12-07-20, 10:30 AM
| #21 | ||||
| اشراف القسم 
|  تغلق الرواية لحين عودة الكاتبة لانزال الفصول حسب قوانين قسم وحي الاعضاء للغلق عند رغبة الكاتبة باعادة فتح الرواية يرجى مراسلة احدى مشرفات قسم وحي الاعضاء (rontii ، um soso ، كاردينيا الغوازي, rola2065, ebti ، رغيدا) تحياتنا اشراف وحي الاعضاء | ||||
|  |
|
19-07-20, 08:07 PM
| #23 | ||||
 
| البارت الثامن سكر جاسر المذكره وكان يشاهق بالبجي وقام بسرعه وبيده المذكره وسحب مفاتيحه وطلع يركض بسرعه واستغربو اهله ونادوه لكنه ما وقف ولا كان يسمع لان كل الي بباله ظلمه لنور وشنو اثر فيها وبنفسيتها فوصل بيت ابوها ونزل يطق الباب بطريقه خوفت الكل وان الي يطق ياي بمصيبه فركض فهد يفتح وخواته وراه وابوه يم باب المجلس ينتظر يشوف من الي يايهم جذيه ... فهد بعد ما فتح الباب : جاسر ...عمي فيه شي ... جاسر : لا ... نور وين ... فهد : داخل ... ادخل ... دخل جاسر وشافها واقفه جنب خواتها فارتعشت فركض ونزل قبالها على ركبه وكانه يركع لها فانصدمو كلهم ورفع المذكره واهو يطالعها والدموعه تنزل مثل الشلال ... جاسر : انا سويت كل هذا فيج وانا غافل ... اخذي ثارج مني اذبحيني ... حتى الذبح ما يكفي للي سويته فيج ... نور كلميني سوي فيني الي تبينه عاقبيني اضربيني هينيني قبال الكل بس سامحيني بعدها على كل الي سويتها واجرمته بحقج. نور واهي تمسكه من ذراعه وتحاول توقفه ودموعها تنزل : قوم يا جاسر لا تذبحني زود انت اكبر من انك تذل نفسك لاحد انت الي سويته غصبا عنك وانا عطيته لك بس عشان تعرف بالي حسيت فيه وشنو اثر فيني ما كان غرضي اهانتك او عذابك لو اعرف انه بيعذبك جذيه ما عطيته لك ... قوم واوقف وارفع راسك فوق انت بهالفتره القصيره اثبت انك جاسر الي مدحته لي سمر ورفعته لفوق جاسر كل البشر تغلط لكن اغلاطك ماكنت تسويها بوعي ... جاسر واهو يوقف قباله : نور مسامحتني على الي سويته فيج ... والي سببته لج ... يطير بالهوى ... لا انا لازم اتحاسب ... تعرفي شكثر تالمت حسيت قلبي ينشلع مع كل كلمه عبرتي فيها عن الي صابج ... عاقبيني يا نور عاقبيني ... نور ودموعها تنزل : وبعدي عنك مو عقاب كافي ... جاسر : الا ذبحني ... اقسم لج بالله اني اموت الف مره وانتي بعيده واطلع اي حجه عشان اشوفج ... اذا سمعتهم يذكرو اسمج انشرح قلبي فشلون بشوفتج ... نور : دامك فهمت الي بالمذكره بقول لك قراري ... ابو فهد : خلاص يبه قررتي اذا بترجعي له او لا ... جاسر نور هذي اخر فرصه لكم اذا نور قالت ماتبي ترجع تبعد يا جاسر وشوف حياتك وعيالك لك جق شوفتهم ... شقلتي يبه ... نور : لا يبه جاسر بيشوفني ويشوف عياله اي وقت يبي ... فهد : والمعنى ... نور واهي تطالع جاسر وتنزل راسها : يعني برد لجاسر ... ابتسم جاسر ورمى المذكره وحمل نور وضمها لصدره ودار فيها وبعدها باسها ونزلها واهو ماسك وجهى بيدينه ... جاسر : والله لحطج بعيني والبي لج كل طلباتج ولا اخليج تزعلي مني شعره وحده واحطج فوق راسي ... فهد : يا الحبيب ما تحل لك تسوي جذيه معاها .... جاسر واهو يضم نور من جنبها : محد يحل له كثري ... احممم عمي انا رديت نور من ثلاث شهور ومحد يعرف الا طلال .... ابو جاسر : شنو ... وليش ماتكلمت ... نور واهي تطالعه : يعني رديتني عشان الفلوس ... جاسر رد ... جاسر واهو يمسك ذقنها ويطالعه : اقسم بالله ما ييتج اول مره ابيج تردي عشان الفلوس قلبي الي كان يبيج وتهديد عمي خلاني اتكتم على ردتج بس طلال لزم اخبره عشان لو صابني شي يخبركم.... فهد : وليش سكت بعدها .... جاسر : لان عمي هددني اذا رديتها غصب بيطلقها مني وانا مابي هالشي فكنت احاول مع نور تقبل وقلت اتكلم اذا قبلت لاني خفت تولد وبعدها ما اقدر اردها الا بقبول تام قبال الشيخ ... نور قسم بالله رديتج لج مو للفلوس حتى القذره ما خبرتها ... نوره : جاسر يقول الصج نور لو كان رادج للفلوس كان خبر الي كانت زوجته لان كان غرضها من ردتج الفلوس لكنه خبى عليها وعلى الكل يعني نيته انتي مو شي ثاني ... جاسر : هاااه نور مصدقتني .... نور : اي مصدقتك ... جاسر بفرح : عيل تردي معاي شقلت عمي .... ابو فهد واهو مبتسم : لا يبه لزم نسوي لكم عشى والكل يعرف وبعدها تاخذها معاك ....هذي الاصول يبه ... فهد : اي يبه نخليه ياخذها بعد ما تولد وتخلص النفاس شقلت ... جاسر بعصبيه : عشان موتي ... ضحكو كلهم وهمست له نور : بعيد الشر بعدوينك .... جاسر بهمس وهيام : اموت انا بالي يخافون علي ... ابي اكلج ... ابتسمت نور بخجل ونزلت راسها وبعدها دخلو داخل وكان جاسر اسعد انسان بالدنيا لان نور بترد له ولمى ظل معاها وقت طويل واتفق مع ابوها على كل شي وانه بياخذها اليوم الثاني ويعزمو العايلتين على عشى بمناسبت ردت نور لجاسر وكانت فرحت الكل كبيره وخصوصا اهل جاسر فرحتهم كبيره وبجت امه لان جاسر بشرها بردت نور وباليوم الثاني بعد العشى والكل يبارك ويهني دخل جاسر لنور وسط الحريم وكانت متزينه وكانها عروس لكن بفستان ذهبي للحوامل وجاسر كاشخ بالبدله وبيده باقة ورد فخمه فقرب لنور وباس جبينها وبعدها نزل لشفاتها والبنات يصفقو ويصارخو متحمسين فقدم لها جاسر الباقه وبعدها طلع علبه من كيس فخم وفتحه قبال نور وكان طقم الماس فخم وناعم وايد ... جاسر : الماس للالماس ... اعتبريها رضاوه لكن بقول لج شبكه يديده وحياة يديده ... اقدر البسج ... ابتسمت نور وهزت راسها فقرب جاسر ولف العقد حول رقبتها وقرب لراسها براسه وقفل العقد وبعدها باس رقبتها فنقزت وضحك جاسر ... جاسر بهمس واهو يكمل تلبيس لها : اهدي تراني مو متحمل ... ودي اشيلج واهرب فيج لابعد نقطه بالكون ولا احد يزعجنا ... ارتعشت نور بهمسات جاسر فابتسم لها ومسك وجهى لمى خلص وباس جبينها وعينيها ... جاسر : انتي تاج على راسي وعينيني الي اشوف فيها ... نور بهمس : وانت كل شي فيني وكل حياتي ... جاسر : خفي علي لا اتهور قبالهم .... احممم يمه نقدر نمشي لو باقي فرجه ... ضحكو خواته وخوات نور لانهم قراب وسمعوه ... ام جاسر : وانت بقيت شي ما سويته قبالهم ... جاسر : يمه لا تلوميني قبالي الزين كله وتبيني امسك نفسي ... انتو احمدو ربكم ما كملت وتهورت هني ... سمر : لا يرحم امك خذها وروح في عذارى هني ... جاسر : من العذارى ... هلي صرخو فرحاني بالفلم قبالهم ... اقول حبي نمشي ... نور بربكه وخوف : هاااه ... نوره : هههههه جاسر نور مابترد عليك خذها وتوكل على الله شنطها بسيارتك فهد نزلهم هناك ... جاسر واهو يلف يده حول خصر نور : تسلمي ... اي انسونا هالفتره باختفي باختج ... لحد يتصل لان تلفونات انسوها ... يله يا روحي ... طلع جاسر بنور وطبعا ما خلا من التوصيات من الكل لهم الثنين وطول الطريق وجاسر ماسك يد نور ويبوسها طول ما اهو يسوق ونور غايصه بملابسها من الخجل والتوتر ... جاسر واهو يبوس يدها : حبي ... شفيج ترجفي ... بردانه ... نور بربكه : هاااه ... لا .... جاسر : هههههه شفيج اليوم ماسك لي على هاااه ... اوكي تعرفي وين رايحين الحين ... نور : البيت ... جاسر : لا يا روحي بنسافر ... نور بشهقه : هااااه شنو ... شلون نسافر ... جاسر : شلون يعني حبيبتي بالطياره ... شفيج خايفه ... نور : لا مو خايفه بس تفاجاة .. .. جاسر واهو يبوس يدها : بنروح شهر عسل بدل الي فاتنا ... اسف نور لاني ماوديتج قبل شهر عسل ... نور : لا تعتذر على ماضي ... جاسر انسى وخلنا بالحاضر ونفكر للمستقبل ... ابتسم جاسر وباس يدها : والله ان كلامج يشرح النفس ... شورج وهدايت الله ... وصلنا يا روحي ... ماتبين تعرفي وين بنسافر ... نور : وين ... جاسر : جوله نبتديها بفرنسا اوكي وبعدها تحددي وين تبين وشهر العسل مفتوح بكل شي تمام .... ابتسمت نور وهزت راسها فسافرو اكثر من بلد وظلو شهرين ورجعو لان نور بدت تتعب وخاف جاسر عليها فرجعو ولانها دخلت الشهر التاسع فممكن باي لحظه تولد ولمى وصلو جناحهم ببيت ابوه تفاجاة نور ان كل شي متغير بالجناح نور : جاسر ليش غيرت كل شي ... جاسر واهو يضمها من ورى : حبيبتي اثاث قبل ما حبيت ترجعي عليه وخليت مهندسنا يغير كل شي بالجناح ... اي في هديه منه لنا ... نور : وشوو اهي ... جاسر : تعالي اوريج ... على فكره انا ماشفت شي قلت اشوف معاج واطماني محد يعرف بكل هذا احنا اول ناس نشوفه لان طلال يدخل من الباب الثاني ومقفل هذا ...يله نشوف ... هزت نور راسها وفتح جاسر باب غرفة عيالهم وانبهرت نور بكل الي مسويه طلال بالغرفه وقاسمها للجنسين بطريقه حلوه ... نور واهي تمرر يدها على سرير البيبي : والله انه ذوق ... تصدق ما تصورت ممكن تصير غرفة مدمجه لولد وبنت جذيه ... جاسر واهو يبوس خدها : طلال مبدع ما تذكري شلون كان الجناح .... بس شرايج الحين او قبل احلا .... نور واهي تلف له : الحين احلا بس هم قبل كان روعه .... جاسر : باقي مكان واحد ما شفناه ... واهو اهم مكان .. تراني ما شفته يعني بشوفه معاج .... نور : تعني غرفتنا ... جاسر واهو يحملها : اكيد مملكتنا الخاصه ... والله لاوريج الهوايل فيها ههههههه .... ابتسمت نور لكنها خايفه بداخلها وحاسه بربكه لان بهالغرفه اعتدى عليها صح زوجها لكن هم اثرت فيها وايد لان طول فترة سفرهم كان يقاربها بغرفهم بالفنادق ومع انها ترتبك من قربه وتخاف لكن الحين مكان الجريمه احساسها غير فارتبكت اول ما دخل فيها الغرفه لكن لقتها متغيره خير شر بكل شي حتى مكان الاثاث متغير وهالشي ريحها وابتسمت فنزلها جاسر على السرير وقعد وراها وصارت بحضنه ولف يدينه حولها وضمها وباس رقبتها وهمس ... جاسر بهمس : تعمدت اخلي طلال يغير كل شي واماكنه اعرف هالشي بيريحج ... كان ودي اغير الجناح بس تعرفي مافي غير جناحنا وجناح امي وابوي ... مرتاحه ... نور واهي تلف راسها وتبوس خده : وايد ... اشكرك جاسر لانك حسيت بهالشي ... ما اخفي عليك كنت خايفه ومتوتره من الغرفه بس الحين احس براحه فيها .... ابتسم جاسر ورفعها وحطها بحضنه وباس شفاتها : عيل خلينا نجرب السرير ... اوكي ... ابتسمت نور بخجل ونزلت راسها لكن جاسر لفها ومددها على السرير وقرب يبوسها وقاربها وكان لطيف معاها .... مر اسبوعين من احلا ما يكون على جاسر ونور والتفاهم بينهم والاحترام وكل يوم جاسر يزيد حبه لنور ونور نفس الشي وبهالفترةصارت نور تتعب وايد بسبب الثقل ولانها خلاص قربت تولد فكان جاسر ياخذها تتمشى بعد ما يخلص شغله ويريح واوقات تكون سمر معاهم ... واهم يتمشون رن تلفون جاسر وكان طلال وكان شابك يده بيد نور ويتمشو وسمر تشتري ايسكريم ... جاسر واهو يمشي مع نور : هلا طليل .... امر ... طلال : اهلين بالقاطع من رجعت زوجتك وانت بايعني .... وينك ما تنشاف ... جاسر : هههههه تغار والله زوجتي باخر حملها وتحتاجني اكثر من اي احد .... طلال : انا احد يا الخاين .... انت وينك اسمع لويه حولك ... جاسر واهو يطالع نور : امشي روحي عشان تسهل ولادتها ... طلال : باي ممشى ... جاسر : الي قريب من بنايتك ... بتيي ... طلال : واصير عذول بينكم لا يا عم بعدين تقطني .... جاسر : هههههه تعال تعال نور تاشر لي انك تيي معانا سمر بتكون معاها وبشوف شنو عندك يا الغيور .... طلال : والله واحشني بس اكلمك بالتلفون ... كم صار لي ما شفتك ... جاسر : ما اعرف ... من اسبوع او اكثر ... طلال : لا زحاسب بعد يله بييكم بغير وايي بس ابي ايسكريم انا مابي اخفف .... جاسر : ههههه انت وسمر هذيك هم بيي بس ابي ايسكريم تعال واشتري لك واحد يا الدب .... سكر جاسر وطالع نور : ماتضايقي اذا خليتج مع سمر ... نور: لا حبيبي بكون قريبه منك ثم طلال معاه حق لك مده مسنتر عندي وما تزوره او تخليه يزورك .... جاسر واهو يهمس لها : احد عنده هالزين ويقعد مع احد انتي تكفيني .... نور بخجل : تسلم حبيبي ... جاسر اعتدل بوقفتك الناس تطالع ... جاسر واهو يشوف طلال يركن : ههههه طالعي ما صدق طار بسرعه ... نور : المسكين من حبه لك ثم بنايته قريبه ....يله حبيبي بروح لسمر ... جاسر : مابتسلمي عليه ... تراه مثل اخوج ... نور : اعرف بس قلت تاخذو راحتكم بالسلام ... طلال واهو يقرب : شلون مرت اخوي الغالي ... وشلون عيالي ... نور واهي تصافحه : اهلا طلال كلنا تمام ... انت شلونك ... طلال واهو يخز جاسر : سرقتي مني زوجي وتسالي ... اوريك تاخذ زوجتك وتسافر شهرين قلنا زين نسكت بس تهجرني يا ظالم وين العدل ... برفع عليك قضية خلع ... جاسر واهو يضم طلال : ههههه لا ارجوك والله اموت بدونك ... اقول لا تصدق مسرحيتك تراها تعيفني الدنيا ومافيها ... واخلع اذا تقدر ... طلال واهو يكلم نور : مصدق الاخ والله لو اني مرتك هجيت ... نور : حرام عليك طلال مافيني على الضحك ... بخليكم واروح لسمر لا تسمن من الايسكريم وتنسى عمرها ... طلال : وانا وين ايسكريمي .... جاسر واهو يميك يد نور : نروح مع بعض ونشتري ايسكريم للدب ... ما تخاف تسمن ... طلال واهو يمشي جنب جاسر : لا احرقه بلحظه ... وليش شايفني دب مثل ما تقول ... الا متى يشرفو ... جاسر واهو يطالع نور : باي لحظه ممكن ايون خلاص ماباقي شي ويشرفو ... طلال : ايون بالسلامه ....مو كان هذي سمر ... نور : الله كل هذا ايسكريم ... لا وتقول دايت ... جاسر : ههههههه اااه والله ما اقدر نور شكلج بتختفي وانتي تمشين يمها بعد شهر ...هههههههه ... طلال : تضحك على اختك ... والله لو اكله بطني يوجعني روح وخذه منها من صغرها واهي تاكل بهالايسكريم ولا تتعب نور واهي تسحب الايسكريم من سمر : سمر من صجج ... وين الدايت ... سمر وعينها على الايسكريم : لا نور ايسكريم دايت ... هاتيه ... جاسر واهو ياخذ الايسكريم من نور: سمر كم واحد اكلتي مثل هذا .. سمر واهي تمد يدها تبي الايسكريم : والله توني ماخذتخ كان في امم وانتظرت ... هاته ... طلال واهو ياكل من الايسكريم واهو بيد جاسر : والله ذوقج حلو لذيذ وايد .... جاسر واهو يعطيه الايسكريم : بالعافيه ... طلال واهو ياكل ويحر سمر : ايييي يم روعه بس بيوجعني بطني اذا كليته كله ...سمر تشاركي ... سمر واهي معصبه وتضرب بريلها الارض : لا كله بروحك ... طلال واهو ياكل ويضحك : هههههه من صغرجوانتي تنقهري اذا احد اكل من ايسكريمج ... اقول سمر كم وزنج الحين . سمر واهي تمشي : امشي نور رجع يستهبل علي خايهم مع بعض اذا اجتمعو صارو اغبيه .... ضحك جاسر وطلال وطالعتهم نور مستغربه منهم : تضحكو وتقول عنكم اغبيه ... جاسر واهو يحط يده على جتفها : هههه حبيبتي من تنقهر منا تقول جذيه تكره احد يسالها عن وزنها وطلال كل مره يستفزها بهالشي واهي تعصب فمن الغبي فينا جذيه... نور : انتو يهال تعرفو ... كبرتو واحد للحين ما تزوج والثاني بيصير اب وللحين يتحركشو ببنت بهالشي ... ترى مو سمر بس الا مايحب هالسؤال كل بنت ... جاسر : حبي كم وزنج ... نور : انت ادرى مو كرت المتابعه عندك شوفه وافرح بزيادت وزني ... اخليكم مع سخافاتكم ماغلطة سمر فيكم عيل ... ابتسم طلال لجاسر امى مشت نور وقعد على كرسي قريب له وترك الايسكريم ونزل راسه فقعد جنبه جاسر وحط يده على ريل طلال وطالعه طلال ... جاسر واهو يطالع طلال : شنو صار قول .... منت خالي ... طلال واهو يطالع سمر مع نور واهم يتمشو قريب : تطلقت .... ياتني تقول انها ندمانه وتبي نرجع مثل قبل ... جاسر : متى هالشي ... طلال : امس ... عرفة عنواني وياتني بالشقه ... جاسر : وشنو رديت عليها ... طلال : طردتها .... ماتحملت... لمى شبعت من الفلوس ياتني ... زوجها خسر وتطلقت منه ولمى عرفت بوضعي المادي ياتني عبالها اني غبي ولا اعرف عنها شي .... جاسر : يعني انهيت الموضوع .... طلال : اي بس حلفت ما تتركني وتخرب حياتي اذا ما تزوجتها ... تخيل تقول بتتبلى علي اني اغتصبتها تصور ... جاسر بصدمه : احلف ... والله قوية عين وانت شناوي عليه .... طلال : حلي الوحيد اتزوج ... جاسر انا من مده افكر لكن متردد بالي اخترتها اذا بتوافق او لا علي ... جاسر : الف من تمناك انت اشر واذا تبي بخلي نور تسالها لك بس قول من ... طلال بتردد : احممم ... جاسر لا تضن اني اخترتها بس كحل لا انا من مده طويله افكر فيها حتى قبل اتقدم لنور وانت عارف اني تقدمت لها بس عشان انت تتحرك ... جاسر : هالشي عارفه وفاهمه انت لا تهتم بس قول من ... طلال : سمر اختك .... جاسر بفرح : واللهةما تلقى احسن منك لو تلف العالم كله ... من جهتي تم بس اخبر الوالد وتطمن اكيد بيوافق ... طلال : جاسر جد انت موافق .... جاسر : طلال مابلقى لاختي احسن منك ... انا اعرفك واعرفه وثنينكم تناسبون لبعض.... طلال واهو فرحان : والله جاسر بس الاهم سمر ... جاسر : هذي مهمت نور وابشر بخليها تكلمها وتسالها لك واول ما ترد بخبرك .... ابتسم طلال وقام بتمشى مع جاسر ويسولفو مع بعض وبعد ربع ساعه يات سمر تركض وباين عليها الخوف .... جاسر واهو يمسك يمر لمى وصلت لهم : شفيج وين نور .... سمر واهي تلهث وخايفه : نور ... نور ... نور هناك تالم قعدتها على الكرسي تقول الم فضيع ... | ||||
|
| |
|
19-07-20, 08:44 PM
| #25 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
| لا شكر على واجب حبيبتي الحمد لله ظهر الحق وعادت نور لجاسر عندي ملاحظة اتمنى انك تتقبليها لانها تنفعك كي تتحسني اكثر انا اعتبر هذا واجبي والنقد البناء ينفع الكاتب الروايه حلوه وماشيه تمام باحداثها بس بعض المشاهر اجدها غير مناسبه مثلا مصافحة طلال لنور حسب علمي انه شيء غير وارد ولا مقبول بالمجتمع الخليجي خصوصا العوائل الملتزمه واصلا الاسلام لايجيز المصافحه والحوار المزاح بين جاسر وطلال زوجتيوالذي منه ممكن يكون بين اصدقاء مع شلة شباب لكن امام زوجته يكن فيه ابتذال نوعا ما واصلا لااحب انتشار هكذا حوارات ايضا موضوع السفر السفر للحامل يكون صعب ويحتاج موافقات طبيه ولايسمحون من هي بالثلاث اشهر الاخيره بالسفر بالطائره الا لسبب اضطراري كان ممكن يسافرون لمكان داخلي يكون افضل هي تفاصيل صغيره لكن انبهك لها كي تتجاوزيها مستقبلا بانتظار النهايه بالتوفيق | |||||||
|
| |
|
19-07-20, 09:56 PM
| #26 | ||||
| اشكركي um soso على الملاحظات هي فعلا صغيره لكنها مفيده لانتبه لها بالمراة القادمه ... بالنسبه للمشاعر حاولة قدر الامكان لا تكون مبالغ بها ولكن ساكون حذره بالمرات القادمه .... اما مصافحة طلال لنور فهو وارد لان يوجد بمجتمعنا المصافحات بمائنها اخويه وخصوصا ان نور تعتبر زوجة اخ لطلال وجاسر يثق بالاثنان وربما ايضا اكون غفلة عنها وسانتبه بالمره المقبله .... اما المزح بينهم فمعكي حق لكن بطبع طلال مع جاسر لا يضع حدود وخصوصا انه يعلم ان نور تعلم لاي مدى علاقتهم ومزحهم مع بعض ولا اجد انه فقط بين الشباب وحدهم وربما لان مجتمعي لا يتحسس هذه الامور اجده لا يهم والاهم ان لا يتلفض بالفاض بذيئه .... اما السفر فلا يحتاج الى اذن لانه حصل وان سافر من هم من حولي سفرات متعدده ولكن ليست مجهده ووضحت ان جاسر عاد بنور لانها احست بالتعب وهذا الامر يختلف من امراه واخرى بحملها وما تتحمله .... اشكركي مجددا على ملاحظاتكي وانا من محبي النقد والملاحظات لانها تفيدني بكتاباتي لهذا انتظر التعليقات لاستفيد ليس للمدح ... مه تحياتي ومحبتي ..... | ||||
|
| |
|
22-07-20, 04:05 AM
| #27 | ||||
| البارت التاسع تركها جاسر وركض جهت الي تاشر عليه وركض وراه طلال وسمر وراهم ولمى وصل جاسر لقى وحده كبيره بالسن قاعده يم نور وتهديها ونور تالم بس بصمت وعرقها يصب على ويها فركض ونزل قبالها ... جاسر : حبيبتي شفيج ... المره الكبيره : يمه زوجتك بتولد طقت مايت الياهل خذها المستشفى تولد .... حملها جاسر وتو بيركض فمسكته نور من قميصه : جاسر لا تركض يالم ما بتحمل ... جاسر واهو يسرع بمشيه فيها : الم وايد ... من متى معاج .... نور : اااه جاسر من زمان بس قلت عادي لكنه زاد ونزل الماي مني ... ملابسك بتتوسخ ... جاسر واهو يقرب للسياره وفتح له طلال الباب : مو مهم حبيبتي صحتج اهم .... حطها جاسر بالكرسي الخلفي وركبت سمر جنبها وركب طلال يسوق بدل جاسر وركب جاسر يمها بالجهى الثانيه وكان خايف عليها ويجفف عرقها طول الطريق ولمى وصلو حملها ونزل فيها بسرعه وصرخ اول ما دخل فيهم انها بتولد وعلى طول على غرفة الولاده وجاسر يمشي طول الممر رايح راد وسمر اتصلت بالكل وخبرتهم ولحظات والكل وصل من خوات نور وابوها وفهد ام جاسر وابوه ومها والكل خايف عليها وام جاسر تقرء قران وتدعي لها تكون ولادتها سهله وبعد مده طويله طلعت الممرضه وبشرتهم بان نور ولدت ولد وبنت وانها بخير واصر جاسر يدخل لها ولمى دخل لقاها على السرير وباين انها تعبت وايد ومغمضه عينه فضن انها نايمه فقرب لها ومسح على ويها وقرب باس جبينها واهو يتاملها.... جاسر بهمس واهو يمسح على شعرها : تعبتي وايد يا روحي ... لو بيدي اخذت كل تعبج والمج عنج ولا اشوف هالتعب كله فيج .... نور واهي مغمضه وبهمس : لا تفاول على نفسك ... فيني ولا فيك ... جاسر بفرح واهو يقرب لويها : حمدلله على سلامتج يا روحي ... قعدتج .. اسف ... نور واهي تفتح عينها وبتعب : الله يسلمك ... انا قاعده بس من تعبي ما قدرت افتح ... حسيت فيك اول مادخلت... شفتهم جاسر واهو يبوس خدها : لا اتطمن عليج اول ... تالمتي وايد حبيبتي ... نور واهي تمسح على خده : امرطبيعي حبيبي لا تخاف ... فتره وبتعدي ... عيل ليش الجنه تحت اقدام الامهات ... خالي بلاش يعني ... جاسر: واحنا تحت اقدامنا النار يعني ...... نور واهي تضحك برغم الالم: هههه ااااي ... جاسر حرام عليك اتالم اذا اضحك.... جاسر واهو يقرص خدها : عيالي وولدتيهم الم شنو هم ... نور واهي تضرب صدره على خفيف : الم بعد الولاده عبالك بس اولد خلاص كل شي ينتهي لا باقي هم بس اهون ... جاسر : الله هم في ... لا عيل الجنه مو بلاش تحت ريلكم ... قولي لي ... شحسيتي اول ما طلعو ... اي من الاول ... نور : جاسر برغم الالم الا اني حسيت باحساس حلو ... فرح على خوف ومشاعر ما اقدر اوصفهالك ... والاول الولد ... جاسر : عيل شوي وبروح اشوفهم ... اي لزم اعبي بياناتهم ... للحين مصره على الاسماء ما تبين تغيري ... ترى مابيزعل ابوي لو سميتي غير ... لان مابنقدر نسمي على عمي ... نور : ههههه لا فهد الي بيفرح وايد ... ابي مثل ما اتفقنا ... حبيبي قول لي شعورك اول ما تشوفهم ولا تنسى تاذن وتقيم باذنهم ... وهم صورهم عشان كل لحظه تكون بالبومهم ... جاسر واهو يبوس شفاتها : من عيوني كل الي وصيتي عليه ... لزم اطلع لان الممرضه حذرتني اذا تاخرت بتطردني ... بشوفج اذا نقلوج لغرفتج ... اي الكل يسلم عليج ويبارك لج بالكتاكيت وبالاخص طلال فرح وكانه اهو الابو .... نور : الله يسلمه ... والله يفرح قلبه بعياله ... بس اهو يتزوج وبيونه ... جاسر واهو يوقف جنب الباب : على هالطاري لمى نصير بروحنا بخبرج بشي ولولا ولادتج كنتي عرفتي بالبيت لكن الله كاتب يتاجل هالشي ... باي حبي ... نور : باي حبيبي .... طلع جاسر وراح للغرفه الي عياله فيها وشافهم وحس بفرحه وبجى من فرحته فيهم ولمى شالهم عشان ياذن ويقيم باذنهم ارتعش جسمه وحس وكانه يملك الكون فيهم وفرح لانه الرابط الي يقوي علاقته بنور اكثر واكثر فلمى خلص طلب من الممرضه تساعده بحملهم عشان اهله واهل نور يشوفوهم فطلع واول ما شافوه طالع وبيده واحد منهم تراكضو له وكان طلال اولهم فقرب وباس الولد وحمله واهو يسمي عليه ... طلال واهو يطل على البنت بيد ام جاسر : الي عندي الولد صح جاسر ... جاسر واهو يمسح على خد ولده : هههه اي صح ... بس شلون عرفت ... طلال : طالع البنت تينن اكثر جمالها طاغي ماشاء الله عيالك يهبلون ... بخطفهم ... فهد واهو يطالع الولد : والله اختي تتعب وانت على الجاهز ... ولا يخطفهم من بيغير لهم الحفاظات ... ابو جاسر : وشمعنى الحفاظات اخترت يعني ... فهد : لان وراها وساخه عشان اخليه يهون عن الفكره .... ضحكو كلهم على كلام فهد لانه يمزح مع طلال فتناوبو بحمل العيال ولمى صارت البنت بيد نوره سالت .... نوره : الا جاسر شنو ناوين تسموهم ..... طلال واهو يرد قبل جاسر ويطالع فهد : شهد وفهد ... صح جاسر او غيرتو ... ام جاسر : وانت كل شي تعرفه واحنا لا ... جاسر واهو يبوس راسها : انتي الاصل يا الغاليه بس هذا حنان ما يسكت فكنت اسكته اذا سال لان لو ما رديت يفضحنا فهد : هههههه رقع رقع ... بس اهم شي بتسمي فهد ... جاسر واهو يبوس راس ويد ابوه : على اسم الغالي ... مسامحه عمي تعرف مابنقدر نسمي باسمك ... ماينفع انا وولدي نفس الاسم .... ابو فهد واهو يبوس الولد : لا يبه معذور وانا عارف ان نور اهي الي اصرت لانها من زمان اعتذرت مني لانه مابتسمي باسمي ... زكافي ابوك سماك باسمي ... فهد : بس انا بسمي باسك واكيدهم ... جاسر : اي على اسمي يعني ... فهد : يعني ولدك على اسمي ... جاسر : لا على ابو جاسر ... هههههههههه ضلو يمزحو مع بعض ويضحكو وبعدها الكل رجع بيته لان وقت الزياره انتهى لكن جاسر بقى عشان بيبات مع نور وحجز لها جناح عشان ترقد فيها طول فترت وجودها بالمستشفى وطلب من سمر ترسل شنطة نور الي مجهزتها وتجهز له هم كم غيار وترسلها مع السايق .... لمى نقلو نور لجناحها كانت تعبانه وايد لكنها ماحبت تنام بدون ماتاخذ شور فساعدها جاسر عشان تدخل الحمام وقرب لها كل الي تحتاجه عشان ما تتعب وحاول معاها يساعدها يحممها لكنها رفضت مساعدته او حتى الممرضه ولمى خلصت نادته وحملها وحطها على السرير وغطاها ... نور : شكرا حبيبي تعبتك معاي ... جاسر واهو يبوس شفاتها : تعبج راحه لي ... حبي شعرج يبيله نجفيف لا تاخذي برد ... بييب لج منشفه واجففه ... نور : لا حبيبي هاتها وانا اجففه ... جاسر واهو يبعد يدها ويجفف شعرها : لا ليش ... ما تحبي اسوي لج شي ... نسيتي لمى سرحت لج شعرج ... نور : هههههه لا مانسيت ... تعرف جاسر عمري ماتصورت اني بتعب بيوم جذيه ... للحين احس بخدر بجسمي وعظامي تكسر ... جاسر واهو يبوس جتفها : لا توصفي قلبي يوجعني عليج ... اييب لج شي تاكليه ... نور : لا حبيبي يوعانه نوم ... اسفه بخليك وانام ... جاسر : نامي يا روحي بذلتي مجهود كبير بالولاده وطبيعي تتعبي وتبين النوم ... بطفي لج الاضائه ونامي وانا بنام بعدج انا هني اوكي ... نور واهي تغطى وتغمض : اوكي حبيبي ... الله لا يحرمني منك ... تصبح على خير ... جاسر واهو يبوس شفاتها وخدها : وانتي بخير ... نوم العوافي .... تركها جاسر وقعد على الكنبه واهو يطالعها واهي نايمه وتغير شكلها بعد ما تروشت لانها انتعشت شوي لكن للحين يبان عليها التعب ... حمد ربه ان الله اهداه نور لانه كان بظلمه قبل تدخل حياته وتذكر قبل يسافر مع طلال وكم واحد من ربعه لمى تخرجو وسافرو عشان يغيرو جو بعد الامتحانات وفرحته كانت كبيره لانه تخرج وبيشتغل مع ابوه واهو ببريطانيه تذكر ولد خالة فهد لان فهد قريب له بحكم صداقت ابهاتهم فراح مع طلال وزاروه ولمى طلع معاهم يفسحهم شافو مجموعة بنات من بلادهم وتعجبو لتحررهم الزايد لان ملابسهم شبه عاريه فاشر لهم علاء على اثير وحذرهم منها لانهم بيشوفوها وايد لانعا تلف على الشباب اليدد الي يجون للسياحه وخصوصا اهو نبهه وايد لانه يعرف انه مسرف وايد لكن تحذيرات علاء راحت بالهوى لان لمى قربت لهم وادعت انها تبي تتعرف على عيال بلادها كمل سوالف معاها وفيه فضول وبرغم ان طلال يحاول يبعدها الا انه استمر يسولف معاها كلما شافوها ولمى صابه حادث فتح عينه عليها لانها كانت جنبه ورفضت تخليه ومنها ماحس انها حطت له سحر بالاكل والشرب الي تعطيه اياه وتغير على الكل ورفض يرجع لكن لمى قربت فلوسه تخلص رجع وخصوصا ان ابوه رفض يرسل له فلوس ويبيه يرجع والكل تعجب لتغيره لانه صار يكلم بنات وايد ويطلع معاهم وصار انسان ثاني والكل ينفر منه حتى ربعه تركوه لكن طلال ظل معاه ورفض يتركه وكان بحاول يغيره ولمى اصر ابوه يزوجه رفض واصر ياخذ اثير وما عرف ان ابوه راح يساومها على حياته واهي باعته لكن تاثير السحر خلاه يعاف نور ويركض وراها لحد ما رجعت وتزوجها ومنها تدمر اكثر لكن بذره زرعتها نور بدون ما يحس او ينتبه واهو يهينها وكان يحس برغبه لقرب نور وبنفس الوقت النفور لكن باخر لحظه تغلبة رغبته على نفوره ونتيجتها حملها ورجعتها له بعد خلاصه من السحر واثير ... تنهد وطالع نور وارتاح لانها نورت حياته بعد عتمتها فقام وقرب لها وباس جبينها وبعدها طلع وراح للمصلى وصلى ركعتين شكر لله على النعم الي انعم عليه فيه بزواجه من نور وعياله ودعى ان الله يحفظ عياله ويبعد عنهم كل سوء وانه يقدر يسعد نور ويعوظها عن كل شي ... طلع من المصلى واهو يمشي انتبه لطلال واقف برى قبال جناح نور فقرب له واهو مستغرب ... جاسر واهو يقرب : طلال ... ليش واقف هني ... طلال واهو يلف له : انت برى الغرفه ... صار لي مده تطق الباب وانتظرك تطلع اخرها برى ... زوجتك نايمه ... جاسر واهو يبتسم : اي ليش ... طلال واهو يضرب جبينه : غبي ... نسيت يعني ازعجتها الحين ... جاسر واهو يضحك : ههههه لا اكيد نايمه لان لو صحت بتكلمني لاني مو بالغرفه ... شلي رجعك .. طلال واهو يرفع الكيس الي بيده لجاسر : رجعت اييب لك هذا قلت اكيد يوعان وماكليت ... من يينا مادخل فمك حتى الماي ... خذ واكل زوجتك معاك ... جاسر واهو ياخذ الكيس ويقعد على الكرسي الي قبال الجناح : لا باكل هني نور نايمه وماينفع تاكل جذيه ... اكلها غير ... اقعد ... سوري ما بدخلك عشان ما تنزعج ... طلال واهو يقعد جنب جاسر : لا عادي فاهم الوضع ... اقول جاسر ... شنو شعورك وانت اب الحين ولا لثنين ... جاسر واهو ياكل : ما اقدر اوصف لك شعوري ... احساس بالفرح والفخر والمسؤليه وخوف اني ما اوفي حقهم مثل امهم ... تعرف قبل اطلع للمصلى كنت اتذكر شلون كانت حياتي قبل والحين ... طلال واهو يسند ظهره على الكرسي : شلي خلاك تفكر بهالشي ... جاسر : شوفتي لتعب نور ... اهي تعبت وايد معاي وانا الي متعبها بكل شي ... ودي اسوي شي واكفر فيه عن كل اخطائي بحقها ... طلال : حاول تنسى الماضي وفكر بالمستقبل ... عيش الحاضر ... عارف ان نسيان الماضي صعب لكن لزم تتناسى عشان الحياة تستمر وتقدر تعوض نور عن الي فات بس لا تحط ببالك انه تعويض حط ببالك انه واجب عليك ... جاسر : تعرف ... ساعات اسال نفسي ليش انجريت ورى الساقطه ... ماكانت قبالي واعرف انها ساقطه ... طلال : ما سمعت اعترافاتها ... من شافتك وحطتك براسها واشتغلت عليك بالسحر ولمى راح ابوك لها زادت بالسحر عشان تصد نور وتزوجها ... جاسر : بس هم الوم نفسي لاني ما سمعت كلام علاء وعطيتها وجه بس لفضولي بالي فيها ... المصيبه اني زنيت بسببها سويت علاقات ولعبت باعراض الناس ... شنو هالسحر الي يقلب حياة انسان فوق تحت ... تعرف يعني لولا سحرها كنت عشت مع نور من البدايه احلا عيشه ..... طلال : هونها وتهون المهم شنو قال لك الشيخ بخصوص الزنا ولعبك مع البنات .... جاسر : قال ادفع كفاره واطعم عدد من الفقاره والمساكين ولاني ما اعرف ناس سلمته مبلغ يكفي وزود يسلمه اهو للناس المحتاجه ... وهم قال لي اذا قدرت ابني مسجد بالبلدان الي مافيها مساجد وهم ابار تروي البشر وتنقذهم من العطش ... طلال : زين تسوي هالشي ينجيك دنيا واخره ... جاسر ... انتبه لحياتك مع نور وعيالك ولا تفكر بالماضي الله غفور رحيم بعباده ... وانت سويت كل الي سويته بسبب السحر يعني معذور والله يغفر لعباده التوابين .... ويكفي ان الله انعم عليك بردت نور وهالهديه الكبيره عيالك ... الله متقبل انشاء الله توبتك ... جاسر : انشاء الله .... طلال اشكرك لانك ظليت معاي وما تركتني مثل الباقي ... طلال واهو يبتسم : عيل شلون يسموها صداقه ... جاسر واهو يضم طلال : انت مو بس صديق انت اخو ..... اللله لا يحرمني منك .... طلال واهو يطبطب على ظهر جاسر : ولا يحرمني منك ... بعد لا يشكو فينا الناس ... ضامني بالممر ... يا حمار ... ضحك جاسر على طلال لانه خاف لا يتهموه معاه انهم جنس ثالث لانه يكره هالفاه من الناس ..... مرت الايام وطلعت نور من المستشفى ورجعت بيتها لان ام جاسر اصرت انها ترجع لان محد ببيت ابوها بيعرف ينفسها لان نوره تزوجت وساره بالشغل وما تعرف بهذي الامور خبرتها قليله بالاطفال فظلت بغرفة بالطابق الارضي بالبيت وام جاسر معاها تنفسها وتعتني فيها وبالعيال وجاسر معاها يبات ويساعدها بكل شي وهالشي زود حب نور له وكبره بعينها اكثر ... ولمى خلصت فترة النفاس طلعت فوق بجناحها مع عيالها ومرت الايام وكملو عيالهم ثلاث شهور وصار موعد زواج فهد وهبه ولان جاسر خبر نور برغبت طلال الزواج من سمر كلمتها نور ولقت انها موافقه فتقدم طلال لها وتمت الملجه وتقرر زواجهم مع فهد وهبه ..... جاسر واهو يلعب شهد : يا روح البابا شحلاتج ... نور عجلي بنتج ساكته بس لاني اهذر لها ... نور واهي تدخل الغرفه واهي حامله رضعت شهد وفهد الصغير : هههه زين انك تهذر بنتك وايد تحب الهذره طالعه على سمر .... جاسر واهو ياخذ منها الرضعه ويعطيها شهد بحضنه : هههه لا تسمعج بتقول معلي بس تشبهني بالشكل ... نور واهي تحمل فهد الصغير وتقعد قبال جاسر : اي هين ... تعرف فهودي اهدء منها بوايد ... ساعات اخاف يلعبو عليه اذا كبر ... جاسر : لا تخافي خل يكبر واعلمه شلون يلعب عليهم ... المثل يقول لا تخاف الا من الساكت وهذا ولدج من تحت لين تحت لا تخافي عليه ... نور : حبيبي بخليهم اليوم مع خالتي واروح السوق ابي اشتري لي فستان الكل خلص الا انا ما لقيت شي ... جاسر : قلت لج اطلبي وبييج ... نور : لا جاسر بيكون غالي وايد ما ابي ... جاسر واهو يطير لها بوسه بالهوى : الغالي للغالي يا قلبي ... تعرفي هالشي يضايقني ما اطولج وعيالج يرضعو ... نور نور واهي تطالعه : عيون نور امر يا عمري ... جاسر : وااااااي بذبحها هذي ... لا تردي علي جذيه وعيالج جذيه ترى اقطهم واشيلج واتهور .... نور : ههههههه لا ارجوك كمل رضعتها لا تبجي واهدى شوي شكلها بتنام ... جاسر : اناشاء الله وهذا امره هين لو ما نام اقطه على سمر واتفرغ لج ... وحشتيني موت ... خجلت نور ونزلت راسه وصارت تلهي نفسها بفهد الصغير ومر الوقت ولا حست بالوقت وان فهد نام واهي تلعب بشعره واهو يرضع الا لمى باسهاجاسر برقبتها وفزعت فكتم صرختها قبل تصرخ بيده وهمس... جاسر : اشششش ما صدقت عيالج نامو بتصحيهم لي ... فهد نام هاتيه اوديه سريره ..... ابتسمت نور وحمله جاسر من يدها وطلع فيه لغرفتهم واهي دخلت الحمام تاخذ شور سريع وكانت ماخذه معاها قميص نوم يديد كانت شاريته لمى كانت حامل وطلعت وكان جاسر متدمدد على السرير ولمى شافها قعد ونزل واهو منبهر بشكلها مع القميص لانه مغيرها وخصوصا انها اول مره تلبس قميص نوم عاري لانها تخجل تلبس جذيه حتى لو اهو يايبه لها فشلون اهي شاريته له هالشي يعني له الكثير فقرب ومسك يدينها وباسها وبعدها لفها حول نفسها واهو يضحك... جاسر واهو يطالعها : مو مصدق .... منج ومن نفسج جذيه بدون طلب ... حبي اعرف هالشي اخذ منج تفكير وايد صح . نور واهي تحط يدها على صدره : لا حبيبي ... بس كنت خجلانه وعلى فكره من حملي كنت شاريته بس كل مره اخجل البسه ... انت عارف ما تعودت بس الحين عزمت ولبسته ... جاسر واهو يبعد شعرها ورى اذنها : تعرفي شكثر هالشي يعني لي ... يعني تقبلتيني بكل شي وبعتبر هذي تكمله لبداية حياتنا ... نور اعرفج واعرف شعورج مو سهله تنسي كل الي فات بس تحاولي تخلي هالشي منسي ... نور : شي ننساه وانتهينا منه جاسر لا تفكر باي شي من الماضي والكل يغلط واهو واعي فشلون انت وانت كنت تحت تاثير سحر هالشي مو سهل نتغلب عليه ...جاسر انا احبك ومستحيل اطالع لورى ... انا ابي قدام ... انت شنو تبي الماضي او الحاضر والمستقبل ... جاسر واهو يبوس خدها : اكيد ابي الحاضر والمستقبل ودام هذا كلام من هذي اللحظه ارمي كل شي وراي واتفرغ لحياتنا ... احممم اقول مو كاننا تركنا الي احنا فيه .... نونو ... نور واهي تضحك : نونو ..... ههههههه لا حرام عليك خليتني مع عيالك ... ارجوك جاسر بهلي قبالك نونو ... جاسر واهو يحملها ويغمز لها : غبي صح قال يعني بدلعج ... خلينا بلي احنا فيه لا اطينها ابي استفرد فيج دام عيالج نامو ضحكة نور واهو يدور فيها لحد ما ارتمى فيها على السرير وووووووووو | ||||
|
| |
|
23-07-20, 10:13 PM
| #28 | ||||
| البارت العاشر والاخير ......... بعد اسبوع بيكون زواج طلال وسمر وفهد وهبه وكانت نور تجهز نفسها وعيالها بكل الي يحتاجوه للحفله وجاسر مشغول معاها بالتسوق ولمى رجعو البيت سمعو صراخ من المجلس وكان صوت سمر وطلال فتراكضو جاسر ونور للمجلس وتركت نور العيال من قبل مع ام جاسر فدخلوولقو سمر تصرخ وطلال واقف يسمع اهاناتها له واخر كلمة نطقتها طلقني وصرخ جاسر فيها .... جاسر بصرخه : جب ... ينيتي شنو يطلقج انتي زواجج بعد اسبوع وتقولي طلاق ... شالموضوع ... نور واهي تضم سمر وتقعدها على الكنبه : اهدي ... شفيكم قبل نطلع كنتو تمام شلي صار وتخانقتو .... طلال : اسالوه ليش خانقتني وتبي الطلاق .... جاسر : انطقي .... مو تعرفي تصرخي وتطلبي الطلاق قولي شنو السالفه .... سمر واهي تشاهق : يقول يحب وحده وانها تلاحقه وتزوجني عشان يبعدها عنه ... لا الاخ كان على علاقه معاها ويبيني اشيل بلاويه ... مو انا فاهم مو انا الي تشيل قذارتك .... جاسر واهو يطالع طلال : هذا الي فهمته لها او غيرت الكلام ... طلال : واهي تعطي احد فرصه يوضح بس قلت لها اني تقدمت لها بهالوقت عشان اتخلص من الكلبه نطت لي من متى تعرفه وشنو بينكم ما عطتني فرصه اخبرها بكل السالفه ... انت احكم كلامي غلط لمى اخبرها بكل شي عشان ما تتفاجاء بالكلام من احد لكن انا الغبي الي اتكلم مع وحده غبيه مثلها تلقط كلمه وتترك الباقي .... جاسر : سمر انا عارف كل شي ولو اني شايف هالشي مهين لج رفضت لا تضني واحد بالمئه بفضل طلال عليج اهو صح اكثر من اخ بس انتي اختي يعني يهمني مصلحتج وطلال لمى تكلم لج يبي يكون صريح معاج ... هالشي يفيدكم بحياتكم لو احد تكلم لج تعرفي تردي وتقطعي اي مشكله ممكن تصير بينكم ... اسمعيه من البدايه ... طلال خبرها شلون عرفت البنت وشلي صار ولوين وصلتو وليش انفصلتو ولعلمج طلال كان يبيج من قبل يتقدم لنور وهالشي سواه بس عشان انا اتحرك وارجع نور ....هالشي تعرفيه صح ... سمر : اي اعرف نور وهبه خبروني بهالشي ولو اني شاكه انه يبيه ماكنت وافقت عليه ولا انت ظليت معاه للحين بس علاقه مع وحده يعني زنى معاها ... طلال بعصبيه : انتي غبيه انا اسويها يعني ... انتي شنو تفكري فيني واحد ماشي بالحرام .... جاسر : سمر احترمي نفسج طلال ما قرب لاي مره بحياته كلها برغم انها يعرضو نفسهم عليه لكنه يصدهم ولا تضني لاني سويتها اهو سواها ... نور واهي متضايق : سمر انتي شلون حكمتي جذيه اهو قال لج هالشي ... لا تالفي او تتوهمي ... طلال : حابه تسمعي ترى عادي اتكلم قبال نور لان جاسر عارف كل شي من البدايه ... هزت سمر راسها وتنهد طلال وقعد وقعد جاسر قريب منه .... طلال : شوفي هالبنت كنت اعرفها من لمى كنت صغير لانها بنت الجيران وكبرت واهي قبالي وبفترت الاعداديه صرت انتبه لها ولنضراتها لي وانا هم صرت ااشر لها ولانها بنت جيرانا صرت اكلمها اذا شفتها واهي رايحه واهي راده من المدرسه واستمرينا على جذيه لحد ما يوم تجرات وطلبت تلفونها وعطتني وصرنا نتكلم بالتلفون واعترفت لها بحبي لها واهي هم وظلينا على تلفونات وساعات اذا تطلع لو مع اهلها تخبرني واتواجد بالمكان واشوفها لو من بعيد اهلي عرفو لاني خبرت امي اني ابيها اذا تخرجت من الجامعه وابيها تلمح لامها عشان تكون لي لكن امي ماخذت بالموضوع جد ولمى صرت بالجامعه كلمتني تخبرني ان اهلها صارو ويضغطو عليها لانها ترفض كل الي يتقدمو لها وماكان بيدي شي ولمى عرفت ان واحد غني متقدم لها رحت لابوها وقلت له اني ابيها وان امي متكلمه عليها من سنين لكن قال لي لو رفضت الي متقدم يصير خير وتفاجاة فيها تكلمني وتقول لي انها بتتزوج الي متقدم لها ولمى ذكرتها بحبنا قالت انه كان تسليه تسلي نفسها معاي واني فقران وما وراي فلوس تلبي كل طلباتها وانسى الي بينا كله وما اتعرض له لاني لو سويتها وقربت لها بتخلي خطيبها يطيرني ورى الشمس لكن رديت عليها انها منحطه وانا غبي لاني خليت مشاعري تتحرك لوحده ماديه واني برفسها لمى تجيني تزحف وهالشي صار لكن اقسم بالله انا لمى سويت هالشي كنت فعلا مستحقرها وياتني تبيني اتزوجها بعد ما تطلقت من زوجها لمى فلس يعني اشكرى تبيني للفلوس ... سمر انا تقدمت لج انتي وانا مفكر فيج من زمان بس متردد لان هم مستواي اقل منكم لكن لمى صارت تهددني بانها بتدعي اني اغتصبتها عشان اتزوجها قلت مابي اخسرج وبكلم جاسر لاني ابيج انتي مو احد ثاني بتقولي وحبي لها بقول لج لو اني احبها تزوجتها لكن والله اني احبج انتي الحب الي كنت اضنه حب كان مشاعر مراهقه يعني انمحت ... سمر : انت صادق بالي تقوله او توهمني ... نور : سمر انتي لزم ما تشككي باي كلمه يقولها لج ولو يبي يجذب عليج ما صارحج ... ولو هم ما يحبج ما تقدم لج وغامر بصداقته مع جاسر هالشي مو سهل ينلعب فيه انتي شايفه شلون صداقتهم متينه وطلال بس الي بقى معاه وما تركه يعني صديق صح ولو اصريتي على الطلاق ابصم لج بالمليون صداقتهم مستحيل تنهز والدليل لمى تقدم لي طلال ليش جاسر ما تركه لانهم يسندو بعض لو بروحهم ... جاسر : كلام نور مابعده كلام وانتي فكري عدل وردي عليه تبينه وتعقلي بتفكيرج وتخلي هالتهور عنج وتعقلي بتفكيرج ....... نور يله خليهم يتفاهمو بروحهم ... تعبت من السوق والحين صدعت راسي هالمينونه ... طلال : اقول ابو الشباب لا تغلط على زوجتي زين لا افرشك الحين .... نور واهي تلف ذراعها بذراع جاسر : ما تقدر ولا تتجرء .... طلال : لا ويدافعو عنه بعد ... جاسر واهو يلف يده حول خصر نور ويقربها له : اكيد تدافع عني دام حبي عاقله وواثقه فيني تدافع عني ... خلك بالمينونه الي عندك وتحمل ... يله حبيبتي خلينا نروح نشوف عيالنا ونريح ..... ابتسمت نور له واهو بادلها الابتسامه وغمز لها وطلعو وتركو طلال مع سمر يحلو مشكلتهم .... نور واهي تحط فهد بسريره : جاسر .... جاسر واهو يغطي شهد ويبوس خدها : هلا حبيبتي ... شفيج ... تعالي نتكلم برى بدل ما نزعجهم ويصحو .... طلعت نور معاه وكان لاف يده حولها وقعدو بالصاله تبع جناهم وكانت نور ساكته وتفكر بالي بتقوله وتاثيره على جاسر ولمى لقاها جاسر ساكته استغرب وحب يشجعها على الكلام ... جاسر واهو يرفع راسها عشان تطالعه : نور قولي الي عندج مابزعل منج ابد لا تنسي بينا التفاهم ومتفقين نتناقش ونتفهم بعض صح ... نور : جاسر الي بقوله ممكن يضايقك لكنه مو مني ... جاسر : تعني كلام سمر ... كنت ملاحظ ضيقج لمى اتهمت طلال بالزنه وضنته مثلي لمى كنت ارتكب هالفاحشه ... نور تكلمي قول لا تترددي .... نور : كلام سمر افضع من كلام البنات على الاقل هذيلاك غرب واهي بنفسها كانت ترد عليهم وتخانقهم لكن الحين بكلامها حسيته مثل الخنجر لمى يطعن اذا اختك وللحين تفكر انك كنت تسوي هالشي بارادتك عيل ما الوم البنات واهم يغلطو علي وعليك ويلمحو بالكلام.... جاسر : متى صار هالشي وليش ما قلتيلي عنه ... نور : من طلقتني وعرفت اني حامل وحتى لمى رديت لك والكل عرف الحقيقه ... جاسر ما خبرتك فيه لانه ما ياثر علي بشي ولا يغير شي من تفكير فيك فليش ازعجك لكن ردت فعل سمر خلتني اتكلم ولا تضن اني اتذمر لا انا افضفض لك لاني مابلقى افضل منك اكلمه بلي بداخلي .... جاسر واهو يبوس راسها : حبيبتي احنا ننسا او نتناسى الماضي لكن الناس تبقى على افكارها ولغوتها حتى لو يعرفو الحقيقه تعرفي ليش ... نور : ليش ... جاشر : لان فاضين وما لقو شي ينهشو فيه بعدنا وانتظري فتره وتصير سالفه وينسون الي صار لنا ولا يفكرو يعتذرو ابد وهذول النوعيه من الناس تكون مريضه بالغيبه و حب النميمه ... شنو بيدي او يدج نسويه ونخلي افكارهم تتغير ندافع عن انفسنا واذا ردينا ما بيصدقو الا الي يبونه فاتركي الناس عنج وخلينا نعيش حياتنا مثل ما نبي ونربي عيالنا افضل من نتاثر بكلامهم وسمر نست انها تتكلم عني ولا تضني ما اثر فيني كلامها لا بس ماحبيت ارد عليها بشي جهتي وردي كان دفاع عن طلال وانا واثق ان طلال لزم بينبهى للي قالته ولا راعت لي او لج ... نور واهي ترتمي بحظنه : تعرف كلامك ريحني وخلاص بنسى كل الي اسمعه ولا اهتم ولا كاني اسمع ... ومثل ما يقولو طنش تعش .... جاسر واهو يبوس شفاتها : وتنتعش يا روحي انتي ..... ضحكت نور وظلت مع جاسر يسولفو ويخبرها جاسر عن المواقف الي تصير له بالشغل واهم مندمجين بالسوالف انطق باب الجناح ولفو للباب ... جاسر : تفضل ... الباب مفتوح ... دخلت سمر واهي خجلانه ومنزله راسها : احمم ... مساء الخير ... مشغولين او قطعت شي ... جاسر : لا تعالي ... قعدي ... سمر واهي منزله راسها : ييت اعتذ للي قلته تحت ... طلال نبهني لكلامي والله ما اقصد اهينك او اجرحج نور .... نور : انسي سمر ... سمر : لا ما انسى انا غلط بحقكم انتو الثنين ولزم ابين لكم الي كان ببالي ... انا ما كنت اقصد ان دام طلال صديق لجاسر يعني طلال بيقلده ... انا عارفه ان جاسر سوى الي سواه بدون ارادته فكان قصدي من كلامي ان دام طلال كان معاها على علاقه ويطلع معاها يعني غلط معاها لانه قال لي كنا نلتقي بروحنا وبمكان محد فيه ... فشنو بيصير اذا صارو بروحهم وبسن مراهقه ...هذا الي خلاني اقول الي قلته ... نور انا عارفه انج ظنيتي اني مثل الباقي واني ما راعيت ومتناقضه لاني ادافع واتهم بس والله ما اتهمت وكنت افكر غير .... جاسر : قمتي تلخبطي بالكلام بس الفكره وصلت لنا بلي تقصديه ولا تخافي نور صح تضايقت لكن من النضره مو منج .... سمر : يعني مسامحيني مو زعلانين مني ... نور : لا مو زعلانين ولا متضايقين وانسي الموضوع والمهم انج تفهمتي زوجج وامحي كلمة طلاق من مخج ... جاسر : اي صح سمر زين نور ذكرتني بهالشي كلمة طلاق مو سهله كلما تناقشتي وما عجبج الكلام قلتي طلقني ترى طلال كل شي الا كرامته ما يحب احد يذله بشي ... سمر : اي فهمني بطريقته ... حتى اذني للحين توجعني منه .... نور واهي تطالع اذن سمر وتضحك : ههههه سمر شفيها اذنج ليش جذيه محمره ... سمر : اي اضحكي ... مو الاخ ما لقى الا اذني يعضها ويطلع حرته فيها .... جاسر : هههههه احمدي ربج انا اذا عصب مني وفول عضني بجتفي او بيدي ... سمر : توبه اخليه يعصب جذيه قبل يعضني كان يتلفت يدور شي ولمى سالته شتدور قال قربي وعضني ... ما توقعت يبي يفرغ عصبيته بالعض ... صاحبك غريب ... جاسر : هههههه كان المفروض انبهج لهالنقطه اهو اذاةعصب يفرغ عصبيته بالعض بشي فاذا في شي يناكل بيعض فيه بدل ما يعضج فخلي حولج تفاح او اي فاكه تنعض ... نور واهي ميته ضحك وماسك بطنها : هههههههههه اااه بس حرام عليكم اتخيلج سمر تيينا كل مره وفيج عضات الدنيا ....هههههههه المشكله انج ما تمسكي لسانج ... يعني بييج عض وايد ... جاسر واهو يقرب لها : اي مو بس اهي ترى بييج هم انتي بس عض من نوع ثاني ... سمر واهي توقف : يا اخي احترم وجودي ... كاهي سكتت واحمرت وكانها اشارة مرور ... بروح واستلمها بعضك ... تصبحو على خير ... ضحك جاسر على شكل نور المنحرجه فقرب لها وباس رقبتها وعضها بلطف وحملها ونور ساكته وكان جاسر قطع لسانها بكلامه ودخل فيها غرفتهم وووووووووووووووووو مر الاسبوع وصارت ليلة زواج طلال على سمر وفهد على هبه ونور من الصبح مشغوله مع العروستين واضطرت تترك عيالها اليوم كله مع ام جاسر والمربيه حق عياله وجاسر مشغول مع العرسان لكن لمى رجع البيت عشان يغير سال امه عن عياله وقالت له انهم نايمين بجناحها فطل عليهم وبدل وخبر امه ان يغيرو للعيال وتاخذهم معاها للزواج ومعاهم المربيه وطبعا سبق ونور اتفقت مع ام جاسر على هالشي ومرة الحفله بسلام والكل فرحان وصورت نور مع عيالها ومع جاسر وعيالهم ومع جاسر بروحهم وما خلت الصور من حركات جريئه من جاسر ولمى رجعو كانو العيال تعبانين ويبون النوم ومعاهم المربيه بالسياره ولمى وصلو البيت نزلو وكل واحد حامل واحد منهم وكانت المربيه تساعد نور بتغيير العيال وترضيعهم عشان ينامو ولمى دخل جاسر الغرفى كان مغير ولقى نور تنيم فهد وتوها تحطه والمربيه ترضع شهد وللحين ما نامت ... جاسر واهو يكلم المربيه : من تنام حطيها ونزلي تريحي بغرفتج ... المربيه : مدام ما ابات معاهم هني يمكن يتعبوج ويقعدو وايد ... نور واهي جنب جاسر : لا انزلي وريحي اليوم كله وانتي معاهم يكفيج تعب نزلي وخذي راحتج اذا صحو مو مشكله بكره اجازه جاسر معاي بس تنام غطيها وانزلي ... المربيه : شكرا مدام ... تصبحو على خير ... طلعت نور مع جاسر وكان متشوق لها وايد وخصوصا انها متزينه وطول اليوم بس مكالمات بينهم فاول ما دخل غرفتهم حملها وسكر الباب بالمفتاح وطار فيها للسرير وماعطاها اي فرصه تعترض وووووووو نور واهي تجفف شعرها وتطالع جاسر من المنضره : جاسر ما اسمع صوت لاعيال ... ممكن تطل عليهم ... جاسر واهو ينزل من السرير ويقرب لها : تامري يا روحي بس اكيد من تعبهم ما قعدو ... بشوفهم وارجع لج ... شكلي بتهور مره ثانيه ... ابتسمت له نور وكملت تسريح شعرها ولحظه ورجع جاسر وكان مايت له احد ... نور : شفيك ... العيال فيهم شي ... جاسر واهو يلبس التيشيرت بسرعه : العيال مو بسريرهم ... بنزل اشوف يمكن صحو قبل تنزل المربيه ونزلتهم معاها ..... نور واهي تلبس روبها فوق البجامه : انتظر بيي معاك ... بس لو بتنزلهم بتسال قبل ... جاسر واهو يتحرك بسرعه لبرى : ما اعرف بس مكانه بارد يعني من زمان مو بسريرهم ... شهقت نور واهي خايفه ونزلو تحت وطقت نور باب غرفة المربيه وما سمعو لها صوت فدخلت نور ومالقت المربيه وقبل تطلع عشان تدور برى بالحديقه لان ساعات تمشي فيهم بالحديقه اذا ظلو يبجون فانتبهت ان الخزانه مفتوحه وادراج الخزاين فقربت ولقت ان مافي شي داخل فصرخت ... نور واهي تلطم وتصرخ : عيالي .... جاسسسسييير ... المربيه خطفة عيالي مافي اثر لاغراضها هربت فيهم ... جاسر واهو يضمها: اهدي يمكن بالحديقه لا تستعجلي بفكرج ... بروح وادور بالحديقه ... تركها جاسر وطلع يركض برى ولحظات ونور معاه تدور وتصرخ وعلى صراخها طلع ابو جاسر وامه ولقو جاسر ونور يدورو مثل الميانين بالحديقه ... ام جاسر واهي تضرب صدرها وتشهق :هااااه يمه شفيكم تلفو جذيه وكانكم ميانين ... شصاير ... جاسر واهو يرمي نفسه على الارض ودموعه تنزل : ااااه يمه عيالي المربيه هربت فيهم مالهم اثر ابد الكلبه ماخذه اغراضها كلها ومكان العيال بارد يعني من وصلنا بس دخلنا غرفتنا طلعت فيهم ... نور واهي تضرب روحها مثل المينونه : عيالي ابي عيالي جاسر رد لي عيالي كل مني ليش اتركها معاهم طول اليوم ليش اخليها تكمل تنويم شهد كان المفروض انيمها انا ... ااااه ... ابي عيالييييييي.... مسك جاسر يدينها لا تضرب نفسها اكثر وضمها واهو يبجي معاها .... ابو جاسر : قم وكانك حرمه تبجي قوم وبلغ خالد صاحبك خل يدورو عليها قبل تبعد او تطلع فيهم من المنطقه تحرك يله ... وقف جاسر وكانه مقروص وركض داخل ولحقوه واتصل بخالد وبلغه بالي صار كله وبعد نص ساعه وصل خالد ومعاه الجنايات وصارو يفتشو وياخذو البصمات واقوال الكل ونور بحاله سيئه جدا وجاسر مو اقل منها وبعد ما خلصو طمنهم خالد انهم بينشرو صور العيال بكل مكان وهم المربيه ومن تحاول تطلع من اي مخرج بيقبضو عليها وطول الليل ونور وجاسر ما نامو او ريحو وبرغم الحاح ام جاسر وابو جاسر عليهم بانهم يريحو لكنهم رافضين وظلو ينتظرو اتصال من خالد وباليوم الثاني الكل عرف والتمو حتى العرسان تركو سفرتهم وراحو يواسون نور وجاسر وبالظهر بلغهم خالد انهم قبضو على المربيه وكانت تحاول تهرب من البر لكن ما معاها العيال ورافضه تتكلم فتوجه جاسر ومعاه نور وطلال وابو جاسر وابو فهد وفهد وبدر للمركز واول ماشافت نور المربيه هجمت عليها ونزلت فيها ضرب وتصرخ فيها وين عيالي لكن المربيه تبجي وساكته فمسك جاسر نور من ورى وكلبش يديها بيديه واهو يصرخ بالمربيه ويحاول يهدي نور ويصيطر عليها .... جاسر بعصبيه وصرخه : يا كلبه ردي وين عيالي ... وين وديتيهم وليش اخذتيهم من الاساس ... طلال بعد ما شافها ما ترد : ردي وقولي كل شي ... خافي ربج اهم اذوج بشي من وصلتي واهم مو مقصرين معاج وحتى ما يخلو العيال معاج الا للضروره ردي وريحي هالمذبوحين ردي ... ابو فهد بتعقل : قولي ومحد بيتعرض لج بشي ... قولي وريحينا على الاقل نعرف مصيرهم ... حتى لو ذبحتيهم قولي وخلينا نرتاح ... نور واهي تبجي وتصرخ بعد كلمت ابوها وبحرقه : لا ... حرام عليج ليش قولي ذبحتي عيالي ليش انا ما اذيتج اكرمناج شلي سويناه وتعاقبينا عليه قولي وباتنازل عنج قولي ... المربيه واهي تبجي وخايفه : لا عيالكم بخير ما اذيتهم بس ... بس ... ابو جاسر : لا تبس بسي قولي وينهم ... فهد : اذا بخير وينهم شنو سويتي فيهم ... المربيه بخوف : واحد اخذهم قال ياخذ ثاره من ابوهم بس قال ما بيذبحهم بيبعدهم بس ... الكل طالع جاسر منصدمين وجاسر مثل الميت عياله انخطفو بسببه فترك نور وقرب للمربيه ومسكها من قميصها وهزها ....... جاسر واهو يهزها : وليش سلمتيهم له ... اهو يحاكمي جذيه شنو ذنب عيالي او ذنب امهم ... كم عطاج ... قولي كم عطاج ووين سلمتيهم له ... المربيه بخوف : اخذهم مني بالبر وعطاني مليون ... وانا قبلت لاني محتاجه ... ابو جاسر : كنتي قلتي وعلمتينا كنا عطيناج ولا تاخذيهم على الاقل تحصلي المبلغ وعيالنا عندنا ... شذنب هل ام تنذبح بعيالها ... اغمى على نور وركض جاسر وحملها ومددها على الكنبه وفوقوها ولمى فاقت كان جاسر قاعد قبالها فقعدت وضمته واهي تبجي ... نور واهي بحضن جاسر : فتش عن احد ظلمته او اذيته ورد عيالي ... جاسر مصيبتي ومصيبتك وحده فرد عيالي محد بيردهم الا انت ... جاسر : بردهم ... بردهم بس اهدي ... اخذو المربيه للتحقيقات واخذو منها كل المعلومات وراحو مكان التسليم واتصلو على الرقم الي كان يتواصل معاها منه ولمى شيكو طلع رقم بدون اسم وتم تكثيف البحث ونشر صور العيال بكل مكان وبوسائل التواصل فالكل يعرف باختطاف عيال جاسر ونور ومحد ما واساهم ومر شهر ومافي اثر لهم ولا خبر والمربيه بالسجن وجاسر عجز يفكر بشخص ظلمه او يعاديه فاهو ما اذى احد من قبل لكن بيوم كان بغرفته القديمه يفتش فيها يمكن يتذكر احد يعاديه بايام الدراسه او الجامعه لحد ما انتبه لتلفونه القديم الي سكره وتركه وكان فيه كل ارقام البنات الي بعرفهم وكسر شريحته اكن الارقام موجوده فاخذه وطلع واتصل بطلال عشان يلاقيه بالكفيه ... جاسر واهو يحط التلفون على الطاوله : كنت ناسي هالبلاوي ... تعتقد الخاطف واحد من اهلهم ... طلال : من تعني ... جاسر : البنات الي كنت اعرفهم ... طلال فتش وراهم انا ما بستحمل ... ابيك تشوف حواليهم وكل المهمه لواحد وخله يشوف اوضاعهم وخبرني اذا وحده اهلها عرفو او اي شي يدل على ان احد ينتقم ... طلال واهو ياخذ التلفون : زين هالشي خالد يسويه افضل ... كان المفروض تخبره قبل ... جاسر انا افكرىبشي ثاني ... جاسر : بشنو ... طلال : اثير ... ممكن هالشي من وراها خل نروح ونسالها يمكن نلقى شي من وراها ..... جاسر : تبيني اروح لها ... لا مستحيل ... طلال : عشان عيالك ونور ... ما تضحي عشانهم ... جاسر : عشانهم اضحي بروحي لكن هذي .... زين شلون نزورها مو لزم اذن من قبل ... طلال : بكلم خالد ونشوف .... ما بتخبر نور .... احسها صعبه تقول لها عن التلفون وهم الزياره .... جاسر : مابي اخبي عليها شي لزم بقول اذا سكت وعرفت بعدين ممكن تفكر غلط ولا تصدقني وانا مابي اهز ثقتها فيني يكفي انها عارفه اختطاف عيالنا بسببي ومع هالشي تحتمي فيني .... طلال : تبي الحق زوجتك نادره مافي وحده تكون قويه وعاقله جذيه برغم كل الي صار لكم لكنها قويه ... وهم تحبك وواثقه فيك ... جاسر : حياتي كانت بعتمه وظلمه واهي غيرتها للنور لكن هلي احنا فيه نغص عيشتنا .... انا لزم امشي مابي اتاخر عليها اكثر وانت خبرني برد خالد على التلفون والزياره وانا بخبر نور اذا رديت علي تمام ... طلال واهو يوقف : اوكي انا بروح لخالد عشان اسلمه بنفسي التلفون واخبره بكل شي وارد عليك ... راح طلال لخالد وسلمه التلفون وفهمه عن كل شي وطلب منه يساعده بالزياره لاثير وخبره خالد انه بيرد عليه بخصوص الزياره لمى يطلب من السجن والتلفون بيشتغل عليه بالتفتيش ورى كل الاسامي واوضاعهم عشان يمكن اهل وحده منهم يبون ينتقمو من جاسر لكن الصدمه كانت كبيره لمى عرف خالد ان اثير افرج عنها لمى استانفت وسال عنها تبين ان مالها اثر واهلها ما يعرفو عنها اي شي فخبر طلال وطلب منه يخبر جاسر يقابله عشان يعرف منه كل شي عن اثير لان ممكن تكون اهي ورى كل هذا .... كان جاسر مع نور بغرفة عيالهم ونور ظامه ملابسهم وتبجي وجاسر ضامها لصدره ويحاول يهديها ... جاسر واهو يمسح على شعرها : بس يا روحي والله عينج تورمت من كثر البجي .... نور واهي تبجي بحضنه : وحشوني جاسر ابي عيالي ليش اخذوهم شنو ذنبهم ... جاسر : بس يا نور والله اتعذب اكثر وانتي بهالحاله لو بيدي ما تركتهم ابد ... نور انتي تلوميني قولي ولا تكتمي بقلبج ... نور واهي تطالعه : وليش الومك انت ما تعمدت الي سويته قبل وهلي اختطف عيالنا لو عنده الجراه كان ياه وواجهك بدل ما يخطف اطفال مالهم ذنب .... جاسر انا عارفه ان الي احنا فيه اختبار لصبرنا وهم لحياتنا ومابي اضعف واخلي الشيطان يلعب براسي انا واثقه فيك ومابي اي شي يهز علاقتي معاك واذا الله اخذ عيالي وماتو بوكل امري له وربي بيرزقني غيرهم منك لكن انت مستحيل اعوضك او ابدل لو بكل رجال العالم تفهم انت اهم عندي من كل شي ... جاسر واهو يبجي ويضمها : الله يقدرني على كل هالحب منج ... كنت خايف اخسرج لكن بعد كلامج هذا مابخاف ابد وببقى ادور لحد ما اردهم لنا .... نور في شي صار ولزم تعرفيه لكن انتظر اتصال من طلال عشان اقول لج كل شي مره وحده ... نور : قول انا بتفهم قول .... جاسر : رحت افتش بغرفتي القديمه يمكن القى شي يذكرني باحد ظلمته وممكن ينتقم مني لكن لقيت تلفوني القديم انتي تعرفي ان لمى رديتج غيرت تلفوني بالرقم وكسرت الشريحه القديمه لكن التلفون تركته بالغرفه وقلت يمكن يكون واحد من اهل وحده من هالبنات ينتقم مني فخذيت التلفون وعطيته طلال يشوف السالفه لي لكن قال بيسلمه لخالد واهو يتكفل بالمهمه افضل منى وبنفس الوقت قال لي انه يفكر باحد ممكن يكون ارسل هالشخص يخطف عيالنه ينتقم واهو بالسجن ... تعرفي من صح ... نور : قصدك اثير ... معقوله انا فكرة فيها لكن استبعدتها لانها بالسجن .... بس ممكن يكون لها احد يساعدها برى ... جاسر : وليش لا هذي ما استبعد عليها شي ... بس طلال يقول ازم نروح لها ونشوف نجرجرها بالكلام يمكن تعترف ... هذا الي حبيت اقوله لج بدل ما تعرفيه من غيري ... نور اذا مو موافقه مابروح لاني اصلا كاره هالروحه ... نور : الي ممكن يوصلنا لعيالنا بنسويه دامه مو غلط ولا حرام ... مابعترض او اشك فيك انا واثقه فيك ... بس بتتحمل تكلمها ... جاسر بضيق : ما اعرف شنو ممكن اسوي لو شفتها نور والله ثم والله اشوفها بصورت شيطان والله مو عارف شلون ما حسيت بخبثها لكن الشكوه لله وحده ... نور واهي ترتمي بحضنه : هذا المهم الشكوه لله وحده اهو المعين حط هالشي قبالك وربي بيفرجها ... ادعي ربي يرد لنا عيالنا بسلامه .... جاسر : امين ... الله يسمع منج ... ظل جاسر مع نور مده واهم بحضن بعض وبعدها قومها تطلع من الغرفه لان كلما قعدت فيها تتعب نفسيتها اكثر ونزلها تحت يمكن تلهي مع اهله ولمى كان معاها قاعدين مع امه وابوه واخته رن تلفونه وكان طلال ... جاسر واهو جنب نور : هلا طلال بشر ... طلال بضيق وخنقه : اخبار مو زينه جاسر اخبار تغث ... جاسر واهو يوقف ويبعد عنهم : شنو صار قول لا توقف قلبي ... طلال : الكلبه مو بالسجن طلعوها بعد الاستاناف ... جاسر بصرخه : شنو ... مستحيل القاضي قال مافي استاناف شلون طلعت في تلاعب بهالشي .... طلال : مثل ما قلت اكيد في بس المصيبه مالها اثر وخالد يبيك تروح له لانه شاك الا متاكد ان لها يد بالخطف دامها مختفيه واهلها مايدرون وينها ..... جاسر واهو يقعد بصدمه : معقوله ... عيالي راحو خلاص ... حتى لو لقيناهم مو عايشين هذي مابقلبها رحمه هذي تبي الفلوس وبس ... طلال واهو يحاول يهديه : جاسر اذكر الله ولا تياس هذي توقعات مو متاكدين ولا تفاول على عيالك تفائل بالخير وادعي لهم .... جاسر والدموع تنزل : الله كريم ابيهم يردو وافرح قلب هالضعيفه والله قلبي تعب وذاب وانا اشوفها جذيه اتماسك قبالها وانا ميت .... بموت يا طلال ليتهم عذبوني لو قتلوني ولا اشوفها مكسوره جذيه .... طلال واهو متاثر : لهالدرجه تحبها جاسر ... جاسر واهو يبجي : واكثر والله ابي اطلع روحي واهديها لها وعيالي كانو الرابط القوي بينا لكن كلامها معاي خلاني اعرف شكثر انا مهم عندها وثقتها فيني طلال ابي باي طريقه اوصل لعيالي واردهم لها حاول توصل للكلبه وانا بييكم المركز وبخبر خالد بكل شي اعرفه يمكن نوصل لمكانها ... طلال : زين انا بروح له ونلتقي بالمركز اوكي ... جاسر واهو يمسح دموعه ويوقف : اوكي بخبر نور واييكم ... باي ... سكر جاسر التلفون ولف بيروح لنور لقاها وراه فقرب منها ... جاسر واهو يمسك وجها : سمعتي كل شي ... نور والدموع تنزل : شلون طلعت ... جاسر : قبلو الاستاناف مع ان القاضي قال مافي بس شلون ما اعرف ... بروح لخالد وخبره بكل الي اعرفه يمكن يوصلو لها ونوصل لنتيجه ... نور واهي تضمه : لا تتاخر علي احتاجك جاسر ... جاسر واهو يبوس راسها : مابتاخر وبرد ان شاء الله بالاخبار الزينه اوكي ... طالعته نور وابتسمت واهي تمسح دموعها : انشاء الله ترجع باخبار تسرنا ... الله معاك ... باسها جاسر بشفاتها وطلع وكله امل يوصل لنتيجه ويعرف مكان اثير ويوصل لعياله لانه حاس انهم عندها دامها مختفيه حتى عن اهلها وفعلا راح لخالد وخبره بكل شي يعرفه عنها من تعرف عليها ببريطانيه لحد ماطلقها واستنتج خالد انها تعرف ناس واصله وبجذيه طلعت لان تبين من بحثهم بالملفات ان واسطه طلبت الاستاناف وطلعت بسرعه ودخل خالد على ملفها الالكتروني الي بسجلات الحكومه وعرف انها تملك فلا بالمنطقه الراقيه وارسل مخبرين يشوفو هالفلا ويراقبوها وفعلا ظلو يراقبو وجاسر رجع وخبر نور بس بالي خبرهم فيه خالد وطلب السريه حتى عن اهلهم الا نور لانها الام ... تمت مراقبة الفلا اربعه وعشرين ساعه لمدت اسبوعين ولاحظو ان ريال اهو بس الي يطلع ويرجع ومعاه اغراض ولمى لحقوه مره للمكان الي يشتري منه انتظرو يمشي وبعدها خذو من السوبر ماركت لستت الطلبات وتبين ان في اغراض للاطفال الرضع من حفاظات وحليب وغيره وجذيه تاكد خالد ان عيال جاسر عندهم لكن يلزمهم امر بالتفتيش وهم يتاكدو من الي ساكنين بالفلا فسالو الناس الي حولهم وعرفو ان الي يسكن فيه ريال وزوجته بس وان الزوجه ماتستقبل احد وما تخالط الناس والريال هم ما يرد حتى السلام وانهم ساكنين من شهر ونص بس بالفلا ... طلع خالد امر التفتيش لم قدم ان الفلا لسجينه طلعت بالواسطه والحيل فقبلو بالتفتيش ولمى طقو الجرس فتح لهم الريال وارتبك اول ماشاف الشرطه وتو بيتكلم بعده خالد وامر القوات تدخل وتفتش ولمى تكلم الريال معترض على التفتيش سكته خالد ... خالد واهو يبرز الامر : معانا امر بالتفتيش للفلا بالكامل ... الريال : وليش التفتيش بيت اصحاب مخدرات عشان كل هذا ... خالد : لا اكبر وتعرف بعدين مع انك عارف ... سمع خالد صراخ وطلق رصاص فامر الشرطي يمسك الريال واهو ركض لمصدر الصوت ولقى اثير بملابس شبه عاريه وبيدها البنت وماسكه مسدس ومصوبته على راس البنت فخاف خالد تطلق عليها ... خالد واهو يقرب : بعدو عنها ... نزلي البنت ولج الي تبينه بس بعدي المسدس عنها ... اثير واهي تضحك بهستيريا : لا بذبحها واذبح اخوها ... مابخليهم يتهنو فيهم ... عشان هذول تركني وذلني وقطني بالسجن كاني بقهره فيهم واذبح الكلبه امهم ... وينهم خل ايون ويشوفو شلون بقتلهم كلمهم او بطلق الحين ... خالد واهو يتصل : لا ارجوج مالها ذنب انا بتصل بس اتركي المسدس ... نزليه عنها ... اثير بصراخ : لا كلمه ايي ومعاه كلبته ... خالد بعد ما رد جاسر : جاسر تعال لي على العنوان الي برسله لك ومعاك زوجتك لقينا عيالك وطليقتك تبي تشوفكم او بتطلق على البنت ... جاسر بصدمه : شنو ... انت وين قول لي بسرعه ... خالد واهو متوتر وخايف على شهد : برسله لك بسرعه تعال ... ارسل خالد العنوان لجاسر وظل يحاول مع اثير تنزل المسدس عن شهد وتقعد فيها لان شهد تبجي وتصرخ وتقطع قلبه عليها وانتبه ان فهد الصغير بيد واحد من الشرطه فاشر له يطلع فيه بمكان ثاني بعيد عن اثير وبعد نص ساعه وصل جاسر وطلع بسرعه مع نور لفوق وصرخت نور وارتمت بحضن جاسر لمى شافت بنتها والمسدس براسها فانهارت وجاسر دموعه تنزل وضام نور ... جاسر واهو ضام نور : شتبين وتتركيها ... اي شي بعطيه لج بس اتركيها ... اثير واهي تمايع وبيدها شهد والمسدس : هههههه اي شي اي شي ... نور واهي تطالعه : كل الي تبينه بس اتركي بنتي مالها ذنب بشي ... ارجوج ... اثير : ههههههه دامج قلتي عيل بحرقج واخليج تكرهيه ... الي ابيه يقاربني وقبالج هني ... شقلتي ... تقبلي يقاربني وانتي يقاربج صالح ... الا وينه خلوه ايي انا وعدته فيج ... جاسر واهو يصرخ فيها : تحلمي فاهمه لو تموتي ودواج هالشي ما سويته ونور اشرف من حريم العالم كله تبينها تنزل نفسها لقذارتج ... لو اشوف بنتي تنذبح ماسويتها ابد ... خالد : جاسر بدل ما تهديها تشعلها .... اثير قولي شي معقول ... اثير : اهو قال يبي موت بنته قباله وانا بحرق قلبهم عليها ... خلاص انتو الي حكمتو .... نور : ممكن طلب قبل تقتليها .... اثير : لا تقولي تبين تودعيها لعبي غيرها .... نور : بودعها بس بطريقتي ... خليها بس تطالعني مسكيها عدل …. استغربت اثير ولفت شهد لنور وابتسمت شهد وصارت تاشر لامها وتبي توصل لها واهي بيد اثير فكانت اثير تمسكها عدل قبل تطيح من كثر حركتها لمى شافت امها وابوها وحطت المسدس على راسها وفجاة سمعت صوت نور واهي تقرا قران وكانها تودع بنتها وتبيها تموت بكلام القران فاهتزت اثير وصارت ترجف من قرائة نور وقامت تصرخ تبي نور توقف لحد من نزلت شهد على كرسي يمها وحطت يدينها على اذنها تبي تسدها عشان ما تسمع ونور مواصله وخصوصا لمى شافتها مو مستحمله وصارت اثير تتكور على نفسها لحد ما تكورة بالارض ورمت المسدس وكان بكلام الله عذابها واسرع خالد وحمل شهد وبعدها وسلمها لشرطي يطلع فيها ونور مواصله واهي تشوف بنتها بامان وفجاة خذت اثير المسدس ورفعت راسها وكانت بشكل مرعب وكانها تشوهت وصار شكلها مثل الشيطان فعلا وخذت المسدس وحطته براسها وقبل يقرب منها خالد يمنعها اطلقت وارتمت على الارض ميته فلفت نور واهي توقف قرائه وضمها جاسر وطلع فيها برى الغرفه واهو يحمد ربه ان الله نجاه مع زوجته وعياله واول ما شاف عياله بيد الشرطه يلعيوهم بعد نور ولفها لهم ... جاسر : عيالنا بخير ... الحمدلله ربي نجاهم وخلصنا من شيطان ... نور : الحمد لله ... جاسر تعرف اني شفتها فعلا بالصورة الي صارت عليها اول ما دخلنا الغرفه وخفت لهالشي تماسكت وقرات القران لاني تذكرت كلام يدي الله يرحمه لمى كان يخبرنا عن الي يتلبسهم الشيطان لانهم يعبدوه والظاهر ان اثير وحده منهم والله نجى عيالنا لانها كانت بتقدمهم له قربان ... جاسر واهو يتنهد : الحمد لله والله لاوزع على الف فقير ومسكين ومحتاج ماونة شهر كامل سلامت عيالنا ... ضمته نور وبعدها بعدت وراحت معاه ياخذ وعيالهم وبعد ما خلصو اجرائات استلامهم خذوهم ورجعو فيهم للبيت والكل مجتمع ينتظر لان طلال خبرهم انهم لقوهم وراجعين فيهم وفرحة الكل كبيره لان العيال بخير والله نجاهم من الموت .... ام الريال الي كان مع اثير فاهوعشيقها وكانت معشمته بنور لانه شافها مع جاسر لمى كان يراقبهم لمى طلبت منه اثير يراقبهم فخبرها انه بيسوي لها كل الي تبيه بس تنوله نور واهي قبلت بس عشان توصل لخطف العيال وتبين فعلا ان اثير كانت من عبدة الشيطان من كلام الريال الي كان معاها من الي تسويه من طقوس بغسل نفسها بالدم وتسليم نفسها لكل ريال تشوفه واشياء كثير .... بعد مرور ٣ سنوات .... جاسر ونور عايشين حياة سعيده وبتفاهم دايما والكل يحسدهم على هالشي ونور حامل ويتمنى جاسر تييب ولد يسميه طلال ، اما فهد وشهد فالكل يدلل فيهم لانهم اول احفاد للعايلتين وبعد خطفهم زاد خوفهم عليهم وحرصهم بسلامتهم..... طلال وسمر صار عندهم ولد وسموه جاسر من حب طلال لجاسر وسمر حامل باول اشهرها وحياتهم مع بعض بمد وجزر لكن بالنهايه يتفاهمو وخصوصا بعد العض من طلال لسمر .... فهد وهبه عندهم ولدين لان هبه حملت ورى ولدها بعد سنه من ولادته وعايشين حياتهم بتفاهم ولزم مشاكل بسيطه بينهم ...... نوره مرتاحه مع بدر وصار عندهم ولد وبنت بدر فرحانه لان صار عندها اخ اصغر منها تعتني فيه ..... ساره تزوجة لمى رجع ولد الجيران و يابت بنت سمتها على اسم امها شوق .... اما ابو فهد مونس نفسه مع احفاده وفهد ساكن معاه بالبيت …. اما ايو جاسر وام جاسر فرحانين باحفادهم ومالين عليهم البيت ورفضو يطلع جاسر برى البيت وفضو له الطابق العلوي كله ونزلو اهم بالارضي وخصوصا لمى تزوجة مها من ولد عمها ... اما عادل فتقبل ان نور مو له وتمنى لها السعاده وقبل ان امه تدور له بنت مناسبه له من معارفهم وتزوجها واهي حامل وارتاح عيشته معاها لكن نور بقلبه .... اما علاء فالتقى بدكتورة معاه بالمستشفى واعجب فيها وتقدم لها وتزوجها وصار عنده ولد وتخلص من عقدته القديمة وخوفه انه يفقد زوجته ..... النهايه ....... | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
