشغل
مشت طالعه من الغرفه
نزلت وناظرتها جالسه :خلصت
لفت لها ام سلمان:كم حسابك؟
همست بهدوء:300
ام سلمان:اوله وش مسويه تراك فاركهه مواعين بس
رفعت حاجب:بس؟
ام سلمان:طيب بعطيك مابي احد يقول ما تعطيني حقي
مدت لها الفلوس ومشت رايحه
ام سلمان:امجاد
لفت لها وناظرتها
ام سلمان:لا دقيت ردي علي يمكن يجيني ضيوف
هزت راسها وطلعت
ركبت مع السواق وهي تناظر الطريق
وقف ومدت له الفلوس ونزلت
فتحت باب شقتها ودخلت
رمت نفسها على بطنها وغمضت عيونها بتعب
لفت تناظر الساعه فرقعت اصابعها
مشت للحمام تحممت وطلعت لغرفتها
قفلت النور ونامتت بعمق

سحر:امي كلمت وليد وقال انه راح له بس مارضي يخليه يجلس عنده
عفاف تنهدت:بيجنني ذا وربي خلاص كلمي وليد يجي خليه لحاله
سحر:أمي مو حرام
عفاف:ضاري الله لا يهينه يروح له مايقدر الا ضاري عليه
سحر هزت راسها ومشت طالعه
ناظرتها طالعه من جنبها:سلمي طيب
سحر ماردت وطلعت مطنشتها
مشت وجلست عند عفاف:خوش مربيه بنتك ماتسلم
عفاف:ناديه ساكنه في نفس البيت تسلم كل شوي حلا هو؟
ناديه صدت وهي تشمق:السلام لله
عفاف:ماني فاضيه لك وين زوجك اخلصي؟
ناديه:شدراني روحي كلميه انتي
عفاف لفت من انفتح الباب وودخل
عفاف:الله جابك تعال
جلس جنبها:شفيكم بعد؟
عفاف:جسار
ضاري:شفيه؟
عفاف:الممرض اللي كان عنده انحاش يقول ما يبغى يشتغل عنده
ضاري:ذا متى بيعقل كم مره نقعد ندور له احد يقعد عنده ياليل وين ادور له الحين ممرض
عفاف:الله يعينك دور
لف لها:والله انا ادور وليش ما تدورين انتي؟
عفاف:والله انا بهتم بعيالي ماعندي الا جسار ولد المجنونه؟
وقفت ومشت
ناديه:طبعا ارميها على زوجي
ماردت عفاف ولف ضاري لناديه:شسوي في ذا الزفت بعد؟
ناديه:خل وليد يتصرف مو بس انت البيت على راسك
ضاري:خلي وليد شغالة زوجته ذاك
ناديه:خل ادور له شغاله طيب على طاري الشغالات
ضاري:شغاله؟ ممرض وانحاش وبتجيبين شغاله؟
ناديه:عاد ترا الحريم يصبرون
ضاري:كيفك شوفي باقرب وقت مابيه يجلس لحاله
ناديه هزت راسها :ابشر
ضاري:وين الغداء؟
ناديه:ثواني واجهزه
مشت تاركته
رجع راسه على ورا بتعب

وليد
لف لزوجته بضيق:خلاص خل نروح
هدى:جسار بلا عناد بقعد عندك انا لين نجيب لك ممرض
جسار مارد وهو يناظر السقف
وليد ناظرها:اتركيه على راحته
هدى تنهدت على حاله ومشت مع وليد
قفل باب البيت ولفت له هدى:وليد نخليه لحاله مايصير؟
وليد:شسوي مو راضي
هدى:كلم ضاري يشوف له ممرض
وليد:ابشري يالله اركبي
هدى هزت راسها وركبت
…..
امجاد
انتظرت عند الباب ساعه ولحد فتح لها
تاففت وجلست والشمس صاكتها
لفت من انفتح الباب
ام سلمان:شمجلسك هنا ادخلي؟
امجاد:محد فتح لي
ام سلمان:كنت نايمه امشي ادخلي
دخلت امجاد وناظرت البيت
ام سلمان تثاوبت:الارضيه هذي افركيه فرك لو بلسانك ابي جاراتي يشوفون صورهم فيها
امجاد لفت لها وهزت راسها
ام سلمان:هزي هزي راسك وبعدين اشوف
امجاد:بفركه لك خلاص
ام سلمان عقدت حواجبها:انتي وش تطلعين؟
امجاد صدت عنها
ام سلمان:لبنانيه؟
امجاد:سعوديه سعوديه زيك
ام سلمان بققت عيونها:سعوديه؟متجنسه انتي؟
امجاد:لا
ام سلمان:ووين اهلك؟
امجاد:ماعندي اهل,من وين ابدأ؟
ام سلمان:عرفت الحين ليش تشتغلين اثاري ماعندك اهل
امجاد لفت لها:نعم؟
ام سلمان:اقصد ما انحديت يعني تشتغلين في بيوت
امجاد ماردت ولفت تناظر حولها
ام سلمان وهي تناظرها:ابدي من الصاله
مشت امجاد وام سلمان تناظرها بصدمه
….
عفاف
ناظرت ناديه:شفتي ضاري؟
ناديه:خرج دوامه
عفاف:بروح ازور المجنونه بشوف يمكنها ماتت ونفتك منها
ناديه:الله يقويك
عفاف لفت ونادت بصوت عالي:سححر
طلعت سحر وهي تتغطى:جيت جيت
عفاف:يالله عشان نرجع بدري
طلعوا وناديه لفت لهم اول ماقفلوا الباب
مشت بسرعه وفتحت غرفة عفاف
عضت شفتها بتوتر
فتحت الادراج درج درج تدور له
لقيته ورفعته تناظره بابتسامع
عضت شفتها بحماس ودسته بصدرها وطلعت
ركضت لغرفتها واخذت عبايتها وطلعت
….
ام سلمان
اخذت جوالها وهي تناظر امجاد تشتغل
دورت الرقم وهي تدق
طلعت عفاف من الغرفه:هلا عفت
ام سلمان:هلا عفاف وينك مختفيه ولا تدقين
عفاف:وربي وانا اختك المصايب تتلقف علينا مدري من داعي علينا
ام سلمان:ليش شصار؟
عفاف:ذا ولد المحنونه اشغلنا كل ماجبنا له ممرض والا شغاله طردهم وشردوا مايبونه مدري وش يسوي فيهم ما ينقدر عليه
ام سلمان زمت شفايفها تناظر امجاد:ايه ذا متعبكم هو وامه
عفاف:اسكتي امه جينا نزورها انهبلت اكثر
ام سلمان:وي يالطيف وابوكم رحتوا له؟
عفاف كشرت:لا والله جعله الموت
ام سلمان:شبتسوون بولد المجنونه؟
عفاف:كلمت ضاري يدور له وبنتك تقول هي تبي تدور
ام سلمان:ناديه؟ قالت بتجيني بس مدري متى
عفاف:اجل بقفل انا الحين
ام سلمان:سلمي على عيالك
عفاف:الله يسلمك
قفلت وهي تدق على ناديه:وينك انتي؟
ناديه:برا افتحي لي
ام سلمان:بنت امجاد
لفت لها تناظرها
ام سلمان:روحي افتحي الباب
رفعت المنشفه على كتفها ومشت
فتحت الباب وناظرتها ناديه باستغراب
دخلت وقفلت الباب امجاد ومشت تكمل شغلها
ام سلمان:وينك انتي؟
ناديه:ولا محل بس انشغلت شوي
ام سلمان:هاتي علومك
ناديه:ولا شي على حطت يدك
لفت ناظرت امجاد:من ذي؟
ام سلمان:وحده تشتغل
تقدمت لها وهمست:تدرين سعوديه وتشتغل في البيوت؟
ناديه عقدت حواجبها تناظرها:من بنته؟
ام سلمان:ما ادري
ناديه:امي اصبري بسألها
ناديه لفت لها:بسس انتي
لفت لها امجاد:أنا؟
ناديه اشرت لها:تعالي
مشت امجاد واشرت لها تجلس
جلست وناظرتها ناديه من فوق لتحت:من متى تشتغلين؟
امجاد:من زمان
ناديه:اها خدامه يعني؟
امجاد:انظف
ناديه:خدامه يعني اسمعي تعرفين احد يرعى معاق؟
عقدت حواجبها امجاد:يرعى معاق؟
ناديه هزت راسها
امجاد:لا
ناديه تقدمت تناظرها:طيب انتي عادي عندك؟
امجاد:لا انا بس انظف
ناديه:اسمعي هذا المعاق اخو زوجي واهل زوجي ناس وارثين من ابوهم فلوس تغطي الشمس واذا اشتغلت عندهم رح يكرمونك
امجاد لفت تناظر ام سللمان ورجعت ناظرتها: لا شكرا
ناديه رجعت على ورا:كيفك
امجاد وقفت وهي تناظر اللي قدامها
لفت لها وهمست:كم عمره؟
….
ضاري
رجع البيت ودخل غرفته وحصلها:هاه ما شاء الله في البيت
ناديه وهي تحط مناكير:اي
ضاري فصخ شماغه
ابتسمت ناديه:كم لي؟
ضاري لف لها وعقد حواجبه وهو ينزل شوزه:مافهمت
ناديه:حليت موضوع جسار تم
ضاري لف لها بصدمه:احلفي
ناديه ابتسمت ورفعت كتوفها
ضاري:كفو عليك ريحتيني وفكيتيني من ذي الشغله
ناديه:يعني كم لي؟
ضاري:اللي تبين
ناديه:ابي الشنطه هذيك
ضاري:تم
ابتسمت ناديه بفرحه
وضاري رمى نفسه على السرير بتعب
ناديه:بس البنت سعوديه
عقد حواجبه ولف لها:تستهبلين؟
لفت له:لا البنت تشتغل عند امي وعرضت عليها ووافقت
ضاري جلس ولف لها:وش سعوديه
ناديه:عاد البنت اكيد بتتحمله لين تلقى له ممرض يعني
ضاري:وكيف تسكن عنده؟
ناديه:مالها اهل يعني عادي
ضاري رفع حواجبه:جات من السماء يعني؟
ناديه:ماعلينا منها انابطلع حول لي الفلوس عشان اشتري لي الشنطه
تنهد وهز راسه
ارسلت له بوسه في الهواء واخذت عبايتها وطلعت
….
امجاد
ناظرت اللي قدامها وهي تاكل بهدوء
وتسترجع كلام ناديه
"معاق من عمره 18 سنه مايتحرك ابد وامه مجنونه حاطينها بمستشفى المجانين من زمان هذا يا طويلة العمر عبدالله عبدالغني شايب من زمن بعيد وهو في غيبوبه اهله ينتظرونه يموت متزوج 3 حريم الاولى مصريه ام زوجي بس متوفيه من زمان والثانيه عفاف هذي خالتي اخت امي ماتنهد ابد فيها حيل لا اله الا الله والثالثه المجنونه اسمها خيزران والكل ينتظر موت ابوهم ذا عشان يوزعون الورث بشكل رسمي "
اخذت نفس وقامت
غسلت صحنها وهي تفكر :فيها فلوس يا امجاد فيها ورث
زمت شفيافها بتفكير وقفلت المويه ولفت
اخذت جوالها وارسلت لها"متى اروح له؟"
قفلت جوالها ورجعت تغسل
لفت من سمعت صوت رساله
مسحت الصابون في قميصها واخذت الجوال
ناديه"بكره برسل لك العنوان"
امجاد قفلت جوالها وهي خايفه من هالفكره
كيف تعيش مع معاق وهي اصلا ماتعرف
ولا عمرها تعاملت مع معاق او مقعد
بس كل شي يهون عند الفلوس
….
وليد
دخل وبيده اكياس
لفت له عفاف:شرف
وليد ابتسم:وين هدى؟
عفاف:فوق فوق روح لها
مشى طالع وعفاف:ماجبت الا خروف
سحر وهي على جوالها تضحك
لفت عفاف ورمت عليها اللي جنبها:قومي عن وجهي انتي
سحر:امي شسويت؟
لفت عفاف وناظرت ناديه وصدت
ناديه ابتسمت:شلونك عفاف؟
عفاف لفت لها:شعندك؟
ناديه جلست وهي تمد اصابع يدها تناظر خاتمها:ولاشي
ناظرت الخاتم عفاف:ضاري مو ولد بطني بس نسخة اخوه
ناديه ابتسمت لها بضحكه:جبت لولد المجنونه مجنونه زي امه تعتني فيه
عفاف لفت بجسمها وعقدت حواجبها:من وين؟
ناديه:جبتها وخلصنا
عفاف:يومين وتذلف
ناديه:لا حبيبتي ضاري بيدفع لها غصب عنها تجلس
عفاف:جيبه مفتوح ضاري هالايام
ناديه وهي تناظر خاتمها:فديته
عفاف كشرت:وع
ارسلت لها بوسه ناديه في الهواء
وكشرت عفاف وصدت
….
وليد
دخل ولفت له هدى وابتسمت:جيت
وليد تقدم لها وحط الاكياس على الطاوله قدامها:جيت
ناظرت الاكياس ورفعت نظرها له:شذا؟
وليد ابتسم:شوية اغراض تحبها زوجتي
ابتسمت هدى ووقفت وهي تناظره
رفعت نظرها له:اش احلى خبر ممكن تسمعه في حياتك؟
وليد عقد حواجبه:يمكن ان ابوي مات
ضحكت هدى وقربت له تناظره
همست:بيجينا بيبي
عقد حواجبه وليد ورجغ خطوه ورا:مافهمت
هدى ضحكت:وليد انا حامل
ابتسم:احلفي
هدى ابتسمت وهي تناظره
تقدم لها وحظنها بقوه:وربي احلى خبر
ابتسمت هدى وهي تشد عليه
….
يوم جديد
رفعت راسها تناظر الطريق:هنا؟
السواق:الموقع هنا وصلنا
لفت تناظر البيت في منطقه بعيده
فله صغيره ومافي قدامها ولا سياره
لفت ومدت له فلوس ونزلت
رفعت جوالها تتصل على ناديه
انتظرت انتظرت
ومشت للبيت
دقت الباب وعقدت حواجبها
فتحت الباب وانصدمت اول ما انفتح
دخلت بخطوات حذره
تلفتت في انحاء الفله
قفلت الباب ومشت تناظر حولها
لفت لجوالها اللي دق وردت:الو
ناديه:وصلتي؟
امجاد:ايوا
ناديه:تمام بجيك انا
امجاد:طيب
قفلت ومشت طالعه فوق
ناظرت الغرفه اللي مفتوحه
وتقدمت لها
طلت براسها تناظر حولها
عقدت حواجبها ودخلت وجمدت وهي تناظر
ورجعت خطوتين ورا
….
ضاري
لف لها وهي على جوالها:خايف من فكرة انها سعوديه
ناديه وهي تناظر الجوال:ليش؟
ضاري:بفهم سعوديه وتبي تعتني بمعاق ليش؟
ناديه لفت له:موصاير شي خلاص ضاري
ضاري وقف ولف لها:نشوف
نزلت ونزل معاها
دخلوا ولف يدورها:وينها؟
ناديه ضحكت:شكلها فوق
مشت ومشى وراها ضاري
دخلت ناديه وناظرتهم
….
قبل دقايق
جمدت محلها ورجعت خطوتين ورا
ماسك مشرط صغير وحاطه على رقبته
رجفت شفايفها وهمست:اترك
ابتسم لها:اطلعي والا ذبحت نفسي
بلعت ريقها ورفعت يدينها له:شيل المشرط وخل نتكلم
رفع المشرط بيده:هذا؟
هزت راسها امجاد
ابتسم:لا
امجاد:اخوك وزوجته بالطريق
جمدت ملامحها وبسرعه اخفى المشرط
وثواني ودخلت ناديه وهي تناظرهم باستغراب
وقف ضاري وهو يناظر امجاد
ناديه ابتسمت:تعرفتوا اجل؟
امجاد بلعت ريقها ولفت تناظره
ضاري وهو يناظرها:تعالي برا
ناديه لفت ناظرتها وامجاد
ناظرت جسار اللي منسدح على السرير ويناظرها
طلعت بخطوات هاديه ورا ضاري
وقف في الممر ولف لها:اسمعي يا..
بلعت ريقها:امجاد
ضاري:يا امجاد هذا جسار اخوي وظيفتك ترعينه وتهتمين فيه ولك مبلغ وقدره اكيد
امجاد:بطلت ءءا ما ابغى
عقد حواجبه من توترها:ليش؟
امجاد:ما اقدر يعني ما اقدر
تقدم لها خطوه:مافي احد غيرك لو سمحتي اسدي خدمه وضلي عنده لين نحصل له ممرض
امجاد:ما ابغى ما ابغى
مشت نازله ولحقها ضاري
سحب يدها ولفت له تناظره بملامح خوف
ضاري همس:صار شي؟
امجاد:انتوا مو اهله ارعوه انتوا لا تدورون احد يرعاه
ناديه من وراهم:شفيه؟
لف ضاري وشال يده:بطلت
ناديه عقدت حواجبها ونزلت لها:نعم؟
امجاد:ما ابغى خلاص بطلت
ناديه:بكيفك هو لعبه؟
امجاد لفت لها:اي بكيفي ليش تغصبيني؟
ضاري وهو يناظرها لف وطلع لغرفة جسار
ناديه:شفيك؟ لا يكون ما عجبك المبلغ؟
امجاد:ماقلتي لي انه كبير كذا؟
ناديه ضحكت:وش مستحيه منه يعني؟
امجاد بحده:طلعيني من الموضوع ما ابغى اشتغل
ناديه تكتفت:اسفه انتي عطيتيني كلمه وخلصنا
امجاد ناظرتها بصدمه:تستهبلين؟
ناديه تقدمت لها بحده:تكلمي زين معاي
امجاد:مارح تغصبيني على شي
مشت طالعه امجاد وتكلمت بصوت عالي ناديه:ياحلوه
وقفت امجا ولفت لها تناظرها
ناديه نزلت لها وفتحت شنظتها
طلعت لها علبه وفتحتها
ناظرت العقد ذهب لو تبيعه يمكن تعيش اميره
ابتسمت ناديه وهي تناظر ملامحها:عجبك؟
امجاد رفعت راسها لها
ناديه:لك
امجاد بلعت ريقها بتوتر
ناديه ابتسمت ومدته لها

ملكة الانوثه 09-05-20 04:13 AM

نزلت البارت تابعيني ي حلوه

ملكة الانوثه 09-05-20 04:05 PM

¶¶¶¶الورقه الثانيه¶¶¶¶








{{ لو حبك رصاص اعتبرني اول شهيده....}}



….
ضاري
دخل الغرفه وهو يناظرها:ياخي ودي اعرف سرك
جسار وهو يراقب حركاته وبيده المشرط
ضغط عليه وهو يناظره
لف ضاري له:ليش محد تحملك؟
جسار ابتسم
ضاري:ليش تعاند؟
جسار:بذكركم ان لكم اخ تحسبوني بموت؟
ضاري ضحك وجلس على حافة السرير:ادري اعرف ان انت وامك بتقعدون على قلبي
جسار اختفت ابتسامته من طاري امه
ضاري ابتسم:يالله شد حيلك قوم وخذ حقك وحق امك
جسار شد على يده وهو يناظر ابتسامته
صد ضاري عنه:متوصيه فيك ناديه جايبه لك سعوديه وحلوه يعني بتنبسط ياويلك تروحها عليك
لف له وضحك:اذا روحتها عليك باخذها انا
وقف وطلع من غرفته
نزل وناظر امجاد جامده محلها وناديه عبت راسها
لفت ناديه وحظنت يد ضاري:يالله حبي بالتوفيق
ناظرها ضاري من فوق لتحت باستغراب وطلعوا
رفعت راسها امجاد وهي تناظر غرفته
تقدمت وطلعت خطوه خطوه وهي تفكر
مشت لغرفته وفتحت الباب بهدوء
ناظرته يناظرها
ابتسم لها:سعوديه اجل؟
امجاد ماردت وبلعت ريقها
مشت وتركت الباب مفتوح
جسار:شفيك لا يكون خايفه؟
امجاد ماردت
جسار ضحك ولفت تناظره برعب
جسار:ضحكوا عليك قالوا معاق؟
امجاد بهدوء تمثل الثقه:ليش انت منت معاق؟
جسار هز راسه بالنفي
امجاد شدت على قبضة عبايتها ورفعت حاجبها:معاي تقرير غير هالكلام
جسار اختفت ابتسامته:ماني معاق انتوا المعاقين
امجاد ماردت ومشت له بخطوات متوتره
رفعت لحاف السرير وهو يناظر توترها
ابتسم:بدري على نومة السرير؟
ناظرته بخوف:وين المشرط؟
مارد وهو يناظرها ومبتسم
امجاد اخذت نفس وهي صاده بنظرها:وين المشرط؟
جسار رفعه بيده للجهه الثانيه
امجاد ناظرت المشرط:هاته
جسار وهو يلعب فيه يفتحه ويقفله:خذيه انتي
لف لها وهمس:انتي الشغاله مو انا
امجاد وكان الشياطين كلها تجمعت حولها مدت يدها بقوه ومسكت يده وشدته عليها بقوه لحد مافلته
اخذته وبعدت عنه ناظرها بحده:شفيها الشغاله لا يكون زعلناك؟
امجاد ماردت وحطت المشرط على الدولاب
جسار ابتسم:بجيبه ترا
امجاد لفت له:اتحداك
جسار وهو يحاول يرعبها:بجيبه
امجاد ماردت عليه وصدت
….
وليد
نزل وهو مبتسم ويده بيدد هدى
وقف قدام ضاري وناديه اللي تاكل
عفاف لفت له:تعالوا تعشوا
وليد ابتسم ولفت له سحر وهي تشرب عصير تناظرهم
وليد:باركوا لي؟
عفاف:مات ابوك؟
وليد ابتسم:لا
ضاري سكت وهو يناظرهم بشك
وليد:هدى حامل
ضاري صد وشد على يده
عفاف وقفت بعصبيه:نعم؟ وش حامل؟
هدى بلعت ريقها كانت متخيله ردة فعلها بتكون كذا مو اول مره
وليد:امي ولد واحد ما بيأثر على الورث
عفاف لفت لضاري:شوف الحمار
هدى:خالتي حر..
لفت لها بحده:اسكتي انتي
ضاري رجع اكل وتكلم بهدوء:ينزل
لف وليد له وعفاف تكتفت تناظره
هدى:مستحيل مو لعبه هو ترا روح
ضاري ناظر وليد:بينزل
وليد:مو اول وحد تنزلونه مو حرام؟
ضاري:ماتبي؟ تعرف شتسوي؟
لف لهدى وهدى ناظرته:مارح ينزل
وليد بلع ريقه:ضاري تكفى
ضاري:لو بتجيب انت ولد انا بجيب بعد ذاك الساعه قسموا الورث ريالات
وليد اخذ نفس ولف لهدى
طلعت هدى لغرفتها وهي تبكي
ووليد عض شفته وهو يناظرهم
ناديه لفت لضاري:حبيبي عصير؟
ضاري هز راسه وصبت له ناديه ببرود
وسحر تشرب عصير وتناظره
مشى وطلع من البيت وعفاف جلست وكملت تاكل


البارت ان شاء الله بكون اكتب متى ينزل موعده اذا شفت تشجيع وردود ....و اعذروني لقصر البارت لاني ماشفن تشجيع وكومنتات...

أمامة عفانه 15-10-20 03:51 PM

بداية الرواية مشوقة

اميرة الفضل 27-10-20 09:55 PM

[email protected] e
 
رواية احداثها مشوقة جميلة جدا

ماريامار 28-10-20 10:53 AM

السلام عليكم ورحمة الله وبركاته 💙💙💙💙💙❤❤❤❤❤❤❤❤❤💞💞💞💞💞💞💞💞

laila@ 14-11-20 02:46 AM

بدايه مشوقه جدا


الساعة الآن 08:51 PM

Powered by vBulletin®
Copyright ©2000 - 2024, vBulletin Solutions, Inc.