آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
16-06-20, 01:21 PM
| #11 | ||||
 
|  الفصل السابع : اين اجد السعاده يُغني الليل يستجدي المنى،،، ان تمنحَ الطفلَ الصغير،،، العمرَ والقلبَ السعيدْ،، والعمرُ يا اُمي ضنينْ،،، لكني مازلت احلمُ مثلما يوماً،، رأيتُكِ تحلُمِين،،،، قد قلتِ ان الارض تنزفُ من سنينْ،، وبأن صوتَ الطفلِ،،، بين ضلوعِها...يعلو،،، ويحملُ فرحةَ الزمنِ الحزينْ،،، مازلت يا أُماهُ انتظرُ الوليدْ،،، رغم الضياعِ ورغم عنواني الطريدْ،، اني أرىَ عينيه خلفَ الليلِ ،،، تبتسمانِ بالزمنِ السعيدْ ،،، /فاروق جويده/ ________________________ الصباح اشرق عل كل من في السعودية طلعت من غرفتها وهي تدندن : اطلق صباح اصبحه بوجه الحلوه والله يازييييييين صباحي بعد شوفه هالوجه الزين صباح الورد ياقمر ام كنان كانت جالسه في الكنب وتبتسم بفرح وهي تقول : صباح الخير لأحلى بنت في العالم رفيف باست راس امها و انسدحت على الكنب وحطت راسها في رجل امها وقالت وهي في حظنها : كيفيك يمه ام كنان تمسح على شعرها بحنان : الحمد لله رفيف : دوم انشاء الله ، ام كنان سعيده ان رفيف في حظنها لانها من زمااان ماجلست معها : شكلك مبسوطه اليوم ؟؟ رفيف ابتسمت : اي عشان الاستاذه ارسلت نتائجنا حق منتصف السنه وانا طلعت الثالثه ام كنان بفرح : مبروووووك مبروك رفيف : الله يبارك فيك ،، ايش الغداء اليوم ؟؟ ضحكت ام كنان : تونا وقت الفطور وتفكرين في الغداء رفيف : ههههههه انتي عارفه اني لما افرح اجوع هههه ام كنان : الله يديم الضحكه رفيف : اميييييين ،،إلا وينه يبه ؟؟ مو شايفته هنا وحتى كنان مو فيه دخلت دارين وهي ترتب شعرها المنفوش وهي تقول بهدوء : اكيد ابوي طالع يشتري مقاضي وكنان طلع يقابل صاحبه رفيف هزت راسها وقالت بتساؤل غبي ما تدري كيف خطر في بالها : يمه عندي فضول اعرف لو رجع بك الزمن ترجعين تتزوجين ابوي ؟؟ دارين توسعت عينها من سؤال رفيف وقالت بحده : يابنت استحي ايش هذا السؤال الي ماله داعي ؟؟؟ رفيف : انا سألت امي انتي ايش عليك ؟؟ ام كنان هزت كتفها وقالت بواقعيه : الزمن ما يرجع رفيف اعتدلت بجلستها وهي تقول : ادري انه مايرجع بس ماجاوبتي !! دارين بحده : رفيف سكري السالفه !! ام كنان اكتفت بإبتسامه طيبه مثل قلبها رفيف قالت بصراحه اقرب للوقاحه : انا لو مكان امي مستحيل اجلس ولو دقيقه معاه لانه ما ينطاق اجل شلون عمر كامل !!!!! دارين صرخت : بنت !!!! رفيف تكمل بوقاحه : ليش دائماً تزعلين من الحق !!! هو صدق ماينطاق ،، بخيل و.. قاطعتها دارين بقله حيله : ليش لازم تعيدين نفس الموال كل يوم !!!!؟؟؟ حسستيني انه ماتلقين شي احمدي ربك في غيرك يتمنى ربع الي عندك يتمنى قطعه خبز ، يتمنى قطعه ملابس تدفيه من البرد وانتي الخير عندك يكفي ويوفي و كل شوي تتحلطمين قولي الحمد لله وانتي ساكته رفيف بتذمر : ليش تسكتيني !!!! انا حامده وشاكره ربي لكن اقول الصدق هو بخيييل وعصبيييي ومتذمررر ومايعرف كلمه حلوه ومتحجر فكرياً ومايعرف يتحمل المسؤوليه دارين : متذكره ان هذا ابوك !!! رفيف طنشت دارين وهي تناظر امها وتكمل : صدق يايمه جاوبي انتي كيف تتحملينه هذا ونحنا عياله معطينا طاف ولايفكر فينا اجل انتي زوجته كيف عايشه معه الي الان !!!!! والله لو مكانك اطلب الطلاق لاء لاء إلا اخلعه كمان دارين لولا احترامه لأمها الموجوده معهم كان ضربت رفيف لكنها قالت بصراخ : يابنت امي !!!!!!! لاعاد تطرين سوالفك البايخه فاهمه ؟؟؟؟؟؟؟؟ وإلا اعلمك الإحترام من اول وجديد رفيف ببرود : ليش انا ماقلت شي غلط ؟ دارين ~ هالبنت بتجنني ~ : رفيف وبعدين معك رفيف صرخت : لأنك ماعشتي الي عشته وماحسيتي بالنقص مثلي دارين بسخريه ونفاذ صبر : ليش قالولك كنت عايشه في المربخ مثلاً ؟؟؟ ياحلوه ترى انا عايشه معك في نفس البيت ونفس الوضع بس انتي تنقصك القناعه !! شوفي الفرق بيني وبينك مع اننا نفس الشي بس انتي تتحلطمين كل شوي اما انا احمد ربي واشوف ان نحنا نعيش برفاهيه مقارنه بكثير ناس غيرنا ام كنان تدخلت اخيرا وقالت بهدوئها المعتاد : يابنات اذكروا الله ايش صابكم من صباح الله خير تتهاوشون ؟ سكروا على السالفه خلاص ولاعاد اسمع احد يتكلم عن ابو كنان كذا رفيف انقهرت وقالت بمبالغه : ليش كلكم تدافعون عن ابوي وتقفلون السالفه ؟؟؟؟؟؟؟ وانتم عارفين انه دائما غلطان وانه مايستاهل يكون زوج واهم من هذا مايستاهل يكون اب حتى دارين صرخت والشرار يطلع من عيونها : ابوي تااااااج راسك وراسنا غصب عنك يا مضيعه الاحترام والسنع التفتت رفيق بقهر للخلف عشان تخرج لانها ماتطيق مثاليه دارين وتوسعت عيونها بخوف لا احد كان منتبه لذالك الرجل الذي كان واقفاً هناك منذ البدايه ذالك الرجل الذي كان يستمع لكل شئ حرفياً ،، نطق ابو كنان بشبه حده : السلام عليكم ،، صار لي سنه واقف هنا وماحد انتبه كان الجميع صامت بصدمه وهم يترقبون بخوف رده فعله رفيف تمنت الارض تنشق وتبلعها وحست الدنيا تدور فيها ~ ، كان هنا ؟؟؟ سمع كلامي كله؟؟؟ لا لا ياربي والله بيذبحني اكيد اليوم نهايتي اكيد سمع كل شي قلته عنه استغفر الله استغفر الله~ العرق يتصبب منها بقوه وهي تشوف الجلمود ابوها يتقدم ناحيتها ~ بيذبحني بيضربني اكيد ~ كانت تحس برجفه بجسمها من الخوف مو قادره تتصور رده فعله ~ يارب ارحمني ~ انصدموااااااااااا كلهم وخصوصا رفيف من رده تعداها وهو متجه لغرفته بدون لاينطق اي حرف ومتجاهل كل شئ رفيف ماصدقت انه تركها وماقال شي او عمل شي وانهارت جاثيه على ركبها وتنتحب بخوف من لحظات الرعب الي عاشتها ودارين مشت راجعه لغرفتها وهي تقول بهمس وصل لمسامع رفيف : تستاهلين وليته كسر راسك __________________ عند مجهولتنا اللطيفه فتحت عينها بنعاس من الأصوات المزعجه حولها ،فزت برعب من السرير الحديدي وهي تلتفت حولها وسرعان ما ادركت انها في السجن او الحبس المؤقت همست لنفسها وهي لازالت على نفس وضعيتها ~ هذا رابع يوم لي من يوم جيت الرياض وانا كل يوم من سجن لسجن ،، وبسخريه : عادددي اعتبره فندق مجاني وكمان مافي احد معي في نفس السجن وواوووو لهذي الدرجه انا مهمه~ وانقطعت افكارها من وصلها صوت الحارسه وهي تقول الحارسه بحده : يابنت المحققين استدعوك يلا بسرعه البنت ترد بنعاس وهي تتوجه للحمام : متى امداهم يصحون ويفطرون ويلبسون ويجون الدوام وبعدها يستدعوني مطت شفتها وهي تقول : صدق ناس فاضيه الحارسه صرخت : بسرعه!!!! البنت تأففت وهي عند الحمام الصغير : اصبري خمس دقايق الحارسه توسعت عيونها وقالت بفظاظه : خمس دقايق!!!!!!!؟؟؟ مستحيل اضيع عمري عشان تخلصين وكملت وهي تناظرها من فوق لتحت : اقول يلا بسسسس انتي وعبايتك المعفنه تتشرطين بعد لكنها بلعت بقيه كلامها لما ادركت ان البنت دخلت الحمام وماسمعتها بعد عده دقائق يدينها مقيده بالكلبشات وهي تمشي مع الحارسه المزعجه و تدخلها غرفه الاستجواب رفعت حاجبها من شافت شخص اول مره تشوفه لؤي تمطط في كرسيه وهو يقول : بسرعه قبل يبداء دوام فواز عندي لك كم سؤال البنت بداخلها ~ ايش هذي المهزله كل واحد عنده سؤال يزعجني فيه او يبغى ينتقم من زميله عن طريقي اففففف انا ايش مدخلني هذي الدوامه السخيفه ~ لؤي تأفق : اقول لك ماعندي وقت بطلي سرحان البنت جلست وهو أشر للحارسه تخرج وهو يقول : ايش تعرفين عن الاشهب حتى لو معلومات بسيطه اهم شي انتي تعرفين شي ؟؟ البنت مطت شفتها وهي تهمس بداخلها ~ استغفر الله ياريت عندهم سؤال جديد مثلاً....كل واحد يعيد سؤال الي قبله لكن بصيغه مختلفه~ لكنها ماردت لأنها قررت تلتزم استراتجيه الصمتتتتت مهما سألوها رح تبقى صامته لان امس جوابت لعزام وما أفاد عشان كذا مهما حصل مارح تتكلم لؤي متوتر لانه يبغى يعرف كل شي قبل لايجي فواز : بسرعه قولي اي معلومه تقدر تفيدنا انا ابغى احل القضيه قبلهم واوريهم انهم مو الوحيدين العبقريين في العالم البنت :▪▪▪▪▪ لؤي يضرب الطاوله بأستعجال : افففف تكلميييي يازفته البنت طفشت من نفس الروتين ، يسألونها وهي ماتجاوب وبعدها يعصبون لكنها كمان ماردت عليه :▪▪▪▪▪ لؤي بكذب عشان يستدرجها : كم تبغين فلوس عشان تنطقين ؟؟ رح اعطيك الي تتطلبينه بس قولي اذا تعرفين شي او لاء؟؟ البنت ناظرته بسخريه والتزمت الصمت :▪▪▪▪▪ وفي هذي الاثناء دخل عليهم كالأعصار وهو يقول فواز بعصبيه : لؤي ممكن افهم انت ايش دخلك تستدعيها وتستجوبها بدون علمي؟؟؟ لؤي ضحط بتورط وقال: ها !! كنت فاضي وقلت اجرب حظي يمكن تتكلم الخرساء الي عندنا فواز تكتف بعصبيه : لا والله!!! تجرب حظها ها ؟؟؟ لؤي مبتسم وقال : صلي على النبي ولاتعصب !! فواز صرخ : قسم بالله لو عملت حركه من وراي مارح تشوف خير توه وصل وسمع صراخهم وقال : مايستاهل كل هالعصبيه فواز التفت على عزام وقال : وانت كمان ايش جابك لهنا ؟؟؟ واعيد وازيد .لاتدخلللل !!! عزام طنشه وهو يستند على الجدار ويناظر البنت : طفشتي ومليتي صح؟؟؟ البنت كانت بترد وتقول انها ملتتتتتتتتتت وماعاد عندها القدره تحتمل اي شئ لاكن بسرعه تذكرت انها لازم تلتزم الصمت وماترد عزام رفع حاجبه : اكلم جدار ؟؟!!! البنت : ▪▪▪▪▪ أما لؤي فأستغل انشغالهم عنه وخرج بسرعه لانه مو ناقص اسإلتهم وتذمرهم و قال فواز بإنزعاج : لاحول ولاقوه إلا بالله ،، عزام لأخر مره بسألك انت ايش دخلك تحشر نفسك في موضوع مايخصك ؟؟ عزام لازال مركز نظره على البنت وهو يقول ببرود كالصقيع : ولأخر مره اجاوبك ان الموضوع يخصني لان فيه ارواح بريئه ماتتْ ولأنك غبي وتحكم على الأمور بطريقه غلط ومارح تعرف تتصرف فواز اقترب من عزام وبنظره رجاء عميقه : عزام يرحم والدينك ابعد عن هذي السالفه واتركني احلها وانا متأكد اني رح انجح تكفى لاتخرب صداقتنا اكثر من كذا بتدخلك !!! عزام سكت لثواني ...وبعدها قال وهي يبتعد عن فواز ويجلس في الكرسي المقابل للبنت : فواز انت الي اتركني احل القضيه وحدي وبدون تدخلاتك الهمجيه وصدقني مارح تندم فواز رجع لعصبيته وهو يقول : انا ما اثق فيك ما اثق فيكككككككك وفي حلولك والايام بيننا ورح تكشف مين على حق التفتوا عزام وفواز لمصدر الصوت القادم من الباب والواضح عليه العصبيه اللواء تركي بنغزه : كيف العمل ؟؟ عزام استغرب وجوده هنا لكنه قال بإحترام : كل شئ تمام طال عمرك اللواء تركي : ايش تسوون الحين ؟؟؟ فواز ببساطه وهو يناظر البنت : نستجوب مشتبه بها في محاوله قتل طال عمرك تركي بعصبيه : تستغفلوني كذا انااااا تستغفلوني ؟؟!!!!! فواز قفز لعند تركي بفزع وهو يقول : يبه ايش فيك معصب ،، ماعاش من يستغفلك تركي ابعده وهو يقول ووجهه احمر : اولاً انا رئيسكم مو ابوك فاهم !!! وثانياً يامقدم انت عارف قصدي ولايحتاج اقول لك فواز : والله ماني بداري ايش سويت !!؟؟ قول عشان افهم تركي استنشق بعض الهواء لعله يهدئ من نيران الغضب بداخله وقال بغضب ونهر : الي سويته يامقدم انك تجاهلت مسؤوليتك كرجل امن مخلص وقدمت امورك الخاصه على مسؤولياتك فواز عقد حواجبه بعدم فهم بينما تركي اكمل بغضب : انا ماقد تدخلت في قضيه امك الله يرحمها ابدااا لكن الحين طفح الكيل في البدايه تركتك على راحتك مع انك تستخدم رجال الدوله والمعدات وقدراتنا لصالحك ولقضيه تقفلت وانتهت .... وبديت تتمادى شوي شوي...واخرتها تكذب وتتهم شخص برئ عشان مصالحك !!!!! خساره تربيتي فيك فواز بدفاع عن نفسه : انا رح اتركها اذا ساعدتني وكمان القضيه هذي ما انتهت ولازم القى القاتل ولو كلفني هذا حياتي تركي صرخ : ولو هذا مايبرر انك تخون العهد وتتخلى عن صدقك وامانتك في مهنتك وتتهم بنت لا حول لها ولا قوه عشان تثبت اوهام مالها صحه وهذي القضيه انتهت يعني انتهت ...انت تنازلت عن زوجتك وهذا يعني ان القضيه منتهيه فواز صرخ بألم مخفي : انت عارف ان رحيق مو هي الي قتلت امي ومو الي قتلت الاشهب واكيد في شخص وراء هذي القضيه وهو اكيد الاشهب او مساعدينه تركي : ما اكذب عليك لانه فعلا انا مو مقتنع انها زوجتك لكن مثلا مثلا لو اتضح انه الاشهب ؟؟!! خلاص الاشهب مات يعني مافي فايده !!! فواز بقهر : انت الي تركته يموت بدون مانستجوبه !! انا غبي لاني سمعت كلامك وهو كان شهور في المستشفى قبل يموت عزام بتدخل هادئ ساخر : كان فاقد الوعي فواز بندم لتضيعه الفرصه : لكنه كان يصحى ويرجع يفقد الوعي وكنت اقدر اسحب منه الكلام لولا ان حظره اللواء تركي منعني بحجه انه لازم يكون بكامل وعيه تركي لازالت ملامح الغضب تعتليه وهو يقول : هذا كله مايهم والحكي في الفايت نقصان عقل وانت لازم ترجع تكمل حياتك بلا اوهام سخيفه فواز صرخ بداخله بوجع ليش الكل مو حاس فيه ليش اقرب الناس له مايفهمونه ..امه روحه وحياته وكل دنيته ماتت!!!! وزجته بعيده عنه و قال : كيف مايهم؟؟ لازم انتقم وابرد شوي من الي بداخلي!! والقى القاتل عشان لايعمل شي ثاني تركي بحده: مين بيكون القاتل مثلاً مافي احد له مصلحه في قتل حرمه كبيره ماتعمل شي في حياتها غير فعل الخير والصدقات !!!ا ولو فكرنا انه يمكن الاشهب؟؟؟ انا اقول لاء موصحيح لان واضح انه كان يحب امك ومارح يئذيها وفوق هذا مستخيل يقتل نفسه ولو كان مثل ماتقول اصاب نفسه عشان يبعد الشبهات عنه ، كان رح يصيب بدقه ومارح يخطئ ويقتل نفسه . تدخل عزام وكأنه فاهم ايش بيقول تركي، كمل بدل عنه : فواز انت تحاول تخدع نفسك !! فواز اعطى عزام نظره سخريه لكن تركي كمل : صادق،، يافواز انت تحاول تخدع نفسك عشان ماتبغى تعترف ان امك ماتت عقلك مو راضي يرضى ويصدق بالواقع وقاعد تحاول تلهي تفكيرك بأي شي عشان لايصطدم بالحقيقه اصحى يافواز اصحىىىى !!! مهما انتقمت وعملت مارح يفيد ومارح ترجع امك انت قاعد تشغل نفسك عن التفكير لكن لازم نرضى بقضاء الله وقدره وانت ادعيلها لانه الشئ الي بيفيدها هو الدعاء والصدقه فواز سكت يتجاهل كلامهم لانه سخيف او ربما لان فيه القليل من الحقيقه تركي قال بحده : كل شئ انتهى ولازم تعطونها براءه للبنت ولازم تنسى السالفه بكبرها فاهمممم!!!؟؟؟ وبعدها خرج وهو لازال معصب .... عزام رفع حاجبه من تذكر شئ وهو يقول : فواز لاتكون رح تروح عند الموقع الي اعطاك ايها الكندي في المستشفى حق الطفل؟؟ اذا كان فيه طفل اساسا وماكانت خدعه استدراج منهم فواز بسخريه : خدعه منهم ؟؟ مين هم اساسا؟؟ عزام : اعدائنا الي لاحقوا بنت الاشهب ويمكن يمكننن الي قتلوا امك فواز بسخريه : انتم خايفين من الا شئ لأننا في حرب مانعرف اطرافها بس نحارب ومو داريين شئ عن خصومنا ،، و خرج بسرعه وهو يشكر عزام بداخله لانه ذكره بهذا الموضوع عشان يقدر ينشغل عن التفكير في كلامهم وفي مكالمه رحيييق الي دامت ثواني امس وبعد ما خرج فواز ... استوعب عزام وانصدم ان البنت كانت لسى موجوده!!!!!! كيف ما انتبهوا لها؟؟ اكيد من اندماجهم بالكلام !!! قال في نفسه ~ غريبه ليش كانت ساكته وماتكلمت ~ عزام ناظرها بهدوء : على حسب كلام تركي رح يجبر فواز يكتب لك براءه يعني كم يوم وتكوني حره البنت اعجبتها استراتجيه الصمت لانها مريحه فقررت ماتتكلم إلى الان :▪▪▪▪▪ عزام مشى لعندها بهدوء لحتى صار قريب منها مره قامت من الكرسي بسرعه وهي تبتعد : خيررر؟؟؟!! طنشها وهو يقرب اكثر وهي تبتعد وتناظر حولها حتى الصقت ظهرها بالجدار وقالت : نعم؟؟؟ ايش تبي عزام قرب بحيث صار محاصرها في زوايه الجدار نطقت بقرف : ابعد عني ايش قاعد تسوي ؟؟!!! عزام غافلها وبحركه سريعه سحب واحد من قفازات يدها ولاإراديه ناظر يدها عشان يشوف اذا فيها شي ولا هي تلبس قفاز عشان الستر واول ماناظرها اتضح ان يدها طبيعيه جدا البنت صرخت : خيييييييييييييييييييييييي ييييير!!!!!!! عفس ملامحه بإنزعاج من صوتها العالي وهي مشت ناحيته تبغى تاخذ القفاز لكن حركه يدها كانت صعبه بسبب الكلبشات اما هو دفع الطاوله من ناحيته واصتدمت في طرف رجلها بقوه مما ادى الى صراخها مره ثانيه : اخخخخحخخخخخخ!!! حسبي الله وعشان ترجع توازنها مسكت الطاوله بيدينها ووقفت وهو ابتسم يإنتصار ~ اخيرااااا ~ ورمى لها القفاز وهو يتجه للخارج وينادي على الحرس عشان يرجعونها للزنزانه وبعد ما خرجت وهي معصبه طلب الخبراء انهم يفحصون بصمتها الي على الطاوله ويخبرونه اول ماتظهر النتيجه ____________ الصباح ،جده تثاوبت من سمعت صوت المنبه وهي تتناول جوالها حتى تشوف الساعه اغمضت عيونها ورجعت فتحتها وهي تركز على الساعه وكانت 10 صباح وبعدها نزلت عينها للإشعار الي هي تحطه دائماً ويكون جمل مختلفه تبداء بتحيه صباح وعباره اليوم كانت " صباح الورد ياوردتنا الجميله ريمان كوني سعيد ولا تجعلي احد يخفي ابتسامتك لانها ثمينه" تنهدت و اخذت بعض الطاقه الإجابيه من العباره وقررت ماتزعل طول اليوم مع انها عارفه ان اليوم بيكون متعب لانها بتسافر العصر وبتقابل اهل امها والي زايد ضيقتها آلم بطنها وراسها يوجعها كثيير وهي متوقعه انه بسبب الرعب الي عاشته من الحرامي امس توجهت للحمام بتعب وبعد ما اخذت شاور ولبست فستان ناعم باللون السكري ومناسب للبيت جلست على التسريحه وهي تمرر اناملها برقه على شعرها البني الطويل و تسرحه بطريقه جميييييله جدا وتوجهت للدولاب ترتب الملابس الي بتاخذها معها للرياض بهدوء وقررت ماتأخذ كثير لانها عارفه انهم مابيطولون اكثر من اسبوعين وجلست ترتب لكن الصداع لازال ملازمها : بووووووووووو التفتت على مصدر الصوت وهي تقول بإبتسامه هادئه : اهلين يابطل ،، تبغى شي ؟؟ معاذ عبس ملامحه وهو ممسك بمقبض الباب : انا قلت بووووووو بصوت عالي ،ليش ماخفتي؟؟ اقتربت ناحيته وهي تمسح على شعره الكثيف وتأشر بيدها مسافه قليل : انا خفت شوي بسس معاذ بتكذيب : واضح خفتي ، اصلا ماتحركتي من مكانك وكمان كنتي مبتسمه ريمان تقرص خدوده : ياعيني على الذكي ياناس معاذ ينفش ريشه بغرور : اعرف اني ذكي حتى ابويه يقول كذا ريمان هزت راسها بالموافقه وقالت : طيب ياحلو ليش جيت لغرفتي اكيد تبغى شي ؟؟ معاذ دخل داخل وجلس على سريرها وهو يقول بملل : امي مكشره وزعلانه مررررررره وكل شوي تطردني وحتى افنان زعلانه ومادخلتني غرفتها وانا مره جوعان !!! ابغى اكل ومافي احد يعمل لي ، حتى قطط الشوارع الناس تحط لهم اكل اما انا الكل مطنشني اكيد تاركيني عشان اموت ضحكت ريمان ،،تمووووت على كلام هالولد يضحك ومختلف عن بقيه العائله وتستمتع معه كثييير مشت وهي تسحبه معها للمطبخ في المطبخ ريمان : ادهن لك خبز مع جبن ولا خبز مع بيض؟؟ معاذ مو عاجبه : ليش ماعندنا اكل عشان تحطين لي جبن او بيض ؟؟ ريمان رفعت حاجبها : اجل ايش تبغى يا السيد معاذ معاذ يفكر بتلذذ : ابغى كبسه قهقهت بصوت عالي وهي تقول : في احد يأكل كبسه الساعه 9 الصباح والله يا البزر موعاجبك جبن روح اعمل لنفسك كبسه معاذ بزعل : انا مو بزر انا رجال ريمان : لا والله ؟؟ معاذ بإبتسامه : اي عمري 7 ونص ريمان تستهبل : اهااا والله طلعت رجااال كبيرر معاذ انقهر : عارف اني كبير والحين خلاص اعطيني الجبن ريمان وهي تغلق الثلاجه : اصبر اصبر الحين اعطيك معاذ بتذكر : تبغين تعرفين ليش افنان وامي زعلانين؟؟ ريمان بلامبالاه : كم مره قلت لك لاتنقل لي الكلام لانه مايهمني معاذ بطفوله: حتى لو مايهمك لازم اقول عشان تفهمين كل شي وما تصيرين غبيه هزت راسها تسليك وهو كمل بحماس : امس بعد ما نمتي ،و رجعنا من المول متأخر وابويه كان عند الباب وصرخ وهاوشنا عشان تركناك لحالك في البيت وحلف مارح نطلع من اليوم إلا معك توسعت عيونها بذهول وهي تقول : احلف ؟؟!! ابوي ؟؟؟ وقال انا اطلع معكم؟؟؟ معاذ : ايوه انتي اجل مين!!! وكمل بضحكه : لكن الي عجبني اكثر انه بعد شوي من كلام ابوي اتصل زياد وهاوش افنان ونامت وهي تبكي ههههه وحتى صرخ عليهم وهو كمان حلف اننا مانطلع بدونك ههههههه عشان كذا هم للحين زعلانين لان ابويه وزياد عصبوا عليهم ريمان صرخت : زيااااد ماغيره اخونا ؟؟ معاذ بطقطقه : لاء ابونا ريمان ناظرته بنص عين : انت لسانك صاير طويل ويبغى له قص معاذ بطقطقه : قص ولا حلق ههههههه ريمان : سخيف معاذ يطقطق : سخيف ولا نحيف ريمان مافهمت وجه الشبه و ضحكت غصب عنها :هههههههههههههههههه وفي هذي اللحظات دخل ابو زياد وهو يجلس في كرسي و يقول : السلام عليكم ريمان بهمس : وعليكم السلام ،،، وبداخلها ~ ليش لازم كل يوم اقابله في المطبخ ليييش بس في المطبخ امممم يمكن عشان هنا في سكاكين كثير ولو يبغى يذبحني يكون قريب منه ههههههه يمكن ~ وأما معاذ ركض لحضن ابوه وفي يده شطريه الجبن ابو زياد ناظرها ونطق: جهزتي اغراضك ؟؟ ريمان بهدوء : ايوه خلصت ابو زياد : عندك علم اننا رح نقلع العصر يعني في الظهر تكوني جاهزه تمام !؟؟ ريمان هزت راسها بتوتر وقالت : انشاء الله سكت ابو زياد لحظات وبعدها قال : كيف حالك بعد الي صار امس؟؟ داعبها شعور جميل بسبب سؤال ابوها الغير متوقع لانه من زماااان ماسأل عن حالها لكنها ردت بهمس مختصر: الحمد لله معاذ ضحك وهو يقول : ريمان انتي دوم لما يجي ابويه تعملين نفسك مؤدبه مررره وانتي كذابه لانك مزعجه لما ما يكون في ريمان نفسها تقوم وتذبحه على كلامه الي ماله داعي وقالت بغيض : خلصت تحليل شخصيه ؟ معاذ بعدم فهم : تحليل شخصيه؟؟!! ابو زياد مااعطى اي تعبير و وقف وهو يقول : افنان ومعاذ وام زياد كلهم بيروحون معنا هزت راسها بالايجاب وهي كانت متوقعه هذا الشي وبعد ماخرج ابوها وهو يحمل معاذ ..... توجهت لغرفتها وانسدحدت على السرير لأنها خلصت التجهيز وجلست تفكر بمللل ايش تعمل الي الظهر لانها جاهزه فكرت شوي و اخذت اللابتوب ودخلت على موقع تتصفحه دائما وهو خاص بالقصائد والشعر وظهرت لها كلمات مبعثره من كاتب مجهول اعجبتها لانها تصف حالها هالايام " وحيدًا ارسم بسمتي على احزاني وانقش ذكرى الراحلين على وجداني خابت الظنون بمن حسبتهم احبابي وغدوت ورداً بشوكٍ لا ادري ماحالي وأصنع من الهموم بهجه تشعل ضوء داخلي واترك الباقي على من خلق الكون واناجي " حستها تصفها لانها تشتاق للراحلين وهي امها وخاب ظنها بأبوها واصبحت تضحك لكن بداخلها حزن عشان كذا سألت كاتب هذي الابيات في الموقع << عندما يأتي الماء ويسقيني هل سأنمو وردًا فقط ام سأبقى وردًا مع شوك ؟؟ >> وصلها الرد بعد ثواني << الماء هو من يقرر>> عقدت حواجبها بعدم فهم لكنها طنشت وهي تكمل تصفح ____________________ في احد الاحياء القديمه في الرياض واقف امام البيت وهو يناظر العنوان في الصوره ورفع بصره للباب يتأكد ان العنوان مطابق رن الجرس ووصله صوت حرمه وهي تقول e : انتظر لحظه سأجد المفاتح وبعد ثواني فتحت الباب وناظرها من فوق لتحت وكانت ذات جنسيه اسيويه وهي حاولت تتكلم عربي من ادركت انه سعودي : ايس ابغا انتا ؟؟؟ فواز بحده : مين انتي ؟؟ رفعت نظرها له ومن انتبهت على لبسه وادركت ان شرطي قالت بخوف : والله انا مافي سوي شي انا بس هنا مربيه والله انا ما في معلوم اي سي فواز بحده : مين صاحب البيت؟؟؟ المربيه : هدا واحد اسمو (جانيل ) وانا بس في ربي ولد حق هو انا اشتغل مع هو من زمااان لما هو كان في (اوتاوا /كندا ) فواز دفعها وقال بحده : اخرجي الان ولاتعودي حسنا؟؟!! هزت راسها بخوف وهربت وهو دخل للداخل وهو يرفع سلاحه ويدخل بحذر ،، فتح باب الغرفهة الاولى وهو يوجه سلاحه لاكنها كانت خاليه وبعدها دخل للغرفه الي جنبه واول مافتح الباب وصله صراخ الطفل ركض لفواز وهو يصرخ بفرح : Daaaaaad!!! وسرعان ماجمد مكانه من شاف فواز ولبسه حق الشرطه تجمعت الدموع بعيونه وهو يتراجع للخلف ويقول بالانجليزي e : اخرج من هنا !! فواز انحنى وهو يقترب منه وقال e : ياصغير لما انت خائف ؟؟ الطفل تراجع اكثر للخلف e :اخرججج انت شرير !!! فواز مسح على شعره e : من قال انني شرير الطفل ابعده وهو يقول بخوف وهو يأشر علا ملابسه e : ابي قال ان من يلبس مثلك هو رجل شرير وعلينا انا ومربيتي انا لانتحدث معك !! فواز اقترب منه بهدوء وهو يقول :لاتقلق انا صديق والدك الطفل ارتجف : لا اريدك !! فواز ابتسم له بحنان الطفل يهز راسه بالنفي وبداء يطلق صفارات الانذار بالبكاء : اذهببببب انا لا اريدك انت وحشش!!! اذهب بسرعه وإلا سأنادي والدي وسيضربك على وجهك فواز اخذ الطفل وضمه لصدره بحنان وهو يقول e : صدقني انا صديق والدك وحتى انني اعرف اسمك ياجاك جاك ابتسم قليلا ولازال في حضن فواز وهو يقول e : انت تعرف اسمي !! إذن اذا كنت صديق والدي ف اين هو الان ؟؟؟ فواز شد على احتضانه اكثر وهو يقول e : والدك ذهب الى مكان بعيددددد جاك بخوف e :ومتى سيعود؟؟؟ انه لايغيب عني اكثر من يومين !!! فواز التزم الصمت..مو عارف ايش يقول !!! وكيف يشرح لطفل انه ابو مات !!! وقف وهو يحمل جاك ويتمشى في البيت عسى انه يلقى شئ يفيده لكن البيت كان عادي جدا ومافيه اي ادله جاك e :لماذا تحملوني انا لست صغير !!! فواز ناظره بإبتسامه : ندلعك شوي يا الاشقر الصغنون عقد جاك حواجبه بعدم فهم وقال e :ماهذه الطلاسم التي تتحدث بها ؟؟؟ فواز وهو يحمل جاك في ظهره ويعبث بيدينه في اوراق على السرير e : جاك اين والدتك ؟؟ جاك ابتسم بحماس طفولي : انها في السماء ،، لقد قال والدي انها ماتت وهي تنجبوني وقال ايضا انها كانت تشبهني كثيييرا فواز همس لنفسه بألم ~ كنت محروم من امك وانا الحين حرمتك من ابووك وربي ذقت معاناه وشعور شين وانا طفل بسبب يتمي مع ان امي عندي وحتى تركي والحين انت بتعيش نفس المعانه الي عانيتها وانا طفل وبسببي انا آآآه واعرف كيف بتعاني لانك اعرف،،، ~ جاك قاطع افكاره وهو يقول بتسأول e : انت لم تخبرني الي الان اين والدي ؟؟ فواز قال بحزن e : ما رأيك انت تذهب معي ولاحقا سأخبرك اين والدك ؟؟ جاك e :هل ستذهب معي مربيتي ؟؟ فواز e : لاء انت فقط !!! وسأخذك الى اماكن جميله جاك بتفكير e : والدي يقول لي ان لااذهب مع اي احد وضحك وقال e :لكنك تعجبني لذا سأذهب معك واعود لاحقا اتفقنا ؟؟ فواز ابتسم e : هيا لنذهب _________________ نفس الوقت ، تورونتو شوي ويأذن الفجر وطبعا بعد اذان الفجر رح يطلع مع اصدقائه ويتمشون كم ساعه إلى وقت المحاضره ، التفت وهو يناظر صخر الي شكله مو ناويه يداوم اليوم لانه من بعد مارجع وهو يناظر اوراق كانت في يده ومانام ابداً قرب منه وبلقافه : ايش هذي الاوراق ؟؟ خبئ صخر الاوراق وقال بقرف : مايخصك زياد يستهبل : ليش مايخصني ؟؟ انا صديقك اليس كذالك؟؟ صخر مط شفته وهو يقول : مابقى إلا انت تصير صديقي !!! زياد : ليش مو مالي عينك ؟؟؟ صخر ناظره وقال : اي مو مالي عيني زياد اقترب منه وهو يضحك يحاول يشوف المكتوب في الورقه تأفف صخر وهو يضع الاوراق تحت سريره ويقول : تعرف انك انسان غثيث ودمك ثقيل وتافه وفاضي وماعندك شغله تاخذ كل شي مزح في هذي الحياه اتسعت ابتسامه زياد وهو يقول : ماجبت شي جديد ،، كل هذي اعرفها صخر دفعه لزياد بعيد عنه وهو يقول : طيب بعد عني ابغى انام !! زياد قال بسخريه : انت ماعندك شي غير (ابغى انام ابغى انام ) صخر : اوووووف مايخصك زياد ضحك بإستمتاع : طيب انت رايح الجامعه اليوم ؟؟؟؟؟ بتروح وحدك يعني ماعندك اصدقاء؟؟؟؟ صخر اخلاقه واصله خشمه : تبغى اشوه لك وجهك ولا تبعد بكرامتك !! زياد قفز وابتعد بتمثيل وبطريقه مسرحيه : لا لا لاتؤدني ،، مالذي استطيع فعله امام كل هذه العضلات وانا ليس لدي نصفها لا انا ليس لدي عظام حتى صخر اخذ لحاف وهو يتغطى استعداد للنوم وقال : اذكر الله زياد تفل عليه متعمد وهو يمثل انه يفث : تف بسم الله مشاء الله تف مشاء الله على عضلات باتمان تففف صرخ صخر بقرف وهو يقوم يأخذ منديل عشان يمسح تفال زياد : يعععع قرف يابزرررررررر قهقه زياد من قلب وهو يأخذ اغراصه ويخرج اما صخر اخذ منديل وهو يمسح على نفسه بقطرات ماء وملامحه معفوسه بقرف وبعدها رجع انسدح على سريره ولمح طرف الاوراق وغصب عنه قعد يفكر ~ تكون البنت تركت الاوراق متعمده عشان اشوفها ؟؟؟؟ بس شكل السالفه حقيقه وفعلا شكلها بحثت فيها والاوراق رسميه بس امرهم عجيب يعني دار ايتام مشروع تطوعي من سنوات طوييييله وحق شركه سعوديه ومقرهم في السعوديه !!! ومشتبهين بترويج المخدرات للخليج!! ~ هز راسه وهو يقول : مايخصني _____________ بعد ساعات طويله وتحديدا العشاء، الرياض ، فندق مرموق ابو زياد : يلا مشينا الناس ينتظرون ،، متى تبون نرجع ريمان التزمت الصمت واما ام زياد ردت : نشوف على حسب متى يطلعوا الحريم الي هناك ابو زياد هز راسه بالايجاب افنان نطقت بملل : لازم اروح ؟؟؟ ام زياد بحده : اي لازم تروحين !! ريمان بداخلها ~ ما افهم ليش يحبون العزايم لهذي الدرجه بالعكس قرف وناس ومجامله والي يعزمون ايش وضعهم يعني عشان ترقى ولده يعمل كل هذا خساره فلوس وذبايح وع ~ معاذ مانام فقال : ليششششش نروح انا ابغى انام افنان قرصته بإنزعاج : اقول تلايط صار لنا ساعات من وصلنا وكلنا ارتحنا وانت الحين تبغى تنام!!! ابو زياد : يلا وانتم ساكتين بعد نصف ساعه تدخل للمدخل الرئيسي برفقه ام زياد وافنان بهدوء ظاهري لكنها خايفه جدا بداخلها ماتدري ليش متوتره هالقد يمكن لانها ماقابلتهم من 10 سنوات تقريباً وحتى لما امها كانت تزورهم هي كانت تبقى مع ابوها ،، تفرك يدينها بتوتر ولو بيدها ماكانت جات اساساً لكن ابوها مارح يتركها اول مادخلت كان المجلس مليان حريم وما احد عبرهم وقفوا ثواني إلى ما انتبهت لهم ام كنان ام كنان بترحيب لريمان وسعاده حضنتها بقوووووه وعينها تدمع من تذكرت اختها : هلا هلا بالغاليه بنت الغاليه وينك سنوات ماشفناك كيف حالك يابنتي ريمان استغربت انهم عرفوها لكنه ردت بإحراج : بخير انتم كيفكم ياخالتي ام كنان بسعاده حقيقيه : بخير من شفناك ،، سبحان الله نسخه من امك وخلال لحظات شافت زحمه واشخاص متجمعبن حولها ماعرفت ايش تقول من الاحراج والتوتر ام كنان حست فيها فقالت : وجع خرعتوا البنت رفيف بحماس : بنت خالتنا الضائع....... بلعت كلمتها من قرصتها دارين ام احمد سلمت بحراره والدموع ترقرق في عينها ام امواج قالت وهي تضحك وتأشر: واضح ماعرفتينا انا بعرفك على جيشنا الصغير هذي ام احمد خالتك وعندها ولد اسمه احمد وهذي ام كنان خالتك وشفتي هذول الخبلات بناتها رفيف ودارين وانا ام امواج وبنتي الخبله امواج ريمان كل خوفها تبخر وتحول لإحراج من تجمعهم حولها كأنها شخص مهم ومن استغرابها ان ام احمد ماتحسست من رفضهم لولدها وقالت بخجل : تشرفنا امواج صرخت : وااااي مررره جميله ، ليت عندي نص جمالك دارين بإستنكار : قولي مشاء الله لاتنظلينها امواج ابتسمت بحماس : مشاء الله ريمان وجهها طماطم ام كنان لاحظت نظرات ام زياد الي مو عاجبها ولاحظت انهم ماسلموا عليها فتداركت الموقف وقالت بهدوء : هلا هلا ام زياد كيفيك ام زياد ببرود : الحمد لله ام كنان : كيفيك يا افنان افنا تقلد امها وببرود : بخير !! ام امواج : تفضلوا تفضلوا اجلسوا جلسوا كلهم وريمان تحس بالغرابه لانها ما توقعت بيكون لقائهم عفوي كذا كانت حاطه مئات السيناريوهات السيئه لاكنها ارتاحت لهم شوي دارين اخرجتها من افكارها و ابتسمت : ريمان ايش رايك بعد ماتسلمين على الموجودين وتقعدين شوي نطلع نحنا البنات فوق عشان نأخذ راحتنا ؟؟ ريمان ناظرتها وقالت في نفسها ~ مشاء الله هذي البنت كلها ذوق وراقيه ~ وردت بإحراج : براحتكم ____________________ نفس الوقت العشاء ، في مركز الشرطه فواز وعزام ولؤي وتركي كلهم مجتمعين واستدعوها للمره الثانيه لهذا اليوم دخلت بملل ولو معها مسدس كان فرغته براسهم من قهرها جلست في الكرسي ورفعت نظرها للأربع الواقفين امام راسها تركي بغضب وحده لفواز : هذي هي البنت يافواز وهذي اخر مره تقدر تستجوبها قبل ماتخرج براءه فواز صرخ بقله حيله وهو يناظرها : ما افهم ليش ماتساعديني مارح تخسرين شي اوعدك بحميك البنت فكرت تلتزم الصمت لكنها تراجعت وقالت ببرود : ما احتاج حمايتك ، وللمره المئه بعد المليون انا ما اعرف شي لؤي بحده : كيف ماتعرفين مستحيييييييل البنت بهدوء مستفز : لاشئ مستحيل فواز بهدوء : انتي تعرفين انك اختي بالرضاعه وانك عملتي فحوصاتDNA مع الاشهب ؟؟؟؟ توسعت عيونها بذهول لدرجه كانت بتخرج من مكانها وهي تقول : كذااااااااب فواز بحده : عندي ادله وبما انك عملتي فحص يعني اكيد تعرفينه وجالسه تكذبين علينا البنت ابتسمت بسخريه وقالت : اهاااا خدعه جديده من خدعكم وانا المسكينه صدقت للحظات .....سكوت دام لثواني وقطعه تركي بسؤال : هي مع من كانت تعيش وبإسم مين مسجله عزام ارتبك وما عرف كيف يصرفهم لانه مايبغى يقول لهم الحقيقه وهو بعد ما اطلع على النتائج في العصر انصدمممممممم وقرر انه مايتكلم بما انهم بيطلقون صراحها وهو حس انها ماتبغاهم يعرفون فأحترم هذا الشي بما انه مابيضرهم تركي سأل من جديد : وين كانت عايشه ؟؟ فواز وتوه يستوعب انه كان غافل عن هالنقطه : اي والله وين !!؟؟؟ عزام ماعرف كيف يصرفهم فقال : ندور هويتها في شنطتها ،، وينها الشنطه؟؟ البنت وقفت كالملسوعه وهي تستوعب انها ماتدري عن شنطتها وناظرت فواز وصرخت : وينهااااااااااا الشنطه وينهااااا؟؟؟؟؟؟؟ كلهم انصدموا من صراخها لكن عزام لقاها فرصه عشان يصرفون النظر عن موضوع مسجله بإسم مين فقال وهو يناظرها وبحماس : اكيد فيها شي مهم عشان كذا صرخت وماتبغانا نعرفه البنت صرخت مو قادره تستوعب انها ممكن تفقد صديقها الدائم من صغرها : اقووووول وينها ؟؟؟ ردوووو لؤي بسخريه : ايش فيها قلبت مجنونه تركي يأيد عزام وهو يناظر البنت : اي اكيد فيها شي وينها يافواز ؟؟ فواز فكر لثواني وبعدها قال : في سيارتي وخلال لحظات كلهم توجهوا لسيارته بسرعه وتركوا عندها حرس عند السياره ،،، فتحوا الشنطه المتوسطه وكلهم عينها على الشنطه بحماس وفواز ينثر الملابس في الارض ومالقى شي غير ملابس وفلوس و.....دفتر اسود كبييييييييير وثقييل تحمسوا واقتربوا يحاولون يناظرونه في الظلام عزام اخرج جواله وشغل الفلاش بعد مااخذ الدفتر وكان منحوت على الغلاف باللون الابيض عباره (اين اجد السعاده) ناظروا في بعض بصمت وحيره وبعدها عزام تصفح الدفتر تحت انظارهم وكان عباره عن خواطر ومذكرات يوميه صرخ فواز بقهر : مافي فايددددددددددده كل شي على الفاضي طلعت البنت ماتعرف شييييييييييي وراحت جهودي سودددددى !!!!! ليش ياربي الحين شسوي وفجاءه بيأس جاته فكره ونطق بهمس من تذكر المكالمه : بروح لرحيق بكلم رحيق بسأل رحيق !!! تركي بستغراب : ليش ماكلمتها لما وصلتها المطار؟؟ نطق فواز بهمس وكأنه يكلم نفسه : مارضت مارضت تكلمني لكن الحين بروح لها وغصب بتتكلم الكل انصدم إلا عزام لانه كان متوقع هذا الشي عزام : وهي مستعده تكلمك؟؟؟؟؟ فواز طنش وهو يفتح جواله ويحجز رحله لكندا في لمح البصر التفت على عزام وقال بمباشره مثل ماتعودو وهو يدخل سيارته: انا رايح تورونتو واخوك هناك خله يستقبلني ،، يلا رايح اجهز شنطتي رحلتي بعد اربع ساعات تركي بأستنكار : اربع ساعاتتتتتت !!!! لؤي بإستهبال : ماعنده وقت الولد مستعجل يقابلها هههههههههه عزام اعطاه نظره سكتته وفواز قال من السياره بذات النبره اليائسه : لاتنسوا تكتبوا للبنت براءه وحرك وهو معتزم انه بيروح لها واعتزم انه بينسى التردد والخوف اول مايوصله وغصب بيعرف كل شي ويعرف الحقيقه .......... لؤي رجع بيته وكذالك تركي اما عزام كالعاده يحب يتأخر وقبل مايخرج تناول الدفتر وهو يناظر غلافه بصمت ( اين اجد السعاده ) وطبعا توجه لها لما شافها توها خارجه وواقفه في الشارع امام مركز الشرطه عزام مد لها الفتر بهدوء وقال : هذا لك اول ماشافته لا إراديه اخذت الدفتر وضمته لحظنها وهي تتنفس براحه لرجعت حافظ اسرارها وصديقها الوحيد دفترها.... وهمست لعزام الي كان ماشي ومعطيها ظهره: شكرا عزام التفت لها ....سكت ورجع اكمل طريقه اما هي توقفت للحظات وهي تقول بتفكير مذهول وين بروح الحين ؟؟؟؟؟ انا كنت مخططه لفندق بس هذا كان اول ماجيت والحين انا ما اعرف وين انا اساسا ياربي وين اروووح ؟؟؟؟ ________________ انتهى البارت واتمنى انه نال اعجابكم 💓💓 دمتم بخير 💃💃💃 | ||||
|
|
12-07-20, 10:30 AM
| #12 | ||||
| اشراف القسم 
| تغلق الرواية لحين عودة الكاتبة لانزال الفصول حسب قوانين قسم وحي الاعضاء للغلق عند رغبة الكاتبة باعادة فتح الرواية يرجى مراسلة احدى مشرفات قسم وحي الاعضاء (rontii ، um soso ، كاردينيا الغوازي, rola2065, ebti ، رغيدا) تحياتنا اشراف وحي الاعضاء | ||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
