آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
13-12-20, 02:54 AM
| #31 | ||||||
| مشرفة منتدى الروايات المنقولة 
|  p:28 عند فهد اللي نزل مع منصور وركبو سيارته كانو مشغلين خالد عبدالرحمن وفجاء جاء له اتصال وبسرعه رد وهو شابك الجوال ببلتوث بالسماعه وبكذا راح يسمع منصور المتصل فهد : الو هتيف ببكاء : فهود تكفى ساعدني فهد نسى منصور : شفيك ؟ انتي هتيف !؟ هتيف بصوتها الناعم : ايه وكملت : ابوي بيغصبني على ناصر الحمار فهد بعصبيه : وليه رافضته انتي انشالله ؟ والحمار مين الحين ؟ امدى تعرفينه هتيف بحزن : شكرا فهد ، وبصوت قطع قلب منصور واثر في فهد : كنت شاده فيك الظهر بس كنت غلطانه يلا مع السلامه فهد بهدوء : دقيقه دقيقه هتيف بسرعه : بتساعدني ؟؟ فهد : مدري بس انتي عطيني سبب يخليك ترفضين هتيف بعصبيه من كلامه اللي مثل كلام ابوها : فهد افهمني انا يالله خلصت دراستي تبون تبلشوني معه بعد خلاص بليز لا عاد تفكر بهالطريقه ترى قديمه اللي يغصبون خواتهم حرام عليكم عاد فهد غصب ضحك : وش فيه تفكيري م اعجبك هتيف بدلع : فهود ترضى اختك تروح من عندكم مغصوبه حرام عليك انا اصغر العايله المهم تحتفظون فيني مو توافقون بسرعه فهد : شرايك نحنطك عندنا فالبيت يكون افضل عشان نحتفظ فيك طول العمر هتيف باستهزاء : ه ه ها اضحك يعني وبجديه : بتساعدني ولا لا ؟ فهد : مدري بفكر مع ان الرجال م ينرفض هتيف : ترى مدحتوه فوق اللازم ولاتنسى من اللي خلاك تخطب مهاوي فهد ضحك : لا م نسيت بس بحاول هتيف بعصبيه : انت ناكر للمعروف قاطعها فهد وبعصبيه : خلاص عاد ازعجتيني ترى خلقه راسي مصدع هتيف : خلاص انتبهلك وواضح انك تسوق يعني فهد ابتسم : وانتي انتبهيلك وانتبهي على دراستك وبفكر بخطه نقنع ابوي فيها هتيف بضحكه خرفنت منصور اللي بغى يضحك معها بس تمالك نفسه : شكراً فهود حبيبي فهد : العفو يلا مع السلامه هتيف : مع السلامه قفل منه وهو يلتفت على منصور وتذكر انه موجود وضحك وهو يرقع منصور فهم : اسف بس من سمعتها تبكي تبلمت خفت انها في مشكله ولاشي وبعدين اندمجتو قاطعه فهد : لاعادي انت تعتبر اخوها منصور ابتسم بتسليك وفي خاطره " الا اموت فيها واعشقها بس الله يخلف على حبي " فهد م انتبه لسرحان منصور وكمل ووصل للبيت قفلت من عنده وهي حاسه براحه بس م راح ترتاح الا وابوها معطيها الضوء الاخضر بسرعه طلعت تنام لانها لو نامت بهمها راح تموت وهي كانت واثقه ان فهد بيطلعها من المشكله هذي بس م يبي يكسر كلمة ابوها تسريع بالاحداث .. بعد يومين دخلت فالشركه وكان الكل مشتط من جهه وكلهم يتكلمون ويتناقشون بجديه م توقعت الا توقع واحد انه خلاص بيجي المدير اتجهت لمكتبها هي ومشاعل وقفلته وهي تنفض شعرها وترجع تربطه وتضبط شيلتها على راسها وتحط مرطب دخلت مشاعل وهي تضحك : سلامم ردت عليها وقالت : شفيك ضحكيني ترى منفسه اليوم انا عاد مشاعل وهي تجلس : اسمعي اليوم جاء المدير والموظفات خاقات عليه وبعدها سلم سلام نظر وطلع لمكتبه تخيلي عنده ثلاث مكاتب وغير مكاتب اخوه وابوه نجد بنظرة استحقار : بس سلم وراح م قال شي ثاني اكيد متكبر من نظرات البنات مشاعل : لا لا تدرين متواضع وواضح عليه هذا الشي بس اتوقع انه عاقل مره ومتحمل المسؤوليه ولاترى نظرات استحقار م شفتها فيه ابداً نجد وهي تضحك : كل هذا اكتشفتيه مشاعل ضحكت : اقول بس اسمعي معك بوربانك نجد وهي تتذكر : لا في السياره مع السواق مشاعل بحزن : لا عاد نجد : تدرين كان فيه زحمه اتوقع م راح للحين مشاعل وهي تنط عندها : تكفين اتصلي واسألي اتصلت وتأكدت انه م راح نجد وقفت : يلا انا بروح اجيبه تعالي معي مشاعل : لا لا انا بروح اجيب قهوتين لي ولك ومعها حلويات بسيطه على م تجيبينه نجد مشت وهي توقف بين السيارات وتكلم بحماس عشان تعرف مكانه طلع وركب سيارته يكلم ابوه ويتطمن عليه ومنها يجيب الاوراق المهمه وفجاءه شاف وحده مو غريبه قد شافها في مكان بس م يدري وين بس تنح وهو يشوفها تكلم وتأشر بحماس وبسرعه نزل من السياره ويوقف وم بينهم شي رفعت عيونها له بحكم انه اطول وقالت : خير انشالله وش تحس فيه كانت بتبعد بس مسكها مع يدها : الخير في وجهك بس لا عاد تكلميني بالاسلوب هذا لا يصير شي م تتوقعينه نجد وهي تحاول تفك يده : تمون انت وجهك توقف قدامي ولا بعد تهاوش فك يدها وهو يطالع بعيونها : انتي اللي واقفه عند شباك سيارتي وتتكلمين كأنك عجوز مخرفه ولاهمك الرجال اللي يمينك ويسارك نجد شهقت : انا عجوز المخرفه وبعدين يا ساهر م لك دخل فيني انشالله اوقف بين رجال العالم كلهم لا انت ابوي ولا اخوي : انا ساهر الحين اقول بس استحي على وجهك نجد بعصبيه : ابوي واخواني حييّن ويعلموني السحى : واضح التربيه مبينه فيك نجد عصبت كل شي الا التربيه م حست بنفسها الا وهي معطيته كف وهو مصدوم وبسرعه مشت وهو ناوي م يعديها لها بس شافها رجعت و دخلت داخل الشركه استغرب ودخل وراها شاف محد حوله لفها وهو يمسك يدها ويلويها ورى ظهرها قال م بين اسنانه : مديها مره ثانيه بس نجد متوتره من قربه ويدها توجعها : بعد عني : واذا م بعدت نجد : كل تبن وفكني : عناد لك م راح افكك ابدا وش بتسوين نجد : انا راح ، قاطعها وهو يسحبها للاصنصير ويدخلها غصب ويقفله مره وحده ووقف وهو ماسكها وقال : هاه م فكرتي وش بتسوين خافت نجد وكابرت : هذي مرجلتك تمد يدك ع الحريم انا اقول احسن روح لابوك خله يربيك قاطعها وهو يقول بغضب من بين اسنانه ويشد على يدها : انا اقول روحي لامك تربيك من جديد شكلها التهت عن تربيتك وفجأه دموعها نزلت ورى بعض بشكل قويي استغرب وقال : قولي خايفه من البدايه ولا تكابرين نجد ببكاء : امي ربتني احسن تربيه يا حيوان استغرب هي بعد سبتني ليه تبكي : ودي اقول حساسه بس انا اشوف لسانك اطول منك نجد بهدوء : بعد عني لو سمحت تنهد : م يحتاج هالبكي كله عشان قلت م تربيتي دامك واثقه ليه توترتي نجد : ومن قال اني توترت من سالفتك هذي رفع حاجبه : وش افهم خايفه مني يعني مع اني قد شفتك في مكان اتوقع دبي قبل كم اسبوع صح نجد وهي تتذكر : انت اللي صدمتني قدام السوبر ماركت : ايه انا م شالله م تغيرتي اسلوبك وقح للحين وم عندك احترام وادب ويوم تكلمت عن التربيه بكيتي نجد بكت زياده وهي تضربه بس نزل يدها وهو مستغرب من غضبها وهي كملت ضرب على صدره وهي تشاهق بقوه لدرجة انه راح تفقد تنفسها بس كان اسرع وهو يكتفها ولفها بسرعه وهو يضمها من ورى ويسمي عليها : بنت اذكري الله وسمي بالرحمن نجد وهي مغمضه : لا تطري امي على لسانك : انا م تكلمت عن امك انا تكلمت عن تربيتك تنفسها ضاق وحست الدنيا اظلمت عن عيونها كانت تحاول انها تمشي المواضيع اذا طرو الام بس مع ذلك كان فقدها موجع ويجبرها على الاحساس هذا استغرب انها ارتخت بين يديه ولفها له وهو يطالع دموعها على خدها وبسرعه جلس و حط راسها على فخذه وهو يسمي عليها ويهف عليها وضغط على رابع دور وطبعاً هذا م فيه موظفين بس فيه المدارء فقط وبسرعه رفعها ودخلها لمكتبه ونزلها على الكنبه وراح طيران يجيب لها مويه ودخل وهو يقفل المكتب وينقط عليها فتحت عيونها على الخفيف وهي تطالع فالمكان ووصل نظرها عنده وتمت تطالع وعيونها فيها دموع وفجاءه حست على نفسها ووقفت وهي تعدل حجابها وتبعد عنه قال بهدوء : امشي بهدوء لا تطيحين نجد : مو شغلك ولا تتوقع اني بشكرك على اللي سويته معي لانك ببساطه السبب وقف بغضب : وش سويت انا انشالله نجد ارفعت اصبعها في وجهه : انت تكلمت عن ام .... قطعت سالفتها لانها شويي وتبكي من الكلمه لفت وهي تعطيه ظهرها استغرب طبعاً دموعها للمره الثالثه اولها دبي وثانيها فالاصنصير والحين قال وهو يبي يعرف السبب : شفتي م عرفتي تكملين لأنك ادركتي اني م قلت شي غلط نجد كانت بتسفهه وتمشي بس قال : مع انك سبيتيني وطعنتي في مرجلتي نجد طلعت وهو انقهر الكل م يسحب عليه وهو يتكلم الا هي الكل م يعطونه ظهره وهو يتكلم الا هي بس شوي وكأنه يتذكر كيف دخلت الشركه يعني موظفه ؟! وفي خاطره ( وتبن فيها وش ابي فيها عاد ) جلس على مكتبه والفضول ذابحهه ليه بكت ؟! يعني وش السبب مثلاً وم قعد توقع الا وتوقعه م كان بيوقفها فالشارع بس اجذبته وغير كذا حس انه يعرفها مسح وجهه وهو منقهر حرك راسه بمعنى لا وهو يقول اكيد انه فضول ولا هي ما تسوى عندي شي صحت وراسها مصدع وتذكرت الموضوع بسرعه وصدع اكثر جلست وهي تفكر في حل لمشكلتها نزلت تحت ولقت منى مجهزه اكل هتيف ببرود : سلام منى بضحكه : هلا والله وشذا النبره هتيف وهي شوي تبكي : كنت بقولك بس لقيتك نايمه منى بهدوء : طيب تعالي اكلي وقولي لي هتيف راحت تغسل ورجعت وهي تجلس ع الكرسي مقابل منى وتاكل بهدوء بعد مرور دقايق : قولي اسمعك ؟! هتيف بحزن : ابوي قال خذي ناصر وانا رفضته وقال بتاخذينه وم راح ارده الا وعندك سبب مقنع منى بحزن : طيب يمكنها خيره ! هتيف سكتت منى بجديه : هتيف افهمي اذا كان من نصيبك فأنتي بتاخذينه بتاخذينه واذا كان العكس لا كم مره بجلس اعيد كلامي هتيف بهدوء : صادقه بس م ابيهه انا منى بنظره : بتنتظرين منصور طول عمرك هتيف : لا بس يعني ، سكتت : بس مابيهه منى ضحكت وبتصريفه : يا شينك وانتي معصبه نروح عند منصور اللي بيموت من الفرحه دخل على عبدالعزيز منصور : ابو تريكك اصحى بقولك شي عزيز فتح عيونه وهو ينتظره يكمل منصور : هتيف ارفضت ناصر وبحزن : بس عمي بيغصبها عزيز بهدوء : عمي يحبها ومستحيل يجبرها منصور وكأن الامل رجع له : تصدق كـان اخر قراري بتصل عليها واقولها ترفض ضحك عبدالعزيز من تفكيره : مجنون انت منصور ابتسم : بس انشالله القى حل عبدالعزيز رجع يحضن المخده : خلني اصحى وافكر معك بس الحين انا ابي النوم منصور ضربه على ظهره : تسلك لي ياحمار عبدالعزيز ضحك وسفههه ووصلت لمكتبها وهي في قمة حزنها نزلت شيلتها لانها تحس انها مكتومه دخلت مشاعل وهي تركض مشاعل بخوف : شفيك ووينك تأخرتي توقعت صار لك شي نجد بحزن وقهر : قابلت واحد حمار عطلني الله ياخذه بس تصدقين قد قابلته في دبي مشاعل وهي تضحك : ذاك اللي تهاوش معك نجد وهي تقلده : ايه كالعاده حقير وتافهه مشاعل م دققت : ابي اشوفه تكفينن نجد عطتها نظره : خير سلامات اخت مشاعل مشاعل ضحكت : تغارين عليه يعني نجد بقرف وبتوتر : وعع ي مشاعل م توقعت تفكيرك كذا وش اللي اغار عليه مشاعل عدلت جلستها : طيب خليني اشوفه نجد بكذب : انا قابلته فالشارع مع الزحمه والحين مدري وينه فيه مشاعل وهي تمد لها قهوتها : اقول فكينا من هالسالفه وخذي قهوتك خذتها نجد وهي في قمة سرحانها ومشاعل م تبي تضغط عليها سحب الاكياس وطلع التيشيرت اللي اخذه من اديداس وهو يتذكر موقفه معها ببتسامه دخلت عليه سمو : سلامات ليه كل هالضحكه منصور فز وبحده : خير ليه داخله كذا كم مره اقول استأذني سمو : اسفه بس انت اخوي اتوقع منصور : الحين انتي وش تبين سمو : عازمتك للعشاء منصور : وينن ؟؟ عازمتني سمو : لا تصدق اني بعزمك في مطعم بس قررت اطبخ وقلت خلو منصوري يذوق منصور : تجربين فيني يحمار سمو وهي معطيته ظهرها : بكيفك عاد منصور ابتسم على هبالها وبسرعه اخذ شور ولبس التيشرت وشورت اسود وابتسامته م فارقته ابد بعد 4 ساعات في بيت محمد : فهد بهدوء : يبه انا جاي اكلمك وانشالله م تردني ابو فهد : تم من الحين فهد : هتوف م تبي تتزوج وم ارتاحت لناصر ابد يعني تكفى لا تكسر بخاطرها وتجبرها على شي م تبيه ابو فهد تنفس بضيق : يعني ارده لان بنتي م دخل في مزاجها ناصر فهد : يا يبه البنت توها صغيره وعيال عمها واجد وانا متأكد خطابينها بيكثرون هي من المتوسط وهم يخطبونها هي والعنود يعني شيل من بالك التفكير القديم ابوفهد عصب : انا م راح اجبر بنتي بس مستحيل ارد الرجال والرجال كفو وم يعيبه شي وغير ان ابوه جمايله كثيره علينا وقف وطلع لمجلس قصر ابوه ولحقه فهد دخل وجلس يمين ابوه وفهد دخل وهو يتنفس بقوه وكل العايله مستغربه منهم وقف قدامه : يبه طلبتك انا عاد لا تردني ابو فهد : انا قلت لا يعني لا وهي بعدين بتشكرني على هالقرار فهد : يبه هي اللي بتعيش معه موب انت ابو فهد عصب : انا اعرف بمصلحة بنتي قال الجد بغضب : بس انت وياه دخل منصور على صيحة الجد وهو مستغرب وش المشكله الجديده التفت للعيال واشرو له يسكت وبسرعه جلس جنب عبدالعزيز كمل الجد : وش الموضوع يامحمد ابو فهد : يبه تذكر ابو ناصر اللي خطب لولده هتيف انا وافقت عليه الجد : خذيت راي هتيف ابوفهد : ايه منصور انجلط توقع الموضوع انحل ومحمد يأشر له انه يسكت كان بيتكلم بس مسكه عبدالعزيز عشان م تكبر المشكله كمل فهد : جدي هتيف م تبي تتزوج وابوي اصر انها تاخذه واختي توها ببداية عمرها الجد : ليش يابو فهد م ترده ابتسم فهد لجده ولف على ابوه ابو فهد : الرجال معاريفه علي واجد وغير كذا ولده رجال فيه دين وله 4 شركات وم ناقصه شي بعد الله وشوله م نوافق الجد ابتسم على قراره : وليه م تقوله هي مخطوبه او محجوزه مثلاً يعني عشان يقتنع ابوفهد : وليه م قلنا من البدايه اكيد بيدقق الجد وكأنه يوجه كلامه لمنصور : م راح يدقق اذا قلنا واحد من عيال عمها كان خاطره فيها من زمان ابو فهد فضل الصمت فهد : وبعدين نكنسل الخطبه ونقول م تفاهمو مع بعض وانفصلو الجد ببتسامه وبكذب : لا اول شي يتملكها وبعدين يطلقها ويقول م تفاهمو مع بعض عشان يقتنع لاني اعرفه اكيد بيقول انتم م تبونا من زمان فهد بقهر : جدي تبيها تكون مطلقه بعدين الجد : اذا حبو بعض عادي يكملون مع بعض وشفيها وانا متأكد انشالله انهم بيتفاهمون صمتتتتت منصور وقف وبهيبته قال : انا بخطبها ياعم منك ولا تهون يايبه ابتسم ابوه على رجولته اللي م نقصت ابد : عادي ياولدي وولد العم هو سند بنات عمه فهد لف عليه بهدوء : بس اخرها طلاق يا منصور منصور انقهر : يعني تبون اختكم فالنهايه مطلقه وبعدين م راحه تستفيد شي اصلاً فهد فتح عيونه بقوه : يعني انت تبيها منصور وهو منقهر : م تكلمت عبث انا اكيد ابيها فهد غمض عيونه : انا م ابي اختي بعدين تاخذ واحد م يبيها افهمني م اقصد شي ثاني ترى واختي خطاطيبها واجد وابيها تاخذ واحد يبيها بالاسم موب الظروف هي اللي جبرتهم منصور ابتسم وهو يحط يده ع كتوف فهد : ادري واختك بالحفظ والصون وم زمان وانا ناوي الجد ابتسم عارف ان منصور قدها : الحين يا اطوال الاعمار اتصلو على ابو ناصر وبلغوه وانت بلغ بنتك عن السالفه هذي ابو فهد ابتسم : م تقصر يبه دايم تحلها وهي منعقده ومنصور رجال وافتخر فيه بس كان فيها زواج ترى هتيف ماهيب طالعه من البيت الا بعد العنود انشالله الجد : ليه انت رفضت زياد بدى يتوتر سلطان وهو يطالع بقهر ابوفهد ببتسامه : ايه عشان سلطان طلبها مني ورفضت زياد ابتسم براحه مع انه متفق مع عمه انهم بيصرحون الخطبه بعد م ترجع هتيف الجد انبسط : وليه م تقول يا سليطين وتعلم جدك وتفرحه وقف سلطان وراح باتجاهه وحب راسه : اعذرني والله اني كنت ناوي اقولك وبكذب وهو يصرف : بس انت الله يهداك كثفت الشغل علينا ولا كان الحين عيالنا معنا ضحكو كل اللي في المجلس من تصريفته الواضحه الجد بنظره : يعني الشغل رادكم عن العرس م شفت سلمان الشايب م تزوج ولا عبدالعزيز عبدالعزيز بهدوء : ابشر بي قريب بس عاد سلوم اقطعو الامل منه ابو سلمان : استغفر ربك وانشالله سلمان ما يرفض لي طلب وبيخطب قريب سلمان : بتزوج مع حمودي ولد فهد الجد حذف عصاه عليه : اعقب واخس هذي اخرتها ابعد سلمان منها وهو يضحك : خلاص اسف والله بس توني م لقيت بنت الحلال ههههههههههههههههههههههههه ههههههههههههههههههههههههه ههههههههههههه محمد قاطعهم : دام الكل تزوج انا بعد بتزوج الجد بعصبيه : انت م غير تقلد ابو سلطان : انت خلك للشغل بس محمد وقف : انا اصلاً ناوي اروح لدار الايتام ضحكو منه وقال فهد : خلاص ابشر تكاليف عرسك كلها علي محمد رجع : فديت ابن عمي ياعربب كملو سواليفهم ومنصور طاير من الفرحه وعبدالعزيز ومحمد وسلطان يغمزون له .. في غرفة افنان اللي قفلت من صديقتها شويي وسمعت صوت رساله جتها افتحتها وهي مبسوطه وبسرعه اتصلت على منصور اللي طلع عشان يكلمها منصور : وجعع ما مر دقيقتين ع الاقل افنان : اقول بس فكنا من النفسيه وعلمني وش صار بسرعهه منصور ضحك على حماسها : فالليل جهزي القهوه وبقولك كل شي يلا الحين انقلعي افنان عصبت وقفلت في وجهه وهو ضحك ورجع للمجلس وهو فرحان عبدالعزيز كان يسلك لهم ووده يقابلها بس م يعرف كيف وم طرى في باله احد يساعده الا افنان بعدين تراجع وهو يفكر بالخطه اللي ناوي عليها وبينفذها باسرع وقت بعد ساعه اتصل فهد على هتيف بس م ترد ارسلها رساله " سلام ردي ع مكالماتي ضروري ابي اكلمك بموضوع مهم " وقفل جواله ونام بعد ساعتين في سيارة منصور : منصور بفرحه : تصدق احس اني في حلم وباستهبال : بس تكفى لا تصحيني فارس ضحك : لا انشالله نومة اهل الكهف منصور ضحك : افف حمدلله يارب فارس : احس اني استانست اكثر منك منصور لف عليه : ليه فارس : مليت من نفسيتك اللي تجيب الهم منصور : من اليوم ورايح م راح تشوف الا ضحكتي فارس وهو يشوف الطريق : شكلك ضيعتنا الله يهديك هد السرعه بالله منصور وهو يشوف المباني : لا قريب من هنا فارس : هو يقول ورى استراحتنا بشارعين منصور بتشتت : اصبر انا مطلعه مطلعه فارس : بقوله يرسلي اللوكيشن افضل طبعاً الا الان الخطبه انتشرت فالعايله كلها الا هتيف م عرفت ابد الساعه 12 الليل في غرفة نجد تحديداً كانت منسدحه بالعرض وهي تفكر في الشخص اللي قابلته وكلها صدف تجمعهم تذكرت كيف كان واضح عليه يدور مشكله وكيف حاسبها على كل كلمه والكف اللي عطته تذكرت كيف تكلم عن تربيتها كيف انجنت وبغت تذبحهه من القهر اللي فيها وكيف كان اخر كلام بينهم حست انه ندم على اللي سواه بس هي م عطته فرصه وطلعت وفجاءه تذكرت المكان كان اخر دور فالشركه كيف جابها في هالمكان كثرت الاسئله براسها تبي تعرف من هو ووش اسمه م طرى في بالها الا العنود هي اللي دايماً تنقذها واتصلت عليها بسرعه وردت العنود : اهلين نجوده كيفك نجد : تمام انتي اللي كيفك العنود : حمدلله ! شفيه صوتك ؟ نجد : بقولك موضوع بس لا تقولين لاي احد قالت كل شي من البدايه الى النهايه العنود : افف هو نفسه ذاك نجد : ايه ياختي رفع ضغطي العنود حزنت عليها الا الان نجد تتضايق وتحزن اذا احد تكلم عن الام فما بالكم التربيه نجد بهدوء : انتي معي يالعنود العنود بضحكه مصطنعه : ايه معك كملي انا اسمع بس ليش زعلتي وانتي واثقه م لها داعي نجد بتأفف وببكاء : يختي موضوع امي كان مشغلني م دققت في كلامه عن التربيه وبعدين انا اول من بدا في موضوع التربيه يعني...... كملت نجد تشتكي والعنود مستمعه استراليا ( ملبورن ) فتحت جوالها ولقت اكثر من 100 رساله من اهلها وصحباتها وقروب جامعتها مع الاتصالات اللي اغلبها من فهد سحبت عليهم وهي تتصل على فهد تبي تشوف موضوعها رد فهد بعصبيه : خير ليه م تردين بسرعه هتيف بتأفف : كنت نايمه وصحيت الحين فهد بهدوء : اسمعيني زين ولا تقاطعيني اول شي انتي صح تبين تفتكين من ناصر هتيف بفرحه : اكيد ايه فهد : اجل اسمعي السالفه من اولها لاخرها قال كل السالفه لها تحت صدمتها بعد م خلص وسرد السالفه لها بتفصيل وهي ابداً من الصدمه م قاطعته قالت بهدوء عكس خارجها : يعني انا متزوجه متزوجه م فيه فكه فهد انقهر وبضحكه : ياغبيه بعدين تقدرين تقولين له ابي انفصل مع ان منصور يبيك بنفسه هتيف بقهر : لا ي حبيبي حدته الظروف علي فهد : هتيف ترى كل كلامك قلته له بس هو رفض وقال انه يبيك وواضح انه صادق هتيف ببكاء : انا انبسطت انكم فكيتوني من ناصر والحين بتبلشوني بمشكله اكبر من كذا ولا بعد على حساب كرامتي فهد : منصور والنعم فيه م راح تلقين اطيب منه هتيف كملت ببكاء وهي تتذكر ريم : لا خلاص كنسلو الموضوع وابي ناصر موافقه عليه فهد حزن عليها : لا هتيف بعصبيه : خير انشالله انا ابي ناصر فهد : ابوي كلم ابو ناصر بعد المغرب هتيف : مو بكيفكم ترى تعبت من جد منكم فهد انقهر كذا م رضى على اخته : اسمعي زين كان فيه زواج ترى بيتأخر وابوي قال لمنصور هتيف بقهر : لا بعد ناوين تزوجوني فهد : ايه لان ابوي قال لابو ناصر ملكتهم قريب وراح نضطر نملكم عشان خاطره هتيف : وانا حياتي بتمشي عشان خاطر ابو ناصر فهد : ياقلبي ابوي مستحي منه ومتفشل انه يرده وم لقى عذر الا هالعذر وصدقيني اذا حياتك م اعجبتك بخليه يطلقك غصب هتيف بهدوء م تبي تبكي : خلاص مشكور فهد تعبتك معي فهد تنهد : العفو مع السلامه في بيت ابو عبدالعزيز فالصاله تحديداً افنان بوناسه : افف واخيراً منصور منصور بضيق : تتوقعين تبيني افنان : اكيد تبيك منصور : بخليها تحبني غصبً عن وجهها افنان ضحكت : اهدا من كذا منصور : بس تتوقعين عرفت بالموضوع افنان : م اتوقع لان البنات يتناقشون بالسالفه فالقروب وم ردت عليهم منصور : يعني ذابحها الحياء الحين افنان ضحكت : يمكن بس م اتوقع لان اخر مره كلمتها واتس الساعه 8 الصباح اليوم التالي العصر عند سحاب طلعت تقابل صديقتها هيفاء في كافي كانت توها طالعه من البيت بتركب مع السواق استغربت منه بالعاده كان يتكلم ويسأل وين وجهتها بس هالمره تعدا الطريق وم تكلم بسرعه قالت : انت وين رايح شافته ساكت م تكلم قربت وعرفته وصارخت سحاب انصدمت : رجعني بسرعه ترى م لي خلق عبدالعزيز لف عليها : لا بتسمعيني وغصب بعد سحاب رفعت جوالها وبتهور اتصلت على سلطان وتفاجأت ان جوالها انسحب منها جلست تبكي وتصارخ وتضربه وهي تسبه انقهر منها م يبيها تبكي : بنت ترى انا ولد عمك م راح اسوي لك شي وصل بسرعه للمطعم ونزل كان حاجز ومضبط وضعه من زمان فتح الباب من جهتها : يلا سحاب انزلي عندت سحاب : م راح امشي خطوه حتى عبدالعزيز بعصبيه من عنادها : بتنزلين ولا شلون سحاب خافت : لا م راح انزل ابتسم داخلياً على خوفها الواضح : ترى قسم بالله اني لانزلك بطريقتي الخاصه وانتي عارفتها سحاب ارمشت بخوف : بعد عن وجهي طيب ابعد عنها وهي نزلت بثقه بس داخلياً مهزوزه مسك يدها ومشى وبسرعه ابعدت يدها عنه ابتسم ومشى لقدام انقهرت منه ومن البنات اللي يطالعون فيه ويبتسمون وبدون شعور مشت جنبه وبهدوء دخلت يدها في يده ابتسم ونزل راسه لمستواها وبصوته اللي هز كيانها : وش اللي غير رايك سحاب بكذب وتوتر : خفت من العمال قاطعها وهو يرفع راسه : صح صادقه سحاب اضربته : خير انشالله لا تصدق واستوعبت بسرعه اللي تسويه وهي منقهره من تصرفها اللي طلع بدون م تحس ع نفسها سحبت يدها منه وهو بسرعه سحبها ومسكها من جديد وانقهر انه قالها هالكلام جلس وجلست قدامه وهي هاديه جداً لاحظ دموعها المتحجره بعيونها وانقهر قال بهدوء : ابيك تسمعيني الحين وبدون م تقاطعيني لان الموضوع يهمني سحاب باستهزاء : لا واضح م شالله يهمك سكت وقال بغضب : انكتمي لين اخلص لاني انا المظلوم في السالفه كلها سحاب ابعدت نظرها عنه وهي تهز رجلها بقووه وكأنها تسلك له قال بهدوء : كل شي واضح قدامك والواضح اكثر ان بنت عمك امل وقحه ومعها الهنوف وذاك اليوم اخوها اتصل علي يبي اوصل لهم اغراضهم وم حبيت ارده وتفاجأت من امل اللي طالعه وفجأه مدري شصار وطاحت ومسكتها ونيتي شي ثاني بس هي واضح عاجبها الجو وطولت م كنت ابي امسكها عشان تعدل وقفتها بس هي طولت واذا كان ع قولتك طلعتي وشفتينا ليه م جلستي اكثر وشفتي كيف صديتها بسرعه وانا متقرف منها وكارهها والمره الثانيه يوم اسحبك لسويتهم وقالت وهي تكسب الموقف انه مجرد صدفه يعني هم اذكياء وحنا اللي انلعب علينا وانتي عارفه بموضوع ريم اختها مع منصور اخوي واكيد اختها مثلها سحاب بتساؤل : وشفيها ريم عبدالعزيز قال سالفة منصور كلها لها تحت صدمتها قال بهدوء : بس م ابي السالفه تطلع لهتيف فهمتي سحاب : من حقها تعرف عبدالعزيز : لا تخليني اندم اني علمتك سحاب : خلاص م راح اقول عبدالعزيز ابتسم : والحين وش وضعنا سحاب ارتاحت من كلامه بس تبي تتأكد : الحين بتصل فالهنوف وبشوف وش بتقول عبدالعزيز : وش رايك انا اللي اتصل لانها اكيد بتكمل كذبتها معك سحاب اسكتت وعبدالعزيز اتصل وخلاه سبيكر بعد دقايق الهنوف : هلا عبدالعزيز شبغيت عبدالعزيز يبي يستفزها : اللي ابيه ان اختك امل تعتذر من سحاب وتقولها الكلام بشكل واضح الهنوف بغضب : ليه تعتذر وهي م سوت شي غلط وبعدين الغلط على حبيبتك اللي م تثق فيك وانت عارف ان امل كانت بتطيح وهي تقول الغلط منه ليه م ساعدني عشان اوقف بس ينتظرني اساعد نفسي وانا لابسه كعب وانت تعرف لو تحركت كان طاحت بسرعه عبدالعزيز : وش اللي يخليها تضطر تلبس كعب وهي مسافره وفالفندق بعد عصبت الهنوف : والله هذا مو شغلك عاد ولا قسم بالله اني لاكذب على سحاب واقولها انكم على علاقه مع بعض وشوف اذا صدقتك حبيبتك وباستهزاء : عاد هي م تثق فيك ابد عبدالعزيز : وانا انشالله بخلي سلمان يربيكم لان م اشوف فايده من اني استر عليكم خافت الهنوف توها تستوعب تهديدها : خلاص عزيز والله اسف انا اساساً مدري كيف هددتك بس انت عارف من العصبيه قلت هالكلام والله اسف م كان قصدي شي ومن بكره اقابل سحاب واعتذر واقولها كل شي واعتذر منها بعد عبدالعزيز : مو بكره الحين تتصلين وتعتذرين لها بسرعه يلا الهنوف : اوك الحين بتصل يلا مع السلامه قفل وم رد عليها وجلس ينتظرها تتصل سحاب كانت على نفس الوضعيه بعد 10 دقايق من التوتر اتصلت الهنوف ردت سحاب بعد دقيقتين : نعم شتبين انتي الهنوف : جايه اقولك عزوزك م كلمك سحاب : وش دخلك اذا كلمني او لا الهنوف : حبيت اقولك انهم قريب بيتزوجون وهو قال لها بنفسه عاد حبيت اقولك يعني عشان يكون عندك خبر سحاب نزلت دموعها وهي تطالع عبدالعزيز م تدري كيف ظلمته وكيف م وثقت فيه ابداً قفلت في وجه الهنوف وهي تحط يدها على وجهها وتبكي وتشاهق وعبدالعزيز بسرعه مسكها وخذاها لسياره عشان الناس م يطالعون فيهم ركب ورى معها وهو يمسح دموعها توقعها صدقت الهنوف مره ثانيه قال بهدوء : سحاب صدقتيها ! يعني انا م لقيت الا امل اخطبها واتزوجها سحاب هزت راسها بمعنى لا وهي تقول بصوت متقطع : انـ... ـا اسـ..ـف عبدالعزيز : ترى طول الفتره اللي م كلمتك فيها ترى كنت افكر في حل وحمدلله انك صدقتي رفعت عيونها له : يعني انت سامحتني عبدالعزيز بهدوء : فيه احد يزعل من سحابته سحاب : والله احبك م كان قصدي عبدالعزيز خق وهو يتأملها ويتأمل عفويتها بعدها نزل يجيب قهوه لهم وراحو يتمشون بعد نص ساعه شاف المطر بدى ينزل ع الخفيف : انا اقول دام سحابتي معي بيجي مطر ضحكت من استهباله وقالت بهدوء : المهم صديقتي سحبت عليها بسببك وغير كذا انا تأخرت عبدالعزيز : مليتي مني سحاب : احد يمل منك انت قال وهو يطالع بعيونها : واللي يقول انه بيخطبك سحاب انصدمت من جديته : لا مو الحين خلها السنه الجايه عبدالعزيز بغضب : قولي م ابيك وبس سحاب : عزيز تونا متصافيين وبعدين انا ابي احس بشعور اني متخرجه وفالبيت جالسه عبدالعزيز : الحين تبيني أجل الموضوع عشان تحسين انك متخرجه ضحكت سحاب وبدلع : ليش م تقدر احساسي عبدالعزيز ابتسم : اوكيه بشوف اخرتها معك استراليا ( ملبورن ) الساعه 10 الليل منى بفرحه : م توقعت كذا بتكون النهايه هتيف بقهر : خير ياست منى السالفه ما تونس منى : الحين انتي تحبينه ليه زعلانه طيب هتيف بهدوء : افهميني ياغبيه هو ترى مجبور علي يعني م يبيني يبي ريم وانحد علي والموضوع كله انه يبي يثبت رجولته قدامهم منى : طيب فهد اخوك قال انه هو يبيك هتيف : ليه م خطب من زمان ولا ريم وش صار على موضوعها منى بضحكه : الحين ترى راسي داخ هو بياخذ احلام ولا ريم هتيف : احلام اتوقع استهبال بس ريم حقيقه منى : وش اللي مخليك متأكده هتيف : فالسناب كانت مصورته منى : انتي تقولين معطيها ظهره هتيف : حتى ولو انتي م شفتي كيف شكله كان واضح انه ينتظر احد وبعدين افنان قالت بيخطبونها عند سحاب اللي دخلت البيت وهي مبسوطه قابلتها حور : ليه كل هالتأخير انشالله سحاب : شوفو البزران بدو يحاسبوني حور سحبت عليها وهي طلعت لفوق وجلست وهي مبسوطه من اليوم وكيف اثبت لها ان يحبها وانه يفكر فيها من زمان بس فجأه تذكرت هتيف وموضوعها " يعني منصور يحبها وهي تحبه بس كيف عرفت ريم وحنا لا " اتصلت على هتيف بسرعه اللي ردت سحاب : اهلين هتوفه هتيف بصوت مبحوح : هلا سحابي سحاب : فيك شي هتيف : لا بس عندي اختبار سحاب : طيب بسألك انتي سكتت وهي متردده هتيف خافت : انا ايش سحاب بهدوء : انتي تحبين احد هتيف انقهرت : لا ليه وش الطاري سحاب : لا بس خطبة منصور لك هتيف انقهرت زياده : يعني ايش م فهمت سحاب بتوتر : انتي م كنتي تقولين انه يبي ريم طيب ليه هو يعني ليه م خطبك محمد او اي احد من عيال عمي غيره هتيف بتفكير : يمكنها فزعه لا اكثر ولا اقل سحاب : م اتوقع اتوقع انه يبيك هتيف بغضب : لا م اتوقع انا لان الظروف حدتنا ولو انه يبيني كان خطبني من زمان سحاب استغربت من عصبيتها : يعني م تبينه هتيف وهي تبي ترجع كرامته : اكيد لا سحاب : كنت اعتقد انك تحبينه هتيف : من قالك اني احبه طالعة في جوالها : سحابي عزوزي يتصل باي سحاب فتحت عيونها بقووه : نعم من عزوزي هتيف ضحكت : مو عزوزك لا هذا عزوزي اخو منو شفيك انتي سحاب تنفست براحه وبطقطقه : قلت اكيد هالعزوز م خلا ولا وحده من بنات عمه هتيف بهدوء : في كل علاقه لازم الثقه واذا م بينكم ثقه انصحك تتركينه من الحين سحاب : لا لا تفهمين كذا بس يعني قلت ابي اطقطق شويي ولا عزوزي م مثله هتيف ضحكت : واضح رجعتو لبعض سحاب ابتسمت : ايه ابشرك وكملو سواليفهمم اليوم التالي : كانت تلبس ومستعجله لانها تأخرت وصلتها رساله " انتظري انا اللي بوصلك " ارسلت سحاب " خير لا عزيز بليز كنسل الفكره " عبدالعزيز " وليه انشالله ؟ م فيه احد بيدري " سحاب " عزوز والله اهلي واثقين فيني م ابي في موقف واحد اعدم الثقه اللي بيننا " عبدالعزيز " انا ولد عمك وزوجك مستقبلياً " سحاب " م في شي رسمي للمعلوميه " عبدالعزيز " كان بيجي فيه لو انك فكتينا من ذاك الشعور " وفيس معصب سحاب"هههههههههههههههههههه� �هههههههههههههههههههههههه هههههههههههههههه ترى تأخرت " عبدالعزيز " فديت انا المحافظينن ياناس " سحاب ارسلت له قلب وفيس خجول وقفلت جوالها ولبست عبايتها ع السريع عشان تلحق ع الجامعه صحى من النوم وخذى شور وطلع يلحق ع الدوام شاف سلطان اللي جاء : ياهلا بسلطان قلبي سلطان ابتسم : هلا بالعريس منصور ابتسم من الطاري : م عليك زوود وبعد انت عريس بس خير م قلت لنا السالفه من زمان سلطان وهو يتكي ع السياره : والله وش رايك نروح ع سيارتي لشركه ونسولف بالطريق منصور : ما لك لوى بس تعال انت معي سلطان : طيب وشفيها سيارتي ؟ منصور : م فيها شي بس ذاك اليوم كليت تبن يوم رحت مع عزيزوه التبن سلطان ضحك : في ذي معك حق منصور بابتسامه واسعه : بس تدري عسل ع قلبي خلاني اسمع صوت كان من ضمن احلامي اني اسمعه وسمعته وردت لي روحي سلطان ضحك : خير وش ذا الكلام ؟ غريب عليك دايم بارد وجامد م توقعت خطبتك بتأثر فيك منصور باستعجال : عطيتك وجه صح اقول اركب سلطان : م تكمل جميلك وانت تسولف ههههههههههههههههههههههههه ههههههههههههههههههههههههه ههههههههههه طلعت من الجامعه وانا منقهره امس كلمني ابوي بعد فهود وقالي كل الموضوع بالتفصيل وقالي لا تخسرين منصور لانه رجال ومتوظف وبيسعدك بعد الله المهم ارفعه فوق عشان يقنعني بس انا ابداً م رضيت بهالووضعع خير سبير انا وبعدين تمنيت اني اكون لناصر ولا له بس ابوي هاوشني وقال مستحيل افشل نفسي مره ثانيه وقالي ان رجعت ع طول بتصير الملكه يعني خلاص بيصير اسمي مرتبط بأسمه بيصير يتحكم فيني عاد انا عارفه نذالة منصور وحركاته البايخه وبروده اللي يذبحني وخصوصاً اني م قد شفت منه كلمه حلوه صح اخر لقاء لنا حلو لانه عارف انه غلطان ... قطع عليها تفكيرها اتصال العنود .. .. بعد كم ساعه في بيت محمد : غرفة العنود تحديداً ! سمعت صوت رساله وافتحتها سلطان " سلام عنودتي روحي لسحاب معها حاجه لك ابيك تاخذينها بسررعه " العنود " اوكيهه وينها سحاب ؟ " سلطان " وصلت اتوقع عند بابكم " العنود " الحين طالعه يلا تشاوو " طلعت وهي تشوفها جايه ومعها كيس وسط مو كبير مره سحاب : هاييي ياحلوتي هذي من سلطان العنود ببتسامه : هذا ايش ؟ سحاب : اذا ما خاب ظني هديه ! العنود رجعتها : اولا قولي له م بيننا شي رسمي عشان يهديني فابليز رجعيها سحاب : يعتبر خطيبك ! العنود : قلت لا صار شي رسمي اوكيه سحاب م له داعي هالاشياء الحين وانتي عارفه سحاب بتفهم : اوكيه صادقه انتي ترى وعارفه بس قلت انكم مخطوبين فابتاخذينها بسرعه العنود بمزح : حمدلله ان طلع فيك عقل سحاب ضحكت : اقول الشمس ذبحتني يلا العنود : مع السلامه رجعت غرفتها وهي تحط ماسك ع وجهها بعد 10 دقايق جاها اتصال وبسرعه قفلته وافتحت الرساله " خير ؟ ترى خطيبك انا ! " العنود " ما ابيها وبس لا تضغط علي " سلطان " اوكيه بس صدقيني بعد اسبوعين راح تكون الملكه وبدون اعتراض " العنود " لا سلطوني خير بدري ترى " سلطان " م عندي صبر ؟ " العنود " ما بعد الصبر الا الفرج " سلطان " سلكي لي بذا الكلام " العنود " ههههههههههههههههههههههههه " افكر بس مدري انها بتحبني لانها من الاساس رافضه فكرة الزواج او يعني تبيني وبتحب الزواج م بعدي اوف ياربي بس تفرجها علي وعليها ونعيش حبايب ونتزوج السنه هذي لي ساعه وانا ادور النومم بس رافض يجيني بسببها ! ابي بس امل لو بسيط انها راضيه ابيها تتخرج وافتك عشان التفت للموضوع زين في بيت ابو عزام : ام عزام : اجل جاي وم سلم علي ناصر منسدح ع رجلها : يمه هدي ترى والله امس مليون ملف وورقه تحتاج توقيعه ولو م جاء هالايام لا سمح الله خسرنا الشركه بكبرها وصايف : بس على الاقل يتصل ويطمنا دخل فاللحظه هذي عزام اللي مبتسم عزام : سلام عليكم اخباركم ي حلوين ركضت وصايف له : يوووه اشتقت لك عزام وهو يبادلها الحضن : وانا اكثر اتجهه لامه وهو يبوس راسها ويضمها عزام : لا تزعلين اني م جيت لك امس بس والله الشغل كاثر وابوي موصيني عليه حطت يدها على يده : مسامحتك ياقلبي لفت على وصايف : قولي للخدامه تجيب القهوه لعزام وجد ركضت وصارخت : عزوومي جاء عزام وقف لها : هلا والله باخر العنقود وجد : اطول سفره لك ياخي شهر كثيره عزام : خلاص بجلس ع كبودكم ام عزام : كيف الدوام معك انشالله م تعبت عزام تنهد وهو يتذكر نجد : حمدلله ........................... اليوم رحت للشركه وجلست ادقق فالوجيه بس… | ||||||
|  |
|
15-12-20, 03:50 AM
| #32 | ||||||
| مشرفة منتدى الروايات المنقولة
| « الـبـارت الـتـاسـع والـعـشـرون » اليوم رحت للشركه وجلست ادقق فالوجيه بس م شفته بينهم دخلت وخلصت الشغل ووقفت بنص الشركه توقعته موظف او صديق للمدراء وللمعلوميه توي عرفت ان الدور الرابع للمدراء بس وفي نفس الوقت بنجلط ابي اعرف كيف وداني فوق وراح اليوم كله وجاء وقت الخروج وم شفته يلا م يهمني وش علي منه بس كنت ابي اعرف وش جابه للشركه بس مشاعل قالت لي الموظفين كثير قطع تفكيرها اتصال من هتيف نجد : اهلين عروستنا هتيف كشرت : هلا نجد اخبارك نجد : شفيك منفسه تهاوشتي مع منصور هتيف بعصبيه : مالت عليك انتي ومنصور بس نجد استغربت : شفيك هتوفف معصبه م تبينه ؟ هتيف بصراحه : م ابي احد ! حابه العزوبيه بس اخوك المصون ملزم يزوجني يا ناصر يامنصور ! نجد ضحكت : احسكم لايقين ع بعض ومتأكده انك راح تنبسطين مع منصور ياخي عسل انتي شفيك والله انك محظوظه فيه هتيف سرحت في كلامها وم ردت نجد : الو ؟ انتي معي ؟ وين رحتي هتيف ضحكت : معك معك بس هو بعد ياحظه فيني ! خير نسيتي اني بنت اخوك نجد : قلت لك كلكم لايقين ع بعض متناسقين احس عايلتكم كيووت من الحين متحمسه لزواجكم اف ياربي هتيف م تنكر انها انبسطت بس لاتذكرت نظراته فالبدايه المتوجهه لها نظرات الكرهه عافته ولاتذكرت ريم انقهرت زياده كملت سواليفها وهي تصرف اي سالفه فيها طاري لمنصور .............. العنود : يمه كلمتي هتوف ام فهد : اي كلمتها وباركت لها ومنصور ترى امنيتي انه ياخذ وحده من بناتي لانه رجال صح لاحظتها رافضته بس بعدين بتقتنع فيه العنود : صح بس احس استعجلتو فيها حرام عليكم م توقعتكم كذا عطوها مجال تفكر ولا ذا ناصر النشبه افف ليته قدامي كان صفقته ام فهد عصبت : خير انشالله وش دخل ناصر الحين لازم يسبونه اذا عصبو ضحكت العنود وهي تتذكر موقفها امس مع سلطان اللي وقف عند شباكها ويسولف معها ودخلت ام فهد بالصدفه وسحبت جوالها العنود وتسوي نفسها تكلم هتيف العنود : الله ياخذ ناصر النشبه هذا من ايش مخلوق افف وععع عصبت ام فهد من دعوتها وحذفت عليها المخده وهي تسكتها م تدعي عليه طلعت ام فهد وجاء سلطان وهو يضحك سلطان : خير وش دخل ناصر م له دخل العنود ضحكت : ترى لنا اسبوعين كلما صارت لي انا وفهود مشكله دعينا على ناصر سلطان ضحك : فهد حتى فالشركه الطابعه علقت ولفيت ولقيته يدعي ع ناصر لهدرجه كارهينه هههه ههههههههههههههههههههههههه ههههههههههههههههههههههههه هههههههههه يوم الخميس الساعه 9 الصباح : بيت ابو محمد قدام باب البيت العنود : اف احس بدري نروح الحين فهد : هذي اللي بتموت لو م راحت المخيم العنود بعصبيه : احبه فالليل الحين الساعه 9 فهد : احمدي ربك انَّ فالشتاء جت ام فهد : متى ناوين تروحون ؟ فهد يلف عليها : العنود يلا تحركي فتحت جوالها وشافت الرساله " عنودتي صوتك واصلني فالحوش الكبير قصريه بالله " ضحكت بصوت عالي فهد وهو يمشي : قبل شوي بتاكلينا العنود ابتسمت : وحده من صديقاتي مرسله لي نكته وش عليك انت م تبيني اضحك وقف وهو يضرب الباب بقووه وباستهبال : سمو بسرعه الصرصور تحتك صحت وهي مفجوعه من الصوت ومن كلامه وبدت تصرخ باعلى صوتها : ههيي منصور تعال دخل وهو يضحك على شكلها وهي واقفه ع السرير : حلو طلع فيك احساس سمو وهي تحط يدها على خصرها : يعني منصور : يعني تجهزي ورانا مخيم بسرعه سمو خذت المخده وحذفتها : يعنني متزوج ومسوي فيها تمون وفله ابتسم منصور : ايه بتزوج وبسحب عليكم بعد وبسرعه : اقول بسرعه ترى م راح انتضر وابوي يقول اسحبها مع شعرها سمو وهي تعدل وقفتها : لحظه والصرصور وينه منصور وهو يتسند ع الباب : الكلام هذا من افنان تقول قوله وبتصحى ع طول وانا صراحه اعرفك لانمتي م عاد صحيتي سمو : والله لاخرب سمعتك عند هتيف منصور ابتسم من طاريها وبسرعه : اخلصي علي قسم بالله لو حمود م بعد راح كان سحبت عليك ولا وش اللي يخليني انتضرك سمو وهي تتحلطم : هذا وانت بس خاطبها لو انك متزوجها وش بيصير ؟ منصور طلع وسحب عليها عارفها م تنعطى وجهه فالسوالف هذي وخصوصاً انها تبين قدامه تقريباً الكل جهز واتجهو للمخيم .. بعد 3 ساعات فالمخيم .. عند البنات .. سحاب : انتم شفيكم تعبانين انا المفروض اللي اتحلطم تعبانه وجايه من الجامعه وع طول ع المخيم يعني صدق تعب العنود : بس تصدقون تهون عندي لاذكرت المزرعه حمدلله جدي له شهر م خلانا نروح لها سمو ضحكت : لهدرجه تكرهينها هذا وانتي م رحتي لها الا 7 او 8 مرات اتوقع العنود : انا م اكرهها بس انا شايله هم شهر 10 مع الحر وجدي اكيد بيودينا لها نجد بهدوء : م باقي شي على شهر 7 حور : يالبيه بنعطل ونفتك بس الله يعدي الاختبارات على خير العنود : اقول يلا ناموو افنان : ايييه ورانا باربكيو العصر سحاب : من يقوله ؟ سمو : منصور مروق ويبي يسوي لنا فعاليات عند الشباب : راح محمد وشبك البلايستيشن وجلس يلعب سلمان برجى : محمد تكفى قوم قولهم يجيبون لنا قهوه محمد : صبي عندك انا ؟ منصور ارفسه برجله : احترم اللي اكبر منك محمد لف عليه : انت شتبي انت ورجلك ذي ؟ منصور ضحك : شفيها رجلي ؟ م اعجبتك محمد بتسليك : لا ابد بس خاق عليها سلمان : حمود تكفى عاد ؟ محمد : اعذرني يابن عمو سلمان : انت م تلاحظ ان ما منك فايده محمد : خف علينا يافهد عاد عبدالعزيز بضحكه : بسم الله على فهد منه سلمان : تطقطق انت وياه بس لا جبتها والله م يشرب الا منصور وسلطان وفهود محمد سحب عليهم : فهد حمودي وينه ؟ سلمان خذى الشاحن وحذفه عليه : ياولد انت م تستحي متى تعقل قوم عاد محمد : انا بدور لي ناس تكفلني حاطيني عندكم صبي ولا ابوي يقول نبيك بس لشغل ههههههههههههههههههههههههه ههههههههههههههههههههههههه ههههههه منصور : تصدق حمود والله اني ارحمك احياناً محمد بتمثيل : انت شفت وش ذا العنف سلطان : الله يبلشك الحين عاد بيصدق نفسه وبياخذ دور حياة الفهد محمد : تدرون وش اللي بيخليني اجيب القهوه سلمان بتسليك : وش تكفى قول وروح جيبها الله يرحم والديك محمد جلس : القهوه والله م تطب في فمك اليوم عشان تعرف كيف تسلك لي سلمان تنهد : ياربي بيذبحني ذا قوم ياحبيبي يلا محمد : م اسمح احد يقولي حبيبي الا مدامتي منصور بقرف : يا شين حظ مدامتك بس سلطان وهو يلف عليهم ويقصر صوته : معليكم انا اعرف اتعامل مع الاشكال هذي دقيقه لف ع محمد : حمود تبيني اقولك من سلمان يحب وبيتزوج ترى هو معلمنا كلنا الا انت محمد اللي كان معطيهم ظهره لف وهو ينط عندهم : افا يا سلوم من م علمتني حقير والله سلمان بكذب : بعد حقير انا م اعلم مراهقين محمد : والله لا ذبح لك ذبيحه بس قولي سلمان بصوت مرتفع : م ابي ذبيحه ابي قهوه محمد : طيب يا عبدالله سدحان بجيبها بس بتقولي صح منصور من بعيد : شالفايده لا عرفتها ؟ محمد : ابي اشوف ذوقه منصور : م في شي اسمه ذوق كل شخص يبي زوجه حلوه وهذا الشي الوحيد المتفقين عليه محمد يتنهد : القلب م يعرف الزين والشين سلطان بنظره : كلام جديد ! محمد وقف : ودي احب زيكم بس بما اني صبي عندكم م اتوقع حتى اتزوج زواج تقليدي ههههههههههههههههههههههههه ههههههههههههههههههههههههه كانت سرحانه طول الوقت ودها تنبسط وودها هالخطبه صارت بوضع غير عن كذا بس مجبوره ارضخ للامر وانا م اتوقع ولا واحد بالميه اننا بنتفاهم لانه يحب وحده غيري فالبدايه م انكر اني م صدقت سالفة ريم خصوصاً ان افنان متردده وهي تقولي الموضوع بس من شفت ريم وربطت كل شي !! صار الوضع جد وعلى ذا كله ابتلش فيني يعني لو بيعاملني بطيبه راح يأنبني ضميري واذا العكس راح انقهر واكيد اني بغار منها واساساً م ابي اكون ثقيله على احد ولا بعد !! م جاء هالشعور الا للي احبه . منى شافتها وحزنت : يلا السواق عند الباب وبضحكه مصطنعه : يلا قومي نبي ننبسط حمدلله افتكينا من الاختبارات م باقي الا النهائيه ونتخرج هتيف بحزن : تدرين اول مره احس اني م ابي اتخرج بسرعه خايفه من حياتي احسها تلخبطت منى : احس العكس انا طيب يعني انتي فكري اخوك قالك اذا م اعجبك راح تتطلقين ثاني شي ريم الكريهه م صدقتها الا الحين ثالث شي وهو الاهم انا بنرجع الرياض وبنتقابل على كيفنا وبنبسط وبعدين م راح تتزوجين بسرعه هتيف وقفت م تبي تضيق خاطر منى ولاهي م لها خلق تتمشى مع ان الاجواء جميله عندهم .. اطالع في بنات اخوي كل وحده اذا ضاق عليها شي راحت لامها صح حريم اخواني م قصرو معي وانا صغيره خصوصاً ام فهود الله يسعدها كانت محسستني اني بنتها طبعاً بعد الظروف راحت وفقدتها حيل بس جاء تركي اخوي وقال بتعيشين معي ورفضت حسيت اني كبرت وغير كذا بجلس مع ابوي والمربيه وتذكرت قبل 15سنه يوم راح ابوي يجيبها عشان تربيني كنت خايفه انها تعذبني وكانو اخواني يقولون يمكن مو مسلمه وتبداء تعذب اختنا بس ابوي كان رافض وكان يعصب عليهم خصوصاً بعد م شافني رفضت اعيش معهم مو قصور فيهم بس من البدايه م احب اعيش الا مع امي وابوي ومع انهم اصرو انهم يربوني مع عيالهم الا اني رفضت وصارو بعدها يتجمعون عندي والمربيه كانت طيبه مره ودخلناها انا وابوي الاسلام يوم صار عمري 14 سنه احسها حبت الحياه معنا وانا حبيتها اعتبرتها امي الثانيه لان م عندي خالات وكانت كل الدروب مقفله بعد م راح اخوي محمد بس ربي فرجها ورزقني بالمربيه وغيرنا اسمها الى صفيه وحمدلله بديت اعيش بس كان فيه جزء كبير مني احسه ناقص غصب اذا احد من عيال اخواني نادى امه بسرعه اتخيل نفسي مكانه احياناً دموعي تنزل بقوه وانا مدري عن نفسي لدرجة اني وصلت لمرحله اني م اتمالك نفسي بس حالياً يبين فيني الحزن واضعف لطاريها بس الوحيده اللي اتكلم معها عن امي هي العنود بعد قلبي كانت تقولي وحنا صغار ان امنا وحده وكانت تشوفني اتأذى بالمدرسه اذا احد قالي امك وين وهي بسرعه تأشر لامها وتقول حنا خوات كان اكبر احزاني والمأسآه بدت فالمدرسه خصوصاً اني كنت من المتفوقات وكانو المعلمات يبون يشوفون امي المره الاولى جات ام فهود بس المره الثانيه استحيت وترجيت ابوي يغيبني بس رفض واضطريت اقوله بس من درى بالسبب انهار قدامي وبانت فيه ملامح الحزن وبسرعه تركني وراح لغرفته وقفلها كنت صغيره م ادري وش قصده بالحركه بس الحين عرفت ان امي كانت فقيده علينا كلنا حتى صديقاتها الى الان يزوروني ويرسلون لي هدايا كل هذا وم تبوني احزن حسيت اني بديت ادمع وفيه شي كاتمني وقفت بسرعه بس العنود : وين ي قلبي اشرت لبعيد وانا م قدرت اطلع صوت سكتت ومتأكده انها فهمت بس رحت وانا ابي ابكي م اقدر احس اني بموت زياده اذا جلست بالوضع هذا . افنان مقصره صوتها : شفيها مو على بعضها العنود وهي عارفه : لا م فيها شي افنان : تدرين ريم صايره م تجي مع خواتها العنود : ملاحظه فيها من يوم جت وهي تضحك معنا بس شوي تنقلب سمو جت وهي خايفه : بنات شفتو ريم افنان : بسم الله كنا نحش فيها سمو : ومستانسه بعد المهم تخيلو جلست تسولف معي بس فجأه عصبت علي قسم بالله خفت منها وحور الخبله تضحك جنبي ضحكت العنود : مريضات ههههههههههههههههههههههههه ههههههههههههههههههههههههه هههههه العنود طالعت في جوالها وضحكت : يلا هتيف تتصل خلونا نكلمها فتحت الكام الاماميه : هايييي هتيف : اهليننن اخباركم افنان : هتوفه اشتقتلك هتيف جاها شعور غريب توها تكتشف ان افنان فيها شبه كبير من اخوها : هلا وانا بعد اكثر اثير وهي ترقص من بعيد وتغني : اتمنى اضمك بالقلب م اعوفك ولا ساعه بس هو ... قاطعتها هتيف بضحكه : ترى ماله داعي تنتهي علاقتنا اليوم جت نجد وهي تضحكم تنكر ان صوت اثير المزعج طلعها من جووها الكئيب : اثيروه ووجع بالله ذا صوت ينسمع اثير كملت وهي تغني : لنا الله ياخالي من الش.. م كملت والا وصقعتها بالمرطب ع وجهها هتيف صفقت بيدها : اي شاطره عمتي نجد : معليك اربيهم من جديد بس والله م تلاحظين اثير صوتها م ينبلع يصلح بس تتكلم ولا تخلينها تطول بعد هتيف ضحكت بقوهه : شوي شوي مو كذا عاد العنود وهي متسنده ع كتف اثير : وشذا التنمر اثير : معليه ملاحظه نفسية عمتي من الدوام عشان كذا مسموحه نجد بضحكه : غير الدوام صوتك والاغنيه حزينه ولا ترقصين بعد العنود : بالعكس اثير سجليني احدى فانزاتك اثير بضحكه : لو م حجزك سلطان كان خطبتك لسلوم اخوي م تنتفوتين والله العنود وجهها حمر وسكتت من طاريه نجد شافتها : هذا وانتم تحبون بعض ومعترفين لبعض وتمونون ع بعض وكذا حالك هتيف ضحكت : صح خير وش ذا السحى الغريب العنود وهي تغير السالفه : اي اثير نسيت ارسلي لي صوتك وانتي تغنين اثير بمزح : وش رايك ارسلك كل صباح صوتي واغنيه كذا صباحيه تروقين عليها فهمتي شلون العنود لفت بسرعه : اللي اعرفه الناس تتغلى.... سمو : عزوز بالله كمل جميلك وجيبها عبدالعزيز : بفكر وارد لكم خبر سمو وهي تقصر صوتها : طيب عشان سحاب انصدم عبدالعزيز كيف عرفت عنه ؟ يمه م يفوتها شي ذي : انتي شدراك عن سحاب سمو وهي تبعد : انا داريه من قبل شهرين يلا عاد لا تطولها وجيب لنا الدبابات عبدالعزيز : بكره الصباح بتلاقونها جاهزه يلا افلحي ولا تزعجيني باتصالاتك سمو : خير الصباح وش بيخليني .. م كملت الا وقفل الجوال بوجهها بعد 3 ايام فالشركه الساعه 10 : مشاعل باستعجال : يلا عشان نلحق على الاجتماع نجد جلست : نعم انتي اهدي ! بعدين اجتماع ايش م فهمت ؟ اللي اعرفه ان فيه اجتماع الساعه 1 وبس مشاعل باستغراب : الساعه 1 مين قال نجد : م شفتي القروب اليوم ؟ مشاعل : لا بس سمعت من الموظفين نجد تربعت ع الكرسي : الحين افهمي زين وركزي معي اول شي اللي ابيك تفهمينه ان شغلنا كله يتعلق بالاداره والاجتماع اللي تقولينه يمكن للموظفين اللي شغلهم يتعلق بالحسابات ولا اي شي ثاني غير الاداره والساعه 1 يا طويلة العمر راح يكون اجتماعنا طبعاً راح يكون فيه المدير اما الاجتماع اللي بعد شوي راح يكون فيه اخو المدير اللي له القسم الثاني مشاعل بتفكير : الحين الاجتماع بس قسمنا هذا نجد : ايه وش متوقعه يعني تخيلي 400 موظف ندخل في اجتماع واحد مشاعل : من وين لك هالكلام ؟ نجد : ابوي يقولي واساساً ابوي يعرف مدير الشركه كانو اصدقاء مو يعني صداقه قويه بس معرفة شغل وبزنس يعني فهمتي شلون مشاعل بصدمه : ابوك يعرف عزام ؟! نجد : عزام مين ؟ اسم المدير حمد مشاعل ضحكت : ياربي حتى اسم المدير م تعرفينه ي غبيه اسمه عزام ابوه عطاه الشركه وسافر يتعالج وكتبها بأسمه واللي سمعته انه كان بيقسمها بين عياله بس عياله رفضو وقالو انهم واثقين في عزام واتفقو انه يصير المدير يعني ابو عزام اسمه حمد والمدير حالياً عزام ! نجد : انا خليني اشوفه عشان اعرف اسمه مشاعل بضحكه : فاتك والله المنظر الخلاب نجد ابتسمت : يا كثر غياباتي يعني لو مره كذا يروح يشوف اللي معه التحضير ويشوف اسمي بيطردني على طوول مشاعل بنظره : وتقولينها ببتسامه بعد نجد : احسن ودي يشوف غياباتي عشان ينقهر وبخليه ينقهر اكثر ان ابوه هو اللي سامح لي واني ببداية شغلي يعني انتي م شالله قد طولتي فالدوام مشاعل : نجد ياغبيه والله مو متكبر نجد سكتت وهي تطالع في جواله مشاعل : طيب بسألك اخوانك او عيال اخوانك يعرفون عزام وناصر اخوه ؟ نجد : مدري بس اكيد وترى كل كم شهر يجتمعون ويسافرون حقين الشركات الكبيره واكيد قد تقابلو وابوي اصلاً قال انه يعرف حمد واكيد عياله كانو معه ... الخ استراليا فالجامعه : هتيف بضحكه وهي جايه : فل مااارك منى ضحكت : ترى نعتبر من الحين خريجات باقي بس الاختبارات النهائيه ونفتك هتيف : احلى خريجات والله منى بنظره : اشوف النفسيه تعدلت هتيف بحزن : افف لازم تذكريني يعني منى : مدري بس ابيك تقتنعين ترى م يفيد التناسي م راح تستفدين هتيف : هذي افضل طريقه منى : بس ترى بعدين ابوك بيصدمك بالملكه ويمكن الزواج في نفس اليوم هتيف : انتي متخلفه بالفطره ولا اجتهاد شخصي منى ضحكت : شقلت انا طيب ؟ هتيف بهبال : صديق ! انا بتطلق منى : وجعع انا اللي اعرفه ان الوحده م تحب الطلاق بس انتي عاكسه الدنيا هتيف بقهر وهي ترفع يدها : قولي اميين منى : لا والله م اقوله تبين تدعين علي هتيف ضحكت : لا على ناصر اللي دهور حياتي منى : ترى نفسه نفس اللي خطبو وراحو وش معنى هو ؟ اللي كل عايلة السلطان يدعون عليه هتيف ضحكت : هذا ابوه ساعد ابوي وابوي حالف انه م يرد له طلب وهو جاء وهو واثق ان ابوي م راح يرده ابد وابوي انقهر انه بيرده وهو واثق فيه عشان كذا م يمدي نسوي شي الا ندعي منى : يعني جميله كبير على ابوك هتيف : بعد م ابوي تهاوش مع جدي وكبرت السالفه م ساعده بعد الله الا ابو ناصر منى : متى اخر مره شفتي ولده طيب هتيف : اخر مره قبل سنه وعليها بس والله حلو وكل البنات فالجامعه خاقيين عليه منى : ايه شفته بس ليه رافضته انشالله هتيف : شوفي بالاول انا م احبه والديزاين مو شي بالنسبه لي يعني يهمني الشخص اللي اكون مرتاحه له مثلاً منصور كنت احبه بس بسبب هالاشياء صرت متردده اني اوفق عليه ولو افكر ان ناصر م خطبني ابد ومنصور اللي خطبني خطبه عاديه كان وافقت بدون م افكر ومن ناحيه ثانيه بنات الجامعه كانو منقهرين مني لان ناصر يخلي نفسه في مجموعتي دايماً يعني في مشاريعنا تذكرين منى بقهر : يع تذكرين سميره اللي بغت تذبحك يوم دخل معك هتيف : ايه وبعدها صار يتعمد يكلمني الى م جاء يوم من الايام وطلب رقمي عشان المشروع وعصبت عليه منى ضحكت : شاطره تربيتي هتيف ابتسمت : بس حسيت اني سبيشال شوي لما صارت لي الخطبه حسيت البنات انقهرو مني وهو م ينتفوت بس انا يعني .. قاطعتها منى وهي تقلدها : بس انا احب منصور هتيف : شتبيني اسوي هذا بلاء من الله منى بصراخ : خلاص شهر بس وتصيرين ملك هالبلاء هتيف ضحكت : قصري صوتك بس والله يا شينها اذا اخذتي شخص م يحبك تحسين انك ثقيله عليه ولا بعد القهر اذا كنتي تحبينه منى : والله مو مقتنعه في سالفة ريم هذي يختي واضحه يعني ليه تصدقينه هتيف : صدقيني لو افنان م قالت بنخطبها كان م صدقت ريم الحقيره منى بهبال : طيب خلاص السالفه هذي صارت متداوله هالشهر عندي وانا من النوع اللي م احب السالفه تطولل وسالفتكم صايره ترند مره هتيف : انتي تفتحين المواضيع عندي وانا احاول اني انسى مواضيع الزفت منى بنظره : الحين منصور صار الزفت هتيف بقهر : مو زفت الا زفتات منى : حمدلله اني مو منصور هتيف وهي تغير الموضوع : خاطري نتغدى برى منى : ابشري م طلبتي شي وعلى حسابي بعد | ||||||
|
| |
|
15-12-20, 03:55 AM
| #33 | ||||||
| مشرفة منتدى الروايات المنقولة
| « الـبـارت الـثـلاثـون » في بيت ابو عبدالعزيز : فالصاله تحديداً منصور : يبه تكفى قوله بعد شهر ابو عبدالعزيز : استح على وجهك واعقل البنت تدرس واكيد تعبانه تبيها اول م ترجع تتملك منصور : ترى بس بتوقع هي مو محرره فلسطين ابو عبدالعزيز بتهديد : والله ان اخليها شهر 12 منصور وقف وطلع بيروح لسيارته قابله محمد محمد بضحكه : وجهك وش بلاه منصور بعصبيه وهو يمسك وجهه : شفيه وجهي ؟ محمد : وجهك احمر لا يكون من الشمس منصور وهو يركب سيارته : ترى مب فاضي لك محمد سحب الباب : لا والله دقيقه شوف بس منصور رجع ظهره لورى وهو ينتظره يكمل محمد ضحك : وعد اني لحل مشكلتك مهما كانت بس قولي منصور بتفكير : والله شوف انت وعدت وانا بجرب اي شي عشان اوصل اللي ابي محمد انبسط وركب من الجهه الثانيه : يلاقول منصور ابتسم : انت الحين هذا الشي فيك فطره ولا بس عشان تستانس محمد : وش هالشي ؟ منصور : انك تحب السوالف والمشاكل محمد : يارجال مالنا الا السوالف يعني كيف تمشي حياتك بدون سوالف ومشاكل يعنيي.. قاطعه : خلاص شكراً ، انا الغلطان اللي عطيتك وجه ، الحين ركز ابوي رافض يكلم عمي محمد وانا ابي الملكه تحصل اول م ترجع من برى محمد بتفكير : يعني تبي هتيف ابوها يجبرها منصور بقهر : اولاً لا تنطق اسمها ثانياً انا م همني الا عمي محمد محمد ضحك : ريلاكس منيصير منصور غصب ضحك : اقول بتساعدني ولا لا محمد : عطني الاسبوع هذا بس او اقل بعد واجيب لك العلم كامل منصور تنهد : والله ياخوك لا تخرب الشغله يعني جرب بالكلام وفكنا من الخطط حقتك محمد : انا دايم احل مشاكلي بالخطط منصور : المشكله اني م شفت شي انحل محمد : لا تخليني اطلقكم من بعض وتعرف الخطط وش تسوي الخ.... .. سحاب برجى : عزيز والله حرام لازم اقولها عبدالعزيز : تدرين اني حمار لاني قلت لك سحاب : من سكت عن الحق شيطان اخرس عبدالعزيز : مالها دخل انا كلامي واضح ان سمعت هتيف عرفت بالموضوع ادري اني بتركك سحاب انصدمت : اذا انت بكل مره بكلمك فيها بتقول بتركك وهذي نهايتنا انا اللي بنهيها قبلك ترى والموضوع كله عشان هتيف وعشان اخوك يعني كلهم راح يستيفدون عبدالعزيز انقهر : انا م اقصد شي بكلامي ثانياً انا قلت السالفه لك خلاص سكري عليها ماله داعي كل دقيقه تذكريني فيها لا تخليني اندم سحاب بقهر : اوكيه مع السلامه عبدالعزيز بتشتت : كيف مع السلامه سحاب بعصبيه : يعني خلاص انتهت المكالمه باي عبدالعزيز بقهر : يعني كل يوم بتزعلين سحاب تنهدت : لان هذي اول مره لك تقول بتركك سامحتك ، اما بكل مره تقولها اوتتعود انك تهددني فيها ، هنا عاد معليش نقطع هالعلاقه افضل لنا عبدالعزيز : اعيد واكرر انا م قصدتها وغير كذا منصور دايم يقولي اسراره تبينه من سالفه وحده م عاد يثق فيني ابد سحاب : طيب افهمني انت الحين لا قال لها او قلت لها انا يمكن تحب منصور زياده عبدالعزيز بتساؤول : ليه هي تحبه ؟ سحاب بتشتت : مدري بس احياناً اقول هذي تحبه انت شايف بنفسك ان م فيه احد يدري بسالفتهم هذي وحتى سوالفهم وهم صغار وغير انهم كانو مع بعض مره ونظراتهم غير لبعض وكلهم يتهربون من بعض كأنهم يتهربون من من الحقيقه حتى م اذكر يوم واحد بعد م رجعو سولفو مع بعض كل حكيهم الغاز عبدالعزيز انبسط انها نست السالفه كره نفسه بعد ما شافها تبي تساعدهم توه يكتشف انها بريئه صح احياناً يشوفها قويه بس عارف ان هذا الظاهر ولا داخليا خوافه ابد م تخيل انه يخسرها سحاب بخوف : عزيز وينك عبدالعزيز بصوته اللي دخل اعماق قلبها : احبك سحاب سكتت كانت تدري انه م يتحمل زعلها ابد بس مع ذلك انقهرت من كلمته وكأنها مُهمشه بالنسبه له عبدالعزيز حس باحراجها : بالنسبه لموضوعهم انا حتى ملاحظ بس منصور يكابر وهي تكابر هالاثنين ذولا خاطري احبسهم وامغطهم بالعقال عشان يعترفون ليه م اطلعو لنا وانجزو سحاب اضحكت : لا والله هتوفه ما شالله عليها بس انت عقل اخوك ترى اعرفه عصبي ويبرد حرته في اي شخص قدامه وبروده يذبح عبدالعزيز : الله واكبر الحين اخوي عصبي ولا هتيف اللي قطعت قلبه بدلعها وغرورها سحاب : عن الغلط ترى البنات بشكل عام طيبا.... في بيت ابو سلمان : غرفة ريم دخلت اثير بعد ما لاحظت تغيرها : سلام ريم ابتسمت : وعليكم السلام ، تعالي اثير جلست : ممكن اعرف ليه الزعل ذا كله ريم : خليني اقول بس كبر عقلي اثير بضحكه : م فهمت ريم : دامك مخالطه حور وسمو تبين تفهمين اثير وهي تعدل جلستها : لا والله قولي لي ريم فجأه تخيلت اختها تعرف وتكرهها زياده هي دايم تشوفها تكره بنات عمها وتسحب عليهم بس ما وصلت لمرحلة انها تخرب حياة احد وبعصبيه قالت : انتي وش بلاك لا تسألين كثير خلاص عاد شفتيني اصرف لا تضغطين علي اثير " بسم الله الرحمن الرحيم لا يكون فيها .. استغفرالله شفيها قلبت علي ذي " وقفت بهدوء وبابتسامه : خلاص انا طالعه براحتك ريم بسرعه سحبتها وهي تضمها اثير " ياربي والله خايفه شفيها ذي انهبلت " جلست اسلك لها وانا قلبي راح فيها الخ..... .. فالصاله جالسه ومسرحه في عالم ثاني الهنوف " والله طلعتي مو هينه يا ريم قدرتي تبعدين وما همك احد هو صح كلامها بس والله ما اخليها اجل تخوني في اخر لحظه اكيد الدنيا بتصفى لها وباكل تبن انا وامل الدايخه وهي بتضحك مع بنات عمها السلق بس والله ثم والله اني م اخليك تتهنين ولا اثير كل شوي طالعه وداخله عليها ما عليه " .. دخلت المجلس الكبير ولقيتهم مجتمعين كلهم لفيت على منصور المسرح مشيت وانا اسمي بالرحمن من الخطوه اللي بسويها جلست جنب عمي وانا اسولف حذفت لي سؤال وورطت منيصير : الا متى ملكتك يا منصور ما اتفقتو انا خاطري عاد بزواج ورهجه منصور " تبلمت ومقدرت افتح فمي بكلمه الله يرجك ياحمود غبي من يومه مستحيل م يخرب اساساً من هواياته التعذيب النفسي كنت برد بس جدي تكلم " ضحك جدي : لا انشالله قريب وقبله سليطين محمد " يالليل وشدخل سليطين اخوي الحين جدي ذا يبيني .. استغفرالله بس لازم يخرب تنحنحت : لاعادي زواج سلطان شهر عشره بس منصور ملكته خلوها قريب يعني سلطان بيتملك بعد شهر ليه منصور م يتملك معه وتفتكون والزواج عاد بكيفكم قال عمي محمد : اللي يناسب منصور يناسبنا انبسطت وانا اشوف منصور ضحك بس خرب علينا جدي كالعاده : لا اول شي راي البنت قال عمي خالد : اهم شي البنت صدق قال منصور الخبل عاد مسوي فيها انه لقى الحل : ترى ملكه بس والزواج بعدين قال عاد جدي اللي بيجلطني : ليت عزيزان وسلمان مثلك ويعرسون بدري " انا قلت لكم جدي موهبته الخراب وموهبته الاساسيه انه يغير محور الحديث " قال عاد عمي خالد الفاهم : وش تكلمنا فيه يامنصور قلنا شهر 10 الملكه ولا يكثر شفت رجل منصور تهتز عرفت انه تعدى مرحلة العصبيه وبينفجر عاد منيصير لا عصب ابعدو عنه قلت وانا ابي الطف الاجواء : طيب وش السوات الحين ومن بيتزوج بالاول قال جدي : انا قلت وكلامي م يتكرر اولاً سلطان زواجه شهر 10 ومنصور ملكته يا شهر 10 او 11 بكيفكم المهم يطولون بعد الملكه عشان يفهمون بعض وانا ترى ما يعجبني الزواج بسرعه قال عزوز الفله : مشكله مواليد الفين لا تزوجو " طبعاً الكل ضحك من ذبته السامجه لانهم موب من مواليد الفين الله يحفظ عزيز بس يبيني اذكيه وصح اني ضحكت بس انخرشت من نظرة منصور اللي عطاها لعزوز " بعد دقايق من الضحك والسوالف الجانبيه قال منصور عاد : الحين انت ماتبينا نتزوج ولا ايش انا ما فهمت السالفه قال جدي بجديه : انا ما قلت لا تتزوج بس احس انك ورع تونا بدري على ذا الكلام وقف منصور بعصبيه : الكلام النهائي عندي وبتفاهم مع عمي محمد وانتهى قال جدي بعصبيه اكبر : بتتعدانا يعني منصور : اذا جلست اخذ رايك انت وابوي عزالله ما تزوجت طول عمري قال جدي بهدوء : ملكتك شهر 12 ولا تكثر الحكي منصور بهدوء اكثر : ملكتي شهر 10 طلع منصور وبعده ضحك جدي ومعه عمي خالد تبون الصراحه انخرشت منهم موب طبيعين وين العصبيه انقهرت ابي اعرف شالسالفه : وش فيه ؟ قال جدي : انا عارف انه عصبي وما يحب يتنازل طالع علي نفدا وجهه وواثق انه رجال وقد العرس بس انا حاسب حساب هتيف لاني كلمتها وقالت اجلو الزواج وغير كذا انا مددتها لشهر 12 عشان يقول شهر 10 وبعدين بخليه يمشي كلمته " واخيراً عرفت مصدر الخبث فالعايله والخطط الجهنميه عرفت من طلعنا له عرفت الهنوف من طلعت له يا سبحانك ياربي " وقفت واستأذنت ورحت اتصل على منصور عشان ابلغه بالموعد ولقيته معطيني بلوك غبي والله غبي حمار ما يفهم ، توجهت لبيتهم وجلست فالمجلس انتضره وانا اطقطق على جوالي . . في سيارة عبدالعزيز كان مسرح عبدالعزيز " بعد ما كلمت سحاب توجهنا للمجلس الكبير كان منصور مسرح بس متضايق وسلمان جالس مع فهد وسلطان يقط له سالفه منا ولا منا بس كان هادي لانه يبي النوم وجدي ما خلى شي من الاذكار ما قاله وعماني اما تكلمو وتناقشو ومعهم ابوي ولا اسكتو بس ما فقدت الا حميدان مختفي هالولد ما شفته اليوم جلسنا اكثر من نص ساعه وانَّا ناكل من ذا التمر وقررت اطلع بعد كم دقيقه لاني مليت بس تغيرت فكرتي بعد ما دخل محمد ياخي هالانسان لاجاء سوى لنا جو بس مشاكله واجد المهم كالعاده تناقش بهدوء لين ما خلاها تشتعل وانسحب وبعدين رجع بس انا شايف التوتر فيه من البدايه ومن ضحكته عرفت ان وراه سالفه المهم كملو النقاش وكل ما جدي شارك انعفس وجه هههههههههههههههههههه ههههههههههههههههههههههههه ههههههههههههههههههههههههه ههه عارف وش في خاطره والله ما الومه جدي الله يهديه لو يروق بس شويي . سلطان " كنت ابي النوم ومنصور اشغلني برجله اللي تهتز لها ساعه ، هو الوحيد اللي ما تغير من يومه صغيير وهو يهز رجله بس مع التوتر زادت استغفرالله ادبلو كبدي اليوم ولا المجلس كان هادي ومنصور وشوي ويطلع من خشمه دخان طبعاً زادت العصبيه بعد ما عفس الشغله حمود اخوي يالبيه والله حرك المجلس وغير كذا تحدد زواجي وش ابي اكثر من كذا " فهد " انبسطت من شفت منصور يترجى ابوه وانه يبي الزواج ارتحت لانه راضي مع اني عارف انه يحبها من زمان وعارف هتيف بعد صح انها تكابر وفجأه تتغير ويبين كرهها له بس م انكر اني لا طريته قبل ما نجي للسعوديه كانت تهتم للسالفه " فالشركه الساعه 1 ونص دخلت بسرعه انا ومشاعل نبي نلحق ع الاجتماع طقت الباب مشاعل ودخلنا اول مره ادخل الغرفه هذي رهيبه حتى تصميمها مره فخم وجميل والطاوله طويله مره وجالسين فيها اكثر من 45 موظف وفيه كرسيين فاضي جلست وجلست مشاعل جنبي والمدير كان معطينا ظهره ومعه الملفات واوراق ويعطيها السكرتير دخل واحد وهو يضحك ويجلس مع المدير قالت مشاعل : ترى ذا ناصر اللي دخل دققت في وجهه مره حلو بس خاطري اشوف ذا المدير جلس يسولف مع اخوه دقيقه وكان بيروح بس التفت وهو يضحك وقال : يارجال الموظفين كاملين ليش ماتبداء التفت وهو متوسطنا بالطاوله ما كان يدقق فالوجيه اللي قدامه وانا بنفسي ما شفت وجهه كان قدامي اكثر من 25 موظف من جهتي قال بصوته القوي والحاد : مساء الخير على الجميع اولاً نبي نخلص بدري لان الشغل كاثر هالايام ولازم نتحد مع بعض عشان تنجح الشركه وانتم عارفين الضغط اللي حاصل لنا واتمنى محد يجي ويطلب اجازه الا بحالتين يا انك مريض طريح فراش او عندك حالة وفاة انا جالس اعيد كلامي للجديدين اتوقع اكثر من 20 موظف حالياً جدد والباقي عارفين النظام والحين بيبداء العرض ونشوف ونفهم وبشرحها لكم والاستاذه رنا بتفهمكم اكثر وبعدها نبي نتناقش بافكاركم قالت مشاعل بصوت هادي : شفتيه مزيون ماشالله كانت الانوار مقفله ما قدرت ابد اميز وجهه بس صوته مو غريب علي قلت : ما شفته انتي كيف شفتيه وش معنى انا ؟ قالت مشاعل : ياغبيه هذا لانك قبل الاخير بس لا اشتغلت الانوار دققي فيه قلت بتشتت : خلينا نشتغل بعدين نتفاهم في بيت ابو عبدالعزيز : منصور كان منسدح على السرير فالغرفه " مهموم ومتضايق ومن كثر الضيق احس اني ابي استعجل ابي اعرف النهايه ابي اعرف وش مصيري ، بنحب بعض او هي بالاساس تحبني او يمكن ما تحبني احس اني مشتت ابيها تقولي افسخ الخطبه وفكني منك والله لاتركها اهم شي اعرف مشاعرها وانا مستحيل اجبرها علي ، كرامتي اهم من الدنيا كلها بس والله لمحت الحب بعيونها " قاطع تفكيري صوت الباب وهو ينفتح .. ام عبدالعزيز : منصور شفيك تعبان ؟ ابتسمت : لا يا الغاليه م فيني شي بس قلة نوم ! ابتسمت امي ابتسامتها اللي احبها : قوم حبيبي محمد ينتظرك تحت منصور : وش يبي ذا زود انه دبل كبدي يجي ضحكت ام عبدالعزيز : عاد حمود انا م ارضى عليه اقول انزل بس اكيد انك متلقف منصور وقف : حمود ذا الكل واقف معه .. في نص الاجتماع دخل علينا اخوه مره ثانيه وكلمه بصوت خفيف ووجهه م يبشر بالخير وقف المدير : بنكمل الاجتماع الاثنين الجاي الحين جهزو على اساس اللي شفتوه وغير كذا لا فضينا بيصير يوم الاربعاء انتهى الاجتماع وكل واحد على مكتبه ، واشر على اللي جنبه : قوم شغل الانوار وطلع بسرعه لفيت اشوفه بس م قدرت طول بعرض وفالنهايه ما بان لي شي والتبن عاد الحلوين واجد جت على ذا لفيت وانا اخذ اوراقي واجمعها وطلعت انا ومشاعل لمكتبنا .. في مجلس ابو عبدالعزيز : منصور دخل وجلس قدام محمد اللي يضحك اول ما دخل عليه منصور : ترى انت تنرفز انت وضحكتك هذي محمد بضحكه : انا قلت اني بحلها وانحلت منصور : ما فهمت محمد عدل جلسته : ملكتك شهر 10 يعني بعد شهرين ارتحت الحين منصور : كذاب مستحيل جدي يوافق بسرعه محمد : اصلاً جدك المصون لعب عليك غير ان هتيف كلمت جدي وقالت اخروه ولا جدي كان بيخليك تتملك مع سلوطي منصور " م انكر اني تضايقت منها اكيد جدي م يبي يضايقني ويقولي بس ليه ؟ خلاص بحسن الظن هالمره يعني فالنهايه هي لي يمكن تعبانه من الدراسه وتبي ترتاح وتستقر بس بنشوف وش نهايتنا " محمد " ادري وشفت ان بانت فيه الضيقه وشفته تعومس بس مع ذلك يهمني وابيه يكون فالصوره م ارضى عليه وقلت : ولد احمد ربك موب شهر 12 خلاص عجله جدي منصور ابتسم : اي حمدلله يلا بروح اجيب الشاهي محمد وقف بسرعه : لا لا انا بروح انام اهم شي فك البلوك لا افك وجهكك منصور ضحك : تراك قهرتني محمد مشى : احسن تستاهل وش معجلك انت .. الخ مشاعل جلست : ادري ادري انك م شفتيه حتى انا م عرفت اشوفه الا فالبدايه بس نجد : للحين انتي على نفس السالفه خلاص م ابي اشوفه والله لو انه ايش عاد مشاعل : اليوم الاثنين صح خلاص بيجي الاثنين الجاي وبتشوفينه زين غير كذا نبي نستعجل عشان نجلس بالاول نجد : خير حركات بزران نجي الاول خلاص مردي بشوفه هو في النهايه مديري مشاعل : خير وش ذا الاسلوب وانا متأكده لا شفتيه راح تداومين كل يوم نجد وهي مشغوله بالاوراق : يصير خير .. | ||||||
|
| |
|
23-12-20, 11:55 PM
| #34 | ||||||
| مشرفة منتدى الروايات المنقولة
| « الـبـارت الـواحـد والـثـلاثـون » قــراءه مُمتعه 🔖❤ في بيت ابو عزام فالصاله .. دخلت ام عزام : بدري ؟ وصايف : سحبت على المحاظره ووجد م عندها شي وجد : يمه سألتي عزام ونصور متى يجوون ؟ ام عزام : ليه وش تبين فيهم وجد : نبي نطلع نغير جو ام عزام : بنطلع بكره عند خالتك وجد : لا يمه مابي ابي طلعه عائليه وصايف : اي يمه من زمان م طلعنا وحدنا ام عزام : بشوف عزام وش يقول وصايف : لا يمه اكيد بيقول عندي دوام ام عزام : هو صادق الشغل كاثر عليهم وجد قطعت السالفه : تدرين من قابلت الصباح وصايف : انشالله السالفه تسوى وجد ضحكت : اكلي تبن ! ما تبين تعرفين ام عزام : ترى تحمست من قابلتي ؟ وجد ضحكت : قابلت سمو تركي السلطان وصايف : ماشالله حافظه اسمها وجد : اي الدكتوره معطيتني قائمة الاسماء وقالت شوفي اسمك موجود المهم القائمه م كانت لقاعتنا وبما اني ملقوفه جلست اقراء الاسامي المهم جت وراي وهي تقول لو سمحتي ممكن تعطينا قائمة الاسماء وبعدها لفت للدكتوره اللي كانت تناديها وسمعت اسمها وشفته فالقائمه وانصدمت انها من عايلة السلطان ام عزام : اي الله يرحمها زوجة فهد السلطان وصايف بحزن : امها ميته ؟ وجد : اللي ماتت تصير جدتها هي حفيدتهم ام عزام : طيب وش صار فالنهايه ؟ وجد ضحكت : تحمست امي المهم خذت مني قائمة الاسماء ولفت لشلتها وصايف : لحظه ، انا بعد معي وحده فالقاعه من عايلة السلطان اتوقع اسمها سحاب وجد : لا انا سمعتها تسولف وتقول اختي متخرجه وصايف : مدري بس يمكن بنت خالها ولا بنت عمها ام عزام : خلاص اقطعي السالفه اعرفكم شوي وتبدون تحشون فيهم الخ ... تسريع الاحداث .. يوم الخميس الساعه 7 .. كانت تمشي بهدوء ومعها ملفها توجهت للكافي نجد وهي تكلم : مشاعلووه تكفين تعالي مشاعل : شالطاري جايه الساعه 7 ؟! نجد : ياختي اليوم مواصله ورايقه قلت اجي مشاعل : حبيبتي نجد انتي واضح م تعرفين وقت الدوام يا انك تتأخرين او تجين بدري نجد وهي مو متأكده : اتوقع الساعه 8 ونص صح مشاعل ضحكت : تصدقين طار النوم وش الساعه 8 ونص انهبلتي الدوام الساعه 9 نجد : اوك انا دايماً اجي الساعه 9 ونص بس م فيه احد حاسبني عن التأخير مشاعل : ترى عشان الازعاج فالشركه وانتي تجين اخر شي وتدخلين بينهم وم احد درى نجد : يمكن ههههههههههههههههههههههههه هههههههههههههههههههههههه .. كملت سواليفها وهي رايقه .. رجعت من المول بعد م شريت 4 فساتين حلوه بلبسها في ملكة العنود وواحد في حفل تخرجي اللي بعد اسبوعين " الحفل من ادارة الجامعه " والباقي بخلي منو تختار اللي تبي منها فتحت نتفلكس وجلست اطالع فيه بس تفاجأت من الرسايل اللي توها توصلني فتحتها وانا مصدومه كيف حددو الموعد ؟ دخلت منى : سلام .. شافت الاكياس : كل ذا هتيف بحزن : منو ملكتي شهر 10 منى وهي تحسب : بعد شهرين يعني هتيف حطت يدها على وجهها وبكت منى : هتيف مو تقولين انك تقدرين تتطلقين هتيف ببكاء : لا هو واضح انه صامل فالموضوع منى : صدقيني لو م يبيك كان بيتركك بسرعه وبيفتك منك بس واضح انه شاريك ولا تقولين بعد اثبات رجوله لا غلط عليك هتيف : انا م راح اكذب عليك واقول اني م شفت الحب بعيونه بس مدري هو لي ولا لغيري منى : طيب ايش رايك تتصلين على افنان واسأليها اذا كان منصور يبي ريم او لا هتيف بقهر : تبينها تقول لاخوها ؟ منى : ي غبيه اذا حلفتيها وسألتيها م اتوقع تقول اساساً انتي تقولين بنات عمي ثقه هتيف : اوكيه ثقه بس المواضيع اللي تتعلق باخوانهم غير بنات عمي واعرفهم اهم شي عندهم اخوانهم مستحيل تبديني عليهم منى : طيب خلي سحاب تسألها ؟ هتيف : الموضوع هذا افنان قايله لي انا وقايله لا تقولين لاي احد بس انا قلت لسحاب وانا حزينه وحلفتها م تقول شي عن الموضوع جاي من الساعه 6 وكملت نص الملفات كنت بتصل على السكرتير ابيه يجيب لي قهوه بس تذكرت انه م يجي الا الساعه 8 قبل الموظفين .. نزلت تحت ناظرت مكتب نصور ابتسمت لا شعورياً وهو يشتغل بكل جديه فالشغل نصور يصير شخص ثاني عكس شخصيته المرحه فالبيت حبيت شكله وهو بين حوسة الاوراق تعديت المكتب وانا ناوي اشتري له قهوه معي وغير كذا الاجواء مطر وغيوم ، اجواء ما تنتفوت والشركه فاضيه دخلت للكافي اللي شبه فاضي ما فيه الا موظفين وقفت وطلبت قهوتي وتفاجأت بصوت وحده تضحك وتسولف انقهرت خير تسولف وصوتها عالي غير كذ الشباب سعوديين ماله داعي ذا الحركات لفيت ولقيتها معطيتني ظهرها لفيت للي يمد لي القهوه خذيتها وتوجهت للطاوله وقفت وراها بضبط وشفتها تضحك لا شعورياً جلست قدامها وانا اناظرها بقهر بس الصدمه انها نفسها اللي شفتها بدبي والله هي .. .. الجامعه الساعه 9 الصباح : سحبت حور على المحاظره وهي تعبانه اتصلت على السواق وقال انه رايح مع ابوها القصيم وبسرعه اتصلت على سلطان المقفل جواله باقي محمد واتصلت ورد محمد وهو يغني : صباح الصباح قاطعته حور بصوت باكي : حمود تعال خذني من الجامعه والله تعبانه محمد خاف عليها اول مره يشوفها بهالحاله قال بسرعه : تجهزي ترى الشركه قريبه من جامعتكم وانتبهيلك جلست تنتظره الى م اتصل عليها وطلعت ركبت وشافته مسرح : ليه تأخرت محمد بهدوء مفاجئ : كلها 10 دقايق حور استغربت وسكتتت محمد وانا ابي اطول : تبين فطور ؟ حور : لا مو مشتهيه ابد الخ .. .. كنت واقف عند الجامعه وقفت سياره قدامي ونزلت وحده م خقيت الا بغيت اروح فيها كانت اتوقع تهاوش السواق .. ضحكت على عصبيتها لفت علي وشافتني اطالعها واضحك عصبت زياده وهي داخله شوي وتذكرت حور الدلخه وانا اتصل عليها وطلعت لي وتوي ابمشي الا وتفاجأت انها طلعت مره ثانيه وهي تاخذ ملازمها وتدخل من جديد لفيت ع حور اسألها : هذي مين ؟ م ردت علي لانها نايمه كملت الطريق وانا احس اني قد شفتها مو غريبه علي نجد باستغراب : نعم ؟ مضيع شي في وجهي ! عزام بنظره : لا مو مضيع تطمني .. نجد بقهر : وش تبي الحين ؟ عزام بصوت حاد : هنا ما يجلس الا ناس راقيه مب كل وحده ترفع صوتها وتضحك والرجال وراها مب اول مره اشوف حركاتك ذي ومب اول مره انصحك في نفس الموضوع الحين بقولها بصريح تربي ت ر ب ي نجد بروقان : ومو اول مره اقولك مو ش غ ل ك عزام : غريبه ما بكيتي مشت السالفه حمدلله نجد : ابكي ليه وانا واثقه والمواقف اللي قبل كنت ابكي على شي ثاني مو عشانك تطمن عزام وهو وده يسألها ليه : السبب ؟ نجد : ناقص عقل انت ؟ مصدق اني بمون عليك واقولك كل شي عزام : طيب وش جابك هنا ؟ نجد وهي ترفع قهوتها : جابني اللي جابك ضحك عزام : انا ما اقصد الكافي انا اقصد الشركه نفسها ؟ نجد خافت انه موظف ويزعجها : انا جايه للكافي وش دخل الشركه الحين ؟ عزام سكت وهو يشتت نظره وهي وقفت وهي تتأفف وقف معها ولفت عليه بمعنى وش تبي عزام : بشوفك وين بتروحين نجد : خير ان شاءالله الله ابوي وانا مدري عزام : فاضي وقلت بنشب لاي واحد قدامي نجد تركته وهي تركب فالسياره ناظر فالسياره الى ما ابعدت وراحت فالجهه الثانيه وهو رجع اليوم التالي " يوم الجمعه " في بيت الجد الكل متجمع يتغدون بعد نص ساعه فالمطبخ .. نجد : تخيلي هو نفسه جاء جلس عندي العنود : يمكن يحبك ؟! نجد : تستهبلين هو حاطني ما استحي ع وجهي العنود : اها يعني ماخذ فكره سيئه عنك معليك منه اهم شي واثقه في نفسك نجد : بس والله يوم ضحك بغيت اروح فيها العنود : ما توقعتك خفيفه اثقلي يا عمه نجد : تصرفت بثقل طبعاً بس داخلياً رحت فيها قاطعهم صوت الباب بدخول سلطان سلطان يغني : ياللي زعلان ، ومخاصمني ، ومش عايز تاني تكلمني واخذ ع خاطرك اوي مني العنود طلعت برى بسرعه وهي منحرجه سلطان : نجد تكفين ناديها لي لي كم يوم وانا احفظ الاغنيه نجد : هيه استح على وجهك هي ما تبي تكلمك الا لما تتزوجون يعني انتضر شهر بس سلطان : موب شهر اسبوعين وثلاث ايام نجد ضحكت : حلو حاسب الايام يعني سلطان : ايه وش رايك ملكه هذي مب لعبه .... سمو : بنات مع الاسف جبت اونو وراح تلعبون غصب يلا بسرعه تجمعو حور : افف سمو نبي نلعبها الليل سمو : عادي نلعب الحين وفالليل يلا تعالي جت اثير وحور وافنان وسحاب وريم استغربو بس ما علقو بالعكس اضحكو معها وسولفو معها عشان ما يجرحونها باستثناء سحاب اللي ودها تذبحها بس عشان اثير - والهنوف وامل ملتزمات الصمت وابداً ما تكلمو بس داخلياً مقهورات من ريم بالنسبه لاثير مبسوطه لاختها ريم وودها الهنوف وامل يتغيرون واللي زاد فرحتها بنات عمها اللي كل يوم يكبرون في عينها ابداً ما حسسو اختها انها غريبه بالعكس عاملوها وكأنها ما سببت لهم مشاكل او عاملتهم بسوء .. في استراليا " ملبورن " في غرفة هتيف اتصلت عليها منى : هلا شبغيتي منى : ياحمار لي ساعه ناقعه تحت انزلي هتيف : اوكيه نازله نزلت وجلست و منى قامت تجيب القهوه منى باستغراب : وش اللي معك ؟ هتيف : البوم صوري ومعي بنات و عيال عمي بعد منى : اكيد منصور في كل صوره ناشب هتيف ضحكت : تصدقين ما عندي الاصورتين بس لوحدي والباقي منصور معي فيها منى وهي تسحب الصور من بين ايديها وتشوف منى وهي تأشر بيدها : هذا اتوقع سلطان ؟ هتيف : لا هذا محمد منى : اكيد هذا سلمان هتيف : ايه صح حلو ؟ منى : احجزيه لي ! هتيف ضحكت : ما امون عليه منى بكذب : من اليوم تبدين تدخلين القروب وتنكتين فيه وتصورين وخليه شوي شوي يعلق وبعدين تعالي له فالخاص وطريني في كل سوالفك هتيف باستغراب : انتي من جدك منى : ههههههههههههههههههههههههه ههههههههههههههههههههههههه ههههههه استهبل والله تتوقعيني وقحه هتيف : والله م عاد استغرب شي منك منى حذفت عليها الالبوم وبعصبيه : مدري وش خليتي للغريب ياحمار الخ ... يوم السبت الساعه 9 الصباح عند نجد اللي تفطر وتكلم مشاعل .. مشاعل : تدرين وش احلى شي انلغى الاجتماع نجد ضحكت : ربي للحين م كتب اقابل المدير مشاعل : اذا طولت السالفه راح اسحبك وادخلك لمكتبه وتشوفينه غصب ! نجد انصدمت : ياويلك ان سويتيها ! مشاعل ضحكت : كنت بقول تتوقعين اسويها بس تذكرت يوم انا فالثانوي ودخلتك في غرفة المعلمات نجد : مبسوطه من السالفه مشاعل بهدوء : تصدقين اشتقت لايام الثانوي نجد بحنين : ولشلتنا بعد مشاعل : صح انك تكفين عنهم كلهم بس وجودهم حلو نجد : فالبدايه ما حبيت موضوع ان يكون عندي شله بس ذولا غير مشاعل : صح ياليتهم توظفو معنا نجد : ليش ما يقدمون الحين كل تخصصاتهم بتفيدهم انا بكلمهم م عليك .. الخ …… في بيت ابو سلطان : الساعه 6 المغرب سحاب : ياحور ياقلبي مو كذا تنفتح الهديه حور : م عندي دلع بخليها تنفتح غصب محمد جاء : وجع وش ذا العنف تستهبلين حور : هديتي ولا هديتك ؟ محمد وهو ياخذ الكرت : كل الحب لصديقتي التي هي ملجأ وأمان صديقتي التي كالنجمه المشعه تأتي وتجعل من عتمتي نور . من جنان سلطان من بعيد : ي جعل جنان م تشوف هديتها وش صار فيها محمد يضحك وهو يفتحها مع حور : نذر ان حور فساد على المجتمع بأكمله ! الهديه ودعت حور بعصبيه : متعوب على بأكمله سحاب ضحكت : والله استغربتها منه سلطان : اكتملت محمد وحور على ذا الهديه سحاب : والله لو ان لها لسان كان تكلمت وبضحكه : بس اليوم حور معصبه علينا سلطان بتمثيل : حور ياقلبي شفيك ؟ حور بقرف : ياشينك انت وقلبي يععع رفعت اصبعها له : ما اسمح لك تقولها لي محمد نظره : فيه احد تنتظرينه يقولها لك انحرجت حور وبعصبيه كبيره : شدخل ؟! محمد ضمها : يمه حور صايره تتكهربين انتي ؟ حور مسكت ضحكتها : تعبانه ومعصبه منكم محمد بعد عنها : وش سوينا ؟ سلطان : اختك ذي لازم نزوجها بسرعه حور جت بتوقف قال محمد : لحظه بشوف الهديه حور بعصبيه : سلطان محروم من شوفتها سلطان وهو ينسدح ع الكنب : والله لو انك حارمتني من العنود ترى كلها هديه لاراحت ولاجت حور جلست وهي تطلع العطر وتعطيه سحاب سحاب باعجاب : واو ديورر يهبل ريحته محمد خذى العلبه الثانيه وطلع سلسال : والله مدري وش لاقيه فيك بس تستاهلين سلطان : شاريه ذهب ومتعبه نفسها عشانك حور : موت قهر حتى اني بخطبها لحمود محمد وهو يتذكر البنت : هي معك فالجامعه حور : ايه معي ياعمري سحبت عليها الخميس محمد : كانت معك الصباح ؟ ولا جت متأخر حور استغربت : لا معي من الصباح شفيك محمد : لا م فيه شي عطيني العلبه الثانيه الخ... فالحديقه .. منصور : تدرين عصبيتي عليكم قبل كم شهر ترى هي سببها افنان : كنت واضح انك مو على بعضك منصور : ومن زمان بس المواقف الاخيره خلتني اتحرك افنان : طيب قلنا لها انك تبي تخطب لريم منصور وهو يطق راسه : صح ! شلون نسيت افنان : لاعادي لا سألتني او اسئلتك جاوبها وقولها بس كنت ابي اكتشف انك تغارين ! منصور : مدري احس اني تسرعت في كلامي ليتني م خليتك على نفس الكلام افنان بقهر : عاد ما لقيت الا ريم يعع منصور ضحك : ما اتوقع تصدق ! لان ريم م فيه احد يحبها ولو تدري بسواياها بتصدقني على طول السالفه هذي هينه افنان : خلاص ليش زعلان ؟ منصور : اشك في مشاعرها تجاهي افنان وقفت : افف منصور ما مليت خلاص انتههينا فكر في زواجك وملكتك بعد شهرين مات منصور ضحك الخ ..... .. يوم الاحد .. الساعه 8 بالضبط .. وصلتني افنان للكافي وراحت تفطر مع صديقتها خذيت قهوتي وجلست وانا افتح قروب الشركه هو القروب الوحيد اللي ساحبه عليه المهم ان ما فيه اجتماع بسبب الضغوط اللي حاصله فالشركه ومديرنا الموقر ما عنده وقت لنا فتحت نتفلكيس وانا اطالع بكل حواسي .... .. فالجامعه .. حور : بنات شوفو صبغة شعرها تهبل سمو : مين ؟ اثير : واضحه هي احلى صبغه فيهم سمو : اي هذي اللي قلت لكم معها الاسماء وواضح انها تبي تقراء اسامي البنات حور : تعرفين اسمها طيب ؟! سمو : اتوقع والله اعلم ان الدكتوره قالت يا وجد قاطعتها اثير : اسمها حلو لاني شاكه وسامعه اللي معها طرو وجد بس مو متأكده حور : ازعاج قسم بالله صياحهم واصل لنا سمو : ياغبيه يوم ميلاد صديقتهم اللي صابغه شعرها وردي اثير : يع ما حبيت اللون هذا عليها حور وهي تغير السالفه : ان شاءالله سحاب ترد علي فتحت جوالها وارسلت فالواتس " سحابي ؟ " وبسرعه سحاب صارت اون لاين حور بشهقه : معجزه والله معجزه سمو ضحكت : بسم الله من سحاب تخوفف اثير : طيب عادي يابنات لانها اوردي فالواتس حور : ياغبيه سحاب مستحيل ترد علي بس هالمره فاجأتني وصارت اون لاين قاطعهم اتصال من سحاب .. وردت حور سحاب : عسى ما شر شفيك انحشتي من الواتس حور : ما علينا المهم ورانا محاظره الى الساعه 2 وبنطلع وحنا تعبانين يعني اطلبي الغداء او جهزيه انا عازمه البنات سحاب : اك بشوف حور : وش تشوفين ؟ انتي عندك اوف فاضيه سحاب : خلاص تم وبعزم افنان بعد والعنود و قاطعتها حور : اعزمي اللي تبين المهم الغداء... فالشركه في المكتب الرئيسي .. دخل ناصر .. ناصر بضحكه : سلام عليكم .. اخبار عزام ؟ عزام بجمود : وعليكم السلام حمدلله وانت ؟ ناصر : ادري بتهاوش وتقول ليه ما جيت امس وامي تنتظرك وتبينا نتجمع على العشاء .. قاطعه عزام : حلو عارف انك غلطان ؟! ناصر : ادري بس كنت مع العيال ورحنا لشاليه وبعدها شريت سياره واستلمتها اليوم عزام باستغراب : مبروك ! وينها فيه ناصر : قبل لاقولك انا طالبك تنزل وتشوفها معي عزام : تصدق مليت وانا مقابل ذا الاوراق خلنا ننزل قبل الموظفين ما يجون ناصر وقف : يلا نزلو تحت وشاف السياره وراح ناصر يجيب القهوه بعد دقايق بسرعه جاء : اوف .. نسيت البووك عزام : خلاص خلك انا عازمك بمناسبة السياره ناصر : لا انا .. قاطعه عزام وهو يمشي للكافي دخل وشافها وبسرعه دفع الحساب وطلع عزام وهو يمشي بسرعه : خذها نصور وروح للشركه ونبي نخلص بسرعه عشان نطلع للمخيم فالويكند عاد انت عارف خواتك ناصر تفاجئ : شفيك كنت مروق ؟ عزام بتوتر : انت عارف همّ الدوام يلا خلنا ندخل .. قفل سيارته واتجه مع اخوه فالشركه واوهم ناصر انه داخل لمكتبه اللي تحت ومن شاف ناصر بدى يشتغل طلع واتجهه للكافي استراليا " ملبورن " الساعه 7 الليل .. منى : باقي 3 اسابيع ونتخرج .. هتيف : باقي الفاينل ونفتك بنبدى الاسبوع الجاي صح ؟ منى : اي ومن اليوم لازم نذاكر هتيف : 7 مواد وكل يوم ماده يلا خلينا نتحمل منى بحماس : شوفي خلينا نذاكر وبعد 4 ساعات نروح نصلي وبعدها نكتب اسئله هتيف : يعني انا اكتب اسئله وتحلينها والعكس منى : براڤوو وبنشوف من اللي بتحل ! هتيف وقفت : يلا بنقلع لغرفتي واذاكر .. دخلت وطاحت عيني بعينها شفتها شتت نظرها عني جلست فالطاوله اللي قدامها وانا احاول اتلهى بجوالي وفي نفس الوقت مستغرب ليه ؟ اسوي هالحركه ! اكيد لانها سحبت علي وانا..... | ||||||
|
| |
|
23-12-20, 11:56 PM
| #35 | ||||||
| مشرفة منتدى الروايات المنقولة
| « الـبـارت الـثـانـي والـثـلاثـون » قــراءه مُمتعه 🔖. دخلت وطاحت عيني بعينها شفتها شتت نظرها عني جلست فالطاوله اللي قدامها وانا احاول اتلهى بجوالي وفي نفس الوقت مستغرب ليه ؟ اسوي هالحركه ! اكيد لانها سحبت علي وانا بنتقم ما في شي ثاني والجمال مو كل شي اهم شي مقتنع ... رفعت راسي لها وشفتها تطالع جوالها بحماس قررت اروح لها جلست : سلام فسخت سماعتها : خير ان شاءالله عزام بسخريه : لا بس حبيت اسولف معك عادي تنهدت : احد قايلك اني فاضيه لك ! عزام رفع حواجبه : غيرك يتمنى اني اجلس معه نجد ضحكت باستهزاء: مع الاسف ما تمنيت حتى اسمع صوتك عزام بقهر : يعني اقول متكبره ؟ ترى عادي جاي اسولف مافي شي .. نجد وقفت : اولاً انا ما اكلم اي شخص غريب + اني ما اكلم شباب رخوم مثلك ومشت وهي مقهوره من تصرفاته اما هو مصدوم من كلمتها الاخيره سبته وغير كذا لو قبلت انه يسولف معها بينقد عليها بس كان يبي يقهرها وغير كذا يشوفها ويتكلم معها وقف .. وهو ناوي يحاسبها على كلامها يععع كريه بذبحه والله ينرفز وتافه وشايف نفسه يتوقع الكل بيتكلم معه ركبت مع السواق وقلت له يروح لبيت مشاعل وارسلت لها تتجهز اليوم ناويه اخذها معي واغديها وقت البريك … طلعت لشارع وما لقيتها دخلت الشركه وانا اكمل الشغل بدون وعي مني معصب اني نسيت نفسي وجلست معها بس اعجبت فيها لا اكثر ولا اقل يعني بحبها من كم موقف افف بس .. ومع ذلك ابي اغثها واحاسبها على كلمتها تجمعو البنات عند سحاب .. بعد الغداء الساعه 2 اثير : اوفف من زمان ما شبعت سمو : ريم وينها ليه ما جت ؟ اثير : تبون الصراحه مستحيه حور وهي تبي تقهر سحاب عشان تقولها سالفة ريم لانها شافتها ماتطيقها : شدعوى بتصل الحين واخليها تتقهوى معنا .. اتصلت على ريم وحطت سبيكر : اهلين ريم : هلا حور حور : تعالي تقهوي واصلاً ليه ما جيتي تتغدين معنا م راح اقبل اي عذر تعالي ريم انحرجت من تصرفاتهم وطيبتهم : اك جايه بعد ساعه تقهوو وسولفو ورجع الكل لبيته تسريع احداث بعد يومين " الاربعاء " تجهزت وانا احس بضيقه اعرف الضيقه هذي ما تجيني الا لما افتح جوال امي او اشوف رسايلها لي في مذكراتي وصورها اللي انهار عندها حسيت بدموعي تخوني مسحتها وانا اتجهز حسيت اني تأخرت عن الشركه اليومين اللي فاتت كله بسبب الحمار اللي مضايقني ناظرت الساعه 8 بضبط اكيد وانا مع الطريق بتصير 9 طلعت مع السواق ومريت ستاربكس ما حبيت امر الكافي مع اني حبيته لي شهر بضبط وانا اجييه ما بقى الا افتح حساب عندهم استغفرالله .. الله يغير عليك يا التافه كان متعتي اني امره وبعدها ادخل اشتغل بذمه وضمير جلست افرفر فالشارع ومع الامطار والجو جميل بس ضيقتي وش يفكني منها ما طرى في بالي الا العنود اتصلت وما ردت انقهرت مرت الدقايق وقربت الساعه تدق 9 اتجهت للشركه ودخلت لقيت فيها الموظفين خفيفين مو مره يعني .. واتجهت لمكتبي استراليا الساعه 8 الليل .. هتيف : اليوم الماده الرابعه لازم نجتهد شوي الاختبار بعد 3 ايام ترى .. بس والله خايفه منى : توكلي على الله وانتي ماشالله دافوره هتيف رفعت يدها : يارب نجيب معدل عالي منى : من فمك للسماء ! هتيف ضحكت : انتي ليه ما تخافين مثلي منى : عادي اختبار مو حرب الله يحفظك قاطعهم جوال هتيف وهو يتصل رفعته وتفاجأت من اسم المتصل .. صاحت وهي تحذف الجوال : يمه وش يبي منى ضحكت : مريضه قسم بالله مين طيب هتيف بخوف : ……… كنت جالس مع نصور وبالي مع اللي ماعاد تجي للكافي صح انا بينت لها انها ما تستحي بس داخلياً كنت بس ابي استفزها ولا هي واضح انها متربيه واللي اكد هالشي ما جت للكافي هاليومين لفيت لنصور وانا اتناقش معه بعدها وقفت وبضيق : نصور كمل انت انا بطلع احس اني تعبت ناصر بحنيه : ابشر بنجز اليوم انشالله م عليك انت بس روح ارتاح نزلت وانا واثق في نصور و… الساعه 12 الظهر وقت البريك نص ساعه نزلت اصلي احس بنفجر صدق في صدري كتمه عرفت اني لازم ابكي واهدى شفت الموظفات داخلات يصلون وانسحبت بهدوء وانا احس اني بدوخ الحاله هذي ما راح تفكني من يوم ما ماتت امي وانا احس الدنيا كلها على صدري خانتني دموعي وانا طالعه من الشركه مسحتها وانا اتجهه للكافي حمدلله لقيته فاضي ما يجيه احد لان ستاربكس قريب من الشركه جلست على الكرسي ودموعي خذت مجراها .. كتمت شهقاتي ما ابي الموظفين يسمعونها وانحرج بعد .. كنت طالع وغصب عني لفيت للكافي بس تفاجأت منها وهي متجه له وحاطه يدها على نص وجهها ودموعها واضحه وبسرعه جيت وراها وانا اشوفها منزله راسها على الطاوله وتبكي بقوه وبدون صوت استغربت حسيت ان فيها شي ومن زمان بعد .. معقوله فيه احد يبكي كل يوم ؟ تجمعت كل حنيت العالم فيني بهاللحظه جلست قدامها : ليه ؟ ابي اعرف يمكن اساعدك شفت علامات الصدمه في وجهها قالت بتعب : م فيني شي ؟ ضقت زياده من ضيقتها : يعني بتقنعيني انك تبكين بدون سبب اكيد فيه شي قولي لي ؟ دموعها زادت وهي تبكي غطت وجهها وهي تشهق.. " اكيد فيه سبب ويكسر الظهر بعد " وقفت وانا اجلس جنبها حاولت ابعد يدها عن وجهها بس كانت شادتها على وجهها رحمتها حسيت انها مهمومه سحبتها بدون وعي وانا احضنها حاولت تبعد عني بس شديت عليها صارت تشاهق اكثر عرفت انها انقهرت لاني حضنتها .. مرت 5 دقايق وحسيت انها هاديه بعدتها عني وهي تمسح دموعها عني وقفت وراحت تغسل وجهها وبسرعه رحت عشان ما احرجها ركبت سيارتي وحركت …! افف ..انا مستحيل ابيّن ضعفي لحد بس اليوم مع الشخص اللي ما اواطنه اللي كنت اتنرفز منه .. ياربي ليه ؟ صدق مليت من هالشعور ياليتك يا يمه موجوده او ياليتني رحت معك انا ماعاد توسعني الدنيا … خلاص راضيه بقضاء الله وقدره .. بس تمنيت لو لي اخت كبيره شخص اشكي لها … وغير همومي هذي الناس غبيه لانها مفكره الجمال والمال كل شي .. الكل يتخيلني مبسوطه ! لاني نجد فهد السلطان بنت اكبر التجار نظراتهم كلها اعجاب وحسد ما فيه احد يحبني لذاتي صدق ناقصين عقل .. طلعت ورحت للشركه اكمل الشغل هتيف بخوف : منصور ! منى باستغراب : ردي طيب هتيف : مدري متوتره مستحيل منى : خير يمكن الموضوع مهم ردي طلعت منى ومسكت جوالها وردت بخوف منصور تنهد خاف انها ما ترد : سلام هتيف بتوتر : وعليكم السلام منصور بهدوء : اخبارك هتيف بتوتر من صوته الهادي : تمام صصصصمممممممتتتتتت منصور وهو يقطع الصمت : وانا بخير هتيف وهي تحاول تكون عاديه : نسيت ابتسم على توترها : كنت بسألك ليه رافضه الملكه ترى فالنهايه الملكه والزواج كلها في نفس السنه هتيف انقهرت زياده .. زياده ان الظروف جابرته علي ! وما يحبني صار يعصب اني رفضت هذ الشي قالت : هذا الشي من ابسط حقوقي واذا انت مستعجل على الزواج عادي افسخ الخطبه وتزوج ترى ابداً ما راح يأثر علي منصور باستغراب من انفعالها : لحظه .. لحظه وش اللي تزوج وافسخ سلامات شفيك معصبه انا متصل ابي اعرف السبب ما قلت بنتزوج الحين هتيف باستغراب من نفسها : اسفه .. بس مضغوطه من الاختبارات وجيت انت وكملتها منصور : المهم الملكه شهر 10 يناسبك ؟ وبمزح : هو غصب يعني في شهر 10 هتيف بهدوء : طيب ليه تسأل دامه غصب منصور : بس قلت كذا اخذ رايك بالموضوع عشان ما تحسين نفسك مُهمشه هتيف انقهرت : مشكور تعبت نفسك مره منصور ابتسم على زعلها : رضاوتك شهر 10 لا تزعلين الحين بس فكري في اختباراتك هتيف تنهدت : منصور خلنا نأجلها لسنه الجايه منصور نسى نفسه من قالت اسمه وبهدوء : ليه توترت من صوته الهادي : بس احس بدري ليه مستعجلين ومنها ما ابيك تكون مجبور علي منصور عرف انها فهمت غلط : اسمعيني انا ابداً ما فيه احد يجبرني عليك ولا على غيرك وحطي في بالك انا اللي بنفسي خطبتك وبحاول اني اسعدك انشالله والايام بيننا وابداً لا يجي في بالك اني فازع لعمي .. لا انا ابيك شخصياً هتيف بتسرع : بس انا خايفه اندم من الزواج بدري منصور بسرعه وبهدوء : طيب انا معك توترت هذا كلامه لي من كنا صغار اذا قلت انا خايفه قال انا معك ، هنا م اعرف ارد عليه ابد اذا قالها وانا للحين اعتمد عليه واحس بأمان معه سكتت هتيف وهي شبه مرتاحه من كلامه منصور وهو عارف انها تذكرت مواقفهم وهم صغار وبهدوء : يلا ما اطول عليك مع السلامه هتيف بصوت يالله انسمع : مع السلامه افف ارتحت بعد ما سمعت صوتها والاغرب ليه حاطه في بالها اني مجبور عليها اصلاً واضح اني احبها كل عايلة السلطان اعرفو وافهمو اني عشقتها الا هي ما تفهم لانها غبيه ولا بعد عصبيتها قبل شوي افسخ الخطبه اذا مستعجل وينا فيه ان شالله افسخ ، اتخيل شكلي وانا افسخ الخطبه تبيني افسخ قلبي وروحي بس انشالله اني لا اغيرها ما اكون منصور بن تركي والله لخليها تموت فيني انتظري يا هتيفي بس جلست ابكي والله احبه واموت فيه ومستحيل اعيش بدونه وبعد كلامه هذا زاد حبه في قلبي يتكلم وهو واثق احس انه صادق في كل كلمه قالها .. وبنفس الوقت ما ابي حبه يخليني ضعيفه في مواجهته ابي اكون مستعده لأي شي افف الحين كيف اذاكر وكلامه متكي في عقلي اليوم التالي " الخميس " صحيت وانا احس بنشاط قويي وقلت لمشاعل تمرني بنفطر وبعدها بنروح للدوام … رحت تكشخت كشخة دوام مو اوڤر .. المهم نزلت وسلمت على ابوي واتصلت شعولتي وعرفت انها وصلت وبسرعه رحنا للمطعم وافطرنا وسولفنا وتفاجئنا بالساعه صارت 8:55 طلعنا بسرعه ووصلنا الساعه 9 وعليها وبسبب الزحمه اكيد .. ودخلنا والحمدلله ربي ستر علينا ما كشفنا احد مرت الساعات وجاء وقت البريك .. نزلت انا ومشاعل نتمشى حول الشركه وبدى ينزل المطر والدلخه مشاعل افضحتنا صارت بزر اول ما شافت المطر وجلست تضحك وتنطط فشلتنا >> بصوت ذيك .. امزح امزح المهم سحبتها للكافي لان الناس كلها برى وهي ماخذه راحتها على الاخر جلست انا وياها وقفت : شوفي لا تتحركين يالبزر بروح اعدل حجابي وارجع ياويلك ان تعديتي شبر مشاعل : افف والله لو اني عبودي عاد ضحكت نجد واتجهت للحمام >> اكرمكم الله ووقفت عند المرايه وهي تفك شيلتها كانت ضامنه ما في زباين كثير وم فيه احد بيدخل … شفتها تحوس حول الشركه ومعها وحده اتوقع من الموظفين الحين عرفت ليه تجي فالكافي اكيد اختها ولا صديقتها تشتغل عندي المهم شفتها راحت للكافي وهي مبلله من المطر ياخي غريبه انا اللي اعرفه ان البنات ينغبنون اذا تبللو وهم فالشارع اما ذولي يفرفرون من نزل المطر دخلت وشفتها متجهه للحمام >> اكرمكم الله دخلت وانا ناوي اكلمها بس تفاجأت من شفت شعرها وهي تحركه ووجهها .. تنحت ! استغفرت ربي وانا اتنحنح شفتها انصدمت وهي تعدل الشيله عليها قلت بجمود : كل يوم ويزيد حقدي عليك وش تحسين فيه تطورتي بعد ما كنتي ترفعين صوتك وتردين على الرجال وصرتي تفسخين الشيله الحين وفي مكان عام ما عاد باقي الا العبايه الله يستر بس نجد بهدوء خذت اغراضها وهي تبي تطلع بس كان واقف على الباب وما تحرك : ابعد ! عزام : عشاني رخمه ما راح ابعد نجد باستفزاز : حلو عارف انك رخمه قرب وبعصبيه : لا تخليني اوريك رجولتي الحين نجد خافت وهي تدفه وقف وهو يستوعب قال بهدوء عشان يهديها لان شاف رجفتها اللي قبل يومين رجعت لها : تطمني مستحيل اوسخ يدي فيك ولا في غيرك نجد بتوتر وهي تتلعثم وفي عينها دموع وكل م نزلت دمعه امسحتها بسرعه : خ..ـلاص ب.ـعد خفت عليها لا تنهار وانا اساساً مستحيل اصير وقح واهدد بنت بشرفها وبنقطة ضعفها تحديداً ، طلعت وقررت اتركها حسيت اني سامج الايام اللي فاتت مدري ليه كنت مضيع وقتي بكيت بقووه .. صح خفت بس بعدين اعجبني رده بس ما يمنع انه رجل حقير وكلب واناناني ويمكن يسويها المره الثانيه مسحت دموعي وانا اذكر مشاعل مالي خلق اسألتها ... طلعت وشفتها مو حولي يعني لو اصيح ما جت تساعدني خبله تسمع اغاني مع ذا المطر .. جلست وانا ابين لها اني طبيعيه مشاعل : هلا هلا .. اشتقت لك والله كم ساعه وانتي غايبه عن عيني عرفت انها تطقطق : ما علينا كم باقي ويخلص وقت البريك مشاعل : تقريبا نص ساعه نجد بطفش : تجيني البيت اليوم ؟ مشاعل : اسف م ابي اجيكم اليوم بالتحديد نجد بقهر : ليه طيب ؟ مشاعل : لان اختي بتجي اليوم من الشرقيه نجد : طيب قولي من البدايه فكينا من الدراما مشاعل : قلت اسفه وين الدراما الحين .. الخ في استراليا هتيف ومنى يتمشون والمطر ماليه الارض والاجواء جميله ... منى بضحكه : من بعد المكالمه وبعض الناس يضحك بخاطري اعرف وش قال هتيف ضحكت : عادي بقوول ترى طيب اسمعي الخ.. قالت لها الموضوع كله منى ضحكت : ياعمري الرضاوه وش تتوقعين هتيف : ترى قصده الملكه هي الرضاوه منى : واثق من نفسه الاخ هتيف : تصدقين حسيت ان كلامه من قلب فهمتي اللي يتكلم من جده وواثق من كلامه يعني لو بتجادلينه بتتعبين معه منى : ترى بتندمين بعدين اذا عرفتي انه ما يحب لا ريم ولا غيرها هتيف وهي تصرف السالفه : المهم خلينا نرجع ورانا مذاكره لليل منى وهي تتذكر : ياربي والله مليت وانا اذاكر تعبت متى اتخرج وافتك هتيف : باقي اسبوعين وكم يوم بس منى : طيب نحضر حفل التخرج ولا نسحب هتيف : لا خلينا نحضر وننبسط وانتي عارفه باجواء الرياض تلاقينهم ميتين حر منى : لا العنود تقول حالياً الجو معتدل هتيف : ايه لان الشتاء بدى يروح الخ..... الساعه 2 الظهر في شركة " السلطان " ياربي اتصل ولا لا .. ولا اقول بصرف السواق اتصل : اهلين محمود اليوم لا تروح للجامعه لا لا انا بروح اجيب حور .. يلا مع السلامه اتصل على حور : الو حور : هلا شفيك اشتقت لي محمد : لا بس اليوم بطلعك انا من الجامعه حور ضحكت : وش المناسبه ؟ واو اخوي كبر محمد : حور اعقلي وتجهزي الحين جاي حور : يلا خلني اهايط فيك قدام البنات محمد ابتسم : يعني اتكشخ ؟! حور : عارفه وانا اختك انك راعي الحركات هذي محمد : خلاص ترى زودتيها يلا باي قفل وطلع وهو متجهه للجامعه وعنده امل انه يقابل البنت اللي خذت عقله وقف عند بوابة الجامعه ينتظرها طالع فالبنات مالقاها ابد وركبت حور حور : ياربي وش ذا الاخو الكيوت محمد : اللي يشوفك يقول اول مره اخذك معي حور : خلاص لاتزعل انا عارفه ان عندك بلا بس قولي وانا اختك .. اعين واعاون محمد بعصبيه: انا مليت صراحه وبقولك وياويلك ان شفتك قايله لاي احد حور : انا قايله للبنات ان جيتك هذي مو عشاني محمد : طيب ياحياة الفهد اسمعي بالاول فيه بنت عندكم ما اتوقع اول جامعه بس دخلت في مزاجي حور قاطعتها : طيب مين قولي يمكن اعرفها محمد وهو يضرب بوري : ان ذا البلا اني ما اعرفها حور ماتت ضحك : ياربي بموت والله مو لايق محمد : يعني تطقطقين علي مو مساعدتني حور : الا والله لا اساعدك بس حتى انا ما اعرفها محمد : الا لازم تعرفينها حور بتمثيل : صح اسمها ساره عرفتها محمد : تستهبلين كيف ساره من ؟ حور عصبت : يعني تقولي تعرفينها غصب وانا سلكت لك والله لو اني اعلم الغيب محمد : طيب انا بطالع في بنات خلق الله ومثلاً لو ساره طلعت بقول هذي من حور ماتت ضحك : ساره من راسي ياخبل ولا اذا طلعت بتقول من بعد ههههههههههههههههههههههههه ههههههههههههههههههههههههه ههههه بنهار والله منك محمد ضحك على غبائه : المهم خلنا نعطيها هالاسم الى ما نعرف اسمها حور : بتقنعني انك بتطالع فيهم كلهم محمد : وش وراي ماعندي اي هدف في حياتي … جلسو اكثر من نص ساعه وهم ينتظرون مشى وهو ساكت ومنقهر انه ما شافها في بيت ابو عبدالعزيز .. عبدالعزيز : بتتزوج قبلي ياحمار كيف ترضاها علي منصور وهو يقصر صوته : انا يالله بابوي ناشب في سالفة زواجي تجيني انت يا الثاني ابو عبدالعزيز بمزح : اذا اخوك وافق بتتزوج يامنصور شهر 12 اذا ما وافق اعذرنا لازم راي اخوك منصور تنح وهو يناظرهم حس ان حيله انهد ضحك عبدالعزيز : يبه منصور انجلط سمو : ابوي اصدمه صدمة عمره ام عبدالعزيز خافت على منصور : لا شهر 12 ابوك يمزح عليك معليك منهم منصور وهو يكمل اكله : المواضيع اللي مثل هذي لا تمزحون فيها رجاءً ترى دبلتو كبدي افنان بحماس : منصور بس خلي شهر 10 يجي والله لا اخليهم يتكلمون في ذا الملكه منصور انبسط مو مصدق حبيبته نفسها بتكون ملكه وحده خلاص ما يفصل بينهم الا شهر ويرتبط اسمها باسمه .. سمو بغرور : معليك عزوز .. انت بس اخطب اللي عارفها وتجهيزات ملكتك علي ام عبدالعزيز بابتسامه : من اللي عارفها عبدالعزيز وده يذبح سمو اما الوضع عند منصور وافنان ضحك لان وجه عبدالعزيز لوحده نكته عبدالعزيز وهو يرقع : انا اكذب عليها واقول باخذ صديقتها وهي صدقت الدلخه ابو عبدالعزيز : عبدالعزيز اللي قدك عيالهم اربع ولا خمس وانت حتى تفكير فالزواج ما فكرت حتى اللي اصغرك تزوجو عبدالعزيز بهدوء : ابشر وقريب بعد ام عبدالعزيز : دامه قريب قولي عشان احط ملكتك مع منصور عبدالعزيز خاف ان سحاب تزعل وهم متفقين السنه الجايه يتزوجون بس خاف احد يخطبها غيره : خلاص انا ابي سحاب بنت عمي ابو عبدالعزيز : بس اللي اعرفه ان سحاب امس خطبها واحد من اخوياء ابوها وعطاه عبدالعزيز انعفس وجهه ووقف امس ملاحظ انها ما كانت ترد عليه حتى بالرسايل ام عبدالعزيز : خلاص لاعاد تطري موضوع الزواج الحين قام وهو ما تغدى زين منصور ضاق على اخوه قد جرب هالشعور اللي يحبها بتروح عنه وبتكون لشخص ثاني وهالفكره بالتحديد توجع اكثر من غيرها شوفي انوار المدينة ناظري كثر الزحام آه يا عيوني الحزينة مرّت الفرقى بسلام دخلت الغرفه وانا مكتوم ما توقعت واحد فالميه بتروح من بين يدي خلاص والله لاموت ان راحت اكيد اني بكلم عمي ولا سلوط بيفزع لي اكيد رفعت جوالي وانا ارسل لها ( صدق اللي سمعته ؟ ) بسرعه وصلت له رساله منها ( ايه ، بس ابي اشوفك اليوم ضروري ) عبدالعزيز ( العصر روحي للكافي اللي خذيتك له وانا بجيك ) سحاب ( اوكيه ) سلطان كان جالس فوق سيارته شاف سيارة محمد وهي داخله .. نزل محمد وتوجه له سلطان : ما دريت بالخبر الجديد محمد : لا وش صار ؟ شفيه سلطان : سحاب بتتزوج محمد وهو عارف عبدالعزيز انه يحبها : ماشالله امانه .. وبضحكه : وهي وافقت بسرعه سلطان : غريبه ما سألتني من المعرس محمد : عارفه ما يحتاج سلطان : بس تصدق انا كنت اكرهه فالثانوي كان غثيث ياخي ما عنده سالفه محمد لف له : عبدالعزيز غثيث ؟ خير سلطان : الحين وش جاب طاري عبدالعزيز انا اتكلم لك عن راشد بن محسن محمد جلس بتوتر : دقيقه سلطان افهم استوعب شوي .. من راشد هو نفسه اللي سلطان : ايه ايه نفسه هو اللي بياخذ اختنا محمد وهو يبي عبدالعزيز : ما يعجبني طيب سلطان : مشكله والله هو اعجب ابوك عاد ... العصر فالكافي نزلت وهي تشوفه من بعيد مسرح ضاقت اكثر من ضيقتها حاسه انها السبب لانها اخرته وهو يبي يخطبها سحاب جلست قدامه : سلام عبدالعزيز ناضر عيونها الذبلانه وواضح انها تعبانه كان بيلومها على كل شي بس من شاف تعبها ترك كل شي وهو يقول : ارفضيه سحاب بدت دموعها تنزل حطت يدها على وجهها وهي تبكي سحب يدها : قلت ارفضيه سحاب : ابوي ملزم علي عبدالعزيز : صدقيني بنلقى حل انتي بس توكلي على الله وانا بكلم عمي سحاب وهي تشاهق : انا السبب عبدالعزيز : بنت شفيك قلت بحلها انا سحاب ببكاء : ما ابي غيرك عبدالعزيز ابتسم : وما راح تاخذين غيري ابد كمل سواليفه معها وهو يطمنها في قصر الجد .. فالصاله تحديداً نجد بطفش : لازم المزرعه بكره الجد : عندك دوام يوم الاحد مستحيل نروح السبت بتتعبين نجد : ما نبي نروح مره وحده قاطعها اتصال جوال ابوها ورد بسرعه : هلا طيب طيب .. اليوم .. لا وين .. بس خطبه لا معليك كل شي بيزين يلا مع السلامه نجد : مين ؟ خطبة ايش ؟ الجد : سحاب انخطبت واليوم بيجون يخطبون رسمي يعني بيعلنونها نجد شهقت : ما علموني السلق الجد بمزح : روحي لهم وهاوشيهم ليه ما قالو لك ولا قالو لي ... حتى انا زعلت معك نجد ضحكت : طيب كيف بهالسرعه وقفت بسرعه : انا بروح اعرف السالفه كلها بعد ساعتين رجعت ...... بكمل بكره بأذن الله ❤❤ | ||||||
|
| |
|
03-01-21, 08:56 PM
| #37 | |||||||
| مشرفة منتدى الروايات المنقولة
| اقتباس:
| |||||||
|
| |
|
03-01-21, 08:57 PM
| #38 | ||||||
| مشرفة منتدى الروايات المنقولة
| «الـبـارت الـثـالـث والـثـلاثـون» بعد ساعتين رجعت .. دخلت البيت الى اشوف امي مع الخدامات ينظفون من قلب ضحكت : يمه وش السالفه ام سلطان ابتسمت : اليوم بيخطبونك رسمي نزلت دموعي بدون شعور : مو بكيفكم انا مو موافقه تستهبلون كل شي من وراي ام سلطان بحنيه : ابوك بيزعل وغير كذا انت بتتخرجين بعد اسبوع يعني ماشالله في سن الزواج دخل محمد وبخوف : شفيك سحاب سحاب ببكاء : محمد طلبتك ما ابي اتزوج محمد بتساؤل : يعني انتي ما وافقتي من البدايه سحاب : ابوي اصلاً قال كلامه وطلع وما تعب نفسه وهو ياخذ رايي محمد انقهر ووقف وهو متجهه للمجلس دخل بهدوء : سلام ابو سلطان : وعليكم السلام .. جابك الله محمد جلس : يبه ليه ما اخذت رايها ابو سلطان : ليه من تنتظر خلاص كبرت وراشد رجال وشاريها محمد : لا بس لازم تاخذ رايها مهما كان .. قاطعه ابوسلطان : لا تجادليني الناس بيجون بعد العشاء .....الخ طلعت لغرفتي بعد ما شفت محمد وقف معي خلاص حمدلله وضعي تمام المهم اتصلت على عبدالعزيز .. ابيه يتحرك من الحين … عبدالعزيز : هلا بقلبي ! سحاب : اليوم بيجون يخطبون رسمي عبدالعزيز انصدم : متأكده ! من قال سحاب : اطلع برى وشوفهم يركبون الانوار الكل يجهز حتى امي عبدالعزيز : ياليل ام النشبه سالفة منصور تنعاد علي سحاب بسرعه : شوف محمد اخوي معي ما يبيه دام اني رافضته وراح يكلم ابوي عبدالعزيز قرر ينفذ فكرته : سحابي مع السلامه قفل بسرعه وما قال لي شي خفت انه يسوي شي غلط م يجي بصالحنا .. نزلت ودخلت مجلس عمي ما لقيت الا سلطان ومحمد حذفت شماغي عليهم محمد وهو يستغبي : عندي شماغ ما يحتاج تعطيني ما تقصر والله " حمود بذبحه يوم من الايام " قلت وانا اتجاهله سماجته : انا طالبكم مطلوب محمد " وانا عارف " : تم لو انها على موتي سلطان باستغراب : شفيك امر .. كلنا لك عبدالعزيز : انتم تممتو ومالكم رجعه في كلامكم انا طالب سحاب وامنعوني من راشد بن محسن محمد : خلاص اسمع روح اطلبها عند ابوي وانت اولى من راشد الغثيث عبدالعزيز بقهر : ابوكم متحمس اكثر من المعرس دخل منصور وهو ينط على الكنب : هاه عزوز قلت لهم ولا لا سلطان ضحك : لحظه انت صامل ولا تعيد المشهد حق اخوك ؟ منصور : الله لايعوده من مشهد ياعيال عبدالعزيز صرخ : عيال والله مو فاضي اعجلو دبروني عقلو ابوكم محمد : بدينا نغلط منصور : فكوني من السماجه واسمعوني زين مالكم الا جدي هو اللي بيحلها سلطان خذى جواله : يلا بتصل عليه سلطان : هلا جدي .. لا لا .. بس تعال للمجلس نبيك ضروري .. الله يحيك .. مع السلامه دخل سلمان بضحكه : تبون فزعه لف عبدالعزيز بتعب : حتى انت دريت سلمان : صوتكم واصلني فالحوش عبدالعزيز : انتم تبوني اطفي الكهرب عشان حماسكم اللي في الحوش يخف منصور بضحك : عزيز اجلس وهد وجدي بيجي دخل الجد : سلام عليكم وين ابوك ؟ منصور : حياك اجلس الجد : بسم الله علينا من وجهه عزيز عبدالعزيز : جدي تكفى طلبتك الجد : تم ابشر بي عبدالعزيز : ما تقصر الله يطول في عمرك بس انا ابي بنت عمي وعمي عطاها راشد الجد وهو يلف على محمد وسلطان : ابوكم انهبل مالقى الا ولد محسن محمد : والله ان كبدي دابلتن منه بس عاد ابوي سلطان وهو يلف على العيال : شكل ابوي شاف راشد محلق ووافق لو انه جايه بشعره كان رفض منصور ضحك : عاد اول كنه اسد محمد بقهر : مصدق نفسه شاروخان عبدالعزيز : انا كرهت راشد وعندي سبب بس محمد ليه ؟ محمد : اكرهه وبس .. وجه يغث بيشوه نسلنا سلطان : هذا اللي هامك ؟ عبدالعزيز بقهر وهو رابط ثوبه ع خصرهه: سلطان افندي موب راضي فيني اخذ اخته مات سلطان ضحك : والله وانعم في عبدالعزيز محمد : شوف عزوزي طير عند ابوي وشفت المشهد اللي قبل شوي حق الغتره عيده هناك نفسه نفسه لا تزيد ولا تنقص الكل : ههههههههههههههههههههههههه ههههههههههههههههههههههههه ههههههههه اما عبدالعزيز خذى صينية القهوه وحذفها عليه وطلع وهو منقهر منهم يضحكون وانا مغبون طلعت فالحوش وانا اشوف العمال يشتغلون وعمي يكلمهم ويهاوشهم وقفت قدامه وقال : عزيز تكفى روح جيب الزوليات بغيت انجن من حماسه قلت بهدوء : بجيبها بعد ما اكلمك في موضوع لف باهتمام : فيك شي محتاج شي ؟ عبدالعزيز : طلبتك وموب مرتاح الا وانت متمم ابو سلطان : والله انه تم لو تبي روحي عبدالعزيز : تعال لمجلسك وبقولك اتجهو للمجلس وجلسو ونادو ابو عبدالعزيز الجد بعد م فهم نظرات عبدالعزيز تكلم : يا بو سلطان لا طلبك اليوم بن محسن رده ابو سلطان : تبيني افشله وانا من البدايه معطيه الموافقه المبدئيه عبدالعزيز قرب من ابوه وقال له الموضوع بدون محد يسمع ابو عبدالعزيز ابتسم : بس انا بطلبها لعبدلعزيز الجد كمل : وعبدالعزيز اولى من بن محسن ابتسم ابو سلطان : خلاص بتصل عليهم والله يعيني على الفشيله عبدالعزيز بحماس : اتصل الحين الجد : اركد لاقوم عليك اتصل ابو سلطان عليه واعتذر وتحددت ملكة عبدالعزيز مع منصور في شهر 10 الجمعه فالمزرعه الساعه 5 العصر .. الكل متجمع ومتوسطهم الجد ويتقهوون ابوسلطان : سلطان متى ملكتك يابوي سلطان : بعد اسبوعين انشالله العنود بصوت خفيف لنجد : تكفين ابي اختفي نجد ضحكت : والله محد درى عنك الجد التفت على ابو فهد : كلمتك بنتك متى تجي ابو فهد : قبل الملكه بيوم بتجي الجد : الله يوفقها الكل : امين الجد وهو يأشر على سمو وحور واثير : الحين ما يدرس فالعايله الا الثلاث حور بصوت خفيف : لهدرجه اسامينا تتعب سمو بنفس الصوت : المشكله كلنا 3 حروف الجد وهو يشوفهم : الله لا يبلانا سمو : جدي شفيك علينا ؟ الجد : ليه يوم اني اتكلم جلستو تكلمون بعضكم حور : انا عارفه انك تدور مشكله معنا الجد : انتي بالذات لا تكلميني سمو ضحكت : تستاهلين والله الجد : وانتي لا تنطقين بعد اثير بصوت خفيف : انا والله ما افشل نفسي محمد : حور قومي دوري جبهتك حور : جدي يمون انت مالك دخل منصور : خلاص يالبزران مشاكلكم خلوها في بيتكم سمو : منصور ياحبك للمشاكل عبدالعزيز : انتي الحين وش دخلك افنان : انت واضح انك تدور مشكله ابو عبدالعزيز : عيالي تفرقو ضحكت اثير : والله لو اني منك اليوم تبريت منهم سلمان : ترى طفشت اختي تبي احد يتهاوش معها سلطان وهو ينزل جواله : انا بعد باقي الجد : والله ان قمت خليت المشكله تكبر محمد : لا صدق جدي ابي اتزوج ابوي موب راضي يبيني صبي عنده ابوفهد ضحك : لا تكاليف زواج سميي علي انت بس اختار زوجتك محمد : اآآهـ ياعمي لقيتها بس م اعرف اسمها حور عصبت : مو الموضوع بيني وبينك محمد : يابنت الحلال انا مليت وبصراحه الدراما الزايده ما ابيها ابي على طول اخطبها واتزوجها ام سلطان : لايكون بتجيب لي وحده من الشارع الجد : يسويها حميدان حور : لا تطمنو هذي وحده فالجامعه معي محمد وهو يسكتها : خلاص المعلومه هذي تكفي سمو : انت فضحت نفسك من البدايه عبدالعزيز بمزح : لاتتكلمين انتي سمو بقهر : يبه شوفه يتدخل منصور : خير انت ؟ موب لانك تزوجت تهاوش خواتك عبدالعزيز بصدمه : افف يالخاين نجد ضحكت : قلب عليك سلطان بصوت عالي : يبه متى زواجي الجد : بسم الله الرحمن الرحيم ابو سلطان بنظره : عيدها بس سلطان : انت فكر متى ملكة منصور وعزيز ومتى زواجي ؟ بيجي لخبطه اول شي زواجي وبعدين يتملكون على كيفهم منصور بقهر : على كيفك ملكتي ثاني عيد عبدالعزيز وهو يلف على ابوه : عادي رمضان محمد : لا رمضان بنذكيك انت واخوك منصور بعصبيه : فكوني من سالفتكم وملكتي ثاني عيد وبدون مجادل وسلطان ان شالله ما تعرس اذا خربت علي الجد : بس انت وياه ما لي حشيمه محمد : محشوم ياجدي بس انا عندي فكره بما ان العايله كلها بتتزوج شهر 10 هالمره الحريم يختارون الموعد منصور بقهر : عشان ما اتزوج الى السنه الجايه الجد : اعجبني راي محمد هالمره بنغير ام سلطان : اي والله عشان نعرف نجهز وام عبدالعزيز بيجي عليها ضغط منصور : يصير خير الجد : لا صدق بس انا بضبط المواعيد وبنجتمع وبقولكم ولا تجادلوني منصور : المهم ما يتعدى 10/10 العنود بصوت خفيف لنجد : شفيه منصور نجد ضحكت : يموت في هتيف ومستعجل العنود باستغراب : كيف ؟ يحبها ! نجد : واضحه ! شوفي كيف مستعجل وغير كذا اذا طريتها في سالفه اول من ينتبه هو العنود سكتت وهي متحمسه تقول لهتيف الهنوف بصوت واطي لامل : افف غثيثين مسوين فيها فله ولا جدهم معطيهم وجه بزياده امل وهي مسرحه : اسفهيهم الهنوف طالعت فيها : الله يشفيك معهم يوم الاحد الظهر فالشركه .. فالكافي مشاعل : بنت بكره الاثنين لازم نكون فالاجتماع بكره .. المدير محرص على الجديدين نجد بتعب : اوك شفيك متحمسه مشاعل : مدري شفتك تعبانه وخفت تسحبين نجد بتعب : لا لا وش اسحب م عليك بداوم مشاعل وهي تاخذ الملفات : والله مدري عنك في استراليا .. في المطعم هتيف : افف حمدلله حليت مو مصدقه منى : الله ياخذه من دكتور هتيف : بس انتي حليتي منى : بس اسئلته اكثر من حياتي ضحكت هتيف وخذت جوالها لان العنود تتصل العنود بضحكه : ياحلو وجهها ياناس هتيف : ياحلو اللي بيتملكون قريب العنود : وجع لا تذكريني ترى خايفه هتيف ضحكت : يمه والله يخوف العنود : عاد منصور بغى يموت يوم سلطان قال اجلو ملكتكم هتيف سكتت تنتظرها تكمل العنود : اسمعي اول شي منصور كل شوي رايح جاي يجهز حتى كان بيحط الملكه في قاعه او شاليه بس عمي قال لا فالبيت عشان جدي والعرس خله في قاعه وضبط على كيفك عاد اخر شي قبل امس يوم كنا فالمزرعه قال سلطان مواعيد ملكتك انت وعزيز بتخرب على زواجي خلوني اتزوج وبعدين تملكو ومنصورك بغى يذبحنا لدرجة جدي ما قدر عليه المهم اتوقع والله اعلم ان ملكتك ثاني عيد هتيف شهقت ونزلت دموعها : ثاني عيد ليه منى ضحكت : الله ينكد عليك يالعنود كنا مبسوطين ونتعشى بهدوء العنود : احلى شي تسمعها مني تخيلي ابوي يقولها ويشوف ردة فعلها اللي تفشل هتيف وهي تمسح ادموعها : اكلو تبن العنود : واو تكفين كل شوي ابكي عند منصورك والله بيخق شكلك وانتي تبكين احلى هتيف بقهر : انشالله ابكي عليك منى ضحكت : استغفرالله العنود : المهم متى بتنورون الرياض هتيف : بعد اسبوع واربع ايام العنود : تكفون والله خايفه من الملكه تعالو بسرعه واذا لقيتو فستان حلو جيبو معكم منى شهقت : ما شريتي يا حمار هتيف وهي تهدي العنود : ما عليك ياقلبي انا شريت 5 فساتين اختاري اللي يعجبك العنود : منى والله تلخبطت مدري احجز مع امي التوزيعات ولا اجهز الكوشه هتيف : ابدعي فالزواج الملكه خليها تمر مرور الكرام لا تتعبين نفسك فيها منى : ايوه ترى ملكتكم عائليه العنود : بتحظرين غصب عنك منى : م عليك ناشبه لكم هتيف : المهم ارسلي لي رقم المحل اللي بتاخذين منه الكوشه ورقم صاحبة التوزيعات انا بكلمهم انتي بس اهتمي في نفسك وفالبوفيه والباقي لا جيت بساعدك فيه العنود بحب : شكراً يابعد قلبي منى : وش شكراً غصب عنها .. اخت ع الفاضي هتيف : ترى تبي تسوي مشاكل بيننا اعرفها الساعه 9 الليل فالملحق عند البنات .. سمو : مالقيتو تجتمعون الا يوم الاحد سحاب : ما اذكر اني عزمتكم حور : اح .. والله قويه يا السلقه افنان وهي جايه ومعها القهوه جلست جنب نجد : بنات اذا بردانين تعالو عند نجد ترى حرارتها مره مرتفعه بتدفيكم العنود : يعع نجد سولفي حور : م عليك بسولف عليك يامرت اخوي اسمعي وش شعورك ان ابوك وابو زوجك تؤام يعني بعدين عيالكم طقم صين سمو ماتت ضحك : والله العظيم ما يمدي تفرقين بينهم العنود سفهتهم ولفت على سحاب تسولف معها نجد بصوت يالله ينسمع : م اقدر اتكلم سحاب : احب الاكشن انا .. يلا بتصل على حمود يجي يودينا المستشفى كلنا سمو : اي مثل ذيك المره يوم تعبت هتوف حور : لا اخوكم مو مثل حمود فله سحاب بتأييد : مره ما يخارج نفسيه اخوكم سمو : انتي وياها خير ترى والله لا اقول له دخل ابو فهد عليهم : سلام سمو : هلا بأوسم عم على وجه الارض ابو فهد : تبين شي واضح سمو بتمثيل : كلكم كذا حتى جدي ما يواطني بس انت ما تشوف اختك كيف تعبانه ابو فهد لف على نجد : ليه وش فيها ؟ العنود : يبه نوديها المستشفى تعبانه نجد ومنها ناخذ لنا عشاء ابو فهد : يلا قومو جيبو عباية عمتكم اثير بحذر : كلنا بنروح صح ابو فهد سكتت وما حب يخليها بخاطرهم : يلا قامو بحماس يلبسون عباياتهم وركبو السياره ونجد منغثه منهم لانهم بيتمشون .. كل العيال كانو فالحوش جالسين استغربو من شكلهم وهم مستعجلين .. فهد بصوت عالي : على وين انت والشله اللي وراك ابو فهد : بناخذ نجد للمستشفى سلطان : وش وضع اللي معها اثير طلعت راسها من الشباك : مو شغلك محمد ضحك بقووه : والله لو اني مو مستحي من عمي اني لاروح معهم .. فله والله منصور تذكر يوم تعبت هتيف وخذوها للمستشفى قال بصوت خفيف : ما لهم حلا بدون هتيف .. ولااا نجد تعبانه بعد .. والله من النفسيه محمد باعجاب : ماشالله .. كلام جديد منصور : الا صدق ! كنت بسألك الاوراق اللي جبتها لي فالشركه اللي كانت لهتيف هي كانت للجامعه نفسها ولا لا محمد وهو يتذكر : اللي يوم صرخت عليها منصور : ايه .. محمد : اي هذي حقت الجامعه وترى انت اللي حاجز طيارتها وارسلت للجامعه يعني شكلك ما كنت بوعيك ذاك اليوم منصور بقهر : توقعتها لفهد محمد : فديت الندمانين ياناس منصور سفهه وهو يطالع في جواله يعرف محمد مستحيل يكمل جميله لازم يخربها على اخر شي نزلو كلهم فالمستشفى والكل مستغرب منهم راحت نجد والعنود وابو فهد عند الدكتور والباقي جالسين ينتظرون برى .. حور : اول شي ستاربكس سمو : لا ماك وش ستاربكس سحاب : اي بنات مت جوع انا اثير : ياليتنا طالعين ونجد مو مريضه سحاب : صح كان تمشينا عاد عمي محمد فالتمشيه اذا مروق غير حور : تبون الصراحه انا خاقه عليه كأنه الابطال اللي دايماً يجون فالمسلسلات ! شخصيته غريبه سحاب : حمود اخوي بالشكل بس الشخصيه مدري والله سمو : يمكن عمي اول كان فله هو الحين بعد سوالفه حلوه وتضحك اثير : صح ويمكن الهم هو اللي خلاه هادي قاطعهم ابو فهد وهو جاي : يلا يابنات انا اتصلت على فهد يجي يرجعكم وانا العنود بنجلس عند عمتكم افنان بحزن : تعبها قويي ؟ ابو فهد : لا انشالله بخير بس اذا سألكم ابوي قولو له نايمه عند العنود دخلو على نجد وتطمنو عليها وطلعو عند البوابه ينتظرون فهد بس تفاجئو انه طلع محمد ومنصور معه قدام محمد بصوت عالي : اكتملت الشله الفاسده منصور ضحك : تتكلم عن نفسك حبيبي ركبو البنات وهم منفسات سمو : منصوري ممكن تمر ماك محمد : اللي يسوق محمد موب منصور منصور بتجاهل لكلام محمد : نمر ماك ليه ما نمره محمد وهو رافع حواجبه : بنشوف اذا مريناه ولا لا منصور : لا تكبر السالفه ترى ادري انك ميت جوع ضحك محمد : عشان بطني بمره ولف على ورى : وش تبون ؟ اليوم التالي .. الاثنين .. فالشركه الساعه 9 الكل على طاولة الاجتماع والمدير متوسطهم كالعاد بكرسيه وينتظر باقي الموظفين يجون قال بهدوء بعد ما شافهم دخلو : ماله داعي تتأخرون مره ثانيه اتمنى الالتزام بالمواعيد ما كان يدقق من كثرت الموظفين وقف وهو يتكلم بحماس ويشتغل معهم وياخذ ارآئهم في كل شي مرت ساعه وبعدها جلس يرتاح لان الاجتماع 3 ساعات عزام : الحين ابدو نفذو وبعد شوي براجعها معكم قال احدى الموظفين : استاذ بس الحين الطلبيات اللي برى المملكه نطلبها .. شروطها اصعب من الطلبيات اللي هنا ، فرق وغير التعب وحنا نتابعها واحياناً يسحبون على بعض المناطق او المحافظات اللي ما يعرفونها وعذرهم المعتاد يمكن انهم ينصبون وما يدفعون لهم عزام : انت تتكلم عن طلبيات الشركه اللي نستوردها ولا بشكل عام الموظف : لا اتكلم عن شركتنا عزام : اولاً قلت شركتنا وحنا وين ؟ فالرياض ! ما علينا من المحافظات حنا هنا واجبنا نقرب لهم الشي البعيد يعني سهلنا لهم شي صعب عليهم حصوله وغير كذا الموظفين كثير وبيساعدونكم .. وقال لي خالد عن النقص اللي عندكم بس الجديدين اللي هنا بيكونون معكم وانا بعد معكم الموظف : طيب متى بيشتغلون معنا عزام : النظام واضح شهرين فترة تدريب وبعدها يبدا يطبق ويكون موظف رسمي لف على خالد : عطني قائمة الاسماء للموظفين خالد : القديمين ولا الجديدين عزام : لا الجديدين عشان اوزع الشغله عليهم عطاه وبدى يقول كل اسم قال اسم مشاعل وشافها بنظرات غريبه كأنها يعرفها من زمان تجاهل وهو يقراء اسم موظفه غايبه عزام : هذي وش عندها ما جت خالد : عندها حالة وفاة عزام : والاخيره ؟ نجد فهد السلطان خالد : هذي ماترد علينا عزام : او......... | ||||||
|
| |
|
11-01-21, 12:21 AM
| #39 | ||||||
| مشرفة منتدى الروايات المنقولة
| «الـبـارت الـرابـع والـثـلاثـون» عزام : والاخيره ؟ نجد فهد السلطان خالد : هذي ماترد علينا عزام : اول مره تغيب عن الدوام ؟ خالد وهو يطالع في سجل الغياب : لا قد اخذت اجازه وكل يوم تتأخر مشاعل " كنت ناويه ادافع عنها بس سجلها اسود ما يمدي ارقع لها " عزام " هذي بنت فهد السلطان اكبر تاجر فالسعوديه ليه موظفه ؟ يمكن ابوها ساحب عليها او ما يصرف عليها لا لا فهد السلطان اعرفه شخصياً طيب بس كيف بنته متوظفه عندي .. ولا مدلعها ابوي بأجازه حتى ما بعد داومت .. طيب لازم اشوفها اذا كانت مثل اخوها محمد عزالله خطبتها .. اف وجع شذا التفكير ؟ كيف اخون حبيبتي اللي فالكافي بس بعد بنت السلطان شرف لي اخذها " وقفت وانا اقول : يلا بنكمل الشغل انتبهو معي فالمستشفى .. الساعه 10 ونص .. وقعو على ورقة الخروج وطلعو يفطرون برى نجد حست نفسها بخير واحسن من امس بعد ما افطرو رجعو للبيت ونجد كملت تمثيل على ابوها ودخلت واخذت شور وكانت بتنام بس شافت 32 مكالمه في جوالها .. من الشركه ومن مشاعل ومن هتيف ومن بنات وعيال اخوها .. احذفت جوالها مالها خلق ترد على احد .. ونامت ع طول الشركه الساعه 1 الظهر .. عزام كان يتقهوى مر على الكافي وما حصلها امس تأكد انه يهتم فيها كثير بس كان يطقطق بينه وبين نفسه انها حبيبته بس ما كان يدري ليه يمر الكافي مرتين فاليوم فالصباح وفالظهر ضحك على تهوره امس كان بيروح لصاحب الكافي وبيعطيه مبلغ قوي بس عشان يحط كام فالكافي ويشوفها اذا جت بيروح لها بس سرعان ما تذكر بنات الجامعه الي بدت اختباراتهم وصايرين هالايام يتكون فيه عكسه اول مافيه الا البنت هذي دخل ناصر : اوفف والله تعب .. ابوي كيف تحمل طول هالسنين عزام : تدري وش اخس شي في شركتنا ان كل شغلنا لازم تشتغله في وقته ما تقدر تأجله ابداً ولا راح عليك ناصر : الله يعوضنا خير ويشفي ابوي عزام : امين ناصر : تدري عبود خويي يبي يتوظف والسي في حقه اوكيه عزام : خلاص شوف اللي يناسبه وضبطه ناصر : ايه ما تقصر توقعتك بترفض عزام : انا ما ارفض الا اللي ما عنده هدف والشركه مو فوضى اي احد يدخلها ناصر: ترى عبود مليونير بس حاب مجال شركتنا ولا مو محتاج فلوسنا ابد عزام : حتى بنت فهد السلطان موظفه عندي ناصر بصدمه : قول والله عزام : شوف ما شالله عليها ما قالت عندي فلوس وبتكي فالبيت مثلك وهي بنت ناصر : بتجحد تعبي طول هالفتره عزام : امزح عليك بس بسألك انت ما قابلت حفيد فهد السلطان قبل فتره ؟ ناصر : الا قبل اسبوعين تقابلنا في شاليه عزام : عازمك ولا انت عازمه ؟ ناصر : هو عازم عبود وقال جيب اللي يتكلم في سيارتك ياخي هالرجل فضييع عزام برفعة حاجب : فضيع مره وحده ناصر : انا ما جلست معه الا نص ساعه بس والله يا انه فله على جويي لو ما يشتغل في شركتهم كان تليته معي بس استحيت عزام : عايلتهم ما شالله ذكاء ناصر : شقصدك ؟ عزام ضحك : خير اعقل كل شوي شقصدك وشقصدك بس ابوي كان يمدحهم وكان فهد السلطان خويه من زمان ولا انا ما شفت الا فهد السلطان وولده محمد وبع.. الخ يوم الاربعاء .. الساعه 8 الصباح .. فالحوش نجد : افنان انتي تقولين طفشانه صح ؟ افنان : ايه بس مو اروح عاد معك نجد : بس شوفي الشركه وارجعي عاد افنان : مدري نجد احس مشوار نجد : وش ذا الكسل اللي فيك بتروحين وغصب محمد جاء : صباح الخيرات نجد وافنان : صباح النور محمد : وين على الله ؟ نجد بحماس : بخلي فنو تشوف الشركه معي وترجع الساعه 9 افنان وهي تتجاهلها : الا انت على وين محمد : بروح اودي حور للجامعه معليش حبيبتي لاقيها لاقيها ضحكو على اهتمامه مرتهم حور وهي معصبه حور : الله ياخذها من مرت اخو ابلشتني وانا ما بعد شفتها لو عرفتها وش بيصير محمد طقها ع ظهرها : استغفري ياحيوانه ركبو وراحو للجامعه ونجد سحبت افنان معها مرو الكافي وخذو منه ودخلو الشركه مرهم ناصر ناصر بنظرات تفحص : موظفين فالشركه نجد : انا بس ناصر بضحكه : جايبه مرافق معك افنان بعصبيه : لا بس جايه اوصلها ناصر : ما اقصد شي حياك في اي وقت مشى ونجد طقت افنان : حمار ما تتغيرين افنان بقرف : لا يكون خقيتي عاد نجد : لا ما خقيت يا السلقه بس كان مؤدب ليه تعصبين عليه افنان : انا اصلاً وش اللي جابني معك نجد راحت لمكتبها : انقلعي تكفين راحت افنان وواجها ناصر وهو مبتسم سفهته وهي تسحب عليه استراليا .. ملبورن .. هتيف : باقي اختبارين بس ونفتك منى : شوفي سنابتي هذي حلوه انزلها هتيف : انتي هيه كل شوي تخرجنا وتخرجنا منى : كيفي متخرجه ابي احلل دراستي هتيف بحزن : تصدقين تعودت اطالع في وجهك كل يوم مدري شسوي ؟ بعدين منى ضحكت : عمري والله ادري ان ما مثلي احد بس عاد الله يعينك هتيف : خير يا مغروره الناس يقولون حتى انا بفقدك اما انتي كذا ع طول منى تربعت : ما علينا ابي الالبوم حق عايلتكم هتيف باستغراب : ليه ؟ ... فالشركه الساعه 9 .. دخلت المكتب مشاعل بزعل : اهلاً .. كان ما جيتي عرفت انها زعلانه اني ما رديت عليها : تدرين اني ما رديت على بنت اخوي ولا رديت على احد لاني تعبانه ونمت فالمستشفى قبل امس وامس ما فضيت كل شوي اخواني وعيالهم عندي اعذريني عاد مشاعل : يعني مارفعتي جوالك ابد نجد : رفعته على ما قولتك وانصدمت من المكالمات وسحبت عليه مشاعل : ماعلينا اسمعي احداث امس وقبله قالت لها كل شي بالتفصيل وانصدمت ما نطقت ابد .. خلصت مشاعل نجد : كل هذا صار بيومين مشاعل : المهم لا طلبك حق الغيابات قولي له انا تعبانه نجد : مسعود هو اللي يحاسب ؟ صح مشاعل : ماشالله صرنا نعرف الاسماء نجد : من كثر ما يطلع في وجهي من داومت اي والله بعرف اسمه مشاعل ضحكت يوم سمعت مسعود ينادي نجد قامت : وجع تقوله نجد توجهت لمكتبه وهي مقهوره منه مسعود : يمكن يطردك المدير اليوم نجد برفعة حاجب وببرود : طيب مسعود : روحي للمدير وقولي له عذرك سحبت عليه وانا اروح لسكرتير خالد : انتي نجد فهد السلطان ؟ نجد يمه كيف عرفني : اي خالد اتصل على المدير وقال له يدخلها بعد دقايق : انتظري نجد تأففت وهي تجلس .. ومرت الدقايق خالد : يلا تفضلي كنت جالس واحوس بالاوراق رسمياً بطردها بس كان في بالي اعطيها فرصه ثانيه بس بتنبسط وهي من عايلة السلطان وكل شوي بتغيب وعذرها ابوي كان صديق ابوها بيتوسط لها بس انا اليوم بحط حدّ للمهزله هذي مع اني ناسيها بس مدري وش ذكره خويلد اكيد من مسعود هالانسان فالشغل يضحكني قاطع افكاري صوت الباب : تفضل رفعت راسي وانصدمت صدمت عمري هذي هي يمه صرت اتخيلها ولا شفيني قلت بصوت حذر : انتي الموظفه نجد بتشتت : ايه ياربي .. باقي سؤال لحظه : انتي نجد ؟ نجد بعصبيه : نجد فهد السلطان قلت بعصبيه : لا تعالي طقيني بعد وبكذب : ليه وش تبين نجد : ابي اقدم استقالتي توي شايفها سلامات وين بتروح : السبب نجد : اسباب خاصه وانا اتذكر العقد : ما فيه شي اسمه اسباب خاصه فيه عقد وفيه اتفاق من كل الطرفين ولازم تلتزمين فيها وبعدين فكري تعصبين ترى مو ميت على وجهك ولاتنسين تجيبين ورقة طلب استقاله طلعت بدون ما ارد عليه صدمه ، صدمه ، صدمه ما كنت اتوقعه هو المدير نفسه ياربي وش ذا الصدف بموت من اسلوبه التافه ما ادري كيف طلعت من الساني اني بستقيل بس غصب خفت ما ابي اشوف وجهه مره ثانيه دخلت المكتب بعصبيه وقلت بكذب : انطردت مشاعل بصدمه : لا تكفينن بستقيل معك نجد : تستهبلين انتي ؟! اقول اعقلي مشاعل : الحين وش بيصير نجد : بكتب استقالتي ووديها مشاعل سكتت وهي مقهوره ونجد جالسه تكتب قدام باب الجامعه .. حور : خلاص انقلع حبيبي وصلتني محمد : ترى جاي عشانها حور : لي ساعه وانا ناقعه فالسياره خلاص بنزل محمد : اصبري يمكن تجي ما تدرين حور : يمكن جايه مع اختها وراحت محمد بتفكير : لا هي واضح انها طالبه حور فكت الباب وانزلت : عقوبه مو حب محمد غصب عنه ضحك عرف انه تعبها معه بس لازم يعرف البنت اللي شافها في استراليا .. هتيف : نزلت سنابات روحي شوفيها منى وهي تاخذ جوالها : اوكيه يارب حلوه عشان انزلها هتيف طقتها : انتي هيه سناباتي كل يوم حلوه لا وتقولها في وجهي بعد منى : بزر قسم بالله ماقلت شي انا الحين بس والله لانشب لك عشان تعرفين كيف لصقتي فيني عبدالرحمن التافهه هتيف ضحكت : تصدقين حسيت انه انبسط يوم اني قلت له عنك منى : اشوى انك قلتي مقلب والا والله ان تندمين هتيف سفهتها وهي تشرب قهوتها وفجاءه شرقت هتيف : جيبي المويه تكفين منى عطتها : سمي بالرحمن مره ثانيه وبنظره : شكراً ياربي على النصر هتيف طقتها : وش نصره بس استغربت من التبن اللي عندي مرسل لي منى بسرعه : منصور .. وش مرسل بسرعه هتيف وهي تعدل جلستها : يقول معي موعدين اختاري اي موعد لملكتنا حتى بدون سلام واضح مستعجل بس وش اختار منى : انتي اذا تبين تأخرينه اختاري 15 هتيف بتأييد : صح .. امسكت جوالها وارسلت له منى بضحكه : صرنا نسولف هتيف : من زين سوالفنا عاد .. كلها الغاز ..الخ بعد اسبوع اهم الاحداث .. هتيف ومنى يذاكرون باجتهاد لاخر ماده لهم العنود وسلطان ملكتهم باقي عليها 4 ايام منصور حماسه الف بس يبين جموده ويبين انه مو متحمس عكس اللي في داخله عبدالعزيز وسحاب مبسوطين عكس يوم ارفضت بحجة انه بدري لكن بعد ما شافت اصرار ابوها خافت تعيش مع واحد غير عبدالعزيز الجد مبسوط ان عياله خذو بناته ما كان يبيهم الا لبعض واليوم تحقق حلمه اثنين بيتملكون وواحد بيتزوج بس كان ناقصه حبيبته وزوجته لو انها معه كان غير كانت الفرحه بتكون اكبر نجد مر اسبوع وهي ما قابلت عزام الا لمحات بسيطه ما كان يخفى عليها انه يتعمد يشوفها ومحمد كل يوم يداوم مع حور عشان حبيبته اللي حتى ما يعرف اسمها وحور شوي وتبكي على كثر ما كانت تتمنى محمد يوديها للجامعه الا انها كرهت سيارته من كثر ما ازعجها بحبيبته والباقيين عايشين روتينهم اليومي الاربعاء .. في بيت ابو عبدالعزيز ام عبدالعزيز : كنت اتمنى انكم تتزوجون بس ما توقعت دعوتي بتنقبل بهالسرعه عبدالعزيز : انشالله تشوفين احفاد احفاد احفادنا افنان بضحكه : اتخيل اشكال عيالكم سمو بسرعه : منصور ولده عصبي اي واحد يجيه يتمشكل معه حتى لو ما سوى له شي وعزيز ولده نفسيه ما غير يشكي ويتشره عبدالعزيز : واضح الكلام هذا في خاطرك م زمان منصور : لا تغلطين المره هذي بمشيها بس المره الثانيه تحملي م يجيك مني افنان : من الحين وانت تعصب عشانه منصور برفعة حاجب : اكيد هذا ولد منصور سمو وهي ترفع يدها : انشالله يطلع لهتيف منصور تجاهل كلامها وهو يطالع في جواله في غرفة نجد .. الساعه 11 الليل .. العنود بصيحه : باقي 3 ايام جعل هتيف الوجع نجد : هذا والزواج ما بعد جاء العنود : بصيح والله خايفه ابي هتوف نجد : وانا ويني العنود : انتي في بيتكم وكل م قلت تعالي رفضتي نجد : والله تعب من الدوام العنود : وش اللي حادك عليه نجد بصراحه : تعرفين اللي قابلته في دبي وبنفس الوقت فالكافي هو نفسه مديري العنود بشهقه : في ذمتك وبهدوء : تدرين هذا وش معناته نجد ببرود : وش م فهمت ؟ العنود وهي تعدل جلستها : هذي صدفه ويعني كل هالمواقف تثبت انه يحبك ومن نصيبك نجد : وش تلخبطين انتي ؟ ترى انا اكرهه العنود ضحكت : ما راح تفهميني سفهتها نجد وهي مرتبكه .. يوم الجمعه في بيت ابو سلطان .. 1 الظهر حور : هذي طلبتها والله سحاب : ياغبيه لازم نكثر التوزيعات جاء سلطان ومحمد : سلام عليكم سحاب : هلا والله بمعرسنا منور سلطان ابتسم : بوجودك محمد : ترى سلطان يقول بخليكم اليوم وبكره وبعده بدون م اتمشكل معكم حور : ياليتك تسوي مثله محمد سفهها : اقول وش شعورك وبعد بكره بتطلع من العزوبيه سلطان : شعور اي مواطن سعودي متزوج حور : بس العنود غير سلطان ابتسم : صح عليك والتفت لمحمد : الا صح ما لقيت ناقتك الضايعه حور بعصبيه : لا للحين ضايعه فالجامعه محمد : ما اسمح لكم تسبون شيخة المزايين سحاب : انت للحين تدورها حور : يا ربي بموت منه كل يوم مخليني انقع قدام الجامعه ومع ذا الحر وغير كذا اخوه الثاني حاط ملكته فالاختبارات النهائيه سحاب ضحكت : حمدلله اني ما اداوم الا فالاسبوع مره ولا وفي اوف حور بعد محمد : خير ليه ما تقولين لي اوديك سلطان : غبيه قلتي لهم .. الحين بيخليك تدورين معه حبيبته الضايعه سحاب : اصلاً م راح اداوم الا مرتين وبعدها اصير خريجه يلا انا بروح اذاكر حور : محظوظه والله كل هالترم ما تداوم الا مرتين فالاسبوع واحياناً تعتذر دكتورتهم سحاب : قولي ما شالله في استراليا .. هتيف ومنى يجهزون شناطهم هتيف بحزن : بفقدك منجد منى : بعد انا بس حلو كلنا بنرجع لرياض هتيف بحماس : بعرفك على بنات عمي منى ضحكت : انشالله نجتمع كلنا هتيف : تصدقين ما قلت لاي احد ان طيارتي بعد شوي يعني بوصل لهم الساعه 8 الليل منى : حتى انا بس بتصل على ابوي هتيف : تدرين يوم ارجعو اهلك خفت اننا نجلس لوحدنا بس اهل مهاوي جنبنا منى بحزن : اشتقت لمها وحمودي هتيف : تدرين بتحضر ملكة العنود وبتروح لاهلها وبتجلس عندهم وبترجع فالعيد منى : افف بتطول هتيف : تخيلي لها 5 شهور عن اهلها طبيعي تطول منى : انا خلصت باقي ساعتين على الطياره بتصل على ابوي هتيف : لا لا بخلي فهود يستقبلنا ومنها انتي تقولين تبين تسوين مفاجأه لهم منى بتفكير : اك تمام في سيارة منصور .. طيب بتجي قبل الملكه بيومين ليه ما جت ؟ اتصل على فهد واسأل ولا وش بيقول عني لا لا بسأل افنان ولا اقول موب سأل احد بنتظر مع اللي ينتظرون بس يارب تلين قلبها لي فارس : متى بتنزل انت منصور : هلا .. ايه ايه جاي فارس : لا مو طبيعي اكيد هتيف فالموضوع منصور : لاعاد اسمعك ناطق اسمها فارس ضحك : لهدرجه اقول انزل انزل بعد 7 ساعات وصلو الرياض .. منى : ياربي اشتقت لرياض هتيف : اي والله بس ما كأنه حر منى : وهذا اللي ما حبيته بس تهون عند استراليا هتيف : اقول شوفي فهود وينه منى وهي تدقق : هو اللي يمين ؟ هتيف : اي فهود ومعه حمودي بعد راحو لجهته وضمته هتيف فهد لف على منى : اخبارك منى منى : حمدلله تمام فهد : مبروك التخرج يابنات منى و هتيف : الله يبارك فيك هتيف وهي شايله حمود : ياعمري اشتقت له حمودي بطفوله : انا قلت تعالي ليه ما جيتي هتيف ضحكت : انا جالسه ادرس حمودي : بابا يقول اني بدرس السنه الجايه فهد : ابلشنا يحسب ان السنه الجايه بكره قاطعهم الاتصال ورد : هلا يمه اي انا مع اخوياي يلا جايكم الحين لا لا تنامون معي اغراض فهد : يلا يابنات وانتي يا منى معزومه على العشاء وبدون جدال منى : لالا والله مقدر هتيف ارحمتها : هالمره بنعفيك بس بعدين لا فالملحق عند البنات .. حور : سحابوهه ليه ما ارسلتي لصاحبة التوزيعات سحاب : حور خلاص طلبنا كثيرر غير خالتي ام فهد ما قصرت من جهتها سمو : الحين انا بساعدكم باللي تبون بس لا تصرخون الاذن عندي انفجرت وليتكم عاد متعبين انفسكم كلها توزيعات اثير ضحكت : والله لو انكم مسوينها عاد نجد بصوت جنب افنان خفيف : 1 2 3 حور : الحين وش حارق رزك انتي وياها افنان ضحكت : بيتنا يتنفس عن طريق المشاكل دخلت ريم وسلمت بهدوء وجلست تأففو سحاب وافنان بطفش .. ما انتبهت اثير لانها انبسطت ان اختها معها اما نجد كانت جنب الشباك وشافت سيارة منصور ووقفت : انا بروح لعيال اخواني افنان : وبنات اخوانك ؟ نجد : لا خلصتو مشاكلكم نادوني طلعت لمنصور وهي تسلم عليه منصور : هلا كم لي عنك انا ؟ نجد : والله مشغوله وعندي دوام منصور : مب ملزومه فيه نجد : ترى مليت من كلامكم انا عارفه بس ودي اكون مشغوله ولا اجلس فاضيه فالبيت منصور : خلاص لاتزعلين نجد : شرايك اعزمك على قهوه واسحب على بنات اخواني اللي مشاكلهم ما تخلص منصور : ما اقول لا دام عمتي الحلوه عازمتني كانو بيمشون بس سيارة فهد دخلت شافو هتيف اللي منزله راسها وتطالع في جوالها وفهد اللي يطالعهم وهو مبتسم منصور قلبه يدق خايف من مواجهتها الحين شافها شاف قلبه وعارف اليوم النوم ما راح يجيه ولا يطب في عينه بسببها نجد اركضت وفتحت الشباك : بنات هتوف جت فهد وقف السياره عند باب الملحق ونزلت هتيف وهي للحين مو منتبهه لمنصور اضحكت من شافت البنات يركضون لها سمو نطت عليها : هلا والله بمرت اخوي سحبتها افنان : ابعدي يالدفشه هتيف سكتت وهي مستحيه وسلمت عليهم هتيف وهي تشوفهم : وين العنود ؟ نجد : الحين منجدكم واقفين ادخلو فالملحق ولا تقولون للعنود خلوها مفاجأه هتيف لفت على فهد : فهود تكفى قول للخدامه تشيل الاغراض وتدخلها راح فهد ونادى الخدامه تشيل الاغراض دخل وقابلته امه : فهود وش الاغراض هذي فهد بتصريفه : هذي طلبيات العنود ومها راحت ام فهد المطبخ : تبي عشاء حبيبي فهد وهو يدخل الاغراض مع الخدامه بسرعه : لا يمه ما ابي شي فالملحق عند البنات هتيف : بنات امي وابوي وجدي وعماني لازم اسلم عليهم بعدين بنسهر مع بعض حور بتصريفه : ابوي وجدي مو فاضي لك جالسين يتعشون اثير وهي تكمل : حتى ابوي يتعشى هتيف لفت على سمو وسألتها قالت سمو : يعني ابوي مو متعشي اليوم هتيف ضحكت : كذابات من يومكم بروح وارجع لكم بسرعه لا تروحون : طلعت وهي تعدل شيلتها مشت باتجاه بيتهم لفت على حديقه وهي تسمع شي يتحرك دخلت فالحديقه وشـا....الخ ❤ . . | ||||||
|
| |
|
03-02-21, 03:08 AM
| #40 | ||||||
| مشرفة منتدى الروايات المنقولة
| «الـبـارت الـخامس والـثـلاثـون» طلعت وهي تعدل شيلتها مشت باتجاه بيتهم لفت على حديقه وهي تسمع شي يتحرك دخلت فالحديقه وشافت منصور منسدح على الكرسي وحاط يده على عيونه حست انه متضايق كانت شايله هم انها تقابله بس منظره اليوم أسر قلبها نزلت عيونها وشافت مذكراته انقهرت حست بغيره وتمنت انها فتحتها من قبل مشت وراحت لبيتهم فتحت الباب بهدوء شافت امها فالمطبخ تكلم جت من وراها قالت بهدوء : مساك الله بالخير ياقلب هتيف لفت امها وشهقت : ياعمري متى جيتي ضمتها هتيف ونزلت دموعها غصب اشتاقت لامها من زمان عنها هتيف : اشتقت لك والله ام فهد : حتى انا ياعمري بس من استقبلك هتيف : فهد بس ابوي والعنود ومهاوي وينهم ام فهد : ابوك فالصاله اللي فوق ومها بغرفة العنود هتيف : يلا بروح افاجئهم راحت لصاله وشافت ابوها : سلام ابوها وقف : هلا والله بغلاي تعالي يابوي ركضت هتيف وهي تضمه : اشتقت لك ابو فهد : وانا بعد ، شلونك انشالله نجحتي هتيف بعدت عنه : اكيد نجحت ابشرك افتكيت من الدراسه بكبرها بس وثيقة تخرجي م جبتها ابو فهد : يابعد قلب ابوك والله دايماً رافعه راسي الله يوفقك هتيف : امين بعد ما سولفت مع ابوها حول 5 دقايق وقفت : يلا استأذنك بروح للعنود اتجهت لغرفة العنود وطقت الباب العنود : يمه فكي الباب ترى مفتوح مها : وش عندها عمتي تطق الباب غريبه دخلت هتيف : صدق ما تفيد معكم المفاجأت صاحو وهم يضمونها العنود وهي تمسح دموعها : كلبه ليه ما قلتي لي مها : ما تتغيرين لازم تلفين وتدورين هتيف ضحكت : خلاص قفلو السالفه انا بروح للبنات ينتظروني فالملحق مها : وش رايكم اجهز القهوه ونروح للبنات العنود : معليش خوات زوجي هناك هتيف طقتها : وجع انتي والله ما درو عنك مها : معليك منها يلا بجهزها والحقك هتيف : العنود فكينا من النفسيه وتعالي العنود : عشاني قلت بستحي بس لازم تخربون علي هتيف وقفت : والله تعبانه بس عشان البنات اتجهو كلهم للملحق .. سمو : مها وين حمودي مها : خليته مع ابوه طفشني افنان : ياحلوه حمودي بس هتيف : بنات والله اشتقت لكم سحاب : صدق من زمان عنك حور : الحين تخرجتي خلاص هتيف : افف ياليتني جبت الوثيقه سحاب : ما جبتيها هتيف : لاني جيت عشان الحق على الملكه وما حضرت الحفل اللي مسوينه ولا جبت وثيقتي حتى بس انشالله شهر 10 بروح اجيبها سحاب : اهم شي افتكيتي عاد الحين انا وانتي انضمينا لحزب نجد والعنود وافنان هتيف : باقي الثلاثي عقبالكم انشالله اثير : طقطقي علينا اصلاً عادي سحاب : معليش لازم ترضون بالامر الواقع حور : ما اتكلم مع ناس بتتزوج بعد شهر سمو ضحكت : والله جبتيها صدق تخرجتو وبسرعه تزوجتو يع متى بترتاحون افنان : صدق مها عطينا تجربتك مع الزواج عندنا 3 بيتزوجون اعطيهم نصايح ضحكت مها : اللي تبي تجيني فالبيت افنان : لا صدق نبي نستفيد مها : تجربتي حلوه حمدلله هو صح لازم في كل علاقه مشاكل وزعل بس لازم في نفس الوقت تتنازلون يعني مو كل شي تحدي العنود : علمو بعض الناس سمو بغباء : طيب هتيف ومنصور ما راح يتنازلون لبعض وش بيسوون حور : احس نهايتهم طلاق هتيف بصدمه : ما شالله قررتو عني كل شي العنود : والله انا اتفق مع حور سحاب : هتيف م عليك منهم واضح ان السوالف خلصت عليهم هتيف وهي تطالع في جوالها : اذا مواضيعكم هذي خلصت قولو لي بعد 3 ساعات فالحديقه صحيت وانا جسمي احسه متكسر رفعت راسي بسرعه لشباك غرفتها كل يوم اناظر فيه حتى لو مو موجوده اليوم شلعت قلبي خصوصاً يوم استحت من كلام سمو لها عند باب الملحق ما شفت بوجهها حزن يوم قالت سمو مرت اخوي شفتها ابتسمت هذا اعطاني جرعة امل نزلت عيوني للمذكرات رفعتها بسرعه للحين م فيه احد شافها بيدي الا فارس ومنعته يقراها . صباح يوم الاحد .. فالكافي شفته دخل وخذى قهوته ولا حتى طالع فيني مو مثل قبل كل شوي ناط في وجهي اليوم كان هادي بشكل غير طبيعي افف وش علي منه المهم ابي ارجع بدري عشان ملكة العنود ولازم اكون معها خصوصاً بهاليوم بس كيف افاتحه بهالموضوع افف اتصلت على مشاعل : مشاعلوه متى ناويه تجين مشاعل : انتي ما انطردتي نجد : اكلي تبن بعد تقولينها في وجهي مشاعل : اسف بس انتي وديتي استقالتك نجد : ايه بس لازم اكمل شهرين وينتهي العقد مشاعل : طيب الحين بتجهز وبجي نجد : طيب عادي اروح له واقول انا مشغوله اليوم تعرفين ملكة العنود تتوقعين بيوافق مشاعل : اذا بتروحين تتهاوشين معه لا نجد : بجيه باسلوب بس اذا رفع ضغطي معليش مشاعل : سوي اللي تبين يلا مع السلامه نجد قفلت في وجهها احتارت ما تبي تقابله بس مضطره عشان العنود وقفت وهي مقرره وراضيه بقرارها .. دخلت الشركه اللي شبه فاضيه ما فيها الاهو واخوه ناصر فالمكتب خافت انها لوحدها معه قررت تروح وبعدين ترجع بس ارتاحت من شافت السكرتير وصل وهو اصلاً فالمكتب الرئيسي اللي تحت طقت الباب بهدوء وسمعت رده ودخلت قالت بهدوء : سلام عزام بهدوء : وعليكم السلام نجد : ابي اطلع اليوم بدري عادي عزام وهو عارف ان فيه مناسبه عندهم ومعزوم فيها بعد : ليه الشغل كثير اليوم عاد نجد : عندي ظرف ولازم اطلع بدري عزام : عندكم ملكه صح نجد : ماشالله هذا انت عارف عزام ضحك : حتى انا بروح بس اني اول شي بخلص شغلي وبروح سوي مثلي نجد : فيه فرق كبير انت ضيف ما راح تتعب عزام : اوهـ بنت فهد السلطان تتعب قويه والله نجد سفهته وهي مقهوره عزام تنهد : خلاص قررت تطلعين الساعه 11 احمدي ربك عاد راعيتك كثيير نجد : خلاص دامه الساعه 11 خلني اكمل دوامي عزام بروقان : طرحت عنك 4 ساعات يمديك تشتغلين وتتكشخين بعد نجد : مو شغلك اذا تشكخت ولا لا هذا اولا ثانياً انا ابي اطلع الساعه 9 ونص عزام : لا يعني لا نجد توجهت للباب وطلعت وهي معصبه واللي عصبها اكثر ضحكته يوم طلعت وصايف : من جدك الخبر منتشر وجد : اي صديقاتي قالو لي عنهم بس منجد انا قابلت اتوقع اسمها سمو كمية تواضع وصايف : بس اشكالهم مغرورات خصوصاً اللي بتتخرج السنه هذي وجد : لا بالعكس بس عزام قال لامي تروحين وامي قالت مدري لان اتوقع ملكتهم عائليه وصايف : وش نبي لاجاء ابوي رحنا لهم كلنا انشالله انهم ناس طيبين عشان لاطفشت رحت اتمشى مع اللي بتتخرج وجد ضحكت : تتمصلحين كل ذا طفش وصايف بحزن : انتي عارفه اخر مره تهاوشت مع بشاير الحماره استغلاليه وجد : مدري وين عقلك يوم صادقتيها وصايف : ندمانه قد شعر راسي صدق ضيعت وقتي معها حتى ما اعتبرتني صديقه من الاساس وجد : خلاص لاتكدرين خاطرك على شي ما يسوى ترى ما تستاهل دمعه وحده من عيونك وصايف بتصريفه : ما علينا وش رايك نروح لعايلة السلطان وجد ضحكت : توك تقولين ملكتهم عائليه بس المعرس قابل عزام اخوي في المؤتمر امس واعزمه وصايف : طيب خلاص سوي لنا فعاليات مليت وجد : نطبخ اليوم العشاء وانتي صنف وانا بسوي صنف واللي طبقها احلى كل وحده تعطي الثانيه اللي تبي وصايف وقفت : تم الساعه 1 الظهر دخلت هتيف غرفة العنود هتيف وهي تقومها : هيه ياعروسه نسيتي ملكتك قومي حطي ماسك يزين وجهك العنود لفت عليها بخوف : وجهي مو حلو صح هتيف ضحكت : يمه ، صايره حساسه اقول يلا الجو تحت فله الكل يجهز تحت ولا روحي شوفي الحوش فعاليات عيال عمي مع سلطان رقص واستهبال العنود : اما يلا بقوم اصلي الظهر وتعالي ساعديني هتيف قامت بحماس : يلا اول شي صلي واطلعي وبجهز الماسك لك لا تاخذين من اللي شريتيهم وحطي كريمات على جسمك واجلسي ساعتين وبعدها اخذي شور ورطبي جسمك اوكيه العنود جلست : افف مشوار قسم بالله هتيف طقتها : اقول قومي بسرعه يلا باقي اتواصل مع صاحبة الكوشه والمصوره بعد العنود : شكراً ياقلبي ما قصرتي معي هتيف : العنود ترى من جد عصبت وش ذا الكسل اللي فيك قومي لا تشكريني قامت العنود وهي تضحك في مكتب عزام كان مسرح " طلعت وهي معصبه ما توقع راحت ابد شكلي بروح لها وبشوف طلعت ولا لا " وقف وهو متجه لمكتبها طق الباب ودخل عزام وهو يتسند على الباب : ما رحتي غريبه نجد بطفش : انت رفضت كيف اروح عزام وهو يشوف مشاعل : لا انا بالعكس قلت روحي بس انتي واضح تحبين دوامك نجد : انت وش تبي الحين ؟ عزام : تعالي انتي وخويتك اذا فاضين عندي كومة ملفات يبيلها اكثر من شخص يساعدني فيها نجد : خويتي على ما قولتك مشغوله ما تشوفها وهي وملفاتها عزام وهو ماسك ضحكته : طيب انتي وش شغلتك بس تتحلطمين ترى بعد شهرين بتذلفين من هنا تعالي تجملي وساعديني نجد برفعة حاجب : في مكتبك عزام وهو يعطيها ظهره : لا فالشارع سكتت نجد وم ردت عليه الهنوف : امل فكري معي عبدالعزيز ما نقدر عليه لانه مهددني بسلمان ومنصور بعد زود انه مهددنا الا ان ريم السلقه ما تكلمنا امل : خلي الملكه تمر على خير وبعدها بنفكر لان ما يمدينا الهنوف : لا لازم نفكر من الحين سفهتها امل وهي مالها خلق شي وودها تسحب عليها بس خايفه الهنوف تسوي شي وتخرب عليهم عاد هي عارفه جنون اختها وخصوصاً انها تغار من بنات عمها كثير فـ لازم تكون معها عشان اذا فكرت بشي قوي يمديها ترقع لاختها خصوصاً انها خايفه تسوي شي لريم . في حوش قصر فهد السلطان الكل مبسوط والعمال يشتغلون ويرتبون الحوش اللي طلع شكله فخم والشباب يرقصون و معهم سلطان على الكراسي في وسط الحوش .. الجد : ما حددتو العرس ابو سلطان : انا قلت خله 20 او 25 بس هو مدري عنه عاد يختار اللي يبي ابو فهد : المهم من الحين حددو عشان نعلم الاهل يجهزون جاء منصور وهي يتنفس : سلام الجد : وش اللي حادك على الرقص منصور : سلطان يستاهل من يرقص له جاء محمد برجاء : يبه تكفى بتزوج ابو سلطان : اعقل وبزوجك ابو فهد ضحك : مالقيت زوجتك للحين محمد : يا بعد قلبي والله شكلها ضاعت منصور : انت شكلك تكذب علينا محمد : يعني كل يوم فالجامعه مسنتر فالنهايه اكذب عليكم منصور ضحك : الناس عطلو كيف بتلقاها محمد : لا حور باقي لها 3 اختبارات بتلقاني عند الباب من الساعه 5 الفجر احتريها ابو سلطان : اول مره تحفظ جدول اختبارات خواتك الخ .. انتظرت حول 10 دقايق وما جت الكلبه طلعت من مكتبي واتجتهت لمكتبها قلت بعصبيه : وينك ما جيتي طالعتني ببرود : معليش ابوي قال لي الشارع لا تشتغلين فيه تنهد بعصبيه : معك عشر دقايق الحقيني فالمكتب بسرعه وقفت بهدوء وقالت : هالمره بروح لانه فالمكتب تركتها وانا متجهه لمكتبي من جد تنرفز هالبنت مشاعل : انهبلتي نجد ؟ وش ذا الحركات ؟ نجد : يستاهل اقل شي اسويه فيه مشاعل : اقول روحي لا يحذفك من الشركه الحين نجد ضحكت : صدقيني ما يقدر طلعت نجد واتجهت لمكتب عزام ودخلت عزام : طقي الباب على الاقل نجد : انت قايل لي تعالي عزام : تعالي قدامي واخذي الملفين هذي نجد جلست قدامه وخذت الملفات وبدت ترتب الاوراق فيه مرت الدقايق وعزام كل شوي يعطيها ملف نجد بسرعه وتعب : عزام خلاص تعبت خلنا نأجلها لبكره عزام سرح فيها من نطقت اسمه وبسرعه انتبه : لا انتي ماراح تداومين بعطيك اجازه بكره بس نجد باستغراب وهي تشتغل : ليه ؟ وانا اليوم اطلبك ويالله عطيتني وليتك عاد عط... عزام قاطعها : يا حبك للمشاكل روقي الله يحفظك نجد اسكتت وهي متوتره وخذت لها ملف ثاني عزام تنهد وهو يشتغل : اليوم راح باللي فيه بس بكره بعطيك لان فيه مناسبه عندكم وعاذرك عن بكره بس نجد : خلاص اوكيه مشكور عزام سكت وهو يشتغل حس انه تعبها اليوم بالملفات بس عشان يكسر عنادها بس فالنهايه بتتعب منها خصوصا ان الشغل كاثر عليهم عزام طالع فيها وشافها تشتغل ومو يمه قال بهدوء : خلاص مشكوره تقدرين تروحين طالعت فيه وراحت لمكتبها وهي متوتره من تعامله حست ان فيه حنان وطيبه تعودت على الهواش معه بس حست ان اسلوبه غريب بالنسبه لها مرت الساعات وفي بيت ابو فهد .. كانت الميكب ارتست موجوده وتضبط العنود العنود : نادي مهاوي قربت اخلص هتيف : اي صح انا ما ابي ضبطت نفسي جت مها : بنات حمودي طفشني بذبحه هتيف : انا بتصل على فهد يجي ياخذه مها : العنود ما شفت فستانك وينه العنود : لبى هتوف جابت لي من استراليا فستان يجنن هتيف : مها اذا تبين تعالي انا شريت واحد انا ومنى انهبلنا عنده وما طرى في بالي الا انتي والله فهود اخوي يخق عليك مها استحت : بجربه مع اني طلبت فستان هتيف : خلصي الميكب وتعالي في غرفتي بعد ساعتين خلصت العنود وكملت اطلالتها وهي تلبس اكسسواراتها .. ناظرت في نفسها كانت لابسة فستان لونه بيج طويل وبكسرات ناعمه وبدون اكمام وفتحة x من الظهر جت هتيف : واو تهبلين قسم بالله خقهه جت مها ومعها البخور : تهبلون كلكم ماشالله تعالي العنود تبخري عقبال ما ابخر هتيف هتيف : شاطره فالتنكيد بس مها ضحكت وهي تبخر العنود وتعطرها هتيف : عطورك من قيرلان العنود : ايه شريته في اخر لحظه قاطعتهم ام فهد : بنات الكل وصل تعالو بعد دقايق نزلت العنود والكل منبهر بجمالها وجلست على الكوشه وهي تسمع الاغنيه وتشوف البنات اللي ترقص واللي تصور كان الحضور خفيف الاغلبيه كانو من العايله جت هتيف : فهد يقول تعالي عشان توقعين العنود بخوف : بس تعالي معي هتيف : اكيد معك انا يلا تعالي راحو عند الباب والعنود خايفه جاء فهد وسلم عليها وعطاها توقع العنود جلست تناظر في توقيعه وهي خايفه هتيف : يلا سمي ووقعي فهد : بنت اخلصي علينا اعطيناك وجهه العنود وقعت بسرعه وعطته وهتيف ضمتها : عمري اللي كبرو العنود : ترى والله ما ابي ابكي فهد : بعد شوي سلطان بيكون فالمجلس وبناديك ياويلك ان تأخرتي العنود : لا مو لازم يشوفني فهد : بدري ياحلوه ليه ما تكلمتي من قبل العنود بخوف : طيب خلك معي جاء ابو فهد : انا بكون معك ياقلبي ضمته العنود وفي عيونها دموع ابو فهد : الله يوفقك ويسعدك قولي امين هتيف وهي تهف على نفسها : فهود صح كأني ببكي فهد : قد بكيتي وخلصتي هتيف : شكراً حبيبي ما تقصر ابو فهد ضحك : انت وش موقفك روح للمجلس راح فهد وبدى ابو فهد يعطي نصايح لبنته في المجلس الكبير .. دخل عزام وهو متفشل انه متأخر عزام : سلام عليكم وقف الجد : وعليكم السلام يامرحبا عزام وهو يسلم عليهم : الله يبقيك ووصل عند سلطان وهو يبارك لهم ويحاول يدخل مع عيال اخوانها ما يدري ليه يحاول يمون عليهم وهو اللي يترجاه ابوه يروح معه قبل لمناسباتهم واجتماعتهم اللي بدون شغل قال الجد : علومك ياعزام وشلون ابوك عساه بخير بعد العلاج عزام : حمدلله كلنا بخير الجد : انا اتصل ومايرد علي فاقدينه فالاجتماعات بدون قصور فيك عزام : لا ابشرك بخير وقريب بيجي ... الخ عند البنات ... وهم متجمعين عند الكوشه حور : صح الحين صرتي مرت اخوي العنود اسكتت مستحيه هتيف : حمدلله اختي تعرف تستحي العنود : انا خايفه الحين صرت كبيره سحاب : الله يخلف على اخوي اللي اختارك سمو : اقول اخوكم تقطع صوته وهو ينادي وقفت هتيف وخذت معها العنود فهد مسك يدها : يلا تعالي العنود مشت وهي بتموت من الخوف دخلت وهي منزله راسها وجلست بعيد عنه سلطان بابتسامه : فهد توكل بالله فهد : معك عشر دقايق ترى حاسب لك سلطان : روح بس فهد رجع جلس : يعني انت تدور المشاكل سلطان بقهر : والله اسف ياقلبي فهد وقف : عشانك اعتذرت بس ! طلع وسلطان بسرعه وقف وجلس جنبها سلطان بانبهار من شكلها : مبروك علينا العنود بصوت خفيف : الله يبارك فيك سلطان وهي يمسك يدها : ما سمعت شي ترى العنود بقهر : سلطان سلطان : الحين وش اللي مضايقك انتي لا يكون ندمتي انك وقعتي العنود ضحكت : لا بس خايفه سلطان سحبها وهو يضمها : اموت عند الحساسين تصدقين بغيت اطلب رقمك مثل العالم بس ماشالله علي ماخذه من زمان منك ضحكت العنود وبدى الخوف يروح منها تدريجياً وبدت تسولف معه وتضحك الساعه 2 الليل فالحديقه كل البنات مجتمعات وهتيف جايبه اغراض السهره .. سحاب : انا بذبح اخوي خلاص يالعنود فكي الجوال افنان : لا يالنشبه خليهم توهم معاريس حور : صدق سحاب ما توقعتك نشبه سحاب : بالعكس يالعنود تغلي عليه ! هتيف : يالحيوانه تبين تخربين بيت اختي اثير : سحاب ما تلاحظين ان الكل ضدك سحاب باستنكار : يعني ؟ اثير : يعني انطمي سحاب : والله نصيحتي لا تصيرين مخفه العنود : صامله سحاب للحين ريم بهدوء : لا بالعكس خلوها تستغل فرصتها العنود بتأيد : اطلق نصيحه للحين جتني سحاب " ما بعد عرفتيها يالعنود ولا والله ان تكرهينها مثل ما كرهتها ولو ما حلفني عزيز كان قلت لك انتي وهتيف كيف خربت عليها " افنان " افف تحاول تفرض نفسها اكيد هذي من خططها ولا وش جابها معنا مع اني احس ان ودها تجي معنا بس خايفه ان كل ذا تخطيط " هتيف : بنات فيه احد صوته حلو يغني لنا سمو : اي انا حلو صوتي بس ابي عود افنان : عشان جدي يكسره على راسك هتيف : حرام تدقين عود للمعلوميه سمو : بس انا احبه جت نجد : حبك برص تحبين من يا وسخه ؟ سمو : بسم الله انتي وينك عنا نجد ضحكت : جلست معكم واتصل منصور علي وقال عندي سالفه هتيف تجاهلت الموضوع وتوترت من طاريه اثير : طيب وش السالفه اللي عنده نجد وهي تطالع في هتيف : ما راح اقول افنان وهي تبي تقهر ريم : اكيد يسأل عن الحب نجد ببتسامه : مدري يمكن ! العنود حست بتوتر هتيف : بنات متى بتعطلون حور : انا روحي اسألي حمود عارف جدولي سمو بضحكه : وانا واثير مع حور سحاب : انا بس يومين وانضم لحزبكم العنود لفت على نجد : والحلوه هذي ؟ نجد : لاحبيبتي دوامي بينقلب مسائي العنود : مو تقولين بكره م راح اداوم نجد : لا هو عطاني اجازه عشان عندنا مناسبه هتيف : ما شالله مديركم يراعي نجد : لا بس عشان ساعدته اليوم ولا انا قايله له ابي اطلع 9 ونص بس هو رفض وقال بسمح لك تطلعين 11 عاد وش يطلعني هالحزه هتيف ضحكت : خير دوامك يبدا 9 ياحلوه نجد : طيب انا اطلع من الساعه 7 الصباح حور : عاد هذا شي راجع لك هم يحسبون لك من الساعه 9 اثير : انا اعرف نجد تحب المشاكل بسم الله عليها نجد بطفش : تصدقين حتى هو قاله وقال اني ما انفعهم بس اتحلطم اثير : ياربي حتى ولد الناس عرف شخصيتك هتيف وهي تحاول تتناسى منصور : ماشالله على هالمدير يسولف معكم نجد بتوتر : لا هو بس كذا يمشي ويهاوش ... الخ | ||||||
|
| |
|
| أدوات الموضوع | |
| انواع عرض الموضوع | |
|
|
5Likes
العرض العادي
