آخر 10 مشاركات
دانتي (51) للكاتبة: ساندرا مارتون (الجزء الثاني من سلسلة الأخوة أورسيني) .. كاملة.. (الكاتـب : * فوفو * - )           »          ✨الصالون الأدبي لرمضان 2024 ✨ (الكاتـب : رانو قنديل - )           »          أحــــ ولن أنطقها ــــــبِك "متميزة" و "مكتملة" (الكاتـب : *my faith* - )           »          صبراً يا غازية (3) *مميزة و مكتملة* .. سلسلة إلياذة العاشقين (الكاتـب : كاردينيا الغوازي - )           »          عذراء في ليلة زفافها (22) للكاتبة: Lynne Graham *كاملة+روابط* (الكاتـب : * فوفو * - )           »          1092 ـ لن أحترق بنارك ـ ميشيل ريد ـ ع.د.ن (كتابة/كاملة **) (الكاتـب : Just Faith - )           »          عندما يعشقون صغاراً (2) *مميزة و مكتملة *.. سلسلة مغتربون في الحب (الكاتـب : bambolina - )           »          جاك...كارا (114) للكاتبة: Lynn Raye Harris (ج5 من سلسلة دماء سيئة) *كاملة* (الكاتـب : Gege86 - )           »          زوجة بالميراث (127) للكاتبة: Sara Craven *كاملة* (الكاتـب : Gege86 - )           »          أُحُبُّكِ مُرْتَعِشَةْ (1) *مميزة & مكتملة * .. سلسلة عِجافُ الهوى (الكاتـب : أمة الله - )


العودة   شبكة روايتي الثقافية > قسم الروايات > منتدى الروايات والقصص المنقولة

Like Tree5Likes
إضافة رد
 
LinkBack أدوات الموضوع انواع عرض الموضوع
قديم 03-02-21, 03:10 AM   #41

هاجر جوده

مشرفة منتدى الروايات المنقولة

 
الصورة الرمزية هاجر جوده

? العضوٌ??? » 402726
?  التسِجيلٌ » Jun 2017
? مشَارَ?اتْي » 1,915
? الًجنِس »
? دولتي » دولتي tunis
?  نُقآطِيْ » هاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond repute
افتراضي




«الـبـارت الـسـادس والـثـلاثـون»


اليوم التالي .. الساعه 5 العصر في بيت ابو فهد
العنود : الا صدق شريتي فستان لملكتك
هتيف تنرفزت : عاد مب شغلك
العنود بشهقه : خير و ش ذا الاسلوب
هتيف : وش قلت لك امس قلت لا تفتحين
هالموضوع الا 20 /9 وببداء افكر حتى انا معكم
مها ضحكت : ترى الموعد 15 تحركي
هتيف : انا ما علي الا البس فستاني بس
والملكه قلت لامي تقول لابوي عائليه
والباقي تنجزونه انتي والعنود الله لايهينكم
العنود : ترى زواجي شهر 10 للمعلوميه
هتيف عدلت جلستها : تصدقين يبيلنا نتوزع
عشان نتفرغ لك انا قلت لمنصور نأجل
موضوعنا بس مو راضي
العنود رفعت حواجبها : وش قلتي لمنصور ؟
مها ضحكت : صدق هتيف من متى
هتيف بتوتر : ترى جاء وقالي ابي اخذ رايك
يعني مو مثل تفكيرك !
العنود : اها يعني كذا
هتيف وقفت : يعني مثلا ايش حمدلله والشكر
راحت لغرفتها وهي تفتح شباكها وبسرعه
شافته متكي على الكرسي الطويل ويطالع فيها وقفلته وهي خايفه رجعت مره ثانيه بس فتحته على الخفيف وشافته يضحك وبعدها نزل راسه
لجواله مرت دقيقه وجتها رساله
فتحت جوالها وقرتها
منصور ( شفيه ؟ ترى زوجك بعد شهر و14يوم )
ردت ( اسبوعين وشهر و14 يوم ، مطولين ترى )
منصور ( صدقيني بتمر بغمضة عين )
قفلت جوالها وما ردت عليه وهي مقهوره منه

اما بالنسبه له كان مبسوط انه شافها
بشكلها البسيط اللي جذبه صح كانت شوفتها
مرت بسرعه بس شوفها كان مثل الحلم
بالنسبه له قاطعته سمو وهي تجلس جنبه
سمو : اخي الجميل وينك فيه ؟
منصور ابتسم : موجود يا اختي الجميله
سمو : شعندك مروقق غريبه تروق فالعصر
منصور : تدرين اني اكره حزت العصر هذي
بس عصر اليوم غير
سمو : ترى شكيت في وضعك غريبه جالس
فالبيت اليوم
منصور : من الساعه 7 الصباح وانا طالع ما
رجعت الا قبل ساعه وفالنهايه ما طلعت
سمو : بس سالفة العصر قويهه
منصور : تصدقين انك ما تنعطين وجه
سمو : امزح عليك ، بس اسمع .. الخ

في بيت ابو سلطان .. كان جالس على جواله
سلطان ( العنود وينك )
العنود ( شفيك توني مكلمتك )
سلطان ( اسمعي نبي نطلع نتعشاء اليوم )
العنود ( لا مستحيه من ابوي وعيال عمي )
سلطان ( ابوك اوكيه بس عيال عمك ليه )
العنود ( انت عارف طقطقة عيال عمك عاد )
سلطان ( ما عليك منهم انا زوجك ترى )
العنود ( مدري بشوف وارد لك خبر )

تسريع للاحداث >> بعد يومين ..

نزلت حور وهي معصبه وجلست على الكنب
سلطان : وش فيك بعد
حور : تخيل ساحبني الساعه 6 عشان نشوف
حبيبته الضايعه وحبيبته ما تجي الا 8 متأكده
سلطان ضحك : الساعه 6
حور بعصبيه : ما يروحون الا الابتدائي
محمد جاء : انا ما ابي اي بنت تفوتني
حور : احسك كذاب بس تبي تطالع في بنات خلق الله
محمد جلس : حور روقي ياقلبي لك هديه بعد
ما القاها
حور سفهته ودخلت سحاب عليهم
سحاب : هاييي تخرجت
سلطان : مبروك ياقلبي
سحاب : الله يبارك فيك
محمد : ياليتني موديك اليوم
حور : بارك لاختك حبيبي
محمد : جهزي نفسك بكره من الساعه 5 الفجر
تطورنا بنوسع البحث شوي
طلعت حور فوق وهي تسمع ضحكته بس
الاغرب انها طالعه عشان ما تضحك معه
ما جت على انه نرفزها بالعكس تحب محمد
اخوها اللي من تطلع معه حتى لو الوقت بدري
تنبسط معه ولانهم ما يرجعون الا وهم ميتين ضحك بس عصبيتها علشان النوم

طلعت سحاب لغرفتها وهي تتصل على هتيف
سحاب : سلام
هتيف : اهلين ، اخبارك
سحاب : تمام وانتي
هتيف : حمدلله ، شفيك متصله المغرب غريبه
سحاب : ما علينا بس اليوم ابشرك خلصت اختبارات
هتيف : الله ، مبروك جبتي وثيقتك ؟
سحاب : الله يبارك فيك لا بعد اسبوعين انشالله
المهم بسألك جهزتي لملكتك
هتيف بجمود : لا
سحاب : طيب متى ؟ لاني ابي اجهز معك
هتيف برجى : طيب عادي الملكه تكون عائليه
بس اعزمي صديقاتك
سحاب بتفهم : ما يهمني اهم شي اكون من
نصيب عزيز وانا كنت ناويه اعزم هيفاء بس
هتيف : انا بعد بس راح اعزم منى
سحاب : طيب نطلع اليوم للمول ومنها نتعشاء
ومنها نختار لنا فساتين
هتيف : خلاص بس متى نروح
سحاب : الساعه 8 يناسبك
هتيف : اكيد ومنها اجيب للعنود اغراضها
سحاب : خلي العنود تجي مره وحده معنا
هتيف : اذا اخذنا العنود بيزعلون البنات
سحاب ضحكت : صح عاد البنات صايرات حساسات هالايام ... الخ

الساعه 6 المغرب في بيت ابو فهد ..
مها جت ومعها حمودي دخلت فالصاله عليهم
سلمت عليهم وضمت العنود وهتيف
مها : يلا مع السلامه
راحت عند الباب ولحقوها العنود وهتيف
هتيف : طيب حمودي خليه عندنا
مها : عشان امي تذبحني
العنود : الحين وش يصبرني للعيد
فهد جاء : لا انشالله بجيبها قبل العيد
مها : ماشالله اتفاقنا راح
هتيف : خلاص بنزوج اخوي مع سلطان الا اذا جيتي بدري هذا شي ثاني
مها : ما يقدر صدقيني
فهد : بدت الفكره تدخل مزاجي
مها عطته نظره والعنود وهتيف ضحكو
العنود بضحكه : النظره النظره
هتيف : لا امزح عليك تخيلي اخوي يتزوج وحده
ثانيه اصلاً بنزاعلها
مها : انا عارفه انكم ماتقدرون بدوني
فهد : ما فيها شك بعد
العنود صفرت : الله عليك اخوي ما عاد يمسك نفسه
هتيف ضحكت : الله يخليكم لبعض
فهد ابتسم : يلا انا بركب الحقيني
مها رجعت تضم هتيف والعنود وراحت


الساعه 8 الليل ..
طلعت سحاب وركبت مع السواق وتنتظر هتيف
كانو الشباب مجتمعين يمين الحوش ..
منصور بصوت خفيف : سحابك راحت
عبدالعزيز لف يشوف وضحك : حتى هتيفك راحت
لف منصور بسرعه : وينها
محمد وهو ما انتبه الا لهتيف : حمدلله ان فهد راح يودي زوجته للمطار
منصور انقهر دايم محمد ينتبه له : مالها دخل يافله
سلمان ضحك : محمد وش دخلك الحين
محمد : فكني من السالفه هذي متى بتتزوج
سلمان : ياليل ام النشبه ما نسيت انت
سلطان : حمود ياقلبي فشلتنا شعليك منه
منصور : دايم محمد نشبه وش الجديد يعني ؟
محمد : شوي شوي علي هذا جزاتي يوم اني
ابيكم تتزوجون تعبت معكم واحد واحد
باستثناء فهد وسلطان
عبدالعزيز : وش سويت لي انت ؟
محمد " عشان اختي حبتك سعيت في موضوعها
ولا ما يهمني من يكون بس سحاب حبت عزوز
وعزوز ولد عم وغالي " : المهم اني شلت همك
عبدالعزيز : لاعاد تكذب حبيبي
منصور : سؤال سلطان حجزت شهر العسل وين
سلطان : جاك ما جاء محمد وش ذا الفضول
منصور : طيب انا ابي احجز وما ابي اقلدك
سلطان : بنرجع من شهر العسل وانت ماتزوجت
محمد ضحك : صدق والله
منصور : من قال ؟ انا بتزوج يا شهر 11 او 12
سلمان : منصور لا تستعجل ترى بتندم !
منصور : مقتنع وراضي اني اتزوج حتى لو
عمري 20 لحد يقولي توك صغير
محمد : صدق انت للحين عمرك 25
منصور : لا حبيبي دخلت 26 قبل شهر
عبدالعزيز : صح شهر 6 دخلت 26
منصور ضحك : احس اني طولت وانا عمري 25
محمد : والله العظيم موب عمر ذا شهر 10
سلمان بحزن : بديت اشيل هم شهر 10 من الحين
سلطان : طول عمري اكره شهر 10 بس هذا غير
منصور بقهر : يحق لك متزوج
سلطان : طيب انت بتتملك
منصور : لاتحاول تقنعني
سلطان : ربي جابني على الدنيا عشان اقنعك ...الخ


فالمول .. تحديداً في زارا ..
سحاب بطفش : الى الحين ما لقيت شي يناسبني
هتيف : حمدلله انك خذيتيني معك
سحاب : ما شالله عليك قد خلصتي
هتيف : باقي لي الشوز بس الحين خلينا نخلص منك وبعدين نروح مع بعض لديور ونختار من هناك
سحاب : يلا تكفين عشان اعزمك على احلى عشاء
رن جوال هتيف وردت : اهلين العنود
العنود : خليه سبيكر
هتيف : يلا تكلمي
العنود : سحاب انتي عليك البجايم وهتيف
ابيك تجيبين لي ميكب كامل لان اللي عندي
بدو ينتهون وافنان ونجد عليهم الفساتين
والثلاثي عليهم الشوزات والشناط والباقي انا
هتيف : ما باقي لك شي حبيبتي
العنود بحزن : شعور غريب ان الزواج قريب
وانا ما شريت شي
سحاب : اقول موب لايق عليك الحزن لو انك
ضحكتي كان رحمتك بس عشان سلوط بوافق
هتيف ضحكت : لحظه انتي دورك بكره انشالله
العنود : قولو وعد انكم بتروحون بكره
سحاب : بنساعدك بدون ما تقولين
العنود تنهدت : حبيت سلطان زياده
سحاب : شدخل ؟
العنود : حبيته زياده لانك انتي اخته
هتيف : معليش اختي فيها نقص مشاعر ... الخ

بعد ساعه في بيت الجد ..
نجد وهي تكلم : افنان ووجع اعجلي علي
افنان : يلا يلا انا جالسه البس وبجي افتحي الباب
نجد : بابنا مفتوح بس نادي سمو معك
افنان : ياغبيه الثلاثي عندهم اختبار بكره
نجد : اها وانا اقول ليه القروب هاجد اليوم
افنان : متحديات اللي بتجيب معدل اعلى
الثنتين اللي اقل بيجبون لها اللي تبي
نجد : صدقيني بيذاكرون عشان التحدي
افنان ضحكت : صح حتى انا اقوله .. الخ

عند هتيف وسحاب وهم يتعشون ..
سحاب : راضيه بمنصور انتي
هتيف بتوتر : عادي ما تفرق معي
سحاب : عشان ابوك انتي موافقه صح
هتيف : لا عادي انا راضيه
سحاب : هتيف وربي منصور يموت فيك ليه
مو راضيه تفهمين اصلاً واضحه
هتيف : سحاب شقلت انا طيب
سحاب : مدري احس الموضوع مضايقك مره
هتيف : لا مو مضايقني تطمني
سحاب : طيب انتي تحبينه
هتيف برفعة حاجب : ما فيه شي اسمه حُب !
سحاب باستغراب : غريبه انتي تقولين هالكلام
بس اذا عن كلامك الا فيه حب شوفي سلطان
والعنود ماشالله وانا عزيز وانشالله انتي ومنصور
هتيف تنهدت : ما علينا اهم شي شوفي فستانك
ناسبك وشوفي بعد قياسك ولا وصوري لي بعد
سحاب : هتيف لا تغيرين الموضوع انا عارفه
انك تحبينه بس مدري وش صاير بينكم وخلاك
مو راضيه فيه
هتيف : افف سحاب صدع راسي منك خلاص
قفلي الموضوع واذا فضيت قلت لك بعدين
سحاب سكتت ودها تقولها كل شي تحس ان
هتيف انظلمت فالبدايه والحين دور منصور
ينظلم فالقصه المزيفه يعني ما تدري كيف
الكذبه مشت كذا عليهم


نجد : تصدقون صرت اشيل هم الدوام
افنان : تنصحيني اتوظف
نجد : توظفي معي في نفس الشركه تكفين
العنود : حتى انا بقول لسلطوني يوظفني
نجد : انتي خلاص تزوجتي م له داعي
افنان : عمه نجد وش ذ التفكير القديم
نجد : ياحلوه مو سالفة انه تفكير قديم
الموضوع كله انها بتنشغل مع سلطان
العنود : هو صح انك صادقه بس ترى يمكن
املّ منه مع الايام
نجد : هذا زوجك ياحلوه كيف تملين منه
افنان : البنت ما تقدر تمل والرجال يمل
العنود اذا تبين تطلقين عادي
العنود : صح وش فايدتهم مامنهم فايده ترى
بس سلطوني حبيبي لو يخوني بيشوف
شي ماشافه طول عمره
نجد ضحكت : طيب متى الزواج عاد
العنود : مدري بس انا قلت خله بعد ملكت
عبدالعزيز ومنصور لاني ابي اكون موجوده
افنان : والله لو اني منك اني لا اطق برى
السعوديه حر حر مو طبيعي
العنود : اي حجز سلطوني سفرتنا
نجد : وين حجزتو
العنود وهي متكيه : ما راح اقول لكم
نجد : يعع ياشينكم
افنان : والله لو انكم بتروحون المريخ عاد ترى
كلها دوله معروفه
العنود : خلاص قلتيها دوله معروفه
نجد : يعني يمكن ...الخ


الساعه 11 الليل .. فالحوش كان منصور واقف
ومعه سلطان وسلمان وكانو يسولفون ..
وقف السواق قدام بيت ابو فهد ونزلت هتيف
وهي تحاول ماتطالع في منصور
ومنصور كان يطالع فيها يبي يعرف هي تجهز
ومهتمه للملكه ولا قاعده تسلك بس اليوم
راحت مع سحاب وهي وسحاب نفس اليوم
يعني جهزت حمدلله فيه اشياء كثيره تعدلت
هالايام فرق عن قبل .


بعد 4 ايام .. يوم الاحد .. فالشركه
في طاولة الاجتماعات الكبيره .. دخلت مشاعل
ونجد ما تأخرو الا خفيف ..
عزام : التزمو بالمواعيد لو سمحتو لنا شهرين
المهم انكم عارفين المواعيد ترى مره ثانيه
بخلي سعد يسجلكم غياب
مرت 10 دقايق واكتملو كلهم ..
عزام وهو يحاول ما يطالع فيها : بسم الله من
اللي جهز ومن اللي ساحب على الدوام
مشاعل مدت ملفها : انا جهزت على شرح الاسبوع
اللي فات
عزام ببتسامه : حلو من غيرها جهز
الاغلبيه ردو عليه كان ينتظر نجد بس ساحبه
عليهم وهي مسرحه يحس انها تحب من كثر
المواقف اللي صارت لهم ودموعها اللي تخونها
وفي نفس الوقت قوتها ما عرف شخصيتها
بضبط بس الشي الوحيد اللي عارفه انها مكسوره
عزام بروقان : ونجد لاهي منتبه معنا مدري وش
فايدتها الصراحه
نجد مسرحه وما درت عنه ومشاعل حركتها
نجد انتبهت وشافت الكل يطالع فيها
عزام : جهزتي شي ما اشوف معك ملف او فلاش
نجد ببتسامة استهزاء : ما حضرت الاسبوع اللي
فات اجتماعكم
عزام بتدقيق في ملامحها : ترى موب في مدرسه
ما حضرت الحصه معكم يا استاذ ترانا في شركه
وحنا نبي خبراتك ما نبي نشرح لك وبعدين تنفذين
ما تبينا نسوي اختبارات فتريه ونهائيه بعد
نجد بعصبيه : هه هه هه اضحك ولا ابكي
الكل مستغرب من جرآءة نجد وانها ما خافت
من عزام وهو مدير ويمكن يطردها في اي وقت
عزام " لو موب في خاطري اشوفك كل يوم
كان طردتك الحين وفهاللحظه " لا تضحكين
ولا تبكين افهمي معنا وساعدينا
نجد : قلت لك ابي اطلع من شركتكم هذي
بس موب راضيين انتم
عزام وهو يطالع في الملفات : لا ميتين بوجهك ترى كلها عقد بينتهي وبننساك
بان الغضب في وجه نجد وهي سافهته
كملو ونجد ابداً متعمده انها ما تنتبه معهم
لدرجة انها ما طالعت فيه ابد


هتيف صحت من صوت جوالها شافتها منى
وردت : توي مكلمتك امس شتبين
منى : امم عازمتك انتي وبنات عمك كلهم
هتيف : لو انك جيتي في ملكة العنود
كان جيتك وللمعلوميه ترى العنود زعلانه منك
منى : افف اعذريني عاد والله كنت مشغوله
وتذكرت الموعد الساعه 7 الليل وما امداني
اتجهز ابد هتوف والله ما اجي لو ما تجيني اليوم
هتيف : خلاص لا تبكين بنجيك
منى : شاطره حبيبتي اهم شي ريم وخواتها
لا يجون ما عزمتهم ترى
هتيف ضحكت : وجع حرام وش تقولين انتي
منى : هتوف اصحي وش حرام وهي مرسله
لك صورت منصور تبي تقهرك
هتيف بهدوء : شدخلنا الحين فهالموضوع
منى : هتيف مو كل مره تتجاهلين المواضيع
اللي فيها طاريه حاولي ترضين بالامر الواقع
وبعدين عيشي لا تخلين خيالك يخرب عليك
هتيف : وش خياله انتي الثانيه المهم بنجيك
9 يلا تجهزي
منى : يلا مع السلامه
قفلت منها وانا مو حاسه بأي شعور ابداً
صايره مشاعري هالايام متبلده تعبت من
التفكير صرت انتظر واطالع ببرود وراضيه
بأي شي خلاص بعد حبي ومشاكلي اللي
حصلت فالآونه الاخيره صرت احب الهدوء
واترك النقاش فالمواضيع اللي تسببت بمشاكلي

انتهى الاجتماع والكل راح واول ما وقف نجد
عزام : نجد روحي لمكتبي
نجد طالعته بهدوء : ليه انشالله
عزام : روحي وانتي ساكته
نجد راحت وهي تقول : ما راح اجي لا تنتظر عبث
عزام وقف ومسكها مع يدها : لو الله يفكك من الكبر اللي في راسك كان عشتي
نجد سحبت يدها بهدوء : من المتكبر انا ؟ ولا انت
عزام : وش تكبرت فيه انشالله كل تصرفاتي واضحه
عكسك انتي اما لقيتك تبكين او ساكته او زعلانه
مستحيل اشوفك وانتي تضحكين مع لكل
نجد : عاد هذا شي راجع لي اذا بكيت او ضحكت
م و ش غ ل ك اعيد واكرر لا تتدخل بحياتي
عزام : المهم انزرعي لي فالمكتب بعد شوي
نجد : ما راح اجي الا اذا كان فيه شغل
عزام : وش ابي فيك مثلاً غير الشغل ؟
نجد راحت وهي مقهوره ما تدري ليه انقهرت
من كلامه وهي دايم تسحب عليه وهو ما بعد
نطق حتى مشت وهي متجهه لمكتبه وهو
يمشي بهدوء وراها

دخلت المكتب .. وجلست على الكرسي
جلس وهو يحذف ملفات على الطاوله
قام وجلس قدامها : هذي كلها ختميها ورقه ورقه
نجد عارفه انه يبي يكرفها خذت الملفات وهي
تختمها وقالت بهدوء : باخذ الملفات وبروح لمكتبي ماله داعي اجلس هنا
عزام بكذب : الختم ممنوع يتعدى الباب
وغير كذا ليه حاطه نفسك مهمه لهدرجه
مو ميت عليك صدقيني عندي اللي تسواك
مليون مره ،، مصدقه اني مهتم فيك لا
بس كذا ابيك تشتغلين مثل غيرك وابيك
تعرفين قدرك ومنها تتعلمين التواضع
نجد انصدمت ما توقعت انه يحب او يمكن
متزوج او خاطب بعد ، تجمعت الدموع بعيونها
ونزلت راسها وهي تكمل تختيم للملفات
ما فاتت عزام دموعها ما يدري وش السبب
اللي يخليها دايم تبكي بسرعه مستحيل
تكون حساسه لان اكثر من مره يتهاوش معها
وعادي ما تبكي بس احياناً لا تبكي وتزعل
وما كأنها القويه اللي قبل شوي
بهدوء : ابي اعرف سبب دموعك ؟
نجد اسفهته خايفه دموعها تخونها لا تكلمت
عزام تنهد وهو يكمل شغل بس قلبه معها
موب عارف ينتبه وهو يشوفها ترفع راسها
وتلفه كل شوي عشان ما يشوف ادموعها
قاطع تأمله ناصر اللي دخل بسرعه ما قد
شاف اخوه يدخل موظف معه في مكتبه
ويخليه يشتغل الا اذا شي مهم واستغرب
اكثر يوم شاف البنت قد شافها من قبل
ناصر وهو يطالع كل شوي في نجد ويعطي
اخوه الاوراق : م كنت ادري ان عندك ضيوف
عزام انقهر من نظراته لها : اخلص ناصر وش تبي
ناصر وهو يشوف نجد منزله راسها للملفات
غمز لاخوه يبي يعرفها
عزام حس بغضب قوي وقف : تعال معي لمكتبي
الثاني بسرعه ناصر
راح ناصر معه وهو مستغرب منه دخلو للمكتب
عزام بعصبيه : لا عاد اشوفك تناظر فيها مره ثانيه
ناصر ببتسامه : ما الومك والله ! اثاريك تحبها
عزام : هذي بنت فهد السلطان لا تفشلنا قدامه
ولا تعطيها نظراتك التافهه هذي مره ثانيه
لو تقول لابوها بينقد علينا وهو صديق ابوي
ناصر : قول كذا من البدايه لاني ما صدقت انك
تحب اصلاً بس نظراتك لها خلتني افكر بشي ثاني
عزام ارتاح : وش كنت تبي ؟
ناصر : شفت الاوراق اللي قبل شوي مزورها
الحمار لا توقعها فهمت عشان ما يقولون ولد
حمد يوقع اوراق مزوره
عزام : وكيف عرفت انه هو اللي مزورها
ناصر : شفت حفيد فهد السلطان اللي
اقولك عنه اسمه محمد هو اللي فالبدايه
اكشفه في اخر اجتماع حضره ابوي وكنت
جاي معه بس يوم دخلت شفت محمد ولدهم
يهاوشه وعرفت بعدين بالموضوع من سعد
عزام تنهد : لا يكون قد وقعنا من قبل بدون ماننتبه
ناصر : لا لا هو توه جاي هالشهر ما امداه
عزام وهو باله بعيد : فيه شي ثاني بعد
ناصر : لا والله اللي رحت فيها وانا اخوك
عزام برفعة حاجب : ناصر لا تخليني افصل عليك
ناصر وهو يضحك : روح لها اكيد تنتظرك
عزام دفه ومشى متجه لمكتبه دخل وما حصلها
وبسرعه راح للملفات وشافها كلها موقعه
استغرب من سرعتها فالشغل
" انا ما استغرب سرعتها اللي استغربه اكثر انها تكرهني ليه ؟ كل البنات اللي قابلتهم سواء
في الشركه او بمكان ثاني تعاملهم غير الا هذي
كني ذابح واحد من اهلها "

عند نجد استغلت غيابه وختمت بسرعه
لانها كانت متوتره من نظراته لها وبنفس
الوقت خايفه منه يسوي لها شي
طلعت بسرعه وراحت لمشاعل
مشاعل : وينك لا يكون طردك
نجد " ليته طردني ولا نظراته اللي ذبحتني " : لا
بس خلاني اشتغل يقول انتي ما تشتغلين
مشاعل : سخيف مو كذا عاد ترى انتي اشتغلتي
نجد تنهدت : ما علينا المهم في بريك الغداء
نروح للكوفي من زمان عنه
مشاعل : عاد تصدقين البنات اللي عندهم اختبارات عطلو اتوقع
نجد : تصدقين بغيت اخذ جدولهم واشوف
متى بينقلعون مليت من الزحمه ابي الهدوء
مشاعل ضحكت : ليش زعلانه ومعصبه ؟
نجد بتوتر : صح المدير متزوج
مشاعل : لا ما اتوقع...


الساعه 1 الظهر .. في بيت ابو فهد
هتيف : لا عاد ما قد جيتيها
العنود : ترى مو معطي الحديقه وجه الا انتي
هتيف : العنود احلفي ما جيتيها
العنود : لا هو انا قد جيتها حول 4 او 5 مرات
هتيف : يعع يا شين جوك يا النفسيه روحي
لها تجنن يعني ما يشوف اللي موجود بالحديقه
الى مجلس الحريم حق عمي تركي واتوقع
المستودع اللي فوق قالت لي افنان
العنود : والله لا عاد تقنعيني ان بغيتها جيتها
هتيف وقفت : تصدقين ان الجو حلو بلبس
عبايتي وبطلع
العنود : محد يجيها روحي بدون شي
هتيف : لا احتياط حبيبتي
طلعت تلبس عبايتها وشافت رسايل سمو
بسرعه اتصلت عليها وردت : اهلين اخبارك
سمو : غريبه متصله
هتيف : شفتك مستلمتنا بالقروب بالسنابات
فالحديقه وتحمست اروح لها عندك احد
سمو : لا ما عندي احد تعالي اصلاً افنان
بغرفتها تقول بتنام وعزوز ومنصور مو فالبيت
واصلاً الحديقه ما يجيها احد الا انا ومنصور
هتيف توترت : اهم شي ماعندك احد الحين
لان مالي خلق انزل بعبايتي
سمو : لا تعالي بسرعه صح حر بس عادي
هتيف : يلا نازله
قفلت منها وفسخت عبايتها ونزلت تحت
العنود : بتروحين بهاللبس
هتيف طالعت في نفسها كانت لابسه قميص
لنص الساق ، بينك ولافه شعرها باهمال : عادي ماراح اقابل الا سمو
العنود : لازم تتكشخين ترى يمكن يسولفون
عنك عند منصور انتبهي
هتيف بدون اهتمام : عاد كنه يهمني
دخلت المطبخ وخذت ببسي اثنين وطلعت
هتيف وهي تعطيها : هايي ي حلوه
سمو : ياعمري يا ناس ليه تكلفين ع نفسك
هتيف : ترى كلها ببسي
سمو : اي سولفي علي ترى طفشت
هتيف : عندك شي اليوم
سمو : لا ماعندي الا التبن
هتيف ضحكت : يعني اقول ما تعرفين تتكلمين
سمو : ياختي تعبت من الجامعه يالبى الثانوي
هتيف : بتمر بسرعه معليك
سمو بسرعه : منصور الثاني بتمر بسرعه
وتمر بسرعه ماعنده غير هالنصيحه
هتيف غيرت السالفه : منى صديقتي عازمتكم
وتقول تبي تشوفكم ارسلت لكم في القروب
سمو : وين الرساله ماشفتها فالسناب ؟
هتيف : لا واتس انتي لو تريحين السناب شوي
سمو : شفيكم حاطين القروب ليه ؟ ترى مو
مونسكم الا انا وحور واثوره
هتيف برفعة حاجب : ماعاد راح اهاوشك
الا دلع اثوره لا تقولينه
سمو ضحكت : لا اسمعي اثير تكره الدلع هذا
وانا اي شي يغث الناس استمر فيه
هتيف : شاطره فالغثاثه بس
سمو جلست بحماس : كنا بالمدرسه وقلت اثوره..


وقت البريك نزلت انا ومشاعل للكافي
دخلت وانصدمت يوم شفته قدامي
سحبت مشاعل وانا اصرفها ما ابيها
تنتبه لي ابد بس الخبله دخلت غصب
وانا طلعت ووقفت برى وانا منقهره منها
دايم عكسي من ايام الثانوي وهي فاضحتني
افف حتى انا حاسه اني مخنوقه من كلامه
طلع بس يبي يكرفني مو مهتم لي ابدا
حسيت دموعي بعيوني تجمعت وسمعت
صوته : شفيك ؟ مادخلتي وليه هالدموع
جلست ارمش بسرعه ما ابيها تخوني هالمره
ولفيت : ما فيني شي
مد لي كافي ونفس طلبي دايماً كيف
عرف اني ما احب الا هذا كل يوم يصدمني
نجد : مشكور ما ابيه
رفع حواجبه : بترديني عيب هالحركه
نجد : العيب اني واقفه معك فالشارع
كبرت في عينه كثير تنهد : اعتبريه دين وبترجعينه
لي يوم من الايام
هو غبي ولا يستغبي يقول كلام خارج الموضوع
قلت : لا شكراً ما تفهم انت
عزام : الحين ابي اعرف ليه تكرهيني ؟ وش سويت
نجد تنهدت : وش بيني وبينك عشان اكرهك
عزام : يعني اقرب مثال يوم شفتيني دخلت
الكافي طلعتي بسرعه ومو اول مره تسوينها
نجد سكتت لانها فعلاً م عرفت ترد يمكن
ماتبي تواجهه او تواجه مشاعرها ..
عزام سحب يدها وحط الكافي وجمع اصابعها
عليه وهو مبتسم على توترها وخجلها الواضح


دخلت البيت وسألت الخدامه عن امي وابوي
وقالت لي طالعين وافنان بغرفتها وسألتها
عن سمو وقالت بالحديقه قررت اروح لغرفتي
بس تراجعت ابي اسولف مع سمو انشالله
تجيب طاريها اعرفها دايم تتعمد تجيب طاريها
عندي توجهت للباب الخلفي وطلعت وانا
اسمع سمو تتكلم وتضحك جاني الضحك وانا
ما عرفت السالفه قطعني صوت جوالي ودخلت


سمو : والله يهبل الجمبسوت بس ماضبط لا علي ولا على افنان وقلت بشوف البنات
هتيف : طيري جيبيه تحمست
سمو وقفت : يلا لونه لوحده يحمس
راحت سمو تجيب الجمبسوت ...

منصور : الو هلا فارس
فارس : بطلع للاستراحه امرك
منصور : لا وين ابي انام تعبان صاحي من 7
فارس : بكيفك بس ترى الشله كلها موجودين
منصور : مره ثانيه انشالله
قفل منه وطلع من جديد وهالمره ناوي
يسأل سمو علني مع انه داري انها بتفضحه
طلع وجلس بسرعه جمبها بدون ما ينتبه
لفت هتيف وبضحكه : جبت..
طاحت عيني بعينها من زمان عن وجهها
اللي يجيب لي السعاده واللي احبه بكل تفاصيله
هتيف لفت وجهها وغطته بيدينها : لا تطالع
منصور بتوتر : كنت احسبك سمو
هتيف برجى : طيب روح
منصور : ابكي بعد ترى زوجك فالنهايه انا
الا اذا انتي تنتظرين احد هذا شي ثاني
هتيف وهي ماتبي تمشي قدامه لان لبسها
مره قصير : منصور روح بالله لا تجي اختك وتشوفنا
منصور تنهد ومشى وانطحته سمو المنصدمه
سمو ضحكت : وانا اقول هتيف ليه عطتني وجه
اليوم وجابت لي ببسي كل ذا عشانك
منصور سفهها وكمل وهو فيه ضحكه من اخته
الغبيه واللي يضحك اكثر ان هتيف بتنقهر
هتيف لفت ع سمو : اكلي تبن وش ذا الكلام
سمو جلست : وجهك طماطه وش قايلك المسعد
هتيف : الله ياخذك انتي والمسعد معك قولي امين
وبسرعه : اخلصي علي بروح لبيتنا ولا راح اجي
مره ثانيه للحديقه التافهه
سمو وهي تعطيها : افف افف روقي حبيبتي اخوي
واضح لعب في اعداداتك
هتيف حذفت الجمبسوت عليها ومشت وهي منقهره وسمو ميته ضحك


دخلت داخل وبسرعه على غرفتها واول
ما جلست دخلت عليها العنود
العنود نطت على السرير : هيه وشفيك دخلتي كذا
هتيف : قابلت منصور وبعدها ..... قالت كل شي
هتيف برجى : تكفين شقصده بذا الكلام
العنود : وانتي ليش مارديتي عليه انشالله
ودافعتي عن نفسك ياغبيه
هتيف بحزن : اليوم اكتشفت اني م اقدر اتكلم
معه حتى وما ابيه ابد زوجي بعد
العنود : لا مو كذا يا دلوعه اذا قالك مره ثانيه
هالموضوع عصبي عليه وردي ودافعي عن نفسك
هتيف : الله ياخذ بليسه هو وش مفكرني
عشان انتظر احد غيره
العنود : لا ما اتوقع وهو عارفنا تربية محمد
هتيف : خلاص راسي صدع منه والله لا فاتحه
بهالموضوع بس خلي الملكه تجي
العنود : اهم شي عامليه كزوجه وفهميه انك
ما تنتظرين احد
هتيف وقفت : يخسي والله ، انا اعرف اتفاهم معه
العنود وقفت : اصلاً انا وش خلاني اتدخل بينكم
هتيف غصب ضحكت : انقلعي بنام
العنود : أذان العصر ما تسمعينه
هتيف : بصلي وبنام تطمني

البارت طويل 👀
لعيون سراب والله ❤.


هاجر جوده غير متواجد حالياً  
التوقيع
"وعسى أن تكرهوا شيئاً وهو خيرٌ لكم." ❤




رد مع اقتباس
قديم 03-02-21, 03:11 AM   #42

هاجر جوده

مشرفة منتدى الروايات المنقولة

 
الصورة الرمزية هاجر جوده

? العضوٌ??? » 402726
?  التسِجيلٌ » Jun 2017
? مشَارَ?اتْي » 1,915
? الًجنِس »
? دولتي » دولتي tunis
?  نُقآطِيْ » هاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond repute
افتراضي


«الـبـارت الـسـابـع والـثـلاثـون»

بعد المغرب في بيت ابو سلطان ..
حور : سلطان البنات ينتظروني خلني اسوي شعري
سلطان وهو يشوف الفير : الحين هذا كيف تشغلينه
حور : نشغله مثل ما تشغل سيارتك
سلطان : تقارنينه بسيارتي ياخبله
حور : انا وش اللي سويته وعطاني هالاخوان
محمد تسند على الباب : اكيد انك متصدقه
حور : بسم الله الرحمن الرحيم
محمد : يوووووه لا تذكرت انك عطلتي انغبن
جت سحاب ومع اسوارتها : محمد ركبها
محمد ركبها باهتمام : ضبطت ولا لا
سحاب طقته ع كتفه بالخفيف : اطلق اخو
جاء سلطان ومعه الفير : حتى انا اقدر ازين شعرك
بس اجلسي انتي
سحاب ضحكت : كلكم اطلق اخوان
حور دمعت من الموقف تحمد ربها الف مره
على اخوانها اللي مزينين حياتها
محمد باستغراب : حور شفيك
سلطان بسرعه لف : عشان الفير خلاص يا قلبي
ازينه لك انا حلفت انتي بس اجلسي
جلست على الكرسي وهي تطالع فيهم بطفوله
سحاب : يا عمري يالكياته شفيك تبكين
محمد نط على الطاوله : اسمعي ياقلبي معك
وقت الساعه توها 7 وش موديكم من الحين
حور بصوت متقطع : لا بس احبكم
سلطان : وش ماكله حور اليوم
محمد تقطع قلبه عليها عارف انها تحبهم
والخوف كله انها تفقدهم وبمزح : يلا اسواراتك
تركيبها علي ترى اعرف
كملو وهم يساعدون حور وسلطان كل شوي
تحترق يده من الفير ويدعي على اللي سوت
العزيمه ومحمد بطقطقته المعتاده يضحكهم
ويساعد حور بلبس الاسوارات وسحاب
جالسه تضحك وتحط مناكير


في بيت ابو سلمان .. في غرفة اثير
لاول امره احس بشعور ان عندي اخت
ريم من العصر وهي تجهز اغراضي وتساعدني
تغيرت كثير عن قبل لي شهر بضبط وانا كل
يوم اسولف معها قبل يا اني اجلس فالبيت
او اطلع مع البنات بس اني انزل فالصاله
او اتمشى فالبيت لا لاني كارهه البيت قبل
عكس الحين اتحمس لان ريم فيه وسلوم
مايقصر بعد بس لانه مشغول اطفش كثير
المهم ما علينا الله يتم ريم وعقبال الهنوف وامل

في بيت ابو عبدالعزيز .. فـالـصـالــه !
سمو وهي مخلصه بس ناقصها تحط مناكير
وجالسه تطالع في الفيديوهات اللي ارسلتها حور
وبسرعه شافت منصور : قبل دقيقه حور
تكلمني وقالت ان اخوها محمد مركب اسوارتها
وسلطان مسوي شعرها ويفي
منصور جلس : اروح اساعدهم يعني ؟
سمو : قوم حط لي مناكير حور تقول اخوانك
نفسيه يالله يحركون انفسهم تبينهم يساعدونك
منصور مات ضحك : حور ذي تبيني التفت لها
جاء عبدالعزيز : شفيه ؟
منصور : تخيل تبيني احط لها مناكير
سمو : ليه انشالله بتموت ولا بتروح كرامتك
صح اهم شي الكرامه والشهامه والفروسيه
عبدالعزيز : الفروسيه بتخليني احط لك مناكير
قام وتربع على الكنب قدامها وفتح المناكير
وبدى يحط لها ومنصور طلع فوق لافنان

عند افنان اللي تحط اخر لمساتها ..
منصور : وش ذا الزين وين بتروحون ؟
افنان بنظره : بنروح عند صديقة هتيف
منصور : طيب وش ذا النظره ذي ؟
افنان وهي تلبس عبايتها : لا م فيه شي
منصور : عباية سمو وينها
افنان : افف حمدلله انك ذكرتني اجيبها معي
منصور : لا انتي خلصي وانا بنزلها لها
افنان : شوفها على الطاوله هذي
خذاها منصور ونزل وهو يطالع في ردة فعلها
سمو : ليه جايبها يمكن كرامتك تروح
منصور : يالدلوعه اخذيها وفكيني من ازعاجك
احمدي ربك تعنيت لك ولا انا ناوي م انزل
سمو : منصور لاعاد تكذب عشان تدخل الجنه
منصور : بدخلها انشالله من دونك
عبدالعزيز : الحين الزعل هذا كله عشان مناكير
منصور : ياغبي السالفه تحدي حور تقول
ان اخوانها يساعدونها وسمو انقهرت
عبدالعزيز : اها السالفه كذا عادي سمو
اهم شي نحبك ونعزك ونغليك
سمو : عادي حور اخوانها يحبونها ويعزونها
ويغلونها وساعدوها ما فيه مشكله
منصور : الحين ابي افهم انتي غيرانه ولا منقهره ؟
سمو : منقهره لانها حاطتكم نفسيات وانتم فله
عبدالعزيز : اهم شي انطباعك انتي عنا
سمو وقفت تلبس عبايتها : صدقوني ما منكم
فايده اشكال بس
منصور وعبدالعزيز : ههههههههههههههههههههههههه ههههههههههههههههههههههههه هههههههههه
افنان نزلت : اطلعي بسرعه
عبدالعزيز بضحكه : الحين العشاء تونا مصلينه
افنان : بنتجمع اول شي في بيت عمي محمد
سمو طالعت في منصور اللي التفت باهتمام : بسم
الله على رقبتك لا تنكسر
منصور رفع حواجبه : لا سمو كارهتني اليوم ...



عند منى اللي جهزت كل شي وهتيف شرطت
عليها انهم يتجمعون فالملحق ...
طلعت فوق وتجهزت ولازم تكشخ لانها اول
مره تقابلهم … بعد نص ساعه جهزت
اتصلت هتيف عليها وردت : اهلين وينكم
هتيف : لحظه امك موجوده
منى : امي والله ودها تقابلك بس خالتي عزمتها
وابوي مسافر مع عبدالرحمن
هتيف ضحكت : مع مين
منى : تكفين لا تلصقينه فيني ترى من جد بذبحك
هتيف : والله م ادري عنك بس اسمعي افتحي
الباب مالنا خلق نوقف ساعه عند الباب
منى : ماشالله استاذه هتيف متى جلستي في
شارعنا بالساعات
هتيف ضحكت : لا يا عمري احتياط بس ترى
اعرفك بتنسين انك عازمتنا ولا قلت لك شي
قلدت صوتها : تصدقين اني انسى كثير
منى ضحكت : موب كذا صوتي ياحمار
هتيف : اقول شكلنا وصلنا افتحي الباب
منى قفلت وقالت للخدامه تفتح الباب
وهي راحت تشوف التجهيزات وش صار عليها

نزلو البنات من السياره ووقفهم صوت السواق
قال : انا فيه روح مع بابا محمد شوف احد
يجي ياخذكم
هتيف : خلاص انت روح وفهد بيجيبنا
افنان : حتى سواقنا بيروح مع عمي محمد
هتيف وتدق الجرس : لا عادي بيجيبنا فهد
فتحته الخدامه ودخلو داخل
جت منى : اهلين منورين
سلمت عليهم كلهم ووصلت عند العنود اللي طقتها
العنود : انتي تستهبلين ولا تستهبلين منجدك م
حضرتي ملكتي
منى ضحكت : فشلتيني عند بنات عمك خليني
استقبلهم وبعدين بنتفاهم
هتيف : شوفي هذي الطويله سحاب والثلاثه
اللي ورى من يمين حور واثير وسمو وافنان
وعمتي الحلوه نجد
منى : واو ياحلوكم والله تفضلو هناك وانا جايتكم
الحين وترى بنات خالي بيجون
هتيف بصوت خفيف : تبيني اجي معك للمطبخ ؟
منى : اي تعالي تكفين

اتجهو البنات للملحق .. فالمطبخ
منى رن جوالها وردت : هلا جوجو يلا متى بتجون
افف بعد ساعه تستهبلين يلا انتظرك بسرعه
قفلت منها وقالت : حمير بيتأخرون
هتيف : خاطري اشوف جوجو هذي
منى : بتشوفينها بعد شوي المهم خذي صينية
القهوه وخلينا نروح تأخرنا
هتيف خذتها : يلا تعالي

ادخلو فالملحق وبدو شوي شوي يسولفون
ويندمجون مع بعض
منى : بس تصدقون على كثر ما تكلمت عنكم
عرفت شخصياتكم وشفت صوركم بس على
الطبيعه غير
افنان : انشالله الى الاحسن
هتيف ضحكت : يعني بتقولكم شينات
منى : لا يعني بس فالصور غير عن الحين ولا
انتم ماشالله كلكم حلوين
سحاب : عمري والله حتى انتي تهبلين
سمو : الا بسألكم انتم نفس التخصص
منى : اي مثل بعض
حور : من متى وانتي تعرفين هتيف
منى : صادقتها وانا عمري 14 هو فالبدايه يوم
دخلت بمدرستنا كان الاغلب عربي فالكلاس
بس هي غير سعوديه ونفس كلامي تعجبت
اني بلاقي وحده مثلي المهم تعلقت فيها
وخليتها غصب تصير صديقتي وكل ما قالت
ياليتني فالرياض عند صديقاتي اهاوشها اقول
هنا احلى لاني فعلاً كنت احتاج احد مثلي
سحاب : ما اذكر هتيف عندها صديقات فالرياض
هتيف ضحكت : هو انا عندي شله كامله بس انا ساحبه عليهم ما اعترف بالصداقه كنت مصاحبه
العيال اكثر يعجبوني
سمو : مصاحبه منصور الله يحفظك وتبين
تجين مع البنات بعد
منى عرفت ان هتيف توترت : المهم يعني كانت
تبيكم بس انا غصب حببتها فالمدرسه
هتيف : بنات والله مدري كيف تقبلت البنات
اللي معي تخيلو انهم عرب وما افهم كلامهم
منى ضحكت : حتى سوالفهم غريبه بس حمدلله
فتره وعدت وافتكينا
هتيف : عمتي شفيها ساكته من اليوم
نجد : وراي دوام وابي النوم وما ابي تفوتني
جمعتكم وزائد اني ابي اشوف منى
منى : ياعمري والله حتى انا اسألو هتيف اقولها
ابي اشوفهم وجهاً لوجه ما ابي صورهم
سحاب ضحكت : تصدقون حتى انا ابي انام
منى : لا ياحلوين مسويه بوفيه كامل هنا
تعشو وبعدين تبدا سهرتنا
نجد : يمكن اكل عشانك بس اتقهوى لا
قاطعهم صوت جوالها وهو يرن
منى : هلا وصلتو يلا الخدامه بتفتح الباب
وقفت وراحت لهم وهي تسلم عليهم
وجد : من زمان عنك
منى : بنات عم صديقتي وعمتهم موجودات
وصايف بصدمه : عمتهم جايه معهم
ضحكت منى : عمتهم صغييره ياغبيه
وجد : ماعلينا شكلي حلو
منى : كلكم تهبلون اهم شي بسرعه ادخلو
دخلو الملحق مع بعض ..
منى : هذي وصايف وهذي وجد
سلمو عليهم وجلسو يسولفون
سمو بصدمه : انتي فالجامعه صح
وجد ضحكت : ايه حتى انا اعرفك
سحاب : وانا بعد قد شفت وصايف
وصايف : ايه انتم معروفين فالجامعه
هتيف لفت ع منى : الحين هذي جوجو اللي تقولين
منى ضحكت : اي مالقيت لها دلع
وجد : اسكتي تكفين اهاوشها كل يوم والسبب جوجو ماتو والله اللي يقولون جوجو
اثير : صح اسمها هناك وجوجو هناك
منى : بالله وش الدلع اللي يناسب اسمها
وجد : اسمي لوحده دلع
وصايف : تصدقون امنيتي جمعت بنات وسوالف
وجد : صح لان بنات خالاتي وخوالي صغار واغلبيتهم عيال وما عندنا الا منى وسافرت
هتيف : خلاص جمعتنا الثانيه عندي
وصايف : والثالثه عندنا عاد اذا جيتونا جيناكم
العنود : انتم 2 بس واحنا كثير ....
بدو يسولفون مع بعض ....


الساعه 12 ونص ..
شاف اسم المتصل ورد بسرعه : هلا فهد
فهد : توني حاط راسي ويتصلون البنات علي
تقدر تجيبهم
منصور بصدمه : ما ارجعو للحين
فهد : الساعه بتجي وحده يا رجال بالله جيبهم
منصور : والسواق وينه
فهد : مع ابوي
منصور : خلاص يلا بجيبهم
قفل منه ونزل يكفي انه بيشوف هتيف
كان لابس ثوب اماراتي لونه كحلي وما عليه شماغ


عند البنات اللي واقفين برى ينتظرون
العنود : اتصلي على فهد تأخر
هتيف : هو قال طيب بجي ما يحتاج هالازعاج
سمو : بنات الميكب اوڤر تغطو احس عيب قدام فهد
حور : صح اول مره استفيد من سمو
وقفت السيارة وركبو البنات ..
سمو بشهقه : اخوي صح
ضحك منصور : ايه اخوك تطمني
سمو فكت شيلتها : افف وناسه
منصور طالع فالمرايه وشافها بمكياجها وجمالها
الباين ووجها المصدوم وهي تناظر سمو وبسرعه
حطت شيلتها على وجهها
حور : ابن عمو بليز تمر البقاله
منصور : تامرين يابنت عمو
سمو : شفتي ان اخوي منه فايده وانتي تقولين
ما يساعدك ابد
منصور ضحك : ايه ياحور وش فيك علي
حور : ترى اختك تحب تزود فالسالفه انا ما...
قاطعتها سمو : لا اله الا الله اللهم اني اعوذو بك
من الكذب ياحور توني ناصحه منصور عن الكذب
وش قلت لك يامنصور
منصور : تقول سمو ان اللي يكذب يدخل النار
حور بضحكه : لا ما كنت ادري
اثير : معلومه جديده الصراحه
وقف عند البقاله : شتبون ؟
اثير : على ذوقك
نزل منصور ودقايق وهو راجع ومعه 4 اكياس مليانه
حور : اخوك ما سمى بالرحمن
اثير : صدقوني حور ما يملى عينها الا التراب
منصور وهو يركب : صدقتي والله
حور : لعيون الاكياس هذي بسكت .... الخ

اليوم التالي فالشركه .. في غرفة الاجتماعات ..
دخلت موظفه وطقت الباب
عزام : مرت ساعه على الاجتماع و
قاطعهم دخول نجد : سلام
ردو عليها الكل
عزام : بدري يا نجد كان ما جيتي
نجد : ما كنت ادري عن اجتماعكم
عزام : حتى ولو مافيه اجتماع لازم تجين بدري
نجد : انا بطلع بعد شهر واسبوعين من الشركه
يعني لا تشد حيلك وانت تهاوشني
الكل استغرب لهجتها الحاده معه
عزام بهدوء : ادخلو .. وكمل ولا كأنها قالت شي

بعد ساعه .. خلص وبدو الموظفين يقومون
وقفت نجد وطلعت بسرعه م تبيه يكلمها ابد
خذى اوراقه وراح للمكتب .. مرت ساعه
ووقف وهو متجهه للكافي يبي يشوفها
وفعلاً اول مانزل شافها متجهه له بس مشكلته
صديقتها ما يدري كيف يصرفها وبسرعه
اتصل في سعد يضبط وضعه


فالكافي .. كانو متقابلات ومشاعل تسولف
ونجد ابد مو معها مسرحه في عالمها الثاني
مشاعل : ياحلوه اكلم مين انا
نجد : شفيك كملي اسمعك انا
مشاعل : ماعلينا ابيك تجيني فالبيت اليوم
نجد : تصدقين ما نمت الا ساعه ونص وصحيت
عشان الدوام وامس كنا عند صديقة هتيف
يعني اليوم برجع للبيت وبنام
مشاعل : تكفينن وبعدين ابيك تشوفين الملابس
اللي قلت لك عنها يمكن فيه شي يعجبك وتاخذينه
نجد وهي مفهيه : تصدقين بروح للمكتب وبنام
فيه ولا خلص وقت البريك صحيني
مشاعل : يعني مافادتك القهوه
نجد وقفت : انا انام في اي وقت
مشاعل : خلاص روحي وانا بلحقك بعد شويي
اتجهت نجد لمكتبها وحطت راسها على الطاوله
ونامت بسرعه

افف من شفتها طلعت قلت ذي وين بتروح
بس شفتها راحت للمكتب اتصلت على سعد
يضبط وضعه مع مشاعل ..

مسعود : الو استاذه مشاعل
مشاعل : مين ؟ انت سعد
سعد : استاذ سعد لو سمحتي
مشاعل : طيب شفيه
سعد : انتي وينك الحين
مشاعل : ليه ؟ الحين البريك
سعد : خلاص حنا محتاجينك وبنزل الحين
ومعي ملفات ابيك تخلصينها
مشاعل : ما يحتاج بجي الحين
سعد : خلاص انا طلعت من الشركه
مشاعل : الكافي انت عارفه ما يحتاج
سعد : يلا جايك انا


دخلت وشفتها داخله بنومه عميقه اول مره
اشوفها كذا مو معصبه او تبكي اليوم وجهها
هادي ومستحيل اصحيها واضح انها تعبانه
رن جوالها واسم المتصل محمد جلست اتذكر
مين محمد اللي متصل عليها معقوله متزوجه
وهي ماشالله حتى الجوال ما صحاها .. طلعت
وانا ناوي اقولها وافتك ما لي خلق كل يوم
اسكت عشانها بنت صديق ابوي ..

مرت نص ساعه وطلعت مشاعل ورجعت
الملفات لسعد ودخلت لمكتبها
مشاعل وهي تجلس : نجد قومي خلص البريك
ماردت عليها وقفت وهي تهزها وصحت نجد
ع الخفيف : انتي شفيك علي خليني انام
مشاعل : حبيبتي حنا مو بالبيت في الشركه ترى
صحت نجد بسرعه : انا بستأذن معليش ابي انام
مشاعل : ترى والله ان يذبحك باقي اسبوع على
رمضان ترى
نجد : وبعد تبيني اداوم في رمضان
مشاعل : عادي دوام ابو 3 ساعات
نجد اتجهت للمدير وهي متوتره بس النوم ذبحها
طقت الباب ورد عليها ودخلت وشافت صدمته
نجد : ابي استأذن
عزام وهي يركز في ملامحها التعبانه : اصلاً حتى
بكره وبعده لا تجين لان خلاص بفسخ العقد حتى
الشهر اللي باقي لك مسموحه فيه روحي مانبي
وحده تغيب وما تشتغل
نجد انصدمت كيف يطردها بسرعه : حلو الله
يبشرك بالخير
عزام بقهر : خلاص وقعي عند سعد وخلصي
امورك وانا موب فاضي اخلص لك شي
نجد رفعة حواجبه : اول مره اشوف التوقيع يجي
من السكرتير بس عادي اهم شي افتك منكم
طلعت بسرعه وهي مصدومه واتجهت لمشاعل
مشاعل : وافق ؟
نجد : لا طردني ما عطاني فرصه اتكلم معه
مشاعل : احلفي لا تكفين انا مبسوطه ان باقي شهر
نجد ابتسمت : اليوم بنام وبجيك فالليل وبعده
دورك تجيني انتي يعني ماراح تفتكين من وجهي
مشاعل : بس هنا غير
نجد : انشالله خيره لي طفشت من الدوام ترى
مشاعل بحذر : لو اعزمك على الغداء بتوافقين
نجد وهي تفتح الباب : بذبحك لو قلتيها مره ثانيه
بعد نص ساعه اطلعت واتجهت للبيت وقفلت
جوالها ونامت

في مكتب منصور .. كان جالس وبيده سلسالها
ومقرر انه يلبسها فالملكه ويقولها كل شي ..
كان يكابر في مشاعره باتجاهها بس الحين
صامل انه يقولها حتى لو ما تحبه مع الايام
بتتعود عليه وبتحبه خصوصاً انه بيتملكها
امس طلب البوم الصور من افنان وشاف صورهم
كانت معه في كل صوره وضحكتهم توضح فرحتهم
مع بعض كان يسحب على خواته ويروح معها
ويدافع عنها وبعد غيابها اذا اذكرو اسمها الكل
يطالع فيه وكأنها شي يخصه من كثر ما كانو
مع بعض .. بس الغريب ان كل شي تبخر ..

بعد 6 ايام اخر يوم في شهر 8 ويبدا شهر رمضان
في بيت الجد .. الساعه 8 الكل مجتمع عنده
في مجلس الرجال ..
الجد : نبي نروح المزرعه كلنا ونجلس اسبوع
فيها اختارو متى تبون
منصور : خلها بعد بكره
الجد : ترى رمضان هناك غير
سلطان : اي والله بس العشر الاواخر لازم نكون
موجودين ورانا اشغال وعرس
محمد : ما حددت متى ؟ غبي انت
سلطان : قررت اخليه 10/4 مناسب انشالله
الجد : كلام نهائي
سلطان : اذا ماعند عمي مانع تم
ابو فهد : لا والله م عندي مانع تم
محمد : عاد من زمان ما رقصنا العرضه النجديه
الجد ابتسم : عاد جهزو سيوفكم نبي نشعل الحماس هذا حفيد فهد السلطان
سلطان ابتسم : الله يخليني لكم قولو امين ولا
كان الحين ما انتم براقصين حتى
منصور : لو ما تزوجت بيرقصون لا تملكت انا
سلطان : تقول موب متملك في ذا الدنيا الا منصور...


في بيت ابو عزام ..
وجد : يمه منه متكهرب له اسبوع
وصايف : والله ماعاد يضحك كل شوي معصب
وجد ضحكت : تخيلي هو من جاء من سفرته
الاخيره وهو يضحك معنا ومر هالشهرين تمام
عاد امس توقعت اخوي مثل ما عهدته الا يوم
صدمني وهو يصارخ علي وانا انتفض وادخل
غرفة نصور من الخوف اعوذ بالله من صوته الطويل
وصايف : ياحلوه ما شفتي عصبيته علي قبل
3 ايام وكلها عشان شماغ ولا اليوم من الخرشه
سلمت عليه وهو وجاي من المسجد
ضحكت وجد : ايه وش تحسين فيه بالله
انا قلت شكله سافر وما قال لنا
وصايف : يابنت طلع في وجهي فجأه وم لقيت
نفسي الا وانا ماسكه راسه
وجد ضحكت : الصراحه انتي فضيعه ما
قد شفت احد خواف مثلك انتي بالذات .... الخ


هاجر جوده غير متواجد حالياً  
التوقيع
"وعسى أن تكرهوا شيئاً وهو خيرٌ لكم." ❤




رد مع اقتباس
قديم 03-02-21, 03:13 AM   #43

هاجر جوده

مشرفة منتدى الروايات المنقولة

 
الصورة الرمزية هاجر جوده

? العضوٌ??? » 402726
?  التسِجيلٌ » Jun 2017
? مشَارَ?اتْي » 1,915
? الًجنِس »
? دولتي » دولتي tunis
?  نُقآطِيْ » هاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond repute
افتراضي


«الـبـارت الــثــامـن والـثـلاثـون»

في بيت ابو فهد ..
هتيف وهي تكلم : يلا بقولها ، مع السلامه
جت العنود : قفلت يوم اني جيت انتي واضح
تكلمين منصور من ورانا
هتيف ضحكت ، العنود : شفتي م عاد يمديك تكذبين علي اصلاً واضحه
هتيف بضحكه : فهد يقول قولي للعنود 10/4
زواجها خليها تتجهز
العنود بشهقه : لا ابيه 20 تكفين هتيف قولي له
هتيف : قولي له انتي زواجي ولا زواجك
العنود : مستحيه والله
هتيف : معليك بنساعدك وانتي حلوه ماشالله
العنود : والله ببكي وسلطان الكلب والله لا اعلمه
هتيف : اف عنودتي اهدى من كذا ترى منجد
وش تتوقعين بيصير بعد الملكه اكيد زواج
العنود : يعني على الاقل 3 شهور احس ما تجهزت
هتيف : وش الفرق ياعمري ترى 20 قريبه بعد
جلسو يتناقشون فالموضوع والعنود منقهره


الساعه 12 الليل وصلت نجد اللي توها جايه
من صديقتها مشاعل وسمعت صوت فالمحلق
دخلت راسها : يا السلق مجتمعين من دوني
هتيف : لا هذا اجتماع طارئ
نجد : افف لا تذكريني في الاجتماعات
العنود : انتي مو مطروده
نجد حذفت عليه شنطتها : وتقولها بعد انا بنت
فهد السلطان م انطرد انا اللي طالبه هالشي بس
سكتت بتوتر قالث اثير : بس ايش
نجد تربعت : بس اليوم انطردت من جد
ضحكت ريم بصوت عالي لفت عليها نجد : اضحكي اصلاً عادي اضحكو كلكم ما يفشل ترى
حور ضحكت : انطردتي مرتين يعني
نجد : لا والله انا اشتغل وشغلي كويس بس
مشكلتي اني اتأخر حتى فالجمعات ما تلاحظوني
انا اجي اخر وحده
سمو : الحين خلاص م راح تداومين صح
نجد : لا فكه اصلاً ابي انام انا
هتيف : اصلاً انا عارفه ان النوم وراثه فينا
العنود قاطعتهم بحزن : بنات انتم عارفين موعد
الزواج انا راح اعفي عن سحاب وحور لانهم بيتعبون
مع الزواج اما الباقي بيساعدوني انا
ريم بابتسامه : تم انا بوقف معك
ابتسمت العنود : عمري والله شكراً
نجد ابتسمت على التغير اللي حاصل لريم : اوكيه
اول شي انا بوزع المهام على البنات
سحاب : العنود ترى انا وحور طلبنا اخر شي
من شركة تنسيق تنسق لنا الزواج بأكمله يعني
م راح نتعب الا في التوزيعات
حور : التوزيعات سهله ما عليكم
هتيف تربعت : اصلاً لو انه زواجي كان قلت
غصب بتساعدوني م راح اخذ رايكم
سمو : اني عارفه ان م عندك اسلوب
هتيف ضحكت : م راح ارد عليك اول شي الفساتين تروح العنود ونجد وسحاب يختارونها ثاني شي
البجايم علي انا والجينزات والتيشرتات
بشكل عام على ريم والميكب والعطورات
علي انا بس بمساعدة افنان ام الثلاثي لكم
الشوزات والشناط سواء حقت سفر او عاديه
نجد : ماشالله كيف فكرتي كذا
هتيف ضحكت : ترى اللي مونسني انكم ذويقات
يعني ضامنه انكم بتحلونها بعد الله
سمو : ترى بنروح بعد العشاء عشان رمضان وكذا
العنود : عمري والله ، الله يسعدكم
افنان : ماعلينا موضوع العنود وخلصناه بس
الحين وش ناكل مالي خلق كبسه ابي من برى
سمو : بطلب انا شوفو العيال بياكلون معنا
هتيف سحبت جوالها : عاد اخوي هالايام عزوبي
اتصلت عليه : الو فهود كيفك تبي عشاء
ترى بنطلب واسأل العيال معك اوك خلاص
ارسل طلبكم واتس
مرت دقايق وجتها رساله ( انا ابي مثلك ولا طلبتي
قولي لي الطلب عشان اخذه قبل العيال يسرقونه )
ابتسمت بدون شعور وتفاجأت بالبنات يطالعونها
افنان : الله يخليكم لبعض
هتيف استغبت : تصدقون مبسوطه انها صديقتي
منجد اخت مو صديقه احبها منو
افنان صدقت وهي تضحك : محظوظه فيها
سمو :افنان وهتيف الغاز
حور : واضحه سولفت عن صديقتها
نجد : ياحبكم للمشاكل اقول شتبون بقول
للسواق يروح لماك
هتيف : اطلبي سلطة سيزر وكثري منها
نجد : ايه خلي هذي والبطاطس بعد بس ابي
طلبكم الاساسيي
هتيف بخوف : اطلبي لي 2 تشيكن برقر
والعيال يبون برقر وكلهم على ذوق فهود
الا فهد يبي مثلي
نجد : اها طيب البنات وش تبون
سمو : خلاص اطلبي لي ساندويتش تشيكن
حور واثير وريم وافنان : وانا مثلها
العنود : انا خلاص ما ابي
سحاب : وانا بعد
نجد اطلبت لهم كلهم ..

بعد نص ساعه جاء السواق ومعه العشاء
جابته الخدامه لهم وزعوه وارسلت طلب العيال
مع الخدامه وهتيف متوتره وبسرعه ارسلت له
وجلست تتعشى مع البنات وهي تحس ان الشعور
بحبه كل شوي يزيد اكثر من كذا

عند سحاب ( تعشيت ؟ )
عبدالعزيز ( لا اتصلي م ابي العشاء )
سحاب ( اول شي تعشى وبعدين برسلك م راح
اتصل )
عبدالعزيز ( اولاً ليه ما تعشيتي ثانياً وش الفرق
بين الاتصال والرساله انا زوجك )
سحاب ( ما تعبت وانت تعيد نفس الموضوع )
عبدالعزيز ( صدقيني الزواج شهر 11 )
سحاب ( ههههههههههههههههههههههههه ههههههههههههههههههههه تخيل )
عبدالعزيز ( اضحكي وشوفي ) .. الخ
عند العيال منصور سحب الكيسه ع طول
محمد : بغيت تشيل الخدامه الله يحفظك
منصور ضحك : وش عليك مني انت
سلمان : تصدقون ما اشتهيت شي
عبدالعزيز وهو لاهي بجواله : حتى انا


الساعه 3 عند البنات ..
نجد : بنات اول يوم الفطور عندنا
سمو : اوكيه تمام بس نبي المزرعه
العنود : خير وش مزرعته تبوني انهيكم
هتيف ضحكت : افف ترى عادي
حور : صدق العنود نبي ننبسط فالمزرعه
سمو وهي متكيه : ترى ولدعمك لا تشدين حيلك
فالاهتمام
العنود : ما قصدي كذا ياحمار بس بشرتي م ابيها
تنضر بسبب الاجواء اللندنيه حقتنا
هتيف : اخخ ابي الشتاء تكفونن
سحاب : انا احب الاجواء المعتدله اكثر
اثير : ما علينا المهم نبي نسوي جدول لروحتنا
للمزرعه نبي ننبسط هالمره تكفون
نجد : صح عليك حتى نبي نتعلم الطبخ
هتيف : انا اعرف اطبخ
العنود : هتيف تسوي لك تورتيلا تموتين عليها
حور : وليش ما تعرفين انتي طيب
العنود : فيه شيف موجود وش اللي يخليني اطبخ
ريم : بنات ترى بيأذن اللي يبي يشرب مويه يشرب
البنات اركضو سريع عشان يلحقون


الساعه 6 .. في بيت الجد الكل مجتمع عنده
في المجلس .. كانت السُفره ممتده وفيها ما
لذا وطاب وكانو كلهم مجتمعين عليها
ونفس الشي عند الحريم ..
اذن المغرب والكل افطر وقامو يصلون

عند الحريم ..
ام فهد : الصراحه رمضان هنا غير
هتيف : شفتي يمه اجوائهم حلوه
نجد : يا الله بديت في القران ونسيت وين وقفت
بس الاكيد خلصت اول صفحتين
افنان : عادي عيديها اجر لك
سمو : حتى انا حمدلله بديت ووصلت لصفحه 7
هتيف : ببداء انشالله انا
ام سلطان : ايه هذي السوالف الزينه
ام عبدالعزيز : صح عليك افضل من بنت فلانه وش
لابسه وش ماركة ملابسها و
حور قاطعتها : ذكرتيني ياخاله ما علمتكم شفتو شوق اللي كانو جيرانا قبل امس ارسلت لي وقالت
عطيني ارقام البنات ابي اهني المتخرجات
ام سلطان : يعني مافيه فايده تونا ننصحكم
ام فهد ضحكت : ما كملت النصيحه دقيقتين حتى
حور : هي قالت امانه وكذا يعني لازم اقولهم
افنان : بنات جدي يرسلي ويقول تجهزو بكره
بنروح للمزرعه
العنود : لا تكفون بنهار قسم بالله
ام فهد : مستعجلين احس بدري
ام سلمان : خلونا نستوعب رمضان شوي
انا بقول لابو سلمان يحاول يأجل
العنود : تكفين ياخاله قولي له
ام سلمان عطتها نظره ورجعت لجوالها
حور كانت ورى العنود ماتت ضحك على وجه
العنود المصدومه
ريم ابتسمت : امي ما تحب احد يقولها خاله
نادوها بأسمها ولا قولو ام سلمان
ام سلمان رن جوالها وردت : الو ، هلا ، ايه صادقه
محد يبي يروح ، يعني صاملين لا لا حاول في ابوك
شفيك انت يعني السالفه غصب
قفلت وهي معصبه انه قال لا
سمو وحور مبسوطين من داخل انه فشلها
كانت توضح ان عمهم ما يرد لها طلب ابد


اليوم التالي .. الساعه 7 الليل فالمزرعه
الكل كان موجود .. عند الحريم
العنود : الحمدلله افطرنا فالبيت
نجد : اي احسن شي لان مستحيل نجيب الاكل معنا هنا
حور جت تركض وهي مبسوطه : بنات طلعت درجاتي وحمدلله طلعت انا اعلى منهم يعني
انا اللي اطلبه بيصير لي
سمو : وش تبين طيب
حور : مدري بفكر وبقول لكم
اثير : اهم شي يكون سهل
حور : والله عاد انتم بتنفذون سواء سهل ولا صعب
افنان ضحكت : ياشين حظكم طحتو في يد حور
حور : انا بختار شي يناسب للمزرعه
سمو : اهم شي بسرعه معك لساعه 12 ...الخ

عند العيال الوضع غير راح محمد وشبك البلايستيشن وهو يلعب ..
محمد : من يلعب ياعيال
منصور : واذا فزت وش لي
محمد : بكره بداوم عنك واخلص شغلك كله
منصور قام بحماس : يلا نشوف من بيفوز عاد
لعبو بحماس والشباب انتبهو معهم
صاحو بعد ما فاز منصور عليه
محمد : لحظه غش
منصور : بتداوم بكره وغصب بعد
محمد :بالطيب مب بالغصب
منصور : اللي هو اهم شي خلص الشغل عني
عبدالعزيز : بعلم جدي عليكم
محمد : لازم تكبر انت
عبدالعزيز ضحك : لا صدق ابي اسافر انا
منصور : حتى انا بخاطري بس الحين لا
محمد : ليه لا ؟
منصور توتر : بعد م ينتهي رمضان ان شاءالله


الساعه 10 الليل طلعو البنات يتمشون
حور بصوت عالي : عرفت وش ابي
هتيف : قصري صوتك ياقلبي
سمو : وش تبين طيب
حور : بنركب اي سياره قدامنا اوكيه كلنا طبعاً
واذا اكشفونا تقولون سمو واثير طيب واذا لا حمدلله ما انكشفنا
اثير : ما شالله بتتهمينا
سمو : عاد كنا بنوافق
هتيف : حور مو كذا عاد
حور : ترى بختار الطلب الاول حق الجامعه
سمو : لا خلاص تم
اثير : حتى انا تم
هتيف ضحكت : طيب بقولكم شي
سحاب : الحين الثلاثي يريحون وعاد الكبار
يسولفون صح
نجد : سحاب والله بيبدون اعرفهم
هتيف وهي تطالع في مكان اللي موقفين سياراتهم فيه : لاصدق عندي خبر حلو
افنان : خلاص قوليه
هتيف : انا معي رخصة سياقه طلعها لي فهود
حبيبي الاسبوع اللي فات
ريم : انتي تسوقين ؟
هتيف : ايه اول مره سقت في اول جامعه
طبعاً قبلها كنت اتعلم وطلعت رخصه هناك
وشريت سياره واحياناً امر منو واخليها تروح معي
حور : واو هتوف تكفين نبيك تاخذين لنا فره
فالمزرعه تكفييننن
سحاب : والله انا احب الاكشن تكفون
هتيف : بس كيف ناخذ المفتاح
نجد : عادي الاغلب عندهم سبير داخل السياره
هتيف : طيب السياره مفتوحه
افنان : الا العيال يخلونها فاتحه
هتيف : بنات والله استحي اخاف يصير شي لسياره
سحاب : ترى انا اسوق بعد بس مو مره اعرف وانتي ماشالله يعني سعادتنا بيدك بعد الله
سمو : واذا خربت عادي يصلحها مو ناقصهم فلوس
هتيف : طيب اختارو اوسع سياره
افنان تعمدت : اكيد سيارة منصور لانها الاوسع
هتيف توترت : لا سيارة فهود اوسع
نجد وقفت عند سيارة منصور : هتوف تعالي وفكينا
فتحتها هتيف وفاحت ريحة عطره اللي تعرفها
اكثر من غيرها توترت خافت انه يشوفها وقفلت
الباب بسرعه : لا لا تكفون خايفه
اثير : هتيف سماجه عاد فكينا من الحركات هذي
هتيف سمت بالله وركبت وهي تشغلها
هتيف : جاهزين قفلو الباب زين
كانت نجد قدام والباقي ورى .. حركت هتيف وهي
تمشي ع الخفيف بس بعد ما تعدت المزرعه
استعجلت والبنات مبسوطات وهم يصورون
هتيف : هيه انتي وياها خلاص وقفو تصوير
اول مره تركبون سياره
افنان : اول مره اركب وما معي ذكر كلنا
بنات بس وفي سياره وحده يعني اكيد لازم
نوثق اللحظه الحلوه
العنود : صادقه والله بس م تحسون بخوف مثلي
نجد ضحكت : عادي بنقول اثير وسمو قايلينه
حور كملت : الفكره من اثير والسياره من عند سمو
عاد منصور وعصبيته شي ثاني
وقفت هتيف : احلفي
حور : بسم الله عليك ياقلبي ما راح يهاوشك
انتي الحُب بتاعوه
هتيف طقتها : بنات والله عيب ما جيت الا
في سيارته هو بالذات
العنود : الصراحه لو انه انا بفكر كذا
هتيف : العنوووددد
العنود ضحكت : لا م عليك بنقول سمو
سمو : ماشالله سمو شماعة اغلاطكم
اثير : لا ويقولون الفكره فكرتي
نجد ضحكت : خلاص حطوها فيني اهم شي
نعيش اللحظه يابنات
سحاب شبكت جوالها و شغلت الاغنيه والبنات
مبسوطين ويرقصون ويصورون سنابات الا
هتيف على اعصابها وخايفه من منصور

عند امل كانت جالسه وتشوف سناباتهم ما
تنكر انها مقهوره وودها تصلح اخطائها بس
بنفس الوقت خايفه ان الهنوف تحط الغلط
عليها هي وريم وتطلع منها بالساهل وهي
تعرف الهنوف قوييه مره حتى ابوها ما قدر
عليها شافت الهنوف جلست جنبها
الهنوف : شفتي سنابات اختك والله ما اخليهم
يتهنون اني لا اقول لجدي
" كانت ريم مصوره وكاتبه سرقنا سيارة ولد عمي
وفيس يضحك "
امل وهي تبيهم يرجعون بسرعه وتبي تلهيها
قالت بسرعه : بس عاد هذي يبيلها خطه
الهنوف وقفت : ما يحتاج جاهزه الخطه من زمان

دخلت الصاله الكبيره وكان الكل مجتمع فيها
والعيال توهم داخلين عشان جدهم مناديهم
قالت بصوت عالي : البنات وينهم
الجد شك فالوضع : ليه موب برى
الهنوف : مدري بس انا شفت سناباتهم وهتيف
ماخذه السيارة و البنات راحو معها
وواضح انهم سارقينها ولا بعد متعديات المزرعه
الجد خذى جواله واتصل على نجد

فـي الـسـيـاره ! صاحت نجد وهتيف خافت
نجد : ابوي متصل علي ما ابي ارد تكفون
سمو بغباء : ردي وقولي انا عند الحريم
هتيف : ليه يتصل وهي معه بنفس المكان
نجد : بنات وش اسوي
العنود : ردي يابنت الحلال وفكينا
افنان : مالي خلق لاجاء وقت السحور نبي ناكل
وهم بيشغلونا بكلامهم خلينا نتعاقب من الحين


في بيت ابو عزام .. فالصاله كانو يطالعون في
سنابات البنات •
وجد : ياحظهم ماشالله شفتي كيف مبسوطين
وصايف : اكيد بنات كثير وش تتوقعين
وجد : سناباتهم حلوه اليوم صدق هذا جوي
وصايف : شرايك نعزمهم يفطرون عندنا
وجد : يلا صدق وعشان نعزمهم فالشاليه لا
جاء العيد وننبسط معهم
وصايف : منجد مطفرين بنات كل عايلتنا عيال
ضحكت وجد : ادري والله وجعل عزام اخوي
وناصر يتزوجون ويجيبون 4 بنات ورى بعض
ضحكت وصايف وهي تشوف اخوانها واقفين
يطالعون وهم مصدومين من كلامها
لفت على اخوانها : لحد يلومني
عزام : وش فيك ناقصكم شي قولو لي
وصايف : لا بس ناقصنا بنات قدنا
ناصر : منى وين راحت
وصايف : منى مشغوله كل ما اتصلنا عليها
وتونا محتمعين قبل امس بعد
عزام : خلاص احمدو ربكم واذا بغيتو تروحون
الشاليه روحو المفتاح عند امي واذا تبون
تتمشون اطلعو بس انتبهو على انفسكم
وجد : نبي مزرعه مثل مزرعة السلطان
عزام فز قلبه : وش تبين فيها
وجد : انت لو تشوف سناباتهم كان خقيت على
مزرعتهم تجنن وفيها وناسه بعد
عزام برفعة حاجب : مشهورات فالسناب ؟
وجد استغربت دايم اخوها ما يدقق بس اليوم
يسأل بعد : لا حنا متعرفين عليهم وخذينا سنابهم


فالصاله الكبيره الجد حط على سبيكر والكل يسمع
الجد : الو
نجد بتوتر : هلا يبه
الجد : وينك فيه ؟
نجد : حولكم
وبعدها سمعو ضحكة سمو اللي م قدرت تمسك
نفسها ابد
الجد : عطيني السواقه
نجد لفت على هتيف المنخرشه بس تبين قوتها
قالت بجمود : هلا جدي
الجد : ماشالله متعديه المزرعه
هتيف : هو يمكن تحمسنا شوي بس بنرجع الحين
الجد : على سيارة من ؟
نجد ضحكت من شافت هتيف توترت وحذفت
الجوال عليها : يبه سيارة منصور
الجد : معكم 5 دقايق بسرعه ارجعو
منصور مصدوم من السالفه كلها
" سيارتي وهتيف ورايحين ومتعدين المزرعه بعد
ولا مخصصتني فالسناب اكيد وحتى خواتي
بس وش معنى سيارتي " قاطعني صوت جدي
الجد : وانت ما شفت سيارتك وين راحت
منصور : وانا بجلس طول الوقت اراقب سيارتي
اكيد خذوها لانها مفتوحه
عبدالعزيز بصوت خفيف : مستحيه تنطق اسمك
منصور : انت مالك دخل خلك في سحابك
عبدالعزيز وهو يتذكر كلام سحاب : منصور خلنا نقدم الملكه
منصور : انا وانا احبها من زمان خليتها 15 وانت
توك حابها السنه ذي تبي تقدمها
عبدالعزيز ضحك : بعيد 15 خلنا نقدمها
منصور : اثقل وانا اخوك
عبدالعزيز : تتوقع جدي وش يبي فينا
منصور : الحين جدك بينتظر البنات
محمد جلس عندهم : انا طفشت متى بيخلصون
عبدالعزيز : انتظرو وش وراكم
قاطعهم ابو سلطان : ماشالله من متى تسوق بنتك
ابو فهد ابتسم : من قبل 3 سنين وشرينا لها سياره
تروح لجامعتها فيها
ابو سلمان : يمكن يصير فيها شي ولا شي وكله
بسبب تهورك وانت معطيها السياره
ابو فهد : هي ماتروح الا للجامعه والجامعه قريبه
ما بيننا الا خط واحد واما مشاويرها الباقيه يروح
معها فهد وزوجته والعنود وينبسطون مع بعض


فالسياره وهم راجعين ..
حور : صدقوني راح يحاسبونا مستحيل تمشي
السالفه كذا
هتيف بعصبيه : انا الغبيه اللي وافقت
نجد : هدي ياهتيف ترى ما صار شي
هتيف : يمكن مو جدي وابوي بيهاوشوني ترى انا
اعرف منصور عصبي يحسبني مختاره سيارته
هو بالذات عشان اخربها او عناد فيه
البنات استغربو من كلامها وهم ما قد شافوها
مع منصور ولا حتى تكلمت معه
العنود رقعت لسالفتها : منصور كبر حبيبتي
غبيه تتوقعين ان الناس ما تغيرو
هتيف وهي ترقع : مدري بس انا اتذكره اول
كان عصبي مره
سمو : لا انتي زوجته مستحيل يهاوشك
هتيف لفت عليها : اكلي تبن انتي الثانيه
سحاب بتوتر : ترى راسي صدع
افنان بضحكه : وصلنا وصلنا
حور : عادي بنات ترى فكرة اثير والسياره من سمو
كم مره اعيد لكم وما تفهمون
سمو طقتها : تبيني اذبحها كل شوي تعيد كلامها
اللي كنه وجهها
اثير : فيه شي اسمه انكر السالفه عاد انا هالمجال ماشالله علي فنانه فيه
سمو ضحكت : تقولينه
وقفت هتيف السياره ونزلت بسرعه وهي منقهره
نزلو البنات وهم فيهم ضحكه وبسرعه توجهو
لجلسة نجد التراثيه واجلسو فيها
نجد : تدرون بنات محمد اخوي يرسلي قبل شوي
ويقول بسرعه تعالو يعني ابوي معصب
هتيف : حتى فهد يتصل عليه يابنات لا يكون
يقولي تعالي عندنا والله لاذبحه
سمو : عادي ، اخوكم كيوت ردي عليه
حور ضحكت : مو مثل سلطان ومحمد بيذبحوني
بصياحهم لو ما جيت ع طول
هتيف : مو وقت الطقطقه ترى
رن جوال نجد والبنات يطالعون في بعض
ردت : هلا يبه ترى واصلين من زمان خلاص
بجيك الحين يلا مع السلامه
وقفت : بنات بروح لابوي يناديني
هتيف : لا قال جيبو البنات قولي لا مستحيات
نجد ضحكت : هتيف والله بموت منك
اتجهت داخل وهي ما تدري وش عذرها
سمو : بنات حرام نجد تاكل السالفه في النهايه
هتيف : والله لو اني ما استحي من العيال كان
انقذت السالفه الحين بس انتم يمديكم تمونون
حور : صح صادقه انتي وضعك غير
سمو وقفت : الى الجدي والحافظ الله
ضحكت اثير : وانا بعد ادعولنا
راحو الثلاثي والبنات يضحكون عليهم


دخلت المجلس الكبير ..
الا وجه ابوي وواضح انه معصب
قال : وين الباقي
نجد : هناك جالسين
الجد : ماشالله من سمح تطلعون بدون اذن احد
جيت بتكلم بس شفت وجه الهنوف والشر باين
في وجهها قلت وانا ابي اعرف من علمه : يبه ترى ما تعدينا المزرعه من كاذب عليك
الجد : الهنوف شايفه المقاطع وانتم متعدينها
الهنوف بكذب : انا والله قلت يمكن يصير فيهم شي
ولا شي خلني احطهم فالصوره
نجد تجاهلتها : لا ما تعديناها مره وتبي تشوف سناباتي شوفها ترى فاتحه لك حساب فالسناب
محمد وهو يبي يهدي الوضع : اخس يا جدي عندك سناب وانا ما دريت
الجد : ايه عندي وش ناقصني ما يجيني
عبدالعزيز بضحكه : انا بضيفك ترى
الجد ضحك : لا ما ابي احد عندي فاضي لكم انا
في كل مكان القاكم
انبسطت يوم شفت ابوي نسى السالفه والهنوف
بانت ملاح العصبيه فيها الا وخرب علي دخولية
الثلاثي سمو وحور واثير ما ادري وش يبون الحين
مو وقتهم ابد
الهنوف ببتسامة كذب : ماشالله انبسطتو صح
سمو وهي عارفه نذالتها وعارفه انها تبي منصور
ياخذ ريم : يا الله ما احكيلك عن مرت اخوي الفله ولا عن سياقتها ولا عن سوالفها وازيدك من الشعر بيت انبسطنا كلنا وشغلنا اغاني وشيلات الصراحه اطلق يوم مر علي في حياتي
حور جلست : الله يخلي هتيف لنا ونستنا اليوم
اثير شافت ان اختها حقيره لدرجة انها فضحتهم
عند جدها وتبي تبين ان ريم معها وما راح ترجع
لها ولخططها : صح انا وريم قررنا نخلي هتيف تتبنانا جوها بطل
نجد ضحكت : حتى انا معكم اخذوني
منصور ابتسم لا شعورياً وراح في عالمه الثاني
اللي مافيه الا هو وهتيف •
الجد : تخيلو ان صار فيكم شي وانتم بنات بس
ولا صار عليكم حادث وش بتسوون
ابو فهد : انت شفيك عليهم هتيف تعرف تسوق
ما عليهم خوف انشالله وانا شايف سنابتهم تعدو
بس شي بسيط
الجد : انا ما كان عندي وقت اطالع فالسناب
حقكم ذا ولا اعرف له بس من اليوم ورايح بتابعكم
نجد ضحكت : شفت وانا اقولك اني بفتحه لك
وانت رافض
حور ضحكت : جدي بحطك في القروب معي انا
واثير وسمو فله والله بتنبسط معنا
الجد : انا ما تحملتكم في ارض الواقع تبيني اتحملكم فالجوال
اثير : صح يابنات كنا شاكين ان جدي يكرهنا
الحين فعلاً تأكدت ان شكوكنا في محلها
الجد بمزح : وانا وش يحببني فيكم ؟
محمد : صدق يا بنات ارضو بالامر الواقع يعني
له 3 مرات وهو يعيد انه يكرهكم افهمو عاد
الجد لف على محمد : انت اولهم ترى
حور ضحكت : محمد لو اني منك كان اختفيت
محمد : بس خلني القى زوجتي والله ما تشوفون
وجهي ابد
منصور ضحك : خاطري اشوف زوجتك الضايعه صارت امنيه بالنسبه لي
حور شهقت : منصور ما زعل
منصور لف عليهم : وليه ازعل انشالله
سمو : قصدها خذينا سيارتك وما زعلت
منصور : اهم شي اللي يركبها يعرف يسوق
نجد لفت ع البنات : حمدلله عدت
حور : بنات والاتفاق وسالفة الفكره والسياره
اثير : ترى والله ان تندمين
حور : انا مذاكره وفالنهايه كذا تسحبون
سمو : هذا شي واستفدتي منه انتي

برى عند البنات ..
سحاب : تلقين منصور الحين معصب
افنان : تصدقون شايله هم منصور اكثر من جدي
ريم : احس عادي بتنتهي السالفه وانا عارفه من
قايل له
هتيف لفت باستغراب : مين ؟
ريم : الهنوف اكيد
سحاب بنظره : وانتي ليه ما خصصتيها مثلنا
هتيف استغربت : اكيد ناسيه شفيكم
ريم ولعب فيها ضميرها : نسيت والله بس ان شاءالله
ما راح يصير شي بتحمل السالفه كلها انا
بعد دقايق نجد ارسلت لهتيف ( تطمني انحلت السالفه )
ابتسمت وقالت للبنات وانبسطو وكملو سهرتهم
وانتهى يومهم وراحو ينامون ..
الساعه 7 ونص الصباح طلع وركب سيارته بيروح لدوام واول ما فتحها هبت ريحة عطرها وخذاه
الشوق لهتيف الصغيره اللي عشقها اكثر من نفسه
واشتاق اكثر لأيامه اللي تبتدي فيها وتنتهي على
وجهها الضحوك قفل الباب وسند ظهره على ورى
وغمض عيونه والشوق لعب فيه اكثر من اول
وانهلت ذكرياته معها وتذكر اول مره ساق السياره
كانت معه .. قبل12 سنه ..
كان عنده خبره فالسياره وكيف طريقة
تشغيلها وكان بخاطره يشغلها لانه يشوف اخوياه
وبسرعه ركب سيارة عبدالعزيز اللي توه شاريها
وجت هتيف تركض وراه لف عليها
منصور بحنيه : هتوفه روحي عند الاسطبل وانا
بجيك الحين يلا
هتيف بزعل : انت وش تبي تركب هنا ما كنت
تقول بنروح نركب الخيل
منصور : ابي اسوق السياره واحطها هناك واجيك
بسرعه والله ما اتأخر
هتيف : لا لا بركب معك وبعدين نرووح مع بعض
منصور بقلة حيله وهو يفتح لها الباب : يلا تعالي
هتيف ضحكت وهي تركب معه
حرك السياره وكان بيقدمها عند الجدار اللي قدامه واسرع اكثر وكان بيصدمه فيه بس انقذ نفسه
فاللحظه الاخيره ووقف بسرعه طبعاً هتيف طاحت
تحت " المكان اللي قدام الكرسي مدري وش تسمونه "
نزل منصور وراح من جهتها وفتح الباب وشافها
ماسكه دموعها ه وتحاول تضحك
قال بحزن : هتيف ليتك ما جيتي شفتي ان السياره
ماتركبينها الا مع ابوك ومعي لاصرت كبير
هتيف بطفوله وهي تمسح دموعها اللي تطيح غصب عنها : كم باقي وتكبر
منصور ابتسم وبطفوله : بعدين كلنا بنكبر
هتيف ضحكت : ما راح اخلي السواق يودينا للمدرسه راح نروح معك
منصور : انشالله بس الحين انزلي قبل ما ابوك
يشوفك ويعصب مثل امس
هتيف : بنروح للاسطبل ولا لا
منصور وهو ينزلها : يلا مشينا
رجع للواقع وتعب اكثر يبي بس النهايه وكان
يعتقد ان سالفة ريم مو مهمه عشان يقولها
لها وفالبدايه كان بيقولها بس بعدين قرر
يستر على ريم بما ان صار لها فتره وهي عاقله
ومو مع الهنوف ابد ..

اليوم التالي بعد العشاء ..
سمو جلست وهي تتأفف : والله لو بيجيبون دبابات يسون فينا خير
حور : صدق والله محتاجه ارفه عن نفسي
سحاب : حمدلله والشكر قومو اقرو قران افضل
سمو : قريت انا وهتيف وخلصنا البقره ابشرك
اثير : ياحظكم انا ما بعد بديت حتى
سمو : لا يروح عليك الشهر وانتي جالسه وليت
جلستك عاد منها فايده ابد جالسه تحشين بس
اثير : من سابع المستحيلات تلقين سمو تنصح صح
سمو : والله منجد يعني انتي لاتطبخين لنا فطور
ولا سحور عشان نقول التهت عن القران ولا تغسلين
الصحون ولا عندك عيال وزوج يشغلونك
والله م لك عذر ابد لو تبدين الحين افضل
حور : وين خالتي ما تجي تشوف بنتها كيف تنصح
سمو وهي تغمز : اعجبك
اثير ضحكت : خربتها على اخر شي
سمو : لا والله يا اثير صدق قومي اقري الحين
اثير وقفت : يلا وبجيكم الساعه 11 وبتلاقوني
في سورة ال عمران
حور : يعني الوضع تحدي
سحاب : بنات ترى عشان الاجر فاهمين غلط انتم

الساعه 10 الليل .. في جلسة نجد
سحاب وحور جايين مع محمد وجايبين الحلويات عشان يذوقونها ويختارون لزواج سلطان
سمو : ياحلوكم وياحلو حلوياتكم
حور : والله مدري كيف الحلا ياكل حلا
سمو : ما عاد تأثرين فيني بكمل وباكل
سحاب : ياقدمي للحين طايحين فالذبه هذي
سمو : انتي نعم تتدخلين في كل شي
نجد : يا ربي الحين وش بيسكتكم
هتيف ضحكت : صدق والله دايماً تشكي
افنان منكم بس ما كنت اصدقها بس حالياً الله
يلوم اللي يلومها
حور : والله ياهتيف ما عقلو الا السنه هذي
اثير : ايه ترى نجد اخر سنه لها فالجامعه متطاقه
مع بنت والسنه اللي فاتت متهاوشه مع وحده فالمول ، شافت البنات يسمعون بدون ردة فعل
اثير بهدوء : اكمل فضايح ؟
نجد : الحين انا وش سويت يوم انك تقولين ذا كله
افنان ضحكت : ترى انا قلته ما يفيد معهم الا
الزواج ترى الثلاثي ذولا وضعهم متردي
العنود بضحكه : ما اتخيل اشكالكم وانتم متزوجين
حور : بالعكس انا احس اني ماشالله بس خلي سحاب تغادر وبيجي دوري
سمو : حتى انا يمكن اتزوج وانا ما بعد كملت
الجامعه ترى عادي اقدر اعدل بين الثنين
اثير : لا يابنات ترى لا جينا لصدق الوضع يع
الزواج مره كئيب يعني تكونين على اعصابك
خصوصاً لاجاء يمزح وقال انا بتزوج وحده ثانيه
سمو بضحكة استهبال : اللي يخوف اكثر انه ما يمزح يكون صادق ويتزوج صدق
افنان : وخصوصاً لا صار عندي بزران مدري
وين اصرفهم بضطر اني ارجع له الحمار
هتيف : يخسي اذا رجعت له
سمو بمزح : عاد منصور مخطط يتزوج مرتين
هتيف انقهرت : ما يهمني عادي بسحب عليه طالعت في ريم بيأس ورجعت تطالع في جوالها
وبخاطرها تسألها كيف مشاعرها الحين وهو بيتزوجها وبينتهي حبهم او بيخليها الثانيه وانا
حياتي بتنتهي وفكرت ليه اصلاً ما وقفت هالمهزله
من البدايه بس عشانها تحبه رضت بس حالياً
يمكن تقلب الطاوله وتصارحه وينفصلون عن
بعض بهدوء وهو مو مجبور فيها ولا في حبها
انسحبت بهدوء عنهم وراحت داخل
والعنود حست بهالشي وناويه تروح لها


فالملحق عند الشباب ..
فهد يكلم مها وحمودي وسلمان على اللابتوب
وسلطان ومحمد يتناقشون بموضوع الزواج وعبدالعزيز ومنصور يتكلمون عن خطبتهم
بعد ساعه ..
محمد عصب من سلطان اللي وصاه بطلبات
كثيره : ترى مليت انا انفعك ولا انفع
منيصير ولا عزيز ولا جدي اللي مخليني صبي عنده
ولا امي عاد ناويه تزوجني من شافت منصور
قاطعه سلمان : احمد ربك روح شوف رسالة جدي
فالقروب منزل المهام حقت زواج سلطان وملكة العيال ورسالتي اطول شي ويوم سألته قال تزوج واريحك من ذا الشغل
محمد : ياغبي والله لو القى زوجتي اني لاتزوج
بسرعه ، الملكه الاربعاء والزواج الخميس وبسافر
وبعد سنه بجيكم ويمكن ما اجي
سلمان ضحك : هذا اذا وافقت
محمد : ليه وش شفيني مزيون ومتوظف وفاهم
الحياه وبعيّشها حياه حلوه وش تبي اكثر
منصور : طيب يالمزيون ممكن توصيهم يجيبون
لنا قهوه وحلويات
محمد برفعة حاجب : توني اشكي لكم ما مرت ساعه حتى انتم مافيكم احساس
منصور قام وهو يتمغط : عديم الفائده
مشى ولف عليه : صدقني اللي يشكي دايم ترى هو اللي ما اشتغل ولاتعب بس كلام بدون فعل
محمد : وش قصدك يعني طول حياتي اللي ضيعتها
معكم ما سويت لكم شي اصبرو ياعيال اصبرو خلوني القاها ونتفاهم ....الخ

بعد 3 ايام .. عند الحريم .. الساعه 8 الليل
ام فهد : يابنات ما ختمتو للحين
ام سلطان : ايه لاتهجرو القران
سحاب ضحكت : من لاعب عليكم وقال ماقرينا شي
هتيف ضحكت : هذي نصيحه مع هوشه
سحاب : لا ابشركم اغلبنا في نص القران
اثير ضحكت : اصلاً كانو يطقطون علي وتعديتهم بس اسبوعين واختم القران ياربي لك الحمد
سمو : حتى انا انشالله وعقبال محورة الكون
حور : محورة الكون يومين وتختم
العنود ضحكت : بالله مين محورة الكون
سمو تربعت : انا مسميتها
اثير : هي تسأل مين الشخص بالضبط
سمو : حور واضحه اصلاً
سحاب : صايره ماتنبلعين ياسمو
سمو : لا تلوموني مضغوطه هالايام
سحاب : موب عاد تهاوشينا كل شوي اعقلي
سمو : خلاص سحاب تعبت ترى
سحاب باستغراب : سمو وش ماكله انتي
افنان : هي كذا دايم تعصب مابعد كلمتيها وش
عاد لو انك مكلمتها
سمو : ترى كارهتكم وكارهه سماجتكم وكارهه
حياتكم الخايسه بس عاد فكوني من الكلام التافه
حور بصدمه : اثر الزعل حلو عليك
سمو : مايأثر فيني هالكلام ابداً
اثير ضحكت : لا يابنات مو كذا خلاص خلونا ساكتين احلا
هتيف ضحكت : ياحلوكم صايرين سامجين
العنود : ترى الاسبوع هذا غريب كل واحد يتكلم بدون شعور ومشاكلنا زايده حتى
ريم : اتوقع ملينا من المزرعه
حور : صدق والله ذبحني الحر وماباقي شي على
زواج سلطان خلونا نرجع بدري
سحاب شهقت : خلاص ماباقي شي ونبدا فالعشر
الاواخر
هتيف : عادي بساعدكم انا لا تشيلون هم
سحاب : ما تقصرين بس باقي اشياء كثيره
حور : ماباقي الا تلبيس القصر
سحاب : القاعه كلها يبي لها تجهيز افف
افنان : احسن يوم اني اقول اخذو شركه تتكفل
في كل شي رفضتو وقلتو اول اخو عندنا لازم
نتعب في زواجه
ام سلطان : ياليتنا سويناها صدق
ام فهد : بنساعدكم ترى ماعندنا شي فاضين
ماعليك تلبيس القاعه علي ولحد يناقشني
هتيف ضحكت : بما ان قالت لحد يناقشني اعرفو
لو بتموتون ماتنازلت امي عن كلمتها ...الخ

في مكتب عزام .. كان حاط راسه على الطاوله
من يوم نجد طلعت وهي مافارقت تفكيره
عزام " كل شي فيها غير من اول مره اجذبتني
وبعدها بدت تدخل قلبي بدون استأذن وانا عارف
انها تتوقعني اني افكر فيها بشكل سيىء وانها ماتستحي بس ابداً مافكرت كذا لان سمعتها
وسمعت ابوها وتربيته لعياله غير
واكثر من موقف تثبت لي انها متربيه
والشي الوحيد اللي ابي اعرفه سبب بكائها في كل مره فالبدايه فكرت انها تحب بعدين قلت ماراح
اسوء فيها الظن وانا ما بعد تأكدت
بس اللي اعرفه انها البنت الوحيده اللي
حبيتها بعصبيتها وبكل شي فيها "
طق الباب ناصر : سلام
عزام ابتسم : هلا نصور
ناصر : دامك قلت نصور اكيد انك مروق
عزام تجاهله وتفكيره بعيد : وش عندك
ناصر : لا بس ابيك تروح بدالي لاجتماع الشهر
عزام : انا رايح الشهر اللي فات الحين دورك
ناصر : ادري بس مالي خلق تكفى انت تعرف
في المجال هذا اكثر وانا بمسك باقي الشغل عنك
عزام تنهد : متى بنعتمد عليك يعني
ناصر : اعتمد علي بس انا شايل هم الاربع ساعات
اللي بيضيعها معهم
عزام : هذا شي وبنستفيد منه
ناصر غمز له : فهد السلطان وعياله بيجون
عزام باهتمام : شدراك يمكن ما حطوهم في
التشكيله ويمكن يطلع اسمهم بعد يومين
ناصر : شوف القروب وبتشوف اسمهم اول واحد
عزام انبسط داخلياً : خلاص بس متى الموعد
ناصر : يوم الخميس الجاي الساعه 9 الليل
عزام بحماس : يلا انقلع لمكتبك خلني اجهز له
ناصر وقف : الله يرزقنا
عزام : عشان شركتنا تترشح موب اللي في بالك
ناصر وهو طالع : صح صادق
عزام سفهه وهو يكمل شغله .. يبي يتعرف عليهم
ويمون على عياله واحفاده ويبي يطلع بصوره حلوه
وشخصيه واسلوب وثقافه تعجب فهد السلطان
واعياله وحتى احفاده واول قرار انه بيحضر زواج
حفيده سلطان مع انه ما يحضر الا زواجات قبيلته
فقط وما يحب يختلط في احد ....الخ

اليوم التالي .. المزرعه .. الساعه 9 الليل
الكل جالس عند الجد عياله ، وحريمهم ، واحفاده
الجد : نبي نرجع بكره لان عندنا شغل غير زواج
سلطان وملكة الباقين ومن الحين تجهزون اغراضكم ومانبي نتأخر اكثر من كذا
ابو فهد : الخميس عندنا شغل ولازم تجون كلكم
حتى سلطان اولكم
سلطان : ليه ؟ ريحوني تكفون عطوني اجازه
الجد : لازم كلنا نجي خلهم يشوفون فهد السلطان
واحفاده
فهد لف عليهم : عيال الوضع تحدي ترى
الجد : هذا سميي اللي طلع لي بكل شي
محمد : خلاص تم كلنا بنروح
سلمان : وانا تم بس ذكروني
الجد طالع باهتمام : ومنصور
منصور توه ينتبه معهم كان متشتت بوجود هتيف
معه بنفس المكان : لبيه
محمد : بتروح معنا
منصور : وين بتروحون ؟
محمد لف على الجد : جدي تكفى قدم ملكتهم
شوف عزوز ومنصور موب معنا ابد
منصور تجاهله : وش السالفه ؟...

انتهى💞


هاجر جوده غير متواجد حالياً  
التوقيع
"وعسى أن تكرهوا شيئاً وهو خيرٌ لكم." ❤




رد مع اقتباس
قديم 03-02-21, 03:14 AM   #44

هاجر جوده

مشرفة منتدى الروايات المنقولة

 
الصورة الرمزية هاجر جوده

? العضوٌ??? » 402726
?  التسِجيلٌ » Jun 2017
? مشَارَ?اتْي » 1,915
? الًجنِس »
? دولتي » دولتي tunis
?  نُقآطِيْ » هاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond repute
افتراضي



«الـبـارت الــتـاسـع والـثـلاثـون»

منصور تجاهله : وش السالفه ؟
عبدالعزيز : صادق حمود تكفى جدي قدمها
الجد ضحك : ليتك ثقيلً مثل اخوك
عبدالعزيز : اذبحني اذا منصور مايبيها تتقدم

سحاب بصوت خفيف : هتيف ابي اختفي تكفين
هتيف شافت بروده وانقهرت وعارفه انها مثقله
عليه وعارفه انه من النوع اللي يكتم ومايقول
لحد اللي في خاطره لفت على سحاب وهي
مبسوطه وهي تشوف كيف عبدالعزيز متحمس
لزواجه منها عكس اخوه البارد اللي اجتمعت
معه بسبب الظروف ..
بعد 10 دقايق وقفت
وهي متضايقه من حياتها الي كل مالها وتخرب
اكثر ..
لاحظها منصور وهي وجهها حزين وضاق
واتجهت للمطبخ تبي تبعد عنهم عشان تطلع
كل الي في خاطرها بس بنص طريقها انقطعت الكهرباء عليهم دخلت يدها في جيوبها تدور
جوالها وتذكرت انه مع اثير اللي طلبته منها
المزرعه كبيره وبتضيع فيها واكيد بتخاف
وقفت مكانها وتمنت انها كلت تبن وم تحركت


الجد قفل المكالمه : بيطول عيسى وانا موصيه
قبل يجيب اغراض
سلمان : وش بنسوي طيب
الجد : عبدالعزيز عنده خبره فالكهرباء اكيد انك
تعرف تضبطه
عبدالعزيز : يمكنه مقطوع من عند الشركه نفسها
الجد : ويمكن واحدً من العمال رايح له اصبر
خلني ادق عليهم
بعد ما خلص مكالمته قال : الا منقطع ويقولون
انتظرو وبيشتغل
محمد : يازين القمرا احب اذا طفى الكهرب يجيني
سعاده بشكل غير طبيعي
منصور انسحب بهدوء وبدون احد مايشوفه
راح يدورها والدنيا كلها ظلام دخل داخل وما
حصلها وراح مع الجهه الثانيه بجهة المطبخ
وشغل كشافته بعد ماشاف انه صار بعيد عنهم
عند هتيف اللي ميته من الخوف ودموعها متحجره
في عيونها قالت بخوف : فهد
وبعد دقايق قالت بصوت مهزوز : فيه احد هنا
وبسرعه تذكرت العمال وخافت اكثر ونزلت دموعها
مشى باتجاه الصوت وهو يشوفها من بعيد
قرب اكثر منها وهي لفت و شافته جاي من
الجهه نفسها وعليه ثوب وتذكرت فهد اخوها
اكيد شافها يوم انها راحت او اي وحده من
البنات بتفقدني وبيجي فهد يدورني اكيد
وهذا كان تفكيرها قربت وهي تركض وفي اي
لحظه بتنزل دموعها من كثر ماهي خايفه
قالت ببكى وهي تقرب له : حمدلله انك جيت
منصور ابتسم وهو يقرب اكثر بس تفاجأ من
شافها ضمته وكانت احلى مفاجأه في حياته
بس اصدمته من شافها تشهق ودموعها تنزل
بقوه : فهد ما ابي منصور تكفى كنسل
سكت وهو حاس ان وده الارض تنشق وتبلعه
كملت ببكى : فهد رد علي حتى هو مايبيني ومو
متحمس لزواجه عكس اخوه وهو مو مجبور فيني
كملت بكى في حضنه وبعدين استغربت ريحة عطره عرفت انه منصور بعدت بهدوء وهي تمسح دموعها وناويه تكمل الكذبه انها ماعرفته بس اهم شي ما تواجهه
منصور بهدوء : تبينا ننكسل الموضوع ؟
هتيف بهدوء : ايه عادي انت لازم تعيش حياتك مثل
ماتبي وانا نفس الشي
منصور بقهر : ليه بعيشك بجحيم انا
هتيف باستغراب : وانت ليه معصب هذا شي انت
تبيه قبلي وبيفيدك اكثر مني
منصور تجاهل كلامها : تنتظرين احد انتي
هتيف بجمود : لا
منصور : طيب ليه ماتبيني ؟
هتيف بتسرع : عشان تتزوج حبيبتك
منصور ابتسم داخلياً : من حبيبتي ؟
هتيف تنهدت : ترى ادري انك تحبها فكني من الكذب رجاءً
منصور : يعني انتي للحين حاطه في بالك اني
مو متحمس للزواج واني مجبور عليك وما ابيك
لا غلطانه انا حاب اكمل باقي عمري معك
هتيف انبسطت من كلامه : وش اللي يأكد لي ؟
منصور : اني اح.. قطع كلمته وقال : اني خاطبك
هتيف ضحكت باستهزاء : اصلا لو مو مشكلة ناصر كان ما خطبتني
منصور : خطبتنا صدفه وبتكون ان شاءالله احلى صدفه انتي بس تفائلي بالخير
هتيف ارتاحت شوي : منصور فكني من ايجابيتك
الحين وخلنا نتفق وناخذ القرار الصح لو سمحت
منصور غصب ضحك : وش ايجابيتي الحين انا
صادق ! تفائلو بالخير تجدونه
هتيف فهت : لااا انا اقصد شي ثاني
منصور بهدوء : قولي اللي في خاطرك انا اسمعك
هتيف توترت اكثر واحسن شي انه مايقدر يميز
وجهها فالظلام : يعني من الاخر انا اهم شي عندي كرامتي وعزة نفسي فوق كل شي
منصور : طيب انا هنتك ؟
هتيف : افهم انا اقصد ان حياتنا نهايتها طلاق
اذا كنا مجبورين على بعض
منصور : يمكن انتي مجبوره بس انا لا
هتيف : انا ماعندي مشكله معك انت اوغيرك
بس اهم شي ابي واحد متقبلني
منصور بطفش : افف وش اللي يقنعك الحين
انتي نفسك ماتغيرتي عنيده من يومك
هتيف انبسطت انه يذكرها : مو مسألة عناد هذي
حياه زوجيه يعني الواحد لازم يقتنع فيها
منصور مشى وخلاها وهي خافت بس سمعت
صوت خطواته قالت بخوف : منصور وينك
مارد عليها .. دقيقه وقالت : رد علي حرام عليك
رحمها ووقف : لا اقتنعتي جيتك
هتيف : خلاص مقتنعه انت وينك الحين
منصور : عشانك خايفه صح ؟
هتيف ببكى م قدرت تتحمل الضغط اللي جاها
اليوم بسببه : منصور والله تعبت انت وينك
منصور استغرب وخاف عليها وراح لها ومسك يدها ومشو بهدوء والصمت سيد الموقف ..
بعد دقايق ..
قالت بهدوء : وريم وش صار عليها
منصور : شدخل ريم الحين
هتيف : حبيبتك كيف وش دخلها
منصور : لا مب حبيبتي من كاذب عليك
هتيف : يعني اختك كذابه
منصور : لا انا قايلها تقولك ابي اشوف انك بتتأثرين
ولا لا .. والحين اقتنعتي ؟
هتيف : ترى للمعلوميه فيه اشياء كثيره اثبتت لي
عن هالموضوع مو بس كذبتك انت واختك
منصور عصب : هتيف ترى مليت خليك واثقه لو شوي فيني ترى انا زوجك بعد اسابيع ومستحيل اتنازل عنك حتى لو ما احبك
هتيف ببكى : شفت قلت حتى لو ما احبك
منصور لفها عليه وقرب وجهها منه
قال بهدوء : من قال اني اكرهك
سكتت وهي منحرجه من قربه منها
منصور بهدوء وترها اكثر : اقتنعتي ولا لا
هتيف هزت براسها بمعنى لا ودموعها ماليه وجهها
منصور قرب من شفايفها وهو منقهر منها
قاومت فالبدايه بس بعدين استسلمت له
ابعد عنها وهو يقول : والحين مقتنعه ؟
انحرجت من جرأته وسكتت
منصور حس باحراجها .. مسك يدها ومشى
وصلو عند باب المطبخ وبسرعه فكها وراح
عندهم وهتيف ع طول جلست على الكرسي
الموجود فالمطبخ ..

طلعت وانا مبسوط من مقابلتي لها وعرفت شي
وحيد اللي هو انها ماتغيرت شخصيتها ابد
عنيده ، اهم شي كرامتها ، ماتحب تجلس مع احد
مو متقبلها ، تكره المغرورين ، طيبتها لازالت فيها
خجلها ، ابتسامتها ، كتمانها لشي اللي يضايقها وحتى وهي تبكي وحزنها اللي قبل شوي في عيونها
مثل حزن هتيف الصغيره وتحسسها باتجاه
اي موضوع مصيري مثل الزواج او غيره
القاها تعيد وتزيد في نفس الموضوع
عشان بس تلقى الحل المناسب وما تظلم اي
شخص له طرف فالموضوع وما تحب
تغامر ابد في حياتها او حياة احد تحبه
شخصيتها مثل شخصية اللي حبيتها من حنا
صغار هي الوحيده اللي تستاهل تثق فيها
ما انلام اذا عشقتها .. ظلمتها يوم قلت انها تغيرت
اليوم خلتني اتحمس اكثر اني اعيش معها
خصوصاً انها ما تغيرت نفسها حبيبتي اللي عشت
اغلب طفولتي معها ما اذكر ان كان فيه موقف
قديم الا واتذكرها جنبي ، غيرتها علي وهي صغيره
وشرطها قبل ما تسافر انه ما يصادق غيرها بنت
حبها الواضح يوم كنا صغار كل هذا يعطيني امل
حالياً مو متأكد من حبها لي بس انشالله بنعيش .


بعد اسبوعين فالعشر الاواخر .. فالمول
الكل كان متوزع ومشتط مع العنود واغراضها
جت سحاب بتعب : بنات بروح مع محمد
كملو الباقي انتم وبكره بنجي مره ثانيه
سمو : اهم شي القياسات
العنود : الله يسعدكم يابنات اغلب الاشياء خلصناها حتى القياسات اوكيه
افنان : شوفي ياحلوه بما ان خلصنا اغلب ملابسك
الاساسيه اهم شي تبدين تقيسينها عند اختك
ونجد وتكون مضبوطه عليك لا تتورطين وكله
بسبب استعجالنا
العنود : بكره بتفضى للميكب
سمو : ايه انا اللي بختاره وهتيف معي
العنود : الا هتيف وينها ؟
حور : هي ومنى في زارا
اثير : تدرون احلى شي اني شريت لنفسي وخلصت
حور : اما ياخاينه ليش ماقلتي لنا
اثير : هي بالعقل لا لقيتي شي يناسبك اخذيه
سمو : طيب للملكه ولزواج كلها خلصتي منها
اثير : حمدلله انجزت انا وريم
هتيف جت : افف انا بنفسي ماشريت شي
سحاب : بكره وحنا ناخذ الميكب حق العنود
نشتري لنا فساتين حلوه
هتيف : تدرون راسي مصدع ابي انام والسواق يقول
انتظرو بعد ساعه
منى : وجع وانا معتمده عليك
ريم : ماعليكم بتصل على سلوم
هتيف : لا استحي منه
ريم بضحكه : يعني تبين منصور
افنان " يع ضبطت الدور الكلبه وتطقطق اف
كريهه " قلت بهدوء : لا منصور فالشركه مع جدي
هتيف توترت : فهد اخوي اكيد ما عنده شغل
اثير : لا لا سلوم بيجي ومنها اخذ اغراضي اللي
في السياره
منى : شكلي بروح مع اوبر
هتيف ضحكت : عاد انا بخليك تروحين
منى : مو منجدكم بنات كيف والله استحي
ريم : عادي سلوم مو مدقق فيك الا اذا نزلتي
في بيتكم يمكن يلمحك شوي
سمو : عاد انتي حطي رجلك اول ماتنزلين

عند اثير اللي ابعدت عنهم واتصلت على اخوها
اثير : هلا خيو اخبارك
سلمان : هلا والله تمام وانتي
اثير : حمدلله تمام عادي اطلب منك طلب
سلمان : امري يابعد قلبي
اثير : مايامر عليك عدو بس تقدر تجي تاخذنا من
المول السواق يقول بيجي بعد نص ساعه
سلمان : ليش ماتنتظرونه طيب ؟
اثير : لا مالنا خلق لنا 3ساعات وحنا فيه
سلمان : يلا خلكم جاهزين
اثير ابتسمت : يلا باي
.
عند البنات ..
هتيف لفت : منو هذي ما كأنها جوجو
منى ضحكت : اهم شي دلعتيها معي
لفت وشافتها وبصدمه : الا والله هي
هتيف : ايه انا قلت هذي مو غريبه علي
منى اشرت لهم وهم جايين جت اثير بسرعه
اثير : بنات سلوم برى يلا
منى : حمدلله لقيت احد يجيبني
هتيف : خير خير بترجعين معهم
وصايف : ايه عشان تسهر معنا وانتم تعالو تكفون
سمو : والله مصدعين لنا 3 ساعات فالمول ابي
انام منجد تعبنا
وجد : الله يعينكم المهم انتم بتجونا غصب
وصايف ضحكت : ايه لازم تجونا
هتيف : انشالله بنجيكم
منى : بنات باي وانتي >>> اشرت على العنود : اكياسك اخذيها
العنود : عمري ماقصرتي
منى : مابيننا هالكلام
هتيف : مع السلامه
اثير : مو وقتكم نادو الباقي سلمان ازعجني
هتيف : يلا يلا من باقي
سمو : باقي فنو راحت تجيب لنا كافي
هتيف : بنروح واذا خلصو بيجيونا

طلعت منى وهي ووصايف ووجد
وهم طالعين حصلو سواقهم صادم سياره قدامه
منى : شفيه
وجد : الله ياخذ سواقنا قولي امين
منى : الخطا على مين بالضبط
نزل سلمان : على سواقكم
منى سكتت هي قد شافته بس ناسيه وين
وصايف : طيب عطنا رقم حسابك وبنحول لك
القيمه اللي تبي
سلمان وهو ينتظر البنات : لا يكفي انكم تبعدون عن الطريق
منى باستغراب : لا بنعطيك هذا من حقك
سلمان وهو يشوف البنات جايين اشر لهم يجون
بسرعه وركب السياره اما البنات مستغربات ..
جت هتيف عند منى : شفيه
منى : يقول مايبي فلوس والسواق صادمه
اثير : مستحيل سلوم ياخذها منه
وجد : لحظه انتم تعرفونه ؟
هتيف : هذا سلمان ولد عمي
منى بصدمه : يلا باي بنات واضح انه مستعجل
هتيف : يلا مع السلامه
بعد ما راحو لف سلمان عليهم
سلمان : تعرفونهم ؟
اثير وهي تركب : ايه هذي صديقة هتيف وبنات خالها معها ....الخ


تسريع احداث 27 رمضان .. الساعه 12 الليل
الكل متواجد عند الجد ويتقهووون
سلطان بصوت خفيف : محمد انت تكفل بالعرضه
محمد : ما عليك هذي منجزها من زمان
سلطان لف ع منصور : منصور بحولك فلوس
وتكفل فالعشاء انت
منصور : مايحتاج انجزت الموضوع من زمان
محمد : بس كأنك كثرت الذبايح
سلطان : عرسي وش تتوقع
منصور : لا ياغبي انا كلمت الجمعيه لا خلصنا
عطيناهم باقي الاكل اما سالفة الخساير ذي
وتجينا ذنوب بسببها فكونا منها
سلمان بتأييد : صح حنا جاهلين فالموضوع هذا ..

عند البنات اللي على الجهه الثانيه ..
سمو : هتوف وين العنود ؟
هتيف : مستحيه تقول ماراح اواجه البنات الا
بعد الزواج
حور : منجدها ذي
هتيف ضحكت : ايه وماتبي الهواء يأثر على بشرتها
نجد : ياعمري يالعنود كني اشوفها بدت تتوتر
افنان : المهم بنات انا شريت فستانين الاول
ضبط علي والثاني جربوه يمكن يضبط عليكم
بما اني سمعت ان فيه ناس ما شرو شي
سحاب ضحكت : الا شرينا بس مو مقتنعين فيها
حور تأففت : يا الله لاتذكروني بفستاني
اثير ضحكت : والله عكسكم انا اول مره القى
فستان يناسبني
ريم ضحكت : حتى انا معك حمدلله
هتيف : انا حتى حمدلله
سحاب : اجل انا ونجد وسمو وافنان وحور اللي
الله يكون في عوننا
هتيف : ترى الزواج قريب ماعاد يمديكم
نجد : ماشالله حاسبه صح
هتيف ضحكت : اي انا كل يوم اصحى واذكرها بالتاريخ وهي تنقهر مني
سمو : مسكينه ايام وتلحقينها
هتيف بنظره : ملكه بس والزواج بيتأخر
سمو : لاجت الملكه جاء وراها الزواج
حور كملت : عاد جدي مستحيل يخليك معلقه
هتيف خافت ووقفت : اكلو تبن بروح للعنود
احسن لي
نجد ضحكت : كذابين والله كذابين
هتيف مشت ولا ردت عليهم ..

اليوم التالي .. توجه فهد للمطار يستقبل مها
واهلها اللي جايين يحضرون زواج العنود
وفي نفس الوقت بيفطرون عندهم
ووصلو البيت واستقبلتهم ام فهد والعنود وهتيف
بعد الفطور جلسو يسولفون ..
هتيف : كم بتجلسون هنا ؟
مها : ابوي مقرر يستقر فالسعوديه بس باقي
بيرجعون شهر واحد عشان يخلصون الشغل مره وحده بس الحين خلاص بيجلسون 3 شهور
ام مها : هي اللي اصرت على ابوها نرجع
مها : عشان ما اطق مشوار خلكم قريبين مني
هتيف ضحكت : لا عاد مها بتسحب علينا
مها : ما اقوى والله وحتى حمودي بغى يموت
كل شوي ابي هتيف ازعجنا فيك والله
هتيف : ياعمري حتى انا اشتقت له تصدقين
صرت ما افطر لاني دايم ما افطر الا معه
ام مها : لا مايصلح افطري
ام فهد بنظره : صارت عظم بسم الله علينا
هتيف صرفت الموضوع : مها وش رايك تجين معي فالمطبخ وتشوفين آلة القهوه توي طالبتها
مها وقفت وهي تضحك منها ..

في بيت ابو منى ..
وصايف دخلت غرفة منى ولحقتها وجد واخر
شي جت منى : وجع شفيكم سابقيني ع غرفتي
وجد : من زين غرفتك عاد المهم علمينا من
اللي قالت لك صديقتك انه ولد عمها
وصايف : اي صح متزوج ولا مطلق ولا خاطب
منى تربعت : تبون الصراحه هالعايله ينقطون
جمال مره حلوين وطبعاً اللي شفتوه عيال
عمه الباقين احلى منه
وجد منسدحه : اما عاد كل هالحلاوه و فيه احلى منه بعد
وصايف : طيب متزوج ولا ايش
منى : مدري والله بس لا اتوقع هتوف اول قالت انه
رافض فكرة الزواج مدري عاد الحين
وصايف بكذب : يارب الفكره تجي في باله لا شافني
وجد : ووجع نسيتي حمد اللي بغى يموت
منى : نعم نعم من حمد وش السالفه
وجد : تستاهلين يوم اتصل عليك تصرفيني
منى : ياقلبي اكيد اني مشغوله المهم قولي لي
وجد : تعرف تطلع نفسها من السالفه المهم حمد
جاء عند ابوي وقال تكفى طالبك وعادها 3 مرات
وقال ابوي تم بس بعد موافقت بنتي
منى : اهم شي 3 مرات ماعلينا انتي وافقتي
وصايف : مدري ماعندي احد استشيره
وجد : وانا وين رحت انشالله
وصايف : انتي كل شوي تقولين مبروك بتتزوجين
يعني ما جيتي ونصحتيني سواء وافقت او لا
منى ضحكت : الله يعينك عليها
وجد : تخيلي يامنى حمد يحبها ويموت فيها
ولما شافها بالغلط في بيت عمي طبعاً انتي عارفه
بيتهم فاضي كلهم بزران المهم بغى ينجن كل شوي
متصل على ابوي
منى : طيب كيف شكل ولد عمكم واخلاقه
وجد : خقه واكبر من الخقه وانه موظف في شركة
ابوه ومو داشر مثل عيال عمي سعد استغفرالله بس
منى ضحكت : ربي بيرزقك بواحد داشر صدقيني
وجد : استغفري يا حيوانه اصلا انا بروح اخطب
سلمان خان افف ياحلوه
منى ضحكت : اسمه سلمان بن عبدالله
وجد : ولا الاسم فخم بعد
منى : عاد لو تشوفين منصور ان تخقين طبعاً
هو اللي بياخذ هتيف
وصايف : اكيد هي توريك صوره
منى : لا هو جاء في استراليا عشان هتيف وفاتحه
له الباب بس والله يا انه خقه
وجد بنظره : لو خطيب صديقتك يخطبك بتوافقين
منى : لا خير هو يموت فيها بس السلقه مكذبته
وصايف : يعني كلكم تعرفون وهي لا
منى : كلما نصحناه قالت انتم ماتعرفون شي
وجد : يمكن انها صادقه ان فيه شي ماتعرفونه
منى صرفت الموضوع ماتبيهم يعرفون سوالف صديقتها : المهم فيه عبدالعزيز ومحمد وسلطان
واخوها فهد كلهم حلوين
وصايف : عندك صورهم
منى : لا بوريكم من جوال هتيف فالسناب هم ضايفين بعض وينزلون يومياً ....الخ



الساعه 2 الليل .. البنات كلهم متجمعين فالملحق
نجد تكلم سلطان : والله مقدر البنات بيزعلون اذا
سحبت عليهم
سلطان : حتى انا ومنصور بنزعل
نجد : شرايكم تجونا ونجتمع مثل اول
سلطان قصر صوته : العنود معكم
نجد : لا مو معنا
سلطان : خلاص يكفي عذاب تعالي
نجد ضحكت : انت وش تقول
سلطان : مافيه شي اسمعي كلنا في صالة بيتكم
وجدي راح ينام وابوي وعماني الموقرين افلحو
وانتي تعالي ومعك البنات انا راضي انهم يجون بدون عنودي المهم انا طفشان
نجد : طيب بقولهم مع السلامه
سلطان : مع السلامه


نجد لفت ع البنات : ياحلوين ممكن تجون معي
هتيف : على وين انشالله
نجد : لبيتنا يعني وين
قامو كلهم واتجهو للبيت طبعاً مايدرون بوجود العيال دخلو الصاله وانصدمو ..
هتيف بصوت قصير لسحاب : يمدي انحاش
سحاب : صدقيني عمتنا خرفت
محمد من بعيد : سحاب وهتيف وش عندكم واقفين تعالو
مشو وهم مستحين مايبون يتفشلون وجلسو
سلطان : منصور تبي قهوه ترى القهوه مسويها انا
منصور : قول والله
سلطان ضحك : والله موب الخدامه
منصور خذى الفنجال وهو يحاول يتناسى وجودها
عشان مايحرجها بعد الموقف الاخير
سمو : الا صدق محمد زوجتك مالقيتها
محمد غنى بصوته الشجي : انا بالقوه نسيت مو
حرام تذكروني ارحمو عيني حرام دمعها والله نشف!!لاتطرولي حبيبي لوسمحتو ساعدوني،!
كل ما طريتو لي اسمع قلبي ياعالم ضعف...الخ
بعد دقايق وقف والجميع طلبو اغاني منه
محمد بتمثيل : م اسمح الا الاغاني الوطنيه الغزل ابعدوني عنه لاتجرحوني
سحاب : صدق تحبها ؟
محمد : والله صدق خقيت وحبيتها
منصور : ايوه كمل !
محمد بنظره : خلاص صرحت اني حبيتها وغير كذا انا ما احب اعلم الناس كلهم اني احب
هتيف شتت نظرها ومنصور ندم انه تكلم
عبدالعزيز مات ضحك بس بصمت
اما منصور فتح جواله ودخل السناب وشاف هتيف منزله سنابه وكانت كاتبه ..
" أصعب المعارك التي ستخوضها في حياتك هي تلك التي تدور بين عقلك الذي يعرف الحقيقة ، وقلبك الذي يرفض ان يتقبلها ." قراها مره ومرتين
وثلاث حاول يفهمها بس للمره الثانيه حاول انه
مايظن فيها ظن السوء وتجاهل سنابتها .
محمد وهو يوريهم صورة الباص الخاص في عايلتهم ويضحك : تتذكرونه ؟!
هتيف بتسرع : ياحلو ايامه
منصور طالع فيها ع طول وهي شتت نظرها عنه
سمو : افف منقهره لاني كنت بزر ما انبسطت فيه
سلطان : والله من الوناسه اللي فيه
سحاب : والله فله خصوصاً انه يحمسنا نروح
محمد : والله لا تحمست انا بس كان غصب علي
عبدالعزيز : بالعكس ذكريات الطفوله كانت فيه
منصور : عني انا ما حبيته بس يعقوب كان يعلم علي
نجد ماتت ضحك : افف يالبييه يايعقوب كان يتعب
معي انا والعنود وهتيف مايقدر يهاوشنا وبنفس
الوقت حنا نرفع ضغطه ونلحق منصور
منصور : انا اللي ارتفع ضغطي لانكم نشبتو لي
افنان : انت خلك حاله خاصه انت ونحشاتك
محمد : كنت اقوله يامنصور بنحاش معك الساعه
كانت توها 4 الفجر بس هو رافض يوم جته نجد
وهتيف خذاهم ع طول
نجد : حبيبي في نص الطريق انحاش وخذى هتيف
معه
هتيف ضحكت : انتي ماتعرفين تمشين
منصور : صح انتي وجزمتك البيضاء الطويله اللي
كل شوي تخبطين القاع بسببها
نجد ضحكت : انا والعنود مطقمات بس مو تخليني وتنحاش عاد
محمد : كان خليتي هتيف تتوسط لك
نجد شافت منصور نزل راسه لجواله وهتيف شوي
وتبكي قالت : لااصلاً ذاك اليوم كان ابوي يلاحقنا
محمد : بس مع ذلك اكثر اثنين ينحاشون وما يداومون منصور وهتيف
منصور : عاد هذي صديقة الطفوله
افنان : ما اسامحك على اليوم اللي رحت تلعب معها وسحبت علي وانا اصيح اناديك
منصور ضحك بتوتر : انتي صدق وش كنتي تبين
افنان : المهم انك جاي تفزع لي حتى لو ماتعرف
محمد : بعلمك ليه ! كنت ماخذ القطوه وجالس
اهددها اني بحذفها عليها وهي تنهج من البكى
افنان : ولا فالمغرب ، رسمياً بنجن
منصور ضحك : اسف ياقلبي
سلطان : تذكرون يوم كان فيه زواج جيرانا وراحو
كلهم ومابقى الا عمي عبدالله جلس معنا
محمد : هذا اموت ضحك لا تذكرته
سحاب : ايه انبسط بغيت تحرقنا انت وعزيز
فالماضي ...
الجد : بتجلسون عاقلين
الكل بصوت عالي : ايه ايه
ابو سلمان : خلاص انا بجلس معهم وانت تعذر
لي من الجماعه
الجد : يلا لا تغفل عنهم
ابوسلمان : ارتاح انت مكبر الموضوع
الجد : بناخذ اثير ترى معنا
ابو سلمان : لا بنخليها مع امها وخواتها
الجد : لا هي شافت حور وسمو متجهزين واكيد
انها بتزعل
ابو سلمان : خلاص انتبهو عليها
راح الكل ومابقى الا : عبدالعزيز وسلطان ومنصور
ومحمد وسلمان ونجد وهتيف والعنود وافنان
وسحاب اما فهد راح معهم ..
ابو سلمان : اسمعوني كلكم تجلسون فالصاله
وما ابي احد يتعداها
منصور : عادي اروح اجيب عشاء لنا
ابو سلمان : ام سلمان بتسويه لكم
هتيف بحزن : لا نبي من برى
ابو سلمان : خلاص روح بس خل يعقوب يوديك
والحساب بعطيه يعقوب الحين
منصور انبسط : كفو عمي اروح الحين
ابو عبدالله : لا جاك يعقوب روح معه والباقين اجلسو تابعو باب الحاره بتبداء بعد شوي
راح ابو عبدالله المجلس بعد ماوصى الخدم عليهم
عبدالعزيز : منصور انا والعيال بنروح معك والبنات
يجلسون لانهم بنات صغار
البنات عارضو كلهم يبون يروحون
هتيف وهي تشاور منصور : بروح معك
منصور : لا ما يصلح لاني انا رجال وانتي بنت
هتيف حبست دمعتها : دايم نروح مع بعض الحين
ليه ما تخليني اجي
منصور رفع صوته : خلاص من العيال بروح انا
ومن البنات بتجي هتيف معي
بعد ازعاج البنات والعيال اقتنعو برآي منصور
الي اخر شي عصب عليهم واصر على رآيه
ارجعو وبعد ماتعشو وقف عبدالعزيز
عبدالعزيز : انا بسوي شاهي
نجد : البنات بس هم يسون شاهي
سلطان : عادي ابوي لرحنا للبر يسويه
محمد : انا بساعدك
عبدالعزيز : يلا تعال
توجهو للمطبخ واجلسو الباقين على الكراسي
عبدالعزيز كان ينتظر المويه تغلي وكان حول
الفُرن كرتون الفاين
هتيف بطفش : اوفف مليت ليه مانروح للخيل
العنود : يعع تخوفف
هتيف : الا حلوه انتي عشانك خوافه
منصور بتأييد لهتيف : لا بكره بنروح لها كلنا
بعد نقاش ومجادل البنات اللي مايبون الخيل
قاطعهم صراخ محمد وخافو من شافو الفاين احترق وطلعو كلهم جاء ابو سلمان يركض من المجلس ابو سلمان بخوف : شفيه ؟
نجد : عزيز كان بيسوي لنا شاهي واحترق المطبخ
عصب ابو سلمان ودخل المطبخ بس تفاجأ من
شاف كرتون الفاين بس محترق والوضع عادي
فـالـواقـع ..
نجد : ترى كبرنا السالفه وهي ماتسوى
هتيف تذكرت رسالته يوم طلبو مطعم وكان يبي
مثل طلبها بضبط ماتدري ليه اربطته فالموقف هذا
عبدالعزيز : المشكله انا كنت اجهز البيالات ومتحمس مع البنات وهم يتهاوشون وكنت ناوي لاخلصت اني احسم السالفه اذا بنروح ولا لا ....الخ

اليوم التالي .. العصر .. هتيف ومنى في الكافي
هتيف : تصدقين تعامله تغير
منى : اقولك انا بس ماتفهمين
هتيف : وصلت مرحلة اللي ما ادري وش ابي بالضبط
منى : تفائلي
هتيف : كل يوم اكلمك وهذي مواضيعنا ماتغيرت
ماعلينا المهم متى نجيب الوثيقة
منى : افف مدري يمكن اوصي ابوي يجيبها
هتيف : لا تكفين نبي نروح مع بعض وانا خاطري
اساساً نسافر مع بعض
منى : لا لا ما ابي شهر 10 كله مشغوله
هتيف : انتي عارفه ان الملكه 15 ويمكن يقدمون
الزواج وما راح يمدينا نسافر مع بعض
منى : لا حبيبتي بيوافق غصبً عن وجهه وبعدين
عايلتكم متفتحه وانا مقرره على سفره بينا انتي
وبنات عمك وانا وبنات خالي
هتيف : اوكيه انتي مستحيل احد يقنعك
منى ضحكت : هتيف والله مالي خلق الطياره...الخ


بعد ساعات في بيت ابو فهد .. في غرفة العنود
هتيف جت تركض : العنود
العنود : خير
هتيف : بكره العيد وبعده بيومين زواجك
العنود حذفت المخده عليها وسفهتها
هتيف بضحكه : تحسسيني انك بتروحين تجاهدين
شافتها ساكته : طيب انا على كثر مشاكلي تقبلت
الوضع وانتي ماشالله كل شي صار بسهوله وخايفه
العنود : طيب هذا احساس الخوف بتجربينه بعدين
هتيف : يعني اللي مُقبله ع الزواج لازم تخاف
اسفهتها العنود .. توقعتها تطقطق
هتيف : قولي لي عشان امثل اني مستحيه وخايفه
وزعلانه على فرقاكم وش فايدتك انتي علميني
العنود : يعني بتقنعيني انك مبسوطه من زواجك
هتيف بحيره : بشوف الوضع وبجاوب لك بعدين
العنود : انصحك لاتستعجلين بقرارتك وظنك فيه
ترى بتندمين لا اكتشفتي انه يحبك
هتيف وقفت : افف خلاص عاد مليت من الموضوع هذا المهم اي ماسك بتحطينه ناديني احط معك
العنود : بدري توك تهتمين الحين
هتيف : عاد هذا شي راجعي لي
العنود : والله مدري وش حاب فيك منصور
هتيف اسفهتها وطلعت تشوف لبسها حق العيد

حور : يا الله اول مره اسلك فالعيد وما اكشخ
سحاب : كشختك خليها في عرس اخوك وفالملكه
حور : صادقه اهم شي جدك لا يجحفلنا ويسوي
عزيمه ويجمع العالم كلها
سحاب : لا ما اتوقع لانه متحمس لزواج سلطان
حور : يالبيه والله بفقد صوته فالبيت
سحاب بتوتر : وانا ؟
حور : لاجاء ذاك اليوم انشالله بقولك
سحاب : ماعلينا انا خاطري اعرف حبيبة حمود
امس حزنت عليه وهو يقول والله ما اتزوج غيرها
حور : مستحيل يلقاها ويمكنها متخرجه هالسنه
سحاب : مدري جعله يلقاها يارب
حور : المهم باقي 7 ساعات ويبداء العيد يلا خلينا
نجهز العيديات
سحاب : قهر مافيه بزران عندنا الا حمودي
حور : لا بناخذها ونروح نصلي صلاة العيد ونوزع
على البزران اللي هناك
سحاب : طيب يلا هاتي الاكياس


عند اثير وريم اللي فالمطبخ ..
اثير : احط لهم كم وحده
ريم : التورتيلا 12 حبه يمكنهم ياكلون ثنتين
اثير : يعني 36 حبه
ريم : طيب نرسلها مع الخدامات
اثير ضحكت : شوفي يمكن هتيف ما تاكلها هي ونجد مايحبون الخدامات ابد
ريم : خير عاد انتي قولي لهم مسوين عشاء لكم
اثير ارسلت لقروب البنات ( بنات برسلكم عشاء )
ريم : طيب الببسي كثير هنا خلينا نزود لهم
اثير : سوي اللي تبين اهم شي يكون الشكل مرتب
ارسلت العنود ( من مسويه ؟ ) ضحكت اثير
اثير ( انا وريم وبرسله مع الخدامه )
سمو ( شكل الخدامه مسويته )
اثير ( قسم بالله انها انا وريم )
حور ( والله مدري عنك )
هتيف ( البنت حلفت ! شفيكم )
افنان ( انتي واضح انك جيعانه )
هتيف ( اي اي والله بموت من الجوع ارسلوه يلا )
اثير ( ههههههههههههههههههههههههه ه يلا )

مرت الساعه وصارت 2 ..
صحى منصور وراح لعبدالعزيز ..
منصور : مشغول
عبدالعزيز : ياشين جوك المهم انك سهران
منصور جلس : تدري امس متى صاحي الساعه 8
الصباح ورحت اجيب سيارة جدي واخلص شغلي
وما رجعت الا الساعه 5 العصر وافطرت وانشغلت
مع سلطان وطلباته ونمت الساعه 12
عبدالعزيز بصدمه : الساعه 12
منصور بتعب : 3 ساعات بس راسي مصدع الحين
عبدالعزيز : عاد انت نومك ثقيل مدري كيف صحيت
منصور : انت شفت المهم كم باقي ويأذن الفجر
عبدالعزيز : ساعه ويأذن ...الخ

صباح يوم العيد الكل تجهز وخلص واتجهو لبيت
جدهم بدون استثناء في المطبخ
دخلت هتيف : ماراح اسلم الا على عماني
حور : كنا جيناك وقلنا سلمي علينا
هتيف : ياحبك للمشاكل
جت سمو : ما شالله هذي اللي تقول ما شديت
حيلي في اختياري لفستان العيد
هتيف بمزح : اكيد اني محليته انا
سمو ضحكت : اي والله انتي اللي محليته
نجد : ياحلوكم يلا بصوركم لمشاعل اجتمعو
تجمعو وخذو كم صوره ووثقو لحظة اجتماعهم

في مجلس الرجال .. بعد ما راحو الرجال وبقى
الجد وعياله واحفاده ..
منصور بصوت خفيف : ابي النوم
محمد : ساعتين واروح ارقد
سلطان : ورع وش صار على القاعه ؟
محمد : ترى ازعجتنا كل شي سويناه عنك ولابعد
عبدالعزيز ومنصور كارفيني هاليومين بس عشان
ملكه لو جاء الزواج وش بيسوون
سلطان : برد جميلك لا لقيت زوجتك ان شاءالله
منصور بمزح : ايه ويمكن ندورها معك
محمد : تخيل تدورها معي
عبدالعزيز : مستحيل تلقاها بس الله يعوضك
محمد : لا انشالله انا متفائل
منصور : طيب كيف حبيتها وانت ما شفتها الا
دقيقه وحده واتوقع ثانيه بعد
محمد : ازين من حبيبتك اللي شايفها من سنين
وتوك تاخذها
منصور ضحك : شدخل ؟
قاطعهم الجد : فيه اخبار جديده صارت
وطالع في منصور : والله يستر من ردة الفعل
كلهم انتبهو له ويبون يعرفون وش بيقول

عند البنات .. فالصاله اللي فوق باستثناء العنود
اللي سلمت وراحت عند خوالها ونجد
اللي كانت تكلم فالمطبخ وبتروح لابوها واخوانها

مشغلين السماعه ويرقصون ومنطربين
جت الهنوف وطفت السماعه : ليش ماتنزلون تحت
ترى اللي تحت يبون يرقصون مثلكم
هتيف برفعة حاجب : من اللي تحت ؟
الهنوف : من يعني اوادم اكيد
هتيف : هنوف ترى مالي خلق اذا ودك ترقصين
المكان واسع حياك اذا بس جايه تتكلمين اطلعي
الهنوف بعصبيه : مو انتي اللي تطرديني
هتيف اسفهتها وشغلت السماعه
الهنوف طفتها : مو اي شي انا عشان تسحبين علي
وماتردين ولا بعد تشغل السماعه
جت امل : الهنوف تعالي امي تبيك
الهنوف زادت العصبيه فيها لانها ملاحظه امل
متغيره : انقلعي انتي الثانيه
ريم تقدمت وقالت بهدوء : الهنوف ماله داعي
تخربين جونا بكلامك الي ماله اي معنى وعصبيتك
التافهه اللي بدون سبب
الكل مصدوم من المشكله اللي هم ماعرفو سببها
الهنوف : ماشالله صار جونا الحين
هتيف : ايه ريم بنت عمنا مثلها مثل سحاب وحور
وافنان وسمو وتغيرت وحابين تغيرها وحمدلله انها
عرفت الطريق الصح وسحبت عليك
الهنوف بتحدي : ترى الحلوه اللي تدافعين عنها هي اللي مخربه حياتك من الى
ريم ابداً ما حسبت حساب هالشي وقفت بتوتر
حست بتعب طول الشهور اللي فاتت وهي تحاول
تمون وتصلح علاقتها واخطائها بس في دقيقه جت
الهنوف وانسفت تعبها بكلام هي كانت سببه
ريم بتوتر : لا تنسين انتي اللي جابرتني
الهنوف : لا يا حلوه انتي رايحه بأرادتك مافيه شي
اسمه بالغصب حسستيني ساحره مو الهنوف
امل جت بعصبيه : وما وافقناك الراي ولا طعناك
الا بعد تهديداتك وكذبك على بنت عمك وتشويه
صورتهم قدامنا وكلامك التافهه واتهاماتك الباطله
لفت على البنات : تدرون يابنات عمي ان اختنا
الهنوف من يوم عرفنا العلم وهي تقول
بنات عمك كريهات يحسدونا وغيرانين منا
وكل هذا ليه ؟ لانها تطلقت المسكينه
وخايفه انكم تتشمتون عليها طبعاً انا شايفه
تعاملكم واحترامكم معنا بس عشانها هي زارعه
هالشي فينا لدرجة انها تقول مواقف كذب من خيالها وحنا نصدق ومخليتنا نسوي مواقف
استغفرالله بس بس كلها ظلم ولاسألناها وش
الفايده قالت انا ابي لكم مستقبل حلو وزاهر..
قاطعهم دخول نجد اللي ما حضرت المشكله
نجد دخلت وهي تضحك : بنات اجلو ملكة عزوز ومنصور وكلها عشان العنود تحضر ملكة اختها بس ابوي قال هتيف قالت تبي تأجله عشان منصور يرضى ومايزعل عليه لا تقولين ماقلت لك
هتيف تجاهلتها : وش فيه وش صاير ؟
ريم تقدمت لهتيف بحزن وندم وبتوتر : ااسف انا كذبت واتهمتك كثير وقدام مين
قدام منصور صح فالبدايه كان اعجاب بس ما وصلت لمرحلة الحب اللي يخليني اتهور
نزلت دموعها وببكى : بس والله الهنوف كانت تقول
عنك سوالف وتتهمك وحنا نصدقها ونتحلف فيك
وبعدين قالت ابيك تخلين منصور يحبك عاد تدرين
هي اللي مخليتني اصور سناب وارسلك وتدرين ذاك
اليوم وش قال لي منصور هاوشني عشانك يعني
قبل ما تجون بايام ...... قالت كل شي من البدايه


في مجلس الرجال .. كان عزيز ومنصور معصبين
ضحك ابو عبدالعزيز : ترى كلها 5 ايام وش ذا الزعل
عبدالعزيز بصوت خفيف : هتيف هذي بيجي يوم
من الايام واذبحها والحقك وراها
قام منصور معصب من تصرفاتها كل ماقال تغيرت
زادت الطين بله يعني ليه تتشكى عند جده
وهي عارفه انه مايرد لها طلب ناوي يدخل
ويسحبها ويسألها للمره الاخيره هي تبيه ولا لا
مشى مع قسم الحريم شافها مرت بسرعه وخذت
عبايتها وطلعت برى وهو لحقها بسرعه

عند البنات المصدومين من الكلام اللي قالته
ريم لهتيف وكيف ظلمتها صح افنان كانت تدري
بس فيه اشياء جديده عليها وسحاب اللي تعرفه
بس السالفه اللي فالبدايه بس اما الباقي صدمه !
افنان تقدمت بعصبيه : وش الفايده من المصخره اللي سويتيها قبل شوي
الهنوف : هذي الحقيقه مو مصخره وبعدين
مصدقين انفسكم ياللي تحبون بعض كلكم كذابين
متأكده لارجعت الوحده للبيت صارت تحش في
الثانيات على مين تكذبون انتم ؟
نجد : طبعاً انتي عشانك مريضه نفسياً صرتي
تفكرين فالاشياء السلبيه وما تعرفين كيف علاقتنا
مع بعض انتي اصلاً مستحيل تكونين انسانه
هذي سوايا وحده مسلمه مافيك تأنيب ضمير
مثلنا ما تحسين انك حقيره بزياده
سحاب عرفت ان الهنوف موب طبيعيه وانها متأثره
بماضي امها ومشاكلها مع ابوها وتجربة زواجها
الفاشله لانها تزوجت بدري والتنمر اللي جاها
له دور كبير في تشتتها وتصرفاتها
سحبت نجد وهدت فيها وقالت بهدوء : خلاص عاد
مالها داعي نزيد فالمواضيع اللي انتهت وريم
عرفت غلطتها وحبت تعدل حياتها وتعيش بسلام
وانا كنت ملاحظه تغيرك بس من كثر اللاعيبك
مع خواتك رفض عقلي يصدق انك صادقه مع ان
قلبي يقول العكس واذا امل حابه تبعد عنها
الكره والحساسيه الزايده تجي ترى حنا ابداً
ما نكون عدوات لبعض واللي يشهد على كلامنا
مواقفنا مع بعض وحنا بزران فالمدرسه وكيف
اذا الهنوف او امل وريم اذا تهاوشو مع احد
كيف ندافع ونعصب مع ان قبل ساعات متهاوشين
معكم وحنا بالباص بس غصب عنا اذا شفناكم
زعلانين نتضايق وحتى مو مشاكل المدرسه
جيران جدي اللي قبل فالمزرعه اللي تهاوشو مع امكم مع ان امكم هي المتلقفه بس دافع الاخوه
هو اللي خلانا نفزع مو البنات بس حتى سلطان
ومحمد وعبدالعزيز ومنصور وفهد كلنا عصبنا
حتى جدي معنا وكله عشانكم انتم
لفت على الهنوف : بس انا بقولك شي وهذا لك
انتي بس انا عارفه ومقدره طفولتك اللي عشتيها
صح رفاهيه وتعليم وكل شي بس مشاكل امك وابوك وخوالك اللي صارو اعداء عمي عبدالله
والسبب كذب امك بس عشان تسكن فالشرقيه
وبعدها وش صار سكنت بعد ما راح عمي محمد وبعدها شافت فهد ولد عمي صار مدير
جابتكم هنا بعد ما خلتكم تكرهوننا وتكرهون
طارينا بس عشان سلمان يصير مدير
انا عارفه ان سلمان كاره الزواج بعد امه وابوه
وعارفه انك دخلتي من مشكله لا مشكله ولا يومك
هذا واخرها امس فقدتي صديقتك صح ؟
شيلي من بالك اننا اعدائك وترى الشي
اللي يأذيك يأذينا ما انكر ان امكم تعدلت بس
انتي كملت المشوار بعدها وظلمتي خواتك الباقين
وحتى اثير لو تشوفينها كيف تنقهر وانتم مو معها
وكأن ما خُلق لها خوات ابد بس قارنيها بأثير اللي قبل شهر وكيف تغيرت !؟ لان ريم كانت معها
صح اثير صرنا خواتها في كل شي لبسنا واحد
ناكل مع بعض ونطلع مع بعض ونسافر مع بعض
بس لا طالعتي فيها تحسين في عيونها حزن
لا ام ولا خوات ترى الاب والاخوان لهم اهميه بس الام والخوات اهم بكثير بحياة كل بنت الهنوف
ترى يمديك تعوضين كل شي وتبدين من الصفر
وتبتعدين عن الغيره والحسد والمقارنات اللي م
لها داعي .
اثير : لا تحطين لها اعذار هي غلطانه ولازم تقتنع
انها غلطانه ولازم تعقل
الهنوف : انا عاقله من قبل لا اعرفك وخلو بنات
عمانكم ينفعونك كلكم جيتو ضدي بس ما اكون
الهنوف ان ما خربت عليكم حياتكم
ريم قاطعتها : متى جينا معك عشان نجي ضدك

حور وسمو ماحبو يتدخلون عشان اثير ..
والهنوف مشت عنهم وعصبيتها وحزنها وكلام
سحاب اللي كان من بدايته صح وأثر فيها بس
الحقد عليهم لازال

البارت طويلل 🙋🏼‍♀.


هاجر جوده غير متواجد حالياً  
التوقيع
"وعسى أن تكرهوا شيئاً وهو خيرٌ لكم." ❤




رد مع اقتباس
قديم 03-02-21, 03:15 AM   #45

هاجر جوده

مشرفة منتدى الروايات المنقولة

 
الصورة الرمزية هاجر جوده

? العضوٌ??? » 402726
?  التسِجيلٌ » Jun 2017
? مشَارَ?اتْي » 1,915
? الًجنِس »
? دولتي » دولتي tunis
?  نُقآطِيْ » هاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond repute
افتراضي


«الـبـارت الأربـعـون»


مسك يدها وسحبها للحديقه ..
منصور بعصبيه : ممكن اعرف سبب تأجيلك
هتيف كانت تبكي ومغطيه وجها بشيلتها عشان
محد يشوفها بهالمنظر
استغرب سكوتها وسحب شيلتها عن وجهها وانصدم
منصور بهدوء : انتي تبيني ولا لا ؟
هتيف اشرت براسها بمعنى " ايه "
منصور بعصبيه : كذابه لدرجة انك ماكلمتيني وخذيتي رايي ، قاطعته وهي تضمه تحت استغرابه
وهو ابداً ما بادلها ..
هتيف بصوت متقطع : ااسفف
منصور بهدوء : طيب كان قلتي لي
هتيف بتعب ابتعدت عنه : بكلمك بعدين
وراحت بسرعه تحت استغرابه مايدري هو يفرح
بضمتها له ولا اعتذارها ولا السالفه الاساسيه اللي
مالقى لها جواب وهي واضح انها مو على بعضها
وكيف أجلت موضوع الملكه هذا الشي الوحيد
اللي عجز يفهمه .!
،
.
دخلت غرفتها وهي تبكي بقووه مو مصدقه اللي
يصير لها تحس انها متشتته ومتلخبطه ماتدري
وش التصرف الصح اللي بتسويه واول من قابلت
قابلته هو نفسه اللي تحملها صح السالفه فالبدايه
كانت هي المظلومه بس مواقفه من درى وكيف
تعنى لها في استراليا يعتذر لها وفي نفس الوقت
كان يكن لها مشاعر ويحبها من الطفوله
والشيء السيء انها تعاملت مع ريم تعامل عادي
مع انها مرسله لها فالسناب ومثلت انها تحبه
ومع ذلك انسحبت من بينهم فالسالفه اللي
من اساسها " كذب " انكذب عليها وهو نفس
الشي صح شافت الندم بعيون ريم واختها اللي
عارضو الهنوف وعارضو تصرفاتها بس هذا ما
يمسح خطاهم وش استفادت الحين ! وكيف
تبداء حياتها بعد المشاكل وسوء الظن اللي
حاصل بينهم من البدايه ..
،،
طلعت نجد لغرفتها وهي ناويه تروح لهتيف بعدين
وتتفاهم معها لانها مو فاهمه كيف صار كل هذا
وما فيه احد دقق فيهم

- بدو يتفرقون وكل واحد رجع لبيته
«
في غرفة افنان ..
دخلت سمو : يمه مو مصدقه ساحره هذي مو ادميه مثلنا ، خير كيف مايأنبها ضميرها
افنان : كنت ملاحظتها من زمان وكنت اصلاً عارفه
ان الهنوف تبي ريم لمنصور بس ماكنت ادري
بالتفاصيل
سمو تأففت : افف كان جونا قبل ساعه حلو
افنان : اي والله خربت علينا عيدنا الكلبه
سمو تربعت : بس تبين الصراحه اخونا انظلم
والحمدلله ان الحقيقه انكشفت
افنان : احس اني في مسلسل هندي مو مصدقه
ابي اشوف منصور واتناقش معه
سمو : بجي معك تكفيين
افنان : لا لا خليك وبقولك كل شي
نزلت افنان تدور منصور فالمجالس وما حصلته
ام عبدالعزيز : طالبه من المطعم
افنان : لا ويين مطعم في يوم العيد بس ادور منصور ابي اكلمه
ام عبدالعزيز : يقول بيجي الحين بس انتم غريبه
رجعتو بدري حتى انا قمت من عندهم وانا مستغربه
افنان وهي ترقع : مافيه شي بس قررنا نجتمع فالليل احسن
ام عبدالعزيز ابتسمت : لاجاء منصور قولي لي
افنان : ابشري
بعد نص ساعه دخل منصور ونطت في وجهه افنان
منصور : بسم الله
افنان : تعال بكلمك في موضوع قوي
منصور : أجليه انا بموت من النوم
افنان مشت : الموضوع يخص هتيف
لحقها منصور : شفيها
افنان لفت عليه : شوف انا عشاني فيني فضول بتكلم ولا كان سحبت عليك
منصور : شاطره يلا قولي
افنان : الحقني المجلس
راحو للمجلس ومنصور متوتر
خايف يصير اللي في باله وانها ماتبيه فعلاً .


دخلت العنود وسلمت على اهلها وطلعت لفوق
خذت شور ولبست بجامتها وراحت تشوف هتيف
دخلت شافت الغرفه ظلمه ، شغلت الانوار
العنود وهي تدورها : هتيف وينك
هتيف طلعت من الحمام وعليها روبها ووجها تعبان
العنود ما دققت : خوالي يسألون عنك يبونك تجين
والله وناسه عندهم
هتيف لفت عليها وهي تبكي بقووه وتشاهق
جلست جنبها العنود وهي تضمها : شفيك ؟
هتيف وهي تتلعثم : كلكم كنتم صادقين
العنود بخوف : صادقين في ايش
هتيف : ان منصور ما يحب ريم ويحبني
العنود : كيف تأكدتي ؟
هتيف ببكى : ريم قالت الكلام قدام البنات كلهم
العنود : افف ليه ما جت عندك وقالت لك افضل
هتيف : اصلاً ماكان عندها نيه تقولي بس الهنوف
اول من بدى فالمشكله
العنود : اقولل قولي لي كل شي
بدت هتيف تسرد لها الاحداث من البدايه وكيف
كانت مواقفها مع منصور وكذب بنات عمها تحت
صدمة العنود واستغرابها لكل شي

في بيت ابو عزام - كانت اجواء عيدهم غير
منى : بنات جبتو من باتشي
وصايف : ايه هو الوحيد اللي كثرنا منه
منى وهي تفتحها : وجع طلع لي بالبستاشيو
وصايف ضحكت : بنت انا خاطري اعزم البنات
منى : لا هتيف ناويه تعزمكم بالاول
وجد : طيب ليه مانروح نتمشى ونغير جو فالليل
منى : مدري انا بجلس انتظر اتصال هتيف وبعدين
بقولك اذا بطلع
وصايف : اذا طلعتو كلكم بطلع معكم
وجد : وجع يالنفسيات بس بنتعشى ونرجع
وصايف : كني بشوفك عاد صاحيه في ذا الوقت
وجد ضحكت : صح نسيت الغيبوبه
وصايف : تدرون وش مسليني الايام اللي فاتت
منى : وش ؟
وصايف : سنابات بنات السلطان وخصوصاً الثلاث
اللي يتشابهون
منى ضحكت : لا مايتشابهون بس عشانهم قد بعض
وجد وهي تطالع في جوالها : نزلو فالبدايه رقص ووقفو دايم يبثرونا
منى : خليك انتي انا هتيف كل يوم تصور لي وهي
فاضيه وهي في مناسبه بس هالمره غريبه ما صورت الا صوره وحده وهي متكشخه فالصباح
وصايف وهي تلف : بنات جونا ضيوف قومو
وجد : مالي خلق عاد
منى ضحكت : لحظه ام حمد وينها
وصايف بمزح : جالسه اتشوف لها من اليوم
وجد : اخس يعني موافقه
وصايف : مدري عطوني اسبوع
وجد : خير انتي له دهر وهو خاطبك
منى ضحكت : صدقيني هي ودها تقول موافقه بس
ماتبي تتنازل لنا
وجد : ترى خواتها حنا يعني ماله داعي تتكبر علينا
وصايف : يعع اكبرو وش ذا التفكير ...الخ
،
،
العنود : مو منجدها كيف قدرت تسوي كل هذا
واحنا ما لاحظنا
هتيف : الا انا كنت ملاحظه بس يعني ملاحظة
حول ريم ومنصور بس ما كنت ادري بالخطط
العنود : وانا خاققه على ريم وعلى تعاملها معنا
طلعت الكلبه من ورانا
هتيف : شوفي صح انها كلبه بس هي تمشي ورى
رآي الهنوف ولاحظي تغيرها اخر كم شهر وكيف
تتخدم لي وتأكدت انها ندمانه على كل شي سوته
العنود عصبت : بس فالنهايه هي خربت عليك وخربت على منصور المسكين وانا بنفسي جايتك وقلت منصور يموت فيك ويعشقك وهذا الشي واضح وانا ما راح الومك لان الوضع كان مشكوك فيه بس فيه اشياء واضحه لازم تعرفينها بسرعه
هتيف : طيب شسوي وكيف اتصرف معه ؟
العنود : مالك الا تعتذرين له
هتيف : منصور عصبي وبارد واحياناً فيه نذاله ما
يمدي حتى اتفاهم معه
العنود : بس فيه رحمه وطيب واكيد بيسامحك
هتيف وقفت : تدرين بروح انام انشالله ما اقوم
العنود غصب ضحكت : افف من حياتك الززفت
هتيف وهي طالعه فوق : يحق لك لان حياتي
خربانه من الى ومافيها شي صح ابداً ...الخ
،
،

-
في بيت ابو عبدالعزيز .. في المجلس
منصور بفرحه : يعني عرفت كل شي
افنان بوناسه : ايه كل شي بس انا كنت بكلمك
بموضوع السنابه يعني ما لاحظتها وهي تصورك
منصور : الله ياخذها المقرفه ، مادريت عنها ابد
بس انتي ما تقولين تابت
افنان ضحكت : حشى ذي كافره وش تابت
منصور : لا يعني انا من شفتها عاقله وتجي معكم
حبيت استر عليها
افنان : شفت كيف ربي انصرك لانك سترت عليها
منصور : ماعلينا بس هتيف وش ردت عليها
افنان : طلعت بدون ولا كلمه مصدومه من الكلام
منصور تذكر ضمتها واعتذارها : اها
افنان : بس تدري الهنوف متحلفه فيكم
منصور ضحك : لا المجنونه ذي علمها عندي...الخ
،
،
رجعت للبيت وانا اطالع فالهنوف المتكهربه احياناً
اشك انها مجنونه فعلاً تصرفاتها تخوفني منجد
ينخاف منها احياناً اقول اتوقع ما راح تسوي
الحاجه الفلانيه واكتشف اليوم الثاني انها مسويته
الله يستر لا تقتل احد فينا والمشكله الا كبر ابوي
مايدري عن سوالفها وامي مشغوله بطلعاتها وحتى
لو جلست بتزيد شرها وتحمسها اكثر
والحين راحت لغرفتها والله يستر وامل اختفت بعد
هالبنت ما اثق فيها احس جاها اكتئاب حاد مو
طبيعيه ابد ولا اثير بعد قلبي تحملتنا كلنا انا
3 شهور وما تحملت اهلي بس هي ماشالله
قدرت تتحملنا كلنا مع انها مكسوره من الداخل
،
>>
،
اليوم التالي الساعه 11 الليل ..
هتيف نزلت : وينهم البيت فاضي
العنود : امي عند اهلها وابوي عند اهله
هتيف ضحكت : وفهد اكيد عند اهله
العنود : ايه توه جاي ويسأل عنك
تلفتت هتيف : جوالي وينه ؟
العنود : كيف يطاوعك قلبك تضيعينه
هتيف : اللي صار لي مو شوي
طلعت فوق تدوره وشوي ونزلت
جلست وفتحته وانصدمت من المكالمات والرسايل
هتيف : اففف سحبت على منو
العنود : ايه تسألني عنك
هتيف : ولا عمتي والبنات كلهم يتصلون بعد
اتصلت على منى اللي ما ردت الا بعد ثالث رنه
هتيف : نعم وش ذا التأخير
منى باستهزاء : علمي نفسك بالاول
هتيف ضحكت : معي عذر والله
منى : مخليتني يوم كامل ولا حتى ارسلتي
هتيف : فيه موضوع مشغلني عنك
منى برفعة حاجب : يعني مامسكتيه دقيقه
العنود وقفت : كلامكم يغث كل وحده تتشره من جهه
منى سمعتها : تمردت من رجعت الرياض
هتيف ضحكت : انتي شفتي ، انهبلت اختي
سفهتهم العنود وهي رايحه لغرفتها
منى : لحظه قولي العذر يلا ولا ترى بقفل
هتيف وبان الحزن بصوتها : تجين عادي واقولك كل
شي من البدايه
منى بصدمه : الساعه 11 وين اجيكم الناس نايمه
هتيف : محد درى عنك تعالي بس حتى ابوي بينام
عند جدي وامي عند اهلها وفهد في شقته يعني
لا نزل ينزل من جهته ما يقدر يشوفك
منى بتفكير : امم اوكيه جايه جهزي القهوه
قفلت هتيف وراحت المطبخ تطلع الحلويات وتجهز القهوه وراحت تقول للعنود
دخلت وهي تسمع الاغاني وقفلتها : خير استحي
العنود : نعم قطعتي علي جوي
هتيف : طيب اخذي سماعتي بدون محد يسمع
فضحتينا الصوت عالي
العنود : انتي اصلاً وش جابك عندي
هتيف : منو بتجي الحين
العنود : مريضات ما لكم حل
هتيف بطفش: فكينا من الماسك اللي ع وجهك وتعالي ندور حل لمشكلتي
العنود : تقصدين مشاكلك
هتيف : تحسسيني كل شوي قاعده اتشكى لك
العنود ضحكت : خلاص طيب بنزل


بعد نص ساعه وصلت منى .. فالصاله
منى جلست : ايه وش الموضوع
هتيف : ابد والله بعد ماصلينا صلاة العيد رحنا
لبيت جدي وبعدها رحنا نرقص فوق مع البنات
وفجأه جت الهنوف و...قالت كل شي لها
بعد دقايق
منى بصدمه : في ذمتك كل هذا صار
هتيف بحزن : عشان ماتلوميني
منى : طيب وش صار بعدها
هتيف تربعت : من سوء حظي قابلت منصور مالي
وجه حتى اقابله بعد كل اللي صار
منى : موقف لا يحسد عليه بس مع ذلك حنا ما
قصرنا ووجهناك بس انتي فيك عناد مو طبيعي
هتيف دمعت : شسوي طيب
منى : تعتذرين وتبدين تعاملينه بطيبه وحب
هتيف بصدمه : حب ؟! كيف يعني
منى ضحكت : وجع كني اتعامل مع وحده في
سادس ابتدائي المهم افهمي انتي غلطانه ولازم
تصححين أخطائك اللي لاتعد ولا تحصى
هتيف قاطعتها : فكينا من الفلسفه وتكلمي بوضوح
منى : اوكيه اسمعي انتم بتتملكون قريب صح
هتيف : لا جدي خلاها بتاريخ 20
منى : فرقت 5 ايام يعني ؟! ماعلينا راح تزينين
علاقتك معه وتبدين تمونين وتسولفين معه
وتخلين كرامتك شوي على جنب
هتيف : وشدخل الكرامه الحين
منى : يعني تبيني اذبحك اليوم
هتيف : خلاص اسف كملي
منى : اولاً اعتذري
قاطعتها هتيف بصوت عالي : اعتذرت والله اعتذرت اللي بعده وش ؟
منى بصدمه : اما اعتذرتي ؟
هتيف بهدوء : ايه اعتذرت و
بتوتر : وضميته بعد طبعاً بدون شعور واذا
ضحكتي بذبحك
منى ماقدرت تمسك نفسها من الضحك
طقتها هتيف : الحين رسمياً ماعندي احد افضفض
له دامك انتي والعنود تضحكون علي
منى وهي تحاول تهدى : بما انك ماشالله سبقتي
الاحداث يعني اعتذرتي وضميتيه بنفس الوقت
كان ما ناديتيني يعني معنيتني وفالنهايه الشيخه
هتيف قد اعتذرت وضمته والله اعلم اذا سوت
شي ثاني وما قالت لي
هتيف شهقت : وش بسوي الله ياخذك يامريضه
منى ضحكت بقوووه وهتيف انقهرت
نزلت العنود على ضحكهم وهي مبتسمه وسلمت
وبضحكه : ماشالله صوتكم واصلني فوق
منى : تدرين اختك مناديتني وانا جايه ابي احل
مشكلتها اثاري الاخت قد اعتذرت من منصور
العنود بضحكه : الا صح انتي اعتذرتي
منى : ولا بعد ضمته
العنود نطت عندهم : لا عاد ضمتيه وما قلتي لي
هتيف : اخر مره اقولكم شي يالسلق وبسرعه غيرو
الموضوع .....الخ


عند منصور كان جالس في سيارته ويفكر
" هي اعتذرت ! طيب انا ما راح اسامحها بسهوله
بسوي فيها مقلب عشان ادفعها ثمن حزني اللي
فات وعصبيتي وكل شي هي كانت سببه اهم شي
انا ضامنها لي بس بخلي اعصابها شوي تفلت
وبما اني سمعت انها تكنّ لي محبه في قلبها
بس مع ذلك لا اعترفت لي بتكون احلى منها "


عند سحاب كانت جالسه في غرفتها ووصلت
لها رساله من عزيز ( اطلعي في بوكس عند الباب )
سحاب ( قلت لك ما اقبل هدايا )
عزيز ( طيب انا داري وبعدين موب هديه )
سحاب ( اجل وش )
عزيز ( ترى بديت اعصب روحي شوفي لا يشوفها
حمود ويذبحني )
طلعت وهي تضحك من اسلوبه وصلت عند الباب
وخذت البوكس وطلعت فووق جلست على
سريرها وافتحت البوكس وطلعت لوحه كبيره
مغلفه وكرت مكتوب فيه
يذوب صمت الليل في بوح اﻻقلام
‏وارسم ملامح .. صورته في خيالي
فتحت الغلاف وانصدمت من الرسمه وكأنه ناسخها
خذت جوالها وارسلت له ( شكراً حبيبي )
عبدالعزيز ( بتصل وقوليها ماحبيت الكلمه وهي مكتوبه لان الكلمه هذي تُقراء ولا تُكتب )
سحاب ( على كيفك ههههههههههههههههههه )
عبدالعزيز ( طيب وش رايك ؟ ضبطتها ولا لا )
سحاب ( ايه مره ماشالله عليك موهوب )
عبدالعزيز ( تذكرين يوم كنا مجتمعين وتسألني
امل متى اخر مره رسمت )
سحاب ( ايه اذكر ليه ؟ )
عبدالعزيز ( صح انا قلت رسمت شخص قبل شهر ؟)
سحاب ( طيب مين ؟ )
عبدالعزيز ( طبعاً انتي )
سحاب ( قول والله )
عبدالعزيز ( والله )
سحاب ( عمري والله بس ليش تأخرت فيها )
عبدالعزيز ( ما أخرني الا شعرك نسيت شكله)
سحاب ( هههههههههههههههههه بنهار منك )
عبدالعزيز ( بس كان يبيلها تعديلات وتأخرت فيها
وغير الدوام ومشاكلنا )....الخ

اليوم التالي .. في غرفة هتيف
كانت محتاره بقرارها بس بعدين اصرت انها
تعتذر مره ثانيه وتوضح السالفه له
مسكت جوالها وارسلت له ( سلام ممكن اكلمك )
جلست تنتظر ساعه وساعتين وابداً ما جاء لها رد

في غرفة نجد .. كانت تكلم مشاعل
نجد ضحكت : اوك ادري مقصره معك ولا اتصل
عليك مثل اول ولا ارسل بس ترى والله مشغوله
مشاعل : وش مشغوله فيه ؟
نجد : بزواج سلطان وملكة عزوز ومنصور والا الان
ماشريت الا فستان زواج سلطان اما الملكه
ابداً ما جهزت لها
مشاعل : اوك سامحتك بس انتي بعد ما تركتي
الدوام ماصرتي تتواصلين معي كثير
نجد : اسف ياقلبي والله مشغوله
مشاعل : ايوه سولفي
نجد : انتي اللي سولفي لي عن الدوام
مشاعل : ابد نفسنا بس المدير مو بالعنا كل شوي
يعصب وما يعجبه شي
نجد بهدوء : هو كان بيتزوج صح
مشاعل : مدري والله بس الله يعين اللي بتاخذه مره
عصبي ماينبلع
نجد : مدري انا من معاملتي معه احسه رايق مره
مستحيل يعصب من اي شي
مشاعل : ماكملتي شهرين وعرفتي ذا كله
نجد توترت : واضحه اصلاً
مشاعل : المهم اليوم تخيلي شسوى.....الخ

عند منصور شاف الاشعارات منها ما ينكر ان
ذبحهه الفضول على رسالتها بس مع ذلك لازم
يكمل خطته ويخلي عاطفته على جنب

-

فمتى اللِقاءُ و كم يطول تساؤلي
‏هل في الحياة بقية لأراكَ ؟
‏إن كان عُمري قد تصرَّم و انقضى
‏فالعُمرُ يبدأُ حينَما ألقاكَ.
-
عند العنود المتوتره وتنتظر فستانها يوصل
دخلت هتيف وهي مقهوره لانها صحت وهو للحين
مارد عليها قالت : مساء الخير
العنود : موب وقت تمسين علي
هتيف تربعت : خلاص صباح الخير
العنود : وجع فستاني ما وصل للحين
هتيف : يوم اني اقول اطلبي من المصممه تصممه
من بدري قلتي سلطوني بيتأخر
العنود بعصبيه : شدراني عن سلطان انا ؟
هتيف : طيب راسليها
العنود : ماترد الله ياخذها
هتيف : ارسلي حسابها لي
العنود : وش بتسوين
هتيف : براسلها وبعدين هي مشهوره واكيد الطلبات كثيره وماتقدر ترد بسرعه
العنود : يلا جاك حسابها
هتيف ارسلت لها اكثر من مره وفكرت بفكره وسوتها ونص ساعه وردت على العنود بحسابها
نطت العنود : افف حمدلله ردت
هتيف : لاني علقت على البوستات ومنشنتك قلت
لها ترد عليك والزواج بكره
العنود : حمدلله تقول جاهز تعالي استلميه
هتيف : بخلي منو تستلمه انتي لا تطلعين
اتصلت على منى واتفقت معها على كل شي

اليوم التالي يوم زواج سلطان والعنود , والكل مشغول ، في سويت العروس كانت الميكب ارتست تضبط العنود وهتيف تشرف على ميكبها
بعد ما خلصت الميكب بدت في هتيف

فالسويت الثاني البنات المشغولين وخصوصا
سحاب وحور اللي مشغولات تحت بالقاعه
والبنات يحاولون يخلصون عشان يساعدونهم
سحاب : كذا خلصنا صح ؟
حور : لحظه العنود اختارت اغنية الزفه ولا لا ؟
سمو : مدري اتوقع تقول انا كنت بطلب من مغني
يغنيها وانشغلت المهم لقت لها وحده فاليوتيوب
اكيد ارسلتها لهم عشان يشغلونها مع الزفه
نزلت هتيف وهي معصبه : انا ماقد شفت وحده
بارده وغثيثه مثل اختي مره سامجه يابنات
سحاب : تبينها تبكي يعني وتخاف
هتيف : يا تبن انا اقصد لا سألتها شي يخص اغراضها قالت مدري يعني مو مهتمه الزفت
حور ضحكت : والله العنود قدوتي
اثير : شكلي والله اعلم باكل من معجناتكم
حور : شفتي الغرفه اللي اخر شي فيها باقي المعجنات روحي اكلي منها
اثير : شكرا والله على فطوري ما اكلت شي
سمو : متى بتلبسون انتم ؟
حور : افف الساعه الحين 7
افنان : انا بروح اتجهز لو بنتظركم بيجون الضيوف وحنا ما جهزنا
ام سلطان : بنات البخور وش صار عليه
سحاب : م عليك كل شي جاهز
حور : اول مره في حياتي احس بالمسؤوليه
ام سلطان : لانك ما قد حضرتي زواج يخص عمانك
حور : تكتب فالتاريخ والله
هتيف : شفتو اجوائكم هذي كانت بضبط اجواء
زواج فهود اللهم ان الضيوف مو كثير
ام سلطان : جدكم مو مخلي احد الا وعازمه
سحاب : وغير كذا الناس فيها فضول وحنا ما
خصصناهم ببطاقات دعوه خلينا الكل يجي
هتيف بتساؤول : بنات عمتي وينها
حور : شفتي يوم طلعتي هي توها صاحيه من النوم
وبسرعه راحت للعنود
ام سلطان : الساعه بتجي 8 وانتم مالبستو فكونا
من السوالف وروحو فوق يلا....


الوضع عند العيال كلهم رايحين يحلقون
سلطان : الله يعينكم وراكم دوامات
منصور : بعد يومين
سلطان : في ذمتك
منصور : جدي يقول بعطيكم اجازه بمناسبة زواجك
سلطان : دلع على الفاضي
محمد : اكل تبن يالحسود
سلطان ضحك : لايق علي اني متزوج
محمد : انت شايب موب لايق عليك الزواج لايق
عليك الاحفاد اكثر
منصور ضحك : صدقت وانا اخوك
عبدالعزيز : مصدق نفسه سلوط انت ماتشوف معالم وجهك والتجاعيد والشيب اللي فيك
سلطان : يلا انا بصدق وبحزن
فهد : لا والله صدق اليوم طالع ماشالله
منصور : والله سلوط اليوم ماشالله تبارك الله
سلطان : عقب ايش ؟ يوم خليتوني ما اسوى شي
محمد : اخييه فيك احساس انت بس
اتصل جوال سلمان : هلا ، مع سلطان انا والعيال
طيب ، يلا يلا جايين ، مع السلامه
سلمان ضحك : جدي يقول سلطان موب عروسه تجلسون معه
سلطان ضحك بقووه
منصور وقف : يلا صدق لازم نتوزع يمكن الحريم
يبون شي
فهد : يالربع الساعه بتجي 8 والضيوف بيجون
وجدي وعماني ماعندهم احد
عبدالعزيز وقف : مالنا داعي تأخرنا
محمد تربع : وخصوصاً ان جدي يبيني اصب القهوه
منصور : كلنا معك يا رجال
محمد : والله ان جدي كارفني كرف ولا قلت له شي
قال انا ما امون الا عليك
سلطان : لا تعصب غصبً عليك تنفعه
محمد : والله ثم والله يا سلطان ان ما سكت ان
تجي علوم يعني خلاص كبرت انت وصرت تنصح
سلطان ضحك : انت عارف ان عزوز مشغول وسلوم
وفهد ماسكين الشركه هاليومين ومنصور مدري
وش عنده وانا عارف وضعي ما باقي الا انت
محمد : لا عشان منصور خارش جدي ولا كان
كرف معي مدلع ذا الولد
منصور : من جاب سيارة جدي انا ! ومن راح معه
اجتماعه الاخير انا ! ومن راح يضبط كهرب المزرعه
امس انا ! اكمل حبيبي ؟
وباستهبال وكذب كمل : اما انت وش سويت
حتى الشركه ماسكينها فهود وسلوم
وسلطان مشغول وانت متكي ما غير تجمع شلتك الداجين فالشاليهات
محمد رفع حواجبه : منصور في ذمتي.....الخ
وبدو يتجادلون والباقين يضحكون على ردة فعل
محمد وكذبة منصور !!

- انتهى


هاجر جوده غير متواجد حالياً  
التوقيع
"وعسى أن تكرهوا شيئاً وهو خيرٌ لكم." ❤




رد مع اقتباس
قديم 17-02-21, 07:23 PM   #46

هاجر جوده

مشرفة منتدى الروايات المنقولة

 
الصورة الرمزية هاجر جوده

? العضوٌ??? » 402726
?  التسِجيلٌ » Jun 2017
? مشَارَ?اتْي » 1,915
? الًجنِس »
? دولتي » دولتي tunis
?  نُقآطِيْ » هاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond repute
افتراضي


«الـبـارت الـواحـد والأربـعـون»

التقينا بليلة من ليل البُعاد
‏والهواء والحب في القلبين عاد
‏قلت له ماغيرك بُعدي حبيبي ؟
‏قالي حبك ماتغير الا زااد ..
-
في سويت العروس .. العنود جهزت وتنتظر الزفه
وهتيف والبنات عندها ..
دخلت حور : يا الله ياحظ سلوط
ابتسمت العنود بحياء وطالعت في نفسها
وهي لابسه فستانها الابيض على سكري
العلاقي وماسك على جسمها لحد الخصر ومن تحت منفوش وشعرها اللي رافعته من فوق ع الخفيف والباقي فاكته وفيه لفات من تحت عريضه
واللي يجذب اكثر طوول شعرها وصبغته
واكسسواراتها وكان شكلها فعلاً جمييل !!
هتيف دمعت : وجع بفقدك ياحيوانه
العنود : يعني لازم اخرب الميكب اليوم
افنان لفت : ياحلوكم صدقوني لو اني مكان العنود
اليوم كان سمو ما قالت لي هالكلام
سمو : ولاني بقايلته اصلاً فكه من وجهك الودر
هتيف ضحكت من بين دموعها : اكثر ثنتين كذابات
سحاب دمعت : اكره هالمواقف اللي تحزن
دخلت نجد : واو ياقلبي عليك يا سلطان اكيد بيتخرفن وهو خلقه متخرفن
اضحكت العنود وهي تتذكر سلطان كانت فعلاً
مشتاقه له وخصوصاً انها مانعته يتواصل معها
«

»
في بيت ابو منى كانت وصايف ووجد عندها
يتجهزون ولان البنات طالبين منهم يجون بدري
منى : بنات شرايكم تحسونه مناسب مع الميكب
وجد تربعت وهي تحط لمساتها الاخيره : عاد يا منى الصراحه اول مره اشوف وحده ماتدري فستانها وشو وتحط ميكب من راسها
منى ضحكت : وجع انا شاريه فستانين وما كنت ادري وش البس وحطيت وانا ناسيه اشكالهم
وصايف ضحكت : بعد ناسيه شكل فساتينك
منى : لا منجد امكم بتجي
وصايف : اتوقع وحده اسمها ام فهد اتصلت علينا
ولزمت على امي
منى : اها ترى ام فهد نفسها ام هتيف
وجد : اما وش دخلها تعزم
منى : بالعكس هالعايله ذولا متعاونين مره يعني
بما ان جدتهم ميته صارو حريم اعيالهم يعزمون
وصايف : طيب وام المعرس وش وضعها
منى : ياغبيه جدهم معروف مره ولازم يعزمون
كل معارفه سواء اللي يقربون له ولا اللي معه فالدوام واحس حريم عيالهم متفقين بينهم
لان المعازيم كثير
وجد وقفت : وجع
منى باستغراب : شفيه
وجد : بمسح وجهي وبسوي ميكب من جديد
وصايف ضحكت : وش الفرق طيب
وجد : ابي اتزوج وبسوي الحين فل ميكب
البنات : ههههههههههههههههههههههههه ههههههههههههههههههههههههه ههههههههه
-
-
تحت فالقاعه الفخمه والاجواء الحماسيه والرقص
والكل متشوق وينتظر نزول العروسه
كانو البنات واقفين جنب الدرج اللي بتنزل معه
العنود « سحاب وافنان وريم ونجد وحور وسمو
واثير ووصايف ووجد »
-
-
فوق عند العنود وهتيف ومنى ..
منى : قسم بالله ماعرفتك والله انك خقه
العنود بتوتر : بنات يمدي انكسل
هتيف : نعم ؟ انزلي الكل ينتظرك
العنود : مستحيل هتيف تهونها علي مثل العالم
منى طقت هتيف : وجع وش الكل لا الوضع
عادي تحت انتي ما عليك الا من سلطوني
العنود : لحد ينطق اسمه انا بس
هتيف : في عز الخوف والتوتر تغارين
العنود : بنات احس بطيح من كثر الخوف
هتيف : تعوذي من ابليس وامشي
منى : انا وهتيف وراك يلا
-
-
بدت الزفه ونزلت العنود والكل يذكر ربه على جمالها كانت متوتره وهي تنزل ..
بدو صديقاتها يسلمون عليها وجت وجد ووصايف
وجد : ماشالله اليوم طالعه تهبلين
وصايف : ايه ماشالله الله يحفظها
العنود ابتسمت بحب : هذا من ذوقكم
وبهدوء : بنات ابيكم بعد شوي فوق ما ابي اروح
الا وانا مودعتكم
هتيف : وسلطان
العنود : عادي بقوله بسلم على البنات وابدل واجيك لان طيارتنا بعد 3 ساعات
حور : كان سافرتو بكره
العنود : عشان ملكة البنات ولازم نرجع بدري
هتيف : اوك تمام بس ترى شوي سلطان بيدخل
سمو : بنات انا حالفه اني ارقص اليوم
اثير : احد ماسكك قومي ارقصي
سحاب : بدون فضايح لو سمحتو
حور وقفت : صح لازم ارقص اليوم زواج اخوي
لاني مو ضامنه حمود بيتزوج
افنان ضحكت : على مايدور حبيبته ويلقاها
وصايف : ماشالله كل عيالكم تزوجو
نجد :لا بس سلطان
وصايف : ايه صح بعدين عندكم ملكه صح
افنان : اي بتكون ملكة اخواني يا ويلك ان ما جيتو
نجد : بيبقى سلوم وحمود بس
سحاب : انا حالفه ان عرس حمود يكون غير
نجد : يالبيه اليوم واجهته والرجال صامل على
البنت اللي شافها يقول مستحيل اخذ غيرها
لفت حور على امها اللي تناديها
حور : بنات سلطان بيدخل
البنات راحو يتغطون لان سلطان بيدخل
'
'
برى عند العيال اللي واقفين مع سلطان
جاء فهد : انتظر ابوي بيجي بعد شوي
سلطان : ياليل فهد طيارتنا بعد شوي
محمد ضحك : اصبر اصبر وش معجلك على السفر
سلطان تجاهله : فهود تكفى اسحب ابوك
فهد : بدينا نغلط
سلطان : طيب ابوك وش يسوي
فهد : يسلم على اخوياه مبطي عنهم
جاء ابو فهد وهو مستعجل
دخل ابو فهد وفهد وسلطان
تصورو كلهم مع بعض وبدى ابو فهد يوصي
سلطان على العنود وسلطان مو سايعته الفرحه
'
'
راحت العنود مع سلطان لمكان ثاني في نفس القاعه عشان يتصورون مع بعض ومافيه الا هم
وينتظرون المصوره تجي
سلطان ابتسم : مبروك علينا
العنود ابتسمت بحياء وهي تمشي : الله يبارك فيك
سلطان : حارمتني من صوتك وشوفتك بس اليوم
راح احاسبك على كل شي
العنود بتسرع : سلطان كيف اكلمك وزواجنا قريب
سلطان بهيام : اخخ ياقلبي
العنود نزلت راسها باحراج وقاطعهم دخول
المصوره وبدت تصورهم والعنود منحرجه
من جرائت سلطان وحركاته فالصور
.
.
عند هتيف اللي راحت تعدل شكلها عند المرايه
جتها رساله وفتحت جوالها بسرعه
وكانت الرساله من منصور ( هلا وش بغيتي ؟ )
بسرعه ردت عليه ( ابي اكلمك في موضوع بس
مو اليوم بكره انشالله )
منصور وهو يبي يشوف كشختها وبنذاله كتب
( بكره مشغول وبعده بسافر تبين الحين ترى فاضي كلهم يتعشون )
هتيف بتفكير ( تمام انت وينك )
منصور ( بجي عند الباب اللي بين قسم الحريم
والرجال بنتظرك هناك )
هتيف تذكرت ميكبها وشكلها مره اوفر
( لا لا خلاص بكلمك فالليل مكالمه )
انقهر منصور ومارد عليها وهي انقهرت زياده
على بروده بس فسرته ان شخصيته كذا
'
'
اتجهت العنود فوق عند البنات بعد ما ودعت امها وابوها واخوها دخلت وهي تضمهم
هتيف رجعت تضمها مره ثانيه وقالت بصوت خفيف لها : ابيك تحضرين الملكه بليز تعالو بدري
العنود ابتسمت : اكيد بحضر تستهبلين انتي
بعدت عنها وهي تسولف مع البنات
قالت حور : تكفين احذفي المسكه
نجد ضحكت : غصب بتحذفها اصلاً هذي الفقره اللي انتظرها من زمان
العنود تحمست : يلا يلا
لفت والبنات كلهم وراها وبصوت عالي : 1 2 3
وحذفتها بعيد وصكت فالباب
اثير : تصلحين للاعب صدقيني بتسجلين اهداف
هتيف ماتت ضحك : انا عارفه انها بتشطفني المسكه
العنود : هذا جزاتي اني عطيتكم وجه اليوم
وسويت لكم فعاليات
هتيف : بنت الطياره بتطير روحي بدلي
العنود ركضت بفستانها الغرفه عشان تبدل
واتجهت لسيارة سلطان !
'
'
الساعه 3 انتهى الزواج وبقى بس عايلة السلطان
" عند البنات كان الوضع غير ويرقصون
ومعهم الحريم !
بعد ما خلصو جلسو يسولفون ويتقهوون مع بعض
نجد : بنات عادي تتغطون وانادي العيال
سحاب : لا مالي خلق
سمو : هم وش يبون
ام فهد : يبون يسولفون معنا اكيد
هتيف بتوتر : لا لا تكفون ما نبي
نجد : خلاص طيب
حور : اوكيه متى نرجع لاني ميته من النوم
ام سلطان : هالمره تأخرت عشانكم
ابيكم تنبسطون ثم نرجع للبيت
ام فهد : اتصل على محمد وابلغه
سمو : ليه ؟ نبي نطلع بعد الفجر !
سحاب : بدري توك تنطقين
سمو : لا صدق انتم تعبتو
افنان : نبي نرجع وبكره ننبسط مع بعض
سمو : واليوم ؟
نجد ضحكت : يامريضه افهمي بكره بنجتمع
سمو : يعني تبون اليوم يروح كذا
هتيف : انتي الحين وش تبين وش خاطرك فيه ؟
سمو : يعني مثلا نتجمع ونسولف ولا نرقص اكيد
فيه شي بنسويه
اثير ضحكت : طيب قبل شوي رقصنا والحين سولفنا يعني ماباقي شي
سمو :انتم ليه مستعجلين وش وراكم
هتيف : انا عرفت وش اللي في خاطرها تبينا ما
نروح من هنا الا بعد الفجر
نجد وقفت : اصلاً منصور يقول يلا اطلعو
سحاب بصوت خفيف لهتيف : بنت
لفت هتيف : هلا
سحاب : عزيز يبيني اروح معه وانا ابيك تجين
عشان ما يدققون فينا
هتيف توترت : انا بروح مع ابوي معليش
سحاب برجاء : تكفين تكفين
هتيف : اخذي نجد معك
سحاب : طيب انا ابيك انتي
هتيف : تبين الصراحه انا منحرجه من منصور
سحاب : يا المعقده مردك بتواجهينه
هتيف : ادري عشان كذا برتب مواجهتي معه
سحاب : تكفين هتيف
هتيف بقهر : خلاص قومي يلا
سحاب : عمري والله اللي ماترد طلب لبنت عمها
هتيف وهي تمشي : ويوم من الايام بتذبح بنت
عمها لو ما تثقل
.
.
طلعت هتيف وجنبها سحاب تمشي ,
سحاب : السياره هذي اللي قدام ع طول
هتيف : وجع منصور ليه واقف عندها
سحاب : باقي 16 يوم على الملكه مصيرك بتقابلينه
ركبت سحاب وركبت هتيف من الجهه الثانيه
هتيف طلعت راسها من الشباك : نجد تعالي
نجد : هالمره سلوم حالف اروح معه
ركب عبدالعزيز وهو مبسوط قدام
عبدالعزيز : وحده تجي قدام
هتيف : افنان ليه ماتجي معنا
عبدالعزيز التفت : افنان مو معنا
هتيف : لا بس انا وسحاب
عبدالعزيز بصوت عالي : منصور تجي معنا
منصور وهو يبي يقهرها جاء عند الشباك وهو يطالع في جواله : لا لا عندي مشوار
هتيف كانت مستغربه واسكتتت
حرك عبدالعزيز وراح منصور بسيارته
وهتيف ودها تعرف وش عنده ووين بيروح
..
..
بعد ما وصلت هتيف البيت توجهت لبيتهم
وحست بضيقه لان العنود مب فيه ومها
عند اهلها وامها وابوها وفهد نامو حست البيت
مره فاضي خذت جوالها واتصلت على نجد
نجد : هلا والله
هتيف بحزن : عادي اجيك
نجد استغربت : ايه حياك تعالي
قفلت هتيف منها وراحت عندها
ووصلت ودخلت لصاله اللي تحت
جت نجد وجلست : شفيك ياقلبي محزنه
هتيف دمعت : فاقده العنود وحسيت بضيقه
وقلت م لي الا عمتي
نجد : عمري والله اصلاً كنت بقولكم نامو عندي
بس مثل كل مره بترفضون
نجد توها تنتبه : لحظه ما فسختي فستانك ولا
مسحتي الميكب لييه ؟
هتيف ابتسمت : اقولك جتني ضيقه حتى غرفتي
ما رحت لها
نجد : وضعك متأزم لازم نشوف لك حل
هتيف ضحكت : تطقطقين علي !
نجد : لا والله بالعكس مستغربه بنات اخواني
حساسات المهم ما علينا بجيب لنا عصير بارد
ونتكي ونسولف وفسخي عبايتك ترى غثيتيني
هتيف وقفت وضحكت : يلا وجيبي لنا اكل لاني
ميتته من الجوع
نجد : خليك انا بجيب كل شي
هتيف : انا بصور شكلي لان اليوم ما تصورت الا
صورتين
نجد : خلاص انا فالمطبخ
فسخت عبايتها وراحت تتمشى في البيت
وتصور نفسها وصلت عند المغاسل
وتذكرت منصور وبسرعه اتصلت عليه
بعد رابع رنه رد عليها
منصور : الو
هتيف بهدوء : سلام
منصور : وعليكم السلام هلا
هتيف : اخبارك
منصور انبسط : بخير وانتي ؟
هتيف : تمام
منصور بعد صمت : وش الموضوع ؟
قطع عليهم صوت نجد : تحبين الكاتشب
ضحك منصور : قولي اموت فيه
هتيف استغربت انه ما نسى الا الان انها تحب
الكاتشب وبسرعه اشرت لنجد بمعنى ايه
منصور بهدوء : هذي عمتي
هتيف : ايه
منصور : انتي عندها ولا هي عندك
هتيف : لا انا عندها
منصور : اها ايوه كملي
هتيف : انا كنت بقولك
قاطعها منصور : لحظه انتي وش في صوتك
هتيف : مافيه شي
منصور : الا فيه شي
هتيف : يمكن عشان العنود
منصور مشى طالع من بيتهم وهو ناوي يشوفها
دخل بيت جده وهو يحاول يخليها تتكلم وكل
شوي يسألها عشان يعرف جهة الصوت
مر من عند المطبخ وهو يضحك من شكل نجد
وهي تقلى البطاطس وخايفه من الزيت
مشى ومشى لين ما وقف عند مغاسل الحريم
وشافها بفستانها الاحمر للمره الثانيه تلبس هاللون
المره الاولى كانت اول مره يشوفها بعد 10 سنوات
والمره هذي بعد شافها وسمع صوتها
وقف وراها بالضبط بدون ما يتكلم
هتيف بتوتر : شسمه ابي اعتذر عن اسلوبي معك
الايام اللي فاتت و
سكتت وفي عيونها دموع كان فراق العنود لها
بهالظروف غلط وغير كذا مو عارفه كيف تتفاهم
مع منصور وهي للحين ماكلمته حتى
لفها بهدوء وقلبه موجعه عليها : طيب ليه البكى ؟
هتيف انصدمت وهي تمسح دموعها
ابتسم بداخله انه شافها وشاف كشختها ومقارنةً
بشعوره قبل ساعات وقت رفضت وقالت انها بتكلمه ..
هتيف بصوت باكي : انت كيف جيت ؟
منصور بهدوء : عشانك جيت
هتيف انبسطت داخلياً : ونجد بتشوفك
منصور ضحك : نجد مب يمك مشغلها الزيت
هتيف توها تستوعب انها بلبسها قدامه
لفت : منصور مايصير تشوفني الحين
منصور : طيب انا حافظ وجهك يعني ما يحتاج
هتيف : طيب هو حرام اساساً
منصور : خلاص بروح بس انتظر اتصالك بأي وقت
هتيف تذكرت انها ما اعتذرت : خلاص بكره بكلمك
منصور مشى وكان بيطلع بس وقفه صوت نجد
نجد ضحكت : بسم الله من وين طالع انت
منصور ابتسم : دخلت ولقيت البيت فاضي وجيت
بطلع بس وقفني صوتك
نجد : ليه تبي ابوي ؟
منصور بتوتر : لا كنت ناوي اسولف معك
نجد تذكرت هتيف : حياك تعال معي بس خطيبتك
معنا
منصور : لا لا بروح انام
نجد : لا صدق اذا طفشت تعال
منصور راح : ابشرري
.
.
راحت نجد وشافت وجه هتيف احمر
نجد جلست : لا عاد انتي فيك بلاء
هتيف : قبل شوي كنت اشوف صور العنود وبكيت
نجد ضحكت : ماشالله على علاقتكم
وبهدوء : تصدقين اتمنى ان عندي اخت
هتيف ابتسمت : وبنات اخوانك وين راحو ؟
نجد : اكيد انتم غير بس وجود الاخت بعد غير
هتيف : صادقه بس اذا تبين شي ترى حنا موجودين
نجد حست انها زادت ضيقها وهي خلقه محزنه
على اختها قالت : تدرين من شفت قبل شوي
هتيف بدون اهتمام : مين ؟
نجد : منصور
هتيف بتوتر : ليه وش يبي ؟
نجد : يبي يسولف معي بس من درى انك هنا
ماحب يحرجك وخصوصاً انه مايمون عكس
سحاب وعزوز
هتيف : طبيعي يعني 10 سنين ماتقابلت معه او
حتى مع عيال عمي الباقين وعلاقتي صارت معهم
جداً عاديه عكس بنات عمي اللي على طول اندمجنا مع بعض وصرنا خوات
نجد : بس انا استغرب احياناً يعني انتم نسيتو
مواقفكم قبل يعني انتم كنتو مع بعض في كل شي
هتيف قاطعته : ياعمري ترى 10 سنين مو شوي
وبعدين كان التواصل قبل صعب عكس لو سافرنا
الحين بتلقينا اربع وعشرين ساعه نكلم بعض
واذا على المواقف لا والله ما نسيت ...الخ
.
.
مثل ماتوقعت ما قدرت اقسى عليها وخصوصاً
من بعد دموعها والندم واضح عليها بس لا زال
فيني رغبة الانتقام وما ابي اخليها تظلمني او تتهاون انها تصدق اي شي ضدي وتعتذر
لاعرفت بالحقيقه وارجع اسامحها انا عارف انها
المره الاولى بس مع ذلك لازم اخذ احتياطاتي
خصوصاً اني مستحيل اطلقها وماراح اتركها ابد
اكره ماعندي ان احد يستهين فيني !!
.
.
اليوم التالي | في بيت ابو سلمان ..! فالصاله
اثير : ترى العيد ما خلص
ريم : انا ابي شهر 10 يعدي بسرعه ذبحني الحر
ومع ذلك ابي البنات ينسون اللي صار لاني منجد
تغيرت وندمانه على كل شي وناويه افتح صفحه
جديده في حياتي ونفس الوقت ابي علاقتنا اللي
قبل كم يوم ترجع
اثير ابتسمت : مدري انا احسهم بيسامحونك
امل بتناقض : وش اللي عرفك يمكن العكس
اثير : لان بنات عمي طيبات ومو من النوع اللي
يدورون الزله وماينسون الخطأ بالعكس
هم يعرفون ان كل شخص وعنده اخطاء
ترانا اوادم مو ملائكه
امل : اوفر اوفر
اثير : لا صادقه وانا اشهد على كلامها بعد معاملتهم
معي تدرين وش كنت افكر فيه يوم صارو يسولفون
معي ويمونون علي كنت اقول ان شخصياتهم
ضعيفه ويسامحون بسرعه بس طلعت انا الضعيفه
يوم كنت ماخذه الدنيا بقوه
امل وهي تقاطعها : لحظه هم ما كانو يعرفون
بسوالفك عشان كذا سامحوك بسرعه
ريم : لا ياحلوه انا عرفت ان افنان عارفه بالسالفه
كلها ، صح كانت تعاملني ببرود بس معها حق المهم
ان كلهم ما فشلوني او فضحوني عند عماني وجدي
حتى منصور ما قال لاي احد وهو بأمكانه يفضحني
ويثبت لهتيف انه يحبها هي بس وحتى عزيز
ما فضحك انتي واختك وهو عارف بكل سوالفكم
اثير : هذا ان دل دل على انه يحب ابوي واخوي
ومايبي يحرجهم او يجرحهم وبنفس الوقت عارف
ان تربية ابوي ماعليها كلام بس الام والاخت
الكبيره خربو على الباقين
ريم : ومو بس كذا حتى هم عارفين ان سلوم
ما يجلس فالبيت ابد ومايدري عن كل الي يصير
فيه حتى النوم ماينام هنا كثير وابوي منشغل عنا
امل وهي تطالع فالتلفزيون : المهم اختكم الكبيره لا تسمعكم ترى بتخرب عليكم
اثير : وانتي مع مين بالضبط
امل : مع نفسي
ريم وقفت ومشت : غبيه
امل : كل واحد وكيفه عاد ...الخ
.
.
في جورجيا .. [ عند معاريسنا ] ..!
كانو يمشون ويسولفون والاجواء عندهم خياليه ..
سلطان : تصدقين لو ماجيتو السنه هذي كنت
ناوي اسحب اهلي واتزوج مثل اخوك فهد
ضحكت العنود : احس جيت فالوقت المناسب
سلطان : بالعكس صح اني فليتها في حياتي بس
مع ذلك كنت انتظرك
العنود : بس ما كان بيننا ذاك الحب القوي
سلطان : ازين شي ولا كان الحين متقطع قلبي
العنود ضحكت : طيب متى دريت انك تحبني
سلطان : انا من زمان وانا منجذب لك بس متى
دريت 🤍 اذا طرو موضوع الزواج ما يجي في
بالي الا انتي بس
العنود ابتسمت بحب : الله يخليك لي
سلطان بحب : امين ياقلبي
وبضحكه : ماودك نتعشى ؟
العنود ابتسمت : يلا
.
.
بعد اسبوع .. مافيه احداث مهمه
هتيف تجهز للملكه وحاسه بالرضا بداخلها .
-
سحاب وعبدالعزيز متواصلين مع بعض
-
منصور ملاحظ تغير علاقته مع هتيف ومبسوط
داخلياً وخصوصاً انها هي اللي تبداء تتصل وترسل له
-
الهنوف من بعد اللي صار ماعتبت الباب وخصوصاً
انها صارت ما تحضر عزايمهم والكل خايف من اللي
بتسويه ويعتبرونه هدوء ماقبل العاصفه >>
-
ريم بدت على شوي شوي ترجع علاقتها مع بنات
عمها صح صعب عليها بس الامل الموجود بداخلها
والاصرار على انها تصلح اخطائها هو اللي مخليها
قويه لحد الان .
-
امل صارت شبه مكتئبه وصايبها شعور العجز ماتدري من تجي معه او بالاصح مو عاجبها شي
صارت ماترد على صديقاتها ولاتجلس مع خواتها
الشي الوحيد اللي تسويه انها ناويه ما تظلم احد
وهذا شي ايجابي مستقبلاً بس الا الان رافضه
فكرة انها تجلس مع بنات عمها .!
-
اثير ملاحظه التغير الجديد اللي في بيتهم وبعد
ماتغيرت ريم حست انها اكتفت فيها وحتى لو
الهنوف وامل ماتغيرو الوضع عندها عادي جداً
لان حتى لو تغيرو ماراح تنسى سوالفهم اللي قبل
-
افنان وسمو منشغلين بملكة اخوهم ومتحمسين ..
-
حور ومحمد لا جديد
-
عزام صار يشتغل اكثر عشان ينساها وخصوصاً ان
اخوه ناصر كل شوي يذكره فيها واي طاري لعايلة
السلطان اخوه يبداء يطقطق او يعطيه نظرات
وهذا من الاشياء اللي علقه فيها زياده .
-
نجد كما هي بس كلما كلمت مشاعل تبداء تسألها
عن عزام والا الان مالقت الاجابه اللي براسها !!
-
العنود وسلطان مسافرين وبيرجعون قبل الملكه
بيوم
-
الباقيين كما هم مافيه شي جديد !..
-
في بيت ابو عزام ..
عزام : يمه ابوي بيوصل بعد يومين
ام عزام : والله ! متى قال لك ؟
عزام : ارسلي اليوم الصباح
وصايف : طيب وش صار على ركبته
عزام : يقول انه بخير وانا بشوف لي دكتور شاطر
هنا بالرياض وبحجز لابوي موعد عنده
وصايف : طيب انا بروح السوبر ماركت تودينا ؟
ناصر : والسواق وش وضعه
وصايف : اللي اعرفه اني اسأل عزومي
عزام ضحك : طيب عزومي موافق تجهزو بعد العشاء بوديكم
ام عزام : ليه وش ناقصكم
وجد : بنعزم صديقاتنا وبسوي لهم حلى انا ادري
مايصير الحلى يسوي حلى بس يلا
وصايف ضحكت : واثقه الاخت
ناصر ضحك : عزومي م انت حاضر عزيمة خالد
عزام ضحك : لا مب فاضي له
ناصر : حتى انا بسحب عليه
وصايف : احلى شي عشان لا وصيتكم اليوم بأي
شي انكم موجودين
ناصر : مصدقه الاخت انَّا بنجلس عندها
عزام : معليك انتي اتصلي وانا بقول لسواق
وجد : المهم لا تشوفكم عيني من الساعه 9 وورى
ناصر : واذا كنا نبي النوم وش السواه
وصايف : كل يوم تسهر ياكذاب جت على اليوم..الخ
.
.
في بيت ابو عبدالعزيز .. في غرفة افنان
دخلت سمو : اول مره صحى قبل افنان واوو
جلست وهي تصحي افنان بصوت عالي : افنان فنوو فوفو اصحى حبيبي الناس كلها صاحيه فننوني
منصور وهو متجه الغرفه ويسمعها : عيب من حبيبك ما تستحين
سمو بتمرد : نسى اللي يشوف زوجته وهو ماتملكها حتى .. مين اللي ما يستحي ياللي ماتسحتي
منصور انقهر : قسم بالله ان جيتك ان تجي علوم
افنان جلست : امسحها بوجهي بنتنا ماتستحي
منصور دخل غرفته ومارد عليهم
سمو : شفيك عمتي تتعذرين منه ؟
افنان : يامريضه ما يصلح هالكلام قسم بالله
يرنك رن بعدين
سمو : منصوري ماقد ضربني
افنان : سمو ووجع لا اشوفك عايده هالكلام مره ثانيه عيب احترميه انتي مو فالمتوسط
سمو عدلت جلست : خلاص خلاص فهمت المهم
اليوم عزيمة بنات خال منى دريتي ؟
افنان : اما متى ارسلو ماشفت
سمو : قبل شوي ويتحلفون يقولون ياويل اللي ماتجي وانا الصراحه طفشانه هاليومين ابي
جمعة بنات من زمان عنها
افنان : طيب البنات ردو عليهم
سمو : لا محد شايف رسايلهم الا الان
افنان : خلاص اتصلي عليهم وحده وحده ترى اعرف عمتي وبنات اخوانها يسحبون على الرسايل
ومايفتحونها
سمو : طيب انتي بس قومي الساعه 2 خلاص !
.
.
صحت نجد على صوت جوالها وردت بسرعه
نجد : نعم فيه احد يتصل فالظهر مريضه
سمو : شر شر اعوذو بالله
نجد : اخلصي وش عندك ؟
سمو : بنات خال منى مرسلين اليوم عزيمتهم
نجد : افف فاضين ذولا طيب قوليلهم نبيها سهره
بدون عشاء يعني نجيهم الساعه 10 الليل
سمو : خير يا الداشره وينا فيه الساعه 10 الليل
مره وحده
نجد ضحكت : نفس عزيمة منى طولنا مارجعنا
سمو : فيه فرق عزيمة منى كانت عشاء وبعدها
خذتنا السوالف والسواق ما جاء
نجد : طيب خلاص اسكتي اصلاً بصلي الظهر وبنام
سمو : الساعه 8 الليل لازم تكونين موجوده
نجد : الساعه 8 حتى الام اللي متزوج ولدها
ماتجي في الوقت هذا
سمو ماتت ضحك : اجل متى
نجد : 9 ونص عشان يمدي نعتذر لهم ونطلع بدري
سمو : اصلاً هتيف ترسل الحين وتقول الساعه 9
نجد : كل اخواني عندهم سواويق كل وحده تروح
في اي وقت يعجبها وانتي عاد لا تنسين الساعه 8
حضري عندهم
سمو ضحكت : حلاتها لا اجتمعنا
نجد كملت : اي ندخل مع بعض ومعنا عانيه لهم ولا تنسين نقول قصيده لهم بعد
سمو انهارت من الضحك ومب قادره ترد عليها
نجد قفلت في وجهها ورجعت تنام
.
.
في غرفة هتيف كانت جالسه وتفكر وتذكرت مكالمتها مع منصور ..
قبل 4 ايام >>
هتيف : فاضي ولا مشغول ؟
منصور : لاعادي قولي شعندك
هتيف توترت : ترى هذي المره الاخيره اللي بسألك فيها هذا السؤال
منصور ضحك على ارتباكها : قولي اسمع الله يستر بس




هاجر جوده غير متواجد حالياً  
التوقيع
"وعسى أن تكرهوا شيئاً وهو خيرٌ لكم." ❤




رد مع اقتباس
قديم 17-02-21, 07:24 PM   #47

هاجر جوده

مشرفة منتدى الروايات المنقولة

 
الصورة الرمزية هاجر جوده

? العضوٌ??? » 402726
?  التسِجيلٌ » Jun 2017
? مشَارَ?اتْي » 1,915
? الًجنِس »
? دولتي » دولتي tunis
?  نُقآطِيْ » هاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond repute
افتراضي


«الـبـارت الـثـاني والأربـعـون»


منصور ضحك على ارتباكها : قولي اسمع الله يستر بس
هتيف : انت الا الان بعد ما تهاوشنا وفيه ناس خربو علينا اكثر من مره يعني راضي تكمل معي ولا خلاص بالعربي طفشت مني
منصور : الا الان ماطفشت بس يمكن اطفش اذا صرتي تعيدين هالسؤال اكثر من مره
ابتسمت بهدوء : بس كذا ارتحت يوم صرت اعيده
منصور : طيب مثل ما انتي خايفه ان يكون فيه وحده ثانيه في بالي حتى انا خايف تحبين غيري
هتيف عصبت وبتسرع وبدون انتباه : وطيب انت في الزواج ليه ما رجعت البيت بسرعه ؟
منصور ابتسم : حمدلله دام الموضوع وصل لهنا
خلاص وضعنا تمام
هتيف طقت راسها وهي منقهره ومنحرجه
وتوها تنتبه لنفسها
منصور بهدوء وهو عارف انها منحرجه : الو وينك ؟
هتيف بهدوء : معك معك
منصور بهدوء وابتسامه تبين كمية الرضاء : طيب ليه ما رجعت معكم ؟ الا رجعت وحتى اني قابلتك في بيت جدي تذكرين
هتيف بصوت يالله ينسمع : ايه اذكر
قاطع تفكيرها صوت رنين جوالها
هتيف : هلا
سمو : فديت الناس الرايقه
هتيف ضحكت : شعندك متصله من الظهر
سمو : اسمعي بنات خال منى عازمينا روحي ردي
عليهم احس انتي اللي لازم تردين عليهم
هتيف : رديت من زمان عليهم المهم ولا وحده
تجلس فاهمين
سمو : انا عن نفسي حماسي الف والباقين مدري
هتيف : بيجون غصب عاد منى والله ان تزعل
سمو : طيب بينا فرق حنا واجد وهم 3 بس
هتيف عصبت : طيب يالواجد بتجون غصب
سمو : ترى انتي بنتنا
هتيف : سمو قسم بالله انه عيب اذا احد سحب
وهم متحمسين لهم شهر وينتظرونا نخلص من
زواج العنود عشان يعزمونا
سمو : اوكيه صادقه بقولهم لاتعصبين
هتيف : يلا مع السلامه بروح اشيل الماسك عن وجهي
سمو : ياخاينه علميني وش الماسك اللي تحطينه
هتيف : اللي ارسلته اختك فالقروب
سمو : طيب اسويه ولا اروح اشتريه جاهز يعني
هتيف : لا جاهز عندي 2 تبين والله حلو قبل
الميكب يعطيك ترطيب بشكل قوي
سمو : خلاص يلا بجيك
.
.
قفلت سمو منها وراحت تجيبه طلعت هتيف لها
هتيف بصوت عالي : ميية اهلييين وسهليين
سمو بصوت خفيف : وجع قصري حسك ترى مب فاضيه اسلم على عمي يبعتلك حمى
هتيف : خير هذا ابوي ترى
سمو : اسف توقعتك حور واثير
هتيف : واضح انكم تحشون فينا كلنا مو بس عماني
سمو ضحكت بهبال : يمه كيف عرفتي ؟ ساحره وربي
هتيف : كنت ناويه اعزمك في غرفتي واجيب القهوه بس خايفه تروحين تحشين فيني لا خلصتي
سمو : خلي عزيمتك اللي في غرفتك بكره لان جدولي اليوم مزحوم معليش
هتيف عصبت : خلاص اخذيه وانقلعي
راحت سمو لبيتهم ...
فالصاله دخلت عليهم
منصور : ماشالله من وين جايه
سمو : رحت لزوجتك وجيت
منصور : ودي سمو ترد زي الناس لو مره بس
عبدالعزيز : يبيلها تربيه من جديد
سمو : وهذا وانتم بس بتتملكون لو بيجي الزواج
وش بتسون فينا
منصور ابتسم وبكذب : ااه يالبيه ابد بسحب عليكم
وبسافر
عبدالعزيز كمل : وجع ذي فكرتي
سمو تربعت قدامهم وهم على الكنب : لا انا عندي
فكره افضل وشرايكم عزيز يسافر ومنصور يبقى
عندنا وبعدها العكس فاهمين
عبدالعزيز بكذب : لا لا عندكم ابوي والسواق موجود ما تحتاجونا انشالله
افنان برفعة حاجب : بتهاجرونا يعني
منصور ضحك : ما اقوى والله
سمو : انت خصوصاً ما راح افقدك ولا ببكي عليك
منصور : صدقيني بتخلص دموعك علي ...الخ
كملو سواليفهم بضحك .
.
.
بعد عدت ساعات !..
في بيت ابو سلمان .. في غرفة اثير تحديداً
لفت ع ريم : بتجين ؟
ريم بنرفزه : لا احس م لي داعي بعد كل اللي صار
اجيهم وكأن مافيه شي صار
اثير : طيب وش بتسوين ؟
ريم بتفكير : بحاول اتكلم مع هتيف واعتذر من جديد لها واشرح لها موقفي يعني مثل كذا
اثير بنظره : كلام نوف صح
ريم : ايه نوف قالت لي وانصحتني اكثر من مره
اثير : الصديقه اذا ماوقفت مع صديقتها
فالمواقف اللي كذا مالها داعي
ريم : ياحلوها ماقصرت معي
اثير جلست وهي تكمل ميكبها : امل الوحيده اللي
م عرفت للحين وش تبي احترت فيها
ريم : تصدقين تصرفاتها غريبه واول شي سوته
قطعت علاقتها بكل صديقاتها وامس جلست معها
وحاولت اتكلم معها كانت ترد علي وشوي تسرح
مب يمي وشوي ترجع تسولف قلبي موجعني عليها
اثير بتأثر : تهون امل عند الهنوف الله يهديها يارب
ريم وهي تبي تغير جو اثير : خلاص شفيك قلبتي
عجوز خلصي الميكب وانا ببخر فستانك
اثير ضحكت : يلا ثواني بس
.
.
عند هتيف كانت جالسه على سريرها وحوسة
الميكب حولها وتوها بتبداء الى وتسمع صوت
طق على شباكها .. وقفت وفتحته وانصدمت
وهي تشوف المطر خذت جوالها بسرعه واتصلت
على قروب البنات فالسناب ..
هتيف : بنات اطلعو مطر
نجد بصدمه : احلفي
هتيف بضحكه : والله العظيم ان فيه مطر بس
مشكلتنا الحر
سمو : بطلع برى عادي ؟ ولا العيال قدامي
اثير : بنات بقول لسلوم يروح لغرفته ولا يطلع برى
ابد وانتم قولو لاخوانكم ونطلع نتجمع فالحوش
سمو : يلا يلا بروح اشوف اخواني
حور : طيب والاي شدو شوفي له صرفه
سمو ضحكت : عن الغلط عشاني ما تمسكرت
اثير : بس ترى تعبك بيروح لاجيتي تحت المطر
سمو بدلع : جمال تبيعي
هتيف بقرف : اقول انا بقوم اقول لفهد يلا بايي
حور : يلا باي يالنفسيه
نجد بضحكه : عن نفسي بنزل من الحين وكل وحده تروح تمنع اخوها لين يوقف المطر....الخ
.
.
نزلت حور تحت وهي مستعجله
حور : محمد انت وينك
محمد : فالمطبخ
حور : سألتك بالله ماتعاند
محمد : اعوذو بالله وش صاير
حور : اول شي قل تم
محمد : تم اذا مقدور عليه
حور : ماتطلع فالحوش الحين
محمد رفع حواجبه : وليه انشالله
حور : فيه مطر والبنات بيتجمعون تحت
محمد راح بسرعه ومسكته حور
حور برجاء : محمد تونا نتكلم ما امداك حبيبي
محمد : بنت مطر عارفه كيف يعني الرياض جايها
مطر وفي شهر 10 مستحيل تصير هذي
حور : طيب حرام عليك والبنات ؟
محمد تأفف : طيب هالمره ومعكم 10 دقايق بس
حور بوناسه : الـلـهههه شكراً
.
.
اثير : سلوم حبيبي لا تطلع فالحوش ولا تسأل ليه
سلمان : انا ماكنت بسأل بس من بعد ماقلتي
ولا تسأل ليه جاني فضول
اثير ضحكت : يا الله تكفى عشاني لا تنزل
سلمان : طيب ليه وش معنى
اثير : البنات بيجون فالحوش
سلمان : ليه مايلبسون عباياتهم ويتكون في الحوش
اثير : افهم الجو حلو ومطر ويبون ياخذون راحتهم
تحت
سلمان : لحظه مطر ايش ؟
اثير ضحكت : الكل مصدوم مب انت بس ايه مطر
سلمان وقف : تحت مطر وانا ما دريت
اثير : لا لا تكفى عشاني اجلس
سلمان جلس بقهر : طيب خلاص روحي
.
.
هتيف : فهد ياويلك ان نزلت
فهد : طيب انا بركب سيارتي وبروح
هتيف : طيب البنات نزلو
فهد : خليهم يروحون الحديقه واذا رحت يجون
هتيف وقفت : لا يعني لا اصلاً حر بس كان قصدنا
نسولف مب عشان المطر
فهد : روحو لبيت جدي وسولفو
هتيف تأففت : فهد يعني لازم ابكي
مها : فهد خلاص عاد خلهم على راحتهم
فهد : ياليييل خلاص انقلعي
.
.
شافت منصور ماسك عطره ويتعطر
سمو بهدوء عرفت انه بيطلع : منصور لا تنزل تحت
منصور : وش تبيني افهم من كلامك هذا ؟!
سمو : لا يعني البنات تحت ويبون ياخذون راحتهم
فالحوش ماله داعي تخرب جونا
منصور : طيب من قال اني بنزل ؟
سمو : هاليش تجادلني طيب ؟
منصور : مدري استغربت جالسين فالحوش انتم
ماوراكم عزيمه
سمو : ايه بس مع ذلك بنطلع فالحوش عادي
منصور وهو ملتهي بعطوراته : اختاري هذا ولا هذا
سمو : لا الثاني افخم ليه بتهدي احد ؟
منصور : لا بس بشوف وش احلى شي لاني محتار
سمو طلعت : المهم لا تشوفك عيني تحت
منصور : خلاص انقلعي ازعجتيني
..
طلعت من غرفة منصور وشافت
عبدالعزيز داخل غرفته
سمو دخلت راسها وبسرعه عشان ماتعطيه فرصه يرد عليها : عزيز لاتنزل تحت البنات كلهم
فالحوش عيب تنزل
عبدالعزيز : الحين اختاري تحت ولا الحوش
سمو : الحوش الحوش لا تنزل فيه
عبدالعزيز : خلاص اذلفي وحاولو تطلعون بسرعه
سمو : قسم بالله ياعزيز ان تزعل لو اشوفك تحت
عبدالعزيز : يلا ياماما روحي ترى بديت اعصب
.
.
تحت فالحوش والمطر خفيف مو مره والبنات
مسوين دائره ويسولفون ومبسوطين من الجو
هتيف : يارب الشتاء يجي اشتقت للبرد
نجد : يالبى المطر وبس
اتصلت العنود بسرعه عليهم
فتحت الكام سمو : هاي وش رايك في جونا بس
العنود : خيانه من متى تتجمعون من دوني
هتيف : ولا بعد بنتجمع اليوم مع بنات خال منى
العنود : يمدي اتطلق اسبوعين وارجع اتزوج
افنان : اللي اذكره انك عاقله
العنود : امزح معكم المهم الله يهنيكم ويرزقكم
ببرد لاني متأكده ذابحكم الحر
هتيف : ليه كيف اجواء جورجيا ؟
العنود : تجنن اجوائهم اهم شي ما حسيت بالحر
اثير : قصدها يابنات موتو قهر
العنود ضحكت : لا انا اقصد اني اهم شي عندي الاجواء ماتكون حاره ياغبيه
حور : نعم انتي وياها شوي شوي على عروستنا
العنود : فديت اخت سلطوني
حور ضحكت : سلطلط
دخل سلطان وهو يسمع حور : شوهتو اسمي
العنود : اعترف وش الاحلى سلطوني ولا سلطلط
سلطان : اكيد سلطوني
حور : خذت ولدنا منا حسبي الله
سلطان : افف نسيتك
حور : اكيد بتنسانا دامك تزوجت الخبله اللي جنبك
العنود بهدوء : حوري خلاص غلطتي واجد اليوم
سلطان وقف : يلا مع السلامه بنطلع قفلي
حور : فكه امزح مع السلامه
.
.
هتيف : بقول لابوي باقي لي ترم نسيته بروح ادرسه وارجع وعلى ما يجي الشتاء اني راجعه لكم
سمو ضحكت : حلوه الفكره والله
حور : لحظه عيونك كلها الوان
سمو : لاني وقفت تحت المطر ماعلينا الساعه كم
نجد : شوي وبتصك 6 بس كأن المطر زاد
سحاب بفرح : الا والله
هتيف وهي تطالع في جوالها : امي تقول اليومين
هذي بيجي مطر
حور : من بكره نبي نطلع وندوج
سمو : وملكة اخواني قريب من بيجهز معنا
اثير : افف كبرتي السالفه ترى كلها طاوله وحطي
عليها حلويات ودي جي والكوشه على حسب عاد
مب واجب وعشاء ياكلونه الضيوف وبس
حور : ودفتر توقع العروسه فيه وكل هذا خلال
3 ساعات وتنتهي السالفه حتى الناس لاتعزمونهم
هتيف : صح مانبي احد انا ما راح اعزم الا منى
سحاب : وانا نفس رايك مانبي احد
افنان : عشان امي تذبحنا ملكة عيالها وتختصرها
كذا
هتيف برجاء : شدو حيلكم فالزواج
افنان : مدري والله انا بحاول
سمو وقفت بعد ما زاد المطر : بموت يجنن المطر
قامو البنات يستهبلون تحت المطر ..
..
نزل منصور لعبدالعزيز فالصاله ..
منصور جلس : هلا والله ماشفتك اليوم
عبدالعزيز : لو خواتك ما حبسوني كان ماشفتني اليوم كله
منصور باستغراب : حبسوك ؟
عبدالعزيز : ماقالو لك ؟ البنات تحت فالحوش
منصور : قالت لاتطلع بس ما سألتها ليه وش معنى الحوش يعني
عبدالعزيز : مدري عنهم بس يارب يخلصون ابي
اطلع اول مره اجلس العصر فالبيت
منصور ضحك : حتى انا مثلك
فتح جواله وهو يطالع في سنابات خواته فالخاص
ويشوف سمو تلعب فالمطر
رفع حواجبه : عزيز جاء مطر ؟
عبدالعزيز : مدري ليه ؟
منصور : وانا اقول ليه الكلبه مانعتنا ننزل
وقف وهو يروح للحديقه ويشوف المطر وكان
وقت الغروب خذى جواله يكلم فارس عشان يرتب لهم طلعه مع اخوياه بما ان جاء مطر
.
.
عند البنات كان جوهم حماس وضحك
اتصلت منى على هتيف ..
هتيف بصوت عالي : هلا منو
منى بصوت عالي : وجع تقوله منو وشذا الازعاج بسرعه تجهزو يلا
هتيف : تونا بدري بنجيهم الساعه 9
منى : ما اسمعك انا بس بسرعه ادخلو ما مليتو عاد
هتيف : لحظه لحظه
وراحت متجهه للحديقه اللي جنب بيتهم وتسولف
هتيف : افف كله من حور اللي تغني لها ساعه
وغير صوت المطر ازعاج بس على قلبي الاصوات
منى ضحكت : والله ياهتيف ان تزعلين لو ما تدخلين الحين وتتجهزين
هتيف : بنت ياحلوه شوفي الساعه كم ؟!
منى : حتى ولو ابيكم الساعه 9 بالضبط موجودين
هتيف دخلت وهي تسمع كلام منى وماتدري عن اللي جالس على الكرسي الطويل ويصور المطر
هتيف وهي تحاول تراضيها : شوفي عاد ترى مره عيب جايينهم بدري يمدحون الثقل ترى
منى وهي تقلدها : يمدحون الثقل ترى
اقول ترى تمونون عليهم ما بيننا هالكلام
هتيف :هههههههههههههههههههههههه� �هههههههههههههههههههههههه ههههههههههه
منصور فهى وهو اول مره يشوفها كذا عفويه
جلس يتأملها ويتأمل سوالفها وضحكها
بعد ما خلصت لفت تبي تمشي وانصدمت من
اللي جالس ويناظر فيها بعد
هتيف بشهقه : بسم الله
منصور توه ينتبه وبترقيع : انا كنت من زمان هنا وانتي اللي داخله علي لا تقولين حرام بعد
هتيف بهدوء : خواتك ماقالو لك لاتنزل تحت
منصور انسدح على الكرسي ويطالع فالسماء
هتيف : طيب ترى البنات هناك لا تطلع
منصور : وش افهم منك هذي غيره ولا بس كذا
هتيف بتفكير : افهمها مثل ما تبي
منصور لف بابتسامه : بفهمها انك ماتبيني اشوف
احد غيرك
هتيف سكتت ومشت بارتباك
شافته يراقبها وهي منقهره لان ملابسها متبلله
من المطر لفت عليه : لا تشوف طيب
منصور وهو منسدح وبضحكه : قبل شوي تكلميني والحين تقولين لا تشوف تناقض
هتيف بدون انتباه : قبل شوي نسيت نفسي
منصور ضحك بقوهه من برائتها
هتيف لفت : ماقلت شي يضحك
منصور ببتسامه : روحي ياعمري بدلي لاتمرضين
هتيف فهت زياده وراحت بسرعه للبنات
وصلت للبنات وهي بالها معه جلست تتذكر
الشي اللي خلاه يضحك وتذكرت كلامها
هتيف بدون انتباه : اف وجع صدق اني ما انعطى وجه
نجد : هذا تأثير المطر ولا ايش ؟!
هتيف جلست : اف ياعمتي اف انا حماره تدرين
نجد : هذا شي وعارفينه من زمان
هتيف طقتها : ترى خلقه انا مهمومه
اثير سكتت بخجل تحس اختها سبب كل هذا
نجد بتفكير وبضحكه : بنات لو الخطبه بيدينا بتخطبين اللي تحبينه
هتيف بحزن : اخاف يرفضني
نجد : واذا ، كثير انرفضو وهم حلوين عادي
سحاب : انا عن نفسي ما راح اتردد بخطب بسرعه
سمو : كل شي بيوصل لاخواني
هتيف ضحكت : اف كل شوي انسى ان البزر معنا
عاد انتي صاحبة الحش جت على انك تعلمين علينا
سمو ضحكت : اشش لا تقولين لحد
نجد : اكيد انكم حاشين في عمتكم اعرف بنات
الاخوان انا ، يكرهون عماتهم
هتيف : عمتي دراما
نجد : اجل ايش اعترفو ؟
سمو : لحظه اليوم انا جيت لهتيف اخذ منها شغله
طبعاً الاخت سوت حفله عند الباب وقلت لها انا
مالي خلق اسلم على عمي يعني باسلوب هادي
توقعتها بتتفهمني وهي قالت ترى هذا ابوي وقلت
هتيف قاطعتها : قالت اسف توقعتك حور ولا اثير
يعني واضحه
نجد وهي تلف عليهم : عيب سمو عيب اثير عيب حور لازم تسلمون خير وش ذا التربيه
سمو : كل شوي نسلم حلى هو حلى توي مقابلته
قبل امس
افنان : حتى ولو ، عيب لازم حتى لو من بعيد
حور : احس اني جالسه مع شيبان
اثير بتأييد : فعلاً
نجد وقفت : انشالله يربيكم الزمن المهم ادخلو
داخل ولا تحشون فيني بعد
وقفو البنات معها والكل اتجه لبيته

الساعه 9 بالضبط .. الكل تجهز ونزل تحت
فالحوش وينتظرون السواق
محمد وقف بسيارته عندهم ونزل الشباك : يا كثركم لو نصكم عيال كان احس
اثير : ياليته صدق كان ماتشوفوني جالسه فالبيت
محمد ضحك وشاف منصور وقف بسيارته جنبه
قال بصوت عالي يبي يقهره : تبوني اوصلكم
منصور لف عليهم وهو في سيارته وضحك محمد
حور : ايه ايه تكفى وصلنا انت
محمد بصوت خفيف للبنات : بس كذا كلام لا تصدقون انتم عاد
منصور عرف خباثة محمد : ليه لا وانا بعد بوصلكم
نصكم مع محمد والباقي يجي معي
حور وهي تركض : تعيش عايلة السلطان
وركبت مع محمد وهي مبسوطه
محمد : خير من وافق اصلاً يوديكم
ركبت سمو : صاير ما تنبلع انت
توجهت هتيف بسرعه لسيارة منصور وجلست وراه
بالضبط وكل هذا تسويه بدون ما تحس على نفسها
ومنصور مبسوط من داخله انها فهمت وجت معه
اما نجد ركبت قدام وافنان وراها
والثلاثي مع محمد وسحاب قدام..


هاجر جوده غير متواجد حالياً  
التوقيع
"وعسى أن تكرهوا شيئاً وهو خيرٌ لكم." ❤




رد مع اقتباس
قديم 17-02-21, 07:25 PM   #48

هاجر جوده

مشرفة منتدى الروايات المنقولة

 
الصورة الرمزية هاجر جوده

? العضوٌ??? » 402726
?  التسِجيلٌ » Jun 2017
? مشَارَ?اتْي » 1,915
? الًجنِس »
? دولتي » دولتي tunis
?  نُقآطِيْ » هاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond repute
افتراضي



«الـبـارت الـثـالـث والاربـعـون»

في بيت ابو عزام .. عند وصايف ووجد !
وصايف : سويتي حلاك اللي ازعجتينا فيه
وجد : مالي خلق جبت كل شي جاهز
وصايف جلست وهي تطالع في جوالها : شفيهم تأخرو ؟ حتى منى ما جت للحين
وجد : اتصلت اكثر من مره وماردت علي
وصايف : وجع لا تخوفيني زياده
اجلسو وهم ينتظرون البنات متى يجون
دقايق ووصلت منى : سلام
وصايف : حمدلله توقعنا انك ميته
منى ضحكت : لا امي جاء عندها ضيوف ..الخ
..
..
في سيارة منصور .. الاغاني تشتغل تلقائياً واشتغلت اغنية راشد الماجد " ولهان "
كان كل شوي يطالع فالمرايه والاغنيه مثلت شعوره
وماكانت تدري عنه " طبعاً مُنقبه لانها كاشخه "
رفعت راسها وشافته يطالع فيها نزلت عيونها
بسرعه وهي متوتره من نظراته المليانه حب وحنيه
..
منصور " اليوم مو مبسوط الى طاير من الفرحه
شوفت عيونها بس تكفي عن كل شي عيونها
سبحان من خلقها من اول ما شفتها حسيت
برغبة اني ابي اتأملها وبس
والله م ابي فاللحظه هذي الا اني اتأملها يارب متى يجي تاريخ 20 بس "
.
.
اما الوضع في سيارة محمد غير من ناحية كل
شي وصح منصور ينبسطون معه بس يحسون انه هيبه اكثر شي خواته ونجد اللي يمونون عليه
.
بعد دقايق وصلو البنات ونزلو
..
عند ناصر كان جاي من ورى بيتهم شاف سيارة
محمد وانبسط يحب هالادمي بس الغريب معه
سياره ثانيه اتجه لهم وسلم عليهم وحلف انه
يعزمهم وبعد محاولات الرفض قررو منصور
ومحمد ياخذونه معهم للمزرعه وراحو كلهم ..
..
..
عند البنات بعد ما انزلو وسلمو ..
وصايف : مابغينا نجتمع
افنان : اي والله وحتى يوم جيتو فالزواج طلعتو بدري
وجد : عاد مابعد عرفتي اخوي نشب الا نطلع له
يقول يبي ينام ومايبينا نرجع مع السواق متأخر
هتيف : لا المره الثانيه بتجونا وبتطولون عندنا
ولازم نجتمع لا رجعت العنود انشالله
منى : اشتقت لها الكلبه متى تجي
هتيف : مدري والله بس بتجي قبل الملكه بيومين
وجد بتساؤول : انتم كلكم متخرجين غير الثلاثه
حور بسرعه : لهدرجه اسمائنا تتعب الواحد
نجد : يا ربي عادي هي تبي تختصر سالفتها بس
وجد ضحكت : ايه صادقه شفيكم ؟
نجد : ترى والله هم الوحيدين اللي اتعب اذا جيت
اسولف معهم
وصايف : والله كيوت هالثلاثه
سحاب بكذب : ياربي ترى يصدقون بسرعه
سمو : نعم مرت اخوي شتحسين فيه ترى ماصدقنا
احد يمدحنا
وجد ضحكت بقوه : واو هذا اللي اتمناه ولا بعد تقول مرت اخوي والثانيه ما تستحي
سحاب : والله اني استحي بس خلاص صرت متعوده على كلامهم
البنات ضحكو على تعابير وجهها
وصايف : اختي تحب المشاكل والاكشن ترى
وجد : اسف والله بس انا من النوع اللي امون بسرعه وغير انكم تمشكلتو قدامي عرفت ان
الوضع ايزي
هتيف : لا عادي هذي حالتنا كل يوم افنان ما تبلع
تصرفات هالثلاثه وسحاب مثلها ونجد تسلك لهم
وهم مزعجين بس مالنا غناه عنهم
اثير : يوم شرشحتنا وافضحتنا قالت مالنا غناه عنهم
هتيف ضحكت : والله م اذكر اني قلت اكرهكم
عادي كلامي واضح
منى : لا خلاص بتصيرون الرباعي ومعكم وجد
هتيف : الا انتي تقولين عندي موضوع مهم لكم قوليه يلا
منى : اي صح تذكرت اسمعو......
بعد دقايق ..
هتيف : كلنا معك بس بنشوف اذا وافقو
وجد : وناسه يارب يوافقون كلهم
نجد : لا الموضوع هذا حاليا احتاجه مع الطفش
حور : فعلاً نحتاجه كلنا يارب يسرها بس
وقفت وصايف وهي تشوف جوالها : يلا العشاء جاهز تعالو الصاله الثانيه
راحت وجد ومنى يساعدونها والباقي وقفو يغسلون
..
عند البنات اللي واقفين عند المغاسل ..
هتيف تسلك : ياقلبي والله حلوه
سحاب : احس اني مب راضيه عن شكلي ابداً
هتيف بعدتها : لا حلوه م عليك
سحاب راحت : ترى عارفه انك تسلكين
ضحكت هتيف وماردت عليها
نجد : بنات تكفون متى نرجع
هتيف وهي تغسل : عيب يانجد عيب
سمو : ترى انتي في بيتهم لا تنسين
نجد : اف المهم لا تجلسون ساعه وانتم تغسلون وتسولفون اطلعو بسرعه
سمو : الله يعين اللي بياخذ عمتنا
نجد من بعيد : سمعت ترى ...الخ
.
بعد ما تعشو ارجعو المجلس .. دخلت وجد معها
الشاهي والقهوه ومنى معها الحلويات
هتيف : ليه ؟ بنرجع بعد شوي
نجد : ايه صادقه لازم نرجع ابوي يتصل علي
وصايف : مافيه طلعه الا بعد ساعه
وجد : خير بنات يوم حلت الجلسه بتروحون
اسكتو واندمجو مع بعض فالسوالف
.
.
فالمزرعه كانو احفاد فهد السلطان كلهم موجودين
وناصر وفارس صديق منصور ..
اتصل عزام على ناصر ورد ناصر عليه
عزام : ناصر وينك ؟
ناصر : في مزرعة فهد السلطان
عزام بصدمه : وليه وش تحس فيه ؟
ناصر جته ضحكه : محمد ومنصور عازميني
عزام : محمد وعرفناه منصور من ؟
ناصر تفشل وهم جنبه : ايه بجي بجي
عزام عصب وعرف انه تفشل وم قدر يرد : كلب ثاني مره اخذني معك
ناصر : انشالله بتتزوج
عزام : اكل تبن ما قصدي شي من اللي في بالك
ناصر ضحك ما تحمل : يلا مع السلامه
عزام قفل في وجهه : جعلك ماتسلم استغفرالله بس سكت وهو في خاطره انه يروح لمزرعتهم
ونزل من سيارته وراح للملحق
.
.
عند البنات ..
وقفت هتيف : انشالله بنجتمع مره ثانيه الحين تأخرنا
البسو البنات وطلعو برى فالحوش ينتظرون محمد
ومنصور اللي مواعدينهم الساعه 12 ياخذونهم
سمو عصبت : وجع يامنصور ليه ماترد
شافت هتيف لفت بسرعه لها
سمو بنظره : اخوي ترى
هتيف : خير انتي ماقصدي بس كذا لفيت
البنات ضحكو وما علقو على الموقف
هتيف انقهرت : مريضه ، انا بتصل على فهد
سمو : عشان منصور بن تركي يعلن وفاته لا تتصلين
على احد هو بنفسه يقول برجعكم
سكتت هتيف وهي ودها تذبح سمو
افنان : بفك نقابي احس ب حر مو طبيعي
البنات كلهم فسخوه معها
نجد ضحكت : بنات تكفون لا يشوفونا كذا في حوشهم عيب والله
افنان : اشكالنا تحفه والله غلط اتصلو على اي واحد
سحاب : والله منفسه بسرعه اتصلو حر بموت
هتيف : طيب اتصلو هم بس السلق ما ردو
سمو : هذا زوجك المستقبلي حفاظاً على
كرامتك لا تسبينه
سفهتها هتيف وهي تطالع في جوالها
حور : بنات شرايكم نستكشف الاماكن اللي بحوشهم والله حوشهم كبير
نجد : يلا قومي نروح هناك
اثير : عيب وش ذا الحركات هذي
نجد : اكلي تبن يا اثير وانتي تعالي
حور : يلا
راحو يتمشون فالحديقه حقتهم وهم منبهرين فيها
حور : ماشالله تجنن شوفي هناك فيه بيت خشبي
نجد : ودي اروح له بس بعيد
حور مشت : انا بروح له
نجد : وجع لا تبعدين
حور سفهتها وراحت للبيت الخشبي الموجود فالحديقه ..!
مشت نجد للجهه اليسرى شافت مجلس بشكل
دائري وشبابيكه كبيره وتصميمه خرافي لفت
وشافت الملحق كان شكله ملفت من ناحية
تصميمه من برى جذبها ومشت باتجاهه وخصوصاً
ان فيها فضول تشوف اللي في داخله اول ما دخلت
وقف عزام وهو يحسبه محمد طلع بسرعه في وجهها فزت بخوف وتمسكت فالباب وهي قريبه منه قالت بفزع : وجع ان شاءالله
عزام طار قلبه وعرفها بس كابر : يوجعك قولي امين
نجد بعدت : في كل مكان طالع لي اعوذو بالله
عزام : هذا بيتنا انتي اللي طالعه لي
نجد برفعة حاجب : بيتكم ؟
عزام : ايه بيتنا شفيك مصدومه
نجد لفت ومشت
عزام : انتي وش تبين هنا ؟
اسحبت عليه ووقفت عند البنات وهي "مصدومه"
دخل ولبس شماغه وطلع يشوفها وين بتروح
.
عند البنات ..
حور جت : وجع يانجد خفت هناك ليه ما جيتي
نجد في عالمها الثانيه وماردت ابد عليها
حور باستغراب : بنت ما تسمعين
نجد لفت بهدوء : شتبين ؟
حور : شفيك انتي الحين
نجد : بس طفشانه وابي ارجع
قاطعهم دخول عزام عليهم
تغطو البنات بسرعه وهم متفشلين من وجودهم
عند الباب
عزام بهدوء : اسف
ودخل داخل عند البنات ..
عزام : بنات وينكم
وصايف من بعيد : لا تجي منى عندنا
منى وقفت : انقلعي اصلاً بروح الحين
وصايف : هو فالصاله اجلسي بروح اشوف وش عنده وارجع
طلعت وهي متجهه لعزام ..
عزام : من جاكم اليوم
وصايف : شفت صديقة منى هم بنات..
عزام قاطعها : وش اسم عايلتهم ؟
وصايف : معروفين عايلة السلطان
عزام دق قلبه وانبسط انه ما راح مع ناصر
عزام : طيب شوفي هم برى اطلعي لهم وقولي
عزام اخوي بيوصلكم عيب وقفتهم برى
وصايف بصدمه : خير ليه ما ادخلو
عزام : مدري عاد المهم بسرعه روحي قولي لهم
وصايف بنظره : ليه وش سالفتك انت ؟
عزام توتر : جدهم صديق ابوي عيب اخليهم كذا
طلعت وصايف برى
وصايف : ماشالله ليه ما دخلتو طيب
لفو بخوف عليها
نجد بتوتر : لا لا بيجي محمد الحين م يحتاج ندخل
حور بصوت خفيف لاثير : شفيها عمتنا كارهتهم
اثير ضحكت : وجع انتي خير البنت تشوفنا
وصايف : اصلاً اخوي بيوصلكم وصامل الا يوصلكم
هتيف : مايحتاج الحين بيجي
سمو لفت عليها : من بيجي
هتيف وهي ناويه تحاسب سمو اول ما يرجعون على حركاتها : من يعني اكيد اللي جابونا بيرجعونا
سمو : شفيك انا بس اسأل
وصايف لفت على عزام وكلمته ورجعت
وصايف : يقول ان محمد اخوكم ومعه واحد م عرف اسمه راحو لمزرعتكم ومعهم ناصر اخوي واحتمال يتأخرون وعزام قال لهم انه بيوصلكم
سحاب : يلا تمام
دخلت وصايف على عزام اللي قال : وش صار
وصايف : اي روح لهم واخذ اكبر سياره
طلع وهو متحمس وشغل سيارة البيت وركب
دخلت هتيف لوصايف : تعالي معنا
وصايف طلعت لفوق ولبست عبايتها ونزلت
ركبت وصايف قدام والباقي توزعو ورى طبعاً
كلهم منقبات عشان الميكب اللي على وجيههم
عزام كان يحاول يشوفها وهم يركبون بس ماعرفها
مشى فيهم ووصلهم لبيتهم ونزلو ..
وصايف : بيتهم يجنن
عزام بفضول : الحين ذولا كلهم عزابيات ؟
وصايف : لا فيه ثنتين منهم بيتملكون قريب
انقهر عزام : ايه ماشالله واجد
وصايف : كلهم بنات عم ترى ومعهم عمتهم
عزام بصدمه وهو ناسي نجد : عمتهم عجوز
وصايف ضحكت : لا توها متخرجه
سكت وهو وده يعرف عنها اكثر ..!
.
.
نزلت بسرعه وراحت لبيتهم ودخلت غرفتها
وبدون شعور راحت تشوف شكلها ابتسمت
ان ميكبها كان مرتب ومخليها جميله وتذكرت صدمته فيها وهو يطالعها بنظرات م فهمتها انتبهت على نفسها انها بدت تميل له ،
دخلت تاخذ لها شور وهي لازالت مصدومه انه اخو وصايف ووجد وبخاطرها "وش ذا الصدف يا ربي " وتذكرت بنفس الوقت كلام العنود عن الصدف اسكتت وهي مشتته
.
.
في غرفة امل طلعت بعد ما كانت ملازمه غرفتها
من بعد المشكله وما طلعت ابد منها وكانت ريم
تجيب اكلها لها وتجي تسولف معها
حاسه نفسها وحيده ومكتئبه وتأكدت يوم كانت تقراء عن الاكتئاب واعراضه وكيف التعايش معه وانصدمت بكل اللي تشوفه وغير كذا صايره
تحب الوحده بشكل كبير وحتى صديقاتها ساحبه
عليهم واكثر صديقه لها هي وريم .. نوف ..
حتى خواتها ما تسولف معهم بس ريم واحياناً
تسحب عليها وتطردها لانها رسمياً ملت من حياتها
حاسه ان حياتها ضاعت كلها في اشياء تافهه وما راح تسامح الهنوف ابد مو حُباً في بنات عمها الا
انها خربت سمعتها قدام عبدالعزيز ومنصور
واغلب عيال عمها وبنات عمها يسحبون عليها
هي خواتها وبنفس الوقت كارهه تصرفاتها
وكارهه نظرات الاستحقار والرحمه منهم
واللي قاهرها اكثر انهم ما كانو يعطونهم نظرات
كره على تصرفاتهم كانو راحمينهم وكأنهم يقولون
مريضات ما عليهم شرهه وهذا الشي اللي مخلي
حالتها تردى اكثر واكثر ..
وقفت وطالعت في نفسها لاحظت وزنها اللي نقص
بشكل كبير والسبب اختها الهنوف وكل شي بحياتها
صار بسببها وبعدها امها اللي ساحبه عليهم !
ومن كثر اكتئابها وصلت مرحلة انها تبي تموت !
خذت جوالها وشافت مكالمات نوف وخوفها عليها ورسايلها وبسرعه لا شعورياً اتصلت عليها
نوف فرحت : هلا امل وينك فيه عادي اقابلك
امل : ايه عادي روحي للكافي وبجيك
نوف انبسطت وقامت وهي متحمسه عكسها
قبل كم شهر بعد ماعرفت كل شي من ريم كانت
ناويه تقطع علاقتها ب امل بشكل نهائي .
تسريع بالايام .. بعد اسبوع باقي بس يوم واحد يفصل عن يوم الملكه والكل مشغول ..
في بيت ابو عبدالعزيز .. في مجلس الرجال !
منصور : عزوز الملكه وين نحطها ؟
عبدالعزيز : وش نسوي نخليها في شاليه افضل
منصور : مدري ؟! شرايك اتصل على فهد
عبدالعزيز : قوله يجي عندنا
منصور اتصل على فهد ..
.
.
فالمطعم كانو الثلاثي يتغدون برى ..
اثير بحماس : يلا وشرايكم فالفكره
حور : العنود ما امدانا عليها بس ذولا ما معنا الا اليوم ولازم نروح للمول الحين عشان نخلص بدري
سمو : خلاص بنكلم نجد لانها هي الوحيده الفاضيه
مسكت جوالها واتصلت على نجد
وصلها صوت نجد : هلا سمو
سمو : اخبارك
نجد : تمام بس كأن عندك ازعاج
سمو : مو ازعاج هذي اغاني
نجد : امك وابوك يسمعون عادي ما يهاوشونك
يعني كل العايله كذا ما وراكم واحد عاقل
سمو ضحكت : يا حبك للمشاكل انا فالمطعم
نجد شهقت : يالخاينه ما تعزميني
سمو : مو عزيمه يا غبيه كنا رايحين نجيب اشياء
للملكه وراحو معي اثير وحور ورحنا عاد نتغدى
نجد بكذب : حتى ولو لازم قبل اي وجبه تسأليني
سمعت شهقت البنات وضحكهم
نجد : امزح احس اني العمه النشبه يعع
سمو : حلو مدققه في نفسك يعني
نجد : اكيد لاقفلت بتحشون فيني اعرفكم انا
سمو : يارب تكفى جعل منصور يصفق هتيف بكره عشان تعرف كيف تتهمني قدامكم وتكذب علي
نجد ضحكت : منصور بيصفكم كلكم عشانها
سمو : ان هذا البلا
نجد : طيب نمزح لا تصدقين عاد
سمو : المهم بنسوي للكلب وسحاب حفلة توديع عزوبيه وحفلة تخرج يعني كلها بنجمعها ولاتقولين توكم تتكلمون ترى يمدينا
نجد : اوكيه بطلب الكيكه والحلويات وانتم راجعين
مروها واخذوها والحفله عندي طبعاً
سمو : طيب والباقي بنجيبه معنا
قفلت منها وهي تتفق مع البنات ...الخ

في بيت ابو عبدالعزيز - مجلس الرجال
فهد : شعندكم منادينّي من الظهر
منصور : احترنا وين نحط الملكه ونبي شورك
عبدالعزيز : انا والله قلت شاليه تحسه عادي
فهد : لا دقيقه بفكر
منصور : بيوتنا موجوده مايحتاج شاليه بس اذا بيروحون ينبسطون فيه ويرجعون عادي اما
ملكه فيه احس ما تضبط


هاجر جوده غير متواجد حالياً  
التوقيع
"وعسى أن تكرهوا شيئاً وهو خيرٌ لكم." ❤




رد مع اقتباس
قديم 17-02-21, 07:26 PM   #49

هاجر جوده

مشرفة منتدى الروايات المنقولة

 
الصورة الرمزية هاجر جوده

? العضوٌ??? » 402726
?  التسِجيلٌ » Jun 2017
? مشَارَ?اتْي » 1,915
? الًجنِس »
? دولتي » دولتي tunis
?  نُقآطِيْ » هاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond repute
افتراضي



«الـبـارت الـرابـع والاربـعـون»


منصور : بيوتنا موجوده مايحتاج شاليه بس اذا بيروحون ينبسطون فيه ويرجعون عادي اما
ملكه فيه احس ما تضبط
عبدالعزيز : بالعكس احس عادي
فهد : لاشاليه ولا هم يحزنون لاجبتو الشيخ يروح
عزيز العصر لبيت عمي ويتملك وبعدين منصور يجي عندنا ويتملك حتى لو المغرب عادي
عاد فالليل تسوون عزيمتكم حتى لو فالمزرعه واذا شاليه بعد عادي اهم شي انتهو من التوقيع والباقي
سهل انشالله
منصور انقهر يبي يشوفها : طيب بنروح من بكره الظهر للمزرعه اوشاليه اهم شي نتملك مثل المسلمين
فهد جته الضحكه بس مابين : هذا اسهل حل لوضعكم ذا
عبدالعزيز انحرج من فهد : انا اعجبني راي فهد
فهد وقف وهو يشوف المكالمات : انتم سوو اللي تبون اهم شي فكرو زين قبل تسوون اي حاجه يلا سلام ،، وطلع ومنصور وعبدالعزيز وراه محتارين !!
عبدالعزيز لف على منصور : وجع درينا انك تبي تشوفها بس مب قدام اخوها عاد
عبدالعزيز قلد صوته : اهم شي نتملك مثل المسلمين
منصور تجاهل كلامه : طيب وش الحل النهائي
عبدالعزيز : ما غير حل فهد شي
منصور : تدري انك مخربً علي
عبدالعزيز برفعة حاجب : مخربً عليك !!؟
منصور : ايه ولا كان الحين ضبطنا ملكتنا في بيت
عمي محمد وافتكينا
عبدالعزيز : بتتزوجون وبتشوفها طول العمر عادي
منصور وقف بتوتر : من قال اني بشوفها انا بس عشان الملكه
عبدالعزيز : ايه صادق ...الخ

العصر فالمطار وصلو العنود وسلطان ..
واستقبلهم محمد اللي جاء ياخذهم
وقفو عند بيت ابو فهد ونزلت العنود فيه
وراح محمد وسلطان مع بعض لبيتهم
اول ما ادخلو رحبت ام سلطان في ولدها
وجلسو يسولفون وانضمت حور وسحاب فالجلسه
حور بمزح : من الحين زوجته ساحبه علينا
سلطان : تراها بنت عمك انتي شفتيها اكثر مني
حور ضحكت : يعني الحين تزوجت بتصير عاقل
وما ينمزح معك لا تكفى ارجع سلطانا الاول
سلطان : انا سلطانكم الاول ماتغيرت والله
محمد بكذب : الا قبل شوي شفتك محزن يوم جيتنا ماعاد تبينا
سحاب : اصلاً واضح انه ماعاد يبلعنا !
سلطان انسدح على الكنبه : كملو كملو !!
حور : سلطوني لا تنكر
سلطان لف عليها : وش سلطوني مب حلوه عليك
حور اسفهته لانها عارفه انه يبي يغثها
محمد بحزن : افف متى القى قلبي الضايع بس
سحاب : صدقني لو تدعي كل يوم لربك وانت واثق انه بيستجيب لك ان الله يلقى حل لمشكلتك هذي
محمد : يعني حبيبتي الضايعه صارت مشكله
حور : الحين مخلي النصيحه الطويله وما دققت
الا في كلمة مشكله والله ما الومها لاضاعت
سلطان ما مسك نفسه وضحك بقووه
تحت هدوء محمد المفاجئ
ام سلطان بعصبيه : وجع انشالله انتي وياه
ولفت على محمد وهي راحمته : لا انشالله انك بتلقاها انت بس اوصف لي شكلها وانا بدورها لك
محمد بحب : الله يخليك لي ماتقصرين
هدوء مفاجئ استحل حور ماتوقعت الموضوع هذا
بيكون جدي توقعت انه مزح مستحيل تفكر ان
محمد يحزن على شي مثل كذا هي متعوده تشوفه يضحك ! يستهبل صح الايام هذي يضحك وعادي
بس داخلياً واضح انه مهزوز وخصوصاً انه كتوم
كلى قلبها الندم من طقطقتها كل يوم عليه
ونفس الشعور جاء عند سحاب بس هي ماكانت
تطقطق عليه مره بس تضحك من طقطقة اخوانها
ونفس الشي جاء عند سلطان اللي سرح بموضوع
محمد وهو من يوم ما جاء ملاحظ هالشي فيه
اما بالنسبه لام سلطان ابداً ما استغربت اصلاً
من يوم ماعرفت بالسالفه عرفت ان محمد صدق
حبها وتأكدت من شافت كل يوم يطري الموضوع
وكأنه يقول خلاص لمحتها مره وماعاد بشوفها
حتى انه فاقد الامل يعني مايعرف اسمها ولا اسم
عايلتها ولا اي شي عنها ..
.
.
اتجهت العنود بعد ماسلمت عليهم لفوق وخذت لها شور في غرفتها وراحت لغرفة هتيف !
العنود فتحت الباب : سلامم
هتيف وقفت تسلم عليها ..
هتيف : هذي اللي بتجي قبل الملكه بيومين
العنود : واجد عليكم ترى اصلاً سلطوني قال بنهاجركم بس انا قلت لا تعوذ من ابليس
هتيف : لا تدورين اعذار المهم انك جايه من زمان
العنود جلست : لا تعصبين يكفي انكم مخربين شهر عسلنا
هتيف : ماعلينا تتوقعين وش بيصير بكره
العنود : وش بيصير يعني بتاخذين القلم وتسمين
بالرحمن وتوقعين
هتيف بقهر : والله العظيم !! ماكنت ادري اني بوقع بكره معلومه جديده الصراحه
العنود : وش تبيني اقولك طيب
هتيف : يعني في اي بيت بالضبط تكون الملكه
العنود : اف صح وين بتكون ؟ مدري بسأل فهد
وقفت هتيف وهي توريها لبسها لبكره ..
.
.
طلع منصور يجيب ثوبه ويحلق في نفس الوقت
شاف محمد من بعيد رفع يده يسلم ومشى وراح
لسيارته قبل كان يزعج منصور ومستحيل يخليه
يطلع من البيت الا بعد ما يعصبه مشى وهو
ناوي يكلمه شاف محمد حرك سيارته واشر له
بيده يوقف ووقف وراح منصور باتجاهه
منصور : شفيك انت ووينك امس ماجيت للمزرعه
محمد : مافيني شي لا امس نمت بدري
منصور : غريبه ! من متى وانت تنام بدري
محمد : انت الحين وش تبي
منصور برفعة حاجب : ولا صاير تمل مني بعد
محمد : انا اصلاً مليت من الحياه بكبره جت عليك
انت !
منصور : انت صادق ؟ يعني انت محمدنا
محمد ابتسم : منصور عندك شي ولا خلني اروح
منصور ضاق عليه : اخذني معك طيب
محمد : اركب ولا تسألني وين بنروح
منصور راح يقفل سيارته وهو عارف لو بيروح
ويخليه بيشيل همه فالاحسن يروح معه
منصور ركب بهدوء : ترى مب لايق عليك الحزن
محمد مشى وهو ساكت شعور غريب اجتاحه اول
مره يحس انه فاقد الامل وتأكد قبل يومين
كان جالس يفكر كيف يلقاها بس من تذكر انه ما
يعرف اسمها ولا اسم عايلتها ولا حتى حور شافتها
معه يعني كل مافكر زياده تعب وخصوصاً الاسبوع
هذا كان ممل بالنسبه للجميع بس قبل يوم شافها
كان مشغول بحياته ما بعد التفت لموضوعه ابد
.
.
مرت الساعات والكل اجتمع عند نجد باستثناء
هتيف وسحاب وكان الكل يجهز مع نجد
وكانت صالة البيت تساعد حتى لو يصير فيها
زواج مع التزيين بتطلع فخمه .
بعد ما خلصو من الزينه بدو بترتيب الحلويات
والبوفيه وتجهيز الاشياء الباقيه ..
افنان : كيف صرفتو البنات
العنود : اتفقت انا وحور نقول عيب مايصلح تجون
وبكره ملكتكم وبكذا هجدو فالبيت
افنان : والحين راح تقولون نجد طفشت ونبي نجلس معها ومافيه الا البنات عندها وهم..
نجد جت وقاطعتها : العنود وحور يروحون لخواتهم وكل وحده وشطارتها عاد
العنود : ماعليك خطتي جاهزه
حور : غششيني طيب
العنود : بقولك لا طلعنا
نجد بتوتر : ماعزمتو منى وبنات خالها
افنان بفشله : ياربي توقعتك عزمتيهم
نجد بتمثيل : شعرفني فيهم انا ...
.
.
في غرفة هتيف ..
ابتسمت وهي مبسوطه وحاسه بالرضا لبكره
لاحظت الحب بعيون منصور وحتى لو ما اعترفو
لبعض بس عيون كل واحد منهم تنطق بمشاعره
.. جلست وهي تتذكر موقفها معه
" قبل 3 ايام " في بيت الجد تحديداً المطبخ
كانت هتيف جالسه تطالع في جوالها وفي اذنها سماعه ومو منتبهه للي حولها ومعها قهوتها
دخل منصور وهو مستعجل شاف وحده جالسه على كرسي ومعطيته ظهرها : بنت عطيني القهوه
شافها ماردت جاء قدامها ووقفت هتيف بخوف
بدون ماتنتبه من هو ، بس شعور شي طلع قدامها فجأه فجعها انكبت القهوه على يدها وسحب منصور يدها بخوف حست بألم الحرق وهو ماسكها سحبت يدها بس كان ماسكها بقوه
هتيف بألم : منصور ترى يوجع
منصور فك يدها : يعني لو ما سحبت يدك كان انتي متمسكه بقهوتك وش تحسين فيه
هتيف راحت تغسل يدها بمويه بارده : مدري انت طلعت لي فجأه
منصور : ليش جالسه هنا وين البنات عنك ؟
هتيف : كنت اكلم صديقتي
منصور برفعة حاجب وبغيره : من صديقتك ؟
ابتسمت ولفت عليه : منى يعني مين
منصور توتر : وين القهوه طيب ؟
هتيف اشرت بيدها : على الطاوله هذي
منصور اخذها ومشى بس وقف ولف عليها
لفت هتيف عليه تنتظره يتكلم
منصور بتوتر : عزيز وحمود بيجون ياخذون الشاهي
والماء
هتيف م فهمت : ايه كل شي جاهز
منصور بقهر : انا اقصد ادخلي داخل لا يشوفونك
هتيف : طيب تتكلم وانت تشوفني الحين
منصور : 4 ايام وتصيرين ملكي فرقت الحين
هتيف جلست ورفعت يدها تدعي : يارب انت شايفني كل شوي اتغطى منه بس هو يقول عادي ترى ذنبي عليه
منصور مشى وهو مبتسم من اسلوبها العفوي ..
رجعت للواقع وهي تحس نفسها بدت تمون عليه
اكثر وتتكلم بكل راحه ، قاطع تفكيرها العنود
العنود : هاي هتوف
هتيف ابتسمت : هايات .. رجعتي بدري !
العنود : نجد جالسه هناك وحزينه وتبيك تجين
يلا تعالي
هتيف : كان اتصلتي علي
العنود : اصلاً نجد طاردتني تقول لا تجين الا ومعك هتيف
هتيف وقفت : يلا بلبس واجيك
جلست العنود وهي تكلم سلطان
سلطان : متى ناويه تجين ياقلبي شقتنا جاهزه
العنود بدلع : سلطوني انت عارف اني مشتاقه
للبنات معليش عطني اجازه اليوم
سلطان : وزوجك ماله من الشوق نصيب
العنود : كل الشوق لك بس انت قلت انبسطي
مع البنات معك اسبوع وحنا حتى يوم ما كملناه
سلطان : سبب اوجاعي واحزاني منصور وهتيف
العنود ضحكت : والله برجع بعد بكره بس لازم اوقف مع هتوفه الحين محتاجتني
سلطان باستنكار : وش بتسوين لها مثلاً كل شي هي عارفته
العنود : انت ماعشت شعور خوف البنت انها بتنتقل لحياه جديده حرام عليك ترى زوجتك
حست بالرعب قبل تاخذك
سلطان : اف احد قايلك بتتزوجين قراند
العنود ضحكت : صح اني كنت احبك بس كنت خايفه اني اتزوجك واكرهك
سلطان بكذب : بتكرهيني ؟! كيف سواها قلبك
العنود بحياء : هو انا متأكده انك تستاهل الحب
بس عارف انت كيف الخوف
رفعت عيونها لهتيف اللي تطالعها ورافعه حواجبها باستغراب وفيها ضحكه
وقفت بهدوء : يلا مع السلامه حبيبي بطلع الحين قفلت وشافت هتيف تلبس عبايتها
العنود : خير انتي ترى زوجي اكيد بتكلم معه كذا
هتيف لفت باستغراب : نعم شقلت انا طيب
العنود : اشوفك تضحكين
هتيف وهي تعدل شيلتها : استغفرالله بس
.
.
عند سحاب الرايقه وتتقهوى وتطالع في فيلم
جت حور : ماشالله ما تقول بنادي حور
سحاب لفت : خلاص جيتي
حور تربعت عندها : شوفي نجد والبنات مجتمعين وينادونا يلا تعالي
سحاب : هذي اللي تقول عيب لاتطلعين لحد
حور : انا اقصد العايله كلها بس الحين البنات بس
وهناك فله البنات يقيسون ملابسهم حقت بكره ومشغلين السماعه وجدي فالشركه والعيال واعمامي كلهم مو موجودين يعني الحوش فاضي
سحاب بقهر : حمار وليه حابستني وهناك موسم الرياض بكبره والله ما اسامحك ياكلبه
حور بضحك : خلاص قومي معي خلينا نروح الحين
سحاب وقفت بعصبيه من اليوم وهي طفشانه
وبالاخير مجتمعين كلهم ..
.
.
عند الباب !
العنود : اصبري خليني اسأل اذا عندهم احد
بسرعه ارسلت لنجد ( سحاب وصلت ولا لا )
نجد ( لا ما وصلت ليه ؟ )
العنود ( انا وهتيف عند الباب )
نجد ( المشكله لو تدخلون بتلقون كل شي انتظرو )
جت هتيف عندها : وش قالت
ابعدت عنها العنود بتوتر : انتي هيه ترى متزوجه وعندي خصوصيات ماتستحين
هتيف باستغراب : يعع كرهتيني الزواج من الحين
العنود ضحكت : اصبري نجد ماردت
سمعو ضحكة حور وضحكت هتيف معها
العنود : بسم الله ليه تضحكين ماقالو شي
هتيف بضحك : ضحكتها تضحك
حور وصلت وهي ميته ضحك : بفقدك والله
سحاب بزعل : اذا خلصتي خلينا ندخل
شافت العنود وهتيف : سلام اخباركم
العنود : وعليكم السلام وش فيك معصبه
سحاب : مافيه شي بس الحمار رافع ضغطي
قاطعتهم حور وهي تفتح الباب
ادخلو واشتغلت الانوار تحت تصفيق وحماس
البنات والاغنيه وكانت افنان موثقه كل شي
بالكام حقتها !! بالنسبه لهتيف وسحاب مصدومين
وخصوصاً سحاب الزعلانه تعدل جوها وروقت على
مفاجأتهم ، دقايق وخلصت الاغنيه
نجد : هذي ترى عن التخرج وتوديع العزوبيه
افنان : حفلة توديع العزوبيه كنت بخليها قبل الزواج بس مدري شفيكم مستعجلين
حور : حلاتها قبل الوحده توقع
هتيف بروقان : ياعمري ماقصرتو شكراً
هتيف خذت جوالها وهي تصور وتنزل فالسناب
استغربت من منصور اول واحد شاف سناباتها
وبنفس الوقت علق عليها راحت بفضول تفتحها
منصور ( المهم انا وعزوز معكم فالحفله )
هتيف مالقت لها رد وارسلت فيس يضحك
نفس الشي عند سحاب اللي اتصل عليها عزيز
سحاب ارسلت ( ماراح اكلمك الحين )
عبدالعزيز ( طيب اذا خلصتي بتكلميني ؟! )
سحاب ( لا عزيز بعد الملكه بكلمك )
عبدالعزيز ارسل لها فيس حزين
سحاب ( اسف حبيبي )
انبسط عبدالعزيز وهو متحمس لبكره ..
رجعت نجد تشغل اغاني وكل البنات يرقصون
معها بحماس ... والكل مبسوط
..
بعد ما خلصو اجلسو يتقهوون ويسولفون
هتيف : بنات ترى خصصت منى وبنات خالها عيب
تو عازمينا والحين ساحبين عليهم
افنان : ترى قسم بالله اني منقهره توقعت نجد
الرفلا عازمتهم
نجد : اقولكم انا ما اعرفهم بس ضايفيني فالسناب
حور : الله واكبر ذاك اليوم تسولفين معهم والحين
ماتعرفينهم
نجد : انتي نعم يا البزر لا تتدخلين في سوالف الكبار
حور : قولي انا غلطت وبس
العنود : افف بس خلاص وش ذا الازعاج
اتصلت العنود على منى : الو يا قلبي اخبارك
منى : هلا والله الحمدلله تمام
سحاب : الحين عرفت ليه سلطان ماعاد يبينا
حور : اي والله اثاري الاخت فالله تقول له ي قلبي
العنود : لحظه منى اصبري
ولفت على البنات : قاعده اكلم منى يالقافطات
ورجعت تكلم منى : ايوه اسمعي البنات مسويات
حفلة تخرج للمتخرجين فالعايله وتوديع العزوبيه لهتيف وسحاب المهم كل وحده معتمده على الثانيه تعزم وفالنهايه محد عزم تعالو الحين انتي وبنات خالك ؟
منى ضحكت : ماشالله حفلتكم الساعه 10
العنود : تكفين يامنو والله البيت فاضي مافيه الا
البنات وامي حتى حريم عماني كل وحده عند اهلها
منى : طيب بجي بشرط
العنود : خير شتبين
منى برجاء : حمودي عندكم اشتقت له
العنود : مع الاسف مها ناقعه عند اهلها
منى : خير كل يوم عند اهلها ما وراها بيت ذي ؟
العنود ضحكت : طيب وش صار بتجين
منى : مدري اذا وافقو وصايف ووجد بجي..الخ
.
.
عند منى اتصلت على وصايف
وصلها صوت وصايف : هلا والله
منى : اخبارك ؟
وصايف : تمام ، وانتي ؟
منى : حمدلله
وبهدوء : اول شي اسمعيني ولا تقاطعيني
وصايف استغربت وبخوف قالت: شفيه ؟ عسى خير
منى : بنات عم هتيف مسوين لها حفلة تخرج
لها ولسحاب تمام وبنفس الوقت توديع عزوبيه
وتو العنود متصله تعتذر تقول البنات كل وحده
منهم معتمده على الثانيه تعزمنا والنسيان عاد
له دور وغير كذا هي متحمسه تبينا نجي
وصايف ضحكت : مسكينه والله انتي الحين قاعده
تتعذرين ومتوقعه اني ما راح اوافق
منى باستغراب : يعني الساعه 10 وتو يعزمونا الحين
اكيد اني بفكر انك بترفضين
وصايف : لا حبيبتي لو يعزموني الساعه 1 الليل
جيتهم بدون عذر
منى : صايره مشفوحه هالايام هذي
وصايف ضحكت : يلومي طفشت وعزام وناصر
مشغولين ولا واحد منهم راضي يسفرنا وابوي
تأجلت رجعته يعني الطفش بدا ينهيني
منى : يلا تجهزي وقولي لوجد وبمركم
وصايف : يلا مع السلامه
.
.
تجهزت منى ومرت بنات خالها ..
وقف السواق في نص الحوش
وصايف : والله ان حمد ما يجي نصه بكنسل شكلي
منى لفت : وش تقولين انتي م فهمت شي ؟
وجد بتركيز : منى هذا وش اسمه انا خلاص تعبت من الحلوين
منى لفت وشافت سلمان واقف عند باب بيتهم
ويكلم اخته
منى برفعة حاجب : العنود تقول البيت فاضي
وجد : اجل الحمدلله انه مو فاضي
منى بتوتر : خلاص يالمشفوحات انزلو
.
.
لف سلمان وهو يشوف بنات بعباياتهم توقع انهم
من بنات عمه ! مشى وقرب منهم
سلمان وهو جاي : ماشالله من وين جايين
اسكتو البنات وهم منحرجين لانهم جايين متأخر
سلمان شاف وجيهم وتذكر هم نفسهم اللي فالمول
مشى بسرعه بدون ماينطق حرف وراح لسيارته
.
.
وجد : لو اني داريه كان تكشخت زياده
وصايف : قبل شوي بغيت امشي وراه بدون شعور
منى بهدوء : خير انتي وياها ترى مكبرين الموضوع
وجد : شكل عيال عمه الباقين احلى لان منى ما
خقت على هذا
منى : المعلومه اللي لازم تحطونها في بالكم ان العايله هذي كلهم حلوين اصلاً انا خاقه على واحد
وصايف بسرعه : مين
منى : ماتضحكون ولا تقولون لاي احد
وجد : كوكلي خليني اسجل اسمه فالملاحظات
منى بهدوء : انا خاقه على ابو هتيف
البنات :هههههههههههههههههههههههه� �هههههههههههههههههههههههه هههه
منى : وجع ان شاءالله اصلاً لو تشوفونه بتخقون مثلي
وصايف : تكفين بس يعني كل العايله خقه وما جاء
في بالك الا هذا
منى : انا وضعي وضع اللي خلاص تعبت من جمالهم وما دخل راسي الا ابو هتيف انتم عارفين
جمال الي فيهم شيب بضبط ابو هتيف كذا
وجد لفت وشافت سلمان : بنات عيب راح وجاء
واحنا ما تحركنا
منى : الله ياخذكم شكله جاي من البقاله
مر سلمان من عندهم وهو مبتسم على اشكالهم
وواضح الخوف والاحراج فيهم واتجه لبيتهم
-


هاجر جوده غير متواجد حالياً  
التوقيع
"وعسى أن تكرهوا شيئاً وهو خيرٌ لكم." ❤




رد مع اقتباس
قديم 17-02-21, 07:28 PM   #50

هاجر جوده

مشرفة منتدى الروايات المنقولة

 
الصورة الرمزية هاجر جوده

? العضوٌ??? » 402726
?  التسِجيلٌ » Jun 2017
? مشَارَ?اتْي » 1,915
? الًجنِس »
? دولتي » دولتي tunis
?  نُقآطِيْ » هاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond reputeهاجر جوده has a reputation beyond repute
افتراضي


«الـبـارت الـخـامـس والاربـعـون»



تسريع بالوقت !! الساعه 12 بالضبط .
وجد : صدقوني كنت اتوقعكم كذا بس طلعتو غير
سحاب : شوفي الكل يقول عنا مغرورات بس انتم
شفتو العكس صح
وصايف : الصراحه مبين انكم متكبرين بس اكيد
اللي يعيش معكم وبيشوف شخصياتكم بيخق
سمو بروقان : بعد كلامك يمكن نتكبر
وجد ضحكت : مستحيل يمر عندها موضوع جدي الا ومطقطقه عليه
سمو وهي تبي تغث هتيف : شوفي وجد الحياه مردها بتنتهي يعني مثلاً تبيني اصير مثل هتيف
نفسيه انا احب الضحك انا اصلاً هدفي الضحك
هتيف ارسلت لسمو ( نبي نمقلبهم سبي وانا بسب
سمو ( يلا ههههه صدق انك صاحبة مشاكل )
هتيف : يعني انا طول حياتي ما ضحكت ! اصلاً
انتي تسمين قلة الادب فله ووناسه مريضه صدق
سمو برفعة حاجب : يعني انا قليلة ادب
هتيف : ايه ، ترى انتي حاطه نفسك واو يعني ما
كفتك سماجتك اللي قبل وانتي تطقطقين علي
منى : هيه جايين ننبسط حنا
سمو لفت ع منى : لحظه
سمو : اولاً يالمحترمه اذا انا قليلة ادب وش تطلعين
انتي ثانياً ما طقطقت عليك الا انك استغفرالله
هتيف بضحكة استهزاء : هذي الغيره ونتايجها
الكل مستغرب وماصدق للحين بس ...
سمو ضحكت بقوه : من ايش اغار ؟
هتيف : انا عارفه انك ماتبيني اخذ منصور اصلاً
من بعد كلامك له امس وانا عارفه انك كارهتني
سمو وهي تغير صوتها : مشلاااه تتجسسين علينا
وبعصبيه اكبر : ايه ما ابيك تاخذينه اخوي مزيون
ومتعلم ومتوظف وما ابيك تاخذينه عندك شي
هتيف بعبط : يلا بروح ابكي وارجع
منى : بنات منجدكم خلاص عاد
العنود : الا الان مو مصدقه بس ترى ضيعتو وقتنا
سمو : اوكيه كلمي اختك المغروره وقولي لها
لا عاد تتهم الناس واخرها سالفة الحش
هتيف : لاني شايفتك حشيتي من قبل يعني ما تكلمت عبث
نجد وهي تطالع في جوالها : يلا بحاول اصدق
سمو : نجد ترى هذي مو من بنات اخوانك الباقين
عشان تقولين ما اصدق لا صدقي لانك مابعد عاشرتيها زين وعرفتي حقارتها
هتيف ارسلت ( ياكلبه انا حقيره )
سمو ( اش ترى صدقو )
البنات كانو مشتتين انظارهم ومصدومين
افنان : سمو شذا الحركات البايخه وانتي ياهتيف
اللي اعرفه انك عاقله ومو هذا كلامك
هتيف : ما اذكر اني بديت فالمشكله
سمو : اصلاً انا كنت ناويه امزح معك بس انتي قلبتي الموضوع جد
هتيف : ايه قلبته جد وعم وخال بعد شعندك ؟!
نجد وقفت : كمية سماجه
العنود : على وين
نجد : بروح اجيب المويه واجي
ارسلت سمو ( بنت نبي نقلبها مضارب )
هتيف ( اخخ عاد من زمان عنه )
سمو ( الله يستر منك بس شوي شوي علي )
هتيف بغرور وهي توقف : ييع وش مجلسني انا هنا ووراي ملكه مع منصوري حبيب قلبي
سمو جتها الضحكه ووقفت : غلط غلطة عمره يوم اختارك انتي بالذات
هتيف قربت منها : موتي قهر والزواج قريب بعد
سمو قربت اكثر : بيطلقك صدقيني لا تفرحين واجد
هتيف : صدقيني انتي دراما يالبزر
دفت سمو كتف هتيف : من البزر يالعجوز
هتيف مسكت يدها وبعصبيه : اقسم بالله ان مدتيها مره ثانيه ان ما يحصلك خير
البنات وقفو وهم مندهشين من الموقف
رفعت يدها سمو وضربتها وبدت هتيف تضرب من جهتها وجت نجد وهي تحاول تفرق بينهم
بعد دقايق وبعد تدخلات البنات
كانت نجد من بينهم وسمو تضرب نجد بنذاله
وهتيف على العنود وتدخلت افنان اللي سحبت
سمو شعرها ودفتها على هتيف وهتيف دفتها على
سمو وطبعاً سمو هنا ماتت ضحك
افنان بتعب : حتى فهالموضوع تضحكين
طاحت هتيف وهي تضحك وتجيها سمو تطيح
جنبها ويضحكون بقوه والكل مصدوم مره ثانيه
حور : اصلاً انا كنت ادري ومسجله اصواتكم بعد
هتيف وهي تحاول تمسك نفسها : انا ما خرب علي
الا افنان صارت كوره من بينا
سمو بضحك : لا لا هذي تهون عند نجد والعنود والله يا ضربناهم
العنود وهي ماسكه كتفها : حسبي الله عليكم
والله لاعلم سلطوني يعلم جدي يالفاسدات
افنان : الله يعيني مستقبلاً الثنتين ذولا معي
نجد جلست : ما راح اخلي الضرب اللي جاني انتظرو بس
وصايف ضحكت : فزتو فالتمثيل ولا غلطه
اثير بقهر : حياة الفهد وينها عنكم ؟!
هتيف بضحك : نعم ليه تزعلين انتي تبيني اقوم عليك ؟!
اثير : لا تكفين انا اصلاً ناويه اتصل على الاسعاف
عشان نجد والعنود
سحاب : والله سماجه تدرون موقفكم من كثر ماهو
سامج جاني النوم
سمو : روحي نامي ياقلبي وراك يوم حافل
.

بعد نص ساعه الكل رجع لبيته .!
..
الـيـوم الـتـالـي ! يوم الملكه ، امس اتفقو يحطونها
في بيت الجد وتكون مختصره جداً " عائليه "
..
الساعه 1 الظهر ..
هتيف صحت وهي تحس بشعور غريب وخصوصاً
بهاليوم ماتدري وش تصنف هالشعور بس كأنه
فرح بحماس وخوف ! كلها جت مع بعض '
دخلت واخذت شور وراحت تصلي
ونزلت تحت وحصلت امها والعنود يتقهوون
راحت تفطر ورجعت تجلس معهم
ام فهد : متى بتروحين لبيت جدك
هتيف : فالليل اكيد لاني بوقع هنا خلاص وش ابي اروح هناك من بدري
العنود : صح وش معجلها ؟!!
هتيف لفت : الا انتي متى تروحين لبيتك
العنود : اح لا تقولين بيتك ترى اخاف
هتيف ضحكت : لا صدق متى
العنود : اكيد بكره
هتيف : يعني انتي خلاص بتستقرين عندهم
العنود : ايه بستقر عندهم بس مستقبلاً لا ...الخ
.
.
نفس النظام عند سحاب صحت وهي متحمسه
لليوم طبعاً اخذت شور وراحت تصلي بس ما نزلت
منحرجه من طقطقت اخوانها عليها ..
.
.
تسريع بالوقت العصر في بيت ابو سلطان
كان الشيخ متواجد عندهم !!
راح سلطان لسحاب عشان توقع ..
كانت سحاب واقفه وجنبها حور
رفعت يدها بتوقع الا وتسمع صوت محمد
محمد : دقيقه دقيقه انتظروني
سلطان بسرعه : اقول بس وانتي وقعي بسرعه
سحاب : ترى خلقه خايفه لا تعصب
محمد سحبه منه : انقلع يالشايب
لف على سحاب : سمي بالرحمن ويلا
سحاب : مدري متوتره
حور : ترى زودتيها لنا ساعه ناقعين عند الباب عشان توقعين ولي ساعه ماسكه جوالي عشان
اوثق اللحظه هذي
سحاب : خلاص اكلي تبن عطني القلم
عطاها محمد وسلطان منقهر من تأخيرهم
وقعت وسلم محمد وسلطان عليها وضمتها حور
محمد وسلطان بفرحه لاختهم : مبروك ي قلبي
حور دمعت وضلت ساكته !! بعد دقايق
سلطان : خلاص جيبوه ورانا منصور والله ان يدخل
علينا الحين من كثر ماهو منقهر ..
.
.
خلصو وراح الشيخ لبيت ابو فهد ..
العنود دخلت غرفة هتيف : هتوف قومي وقعي
هتيف بخوف : اما تتكلمين جد
العنود : احسن جاء اليوم اللي اطقطق فيه عليك
هتيف بتوتر واضح : مب وقت الشماته الحين ترى
الوضع جد ومُزري
العنود بهبال : فهد ينادي تحت كوكلي بليز
هتيف ضحكت : طيب صوريني وانا اوقع
العنود برفعة حاجب : اصورك وانتي شكلك كذا
هتيف طالعت بجامتها : لا يا حمار صوري يدي بس
العنود راحت : طيب انزلي بسرعه
.

‏"انعَقد القلبُ بالقلبْ وأَزهر مَا بالدُنيا 💍❤".

نزلو تحت وهتيف خايفه مره جاء فهد
فهد ابتسم : يلا سمي بالرحمن ووقعي
العنود جت : يلا بلقطك من الزوايه هذي
ام فهد : وش بتلقطين انتي الثانيه
العنود : صوره صوره شعرفك فالاحتراف
هتيف وفهد ومها : ههههههههههههههههههههههههه ههههههههههههههههههههههههه ههههههههه
بعد الضحك والسوالف ..!
هتيف خذت القلم ووقعت بهدوء عكس الفيضان الي بداخلها ..
سلمت على اهلها وطلعت لفوق وهي مو مصدقه انها صارت زوجته زوجة منصور صديق وحبيب طفولتها ..
.
.
‏احبك وكانت اول انتصاراتي انك صرتي ملكي.
..
بالنسبه لمنصور كان ينتظر فهد واول ما دخل فهد
وهو مبتسم استحله شعور الراحه شعور انها له
وصارت رسمياً زوجته واليوم بيشوفها بعد
هذا الشي يكفيه !.
وقف وسلم على ابوه وعلى عمه محمد ..!
.
.
طبعاً كالعاده العمال موجودين فالحوش ويضبطون بيت الجد من برى عشان اخوياء منصور وعزيز
والعكس عند الحريم ماتعبو انفسهم مره لانها
بتكون عائليه جداً بس منى واهلها ووصايف ووجد
واهلهم وهيفاء صديقة سحاب ومها زوجة فهد واهلها طبعاً الاغلب جاي عشان هتيف !!
.
.
في غرفة نجد كانو كل البنات مو جودين الا هتيف
والعنود وسحاب وحور ..
افنان : خلاص متى يجون عاد
نجد وهي تحط ميكبها : مدري اتوقع بيتأخرون
سمو : طيب عطيني مفاتيح الباب اللي من الجهه
الثانيه عشان يدخلون معه
نجد : روحي اخذيها من ابوي
طلعت اثير وهي تعدل فستانها :كيف الفستان احسه واسع علي ؟
نجد : قسم بالله خقه طلعتي صدق فخمه
افنان : صادقه نجد احسه فخمك مره فيه
اثير : امانه عاد حلو ولا افسخه
سمو وقفت : يامريضه وش تفسخينه طلعتي كبيره
فيه صدق بيّن انك دخلتي عشرين
اثير باستغراب : عشرين وش ؟
سمو : عمرك يعني ايش
اثير : مابعد دخلتها بدخلها بعد 4 شهور
سمو بعصبيه : خلاص المهم ان فستانك حلو
اثير لفت على افنان : الله يعوضكم بس
افنان ضحكت : لا تلوموني لاتهاوشت معها ...
.
نقول مبروك لحبَايبنا 💍❤.

.
بعد نص ساعه وصلو الجميع ..
بغرفة نجد كانو كلهم موجودين ..
افنان : بنات خلونا نروح لصاله اللي فوق لان منى وبنات خالها اكيد تحت وعيب نخليهم
هتيف طلعت من غرفة الملابس وهي تعدل شكلها
سمو جت : طيب اسمعو صديقة سحاب تحت و..
لفت على هتيف : اما هذي بنتنا
ضحكو البنات على ردة فعلها !!
سمو : لا والله اللي بيروح فيها منصور اليوم
حور : والله تهبلين ماشالله
ابتسمت هتيف بحياء وهي تطالع بنفسها
كانت لابسه فستان اسود ماسك علاقي طويل
بفتحه طويله توصل لركبتها ومن عند الصدر على
شكل سبعه واكسسوارت من كارتير وشعرها ستريت بكثافته وبطوله وزاد جماله لون صبغتها
.. راحت عند المرايه وهي تحط لمساتها الاخيره مثل المناكير والحلق وراحت فتحت شنطتها وبخت من عطور قيرلان واكملت
كشختها كان شكلها بسيط بس بفخامه
وجلست مع البنات تسولف تنتظر سحاب
.
.
عند سحاب بغرفة الملابس بعد ما خلصت ميكبها
لبست وشافت شكلها النهائي ..
كانت لابسه فستان زيتي توب بأكمام قصيره
وماسك لنص الساق مع اكسسوارات ذهبيه
وشعرها ويفي لنص ظهرها وكانت فخمه من
ناحية لون فستانها + اكسسواراتها
طلعت للبنات وافرحت من ردة فعلهم وتعليقاتهم
اتجهت وبخت عطرها وبدت تحط لمساتها الاخيره
..
نص ساعه ونزلو سحاب وهتيف طبعاً البنات نزلو
قبلهم بدقايق اول مانزلو شغلو اغنية الزفه
والبنات جلسو يغنون مع الاغنيه بفرح وبعدها
بدو يسلمون ع الضيوف وجلسو معهم يسولفون
منى : مبروك ياقلبي
هتيف ضمتها : الله يبارك فيك
وصايف وجد لسحاب وهتيف : مبروك
هتيف وسحاب : الله يبارك فيكم
تقدمت هيفاء وهي تبارك لهتيف بعد ماباركت لصديقتها سحاب
..
..
دقايق ونادو سحاب تروح لعزيز
راحت مع سلطان ودخلو مع بعض للمجلس
سلطان : عشر دقايق وارجع
عبدالعزيز : لاتنشب الله يصلحك
سلطان ضحك وطلع
عبدالعزيز بعد ماتقفل الباب وقف وجلس جنبها
عبدالعزيز : مبروك ياقلب عزيز
سحاب بحياء : الله يبارك فيك
عبدالعزيز بتأمل : المهم انك تمونين علي الحين
سحاب عقدت حواجبها بدون ماتطالع فيه
عبدالعزيز مسك يدها وهو يبوسها : شفيك
ابتسمت : مافيني شي
طلع الخاتم ولبسها وهو مبتسم .. وكملو سوالفهم
.
.
بعد نص ساعه طلعت سحاب وهي مبسوطه
وجلست مع البنات وهي منقهره من طقطقتهم
سحاب : اقول بس جعلكم تذوقون ماذقت
سمو بتمثيل : يارب ارزقني بزوج رومانسي انما حياتي فيها جفاف حاد يارب طلبتك
سحاب ضحكت : اهم شي انا دعوتي حلوه
منى ضحكت : اجل ادعي لنا كلنا
سمو طالعت بجوالها : هتيف انقلعي لزوجك
هتيف طالعت بخوف فالعنود
العنود وقفت وهي ميته ضحك : ياربي تكفى
هتيف بزعل : شفيك تضحكين انتي يالثانيه وبعدين
انا مدري ليه مايراسل افنان عشان تلقيني الخبر
بهدوء مو سمو افجعتني جعلها ال..
سمو بصوت عالي : استغفري ي كلبه لك شهر
وانتي تدعين علي
هتيف وقفت : انك تستاهلين
مشت والبنات يضحكون وراها وخذت العنود جوالها تتصل على فهد يجي
جاء فهد : اختي طالعه قمر اليوم
هتيف بتوتر وخوف ابتسمت
العنود مسكتت يدها : يلا يا قلبي توكلي على الله
جاء فهد بعد ما شاف الخوف واضح فيها ومسك
يدها ودخل على منصور الواقف عند المرايه
ويضبط شماغه وما انتبه لهم تنحنح فهد
ولف عليهم بسرعه وعيونه طاحت عليها
وبداخله يقول ؛
يا بعيد وجابك الله .. لين عندي وصلّك
هو صحيح احنا التقينا ؟ هو صحيح انت قبالي ؟
هو صحيح اني حبيبك ؟ كان لي حق اسألك ؟
كانني احلم طلبتك .. خلني هايم لحالي
خلني بالحلم عايش فيه دامي به معك ..
يا بعيد وجابك الله .. لين عندي وصلك

طلع فهد وهتيف بمكانها ما تحركت ابد
قرب وهو يمسك يدها وبنفس الوقت لاحظ توترها
مشى وهي معه وجلسو !!
منصور ابتسم وهو لازال ماسك يدها : مبروك علينا
هتيف بدون ماتناظر فيه وبصوت خفيف : الله يبارك فيك
منصور وهو يتأملها خذى الخاتم ولبسها
دخل يده في جيبه وطلّع " سلسالها "
ووقف ووقفها معه طبعاً كل هذا تحت استغرابها
واتجهو عند المرايه ! رفع شعرها ونزله فالجهه الثانيه وهو ما حسب حساب لخجلها
ولبسها السلسال وهو مبتسم وخاق على شكلها
رفعت عيونها وانصدمت من السلسال هو نفسه
سلسالها اللي جابه لها قبل 11 سنه بسنة تخرجها
قاطع تفكيرها منصور بصوته الهادي وبروقان :
يقولون أحلى من العقد لبّاسه ..
ابتسمت هتيف وهي تشتت انظارها عنه
منصور لفها عليه : انصدمتي ؟
هتيف بخجل : كيف خذيته
منصور بضحكه : لقيته طايح في بيتنا
هتيف عقدت حواجبها وهي تتذكر
منصور بنظرات : اذكر انك نزلتي تدورينه وجيت
انا ساعدتك
هتيف عرفت وش بيقول : وانت ماشالله كنت سارقه ذاك اليوم
منصور : بس انتي كنتي تدورين اسوارتك مب سلسالك لو انك سألتيني كان عطيتك
هتيف برفعة حاجب : كنت اكذب عليك
منصور ضحك : وش الفايده بعد ما كذبتي
هتيف بتصريفه : كنت خجلانه وقتها
منصور بابتسامه : هالمره بصدقك مع اني شاك
هتيف توترت من نظراته وسكتت
بعد 10 دقايق من السوالف
منصور وهو يمسك يدها : يلا الحين بخليك وبعد ساعتين بتصل عليك
هتيف ابتسمت وهي تهز راسها
رفع يدها وهو يبوسها وطلع
جلست هتيف وهي مصدومه من كل شي
اسلوبه ، تصرفاته ، كلامه وعيونه اللي تنطق بحب
كل شي كان في كفه وفرحته الواضحه بكفه ثانيه
.
.
دخلت على البنات والابتسامه شاقه وجهها
العنود انبسطت من شكل هتيف المبسوطه
هتيف جلست : بنات ماراح تروحون الحين
وصايف : مدري على حسب مزاج عزام اخوي
نجد انتبهت بسرعه لها وما لاحظها الا العنود
سمو : معليك بينبسط مع اخواني وعيال عمي
وجد : ومو عن كذا اساساً ابوي بكره بيجي
افنان : ليه هو وينه ؟
وجد : سافر برى يتعالج والحين رجع
افنان : اها الحمدلله على سلامته
وجد : الله يسلمك
العنود بصوت خفي لهتيف : اشوفك تضحكين
هتيف : نسيت كيف ابكي
العنود : بلا سماجه عاد وش صار
هتيف بابتسامه : حمدلله
العنود : لارجعنا للبيت بتقولين لي كل شي...الخ
.
.
بعد ماتعشو مابقى الا وصايف ووجد ومنى !
فالملحق جابو البنات القهوه والحلويات ..
اتصل عزام على وصايف وردت : هلا عزام
عزام وصوته طالع مع السماعه : متى ناوين ترجعون
وصايف : بنسهر مع البنات وبنرجع مع ناصر
قاطعتهم اثير وهي جايه : نجد جدي يبيك
وصايف : عزام وينك ؟
عزام بتوتر : طيب استعجلو شوي ولاتتأخرون
وصايف باستغراب : يلا مع السلامه
عزام وما وده يقفل : مع السلامه
.
.
قامت هتيف تروح تجيب لها مويه من المطبخ
جت وراها ريم بسرعه عشان تكلمها
ريم بخوف : ممكن اكلمك
هتيف : انتهى الموضوع ما يحتاح تتكلمين
ريم جت عندها : هتيف تكفين والله مب قصدي يصير لك كذا بس انتي عارفه الهنوف متسلطه علينا ومستحيل نرد عليها بكلمه وحده
هتيف جلست على الكرسي : انتي المهم جيتي وقلتي لي مب تسكتين طول هالفتره وتزينين علاقتك وانتي من وراي العكس
ريم : والله من يوم زينت علاقتي معكم ماسويت شي يضركم ابداً
هتيف اسكتت تنتظرها تكمل
ريم بتوتر : وغير كذا كنت خايفه تتغيرون علي
لا اعترفت وبالاساس كنت ناويه اقولكم بس يعني
كنت ابي امهد للموضوع وافهمك بطريقتي
هتيف : لا هذا اكبر غلط ولا على ذا كله انا ظلمت
منصور وفالنهايه طلعتي انتي ماتحبينه
ريم ببكاء : والله كنت مجبوره وماخذه فكره غلط عنكم
هتيف وقفت وطلعت تكمل السهره مع البنات
وريم وراها تبكي وحاسه بشعور الندم من جديد
وتدري انها غلطانه انها ماقالت لها عن شي
واليوم فقدت الامل من جديد وبنفس الوقت تدري
ان هذا من حق هتيف

« اليوم التالي »
صحت امل وهي متأكده من قرارها النهائي وتذكرت كلامها قبل ايام مع صديقتها نوف !! >>
نوف بتوتر : وش قلتي ؟ مافيه غير هذا الحل
امل بتفكير : قصدك اني انشغل عن تفكيري
نوف : مو بس تنشغلين انتي حالياً مكتئبه ومضغوطه وتحتاجين دكتور نفسي يشخص حالتك
ويعطيك حلول افضل من كذا وفالنهايه انتي ما
عندك جامعه ولا اي شي يشغلك عن تفكيرك
فالماضي وسوالف الهنوف ومشاكلك الشخصيه
شافت امل تغيرت نظرتها : امول ما اقصد انك
انجنيتي او خلاص فقدتي عقلك انا اللي ابي اوصله
لك انك تحتاجين تعيشين وتنبسطين والدكتور هذا
راحو له كثير واغلبهم الحين مبسوطين ومكملين
حياتهم وماهمهم كلام الناس وبعدين محد راح
يعرف عن الموضوع غير انا وانتي وبس
امل بتأييد : صادقه بس ترى بعطيك معلومه انا ترى مايهموني بنات عمي لاتتوقعيني مثل الهنوف
ابد بس المسأله مسألة خوف
نوف : شوفي لا تكلمتي معه وشرحتي حالتك له
راح يساعدك ويعطيك دافع معنوي ويسهلك اشياء
بعد الله انتي كنتي مصعبتها
امل بتشتت : بعدين بقولك ايه او لا
نوف : براحتك بس اهم شي فكري قبل ماتتخذين
اي قرار يخصك بدون محد يشاركك
امل : تطمني انا والهنوف ماتكلمنا من بعد ذاك اليوم ومستحيل اكلمها حالياً الا اذا عقلت ممكن...
>> رجعت لواقعها وراحت تاخذ شور وتجهزت ولبست عبايتها تنتظر السواق وبنفس الوقت
ارسلت لنوف انها بتروح .
.
.
في بيت ابو عزام >> ركضت وصايف بخوف لوجد
وجد بخوف : شفيه ؟
وصايف بتوتر : حمد جاي يحدد يوم الملكه اكيد
شاف ابوي بيجي قال خليني احرجهم
وجد ضحكت : وجع توقعت عندك شي مهم اصلاً
عادي وش وراك لا تقولين وراي جامعه ترى العذر هذا مستهلك
وصايف : هذا هواش ولا نصيحه ؟
وجد : هذا طفش
وبتفكير : الصراحه ابي حدث جديد واكشن
وصايف : حدث جديد ع حسابي
و جد : خلاص ترى تقدرين تنزلين و تقولين لعزام ما ابيه وانتهى
وصايف بتوتر : وش ما ابيه اقصد ابيه يأجل الزواج
وجد برفعة حاجب : يمه من البنات بس مسببه
زحمه ع الفاضي وفالنهايه تبينه
وصايف : انتي مستحيل تفهمين بسرعه
وجد راحت : وانتم بتشيبون باختكم الصغيره القاها منك ولا من اخوك الكبير اللي مسوي فيها معصب
ولا ناصر اللي مايجلس فالبيت اصلاً ابوي بيجي
وبيربيكم من جديد...الخ
.
.
الساعه 10 الليل .. في غرفة هتيف ..
منصور : طيب وش مشغوله فيه انتي ؟!
هتيف : والله مشغوله يبي لي وقت بليز اجل الموضوع لبعدين
منصور بطفش : هتيف عاد متى ناويه طيب
هتيف : باق.....الخ
-
توقعاتكـمم تسعدني..


هاجر جوده غير متواجد حالياً  
التوقيع
"وعسى أن تكرهوا شيئاً وهو خيرٌ لكم." ❤




رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

الانتقال السريع


الساعة الآن 07:01 PM



Powered by vBulletin®
Copyright ©2000 - 2024, vBulletin Solutions, Inc.