30-05-20, 04:07 PM
| #1 | ||||
|  رواية معجزة في قلبه بــقــلــم : شــامــخــة بــســطــوري . روايــة : معجزة في قلبه. السلام عليكم جميعا... شو الأخبار؟؟ امم طيب ببدأ وياكم اول رواية لي،انا ماني بسوالف الكتابه وكذا بس احب الروايات كثيرر وقلت اكتب هالروايه واتمنى تعجبكم،وابغى دعمكم عشان اكتب روايات غيرها واستمر وشكرا... "رجاء لا تلهيكم الروايه عن الصلاه،اللهم اني بريئه" ************************************************** ********************** الــــــــــــــــبــــــ ــــــ1ـــــــــــــارت يوم الثلاثاء... الساعه 5:43 ص... يحمل الصبح نداء " الله أكبر " يؤكد الوعد، يجدد العهد، ويرسم كل جديد بريشة التوحيد تنهض فاطمه ع صوت أذان الفجر وهي تردد كلماته من بعد المؤذن لحد ما وصل لــ"الله أكبر..الله أكبر"، تقوم من على سريرها وتروح لدورة المياه _عزكم الله_ تتوضأ لصلاة الفجر؛عشان تبدأ يومها بكل أمل وقرب لله سبحانه وتعالى ... بعدها تروح فاطمة لعيالها المنقسمين ف غرفتين، والتقسيمه كانت كالتالي: الغرفه الأولى: " محمد،راشد،علي،خليفة،قاسم" الغرفه الثانيه: "بثينه،ساره،مريم" دشت فاطمه للغرفه الأولى واللي فيها اولادها الخمسه وهي تنادي عليهم: صبااح الخييير يعياال العيال: لا رد..... فاطمه: يلا يعيال حيَّ على الشوق،حيَّ على النور،حيَّ على الحياة والأمل راشد وهو يتثاوب: صباح النور والسرور،صبّحج الله بالخير يمه محمد: صباح الورد لأحلى ورده خليفه وقاسم: يهلا بأحلى أم بالدنيااا وطبعا علي بعده نايم خخخخخ فاطمه بأحلى ابتسامه: صباحكم فل وياسمين يحلوييين،يلا قوموا للصلاه ربي يحفظكم ويبارك فيكم يارب....وعلوه اذا م قام احين بجيبله ذاك الماي البارد اللي يبرد ع قلبه من الصبح مثل كل يوم علي فز من سمع طاري الماي البارد وقال: لا يمه دخيلج الا الماي البارد قايم قايم الكل ضحك ع شكله وراحوا يتوضوا للصلاه وبعدها يروحون للمسجد، اما الأم "فاطمه" فراحت للغرفه الثانيه "للبنات" دشت عليهم وكل واحد غاطه بساابع نوم .......... فاطمه: صباااحح النور لبناتيي الحلوات،يلا حبيباتي قومن نصلي مع بعض صلاة الفجر نروح في رحله لله جل في علاه مريم بابتسامتها الحلوه: صبااحح خير يمه،ان شااء الله،وعساج ع القوه والله يحفظج لنا ويديمج يارب بثينه بتثاوب: آآآآآمييييييين،يلا يمه قايمين وكالعاده تروح فاطمه لبنتها ساره تبوسها ع خدها وتقومها فاطمه بحنان: يلا يحبيبتي قومي صلي وتجهزي للمدرسه ساره بضيق: اوووف يمه،مابي اروح المدرسه بليييز فاطمه: م يصير يقلبي، الاختبارات قربت وحضورج مهم هالفتره ساره من غير نفس: طيب طيب يمه قايمه فاطمه بابتسامه: الله يحفظكم ويبارك فيكم يااارب وعساني م اشوف فيكم شر البنات: يااااارب يالغاليه وراحن يتوضّن لصلاة الجماعه مع امهن ( بعرفكم شوي ع هذي العايله الجميله والبسيطه وباقي التعريف بتعرفونه ان شاء الله من أحداث الروايه ) هي عايله فقيره ومتواضعه ويصرفون عليها محمد وراشد ومريم وعلي اللي ناوين انهم يغيروا بيتهم الصغير ويبدلوا حالهم ويفرحوا امهم ويجازوها لو شوي ع تعبها وياهم... فــاطــمــه : الأم ، عمرها 47 سنه ، أرمله ، تزوجت ولد عمها "سالم" وهي بعمر الــ14 سنه من بعد وفاة امها وابوها بحادث سياره، وبقت هي من بعدهم تعيش ببيت عمها لان م عندها اخوان واخوات ، فأجبروها على الزواج من ولد عمها اللي كان عمره 30 سنه عشان يحافظ عليها... فاطمه كأكثر النساء بعمر الأربعينات،يخط القطار على وجيههم بمسارات وخطوط او بالأصح بتجاعيد تميزها بأنها عاشت وتحملت الكثير... لكن الحق يقال بأنها جمييله جدا، بيضاء براس دائري وملامح طفوليه رغم كبر سنها ، عيونها واسعه وعسليه ، وباقي ملامحها دقيقيه وصغيره. الولد الأكبر "محمد" : عمره 32 سنه ، دكتور شاطر ومعروف ، شخصيته قويه ، حنون مرره بس لما يعصب م يشوف اللي جدامه ، صعب يتراجع عن اي قرار يتخذه ، وأهمم شي فحياته امه واخوانه... م حلو بس شخصيته الجميله والقويه طاغيه ع شكله، أسمر اللون عيونه واسعه ،طويل وجسمه عريض شووي. راشد : عمره 26 سنه ، شخص هادي وطموح ، مهندس ، يدرس الماجستير في وحده من جامعات السلطنه ، يحب امه وايد وايد وايد ومستحيل يرد لها طلب... ملامحه مرره حلوه ، حنطاوي ، عيونه صغيره وناعسه ، انفه طويل ، طوله متناسق مع جسمه . علي : عمره 22 سنه ، شرطي ، م يحب يجعد ف البيت ابد كل حياته الدواره مع الشباب ، يكره الدراسه والمدرسه ، دايم يسوي اللي براسه ، يحب امه واخوانه بس مشاكس وتقريبا مستحيل يمر يوم وهو م مضايق حد ف البيت ، يشبه راشد بس هو قصير شوي وعيونه واسعه. خليفه وقاسم توأم : عمرهم 18 سنه ، ثالث ثانوي يعني آخر سنه وبيرتاحوا من تعب 12 سنه ههه، الشكل نفس الشي بالضبط لدرجه ان حتى اخوانهم احيانا م يفرقوا من بينهم ... بشرتهم سمرا وعيونهم صغار وعسليات وعليهم طول ماشاءالله ، بس شخصياتهم مختلفه مررره ، خليفه هادي وشاطر نفس راشد ، وقاسم مشاكس ومايحب الدراسه نفس علي. مريم : عمرها 29 سنه ، هاديه ومثقفه ومتدينه وتحب الخير للكل ، متخرجه من كلية الشريعه وتدرّس تربية اسلاميه في وحده من مدارس السلطنه ، تحب امها واخوانها ودايما هم ف أولوياتها ، تشبه امها مررره. بثينه : عمرها 24 سنه ، شخصيتها تشبه شخصيه مريم بس هي اجتماعيه وتحب تتعرف ، مجتهده مرره وتدرس طب ، واهم شي عايلتها ، تشبه علي واااايد. واخيرا ساره "آخر العنقود" : عمرها 16 سنه ، بأول ثانوي ، طبعا م تحب الدراسه نفس علي وقاسم ههه ، دلوعه وحساسه مرره بس لسانها طويل ، تحب عايلتها بس ف كل وقت تشاكس قاسم ، بس دايما هي اللي تفوز لانها دلوعة البيت ومحد يرضى عليها ، احلى وحده ف البيت ، بيضاء وعيونها زرقاء (نفس جدتها الله يرحمها) طولها متوسط ، ضعييفه . ( وإن شاء الله مع احداث الروايه بتعرفونهم اكثر واكثر ) ************************************************** يوم الثلاثاء... الساعه 6:32 ص... حــيــن تــتــضــخــم "الأنـــا" نــصــاب بــمــرض الــعـَـظـَـمــة. ...: صباح الخير يمه. الأم: صباح النور مبارك ...: صباح الخير عمتي ام مبارك من غير نفس: صباح النور وسن تعالو فطروا مبارك: اجل وين ابوي؟ م اشوفه ام مبارك: مدري شفيه ابوك طلع من البيت مستعجل مبارك: غريبه م اذكر ان في شغل ضروري او شي مهم، انتي م سألتيه ؟؟ ام مبارك: وليش اسأله!!! يسوي اللي يبيه شو علي منه انا... وحدي م نايمه من امس افكر شنو بلبس لعرس بنت صاحبتي وسن: طيب خالتي انا بساعدج اذا تبين ام مبارك: لا دخيلج الا ذوقج انتي وييع بنت الفقر وسن تضايقت من الكلام اللي اعتادت انها تسمعه من ام مبارك كل يوم ف هالبيت مبارك بعتب: يمه شو هالكلام!! وبعدين انا م ارضى اني اتعب وسونتي وسن ابتسمتلهه ابتسامه باهته ام مبارك بلا مبالاه: اي زين .... وراحت لغرفتها. مبارك بعد م كل شوي: يلا يقلبي انا رايح، تآمرين ع شي؟؟ وسن: لا عيوني سلامتك،ومن توصل طمني مبارك: من عيوني.... "وباسها ع خدها برقة" وسن بخجل: تسلم عيونك،يلا سي يوو مبارك: يلا سي يوو وبوسيلي هنودتي الثغيره وسن بابتسامه: طيب ودّعــــوا بــعـض وراح مـبـــارك للشـغـــــل ... قررت وسن انها ترجع تنام بس شافت اخوات مبارك نازلات وقالت تجلس معهم شوي لحد م تروح كل وحده ع شغلهاا قبس: هاااااايي وسن: هاااياات يحيلوه،صباح الوررد قبس: صباحك فل وعنبر وياسمين يآحلى زوجة اخ بالدنيا وسن: ههههه فديتج، صباح الخير ميثه كيفج؟ ميثه من غير نفس: زينه وجعدوا ياكلون ، وقبس ووسن سوالف وضحك وميثه ساكته وتاكل كالعاااده... وبعدها راحن ووسن راحت تكمل نومها من بعد م رسل لها مبارك انه وصل للشركه ( حان وقت التعريف بهذي العايله هههه) هذا ثاني بيت من العايله،وابو مبارك يصير اخو ابو محمد "الله يرحمه" ... عايله غنيه بالفلوس بس للأسف بعض افرادها فقيرين بحب الخير للناس وكل همهم الأنا ... أبو مبارك "حامد"" : عمره 52 سنه ، هادي ومسالم لدرجة ان ماعنده شخصيه في البيت وماله كلمه ع عياله من بعد زوجته ، عنده شركه كبيره ويشتغل فيها... اسمر وعيونه ناعسه وو عليه جسم شوي وطويل. ام مبارك "ليلى" : عمرها 48 سنه ، دلوعه وتحب المظاهر واهم شي عندها كلام الناس ، تكره عايله زوجها وداايم تحرضه عليهم ، وطبعا كلمتها هي اللي تمشي ف البيت... حنطاويه،طويله ورشيقه مرره،الملامح م اقدر اوصفها لأني ابد م شفتها بدون ميكب هههههههههه. الولد الكبير "مبارك" : بنفس عمر محمد ولد عمه وصديقه الروح بالروح،شخصايتهم متشابهه مرره بس احس مبارك اهدى من محمد بشوي، متزوج وعنده بنت صغيره .. يشبه ابوه تقريبا بس لون بشرته افتح شوي وجسمه رياضي. زوجة مبارك "وسن" : عمرها 25 سنه ، هااديه وطيبه ، من عايله متوسطة الحال ، تزوجت مبارك بعد عناء وعناد من امه وقصتهم طويله بتعرفونها من احداث الروايه ان شاء الله ، م تشتغل وكل همها عايلتها تكون سعيده... حلوه مرره ، عيونها عسليه وواسعه ، فيها غمازه ع خدها اليمين مخليه ابتسامتها تجنن ، طولها وجسمها متناسقين مع بعض... عندها بنت "هند" عمرها 3 سنوات وتشبه امها مرره. اخت مبارك "ميثه" : عمرها 28 سنه ، تشتغل إدارة اعمال في وحده من شركات السلطنه ، تشبه امها ف كلللل شيي (الشخصيه والشككل والأطباع) ، مخطوبه من واحد يشتغل معها . اخت مبارك "قبس" >> آخر العنقود : عمرها 21 سنه ، تدرس طب مع بثينه ، وصديقتها مرره رغم فارق السن اللي بينهم ، اجتماعيه ومرحه وتحب الخير للكل بعكس امها واختها... حنطاويه ، قصيره شوي ، عيونها عسليه فاتحه ، شعرها اسود وطوييل ، وطبعا لازم تطلع جزء منه . ( وهذا تعريف بسيييط لهم، وبتعررفونهم من احداث الروايه ان شاء الله ) ************************************************** *************** يوم الثلاثاء... 7:06 ص... اللهم إني أرجو أن تحمي صديقي الذي أحب، أرسل لوجهه الابتسامة، ولقلبه الراحة، فأنا أحب صديقي فوق الحب حباً...... " كبرياء أنثى " . في مدرسة البنات الثانوية تحديدا ....................... دشت ساره للمدرسه وعلى طووول للشله ساره بصوت عالي : هلووووووووووووووووووووووو ووووو معين : افف افف انتي مب صوت عليج والله مرات اشك انج ولد ساره : جب جب اللي يسمعها يقول من رقتها وانوثتها بنت الشقا معين : ويييه الحمدلله أحلى من صوت الحمير فداء : ياربي منكن ... الناس تقول السلام عليكم صبحكم الله بالخير صباح الخير مب من الصبح ضرابه معين وكأنها تذكرت شي : ايييي بنات تخيلوا من شفت اليوم وانا جايه المدرسه ساره وفداء بفضول : منووووووووو معين بنذاله : كم تعطونيي يحيلوات ؟؟ ساره : نطقي لا اخليج تنطقين بطريقتي معين : كم بتعطوني قبل ؟؟؟ وانتي م عندج غير طريقتي وطريقتي ساره بتهديد : بتقولين ولا كيييييييف معين : خلص خلص بقول ... سمعوا ................................... ساره وفداء بصدمه : معقوله رجعت بعد اللي صااااار انتهى البارت .... أدري مره قصير بس ابي اشوف الردود وإن شاء الله بعدها بنزل البارت اللي بعده الاســـــــــــــــــــئـ ـــــــــــــــــــــــلـ ـــــــــــــــــــــــــ ـــة منو هي اللي رجععت ؟؟؟ وشنو اللي صااار ؟؟؟ اللي توقعاتها رح تكون صحيحه ، البارت الثاني إهداء لهااا . روابط الفصول الفصل الأول .... اعلاه الفصل الثاني .... بالأسفل الفصل 3، 4 نفس الصفحة الفصل 5، 6، 7 نفس الصفحة الفصل 8 الفصل 9، 10 التعديل الأخير تم بواسطة ebti ; 23-09-20 الساعة 11:42 PM | ||||
|
|
30-05-20, 04:13 PM
| #2 | ||||
| اشراف القسم 
|  اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ... للضرورة ارجو منكِ التفضل هنا لمعرفة قوانين المنتدى والتقيد بها https://www.rewity.com/forum/t285382.html كما ارجو منك التنبيه عندما تقومين بتنزيل الفصول على هذا الرابط https://www.rewity.com/forum/t313401.html رابط لطرح اي استفسار او ملاحظات لديك https://www.rewity.com/forum/t6466.html نرجو الإلتزام بحجم الفصل المطلوب ضمن القوانين 15 صفحة ورد وبحجم خط 18 واي موضوع له علاقة بروايتك يمكنك ارسال رسالة خاصة لاحدى المشرفات ... (rontii ، um soso ، كاردينيا73, rola2065 ، رغيدا ، **منى لطيفي (نصر الدين )** ، ebti ) اشراف وحي الاعضاء التعديل الأخير تم بواسطة كاردينيا الغوازي ; 16-07-20 الساعة 11:39 AM | ||||
|
|
|
31-05-20, 05:05 PM
| #3 | ||||
 
| احم احم وأخيراً الروايه الي كنت منتضرتها من لما قلتيلي اقراءها الروايه جدا جمييييله وربي ما كنت اتوقعها كذا حلوه الشخصيات منها بنات وشباب وحلو فيها الوصف توقعاتي والله.حاليناً مافي اي توقعات لان توها الروايه بلبدايه والبنت الي تكلمو عليها بلمدرسه .... ثاني شي اول مره بحياتي وعمري اقراء روايه عُمانيه ولا تجرأت اني افتح وحده منهم... جميل جداً لهجة عُمان ي زييينهم..... الروايه جميله جداً وانتضرك على احر من الجمر.... لو سمحتي متى موعد البارت .... | ||||
|
|
|
31-05-20, 05:19 PM
| #4 | ||||
| احم احم وأخيراً الروايه الي خليتيني اتحمس ونا منتضرتها جميييله جداً الاحداث والوصف البنات وشباب حلو انك قسمتيها الا عوائل جميله توقعاتي... والله حالياً مافي اي توقعات لان الروايه توها في البدايه والبنت الي كانو يتكلمو عليها بلمدرسه.... ولاول مره بحياتي وعمري اقراء روايه عُمانيه ولا عمري اتجرأت افتح وحده منهم جميله لهجة عُمان جداً عجبتني ي زييينهم.... الروايه ابداع ماشاء الله .. منتضرينك على احر من الجمر.... متى موعد البارت بليز | ||||
|
|
|
31-05-20, 07:47 PM
| #5 | |||||||||
| عضو ذهبي
| مبرووك روايتك الجديدة 😍حبيبتي باينة مشوقة ..اتمنى لك التوفيق بس سؤال هي ام محمد بعد مامات جوزها جوزوها بالغصب اخو جوزها من هو هو وهل جابت منه ولاد 🤔وهل هو عايش وهل اهل جوزها ناس اغنياء ولا بس مختار 🙄 | |||||||||
|
|
|
05-06-20, 06:13 PM
| #7 | |||||
| اقتباس:
وربي ردج الجميل اسعدنييي كثير وحفزني اني اكمل الله يكثر من امثالج يحيلوهه ي زيييينج انتي والله هههه ان شاء رح انزل ف كل اسبوع بارتين ... الجمعه والثلاثاء دمتي بخير حبيبتي اتشرفت فيج | |||||
|
|
|
05-06-20, 06:17 PM
| #8 | |||||
| اقتباس:
مررره اسدني تواجدك تسلم يمينك ع هذا الكلام الأكثر من رااائع بالنسبه للسؤال رح اوضحه في بداية البارت الثاني | |||||
|
|
|
05-06-20, 06:19 PM
| #9 | ||||
| السلام عليكم ورحمة الله وبركاته أعزائي في كل مكان أهلا وسهلا بكم من جديد في رواية "معجزة في قلبه" كيفكم ؟؟؟ السموحه على التأخير وقصر البارت السابق أتمنى إنه نال على إعجابكم أشكر كل وحده نورت بردها الجميل ، عسى اكون عند حسن ظنكم حبيباتي > ملكة الأنوثة ، زهروره < بالنسبه لأم محمد ، فقد متزوجه مره واحده من اللي هو سالم ولد عمها ... وجابت منه عياله هذول وبعدها توفى ورح تعرفون شلون من الاحداث ان شااء الله واليوم بنزل لكم البارت الثاني من روايتي وإن شاء الله اشوف ردود وتحفيز أكثر طبعا وعدتكم ان البارت يكون اهداء للي توقعها صحيح واللي توقعها زبط هي "بيان الحلوهه" وهذا البارت إهداء خاص لها وإهداء عام لجميع الحلوات يلا نبدأ ************************************************ الــــــــــــــــبــــــ ــــــ2ـــــــــــــارت سَأقولُ لكِ "أُحِبُّكِ".. حينَ تنتهي كلُّ لُغَاتِ العشق القديمَه فلا يبقى للعُشَّاقِ شيءٌ يقولونَهُ.. أو يفعلونَهْ.. عندئذ ستبدأ مُهِمَّتي في تغيير حجارة هذا العالمْ وفي تغيير هَنْدَسَتِهْ شجرةً بعد شَجَرَة وكوكباً بعد كوكبْ وقصيدةً بعد قصيدَة "الشاعر نزار قباني" يوم الثلاثاء... 7:06 ص... في مدرسة البنات الثانوية تحديدا.............. دشت ساره للمدرسه وعلى طووول للشله ساره بصوت عالي : هلووووووووووووووووووووووو ووووو معين : افف افف انتي مب صوت عليج والله مرات اشك انج ولد ساره : جب جب اللي يسمعها يقول من رقتها وانوثتها بنت الشقا معين : ويييه الحمدلله أحلى من صوت الحمير فداء : ياربي منكن ... الناس تقول السلام عليكم صبحكم الله بالخير صباح الخير مب من الصبح ضرابه معين وكأنها تذكرت شي : ايييي بنات تخيلوا من شفت اليوم وانا جايه المدرسه ساره وفداء بفضول : منووووووووو معين بنذاله : كم تعطونيي يحيلوات ؟؟ ساره : نطقي لا اخليج تنطقين بطريقتي معين : كم بتعطوني قبل ؟؟؟ وانتي م عندج غير طريقتي وطريقتي ساره بتهديد : بتقولين ولا كيييييييف معين : خلص خلص بقول ... سمعوا ، طبععا تذكرون مي هذيك اللي كانت بصفنا ف ثاني إعدادي "ثاني متوسط" ... ساره وفداء : اي نذكرها ليش؟ معين : وتذكرون انها طلعت من المدرسه وكانت حديث الساعه ف هذيك الفتره واختلفت الاقوال ع قولتهم ساره بنفاذ صبر : اي نذكر كملي معين : يا غبيه يا هبله يا حماره يا... ساره سحبت شعرها : من الغبيه والهبله والحماره معين : سارووه وربي لو م ابتعدتي عني لأعطيج بوكس م شفتي منه فحياتج ساره بصراخ : جااااااااوبييي معين : طيب طيب سمعي يالهبله اقصد يالحلوه ، اللي شفتها هي مي .... فهمتي؟ ساره وفداء بصدمه : معقوله رجعت بعد اللي صار !!! معين : هيه والله رجعت ... بنات وربي لااازم نصادقها ابي اعرف كلشي ساره : اكييييييييييييد لازم ( بشرح لكم اللي صار قبل سنتين بشكل مختصر وان شاء الله مع الأيام بتعرفون سبب كل اللي صار ) في الصف وفي حصة استاذه فوز "رياضيات" كالعاده البنات كل وحده وشلتها بعالم... اللي تغني واللي تسولف واللي نايمه واللي تحش واللي مصدعه من الحصه واللي شارده واللي منتبهه وهذا قليل طبعا <<< ذكرت المنتبهات لأني م حبيت اظلم الدافورات "الشطورات" ههههههههههه وفي نص الحصصه طااااخخ "طاحت مي مغمى عليها" الكل ركض صوبها بخوف والأستاذه تهزها بقوه بس م شي فايده الاستاذه بخوف : بناات روحوا نادوا احد بسررعه يله _وراحوا بسرعه ينادون المديره "النظيره" وبعد اقل من 5 دقايق وصلت_ المديره : شنوو صاير ي استاذه فوز الاستاذه : مدري والله ، انا اشرح وفجأة طاحت علينا المديره : لا حول ولا قوة الا بالله ، يله بنات ساعدوني نشيلها _شالوها البنات لغرفة الصحه الموجوده ف المدرسهه_ الممرضه بخوف : ايش فيهاا !!! ليش لونها صاير ازرق جيه وحده من البنات : م ندري فجأه طاحت وجبناها المديره : لوسمحتي فحصيها وخلينا نشوف شنو فيها من بلاوي الممرضه : ان شاء الله ، بس يله بنات تفضلوا ع الفصل البنات : طيب _ وراحوا البنات للفصل وكل وحده تخمن شنو فيها مي >> من جنس حواء م ينلامن هههههه _ بعد الفحصصصص الممرضه بوجه معفوس : والله مدري شقولج ي استاذه المديره تناظر فيها بخوف : تكلمي شنو فيها الممرضه : واضح معي ان البنت تتعاطى المديره : لاا إله إلا الله ، بنت بعمر الزهور وتتعاطى هذا السم !!! جسمها الصغير كيف يتحمل هذا السم كييييفف !!! الممرضه : الله يعيين ، لازم تتواصلي مع اهلها يجون ياخذونها للمستشفى لان الفحص هناك أدق ويقدروا يطلعونها من اللي هي فيه قبل فوات الأوان ان شاء الله المديره : ان شاء الله ، ومشكوره حبيبتي وياليت محد يعرف بهالموضوع الممرضه : ولو واجبي ، اكيد والله يستر من هذا الجيل _راحت المديره لمكتبها عشان تتصل بأهل مي وهي تدعي من قلبها لمي_ المديره : السلام عليكم .... : وعليكم السلام المديره : الفاضله ام مي ؟ .... : نعم المديره : معك مديرة مدرسة "...." ام مي : اهااا خير ان شاء الله المديره : خير خير ،اتصلت فيك اطلب منك تجي المدرسه شوي ولو يجي ابو مي معك يكون افضل ام مي : ابوها ف السجن ونحن منفصلين المديره : طيب من ولي أمرها ؟؟ ام مي : عمها المديره : تمام أجل تعالي انتي وعمها لو سمحتي ام مي : ان شاء الله ...... وسكرت الخط المديره : اوووف ايش هذا الاسلوب الله يعين _وصلوا ام مي وعمها للمدررسه، ودشوا غرفة المديره_ ام مي وعمها : السلام عليكم المديره : وعليكم السلام تفضلوا ام مي : انا ام مي وهذا عمها ، استدعيتينا للمدرسه تفضلي شنو صاير المديره : طيب تفضلوا وخلونا نتكلم بهدوء في موضوع يخص مي العم بعصبيه : احين جايين ووو وآخر شي جلسوا نتكلم بهدوء ... خلصي رجاء عندي شغل لحد راسي وماني فاضي لهالتفاهات المديره افف : طيب تفضل خلينا نتفاهم بعد م جلسوا ام مي : هاا قولي شنو صاير مع هالزفته ميوه ام المصايب المديره : والله الموضوع مرره حساس ومايصير نحله بهالعصبيه العم : قولي ونحن نعرف نحله بنفسنا المديره بحزم : انا مديره وانتوا في مدرستي وانا اللي احدد الطريقه اللي بيمشي عليها الموضوع فرجاء احترموا الأم والعم بسخريه : طيب ققولي المديره : اول شي ابي اعرف سبب الانفصال ثم سجن ابو مي اذا ممكن الام : م ممكن وهذي أمور خاصه المديره : طيب والله يفرج عنه العم : افف متى بتتفضلي وبتقولي الموضوع ؟ المديره : طيب دام كذا ، والله الزبده من الموضوع هو ان مي طاحت اليوم ف الفصل ، وبعد الفحص تبين انها وللأسف تتعاطى العم وقف بعصبيه : يبنت الكلب "وبصراخ: وينهاااااااااااااااا المديره وقفت : رجاء اهدا انت ف مدرسه العم : اقولج وينهااا نطقي المديره : انت اججلس وانا بروح اناديها العم : وتقول اجلس بعد اسمعي يبنت الناس ، اذا م جات الفاسقه الوصخه بعد دقيقتين صدقيني لأذبحها جدام عينج المديره : طيب طيب " وطلعت " العم وهو يناظر للأم : شبعتي يحور شبعتي !!! دمرتوا البنت لا بارك الله فحياتكم ام مي : لا تصرخ علي ولا تنسى ان اخوك هو السبب العم بصراخ : انتي وهو انتي وهو ولا تنكرييييييي ام مي : قصر صوتك يبدر بتفشلنا العم : لا بارك الله فيج ولا فبنتج ، "بسخريه: روحي روحي مع زوجج ولا تهتمي ام مي : ومنو قال اني بهتم !! "وهي تقلده: رااايحه مع زوجي العم : الله ياخذج انتي واياه ام مي : الله ياخذك انت وا خوك وبنت اخوك وتريحونا ، يلا تشاااو " وطلعت " وطلع بعدها عم مي وهو يصرخ : وييييينج يالوصخه ياللي م تربيتي عدل وحده من المعلمات : لوسمحت الأخ انت ف مدرسه فقصر صوتك العم : ابتعدييي انت بعد "وبصراخ اكثر : مييي تعاالي ونا اربيج "طبعا البنات كلهم اجتمعوا يشوفون منو هاللي يصرخ " جات المديره ع صوته : يأخ انت وين جاعد !!! ادخل داخل واحفظ ماي ويهك رجاء ، لا تخليني اتصرف تصرف م يعجبك العم بعصبيه : وييييينهاااااا المديره : ادخل داخل لو سمحت العم : انتي م تفهمين !!! طيب طيب الواضح انج م تفهمين بالكلام المديره : شنو بتسوي ؟؟ العم : انا اوريج " وراح يدور (يبحث) عن مي بكل غرفه يصادفها وهو يصرخ : وينج وينج يالكلبه ، المديره هنا وصلت حدها من تصرفاتهم وراحت تمشي معه تبي تشوفهه لوين بيوصل ، اما البنات والمعلمات فكانن منصدمات وكل وحده تخمن منهي اللي يدورون عليها وشنو اللي صاير " _دخل العم لغرفة الصحه وشاف مي_ رح اوصف لكم شكلها >>> ابي قلبكم يتقطع عليها مثل م تقطع قلبي " متكوره ع نفسها وتصييح (تبكي) ، وجهها ازرق ، وتعض اظافرها بقهر وعنف ، وعيونها الخضراء صارت سوداء م تدري بسبب الصياح ولا السم اللي بجسمها " دش عمها عليها وما رحم حالتها ابدد ، سحبها من شعرها بقوه عشان توقف ، وبعده عطاها كف و رجعت طاحت ع الارض وسحبها من شعرها بقووه اكبر وعطاها كف طيحها وكذا لحد م اغمى عليها المديره : حرررررام عليك بتقتل البنت والله حرام العم "بدر" : يااااارب تموووت وارتاح منهاا المديره : لا حول ولا قوة إلا بالله لا حوول ولا قوة إلا بالله ركضت الممرضه ع طول لمي المغمى عليها وكبت عليها ماي عشان تقوم وبعد دقايق قدرت ترد لوعيها العم : قومي لا بارك الله فيج ولا فأمج وأبوج مي بصياح : انتوا السبب انتوووا العم : امشي ولا ابي اسمع صوتج " وشدها من شعرها وطلع " مي : اخخخ يعوور العم : جبب ولا كلمه يالفاسقه مي : انتوا السبب والله انتوا ...ضيعتووونيي حرااام عليكم تعبت تعبت العم بصراخ : انكتميي لا اذبحج مي : اذذبحني اقتلني ريحني من العذاب اللي اعيشه العم : تبيني ادش السجن نفس ابوج مي : اخخخ من ابوي ، عمره م فكر فــ مي بنته ..وينه وييينه العم عطاها كف وقال : بتنكتمي ولا كيييف مي : تعبت وانا اكتم يعمي تعببببت ، كتمت وهذا اللي وصلت له ... لا ام ولا اب ،شسويي بحياتي شسوي خبرني!!!!!! العم م رد وضل شادها من شعرها لحد م وصل السياره ورماها بقوه وسكر البااب وتحرك اما بالنسبه للوضع ف المدرسه فكان كالتالي : اللي تبكي ع مي واللي تدعيلها واللي منقهره من عمها وتدعي عليه واللي تفكر وتخمن شنو صاير ( بوصف لكم شوي من مي : بيضاء ، وجهها صغير ، ملامحها دقيقه وطفوليه ، انف صغير ، فم صغير ووردي ، عيون كبار وخضرااااء " وهذا إهداء مني لصاحبات العيون الخضراااء >>> غمزه لبنت عمتي الحلوه هههه عيناكِ في برد انتظاري مدفأة و أنا حَروريٌ أحب المرجئة " الشاعرر عبدالله السفياني " ********************************************** خلونا نرجع لعند الشله الحلوه ههه فداء : والله كنت راحمتنها بقوووو مسكينه ساره : اي وربي هالبنت تقطع القلب بس ضروري نعرف شاللي صار معين : يبب فداء : افف منكم اشتغل عرق اللقافه تررررن ترررن فداء : و100 اففف من هالجرس معين : ههههههههه ساره : اي وربي ضيقه ، ياااهو شوفوا من جاي استاذه منى : يله بنات كل وحده ع طابورها _راحوا البنات بتأفف_ فداء : وهذي م عندها احد تنشب فيه غيرنا !!! معين : اتفق والله ، كأن ابوي مسلطها علي ساره : ههههههههههههههههههههههههه هه والله انكن تحفه معين : جعلج تضحكين بلا ضروس ساره : آآآآآآآآآآميييين وإياج يحيلوهه فداء : اقوووول صبايا ساره : قووولي يصبى معين : واي ضحكتيني ومالي خلق اضحك ساره : ترا هي قالت صبايا فقلتلها صبى ، شاللي يضحك معين : وشدخل صبى ف صبايا ساره : ليه ، مو صبى مفرد صبايا معين : ههههههههههههه وااااي يبقره ساره : محد البقره غيرج معين : انتي كم جايبه ف العربي يقلبي؟؟ ساره : جاي... قاطعتها فداء : انكتمن شوفوا منوه الغثى جايه صوبنا وييعع ساره ومعين بضحكه : والله محد يجيب راسج انتي الا هالمنى ناظرتهم فداء بتهديد وقالت : لا والله معين بخوف : لا لا نمزح ، انهز الجبل يممه ساره : هههههههه وااي الخوافه ، خلكن من منوه احين وخبروني شنو جدول اليوم معين : امممم ماكو فبالي شي فداء : شرايكم نششردد هههههههههه ساره : قسمممبالله فكره بطله مرررررا معين : لا بنات شنو نشرد لا لا اخاف فداء : اووهوو انتي بعد ساره : ليش الخوف يقلب ماما ؟؟؟ معين : افف طيب طيب بس وين بنروح ساره : امممم شرايكم نطلع وقت الفسحه "الاستراحه" ... ونروح للمقهى القريب من المدرسه ، نجعد فيه لحد م يخلص الدوام وبعدها نرجع فداء : اييي حلووو معين : اييي وشرايكم تتغدون معي بعدها ساره : امم انا ما عندي مانع ... شرايج فداء فداء : والله مددري ... لما بيخلص الدوام بدق ع امي من فون معين معين : طيب حلوو ، اجل من يخلص الدوام بتصل لأخوي يردنا البيت ساره : ماشي غير اخوج يعني؟؟؟ معين : لا ماشي وخل عنج هالمصاخه ساره : والله مو مصاخه بس م اطيقه معين : يااهووو بدت تغلط ع اخوي نور عيني ساره : جب يلا قالت نور عيوني قالت ، قططعع فداء : يقطع لسانج انتي وهي معين : اقووول فدووه تراج واايد واايد يعني زودتيهاا ساره : اي والله زودتها فداء : م فاضيه ولا برد معين باستهزاء : م فاضيه ولا تخافين من منوه ههههههههه ساره : قسمبالله صااادقه ههههههههههههههههههههههههه هه ناظرتهم فداء بنظرتها اللي تهز جبل ع قولة معين ههه وسكتوا *************************************** يوم الثلاثاء .... 9:53 ص .... في مستشفى الـــ" " تك تك تك <<< خلو بالكم ان هذا صوت الباب هههه محمد : تفضل ... : السلام عليكم دكتور محمد : وعليكم السلام دكتور راجح راجح : آسف اذا ازعجتك بس بصراحه تقدر تقول صاايره مصيبه محمد : خير ان شاء الله شنو صااير !! راجح : تذكر المريضه اللي جاتنا قبل شهرين ، عمرها ف العشرينات تقريبا محمد بتفكير : لا والله يدكتور راجح م اتذكر ، تدري ماشاءالله في اليوم يجونا خمس حالات وأكثر ...شلون تبيني اتذكر مال شهرين راجح : انا متأكد انك تتذكرها ، دكتور هذي المريضه اللي قالوا اهلها انها من وهي فعمر الــ15 وهي منعزله وفجأه تبكي وتضم نفسها وتكره جنس الرجال كره واعت... قاطعه محمد : اي اي تذكرتهاا ، خيير شو فيها ؟؟؟ راجح : والله يدكتوور جايبينها اهلها اليوم بسبب انها حاولت تنتحرر للمره 17 تخيل !!! محمد : ياااربي راجح : واحين جالسه تصصرخ وقبل شوي طعنت وحده من الممرضات محمد بصدمه : انت شو تقوووول !!! راجح : للأسف هذا اللي صار والله محمد : وكيف الممرضه احين؟ راجح : الحمدلله الجرح كان بسيط ، بس خايفين تسوي أكثر محمد : طيب اسمعني دكتور ... حول هذي الحاله ليي ، انا بعالجها وبهتم فيها وياليت تلغي كل الحالات اللي معي وتسلمهم لدكتور آخر راجح : ان شاء الله " وطلع وراح يسوي اللي طلبه منه محمد ، اما محمد فجعد يفكر بموضوع هذي المريضه واتحدى نفسه انه يعرف كلشي عنها ويساعدها " ******************************************** يوم الثلاثاء.... 12:00 م في شركة الـــ" " الخاصه بحامد (ابو مبارك) وولده مبارك وفي وقت البريك بالضبط ... " جاعد مبارك مع رفيجه صلاح ف الكوفي " مبارك : صلاح بالله متى ناوي تتزوج وتنسى تجربتك الأولى ، يخوي تزوج وخذلك وحده تونسك وتنسيك طليقتك وسواياها صلاح : اووهوو وجات امي مبارك : اكلمك بجد صلاح مسخره : اييي سوري والله عبالي تكلمني بجده مبارك : هيهي م تضحك صلاح : و احد قالك تضحك !! مبارك : صلاحوه يالورع بليز تكلم ولووو مره بس بجديه صلاح : طيب طيب ، اسمع انا سالفة الزواج شاايلها من بالي نهاائيا من بعد هذيك الله لا يبارك فحياتها مبارك : اوكي م قلت شي جديد كمل صلاح : شنو ابي بالصدااع وعوار الراس مره ثانيه خبرني ؟؟ مبارك : ومنو قال ان الزواج عوار راس !! بالعكس تلقى وحده تهتم فيك وترعاك وما عندها غييرك بهالدنيا ، تجيي تعبان وتروقك ، متضايق وتوسع خاطرك ... شنو عوار راس يخووي صلاح : اسمع روميوو ترا لعلمك مب كل الزوجات نفس زوجتك الله يخليكم لبعض ، في زوجات الحمدلله والشكر جيتها تععبان تتعبك اكثر وتضايقك وتكدر خاطرك "وبألم : تتعب عشانها وتراضيها اذا زعلت وبعدها تخونك مبارك : شوف انت شفت وحده فلا تحكم على كثير يخوي صلاح : يصير خير وربك كريم مبارك : نصيحتيي لك تتزوج ، ماشاءالله ماكو شي ناقصنك مال وجمال تف تف اللهم لا حسد صلاح : هههههههههههههههههههههه اي زين تفلت اذكر ان عينك حممرا مبارك : مااالت عليك وعاللي يمدحك بهالويه صلاح : هههههههههههههه اي والله مالت عليك مبارك : اقول ترا جيعان حدي ، قم اطلبلنا شي نسد به هالجوع وقام صلاح : تآمر أمر من عيووني يبو هنووده " وراح يطلب " مبارك : الله يسعدك يصلاح وتلقى بنت الحلال اللي تنسيك الكون ومافيه " وكأنه تذكر شي : اووه فديت ام بنتي اقوم اتصل بيها اشوف احوالها احسن _ودق على وسن جعد يكلمها ويتطمن عليها لحد م رجع صلاح_ ************************************** انــــــــتــــــــــهـــ ـــــــــى الــــــــبـــــــــارت هالمره دلعتكم وطولته كثير وبدون قفلات بعد هههه >>> مذله لاه اتمنى اشوف ردوودكم الحلوه بإذن الله البارت الــ3 رح انزله يوم الثلاثاء دمتم بخير أحبتي. التعديل الأخير تم بواسطة ebti ; 09-06-20 الساعة 07:12 PM | ||||
|
|
|
06-06-20, 02:10 AM
| #10 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر 
| السلام عليكم ورحمة الله وبركاته مبــارك روايتـ? الأولى أتمنـى لك التوفيـق وأن تجـدي الدعم وتحققـي النجـاح اللـي تتمنيـه .. | ||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
